*, ,BCOM LDAN 'DAS RDO RJE MI 'KHRUGS PA'I SGRUB DKYIL YONGS SU RDZOGS PA'I CHO GA MNGON PAR DGA' BA'I SGO 'BYED CES BYA BA BZHUGS SO, ,
, ,NA MO GU RU MANYDZU GHO sh'A YA, SNYING GI PADMOR ZHABS ZUNG DRAN PA YI, ,GA BUR THIGS PAS REG PA TZAM GYIS KYANG, ,NGAN SONG GDUNG BA'I TSA SEL MI 'KHRUGS PA'I, ,BDAG NYID DRIN CAN BLA MA'I ZHABS BTUD NAS, ,'DI SNANG 'GAGS TSE SDUG BSNGAL MTHA' DAG GI ,MING YANG YONGS BRAL MNGON DGA'I ZHING MCHOG TU, ,'JUG PA'I THABS MKHAS BLA NA MED PA YI; ;SGO 'BYED SGRUB THABS GTZANG MA MDOR BSDUS BRJOD, ,'DIR BCOM LDAN 'DAS RDO RJE MI 'KHRUGS PA'I SGO NAS RANG GZHAN GYI DON BSGRUB PAR 'DOD PAS BDAG MDUN BUM BSKYED SOGS JI LTAR BYA BA'I YO BYAD RNAMS TSOGS PAR BYAS TE, STAN BDE BA LA 'DUG NAS CHO GA SNYING POR DRIL BA LA 'JUG PA NI 'DI LTAR, AOm BADZRA AUD BHA WA YE SV'AH'A, RANG NYID SKAD
, ,CIG GIS BCOM LDAN 'DAS RDO RJE MI 'KHRUGS PA SKU MDOG SNGON PO ZHAL GCIG PHYAG GNYIS GA-YAS SA GNON, GA-YON MNYAM GZHAG GI STENG NA RDO RJE BSNAMS PA, 'KHOR LOS SGYUR BA'I CHA BYAD CAN RDO RJE'I SKYIL KRUNG GIS BZHUGS PAR GYUR, SNGON 'GRO GTOR MA DANG MCHOD PA SPRO NA SO SOR BYIN GYIS BRLABS, 'KHRUG PA BDE BA'I PHYIR MNYAM DU BYIN GYIS RLOB NA, AOm K'I LI K'I LA BADZRA H'Um PHAt, BADZRA DHRIKA, AOm DZVA LA DZVA LA YA BAN DH'A RI H'Um PHAt, AOm LAS RIN PO CHE'I SNOD YANGS SHING RGYA CHE BA RNAMS KYI NANG DU AOm 'OD DU ZHU BA LAS BYUNG BA'I MCHOD PA DANG, GTOR MA RNAMS PHUL DU BYUNG BA'I LHA RDZAS SU GYUR, CES BYA SPYOD RANG LUGS KYI GZI BYIN BSKYED CING BYIN GYIS BRLABS, ,MGON PO KUN GSHEGS GDAN LA BZHUGS, ,DA LTA SNYIGS MA LNGA YI DUS; ;GSHEGS SHING BZHUGS PA'I GNAS NGAN YANG, ,SH'AKYA'I BSTAN BA SRUNG BA DANG, ,BDAG CAG RNAMS LA PHAN GDAGS PHYIR, ,GNAS 'DI NYID DU GSHEGS SU GSOL, ,AE HYA HI
DA SHA DI KA LO KA P'A LA SA PA RI W'A RA SA MA YE SV'AH'A, ZHES SPYAN DRANGS, AOm DA SHA DI KA LO KA P'A LA SA PA RI W'A RA AARGHAm, P'A TYAm, PUshPE, DH'U PE, A'A LO KE, GANDHE, NE WI TYA, SHAPTA PRA T'I TZTSA SV'AH'A, ZHES PAS MCHOD, AOm DA SHA DI KA LO KA P'A LA SA PA RI W'A RA NA MA: SARBBA TA TH'A GA T'A BHYO BI SHVA MU shE BHYA: SARBBA T'ADA KHAm AUNGGA TE SPHA RA nA HI MAm, GA GA NA KHAm GRi HnE DAm BA LIm TE SV'AH'A, ZHES PA GSUM GYIS GTOR MA PHUL, SHAR PHYOGS RDO RJE CAN TE LHA TSOGS BCAS, ,GTOR MA PHUL BA 'DI DAG BZHES SU GSOL, ,ME DANG GSHIN RJE BDEN BRAL SRIN PO'I BDAG ,CHU BDAG RLUNG BDAG NOR GYI BDAG PO STE, ,DBANG LDAN LHA STE 'BYUNG PO'I BDAG PO DANG, ,STENG GI NYI ZLA TSANGS PA CHEN PO DANG, ,LHA RNAMS KUN DANG SA YI KLU RNAMS DANG, ,RI YI LHA DANG GNOD SBYIN TSOGS BCAS LA, ,SO SO SO SOR GTOR MA PHUL BA RNAMS, ,RAB TU DGYES PA YIS NI BZHES NAS KYANG, ,RANG RANG PHYOGS SU LEGS PAR BZHUGS NAS SU, ,RANG GI BU SMAD MDZA' BSHES GNYEN 'DUN DANG, ,NANG MI DMAG DANG DPUNG BCAS THABS GCIG TU, ,ME TOG DRI DANG BDUG PA GTOR MAR BCAS, ,'DI RNAMS BTUNG ZHING LEGS PAR GSOL NAS KYANG, ,BDAG GI LAS 'DI'I 'BRAS BU MCHIS PAR MDZOD, ,PHYOGS SKYONG 'KHOR DANG BCAS PA RNAMS KYIS BDAG GI DGE BA'I
, ,BYA BA RNAMS MTHAR PHYIN PA DANG, DE'I BAR CHAD ZHI BA'I 'PHRIN LAS MDZOD CIG ,PHYOGS SKYONG 'KHOR BCAS RANG GNAS SU GSHEGS PAR GYUR, BDAG BSKYED KYI MCHOD PA GZI BYIN BSKYED CING BYIN GYIS BRLABS, SANGS RGYAS CHOS DANG TSOGS MCHOG LA, ,BYANG CHUB BAR DU SKYABS SU MCHI, ,BDAG DANG GZHAN DON BSGRUB SLAD DU, ,BDAG GIS BYANG CHUB SEMS BSKYED DO, ,PHYOGS BCU DAG NA BZHUGS PA YI, ,SANGS RGYAS BYANG CHUB SEMS DPA' GSON, ,BDAG GIS RDZOGS PA'I BYANG CHUB PHYIR, ,DENG NAS BYANG CHUB SEMS BSKYED DO, ,ZHES SKYABS 'GRO SEMS BSKYED CI MANG BYA, RANG NYID BCOM LDAN 'DAS RDO RJE MI 'KHRUGS PAR GSAL BA'I THUGS KA'I H'Um SNGON PO'I 'OD ZER LCAGS KYU'I RNAM PA CAN GYIS SHAR PHYOGS MNGON PAR DGA' BA'I ZHING NAS, BLA MA DANG GNYIS SU MED PA'I BCOM LDAN 'DAS RDO RJE MI 'KHRUGS PA'I DKYIL 'KHOR MDUN GYI NAM MKHAR SPYAN DRANGS, 'OD ZER RANG GI SNYING KHAR THIM, GANG GI DRIN GYIS BDE CHEN GNAS, ,SKAD CIG NYID LA 'CHAR BA GANG, ,BLA MA RIN CHEN LTA BU YI, ,RDO RJE CAN ZHABS PAD LA 'DUD, ,THUGS RJE CHE LDAN MTSAN TZAM ZHIG ,THOS PAS MNAR MED 'BAR BA'I ME, ,MTSO LTAR BSIL MDZAD BCOM LDAN 'DAS, ,MI 'KHRUGS 'KHOR BCAS LA PHYAG
'TSAL, ,RANG GI SNYING KHA'I H'Um LAS BYUNG BA'I MCHOD PA'I LHA MO RNAMS KYIS MCHOD PAR GYUR, AOm SARBA TA TH'A GA TA AARGHAm PRAT'I TZTSA SV'AH'A, DE BZHIN DU P'A TYAm PRA T'I TZTSA SV'AH'A, A'A HA RA A'A HA RA BIDY'A DHA RI P'U DZI TE SV'AH'A, ZHES PA LAN BZHIS DRI CHAB ME TOG 'DUG SPOS ZHAL ZAS RNAMS RIM BZHIN 'BUL, A'A LO KA YA A'A LO KA YA BIDY'A DHA RI P'U DZI TE SV'AH'A, ZHES MAR ME DANG, AOm SARBA TA TH'A GA TA SHAPTA PRA T'I TZTSA SV'AH'A, ROL MO'I BAR GYIS MCHOD, BDAG GIS SDIG PA BGYIS PA RNAMS, ,RDZOGS SANGS RGYAS KYIS MKHYEN PA BZHIN, ,DE LTAR BDAG GIS SO SOR BSHAGS, ,SLAN CHAD DE LTAR YONG MI BGYID, ,SROG CHAGS SDUG BSNGAL ZHI BYA'I PHYIR, ,BDAG NYID JI SRID 'TSO BAR DU, ,SANGS RGYAS CHOS DANG DGE 'DUN LA, ,GUS PAR YANG DAG SKYABS SU MCHI, ,CHOS KYI LONGS SPYOD SNA TSOGS LA, ,MNYAM PAR GZHAG PAS YI RANG NGO, ,MI RTOG BLO GROS BSKYED PA'I PHYIR, ,CHOS KYI 'KHOR LO BSKOR BA DANG, ,GDUL BYA JI SRID TSIM BAR DU, ,MYA NGAN MI 'DA' GSOL BA 'DEBS, ,SNGON GYI RGYAL BA'I SRAS RNAMS KYIS, ,SMON LAM JI LTAR MDZAD PA BZHIN, ,BDAG KYANG DGE BA'I SEMS KYIS SU, ,DE BZHIN DU NI SMON LAM 'DEBS, ,SEMS CAN THAMS CAD SDUG BSNGAL DANG BRAL BAR GYUR CIG ,SEMS CAN THAMS CAD BDE BA DANG MI 'BRAL BAR GYUR CIG ,SEMS CAN THAMS CAD SANGS RGYAS KYI BDE BAS BDE BAR GYUR CIG ,SEMS CAN THAMS CAD SANGS RGYAS KYI
, ,MYANG 'DAS BLA NA MED PAS MYA NGAN LAS 'DA' BAR GYUR CIG ,TSOGS SHING RNAMS RANG GNAS SU GSHEGS PAR GYUR, AOm SVA BH'A WA SHUDDHA SARBBA DHARMMA SVA BH'A WA SHUDDHO NYA HAm, DE LTAR BDAG GI DE KHO NA NYID DON DAM PAR SPROS PA THAMS CAD DANG BRAL BA JI LTAR YIN PA DE BZHIN DU, LHA'I DE KHO NA NYID KYANG DE LTAR YIN PAS, DE GNYIS CHU DANG 'O MA 'DRES PA BZHIN DU RNAM PAR MI RTOG PA'I SGO DE NYID DU BDAG DANG LHA'I DE KHO NA NYID DBYER MI PHYED PAR GYUR, STONG PA'I NGANG LAS, NA MO RATNA TRA Y'A YA, AOm KAm KA NI KAm KA NI, RO TZA NI RO TZA NI, TRO tA NI TRO tA NI, TR'A SA NI TR'A SA NI, PRA TI HA NA PRA TI HA NA, SARBBA KARMMA PA RI PA R'A nI ME SARBA SATV'A N'Am SV'AH'A, ZHES PA'I SNGAGS KYI GDANGS KYI RNAM PA NAM MKHA' LA GRAGS PAR GYUR, BDAG DANG LHA'I DE KHO NA NYID DBYER MI PHYED PA'I RNAM PA CAN GYI RANG GI SEMS ZLA BA'I DKYIL 'KHOR DU GYUR PA'I STENG DU, SNGAGS KYI GDANGS KYI RNAM PA NAM MKHA' LA GRAG PA DE NYID SHIN TU DAG PA'I DNGUL CHU GSER GYI BYE MA LA ZHEN PA LTAR, YIG 'BRU BRIS PA'I RNAM PA CAN DU 'KHOD PA YONGS SU GYUR PA LAS RDO RJE SNGON PO RTZE LNGA PA'I LTE BA LA, NA MO RATNA TRA Y'A YA, ZHES PA NAS SARBA SATV'A N'Am SV'AH'A, ZHES PAS MTSAN PAR GYUR, ZLA BA DANG PHYAG MTSAN SNGAGS DANG BCAS PA LAS 'OD ZER SNA TSOGS BYUNG BA'I RTZE MO LA, BCOM LDAN 'DAS RDO RJE MI 'KHRUGS PA'I LHA'I GZUGS DPAG TU MED PA BYUNG NAS NAM MKHA'I DBYINGS
