*, ,RJE BTZUN SENG GE'I SGRA DANG PHYAG RDOR LA BRTEN PA'I GDON 'GROL BYED TSUL GDUNG SEL NOR BU'I ZLA BA ZHES BYA BA BZHUGS SO,,
, ,NA MO GU RU MANYDZU GHO sh'A YA, DNGOS GRUB RTZA BA DRIN CAN BLA MA DANG, ,THUGS RJE'I BDAG NYID RJE BTZUN SENG GE'I SGRA, ,MTHU STOBS DBANG PHYUG DPAL LDAN GSANG BA'I BDAG ,DBYER MED ZHABS KYI PADMOR PHYAG BYAS TE, ,KLU GNYAN SA BDAG GNOD PAS GDUNGS PA YI, ,NYAM THAG MGON MED 'GRO RNAMS BSKYAB PA'I PHYIR, ,GDON 'GRO LA CHO GA RGYUD DANG RGYA GZHUNG DANG, ,DAM PA'I MAN NGAG JI BZHIN MDOR BSDUS BSHAD, ,DE LA RJE BTZUN SENG GE'I SGRA'AM PHYAG RDOR CI RIGS LA BRTEN PA'I SA BDAG GDON 'GROL BYA BAR 'DOD PAS, BSNYEN PA SNGON DU BTANG, SKYED MOS TSAL LAM, 'BAB CHU'I 'GRAM SOGS YID MTHUN GYI GNAS CI RIGS PAR PAD RA RDOR RTA BABS
, ,MED PA'I DKYIL 'KHOR GRU BZHI SGO BZHI'I NANG CHU RIS SNGON POS GANG BA'I DBUS SU PADMA 'DAB BRGYAD LTE BA DANG BCAS PA DE'I GA-YAS GA-YON DU ZANGS GZHONG RE RE BSHAMS PA'I GA-YAS NGOS KYI NANG DU BAG PHYE DANG BSRES PA'I ZAN LAS DBUS SU WA RU nA, PHYOGS MTSAMS SU KLU CHEN BRGYAD, STOD MI LA SMAD SBRUL MJUG TU 'KHYIL BA, SBRUL GYI GDENGS KA BDUN BDUN DANG LDAN PA PHYAG THAL MO SBYAR BA BYED, ZANGS GZHONG GNYIS PA'I NANG DU SA BDAG CHEN PO'I GZUGS RI RAB GRU BZHI RKED PAR BCAD PA LTA BU'I STENG GI ZUR BZHIR GLANG GI MGO BO BZHI YOD PAR BYA, DE'I MTHAR BYA KHYUNG, RMA BYA; GLA BA, PHAG BZHI MA GTOGS PA'I SEMS CAN GYI GZUGS SNA TSOGS PAS BSKOR, ZANGS GZHONG GNYIS KA'I PHYOGS MTSAMS BZHIR ZAN LA BTZUGS PA'I SMYUG LDEM LA RAS DMAR PO'I 'PHAN DANG COD PAN GYIS BRGYAN CING, DE DAG GI BAR YANG RAS SKUD DMAR PO'I LDA LDIS BRGYAN, MDUN DU MCHOD PA RNAM PA LNGA
DANG; YI DAM KLU SA BDAG GNOD BYED RNAMS LA RE RE STE, GTOR MA LNGA BSHAMS, SGRUB PA PO KHRUS BYAS SHING GTZANG SBRA DANG LDAN PAS THEG PA CHEN PO'I GSO SBYONG BLANGS, SKYABS 'GRO SEMS BSKYED RGYUD DANG 'DRES NGES PA BYA, RANG NYID SKAD CIG GIS RJE BTZUN SENG GE'I SGRAR GSAL BA'I THUGS KA'I HR'I: YIG LAS 'PHROS PA'I 'OD ZER GYIS BLA MA DANG DBYER MED PA'I RJE BTZUN SENG GE'I SGRA LA SANGS RGYAS DANG BYANG CHUB SEMS DPA'I TSOGS KYIS BSKOR BA MDUN GYI NAM MKHAR SPYAN DRANGS, AOm GU RU SIm HA N'A DA SARBBA BUDDHA BO DHI SA TVE BHYA: ZHES PHYAG BYAS, AOm SARBBA TA TH'A GA TA AARGHAm, P'A TYAm; PUshPE; DH'U PE; A'A LO KE ,GHANDHE, NEE WE TYA, SHAPTA PRA T'I TZTSA H'Um SV'AH'A, DKON MCHOG GSUM LA BDAG SKYABS MCHI ZHES PA NAS, 'GRO LA PHAN PHYIR SANGS RGYAS 'GRUB PAR SHOG ,CES PA'I BAR GYIS SEMS BSKYED, TSAD MED BZHI BSGOM, BADZRA MU TSOGS ZHING RANG GNAS SU GSHEGS PAR GYUR, 'JUG PA MED PA'I PHYIR BDAG MDUN PHYOGS GCIG TU SGRUB PA NI, AOm SH'U N+YA T'A DZNY'A NA BADZRA SV'A BH'A WA A'ATMA KONYAHAm, STONG PA NYID DU GYUR, STONG PA'I NGANG LAS BDAG DANG MDUN GYI GNAS SU, GZHAL YAS KHANG GRU BZHI SGO BZHI PA, MTSAN NYID THAMS CAD DANG LDAN PA YANGS SHING RGYA CHE BA'I NANG DU, SNA TSOGS PADMA 'DAB MA BRGYAD PA'I DBUS SU BAm LAS PADMA DMAR PO'I LTE
, ,BAR SIm LAS SENG GE DKAR PO'I STENG DU AA LAS ZLA BA'I DKYIL 'KHOR, AOm SVA BH'A WA SHUDDHA SARBBA DHARMMA SVA BH'A WA SHUDDHO NYAHAm, DE LTAR BDAG GI DE KHO NA NYID DON DAM PAR SPROS PA THAMS CAD DANG BRAL BA JI LTAR YIN PA DE BZHIN DU, LHA'I DE KHO NA NYID KYANG DE LTAR YIN PAS, DE GNYIS CHU DANG 'O MA 'DRES PA BZHIN DU RNAM PAR MI RTOG PAR SNANG BA'I SGO DE NYID DU BDAG DANG LHA'I DE KHO NA NYID DBYER MI PHYED PAR GYUR; STONG PA'I NGANG LAS AOm A'A: GR'I: SIm HA N'A DA H'Um PHAt, CES PA'I SNGAGS KYI GDANGS KYI RNAM PA NAM MKHA' LA GRAG PAR GYUR, BDAG DANG LHA'I DE KHO NA NYID DBYER MI PHYED PA'I RNAM PA CAN GYI RANG GI SEMS ZLA BA'I DKYIL 'KHOR DU GYUR PA'I STENG DU SNGAGS KYI GDANGS KYI RNAM PA NAM MKHA' LA GRAG PA DE NYID SHIN TU DAG PA'I DNGUL CHU GSER GYI BYE MA LA ZHEN PA LTAR YIG 'BRU BRES PA'I RNAM PA CAN DU 'KHOD PA YONGS SU GYUR PA LAS PADMA DKAR PO'I LTE BAR AOm A'A: HR'I: SIm HA N'A DA H'Um PHAt CES PAS MTSAN PAR GYUR, ZLA BA PHYAG MTSAN SNGAGS DANG BCAS PA LAS 'OD ZER SNA TSOGS BYUNG BA'I RTZE MO LAS 'PHAGS PA SENG GE SGRA'I GZUGS DPAG TU MED PA BYUNG NAS NAM MKHA'I DBYINGS THAMS CAD KHYAB PAR BYAS, RGYAL BA THAMS CAD LA MCHOD PA'I SPRIN CHEN PO SPRUL PAS LEGS PAR MCHOD, GZHAN YANG SPRIN CHEN
PO SPRUL PA LAS BDUD RTZI'I CHAR RGYUN BABS PAS DMYAL BA LA SOGS PA'I 'GRO BA THAMS CAD KYI SDUG BSNGAL GYI ME RNAMS ZHI ZHING BDE BAS TSIM PAR BYAS NAS, LHA'I SKU DANG BCAS PA'I 'OD ZER SLAR LOG RANG GI SEMS ZLA BA'I DKYIL 'KHOR PHYAG MTSAN SNGAGS DANG BCAS PA LA ZHUGS PA LAS, BDAG GI GNAS DANG MDUN GYI GZHAL YAS KHANG GI DBUS SU RJE BTZUN SENG GE SGRA SKU MDOG DKAR PO ZHAL GCIG PHYAG GNYIS SPYAN GSUM PA GZHON NU DKA' THUB PA'I TSUL 'DZIN CING, RAL PA'I COD PAN CAN, PHYAG GA-YAS SA GNON DANG GA-YON ZLA GDAN LA BRTEN PA'I MTHEB MDZUB GNYIS KYIS PADMA'I RTZA BA BZUNG BA'I RTZE MO GNYIS SU GYES PA'I STENG DU YE SHES KYI RAL GRI DANG DRI ZHIM PO'I ME TOG SNA TSOGS PAS BKANG BA'I THOD PA BSNAMS PA, SKU'I GA-YAS SU SBRUL DKAR PO KHA NAS KHRAG 'DZAG PAS DKRIS PA'I RTZE GSUM ZLA BA LA BTZUGS PA, RAS SKUD DMAR PO'I CHANGS SKUD DANG, RAS BZANG PO'I SHAM THABS GSOL ZHING, SKU LAS 'OD ZER LNGA DANG BCAS PA'I DE BZHIN GSHEGS PA'I TSOGS 'PHRO BA, MDUN BSKYED KYI GTZO BO'I MDUN DU BAm LAS WA RU nA DKAR PO GTZO BO LA GUS PAS 'DUD CING BKA' NOD PA, 'DAB MA BRGYAD LA PHU: BRGYAD YONGS SU GYUR PA LAS, SHAR DU MTHA' YAS SNGON PO, LHOR NOR RGYAS SER PO, NUB TU 'JOG PO DMAR PO, BYANG DU STOBS RGYU NAG PO, MER PADMA DKAR PO, BDEN BRAL DU PADMA
, ,CHEN PO DKAR PO, RLUNG DU DUNG SKYONG DMAR PO, DBANG LDAN DU RIGS LDAN LJANG GU ,THAMS CAD KYANG STOD LHA'I LUS CAN, SMAD SBRUL MJUG TU 'KHYIL BA, GDENGS KA BDUN BDUN DANG LDAN CING, PHYAG GNYIS THAL MO SBYAR NAS GTZO BO LA 'DUD PA, DE DAG GI 'KHOR DU KLU RGYAL RIGS, RJE RIGS, BRAM ZE'I RIGS, GDOL PA'I RIGS DANG GZHAN YANG SA BDAG KLU GNYAN SA SRIN THAMS CAD KYIS BSKOR BA DANG, KHYAD PAR SA BDAG KLU GNYAN ZHA'O DANG 'THENG PO DON SNYING NYAMS PA LUS LONGS SPYOD GNAS MAL SOGS LA GNOD PAS BUN LONG DU GYUR PA DANG, LAN CHAGS SHA 'KHON BU LON CHAGS PA RNAMS KYIS GANG BAR GYUR PA BSAMS LA DE DAG RANG DANG SBYIN BDAG SOGS LA GNOD PAR MI NUS PA'I 'OD KYI LCAGS RIS BSKOR BAR BSGOM MO, ,DAM TSIG PA THAMS CAD KYI SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, THUGS KA'I H'Um LAS 'OD ZER 'PHROS, RANG BZHIN GYI GNAS NAS BSGOMS PA DANG 'DRA BA'I YE SHES PA RNAMS SPYAN DRANGS, BADZRA SA MA YA DZA: MA LUS SEMS CAN KUN GYI MGON GYUR CING, ,BDUD SDE DPUNG BCAS MI BZAD 'JOMS MDZAD LHA, ,DNGOS RNAMS MA LUS JI BZHIN MKHYEN GYUR PA'I, ,BCOM LDAN 'KHOR BCAS GNAS 'DIR GSHEGS SU GSOL, DZA: H'Um BAm HO: BDAG BSKYED RKYANG PA BSGOM NA KLU RNAMS KYANG BZHAG ,GTZO RKYANG LA 'DIR DBANG BSKUR, RGYAS BTAB, 'OG
