*, ,N'A RO CHOS DRUG GI ZAB KHRID GSER GYI LDE MIG CES BYA BA BZHUGS SO, ,
, ,NA MO GU RU MANYDZU GHO sh'A YA, ZAB BZHI SPROS BRAL BDE BA CHEN PO'I DBYINGS, ,DBYER MED LHUN GRUB ZUNG 'JUG RDO RJE'I GAR, ,KUN KHYAB DGE LEGS MCHOG STZOL BLA MA LA, ,BTUD NAS CHOS DRUG GDAMS PA'I SNYING PO BRI, ,'DIR ZAB LAM N'A RO'I CHOS DRUG CES SNYAN PAR GRAGS PA'I GDAMS PA NYAMS SU LEN PAR 'DOD PAS, LAM THUN MONG BAS RGYUD LEGS PAR SBYANGS PA DANG, THUN MONG MA YIN PA BDE DGYES GANG RUNG SOGS BLA MED KYI DBANG BZHI YONGS RDZOGS THOB PA ZHIG DGOS TE, PHYAG CHEN THIG LE LAS, DBANG MED PA LA DNGOS GRUB MED, ,BYE MA BTZIR LA MAR MED BZHIN, ZHES GSUNGS PA'I PHYIR, DBANG THOB NAS DAM TSIG DANG SDOM PA SROG LTAR GCES PAR BSRUNG BA ZHIG DGOS
, ,TE; BDE MCHOG RTZA RGYUD LAS, SHIN TU MNYAM GZHAG SGRUB PA POS, ,DAM TSIG RTAG TU BSKYANG BAR BYA, ,DAM TSIG NYAMS PAS DKYIL 'KHOR DU, ,DBANG BSKUR DNGOS GRUB THOB MI 'GYUR, CES GSUNGS PA'I PHYIR, DE LTAR DBANG THOB CING DAM TSIG DANG SDOM PA LA GNAS PA DES, SKU GSUM LAM 'KHYER CHA TSANG BA'I BSKYED RIM LA BSLABS PA ZHIG DGOS TE, MGON PO KLU SGRUB KYIS, BSKYED PA'I RIM LA LEGS GNAS SHING, ,RDZOGS PA'I RIM PA 'DOD RNAMS LA, ,THABS 'DI RDZOGS PA'I SANGS RGYAS KYIS, ,SKAS KYI RIM PA LTA BUR GSUNGS, ZHES GSUNGS PAS SO, ,KHYAD PAR BLA MA SNGA MA RNAMS KYI BKA' SROL LTAR, SKYABS 'GRO SEMS BSKYED, RDOR SEMS KYI SGOM BZLAS, MAndAL DANG BCAS PA'I BLA MA'I RNAL 'BYOR BSGOMS TE, SNYING KHONG RUS PA'I GTING NAS GSOL BA RGYUN RING LA SHUGS DRAG PA 'DEBS PA SOGS NI MED MI RUNG GI SNGON 'GRO YIN NO,, ` ,,DNGOS GZHI CHOS DRUG LA 'DREN LUGS MI 'DRA BA CUNG ZAD 'DUG KYANG,
RJE N'A RO PA RANG GI CHOS DRUG GI MGUR LTAR NA, GTUM MO, SGYU LUS, 'OD GSAL, 'PHO BA, BAR DO, GRONG 'JUG DANG DRUG YIN LA, 'DI DAG NI PHA MA GNYIS KA'I RGYUD KYI SNYING PO YIN TE, RJE MAR PAS, SGO SRUNGS N'A RO PAn CHEN LA, ,RGYUD ZAB MO DGYES PA RDO RJE THOB, ,BSRE 'PHO MTSAMS SBYOR GYI GDAMS NGAG THOB, ,KHYAD PAR GTUM MO LAS RGYA ZHUS, ,SNYAN RGYUD KYI GNAD LA NGO SPROD BYAS, ZHES GSUNGS PAS, GTUM MO SOGS DGYES RDOR DANG, YANG; NUB TU LA KAshE TRA'I GRONG KHYER DU, ,DPAL YE SHES SNYING PO'I ZHABS LA GTUGS, ,PHA RGYUD GSANG