*, ,GTZUG TOR BZLOG CHEN GYI LAG LEN SNYING POR DRIL BA'I CHO GA RGYAS 'BRING BSDUS GSUM BAR CHAD KUN SEL ZHES BYA BA BZHUGS SO, ,
, ,NA MO GU RU MU NI AINTR'A YA, RGYAL BA'I GTZUG TOR LAS 'KHRUNGS BCOM LDAN MA'I, ,ZHABS KYI PADMOR GUS PAS PHYAG BYAS TE, ,DE YI 'PHRIN LAS NAD RIMS GDON BGEGS SOGS, ,MA LUS BZLOG PA'I RIM PA DENG 'DIR BSHAD, ,'DIR GTZUG TOR BZLOG CHEN BYED PAR 'DOD PAS, DBUS SU SOR BZHI'I ZLUM THIG BSKOR, DE'I PHYIR YANG SOR BZHIS BSKOR BA LA RDO RJE RGYA GRAM BYA, DE'I PHYIR YANG SOR BZHIS BSKOR BA LA PADMA 'DAB BRGYAD BYA, DE'I PHYIR SOR BZHIS BSKOR BA LA 'KHOR LO RTZIBS BRGYAD BYA, DE'I PHYIR GRU BZHI SGO BZHI PA BYA BA'AM BSDU NA MA BYAS KYANG RUNG, LTE BAR PADMA 'DAB BRGYAD LTE BA DANG BCAS PA, TSON RNAMS DBUS DKAR, SHAR SNGO, LHO SER, NUB DMAR, BYANG LJANG BA, DBUS SU GDUGS DKAR 'KHOR BCAS KYI TSON
, ,SPUNGS, 'DAB MA RNAMS LA TSANGS PA 'KHOR BCAS, SNA TSOGS RDO RJE'I RVA BZHIR RGYAL CHEN BZHI PHYAGS MDOG ,PADMA 'DAB BRGYAD LA SHAR DU BRGYA BYIN NAS BYANG SHAR DU LHA CHEN GYI BAR RANG MDOG ,RTZIBS BRGYAD LA SHAR DU 'BYUNG PO, LHOR GZA' GDAN, NUB TU SE BDAG ,BYANG DU LHA MIN, SHAR LHOR MI'AM CI, LHO NUB TU MKHA' 'GRO MA NUB BYANG DU MA MO, BYANG SHAR DU NAM MKHA' LDING, SHAR SGO'I PHYI'I SHAR DU LTO 'PHYE, LHOR RNAL 'BYOR MA, NUB TU KLU'I GDON, BYANG DU 'BYUNG BA DANG, GDON SPYI'I TSOGS KYI TSON SPUNGS DGOD, MDOR BSDU NA PADMA 'DAB BRGYAD KYI STENG DU TSON SPUNGS TZAM DGOD, GA-YAS GA-YON RGYAB GSUM DU CHOS 'BYUNG GI NANG DU LEGS LDAN MCHED GSUM GYI TSON SPUNGS DGOD, GZHAN YANG MI MO SOGS GLUD GZUGS DU MA DANG, ZOR SNA DU MA DANG, 'UG SGRO BSKYON PA'I SKYER PA'I MDA' GZHU SOGS DANG, GTOR MA YANG SO GSUM GYI DANG PO BCOM LDAN 'DAS MA 'KHOR BCAS LA DKAR GTOR, GNYIS PA DANG GSUM PA SPYI
SGOS KYI CHOS SKYONG LA DMAR GTOR GNYIS GNYIS, BZHI PA LA GZHI BDAG ,LNGA PA BO DE TZE DANG RAK SHA, DRUG PA ZHO 'O MA, BDUN PA SHING THOG SNA TSOGS, BRGYAD PA SBRANG RTZI, DGU PA SBYAR SPOS, BCU PA MNGAR GSUM, BCU GCIG PA 'BRAS YOS DANG DE'I ZAN, BCU GNYIS PA SHA RJEN BTZOS PA, BCU GSUM PA RKANG MAR, BCU BZHI PA ME TOG SNA TSOGS DANG RTZI GCUD, BCO LNGA PA SBRANG RTZI, BCU DRUG PA SNYE MA DANG 'BRU SNA TSOGS, BCU BDUN PA 'KHUR BA, BCO BRGYAD PA LA PHUG SGOG BTZONG, BCU DGU PA PHYI TSIL NANG TSIL, NYI SHU PA DKAR GSUM, NYER GCIG PA SGO NGA, NYER GNYIS PA SHA RUL, NYER GSUM PA DAR SNABS, NYER BZHI PA ZHAG ,NYER LNGA PA KHRAG SNA, NYER DRUG PA CHU SNA, NYER BDUN PA BU RAM DANG SHING KUN, NYER BRGYAD PA RGUN CHANG 'BRAS CHANG, NYER DGU PA LHAG MA KUN BSAGS PA, SUM CU PA BZANG DRUG SOGS SMAN SNA, SO GCIG SO GNYIS PA DKAR GTOR, SO GSUM PA DMAR GTOR RNAMS BA DAN DKAR PO'AM SNA TSOGS PAS BRGYAN, GZHAN YANG 'JIG RTEN DANG 'JIG RTEN LAS 'DAS PA LA 'BUL BA'I MCHOD PA RGYAS PAR BSHAMS, CHO GA LA 'JUG PA NI, SKYABS 'GRO SEMS BSKYED SNGON DU BTANG, SVA BHV'A WAS STONG PAR SBYANGS, DE LTAR BDAG GI DE KHO NA NYID DON DAM PAR SPROS PA THAMS CAD DANG BRAL BA
