*, ,BSTAN PA SPYI DANG RGYUD SDE BZHI'I RNAM GZHAG ZIN BRIS SU BYAS PA BZHUGS SO, ,
, ,NA MO GU RU MANYDZU GHO sh'A YA, SANGS RGYAS KUN GYI MKHYEN BRTZE DANG, ,YE SHES NGUR SMRIG 'JO SGEG GIS, ,'GRO TSOGS RNAM GROL RIN PO CHE'I, ,GLING SGROL DED DPON MCHOG RNAMS RGYAL, ,'OD GSAL LHA LAM YANGS PAR 'JA' TSON LTAR, ,ZUNG 'JUG SGYU 'PHRUL DRA BA'I ROL PA LAS, ,DAG PA'I BRTAN DANG GA-YO BA KUN GYI GZHI, ,KHYAB BDAG 'KHOR LO'I MGON DES BDAG SKYONGS SHIG ,GANG GI MTSAN TZAM THOS DANG DRAN PAS KYANG, ,SRID ZHI'I GDUNG SEL MI 'JIGS MCHOG STZOL BA, ,DPAL LDAN MTHU STOBS DBANG POR BDAG 'DUD KYI, ,PHYI NANG BDUD SDE'I TSOGS RNAMS BAG YOD BSTEN, ,RAB 'BYAMS
, ,RGYAL BA'I GSUNG RAB KUN GYI MDZOD, ,JI BZHIN GSAL BAR 'BYED PA'I LDE MIG MCHOG ,LEGS BSHAD 'BREL BA'I BKA' MCHID DAL BUS GLENG, ,SKAL BZANG DON GNYER LDAN RNAMS NYAN PA'I RIGS, ,'DIR BSTAN PA'I RNAM PAR GZHAG PA LA GNYIS, RGYAL BA'I BSTAN PA KHO NA THAR 'DOD RNAMS KYI 'JUG NGOGS SU BSTAN PA DANG, DE LA 'JUG PA'I RIM PA MI 'DRA BA'I SGO BSTAN PA'O, ,DANG PO NI, THAR 'DOD RNAMS KYI 'JUG BYA RGYAL BA'I BSTAN PA KHO NA YIN TE, SPEL MAR BSTOD PA LAS, GTING MTHA' MED PA'I 'KHOR BA NI, ,RGYA MTSO'I NANG NA RNAM PAR GNAS, ,'DOD CHAGS LA SOGS MI BZAD PA'I, ,CHU SRIN GYIS NI LUS ZOS NA, ,DE RING GANG LA SKYABS SU MCHI, ,GANG LA NYES PA THAMS CAD KUN, ,GTAN NAS YONG YE MI MNGA' ZHING, ,GANG ZHIG LA NI YON TAN KUN, ,RNAM PA KUN TU GNAS GYUR PA, ,GAL TE SEMS SHIG YOD NA NI, ,DE NYID LA NI SKYABS 'GRO ZHING, ,DE BSTOD DE NI BKUR BA DANG, ,DE'I
BSTAN LA GNAS PA'I RIGS, ZHES GSUNGS PA'I PHYIR, GNYIS PA LA YANG GNYIS, THEG PA SPYI'I RNAM PAR GZHAG PA DANG, THEG PA CHEN PO'I DBYE BA'O, ,DANG PO NI, THEG PA LA NYAN THOS KYI THEG PA DANG, RANG RGYAL GYI THEG PA DANG, THEG PA CHEN PO'O, ,DE LTAR 'BYED PA'I RGYU MTSAN YANG YOD DE, CHED DU BYA BA RANG NYID GCIG PU'I PHYIR DU THOB BYA DMAN PA 'KHOR BA'I SDUG BSNGAL TZAM ZHI BA DON DU GNYER BA'I RIGS CAN GCIG DANG, CHED DU BYA BA SEMS CAN THAMS CAD KYI PHYIR DU THOB BYA MCHOG RDZOGS PA'I SANGS RGYAS KYI GO 'PHANG DON DU GNYER BA'I RIGS CAN GYI GDUL BYA GNYIS YOD PA GANG ZHIG ,GDUL BYA DE GNYIS KYI RANG RANG GI BSAM PA'I SGO NAS RANG RANG GI THEG PA LA DMIGS NAS, DER BGROD PAR BYED PA'I LAM GYI THEG PA YANG GNYIS LAS, THEG PA DMAN PA DANG, THEG PA CHEN PO GNYIS SU BZHAG PA YIN PA'I PHYIR DANG, GDUL BYA DE GNYIS KYI DBANG DU BYAS NAS GSUNGS PA'I CHOS LA YANG THEG PA DMAN PA'I SDE SNOD DANG, THEG PA CHEN PO'I SDE SNOD GNYIS SU YOD PA'I PHYIR TE, MDO SDE RGYAN LAS, SDE SNOD DAG NI GSUM MAM GNYIS KYANG RUNG, ,BSDUS PA'I PHYIR NA RGYU NI DGUR 'DOD DO, ZHES GSUNGS PA'I PHYIR, THEG PA LA GNYIS SU DBYE BA DANG, THEG PA LA GSUM DU DBYE BA LA 'GAL BA MED DE, THEG DMAN GYI GDUL BYA LA DBANG PO MCHOG DMAN
, ,LAM LA GOMS PA SRID NUS MI NUS DANG, 'BRAS BU LA MCHOG DMAN GYI KHYAD PAR YOD PAS, NYAN THOS KYI THEG PA DANG, RANG RGYAL GYI THEG PA DANG, THEG PA CHEN PO STE GSUM DU PHYE BA YIN PA'I PHYIR, NYAN RANG GNYIS LA DBANG PO DANG 'BRAS BU LA MCHOG DMAN YOD KYANG, LAM GYI RNAM GZHAG PHAL CHER MTSUNGS PAR SA'I DNGOS GZHIR GSUNGS SO, ,DE LTAR YIN KYANG NYAN RANG SLOB PA GNYIS KYIS 'KHOR BA'I RTZA BA BDAG 'DZIN GYI GNYEN PO GANG ZAG GI BDAG MED RTOGS NAS BSGOM PA LA KHYAD PAR MED CING, DE YANG BYE BRAG TU SMRA BA, MDO SDE PA, SEMS TZAM PA, DBU MA PA KHA CIG GANG ZAG RANG RKYA THUB PA'I RDZAS YOD KYIS STONG PAR RTOGS PA GANG ZAG GI BDAG MED RDZOGS PAR RTOGS PA'I DON DU 'DOD LA, RANG SDE SNGA MA GSUM GYIS NYAN RANG GNYIS LA DE LAS LHAG PA'I BDAG MED BSGOM RGYU MED PAR 'DOD CING, NYAN THOS SDE GNYIS KYIS THEG CHEN LA YANG BDAG MED DE LAS LHAG PA BSGOM RGYU MED PAR 'DOD DE, ,DBU MA RANG RGYUD PA KHA CIG GIS NI, NYAN THOS KYIS GANG ZAG GI BDAG MED RTOGS, RANG RGYAL GYIS PHYI DON BKAG PA'I GZUGS 'DZIN GNYIS STONG GI STONG NYID RTOGS, THEG CHEN PAS NI CHOS THAMS CAD BDEN PAR GRUB PAS STONG BA'I STONG NYID RTOGS PA'I TSUL
GSUM DU 'DOD DO, ,SLOB DPON SANGS RGYAS BSKYANGS, ZHI BA LHA, ZLA BA GRAGS PA RNAMS NI CHOS THAMS CAD RANG BZHIN GYIS GRUB PAS STONG PA MA RTOGS PA DE SRID DU, GANG ZAG GI BDAG MED MTSAN NYID TSANG BA RTOGS PA 'ONGS MED LA, GANG ZAG RANG RKYA THUB PA'I RDZAS YOD KYIS STONG PAR RTOGS PA DANG, RTAG CIG RANG DBANG CAN GYI BDAG GIS STONG PAR RTOGS PA DANG, RTOGS ZIN JI LTAR BSGOMS PAS 'KHOR BA'I RTZA BA BDAG 'DZIN GYI SA BON CUNG ZAD KYANG SPONG MI NUS PAS, 'PHAGS PA GSUM GA LA CHOS KYI BDAG MED PHRA MO MNGON SUM DU RTOGS PA'AM RTOGS MYONG GANG RUNG GIS KHYAB PAR BZHED LA, DON 'DI NYID MGON PO KLU SGRUB KYI DGONGS PA RMA MED PA YIN CING, RIG PA BRGYA PHRAG DAG GIS KYANG BSGRUB TU YOD PAS RANG LUGS KYANG 'DI LTAR DU BZHED PA YIN NO, ,DE YANG, SEMS BSKYED PA NI GZHAN DON PHYIR, ,YANG DAG RDZOGS PA'I BYANG CHUB 'DOD, ,CES GSUNGS PA LTAR, CHED DU BYA BA SEMS CAN THAMS CAD KYI DON DU BSAM PA BYANG CHUB KYI MCHOG TU SEMS BSKYED NAS, SPYOD PA PHA ROL TU PHYIN PA DRUG LA RDZOGS PAR SLOB PA TZAM ZHIG NI, THEG PA CHEN PO PA SPYI'I LAM GYI GZHUNG SHING YIN TE, RDO RJE THEG PA LA SLOB PA RNAMS KYIS KYANG DE LA 'JUG DGOS PAR RGYUD SDE RNAMS LAS LAN MANG DU GSUNGS PA'I PHYIR, PHA ROL TU PHYIN PA'I THEG PA PA RNAMS KYI LAM SPYI'I LUS NI DE TZAM DU ZAD LA, DE LA YANG LTA BA'I SGO NAS DBU SEMS GNYIS SU YOD KYANG, DE'I DBANG GIS THEG PA SO SOR 'JOG PA MA
, ,YIN NO, ,PHA ROL TU PHYIN PA'I THEG PA PA'I CHED DU BYA BA'I GDUL BYA'I GTZO BO NI DBU MA PA'I RIGS CAN YIN GYI, SEMS TZAM PA'I RIGS CAN NI PHAL PA'I GDUL BYA'O, ,DE LTAR THEG CHEN PA LA LTA BA DBU SEMS GNYIS SU YOD PA YIN GYI, LTA BA DBU MA 'DZIN NA THEG CHEN PA YIN PAS MA KHYAB STE, NYAN RANG 'PHAGS PA GNYIS KYI LTA BA DBU MA'I LTA BA YIN PA'I PHYIR, DES NA GRUB MTHA' SMRA BA BZHI'I YA GYAL GYI NYAN THOS DANG, NYAN RANG GNYIS SU PHYE BA'I NYAN THOS MING 'DRA YANG DON GTAN NAS MI 'DRA STE, SDE PA BCO BRGYAD PO RNAMS KYIS THEG PA CHEN PO BKAR MI 'DOD CING, NYAN THOS KYI LAM LA ZHUGS NAS NYAN THOS KYI BYANG CHUB THOB PHYIR DU BRTZON PAR BYED PA YANG MA YIN MOD KYI, 'ON KYANG NYAN THOS KYI SDE SNOD TZAM ZHIG BKAR KHAS BLANGS NAS DE'I RJES SU 'BRANGS TE, GRUB MTHA' SMRA BAR BYED PAS, NYAN THOS ZHES BTAGS PA YIN PA'I PHYIR, THEG CHEN PA LA LAM GYI BGROD PA MYUR BUL GYI SGO NAS PHYE NA LNGAR YOD DE, PHYUGS DANG, GLANG PO CHE'I SHING RTA LTA BUS BGROD PA GNYIS DANG, NYI MA DANG ZLA BA LTA BUS BGROD PA GCIG DANG, NYAN RANG DANG SANGS RGYAS KYI RDZU 'PHRUL LTA BUS BGROD PA GNYIS TE, LNGA YOD PAR NGES PA DANG MA NGES PA LA 'JUG PA'I PHYAG RGYA'I MDO LAS GSUNGS PA'I PHYIR, DE YANG NYAN RANG GI RIGS CAN RNAMS KYIS SANGS RGYAS THOB PA'I PHYIR DU RANG LAM LA BRTZON PAR BYED PA MA YIN KYANG, DE DAG GI LAM NI GANG ZAG DE DAG
SANGS RGYAS LA 'GOD PA'I THABS SU GSUNGS PAS, DE DAG GI LAM RNAMS SANGS RGYA BA'I GEGS SU MI BZUNG STE, SAMBHUtA LAS, GANG PHYIR CHOS NI DU MAS NI, ,CHU BO'I RGYUN GYIS RGYA MTSO LTAR, ,THAR PA NYID NI GCIG PU STE, ,MANG PO DMIGS PAR MI 'GYUR RO, ,ZHES DANG, MTSAN YANG DAG PAR BRJOD PA LAS, THEG PA GSUM GYI NGES 'BYUNG LA, ,THEG PA GCIG GI 'BRAS BUR GNAS, ,ZHES GSUNGS PA'I PHYIR, GNYIS PA LA GNYIS, THEG PA CHEN PO LA GNYIS SU DBYE BA DANG, RDO RJE THEG PA LA 'JUG PA'I RNAM DBYE BYE BRAG TU BSHAD PA'O, ,DANG PO LA GSUM, JI LTAR PHYE BA'I GRANGS, PHYE BA SO SO'I DON, DE LTAR BYED PA'I RGYU MTSAN BSTAN PA'O, ,DANG PO NI, SHRADDH'AS, BLA MED KYI RGYUD DON LA 'JUG PA LAS BYANG CHUB SEMS DPA'I THEG PA LA YANG GNYIS TE, SA DANG PHA ROL TU PHYIN PA'I THEG PA DANG, GSANG SNGAGS 'BRAS BU RDO RJE THEG PA'O, ,ZHES GSUNGS PA LTAR, SNGAGS KYI THEG PA DANG, GSANG SNGAGS KYI THEG PA DANG, 'BRAS BU'I THEG PA DANG, RDO RJE THEG PA DANG, THABS KYI THEG PA DANG, CHAGS BCAS KYI LAM GYIS 'TSANG RGYA BA'I THEG PA RNAMS MTSAN GYI RNAM GRANGS YIN CING, DE BZHIN DU PHA ROL TU PHYIN PA'I THEG PA LA YANG CHAGS BRAL LAM GYIS 'TSANG RGYA BA'I THEG PA DANG, RGYU'I THEG PA ZHES BYA BA YIN TE, 'PHAGS PA GSANG BA LUNG BSTAN PA'I MDO MTHA' GNYIS SEL BAR DRANGS PA LAS, RGYU LA SBYOR BA RGYU YI CHOS, ,'KHOR LO
, ,NYE BAR BSKOR BYAS NAS, ,'BRAS BU'I THEG PA NYE LAM ZHIG ,MA 'ONGS DUS NA 'BYUNG BAR 'GYUR, ,ZHES 'BYUNG BA LTAR RO, ,DE BZHIN DU SNGAGS KYI GZHUNG LA RIG 'DZIN GYI SDE SNOD DAM, RGYUD SDE ZHES KYANG BYA'O, ,GNYIS PA NI, RGYU 'BRAS LHUN GRUB KYI THEG PA'AM, SNGAGS KYI THEG PA CHOS CAN, KHYOD LA GSANG SNGAGS ZHES BRJOD PA'I RGYU MTSAN YOD DE, SNOD MIN LA GSANG ZHING SBAS PAS 'GRUB PA DANG, SNGAGS KYI SKAD DOD M'ANTR'A ZHES PA'I MA NA YID DANG, TR'A YA SKYOB PA LA 'JUG PAS YID SKYOB PAR BYED PA'I DON GYIS NA SNGAGS ZHES BRJOD PA YIN PA'I PHYIR TE, 'DUS PA PHYI MA LAS, DBANG PO DANG NI YUL RNAMS KYI, ,RKYEN GYIS GANG DANG GANG 'GYUR YID, ,YID DE M'AN ZHES BYA BAR BRJOD, ,TR'A NI SKYOB PAR BYED PA'I DON, ,ZHES GSUNGS PA'I PHYIR, DE CHOS CAN, KHYOD LA THEG PA ZHES BRJOD PA'I RGYU MTSAN YOD DE, BGROD PAR BYED PA'I DON GYIS NA DE LTAR DU BRJOD PA YIN PA'I PHYIR, 'DI LA YANG DBYE NA, 'DIS BGROD PAR BYED PA RGYU'I THEG PA DANG, 'DIR BGROD PA 'BRAS BU'I THEG PA GNYIS SU YOD, YANG DE CHOS CAN, KHYOD LA 'BRAS BU'I THEG PA ZHES BRJOD PA'I RGYU MTSAN YOD DE, 'BRAS BU SANGS RGYAS KYI SA'I YONGS SU DAG PA BZHI DANG RNAM PA MTHUN PA'I LAM BSGOM DU YOD PA'I BGROD PAR BYED PA'I THEG PA YIN PAS DE LTAR BRJOD PA YIN PA'I PHYIR TE, BLA MED KYI RGYUD DON LA 'JUG PA LAS, DE NI SKU DANG, LONGS SPYOD DANG, GNAS
DANG; MDZAD PA YONGS SU DAG PA'I TSUL GYIS 'JUG PAS NA 'BRAS BU STE, ZHES GSUNGS PA'I PHYIR, DE CHOS CAN, RDO RJE THEG PA ZHES BRJOD PA'I RGYU MTSAN YOD DE, THABS SHES GNYIS SU DBYER MED PA'I RDO RJE SEMS DPA'I RNAL 'BYOR LA BRTEN NAS BGROD PAR BYED PA'I THEG PA YIN PAS NA DE LTAR BRJOD PA'I PHYIR TE, SNYIM PA'I ME TOG LAS, DE LA RDO RJE THEG PA ZHES BYA BA NI, THEG PA CHEN PO MA LUS PA BSDUS PA NI PHA ROL TU PHYIN PA DRUG YIN LA, DE RNAMS BSDUS PA NI, THABS DANG SHES RAB YIN CING, DE DAG KYANG BSDUS PA RO GCIG TU GYUR PA NI BYANG CHUB KYI SEMS YIN TE, DE YANG RDO RJE SEMS DPA'I TING NGE 'DZIN YIN LA, DE NYID NI RDO RJE YIN NO, ,RDO RJE YANG DE YIN LA, THEG PA YANG DE YIN PAS NA RDO RJE THEG PA STE SNGAGS KYI THEG PA ZHES BYA'O, ,ZHES GSUNGS PA'I PHYIR, DE LA NANG SEL GYI SGO NAS DBYE NA RGYU 'BRAS KYI THEG PA GNYIS SU YOD DO, ,GZHAN DAG RDO RJE THEG PA'I DON DRI MED 'OD LAS, RDO RJE NI MI PHYED PA DANG MI CHOD PA CHEN PO YIN LA, DE NYID THEG PA CHEN PO YIN PA NI RDO RJE THEG PA STE SNGAGS KYI TSUL DANG, PHA ROL TU PHYIN PA'I TSUL 'BRAS BU DANG RGYU'I BDAG NYID DU RO GCIG TU GYUR PA'O, ,ZHES PAS BSTAN PAR 'DOD MI 'THAD DE, DE'I SKABS NAS BSTAN PA'I MING DANG DON STONG GZUGS KYI SKU DANG, MCHOG MI 'GYUR GYI BDE BA GNYIS DBYER MED PA'I DON DU BSTAN PA GANG ZHIG ,DES RGYUD SDE 'OG MA GSUM LA MA KHYAB PA'I PHYIR, DANG PO GRUB STE,
, ,DBANG MDOR BSTAN LAS, STONG NYID GZUGS 'DZIN RGYU YIN TE, ,'BRAS BUS SNYING RJE MI 'GYUR 'DZIN, ,STONG NYID SNYING RJE DBYER MED PA, ,BYANG CHUB SEMS ZHES BYA BAR BSHAD, ,CES GSUNGS PA'I PHYIR, SNGAGS KYI THEG PA CHOS CAN, KHYOD LA THABS KYI THEG PA ZHES BRJOD PA'I RGYU MTSAN YOD DE, PHA ROL TU PHYIN PA LAS, THABS MKHAS PA DU MAS KHYAD PAR DU 'PHAGS PA'I THEG PA YIN PA'I RGYU MTSAN GYIS DE LTAR BRJOD PA YIN PA'I PHYIR, RIG 'DZIN GYI SDE SNOD RNAMS CHOS CAN, KHYOD LA RGYUD SDE ZHES BRJOD PA'I RGYU MTSAN YOD DO, BRJOD BYA DON GYI RGYUD RNAMS LA RGYUN CHAGS PA'I DON GYI RGYUD CES BYA LA, DE KHYOD KYIS BRJOD BYA'I GTZO BOR BYED PA'I RGYU MTSAN GYIS DE LTAR BRJOD BYA'I MING RJOD BYED LA BTAGS PA DANG, RGYUD KYI TSOGS YIN PA'I RGYU MTSAN GYIS DE LTAR BRJOD PA YIN PA'I PHYIR TE, 'DUS PA PHYI MA LAS, RGYUD NI RGYUN ZHES BYA BAR GRAGS, ZHES SOGS GSUNGS PA'I PHYIR, DE CHOS CAN, KHYOD LA RIG PA 'DZIN PA'I SDE SNOD CES BRJOD PA'I RGYU MTSAN YOD DE, RIG SNGAGS 'CHANG RNAMS KYI BSLAB PA'I GZHI DANG, GRUB PA'I MTHA' STON PAR BYED PA'I RGYU MTSAN GYIS DE LTAR BRJOD PAR DPUNG BZANG GIS ZHUS PA'I RGYUD 'GREL LAS GSUNGS PA'I PHYIR, 'O NA RGYUD SDE RNAMS SDE SNOD GANG DU GTOGS ZHE NA, BLA MED KYI RGYUD DON LA 'JUG PA LA SDE SNOD GSUM DU GTOGS PA'I TSUL GCIG DANG, DE GSUM DU MI GTOGS PA'I SDE SNOD
