, ,KUN RIG GI SGO NAS TSE 'DAS RJES SU 'DZIN TSUL BZHUGS SO,,
, ,KUN RIG RNAM PAR SNANG MDZAD KYI CHO GA'I ZUR 'DEBS TSE LAS 'DAS PA RJES SU 'DZIN PA'I TSUL BRJOD PA NI, MING BYANG LA SOGS PA MDUN DU BZHAG LA, LAS BUM GYI CHU DANG LAS THAMS CAD PAS BSANGS LA, AOm SH'U N+YA T'A ZHES SOGS KYIS RTEN SNANG BA MI DMIGS PA'I STONG PA NYID DU GYUR, STONG PA'I NGANG LAS TSE 'DAS KYI MING YIG DANG PO THIG LES BRGYAN PA YONGS SU GYUR PA LAS, TSE LAS 'DAS PA THA MAL PA'I CHA BYAD CAN, PHUNG PO DANG KHAMS DANG SKYE MCHED THAMS CAD GSAL ZHING YONGS SU RDZOGS PAR GYUR, PAR BSAMS LA, RDO RJE BSDAMS PA NANG DU BCINGS LA, MDZUB MO GNYIS BRKYANGS PA CUNG ZAD BKUG NAS LCAGS KYU LTAR BYAS, MTHE'U CHUNG GNYIS KHAB LTAR BRKYANGS PA DE'I
, ,MGO BOR BZHAG NAS, AOm BADZRA SATVA H'Um DZDZA: SANGS RGYAS KYI BDEN PA DANG, CHOS KYI BDEN PA DANG, DGE 'DUN GYI BDEN PA DANG, DE BZHIN GSHEGS PA DANG, RDO RJE DANG, RIN PO CHE DANG; PADMA DANG, LAS KYI RIGS SU BZHUGS PA THAMS CAD DANG, SNYING PO DANG, PHYAG RGYA DANG, GSANG SNGAGS DANG, RIG SNGAGS KYI LHA'I KHYAD PAR THAMS CAD DANG, KHYAD PAR DU BCOM LDAN 'DAS NGAN SONG THAMS CAD YONGS SU SBYONG BA GZI BRJID KYI RGYAL PO KUN RIG RNAM PAR SNANG MDZAD 'KHOR DANG BCAS PA'I BDEN PA DANG, BDEN PA'I BYIN GYIS BRLABS KYIS, TSE LAS 'DAS PA CHE GE MO ZHES BYA BA'I RNAM PAR SHES PA SRID PA BAR DO, KHAMS GSUM 'GRO BA RIGS DRUG ,SKYE GNAS BZHIS BSDUS PA'I 'JIG RTEN GANG NA GNAS KYANG, SKAD CIG THANG CIG YUD TZAM LA 'DIR MCHIS PAR GYUR CIG , THUGS KA NAS 'OD ZER LCAGS KYU LTA BU 'PHROS PAS, TSE 'DAS KYI RNAM SHES KHA DOG DMAR ZHING GSAL BA AA THUNG GI GZUGS CAN BKUG STE, SPYI GTZUG NAS ZHUGS, SNYING GAR THIM, KHA CIG
SGO BA BZHI'I SNGAGS RGYAS DGUG GZHUG SOGS BYA ZHES GSUNG NGO, ,AOm SHO DHA NE SHO DHA NE SARBBA P'A PAm A'A NA YA H'Um, ZHES TSE 'DAS KYI SDIG SGRIB THAMS CAD KYANG BKUG PAR BSAMS LA, RGYAS PA LA SPRO NA, RDO RJE KHU TSUR GNYIS KYI NANG DU MDZUB MO LCAGS SGROG LTAR BCINGS, LEGS PAR GYEN DU 'PHANG BA LTUNG BA SLONG BA'I PHYAG RGYA BYAS LA, AOm SARBBA AA P'A YA A'A KA RA sh'A YA BI SHO DHA NA BADZRA SA MA YA H'Um PHAt, CES NGAN 'GRO THAMS CAD DKYIL 'KHOR GYI PHYI ROL DU BKUG PAR BSAMS LA, DE RNAMS KYIS BCOM LDAN 'DAS BDAG CAG SDUG BSNGAL GYIS GZIR BA 'DI LAS SKYAB TU GSOL, BDAG CAG SANGS RGYAS DANG CHOS DANG DGE 'DUN DANG KHYOD LA YANG SKYABS SU MCHI'O, ZHES SKYABS SU 'GRO BAR BSAMS LA, RDO RJE BSDAMS PA LAS GUNG MO BSGRENGS, MTHE BONG GNYIS DANG MTHE'U CHUNG BSRANGS TE MNYE ZHING 'DRA LA BA SDIG PA 'JOMS PA'I PHYAG RGYA DANG, AOm BADZRA P'A n'I BI SPHO tA YA