*, ,'JAM DKAR GYI SGRUB THABS SHES RAB MCHOG SBYIN CES BYA BA BZHUGS SO, ,
, ,NA MO GU RU MANYDZU GHO sh'A YA, DGE MTSAN 'OD ZER RNAM BKRA BA'I, ,ZHABS SEN SBRANG RTZI 'DZIN PA'I BSHES, ,BSTEN PA YIS KYANG BLO GROS KYI, ,PAD TSAL BZHAD PA'I DPAL DER 'DUD, ,BLANG DOR RI MO BLTA BA'I GSHED, ,MA RIG LING THOG SEL BYED PA'I, ,GDAM NGAG GSER GYI THUR MA 'DI, ,BRTZE BA'I SEMS KYIS BRI BAR BYA, ,DUS GSUM RGYAL BA THAMS CAD KYI, ,MKHYEN PA'I YE SHES GCIG BSDUS NAS, ,DRAN PA YIS KYANG SHES RAB KYI, ,MCHOG SBYIN MDZAD DE SGRUB PA'I RIGS, ,'DI LA SBYOR DNGOS MJUG GSUM LAS, , DANG PO SKYABS 'GRO SEMS BSKYED NI, ,TSAD MED BZHI LDAN RANG RGYUD DANG, ,'DRES NGES NAN TAN NYAMS SU BLANG, ,DNGOS GZHI SVA BHA WA YI SNGAGS, ,BRJOD NAS RANG GZHAN 'KHOR 'DAS
, ,KYI, ,CHOS RNAMS RANG BZHIN GYIS GRUB PAS, ,STONG PA NAM MKHA' LTA BUR BSGOM, ,STONG PA'I NGANG LAS BAm YIG LAS BYUNG RAB DKAR 'O MA'I RGYA MTSO CHE, ,PADMA AUTPAL KU MU TAS KHEBS CHU BYA SNA TSOGS RTZE ZHING LDING, ,MTHA' SKOR SNGO LJANG NE'U GSING MDZES PAR ME TOG RNAM MANG PHANG PHUNG CHAGS, ,THAL KAR SO LDAN DAL GYIS RGYU ZHING LO MA SBRANG 'DZIN 'BRAS LDAN PA'I, ,MARGA RKANG THUNG KHANG BZANG BDE BAR GNYIS SKYES MGRIN PA'I SIL SNYAN 'KHROL, ,NAGS KYI MDZES MA GA-YU YI LANG TSO MCHOG TU RGYAS PA'I GRIB BSIL LA, ,NOR BU'I RDO LEB GCAL DU BKRAM PAR BSAM GTAN MDZAD PA DU MA BZHUGS, ,YID BZHIN MTSO DBUS 'DAB STONG LDAN PA PAD DKAR RGYAS PA'I LTE BA'I STENG, ,BDE 'BYUNG GTZUG RGYAN GANG BA'I DBUS 'KHRUNGS AA YIG DKAR PO'I 'PHRO 'DU LAS,, 'JAM DBYANGS GZHON NU KUNTA LTAR DKAR BCU DRUG MDZES PA'I LANG TSO CAN, ,ZHAL DKYIL ZLA SHEL ME LONG NGOS LA SPYAN GNYIS MTHON MTHING RI DGRAS GA-YO, ,MCHU SGROS BYU RU'I SKYED TSAL LA CHAGS
TSEMS DKAR MU TIG DO SHAL RGOD, ,SMIN MA GA-YU YI NA CHUNG ZUNG 'KHYUG RAL PA'I ZUR PHUD LNGA DANG LDAN, ,PHYAG GA-YAS DUNG GI LJON PA BRKYANGS 'DRAS SHES RAB 'DOD DGU'I MCHOG SBYIN MDZAD, ,GA-YON PA DUGS KAR BRGYAD KHRI BZHI STONG CHOS PHUNG 'CHAD PA'I PHYAG RGYA BCAS, ,PHYAG ZUNG MDZES PA'I AUTPAL LTE BAR KUN RMONGS SROG GCONG KHAdGA DANG, ,RGYAL BA'I CHOS MDZOD MA RIG MUN SEL GLEGS BAM NYI MA CHEN PO BSNAMS,, GANG SKU LHA YI DGA' BA'I TSAL DE MTSAN DPE'I ME TOG PHRENG BAS MDZES, ,MTSAN DPE'I ME TOG DO SHAL DE YANG RIN CHEN RGYAN MANG BUNG BAS BRGYAN, ,ZHI ZHING 'DZUM LDAN MDZES SHING YID 'ONG RNAM BKRA DAR GYI NA BZAS KLUBS, ,'JA' TSON GUR KHYIM 'KHRIGS PA'I DBUS NA RDO RJE'I SKYIL KRUNG GIS BZHUGS PA'I, ,GNAS GSUM AOm A'A: H'Um GIS MTSAN PA'I H'Um YIG 'OD ZER LCAGS KYU YIS, ,RANG BZHIN GNAS NAS YE SHES SPYAN DRANGS DZA: H'Um BAm HO: RO CIG GYUR, ,SLAR YANG RIGS LNGA SPYAN DRANGS DBANG BSKUR MI BSKYOD MGON POS DBU LA BRGYAN, ,RGYAL BA KUN GYI YAB TU GYUR KYANG RGYAL SRAS GZHON NU'I TSUL 'DZIN CING, ,SPROS PA'I MTSAN MA MA LUS SPANGS KYANG YID 'ONG RIN CHEN MANG POS BRGYAN, ,KHRO DANG RMONGS PA'I DRI MA BCOM KYANG 'BAR BA'I RAL GRI GLEGS BAM BSNAMS, ,'JAM DBYANGS BLA MA'I ZHABS KYI PADMOR SGO GSUM GUS PAS PHYAG 'TSAL
