*, ,KHA 'BAR GTOR CHEN GYI CHOG NGAG 'DON GYI RIM PA PHYOGS GCIG TU BSGRIGS PA BZHUGS,,
, ,NA MO GU RU MANYDZU GHO sh'A YA, DRAN PA TZAM GYIS GDUNG BA KUN SEL BA'I, ,STON MCHOG BLA NA MED PA'I ZHABS GTUD NAS, ,DE YI LEGS GSUNGS GZI BRJID RGYAL MO YI, ,GZUNGS MCHOG MCHOD SBYIN LAG LEN RIM PA BSHAD, ,'DIR KHA 'BAR MA'I GTOR CHEN BYA BAR 'DOD PAS, MCHOD GTOR DAR MI SOGS CHO GA RGYAS PA LTAR PHYAG LEN BZHIN DU GSHAMS TE, SKYABS 'GRO SEMS BSKYED TSAD MED BZHI SGOM PA SOGS SNGON DU BTANG NAS, SVA BH'A WAS STONG PAR SBYANGS, DE NAS RANG DANG MDUN GYI GNAS SU SNA TSOGS PADMA 'DAB MA RIM PA GSUM PA LTE BA DANG BCAS PA, LTE BA'I STENG KHAR ZLA BA'I DKYIL 'KHOR RE RE, DE LTAR BDAG GI DE KHO NA NYID DON DAM PAR SPROS PA
, ,THAMS CAD DANG BRAL BA JI LTAR YIN PA DE BZHIN DU, LHA'I DE KHO NA NYID KYANG DE BZHIN YIN PAS, DE GNYIS CHU DANG 'O MA 'DRES PA BZHIN DU DAM POR MI RTOG PA'I SNANG BA'I SGO DE NYID DU, BDAG DANG LHA'I DE KHO NA NYID DBYER MI PHYED PAR GYUR, STONG PA'I NGANG LAS AOm MU NE MU NE MAH'A MU NA YE SV'AH'A, ZHES PA'I SNGAGS KYI GDANGS KYI RNAM PA NAM MKHA' LA GRAG PAR GYUR, BDAG DANG LHA'I DE KHO NA NYID DBYER MI PHYED PA'I RNAM PA CAN GYI RANG GI SEMS ZLA BA'I DKYIL 'KHOR DU GYUR PA'I STENG DU, SNGAGS KYI GDANGS KYI RNAM PA NAM MKHA' LA GRAG PA DE SHIN TU DAG PA'I DNGUL CHU GSER GYI PHYE MA LA ZHEN PA LTAR, YIG 'BRU BRIS PA'I RNAM PA CAN DU 'KHOD PA YONGS SU GYUR PA LAS, BDUD RTZIS GANG BA'I LHUNG BZED KYI STENG DU AOm MU NE MU NE MAH'A MU NA YE SV'AH'A, ZHES PAS MTSAN PAR GYUR, ZLA BA PHYAG MTSAN SNGAGS DANG BCAS PA LAS 'OD ZER SNA TSOGS PA BYUNG BA'I RTZE MO LA, SH'AKYA'I RGYAL PO'I LHA'I
GZUGS DPAG TU MED PA BYUNG NAS NAM MKHA'I DBYINGS THAMS CAD KHYAB PAR BYAS, RGYAL BA THAMS CAD LA MCHOD PA'I SPRIN CHEN PO SPRUL PAS LEGS PAR MCHOD, GZHAN YANG SPRIN CHEN PO SPRUL PA LAS BDUD RTZI'I CHAR RGYUN BABS PAS, DMYAL BA LA SOGS PA'I 'GRO BA THAMS CAD KYI, SDUG BSNGAL GYI ME RNAMS ZHI ZHING, DE RNAMS TSIM PAR BYAS NAS, LHA'I SKU DANG BCAS PA'I 'OD ZER SLAR LOG ,RANG GI SEMS ZLA BA'I DKYIL 'KHOR DANG, PHYAG MTSAN SNGAGS DANG BCAS PA LA ZHUGS PA LAS, BDAG MDUN GYI LHA RNAMS DUS GCIG TU GRUB PA NI, DBUS SU BCOM LDAN 'DAS SH'AKYA THUB PA SKU MDOG GSER BTZO MA LTA