@00 *, ,GZUNGS GZHUG GNOD SBYIN 'KHOR LO JI LTAR BYA BA'I TSUL GSAL BYED NOR BU'I ME LONG BZHUGS, ,
, ,NA MO GU RU MANYDZU GHO sh'A YA, SGRIB BRAL BDE BA CHEN PO'I DBYINGS, ,CI YANG 'CHAR BA'I ZLOS GAR GYIS, ,'GRO LA 'DOD DGU'I MCHOG STZOL BA, ,LHA DANG BLA MAR GUS BTUD NAS, ,PHAN BDE'I 'BYUNG GNAS BDE GSHEGS KYI, ,SKU BRNYAN BYIN RLABS BKRA SHIS PA'I, ,GZI BYIN 'OD STONG RGYAS BYED PA, ,RMAD BYUNG GDAMS PA'I SNYING PO BRJOD, ,'DIR BDE BAR GSHEGS PA'I RTEN LA GZUNGS GZHUG TSUL DANG, GNOD SBYIN 'KHOR LO JI LTAR BYA BA'I TSUL LAS, DANG PO NI, NANG GZHUG RTEN DANG BCAS PA GU GUL GYIS BDUGS, BGEGS BSANGS, RTEN GYI NANG YANG DRI BZANG BA KO TZAM GYIS 'BYUG PAR BSHAD PA LTAR BYA, RTEN DANG 'TSAM PA'I SROG SHING TZANDAN DKAR DMAR
, ,SHUG PA SOGS LAS GRU BZHI 'AM ZLUM PO GANG RUNG RTZA RTZE MA LOG PAR BYAS LA, AOm BADZRA A'A YU shE SV'A H'A, ZHES SROG SHING BRTEN PA'I GZUNGS SNGAGS CI MANG BRI BA DANG DKRI BAR BYA, AOm SARBA BIDY'A SV'AH'A, ZHES RIG PA CHEN MO'I GZUNGS KYANG RTEN GYI DBU DANG, MCHOD RTEN GYI BRE NANG DU MANG DU GZHUG ,MIG TU SA SNYING, RNA BAR PHYAG RDOR SOGS SKYE MCHED DANG SKU GSUNG THUGS BYIN RLABS KYI LHA'AM SA BON RNAMS, GSANG BDE 'JIGS GSUM GYI RDOR SOGS GANG MOS KYI DKYIL 'KHOR DANG BSTUN PA LEGS PAR BRIS TE SO SOR SBYAR, NANG GZHUG GI GTZO BO NI RING BSREL YIN LA, DE NI SGRAS BRJOD NA BZHI STE, SKU GDUNG GI RING BSREL, SKU BAL GYI RING BSREL, YUNGS 'BRU LTA BU'I RING BSREL, CHOS SKU'I RING BSREL LO, ,DANG PO NI SANGS RGYAS BYANG SEMS RNAMS KYI GDUNG RUS DANG, GNYIS PA NI DE DAG GI DBU SKRA PHYAG SEN SOGS DANG, GSUM PA NI DA LTA RING BSREL DU GRAGS PA RNAMS DANG, BZHI PA NI CHOS SKU'I RING BSREL
TE; DE NYID DE BZHI'I NANG NAS GTZO BO YIN CING, DE NI GZUNGS CHEN SDE LNGAS MTSON, MDO RGYUD KHUNGS MA NAS 'BYUNG BA'I GZUNGS BYIN RLABS CAN MTHA' DAG PA YIN NO, ,DE YANG RTZA BRGYUD KYI BLA MA RNAMS KYI MTSAN 'BRU GSUM DANG SPEL BA GANG MANG DANG, RING BSREL RNAMS DRI BZANG DANG NA BZA' BZANG POS GTUMS NAS DBU'I NANG SOGS MTHO SA DANG, NYES PA KUN SEL GYI GZUNGS DANG RTEN 'BREL SNYING PO NI DBU ZHABS THAMS CAD DU GZHUG ,GZHAN GZUNGS CHEN BZHI GTZO BOR THUGS KAR MANG DU GZHUG ,GZHAN MA GZUNGS RNAMS DANG GSUNG RAB RNAMS RGYUD SDE DANG THEG PA'I RIM PA DANG MTHUN PAR MA 'KHRUGS PAR GZHUG ,PAD MA'I NANG DU CHOS SKYONG DANG