*, ,KHRO BO SME BA BRTZEGS PA'I SGRUB THABS BDUD RTZI'I CHU RGYUN ZHES BYA BA BZHUGS SO, ,
, ,SVA STI; KHRO BO SME BA BRTZEGS PA BSGRUB PAR 'DOD PAS, SKYABS 'GRO SEMS BSKYED TSAD MED BZHI BSGOM PA SNGON DU BTANG, AOm SVA BH'A WA SHUDDH'A: SARBA DHARM'A: SVA BH'A WA SHUDDHO NYA HAm GIS STONG PAR SBYANGS, STONG PA'I NGANG LAS PADMA DANG NYI MA'I GDAN GYI STENG DU, RANG GI SEMS NYID H'Um YIG DU BA'I MDOG CAN YONGS SU GYUR PA LAS, RANG NYID KHRO BO SME BA BRTZEGS PA SKU MDOG DUD KA, GA-YAS ZHAL DKAR PO, GA-YON ZHAL DMAR PO, PHYAG DRUG GI GA-YAS DANG PO NA RDO RJE RGYA GRAM, GNYIS PA NA RDO RJE RTZE LNGA PA, GSUM PA NA RDO RJE LCAGS KYU, GA-YON DANG PO NA RDO RJE DBYUG PA, GNYIS PA NA RDO RJE ZHAGS PA, GSUM PAS RDO RJE SDIGS MDZUB MDZAD PA, THOD PA BSKAM PO LNGA'I DBU RGYAN DANG, RLON PA LNGA BCU'I DO SHAL CAN, THOD PA
, ,BSKAM PO'I PHRENG BAS SE RAL GA BYAS PA, YAN LAG THAMS CAD SBRUL GYIS BRGYAN CING, MI LPAGS KYI STOD GA-YOGS DANG, STAG GI PAGS PA'I SHAM THABS CAN, ZHABS GNYIS BGRAD PA'I STABS KYIS BZHUGS PA'I SPYO BOR AOm, MGRIN PAR A'A: THUGS KAR H'Um, DE LAS 'OD ZER 'PHROS, RANG BZHIN GYI GNAS NAS BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO: RANG LA THIM PAS GNYIS SU MED PAR GYUR, SLAR YANG THUGS KA'I H'Um LAS 'OD 'PHROS, DBANG GI LHA RNAMS SPYAN DRANGS, DE BZHIN GSHEGS PA RNAMS KYIS BDAG LA MNGON PAR DBANG BSKUR DU GSOL, ZHES GSOL BA BTAB PAS DE RNAMS KYIS YE SHES KYI BDUD RTZIS GANG BA'I BUM PA THOGS NAS, AOm SARBA TA TH'A GA TA AA BHI shE KA TA SA MA YA SHRI YE H'Um, ZHES GSUNG ZHING DBANG BSKUR BAS LUS GANG, DRI MA DAG ,CHU LHAG PA SPYI GTZUG TU GNAS PA YONGS SU GYUR PA LAS, MI BSKYOD PAS DBU BRGYAN PAR GYUR, MCHOD PA RNAMS, AOm BADZRA AA MRi TA
KUndA LI HA NA HA NA H'Um PHAt KYIS BSANGS, AOm SVA BH'A WA SHUDDHA: SARBA DHARM'A: SVA BH'A WA SHUDDHO NYA HAm GIS STONG PAR SBYANGS, STONG PA'I NGANG LAS AOm LAS BYUNG BA'I RIN PO CHE'I SNOD YANGS SHING RGYA CHE BA RNAMS KYI NANG DU, ,AOm 'OD DU ZHU BA LAS BYUNG BA'I LHA RDZAS LAS GRUB PA'I MCHOD YON, ZHABS BSIL, ME TOG ,BDUG SPOS, MAR ME, DRI CHAB, ZHAL ZAS, ROL MO LA SOGS PA RNAMS RANG BZHIN STONG PA, RNAM PA MCHOD RDZAS, BYED LAS DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN BSKYED PAR GYUR, AOm AARGHAm A'A: H'Um, AOm P'A DYAm A'A: H'Um, AOm PU shPE A'A: H'Um, AOm DH'U PE A'A: H'Um, AOm A'A LO KE A'A: H'Um, AOm GANDHE A'A: H'Um, AOm NEE BI DYA A'A: H'Um, AOm SHAPTA A'A: H'Um, ZHES BYIN GYIS BRLABS, DE NAS 'BUL BA NI, RTEN CING 'BREL BAR 'BYUNG BA YI, ,LHA RDZAS BZANG PO'I MCHOD YON 'DI, ,BCOM LDAN 'KHOR DANG BCAS LA 'BUL, ,'GRO BA'I DON DU BZHES SU GSOL, ,AOm BADZRA MAH'A KRO DHA R'A DZA SA PA RI W'A RA AARGHAm PRA T'I TZTSA SV'AH'A, DE BZHIN DU 'OG MA RNAMS LA'ANG 'GRE BAR SHES PAR BYAS TE, MCHOD YON ZHES PA'I GNAS SU, ZHABS BSIL, ME TOG ,BDUG SPOS, MAR ME, DRI CHAB, ZHAL ZAS, ROL MO RNAMS BCUG ,AARGHAm ZHES PA'I GNAS SU, P'A DYAm PU shPE, DH'U PE, A'A LO KE ,GANDHE, NEE BIDYA, SHAPTA RNAMS BCUG LA, TSIGS BCAD SNGAGS DANG SPEL LA MCHOD, DE
, ,NAS BSTOD PA BYA BA NI, DMIGS MED MKHA' LTAR YANGS PA'I DKYIL 'KHOR NAS, ,GDUL DKA'I BGEGS DANG LOG 'DREN 'DUL PHYIR DU, ,DUS GSUM RGYAL BA'I 'PHRIN LAS SGRUB MDZAD PA'I, , KHRO CHEN 'CHOL BA KHYOD LA PHYAG 'TSAL LO, ,SNA TSOGS PADMA NYI MA'I GDAN STENG DU, ,DUS MTHA'I ME CHEN 'BAR BA'I KLONG DKYIL NA, ,ZHAL GSUM PHYAG DRUG ZHABS GNYIS BGRAD PA'I STABS, ,DRAN PAS BGEGS 'JOMS KHYOD LA PHYAG 'TSAL LO, ,MTSE GTZIGS BGRAD PA'I ZHAL DBUS ZHE SDANG 'DUL, ,GA-YAS DKAR BZHAD PA'I GANG MOS GTI MUG SEL, ,GA-YON ZHAL ME 'OD 'BAR BAS 'DOD CHAGS 'JOMS, ,SPYAN GSUM GYEN LDOG KHRO GNYER DPRAL BAR BSDUS, ,DBU SKRA GYEN BRDZES THOD BSKAM LNGA LNGAS BRGYAN, ,NA RA NGAN TA'I PAGS RLON STOD GA-YOGS CAN, ,MI MGO'I PHRENG BA'I DO SHAL MGUL DU 'PHYANG, ,STAG LPAGS SMAD DKRIS BAG YOD RI MOS MDZES, ,DUG LNGA RNAM DAG LTOS 'GRO'I RGYAN GYIS BRJID, ,RDO RJE RGYA GRAM RTZE LNGA LCAGS KYU GA-YAS, ,DBYUG THO ZHAGS PA DRAG PO'I SDIGS MDZUB GA-YON, ,SKU GSUM MTHAR PHYIN RGYUD DRUG 'DREN PA'I RTAGS, SGEG PA DPA' BA MI SDUG DRAG PO'I GZUGS, ,DGOD DANG DRAG SHUL 'JIGS SU RUNG BA'I GSUNG, ,SNYING RJE RNGAMS PA ZHI BA'I THUGS MNGA' BA, ,STOBS LDAN KHRO RGYAL KHYOD LA BDAG BSTOD KYI, ,NAD GDON KHO NA
GRIB MI GTZANG KUN ZHI ZHING, ,TSE RING NAD MED DPAL 'BYOR RGYAS PA DANG, ,GNAS SKABS MTHAR THUG SKYE DGU'I RE 'DOD RNAMS, ,MYUR DU BDAG LA LHUN GYIS GRUB PAR MDZOD, CES SOGS KYIS BSTOD, RANG GI THUGS KAR NYI MA'I DKYIL 'KHOR GYI STENG DU, H'Um YIG GI MTHAR, AOm BH'UR KUm MAH'A PR'A n'A YA BH'U RTZI BH'UR KI N'A SA AU TZU shMA KRO DHA H'Um H'Um PHAt PHAt SV'AH'A, AOm BADZRA BH'UR KUm RI LI SHU DARshA HUR SHI BI MA LI AU TZUshMA KRO DHA H'Um H'Um PHAt PHAt SV'AH'A, CES PA'I