BZHI PAR 'JOG PA'I TSUL GNYIS BSHAD KYANG, SH'ANTI PAS, ZAB DON BSDUS TE BSTAN PA'I PHYIR, MDO SDE'I SDE SNOD DU BSHAD PA LTAR LEGS TE, GSANG SNGAGS MDO SDE'I TSUL DU BSHAD KYIS NYON, ZHES DANG, GZHAN YANG MDO SDE ZHES RGYUD RNAMS SU LAN MANG DU GSUNGS PA'I PHYIR, SLOB DPON AA BHA Y'A KA RAS SDE SNOD GSUM CI RIGS SU GTOGS PA'I TSUL DU BZHED PA YANG LEGS TE, NGO BO'I SGO NAS MDO SDE'I SDE SNOD DU 'JOG KYANG, NANG SEL GYI SGO NAS PHYE NA SDE SNOD GZHAN GNYIS KYI YANG DBYE BA YOD PA'I PHYIR, PHA ROL TU PHYIN PA'I THEG PA CHOS CAN, KHYOD LA RGYU'I THEG PA ZHES BYA BA'I RGYU MTSAN YOD DE, 'BRAS BU SANGS RGYAS KYI SA'I YONGS SU DAG PA BZHI DANG RNAM PA MTHUN PA'I LAM BSGOM DU MED CING, SPYOD PA'I RTEN SEMS BSKYED DANG, SPYOD PA PHA ROL TU PHYIN PA DRUG LA SLOB PA TZAM GYIS RAB TU PHYE BA'I THEG PA YIN PA'I RGYU MTSAN GYIS DE LTAR BRJOD PA'I PHYIR, GSUM PA NI, DE YANG, THEG PA GNYIS PO GANG GI CHED DU GSUNGS PA'I GDUL BYA LA DBANG PO RNO RTUL DANG, MCHOG DMAN GYI CHA NAS DE GNYIS THEG PA SO SOR 'JOG PA MA YIN TE, DE LTAR 'JOG NA RGYUD SDE BZHI PO YANG THEG PA BZHIR GZHAG DGOS PAR 'GYUR BA'I SKYON YOD PA'I PHYIR, DE GNYIS LAM BGROD PA MYUR BUL GYI SGO NAS KYANG SO SOR 'JOG PA MA YIN TE, PHA ROL TU PHYIN PA'I THEG PA LA YANG LAM BGROD PA MYUR BUL GYI SGO NAS PHYE NA LNGA YOD PAR
, ,GSUNGS PAS, DE LTAR NA PHA ROL TU PHYIN PA'I THEG PA YANG THEG PA LNGAR GZHAG DGOS PAR THAL BA'I SKYON DU 'GYUR BA'I PHYIR, DE GNYIS BSAM PA BYANG CHUB KYI SEMS DANG, SPYOD PA PHYIN DRUG LA SLOB PA YOD MED KYI SGO NAS THEG PA SO SOR 'JOG PA MA YIN TE, THEG CHEN PA GNYIS KAS DE DAG LA SLOB PAR MTSUNGS PA'I PHYIR, DE GNYIS LTA BA'I SGO NAS THEG PA SO SOR 'JOG PA MA YIN TE, LTA BA MGON PO KLU SGRUB KYIS DBU MA'I BSTAN BCOS SU GTAN LA PHAB PA LAS LHAG PA RDO RJE THEG PA LA YANG MED PA'I PHYIR DANG, DE'I SGO NAS SO SOR 'JOG NA DBU SEMS GNYIS LTA BA THA DAD PAS THEG PA YANG GNYIS SU GZHAG DGOS PAR 'GYUR BA'I PHYIR, DE GNYIS 'BRAS BU MCHOG DMAN GYI SGO NAS SO SOR MI 'JOG STE, THEG CHEN PA GNYIS KAS MTHAR THUG 'BRAS BU SKYON KUN ZAD YON TAN KUN RDZOGS KYI SANGS RGYAS SU 'DOD PAR MTSUNGS PA'I PHYIR, 'O NA DE GNYIS THEG PA SO SOR GANG GI SGO NAS 'JOG CE NA, 'DI LA BOD KYI RDO RJE SLOB DPON SNGA PHYI RNAMS MTHUN PAR, TSUL GSUM SGRON ME LAS, DON GCIG NA YANG MA RMONGS DANG, ,THABS MANG DKA' BA MED PA DANG, ,DBANG PO RNON PO'I DBANG BYAS NAS, ,SNGAGS KYI THEG PA KHYAD PAR 'PHAGS, ,ZHES GSUNGS PA'I RJES SU 'BRANGS NAS, RTOGS BYA
CHOS KYI DBYINGS DANG, MTHAR THUG GI 'BRAS BU DANG, DE BSGRUB PA'I BYANG CHUB KYI SEMS GSUM DON GCIG NA'ANG, THABS MKHAS PA BZHIS PHA ROL TU PHYIN PA'I THEG PA LAS, RDO RJE THEG PA KHYAD PAR DU 'PHAGS PA YIN TE, RTOGS BYA'I LTA BA LA MA RMONGS PA DANG, THABS MKHAS PA MANG BA DANG, DKA' BA MED PA BYANG CHUB MYUR DU 'GRUB PA DANG, DE YANG DUS MYUR BAS DBANG PO RNO BA'I KHYAD PAR DANG LDAN PA'I PHYIR, KHYAD PAR DANG PO DANG LDAN TE, PHA ROL TU PHYIN PA'I THEG PA BA RNAMS KYI DPE DANG GTAN TSIGS LA SOGS PA'I SGO NAS CHOS NYID RTOGS PAR BYED LA, 'DIR NI YE SHES PHAB PA DANG, DBANG GSUM PA'I DUS SU YE SHES DNGOS SU BSKYED NAS STONG NYID MNGON SUM DU RTOGS PA'I SGO NAS LTA BA LA MA RMONGS PAS KHYAD PAR DU 'PHAGS PA YIN PA'I PHYIR, DE CHOS CAN, THABS MKHAS PA MANG BAS KHYAD PAR DU 'PHAGS PA YIN TE, GNAS SKABS KYI 'BRAS BU BSGRUB PA LA THABS MKHAS PA MANG BAS KHYAD PAR DU 'PHAGS PA DANG, MTHAR THUG GI 'BRAS BU BSGRUB PA LA THABS MKHAS PA MANG BAS KHYAD PAR DU 'PHAGS PA YIN PA'I PHYIR, DANG PO DE YIN TE, GNAS SKABS KYI 'BRAS BU LONGS SPYOD CHE BA DANG, TSE RING BA DANG, SHES RAB 'PHEL BA LA SOGS PA PHAR PHYIN THEG PA PA RNAMS KYIS SBYIN PA GTONG BA SOGS KYI THABS KYIS SGRUB PAR BYED LA, 'DIR NI DZAMBHA LA DANG, NOR RGYUN MA LA SOGS PA SGRUB PA'I THABS MANG ZHING, DE YANG DKA' BA MED PAR MYUR DU 'GRUB LA, DE BSGRUBS PAS BYANG
, ,CHUB MYUR DU 'GRUB PA'I GROGS SU 'GYUR BAS, GNAS SKABS KYI 'BRAS BU BSGRUB PA LA THABS MKHAS PA MANG BA'I KHYAD PAR DU 'PHAGS PA YIN PA'I PHYIR, DE CHOS CAN, MTHAR THUG GI 'BRAS BU BSGRUB PA LA THABS MKHAS PA MANG BAS KHYAD PAR DU 'PHAGS PA YIN TE, DON DAM BDEN PA ZAB PA'I SGO NAS DANG, KUN RDZOB BDEN PA RGYA CHE BA'I SGO NAS KHYAD PAR DU 'PHAGS PA YIN PA'I PHYIR, DE CHOS CAN, DON DAM BDEN PA ZAB PA'I SGO NAS KHYAD PAR DU 'PHAGS PA YIN TE, PHAR PHYIN THEG PA BA RNAMS KYIS CHOS THAMS CAD SPROS BRAL LO SNYAM DU MOS PAR BYED KYANG DE BZHIN DU RTOGS PA MED LA, 'DIR NI SNGAGS PAS BSKYED RIM TZAM ZHIG BSGOM PA'I TSE, PHYAG BCU DRUG STONG NYID BCU DRUG TU SGOM PAR BYED LA, DE BZHIN DU RDZOGS RIM GYI SKABS SU TZAndA LI LA SOGS PA'I THABS MANG POS STONG NYID MNGON SUM DU RTOGS PA'I SGO NAS SGOM PAR BYED PA'I PHYIR, DE CHOS CAN, KUN RDZOB BDEN PA RGYA CHE BA'I SGO NAS KHYAD PAR DU 'PHAGS PA YIN TE, KUN RDZOB RGYA CHE BA RTOGS PA 'JIG RTEN GYI KHAMS KYI BKOD PA DANG, SPYOD PA RGYA CHE BA SPYOD PA GSUM SPYAD PA'I SGO NAS KHYAD PAR DU 'PHAGS PA YIN PA'I PHYIR, DKA' BA YOD MED KYI SGO NAS KHYAD PAR DU 'PHAGS PA YIN TE, PHAR PHYIN THEG PA PA RNAMS KYIS DKA' THUB DANG DKA' SPYAD DRAG PO'I SGO NAS LAM BGROD PAR BYED LA, 'DIR NI SPYOD PA BDE BAS LAM BGROD PAR BYED PA'I PHYIR, DBANG PO RNO RTUL GYI SGO
NAS KHYAD PAR DU 'PHAGS PA STE, PHAR PHYIN THEG PA PA'I CHED DU BYA BA'I GDUL BYA RNAMS KYIS DUS MYUR YANG, BSKAL PA GRANGS MED GSUM GYIS 'BRAS BU MNGON DU BYED LA, 'DIR RAB TSE 'DI LA, 'BRING BAR DOR, THA MA SKYE BA BCU DRUG TSUN LA 'BRAS BU MNGON DU BYED PAR 'DOD PA'I PHYIR, DES NA KHYAD PAR BZHI PO YOD MED KYI SGO NAS THEG PA SO SOR 'JOG CES 'DOD DO, ,KHYAD PAR DANG PO MI 'THAD DE, DE GNYIS LA RTOGS BYA'I LTA BA YOD MED KYI SGO NAS KHYAD PAR MED PA'I PHYIR TE, SDOM GSUM RAB DBYE LAS, GSANG SNGAGS PHA ROL PHYIN PA LA, ,LTA BA'I KHYAD PAR BSHAD PA MED, ,CES BSHAD PA LTAR, DON LA YANG DE LTAR GNAS PA'I PHYIR, KHYAD PAR GNYIS PA MI 'THAD DE, PHAR PHYIN THEG PA PA RNAMS KYIS SBYIN PA GTONG BA LA SOGS PAS LONGS SPYOD BSGRUB PA DANG, 'DIR DZAMBHA LA BSGRUBS PA'I SGO NAS LONGS SPYOD BSGRUB PA GNYIS THABS SHES KHYAD PAR CAN GYIS ZIN NA BYANG CHUB SGRUB PA'I GROGS SU 'GYUR MNYAM DANG, MA ZIN NA MI 'GYUR MNYAM DU MTSUNGS PA'I PHYIR, KHYAD PAR GSUM PA MI 'THAD DE, RGYUD SDE 'OG MA GSUM LA MA KHYAB PA'I PHYIR, GZHAN YANG DKA' BA YOD MED KYI SGO NAS KHYAD PAR DU 'PHAGS PA MI 'THAD DE, PHAR PHYIN THEG PA RANG LAM LA RJE BTZUN BYAMS MGON GYIS LAM BDE ZHING 'JUG PA BDE BA'I SGO NAS 'BRAS BU MNGON DU MDZAD PAR DKON BRTZEGS LAS GSUNGS PA'I PHYIR, TSUL GSUM SGRON ME'I LUNG GI RJES SU 'BRANGS NAS LUNG DON DE LTAR 'DOD PA MI 'THAD DE, TSUL
, ,GSUM SGRON ME DANG DE'I 'BREL PA PAntI TA SMRi TIS MDZAD PA'I BZHED PA DANG YANG 'GAL BA'I SKYON YOD PA'I PHYIR, 'O NA SLOB DPON KRI PI TA K'A MA LA RANG GI BZHED PA JI LTA BU ZHE NA, DE'I BZHED PA'I TSUL YANG YOD DE, GSANG SNGAGS DANG PHA ROL TU PHYIN PA'I BSGRUB BYA'I DON GCIG NA'ANG, KHYAD PAR BZHIS PHA ROL TU PHYIN PA'I THEG PA LAS, SNGAGS KYI THEG PA KHYAD PAR DU 'PHAGS PA YIN TE, MA RMONGS PA DANG, THABS MANG BA DANG; DKA' SLA DANG, DBANG PO RNO RTUL GYI SGO NAS KHYAD PAR DU 'PHAGS PA YIN PA'I PHYIR, MA RMONGS PAS KHYAD PAR DU 'PHAGS PA YIN TE, PHAR PHYIN THEG PA PA RNAMS KYIS 'KHOR GSUM YONGS DAG GI SBYIN PA SOGS LA 'JUG PAS DBANG PO SHIN TU MA RMONGS PA YIN KYANG, MGO GTONG BA LA SOGS PA'I SBYIN PA LA 'JUG PAS DBANG PO RNO BA YANG MA YIN NO, ,MGO GTONG PA LA SOGS PA SBYIN PA'I PHAR PHYIN YANG MA YIN LA, SEMS BSKYED KYI BSAM PA RDZOGS PAR YANG MI 'GYUR ZHING, 'DIR NI SNGAGS PAS DBANG PO RNO BAS THABS DE LA SMAD NAS, THABS SHES GNYIS SU MED PA'I TING NGE 'DZIN GYIS PHA ROL TU PHYIN PA DRUG KA RDZOGS PAR MDZAD PA'I PHYIR, THABS MANG BAS KHYAD PAR DU 'PHAGS PA YIN TE, PHAR PHYIN THEG PA PA RNAMS NI DKA' THUB DANG SDOM PA DANG, BRTUL ZHUGS LA SOGS PA'I ZHI BA PHYOGS GCIG PAR BYED PAS, SEMS CAN THAMS CAD RJES SU 'DZIN PAR MI NUS LA
'DIR NI SEMS CAN THAMS CAD RJES SU 'DZIN PA'I THABS SU RGYUD SDE BZHI GA GSUNGS PA'I PHYIR DANG, DUG LNGA LA SOGS PA DE BZHIN GSHEGS PA RIGS LNGAR BSGRUBS NAS THABS MKHAS PAS SPONG BAR BYED PA'I PHYIR, DKA' SLA'I SGO NAS KHYAD PAR DU 'PHAGS PA YIN TE, DKA' SLA NI RANG GI SEMS KYI DBANG GIS BZHAG PA YIN PAS, 'DIR NI RANG JI LTAR 'DOD PA BZHIN, LAM BDE BAS 'BRAS BU BDE BA SGRUB PAR BYED PA'I PHYIR DANG, BLA MED KYI CHED DU BYA BA'I GDUL BYA DBANG PO RAB RIG MA'I 'DOD YON LA CHAGS MA CHAGS GNYIS LAS, PHYI MA'I DBANG DU BYAS NAS GNYIS SU MED PA'I YE SHES PHYAG RGYA CHEN PO GSUNGS, DANG PO PHYI'I RIG MA'I 'DOD YON LA CHAGS MA CHAGS GNYIS, PHYI MA'I DBANG DU BYAS NAS YE SHES KYI PHYAG RGYA BSTAN, DANG PO'I DBANG DU BYAS NAS DAM TSIG GI PHYAG RGYA'AM LAS KYI PHYAG RGYA BSTAN, BOD KYI BLA MA KHA CIG KYANG, TSUL 'DI LTAR DU 'DOD PA DANG, BLA MED KYI CHED DU BYA BA'I GDUL BYA DBANG PO RAB PHYI'I RIG MA'I 'DOD YON LA CHAGS PA SHAS CHER DGOS PAR 'DOD PA YANG 'GAL BA'O, ,DBANG PO RNO BA'I KHYAD PAR 'THAD DE, BDEN BZHI'I RNAL 'BYOR PA NI DE KHO NA NYID LA RMONGS PAS DBANG PO SHIN TU RTUL BA DANG; PHAR PHYIN THEG PA PA NI THABS LA 'KHRUL BAS DBANG PO 'BRING DANG, RDO RJE THEG PA PA RNAMS NI GANG LA YANG MA RMONGS PAS DBANG PO SHIN TU RNO BAS, GZHAN GYIS SPYAD NA NGAN 'GROR 'GRO BA YANG THABS MKHAS PAS YANG DAG PAR
, ,BSGYUR BA YIN PA'I PHYIR, ZHES SLOB DPON 'DI DANG SLOB DPON YE SHES GRAGS PA GNYIS BZHED DO, ,'DI DAG NI DPYAD PA'I GZHIR SNANG STE, PHAR PHYIN THEG PA PA RNAMS KYIS MGO BTANG BAS SEMS CAN GYI BSAM PA RDZOGS PAR BYAS PA TZAM SBYIN PA'I PHAR PHYIN TU MI BZHED PA'I PHYIR TE, GTONG BA'I SEMS GOMS PA MTHAR PHYIN PA LAS SBYIN PA'I PHAR PHYIN RDZOGS PAR BZHED PA'I PHYIR DANG, GNYIS SU MED PA'I YE SHES PHAR PHYIN THEG PA'I LAM GYI SROG YIN PA'I PHYIR, BDEN BZHI'I RNAL 'BYOR PAS DE KHO NA NYID MI SHES PAR BSHAD PA MI 'THAD DE, MA NGES PA DANG, MA GRUB PA'I GTAN TSIGS CI RIGS SU 'GYUR BA'I PHYIR, DBANG PO RNO BA'I KHYAD PAR THABS LA MA RMONGS PA LA BYED NA SNGA MA DANG BZLOS LA, 'DOD YON LAM DU BYED PA LA BYED NA SNGAGS KYI GDUL BYA DBANG PO RAB KYI KHYAD PAR BSHAD PA DANG 'GAL BA'I PHYIR, SNGAGS KYI GDUL BYA DBANG PO RAB 'BRING THA MA GSUM LAS, PHYAG RGYA CHEN PO; YE SHES KYI PHYAG RGYA, DAM TSIG GI PHYAG RGYA'AM LAS KYI PHYAG RGYA GSUM RIM PAR GSUNGS PAR BSHAD PA MI 'THAD DE, SNGAGS KYI GDUL BYA'I DBANG PO RAB RIN PO CHE LTA BU'I GANG ZAG GIS RIM GNYIS BOGS 'BYIN GYI SPYOD PA GSUM CI RIGS LA BSLABS PAS TSE GCIG GIS SANGS RGYAS 'GRUB PAR GSUNGS PA DANG 'GAL BA'I SKYON DU 'GYUR BA'I PHYIR RO, ,SDOM 'BYUNG 'GREL PA LAS, MNGON RTOGS RGYAN GYI 'DOD LA SPYOD LA THABS MKHAS
DANG; ZHES PA DANG, 'OD SRUNGS KYIS ZHUS PA'I LE'U LAS, JI LTAR GRONG KHYER SKYE BO'I MI GTZANG LUNG, ,DE NI BU RAM SHING PA'I ZHING LA PHAN, ,DE BZHIN BYANG CHUB SEMS DPA'I NYON MONGS LUD, ,DE NI SANGS RGYAS CHOS RNAMS BSKYED LA PHAN; ;ZHES PA KHUNGS SU DRANGS NAS 'DOD YON LA LONGS SPYOD PA DANG, BDE BA CHEN PO SGRUB BYED DANG BCAS PA MDO SNGAGS GNYIS KA'I THUN MONG BAR BZHED LA, 'O NA MDO SNGAGS GNYIS GANG GI SGO NAS KHYAD PAR 'BYED PA YIN ZHE NA BSKYED PA'I RIM PA YOD MED KYI SGO NAS 'BYED PA YIN TE, ,SDOM 'BYUNG LE'U BCU GSUM PA'I 'GREL PA LAS, DE'I PHYIR BSKYED RIM PA SGOM PA MED NA SNGAGS KYI TSUL LAS KHYAD PAR MED PA KHO NA'O, ,ZHES GSUNGS PA'I PHYIR, TSUL 'DI LTAR BSHAD PA YANG DPYAD PAR BYA BA'I GZHI YIN TE, HA CANG KHYAB CHES PA DANG, MA KHYAB PA'I SKYON DU 'GYUR BA'I PHYIR, GZHAN YANG SLOB DPON DZNY'A NA SHR'ISA PHAR PHYIN THEG PA LAS SNGAGS KYI THEG PA THABS MKHAS PA BCU GCIG GAM, BSDU NA BZHI'I SGO NAS KHYAD PAR DU 'PHAGS PAR BZHED PA DANG, JO BO CHEN POS DAM TSIG THAMS CAD BSDUS PAR, SLOB DPON AINTRA BH'U TIS PHAR PHYIN THEG PA LAS SNGAGS KYI THEG PA KHYAD PAR BDUN GYI SGO NAS KHYAD PAR DU 'PHAGS PAR BZHED PA DANG, SLOB DPON SANS RGYAS YE SHES ZHABS KYIS PHAR PHYIN THEG PA LAS SNGAGS KYI THEG PA KHYAD PAR GSUM DANG, RDO RJE DRIL BU PAS KHYAD PAR BZHIS KHYAD PAR DU 'PHAGS