NOR LHA'I GZUNGS RNAMS GZHUG CING ,GZUNGS RNAMS DRI BZANG GIS BYUGS TE ZHABS NAS DAM PAR DRIL LA DBU ZHABS MI LDOG PA'I MTSAN MA GDAB, BLA MA SANGS RGYAS BYANG SEMS CHOS SKYONG RNAMS KYI SKU BRNYAN YANG SNGAR GYI RIM PA BZHIN, RAB TU GNAS BYA'I RTEN DANG ZHAL STON PHYOGS MTHUN PAR GZHUG CING ,RTEN HA CANG CHE BA RNAMS LA SKABS SU JI LTAR BAB PA LTAR GZHUG ,ZHABS CHAGS KYI RIGS 'JUG PA BYUNG TSE DMA' SA DANG, SNAM BU LAS BYAS PA'I NA BZA' YANG SROG CHAGS 'JUG NYEN CHE BAS CHER MI GZHUG CING, CUNG ZAD 'JUG NA
, ,YANG GZUNGS DANG SKU 'DRA'I TSAS SU PHAN TSUN MI 'KHROL PA'I PHYIR STENG 'OG THAMS CAD DU GZHUG ,MCHOD PA'I PHYIR RIN PO CHE'I RIGS HA CANG CHE BA MA YIN PA DU MA DANG DRI BZANG GSIL MA SNA TSOGS KYANG DBU ZHABS THAMS CAD DU GZHUG PAR BYA'O, ,SO SKYE THA MAL PA'I SKRA SEN RUS PA SOGS BCUG NA, GANG ZAG DE NYID LA GNOD PAR 'DUL LUNG LAS GSUNGS PAS MI GZHUG GO ,GNYIS PA DPA' BO GCIG GRUB KYI RGYUD DANG, SLOB DPON SANGS RGYAS YE SHES ZHABS KYIS BSHAD PA'I 'KHOR LO BRI TSUL NI, RTEN DANG 'TSAM PA'I GSER DNGUL ZANGS LAS GRUB PA'I SHOG BU GOS DAR SOGS BRI GZHI BZANG PO GNYIS LA, PADMA 'DAB BRGYAD LTE BA DANG LDAN PA'I LTE BA DANG 'DAB MA RNAMS KYI STENG DU, ZLA GDAN RE RE, GDAN DE RNAMS KYI STENG DU, DBUS SU DZAMBHA LA, DE'I THUGS KAR; SA BON DZAm, DE'I MTHAR, MDUN NAS G-YAS BSKOR DU, AOm DZAMBHA LA DZA LENDR'A YA SV'A H'A, ZHES PA DANG, GTZO BO ZHAL GANG DU BSTAN PA SHAR DU BYAS PA'I, MDUN DU NOR BU BZANG PO, DE'I THUGS KAR MAm, DE'I MTHAR, AOm MA nI BHA DR'A YA SV'AH'A, LHOR GANG BA BZANG PO, DE'I THUGS KAR P'Um, DE'I MTHAR, AOm P'U RnA BHA DR'A YA SV'AH'A, NUB TU NOR SBYIN, DE'I THUGS KAR DHAm, DE'I MTHAR, AOm DHA NA D'A YA SV'AH'A, BYANG DU RNAM SRAS,
DE'I THUGS KAR BEm, DE'I MTHAR, AOm BEE SHRA WA n'A YA SV'AH'A, MER KE LI M'A LI, DE'I THUGS KAR KEm, DE'I MTHAR, AOm KE LI M'A LI NI SV'AH'A, BDEN BRAL DU PI TZI KUndA LI, DE'I THUGS KAR PIm, DE'I MTHAR, AOm PI TZI KUndA LI NI SV'AH'A, RLUNG DU SGO'I DBANG PO, DE'I THUGS KAR MUm, DE'I MTHAR, AOm MU KHANDR'A YA SV'AH'A, DBANG LDAN DU SPYOD PA'I DBANG PO, DE'I THUGS KAR TZAm, DE'I MTHAR, AOm TZA RENDRA YA SV'AH'A,, ` ,,MO 'KHOR GYI LTE BAR NOR RGYUN MA, DE'I THUGS KAR SA BON BAm, DE'I MTHAR MDUN NAS G-YAS BSKOR DU, AOm BA SU DHA RI n'I YEE SV'AH'A, SHAR DU ZLA MDZES MA, DE'I THUGS