BA 'DUS PA NYAN, ,SGYU LUS KHYAD PAR GYI GDAMS NGAG THOB, ,LAM RIM PA LNGA'I DON LA BSLABS, ZHES GSUNGS PA LTAR, SGYU LUS 'OD GSAL GNYIS 'DUS PA LA BRTEN PA DANG, 'PHO BA DANG GRONG 'JUG GNYIS GDAN BZHI DANG KHA SBYOR LA BRTEN PA YIN NO, ,DE YANG RIM LNGA BSDUS GSAL DU, GTUM MO'I RNAL 'BYOR RLUNG GIS TE, ,SEMS DMIGS BDE BA CHEN PO'I, ,ZHES 'DUS PA SOGS SU RDOR BZLAS SOGS RLUNG GI RNAL 'BYOR LA BRTEN NAS, SEMS DBEN MTHAR THUG GI 'OD GSAL 'DREN PA'I DOD, BDE DGYES SOGS SU GTUM MO'I RNAL 'BYOR BSGOMS NAS DGA' BZHI LUGS 'BYUNG LUGS BZLOG TU DRANGS PA'I DPE'I LHAN SKYES YIN PAR GSUNGS PA BZHIN, N'A RO, NI GU GNYIS KA'I YANG RDZOGS RIM GYI RMANG RDO DANG SROG SHING
, ,GTUM MO YIN TE, RJE N'A RO PAS, SEMS KYI GNAD THABS LTA BA'I GNAD, ,LUS KYI GNAD THABS SGOM PA'I GNAD, ,PHYI NANG SGYU MA LHA YI SKU, ,NANG NA RTZA GSUM 'KHOR LO BZHI, ,'OG NA AA SHAD TZAndA LI, ,STENG NA HAm YIG 'BAR 'DZAG CAN, ,STENG 'OG RLUNG GI 'KHOR LO BSKOR, ,BAR NA BDE STONG GSAL BA'I NYAMS, ,MING YANG GTUM MO'I RNAL 'BYOR ZER, ,SEMS GNAD DU CHUD DAM LO TZTSA BA, ,ZHES GSUNGS PA'I PHYIR, ,DES NA LAM 'DI NYAMS SU LEN PAR 'DOD PAS, YID MTHUN GYI DBEN PA'I GNAS SU, BSAM GTAN GYI STEGS BU LA LUS GNAD BDUN LDAN NAM, RKANG PA RI'U MIG TU BSNOL NAS SGOM THAG GYON, RLUNG RO BSAL, ZAB LAM BLA MA'I RNAL 'BYOR BSGOM, SPYIR SKYABS SU 'GRO ZHING GSOL BA 'DEBS PA DANG, KHYAD PAR RLUNG BDE, RTZA 'JAM, BDE DROD KYI NYAMS RTOGS KHYAD PAR CAN SKYE BAR GSOL BA SHUG DRAG LA RGYUN RING BA BTAB, DE NAS SEMS CAN THAMS CAD KYI DON DU, TSE 'DI NYID LA SANGS RGYAS RDO RJE 'CHANG GI GO 'PHANG THOB PAR BYA, DE'I PHYIR DU TZAndA LI NYAMS SU BLANG SNYAM DU BYANG CHUB KYI SEMS RGYUD DANG 'DRES NGES BSGOMS TE, RANG RJE BTZUN RDO RJE RNAL 'BYOR MA'AM, YANG NA DPAL 'KHOR LO BDE MCHOG SKU MDOG BEE d'URYA LTAR SNGO BA, NANG PHRU MA PHUS BTAB PA'AM, YANG NA NAM MKHA'I 'JA' TSON LTA BU DANGS SHING
