*, ,NAM MKHA' SGO 'BYED KYI DBANG BYED TSUL BZHUGS, ,
, ,AOm SVASTI, GNAS GSUM MKHA' 'GRO KUN GYI GTZO, ,RGYAL BA'I YUM LA GUS BTUD NAS, ,NAM MKHA' SGO 'BYED DBANG BSKUR TSUL, ,DAM PA'I GSUNG BZHIN BRI BAR BYA, ,NAM MKHA' SGO 'BYED KYI DBANG BYED PAR 'DOD PAS, GTOR MA'I TSO MA BU MCHOD GTOR DANG BCAS PA PHYAG LEN LTAR BSHAMS, BDAG MDUN TSUL BZHIN BSGRUBS, SLOB MA RNAMS KHRUS BYAS, DUS GSUM RGYAL BA SKYED MDZAD MA, ,BCOM LDAN SHES RAB PHA ROL PHYIN, ,THUGS RJES SNA TSOGS SKUR SPRUL PA, ,YUM CHEN BDAG LA BYIN GYIS RLOBS, ZHES LAN GSUM GYIS GSOL BA GDAB, SPYI DANG BYE BRAG GI CHOS BSHAD NAS BYANG SDOM BZUNG, DNGOS GZHI LA MDUN BSKYED GNAS SU PADMA'I SDONG PO YANGS
, ,SHING RGYA CHE BA, LTE BA 'DAB MA BZHI DANG BCAS PA'I DBUS SU ZLA GDAN LA NGO BO RTZA BA'I BLA MA DANG DBYER MED PA'I YUM CHEN MO YIN PA LA, RNAM PA SANGS RGYAS RIGS KYI MKHA' 'GRO MA MA GCIG LABS KYI SGRON MA SKU MDOG DKAR MO, PHYAG GA-YAS d'A MA RU 'KHROL ZHING, GA-YON DNGUL DKAR GYI DRIL BU GSIL BA, MDUN NAS GA-YAS BSKOR GYIS RDO RJE'I RIGS LA SOGS PA'I MKHA' 'GRO MA RIGS BZHI, PHYAG GA-YAS RNAMS RANG RIGS KYI PHYAG MTSAN DANG, GA-YON PA RNAMS DRIL BU 'DZIN PA, THAMS CAD ZHAL GCIG PHYAG GNYIS MA, LANG TSO BCU DRUG LON PA'I NYAMS CAN, DBU SKRA RAL PA'I THOR COG CAN, RUS PA'I RGYAN DRUG GIS BRGYAN PA, ZHABS GA-YAS BRKYANGS SHING GA-YON BSKUMS PA SKYIL KRUNG PHYED PA'I GAR STABS KYIS BZHUGS PA, STENG DU RTZA BRGYUD KYI BLA MA RNAMS BZHUGS GNAS DANG BCAS PA SPRIN GTIBS PA LTA BUR YOD PAR GSAL BTAB, DNGOS GZHI LA GSUM LAS,
DANG BA LUS LA RGYAN DRUG RUS PA'I DBANG BSKUR BA NI, RGYAN DRUG PHAR PHYIN DRUG RNAM PAR DAG PA'I BDAG NYID DU BSAMS LA, 'DI NI DPA' BO THAMS CAD DANG, ,GNAS GSUM MKHA' 'GRO THAMS CAD KYI, ,PHA ROL PHYIN DRUG DAG PA'I RGYAN, ,RGYAN 'DI THOGS LA BDAG 'DZIN CHOD, ,RGYAN DRUG RUS PA'I DBANG BSKUR RO, ,ZHES RGYAN DRUG GIS BRGYAN PAR MOS LA, BYIN RLABS BYED, YANG d'A MA RUS SHES RAB KYI RANG SGRA SGROG PAR DPON SLOB GNYIS KAS BSAMS TE, 'DI NI DPA' BO THAMS CAD DANG, ,GNAS GSUM x, SKYE MED RANG SGRA SGROG PA'I SGRA, ,SGRA 'DI SGRAGS LA x, d'A MA RU