NAS 'BYUNG BA LTAR MCHOD BSTOD BYAS, RANG GI THUGS KAR ZLA BA LA GNAS PA'I HR'I: YIG DKAR PO RING CHA CHEG DRAG DANG BCAS PA'I MTHAR GZUNGS THUNG DANG GZUNGS RING, NA MO RATNA TRA Y'A YA, NA MA: A'ARYA AA BA LO KE SHVA RA YA, BODHI SATV'A YA, MAH'A SVATV'A YA, MAH'A K'A RU nI K'A YA, TA DYA TH'A, AOm AA KA tE, BI KA tE, NI KA tE, KA tAm KA tE, KA RO tE, KA RO tAm, BIDYA SV'AH'A, CES PA'I SNGAGS 'PHRENG BAS 'OD ZER 'PHROS PAS, RANG GZHAN GYI NAD GDON SDIG SGRIB THAMS CAD SBYANGS PAR BSAMS TE CI NUS BZLA, MJUG TU BSNGO BA SMON LAM SOGS BYA'O, ,BDAG MDUN MNYAM DU BYA TSE GTZO BO SPYAN DRANGS PA'I MTSAMS NAS LAG PA GA-YON PA'I MTHE BONG DANG MTHE'U CHUNG GNYIS BRKYANGS GZHAN GSUM KHU TSUR BCANGS PA'I MTHE BONG GI RGYAB TU GA-YAS PA'I SOR MO LNGA PHRAL TE BZHAG PA GDENGS KA'I PHYAG RGYA BCAS LA, GDENGS KA NOR BU 'BAR BA'I 'OD KYIS NI, ,SA 'OG MUN PA MA LUS SEL MDZAD CING, ,BSTAN LA RAB DGA' MTHU STOBS BSAM MI KHYAB, ,KLU RGYAL 'KHOR BCAS GNAS 'DIR GSHEGS SU GSOL, ,RGYA MTSO CHEN PO'I KLONG DKYIL NAS, ,GTZUG NA RIN CHEN KLU YI RJE, ,MTHA' YAS NOR RGYAS DUNG SKYONG DANG, ,DGA' BO 'JOG PO PADMA DANG, ,PADMA CHEN PO CHU LHA DANG, ,STOBS KYI RGYU DANG MA DROS DANG, ,KLU CHEN BRGYAD PO 'KHOR DANG BCAS, ,GNAS 'DIR MCHOD KYIS GSHEGS SU GSOL, ,RGYAL RIGS RJE RIGS BRAM ZE'I RIGS, ,DMANGS RIGS GDOL PA NAG PO DANG, ,KLU BRAN GNYAN
, ,DANG SA BDAG SOGS, ,SPRUL PA 'BUM SDE 'KHOR BCAS RNAMS, ,ZHE SDANG GDUG RTZUB SEMS SPONGS LA, ,GNAS 'DIR MCHOD KYIS GSHEGS SU GSOL, ,AOm AE HYA HI, SARBBA N'A GA R'A DZA SA PA RI W'A RA SA MA YE SV'AH'A, ZHES PAS KLU DANG, AOm AE HYA HI SARBA BH'U MI PA TI SA PA RI W'A RA SA MA YE SV'AH'A, CES PAS SA BDAG SOGS SPYAN DRANGS, SLAR YANG THUGS KA'I H'Um LAS 'OD ZER 'PHROS DBANG GI LHA RNAMS SPYAN DRANGS, DE BZHIN GSHEGS PA THAMS CAD KYIS 'DI LA MNGON PAR DBANG BSKUR DU GSOL ZHES GSOL BA BTAB PAS, AOm SARBA TA TH'A GA TA AA BHI shE KA TA SA MA YA SHR'I YE A'A: H'Um ZHES BDUD RTZI'I CHUS DBANG BSKUR BAS LUS GANG, DRI MA DAG CHU LHAG MA SPYI GTZUG TU GNAS PA YONGS SU GYUR PA LAS BCOM LDAN 'DAS LA 'OD DPAG MED DANG, KLU RGYAL RNAMS LA GTZO BOS RGYAS BTAB PAR GYUR, DE NAS MCHOD PA RNAMS BSANGS SBYANGS BYIN GYIS BRLABS TE 'BUL BA NI, HR'I: BADZRA KRO DHA HA YA GRI BA HU LU HU LU H'Um PHAt, AOm SVA BH'A WA SHUDDHA SARBA DHARMMA SVA BH'A WA SHUD DHONYAHAm, STONG PA NYID DU GYUR, STONG PA'I NGANG LAS AOm LAS RIN PO CHE'I SNOD YANGS SHING RGYA CHE BA RNAMS KYI NANG DU AOm 'OD DU ZHU BA LAS BYUNG BA'I MCHOD YON, ZHABS BSIL, ME TOG ,BDUG SPOS, MAR ME, DRI; ZHAL ZAS ROL MO RNAMS DVANGS SHING THOGS PA MED PA NAM MKHA' DANG MNYAM PAR GYUR, AOm AARGHAm A'A: H'Um NAS SHAPTA A'A: H'Um
GI BAR GYIS BYIN GYIS BRLABS, SANGS RGYAS KUN GYIS RTAG PAR BSNGAGS, ,YON TAN DAM PA KUN BSAGS PA, ,SPYAN RAS GZIGS SHES MTSAN GSOL BA'I, ,RTAG PAR BRTZE LA PHYAG 'TSAL LO, ,KHAMS GSUM SEMS CAN THAMS CAD DANG, ,KHYAD PAR KLU GNYAN SA BDAG GI ,NAD DANG SDUG BSNGAL KUN SEL BA'I, ,SENG GE'I SGRA LA PHYAG 'TSAL LO, ZHES PAS BSTOD, DE NAS KLU DANG SA BDAG GI MCHOD PA GNYIS KYANG RIM PA BZHIN SNGAR LTAR BYIN GYIS BRLABS LA, AOm SARBA N'A GA R'A DZA SA PA RI W'A RA AARGHAm PRA T'I TZTSA H'Um SV'AH'A, ZHES PA NAS SHAPTA'I BAR SBYAR BA DANG SA BDAG KLU GNYAN SOGS LA, AOm BH'U MI PA TI SA PA RI W'A RA AARGHAm NAS SHAPTA'I BAR GYIS MCHOD, THUN MONG DU, NA GA GE SAR SMAN GYI MCHOG ,SNGAGS DANG PHYAG RGYAS BYIN RLABS NAS, ,TING 'DZIN 'PHRO 'DU'I BRDAS BKROL TE, ,KLU CHEN BRGYAD LA MCHOD PAR 'BUL, ,SNGON GYI DAM TSIG DRAN DGONGS LA, ,ZHE SDANG GDUG LAS SLAR THUL CIG , KAndA KA RI NA GA PUshA PA DANG, ,RGYA MTSO LBU BA CHU SRIN SDER MO DANG, ,DBANG PO LAG PA BAL PO SE'U DANG, ,SPU SHEL RTZE DANG DMAR SHAD LCUG MA DANG, ,GUR KUM AUTPAL 'DAM BU'I NAGS TSAL DANG, ,DAR TSON SNA LNGA RAS SKUD DMAR PO DANG, ,LI KHRI DMAR PO GA BUR SHEL DANG NI, ,SHU THAG DKAR PO SNYING PO ZHO SHA DANG, ,MKHAL MA ZHO SHA STAG GI SHUN PA DANG, ,TZANDAN DKAR DMAR KLU SMAN SNA TSOGS KYIS, ,KLU GNYAN SA BDAG RNAMS LA MCHOD
, ,PAR BGYI, ,BZHES NAS YON BDAG NAD 'DI BSAL DU GSOL, CES MCHOD LA, MTHA' YAS NOR RGYAS LA SOGS KLU DBANG RNAMS, ,YID BZHIN RGYA MTSO CHEN PO YANGS PA NA, ,YID 'ONGS RIN CHEN SNA TSOGS KYIS BRGYAN PA'I, ,PHO BRANG 'BYOR PA CHEN PO'I DBUS NA BZHUGS, ,DBU LA SBRUL MGO GDENGS KAS MDZES PA'I DBUS, ,YID BZHIN NOR BUS BSAM PA RDZOGS BYED CING, ,BDAG GZHAN DON RNAMS PHUN TSOGS 'GRUB PA'I GTER, ,DBUL BA'I MUN SEL 'OD 'BAR RNAMS KYIS BRGYAN, ,GDENGS CAN 'BYOR PA'I TSOGS RNAMS THAMS CAD RDZOGS, ,MTHU STOBS RDZU 'PHRUL CHE LA MNGA' BRNYES PA'I, ,KLU DBANG 'KHOR DANG BCAS LA GUS PAS 'DUD, CES KLU RNAMS LA BSTOD LA, GTOR MA RNAMS BSANGS SBYANGS, STONG PA'I NGANG LAS AOm LAS RIN PO CHE'I SNOD YANGS SHING RGYA CHE BA RNAMS KYI NANG DU AOm 'OD DU ZHU BA LAS BYUNG BA'I LHA RDZAS LAS GRUB PA'I GTOR MA DVANGS SHING THOGS PA MED PA ZAG PA MED PA'I BDE BA KHYAD PAR CAN BSKYED PAR GYUR, AOm A'A: H'Um, LAN GSUM DANG, SNGAGS DRUG DANG, PHYAG RGYA DRUG GIS BYIN GYIS BRLABS, MGRON RNAMS KYI LJAGS 'OD ZER GYI SBU GUS DRANGS TE GSOL BAR GYUR, AOm A'A: H'I: SIm HA N'A DA SA PA RI W'A RA AI DAm BA LI TAm KHA KHA KH'A HI KH'A HI, ZHES PA LAN BDUN GYIS GTZO BO DANG, KLU RGYAL RNAMS LA, W'A RU nA BA LI TAm, ZHES SOGS
BUM BSGRUB NAS 'BYUNG BA LTAR KLU RANG RANG GI SNGAGS KYI MTHAR AI DAm SOGS SBYAR BA GSUM GSUM GYIS 'BUL, N'A GA KU LA PANYTZA SA PA RI W'A RA, AI DAm SOGS GSUM GYIS KLU RIGS BZHI 'AM LNGA DANG, BH'U MI PA TI SA PA RI W'A RA AI DAm SOGS GSUM GYIS GNYAN DANG SA BDAG LA 'BUL, DE NAS, KLU CHEN BRGYAD PO 'KHOR DANG BCAS, ,RIGS LNGA'I KLU TSOGS MA LUS DANG, ,KHYAD PAR 'DI LA 'TSE BA YI, ,SA BDAG KLU GNYAN THAMS CAD LA, ,DKAR GSUM MNGAR GSUM BDUD RTZI'I CHU, ,RIN CHEN SNA LNGA KLU YI GTER, ,KLU SMAN DAR ZAB SNA TSOGS DANG, ,RANG RANG DGYES PA'I DAM RDZAS RNAMS, ,TING 'DZIN SNGAGS DANG PHYAG RGYA YIS, ,BYIN GYIS BRLABS TE 'BUL LAGS NA, ,PHYOGS BCU'I KLU YI PHO BRANG DU, ,BDUD RTZI'I CHAR RGYUN 'BAB GYUR CIG ,CES GTOR MA PHUL NAS BGEGS DANG GZHI BDAG LA'ANG GTOR MA SPYI 'GRO LTAR BSNGO 'O, ,DE NAS BUM PA SGRUB PA LA, DBANG BSKUR BA'I BUM PA DANG, RTZI SMAN GYI BUM PA GNYIS KHA BRGYAN MGUL CINGS DANG BCAS PA LEGS PAR BSHAMS, GLA RTZI GTAN MA 'DRES PA'I DRI BZANG GIS CHUS BKANG, KHYAD PAR RTZI SMAN GYI BUM PA 'OG NAS 'BYUNG BA'I KLU SMAN DANG GSO BA'I SMAN RNAMS CUNG ZAD BLUG ,RA DKAR MO DANG BA DMAR MO'I 'O MA DRI BZANG GI CHU DANG BCAS PAS BKANG, BSANGS SBYANGS, STONG PA'I NGANG LAS BHR'Um LAS RIN PO CHE'I BUM PA PHYI BUM PA LA RANG GZHAL YAS KHANG YANGS SHING RGYA CHE BA'I NANG DU SNA TSOGS PADMA 'DAB MA BRGYAD PA'I