GSAL BA'I LUS KYI NANG SGAL PA NGOS LA CUNG ZAD NYE BA'I DBUS DRANG POR, DBUS SU AA WA DH'U T'I PHRA SBOM GRO SOG TZAM, SAMBHU tAR, DE YANG GTUM MO 'BAR DUS TIL MAR GYI MAR ME LTAR GSUNGS KYANG, GZHI LA SNGO BAR GSUNGS PAS SNGON PO, GA-YAS SU RO MA DMAR PO, GA-YON DU RKYANG MA DKAR PO MAR SNA LTE 'OG SOR BZHI TZAM NAS, YAR SNA SPYI BO'I BAR DU LUS KYI GZHUNG SHING GI TSUL DU KHRA RA MA ME TA LE YOD PA, LTE BA'I DBU MA LA RO RKYANG GIS 'KHYUD MTSAMS SU, SPRUL PA'I 'KHOR LO 'DAB MA DRUG CU RE BZHI PA KHA DOG SNA TSOGS PA, SNYING GA'I MDUD MTSAMS SU CHOS KYI 'KHOR LO 'DAB MA BRGYAD PA KHA DOG DKAR PO, MGRIN PA'I MDUD MTSAMS SU LONGS SPYOD 'KHOR LO 'DAB MA BCU DRUG PA KHA DOG DMAR PO, SPYI BO'I MDUD MTSAMS SU BDE CHEN 'KHOR LO 'DAB MA SO GNYIS PA KHA DOG DKAR POR GSAL 'DEBS DGOS TE, SAMBHU tAR, SPYI BO LTE BAR SON 'KHOR LO, ,AE YIG RNAM PAR YANG DAG GNAS, ,MGRIN PA SNYING GAR YANG DAG GNAS, ,WAm GYI YI GE 'DRA BAR 'DOD, ,CES PA LTAR THABS SHES AE WAm KHA SBYAR GYI DBYIBS CAN TE, RTZA GSUM 'KHOR LO BZHI LDAN GSAL BTAB NAS RTZA'I GSAL SNANG SGRUB PAR GRUB CHEN WVA BA PAS GSUNGS PA LTAR YID CHES GSUM LDAN DU'ANG GSUNGS SO, ,DE NAS DGYES RDOR SOGS LAS 'BYUNG BA BZHIN, YI GE 'GOD PA NI, 'KHOR LO BZHI PA'I THAD KYI
, ,DH'U T'I'I NANG GI DBUS SU ZLA GDAN TZA NA KA'I 'BRU CHUNG BA PHYED GSHAGS TZAM GYI GDAN LA SPYI BOR HAm YIG DKAR PO MGO 'THUR LTA, MGRIN PAR AOm YIG DMAR PO MGO GYEN LTA, SNYING GAR H'Um YIG DNGUL CHU'I MDOG GAM, SNGON PO 'THUR LTA, LTE BAR AA THUNG SHAD KYI RNAM PA CAN MGO GYEN DU 'GRENG BA, YI GE RNAMS YUNGS KAR SBOM PO'I 'BRU TSAD TZAM, BZHI KA'I MGOR ZLA TSES THIG LE N'A DA DANG BCAS PA, AA THUNG DANG, AOm GYI N'A DA TSA ZHING DMAR BA GTUM MO'I ME 'BAR LA KHAD PA, GZHAN GNYIS LAS BYANG SEMS BA MO LTAR 'DZAG PA, THAMS CAD KYANG SHIN TU 'TSER BA'I RNAM PA CAN LA RANG GI SEMS ZHUGS PA BZHIN DU BYAS NAS BYING RGOD DANG BRAL BAR RTZE GCIG TU BSGOM PAR BYA'O, ,SPYIR YI GE BZHI KA LA SEMS BZUNG ZHING, DANG PO'I SKABS SU GTZO CHER LTE BA'I AA THUNG LA DMIGS NAS SGOM PA GNAD DU CHE, DE LTAR GOMS PAS BRTAN PA THOB PA NA, BLA MA SNGA MA RNAMS KYI PHYAG LEN LTAR, THUN MONG MA YIN PA'I BUM PA CAN DANG SBRAGS NAS BSGOM PAR BYA STE, DE'I TSUL NI RO RKYANG GNYIS KYI MAR SNA LTE 'OG GI DBU MA'I NANG DU CHUD PA, DBU MA'I YAR SNA SNA BUG GI DBUS DANG RO RKYANG GNYIS BU GA GNYIS SU ZUG PAR BSAMS LA, RNGUB SBYOR DGANG DANG GZHIL BA DANG, ,MDA' LTAR 'PHANG DANG RNAM BZHI'O, ,ZHES PA LTAR KHA NAS MA SHOR BAR RLUNG SNA BUG GNYIS NAS 'JAM POR NANG DU 'DREN PA NI RNGUB PA DANG,
