*, ,SGROL MA GA-YUL BZLOG JI LTAR BYA BA'I CHO GA DGRA LAS RNAM RGYAL ZHES BYA BA BZHUGS SO, ,
, ,NA MO GU RU A'ARYA T'A RE YA, GANG GI MTSAN TZAM DRAN PA'I NOR BUS KYANG, ,LHA MI'I RIN CHEN BYE BA PHRAG BRGYA YIS, ,STONG GSUM BYUR POR BKANG BA'ANG ZIL GNON PA, ,BLA MA MCHOG DANG RJE BTZUN SGROL MA NI, ,DBYER MED ZHABS KYI PADMOR PHYAG BYAS TE, ,PHYI NANG 'GAL RKYEN BDUD BZHI'I CHU KLUNG 'BUM, ,MA LUS YONGS SU BZLOG BYED SGROL MDOS KYI, ,CHU LON JI LTAR BSGRUB PA'I RIM PA BRI, ,'DIR SGROL MA GA-YUL BZLOG JI LTAR BYA BA'I TSUL LA, YID CHES SHING DAD PA BSKYED PA'I PHYIR LO RGYUS DANG, CHO GA DNGOS GNYIS LAS, DANG PO NI, SNYIGS DUS KYI 'GRO BA LA THUGS BRTZE BAR DGONGS TE, BYAD KHA DANG MTHU BZLOG PA DANG, MNA' ZOS PA DANG, GZA' SKAR NGAN PA DANG, RDZAS NGAN DANG, LHA 'DRE DRAG PO DANG 'GRAS PA'I
, ,GNOD PA BZLOG PA DANG, RIMS NAD DANG, GOD KA GCOD PA DANG, MDOR NA NYES PA THAMS CAD BZLOG CING DGE LEGS THAMS CAD SPEL BA'I PHYIR, MGON PO KLU SGRUB KYIS MDZAD CES GRAG GO ,DE YANG SNGON RGYA GAR SHAR PHYOGS SU RGYAL PO ZHIG GIS, MU STEGS SKAD CHEN GYI BU BSAD PAS, MU STEGS DES RGYAL PO 'KHOR BCAS KLU LA GTAD, DE'I SANG NUB RGYAL PO'I PHO BRANG DU SBRUL CHEN PO HA HA ZHES ZER BA BYUNG BAS, RGYAL PO 'KHOR BCAS BRGYAL ZHING 'CHI BAR THUG PA'I TSE, MCHOD GNAS NANG PA'I PAndI TA ZHIG GIS CHO GA 'DI BYAS PAS, SBRUL DES RGYAL PO'I LINGGA CHU MIG NAS BTON, MU STEGS KYI SPYI BO MCHUS GZHIBS TE SHI, YANG ZA HOR GYI YUL DU RGYAL PO BHRIm GHA ZHES PAS, SDE BRGYAD DRAG SHUL CAN THAMS CAD KHYAD DU BSAD, MI DGE BA'I SPYOD PA SNA TSOGS BYAS PAS, SNANG SRID KYI LHA 'DRE THAMS CAD KHROS TE THABS GANG GIS KYANG MA PHAN PAR, GU RU MTHAR BYED CES PAS CHO GA 'DI BYAS PAS MI NOR RGYAS SHING PHUN SUM TSOGS PAR GYUR PA SOGS BYIN RLABS CHE
BA'I LO RGYUS SHIN TU MANG ZHING, MKHAS GRUB MANG POS PHYAG LEN MDZAD, JO BO CHEN POS BSNAMS TE STON PA RIN PO CHE LA GNANG NAS RIM PAR BRGYUD PA'O, ,GNYIS PA LA SBYOR BA DANG, DNGOS GZHI GNYIS LAS, DANG PO NI, GNAS KHANG GI GUNG DU, PANG 'DAB KYI STENG RJE BTZUN MA'I SKU BYIN RLABS CAN ZHIG BZHUGS SU GSOL, NYER SPYOD 'DOD