, ,DBUS SU PAm LAS PADMA DMAR PO'I LTE BAR SIm LAS SENG GE DKAR PO'I STENG DU AA LAS ZLA BA'I DKYIL 'KHOR, DE'I STENG DU HR'I: DKAR PO DE LAS 'OD ZER 'PHROS 'PHAGS PA MCHOD SEMS CAN GYI DON BYAS TSUR 'DUS YONGS SU GYUR PA LAS, RJE BTZUN SENG GE'I SGRA SKU MDOG DKAR PO ZHES PA NAS, DE BZHIN GSHEGS PA'I TSOGS 'PHRO BA, GTZO BO'I MDUN DU W'A RU nA DKAR PO ZHES PA NAS THAL MO SBYAR NAS GTZO BO LA 'DUD PA ZHES PA'I BAR MDUN BSKYED BZHIN BYA, GTZO 'KHOR THAMS CAD KYI SPYI BOR AOm DKAR PO, ZHES PA NAS SPYAN 'DREN DBANG BSKUR RGYAS BTAB MDUN BSKYED BZHIN DANG, MCHOD BSTOD MDOR BSDUS BYAS LA LHA RNAMS KYI SKU LAS BDUD RTZI'I RGYUN BABS PAR BSAMS LA GZUNGS THAG NAS BZUNG STE, AOm A'A: HR'I: SIm HA N'A DA H'Um PHAt, CES GTZO BO'I SNGAGS GANG MANG BZLA, AOm W'A RU nA YE N'A GA R'A DZA H'Um NAm H'Um SV'AH'A, DE BZHIN DU THOG MTHA' 'DRA BA LA W'A RU nA'I BAR; AA NANTA DANG, B'A SU KI DANG, TAKshA KA DANG, KARKO tA DANG, PADMA DANG MAH'A PADMA DANG SHAm KHA P'A LA DANG, KU LI KA RNAMS BCUG PA KLU RGYAL RNAMS DANG, AOm N'A GA KU LA PANYTZA SH'INTAm SV'AH'A, AOm N'A GA PRA TI PO YA SV'AH'A, AOm N'A GA PRA BHANTZA PU NYA BA SV'AH'A, AOm N'A GA TA TH'A GA TI HRI: TA H'Um SV'AH'A, ZHES PA KLU RIGS BZHI'I SNGAGS BRGYA RTZA 'DREN, DE NAS GZUNGS THAG RTZI SMAN GYI BUM PA'I STENG DU SPOS NAS GTZO BO'I SNGAGS DANG, SHI BA GSOS PAR BYED PA, AOm RU
RU SPHU RU DZVA LA TIshthA SID DHA LO TZA NI SARBA AARTHA S'A DHA NI SV'AH'A, ZHES PA SANGS RGYAS SPYAN MA'I SNGAGS DANG, RTZI SMAN RNAMS BDUD RTZIR SGYUR BA'I SNGAGS, AOm DE BYA AAMRi TA NAN TA RA BHI SHA MA TI PRA T'I TZTSA BA SA NAN NA MA SV'AH'A, ZHES PA RNAMS BRGYA RTZA RE LAS MI NYUNG BAR BZLAS LA, SNGON TSE RDZOGS PA'I SANGS RGYAS KYIS, ,SMAN RNAMS 'GRO LA PHAN PA'I PHYIR, ,BYIN GYIS BRLABS PA'I BDEN PA DES, ,NAD PA RNAMS KYI NAD GSOS SHING, ,NYES PA THAMS CAD 'JOMS BYED PA'I, , SMAN RNAMS BDUD RTZIR 'GYUR BAR SHOG ,CES BDEN STOBS BRJOD LA, NAD PA'I MDUN DU KLU DANG SA BDAG GI GZUGS 'GROS BCUG PA'I ZANGS GZHONG DE BZHAG ,DE'I MDUN DU DKAR GSUM MNGAR GSUM KLU SMAN SNA TSOGS DANG BCAS PA'I MCHOD PA LNGA GTOR MA DANG BCAS PA TSAR GNYIS BSHAMS, BGEGS GTOR SHA CHANG LA PHUG DANG BCAS PAS BRGYAN PA'ANG BSHAMS, KHYED RANG GI MDUN GYI GZUGS 'DI RNAMS KLU DANG SA BDAG DE DANG DE DAG DNGOS SU BSAMS PA'I MTHAR KHYED RANG LA GNOD PA'I KLU'I RIGS BSAM GYIS MI KHYAB PAS BSKOR BA DANG, GLANG MGO CAN 'DI NYID SA BDAG NAG PO DNGOS SU BSAMS PA'I 'KHOR DU GNYAN DANG SA SRIN KHYAD PAR DU KHYED RANG LA GNOD CING LAN CHAGS PA'I SA BDAG GI RIGS KYIS BSKOR BA'I MOS PA MDZOD, CES BRDA' SPRAD GDENGS KA'I PHYAG RGYA BCAS LA, GDENGS KA NOR BU 'BAR BA'I 'OD KYIS NI ZHES PA NAS RANG RANG GI DAM TSIG PA
, ,LA THIM PAR GYUR, CES PA'I BAR MDUN BSKYED BZHIN BYAS LA, GZUGS 'GROS RNAMS DANG DBYER MED DU MOS PA'I KLU DANG SA BDAG RNAMS LA GTOR MA PHUL, MCHOD BSTOD BYAS PAS GNOD 'TSE'I BSAM SBYOR THAMS CAD ZHI BAR DPON SLOB GNYIS KAS BSAM MO, ,DE NAS RTZI SMAN GYI BUM PA LAG TU THOGS LA, RTZI SMAN GYI BUM CHU 'DI NYID KYIS GZUGS 'GROS RNAMS LA GTOR BAS KLU GNYAN SA BDAG RNAMS KYI GNOD PA DANG NAD RNAMS BSOS, DE BSOS PAS KHYED RANG GI NANG RNAMS BSOS PA'I MOS PA MDZOD, CES BRDA' SPRAD LA GTZO BO'I SNGAGS DANG, SANGS RGYAS SPYAN MA'I SNGAGS BRJOD CING GZUGS BRNYAN RNAMS LA BUM CHU 'THOR ZHING, H'Um DA NI THUGS RJE CHEN PO STE, ,BA SPU'I BU GA THAMS CAD NAS, ,GSO BA'I BDUD RTZI'I RGYUN BABS PAS, ,KLU RGYAL 'KHOR BCAS KHYED RNAMS KUN, ,ZAB MO'I SNGAGS KYI GZI BRJID KYIS, ,BSREG DANG BTZO BA'I SDUG BSNGAL DANG, ,MTSON CHA RNAM PA SNA TSOGS KYIS, ,BSNUN CING GTUBS PA'I SDUG BSNGAL SOGS, ,SDUG BSNGAL SNA TSOGS MYONG BA RNAMS, ,'CHI MED 'TSO BA'I SMAN RNAMS KYIS, ,BSREG CING BTZO BA GSOS GYUR CIG , LUS DANG DBANG PO RGYAS GYUR CIG ,MTHU STOBS LDAN CING BDE GYUR CING, ,SDUG BSNGAL KUN LAS THAR BAR SHOG ,DGA' DANG BYANG CHUB SEMS LDAN CING, ,DBANG PO RNAMS KYI SPYOD YUL DU, ,'DOD DGU'I LONGS SPYOD
LDAN GYUR CIG ,NYAMS PA'I LUS SOGS GSOS SHING RGYAS, ,YAN LAG TSANG ZHING BDE GYUR CIG ,KLU NAD THAMS CAD GSOS GYUR NAS, ,SDUG BSNGAL KUN LAS THAR BAR SHOG ,NGAN SONG GSUM LAS YONGS GROL TE, ,TSANGS PA'I TSE DANG LDAN GYUR CIG ,CHOS SPYOD DBANG PO DUL NAS KYANG, ,SENG GE'I SGRA YI ZHAL MTHONG SHOG ,SNGAGS DANG SMAN SOGS BYIN RLABS KYIS, ,BSAM NGAN SBYOR RTZUB ZHI GYUR NAS, ,BCINGS PA'I NAD LAS GROL BAR MDZOD, ,N'A GA R'A DZA PHU: SH'ANTIm KU RU SV'AH'A, BSDU NA DE TZAM BYA, RGYAS PAR NA, CHAG TSAD KU BA'I BDUD RTZI YIS, ,MGO BO NYAMS PA GSOS GYUR CIG ,GZE MA 'PHANG CHEN BDUD RTZI YIS, ,SKRA LA NYAMS PA x, MU TIG SHEL GONG BDUD RTZI YIS, ,KLAD PA NYAMS PA x, SPU SHEL RTZI YI BDUD RTZI YIS, ,RNA BA NYAMS PA x, KHRA BO GZI YI BDUD RTZI YIS, ,SPYAN MIG NYAMS PA x, RGYA SPOS DRI YI BDUD RTZI YIS, ,SNA NI NYAMS PA x, MGRON BU DKAR PO'I BDUD RTZI YIS, ,SO NI NYAMS PA x, LE BRGAN DAR GYI BDUD RTZI YIS, ,LJAGS NI NYAMS PA x, BU RAM BZANG PO'I BDUD RTZI YIS, ,SHA NYAMS PA NI x, SNYING PO ZHE SHA'I BDUD RTZI YIS, ,DON SNYING x, RGYA MTSO LBU BA'I BDUD RTZI YIS, ,GLO BA NYAMS PA x, GUR KUM BZANG PO'I BDUD RTZI YIS, ,MCHIN PA x, MKHAL MA ZHO SHA'I BDUD RTZI YIS, ,MKHAL MA x, BTZOD MDUNG DMAR PO'I BDUD RTZI YIS, ,RGYU MA NYAMS x, DBANG PO LAG PA'I BDUD RTZI YIS, ,LAG PA x, CHU SRIN SDER MO'I
, ,BDUD RTZI YIS, ,RKANG PA NYAMS PA x, DUNG DKAR GA-YAS 'KHYIL BDUD RTZI YIS, ,RUS PA NYAMS PA x, MTSAL CHEN DA CHU'I BDUD RTZI YIS, ,KHRAG NI NYAMS PA x, RAS SKUD DMAR PO'I BDUD RTZI YIS, ,TSE SROG NYAMS PA x, RMA BYA'I MDONGS KYI BDUD RTZI YIS, ,BKRAG MDANGS x, RIN CHEN SNA LNGA'I BDUD RTZI YIS, ,NOR DBYIG NYAMS PA x, 'BRU SNA LNGA YI BDUD RTZI YIS, ,YUL KHAMS NYAMS PA GSOS GYUR CIG ,CES PA DANG SNGAGS BRJOD CING RTZI SMAN GYI BUM CHUS GZUGS 'GROS RNAMS LA GTOR, 'DI LTAR 'PHRIN LAS 'CHOL ZHING 'DOD DON GSOL BA NI, KLU CHEN PO BRGYAD DANG DE DAG GI 'KHOR KLU RGYAL RIGS RJE RIGS, BRAM ZE'I RIGS, DMANGS RIGS, GDOL PA'I RIGS RNAMS DANG, GZHAN YANG KLU BDUD KLU BTZAN KLU GNYAN SA BDAG SA SRIN LA SOGS PA KHYED RNAMS LA MCHOD GTOR PHUL NAS 'PHRIN LAS GSOL BA NI, BDAG DANG CHE GE MO 'KHOR DANG BCAS PA BYA BA MANG ZHING SPYOD PA RTZING BAS SA BRKOS, BRAG GSHAGS, NA SLOG ,SHING BCAD, RDO BRKOS, CHU DKRUGS, MI GTZANG BA'I THABS GZHOB SOGS BAG MED PA'I SPYOD PA BGYIS PAS, KLU GNYAN SA BDAG RNAMS KYI LUS LONGS SPYOD DON SNYING NYAMS PA'I GNOD PA DANG, THUGS ZUR SPYAN ZUR LA PHOG PA THAMS CAD GSOS PAR GYUR CIG ,DE LTAR GSOS PAS KHYED RNAMS KYI MTHONG DUG ,REG DUG ,MCHE
BA'I DUG ,KHA RLANGS KYI DUG ,SBYAR BA'I DUG RNAMS KYIS BSKYED PA'I MDZE DANG, 'BRAS DANG, SHU BA DANG, PHOL MIG DANG, BAS BLDAGS DANG, GA-YAN PA DANG, ME DPAL DANG, DREG GRUM DANG, RKANG 'BAM DANG, DMU CHU LA SOGS PA'I NAD RNAMS ZHI ZHING MI 'BYUNG BAR MDZAD DU GSOL, CES 'PHRIN LAS BCOL LA GDENGS KA'I PHYAG RGYA BCAS TE DAM TSIG SGRAG PA NI, H'Um NGA NI 'JIG RTEN DBANG PHYUG STE, ,KLU RGYAL 'KHOR DANG BCAS PA NYON, ,CHOS BSHAD BDEN TSIG MI NYAN NA, ,RIG SNGAGS RGYAL PO'I BKA' BCAG PAS, ,GSO BA'I SMAN RNAMS THAMS CAD KUN, ,MTSON CHA'I CHAR DU GYUR NAS NI, ,LUS KYI GNAD LA GZER BAR BYED, ,BCAD CING BCAD CING DUM BUR 'GYUR, ,MNGAR GSUM LA SOGS GTOR MA YANG, ,DUG CHEN HA LA HA LAR 'GYUR, ,SMYO DANG RMONGS PAR GYUR NAS NI, ,TSA BA CHEN POS GCING BAR BYED, ,DES NA DUS RNAMS THAMS CAD DU, ,DAM TSIG 'DI NI RTAG TU BSRUNGS, ,AOm A'A: HR'I: SIm HA NA DA SA MA YA RAKshA RAKshA H'Um PHAt, CES BRJOD PAS DAM LA GNAS PAR BSAM MO, ,DE NAS DBANG BUM GYI NANG NA YOD PA'I GTZO BOS DBANG BSKUR BAR BSAMS LA, GZUNGS THUNG GI RJES SU, SARBA N'A GA DU: KHA PRA SHA MA NA YE AA BHI shINYTZA, ZHES LAN GSUM MAM BDUN GYIS KLU RNAMS LA DBANG BSKUR, YANG GZUNGS KYI MJUG LA, SARBA N'A GA KU LA PANYTZA DU: KHA PRA SHA MA NA YE AA BHI shINYTZA, ZHES KLU RIGS BZHI DANG, YANG GZUNGS LA, SARBA BH'U MI PA TI DU:
