*, ,JO BO RJE'I LUGS KYI SGROL MA NYER GCIG GI SGRUB THABS LAS TSOGS DNGOS GRUB RNAM GNYIS KYI BANG MDZOD CES BYA BA BZHUGS, ,
, ,NA MO GU RU MANYDZU GHO sh'A YA, RGYAL BA KUN GYI THUGS RJE'I MKHA' DBYINGS LAS, ,MTSAN DPE'I LANG TSO RGYAS PA'I 'OD DKAR CAN, ,SRID ZHI'I GDUNG BA SGROL MDZAD DPA' MO CHE'I, ,ZHABS SEN RAL PA'I RTZE LA MDZES BKOD NAS, ,MKHYEN PA'I SDONG BU THUGS RJE'I SNUM LDAN ZHING, ,YE SHES MAR MES MUN PA SEL MDZAD PAR, ,'PHAGS MAS DNGOS SU STZAL BA'I LEGS BSHAD GTAM, ,MI DBANG BKA' YIS BSKUL PHYIR 'DIR BSHAD BYA, ,'DIR RJE BTZUN MA SGROL MAS JO BO LHA GCIG LA DNGOS SU GNANG BA'I SGROL MA NYER GCIG GI SGRUB THABS LAS RAB 'BYAMS BSGRUB TSUL GO BDE BAR BRJOD PA LA, NYER GCIG LAS, DANG PO NI, SKYABS 'GRO SEMS BSKYED TSAD MED BZHI BSGOM
, ,PA SNGON DU BTANG NAS, SEMS CAN THAMS CAD KYI DON DU SANGS RGYAS THOB PAR BYA, DE'I PHYIR DU RJE BTZUN MA SGROL MA'I RNAL 'BYOR GYI RIM PA NYAMS SU BLANG BAR BYA'O SNYAM PA GSUM SOGS BYA'O, ,RANG NYID RJE BTZUN MA SENG LDENG NAGS SGROL LAM, GSOL BA 'DEBS YUL GYI SGROL MA SKABS SU GANG BAB DE'I NGA RGYAL DANG GSAL SNANG LA GNAS PA'I MDUN GYI NAM MKHAR PADMA DANG ZLA BA'I GDAN LA, RJE BTZUN MA MYUR MA DPA' MO DMAR MO KHRO CHAGS KYI NYAMS CAN, ZHAL GCIG PHYAG GNYIS KYI GA-YAS MCHOG SBYIN GYI MTHIL NA DBANG SDUD KYI BUM PA DANG, GA-YON DKON MCHOG GSUM MTSON GYI PHYAG RGYAS AUTPAL BSNAMS PA, DBU RGYAN LA SOGS PA RIN PO CHE'I RGYAN SNA TSOGS KYIS BRGYAN CING, DAR BZANG PO'I STOD GA-YOGS DANG, SMAD GA-YOGS MDZES PAR GSOL BA, MTSAN DPES SPRAS PA, SKU LAS SKYES PA'I 'OD KYI DKYIL 'KHOR 'BAR BA'I DBUS NA ZHABS GA-YAS BRKYANGS SHING, GA-YON BSKUMS PA'I STABS
KYIS BZHUGS PA'I SPYI BOR AOm, MGRIN PAR A'A: THUGS KAR H'Um, THUGS KA'I H'Um LAS 'OD ZER 'PHROS, RANG BZHIN GYI GNAS NAS BSGOMS PA DANG 'DRA BA'I YE SHES PA DANG DBANG GI LHA RNAMS SPYAN DRANGS PAR BSAMS LA, 'GRO KUN SRID PA'I RGYA MTSO LAS, ,RMAD BYUNG THUGS RJE'I GRU RDZINGS KYIS, ,SGROL BA'I THUGS DAM BCAS PA BZHIN, ,DAM TSIG CHEN POS AE HYE HI, ,DZA: H'Um BAm HO: DE BZHIN GSHEGS PA THAMS CAD KYIS MNGON PAR DBANG BSKUR DU GSOL, ZHES GSOL BA BTAB PAS, AOm SARBA TA TH'A GA TA AA BHI shINYTZA MAm, ZHES DBANG BSKUR, 'OD DPAG MED KYIS DBU BRGYAN PAR BSAM, DE NAS SGO GSUM GUS PAS, PHYAG 'TSAL SGROL MA MYUR MA DPA' MO, ZHES SOGS SHLO KA GCIG GIS PHYAG BYAS, MCHOD PA RNAMS BYIN GYIS BRLABS TE, AOm A'ARYA T'A RE AARGHAm NAS, SHAPTA'I BAR GYIS MCHOD, DNGOS BSHAMS YID SPRUL MCHOD PA MA LUS 'BUL, ,THOG MED NAS BSAGS SDIG LTUNG THAMS CAD BSHAGS, ,SKYE 'PHAGS DGE BA RNAMS LA RJES YI RANG, ,'KHOR BA MA STONGS BAR DU RTAG BZHUGS NAS, ,'GRO LA CHOS KYI 'KHOR LO BSKOR DU GSOL, ,BDAG GZHAN DGE BA BYANG CHUB CHEN POR BSNGO, ZHES YAN LAG BDUN PA MDOR BSDUS PHUL NAS, MDUN GYI RJE BTZUN MA'I THUGS KA DANG BUM NANG DU ZLA GDAN LA TAm YIG GI MTHA' SKOR DU, SKU MDOG DANG MTSUNGS PA'I SNGAGS PHRENG GIS BSKOR BA DE LAS
