*, ,DGE LDAN BKA' BRGYUD RIN PO CHE'I BKA' SROL PHYAG RGYA CHEN PO'I RTZA BA RGYAS PAR BSHAD PA YANG GSAL SGRON ME ZHES BYA BA BZHUGS SO, ,
, ,NA MO MA H'A MU DR'A YA, RAB 'BYAMS SANGS RGYAS KUN GYI YE SHES NI, ,NGUR SMRIG 'DZIN PA'I GAR GYIS RNAM ROL PA, ,BKA' DRIN GSUM LDAN RJE BTZUN BLA MA YI,, ZHABS KYI PADMOR GUS PAS PHYAG BYAS TE, ,DUS GSUM RGYAL BA RNAMS KYI THUGS KYI BCUD, ,MDO DANG RGYUD SDE RGYA MTSO'I SNYING PO'I DON, ,GRUB PA'I DBANG PO KUN GYIS GSHEGS PA'I BSHUL, ,PHYAG CHEN YANG GSAL SGRON ME BSHAD PAR BYA, ,'DIR MKHAS PA DANG GRUB PA'I SKYES BU DAM PA RNAMS KYI BKA' SROL PHYAG RGYA CHEN PO'I GDAMS PA 'CHAD PAR BYED PA LA GSUM, RTZOM PA LA 'JUG PA'I BYA BA, BRTZAMS PA'I GDAMS PA DNGOS BSHAD PA, BRTZAMS PA LAS BYUNG BA'I DGE BA BSNGO BA'O, ,DANG PO NI, BDAG NYID DAM PA'I SPYOD PA DANG MTHUN
, ,PAR BSTAN PA SOGS KYI PHYIR YUL KHYAD PAR CAN LA PHYAG 'TSAL BA DANG, RTZOM PA MTHAR PHYIN PAR BYA BA'I PHYIR, RTZOM PAR DAM BCA' SPYIR STON PA LA, NA MO MA H'A MU DR'A YA, KUN KHYAB KUN GYI RANG BZHIN PHYAG RGYA CHE, ,DBYER MED BRJOD BRAL SEMS KYI RDO RJE'I DBYINGS, ,RJEN PAR STON MDZAD KHYAB BDAG GRUB PA'I RJE, ,ZLA MED BLA MA'I ZHABS LA GUS PAS 'DUD, ,MDO RGYUD MAN NGAG RGYA MTSO'I BCUD BSDUS NAS, ,LEGS PAR 'DOMS MDZAD DGE LDAN BKA' BRGYUD PA, ,GRUB MCHOG DHARMA BADZRA YAB SRAS KYI, ,BKA' SROL PHYAG RGYA CHEN PO'I GDAMS PA BRI, ,ZHES PA STE, SHO LO KA GNYIS PO 'DI'I DON RTOGS DKA' BA MIN PA'I PHYIR ZHIB PAR MA BRIS SO, ,GNYIS PA NI, 'DI LA SBYOR DNGOS MJUG GSUM LAS TE BRTZAMS PA'I GDAMS PA DNGOS BSHAD PA 'DI LA GSUM, SBYOR BA DANG, DNGOS GZHI DANG, MJUG GSUM LAS, DANG PO NI, DANG PO BSTAN DANG THEG CHEN LA, ,'JUG PA'I SGO DANG GZHUNG SHING PHYIR, ,KHA TZAM TSIG TZAM MA YIN PA'I, ,SKYABS
'GRO SEMS BSKYED NAN TAN BYA, ,SEMS KYI CHOS NYID MTHONG BA YANG, ,TSOGS BSAGS SGRIB SBYANGS LA BLTOS PAS, ,YIG BRGYA 'BUM TZAM LTUNG BSHAGS NI, ,BRGYA PHYAG GANG MANG SNGON BTANG NAS, ,DUS GSUM SANGS RGYAS THAMS CAD DANG, ,DBYER MED RTZA BA'I BLA MA LA, ,SNYING NAS GSOL 'DEBS YANG YANG BYA, ,ZHES PA STE, SLOB DPON CHEN PO SHANTI PA, BLA MA GSER GLING PA, JO BO CHEN PO LHA CIG SOGS 'PHAGS YUL GYI MKHAS GRUB MANG PO PHYI NANG GI KHYAD PAR YANG SKYABS 'GRO RNAM DAG GI SGO NAS 'BYED CING, DE DANG MTHUN PAR RJE BTZUN SA PAn GYIS, SKYABS 'GRO MED NA CHOS PA MIN, CES GSUNGS PA LTAR SKYABS 'GRO RGYUD DANG 'DRES NGES NAN TAN DU BYED DGOS TE, DAM PAS KYANG BLO SNYING BRANG GSUM DKON MCHOG GSUM LA GTOD, ,BYIN RLABS SHUGS LAS 'BYUNG NGO DING RI BA, CES GSUNGS PA'I PHYIR, DE BZHIN DU MGON PO ZHI BA LHAS, BYANG CHUB SEMS BSKYED GYUR NA SKAD CIG GIS, ,'KHOR BA'I BTZON RAR BSDAMS PA'I NYAM THAG RNAMS, ,BDE GSHEGS RNAMS KYI SRAS ZHES BRJOD BYA ZHING, ,'JIG RTEN LHA MIR BCAS PAS PHYAG BYAR 'GYUR, , ZHES DANG, JO BO CHEN POS KYANG, THEG CHEN CHOS SGOR 'JUG 'DOD PAS, ,MUN SEL GDUNG BA ZHI BYED PA, ,NYI ZLA LTA BU'I BYANG CHUB SEMS, ,BSKAL PAR 'BAD PAS SKYE YANG RUNG, ,ZHES THEG PA CHEN PO'I 'JUG SGO
, ,DANG, DER MA ZAD, RNAM SNANG MNGON BYANG DU YANG, GSANG BA PA'I BDAG PO, THAMS CAD MKHYEN PA'I YE SHES NI SNYING RJE'I RTZA BA LAS BYUNG BA YIN, BYANG CHUB KYI SEMS KYI RGYU LAS BYUNG BA YIN, THABS KYI MTHAR PHYIN PA YIN NO, ,ZHES GSUNGS PA LTAR THEG CHEN GYI GZHUNG SHING YIN PAS, SPYIR NA GANGS RI'I KHROD KYI GRUB MTHA' SO SO'I 'BYUNG KHUNGS KYI DAM PA THAMS CAD ZAB KHRID CI 'CHAD DAM BSGOM PA'I SNGON 'GROR, SKYABS 'GRO SEMS BSKYED, MAndAL, RDOR SEMS, BLA MA'I RNAL 'BYOR RNAMS LA 'KHRID BZHI'I THA SNYAD MDZAD NAS PHYAG BZHES MI MTHUN PA MED CING, KHYAD PAR SNGAGS BLA MED KYI GDUL BYA'I MCHOG RNAL 'BYOR GYI DBANG PHYUG MID LA RAS PAS NI, THOG MAR BYAMS SNYING RJE BYANG CHUB KYI SEMS, NGES 'BYUNG LAS 'BRAS, 'CHI BA MI RTAG PA BSGOMS SHING 'DOMS PAR YANG MDZAD DE, JI SKAD DU NGA MI KHOM BRGYAD LA 'JIGS 'JIGS NAS, , MI RTAG 'KHOR BA'I NYES DMIGS BSGOMS, ,LAS RGYU 'BRAS CHOS LA NAN TAN BYAS, ,SKYABS DKON MCHOG GSUM LA BLO PHUGS GTAD, ,THABS BYANG CHUB SEMS LA RGYUD SBYANGS PAS, ,BAG CHAGS SGRIB PA'I RGYUN LAM BCAD, ,SNANG BA CI SNANG SGYU MAR RTOGS, ,DA NGAN SONG GSUM LA NYAM NGA MED, ,CES DANG, DGE DANG MI DGE'I LAS RNAMS LA, ,RGYU 'BRAS DAG PAR MA BSAMS NA, ,NGAN SONG SDUG BSNGAL MI BZOD PAS, ,PHRA ZHING PHRA
BA'I RNAM SMIN LA, ,BAG YOD DRAN PAS ZIN KYANG 'TSAL, ,CES PA DANG, 'DOD YON LA SKYON DU MA BLTAS SHING, ,ZHEN PA NANG NAS MA LOG NA, ,'KHOR BA'I BTZON RA MI SGROL BAS, ,THAMS CAD SGYU MAR SHES PA'I BLOS, ,KUN 'BYUNG GNYEN PO BSTEN YANG 'TSAL, ,CES PA DANG, 'GRO DRUG SEMS CAN PHA MA LA, ,BYAS PA DRIN DU MI GZO NA, ,THEG PA DMAN PAR GOL BA'I SKYON, ,DE PHYIR BRTZE BA CHEN PO YIS, ,BYANG CHUB SEMS LA BSLAB KYANG 'TSAL, ,CES SOGS LAM RIM JI LTA BA BZHIN DU GSUNGS SO, ,RJE BTZUN GYI RJES 'JUG GI GTZO BO BKA' PHYAG CHU BO GNYIS 'DRES KYI SROL 'BYED DVAGS PO RIN PO CHES KYANG, DVAGS PO CHOS BZHIR GRAGS PAR, BLO CHOS SU 'GRO BA, CHOS LAM DU LONGS PA, LAM 'KHRUL PA SEL BA, 'KHRUL PA YE SHES SU 'CHAR BA BZHI PO'I RGYAS BSHAD BKA' GDAMS BLO SBYONG BZHIN YIN NO, ,DE BZHIN DU RDO RJE 'DZIN PA CHEN PO GRAGS PA RGYAL MTSAN GYIS, ZHEN PA BZHI BRAL DU, TSE 'DI LA ZHEN NA CHOS PA MIN, , 'KHOR BA LA ZHEN NA NGES 'BYUNG MIN, ,BDAG DON LA ZHEN NA BYANG SEMS MIN, ,'DZIN PA BYUNG NA LTA BA MIN, ,CES RNAM BCAD LA LDOG PHYOGS BZHI DNGOS SU BSTAN NAS YONGS GCOD LA, TSE 'DI LA ZHEN PA'I GNYEN POR, DAL 'BYOR MI RTAG PA NGAN 'GRO'I SDUG BSNGAL BSAMS PA SOGS SKYES BU CHUNG NGU DANG, 'KHOR BA LA ZHEN PA'I GNYEN POR, 'KHOR BA MTHA' DAG SDUG BSNGAL GYI RANG BZHIN CAN DU SHES PAR BYAS NAS, LAM BSLAB PA GSUM
, ,LA SLOB DGOS PA DANG, RANG GCIG PU ZHI BDE DON GNYER GYI GNYEN POR BYAMS SNYING RJE BYANG CHUB KYI SEMS SGOM, 'KHOR BA'I RTZA BA BDAG 'DZIN GYI GNYEN POR, GANG ZAG DANG CHOS KYI BDAG MED SGOM DGOS PAR GSUNGS PA YIN NO, ,DE LTAR NA MDO RGYUD TSAD LDAN GYI BSTAN BCOS RGYA BOD KYI MKHAS GRUB THAMS CAD KYIS LAM DE DAG LA YANG DAG PAR BSNGAGS PAS, SNGON 'GRO'I SKABS SU BSHAD KYANG SNGON 'GRO'O SNYAM DU MA SEMS PAR DNGOS GZHI DANG ZUNG 'BREL DU NYAMS SU BLANG BAR BYA ZHING, SPYIR SEMS KYI CHOS NYID MNGON SUM DU MTHONG BA TSOGS RGYA CHEN PO GSOG PA DANG, SDIG SGRIB SBYONG BA LA RAG LAS PAS THUN MTSAMS KUN TU BSAG SBYANG LA 'BAD, KHYAD PAR SNYING PO RGYAN LAS, YI GE BRGYA PA CHO GA BZHIN, ,NYI SHU RTZA NI RE RE BZLAS, ,LTUNG SOGS BYIN GYIS BRLAB 'GYUR BAS, ,'PHEL BA RU NI MI 'GYUR CES, ,GRUB PA MCHOG RNAMS KYIS BSHAD PAS, ,THUN MTSAMS SU NI SPYOD PAR BYA, ,'BUM PHRAG TU NI BZLAS GYUR NA, ,RNAM PAR DAG PA'I BDAG NYID 'GYUR, ,CES NYIN BZHIN NYI SHU RTZA RE BZLAS NA LTUNG BA'I 'PHEL KHA 'CHAD CING, 'BUM BZLAS NA RTZA LTUNG YANG 'DAG PAR GSUNGS PAS RDO RJE SEMS DPA'I SGOM BZLAS LA BRTZON PA DANG, GZHAN YANG LTUNG BSHAGS BRGYA PHYAG DANG BCAS PA SOGS STOBS BZHI TSANG BA'I BSHAGS BSDAM LA NAN TAN SNYING POR BYA'O, ,DE NAS 'DI PHYI'I DGE LEGS THAMS CAD KYI 'BYUNG GNAS, RGYAL BA SRAS
BCAS GRUB PA'I DBANG PO THAMS CAD KYI RNAM THAR BKA' DRIN GSUM LDAN GYI RANG GI RTZA BA'I BLA MA DE NYID DUS GSUM GYI SANGS RGYAS THAMS CAD DANG DBYER MED DAM DKON MCHOG GSUM 'DUS PA'I BDAG NYID DU MOS NAS BLA SGRUB CES PA'AM, LAM ZAB BLA MA'I RNAL 'BYOR BSGOMS TE, SNYING KHONG RUS PA'I GTING NAS GSOL BA 'DEBS PA YANG NAS YANG DU RGYUN MI 'CHAD PAR BYED PA NI GNAD KYI DON PO STE, JO BO CHEN PO LA AA TI SHA GDAMS NGAG ZHU ZHES SKAD CHEN POS ZHUS PA NA, HE HE KHO BO LA RNA BA LTA BZAD PO BDOG STE GDAMS NGAG BYA BA DAD PA YIN DAD PA DAD PA, ZHES GSUNGS SHING, CHOS RJE SA PAn GYIS KYANG, DES NA DBANG BSKUR THOB PA'I MIS, ,DKON MCHOG GSUM PO BLA MA RU, ,'DUS PAR MTHONG NAS BLA MA LA, ,GSOL BA BTAB NA BYIN RLABS 'JUG ,CES GSUNGS SHING, DAM PAS KYANG, BLA MAS BSKYAL NA GANG 'DOD GNAS SU SLEB, ,RKANG GLAR MOS GUS PHUL CIG DING RI BA, ,CES PA DANG, RJE BTZUN MID LAS KYANG, STON PA KHYOD DBUS SU BZHUNG TZA NA, ,RES 'GA' BLA MA'I SNANG BA 'CHAR, ,BLA MA'I SNANG BA SHAR TZA NA, ,'BRAL MED SPYI BOR GSOL BA THOB, ,BRJED MED SNYING GI DKYIL DU SGOMS, ,ZHES GSUNGS PA'I PHYIR RO, ,GNYIS PA NI, DNGOS GZHI PHYAG RGYA CHEN PO LA, ,BZHED TSUL MANG DU 'DUG NA YANG, ,MDO SNGAGS DBYE BAS GNYIS SU YOD, ,CES PA STE, DNGOS GZHI PHYAG RGYA CHEN PO LA 'CHAD PAR 'GYUR BA LTAR BZHED TSUL
, ,MANG STE, RGYAL BA 'BRI KHUNG PA NI 'GRO MGON RIN PO CHE'I DGONGS PAR MDZAD NAS THEG PA GSUM DANG 'BREL BA'I PHYAG CHEN SOGS PHYAG RGYA BZHI GA'I RNAM GZHAG MDZAD DE, JI SKAD DU, ZAB PA'I PHYAG RGYA RNAM BZHI LAS, ,BYANG CHUB RNAM GSUM THOB PA'I THABS, ,LAM GYI PHYAG RGYA RNAM BZHI STE, ,'GRO MGON GONG MAS RAB GSUNGS PA, ,SDOM PA GSUM LA MTSON PA STE, ,NYAN THOS LUS NGAG YID GSUM 'DI, ,MI 'BRAL LAS KYI PHYAG RGYA YIN, ,GANG ZAG BDAG MED RTOGS PA DE, ,CHOS KYI PHYAG RGYA YIN CES GSUNGS, ,NYON MONGS BRAL BA DAM TSIG YIN, ,PHUNG PO LHAG MA MED PA YI, ,MYA NGAN 'DAS PA PHYAG RGYA CHE, ,BYANG CHUB SEMS DPA'I SGO GSUM DE, ,PHA ROL PHYIN DRUG MI 'BRAL BA, ,LAS KYI PHYAG RGYA DE NYID YIN, ,SGYU MA SPROS PA DANG BRAL BA, ,DE NI CHOS KYI PHYAG RGYA YIN, ,RANG DON DRI MAS MA GOS PA, ,DE NI DAM TSIG PHYAG RGYA YIN, ,STONG DANG SNYING RJE RO MNYAM PA, ,PHYAG RGYA CHEN PO NYID YIN NO, ,GSANG SNGAGS PA YI LAM LTAR NA, ,PHO NYA BSTAN PA LAS RGYA LA, ,RLUNG SEMS KHA SBYOR MI 'BRAL BA, ,DE NI CHOS KYI PHYAG RGYA'O, ,NYAMS PA MED PA DAM TSIG YIN, ,LHAN SKYES YE SHES MNGON GYUR PA, ,DE NI PHYAG RGYA CHEN PO'O, ,GROL LAM GTUM MO'I MAN NGAG DE, ,LUS KYI 'PHRUL 'KHOR DMIGS PA DANG, ,RLUNG GI YAN LAG LAS RGYA YIN, ,BDE BA'I YE SHES SKYES PA DE, ,CHOS KYI PHYAG RGYA ZHES
