*, ,BCOM LDAN 'DAS RNAM PAR RGYAL MA'I SGRUB DKYIL 'CHI MED DPAL SBYIN ZHES BYA BA BZHUGS SO, ,
, ,NA MO GU RU MANYDZU GHO sh'A YA, RAB 'BYAMS RGYAL BA'I 'KHOR LO MTHA' DAG GI ,BSNGAGS BYA KUN GYIS BSNGAGS PA'I BCOM LDAN MA, ,DRAN PAS TSE DANG YE SHES MCHOG STZOL BA'I, ,RNAM PAR RGYAL MA'I ZHABS LA GUS BTUD DE, ,DE NYID BSNYEN CING SGRUB DANG DKYIL 'KHOR GYI, CHO GA'I LAS RIM RJE BTZUN BLA MA YI, ,RDO RJE 'CHANG DBANG LAM GYI RIM PA LAS, ,JI LTAR GSUNGS PA'I NGAG 'DON RIM PA BRJOD,, ` ,,'DIR RJE BTZUN RNAM PAR RGYAL MA'I SGRUB DKYIL NGAG 'DON GYI RIM PAR BSGRIGS PA NI 'DI LTAR, RANG NYID RJE BTZUN BCOM LDAN 'DAS MA RNAM PAR GYAL MAR GYUR, AOm SARBA TA TH'A GA TA AU DBHA WA YE SV'AH'A, AOm SARBA TA TH'A GA TA K'A YA W'A KA TZITTA BADZRA PRA nA ME NA, SARBA TA TH'A GA TA BADZRA P'A DA BANDA
, ,N'Am KA RO MI, PHYOGS BCU NA BZHUGS PA'I SANGS RGYAS DANG BYANG CHUB SEMS DPA' THAMS CAD LA, BYANG CHUB SNYING PO LA MCHIS KYI BAR DU BDAG NYID YONG YE 'BUL NA, SANGS RGYAS DANG BYANG CHUB SEMS DPA' CHEN PO RNAMS KYIS BDAG BZHES SU GSOL, BDAG LA DNGOS GRUB BLA NA MED PA STZAL DU GSOL, ,SANGS RGYAS CHOS DANG TSOGS MCHOG LA, ,BYANG CHUB BAR DU SKYABS SU MCHI, ,BDAG DANG GZHAN DON SGRUB SLAD DU, ,BDAG GIS BYANG CHUB SEMS BSKYED DO, ,PHYOGS BCU DAG NA BZHUGS PA YI, ,SANGS RGYAS BYANG CHUB SEMS DPA' GSON,, BDAG GIS RDZOGS PA'I BYANG CHUB PHYIR, ,DENG NAS BYANG CHUB SEMS BSKYED DO, ,AOm BADZRA KRO DHA MAH'A P'A L'A HA NA DA HA PA TZA BI DHVAN S'A YA, AU TZTSAshMA KRO DHA H'Um PHAt, KHRO BO MNOL BA MED PA'I SNGAGS RGYAS, KUN NAS BSRUNGS BAR BYAS PA'I, RANG GI SNYING KHAR ZLA BA LA, RNAM SNANG GI NGO BO MA YIG DANG, MGO BO LA MI GA-YO BA'I NGO BO HA YIG GNYIS 'BAR BA'I PHRENG BA 'KHRUG PAR GYUR, AOm SV'A BH'A
WA SHUDDH'A: SARBA DHARM'A: SVA BH'A WA SHUDDHO NYAHAm, CHOS THAMS CAD RANG BZHIN GYIS DAG PAR GYUR, AOm SARBA TA TH'A GA TA AUDPHA WA YE SV'AH'A, AOm NI KHA NA BA SU DHE YE SV'AH'A, ZHES GTZANG BYED KYIS BLANGS TE, CHA GSUM DU BGOS NAS GNAS GTZANG MAR BZHAG PAR GYUR, NA MO RATNA TRA Y'A YA, NAM SHTZAndA BADZRA P'A nA YE, MAH'A YAKshA SE NA PA TA YE, NA MO BADZRA KRO DH'A YA, TADYA TH'A, AOm HU LU HU LU HI shthA TIshthA, BANDHA BANDHA, HA NA HA NA AA MRi TE H'Um PHAt, BDUD RTZI THAB SBYOR GYIS RANG BSRUNGS TE, AOm HA NA HA NA AA MRi TE H'Um PHAt, LUS KYI BGEGS BSAL CING, AOm BADZRA AAGNI PRA TI BA TA YE SV'AH'A, RDO RJE'I GO BSKON PAR GYUR, NA MO RATNA TRA Y'A YA, AOm KHA KI Li H'Um PHAt, GNAS RNAMS SU RDO RJE'I GO CHAS BSDAMS PAR GYUR, NA MO BADZRA YA H'Um HA NA DHU NA, MA THA BIDHVA NA S'A YA, AUD SA R'A YA PHAt, SA LA GTUGS PAS DE'I BGEGS SBYANGS, NA MA THA BIDHVA NRA S'A YA AUD SA R'A YA PHAt, CHU LA REG STE, DE'I BGEGS SBYANGS PAR GYUR, NA MO RATNA TRA Y'A YA, NA MA SHTZAndA BADZRA P'A nA YE, AOm HA NA HA NA BADZRA BADZRA nA HA, CHU LA BTAB CING, AOm K'I LI K'I LA BADZRA H'Um PHAt, CHU DES SA LA BSANG GTOR BYAS PAR GYUR, AOm BADZRA HA RA H'Um, 'DI LAN BDUN BRJOD, SA'I CHA DANG POS, SKAM KHRUS BYAS PAR GYUR, NA MO RATNA TRA Y'A YA, NA MA SHTZAndA BADZRA P'A nA YE, MAH'A YAKshA SE NA PA TA YE, NA MO BADZRA KRO DH'A YA, DAm shtOtA KA tA BHEE
, ,RA W'A YA, TADYA TH'A, AOm AA MRi TA KUndA LI KHA KHA KH'A HI KH'A HI, TIshthA TIshthA, BANDHA BANDHA, HA NA HA NA, GARDZA GARDZA, BI SPHO t'A YA BI SPHO t'A YA, SARBA BIGHN'A NA BI N'A YA K'AN, MA H'A GA nA PA TI, DZI BI TA AANTA KA R'A YA SV'AH'A, SA'I CHA GNYIS PAS, LAG PA BKRUS PAS RNAM PAR DAG PAR GYUR, AOm SHRU TI SMRi TI DHA RI nI H'Um HA, LAN GSUM BRJOD, DBYANGS CAN GYI SNGAGS BRGYAS NYE REG BYAS, AOm SU SIDDHI KA RI SV'AH'A, GTZUG PHUD BCINGS SHING, AOm BHU RA DZA LA H'Um PHAt, SA'I CHA GSUM PAS, LUS THAMS CAD LA BSKUS TE, SKAM KHRUS BYAS PAS YONGS SU DAG PAR GYUR, NA MO RATNA TRA Y'A YA, NA MASHTZA ndA BADZRA P'A nA YE, ZHES PA NAS, KA R'A YA SV'AH'A'I BAR BRJOD, SNGAGS DANG PHYAG RGYAS, CHU DKRUGS PAS DAG CING GTZANG BA'I RANG BZHIN DU GYUR, AOm RA TE RA TE BUDDH'A YA SV'AH'A, LAN GSUM BYA, AOm AA MRi TE H'Um PHAt, LAN DRUG BRJOD, RANG GI MGO BOR BLUG CING LAG PA BKRUS TE, BDAG NYID LA DBANG BSKUR, RJE BTZUN RNAM PAR RGYAL MA'I LHA TSOGS SPYAN DRANGS, MDUN DU BZHUGS PA'I SKU BSIL BAR GYUR, AOm SARBA TA TH'A GA TA AA MRi TE SV'AH'A, LAN GSUM BYA, AOm AA MRi TA A'A YU RDA DE SV'AH'A, LAN NYER GCIG BRJOD, AOm SHRU TI MRi TI DHA RI nI H'Um HA, AOm SARBA TA TH'A GA TA K'A YA W'A KA TZITTA, BADZRA PRA nA ME NA SARBA TA TH'A GA TA, BADZRA P'A DA, BANDA N'Am KA RO MI, AOm B'I RA DZA: B'I RA DZA: MAH'A
BADZRI, SA TA SA TA, SA RA TE, SA RA TE, TRA YI TRA YI, BIRDA MA nI SAm BHA NYDZA NI, TA RA MA TI SIDDHA AA GRE TAm SV'AH'A, DZI NA DZI KA, RANG GI SPYI BOR BSANG GTOR BYAS TE, SBAGS PA LA SOGS PA'I SKYON DANG BRAL BAR GYUR, NA MO RATNA TRA Y'A YA NAS, AA MRi TE H'Um PHAt, KU SHA'I GDAN LA RDO RJE'I SKYIL KRUNG GIS 'DUG PAR GYUR, AOm RU RU SPHU RU DZVA LA TIshthA SIDDHA LO TZA NE SARBA AARTHA S'A DHA NI SV'AH'A, LAG PA GA-YAS PA'I MKHRIG MAR GDU BUS BRGYAN CING, DZI NA DZI KA, SRIN LAG GA-YAS LA KU SHA'I BSANG BYED MDZES PAR GYUR, AOm RAKshA RAKshA M'A NRA, SARBA BUDDHA AA DHI shth'A NA, A'ADMA TZI WA RA SV'AH'A, LAN GSUM BYA, BYIN GYIS BRLABS PA'I DAR GYI SHAM THABS DANG, GOS KYI GA SHAL DANG, ZE'U KHA BCINGS PAS MDZES PAR BYAS, AOm SU SIDDHI KA RI KA RI SV'AH'A, GTZUG TOR BCINGS TE BSRUNGS PAR GYUR, SANGS RGYAS CHOS DANG TSOGS MCHOG LA, ZHES SOGS SKYABS 'GRO LAN GSUM BRJOD, AOm TRAm BANDHA SV'AH'A, DZI NA DZI KA, AOm TE DZA: TE DZA: SA NI SIDDHI S'A DH'A YA H'Um PHAt, MCHOD PA RNAMS PHUL DU BYUNG BA'I LHA RDZAS SU GYUR, NA MO RATNA TRA Y'A YA, ZHES PA NAS, AA MRi TE H'Um PHAt, DZI NA DZI KA, AOm SARBA TA TH'A GA TA AUshnI shA BI DZA YA, SA PA RI W'A RA AARGHAm PRA T'I TZTSA SV'AH'A, AOm PRA WA RA SAD KA RAm P'A DYAm PRA T'I TZTSA SV'AH'A, HA RA HA RA SARBA BIDY'A DHA RI P'U DZI TE SV'AH'A, SNGAGS DE LAN BZHIS ME TOG SOGS BYIN GYIS BRLABS, A'A LO KA YA, A'A LO KA YA, BI DY'A DHA RI P'U DZI TI SV'AH'A, AOm SARBA TA TH'A GA TA AUshn'I shA BI DZA YA SA PA RI W'A RA SHAPTA PRA T'I TZTSA SV'AH'A,
