*, ,'PHAGS PA ZHAL BCU GCIG PA'I SGRUB THABS SMYUNG BAR GNAS PA'I CHO GA NOR BU'I 'PHRENG BA ZHES BYA BA BZHUGS,,
, ,NA MO GU RU A'ARYA LO KE SHVA R'A YA, DUS GSUM RGYAL BA KUN GYI THUGS RJE LA, ,SPYAN RAS GZIGS ZHES MTSAN GSOL DE NYID KYANG, ,NGUR SMIG GAR GYIS BDAG LA SANGS RGYAS KYI, ,YE SHES MCHOG STZOL BLA MA'I ZHABS BTUD NAS, ,GRUB MCHOG DGE SLONG DPAL MO'I LUGS BZANG GI ,'PHAGS MCHOG BCU GCIG ZHAL GYI SGRUB PA'I THABS, ,SMYUNG BAR GNAS PA JI LTAR BYA BA'I TSUL, ,RGYUD DANG DAM PA'I PHYAG LEN JI BZHIN BSHAD, 'DIR 'PHAGS PA SPYAN RAS GZIGS ZHAL BCU GCIG PA BSGRUB PAR 'DOD PAS, BUM PA BSGRUB PA'I MAndALA MCHOD GTOR SOGS YO BYAD RNAMS TSAR DU DNGAR, THOG MAR SA GA ZLA BA'I YAR NGO'I TSES BCU BZHI'I LAG RIS MTHONG TZAM LA DANG POR KHRUS
, ,BYAS BLA MA'AM RTEN GYI DRUNG DU MAndALA PHUL NAS GSO SBYONG LEN PA NI, AOm PADMA AUD BHA WA YE SV'AH'A, ZHES PADMA'I RIGS KYI DAM RGYA 'CHA', AOm SARBBA TA TH'A GA TA P'A DA BANDHA N'Am KA RO MI, PHYOGS BCU NA BZHUGS PA'I SANGS RGYAS DANG BYANG CHUB SEMS DPA' THAMS CAD LA BYANG CHUB SNYING PO LA MCHIS KYI BAR DU BDAG NYID DUS THAMS CAD DU YONG YE 'BUL NA SANGS RGYAS DANG BYANG CHUB SEMS DPA' CHEN PO RNAMS KYIS BDAG BZHES SU GSOL, BDAG LA DNGOS GRUB BLA NA MED PA STZAL DU GSOL, SANGS RGYAS CHOS DANG TSOGS MCHOG LA, ,BYANG CHUB BAR DU SKYABS SU MCHI, ,BDAG DANG GZHAN DON BSGRUB SLAD DU, ,BDAG GIS BYANG CHUB SEMS BSKYED DO, ,PHYOGS BCU DAG NA BZHUGS PA YI, ,SANGS RGYAS BYANG CHUB SEMS DPA' GSON, ,BDAG GIS RDZOGS PA'I BYANG CHUB PHYIR, ,DENG NAS BYANG CHUB SEMS BSKYED DO, ZHES LAN GSUM GYIS SKYABS 'GRO SEMS BSKYED BYA, SDOM PA LEN PA NI, JI LTAR SNGON GYI DE BZHIN GSHEGS PA DGRA BCOM PA YANG DAG PAR
RDZOGS PA'I SANGS RGYAS RTA CANG SHES LTA BU GLANG PO CHEN PO, BYA BA BYAS SHING BYED PA BYAS PA KHUR BOR PA, RANG GI DON RJES SU THOB PA SRID PAR KUN TU SBYOR BA YONGS SU ZAD PA, YANG DAG PA'I BKA', LEGS PAR RNAM PAR GROL BA'I THUGS, LEGS PAR RNAM PAR GROL BA'I SHES RAB CAN DE DAG GIS, SEMS CAN THAMS CAD KYI DON GYI PHYIR DANG, PHAN PAR BYA BA'I PHYIR DANG, GROL BAR BYA BA'I PHYIR DANG, NAD MED PAR BYA BA'I PHYIR DANG, MU GE MED PAR BYA BA'I PHYIR DANG, BYANG CHUB KYI PHYOGS KYI CHOS RNAMS YONGS SU RDZOGS PAR BYA BA'I PHYIR DANG, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYA BAR BYA BA'I PHYIR DU, GSO SBYONG NGES PAR MDZAD PA DE BZHIN DU, BDAG MING 'DI ZHES BGYI BAS KYANG, DUS 'DI NAS BZUNG STE JI SRID SANG NYI MA MA SHAR GYI BAR DU, SEMS CAN THAMS CAD KYI DON GYI PHYIR DANG, ZHES PA NAS, SANGS RGYA BAR BYA BA'I PHYIR DU GSO SBYONG NGES PAR YANG DAG PAR BLANG BAR BGYI'O, ,LAN GSUM BRJOD NAS SDOM PA LEN, DENG NAS SROG GCOD MI BYA ZHING, ,RDZUN GYI TSIG KYANG MI SMRA'O, ,'KHRIG PA'I CHOS KYANG MI SPYOD CING, ,GZHAN GYI NOR YANG MI BLANG NGO, ,SKYON NI MANG PO NYER BSTEN PA'I, ,CHANG NI YONGS SU SPANG BAR BYA, ,KHRI STAN CHEN PO MI BYA ZHING, ,DE BZHIN DUS MA YIN PA'I ZAS, ,DRI DANG PHRENG BA DANG NI RGYAN, ,GAR DANG GLU SOGS SPANG BAR BYA, ,