, ,JI LTAR YIN PA DE BZHIN DU LHA'I DE KHO NA NYID KYANG DE BZHIN YIN PAS DE GNYIS CHU DANG 'O MA 'DRES PA BZHIN DU RNAM PAR MI RTOG PA'I SNANG BA'I SGO DE NYID DU BDAG DANG LHA'I DE KHO NA NYID DBYER MI PHYED PAR GYUR, STONG PA'I NGANG LAS AOm SARB'A TA TH'A GA TA AUshn'Am shA SI T'A TA PA TRE H'Um PHAt SV'AH'A ZHES PA'I SNGAGS KYI GDANGS KYI RNAM PA NAM MKHA' LA GRAG PAR GYUR, BDAG DANG LHA'I DE KHO NA NYID DBYER MI PHYED PA'I RNAM PA CAN GYI RANG GI SEMS ZLA BA'I DKYIL 'KHOR DU GYUR PA'I STENG DU SNGAGS KYI GDANGS KYI RNAM PA NAM MKHA' LA GRAG PA DE SHIN TU DAG PA'I DNGUL CHU GSER GYI BYE MA LA ZHEN PA LTAR, YIG 'BRU BRIS PA'I RNAM PA CAN DU 'KHOD PA YONGS SU GYUR PA LAS, GDUGS DKAR PO'I TOG LA AOm YIG GIS MTSAN PA'I MTHAR AOm SARB'A TA TH'A GA TA x PHAt SV'AH'A ZHES PAS MTSAN PAR GYUR, ZLA BA DANG PHYAG MTSAN SNGAGS DANG BCAS PA LAS 'OD ZER SNA TSOGS BYUNG BA'I RTZE MO LA GDUGS DKAR PO CAN GYI LHA'I GZUGS DPAG TU MED PA BYUNG NAS NAM MKHA'I DBYINGS THAMS CAD KHYAB PAR BYAS, RGYAL BA THAMS CAD LA MCHOD PA'I SPRIN CHEN PO SPRUL PAS LEGS PAR MCHOD, GZHAN YANG SPRIN CHEN PO SPRUL PA LAS BDUD RTZI'I CHAR RGYUN BABS PAS DMYAL BA LA SOGS PA'I 'GRO BA THAMS CAD KYI SDUG BSNGAL GYI ME RNAMS ZHI ZHING DE RNAMS TSIM PAR BYAS
NAS LHA'I SKU DANG BCAS PA'I 'OD ZER SLAR LOG RANG GI SEMS ZLA BA'I DKYIL 'KHOR DANG PHYAG MTSAN SNGAGS DANG BCAS PA LA ZHUGS PA YONGS SU GYUR PA LAS, RANG NYID BCOM LDAN 'DAS MA GDUGS DKAR PO CAN RDO RJE GTZUG TOR PHYIR BZLOG PA CHEN MO, SPRUL PA'I DBU STONG MNGA' BA, PHYAG STONG MNGA' BA, SPYAN BYE BA BRGYA STONG MNGA' BA, MI PHYED 'BAR BA'I MTSAN RTAGS CAN, RDO RJE YANGS PA CHEN MO SA GSUM GYI DKYIL 'KHOR LA MNGA' MDZAD PA, SKU MDOG DKAR MO SGEG PA DANG DPA' BA'I NYAMS CAN GYI RTZA ZHAL NYIS BRGYA DKAR BA, 'JIGS SU RUNG BA DANG RGOD PA'I NYAMS CAN GYI GA-YAS ZHAL NYIS BRGYA SER PO, GSHE BA DANG RNGAMS PA'I NYAMS CAN GYI RGYAB ZHAL NYIS BRGYA DMAR PO, SNYING RJE BA DANG ZHI BA'I NYAMS CAN GYI GA-YON ZHAL NYIS BRGYA LJANG KHU, NGO MTSAR BA DANG DRAG PO'I NYAMS CAN GYI STENG ZHAL NYIS BRGYA SNGON PO, ZHAL RE RE YANG SPYAN GSUM GSUM DANG LDAN CING, DBU RE RE LA KHRO BO'I RDO RJE 'BAR BAS MTSAN PA, DBU'I STENG DU GDUNG BDUN, BDE GSHEGS BCU SOGS YANG DAG PAR RDZOGS PA'I SANGS RGYAS BYE BA PHRAG BDUN GYI COD PAN 'CHANG BA, PHYAG GA-YAS GA-YON GYI DANG POS 'KHOR LO DANG BCAS PA'I SKYABS SBYIN DANG, MDA' DANG BCAS PA'I GDUGS DKAR PO'I YU BA THUGS KAR 'DZIN CING, GA-YAS GA-YON GYI LHAG MA DGU BCU RTZA DGU NA 'KHOR LO DANG MDA', GA-YAS KYI PHYAG LHAG