, ,AOm HA NA HA NA AA MRi TE H'Um PHAt, AOm TRAm BANDHA SV'AH'A, BDAG NYID KYI BGEGS BSAL CING, AOm K'I LI K'I LA BADZRI BADZRI, BHUR BANDHA BA NDHA H'Um PHAt, LAN BDUN BRJOD, PHYOGS KUN TU BSANG GTOR BYAS PAS BGEGS BSKRAD PAR GYUR, AOm K'I LI NAS, BANDHA H'Um PHAt, BGEGS RNAMS LA KHRO BO RDO RJE PHUR BUS BTAB PAS GA-YO 'GUL MED PAR GYUR, AOm SU SIDDHI KA RA DZVA LI TA, A'A NAN TA, MU RTA YE, DZVA LA DZVA LA BANDHA BANDHA HA NA HA NA H'Um PHAt, STENG GI LHA'I GDON RNAMS BCINGS PAR GYUR, AOm DZVA LA H'Um, DZI NA DZI KA BHR'Um, AOm AA MRi TA AUDBHA WA AUDBHA WA H'Um PHAt, NA MO RATNA TRA Y'A YA, NA MA SHTZA ndA BADZRA P'A nA YE, MAH'A YAKshA SE NA PA TA YE, AOm SUMBHA NI SUMBHA H'Um, GRiHnA GRiHnA H'Um, GRiHn'A P'A YA GRiHn'A P'A YA H'Um, A'A NA YA HO BHA GA WA NA BIDY'A R'A DZ'A H'Um PHAt SV'AH'A, PHYOGS KYI BGEGS THAMS CAD BCINGS PAR GYUR, NA MO RATNA TRA Y'A YA, NA MA SHTZA ndA BADZRA B'A nA YE, MAH'A YAKshA SE NA PA TA YE, TADYA TH'A, AOm SA RA SA RA, BADZRA PRA KA RA H'Um PHAt, RDO RJE RA BAS BAR MTSAMS MED PAR BSKOR BAR GYUR, NA MO RATNA TRA Y'A YA, NA MA SHTZA ndA BADZRA P'A nA YE, MAH'A YAKshA SE NA PA TA YE, AOm BI SPHU RAKshA BADZRA P'A nI H'Um PHAt, RDO RJE RA BA'I STENG DU GUR DU GYUR, NA MO RATNA TRA Y'A YA NAS, AA MRi TE H'Um PHAt, AOm K'I LI K'I LI ZHES PA NAS, BANDHA BANDHA H'Um PHAt, SNGAGS DANG PHYAG RGYAS DE RNAMS BYIN GYIS BRLABS PAR GYUR, NA MA: SA MANTA BADZR'A n'Am, AOm TA RA TA RA, TU RU TU RU, MA tA MA tA, BANDHA BANDHA, SARBA TRA AA PRA TI HI TE SA SI ME, SA MA BANDHA, KU RU KU RU, TA RA
TA RA, SA MANTA BADZRE, SA MANTA BADZRA, KU RU AA MA LE, KU RU nA MA LA, TU TA YE TU TA YE, BA RA BA RA, KA RA KA RA, SU MI MA SA MANTA, BIDHVA NA SA YE, DZVA L'A YA SV'AH'A, RDO RJE RA BA'I PHYOGS THAMS CAD DU ME DPUNG 'BAR BAS KHYAB PAR GYUR,, ` ,, RANG GI GNAS SU RIN PO CHE DU MA LAS BYAS PA'I SA GZHI GSER GYI BYE MA BDAL BAR GYUR, AOm TZAL B'I H'Um SV'AH'A, DE'I STENG DU, 'O MA'I RGYA MTSO NYA LCIBS LA SOGS PA'I SKYON DANG BRAL BA, PADMA DANG AUTPAL LA SOGS PA ME TOG GIS BRGYAN PA, RIN PO CHE'I BYA'I TSOGS MANG PO LDING BAR GYUR, AOm BI MA LA DHA HA H'Um, DE'I DBUS SU RI RAB GRU BZHI PA NGOS BZHI NAS GSER DANG, DNGUL DANG, AINDRA N'I LA DANG, SBUR LONG LAS BYAS PA'I THEM SKAS KYI PHRENG BAS BRGYAN PA, MTHA' THOG THAG ,DPAG BSAM GYI SHING LEGS PAR 'KHRUNGS PA LA RNAM PAR RGYAL BA'I BDAN STONG 'PHUR BAS BRGYAN PA, DE'I STENG DU PADMA'I SDONG BU, RIN PO CHE DU MAS BRGYAN PA'I, RIN PO CHE SNA TSOGS KYI 'DAB MA CAN GSER GYI ZE BA DANG, SBUR LONG GI ZE'U 'BRU DANG LDAN PA, SNYING PO'I THOG LA DNGUL GYI RI MOS BSKOR BA, DPAG TSAD DU MA'I KHYON CAN RI RAB KYI DBUS BRTOL NAS BYUNG BA'I LTE BAR, BHR'Um LAS BYUNG BA'I GZHAL YAS KHANG GRU BZHI SGO BZHI PA, PHYI NAS RIM PA BZHIN SNGO SER DMAR LJANG DKAR BA'I RIM PA LNGA DANG LDAN PA'I RIN PO CHE'I RTZIG PAS BSKOR BA'I STENG NA RIN PO CHE'I PHA GU GZHI DMAR PO LA, RIN PO CHE GRU BZHI PA DANG, ZUR GSUM PA LA SOGS PAS SPRAS PA,
, ,DE'I STENG NA CHU SRIN GYI KHA NAS MU TIG GI DO SHAL DANG, DO SHAL PHYED PA 'PHYANG BA, DE'I PHYI NGOS SU, BYA 'DAB LAS 'PHYANG BA'I RIN PO CHE'I SHAR BU, DE'I STENG DU MDA' YAB PADMA 'DAB MA PHYED PA'I DBYIBS CAN LA, BA DAN DANG RGYAL MTSAN LA SOGS PAS, MDZES PAR BYAS PA, PHYI'I STENG GI ZUR BZHI LA GDUGS BZHIS BRGYAN PA, RTZIG PA'I 'GRAM NAS 'DOD YON GYI SNAM BU DMAR POS BSKOR BA LA BZHUGS STABS DANG KHA DOG SNA TSOGS PA'I LHA MO MCHOD RDZAS THOGS PA RNAMS KYIS MCHOD PA BYED BZHIN PA, SGO DANG SGO KHYUD KYI PHYI'I MTSAMS DANG RTZIG PA'I PHYI NANG GI ZUR BZHIR, ZLA BA PHYED PA LA GNAS PA'I RIN PO CHE DMAR PO'I STENG NAS RDO RJES MTSAN PA, SGO BZHI SO SO'I MDUN DU, STEGS BU GRU BZHI PA'I STENG DU BUM PA LA GNAS PA'I KA BA BZHI BZHIS BTEG PA'I RTA BABS, GSER, SHAR BU, RIN PO CHE, RTA RMIG ,MUN SNAM, WA RANTA, MUN PA, SHAR BU, RIN PO CHE, RMIG PA, MDA' YAB STE SNAM DU BCU GCIG DANG LDAN PA'I RTZE MOR CHOS KYI 'KHOR LO'I GA-YAS GA-YON DU RI DVAGS PHO MO DANG BCAS PA, RTA BABS KYI GA-YAS GA-YON DU BUM PA BZANG PO LAS SKYES PA'I DPAG BSAM GYI SHING LA, RGYAL SRID RIN PO CHE SNA BDUN DANG, BAR BAR DU GRUB PA THOB PA DANG, SPRIN GYI GSEB NAS BYUNG BA'I LHA ME TOG GI PHRENG BA BZUNG BA RNAMS KYIS KUN NAS MDZES PAR BYAS PA, GZHAL YAS KHANG GI NANG DU KA BA BRGYAD KYIS BTEG
PA'I RDO RJE'I GDUNG BZHIS MDZES PAR PHUB PA'I RTZE MOR NOR BU RIN PO CHE'I TOG GIS SPRAS PA, LHA DANG MI LAS YON TAN KHYAD PAR GYIS 'PHAGS PA'I KHANG BZANG DAM PA PHYI LTAS NANG GSAL BA NANG BLTAS PHYI GSAL BA'I NANG GI STENG DANG, 'OG GI SA GZHI THAMS CAD, SHAR SNGO, LHO SER, NUB DMAR, BYANG LJANG, LTE BA DKAR BAR GYUR PA'I DBUS SU, RIN PO CHE LAS GRUBPA'I MCHOD RTEN, RIN PO CHE'I KHRI'I STENG NA, RIN PO CHE'I BANG RIM ZLUM PO GSUM, DE'I STENG DU, BUM GDAN, BUM PA, BRE, GDUGS RIM PA BCU GSUM, CHAR KHEBS TOG DANG BCAS PA, ME TOG GI PHRENG BA DANG, DAR SNA TSOGS KYI LDA LDIS MDZES PAR BYAS PA, BUM PA ZLUM PO SGO DANG BCAS PA YANGS SHING RGYA CHE BA'I DBUS DANG GA-YAS GA-YON STENG RNAMS SU, SNA TSOGS PADMA DANG ZLA BA'I GDAN LNGA, PHYOGS BZHIR SNA TSOGS PADMA DANG NYI MA'I GDAN RE RE, GZHAN YANG PADMA'I DRA BA BRGYA STONG KHRI BYE BA SNYED BYUNG BAR GYUR, NA MA: SARBA TA TH'A GA TA N'Am, SARBA TH'A AUD GA TE SPHA RA nA HI MAm GA GA NA KHAm SV'AH'A, STENG DU BLA BRE YAB SKAD CIG GIS BYUNG BAR GYUR, AOm SVA BHA WA NAS HAm, DE LTAR BDAG GI DE KHO NA NYID DON DAM PAR SPROS PA THAMS CAD DANG BRAL BA JI LTAR YIN PA DE BZHIN DU, LHA'I DE KHO NA NYID KYANG DE LTAR YIN PAS, DE GNYIS CHU DANG 'O MA 'DRES PA BZHIN DU, RNAM PAR MI RTOG PA'I SGO DE NYID DU, BDAG DANG LHA'I RI KHO NA NYID DBYER MI PHYED PAR GYUR, STONG PA'I NGANG LAS, AOm BHR'Um SV'AH'A, ZHES PA'I SNGAGS KYI