, ,LO, ,RANG BZHIN BDE STONG RNAM PA MCHOD RDZAS ZAG MED BDE CHEN BSKYED PA YI, ,MCHOD YON ME TOG BDUG SPOS MAR ME DRI CHAB ZHAL ZAS ROL MO DANG, ,'DOD YON RNAM LNGA RIN CHEN BDUN SOGS DNGOS BSHAMS YID KYIS SPRUL PA YI, ,LHA MI'I MCHOD RDZAS KUN BZANG MCHOD SPRIN ZHING KUN RGYAS PAR BKANG STE 'BUL, ,THOG MED NAS BSAGS SDIG LTUNG KUN BSHAGS DGE TSOGS KUN LA RJES YI RANGS,, BDAG CAG 'GRO LA CHOS 'KHOR BSKOR PHYIR MYA NGAN MI 'DA' RTAG BZHUGS GSOL, ,'DIS MTSON DGE BA MA RNAMS DON DU RIG PA'I GNAS LNGA ZUNG SHES SHING, ,'CHAD RTZOD RTZOM DANG THOS BSAM SGOM PA'I SHES RAB PHUN TSOGS THOB PHYIR BSNGO, ,RI BONG 'DZIN PA LTAR DKAR GLEGS BAM RAL GRIS PHYAG MTSAN CING, ,RAB MDZES SHIN TU ZHI BA'I GZHON NU ZUR PHUD LNGA LDAN PA, ,DGA' BA RGYA CHEN MTHAR MCHOG SPYAN NI PADMA'I 'DAB LTAR YANGS, ,BLO GROS NGAN PA SROG MDZAD 'JAM PA'I DBYANGS LA 'DUD, ,DE LTAR DMIGS PA DANG BCAS PAS, ,SHUGS DRAG GSOL 'DEBS YANG YANG BYA, ,YANG NA RTZA BA'I BLA MA DANG, , DBYER MED MDUN BSKYED TSUL DU BSGRUB, ,DE NAS BDAG MDUN 'JAM DBYANGS SU, ,BSGOMS PAS SKYO NA BZLAS PA BYA, ,BDAG SNYING GYEN PHYOGS KHONG STONG DBUS, ,ZLA BA'I DKYIL 'KHOR RGYAS PA'I STENG,,
SHES RAB 'KHOR LO RTZIBS DRUG PA, ,MU KHYUD DANG BRAL LTE BA'I STENG, ,AA DKAR RTZIBS STENG YI GE DRUG ,CUNG ZAD MA REG GSAL BAR BSGOM, ,YI GE 'BAR BA'I 'OD ZER GYIS, ,DUG GSUM RGYAL BA SRAS BCAS KYI, ,MKHYEN PA'I YE SHES SPYAN DRANGS TE, ,BDAG BLO'I MUN TSOGS BSAL BAR BSGOM, ,YANG CIG AA YIG 'OD ZER LCAGS KYU YIS, ,NYAN RANG TSANGS DBANG PAndI TA SOGS KYI, ,SHES RAB LA SOGS SRID ZHI'I PHUN TSOGS KUN, ,MUN SEL 'OD DU BKUG NAS SNYING DBUS BSTIM, ,RES 'GA' 'KHOR LO GA-YAS LA YIG 'BRU GA-YON, ,MGYOGS 'KHOR RMONGS MUN 'JOMS PAR SGOM ZHING BZLA, ,BLO YIS MA LCOGS 'KHOR BA RE MOS BYED, ,YANG NA YI GE 'BAR BAR DMIGS NAS BZLA, ,AOm W'A KYE DAm NA MA: THUN BZHIR BCAD PA'I THUN NI RE RE LA'ANG, ,LNGA STONG KHRI SOGS CI RIGS BZLAS PA YIS, ,RIG GNAS LA MKHAS BSTAN BCOS KUN SHES PA'I, ,SHES RAB SNANG BA 'PHRAL DU SKYE BAR 'GYUR, ,MI BRJED DRAN PA'I GZUNGS NI THOB 'DOD NA, ,GRE PHUG AA DKAR 'PHRO 'DU'I SBYOR BA BYA, ,PHYOGS LAS RNAM RGYAL MA SHA'I MAN NGAG KYANG, ,SHES PAR BYAS NAS MKHAS PAS NYAMS SU LEN, ,MJUG TU DE LAS BYUNG BA'I DGE BA RNAMS, ,BDE MED SDUG BSNGAL BRGYA YIS GTZES PA YI, ,'GRO RNAMS BSGRAL PHYIR SHES RAB MCHOG GYUR PA, ,SGRIB BRAL KUN MKHYEN YE SHES THOB PHYIR BSNGO, ,THUN MTHA'I GTOR MTHUN MTSAMS BYA BA YANG, ,BLO LDAN RNAMS KYIS TSUL 'DIR BRTAGS
, ,NAS BYA, ,'DI NI BLUN RNAMS MKHAS PAR SGYUR BYED PA'I, ,GSER 'GYUR MAN NGAG 'DRA BA'I GDAMS PA YIN, ,YANG SMRAS PA, SKYES THOB RNAM DPYOD MCHOG DANG MI LDAN YANG, ,BSAM PA DGE BAS SHES BYA'I DKYIL 'KHOR GYI, ,LTAD MO BLTA BAR 'DOD PA'I GROGS PO DAG ,SGRUB THABS MIG SMAN 'DI NYID BSTEN PA'I RIGS, ,RIG PA'I GNAS LNGA DAG LA MA SBYANGS PAR, ,THAMS CAD MKHYEN PA THOB 'DOD GANG MO'I GNAS, ,DE PHYIR RIG GNAS RGYA MTSOR 'JUG 'DOD RNAMS, ,GDAMS PA'I GRU RDZINGS 'DI LA BSTEN PAR MDZOD, ,RGYAL BA KUN GYI MKHYEN PA'I GTER CHEN ZHES, ,GSUNG DBYANGS MTHON POS LEGS BSNGAGS DRAN PAS KYANG, ,MI SHES MUN PA KUN SEL LHAG PA'I LHA, ,'DI 'DRA SGRUB TU YOD PA SKAL BA BZANG, ,RNAM DPYOD NOR BU'I ME LONG NGOS, ,MKHA' DBYINGS RDO RJE CAN BZHU BZHIN, ,SHES BYA'I TSON RIS