THAMS CAD KHYAB PAR BYAS RGYAL BA THAMS CAD LA MCHOD PA'I SPRIN CHEN PO SPRUL PAS LEGS PAR MCHOD, GZHAN YANG SPRIN CHEN PO SPRUL PA LAS BDUD RTZI'I CHAR RGYUN BABS PAS, DMYAL BA LA SOGS PA'I 'GRO BA THAMS CAD KYI SDUG BSNGAL GYI ME RNAMS ZHI ZHING DE RNAMS BDE BAS TSIMS PAR BYAS NAS, LHA'I SKU DANG BCAS PA'I 'OD ZER SLAR LOG ,RANG GI SEMS ZLA BA'I DKYIL 'KHOR DANG PHYAG MTSAN SNGAGS DANG BCAS PA YONGS SU RGYUR BA LAS; GAm LAS GLANG PO CHES BTEG PA'I RIN PO CHE'I KHRI'I STENG DU, PAm LAS SNA TSOGS PADMA'I LTE BAR, AA LAS ZLA BA'I DKYIL 'KHOR GYI DBUS SU, RANG NYID BCOM LDAN 'DAS RDO RJE MI 'KHRUGS PA SKU MDOG SNGON PO BEE d'URYA LTAR DAG PA, ZHI BA'I GZIGS STANGS MDZAD CING SGEG PA'I NYAMS CAN 'DZUM BAG DANG LDAN PA'I ZHAL GCIG PHYAG GNYIS PA, GA-YAS SA GNON DANG, GA-YON MNYAM GZHAG GI PHYAG RGYA'I STENG NA RDO RJE SNGON PO RTZE LNGA PA BSNAMS PA, RIN PO CHE SNA TSOGS LAS GRUB PA'I DBU RGYAN GSOL BA, RIN PO CHE'I SNYAN RGYAN DANG, MGUL RGYAN DANG, PHYAG GDUB DANG, ZHABS GDUB LA SOGS PA RIN PO CHE'I RGYAN THAMS CAD KYIS BRGYAN PA DAR SNA TSOGS PA'I NA BZAS KLUBS SHING, MTSAN BZANG PO SUM CU RTZA GNYIS DANG, DPE BYAD BZANG PO BRGYAD CUS MDZES PA, 'KHOR LOS BSGYUR BA'I RGYAL PO'I CHA BYAD CAN NYI MA'I 'OD KYI RGYAB YOL MNGA' BA, 'OD KYI DRA BAS YONGS
, ,SU BSKOR BA'I DBUS NA ZHABS GNYIS RDO RJE'I SKYIL MO KRUNG GIS BZHUGS PA, RANG GI SPYI BOR AOm LAS 'KHOR LO DKAR PO'I LTE BAR AOm GYIS MTSAN PA, MGRIN PAR A'A: LAS PADMA DMAR PO'I LTE BAR A'A: SA MTSAN PA, THUGS KAR H'Um LAS RDO RJE SNGON PO'I LTE BAR H'Um GIS MTSAN PAR GYUR, RDO RJE'I RIGS KYI DAM RGYAS SNYING KHA, MDZOD SPU, MGRIN PA, DPUNG MGO GNYIS SU REG STE, AOm BADZRA AUD BHA WA YE SV'AH'A, ZHES LAN DRUG BRJOD PA NI PHYAG RGYA'I LHA'O, ,DE NAS DPYAD 'JOG GI SGO NAS BDAG NYID BCOM LDAN 'DAS KYI RNAM PAR BSGOM PA NI MTSAN MA'I LHA STE, JI SKAD DU SLOB DPON SANGS RGYAS GSANG BAS, RDO RJE'I GDAN LA 'DUG NAS NI,, DANG POR LHA DRUG BSGOM PAR BYA, ,STONG PA YI GE SGRA GZUGS DANG, ,PHYAG RGYA MTSAN MA DRUG YIN TE, ZHES GSUNGS PA LTAR, BYA SPYOD KYI DKYIL 'KHOR CHEN PO'I BSNYEN PA BYED PA'I SNGON DU LHA DRUG GI SGO NAS BDAG BSKYED KYI RNAL 'BYOR DANG LDAN PA NGES PAR BYED DGOS TE BLA MED KYI DKYIL 'KHOR CHEN PO'I BSNYEN PA RNAM DAG BYED PA LA SBYANG GZHI SBYONG BYED 'PHROD CING, SKU GSUM GYI LAM 'KHYER TSANG BA'I RNAL 'BYOR BSGOMS NAS BSNYEN PA BYA DGOS PA BZHIN NO, ,'ON KYANG BYA SPYOD KYI SKABS SU BDAG BSKYED GTZO BO YANG SNGAR BZHIN BSKYED PA LA MCHOD BSTOD MDOR BSDUS SNGON DU BTANG NAS, BZLAS PA BYAS PAS CHOG PAR PAn CHEN SANGS RGYAS GSANG BAS GSUNGS LA,
SLOB DPON GZHAN GYIS YE SHES PA DGUG GZHUG DANG, MCHOD BSTOD BYA BAR GSUNGS PA LTAR, MDOR BSDUS BYAS KYANG 'GAL BA MED KYI GDAM NGA CAN DU SNGAGS RIM LAS GSUNGS PAS CI LTAR BYAS KYANG 'DRA, CUNG ZAD RGYAS PAR 'DOD CING SPRO NA, RANG GI THUGS KA'I H'Um LAS 'OD ZER 'PHROS, SHAR PHYOGS MNGON PAR DGA' BA LA SOGS PA'I RANG GZHIN GYI GNAS RNAMS NAS BSGOMS PA DANG 'DRA BA'I YE SHES PA SPYAN DRANGS, BADZRA SA MA DZA: MA LUS SEMS CAN KUN GYI MGON GYUR CING, ,BDUD SDE DPUNG BCAS MI BZAD 'JOMS MDZAD LHA, ,DNGOS RNAMS MA LUS JI BZHIN MKHYEN GYUR PA'I, ,BCOM LDAN 'KHOR BCAS GNAS 'DIR GSHEGS SU GSOL, ,AOm BHA GA WA NA MA H'A K'A RU nI KA A'ATMA KA AE HYA HI, AOm SARBA TA TH'A GA TA AARGHAm PRAT'I TZTSA SV'AH'A, DZA: H'Um BAm HO: GNYIS SU MED PAR GYUR, SLAR YANG THUGS KA'I H'Um LAS 'OD ZER 'PHROS, DBANG LHA RNAMS SPYAN DRANGS, DE BZHIN GSHEGS PA THAMS CAD KYIS BDAG LA MNGON PAR DBANG BSKUR DU GSOL, ZHES GSOL BA BTAB PAS, AOm SARBA TA TH'A GA TA AA BHI shE KA TA SA MA YA SHR'I YE A'A: H'Um, ZHES GSUNGS SHING BDUD RTZI'I CHUS DBANG BSKUR, LUS GANG, DRI MA DAG ,CHU LHAG PA SPYI GTZUG TU GNAS PA YONGS SU GYUR PA LAS MI BSKYOD PAS DBU BRGYAN CING DBANG GI LHA RNAMS KYANG RANG LA THIM PAR GYUR, MCHOD PA SNGAR LTAR GZI BYIN BSKYED CING BYIN GYIS BRLABS, SNGAR BZHIN AARGHAm NAS SHAPTA'I BAR GYIS MCHOD, CHOS
, ,DBYINGS RANG BZHIN AINTRA N'I LA'I MDOG ,ZHAL GCIG PHYAG GNYIS SA GNON MNYAM GZHAG BZHUGS, ,LHA YI GOS DANG RIN CHEN RGYAN MANG MDZES, ,BCOM LDAN MI 'KHRUGS PA LA PHYAG 'TSAL LO, , ZHES PA'AM, YANG NA, SNANG STONG RDO RJE NAM MKHA'I DBYINGS, ,CHOS DBYINGS YE SHES NGO BO NYID, ,BDUD 'DUL CHEN PO'I PHYAG RGYA CAN, ,PHYAG 'TSAL MI BSKYOD RDO RJE LA, ZHES PAS BSTOD, RANG NYID RDO RJE MI 'KHRUGS PA DVANGS SHING GSAL BA NAM MKHA'I 'JA' TSON LTA BU'I RNAM PA CAN DANG, DES NGOR RANG BZHIN MED PAR NGES PA'I ZAB GSAL GNYIS MED KYI RNAL 'BYOR DE NYID GDAGS GZHIR BYAS TE SKYON KUN ZAD YON TAN YONGS SU RDZOGS PA'I MI 'KHRUGS RGYAL BA NGA'O SNYAM PA'I NGA RGYAL DANG LDAN PA'I TING NGE 'DZIN LA RTZE GCIG TU MNYAM PAR 'JOG PA NI MTSAN BCAS KYI NYAMS LEN GTZO BO YIN NO, ,BSGOMS PAS SKYON, RANG GI THUGS KAR ZLA BA'I DKYIL 'KHOR GYI DBUS SU H'Um YIG MTHING KHA 'OD ZER 'BAR BA'I MTHAR GZUNGS KYIS BSKOR BA LAS 'OD ZER 'PHROS RGYAL BA SRAS BCAS MCHOD PAS MNYES PAR BYAS, DE RNAMS KYI THUGS RJE BYIN RLABS THAMS CAD BDUD RTZI 'OD ZER DANG BCAS PA'I RNAM PAR SPYAN DRANGS, RANG GI SNYING KHA'I SNGAGS 'PHRENG LA THIM PA LAS BDUD RTZI'I RGYUN BABS, LUS THAMS CAD GANG THOG MED NAS BSAGS PA'I SDIG SGRIB NAD GDON THAMS CAD SBYANGS, 'OD ZER BA SPU'I SGO