SNGAGS GNYIS KA 'AM YANG NA DANG PO 'DIS BSKOR BA LA DMIGS TE BZLA'O, ,AOm BADZRA MAH'A KRO DHA R'A DZA SA PA RI W'A RA AARGHAm PRA T'I TZTSA SV'AH'A, DE BZHIN DU, P'A DYAm NAS, SHAPTA'I BAR LA AOm BADZRA MAH'A KRO DHA R'A DZA SBYAR BA'I NYER SPYOD SNGAGS RKYANG GIS MCHOD, 'JIGS PA'I H'Um SGRA NGES SGROG CING, ,BGEGS RNAMS MA LUS 'JOMS MDZAD PA, ,DNGOS GRUB THAMS CAD STZOL BA'I LHA, ,BGEGS KYI DGRA LA PHYAG 'TSAL LO, ZHES PAS BSTOD, YIG BRGYA GSUM BZLA, MA RNYED YONGS SU MA SHES DANG; ;GANG YANG NUS PA MA MCHIS PAS, ,'DIR NI BYA BA GANG BGYIS PA, ,DE KUN KHYOD KYIS BZOD MDZAD RIGS, BADZRA MU: BDAG BSKYED KYI LHA YE SHES PA RANG BZHIN GYI GNAS SU GSHEGS, DAM TSIG PA 'OD DU ZHU NAS RANG LA THIM PAR GYUR, DGE BA 'DI YIS MYUR DU BDAG ,KHRO RGYAL SME BRTZEGS 'GRUB GYUR NAS, ,'GRO BA GCIG KYANG MA LUS PA, ,DE YI SA LA 'GOD PAR SHOG ,CES SOGS BSNGO SMON GANG MTSAM BYA'O,, ` ,,
, ,RANG GZHAN GYI DON DU, BUM BSKYED DANG SBREL NAS BYED NA, BYA RGYUD NAS BSHAD PA'I BUM RDZAS, GSER, DNGUL, BYU RU, MU TIG ,MU MEN TE RIN PO CHE LNGA, NAS, 'BRAS, GRO; SRAN, TIL TE 'BRU LNGA, SBRANG, KAR, MAR, 'O MA, ZHO STE BDUD RTZI LNGA, SLE TRES, KAndA KA RI, DBANG LAG ,RGYA MTSO LBU BA, SHU THAG STE SMAN LNGA, TZANDAN DKAR DMAR, DZA TI, GA BUR, GUR KUM STE DRI LNGA ZHES GSUNGS PA LTAR, RIN PO CHE LNGA, 'BRU LNGA, BDUD RTZI LNGA, SMAN LNGA, DRI LNGA STE BUM RDZAS RNAMS BLUG ,BUM PA'I MDUN DU CI 'BYOR BA'I MCHOD PA DANG, GTZO BO'I GTOR MA RNAMS BSHAMS, RGYAS PAR SPRO NA CHA GSUM GYI GTOR MA YANG BYA, DE NAS CHO GA LA 'JUG PA'I TSE SNGAR BSHAD PA'I BDAG BSKYED BZLAS PA DANG BCAS PA GRUB PA'I RJES SU NYER BSDU MA BYAS PAR, RANG LHA'I NGA RGYAL LA GNAS TE, BUM PA AA MRi TAS BSANGS, SVA BH'A WA SA STONG PAR SBYANGS, STONG PA'I NGANG LAS BAm LAS PADMA DANG, AA LAS ZLA BA'I DKYIL 'KHOR GYI STENG DU, BAm LAS BYUNG BA'I RIN PO CHE'I BUM PA DKAR PO, LTO BA CHE BA, MGRIN PA RING BA, MCHU 'PHYANG BA LA SOGS PA MTSAN NYID THAMS CAD DANG LDAN PAR GYUR, AOm T'A PTE T'A PTE MAH'A T'A PTE SV'AH'A, LHA'I CHU BO GANGG'A DANG BUM PA'I CHU DBYER MI PHYED PAR GYUR, RNAM RGYAL BUM PA'I NANG DU SNA TSOGS PADMA DANG NYI MA'I GDAN GYI STENG DU, H'Um DU BA'I MDOG CAN, DE YONGS SU GYUR PA LAS KHRO BO SME BA BRTZEGS PA SKU MDOG DUD KA, GA-YAS ZHAL DKAR PO,