, ,KHA ZHES SOGS KYIS SA BDAG RNAMS LA DBANG BSKUR BAS DGYES BZHIN DU BSRUNG SKYOB BYED PAR BSAM MO, ,DE NAS BUM CHUS LHA LA SKU KHRUS GSOL TE DBANG BUM NYID DU BLUG NAS, BSGRUB BYA 'KHRU ZHING, GTZUG NA YID BZHIN NOR BU CAN, ,MIG NI GDANGS PA LTO 'PHYE'I RIGS, ,KLU CHEN BRGYAD PO MTHONG BA'I DUG ,BZOD DKA'I DUG RNAMS PHYIR PHYUNG ZHIG ,GTZO BO'I GZUNGS DANG BUM BSKYED DU BSHAD PA'I SNGAGS BRJOD PA'I RJES LA; CHE GE MO'I SDIG PA DANG SGRIB PA THAMS CAD SH'ANTI KU RU SV'AH'A, DE BZHIN DU SBYAR TE, NAD THAMS CAD x, RIMS THAMS CAD x, GDON THAMS CAD x, NYE BAR 'TSE BA x, DUS MA YIN PAR 'CHI BA THAMS CAD x, 'KHON DANG GRIB THAMS CAD x, BYAD DANG BYUR THAMS CAD x, SKAL BA NGAN PA THAMS CAD x, RMI LTAS DANG MTSAN MA NGAN PA THAMS CAD x, MTSAN MO NAG MO'I GDON THAMS CAD x, BDUD KYI ZHAGS PA THAMS CAD x, GSHIN RJE'I PHO NYA THAMS CAD x, BGEGS DANG LOG 'DREN THAMS CAD x, LO SKEG ZLA SKEG ZHAG SKEG DUS SKEG SOGS MDOR NA BKRA MI SHIS PA THAMS CAD SH'NTIm KU RU SV'AH'A, LUS CAN MGO BO THA DAD LA, ,ZHE SDANG DRAG PO RGYAL PO'I RIGS, ,RIGS BZHI KLU BRGYAD YID KYI DUG ,BZOD DKA'I DUG RNAMS PHYIR PHYUNG ZHIG ,GSHED LA GNAS PA MDZANGS PA'I RIGS, ,GTZANG MA PHAL LA GNOD MI BYED, ,KLU BRAN 'BUM SDE REG PA'I DUG ,BZOD DKA'I DUG RNAMS x, ZHE NGAN GNAG
PA BYOL SONG RIGS, ,RMIG BZHI LCAGS LA NA BUN 'THIBS, ,GNYAN CHEN 'BUM SDE KHA RLANGS DUG ,BZOD DKA'I DUG x, DMAN PA'I CHA 'DZIN ZHE SDANG CAN, ,BDEN PA MI NYAN KUN LA GNOD, ,SA BDAG SDE BZHI MCHE BA'I DUG , BZOD DKA'I DUG x, DREGS PA SDE BRGYAD 'BAR BA YI, ,GLEN PA NGA RGYAL MTHU BO CHE, ,'GRO BA 'DI LA GANG GNOD PA, ,BZOD DKA'I DUG x, SBYOR GZHAN RAB TU KHROS PA'I PHO NYA NI, ,SPRUL PA 'BUM SDES 'GRO LA GNOD PA SKYEL, , SMAN DANG SNGAGS DANG PHYAG RGYA TING 'DZIN GYIS, ,BZOD DKA'I MI BZAD DUG RNAMS PHYIR PHYUNG ZHIG ,CES BRJOD CING LEGS PAR 'KHRU'O, ,DE NAS BYA BA PA NI, RMA BYA'I MDONGS KYI STENG DU ZLA DKYIL LA RJE BTZUN GYI GZUNGS SNGAGS ME LTAR 'BAR BA'I 'OD KYIS BKRUS PAS MA DAG PA'I NAD GDON RNAMS BYANG STE DRI CHU'I NANG DU DOR BA'I MOS PA GYIS SHES BRJOD LA GONG GI SH'ANTIm KU RU'I GNAS SU AA PA NA YE SV'AH'A, ZHES BYAB BO, ,DE NAS BSRUNG BA NI, BSGRUB BYA'I SPYI BO SOGS GNAS RNAMS SU, RDO RJE RGYA GRAM DU BZHAG PAS RDO RJE'I GO BSKON TE PHYIN CHAD GNOD PAS MI TSUGS PAR GYUR PA'I MOS PA MDZOD, GONG LTAR SH'ANTIm KU RU'I GNAS SU RAKshA RAKshA ZHES BRJOD LA SENG GE'I SGRA'I BSRUNG SKUD DKAR PO YANG BTAGS TE, RGYAL BA RGYAL SRAS BDEN PA'I BYIN RLABS DANG, ,RJE BTZUN SENG GE'I SGRA YI THUGS RJE YIS, ,'GRO BA 'DI LA BDAG GIS BSRUNGS ZIN GYIS, ,'DI LA SUS KYANG GNOD PAR MA BYED CIG ,
, ,RTZA BRGYUD KYI BLA MA DANG, DKON MCHOG GSUM RE RE DANG, RJE BTZUN SENG GE'I SGRA DANG, KLU'I RGYAL PO RNAMS DANG, DPAL MGON DAM PA CHOS SKYONG BA'I BSRUNG MA RNAMS KYI BDEN PA DANG, BDEN PA CHEN POS BYIN GYIS BRLABS KYIS, CHE GE MO KLU GNYAN SA BDAG GI GNOD PA DANG, NAD GDON BAR CHAD MI MTHUN PHYOGS THAMS CAD LAS RGYAL BAR GYUR CIG ,DZA YA DZA YA SIDHI SIDHI PHA LA PHA LA HO: NYIN MO BDE LEGS ZHES SOGS KYI SHIS PA BRJOD CING ME TOG GTOR, DE'I RJES CHA GSUM LTAR BGEGS GTOR BTANG, GDON DE RANG GI GNAS SU DENGS, ZHES PA DANG, YANG; AOm CHEN PO'AM ZHES PA NAS SA BDAG RANG GI GNAS SU DENGS, BH'U MI PA TI SA PA RI W'A RA BADZRA MU SA BDAG 'KHOR BCAS RANG GNAS SU GSHEGS PAR GYUR, ZHES 'DON PA SGYUR, DA NI KLU RNAMS GSHEGS SU GSOL, ,RGYAL RIGS DKAR PO SHAR DU GSHEGS, ,BRAM ZE SER PO LHO RU GSHEGS, ,RJE RIGS DMAR PO NUB TU GSHEGS, ,DMANGS RIGS SNGON PO BYANG DU GSHEGS, ,GDOL PA NAG PO MTSAMS SU GSHEGS, ,SA YI BDAG PO SA LA GSHEGS, ,RDO YI BDAG PO RDO LA GSHEGS, ,CHU YI BDAG PO CHU LA GSHEGS, ,SHING GI BDAG PO SHING LA GSHEGS, ,RANG RANG SO SO'I GNAS LA GSHEGS, ,SARBA N'A GA R'A DZA SA PA RI W'A RA BADZRA MU KLU RGYAL 'KHOR DANG BCAS PA RANG GNAS SU GSHEGS PAR GYUR, DE NAS NAD PA GU GUL GYIS BDUGS YUNGS KAR GYIS BRABS,
DRAG SNGAGS KYIS BGEGS BSKRAD, BUM CHU 'THOR BAS SNA DRANGS, DE'I RJES RIM BZHIN BKRUS PA'I DRI CHU DANG BGEGS GTOR SA BDAG GI GZUGS DANG GTOR MA KLU'I GZUGS DANG GTOR MA BRDZANGS, SLOB DPON GYIS RTING MNAN ROL MO'I SGRA DANG BCAS PAS DRI CHU BGEGS GTOR SOGS CI RIGS PAR DOR, KLU DANG SA BDAG GI GZUGS BRNYAN GTOR MA DANG BCAS PA RGYA MTSOR 'BAB PA'I 'BAB CHU 'AM KLU GNAS PA'I CHU MIG TU BSKYAL LA BYA KHYI SOGS KYI MI KHYER BAR BYA'O, ,MDUN BSKYED KYI SKABS SU 'ANG KLU DANG SA BDAG GSO BA DAM SGRAGS DBANG BSKUR BA SOGS BYAS NA LEGS, MTHAR 'GRE BA'I TSE 'OD KYI LCAGS RI 'GROL BA SOGS SHES PAR BYA ZHING, NANG DU SLEB PA DANG DKYIL 'KHOR GYI LHA LA MCHOD BSTOD BZOD GSOL, 'DOD DON GSOL BTAB BSNGO BA SMON LAM SHIS BRJOD KYIS BRGYAN PAR BYA'O, ,YANG PHYAG RDOR LA BRTEN PA'I GDON 'GROL BYED NA'ANG, LHA DRUG GI SGO NAS MNGON RTOGS SNGAGS DANG BCAS PA BSGYUR BA DANG, BSTOD PA DANG SENG GE'I SGRA ZHES PAR, PHYAG NA RDO RJE ZHES PA'I KHYAD PAR SBYOR BA MA GTOGS, SBYOR DNGOS MJUG GSUM BRJOD MA THAG PA JI LTA BA BZHIN NO, ,SNYIGS MA LNGA BDO BA'I KLU GNYAN SA BDAG RNAMS GDUG RTZUB LHAG PAR CHE ZHING MI RNAMS KYANG SA BRKO RDO SLOG SOGS BYED SPYOD MANG BA'I RGYUS, MDZE SOGS 'OG GDON LAS GYUR PA'I NAD RIMS BU YUG LTAR 'TSUBS PA'I DUS 'DIR, 'DI LTA BU'I GDAMS PA LA BRTEN NA 'OG GDON GYI GNOD PAS
, ,GDUNGS PA MYUR DU THAR BAR 'GYUR ZHING, PHYIS KYANG KLU DANG SA BDAG GI GNOD PA 'BYUNG BAR MI 'GYUR TE, JI SKAD DU, RTZOL BA DRAG POS RTOG PA'I NAD LAS THAR, ,YUN DU MA GTANG DANG LDAN DANG BSRINGS NA, ,TAKshA KA YIS BZUNG BAR GYUR PA YANG, ,ZLA BA DRUG GIS ZLOG 'GYUR THE TSOM MED, CES GSUNGS PA'I PHYIR RO, ,SMRAS PA, MA LA YA YI NAGS TSAL LAS, ,GA PUR GSAR PA'I DRI BSUNG BZHIN, ,RGYUD DANG RGYA GZHUNG SKYED TSAL LAS, ,'ONGS PA'I GDON 'GROL AUTPAL 'PHRENG, ,SKAL BZANG RNAM DPYOD LDAN PA YI, ,MGRIN PA MDZES PAR BYED PA'I RGYAN, ,DO SHAL GZHAN BZHIN SPEL BA YI, ,BYED PO CHOS KYI RGYAL MTSAN NYID, ,DE LAS 'ONGS PA'I LEGS DPYAD 'O MA'I MTSO, ,GANGS RI'I TOG LTAR DKAR BA BSRUBS PA DES, ,'GRO KUN SKYE RGA NA 'CHI LAS 'DAS PA'I, ,BDUD RTZI'I SNYING PO MCHOG DE MYUR THOB SHOG ,CES RJE BTZUN SENG GE'I SGRA DANG PHYAG RDOR GYI RIGS CI RIGS LA'ANG SBYAR DU RUNG BAS BDAG GDON 'GROL JI LTAR BYA BA'I TSUL BYA RGYUD THUN MONG MA YIN PA'I LUGS GTZANG MAR BYAS PA'I CHO GA 'OG GDON GYI GNOD PA LAS RNAM PAR RGYAL BA'I GDUNG SEL NOR BU'I ZLA BA ZHES BYA BA 'DI YANG DGE BA'I BSHES GNYEN DON GNYER CAN DU MAS BSKUL BA DANG, SNYIGS MA'I DUS 'DIR 'GRO BA MANG PO LA PHAN PAR YANG BSAMS TE, CHOS SMRA BA BLO BZANG CHOS KYI RGYAL MTSAN GYIS CHOS GRVA CHEN PO GANGS CAN CHOS 'PHEL GYI
GZIMS KHANG DU SBYAR BA'I YI GE PA NI BHIKshU BLO BZANG PHUN TSOGS KYIS BGYIS PA 'DIS KYANG RGYAL BA'I BSTAN PA YUN RING DU GNAS SHING RGYAS PAR GYUR CIG , ,,SHU BHAm,, ,, ` AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL, ,SARBA DZA GA TAm,, ,,