NAS PHYIR 'THON, GZHAN DON BYA BA'I YUL DANG, NGAN SONG GSUM SOGS 'GRO BA RIGS DRUG GNAS DANG BCAS PA'I SDUG BSNGAL DANG SDIG SGRIB SOGS MDOR NA MA DAG PA'I SNANG ZHEN THAMS CAD SBYONG BA SOGS SPRO BA DANG, BSDU BA'I BDAG NYID CAN DU BSAM STE, NA MO RATNA TRA Y'A YA, AOm KAm KA NI KAm KA NI, RO TZA NI RO TZA NI, TRO tA NI TRO tA NI, TR'A SA NI TR'A SA NI, PRA TI HA NA PRA TI HA NA, SARBBA KARMMA PA RAm PA R'A nI ME SARBBA SATV'A N'Am SV'AH'A, ZHES CI MANG BZLAS, YIG BRGYAS LHAG CHAD BSKANG NGO, ,DE LTAR BZLAS PA LA BRTZON PAR BYED PA NI, BSNYEN PA JI LTAR BYA BA'I TSUL LO, ,BSNYEN PA'I GRANGS NI RAB 'BUM, DE MA GRUB NA KHRI PHRAG GCIG GIS KYANG RUNG STE, LEGS GRUB LAS, BCO LNGA MAN CHAD GRANGS RNAMS LA, , SPYIR NA YI GE DU YOD PA, ,DE SNYED 'BUM PHRAG BZLAS BRJOD BYA, ,YI GE SUM CU RTZA GNYIS LA, ,BZLAS BRJOD GSUM 'BUM BYA BAR BSHAD, ,DE BAS YI GE MANG PO LA, ,SNGON DU BSNYEN PA KHRI BYA'O, ZHES GSUNGS PA'I PHYIR RO, ,MJUG TU MCHOD BSTONG MDOR BSDUS ZHIG BYAS TE, DGE BA 'DI YIS MYUR DU BDAG ,MI 'KHRUGS RGYAL PO 'GRUB GYUR NAS, ,'GRO BA GCIG KYANG MA LUS PA, ,DE YI SA LA 'GOD PAR SHOG ,DGE BA'I LAS RNAMS BGYIS PA 'DI DAG GIS, 'JIG RTEN 'DIR NI MYUR DU SANGS RGYAS SHOG ,'GRO LA PHAN PHYIR CHOS KYANG STON BGYID CING, ,SEMS CAN SDUG BSNGAL MANG POS GZIR LAS SGROL, CIS SOGS BSNGO BA SMON LAM DANG SHIS PA YANG BRJOD PAR BYA'O, ,DE NAS
, ,BUM BSKYED KYI YO BYAD RNAMS LAG LEN BZHIN TSOGS PAR BYAS TE, BUM PA'I MCHOD PA RNAMS SNGAR LTAR GZI BYIN BSKYED CING BYIN GYIS BRLABS, BUM PA K'I LI K'I LA'I SNGAGS KYIS BSANGS, SVA BH'A WAS SBYANGS, BUM PA GNYIS SOGS YOD NA BUM PA RNAMS STONG PA NYID DU GYUR, STONG PA'I NGANG LAS BAm BAm LAS BYUNG BA'I RIN PO CHE'I BUM PA LTO BA CHE BA MGRIN PA RING BA, MCHU 'PHYANG BA LA SOGS PA MTSAN NYID THAMS CAD DANG LDAN PAR GYUR, AOm T'APTE T'APTE MAH'A T'APTE SV'AH'A, LHA'I CHU BO GANGG'A DANG BUM PA'I CHU DBYER MI PHYED PAR GYUR, RNAM RGYAL BUM PA'I NANG DU PAm LAS SNA TSOGS PADMA 'DAB MA BRGYAD PA, DE'I PHYOGS BZHIR PADMA'I GDAN RE RE, DE RNAMS KYI STENG DU AA LAS ZLA BA'I DKYIL 'KHOR DANG, LAS BUM GYI NANG DU PAm LAS PADMA DANG RAm LAS NYI MA'I DKYIL 'KHOR, AOm SH'U N-YA T'A DZNY'A NA BADZRA SVA BH'A WA A'ATMA KONYA HAm, DE LTAR DAM TSIG PA'I DE KHO NA NYID DON DAM PAR SPROS PA THAMS CAD DANG BRAL BA JI LTAR YIN PA DE BZHIN DU, LHA'I DE KHO NA NYID KYANG DE LTAR YIN PAS, DE GNYIS CHU DANG 'O MA 'DRES PA BZHIN DU RNAM PAR MI RTOG PA'I, SGO DE NYID DU BDAG DANG LHA'I DE KHO NA NYID DBYER MI PHYED PAR GYUR, STONG PA'I NGANG LAS, NA MO RATNA TRA Y'A YA, ZHES PA NAS SARBBA KARMMA PA RAm PA R'A nI ME SARBA SATV'A N'Am SV'AH'A, ZHES PA'I SNGAGS KYI GDANGS KYI RNAM PA NAM MKHA' LA GRAG PAR GYUR, BDAG DANG LHA'I DE KHO NA NYID DBYER MI PHYED PA'I RNAM PA CAN GYI RANG
GI SEMS ZLA BA'I DKYIL 'KHOR DU GYUR PA'I STENG DU SNGAGS KYI GDANGS KYI RNAM PA NAM MKHA' LA GRAG PA DE NYID SHIN TU DAG PA'I DNGUL CHU GSER GYI BYE MA LA ZHEN PA LTAR YIG 'BRU BRIS PA'I RNAM PA CAN DU 'KHOR BA YONGS SU GYUR PA LAS RDO RJE SNGON PO RTZE LNGA PA'I LTE BA LA, NA MO RATNA TRA Y'A YA, ZHES PA NAS N'Am SV'AH'A ZHES PAS MTSAN PAR GYUR, ZLA BA DANG PHYAG MTSAN SNGAGS DANG BCAS PA LAS 'OD ZER SNA TSOGS BYUNG BA'I RTZE MO LAS BCOM LDAN 'DAS RDO RJE MI 'KHRUGS PA'I LHA'I GZUGS DPAG TU MED PA BYUNG NAS NAM MKHA'I DBYINGS THAMS CAD KHYAB PAR BYAS ZHES PA NAS RANG GI SEMS ZLA BA'I DKYIL 'KHOR DANG PHYAG MTSAN SNGAGS DANG BCAS PA LA ZHUGS PA LAS BCOM LDAN 'DAS RDO RJE MI 'KHRUGS PA LHA BCU GSUM GYI SKUR YONGS SU RDZOGS PAR GYUR PA NI, DBUS KYI GDAN LA BCOM LDAN 'DAS RDO RJE MI 'KHRUGS PA SKU MDOG SNGON PO ZHES PA NAS BSKOR BA'I DBUS NA ZHABS GNYIS RDO RJE SKYIL MO KRUNG GIS BZHUGS PA, SHAR DANG SHAR LHO'I ZLA GDAN LA PADMA CAN DANG 'JIGS BRAL MA SNGON MO DPAL BE'U DANG 'KHOR LO 'DZIN PA, LHO DANG LHO NUB KYI ZLA GDAN LA 'OD LDAN MA DANG RNAM RGYAL MA SER MO PADMA DANG RGYAL MTSAN 'DZIN PA, NUB DANG NUB BYANG GI ZLA GDAN LA, MDANGS LDAN MA DANG DRI MED MDZES MA DMAR MO GDUGS DANG BUM PA 'DZIN PA, BYANG DANG BYANG SHAR GYI ZLA GDAN LA, RGYAL BA CAN DANG YID GZHUNGS MA LJANG KHU DUNG DANG
, ,NYA 'DZIN PA, BRGYAD KA'NGA SEMS DPA'I SKYIL KRUNG GIS BZHUGS PA, DE DAG GI PHYI'I SHAR DU LCAGS KYU MA DKAR MO LCAGS KYU 'DZIN PA, LHOR ZHAGS PA MA SER MO ZHAGS PA 'DZIN PA, NUB TU LCAGS SGROG MA DMAR MO LCAGS SGROG 'DZIN PA, BYANG DU DRIL BU MA LJANG KHU DRIL BU 'DZIN PA, BZHI KA'NGA ZHABS GA-YAS BSKUMS SHING GA-YON BRKYANGS PA'I STABS KYIS BZHUGS PA, THAMS CAD KYANG RIN PO CHE'I RGYAN DANG DAR SNA TSOGS KYI NA BZA' CAN DU GYUR, LAS BUM GYI NANG DU H'Um DANG RDO RJE LAS SKYES PA'I PHYAG NA RDO RJE SKU MDOG MTHING NAG ZHAL GCIG PHYAG GNYIS KYI GA-YAS RDO RJE 'PHYAR ZHING, GA-YON THUGS KAR SDIGS MDZUB MDZAD PA, MCHE BA RNON PO BZHI GTZIGS SHING SPYAN GSUM DANG LDAN PA KHRO GNYER CAN, SMIN MA DANG SMA RA DANG DBU SKRA DMAR SER GYEN DU 'BAR ZHING, SBRUL DANG RIN PO CHE'I RGYAN SNA TSOGS PAS BRGYAN PA, GOS SNGON PO'I STOD GA-YOGS DANG, STAG GI PAGS PA'I SHAM THABS CAN, ZHABS GA-YAS BSKUMS SHING GA-YON BRKYANGS PA'I STABS KYIS YE SHES KYI ME RAB TU 'BAR BA'I DBUS NA BZHUGS PA, GTZO 'KHOR THAMS CAD KYI SPYI BOR AOm LAS 'KHOR LO DKAR PO'I LTE BAR AOm GYIS MTSAN PA, MGRIN PAR A'A: LAS PADMA DMAR PO'I LTE BAR A'A: SA MTSAN PA, THUGS KAR H'Um LAS RDO RJE SNGON PO'I LTE BAR H'Um GIS MTSAN PAR GYUR, SNGAR BZHIN RDO RJE'I RIGS KYI DAM RGYAS
GNAS LNGAR GTUGS NAS BYIN GYIS BRLABS, BUM PA'I LHA DANG RANG GI THUGS KA'I H'Um LAS 'OD ZER 'PHROS, SHAR PHYOGS MNGON PAR DGA' BA LA SOGS PA'I RANG BZHIN GYI GNAS RNAMS NAS BSGOMS PA DANG 'DRA BA'I YE SHES KYI 'KHOR LO SPYAN DRANGS, BADZRA SA MA DZA: MA LUS SEMS CAN KUN GYI MGON GYUR CING, ,BDUD SDE DPUNG BCAS MI BZAD 'JOMS MDZAD LHA, ,DNGOS RNAMS MA LUS YANG DAG MKHYEN GYUR PA'I, ,BCOM LDAN 'KHOR BCAS GNAS 'DIR GSHEGS SU GSOL, ,AOm BHA GA WAN MA H'A K'A RU nI K'A A'ADMA KA AE HYA HI, MDUN GYI NAM MKHAR BZHUGS PAR GYUR, AOm SARBBA TA TH'A GA TA AARGHAm PRA T'I TZTSA H'Um SV'AH'A, DZA: H'Um BAm HO: GNYIS SU MED PAR GYUR, SLAR YANG THUGS KA'I H'Um LAS 'OD ZER 'PHROS, DBANG GI LHA RNAMS SPYAN DRANGS, DE BZHIN GSHEGS PA THAMS CAD KYIS 'DI LA MNGON PAR DBANG BSKUR DU GSOL, ZHES GSOL BA BTAB PAS, AOm SARBBA TA TH'A GA TA AA BHI shE KA TA SA MA YA SHR'I YE A'A: H'Um; ZHES GSUNGS SHING BDUD RTZI'I CHUS DBANG BSKUR, SKU GANG DRI MA DAG ,CHU LHAG PA SPYI GTZUG TU GNAS PA YONGS SU GYUR PA LAS, GTZO 'KHOR THAMS CAD LA MI BSKYOD PAS DBU BRGYAN CING DBANG GI LHA RNAMS KYANG THIM PAR GYUR, MCHOD PA RNAMS SNGAR LTAR GZI BYIN BSKYED CING BYIN GYIS BRLABS LA, AOm SARBBA TA TH'A GA TA AARGHAm PRA T'I TZTSA H'Um SV'AH'A, DE BZHIN DU P'A DYAm, PUshPE, DH'U PE, A'A LO KE, GANDHE, NEE WE DYA, SHAPTA PRA T'I TZTSA H'Um SV'AH'A, ZHES PA'I BAR