BYE BA BRGYA, ,'BRI BYED RI MO MKHAN 'DI YIN, ,GANG LA BRTEN NA BLO GROS KYI, ,RA BA'I KHYON YANGS GRVA GCIG NA, ,SHES BYA MTHA' DAG YUNGS 'BRU LTAR, ,'GOD BYED MIG 'PHRUL MKHAN 'DI'O, ,BDAG NI THOS NYUNG SBYANGS PA'I STOBS DMAN KYANG, ,MI GTZANG 'DAM LAS SKYES PA'I PADMO BZHIN, ,DAM PA'I GSUNG GI BCUD BSDUS RIN CHEN 'DI, ,SKAL LDAN GDENGS KA 'DZIN PA'I GTZUG TU BKOD, ,'DIS MTSON DGE BAS BYANG CHUB BAR DU BDAG ,BLA MA MCHOG DANG RJE BTZUN DBYER MED LAS, ,'BRAL MED RJES BZUNG RGYAL BA'I DAM CHOS KUN, ,
LEGS PAR 'DZIN LA 'JAM PA'I DBYANGS GYUR CIG ,CES RJE BTZUN 'JAM DBYANGS DKAR PO'I SGRUB THABS 'DI NI TSE DANG LDAN PA BLO BZANG PHUN TSOGS KYIS, YANG YANG BSKUL BA LA BRTEN NAS 'DI'I SGRUB THABS RGYA BOD KYI KHUNGS BTZUN PA RNAMS KYI SNYING PO DRIL NAS, CHOS SMRA BA'I BTZUN PA BLO BZANG CHOS KYI RGYAL MTSAN GYIS RI BO DGE LDAN DU SBYAR BA DGE LEGS 'PHEL,, ,,` (RJE BTZUN 'JAM DBYANGS AA RA PA TZA NA'I SGRUB THABS NOR BU CHU SHEL CES BYA BA BZHUGS,,) ,,*, ,NA MO GU RU MANYDZU GHO sh'A YA, 'DIR 'JAM DBYANGS AAR PA TZA NA BSGRUB PAR 'DOD PAS SKYABS 'GRO SEMS BSKYED TSAD MED BZHI BSGOM PA SNGON DU BTANG NAS 'DI LTAR, ` RANG NYID RJE BTZUN 'JAM PA'I DBYANGS SU GSAL BA'I THUGS KA'I H'Um GI 'OD ZER GYIS, RANG BZHIN GYI GNAS NAS BLA MA DANG GNYIS SU MED PA'I RJE BTZUN 'JAM PA'I DBYANGS MDUN GYI NAM MKHAR SPYAN DRANGS 'OD ZER RANG GI SNYING GAR THIM, SKU GSUM YE SHES BDE BLAG TU, ,STZOL MDZAD RTZA BA'I BLA MA DANG, ,DBYER MED MGON PO 'JAM DBYANGS LA, ,SGO GSUM GUS PAS PHYAG 'TSAL LO, ,DNGOS BSHAMS YID KYIS SPRUL PA YI, ,YID 'ONG MCHOD SPRIN RGYA MTSOS MCHOD, ,THOG MED NAS BSAGS NYES TSOGS KUN, ,BSAM PA THAG PAS BSHAGS SHING SDOM, ,RANG GZHAN RNAM DKAR DGE BA'I TSOGS, ,KUN LA RJES SU YI RANG NGO, ,ZAB RGYAS CHOS 'KHOR BSKOR BA DANG,,
, ,MYA NGAN MI 'DA' RTAG BZHUGS GSOL, ,'DIS MTSON DGE BA CI MCHIS PA, ,BLA MED BYANG CHUB THOB PHYIR BSNGO, ,DKON MCHOG GSUM LA BDAG SKYABS MCHI, ZHES SOGS LAN GSUM GYIS BYANG SDOM BZUNG, TSOGS ZHING RNAMS RANG LA THIM PAS BYIN GYIS BRLABS PAR GYUR, CES BSOD NAMS KYI TSOGS BSAGS PA'O, ,AOm SH'UN+YA T'A DZNY'A NA BADZRA SVA BH'A WA A'ATMA KONYA HAm, CHOS KUN RANG BZHIN MKHA' LTAR DAG PA'I DBYINGS,, PAm LAS 'DAB DRUG PAD DKAR LTE BAR NI, ,CHA SHAS YONGS RDZOGS RGYU SKAR BDAG PO'I STENG, ,DH'I: YIG LAS BYUNG RAL GRI DH'I: YIG GIS, ,MTSAN PA'I 'OD STONG 'BAR BAS DON GNYIS BYAS, ,SLAR 'DUS THIM PA YONGS SU GYUR PA LAS, ,BDAG NYID RGYAL BA'I YAB GCIG 'JAM PA'I DBYANGS, ,SKU MDOG LI KHRI'I MDANGS 'DRES GSER BZANG MDOG ,BCU DRUG LANG TSO RGYAS PA'I GZHON NU'I SKU, ,ZHI ZHING 'DZUM LDAN ZHAL GCIG PHYAG GNYIS KYI, , GA-YAS PAS MI SHES RMONGS PA'I 'KHRI SHING KUN, ,DRUNG NAS 'BYIN PA AUTPAL MTHING KHA YI, ,'DAB MA DANG 'DRA'I SHES RAB RAL GRI 'PHYAR, ,GA-YON PA'I CHOS 'CHAD PHYAG GIS LEGS BZUNG BA'I, ,CHU SKYES RGYAS PA'I LTE BAR RNAM 'DREN KUN, ,BSKRUN PA'I YUM MCHOG 'OD BRGYA'I DRA BA CAN, ,MA RIG MUN SEL NYI MA GNYIS PA BZHIN, ,GUR KUM GYIS BYUGS GSER GYI SA 'DZIN GYIS, ,AINTRA N'I LA'I COD PAN BCINGS 'DRA BA'I, ,MTHON MTHING RAL