, ,GDANGS KYI RNAM PA, NAM MKHA' LA GRAG PAR GYUR, BDAG DANG LHA'I DE KHO NA NYID DBYER MI PHYED PA'I RNAM PA CAN GYI RANG GI SEMS, ZLA BA'I DKYIL 'KHOR DU GYUR PA'I STENG DU SNGAGS KYI RNAM PAR NAM MKHAR GRAG PA DE, SHIN TU DAG PA'I DNGUL CHU GSER GYI BYE MA LA ZHEN PA LTAR, YIG 'BRU BRIS PA'I RNAM PA CAN DU 'KHOD PA YONGS SU GYUR PA LAS, SNA TSOGS RDO RJE'I LTE BAR, AOm BHR'Um SV'AH'A, ZHES PAS MTSAN PAR GYUR, ZLA BA DANG PHYAG MTSAN SNGAGS DANG BCAS PA LAS 'OD ZER SNA TSOGS BYUNG BA'I RTZE MO LA, BCOM LDAN 'DAS RNAM PAR RGYAL MA'I LHA'I GZUGS DPAG TU MED PA BYUNG NAS, NAM MKHA'I DBYINGS THAMS CAD KHYAB PAR BYAS, RGYAL BA THAMS CAD LA MCHOD PA'I SPRIN CHEN PO SPRUL PAS LEGS PAR MCHOD, GZHAN YANG SPRIN CHEN PO SPRUL PA LAS BDUD RTZI'I CHAR RGYUN BABS PAS, DMYAL BA LA SOGS PA'I SDUG BSNGAL GYI ME RNAMS ZHI ZHING, DE RNAMS TSIM PAR BYAS NAS LHA'I SKU DANG BCAS PA'I 'OD ZER SLAR LOG NAS, RANG GI SEMS ZLA BA'I DKYIL 'KHOR DANG, PHYAG MTSAN SNGAGS DANG BCAS PA LA ZHUGS PA LAS, BCOM LDAN 'DAS MA LHA DGU'I BRTEN PA'I DKYIL 'KHOR DUS GCIG TU GRUB PA NI, DBUS KYI GDAN LA RANG NYID BCOM LDAN 'DAS GTZUG TOR RNAM PAR RGYAL MA SKU MDOG DKAR MO, ZHAL GSUM PHYAG BRGYAD MA, RTZA BA'I ZHAL DKAR BA, GA-YAS
SER; GA-YON SNGO BA'I ZHAL RE RE'ANG SPYAN GSUM GSUM DANG LDAN PA'I, GA-YON ZHAL YID TZAM KHRO ZHING, MCHE BA CUNG ZAD GTZIGS PA, PHYAG BRGYAD KYI GA-YAS DANG POS SNA TSOGS RDO RJE DANG, GNYIS PAR PADMA'I STENG DU SANGS RGYAS 'OD DPAG MED, GSUM PAS MDA' 'DZIN CING, BZHI PAS MCHOG SBYIN GYI PHYAG RGYA MDZAD PA, GA-YON DANG POS RDO RJE ZHAGS PA DANG BCAS PA'I SDIGS MDZUB THUGS KAR MDZAD PA, GNYIS PAS MI 'JIGS PA SBYIN PA'I PHYAG RGYA, GSUM PA NA GZHU DANG, BZHI PAS MNYAM GZHAG GI STENG NA BDUD RTZIS GANG BA'I BUM PA BSNAMS PA, ZHABS RDO RJE'I SKYIL MO KRUNG GIS BZHUGS PA, LHA RDZAS LAS GRUB PA'I DAR GYI STOD GA-YOGS DANG SMAD GA-YOGS MDZES PAR BYAS SHING, RIN PO CHE SNA TSOGS KYIS BRGYAN PA, DE'I GA-YAS SU SPYAN RAS GZIGS DKAR PO, GA-YAS RNGA YAB DKAR PO DANG, GA-YON PADMA DKAR PO BSNAMS PA, GA-YON DU GSANG BA'I BDAG PO SNGON PO, GA-YAS RNGA YAB DKAR PO DANG, GA-YON AUTPAL SNGON PO'I STENG NA RDO RJE BSNAMS PA, GNYIS KA'ANG BZHENGS BZHI BA'I NYAMS CAN, DAR DANG RIN PO CHE'I RGYAN SNA TSOGS PAS BRGYAN CING, GTZO MO LA GZIGS PA, SHAR DU MI GA-YO BA SNGON PO GA-YAS RAL GRI ,LHOR 'DOD RGYAL SNGON PO GA-YAS LCAGS KYU, NUB TU DBYUG SNGON CAN SNGON PO GA-YAS DBYUG PA, BYANG DU STOBS PO CHE SNGON PO GA-YAS RDO RJE RTZE GSUM PA BSNAMS PA, THAMS CAD KYANG
, ,GA-YON MA RUNGS PA 'DUL BA'I SDIGS MDZUB THUGS KAR MDZAD PA, DBU SKRA DANG SMA RA DMAR SER 'BAR ZHING, MCHE BA GTZIGS PA, SPYAN GSUM DANG LDAN ZHING, KHRO GNYER RAB TU BSDUS PA LA SOGS PA'I KHRO BO'I NYAMS THAMS CAD DANG LDAN PA, SPRUL DANG RIN PO CHE'I RGYAN GYIS BRGYAN CING, STAG GI PAGS PA'I SHAM THABS CAN, YE SHES KYI ME RAB TU 'BAR BA'I DBUS NA, ZHABS GA-YAS BSKUMS SHING GA-YON BRKYANGS PA'I STABS KYIS BZHUGS PA, STENG GI GA-YAS GA-YON DU GTZANG MA'I GNAS KYI LHA'I BU GNYIS GSER GYI MDOG CAN, DAR DANG RIN PO CHE'I RGYAN GYIS BRGYAN PA, PHYAG GNYIS KYIS BDUD RTZIS GANG BA'I BUM PAS, BCOM LDAN 'DAS MA LA SKU KHRUS GSOL BA, LHA THAMS CAD KYI SPYI BOR AOm LAS 'KHOR LO DKAR PO'I LTE BAR AOm GYIS MTSAN PA, MGRIN PAR A'A: LAS PADMA DMAR PO'I LTE BAR A'A: SA MTSAN PA, THUGS KAR H'Um LAS RDO RJE SNGON PO'I LTE BAR H'Um GIS MTSAN PA, DPRAL BAR TRAm SER PO, LTE BAR HR'I: DMAR PO, BRLA GA-YAS GA-YON LA AAm AA: LJANG KHUS MTSAN PAR GYUR, AOm SARBA TA TH'A GA TA AUDBHA WA YE SV'AH'A, LAN BZHI BRJOD, AOm TRAm BANDHA SV'AH'A, DAD PA DANG NI DAM TSIG GIS; ;TSUR GSHEGS TSUR GSHEGS BCOM LDAN 'DAS, BDAG GI MCHOD YON BZHES NAS KYANG, ,MCHOD PAS BDAG LA DGYES PAR MDZOD, ,DZI NA DZI KA, AE HYA HI, AOm SARBA TA TH'A GA TA AUshn'I SHA BI DZA YA SA PA RI
W'A RA AARGHAm PRA T'I TZTSA SV'AH'A, BCOM LDAN 'DAS GTZUG TOR RNAM PAR RGYAL MA'I LHA TSOGS LA, RIG SNGAGS DANG, GSANG SNGAGS DANG, KHRO BO DANG, MNGAG GZHUG PA DANG, MNGAG GZHUG MA LA SOGS PA, NAM MKHA'I DBYINGS KHYAB CING KHOR YUG TU BSKOR NAS BYON TE, MDUN GYI NAM MKHAR BZHUGS PAR GYUR, BCOM LDAN THUGS RJES BYON PA LEGS, BDAG CAG BSOD NAMS SKAL BAR LDAN, ,BDAG GI MCHOD YON BZHES NAS KYANG; ;THUGS LA DGONGS SHING GNANG BAR MDZOD, ,BDAG DANG 'GRO LA THUGS BRTZE'I PHYIR, ,NYID KYI RDZU 'PHRUL MTHU YIS NI, ,JI SRID MCHOD PA BDAG 'BUL NA, ,DE SRID BCOM LDAN BZHUGS SU GSOL, ,AOm KA MA LA YE STVAm, AOm BADZRA A'A SA NI H'Um PHAt, AOm BADZRA KA H'Um PHAt, SHAm KA RE SA MA YE SV'AH'A, DZI NA DZI KA, AOm TZAnta MAH'A RO shA nA H'Um PHAt, DZA: H'Um BAm HO: DAM TSIG PA DANG GNYIS SU MED PAR GYUR, SLAR YANG THUGS KA'I H'Um LAS 'OD ZER 'PHROS, DBANG GI LHA RNAMS SPYAN DRANGS, DE BZHIN GSHEGS PA THAMS CAD KYIS MNGON PAR DBANG BSKUR DU GSOL, ZHES GSOL BA BTAB PAS, DE RNAMS KYIS YE SHES KYI BDUD RTZIS GANG BA'I BUM PA THOGS NAS, JI LTAR BLTAMS PA TZAM GYIS NI, ,DE BZHIN GSHEGS KUN KHRUS GSOL LTAR, ,LHA YI CHU NI DAG PA YIS, ,DE BZHIN BDAG GIS KHRUS BGYI'O, ,AOm SARBA TA TH'A GA TA AA BHI shE KA TA SA MA YE SHR'I A'A: H'Um, ZHES GSUNG ZHING DBANG
, ,BSKUR BAS, LUS THAMS CAD GANG, DRI MA THAMS CAD DAG ,CHU'I LHAG MA SPYI GTZUG TU GNAS PA YONGS SU GYUR PA LAS, GTZO MO LA RNAM PAR SNANG MDZAD, SPYAN RAS GZIGS LA 'OD DPAG MED, GSANG BA'I BDAG PO DANG KHRO BO BZHI LA MI SKYOD PA, LHA'I BU GNYIS LA RIN 'BYUNG GIS DBU BRGYAN CING, DBANG GI LHA RNAMS KYANG DE NYID LA THIM PAR GYUR, SNGAR BSHAD PA BZHIN MCHOD PA BYIN GYIS BRLABS, CHU GNYIS NYER SPYOD ROL MO DANG BCAS PA 'BUL,, MDZES LDAN PADMA DRI MED RI BONG CAN, ,DE STENG SGEG PA'I NYAMS KYIS YID 'PHROG CING, ,GZI BRJID NYI MA 'BUM LTAR RAB TU BRJID, ,PHYAG GI MTHIL NA TSE DPAG MED BZHUGS SHING, ,BDUD DANG NYON MONGS DGRA LAS RNAM RGYAL BAS, ,'JIG RTEN GSUM NA RNAM PAR RGYAL MA ZHES, ,GANG GI SNYAN PA RAB TU GSAL BA CAN, ,BCOM LDAN 'DAS MA DE LA MGOS PHYAG 'TSAL, ,DE YI KUN TU BZANG PO'I 'PHRIN LAS RNAMS, , DGONGS PA JI BZHIN SKONG BA'I PHUN TSOGS 'KHOR, ,RJE BTZUN THUGS RJE'I GTER DANG GSANG BA'I BDAG ,DPAL LDAN KHRO BO'I DBANG PO BZHI LA 'DUD, ,'CHI BDAG STOBS 'PHROG BDUD RTZI'I CHAR 'BEBS SHING, ,RDO RJE'I TSE YI DPAL RAB STER MDZAD PA, ,RAB MCHOG LHA YI BU NI ZUNG CIG LA, ,RGYUN DU DANG BAS BDAG NI PHYAG 'TSAL LO, ZHES PAS BSTOD, BDAG BSKYED KYI SKABS 'DIR BZLAS PA BYA BAR 'DOD NA 'OG NAS 'BYUNG BA LTAR BZLA ZHING,