, ,'OD ZER DMAR PO LCAGS SGROG DANG ZHUGS PA LTA BU DPAG TU MED PA 'PHROS, GANG DBANG DU BSDU BYA'I DGRA DANG LOG 'DREN THAMS CAD LCAGS KYU DANG ZHAGS PAS BKUG ,BDAG NYID KYI RKANG PA'I DRUNG DU MGO BO DUD PA'I TSUL DU GNAS PA LA, 'OD ZER DMAR PO'I TSOGS SPROS PAS, BSGRUB BYA DE RNAMS KYI SDIG SGRIB SBYANGS, BDAG NYID LA YID GUS PA CHAGS PA'I RANG BZHIN DU GYUR PAR BSAMS LA, AOm T'A RE TUTTA RE TU RE WA SHAm KU RU SV'AH'A, ZHES MANG DU BZLAS PAS BSGRUB BYA DE DAG DBANG DU 'GYUR RO, ,MJUG TU DE LAS BYUNG BA'I DGE BA RNAMS GNAS SKABS DANG MTHAR THUG GI SMON GNAS RNAMS SU BSNGO BA SOGS THUN SO SO DANG, THUN MTSAMS KYI NYAMS LEN LA YANG BRTZON PAR BYA'O, ,GNYIS PA NI, THOG MA'I RIM PA RNAMS SNGAR LTAR LA, MDUN GYI NAM MKHAR PAD ZLA'I GDAN LA, RJE BTZUN MA ZHI BA CHEN MO STON KA'I ZLA BA LTAR DKAR BA; ZHAL GCIG PHYAG GNYIS KYI GA-YAS MCHOG SBYIN GYI MTHIL NA NAD DANG GDON BGEGS ZHI BAR BYED PA'I BUM PA DKAR PO DANG, GA-YON PA'I PHYAG MTSAN RGYAN CHA LUGS, YAN LAG BDUN PA'I BAR DANG PHYAG 'TSAL NYER GCIG GI TSIGS BCAD RNAMS RIM PA BZHIN BRJE BA SOGS DMIGS BSAL CAN 'GA' ZHIG MA GTOGS DANG PO JI LTA BA BZHIN BYA'O, ,BZLAS PA'I SKABS SU SNGAGS PHRENG GNYIS LAS
'OD ZER DKAR PO DPAG TU MED PA BYUNG, RANG DANG BSGRUB BYA DE DANG DE'I SPYI BO NAS KHRUS GSOL BAS, NAD DANG SDIG SGRIB THAMS CAD DUD KHU DANG GDON BGEGS RNAMS SDOM DANG SDIG PA'I RNAM PAR PHYIR PHUD, RANG DANG BSGRUB BYA RNAMS LUS SHEL LTAR DAG PAR BSAMS LA, AOm T'A RE TUTT'A RE TU RE SH'ANTIm KU RU SV'AH'A, ZHES MANG DU BZLA BA DANG LHAG MA RNAMS SNGAR BZHIN DU BYA'O, ,GSUM PA NI, TSE DANG LONGS SPYOD 'PHEL BAR 'DOD NA, SKYABS 'GRO SEMS BSKYED SOGS SNGAR BZHIN SNGON DU BTANG NAS, MDUN GYI NAM MKHAR PAD ZLA'I GDAN LA RJE BTZUN MA GSER GYI MDOG CAN, ZHAL GCIG PHYAG GNYIS KYI GA-YAS MCHOG SBYIN GYI MTHIL NA TSE DANG DBANG DANG, LONGS SPYOD RGYAS PAR BYED PA'I BUM PA SER PO BSNAMS PA, LHAG MA PHYAG 'TSAL SER SNGO CHU NAS SKYES KYI, ZHES SOGS MA GTOGS SNGAR BZHIN LA, BZLAS PA'I SKABS SU SNGAGS PHRENG GNYIS LAS 'OD ZER GSER BTZO MA'I MDOG CAN MTHA' YAS PA BYUNG, BDAG DANG BSGRUB BYA'I LUS DANG, GNAS LA SOGS PA THAMS CAD LA 'PHOG CING, 'OD ZER GYI SNA LAS RJE BTZUN MA GSER GYI MDOG CAN BDUD RTZI SER POS GANG BA'I BUM PA THOGS PA GRANGS MED PA BYON, RANG GZHAN GYI SPYI BO NAS DBANG BSKUR BAS, LUS KYI PHYI NANG GNAS LA SOGS PA THAMS CAD GSER BZANG POS BYUGS PA LTA BUR GYUR, TSE DANG LONGS SPYOD THAMS CAD 'PHEL ZHING RGYAS PAR BSAMS LA, AOm T'A RE TUTT'A RE TU RE PUshtIm KU RU SV'AH'A, ZHES MANG DU