, ,JI LTAR DGRA BCOM RTAG TU NI, ,SROG GCOD LA SOGS MI BYED LTAR, ,DE BZHIN SROG GCOD LA SOGS SPANG, ,BLA MED BYANG CHUB MYUR THOB SHOG ,SDUG BSNGAL MANG 'KHRUGS 'JIG RTEN 'DI, ,SRID PA'I MTSO LAS SGROL BAR SHOG ,CES BYA ZHING, AOm AA MO GHA SH'I LA, SAMBHA RA SAMBHA RA, BHA RA BHA RA, MAH'A SHUD DHA SATVA PADMA BI BH'U shI TA BH'U DZA, DHA RA DHA RA, SA MANTA, AA WA LO KI TE H'Um PHAt SV'AH'A, ZHES TSUL KHRIMS RNAM DAG GI GZUNGS NYER GCIG BZLAS, DE NAS BDAG BSKYED BYA BA LA THOG MAR TSOGS ZHING MCHOD PA NI, RANG GI MDUN DU RIN PO CHE DU MA LAS BYAS PA'I SA GZHI GSER GYI BYE MA BDAL BAR GYUR, AOm TZA LA BI H'Um SV'AH'A, DE'I STENG DU 'O MA'I RGYA MTSO CHEN PO NYA LCIBS LA SOGS PA'I SKYON DANG BRAL BA, PADMA DANG AUD PA LA LA SOGS PA'I ME TOG GIS BRGYAN PA, RIN PO CHE'I BYA'I TSOGS MANG PO LDING BAR GYUR, AOm BI MA LA BHA HA H'Um, DE'I DBUS SU RI RAB GRU BZHI PA, NGOS BZHI NAS GSER DANG DNGUL DANG, AINTRA N'I LA DANG SPUR LONG LAS BYAS PA'I THEM SKAS KYI PHRENG BAS BRGYAN PA, MTHA' THOG THAG DPAG BSAM GYI SHING LEGS PAR 'KHRUNGS PA LA RNAM PAR RGYAL BA'I BA DAN STOD 'PHUR BAS BRGYAN PA, DE'I STENG DU PADMA'I SDONG BU, RIN PO CHE DU MAS BRGYAN PA'I RIN PO CHE SNA TSOGS PA'I 'DAB MA CAN GSER GYI ZE BA DANG SBUR LONG GI ZE'U
'BRU DANG LDAN PA, SNYING PO'I THOG LA DNGUL GYI RI MOS BSKOR BA, DPAG TSAD DU MA'I KHYON CAN RI RAB KYI DBUS BRTOL NAS BYUNG BA'I PADMA'I STENG DU SNA TSOGS RDO RJE'I LTE BAR BHR'Um LAS GZHAL YAS KHANG GRU BZHI SGO BZHI LA SOGS PA MTSAN NYID THAMS CAD YONGS SU RDZOGS PA'I DBUS SU SNA TSOGS PADMA 'DAB MA BRGYAD PA'I LTE BA DANG PHYOGS BZHIR ZLA BA'I GDAN RE RE, NA MA: SARBBA TA TH'A GA T'A N'Am SARBBA TH'A KHAm AUDGA TE SPHA RA nA HI MAm GA GA NA KHAm SV'AH'A, STENG DU BLA BRE YANG SKAD CIG GIS BYUNG BAR GYUR, RANG NYID SKAD CIG GIS THUGS RJE CHEN POR GSAL BA'I THUGS KAR ZLA BA LA GNAS PA'I HR'I: DKAR PO'I 'OD ZER GYIS BLA MA DANG GNYIS SU MED PA'I 'PHAGS PA THUGS RJE CHEN PO ZHAL BCU GCIG PA DE BZHIN GSHEGS PA RIGS LNGA DANG BCAS PA'I LHA TSOGS LA RIG SNGAGS DANG, GSANG SNGAGS DANG, KHRO BO DANG, MNGAG GZHUG PA DANG, MNGAG GZHUG MA LA SOGS PAS NAM MKHA'I DBYINGS KHYAB CING KHOR YUG TU BSKOR BA SPYAN DRANGS GZHAL YAS KHANG GI NANG DU BZHUGS PAR GYUR, GANG GI DRIN GYIS BDE CHEN GNAS, ,SKAD CIG NYID LA 'CHAR BA GANG, ,BLA MA RIN CHEN LTA BU'I SKU, ,RDO RJE CAN ZHABS PAD LA 'DUD, ,SANGS RGYAS THAMS CAD 'DUS PA'I SKU, ,RDO RJE 'DZIN PA'I NGO BO NYID, ,DKON MCHOG GSUM GYI RTZA BA STE, ,BLA MA RNAMS LA PHYAG 'TSAL LO, ,GANG GI SKYE DANG 'JIG PA DAG ,TSUL 'DI YIS NI SPANGS GYUR PA, ,RTEN CING 'BYUNG BA GSUNGS PA YI, ,THUB DBANG DE LA PHYAG 'TSAL LO, ,
, ,SHES BYA MA LUS MKHYEN PA'I BCOM LDAN 'DAS, ,'GRO BA KUN LA BU GCIG LTA BUR BRTZE, ,LHUN GRUB RGYUN MI 'CHAD PA'I MDZAD PA CAN, ,MGON PO SPYAN RAS GZIGS LA PHYAG 'TSAL LO, ,AINTRA BHU TIS LUNG BSTAN 'PHAGS PA BSGRUBS, ,SHING 'PHEL GNAS SU MCHOG GI DNGOS GRUB THOB, ,KHA SARBA nIR CHO 'PHRUL CHEN PO BSTAN, ,DPAL LDAN DPAL MO'I ZHABS LA PHYAG 'TSAL LO, ,LNGA RIG GNAS RNAMS SBYANGS PAS PHUL DU PHYIN, ,RKANG MGYOGS LA SOGS THUN MONG DNGOS GRUB BRNYES, ,MKHA' 'GROS LUNG BSTAN MCHOG GI DNGOS GRUB THOB, ,ZLA BA GZHON NU'I ZHABS LA PHYAG 'TSAL LO, ,MI BZAD SDUG BSNGAL LAM GYI GROGS SU SHAR, , DAD PA'I STOBS KYIS BLA MA 'PHAGS PAR GZIGS, ,BRTZON 'GRUS STOBS KYIS MCHOG GI DNGOS GRUB BRNYES, ,YE SHES BZANG PO'I ZHABS LA PHYAG 'TSAL LO, ,'JAM DPAL SMRA BA'I SENG GES LUNG BSTAN NAS, ,THUGS RJE CHEN PO BSGRUBS PAS DNGOS GRUB BRNYES, ,GNAS LNGA MKHYEN PA'I BAL PO PAntI TA, ,PE NYA PA YI ZHABS LA PHYAG 'TSAL LO, ,TSOGS GNYIS ZLA BA'I DKYIL 'KHOR YONGS RDZOGS SHING, ,SGRIB GNYIS GA-YUL LAS RGYAL BA'I RGYAL MTSAN 'DZIN, ,THUGS RJE CHEN PO DGE SLONG TSUL BSTAN PA, ,BYANG CHUB SEMS DPA'I ZHABS LA PHYAG 'TSAL LO, ,GUS PAS BLA MA DAM PA NYER BSTEN CING, ,SGRUB LA BRTZON PAS DNGOS GRUB MCHOG BRNYES NAS, ,'GRO