PA'I THOR TZUGS SPYI BOR MDZES, ,CHU ZHENG GAB PA SKU YI DPAG BSAM SHING, ,MTSAN DPE'I ME TOG MDZES PAS MNGON PAR BKRA, ,RIN THANG BRAL BA'I LHA RDZAS LAS GRUB PA'I, ,SNA MANGS RGYAN GYI PHRENG BAS RNAM PAR BRGYAN, ,DAR GYI NA BZA'I LO 'DAB CI YANG GA-YO, ,'JA' TSON SNA LNGA'I 'OD PHUNG 'KHRIGS PA'I DBUS, ,SGEG CING YID 'ONG MDZES PA'I 'GYING LDAN PAS, ,MI PHYED RDO RJE'I SKYIL KRUNG GIS BZHUGS PA'I, ,SPYI BOR AOm DKAR MGRIN PAR A'A: DMAR PO, , THUGS KAR H'Um SNGON H'Um YIG 'OD ZER GYIS, ,RANG BZHIN GNAS NAS MGON PO 'JAM PA'I DBYANGS, ,RTZA BRGYUD BLA MA YI DAM DKON MCHOG GSUM, ,BSTAN BSRUNG RGYA MTSOS BSKOR BA'I YE SHES PA, ,SPYAN DRANGS DZA: H'Um BAm HO: RO CIG GYUR, ,SLAR YANG THUGS KA'I H'Um GI 'OD ZER GYIS, ,DBANG LHA SPYAN DRANGS DBANG BSKUR MI BSKYOD PAS, ,RGYAS BTAB DBANG GI LHA RNAMS RANG LA THIM, ,GANG GI MKHYEN PA SHES BYA'I MTHA' BRGAL BAS, ,MA LUS RGYAL BA KUN GYI MKHYEN BRTZE YANG, ,PHRA MO'I RDUL GYI GO SAR 'GOD MDZAD PA'I, ,'JAM MGON BLA MA'I ZHABS LA GUS PHYAG 'TSAL, ,SNGAGS DANG TING 'DZIN PHYAG RGYAS BYIN BRLABS PA'I, ,ZAG MED BDE BA'I DPAL SER MCHOD PA'I SPRIN, ,RAB 'BYAMS ZHING KUN RGYAS PAR YONGS BKANG STE, ,BCOM LDAN 'KHOR BCAS DGYES PA BSKYED PHYIR 'BUL, ,AOm A'ARYA MANYDZU SHR'I SA PA RI W'A RA AARGHAm NAS, SPAR SHA'I BAR DU PRA T'I TZTSA H'Um SV'A H'A SBYAR BAS MCHOD CING MAndAL KYANG 'BUL LO, ,RAB 'BYAMS RGYAL
, ,BA KUN GYI YE SHES NI, ,GUR KUM BZANG PO'I MDOG CAN GZHON NU'I TSUL, ,MTSAN DPE'I DPAL 'BAR GZI BRJID PHUNG PO'I SKU, ,MKHYEN RAB DBANG PHYUG 'JAM PA'I DBYANGS LA BSTOD, ,BDAG NYID 'JAM PA'I DBYANGS SU GSAL BA YI, ,THUGS KAR NYA RGYAS ZLA BA'I DKYIL 'KHOR DBUS, ,RTZIBS DRUG LDAN PA'I 'KHOR LO'I LTE BA'I STENG, ,DH'I: YIG LA SOGS SNGAGS KYI PHRENG BA NI, ,DMAR SER 'OD PHUNG 'BAR BA'I 'PHRO 'DU YIS, ,MI SHES MUN BSAL SHES RAB SNANG BA RGYAS, ,YANG NA 'KHOR LO GA-YAS LA YIG 'BRU GA-YON, ,MNYAM DU 'KHOR BA'AM RES 'JOG 'KHOR BA YIS, ,MKHYEN RAB 'JAM PA'I DBYANGS DANG MTSUNGS PAR BSAMS, ,AOm AA RA PA TZA NA DH'I: CES BRGYA STONG KHRI 'BUM SOGS BZLAS PA'I MTHAR, DGE BA 'DI YIS MYUR DU BDAG ,RJE BTZUN 'JAM DBYANGS 'GRUB GYUR NAS, CES SOGS DGE BA BSNGO ZHING, SMON PA DANG SHIS PAS BRGYAN PAR BYA'O, ,THUN MTSAMS SU GTOR MA 'BUL BAR 'DOD NA, DKAR GTOR RGYAN GYIS BRGYAN PA BSHAMS PA BYIN GYIS BRLABS LA, RANG NYID RJE BTZUN 'JAM DBYANGS SU, ,GSAL BA'I THUGS KA'I DH'I: YIG GI ,'OD ZER LCAGS KYU LTA BU YIS, ,MGON PO 'JAM DBYANGS YE SHES PA, ,SPYAN DRANGS MDUN GYI LHA LAM DU, ,BZHUGS PA'I LJAGS KYI 'OD ZER GYIS, ,GTOR MA'I BCUD DRANGS GSOL BA YIS, ,ZAG MED BDE BAS DGYES
PAR GYUR, ,AOm A'ARYA MANYDZU SHR'I SA PA RI W'A RA BA LIm TA KHA KHA, KH'A HI KH'A HI LAN GSUM MAM BDUN GYIS GTOR MA PHUL, AARGHAm SOGS KYIS MCHOD, RGYAL BA KUN GYI YAB GYUR KYANG, ,RGYAL SRAS GZHON NU'I TSUL 'DZIN CING, ,DRAN PAS YE SHES MCHOG STZOL BA, ,'JAM PA'I DBYANGS LA BDAG BSTOD DO, CES BSTOD CING 'DOD DON LA GSOL BA BTAB, YE SHES PA GSHEGS SU GSOL BA'AM, SKU YOD NA DE DANG, RANG LA BSTIM PA GANG RUNG BYA'O, ,ZHES RJE BTZUN 'JAM DBYANGS AA RA PA TZA NA'I SGRUB THABS SHES RAB KYI BDUD RTZI 'BEBS PA'I NOR BU CHU SHEL CES BYA BA 'DI YANG, DAD PA DANG GTONG BA DANG