SARBBA AA P'A YA BANDA NI PRA MOKshA YA SARBBA AA P'A YA GA TE BHYA: SARBBA SATV'AN SARBBA TA TH'A GA TA BADZRA SA MA YA TRAtA KYIS SDIG PA THAMS CAD BCOM ZHING SHI NAS RNAM SNANG GI ZHABS DRUNG DU SKYES, RTEN RNAMS BA TSVA CAN GYI RGYA MTSOR DOR BAR, BSAM PA'I BAR 'DI RNAMS KYANG BYA'O, ,AOm SARBBA BID SARBBA AA P'A YA BI SHO DHA NE H'Um PHAt SV'AH'A, AOm BADZRA BANDHA TRAtA, CES BRJOD CING SNGAR LTAR SNYING GAR RDO RJE BSDAMS PA SGRA DANG BCAS PA LAN GSUM DRAL BAS TSE
, ,'DAS KYI SDIG SGRIB BAG CHAGS DANG BCAS PA SBYANGS PAR BSAM, AOm SARBBA BID AOm, ZHES SOGS KYIS SNGAR 'JIG RTEN GSUM RGYAL GYI SKABS LTAR GNAS GSUM BYIN GYIS BRLABS, RDO RJE KHU TSUR GNYIS BCINGS NAS MTHE BONG DANG GUNG MO DANG MTHE'U CHUNG GYEN DU BSGRENGS TE KHA SBYAR NAS MDZUB MO DANG MING MED SEMS DPA'I SKYIL KRUNG DU BYAS PA RDO RJE'I PHYAG RGYA, SNYING GA LKOG MA KHA PHYOGS SU, ,DPRAL BA MDZOD SPU RNA BA GNYIS, ,MGO BO GTZUG PHUD DPUNG PA GNYIS, ,SNA DANG RKED PA PUS MO BOL, ,LONG BU SNA YI RTZE MO DANG, ,MIG GNYIS DANG NI GSANG BA YI, ZHES PA'I GNAS NYER GNYIS SU GTUG CING, AOm BADZRA AA DHI TIshthA DZNY'A NA SA MA YE H'Um, ZHES PAS BYIN GYIS BRLABS, DE NAS BGEGS SBYANG BA NI, SKAD CIG GIS RANG NYID 'JIG RTEN GSUM RGYAL DU GYUR, PAR BSAMS LA, KHRO BO SPYAN DRANG BA NAS, MCHOD BSTOD KYI BAR SNGAR BZHIN BYAS NAS; GTOR MA GSUM BSHAMS LA BYIN GYIS BRLABS TE, AOm SARBBA BI GHNAN NA MA: SARBBA TATH'A GA TE BHYA: ZHES SOGS GSUM GYIS BGEGS LA BSNGO BA NI ZHI BAS SBYANG BA, TING LO'I MAR ME DANG TSANG BU SBRAGS NAS; RTEN LA PHYIR BSKOR ZHING, AOm SUMBHA NI SUMBHA H'Um, GRiHnA GRiHnA H'Um, GRiHn'A PA'I YA GRi Hn'A PA YA H'Um, A'A NA YA HO BHA GA WA NA BADZRA H'Um PHAt, CES BRJOD CING TING LO DANG CHANGS BU GSUM GYIS BSKOR BA NI ZHI DRAG PHYED MAS
SBYANG BA'O, ,DE NAS SNGAR BZHIN, SANGS RGYAS KYI BDEN PA DANG, ZHES PA NAS, BDEN PA'I BYIN GYIS BRLABS KYIS, TSE LAS 'DAS PA CHE GE MO ZHES BGYI BA LA GSON GYI DUS NA TSE GNAS PA LA BAR DU GCOD CING, TSE 'PHOS NAS GANG DU GNAS PA'I LUS SROG DANG MTHO RIS DANG THAR PA LA BAR DU GCOD PA'I BGEGS KYI TSOGS THAMS CAD DANG, TSE LAS 'DAS PA'I CHA BYAD BZUNG NAS, DE'I NYE 'BREL DANG, 'JIG RTEN PA RNAMS LA BSLU ZHING GNOD PAR BYED PA'I GNOD SBYIN DANG SHA ZA DANG 'BYUNG PO LA SOGS PA THAMS CAD GTOR MA 'DIS TSIM PAR GYIS LA, GNOD PA DANG 'TSE BA'I BSAM PA NGAN PA THAMS CAD SPONGS LA, PHAN PA DANG BYANG CHUB KYI SEMS DANG LDAN PAS RANG RANG SO SO'I GNAS SU SONGS SHIG ,GAL TE MI 'GRO NA YE SHES KYI RDO RJE ME RAB TU 'BAR BA RNAMS KYIS BSREG CING RNAM PAR 'JOMS PAR GDON MI ZA'O, ,ZHES