MJUG TU, DGE BA 'DI YIS MYUR DU DAG , ,CES SOGS BSNGO BA SMON LAM GYIS RGYAS GDAB PAR BYA'O, DE NAS BUM BSKYED NI, BUM PA'I STENG DU RNAM RGYAL MCHOD RTEN BYIN RLABS CAN BZHUGS, MTHA' MCHOD PAS BSKOR BA SOGS DANG, BUM PA RGYAS BSDUS JI LTAR BYED PA'I TSUL RNAMS, TSAD LDAN GYI GZHUNG SPYI NAS 'BYUNG BA LTAR BYAS, NGAG 'DON GYI RIM PA NI, TRAm BANDHAS BSANGS, SVABH'A WAS SBYANGS, STONG PA'I NGANG LAS, BAm LAS BYUNG BA'I RIN PO CHE'I BUM PA DKAR PO LTO BA CHE BA, MGRIN PA RING BA, MCHU 'PHYANG BA LA SOGS PA'I MTSAN NYID THAMS CAD YONGS SU RDZOGS PAR GYUR, AOm T'A PTE T'A PTE MAH'A T'A PTE YE SV'AH'A, LHA'I CHU BO GANGG'A DANG BUM PA'I CHU DBYER MI PHYED PAR GYUR, BUM PA'I STENG DU, BHR'Um LAS BYUNG BA'I RIN PO CHE LAS GRUB PA'I MCHOD RTEN ZHES PA NAS, PHYOGS BZHIR SNA TSOGS PADMA DANG NYI MA'I GDAN RE RE, NA MA: SARBA TA TH'A GA T'A N'Am, SARBA TH'A NAS KHAm SV'AH'A, AOm SVABH'A WA NAS HAm, DE LTAR DAM TSIG PA'I LHA'I DE KHO NA NYID, DON DAM PAR SPROS PA THAMS CAD DANG BRAL BA JI LTAR YIN PA DE BZHIN DU, YE SHES PA'I LHA'I DE KHO NA NYID KYANG DE LTAR YIN PAS, ZHES PA NAS, BCOM LDAN 'DAS MA LHA DGU'I BRTEN PA'I DKYIL 'KHOR DUS GCIG TU GRUB PA NI, DBUS KYI GDAN LA BCOM LDAN 'DAS MA ZHES PA NAS, SKU KHRUS GSOL BA, GTZO BO'I GA-YON DU, SNA TSOGS PADMA DANG, NYI MA'I GDAN LA, H'Um LAS RAL GRI H'Um GIS
, ,MTSAN PA DE YONGS SU GYUR PA LAS, MI GA-YO BA SNGON PO GA-YAS RAL GRI DANG, GA-YON MA RUNGS PA 'BUL BA'I SDIGS MDZUB, CES PA NAS, GA-YON BRKYANGS PA'I STABS KYIS BZHUGS PA, LHA THAMS CAD KYI SPYI BOR ZHES PA NAS, DE NYID LA THIM PAR GYUR, MCHOD PA BYIN RLABS, 'BUL BA DANG, BSTOD PA'I BAR SNGAR BZHIN BYA, BDAG BSKYED KYI THUGS KA LAS 'OD ZER 'PHROS PAS, BUM PA'I STENG GI LHA RNAMS KYI THUGS RGYUD BSKUL, THUGS KA'I SNGAGS PHRENG GSAL BA, SO SO LAS 'OD ZER 'PHROS, RGYAL BA SRAS BCAS KYI THUGS KA NAS YE SHES KYI BDUD RTZI BKUG ,BUM PA'I CHU LA THIM ZHING, LHA SO SO'I SKU LAS KYANG BDUD RTZI'I RGYUN BABS PAS BUM PA GANG BAR BSAMS LA, THOG MAR LEGS SO SBYIN PA'I PHYAG RGYA BCAS LA, GZUNGS RINGS TSAR GCIG BZLA, DE NAS PHYAG RGYA M3ED PAR GZUNGS NYI SHU RTZA RE LA SOGS PA CI RIGS PA BZLA ZHING, STONG MCHOD LA SOGS PA'I SKABS GZHAN DU NI, DE DANG DE'I RNAM GZHAG SPROS NAS SHES PAR BYA'O, ,DE NAS GTOR MA RNAMS, AA K'A RO'AM, SNGAGS DRUG DANG, PHYAG RGYA DRUG GIS BYIN GYIS BRLABS LA, MGRON RNAMS KYI LJAGS 'OD ZER GYI SBU BUS GTOR MA'I BCUD THAMS CAD DRANGS TE GSOL BAR GYUR PAR BSAMS LA, AOm AUshn'I shA BI DZA YA SA PA RI W'A RA AI DAm PA LAm TA KHA KHA KH'A HI KH'A HI, ZHES PA LAN GSUM MAM BDUN GYIS BCOM LDAN 'DAS MA 'KHOR
DANG BCAS PA LA PHUL, RGYAS PAR NA CHA GSUM KYANG BTANG STE, DGE BA'I RTZA BA 'DI DPAL LDAN BLA MA DAM PA RNAMS KYI SKU TSE RGYAS PA LA SOGS PA DNGOS GRUB KYI RGYUR BCOM LDAN 'DAS RJE BTZUN RNAM PAR RGYAL MA'I LHA TSOGS LA 'BUL LO, ,MGON PO KHYED KYIS DPAL LDAN BLA MA DAM PA RNAMS KYI SKU TSE RGYAS PA LA SOGS PA'I DNGOS GRUB BDAG LA STZAL DU GSOL, ZHES DGE RTZA PHUL, DPAL LDAN LHA MO STON KA'I ZLA BA'I MDOG ,CES SOGS RGYAS BSDUS CI RIGS PAS BSTOD, GANG YANG BDAG BLO RMONGS PA YIS, ZHES SOGS DANG, MA RNYED YONGS SU MA SHES DANG, ZHES SOGS KYIS BZOD PAR GSOL TE, 'DOD DON LA GSOL BA GDAB, MCHOD RTEN GYI NANG GI LHA RNAMS, 'DIR NI GZUGS DANG LHAN CIG TU, ZHES SOGS BRTAN BZHUGS BYA'O, ,MDUN BSKYED BSGRUB PA'I TSUL NI, THOG MAR RDUL TSON GYI DKYIL 'KHOR BRI BA'I DBANG DU BYAS NA, SA BRTAG PA DANG, MNGON PA LAS SLONG BA SOGS KYI RNAM GZHAG RGYAS PAR, RDO RJE 'CHANG CHEN PO'I LAM GYI RIM PA LAS SHES PAR BYA ZHING, MDOR BSDUS TZAM NGAG 'DON GYI DBANG DU BYAS NA, AOm SARBA TA TH'A GA TA AUD BHA WA YE SV'AH'A, RANG NYID RJE BTZUN RNAM PAR RGYAL MAR GYUR, MCHOD PA BSANGS SBYANGS, BYIN RLABS, GTOR MA YANG, AA K'A RO, LAN GSUM GYIS BYIN GYIS BRLABS TE, RANG GI THUGS KA'I H'Um LAS 'OD ZER 'PHROS, ZHING SKYONG DANG, GZHI BDAG
, ,'KHOR BCAS SPYAN DRANGS, MCHOD YON PHUL, AA K'A RO'I SNGAGS LAN GSUM SOGS KYIS GTOR MA PHUL, AARGHAm NAS SHAPTA'I BAR GYIS MCHOD, GANG YANG 'DIR GNAS LHA DANG KLU, ,GNOD SBYIN SRIN PO'AM NI GZHAN, ,DE DAG RNAMS LAS 'DI NI, ,BDAG ZHU KHYED KYIS STZAL DU GSOL, ,LAN GSUM GSOL BAS, GNANG BA SBYIN PAR BSAM, DE'I RJES SU, RDZAS SNGAGS TING NGE 'DZIN GSUM GYIS SBYANGS, SNGAR BZHIN MCHOD GTOR BYIN GYIS BRLABS LA, RANG GI THUGS KA'I H'Um LAS 'OD ZER 'PHROS, SA'I LHA MO SER MO MCHOG SBYIN DANG BUM PA 'DZIN PA SA 'OG NAS SPYAN DRANGS, DKYIL 'KHOR GYI TSOM BU'I STENG DU BZHUGS PAR BSAM, SNGAR BZHIN MCHOD GTOR PHUL, SKYOB PA SANGS RGYAS THAMS CAD KYI, ,SPYOD PA'I TSUL DANG KHYAD PAR DANG, ,SA DANG PHA ROL PHYIN RNAMS LA, ,LHA MO KHYOD NI DBANG DU GYUR, ,SKYOB PA SH'AKYA SENG GE YIS, ,JI LTAR BDUD KYI DPUNG BCOM PA, ,DE BZHIN DU NI BDUD KYI DPUNG, ,BCOM NAS DKYIL 'KHOR BRI BAR BYA, ZHES LAN GSUM GSOL BA BTAB PAS GNANG BA SBYIN NAS DE NYID DU THIM PAR BSAM MO, ,DE NAS DKYIL 'KHOR GYI DBUS SU SGRUB GROGS DANG BCAS TE 'DUG NAS, BDAG BSKYED BZLAS PA DANG BCAS PA'I BAR SNGON DU BTANG, CHU GNYIS SNGON DU 'GRO BA'I MCHOD PA PHUL TE, BDAG NYID KYI LCE H'Um LAS SKYES PA'I RDO RJER GYUR, MA LUS PHYOGS NA