KAR TZAm, DE'I MTHAR, AOm TZANDRA K'A NTYE SV'AH'A, BYANG DU SBYIN MA, DE'I THUGS KAR DAm, DE'I MTHAR, AOm DATT'A YEE SV'AH'A, NUB TU NOR SBYIN MA, DE'I THUGS KAR PAm, DE'I MTHAR, AOm BA SU DATT'A YEE SV'AH'A, LHOR 'PHAGS MA, DE'I THUGS KAR A'Am, DE'I MTHAR, AOm A'A RY'A YEE SV'AH'A, DBANG LDAN DU SHIN TU BZANG MO, DE'I THUGS KAR SUm, DE'I MTHAR, AOm SU BHA DR'A YEE SV'AH'A, RLUNG DU SBAS MA, DE'I THUGS KAR GUm, DE'I MTHAR, AOm GU BH'A YEE SV'AH'A, BDEN BRAL DU LHA MO, DE'I THUGS KAR DEm, DE'I MTHAR, AOm DE WA YEE SV'AH'A, MER DBYANGS CAN MA, DE'I THUGS KAR SVAm, DE'I MTHAR, AOm SVA RA SVA TYEE SV'AH'A, RGYAS PAR NA, SV'A H'A'I GONG DU SPEL TSIG SBYAR NAS MA NOR BA DAG PAR BRI, LHA THAMS CAD PHO MO'I DBYE BA CUNG ZAD MA GTOGS, GSER GYI MDOG CAN, YAB RNAMS SHA DANG LTO BA RGYAS PA,
, ,LHA RDZAS KYI NA BZA' CAN, RIN PO CHE'I RGYAN THAMS CAD KYIS BRGYAN PA YAB RNAMS PHYAG G-YAS MCHOG SBYIN GYIS BI DZA P'U RA DANG G-YON NE'U LE 'DZIN PA, YUM RNAMS NU 'BUR RGYAS SHING G-YAS MCHOG SBYIN DANG, G-YON 'BRAS KYI SNYE MA 'DZIN PA, YAB YUM THAMS CAD KYANG RIN PO CHE 'BYUNG BA'I GTER BUM DANG PAD ZLA LA SEMS DPA'I SKYIL KRUNG GIS BZHUGS PA'O, ,'KHOR RNAMS DANG SNGAGS RNAMS DBU PHYIR BSTAN NAS ZHAL NANG DU PHYOGS PAR BYA, PAD 'DAB KYI PHYIR MU KHYUD BYED PAR MA BSHAD PAS, MED KYANG RUNG LA, YANG DAM PA SNGA MA 'GAS MDZAD PA LTAR BYAS KYANG 'GAL BA MED PAS, BYED TSE MU KHYUD GSUM GYI DANG POR RTEN 'BREL SNYING PO, ,GNYIS PAR A'A LI K'A LI SPEL TSIG DANG BCAS PA 'KHOR LO GNYIS KAR MDUN NAS G-YAS BSKOR DU BRI, GSUM PAR RDO RJE'I RA BA PA TRAS BSKOR BA BYA, 'GREL PAR SKAR MA RGYAL LA BRIS NAS; DE NYID KYI NYIN RAB GNAS BYA BAR GSUNGS PA LTAR BYA'O, ,JI LTAR BYA BA'I TSUL NI, BDAG NYID GSANG BA'I BDAG PO LA SOGS PA'I LHA'I RNAL 'BYOR DANG LDAN PAS, 'KHOR LO GNYIS BSANGS, SBYANGS, PAD ZLA'I STENG DU, RANG RANG GI SA BON LAS YAB RNAMS BRI BA'I SKABS JI LTA BA BZHIN BSKYED PA'I BRLA G-YON PA'I STENG DU YUM RNAMS BZHUGS PA'I PHYAG G-YAS PAS YAB LA 'KHYUD PA, YUM RNAMS KYI GDAN PAD ZLA,