RNAM DPYOD PHUL DU BYUNG BA'I LUNG RIGS SMRA BA RJE DRUNG DKON MCHOG RGYAL MTSAN GYIS NAN CHER BSKUL BA LA BRTEN NAS, CHOS SMRA BA CHOS KYI RGYAL MTSAN GYIS DBEN SA CHOS KYI PHO BRANG GI GTZUG LAG KHANG DU SBYAR BA'O,, ,,SHU BHA MA STU SARBA DZA GA T'Am,, ` (RJE BTZUN 'JAM DBYANGS AA RA PA TZA NA'I SGRUB THABS BLO GSAL KUN DA'I DGA' BYED CES BYA BA BZHUGS SO,,) ,, *, ,NA MO GU RU MANYDZU GHO sh'A YA, RJE BTZUN 'JAM PA'I DBYANGS BSGRUB PAR 'DOD PAS, SKYABS 'GRO SEMS BSKYED SNGON DU BTANG, SVA BH'A WAS STONG PAR SBYANGS, STONG PA'I NGANG LAS, PAm LAS PADMA DANG, AAm LAS ZLA BA'I DKYIL 'KHOR GYI STENG DU RANG GI SEMS NYID YI GE DH'I: DMAR SER DE LAS 'OD 'PHROS, 'PHAGS PA MCHOD, SEMS CAN RNAMS KYI MI SHES PA'I MUN PA BSAL, YONGS SU GYUR PA LAS,
, ,RANG NYID RJE BTZUN 'JAM PA'I DBYANGS SKU MDOG GUR KUM GYI MDANGS DANG LDAN PA, ZHI ZHING 'DZUM PA'I ZHAL GCIG PHYAG GNYIS KYI, PHYAG GA-YAS SHES RAB KYI RAL GRI 'PHYAR ZHING, GA-YON THUGS KAR CHOS 'CHAD KYI PHYAG RGYAS AUTPALA'I SDONG BU'I RTZA BA BZUNG NAS, RTZE MO SNYAN GYI THAD DU KHA BYE BA'I STENG NA SHER PHYIN GYI GLEGS BAM YOD PA, ZUR PHUD LNGA DANG LDAN PA'I RAL PA'I THOR COG CAN, DBU RGYAN LA SOGS PA RIN PO CHE'I RGYAN BRGYAD KYIS SPRAS SHING, MTSAN BZANG PO SUM CU RTZA GNYIS DANG, DPE BYAD BZANG PO BRGYAD CUS BRGYAN PA, DAR BZANG PO'I STOD GA-YOGS DANG SMAD GA-YOGS MDZES PAR GSOL ZHING, SKU LAS SKYES PA'I 'OD ZER GYI PHUNG PO'I DBUS NA ZHABS RDO RJE'I SKYIL KRUNG GIS BZHUGS PA'I SPYI BOR AOm DKAR PO, MGRIN PAR A'A: DMAR PO, THUGS KAR ZLA GDAN LA SHES RAB KYI 'KHOR LO RTZIBS DRUG PA'I LTE BAR DH'I: YIG DMAR SER GYI STENG DU H'Um SNGON POS MTSAN CING; RTZIBS DRUG LA MDUN NAS AA RA PA TZA NA'I SNGAGS KYIS BSKOR BAR GYUR, THUGS KA'I H'Um LAS 'OD ZER 'PHROS, BSGOMS PA DANG 'DRA PA'I YE SHES PA DANG, DBANG GI LHA RNAMS SPYAN DRANGS, DZA: H'Um BAm HO: DAM TSIG PA DANG GNYIS SU MED PAR GYUR, DE BZHIN GSHEGS PA THAMS CAD KYIS BDAG LA MNGON PAR DBANG BSKUR DU GSOL, ZHES GSOL BA BTAB PAS, DE RNAMS KYIS AOm SARBA TA TH'A GA T'A AA BHI shE KA TA SA MA YA SHR'I YE A'A:
H'Um; ZHES DBANG BSKUR DRI MA DAG ,CHU LHAG MA SPYI GTZUG TU GNAS PA YONGS SU GYUR PA LAS MI BSKYOD PAS DBU BRGYAN PAR GYUR, DUS GSUM RGYAL BA THAMS CAD KYI, ,MKHYEN BRTZE MA LUS GCIG BSDUS NAS, ,DMAR SER GZHON NU'I TSUL 'DZIN PA, ,'JAM PA'I DBYANGS LA PHYAG 'TSAL LO, ,MCHOD PA RNAMS PHUL DU BYUNG BA'I LHA RDZAS SU GYUR, ZHES BRJOD CING BSAMS LA, AOm A'ARYA MANYDZU SHR'I SA PA RI W'A RA AARGHAm, P'A TYAm, PUshPE, DH'U PE, A'A LO KE , GANDHE, NE WE TYA, SHAPTA PRA T'I TZTSA H'Um, ZHES PA'I BAR GYIS MCHOD, DE NAS GANG GIS BLO GROS ZHES SOGS KYIS BSTOD, DE NAS RANG GI THUGS KA'I SHES RAB KYI 'KHOR LO GA-YAS SU 'KHOR ZHING, YIG 'BRU GA-YON DU 'KHOR BA'I 'OD ZER 'BAR BAS SDIG SGRIB SBYANGS SHING SHES RAB KYI SNANG BA THOB PAR BSAMS LA, AOm AA RA PA TZA NA DH'I: ZHES CI NUS SU BZLA'O, ,MJUG TU DGE BA 'DI YIS MYUR DU BDAG ,RJE BTZUN 'JAM DBYANGS 'GRUB GYUR NAS, ZHES SOGS BSNGO BA SMON LAM SHIS PAS BRGYAN PAR BYA'O, ,CES PA 'DI YANG SDE PA THON PA MGON PO BKRA SHIS KYI THUGS DAM DU, BTZUN PA BLO BZANG CHOS KYI RGYAL MTSAN GYIS 'PHRAL DU SBYAR BA'O,, (,, ` 'JAM DBYANGS SMRA SENG GI SBRAGS SGRUB RMONGS PA'I RNYOG SEL NOR BU CHU MDANGS ZHES BYA BA BZHUGS,,) ,,*, ,NA MO GU RU MANYDZU GHO sh'A YA, 'JAM DBYANGS ZHABS SEN 'CHAR KA'I PHUN TSOGS KYIS, ,RAL PA'I NAGS NANG BRGYAN NAS SKAL BZANG LA, ,RIG PA'I GNAS RNAMS