BZHUGS PA YI, ,SANGS RGYAS RNAMS NI BDAG LA DGONGS, ,BDAG MING 'DI ZHES BGYI BA YIS, ,RNAM PAR RGYAL MA'I DKYIL 'KHOR BRI, ,SANGS RGYAS KUN DANG GSHEGS NAS KYANG, ,DNGOS GRUB KUN 'DIR STZAL DU GSOL, ZHES LAN GSUM GSOL BA BTAB PAS GNANG BA SBYIN PAR BSAM, DZI NA DZI KA GATZTSA, YE SHES PA RNAMS RANG GZHIN GYI GNAS SU GSHEGS, RGYAS PAR SPRO NA SKABS 'DIR KHRO BO SPYAN DRANGS TE SPYI 'GRO LTAR BGEGS SKROD RGYAS PAR BYED, BSDU NA AOm TRAm BANDHAS BGEGS SBYANGS, DKYIL 'KHOR GYI GZHI BA BYUNG LA SOGS PAS BYUNG, ,LAS THIG BSANGS SBYANGS, H'Um LAS MI GA-YO BA'I NGO BOR BSAMS LA MCHOD BSTOD BYA, THIG JI LTAR 'DEBS PA'I TSUL NI, RNAM PAR RGYAL MA'I DKYIL 'KHOR NI, ,PHYI DBYIBS MGON PO TSE DPAG MED, ,LHA DGU'I DKYIL 'KHOR JI BZHIN LA, ,SHAR GYI RTZA THIG PHRAD MTSAMS NAS, ,CHU CHUNG BZHI CHA DBUS SON PAR, ,SENG KHRI DE STENG RMANG DGE BCU; ;BANG RIM ZLUM PO GSUM GYI STENG, ,PADMA BUM PA BRE DANG NI, ,CHOS 'KHOR BCU GSUM CHAR KHEBS STENG, ,NYI ZLAS BRGYAN PA'O GA-YAS GA-YON DU, ,ME TOG PHRENG BAS MDZES PAR BYA, ,BUM PA'I LTE BAR SGO KHYIM DBUS, , PAD ZLA'I GDAN LA RJE BTZUN MA'I, ,PHYAG MTSAN SNA TSOGS RDO RJE'I STENG, ,SA BON BHR'Um GYIS MTSAN PA DANG, ,GA-YAS GA-YON MDUN LA NYE BA'I NGOS, ,PHYAG MTSAN YANG NA HR'I: DANG H'Um, ,DE YI RGYAB NGOS GA-YAS GA-YON
, ,DU, ,BUM PA'AM YANG NA SA BON DE'I, ,PHYOGS BZHIR KHRO BO'I DBANG PO LA, ,RANG RANG GA-YAS KYI PHYAG MTSAN NAM, ,YANG NA SA BON H'Um YIG NI, ,RANG RANG GDAN LA MDZES PAR BRI, ,TSON SNA LNGA YANG BSANGS SBYANGS TE, ,AOm H'Um TRAm HR'I: A'A: RNAMS LAS, ,YE SHES LNGA YI BDAG NYID MOS, ,TSUL 'DIS YE SHES THIG SKUD KYANG, ,BYIN GYIS RLOB TSUL SHES BYAS TE, ,YE THIG BTAB LA TSON RNAMS DGRAM, ,DE BZHIN SLOB MA LHAG GNAS KYANG, ,NANG DBANG SNGAGS SDOM 'DZIN PA SOGS, ,RGYUD SDE GONG MA RNAM GNYIS KYI, ,THUN MONG MIN PA'I CHO GA'I TSUL, ,'GA' ZHIG BZHAG NAS GZHUNG BZHIN BYA, ZHES PA'O, ,DE NAS, AOm SARBA TA TH'A GA TA AUD PA-HA WA YE SV'AH'A, RANG NYID BCOM LDAN 'DAS MA RNAM PAR RGYAL MAR GYUR, NA MO RATNA TRA Y'A YA, NA MA: TZAndA BADZRA P'A nA YE, MAH'A YAKshA SE NA PA TA YE, TA DYA TH'A, AOm SA RA SA RA ZHES PA NAS, RDO RJE RA BA'I PHYOGS THAMS CAD DU ME DPUNG 'BAR BAS KHYAB PAR GYUR, RANG GI GNAS SU ZHES PAR, RANG GI MDUN DU RIN PO CHE DU MA LAS BYAS PA'I SA GZHI GSER GYI BYE MA BDAL BAR GYUR, ZHES PA NAS, SVA BH'A WA NAS HAm, DE LTAR DAM TSIG PA'I DE KHO NA NYID DON DAM PAR SPROS PA THAMS CAD DANG BRAL BA JI LTAR YIN PA DE BZHIN DU, ZHES PA NAS, DBANG GI LHA RNAMS KYANG DE NYID LA THIM PAR GYUR, ZHES PA'I BAR BUM BSKYED BZHIN NO, ,MCHOD PA BYIN RLABS NI, AOm
TRAm BANDHA SV'AH'A, DZI NA DZI KA, TE DZA: TE DZA: NAS H'Um PHAt, AOm LAS RIN PO CHE'I SNOD YANGS SHING RGYA CHE BA RNAMS KYI NANG DU RANG RANG GI MING YIG DANG PO THIG LES BRGYAN PA ZHU BA LAS BYUNG BA'I MCHOD PA RNAMS PHUL DU BYUNG BA'I LHA RDZAS SU GYUR, NA MO RATNA TRA Y'A YA, ZHES PA NAS, DHA RI P'U DZI TE SV'AH'A, BYIN GYIS BRLABS, BDE BAR GSHEGS SO BCOM LDAN 'DAS, ,TSUR GSHEGS 'DIR NI BZHUGS SU GSOL, ,BDAG GI MCHOD YON BZHES NAS KYANG, , THUGS KYIS THUGS DPAG MDZAD DU GSOL, ,BDAG NI KHYED LA GUS DANG LDAN, ,AOm SARBA TA TH'A GA TA AUshn'I shA BI DZA YA SA PA RI WA RA AARGHAm PRA T'I TZTSA SV'AH'A, BDE BAR GSHEGS SO x, ,TSUR GSHEGS x, ,BDAG GI x, ,ZHABS BSIL x, ,THUGS KYIS x, ,BDAG NI KHYED LA x, ,AOm PRA WA RA SAD KA RAm P'A DYAm PRAT'I TZTSA SV'AH'A, DE BZHIN GSHEGS DANG DE YI SRAS RNAMS LA, ,RIN CHEN BUM PA MANG PO SPOS KYI CHU, ,YID 'ONG LEGS PAR GANG BA GLU DANG NI, ,ROL MOR BCAS PA DU MAS SKU BSIL LO, ,AOm SARBA DE WA T'A AA TZI NTA AA MRi TA SV'AH'A, SNA TSOGS DBANG PO'I GZHU LTAR RAB BKRA ZHING, ,GANG LA REG NA BDE BA'I RGYUR 'GYUR BA, ,GOS BZANG RIN CHEN BDAG BLO SBYANG PHYIR 'BUL, ,BZOD PA DAM PA'I GOS KYIS BRGYAN PAR SHOG ,AOm BADZRA WA STRA YE A'A: H'Um SV'AH'A, RGYAL BA MTSAN DPE'I RANG BZHIN RGYAN LDAN ZHING, ,RGYAN GZHAN DAG GIS BRGYAN PAR MI 'TSAL YANG, ,RIN CHEN RGYAN MCHOG
, ,PHUL BAS 'GRO BA KUN, ,MTSAN DPES BRGYAN PA'I SKU LUS THOB PAR SHOG ,AOm BADZRA A'A LAm KA RA WA PU shA nI A'A: H'Um SV'AH'A, GTZANG ZHING GTZANG MA LAS BYUNG BA'I, ,LHA RDZAS BZANG PO'I DRI 'DI DANG, ,BDAG GIS DAD PAS 'BUL LAGS KYIS, ,BZHES NAS BDAG LA DGYES PAR MDZOD, ,A'A HA RA A'A HA RA, SARBA BIDY'A DHA RI P'U DZI TE SV'AH'A, GTZANG ZHING GTZANG MAR SKYES PA YI, ,LHA RDZAS BZANG PO'I ME TOG 'DI, ,BDAG GIS DAD PAS x, ,BZHES NAS BDAG LA x, ,A'A HA RA x, NAGS TSAL BCUD NI YID DU 'ONG, ,DRI YI SBYAR BA LHA YI RDZAS, ,BDAG GIS DAD PAS x, ,BZHES NAS BDAG LA x, ,A'A HA RA x, SMAN RNAMS BCUD NI YID DU 'ONG, ,SNGAGS KYI ZHAL ZAS BSHOS 'DI DAG ,BDAG GIS DAD PAS x, ,BZHES NAS BDAG LA x, ,A'A HA RA x, GNOD RNAMS 'JOMS SHING BKRA SHIS PA, ,DGE ZHING MUN PA RNAM SEL 'DI, ,BDAG GIS DAD PAS x, ,MAR ME 'DI DAG BZHES SU GSOL, ,A'A LO KA YA A'A LO KA YA BIDY'A DHA RI P'U DZI TE SV'AH'A, DE LAS GZHAN YANG MCHOD PA'I TSOGS, ,ROL MO DBYANGS SNYAN YID 'ONG LDAN, ,SEMS CAN SDUG BSNGAL SIM BYE PA'I, ,SPRIN RNAMS SO SOR GNAS GYUR CIG ,AOm SARBA TA TH'A GA TA AUshn'I shA BI DZA YA SA PA RI W'A RA SHAPTA PRA T'I TZTSA SV'AH'A, MGON PO THUGS RJE CHE LDAN PA, ,THAMS CAD MKHYEN PA'I STON PA PO, ,BSOD NAMS YON TAN RGYA
MTSO'I GZHI, ,DE BZHIN GSHEGS LA PHYAG 'TSAL LO, ,DAG PAS 'DOD CHAGS BRAL BAR GYUR, ,DGE BAS NGAN SONG LAS GROL BA, ,GCIG TU DON DAM MCHOG GYUR PA, ,ZHI GYUR CHOS LA PHYAG 'TSAL LO, ,GROL NAS GROL BA'I LAM YANG STON, ,BSLAB PA DAG LA RAB TU GNAS, ,ZHING GI DAM PA YON TAN LDAN, ,DGE 'DUN LA YANG PHYAG 'TSAL LO, ,GZHON NU'I CHA LUGS 'CHANG BA PO, ,SHES RAB SGRON MES RAB TU BRGYAN, ,'JIG RTEN GSUM GYI MUN SEL BA, ,'JAM DBYANGS LA YANG PHYAG 'TSAL LO, ,SANGS RGYAS KUN GYIS RAB TU BSNGAGS, ,YON TAN DAM PA KUN BSAGS PA, ,SPYAN RAS GZIGS ZHES MTSAN GSOL BA, ,RTAG PAR BRTZE LA PHYAG 'TSAL LO, ,STOBS PO CHE LA DRAG SHUL CAN, ,RIG SNGAGS RGYAL PO DGE BA CAN, ,GDUL DKA' BO DAG 'DUL BA PO, ,RDO RJE 'DZIN LA PHYAG 'TSAL LO, ,MDZES LDAN PADMA DRI MED RI BONG CAN, ZHES PA NAS, RGYUN DU DANG BAS BDAG NI PHYAG 'TSAL LO, ,NA MA: SARBA BUDDHA BO DHI SATV'A N'Am, SARBA TRA SAm KU RU MI TA AA BI DZNY'A RA SHI NI NA MO STU TE SV'AH'A, ZHES BSTOD PA 'BYUNG BA'I SNGAGS BZLAS, SDIG BSHAGS NI, 'JIG RTEN DAG GI PHYOGS KUN NA, DE BZHIN GSHEGS PA GANG BZHUGS DANG, ,DGRA BCOM BYANG CHUB SEMS DPA' DAG ,DE DAG BDAG LA DGONGS SU GSOL, ,TSE RABS GANG YANG RUNG BA NA, ,BDAG GIS SDIG PA CI BGYIS DANG, ,SNGON GYI TSE RABS GZHAN