, ,BZLAS PAS RGYAS PA'I LAS 'GRUB PAR 'GYUR RO, ,BZHI PA, TSE BSGRUB PAR 'DOD NA, RJE BTZUN MA DE BZHIN GSHEGS PA'I GTZUG TOR RNAM PAR RGYAL MA SKU MDOG SER MO ZHAL GCIG PHYAG GNYIS KYI GA-YAS MCHOG SBYIN GYI MTHIL NA TSE'I BUM PA SER PO BSNAMS PA, LHAG MA, PHYAG 'TSAL DE BZHIN GSHEGS PA'I GTZUG TOR, ZHES SOGS MA GTOGS SNGAR BZHIN LA, BZLAS PA'I SKABS SU, SNGAGS PHRENG GNYIS LAS 'OD ZER DMAR SER LCAGS KYU LTA BU 'PHROS PAS, 'KHOR 'DAS SNOD BCUD THAMS CAD KYI BKRAG MDANGS GZI BRJID THAMS CAD DANG, KHYAD PAR DU 'CHI MED TSE'I RIG 'DZIN BRNYES PA THAMS CAD KYI TSE DANG YE SHES THAMS CAD 'CHI MED TSE'I BDUD RTZI DMAR SER GYI RNAM PAR BKUG ,BCOM LDAN 'DAS MA'I SKU'I CHA DANG PHYAG GI BUM PA LA THIM, THIM PA LAS KYANG 'CHI MED TSE'I BDUD RTZI'I RGYUN BABS, SPYI BO TSANGS PA'I BU GA NAS ZHUGS, LUS KYI NANG THAMS CA GANG BAS DUS DANG DUS MA YIN PA'I 'CHI BDAG GI 'JIGS PA BSAL, 'CHI MED TSE'I DNGOS GRUB THOB PAR BSAMS LA, AOm T'A RE TUTT'A RE TU RE A'A YU: DZNY'A NA PUshtIm KU RU SV'AH'A, ZHES MANG DU BZLAS PAS TSE LO BRGYAR 'PHEL BAR 'GYUR RO, , LNGA PA BYE BRAG TU BUD MED DBANG DU BSDU BAR 'DOD NA, RJE BTZUN MA H'Um SGRA SGROG MA SKU MDOG DMAR MO KHRO CHAGS KYI NYAMS CAN, ZHAL GCIG PHYAG GNYIS KYI GA-YAS PA'I MTHIL NA GZHAN GYI YID 'PHROG PA'I BUM PA BSNAMS PA, ,
LHAG MA GZHAN RNAMS, PHYAG 'TSAL TUTTA RE H'Um YI GES, CES SOGS MA GTOGS SNGAR BZHIN LA, BZLAS PA'I SKABS SU, SNGAGS PHRENG GNYIS LAS 'OD ZER LCAGS KYU DANG, ZHAGS PA DANG, LCAGS SGROG LTA BU MTHA' YAS PA DPAG TU MED PA SPROS, BSGRUB BYA'I MGRIN PA NAS ZHAGS PAS BCINGS, SKYE GNAS LCAGS KYUS PHUG PAS, BDAG NYID LA CHAGS PA'I DBANG GIS YID MYOS, MGO BO 'KHOR TE RANG DBANG MED PAR DRANGS PAR BSAMS LA, AOm T'A RE TUTT'A RE TU RE CHE GE MO A'A KARsh'A YA HR'I: SV'AH'A, ZHES MANG DU BZLAS PAS GANG LA DMIGS PA DE DBANG DU 'GYUR RO, ,DRUG PA 'BYUNG PO 'DUL BAR 'DOD NA, RJE BTZUN MA 'JIG RTEN GSUM LAS RNAM PAR RGYAL MA SKU MDOG DMAR NAG CUNG ZAD KHROS PA, ZHAL GCIG PHYAG GNYIS KYI GA-YAS MCHOG SBYIN GYI MTHIL NA 'BYUNG PO MYOS PAR BYED PA'I BUM PA BSNAMS PA, LHAG MA, PHYAG 'TSAL BRGYA BYIN ME LHA TSANGS PA, ZHES SOGS MA GTOGS SNGAR BZHIN LA, BZLAS PA'I SKABS SU, SNGAGS PHRENG GNYIS LAS 'OD ZER ME 'OD LTA BU DPAG TU MED PA PHYOGS BCUR 'PHROS PAS, 'BYUNG PO'I GTZO BO PHYOGS SKYONG BCU LA SOGS PA THAMS CAD LA 'PHOG PAS, DE DAG GI RGYUD KYI GNOD 'TSE SDANG SEMS SDIG SGRIB DANG BCAS PA BSREGS SHING SBYANGS PAS BDAG NYID KYI BRAN DU GYUR, ZHI BAS GDUL BAR MA NUS PA'I 'BYUNG PO'I TSOGS RNAMS RLUNG GI DKYIL 'KHOR LA GNAS PA'I RNGA MO SPROS PA LA BSKYON TE RGYA MTSO'I