, ,PAR BZHED PA DANG, GRUB CHEN dOm BHI HE RU KAS, 'DIR NI SNOD KYI KHYAD PAR DANG, ,SNOD DU BYED PA'I CHOS DANG NI, ,GZHUNG DANG LAM GYI KHYAD PAR DANG, ,'BRAS BU DAG GI KHYAD PAR LAS, ,SNGAGS KYI THEG PA BLA NA MED, ,CES GSUNGS PA DANG, DAM TSIG RDO RJES, PHAR PHYIN THEG PA LAS SNGAGS KYI THEG PA KHYAD PAR LNGAS 'PHAGS PAR BZHED PAR GSUNGS PA RNAMS RNAL 'BYOR BLA MED KHO NA DANG SBYOR NA BSHAD DU RUNG LA GZHAN DU NA RGYUD SDE 'OG MA GSUM LA MA KHYAB PAS RNAM DPYOD DANG LDAN PA RNAMS KYIS DPYAD PAR BYA'O, ,CHAGS PA MA SPANGS PAR LAM BSGOM PA YOD MED KYI SGO NAS, THEG CHEN GNYIS KYI KHYAD PAR 'BYED PAR 'DOD PA YANG MI 'THAD DE, DE GNYIS KA LA CHAGS PA MA SPANGS PAR LAM BSGOM PA DANG, CHAGS PA SPANGS NAS LAM BSGOM PA GNYIS KA YOD PA'I PHYIR TE, BRAM ZE'I KHYE'U KARM'A LTA BU SOGS LA GZHAN DON KHYAD PAR CAN DANG 'BREL BA'I YAN LAG TU MI TSANGS SPYOD LA SOGS PA GNANG BA'I SKABS SRID PAR MDO LAS GSUNGS PA'I PHYIR, RANG LUGS NI, THEG PA CHEN PO GANG ZHIG SANGS RGYAS KYI GZUGS SKU DANG RNAM PA MTHUN PA'I LAM BSGOM DU YOD PAS RAB TU PHYE BA'I RIGS SU GNAS PA DE RDO RJE THEG PA'I 'JOG BYED DU BYED PA YIN TE, DE LTAR SNGAGS BLA MED KYI GZHUNG RNAMS KYIS KYANG GRUB, RGYUD SDE 'OG MA'I GZHUNG GIS KYANG GRUB PA'I PHYIR, DANG PO GRUB STE, RDO RJE GUR GYI RGYUD LAS, GAL
TE STONG PA THABS YIN NA, ,DE'I TSE SANGS RGYAS NYID MI 'GYUR, ,RGYU LAS 'BRAS BU GZHAN MED PAS, ,THABS NI STONG PA NYID MA YIN, ,LTA BA KUN LAS LOG PA DANG, ,BDAG TU LTA BA TSOL RNAMS KYI, ,BDAG TU ZHEN PA BZLOG PA'I PHYIR, ,RGYAL BA RNAMS KYIS STONG PAR BSTAN, ,DE PHYIR DKYIL 'KHOR 'KHOR LO ZHES, ,BDE BA'I THABS KYI SDOM PA STE, ,SANGS RGYAS NGA RGYAL RNAL 'BYOR GYIS, ,SANGS RGYAS NYID YUN RING MI 'GYUR, ,STON PA SUM CU RTZA GNYIS MTSAN, , MNGA' BDAG DPE BYAD BRGYAD CUR LDAN, ,DE PHYIR THABS DES BSGRUB BYA STE, ,THABS NI STON PA'I GZUGS CAN NO, ,ZHES GSUNGS PA'I PHYIR, SLOB DPON SANGS RGYAS YE SHES ZHABS KYIS BDAG BSGRUB PAR MDO SDE RGYAN DANG, SDUD PA'I LUNG DRANGS NAS, BDAG MED RTOGS PA'I SHES RAB KYIS ZIN PA'I SBYIN SOGS KYI THABS RNAMS GZUGS SKU SGRUB PA'I THABS BLA NA MED PAR GSUNGS PA'I TSUL BKOD NAS, DE'I 'OG TU BDAG GRUB PA LAS DE NI DE KHO NA LTAR YANG MA YIN TE, RGYU MI 'DRA BA GOMS PA LAS, RDZOGS PA'I BYANG CHUB MNGON DU GYUR PA DANG RJES SU MTHUN PA'I LAM SGOM PA MED PA'I PHYIR, ZHES GSUNGS, DON NI PHAR PHYIN THEG PAR GZUGS SKU BSGRUB PA'I THABS BLA NA MED PAR GSUNGS PA DE NYID, GZUGS SKU BSGRUB PA'I THABS BLA NA MED PA MA YIN TE, DE LA 'BRAS BU'I GZUGS SKU DANG RNAM PA MTHUN PA'I LAM SGOM PA MED PA'I PHYIR, 'O NA GZUGS SKU BSGRUB PA'I THABS BLA NA MED PA GANG ZHE NA, ZAB GSAL GNYIS
, ,SU MED PA'I LHA'I RNAL 'BYOR YIN ZHES STON PA LA, BDAG BSGRUB PAR DE LTA BAS NA, BDAG MED PA DANG 'DRA BAR RGYA CHE BA'I RANG GI NGO BO YANG THA MI DAD PAR BSGOM PAR BYA'O, ,ZHES GSUNGS SHING, SLOB DPON SH'ANTI PAS BZHI BRGYA LNGA BCU PAR DE DANG 'DRA BAR GSUNGS PA DANG, MAN NGAG SNYE MAR, SLOB DPON AA BHY'A KA RAS KYANG TSUL DE LTAR DU GSUNGS SO, ,DGRA NAG GI 'GREL PA LHAN CIG SKYES SNANG LAS SBYIN PA LA SOGS PA THABS KYI SGO NAS DANG, SMON LAM GYI STOBS KYIS 'BYUNG BAR 'GYUR RO ZHES BRJOD PAR YANG MI BYA STE, GANG GI PHYIR MA BSGOMS PA'I LONGS SPYOD RDZOGS PA DANG, SPRUL PA'I BDAG NYID LA YANG THE TSOM ZA BA NI JI LTAR NGES PAR 'GYUR, DE LTAR YANG SMON LAM GYI STOBS KYIS 'BYUNG BAR 'GYUR RO ZHE NA, BDAG MED PA YANG MA BSGOMS PA NYID DU MNGON SUM NYID DU 'GYUR BAS, DE BSGOMS PA'I NGAL BAS CI ZHIG BYA, GAL TE DE NI BSGOMS PAS 'BYUNG BAR 'GYUR RO, ZHE NA, LONGS SPYOD RDZOGS PA DANG SPRUL PA'I SKU GNYIS GYIS NYES PA CI ZHIG BYAS ZHE NA GANG GI PHYIR DE DAG LAM BSGOM PAR MI BYA, DE'I PHYIR PHA ROL TU PHYIN PA'I THEG PA LA GNAS PAS KYANG, SKU GSUM GYI BDAG NYID CAN GYI SANGS RGYAS KHAS BLANG BAR BYA'O, ,DE YANG BSGOMS PAS GSAL BAR 'GYUR RO, ,ZHES 'BRAS BU CHOS GZUGS KYI SKU GNYIS SGRUB PAR BYED PA LA RANG DANG RNAM PA MTHUN PA'I LAM GYIS BSGRUB DGOS
NA DGOS MNYAM DANG, MI DGOS NA MI DGOS MNYAM DU MGO MTSUNGS MDZAD NAS, DE NYID SGRUB PAR BYED PA LA, SANGS RGYAS NYID NI BSGRUB PA'I RGYU, ,SANGS RGYAS RNAL 'BYOR KUN TU YANG, ,RGYU DANG 'DRA BA'I 'BRAS BU NYID, ,KUN TU MTHONG BA MA YIN NAM, ,ZHES GRUB CHEN DPAL 'DZIN GYIS DRANGS NAS BSGRUB PAR MDZAD PA'I PHYIR DANG, 'DUL BAS BYIN GYIS KYANG, GZUGS SKU CHOS KYI SKU YIN SGOM BYED PA, ,K'A YE NGES PAR BYANG CHUB THOB PA YIN, ,CHOS SKU RGYAL BA'I BSAM GTAN GYIS THOB NA, ,GZUGS KYI SKU LA CI STE SGOM MI BYED, ,CES GSUNGS PA'I PHYIR, ,RTZA RTAGS GNYIS PA GRUB STE, DE NYID BSDUS PA'I DUM BU DANG PO LAS, LUS DANG NGAG SEMS RDO RJE YI, ,RANG GI RDUL NI PHRA MO RNAMS, ,SANGS RGYAS KYI NI SKUR BSGOMS NA, ,RDZOGS PA'I SANGS RGYAS NYID DU 'GYUR, ZHES PA DANG, DE'I 'GREL PA KO SA LA'I RGYAN DANG, DE NYID SNANG BA'I STOD 'GREL DANG, SLOB DPON SANGS RGYAS GSANG BAS MDZAD PA'I RNAM SNANG MNGON BYANG GI BSDUS DON GYI 'GREL PA SOGS SU GSAL BAR GSUNGS PA'I PHYIR, DON BSDU NA 'BRAS BU YONGS DAG BZHI 'AM KHYAD PAR GSUM LDAN GYI LAM BSGOM PA YOD MED KYI SGO NAS THEG CHEN PA GNYIS SO SOR 'JOG PA YIN TE, THEG PA GSUM RNAM PAR BZHAG PA LAS, DMIGS PA RNAM PAR DAG PA DANG, ,GROGS KYI MTHU DANG SPYOD PA YIS, ,BLO LDAN RNAMS KYIS THEG PA NI, ,CHEN PO'I CHEN PO NYID DU
, ,BSGRAGS, ,ZHES GSUNGS PA'I PHYIR, DE LTAR BYAS PA LA KHO NA RE, THEG PA CHEN PO GANG ZHIG 'BRAS BU'I GZUGS SKU DANG RNAM PA MTHUN PA'I LAM SGOM DU YOD PAS RAB TU PHYE BA'I RIGS SU GNAS PA RDO RJE THEG PA'I 'JOG BYED DU BSHAD PA MI 'THAD PAR THAL, 'BRAS BU DANG 'DRA BA'I RGYUS 'BRAS BU BSGRUB PA SHIN TU MA NGES PAR BSGRUB PA'I PHYIR, MA GRUB NA, 'O NA 'KHOR LOS BSGYUR BA LTA BU'I MTSAN DPES BRGYAN PA'I LUS BSGRUB PA DANG, BDE 'GRO DANG NGAN 'GRO'I LUS RTEN BSGRUB PA LA DE DANG RNAM PA 'DRA BA'I RGYUS BSGRUB DGOS PAR THAL, MA GRUB PA DE'I PHYIR, ZER NA, RTZA BA'I THAL 'GYUR LA MA KHYAB STE, KHO BO CAG GIS 'BRAS BU SANGS RGYAS KYI MTSAN DPES SPRAS PA'I GZUGS KYI SKUR SKYE BA LEN PA'I RNAM SMIN GYI RGYUR DE DANG RNAM PA MTHUN PA'I LAM DGOS PAR SMRA NA SKYON DE LTAR 'JUG PA BDEN YANG, DE LTAR SMRAS PA MA YIN PA'I PHYIR, DE YANG, THEG PA CHEN PO GZHIR BCAS LA GZUGS SKU DANG RNAM PA MTHUN PA'I LAM SGOM PA YOD MED KYI THEG CHEN PA GNYIS SO SOR 'BYED PA'I RGYU MTSAN YOD DE, PHAR PHYIN THEG PA DANG RDO RJE THEG PA GNYIS 'BRAS BU GSANG SNGAGS KYI MTSAN DPES SPRAS PA'I GZUGS SKU BSGRUB PA'I TSUL LA KHYAD PAR SHIN TU CHE BA'I PHYIR TE, PHAR PHYIN THEG PA PA RNAMS NI GZUGS SKU'I NGO BO'I BSOD NAMS KYI TSOGS DANG, MTSAN DPE LA SOGS
PA'I BYE BRAG GI RGYU BLA MA SKYEL BSU LA SOGS PA TSE RABS DU MAR GO MAS PAR BYAS PA LA BRTEN NAS SA THOB STE, RNAM SMIN GYI SKYE BA LEN PA'I TSUL JE BZANG LA SONG NAS MTHAR SRID PA MTHA' MA'I TSE SLOB PA'I MTSAN DPE MTHAR THUG 'GRUB CING CHOS SKU MNGON DU BYED PA NA, SLOB PA'I MTSAN DPE'I RIGS 'DRA'I RGYUN DE NYID MI SLOB PA'I MTSAN DPES SPRAS PA'I SKUR GNAS 'GYUR BAR BZHED PA'I PHYIR DANG, RDO RJE THEG PA'I LUGS KYI TSE GCIG GIS SANGS RGYAS SGRUB PAR BYED PA'I LAS DANG PO PA LA, PHAR PHYIN THEG PA'I SRID PA THA MA PA LTAR SKYES TZAM NYID NAS MTSAN DPE RANG BCAS SU YOD PA YANG MIN, RNAM SMIN GYI LUS DE LONGS SPYOD RDZOGS SKUR GNAS 'GYUR BA YANG MA YIN PAS, 'BRAS BU SANGS RGYAS KYI SA'I MTSAN DPES SPRAS PA'I GZUGS SKU GSAR DU BSGRUB DGOS SHING, DE SGRUB PAR BYED PA'I THABS YANG LHA'I RNAL 'BYOR LAS GZHAN DU MED PAS, DE YANG GZUGS SKU DANG RNAM PA MTHUN PA'I LAM BSGOM PA NYID DU NGES PAR 'GYUR BAS MI 'DRA BA'I KHYAD PAR SHIN TU CHE BA'I PHYIR, YANG KHA CIG ,THEG CHEN GNYIS KYI 'BRAS BU LA MCHOG DMAN KHYAD PAR YOD DE, DE SGRUB BYED KYI LAM LA KHYAD PAR YOD PA'I PHYIR, KHYAB STE 'BRAS BU SGRUB BYED KYI LAM LA KHYAD PAR YOD PA LA DON YOD PA'I PHYIR DANG, PHAR PHYIN THEG PA'I BCU GCIG PA KUN TU 'OD KYIS LAS, RDO RJE THEG PA'I BCU GSUM RDO RJE 'DZIN PA'I SA MCHOG TU GYUR PA
, ,YIN PA'I PHYIR TE, SAMBHU tA LAS, MDOR BSDUS PAS NI SANGS RGYAS NYID, ,BSKAL PA BYE BA GRANGS MED PAS, ,JI SRID SANGS RGYAS GANG THOB PA, ,GANG GI DAM PA'I BDE BAS KHYOD, ,SKYE BA 'DIR NI THOB PAR 'GYUR, ,YANG NA RDO RJE 'DZIN PA NYID, CES DANG, YANG DE NYID LAS, SKYE BA 'DIR SANGS RGYAS NYID DAM RDO RJE SEMS DPA' THOB PAR 'GYUR TE, GANG DAG BSAM GYIS MI KHYAB PA'I GNAS MA THOB PA DE NI BDE BAR GSHEGS PA STE, SANGS RGYAS NYID YIN NO, ,ZHES GSUNGS PA'I PHYIR, ZHES ZER BA MI 'THAD DE, SAMBHU tA'I LUNG DE DAG SGRA JI BZHIN PAR KHAS LEN PA DANG, TSUL GSUM SGRON ME'I LUNG SGRA JI BZHIN PAR KHAS LEN PA GNYIS LA NANG 'GAL GYI SKYON YOD PA'I PHYIR, DE LTAR 'DOD PA MI 'THAD DE, GZHUNG DES, PHAR PHYIN THEG PA NAS BSHAD PA'I SANGS RGYAS THOB PA'AM, RDO RJE THEG PA NAS BSHAD PA'I RDO RJE 'DZIN PA THOB CES 'DAM KHA CAN DU BSTAN PA MIN PA'I PHYIR DANG, GZHUNG DE'I SGRA JI BZHIN PA'I SANGS RGYAS DANG, PHAR PHYIN THEG PA RANG LAM GYI BCU GCIG PA KUN TU 'OD KYIS LA GNAS PA'I SANGS RGYAS DON MI GCIG PA'I PHYIR TE, GZHUNG DE'I SGRA JI BZHIN PA'I SANGS RGYAS DE MNGON RTOGS RGYAN LAS, SA DGU 'DAS NAS YE SHES NI, ,GANG GIS SANGS RGYAS SAR GNAS PA, ,DE NI BYANG CHUB SEMS DPA'I SA, ,BCU PA YIN PAR SHES PAR BYA, ZHES GSUNGS PA DANG DON GCIG PA'I PHYIR, DES NA BCU
GCIG PA KUN TU 'OD KYI SA LAS MCHOG TU GYUR PA'I BCU GSUM RDO RJE 'DZIN PA'I SA GZHAN MED KYANG RDO RJE THEG PAR SA BCU GNYIS DANG, BCU GSUM DANG, BCU BZHI DANG, BCO LNGA LA SOGS PA'I TSUL GSUNGS PA NI DBYE BSDU'I SGO NAS 'JOG PA YIN NO, ,PHAR PHYIN THEG PA DANG RDO RJE THEG PA GNYIS LA 'BRAS BU LA MCHOG DMAN GYI KHYAD PAR MED KYANG, RGYU LA MCHOG DMAN GYI KHYAD PAR YOD PA LA DON MED PAR MI 'GYUR TE, RGYU LA MCHOG DMAN GYI KHYAD PAR YOD PA'I RGYU MTSAN GYIS DE GNYIS LA LAM BGROD PA MYUR BUL GYI KHYAD PAR CHE BA YIN PA'I PHYIR, GNYIS PA LA GSUM, SNGAGS LA 'JUG PA'I SGO MI 'DRA BA CI TZAM ZHIG YOD PA DANG, 'JUG SGO MI 'DRA BAR 'JOG PA'I KHYAD PAR NGOS GZUNG BA DANG KHYAD PAR DE DAG DANG LDAN PA RNAMS KYI LAM BGROD PA'I TSUL BSTAN PA'O, ,DANG PO NI, RDO RJE GUR GYI RGYUD LAS, DMAN PA RNAMS LA BYA BA'I RGYUD, ,BYA MED RNAL 'BYOR DE LTAG LA'O, ,RNAL 'BYOR MCHOG NI SEMS CAN MCHOG ,RNAL 'BYOR BLA MED DE LTAG LA'O, ,ZHES GDUL BYA DMAN PA LA BYA BA'I RGYUD, DE'I LTAG 'BRING LA SPYOD PA'I RGYUD, MCHOG LA RNAL 'BYOR GYI RGYUD, DE'I LTAG MCHOG GI MCHOG LA RNAL 'BYOR BLA MED KYI RGYUD GSUNGS PAS, 'JUG PA'I SGO MI 'DRA BA BZHI'I SGO NAS RGYUD SDE BZHIR 'JOG PA YIN TE, SHRADDHAS BLA MED KYI RGYUD DON LA 'JUG PA LAS, BYA BA'I RGYUD DANG, SPYOD PA'I RGYUD DANG, RNAL 'BYOR GYI RGYUD DANG, RNAL