, ,DAG DANG, ,TSE RABS 'DI DANG 'KHOR BA NA, ,'DOD CHAGS DBANG DANG BLUN PA DANG, ,KHRO BA DAG GIS 'KHRUGS GYUR TE, ,SANGS RGYAS CHOS DANG DGE 'DUN NAM, ,BLA MA DAG DANG PHA MA DANG, ,DGRA BCOM BYANG CHUB SEMS DPA' DANG, ,SBYIN GNAS GANG YANG RUNG BA DANG, ,DE LAS GZHAN PA'I SEMS CAN DAG ,YON TAN LDAN DANG MI LDAN LA, ,SDIG PA'I LAS RNAMS GANG BGYIS DANG, ,GANG YANG BGYID DU STZAL BA DANG, , GANG YANG CUNG ZAD YI RANG BA, ,BAG MED PAS NI PHRA MO YANG, ,LUS NGAG YID KYIS BGYIS PA RNAMS, ,DE DAG MA LUS BLOS BSDUS NAS, ,RDZOGS PA'I SANGS RGYAS SRAS BCAS PA, ,BDAG GIS DA NI MNGON SUM BZHIN, ,RAB TU GUS PAS PHYAG 'TSAL TE, ,SKYO BA'I YID DU GYUR PA YIS, ,THAL MO SBYAR TE NONGS PA RNAMS, ,YANG DANG YANG DU SO SOR BSHAGS, ,BTAG GIS SDIG PA BGYIS PA RNAMS, ,RDZOGS SANGS RGYAS KYIS MKHYEN PA BZHIN, ,DE LTAR BDAG GIS SO SOR BSHAGS, ,SLAN CHAD DE LTAR YONGS MI BGYID, ,SROG CHAGS SDUG BSNGAL ZHI BYA'I PHYIR, ,BDAG NYID JI SRID 'TSO BAR DU, ,SANGS RGYAS CHOS DANG DGE 'DUN LA, , GUS PAR YANG DAG SKYABS SU MCHI, ,CHOS KYI LONGS SPYOD SNA TSOGS LA, ,MNYAM PAR BZHAG NAS YI RANG NGO, ,MI RTOG BLO GROS BSKYED PA'I PHYIR, ,CHOS KYI 'KHOR LO BSKOR BA DANG, ,GDUL BYA JI SRID TSIM BAR DU, ,MYA
NGAN MI 'DA' GSOL BA 'DEBS, ,SNGON GYI RGYAL BA'I SRAS RNAMS KYIS, ,SMON LAM JI LTAR MDZAD PA BZHIN, ,BDAG KYANG DGE BA'I SEMS KYIS SU, ,DE BZHIN DU NI SMON LAM 'DEBS, ,SEMS CAN THAMS CAD BDE BA DANG,, ZHI ZHING NANG KYANG MED PAR SHOG ,BDAG NI BYA BA KUN NUS SHING, ,YON TAN DANG YANG LDAN PAR SHOG ,NOR LDAN GTONG PHOD SHES RAB CAN, ,BZOD LDAN DGE LA DAD PA DANG, ,SEMS CAN TSE RABS THAMS CAD DU, ,SKYE BA DRAN ZHING BRTZER LDAN SHOG ,SEMS CAN THAMS CAD SDUG BSNGAL THAMS CAD DANG BRAL BAR GYUR CIG ,BDE BA THAMS CAD DANG LDAN PAR GYUR CIG ,SANGS RGYAS KYI BDE BAS BDE BAR GYUR CIG ,SANGS RGYAS KYI MYANG 'DAS BLA NA MED PAS MYA NGAN LAS 'DA' BAR GYUR CIG ,SEMS CAN KHAMS NI MTHA' YAS DANG, ,SDUG BSNGAL NYE BAR ZHI BA DANG, ,NGAN 'GRO RNAMS LAS BSGRAL BA DANG, ,NYON MONGS RNAMS LAS DGROL BA'I PHYIR, ,SRID PA MI BDE DOG PA NA, , SDUG BSNGAL SNA TSOGS CI MCHIS PA, ,DE LAS YONGS SU BSKYAB PA'I PHYIR, ,BDAG NI BYANG CHUB SEMS SKYED DO, ,SEMS CAN PHONGS PA THAMS CAD KYI, ,SKYABS SU BDAG NYID RTAG TU SHOG ,BDAG NI MGON MED RNAMS KYI MGON, ,RTEN MED RNAMS KYI RTEN DU BAB, ,SKYABS MED RNAMS KYI SKYABS GYUR CING, ,SDUG BSNGAL BDE BAR BYED PA DANG, ,BDAG NI SEMS CAN THAMS CAD KYI, ,NYON MONGS ZHI BAR BYED PAR SHOG ,DGE BA'I LAS RNAMS GANG
, ,DANG GANG, ,'DI DANG GZHAN DU BSAGS PA RNAMS, ,BSOD NAMS YE SHES ZHES BYA BA'I, ,TSOGS NI RNAM PA GNYIS SU SHOG ,PHA ROL PHYIN PA DRUG SGO NAS, ,BDAG GIS BRTZON 'GRUS GANG BRTZAMS PA, ,DE YANG SEMS CAN MA LUS PA, ,THAMS CAD LA NI PHAN PAR SHOG ,TSE YI MTHA' KLAS BYED PA DANG, ,GANG YANG CUNG ZAD BYED 'GYUR BA, ,MDOR NA SEMS CAN THAMS CAD KYI, ,NYON MONGS THAMS CAD ZHI BA DANG, , GROL BAR BYA BA'I PHYIR 'BAD CING, ,BYANG CHUB BAR DU BDAG BRTZON NO, ,DE NAS BZLAS PA'I SKABS SU, AOm GU RU SARBA TA TH'A GA TA K'A YA W'A KA TZITTA PRA nA ME NA SARBA TA TH'A GA TA BADZRA P'A DA BANDA N'Am KA RO MI, ZHES BLA MA LHA LA PHYAG BYAS, BGRANG PHRENG SNYIM PAR BCUG ,AOm NA MO BHAGA WA TE SIDDHI SIDH'I YA, SIDDHA RTHE SV'AH'A, LAN BDUN BZLAS, PHRENG BA BLANGS, LAG PA GANG RUNG GI GUNG MO DANG MTHE'U CHUNG BRKYANGS, MDZUB MO RGYAB TU BZHAG NAS, SRIN LAG DANG MTHE BOS BGRANG, BZLAS PA BYA'O, ,DE YANG GTZO MO'I THUGS KAR SNA TSOGS RDO RJE'I LTE BAR, BHR'Um GYI MTHAR, AOm BHR'Um SV'AH'A, AOm AA MRi TA A'A YURDA DE SV'AH'A, ZHES PA'I MTHAR, AOm NA MO BHA GA WA TE ZHES PA NAS, MANTA PA DEE: SV'AH'A, ZHES PA'I SNGAGS PHRENG GIS BSKOR BA LAS BDUD RTZI'I RGYUN BABS PAS, 'GRO BA'I DON BYAS PAR BSAMS LA CI MANG DU BZLA'O, ,DE NAS DGE RTZA 'BUL BA DANG, 'DOD DON LA GSOL BA GDAB PA DANG, 'JIG RTEN DANG 'JIG RTEN
LAS 'DAS PA'I LHA LA GTOR MA PHUL,, ` ,,PHYI ROL DU GTOR MA CHA GSUM BYAS, NANG DU 'ONGS, LAN GSUM BSKOR ZHING GTZO MO LA ME TOG GI PHRENG BA PHUL, BLA MA DANG GTZO BO THA MI DAD PAS DBANG BSKUR BAR MOS TE, DGA' CHEN KHYED BDAG STON PA STE, ,SLOB DPON KHYOD NI DGONGS SU GSOL, ,BYANG CHUB CHEN PO'I TSUL BRTAN PA, ,MGON PO CHEN PO BDAG 'TSAL LO, ,DAM TSIG DE NYID BDAG LA STZOL, ,BYANG CHUB SEMS KYANG BDAG LA STZOL, ,SANGS RGYAS CHOS DANG DGE BDUN TE, ,SKYABS GSUM BDAG LA STZAL DU GSOL, ,THAR PA CHEN PO'I GRONG MCHOG TU, ,MGON POS BDAG NI GZHUG TU GSOL, ,LAN GSUM GYIS GSOL BA GDAB, AOm TRAm BANDHA SV'AH'AS BGEGS BSKRAD, AOm TZAKshUR BANDHA WA RA MA NA YE H'Um, DES MIG DAR BCINGS, DZI NA DZI KA DRI BZANG GI CHUS BSANG GTOR BYAS PAS SBAGS PA LA SOGS PA'I SKYON SBYANGS, AOm RAKshA RAKshA M'ANA, SARBA BUDDHA AA DHIshth'A NA, A'ATMA TZI WA RA SV'AH'A, BYIN GYIS BRLABS PA'I DAR GYI SHAM THABS KYIS BRGYAN PAR GYUR, YANG SNGAGS DE BZLA, BYIN GYIS BRLABS PA'I GOS KYIS GSHAL MDZES PAR GYUR, SNGAGS DE BZLA, ZE'U KHA BCINGS TE RNAM PAR SPRAS PAR GYUR, AOm SU SIDDHI KA RI SV'AH'A, GTZUG PHUD BCINGS TE BSRUNGS PAR GYUR, NA MO RATNA TRA Y'A YA, NA MA: TZAndA BADZRA P'A nA YE, MAH'A YAKshA SE NA PA TA YE, NA MO BADZRA KRO DH'A YA, TA DYA TH'A, AOm HU LU HU LU, TIshthA TIshthA, BANDHA BANDHA, HA NA HA NA, AA MRi TE H'Um PHAt,
, ,KU SH'A'I GDAN LA GNAS PAR GYUR, A'A: KHAm B'I RA H'Um, ME TOG BZUNG, AOm SARBA TA TH'A GA TA AUDBHA WA YE SV'AH'A, RANG NYID BCOM LDAN 'DAS RNAM PAR RGYAL MAR GNAS PA'I THUGS KAR, NYI MA'I GDAN LA H'Um NAG PO, MGRIN PAR PADMA LA GNAS PA'I ZLA BA'I STENG DU A'A: DMAR PO, SPYI BOR 'KHOR LO LA GNAS PA'I ZLA BA'I STENG DU AOm DKAR PO, YI GE GSUM GYI 'OD ZER GYIS LUS 'OD GSAL BAR BYAS, SANGS RGYAS CHOS DANG TSOGS MCHOG LA, ZHES PA NAS, DENG NAS BYANG CHUB SEMS BSKYED DO, ,ZHES PA LAN GSUM GYIS SDOM PA BZUNG, SEMS CAN THAMS CAD KYI DON DU SANGS RGYAS THOB PAR BYA'O SNYAM PA'I SMON PA'I SEMS KUN RDZOB PA DE NYID, SNYING KHAR ZLA BA'I DKYIL 'KHOR YONGS SU RDZOGS PA'I RNAM PA CAN DANG, CHOS THAMS CAD RANG BZHIN MED PA'I STONG PA NYID DANG, RANG GI SEMS RO GCIG PA'I DON DAM BYANG CHUB KYI SEMS ZLA BA'I STENG DU RDO RJE DKAR PO RTZE LNGA PA'I RNAM PA CAN DU GYUR, AOm SARBA YO GA TZITTA AU PA TA Y'A MI, AOm SU RA TE STAm, SA MA YA HO, SIDHI BADZRA YA TH'A SU KHAm, DENG KHYOD LA DE BZHIN GSHEGS PA THAMS CAD KYIS BYIN GYIS RLOB PAR 'GYUR GYI, KHYOD KYIS KYANG, DE BZHIN GSHEGS PA THAMS CAD KYI MCHOG TU GSANG BA'I DKYIL 'KHOR 'DI, DKYIL 'KHOR MA MTHONG BA RNAMS KYI MDUN DU SMRA BAR MI BYA ZHING, MA DAD PA RNAMS LA'ANG MA YIN NO, AOm SARBA TA TH'A GA TA SA MA YA BADZRA H'Um H'Um, AOm BADZRA SA