, ,PA 'GRAM DU BSKRAD PAR BSAMS LA, AOm T'A RE TUTT'A RE TU RE SARBA BIGHNAN SHA TR'Um AU TZA TRA YA SV'AH'A, ZHES BZLAS PAS 'BYUNG PO RNAMS DBANG DU 'GYUR ZHING, DBANG DU MA GYUR PA RNAMS SKROD PAR 'GYUR RO, ,BDUN PA GZHAN GYI NGAN SNGAGS BZLOG PAR 'DOD NA, RJE BTZUN MA GZHAN GYI MTHU 'JOMS MA SKU'I MDOG NAG MO KHROS PA'I ZHAL GDANGS PA, ZHAL GCIG PHYAG GNYIS KYI GA-YAS MCHOG SBYIN GYI MTHIL NA GZHAN GYI RIG SNGAGS BZLOG PA'I BUM PA BSNAMS PA, ZHABS GA-YAS BSKUMS SHING GA-YON BRKYANGS PA'I STABS KYIS BZHUGS PA, LHAG MA, PHYAG 'TSAL TRAtA CES BYA DANG PHAt KYIS, CES SOGS MA GTOGS SNGAR BZHIN LA, BZLAS PA'I SKABS SU, SNGAGS PHRENG GNYIS LAS DRAG PO'I 'OD ZER PHYOGS BCUR 'PHROS PAS, PHA ROL GYI NGAN SNGAGS MNAN GTAD, BYAD KHA, RBOD GTONG THAMS CAD KYI NUS PA RNAMS NYAMS PAR BYAS, SLAR 'OD ZER GYI TSOGS 'PHROS PAS, SGRUB PA PO BDAG NYID 'OD ZER GYI RA BAS BAR MTSAMS MED PAR KHYAB PAR BSKOR BAS, BYAD KHA RBOD GTONG SOGS KYIS BLAGS BLTA MI NUS PAR BSAMS LA, AOm T'A RE TUTT'A RE TU RE RBOD GZER SARBA BZLOG BHYO SV'AH'A, ZHES MANG DU BZLAS PAS NGAN SNGAGS THAMS CAD BZLOG PAR 'GYUR RO, ,BRGYAD PA DGRA BO GSOD PAR 'DOD NA, MDUN GYI NAM MKHAR RJE BTZUN MA BDUD DANG DGRA 'JOMS MA SKU MDOG DMAR NAG KHRO GNYER CUNG
ZAD BSDUS PA, ZHAL GCIG PHYAG GNYIS KYI GA-YAS MCHOG SBYIN GYI MTHIL NA MTSON CHA'I CHAR 'BAB PAS DGRA 'JOMS PA'I BUM PA BSNAMS PA, LHAG MA, PHYAG 'TSAL TU RE 'JIGS PA CHEN POS, CES SOGS MA GTOGS SNGAR BZHIN LA, BZLAS PA'I SKABS SU, SNGAGS PHRENG GNYIS LAS MTSON CHA ME DPUNG SRIN PO'I TSOGS DPAG TU MED PA SPROS PAS, DGRA BO DMIGS KYIS BSAL BA'I SNYING DKAR NAG MTSAMS NA SROG GI NGO BO MAR ME LTA BU YOD PA NAG THUM GYIS BSAD, SHA KHRAG RUS PA MA LUS PA ZHAL DU GSOL BAR BSAMS LA, AOm T'A RE TUTT'A RE TU RE CHE GE MO M'A RA YA PHAt: CES MANG DU BZLAS PAS, DGRA BO'I SROG GI GSHED MAR 'GYUR RO, ,DGU PA SRUNG BAR BYED PAR 'DOD NA, MDUN GYI NAM MKHAR RJE BTZUN MA DKON MCHOG GSUM MTSON PHYAG RGYA MA SKU MDOG DKAR MO ZHI BA LANG TSO LA BAB PA, ZHAL GCIG PHYAG GNYIS KYI GA-YAS MCHOG SBYIN GYI MTHIL NA 'JIGS PA THAMS CAD LAS SKYOB PA'I BUM PA BSNAMS PA, LHAG MA, PHYAG 'TSAL DKON MCHOG GSUM MTSON PHYAG RGYA'I, ZHES SOGS MA GTOGS SNGAR BZHIN LA, BZLAS PA'I SKABS SU, SNGAGS PHRENG GNYIS LAS 'OD ZER DKAR PO'I RTZE MOR GANG LA GANG 'TSAMS PA'I THABS TSUL SNA TSOGS PAS, TSE 'DIR LUS SEMS SDUG BSNGAL BAR BYED PA'I 'JIGS PA CHEN PO BRGYAD LA SOGS PA 'JIGS PA THAMS CAD LAS BDAG NYID BSRUNG BAR BSAM PA DANG, SLAR SNGAGS PHRENG
, ,GNYIS LAS BDUD RTZI DKAR PO'I RGYUN BABS, BDAG NYID LA KHRUS GSOL BAS SDIG SGRIB THAMS CAD SBYANGS TE TSE PHYI MA'I 'JIGS PA THAMS CAD LAS BSRUNG BAR BSAMS LA, AOm T'A RE TUTT'A RE TU RE CHE GE MO LA GNOD PA SARBA RAKshA SV'AH'A, ZHES MANG DU BZLAS PAS, 'DI PHYI THAMS CAD KYI BSRUNG BA'I MCHOG TU 'GYUR RO, ,BCU PA BDUD DANG MU STEGS SOGS DBANG DU BSDU BAR 'DOD NA, MDUN GYI NAM MKHAR RJE BTZUN MA BDUD DANG 'JIG RTEN DBANG