DE NAS RO RKYANG GNYIS RGYU MA PHUS BTAB PA LTAR GANG ZHING 'GRO BA DGANG BA DANG, RO RKYANG GI MAR SNA NAS AA BA DH'U T'I'I NANG DU ZHUGS TE, LTE BA'I AA THUNG LA BYE MA LA CHU BLUG PA BZHIN THIM PAS RTZA GNYIS STONG PAR BSAM PA GZHIL BA'I DON YIN LA, DE'I TSE STENG RLUNG MCHIL MA'I SNA KHRID DANG BCAS CUNG ZAD MNAN, 'OG RLUNG 'JAM POR CUNG ZAD DRANG, GNYIS KA AA THUNG LA THIM PAR MOS NAS RLUNG SEMS AA THUNG DANG DBYER MED DU SGOM DGOS TE, SDOM 'BYUNG LAS, STENG DANG 'OG TU 'GRO BA'I RLUNG, ,YID KYIS KHA SBYAR DU BYAS TE, ZHES GSUNGS PA LTAR RO, ,DE LTAR MI BDE BA MI SKYED TZAM DU BZUNG NAS, MI THUB PA 'DRA BA DANG DBU MA'I NANG NAS YAR KHYUG GIS SNA SGOR SONG BAR SEMS PA NI MDA' LTAR 'PHANG PA'O, ,'DI 'DRA BA'I RNAL 'BYOR LA BRTAN PA THOB PA NA GTUM MO GSO BA DANG, SBOR BA'I DMIGS RIM GYIS SNYING KHA DANG, MGRIN PA'I YI GE ZHU ZHING BSREG ,HAm YIG SOGS LAS BDUD RTZI 'BEBS SHING YI GE GSO BA SOGS AA HAm 'BAR 'DZAG GI ROL PAS DGA' BZHI LUGS 'BYUNG LUGS BZLOG GIS DRANGS PA'I BDE BA CHEN POS STONG NYID LA RTZE GCIG TU MNYAM PAR BZHAG PAS, RLUNG SEMS 'JUG PA GCIG PA'I RGYU MTSAN GYIS RLUNG DBU MAR ZHUGS GNAS THIM GSUM YANG YANG BYAS NAS DPE'I LHAN SKYES MNGON DU 'GYUR CING, 'OD GSAL DE LAS LDANG BAR RTZOM PA NA 'PHEN PA'I STOBS KYIS HE RU KA YAB YUM
, ,GYI SKUR LDANG SLAR YANG PHUNG PO RAGS PA SPRUL SKUR BLTAS PA'I THUGS KAR YE SHES SEMS DPA'I TSUL GYIS ZHUGS NAS RJES THOB KYI RNAL 'BYOR SKYONG BAR BYED DO, ,DE 'DRA BA'I RNAL 'BYOR PA DE GNYID LOG PA DANG, LAM GONG MA SNGON DU BYED LONG MED PAR 'CHI DGOS BYUNG NA'ANG, GNYID LA 'GRO KHA DANG, 'CHI KHAR SNYING GA'I H'Um YIG LA RTZE GCIG TU DMIGS NAS GNYID DUS DANG 'CHI DUS KYI BSRE BA RNAMS NYAMS SU LEN PA YIN NO, ,DE LTA BU'I NYAMS LEN GYIS SAD DUS DANG, GNYID DUS KYI BSRE BA RNAMS LA GOMS PA NYAMS 'OG TU CHUD CING, SNYING KA'I RTZA MDUD RDZOGS PAR GROL DU NYE BA NA, YUL RTEN GNYIS KA MTSAN NYID DANG LDAN PAR BYAS PA'I LAS RGYAS DRANGS PA'I DPE'I 'OD GSAL MTHAR THUG GI BZHON PA'I RLUNG SEMS TZAM LAS GRUB PA'I HE RU KA'I SKUR DNGOS SU BZHENGS