*, ,BRGYA BZHI'I CHO GA JI LTAR BYA BA'I TSUL PHAN BDE'I 'BYUNG GNAS CES BYA BA BZHUGS SO, ,
, ,BKA' DRIN GSUM LDAN RTZA BA'I BLA MA DANG, ,DBYER MED SH'AKYA'I RGYAL PO'I ZHABS BTUD NAS, ,BDUD BZHI'I GA-YUL LAS RNAM PAR RGYAL BA'I PHYIR, ,DAM PA RNAMS KYI PHYAG LEN JI LTA BAR, ,BRGYA PHRAG BZHI YI CHO GA BSTAN PAR BYA, ,SNGON GYI DUS NA LHA'I DBANG PO BRGYA BYIN BSNYUN NAD KYIS ZIN PA'I TSE BCOM LDAN 'DAS KYIS BDUD BZHI'I NAD KYIS ZIN PAR DGONGS NAS, DE'I CHED DU 'CHI BDAG GI BDUD SEL BA LA, SROG GI NGAR GLUD BRGYA, NYON MONGS PA'I BDUD SEL BA LA SNANG GSAL MAR ME BRGYA, LHA'I BU'I BDUD SEL BA LA LHA BSHOS BRGYA, PHUNG PO'I BDUD SEL BA LA MCHOD RTEN BRGYA STE, BRGYA RTZA BZHI MDZAD PAS, LHA'I DBANG PO BSNYUN NAD LAS GROL LO, ,DE LA DANG PO MAndAL PADMA 'DAB BRGYAD BRIS LA DE'I DBUS SU DE BZHIN
, ,GSHEGS PA'I PHYAG GA-YAS PA BRIS PA'I MTHE'U CHUNG LA LHA BDUD DKAR PO, SRIN LAG LA NYON MONGS PA'I BDUD DMAR PO, GUNG MO LA 'CHI BDAG GI BDUD NAG PO, MDZUB MO LA PHUNG PO'I BDUD SER PO'I GZUGS BRNYAN RNAMS DGOD, PHYAG GI MTHIL DU NANG PA'I GLUNG LA GOS DANG BRGYAN BTAGS NAS BKOD DO, ,DE'I MTHA' NAS TSA TSA BRGYAS BSKOR, DE'I PHYI RIM LA MAR ME BRGYA, DE'I PHYI RIM LA NGAR GLUD BRGYA, ,DE'I PHYI RIM LA LHA BSHOS BRGYA, DE'I PHYI RIM LA YON CHAB LA SOGS DKON MCHOG GI MCHOD PA BZANG PO BSHAM MO, ,DE NAS RANG YI DAM DU GSAL BA'I SNYING KHA'I SA BON LAS 'OD ZER 'PHROS, MDUN DU DKON MCHOG GSUM DANG BLA MA YI DAM MKHA' 'GRO CHOS SKYONG SPYAN DRANGS SHING, BDUN RNAM DAG DANG MCHOD PA CI RIGS PA DBUL LO, ,DE'I RJES SU TSA TSA'I RAB GNAS GZHUNG BZHIN DU BYAS LA MCHOD BSTOD SHIS BRJOD RNAMS BYA'O, ,DE NAS BYANG CHUB KYI SEMS DANG LDAN PA'I SGO NAS, RANG LHAR GSAL
BA'I THUGS KA'I SA BON LAS 'OD ZER LCAGS KYU LTA BU 'PHROS, BDUD BZHI 'KHOR DANG BCAS PA DANG, GNOD BYED THAMS CAD MDUN DU THIBS KYIS BYON PAR BSAM MO, ,KYEE 'CHI BDAG BDUD DANG PHUNG PO'I BDUD, ,NYON MONGS BDUD DANG LHA BU'I BDUD, ,BDUD BZHI BDUD KYI DMAG DPUNG TSOGS, ,SNGON TSE LHA DBANG BRGYA BYIN LA, ,'CHI BDAG NAG PO'I BDUD KYIS ZIN, ,BDUD BZHI SEL BA'I DON SLAD DU, ,BCOM LDAN RGYAL BA SH'AKA THUB KYIS, ,MCHOD SBYIN BRGYA BZHI'I RDZAS BSAGS TE, ,BRGYA BZHI SBYIN PAR BTANG BA YIS, ,LHA DBANG BRGYA BYIN BSNYUN LAS THAR, ,DA LTA RGYU SBYOR YON BDAG GI ,MO NGAN RMI LAM NGAN PA DANG, ,'BYUNG PO BDUD KYIS MOS PA DANG, ,RTZIS DPYAD NGAN PA BZLOG SLAD DU, ,CHOS SBYIN BRGYA BZHI'I RDZAS BSAGS TE, ,'BYUNG PO BDUD BZHI SPYAN 'DREN NA, ,YUD TZAM GYIS NI GNAS 'DIR GSHEGS, ,PHYAG SER BZHI YI RTZA LA BZHUGS, CES BRJOD PAS, RANG RANG GI GZUGS LA GNYIS SU MED PAR THIMS PAR BSAM MO, ,DE NAS GTOR MA BRGYA RTZA GCIG GNOD BYED 'BA' ZHIG LA BSNGO BAR BYA'O, ,SNGAGS 'DI NYER GCIG BZLAS, NA MA: SA MANTA BUD DH'A N'Am, NA MA: SARBA TA TH'A GA TA, AA BA LO KI TE, SAMBHA RA SAMBHA H'Um, NGAR GLUD BRGYA PO PHUNG KHAMS SKYE MCHED DU BYIN GYIS