DU SDUD MA SKU MDOG DMAR MO CHAGS PA'I RANG BZHIN CAN, ZHAL GCIG PHYAG GNYIS KYI GA-YAS MCHOG SBYIN GYI MTHIL NA BDUD DPUNG 'JOMS PA'I BUM PA BSNAMS PA, LHAG MA, PHYAG 'TSAL RAB TU DGA' BA BRJID PA'I, ZHES SOGS MA GTOGS SNGAR BZHIN LA, BZLAS PA'I SKABS SU, SNGAGS PHRENG GNYIS LAS 'OD ZER DMAR LA SMUG PA'I TSOGS 'PHROS PAS, BDUD DANG MU STEGS DANG 'JIG RTEN THAMS CAD KYI BSAM SBYOR NGAN PA MTHA' DAG SDIG SGRIB DANG LHAN CIG TU SBYANGS PAS, BDAG NYID LA DGA' BA DANG GUS PA'I SGO NAS DBANG DU GYUR PAR BSAMS LA, AOm T'A RE TUTT'A RE TU RE SARBA P'A PAm M'A RA YA H'Um PHAt: CES MANG DU BZLAS PAS DBANG GI LAS 'GRUB PAR 'GYUR RO,, BCU GCIG PA DBUL 'PHONGS SEL BAR 'DOD NA, MDUN GYI NAM MKHAR RJE BTZUN MA 'PHONGS PA SEL BA'I SGROL MA SKU MDOG DMAR SER ZHAL GCIG PHYAG GNYIS KYI GA-YAS MCHOG SBYIN GYI MTHIL NA 'PHONGS PA SEL BA'I
BUM PA BSNAMS PA, LHAG MA, PHYAG 'TSAL SA GZHI SKYONG BA'I TSOGS RNAMS, CES SOGS MA GTOGS SNGAR BZHIN LA, BZLAS PA'I SKABS SU, SNGAGS PHRENG GNYIS LAS 'OD ZER DMAR PO LCAGS KYU LTA BU PHYOGS BCUR 'PHROS PAS, 'JIG RTEN GYI KHAMS KYI LHA MI SOGS SKYE DGU RNAMS DANG NOR LONGS SPYOD 'BRU BANG MDZOD RKANG 'GRO RIN PO CHE LA SOGS PA MDOR NA PHUN SUM TSOGS PA THAMS CAD RANG DBANG MED PAR DBANG DU BSDUS, RANG GI YUL KHYIM RNAMS GANG BAS, DBUL 'PHONGS KYI SDUG BSNGAL ZHI BAR BSAMS SHING, BUM PA LAS KYANG 'DOD DGU'I CHAR BABS PAR BSAMS LA, AOm DZAmBHI NI MO HI SV'AH'A, ZHES MANG DU BZLAS PAS 'DOD DGU 'PHEL BAR 'GYUR RO, ,BCU GNYIS PA BKRA SHIS PAR 'DOD NA, MDUN GYI NAM MKHAR RJE BTZUN MA BKRA SHIS 'BYUNG BA'I SGROL MA SHIN TU ZHI BA SKU MDOG GSER GYI MDOG CAN ZHAL GCIG PHYAG GNYIS KYI GA-YAS MCHOG SBYIN GYI MTHIL NA BKRA SHIS THAMS CAD 'BYUNG BA'I BUM PA BSNAMS PA, LHAG MA, PHYAG 'TSAL ZLA BA'I DUM BUS DBU BRGYAN, CES SOGS MA GTOGS SNGAR BZHIN LA, BZLAS PA'I SKABS SU, SNGAGS PHRENG GNYIS LAS 'OD ZER GSER BTZO MA LTA BU 'PHROS PAS, 'JIG RTEN DANG 'JIG RTEN LAS 'DAS PA'I PHUN SUM TSOGS PA THAMS CAD BKRA SHIS RTAGS BRGYAD DANG, RGYAL SRID SNA BDUN GYI RNAM PA'I SPYAN DRANGS, BDAG NYID LA THIM PAS, BKRA SHIS DANG BDE LEGS KYIS KHYAB PAR BSAMS LA,
, ,AOm MANGGA LA PUshtIm KU RU SV'AH'A, ZHES MANG DU BZLAS PAS BKRA SHIS DANG DNGOS GRUB THAMS CAD 'BYUNG BAR 'GYUR RO, ,BCU GSUM PA BGEGS DANG BAR CHAD BSRUNG BAR 'DOD NA, MDUN GYI NAM MKHAR RJE BTZUN MA ME LTAR 'BAR MA SKU MDOG DMAR MO, MCHE BA GTZIGS SHING SPYAN GSUM BGRAD PA, ZHAL GCIG PHYAG GNYIS KYI GA-YAS MCHOG SBYIN GYI MTHIL NA BSRUNG BA'I BUM PA BSNAMS PA, LHAG MA, PHYAG 'TSAL BSKAL PA THA MA'I ME LTAR ZHES SOGS MA GTOGS SNGAR BZHIN LA, BZLAS PA'I SKABS SU, SNGAGS PHRENG GNYIS LAS 'OD ZER RDO RJE'I RANG BZHIN DPAG TU MED PA BYUNG BAS, BDAG DANG BSGRUB BYA SOGS LA RDO RJE'I RA BA'I