*, ,RAB TU GNAS PA'I CHO GA LAG LEN DU DRIL BA DGE LEGS RGYA MTSO'I CHAR 'BEBS ZHES BYA BA BZHUGS SO, ,
, ,NA MO GU RU MANYDZU GHO sh'A YA, 'DIR SKU GSUNG THUGS KYI RTEN LA RAB TU GNAS PA JI LTAR BYA BA'I CHO GA LAG LEN DU DRIL BA DGE LEGS RGYA MTSO'I CHAR 'PHEBS ZHES BYA BA, RJE BTZUN BLA MA DAM PA RNAMS KYI ZHABS LA GUS PAS PHYAG 'TSAL LO, ,LHUN GRUB BDE BA CHEN PO'I LHA LAM DU, ,SKU GSUM 'OD BRGYA'I DRA BA 'BUM 'GYED CING, ,PHAN BDE'I PAD TSAL RGYAS MDZAD MCHOG GSUM GYI, ,ZHABS PAD GUS PAS BSTEN NAS RANG GZHAN GYI, ,RNAM DKAR NOR BU'I THEM SKAS RIM 'DZEGS TE, ,ZUNG 'JUG GZHAL MED KHANG DU BGROD PA'I THABS, ,SKU GSUNG THUGS RTEN RAB GNAS BYA BA'I TSUL, ,RGYUD DANG DAM PA'I MAN NGAG BZHIN DU BRJOD, DE LA 'DIR BDE BAR GSHEGS PA'I SKU GSUNG THUGS KYI RTEN
, ,RNAMS NI RAB GNAS MA BYAS KYANG GRUB TZAM NYID NAS LHA DANG BCAS PA'I 'GRO BA THAMS CAD KYI BSOD NAMS GSOG PA'I ZHING DANG MCHOD YUL DAM PAR GYUR PA YIN TE, JI SKAD DU, DAM CHOS PAD DKAR LAS, BDE GSHEGS SKU GZUGS RTZIG NGOS BRIS PA LA, ,'KHRUGS BZHIN PA YI SEMS KYIS BLTAS NA YANG, ,DE DAG RIM GYIS SANGS RGYAS BYE BA MTHONG, ZHES DANG, MGON PO KLU SGRUB KYIS KYANG, JI LTAR BDE GSHEGS SKU GZUGS SHING LAS KYANG, ,BGYIS PA CI 'DRA'ANG RUNG STE MKHAS PAS MCHOD, ,CES GSUNGS SHING, RGYAL BA'I YUM LA SOGS PA'I GLEGS BAM GRUB TZAM NYID NAS MCHOD PA'I RTEN DU 'GYUR BAR GSUNGS PA DANG, 'DUL BA LUNG SOGS LAS KYANG, ,DE BZHIN GSHEGS PA'I SKU GZUGS BZHENGS PA DANG MCHOD PA LA SOGS PA BYAS PAS, BSOD NAMS DPAG TU MED PA THOB PAR GSUNGS LA, 'ON KYANG RAB GNAS JI LTAR BYA BA SOGS NI MA GSUNGS SO, ,RGYUD SDE RNAMS SU RTEN GSUM BZHENG BAR
MA ZAD RAB GNAS JI LTAR BYA BA'I TSUL YANG SBYIN BDAG SOGS KYI BSOD NAMS SPEL BA'I PHYIR LEGS PAR GSUNGS TE, SDOM 'BYUNG LAS, JI LTAR RAB TU MI GNAS LHA, ,RAB TU GNAS PAR BYA BAR NUS, ,SLOB MA DAD PAS GSOL 'DEBS PA'I, ,BSOD NAMS PHYIR NI BYA BA YIN, CES DANG, RAB GNAS KYI RGYUD LAS KYANG, SKYE BO RAB TU DAD PA YIS, ,BYED PA'I DGE BA SPEL BA'I PHYIR, ,RAB GNAS BSTAN BCOS LA SOGS PA, , THA SNYAD TZAM DU BYAS PA YIN, CES GSUNGS PA'I PHYIR, DES NA SKU GZUGS BZHENGS KYANG RAB GNAS MA BYAS NA, RAB GNAS BYAS PA DANG 'DRA BA'I PHAN YON MI 'BYUNG STE, RGYUD LAS, GANG DU SKU GZUGS RDZOGS PA LA, ,BYIN MA RLABS PA RING GNAS NA, ,DE LA BKRA SHIS MI 'BYUNG ZHING, ,DE SRID MCHOD PAR MI 'OS SO, ,ZHES KYANG GSUNGS SO, ,GANG GIS BYED PA'I SLOB DPON NI, DE NYID BCU SHES PA LA SOGS PA'I MTSAN NYID DANG LDAN PA DGOS TE, RAB GNAS KYI RGYUD LAS, SLOB DPON DE NYID BCU SHES SHING, ,MTSAN NYID KUN DANG YANG DAG LDAN, ,PHYAG RGYA SNGAGS DANG CHO GA SHES, ,LAS RNAMS KUN LA MKHAS PAS SO, ,ZHES BSHAD CING, KHYAD PAR RAB TU BYUNG BA'I RTAGS SDOM PA RNAM DAG DANG LDAN PA NGES PAR DGOS TE, DUS 'KHOR RTZA RGYUD LAS, LHA KHANG SOGS KYI RAB GNAS SOGS, ,RTAGS CAN GYIS NI RTAG TU
, ,BYA, ,GNAS GCIG TU NI GSUM GNAS NA, ,KHYIM PA GOS DKAR LDAN PAS MIN, CES GSUNGS PA LTAR RO, ,DUS NAM GYI TSE BYA BA NI, SPYI'I RAB GNAS BYA BA RUNG BA'I DUS ZLA BA DRUG ,TSES GRANGS BDUN, SKAR MA BCU BZHI, GZA' BZHI RNAMS LEGS TE, JI SKAD DU, DPYID ZLA RA BA'AM DPYID ZLA 'BRING, ,DGUN DANG DPYID KYI THA CHUNG NGAM, ,DBYAR RA DE BZHIN DBYAR 'BRING PO, ,NYI MA BYANG DU GNAS PA YI, , DKAR PO'I PHYOGS KYI GNYIS PA'AM, ,DE BZHIN DE LTAR GSUM PA'AM, ,GANG TSE GZA' DANG TSES MTHUN NA, ,NAG PO'I PHYOGS LA'ANG BRTZAM PAR BYA, ,GANG TSE THAMS CAD MTHUN GYUR NA, ,MI RNAMS YUN DU 'PHEL BAR BYED, ,BCO LNGA DE BZHIN BRGYAD PA DANG, ,BCU GSUM PA YANG DE BZHIN NO, ,GNAM STONG YANG NI DE BZHIN DU, ,BCU BZHI LA YANG BYA BA YIN, ,THAMS CAD DU NI CHU STONG DANG, ,SNAR MA GRO ZHUN DE BZHIN DA BO, ,LAG PA SNRUBS DANG SNRON DANG NI, ,RGYAL DANG CHU SMAD DE BZHIN NO, ,KHRUMS SMAD DAG KYANG DE BZHIN TE, ,RGYU SKAR 'DI RNAMS THAMS CAD DU, ,SKYE DGU 'PHEL ZHING DE YIS NI, ,RAB TU GNAS PA MCHOG TU BYED, CES DANG, PHUR BU BU LHAG PA PA WA SANGS, ,ZLA BA'I GZA' SOGS SHES BYAS TE, ,'DI RNAMS BZANG LDAN LA BYAS NA, ,RAB TU GNAS PA MCHOG TU DGE, GSUM PA DRUG PA BDUN PA DANG, ,
BCU DANG BCU GCIG LA ZLA BA, ,GNYIS PA BZHI PA DE BZHIN BRGYAD, ,BCU DANG BCU GCIG RNAMS LA LHAG ,GNYIS PA BDUN DANG DE BZHIN DGU ,DE BZHIN PHUR BU BCU GCIG PA, ,DUS SBYOR BZHI PA LA BRTEN NAS, ,DE LA LHAG PAR GNAS PAR BYA, ,DRUG BDUN BCU PA DOR BA YI, ,PA WA SANGS NI DGE BA YIN, ,DE LTAR GZA' RNAMS THAMS CAD KYI, ,STOBS LDAN MI LDAN DER SHES BYA, ,GANG TSE ZHI BA'I GZA' RNAMS DANG, ,ZHI RNAMS ZHI BA DGE BA YIN, , DANG PO GSUM PA BDUN PA NI, ,NOR RNAMS 'JOMS PAS SPANG BAR BYA, ,RJES SU MTHUN PAR BYED PA SOGS, ,SKAD CIG DE LAS YONGS GRUB CING, ,JI LTAR GSUNGS BZHIN KUN BYAS NA, ,RAB TU GNAS PA MCHOG 'GYUR ZHING, ,'KHOR LOS SGYUR RGYAL DBANG PHYUG NI, ,THOB 'GYUR 'DI LA THE TSOM MED, CES GSUNGS PAS, DBYAR 'BRING DGUN 'BRING DANG DBYING 'BRING PO RDZOGS PA'I DUS TSES DGE BA LA BYA'O, ,YANG, SLOB DPON MI MTHUN PHYOGS ZIL GYIS GNON NUS PA'I TING NGE 'DZIN DANG LDAN PA YIN NA DUS GZHAN DAG LA'ANG BYA RUNG STE, GUR LAS, DE LA GZA' DANG RGYU SKAR MED, ,BGEGS DANG LOG PAR 'DREN PA MED, ,CUNG ZAD YID LA GANG 'DOD PA, , SKYE NAS SKYE BAR 'GRUB PAR 'GYUR, ZHES DANG, ,RTAG TU SANGS RGYAS RAB GNAS BYA, ,ZIN PA DE MA THAG PA RU, ,RAB TU GNAS PA MCHOG TU 'GYUR, ,'KHOR LOS BSGYUR BA'I RGYAL PO YI, ,DBANG PHYUG THOB PAR THE TSOM MED, ,
, ,CES GSUNGS PA'I PHYIR, GANG DU BYA BA'I YUL NI, BKRA SHIS SHING YID DANG MTHUN PA'I GNAS DANG, RTEN CHEN PO SGUL BSKYOD MI NUS PA'I GNAS YIN NA DE'I DBANG LDAN PHYOGS SU BYA STE, GNAS NI NYAMS DGA' 'DU 'DZI MED, ,NYAS PA THAMS CAD RNAM SPANGS PA, ,ZHES GSUNGS PA LTAR RO, ,GANG LA BYA BA'I YUL NI, DKON MCHOG GSUM RTEN LA SOGS PA'O, ,JI LTAR BYA BA'I CHO GA NI, RGYAS 'BRING BSDUS PA'I DBYE BA YIS, ,RAB GNAS CHO GA GSUM DU 'DOD, ,CES RGYAS 'BRING BSDUS GSUM LAS, RGYAS PA LA DKYIL 'KHOR GANG LA BRTEN PA DE'I DBANG YANG BSKUR DGOS SHING, ,DBANG BSKUR BA LA DKYIL 'KHOR LA 'JUG PA SNGON DU 'GRO DGOS PA'I PHYIR, MDUN BSKYED KYI DKYIL 'KHOR YANG DGOS SHING, RGYAS 'BRING BSDUS GSUM GA LA KHRUS LA SOGS PA 'DRA BA'I PHYIR, BDAG BSKYED DANG BUM PA LHAG GNAS KYANG NGES PAR DGOS SO, ,DES NA 'DIR NI, GTZO BOR RGYAS PA'I DBANG DU BYAS, 'BRING BSDUS GNYIS KYI RNAM DBYE YANG BRJOD PAR BYA'O,, SDOMS NI, BDAG BSKYED KHRUS STEGS BUM PA DANG, ,MDUN BSKYED DANG NI ME TOG BSGRUB, ,GSOL BTAB SEMS BSKYED RTEN BSKYED CING, ,DKYIL 'KHOR GZHUG CING LHA NGO BSTAN, ,KHRUS DKYIL RTEN BZHAG CHU BZHI DBUL, ,KHRO BO SPYAN DRANGS MCHOD CING BSTOD, ,BGEGS GTOR YUNGS CHU KHAM PHOR LCI, ,ZAN CHANGS RAS KYIS BYABS NAS NI, ,NYE REG
MCHOD BDUGS SBYANG BA'O, ,ZHES PA STE, 'JIGS BYED SOGS BDAG MDUN 'JUG PA GCIG PA RNAMS LA THUN MONG DU BSGRUB, 'JUG PA THA DAD PA RNAMS LA BDAG BSKYED SNGON DU BTANG, KHRUS STEGS BRTZIG CING KHRUS DKYIL BRI, DE'I DBUS SU DKYIL 'KHOR SO SO'I BUM PA RGYAS PA'AM, BSDU NA RNAM RGYAL DANG LAS BUM GNYIS BKOD, PHYI'I 'DAB MA BRGYAD KYI STENG DU MNGAR GSUM ZHO 'BRAS BU 'BRU DRI 'BRAS YOS SMAN RIN PO CHE'I BUM PA CHU GTZANG DRI BZANG DANG SBYAR BAS GANG BA'I KHRUS BUM BRGYAD RE RE NAS BZHAG ,DE DAG GI MDUN DU ME TOG SNA TSOGS KYI PHYE MA DANG BCAS PA'I CHU, BDUD RTZI LNGA, DRI ZHIM PO'I 'BRU MAR DANG, RTZI MAR, SHING SHUN, BA BYUNG LNGA, SPOS MAR, SKYU RU RA DANG, MA SHA'I PHYE MA, DRI BZANG GI LDE GU ,'BRU MAR, YUNG BA'I PHYI MA STE, 'DAG RDZAS BSKU MA NYE DRIL PHYIS KYI CHAS RNAMS 'KHAR BA DANG ZANGS LA SOGS PA'I SNOD DANG BCAS TE KHRUS BUM RE RE'I BAR RAM MDUN DU BKOD, RNAM RGYAL DANG LAS BUM GNYIS SU DKYIL 'KHOR GYI LHA TSOGS DANG, LAS KYI LHA BSKYED PA SOGS DKYIL 'KHOR RANG RANG GI BUM BSKYED LTAR BSGRUB, DE RJES BHRUm LAS 'KHOR BA DANG ZANGS SOGS RIN PO CHE'I SNOD RNAMS SU 'DAG RDZAS SOGS DAG BYED RNAMS KYI STENG DANG, KHRUS BUM RNAMS KYI NANG DU ZLA BA'I DKYIL 'KHOR GYI DBUS SU H'Um YIG GI MTHAR BZLAS BYA'I SNGAGS KYIS BSKOR BA'I 'OD ZER GYIS BLA MA YI DAM SANGS RGYAS BYANGS SEMS DPA' BO MKHA' 'GRO
, ,CHOS BSRUNGS RNAMS DANG MDOR NA SNOD BCUD KYI YON TAN THAMS CAD BKUG NAS SNGAGS 'PHRENG LA THIM, DE LAS BDUD RTZI'I RGYUN BABS PAS DAG BYED KYI RDZAS RNAMS BYIN GYIS RLOB PAR BSAM STE, AOm A'A: H'Um BRGYA RTZA DANG, AOm TRI MA DHU SNA NA P'U DZA ME GHA SA MU DRA SPHAR nA SA MA YA SHR'I YE H'Um, THOG MTHA' SBYAR TE, AOm DA TI, PHAL, PHRU HI, GANDHE, LABDZA, AO shA TI, MA nI RE RE'I MTHAR SNA NA P'U DZA ME GHA SA MU DRA SPHAR nA SA MA YA SHR'I YE H'Um, ZHES SBYAR BA NYI SHU RTZA RE RE DANG, THUN MONG DU AOm SARBBA TA TH'A GA TA AA BHI shE KA TA ZHES SOGS DANG, RTEN 'BREL SNYING PO'ANG NYER GCIG BZLAS TE KHRUS BUM DANG DAG BYED RNAMS BSGRUB TSUL LO, ,BDAG MDUN 'JUG PA THA DAD KYI TSE MDUN BSKYED BSGRUB, DE NAS BUM CHUS SPRUS PA'I ME TOG GI STENG DU KHRUS LONG LA TZAN DAN DKAR DMAR GUR GUM GHI HANG SOGS SBYAR BAS DBUS SU H'Um DANG, YE DHAR ZLAS LA BZHAG ,YI GE RNAMS GYEN DU 'GRENG ZHING GZI BYIN 'BAR BA'I 'OD ZER GYIS SRID PA DANG ZHI BA'I YON TAN THAMS CAD DANG, RGYAL BA SRAS BCAS KYI BYIN RLABS THAMS CAD SPYAN DRANGS TE SNGAGS 'PHRENG ME TOG DANG BCAS PAR THIMS PAR BSAMS LA, YE DHAR BRGYA RTZA BRGYAD BZLAS TE YI GE RNAMS BZHUS PA'I DRI BZANG GI CHUS ME TOG KHYAB PAR BYA STE ME TOG BSGRUB TSUL LO, ,DE NAS GSOL BA BTAB CING SEMS BSKYED PA NI, BZHENGS TE ME TOG THOGS, STON PA SANGS RGYAS KYI YON TAN DRAN