BYA'O, ,CHAGS PA MED PA DAM TSIG STE, ,LHUN GRUB PHYAG RGYA CHEN PO YIN, ,CES GSUNGS PA LTAR RO, ,'GOS LO CHEN PO GZHON NU DPAL NI, STONG NYID NGES PA'I RNAM PAR MI RTOG PA'I YE SHES DE NYID PHYAG RGYA CHEN POR BZHED DE, DENG SNGON GYI PHYAG CHEN LO RGYUS THOG MAR, DA NI SANGS RGYAS KYI BSTAN PA GZHI SO SO THAR PA NAS DPAL GSANG BA 'DUS PA'I BAR GYI SGRUB PA DANG NYAMS LEN THAMS CAD LA RGYAS 'DEBS PAR BYED PA PHYAG RGYA CHEN PO'I GTAM BRJOD PAR BYA STE, ZHES BSHAD PAS SO, ,DE LTAR BZHED TSUL SNA TSOGS KYANG, MDOR BSDU NA, MDO SNGAGS KYI DBYE BAS GNYIS SO, ,DE LAS 'DIR DANG PO'I DBANG DU BYAS TE CUNG ZAD RGYAS PAR 'CHAD, PHYI MA YI GE NYUNG BAR STON PA'I PHYIR THOG MAR BSHAD PA, PHYI MA RDO RJE'I LUS NYID LA, ,GNAD DU BSNUN SOGS THABS MKHAS LAS, ,BYUNG BA'I BDE CHEN 'OD GSAL TE, ,SA RA HA DANG KLU SGRUB ZHABS, ,NA RO MEE TRI'I PHYAG CHEN TE, ,GRUB SNYING SKOR NAS BSTAN PA YI, ,BLA MED RGYUD SDE'I YANG SNYING YIN, ,CES SMRAS SO, ,DE YANG CI'I PHYIR PHYAG RGYA CHEN PO ZHES BYA ZHE NA, PHYAG CHEN THIG LE LAS, PHYAG NI STONG PA'I YE SHES TE, ,RGYA NI 'KHOR BA'I CHOS LAS GROL, ,CHEN PO ZUNG DU 'JUG PA STE, ,PHYAG RGYA CHEN PO ZHES BRJOD DO, ,ZHES GSUNGS PA LTAR PHYI MA SNGAGS LUGS KYI PHYAG RGYA CHEN PO NI, DBANG BZHI RNAM PAR DAG PA THOB CING DAM TSIG DANG SDOM PA TSUL BZHIN DU BSRUNGS, BSKYED RIM LA GOMS PA BRTAN PAR BYAS TE RDO RJE'I LUS LA GNAD DU BSNUN
, ,PA SOGS PHYI NANG GI THABS MKHAS PAS RLUNG DBU MAR ZHUGS GNAS THIM GSUM BYAS PA LAS BYUNG BA'I LHAN SKYES KYI BDE BA CHEN PO'I YE SHES KYIS STONG NYID DON SPYI'I TSUL GYIS RTOGS PA'I DPE'I 'OD GSAL DANG, DE LTA BU'I YE SHES KYIS STONG NYID MNGON SUM DU RTOGS PA'I DON GYI 'OD GSAL YIN CING, 'OD GSAL DE GNYIS KYI NGO BOR GYUR PA'I SEMS DE LA NGES DON GYI AA THUNG DANG, MI BSHIG PA'I THIG LE DANG, ,MA BCOS PA'I SEMS DANG, THA MAL GYI SHES PA DANG, GNYUG MA'I SEMS ZHES SOGS KYI MING GIS GSUNGS SO, ,DPAL MGON PO BDE BA CHEN PO'AM, MTSO SKYES RDO RJE DANG GRUB CHEN SA RA HA DANG, KLU SGRUB ZHABS DANG, RI KHROD DBANG PHYUG DANG, TE LO N'A RO MEE TRI PA SOGS 'PHAGS YUL GYI GRUB CHEN RNAMS DANG, DER MA ZAD MAR MID SGAM PO PA PHAG GRU SOGS BKA' BRGYUD GONG MA RNAMS KYI BZHED PA MTHAR THUG PA'I PHYAG CHEN KYANG RLUNG DBU MAR ZHUGS GNAS THIM GSUM BYAS PA LAS BYUNG BA'I BDE CHEN GYI 'OD GSAL YIN LA, DE NI SGRUB PA SDE BDUN DANG, SNYING PO SKOR GSUM GYI BRJOD BYA'I GTZO BO RNAL 'BYOR BLA MED KYI RGYUD SDE RGYA MTSO LTA BU'I YANG SNYING PO'I SNYING PO YIN NO, ,GRUB PA SDE BDUN NI, MGON PO BDE BA CHEN POS GSANG BA GRUB PA MDZAD, 'DIS NI 'DUS PA'I RTZA RGYUD KYI DGONGS PA GTZO BOR 'GREL TE, DPAL LDAN 'DUS LAS MCHOG
GZHAN MED, ,'JIG RTEN KUN GYI RIN CHEN GCIG ,CES SOGS 'DUS PA'I CHE BA BRJOD NAS, 'DUS PA'I BSKYED RIM KYANG CUNG ZAD DANG, KHYAD PAR RTZA RGYUD KYI NGES DON RDZOGS RIM MTHON PO'I SKABS KYI BDE STONG DBYER MED KYI LAM RTZAL DU STON NAS 'CHAD, 'DI NI GRUB SNYING GZHAN RNAMS KYI PHYI MO LTA BUR MDZAD DO, ,DE'I SLOB MA YAN LAG MED PA'I RDO RJES THABS SHES GRUB PA MDZAD, DE'I SLOB MA AINDRA BH'U TIS YE SHES GRUB PA, DE'I LCAM LAKshAm KA RAS GNYIS MED GRUB PA, dOMBHI HE RU KAS LHAN CIG SKYES GRUB, D'A RI KA PAS GSANG BA CHEN PO'I DE KHO NA NYID GRUB PA, RNAL 'BYOR MA TZI TOS DNGOS PO GSAL BA'I RJES SU 'GRO BA'I DE KHO NA NYID GRUB PA MDZAD CING, SNYING PO SKOR GSUM NI, DO HA GSUM YIN LA, BU STON THAMS CAD MKHYEN PA SOGS MKHAS PA 'GA' ZHIG NI DMANGS DO HA RNAM DAG DANG, GZHAN GNYIS KHA GA-YAR YIN GSUNG NGO, ,DES NA 'GA' ZHIG MGON PO KLU SGRUB ZHABS KYI RIM LNGA DANG RDZOGS RIM STON TSUL KHYAD PAR MED PA MI 'THAD DE, DO HA LAS, BRAM ZE SKUD PA 'KHAL BA BZHIN, ,RNAL 'BYOR SHES PA GLOD LA ZHOG ,'JUR BUS BCINGS PA'I SEMS NYID 'DI, ,GLOD NA GROL BAR THE TSOM MED,, CES DANG SO MA MA BCOS LHUG PA, CES DANG, DE KHO NA NYID BCU PA LAS KYANG, BLA MA DAM PA'I DPYAD PA MED, CES DANG PO NAS DPYAD PA MI BYED PAR YID BYED BA KAG NAS BZHAG PAS GROL BAR 'GYUR BAR BSHAD PA'I PHYIR,
, ,CE NA, 'DI DANG 'DI 'DRA BA'I GRUB SNYING GI LUNG RNAMS LA 'KHRUL BZHI 'ONG BA BDEN NA'ANG, RJE THAMS CAD MKHYEN PAS GSAL SGRON SOGS SU, DO HA SOGS NAS GSUNGS PA NI, SNGAGS LAM MTHON PO'I NYAMS LEN YIN GSUNG PA BKA' GZHAN DU MI 'GYUR BA YIN TE, DO HA'I DON DPER CUNG ZAD BSHAD NA, SNYING RJE DANG BRAL STONG PA NYID ZHUGS PA, ,DES NI LAM MCHOG RNYED PA MA YIN NO, ,'ON TE SNYING RJE 'BA' ZHIG BSGOMS NA YANG, ,'KHOR BA 'DIR GNAS THAR PA THOB MI 'GYUR, ,GANG YANG GNYIS PO SBYOR BAR NUS PA DE, ,'KHOR BAR MI GNAS MYA NGAN 'DAS MI GNAS, ,ZHES SNYING RJE LHAN SKYES KYI BDE CHEN DANG, STONG PA NYID YUL YUL CAN SBYOR DGOS PA DANG, YANG DE NYID LAS, RTOGS PAR GYUR NA THAMS CAD DE YIN TE, ,DE LAS GZHAN ZHIG SUS KYANG SHES MI 'GYUR, ,KLOG PA DE YIN 'DZIN DANG BSGOM PA'ANG DE YIN TE, ,BSTAN BCOS SNYING LA 'CHAD PA'ANG DE YIN NO, ,DES MI MTSON PA'I LTA BA YOD MIN TE, ,'ON KYANG CIG TU BLA MA'I ZHAL LA BLTOS PA YIN, ,BLA MAS SMRAS PA GANG GI SNYING ZHUGS PA, ,LAG PA'I MTHIL NA GNAS PA'I GTER MTHONG 'DRA, ,GNYUG MA'I RANG BZHIN BYIS PAS MA MTSON PAR, ,'KHRUL PAS BYIS PA BSLUS ZHES MDA' BSNUN SMRA, ,ZHES RNAL 'BYOR PAS GNYUG MA'I SEMS MNGON SUM DU NYAMS SU MYONG ZHING RTOGS PAR GYUR NA, CHOS THAMS CAD GNYUG
MA DE NYID KYI RNAM 'PHRUL YIN CING, GNYUG MA DE'I RNAM 'GYUR MA YIN PAR GANG ZAG GZHAN SUS KYANG SHES PAR MI 'GYUR LA, GNYUG SEMS MNGON SUM DU GYUR PA DE NYID, KLOG PA DANG, 'DZIN PA DANG, SGOM PA RNAMS KYI SNYING DE MNGON DU GYUR PA'ANG YIN TE, BSTAN BCOS SNYING LA 'CHAD PA'I DGOS PA'I GTZO BO'ANG DE YIN NO, ,SNYING PO DES MTSON PAR BYAS PA'I LTA BA LAS LHAG PA'I LTA BA GZHAN YOD PA MIN TE, 'ON KYANG SNYING PO DE BSGOMS STOBS KYI MNGON SUM DU NYAMS SU MYONG BAR 'GYUR BA NI, MTHA' GCIG TU RDO RJE 'CHANG NAS DAM PA BAR MA CHAD PA'I BLA MA DAM PA'I ZHAL GYI GDAMS NGAG LA LTOS PA YIN CING, DE 'DRA BA'I GDAMS PA DANG NYAMS MYONG CAN GYI BLA MAS SMRAS PA GANG GI SNYING LA ZHUGS PA'I, SNYING PO STONG PA NYID LA RTZE GCIG TU BZHAG STE BSGOMS PAS NI, STONG NYID KYI DON LAG PA'I MTHIL DU GNAS PA'I GTONG DANG 'DRA BAR MNGON SUM DU MTHONG BAR 'GYUR RO, ,GNYUG MA'I RANG BZHIN BYIS PA SO SO SKYE BO RNAMS KYIS MNGON SUM DU MA MTHONG BAR BDEN ZHEN GYIS KHRUL PAS BYIS PA BSLUS ZHES MDA' BSNUN SA RA HA SMRA'O ZHES PA DANG, GZHAN YANG, GAL TE MNGON DU GYUR NA BSAM GTAN CI, , CI STE LKOG TU GYUR NA MUN PA 'JAL, ,LHAN CIG SKYES PA'I RANG BZHIN DE NYID NI, ,DNGOS DANG DNGOS MED PA YANG MA YIN NO, ,ZHES RANG BZHIN LHAN SKYES GNYUG SEMS DE BSGOMS STOBS KYIS MNGON DU GYUR NA DPYAD SGOM GYI
, ,BSAM GTAN GYIS CI BYA, 'ON TE LKOG TU GYUR NA MA RIG PA'I MUN PA 'JAL LA, SNYING PO DE NI DNGOS PO BDEN PA DANG, ,DNGOS MED CHAD PA'ANG MA YIN NO, ,ZHES PA DANG, YANG, BSAM GTAN BRAL BAS CI ZHIG BSAM BYAR YOD, ,BRJOD DU MED GANG JI LTAR BSHAD DU YOD, ,SRID PA'I PHYAG RGYAS 'GRO BA MA LUS BSLUS, ,RANG BZHIN GNYUG MA SUS KYANG BLANGS PA MED, ,CES DANG, GZHAN YANG DO HA LAS, RGYUD MED SNGAGS MED BSAM BYA BSAM GTAN MED, ,DE KUN RANG YID 'KHRUL PAR BYED PA'I RGYU, ,RANG BZHIN DAG PA'I SEMS LA BSAM GTAN DAG GIS MI SLAD DE, ,RANG NYID BDE LA GNAS SHING GDUNG BAR MA BYED CIG ,ZA ZHING 'THUNG LA GNYIS SPROD KYIS DGA' ZHING, ,RTAG TU YANG DANG YANG DU 'KHOR LO 'GENGS, ,CHOS 'DI LTA BUS 'JIG RTEN PHA ROL 'GRUB 'GYUR TE, ,RMONGS PA'I 'JIG RTEN MGO BOR RDOG PAS MNAN NAS SONG, ,GANG DU RLUNG DANG SEMS NI MI RGYU ZHING, ,NYI MA ZLA BA 'JUG PA MED GYUR PA, ,MI SHES PA DAG GNAS DER SEMS NI DBUGS PHYUNGS SHIG ,MDA' BSNUN GYIS NI MAN NGAG THAMS CAD BSTAN NAS SONG, ,ZHES PA'I DON CUNG ZAD BSHAD NA RANG BZHIN GNYUG MA LHAN CIG SKYES PA 'OD GSAL GYI SEMS GZHI'I CHOS SKUR GRAGS PA DE YIN LA, DE NYID BSGOMS STOBS KYIS MNGON SUM DU NYAMS SU MYONG BA'I TSE RTOG DPYOD DANG, SMRA BRJOD BRAL BAS
RTOG DPYOD KYI BSAM GTAN GYIS CI ZHIG BYA ZHING, BSHAD BYAR YANG CI ZHIG YOD, DE NYID BSGOMS STOBS KYIS MA NGES PAS SRID PA'I PHYAG RGYAS 'GRO BA MA LUS PA BSLUS SO, ,BSLUS KYANG DE DAG GI RANG BZHIN GNYUG MA'I SEMS DE GZHAN SUS KYANG BLANGS PA'AM PHROGS PA MED DE, SPYIR KHAMS GSUM GYI SEMS CAN THAMS CAD DANG, KHYAD PAR MNGAL SKYES KHAMS DRUG LDAN PA RNAMS 'CHI BA'I TSE SNANG MCHED THOB GSUM 'OD GSAL DANG BCAS PA 'CHAR BA'I PHYIR RO, ,DE LTAR SHAR YANG THA MAL PAS LAM DU SGYUR BAR MI NUS LA, DER MA ZAD 'DOD KHAMS PA PHAL CHER DBANG PO GNYIS SBYOR LA DGA' ZHING YANG DANG YANG DU DE'I GTAM BRJOD KYANG BDE BA CHEN PO'I GNAD NI SHES PA MED DE, DO HA LAS, KHYIM DANG KHYIM NA DE YI GTAM SMRA YANG, ,BDE CHEN GNAD NI YONGS SU SHES PA MED, ,CES GSUNGS PA LTAR RO, ,RNAL 'BYOR PAS NI BDE BA CHEN PO'I NGO BOR GYUR PA'I GNYUG MA'I SEMS DES STONG PA NYID YUL DU BYAS TE 'JOG PA MA GTOGS GZHAN BZANG NGAN GANG GI YANG SPROS PA CI YANG MI BYED PA YIN NO, ,DE LTA BU'I PHYAG CHEN GYI RTOGS PA SKYE BA LA NI TSE SNGON MA'AM TSE STOD YAN LA LAM SNGA MA SNGA MA LA SBYANGS NAS RLUNG DBU MAR 'JUG PA BYANG BA ZHIG YIN NA, SEMS CI YANG MI RTOG PAR 'JOG PA LTA BU DMIGS PA GANG RUNG GCIG LA DMIGS NA YANG, 'OD GSAL PHYAG RGYA CHEN PO MNGON SUM DU
, ,BYED PAS, GANG ZAG 'DI LA BKA' BRGYUD GONG MA RNAMS CIG CHAR BA'I THA SNYAD MDZAD DE, K'A DPE LAS, GANG ZAG SBYANGS PA'I 'PHRO CAN LA, ,CIG CHAR PA NI BSTAN PAR BYA, ,ZHES 'BYUNG ZHING, RJE THAMS CAD MKHYEN PAS GSAL SGRON DU YANG, RLUNG DBU MAR ZHUGS PA BYANG BA ZHIG GIS DMIGS PA CI LA GTAD KYANG RLUNG DBU MAR 'DU BA ZHIG SNANG NGO, ,ZHES GSUNGS PA DANG GNAD GCIG GO ,DE MA YIN PA'I GDUL BYAS LAM 'DI'I PHYAG CHEN MNGON DU BYED PA LA NI GTUM MO SOGS NGES PAR BSGOM DGOS TE, RJE BTZUN MID LAS KYANG SNGON DU N'A RO MAR PA'I BKA' SROL BZHIN N'A RO CHOS DRUG GTZO BOR BSGOMS PAS PHYAG RGYA CHEN PO MNGON DU GYUR PA YIN TE, PHYAG RGYA CHEN PO LTA BA'I RDZONG, ,N'A RO CHOS DRUG SGOM PA'I RDZONG, ,THABS LAM ZAB MO SPYOD PA'I RDZONG, ,SKU GSUM LHUN GRUB 'BRAS BU'I RDZONG, ,ZHES GSUNGS SHING, DA'I GTUM MO'I AA THUNG ZHES BSNGAGS BRJOD KYANG CHER MDZAD LA, DE DANG MTHUN PAR CHOS RJE SA PAn GYIS KYANG, N'A RO CHOS DRUG CES BYA'I KHRID, ,MID LA YAN CHAD DE LAS MED, ,CES 'BYUNG BA LTAR RO, ,RJE SGAM PO PAS KYANG THOG MAR GTUM MO BSGOMS PAS GNYUG SEMS MNGON DU GYUR PA SOGS SHIN TU MANG NGO, ,DE BZHIN DU 'DIR BSTAN PHYAG RGYA CHEN PO BSGOM PA LA NI, DBANG BZHI RNAM DAG THOB PA BSKYED RDZOGS DANG THUN MONG BA'I LAM LA SBYANGS