, ,MA BZHI BRGYAS RDO RJE RIN PO PADMA SNA TSOGS RDO RJE RNAMS BRGYA PHRAG RE RE 'DZIN CING, GA-YON GYI PHYAG LHAG MA BZHI BRGYAS GZHU DANG RAL GRI ZHAGS PA LCAGS KYU RNAMS BRGYA PHRAG RE RE 'DZIN PA, RIN PO CHE'I RGYAN SNA TSOGS KYIS BRGYAN CING, DAR GYI STOD GA-YOGS DANG SMAD GA-YOGS MDZES PAR GSOL BA, ZHABS GA-YAS PA LNGA BRGYA BRGYANGS PAS RGYAL PO'I CHAD PA'I 'JIGS PA LA SOGS PA 'JIGS PA CHEN PO THAMS CAD GNON PAR MDZAD CING, GA-YON PA LNGA BRGYA BSKUMS PAS MDANGS 'PHROG PA LA SOGS PA'I GDON THAMS CAD 'JOMS PAR MDZAD PA, SKU'I CHA THAMS CAD LA ZUR GYIS BLTA BA DANG, CHER BGRAD PA DANG GLOG LTAR 'GYU BA DANG, DRAG TU GZIR BA LA SOGS PA'I SPYAN BYE BA BRGYA STONG MNGA' BA, GAR GYI NYAMS DGU DANG LDAN CING, BA SPU'I BU GA THAMS CAD NAS BSKAL PA'I ME LTA BU'I RDO RJE'I ME 'OD RAB TU 'BAR BAS SA GSUM GYI DKYIL 'KHOR RGYAS PAR 'GENGS PAS SEMS CAN THAMS CAD 'JIGS PA MA LUS PA LAS SKYOB PA'I BDAG NYID CAN DU GYUR, DE'I GA-YAS GA-YON RGYAB GSUM DU PAD NYI RO'I GDAN LA H'Um LAS LEGS LDAN MCHED GSUM SKU MDOG MTHING NAG ZHAL GCIG PHYAG GNYIS PA, GA-YAS GRI GUG DANG, GA-YON THOD KHRAG THUGS KAR 'DZIN PA'I MCHAN KHUNG NA TZAN DAN GYI BENG CHEN BSNAMS PA, SKU LA DAR NAG GI 'JOL BER DANG, ZHABS LA SAG LHAM NAG
KHRA GSOL BA, KHROS SHING GTUM PA, THOD PA SKAM RLON GYIS BRGYAN CING, YE SHES KYI ME 'BAR BA'I DBUS NA GA-YAS BSKUMS GA-YON BRKYANGS KYI STABS KYIS BZHUGS PAR GYUR, GTZO 'KHOR RNAMS KYI SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, DE BZHIN GSHEGS PA'I DAM RGYA BCAS LA, ,AOm SARB'A TA TH'A GA TA AUD BHA WA YE SV'AH'A, ZHES BRJOD CING, THUGS KA, SMIN MTSAMS, MGRIN PA, DPUNG MGO GNYIS SU REG LA BYIN GYIS BRLAB BO, ,SLOB DPON GZHAN GYIS YE SHES PA DGUG GZHUG DBANG BSKUR RGYAS BTAB GSUNGS PA LTAR MDOR BSDUS BYAS KYANG RUNG LA, SLOB DPON SANGS RGYAS GSANG BA SOGS KYIS MA BSHAD PAS, MA BYAS KYANG 'GAL BA MED CES RJE THAMS CAD MKHYEN PA GSUNG NGO, ,DE NAS RGYUD SDE 'OG MA LTAR BYIN GYIS BRLABS LA, CHU GNYIS NYER SPYOD ROL MO DANG BCAS PA SNGAGS DANG PHYAG RGYA TZAM GYIS 'BUL, RGYAL BA KUN GYI MTSAN MCHOG GTZUG TOR NAS, ,LEGS PAR 'KHRUNGS PA'I RMAD BYUNG LHA MO NI, ,GZHAN GYIS MI THUB GTZUG TOR GDUGS DKAR ZHES, ,YONGS SU GRAGS PA DE LA PHYAG 'TSAL LO, ,SRIN PO'I GZUGS KYIS GDUG PA CAN, ,TSAR GCOD BYANG CHUB SEMS DPA' STE, ,GRONG KHYER GSUM BRTZEGS 'JIG BYED PA, ,GTUM PO RNAMS LA BDAG BSTOD DO, ZHES PAS BSTOD, AOm SARB'A TA TH'A GA TA AUshn+YI shA SI T'A TA PA TRE H'Um PHAt, H'Um MA MA H'Um NI SV'AH'A, ZHES PA'I NYE SNYING DANG SNYING PO
, ,GANG RIGS DANG, LEGS LDAN RNAMS LA GA-YAS SKOR GYIS, AOm MAH'A K'A LA DU HRI BHYO H'Um PHAt, AOm MAH'A K'A LA SHR'I H'Um PHAt, AOm MAH'A K'A LA DUshtAm H'Um PHAt, CES DMIGS PA DANG BCAS PA'I BZLAS PA BYED CING MJUG TU DGE BA BSNGO, DE NAS MDUN BSKYED BSGRUB PA NI, DKYIL 'KHOR DANG DBYER MED DU MOS TE RANG GI MDUN DU RIN PO CHE DU MA LAS BYAS PA'I SA GZHI GSER GYI BYE MA BDAL BAR GYUR, AOm TZA LA P'I H'Um SV'AH'A, DE'I STENG DU 'O MA'I RGYA MTSO CHEN PO NYA LCIBS LA SOGS PA'I SKYON DANG BRAL BA, PADMA DANG AUTPA LA LA SOGS PA'I ME TOG GIS BRGYAN PA, RIN PO CHE'I BYA'I TSOGS MANG PO LDING BAR GYUR, AOm BI MA LA DHA HA H'Um, DE'I DBUS SU RI RAB GRU BZHI PA, NGOS BZHI