LA BRTZE BAS GZHAN DON LHUR MDZAD PA, ,GRUB THOB NYI PHUG PA LA PHYAG 'TSAL LO, ,DAD DANG TSUL KHRIMS THOS DANG GTONG BA DANG, ,NGO TSA SHES DANG KHREL YOD SHES RAB STE, ,'PHAGS PA'I NOR BDUN LDAN PA 'GRO BA'I MGON, ,RDO RJE RGYAL PO'I ZHABS LA PHYAG 'TSAL LO, ,SBYIN PAS BSDUS PA 'GRO LA PHAN PHYIR DU, ,SNYAN PAR SMRAS NAS YID BZHIN BSGRUB NUS PA'I, ,BDAG NYID PHAR PHYIN DRUG LA RJES 'JUG PA, ,ZHANG STON DGRA 'JIGS ZHABS LA PHYAG 'TSAL LO, ,TSAD MED THUGS RJE'I SHUGS KYIS RAB BSKUL NAS, ,BYANG CHUB SEMS MCHOG BSGOM TSE BLA MA DANG, ,YI DAM GNYIS SU MED PAR GZIGS GYUR PA, ,RTZI 'DUL CHEN PO'I ZHABS LA PHYAG 'TSAL LO, ,MDUN PA'I YUL GNAS SKYES BU DAM PA BSTEN, ,BDAG GIS LEGS SMON SNGON YANG BSOD NAMS KYI, ,'KHOR LO BZHI DANG LDAN PA CHOS KYI RJE, ,BDE BA CAN PA'I ZHABS LA PHYAG 'TSAL LO, ,NYES LTUNG DRI MA'I SKYON GYIS MA GOS SHING, ,GA-YEL BA MED PAR DGE BA'I CHOS LA BRTZON, ,RGYUN CHAD MED PAR 'GRO BA'I DON MDZAD PA, ,BYANG SEMS CHU BZANG PA LA PHYAG 'TSAL LO, ,DGOS 'DOD MA LUS 'BYUNG BA'I RIN PO CHE, ,GNAS LUGS JI BZHIN RTOGS PA'I SHES RAB CAN, ,YON TAN 'BUM PHRAG DPAG TU MED PA'I GTER, ,RIN CHEN SHER 'BUM ZHABS LA 'TSAL LO, ,KUN MKHYEN THOGS PA MED PA'I BLO GROS KYI, ,BRTZE CHEN 'GRO LA DGONGS PA BZANG PO'I DPAL, ,PHUN TSOGS YON TAN KUN GYI GNYER GYUR PA'I,,
, ,SEMS DPA' CHEN PO'I ZHABS LA PHYAG 'TSAL LO, ,BYAMS PA'I RNAM SPRUL KUN MKHYEN SHES RAB DPAL, ,RGYAL BA'I SRAS PO TSUL KHRIMS MTSAN CAN DANG, ,YON TAN RIN CHEN MDZOD 'DZIN BSHES GNYEN TE, ,'GRO BA'I 'DREN PA GSUM LA PHYAG 'TSAL LO, ,LUNG RTOGS SANGS RGYAS BSTAN PA'I RGYA MTSO CHE, ,SKYABS MCHOG BSAM 'PHEL NOR BU'I DPAL GYIS PHYUG ,BLO BZANG DON GNYIS LHUN GYIS GRUB PA'I MCHOG ,MKHAS GRUB CHEN PO GSUM LA PHYAG 'TSAL LO, ,DPAL LDAN MKHAS MCHOG BYE BA'I ZUR PHUD LA, ,MKHYEN RAB MTSUNGS MED GOM PA 'GOD MKHAS PA, ,GZHUNG LUGS KUN MKHYEN SANGS RGYAS YE SHES ZHES, ,MTSAN MCHOG DON DANG LDAN LA PHYAG 'TSAL LO, ,GANG LA BDAG GIS RIG PA BSLABS PA DANG, ,MDO RGYUD BSTAN BCOS MAN NGAG RJES SU BSTAN, ,BSLAB PA NOD DANG DBANG BSKUR BYIN RLABS ZHUS, ,DNGOS KYI BLA MA RNAMS LA PHYAG 'TSAL LO, ,RAB 'BYAMS GSUNG RAB KUN LA BLTA BA'I MIG ,SKAL BZANG THAR PAR BGROD PA'I 'JUG DOGS MCHOG ,BRTZE BAS BSKYOD PA'I THABS MKHAS MDZAD PA YIS, ,GSAL MDZAD BSHES GNYEN RNAMS LA PHYAG 'TSAL LO, ,THABS MKHAS THUGS RJES SH'AKYA'I RIGS 'KHRUNGS SHING, ,GZHAN GYIS MI THUB BDUD KYI DPUNG 'JOMS PA, ,GSER GYI LHUN PO LTA BUR BRJID PA'I SKU, ,SH'AKYA'I RGYAL PO DE LA PHYAG 'TSAL LO, ,'JIG RTEN 'DREN PA'I GTZO BO TSE
DPAG MED, ,DUS MIN 'CHI BA MA LUS 'JOMS PA'I DPAL, ,MGON MED SDUG BSNGAL GYUR PA RNAMS KYI SKYABS, ,SANGS RGYAS TSE DPAG MED LA PHYAG 'TSAL LO, ,THUGS RJES KUN LA SNYOMS PA'I BCOM LDAN 'DAS, ,MTSAN TZAM THOS PAS NGAN 'GRO'I SDUG BSNGAL SEL, ,DUG GSUM NAD SEL SANGS RGYAS SMAN GYI BLA, ,BEEd'URYA'I 'OD LA PHYAG 'TSAL LO, ,CHOS SKU NAM MKHA' BZHIN DU DBYER MED KYANG, ,GZUGS SKU 'JA' TSON BZHIN DU SO SOR GSAL, , THABS DANG SHES RAB MCHOG LA MNGA' BRNYES PA'I, ,RIGS LNGA BDE BAR GSHEGS LA PHYAG 'TSAL LO, ,MTHUN PA'I SMON LAM DGE TSOGS RMAD BYUNG ZHING, ,SPYAD PA SPYOD TSE NAM YANG MCHED GYUR LA, ,BSKAL BZANG GCIG LA MDZAD PA MTHAR PHYIN PA'I, ,RDZOGS PA'I SANGS RGYAS STONG LA PHYAG 'TSAL LO, ,MGON PO THUGS RJE CHE LDAN PA, ,THAMS CAD MKHYEN PA STON PA PO, ,BSOD NAMS YON TAN RGYA MTSO'I ZHING, ,DE BZHIN GSHEGS LA PHYAG 'TSAL LO, ,DAG PA 'DOD CHAGS BRAL BA'I RGYU, ,DGE BAS NGAN SONG LAS GROL ZHING, ,GCIG TU DON DAM MCHOG GYUR PA, ,ZHI GYUR CHOS LA PHYAG 'TSAL LO, ,GROL NAS GROL BA'I LAM YANG STON, ,BSLAB PA DAG LA RAB TU GUS,, ZHING GI DAM PA YON TAN LDAN, ,DGE 'DUN LA YANG PHYAG 'TSAL LO, ,GZHON NU'I CHA LUGS 'CHANG BA PO, ,SHES RAB SGRON MES RAB TU BRGYAN, ,'JIG RTEN GSUM GYI MUN SEL BA'I, ,'JAM PA'I DBYANGS LA PHYAG 'TSAL