YON DANG BCAS PA'I MCHOD PA BZANG MANG DANG, GTOR MA GSUM BSHAMS, RJE BTZUN MA'I DBU LA DAR DKAR GYI GUR PHUB, RIN PO CHE BRDAR BA'I 'JIM PA LA SPE'U SPE ZHOL LCAGS RI DANG BCAS PA JI LTAR 'TSAM PA'I NANG DU, ZAN LAS BYAS PA'I NGAR MI MTHO GANG PA GSER GA-YU'I RGYAN GYIS SPRAS PA RTA LA BSKYON GA-YON DU NAM MKHA' DANG RGYA DBU GSUM GSUM, PHO GDONG MO GDONG, MDA' KHA 'PHANG KHRA DANG BCAS PA'ANG GSUM GSUM LAS MI NYUNG BA 'DZUGS, RIN PO CHE BRDAR BA'I ZAN LA NGAR MI SUM CU, MDZO RTA GNAG LUG RI DVAGS SOGS, SA LA 'DZUL DGU DANG, GNAM LA 'PHUR DGU'I GZUGS DANG, 'BRU SNA, ZAS SNA, SMAN SNA, RIN PO CHE, JA GOS DAR, MDOR NA 'DOD DGU SNA TSOGS PAS LCAGS RI'I NANG 'GENGS, LA DGU LUNG DGU'I SA SNA CHU SNA YANG TSOGS PAR BYED, NGAR MI'I STENG DU'ANG DAR DKAR GYI GUR DANG, MDA' DAR GZUG GO ,DNGOS GZHI LA, SKYABS 'GRO SEMS BSKYED TSAD MED BZHI BSGOM PA SNGON DU BTANG,
, ,MCHOD GTOR DAM RDZAS DANG BCAS PA RNAMS BYA SPYOD DANG MTHUN ZHING, SNGAGS DRUG DANG PHYAG RGYA DRUG GIS BYIN GYIS BRLABS, SVA BH'A WAS BDAG MDUN GNYIS KA STONG PAR SBYANGS, DE LTAR BDAG GI DE KHO NA NYID DON DAM PAR SPROS PA THAMS CAD DANG BRAL BA JI LTAR YIN PA DE BZHIN DU, LHA'I DE KHO NA NYID KYANG DE LTAR YIN PAS DE GNYIS CHU DANG 'O MA 'DRES PA BZHIN DU RNAM PAR MI RTOG PA'I SNANG BA'I SGO DE NYID DU, BDAG DANG LHA'I DE KHO NA NYID DBYER MI PHYED PAR GYUR, STONG PA'I NGANG LAS AOm T'A RE TUTT'A RE TU RE SV'A H'A, ZHES PA'I SNGAGS KYI GDANGS KYI RNAM PA NAM MKHA' LA GRAG PAR GYUR, BDAG DANG LHA'I DE KHO NA NYID DBYER MI PHYED PA ZLA BA'I DKYIL 'KHOR DU GYUR PA'I STENG DU, SNGAGS KYI GDANGS KYI RNAM PA NAM MKHA' LA GRAG PA DE NYID DNGUL CHU GSER GYI BYE MA LA ZHEN PA LTAR, YIG 'BRU BRIS PA'I RNAM PA CAN DU 'KHOD PA YONGS SU GYUR PA LAS, AUTPAL TAm GYIS MTSAN PA'I MTHA' SKOR DU, AOm T'A RE TUTT'A RE TU RE SV'A H'A, ZHES PAS BSKOR BAR GYUR, ZLA BA PHYAG MTSAN SNGAGS DANG BCAS PA LAS 'OD ZER SNA TSOGS BYUNG BA'I RTZE MO NAS, RJE BTZUN MA 'PHAGS MA SGROL MA'I LHA'I GZUGS DPAG TU MED PA BYUNG, DES NAM MKHA'I DBYINGS THAMS CAD KHYAB PAR BYAS, RGYAL BA THAMS CAD LA MCHOD PA'I SPRIN CHEN PO SPRUL PAS LEGS PAR MCHOD, GZHAN YANG SPRIN CHEN PO SPRUL PA LAS BDUD RTZI'I CHAR RGYUN BABS PAS, DMYAL BA LA SOGS PA'I