NAS GSER DANG DNGUL DANG AINTRA N'I LA DANG SBUR LONG LAS BYAS PA'I THEM SKAS KYI 'PHRENG BAS BRGYAN PA, MTHA' THOG THAG DPAG BSAM GYI SHING LEGS PAR 'KHRUNGS PA LA RNAM PAR RGYAL BA'I BA DAN STONG 'PHUR BAS BRGYAN PA, DE'I STENG DU PADMA'I SDONG BU RIN PO CHE DU MAS BRGYAN PA'I RIN PO CHE SNA TSOGS KYI 'DAB MA CAN, GSER GYI ZE BA DANG SBUR LONG GI ZE'U 'BRU DANG LDAN PA, SNYING PO'I THOG LA DNGUL GYI RI MOS BSKOR BA DPAG TSAD DU MA'I KHYON CAN RI RAB KYI DBUS BRTOL NAS BYUNG BA'I LTE BAR BHRUm LAS MTSAN NYID THAMS CAD YONGS SU RDZOGS PA'I GZHAL YAS KHANG GDAN DANG BCAS PA, NA MA: SARB'A TA TH'A GA T'A N'Am SARB'A TH'AKHAm AUNGGA TE SPHAR n'A HI MAm GA GA NA KHAm SV'AH'A, STENG DU BLA BRE DANG BCAS PA SKAD
CIG GIS BYUNG BAR GYUR, AOm TRAm BANDHA SV'AH'A, ROL MO DBYANGS DANG BCAS PAS, H'Um, RGYAL BA KUN GYI THUGS RJE YI, ,GTZUG TOR LAS 'KHRUNGS BCOM LDAN MA, ,'PHAGS MA GDUGS DKAR 'KHOR BCAS RNAMS, ,SPYAN 'DREN GNAS 'DIR GSHEGS SU GSOL, ,SANGS RGYAS BSTAN PA BSRUNG BA'I GTZO, ,LEGS LDAN NAG PO MCHED GSUM DANG, ,GZHAN YANG DAM CHOS SKYONG BA'I TSOGS, ,MA LUS 'KHOR BCAS GNAS 'DIR GSHEGS, ,LHA CHEN TSANGS PA 'KHOR BCAS DANG, ,RGYAL CHEN BZHI DANG PHYOGS SKYONG BCU, ,LHA KLU GNOD SPYIN 'BYUNG PO DANG, ,GZA' GDON SA BDAG LHA MA YIN, ,MI'AM CI DANG MKHA' 'GRO MA, ,RNAL 'BYOR MA DANG MA MO'I TSOGS, DRI ZA MKHA' LDING LTO 'PHYE DANG, ,BGEGS RIGS STONG PHRAG BRGYAD CU DANG, ,GDON RIGS SUM BRGYA DRUG CU SOGS, ,SRID GSUM 'BYUNG PO MA LUS KUN, ,MCHOD SBYIN GNAS 'DIR GSHEGS SU GSOL, ,DZI NA DZI KA AE HYA HI, SHR'I MAH'A K'A LA SARB'A DHARM'A: P'A LA DA SHA DI KA LO KA P'A LAS PA RI W'A RA AEHYA HI, AARGHAm PRA T'I TZTSA SV'AH'A, ZHES MCHOD YON PHUL, BCOM LDAN 'DAS MA GDUGS DKAR PO CAN GYI LHA TSOGS LA RIG SNGAGS DANG GSANG SNGAGS DANG KHRO BO DANG, LEGS LDAN NAG PO MCHED GSUM DANG MNGAG GZHUG PA DANG MNGAG GZHUG MA DANG DPAL MGON BDUN CU RTZA LNGA SRID PA GSUM GYI SDE BRGYAD 'BYUNG PO MA LUS PAS NAM MKHA'I DBYINGS KHYAB CING KHOR YUG TU BSKOR NAS BYON PA NI
, ,DBUS SU BCOM LDAN 'DAS MA GDUGS DKAR PO CAN PHYAG RGYA'I TSOGS DANG, LEGS LDAN MCHED GSUM SOGS YE SHES PA'I 'KHOR GYIS BSKOR BA'I PHYI ROL DU MI MDZAD KYI BDAG PO TSANGS PA 'KHOR DANG BCAS PA, (RGYAS PAR BYED NA BDAG BSKYED LTAR MNGON RTOGS GSAL 'DEBS,) 'JIG RTEN SKYONG BA BZHI, PHYOGS SKYONG BCU, LHA CHEN PO BRGYAD, KLU CHEN PO BRGYAD, GZA' CHEN PO BRGYAD, RGYU SKAR NYI SHU RTZA BRGYAD, 'JIGS BYED CHEN PO DGU ,BGEGS RIGS STONG PHRAG BRGYAD CU, GDON RIGS SUM BRGYA DRUG CU, BYIS PA'I GDON CHEN BCO LNGA STE, MDOR NA SRID PA GSUM GYI SDE BRGYAD 'BYUNG PO'I TSOGS THAMS CAD 'KHOD PA'I GTZO 'KHOR THAMS CAD KYI SPYI BOR AOm DKAR PO, ZHES PA NAS, DE BZHIN GSHEGS PA'I DAM RGYAS BYIN GYIS BRLABS PA'I BAR BDAG BSKYED LTAR BYA, KA MA LA YE STVAm ZHES GDAN PHUL, MCHOD RDZAS RNAMS TRAm BANDHAS BSANGS, RGYUD SDE 'OG MA LTAR BYIN GYIS BRLABS, ROL MO DBYANGS DANG BCAS PAS, LHA RDZAS MCHOD YON RGYA MTSO 'DI, ,BCOM LDAN GDUGS DKAR 'KHOR BCAS SOGS, ,SRID ZHI'I MGRON RNAMS KUN LA 'BUL, ,BAR GCOD BZLOG PHYIR BZHES SU GSOL,, ZHES NYER SPYOD 'DOD YON RIN CHEN SNA BDUN GYI BAR DU SBYAR TE MCHOD, RGYAL BA BYE BDUN MA DANG, SNGAR GYI LEGS LDAN GYI BSTOD PA DANG, PHYI ROL KHOR YUG LA GNAS PA'I, ,'JIGS BYED LHA KLU GZA' SKAR DANG, ,PHYOGS SKYONG