PA'I SGO NAS 'DI LTAR BRJOD DE, GANG 'DI BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA BDE BAR GSHEGS PA 'JIG RTEN MKHYEN PA SKYES BU 'BUL BA'I KHA LO SGYUR BA BLA NA MED PA LHA DANG MI RNAMS KYI STON PA SANGS RGYAS BCOM LDAN 'DAS TE, RGYU DANG 'BRAS BU'I DGOS PA PHUN SUM TSOGS PA DANG LDAN PA, CHOS THAMS CAD THUGS SU CHUD PA'I SANGS RGYAS BCOM LDAN 'DAS 'DI BDAG GIS RAB TU GNAS PAR BGYI'O, ,MDOR BSDU NA DE TZAM BYA, GANG 'DI BCOM LDAN 'DAS KYI BYANG CHUB KYI PHYOGS KYI CHOS SUM CU RTZA BDUN DANG YANG DAG PAR LDAN PA, STOBS BCU DANG MI 'JIGS PA BZHI DANG MA 'DRES PA'I DRAN PA NYE BAR GZHAG PA GSUM DANG, THUGS RJE CHEN PO LA SOGS PA MDOR NA SLOB PA DANG MI SLOB PA'I SANGS RGYAS SU BYED PA'I CHOS RNAMS DANG LDAN PA, DE YI NYES PA'I SKYON THAMS CAD DANG BRAL ZHING BDE BAR GSHEGS PA'I YON TAN GYI CHOS TSAD MED PA DANG LDAN PA'I SANGS RGYAS BCOM LDAN 'DI BDAG GIS RAB TU GNAS PAR BGYI'O, ,'BRING 'DOD NA 'DI TZAM BYA, GANG 'DI BCOM LDAN 'DAS KYI BLA NA MED PA'I TSUL KHRIMS LA SOGS PA'I PHUNG PO LNGA DANG YANG DAG PAR LDAN PAR LDAN PA, CHO 'PHRUL GSUM DANG, TING NGE 'DZIN GSUM DANG, BSLAB PA GSUM DANG, TSANGS PA'I GNAS PA BZHI DANG, BSAM GTAN BZHI DANG, 'PHAGS PA'I BDEN PA BZHI DANG YANG
, ,DAG PAR LDAN PA, DE YI YANG DAG PA PHYIN CI MA LOG PA'I YE SHES DANG, SHES BYA'I YUL THAMS CAD BRNYES PA NYON MONGS PA LA SOGS PA RNAMS MA LUS PAR SPANGS PA DANG, BDUD BZHI LAS RAB TU RGYAL BA'I SANGS RGYAS BCOM LDAN 'DAS 'DI BDAG GIS RAB TU GNAS PAR BGYI'O, ,GANG 'DI BCOM LDAN 'DAS KYI PHA ROL TU PHYIN PA DRUG YONGS SU RDZOGS PA DANG, BSOD NAMS DANG YE SHES KYI TSOGS YANG DAG PAR BSAGS PA DANG; SKYES BU CHEN PO'I MTSAN SUM CU RTZA GNYIS KYIS YANG DAG PAR BRGYAN PA DANG, DPE BYAD BZANG PO BRGYAD CUS RNAM PAR MDZES PA DANG, SKYES BU CHEN PO'I SKU LTA BAS CHOG MI SHES PA DANG, MTHONG NA MI MTHUN PA MED PA STE, DE'I GZUGS KYI SKU'I 'BYOR PA MTHAR THUG PA 'GRO BA MA LUS PA'I RTZA LAG TU GYUR PA'I SANGS RGYAS BCOM LDAN 'DAS 'DI BDAG GIS RAB TU GNAS PAR BGYI'O, ,ZHES BRJOD CING, RAB TU GNAS BYA LA ME TOG 'THOR, SPOS KYIS BDUG CING ROL MO DKROL LA, AOm NA MO BHA GA WA TE SH'AKYA MU NA YE TA TH'A GA T'A YA AARHA TE SAMMYAKSAm BU DDH'A YA, TADYA TH'A AOm MU NE MU NE MAH'A MU NA YE SV'AH'A, ZHES DANG, RAB TU GNAS BYA'I LHA'I SNGAGS DANG, AOm BADZRA SATVA H'Um, ZHES BZHI GA'I MTHAR BRJOD DO, ,SEMS BSKYED NI, SEMS CAN THAMS CAD LA BYAMS SNYING RJE BYANG CHUB KYI SEMS BSKYED LA 'DI LTAR, NGO MTSAR CHEN PO GRANGS MED CING BSAM GYIS MI KHYAB PA DANG LDAN PA'I
SANGS RGYAS BCOM LDAN 'DAS THAMS CAD LA BDAG PHYAG 'TSAL ZHING SKYABS SU MCHI'O, ,DE DAG THAMS CAD BDAG LA DGONGS SU GSOL, BDAG GIS SEMS CAN THAMS CAD KYI DON DU DKON MCHOG GSUM GYI RTEN RAB TU GNAS PAR BGYI BAS, DE'I MTHUS BDAG GIS SEMS CAN THAMS CAD KYI DBUGS DBYUNG NGO, ,'KHOR BA'I GCONG RONG CHEN PO LAS BSGRAL BAR BGYI'O, ,PHAS KYI RGOL BA BDUD DANG LOG 'DREN THAMS CAD PHAM PAR BGYI'O, ,SEMS CAN RNAMS KYI BAG CHAGS KYI MTSAMS SBYOR BA'I NYON MONGS PA'I RTOG PA THAMS CAD GSAL BAR BGYI'O, ,SEMS CAN RNAMS KYI NGA RGYAL GYI RI BO BSNYIL BAR BGYI'O, ,SEMS CAN RNAMS KYI SKYE BA'I LJON SHING RTZAD NAS BCAD DO, ,'CHI BDAG GI NYI MA PHYE MAR BRLAG DE, ,MA RIG PA'I MUN PA BSAL BAR BGYI'O, ,MA DAD PA DANG, PHYI ROL PA DAG DANG, LTA BA PHYIN CI LOG PA DAG YANG DAG PA'I LTA BA LA GZUD CING DAD PAR BSGYUR DO, ,LAS KYI CHU BO BZLOG PAR BGYI'O, ,SRID PA'I RGYA MTSO BSKAM PAR BGYI'O, ,CHOS KYI SGRON ME SBAR BAR BGYI'O, ,BYANG CHUB KYI LAM BSTAN PAR BGYI'O, ,BZOD PA DANG NGES PA LA GZUD DO, ,BSAM GTAN GYI BDE BA LA CHER STZAL TO, ,'DOD CHAGS KYI ME DPUNG ZHI BAR BGYI'O, ,ZHE SDANG GI MTSON RNON PO GZHOM PAR BGYI'O, ,BDEN PA LA GZUD DO, ,PHRAG DOG GI 'TSUB MA ZHI BAR BGYI'O, ,SER SNA'I MDUD PA DGROL
, ,BAR BGYI'O, ,SDUG BSNGAL THAMS CAD ZHI BAR BGYI'O, ,'JIGS PA MA MCHIS PA DANG, ,BDE BA CHEN PO'I GRONG KHYER DU 'JUG CING GNAS PAR BGYI'O, ,DE BAS NA BDAG LA LAS KYI DNGOS GRUB KYI MCHOG STZOL CING GNANG BAR MDZAD DU GSOL, CES 'DUS PA CHEN PO'I MDO LAS 'BYUNG BA LTAR SEMS BSKYED CING ME TOG GTOR RO, ,'DI YANG BSDU NA, SEMS CAN THAMS CAD KYI DBUGS DBYUNG NGO, ,ZHES PA NAS SDUG BSNGAL THAMS CAD ZHI BAR BGYI'O, ,'JIGS PA MA MCHIS PA DANG BDE BA CHEN PO'I GRONG KHYER DU 'JUG CING GNAS PAR BGYI'O, ,DE BAS NA ZHES SOGS SBREL LO, ,DE NAS RTEN SKYED PA NI, RTEN LAS BUM GYI CHUS BSANGS, SH'U N+YA T'AS STONG PAR SBYANGS, STONG PA'I NGANG LAS GSUNG RAB RNAMS PAD NYI'I STENG DU HR'I: LAS PADMA HR'I: SA MTSAN PA YONGS SU GYUR PA LAS 'OD DPAG MED DMAR PO ZHAL GCIG PHYAG GNYIS KYIS PADMA DANG DRIL BU 'DZIN PA LA RANG 'DRA'I YUM GOS DKAR MOS 'KHYUD PA, MCHOD RTEN DANG GTZUG LAG KHANG DANG SKU GZUGS LA SOGS PA PAD ZLA'I STENG DU BHRUm LAS 'KHOR LO BHRUm GYIS MTSAN PA YONGS SU GYUR PA LAS RNAM SNANG DKAR PO ZHAL GCIG PHYAG GNYIS KYIS 'KHOR LO DANG DRIL BU 'DZIN PAS RANG 'DRA'I YUM SPYAN MA LA 'KHYUD PA, YANG NA DKYIL 'KHOR DE DANG DE'I GSUNG DANG SKU RDO RJER BSKYED PA'AM, SKU GZUGS RNAMS RANG RANG GI LHA DER BSKYED PA'AM, THAMS CAD RDO RJE 'CHANG NGAM, DKYIL 'KHOR RANG
RANG GI GTZO BOR BSKYED PA CI LTAR BYAS KYANG RUNG BAR GSUNGS, DE LTAR NA SBYIN SREG SOGS LAG LEN BYA BA SLA BAS DKYIL 'KHOR GYI GTZO BO YAB YUM TZAM DU BSKYED PAR BYA STE, 'JIGS BYED LTA BU LA MTSON NA, SNA TSOGS PADMA DANG NYI MA'I STENG DU H'Um LAS RDO RJE H'Um GIS MTSAN PA LAS DPAL RDO RJE 'JIGS BYED CHEN PO SKU MDOG MTHING NAG ZHAL DGU ZHES PA NAS, ME DPUNG RAB TU 'BAR BA'I KLONG DKYIL NA BZHUGS PA, DE'I PANG NA ZHES PA NAS, YAB LA 'KHYUD PA ZHES PA'I BAR MNGON RTOGS BZHIN BYA, GSANG 'DUS LTA BU LA, MI BSKYOD PA YAB YUM DU BSKYED, RTEN NA BZA' DMAR POS GA-YOGS SHING ME TOG DANG LDAN PAR BYA'O, ,AOm TIshthA BADZRA HO: CES BRJOD CING RAB TU GNAS BYA'I LHA RNAMS DKYIL 'KHOR GYI NANG DU GZHUG ,AOm SPHAR nA BADZRA HO: CES BRJOD CING RAB TU GNAS BYA'I LHA RNAMS KYIS DKYIL 'KHOR PA LA ME TOG DOR BAR BSAMS SHING GDONG GA-YOGS DGROL DKYIL 'KHOR DU 'JUG PA'I SKOR RGYAS BSDUS CI RIGS PAR BYA'O, ,GDAN LA RTEN BZHAG CHU BZHI DBUL BA NI, KHRUS DKYIL GYI STENG DU RTEN DNGOS SU 'JOG PA'AM, ME LONG LA GZUGS BRNYAN SHAR BA BZHAG ,CHU BZHI BYIN GYIS BRLABS LA, DAG CING DRI MED YID 'ONG BA'I, ,SNGAGS KYI YON CHAB MCHOG 'DI DAG ,BDAG GIS DAD PAS 'BUL LAGS KYIS, ,BZHES NAS BDAG LA BKA' DRIN STZOL, ,AOm SARBA TA TH'A GA TA AARGHAm P'U DZA ME GHA SA MU TRA SPHA RA nA SA MA
, ,YA SHR'I YE H'Um, ZHES DANG, MCHOD YON GYI GNAS SU ZHABS BSIL, ZHAL BSIL, BSANG GTOR ZHES PA DANG, AARGHAm GYI GNAS SU P'A TYAm, AANYTZA MA nAm, PROKshA nAm SBYAR TE CHU BZHI DBUL LO, ,DE NAS SBYANG BA'I RIM PA LA KHRO BO'I MCHOD PA BYIN GYIS BRLABS RANG GI THUGS KA'I H'Um LAS 'OD ZER 'PHROS, KHRO BO'I TSOGS THAMS CAD MDUN GYI NAM MKHAR SPYAN DRANGS, ` H'Um YE SHES BSKAL PA ME LTAR 'BAR BA'I 'OD, , MA RIG 'DOD PA'I MUN KHAMS THAMS CAD BSREG ,ZHE SDANG GSHIN RJE'I 'JIGS PA THAMS CAD 'JOMS, ,DPA' BO CHEN PO DPA' MTSAN STAG LPAGS CAN, ,LOG 'DREN SRIN PO'I MTHA' GNON DGRA 'DUL BA, ,RIG PA'I RGYAL PO KHRO BO BZHUGS SO 'TSAL, ,LOG 'DREN 'DUL BA'I SLAD DU SPYAN 'DREN NA, ,'GRO BA'I DON DU MCHOD KYIS GSHEGS SU GSOL, ,BADZRA SA MA YA DZA: DZA: AOm BADZRA MAH'A KRO DHA R'A DZA SA P'A RI W'A RA AARGHAm NAS SHAPTA'I BAR GYIS MCHOD, NANG MCHOD KYANG PHUL, ` H'Um CHOS NYID STONG PA GNYIS MED DANG NYID LAS, ,'JIG RTEN SPYOD PA'I TSUL YANG MI SPONG ZHING, ,THABS LA MKHAS PAS 'JIGS BYED SKUR STON PA, ,KHRO CHEN 'BAR BA'I TSOGS LA PHYAG 'TSAL LO, ,YE SHES ZHI BA'I NGANG LAS MA GA-YOS KYANG, ,SKU YI CHA LUGS ZA BYED RNGAM STABS CAN, ,GSUNG GI NGA RO 'BRUG STONG LDIR BA'I SGRAS, ,MA LUS DBANG DU SDUD LA PHYAG 'TSAL LO, ,LHAG PA'I YE
SHES ROL PA STON MDZAD CING, ,BSDIGS PA'I MTSON CHA SNA TSOGS PHYAG NA BSNAMS, ,NYON MONGS DUG CHEN RTZAD NAS 'JOMS MDZAD PA'I, ,SBRUL GDUG RGYAN GYIS BRGYAN LA PHYAG 'TSAL LO, ,BSKAL PA'I ME LTAR 'BAR BA'I KLONG DKYIL NA, ,DPA' BO'I STANG STABS BRKYANGS BSKUMS TSUL GYIS BZHUGS, ,NYI ZLA 'BAR BA'I SPYAN GYI GDANGS MIG GIS, ,BGEGS DPUNG SREG PAR MDZAD LA PHYAG 'TSAL LO, ,GTUM CHEN DUS MTHA'I ME LTAR GZI BRJID 'BAR, ,GLOG STONG 'GYU 'DRA'I KHRO GNYER MCHE BA GTZIGS, ,RNGAMS PA'I NGA RO 'BRUG SGRA STONG BZHIN SGROGS, ,KHRO RGYAL BGEGS TSOGS 'DUL LA PHYAG 'TSAL LO, ,H'Um 'JIGS PA'I H'Um SGRA NGES SGROG CING, ,BGEGS RNAMS MA LUS 'JOMS MDZAD PA'I, ,DNGOS GRUB MA LUS STZOL BA'I LHA, ,BGEGS KYI DGRA LA PHYAG 'TSAL BSTOD, GTOR MA BYIN GYIS BRLABS, RANG GI THUGS KA'I H'Um LAS 'OD ZER 'PHROS PAS, RAB TU GNAS PA LA BAR DU GCOD PA'I BGEGS KYI TSOGS RNAMS BKUG PAR GYUR, AOm SARBA BIGHN'A NA NA MA: SARBBA TA TH'A GA TE BHYO BI SHVA MU KHE BHYA: SARBBA TA DA KHAm AUD GA TE SPHAR nA HI MAm GA GA NA KHAm BA LAm TA YE SV'AH'A LAN GSUM BSNGOS LA, ZHI BAS SBYANGS, TING LO CHANGS BU MTHEB KYU DANG BCAS PAS PHYIR BSKOR ZHING, AOm SUMBHA NI SUMBHA H'Um GRiHnA GRiHnA H'Um, GRiHn'A PA YA GRiHn'A PA YA H'Um, A'A NA YA HO BHA GA WAN BIDY'A R'A DZA H'Um PHAt, CES LAN GSUM STE ZHI DRAG PHYED MAS SBYANGS, ` H'Um
, ,DKYIL 'KHOR CHEN PO'I SA BZHI LA GNAS PA'I, ,LHA LA SOGS PA'I BGEGS TSOGS KUN NYON CIG ,DA NI GNAS 'DIR RAB GNAS CHO GA BYED, ,KHYED RNAMS 'DI NAS GZHAN DU 'GRO BAR GYIS, ,GAL TE NGA YI BKA' LAS 'DA' BYED NA, ,YE SHES CAN GYI RDO RJE 'BAR BA YIS, ,MGO BO TSAL PA BRGYAR NI 'GAS 'GYUR ZHING, ,BGEGS RNAMS BRLAG PAR 'GYUR BA GDON MI ZA, ,NA MO RJE BTZUN RTZA BA DANG BRGYUD PAR BCAS PA'I DPAL LDAN BLA MA DAM PA RNAMS KYI BKA' BDEN PA DANG, SANGS RGYAS KYI BKA' BDEN PA DANG, CHOS KYI BKA' BDEN PA DANG, DGE BDUN GYI BKA' BDEN PA DANG, DE BZHIN GSHEGS PA DANG, RDO RJE DANG, RIN PO CHE DANG, PADMA DANG LAS KYI RIGS SU GYUR PA THAMS CAD DANG, SNYING PO DANG, PHYAG RGYA DANG, GSANG SNGAGS DANG RIG SNGAGS KYI LHA'I KHYAD PAR THAMS CAD KYI BDEN PA DANG, DPAL MGON DAM PA CHOS SKYONG BA'I BSRUNG MA RNAMS KYI BDEN PA DANG, BDEN PA'I BYIN GYIS RLABS KYIS, BDE BAR GSHEGS PA'I SKU GSUNG THUGS KYI RTEN RAB TU GNAS PAR BYED PA LA BAR DU GCOD PAR RTZOM PA'I BGEGS KYI TSOGS GANG YIN PA DE DAG THAMS CAD MCHOD SBYIN GYI GTOR MA RGYA CHEN PO 'DIS TSIM PAR GYIS LA ZHI BA'I SEMS DANG LDAN PAS RANG RANG GI GNAS SU SONGS SHIG ,GAL TE MI 'GRO NA KHRO BO'I YE SHES KYI RDO RJE ME RAB TU 'BAR BAS MGO BO TSAL PA BRGYAR 'GAS PAR 'GYUR RO, ,SUMBHA NI