'GRO BA THAMS CAD KYI SDUG BSNGAL GYI MI RNAMS ZHI ZHING TSIM PA BYAS, LHA'I SKU DANG BCAS PA'I 'OD ZER SLAR LOG ,RANG GI SEMS ZLA BA PHYAG MTSAN SNGAGS DANG BCAS PA LA THIM PA YONGS SU GYUR PA LAS, RANG DANG MDUN BSKYED KYI GNAS SU PADMA DANG ZLA BA'I GDAN LA RJE BTZUN MA 'PHAGS MA SGROL MA SKU MDOG LJANG SNGON ZHAL GCIG PHYAG GNYIS KYI GA-YAS MCHOG SBYIN DANG, GA-YON DKON MCHOG GSUM MTSON GYI PHYAG RGYA MDZAD PA'I PHYAG GNYIS AUTPAL SNGON POS MTSAN PA, ZHI ZHING 'DZUM LA MDZES SHING YID 'PHROG PA, DBU SKRA RAL PA BYED BCINGS SU BYAS PA'I LHAG MAS SKU STOD KHEBS PA, RIN PO CHE'I DBU RGYAN LA SOGS PA RGYAN SNA TSOGS PAS BRGYAN CING, LHA RDZAS KYI DAR GYI NA BZAS KLUBS PA, MTSAN BZANG PO SUM CU RTZA GNYIS DANG, DPE BYAD BZANG PO BRGYAD CUS MDZES SHING ZLA BA'I 'OD KYI RGYAB YOL CAN, ZHABS GA-YAS BRKYANGS SHING, GA-YON BSKUMS PA'I TSUL GYIS BLA MA YI DAM SKYABS GSUM BKA' SDOD DANG BCAS PAS BSKOR BA'I DBUS NA BZHUGS PA'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON POS MTSAN PAR GYUR, AOm PADMA AUTBHA WA YE SV'AH'A, ZHES PA PHYAG RGYA DANG BCAS PAS GNAS LNGA BYIN GYIS BRLABS, ROL MO DANG BCAS PAS, PO TA LA YI GNAS MCHOG NAS, CES SOGS SHLO KA GCIG GI RJES SU, BLA MA RGYAL BA SRAS BCAS DANG, ,BKA' SDOD CHOS SKYONG BSRUNG MA'I TSOGS, ,DKAR PHYOGS
, ,SKYONG BA MA LUS PA, ,MCHOD PA'I GNAS 'DIR GSHEGS SU GSOL, ,RIGS DRUG RGYUD LNGA'I 'GRO KUN DANG, ,SDE BRGYAD GDON BGEGS 'BYUNG PO'I TSOGS, ,RBAD 'DRE LAN CHAGS MGRON RNAMS KYANG, ,MCHOD SBYIN GNAS 'DIR GSHEGS SU GSOL, ZHES SPYAN DRANGS NAS PHYAG MCHOD RGYAS PA'AM, BSDU NA, RJE BTZUN 'PHAGS MA SGROL MA DANG, ZHES PA NAS, 'DREN PA'I DPAL DU BDAG GYUR CIG ,CES PA'I BAR SPYAN 'DREN YAN LAG BDUN PA BYA, PHYAG 'TSAL NYER GCIG GSUM MAM, BDUN NAM, NYER GCIG SKABS DANG BSTUN NAS BRJOD PA'I MJUG TU, SGROL GSOL GYI MTHAR, 'OG NAS 'BYUNG BA'I BZLOG PA TSAR RE ROL MO DRAG BRDUNG DANG BCAS PA BYA, YANG SNGAR JI LTA BA BZHIN MCHOD PA BYIN GYIS BRLABS NAS, YAN LAG BDUN