, ,KUN LA THOGS MED PA'I, ,SHES RAB SNANG BA'I MCHOG SBYIN BYED PO BSKRUN, ,'DIR RJE BTZUN 'JAM PA'I DBYANGS SMRA SENG BSGRUB PAR 'DOD PAS, SKYABS 'GRO SEMS BSKYED TSAD MED BZHI BSGOM PA SNGON DU BTANG NAS, KHYAD PAR GYI SEMS BSKYED, MA SEMS CAN THAMS CAD KYI DON DU MYUR BA MYUR BAR RDZOGS PA'I SANGS RGYAS KYI GO 'PHANG THOB PAR BYA, DE'I PHYIR DU RJE BTZUN 'JAM PA'I DBYANGS SMRA BA'I SENG GE BSGRUB PAR BYA'O SNYAM PA GSUM MAM BDUN NAM NYER GCIG SOGS SNGON DU BTANG NAS, SH'UN+YA T'AS STONG PAR SBYANGS, STONG PA'I NGANG LAS SIm LAS SENG GE SNGON PO RAL PA DMAR SER DU 'KHYUG CING, KHA GYEN DU PHYOGS PA, RIN PO CHE'I RGYAN GYIS MDZES PA'I STENG DU, PADMA DANG ZLA BA'I GDAN LA, DH'I: LAS RAL GRI DH'I: SA MTSAN PA, DE LAS 'OD ZER 'PHROS, SEMS CAN THAMS CAD KYI MI SHES PA'I MUN PA BSAL, SHES RAB KYI SNANG BA TSAD MED PA LA BKOD, TSUR 'DUS YONGS SU GYUR PA LAS, RANG NYID RJE BTZUN 'JAM PA'I DBYANGS 'CHAR KA'I MDANGS LTAR MDZES PA'I SKU MDOG DMAR SER CAN, GZHON NU LANG TSO MCHOG TU RGYAS PA ZHI ZHING 'DZUM PA'I ZHAL GCIG PHYAG GNYIS CHOS 'CHAD KYI PHYAG RGYAS AUTPALA'I SDONG BU'I RTZA BA 'DZIN ZHING, RTZE MO GA-YAS GA-YON NA SHES RAB KYI RAL GRI DANG, SHER PHYIN GYI GLEGS BAM 'OD 'PHRO BAS BRGYAN PA, DBU SKRA MTHON MTHING ZUR PHUD LNGA LDAN LA DRI ZHIM PO'I ME TOG GI PHRENG BA DANG RIN PO CHES BRGYAN ZHING, LHA RDZAS
KYI NA BZA' CAN, 'OD KYI DKYIL 'KHOR GYI DBUS NA 'GYING BA DANG BCAS PA'I SKYIL MO KRUNG GIS BZHUGS PA, RANG GI MDUN DU PADMA DANG ZLA BA'I GDAN LA HR'I: LAS RAL GRI HR'I: SA MTSAN PA LAS 'OD ZER 'PHROS, SEMS CAN THAMS CAD KYI MI SHES PA'I MUN PA BSAL, SHES RAB KYI SNANG BA TSAD MED PA LA BKOD, TSUR 'DUS YONGS SU GYUR PA LAS LHA MO DBYANGS CAN MA SNGON MO BEEd'URYA LTAR DAG PA, KHRO 'DZUM GYIS MNGON PAR MDZES PA'I LANG TSO'I ME TOG RGYAS PA, GOS DANG RIN PO CHE'I RGYAN CAN, 'GYING BAG DANG BCAS PAS BZHENGS PA'I STABS KYIS BZHUGS PAR GYUR, YAB YUM GNYIS KYI THUGS KA'I DH'I: DANG HR'I: LAS 'OD ZER 'PHROS PAS, RANG BZHIN GYI GNAS NAS BSGOMS PA DANG 'DRA BA'I YE SHES PA SPYAN DRANGS, RGYAL BA KUN GYI MKHYEN BRTZE'I LHA LAM LAS, ,RAB 'BYAMS SGYU 'PHRUL DRA BA'I ZLOS GAR MKHAN, ,MTSAN DPE'I TSON RIS BKRA BA DBANG PO'I GZHU, ,BDAG CAG MOS PA JI BZHIN GSHEGS SU GSOL,, A'ARYA MANYDZU SHR'I SVA RA SVA TI SA PA RI W'A RA SA MA YA DZA: AARGHAm NAS, SHAPTA PRA T'I TZTSA YE SV'A H'A, DZA: H'Um BAm HO: SLAR YANG THUGS KA'I DH'I: DANG HR'I: LAS 'OD ZER 'PHROS, RIGS LNGA 'KHOR BCAS SPYAN DRANGS PAS, DE RNAMS KYIS YE SHES KYI CHUS DBANG BSKUR, LUS GANG DRI MA DAG ,CHU LHAG PA YAR LUD PA LAS MI BSKYOD PAS DBU BRGYAN PAR GYUR, 'JAM PA'I DBYANGS ZHES MTSAN SNYAN DBYAR SKYES SGRA, ,SGRA 'DZIN LA REG SKAL BZANG 'DAB LDAN TSOGS, ,RNAM DPYOD