, ,'BYOR BLA NA MED PA'I RGYUD CES SPYIR GRAGS PA YIN NO, ,ZHES GSUNGS PA'I PHYIR, GNYIS PA NI, GDUL BYA'I DMAN MCHOG GI SGO NAS RGYUD SDE MI 'DRA BA'I 'JUG SGO BZHIR BSHAD PA RGYU MTSAN GANG LA BRTEN PA YIN, GDUL BYA DMAN MCHOG TZAM GYI DE LTAR GZHAG TU MED DE, GAL TE 'JOG NA, GSANG BA 'DUS PA LA YANG RGYUD SDE MI 'DRA BA'I SGO LNGAR GZHAG DGOS PAR 'GYUR BA'I PHYIR TE, DE'I GDUL BYA LA PAD DKAR, AUTPAL, PADMA, TZANDAN, RIN PO CHE LTA BU'I GANG ZAG LNGA YOD PAR YE SHES RDO RJE KUN LAS BTUS LAS GSUNGS PA'I PHYIR, LTA BA DANG THOB BYA'I 'BRAS BU LA MCHOG DMAN YOD PA'I CHA NAS DE LTAR BZHAG TU YOD DE, RGYUD SDE BZHI PO THAMS CAD KYI LTA BA DANG THOB BYA'I 'BRAS BU LA MCHOG DMAN GYI KHYAD PAR MED PA'I PHYIR, CHOS GZUGS KYI SKU GNYIS BSGRUB PA'I LAM SPYI'I LUS LA MI 'DRA BA'I KHYAD PAR YOD PA'I CHA NAS DE LTAR BZHAG TU MED DE, ZAB PA STONG NYID RTOGS PA'I SHES RAB DANG, RGYA CHE BA LHA'I RNAL 'BYOR DANG, DE GNYIS ZUNG DU 'BREL BA'I ZAB GSAL GNYIS SU MED PA'I RNAL 'BYOR LAM GYI SROG TU BYAS NAS LAM BGROD PA RGYUD SDE BZHI PO THAMS CAD LA MI 'DRA BA'I KHYAD PAR MED PA'I PHYIR DANG, DE THAMS CAD RDO RJE THEG PAR RIGS GCIG PA YIN PA'I PHYIR, LHA'I SKYED CHOG MI 'DRA BA'I CHA NAS DE LTAR BZHAG TU MED DE, DE LTAR NA RGYUD SDE
RE RE LA'ANG RGYUD SDE MI 'DRA BA'I 'JUG SGO DU MAR BZHAG DGOS PAR THAL BA'I SKYON YOD PA'I PHYIR, 'DI LA BOD KYI RDO RJE SLOB DPON SNGA PHYI MANG PO RNAMS MTHUN PAR RGYUD SDE BZHIR 'JOG PA'I RGYU MTSAN YOD DE, PHYI ROL MU STEGS PA LA RIGS BZHI YOD PAS DE RNAMS RJES SU GZUNG BA'I PHYIR DU RGYUD SDE BZHI'O ZHES GSUNGS PA'I PHYIR RO, ,DE YANG YIN TE, 'DOD CHAGS CAN DBANG PHYUG GI RJES SU 'BRANG BA DANG, ZHE SDANG CAN KHYAB 'JUG GI RJES SU 'BRANG BA DANG, GTI MUG CAN TSANGS PA'I RJES SU 'BRANG BA DANG, RIGS MA NGES PA DE GSUM CI RIGS DANG PHRAD NA, DE'I RJES SU 'BRANGS TE GRUB MTHA' SMRA BAR BYED PA'I RIGS BZHI RJES SU GZUNG BA'I PHYIR DU, RIM PA BZHIN DU RNAL 'BYOR BLA MED KYI RGYUD DANG, RNAL 'BYOR RGYUD DANG, SPYOD RGYUD DANG, BYA RGYUD RNAMS GSUNGS PA'I PHYIR, DE LTAR YANG DE NYID BSDUS PA'I RJES SU 'BRANGS NAS SLOB DPON KUN DGA' SNYING PO DANG, RAB 'BYOR SKYONG GIS GSUNGS PA'I PHYIR ZHES BZHED DO, ,DE LTAR BZHED PA'I RGYU MTSAN 'DOD CHAGS CAN DBANG PHYUG GI RJES SU 'BRANG BA'I RIGS CAN BLA MED KYI CHED DU BYA BA'I GDUL BYA YIN CING, DE LA BLA MED KYI RGYUD GSUNGS PA'I CHA NAS BLA MED KYI RGYUD DU 'JOG PA YIN NAM, DE 'DRA BA'I GDUL BYA LA BLA MED KYI RGYUD GSUNGS PAS DE 'DRA BA'I GDUL BYA BZHI PO GANG RUNG GCIG BLA MED KYI RGYUD KYIS 'DUL SRID PA LA BSAMS NAS DE LTAR 'JOG PA GANG
, ,YIN, DANG PO LTAR NA MI 'THAD DE, LTA SPYOD PHYIN CI LOG TU GYUR PA'I 'DOD CHAGS CAN DBANG PHYUG GI RJES SU 'BRANG BA'I PHYI ROL MU STEGS PA SNGAGS BLA MED KYI CHED DU BYA BA'I GDUL BYAR 'ONG DON MED PA'I PHYIR, GNYIS PA LTAR NA'ANG MI 'THAD DE, MA NGES PA'I GTAN TSIGS SU GYUR PA'I PHYIR DANG, RGYUD SDE BZHI PO THAMS CAD KYI CHED DU BYA BA'I GDUL BYA'I GTZO BO LA GANG ZAG RIGS BZHI PO DE 'DRA CIG DGOS PA YIN NA'ANG MI RIGS PA'I PHYIR TE, SANGS RGYAS KYI BSTAN PA'I SNYING PO RDO RJE THEG PA'I GDUL BYA'I GTZO BO LA LTA SPYOD PHYIN CI LOG TU GYUR PA'I MU STEGS PAR 'JOG PA MI RIGS PA YIN PA'I PHYIR, GZHAN YANG KHA CIG RGYUD SDE BZHIR 'JOG PA'I RGYU MTSAN YOD DE, SANGS RGYAS PA'I GRUB MTHA' SMRA BA BZHI DANG SGO BSTUN, LHA'I SKYED CHOG MI 'DRA BA BZHI'I SGO NAS DE LTAR 'JOG PA'I PHYIR, DE LTAR 'JOG PA YANG YIN TE, NYAN THOS GNAS MA BU BA'I SDE PA DANG, SHAR PHYOGS PA'I BYE BRAG TU SMRA BA'I GRUB MTHA' SMRA BA DANG SGO BSTUN NAS RANG NYID DAM TSIG PAR MI BSKYED PAR KHRUS DANG GTZANG SBRA SOGS GTZO BOR BYAS TE, MDUN DU LHA YE SHES PA SPYAN DRANGS NAS, RJE KHOL LTA BA'I MCHOD BSTOD BZLAS PA SOGS BYAS PA'I SGO NAS DNGOS GRUB LEN PA BYA BA'I RGYUD DANG, MDO SDE PA DANG KHA CHE BYE BRAG TU SMRA BA'I GRUB MTHA' SMRA BA DANG SGO BSTUN NAS RANG NYID DAM TSIG PAR BSKYED, YE SHES PA DGUG GZHUG MI BYED PAR MDUN DU
LHA YE SHES PA SPYAN DRANGS NAS GROGS PO LTA BU'I MCHOD BSTOD BZLAS PA SOGS BYAS PA'I SGO NAS DNGOS GRUB LEN PA SPYOD PA'I RGYUD DANG, 'PHAGS PA RANG SANGS RGYAS KYI GRUB MTHA' SMRA BA DANG SGO BSTUN NAS RANG NYID DAM TSIG PAR BSKYED, YE SHES PA DGUG GZHUG MCHOD BSTOD BZLAS PA SOGS BYAS, MTHAR LHA YE SHES PA GSHEGS GSOL BYED PA RNAL 'BYOR RGYUD DANG, RANG NYID DAM TSIG PAR BSKYED YE SHES PA DGUG GZHUG MCHOD BSTOD BZLAS PA SOGS BYAS, MTHAR YE SHES PA GSHEGS GSOL MI BYED PA RNAL 'BYOR BLA MED KYI RGYUD DU GSUNGS PA'I PHYIR TE, DE LTAR YE SHES RDO RJE KUN LAS BTUS LAS KYANG BSHAD, MGON PO KLU SGRUB DANG, SLOB DPON YE SHES ZHABS SOGS KYIS KYANG BZHED PA'I PHYIR, ZHES 'DOD PA MI 'THAD DE, YE SHES RDO RJE KUN LAS BTUS LAS BDAG NYID LHA'I BSNYEN PA MED PA DANG, YE SHES SEMS DPA'I BDE BA DAM PA MED PA ZHES PAS BYA RGYUD SPYI LA BDAG BSKYED MED PAR MA BSTAN PA'I PHYIR TE, DE LTAR GSUNGS PA NI BYA RGYUD KYI GDUL BYA THA SHAL BDAG NYID LHAR BSGOMS NA SKRAG PA SKYE BA'I RIGS 'GA' ZHIG LA DGONGS NAS DE LTAR GSUNGS PA'I PHYIR, MGON PO KLU SGRUB DANG, SLOB DPON YE SHES ZHABS KYIS DE LTAR BZHED PA MI 'THAD DE, DE GNYIS KYIS GZHUNG GANG DU YANG TSUL DE LTAR GSAL BAR GSUNGS PA MED PA'I PHYIR, GZHAN YANG DE LTAR 'DOD PA MI 'THAD DE, RANG SANGS RGYAS GRUB MTHA' SMRA BA BZHI'I YA
, ,GYAL MA YIN PA'I PHYIR, GZHAN YANG SLOB DPON AA LANG KA KA LA SHAS RDO RJE PHRENG BA'I 'GREL PAR, MI RIGS BZHI'I SGO NAS RGYUD SDE BZHIR 'JOG PAR BZHED KYANG, BRAM ZE'I RIGS LA BYA RGYUD DANG, RJE'U RIGS LA SPYOD RGYUD, RGYAL RIGS LA RNAL 'BYOR RGYUD DMANGS RIGS SAM GDOL PA'I RIGS LA RNAL 'BYOR BLA MED KYI RGYUD GSUNGS PA'I SGO NAS RGYUD SDE BZHIR 'JOG PAR BZHED PA YANG MI 'THAD DE, MI RIGS BZHI PO RGYUD SDE BZHI GA'I CHED DU BYA BA'I GDUL BYAR BYAS NA HA CANG KHYAB CHES PA'I SKYON DU 'GYUR BA'I PHYIR DANG, RGYUD SDE BZHI GA'I GDUL BYA'I GTZO BO LA MI RIGS BZHI DGOS PAR BZHED NA HA CANG KHYAB CHUNG BA'I SKYON DU 'GYUR BA'I PHYIR DANG, MI RIGS BZHI PO RGYUD SDE BZHI PO DE DANG DES 'DUL SRID PA LA DGONGS NA MA NGES PA'I SKYON DU 'GYUR BA'I PHYIR, KHA CIG DUS 'KHOR BSDUS RGYUD LAS, SHES RAB RGYUD NI SHAR NAS SLAR YANG RNAL 'BYOR RJES SU RIGS PA NYID NI RGYUD KYI ZHAL NAS SO, ,GA-YAS KYI ZHAL NAS RGYAL BA'I BDAG POS RNAL 'BYOR RGYUD GSUNGS GA-YON GYI ZHAL NAS BYA BA LA SOGS SO, ,ZHES DUS 'KHOR GYI ZHAL BZHI NAS RGYUD SDE BZHI GSUNGS PAR BSHAD PA DANG, DRI MED 'OD DU THUN MTSAMS BZHI RGYUD SDE BZHI DANG SBYAR NAS GSUNGS PA DES, GRUB CHEN NAG PO SPYOD PAS GSANG BA'I DE KHO NA NYID GSAL BAR, DUS NI RNAM BZHI'I DBYE BA LAS, ,RGYUD NI RNAM PA BZHIR 'GYUR TE, ,ZHES DUS BZHI DANG SBYAR NAS
GSUNGS PA RNAMS KYIS RGYUD SDE BZHI'I 'JOG BYED BSTAN PAR BSHAD PA MI 'THAD DE, DE DAG NI DAG BYA DAG BYED SBYAR BA TZAM YIN PA'I PHYIR, RANG LUGS NI RGYUD SDE BZHI'I SGO NAS 'JUG SGO MI 'DRA BA BZHIR 'JOG PA'I RGYU MTSAN YANG YOD DE, RDO RJE THEG PA LA 'JUG PA'I CHED DU BYA BA'I GDUL BYA'I GTZO BO LA RIGS BZHIR 'JOG PA'I RGYU MTSAN GYIS YIN PA'I PHYIR, DE LTAR 'JOG PA'I RGYU MTSAN YANG YOD DE, 'DOD YON LA CHAGS PA LAM DU BYED TSUL MI 'DRA BA BZHI YOD PA DANG, DE LTAR LAM DU BYED PA'I LAM STONG NYID RTOGS PA'I SHES RAB DANG, LHA'I RNAL 'BYOR ZUNG DU 'BREL BA'I RNAL 'BYOR GONG NAS GONG DU SKYED PA'I MCHOG DMAN GYI NUS PA LA RIGS MI 'DRA BA BZHI YOD PA'I RGYU MTSAN GYIS DE LTAR 'JOG PA YIN PA'I PHYIR, BLA MED KYI RGYUD NAS BSHAD PA'I RGYUD SDE BZHI'I MTSAN DON GYI SGO NAS BSHAD NA, SAMBHU tA LAS, RGOD DANG BLTA DANG LAG BCANGS DANG, ,GNYIS GNYIS 'KHYUD DANG RNAM PA BZHI, ,SRIN BU'I TSUL GYI RGYUD BZHIR GNAS, ,ZHES GSUNGS PA'I RKANG PA MTHA' MAS 'DOD YON LA CHAGS PA LAM DU BYED TSUL GYI SNYING PO MTHAR THUG PA BSTAN PA YIN TE, DPER NA SHING LAS SKYES PA'I SRIN BU SHING LAS SKYES KYANG, SHING RTZA BA NAS ZAD PAR BYED PA LTAR DU, RGYU DUS KYI KUN SLONG RGOD PA DANG, LAG BCANGS SAM 'KHYUD PA TZAM DANG, DBANG PO GNYIS SBYOR GYI 'DOD CHAGS LA BRTEN NAS SKYES PA'I BDE BA CHEN PO, RANG
, ,DUS SU STONG NYID RTOGS PA'I BLO DANG DBYER MED DU SKYES PA'I BDE STONG DBYER MED KYI YE SHES DES, 'DOD CHAGS LA SOGS PA'I MA RIG PA DANG NYON MONGS PA RNAMS RTZA BA NAS ZAD PAR BYED PA YIN PA'I PHYIR, DES NA BLA MED KYI RGYUD NAS BSHAD PA'I RGYUD SDE BZHI'I MTSAN GYI DBANG DU BYAS NAS, BLTAS PA'I RGYUD, RGOD PA'I RGYUD, LAG BCANGS KYI RGYUD, GNYIS SPROD KYI RGYUD CES KYANG BYA BA YIN TE, RDO RJE SNYING PO RGYAN GYI RGYUD LAS, 'DI NI GNYIS PO SBYOR BA YI, ,RGYUD KYI DBYE BA BSTAN PA YIN, ,DE BZHIN DU NI LAG BCANGS DANG, ,BLTAS DANG RGOD PAS SHES PAR BYA, ,ZHES GSUNGS PA'I PHYIR, RGYUD SDE BZHI'I MTSAN DON RGYUD SDE BZHI GA LA GRAGS PA'I DBANG DU BYAS NA PHYI'I BYA BA DANG NANG LHA'I RNAL 'BYOR GNYIS KYI NANG NAS PHYI'I BYA BA GTZO BOR STON CING, BSGOMS PA'I LHA MO DANG PHAN TSUN BLTAS PA TZAM LAS BYUNG BA'I BDE BA LAM DU BYED PA LA MOS PA'I GANG ZAG DNGOS SAM, DE'I RIGS GNAS GANG RUNG GI CHED DU BYA BA'I GDUL BYA LA GTZO BOR GSUNGS PA'I RGYUD DNGOS SAM, DE'I SDER GTOGS GANG RUNG GI RGYUD BYA RGYUD KYI MTSAN NYID YIN TE, DON ZHAGS KYI CHO GA ZHIB MO LAS, BCOM LDAN 'DAS ZHAL KHRO GNYER CAN LA BSTOD PAR BYA, ZHES GSUNGS PA'I PHYIR, PHYI'I BYA BA DANG NANG LHA'I RNAL 'BYOR CHA MNYAM DU SPYOD CING, BSGOMS PA'I LHA MO DANG PHAN TSUN BLTAS PAR MA ZAD RGOD PA TZAM LAS BYUNG BA'I BDE BA LAM DU BYED PA LA MOS PAR
GANG ZAG DNGOS SAM, DE'I RIGS GNAS GANG RUNG GI CHED DU BYA BA'I GDUL BYA LA GTZO BOR GSUNGS PA'I RGYUD DNGOS SAM, DE'I SDER GTOGS GANG RUNG GI RGYUD SPYOD RGYUD KYI MTSAN NYID YIN TE, RNAM SNANG MNGON BYANG LAS, DE'I GA-YAS SU LHA MO NI, ,SANGS RGYAS SPYAN ZHES BYA BA STE, ,LHA MO CUNG ZAD 'DZUM PA'I ZHAL, ,'OD KYI DKYIL 'KHOR 'DOM GANG BA, ,MTSUNGS MED SKU NI RAB TU DKAR, ,DE NI SH'AKYA THUB PA'I YUM, ,ZHES GSUNGS PA'I PHYIR, PHYI'I BYA BA DANG NANG LHA'I RNAL 'BYOR GNYIS KYI NANG NAS NANG LHA'I RNAL 'BYOR GTZO BOR STON CING, BSGOMS PA'I LHA MO DANG BLTAS PA DANG RGOD PA LA BRTEN NAS BYUNG BA'I BDE BA LAM DU BYED PA YOD PAR MA ZAD, PHAN TSUN 'KHYUD PA'AM LAG PA BCANGS PA LA BRTEN NAS BDE BA LAM DU BYED PA LA GTZO BOR MOS PA'I CHED DU BYA BA'I GDUL BYA DNGOS SAM, DE'I RIGS GNAS GANG RUNG GI GDUL BYA LA GSUNGS PA'I RGYUD DNGOS SAM, DE'I SDER GTOGS GANG RUNG GI RGYUD RNAL 'BYOR RGYUD KYI MTSAN NYID DU 'JOG PA YIN TE, RTZE MO LAS, LHA MO RDO RJE CA CO SGROGS, ,DBUS 'KHYUD RANG BZHIN LHA MO STE, ,DE YI GLO NA MGO BSGYUR ZHING, ,'DZUM BCAS KUN TU BLTA BA STE, ,BCOM LDAN 'DAS KYI PHYAG LA 'JUS, ,ZHES GSUNGS PA'I PHYIR, PHYI'I BYA BA DANG NANG LHA'I RNAL 'BYOR GNYIS KYI NANG NAS, NANG LHA'I RNAL 'BYOR KHO NA GTZO BOR STON CING, RNAL 'BYOR 'DI LA SA MCHOG TU GYUR PA'I BLA MA'AM GONG MAR GYUR PA'I RGYUD GZHAN
, ,MED LA, DBANG PO GNYIS SBYOR GYI 'DOD YON LA CHAGS PA LAM DU BYED PA LA GTZO BOR MOS PA'I GDUL BYA DNGOS SAM, DE'I RIGS GNAS GANG RUNG GI CHED DU BYA BA'I GDUL BYA LA GSUNGS PA'I RGYUD DNGOS SAM, DE'I SDER GTOGS GANG RUNG GI RGYUD BLA MED KYI RGYUD KYI MTSAN NYID YIN TE, 'DUS PA RTZA BA'I RGYUD LAS, DE BZHIN GSHEGS PA'I BTZUN MO'I MCHOG ,SPYAN LA SOGS PA BSGOM PAR BYA, ,DBANG PO GNYIS NI MNYAM SBYAR BAS, ,SANGS RGYAS DNGOS GRUB THOB PAR 'GYUR, ,ZHES GSUNGS PA'I PHYIR, KHA CIG RGYUD SDE BZHIR DBYE BA MI 'THAD PAR THAL, SLOB DPON SANGS RGYAS GSANG BAS, RGYUD SDE LA GSUM DU PHYE NAS GSUNGS PA'I PHYIR TE, RNAL 'BYOR SPYOD DANG BYA DBYE LAS, ,RGYUD SDE RNAM PA GSUM DU 'DOD, ,CES GSUNGS PA'I PHYIR, ZHES ZER BA MI 'THAD DE, LUNG 'DI RNAM DAG YIN MIN THE TSOM GYI GZHIR SNANG ZHING, RNAM DAG YIN PA'I DBANG DU BYAS NA YANG BYA SPYOD GNYIS DANG, RNAL 'BYOR PHYI MA GNYIS RNAL 'BYOR RGYUD GCIG TU BYED PA'AM, YANG NA BYA SPYOD GNYIS GCIG TU BSDU BA'I DBANG DU BYAS KYANG 'GAL BA MED PA'I PHYIR, KHA CIG RGYUD SDE LA LNGAR 'BYED PA YIN TE, YE SHES RDO RJE KUN LAS BTUS LAS, RTOGS PA'I RGYUD, BYA BA'I RGYUD, SPYOD PA'I RGYUD, RNAL 'BYOR RGYUD, RNAL 'BYOR BLA MED KYI RGYUD DANG LNGAR 'BYED PA YIN PA'I PHYIR, ZHE NA SKYON MED DE, DER RTOGS PA'I RGYUD CES BYA'I