GUR KHANG PHUB PAR BSAMS LA, AOm SVA TA BHAS MI KU RU SV'AH'A, ZHES MANG DU BZLAS PAS BGEGS DANG BAR CHAD KYIS MI TSUGS SHING BSRUNG BA'I MCHOG TU 'GYUR RO, ,BCU BZHI PA BGEGS LA BSNUN PAR 'DOD NA, MDUN GYI NAM MKHAR RJE BTZUN MA KHRO GNYER CAN SKU MDOG NAG MO KHRO GNYER CUNG ZAD YOD PA, ZHAL GCIG PHYAG GNYIS KYI GA-YAS MCHOG SBYIN GYI MTHIL NA BGEGS LA BSNUN PA'I BUM PA BSNAMS PA, LHAG MA, PHYAG 'TSAL SA GZHI'I NGOS LA PHYAG GI , ZHES SOGS MA GTOGS SNGAR BZHIN LA, BZLAS PA'I SKABS SU, SNGAGS PHRENG GNYIS LAS 'OD ZER DRAG LA RTZUB PA ME DPUNG DANG GNAM LCAGS KYI THOG DANG MTSON CHA'I RNAM PA DPAG TU MED PA 'PHROS PAS, DGRA BGEGS BYAD
MA THAMS CAD TSAR BCAD PAR BSAMS LA, AOm BADZRA T'A RE BADZRA MAH'A PA TA AA SMI KU RU SV'AH'A, ZHES MANG DU BZLAS PAS DGRA BGEGS THAMS CAD TSAR BCAD DE ZHI BAR 'GYUR RO, ,BCO LNGA PA SDIG PA ZHI BAR 'DOD PAS, MDUN GYI NAM MKHAR RJE BTZUN MA ZHI BA CHEN MO SKU MDOG DKAR MO ZHAL GCIG PHYAG GNYIS KYI GA-YAS MCHOG SBYIN GYI MTHIL NA SDIG PA ZHI BAR BYED PA'I BUM PA BSNAMS PA, LHAG MA, PHYAG 'TSAL BDE MA DGE MA ZHI MA, ZHES SOGS MA GTOGS SNGAR BZHIN LA, BZLAS PA'I SKABS SU, SNGAGS PHRENG GNYIS LAS LHA MO BUM PA DKAR PO BDUD RTZI DKAR POS GANG BA THOGS PA BSAM GYIS MI KHYAB PA SPROS TE, BDAG NYID ZLA BAR GNAS PA LA KHRUS GSOL BAS SDIG SGRIB THAMS CAD SBYANGS, LUS SHEL LTAR DAG PAR BSAMS LA, AOm TU RE SARBA P'A PAm PRA SHA MA NA YE SV'AH'A, ZHES MANG DU BZLAS PAS SDIG PA 'DAG PA'I THABS MCHOG TU 'GYUR RO, ,BCU DRUG PA SHES RAB DANG BLO GROS 'PHEL BAR 'DOD PAS, MDUN GYI NAM MKHAR RJE BTZUN MA RIG PA H'Um LAS SGROL MA SKU MDOG DMAR MO ZHAL GCIG PHYAG GNYIS KYI GA-YAS MCHOG SBYIN GYI MTHIL NA RIG SNGAGS 'PHEL BAR BYED PA'I BUM PA BSNAMS PA, LHAG MA, PHYAG 'TSAL KUN NAS BSKOR RAB DGA' BA'I, ZHES SOGS MA GTOGS SNGAR BZHIN LA, BZLAS PA'I SKABS SU, SNGAGS PHRENG GNYIS LAS 'OD ZER NYI MA 'CHAR GA'I MDOG LTA BU 'PHROS PAS, GSANG SNGAGS
, ,DANG RIG SNGAGS THAMS CAD KYI NUS MTHU DANG, TSANGS PA DANG BRGYA BYIN LA SOGS PA'I SHES RAB DANG, PAndI TA RNAMS KYI GNAS LNGA RIG PA'I SHES RAB DANG, SANGS RGYAS BYANG SEMS THAMS CAD KYI MKHYEN RAB THAMS CAD 'OD ZER GYI RNAM PAR SPYAN DRANGS, BDAG NYID LA THIM PAS CHOS DANG SHES RAB PHUN SUM TSOGS PA RGYAS PAR BSAMS LA, AOm TU RE SARBA DHARMA PRADZNY'A PRA TI P'A RI SHO DHA NI SV'AH'A, ZHES MANG DU BZLAS PAS, GZHAN GYI RIG SNGAGS KYI NUS MTHU THAMS CAD 'JOMS SHING, RANG GI RIG SNGAGS KYI NUS PA DANG SHES RAB 'PHEL BAR 'GYUR RO, ,BCU BDUN PA BDUD DANG BAR CHAD THAMS CAD GNON PAR 'DOD PAS, MDUN GYI NAM MKHAR RJE BTZUN MA 'JIG RTEN GSUM GA-YO MA SKU MDOG GUR KUM GYI MDANGS CAN ZHI MA KHRO ZHAL GCIG PHYAG GNYIS KYI GA-YAS MCHOG SBYIN GYI MTHIL NA GZHAN GYI RIG SNGAGS GNON PA'I BUM PA BSNAMS