*, ,RGYAL BA BYAMS PA LA BRTEN PA'I 'PHO BA LEGS PA CIG BZHUGS SO, ,
, ,NA MO MANYDZU GHO sh'A YA, 'DIR DGA' LDAN GYI GNAS SU 'PHO BAR 'DOD NA, SKYABS 'GRO SEMS BSKYED SNGON DU BTANG STE, SVA BH'A WAS STONG PAR SBYANGS, STONG PA'I NGANG LAS RANG GI MDUN GYI NAM MKHAR SENG GE CHEN PO BRGYAD KYIS BTEG PA'I RIN PO CHE'I KHRI YANGS SHING RGYA CHE BA'I STENG DU, SNA TSOGS PADMA 'DAB MA STONG DANG LDAN PA, DE'I STENG DU SENG KHRI PAD ZLA'I GDAN LA; NGO BO RANG GI DRIN CAN RTZA BA'I BLA MA YIN PA LA, RNAM PA RGYAL BA BYAMS PA MGON PO DE NYID SKU MDOG GSER BTZO MA LTA BU SKU LA CHOS GOS NGUR SMRIG GSOL BA MTSAN DANG DPE BYAD KYIS BRGYAN PA, GSUNG DBYANGS YAN LAG DRUG CU DANG LDAN PA, THUGS SHES BYA THAMS CAD MNGON SUM DU MKHYEN PA, ZHAL 'DZUM BAG DANG BCAS PA'I SPRUL PA'I SKU'I CHA BYAD CAN, PHYAG GA-YON
, ,RIL BA SPYI BLUGS KYIS MTSAN PA'I PADMA 'DZIN CING, PHYAG GA-YAS DAR DKAR YUG GCIG BRKYANGS PA'I SNE NAS BZUNG STE, SKAL LDAN RIGS KYI BU 'DI LA 'PHYONGS LA DGA' LDAN CHOS KYI PHO BRANG DU DA LTA NYID DU SHOG CIG CES GSUNGS LHANG LHANG BYON NAS BZANG PO'I BZHUGS STANGS KYI SGO NAS MNGON SUM DU BZHUGS PAR GYUR, CES BRJOD NAS SPYAN 'DREN PA NI, GNAS MCHOG DGA' LDAN LHA YI YUL NAS, ,RGYAL BA MI PHAM CHOS KYI BLA MA, ,YE SHES SPYAN GYIS RGYANG NAS GZIGS TE, BRTZE BA'I THUGS KYIS DGONGS PAR MDZOD DANG, ,DRAN PA TZAM GYIS MDUN DU BYON NAS, , PHYAG GA-YAS BDAG GI PHYOGS SU BRKYANGS TE, ,KHYOD ZHAL BLTA ZHING KHYOD GSUNG NYAN PA'I, ,SKAL BA LDAN PAR BYIN GYIS RLOBS DANG, ,DE LTAR KHYOD LA GSOL BA BTAB PAS, ,'DI'I SEMS GA-YEL BA MED PAR GYUR TE, ,MI DGE SDIG PA'I TSOGS LAS LDOG NAS, ,CHOS DANG MTHUN PAR BYIN GYIS RLOBS SHIG ,CES PA LAN GSUM BRJOD PAS SKAD CIG DE NYID LA BYAMS MGON THUGS RJE'I GTER CHEN
MNGON SUM DU BYON PA'I DMIGS PA BYA, DE NAS CHU GNYIS NYER SPYOD ROL MO MAndAL SOGS MCHOD PA PHUL NAS, BLA MA BYAMS MGON LA GSOL BA GDAB PA NI, RGYAL BA KUN GYI MKHYEN BRTZE PHRIN LAS KUN, ,SNYIGS DUS NGUR SMRIG 'DZIN PA'I TSUL BZUNG BA, ,LHA BCAS 'GRO BA'I 'DREN PAR BSNGAGS PA YI, ,MA PHAM RGYAL BA'I DBANG POR GSOL BA 'DEBS, ,DUS GSUM SANGS