BU, ZHES PA NAS, RDO RJE'I SKYIL MO KRUNG GIS BZHUGS PA, RIM PA DANG PO'I 'DAB MA LA NYE BA'I SRAS BRGYAD, RIM PA GNYIS PA LA NYAN THOS BCU DRUG ,GSUM PA LA RANG RGYAL SO GNYIS, PHYI ROL DU 'JIG RTEN SKYONG BA BZHI DANG, PHYOGS SKYONG BCU 'KHOR DANG BCAS PA THAMS CAD KYI, SPYI BOR AOm LAS 'KHOR LO AOm GYIS MTSAN PA, MGRIN PAR A'A: LAS PADMA A'A: SA MTSAN PA, THUGS KAR H'Um LAS RDO RJE H'Um GIS MTSAN PAR GYUR, AOm SARBBA TA TH'A GA TA AUD BHA WA YE SV'AH'A, DE NAS ROL MO DBYANGS DANG BCAS PAS, H'Um; PHYOGS BCU'I 'JIG RTEN KHAMS BZHUGS PA'I, ,SANGS RGYAS BYANG CHUB SEMS DPA' DANG, ,'PHAGS
, ,PA NYAN THOS RANG RGYAL RNAMS, ,MCHOD PA'I GNAS 'DIR GSHEGS SU GSOL, ,TSANGS PA DANG NI BRGYA BYIN DANG, ,RGYAL PO CHEN PO SDE BZHI DANG, ,'JIG RTEN SKYONG BA RNAM PA BCU, ,'KHOR BCAS MCHOD SBYIN GNAS 'DIR BYON, ,LHA KLU GNOD SBYIN 'BYUNG PO DANG, ,NAM MKHA' LDING DANG DRI ZA DANG, ,RLUNG LHA DANG NI LUS SRUL PO, ,GSHIN RJE 'JIGS DANG SRIN PO DANG, ,MKHA' 'GRO DANG NI RO LANGS DANG, ,LTO 'PHYE CHE DANG GRUL BUM DANG, ,GZA' DANG RGYU SKAR MKHA' RGYU DANG, ,GDON RIGS STONG PHRAG BRGYAD CU RNAMS, ,BDE BAR GSHEGS PA'I BKA' NYON LA, ,MCHOD SBYIN GNAS 'DIR MYUR DU BYON, ,BDAG GIS DGA' STON CHER BGYID KYI, ,ZHI BA'I SEMS KYIS 'KHOD PAR GYIS, ZHES PAS SPYAN DRANGS MCHOD PA BYA SPYOD BZHIN DU BYIN GYIS BRLABS TE, YAN LAG BDUN PA RGYAS BSDUS CI RIGS PA PHUL, THUB DBANG GI BSTOD PA GANG SHES KYIS BSTOD, BZLAS PA CI GRUB BYAS LA GTOR MA PHUL, SKABS 'DIR CHA GSUM DANG BRGYA RTZA SOGS KYANG GTONG, DE NAS GLUD GZUGS, SVA BH'A WAS STONG PAR SBYANGS, STONG PA'I NGANG LAS PREm LAS YI DVAGS KYI RGYAL MO KHA LA ME 'BAR MA MDOG MI SDUG CING 'JIGS SU RUNG BA, KHA CHER GDANGS SHING MCHE BA GTZIGS NAS, KHA RLANGS KYIS NAD DANG DAL YAMS SPRIN LTAR GTIBS PA, MIG DMAR ZHING
SKRA 'DZINGS PA, LTO BA RDZING BU LTAR CHE BA, YAN LAG SHIN TU PHRA ZHING, SBAR MO RAB TU GDANGS NAS SKYE 'GRO'I SROG LA RNGAMS PA'I TSUL GYIS, NAD BDAG RIMS BDAG LA SOGS PA'I 'BYUNG PO BYE BA'I 'KHOR DANG BCAS PAR GYUR; BHYO: 'DI NAS BYANG GI PHYOGS ROL NA, ,RI RAB CHEN PO'I BYANG PHYOGS KYI, ,GLING BAR MUN PA'I 'JIG RTEN NA, ,BA TSVA TSA SKO'I 'GRAM PHUG GI ,BGEGS KYI RGYAL MO GSHEGS SU GSOL, ,SNGON TSE THUB PA'I SPYAN