PA SOGS KYANG DGOS TE, K'A DPE LAS, GANG ZAG DANG PO'I LAS CAN LA, ,RIM GYIS PA NI BSTAN PAR BYA, ,ZHES GSUNGS SHING, GANG ZAG 'DI LA RIM GYIS PA'I THA SNYAD KYANG MDZAD DO, ,DES NA LAM 'DI'I GRUB CHEN PHAL CHER BLA MED KYI RGYUD SDE SO SO'I DBANG BRGYUD LA'ANG BZHUGS PA DANG, CHOS RJE SA PAn GYIS KYANG, N'A RO TA PA DBANG BSKUR DANG, ,RIM GNYIS CHOS KYI GTZO BOR MDZAD, ,CES GSUNGS LA, RJE BTZUN GYIS KYANG, MING ZER DE TSO NYAN BYED NA, ,BU KHYOD LA LHA CHOS KYI SKAL PA YOD, ,'JUG SGO DBANG DANG BYIN BRLAB BYA, ,ZAB MO SNYAN BRGYUD KYI GDAMS NGAG BYIN, ,ZHES GSUNGS PA'I PHYIR RO, ,TSUL 'DI LTAR SDOM GSUM RAB DBYE LAS KYANG NGED KYI PHYAG RGYA CHEN PO NI, ,DBANG LAS BYUNG BA'I YE SHES DANG, ,RIM PA GNYIS KYI TING 'DZIN LAS, ,BYUNG BA'I RANG BYUNG YE SHES YIN, ,ZHES MKHAS GRUB TSAD LDAN THAMS CAD DGONGS PA MI MTHUN PA MED PA YIN NO,, ` ,,DA NI MDO LUGS KYI PHYAG CHEN BYE BRAG TU STON PA'I PHYIR SLAR YANG DAM BCA' BA, SNGON MA RGYAS 'BRING BSDUS GSUM GYI DNGOS BSTAN STONG NYID BSGOM TSUL TE, 'DI LAS GZHAN PA'I THAR PA'I LAM, ,MED CES 'PHAGS MCHOG KLU SGRUB GSUNG, ,'DIR NI DE YI DGONGS PA BZHIN, ,PHYAG RGYA CHEN PO'I KHRID PHOG STE, ,SEMS KYI NGO SPROD BYED PA'I TSUL, ,BRGYUD LDAN BLA MA'I GSUNG BZHIN BRJOD, ,CES BYA
, ,STE, PHYAG RGYA CHEN PO BSGOM TSUL GNYIS LAS, SNGON MA MDO LUGS KYI BSGOM TSUL NI, YUM RGYAS 'BRING BSDUS GSUM GYI DNGOS BSTAN STONG NYID RTOGS PA'I SHES RAB BSGOM TSUL YIN TE, 'DI NI THEG PA GSUM GA'I LAM GYI SROG DAM PAR RGYAL BA'I YUM LAS BSNGAGS SHING, TSUL 'DI MA YIN PA'I THAR PAR BGROD PA'I LAM RIS MI MTHUN PA GZHAN MED CES 'PHAGS MCHOG KLU SGRUB KYIS, SANGS RGYAS RANG SANGS RGYAS RNAMS DANG, ,NYAN THOS RNAMS KYIS NGES BSTEN PA'I, ,THAR PA'I LAM NI GCIG NYID KHYOD, ,GZHAN DAG MED CES BYA BAR NGES, ,ZHES GSUNGS SHING DER MA ZAD, RDO RJE THEG PA LA YANG 'DI LAS GZHAN PA DANG LHAG PA'I LTA BA'I DBYE BA MED DE, RJE BTZUN SA PAn GYIS, PHA ROL PHYIN DANG GSANG SNGAGS LA, ,LTA BA'I DBYE BA BSHAD PA MED, ,PHA ROL PHYIN PA'I SPROS BRAL LAS, ,LHAG PA'I LTA BA YOD NA NI, ,LHA DE SPROS PA CAN DU 'GYUR, ,SPROS BRAL YIN NA KHYAD PAR MED, ,CES GSUNGS PA LTAR RO, ,DES NA 'DIR NI NGES DON 'GREL PAR RGYAL BAS LUNG BSTAN PA MGON PO KLU SGRUB KYIS SHING RTA'I SROL PHYE BA, RJES MJUG RNAMS KYI NANG NAS, JO BO CHEN POS, STONG NYID GANG GIS RTOGS ZHE NA, ,DE BZHIN GSHEGS PAS LUNG BSTAN CING, ,CHOS NYID BDEN PA GZIGS PA YI, ,KLU SGRUB SLOB MA ZLA GRAGS YIN, ,DE LAS BRGYUD PA'I GDAMS PA LA, ,SANGS RGYAS YOD
KYI GZHAN DU MIN, ,ZHES GSUNGS PA LTAR 'PHAGS PA'I DGONGS PA ZLA BAS BKRAL BA BZHIN DU PHYAG RGYA CHEN PO'I 'KHRID PHOG STE, SEMS KYI NGO SPROD BYED PA'I TSUL MKHAS GRUB KYI DAM PA BAR MA CHAD PA'I BYIN RLABS KYI BRGYUD PA DANG LDAN PA'I DPAL LDAN BLA MA DAM PA'I GSUNG NGAG RIN PO CHE JI LTA BA BZHIN BRJOD PAR BYA'O, ,'O NA CI'I PHYIR 'DIR BSTAN PHYAG RGYA CHEN PO ZHES BYA ZHE NA, TING NGE 'DZIN RGYAL PO LAS, CHOS RNAMS KUN GYI RANG BZHIN PHYAG RGYA STE, ZHES GSUNGS PA LTAR, CHOS THAMS CAD KYI RANG BZHIN STONG PA NYID NI PHYAG RGYA DANG, DE RTOGS NA RGUD PA THAMS CAD LAS GROL BAS CHEN PO'AM MCHOG STE, CHEN PO MCHOG DANG TSAD MED DANG, ,ZHES SOGS GSUNGS PA'I PHYIR RO, ,DA NI THUB PA'I BSTAN PA LA SDE PA BCO BRGYAD BYUNG KYANG RNAM PAR GROL BA'I 'BRAS BU 'GRUB PAR MTSUNGS PA LTAR, PHYAG CHEN GYI BZHED TSUL GRUB PA'I MTHA' GRANGS MANG YANG 'BRAS BU ZUNG 'JUG PHYAG RGYA CHEN PO THOB BYED DU MTSUNGS PAR BSTAN PA DANG, SKYES BU DAM PA RNAMS KYI LUGS BZANG MTHA' DAG PA'I RNAM PAR DBYE BA LA MKHAS PA'I PHYIR BSHAD PA, LHAN CIG SKYES SBYOR GA'U MA, ,LNGA LDAN RO SNYOMS YI GE BZHI, ,ZHI BYED GCOD YUL RDZOGS CHEN DANG, ,DBU MA'I LTA KHRID LA SOGS PA, ,SO SOR MING 'DOGS MANG NA YANG, ,NGES DON LUNG RIGS LA MKHAS SHING, ,NYAMS MYONG CAN GYI RNAL 'BYOR PAS, ,DPYAD NA DGONGS PA GCIG TU 'BAB, ,CES
, ,PA'O, ,DE YANG RJE SGAM PO PA NI, CHOS DRUG LNGA LDAN, LHAN CIG SKYES SBYOR GYI SGO NAS SLOB MA SKYONG BAR MDZAD PA LAS, LHAN CIG SKYES SBYOR RTZA BA 'DI LA YI GE SO SOR 'DRA MIN 'GA' ZHIG 'DUG NA'ANG SEMS NYID LHAN CIG SKYES PA CHOS KYI SKU, ,RNAM RTOG LHAN CIG SKYES PA CHOS SKU'I RLABS, ,SNANG BA LHAN CIG SKYES PA CHOS SKU'I 'OD, ,SNANG SEMS DBYER MED LHAN CIG SKYES PA'O, ,ZHES PA'I DON MOS GUS DANG ZHEN LOG GTZO BOR BYAS PA'I NGOS NAS SNGON 'GRO SBYOR BA BZHI LDAN, DNGOS GZHI NGO SPROD RNAM GNYIS, RJES NYAMS MYONG SNANG THOG TU SKYONG BA GSUM GYIS 'CHAD PA'I SNGON 'GRO NI SPYI DANG MTSUNGS SHING, DNGOS GZHI GNYIS NI ZHI LHAG GNYIS LA NGO SPROD PA'O, ,GA'U MA NI MKHAS GRUB KHYUNG PO'I BKA' SROL TE, 'DI NI SNGON 'GRO RANG BABS RNAM GSUM, DNGOS GZHI SKYON BZHI RANG GROL, 'BRAS BU SKU GSUM RANG SHAR GYI SGO NAS STON CING, DNGOS GZHI LA RKUN PO'I NGO SPROD CES KYANG GSUNGS SO, ,SHANGS PA BKA' BRGYUD KYI GDAMS PA'I GTZO BO NI, NI GU CHOS DRUG YIN LA, CHOS DRUG NI GTUM MO LAM GYI RMANG RDO, RGYU LUS CHAGS SDANG RANG GROL, RMI LAM TING 'KHRUL RANG SANGS, 'OD GSAL MA RIG MUN SEL, 'PHO BA MA BSGOMS SANGS RGYAS, BAR DO RGYAL BA LONGS SKU, ZHES PA YIN CING, GA'U MA'I GTZO BO YANG CHOS DRUG GI 'OD GSAL SGOM TSUL YIN NO, ,LNGA LDAN NI, DVAGS BRGYUD LA
'PHRIN LAS CHE ZHING, 'JIG RTEN MGON POS RTZA BA MGUR DU BZHES PA NA, BYANG CHUB SEMS KYI RTA PHO LA, ,GZHAN PHAN GYI DKYUS THOG MA BCAD NA, ,KHROM LHA MI 'OR CHE MI 'BYUNG BAS, ,SEMS SNGON 'GRO 'DI LA NAN TAN MDZOD, , RANG LUS LHA SKU'I RGYAL PO LA, ,'GYUR MED KYI GTAN SA MA ZIN NA, ,MKHA' 'GRO'I 'KHOR 'BANGS MI 'DU BAS, ,LUS YI DAM LHA LA NAN TAN BSKYED, ,BLA MA SKU BZHI'I GANGS RI LA, ,MOS GUS KYI NYI MA MA SHAR NA, ,BYIN RLABS KYI CHU RGYUN MI 'BYUNG BAS, ,SEMS MOS GUS 'DI LA NAN TAN MDZOD, ,SEMS NYID KYI NAM MKHA' YANGS PA LA, ,RNAM RTOG GI SPRIN TSOGS MA DVANGS NA, ,MKHYEN GNYIS KYI GZA' SKAR MI BKRA BAS, ,SEMS MI RTOG 'DI LA NAN TAN MDZOD, ,TSOGS GNYIS YID BZHIN NOR BU LA, ,SMON LAM GYIS BYI DOR MA BYAS NA, ,DGOS 'DOD KYI 'PHRIN LAS MI 'BYUNG BAS, ,RJES BSNGO BA 'DI LA NAN TAN MDZOD, ,CES PA'O, ,CHOS RJE RGYA RAS NAS BRGYUD PA RNAMS NI, 'KHRID CHEN BRGYAD, RO SNYOMS SKOR DRUG ,RI CHOS THUGS NYAMS SU LEN CING 'DOMS PA YIN LA, DE YANG 'KHRID CHEN BRGYAD NI, BLA MA SKU GSUM GYI 'KHRID, BYAMS SNYING RJE'I 'KHRID, RGYU 'BRAS RTEN 'BREL GYI 'KHRID, LNGA LDAN BDUD RTZI THIGS PA'I 'KHRID, LHAN CIG SKYES SBYOR GYI 'KHRID, N'A RO'I CHOS DRUG GI 'KHRID, CHOS BRGYAD MGO SNYOMS KYI 'KHRID, GSANG SPYOD LDOG BSGOM GYI 'KHRID RNAMS SO, ,RO SNYOMS SKOR DRUG NI, RNAM RTOG LAM 'KHYER, NYON MONGS LAM
, ,'KHYER, NA TSA LAM 'KHYER, LHA 'DRE LAM 'KHYER, SDUG BSNGAL LAM 'KHYER, 'CHI BA LAM 'KHYER RO, ,RI CHOS LA ZAB CHOS RGYAN BZHI, SKOR GSUM ZHAL GDAMS KYI RGYAN GNYIS LAS, DANG PO NI, RI CHOS YON TAN KUN 'BYUNG, GSANG BA DBANG GI GRU PO CHE, RDO RJE'I LUS KYI SBAS BSHAD, BAR DO'I 'KHRID DANG BZHI YIN, GNYIS PA NI, DMAR KHRID GEGS SEL GYI RGYAN, MGUR 'BUM DKAR CHAG GI RGYAN, SIL BU'I SDE MTSAN PHRAN, TSOGS KYI RGYAN RNAMS SO, ,YI GE BZHI PA NI, YID LA MI BYED PA'I SKAD DOD, AA MA NA SI'I SGRA LAS DRANGS NAS KYANG 'CHAD CING, DE'I DON TSIG 'BRU BZHI'I SGO NAS KYANG STON TE, 'DI LTAR, DANG PO SEMS KYI GZHI RTZA BCAD PA, GNYIS PA SEMS KYI GZHAG THABS BSTAN PA, GSUM PA SEMS KYI GOL SA BCAD PA, BZHI PA SEMS KYI LAM 'KHYER BSTAN PA'O, ,DAM PA SANGS RGYAS KYI DAM CHOS SDUG BSNGAL ZHI BYED NI 'DI LTAR, DAM CHOS SDUG BSNGAL ZHI BYED 'DI, ,GDON GNOD SBYIN PHO MO 'DUL TZA NA, ,BRTUL ZHUGS 'PHRUL 'KHOR 'CHA' BA YIN, ,LUS LA NA TSA BYUNG TZA NA, ,DBYINGS RIG GCIG TU BSE BA YIN, ,RNAM RTOG PHRA MO SKYES TZA NA, ,NYON MONGS LA 'BUR 'JOMS GTONG BA YIN, ,GCIG PUR LKOG TU NYAL TZA NA, ,RIG PA RJEN PAR 'JOG PA YIN, ,MANG PO'I GSEB TU SDOD TZA NA, ,GANG SHAR NGO LA BLTA BA YIN, ,BYING NA PHAt KYIS SENG BA YIN, ,'PHRO NA RTZA BA GCOD PA YIN, ,RGOD NA DBYINGS SU 'JOG
PA YIN, ,SHES PA YUL PHYIR 'BRANG TZA NA, ,DE NYID DON LA BLTA BA YIN, ,DAM CHOS SDUG BSNGAL ZHI BYED 'DI, ,LTAS NGAN BYUNG NA GA-YANG DU LEN, ,RNAM RTOG JI LTAR DGES DGES MDZOD, ,NA TSA BYUNG NA BOGS SU 'DON, ,'BYUNG BA JI LTAR DGES DGES MDZOD, ,'CHI BA BYUNG NA LAM DU SLONG, ,'CHI BDAG JI LTAR DGES DGES MDZOD, ,DAM CHOS SDUG BSNGAL ZHI BYED 'DI, ,DUS GSUM RGYAL BA'I DGONGS PA LAGS, ,ZHES DAM PAS RJE BTZUN DANG MJAL DUS GSUNG PA LTAR RO, ,GCOD YUL NI DAM PA'I GDAMS PA MA CIG GI ZAB CHOS TE YONGS SU GRAGS PA LTAR DANG, RDZOGS CHEN MAN NGAG LTA BA'I 'PHRENG BA SOGS SLOB DPON PADMA'I THUGS KYI BCUD PHYUNG BA RNAMS DANG, ZAB MO DBU MA'I LTA KHRID CES BYA BA LA SOGS PA, GDAMS DON LA SO SOR 'DOGS BYED KYI MING MI 'DRA BA SNA TSOGS PAS BTAGS NA YANG, DRANG NGES JI BZHIN 'BYED PA'I LUNG RIGS LA MKHAS PAS LEGS PAR DPYAD NA, PHAN TSUN TSA GRANG LTAR MI 'GAL BAR DGONGS PA GCIG TU 'BAB STE, DRI MED 'OD LAS, JI LTAR SA LA RIN CHEN MING, ,DBYE BA THA DAD THA DAD NI, ,YUL DANG YUL GYI DBANG GIS BRJOD, ,RIN CHEN DBYE BA 'GAR YANG MED, ,CES GSUNGS PA LTAR RO, , 'O NA PHYAG RGYA CHEN PO DE BSGOM PA'I RIM PA JI LTAR ZHE NA SMRAS PA, DES NA 'DI LA LTA THOG NAS, ,BSGOM PA 'TSOL DANG SGOM THOG NAS, ,LTA BA 'TSOL BA'I LUGS GNYIS LAS, ,'DI NI PHYI MA'I LUGS BZHIN YIN, ,CES PA STE,