*, ,RJE BTZUN SENG GE'I SGRA DANG PHYAG RDOR LA BRTEN PA'I GDON 'GROL BYED TSUL GDUNG SEL NOR BU'I ZLA BA ZHES BYA BA BZHUGS SO,,
, ,NA MO GU RU MANYDZU GHO sh'A YA, DNGOS GRUB RTZA BA DRIN CAN BLA MA DANG, ,THUGS RJE'I BDAG NYID RJE BTZUN SENG GE'I SGRA, ,MTHU STOBS DBANG PHYUG DPAL LDAN GSANG BA'I BDAG ,DBYER MED ZHABS KYI PADMOR PHYAG BYAS TE, ,KLU GNYAN SA BDAG GNOD PAS GDUNGS PA YI, ,NYAM THAG MGON MED 'GRO RNAMS BSKYAB PA'I PHYIR, ,GDON 'GRO LA CHO GA RGYUD DANG RGYA GZHUNG DANG, ,DAM PA'I MAN NGAG JI BZHIN MDOR BSDUS BSHAD, ,DE LA RJE BTZUN SENG GE'I SGRA'AM PHYAG RDOR CI RIGS LA BRTEN PA'I SA BDAG GDON 'GROL BYA BAR 'DOD PAS, BSNYEN PA SNGON DU BTANG, SKYED MOS TSAL LAM, 'BAB CHU'I 'GRAM SOGS YID MTHUN GYI GNAS CI RIGS PAR PAD RA RDOR RTA BABS
, ,MED PA'I DKYIL 'KHOR GRU BZHI SGO BZHI'I NANG CHU RIS SNGON POS GANG BA'I DBUS SU PADMA 'DAB BRGYAD LTE BA DANG BCAS PA DE'I GA-YAS GA-YON DU ZANGS GZHONG RE RE BSHAMS PA'I GA-YAS NGOS KYI NANG DU BAG PHYE DANG BSRES PA'I ZAN LAS DBUS SU WA RU nA, PHYOGS MTSAMS SU KLU CHEN BRGYAD, STOD MI LA SMAD SBRUL MJUG TU 'KHYIL BA, SBRUL GYI GDENGS KA BDUN BDUN DANG LDAN PA PHYAG THAL MO SBYAR BA BYED, ZANGS GZHONG GNYIS PA'I NANG DU SA BDAG CHEN PO'I GZUGS RI RAB GRU BZHI RKED PAR BCAD PA LTA BU'I STENG GI ZUR BZHIR GLANG GI MGO BO BZHI YOD PAR BYA, DE'I MTHAR BYA KHYUNG, RMA BYA; GLA BA, PHAG BZHI MA GTOGS PA'I SEMS CAN GYI GZUGS SNA TSOGS PAS BSKOR, ZANGS GZHONG GNYIS KA'I PHYOGS MTSAMS BZHIR ZAN LA BTZUGS PA'I SMYUG LDEM LA RAS DMAR PO'I 'PHAN DANG COD PAN GYIS BRGYAN CING, DE DAG GI BAR YANG RAS SKUD DMAR PO'I LDA LDIS BRGYAN, MDUN DU MCHOD PA RNAM PA LNGA
DANG; YI DAM KLU SA BDAG GNOD BYED RNAMS LA RE RE STE, GTOR MA LNGA BSHAMS, SGRUB PA PO KHRUS BYAS SHING GTZANG SBRA DANG LDAN PAS THEG PA CHEN PO'I GSO SBYONG BLANGS, SKYABS 'GRO SEMS BSKYED RGYUD DANG 'DRES NGES PA BYA, RANG NYID SKAD CIG GIS RJE BTZUN SENG GE'I SGRAR GSAL BA'I THUGS KA'I HR'I: YIG LAS 'PHROS PA'I 'OD ZER GYIS BLA MA DANG DBYER MED PA'I RJE BTZUN SENG GE'I SGRA LA SANGS RGYAS DANG BYANG CHUB SEMS DPA'I TSOGS KYIS BSKOR BA MDUN GYI NAM MKHAR SPYAN DRANGS, AOm GU RU SIm HA N'A DA SARBBA BUDDHA BO DHI SA TVE BHYA: ZHES PHYAG BYAS, AOm SARBBA TA TH'A GA TA AARGHAm, P'A TYAm; PUshPE; DH'U PE; A'A LO KE ,GHANDHE, NEE WE TYA, SHAPTA PRA T'I TZTSA H'Um SV'AH'A, DKON MCHOG GSUM LA BDAG SKYABS MCHI ZHES PA NAS, 'GRO LA PHAN PHYIR SANGS RGYAS 'GRUB PAR SHOG ,CES PA'I BAR GYIS SEMS BSKYED, TSAD MED BZHI BSGOM, BADZRA MU TSOGS ZHING RANG GNAS SU GSHEGS PAR GYUR, 'JUG PA MED PA'I PHYIR BDAG MDUN PHYOGS GCIG TU SGRUB PA NI, AOm SH'U N+YA T'A DZNY'A NA BADZRA SV'A BH'A WA A'ATMA KONYAHAm, STONG PA NYID DU GYUR, STONG PA'I NGANG LAS BDAG DANG MDUN GYI GNAS SU, GZHAL YAS KHANG GRU BZHI SGO BZHI PA, MTSAN NYID THAMS CAD DANG LDAN PA YANGS SHING RGYA CHE BA'I NANG DU, SNA TSOGS PADMA 'DAB MA BRGYAD PA'I DBUS SU BAm LAS PADMA DMAR PO'I LTE
, ,BAR SIm LAS SENG GE DKAR PO'I STENG DU AA LAS ZLA BA'I DKYIL 'KHOR, AOm SVA BH'A WA SHUDDHA SARBBA DHARMMA SVA BH'A WA SHUDDHO NYAHAm, DE LTAR BDAG GI DE KHO NA NYID DON DAM PAR SPROS PA THAMS CAD DANG BRAL BA JI LTAR YIN PA DE BZHIN DU, LHA'I DE KHO NA NYID KYANG DE LTAR YIN PAS, DE GNYIS CHU DANG 'O MA 'DRES PA BZHIN DU RNAM PAR MI RTOG PAR SNANG BA'I SGO DE NYID DU BDAG DANG LHA'I DE KHO NA NYID DBYER MI PHYED PAR GYUR; STONG PA'I NGANG LAS AOm A'A: GR'I: SIm HA N'A DA H'Um PHAt, CES PA'I SNGAGS KYI GDANGS KYI RNAM PA NAM MKHA' LA GRAG PAR GYUR, BDAG DANG LHA'I DE KHO NA NYID DBYER MI PHYED PA'I RNAM PA CAN GYI RANG GI SEMS ZLA BA'I DKYIL 'KHOR DU GYUR PA'I STENG DU SNGAGS KYI GDANGS KYI RNAM PA NAM MKHA' LA GRAG PA DE NYID SHIN TU DAG PA'I DNGUL CHU GSER GYI BYE MA LA ZHEN PA LTAR YIG 'BRU BRES PA'I RNAM PA CAN DU 'KHOD PA YONGS SU GYUR PA LAS PADMA DKAR PO'I LTE BAR AOm A'A: HR'I: SIm HA N'A DA H'Um PHAt CES PAS MTSAN PAR GYUR, ZLA BA PHYAG MTSAN SNGAGS DANG BCAS PA LAS 'OD ZER SNA TSOGS BYUNG BA'I RTZE MO LAS 'PHAGS PA SENG GE SGRA'I GZUGS DPAG TU MED PA BYUNG NAS NAM MKHA'I DBYINGS THAMS CAD KHYAB PAR BYAS, RGYAL BA THAMS CAD LA MCHOD PA'I SPRIN CHEN PO SPRUL PAS LEGS PAR MCHOD, GZHAN YANG SPRIN CHEN
PO SPRUL PA LAS BDUD RTZI'I CHAR RGYUN BABS PAS DMYAL BA LA SOGS PA'I 'GRO BA THAMS CAD KYI SDUG BSNGAL GYI ME RNAMS ZHI ZHING BDE BAS TSIM PAR BYAS NAS, LHA'I SKU DANG BCAS PA'I 'OD ZER SLAR LOG RANG GI SEMS ZLA BA'I DKYIL 'KHOR PHYAG MTSAN SNGAGS DANG BCAS PA LA ZHUGS PA LAS, BDAG GI GNAS DANG MDUN GYI GZHAL YAS KHANG GI DBUS SU RJE BTZUN SENG GE SGRA SKU MDOG DKAR PO ZHAL GCIG PHYAG GNYIS SPYAN GSUM PA GZHON NU DKA' THUB PA'I TSUL 'DZIN CING, RAL PA'I COD PAN CAN, PHYAG GA-YAS SA GNON DANG GA-YON ZLA GDAN LA BRTEN PA'I MTHEB MDZUB GNYIS KYIS PADMA'I RTZA BA BZUNG BA'I RTZE MO GNYIS SU GYES PA'I STENG DU YE SHES KYI RAL GRI DANG DRI ZHIM PO'I ME TOG SNA TSOGS PAS BKANG BA'I THOD PA BSNAMS PA, SKU'I GA-YAS SU SBRUL DKAR PO KHA NAS KHRAG 'DZAG PAS DKRIS PA'I RTZE GSUM ZLA BA LA BTZUGS PA, RAS SKUD DMAR PO'I CHANGS SKUD DANG, RAS BZANG PO'I SHAM THABS GSOL ZHING, SKU LAS 'OD ZER LNGA DANG BCAS PA'I DE BZHIN GSHEGS PA'I TSOGS 'PHRO BA, MDUN BSKYED KYI GTZO BO'I MDUN DU BAm LAS WA RU nA DKAR PO GTZO BO LA GUS PAS 'DUD CING BKA' NOD PA, 'DAB MA BRGYAD LA PHU: BRGYAD YONGS SU GYUR PA LAS, SHAR DU MTHA' YAS SNGON PO, LHOR NOR RGYAS SER PO, NUB TU 'JOG PO DMAR PO, BYANG DU STOBS RGYU NAG PO, MER PADMA DKAR PO, BDEN BRAL DU PADMA
, ,CHEN PO DKAR PO, RLUNG DU DUNG SKYONG DMAR PO, DBANG LDAN DU RIGS LDAN LJANG GU ,THAMS CAD KYANG STOD LHA'I LUS CAN, SMAD SBRUL MJUG TU 'KHYIL BA, GDENGS KA BDUN BDUN DANG LDAN CING, PHYAG GNYIS THAL MO SBYAR NAS GTZO BO LA 'DUD PA, DE DAG GI 'KHOR DU KLU RGYAL RIGS, RJE RIGS, BRAM ZE'I RIGS, GDOL PA'I RIGS DANG GZHAN YANG SA BDAG KLU GNYAN SA SRIN THAMS CAD KYIS BSKOR BA DANG, KHYAD PAR SA BDAG KLU GNYAN ZHA'O DANG 'THENG PO DON SNYING NYAMS PA LUS LONGS SPYOD GNAS MAL SOGS LA GNOD PAS BUN LONG DU GYUR PA DANG, LAN CHAGS SHA 'KHON BU LON CHAGS PA RNAMS KYIS GANG BAR GYUR PA BSAMS LA DE DAG RANG DANG SBYIN BDAG SOGS LA GNOD PAR MI NUS PA'I 'OD KYI LCAGS RIS BSKOR BAR BSGOM MO, ,DAM TSIG PA THAMS CAD KYI SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, THUGS KA'I H'Um LAS 'OD ZER 'PHROS, RANG BZHIN GYI GNAS NAS BSGOMS PA DANG 'DRA BA'I YE SHES PA RNAMS SPYAN DRANGS, BADZRA SA MA YA DZA: MA LUS SEMS CAN KUN GYI MGON GYUR CING, ,BDUD SDE DPUNG BCAS MI BZAD 'JOMS MDZAD LHA, ,DNGOS RNAMS MA LUS JI BZHIN MKHYEN GYUR PA'I, ,BCOM LDAN 'KHOR BCAS GNAS 'DIR GSHEGS SU GSOL, DZA: H'Um BAm HO: BDAG BSKYED RKYANG PA BSGOM NA KLU RNAMS KYANG BZHAG ,GTZO RKYANG LA 'DIR DBANG BSKUR, RGYAS BTAB, 'OG