SNGAR DAM BCAS PAR, ,DAM LAS MA 'DA' MCHOD GTOR 'DI SNOMS LA, ,JI SRID GRUB PAR BDAG GIS KHYED MCHOD PAS, ,DE SRID BCOL BA'I 'PHRIN LAS BSGRUB PAR MDZOD, PREm YAm DZA: AAm KU SHA DZA: DZA: H'Um BAm HO: ZHES PAS GZUGS DE LA GNYIS SU MED PAR BSTIMS LA, MCHOD PA RNAM PA LNGAS MCHOD RAm LAS ME 'BAR BA'I GUR GYI NANG DU CHUD PAR BSGOM, DE NAS RANG NYID, BSTAN PA'I BDAG PO'I NGA RGYAL LA GNAS PAS, GTOR MA BYIN GYIS BRLABS LA, NA MA: SA MANTA BUDDHA NAm, NA MA: SARBBA TA TH'A GA TA AA BA LO KI TE AOm SAMBHA RA SAMBHA RA H'Um, ZHES PAS BSNGOS LA, DE BZHIN GSHEGS PA BZHI'I MTSAN BRJOD PAS, 'DI LTAR SANGS RGYAS BCOM LDAN 'DAS RNAMS NI RANG BZHIN GNYIS SU MED CING, THA MI DAD PA DANG, RNAM PA THAMS CAD MKHYEN CING GZIGS PA DANG, BSNYEMS PA DANG SGRIB PA THAMS CAD DANG BRAL BA DANG, BDUD DANG PHAS KYI RGOL BA THAMS CAD RAB TU 'PHAM PAR BYAS
, ,TE; SEMS CAN THAMS CAD 'KHOR BA'I RGYA MTSO LAS SGROL BA'I GRU DANG GZINGS LTA BUR GYUR PA'I BDEN PA DANG, BCOM LDAN 'DAS KYIS LEGS PAR GSUNGS PA'I CHOS NI THOG MAR DGE BA, BAR DU DGE BA, THA MAR DGE ZHING NYON MONGS PA THAMS CAD RNAM PAR 'JOMS PA'I x, GZHAN YANG GSANG SNGAGS DANG RIG SNGAGS DANG, GZUGS SNGAGS DANG, SNYING PO DANG, PHYAG RGYA DANG, TING NGE 'DZIN GYI BDEN PA DANG, PHA ROL GYI DPUNG RAB TU 'JOMS PA LAG NA RDO RJE'I x, SEMS CAN LA BRTZE BA DANG LDAN PA SPYAN RAS GZIGS DBANG PHYUG GI x, MA RIG PA'I LING THOG THAMS CAD SEL BA 'JAM DPAL GYI x, DNGOS POR 'DZIN PA'I RTZA BA THAMS CAD GCOD PA NAM MKHA'I SNYING PO'I x, SEMS CAN THAMS CAD KYI DBUL BA THAMS CAD SEL BA SA'I SNYING PO'I x, 'GRO BA MTHA' DAG GI RAB RIB DANG BRAL BAR BYED PA SGRIB PA RNAM PAR SEL BA'I x, 'DRI BA DANG LAN 'DON PA LA MKHAS SHING NYON MONGS PA MED PA RNAMS KYI MCHOG RAB 'BYOR GYI x, TSANGS PAR SPYOD PA SHIN TU RNAM PAR DAG PA DANG SKYOB PA'I MCHOG KUN SHES KO'U DE N+YA'I x, SBYANGS PA'I YON TAN DANG CHOG SHES PA RNAMS KYI MCHOG 'OD SRUNGS KYI x, SHES RAB DANG LDAN ZHING PHUL DU BYUNG BA RNAMS KYI MCHOG SH'A RI'I BU'I x, RDZU 'PHRUL DANG LDAN PA RNAMS KYI MCHOG MO'U 'GAL GYI BU'I x,