, ,GYIS MCHOD, DRIL STABS DANG BCAS PAS CHOS DBYINGS RANG BZHIN AINDRA N'I LA'I MDOG ,ZHAL GCIG PHYAG GNYIS SA GNON MNYAM GZHAG BZHUGS, ,LHA YI GOS DANG RIN CHEN RGYAN MANG MDZES, , BCOM LDAN MI 'KHRUGS PA LA PHYAG 'TSAL LO, ,RNAM DAG PADMO DBUS KYI LTE BA LA, ,DON LA MTSAN GSOL BCOM LDAN MI 'KHRUGS PA, ,SKU MDOG SNGON PO RGYAN GYIS RNAM PAR BRGYAN, ,RDO RJE MI 'KHRUGS PA LA PHYAG 'TSAL LO, ,RDZOGS SANGS MNGON PAR SANGS RGYAS TSE, ,BKRA SHIS RTAGS SU SKU SPRUL NAS, ,LHA MO BRGYAD KYIS 'GRO DON MDZAD, ,DPAL BE'U PADMA GDUGS DANG DUNG, ,'KHOR LO RGYAL MTSAN BUM PA NYA, ,BKRA SHIS LHA MO BRGYAD PO DANG, ,LCAGS KYU ZHAGS PA LCAGS SGROG DRIL, ,DKYIL 'KHOR LHA TSOGS PHYAG 'TSAL BSTOD, ,STOBS PO CHE LA DRAG SHUL CAN, ,RIG SNGAGS RGYAL PO DGE BA CAN, ,GDUL DKA' PO DAG 'DUL BA PO, ,RDO RJE 'DZIN LA PHYAG 'TSAL BSTOD, CES PAS BSTOD, RANG GI THUGS KA NAS SNGAGS 'PHRENG 'THON, GZUNGS THAG LA 'KHRIL BUM PA'I LHA RNAMS KYI THUGS RGYUD BSKUL BAS, BDUD RTZI'I RGYUN BABS BUM PA GANG BAR BSAMS LA; AOm BADZRA AU DA KA H'Um ZHES PA BDUN DANG, H'Um LAN BDUN BZLAS, DUNG CHOS KYI CHU YE SHES KYI BDUD RTZIR BYAS PA'I RDO RJE'I RDUL PHRA RAB KYI RANG BZHIN DU GYUR, CES BRJOD CING BSAMS LA, GZUNGS BRGYA RTZA DANG, LAS BUM
LA; AOm N'I L'Am WA RA DHA RA BADZRA P'A nI H'Um PHAt CES PAR RGYA RTZA DANG THUN MONG DU, AOm BADZRA AAMRi TA AU DA KA H'Um PHAt CES PA NYER GCIG BZLAS, YIG BRGYAS CHAD LHAGS BSKANGS, GZUNGS KYI MJUG TU H'Um BDUN BRJOD DO, ,DUNG CHOS KYI CHUS BUM PA'I LHA LA MCHOD YON DANG, LAS SNGAGS KYIS ME TOG DKAR PO GSUM PHUL TE, LAS BUM GYI CHU GTOR LA, JI SRID DKYIL 'KHOR GYI BYA BA MA RDZOGS KYI BAR DU BGEGS RNAM PAR BZLOG PA'I 'PHRIN LAS MDZOD CIG ;CES 'PHRIN LAS BCOL, AOm SARBBA T'A TH'A GA TA PUshPAm PRA T'ITZTSA H'Um SV'AH'A, ZHES PA NAS SHAPTA'I BAR GYIS MCHOD, BSTOD PAS BSTOD, YI GE BRGYA PA BRJOD CING BZOD PAR GSOL, AOm KHYED KYIS SEMS CAN DON KUN MDZAD, , RJES SU MTHUN PA'I DNGOS GRUB STZOL, ,SANGS RGYAS YUL DU GSHEGS NAS KYANG, ,SLAR YANG 'BYON PAR MDZAD DU GSOL, ,BADZRA MU: YE SHES PA RANG BZHIN GYI GNAS SU GSHEGS, DAM TSIG PA ZHU NAS BUM PA'I CHU DANG DBYER MED DU GYUR,, ` ,,DA NI MDUN BSKYED JI LTAR BYA BA'I TSUL BRJOD PAR BYA STE, RDUL TSON LA BRTEN PAR 'DOD NA, DKYIL 'KHOR GANG DU BYA BA'I GNAS DER BRTAGS TE GZHI BDAG LAS SA BSLANGS TE SBYANGS, BDAG BSKYED BSGOMS TE BGEGS BSAL, BYIN GYIS BRLABS PA'I LAS THIG BTAB, LHA GNAS SU TSOM BU BKOD NAS, LHA DANG BUM PA STA GON BYA, SLOB MA LA DBANG BSKUR BA'I CHED DU YIN NA, KUN SLONG 'CHOS
, ,PA GSOL 'DEBS, SPRO BA BSKYED PA, BYANG SEMS KYI SDOM GZUNG, SGO GSUM BYIN RLABS, MCHOD PA, SO SHING, KHYOR CHU, KU SHA, DPUNG SKUD, CHOS BSHAD PA RNAMS CHAD LHAGS MED PAR RGYAS BSDUS CI RIGS PA'I SGO NAS STA GON BYA'O, ,DE RJES STA GON GYI DKYIL 'KHOR NAM MKHAR BTEG ,BYIN BRLABS BYAS PA'I YE SHES KYI THIG BTAB PA YE SHES LNGA'I NGO BOR MOS PA'I TSON GYIS, GZHAL YAS KHANG GRU BZHI RTA BABS BZHI DANG LDAN PA'I PHYI ROL TU PADMA RDOR ME RI DANG BCAS PA'I DBUS SU SNA TSOGS PADMA 'DAB BRGYAD LTE BA DANG, 'DAB MA BRGYAD KYI STENG DU ZLA BA'I GDAN, SGO BZHIR PAD ZLA'I GDAN BRI, DBUS SU RDO RJE SNGON PO, 'DAB MA RNAMS LA LHA MO RANG RANG GI PHYAG MTSAN DANG, SGO BZHIR LCAGS KYU ZHAGS PA LCAGS SGROG DRIL BU RNAMS 'GOD CING MTHA' MCHOD PAS BSKOR RO, ,RAS BRIS SGRUB GZHIR BYED NA'ANG, YID CHES PA'I RAB GNAS CAN YIN NA MA GTOGS, SA CHOG GI SKOR BZHAG ,STA GON RGYAS BSDUS CI RIGS BYA DGOS SO, ,DE NAS CHO GA DNGOS LA 'JUG PA NI,, ,,MDUN GYI DKYIL 'KHOR K'I LI K'I LA'AM, LAS BUM GYI CHUS GTOR CING, N'I LAm W'A RA DHA RA'I SNGAGS KYIS BSANGS, SH'U N-YA T'AS SBYANGS, CHOS THAMS CAD RANG BZHIN GYI GRUB PAS STONG PA NYID DU GYUR, STONG PA'I NGANG LAS RANG GI MDUN DU PAm LAS SNA TSOGS PADMA'I LTE BAR RAm LAS NYI MA'I DKYIL 'KHOR GYI STENG DU, H'Um LAS SNA TSOGS RDO RJE'I LTE BA LA
H'Um GIS MTSAN PA, DE LAS 'OD ZER 'OG TU 'PHROS PAS RDO RJE'I SA GZHI, LOGS SU 'PHROS PAS RDO RJE'I RA BA, STENG DU 'PHROS PAS RDO RJE'I GUR, GUR GYI 'OG RA BA'I STENG DU RDO RJE'I BLA BRE THAMS CAD KYANG BAR MTSAMS MED PAR DUM BU GCIG TU GYUR PA'I PHYI ROL TU BSKAL PA 'JIG PA'I DUS KYI ME LTA BU'I RDO RJE'I ME KHA DOG SNA LNGA BAS BSKOR BA'I NANG DU RIN PO CHE DU MA LAS BYAS PA'I SA GZHI GSER GYI BYE MA BDAL BAR GYUR, AOm TZA LA B'I H'Um SV'AH'A, DE'I STENG DU 'O MA'I RGYA MTSO CHEN PO NYA LCIBS LA SOGS PA'I SKYON DANG BRAL BA, PADMA DANG, AUTPAL LA SOGS PA'I ME TOG GIS BRGYAN PA, RIN PO CHE'I BYA'I TSOGS MANG PO LDING BAR GYUR, AOm BI MA LA DHA HA H'Um, DE'I DBUS SU RI RAB GRU BZHI PA NGOS BZHI NAS GSER DANG; DNGUL DANG, AINDA N'I LA DANG, SPUR LONG LAS BYAS PA'I THAM SKAS KYI 'PHRENG BAS BRGYAN PA, MTHA' THOG THAG DPAG BSAM GYI SHING LEGS PAR 'KHRUNGS PA LA RNAM PAR RGYAL BA'I BA DAN STONG 'PHUR BAS BRGYAN PA, DE'I STENG DU PADMA'I SDONG BU RIN PO CHE DU MAS BRGYAN PA'I RIN PO CHE SNA TSOGS KYI 'DAB MA CAN, GSER GYI ZE BA DANG SPUR LONG GI ZE'U 'BRU DANG LDAN PA, SNYING PO'I THOG LA DNGUL GYI RI MOS BSKOR BA DPAG TSAD DU MA'I KHYON CAN, RI RAB KYI DBUS BRTOL NAS BYUNG BA'I LTE BAR BHRUm YONGS SU GYUR PA LAS GZHAL YAS KHANG GRU BZHI SGO BZHI PA PHYI ROL NAS RIM PA BZHIN DU DKAR SER DMAR LJANG SNGO BA'I RIM PA LNGA DANG LDAN PA'I RIN PO CHE'I RTZIG PAS BSKOR BA'I STENG DU,
, ,RIN PO CHE'I PHA GU GZHI DMAR PO LA RIN PO CHE ZUR GSUM PA DANG GRU BZHI PA LA SOGS PAS SPRAS PA, DE'I STENG NA GNAS PA'I GSER GYI SKA RAGS BZHI'I PHYI NGOS SU CHU SRIN GYI KHA NAS MU TIG GI DO SHAL DANG DO SHAL PHYED PA 'PHYANG BA, DE'I PHYI NGOS SU BYA 'DAB LAS 'PHYANG BA'I RIN PO CHE'I SHAR BU, DE'I STENG NA PADMA 'DAB MA PHYED PA'I DBYIBS CAN GYI MDA' YAB LA GNAS PA'I GSER GYI BUM PA NAS 'THON PA'I RGYAL MTSAN DANG, BA DAN BRGYAD BRGYAD KYIS MDZES PAR BYAS PA, PHYI'I STENG GI ZUR BZHI LA GDUGS BZHIS BRGYAN PA, RTZIG PA'I 'GRAM NAS 'DOD YON GYI SNAM BU DMAR POS BSKOR BA LA BZHUGS STABS DANG KHA DOG SNA TSOGS PA'I LHA MO RNAMS KYIS MCHOD PA BYED BZHIN PA, SGO DANG SGO KHYUD KYI PHYI'I MTSAMS DANG, RTZIG PA'I PHYI NANG GI ZUR BZHIR ZLA BA PHYED PA LA GNAS PA'I RIN PO CHE DMAR PO'I STENG DU RDO RJES BRGYAN PA, SGO BZHI SO SO'I MDUN DU STEGS BU GRU BZHI PA'I STENG DU BUM PA LA GNAS PA'I KA BA BZHI BZHIS BTEG PA'I RTA BABS, GSER SHAR BU RIN CHEN RTA RMIG MUN SNAM WA RANTA MUN PA SHAR BU RIN CHEN RMIG PA MNGA' YAB STE SNAM BU BCU GCIG DANG LDAN PA'I RTZE MOR CHOS KYI 'KHOR LO'I GA-YAS GA-YON DU RI DVAGS PHO MO DANG BCAS PA, RTA BABS KYI GA-YAS GA-YON DU BUM PA BZANG PO LAS SKYES PA'I DPAG BSAM GYI SHING LA RGYAL SRID RIN PO CHE SNA BDUN DANG, BAR BAR DU GRUB PA THOB