NAS 'BYUNG BA LTAR MCHOD BSTOD BYAS, RANG GI THUGS KAR ZLA BA LA GNAS PA'I HR'I: YIG DKAR PO RING CHA CHEG DRAG DANG BCAS PA'I MTHAR GZUNGS THUNG DANG GZUNGS RING, NA MO RATNA TRA Y'A YA, NA MA: A'ARYA AA BA LO KE SHVA RA YA, BODHI SATV'A YA, MAH'A SVATV'A YA, MAH'A K'A RU nI K'A YA, TA DYA TH'A, AOm AA KA tE, BI KA tE, NI KA tE, KA tAm KA tE, KA RO tE, KA RO tAm, BIDYA SV'AH'A, CES PA'I SNGAGS 'PHRENG BAS 'OD ZER 'PHROS PAS, RANG GZHAN GYI NAD GDON SDIG SGRIB THAMS CAD SBYANGS PAR BSAMS TE CI NUS BZLA, MJUG TU BSNGO BA SMON LAM SOGS BYA'O, ,BDAG MDUN MNYAM DU BYA TSE GTZO BO SPYAN DRANGS PA'I MTSAMS NAS LAG PA GA-YON PA'I MTHE BONG DANG MTHE'U CHUNG GNYIS BRKYANGS GZHAN GSUM KHU TSUR BCANGS PA'I MTHE BONG GI RGYAB TU GA-YAS PA'I SOR MO LNGA PHRAL TE BZHAG PA GDENGS KA'I PHYAG RGYA BCAS LA, GDENGS KA NOR BU 'BAR BA'I 'OD KYIS NI, ,SA 'OG MUN PA MA LUS SEL MDZAD CING, ,BSTAN LA RAB DGA' MTHU STOBS BSAM MI KHYAB, ,KLU RGYAL 'KHOR BCAS GNAS 'DIR GSHEGS SU GSOL, ,RGYA MTSO CHEN PO'I KLONG DKYIL NAS, ,GTZUG NA RIN CHEN KLU YI RJE, ,MTHA' YAS NOR RGYAS DUNG SKYONG DANG, ,DGA' BO 'JOG PO PADMA DANG, ,PADMA CHEN PO CHU LHA DANG, ,STOBS KYI RGYU DANG MA DROS DANG, ,KLU CHEN BRGYAD PO 'KHOR DANG BCAS, ,GNAS 'DIR MCHOD KYIS GSHEGS SU GSOL, ,RGYAL RIGS RJE RIGS BRAM ZE'I RIGS, ,DMANGS RIGS GDOL PA NAG PO DANG, ,KLU BRAN GNYAN
, ,DANG SA BDAG SOGS, ,SPRUL PA 'BUM SDE 'KHOR BCAS RNAMS, ,ZHE SDANG GDUG RTZUB SEMS SPONGS LA, ,GNAS 'DIR MCHOD KYIS GSHEGS SU GSOL, ,AOm AE HYA HI, SARBBA N'A GA R'A DZA SA PA RI W'A RA SA MA YE SV'AH'A, ZHES PAS KLU DANG, AOm AE HYA HI SARBA BH'U MI PA TI SA PA RI W'A RA SA MA YE SV'AH'A, CES PAS SA BDAG SOGS SPYAN DRANGS, SLAR YANG THUGS KA'I H'Um LAS 'OD ZER 'PHROS DBANG GI LHA RNAMS SPYAN DRANGS, DE BZHIN GSHEGS PA THAMS CAD KYIS 'DI LA MNGON PAR DBANG BSKUR DU GSOL ZHES GSOL BA BTAB PAS, AOm SARBA TA TH'A GA TA AA BHI shE KA TA SA MA YA SHR'I YE A'A: H'Um ZHES BDUD RTZI'I CHUS DBANG BSKUR BAS LUS GANG, DRI MA DAG CHU LHAG MA SPYI GTZUG TU GNAS PA YONGS SU GYUR PA LAS BCOM LDAN 'DAS LA 'OD DPAG MED DANG, KLU RGYAL RNAMS LA GTZO BOS RGYAS BTAB PAR GYUR, DE NAS MCHOD PA RNAMS BSANGS SBYANGS BYIN GYIS BRLABS TE 'BUL BA NI, HR'I: BADZRA KRO DHA HA YA GRI BA HU LU HU LU H'Um PHAt, AOm SVA BH'A WA SHUDDHA SARBA DHARMMA SVA BH'A WA SHUD DHONYAHAm, STONG PA NYID DU GYUR, STONG PA'I NGANG LAS AOm LAS RIN PO CHE'I SNOD YANGS SHING RGYA CHE BA RNAMS KYI NANG DU AOm 'OD DU ZHU BA LAS BYUNG BA'I MCHOD YON, ZHABS BSIL, ME TOG ,BDUG SPOS, MAR ME, DRI; ZHAL ZAS ROL MO RNAMS DVANGS SHING THOGS PA MED PA NAM MKHA' DANG MNYAM PAR GYUR, AOm AARGHAm A'A: H'Um NAS SHAPTA A'A: H'Um
GI BAR GYIS BYIN GYIS BRLABS, SANGS RGYAS KUN GYIS RTAG PAR BSNGAGS, ,YON TAN DAM PA KUN BSAGS PA, ,SPYAN RAS GZIGS SHES MTSAN GSOL BA'I, ,RTAG PAR BRTZE LA PHYAG 'TSAL LO, ,KHAMS GSUM SEMS CAN THAMS CAD DANG, ,KHYAD PAR KLU GNYAN SA BDAG GI ,NAD DANG SDUG BSNGAL KUN SEL BA'I, ,SENG GE'I SGRA LA PHYAG 'TSAL LO, ZHES PAS BSTOD, DE NAS KLU DANG SA BDAG GI MCHOD PA GNYIS KYANG RIM PA BZHIN SNGAR LTAR BYIN GYIS BRLABS LA, AOm SARBA N'A GA R'A DZA SA PA RI W'A RA AARGHAm PRA T'I TZTSA H'Um SV'AH'A, ZHES PA NAS SHAPTA'I BAR SBYAR BA DANG SA BDAG KLU GNYAN SOGS LA, AOm BH'U MI PA TI SA PA RI W'A RA AARGHAm NAS SHAPTA'I BAR GYIS MCHOD, THUN MONG DU, NA GA GE SAR SMAN GYI MCHOG ,SNGAGS DANG PHYAG RGYAS BYIN RLABS NAS, ,TING 'DZIN 'PHRO 'DU'I BRDAS BKROL TE, ,KLU CHEN BRGYAD LA MCHOD PAR 'BUL, ,SNGON GYI DAM TSIG DRAN DGONGS LA, ,ZHE SDANG GDUG LAS SLAR THUL CIG , KAndA KA RI NA GA PUshA PA DANG, ,RGYA MTSO LBU BA CHU SRIN SDER MO DANG, ,DBANG PO LAG PA BAL PO SE'U DANG, ,SPU SHEL RTZE DANG DMAR SHAD LCUG MA DANG, ,GUR KUM AUTPAL 'DAM BU'I NAGS TSAL DANG, ,DAR TSON SNA LNGA RAS SKUD DMAR PO DANG, ,LI KHRI DMAR PO GA BUR SHEL DANG NI, ,SHU THAG DKAR PO SNYING PO ZHO SHA DANG, ,MKHAL MA ZHO SHA STAG GI SHUN PA DANG, ,TZANDAN DKAR DMAR KLU SMAN SNA TSOGS KYIS, ,KLU GNYAN SA BDAG RNAMS LA MCHOD
, ,PAR BGYI, ,BZHES NAS YON BDAG NAD 'DI BSAL DU GSOL, CES MCHOD LA, MTHA' YAS NOR RGYAS LA SOGS KLU DBANG RNAMS, ,YID BZHIN RGYA MTSO CHEN PO YANGS PA NA, ,YID 'ONGS RIN CHEN SNA TSOGS KYIS BRGYAN PA'I, ,PHO BRANG 'BYOR PA CHEN PO'I DBUS NA BZHUGS, ,DBU LA SBRUL MGO GDENGS KAS MDZES PA'I DBUS, ,YID BZHIN NOR BUS BSAM PA RDZOGS BYED CING, ,BDAG GZHAN DON RNAMS PHUN TSOGS 'GRUB PA'I GTER, ,DBUL BA'I MUN SEL 'OD 'BAR RNAMS KYIS BRGYAN, ,GDENGS CAN 'BYOR PA'I TSOGS RNAMS THAMS CAD RDZOGS, ,MTHU STOBS RDZU 'PHRUL CHE LA MNGA' BRNYES PA'I, ,KLU DBANG 'KHOR DANG BCAS LA GUS PAS 'DUD, CES KLU RNAMS LA BSTOD LA, GTOR MA RNAMS BSANGS SBYANGS, STONG PA'I NGANG LAS AOm LAS RIN PO CHE'I SNOD YANGS SHING RGYA CHE BA RNAMS KYI NANG DU AOm 'OD DU ZHU BA LAS BYUNG BA'I LHA RDZAS LAS GRUB PA'I GTOR MA DVANGS SHING THOGS PA MED PA ZAG PA MED PA'I BDE BA KHYAD PAR CAN BSKYED PAR GYUR, AOm A'A: H'Um, LAN GSUM DANG, SNGAGS DRUG DANG, PHYAG RGYA DRUG GIS BYIN GYIS BRLABS, MGRON RNAMS KYI LJAGS 'OD ZER GYI SBU GUS DRANGS TE GSOL BAR GYUR, AOm A'A: H'I: SIm HA N'A DA SA PA RI W'A RA AI DAm BA LI TAm KHA KHA KH'A HI KH'A HI, ZHES PA LAN BDUN GYIS GTZO BO DANG, KLU RGYAL RNAMS LA, W'A RU nA BA LI TAm, ZHES SOGS
BUM BSGRUB NAS 'BYUNG BA LTAR KLU RANG RANG GI SNGAGS KYI MTHAR AI DAm SOGS SBYAR BA GSUM GSUM GYIS 'BUL, N'A GA KU LA PANYTZA SA PA RI W'A RA, AI DAm SOGS GSUM GYIS KLU RIGS BZHI 'AM LNGA DANG, BH'U MI PA TI SA PA RI W'A RA AI DAm SOGS GSUM GYIS GNYAN DANG SA BDAG LA 'BUL, DE NAS, KLU CHEN BRGYAD PO 'KHOR DANG BCAS, ,RIGS LNGA'I KLU TSOGS MA LUS DANG, ,KHYAD PAR 'DI LA 'TSE BA YI, ,SA BDAG KLU GNYAN THAMS CAD LA, ,DKAR GSUM MNGAR GSUM BDUD RTZI'I CHU, ,RIN CHEN SNA LNGA KLU YI GTER, ,KLU SMAN DAR ZAB SNA TSOGS DANG, ,RANG RANG DGYES PA'I DAM RDZAS RNAMS, ,TING 'DZIN SNGAGS DANG PHYAG RGYA YIS, ,BYIN GYIS BRLABS TE 'BUL LAGS NA, ,PHYOGS BCU'I KLU YI PHO BRANG DU, ,BDUD RTZI'I CHAR RGYUN 'BAB GYUR CIG ,CES GTOR MA PHUL NAS BGEGS DANG GZHI BDAG LA'ANG GTOR MA SPYI 'GRO LTAR BSNGO 'O, ,DE NAS BUM PA SGRUB PA LA, DBANG BSKUR BA'I BUM PA DANG, RTZI SMAN GYI BUM PA GNYIS KHA BRGYAN MGUL CINGS DANG BCAS PA LEGS PAR BSHAMS, GLA RTZI GTAN MA 'DRES PA'I DRI BZANG GIS CHUS BKANG, KHYAD PAR RTZI SMAN GYI BUM PA 'OG NAS 'BYUNG BA'I KLU SMAN DANG GSO BA'I SMAN RNAMS CUNG ZAD BLUG ,RA DKAR MO DANG BA DMAR MO'I 'O MA DRI BZANG GI CHU DANG BCAS PAS BKANG, BSANGS SBYANGS, STONG PA'I NGANG LAS BHR'Um LAS RIN PO CHE'I BUM PA PHYI BUM PA LA RANG GZHAL YAS KHANG YANGS SHING RGYA CHE BA'I NANG DU SNA TSOGS PADMA 'DAB MA BRGYAD PA'I