NAS, RIM LNGAR, SGYU MA LTA BU'I TING NGE 'DZIN, ,THAMS CAD DE DANG 'DRA BAR MTHONG, GSUNGS PA LTAR THUN MONG MA YIN PA'I SGYU MA'I TING NGE 'DZIN RDZOGS PAR BYED PA YIN TE, N'A RO PA CHEN POS, NYIN MTSAN SNANG BA SGYU MA'I SKU, ,MING YANG SGYU LUS KYI GDAMS NGAG ZER, ,ZHEN PA LOG GAM LOTZTSA BA, ,ZHES PA LTAR RO, ,'DI 'DRA BA'I SGRUB PA PO DES SGYU MA'I RNAL 'BYOR MTHAR PHYIN NAS, NYON MONGS KUN BTAGS LHAN SKYES SA BON DANG BCAS PA RTZAD NAS 'BYIN PA'I MTSAN MA MTHONG STE, PHYI NANG GI RKYEN
GNYIS LA BRTEN NAS PHYI NANG GI MNGON BYANG MNGON SUM DU BYAS PA NI 'OD GSAL DON GYI LHAN SKYES YIN TE, RJE N'A RO PA'I MGUR DU, GNYID RMI LAM GNYIS KYI BAR SHED NA, ,GTI MUG CHOS SKU'I NGO BO NYID, ,BRJOD MED SPROS BRAL STONG PA'I NYAMS, ,RJES LA CIR SNANG BDE BAR SHAR, ,MA BCOS SO MA'I NGO BO NYID, ,MING YANG 'OD GSAL GYI GDAMS NGAG ZER, ,SEMS SKYE MED DU GO'AM LOTZTSA BA, ,ZHES PA LTAR RO, ,DON GYI LHAN SKYES 'DI'I BZHON PA ZAG MED KYI RLUNG SEMS LAS ZUNG 'JUG RDO RJE'I SKUR BZHENGS PA'I RTEN 'DI LA 'BRAS BU KHA SBYOR YAN LAG BDUN LDAN RDO RJE 'CHANG GI SKUR 'TSANG RGYA BA YIN NO,, ` ,,DE LTAR N'A RO CHOS DRUG GI GTZO BO NI GTUM MO, , SGYU LUS, 'OD GSAL GSUM YIN CING, LHAG MA GSUM YAN LAG YIN TE, TSE 'DIR LAM LHAG MA SNGON DU BYED MA NUS PAR 'CHI BA DANG RTEN 'DI LA RANG GZHAN GYI DON GONG MA BZHIN MI 'GRUB NA, 'PHO BA DANG GRONG 'JUG GNYIS, YANG JI BZHIN DU 'PHO MA NUS PA DANG, 'BRING BAR DOR MCHOG 'GRUB PA'I DBANG DU BYAS NAS BAR DO'I GDAMS PA BSTAN PA YIN NO, ,'DI GSUM GYI NANG NAS KYANG DENG SANG NYE BAR MKHO BA 'PHO BA YIN CING, DE YANG NA RO'I MGUR DU, LUS SGO BRGYAD 'KHOR BA'I SKAR KHUNG CAN, ,SGO BRGYAD BCAD NAS SGO GCIG 'BYED, ,SEMS KYI MDA' LA RLUNG GI GZHU, ,HI KA'I RGYUD KYIS BSKUL BYAS NAS, ,RNAM PAR SHES PA'I CHOS NYID 'DAS, ,RNAM SHES
, ,CHOS SKU'I LAM PHYIN PA, ,MING YANG 'PHO BA'I MAN NGAG ZER, ,RLUNG DUS SU KHEGS SAM LOTZTSA BA, ZHES RNAM SHES 'PHO BA'I SGO BRGYAD 'GOG PA SOGS GDAN BZHI DANG KHA SBYOR NAS GSUNGS PA BTUS PAR 'DUG PAS DE'I GDAMS NGAG RJE THAMS CAD MKHYEN PAS 'PHO t'IKA GSER GYI SGO 'BYED DU BKA' STZAL PA'I GDAMS PA ZHAL SHES DANG BCAS PA 'DI LTAR RO, ,DANG POR SKYABS 