PA DANG, SPRIN GYI GSEB NAS BYUNG BA'I LHA ME TOG GI 'PHRENG BA BZUNG BA RNAMS KYIS KUN NAS MDZES PAR BYAS PA'O, ,GZHAL YAS KHANG GI NANG DU KA BA BRGYAD KYIS BTEG PA'I RIN PO CHE'I GDUNG BZHIS MDZES PAR PHUB PAR RTZE MO RDO RJE NOR BU RIN PO CHE'I TOG GIS SPRAS PA, LHA DANG MI LAS YON TAN KHYAD PAR DU 'PHAGS PA'I KHANG BZANG DAM PA, PHYI BLTAS NANG GSAL BA NANG BLTAS PHYI GSAL BA'I NANG GI STENG DANG, 'OG GI SA GZHI THAMS CAD SHAR DKAR, LHO SER, NUB DMAR, BYANG LJANG, DBUS SNGO BA'I STENG DU SNA TSOGS PADMA 'DAB MA BRGYAD PA LTE BA DANG BCAS PA, SGO BZHIR PADMA'I GDAN RE RE, DE RNAMS KYI STENG DU AA LAS ZLA BA'I DKYIL 'KHOR, NA MA: SARBBA TA TH'A GA T'A N'Am SARBBA TH'A AUD GA TE SPHA RA TA HI MAm GA GA NA KHAm SV'AH'A, STENG DU BLA BRE YANG SKAD CIG GIS BYUNG BAR GYUR, AOm K'I LI K'I LA BADZRA H'Um PHAt, CES MCHOD YON BYIN GYIS BRLABS, AOm SARBBA TA TH'A GA TA K'A YA W'A KA TZITTA BADZRA PRA nA ME NA SARBBA TA TH'A GA TA BADZRA PA DA BAN DA N'Am KA RO MI, ZHES DKYIL 'KHOR PA LA PHYAG BYA, DAD PA DANG NI DAM TSIG GIS, ,TSUR GSHEGS TSUR GSHEGS BCOM LDAN 'DAS, ,BDAG GI MCHOD YON 'DI BZHES NAS, ,MCHOD PAS BDAG LA DGYES PAR MDZOD, ,BADZRA DHRI KA AE HYA HI, AOm SARBBA TA TH'A GA TA SA PA RI W'A RA AARGHAm PRA T'I TZTSA H'Um SV'AH'A, BCOM LDAN 'DAS RDO RJE MI 'KHRUGS PA'I LHA TSOGS LA RIG SNGAGS DANG GSANG SNGAGS DANG KHRO BO DANG, MNGAG GZHUG PA DANG MNGAG GZHUG MA
, ,LA SOGS PA NAM MKHA'I DBYINGS KHYAB CING KHOR YUG TU BSKOR BA BYON PA RNAMS RANG RANG GI GDAN LA BZHUGS PA NI, DBUS KYI GDAN LA BCOM LDAN 'DAS RDO RJE MI 'KHRUGS PA SKU MDOG SNGON PO ZHES PA NAS BSKOR BA'I DBUS NA ZHABS GNYIS RDO RJE'I SKYIL MO KRUNG GIS BZHUGS PA, SHAR DANG SHAR LHO'I ZLA GDAN LA PADMA CAN DANG 'JIGS BRAL MA ZHES PA NAS THAMS CAD KYANG RIN PO CHE'I RGYAN DANG DAR SNA TSOGS KYI NA BZA' CAN DU GYUR, GTZO 'KHOR THAMS CAD KYI SPYI BOR AOm LAS 'KHOR LO DKAR PO'I LTE BAR AOm GYIS MTSAN PA, MGRIN PAR A'A: LAS PADMA DMAR PO'I LTE BAR A'A: SA MTSAN PA, THUGS KAR H'Um LAS RDO RJE SNGON PO'I LTE BAR H'Um GIS MTSAN PA, AOm BADZRA AUD BHA WA YE SV'AH'A, BDAG BSKYED BZHIN GNAS GZHI BYIN GYIS BRLABS, BCOM LDAN THUGS RJES BYON PA LAGS, ,BDAG CAG BSOD NAMS SKAL BAR LDAN, ,BDAG GI MCHOD YON BZHES NAS KYANG, , THUGS LA DGONGS SHING GNANG BAR MDZOD, ,BDAG DANG 'GRO LA THUGS BRTZE'I PHYIR, ,NYID KYI RDZU 'PHRUL MTHU YIS NI, ,JI SRID MCHOD PA BDAG BGYID NA, ,DE SRID BCOM LDAN BZHUGS SU GSOL, ,AOm BADZRA KA H'Um PHAt, CES GDAN PHUL, SHAm KA RE SA MA YE SV'AH'A, BADZRA DHRI KA, AOm N'I W'Am WA RA DHA RA BADZRA P'A nI H'Um PHAt, CES PAS BGEGS BSKRAD DO, ,DE NAS MCHOD PA RNAMS GZI BYIN BSKYED CING BYIN GYIS BRLABS TE, MI 'KHRUGS PA'I SGRUB THABS
PHAL CHER NAS 'BYUNG BA LTAR MCHOD BSTOD BYAS NA'ANG RUNG TZAM YIN LA, 'ON KYANG RGYAL BAS RGYUD SDE BZHI'I CHO GA SO SOR GSUNGS PA MA 'DRES PAR, BYA SPYOD PA'I CHO GA GTZANG MA BYED PAR 'DOD PA'I RNAM DPYOD CAN DAG GIS NI, BYA SPYOD PA'I SLOB DPON MKHAS PA GNYIS KYI BZHED PA DANG MTHUN PAR, RDO RJE 'CHANG CHEN PO'I LAM RIM NAS GSUNGS PA 'DI LTAR BYA STE, BDE BAR GSHEGS SO BCOM LDAN 'DAS, ,TSUR GSHEGS 'DIR NI BZHUGS SU GSOL, ,BDAG GI MCHOD YON BZHES NAS KYANG, ,THUGS KYIS THUGS DPAG MDZAD DU GSOL, ,BDAG NI KHYED LA GUS DANG LDAN, ,AOm SARBA TA TH'A GA TA AAKshO BHYA: MAndA LA SA PA RI W'A RA AARGHAm PRA T'I TZTSA H'Um SV'AH'A, BDE BAR GSHEGS SO BCOM LDAN 'DAS, ,TSUR GSHEGS 'DIR NI BZHUGS SU GSOL, ,BDAG GI MCHOD YON BZHES NAS KYANG, ,THUGS KYIS THUGS DPAG MDZAD DU GSOL, ,BDAG NI KHYED LA GUS DANG LDAN, ,AOm PRA WA RA SAD KA RAm PADYAm PRA T'I TZTSA H'Um SV'AH'A, DE BZHIN GSHEGS DANG DE YI SRAS RNAMS LA, ,RIN CHEN BUM PA MANG PO SPOS KYI CHU, ,YID 'ONG LEGS PAR BKANG BA GLU DANG NI, ,ROL MOR BCAS PA DU MAS SKU BSIL LO, ,AOm SARBBA DE WA TA AA TZINTA AA MRi TA SV'AH'A, SNA TSOGS DBANG PO'I GZHU BZHIN RAB BKRA YANG, ,GANG LA REG NA BDE BA'I RGYUR 'GYUR BA, ,GOS BZANG RIN CHEN BDAG BLO SBYANG PHYIR 'BUL, ,BZOD PA DAM PA'I GOS KYIS BRGYAN PAR SHOG ,
, ,AOm BADZRA WASTRA A'A: H'Um SV'AH'A, RGYAL BA MTSAN DPE'I RANG BZHIN RGYAN LDAN PHYIR, ,RGYAN GZHAN DAG GIS RGYAN PAR MI 'TSAL YANG, ,RIN CHEN RGYAN MCHOG PHUL BAS 'GRO KUN GYIS, ,MTSAN DPES BRGYAN PA'I SKU LUS THOB PAR SHOG ,AOm BADZRA A'A LAm K'A RA WA PUshA NI SV'AH'A, GTZANG ZHING GTZANG MA LAS BYUNG BA'I, ,LHA RDZAS BZANG PO'I DRI 'DI DAG ,BDAG GIS DAD PAS 'BUL LAGS KYIS, ,BZHES NAS BDAG LA DGYES PAR MDZOD, ,A'A HA RA A'A HA RA SARBBA BI DY'A DHA RI P'U DZI TE SV'AH'A, GTZANG ZHING GTZANG MA LAS SKYES PA'I, ,LHA RDZAS BZANG PO'I ME TOG 'DI, ,BDAG GIS DAD PAS 'BUL LAGS KYIS, ,BZHES NAS x, A'A HA RA x, NAGS TSAL BCUNG NI YID DU 'ONG, ,DRI YI SBYAR BA LHA YI RDZAS, ,BDAG GIS DAD PAS x, BZHES NAS x, A'A HA RA x, SMAN RNAMS BCUD NI YID DU 'ONG, ,SNGAGS KYI ZHAL ZAS BSHOS 'DI DAG ,BDAG GIS x, BZHES NAS x, A'A HA RA x; GNOD RNAMS 'JOMS SHING BKRA SHIS PA, ,DGE ZHING MUN PA RNAM SEL 'DI, ,BDAG GIS x, MAR ME 'DI DAG BZHES SU GSOL, ,A'A LO KA YA A'A LO KA YA BI DY'A DHA RI P'U DZI TE SV'AH'A, DE LAS GZHAN YANG MCHOD PA'I TSOGS, ,ROL MO DBYANGS SNYAN YID 'ONG LDAN, ,SEMS CAN SDUG BSNGAL SEL MDZAD PA'I, ,SPRIN RNAMS SO SOR GNAS GYUR CIG ,AOm SARBBA TA TH'A GA TA AAKshO BHYA: SA PA RI W'A RA SHAPTA PRA T'I TZTSA H'Um SV'AH'A, DE NAS BSTOD PA NI