DON NI BYA RGYUD KYI NANG TSAN GYI PHYI'I BYA BA STON PA'I RGYUD LA RTOGS PA'I RGYUD CES GSUNGS PA YIN PA'I PHYIR, KHA CIG RGYUD SDE LA DRUG TU 'BYED PA YIN TE, DE LTAR SLOB DPON KAM PA LAS KYANG BSHAD, BDE MCHOG NYUNG NGU'I RTZA RGYUD LAS KYANG GSUNGS PA'I PHYIR, BDE MCHOG NYUNG DU LAS, MDO SDE BYA BA SPYOD PA DANG, ,RNAL 'BYOR GSANG MTHA'I DBYE BA YI, ,SEMS CAN MOS PAS 'JUG PA LA, ,DE DANG DE LA DGA' BA BZHIN, ,ZHES MDO SDE RTOGS PA'I RGYUD DANG, BYA BA'I RGYUD DANG, SPYOD PA'I RGYUD DANG, RNAL 'BYOR RGYUD GSANG BA STE, GSANG BA 'DUS PA LA SOGS PA'I PHA RGYUD DANG, MTHA' STE BDE MCHOG RTZA RGYUD LA SOGS PA'I MA RGYUD DRUG TU 'BYED PA YIN PA'I PHYIR, ZHES 'DOD PA MI 'THAD DE, SLOB DPON KAM PA LAS KYANG, DE LTAR GSAL BAR BSHAD PA MED CING, BDE MCHOG RTZA RGYUD KYI LUNG DON DE YANG DE LTAR MA YIN PA'I PHYIR TE, BDE MCHOG NYUNG NGU'I DON NI MDO RGYUD GNYIS SU PHYE BA'I MDO DANG, BYA SPYOD GNYIS, RNAL 'BYOR GSANG MTHA' STE GSANG BA BLA NA MED PA'I RGYUD SDE BZHI STE, DE DANG DES 'DUL BA'I GDUL BYA LA STON PAS DE DANG DE GSUNGS SO, ,ZHES PA'I DON YIN PA'I PHYIR, DE LTAR YIN NA RGYUD SDE BZHI PO RNAMS KYI GRANGS KYI TSAD JI LTA BU ZHE NA, DE DAG GI TSAD KYANG BZHAG TU YOD DE, YE SHES RDO RJE KUN LAS BTUS LAS, RTOGS PA'I RGYUD STONG PHRAG BZHI'O, ,BYA BA'I RGYUD STONG PHRAG BZHI'O, ,SPYOD PA'I RGYUD STONG PHRAG BRGYAD DO, ,
, ,GNYIS KA'I RGYUD STONG PHRAG DRUG GO ,RNAL 'BYOR RGYUD LA MING STONG PHRAG BCU GNYIS SO, ,DE LTAR NA RGYUD SDE STONG PHRAG SUM CU RTZA BZHI'O, ,RGYAS PAR DBYE NA TSAD MED DO, ,ZHES GSUNGS PA'I PHYIR DANG, BLA MED KYI DBANG DU BYAS NAS SDOM 'BYUNG LAS, RNAL 'BYOR RGYUD RNAMS KYI NI TSAD, ,BYE BA PHRAG NI DRUG TU NGES, ,DE BZHIN RNAL 'BYOR MA RGYUD GRANGS, ,BYE BA PHRAG NI BCU DRUG GRAGS, ,ZHES GSUNGS PA'I PHYIR, DE YANG MTSAN GYI DBANG DU BYAS PA'I GRANGS YIN GYI, SHO LO KA'I GRANGS MA YIN TE, GZHAN DU BYA BA'I RGYUD STONG PHRAG BZHI YOD PAR GSUNGS PA LA DON ZHAGS KYI RGYUD GCIG PO LA SHO LO KA STONG PHRAG BRGYAD YOD PA'I PHYIR, ` GSUM PA NI, RGYUD SDE BZHI PO GANG GI SGO NAS 'JUG KYANG, LAG NA RDO RJE DBANG BSKUR BA'I RGYUD LAS, BYANG CHUB KYI SEMS SGOM PA RDZOGS PAR GYUR PA NA DKYIL 'KHOR DU GZHUG CING DBANG BSKUR BAR GSUNGS PA LTAR, LAM THUN MONG BAS RGYUD SBYANGS PA ZHIG NGES PAR SNGON DU 'GRO DGOS TE, SPYOD BSDUS LE'U DANG PO LAS, SLOB MAS LAM LA GCIG CAR SLOB BAM RIM GYIS SLOB DRIS PA'I LAN DU, RIM GYIS SLOB PA YIN GYI, CIG CAR NI MA YIN NO, ,ZHES GSUNGS PA'I 'OG TU, DE'I RIM PA NI 'DI YIN TE, THOG MA NYID DU SANGS RGYAS KYI THEG PA'I BSAM PA LA BSLAB BO, ,GANG GI TSE SANGS RGYAS KYI THEG PA'I BSAM PA LA LOBS PAR GYUR PA DE'I TSE, THEG PA GSAR
PA DRAN PA GCIG PA'I TING NGE 'DZIN LA SLOB BO, ,ZHES GSUNGS SHING, RTAG GNYIS LAS KYANG, DANG POR GSO SBYONG SBYIN PAR BYA, ,DE NAS BSLAB PA'I GNAS BCU SBYIN, ,DE LA BYE BRAG SMRA BA BSTAN, ,MDO SDE PA YANG DE BZHIN NO, , RNAL 'BYOR SPYOD PA DE LAS PHYIS, ,DE'I RJES SU DBU MA BSTAN, ,SNGAGS KYI RIM PA KUN SHES NAS, ,DE RJES KYEE RDO RJE BSTAN, ,ZHES GSUNGS PA'I PHYIR, DE NAS RDO RJE SLOB DPON MTSAN NYID DANG LDAN PA BLA MA LNGA BCU PA LAS BSHAD PA LTAR TSUL BZHIN DU BSTEN, RGYUD SNOD DU RUNG BAR BYED PA DBANG BSKUR BA MNOS, DBANG DUS SU KHAS BLANGS PA'I DAM TSIG DANG, SDOM PA TSUL BZHIN DU BSRUNG BA LAM GYI GZHIR MED MI RUNG YIN TE, BLA MA LNGA BCU PA LAS, BSAM PA DAG PA'I SLOB MA NI, ,DKON MCHOG GSUM LA SKYABS SONG LA, ,BLA MA'I RJES SU 'JUG PA 'DI, ,KHA TON BYA BAR SBYIN PAR BYA, ,DE NAS SNGAGS SOGS BYIN PA YIS, ,DAM CHOS SNOD DU BYAS NAS SU, ,RTZA BA'I LTUNG BA BCU BZHI NI, ,KLAG DANG 'DZIN PA NYID DU BYA, ,ZHES PA DANG, PHYAG CHEN THIG LE LAS KYANG, DBANG MED PA LA DNGOS GRUB MED, ,BYE MA BTZIR LA MAR MED LTAR, ,GANG GI RGYUD LUNG NGA RGYAL GYIS, ,DBANG BSKUR MED PAR 'CHAD BYED PA, ,SLOB DPON SLOB MA SHI MA THAG ,DNGOS GRUB THOB KYANG DMYAL BAR 'GRO ,ZHES GSUNGS LA, SANGS RGYAS THOD PA'I RGYUD LAS KYANG, ,DPER NA BU TSA MED PA'I KHYIM, ,SHI BA TZAM GYIS STONG PA NYID, ,DE BZHIN DBANG DANG BRAL NA NI, ,
, ,YE SHES KUN GYIS STONG PA NYID, ,ZHES GSUNGS SHING, BDE MCHOG RTZA RGYUD LAS KYANG, SHIN TU MNYAM GZHAG SGRUB PA POS, ,DAM TSIG RTAG TU BSKYANG BAR BYA, ,DAM TSIG NYAMS PAS DKYIL 'KHOR DU, ,DBANG BSKUR DNGOS GRUB THOB MI 'GYUR, ,ZHES GSUNGS PA'I PHYIR, DUS GCIG TU SLOB MA LA DBANG BSKUR BA DANG, SLOB MA LTAG GNAS BYED PA'I GRANGS JI TZAM YIN ZHE NA, MI THUB ZLA BA DANG, MAR ME MDZAD BZANG PO DANG, LVA BA PA DANG, NAG PO SPYOD PA RNAMS KYIS SLOB MA'I GRANGS TSAD NGES PA CAN MA GSUNGS SHING, D'A RI KA PAS NYI SHU RTZA LNGA MAN CHAD ZUNG DU MA GYUR PAR GSUNGS PA NI, GSANG BA SPYI RGYUD LAS, MKHAS PAS SLOB MA GCIG GAM GSUM, ,LNGA'AM YANG NA BDUN DAG GAM, ,NYI SHU RTZA NI LNGA YI BAR, ,ZUNG DU MA GYUR YONGS SU BZUNG, ,DE LAS LHAG PA'I SLOB MA DAG ,YONGS SU BZUNG BAR MI SHIS SO, ,ZHES PA'I RJES SU 'BRANG BA YIN NO, ,KHA CIG RNAL 'BYOR RGYUD DANG, DUS 'KHOR MA GTOGS BLA MED GZHAN RNAMS LA MTHA' GCIG TU NYI SHU RTZA LNGA MAN CHAD ZUNG DU MA GYUR PA NGES PAR DGOS TE, GSANG BA SPYI RGYUD LAS, MKHAS PAS SLOB MA GCIG GAM GSUM, ,ZHES SOGS GSUNGS PA'I PHYIR, RNAL 'BYOR RGYUD DU SLOB MA'I GRANGS TSAD NGES PA MED DE, DE NYID BSDUS PAR, RDO RJE DBYINGS KYI DKYIL 'KHOR CHEN POR 'JUG PA LA, SNOD DANG SNOD MIN
PA BRTAG MI 'TSAL LO, ,ZHES PA DANG, RNAM SNANG MNGON BYANG LAS, 'ON KYANG SLOB DPON SNYING RJE CHEN PO DANG LDAN PAS, SEMS CAN GYI KHAMS RNAMS MA LUS PA YONGS SU BSGRAL BA YID DAM BCA' BA KHO NAR BYA STE, DES SNYING RJE CHEN PO'I RGYUR GYUR PA'I PHYIR, SEMS CAN TSAD MED PA YONGS SU GZUNG BAR BYA'O, ,ZHES GSUNGS PA'I PHYIR, DUS 'KHOR LA YANG DBANG BSKUR BA'I SLOB MA'I GRANGS TSAD NGES PA MED DE, SNGON BYUNG LA 'JAM DPAL GRAGS PAS MA LA YA'I SKYED MOS TSAL DU NYI MA'I SHING RTA LA SOGS PA'I TSANGS PA'I DRANG SRONG BYE BA PHRAG BZHI DUS GCIG TU DUS KYI 'KHOR LO'I DKYIL 'KHOR DU DBANG BSKUR BAR GSUNGS PA'I PHYIR, ZHES ZER BA'I LUGS DANG PO MI 'THAD DE, GSANG BA SPYI RGYUD KYI LUNG DE'I DON NI, RGYUD SDE BZHI'I DBANG BSKUR BA LA SPYIR BTANG GI DBANG DU BYAS PA YIN GYI, DMIGS KYIS BSAL NA GRANGS KYANG KHA 'CHAM PA DANG, BCU DANG, NYI SHU RTZA LNGA LAS LHAG PA LA DBANG BSKUR BAR GSUNGS PA'I PHYIR TE, RNAM SNANG MNGON BYANG LAS, SLOB MA DAG CING RIGS BTZUN PA, ,DE BZHIN DKON MCHOG GSUM LA DAD, ,ZAB MO YI NI BLO DANG LDAN, ,SPRO BA CHE ZHING TSUL KHRIMS LDAN, ,BZOD DANG LDAN ZHING SER SNA MED, ,DPA' LA YID DAM BRTAN PA NI, ,BCU'AM BRGYAD DAM BDUN DANG LNGA, ,GCIG GNYIS BZHI LAS LHAG KYANG RUNG, ,DPYAD MI DGOS PAR GZUNG BAR BYA, ,ZHES GSUNGS PA'I PHYIR, RNAL 'BYOR RGYUD LA DE
, ,LTAR 'DOD PA MI 'THAD PAR THAL, LUNG DE GNYIS KYI DON DE LTAR MA YIN PA'I PHYIR TE, LUNG DE GNYIS KYI DON NI, SLOB DPON SNYING RJE CHEN PO'I GZHAN DBANG DU GYUR PAS SLOB MA'I SGRIB PA TZAM SBYANG BA'I PHYIR DU, DBANG BSKUR BA DANG MA 'BREL PAS DKYIL 'KHOR DU ZHUGS PA TZAM BYAR RUNG BA'I DON YIN PA'I PHYIR, GZHAN DU NA RGYUD SDE GSUM PA RNAL 'BYOR RGYUD DU DBANG BSKUR BA LA SNOD DANG SNOD MA YIN PA'I DBYE BA BYAR MI RUNG BAR THAL, DE NYID BSDUS PAR, RDO RJE DBYINGS KYI DKYIL 'KHOR CHEN PO 'DIR, SNOD DANG SNOD MA YIN PA RTAG MI 'TSAL, ZHES GSUNGS PA'I PHYIR, DUS 'KHOR DANG BLA MED GZHAN LA KHYAD PAR 'DOD PA MI 'THAD PAR THAL, SNGON BYUNG GI DBANG DU BYAS NA, 'DUS PA RTZA BA'I RGYUD LAS GSUNGS PA'I THOG MAR 'KHOR MCHOG DMAN MTHA' YAS PA STON PA RDO RJE 'CHANG GIS DUS GCIG TU DKYIL 'KHOR DU GZHUG CING DBANG BSKUR BAR RDO RJE DAM TSIG 'BYUNG BA'I TSIG TSUL BZHIR BSHAD PA LA BRTEN NAS GRUB PA'I PHYIR, 'O NA SLOB MA DKYIL 'KHOR DU GZHUG CING DBANG BSKUR BA'I GRANGS DE LTAR YIN NA, GANG DU DBANG BSKUR BA'I DKYIL 'KHOR LA DBYE NA, DU YOD CE NA, DE YANG RGYUD SDE 'OG MA GSUM GYI DBANG DU BYAS NA GSUM YOD DE, RGYUD SDE 'OG MA GSUM GYI GNAS SKABS SU LUS DKYIL GYI THA SNYAD TSAD LDAN SUS KYANG MA BSHAD CING MI 'THAD PAS, RDUL TSON GYI DKYIL 'KHOR, RAS BRIS KYI DKYIL 'KHOR, GANG ZAG GI
KHYAD PAR 'GA' ZHIG LA BSAM GTAN GYI DKYIL 'KHOR RNAMS SU YOD PA'I PHYIR, BLA MED KYI GANG DU DBANG BSKUR BA THOB PA'I DKYIL 'KHOR LA SGRAS BRJOD RIGS KYI SGO NAS DBYE NA BDUN YOD DE, RDUL TSON GYI DKYIL 'KHOR, RAS BRIS KYI DKYIL 'KHOR, BSAM GTAN GYI DKYIL 'KHOR, LUS DKYIL GYI DKYIL 'KHOR, KUN RDZOB BYANG CHUB SEMS KYI DKYIL 'KHOR, BHA GA'I DKYIL 'KHOR DANG, DON DAM BYANG CHUB SEMS DPA'I DKYIL 'KHOR RNAMS SU YOD PA'I PHYIR, DE'I NANG NAS BUM DBANG GANG DU THOB PA'I DKYIL 'KHOR LA BZHI YOD DE, RDUL TSON GYI DKYIL 'KHOR, RAS BRIS KYI DKYIL 'KHOR, BSAM GTAN GYI DKYIL 'KHOR, LUS KYI DKYIL 'KHOR DANG BZHI YOD PA'I PHYIR, SLOB DPON RDO RJE DRIL BU PAS, DBANG BSKUR DKYIL 'KHOR SNGON 'GRO BA, ,RDO RJE 'CHANG GIS GSUNGS PA STE, ,'ON KYANG DKYIL 'KHOR DE'I RANG BZHIN, ,CI YIN 'DIR NI BSHAD PAR BYA, ,THIG LAS TSON BKYE'I RIM PA DANG, ,RI MOR BRIS PA'I LAS DANG NI, , 'GRO BA 'DI KUN RANG BZHIN GYIS, ,GRUB PA'I DKYIL 'KHOR GNYIS MED PA'O, ,BCOS MA GNYIS KYI NGO BO GANG, ,DE NI GDUL BYA'I DBANG LAS YIN, ,MKHAS PA'I BSGRUB BYA DE MIN TE, ,YANG DAG DON MTHONG GROL PHYIR RO, ,ZHES GSUNGS PA'I PHYIR, 'O NA GANG DU DBANG BSKUR BA'I DKYIL 'KHOR GYI DBYE BA DE LTAR YIN NA, DBANG GI RNAM PAR GZHAG PA JI LTA BU ZHE NA, RDO RJE THEG PA LA 'JUG PA'I THOG MA'I SGO 'BYED KYI RIGS SU GNAS PA GANG ZHIG ,NOD PA SO
, ,SO'I RTEN GYI GANG ZAG SNGAGS KYI LAM SGOM PA LA DBANG BAR BYED PA YANG YIN, RGYUD SDE BZHI PO CI RIGS PA DANG, 'BREL BA'I MCHOG THUN MONG GI DNGOS GRUB BSGRUB PA LA DBANG BA'I RIGS SU GNAS PA YANG YIN PA'I GZHI MTHUN PAR DMIGS PA'I YON TAN RDO RJE THEG PA'I RGYUD SNOD RUNG DU BYED PA DBANG GI MTSAN NYID, CI'I PHYIR DBANG ZHES BYA ZHE NA, DRI MA 'KHRUD PA DANG NUS PA 'JOG PAR BYED PA LA DBANG BA DANG, LAM BSGOM PA LA DBANG BA DANG, MCHOG THUN MONG GI DNGOS GRUB BSGRUB PA LA DBANG BAS NA DBANG ZHES BRJOD PA YIN PA'I PHYIR, 'O NA RGYUD SDE BZHI PO LA DBANG MI 'DRA BA'I KHYAD PAR JI LTA BU YOD CE NA, DE LTA BU'I KHYAD PAR BZHAG TU YOD DE, BYA RGYUD LA CHU COD PAN GYI DBANG MTHA' RTEN DANG BCAS PA TZAM ZHIG DANG, SPYOD RGYUD LA DE'I STENG DU RDO RJE DRIL BU MING GI DBANG STE RIG PA'I DBANG LNGA MTHA' RTEN DANG BCAS PA TZAM DANG, RNAL 'BYOR RGYUD LA DE'I STENG DU RDO RJE SLOB DPON GYI DBANG MTHA' RTEN DANG BCAS PA TZAM DANG, RNAL 'BYOR BLA NA MED PA LA DBANG BZHI RDZOGS PAR BSKUR BA YOD PA'I KHYAD PAR RNAMS SU YOD PA'I PHYIR TE, YE SHES THIG LE'I RGYUD LAS, CHU'I DBANG DANG COD PAN DAG ,BYA BA'I RGYUD LA RAB TU GRAGS, ,RDO RJE DRIL BU MING GI DBANG, ,SPYOD PA'I RGYUD LA RAB TU GSAL, ,PHYIR MI BZLOG PA YI NI DBANG, ,RNAL 'BYOR RGYUD LA GSAL BAR PHYE, ,DE NI DRUG GI BYE BRAG DBANG, ,DE NI SLOB DPON DBANG ZHES BYA, ,RNAL 'BYOR BLA MA
YI NI MTSAN, ,GSANG BA YI NI DBANG RGYAL BSHAD, ,SHES RAB YE SHES BLA NA MED, ,BZHI PA DE LTAR DE BZHIN NO, ,ZHES GSUNGS PA'I PHYIR, DE YANG BLA MED KYI LUGS LA DBANG LA DBYE NA GNYIS SU YOD DE, SKYED RIM GYIS RGYUD SMIN PAR BYED PA BUM PA'I DBANG DANG, RDZOGS RIM GYIS RGYUD SMIN PAR BYED PA MCHOG GI DBANG DANG GNYIS SU YOD PA'I PHYIR, DANG PO LA YANG DBYE NA, THUN MONG BA RDO RJE SLOB MA'I DBANG DANG, THUN MONG MA YIN PA RDO RJE SLOB DPON GYI DBANG GNYIS SU YOD, DANG PO LA RGYAS PAR DBYE NA RIG PA'I DBANG LNGAR YOD, RDZOGS RIM GYIS RGYUD SMIN PAR BYED PA MCHOG GI DBANG LA DBYE NA, GSUM DU YOD DE, GSANG DBANG, SHES RAB YE SHES KYI DBANG, DBANG BZHI PA DANG GSUM DU YOD PA'I PHYIR, DUS 'KHOR GYI LUGS KYI DBANG LA DBYE NA, CHU'I DBANG DANG, MCHOG GI DBANG GNYIS SU YOD DO, ,CHU'I DBANG LA DBYE NA BYIS PA LTAR 'JUG PA'I DBANG BDUN DU YOD DO, ,MCHOG GI DBANG LA DBYE NA KUN RDZOB 'JIG RTEN PA'I DBANG DANG, DON DAM 'JIG RTEN LAS 'DAS PA'I DBANG GONG MA GONG CHEN GNYIS LA BUM DBANG, GSANG DBANG, SHES RAB YE SHES, BZHI PA SHES RAB YE SHES CHEN PO'I DBANG DANG BZHI BZHI, RDO RJE SLOB DPON BDAG PO CHEN PO'I DBANG RNAMS SU YOD DO, ,'O NA DBANG GI RNAM GZHAG DE LTAR YIN NA, DBANG BSKUR BA'I SNGON DU SDOM PA JI LTAR GZUNG BAR BYA ZHE NA, PADMA LCAGS KYU LA SOGS PA'I RGYA GAR GYI SLOB DPON 'GA' ZHIG ,GDUGS DKAR LA SOGS PA LA