RGYAL CHEN PHYAG 'TSAL ZHING, ,'JIG RTEN PA KUN BSTOD PAR BGYI, ZHES PAS BSTOD, RGYUD SDE 'OG MA LTAR GTOR MA BYIN GYIS BRLABS LA, SNYING PO SI T'A TA PA TRE'I MJUG LA SA PA RI W'A RA AI DAm BA LIm TA KHA KHA KH'A HI KH'A HI GSUM MAM BDUN GYIS GTZO 'KHOR DANG, GNYIS PA DANG GSUM PA SPYI SGOS KYI CHOS SKYONG LA RANG RANG GI SNGAGS LA SA PA RI W'A RA AI DAm SOGS SBYAR NAS SLAR BZHIN 'BUL, AARGHAm SOGS KYIS MCHOG MDOR BSDU NA, MTSAMS 'DIR, MI ZA DGU ZA'I GTOR MA THAMS CAD BSHAMS SHING SNGAGS DRUG DANG PHYAG RGYA DRUG GIS BYIN GYIS BRLABS, AOm RU TRA YE ZHES PA NAS N'A GE BHYA: DE BA N'A GA ZHES PA NAS, AA MA NU shA SA PA RI W'A RA BHYO BI SHVA MU KHE BHYA: SARB'A T'A TA KHAm AUTGA TE SPHAR nA HI MA GA GA NA KHAm SV'AH'A, ZHES PA LAN BDUN LA SOGS PAS CIG CAR DU BSNGO, AARGHAm SOGS KYIS MCHOD, 'PHAGS MA GTZO 'KHOR LA 'PHRIN LAS BCOL BA NI, H'Um; PHAS RGOL 'JOMS LA MTHU LDAN GTZO MO DANG, , DRAG SHUL CHE SOGS 'JIGS RUNG PHYAG RGYA'I TSOGS, ,BDUD 'DUL LEGS LDAN NAG PO 'KHOR BCAS KYIS, ,MTHUN PA'I MCHOD GTOR RGYA MTSO 'DI BZHES LA, ,RNAL 'BYOR BDAG CAG DPON SLOB 'KHOR BCAS LA, ,GDON DANG RGYU SKAR GZA' YI GNOD PA DANG, ,DUS MIN 'CHI DANG SDIG PA'I RMI LAM DANG, ,DUG MTSON ME CHU DGRA YI 'JIGS PA RNAMS, ,KHYOD ZHABS DRAN PA TZAM GYIS BZLOG PAR MDZOD, ,RLUNG MKHRIS BAD KAN 'DUS PA'I NAD RNAMS
, ,DANG; ;MDZE DANG PHOL MIG GA-YAN PA LHOG PA DANG, ,GZHOGS PHYED NA SOGS NAD RIMS MTHA' DAG DANG, ,LHA KLU LHA MIN SOGS KYI GDON TSAN RNAMS, ,KHYOD ZHABS x, SOG DANG GZI BRJID MDANGS RNAMS 'PHROG PA DANG, ,MNGAL DANG SHA KHRAG LA SOGS ZA BA DANG, ,NYIN RE BA SOGS RIMS KYI GNOD PA DANG, ,DMAG DANG CHOM RKUN RGYAL PO'I 'JIGS PA SOGS, ,KHYOD ZHABS x, ,SENG GE STAG SOGS GCAN GZAN GNOD PA DANG, , GZHAN YAB GDON CHEN RIGS RNAMS MTHA' DAG DANG, ,KUN TU RGYU DANG TSANGS PA SRED MED BU, ,DRANG SRONG DMOD PA GRUB PA'I NGAN SNGAGS SOGS, ,KHYOD ZHABS x, MDOR NA RNA KHYOR DPON SLOB 'KHOR BCAS KYI, ,SNGON LAS 'PHRAL RKYEN NGAN PAS BSKYED PA YI, ,GZHAN GYI BSAM NGAN SBYOR BA RTZUB PA DANG, ,LUS SROG LONGS SPYOD TSE YI BAR GCOD RNAMS, ,KHYOD ZHABS x, GANG GI SGO NAS MI SRUN SKYE BO YI, ,BDAG CAG BDE LEGS 'PHROG PA'I RIG SNGAGS SOGS, ,MA LUS BCAD DANG 'BAR BA'I PHUR BU YIS, ,DE DAG RNAMS LA GDAB PA'I 'PHRIN LAS MDZOD, ,BSTAN PA BSHIG CING DKON MCHOG SMOD PA DANG, ,RNAL 'BYOR DPON SLOB DAM CHOS SGRUB PA LA, ,GNOD CING 'TSE BA'I DGRA BGEGS MA LUS PA, ,'BAR BA'I PHUR BUS THOB LA BRLAG PAR MDZOD, ,CES BZLOG BSGYUR GYI 'PHRIN LAS BCOL NAS, 'BYUNG PO SPYI BSKUL BAS TE, ZOR RNAMS DGRA PHYOGS SU 'PHEN, RGYAS PAR BYED NA BYIN