MA YA H'Um, DKYIL 'KHOR GYI NANG DU ZHUGS TE, LHA RNAMS DANG SKAL BA MNYAM PAR GYUR, AOm NA MA: TE H'Um, AOm NA MA: MI H'Um, AOm NA MO NA MA: H'Um, AOm SARBA TA TH'A GA TA NAS, BANDA N'Am KA RO MI, DE LTAR PHYAG BYAS PAS, LHA RNAMS KYIS BYIN GYIS BRLABS PAR GYUR, DE RING PHAN CHAD BU KHYOD KYIS, ,SANGS RGYAS CHOS DANG DGE 'DUN DANG, ,BYANG CHUB SEMS DPA' RNAMS DANG NI, ,RIG SNGAGS GSANG SNGAGS TSOGS RNAMS LA, ,DAD PA RAB TU BRTAN PAR BYA, ,RTAG PAR PHYAG RGYA CHEN PO LA, ,KHYAD PAR DU NI MOS PAR BYA, ,DAM TSIG CAN DANG MDZA' BO DANG, ,BLA MA LA YANG GUS PAR BYA, ,LHA RNAMS KUN LA SDANG MI BYA, ,DUS MTSAMS DAG TU MCHOD PAR BYA, ,STON PA GZHAN GYI GZHUNG MI MCHOD, , RTAG TU BLO BUR MGRON MCHOD BYA, ,SROG CHAGS RNAMS LA BYAMS PA'I SEMS, ,RAB TU BRTAN PAS NYE BAR BZHAG ,THEG PA CHE LA DGA' RNAMS KYI, ,BSOD NAMS DAG LA NAN TAN BSKYED, ,BZLAS BRJOD DE LA 'BAD PA YI, ,GSANG SNGAGS SPYOD LA BRTZON PAR BYA, ,GSANG SNGAGS RGYUD LA BRTEN PA YI, ,DAM TSIG RNAMS KYANG BSRUNG BAR BYA, ,DAM TSIG MED PA RNAMS LA NI, ,SNGAGS DANG PHYAG RGYA MI SBYIN NO, ,GSANG SNGAGS RGYUD NI LEGS BSRUNG ZHING, ,DE YANG BDAG GIS RTOGS PAR BYA, ,DE NAS DE BZHIN GSHEGS PA THAMS CAD KYIS BYIN GYIS RLOBS SHIG ,RJE BTZUN RNAM PAR RGYAL MA'I LHA TSOGS RNAMS BDAG LA 'BEBS PAR MDZAD DU GSOL, ,GSUM BYA, RANG GI SPYI BOR BHR'Um DKAR PO,
, ,DE LAS 'OD ZER 'PHROS PHYOGS BCU'I SANGS RGYAS DANG BYANG CHUB SEMS DPA' THAMS CAD, RJE BTZUN RNAM PAR RGYAL MA'I RNAM PAR SPYAN DRANGS, CHAR CHEN PO BABS PA BZHIN DU, BHR'Um YIG LA THIM PAS, BHR'Um YIG RANG GI SNYING KHAR SLEB PA DE NYID, RJE BTZUN RNAM PAR RGYAL MA'I RTEN DANG BRTEN PAR BCAS PA'I DKYIL 'KHOR GYI RNAM PAR GYUR, AOm BADZRA AA BE SHA AA AA AA: LAN BCU TZAM BRJOD, TIshthA BADZRA, 'DI LTAR BDAG GI SLOB MA 'DI, ,DKYIL 'KHOR DU NI LEGS BTZUD NAS, ,LHA YI RIGS KYI RIM PA DAG ,'DI YI BSOD NAMS CI 'DRA LAS, ,DE BZHIN DU NI 'BAB PAR GYUR, ,'DIS NI DNGOS GRUB GANG 'GRUB DANG, ,BSOD NAMS MTHU NI CI YOD PA, ,DKYIL 'KHOR DE NI DE BZHIN GYUR, ,LAN GSUM BDEN PA BRJOD, TRAm RIN PO CHE'I PHRENG BAR BYIN GYIS BRLABS PAR GYUR, A'A: KHAm B'I RA H'Um, PRA T'I TZTSA BADZRA HO, AOm PRA TI GRiHnA STVAm, AI MAm SATVA MA H'A B'A LA, AOm RDO RJE SEMS DPA' DENG KHYOD KYI, ,MIG 'BYED PAR NI BRTZON PAR MDZAD, ,PHYE BAS THAMS CAD MTHONG 'GYUR BA'I, ,RDO RJE'I MIG NI BLA NA MED, ,AOm DZNY'A NA TZA KshU H'Um A'A: SV'A H'A, DKYIL 'KHOR BZANG PO 'DI LA LTOS, ,DA NI DAD PA RAB TU BSKYED,, KHYOD NI SANGS RGYAS RIGS SU SKYES, ,SNGAGS DANG PHYAG RGYAS BYIN GYIS BRLABS, ,'GRO BA PHUN TSOGS DNGOS GRUB KYANG, ,THAMS CAD KHYOD LA MNGON DU 'GYUR, ,DNGOS GRUB PHYIR NI DAM TSIG SRUNGS, ,GSANG SNGAGS DAG
LA BRTZON PAR GYIS, ,HE BADZRA B'ASHYA, RJE BTZUN RNAM PAR RGYAL MA'I RTEN DANG BRTEN PAR BCAS PA'I DKYIL 'KHOR THAMS CAD MNGON SUM DU MTHONG BAR GYUR, BYANG CHUB RDO RJES SANGS RGYAS LA, ,MCHOD CHEN JI LTAR STZAL BA LTAR; ;BDAG KYANG SKYAB PA'I DON GYI PHYIR, ,NAM MKHA'I RDO RJE DENG BDAG STZOL, ,GSUM BYA, AOm TRAm BANDHA SV'AH'A, BGEGS BSKRAD PAR GYUR, DBANG RDZAS BUM CHU STONG PA NYID DU GYUR, STONG PA'I NGANG LAS AOm LAS RNAM SNANG; H'Um LAS MI SKYOD PA, TRAm LAS RIN 'BYUNG, TR'I: LAS 'OD DPAG MED, A'A: LAS DON YOD GRUB PA RNAMS KYI NGO BOR GYUR PA'I DBANG RDZAS BUM CHUR GYUR, RANG NYID KHRUS KYI DKYIL 'KHOR GYI DBUS SU PAD ZLA'I GDAN LA RJE BTZUN RNAM PAR RGYAL MAR GYUR PA'I STENG DU GDUGS DKAR PO GSER GYI YU BA CAN, GA-YAS GA-YON DU RGYAL MTSAN, RGYAB MDUN DU BA DAN, MTHA' SKOR DU MCHOD PA'I SPRIN PHUNG BSAM GYIS MI KHYAB PAS BSKOR BAR GYUR, BLA MA DANG GTZO BO THA MI DAD PA'I THUGS KA'I SA BON GYI 'OD ZER GYIS RGYAL BA 'KHOR BCAS THAMS CAD RANG LA DBANG BSKUR BA'I PHYIR DU BSKUL TE SPYAN DRANGS PA RNAMS NAM MKHAR 'KHOD, BSGRUBS PA'I DKYIL 'KHOR BA RNAMS KYIS DBANG BSKUR BA'I DGONGS PA MDZAD, SPYAN MA LA SOGS PA'I RIG MA DANG BCAS PA RNAMS KYIS GDUGS DANG RGYAL MTSAN LA SOGS PA RANG GI STENG PHYOGS SU 'DZIN CING, GLU GAR MDZAD CING ROL MO RDUNG, ME TOG DANG GUR KUM
, ,LA SOGS PA'I CHAR 'BEBS, PHYAG GIS CUNG ZAD YO BAR BZUNG BA'I BUM PA DKAR PO BDUD RTZIS GANG BA RNAMS KYIS DBANG BSKUR, GZUGS RDO RJE MA LA SOGS PA RNAMS KYIS BKRA SHIS KYI GLU DBYANGS KYI SHIS PA BRJOD, KHRO BO RNAMS PHYOGS MTSAMS SU GNAS NAS BGEGS BSKRAD PAR GYUR, AOm YON TAN RGYAS PA SKU MDOG GSER DANG MTSUNGS, ,SHES RAB RTAGS SU GLEGS BAM RAL GRI BSNAMS, ,'JAM PA'I DBYANGS KYI BKRA SHIS GANG LAGS PA, ,BKRA SHIS DES KYANG DENG 'DIR BDE LEGS SHOG ,A'A: THUGS RJE'I RTAGS SU SKU MDOG ZLA BA'I MDOG ,SKYON GYIS MA GOS PHYAG NA PADMA BSNAMS, ,SPYAN RAS GZIGS DBANG BKRA SHIS GANG LAGS PA, ,BKRA SHIS DES KYANG DENG 'DIR BDE LEGS SHOG ,H'Um CHOS NYID MI 'GYUR RTAGS SU SKU MDOG NAG ,THABS DANG SHES RAB DBYER MED RDO RJE BSNAMS, ,GSANG BA'I BDAG PO'I BKRA SHIS GANG LAGS PA, ,BKRA SHIS DES KYANG DENG 'DIR BDE LEGS SHOG ,AOm NA MO ZHES PA NAS, MANTA PA DEE: SV'AH'A, ZHES PA'I GZUNGS RJOD RING BUM PA RNAMS DKYIL 'KHOR LA GA-YAS SKOR DU LAN GSUM BSKOR TE, TIL GYI GANG BU LTAR GANG BA'I, ,RGYAL BA BUM PA 'DZIN PA YIS, ,DE RING KHYOD LA DBANG BSKUR RO, ,DE LTAR SHES NAS YID BDER GYIS, ,DBANG BSKUR RDO RJE CHEN PO STE, ,KHAMS GSUM PA YIS PHYAG BYAS PA, ,SANGS