YI x, d'A MA RU GTAD NAS 'KHROL DU GZHUG ,YANG CIR SNANG BDEN MED DU MOS NAS, 'DI NI x, GNAS GSUM x, SNANG BA BDE CHEN BSGYUR BA'I SKAD, ,SKAD 'DI BSGYUR LA x, MI RKANG GLING BU'I x, ZHES BRJOD NAS, MI RKANG 'BUD DU GZHUG ,GNYIS PA NGAG LA GSUNG SKAD PHAt: KYI DBANG BSKUR BA NI, 'DI NI x, GNAS GSUM x, BDAG 'DZIN RTZAD NAS GCOD PA'I SKAD, ,SKAD 'DI THON LA x, GSUNG SKAD PHAt: KYI DBANG x, PHAt: DRAG TU BRJOD LA BDAG 'DZIN LHAN SKYES KYI ZHEN YUL BKAG NAS BSGOM DU GZHUG ,TADYA TH'A GA TE GA TE SOGS KYI BZLAS LUNG SBYIN NO, ,GSUM PA, SEMS LA CHOS NYID DON GYI DBANG BSKUR BA NI, SLOB MA RNAMS RKANG PA GSHIBS NAS LANGS, THAL
, ,MO SPYI BOR SBYAR TE 'DUG PA LA, 'DI LTAR BRDA' SPRAD, KHYED RANG RNAMS KYI LUS KYI DBUS DRANG POR RTZA DBU MA KHOG STONG MDA' SMYUG TZAM, YAR SNA SPYI BOR THAL GYIS ZUG CING, MAR SNA LTE 'OG TZAM NAS SO SOR GYES TE RKANG MTHIL DU SLEBS PA'I 'OG TU RANG RANG GI RNAM SHES 'OD DKAR PO SRAN MA TZAM RE RE YOD PA DES AA WA DH'U T'I NAS YAR BLTAS PAS, STENG GI NAM MKHA' LA YUM CHEN MO BZHUGS PA MNGON SUM DU MTHONG, YUM CHEN MO'I GSUNG NAS, RIGS KYI BU YAR LA SHOG ,SKYID PAR 'ONG, BDE BAR 'ONG, MTHAR THUG GTAN GYI BYANG CHUB LA KHO MOS DGOD DO, ,ZHES GSUNGS ZHING, d'A MA RU DKROL DPON SLOB GNYIS KAS PHAt: RE RE BRJOD, SLOB MA'I RNAM SHES RKANG MTHIL NAS LTE BAR GCIG TU 'DRES, SNYING GAR SLEBS x, MGRIN PAR x, SPYI BOR x, PHAt: SPYI BO NAS NAM MKHA'I DBYINGS SU SONG, RANG SEMS BDEN STONG NAM MKHA'I DBYINGS DANG RO GCIG TU SONG BAR BSAMS NAS MNYAM PAR 'JOG TU BCUG LA, MDO LAS NAM MKHA' RNAM PAR BLTA BA'I TING NGE 'DZIN DANG, GTZUG TOR RNAM PAR BLTA BA'I TING NGE 'DZIN ZHES GSUNGS PA'I DON DU NGO SPRAD, DE NAS MNYAM GZHAG DE LAS LANGS PA'I SLOB MA'I SPYI BOR LHAR BSKYED PA'I TSOM BU'AM, GTOR MA BZHAG ,RTZA RGYUD KYI BLA MA, MA GCIG MKHA' 'GRO'I TSOGS DANG BCAS PA LA GSOL BA BTAB PAS