, ,DBUS SU PAm LAS PADMA DMAR PO'I LTE BAR SIm LAS SENG GE DKAR PO'I STENG DU AA LAS ZLA BA'I DKYIL 'KHOR, DE'I STENG DU HR'I: DKAR PO DE LAS 'OD ZER 'PHROS 'PHAGS PA MCHOD SEMS CAN GYI DON BYAS TSUR 'DUS YONGS SU GYUR PA LAS, RJE BTZUN SENG GE'I SGRA SKU MDOG DKAR PO ZHES PA NAS, DE BZHIN GSHEGS PA'I TSOGS 'PHRO BA, GTZO BO'I MDUN DU W'A RU nA DKAR PO ZHES PA NAS THAL MO SBYAR NAS GTZO BO LA 'DUD PA ZHES PA'I BAR MDUN BSKYED BZHIN BYA, GTZO 'KHOR THAMS CAD KYI SPYI BOR AOm DKAR PO, ZHES PA NAS SPYAN 'DREN DBANG BSKUR RGYAS BTAB MDUN BSKYED BZHIN DANG, MCHOD BSTOD MDOR BSDUS BYAS LA LHA RNAMS KYI SKU LAS BDUD RTZI'I RGYUN BABS PAR BSAMS LA GZUNGS THAG NAS BZUNG STE, AOm A'A: HR'I: SIm HA N'A DA H'Um PHAt, CES GTZO BO'I SNGAGS GANG MANG BZLA, AOm W'A RU nA YE N'A GA R'A DZA H'Um NAm H'Um SV'AH'A, DE BZHIN DU THOG MTHA' 'DRA BA LA W'A RU nA'I BAR; AA NANTA DANG, B'A SU KI DANG, TAKshA KA DANG, KARKO tA DANG, PADMA DANG MAH'A PADMA DANG SHAm KHA P'A LA DANG, KU LI KA RNAMS BCUG PA KLU RGYAL RNAMS DANG, AOm N'A GA KU LA PANYTZA SH'INTAm SV'AH'A, AOm N'A GA PRA TI PO YA SV'AH'A, AOm N'A GA PRA BHANTZA PU NYA BA SV'AH'A, AOm N'A GA TA TH'A GA TI HRI: TA H'Um SV'AH'A, ZHES PA KLU RIGS BZHI'I SNGAGS BRGYA RTZA 'DREN, DE NAS GZUNGS THAG RTZI SMAN GYI BUM PA'I STENG DU SPOS NAS GTZO BO'I SNGAGS DANG, SHI BA GSOS PAR BYED PA, AOm RU
RU SPHU RU DZVA LA TIshthA SID DHA LO TZA NI SARBA AARTHA S'A DHA NI SV'AH'A, ZHES PA SANGS RGYAS SPYAN MA'I SNGAGS DANG, RTZI SMAN RNAMS BDUD RTZIR SGYUR BA'I SNGAGS, AOm DE BYA AAMRi TA NAN TA RA BHI SHA MA TI PRA T'I TZTSA BA SA NAN NA MA SV'AH'A, ZHES PA RNAMS BRGYA RTZA RE LAS MI NYUNG BAR BZLAS LA, SNGON TSE RDZOGS PA'I SANGS RGYAS KYIS, ,SMAN RNAMS 'GRO LA PHAN PA'I PHYIR, ,BYIN GYIS BRLABS PA'I BDEN PA DES, ,NAD PA RNAMS KYI NAD GSOS SHING, ,NYES PA THAMS CAD 'JOMS BYED PA'I, , SMAN RNAMS BDUD RTZIR 'GYUR BAR SHOG ,CES BDEN STOBS BRJOD LA, NAD PA'I MDUN DU KLU DANG SA BDAG GI GZUGS 'GROS BCUG PA'I ZANGS GZHONG DE BZHAG ,DE'I MDUN DU DKAR GSUM MNGAR GSUM KLU SMAN SNA TSOGS DANG BCAS PA'I MCHOD PA LNGA GTOR MA DANG BCAS PA TSAR GNYIS BSHAMS, BGEGS GTOR SHA CHANG LA PHUG DANG BCAS PAS BRGYAN PA'ANG BSHAMS, KHYED RANG GI MDUN GYI GZUGS 'DI RNAMS KLU DANG SA BDAG DE DANG DE DAG DNGOS SU BSAMS PA'I MTHAR KHYED RANG LA GNOD PA'I KLU'I RIGS BSAM GYIS MI KHYAB PAS BSKOR BA DANG, GLANG MGO CAN 'DI NYID SA BDAG NAG PO DNGOS SU BSAMS PA'I 'KHOR DU GNYAN DANG SA SRIN KHYAD PAR DU KHYED RANG LA GNOD CING LAN CHAGS PA'I SA BDAG GI RIGS KYIS BSKOR BA'I MOS PA MDZOD, CES BRDA' SPRAD GDENGS KA'I PHYAG RGYA BCAS LA, GDENGS KA NOR BU 'BAR BA'I 'OD KYIS NI ZHES PA NAS RANG RANG GI DAM TSIG PA
, ,LA THIM PAR GYUR, CES PA'I BAR MDUN BSKYED BZHIN BYAS LA, GZUGS 'GROS RNAMS DANG DBYER MED DU MOS PA'I KLU DANG SA BDAG RNAMS LA GTOR MA PHUL, MCHOD BSTOD BYAS PAS GNOD 'TSE'I BSAM SBYOR THAMS CAD ZHI BAR DPON SLOB GNYIS KAS BSAM MO, ,DE NAS RTZI SMAN GYI BUM PA LAG TU THOGS LA, RTZI SMAN GYI BUM CHU 'DI NYID KYIS GZUGS 'GROS RNAMS LA GTOR BAS KLU GNYAN SA BDAG RNAMS KYI GNOD PA DANG NAD RNAMS BSOS, DE BSOS PAS KHYED RANG GI NANG RNAMS BSOS PA'I MOS PA MDZOD, CES BRDA' SPRAD LA GTZO BO'I SNGAGS DANG, SANGS RGYAS SPYAN MA'I SNGAGS BRJOD CING GZUGS BRNYAN RNAMS LA BUM CHU 'THOR ZHING, H'Um DA NI THUGS RJE CHEN PO STE, ,BA SPU'I BU GA THAMS CAD NAS, ,GSO BA'I BDUD RTZI'I RGYUN BABS PAS, ,KLU RGYAL 'KHOR BCAS KHYED RNAMS KUN, ,ZAB MO'I SNGAGS KYI GZI BRJID KYIS, ,BSREG DANG BTZO BA'I SDUG BSNGAL DANG, ,MTSON CHA RNAM PA SNA TSOGS KYIS, ,BSNUN CING GTUBS PA'I SDUG BSNGAL SOGS, ,SDUG BSNGAL SNA TSOGS MYONG BA RNAMS, ,'CHI MED 'TSO BA'I SMAN RNAMS KYIS, ,BSREG CING BTZO BA GSOS GYUR CIG , LUS DANG DBANG PO RGYAS GYUR CIG ,MTHU STOBS LDAN CING BDE GYUR CING, ,SDUG BSNGAL KUN LAS THAR BAR SHOG ,DGA' DANG BYANG CHUB SEMS LDAN CING, ,DBANG PO RNAMS KYI SPYOD YUL DU, ,'DOD DGU'I LONGS SPYOD
LDAN GYUR CIG ,NYAMS PA'I LUS SOGS GSOS SHING RGYAS, ,YAN LAG TSANG ZHING BDE GYUR CIG ,KLU NAD THAMS CAD GSOS GYUR NAS, ,SDUG BSNGAL KUN LAS THAR BAR SHOG ,NGAN SONG GSUM LAS YONGS GROL TE, ,TSANGS PA'I TSE DANG LDAN GYUR CIG ,CHOS SPYOD DBANG PO DUL NAS KYANG, ,SENG GE'I SGRA YI ZHAL MTHONG SHOG ,SNGAGS DANG SMAN SOGS BYIN RLABS KYIS, ,BSAM NGAN SBYOR RTZUB ZHI GYUR NAS, ,BCINGS PA'I NAD LAS GROL BAR MDZOD, ,N'A GA R'A DZA PHU: SH'ANTIm KU RU SV'AH'A, BSDU NA DE TZAM BYA, RGYAS PAR NA, CHAG TSAD KU BA'I BDUD RTZI YIS, ,MGO BO NYAMS PA GSOS GYUR CIG ,GZE MA 'PHANG CHEN BDUD RTZI YIS, ,SKRA LA NYAMS PA x, MU TIG SHEL GONG BDUD RTZI YIS, ,KLAD PA NYAMS PA x, SPU SHEL RTZI YI BDUD RTZI YIS, ,RNA BA NYAMS PA x, KHRA BO GZI YI BDUD RTZI YIS, ,SPYAN MIG NYAMS PA x, RGYA SPOS DRI YI BDUD RTZI YIS, ,SNA NI NYAMS PA x, MGRON BU DKAR PO'I BDUD RTZI YIS, ,SO NI NYAMS PA x, LE BRGAN DAR GYI BDUD RTZI YIS, ,LJAGS NI NYAMS PA x, BU RAM BZANG PO'I BDUD RTZI YIS, ,SHA NYAMS PA NI x, SNYING PO ZHE SHA'I BDUD RTZI YIS, ,DON SNYING x, RGYA MTSO LBU BA'I BDUD RTZI YIS, ,GLO BA NYAMS PA x, GUR KUM BZANG PO'I BDUD RTZI YIS, ,MCHIN PA x, MKHAL MA ZHO SHA'I BDUD RTZI YIS, ,MKHAL MA x, BTZOD MDUNG DMAR PO'I BDUD RTZI YIS, ,RGYU MA NYAMS x, DBANG PO LAG PA'I BDUD RTZI YIS, ,LAG PA x, CHU SRIN SDER MO'I
, ,BDUD RTZI YIS, ,RKANG PA NYAMS PA x, DUNG DKAR GA-YAS 'KHYIL BDUD RTZI YIS, ,RUS PA NYAMS PA x, MTSAL CHEN DA CHU'I BDUD RTZI YIS, ,KHRAG NI NYAMS PA x, RAS SKUD DMAR PO'I BDUD RTZI YIS, ,TSE SROG NYAMS PA x, RMA BYA'I MDONGS KYI BDUD RTZI YIS, ,BKRAG MDANGS x, RIN CHEN SNA LNGA'I BDUD RTZI YIS, ,NOR DBYIG NYAMS PA x, 'BRU SNA LNGA YI BDUD RTZI YIS, ,YUL KHAMS NYAMS PA GSOS GYUR CIG ,CES PA DANG SNGAGS BRJOD CING RTZI SMAN GYI BUM CHUS GZUGS 'GROS RNAMS LA GTOR, 'DI LTAR 'PHRIN LAS 'CHOL ZHING 'DOD DON GSOL BA NI, KLU CHEN PO BRGYAD DANG DE DAG GI 'KHOR KLU RGYAL RIGS RJE RIGS, BRAM ZE'I RIGS, DMANGS RIGS, GDOL PA'I RIGS RNAMS DANG, GZHAN YANG KLU BDUD KLU BTZAN KLU GNYAN SA BDAG SA SRIN LA SOGS PA KHYED RNAMS LA MCHOD GTOR PHUL NAS 'PHRIN LAS GSOL BA NI, BDAG DANG CHE GE MO 'KHOR DANG BCAS PA BYA BA MANG ZHING SPYOD PA RTZING BAS SA BRKOS, BRAG GSHAGS, NA SLOG ,SHING BCAD, RDO BRKOS, CHU DKRUGS, MI GTZANG BA'I THABS GZHOB SOGS BAG MED PA'I SPYOD PA BGYIS PAS, KLU GNYAN SA BDAG RNAMS KYI LUS LONGS SPYOD DON SNYING NYAMS PA'I GNOD PA DANG, THUGS ZUR SPYAN ZUR LA PHOG PA THAMS CAD GSOS PAR GYUR CIG ,DE LTAR GSOS PAS KHYED RNAMS KYI MTHONG DUG ,REG DUG ,MCHE
BA'I DUG ,KHA RLANGS KYI DUG ,SBYAR BA'I DUG RNAMS KYIS BSKYED PA'I MDZE DANG, 'BRAS DANG, SHU BA DANG, PHOL MIG DANG, BAS BLDAGS DANG, GA-YAN PA DANG, ME DPAL DANG, DREG GRUM DANG, RKANG 'BAM DANG, DMU CHU LA SOGS PA'I NAD RNAMS ZHI ZHING MI 'BYUNG BAR MDZAD DU GSOL, CES 'PHRIN LAS BCOL LA GDENGS KA'I PHYAG RGYA BCAS TE DAM TSIG SGRAG PA NI, H'Um NGA NI 'JIG RTEN DBANG PHYUG STE, ,KLU RGYAL 'KHOR DANG BCAS PA NYON, ,CHOS BSHAD BDEN TSIG MI NYAN NA, ,RIG SNGAGS RGYAL PO'I BKA' BCAG PAS, ,GSO BA'I SMAN RNAMS THAMS CAD KUN, ,MTSON CHA'I CHAR DU GYUR NAS NI, ,LUS KYI GNAD LA GZER BAR BYED, ,BCAD CING BCAD CING DUM BUR 'GYUR, ,MNGAR GSUM LA SOGS GTOR MA YANG, ,DUG CHEN HA LA HA LAR 'GYUR, ,SMYO DANG RMONGS PAR GYUR NAS NI, ,TSA BA CHEN POS GCING BAR BYED, ,DES NA DUS RNAMS THAMS CAD DU, ,DAM TSIG 'DI NI RTAG TU BSRUNGS, ,AOm A'A: HR'I: SIm HA NA DA SA MA YA RAKshA RAKshA H'Um PHAt, CES BRJOD PAS DAM LA GNAS PAR BSAM MO, ,DE NAS DBANG BUM GYI NANG NA YOD PA'I GTZO BOS DBANG BSKUR BAR BSAMS LA, GZUNGS THUNG GI RJES SU, SARBA N'A GA DU: KHA PRA SHA MA NA YE AA BHI shINYTZA, ZHES LAN GSUM MAM BDUN GYIS KLU RNAMS LA DBANG BSKUR, YANG GZUNGS KYI MJUG LA, SARBA N'A GA KU LA PANYTZA DU: KHA PRA SHA MA NA YE AA BHI shINYTZA, ZHES KLU RIGS BZHI DANG, YANG GZUNGS LA, SARBA BH'U MI PA TI DU:
, ,KHA ZHES SOGS KYIS SA BDAG RNAMS LA DBANG BSKUR BAS DGYES BZHIN DU BSRUNG SKYOB BYED PAR BSAM MO, ,DE NAS BUM CHUS LHA LA SKU KHRUS GSOL TE DBANG BUM NYID DU BLUG NAS, BSGRUB BYA 'KHRU ZHING, GTZUG NA YID BZHIN NOR BU CAN, ,MIG NI GDANGS PA LTO 'PHYE'I RIGS, ,KLU CHEN BRGYAD PO MTHONG BA'I DUG ,BZOD DKA'I DUG RNAMS PHYIR PHYUNG ZHIG ,GTZO BO'I GZUNGS DANG BUM BSKYED DU BSHAD PA'I SNGAGS BRJOD PA'I RJES LA; CHE GE MO'I SDIG PA DANG SGRIB PA THAMS CAD SH'ANTI KU RU SV'AH'A, DE BZHIN DU SBYAR TE, NAD THAMS CAD x, RIMS THAMS CAD x, GDON THAMS CAD x, NYE BAR 'TSE BA x, DUS MA YIN PAR 'CHI BA THAMS CAD x, 'KHON DANG GRIB THAMS CAD x, BYAD DANG BYUR THAMS CAD x, SKAL BA NGAN PA THAMS CAD x, RMI LTAS DANG MTSAN MA NGAN PA THAMS CAD x, MTSAN MO NAG MO'I GDON THAMS CAD x, BDUD KYI ZHAGS PA THAMS CAD x, GSHIN RJE'I PHO NYA THAMS CAD x, BGEGS DANG LOG 'DREN THAMS CAD x, LO SKEG ZLA SKEG ZHAG SKEG DUS SKEG SOGS MDOR NA BKRA MI SHIS PA THAMS CAD SH'NTIm KU RU SV'AH'A, LUS CAN MGO BO THA DAD LA, ,ZHE SDANG DRAG PO RGYAL PO'I RIGS, ,RIGS BZHI KLU BRGYAD YID KYI DUG ,BZOD DKA'I DUG RNAMS PHYIR PHYUNG ZHIG ,GSHED LA GNAS PA MDZANGS PA'I RIGS, ,GTZANG MA PHAL LA GNOD MI BYED, ,KLU BRAN 'BUM SDE REG PA'I DUG ,BZOD DKA'I DUG RNAMS x, ZHE NGAN GNAG
PA BYOL SONG RIGS, ,RMIG BZHI LCAGS LA NA BUN 'THIBS, ,GNYAN CHEN 'BUM SDE KHA RLANGS DUG ,BZOD DKA'I DUG x, DMAN PA'I CHA 'DZIN ZHE SDANG CAN, ,BDEN PA MI NYAN KUN LA GNOD, ,SA BDAG SDE BZHI MCHE BA'I DUG , BZOD DKA'I DUG x, DREGS PA SDE BRGYAD 'BAR BA YI, ,GLEN PA NGA RGYAL MTHU BO CHE, ,'GRO BA 'DI LA GANG GNOD PA, ,BZOD DKA'I DUG x, SBYOR GZHAN RAB TU KHROS PA'I PHO NYA NI, ,SPRUL PA 'BUM SDES 'GRO LA GNOD PA SKYEL, , SMAN DANG SNGAGS DANG PHYAG RGYA TING 'DZIN GYIS, ,BZOD DKA'I MI BZAD DUG RNAMS PHYIR PHYUNG ZHIG ,CES BRJOD CING LEGS PAR 'KHRU'O, ,DE NAS BYA BA PA NI, RMA BYA'I MDONGS KYI STENG DU ZLA DKYIL LA RJE BTZUN GYI GZUNGS SNGAGS ME LTAR 'BAR BA'I 'OD KYIS BKRUS PAS MA DAG PA'I NAD GDON RNAMS BYANG STE DRI CHU'I NANG DU DOR BA'I MOS PA GYIS SHES BRJOD LA GONG GI SH'ANTIm KU RU'I GNAS SU AA PA NA YE SV'AH'A, ZHES BYAB BO, ,DE NAS BSRUNG BA NI, BSGRUB BYA'I SPYI BO SOGS GNAS RNAMS SU, RDO RJE RGYA GRAM DU BZHAG PAS RDO RJE'I GO BSKON TE PHYIN CHAD GNOD PAS MI TSUGS PAR GYUR PA'I MOS PA MDZOD, GONG LTAR SH'ANTIm KU RU'I GNAS SU RAKshA RAKshA ZHES BRJOD LA SENG GE'I SGRA'I BSRUNG SKUD DKAR PO YANG BTAGS TE, RGYAL BA RGYAL SRAS BDEN PA'I BYIN RLABS DANG, ,RJE BTZUN SENG GE'I SGRA YI THUGS RJE YIS, ,'GRO BA 'DI LA BDAG GIS BSRUNGS ZIN GYIS, ,'DI LA SUS KYANG GNOD PAR MA BYED CIG ,
, ,RTZA BRGYUD KYI BLA MA DANG, DKON MCHOG GSUM RE RE DANG, RJE BTZUN SENG GE'I SGRA DANG, KLU'I RGYAL PO RNAMS DANG, DPAL MGON DAM PA CHOS SKYONG BA'I BSRUNG MA RNAMS KYI BDEN PA DANG, BDEN PA CHEN POS BYIN GYIS BRLABS KYIS, CHE GE MO KLU GNYAN SA BDAG GI GNOD PA DANG, NAD GDON BAR CHAD MI MTHUN PHYOGS THAMS CAD LAS RGYAL BAR GYUR CIG ,DZA YA DZA YA SIDHI SIDHI PHA LA PHA LA HO: NYIN MO BDE LEGS ZHES SOGS KYI SHIS PA BRJOD CING ME TOG GTOR, DE'I RJES CHA GSUM LTAR BGEGS GTOR BTANG, GDON DE RANG GI GNAS SU DENGS, ZHES PA DANG, YANG; AOm CHEN PO'AM ZHES PA NAS SA BDAG RANG GI GNAS SU DENGS, BH'U MI PA TI SA PA RI W'A RA BADZRA MU SA BDAG 'KHOR BCAS RANG GNAS SU GSHEGS PAR GYUR, ZHES 'DON PA SGYUR, DA NI KLU RNAMS GSHEGS SU GSOL, ,RGYAL RIGS DKAR PO SHAR DU GSHEGS, ,BRAM ZE SER PO LHO RU GSHEGS, ,RJE RIGS DMAR PO NUB TU GSHEGS, ,DMANGS RIGS SNGON PO BYANG DU GSHEGS, ,GDOL PA NAG PO MTSAMS SU GSHEGS, ,SA YI BDAG PO SA LA GSHEGS, ,RDO YI BDAG PO RDO LA GSHEGS, ,CHU YI BDAG PO CHU LA GSHEGS, ,SHING GI BDAG PO SHING LA GSHEGS, ,RANG RANG SO SO'I GNAS LA GSHEGS, ,SARBA N'A GA R'A DZA SA PA RI W'A RA BADZRA MU KLU RGYAL 'KHOR DANG BCAS PA RANG GNAS SU GSHEGS PAR GYUR, DE NAS NAD PA GU GUL GYIS BDUGS YUNGS KAR GYIS BRABS,
DRAG SNGAGS KYIS BGEGS BSKRAD, BUM CHU 'THOR BAS SNA DRANGS, DE'I RJES RIM BZHIN BKRUS PA'I DRI CHU DANG BGEGS GTOR SA BDAG GI GZUGS DANG GTOR MA KLU'I GZUGS DANG GTOR MA BRDZANGS, SLOB DPON GYIS RTING MNAN ROL MO'I SGRA DANG BCAS PAS DRI CHU BGEGS GTOR SOGS CI RIGS PAR DOR, KLU DANG SA BDAG GI GZUGS BRNYAN GTOR MA DANG BCAS PA RGYA MTSOR 'BAB PA'I 'BAB CHU 'AM KLU GNAS PA'I CHU MIG TU BSKYAL LA BYA KHYI SOGS KYI MI KHYER BAR BYA'O, ,MDUN BSKYED KYI SKABS SU 'ANG KLU DANG SA BDAG GSO BA DAM SGRAGS DBANG BSKUR BA SOGS BYAS NA LEGS, MTHAR 'GRE BA'I TSE 'OD KYI LCAGS RI 'GROL BA SOGS SHES PAR BYA ZHING, NANG DU SLEB PA DANG DKYIL 'KHOR GYI LHA LA MCHOD BSTOD BZOD GSOL, 'DOD DON GSOL BTAB BSNGO BA SMON LAM SHIS BRJOD KYIS BRGYAN PAR BYA'O, ,YANG PHYAG RDOR LA BRTEN PA'I GDON 'GROL BYED NA'ANG, LHA DRUG GI SGO NAS MNGON RTOGS SNGAGS DANG BCAS PA BSGYUR BA DANG, BSTOD PA DANG SENG GE'I SGRA ZHES PAR, PHYAG NA RDO RJE ZHES PA'I KHYAD PAR SBYOR BA MA GTOGS, SBYOR DNGOS MJUG GSUM BRJOD MA THAG PA JI LTA BA BZHIN NO, ,SNYIGS MA LNGA BDO BA'I KLU GNYAN SA BDAG RNAMS GDUG RTZUB LHAG PAR CHE ZHING MI RNAMS KYANG SA BRKO RDO SLOG SOGS BYED SPYOD MANG BA'I RGYUS, MDZE SOGS 'OG GDON LAS GYUR PA'I NAD RIMS BU YUG LTAR 'TSUBS PA'I DUS 'DIR, 'DI LTA BU'I GDAMS PA LA BRTEN NA 'OG GDON GYI GNOD PAS
, ,GDUNGS PA MYUR DU THAR BAR 'GYUR ZHING, PHYIS KYANG KLU DANG SA BDAG GI GNOD PA 'BYUNG BAR MI 'GYUR TE, JI SKAD DU, RTZOL BA DRAG POS RTOG PA'I NAD LAS THAR, ,YUN DU MA GTANG DANG LDAN DANG BSRINGS NA, ,TAKshA KA YIS BZUNG BAR GYUR PA YANG, ,ZLA BA DRUG GIS ZLOG 'GYUR THE TSOM MED, CES GSUNGS PA'I PHYIR RO, ,SMRAS PA, MA LA YA YI NAGS TSAL LAS, ,GA PUR GSAR PA'I DRI BSUNG BZHIN, ,RGYUD DANG RGYA GZHUNG SKYED TSAL LAS, ,'ONGS PA'I GDON 'GROL AUTPAL 'PHRENG, ,SKAL BZANG RNAM DPYOD LDAN PA YI, ,MGRIN PA MDZES PAR BYED PA'I RGYAN, ,DO SHAL GZHAN BZHIN SPEL BA YI, ,BYED PO CHOS KYI RGYAL MTSAN NYID, ,DE LAS 'ONGS PA'I LEGS DPYAD 'O MA'I MTSO, ,GANGS RI'I TOG LTAR DKAR BA BSRUBS PA DES, ,'GRO KUN SKYE RGA NA 'CHI LAS 'DAS PA'I, ,BDUD RTZI'I SNYING PO MCHOG DE MYUR THOB SHOG ,CES RJE BTZUN SENG GE'I SGRA DANG PHYAG RDOR GYI RIGS CI RIGS LA'ANG SBYAR DU RUNG BAS BDAG GDON 'GROL JI LTAR BYA BA'I TSUL BYA RGYUD THUN MONG MA YIN PA'I LUGS GTZANG MAR BYAS PA'I CHO GA 'OG GDON GYI GNOD PA LAS RNAM PAR RGYAL BA'I GDUNG SEL NOR BU'I ZLA BA ZHES BYA BA 'DI YANG DGE BA'I BSHES GNYEN DON GNYER CAN DU MAS BSKUL BA DANG, SNYIGS MA'I DUS 'DIR 'GRO BA MANG PO LA PHAN PAR YANG BSAMS TE, CHOS SMRA BA BLO BZANG CHOS KYI RGYAL MTSAN GYIS CHOS GRVA CHEN PO GANGS CAN CHOS 'PHEL GYI
GZIMS KHANG DU SBYAR BA'I YI GE PA NI BHIKshU BLO BZANG PHUN TSOGS KYIS BGYIS PA 'DIS KYANG RGYAL BA'I BSTAN PA YUN RING DU GNAS SHING RGYAS PAR GYUR CIG , ,,SHU BHAm,, ,, ` AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL, ,SARBA DZA GA TAm,, ,,