PA, SGROL MA, SGROL GSOL DANG BCAS PA LAN GSUM BRJOD PA'I MTHAR, BYIN GYIS BRLABS PA'I GTOR MA DANG PO BLA MA DANG RJE BTZUN MA MCHOG GSUM CHOS BSRUNG DANG BCAS PA LA, AA K'A ROS PHUL TE AARGHAm SOGS KYIS MCHOD, GNYIS PA GDON BGEGS LAN CHAGS KYI MGRON DANG BCAS PA DANG, GSUM PA RIGS DRUG SNYING RJE'I MGRON RNAMS LA AA K'A RO'Am, SAm BHA RAS BSNGOS TE, DE BZHIN GSHEGS PA BZHI'I MTSAN BRJOD DO, ,'DOD DON LA GSOL BA GDAB PA NI, ROL MO DBYANGS CI RIGS DANG BCAS PAS, NA MO, BLA MA YI DAM RJE BTZUN SGROL MA DANG, ,MCHOG
GSUM CHOS SKYONG BSRUNG MA'I BYIN RLABS DANG, GSANG SNGAGS RIG SNGAGS GZUNGS SNGAGS BDEN PA DANG, ,'DI LTAR MCHOD SBYIN BGYIS PA'I MTHU STOBS KYIS, ,RNAL 'BYOR DPON SLOB SBYIN BDAG BCAS PA LA, ,LHA KLU DRI ZA GRUL BUM SHA ZA DANG, ,SRUL PO BRJED BYED SMYO BYED DE DAG NI, ,RGAN RGON BU DANG BU MO 'KHOR GA-YOG BCAS, ,MA MO MKHA' 'GRO LOG 'DREN GSHIN RJE DANG, ,RGYAL 'GONG MKHA' LDING SA BDAG KLU GNYAN TSOGS, ,GNOD SBYIN 'BYUNG PO BTZAN BDUD YI DVAGS DANG, ,DRANG SRONG GZA' SKAR LO ZLA ZHAG DANG NI, ,ZA MA SOGS LA RGYU BA'I GDON BGEGS KYI, ,GNOD 'TSE'I BSAM SBYOR MA LUS ZHI GYUR CIG ,SO SOR 'DOD DGU'I DAM RDZAS 'DI STER ZHING, ,BSLU MED BDEN PA DAM PA'I CHOS 'CHAD KYI, ,BDAG DANG RGYU SBYOR YON BDAG 'KHOR BCAS LA, ,MI NAD PHYUGS NAD GDON BGEGS GNOD PA DANG, ,MI NOR LONGS SPYOD 'PHEL BA'I 'GAL RKYEN DANG, ,DUS MIN 'CHI DANG LUS NGAG YID GSUM GYI, ,GNOD PA THAMS CAD ZHI ZHING BZLOG PAR MDZOD, CES 'PHRIN LAS BCOL, DE NAS RANG NYID RJE BTZUN MAR GSAL BA KHRO BO'I RGYAL PO RTA MGRIN DU BSGYUR TE, H'Um, DAM CHOS SKYONG BA'I BSRUNG MA RNAMS, ,'DIR NI BCOL BA'I LAS RNAMS MDZOD, , MCHOD SBYIN CHEN PO GLUD DANG BCAS, ,CHE GE'I GLUD DU KHYED LA 'BUL, ,'DI LA GNOD PAR MA MDZAD CIG ,SNANG SRID LHA 'DRE SDE BRGYAD PO, ,SNGAGS 'CHANG NGA YI BKA' NYON LA, ,GZHAN GYIS RBAD PAR MA NYAN CIG ,GDON BGEGS CHEN PO