, ,LO; ;SANGS RGYAS KUN GYIS RAB TU BSNGAGS, ,YON TAN DAM PA KUN BSAGS PA, ,SPYAN RAS GZIGS ZHES MTSAN GSOL BA'I, ,RTAG PAR BRTZE LA PHYAG 'TSAL LO, ,STOBS PO CHE LA DRAG SHUL CHE, ,RIG SNGAGS RGYAL PO DGE BA CAN, ,GDUL DKA' PO DAG 'DUL BA PO, ,RDO RJE 'DZIN LA PHYAG 'TSAL LO, ,DUS GSUM BDE BAR GSHEGS PA CHOS KYI SKU, ,'GRO DRUG SEMS CAN RNAMS LA SPYAN RAS GZIGS, ,NAM MKHA'I LTA BUR KHYAB PA'I BCU GCIG ZHAL, ,GZI BRJID 'OD DPAG MED LA PHYAG 'TSAL LO, ,PHYAG STONG 'KHOR LOS SGYUR BA'I RGYAL PO STONG, ,SPYAN STONG BSKAL PA BZANG PO'I SANGS RGYAS STONG, ,GANG LA GANG 'DUL DE LA DER STON PA'I, ,BTZUN PA SPYAN RAS GZIGS LA PHYAG 'TSAL LO, ,SKYON GYIS MA GOS SKU MDOG DKAR, ,RDZOGS PA'I SANGS RGYAS DBU LA BRGYAN, ,THUGS RJE'I SPYAN GYIS 'GRO LA GZIGS, ,SPYAN RAS GZIGS LA PHYAG 'TSAL LO, ,SANGS RGYAS KUN GYIS RAB TU BSNGAGS, ,YON TAN DAM PA KUN BSAGS PA, ,SPYAN RAS GZIGS ZHES MTSAN GSOL BA'I, ,RTAG PAR BRTZE LA PHYAG 'TSAL LO, ,YE SHES BLA MA 'OD KYI TOG ,DE BZHIN SMON LAM BLO GROS DANG, ,DBANG PO ZHI BA 'JAM DBYANGS LA, ,BDAG NI GUS PAS PHYAG 'TSAL LO, ,'JAM DPAL PHYAG NA RDO RJE SPYAN RAS GZIGS, ,SA YI SNYING PO SGRIB PA RNAM PAR SEL, ,NAM MKHA'I SNYING PO BYAMS PA KUN TU BZANG, ,NYE BA'I SRAS
CHEN BRGYAD LA PHYAG 'TSAL LO, ,JI SNYED SU DAG CES PA NAS, PHYAG 'TSAL MCHOD PAR BGYI, ,AOm SARBBA TA TH'A GA TA A'ARYA LO KE SHVA R'A YA SA PA RI W'A RA AARGHAm NAS SPARSHA'I BAR GYIS MCHOD, MAndALA RGYAS BSDUS CI RIGS PA PHUL, LONG BYUNG TSE LTUNG BSHAGS DANG, BLA MA RDOR 'DZIN MA CI RIGS BYA, 'DOD CHAGS ZHE SDANG GTI MUG DBANG GIS NA, ZHES PA NAS, THAMS CAD RDZOGS PA'I BYANG CHUB PHYIR BSNGO'O, ,TSAD MED BZHI BSGOM, TSOGS ZHING RANG GNAS SU GSHEGS PAR GYUR, AOm SH'UN+YA T'A DZNY'A NA BADZRA SVA BH'A WA A'ADMA KONYAHAm, DE LTAR BDAG GI DE KHO NA NYID DON DAM PAR SPROS PA THAMS CAD DANG BRAL BA JI LTAR YIN PA DE BZHIN DU LHA'I DE KHO NA NYID KYANG DE BZHIN YIN PAS DE GNYIS CHU DANG 'O MA 'DRES PA BZHIN DU RNAM PAR MI RTOG PA'I SNANG BA'I SGO DE NYID DU BDAG DANG LHA'I DE KHO NA NYID DBYER MI PHYED PAR GYUR, STONG PA'I NGANG LAS, TADYA TH'A, AOm DHA RA DHA RA, DHI RI DHI RI, DHU RU DHU RU, AIttE WAttE, TZA LE TZA LE, PRA TZA LE PRA TZA LE, KU SU ME KU SU MA WA RE, AI LI MI LI; TZI TI DZVA LA AA PA NA YE SV'AH'A, ZHES PA'I SNGAGS KYI GDANGS KYI RNAM PA NAM MKHA' LA GRAG PAR GYUR, BDAG DANG LHA'I DE KHO NA NYID DBYER MI PHYED PA'I RNAM PA CAN GYI RANG GI SEMS ZLA BA'I DKYIL 'KHOR DU GYUR PA'I STENG DU SNGAGS KYI GDANGS KYI RNAM PA NAM MKHA' LA GRAG PA DE SHIN TU DAG PA'I DNGUL CHU GSER GYI BYE MA LA ZHEN PA LTAR YIG 'BRU BRIS PA'I RNAM PA CAN DU 'KHOD PA YONGS SU GYUR PA LAS PADMA 'DAB MA BRGYAD PA GSER BTZOM LTAR