'GRO SEMS BSKYED TSAD MED BZHI SPYI 'GRO 'AM, YANG NA, SANGS RGYAS CHOS DANG DGE 'DUN LA, ZHES SOGS CI RIGS YANG DAG PA BYA, BLA MED LTAR NANG MCHOD DANG MCHOD PA BYIN GYIS BRLABS, RANG NYID YE SHES KYI MKHA' 'GRO MAR GSAL BA'I THUGS KAR SNA TSOGS PADMA DANG ZLA BA LA GNAS PA'I H'Um YIG GI 'OD ZER DMAR PO LCAGS KYU LTA BUS BLA MA DANG DBYER MI PHYED PA'I YE SHES KYI MKHA' 'GRO MA'I LHA TSOGS LA SANGS RGYAS DANG BYANG CHUB SEMS DPA' DPA' BO RNAL 'BYOR MA'I TSOGS KYIS BSKOR BA SPYAN DRANGS, 'OD ZER RANG GI SNYING GAR THIM, ,DPAL LDAN RDO RJE MKHA' 'GRO MA, ,MKHA' 'GRO MA YI 'KHOR LO SGYUR, ,YE SHES LNGA DANG SKU GSUM NYID, ,'GRO BA SKYOB LA PHYAG 'TSAL LO, ,AOm SARBA TA TH'A GA TA AARGHAm NAS SHAPTA'I BAR GYIS MCHOD, 'BRU GSUM GYIS NANG MCHOD PHUL, JI SNYED RDO RJE RNAL 'BYOR MA, ,KUN TU KHYAB PA'I 'CHING GCOD CING, ,'JIG RTEN BYA BA RAB 'JUG MA, ,JI SNYED RNAM
LA PHYAG 'TSAL LO, ,DKON MCHOG GSUM LA BDAG SKYABS MCHI, ,ZHES SOGS KYIS BYANG SDOM BZUNG, ,TSAD MED BZHI BSGOM, TSOGS ZHING DGYES BZHIN BDAG NYID LA THIM PAR BSAM, AOm SH'U N+YA T'A DZNY'A NA BADZRA SVA BH'A WA A'ADMA KONYHAm, CHOS THAMS CAD RANG BZHIN GYIS GRUB PAS STONG PA'I STONG PA NYID DU GYUR, STONG PA'I NGANG LAS RDO RJE'I SA GZHIR GUR BLA RE ME RI DANG BCAS PA'I DBUS SU SNA TSOGS PADMA DANG ZLA BA'I DKYIL 'KHOR GYI STENG DU, H'Um DKAR PO DE LAS 'OD 'PHROS DON GNYIS BYAS 'DUS YONGS SU GYUR PA LAS, RANG NYID YE SHES KYI MKHA' 'GRO MA SKU MDOG KUNDA ZLA BA LTAR DKAR LA MDZES PA, ZHAL GSUM RE RE LA SPYAN GSUM GSUM PA RTZA ZHAL DKAR PO BZHAD PA, GA-YAS ZHAL NAG PO KHROS PA, GA-YON ZHAL DMAR PO SGEG CING CHAGS PA, PHYAG DRUG GI GA-YAS PA RNAMS KYIS MDA' DANG LCAGS KYU RDO RJE 'PHYAR ZHING, GA-YON PA RNAMS KYIS GZHU DANG DPAG BSAM SHING GI LCUG MA THUGS KAR SDIGS MDZUB ZHAGS PA 'DZIN PA, DBU RGYAN LA SOGS PA RIN PO CHE'I RGYAN RNAMS KUN GYIS BRGYAN CING SHIN TU MDZES PA'I GOS SNA TSOGS PAS KLUBS PA, SKRA'I ZHAGS PA'I CHAS LEGS SHING SANGS RGYAS KYI SPRIN 'PHRO BAS NAM MKHA' 'GENGS PA, SEMS PA'I SKYIL KRUNG GIS BZHUGS PA'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, THUGS KA'I H'Um LAS 'OD