GA-YON ZHAL DMAR PO, PHYAG DRUG GI DANG PO NA RDO RJE RGYA GRAM, GNYIS PA NA RDO RJE RTZE LNGA PA, GSUM PA NA RDO RJE LCAGS KYU, GA-YON DANG PO NA RDO RJE DBYUG PA, GNYIS PA NA RDO RJE ZHAGS PA, GSUM PAS RDO RJE SDIGS MDZUB MDZAD PA, THOD PA BSKAM PO LNGA'I DBU RGYAN DANG, RLON PA LNGA BCU'I DO SHAL CAN, THOD PA BSKAM PO'I PHRENG BAS SE RAL GA BYAS PA, YAN LAG THAMS CAD SBRUL GYIS BRGYAN CING, MI LPAGS KYI STOD GA-YOGS DANG, STAG GI PAGS PA'I SHAM THABS CAN, ZHABS GNYIS BGRAD PA'I STABS KYIS BZHUGS PA'I SPYI BOR AOm, MGRIN PAR A'A: THUGS KAR H'Um, DE LAS 'OD ZER 'PHROS, RANG BZHIN GYI GNAS NAS BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO: DAM TSIG PA DANG GNYIS SU MED PAR GYUR, SLAR YANG THUGS KA'I H'Um LAS 'OD ZER 'PHROS, DBANG GI LHA RNAMS SPYAN DRANGS, DE BZHIN GSHEGS PA RNAMS KYIS MNGON PAR DBANG BSKUR DU GSOL, ZHES GSOL BA BTAB PAS DE RNAMS KYIS YE SHES KYI BDUD RTZIS GANG BA'I BUM PA THOGS TE, AOm SARBA TA TH'A GA TA AA BHI shE KA TA SA MA YA SHRI YE H'Um, ZHES GSUNG ZHING DBANG BSKUR BAS, LUS GANG DRI MA DAG ,CHU LHAG PA SPYI GTZUG TU GNAS PA YONGS SU GYUR PA LAS MI BSKYOD PAS DBU BRGYAN PAR GYUR, DE NAS AA MRi TAS BSANGS, SVA BH'A WAS SBYANG BA NAS BZUNG, BDAG BSKYED BZHIN MCHOD PA BYIN RLABS BYAS TE 'BUL BA NI, STONG GSUM 'DI'AM STONG GSUM GZHAN DAG
, ,NA; ;LHA RDZAS MCHOD YON JI SNYED MCHIS PA RNAMS, ,BCOM LDAN BUM PA'I LHA LA BDAG 'BUL NA, ,THUGS RJES 'GRO BA'I DON DU BZHES SU GSOL, ,AOm BADZRA MAH'A KRO DHA R'A DZA SA PA RI W'A RA AARGHAm PRA T'I TZTSA SV'AH'A, DE BZHIN DU RIGS 'GRE SBYAR LA TSIGS BCAD SNGAGS DANG SPEL BA ROL MO'I BAR GYIS MCHOD, BSTOD PA RGYAS BSDUS GANG RUNG BYA, RANG GIS GZUNGS THAG NAS BZUNG, RANG LHAR GSAL BA'I THUGS KA'I H'Um LAS 'OD ZER 'PHROS, PHYOGS BCU'I SANGS RGYAS DANG BYANG CHUB SEMS DPA' THAMS CAD KYI THUGS KA NAS YE SHES KYI BDUD RTZI DPAG TU MED PA BKUG NAS, BUM PA'I NANG GI CHU LA THIM PAS DAG BYED KYI BDUD RTZIR GYUR PAR BSAMS LA, GZUNGS CI MANG BZLA'O, ,DE NAS LHAG CHAD KYI NYES PA ZHI BAR BYA BA'I PHYIR, YIG BRGYA BDUN NAM GSUM BZLA, GTOR MA 'BUL BA NI, GTOR MA AA MRi TAS BSANGS, SVA BH'A WAS SBYANGS, STONG PA'I NGANG LAS AOm LAS RIN PO CHE'I SNOD YANGS SHING RGYA CHE BA'I NANG DU, AOm 'OD DU ZHU BA LAS BYUNG BA'I LHA RDZAS LAS GRUB PA'I GTOR MA DVANGS SHING THOGS PA MED PA, ZAG PA MED PA'I YE SHES KYI BDUD RTZI'I RGYA MTSO CHEN POR GYUR, AOm A'A: H'Um, LAN GSUM BRJOD, BUM PA'I LHA'I LJAGS 'OD ZER GYI SBU GUS DRANGS TE GSOL BAR GYUR, AOm BADZRA MAH'A KRO DHA R'A DZA SA PA RI W'A RA AI DAm BA LIm TA KHA KHA, KH'A HI KH'A HI, GSUM GYIS PHUL NAS, AOm BADZRA MAH'A KRO DHA R'A