, ,RIGS LNGA'I SDOM PA 'DZIN PA DANG, DBANG BZHI'I RNAM GZHAG MDZAD PA NI, RGYUD DANG MKHAS GRUB TSAD LDAN GYI GZHUNG DANG 'GAL ZHING MI 'THAD PAS, BYA SPYOD GNYIS LA SNGAGS SDOM 'DZIN PA MED LA, DE YANG PHUN SUM TSOGS PA'I YAN LAG GI DBANG DU BYAS NAS SO THAR GYI SDOM PA GANG YANG RUNG BA'AM, MA MTHA' NA'ANG MI DGE BCU SPONG GI TSUL KHRIMS GZHIR BZUNG NAS, DBANG BSKUR BA'I DUS SU GZUNG BAR BYA BA'I SDOM PA LA BYANG CHUB SEMS DPA'I SDOM PA KHO NAR NGES PAS RTZA LTUNG YANG DE LAS LOGS SU MED LA, 'ON KYANG LEGS GRUB KYIS ZHUS PA'I RGYUD DU DBANG BSKUR BA'I DUS SU BZUNG BAR BYA BA'I THUN MONG MA YIN PA'I DAM TSIG MANG PO ZHIG YOD DO, , RGYUD SDE GONG MA GNYIS LA RAB DGE SLONG, 'BRING DGE TSUL, THA NA DGE BSNYEN GYI SDOM PA BLANGS NAS, DE'I 'OG TU BYANG SEMS KYI SDOM PA RNAM PAR DAG PA NGES PAR SNGON DU 'GRO DGOS TE, RTZE MO LAS, SDOM PA GSUM LA BKOD NAS NI, ,DE NAS DKYIL 'KHOR BSTAN PAR BYA, ,SO SO THAR DANG BYANG CHUB SEMS, ,RIG 'DZIN SDOM PA MCHOG YIN NO, ,ZHES DANG, DRI MED 'OD LAS, GSUM LAS DGE SLONG MCHOG YIN 'BRING, ,DGE TSUL ZHES BYA THA MA STE, ,KHYIM NA GNAS PA DE NYID DO, ,ZHES GSUNGS PA'I PHYIR, DBANG BSKUR BA DANG 'BREL BA'I RIGS LNGA'I SDOM BZUNG LAN GSUM BRJOD PA'I STOBS KYIS THOB PA'I RIGS SU GNAS PA GANG ZHIG ,SNGAGS KYI SDOM PA'I MI
MTHUN PHYOGS MTHA' DAG SPONG BA'I SEMS MNGON 'GYUR BA DANG, DBANG LDAN DU YOD PA GANG RUNG DU DMIGS PA SNGAGS SDOM GYI MTSAN NYID, DE LA DBYE NA RGYUD SDE GSUM PA RNAL 'BYOR RGYUD DANG 'BREL BA'I SNGAGS SDOM DANG, BLA MED DANG 'BREL BA'I SNGAGS SDOM GNYIS SU YOD, 'O NA DE LTAR YIN NA, RGYUD SDE BZHI PO LA BSRUNG BYA RTZA LTUNG LA MI 'DRA BA'I KHYAD PAR JI LTA BU ZHE NA, BOD KYI RDO RJE SLOB DPON CHEN PO SNGA PHYI MANG PO MTHUN PAR DE LTA BU'I KHYAD PAR YOD PAR BZHED DE, DAM TSIG THAMS CAD BSDUS PAR THUN MONG BA'I RTZA LTUNG BZHI DANG, PHA ROL TU PHYIN PA'I RTZA LTUNG BCU GNYIS DANG, KRi YA'I RGYUD KYI SUM CU DANG, SPYOD PA'I RGYUD KYI BCU BZHI DANG, RNAL 'BYOR RGYUD KYI BCU BZHI DANG, BLA MED RGYUD KYI BCU BZHI DANG, YANG LNGA DANG, YANG BZHI DANG, RTZA BA'I LTUNG BA BDUN CU THAM PA'O, ,ZHES GSUNGS PA'I PHYIR, ZHES BZHED CING, DE DAG GI RTZA LTUNG GI NGOS 'DZIN GSAL BAR MA MDZAD LA, PHYIS KYI MKHAS PA DAG KRi YA'I RGYUD KYI SUM CU'I NGOS 'DZIN GSAL BAR MA MTHONG GSUNGS, SPYOD PA'I RGYUD KYI BCU BZHI MI DGE BCU SPONG GI STENG DU RAB BYUNG DANG KHYIM PA'I THUN MONG BA'I RTZA LTUNG BZHI STE BCU BZHI, RNAM SNANG MNGON BYANG LAS GSUNGS PA DE YIN NAM, RNAL 'BYOR RGYUD KYI RTZA LTUNG BCU BZHI, DE LAS GZHAN PA BCU BZHI, ZHES PA'I SKABS NAS BSTAN PA'I BCU BZHI, KHYOD KYIS SROG CHAGS BSAD MI BYA, ZHES PA'I SKABS NAS BSTAN
, ,PA'I DAM TSIG BCU BZHI YIN NAM SNYAM BRTAG GO ZHES GSUNGS, TSUL DE LTAR 'DOD PA MI 'THAD DE, DAM TSIG THAMS CAD BSDUS PA JO BO CHEN POS MDZAD PA MA YIN PA'I PHYIR TE, DER RTZA LTUNG GI RKANG GRANGS DGU BCU GO BDUN BGRANGS NAS, BDUN CU THAM PA'O, ,ZHES GRANGS TZAM LA YANG RMONGS PA'I 'KHRUL PA YOD PA'I PHYIR, DE'I SNGA PHYI MANG POR BDAG GI BLA MA DAM PA NAG PO DAM TSIG RDO RJE'I ZHAL SNGA NAS ZHES YANG YANG 'BYUNG BA GANG ZHIG ,NAG PO DAM TSIG RDO RJE JO BO'I BLA MA MA YIN PA'I PHYIR, 'O NA RGYUD SDE BZHI PO SO SO'I LAM BGROD TSUL GYI RIM PA MI 'DRA BA'I KHYAD PAR JI LTA BU YOD CE NA, RIM PA DE LTA BU'I KHYAD PAR BZHAG TU YOD DE, BYA BA'I RGYUD KYI DBANG DU BYAS NAS 'JIG RTEN LAS 'DAS PA'I RIGS DANG, 'JIG RTEN PA'I RIGS GNYIS YOD, DANG PO LA GSUM YOD DE, DE BZHIN GSHEGS PA'I RIGS, PADMA'I RIGS, RDO RJE'I RIGS DANG GSUM YOD PA'I PHYIR TE, DE BZHIN GSHEGS PA'I RIGS KYI GTZO BO SH'AKYA THUB PA YIN PAS, DE'I SGRUB THABS STON PA DAM TSIG GSUM BKOD, RIGS KYI 'KHOR LOS BSGYUR BA 'JAM DPAL TE, DE'I RGYUD 'JAM DPAL RTZA RGYUD DANG DPA' PO GCIG GRUB, RIGS KYI YUM GRVA LNGA DANG 'OD ZER CAN, RIGS KYI GTZUG TOR GDUGS DKAR, RNAM RGYAL, DRI MED, RIGS KYI SEMS DPA' BYAMS PA STE, DE'I MTSAN BRGYA SOGS SO, ,RIGS KYI KHRO BA MI GA-YO
BA, KHRO MO DBYANGS CAN MA SOGS SO, ,PADMA'I RIGS KYI GTZO BO TSE DPAG MED, 'KHOR LOS BSGYUR BA, SPYAN RAS GZIGS, YUM SGROL MA, SEMS DPA' NAM SNYING, KHRO BO RTA MGRIN, KHRO MO RDO RJE LU GU RGYUD MA SOGS SO, ,RDO RJE'I RIGS KYI GTZO BO MI 'KHRUGS PA, 'KHOR LOS BSGYUR BA PHYAG RDOR, RIG PA MCHOG ,RNAM 'JOMS SOGS SO, ,YUM KHRO GNYER CAN, SEMS DPA' SGRIB SEL, KHRO BO STOBS PO CHE, KHRO MO LO MA GYON MA SOGS SO, ,DE BZHIN GSHEGS PA'I RIGS, RIGS KYI GTZO BO DANG, PADMA'I RIGS RIGS 'BRING DANG, RDO RJE'I RIGS RIGS MTHA' MA YIN TE, DE BZHIN GSHEGS PA'I RIGS KYI BYA RGYUD KYI DKYIL 'KHOR DU DBANG BSKUR BA THOB NA, BYA RGYUD KYI DKYIL 'KHOR SUM STONG LNGA BRGYA PO THAMS CAD KYI LAM LA NYAN BSAM SGOM GSUM LA DBANG BAR GSUNGS PA'I PHYIR TE, DE BZHIN GSHEGS RIGS DKYIL 'KHOR DU, ,GANG GIS LEGS PAR DBANG BSKUR BA, ,DE NI RIGS RNAMS GSUM CHAR LA, ,DKYIL 'KHOR LA SOGS SLOB DPON 'GYUR, ,ZHES GSUNGS PA'I PHYIR, 'JIG RTEN PA'I RIGS LA DBYE NA, GNOD SBYIN GYI RIGS, LNGA RTZEN GYI RIGS, 'JIG RTEN PA'I RIGS DANG GSUM DU YOD DO, , DE YANG BYA RGYUD RIGS GSUM SPYI'I RNAM GZHAG STON PA'I RGYUD BZHIR GRAGS PA'I GSANG BA SPYI RGYUD KYIS NI DKYIL 'KHOR SUM STONG LNGA BRGYA DANG, DE DAG GI DBANG BSKUR BA'I CHO GA'I YAN LAG MANG PO STON CING, LEGS
, ,GRUB KYIS NI, KHRO BO LEGS GRUB LA BRTEN NAS, BGEGS BZLOG THABS DANG, RIG SNGAGS KYI CHO GA ,LAS RAB 'BYAMS, RIGS GSUM GYI BZLAS PA DANG DAM TSIG RNAMS STON NO, ,DPUNG BZANG GIS ZHUS PA LAS, SPYI RGYUD DU MA BSTAN PA'I RIGS THUN MONG BA THAMS CAD LA PHAN PA'I DBANG GI YAN LAG DANG, SBYIN SREG DANG LAS RAB 'BYAMS STON LA, BSAM GTAN PHYI MA NI GTZUG TOR GYI RGYUD PHYI MA YIN CING, 'DIS BYA RGYUD KYI LAM RNAMS DE NYID BCUR BSDUS NAS STON NO, ,BYA SPYOD GNYIS LAM GYI 'GROS PHAL CHER MTHUN PAS SDOMS KYI DBANG DU BYAS NAS 'JUG PA DANG, SBYOR BA DANG, GRUB PA DANG, SGRUB PA DANG, YAN LAG BZHIR BSDUS KYANG RUNG LA, BSAM GTAN PHYI MA LAS YAN LAG BCU YI DBYE BA LAS, ZHES GSUNGS PA LTAR, GNAS KYI DE NYID, BDAG GI DE NYID, LHA'I DE NYID, SNGAGS KYI DE NYID, ME GNAS KYI BSAM GTAN, SGRA GNAS KYI BSAM GTAN, SGRA MTHAR THAR PA STER BA'I BSAM GTAN, BZLAS BRJOD LA 'JUG PA'I BSAM GTAN, SNGAGS KYI SGRUB PA'I CHO GA DANG DBANG GI SKOR, SBYIN SREG STE YAN LAG BCUR BSDUS KYANG RUNG MOD KYI, 'JUG PA BDE BA'I DBANG DU BYAS NA, BZLAS BRJOD DANG BCAS PA'I BSAM GTAN DANG, BZLAS BRJOD LA MA LTOS PA'I BSAM GTAN DANG, SNGON DU BSNYEN PA LAS RUNG DU BYAS, DNGOS GRUB JI LTAR BSGRUB PA'I TSUL GSUM DU BSDUS NAS 'CHAD PAR BYED DO, ,BZLAS BRJOD YAN LAG
BZHI'I BSAM GTAN GYI SNGON DU JI LTAR BYA BA'I TSUL YANG YOD DE, RIGS SPYI'I PHYAG RGYA BCAS NAS PHYOGS BCU'I SANGS RGYAS THAMS CAD LA BDAG NYID 'BUL BA DANG, SKYABS SU 'GRO ZHING SEMS BSKYED PA DANG, SNGAGS RGYAS BSRUNGS TE, GNAS KHANG BYI DOR BYAS NAS, CHU NGOGS SU PHYIN CHU LA SNGAGS RGYAS BTAB, LUS RIL PO KHRUS BYAS, DE'I 'OG TU SA LA SNGAGS RGYAS BTAB SKAM KHRUS BYAS, STAN LA 'DUG STE, MCHOD PA BYIN GYIS BRLABS NAS, BDAG DANG GNAS KHANG BSRUNG BA LA SOGS PA BYED PA YIN PA'I PHYIR, DE DAG NI RGYUD SDE GONG MA LTAR NA BSRUNG 'KHOR BSGOM PA'I DOD YIN NO, ,DNGOS GZHI LA BZLAS BRJOD KYI YAN LAG GI BSAM GTAN DANG, DE LA BRTEN NAS BZLAS BRJOD JI LTAR BYA BA GNYIS LAS, DANG PO BZLAS BRJOD KYI YAN LAG GI BSAM GTAN JI LTAR BYA BA'I TSUL YOD DE, SLOB DPON SANGS RGYAS GSANG BAS RNAM 'JOMS KYI 'GREL PAR, DANG POR KHRUS BYAS RNAL 'BYOR PAS, ,RDO RJE'I GDAN LA 'DUG NAS NI, ,MCHOD DANG GSOL BAS LHA DRUG BSGOM, ,STONG PA YI GE SGRA GZUGS DANG, ,PHYAG RGYA MTSAN MA DRUG YIN TE, ,ZHES GSUNGS PA LTAR, BDAG BSKYED LHA DRUG GI SGOM BZLAS RDZOGS PAR BSGOMS, NGA RGYAL DANG GSAL SNANG LA DMIGS NAS SROG RTZOL BSNGAMS TE BSGOM PAR BYA BA YIN PA'I PHYIR, BYA RGYUD KYI BDAG BSKYED KYI SKABS SU RTEN GZHAL YAS KHANG DANG, 'KHOR GSAL MI 'DEBS PA'I RGYU MTSAN YOD DE, GTZO BO RKYANG PA LA BRTEN
, ,NAS BSNYEN PA BYA BAR GSUNGS PA'I PHYIR, MDUN BSKYED JI LTAR BYA BA'I TSUL YOD DE, 'O MA'I RGYA MTSO'I DBUS SU RIN PO CHE SNA BZHI LAS GRUB PA'I RI RAB KYI STENG DU PADMA'I LTE BAR RTEN GZHAL YAS KHANG BSKYED, MDUN BSKYED KYI LHA SPYAN DRANGS, PHYAG RGYA BSTAN, BZHUGS SU GSOL, SDIG BSHAGS MCHOD BSTOD BYA BA YIN PA'I PHYIR, DE LTAR LHA'I RNAL 'BYOR NI, DNGOS GRUB SGRUB PA'I THABS KYI GTZO BO YIN PAS 'DIR YANG GTZO CHER RANG DANG LHAR GSAL BA LA SEMS BZUNG ZHING, SKABS SKABS SU MDUN GYI RANG 'DRA'I LHA LA SEMS CI ZIN BYA DGOS TE, DE GNYIS BZLAS BRJOD YAN LAG BZHI'I NANG NAS GZHI'I YAN LAG GNYIS SU BYED PA YIN PA'I PHYIR, GNYIS PA LA YI GE'I GZUGS DANG, SGRA LA DMIGS PA GNYIS LAS, DANG PO LA YANG MDUN BSKYED KYI THUGS KA'I YI GE'I GZUGS LA DMIGS PA DANG, RANG GI SNYING KHA'I YI GE'I GZUGS LA DMIGS PA'O, ,DANG PO NI, BSAM GTAN PHYI MA LAS, SGRA DANG SEMS DANG GZHI LA GZHOL, ,GSANG SNGAGS MI 'GYUR GZHI LA GNAS, ,YAN LAG MA NYAMS GSANG SNGAGS BZLAS, ,NGAL NA BDAG LA NGAL SOS SHIG ,CES PAS STON NO, ,DE YANG MDUN BSKYED KYI THUGS KA'I YI GE'I GZUGS LA DMIGS PA'I BZLAS BRJOD BYED TSUL YOD DE, YAN LAG BZHI MA NYAMS PAR BZLA BA YIN PA'I PHYIR, GZHI LA RANG LHA'I NGA RGYAL DU BYAS PA
DANG, MDUN DU RANG 'DRA SGOM PA GZHI RE RE DANG MDUN BSKYED KYI THUGS KAR SEMS NI ZLA BAR BSGOM PA GNYIS YAN LAG GSUM PA DANG, SGRA NI ZLA BA LA BKOD PA'I BZLAS BYA'I SNGAGS PHRENG YAN LAG BZHI YIN PA'I PHYIR, MDOR NA SROG RTZOL BSNGAMS NAS SPYIR YAN LAG BZHI MA NYAMS PA KHYAD PAR MDUN GYI YAN LAG GSUM LA DMIGS TE BZLA ZHING, DBUGS GTONG BA NA RANG LHAR GSAL BA'I GZHI LA LTA ZHING YANG SNGAR LTAR BYA'O, ,NGAL GSO TSUL YOD DE, SNGAR BSKYED PA'I RIM PA LAS LDOG STE, THA MAL DU NGAL GSO BA YIN PA'I PHYIR, GNYIS PA NI, BSAM GTAN PHYI MA LAS, MI 'GYUR BA DANG YI GER LDAN, ,GZHI LAS GZHIR GYUR DE BZHIN TE, ,RANG SNGAGS PHYIR NI GANG BRTAGS PA, ,YID KYI DAG PA BSAM PAR BYA, ,ZHES STON NO, ,DE BZHIN DU RANG GI SNYING KHA'I YI GE'I GZUGS LA DMIGS NAS BZLA TSUL YOD DE, SNGAR BZHIN SROG RTZOL BSNGAMS NAS, MDUN GYI DE BZHIN GSHEGS PA'I THUGS KA'I SNGAGS BKOD PA'I ZLA BA DE DBUGS NANG DU 'JUG PA DANG LHAN CIG RANG GI THUGS KAR SBOS LA DBUGS MA BTANG BAR BZLA ZHING, DBUGS GTONG BA NA, LHAN CIG MDUN GYI THUGS KAR SNGO BA'I TSUL GYIS YANG YANG BZLAS BRJOD BYA BA YIN PA'I PHYIR, ` GNYIS PA NI, BSAM GTAN PHYI MAR, SLAR SDUD PA YIS BKUG NAS NI, ,SROG DANG RTZOL BA BSNGAMS PA'I YID, ,GSANG SNGAGS RIG PA SNGAGS LA SBYAR, ,YID KYI BZLAS BRJOD
, ,BRTZAM PAR BYA, ,'DI NYID KYI NI CHO GA YIS, ,YANG NA SHUB BUR BYAS KYANG RUNG, ,SNGAGS RIG DNGOS GRUB 'DOD PA YIS, ,BZLAS BRJOD GZHAN DU MI BYA'O, ,ZHES SGRA TZAM LA DMIGS NAS BZLA BAR GSUNGS LA, BZLAS BRJOD KYI TSE JI LTAR BYA BA YANG, DPUNG BZANG LAS, BZLAS BRJOD BYED TSE MI MYUR MI DAL ZHING, ,SGRA CHER MA BYA HA CANG CHUNG BA MIN, ,SMRA ZHING MA YIN GZHAN DU GA-YENG ZHING MIN, ,GUG SKYED KLAD KOR TSIG RNAMS NYAMS PAS MIN, CES GSUNGS PA LTAR BYA DGOS SHING, BZLAS PA'I GRANGS KYANG, LEGS GRUB LAS, BCO LNGA MAN CHAD GRANGS RNAMS LA, ,SPYIR NI YI GE DU YOD PA, ,DE SNYED 'BUM PHRAG BZLAS BRJOD BYA, ,YI GE SUM CU RTZA GNYIS LA, ,BZLAS BRJOD SUM 'BUM BYA BAR BSHAD, ,DE BAS YI GE MANG PO LA, ,SNGON DU BSNYEN PA KHRI BYA'O, ,ZHES GSUNGS TE, RGYUD GZHAN LTAR GTZO 'KHOR MANG PO LA MI DGOS SO, ,BZLAS BRJOD KYI TSE, 'GAL RKYEN BYUNG NA BZLAS PA SKYAR TSUL DANG, BZLAS BRJOD YAN LAG BZHI'I BSAM GTAN GYI MJUG TU DGE RTZA DNGOS GRUB KYI RGYUR 'BUL TSUL DANG, BZOD GSOL, MCHOD BSTOD, GSHEGS SU GSOL BA, THUN MTSAMS SU BYA BA'I RIM PA, BZA' MIN ZOS PA SOGS 'DAG PA'I BA BYUNG GI SNGAGS MAR BSGRUB PA'I RIM PA RNAMS KYANG SNGAGS RIM LAS SHES PAR BYA'O, ,GNYIS PA BZLAS BRJOD LA MA LTOS PA'I BSAM GTAN NI, BSAM GTAN
