*, ,YE SHES KHYUNG KHRA'I SGRUB THABS STENG 'OG GI NAD KYI GDUNG BA SEL BA'I ZLA SHEL ZHES BYA BA BZHUGS SO,,
, ,BLA MA DANG DBYER MED PA'I RDO RJE 'DZIN LA PHYAG 'TSAL LO, YE SHES KHYUNG KHRA BSGRUB PAR 'DOD PAS, SKYABS 'GRO SEMS BSKYED SNGON DU BTANG NAS, AOm SVA BH'A WA SHUDDH'A: SARBA DHARM'A: SVA BH'A WA SHUDDHO NYA HAm, STONG PA NYID DU GYUR, STONG PA'I NGANG LAS, SNA TSOGS PADMA DANG NYI MA DANG, ZLA BA DANG SGRA GCAN GYI STENG DU, KLU'I RGYAL PO SOG MA MED MGO GA-YAS SU BSTAN NAS GAN RKYAL DU BSGYEL BA'I STENG DU, RANG GI SEMS YI GE PHROm YONGS SU GYUR PA LAS, RANG NYID YE SHES KYI KHYUNG KHRA BO ZHABS GNYIS TZOG PUR BZHUGS PA; BRLA GNYIS SA'I RANG BZHIN SER PO, LTO BA CHU'I RANG BZHIN DMAR PO, STOD ME'I RANG BZHIN DMAR PO, MGO RLUNG GI RANG BZHIN NAG PO, SPYI BO DANG GSHOG PA KHA DOG SNA TSOGS
, ,PA NAM MKHA'I RANG BZHIN CAN, PHYAG GA-YAS SKYABS SBYIN GYI PHYAG RGYAS KLU DKAR PHYOGS LA MNGON PAR DGA' BA RNAMS RJES SU 'DZIN CING, GA-YON SDIGS MDZUB KYI PHYAG RGYAS KLU NAG PHYOGS LA DGA' BA RNAMS BSDIGS PAR MDZAD PA, RVA GNYIS KYI DBUS NA KLU'I RGYAL PO LAS PHROGS PA'I YID BZHIN GYI NOR BUS BRGYAN PA, PHRAG PA GA-YAS GA-YON NA NYI MA DANG ZLA BAS BRGYAN PA, SPRIN GYI PHUNG PO LA SKU RGYAB BRTEN PA, DE'I MGRIN PAR PADMA 'DAB MA BZHI PA'I DBUS SU SANGS RGYAS KYI KHYUNG DKAR PO GA-YAS 'KHOR LO, SHAR DU RDO RJE'I KHYUNG SNGON PO GA-YAS RDO RJE, LHO RU RIN PO CHE'I KHYUNG SER PO GA-YAS RIN PO CHE, NUB TU PADMA'I KHYUNG DMAR PO GA-YAS PADMA, BYANG DU LAS KYI KHYUNG LJANG GU GA-YAS RAL GRI 'DZIN CING, GA-YON THAMS CAD RANG RANG GI KHA DOG DANG MTHUN PA'I SPRUL BZUNG NAS ZA BA, RVA DANG MCHU SDER SHIN TU MI BZAD PA DANG LDAN PA, THUGS KAR PADMA 'DAB MA BZHI PA'I DBUS SU AOm DKAR PO,
SHAR DU PA SNGON PO, LHOR KshI SER PO, NUB TU SV'A DMAR PO, BYANG DU H'A LJANG GU ,RANG GI SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, RANG GI THUGS KA'I H'Um LAS 'OD ZER 'PHROS, RANG BZHIN GYI GNAS NAS BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO: DAM TSIG PA DANG GNYIS SU MED PAR GYUR, SLAR YANG THUGS KA'I H'Um LAS 'OD 'PHROS, DBANG GI LHA RNAMS SPYAN DRANGS, DE BZHIN GSHEGS PA THAMS CAD KYIS BDAG LA MNGON PAR DBANG BSKUR DU GSOL, ZHES GSOL BA BTAB PAS, AOm BADZRI BHA BA AA BHI shI NYTZA H'Um, ZHES