DRIL STABS DANG BCAS PAS, MGON PO THUGS RJE CHE LDAN PA, ,THAMS CAD MKHYEN PA'I STON PA PO, ,BSOD NAMS YON TAN RGYA MTSO'I GZHI, ,DE BZHIN GSHEGS LA PHYAG 'TSAL LO, ,DAG PA 'DOD CHAGS BRAL BAR GYUR, ,DGE BAS NGAN SONG LAS GROL BA, ,GCIG TU DON DAM MCHOG GYUR PA, ,ZHI GYUR CHOS LA PHYAG 'TSAL LO, ,GROL NAS GROL BA'I LAM YANG STON, ,BSLAB PA DAG LA RAB TU GUS, ,ZHING GI DAM PA YON TAN LDAN, ,DGE 'DUN LA YANG GUS PHYAG 'TSAL, ,GZHON NU'I CHA LUGS 'CHANG BA PO, ,SHES RAB SGRON MES RAB TU BRGYAN, ,'JIG RTEN GSUM GYI MUN SEL BA, ,'JAM DPAL LA YANG PHYAG 'TSAL LO, ,SANGS RGYAS KUN GYIS RAB TU BSNGAGS, ,YON TAN DAM PA KUN BSAGS PA, ,SPYAN RAS GZIGS ZHES MTSAN GSOL BA, ,RTAG PAR BRTZE LA PHYAG 'TSAL LO, ,STOBS PO CHE LA DRAG SHUL CAN, ,RIG SNGAGS RGYAL PO DGE BA CAN, ,GDUL DKA' PO DAG 'DUL BA PO; ;RDO RJE 'DZIN LA PHYAG 'TSAL LO, ,CHOS DBYINGS RANG BZHIN AINTRA N'I LA'I MDOG ,CES PA NAS DKYIL 'KHOR LHA TSOGS PHYAG 'TSAL BSTOD, CES PAS BSTOD CING, NA MA: SARBA BUD DHA BO DHI SATVA N'Am, SARBA TRA SAm KU RU MI T'A BI DZNY'A RA SHI NI NA MO STU TE SV'AH'A, ZHES BSTOD PA 'BYUNG BA'I SNGAGS KYANG BRJOD, MDOR BSDU DGOS PA BYUNG NA MTSAMS 'DIR BZLAS PA BYED, RGYAS PAR NA, 'JIG RTEN DAG GI PHYOGS KUN NA, ,DE BZHIN GSHEGS RNAMS
, ,GANG BZHUGS DANG, ,DGRA BCOM BYANG CHUB SEMS DPA' DAG ,DE DAG BDAG LA DGONGS SU GSOL, ,TSE RABS GANG YANG RUNG BA NA, ,BDAG GIS SDIG PA CI BGYIS DANG, ,SNGON GYI TSE RABS GZHAN DAG DANG; ;TSE RABS 'DI DANG 'KHOR BA NA, ,'DOD CHAGS DBANG DANG BLUN PA DANG, ,KHRO BA DAG GIS 'KHRUGS GYUR TE, ,SANGS RGYAS CHOS DANG DGE 'DUN NAM, ,BLA MA DAG DANG PHA MA DANG, ,DGRA BCOM BYANG CHUB SEMS DPA' DANG, , SBYIN GNAS GANG YANG RUNG BA DANG, ,DE LAS GZHAN PA'I SEMS CAN DAG ,YON TAN LDAN DANG MI LDAN LA, ,SDIG PA'I LAS RNAMS GANG BGYIS DANG, ,GANG YANG BGYID DU STZAL BA DAG ,GANG YANG CUNG ZAD YI RANG BA, ,BAG MED PAS NI PHRA MO YANG, ,LUS NGAG YID KYIS BGYIS PA RNAMS, ,DE DAG MA LUS BLOS BSDUS NAS, ,RDZOGS PA'I SANGS RGYAS SRAS BCAS PA, ,BDAG GIS DA NI MNGON SUM BZHIN, ,RAB TU GUS PAS PHYAG 'TSAL TE; ;SKYO BA'I YID DU GYUR PA YIS, ,THAL MO SBYAR TE NONGS PA RNAMS, ,YANG DANG YANG DU SO SOR BSHAGS, ,BDAG GIS SDIG PA BGYIS PA RNAMS, ,RDZOGS SANGS RGYAS KYIS MKHYEN PA BZHIN, ,DE LTAR BDAG GIS SO SOR BSHAGS, ,SLAN CHAD DE LTAR YONGS MI BGYID, ,SROG CHAGS SDUG BSNGAL ZHI BYA'I PHYIR, ,BDAG NYID JI SRID 'TSO BAR DU, ,SANGS RGYAS CHOS DANG DGE 'DUN LA, ,GUS PAR YANG DAG SKYABS SU MCHI, ,CHOS KYI LONGS
SPYOD SNA TSOGS LA, ,MNYAM PAR GZHAG NAS YI RANG NGO, ,MI RTOG BLO GROS BSKYED PA'I PHYIR, ,CHOS KYI 'KHOR LO BSKOR BA DANG, ,GDUL BYA JI SRID TSIM BAR DU, ,MYA NGAN MI 'DA' GSOL BA 'DEBS, ,SNGON GYI RGYAL BA'I SRAS RNAMS KYIS, ,SMON LAM JI LTAR MDZAD PA BZHIN, ,BDAG KYANG DGE BA'I SEMS KYIS SU, ,DE BZHIN DU NI SMON LAM 'DEBS, ,SEMS CAN THAMS CAD BDE BA DANG, ,ZHI ZHING NAD KYANG MED PAR SHOG ,BDAG NI BYA BA KUN NUS SHING; ;YON TAN DANG YANG LDAN PAR SHOG ,NOR LDAN GTONG PHOD SHES RAB CAN, ,BZOD LDAN DGE LA DAD PA DANG, ,SEMS CAN TSE RABS THAMS CAD DU, ,SKYE BA DRAN ZHING BRTZER LDAN SHOG ,DE NAS SNGAR BZHIN TSAD MED BZHI BSGOM, SEMS CAN KHAMS NI MTHA' YAS PA'I, ,SDUG BSNGAL NYE BAR ZHI BA DANG, ,NGAN 'GRO RNAMS LAS BSGRAL BA DANG, ,NYON MONGS RNAMS LAS DGROL BA'I PHYIR, ,SRID PA MI BDE DOG PA NA, ,SDUG BSNGAL SNA TSOGS CI MCHIS PA; ;DE LAS YONGS SU SKYABS PA'I PHYIR, ,BDAG NI BYANG CHUB SEMS BSKYED DO, ,SEMS CAN 'PHONGS PA THAMS CAD KYI, ,SKYABS SU BDAG NI RTAG TU SHOG ,BDAG NI MGON MED RNAMS KYI MGON, ,RTEN MED RNAMS KYI RTEN DU BAB, ,SKYABS MED RNAMS KYI SKYABS GYUR CING, ,SDUG BSNGAL BDE BAR BYED PA DANG, ,BDAG NI SEMS CAN THAMS CAD KYI, ,NYON MONGS ZHI BAR BYED PAR SHOG ,DGE BA'I LAS RNAMS GANG DANG GANG, ,'DI DANG GZHAN
, ,DU BSAGS PA RNAMS, ,BSOD NAMS YE SHES ZHES BYA BA'I, ,TSOGS NI RNAM PA GNYIS SU SHOG ,PHA ROL PHYIN PA DRUG SGO NAS, ,BDAG GIS BRTZON 'GRUS GANG BRTZAMS PA, ,DE YANG SEMS CAN MA LUS PA'I, ,THAMS CAD LA NI PHAN PAR SHOG ,TSE YI MTHA' KLAS BYED PA DANG, ,GANG YANG CUNG ZAD BYED 'GYUR BA, ,MDOR NA SEMS CAN THAMS CAD KYI, ,NYON MONGS THAMS CAD ZHI BA DANG, ,GROL BAR BYA BA'I PHYIR 'BAD CING; ;BYANG CHUB BAR DU BDAG BRTZON NO, ,ZHES SNGAGS RIM NAS 'BYUNG BA LTAR BRJOD, ,BSDU NA BDAG GIS SDIG PA BGYIS PA RNAMS, ZHES PA NAS, DE BZHIN DU NI SMON LAM 'DEBS, ZHES SNGAR LTAR BRJOD DE, DE NAS AOm GU RU SARBBA TA TH'A GA TA K'A YA W'A KI TZATTA BADZRA PRA nA ME NA P'A DA BAN DA N'Am KA RO MI, ZHES LHA DANG BLA MA LA PHYAG BYA, AOm BADZRA YA DZA TA NA DZE YE SV'AH'A, ZHES BDUN BZLAS LA, MDUN BSKYED KYI LHA'I THUGS KAR ZLA BA'I DKYIL 'KHOR GYI DBUS SU H'Um YIG MTHING KHA'I MTHAR BZLAS BYA'I SNGAGS KYIS BSKOR BA LAS DPAG TU MED PA'I 'OD ZER 'PHROS GZHAL DU MED PA'I SEMS CAN GYI DON MDZAD PA BCU GNYIS KYI TSUL DU MDZAD, KHYAD PAR NGAN SONG MTHA' DAG DANG, CHED DU SDIG SGRIB SBYANG DGOS YOD NA, DE DANG DE'I SDIG SGRIB BAG CHAGS DANG BCAS PA THAMS CAD SBYANGS, RGYAL BA SRAS BCAS 'OD ZER GYI MCHOD PAS MNYES PAR BYAS, SLAR 'DUS THUGS KA'I SNGAGS
'PHRENG LA THIM PA, SPRO BA DANG BSDU BA'I MDZAD PA CAN DU LHA THAMS CAD KYI ZHAL NAS SNGAGS KYI SGRA BYUNG BAR GYUR PAR BSAM PA LAS MA YENGS PAR, NA MO RATNA TRA Y'A YA, AOm KAm KA NI KAm KA NI, RO TZA NI RO TZA NI, TRO tA NI TRO TRA NI, TR'A SA NI TR'A SA NI, PRA TI HA NA PRA TI HA NA, SARBBA KARMA PA RAm PA R'A nI ME SARBA SATV'A N'Am SV'AH'A, ZHES BRGYA STONG SOGS BZLA ZHING MJUG TU YIG BRGYAS LHAGS CHAD BSKANGS, MDUN BSKYED KYI MCHOD GTOR RNAMS SNGAR LTAR GCI BYIN BSKYED CING BYIN GYIS BRLABS LA, LHA RNAMS KYI LJAGS RDO RJE'I 'OD ZER GYI SBU GUS GTOR MA'I BCUD THAMS CAD DRANGS TE GSOL BAR BSAMS LA, AOm SARBBA TA TH'A GA TA MAntA LA SA PA RI W'A RA BA LAmI TA KHA KHA, KH'A HI KH'A HI ZHES PA BDUN NAM; GSUM GYIS GTOR MA PHUL, AARGHAm NAS SHAPTA'I BAR GYIS MCHOD, CHOS DBYINGS RANG BZHIN AINDRA N'I LA'I MDOG ,CES SOGS KYIS BSTOD, DE NAS PHYI ROL TU CHA GSUM GTOR MA BTANG, NYE REG BYAS, LAS SNGAGS BZLA ZHING NANG DU 'ONGS, RANG NYID H'Um MDZAD DU GSAL BAS RDO RJE SHUGS KYI 'JUG PAS DKYIL 'KHOR GYI NANG DU ZHUGS, YIG BRGYA BRJOD CING BSKOR BA LAN GSUM BYAS TE, AOM BADZROD GHA tA SA MA YA PRA BE SHA YA H'Um, ZHES BRJOD CING SGO BZHI RIM BZHIN PHYE, AOm PRA NA MA MI SARBA TA TH'A GA T'A NA, ZHES PHYAG BYAS LA, BDAG DANG SEMS CAN THAMS CAD LA DNGOS GRUB DAM PA THAMS CAD KYI BKA' DRIN STZOL CIG ,CES BRJOD DO, ,DE NAS MAndAL PHUL LA