, ,ZER 'PHROS, RANG BZHIN GYI GNAS NAS BSGOMS PA DANG 'DRA BA'I YE SHES PA DBANG LHA DANG BCAS PA SPYAN DRANGS, DZA: H'Um BAm HO: DAM TSIG PA DANG GNYIS SU MED PAR GYUR, DBANG LHA RNAMS KYIS DBANG BSKUR, MI BSKYOD PAS DBU BRGYAN PAR GYUR, AOm DZNY'A NA d'A KI SA PA RI W'A RA AARGHAm NAS, SHAPTA'I BAR GYIS MCHOD, NANG MCHOD KYANG 'BUL, JI SNYED RDO RJE RNAL 'BYOR MA, ,KUN TU RTOG PA'I 'CHING GCOD CING, ,'JIG RTEN BYA BAR RAB 'JUG MA, ,JI SNYED RNAMS LA PHYAG 'TSAL LO, ,ZHES BSTOD, DE LTAR RANG YE SHES KYI MKHA' 'GRO MAR GSAL BA'I NGANG NAS, RTZA GSUM 'KHOR LO LNGA 'AM BZHI LDAN GSAL BTAB PA'I GSANG BA'AM LTE BA'I RTZA 'KHOR GYI DH'U T'I'I NANG DU NYI MA LA AAm YIG DMAR PO TSA ZHING SREG PA GTUM MO'I ME 'BAR LA KHAD PA, DE LAS 'OD ZER DMAR PO 'PHROS, SPYI BO NAS RKANG MTHIL GYI BAR GYI RLUNG THAMS CAD RGYA SPOS KYI DUD PA LTAR BKUG NAS, LTE BA'I AAm YIG LA THIM PAR BSAMS NAS THUN MONG MA YIN PA'I BUM PA CAN BSGOMS PAS RLUNG SEMS DUL BAR BYED, DE DANG BSTUN NAS RANG GI SPYI GTZUG GI BU GAR KshUm MGO 'THUR LTA, DE'I 'OG TU H'Um MGO 'THUR LTA, SMIN MTSAMS KYI BU GAR H'Um MGO NANG LTA, DE'I NANG DU HAm 'THUR LTA, LCE'I RTZA BAR SUm MGO NANG LTA, DE'I THAD KA MGRIN PA'I BU GAR SMRYUm 'THUR LTA, MIG 'BRAS GNYIS KYI SGOR H'Um, SNA BUG GNYIS
DANG RNA BA GNYIS KYI SGOR YUm RNAMS MGO NANG LTA, LTE BA'I SGO DANG DRI CHEN DANG DRI CHU'I SGO GSUM DU KshMRYUm RE RE 'PHRED DANG GYEN DU MGO BSTAN NAS 'GOD, YI GE DE DAG KHA DOG DKAR PO, 'OD ZER DKAR PO SHIN TU MTHUG PA, 'PHRO BAS BUG PA'I SGO RNAMS BAR MTSAMS MED PAR BKAG PAR BSGOMS NAS GSAL SNANG SGRUB, PHRAG PA GNYIS LA HMARYUm RE RE DANG, SNYING GAR YMARYUm GO CHAR 'GOD, DE RJES SNYING GA'I RTZA 'KHOR 'THUR DU BLTAS PA'I RTZA 'KHOR GYI NANG DU SROG RLUNG ZLA BA BKAS PA LTA BU'I DBUS SU RNAM SHES KYI NGO BO H'Um 'THUR LTA, DE'I STENG GI MTHAR YUm YUm GYI STENG DBUS SU HI, H'Um YIG GI 'OG TU YUm YUm GYI DBUS SU KA YIG ,YI GE LNGA PO 'AM BDUN KA KHA DOG SNGON PO MGO 'THUR DU BSTAN PA'O, ,DE LTAR GSAL BTAB NAS KHYAD PAR GYI BUM PA CAN BSGOMS PA'I RLUNG GTONG BA DANG MNYAM DU LTE BA'I AAm YIG GI ME'I 'OD ZER GYIS SNYING GA'I 'KHOR LO LA REG PAS SROG RLUNG BSKUL, RTZA 'KHOR YI GE DANG BCAS PA GYEN