, ,LUGS GNYIS PO JI LTAR BYAS KYANG YOD MOD, 'ON KYANG MGON PO ZHI BA LHAS, ,ZHI GNAS RAB TU LDAN PA'I LHAG MTHONG GIS, ,NYON MONGS RNAM PAR 'JOMS PAR SHES BYAS NAS, ,THOG MAR ZHI GNAS BTZAL BYA, ,ZHES DANG, DKON BRTZEGS LAS KYANG, TSUL KHRIMS LA NI GNAS NAS TING NGE 'DZIN THOB STE, TING NGE 'DZIN THOB NAS KYANG SHES RAB SGOM PAR BYED, CES BKA' STZAL PA LTAR SGOM THOG NAS LTA BA 'TSOL BA'I LUGS SO, ,DE LTAR YIN NA THOG MAR ZHI GNAS SGOM TSUL GANG ZHE NA, 'DI LA SBYOR BA DANG, DNGOS GZHI GNYIS LAS, DANG PO NI, RJE BTZUN BYAMS PAS, BLO LDAN GANG DU BSGRUB PA'I YUL, ,LEGS PAR RNYED DANG GNAS BZANG DANG, ,SA BZANG BA DANG GROGS BZANG DANG, ,RNAL 'BYOR BDE BA'I YO BYAD LDAN, ,ZHES GSUNGS PA'I GNAS SU TSUL KHRIMS RNAM PAR DAG PA LA GNAS BCAS SHING, 'DOD CHUNG CHOG SHES DANG LDAN PAS, ZHI GNAS KYI YAN LAG GAM TSOGS BSTEN PA SOGS DANG, SBYOR BA'I CHOS DRUG RNAMS NGES PAR BSGRUB DGOS SO ZHES BSHAD PA, BSAM GTAN BDE BA'I STEGS BU LA, ,LUS GNAD BDUN DANG LDAN BYAS NAS, ,RLUNG RO DGU PHRUGS DAG TU BSAL, ,RIG PA DVANGS SNYIGS LEGS PAR BYED, ,RNAM DAG DGE BA'I SEMS LDAN PAS, ,SKYABS 'GRO SEMS BSKYED SNGON DU BTANG, ,ZAB LAM BLA MA'I RNAL 'BYOR BSGOM, ,SHUGS DRAG GSOL 'DEBS BRGYA RTZA SOGS, ,BYAS NAS BLA MA
RANG LA BSTIM, ,ZHES PA STE RNAM DAG DGE SEMS NI BYANG CHUB KYI SEMS DANG, ZAB LAM BLA MA'I RNAL 'BYOR NI LAM GYI CHA YONGS SU RDZOGS PA'I BLA MA'I RNAL 'BYOR TE ZUR DU BKOD PA LTA BU YIN LA GZHAN NI GO BAR ZAD DO, ,DE LTAR SBYOR BA'I RIM PA SNGON DU BTANG NAS, SEMS GNAS BSGRUB PA'I THABS BSHAD PA, ,SNANG BA BAN BUN DANG DE LA, ,RE DOGS LA SOGS RNAM RTOG GIS, ,BCAS BCOS GANG YANG MI BYED PA, ,GA-YO MED CUNG ZAD MNYAM PAR ZHOG ,BRGYAL DANG GNYID LOG LTA BU YI, ,YID BYED BKAG PA MA YIN PA, ,MA YENGS DRAN PA'I RGYANG SO TSUGS, ,'GYU BA RIG PA'I SHES BZHIN BSNGOGS, RIG CING GSAL BA'I NGO BO LA, ,HRIM GYIS BSGRIMS LA GCER GYIS LTOS, ,RNAM RTOG GANG DANG GANG SKYES PA, ,DE DANG DE NYID NGOS ZIN BYA, ,YANG NA RAL SKOR MKHAN BZHIN DU, ,RNAM RTOG CI SKYES RBAD RBAD GCOD, ,BCAD MTHAR GNAS PA DE YI TSE, ,DRAN PA MA SHOR LHOD KYIS GLOD, ,HRIM GYIS BSGRIMS LA LHOD KYIS GLOD, , SEMS KYI 'JOG SA DE NA GDA', ,ZHES DANG GZHAN YANG JI SKAD DU, ,'JUR BUS BCINGS PA'I SEMS NYID NI, ,GLOD NA GROL BAR THE TSOM MED, ,CES GSUNGS PA LTAR MA YENGS GLOD, ,RNAM RTOG GANG SKYES NGO BO LA, ,BLTAS TSE RANG YAL STONG SANG 'CHAR, ,DE BZHIN GNAS TSE'ANG BRTAGS PA NA, ,MA BSGRIBS STONG GSAL HRIG GE BA, ,MTHONG BA GNAS 'GYU 'DRES PA ZHES, ,GRAGS SHING RNAM RTOG CI SKYES KYANG, ,MI 'GOG 'GYU BA NGOS ZIN PAR, ,
, ,BYAS TE DE YI NGO BO LA, ,'JOG PA RDZINGS KYI BYA BTZON NI, ,'PHUR BA'I DPE DANG MTSUNGS PA YIN, ,JI LTAR GZINGS NAS 'PHUR BA'I BYA ROG NI, ,PHYOGS RNAMS BSKOR NAS SLANG YANG DER 'BAB BZHIN, ,ZHES PA JI BZHIN BSKYANGS PA LAS, ,ZHES SO, DE YANG 'DIR BSGRUB PAR BYA BA'I TING NGE 'DZIN GYI NGO BO NI GSAL BA'I DAR DANG LDAN PA DANG, RTZE GCIG PA'I MI RTOG PA YAN LAG GNYIS DANG LDAN PA'I TING NGE 'DZIN YIN NO, ,DE LTA BU'I ZHI GNAS MTSAN NYID PA NI, MNYAM PAR MA GZHAG PA'I SA PA 'DOD SEMS RTZE GCIG PA'I TING NGE 'DZIN LAS BYUNG BA YIN LA, DE NI MGON PO BYAMS PAS, NYES PA LNGA SPONG 'DU BYED BRGYAD, ,BSTEN PA'I RGYU LAS BYUNG BA'O, ZHES NYES PA LNGA SPONG BA'I GNYEN PO 'DU BYED BRGYAD BSNYEN PA LAS BYUNG BA'I SEMS GNAS PA DGUS 'GRUB PAR GSUNGS LA, SEMS DGU PO DE YANG 'PHAGS PA THOGS MED KYIS SA SDER STOBS DRUG GIS 'GRUB CING, YID BYED BZHI DANG LDAN PAR GSUNGS SO, ,'O NA DMIGS RTEN CI 'DRA ZHIG LA DMIGS NAS TING NGE 'DZIN BSGOM ZHE NA, SPYIR BCOM LDAN 'DAS KYIS TING NGE 'DZIN SKYON MED BSGRUB PA'I DMIGS RTEN LA, KHYAB PA'I DMIGS PA, DPYAD PA RNAM SKYONG GI DMIGS PA, MKHAS PA'I DMIGS PA, NYON MONGS RNAM SBYONG GI DMIGS PA SOGS MTHA' YAS PA GSUNGS KYANG, GDAMS PA 'DI'I BLA MA GONG MA PHAL CHER SEMS LA DMIGS NAS NGO SPROD
PAR BZHED PA LTAR 'DIR YANG TSUL DE NYID DO, ,DE YANG BLA MA LA MIG NAS MCHI MA 'KHRUG CING LUS KYI BA SBU GA-YO BA DANG, YID MOS GUS DRAG POS SNYING KHONG RUS PA'I GTING NAS GDUNG SHUGS DRAG POS GSOL BA RGYUN RING DU BTAB PA'I MTHAR BLA MA RANG LA THIM PAS BYIN GYIS BRLABS PAR BSAM ZHING SNANG BA BAN BUN DU GYUR PA'I NGANG DE LA GNAS SKABS DANG MTHAR THUG GI DON 'DI 'DRA ZHIG GRUB NA SNYAM PA'I RE BA DANG, 'PHRAL PHUGS SU MI 'DOD PA 'DI LTA BU MI YONG NGAM SNYAM DU DOGS PA LA SOGS PA'I RNAM RTOG GIS BCAS BCOS GANG YANG MI BYED PA, SNGAR 'DAS KYI RJES MI GCOD, MA 'ONGS PA'I SDUN MI BSU BAR, DA LTA 'GYU BA GANG YANG MED PA DE'I NGANG DU CUNG ZAD MNYAM PAR GZHOG GO ,DE LTAR 'JOG PA'I TSE BRGYAL BA DANG, GNYID LOG PA LTA BU YI YID LA BYED PA THAMS CAD BKAG PA MA YIN PA, SEMS GA-YO MED DU GNAS PA DE NYID MA YENGS PA STE CUNG ZAD KYANG BRJED PA MED PA'I DRAN PA'I RGYANG SO TSUGS PAR BYED, DE LTAR DMIGS PA DRAN PA'I THAG PAS BCINGS KYANG, DRAN PA NYAMS NA SEMS 'GYU BA'I RNAM RTOG 'PHRO NYEN CHE BAS, DRAN PA'I SHUGS ZHAN DU SONG NAS SEMS GZHAN DU 'GYU BA'AM MI 'GYU BA RIG PA'I SHES BZHIN BYA RA BA LTA BU BSDOGS NAS 'JOG DGOS TE, DBU MA SNYING PO LAS, SEMS KYI GLANG CHEN LOG 'GRO BA, ,DMIGS PA'I KA BA BRTAN PO LA, ,DRAN PA'I THAG PAS NGES BCINGS TE, ,SHES BZHIN
, ,LCAGS KYUS RIM DBANG BYA, ,ZHES 'BYUNG BA LTAR RO, ,MDOR NA TING NGE 'DZIN SKYON MED BSGRUB PA DRAN SHES KYI SKYONG TSUL LAS MA 'DAS SHING, DE YANG DRAN PA GTZO BO YIN TE, DE BYUNG NA SHES BZHIN DRAN PA'I 'BRAS BUR GSUNGS PAS ZHAR LA 'ONG NGO, ,DE'I TSE RNAM RTOG GZHAN 'GAGS NAS, SEMS RIG CING GSAL BA NGES BYUNG NA DE KHA'I NGO BO LA, DRAN PA HRIM GYIS BSGRIMS LA RTZE GCIG TU GCER GYIS LTOS SHIG DE LTAR BLTAS NAS 'GYU BA'AM RNAM RTOG GANG DANG GANG SKYES PA, DE DANG DE NYID NGOS ZIN PAR BYA STE, DE LTAR BYED PA NI SHES BZHIN LA RAG LAS SO, YANG NA NI 'DUL BA LUNG LAS, MDA' MKHAN DANG RAL BSKOR MKHAN 'THAB TSUL GSUNGS PA LTAR, DRAN SHES STOBS BSKYED NAS THOG BRDZIS SU RNAM RTOG CI SKYES PA DE, PHRAL DU RBAD RBAD BCAD DE 'PHRO 'THUD MI 'JUG PA'O, ,RNAM RTOG GI 'PHRO BCAD PA'I MTHAR 'GYU BA MED PAR GNAS PA DE'I TSE DRAN SHES MA SHOR BA KHONG GRIMS LA 'PHRAL DU LHOD CHAGS PA ZHIG BYAS LA MNYAM GZHAG GI NGANG DU GLOD DGOS TE, MA CIG GIS, HRIM GYIS BSGRIMS LA LHOD KYIS GLOD, ,SEMS KYI 'JOG SA DE NA GDA', ZHES DANG, GZHAN YANG JI SKAD DU, BRAM ZE CHEN POS KYANG, 'JUR BUS BCINGS PA'I SEMS NYID NI, ,GLOD NA GROL BAR THE TSOM MED, ,CES GSUNGS PA LTAR KHONG GRIMS LA LHOD CHAGS PA ZHIG BYAS TE,
'DI TZAM LAS SGRIMS DRAGS NA RGOD PA SKYE BA 'DUG SNYAM PA LAS CUNG ZAD GLOD, 'DI TZAM LAS GLOD DRAGS NA BYING BA SKYE BA 'DUG SNYAM PA LAS CUNG ZAD BSGRIMS NA RAN PAR 'GYUR BAS, DE GNYIS KYI MTSAMS SU RNAM RTOG GI 'GYU BA LAS SEMS BLAN, GNAS CHA BYUNG RES KYI BYING ZON BYAS NAS 'JOG DGOS TE, SLOB DPON TZANTRA GO MIS, BRTZON PA BSTEN NA RGOD PA 'BYUNG 'GYUR ZHING, ,DE SPANGS NA NI ZHUM PA SKYE BAR 'GYUR, ,'DI YI RIGS PAR MNYAM 'JUG RNYED DKA' NA, ,BDAG GI SEMS DKRUGS PAS NI CI ZHIG BGYI, ,ZHES 'BYUNG BA BZHIN NO, ,DE DAG GI DUS SU RNAM RTOG LA THOG BRDZIS BYAS PA DANG, RNAM RTOG GANG DANG GANG SKYES PA DE'I NGO BO LA BLTAS PA DE DANG DE'I TSE RNAM RTOG DE DAG RANG YUL DU SONG BA'I STONG SANG 'CHAR LA, DE BZHIN DU SEMS GA-YO MED DU GNAS PA'I TSE'ANG BRTAGS PA NA MA SGRIBS STONG SANG GSAL HRIG GE BA, SNGA PHYI GNYIS KHYAD PAR MED PAR MTHONG BA DE LA GNAS 'GYU 'DRES PA YIN CES SGOM CHEN PA RNAMS LA GRAGS SHING THA SNYAD MDZAD DO, ,YANG NA SEMS GNAS PA SKYONG THABS 'DI LTAR BYA STE, RNAM RTOG CI 'DRA ZHIG SKYES KYANG, MI 'GOG PAR GANG DU 'GYU GANG LA 'GYU NGOS ZIN PAR BYAS TE RNAM RTOG DE'I NGO BO LA BLTA ZHING 'JOG LA, DE LTAR BZHAG PAS MTHAR 'GYU BA 'GAGS NAS GNAS PA NI RGYA MTSO CHEN POR RDZINGS NANG DU YUN RING POR BZUNGS PA'I BYA BTZON NI, RGYA MTSO'I NANG DU 'PHUR BA'I DPE DANG
, ,MTSUNGS PA YIN PA'I PHYIR TE, DO HA LAS, JI LTAR GZINGS NAS 'PHUR BA'I BYA ROG NI, ,PHYOGS RNAMS BSKOR NAS SLAR YANG DER 'BAB BZHIN, ,ZHES GSUNGS PA JI BZHIN BSKYANG BAR BYA STE, YANG DGON PAS, BLO RNAM RTOG LA SKYON DU MI LTA ZHING, ,MI RTOG PA CHED DU MI SGOM PAR, ,SEMS RANG LUGS SU ZHOG LA RGYANG SO TSUGS DANG, ,SGOM ZHI GNAS KYI STENG DU PHEBS PA CIG 'ONG GI ,ZHES 'BYUNG BA LTAR RO, ,GZHAN YANG DENG SANG GI GDUL BYA RNAMS KYIS SEMS KYI GZHAG THABS DRUG GI SGO NAS BSKYANGS NA GDAMS PA'I RGYAL POR 'GYUR RO, ,JI LTAR ZHE NA, SPRIN DANG BRUL BA'I NYI BZHIN BZHAG ,KHYUNG CHEN MKHA' LA LDING BZHIN BZHAG , RGYA MTSO CHEN PO'I GZINGS BZHIN BZHAG ,BU CHUNG LHA KHANG BLTA BZHIN BZHAG ,MKHA' LA BYA 'PHUR RJES BZHIN BZHAG ,RAS BAL BRDAL BA BZHIN DU BZHAG ,SEMS KYI BZHAG THABS 'DI DAG GIS, ,RNAL 'BYOR DON DANG LDAN PAR 'GYUR, ,CES PA STE, DANG PO NI, DPER NA SPRIN DANG BRAL BA'I NYI MA DE MCHOG TU GSAL ZHING DVANGS PAR GNAS PA LTAR SEMS KYI RANG BZHIN 'OD GSAL BA DE LA MTSAN 'DZIN GYI RNAM RTOG DANG BYINGS RGOD SOGS KYIS MA SGRIGS PAR 'GOG PA'O, ,GNYIS PA NI, DPER NA, MKHA' LDING NI NAM MKHAR RGYU BA'I TSE GSHOG PA RDEB PA SOGS RTZOL BA HA CANG MI DGOS PA RANG SHUGS KYIS RGYU BA BZHIN DU, SEMS HA CANG GRIMS PA DANG HA CANG LHOD DRAGS
PA MA YIN PAR, KHONG GRIMS PA'I GSAL CHA'I DAR DANG LDAN CING, 'PHRAL LHOD CHAGS PAS DRAN SHES KYI RGYA DANG MA BRAL BAR SKYONG BA'O, ,GSUM PA NI, DPER NA RGYA MTSO CHEN PO RLUNG GIS BSKYOD KYANG KHAR RLABS CUNG ZAD BYUNG YANG GA-YO BAR MI NUS PA BZHIN DU, SEMS DMIGS PA LA 'JOG PA'I TSE, RNAM RTOG PHRA MO 'GAS CUNG ZAD GA-YOS KYANG, RNAM RTOG RAGS PAS CUNG ZAD KYANG MI GA-YO BAR 'JOG GO ,BZHI PA NI, DPER NA BU CHUNG LHA KHANG BLTA BA'I TSE, RI MO'I CHA SHAS PHRA BA LA RTOG DPYOD MI 'JUG CING, CHA RAGS PAR BKRA BA LA MI GA-YENG BAR BLTA BA BZHIN SEMS DMIGS PA LA 'JOG PA'I TSE SGO LNGA'I DBANG SHES KYI YUL YID DU 'ONG MI 'ONG CI SHAR YANG RTOG DPYOD DANG CHAGS SDANG MI BYED PAR DMIGS PA LA RTZE GCIG TU 'JOG PA'O, ,LNGA PA NI, DPER NA BYA NAM MKHAR 'PHUR BA'I RJES MI 'BYUNG BA LTAR, TSOR BA BDE SDUG BTANG SNYOMS CI 'DRA ZHIG BYUNG YANG, CHAGS SDANG RMONGS GSUM GANG GI'ANG DBANG DU MI GTONG BAR MNYAM PAR 'JOG PA'O, ,DRUG PA NI, DPER NA RAS BAL BRDAL BA'I TSE 'JAM ZHING KHONG LHOD LHOD POR YOD PA BZHIN DU, MNYAM PAR 'JOG PA'I TSE SEMS DUG GSUM MNGON GYUR PA DANG BYING RGOD KYI RTZUB REG DANG BRAL BAR BYAS TE MNYAM PAR 'JOG PA YIN NO,, ` ,,DE LTAR BSKYANGS PA LAS LAG RJES CI 'DRA ZHIG 'BYUNG ZHE NA, MNYAM GZHAG NGO BO GANG GIS KYANG, ,MA SGRIBS DVANGS