, ,BLA MA'I BYA BA RNAMS GTZO BOS MDZAD CING, SLOB MA'I BYA BA RNAMS RANG GIS BYED PAR MOS NAS, DGA' CHEN KHYOD BDAG STON PA PAS, ,SLOB DPON KHYOD NI DGONGS SU GSOL, ,BYANG CHUB CHEN PO'I TSUL BRTAN PA, ,MGON PO CHEN PO BDAG 'TSAL LO, ,DAM TSIG DE NYID STZAL DU GSOL, ,BYANG CHUB SEMS KYANG BDAG LA STZOL, ,SANGS RGYAS CHOS DANG DGE 'DUN TE, ,SKYABS GSUM DAG NI BDAG LA STZOL, ,THAR PA CHEN PO'I GRONG MCHOG TU, ,MGON POS BDAG NI GZHUG PAR BGYI, ,AOm N'I L'Am WA RA DHA RA BADZRA P'A nI H'Um PHAt, AOm TZA KshUR BANDHA WA RA MA NA YE H'Um, A'A: KHAm B'I RA H'Um, AOm BADZROD BHA WA YE SV'AH'A, RANG NYID BCOM LDAN 'DAS RDO RJE MI 'KHRUGS PAR GYUR, DE'I SNYING KHAR NYI MA LA GNAS PA'I H'Um SNGON PO, MGRIN PAR PADMA LA GNAS PA'I A'A: DMAR PO, SPYI BOR ZLA BA LA GNAS PA'I AOm DKAR PO YI GE GSUM GYI 'OD ZER GYIS LUS 'OD GSAL BAR BYAS, DBANG MED BDAG GIS MI DGE BGYIS PA DANG, ,RJES SU YI RANG YANG NA BGYID STZAL GANG, ,DE DAG THAMS CAD BYANG CHUB MCHOG GI NI, ,SPYAN SNGAR DA LTA MA LUS SO SOR BSHAGS, ,BDE GSHEGS SRAS KYI TSOGS GNYIS ZAB PA DANG, ,RGYA CHE 'GRO BA MA LUS PA YI DON, ,SGRUB PAR BYED DANG DE LAS GZHAN LA YANG, ,RTAG TU BDAG NI RJES SU YI RANG NGO, ,THUGS RJES KHYAB PA'I THUGS DANG LDAN GYUR CING, ,BLO GROS SDIG BRAL GTI
MUG TSOGS KUN BCOM, ,MA LUS RIGS KYI PADMA'I NANG BZHUGS PA, ,BDE BAR GSHEGS PA RNAMS LA SKYABS SU MCHI, ,BLA MCHOG RNAMS KYI KUN DGA' RA BA STE, ,DMAN PA'I 'JIGS PA RNAMS KYI RGYAL BYED TSAL, , SRID PA'I 'BYOR PA ZIL GYIS GNON PA'I MCHOG ,GSUNG MCHOG CHOS LA BDAG NI SKYABS SU MCHI, ,'DOD CHAGS LA SOGS SBRUL GYI DUG BCOM ZHING, ,BLO GROS RNAM RGYAL THUGS RJE CHE LDAN PA'I, ,BRTUL ZHUGS DBANG PO'I TSOGS LA SKYABS MCHI ZHING, ,SRID DANG BRAL BA RNAMS LA BDAG PHYAG 'TSAL, ,RGYU YI RJES LA BDAG PO'I YUL BDAG NYID, ,'BRAS BU'I STOBS KYIS DGRA LAS RGYAL GYUR PA, ,SNYING RJE'I RTZA BA ZUG CING YANG DAG RTOGS, , MNYAM MED BYANG CHUB SEMS NI BSKYED PAR BGYI, ,SEMS CAN RNAMS NI YONGS SU SMIN PA'AM, ,YANG NA YONGS SU BSKYANG BAR BYA PHYIR RAM, ,RANG GI SEMS NI DAG PAR BYA BA'I PHYIR, ,'DI DAG THAMS CAD RTZA SOGS BZHIN DU BTANG, ,DE BZHIN TSUL KHRIMS BZOD DANG BRTZON 'GRUS DANG, ,BSAM GTAN SHES RAB BLA NA MED PA NI, ,BDAG DANG GZHAN RNAMS DAG PAR BYA BA'I PHYIR, ,SKAD CIG RE RE ZHING YANG BSGOM PAR BGYI, ,BDE BAR GSHEGS PA SNGAGS LA MKHAS PA YI, ,CHOS RGYAL RTAG TU LHUN GYIS GRUB PA NI, ,'GRO BA 'DI YIS THOB PAR BYA BA'I PHYIR, ,KHYAD 'PHAGS GNAS LA BDAG NI GNAS PAR BGYI, ZHES LAN GSUM GYIS SDOM PA BZUNG, SEMS CAN THAMS CAD KYI
, ,DON DU SANGS RGYAS THOB PAR BYA'O SNYAM PA'I SMON PA'I SEMS KUN RDZOB PA DE NYID, SNYING KHAR ZLA BA'I DKYIL 'KHOR YONGS SU RDZOGS PA'I RNAM PAR GYUR, CHOS THAMS CAD RANG BZHIN MED PA'I STONG PA NYID DANG, RANG GI SEMS RO GCIG TU GYUR PA'I DON DAM PA'I BYANG CHUB KYI SEMS ZLA BA'I STENG DU RDO RJE DKAR PO RTZE LNGA PA'I RNAM PA CAN DU GYUR, AOm SARBBA YO GA TZITTAm AUTPA TA Y'A MI, AOm SU RA TE SA MA YA STVAm HO: SIDDHI BADZRA YA TH'A SU KHAm, DENG KHYOD LA DE BZHIN GSHEGS PA THAMS CAD KYIS BYIN GYIS RLOB PAR 'GYUR GYIS, KHYOD KYIS KYANG DE BZHIN GSHEGS PA THAMS CAD KYI MCHOG TU GSANG BA'I DKYIL 'KHOR 'DI, DKYIL 'KHOR DU MA ZHUGS PA RNAMS KYI MDUN DU SMRA BAR MI BYA ZHING MA DAD PA RNAMS LA YANG MA YIN NO, ,AOm BADZRA SA MA YA H'Um, ZHES DKYIL 'KHOR GYI NANG DU ZHUGS, AOm NA MA: TE H'Um, NA MA: MI H'Um, NA MO NA MA: H'Um SV'AH'A, ZHES PHYAG BYA, DE BZHIN GSHEGS PA THAMS CAD KYIS BYIN GYIS RLOBS SHIG ,RDO RJE SEMS DPA' BDAG LA DBAB PAR MDZAD DU GSOL, LAN GSUM GSOL BA BTAB, BLA MA DANG GTZO BO THA MI DAD PA'I THUGS KA'I H'Um YIG LAS 'OD ZER 'PHROS PAS PHYOGS BCU'I SANGS RGYAS DANG BYANG CHUB SEMS DPA' THAMS CAD DANG, BCOM LDAN 'DAS RDO RJE MI 'KHRUGS PA'I THUGS GNYIS SU MED PA'I YE SHES H'Um YIG LA SOGS PA RNAM PAR SPYAN DRANGS, RANG GI LUS LA THIM PAR GYUR, AOm BADZRA AA BE SHA AA: AA:
LAN BDUN NAM NYER GCIG SOGS BRJOD, TIshthA BADZRA, ZHES BRTAN PAR BYAS, SANGS RGYAS DNGOS GRUB THOB BYA'I PHYIR, ,BDAG LA THUGS BRTZER DGONGS NAS NI, ,'GRO LA PHAN PA'I GTZO CHEN GYIS, ,SMAN PAR DGONGS NAS BZHES SU GSOL, ,AOm BADZRA PRA TI GRI HnA H'Um PHAt, CES ME TOG DANG, AOm BADZRA PRA T'I TZTSA SA MA YE SV'A H'A, ZHES GSUNGS PAR MOS NAS ME TOG 'PHRENG BA'I DBANG BSKUR, AOm RDO RJE SEMS DPA' DENG KHYOD KYI, ,MIG 'BYED PAR NI BRTZON PAR MDZAD, ,PHYE BAS THAMS CAD MTHONG 'GYUR BA'I, ,RDO RJE'I MIG NI BLA NA MED, HE BADZRA P'A SHYA, DE LTAR BCOM LDAN 'DAS RDO RJE MI 'KHRUGS PA LHA BCU GSUM GYI RTEN DANG BRTEN PAR BCAS PA'I DKYIL 'KHOR MNGON SUM DU MTHONG BAR GYUR, CES 'JUG PA SNGON DU BTANG NAS, DNGOS GZHI LA CHU COD PAN GNYIS MTHA' RTEN DANG BCAS PA STE, DE YANG DANG POR MAndAL PHUL NAS, BYANG CHUB RDO RJES SANGS RGYAS LA, ,MCHOD CHEN JI LTAR STZAL BA LTAR, , BDAG KYANG RAB TU BSGRAL BA'I PHYIR, ,NAM MKHA'I RDO RJE DENG BDAG STZOL, CES GSOL BA LAN GSUM BTAB, DKYIL 'KHOR GYI SHAR DU DBANG STEGS PADMA DANG ZLA BA'I GDAN LA, RANG NYID BCOM LDAN 'DAS RDO RJE MI 'KHRUGS PAR GYUR, AOm N'I L'Am WA RA DHA RA, SOGS LAS SNGAGS KYIS BUM CHU BSANGS, SVA BH'A WAS SBYANGS, BUM CHU STONG PA NYID DU GYUR, STONG PA'I NGANG LAS, AOm H'Um TR'Am HR'I: A'A: RNAMS LAS BYUNG BA'I YE SHES LNGA'I RANG BZHIN GYI BUM CHUR
, ,GYUR; BLA MA DANG GTZO BO THA MI DAD PA'I THUGS KA'I H'Um GI 'OD ZER GYIS RGYAL BA 'KHOR BCAS THAMS CAD RANG LA DBANG BSKUR BA'I PHYIR BSKUL TE SPYAN DRANGS PA RNAMS NAM MKHAR BZHUGS, BSGRUBS PA'I DKYIL 'KHOR PA RNAMS KYIS DBANG BSKUR BA'I DGONGS PA MDZAD, SPYAN MA LA SOGS PA'I RIG MA DANG BCAS PA NAM MKHAR BZHUGS PA RNAMS KYIS GDUGS DANG RGYAL MTSAN LA SOGS PA RANG GI STENG PHYOGS SU 'DZIN, GLU GAR MDZAD CING ROL MO BRDUNG, ME TOG DANG GUR KUM LA SOGS PA'I CHAR 'BEBS, PHYAG GIS CUNG ZAD YO BAR BZUNG BA'I BUM PA DKAR PO BYANG CHUB KYI SEMS KYI BDUD RTZIS GANG BA RNAMS KYIS DBANG BSKUR, GZUGS RDO RJE MA LA SOGS PA RNAMS KYIS BKRA SHIS KYI GLU DBYANGS KYI SHIS PA BRJOD, ,KHRO BO RNAMS PHYOGS MTSAMS SU 'KHOD NAS BGEGS BSKRAD PAR GYUR, PHUN SUM TSOGS PA MNGA' BA GSER GYI RI BO 'DRA, ,'JIG RTEN GSUM GYI MGON PO DRI MA GSUM SPANGS PA, ,SANGS RGYAS PADMA'I 'DAB MA RGYAS 'DRA'I SPYAN MNGA' BA, ,'DI NI 'JIG RTEN DGE BA'I BKRA SHIS DANG PO'O, ,DE YIS NYE BAR BSTEN PA'I MCHOG RAB MI GA-YO BA, ,'JIG RTEN GSUM DU GRAGS SHING LHA DANG MIS MCHOD PA, ,CHOS KYI DAM PA SKYE DGU KUN LA ZHI BYED PA, ,'DI NI 'JIG RTEN DGE BA'I BKRA SHIS GNYIS PA'O, ,DGE 'DUN DAM PA CHOS LDAN THOS PA'I BKRA SHIS PHYUG ,MI DANG LHA DANG