DZA AARGHAm SOGS KYIS SNGAGS MCHOD BYA, GONG BZHIN BSTOD, BADZRA MU: BUM PA'I LHA YE SHES PA RANG BZHIN GYI GNAS SU GSHEGS, DAM TSIG PA 'OD DU ZHU NAS BUM PA'I CHU DANG RO GCIG TU GYUR PAR BSAM MO, ,DE NAS BYA BAS BSRUNG BYA BA NI, KHRO BO SME BRTZEGS ZHU BA LAS BYUNG BA'I BUM PA'I CHUS RANG GZHAN GANG YANG RUNG BA'I SPYI BO NAS RKANG MTHIL GYI BAR GYI PHYI NANG BAR GSUM THAMS CAD KHYAB PAR BKRUS PAS, NAD GDON SDIG SGRIB THAMS CAD DBANG PO'I SGO DANG BA SPU'I BU GA SOGS NAS 'THON TE BYANG ZHING DAG PAR BSAMS LA, AOm BH'UR KUm ZHES SOGS GONG GI SNGAGS GNYIS KA'AM GANG RUNG ZHIG GI MTHAR, MING 'DI ZHES BYA BA'I SDIG PA DANG SGRIB PA THAMS CAD SH'ANTIm KU RU SV'AH'A, DE BZHIN DU RIGS 'GRE SBYAR LA, NAD, GDON, RIMS, KHON, GRIB, BYAD, BYUR, SKAL BA NGAN PA, LTAS NGAN PA, BKRA MI SHIS PA, NYE BAR 'TSE BA, DUS MA YIN PAR 'CHI BA, GZA' DANG RGYU SKAR GYI GNOD PA, RGYAL PO DANG CHOM RKUN GYI 'JIGS PA, BDUD KYI ZHAGS PA, GSHIN RJE'I PHO NYA, BGEGS DANG LOG 'DREN, BAR GCOD MI MTHUN PA'I PHYOGS THAMS CAD SH'ANTIm KU RU SV'AH'A, DE NAS DRI GLUD CIG BCAS LA SNOD DU BZHAG ,BKRU BYA RNAMS RANG RANG GI KHAR CHU CUNG ZAD RE 'DZIN DU BCUG LA, RDO RJE DANG BCAS PA'I RMA BYA'I SGRO'I CHUN PO'I STENG DU NYI MA LA GNAS PA'I H'Um YIG SNGAGS PHRENG DANG BCAS PA LAS 'OD ZER 'PHROS PAS, BKRUS SHING MA DAG PA'I NAD GDON SDIG
, ,SGRIB THAMS CAD 'OD ZER GYI RTZE MOS BYABS SHING DED PAS KHA NANG GI CHU LA THIM PAR GYUR, AOm BH'UR KUm ZHES SOGS KYI MTHAR, MING 'DI ZHES BYA BA'I SDIG PA DANG SGRIB PA THAMS CAD AA PA NA YE SV'AH'A ZHES PA NAS, MI MTHUN PA'I PHYOGS THAMS CAD AA PA NA YE SV'AH'A, ZHES PA'I BAR DANG, DE NAS BDEN BDAR NI, RJE BTZUN RTZA BA DANG BRGYUD PAR BCAS PA'I DPAL LDAN BLA MA DAM PA RNAMS KYI BKA' BDEN PA DANG, SANGS RGYAS KYI BKA' BDEN PA DANG, CHOS KYI BKA' BDEN PA DANG, DGE 'DUN GYI BKA' BDEN PA DANG, KHRO BO'I RGYAL PO SME BA BRTZEGS PA'I LHA TSOGS KYI SKU GSUNG THUGS KYI GSANG BA BLA NA MED PA'I BDEN PA LA BRTEN NAS, MING 'DI ZHES BGYI BA LA GNOD CING 'TSE BA'I GDON BGEGS THAMS CAD DRI CHU 'DIS TSIM PAR GYIS LA, SO SO RANG RANG GI GNAS SU SONGS SHIG ,AOm SUm BHA NI SUm BHA H'Um, GRi HnA GRi HnA H'Um, GRi