DANG HR'I: shtI: DRAG TU BRJOD, GTOR MA RNAMS RTEN LA PHYIR BSKOR TE 'DOR, GU GUL GYIS BDUGS, YUNGS KAR GYIS BRABS, ROL MO'I TSAM RNGAMS KYIS SBYANG BA NI DRAG POS SBYANG BA'O, ,DE NAS YUNGS KAR DANG CHU DANG, KHAM PHOR DKAR PO DANG, DUR PA'I MYU GU DANG BCAS PA'I BA LCI'I CHANGS BU DANG, ZAN CHANGS DANG, SENG RAS RNAMS LA H'Um LAN BDUN BZLAS LA, DANG POR YUNGS KAR LAG PA GNYIS KYI KHU TSUR GYIS BZUNG NAS LAN GNYIS GA-YON DU BSKOR CING, AOm SARBA P'A PAm DA HA NA BADZRA YA BADZRA SA TVA SYA SARBA P'A PAm DA HA SV'AH'A, ZHES BRJOD CING ME NANG DANG, DE BZHIN GA-YAS SU BSKOR NAS KYANG DOR, DE BZHIN DU CHU NAS SENG RAS KYI BAR GA-YON DANG GA-YAS SU BSKOR NAS BYABS TE DOR, 'ON KYANG KHAM PHOR MAN CHAD MER MI 'DOR ZHING, DRUG KA'ANG BZHI BZHI TSANG BAR BYA'O, ,DE NAS LAG PA GA-YON PAR CHU GTZANG BZUNG, GA-YAS PA'I GUNG SRIN GYIS BLANGS LA RTEN RNAMS DNGOS SAM GZUGS BRNYAN SHAR BA'I KHA RNA BA MIG SNA KHA LAG LTE BA MGO RNAMS LA NYE REG BYA'O, ,MCHOD PA DKYIL 'KHOR GYI GTZO BO'I SNGAGS BRJOD CING THUGS KAR DRI, DBU LA ME TOG ,MDUN DU MCHOD YON 'BUL, MAR ME BSKOR ZHING AOm BADZRA AA MRi TA KUndA LI HA NA HA NA H'Um PHAt, CES PA DANG, H'Um LAN BDUN BZLAS PA'I SPOS MAR GYIS BDUG PAR BYA STE, SBYANG BA'I RIM PA RGYAS PA'O, ,'BRING DANG BSDUS PA LA NI DKYIL 'KHOR DU 'JUG PA SOGS
, ,MI DGOS PA RTEN BSKYED NAS KHRUS STEGS LA BKOD NAS CHU BZHI 'BUL BA'O, ,KHRUS KYI SDOMS NI, SNYAN GSAN BDUD RTZI BA BYUNG DRI, ,KHRUS BUM 'BRU MAR SPOS MAR DANG, ,SHING SHUN YUNGS BA SKYU RU'I PHYE, , DUR SNGON BIR SOGS PHAL PA'I KHRUS, ,LHA RNAMS SPYAN DRANGS BKRA SHIS GLU, ,MNGON BYAS LHA YI BUM PA'I CHUS, ,BKRU DBYI DRI DANG GOS RGYAN 'BUL, ,MCHOG GI KHRUS ZHES BYA BA YIN, ,DE YANG THOG MAR SNYAN GSAN NI, SPROS PA LA DGA' NA THAMS CAD 'GRENG, KHRUS BUM RNAMS LAG TU THOGS, MTSAMS SU ROL MO DANG BCAS PAS 'DI LTAR, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA BDE BAR GSHEGS PA 'JIG RTEN MKHYEN PA SKYES BU 'DUL BA'I KHA LO BSGYUR BA BLA NA MED PA LHA DANG MI RNAMS KYI STON PA DE DAG THAMS CAD LA YO BYAD THAMS CAD DANG LDAN PA'I KHRUS 'DI GSOL BAR BGYI'O, ,RI BO LTAR NI MDZES PA YI, ,YON TAN DAM PA'I RGYAN LDAN PA, ,MCHOD GNAS RIN CHEN 'DI DAG LA, ,BDAG GIS KHRUS 'DI GSOL BAR BGYI, ,BSDUS PA BYED NA 'DI TZAM BYAS PAS RUNG, ,MA RIG 'JOMS PA'I NYI MA STE, ,SRID PA'I NAD NI SEL BA'I SMAN, ,DAM CHOS RIN CHEN 'DI DAG LA, ,BDAG GIS KHRUS 'DI GSOL BAR BGYI, ,CHOS KYI SKU YI BDAG NYID CAN, ,MCHOG GI YON TAN GZUGS CAN GYI, ,
MCHOD RTEN RIN CHEN 'DI DAG LA, ,BDAG GIS KHRUS 'DI GSOL BAR BGYI, ,BSKAL BA'I MTHA' YI DNGOS 'JOMS PA, ,'JIG BYED ME YI CHA BYAD CAN, ,MGON PO SNYING RJE'I STOBS LDAN LA, ,BDAG GIS KHRUS 'DI GSOL BAR BGYI, ,MCHOG TU TSIMS SHING SKAL BA BZANG, ,DAM PA'I BDUD RTZI MDZES CHA BYAD, ,DPAL LDAN BLA MA'I SKU 'DI LA, ,BDAG GIS KHRUS 'DI GSOL BAR BGYI, ,GDUL BYA'I SEMS CAN GANG DAG LA, ,RGYAL BA'I SPRUL SKU MANG PO YIS, ,GANG LA GANG 'DUL GZUGS SNANG BA, ,CHA BYAD LHA YI RNAM PA NI, ,SNYING RJE YIS NI NGES GANG BA, ,RTAG TU PHAN DANG BDE MDZAD PA, ,MCHOG TU DUL BA DE DAG LA, ,BDAG GIS KHRUS 'DI GSOL BAR BGYI, , SANGS RGYAS GZUGS BRNYAN GNAS DANG NI, ,SLOB PA'I DGE 'DUN GNAS KYI SA, ,GTZUG LAG KHANG DANG GNAS GZHAN LA, ,BDAG GIS KHRUS 'DI GSOL BAR BGYI, ,ZHES DBYANGS DANG BCAS PAS SNYAN MNAN NO, ,'DI LA MKHAS PA KHA CIG SNYAN GSAN DU BYED PA MI RIGS TE, SLOB DPON NAG PO SPYOD PAS KHRUS DNGOS GZHI GSOL BA'I TSIG YIN PA'I PHYIR ZHES GSUNG BAR 'DUG KYANG, BOD KYI MKHAS GRUB MANG PO'I RAB GNAS RNAMS SU SNYAN GSAN DU MDZAD 'DUG PA LTAR, 'DIR YANG DE LTAR BKOD PA YIN, RNAM DPYOD DANG LDAN PAS BRTAG PAR BYED PA'I GNAS SU 'DUG GO ,DE LTAR SNYAN MNAN NAS KHRUS LA'ANG PHAL KHRUS DANG, MCHOG KHRUS GNYIS NGES
, ,PAR DGOS TE, RAB GNAS KYI RGYUD LAS, 'JAM PA'I TIL MAR DAG DANG NI, ,AU DUm WA RA LCUG MA BZANG, ,'KHAR BA'I SNOD KYI NANG DAG TU, ,BKOD LA RAB TU DBUL BAR BYA, ,DRI LNGA YIS NI DE NAS PHYUGS, ,SA BON LNGAS NI GTOR BAR BYA, ,SLOB MA'I TSOGS DANG BCAS PA YIS, ,SNGAGS KYI GTZANG SBRAS BKRU BAR BYA, ZHES PAS PHAL PA'I KHRUS DANG, YANG, BKRA SHIS ZHES BYA'I YID 'ONG BA'I, ,BLO DANG LDAN PAS TSIGS BCAD BRJOD, ,RIG MA CAN LAS JI BZHIN DU, ,CHO GA BZHIN DU DNGOS DBANG BSKUR, ,CES MCHOG GI KHRUS SO SOR BSTAN PA LTAR, SDOM 'BYUNG LAS KYANG, DRI ZHIM LDAN PA'I MAR GYIS BYUGS, ,'DAG CHAL GYIS NI KHRUS KYANG BYA, ,SLAR YANG BUM PA SO SO YI, ,SKU GZUGS RNAMS NI KHRUS KYANG BYA, ,ZHES TSIGS BCAD PHYED DANG POS PHAL KHRUS DANG, PHYED PHYI MAS MCHOG KHRUS SO SOR GSAL BAR BSTAN NO, ,'ON KYANG LAG LEN BYED PA PO RNAMS KYI KHRUS BUM BRGYAD KYI THA SNYAD TZAM DANG, RNAM DBYE MDZAD PA RNAMS KYIS KYANG MCHOG KHRUS DANG PHAL KHRUS 'DRIS PA DANG, BYUG PA SOGS KYI RDZAS RNAMS KYANG KHRUS KYI SNGON DU 'BYUG PA TZAM MA GTOGS NGES PA MI 'DUG PAS, DES NA 'DIR KHRUS GNYIS JI LTAR BYA BA'I LAG TU LEN TSUL BRJOD PAR BYA'O, ,DE YANG KHRUS GNYIS KA LA SNGON DU 'DAG CHAL GYIS BYUGS NAS DUR BA'I PIR GYIS MNYE, DE NAS 'KHRU, DE RJES SKU BYUG BYED
BYUGS PA'I RJES SU SHING SHUN YUNG BA SKYU RU RA SRAN DKAR RNAMS KYI PHYE MAS DRIL GYIS BYED PA YIN LA, MNGAR GSUM LA SOGS PA'I KHRUS BUM BRGYAD KYI SNGAGS KYIS BYIN GYIS BRLABS PA'I CHU YANG KHRUS DANG PO'I SKABS KYI DAG BYED YIN GYI MCHOG KHRUS NA DKYIL 'KHOR SO SO'I BUM PA LHAG GNAS BYAS PA'I CHUS SKU KHRUS GSOL BA YIN NO, ,LAG LEN NI 'DI LTAR BYA STE, BDUD RTZI LNGA BA BYUNG LNGA DRI BZANG LNGA SKYU RU RA'I PHYE MA SOGS 'KHAR BA LA SOGS PA'I SNOD DU SNGAR BSHAMS PA BZHIN TSAR DU DNGAR TE, GTZANG ZHING DRI MA MI MNGA' YANG, ,DAG BYED BZANG PO RNAM PA LNGA, ,LEGS PAR SBYAR BA'I BYUG PA 'DI, ,YONGS SU DAG PAR BYA PHYIR 'BUL, ,AOm H'Um TR'Am HR'I: A'A: CES BRJOD CING SKU GZUGS DNGOS SAM, ME LONG NANG GI GZUGS BRNYAN LA DRI BZANG GI LDE GU BYUG PA'I TSUL BYED, DE LA DUR BA'I PIR GYIS DRUD CING, AOm SARBA TA TH'A GA TA K'A YA BI SHO DHA NE SV'AH'A, ZHES MNYED PA'I TSUL BYA'O, ,DE NAS KHRUS BUM DANG PO THOGS TE, RGYAL BA RNAMS NI GTZANG GYUR CING, ,SME BA'I RTOG PA MI MNGA' YANG, ,SRI ZHU'I TSUL GYI MNGAR GSUM CHUS, ,BDE GSHEGS RNAMS LA SKU KHRUS GSOL, ,AOm SARBA TA TH'A GA TA K'A YA BI SHO DHA NE SV'AH'A, RGYAL BA RNAMS NI GTZANG GYUR CING, ,SME BA'I RTOG PA MI MNGA' YANG, ,SRI ZHU'I TSUL GYI ZHO GSAR CHUS, ,BDE GSHEGS RNAMS LA SKU KHRUS GSOL, ,AOm SARBA TA TH'A GA TA K'A YA BI SHO DHA NE SV'AH'A, ,MI PHYED RDO RJE'I SKU NYID LA, ,BSNYUN MED
, ,BGRES PA MI MNGA' YANG, ,'JIG RTEN GUS PA'I TSUL TZAM DU, ,DRI ZHIM BYUG PA'I RIM GRO BGYI, ,AOm H'Um TR'Am HR'I: A'A: CES BRJOD CING, DRI ZHIM PO'I 'BRU MAR DANG MAR GYIS KHYAB PAR BYUG ,AOm SARBA TA TH'A GA TA K'A YA BI SHO DHA NE SV'AH'A, ,ZHES BRJOD CING DUR PA'I PIR GYIS DRUD, RANG BZHIN DAG PA GOS PA MED, ,'OD GSAL RNYOG PA MI MNGA' YANG, ,SHING SHUN PHYE MA LA SOGS PAS, ,SKU NI RAB TU DRIL ZHING DBYI, ,AOm H'Um TR'Am HR'I: A'A: CES BRJOD CING PHYE MA 'DEBS, AOm SARBA TA TH'A GA TA K'A YA BI SHO DHA NE SV'AH'A, ZHES BRJOD CING DUR BA'I PIR GYIS DRUD, ,GTZANG ZHING DRI MA MI MNGA' YANG, ,DAG BYED BZANG PO RNAM PA LNGA, ,LEGS PAR SBYAR BA'I BYUG PA 'DI, , YONGS SU DAG PAR BYA PHYIR 'BUL, ,AOm H'Um TR'Am HR'I: A'A: CES BRJOD CING BA BYUNG LNGA KHYAB PAR BYUG ,DUR PA'I PIR GYIS DRUD CING, AOm SARBA TA TH'A GA TA K'A YA BI SHO DHA NE SV'AH'A, ,RGYAL BA RNAMS NI GTZANG GYUR CING, ,SME BA'I RTOG PA MI MNGA' YANG, ,SRI ZHU'I TSUL GYI 'BRAS BU'I CHUS, ,BDE GSHEGS RNAMS LA SKU KHRUS GSOL, ,AOm SARBA TA TH'A GA TA K'A YA BI SHO DHA NE SV'AH'A, ,RGYAL BA RNAMS NI GTZANG GYUR CING, ,SME BA'I RTOG PA MI MNGA' YANG, ,SRI ZHU'I TSUL GYI 'BRU YI CHUS, ,BDE GSHEGS RNAMS LA SKU KHRUS GSOL, ,AOm SARBA TA TH'A GA TA K'A YA BI SHO DHA NE SV'AH'A, ,RGYAL BA RNAMS NI GTZANG GYUR CING, ,SME BA'I RTOG PA MI MNGA' YANG, ,SRI ZHU'I TSUL GYI DRI BZANG CHUS, ,
BDE GSHEGS RNAMS LA SKU KHRUS GSOL, ,AOm SARBA TA TH'A GA TA K'A YA BI SHO DHA NE SV'AH'A, MI PHYED RDO RJE'I SKU NYID LA, ,BSNYUN MED BGRES PA MI MNGA' YANG, ,'JIG RTEN GUS PA'I TSUL TZAM DU, ,DRI ZHIM BYUG PA'I RIM GRO BGYI, ,AOm H'Um TR'Am HR'I: A'A: CES BRJOD CING SPOS MAR BYUG ,DUR BA'I PIR GYIS DRUD CING, AOm SARBA TA TH'A GA TA K'A YA BI SHO DHA NE SV'AH'A, RANG BZHIN DAG PA GOS PA MED, ,'OD GSAL RNYOG PA MI MNGA' YANG, ,SKYU RU RA DANG MA SHA'I PHYES, ,SKU NI DRIL ZHING DBYI BAR BYA, ,AOm H'Um TR'Am HR'I: A'A: CES BRJOD CING PHYE MA 'DEBS, DUR BA'I PIR GYIS DRUD CING, AOm SARBA TA TH'A GA TA K'A YA BI SHO DHA NE SV'AH'A, GTZANG ZHING DRI MA MI MNGA' YANG, ,DAG BYED BZANG PO RNAM PA LNGA, , LEGS PAR SBYAR BA'I BYUG PA 'DI, ,YONGS SU DAG PAR BYA PHYIR 'BUL, ,AOm H'Um TR'I HR'I: A'A: DRI BZANG GI PHYE MAS BYUG ,DUR BA'I PIR GYIS DRUD CING, AOm SARBA TA TH'A GA TA K'A YA BI SHO DHA NE SV'AH'A, RGYAL BA RNAMS NI GTZANG GYUR CING,, SME BA'I RTOG PA MI MNGA' YANG, ,SRI ZHU'I TSUL GYI 'BRAS YOS CHUS, ,BDE GSHEGS RNAMS LA SKU KHRUS GSOL, ,AOm SARBA TA TH'A GA TA K'A YA BI SHO DHA NE SV'AH'A, RGYAL BA RNAMS NI GTZANG GYUR CING, ,SME BA'I RTOG PA MI MNGA' YANG, ,SRI ZHU'I TSUL GYI SMAN GYI CHUS, ,BDE GSHEGS RNAMS LA SKU KHRUS GSOL, ,AOm SARBA TA TH'A GA TA K'A YA BI SHO DHA NE SV'AH'A, RGYAL BA RNAMS NI GTZANG GYUR CING, ,SME BA'I RTOG PA MI MNGA' YANG, ,SRI ZHU'I TSUL GYI RIN CHEN