LHA'I MIG DANG LDAN PA RNAMS KYI MCHOG MA 'GAGS PA'I x, MANG DU THOS PA RNAMS KYI MCHOG KUN DGA' BO'I x, 'DUL BA 'DZIN PA RNAMS KYI MCHOG NYE BA 'KHOR GYI x, CHOS SMRA BA'I GTAM LA 'JIGS PA MED PA RNAMS KYI MCHOG KA TYA YA NA'I x, 'DOD PA NYUNG BA DANG CHOG SHES PA RNAMS KYI MCHOG BA KU LA'I x, RGYAL PO DAD PAR BYED PA RNAMS KYI MCHOG RTA THUL GYI x, LHA DANG MI RNAMS KYI MCHOD PA'I MCHOG MING CAN GYI x, BDAG GI BSAM PA RNAM PAR DAG PA'I BDEN PA DANG, CHOS KYI DBYINGS RNAM PAR DAG PA'I BYIN RLABS KYIS GNOD BYED LA SOGS PA KHYED RNAMS KYIS BDAG LA GNOD PA CI YANG MA BYED CIG ,GAL TE GNOD PAR GYUR NA BDE BAR GSHEGS PA'I BKA' LAS 'DAS PAS NGAN SONG DU SKYE BAR 'GYUR RO, ,ZHES BRJOD LA GTOR MA ZANGS GZHONG DU BLUG LA ROL MO'I SGRA BYA'O, ,YANG NA, SANGS RGYAS KYI BDEN PA DANG, CHOS KYI BDEN PA DANG, DGE 'DUN GYI BDEN PA DANG, BDAG GI BSAM PA RNAM PAR DAG PA'I BDEN PA'I STOBS KYIS, CHE GE MO LA BYANG CHUB SNYING PO LA MCHIS KYI BAR DU NAD KYI RIGS SU GYUR PA RLUNG MKHRIS BAD KAN GSUM DANG, GDON GYI RIGS SU GYUR PA STONG PHRAG BRGYAD CU DANG, GZHAN YANG KHA SMAS DANG KHA MCHU DANG, GLO BUR GYI YE 'BROG RNAMS DANG, RMI LAM NGAN PA DANG, LTAS NGAN PA, MTSAN MA NGAN PA, DUS MA YIN PAR 'CHI BA LA SOGS PA MI MTHUN PA'I PHYOGS THAMS
, ,CAD ZHI BAR MDZAD DU GSOL, DGE BA'I PHYOGS NAD MED CING TSE RING BA DANG, DPAL DANG GZI BRJID DANG, 'BYOR PA PHUN SUM TSOGS PA DANG, SANGS RGYAS KYI BSTAN PA LA SOGS PA RGYAS PAR MDZAD DU GSOL, KHYAD PAR DU YANG CHE GE MO'I NAD DANG GDON LA SOGS PA MING 'DI ZHES BGYI BA ZHI BA DANG, LO BRGYA THUB, STON BRGYA MTHONG, TSE RING NAD MED BDE ZHING RGYAS PAR MDZAD DU GSOL, ZHES BDEN STOBS BRJOD NAS, LAN BRGYA RTZA BRGYAD BSNGO, BSNGO THABS RE LA SAMBHA RA NYER GCIG GAm BDUN BDUN BRJOD RE RE'I MJUG TU BDEN STOBS RGYAS PA MA THUB NA THOG MTHA' BAR GSUM DU RGYAS PA DANG GZHAN RNAMS LA BDAG GIS BSAM PA'I STOBS DAG DANG, ZHES SOGS BRJOD DO, ,DE NAS ROL MO DBYANGS DANG BCAS PAS BSKUL BYA BA NI, H'Um; NYON CIG MA LUS BGEGS KYI TSOGS, ,BDAG GIS DE RING KHYOD MCHOD KYI, ,SONGS SHIG MA LUS BGEGS KYI TSOGS,, PHYIN CHAD 'DI LTAR MA BYED CIG ,KHYOD KYI STOBS DANG RTZAL MTHONG NA, ,KHYOD KYIS BGEGS KYANG BYED PAR NUS, ,KHYOD NI LHA YI SPRUL PA STE, ,KHYOD KYIS BGEGS BYED MI NUS MED, ,SNGON CHAD MCHOD SBYIN MA THOB PAS, ,DE RING BDAG GIS KHYOD MCHOD KYIS, ,ME TOG SPOS DANG MAR ME DANG, ,DRI DANG ZHAL ZAS 'DI SNOMS LA, ,BGEGS KYI RGYAL MO 'GRO BAR GYIS, ,SNGON GYI LAN CHAGS YOD NA YANG, ,MCHOD SBYIN 'DE YIS GRAL BAR