RLABS KYANG RE RE NAS BYED CING, MGRON RNAMS KYANG RE RE NAS PHRAL TE GTOR MA PHUL 'PHRIN LAS BCOL BAS SHIN TU RGYAS PAR 'GYUR RO,, ` ,,'BRING DU BYED NA, LHAG MA GTOR MA NYER DGU PA LNGA CHEN GCIG DANG, BRGYAD TSAN GNYIS DANG, YANG LNGA TSAN GCIG DANG, GSUM TSAN GCIG TU BSHAMS LA, RIM DANG CIG CAR CI RIGS PAR SNGAGS DRUG DANG PHYAG RGYA DRUG GIS BYIN GYIS BRLABS, AOm PRA HMA n'A YA, AOm TZA TUR MA n'A R'A DZA SA PA RI W'A RA ZHE SOGS LAN GSUM GYIS 'BUL, TSANGS PA YAB YUM 'KHOR BCAS DANG, ,YUL 'KHOR SRUNG DANG 'PHAGS SKYES PO, ,SPYAN MI BZANG DANG RNAM THOS SRAS, ,RANG RANG 'KHOR DANG BCAS PA LA, ,PHYAG 'TSAL BSTOD DE MCHOD GTOR 'BUL, , ZAS SU 'PHRENG BA SROG 'BRAS BU, ,SKYUGS PA BDUG PA ZA BA YI, ,GDON TSOGS 'KHOR DANG BCAS PA LA, ,RANG RANG DGYES PA'I GTOR MA NI, ,'BRU BCUD SBYAR BA 'DI PHUL BAS, ,SO SO'I GDON BGEGS NAD RIMS DANG, ,TSE SROG BAR CHAD BZLOG TU GSOL, ,BRGYAD TSAN DANG PO, ,YANG; AOm AINTRA YE, AOm AAKNA YE, AOm YA MA YE, AOm NI RI TE YE, AOm MAH'A SHVA RI, AOm N'A GA R'A DZA, AOm B'A YU BEE YE, AOm KU BEE RA YE SA PA RI W'A RA ZHES SOGS LAN GSUM GYIS 'BUL, 'PHRIN LAS BCOL BA NI, H'Um; DBANG PO ME LHA GSHIN RJE SRIN, ,LHA KLU RLUNG LHA GNOD SBYIN NI, ,YAB YUM SRAS DANG GA-YOG BCAS LA, ,PHYAG 'TSAL x, ZAS SU MNGAL BSREG SHA RKANG DANG, ,ME
, ,TOG MCHIL MA LO TOG DANG, ,'KHUR BA ZA BA'I GDON RNAMS LA, ,RANG RANG DGYES PA'I x, 'BRU BCUD x, SO SO'I x, LO NYES NGAN SNGAGS GNOD PA DANG, ,TSE SROG BAR CHAD BZLOG TU GSOL, ,BRGYAD TSAN GNYIS PA YANG, AOm BH'U TA AA TI PA TA YA, AOm SARB'A GRA HA BHYA: AOm SARB'A NAKshA TRA, AOm BH'U MI PA TI, AOm AA SU RE BHYA: AOm KIN NA RE BHYA: AOm MA TRI GA nE BHYA:, AOm d'A KI NI BHYA SA PA RI W'A RAN MA: ZHES SOGS LAN GSUM GYIS 'BUL, 'PHRIN LAS BCOL BA NI, ,'BYUNG PO GZA' TSOGS RGYU SKAR DANG, ,SA BDAG LHA MIN MI 'AM CI, ,MA MO MKHA' 'GRO'I TSOGS BCAS LA, ,PHYAG 'TSAL x, ZAS SU MI GTZANG TSIL MNGAR GSUM, ,SNABS RNAG DAR SNABS ZHAG DANG NI, ,KHRAG 'THUNG BA YI GDON RNAMS LA, ,RANG RANG DGYES x, 'BRU BCUD x, SO SO'I x, GZA' GDON MTSAN MA NGAN PA DANG, ,TSE SROG x, SNGA TSAN GNYIS PA YANG, AOm BA RU nA YE BHYA: AOm GA RU dA BHYA: AOm TZA TUR BHYO BHYA: AOm R'A KshA SI BHYA: AOm MA HO RA GE BHYA SA PA RI W'A RA NA MA: ZHES SOGS LAN GSUM GYIS 'BUL, ,'PHRIN LAS BCOL BA NI, KLU TSOGS MKHA' LDING SRING MO BZHI, ,RNAL 'BYOR MA DANG SRIN MO RNAMS, ,LHO 'PHYE'I TSOGS RNAMS 'KHOR BCAS LA, ,PHYAG 'TSAL x, ZAS SU STOR KHUNG 'BAB 'THUNG DANG, ,BTZAS ZA GCIN 'THUNG LHAG MA DANG, ,DRI ZA BA YI GDON RNAMS LA, ,RANG RANG x, 'BRU BCUD x, SO SO'I x, 'OG GDON MI NAD