, ,CHUS, ,BDE GSHEGS RNAMS LA SKU KHRUS GSOL, ,AOm SARBA TA TH'A GA TA K'A YA BI SHO DHA NE SV'AH'A, MI PHYED RDO RJE'I SKU NYID LA, ,BSNYUN MED BGRES PA MI MNGA' YANG, ,'JIG RTEN GUS PA'I TSUL TZAM DU, ,DRI ZHIM BYUG PA'I RIM GRO BGYI, ,AOm H'Um TR'Am HR'I: A'A: 'BRU MAR GYIS BYUG ,DUR BA'I PIR GYIS DRUD, AOm SARBA TA TH'A GA TA K'A YA BI SHO DHA NE SV'AH'A, RANG BZHIN DAG PA GOS PA MED, ,'OD GSAL RNYOG PA MI MNGA' YANG, ,YUNG BA BZANG PO'I PHYE MA YIS, ,SKU NI DRIL CING DBYI BAR BYA, ,AOm H'Um TR'Am HR'I: A'A: ZHES BRJOD CING, YUNG BA'I PHYE MA 'DEBS, ,DUR BA'I PIR GYIS DRUD CING, AOm SARBA TA TH'A GA TA K'A YA BI SHO DHA NE SV'AH'A, MDOR BSDU NA 'DAG RDZAS DANG BUM CHU RNAMS DANG, ,DRIL PHYIS RNAMS SDE TSAN SDE TSAN DU DRIL NAS CHO GA YANG, DAG BYED BZANG PO LNGA RNAMS NI ZHES PA DANG, SRI ZHU'I TSUL GYI KHRUS CHAB 'DIS, ,ZHES PA DANG, DRI ZHIM SKU MNYE 'DI RNAMS KYIS ZHES DANG, DRIL PHYIS PHYE MA 'DI RNAMS KYIS, ZHES PA'I KHYAD PAR SBYAR NAS 'DAG RDZAS KHRUS BSKU MNYE DRIL PHYIS DBYE BA RNAMS LAN RE BYA STE PHAL KHRUS JI LTAR BYA BA'I LAG LEN NO, ,DA NI MCHOG GI KHRUS BYA BA LA THOG MAR MCHOD PA RNAMS BYIN GYIS BRLABS LA, DBANG LHA RNAMS SPYAN 'DREN PA NI 'DI LTAR, RANG GTZO BO GANG YIN DU GSAL BA'I THUGS KA'I H'Um LAS 'OD ZER 'PHROS, GSHEGS PA DANG GSHAGS MA, SEMS DPA' DANG
SEMS MA, KHRO BO DANG KHRO MO'I TSOGS THAMS CAD MDUN GYI NAM MKHAR SPYAN DRANGS, AOm SARBA TA TH'A GA TA AARGHAm NAS SHAPTA PRA T'ITZTSA SV'AH'A, ZHES PA'I BAR GYIS MCHOD, ` ,RDO RJE CAN GYIS SANGS RGYAS LA, ,'GRO BA SKYOB PA'I CHED DU DBANG, ,YON TAN 'BYUNG GNAS JI LTAR STZAL, ,DE LTAR 'DI LA'ANG STZAL DU GSOL, ZHES GSOL BA BTAB PAS, DE BZHIN GSHEGS PA RNAMS KYIS DBANG BSKUR BA'I DGONGS PA MDZAD, SPYAN MA LA SOGS PA'I LHA MO RNAMS KYIS BUM PA DKAR PO BDUD RTZI LNGAS GANG BA BZUNG NAS DBANG BSKUR, GZUGS RDO RJE MA LA SOGS PAS BKRA SHIS KYI GLU DBYANGS KYIS SHIS PA BRJOD, KHRO BO RNAMS PHYOGS 'TSAMS SU 'KHOD NAS BGEGS BSKRAD PAR GYUR, DE LTAR BSAMS LA, ` BKRA SHIS GANG ZHIG SEMS CAN KUN GYI SNYING LA GNAS, ,KUN GYI BDAG NYID DAM PA'I RIGS RNAMS KYI NI RJE, ,MA LUS SEMS CAN SKYED BYED BDE BA CHEN PO DE, ,BKRA SHIS DES NI DE RING KHYOD LA DBANG RAB BSKUR, ,BKRA SHIS GANG ZHIG MA LUS RDO RJE'I RIGS DANG LDAN, ,SDANG BAS ZIL MNAN SKYE BO YONGS SU SBYONG BYED CING, ,MI BSKYOD MGON PO ZHES BYAR MTSAN GSOL DE YIS NI, ,BKRA SHIS DES NI DE RING KHYOD LA DBANG RAB BSKUR, ,BKRA SHIS GANG ZHIG MTHA' DAG 'KHOR LO'I RIGS DANG LDAN, ,RNAM PAR SNANG MDZAD 'KHOR BA'I SDUG BSNGAL RTAG 'PHROG CING, ,RMONGS PAS ZIL MNAN SKYE BO YONGS SU SPYOD MDZAD
, ,PA, ,BKRA SHIS DES NI DE RING KHYOD LA DBANG RAB BSKUR, ,BKRA SHIS GANG ZHIG MA LUS RIN CHEN RIGS DANG LDAN, ,'PHONGS PA'I SDUG BSNGAL GROL BAR YONGS SU RAB BRTZON CING, ,KHENGS PAS ZIL MNAN 'GRO BA YONGS SU SBYONG MDZAD PA, ,BKRA SHIS DES NI DE RING KHYOD LA DBANG RAB BSKUR, ,BKRA SHIS GANG ZHIG MA LUS PADMA'I RIGS DANG LDAN, ,'JIG RTEN DBANG PHYUG SRID PA'I DRA BA 'JOMS PA PO, ,CHAGS PAS ZIL MNAN 'GRO BA YONGS SU SBYONG MDZAD PA, ,BKRA SHIS DES NI DE RING KHYOD LA DBANG RAB BSKUR, ,BKRA SHIS GANG ZHIG MA LUS LAS KYI RIGS DANG LDAN, ,BRTZE BA'I BDAG NYID LOG PAR LTA BA NGES PAR SPONG, ,DE SPYOD THABS STON DE NI KUN NAS SEL MDZAD PA, ,BKRA SHIS DES NI DE RING KHYOD LA DBANG RAB BSKUR, ,CES BKRA SHIS KYI GLU SNGON DU BTANG STE, ` ,KHRUS KYI KHANG PA SHIN TU DRI ZHIM PA, ,SHEL GYI SA GZHI GSAL ZHING 'TSER BA BSTAR, ,RIN CHEN 'BAR BA'I KA BA YID 'ONG LDAN, ,MU TIG 'OD CHAGS BLA BRE BRES PA DER, ,CES KHRUS KHANG BSKYED, 'DAG CHAL 'BUL BA NI, STONG GSUM KUN TU DRI NGAD LDANG BA YI, ,DRI MCHOG RNAMS KYIS THUB DBANG RNAMS KYI SKU, ,GSER SBYANGS BTZO MA BYI DOR BYAS PA LTAR, ,'OD CHAGS 'BAR BA DE DAG BYUG PAR BGYI, ,AOm H'Um TR'Am HR'I: A'A: CES BRJOD CING, DRI BZANG GI LDE GU BYUG ,DUR BA'I PIR GYIS DRUD CING, AOm SARBA TA TH'A GA TA K'A YA BI SHO DHA NE SV'AH'A, JI LTAR BLTAMS PA TZAM GYIS NI, ,LHA
RNAMS KYIS NI KHRUS GSOL LTAR, ,LHA YI CHU NI DAG PA YIS, ,DE BZHIN BDAG GIS KHRUS BGYI'O, ,AOm SARBA TA TH'A GA TA AA BHI shE KA TA SA MA YA SHR'I YE A'A: H'Um, AOm BADZRA SATVA H'Um H'Um SV'AH'A, SNGAGS 'DI GNYIS 'OG MA RNAMS SU YANG SBYAR RO, ,MI PHYED RDO RJE'I SKU NYID LA, ,BSNYUN MED BGRES PA MI MNGA' YANG, ,'JIG RTEN GUS PA'I TSUL TZAM DU, ,DRI ZHIM BYUG PA'I RIM GRO BGYI, ,AOm H'Um TR'Am HR'I: A'A: CES BRJOD CING, DRI ZHIM PO'I 'BRU MAR GYIS BYUG ,DUR BA'I PIR GYIS DRUD CING, AOm SARBA TA TH'A GA TA K'A YA BI SHO DHA NE SV'AH'A, RANG BZHIN DAG PA GOS PA MED, ,'OD GSAL SNYOG PA MI MNGA' YANG, ,DRI BZANG LNGA YI PHYE MA YIS, ,RGYAL BA'I SKU LA DRIL PHYIS BYI, ,AOm H'Um TR'Am HR'I: AA: CES BRJOD CING, DRI BZANG GI PHYE MA 'DEBS, ,DUR BA'I PIR GYIS DRUD CING, AOm SARBA TA TH'A GA TA K'A YA BI SHO DHA NE SV'AH'A, SKU MCHOG RNAM DAG BLTA BAS MI NGOMS LA, ,NGO MTSAR SKYON BRAL MKHA' DKYIL NYI GSAL 'DRA, ,CHOS KYI SKU LA DRI MA MI MNGA' YANG, ,SRI ZHU BKUR STI RIM GRO'I TSUL TZAM DU, ,CHU GTZANG SMAN SPOS 'O MA 'DAG CHAL CHUS, ,'GRO BA'I LUS SEMS SDUG BSNGAL NAD BSAL TE, ,NYES PA'I SKYON BRAL 'GRO BA'I YID 'ONG BA'I, ,DAM PA'I SKU MCHOG BDAG GIS THOB PAR SHOG ,DE DAG SKU LA MTSUNGS PA MED PA'I GOS, ,GTZANG LA DRI RAB BSGOS PAS SKU PHYI'O, ,AOm H'Um TR'Am HR'I: A'A: AOm SARBA TA TH'A GA TA K'A YA BI SHO DHA NE SV'AH'A, MDOR BSDU NA 'DI TZAM GYIS MCHOG KHRUS
, ,GSOL, KHYOD NI SBYIN PA'I RANG BZHIN CHU, ,GSER SNA'I DRI MA SBYONG MDZAD CING, ,GTONG BA DRI YIS LEGS GOS PA, ,KHRUS LEGS MDZAD LA PHYAG 'TSAL 'DUD, ,KHYOD NI TSUL KHRIMS RANG BZHIN CHU, ,KHRIMS 'CHAL DRI MA SBYONG MDZAD CING, ,TSUL KHRIMS DRI YIS LEGS GOS PA, ,KHRUS LEGS MDZAD LA PHYAG 'TSAL 'DUD, ,KHYOD NI BZOD PA'I RANG BZHIN CHU, ,ZHE SDANG DRI MA SBYONG MDZAD CING, ,BYAMS PA DRI YIS LEGS GOS PA, ,KHRUS LEGS MDZAD LA PHYAG 'TSAL 'DUD, ,KHYOD NI BRTZON 'GRUS RANG BZHIN CHU, ,LE LO'I DRI MA SBYONG MDZAD CING, ,BRTZON 'GRUS DRI YIS LEGS GOS PA, ,KHRUS LEGS MDZAD LA PHYAG 'TSAL 'DUD, ,KHYOD NI BSAM GTAN RANG BZHIN CHU, ,RNAM GA-YENG DRI MA SBYONG MDZAD CING, ,TING 'DZIN DRI YIS LEGS GOS PA, ,KHRUS LEGS MDZAD LA PHYAG 'TSAL 'DUD, ,KHYOD NI SHES RAB RANG BZHIN CHU, ,SHER 'CHAL DRI MA SBYONG MDZAD CING, ,YE SHES DRI YIS LEGS GOS PA, ,KHRUS LEGS MDZAD LA PHYAG 'TSAL BDUD, ,CHU BO DRUG GIS KHRUS BYAS SHING, ,DRI MA RNAM DRUG SBYONG MDZAD PA, ,RGYA CHEN YON TAN DRUG LDAN PA, ,KHRUS LEGS MDZAD LA PHYAG 'TSAL 'DUD, ,GANG LA NYES PA MI MNGA' ZHING, ,YON TAN THAMS CAD DANG LDAN PA, ,SANGS RGYAS DE LA THAR DON DU, ,DAD PAS BDAG GIS KHRUS GSOL LO, ,'BRING DU BYED NA SBYIN PA NAS SHES RAB KYI BAR SNGAGS GNYIS SPEL BA DANG BCAS THAR CHAGS
SU BRJOD, ,MJUG TU SKU MNYE DRIL PHYIS DBYI BA RNAMS BYA'O, ,RGYAS PA LA KHRUS GSOL GYI TSIGS BCAD DANG SNGAGS GNYIS SPEL BA RE RE'I SNGON DU DRI BZANG GI 'DAG CHAL BYUG PA, MJUG TU SKU BYUG DRI BZANG PHYE MA SKAM PO'I DRIL PHYIS; RIGS LNGA'I SA BON BKOD PA'I RAS KYIS PHYI BA RNAMS SPEL BAS SHIN TU RGYAS PAR 'GYUR RO, ,KHRUS GSOL GYI SNGAGS BRJOD PA'I TSE ROL MO'I SGRA YANG BYA'O, ,MI PHYED RDO RJE'I SKU NYID LA, ,BSNYUN MED BGRES PA MI MNGA' YANG, ,'JIG RTEN GUS PA'I TSUL TZAM DU, ,DRI ZHIM BYUG PA'I RIM GRO BGYI, ,AOm H'Um TR'Am HR'I: A'A: CES BRJOD CING 'BRU MAR DRI ZHIM POS BYUG ,DUR BA'I PIR GYIS BDAL ZHING, AOm SARBBA TA TH'A GA TA K'A YA BI SHO DHA NE SV'AH'A, RANG BZHIN DAG PA GOS PA MED, ,'OD GSAL RNYOG PA MI MNGA' YANG, ,DRI BZANG LNGA YI PHYE MA YIS, ,RGYAL BA'I SKU LA DRIL PHYIS BYA, ,AOm H'Um TR'Am HR'I: A'A: CES BRJOD CING, DRI BZANG GI PHYE MA 'DEBS, ,DUR BA'I PIR GYIS DRUD CING, AOm SARBBA TA TH'A GA TA K'A YA BI SHO DHA NE SV'AH'A, MCHOG KHRUS KYI THOG MA'I DRI BZANG NI LDE GUR BYAS PA'I 'DAG CHAL DANG, 'DI NI DRIL PHYIS BYED PA'I DRI BZANG GI PHYE MA YIN NO, ,DE NAS SKU MCHOG RNAM DAG BLTA BAS MI NGOMS LA, ZHES PA NAS, DAM PA'I SKU MCHOG BDAG GIS THOB PAR SHOG ,CES KHRUS GSOL BA'I SMON LAM BRJOD, SLAR YANG, DE DAG SKU LA MTSUNGS PA MED PA'I GOS, ,GTZANG LA DRI RAB BSGOS PAS
, ,SKU DBYI'O, ,AOm H'Um TR'Am HR'Am: A'A: AOm SARBBA TA TH'A GA TA K'A YA BI SHO DHA NE SV'AH'A, BDE GSHEGS SKU GSUM MTSAN DANG DPE MNGA' YANG, ,'GRO BA'I DON DU GZUGS SKU CIR YANG GDA', ,RIN CHEN DBYIG LTAR NYES PA'I SKYON BRAL YANG, ,'JIG RTEN SRI ZHU GUS PA'I TSUL TZAM DU, ,SDIG MED RGYAL BA RNAMS KYIS RAB BSNGAGS PA'I, ,RAS MCHOG 'DI YIS RGYAL BA'I SKU PHYIS PAS, ,NYON MONGS DUG GSUM SGRIB PA KUN BYANG NAS, ,SKU GSUM NGANG DU BDAG CAG 'GYUR BAR SHOG ,CES SKU PHYIS PA LAS BYUNG BA'I DGE BA BSNGO, ,MDOR BSDU NA, SMON PA YANG, CHU GTZANG SMAN SPOS ZHES SOGS DANG, SDIG MED RGYAL BA RNAMS KYIS RAB BSNGAGS PA'I, ZHES SHO LO KA RE RE BRJOD, DE NAS, STONG GSUM KUN TU DRI NGAD LDANG BA YI, ,DRI MCHOG RNAMS KYIS THUB DBANG RNAMS KYI SKU, ,GSER SBYANG BTZO MA BYI DOR BYAS PA LTAR, ,'OD CHAGS 'BAR BA DE DAG BYUG PAR BGYI, ,AOm BADZRA GHANDE A'A: H'Um SV'AH'A, ZHES DRI BZANG POS BYUG ,SNA TSOGS DBANG PO'I GZHU BZHIN RAB BKRA YANG, ,GANG LA REG NA BDE BA'I RGYUR 'GYUR BA, ,GOS BZANG RIN CHEN BDAG BLO SBYANG PHYIR 'BUL, ,BZOD PA DAM PA'I GOS KYIS BRGYAN PAR SHOG ,AOm BADZRA WA STVA YE A'A: H'Um SV'AH'A, MDOR BSDU NA, RGYAL BA MTSAN DPE'I RANG BZHIN RGYAN LDAN PHYIR, CES SOGS KYIS RGYAN 'BUL, RGYAS PAR NA, BDE GSHEGS