, ,RAB DGA'I DPAL DANG LHAN CIG TU, ,RGYAS MDZAD 'JAM DBYANGS BLA MAR GUS PHYAG 'TSAL, ,DNGOS BSHAMS YID KYIS SPRUL PA LAS BYUNG BA'I, ,'JIG RTEN 'JIG RTEN 'DAS PA'I MCHOD PA'I TSOGS, , ZHING KUN GANG BA TING 'DZIN GYIS SPRUL TE, ,BLO MCHOG THOB PHYIR 'JAM PA'I DBYANGS LA 'BUL, ,A'ARYA MANYDZU SHR'I SVA RA SVA TI AARGHAm NAS, SHAPTA PRA T'I TZTSA YE SV'A H'A, RANG GI SNYING PADMA 'DAB BRGYAD DU GYUR PA'I DBUS SU 'KHOR LO DMAR SER RTZIBS BZHI PA'I LTE BAR RAL GRI SNGO SKYA SOR BZHI PA'I 'CHANG ZUNG LA DH'I: SA MTSAN PA, DE'I MTHAR SNGAGS KYI PHRENG BA KHA DOG DMAR SER CAN GYEN DU 'GRENG BA'I RNAM PAS GA-YAS SKOR DU BSKOR BAR DMIGS LA; DH'I: SNGAGS PHRENG DANG BCAS PA LAS 'OD ZER 'PHROS PAS, RANG GI SNA BUG GA-YAS NAS 'THON, DBYANGS CAN MA'I SHANGS BUG GA-YON NAS ZHUGS TE, THUGS KA'I PADMA DMAR PO 'DAB MA BZHI PA'I LTE BAR RAL GRI SNGON PO SOR BZHI PA'I 'CHANG ZUNG HR'I: YIG GIS MTSAN PA DANG BCAS PA LA THIM ZHING, SLAR YANG 'THON YUM GYI SHANGS BUG GA-YAS NAS BYUNG, BDAG GI SNA BUG GA-YON PA NAS ZHUGS TE THUGS KA'I SA BON LA THIM MGAL ME'I 'KHOR LO LTAR BSAMS TE, AOm HR'I: DH'I: MA ME D'I PAm MANYDZU SHR'I MUm HR'I: PRADZNY'A WARDHA NI HR'I: DH'I: SV'AH'A, ZHES 'BUM PHRAG GCIG GAm ,GRUB PA'I MTSAN MA MA BYUNG GI BAR DU BZLA BAR BYA'O, ,THUN 'JOG KHAR,
DGE BA 'DI YIS MYUR DU BDAG ,SMRA BA'I SENG GE 'GRUB GYUR NAS, ZHES SOGS BRJOD NAS, DE LAS BYUNG BA'I DGE BA RNAMS RDZOGS BYANG DU BSNGO'O, ,THUN MTSAMS, THUN GYI MTHAR GTOR MA 'BUL TSUL NI, DKAR GTOR GTZANG MA BSHAMS LA AA MRi TAS BSANGS, SVA BH'A WAS STONG PAR SBYANGS, STONG PA'I NGANG LAS BHR'Um LAS RIN PO CHE'I SNOD YANGS SHING RGYA CHE BA'I NANG DU, AOm 'OD DU ZHU BA LAS BYUNG BA'I BDUD RTZI'I RGYA MTSOR GYUR, AOm A'A: H'Um LAN GSUM BRJOD LA BYIN GYIS BRLABS RANG GI THUGS KA'I SA BON GYI 'OD ZER GYIS, DPAL LDAN SMRA BA'I SENG GE DBYANGS CAN MA, ,LHA DANG LHA MOS BSKOR BA MDUN DU BYON, ,MGRON RNAMS LJAGS KYI SBU GU'I SBYOR BA YIS, ,GTOR MA'I BCUD RNAMS DRANGS SHING GSOL BAR GYUR, ,A'ARYA MANYDZU SHR'I SVA RA SVA TI SA PA RI W'A RA AI DAm BA LIm TA KHA KHA KH'A HI KH'A HI, ZHES LAN GSUM GYIS GTOR MA PHUL, AARGHAm SOGS KYIS MCHOD NAS, LI KHRI'I MDANGS KYIS 'KHYUD PA'I GSER GYI RI; ;RGYU SKAR PHRENG BAS TSAR DU DANG RA BA LTAR, ,YID 'PHROG GANG SKU DRAN PA TZAM GYIS KYANG, ,SHES RAB MCHOG STZOL 'JAM PA'I DBYANGS LA 'DUD, ,GSANG BA'I SBRANG RTZI RGYAS PA'I DGA' STON GYIS, ,RKANG DRUG LDAN GANG STOBS BCU MNGA' BA'I TSOGS, ,YID KYI BRTAN PA GDUL BYA'I BLO MUN DANG, ,LHAN CIG 'PHROG MDZAD LHA MO'I ZHABS LA 'DUD, ZHES PAS BSTOD, BRTZE LDAN KHYED KYI MKHYEN PA'I 'OD ZER GYIS, ZHES SOGS KYIS 'DOD DON LA GSOL
, ,BA GDAB STE, TSOGS ZHING RNAMS GSHEGS SU GSOL BA'AM RANG LA BSDU BA GANG RUNG BYA'O, ,'DIR SMRAS PA, RNAM DPYOD RIN CHEN 'BYUNG GNAS LAS, ,SGRUB THABS GSAR PA'I NYAL 'GRO'I RGYUN, ,GDUL BYA'I PHAN BDE'I RTZI BCUD KYI, ,GROGS SU RGYUN MI CHAD PAR 'BAB, ,'DI DON RGYUD DANG RGYA GZHUNG GI ,SNYING PO BSDUS SHING BRJOD BYED DAG ,BZLOS BUR SMRA BA'I MGRIN SKYES LAS, ,RAB TU PHYE'O MKHAS PAS GZIGS, ,'DIR 'BAD PUn+YA BSIL 'OD DANG, ,MTSUNGS PA CHU MTHONGS 'GOG DE'I MTHUS, ,RNAM PAR DPYOD PAS SHES BYA YI, ,PHA MTHA' YONGS SU