LHA MA YIN GYIS MCHOD PA'I GNAS, ,TSOGS KYI DAM PA SKYE DGU KUN LA ZHI BYED PA, ,'DI NI 'JIG RTEN DGE BA'I BKRA SHIS GSUM PA'O, ,RIN CHEN MDZES PA'I BKRA SHIS BUM PA'I CHUS, ,SKAL LDAN SKYES BU KHYOD LA DBANG BSKUR BAS, ,LAS DANG NYON MONGS SGRIB PA DAG GYUR TE, ,BYANG CHUB SEMS KYI RLAN GYIS BRLAN PAR SHOG ,NA MO RATNA TRA Y'A YA, ZHES PA NAS SARBBA SA TV'A N'Am SV'A H'A, AOm AAKshO BHYA: MAndAL SA PA RI W'A RA DE WA BADZRA KA LA SHA AA BHI shINYTZA MI; AOm AAKshO BHYA: MAndAL SA PA RI W'A RA BADZRA P'U DZA KA LA SHA AA BHI shINYTZA MI, JI LTAR BLTAMS PA TZAM GYIS NI, ,LHA RNAMS KYIS NI KHRUS GSOL LTAR, ,LHA YI CHU NI DAG PA YIS, ,DE BZHIN BDAG GIS KHRUS BGYI'O, ,AOm A'A: BADZRA AU DA KA AA BHI shINYTZA H'Um SU RA TA STVAm AA HAm, ZHES DBANG BSKUR, LUS THAMS CAD GANG, BDE BA CHEN PO MYONG, DRI MA THAMS CAD DAG ,CHU LHAG PA SPYI GTZUG TU GNAS PA YONGS SU GYUR PA LAS RIGS LNGAS DBU BRGYAN CING, DBANG GI LHA RNAMS KYANG RANG LA THIM PAR GYUR, AOm SARBBA TA TH'A GA TA AARGHAm NAS SHAPTA'I BAR GYIS BDAG NYID LA MCHOD, DE LTAR CHU'I DBANG THOB, NYON MONGS PA LNGA'I DRI MA SBYANGS, RNAM PAR SHES PA LNGA GNAS GYUR, LAM MTSAN MA MED PA'I RNAL 'BYOR BSGOM PA LA DBANG BAR BYAS, 'BRAS BU CHOS KYI SKU MNGON DU 'GYUR BA'I NUS PA KHYAD PAR CAN 'JOG GO ,COD PAN GYI DBANG LA'ANG RGYAS PAR NA SNGAR LTAR GSOL BA LAN GSUM BTAB, COD PAN BSANGS
, ,SBYANGS, STONG PA'I NGANG LAS, AOm H'Um HR'Am HR'I: A'A: LAS DE BZHIN GSHEGS PA RIGS LNGA'I RANG BZHIN GYI COD PAN DU GYUR, BLA MA DANG GTZO BO THA MI DAD PA'I THUGS KA'I H'Um GI 'OD ZER GYIS PHYOGS BCU NA BZHUGS PA'I ZHES PA NAS KHRO BO RNAMS PHYOGS MTSAMS SU 'KHOD NAS BGEGS BSKRAD PAR GYUR, SNGAR LTAR MCHOG GSUM GYI BKRA SHIS BRJOD, DE BZHIN GSHEGS PA'I DBU RGYAN COD PAN 'DIS, ,SKAL LDAN SKYES BU KHYOD LA DBANG BSKUR BAS, ,SKU GSUNG THUGS KYI YON TAN RAB RDZOGS TE, ,RIGS LNGA'I SANGS RGYAS MYUR DU THOB PAR SHOG ,AOm RATNA MU KU tA BADZRA BA TTRAm AA BHI shINYTZA MI, JI LTAR BLTAMS PA TZAM GYIS NI, ZHES PA NAS KHRUS BGYI'O, ,AOm SARBBA TA TH'A GA TA SA MA YA SHR'I A'A: H'Um, ZHES DBANG BSKUR, LUS THAMS CAD GANG, ZHES SOGS NAS, BDAG NYID LA MCHOD PA'I BAR SNGAR BZHIN, DE LTAR COD PAN GYI DBANG THOB, DRI MA LNGA SBYANGS, PHUNG PO LNGA GNAS GYUR; LAM MTSAN MA DANG BCAS PA'I RNAL 'BYOR BSGOM PA LA DBANG BAR BYAS, 'BRAS BU GZUGS KYI SKU 'GRUB PA'I NUS PA KHYAD PAR CAN 'JOG GO ,BSDU NA DBANG DE TZAM GYIS CHOG LA, CUNG ZAD RGYAS TZAM BYED NA, MKHAS GRUB TSAD LDAN RNAMS KYIS SLOB DPON GYI DBANG GI MING GIS BTAGS TE, RJES GNANG TZAM BYED PAR GSUNGS PA LTAR SNGAR GYI MJUG NAS 'DI LTAR, BHRUm LAS BYUNG BA'I 'KHOR LO, AOm BADZRA HE TU MAm, DBYANGS THA MA AA: LAS
BYUNG BA'I DUNG, AOm BADZRA BHA shA RAm, DBYANGS DANG PO AA LAS BYUNG BA'I BYA RGYUD RIGS GSUM GYI PU TI, DENG NAS BRTZAMS TE SEMS BSKYED PA, ,TZAM GYIS CHOS DUNG BLA MED PA, ,KUN NAS YONGS SU BKANG NAS NI, ,CHOS KYI 'KHOR LO BSKOR BAR GYIS, ,DA NI DKYIL 'KHOR SLOB DPON GYUR, ,SNGAGS DANG RGYUD KYANG 'DZIN PAR 'GYUR, ,SANGS RGYAS BYANG CHUB SEMS DPA' DANG, ,LHA RNAMS KYIS KYANG MTHUN PAR BSAM, ,SEMS CAN RNAMS LA SNYING BRTZE'I PHYIR, ,KHYOD KYIS DKYIL 'KHOR CHO GA BZHIN, ,NAN TAN BSKYED DE BRI BAR BYA, ,SGRUB PA PO RNAMS RGYUD LA SBYOR, ,DE LAS SPROS TE BYED NA, DUS GSUM RGYAL BA KUN GYIS BSNGAGS PA YI, ,THEG MCHOG CHOS KYI SRID LA MNGAL BSGYUR BA'I, ,RGYAL SRID RIN CHEN BDUN GYIS DBANG BSKUR BAS, ,BDUD BZHI'I GA-YUL LAS RNAM PAR RGYAL GYUR CIG ,AOm SAPTA RATNA AA BHI shINYTZA MAm, GANG ZHIG REG CING MTHONG THOS DRAN PAS KYANG, ,MI SHES KUN SEL PHUN TSOGS MCHOG STZOL BAR, ,RGYAL BAS BYIN GYIS BRLABS PA'I BKRA SHIS RDZAS, ,DAM PAS DBANG BSKUR DGE LEGS 'BAR GYUR CIG ,AOm AAshtA SA TRA BE MANGGA LAm AA BHI shINYTZA MAm, DE LTAR RIGS GSUM SPYI DANG BYE BRAG GI CHOS STON PA SOGS KYI SLOB DPON DU BYA BA'I CHED DU RJES SU GNANG BA SBYIN PAS, RIGS GSUM SPYI DANG BYE BRAG GI DKYIL 'KHOR BRI BSGRUB DBANG BSKUR BA SOGS LA DBANG BAR BYAS, 'PHRIN LAS BZHI'I
, ,SGO NAS 'GRO BA'I DON 'GRUB PA'I NUS PA BZHAG ,'BRAS BU RIGS GSUM GYI CHOG KYI 'KHOR LOS BSGYUR BA'I GO 'PHANG MYUR DU THOB PA'I SKAL BA CAN DU BYAS SO, ,DE NAS MAndAL DANG, GTANG RAG GI MCHOD BSTOD, BZOD GSOL, RAS BRIS YIN NA BRTAN BZHUGS DANG, RDUL TSON YIN NA GSHEGS GSOL BYAS TE, SMON LAM DANG, SHIS PA BRJOD DO, ME TOG GI CHAR DBAB PAR BYA'O,, SMRAS PA, MI 'KHRUGS RGYAL PO ZHES BYA'I MTSAN SNYAN GYI, ,AUTPAL GE SAR RGOD PA'I PHON PO YIS, ,SGRA LEN MDZES PA KUN KYANG THOG MED NAS, ,RGYUN DU 'GROGS PA'I NGAN 'GRO'I MDZA' MO DANG, ,SBREL THAG DUM BUR GCOD PA'I MTSON RNON CES, ,SGYU 'PHRUL SRAS SOGS PHYOGS BCU'I DPAL RKANG GI ,'DZUM ZHAL BEEd'UR SNGON PO'I CHU 'DZIN LAS, ,SGRA BRGYA DAL GYIS RGOD PA'I RGYUD MNGAS BSGRENGS, ,SNYIGS MA LNGA YI BSREG ZA DANG 'DRES PA'I, ,MNAR MED DUS MTHA'I ME DPUNG 'BAR BA YIS, ,TSA BAS GDUNGS PA'I SKYE BO MTHA' DAG GI ,BSIL BYED GANG 'DI BDUD RTZI'I CHAR RGYUN NYID, ,'DI NA PHAL CHER TSONG 'DUS 'O MA DANG, ,SLONG MOS 'TSO BA'I PHYE BZHIN RGYUD SDE'I DON, ,MI MTHUN GCIG TU BSRES NAS RGYAL BA YIS, ,GSUNGS PA'I 'BRAS BU RE BA AE MA MTSAR, ,DE PHYIR BCOM LDAN MI 'KHRUGS PA'I, ,SGRUB THABS SMIN BYED CHO GAR BCAS, ,BYA RGYUD SPYI DANG KHYAD PAR DU, ,RDO RJE'I RIGS BZHI LEGS
PAR BKOD, ,TSUL 'DIR 'BAD PA'I DGE TSOGS STON DUS KYI, ,ZLA SHEL 'BUM PHRAG TSAR DU DANG RA 'DRA DES, ,'GRO KUN SGRIB GNYIS MUN PA KUN SEL BA'I, ,KUN MKHYEN NYID BYED DBANG POR BDAG GYUR CIG ,CES BCOM LDAN 'DAS RDO RJE MI 'KHRUGS PA'I SGRUB DKYIL YONGS SU RDZOGS PA'I CHOS GA MNGON PAR DGA' BA'I SGO 'BYED CES BYA BA 'DI NI, GNAS BRTAN YON TAN RGYAL MTSAN SOGS MANG POS SNGA MO NAS NAN GYIS BSKUL BA DANG, 'PHRAL DU 'BRAS SPUNGS PA DPON SLOB RNAMS DANG, DGE SLONG BLO BZANG PHUN TSOGS SOGS DU MAS MTSAMS SBYAR BA LA BRTEN NAS, RDO RJE 'CHANG CHEN PO'I LAM GYI RIM PA NAS GSUNGS PA'I BYA RGYUD RANG LAM JI LTA BA BZHIN DU, CHOS SMRA BA BLO BZANG CHOS KYI RGYAL MTSAN GYIS, CHOS GRVA CHEN PO BKRA SHIS LHUN PO'I GTZUG LAG KHANG DU SBYAR BA'I YI GE PA NI ZHA LU PA TSE RING CHOS 'PHEL GYIS BGYIS PA'O,, ,,'DIS KYANG BSTAN PA RIN PO CHE PHYOGS DUS THAMS CAD DU RGYAS PAR BYED NUS PAR GYUR CIG , ,,TIshthA BADZRA, ,*, AOm SVA STI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL, ,SARBA DZA GA TAm,,