SKU MCHOG MTSAN DANG DPE BYAD DANG, ,RIN CHEN 'OD CHAGS 'BAR BAS SKU BRGYAN CING, ,BYANG CHUB PHYOGS KYI RGYAN GYIS MDZES LAGS KYANG, ,'JIG RTEN BKUR STI RIM GRO'I TSUL TZAM DU, ,RIN CHEN 'PHRENG BA SE MO DO SHAL DANG, ,RGYAN GYI DAM PA KHYAD PAR MCHOG PHUL BAS, ,BYANG CHUB PHYOGS KYI RGYAN DANG LDAN GYUR NAS, ,BLA MED THEG PA MCHOG LA SBYONG BAR SHOG ,AOm BADZRA AA WA RATNA WA PU shA nE A'A: H'Um SV'AH'A, DE DAG NI KHRUS KYI RIM PA'O, , ` SDOMS NI, YE SHES SPYAN DRANGS MCHOD NAS NI, ,SNYAN GSAN GSUM GYIS GSOL BA GDAB, ,CHU GSUM NYER SPYOD ROL MOS MCHOD, ,PHYAG 'TSAL BSTOD CING GSHEGS SU GSOL, ,DAM TSIG GNAS LDANG DRI BZANG BYUG ;NYER SPYOD ROL MOR BCAS PA PHUL, ,'KHYIL BA'I SNGAGS BZLAS GNAS GSUM REG ,PHYOGS GTOR PHUL CING NA BZA' BKAB, CES BYA'O, ` ,RANG YI DAM DU GSAL BA'I THUGS KA'I H'Um LAS 'OD ZER 'PHROS, RAB TU GNAS BYA'I RTEN RNAMS KYI YE SHES PA DANG, SANGS RGYAS DANG BYANG CHUB SEMS DPA'I 'KHOR DANG BCAS PA SPYAN DRANGS, MDUN GYI NAM MKHAR BZHUGS PAR GYUR, MCHOD PA RNAMS BYIN GYIS BRLABS TE, DRI MED YID DU 'ONG BA YI, ,SNGAGS KYI ZHABS BSIL MCHOG 'DI DAG ,BDAG GIS DAD PAS 'BUL LAGS KYI, ,CI BDE BAR NI BZHES SU GSOL, ,AOm A'A: TR'I: PRA WA RA SAD KA RAm P'A TYAm PRA T'I TZTSA H'Um SV'AH'A, DE BZHIN DU ZHABS BSIL GYI GNAS
, ,SU ZHAL BSIL DANG YON CHAB CES PA BCUG ,P'A TYAm GYI GNAS SU AANYTZA MA nI AA RGRGHAm ZHES PA BCUG LA CHU GSUM PHUL, LHA YI ME TOG DAM PA 'DI, ,DKYIL 'KHOR MCHOD PA BGYID PAR 'TSAL, ,THUGS NI BRTZE BAR NYER DGONGS LA, ,MGON PO MCHOD PA 'DI BZHES SHIG ,AOm SARBBA TA TH'A GA TA PU shPAm PRA T'I TZTSA H'Um SV'AH'A, DE BZHIN DU ME TOG GI GNAS SU BDUG SPOS MAR ME DRI CHAB ZHAL ZAS SIL SNYAN ZHES BCUG ,PUshPAm GYI GNAS SU, DH'U PAm, A'A LO KE, GHANDHE, NEE WI TYE, SHAPTA CES BCUG NAS MCHOD, GSOL BTAB NI BDAG NYID KYI LCE H'Um LAS SKYES PA'I RDO RJER GYUR, LAG PA GA-YAS SPOS DANG GA-YON DRIL BU DKROL CING, THUGS RJE YIS NI BDAG CAN BDAG ,SLOB MA RNAMS LA RJES BRTZE DANG, ,KHYED RNAMS LA YANG MCHOD SLAD DU, ,SANG NI RAB GNAS BGYID PAR 'TSAL, ,BCOM LDAN GUS PAS BDAG LA NI, ,DE PHYIR BKA' DRIN MDZAD PAR 'OS, ,RDO RJE CAN BDAG CHE GE MO, ,SKU GSUNG THUGS RTEN RAB GNAS NI, ,YON BDAG CI NUS YO BYAD KYIS, ,SANG NI YANG DAG BGYID PAR 'GYUR, ,DE PHYIR SLOB MAR BCAS BDAG LA, ,RJES SU BRTZE BAS NYER BZUNG NAS, ,'KHOR BCAS KUN GYIS RAB GNAS LA, ,BYIN GYIS BRLABS PAR MDZAD DU GSOL, CES LAN GSUM GSOL BA BTAB PAS, LHA RNAMS KYIS DGYES BZHIN DU GNANG BA SBYIN PAR GYUR PAR BSAM MO, ,DE NAS SNGAR BZHIN BYIN GYIS
BRLABS PA'I CHU GSUM NYER SPYOD ROL MO DANG BCAS PA PHUL, AOm SARBBA TA TH'A GA TA P'A DA BANDHA NAm KA RO MI, ZHES PHYAG BYA, GNYIS MED THUN MONG MA YIN KHYAB PA'I SKU, ZHES SOGS KYIS BSTOD, AOm KHYED KYIS SEMS CAN DON KUN MDZAD, ,RJES SU MTHUN PA'I DNGOS GRUB BSTZAL, ,SANGS RGYAS YUL DU GSHEGS NAS NI, ,SLAR YANG 'BYON PAR MDZAD DU GSOL, ,AOm BADZRA MU: YE SHES PA RANG GNAS SU GSHEGS PAR BSAM PA NI SNYAN GSAN DNGOS SO, ,DE NAS RTEN DAM TSIG PAR GSAL BA RNAMS KYI THUGS KA DBU MGUL PHYAG GNYIS SPYI GTZUG RNAMS SU DRI BZANG POS BYUG ,MCHOD PA BYIN GYIS BRLABS, ` RTEN CING 'BREL BAR 'BYUNG BA YI, ,LHA RDZAS DAM PA'I ZHABS BSIL 'DI, ,MCHOG TU DAD PAS KHYED LA 'BUL, ,CI BDE BAR NI BZHES SU GSOL, CES SNGAGS DANG BCAS PAS CHU GSUM NYER SPYOD ROL MO DANG BCAS PA PHUL, HR'I: shtR'I: SOGS LAS SNGAGS DANG, 'KHYIL BA'I SNGAGS BZLA ZHING RTEN RNAMS KYI THUGS KA MGRIN PA SPYI BO RNAMS SU REG CING, RTEN DANG BDAG NYID BSRUNG BA'I BSGOM BZLAS BYAS TE DKYIL 'KHOR GANG DANG 'BREL BA'I PHYOGS SKYONG LA GTOR MA PHUL LA RTEN RNAMS NA BZA' SER POS BKAB NAS BZHAG GO ,DE DAG NI STA GON JI LTAR BYA BA'I RIM PA YIN NO, ` ,DNGOS GZHI'I SDOMS NI, BDAG MDUN DKYIL 'KHOR MNGON BYAS NAS, ,SLAR YANG SNGAR BZHIN RTEN BSKYED BYA, ,CHU
, ,BZHI NAS NI RGYAN DBUL BAR, ,RGYAS BSDUS CI RIGS SNGAR BZHIN BYA, ,GSOL BTAB SEMS BSKYED RTEN BSKYED DE, ,MIG DANG SKU SOGS BYIN GYIS BRLABS, ,YE SHES SPYAN DRANGS MCHOD NAS NI, , GSOL BTAB DAM TSIG PA LA GZHUG ,DBANG LHA SPYAN DRANGS MCHOD NAS NI, ,DBANG BZHI SLOB MA BZHIN DU BSKUR, ,CES PA'O, ,DNGOS GZHI'I NYIN SNGA BAR LANGS TE BDAG BSKYED MDUN BSKYED BUM BSKYED RNAMS CHAD LHAG TU MA SONG BA'I NGOS NAS RGYAS BSDUS CI RIGS SNGON DU BTANG MCHOD GTOR GSAR PA RGYA CHEN PO BSHAMS, ,GSOL GDAB SEMS BSKYED GNYIS BZHAG ,RTEN BSKYED PA NAS BZUNG STE RGYAN 'BUL BA'I BAR RGYAS BSDUS SKABS DANG BSTUN NAS BYAS LA, SKABS 'DIR, GANG 'DI MA'I GSOL BTAB SEMS BSKYED DANG BCAS PA LTA GON GYI SKABS LTAR BYA'O, ,RGYAS PAR 'DOD NA DKYIL 'KHOR SO SO'I SKYE MCHED DANG SKU GSUNG THUGS BYIN RLABS LTAR DANG, ` ,BSDU NA LHA RNAMS KYI SPYI BOR AOm LAS BYUNG BA'I ZLA BA'I DKYIL 'KHOR GYI DBUS SU AOm DKAR PO, ,MGRIN PAR A'A: LAS BYUNG BA'I PADMA DMAR PO 'DAB MA BRGYAD PA'I LTE BA'I DBUS SU A'A: DMAR PO, ,THUGS KAR H'Um LAS BYUNG BA'I RDO RJE SNGON PO RTZE LNGA PA'I LTE BA'I DBUS SU H'Um SNGON POS MTSAN PAR GYUR, ,LAG PA GA-YAS SPOS DANG GA-YON DRIL BU 'DZIN PAS, MA LUS SEMS CAN KUN GYI
MGON GYUR CING, ,BDUD SDE DPUNG BCAS MI BZAD 'JOMS MDZAD LHA, ,DNGOS RNAMS MA LUS JI BZHIN MKHYEN GYUR PA'I, ,BCOM LDAN 'KHOR BCAS GNAS 'DIR GSHEGS SU GSOL, ,BCOM LDAN BSKAL PA GRANGS MED DU MA RU, ,'GRO LA BRTZE PHYIR THUGS RJE RNAM SBYANGS SHING, ,SMON LAM RGYA CHEN DGONGS PA YONGS RDZOGS PA, ,KHYED BZHENG 'GRO DON MDZAD DUS 'DI LAGS NA, ,DE PHYIR CHOS DBYINGS PHO BRANG LHUN GRUB NAS, ,RDZU 'PHRUL BYIN RLABS SNA TSOGS STON MDZAD CING, ,MTHA' YAS SEMS CAN TSOGS RNAMS BSGRAL BYA'I PHYIR, ,YONGS DAG 'KHOR DANG BCAS TE GSHEGS SU GSOL, ,CHOS RNAMS KUN GYI DBANG PHYUG GTZO, , BTZO MA GSER GYI MDOG 'DRA ZHING, ,NYI MA LAS LHAG GZI BRJID CHE, ,DAD PAS SPYAN NI DRANG BAR BGYI, ,ZHI ZHING THUGS RJE CHE LDAN PA, ,DUL ZHING BSAM GTAN SA LA BZHUGS, ,CHOS DANG YE SHES CHAGS BRAL BA; ;KUN TU MI ZAD NUS PAR LDAN, ,TSUR SPYON TSUR SPYON ZHI BDAG LHA, ,THUB PA'I SKYES MCHOG THAMS CAD MKHYEN, ,SHIN TU LEGS BYAS GZUGS BRNYAN NI, ,MCHOD PAS 'DIR NI GSHEGS SU GSOL, ,'DIR NI GZUGS DANG LHAN GCIG TU, ,'GRO BA'I DON DU BZHUGS NAS KYANG, ,NAD MED TSE DANG DBANG PHYUG DANG, ,MCHOG RNAMS LEGS PAR STZAL DU GSOL, ,RANG GI THUGS KA'I H'Um LAS 'OD ZER 'PHROS RAB TU GNAS BYA'I
, ,RTEN RNAMS KYI YE SHES PA DANG SANGS RGYAS DANG BYANG CHUB SEMS DPA' THAMS CAD SPYAN DRANGS MDUN GYI NAM MKHAR BZHUGS PAR GYUR PAR BSAMS LA, BCOM LDAN THUGS RJES BYON PA LEGS, , BDAG CAG BSOD NAMS SKAL PAR LDAN, ,BDAG LA MCHOD YON BZHES NAS KYANG, ,THUGS LA DGONGS BZHIN GNANG BAR MDZOD, ,AOm BADZRA GA GA NA SA MA YA SHR'I YE H'Um, ZHES MCHOD YON DBUL, JI LTAR BLTAMS PA TZAM GYIS NI, ZHES SOGS TSIGS BCAD GCIG SNGAGS DANG BCAS PAS KHRUS GSOL, BDAG DANG 'GRO LA THUGS BRTZE'I PHYIR, ,NYID KYI RDZU 'PHRUL MTHU YIS NI, ,JI SRID MCHOD PA BDAG BGYID NA, ,DE SRID BCOM LDAN BZHUGS SU GSOL, PADMA TZANDRA A'A SA NI TIshthANTU ZHES GDAN PHUL LA THAL MO SBYAR TE, BDE BAR GSHEGS SO BCOM LDAN 'DAS, ,TSUR GSHEGS 'DIR NI BZHUGS SU GSOL, ,BDAG LA MCHOD YON BZHES NAS NI, ,BDAG KYANG BLO DANG LDAN PAR MDZOD, CES GSOL BA BTAB LA MCHOD PA BYIN GYIS BRLABS TE, AOm SARBBA TA TH'A GA TA AARGHAm P'U DZA ME GHA SA MU DRA SPHA RA nA SA MA YA SHR'I YE A'A: H'Um ZHES MCHOD YON DANG, ZHABS BSIL ME TOG NAS ROL MO'I BAR GYIS MCHOD, BDAG NYID KYI LCE H'Um LAS SKYES PA'I RDO RJER GYUR, RDOR DRIL SPOS DANG BCAS PA 'DZIN CING, SANG NI RAB GNAS BGYID PAR 'TSAL, CES PA DANG, SANG NI RAB GNAS BGYID PAR 'GYUR, CES PA GNYIS, DA LTA RAB GNAS BGYID PAR
'TSAL, CES PA DANG, ,DA LTA YANG DAG BGYID PAR 'GYUR, CES BRJOD NAS, THUGS RJE YIS NI BDAG CAN BDAG ,CES SOGS LAN GSUM GYIS GSOL BA BTAB PAS, LHA RNAMS DGYES BZHIN DU GNANG BA SBYIN PAR GYUR, DZA: H'Um BAm HO: YE SHES PA RNAMS DAM TSIG PA DANG GNYIS SU MED PAR GYUR PAR BSAM MO, ,DE NAS DBANG BSKUR BA NI, BLA MA DANG GTZO BO THA MI DAD PAS RAB TU GNAS BYA'I LHA LA DBANG BSKUR BAR BSAM ZHING, DNGOS SU RANG GIS DBANG GI DAG PA SOGS MTHA' RTEN BZHAG STE NANG DBANG DANG BCAS PA'I RIG PA'I DBANG LNGA, DBANG GONG MA GSUM GYI DNGOS GZHI RNAMS SLOB MA LA DBANG BSKUR BA LTAR DKYIL 'KHOR RANG RANG CHO GA BZHIN DBANG BSKUR BA YIN NO, ,'BRING DANG BSDUS PA GNYIS LA KHRUS KYI RGYAN PHUL BA'I RJES SU SDOMS KYIS GSAL BAR NGES PAS 'DI LTAR, ` MIG DANG SKU SOGS BYIN GYIS BRLABS, ,YE SHES SPYAN DRANGS MCHOD NAS NI; ;GSOL GDAB DAM TSIG PA LA GZHUG ,DBANG LHA SPYAN DRANGS MCHOD NAS NI, ,DBANG BSKUR RIGS BDAG GIS RGYAS GDAB, CES PA LTAR, YE SHES PA RNAMS DAM TSIG PA RANG GNYIS SU MED PAR GYUR, RANG GI THUGS KA'I H'Um LAS 'OD ZER 'PHROS, GSHEGS PA DANG GSHEGS MA, SEMS DPA' DANG SEMS MA, KHRO BO DANG KHRO MO'I TSOGS THAMS CAD MDUN GYI NAM MKHAR SPYAN DRANGS, SNGAR BZHIN MCHOD, DE BZHIN GSHEGS PA THAMS
, ,CAD KYIS 'DI LA MNGON PAR DBANG BSKUR DU GSOL, ZHES GSOL BA BTAB PAS, DE BZHIN GSHEGS PA RNAMS KYIS DBANG BSKUR BA'I DGONGS PA MDZAD, SPYAN MA LA SOGS PA'I RIG MA DANG BCAS PA NAM MKHAR BZHUGS PA RNAMS KYIS GDUGS DANG RGYAL MTSAN LA SOGS PA RAB TU GNAS BYA'I LHA RNAMS KYI STENG PHYOGS SU 'DZIN, GLU GAR MDZAD CING ROL MO BRDUNG, ME TOG DANG GUR GUM LA SOGS PA'I CHAR 'BEBS PHYAG GIS CUNG ZAD YO BAR BZUNG BA'I BUM PA DKAR PO BDUD RTZIS GANG BA RNAMS KYIS DBANG BSKUR, GZUGS RDO RJE MA LA SOGS PA RNAMS KYIS BKRA SHIS KYI GLU DBYANGS KYI SHIS PA BRJOD KHRO BO RNAMS PHYOGS MTSAMS SU 'KHOD NAS BGEGS BSKRAD PAR GYUR, JI LTAR BLTAMS PA TZAM GYIS NI, ZHES SHO LO KA GCIG GI MJUG TU AOm SARBBA TA TH'A GA TA AA BHI shE KA TA SAM YA SHR'I YE H'Um ZHES GSUNG ZHING DBANG BSKUR BAS LUS THAMS CAD GANG, BDE BA CHEN PO MYONG, DRI MA THAMS CAD DAG ,CHU LHAG MA SPYI GTZUG TU GNAS PA YONGS SU GYUR PA LAS MI BSKYOD PAS DBU BRGYAN PAR GYUR PAR BSAM PA NI BSDUS 'BRING GI LAG LEN GTZO BO DANG RGYAS PA LA'ANG SBYAR RUNG NGO, ` ,SDOMS NI, MCHOD BSTONG GOS RGYAN ME LONG BSTAN, ,SBYIN SREG DBUL ZHING SPYAN SOGS DBYE, ,ZHAL BSIL MCHOD YON SO RTZI DBUL, ,DAM BSGRAGS GZUGS BSGYUR MNGA' DBUL BYA,,