GYIS; ;DKON MCHOG GSUM GYI BKA' DAG DANG, ,DAM TSIG NYAMS PA'I NYES PA YIS, ,GNOD PAR GYUR NA MA LEGS KYIS, ,BGEGS CHEN KHYOD NI DA SONGS SHIG ,RDO RJE CHEN PO MCHOG 'DZIN PA'I, ,MGON PO CHEN PO'I BYIN RLABS LA, ,BLO NGAN GANG ZHIG 'DA' BYED PA, ,RDO RJE 'DZIN PAS MYUR DU SPONGS, ,SPANGS PA'I SEMS CAN CHEN PO DE, ,JI SRID 'KHOR BA'I SPYOD YUL DU, ,NGAN SONG GSUM DU YANG DANG YANG, ,SHIN TU MI BZAD CHO NGE 'DEBS,, BDAG NYID CHEN PO'I SANGS RGYAS BKA', ,TSIG LAS 'DAS NA RDUL BZHIN BRLOG ,DE BAS DAM TSIG 'DA' MA BYED, ,DE NAS KHRO BO'I NGA RGYAL GYIS, H'Um; MTSON CHAS MI 'JIGS GANG YANG MED, ,'TSO BA'I SROG LA KUN KYANG CHAGS, ,RANG GI LUS LA DPE LONG LA, ,GZHAN LA GNOD PA MA BYED CIG ,CES BRJOD NAS GZUGS BRNYAN DE LA TSAD TSAD BYAS, YANG LAG TU RDO RJE BZUNG NAS, H'Um; DAM TSIG 'DI LAS 'DA' MA BYED, ,GAL TE DAM TSIG 'DAS GYUR NA, ,AA GAS DZA YI DOG PA LTAR, ,MGO BO TSAL PA BDUN DU 'GAS, CES BRJOD LA DRI CHUS GNAS GSUM DU THIG LE BYA, YANG RDO RJE SPYI BOR BZHAG LA, DE NAS GZUGS DE KHA PHYIR LA BSTAN TE, H'Um; BGEGS KYI TSOGS RNAMS DA CHOS SHIG ,'JIG RTEN GTZO MO CHAS TZAM NA, ,RI RAB CHEN PO LDEMS SE LDEMS, ,RGYA MTSO CHEN PO KYIL LI LI, ,'GRO DRUG KUN KYANG SHAR RA RA, ,DAR TSON SNA LNGA BUR RU RU, ,GLUD BDAG CHEN MO CHAS TZAM NA,,
, ,'JIG RTEN SRUNG MA THAMS CAD KYANG, ,PHYI YI SKYEL MA NYIL LI LI, ,MUN PA'I NA BUN THIBS SE THIBS, ,MDOS BDAG CHEN MO CHAS TZAM NA, ,BRJED BYED YI DVAGS DRI ZA'I TSOGS, ,GTOR LEN MANG PO HRUGS SE HRUGS, ,DMAG DPON CHEN MO x, PI WANG GLING BU SENGS SE SENGS, ,BDUD BTZAN DRAG BYED 'KHOR BCAS KUN, ,GLU GAR BRO RDUNG CHEMS SE CHEMS, ,'BYUNG PO 'BUM GYI YUM GCIG MO, ,YI DVAGS BYE BA'I 'KHOR GYIS BSKOR, ,MCHOD SBYIN GTOR MA 'DI KHYER LA, ,RANG RANG GNAS SU DA SONGS SHIG ,SNGON TSE SH'AKYA THUB PA YI, ,SPYAN SNGAR KHAS BLANGS DAM BCAS BZHIN, ,DKON MCHOG GSUM GYI BKA' MA BCAG ,DAM PA'I BDEN TSIG SU NAM 'BYIN, ,YON BDAG RGYU SBYOR CHUD MA GSON, ,RTEN 'BREL TSOGS PA'I THABS MA BSLU, ,GAL TE BKA' LAS 'DAS GYUR NA, ,SNYING LA NA SO ME BZHIN 'BAR, ,MGO LUS DUM BU STONG DU 'GRO, ,DE BAS DAM TSIG THUB PAR SRUNGS, ,RNAL 'BYOR BDAG GI BKA' MA BCAG ,RGYU SBYOR YON GYI BDAG PO LA, ,BZUNGS PA THONGS LA BCINGS PA KHROL, ,BSDAMS PA GLOD LA MNAN PA THEG ,GNOD PA THAMS CAD MYUR DU SOL, ,GAL TE DE LTAR MI BYED NA, ,GTOR MA 'DI NI GNYAN PO YIN, ,NAD DANG MTSON GYIS BRLAG PAR BYED, ,GZUGS DE KHA SBUB BAM KHA PHYIR BSTAN LA BZHAB, ,H'Um SKYUR RO RGYA MTSO'I GTING DU BSKYUR, ,GNON NO RI
RAB 'OG TU MNAN, ,'DI NAS DPAG TSAD LNGA BRGYA NA, ,GSHIN RJE'I RGYAL PO CHOS 'CHAD KYI, ,DE YI DRUNG DU CHOS NYON CIG ,BYANG CHUB SEMS NI MA SKYES BAR, ,STENG GYI PHYOGS SU MA 'BYUNG CIG ,NAM ZHIG BYANG CHUB SEMS SKYES NA, ,DKON MCHOG GSUM PO STEN MDZOD DANG, ,THUGS RJE CHEN PO GZUNG BAR 'GYUR, ZHES BRJOD CING KHA SBUB LA BZHAG GO ,DE'I TSE RNAMS 'JOMS PA, GSER SKYEMS DANG SPOS PHOR, GO MTSON THOGS PA'I GTOR RGYAB DANG, ROL MO'I TSAM RDAMS BYED PA SOGS CHO GA RGYAS PA LAS 'BYUNG BA BZHIN DANG, LAG LEN MTHONG BA BRGYUD PA BZHIN BYA ZHING, SLOB DPON GYIS JI LTAR BYA BA'I DMIGS RIM 'GA' ZHIG NI ZHAL LAS SHES PAR BYA'O, ,'DIR NI NGAG 'DON GYI RIM PA TZAM ZHIG GTZO BOR BYAS TE, BLA MA RDO RJE GDAN PA DANG, BA RI LO TZTSA BA'I GSUNG LA GTZO BOR BRTEN NAS, PAn CHEN NA BZA' PA'I GTOR CHOG LAS KYANG LEGS CHAS KHA BSKANGS TE BSGRIGS PA'O, ,'DIR SMRAS PA, MI BZAD SNYIGS MA'I SKYON GYIS SBAGS PA YI, ,MA RUNGS SKYE BOS DKON MCHOG DGRA RU BLANGS, ,DE TSE MA MO MKHA' 'GRO'I TSOGS KHROS TE, ,NAD DANG DAL YAMS MI 'DOD CHAR DU 'BABS, ,'DI 'DRA'I DUS KYI MGON MED 'GRO BA LA, ,THUGS RJES MA BZOD LHA MI'I STON PA DES, ,NAD RIMS DUS MIN 'CHI BA LA SOGS PA, ,MA LUS 'JOMS BYED GZUNGS KYI MCHOG 'DI GSUNGS, ,
, ,DE PHYIR GTAN PA MED PA'I MCHOD SBYIN GYIS, ,TSOGS GNYIS RGYA MTSO'I PHA ROL 'GRO 'DOD DANG, ,RIMS NAD DRAG PO'I GA-YUL LAS RGYAL 'DOD RNAMS, ,RNAM DAG CHO GA 'DI LA BRTEN PAR RIGS,, 'DI YI DGE BAS MKHA' MNYAM 'GRO BA RNAMS, ,NAD RIMS SDUG BSNGAL MA LUS 'BYUNG BA'I SGO, ,NYON MONGS DUG GSUM NAD LAS RGYAL GYUR TE, ,SKU GSUM DBANG GI RGYAL PO THOB GYUR CIG ,CES RGYAL KHAMS PA'I DGE SLONG BLO BZANG CHOS KYI RGYAL MTSAN GYIS SMRAS PA'O,, ,,SHU BHAm, ,SARBA MANGGA LAm,, ,, ` AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON,, RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN MDZAD MED DAL 'GRO'I RGYUN 'DI SPEL, ,SARBA DZA GA TAm,, ,,