, ,'BAR BA'I LTE BA LA, TAdYA TH'A, AOm DHA RA ZHES PA NAS SV'AH'A, ZHES PAS MTSAN PAR GYUR, ZLA BA PHYAG MTSAN SNGAGS DANG BCAS PA LAS 'OD ZER SNA TSOGS BYUNG BA'I RTZE MO LA 'PHAGS PA SPYAN RAS GZIGS DBANG PHYUG GI LHA'I GZUGS DPAG TU MED PA BYUNG NAS NAM MKHA'I DBYINGS THAMS CAD KHYAB PAR BYAS, RGYAL BA THAMS CAD LA MCHOD PA'I SPRIN CHEN PO SPRUL PAS LEGS PAR MCHOD, GZHAN YANG SPRIN CHEN PO SPRUL PA LAS BDUD RTZI'I CHAR RGYUN BABS PAS DMYAL BA LA SOGS PA'I 'GRO BA THAMS CAD KYI SDUG BSNGAL GYI ME RNAMS ZHI ZHING DE RNAMS TSIM PAR BYAS NAS LHA'I SKU DANG BCAS PA'I 'OD ZER SLAR LOG RANG GI SEMS ZLA BA'I DKYIL 'KHOR DANG PHYAG MTSAN SNGAGS DANG BCAS PA LA ZHUGS PA LAS, RANG NYID 'PHAGS PA SPYAN RAS GZIGS DBANG PHYUG SKU MDOG DKAR PO GZHON NU LANG TSO DAR LA BAB CING ZHABS GNYIS MNYAM PAR BZHENGS PA, MTSAN BZANG PO SUM CU RTZA GNYIS DANG DPE BYAD BZANG PO BRGYAD CUS MDZES SHING, ZHAL BCU GCIG DANG LDAN PA'I RTZA ZHAL DKAR GA-YAS LJANG GA-YON DMAR BA, DE'I STENG MA DBUS LJANG GA-YAS DMAR GA-YON DKAR BA, DE'I STENG MA DBUS DMAR GA-YAS DKAR GA-YON LJANG BA THAMS CAD 'DZUM ZHING ZHI BA, DE'I STENG NA KHRO ZHAL MTHING KHA MCHE BA GTZIGS SHING SPYAN GSUM PA, KHRO GNYER DANG
LDAN CING RAL PA DMAR SER GYEN DU 'BAR BA, DE'I SPYI BOR ZHI BA'I ZHAL DMAR PO 'DZUM ZHING GTZUG TOR DANG BCAS PA TSANGS PAR SPYOD PA'I CHA LUGS 'DZIN CING MGUL PA DANG LDAN PA, PHYAG DANG PO GNYIS THUGS KAR THAL MO SBYAR BA, GA-YAS GNYIS PA NA SHEL PHRENG, GSUM PA NA MCHOG SBYIN GYI PHYAG RGYA LAS BDUD RTZI 'BAB PA'I RGYUN GYIS YI DVAGS TSIM PAR BYED PA, BZHI PA NA 'KHOR LO BSNAMS PA, GA-YON GYI GNYIS PA NA GSER GYI PADMA, GSUM PA NA RIL BA SPYI BLUGS, BZHI PA NA MDA' GZHU BSNAMS PA, PHYAG LHAG MA DGU BRGYA DANG DGU BCU RTZA GNYIS PADMA'I 'DAB MA LTAR 'JAM ZHING MCHOG SBYIN MDZAD PA, PHYAG THAMS CAD KYI MTHIL NA ZHI BA'I SPYAN RE RE MNGA' ZHING, PHYAG RNAMS YAR DBU'I GTZUG TOR DANG, MAR PUS MO'I LHA NGA LAS MI 'DA' BA RI DVAGS KYI PAGS PAS NU MA GA-YON PA BKAB CING, RAS BZANG PO'I SHAM THABS LA NOR BUS SPRAS PA'I GSER GYI SKA RAGS BCINGS PA, RAL PA DMAR SER 'KHYUG PAS MDZES SHING, DAR DANG RIN PO CHE'I RGYAN BRGYAD KYIS BRGYAN PA, SNA TSOGS PADMA 'DAB MA BRGYAD PA'I LTE BAR ZLA BA'I GDAN LA 'OD KYI DKYIL 'KHOR 'BAR BAS BSKOR BA, SEMS DPA' GSUM GYI BDAG NYID CAN DU GYUR PA'I, SPYI BOR AOm LAS 'KHOR LO DKAR PO'I LTE BAR AOm GYIS MTSAN PA, MGRIN PAR A'A: LAS PADMA DMAR PO'I LTE BAR A'A: SA MTSAN PA, THUGS KAR H'Um LAS
, ,RDO RJE SNGON PO'I LTE BAR H'Um GIS MTSAN PA, AOm PADMA AUD BHA WA YE SV'AH'A, ZHES PADMA'I DAM RGYA GNAS LNGAR REG LA BYIN GYIS BRLABS, SLOB DPON SANGS RGYAS GSANG BAS YE SHES PA DGUG GZHUG SOGS MA BSHAD PA LTAR, MTSAMS 'DIR BZLAS PA BYAS KYANG RUNG BAR GSUNGS LA, PAntI TE GZHAN GYIS YE SHES PA DGUG GZHUG DBANG BSKUR RGYAS BTAB BYED PA GSUNGS PA LTAR BYA BAR 'DOD NA 'DI LTAR, RANG GI THUGS KA'I TING NGE 'DZIN SEMS DPA'I 'OD ZER GYIS PO TA LA NAS 'PHAGS PA SPYAN RAS GZIGS DBANG PHYUG SANGS RGYAS DANG BYANG CHUB SEMS DPA'I TSOGS DANG BCAS PA SPYAN DRANGS, MA LUS SEMS CAN KUN GYI MGON GYUR CING, ,BDUD SDE DPUNG BCAS MI BZAD 'JOMS MDZAD LHA, ,DNGOS RNAMS MA LUS YANG DAG MKHYEN GYUR PA'I, ,BCOM LDAN 'KHOR BCAS GNAS 'DIR GSHEGS SU GSOL, ,AOm SARBBA TA TH'A GA TA AARYA LO KI SHVA RA SA PA RI W'A RA AE HYA HI, BADZRA SA MA YA DZA: DZA: DZA: H'Um BAm HO: GNYIS SU MED PAR GYUR, SLAR YANG THUGS KA'I HR'I: LAS 'OD ZER 'PHROS, DBANG GI LHA RNAMS SPYAN DRANGS, DE BZHIN GSHEGS PA THAMS CAD KYIS MNGON PAR DBANG BSKUR DU GSOL, ZHES GSOL BA BTAB PAS, JI LTAR BLTAMS PA TZAM GYIS NI, ,LHA RNAMS KYIS NI KHRUS GSOL LTAR, ,LHA YI CHU NI DAG PA YIS, ,DE BZHIN BDAG GIS KHRUS BGYI'O, ,AOm SARBBA TA TH'A GA TA AA BHI shE KA TA SA MA YA SHRI YE A'A: H'Um, ZHES