PHYI MA LAS, GSANG SNGAGS ME GNAS DNGOS GRUB STER, ,SGRA GNAS RNAL 'BYOR STER BA DRAN, ,SGRA MTHAR THAR PA STER BA NYID, ,'DI DAG DE NYID GSUM PO YIN, ,ZHES GSUNGS PA LTAR, DE NYID GSUM BSHAD PA LA GNYIS, ME GNAS DANG SGRA GNAS KYI BSAM GTAN DANG, SGRA MTHAR THAR PA STER BA'I BSAM GTAN BSHAD PA'O, ,DANG PO NI, RANG LHAR GSAL BA'I SNYING KHAR ZLA BA LA RLUNG DANG BRAL BA'I MAR ME LTA BU GSAL ZHING RTZE MO RNO BA, DE'I NANG DU NGO BO CHOS RNAMS KYI DE KHO NA NYID DANG, RANG SEMS RO GCIG PA YIN PA LA, RNAM PA BZLAS BYA'I SNGAGS DE'I GDANGS KYI RNAM PA DRIL BU'I SGRA BZHIN LHANG LHANG SGROG PA LA DMIGS NAS SROG RTZOL BSNGAMS RANG GIS NYAN PA BZHIN BYED PA YIN TE, BSAM GTAN PHYI MA LAS, MI 'BYED LAS BYUNG DNGOS PO RNAMS, ,BLO CAN GYIS NI BDAG LA BSDAMS, ,SNGAGS PA YAN LAG 'DAS LA GNAS, ,ZHEN PA MED PAR BSAM GTAN BYA, ,SGRA ZHES BYA BA PHRENG BAR SBYAR, ,YI GE BRGYUS PA MI 'GYUR RNAMS, ,DRIL BU'I SGRA BZHIN MA CHAD PAR, ,YID LA ZHEN PAR SEMS PA NA, ,ME YI NANG GNAS ZHI BA STE, ,TSIG RNAMS DAG PA YAN LAG LDAN, ,SROG DANG RTZOL BA BKAG PA'I BDAG ,GNYID SPANGS NAS NI RNAM PAR BSAMS, ,ZHES GSUNGS PA'I PHYIR, BSAM GTAN 'DI GRUB PA'I MTSAN MA YOD DE, PHYI'I MTSAN MA BKRES SKOM GYIS GNOD PA MED PA DANG, ,NANG GI MTSAN MA BDE DROD 'BAR
, ,ZHING, DE'I MTHUS TING NGE 'DZIN SKYES PA 'BYUNG BA'I PHYIR, DE RJES SGRA GNAS KYI BSAM GTAN SGOM PA'I TSUL YOD DE, RANG LHAR GSAL BA'I SNYING KHA'I ZLA BA PHRA MO'I NANG DU RANG 'DRA'I LHA PHRA MO GSAL BA LA NGA RGYAL BZUNG, DE'I NANG DU SEMS KYI NGO BO BZLAS BYA'I SNGAGS KYI GDANGS RGYUN MI CHAD DU LHANG LHANG SGROG PA LA RTZE GCIG TU DMIGS NAS SROG RTZOL BSNGAMS TE SGOM PA YIN PA'I PHYIR TE, BSAM GTAN PHYI MA LAS, SGRA LA GNAS PA'I BSAM GTAN NI, ,SNYING KHAR GNAS PA'I PHRA BA NI, ,DRI MED ZLA BA'I DKYIL 'KHOR TE, ,DE NANG RAB TU ZHI BA YI, ,ME LCE RAB TU 'OD BZANG BA, ,MI 'GYUR GZHI NI DER BZHAG NAS, ,BDE BAR 'DUG NAS SGRA BSAM MAM, ,MI 'GYUR BA LA YI GE BZHAG ,SGRA NYID 'BA' ZHIG BSAM PAR BYA, ,ZHES GSUNGS PA'I PHYIR, DE LTAR BSGOMS PAS 'GRUB PA'I TSAD YOD DE, SNGAGS KYI YI GE RNAMS SNGA PHYI MED PAR GCIG CAR YID NGOR 'CHAR BA DE GRUB TSAD YIN PA'I PHYIR, BSAM GTAN 'DI GNYIS MTHAR PHYIN PA NA ZHI GNAS 'GRUB CING, 'DI YAN CHAD STONG NYID SGOM PA DANG BRAL BA'I LHA'I BZLAS SGOM GNYIS LAS MTSAN BCAS KYI RNAL 'BYOR ZHES BYA'O, ,GNYIS PA NI, DE LTA BU'I BSAM GTAN GYI RIM PA SNGA MA SNGA MA GOMS PA MTHAR PHYIN PAR BYAS NAS, MTHAR SGRA TZAM LA GNAS PA YANG SPANGS TE, BDAG MED PA'I DE KHO NA NYID LA RTZE GCIG TU MNYAM PAR 'JOG PA NI SGRA MTHAR
THAR PA STOR BA'I BSAM GTAN YIN TE, DE LA BRTEN NAS SGRIB GNYIS LAS GROL BA'I CHOS SKU'I RANG BZHIN GYI THAR BA THOB PAR 'GYUR BA'I PHYIR TE, BSAM GTAN PHYI MA LAS, LTOS BCAS YAN LAG GYUR PAR SNANG, ,SGRA ZHES BYA DANG YID KYI DANG, ,TSIG RNAMS DAG PA RIG SNGAGS DBANG, ,YAN LAG SPANGS PA RGYAL BAS MKHYEN, ,CES GSUNGS PA'I PHYIR, DE LTAR BSNYEN PA MTHAR PHYIN PAR BYAS NAS DNGOS GRUB RAB 'BRING THA GSUM CI RIGS BSGRUB PA YIN CING, KHYAD PAR BYA RGYUD KYI GDUL BYA DBANG RNON GYIS NI MTSAN MED KYI RNAL 'BYOR MTHAR PHYIN NAS, BSKAL PAR THUB PA'I TSE'I RIG 'DZIN BSGRUBS TE, ZAB GSAL GNYIS MED KYI RNAL 'BYOR LA BRTEN NAS SANGS RGYAS THOB PAR BYED PA YIN NO, ,RGYUD SDE 'OG MA GSUM LAS SKYED RDZOGS KYI THA SNYAD MI BYED PAR MTSAN BCAS MTSAN MED KYI RNAL 'BYOR GYI THA SNYAD CES PA YIN LA, DE'I KHYAD PAR YANG DAG PA'I DBANG DU BYAS NA, STONG NYID SGOM PA DANG BRAL BA DANG, MA BRAL BA'I LHA'I BSGOM BZLAS LA BYED DO, ` ,SPYOD RGYUD KYI RNAM GZHAG NI, DE YANG SPYOD RGYUD KYI GTZO BO DE BZHIN GSHEGS PA'I RIGS RNAM SNANG MNGON BYANG RIM PAR PHYE BA NYI SHU RTZA DRUG ,RGYUD PHYI MA DANG BCAS PA 'DI LAS DKYIL 'KHOR GSUM STON CING, 'DI NI PHAL CHEN LAS BSHAD PA'I GZHI DANG SNYING PO ME TOG GIS BRGYAN PA'I 'JIG RTEN GYI KHAMS KYI 'OG MIN DU STON PA SH'AKYA
, ,THUB PA LONGS SKU GANGS CAN MTSOS GSUNGS SO, ,PADMA'I RIGS KYI RGYUD BOD DU MA 'GYUR LA, RDO RJE'I RIGS MI GA-YO BA'I RGYUD GCIG DANG, PHYAG RDOR DBANG BSKUR BA'I RGYUD GNYIS 'GYUR BA NI, PHAL CHEN NAS BSHAD PA'I RGYUD, BAR MA'I 'JIG RTEN KHAMS SU LHA'I DBANG PO RAB 'PHRUL DGA'I KHANG BZANGS SU STON PA RDO RJE 'CHANG GIS GSUNGS SO, ,DE LTA BU'I SPYOD RGYUD KYI LAM RIM LA MTSAN BCAS MTSAN MED GNYIS LAS, DANG PO LHA DRUG GI THA SNYAD GSAL BAR SBYOR MI SBYOR MA GTOGS PHAL CHER BYA RGYUD DANG 'DRA LA, BZLAS BRJOD LA PHYI'I YAN LAG BZHI'I BZLAS BRJOD DANG, NANG GI YAN LAG BZHI'I BZLAS BRJOD GNYIS LAS, DANG PO SNGON 'GRO'I CHO GA RNAMS SNGON DU BTANG NAS, DNGOS GZHI SGRA DANG SEMS DANG GZHI LA GZHOL, CES PAS GZHI LA GNYIS SU BYED PA 'DRA BAS, THOG MAR BDAG DANG BSGOM BYA'I LHA'I DE KHO NA NYID DBYER MED LA MNYAM PAR BZHAG ,DE'I NGANG NAS RANG SEMS ZLA BAR GYUR PA'I STENG DU, AOm YIG GSER GYI MDOG CAN BSAM, ZLA BA AOm DANG BCAS PA'I 'OD ZER GYIS DON GNYIS BYAS, 'DUS PA YONGS SU GYUR PA LAS, PAD DKAR ZLA BA'I STENG DU RANG NYID BCOM LDAN 'DAS RNAM PAR SNANG MDZAD GSER GYI MDOG CAN SKYIL KRUNG DU BZHUGS SHING, PHYAG GNYIS MNYAM GZHAG MDZAD PA, RAL PA'I THOR TSUGS CAN, DAR WA'I STOD GA-YOGS DANG
SMAD GA-YOGS GSOL BAR BSGOM PA NI BDAG GI GZHI DANG, DE'I MDUN DU CUNG ZAD MTHO BA RANG 'DRA BSGOM PA GZHAN GYI GZHI DANG, DE'I THUGS KAR RANG SEMS ZLA BA'I DKYIL DU BSGOM PA SEMS KYI YAN LAG DANG, DE'I STENG DU SNGAGS PHRENG BSGOM PA SGRA'I YAN LAG STE, DE LTA BU'I TSUL GYI SROG RTZOL BSNGAMS NAS BZLA BA YIN TE, RNAM SNANG MNGON BYANG LAS, YI GE DANG NI YI GE SBYAR, ,DE BZHIN GZHI LAS GZHIR GYUR PA, ,SHIN TU BSNGAMS PAS YID LA NI, ,BZLAS BRJOD 'BUM PHRAG GCIG BYA'O, ,YI GE BYANG CHUB SEMS YIN TE, ,GNYIS PA SGO ZHES BYA BA YIN, ,GZHI NI RANG GI LHA BZHAG PA, ,RANG GI LUS KYI GNAS LA BYA, ,GZHI GNYIS PA NI RDZOGS SANGS RGYAS, ,RKANG GNYIS MCHOG TU SHES PAR BYA, ,ZLA BA'I DKYIL 'KHOR RNAM DAG PA, ,SNGAGS PAS DE LA GNAS PAR BSAMS, ,YI GE RNAMS NI GO RIMS BZHIN, ,DE YI DBUS SU LEGS PAR DGOD, ,SLAR SDUD PA YI TSIG GIS NON, ,SROG DANG RTZOL BA RNAM PAR SBYANGS, ,SROG CES BYA BA RLUNG DU BSHAD, ,RTZOL BA DRAN PA ZHES BYA STE, ,DE GNYIS BSNGAMS PA BYAS NAS SU, ,SNGON DU BSNYEN PA LEGS PAR BYA, ,ZHES GSUNGS PA'I PHYIR, GNYIS PA NANG GI BZLAS BRJOD NI, AA A'A: AAm AA: BZHI PO GANG RUNG LAS RANG NYID SNGAR LTAR RNAM SNANG NGAM, SH'AKYA THUB PA GANG RUNG DU BSKYED PA'I THUGS KAR ZLA BA ME LONG NGOS GNYIS PA LTA BU LANGS PA ZHIG BSGOM PA NI BDAG GI GZHI DANG
, ,ZLA BA'I NANG DU RNAM SNANG SHIN TU PHRA ZHING 'TSER BA PHUG NA BZHUGS PA BSAMS PA NI GZHAN GYI GZHI DANG, DE'I THUGS KAR RANG SEMS ZLA BAR BSGOM PA SEMS KYI YAN LAG DANG, DE'I STENG DU BZLAS BYA'I SNGAGS PHRENG GSER GYI MDOG CAN BSAM PA SGRA'I YAN LAG STE, DE LTAR SROG RTZOL BSNGAMS NAS SHUB BU DANG YID BZLAS CI RIGS BYED PA'O, ,'DI MTHAR PHYIN NA ZHI GNAS DANG MTSAN BCAS KYI RNAL 'BYOR YANG 'GRUB PA YIN NO, ` ,GNYIS PA MTSAN MED KYI RNAL 'BYOR, LHA'I RNAL 'BYOR DANG 'BREL BA'I SGO NAS STONG PA NYID RTZE GCIG TU BSGOM PA YIN ZHING, DE LA BRTEN NAS DNGOS GRUB BSGRUB PA NI, RAL GRI LA SOGS KYI RDZAS LA BRTEN NAS DNGOS GRUB BSGRUB PA DANG, NANG 'BYUNG BA'I GZHI LA BRTEN NAS ZHI RGYAS SOGS LAS SNA TSOGS BSGRUB PA DANG, GZHAN YANG 'JAM DPAL SOGS KYIS BDAG GI MGO LA PHYAG GIS BYUGS NAS LEGS SO GNANG BA SOGS 'BYUNG ZHING, DE'I MTHUS BYANG CHUB KYI SEMS MI BRJED PA DANG, TING NGE 'DZIN SOGS YON TAN MTHA' YAS PA THOB NAS, THAMS CAD MKHYEN PA MYUR DU 'GRUB BO, ` ,RGYUD SDE GSUM PA'I GTZO BO NI, RTZA RGYUD DE NYID BSDUS PA YIN CING, THABS KYI BSHAD RGYUD RDO RJE RTZE MO, SHES RAB KYI BSHAD RGYUD DPAL MCHOG GNYIS YIN LA, DE NYID BSDUS PA'I GLENG GZHIS DON GNYIS PHUN TSOGS KYI RNAM SNANG BSTAN PAS, DE LA THOB 'DOD BSKYED PA'O,
DE MNGON DU BYED TSUL STON PA'I RGYUD, LHAG MA DUM BU BZHI STE, RDOR DBYINGS DANG, KHAMS GSUM RNAM RGYAL DANG, 'GRO 'DUL DANG, DON GRUB KYI DUM BU'O, ,DE YANG RNAM SNANG SOGS RIGS BZHI STON PA YIN LA, 'O NA RIGS LNGA YOD PA JI LTAR ZHE NA, SKYON MED DE, LAS KYI RIGS RIN PO CHE'I RIGS SU 'DU BA'I PHYIR ZHES SLOB DPON SANGS RGYAS GSANG BAS GSUNGS SO, ` ,LAM GYI RIM PA DNGOS LA GNYIS, MTSAN MA DANG BCAS PA'I RNAL 'BYOR DANG, MTSAN MA MED PA'I RNAL 'BYOR RO, ,DANG PO LA GNYIS, RAGS PA'I RNAL 'BYOR DANG, PHRA MO'I RNAL 'BYOR RO, ,DANG PO NI, STONG 'GREL DU SLOB MA DANG, SLOB DPON GYI SGRUB THABS RGYAS BSDUS GNYIS BSHAD PA NI SLOB MA'I DBANG TZAM THOB PAS RDOR SEMS KYI RNAL 'BYOR GCIG LDAN BYA BA DANG, SLOB DPON GYI DBANG THOB PAS RNAL 'BYOR CHEN PO RDZOGS PAR BYED PA'I TSUL YIN LA, DE YANG SLOB DPON GYI DBANG THOB CING, SLOB MA LA DBANG BSKUR BA DANG RANG GI LHA BSGRUB PA LA, BDAG RNAL 'BYOR CHEN PO DANG BCAS PA'I TING NGE 'DZIN GSUM PHRI BA MED PA'I BSNYEN PA RGYAS PA'AM, DKYIL 'KHOR RGYAL MCHOG GI SKYED CHOG SOGS BSDUS PA'I BSNYEN PA 'BRING DANG, RNAL 'BYOR CHEN PO LHA RE RE'I BZLAS BRJOD 'BUM DANG BCAS PA'I BSNYEN PA BSDUS PA GANG RUNG BYED PA'I, ,GNYIS PA NI, RANG LHAR GSAL BA'I STENG GI SNA RTZER PHYAG MTSAN RDO RJE PHRA MO LHAG PA'I LHA'I KHA DOG DANG MTSUNGS PA,
, ,SHIN TU PHRA BA LA SEMS 'DZIN PA YIN TE, DUM BU DAN PO LAS, LCE NI RKAN LA SBYAR BYA ZHING, ,SNA YI RTZE MOR BSAM BYA BA, ,RDO RJE PHRA MO BDE REG PAS, ,SEMS NI MNYAM PAR GZHAG PAR BYA, ,ZHES GSUNGS PA'I PHYIR, DE LA SEMS BRTAN PA NA, SPHA RA BADZRA ZHES BRJOD CING RIM GYIS SPRO BA YIN TE, DE NYID LAS, RDO RJE PHRA MO BDE REG PA'I, ,MTSAN MA GAL TE BYUNG BA NA, ,MTSAN MA DE NI KHYAB BYA BA, ,SEMS NI KUN TU KHYAB PAR BYA, ,JI TZAM 'DOD PAS SEMS KHYAB NAS, ,KHAMS GSUM DU YANG KHYAB PAR 'GYUR, ,CES GSUNGS PA'I PHYIR, DE LTAR SPROS NAS, SAm HA RA NA BADZRA ZHES BRJOD CING, RLUNG NANG DU 'JUG PA DANG, LHAN CIG SNA RTZE'I BAR DU BSDUS NAS RDO RJE DANG GCIG TU BYED DGOS TE, DE NYID LAS, DE NAS DE YANG BSDU BA NI, ,SNA YI RTZE MO'I BAR DU GNAS, ,ZHES GSUNGS PA'I PHYIR, GNYIS PA MTSAN MED KYI RNAL 'BYOR NI, DE NYID BSDUS PA LAS, YI GE AA LA 'JUG PA YIS, ,YI GE THAMS CAD RNAM PAR BSGOM, ,RANG GI KHA NAS GZHAN GYI KHAR, ,BSGOMS NA DNGOS GRUB THOB PAR 'GYUR, ,ZHES SOGS GSUNGS, DE YANG AA NI SKYE BA MED PA'I PHYIR CHOS THAMS CAD KYI SGO'O, ,ZHES GSUNGS PA LTAR AA DON SKYE BA MED PA LA 'JUG PA YIS, BZLAS BYA'I SNGAGS KYI YI GE THAMS CAD KYANG CHOS BDAG MED PAR BSGRUB PA'I RIG PAS RNAM PAR BSGOMS TE GZHIGS NAS MI SNANG BAR BYA'O, ,KHA
NI SGO DANG 'JUG PA ZHES PA DANG DON CIG CING, AA'I DON LA 'JUG PAS, RANG YANG RANG BZHIN GYI SNANG MED DU 'JUG PAR BYA ZHING, DE NAS GZHAN YANG DE LTAR 'JUG PAR BYA'O, ,KHA'I DON SGO LA BYAS PA LTAR NA, BDAG MDUN GYI LHA NI RNAM PAR GROL BA'I SGO YIN PAS RANG DANG GZHAN GYI SGO ZHES BYA LA, DE GNYIS LA 'JUG PA NI SNGAR LTAR RO, ,MDOR NA BDAG MDUN GYI LHA SNGAGS KYI YI GE SOGS RIM GYIS SO SOR RTOG PA'I SHES RAB KYIS DE KHO NA NYID DU MA GRUB PAR DPYAD NAS BSGOM TSUL STON PA'O, ,RTZE MO LAS KYANG, RANG RNAM SNANG SOGS RIGS BZHIR BSGOMS PA'I MDUN DU, RANG 'DRA'I MDUN BSKYED, DE'I THUGS KAR SNGAGS KYI YI GE BSAM, DE NAS BDAG MDUN SNGAGS KYI YI GE DANG BCAS PA GANG ZAG DANG CHOS KYI BDAG MED DU GTAN LA PHAB CING, DE LA RANG BZHIN MED PA'I NGES PA RNYED PA NA, GZUGS SOGS SNANG BA MED PA'I TING NGE 'DZIN GYIS RTZE GCIG TU BSGOM PAR BYA BA GSUNG PA YIN TE, RTZE MO LAS, DE BZHIN GSHEGS PA'I RIGS BZLAS PA, ,SANGS RGYAS BDAG NYID BKRA SHIS GNAS, ,STONG GSUM GYI NI 'JIG RTEN 'DIR, ,SANGS RGYAS SKU NI BSGOM PAR BYA, ,SANGS RGYAS DE YI SNYING KHAR NI, , RANG SNGAGS YI GE RNAM PAR BSGOM, ,RANG GI LUS NI BDAG MED PAR, ,CHOS DANG GANG ZAG STONG PA NYID, ,SANGS RGYAS DE YI SKU GANG YIN, ,DE YANG BDAG MED PAR BSAM MO, ,ZHES SOGS RIGS BZHI GA DANG SBYAR