RGYAS KUN GYI GSANG GSUM PA'I, ,GNAS LAS BYUNG BA SBYIN PAR BYA, ,AOm SARBA TA TH'A GA TA AUshn'I shA BIDZ'A YA, DE WA BADZRA, KA LA SHA AA BHI shI NYTZA MI, AOm AA WA LO KE SHVA R'A YA, DE WA BADZRA KA LA SHA AA BHIshI NYTZA MI, AOm BADZRA P'A nI DE WA BADZRA KA LA SHA AA BHIshI NYTZA MI, AOm DE WA SU TRA DI DE WA BADZRA KA LA SHA AA BHI shI NYTZA MI, AOm AA TZAL DE WA BADZRA KA LA SHA AA BHIshI NYTZA MI, AOm tAKKI R'A DZA DE WA BADZRA KA LA SHA AA BHI shI NYTZA MI, AOm N'I LA DA ndA DE WA BADZRA KA LA SHA AA BHIshI NYTZA MI, AOm MAH'A P'A LA DE WA BADZRA KA LA SHA AA BHIshI NYTZA MI, YANG SO SO'I SNGAGS LA DE WA ZHES PA'I TSAB LA, P'U DZA BADZRA KA LA SHA AA BHIshI NYTZA MI, BCUG NAS BRJOD DO, ,JI LTAR BLTAMS PA TZAM GYIS NI, ZHES PA NAS; DE BZHIN BDAG GIS KHRUS BGYI'O, ,AOm A'A: SARBA TA TH'A GA TA AA BHIshE KA TA SA MA YA SHRI YE H'Um SV'AH'A, ZHES GSUNG ZHING DBANG BSKUR BAS LUS THAMS CAD GANG, DRI MA THAMS CAD DAG ,CHU'I LHAG MA SPYI GTZUG TU GNAS PA YONGS SU GYUR PA LAS RIGS LNGAS DBU BRGYAN CING, DBANG GI LHA RNAMS KYANG DE NYID LA THIM PAR GYUR, AOm AARGHAm NAS SHAPTA'I BAR GYIS MCHOD, DE LTAR RIGS LNGA'I CHU'I DBANG THOB, DRI MA LNGA DAG ,RNAM SHES LNGA GNAS GYUR, SEMS ZAB PA LHA'I THUGS SU SHAR BA'I NUS PA 'JOG CING, LAM MTSAN MA MED PA'I RNAL 'BYOR YAN LAG DANG BCAS PA BSGOM PA LA DBANG BAR BYAS, 'BRAS BU YE SHES CHOS SKU 'GRUB PA'I NUS PA KHYAD
, ,PAR CAN BZHAG GO ,COD PAN GYI DBANG LA'ANG, GZHAN THAMS CAD SNGAR DANG 'DRA BA LA, KHYAD PAR DBANG RDZAS COD PAN DANG, DAR DPYANGS STONG PA NYID DU GYUR, STONG PA'I NGANG LAS, AOm H'Um TRAm HR'I: A'A: LAS RIGS LNGA'I NGO BO'I COD PAN DANG DAR DBYANGS RNAMS SU GYUR, LHA SO SO'I SNGAGS KYI MJUG TU RATNA MU KU tA BADZRA PAD TRAm AA BHIshI NYTZA MI, ZHES BRJOD, JI LTAR BLTAMS PA ZHES PA NAS, DE LTAR RIGS LNGA'I COD PAN GYI DBANG THOB, DRI MA LNGA DAG ,PHUNG PO LNGA GNAS GYUR, LUS RGYA CHE BA LHA'I SKUR 'CHAR BA'I NUS PA 'JOG CING, LAM MTSAN BCAS KYI RNAL 'BYOR YAN LAG DANG BCAS PA BSGOM PA LA DBANG BAR BYAS, 'BRAS BU GZUGS KYI SKU 'GRUB PA'I NUS PA KHYAD PAR CAN BZHAG GO ,DE NAS BHR'Um LAS BYUNG BA'I 'KHOR LO, AOm BADZRA HE TU MAm, DBYANGS MTHA' MA AA: LAS BYUNG BA'I DUNG, AOm BADZRA BHAshA RAm, DBYANGS DANG PO AA LAS BYUNG BA'I BYA RGYUD RIGS GSUM GYI PO TI, DENG NAS BRTZAMS TE SEMS BSKYED PA, ,TZAM GYI CHOS DUNG BLA NA MED, ,KUN NAS YONGS SU BKANG NAS NI, ,CHOS KYI 'KHOR LO BSKOR BAR GYIS, ,DA NI DKYIL 'KHOR SLOB DPON GYUR, ,SNGAGS DANG RGYUD KYANG 'DZIN PAR 'GYUR, , SANGS RGYAS BYANG CHUB SEMS DPA' DANG, ,LHA RNAMS KYIS KYANG MTHUN PAR BSAMS, ,SEMS CAN RNAMS LA SNYING BRTZE BAS, ,KHYOD KYIS DKYIL 'KHOR CHO GA BZHIN, ,NAN TAN BSKYED DE BRI BAR BYA, ,RGYAS PAR SPRON, RGYAL
SRID SNA BDUN GYI DBANG BSKUR BA DANG, ,BKRA SHIS RDZAS BRGYAD BSTOD PA SOGS BYA'O,, DE LTAR RIGS GSUM SPYI DANG BYE BRAG GI CHOS STON PA'I RJES SU GNANG BA SBYIN PAS, RIGS GSUM GYI DKYIL 'KHOR BRI SGRUB DANG, DBANG RJES GNANG SBYIN PA, 'CHAD RTZOD RTZOM GSUM LA DBANG BAR BYAS SHING, 'PHRIN LAS BZHI'I SGO NAS 'GRO BA'I DON SNA TSOGS BYED PA'I NUS PA BZHAG ,'BRAS BU RIGS GSUM GYI CHOS KYI 'KHOR LO SKOR BA'I NUS PA KHYAD PAR CAN BZHAG PA YIN NO, ,DE NAS MAndAL MCHOD BSTOD, DGE RTZA 'BUL BA BSNGO BA SMON LAM SOGS BYAS LA, ME TOG DANG BCAS PA'I THAL MO SNYING KHAR SBYAR TE, GANG YANG BDAG BLO RMONGS PA YIS, ZHES SOGS DANG, MA RNYED YONGS SU ZHES SOGS KYIS BZOD PAR GSOL, AOm KHYED KYIS SEMS CAN DON KUN MDZAD, ,RJES SU MTHUN PA'I DNGOS GRUB STZOL, ,SANGS RGYAS YUL DU GSHEGS NAS KYANG, ,SLAR YANG 'BYON PAR MDZAD DU GSOL, ,GSHEGS GSOL GYI PHYAG RGYA BCAS LA, DZI NA DZI KA GATZTSA, GZHAL YAS KHANG DANG BCAS PA RANG BZHIN GYI GNAS SU GSHEGS PAR GYUR, BSRUNG 'KHOR 'GROL BA'I PHYAG RGYA BKROL ZHING, AOm HU LU HU LU TZAndA LI MA TAm GI BI SV'AH'A, ZHES PHYOGS MTSAMS BCINGS PA BKROL LA, DKYIL 'KHOR GYI CHO GA GZHAN NAS 'BYUNG BA BZHIN, THIG TSON RNAMS GSHEGS SU GSOL TE, SHIS PA BRJOD CING ME TOG GI CHAR DBAB BO,, ,,SMRAS PA, LHA
, ,MI'I 'DREN PA TSE DPAG MED MGON DE, ,YID 'PHROG LHA MO'I GZUGS SU SPRUL PA GANG, ,RNAM PAR RGYAL MA ZHES BYAR MTSAN GSOL BA, ,DE NYID SGRUB CING MCHOD DANG DKYIL 'KHOR DANG, ,CHO GA'I RIM PA BYA RGYUD RIGS GSUM GYI, ,DGONGS PA JI BZHIN RJE BTZUN BLA MA YIS, ,GSANG CHEN LAM GYI RIM PAR GSUNGS PA'I DON, ,NGAG TU JI LTAR 'DON PA'I RIM PA RNAMS, ,MA NOR MA 'DRES GSAL BAR LEGS PAR BKOD, , 'ON KYANG 'DIR NI NGAG 'DON TZAM ZHIG STE, ,THOG MTHA' BAR DU BYA BA'I SA BCAD DANG, ,SNGAGS RNAMS BRJOD TSE PHYAG RGYA 'CHING TSUL DANG, ,TSUL BZHIN YID LA BYA BA'I DMIGS RIM DANG, ,DE DAG RNAMS KYI 'THAD PA'I GTAN TSIGS SOGS, ,RDO RJE 'CHANG GI LAM GYI RIM PA LA, ,ZHIB TU BRTAGS NAS TSUL BZHIN NGES PAR BYOS, ,'DI LTAR BKOD PA'I RNAM DKAR PHUNG PO'I TSOGS, ,JI SNYED BSAGS DES 'GRO BA MA LUS PA, ,BDUD BZHI'I GA-YUL LAS NGES PAR RGYAL GYUR TE, ,DRANG SRONG 'OD DPAG MED KYI ZHABS DRUNG DU, ,RNAM DAG PADMO'I LTE BA LAS SKYES TE, ,RLABS CHEN RGYAL SRAS SPYOD PA SGRUB PA LA, ,SPYAN RAS GZIGS DBANG DE DANG MTSUNGS PAR SHOG ;CES BCOM LDAN 'DAS RNAM PAR RGYAL MA'I SGRUB DKYIL 'CHI MED DPAL SPYIN ZHES BYA BA 'DI NI, DGE BA'I BSHES GNYEN CHEN PO STONG LUNG BA'I GDAN SA PA CHEN PO, SPYAN SNGA YON TAN RGYA MTSOS, BSAM PA RNAM PAR
DAG PAS KUN NAS BSLANGS TE, SNGON MED PA'I RJE BTZUN MA'I SGRUB MCHOD GSAL DU 'DZUGS PAR BZHENG BAS, 'DI LTA BU'I NGAG 'DON GYI RIM PAR BSGRIGS PA ZHIG DGOS ZHES NAN GYIS BSKUL BA LA BRTEN NAS, RDO RJE 'CHANG CHEN PO'I LAM GYI RIM PA LAS JI LTAR 'BYUNG BA BZHIN DU, ,BYA BA'I RGYUD DANG LAM GYI CHO GA'I RNAM BZHAG THUN MONG MA YIN PAR BYAS TE, SH'AKYA'I DGE SLONG BLO BZANG CHOS KYI RGYAL MTSAN GYIS, DPAL LDAN 'BRAS SPUNGS KYI CHOS SDE CHEN POR BKOD PA'I YI GE PA NI, MDO DANG SNGAGS KYI SDE SNOD GSUM PA, SDOM BRTZON DGE LEGS LHUN GRUB BO, ,'DIS KYANG BSTAN PA RIN PO CHE PHYOGS DUS THAMS CAD DU DAR ZHING RGYAS LA YUN RING DU GNAS PAR GYUR CIG , ,,TIshthA BADZRA,, ` ,,SVASTI; PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL, ,SARBA DZA GA TAm,, ,,