STENG DU GNAM RGYAN SOGS MCHOD SPRIN DU BSKYED, SKU GSUNG THUGS BYIN GYIS BRLABS, YE SHES PA GZHUG CING DBANG BSKUR, RIN 'BYUNG GI RGYAS GDAB, BYA SPYOD BZHIN MCHOD PA BYIN GYIS BRLABS TE, MCHOD BSTOD BZLAS PA DANG BCAS PA BYA, BZLAS PA'I TSE, RDO RJE GZUNGS THAG DANG BCAS PA BZUNG LA, GNOD SBYIN YAB YUM RNAMS KYI SKU LAS 'OD ZER 'PHROS, 'JIG RTEN DANG 'JIG RTEN LAS 'DAS PA'I PHUN SUM TSOGS PA THAMS CAD CI 'DOD PA'I RNAM PAR BKUG STE, SBYIN BDAG GAM BDAG NYID GANG DU GNAS PA'I PHYI NANG GI YUL PHYOGS SA GZHI THAMS CAD GANG BAR BSAMS NAS GTZO BO YAB YUM GYI SNGAGS BRGYA RTZA RE DANG; 'KHOR RNAMS KYI SNGAGS NYER GCIG RE NYUNG MTHAR BYAS PA BZLA, MJUG TU MCHOD CING BSTOD DE BZOD PAR GSOL BAS, DGYES BZHIN DU 'OD DU ZHU NAS BRIS PA'I 'KHOR LO'I RNAM PAR GYUR PAR BSAMS LA; BRTAN BZHUGS DANG BKRA SHIS BYAS TE, PHO 'KHOR 'OG DANG MO 'KHOR STENG DU BYAS LA KHA SBYAR BA'I BAR DU 'BRU DANG RIN PO CHE'I PHYE MA SOGS CUNG ZAD DANG BCAS, KA RA DANG SBRANG RTZIS SBYAR NAS, DAR DMAR SER CI RIGS PA'I NA BZAS KLUBS, DBU RTEN GYI RGYAB TU BSTAN TE, RIN PO CHE DANG 'BRU DANG, DAR TSON DANG DRI BZANG MANG PO'I DBUS SU BZHAG ,MTSAMS DAR DMAR SER GANG RUNG GIS BYAS LA ZHABS BSDAM PAR BYA'O, ,TSUL 'DI YANG
, ,BU STON THAMS CAD MKHYEN PAS MDZAD PA'I 'KHOR LO BRI TSUL DANG, RJE RGYAL BA GNYIS PA TZONG KHA PA CHEN PO'I PHYAG BZHES GYE RE DKA' BZHI PAS BKOD PA DANG, RGYAL TSAB THAMS CAD MKHYEN PA'I NANG RTEN RGYAL BA 'OD DPAG MED KYI GSER SKU'I NANG GZHUG MKHAS GRUB THAMS CAD MKHYEN PAS PHYAG BZHES MDZAD PA RJE CHOS LDAN RAB 'BYOR GYIS ZIN BRIS SU BTAB PA DANG, BYAMS PA GLING GI MCHOD RTEN BZHENGS DUS; RJE BYAMS PA GLING PA DANG LO CHEN BSOD NAMS RGYA MTSOS, 'GOS LO LA GNOD SBYIN 'KHOR LO'I SKOR LA DRI BA MDZAD PA'I DRI LAN DANG, RGYAL BA BLO BZANG DON GRUB KYIS MDZAD PA'I GNOD SBYIN 'KHOR LO 'JUG TSUL GYI MAN NGAG MDOR BSDUS RNAMS, YI GE PA'I SKYON DANG, DGONGS PA LEN TSUL SO SO'I RTOG PAS BTAGS PA TZAM MA GTOGS SHIN TU MTHUN PA 'DUG PA LTAR, DGAG BSGRUB SOGS MA BYAS PAR, LAG TU BLANG BA'I TSUL MDOR BSDUS BKOD PA'O,, ` ,,DE YANG; MKHAS GRUB THAMS CAD MKHYEN PAS PHYAG BDAR ZIN BRIS NYAMS MED DU SGRA ZIN BKOD NA BRI TSUL DAG MA DAG MANG BA LA DOGS PA CHOD CING, RANG GI LUGS RNAM PAR DAG PA LA NGES SHES 'THOB PAR 'GYUR BAS 'DI LTAR, YANG DBUS KYI YAB KYI THUGS KAR SA BON DZAm, DE'I MTHA' SKOR LA, AOm DZAMBHA LA DZA LENDR'A YA RI BO DGE LDAN GYI MKHAN SLOB DGE 'DUN DANG