, ,THAMS CAD KYANG, ,BSAM SBYOR NGAN PA ZHI BAR GYIS, ,KHYED RNAMS DGYES PA'I GTOR MA DANG, ,SROG CHAGS NOR GLUD MANG PO DANG, ,LA RDZAS LUNG RDZAS 'DOD DGUR BCAS, ,YID 'ONG KHANG PA SPE'U ZHOL DANG, ,DAR GYI GUR PHUB LDIR RI RI, ,'BRU TSOM DGU YI KHRI LA BZHAG ,DAR GLUD RGYAN CAN SNA TSOGS DANG, ,YID 'ONG RTA YI TSOGS MGYOGS LA, ,'BRU YI NGAR MI CHEN PO BSKYON, ,LUS LA GSER GA-YU'I RGYAN CHA BTAGS, ,RGYAN CHA YID 'ONG SIL LI LI, ,DAR GYI GOS GYON LHUBS SE LHUBS, ,SMRA BA MKHAS DANG 'DZUM MDANGS CAN, ,'OG NA RTA ZHON ZHUNGS SE ZHUNGS, ,MGO LA THOD BCINGS PUR RU RU, ,RTZED 'JO SNA TSOGS BSGYUR LA MKHAS, ,GA-YU YI LHAM CHUNG ZUL LU LU, ,GSER GYI SKA RAGS KHYUGS SE KHYUGS, ,NAM RGYANG LDEM PAS SKU LA BRGYAN, ,PHO GDONG MO GDONG MI SKAD SMRA, ,MNGA' RIS 'DOD DGUR TSANG BA RNAMS, ,YON BDAG GLUD DU KHYED LA 'BUL, ,YID 'ONG NOR NI MANG PO DANG, ZHAL ZAS ZHIM DGU MNGAR DGU DANG, ,'KHOR GA-YOG NGAR MI SUM CU DANG, ,SMAN SPOS SGRON ME GSAL BA RNAMS, ,KHYED LA MCHOD PAR 'BUL LAGS KYI, ,SNGAGS PA PHUR BU BSGRIL BA DANG, ,YUNGS KAR THUN GYIS BRABS PA DANG, ,ZOR KHA SNA TSOGS 'PHEN PA DANG, ,GTAD GNON SBYOR BA 'GYED PA RNAMS, ,DE DAG NUS PA PHYIR BZLOG CIG ,BON PO RNGA GSHANG BRDUNG BA DANG, ,SNGO DMAR 'UR RDO 'PHEN PA DANG, ,BTZO DMAR 'PHEN PAR BYED PA BZLOG ,DRAG
SNGAGS PHRA MEN GNOD PA DANG, ,SDE BRGYAD DRAG PO BSKUL BA RNAMS, ,DE DAG NUS PA PHYIR BZLOG CIG ,CHOS SKYONG LHA 'DRE THAMS CAD KYANG, ,LA LA DKOR CHA'I SHUL DU 'GRANG, ,LA LA MNA' ZAN GSHED DU 'ONG, ,LA LA SNGAGS PAS DRAG POR RBAD, ,LA LA BDEN PA'I RGYU 'BRAS STON, ,LA LA RIMS NAD DAL YAMS GTONG, ,'GA' ZHIG SAD DANG SER BA GTONG, ,CHAR MI 'BAB DANG LO NYES BYED, ,LAN CHAGS BU LON 'DED PA DANG, ,NYE 'BREL GROGS KYI SHUL DU 'BRANG, ,MDZE NAD GTONG BA'I KLU RNAMS DANG, ,GNOD BYAS LAN LDON KLU RNAMS DANG, ,SHA KHRAG SROG DBUGS ZA BA DANG, ,'BRAS BU LO TOG ZA BA DANG, ,DAR SNABS MI GTZANG ZA BA DANG, ,'BYUNG BA'I LHA DANG SA BDAG DANG, ,LO DANG SPAR KHA SME BAR BCAS, ,KUN KYANG GLUD KYIS MNYES GYUR CIG ,GNOD 'GAL NGAN PA ZHI BAR MDZOD, ,BU LON LAN CHAGS DA GZHAL LO, ,BDAG CAG LONGS SPYOD 'PHEL BAR MDZOD, ,RKYEN NGAN BAR GCOD PHYIR BZLOG CIG ,RBOD GTONG NUS PA BZLOG TU GSOL, ,BSAMS PA'I DON RNAMS 'GRUB PAR MDZOD, ,BYAMS PA'I SEMS KYIS MCHOD SBYIN BGYI, ,SNYING RJE'I STOBS KYIS DAM CHOS BSHAD, ,KHYOD KYANG MA RIG 'KHOR BAR 'KHYAMS, ,DA NI BYAMS SEMS LDAN PAR GYIS, ,RANG RANG LUS LA DPE LONG LA, ,GZHAN GYI LUS LA GNOD MA BYED, ,SDIG SBYONGS THAR PA'I LAM LA SNYIGS, ,NAD DANG DAL YAMS BZLOG TU GSOL, ,TSE DANG DBANG THANG LONGS SPYOD DANG, ,LO TOG