DU KHYER, HI DANG KA H'Um YIG GI STENG 'OG TU GNAS PA DE HI 'OG DANG KA STENG DU GNAS GYUR SPYI BO'I BAR DU BSKYOD, RLUNG NANG DU 'JUG PA DANG MNYAM DU 'OG TU PHYIR LOG SNGAR BZHIN SNYING GAR GNAS PAR GANG YANG BSAMS PAS 'BYONGS PA'I RTAGS MNGON DU 'GYUR RO, ,MTHAR DUS LA BABS PA NA LONGS SPYOD LHAG MA DGE PHYOGS SU BTANG, CI LA YANG CHAGS ZHEN MED PAR BYAS, MKHA' 'GRO
, ,CHOS SKYONG LA MCHOD GTOR PHUL TE BAR CHOD MI 'BYUNG BA'I 'PHRIN LAS 'CHOL, MDUN NAM SPYI GTZUG 'CHAR GANG BDER RTZA BA'I BLA MA DANG DBYER MED PA'I LHAG PA'I LHA SKYABS GSUM KUN 'DUS KYI BDAG NYID CAN LA BDUN RNAM DAG PHUL, MKHA' SPYOD RIG PA 'DZIN PA'I GNAS SU THOGS PA MED PAR 'DREN PA'I GSOL BA BTAB, SNYING GAR THUN MONG MA YIN PA'I BUM PA CAN GYI SBYOR BA DMIGS PA DANG BCAS PA SGOM ZHING, HI KA NYER GCIG TZAM BRJOD PA DANG BCAS PAS RLUNG SEMS YI GE LNGA'I BDAG NYID SKAR MDA' BZHIN DU BLA MA'I THUGS KAR 'PHANG NGO, ,'DI LTA BU'I 'PHO BA NI 'PHO BA GZHAN LAS KHYAD PAR DU 'PHAGS TE, KHA SBYOR LAS, NYIN RE BRAM ZE GSOD PA DANG, ,MTSAMS MED LNGA NI BYED PA DANG, ,CHOM RKUN LAS KYI LONGS SPYOD PA, ,LAM 'DI YIS NI GROL BAR 'GYUR, CES SOGS PHAN YON DPAG TU MED PA GSUNGS SO, ,DE LTAR N'A RO'I CHOS DRUG TU GRAGS PA'I GDAMS PA'I ZAB DON 'BYED PA GCES PA'I LDE MIG TZAM ZHIG BKOD PA'O,, ` ,,RGYA BOD MKHAS GRUB BYE BA GSHEGS PA'I LAM, ,DPAL LDAN N'A RO CHOS DRUG CES GRAGS PA'I,, ZAB RGYAS GDAMS PA'I SGO BRGYA 'BYED PA YI, ,GSER SBYANGS LDE MIG MCHOG 'DI KHO BOS BSGRUBS, ,DE LAS 'ONGS PA'I DGE TSOGS CI MCHIS PA, ,SDUG BSNGAL GSUM GYIS MNAR BA'I 'GRO BA KUN, ,SGROL PHYIR
RNAM DAG ZHING MANG BGROD NAS KYANG, ,SPYOD MCHOG RGYA MTSO'I PHA ROL PHYIN PHYIR BSNGO, ,ZHES N'A RO CHOS DRUG GI GDAMS PA'I SGO BRGYA 'BYED PA'I 'KHRID YIG GSER GYI LDE MIG CES BYA BA 'DI YANG RAB 'BYAMS SMRA BA'I DGE SLONG RI KHROD PA DGE 'DUN RGYAL MTSAN GYIS BSKUL BA LA BRTEN NAS, SH'AKYA'I DGE SLONG MDO RGYUD RGYA MTSO'I GDAMS PA 'DZIN PA BLO BZANG CHOS KYI RGYAL MTSAN GYIS CHOS GRVA CHEN PO BKRA SHIS LHUN PO'I GTZUG LAG KHANG DU SMRAS PA'O,, ,,SHUBHA WANTU,, ,,MANGGA LAm,, ` AOm SVA STI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL, ,SARBA DZA GA TAm,, ,,