PA, LHAG MA, PHYAG 'TSAL TU RE'I ZHABS NI BRDABS PAS, CES SOGS MA GTOGS SNGAR BZHIN LA, BZLAS PA'I SKABS SU, SNGAGS PHRENG GNYIS LAS 'OD ZER LCAGS SGROG ,ZHAGS PA, PHUR BU, RDO RJE'I RI RAB LA SOGS PA'I RNAM PA CAN DPAG MED SPROS, DGRA DANG CHOM RKUN THAMS CAD BCINGS, PHA ROL GYI BYAD KHA NGAN SNGAGS THAMS CAD PHUR BUS BTAB, RIM PA DGU'I 'OG ROL DU DOR, RDO RJE'I RI RAB KYIS MNAN PAR BSAMS LA, AOm TU RE CHE GE MO SARBA STAMBHA NI T'A RE
SV'AH'A, ZHES MANG DU BZLAS PAS, DGRA DANG CHOM RKUN NGAN SNGAGS THAMS CAD GNON PAR 'GYUR RO, ,BCO BRGYAD PA KLU'I DUG ZHI BAR 'DOD PAS, MDUN GYI NAM MKHAR RJE BTZUN MA DUG SEL BYED MA SKU MDOG ZLA BA LTAR DKAR ZHING ZHI BA ZHAL GCIG PHYAG GNYIS KYI GA-YAS MCHOG SBYIN GYI MTHIL NA DUG NAD SEL BA'I BUM PA BSNAMS PA, LHAG MA, PHYAG 'TSAL LHA YI MTSO YI RNAM PA'I, ZHES SOGS MA GTOGS SNGAR BZHIN LA, BZLAS PA'I SKABS SU, SNGAGS PHRENG GNYIS LAS 'OD ZER DKAR PO GA BUR GYI RGYUN LTA BU BSIL BA'I RANG BZHIN CAN DPAG MED BYUNG, RANG DANG BSGRUB BYA'I LUS LA THIM PAS, KLU DANG SA BDAG GI NAD THAMS CAD SDIG SPRUL DANG SBAL LCONG GI RNAM PAR BA SPU'I SGO THAMS CAD NAS PHYIR PHUD, LUS DVANGS GSAL DU SONG BAR BSAMS LA, AOm TU RE SARBA N'A GA SHINTAm KU RU SV'AH'A, ZHES MANG DU BZLAS PAS KLU DANG SA BDAG GI DUG NAD THAMS CAD ZHI BAR 'GYUR RO, ,BCU DGU PA RTZOD PA DANG RMI LAM NGAN PA SEL BAR 'DOD PAS, MDUN GYI NAM MKHAR RJE BTZUN MA SDUG BSNGAL SEL BA'I SGROL MA SKU MDOG GANGS RI LTAR DKAR BA, ZHAL GCIG PHYAG GNYIS KYI GA-YAS MCHOG SBYIN GYI MTHIL NA SDUG BSNGAL SEL BA'I BUM PA BSNAMS PA, LHAG MA, PHYAG 'TSAL LHA YI TSOGS RNAMS RGYAL PO, ZHES SOGS MA GTOGS SNGAR BZHIN LA, BZLAS PA'I SKABS SU, SNGAGS PHRENG GNYIS LAS 'OD ZER DKAR PO'I TSOGS 'PHROS, PHAN TSUN RTZOD PAR BYED PA
, ,DANG, RMI LAM NGAN PA GANG RMIS PA DE DAG LA REG PAS, DE DAG SO SOR ZHI BAR BYAS, RTZOD PA PO RNAMS BYAMS PA'I SEMS DANG LDAN PA DANG, MTSAN MA NGAN PA RNAMS DGE BA'I MTSAN MA PHUN SUM TSOGS PAR GYUR PAR BSAMS LA, AOm TU RE MO TZA NA SV'AH'A, ZHES MANG DU BZLAS PAS, RTZOD PA DANG KHRI MON DU BCUG PA DANG, RMI LAM NGAN PA'I 'JIGS PA LAS THAR BAR 'GYUR RO, ,KHYAD PAR SGROL MA 'DI'I LTE BAR ZLA BA LA BSGRUB BYA BKOD DE SNGAGS BZLAS NA BTZON KHANG LAS THAR BAR GSUNGS SO, ,NYI SHU PA RIMS NAD SEL BAR 'DOD PAS, RJE BTZUN MA RIMS NAD SEL MA SKU MDOG DMAR SER ZHAL GCIG PHYAG GNYIS KYI GA-YAS MCHOG SBYIN GYI MTHIL NA RIMS NAD SEL BA'I BUM PA BSNAMS PA, LHAG MA, PHYAG 'TSAL NYI MA ZLA BA RGYAS PA'I, ZHES SOGS MA GTOGS SNGAR BZHIN LA, BZLAS PA'I SKABS SU, SNGAGS PHRENG GNYIS LAS 'PHROS PA'I 'OD ZER GYI SNA LA RJE BTZUN MA ZHI KHRO MTHA' YAS PA BYON, ZHI BA RNAMS KYI SKU LAS ZAG PA MED PA'I YE SHES KYI BDUD RTZI'I RGYUN BABS, NAD BDAG RIMS BDAG LA SOGS PA RNAMS TSIM PAR BYAS, ZHI BA'I CHOS BSHAD PAS GNOD 'TSE'I BSAM SBYOR DANG BRAL NAS SO SO'I GNAS SU SONG BAR BSAMS, KHRO MO'I TSOGS RNAMS KYIS ZHI BAS GDUL BAR MA NUS PA RNAMS DRAG PO'I SGO NAS BSKRAD PAR BSAMS LA, AOm TU RE BI SA RA TA SV'A H'A, ZHES MANG DU BZLAS PAS NAD RIMS THAMS CAD