SHIS BRJOD BRTAN BZHUGS BSTOD PAR BYA, ZHES PA LAS THOG MAR MCHOD PA NI, DKYIL 'KHOR GANG DANG 'BREL BA'I BYIN RLABS BYAS LA, DAG CING DRI MED YID 'ONG BA'I, ZHES SOGS KYI CHU BZHI DANG, LHA YI ME TOG DAM PA 'DIS, ZHES SOGS LTA BU MCHOD 'PHRENG SKABS DANG SBYAR BAS NYER SPYOD ROL MO DANG BCAS PA SO SO'I SNGAGS DANG PHYAG RGYA DANG LDAN PAS 'BUL LO, ,BSTOD PA NI, 'JAM DPAL GSER MDOG MA 'AM, GNYIS MED THUN MONG MA YIN KHYAB PA'I SKU, ZHES PA NAS, DKYIL 'KHOR GTZO LA PHYAG 'TSAL BSTOD, CES PA'I BAR GYIS BSTOD, SRAB 'JAM YANG BA LHA YI GOS, ,MI BYED RDO RJE'I SKU MNYES LA, ,MI PHYED DAD PAS BDAG 'BUL NA, , BDAG KYANG RDO RJE'I SKU THOB SHOG ,AOm BADZRA WASTRA YE A'A: H'Um, RGYAL BA MTSAN DPE'I RANG BZHIN RGYAN LDAN PHYIR, ZHES SOGS SNGAGS DANG BCAS PAS RGYAN PHUL, ME LONG BSTAN PA NI, AA LAS SKYES PA'I ME LONG DU GYUR, CHOS RNAMS GZUGS BRNYAN LTA BU STE, ,GSAL CING DANGS LA RNYOG PA MED, ,GZUNG DU MED CING BRJOD DU MED, ,AOm BADZRA SA TVA A'A: ` DE NAS GRUB NA RGYAS PA'I SBYIN BSREG GI CHO GAS DKYIL 'KHOR SGRUB MCHOD DANG 'BREL BA DANG 'DRA BAS RAB TU GNAS BYA'I RTEN RNAMS THAB KHUNG DU SPYAN DRANGS, SBYIN SREG RGYAS BSDUS CI RIGS PA BYA'O, ,DE NAS GSER GYI THUR MA DRUG NAM GCIG LAS MI CHUNG BAS, DNGUL GYI KONG BUR GNAS PA'I DRI
, ,BZANG MAR DANG SBRANG RTZI SBYAR BA'I MIG SMAN BLANGS TE, ` JI LTAR MIG MKHAN RGYAL PO YIS, ,'JIG RTEN RAB RIB BSAL BA LTAR, ,RGYAL BA RNAMS KYIS KHYOD KYI NI, ,MI SHES PA YI RAB RIB BSAL, ,AOm TZAKshU TZAKshU SA MANTA TZAKshU BI SHO DHA NA YE SV'AH'A, KUN MKHYEN YE SHES SPYAN LDAN SKYON BRAL YANG, ,GUS PAS 'PHAGS PA'I SPYAN NI DBYE BGYIS PAS, ,NAM MKHA'I MTHAS GTUGS GYUR PA'I SEMS CAN RNAMS, ,SANGS RGYAS YE SHES SPYAN NI THOB PAR SHOG ,ZHAB LA SOGS PA'I LAS RNAMS BSGRUB PA'I DON DU, SBYIN BDAG LA SOGS PA LA YE SHES KYIS GZIGS PA LHUR MDZAD PAR GYUR, CES BRJOD CING SPYAN DBYE'O, ,DE BZHIN DU SKYE MCHED GZHAN RNAMS KYANG DBYE BA 'DIR 'BREL BAS 'DI LTAR, ` 'GRO BA CHOS KYIS 'PHONGS PA LA, ,RGYAL BAS CHOS KYIS DUNG BUS LTAR, ,DE BZHIN SEMS CAN DON GYI PHYIR, ,RGYAL BA'I SNYAN NI DBYE BAR BYA, ,BSNYEN RING MI MNGA' KUN TU GSAL BAR LDAN, ,THUB PA'I SGRA 'DZIN NGO BOS DAG NA YANG, ,DAG BYED 'DI NI BDAG GIS 'BUL LAGS KYIS, ,SKYE BOS RTAG TU DAM CHOS THOS PAR SHOG ,AOm BADZRA KARNA SHODHAYA A'A: H'Um SV'AH'A, ZHES SNYAN 'BRUS SNYAN DBYE BA'I TSUL DANG, ` ZAG BCAS PHUNG PO'I DRI SPANGS PA, ,'GRO BA SEMS CAN DON GYI PHYIR, ,RNAM PAR DAG PA'I DRI BSKYED LTAR, ,RGYAL BA'I SHANGS NI DBYE BAR BYA, ,DRI
'DZIN RNAM DAG TSUL KHRIMS LAS 'KHRUNGS PA, ,DGE BA BSGRUB PHYIR SKYON LAS NGES GROL YANG, ,MOS PAS 'DZIN SPYAD DAM PA PHUL BA YI, ,'GRO BAS YE SHES BLA MED THOB PAR SHOG ,AOm BADZRA RO MA DHA RA A'A: H'Um SV'AH'A, ZHES RMANGS 'TSER GYIS SHANGS DBYE BA'I TSUL DANG, ` RGYAL BA'I TSEMS DKAR BZHI BCU LA, ,MI GTZANG RDUL GYIS MA GOS TE, ,BKUR STI RIN CHEN LJON SHING GIS, ,RGYAL BA'I TSEMS NI DBYE BAR BYA, ,DKAR LA THOGS BZANG BZHI BCU TSANG BA'I TSEMS, ,BRGYA KHRI BZHI STONG CHOS LA MNGA' BSGYUR YANG, ,BDAG CAG DAD PAS TSEMS SHING DBUL BAR BGYI, ,'GRO BAS SANGS RGYAS GSUNG DBYANGS THOB PAR SHOG ,AOm DA NDA SHO DH'A YA A'A: H'Um SV'AH'A, ZHES TSEMS SHING GIS TSEMS DBYE BA'I TSUL DANG, CHOS KYI RO YI DGA' BA YIS, ,'GRO BA THAMS CAD TSIMS MDZAD PA, ,RO MCHOG BRGYA LDAN ZHAL ZAS RNAMS, ,DBUL PHYIR RGYAL BA'I ZHAL DBYE'O, ,'OD STONG ZER GYIS PHYE BA'I PADMA DANG, ,BIM PA LTAR DMAR YID 'ONG ZHAL GYI SGROS, ,LEGS PAR PHYE BA'I MKHA' MNYAM SEMS CAN GYIS, ,THAR PA'I GRONG KHYER SGO MCHOG PHYE BAR SHOG ,AOm BADZROD GH'A TRA SA MA YA PRA BE SHA YA H'Um, ZHES ZHAL THUR GYIS ZHAL DBYE BA'I TSUL BYA, BSDUS 'BRING LA DE DAG GI TSIGS BCAD RING THUNG CI RIGS BZHAG PA DANG, SNGAGS TZAM GYIS KYANG BYA'O, DE LTAR SPYAN NAS ZHAL GYI BAR PHYE NAS TZA RU'I BZA' BAR GRAGS PA'I LHA
, ,BSHOS CHEN PA RGYAN SNA TSOGS KYIS RGYAN PA'I TSOGS 'KHOR DANG, BSGRUBS PA'I 'O THUG LA SOGS PA DKYIL 'KHOR SO SO'I NANG MCHOD LTAR RAM, YANG NA AA K'A RO'I SNGAGS DANG AOm A'A: H'Um GIS BYIN GYIS BRLABS LA, ` GZUGS SGRA DRI RO REG LDAN PA'I, ,MCHOG TU GYUR PA'I ZAS MCHOG 'DI, ,BDAG GIS DAD PAS 'BUL BAR BGYI, ,CI BDE BAR NI BZHES SU GSOL, ,AOm DI BYA AAKNI SA MA DHI DHYA NA BRI nA YE SV'AH'A, ZHAL ZAS RO BRGYA LDAN PA'I YID 'PHROG PA, ,LEGS SBYAR 'DI NI RGYAL BA SRAS BCAS LA, ,DAD PAS PHUL BAS 'GRO BA 'DI DAG KUN, ,'BYOR LDAN TING 'DZIN ZAS LA SPYOD PAR SHOG ,RGYAL BAS BDUD BCOM BYANG CHUB SANGS RGYAS TE, ,RGYAL BA'I SKU LA SBREBS SKYEM MI MNGA' YANG, ,BDAG CAG BSOD NAMS ZHING DU 'GYUR SLANG DU, ,BSHOS DANG ZHAL ZAS SBYAR BA 'DI PHUL BAS, ,DUS KUN DGE BA'I LO TOG 'PHEL RGYAS NAS, ,BDE BA CAN DU PADMO LAS SKYES TE, ,TING 'DZIN ZAS DANG CHOS LA SPYOD PAR SHOG ,DE NAS ZHAL BSIL DANG MCHOD YON SNGAGS DANG TSIGS BCAD CI RIGS PAS PHUL, AOm BADZRA TAm BU LA YE SV'AH'A DE NAS GZUGS BSGYUR NI, RTEN GYI THUGS KA LA SOGS PAR RDO RJE REG LA, A'Om H'Um TR'Am HR'I: A'A: RDO RJE 'DI NI RDO RJE CHE, ,SANGS RGYAS KUN GYIS BYIN BRLABS PA'O, ,DAM TSIG 'DI LAS 'DAS NA NI, ,RIGS RNAMS
MYUR DU THAL BAR RLOG ,AOm YA M'ANTA KA H'Um PHAt, CES LHA RANG RANG GI SNGAGS DANG, AOm A'A: H'Um BRJOD LA PO TI'I YI GE SO SO LA SNANG BA MTHA' YAS YAB YUM BCUG PA RNAMS YIG 'BRU SO SO LA ME LONG NANG DU GZUGS BRNYAN SHAR BA BZHIN DAM TSIG SEMS DPA' SNANG MTHA' YAB YUM GYI NGO BOR GNAS PA DE NYID ZHU NAS YI GE'I GZUGS SU BYON TE 'KHOR BA JI SRID BAR 'GRO DON MDZAD PA'I PO TI'I RNAM PAR BSGYUR BA DANG, MCHOD RTEN DANG GTZUG LAG KHANG SOGS NI DKYIL 'KHOR GYI GTZO BO YAB YUM MAM RNAM SNANG YUM BCAS YONGS SU GYUR PA LAS MCHOD RTEN DANG GTZUG LAG KHANG LA RNAM SNANG YAB YUM LA SOGS PA GZUGS BRNYAN LTAR SHAR BA'I DAM TSIG SEMS DPA' RNAM SNANG GI NGO BOR GNAS PA DE NYID, YE SHES KYI RANG BZHIN CAN GYI MCHOD RTEN DANG GTZUG LAG KHANG GI RNAM PAR BSGYUR NAS, MCHOD RTEN DE NYID 'KHOR BA JI SRID DU 'GRO DON MDZAD PA DANG, GTZUG LAG KHANG SOGS NI SANGS RGYAS CHOS BYANG CHUB SEMS DPA' DANG, NYAN THOS LA SOGS PA'I BZHUGS GNAS, TING NGE 'DZIN SNA TSOGS KYI GZHAL YAS KHANG CHOS KYI DBYINGS LTAR YANGS PAR BSAM, ZHES SLOB DPON CHEN PO 'JAM DPAL GRAGS PAS GSUNGS PA'I MAN NGAG STE, CHO GA'I TSE LHA DE DANG DE'I GZUGS YONGS SU GYUR PA LAS BRIS 'BUR GYI SKU GZUGS SO SO DANG, MCHOD RTEN DANG PO TI YIG 'BRU'I RNAM PAR GYUR CES BRJOD CING SEMS PA NI
, ,GZUGS BSGYUR RO, ,MNGA' DBUL LA SPYI DANG BYE BRAG GNYIS LAS DANG PO'I SDOMS NI, ` CHU BZHI NYER SPYOD 'DOD YON LNGA, ,NANG MCHOD DBUL ZHING BSTOD PA BYA, ,MAndAL RTAGS BRGYAD KHRUS GOS RGYAN, ,'DOD YON RIN CHEN BDUN DANG BCUD, ,GDUGS SOGS 'BRU DANG RIN CHEN SNA, ,SMAN DANG BKRA SHIS SPYI YIN NO, ZHES PA'I RIM PA LTAR, DKYIL 'KHOR RANG GI LUGS BZHIN MCHOD PA DANG NANG MCHOD BYIN GYIS BRLABS TE, TSIGS BCAD SNGAGS DANG PHYAG BRGYA DANG BCAS PAS CHU BZHI NYER SPYOD ROL MO 'DOD YON LNGA, AOm SARBBA TA TH'A GA TA GU RU BUDDHA BO DHI SATVA SA PA RI W'A RA AOm A'A: H'Um, ZHES NANG MCHOD DANG BCAS PA PHUL, ` MI BSKYOD RDO RJE YE SHES CHE, ,RDO RJE DBYINGS NI MKHAS PA CHE, ,RDO RJE GSUM MCHOG DKYIL 'KHOR GSUM, ,GSANG BA'I DBYANGS LA PHYAG 'TSAL LO, ,RNAM PAR SNANG MDZAD DAG PA CHE, ,RDO RJE ZHI BA DGA' BA CHE, ,NGANG BZHIN 'OD GSAL MCHOG GI MCHOG ,STON PA RDO RJE PHYAG 'TSAL LO, ,RIN CHEN RGYAL PO RAB TU ZAB, ,RDO RJE MKHA' 'DRA DRI MA MED, ,RANG BZHIN DAG PA GOS PA MED, ,RDO RJE'I SKU LA PHYAG 'TSAL LO, ,RDO RJE DPAG MED RGYAL PO CHE, , MI RTOG NAM MKHA' RDO RJE 'DZIN, ,'DOD CHAGS PHA ROL PHYIN PA BRNYES, ,RDO RJE GSUNG LA PHYAG 'TSAL LO, ,DON YOD RDO RJE RDZOGS SANGS RGYAS, ,BSAM PA THAMS CAD RDZOGS MDZAD PA, ,DAG PA NGO BO NYID LAS BYUNG, ,
RDO RJE SEMS DPAR PHYAG 'TSAL LO, ,ZHES PA DANG, GZHAN YANG BLA MA SANGS RGYAS BYANG SEMS SOGS RANG RANG GI BSTOD PAS BSTOD DO, ,MAndAL NI RGYAS PA'AM, BSDU NA, SA GZHI SPOS KYIS BYUGS SHING ME TOG BKRAM, ZHES SOGS TSIGS BCAD KYIS 'BUL, RTAGS BRGYAD NI, ` JI LTAR SNGON GYI SANGS RGYAS LA, ,DPAL GYI BE'U GA-YUNG DRUNG 'KHYIL, ,DGE BA'I DON DU MNGA' BA LTAR, ,DE BZHIN BDAG GIS DBUL BAR BGYI, ,JI LTAR SNGON GYI SANGS RGYAS LA, ,GSER GYI 'KHOR LO MU KHYUD CAN, ,TSANGS PA CHEN POS PHUL BA LTAR, ,DE BZHIN BDAG GIS DBUL BAR BGYI, ,JI LTAR SNGON GYI SANGS RGYAS LA, ,'DAM GYI SKYON GYIS MA GOS PA'I, ,PADMA DKAR PO PHUL BA LTAR, ,DE BZHIN BDAG GIS DBUL BAR BGYI, ,JI LTAR SNGON GYI SANGS RGYAS LA, ,NYON MONGS BDUD LAS RGYAL BA YI, ,CHOS KYI RGYAL MTSAN PHUL BA LTAR, ,DE BZHIN BDAG GIS DBUL BAR BGYI, ,JI LTAR SNGON GYI SANGS RGYAS LA, ,GDUGS DKAR GSER GYI YU BA CAN, ,PHUL BA DE BZHIN BDAG 'BUL GYIS, ,CI BDE BAR NI BZHES SU GSOL, ,JI LTAR SNGON GYI SANGS RGYAS LA, ,RE BA THAMS CAD RDZOGS MDZAD PA'I, ,BUM PA BZANG PO PHUL BA LTAR, ,DE BZHIN BDAG GIS DBUL BAR BGYI, ,JI LTAR SNGON GYI SANGS RGYAS LA, ,SNYAN PA PHYOGS BCUR SGROG PA YI, ,'BUD DUNG GA-YAS 'KHYIL PHUL BA LTAR, ,DE BZHIN BDAG GIS DBUL BAR BGYI, ,JI LTAR SNGON GYI