BCAS PA'I BSOD NAMS DANG DPAL 'BYOR THAMS CAD PUshtIm KU RU SV'AH'A, DE'I YUM GYI THUGS KAR SA BON BAm, DE'I MTHA' SKOR LA, AOm BA SU DHA RI n'I YEE RI BO DGE LDAN SOGS NAS SV'AH'A, SHAR DU YAB KYI THUGS KAR MAm, DE'I MTHAR, AOm MA nI BHA DR'A YA SV'AH'A, DE'I YUM GYI THUGS KAR CAm, DE'I MTHAR, AOm TZANDRA K'ANTYEE SV'AH'A, LHOR YAB KYI THUGS KAR P'Um, DE'I MTHAR, AOm P'URnA BHA DR'A YA SV'AH'A, DE'I YUM GYI THUGS KAR DAm, DE'I MTHAR, AOm DATT'A YEE SV'AH'A; NUB TU YAB KYI THUGS KAR DHAm, DE'I MTHAR, AOm DHA NA DY YA SV'AH'A, DE'I YUM GYI THUGS KAR PAm, DE'I MTHAR, AOm BA SU DA HH'A YEE SV'AH'A, BYANG DU YAB KYI THUGS KAR BEEm, DE'I MTHAR, AOm BEE SHRA WA n'A YA SV'AH'A, DE'I YUM GYI THUGS KAR A'Am, DE'I MTHAR, AOm A'A R+YA YEE SV'AH'A, SHAR LHOR YAB KYI THUGS KAR KEm, DE'I MTHAR, AOm KE LI M'A LI NI SV'AH'A, DE'I YUM GYI THUGS KAR SUm, DE'I MTHAR, AOm SU BHA DR'A YEE SV'AH'A, LHO NUB TU YAB KYI THUGS KAR PIm, DE'I MTHAR, AOm PI TZI KUndALA NI SV'AH'A, DE'I YUM GYI THUGS KAR GUm, DE'I MTHAR, AOm GUPH'A YEE SV'AH'A, NUB BYANG DU YAB KYI THUGS KAR MUm, DE'I MTHAR, AOm MU KHENDR'A YA SV'AH'A, DE'I YUM GYI THUGS KAR DEm, DE'I MTHAR, AOm DE BI YEE SV'AH'A, BYANG SHAR DU YAB KYI THUGS KAR TZAm, DE'I MTHAR, AOm TZA RENDR'A YA SV'AH'A, DE'I YUM GYI THUGS KAR SV'Am, DE'I MTHAR, AOm SVA RA SVA TYEE SV'AH'A, YAB YUM GYI SA BON THAD KAR 'GRIG PAR BYA, DE'I
, ,MTHA' SKOR LA BSKOR BA'I SNGAGS KYI AOm DANG SV'AH'A 'GRIG PAR BYA DGOS SO, ,ZHES CHOS KYI RJE THAMS CAD MKHYEN PA NYID KYIS PHYAG BRIS MDZAD SNANG BA'I YI GE'I STENG NAS DAG PAR BRIS PA'O, , GNOD SBYIN YAB YUM GYI GDAN PAD 'DAB SER PO BRIS PA'I MTHA'I MU KHYUD LA RTEN 'BREL SNYING PO'I MTHAR RI BO DGE LDAN ZHES SOGS DANG, CEEm TRI TZAM MA BA SU PUshtIm KU RU SV'AH'A, ZHES BRIS, BDA' DANG RNAMS KYI STENG DU, YAB YUM ZHAL SBYOR BYAS PA'I YAB RNAMS ZHAL NANG DU BSTAN PA DANG, DBUS KYI YAB ZHAL MDUN DU BSTAN NAS BZHUGS PA MDZAD KYI NA SNANG NGO, ,DE RNAMS KYI PHYI RU PHYOGS SKYONG BCO LNGA PHYOGS MTSAMS JI LTA BAR BKOD NAS, STENG 'OG GNYIS SHAR DANG NUB KYI PHYI ROL TU BKOD NAS, THAMS CAD KYANG ZHAL PHYIR BSTAN NAS BKOD KYIN SNANG NGO, ,ZHES LAG LEN GSAL PO 'DI LTAR 'BYUNG NGO, ,DES NA RGYAS PAR NA, LHA'I THUGS KAR SNGAGS 'KHOR DANG BCAS PA DANG, 'BRING DU NA PADMA LTE BA DANG BCAS PAR SA BON DANG SNGAGS PHRENG BSGRIGS SU BYAS PA'AM, SA BON SNGAGS KYIS BSKOR BA CI RIGS, BSDU NA PADMA LTE BA DANG BCAS PA'I STENG DU MKHAS GRUB THAMS CAD MKHYEN PA'I ZIN BRIS SU 'BYUNG BA LTAR GNOD SBYIN YAB YUM RNAMS KYI SA BON TZAM BRI BAR BYA'O, ,NANG GZHUG THAMS CAD LA RAB GNAS MDOR BSDUS BYAS NA SHIN TU