, ,CHAR CHU RGYAS PAR MDZOD, ,BLO BUR BRGYAD CU RTZA GCIG BZLOG ,YE 'BROG SUM BRGYA DRUG CU BZLOG ,BZHI BRGYA RTZA BZHI'I NAD RNAMS BZLOG ,STONG PHRAG BRGYAD CU'I GDON RNAMS BZLOG ,YAS BDUD GA-YOS DANG MAS SRI LANGS, ,PHA TSAN RGYA 'DRE THAMS CAD DANG, ,MA SRU'I BYUR 'DRE THAMS CAD BZLOG ,LO ZLA ZHAG DUS NGAN PA BZLOG ,PHUNG 'DRE THAMS CAD BZLOG TU GSOL, ,SRID LA BRKU BA BZLOG TU GSOL, ,BYIS PA'I GDON RNAMS ZHI BAR MDZOD, ,MI KHA KHA MCHU MA GTONG ZHIG ,GZHAN GYI GA-YUL NGO ZHI BAR GYIS, ,BDAG GI DMAG THABS LEGS PAR MDZOD, ,MYOS SHING 'THIBS PA BSAL BA DANG, ,NYIN GCIG NYIN GNYIS NYIN GSUM PA; ;RIMS NAD THAMS CAD ZHI BAR MDZOD, ,NYAM NGA 'TSE BA BZLOG TU GSOL, ,YUL PHYOGS DGE BAR MDZAD DU GSOL, ,DAM CHOS RGYAS PAR MDZAD DU GSOL, ,'THAB RTZOD ZHI BAR MDZAD DU GSOL, ,LO BRGYA 'TSO DANG STON BRGYA MTHONG BA DANG, ,BKRA SHIS RI BO BZHIN DU BRTAN PA DANG, ,BSOD NAMS NYI 'OD BZHIN DU 'BAR BAR MDZOD, ,MI PHYED MI GZHIG KUN GYI DNGOS GRUB STZOL, ,DE NAS MDOS SNA 'KHRID MKHAN, SPOS SNA DANG, MNGAR SKYUR GYI GSER SKYEMS PA, SPOS PHOR BA, ROL MO MDOS RGYAB PA SOGS TSAR DU DNGAR, BDAG NYID KHRO BO'I NGA RGYAL DANG LDAN PAS MDOS 'PHEN PAR PHYIN TE, 'DI LTAR, HR'I: NGA NI KHRAG 'THUNG RTA MCHOG DPAL, ,SRID GSUm
MA LUS ZIL GYIS GNON, ,NYON CIG LHA SRIN SDE BRGYAD TSOGS, ,'DOD DGU'I CHAR GYIS TSIM GYIS TE, ,RANG RANG LUS LA DPE LONG LA, ,GZHAN LA GNOD PA MA BYED CIG ,BDAG DANG CHE GE MO ZHES PA'I, ,RNAL 'BYOR DPON SLOB YON MCHOD LA, ,BCINGS PA KHROL LA BSNGAMS PA GLOD, ,GNOD 'TSE'I BSAM SBYOR RGYUN CHOD LA, ,'DOD PA'I DON RNAMS YID BZHIN SGRUBS, ,MCHOD SBYIN RTEN 'BREL THABS MA BSLU, ,GAL TE BKA' LAS 'DA' BYED NA, ,RAB 'JIGS KHRO BO'I TSOGS SPROS TE, ,MI BZAD MTSON CHA'I CHAR CHEN GYIS, ,BRLAG PAR 'GYUR BA GDON MI ZA, ,HR'I: BADZRA KRO DHA SOGS DRAG SNGAGS BRJOD, MTSAMS BCAD, BSRUNG 'KHOR BSGOMS SHING NANG DU 