, ,SANGS RGYAS LA, ,NA BZA' GSER GYI NYA RIS CAN, ,PHUL BA DE BZHIN BDAG 'BUL GYIS, ,CI BDE BAR NI BZHES SU GSOL, CES PRADZNY'A RAKshI TAS MDZAD PA BZHIN PHUL, ` DE BZHIN GSHEGS DANG DE YI SRAS RNAMS LA, ,RIN CHEN BUM PA MANG PO SPOS KYI CHUS, ,YID 'ONG LEGS PAR BKANG BA'I GLU DANG NI, ,ROL MOR BCAS PA DU MAS SKU KHRUS GSOL, ,AOm SARBBA TA TH'A GA TA AA BHI shE KA TA SA MA YA SHR'I YE H'Um, ZHES KHRUS GSOL, ` SNA TSOGS DBANG PO'I GZHU BZHIN RAB BKRA YANG, ,GANG LA REG NA BDE BA'I RGYUR 'GYUR BA, ,GOS BZANG RIN CHEN BDAG BLO SBYANG PHYIR 'BUL, ,BZOD PA DAM PA'I GOS KYIS BRGYAN PAR SHOG ,RAB BYUNG GI CHA BYAD CAN YIN NA, ` DRI MED MTSAN LA SGRIB GSAL MI MNGA' YANG, ,DAD PAS NGUR SMRIG RGYAL MTSAN PHUL BA YIS, ,NAM MKHA'I MTHA' DANG MNYAM PA'I 'GRO BA RNAMS, , SANGS RGYAS BRTUL ZHUGS MCHOG LA SPYOD PAR SHOG ,AOm BADZRA WASTRA YE A'A: H'Um SV'AH'A, ZHES NA BZA' DANG, ` RGYAL BA MTSAN DPA'I RANG BZHIN RGYAN LDAN PHYIR, CES SNGAGS DANG BCAS PAS RGYAN PHUL, ,'DOD YON 'BUL BA NI, ` RGYAL BA ZAG MED 'BYOR LA MNGA' BSGYUR YANG, ,'GRO BA'I DON DU 'DOD YON RNAM LNGA YIS, ,MCHOD PAS MKHA' MNYAM SEMS CAN THAMS CAD KYIS, ,BSOD NAMS MI ZAD GTER
LA SPYOD PAR SHOG ,AOm BADZRA SA MAN TA BHA TRA P'U DZA ME GHA A'A: H'Um SV'AH'A, RIN CHEN 'DUN NI, ` MI DBANG RIN CHEN SNA BDUN 'DI DAG NI, ,SANGS RGYAS SRAS DANG BCAS PA MA LUS LA, ,BSHAMS SHING YID KYIS SPRUL TE PHUL BA YIS, ,'GRO BA MI ZAD GTER LA SPYOD PAR SHOG ,AOm MAH'A SAPTA RATNA P'U DZA ME GHA A'A: H'Um SV'AH'A, RGYAS PAR NI, ` ZHING 'DI 'KHOR LO RIN CHEN GYIS, ,ZHES SOGS SNGAGS DANG BCAS PAS BYA'O, ,BCUD 'BUL BA NI, ` RGYAL BA MGON PO DPAL GYIS LHAM MER BZHUGS, ,BSOD NAMS YE SHES SKU LNGA BRNYES PA LA, ,LNGA PHRAG LNGA LDAN SNYING PO DAM PA 'BUL, ,'GRO BAS BDE GSHEGS SNYING PO THOB PAR SHOG ,AOm PANYTZA PANYTZA BI MA LA P'U DZA ME GHA A'A: H'Um SV'AH'A, ,SMAN LNGA 'BRU LNGA RIN CHEN LNGA DRI LNGA SNYING PO LNGA RNAMS PHUL, GDUGS SOGS 'BUL BA NI, ` BRTZE BA'I 'KHOR YUG SNYAN PA'I BA DAN DANG, ,TING 'DZIN BLA BRE SPOBS PA'I 'OD GSAL BA, ,MCHOG TU 'OS PA'I NYER MKHO 'DI DAG 'BUL, ,SKYE BAS RNAM DAG YE SHES THOB PAR SHOG ,AOm BADZRA MAH'A P'U DZA ME GHA A'A: H'Um SV'AH'A, 'BRU DANG RIN CHEN SNA BDUN DANG SMAN 'BUL BA NI, ` BDE GSHEGS RNAMS LA 'BRU PHUL BAS, ,BDAG DANG 'GRO BA THAMS CAD KYI, ,ZAS KYI 'BYOR PA LDAN PA DANG, ,DGE BA'I LO TOG RGYAS GYUR CIG ,RIN CHEN SNA BDUN PHUL BA YIS, ,BDAG DANG 'GRO BA THAMS CAD KYI, ,DBUL BA'I SDUG
, ,BSNGAL ZHI BA DANG, ,LONGS SPYOD PHUN SUM TSOGS GYUR CIG ,BDE GSHEGS RNAMS LA SMAN PHUL BAS, ,NYON MONGS BRGYAD KHRI BZHI STONG GI ,NAD KYI SDUG BSNGAL BYANG GYUR NAS, ,THUGS RJE'I SMAN GYIS 'DUL GYUR CIG ,DE NAS DKON MCHOG GSUM GYI SHIS BRJOD DAM, ` ,BKRA SHIS GANG ZHIG SEMS CAN KUN GYI SNYING LA GNAS, ZHES SOGS SHO LO KA GCIG GIS BKRA SHIS KYI MNGA' DBUL BYA'O, ,DE LTAR SPYI TZAM GYIS KYANG RUNG LA, BYE BRAG TU SO SOR BYED NA, SKU GZUGS LA SPU GRI 'DREG SPYAD SO MNGAS DANG, ZHES PA STE, SKU GZUGS RAB BYUNG GI CHA BYAD CAN LA, ` JI LTAR RANG BYUNG MCHOD RTEN DU, ,RGYAL BAS KHYIM PA'I RTAGS SPANGS LTAR, ,'GRO BA SEMS CAN DON GYI PHYIR, ,KHYIM PA'I RTAGS RNAMS SPANG BAR BYA, ,RGYAL BA'I DBU SKRA MTHON MTHING SKYON BRAL YANG, ,GZHAN DON BSGRUB PHYIR KHYIM PA'I RTAGS SPANG PHYIR, ,DAD PAS GSER GYI 'DREG SPYAD PHUL BA YIS, ,'GRO KUN SDUG BSNGAL KUN LAS GROL BAR SHOG ,AOm BADZRA KA TZA MU LA A'A: H'Um SV'AH'A, ZHES DBU SKRA DANG ZHAL SPU 'DREG PA'I TSUL BYA, ` DE BZHIN GSHEGS PA'I DPE BYAD LA, ,SKYON GYI DRI MAS MA GOS KYANG, ,'JIG RTEN BSAM PA'I RJES 'JUG PHYIR, ,BDAG GIS 'DREG SPYAD DBUL BAR BYA, ,ZANGS MDEG LTAR MDZES YID 'ONG SKYON BRAL YANG, ,
BDAG CAG DAD PAS PHYAG DANG ZHABS RNAMS KYI, ,SEN MO'I 'DREG SPYAD PHUL BAS 'GRO KUN GYIS, ,SANGS RGYAS DPE BYAD BZANG PO THOB PAR SHOG ,AOm BADZRA NA GA TSE DA DZA NA A'A: H'Um SV'AH'A, ZHES SEN MO 'DREG PA'I TSUL BYA, LONGS SKU'I CHA BYAD CAN YIN NA, ` RGYAL BA'I DBU SKRA LCANG LO LA, ,DUG GSUM DRI MAS MA GOS TE, ,BKUR STI DUNG GI SO MNGAS KYIS, ,RGYAL BA'I DBU SKRA SHAD PAR BYA, ,DBU SKRA RIN CHEN LCANG LO MA 'KHRUGS SHING, , MDZES SHING BLTA BAS MI NGOMS SKYON BRAL YANG, ,BDAG BLO SPYANG PHYIR RKYEN DANG 'TSAM PA 'DI, ,PHUL BAS 'GRO KUN DUG GSUM BRAL BAR SHOG ,AOm BADZRA P'A LA SHO DHA YA SV'AH'A, GSUNG RAB LA, KHRI GES GLEGS SHING GLEGS THAG GO ZHES PA LTAR, ` RIN CHEN DU MA LAS GRUB SENG GE'I KHRI, ,YID 'PHROG SNA TSOGS GOS KYIS BKAB PA 'DI, ,RIN CHEN GSUNG RAB MCHOG LA PHUL BA YIS, ,'GRO RNAMS RDO RJE'I GDAN LA 'DUG GYUR CIG ,AOm BADZRA A'A SA NA A'A: H'Um SV'AH'A, SNA TSOGS DBANG PO'I GZHU BZHIN RAB BKRA YANG, ZHES SOGS SNGAGS DANG BCAS PA DANG, ,ZUNG 'JUG DAM CHOS 'DZIN PA KUN BRAL BA, ,THABS DANG SHES RAB RJES SU 'BREL GYUR PA'I, ,NYI ZLA LTA BU'I RTEN 'BREL DGAB BYA BA, ,PHUL BAS SKYE BOS ZUNG 'JUG THOB PAR SHOG ,AOm BADZRA PRADZNY'A AU PA MA AA DH'A YA A'A: H'Um SV'AH'A, SPROS PA DU MA RAB TU RGYAS GYUR KYANG, ,YE SHES CHEN PO NGO
, ,GCIG GYUR PA LTAR, ,GLEGS BAM GCIG GYUR YO BYAD MCHOG PHUL BAS, ,'GRO BAS YE SHES CHEN PO RTOGS PAR SHOG ,AOm BADZRA PUSTA KA BHANDHA A'A: H'Um SV'AH'A, MCHOD RTEN LA NI, ` SROG SHING 'KHOR LO COD PAN 'PHAN, ,RGYAL MTSAN GDUGS DANG 'PHRENG BA GDAN, ZHES PA STE, RIM BZHIN, AOm BADZRA A'A YU: shE SV'AH'A, SEMS CAN THAMS CAD SHES PA BCU DANG LDAN PAR GYUR CIG ,BDE BAR GSHEGS PA'I BSTAN PA DAM PA'I CHOS MI NUB CING YUN RING DU GNAS PAR GYUR CIG ,SEMS CAN LHAG PA'I BSAM PA RNAM PAR DAG PA KUN TU BZANG PO'I SMON LAM LA 'JUG PAR GYUR CIG ,CES ZHIB SNYING POS MDZAD PA'AM, YANG NA PADMA LCAGS KYU'I GDUGS DKAR CHO GA LAS BYUNG BA LTAR, ` SEMS CAN SHES BCU LDAN GYUR CIG ,BSTAN PA YUN RING GNAS PAR SHOG ,SEMS CAN LHAG BSAM DAG PA YIS, ,KUN BZANG SMON LAM 'JUG PAR SHOG ,CES PA GANG RUNG GIS SROG SHING DANG, KHAMS GSUM SEMS CAN MA LUS PA, ,STOBS DANG MA 'DRES CHOS DANG NI, ,DRAN PA NYER GZHAG RNAM THAR BRGYAD, ,YE SHES LNGA SOGS LDAN 'GYUR SHOG ;AOm PRA MAR DA NA YA SV'AH'A, ZHES GDUGS DANG, ` SEMS CAN RNAMS NI MA LUS PAS, ,BDE BAR GSHEGS PA'I SKU GZUGS LA, ,DAR GYI LHAB LHUB LA SOGS PAS, ,BYANG CHUB BAR DU MCHOD
PAR SHOG ,AOm PA tI KA LAm PA YA SV'AH'A, ZHES COD PAN DANG, ` SEMS CAN RNAMS NI MA LUS PA, ,PHYOGS BCUR SNYAN PA'I BA DAN GYIS, ,'TSE BA MED CING CHOS LDAN PA'I, ,GRAGS PAS RGYAS PAR 'GENGS PAR SHOG ;AOm PA TAm KE SV'AH'A, ZHES 'PHAN DANG, ` 'KHOR BA MA STONG BAR DU NI, ,BDUD BZHI DAG LAS RAB RGYAL NAS, ,STON PA'I BSTAN PA ZAB MO DANG, ,MI NUB RGYAL MTSAN THOB PAR SHOG ,AOm KUMBHI RA DHA DZA YA SV'AH'A, ZHES CHU SRIN RGYAL MTSAN DANG, ` KHAMS GSUM SEMS CAN MA LUS PA, ,NYON MONGS TSAD PAS GDUNGS PA LA, ,THUGS RJE'I BYANG CHUB SEMS KYI GDUGS, ,PHUL BAS BDE BAS TSIMS GYUR CIG ,AOm BRAHMA nA YE SV'AH'A, ZHES GDUGS DANG, ` 'KHOR BA'I SEMS CAN MA LUS KUN, ,MTSAN DANG DPE BYAD RDZOGS THOB NAS, ,BLTA BAS MI NGOMS GZUGS KYIS NI, ,SEMS CAN DON RNAMS RDZOGS BYED SHOG ,AOm RATNA MA LAm TRAm SV'AH'A, ZHES ME TOG 'PHRENG BA DANG, ` SEMS CAN MA LUS SANGS RGYAS TE, ,STOBS BCU LDAN PA GLANG PO'I GDAN, ,MI 'JIGS SENG GE'I GDAN DANG LDAN, ,RDZU 'PHRUL RKANG PA RTA YI GDAN, ,DBANG BCU THOB PA RMA BYA'I GDAN, ,THOGS MED SHUGS LDAN MKHA' LDING GDAN, ,'DOD DGU 'BYUNG BA RIN CHEN GDAN, ,SKYON GYIS MA GOS PADMA'I GDAN, ,RANG BZHIN 'OD GSAL NYI ZLA'I GDAN, ,GDAN RNAMS MYUR DU THOB PAR SHOG ,AOm SU DHA RI DZA YE SV'AH'A, ZHES
, ,GDAN DBUL, DE DAG NI MNGA' DBUL TE, RTEN JI LTAR YIN SKABS DANG SBYAR BAR BYA'O, ,DE NAS YE DHAR BRJOD PA SNGON DU 'GRO BAS, DKYIL 'KHOR SO SO DANG 'BREL BA'I SHIS PA RGYAS PAR BRJOD CING, ROL MO'I SGRA DANG BCAS PAS BSGRUBS PA'I ME TOG GI CHAR 'BEBS, DE'I MJUG TU, AOm SU PRA TIshthA BADZRA YE SV'AH'A, ZHES BRJOD CING, ME TOG THOGS THAL MO SBYAR LA, ` JI LTAR SANGS RGYAS THAMS CAD NI, , DGA' LDAN DU NI GNAS PA LAS, ,LHA MO SGYU 'PHRUL LHUMS ZHUGS LTAR, ,DE BZHIN GZUGS DANG LHAN CIG TU, ,'DI RU MGON PO RTAG BZHUGS NAS, ,BYANG CHUB SEMS NI BSKYED PA DANG, ,YON GYI BDAG PO'I DON SLAD DU; ;BDAG GI 'BYOR BA NYID KYIS NI, ,CI 'BYOR PA YIS MCHOD PA DANG, ,ME TOG LA SOGS 'DI BZHES SHIG ,BDAG DANG SLOB MAR BCAS RNAMS LA, ,RJES SU BRTZE BAS NYER DGONGS NAS, ,KUN GYIS 'DI LA BYIN BRLAB CING, ,'DI NYID DU NI BZHUGS PAR RIGS, ZHES DANG, PHYOGS BCU NA BZHUGS PA'I SANGS RGYAS DANG BYANG CHUB SEMS DPA' THAMS CAD BDAG LA DGONGS SU GSOL, JI SRID NAM MKHA'I MTHA' DANG MNYAM PA'I SEMS CAN GYI KHAMS RNAMS MI GNAS PA'I MYA NGAN LAS 'DAS PA'I SA LA MA BZHAG GI BAR DU MYA NGAN LAS MI 'DA' BAR BRTAN PAR BZHUGS SU GSOL, BYE BRAG TU YANG SKU GSUNG THUGS KYI RTEN 'DI
LA SA DANG CHU DANG ME DANG RLUNG GI GNOD PAS MA ZHIG BAR DE SRID DU SEMS CAN GYI DON DPAG TU MED PA MDZAD CING BRTAN PAR BZHUGS SU GSOL ZHES LAN GSUM BRJOD DE RAB GNAS KYI GTZO BOR BZHED DO, ,DE NAS, ` BDE GSHEGS KUN BZANG MTHONG BAS BKRA SHIS LTAR, ,RGYAL BA SRAS BCAS DENG 'DIR BDE LEGS SHOG ,NGAN SDIG LOG PA'I TSOGS RNAMS BCOM GYUR NAS, ,RGYAL SRAS RIG 'DZIN TSOGS RNAMS 'PHEL DAR ZHING, ,ZHAL MTHONG TZAM GYIS BDE BA'I MCHOG BRNYES NAS, ,NYI LTAR ZHAL DRO ZLA LTAR 'OD GSAL CING, ,BDAG DANG 'GRO LA ZHAL DRO BYIN CHE NAS, ,BSKAL PA'I MTHAR THUG PAR DU BZHUGS SU GSOL, ,JI SRID ME DANG CHU DANG NI, ,RLUNG GIS BSKAL PA 'JIG BAR DU, ,SEMS CAN KUN GYI DON GYI PHYIR, ,BCOM LDAN KHYOD NI BZHUGS PAR MDZOD, CES BRJOD LA YIG BRGYA LAN BDUN BZLAS TE, ` MGON PO SKAL BA JI BZHIN DU, ,SNA TSOGS GZUGS NA BZUNG NAS KYANG, ,PHYOGS BCU'I 'JIG RTEN KHAMS RNAMS SU, ,DES NA 'GRO BA'I DON KUN MDZOD, CES GSOL BA BTAB, LAS SNGAGS ZLOS SHING SKU LA SOGS PA'I STOD DANG DBU DANG SMAD KYI CHA RNAMS LA, LAG PA GA-YAS PA RDO RJE DANG BCAS PAS LAN GSUM BSKOR NAS BRTAN PAR BYA'O, ,DE NAS, ` MI BSKYOD RDO RJE YE SHES CHE, ZHES PA'AM, GNYIS MED THUN MONG MA YIN ZHES SOGS CI