RGYAS KUN GYI NGO BO NYID, ,ZAB DANG RGYA CHE'I CHOS RNAMS KUN GYI MDZOD, ,'PHAGS MCHOG DGE 'DUN KUN GYI GTZUG GI RGYAN, ,GSOL BA 'DEBS SO BLA MA RIN PO CHE, ,DGA' LDAN GNAS SU 'KHRID PAR MDZAD DU GSOL, ,DAG PA MKHA' SPYOD GNAS SU KHRID DU GSOL, ,BDE STONG DBYER MED YE SHES SKYED DU GSOL, ,GNAD GCOD BAR DO'I 'JIGS LAS BSKYAB TU GSOL, ,RE SA GZHAN NA MED DO THUGS RJES GZUNG, ZHES GSOL BA 'DEBS, DE NAS RANG GZHAN 'CHI 'PHO SOGS BAR DO'I 'JIGS PA LAS DA LTA NYID NAS BSGRAL BAR BYA SNYAM PA'I MOS PA'I SGO NAS BAR DO'I GSOL 'DEBS BYAS TE, 'PHO BA'I DMIGS PA BYA BA NI, RANG GI LUS KYI DBUS KYI DKYIL DRANG POR RTZA DBU MA SBOM PHRA MDA' SMYUG TZAM YAR SNE TSANGS BUG TU SKYA THAL LA BA BSGOMS, RANG GI SEMS DE NYID SNYING GAR THIG LE DKAR PO SRAN MA TZAM 'OD KYI RANG BZHIN CAN 'PHIR LA KHAD GCIG TU BSGOMS, SLAR YANG NAN GYIS BLA MA
, ,RIN PO CHE, BDAG DAG PA MKHA' SPYOD KYI GNAS SU DRANG DU GSOL CES SOGS GSOL BA BTAB, BLA MA'I THUGS KA NAS 'OD ZER LCAGS KYU LTA BU ZHIG BYUNG STE RANG GI TSANGS BUG NAS ZHUGS, RANG GI SEMS THIG LE DKAR POR GSAL BA LA PHOG PAS GYEN DU DRANGS PAR BSAM ZHING 'OG RLUNG DRAG TU 'THEN, HI KA CES BRJOD PAS DE NYID DBU MA'I NANG NAS YAR DKAR YER TE SONG TSANGS BUG NAS RGYANGS TE THON NAS BLA MA'I THUGS KAR SIM GYIS THIM PAS BLA MA'I THUGS CHOS KYI SKU'I BDAG NYID DANG RANG GI SEMS RO GCIG TU DBYER MED PAR BSAMS LA 'PHO BAR BYA'O, ,GZHAN LA BYA BA'I TSE DE'I LUS DRANG POR BSRANGS TE RTZA DBU MA YANG LEGS PAR GSAL BTAB DE'I RNAM SHES KYANG KHO RANG GI SNYING GAR DBU MA'I NANG DU THIG LE DKAR PO GSAL ZHING DVANGS LA 'PHIR LA KHAD GCIG TU BSAMS, DE NAS GDANGS SNYAN POS LAG PA 'GRAM PAR GTAD DE KHO LA 'DI LTAR BRDA SPRAD DO, ,KYE GSON CIG SKAL LDAN RIGS KYI BU, ,LAR SKYES PA'I THA MA 'CHI BA YIN, ,MI RGAN GZHON KHYAD PAR MI 'DUG PAS, ,DON 'CHI BAS GTUGS LA DGOS PA'I CHOS; ;MI KHO BOS BSHAD PA'I LEGS BSHAD 'DI, ,SEMS MA YANGS SNYING GI DKYIL DU ZHOG ,BU LUS RTEN 'DI LA MA CHAGS SHIG ,NOR LONGS SPYOD SOGS LA MA CHAGS SHIG ,YUL KHANG KHYIM SOGS LA