, ,SHING GSAL BA DANG, ,GZUGS CAN GANG DU'ANG MA GRUB PAS, ,STONG SANG NAM MKHA' LTA BU DANG, ,CI YANG 'CHAR BAS HRIG GE BA, ,ZHES PA'O, ,DE LTAR BSKYABS PAS MNYAM GZHAG GI NGO BO GANG GIS KYANG MA SGRIBS PA DVANGS SHING SHIN TU GSAL BA DANG, GZUGS CAN GYI DNGOS PO GANG DU YANG MA GRUB PAS STONG SANG NAM MKHA' LTA BU DANG 'DRA BA YIN PA LA, YANG BZANG NGAN GYI YUL LNGA CI BYUNG YANG ME LONG DVANGS BA LA GZUGS BRNYAN LTAR GSAL HRIG GE BAR CI YANG 'CHAR BA, 'DI YIN 'DI MIN GYI NGOS GZUNG DANG BRAL BA'I NYAMS 'CHAR, 'DI 'DRA BA'I TING NGE 'DZIN JI LTAR BRTAN YANG LUS SEMS SHIN SBYANGS KYI BDE BAS MA ZIN NA 'DOD SEMS RTZE GCIG PA DANG, DES ZIN PA'I TING NGE 'DZIN ZHI GNAS SU GSUNGS SHING, MNGON SHES RDZU 'PHRUL SOGS YON TAN MANG PO'I 'BYUNG KHUNGS YIN PA DANG, KHYAD PAR THEG PA GSUM GA'I 'PHAGS LAM RNAMS KYANG 'DI LA BRTEN NAS 'THOB PA YIN NO, ,'O NA LAM 'DI NYID RANG GI NGO BO'I SGO NAS CI 'DRAR NGO SPROD CE NA SMRAS PA, DE LTAR SEMS KYI CHOS NYID NI, ,MNGON SUM LHAG GIS MTHONG MOD KYANG, ,'DI ZHES GZUNG ZHING BSTAN DU MED, ,GANG SHAR 'DZIN MED LHUG PAR 'JOG ,'DI NI SANGS RGYAS SBAR BCANGS SU, ,GTOD PA'I GDAMS NGAG YIN NO ZHES, DENG SANG GANGS RI'I SGOM CHEN PA, ,PHAL CHER DGONGS PA GCIG GIS SGROGS,
DE LTA MOD KYI TSUL 'DI NI, ,DANG PO'I LAS CAN SEMS GNAS PA, ,SGRUB PA'I RMAD BYUNG THABS MKHAS DANG, ,SEMS KYI KUN RDZOB NGO SPROD TSUL, ,YIN ZHES CHOS KYI RGYAL MTSAN SMRA, ,ZHES DE SKAD DU BRJOD DO, ,DA NI BYE BRAG TU SEMS KYI CHOS NYID LA NGO SPROD JI LTAR BYED TSUL STON PAR DAM BCA' BA, ,DA NI SEMS KYI CHOS NYID LA, ,NGO SPROD JI LTAR BYA BA'I TSUL, ,SANGS RGYAS RNAMS KYI YE SHES KUN, ,NGUR SMRIG 'DZIN PA'I TSUL BZUNG NAS, ,BDAG BLO RMONGS PA'I MUN SEL BA'I, ,RTZA BA'I BLA MA'I ZHAL GDAMS DGOD, ,CES PA STE, GZHAN RTOGS SLA ZHING DAM 'CHA' TSUL MI 'DRA BAS SNGON MA RNAMS DANG ZLOS PA'I SKYON MED DO, ,DES NA 'DI LA NGO SPROD TSUL GYI DBYE BA SPYIR BSTAN PA DANG, DE DAG GI SNYING PO DRIL NAS BSTAN PA'O, ,DANG PO NI, STON PAS SEMS RTOGS NA SANGS RGYAS YIN PAS, SANGS RGYAS GZHAN DU MI BTZAL CES PA DANG, SA RA HAS KYANG, SEMS NYID GCIG PU KUN GYI SA BON TE, ,GANG LA SRID DANG MYA NGAN 'DAS 'PHRO PA, ,'DOD PA'I 'BRAS BU THAMS CAD STER BYED PA, ,YID BZHIN NOR 'DRA'I SEMS LA PHYAG 'TSAL LO, ,ZHES PA DANG, GLING RAS KYIS KYANG RANG GI SEMS NYID RTOGS NA SANGS RGYAS YIN, SGRO 'DOGS NANG NAS CHOD NA YONGS KYANG YIN, ,ZHES BSHAD PA LTAR, RANG GI SEMS KYI CHOS NYID JI BZHIN DU RTOGS PA DANG, MA RTOGS PA LAS 'KHOR 'DAS GNYIS SU 'GYUR BA'I KHE NYEN SHIN TU CHE BAR MDO RGYUD DAM PA
, ,THAMS CAD DGONGS PA MI THUN LA, SEMS KYI GZHI RTZA BCAD NAS BSGOM TSUL, KHA CIG NI MNYAM GZHAG GI NGANG NAS RANG GI SEMS PHYI DANG NANG DANG SKYE BA DANG GNAS PA DANG 'GAG PA GANG DU GRUB DPYAD PA NA, GANG DU YANG MA GRUB PAR MTHONG BA'I TSE, SEMS KYI GZHI RTZA CHAD PA DANG, SEMS NGO 'PHROD PA DANG, PHYAG CHEN GYI DON THOB PA YIN TE, DO HA LAS, SEMS DANG SNANG BA THAMS CAD NI, ,BTZAL NA MI RNYED 'TSOL MKHAN GANG NA'ANG MED, MED PA DUS GSUM MA SKYES MA 'GAGS PAS, ,DE NYID GZHAN DU 'GYUR BA MED PA NI, ,RANG BZHIN BDE BA CHEN PO'I GNAS LUGS YIN, ,DE PHYIR SNANG BA THAMS CAD CHOS KYI SKU, ,ZHES PA'I DON DU 'DOD, YANG 'GA' ZHIG NI SEMS BTZAL BAS RANG GI LUS 'DI'I SPYI BO NAS RKANG MTHIL GYI BAR GYI CHA SHAS GANG DU YANG MA GRUB PA DANG, KHA DOG DANG DBYIBS SOGS GZUGS CAN GANG DU YANG MA GRUB PAR MTHONG BA DE SEMS KYI CHOS NYID MTHONG BA SOGS YIN TE, ZHANG RIN PO CHES, KUN GYI SA BON RANG SEMS GNAS LUGS NI, ,RGYAL BA SRAS BCAS KUN GYI THUGS DANG NI, ,YE NAS KHYAD MED YE SHES CHOS SKUR SNANG, ,BEM PO MA YIN RANG GI NGANG GIS GSAL, , DNGOS POR MA GRUB KHA DOG TSAD KYIS STOD, ,ZHES GSUNGS PAS SO SNYAM DU DGONGS, YANG LA LA NI, SNGAR 'DAS KYI SHES PA'I RJES MI GCOD, MA 'ONGS PA'I SHES PA'I SDUN MI BSU, DA LTAR GYI SHES PA SOM MA BCOS PA DE'I
NGANG DU LHAN NE BZHAG PAS SEMS KYI NGO BO RJEN CHER GYI MNGON SUM DU MTHONG LA, DE'I TSE SEMS KYI RTZA BA CHOD CING SEMS NGO 'PHROD PA YIN TE, SA RA HAS, SO MA MA BCOS LHUG PAR BZHAG ,CES SOGS DANG, GRUB CHEN GLING GIS MA BCOS SO MAR BZHAG NA RTOGS PA 'CHAR, ,CHU BO'I RGYUN BZHIN BSKYANGS NA YONGS KYANG 'CHAR, ,DMIGS GTAD MTSAN MA THAMS CAD YONGS SPONGS LA, ,RTAG TU MNYAM PAR ZHOG CIG RNAL 'BYOR PA, ,ZHES GSUNGS PA LTAR RO GSUNG GZHAN DAG NI, SEMS LA GZUGS SGRA SOGS YUL GANG DANG GANG GI RNAM PA SHAR BA DANG, DGE MI DGE SOGS BZANG NGAN GYI RNAM RTOG CI SHAR KYANG, DGAG BSGRUB CUNG ZAD KYANG MI BYED PAR, DE KHA'I NGO BO LA GCER GYIS BLTAS PAS RANG YAL DU 'GRO, DE RJES GANG DU'ANG NGOS GZUNG MED PA'I STONG SANG HANG NGE BA DE LA 'JOG CING, DE LTAR MTHONG BA CHOS NYID RTOGS PA DANG SEMS NGO 'PHROD PA YIN TE, GANGG'A MA LAS, BLO 'DAS BYAR MED DON DE RTOGS 'DOD NA, ,RANG SEMS RTZAD CHOD RIG PA GCER BUR ZHOG ,RTOG PA DRI MA'I CHU DE DVANGS SU CHUG ,SNANG BA DGAG BSGRUB MI BYA RANG SOR ZHOG ,SPONG LEN MED NA PHYAG RGYA CHEN PO YIN, ,ZHES 'BYUNG BA LTAR RO ZHES BZHED, YANG MANG PO ZHIG NI, RNAM RTOG GI RIS CI SKYES KYANG RANG YAL DU MI GTONG BAR THOG RDZIS BYAS, DE KHA'I STENG DU JE RGYAS SU BTANG BAS RANG GROL DU 'GRO BAS, SHAR GROL DUS MNYAM PA STE, RNAM RTOG JI TZAM MANG PO TZAM GYIS CHOS SKU GRANGS MANG BA
, ,YIN TE, BLA MA ZHANG GIS, DE LTAR BZHAG PA'I NGANG NYID NAS, ,RNAM RTOG THOL GYIS BYUNG GYUR NA, ,DE NYID 'OD GSAL CHOS SKU LAS, ,GZHAN ZHIG SNYAM DU MA SEMS SHIG ,DE PHYIR RNAM RTOG 'PHRO BA DE, ,STONG NYID LAS NI STONG NYID 'PHRO, ,CHOS SKU LAS NI CHOS SKU 'PHRO, ,ZUNG 'JUG LAS NI ZUNG 'JUG 'PHRO, ,ZHES PA'I DON DU 'DOMS SO, ,GNYIS PA NI, 'PHAGS PA YUL 'KHOR SKYONG GIS ZHUS PA LAS, STONG PA ZHI BA SKYE BA MED PA'I TSUL, ,MI SHES PAS NI 'GRO BA 'KHYAMS GYUR PA, ,DE DAG THUGS RJE MNGA' BAS THABS TSUL DANG, ,RIGS PA BRGYA DAG GIS NI 'JUG PAR MDZAD, ,CES ZAB MO STONG PA NYID BDAG MED PA'I TSUL MA SHES PAS, 'GRO BA RNAMS 'KHOR BAR 'KHYAMS PA YIN LA, DE DAG 'KHOR BAR 'KHYAMS PA LA THUGS RJE CHEN PO MNGA' BA'I STON PAS 'KHOR BA LAS BSGRAL BA'I PHYIR DU, BDAG MED RTOGS PA'I THABS TSUL DANG, BDAG MED GTAN LA 'BEBS PA'I RIGS PA BRGYA PHRAG DAG GIS DNGOS DANG BRGYUD PAS BDAG MED RTOGS PA'I LAM LA 'DZUD PAR MDZAD CES GSUNGS SO, ,DE BZHIN DU MGON PO ZHI BA LHAS KYANG, YAN LAG 'DI DAG THAMS CAD NI, ,THUB PAS SHES RAB DON DU GSUNGS, ZHES DANG, JO BO RJES KYANG, CHOS KYI PHUNG PO BRGYAD KHRI DANG, ,BZHI STONG GSUNGS PA THAMS CAD KYANG, ,CHOS NYID 'DI LA GZHOL CING 'BAB, ,CES RGYAL BAS CHOS PHUNG BRGYAD KHRI BZHI STONG GSUNGS PA THAMS CAD
KYANG MTHAR GDUL BYAS CHOS NYID DAM BDAG MED MNGON SUM DU RTOGS PA MTHAR PHYIN PA'I THABS SU 'BAB PAR GSUNGS PA YIN NO, ,DE YANG BDAG MED MNGON SUM DU RTOGS PA LA SNGON DU BDAG MED THOS BSAM GYIS GTAN LA PHAB NAS BSGOM DGOS SHING, SGOM PA YANG ZHI GNAS TZAM GYIS MU STEGS CAN 'GA' ZHIG LTAR NYON MONGS SPONG MI NUS TE, TING NGE 'DZIN RGYAL PO LAS, 'JIG RTEN PA DAG TING 'DZIN SGOM BYED KYANG, ,DES NI BDAG TU 'DU SHES 'JIG MI 'GYUR, ,DES NI NYON MONGS PHYIR ZHING RAB 'KHRUG STE, ,LHAG SPYOD KYIS NI TING 'DZIN BSGOMS PA BZHIN, ,ZHES GSUNGS, 'O NA THAR PA DNGOS SU THOB BYED KYI TING NGE 'DZIN DE CI ZHE NA, GAL TE CHOS LA BDAG MED SO SOR RTOG ,SO SOR DE BRTAGS GANG ZHIG SGOM BYED PA, ,DES NI MYA NGAN 'DAS 'THOB 'BRAS BU'I RGYU, ,RGYU GZHAN GANG YIN DES NI ZHI MI 'GYUR, ,ZHES BDAG MED PA'I CHOS LA SO SOR BRTAGS TE, BRTAGS DON BSGOMS PAS 'BRAS BU MYANG 'DAS 'THOB PAR GSUNGS SO, ,DE LTA BU'I BDAG MED PA LA YANG NGO BO'I SGO NAS PHRA RAGS MED KYANG CHOS DANG GANG ZAG GI DBYE BAS GNYIS SU 'GYUR TE, DPAL LDAN ZLA BAS, BDAG MED 'DI NI 'GRO BA RNAM SGROL PHYIR, ,CHOS DANG GANG ZAG DBYE BAS RNAM GNYIS GSUNGS, ,ZHES GSUNGS PA BZHIN NO, ,GNYIS PO DE YANG GSUNG RAB DGONGS 'GREL DANG BCAS PA LAS, THOG MAR CHOS KYI BDAG MED GTAN LA PHAB
, ,KYANG, SGOM PA'I TSE THOG MAR GANG ZAG GI BDAG MED SGOM DGOS TE, TING NGE 'DZIN RGYAL PO LAS, JI LTAR KHYOD KYIS BDAG GI 'DU SHES NI, ,SHES PA DE BZHIN KUN LA BLOS SBYAR BYA, ,CHOS RNAMS THAMS CAD DE YI NGO BO NYID, ,YONGS SU DAG PA NAM MKHA' LTA BU YIN, ,GCIG GIS KYANG NI THAMS CAD SHES, ,GCIG GIS KYANG NI THAMS CAD MTHONG, ,ZHES GSUNGS PA'I PHYIR RO, ,DES NA GANG ZAG GI BDAG MED SGOM PA LA, SNGON DU 'GOG RGYU'I DGAG BYA NGOS 'DZIN DGOS TE, SPYOD 'JUG LAS, BRTAGS PA'I DNGOS LA MA REG PAR, ,DE YI DNGOS MED 'DZIN MA YIN, ,ZHES GSUNGS PA LTAR, DGAG BYA NGOS MA ZIN NA 'BEM MA MTHONG BAR MDA' RGYAG PA DANG, DGRA NGOS MA ZIN PAR DMAG 'DREN PA DANG 'DRA BAS SO, ,DGAG BYA NGOS 'DZIN KYANG HA CANG KHYAB CHES NA NI CHAD MTHAR LTUNG ZHING, HA CANG KHYAB CHUNG NA NI, DGAG BYA PHRA MO MI KHEGS PAS RTAG MTHAR LTUNG BAS NYEN YANG SHIN TU CHE STE, RTZA SHE LAS, STONG PA NYID LA BLTA NYES NA, ,SHES RAB CHUNG RNAMS PHUNG BAR 'GYUR, ,JI LTAR SBRUL LA BZUNG NYES DANG, ,RIG SNGAGS NYIS PAR BSGRUB PA BZHIN, ,DE PHYIR ZHAN PAS CHOS 'DI YI, ,GTING RTOGS DKA' BAR MKHYEN GYUR NAS, ,THUB PA'I THUGS NI CHOS BSTAN LAS, ,RAB TU LOG PAR GYUR PA YIN, ,CES GSUNGS SO, ,DE YANG BRGYAD STONG PAR NGA DANG NGA YIR 'DZIN PAS SEMS CAN THAMS CAD 'KHOR BA NA 'KHOR BAR GSUNGS