, ,BRLABS NAS, 'CHI BDAG GI BDUD LA BYIN PAS, NAD PA DE DANG GLUD BRJES PAR BSAMS SHING, BKA' BSGO BAR BSAMS LA, LAN CHAGS DANG SHA 'KHON BYANG ZHING, BU LON KHYER BAR BSNGO'O, ,MAR ME BRGYA PO DE GZUNGS NYER GCIG GIS MCHOD PA'I LHA MOR BYIN GYIS BRLABS NAS MA RIG PA'I MUN PA SEL ZHING, NYON MONGS PA'I GDUG RTZUB ZHI BAR BSNGO'O, ,LHA BSHOS BRGYA PO DE LHA'I BU'I BDUD LA BYIN NAS, BGEGS RIGS STONG PHRAG BRGYAD CU, GDON RIGS SUM BRGYA DRUG CU, GLO BUR YE 'BROG BDUN BRGYA NYI SHU, NAD RIGS BZHI BRGYA RTZA BZHI LA BSNGO'O, ,TSA TSA BRGYA PO DE PHUNG PO'I BDUD LA BYIN NAS, GLO BUR DU 'CHI BA'I BAR CHAD ZHI BAR BSNGO'O, ,DE NAS 'DI SKAD DO, ,KYE LHA BDUD DKAR PO BYA BA KHYOD, ,SHES BYA'I SGRIB PA DAG LAS BYUNG, ,DE RING RGYU SBYOR YON BDAG GI , MCHOD SBYIN BRGYA BZHI'I GLUD 'DI LONGS, ,GLUD 'DI LONGS LA NAD 'DI PHROL, ,NAD 'DI PHROL LA GDON 'DI BZLOG ,GDON 'DI BZLOG LA TSE 'DI SRINGS, ,TSE 'DI BSRINGS LA GLUD 'DI LONGS, ,NAD PHROL GDON BZLOG TSE SRINGS SHIG ,CES BRJOD NAS GLUD DOR, KYEE NYON MONGS BDUD NI DMAR PO KHYOD, ,DUG LNGA'I SGRIB PA DAG LAS BYUNG, ,DE RING ZHES SOGS GONG LTAR BRJOD NAS BKA' BSGO'O, ,KYE 'CHI
BDAG BDUD NI NAG PO KHYOD, ,LAS KYI SGRIB PA DAG LAS BYUNG, ,DE RING RGYU SBYOR YON BDAG GI ,MCHOD SBYIN BRGYA BZHI'I GLUD 'DI LONGS, ,GLUD 'DI LONGS LA NAD 'DI PHROL, ,NAD 'DI PHROL LA GDON 'DI BZLOG ,GDON 'DI BZLOG LA TSE 'DI SRINGS, ,TSE 'DI BSRINGS LA GLUD 'DI LONGS, ,NAD PHROL GDON BZLOG TSE SRINGS SHIG ,CES BRJOD NAS GLUD DOR, KYE PHUNG PO'I BDUD NI SER PO KHYOD, ,BAG CHAGS SGRIB PA DAG LAS BYUNG, ,DA LTA RGYU SBYOR YON BDAG GI ,SGRIB PA RNAM BZHI SBYANG BA'I PHYIR, ,MCHOD DANG SBYIN PA'I LAS BGYIS NAS, ,MCHOD PA BZHI NI DKON MCHOG GSUM, ,MCHOD YON MAR ME ZHAL ZAS SOGS, ,BSOD NAMS YE SHES TSOGS BSAGS TE, ,NYON MONGS SGRIB DANG SHES BYA'I SGRIB, ,SGRIB PA RNAM GNYIS SBYANGS PA YI, ,LHA BDUD NYON MONGS BDUD LAS THAR, ,LAN CHAGS SROG GLUD 'DI BSNGOS PAS, ,LAN CHAGS RNAM SMIN BDUD LAS THAR, ,SNGON TSE RGYAL BA'I BYIN RLABS DANG, , MCHOD SBYIN GTOR TSOGS 'DI BSNGOS PAS, ,DA LTA RGYU SBYOR YON BDAG GI ,BAR CHOD MI MTHUN RKYEN RNAMS BZLOG ,GRIB DANG MI GTZANG DRI MA'I TSOGS, ,TSOGS GNYIS BSAGS PAS DAG PAR BYED, ,BDUD KYI GTZO BO BDUD CHEN BZHI'I, ,BAR CHOD SEL BYED BRGYA BZHI STE, ,MCHOD SBYIN GTOR MA 'DI SBYIN PAS, ,BDUD CHEN BZHI PO RAB TU SEL, ,DAR GYI GTZO BO 'DUS PA BZHI, ,'BYUNG BA RNAM BZHI 'KHRUGS PA YIS, ,GZUGS DANG PHUNG PO 'JIG PAR BYED, ,