MA CHAGS SHIG ,GNYEN NYE DU SOGS LA MA CHAGS SHIG ,CHAGS NA YI DVAGS SOGS SU SKYE, ,MA CHAGS DGA' LDAN GNAS SU 'GRO ,BSAGS PA'I THA MA 'DZAD PA YIN, ,BRTZIGS PA'I THA MA 'JIG PA YIN, ,'GROGS PA'I THA MA 'BRAL BA YIN, ,SKYES PA'I THA MA 'CHI BA YIN, ,BU KHYOD LA 'CHI BA'I DUS DE BYUNG, ,BU KHYOD NYID GCIG PU 'CHI BA MIN, ,THAMS CAD 'DI KHA'I CHOS NYID YIN, ,SHI SNYAM SDUG BSNGAL BYA MI DGOS, ,BU KHYOD LAS DGA' BA SU YANG MED, ,KHYOD LAS SKYID PA SU YANG MED, ,SPYI GTZUG NYI ZLA'I GDAN STENG NA, ,DRIN CAN RTZA BA'I BLA MA DANG, ,DBYER MED BYAMS PA MGON PO BZHUGS, ,LAM GYI BAR CHAD SEL BA DANG, ,'PHO BAS LAM SNA ZIN PA'I PHYIR, ,GSOL BA SNYING GI DKYIL NAS THOB, CES BRJOD NAS, BLA MA'I THUGS KA NAS 'OD ZER LCAGS KYU LTA BU KHO'I TSANGS BUG NAS ZHUGS KHO'I SEMS THIG LE DKAR POR GSAL BA LA PHOG PAS GYEN DU DRANGS PAR BSAM ZHING HI KA BRJOD PAS SPYI GTZUG NAS RGYANGS TE THON BLA MA BYAMS MGON GYI THUGS KAR SIB KYIS THIM PAS THUGS CHOS KYI SKU'I BDAG NYID DANG RO GCIG PAR BSAMS NAS DMIGS PA LAN GSUM BYA, SHI NAS ZHAG KHA YAR SONG BA LTA BU YIN NA RNAM SHES DGUG GZHUG BYA DGOS PAS DE'I TSUL NI 'DI LTAR TE, NA MO SANGS RGYAS KYI BKA' BDEN PA DANG, CHOS KYI BKA' BDEN PA DANG, DGE 'DUN GYI BKA' BDEN PA DANG, GSANG SNGAGS DANG
, ,RIG SNGAGS RNAMS KYI x, KHYAD PAR DU YANG RTEN 'BREL BSLU BA MED PA'I x, CHOS NYID 'GYUR BA MED PA'I BDEN PA'I STOBS KYIS TSE LAS 'DAS PA CHE GE MO ZHES BYA BA'I RNAM PAR SHES PA DE NYID MTHO SRID PA'I RTZE MO NAS, DMA' DMYAL KHAMS KYI BAR GYI SA 'OG SA STENG SA BLA GANG DU GNAS KYANG SKAD CIG NYID LA 'DIR KHUG CIG CES LAN GSUM BYA, DE NAS KYE SKAL LDAN RIGS KYI BU ZHES SOGS BYA'O, ,LAS LA SBYOR BA'I CHE YIN GYI 'PHO BA SBYONG BA'I GNAS SKABS SU RNAM SHES TSANGS BUG LA REG TZAM MA GTOGS TSANGS BUG LAS THON PAR MI BSAM MO, ,ZHES BLA MA'I RNAL 'BYOR LA BRTEN PA'I 'PHO BA'I MAN NGAG DON GNYER CAN 'GA' ZHIG GIS BSKUL BA LA BRTEN NAS DGE SLONG BLO BZANG CHOS KYI RGYAL MTSAN GYIS CHOS SDE CHEN PO DPAL GYI BKRA SHIS LHUN POR SBYAR BA'O,, ,,MANGG'A LAm,, *, ,AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON,, RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL,, ,,SARBA DZA GA TAm,, ,,