PA BZHIN, NYES PA THAMS CAD KYI RTZA BA MTHAR THUG PA BDAG 'DZIN LHAN SKYES SAM, NGAR 'DZIN LHAN SKYES YIN LA, SPYIR NGA'O SNYAM DU 'DZIN PA'I BLO LA, NGA BDEN GRUB KYIS KHYAD PAR DU BYAS PA DANG, NGA BDEN MED DAM MING TZAM, RTOG PAS BTAGS TZAM DU BYAS PA DANG, DE GNYIS GANG GIS KYANG KHYAD PAR DU MA BYAS PAR NGA'O SNYAM DU 'DZIN PA'I TSUL GSUM LAS, PHYI MA NI NGA TZAM ZHIG 'JOG PA'I THA SNYAD PA'I TSAD MA DANG, BAR PA NI DBU MA'I LTA BA LA NGES PA RNYED PA YAN CHAD KHO NA'I RGYUD LA 'BYUNG GI GZHAN LA MI 'BYUNG ZHING, DANG PO DE GANG ZAG GI BDAG 'DZIN YIN NO, ,GANG ZAG GZHAN DMIGS YUL DU BYAS NAS BDEN PAR 'DZIN PA NI GANG ZAG GI BDAG 'DZIN YIN KYANG NGAR 'DZIN LHAN SKYES MA YIN LA, NGAR 'DZIN LHAN SKYES SAM, 'JIG LTA NI, DMIGS PA RANG RGYUD KYI NGA LA DMIGS NAS RNAM PA RANG BZHIN GYIS GRUB PAR 'DZIN PA'I SHES RAB NYON MONGS CAN NO, ,DE NI RANG RGYU CHOS KYI BDAG 'DZIN PHRA MO ZHIG GIS BSKYED PA YIN TE, MGON PO KLU SGRUB KYIS, JI SRID PHUNG POR 'DZIN YOD PA, ,DE SRID DE LA NGAR 'DZIN YOD, ,NGAR 'DZIN YOD NA YANG LAS TE, ,LAS LAS KYANG NI SKYE BA YIN, ,ZHES GSUNGS PA LTAR RO, ,DE NYID 'KHOR BA'I RTZA BA YIN PAS DE'I 'DZIN STANGS KYI YUL LAM ZHEN YUL DE SUN MA PHYUNGS PAR BDAG 'DZIN SPONG MI NUS TE, RIG PA'I DBANG PHYUG GIS, 'DI YUL SUN DBYUNG MED PAR NI, ,DE SPONG BAR NI NUS MA YIN,,
, ,ZHES GSUNGS PA'I PHYIR, SKYES BU BDEN PAR 'DZIN PA'AM, NGA BDEN PAR 'DZIN PA'AM, GANG ZAG BDEN PAR 'DZIN PA DE YI ZHEN YUL NI, SKYES BU BDEN PAR GRUB PA DANG, NGA BDEN PAR GRUB PA DANG, GANG ZAG BDEN PAR GRUB PA SOGS YIN PAS SUN DBYUNG DGOS LA, DE DAG SUN 'BYIN PA NI, DE DAG BDEN MED DU BLTA BA NYID YIN TE, GANG ZAG BDEN MED DU NGES NAS GOMS PAR BYAS PAS, GANG ZAG BDEN PAR 'DZIN PA BZLOG PAR 'GYUR BA'I PHYIR RO, ,RGYU MTSAN DE DAG GIS NA SNGON DU DGAG BYA'I SNANG TSUL DANG, 'DZIN TSUL MAN NGAG MYONG 'KHRID DU BSTAN PA'I PHYIR BSHAD PA, SNGAR GYI MNYAM GZHAG NGANG NYID NAS, ,MA GA-YOS DVANGS PA'I CHU NANG DU, ,JI LTAR NYE'U CHUNG 'KHYUG PA LTAR, ,PHRA MO'I SHES PAS SGOM PA PO'I, ,SKYES BU'I RANG BZHIN MDZANGS PAR BRTAG ,CES PA'O, ,'DI LTAR SNGAR GYI ZHI GNAS KYI TING NGE 'DZIN LA RTZE GCIG TU MNYAM PAR GZHAG PA'I MNYAM GZHAG GI NGANG NAS CUNG ZAD KYANG MA GA-YOS PAR DPER NA DVANGS PA'I CHUS GANG BA'I MTSO NANG DU CHU MI GA-YO BAR NYE'U CHUNG KHYUG KHYUG 'KHYUG PA LTAR, MNYAM GZHAG GI NGANG NAS PHRA MO'I SHES PA ZHIG GIS TING NGE 'DZIN SGOM PA PO'I SKYES BU'AM, NGA'AM BDAG NYID KYI RANG BZHIN TE GNAS TSUL DANG, BLO LA SNANG TSUL DANG, 'DZIN TSUL JI LTAR 'DUG PHRA ZHING MDZANGS PA STE SO SOR 'BYED PA DANG ZHIB PA'I
BLOS BRTAG PAR BYA'O, ,DE LTAR BRTAGS PA NA, GNAS TSUL NI, SKYES BU DANG, NGA DANG, GANG ZAG LA SOGS PA CHOS THAMS CAD MING TZAM DANG, RTOG PAS BTAGS PA TZAM DANG, THAG KHRA LA SBRUL LAM, MTHO YOR DANG, SHING PHUNG LA MIR BTAGS PA TZAM STE, MDO LAS, DRI ZA'I GRONG KHYER JI LTAR SNANG GYUR KYANG, ,GRONG KHYER DE NI PHYOGS BCU KUN NA MED, ,GZHAN DU GRONG KHYER DE NI MING TZAM STE, ,DE BZHIN BDE BAR GSHEGS PAS 'GRO 'DI GZIGS, ZHES DE BZHIN GSHEGS PAS JI LTAR GZIGS PA LTAR RO, ,DES NA RANG CAG RNAMS KYANG MA 'KHRUL NA, CHOS THAMS CAD MING RKYANG BTAGS YOD TZAM DU SNANG DGOS PA LAS, DE LTAR MI SNANG BAR MA RIG PA'I GDON GYIS BRLAMS PAS, GNAS TSUL DE LOG PAR SNANG ZHING ZHEN PAS LAS BSAGS, LAS DE'I DBANG GIS 'KHOR BAR 'KHYAMS NAS SDUG BSNGAL SNA TSOGS MYANG BA YIN PAS NA, DA SNYING PO RJEN CHER GYIS BSTAN NA, DE LTA BU'I SNANG TSUL DANG ZHEN TSUL LA DGAG BYA'I SNANG TSUL ZHES PA'AM BDEN GRUB TU SNANG TSUL DANG BDEN GRUB TU 'DZIN TSUL LAM ZHEN TSUL DU 'DOD PA YIN NO, ,DES NA RANG CAG SO SKYE LA DA LTA'I SNANG BA 'CHAR TSUL 'DI LAS GZHAN PA'I RTAGS KYI DGAG BYA'I SNANG TSUL GZHAN MED DE, SO SKYE'I RGYUD KYI SHES PA THAMS CAD MA RIG PAS BSLAD PA'I DBANG GIS YUL CI SNANG YANG BDEN PAR SNANG BA'I PHYIR, DE BAS NA, 'DI LTAR GANG ZAG DANG CHOS BTAGS YOD TZAM DU NGES PA
, ,LA BRTEN NAS, 'KHOR BA'I RTZA BA NGAR 'DZIN LHAN SKYES KYI NGA'I 'DZIN TSUL JI BZHIN DU NGES 'ONG STE, DE LTAR RTOGS PA LA BRTEN NAS DGAG BYA PHRA MO'I 'DZIN TSUL MA LUS PAR NGES NUS PA'I PHYIR TE, RJE THAMS CAD MKHYEN PAS KYANG, CHOS THAMS CAD BTAGS YOD DU BSTAN PA DANG, DE LAS ZLOG PA'I DGAG BYA NGOS 'DZIN TSUL LO, ,ZHES MANG DU GSUNGS SO, ,TSUL 'DI DAG LA NI MKHAS PA'I DBANG POR GRAGS PA 'GRO BA MANG PO'I 'DREN PAR RLOM PA 'GA'I YI GE LA'ANG NGES PA MA MCHIS MOD, 'ON KYANG SGRUB PA SNYING POR MDZAD PA'I DAM PA RNAMS KHO NA THUGS RGYUS CHE BA 'DUG STE, MKHAS GRUB NOR BZANG RGYA MTSOS, 'ON KYANG BLO BZANG NYIN BYED DBANG PO YI, ,RJES 'BRANG MKHAS RLOM RGYU SKAR DU MA'I TSOGS, ,RANG MTSAN RANG BZHIN GRUB DANG BDEN DNGOS ZHES, ,THA SNYAD TSIG GIS BCINGS PA'I DGAG BYA DAG ,RANG BLOS BZHAG PA RIG PAS BKAG PA'I DON, ,MTHA' BRAL DBU MA CHEN POR 'DOD PA MTHONG, ,RMI LAM GZUGS DANG SGYU MA'I RTA GLANG GANG, ,RANG SNANG BLO LA SNANG TZAM MA GTOGS PAR, ,DE LAS LOGS SU CUNG ZAD YOD MIN LTAR, ,SRID PA'I RTZE MO NAS BZUNG DMYAL BA'I BAR, ,SEMS CAN JI SNYED RANG RANG SO SO YI, ,RTOG PAS BTAGS PA TZAM ZHIG MA GTOGS PA, ,YOD PA'I DGAG BYA PHRA MO MA KHEGS NA, ,JI TZAM DPYAD KYANG NYI TSE'I LTA BA LAS, ,CUNG ZAD 'PHAGS PA MED PAR BDAG GIS KHUMS, ,ZHES
GSUNGS PA LTAR RO, ,DE LTAR BRTAGS PA NA, SKYES BU'AM, GANG ZAG GAM, NGA'O SNYAM PA'I BLO LA SNANG BA LTAR GYI SKYES BU SOGS YOD NA BDEN PAR YOD PA LAS 'OS MED YIN NA'ANG, DE LTAR SNANG BA LTAR GYI SKYES BU YOD PA MA YIN TE, SKYES BU'I LUS SEMS GNYIS RE RE BA YANG SKYES BU MA YIN, LUS SEMS GNYIS TSOGS PA YANG SKYES BU MA YIN, KHAMS DRUG RE RE BA YANG SKYES BU MA YIN, KHAMS DRUG TSOGS PA TZAM YANG SKYES BU MA YIN, KHAMS DRUG LAS GZHAN DU YANG SKYES BU YOD PA MA YIN ZHES STON PA LA, SKYOB PA BLA NA MED PA MGON PO KLU SGRUB NYID KYIS, SKYES BU SA MIN CHU MA YIN, ,ME MIN RANG MIN NAM MKHA' MIN, ,RNAM SHES MA YIN KUN MIN NA, ,DE LAS GZHAN NA SKYES BU GANG, ,ZHES GSUNGS SHING, DE DANG MTHUN PAR SPYOD 'JUG LAS KYANG, SO DANG SKRA SEN BDAG MA YIN, ,BDAG NI RUS PA KHRAG MA YIN, ,SNABS MIN BAD KAN MA YIN LA, ,CHU SER DANG NI RNAG KYANG MIN, ,BDAG NI ZHAG DANG RDUL MIN TE, ,GLO MCHIN DAG KYANG BDAG MA YIN, ,NANG KHROL DAG KYANG BDAG MIN TE, ,BDAG NI PHYI SA GCEN MA YIN, ,DROD DANG RLUNG YANG BDAG MA YIN, ,BU GA MA YIN RNAM KUN TU, ,RNAM SHES DRUG KYANG BDAG MA YIN, ,ZHES SKYES BU'AM, BDAG GAM, NGA DE RANG GI LUS KYI SA'I KHAMS RUS PA SOGS SRA BA'I CHA YANG NGA MIN, CHU'I KHAMS KHRAG SOGS GSHED PA'I CHA YANG BDAG MA YIN, SPYI BO NAS RKANG MTHIL GYI BAR GYI ME KHAMS DROD
, ,KYI CHA YANG BDAG MA YIN, LUS KYI RLUNG KHAMS RTZA NANG NAS RGYU BA'I YANG ZHING GA-YO BA YANG SKYES BU MA YIN, LUS KYI KHONG STONG SOGS BU GA RNAMS KYANG SKYES BU MA YIN, MIG GI RNAM PAR SHES PA LA SOGS PA'I RNAM SHES THAMS CAD KYANG BDAG MA YIN CING BDAG KYANG DE DAG MA YIN, DE DAG TSOGS PA YANG NGA MA YIN, NGA YANG DE DAG TSOGS PA MA YIN, DE RNAMS LAS GZHAN NA YANG, SGOM PA PO'I SKYES BU'O SNYAM DU 'DZIN PA'I BLO LA SNANG BA LTAR GYI SKYES BU MED PA'I PHYIR, MDO LAS KYANG, GZUGS BDAG MA YIN, TSOR BA BDAG MA YIN, 'DU SHES BDAG MA YIN, 'DU BYED BDAG MA YIN, RNAM PAR SHES PA BDAG MA YIN, ZHES GSUNGS PA'I PHYIR, DE LTA NA SGOM PA PO'I SKYES BU'I PHUNG PO LNGA DANG, KHAMS DRUG RE RE BA DANG, TSOGS PA DANG, TSOGS PA'I DBYIBS SOGS GANG YANG, SGOM PA PO'I SKYES BU MA YIN TE, GAL TE YIN NA, GDAGS GZHI BTAGS CHOS, BLANG BYA LEN PA PO, YAN LAG YAN LAG CAN RNAMS GCIG TU 'GYUR ZHING, GAL TE PHUNG PO BDAG NA DE PHYIR DE, MANG BAS BDAG DE DAG KYANG MANG POR 'GYUR, ZHES SOGS KYI SKYON DU'ANG 'GYUR RO, ,KHYAD PAR RNAM PAR SHES PA SKYES BU YIN NA, SKYES BU NA BA DANG, SMRAS PA DANG, MTHONG BA DANG, BU BSKYED PA SOGS MI 'THAD CING, SKYES BU GCIG KYANG RNAM SHES DRUG LTAR SKYES BU DRUG TU 'GYUR BA DANG, YANG NA SKYES BU GCIG LTAR RNAM SHES DRUG
CHA MED GCIG TU 'GYUR RO, ,DE DAG TSOGS PA'I DBYIBS SKYES BU YIN NA, GZUGS CAN DU 'GYUR PAS GZUGS MED KHAMS NA SKYES BU MED PAR 'GYUR RO, ,PHUNG PO LNGA LAS GZHAN DU'ANG SKYES BU MED DE, RANG BZHIN GYIS GRUB PA'I 'BREL MED GZHAN YIN PAS PHUNG PO 'DUS BYAS SU MTSON PA'I MTSAN NYID DANG MI LDAN PAR 'GYUR TE, GAL TE PHUNG PO LAS GZHAN NA, ,PHUNG PO'I MTSAN NYID MED PAR 'GYUR, ZHES GSUNGS SHING, GLANG PO'I RTZAL GYI MDO LAS KYANG, GAL TE CHOS RNAMS RANG BZHIN YOD GYUR NA, ,RGYAL BA NYAN THOS BCAS PAS DE MKHYEN 'GYUR, ,THAR ZUG CHOS RNAMS MYA NGAN 'DAS MI 'GYUR, ,MKHAS RNAMS NAM YANG SPROS DANG BRAL MI 'GYUR, ,ZHES GSUNGS PA'I NYES PAR YANG 'GYUR RO, ,DE LTAR MNYAM GZHAG GI NGANG NAS, SHES PA PHRA MO ZHIG GIS DPYAD PAS, NGED RANG LA JI LTAR SNANG BA'I MNYAM PAR 'JOG MKHAN GYI SKYES BU'AM, BDAG GAM, GANG ZAG GAM, NGA RDUL TZAM YANG MED PAR STONG CHAM GYIS 'GRO LA, DE LTA BU'I STONG SANG DE'I DON SPYI BLO LA GSAL BAR BYAS NAS, GZHAN MA SPROS PA GANG YANG YID LA MI BYED PA RTZE GCIG TU MNYAM PAR GZHAG ,MED DGAG STONG SANG DE'I 'DZIN STANGS CUNG ZAD ZHAN DU SONG NA MNYAM GZHAG GI NGANG NAS SNGAR LTAR DPYAD LA RTZE GCIG TU SGOM PA NI MNYAM GZHAG NAM MKHA' LTA BU'I SKYONG TSUL YIN NO, ,THOG MAR DE LTAR NGES PA NA, SNGAR LTA BA