, ,NAS GSUNGS PA'I PHYIR, DE LTAR BSNYEN PA LAS RUNG DU BYAS NAS BSAM GTAN TZAM BZLAS BRJOD DANG SBYIN SREG LA BRTEN NAS DNGOS GRUB BSGRUB TSUL NI, AA PA TAR RTZA 'GREL NAS BSHAD PA LTAR SNGAGS RIM DU GSUNGS PA LAS SHES PAR BYA'O, ,LAM 'DI'I GDUL BYAS, BSGRUB BYA'I DNGOS GRUB MCHOG NI RDZOGS PA'I SANGS RGYAS KYI GZUGS 'DZIN PA'I BYANG CHUB SEMS DPA'I RIG SNGAGS 'CHANG DANG, RANG GI LHA'I SKU PHYAG RGYA CHEN PO'I GZUGS KYI DNGOS GRUB YIN NO, ,'O NA LAM 'DI LA BRTEN NAS 'BRAS BU MNGON DU BYED TSUL JI LTA BU ZHE NA, YO GA LA MKHAS PA'I SLOB DPON GSUM GYI BZHED PA MI 'DRA BA DU MA YOD NA'ANG, RANG LUGS SNYING POR DRIL NA SNGAR BSHAD PA'I LAM DANG DNGOS GRUB MCHOG DE LA BRTEN NAS SA BCU BGROD PA'AM, YANG NA PHAR PHYIN THEG PA RANG LAM GYI SA BCU BGROD PA'I SRID PA THA MA PA'I SEMS DPA' CHEN PO DON THAMS CAD GRUB PA DES, 'OG MIN STUG PO BKOD PAR, DPER NA MAR GYI SNYING PO LTAR GNAS KYI SNYING PO GANG YIN PA DE LA BYANG CHUB KYI SNYING PO ZHES BYA BA DER, MKHA' KHYAB KYI TING NGE 'DZIN LA SNYOMS PAR ZHUGS PA NA NAM MKHA'I DBYINGS TIL GYI GANG BU LTAR GANG BA'I RGYAL BA RNAMS KYIS, SE GOL GYI SGRA DANG, AOm BADZRA AUTTIshthA, ZHES TING NGE 'DZIN LAS BSLANGS NAS, RIGS KYI BU SANGS RGYAS THAMS CAD KYI DE KHO NA NYID MNGON DU MA
BYAS PAR 'DI TZAM GYIS SANGS RGYA BAR MI NUS SO GSUNGS PA NA, DES DE DAG MNGON SUM DU MTHONG ZHING, GSUNG THOS PAS, AOm SARBA TA TH'A GA T'A PANDHA NAm KA RO MI, ZHES PHYAG BYAS TE, GANG SNGON DU MA BYAS NA SANGS RGYAS MI THOB PAS DE KHO NA NYID DE BSTAN DU GSOL, CES ZHUS PAS RGYAL BA RNAMS KYIS THOG MAR GOS SOGS KYI DBANG SOGS BSKUR NAS, RIGS KYI BU AOm TZITTA PRA TI BE TAm KA RO MI, RANG BZHIN GYIS GRUB PA'I SNGAGS 'DI ZLOS SHIG ,RANG GI SEMS KYI DE KHO NA NYID LA MNGON PAR RTOGS SHIG ,CES BKA' STZAL BA LA, SEMS DPA' DES SNGAGS DON SEMS SHING BRTAGS PAS, RANG GI SEMS KYI DE KHO NA NYID GANG ZAG DANG CHOS KYI BDAG GNYIS KYIS STONG PA'I STONG NYID BCU DRUG MNGON DU BYAS TE, DE'I RJES THOB STONG NYID KYI GZUNG BYA ZLA BA'I DKYIL 'KHOR GYI RNAM PA RANG GI SNYING KHAR GNAS PA MNGON SUM DU MTHONG NAS, SANGS RGYAS RNAMS LA 'DI LTAR GDA' 'O, ,ZHES ZHUS SO, ,'DI NI SEMS SO SOR MNGON PAR RTOGS PA LAS BYANG CHUB PA STE MNGON BYANG DANG PO'O, ,DE'I TSE BYANG SEMS DES MI BSKYOD PA'I RANG BZHIN ME LONG LTA BU'I YE SHES KYI NGO BO THOB CING, RJES 'JUG GI NYAMS LEN DU STONG NYID BCU DRUG YONGS SU GYUR PA LAS ZLA BA'I DKYIL 'KHOR BSKYED PA BSTAN NO, ,YANG SANGS RGYAS RNAMS KYIS RIGS KYI BU RANG GI SEMS KYI DE KHO NA NYID RANG BZHIN GYIS 'OD GSAL BA DE RAS DKAR PO TSON GYIS BSGYUR BA BZHIN DU JI TZAM SBYANGS PAS
, ,DAG PAR 'GYUR ZHING, BYANG CHUB KYI SEMS GONG NAS GONG DU 'PHEL BAR BSGYUR BAS, AOm BO DHI TZITTA AUTPA TA YA MI, RANG BZHIN GYIS GRUB PA'I SNGAGS 'DI'I DON YID LA GYIS LA BYANG CHUB KYI SEMS SGOMS SHIG ,CES BKA' STZAL PAS, DES KYANG DE LTAR BSGOMS PA NA MNYAM GZHAG TU RANG GI SEMS KYI DE KHO NA NYID RANG BZHIN GYIS 'OD GSAL BA DE, BLO BUR GYI DRI MAS KYANG RNAM PAR DAG PA'I DE KHO NA NYID MNGON SUM DU RTOGS NAS, RJES THOB TU STONG NYID RTOGS PA'I SHES RAB GZUNG BYA ZLA BA'I STENG DU ZLA BA GNYIS PAR MTHONG BAR GYUR TO, ,DE'I TSE RIN 'BYUNG GI MNYAM NYID YE SHES KYI NGO BO THOB CING, RJES 'JUG GI NYAMS LEN GYI DUS SU, BLO BUR DRI BRAL GYI SPANGS RTOGS YONGS SU RDZOGS PA'I MTSON BYED DU GSAL BYED LAS ZLA BA GNYIS PA BSKYED PAR BSTAN NO, ,YANG SANGS RGYAS RNAMS KYIS RIGS KYI BU BYANG CHUB KYI SEMS KUN TU BZANG PO DE BRTAN PAR BYA BA'I PHYIR, RDO RJE DBYINGS SU DMIGS LA, AOm TIshthA BADZRA, RANG BZHIN GYIS GRUB PA'I SNGAGS 'DI CI BDE BAR ZLOS SHIG ,CES GSUNGS SHING, DES KYANG SNGAGS DE'I DON SAMS SHING BSGOMS PAS, MNYAM GZHAG TU ZLA BAR SNANG BA'I GNYIS SNANG YANG NUB STE, DE KHO NA NYID MNGON SUM DU BYAS NAS, RJES THOB TU YE SHES DE'I GZUNG BYA RDO RJE RTZE LNGA PA'I RNAM PAR GYUR NAS ZLA BA'I STENG DU 'KHOD NAS RANG GI SNYING KHAR 'DUG PAR MTHONG BAR
GYUR TO, ,'DI NI 'OD DPAG MED KYI RANG BZHIN SO SOR RTOG PA'I YE SHES KYI NGO BO THOB PA YIN CING, MNGON BYANG GSUM PA BSTAN PA'I RDO RJE LAS BYANG CHUB PA ZHES BYA'O, ,DE NAS SEMS DPA' CHEN PO DES DON 'DI LTAR GDA' 'O ZHES GSOL BA NA, DE BZHIN GSHEGS PA THAMS CAD KYIS SANGS RGYAS KYI SKU GSUNG THUGS RDO RJE'I NUS PA THAMS CAD RGYAL SRAS DE'I SNYING KHA'I RDO RJE LA BCUG CING BYIN GYIS BRLABS NAS, BADZRA A'ATMA KO NYA HAm, RANG BZHIN GYIS GRUB PA'I SNGAGS 'DI'I DON YID LA GYIS LA BYANG CHUB KYI SEMS SGOMS SHIG ,CES GSUNGS PA NA, DES KYANG DE LTAR BSGOMS PAS, RANG GI LUS DE DE BZHIN GSHEGS PA THAMS CAD KYI RDUL PHRA RAB LAS GRUB PA'I RDO RJE'I BDAG NYID KYI SKUR MTHONG BAR GYUR TO, ,DON DE NYID GSOL PAS, YANG SANGS RGYAS THAMS CAD KYIS BYANG CHUB SEMS DPA' DE LA RDO RJE DBYINGS SHES BYA BA'I MING GI DBANG BSKUR TO, ,DBYINGS SHES PA KHAMS DANG RGYU GNYIS LA 'JUG PAS, DON BSDU NA, RGYAL SRAS DES BCOM LDAN 'DAS RNAM PAR SNANG MDZAD CHEN PO'I SKUR MYUR DU 'GYUR PA'I NUS PA RDZOGS SO,, ZHES PA'I DON DU MTSAN GSOL BA'O, ,'DI NI DON GRUB KYI RANG BZHIN BYA SGRUB YE SHES KYI NGO BOR GYUR PA YIN CING, MNGON BYANG BZHI PA RDO RJE'I BDAG NYID LA BYANG CHUB PA ZHES BYA'O, ,DE NAS DES RDO RJE DBYINGS KYI RANG BZHIN GYI LUS RDO RJE LTAR GDA' 'O, ,ZHES GSOL PAS SANGS RGYAS RNAMS KYIS, AOm SARBA TA
, ,GA T'A TA: AA HAm, RIGS KYI BU RANG BZHIN GYIS GRUB PA'I SNGAGS 'DI BZLOS LA, RANG GI LUS SANGS RGYAS THAMS CAD KYI SKU PHYAG RGYA CHEN POR SGOMS SHIG ,CES GSUNGS NAS, BYANG CHUB SEMS DPA' RDO RJE DBYINGS DE'I THUGS KA'I RDO RJE LA DE BZHIN GSHEGS PA THAMS CAD RANG RANG GI LHA'I RNAM PAR THIM ZHING BYIN GYIS BRLABS PAR GYUR TO, ,DE SKAD CIG GNYIS PAR BYANG CHUB SEMS DPA' RDO RJE DBYINGS DES CHOS DBYINGS YE SHES KYI NGO BO RNAM PAR SNANG MDZAD SKU MDOG DKAR PO ZHAL GCIG PHYAG GNYIS BYANG CHUB MCHOG GI PHYAG RGYA CAN MTSAN YONGS SU RDZOGS PA'I BDAG NYID CAN GYI LONGS SPYOD RDZOGS PA'I SKUR SANGS RGYAS PA YIN NO, ,'DI NI SANGS RGYAS THAMS CAD MA LUS PA JI LTA BA BZHIN DU BYANG CHUB PA ZHES BYA BA MNGON BYANG LNGA PA'O, ,'DI LA SLOB DPON KUN SNYING NI, RIM PA DE LTAR BSHAD PA RJES 'JUG GI NYAMS LEN DANG BSTUN PA YIN GYI, 'BRAS BU'I SKABS SU MNGON BYANG DANG PO MNGON DU BYAS PA'I TSE MNGON BYANG LHAG MA RNAMS KYANG MNGON DU GYUR PA YIN TE, YE SHES LNGA PO NGO BO GCIG LA LDOG PA THA DAD YIN PA'I PHYIR, ZHES GSUNGS SO, ,DE LTAR RGYA BOD KYI MKHAS PA PHAL CHE BA DANG PO'I LONGS SKU RNAM SNANG ZHAL GCIG PHYAG GNYIS PA DANG, RNAM SNANG ZHAL BZHI PA DES SPRUL PA'I SPRUL SKU YIN PAR BZHED DO, ,DE LTA BU'I LONGS SKUR SANGS RGYAS PA DES
CHO 'PHRUL RNAM PA BZHI MDZAD PA NI, BYIN GYIS BRLABS PA'I CHO 'PHRUL, DBANG BSKUR BA'I CHO 'PHRUL, TING NGE 'DZIN GYI CHO 'PHRUL, PHRIN LAS KYI CHO 'PHRUL RNAMS SO, ,DE YANG BYA SPYOD GNYIS LA MNGON BYANG GI THA SNYAD MED PAS, MNGON BYANG NI RGYUD SDE GONG MA GNYIS KYI KHYAD CHOS YIN CING, DE GNYIS KYANG MNGON BYANG GI MING 'DRA YANG DON GTAN MI 'DRA BAS KHYAD PAR SHIN TU CHE'O,, ` ,,RGYUD SDE BZHI PA BLA MED KYI RGYUD KYI DBYE BA, SMIN BYED DBANG, GROL BYED LAM RIM PA GNYIS KYI RNAM GZHAG SOGS NI GRAGS CHE BAS GZHAN DU SHES PAR BYA ZHING, 'DIR MKHAS PA DAG GI BZHED PA'I DON TSAN 'DI DANG 'DIR LAM GYI RIM PA SDUD DO ZHES PA'I SPYI'I CHINGS GRAGS CHE BA 'GA' ZHIG BRJOD NA, SLOB DPON SKAL BZANG RDO RJE'I LAM RIM LAS, PHAR PHYIN THEG PA'I LAM BSHAD NAS, SNGAGS KYI LAM RNAMS CHO GA LNGAR BSDUS TE, MA SMIN PA SMIN PAR BYED PA DBANG GI CHO GA ,SMIN PA MI NYAMS PAR BYED PA DAM TSIG BSRUNG BA'I CHO GA ,BLA MA LAS RGYUD NYAN NAS MTSAN NYID SHES PAR BYED PA'I CHO GA ,BYANG CHUB SGRUB PAR BYED PA SEMS SPYAD PA'I CHO GA ,MTHAR PHYIN PA'I SPYOD PA DAG PA'I CHO GA STE, DE NYID LAM RIM LAS, SKAL BA DANG LDAN GANG ZAG GIS, ,BLA MA DAM PAR GYUR PA LA, ,SEMS BSKYED SDOM BLANGS DBANG NOD CING, ,DE NYID BSRUNG DANG MTSAN NYID SHES, ,SEMS SBYANGS SPYOD PA DAG PA DANG, ,CHO GA LNGA YI MTSAN NYID DO, ,ZHES GSUNGS PA'I PHYIR, SHRADDH'A KA
, ,RA WARMA NI, 'DUS PA PHYI MAR RGYUD GSUM DU BSDUS NAS GSUNGS PA LA BRTEN NAS, RGYU'I RGYUD SGRON GSAL LAS BSHAD PA LTAR GYI RIN PO CHE LA SOGS PA'I GANG ZAG LNGA DBANG THOB PA DANG, THABS RGYUD THOS BSAM GYI SHES RAB KYIS RGYUD DON NGES PAR BYAS TE RIM GNYIS LA RIM CAN DU SLOB PA DANG, 'BRAS BU'I RGYUD DE LTAR BSLABS PAS RGYUD DON GYI GTZO BO MNGON DU GYUR PA GSUM DU BZHED DE, RGYAN BDUN DGROL BA LAS, RNAL 'BYOR BLA MA'I RGYUD 'DZIN PAS, ,'BRAS BU RGYUD LA RAG LAS TE, ,SA BON LTA BU'I GANG ZAG LNGA, ,SPANG BLANGS BYE BRAG SHES PAR BYA, ,DE NAS RIM PAR DBANG BLANGS TE, ,THABS KYI RGYUD LA 'JUG PAR BYA, ,DANG PO NYAN PA'I SHES RAB KYIS, ,TSIG GI RGYUD LA THOS PA BSKYED, ,DE NAS BSAMS PA'I SHES RAB KYIS, ,TSIG DANG DON DU 'BREL BA BSLAB, ,DE NAS BSGOMS PA'I BLO RTZAL GYIS, ,DANG POR BSKYED PA'I RIM PA SLOB, ,DE RJES RDZOGS PA MTHAR DBYUNG STE, ,KHA BUB BRDOL DANG DUG CAN GYI, ,SKYON RNAMS SPANGS TE RGYUN GNAS NA, ,CHU LUD RKYEN GYIS 'BRAS BSKYED BZHIN, ,'BRAS BU MNGON GYUR THE TSOM MED, ,CES GSUNGS PA'I PHYIR, DGRA NAG GI 'GREL PA RIN CHEN SGRON MA LAS, GANG ZAG MCHOG GI DBANG DU BYAS NAS, DAM TSIG DANG, DBANG BSKUR BA DANG, DBANG THOB PAS BSNYEN PA BYA BA DANG, BSNYEN PA SONG BAS BSGRUB PA BYA BA DANG, SGRUB PA GRUB NAS 'BRAS BU DANG, 'BRAS BU
THOB NAS GZHAN DON BYED PA'I LAS TSOGS DRUG TU BSDUS LA, GANG ZAG DMAN PA'I DBANG DU BYAS NAS, DAM TSIG DANG, DBANG DANG, BSNYEN PA DANG, LAS TSOGS TE BZHIR BSDUS NAS GSUNGS SO, ,YE SHES RDO RJE KUN LAS BTUS KYI RJES SU 'BRANGS NAS SGRON GSAL LAS NI, RGYUD DANG, GLENG GZHI DANG, NGES PA'I TSIG DANG, RGYU BZHIR BSDUS TE, DE NYID LAS, 'DOD CHAGS CHOS KYI TSUL GYIS NI, ,DON GSAL RTOGS PHYIR BSHAD PAR BYA, ,RIGS LNGA'I SANGS RGYAS BSKYED PA NI, ,RGYU ZHES BYA BA YIN PAR BRJOD, ,SLAR YANG RIGS GCIG GYUR PA NI, ,GLENG GZHI YIN PAR RAB TU BSTAN, ,RDO RJE LA SOGS BZUNG BA NYID, ,NGES PA'I TSIG NI YIN PAR BSHAD, ,SGEG PA LA SOGS SPYOD PA NI, ,RGYU ZHES BYA BA YIN PAR BSHAD, ,CES GSUNGS PA LTAR RO,, ` ,,SMRAS PA, THUB PA'I GSUNG RAB MA LUS PA'I, ,GNAD RNAMS RDZOGS PA'I PHRENG MDZES 'DIS, ,RAB 'BYAMS MKHAS PA MTHA' DAG GI ,RNAM DPYOD ZHAGS PA MED PAR 'DZIN, ,MDO RGYUD GZHUNG LUGS DAL 'GRO'I TSOGS RNAMS RGYUN MI CHAD PAR RTAG 'BAB CING, ,RNAM MANG RIGS TSUL RTA GDONG 'BAR BA'I CHU LON BRTAN POS KUN NAS BSKOR, ,SGRUB DANG SUN 'BYIN BSHAD TSUL BYE BA'I RLABS PHRENG CHAL CHIL GA-YO BA CAN, ,BLO GSAL KLU DBANG NYER 'TSO'I GZHIR GYUR LEGS BSHAD RIN CHEN RGYA MTSO CHE, ,MDO SNGAGS SPYI DANG RGYUD SDE BZHI'I, ,SO SO'I MDZES SDUG LANG TSO
, ,RNAMS, ,MA 'DRES GSAL BAR SNANG BYED PA, ,GANG 'DI NOR BU'I ME LONG NGO, ,DE LAS 'ONGS PA'I DGE TSOGS KU MUTTA, ,ZLA SHEL KHU BAS BYUGS 'DRA CI MCHIS PA, ,'GRO KUN SRID PA'I DGRA SDE LAS RGYAL TE, ,SA GSUM NYIN MO'I DBANG PHYUG THOB PHYIR BSNGO, ,BDAG KYANG DENG NAS TSE RABS THAMS CAD DU, ,ZLA MED STON PA SMRA BA'I ZLA BA DES, ,LEGS BSNGAGS BZHED PA'I SPYOD TSUL BZANG PO DANG, ,SKAD CIG TZAM YANG 'BRAL BAR MA GYUR CIG , ,, CES PA BSTAN PA SPYI'I RNAM PAR GZHAG PA 'DI NI, BSLAB PA GSUM DANG RIM PA GNYIS KYI RNAL 'BYOR LHUR LEN CING, SDE SNOD GSUM DANG RGYUD SDE BZHI'I RNGA BO CHE RGYUN MAR SGROG PA, RAB 'BYAMS SMRA BA'I TSOGS LA CHOS GRVA CHEN PO BKRA SHIS LHUN POR 'DZIN CHOS SU BYAS PA 'GA' ZHIG GIS ZIN BRIS SU BRIS PA, SLAR YANG DE DAG GIS ZHUS DAG DANG MJUG RDZOGS PA ZHIG DGOS ZHES YANG YANG BSKUL BA LA BRTEN NAS, JO BO RIN PO CHE'I MDUN SA CHOS 'KHOR LHA SAR MDO SNGAGS DANG RGYUD SDE 'DZIN PA SH'AKYA'I BBTZUN PA CHOS KYI RGYAL MTSAN GYIS RANG GIS ZHUS DAG BGYIS SHING MJUG YONGS SU RDZOGS PAR SBYAR BA 'DIS KYANG RGYAL BA'I BSTAN PA RIN PO CHE DAR ZHING RGYAS LA YUN RING DU GNAS PAR GYUR CIG , *, (AOm SVA STI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL,,) SARBA DZA GA TAm, , [BP