DBANG BSKUR PAS LUS THAMS CAD GANG, BDE BA CHEN PO MYONG, DRI MA THAMS CAD DAG CHU LHAG MA SPYI GTZUG TU GNAS PA YONGS SU GYUR PA LAS BLA MA'I NGO BO 'OD DPAG MED KYIS DBU BRGYAN PAR GYUR, MCHOD PA RNAMS HR'I: BADZRA KRO DHA HA YA GR'I BA HU LU HU LU H'Um PHAt, CES PAS BGEGS BSKRAD, SVA BH'A WAS SBYANGS, STONG PA'I NGANG LAS BHRUm LAS RIN PO CHE'I SNOD YANGS SHING RGYA CHE BA RNAMS KYI NANG DU, AOm 'OD DU ZHU BA LAS BYUNG BA'I LHA RDZAS LAS GRUB PA'I MCHOD YON, ZHABS BSIL, ME TOG ,BDUG SPOS, MAR ME, DRI: ZHAL ZAS ROL MO LA SOGS PA RNAMS DVANGS SHING THOGS PA MED PA NAM MKHA' DANG MNYAM PA ZAG PA MED PA'I BDE BA KHYAD PAR CAN BSKYED PAR GYUR, AOm AARGHAm, P'ADYAm, DH'U PE, A'A LO KE, GANDHE, NEE WI TYA, SHAPTA A'A: H'uM, GIS BYIN GYIS BRLABS, AOm SARBBA TA TH'A GA TA A'ARYA LO KE SHVA RA SA PA RI W'A RA AARGHAm, ZHES SOGS KYIS MCHOD, SKYON GYIS MA GOS, ZHES SOGS SHLOO KA GCIG GIS BSTOD, RANG GI THUGS KA'I TING NGE 'DZIN SEMS DPA' MTHA' SKOR DU GZUNGS KYIS BSKOR BA'I YIG 'BRU RNAMS LAS 'OD ZER 'PHROS 'DUS DON GNYIS BYAS 'KHYER SO GSUM GYI RNAL 'BYOR DANG LDAN PAS, NA MO RATNA TRA Y'A YA, NA MA: A'ARYA DZNYA NA S'A GA RA, BEE RO TZA NA, BY'U HA R'A DZ'A YA, TA TH'A GA T'A YA, AARHA HE, SAm MYA KA SAm BUDDH'A YA, NA MA: SARBBA TA TH'A GA TE BHYO:, AARHA TE BHYA: SAm MYA KA SAm BUDDHE BHYA:, NA MA: A'ARYA AA WA LO KI TE SHVA RVA YA, BO DHI SA TV'A YA, MAH'A
, ,SA TV'A YA, MA H'A K'A RU nI K'A YA, TADYA TH'A, AOm DHA RA DHA RA, DHI RI DHI RI, DHU RU DHU RU, AIttE WAttE, TZA LE TZA LE, PRA TZA LE PRA TZA LE, KU SU ME KU SU MA WA RE, AI LI MI LI TZI TI DZVA LA, AA PA NA YE SV'AH'A, ZHES GZUNGS RGYAS BSDUS CI RIGS BRGYA RTZA BRGYAD BZLAS NAS, DGE BA 'DI YIS MYUR DU BDAG ,CES SOGS DGE BA BSNGO'O, ,DE NAS BUM BSKYED NI, BUM PA KHA RGYAN MGUL CHINGS NANG RDZAS SOGS, PHUN SUM TSOGS PAR BYAS PA GNYIS SAM GCIG HR'I: BADZRA TA KRi TA KYIS BSANGS SH'U N+YA T'ASA SBYANGS, STONG PA'I NGANG LAS BAm LAS BYUNG BA'I RIN PO CHE'I BUM PA DKAR PO LTO BA CHE BA, MGRIN PA RING BA, MCHU 'PHYANG BA LA SOGS PA MTSAN NYID THAMS CAD DANG LDAN PAR GYUR; AOm T'APTE T'APTE MAH'A T'A PTE YE SV'AH'A, LHA'I CHU BO GANGG'A DANG BUM PA'I CHU DBYER MI PHYED PAR GYUR PA'I STENG DU, PAm LAS PADMA 'DAB MA BRGYAD PA'I LTE BAR AA LAS ZLA BA'I DKYIL 'KHOR, TADYA TH'A, AOm DHA RA ZHES PA NAS SV'AH'A, ZHES PA'I SNGAGS KYI GDANGS KYI RNAM PA NAM MKHA' LA GRAG PAR GYUR, ZLA BA'I STENG DU SNGAGS KYI GDANGS KYI RNAM PA NAM MKHA' LA GRAG PA DE SHIN TU DAG PA'I DNGUL CHU ZHES PA NAS, LHA'I SKU DANG BCAS PA'I 'OD ZER SLAR LOG NAS ZLA BA'I DKYIL 'KHOR PHYAG MTSAN SNGAGS DANG BCAS PA LA ZHUGS PA LAS 'PHAGS PA SPYAN RAS GZIGS DBANG PHYUG ,CES PA NAS, SEMS DPA' GSUM GYI BDAG NYID CAN DU
GYUR; BUM PA GNYIS YOD NA LAS BUM DANG, GCIG YIN NA GTZO BO'I MDUN DU, HR'I: LAS KHRO RGYAL RTA MGRIN SKU MDOG DMAR PO ZHAL GCIG PA MCHE BA GTZIGS SHING SPYAN GSUM PA, DBU SKRA KHAM NAG GYEN DU 'BAR BA'I KHROD NAS RTA MGO LJANG NAG RTA SKAD 'TSER BA, PHYAG GNYIS KYI GA-YAS PADMASA MTSAN PA'I DBYUG THO 'PHYAR ZHING, GA-YON THUGS KAR SDIGS MDZUB MDZAD PA, THOD PA SKAM RLON DANG SBRUL GYIS BRGYAN CING, STAG GI PAGS PA'I SHAM THABS CAN, GA-YON BRKYANGS KYIS ME DPUNG 'BAR BA'I DBUS NA BZHUGS PA GTZO 'KHOR RNAMS KYI SPYI BOR AOm LAS 'KHOR LO DKAR PO'I LTE BAR AOm GYIS MTSAN PA, ZHES PA NAS BSTOD PA'I BAR BDAG BSKYED JI LTA BA BZHIN BYA, BZLAS PA'I TSE, BUM NANG GI LHA'I THUGS KA'I SA BON LAS 'OD ZER 'PHROS SNOD BCUD SBYONG BA DANG, SANGS RGYAS BYANG SEMS THAMS CAD MCHOD PAS MNYES PAR BYAS NAS, DE RNAMS KYI BYIN RLABS THAMS CAD SPYAN DRANGS BUM CHU LA THIM ZHING, BUM NANG GI LHA'I SKU DANG SNGAGS 'PHRENG LAS KYANG NYES PA DANG SDIG SGRIB SEL BA'I BDUD RTZI BABS PA BUM CHU DANG RO GCIG TU GYUR PAR BSAMS LA GZUNGS RING THUNG CI RIGS DANG, RTA MGRIN GYI SNYING PO BRGYA RTZA BRGYAD BZLA, YI GE GSUM YANG BZLA ZHING MCHOD YON PHUL, RGYAS PAR SPRO NA GTOR MA DANG MCHOD BSTOD MDOR BSDUS BYAS NAS, BZOD PAR GSOL TE, YE SHES PA RANG