, ,LA GOMS PA MED NA, 'JIGS PA SKYE ZHING, GOMS PA YOD NA YID LA DGA' BA SKYE BAR GSUNGS SO, ,RJES THOB KYI RNAM GZHAG STON PA NI, SKYES PA KHAMS DRUG 'DUS PA'I PHYIR, ,YANG DAG MA YIN, ZHES GSUNGS MNYAM GZHAG DE LAS LANGS NAS BRTAGS PA NA, BDAG NYID KYI SHES PA MA RIG PA'I GDON GYIS BZUNG BA'I DBANG GIS PHYIN CI LOG TU SNANG BA'I SKYES BU NI MED MOD, 'ON KYANG SKYES BU'AM, GANG ZAG GAm, NGA TZAM ZHIG NI NGES PAR YOD LA, YOD TSUL YANG MTHO YOR LA MI DANG, THAG KHRA LA SBRUL DU GTAGS PA LTAR, SKYES BU ZHES, RANG GI KHAMS DRUG GAM PHUNG PO LNGA TSOGS TZAM LA BTAGS PA'I MING TZAM, BRDA' TZAM RTOG PAS BTAGS TZAM DANG, YANG DAG PA MA YIN PA SGYU MA LTA BU'I STONG PA RTEN 'BREL DU SHAR BA TZAM LA NGES SHES BSKYED NAS BSGOM ZHING, MDO SDE ZAB MO'I DBYANGS KYIS KYANG DRAN PAR BYA STE, TING NGE 'DZIN RGYAL PO LAS, SGYU MA BYED PA DAG GIS GZUGS SPRUL TE, ,RTA DANG GLANG PO SHING RTA SNA TSOGS BYAS, ,DE LA JI LTAR SNANG BA GANG YANG MED, ,CHOS RNAMS THAMS CAD DE BZHIN SHES PAR GYIS, ,JI LTAR BU MO GZHON NU'I RMI LAM NA, ,BU PHO BYUNG ZHING SHI BA NGES MTHONG NAS, ,BYUNG NAS DGA' ZHING SHI NAS MA DGA' LTAR, ,CHOS RNAMS THAMS CAD DE BZHIN SHES PAR GYIS, ,JI LTAR MTSAN MO CHU YI ZLA BA DAG ,DVANGS SHING RNYOG PA MED PA'I CHU NANG SNANG,,
CHU ZLA STONG PA GSOG STE GZUNG DU MED, ,CHOS RNAMS THAMS CAD DE BZHIN SHES PAR GYIS, ,JI LTAR SOS KA'I NYI MA PHYED DUS NA, ,SKYES BU SGOM PAS GDUNGS SHING 'GRO BA YIS, ,SMIG RGYU DAG LA CHU YI PHUNG POR MTHONG, ,CHOS RNAMS THAMS CAD DE BZHIN SHES PAR GYIS, ,SMIG RGYU LA YANG CHU NI YOD MA YIN, ,SEMS CAN RMONGS PA DE LA 'THUNG 'DOD DE, ,MI BDEN CHU NI BTUNG BAR YONG MI NUS, ,CHOS RNAMS THAMS CAD DE BZHIN SHES PAR GYIS, ,JI LTAR CHU SHING RLON PA'I SDONG PO LA, ,SNYING PO 'DOD PHYIR SKYES BUS DE GSHAGS KYANG, ,NANG DANG PHYI ROL KUN NA SNYING PO MED, ,CHOS RNAMS THAMS CAD DE BZHIN SHES PAR GYIS, ,ZHES SO, ,DE LTAR RANG RGYUD KYIS BSDUS PA'I GANG ZAG GI BDAG MED LA GOMS PA NYAMS 'OG TU CHUD PA NA, SDUD PA LAS, BDAG CI 'DRA BA DE 'DRAR SEMS CAN THAMS CAD SHES, ,SEMS CAN THAMS CAD CI 'DRA DE 'DRAR CHOS KUN SHES, ,ZHES GZHAN GANG ZAG DANG CHOS KYI BDAG MED SGOM TSUL BSTAN PA'I PHYIR, JI LTA BAR, DE BZHIN KHAMS NI RE RE YANG, ,'DUS PHYIR YANG DAG NYID DU MIN, ,GSUNGS PA JI BZHIN BTZAL BA NA, ,MNYAM GZHAG MNYAM PAR 'JOG MKHAN SOGS, ,RDUL PHRAN TZAM YANG MA RNYED PA, ,DE TSE GA-YENG MED RTZE GCIG TU, ,NAM MKHA' LTA BU'I MNYAM GZHAG SKYONG, ,ZHES BSHAD DO, ,DE YANG SKYE 'PHAGS THAMS CAD DANG, PHYI NANG GI SA'I KHAMS DANG, DE BZHIN DU CHU DANG, ME DANG, RLUNG DANG, RNAM PAR SHES
, ,PA'I KHAMS NI RE RE BA DANG, YANG 'DUS PA SOGS 'KHOR 'DAS KYI CHOS THAMS CAD, RANG CAG RNAMS KYI BLO LA SNANG BA DE NGES PAR BYAS NAS, SNGAR SKYES BU'I SNANG TSUL DANG 'DZIN TSUL BRTAGS NAS MNYAM PAR 'JOG PA JI LTA BAR, GTAN LA PHAB STE, BDEN PAR GRUB PA RDUL TZAM YANG MA RNYED PA DE'I TSE, MA RNYED PA NI RNYED PA'I MCHOG DANG, MA MTHONG BA MTHONG BA DAM PAR GSUNGS PA BZHIN SEMS KYI DON DAM PA'I NGO BO MTHONG BAS SEMS NGO 'PHROD PA YIN PAS DE KHA'I NGANG LA GA-YENG BA MED PAR RTZE GCIG TU, BDEN GRUB BKAG TZAM CHOS NYID NAM MKHA' LTA BU'I MNYAM GZHAG SKYONG NGO, ,YANG NA BDAG TU 'DOGS PA'I GZHI PHRA BA RLUNG SEMS SHIN TU PHRA BAR GSUNGS SHING, GDAMS NGAG PA RNAMS KYANG SEMS KYI GNAS LUGS GTAN LA 'BEBS PA LA SEMS NGO SPROD PAR BZHED PA LTAR SMRAS PA, YANG NA MNYAM PAR BZHAG PA'I NGANG,, GZUGS SU MA GRUB STONG SANG NGE, ,SGRIB MED SNA TSOGS 'CHAR ZHING 'PHRO, ,'GAG MED GSAL ZHING RIG PA'I RGYUN, ,CHAD PA MED PAR 'JUG PA'I SEMS, ,LTOS MED SNANG ZHING 'DZIN PA YI, ,ZHEN YUL MGON PO ZHI BA LHAS, ,RGYUN DANG TSOGS ZHES BYA BA NI, ,'PHRENG BA DMAG SOGS BZHIN DU BRDZUN, ,ZHES GSUNGS LUNG DANG RIGS PA YIS, ,SNANG TSUL LTAR DU MA GRUB PA'I, ,NGANG DU RTZE GCIG MNYAM PAR GZHOG ,CES SO, ,YANG NA
ZLA BA'I ZHABS KYIS, SEMS NYID KYIS NI SEMS CAN 'JIG RTEN DANG, ,SNOD KYI 'JIG RTEN SHIN TU SNA TSOGS 'GOD, ,CES SEMS SNOD BCUD THAMS CAD KYI RTZA BAR BSTAN PAS, SEMS KYI GZHI RTZA CHOD NA 'PHRUL GZHAN DANG MI 'DRA BAS 'DI LTAR BYA STE, SNGAR GYI RGYUN MNYAM PAR BZHAG PA'I NGANG NAS RANG SEMS LA BRTAGS PA NA GZUGS GANG DU YANG MA GRUB PAS STONG SANG NGE BA, NYI MA LA SPRIN LTA BU'I SGRIB PA MED PA, MI 'GYU DGU 'GYU, MI DRAN DGU DRAN SNA TSOGS 'CHAR ZHING, PHYIR 'PHRO BA, MAR ME SHI BA LTA BU'I 'GAG PA MED PA GSAL ZHING RIG PA'I RGYUN CHAD PA MED PAR BRENG CHAGS SU 'JUG PA'I SEMS DE, RANG SEMS 'DZIN PA'I BLO LA GANG LA YANG LTOS PA MED PA RANG DBANG DU SNANG ZHING, SNANG BA LTAR 'DZIN PA'I ZHE NA YUL LAM SNANG BA LTAR GYI SEMS DE, MGON PO ZHI BA LHAS SPYOD 'JUG TU, RGYUN DANG TSOGS ZHES BYA BA NI, ,'PHRENG BA DMAG SOGS BZHIN DU BRDZUN, ,ZHES 'PHRENG BA'I CHA SHAS RE RE NAS SRID BUR BRGYUS PA LA, 'PHRENG BA ZHES BTAGS TZAM DANG, GO MTSON THOGS PA'I SKYES BU RE RE NAS 'DUS PA LA DMAG CES MING RKYANG BTAGS TZAM MA GTOGS BDEN PAR MA GRUB CES GSUNGS PA'I LUNG DANG RIGS PA YIS, SNANG TSUL LTAR DU MA GRUB PAR NGES PA'I NGANG DU RTZE GCIG TU MNYAM PAR ZHOG CIG ,DE LTAR YANG BRGYAD STONG PA LAS, SEMS LA SEMS MA MCHIS TE, SEMS KYI RANG BZHIN NI 'OD GSAL BA'O, ,ZHES
, ,SEMS LA RANG BZHIN GYIS GRUB PA'I SEMS MA MCHIS TE, SEMS KYI RANG BZHIN 'OD GSAL BA STONG PA NYID DO, ZHES GSUNGS SHING DKON BRTZEGS LAS KYANG, SEMS NI DUS GSUM GYI SANGS RGYAS THAMS CAD KYIS KYANG MA GZIGS MI GZIGS GZIGS PAR MI 'GYUR RO, ,ZHES GSUNGS SO, ,RJE MAR PAS KYANG SEMS KYI CHOS NYID JI LTA BA BZHIN NGES NAS SGOM PA LA SEMS STONG PA NYID LA SBAR ZIN GYI THA SNYAD MDZAD DE, JI SKAD DU SHAR CHU BO GANGG'A'I 'GRAM DU PHYIN, ,RJE MEE TR'I CHEN PO'I BKA' DRIN GYIS, ,GZHI CHOS NYID SKYE BA MED PA RTOGS, ,SEMS STONG PA NYID LA SBAR ZIN BYAS, ,DON SPROS BRAL GNYUG MA'I NGO BO MTHONG, ,SKU GSUM MA DANG MNGON SUM MJAL, ,MI KHO BO'I SPROS PA DE NAS CHOD, ,CES GSUNGS SHING, 'GRO MGON PHAG GRUS KYANG, 'KHOR 'DAS GNYIS KYI RTZA BA SEMS, ,SEMS GDOD NAS DAG PA DE BZHIN NYID, ,GDOD NAS ZHI ZHING MA SKYES PAS, ,SEMS YE NAS SPROS PA'I MTHA' DANG BRAL, ,ZHES GSUNGS SO, ,MDOR NA BDAG CAG GI DGE BA'I BSHES GNYEN THAMS CAD MKHYEN PA MA YIN PA LA YIN PAR GRAGS PA LTA BU MIN PA, DON DANG MTHUN PA'I THAMS CAD MKHYEN PA SANGS RGYAS YE SHES ZHABS KYI ZHAL SNGA NAS KYI ZHAL GDAMS 'GOD PA, MDOR NA BDAG GI DGE BA'I BSHES, ,DON DANG MTHUN PA'I THAMS CAD MKHYEN, ,SANGS RGYAS YE SHES ZHAL SNGA NAS, ,GANG SHAR
RNAM RTOG 'DZIN PAR YONGS RIG NA, ,DON DAM CHOS DBYINGS GZHAN LA LTOS MED 'CHAR, ,SHAR BA'I NGANG DU RIG PA ZHUGS PA LA, ,RTZE GCIG MNYAM PAR 'JOG PA AE MA HO, ,ZHES GANG SHAR RNAM RTOG 'DZIN PA STE, GANG SHAR RTOG PAS BTAGS PA TZAM DU RIG NA, DON DAM CHOS NYID RKYEN GZHAN LA MA LTOS PAR BLO YUL DU 'CHAR TE 'JUG PAR, THA SNYAD BDEN PA THABS SU GYUR PA DANG, ,DON DAM BDEN PA THABS BYUNG GYUR PA STE, ,ZHES GSUNGS PA BZHIN NO, ,SHAR BA'I NGANG DU RIG PA ZHUGS PA STE, ,CHOS NYID BLO YUL DU SHAR BA DE DANG, YUL CAN SHES PA RTZE GCIG TU SBYAR NAS MNYAM PAR 'JOG PA NI NGO MTSAR BA'O, ,ZHES GSUNGS PA'I RKANG PA PHYI MA GNYIS KYI DON DANG MTHUN PAR, DAM PAS KYANG, STONG PA'I NGANG DU RIG PA'I MDUNG SKOR BYA, ,LTA BA LA THOGS THUG MED DO DING RI BA, ,ZHES SOGS GSUNGS PA DGONGS PA GCIG TU GNAS SO, ,GSUM PA RJES NI PHYAG RGYA CHEN PO LA MNYAM PAR BZHAG PA'I DGE BA RNAMS BLA NA MED PA'I BYANG CHUB TU BSNGO BA STE, RTZA BAR, 'DI LA SBYOR DNGOS RJES GSUM LAS, ZHES DNGOS SU BSTAN PA, MJUG GANG DU SBYOR TSUL KHONG NA GNAS KYANG MI GSAL BA MTSAMS 'DIR SBYOR RGYU YIN CING, SLAN CHAD SA MTSAMS PHYED PA'I PHYIR RTZA BAR 'GOD NA'ANG, RJES NI PHYAG CHEN BSGOMS PA LAS, ,BYUNG BA'I RNAM DKAR CI MCHIS PA, ,DUS GSUM DGE TSOGS RGYA MTSOR BCAS, ,BLA MED BYANG CHUB CHEN POR
, ,BSNGO, ,ZHES SPYAD KYANG RUNG NGO, ,DA NI PHYAG RGYA CHEN PO LA MNYAM PAR BZHAG PA'I MNYAM GZHAG LAS LANGS NAS RJES THOB TU NYAMS LEN JI LTAR SKYONG TSUL DANG, SLAR YANG MNYAM PAR 'JOG PA'I TSE DGAG BYA'I DON SPYI 'PHYUG MED DU NGES PAR BYA BA DANG, MNYAM RJES CI YANG RUNG BA'I SKABS SU MTHA' GZHAN DU DGOS PA'I DGOS PA BSAL BA RNAMS PHYOGS GCIG TU BSTAN PA'I PHYIR 'DI LTAR, DE LTAR GOMS NAS TSOGS DRUG GI ,YUL DU SNANG BA CI SHAR YANG, ,SNANG TSUL ZHIB MOR RTOGS SHIG DANG, ,GNAS TSUL RJEN PAR LHANG GIS 'CHAR, ,GANG SHAR NGOS 'DZIN LTA BA'I GNAD, ,MDOR NA RANG SEMS LA SOGS PA, ,GANG GANG SNANG BA'I DON DER NI, ,MA 'DZIN DE DE'I GNAS TSUL DE, ,NGES PAR GYIS LA RTAG TU SKYOBS, ,'DI LTAR SHES NAS 'KHOR 'DAS KYI, ,CHOS KUN RANG BZHIN GCIG TU SBYOR, ,ZHES SMRAS SO, ,DE LTAR MNYAM GZHAG TU GOMS PAR BYAS NAS, RJES THOB TU MIG SHES SOGS TSOGS DRUG GI YUL DU GZUGS LA SOGS PA'I SNANG BA CI SHAR YANG JI LTAR SNANG BA'I TSUL LA ZHIB MOR 'BYED PA'I RNAM DPYOD KYIS LEGS PAR RTOGS SHIG DANG, DE LTAR BRTAGS PAS BDEN PAR SNANG YANG GSOG DANG GSO BA DANG RMI LAM DANG CHU NANG GI ZLA GZUGS LTAR SNANG YANG RANG DBANG GI SNYING PO MED PA'I RTEN 'BYUNG GI GNAS TSUL RJEN LHANG GIS 'CHAR ZHING, DE LA BRTEN NAS CHOS NYID LA NGES PA JE CHER 'GRO STE, RJE MI TRAS,
GANG SHAR NGOS 'DZIN LTA BA'I GNAD, ,CES GSUNGS PA LTAR RO, ,DA NI MANG DU YANG CI ZHIG DGOS MDOR BSDU NA RANG CAG TSU ROL MTHONG BA RNAMS LA RANG GI SEMS LA SOGS PA CHOS CAN GANG DANG GANG ZHIG SNANG BA'I TSUL DE NYID DGAG BYA'I SNANG TSUL YIN PAS, SNANG BA'I DON DER ZHEN CING MA 'DZIN PAR, DE DANG DE'I GNAS TSUL SNANG BA LTAR DU GRUB PA BKAG TZAM NGES PAR GYIS LA MNYAM GZHAG NAM MKHA' LTA BU DANG, DE LAS LANGS NAS BKAG PA'I SHUL NA CI 'DUG BLTAS PA NA MING TZAM, BTAGS TZAM GYI BYA BYED RTEN 'BREL BSNYON MED DU 'CHAR BA'I RJES THOB KYI RNAL 'BYOR RES 'JOG GIS RTAG TU SKYONG BA YIN NO, ,MNYAM RJES SKYONG TSUL 'DI LTAR SHES PAR BYAS NAS, 'KHOR 'DAS KYI CHOS MA LUS PA KUN GYI'ANG BDEN PA BKAG TZAM GYI DON DAM PA'I RANG BZHIN DBYER MA PHYED PAR GCIG TU SBYAR NAS MNYAM PAR 'JOG PA DANG, RJES THOB TU KUN RDZOB PA'I RANG BZHIN SNANG TZAM SGYU MA LTA BUR SBYAR NAS GOMS PAR BYED DGOS TE, DE SKAD DU YANG 'PHAGS PA LHAS, DNGOS PO GCIG GI LTA BO GANG, ,DE NI KUN GYI LTA BOR BSHAD, ,GCIG GI STONG NYID GANG YIN PA, ,DE NI KUN GYI STONG NYID YIN, ,ZHES GSUNGS SO, ,'O NA CHOS NYID LA MNYAM PAR BZHAG PA'I NGOR, RTEN CING 'BREL BAR 'BYUNG BA'I CHOS RNAMS MING RKYANG BTAGS YOD TZAM DU SNANG NGAM ZHE NA SMRAS PA, DE LTAR CHOS NYID LA, TSUL BZHIN MNYAM PAR BZHAG PA'I NGOR, ,YOD MED LA