Hn'A PA YA GRi Hn'A PA YA H'Um, A'A NA YA HO BHA GA W'A NA BI DY'A R+YA DZA H'Um PHAt, SANGS RGYAS RNAMS NI BDUD LAS RGYAL, ,CHOS NI CHOS MA YIN LAS RGYAL, ,DGE 'DUN MU STEGS RNAMS LAS RGYAL, ,DBANG PO LHA MIN RNAMS LAS RGYAL, ,LHA MIN ZLA BA RNAMS LAS RGYAL, ,NAM MKHA' LKING NI RGYA MTSO LAS, ,ME NI SHING RNAMS KUN LAS RGYAL, ,CHU NI ME LAS RGYAL BA STE, ,RLUNG NI SPRIN LAS RGYAL BAR GYUR, ,RDO RJE YIS NI RIN CHEN PHUG ,LHA RNAMS BDEN PAR RAB TU GNAS, ,SA YANG BDE BAR GNAS
PA LA, ,SANGS RGYAS DANG NI CHOS KYANG BDEN, ,BDEN PA RGYAL GYUR BRDZUN MA LAGS, ,BDEN PA DANG BDEN PA'I TSIG 'DI DAG GIS MING 'DI ZHES BYA BA BDUD DANG MI MTHUN PA'I PHYOGS THAMS CAD LAS RGYAL BAR GYUR CIG ,DZA YA DZA YA SIDDHI SIDDHI SV'AH'A, RANG GI THUGS KA'I NYI MA LA GNAS PA'I H'Um LAS 'OD ZER 'PHROS, LUS KYI PHYI NANG BAR GSUM THAMS CAD KHYAB, SHA SKYE PAGS MTSAMS THAMS CAD 'OD ZER LAS GRUB PA'I RDO RJE'I RDUL PHRA RAB KYI RANG BZHIN DU GYUR TE, NAD GDON SDIG SGRIB THAMS CAD KYI GNOD PAS MI TSUGS PA'I BSRUNG BA CHEN POR BYIN GYIS BRLABS PAR GYUR, AOm BH'UR KUm ZHES SOGS KYI MTHAR, MING 'DI ZHES BYA BA SDIG PA DANG SGRIB PA THAMS CAD LAS RAKshA RAKshA, ZHES PA NAS, MI MTHUN PA'I PHYOGS THAMS CAD LAS RAKshA RAKshA, DE NAS BKRA SHIS BYA BA NI, CHE BA'I CHE MCHOG STON PA BLA NA MED, ,CHOS RJE NYI MA RGYAL BA'I BYIN RLABS KYIS, ,BDUD DANG BGEGS RIGS GNOD PA'I DGRA ZHI NAS, , RTAG TU DPAL GNAS NYIN MTSAN BKRA SHIS SHOG ,CHOS NYID BDEN PA'I CHOS MCHOG BLA NA MED, ,DAM CHOS BDUD RTZI BDEN PA'I BYIN RLABS KYIS, ,NYON MONGS SDUG BSNGAL GDUNG BA'I DGRA ZHI NAS, ,RTAG TU DPAL GNAS NYIN MTSAN BKRA SHIS SHOG ,DGE 'DUN YON TAN RIN CHEN DPAL 'BAR BA, ,RGYAL SRAS PHAN MDZAD BDEN PA'I BYIN RLABS KYIS, ,NYES PA'I SKYON BRAL DGE TSOGS RNAM PAR 'PHEL, ,RTAG TU DPAL GNAS NYIN MTSAN BKRA SHIS
, ,SHOG ,TSANGS DANG LHA DBANG BSRUNG MA'I BYIN RLABS DANG, ,PHAN MDZAD LHA YI BKRA SHIS GNAS GYUR TE, ,DGE LEGS BSAM PA YID BZHIN 'GRUB PA DANG, ,TSE RING NAD MED BDE SKYID LDAN PAR SHOG , CES SOGS SHIS PA BRJOD, MJUG CHOG SPYI LTAR BYA'O, ,ZHES KHRO BO'I RGYAL PO SME BA BRTZEGS PA'I SGRUB THABS 'DI YANG, MTSAN SGROG MKHAN CHEN NOR BZANG RGYA MTSOS BSKUL BA LA BRTEN NAS, SH'AKYA'I DGE SLONG BLO BZANG CHOS KYI RGYAL MTSAN GYIS SBYAR BA'O,, ,, ` AOm SVA STI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL, ,SARBA DZA GA TAm,, ,,