, ,BZHIN GYI GNAS SU GSHEGS, DAM TSIG PA ZHU, BUM PA'I CHU DANG RO GCIG TU GYUR PAR BSAMS LA DGE BA BSNGO, DE NAS MDUN BSKYED NI MDUN DU RAS BRIS SAM, RDUL TSON GYI DKYIL 'KHOR RGYAS PA'AM, MDOR BSDU NA MAntALA GYI STENG DU PADMA 'DAB BRGYAD LTE BAR TSON SPUNGS DANG BCAS PA, RDUL TSON NAM ME TOG CI RIGS PA 'GOD, MTHA' MCHOD PAS BSKOR, BDAG BSKYED BZHIN DU MCHOD PA BYIN GYIS BRLABS, LAS SNGAGS KYIS BSANGS, SVA BH'A WAS STONG PAR SBYANGS, STONG PA'I NGANG LAS RANG GI MDUN DU RIN PO CHE DU MA LAS BYAS PA'I SA GZHI GSER GYI BYE MA BDAL BAR GYUR, CES PA NAS, STENG DU BLA BRE YANG SKAD CIG GIS BYUNG BAR GYUR, CES PA'I BAR BDAG BSKYED BZHIN BYA, TADYA TH'A, AOm DHA RA ZHES PA NAS SV'AH'A, ZHES PA'I SNGAGS KYI GDANGS KYI RNAM PA NAM MKHA' LA GRAG PAR GYUR, ZLA BA'I STENG DU SNGAGS KYI GDANGS KYI RNAM PA NAM MKHA' LA GRAG PA DE SHIN TU DAG PA'I DNGUL CHU GSER GYI BYE MA LA, ZHES PA NAS, RANG GI SEMS ZLA BA'I DKYIL 'KHOR DANG PHYAG MTSAN SNGAGS DANG BCAS PA LA ZHUGS PA LAS DBUS SU DRIN CAN RTZA BA'I BLA MA DANG DBYER MED PA'I 'PHAGS PA SPYAN RAS GZIGS DBANG PHYUG ,CES PA NAS, SEMS DPA' GSUM GYI BDAG NYID CAN DU GYUR, PHYOGS BZHI'I PAD 'DAB LA SHAR DU H'Um LAS MI BSKYOD PA SNGON PO SA GNON MNYAM GZHAG CAN, LHOR TR'Am LAS RIN 'BYUNG SER PO MCHOG SBYIN
MNYAM GZHAG CAN, NUB TU AOm LAS RNAM SNANG DKAR PO BYANG CHUB MCHOG GI PHYAG RGYA CAN, BYANG DU AA: LAS DON GRUB LJANG GU SKYABS SBYIN MNYAM GZHAG GI PHYAG RGYA CAN, LHA THAMS CAD KYI SPYI BOR AOm LAS 'KHOR LO DKAR PO'I LTE BAR AOm GYIS MTSAN PA, ZHES PA NAS DBANG BSKUR RGYAS BTAB MCHOD PA'I BAR BDAG BSKYED JI LTA BA BZHIN DANG, CUNG ZAD RGYAS PAR SPRO NA MCHOD 'PHRENG TSIGS BCAD SNGAGS DANG BCAS PA SPROS PAS CHOG GO ,DE NAS RANG GI SPYI BOR PAD ZLA'I STENG DU DGE SLONG MA DPAL MO RAB BYUNG GI RTAGS CAN THAL MO SBYAR BAS NGO CHEN BSTOD PA'I GROGS MDZAD PAR BSAMS TE, ,AOm 'JIG RTEN MGON PO LA PHYAG 'TSAL LO, ,'JIG RTEN BLA MA SRID PA GSUM GYIS BSTOD PA PO, ,LHA YI GTZO BO BDUD DANG TSANGS PAS BSTOD PA PO, ,THUB PA'I RGYAL MCHOG BSTOD NAS GRUB PAR MDZAD PA PO, ,'JIG RTEN GSUM GYI MGON PO MCHOG LA PHYAG 'TSAL LO, ,BDE GSHEGS DPAG MED SKU STE SKU BZANG 'DZIN PA PO, ,BDE GSHEGS SNANG MTHA' YAS KYI DBU RGYAN GSOL BA PO, ,PHYAG GA-YAS MCHOG SBYIN YI DVAGS BKRES SKOM SEL BA PO, ,PHYAG GA-YON GSER GYI PADMAS RNAM PAR BRGYAN PA PO, ,DRI ZHIM RAL PA'I PHRENG BA DMAR SER 'KHYUG PA PO, ,ZHAL RAS RGYAS PA ZLA BA LTA BUR MDZES PA PO, ,SPYAN GYI PADMA MCHOG TU BZANG ZHING YANGS PA PO, ,KHA BA DUNG LTAR RNAM DKAR DRI NGAD LDANG BA PO, ,DRI MED 'OD CHAGS MU TIG TSOM BU 'DZIN PA PO, ,MDZES
, ,PA'I 'OD ZER SKYA RENGS DMAR POS BRGYAN PA PO, ,PADMA'I MTSO LTAR PHYAG NI DNGAR BAR BYAS PA PO, ,STON KA'I SPRIN GYI MDOG DANG LDAN CING GZHON PA PO, ,RIN CHEN MANG POS DPUNG PA GNYIS NI BRGYAN PA PO, , LO MA'I MCHOG LTAR PHYAG MTHIL 'JAM ZHING GZHON PA PO, ,RI DVAGS LPAGS PAS NU MA GA-YON PA DKAB PA PO, ,SNYAN CHA GDU BUS SGEG CING RGYAN RNAMS 'CHANG BA PO, ,DRI MA MED PA PADMA'I MCHOG LA GNAS PA PO, , LTE BA'I NGOS NI PADMA'I 'DAB LTAR 'JAM PA PO, ,GSER GYI SKA RAGS MCHOG LA NOR BUS SPRAS PA PO, ,STA ZUR DKRIS PA'I RAS BZANG