, ,DANG PO TSANGS PA GNAS KYI SO, ,BGEGS KYI GTZO BO BDUD CHEN BZHI, ,BAR CHOD RKYEN RNAMS GLO BUR BYED, ,DE DAG MCHOD SBYIN BRGYA BZHI YI, ,CHO GAS GNOD BYED SEL BAR BYED, ,'GRO BA RAB 'BRING THA MA'I BLOS, , GTOR MA'I GZUGS CAN TING 'DZIN GYIS, ,BSAGS SHING BYIN GYIS BRLABS NAS SU, ,BDUD CHEN BZHI LA BSNGOS NAS NI, ,MGU BA'I TSUL GYIS DGYES PAR MDZOD, ,SNGON TSE RGYAL BA SH'AKA THUB KYI, ,MCHOG SBYIN PHYAG RGYA GA-YAS PA RU, ,MCHOD SBYIN BRGYA BZHI'I RDZAS BSAGS TE, ,PHYAG SOR RTZE MOR MGRON BKUG NAS, ,BDUD BZHI MCHOD DE MDANGS DANG LDAN, ,SNGON TSE RGYAL BA'I BYIN RLABS DANG, ,DA LTA BDAG DANG YON BDAG GI ,MCHOD SBYIN GLUD GTOR 'DI KHYER LA, ,RANG RANG 'DUG PA'I GNAS SU DENGS, ,LHA BDUD DKAR PO BYA BA KHYOD, ,CI YANG MED PA'I GNAS SU DENGS, ,'CHI BDAG BDUD NI NAG PO KHYOD, ,NAM MKHA' MTHA' YAS GNAS SU DENGS, ,NYON MONGS BDUD NI DMAR PO KHYOD, ,RNAM SHES MTHA' YAS GNAS SU DENGS, ,PHUNG PO'I BDUD NI SER PO KHYOD, ,YOD MIN MED MIN GNAS SU DENGS, ,NYON MONGS SGRIB DANG BAG CHAGS SGRIB, ,LAS KYI SGRIB DANG SHES BYA'I SGRIB, , SGRIB PA BZHI LAS BYUNG BA YI, ,LHA BU'I BDUD DANG NYON MONGS BDUD, ,'CHI BDAG BDUD DANG PHUNG PO'I BDUD, ,BDUD BZHI BDUD KYI RGYAL PO BZHI, ,SKYE MCHED RIGS BZHI'I GNAS SU DENGS, CES BRJOD, DE NAS GSHEGS SU
GSOL BA NI, ,LHA BDUD DKAR PO NGAR GLUD NYI SHU, LHA BSHOS NYI SHU DANG BCAS PA SHAR DU GTONG, PHUNG PO'I BDUD SER PO NGAR GLUD NYI SHU, LHA BSHOS NYI SHU DANG BCAS PA LHO RU GTONG, 'CHI BDAG GI BDUD NAG PO NGAR GLUD NYI SHU, LHA BSHOS NYI SHU DANG BCAS PA NUB TU GTONG, NYON MONGS PA'I BDUD DMAR PO NGAR GLUD NYI SHU, LHA BSHOS NYI SHU RANG BCAS PA BYANG DU GTONG, YON BDAG GI GLUD DANG NGAR GLUD NYI SHU LHA BSHOS NYI SHU DANG BCAS PA GDON GNOD PA'I SA 'AM, THE TSOM ZA BA'I GNAS SU GTONG, ZHES SO SO'I GNAS SU BSKYAL NAS, 'DI LTAR, BDUD BZHI 'KHOR DANG BCAS PA DANG, ,GNOD PAR BYED PA'I GDON BGEGS RNAMS, ,RANG RANG SO SO'I GNAS SONG STE, ,BYAMS PA'I SEMS DANG LDAN PAR GYIS, ,ZHES BRGYA BZHI'I CHO GA JI LTAR BYA BA'I TSUL PHAN BDE'I 'BYUNG GNAS CES BYA BA 'DI YANG, SNGA RABS PA RNAMS KYI NGAG RGYUN LTAR, SH'AKYA'I DGE SLONG BLO BZANG CHOS KYI RGYAL MTSAN GYIS BKOD PA'O, , MANGGA LAm,, ,,*, ,AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL,, ,,SARBA DZA GA TAm,, ,,