BYIN GYIS BRLABS PAR BSAMS LA, SPRO NA; BYA RGOD PHUNG PO'I RI BO NA, ZHES SOGS RGYAS PA'AM, MDOR BSDUS NYE BRGYUD TZAM BYED NA, ` ,'OG MIN CHOS KYI PHO BRANG DU, ,RDO RJE 'CHANG CHEN BYIN RLABS CAN, ,BYIN RLABS CAN LA GSOL BA 'DEBS, ,RGYA NAG RI BO RTZE LNGA RU, ,RJE BTZUN 'JAM DBYANGS x, BYIN RLABS x, 'JAM DPAL GRUB PA'I DKYIL 'KHOR DU, ,DPA' BO RDO RJE x, BYIN RLABS x, 'BROG RI CHEN PO DGE LDAN DU, ,BLO BZANG GRAGS PA x, BYIN x, MAL DRO SPANG SA'I DGON PA RU, ,'JAM DPAL RGYA MTSO x, BYIN RLABS x, BA SO LHUN GRUB BDE CHEN DU, ,CHOS KYI RGYAL MTSAN x, BYIN x, PADMA 'OD KYI GZHAL YAS SU, ,CHOS KYI RDO RJE x, BYIN x, DBEN SA CHOS KYI PHO BRANG DU, ,BLO BZANG DON GRUB x, BYIN x, SPYI GTZUG NYI ZLA'I GDAN STENG DU, ,SANGS RGYAS YE SHES x, BYIN x, BDE STONG CHOS SKU'I GZHAL YAS SU, ,YUM CHEN SHER PHYIN x, BYIN x, SNYING GA CHOS KYI PHO BRANG DU, ,YI DAM LHA TSOGS x, BYIN x, NYI SHU RTZA BZHI'I GNAS MCHOG TU, ,DPA' BO MKHA' 'GRO x, BYIN x, DUR KHROD CHEN PO'I GNAS BRGYAD DU, ,CHOS SKYONG BSRUNG MA x, BYIN x, DAM TSIG GTZANG MA'I TSOGS BRAL DU, ,RDO RJE SPUN TSOGS x, BYIN x, DAL 'BYOR RNYED DKAR SHES PA DANG, ,DON CHEN SNYING PO LEN PA RU, ,GSOL BA 'DEBS SO BYIN GYIS RLOBS, ,MI RTAG 'CHI BA DRAN PA DANG, ,LONG MED RGYUD LA SKYE BA RU x, TSE 'DI BLO YIS THONGS PA DANG, ,PHUNG PO ZAD DU BSKYUR
, ,BA RU x, GNYAN SA RI KHROD ZIN PA DANG, ,BYAMS DANG SNYING RJE 'BYONGS PA RU x, BDAG MED GNAS LUGS RTOGS PA DANG, ,BDAG 'DZIN RTZAD NAS CHOD PA RU x, BDUD BZHI RANG SAR ZHI BA DANG, ,SKU GSUM MNGON DU 'GYUR BA RU x, SNANG SRID DBANG DU 'DU BA DANG, ,'BREL TSAD DON DANG LDAN PA RU x, ZHES RJES ZLOS KYI SGO NAS GSOL BA BTAB PAS BYIN GYIS BRLABS PAR BSAM, RGYAS PAR NA TSOGS LA LONGS SPYAD, MJUG CHOG SPYI 'GRO LTAR BYA'O,, ` ,SMRAS PA, ZAB LAM NAM MKHA' SGO 'BYED BYIN RLABS TSUL, ,YANG DAG LTAR SNANG 'DRES PA'I LUGS MANG YANG, ,RNAM DAG DAM PA'I GSUNG BZHIN RIN CHEN PHRENG, ,MDOR BSDUS TSIG GI SRAD BUR SPEL BA 'DI, ,SDE SNOD 'DZIN PA DU MAS BSKUL BA'I NGOR, ,MANG DU THOS PA'I DGE SLONG RGYAL KHAMS PA, ,BLO BZANG CHOS KYI RGYAL MTSAN ZHES BYAS BKOD, ,DGE BAS 'GRO KUN BDUD BZHI LAS RGYAL TE, ,SKU GSUM DBANG GI RGYAL PO THOB GYUR CIG ,CES LHA LDAN SPRUL PA'I GTZUG LAG KHANG DU SBYAR BA'O,, ,, ` AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL, ,SARBA DZA GA TAm, ,,