ZHI BAR 'GYUR RO, ,NYER GCIG PA 'PHRIN LAS THAMS CAD BSGRUB PAR 'DOD PAS, MDUN GYI NAM MKHAR RJE BTZUN MA 'PHRIN LAS RDZOGS PAR SGRUB BYED MA SKU MDOG DKAR MO ZHAL GCIG PHYAG GNYIS KYI GA-YAS MCHOG SBYIN GYI MTHIL NA DNGOS GRUB SNA TSOGS PA'I BUM PA BSNAMS PA, LHAG MA, PHYAG 'TSAL DE NYID GSUM RNAMS BKOD PA'I, ZHES SOGS MA GTOGS SNGAR BZHIN LA, BZLAS PA'I SKABS SU, SNGAGS PHRENG LAS 'PHRIN LAS BZHI'I RIM PA DANG MTHUN PA'I 'OD ZER 'PHROS PAS, LAS DE DANG DE GRUB PAR BSAMS LA, AOm TU RE SA TA PA SV'AH'A, ZHES MANG DU BZLAS PAS 'PHRIN LAS RAB 'BYAMS 'GRUB PAR 'GYUR RO, ,LAS TSOGS 'DI DAG 'GRUB PA LA SNGON DU YI GE BCU PA'I BSNYEN PA THUN MONG DU 'GRO DGOS PA SHA STAG GO ,'DIR SMRAS PA, MARGAD ZHU BA LAS GRUB AUTPAL GYIS, ,MKHA' LA NGO MTSAR GAR GYI RI MO BZHIN, ,MTSAN BZANG LANG TSO RGYAS PA'I MDZES SDUG CAN, ,YID CAN SRID ZHI LAS SGROL BCOM LDAN MAS, ,RGYA BOD RMONGS PA'I MUN PA KUN SEL BA, ,DPAL LDAN MAR ME MDZAD LA DNGOS 'DOMS PA'I, ,GCIG LHAG BCU PHRAG ZUNG GI GDAMS PA MCHOG ,MDO RGYUD MAN NGAG MCHOG GIS BRGYAN PA 'DI, ,SKAL BZANG RNAM DPYOD LDAN PA'I SKYE BO YIS, ,NGO MTSAR 'PHRIN LAS RI SKYES NOR BU'I TSOGS, ,MA LUS 'GUGS PAR BYED PA'I LCAGS KYU STE, ,DNGOS GRUB 'DOD PA 'JO BA'I NOR BU'ANG YIN, ,TSUL 'DIR 'BAD PA'I DGE TSOGS NYAL
, ,'GRO'I RGYUN, ,'GRO KUN YID KYI RDZING BU LA ZHUGS PAS, ,DNGOS GRUB RNAM BZHI'I 'DAB BRGYA RGOD PA'I RTZER, ,KUN MKHYEN ZE'U 'BRU DKAR POS MDZES GYUR CIG ,KHYAD PAR DU YANG LHA MI'I DBANG PHYUG GI ,BZHED PA'I DPAG BSAM LJON PA KHYON ? YANGS PA, ,DON GNYIS 'BRAS BU'I KHUR GYIS BRJID BZHIN DU, ,BSTAN DANG 'GRO BA'I DPAL GYIS MDZES GYUR CIG ,'DIR JO BO LHA GCIG GI LUGS KYI RJE BTZUN MA NYI SHU RTZA GCIG GI SGRUB THABS DANG, LAS TSOGS SO SO'I BSGRUB TSUL GSAL BAR BRJOD PA DNGOS GRUB RNAM GNYIS KYI BANG MDZOD CES BYA BA 'DI NI, RNAM DKAR GYI BSOD NAMS YAN LAG BZHI PA'I DPUNG GIS YANGS PA'I NOR 'DZIN MTHA' DAG LA DBANG BSGYUR ZHING, SNGON GYI SA SKYONG DAM PA RNAMS DANG RJES SU MTHUN PA, DAD SOGS 'PHAGS PA'I NOR BDUN GYIS MNGON PAR MDZES SHING, GCIG TU ZAB MO'I RNAL 'BYOR LA GZHOL BA'I THUGS MNGA' BA SKYID SHOD NAS SDE PA RIN PO CHE GA-YUL RGYAL NOR BU'I BKAS BSKUL BA LA BRTEN NAS, BYA BRAL GYI BTZUN PA BLO BZANG CHOS KYI RGYAL MTSAN GYIS CHOS 'KHOR RGYAL BKRA SHIS MI 'GYUR LHUN GYIS GRUB PA'I GTZUG LAG KHANG DU SBYAR BA DGE LEGS SU GYUR CIG , ` AOm SVA STI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL, ,SARBA DZA GA TAm, ,