, ,SOGS 'KHOR 'DAS KYI, ,SPROS PA'I MTHA' DANG BRAL MOD KYI, ,ZHES BRJOD PAR BYA STE, RJE BTZUN MID LAS, DON DAM BDEN PA'I DBANG DU NI, ,BGEGS LAS SANGS RGYAS NYID KYANG MED, ,SGOM PA PO DANG BSGOM BYA DANG, ,BGROD BYA SA DANG LAM RTAGS MED, ,'BRAS BU SKU DANG YE SHES MED, ,DE PHYIR MYA NGAN 'DAS PA MED, ,MING DANG TSIG GIS BTAGS PA TZAM, ,KHAMS GSUM BRTEN DANG GA-YO BAR BCAS, ,GDOD NAS MA GRUB SKYE BA MED, ,GZHI MED LHAN CIG SKYES PA MED, ,LAS DANG LAS KYI RNAM SMIN MED, ,DE PHYIR 'KHOR BA'I MING YANG MED, ,MTHAR THUG DON LA DE LTAR SNANG, ,ZHES PA DANG, SMRA BSAM BRJOD MED SHES RAB PHA ROL PHYIN, ,ZHES SOGS DANG, MKHAS GRUB KHYUNG POS KYANG, SNANG SRID RANG GROL SGYU MA RMI LAM BZHIN, ,ZHES SOGS GSUNGS PA LTAR RO, ,'O NA DE LTAR YIN NA LAS 'BRAS SOGS GTAN MED DAM ZHE NA, DON DAM DU MED PAS MED GO MI CHOD PAS, LAS 'BRAS SOGS SHIN TU YOD CES BRJOD PA, DE LAS LANGS NAS BRTAGS PA'I TSE, ,MING RKYANG BTAGS YOD TZAM ZHIG GIS, ,BYA BYED RTEN 'BREL BSNYON MED PAR, ,RMI LAM SMIG RGYU CHU ZLA DANG, ,SGYU MA LTA BUR NGANG GIS 'CHAR, ,ZHES SMRAS PA LTAR, RJE MID LAS KYANG, AE MA SEMS CAN MED GYUR NA, ,DUS GSUM SANGS RGYAS CI LAS BYUNG, ,RGYU MED 'BRAS BU MI SRID PAS, ,KUN RDZOB BDEN PA'I DBANG DU NI, ,'KHOR BA DANG NI MYA NGAN 'DAS
THAMS CAD YOD CES THUB PAS GSUNGS, ,YOD PA DNGOS POR SNANG BA DANG, ,MED PA STONG PA'I CHOS NYID GNYIS, ,NGO BO DBYER MED RO GCIG PAS, ,RANG RIG GZHAN RIG YOD MIN TE, ,THAMS CAD ZUNG 'JUG YANGS PA YIN, ,ZHES GSUNGS SO, ,YOD TSUL YANG MING TZAM BTAGS TZAM DU YOD PAS TSIM PAR BYAS NAS 'JOG PA YIN TE, 'PHAGS MCHOG KLU SGRUB ZHABS KYIS, GZUGS KYI DNGOS PO MING TZAM PHYIR, ,NAM MKHA' YANG NI MING TZAM MO, ,ZHES GSUNGS PA'I PHYIR, DES NA 'PHAGS PA YAB SRAS BZHED PA'I LTA BA PHYAG RGYA CHEN PO'I GO DON MTHAR THUG PA NI BTAGS YOD MING RKYANG ZHES PA 'DI YIN PAS GSAL BAR BSHAD NA, DPER NA KHANG PA KA BA BZHI PA ZHIG GI NANG NA KA BA YOD PAR NI 'DOD DGOS TE, DE NA KA BA BZHI YOD PA'I PHYIR, DE'I KA BA DE NI KA BA BZHI PO SO SO'I RJES SU 'GRO BA'I SPYI YANG YIN NO, ,'O NA KA BA RDZAS SPYI DE'I MTSAN GZHI CI YIN ZHES BTZAL NA BZHI PO DE RE RE NAS DE'I MTSAN GZHIR MI RUNG, BZHI PO TSOGS PA'ANG DE'I MTSAN GZHI MIN, BZHI PO SO SO BA DANG, TSOGS TZAM PA LAS DON GZHAN DU GYUR PA'I DE'I MTSAN GZHI YANG BSTAN RGYU MED DO, ,DES NA DE'I NANG GI KA BA RDZAS SPYI DE NI KA BA BZHI PO'I STENG DU KA BA ZHES MING GIS BTAGS TZAM STE, MING GIS BTAGS TZAM DES TSIM NAS 'JOG PA MA GTOGS BTZAL NA MI RNYED PAS BTAGS YOD MING RKYANG ZHES BYA STE CHOS THAMS CAD LA MTSUNGS SO, ,DA NI BSAL BYA'I DOGS
, ,PA 'DI YOD DE, LUGS 'DI DANG 'BREL BA'I SNGA PHYI'I YI GE 'GROD PA PO SOGS 'GA' ZHIG ,SO SKYE'I SHES PA THAMS CAD 'KHRUL SHES DANG, DE'I RGYU MTSAN GYIS SO SKYE'I BLO LA SNANG BA GANG SHAR THAMS CAD RANG BZHIN GYIS GRUB PAR SNANG ZHING 'CHAR ZHES ZER BZHIN DU, DA LTA'I SNANG TSUL 'DI LAS GZHAN PA'I DGAG BYA'I SNANG TSUL BDEN GRUB RVA RONG DE BA ZHIG 'DZIN PAR 'DOD PA NI, RANG CAG SO SKYE'I BLO LA SNANG BA, SNANG BA LTAR MA GRUB ZER MA NUS PAS NONGS PAR 'DUG PA, DE LTAR NA RANG RGYUD PA'I MKHAS PA RNAMS KYIS GZUGS SOGS BLO GNOD MED LA SNANG BA'I DBANG GIS YOD PAR ZHAL GYIS BZHES PA LA, DPAL LDAN ZLA BAS DGAG PA JI LTAR MDZAD PA'I TSUL LEGS PAR SOMS SHIG ,'ON KYANG TSUR MTHONG GI DBANG SHES LNGA LA YUL LNGA TSUGS THUB TU MA GRUB BZHIN DU TSUGS THUB TU GRUB PAR SNANG BAS 'KHRUL SHES DANG, YUL LNGA RANG MTSAN DU GRUB PAR SNANG BA'I CHA LA TSAD MA DANG, DE'I RGYU MTSAN GYIS DE DAG THA SNYAD DU 'JOG PA'I TSAD MAR 'JOG PA SOGS NI SHES DGOS SO, ,YANG MANG PO ZHIG GANG ZAG MI 'GOG ,GANG ZAG BDEN GRUB 'GOG PAR GSUNGS SNYAM DU MNYAM GZHAG TU GANG ZAG LING PO ZHIG BZHAG NAS, BLOS BYAS KYI GANG ZAG BDEN GRUB ZHIG 'GOG PA'I NGAL BA BYED PA NI CHES MI 'THAD DE RTAG MTHAR 'GYUR BA'I PHYIR RO, ,GZHAN YANG BRJOD PAR BYA BA DU MA 'DUG
NA'ANG MANGS PAS 'JIGS PA'I PHYIR DE TZAM MO, ,DE LTAR BSGOMS PAS RTAG CHAD KYI MTHA' DANG BRAL BA'I LAM BZANG MNGON DU 'GYUR TSUL BSTAN PA, SNANG BAS STONG PA MI SGRIB CING, ,STONG PAS SNANG BA MI 'GOG PA, ,STONG DANG RTEN 'BYUNG DON GCIG PA'I, ,LAM BZANG DE TSE MNGON SUM 'GYUR, ,ZHES SMRAS TE, 'DI DANG MTHUN PAR RJE THAMS CAD MKHYEN PAS, SNANG BA RTEN 'BREL BSLU BA MED PA DANG, ,STONG PA KHAS LEN BRAL BA'I GO BA GNYIS, ,JI SRID SO SOR SNANG BA DE SRID DU, ,DA DUNG THUB PA'I DGONGS PA MED, ,NAM ZHIG RES 'JOG MED PAR CIG CAR DU, ,RTEN 'BREL MI BSLUR MTHONG BA TZAM NYID NAS, ,NGES SHES YUL GYI 'DZIN STANGS KUN 'JIG NA, ,DE TSE LTA BA'I DPYAD PA RDZOGS PA LAGS, ,ZHES PA DANG, 'JUG PAR YANG, DE BZHIN CHOS RNAMS THAMS CAD STONG NA YANG, ,STONG NYID DAG LAS RAB TU SKYE BAR 'GYUR, ,BDEN PA GNYIS SU'ANG RANG BZHIN MED PA'I PHYIR, ,DE DAG RTAG PA MA YIN CHAD PA'ANG MIN, ,ZHES DANG, MGON PO KLU SGRUB KYIS KYANG, CHOS RNAMS STONG PA NYID SHES NAS, ,RGYU DANG 'BRAS BU 'THAD PA GANG, ,NGO MTSAR LAS KYANG 'DI NGO MTSAR, ,RMAD BYUNG LAS KYANG 'DI RMAD BYUNG, ,ZHES GSUNGS PA LTAR GO SLA'O, ,DE LTAR ZHI GNAS KYI RTA LA BSKYON NAS PHYAG CHEN BSKYANGS PAS STONG PA NYID LA DMIGS PA'I DPYAD STOBS KYIS LUS SEMS SHIN SBYANGS KYI BDE BAS ZIN PA'I TING NGE 'DZIN NAM THOB PA NA SBYOR LAM DROD THOB PA YIN
, ,NO, ,BKA' RGYUD GONG MA 'GA' ZHIG NI PHYAG CHEN GYI LAM LA RNAL 'BYOR BZHI'I RNAM GZHAG MDZAD DE, SEMS LA RTZE GCIG TU DMIGS PAS RTZE GCIG DANG, SEMS SPROS BRAL DU RTOGS PAS SPROS BRAL DANG, SNANG SEMS RO GCIG TU RTOGS PAS RO GCIG DANG, MTSAN BCAS KYIS SGOM DU MED PAS SGOM MED DE BZHI YIN LA, SA MTSAMS RJE RGOD TSANG PA NI DANG PO MOS SPYOD, GNYIS PA MTHONG LAM, GSUM PAS GNYIS PA NAS SA BDUN PA'I BAR, BZHI PA DAG SA SOGS KYI NGO BOR BZHED, ZHANG RIN PO CHE NI, PHYAG RGYA CHEN PO GCIG CHOD LA, ,RMONGS PAS SA LAM RTZI BA 'KHRUL, ,'ON KYANG RMONGS PA DGA' BA'I PHYIR, ,MTSAN NYID THEG PA'I SA LAM RNAMS, ,'DIR YANG DOD PO RTZI BAR BYA, ,GSUNG ZHING, RTZI TSUL RJE RGOD TSANG PA DANG 'DRA'O, ,SPROS BRAL SA DANG POR MDZAD PA LA, GZHUNG LUGS PA 'GAS DE MI 'THAD DE, RJES THOB TU YON TAN BRGYA PHRAG BCU GNYIS MED PA'I PHYIR ZHES BRGAL BA LA, ZHANG RIN PO CHE NI, KHYUNG RTZAL SGONG SHUN NANG NAS RDZOGS, ,SGONG SHUN BRAL NA NAM 'PHANG SPYOD, ,SKU GSUM YON TAN SEMS LA RDZOGS, ,SGYU LUS ZHIG NA GZHAN DON 'CHAR, ,ZHES GSUNGS LA, 'JIG RTEN MGON PO'I GSUNG NAS, KHYED KYI KHYAB PA DE NGES PA'I BSTAN BCOS KYI LUNG RNYED NA KHO BOS RTA BZANG PO STER, SA BCU PA'I MDO LAS GSUNGS PA NI SKYE BA PHYI MA'I DBANG DU MDZAD PA YIN GSUNG, GSUNG DGOS PA CAN 'DI RIGS
KYI YIN PA 'DRA, RJE BTZUN SA PAn GYIS, DGE SLONG NAM MKHA' 'BUM GYI DRI LAN DU, 'BRI STAG DANG PHYAG RGYA BA'I CHOS LUGS 'DI RGYUD DANG SDE SNOD GANG DANG MI MTHUN PA GDA', 'DI YANG DAG PA'I LAM MA LAGS SAM SNYAM DU SEMS TSIG 'DI NYID GZHAN DU MA 'PHEL BA ZHIG MDZOD, CES GSUNGS PA'ANG MCHIS SO, ,'ON KYANG 'PHAGS PA'I SKYE BO RNAMS KYI MDZAD PA RNAM THAR SO SO SKYE BO RNAMS KYI YUL LAS 'DAS SHING CHOS DANG, SKYES BU DAM PA LA BRTEN PA'I SDIG PA SHIN TU MI BZAD PAS PHYOGS 'DZIN GYI SDANG SHUGS DOR NAS DAG SNANG NOR BU'I 'OD KYIS KHYAB PAR MDZAD DU GSOL ZHES CHOS KYI RGYAL MTSAN GSOL BA 'DEBS SO, ,GSUM PA NI 'DI LTAR, DE SKAD SMRA BA MANG THOS SPONG BA PA, ,BLO BZANG CHOS KYI RGYAL MTSAN ZHES BYA STE, ,DAG PAS 'GRO KUN ZHI SGO GNYIS PA DANG, ,BRAL BA'I LAM 'DIS MYUR DU RGYAL GYUR CIG ,CES DAM BCA' MTHAR PHYIN PA'I TSUL DANG, BRTZAMS PA'I DGE BA 'GRO BA RNAMS SGRIB GNYIS KYI GA-YUL LAS RGYAL BA'I PHYIR BSNGO BA'O, ,SMRAS PA, MDO RGYUD RGYA MTSO BSRUBS PA'I SNYING PO MCHOG ,RGYA BOD MKHAS GRUB YONGS KYI DGONGS PA'I GNAD, ,GRUB MCHOG DAM PA MA LUS GSHEGS PA'I LAM, ,PHYAG CHEN BSTAN PA'I NYI MA DENG 'DIR SHAR, ,MA RIG 'KHRUL PA'I MYOS CHUS YID DRANGS NAS, ,'JIGS RUNG SRID PA'I BTZON KHANG RA BAR CHUD, ,SDUG BSNGAL GSUM GYIS MNAR BA'I LUS CAN RNAMS, ,NGAL GSO'I BSTI
, ,GNAS DGA' BA'I TSAL 'DI YIN, ,MTHA' DAG 'GRO LA LAM BZANG MTSON PA'I MIG ,SKYES CHEN DAM PA RNAMS KYI BZHED PA'I SROL, ,PHYAG CHEN MA 'DRES GSAL BA MDZES PA'I GZUGS, ,'CHAR BYED GANG 'DI NOR BU'I ME LONG NYID, ,'DI NANG CHOS BRGYANG 'CHING BA'I SGROG BCAD DE, ,DBEN PA'I GNAS SU TING 'DZIN BDE BA LA, ,'DOD DGUR SPYOD PA'I SKAL LDAN MANG PO LA, ,'KHRUL MED LAM BZANG 'DOMS PA'I BLA MA'ANG YIN,, TSUL 'DIR 'BAD LAS BYUNG BA'I DGE BA'I TSOGS, ,BSIL ZER THUR MAS PHYE BA'I KUNDA LTAR, ,MCHOG TU DKAR BA GANG ZHIG BSAGS PA DE, ,MA RNAMS SGROL PHYIR BYANG CHUB CHEN POR BSNGO, ,DE YI MTHU LAS 'GRO BA MA LUS PA, ,YID KYI BUM BZANG MDO SNGAGS ZUNG 'BREL GYI, ,PHYAG CHEN LAGS BRIS AIMRA TAS GANG STE, ,ZUNG 'JUG BDE BA CHE LA LONGS SPYOD SHOG ,CES DGE LDAN BKA' RGYUD KYI BKA' SROL PHYAG RGYA CHEN PO'I RTZA BA RGYAS PAR BSHAD PA YANG GSAL SGRON ME ZHES BYA BA 'DI YANG RANG GI SLOB MA LAM 'DI LA NGES PA RNYED NAS SGRUB PA SNYING POR BYED PA GNAS BCU RAB 'BYAMS PA DGE 'DUN RGYAL MTSAN GYIS CHOS BRGYAD KYI SHUN PAS MA GOS PA'I SGRUB PA'I ME TOG GIS YANG DAG PAR MCHOD NAS, RTZA TSIG 'DI LA RTZOM PA PO RANG NYID KYIS 'GREL PA RGYAS SHING MTHA' CHOD PA, NYAMS SU BLANG BYA'I DON GYI SNYING PO GSAL ZHING 'DRIL BA LUNG RIGS KYI RGYA BRTEN TSAD MA DANG 'BREL ZHING SNYAN
RGYUD KYI GDAMS PAS RGYAN PA ZHIG CIS KYANG ZHU ZHES NAN CHER BSKUL PA LA BRTEN NAS, PHYAG RGYA CHEN PO SO SO'I GRUB PA'I MTHA' RGYA MTSO'I PHA ROL TU SON PA'I SPONG BA PA BLO BZANG CHOS KYI RGYAL MTSAN GYIS CHOS GRVA CHEN PO BKRA SHIS LHUN PO'I GTZUG LAG KHANG DU MGYOGS PAR SUG BRIS SU BGYIS PA'O, ,'DIS KYANG BSTAN PA RIN PO CHE MI NUB PA'I RGYAL MTSAN DU GYUR CIG , ,,SARBA MANGGA LAm,, ,,` AOm SVA STI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL, ,SARBA DZA GA TAm,, ,,