SHAM THABS 'DZIN PA PO, ,THUB PA'I MKHYEN MCHOG MTSO CHEN PHA ROL PHYIN PA PO, , MCHOG BRNYES BSOD NAMS MANG POS NYE BAR BSAGS PA PO, ,RTAG TU BDE BA'I 'BYUNG GNAS RGA NAD SEL BA PO, ,GSUM THAR MDZAD CING MKHA' SPYOD SPYOD PA STON PA PO, ,LUS CAN MCHOG STE BDUD DPUNG 'KHRUGS LAS RGYAL BA PO; ;GSER GYI RKANG GDUB SGRA YIS ZHABS YID 'ONG BA PO, ,TSANGS PA'I GNAS PA BZHI YIS DBEN PAR MDZAD PA PO, ,DANG BA'I 'GROS 'DRA GLANG CHEN DREGS LTAR GSHEGS PA PO, ,YONGS RDZOGS NYE BAR BSAGS SHING BSTAN PA GNYER BA PO, ,'O MA'I MTSO DANG CHU YI MTSO LAS BSGRAL BA PO, ,GANG ZHIG RTAG TU THO RANGS LANGS NAS GUS PA YIS, ,SPYAN RAS GZIGS KYI DBANG PO YID LA SEMS BYED CING, ,BSTOD PA'I MCHOG 'DI DAG CING GSAL BAR
BSTOD BYED NA, ,DE NI SKYES PA'AM NI BUD MED YIN KYANG RUNG, ,SKYE BA 'DI'AM MA 'ONGS SKYE BA THAMS CAD DU, ,'JIG RTEN 'JIG RTEN LAS 'DAS DGOS PA KUN 'GRUB 'GYUR, ZHES LAN NYER GCIG GIS BSTOD, 'DOD BYA'I DON LA SMON LAM RNAM PAR DAG PA GDAB CING, GTOR MA 'BUL NA BSANG SBYANGS BDUD RTZI'I RGYA MTSO CHEN POR GYUR PAR BSAMS TE, AOm A'A: H'Um, LAN GSUM GYIS BYIN GYIS BRLABS, SNGAR GYI MCHOD SNGAGS LA, SA PA RI W'A RA BA LIm TA PRA T'ITZTSA YE SV'AH'A, BTAGS PA GSUM MAM BDUN GYIS, THUGS RJE CHEN PO'I LHA TSOGS LA PHUL, GNYIS PA, MKHA' 'GRO CHOS SKYONG BSRUNG MA'I TSOGS LA AA K'A ROS 'PHUL, GSUM PA, GNAS BDAG GZHI BDAG RNAMS LA; SAMBHA RAS PHUL NAS 'PHRIN LAS 'CHOL, MJUG TU, DGE BA 'DI YIS MYUR DU BDAG ,SPYAN RAS GZIGS DBANG 'GRUB GYUR NAS, ,'GRO BA GCIG KYANG MA LUS PA, ,DE YIS LA 'GOD PAR SHOG ,BDAG GIS DGE BA'I LAS RNAMS 'DI DAG GIS, ,'JIG RTEN 'DIR NI MYUR DU SANGS RGYAS SHOG ,'GRO LA PHAN PHYIR CHOS KYANG STON BGYID CING, ,SEMS CAN SDUG BSNGAL MANG POS GZIR LAS SGROL, CES SOGS RANG GZHAN LA GNAS SKABS DANG MTHAR THUG TU PHAN BDE 'BYUNG BA'I BSNGO BA SMON LAM BKRA SHIS KYIS BRGYAN PA BYA'O, ,THUN MTSAMS SU'ANG 'KHYER SO GSUM DANG ROL PA GSUM LA SOGS PA'I RNAL 'BYOR GYIS DAL 'BYOR THOB PA DON DANG LDAN PAR
, ,BYA'O,, ,,SMRAS PA, DUNG LTAR DKAR BA'I KEE LA SHAS BSKOR KYANG, ,RMONGS PA'I MUN TSOGS 'KHRIGS PA'I BYANG PHYOGS 'DIR, ,THUGS RJE'I 'OD DKAR GSAL BAS PHAN BDE YI, ,KUNNGA'I TSAL RAB RGYAS MDZAD 'PHAGS PA'I MCHOG ,GCIG LHAG PHYOGS KYI ZHAL CAN SGRUB PA'I THABS, ,RGYU SKAR DBUS NA NYA RGYAS DBANG PO LTAR, ,ZAS GTZANG SRAS KYI BYA SPYOD RGYUD RNAMS SU, ,GSUNGS PA JI BZHIN MA 'DRES GSAL BAR BKOD,, DE LAS 'ONGS PA'I DGE TSOGS TSIG MDA'I LAM, ,'GOG PA DE YANG NAM MKHA'I MTHA' KLAS PA'I, ,MA GYUR 'GRO RNAMS GDUNG BA'I MING BRAL BA, ,BDE BA CAN DU 'JUG PA'I RGYUR GYUR CIG ,CES 'PHAGS PA ZHAL BCU GCIG PA'I SGRUB THABS SMYUNG BAR GNAS PA JI LTAR BYA BA'I TSUL 'DI YANG DON GNYER CAN MANG POS BSKUL BA'I NGOR BYA BA'I RGYUD DON YOD ZHAGS PA DANG, ZHAL BCU GCIG PA'I RGYUD NAS GSUNGS PA DANG, LUGS 'DI'I THOG MA'I SROL 'BYED DGE SLONG MA DPAL MO'I RGYA GZHUNG RNAMS TSAD MAR BYAS, RDO RJE 'CHANG CHEN PO'I LAM GYI RIM PA NAS JI LTAR 'BYUNG BA'I LEGS PAR BSHAD PAS MDZES PAR BYAS TE, CHOS SMRA BA BLO BZANG CHOS KYI RGYAL MTSAN GYIS NAG PA ZLA BA'I DKAR TSES BCO LNGA'I NYIN DPAL LDAN 'BRAS SPUNGS KYI GZIMS CHUNG NYI 'OD 'KHYIL BAR SBYAR BA'I YI GE PA NI DGE SLONG BLO BZANG PHUN TSOGS SO, ,BSLU MED DKON MCHOG
GSUM GYI THUGS RJE DANG, ,'DI BSGRUBS LAS BYUNG RAB DKAR DGE BA DES, ,SDE PA BSOD NAMS DBANG RGYAL TSE RABS KUN, ,NGAN 'GROR MI LTUNG BYANG CHUB MYUR THOB SHOG , ,,MANGGA LAm,, ` AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL,, ,SARBA DZA GA TAm,, ,