PHYUGS NAD DANG, ,TSE SROG x, RTZA BDUN PA SNGAR GYI DE DAG TU MA 'DUS PA'I GDON BGEGS 'BYUNG PO SPYI DANG, KHYAD PAR LAN CHAGS SHAR GNYER BA RNAMS LA, AOm GUNG KA RI GUNG KA RI SV'AH'A, AOm PI TZI PI TZI SV'AH'A, AOm GUNG GUNG SV'AH'A SA PA RI W'A RA NA MA: ZHES SOGS LAN GSUM GYIS 'BUL, 'PHRIN LAS BCOL BA NI, SNGON CHAD MCHOD SBYIN MA THOB PA'I, ,GDON BGEGS 'BYUNG PO THAMS CAD DANG, ,LAN CHAGS SHA 'KHON GNYER RNAMS LA, ,PHYAG 'TSAL x, BGEGS RIGS STONG PHRAG BRGYAD CU DANG, ,GDON RIGS SUM BRGYA DRUG CU DANG, ,BYIS PA'I GDON CHEN BCO LNGA SOGS, ,STENG 'OG BAR GSUM DBYE BA YI, ,GDON BGEGS 'BYUNG PO'I TSOGS RNAMS DANG, ,THOG MA MED NAS DA LTA'I BAR; ;BSANG DANG BCINGS DANG BRDEG PA DANG, ,PHROGS DANG BRKUS PA LA SOGS PA'I, ,LAN CHAGS SHA 'KHON GNYER BA DANG, ,BU LON CHAGS PA RNAMS LA BSNGO, ,GNOD 'TSE'I BSAM SBYOR RGYUN CHOD LA, ,BU LON SHA 'KHON DAG PAR GYIS, ,NYER BRGYAD PA RIGS DRUG THAMS CAD DANG, KHYAD PAR DU GLO BUR DU LHAGS PA RNAMS LA SAMBHA RA LAN BDUN GYIS 'BUL, 'PHRIN LAS BCOL BA NI, YANG YANG DRIN GYIS BSKYANGS PA YI, ,RIGS DRUG SEMS CAN THAMS CAD DANG, ,SKAL CHAD GLO BUR LHAGS RNAMS LA, ,PHYAG 'TSAL x, RANG x, 'BRU x, SO SO'I x, BYANG CHUB SEMS KYIS RGYUD GANG ZHING, ,NYON MONGS GA-YUL NGO BZLOG TU GSOL, ,NYER DGU PA PHYOGS BZHI'I BGEGS 'KHOR BCAS
, ,LA; AOm SARB'A BIGHNA NA BHYA SA PA RI W'A RA NA MA: SARB'A TA TH'A GA TA ZHES SOGS LAN GSUM GYIS 'BUL, 'PHRIN LAS BCOL BA NI, KHAMS GSUM BDAG PO SPRIN SGRON MA, ,RDO RJE BI N'A YA KA SOGS, ,PHYOGS BZHI'I BGEGS TSOGS THAMS CAD LA, ,PHYAG 'TSAL x, GANG ZHIG MTSAN MO RGYU BA YI, ,ZHES PA NAS, DE RING PHAN CHAD BSKYED PAR GYIS, ZHES PA'AM YANG NA, H'Um; NYON CIG MA LUS BGEGS KYI TSOGS, ,BDAG GI DE RING KHYOD MCHOD KYIS, ,SONGS SHIG BGEGS CHEN 'GRO BAR GYIS, ,PHYIN CHAD 'DI LTAR MA BYED CIG ,KHYOD KYI STOBS DANG RTZAL MTHONG NA, ,KHYOD KYIS BGEGS KYANG BYED PAR NUS, ,KHYOD NI LHA YI SPRUL PA STE, ,KHYOD KYIS BGEGS BYED MI NUS MED, ,SNGON CHAD MCHOD SBYIN MA THOB PAS, ,DE RING BDAG GIS KHYOD MCHOD KYI, ,ME TOG SPOS DANG MAR ME DANG, ,DRI DANG ZHAL ZAS 'DI SNOMS LA, ,BGEGS KYI RGYAL PO 'GRO BAR GYIS, ,SNGON GYI LAN CHAGS YOD NA YANG; ;MCHOD SBYIN 'DI YIS BRAL BAR GYIS, ,DKON MCHOG GSUM GYI BKA' DAG DANG, ,DAM TSIG NYAMS PA'I NYES PA YIS, ,GNOD PAR GYUR NA MA LEGS KYIS, ,BGEGS CHEN KHYOD NI DA SONGS SHIG ,DE NAS SNGAR LEGS LDAN SOGS LA PHUL BA'I DMAR GTOR SOGS ZOR SNA RNAMS BSANGS SBYANGS, H'Um LAS THOG DANG MTSON CHA ME PHUNG RAB TU 'BAR BA DGRA BGEGS BAR GCOD BZLOG PA LA MTHU DANG LDAN PAR BSAMS LA, H'Um, BDE
GSHEGS GTZUG TOR LAS 'KHRUNGS SHING, ,SA GSUM SKRAG MDZAD BCOM LDAN MA, ,'JIGS RUNG PHYAG RGYA'I TSOGS BCAS PAS, ,ZOR CHEN RDZAS KYI STOBS BSKYED CIG ,LEGS LDAN MCHED GSUM TSANGS PA DANG, ,RGYAL CHEN BZHI DANG PHYOGS SKYONG BCU, ,DREGS PA SDE BRGYAD BCAS PAS KYANG, ,ZOR CHEN x, CES BSKYED CING BYIN GYIS BRLABS PA'I ZOR SNA RNAMS TSAR DU DNGAR, SGRUB PA PO RNAMS LHA'I NGA RGYAL BRTAN POS ZOR LAM DBYE BA DRUG CU PA LTAR RAM, YANG NA, H'Um; NYI ZLA GZA' DANG RGYU SKAR TSOGS RNAMS DANG, ,TSANGS PA LA SOGS STENG NA GNAS PA YI, ,MTHO BA'I LHA RNAMS THAMS CAD ZHABS BSKUMS LA, ,DE RING RNAL 'BYOR BDAG LA THOR