LEGS SO, ,NANG GZHUG 'BUL BA PO YANG KHYIM PA YIN NA DGE BSNYEN GYI SDOM LDAN YAN LAG BRGYAD PA'I GSO SBYONG LA GNAS PA DANG, DGE TSUL SLONG GI SDOM PA RNAM DAG DANG LDAN PA, KHRUS BYAS SHING GTZANG SBRA RNAM DPYOD DANG LDAN PAS, RTZING CHOS SU MA SONG BA BAG YOD DRAN SHES KYIS KUN NAS BSLANGS PA'I LHAG BSAM RNAM DAG GIS GZHUG PAR BYA'O, ,BDE GSHEGS SKU BRNYAN DMAN MCHOG CI RIGS LAS, ,GRUB TZAM NYID NAS TSANGS DBANG BDE 'BYUNG SOGS, ,LHA BCAS 'GRO BA KUN GYI DGE LEGS KYI, ,'BRAS BU BZANG PO BSKRUN PA'I ZHING NYID YIN, ,DE'I PHYIR RGYAL BA'I SKU GZUGS PADMA'I TSAL, ,NANG GZHUG BYIN RLABS SBRANG RTZI'I BCUD CHAGS PA'I, ,ZE'U 'BRU RGYAS BYED LEGS BSHAD 'OD STONG GIS, ,YONGS BSKOR NAM MKHA'I NOR BU DENG 'DIR SHAR, ,PHYOGS 'DIR RMUGS 'DZIN TZI KRA'I TSUL, ,MI MTHUN BAL PA DZA 'DRA LAS, ,MKHAS MANG BZHED PA'I SNANG BA DAG ,CIG CAR 'CHAR BA'I ME LONG YIN, ,'DIS MTSON DGE TSOGS GANGS RI LTAR DKAR BAS, ,THUB BSTAN PHYOGS DUS KUN TU RGYAS PA DANG, ,MAR GYUR 'GRO RNAMS SRID MTSO LAS SGROL BA'I; ;DED DPON THAMS CAD MKHYEN PAR BDAG GYUR CIG ,CES GZUNGS GZHUG GNOD SBYIN 'KHOR LO'I LTAR BYA BA'I TSUL GSAL BYED NOR BU'I ME LONG ZHES BYA BA 'DI NI, SNGA DUS NAS DAM PA MANG POS, GNOD SBYIN 'KHOR
, ,LO BYA TSUL LA LUGS SO SO SNANG MUN LTAR 'GAL BA MANG DU 'DUG CING, DE LA BRTEN PA'I DAG MA DAG BYUNG TSE DGE SKYON YANG SHIN TU CHE BA 'PHRAL DU YONG 'DUG PAS, JI LTAR BYA BA'I TSUL GSAL BA ZHIG GYIS CIG CES GSUNG BA BYUNG YANG, BTANG SNYOMS SU LUS, PHYIS GZIMS KHANG GONG SPRUL PA'I SKU GRANGS PA RGYAL MTSAN DANG, DE MO SPRUL PA'I SKU NGAG DBANG DGE LEGS RGYAL MTSAN GYI GSUNG GIS NAN GYIS BSKUL ZHING ,RJE DRUNG BLO BZANG DBANG RGYAL GNYIS KYIS KYANG, YANG YANG GSOL BA BTAB PA LA BRTEN NAS, RIGS PAR SMRA BA'I RGYAL KHAMS PA BLO BZANG CHOS KYI RGYAL MTSAN GYIS, DGAG BSGRUB KYI SPROS PA DOR NAS, JI LTAR BYA BA'I LAG LEN SNYING POR DRIL TE, CHOS GRVA CHEN PO BKRA SHIS LHUN PO'I GZIMS KHANG RGYAL MTSAN MTHON PO'I GZIMS CHUNG YID DGA' CHOS 'DZIN DU SBYAR BA'I YI GE PA YANG RJE DRUNG BLO BZANG DBANG RGYAL LO,, ,,MANGGA LAm,, ,,*, ,AOm SVA STI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL, ,SARBA DZA GA TAm,, ,