DBANG BSKUR LUS GANG DRI MA DAG ,CHU LHAG PA SPYI GTZUG TU GNAS PA YONGS SU GYUR PA LAS RDO RJE SEMS DPAS DBU BRGYAN PAR GYUR, MCHOD PA AARGHAm NAS SHAPTA'I BAR BYIN GYIS BRLABS NAS, AOm BADZRA GA RU dA SA PA RI W'A RA AARGHAm PRA T'I TZTSA SV'AH'A ZHES PA NAS, SHAPTA'I BAR BYA'O, ,'BYUNG BA LNGA YI KHA DOG SNA TSOGS 'BAR, ,NYON MONGS DUG LNGA 'JOMS PA'I SGRA CHEN SGROGS, ,YE SHES LNGA LDAN MKHA' LDING DBANG PO LA, ,YAN LAG LNGA YIS BTUD DE PHYAG 'TSAL LO, ,YE SHES KHYUNG LNGA'I MCHU SDER 'JIGS RUNG DANG, ,YI GE LNGA YI 'OD ZER SPRO BSDU YIS, ,'BYUNG BA LNGA LAS GYUR PA'I DUG RNAMS DANG, ,KLU RIGS LNGA YI DUG RNAMS ZHI BAR MDZOD, ,BSNYEN PA NI, THUGS KA'I SNGAGS PHRENG LAS 'OD ZER DKAR MTHING SER
, ,DMAR LJANG GU RNAMS 'PHROS PAS, LUS GANG SDIG SGRIB SBYANGS, BRTAN GA-YO'I DUG DANG, KLU DANG SA BDAG GI GNOD PA, GZA' DANG RGYAL PO'I GNOD PA SOGS, MI MTHUN PA'I PHYOGS THAMS CAD SBYANGS, YE SHES LNGA THOB PA'I NUS PA BZHAG PAR BSAMS LA, AOm PAKshI SOGS CI MANG BZLAS TE YIG BRGYA BRJOD, GTOR MA 'BUL NA, MNGON RTOGS LTAR RGYAS PA MDUN GYI NAM MKHAR SPYAN 'DREN NAM, SKAD CIG GIS SPYAN DRANGS TE THOD PA YANGS SHING RGYA CHE BA'I NANG DU, GTOR MA SHA LNGA BDUD RTZI LNGAR BSAM, AOm A'A: H'Um GIS BYIN GYIS BRLABS TE, LAN GSUM BRJOD, MDUN BSKYED KYI LJAGS 'OD KYI SBU GUS GTOR MA GSOL BAR BSAM, AOm BADZRA GA RU tA SA PA RI W'A RA AI DI BA LINGTA KHA KHA KH'A HI KH'A HI, ZHES PA LAN BDUN NAM GSUM GYIS DBUL, DE NAS GONG LTAR AARGHAm NAS SHAPTA'I BAR GYIS MCHOD, DE NAS 'PHRIN LAS BCOL BA NI, BDAG CAG 'KHOR BCAS RNAMS LA, BRTAN GA-YO'I DUG CES PA NAS, GZA' DANG RGYAL PO'I GNOD PA LAS SOGS PA, MI MTHUN PA'I PHYOGS THAMS CAD NYE BAR ZHI BA'I 'PHRIN LAS MDZOD CES PA'I 'PHRIN LAS BCOL, DE NAS MDUN GYI YE SHES PA RANG BZHIN GYI GNAS SU GSHEGS SHING, DAM TSIG PA RANG LA THIM PAR BSAM, DE LTA BU'I BSGOM BZLAS THO RANGS SNGA DRO PHYI DRO SROD KYI THUN BZHIR 'BAD
PA CHEN POS NYAMS SU BLANG BAR BYA'O, ,YE SHES KHYUNG KHRA'I SGRUB THABS, STENG 'OG GI NAD KYI GDUNG BA SEL BA'I ZLA SHEL ZHES BYA BA 'DI YANG, GZHAN LA PHAN PA'I PHYIR SH'AKYA'I DGE SLONG BLO BZANG CHOS KYI RGYAL MTSAN GYIS DAM PA SNGA MA'I GSUNG BZHIN BKOD PA'O,, SARBA MANGGA LAm,, ,, ` AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL,, SARBA DZA GA TAm,, ,,