LAM PHYE, , SA YI LHA MO BSTAN MA 'KHOR BCAS DANG, ,GDENGS CAN DBANG PO SA BDAG KLU GNYAN SOGS, ,'OG NA GNAS PA KUN KYANG DBU CHUMS LA, ,DE RING x, DBANG PO ME LHA GSHIN RJE SRIN PO SOGS, ,PHYOGS DANG MTSAMS NA GNAS PA THAMS CAD DANG, ,DRI ZA LA SOGS BAR SNANG GNAS PA RNAMS, ,GA-YAS DANG GA-YON DU CUNG ZAD GZUR MDZOD LA, ,DE RING x, DREGS PA SDE BRGYAD 'KHOR BCAS THAMS CAD DANG, ,YUL 'DI'I GZHI BDAG GNYAN PO 'KHOR BCAS KYIS, ,KUN SLONG RU NGA PHRAG DOG MA MDZAD PAR, ,DE RING x, DE NAS SLAR YANG 'PHRIN LAS BSKUL BA NI, H'Um, SH'AKYA'I RGYAL PO'I MTSAN MCHOG GTZUG TOR NAS, ,LEGS 'KHRUNGS BDUD KYI RIGS KYIS MI
, ,THUB CING, ,PHAS KYIS RGOL BA THAMS CAD PHYIR BZLOG PA, ,GZHAN GYIS MI THUB GTZUG TOR GDUGS DKAR DANG, ,DRAG SHUL CHE SOGS NYER GNYIS PHYAG RGYA'I TSOGS, ,GDUG PA 'DUL BA'I LAS LA THOGS MED PAS, ,NAG PO'I SDE RNAMS RDUL DU BRLAG MDZAD PA'I, ,RIG SNGAGS LHA MO'I TSOGS RNAMS 'KHOR BCAS DANG, ,RNAL 'BYOR BU BZHIN SKYONG MDZAD MTHU STOBS CAN, ,LEGS LDAN NAG PO MCHED GSUM 'KHOR BCAS DANG; ;LHA CHEN TSANGS PA CHEN PO 'KHOR BCAS KYIS, ,DE RING BDAG GI LAS 'DI GRUB PAR MDZOD, ,MCHOG GSUM BSTAN SRUNGS RGYA MTSOR BCAS PA DANG, ,DKAR PHYOGS SKYONG BA'I LHA RNAMS THAMS CAD DANG, ,DRANG SRONG BDEN TSIG GRUB PA KUN GYIS KYANG, ,DE RING x, DPAL MGON BDUN CU DREGS PA SDE BRGYAD BCAS, ,YUL LHA GZHI BDAG GNYAN PO 'KHOR BCAS KYANG, ,KUN SLONG RU NGA PHRAG DOG MA MDZAD PAR, ,DE RING x, CES PA'I MJUG GAM; YANG NA, H'Um; BCOM LDAN GDUGS DKAR LHA TSOGS DANG, ,DREGS PA SDE BRGYAD 'KHOR BCAS KYIS, ,MTHUN PA'I DAM RDZAS 'DI BZHES LA, ,RNAL 'BYOR YON MCHOD 'KHOR BCAS LA, ,GZHAN GYI BSAM SBYOR NGAN PA BZLOG ,CES SOGS BZLOG PA'I MJUG TU GTOR MA DANG ZOR RNAMS 'PHEN, SLOB DPON GYIS RTING MNAN NANG DU 'ONGS NAS GTANG RAG SOGS SHIS BRJOD KYI BAR BYA'O,, ,,SMRAS PA, SNYIGS DUS RKYEN NGAN SNA TSOGS
PA; ;MI 'DOD CHAR BZHIN 'BAB PA LA, ,THUGS RJES BRLAN PA'I RGYAL BA YI, ,MTSAN MCHOG SHAR GYI SA 'DZIN LAS, ,LEGS 'ONGS 'PHAGS MA'I RTA DMAR CAN, ,MI SHIS GDUNG MUN MTHAR BYED CING, ,DGE LEGS BDAB BRGYA BZHAD PA'I GNYEN, ,SNGON MED NAM MKHA'I ME LONG 'KHRUNGS, ,GANG GIS ZHABS SEN DRAN PA YI, ,RDO RJE'I GO CHA BGOS TZAM GYIS, ,BAR GCOD BDUD SDE'I MDA' CHAR KYANG, ,RI MO'I GNAS LA MTSUNGS PAR 'GOD, ,DE LTA'I DPAL LDAN DPA' MO YI, ,'PHRIN LAS BZLOG CHEN GO CHA 'DI, ,DAM PA'I SKYE BO MANG PO YIS, ,LAN GCIG MIN PAR BSKUL BA'I NGOR, ,'PHAGS MAS RJES BZUNGS DGE BSNYEN MCHOG ,TZANTRA GOO MI'I GZHUNG BZHIN DU, ,PAn CHEN BZANG PO BKRA SHIS KYIS, ,LEGS PAR PHYE BA'I SROL JI BZHIN, ,RGYAS 'BRING BSDUS PA CI RIGS PAR, ,LAG TU BLANGS CHOG RIM PA 'DI, ,BYED PO BLO BZANG CHOS RGYAN TE, ,DGE BAS 'GRO KUN BDE GYUR CIG ,(CES PA 'DI YANG CHOS GRVA CHEN PO BKRA SHIS LHUN PO'I GZIMS KHANG DU SBYAR BA'I YI GE PA NI DGE TSUL BLO BZANG PHUN TSOGS SO,,) TI shthA,, ,, *, AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN BDI SPEL, ,SARBA DZA GA TAm,, ,,