BRGAL GYUR CIG ,CES PA 'DI HA MTHONG DKA' BCU PA DPON PO BSOD NAMS RIN CHEN DANG, KLU 'BUM DKA' BCU PA DPON PO CHOS KYI RGYA MTSO GNYIS KYIS 'DI LTA BU ZHIG DGOS ZHES GSOL BA NAN CHER BTAB PA'I NGOR DGE SLONG CHOS KYI RGYAL MTSAN GYIS DBEN SA CHOS KYI PHO BRANG DU THOGS PA MED PAR SBYAR BA'O,, ,, `('JAM DBYANGS SMRA BA'I SENG GE'I SGRUB THABS SHES RAB GSAL BYED CES BYA BA BZHUGS,,) ,, *, ,NA MO GU RU MANYDZU GHO sh'A YA, LI KHRI'I CHAR GYIS SPAGS PA'I LHUN PO'I RTZER, ,AINTRA N'I LA'I THOR COG LEGS BCINGS NAS; ;PHUN TSOGS 'OD KYIS PHYOGS KUN 'GENGS 'DRA BA, ,'JAM DBYANGS DE YI ZHABS SEN NOR BU'I 'OD, ,BDAG BLO PADMO'I ZE'U 'BRU'I DBUS BZHUGS LA, ,MKHA' LTAR YANGS SHING NYI LTAR GSAL BA DANG, ,
MTSO LTAR ZAB CING GLOG LTAR MYUR BA YI, ,MI ZAD BLO GROS SPOBS PA'I MCHOG STZOL MDZOD, ,DUS GSUM RGYAL BA'I YAB GCIG 'JAM PA'I DBYANGS, ,SMRA BA'I SENG GE BSGRUB PAR 'DOD PA YIS, ,'GRO KUN DON DU DGE BA'I SEMS LDAN PAS, ,SKYABS 'GRO SEMS BSKYED TSAD MED BZHI LDAN BSGOM, ,CHOS RNAMS RANG BZHIN MKHA' LTAR DAG PA'I NGANG, ,MDZES PA'I RGYAN LDAN GDONG LNGA PA YI STENG, ,PAm LAS PADMA AA LAS ZLA BA'I DBUS, ,RANG SEMS DH'I: YIG DMAR SER 'PHRO 'DU LAS, ,BDAG NYID 'JAM DPAL SMRA BA'I SENG GE NI, ,DMAR SER BCU DRUG LANG TSO MDZES PA'I GZUGS, ,'DZUM ZHAL ZUR PHUD LNGA LDAN THOR TZUGS CAN, ,ZHAL GCIG PHYAG GNYIS GA-YAS PAS NYON MONGS KYI, ,'KHRI SHING GCOD PA'I SHES RAB RAL GRI 'PHYAR, ,SHER PHYIN GLEGS BAM GE SAR RTZER GNAS PA'I, ,AUTPAL 'DZIN PA'I PHYAG GA-YON CHOS 'CHAD MDZAD, ,LHA RDZAS GOS DANG RIN CHEN RGYAN GYIS SPRAS, ,MTSAN DPE'I DPAL 'BAR 'OD BRGYA'I DRA BA 'GYED, ,MI PHYED RDO RJE'I SKYIL KRUNG GIS BZHUGS PA'I, ,SPYI BOR AOm DKAR MGRIN PAR A'A: DMAR PO, ,THUGS KAR ZLA STENG SNGAGS KYIS BSKOR BA'I DBUS, ,H'Um YIG SNGON PO'I 'OD ZER LCAGS KYU YIS, ,YE SHES PA BKUG RANG DANG RO GCIG GYUR, ,SLAR YANG RIGS LNGA SPYAN DRANGS DBANG BSKUR BAS, ,MI BSKYOD RGYAL POS SPYI BOR RGYAS BTAB BRTAN, ,AOm A'A: H'Um GIS SBYANGS RTOGS SBAR BYAS PA'I, ,MCHOD PA'I TSOGS
, ,'BUL SDIG LTUNG SO SOR BSHAGS, ,DGE LA YI RANG CHOS 'KHOR SKOR DU GSOL, ,RTAG TU KHYED BZHUGS DGE TSOGS BYANG CHUB BSNGO, ,DE NAS RANG SNYING PADMA 'DAB BRGYAD DBUS, ,DH'I: YIG DMAR SER 'OD PHUNG 'KHRIGS PA'I MTHUS, ,BYU RU'I 'PHRENG BA BSGREGS 'DRA'I SNGAGS 'PHRENG LAS, ,BDUD RTZI'I RGYUN BABS MI SHES MUN PA BSAL, ,RAB 'BYAMS RGYAL BA'I MKHYEN RAB 'OD ZER GYI, ,RNAM PAR BSDUS NAS SNYING GI NANG KUN GANG; ;'CHAD RTZOD RTZOM PA'I SHES RAB MCHOG THOB PAR, ,LEGS PAR BSAMS NAS RGYUN TU GZUNGS 'DI BZLA, ,AOm HR'I: DH'I: MA ME DHI PAm MANYDZU SHR'I MUm HR'I PRA DZNY'A DHA DHU NI HR'I: DH'I: SV'AH'A, BRGYA STONG KHRI 'BUM BZLAS NAS DGE BA'I TSOGS,, BYANG CHUB PHYIR BSNGO SMON LAM SHIS PAS BRGYAN, ,THUN MTHAR GTOR MA THUN MTSAMS BYA BA SOGS, ,SGRUB THABS RGYAS PA RNAMS LA BRTEN PA'ANG CES, ,TSUL 'DI DGE TSUL BLO BZANG NOR BU YIS, ,YANG YANG BSKUL TSE CHOS KYI RGYAL MTSAN GYIS, ,THOGS MED YI GER BKOD PA'I DGE TSOGS RNAMS, ,MTHA' DAG 'GRO 'DI'I PHAN BDE'I RGYUR GYUR CIG ,SARBA MANGGA LAm,, ,,` AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL, ,SARBA DZA GA TAm, ,,