, ,RIGS PAS BSTOD DO, ,MJUG GI SDOMS NI, ` MJUG CHOG SPYI DANG 'BRING BSDUS LA, ,BZOD GSOL CHOS SKYONG YON BDAG BSGO, ,YON 'BUL MJUG GI CHO GA'O, ,ZHES PA STE, DE YANG; RGYAS PAR BYED NA, LHAG CHAD KHA BSKANG BA'I PHYIR ZHI BA'I SBYIN SREG RGYAS PA SOGS BYA DGOS TE, PRADZNY'A NAKshI TAS, DE LTAR MNGA' DBUL BYAS NAS KYANG, ,SBYIN SREG LAS KYIS RDZOGS PAR BYA, ZHES GSUNGS PA'I PHYIR, 'BRING BSDUS LA YIG BRGYA BZLAS TE, ` GANG YANG BDAG BLO RMONGS PA YIS, ZHES SOGS DANG, MA RNYED YONGS SU MA SHES DANG, ZHES SOGS KYIS BZOD PAR GSOL BA'O,, ` DE NAS CHOS SKYONG BSGO TSUL NI, MCHOD GTOR RGYAS PAR BSHAMS, BYIN GYIS BRLABS LA, SPYI SGOS KYI CHOS SKYONG RNAMS DANG, PHYOGS SKYONG DANG 'BYUNG PO THAMS CAD LA GTOR MCHOG RGYAS BSDUS CI RIGS PAS PHUL LA, ` ME DANG SA CHU RLUNG RNAMS LAS, ,SKU GZUGS YUN RING BSRUNG DU GSOL, ,YON BDAG 'DI NI DE SRAS SOGS, ,SLOB MA RNAMS DANG BDAG LA YANG, ,KUN NAS ZHI DANG RGYAS PA DANG, ,RTAG TU BKRA SHIS MDZAD DU GSOL, ,MCHOD TSOGS RGYA MTSOS DUS KUN DU, ,SKU GZUGS 'DI DAG MCHOD PAR MDZOD, ,CES BKA' BSGO'O, ,DE NAS YON BDAG BSGO BA NI, SBYIN BDAG GI MDUN DU MCHOD PA TSAR GCIG BSHAMS, ` KHYOD KYIS NGED LA GANG GSOL BA'I, ,SKU GZUGS DAG NI KHYAD PAR DU, ,JI LTAR GSUNGS PA RAB GNAS PA, ,DE
DAG DON NI NGES BYAS PAS, ,DE RNAMS DON NI GRUB ZIN GYIS, ,CI BDE BAR NI MCHOD PAR BYOS, ,KHYOD KYIS GSOL BA BTAB PA BZHIN, ,RAB TU GNAS PA BYAS ZIN GYIS, ,MCHOD PA RGYUN MI 'CHAD PA DANG, ,ZHAG BDUN BAR DU MCHOD PAR BYOS, ZHES BRJOD LA YON BDAG BSANGS SBYANGS, LHAR BSKYED PHYAG DANG BSKOR BA BYED DU GZHUG ,LAG TU ME TOG 'PHRENG BA GTAD, MCHOD PA BSHAMS DE NYID BYIN GYIS BRLABS TE 'BUL DU GZHUG GO ,DE NAS BKRA SHIS KYI RDZAS RNAMS SNOD GTZANG MAR BSHAMS, SLOB DPON GYIS BSANGS SBYANGS SNGON DU 'GRO BAS, RANG RANG GI MING YIG DANG PO THIG LES BRGYAN PA LAS RGUD PA THAMS CAD SEL CING 'DOD DGU'I PHUN TSOGS YID BZHIN DU STZOL BA'I BKRA SHIS KYI RDZAS SU GYUR, CES BRJOD CING BSAMS LA, ` SNGON BCOM LDAN 'DAS SH'AKYA THUB PA LA GZUGS KYI LHA MO 'OD 'CHANG MAS ME LONG PHYAG TU PHUL TE BKRA SHIS PA'I RDZAS SU BYIN GYIS BRLABS PA DE BZHIN DU, DENG 'DIR YANG SBYIN PA'I BDAG PO 'KHOR DANG BCAS PA RNAMS KYANG ME LONG GI RDZAS LA BRTEN NAS BKRA SHIS PAR GYUR CIG ,` ME LONG YE SHES CHEN PO RGYA MTSO YIS, ,YE SHES RGYA MTSO MCHOG TU DAG GYUR NAS, ,RNAM DAG CHOS LA THOGS MED LONGS SPYOD PA'I, ,BKRA SHIS DES KYANG SGRIB PA DAG GYUR CIG ,TSIG LHUG PA'I THOG MTHA' GNYIS SNGAR BZHIN SBYAR LA, ` GLANG PO CHE NOR SKYONG GIS GHI HANG PHYAG TU PHUL TE, ZHES PA DANG, ` GHI HANG DUG GSUM 'JOMS PA NAD KYI SMAN, ,
, ,SMAN MCHOG CHOS NYID RAB TU RTOGS GYUR TE, ,NYON MONGS ZUG RNGU MED PAR GYUR PA YI, ,BKRA SHIS DES KYANG SDUG BSNGAL DAG GYUR CIG , ` ZHING BA'I BU MO LEGS SKYES MAS ZHO PHYAG TU PHUL TE, ZHES PA DANG, ` ZHO NI KUN GYI SNYING POR GYUR PA STE, ,SNYING PO RNAM DAG YE SHES MCHOG RTOGS NAS, ,YON TAN KUN GYI DBYINGS SU GYUR PA YI, ,BKRA SHIS DES KYANG DUG GSUM ZHI GYUR CIG , ` RTZVA 'TSONG GI KHYE'U BKRA SHIS KYIS RTZVA DUR PA PHYAG TU PHUL TE, ZHES PA DANG, ` DUR PAS TSE NI SPEL BAR BYED PA STE, ,RDO RJE SEMS DPA'I TSE NI RAB BSGRUBS NAS, ,NYON MONGS SKYE SHI RGYUN CHAD GYUR PA YI, ,BKRA SHIS DES NI TSE YANG 'PHEL GYUR CIG , ` LHA TSANGS PAS SHING THOG BIL BA PHYAG TU PHUL TE, ZHES PA DANG, ` BIL BA RGYU RKYEN 'BRAS BUR BCAS PA'I CHOS, ,'JIG RTEN 'JIG RTEN 'DAS PA'I SPYOD PA KUN, ,BYANG CHUB SNYING PO MCHOG TU DAG GYUR PA'I, ,BKRA SHIS DES KYANG DON KUN 'GRUB GYUR CIG , ` LHA'I DBANG PO BRGYA BYIN GYIS DUNG GA-YAS SU 'KHYIL BA PHYAG TU PHUL TE, ZHES DANG, ` DUNG NI CHOS KYI SGRA RNAMS SGROGS PA'I TSUL, ,YE SHES RGYA MTSO NYID DU DAG GYUR TE, ,CHOS RNAMS MA NOR YONGS SU STON PA YI, ,BKRA SHIS DES KYANG TSIG LA DBANG THOB SHOG , ` BRAM ZE DKAR RGYAL GYIS LI KHRI PHYAG TU PHUL TE, ZHES DANG, ` LI KHRI DMAR PO DBANG GI RANG BZHIN TE, ,CHOS RNAMS MA NOR DBANG DU BSDUS NAS KYANG, ,CHOS KYI
RGYAL SRID RTAG TU BRTAN GYUR PA'I, ,BKRA SHIS DES KYANG KHYED SRID BRTAN GYUR CIG , ` GSANG SNGAGS DANG RIG SNGAGS KYI BDAG PO DPAL PHYAG NA RDO RJES GRUB PA'I RDZAS YUNGS KAR PHYAG TU PHUL TE, ZHES DANG, YUNGS KAR RDO RJE'I RIGS TE THAMS CAD DU, ,BGEGS RNAMS MA LUS 'JOMS PAR BYED PA YIS, ,MTHU STOBS YON TAN PHUN SUM TSOGS GYUR PA'I, ,BKRA SHIS DES KYANG BGEGS RNAMS ZHI BAR SHOG ,CES BRJOD CING, BKRA SHIS KYI RDZAS RNAMS RAB GNAS BYAS PA'I RTEN RNAMS LA 'BUL BA'I TSUL BYA ZHING, BLA MA DANG YON BDAG DANG GRAL NA GNAS PA RNAMS KYIS KYANG, DE DAG LA REG PAS, BKRA SHIS KYI RDZAS DE DAG GIS SHIN TU BKRA SHIS PAR 'GYUR RO, DE NAS YON BDAG GIS KYANG; RDO RJE SLOB DPON DANG CHO GA BA RNAMS CI 'BYOR BA'I YON GYIS MNYES PAR BYAS LA, BSNGO BA DANG, SMON LAM DANG, BKRA SHIS KYI DGA' STON RGYAS PAR BYA'O, ,DE NAS RTEN RNYING PA DANG CHAG GRUMS SU GYUR PA RNAMS GSO BA DANG, RGYU DANG BZO NGAN PA RNAMS BZANG POR BYED PA DANG, 'O RGYAL SAR BZHUGS PA RNAMS GNAS PHUN SUM TSOGS PA RNAMS LA SPO BA SOGS LA, AARKA'I CHO GA BYA RUNG ZHING BYA BAR YANG GSUNGS PA LTAR BYA DGOS PAS, BYA BA'I TSUL 'DI LTAR; RANG LHA'I RNAL 'BYOR DANG LDAN PAS RTEN RNYING PA DE DAG GI MDUN DU MCHOD GTOR RGYA CHEN PO BSHAMS PA RNAMS BYIN GYIS BRLABS, RTEN DE LA MCHOD CING, CHOS SKYONG DANG GNAS DE'I GZHI BDAG SOGS LA'ANG MCHOD GTOR
, ,PHUL LA, SEMS CAN THAMS CAD KYI DON DU SANGS RGYAS THOB PAR BYA, DE'I PHYIR DU RTEN RNYING PA SPO BA'AM, ZHIG PA GSO BA, DAN PA RNAMS BZANG POR BYA BA'I PHYIR DU, SANG NANG PAR RAB GNAS SPO SNYAM DU BSAMS LA; RAB GNAS KYI SNYAN GSAN GYI TSIG THOG MTHA' RNAMS 'DRA BA LA, SANG NI RAB GNAS SPO BAR 'TSAL CES 'DON PA BSGYUR LA SNYAN GSAN PHAB, SANG YANG RTEN GYI DRUNG DU MCHOD PA BSHAMS, RTEN GYI MDUN DU ME LONG GA-YA' DAG PA GCIG BZHAG LA, RTEN RNYING PA'I GZUGS BRNYAN 'CHAR DU BCUG STE, BYIN GYIS BRLABS PA'I MCHOD PAS RTEN RNYING PA LA MCHOD CING BSTOD NAS, THUGS RJE YIS NI BDAG CAN BDAG ,CES SOGS THOG MTHA' SBYAR LA, DA LTA RAB GNAS SPO BAR 'TSAL, ZHES 'DON PA SPOS LA GSOL BA GDAB, ,DKYIL 'KHOR DANG 'BREL NA SGO BA BZHI'I SNGAGS RGYA DANG, ,MA 'BREL NA RANG LHAR GSAL BA'I THUGS KA'I H'Um SNGON PO'I 'OD ZER LCAGS KYU'I RNAM PA CAN GYIS RTEN SNYING PA'I YE SHES PA DANG DAM TSIG PA GNYIS KA BKUG NAS ME LONG NANG GI GZUGS BRNYAN LA DGUG GZHUG BCING MNYES PAR BYAS TE, DZA: H'Um BAm HO: ZHES BRJOD CING, YI GE BRGYA PAS BRTAN PAR BYAS, SLAR YANG MCHOD CING BSTOD BKRA SHIS GSOL TE, DAR DMAR SER CI RIGS PAS DRIL RGYAB TU RGYAS BTAB DBU ZHABS MA LOG PAR MCHOD GRAL DU BZHAG LA MCHOD PA 'BUL LO, ,RTEN GSAR PA TSAR BA DANG RAB GNAS DNGOS GZHI'I TSE ME LONG SPYAN
DRANGS ZHAL PHYE STE RAB GNAS KYI YE SHES PA 'JUG PA'I SNGON DU RANG YI DAM DU GSAL BA'I THUGS KA'I H'Um SNGON PO'I 'OD ZER LCAGS KYU'I RNAM PA CAN GYIS ME LONG NANG GI RTEN RNYING PA'I DAM TSIG PA YE SHES PA DANG BCAS PA DE DZA: H'Um BAm HO: CES PA'AM, SGO BA BZHI'I SNGAGS RGYAS RTEN GSAR PA'I DAM TSIG PA LA DGUG GZHUG BCING MNYES PAR BYAS, DE RJES YE SHES PA SPYAN 'DREN PA SOGS RAB GNAS BKYUS BZHIN BYA'O, ,SLOB DPON AA BHA Y'A KA RA NI, RTEN RNYING PA'I YE SHES PA LA MCHOD BSTOD BYAS, CHOS SKYONG DANG GZHI BDAG LA GTOR MA BTANG NAS, RTEN RANG BZHIN GYI GNAS SU GSHEGS SU GSOL BAR BZHED DO, ,DE LTAR RGYUD SDE DANG MTHUN PAR RAB TU GNAS PA'I CHO GA BYAS NA RGYUD SDE NAS GSUNGS PA'I PHAN YON LEGS PAR 'BYUNG ZHING, GNAS SKABS DANG MTHAR THUG GI DON THAMS CAD PHUN SUM TSOGS PAR 'GRUB PAR 'GYUR RO, ` ,'DIR BRJOD PA, KHYAB BDAG RDO RJE SEMS DPA' YI, ,ZHAL GYI BUM BZANG LAS 'ONGS PA'I, ,RNAM MANG RGYUD SDE'I SA MU DRA, ,RGYA BOD MKHAS PA'I DED DPON GYIS, ,RNAM DPYOD GRU YIS LEGS BRGAL TE, ,RAB GNAS GSER DNGUL BEd'URYA, ,PADMA R'AG MARGA TA, ,DBANG SNGON DO SHAL LEGS SPEL TE, ,SKAL BZANG MGRON PA'I RGYAN DU BKOD, ,DE LTA NA YANG BLO MIG RAB RIB KYI, ,GZHAN DBANG GYUR PA'I MKHAS RMONGS SNA TSOGS PA'I, ,BLO GROS GZHON NUS MA LCIBS CHO GA YIS, ,LAG LEN YANG DAG LTAR SNANG 'DRES PAR BYAS, ,DE LTAR
, ,MTHENG NAS YID CAN PHAN BDE'I GNYEN, ,RAB GNAS CAN GYI SKU GSUNG THUGS KYI RTEN, ,NYI LTAR BYIN RLABS GZI BYIN GSER SBYANGS KYIS, ,'OD STONG RI MO 'GYED LA RAG LAS SHING, ,BYIN RLABS GZI BYIN RAB RGYAS PA, ,SGRUB BYED ZLA DANG BRAL BA YANG, ,RGYUD DANG MKHAS PA'I GZHUNG LUGS LAS, ,'BYUNG BA SPYAN DBYE'I CHO GAR NGES, ,DE PHYIR RGYUD DANG RGYA GZHUNG DAM PA YI, ,SKYES CHEN RNAMS KYI RAB GNAS CHO GA'I TSOGS,, RNAM MANG MTHONG ZHING THOS PA'I BYED PA YIS, ,LEGS BSHAD SNYING PO MA LUS DRIL TE BKOD, ,DE LAS 'ONGS PA'I RNAM DKAR LHA YI LAM, ,'GENGS DANG GZHAN YANG DUS GSUM DGE BA'I MTHUS, ,SDUG BSNGAL GSUM GYIS MNAR BA'I 'GRO BA 'DI, ,'DREN PA'I DED DPON MCHOG TU BDAG GYUR CIG ,CES RAB TU GNAS PA'I CHO GA DGE LEGS RGYA MTSO'I CHAR 'BEBS ZHES BYA BA 'DI SNGA MO NAS DGE SLONG BLO BZANG PHUN TSOGS SOGS NGED RANG GI ZHABS 'BRING PA DU MAS BSKUL ZHING, 'PHRAL DU CHOS KYI RJE GSANG SNGAGS RAB 'BYAMS PA DPAL LDAN MCHOG SBYIN PA LA SOGS PA RGYUD PA DPON SLOB RNAMS KYIS MGRIN GCIG TU YID CHES SHING KHUNGS BTZUN PA'I RAB GNAS KYI CHO GA LEGS PAR BSGRIGS PA ZHIG ,DGOS ZHES NAN GYIS BSKUL BA LA BRTEN NAS, RGYA BOD KYI RAB GNAS KYI CHO GA MANG PO'I DON KHONG DU CHUD PAR BYAS TE 'THAD CING LEGS PA'I CHA THAMS CAD
RGYAS 'BRING BSDUS PA'I TSUL DU CHOS SMRA BA BLO BZANG CHOS KYI RGYAL MTSAN GYIS, CHOS GRVA CHEN PO BKRA SHIS LHUN PO'I GTZUG LAG KHANG DU SBYAR BA'I YI GE PA NI DGE SLONG BLO BZANG PHUN TSOGS KYIS BGYIS PA 'DIS KYANG RGYAL BA'I BSTAN PA RIN PO CHE DAR ZHING RGYAS LA YUN RING DU GNAS PAR GYUR CIG ,MANGGA LAm,, ` ,,AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA; ;SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL,, SARBA DZA GA TAm,, ,,