'ONGS, GTANG RAG GI MCHOD PA, BZOD GSOL, BRTAN BZHUGS, BSNGO BA SMON LAM BKRA SHIS KYIS BRGYAN PAR BYA'O, ,'DI LTAR BYAS PA'I PHAN YON NI, ,YE SHES LHA DANG 'JIG RTEN PA, ,DE YI NUS PA 'DI YIS BZLOG ,KLU RGYAL GTZUG GI NOR BU BZHIN, ,'DOD DGU THAMS CAD 'DI YIS 'BYUNG, ,NGAN DGU THAMS CAD 'DI YIS BZLOG ,CES MGON PO KLU SGRUB KYIS GSUNGS PAR GRAGS, RGYA GAR DU'ANG BYIN RLABS CHE BA'I LO RGYUS SHIN TU MANG ZHING, LHAG PAR 'PHAN YUL DU SNGAGS PA MTHU CAN ZHIG DANG MI DPON 'GRAS, SNGAGS PAS MTHU BYAS PA LA MI DPON GYIS CHO GA 'DI BYAS PAS, MTHU KHO RANG LA LOG STE SNGAGS PA SHI, BSAM YAS SU KHYIM BTZUN DBANG
, ,PHYUG GIS ZANGS BRKUS PAS, SPYANG KI LA ZHON PA'I BANDHE SHIN TU CHE BA, SPRE'U ROL DU KHRID CING DZVA KI MANG POS BSKOR BA ZHIG BYUNG STE, NGA'I ZANGS THONGS ZER BA LA, CHO GA 'DI BYAS PAS 'TSE BAR MA NUS PA SOGS YON TAN MTHA' YAS PA BYUNG NGO, ,SMRAS PA, SNYIGS DUS SKYE BOS DKON MCHOG DGRAR BSLANGS SHING, ,LHA SRIN SDE BRGYAD TSOGS KYANG RGYUD DKRUGS PAS, ,MI 'DOD SDUG BSNGAL MDA' CHAR 'BEBS PA'I TSE, ,MDOS CHOG 'DI NI RDO RJE'I GO CHA NYID, ,RGYU SKAR DBUS NA MTSAN MO'I MGON PO BZHIN, ,TSIG DON CHA SHAS MA LUS YONGS RDZOGS SHING, ,MI SHIS MUN NAG MTHAR BYED 'OD DKAR CAN, ,SKAL BZANG LHA CHEN RAL PA'I RGYAN DU BKOD, ,DE LAS 'ONGS PA'I DGE TSOGS ZLA 'OD STONG, ,'THUNGS PA'I 'O MA'I RGYA MTSO LTAR DKAR BAS, ,'GRO KUN BDUD BZHI'I GA-YUL LAS RNAM RGYAL TE, ,SKU GSUM GO 'PHANG MYUR DU THOB PAR SHOG ,CES SGROL MA GA-YUL BZLOG JI LTAR BYA BA'I CHO GA DGRA LAS RNAM RGYAL ZHES BYA BA 'DI YANG, BSTAN PA'I GSAL BYED CHOS KYI GDAN KHRI 'DZIN PA'I DAM PA MANG PO DANG, MDO SNGAGS RAB 'BYAMS SMRA BA'I DGE BA'I BSHES GNYEN MANG POS MGRIN GCIG TU, MDOS CHOG 'DI LA 'DRA MIN MANG PO ZHIG 'DUG PAS, MA DAG PA RNAMS BSAL LA RNAM PAR DAG PA'I CHOG BSGRIGS 'KHYER BDE BA ZHIG DGOS CES YANG YANG BSKUL BA LA BRTEN NAS, SGROL MDOS KYI CHOG BSGRIGS
MANG PO ZHIG BSAGS NAS, MTHUN PA RNAMS PHYOGS GCIG TU CHOS SMRA BA BLO BZANG CHOS KYI RGYAL MTSAN GYIS BSDEBS PA'O,, MANGGA LAm,, ,,` AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL, ,SARBA DZA GA TAm,, ,,