BRJOD CING, SUM BHA NI'I SNGAGS DRAG TU BZLAS, GU GUL GYIS BDUGS, YUNGS KAR GYIS BRABS, ROL MO'I SGRA DRAG TU BYA BA NI DRAG POS SBYANG BA'O, ,DE NAS ME BSANGS SHING SBYANGS LA, RAm LAS YE SHES KYI ME 'BAR BA'I NANG DU KHRO BO RDO RJE MKHA' 'GRO SKU MDOG MTHING NAG ZHAL GCIG PHYAG GNYIS KYIS RDO RJE DANG DRIL BU 'DZIN CING, ZHAL GDANGS PAR SKAD CIG GIS BSKYED LA, TSE 'DAS KYI RKANG MTHIL GNYIS SU RLUNG GI DKYIL 'KHOR, LTE BAR YE SHES KYI ME 'BAR BA, SNYING GAR SDIG PA'I SA BON PAm NAG PO LA LUS NGAG YID GSUM
, ,GYI SDIG SGRIB THAMS CAD 'DUS PAR BSAMS LA, LTE BA'I YE SHES KYI ME 'BAR BA'I 'OD ZER GYIS SNYING GA'I PAm DED NAS SNA SGO NAS 'THON, SDIG PA RVA CAN GYI RNAM PAR GYUR NAS RANG GI LAG PAR BZUNG BA'I TIL LA THIM PAR BSAMS LA, AOm BADZRA t'A KA KHA KHA KH'A HI KH'A HI SARBBA P'A PAm DA HA NA BHA SMI KU RU SV'AH'A, ZHES KHRO BO'I ZHAL DU PHUL BAS GSAL BAR BSAMS PA NI SBYIN SREG GIS SBYANG BA'O, ,DE NAS BYE MA 'AM YUNGS KAR LA, KAm KA NI DANG, GTZUG TOR RNAM RGYAL DANG, GTZUG TOR DRI MED KYI GZUNGS DANG, AOm PADMOshn'I shA BI MA LE H'Um PHAt, CES PA RNAMS NYER GCIG RE, RTZA RIG DANG LHA RNAMS KYI SNGAGS MING SPEL DANG BCAS PA BZLAS NAS, AOm SARBBA P'A PAm DA HA NA BADZRA H'Um PHAt, AOm SARBA P'A PAm BI SHO DHA NA BADZRA H'Um PHAt, AOm SARBA KARMA A'A WA RA n'A NI BHA SMI KU RU H'Um PHAt, AOm BH'Um BI N'A SHA YA A'A WA RA n'A NI BADZRA H'Um PHAt, AOm DR'Um BI SHO DHA YA A'A WA RA n'A NI H'Um PHAt, AOm DZVA LA DZVA LA DHA KA DHA KA HA NA HA NA A'A WA RA n'A NI H'Um PHAt, AOm SRUm SA RA SA RA PRA SA RA PRA SA RA A'A WA RA n'A NI H'Um PHAt, AOm H'Um HA RA HA RA SARBA A'A WA RA n'A NI H'Um PHAt, AOm H'Um PHAt SARBA A'A WA RA n'A NI SPHOt YA H'Um PHAt, AOm BRI TA BRI TA SARBA A'A WA RA n'A NI H'Um PHAt, AOm TRA tA TRA tA SARBA A'A WA RA n'A NI H'Um PHAt, AOm TZTSINDHA TZTSINDHA SARBA A'A WA RA n'A NI H'Um PHAt, AOm DA HA DA HA SARBA NA RA KA GA TI HE TUm H'Um PHAt, AOm PA TZA PA TZA SARBA PRE TA GA TI HE TUm H'Um PHAt, AOm MA THA MA THA SARBA TERYA KA GA TI HE HUm T'Um PHAt, CES BZLA ZHING RTEN LA BRAB, SNGAGS
DON DANG MTHUN PA'I DMIGS PA DANG SPEL TSIG BYA'O, ,DE NAS KHRUS BUM MAM RNAM RGYAL GYIS DKYIL 'KHOR DANG RAS BRIS SOGS KYI SKU GZUGS ME LONG DU SHAR BA LA, JI LTAR BLTAMS PA TZAM GYIS NI, ZHES SOGS SNGAGS DANG BCAS PAS KHRUS GSOL BA'I CHU BUM PAR BLUGS TE, RO YIN NA DNGOS SU DANG, MING BYANG YIN NA NUB GANG MA RNAMS LA ME LONG LA GZUGS BRNYAN SHAR BA DANG, THA MAL DNGOS SU BKRU ZHING, 'DI NI SBYIN PA'I RANG BZHIN CHU, , SER SNA'I DRI MA SBYONG MDZAD CING, ,GTONG BA DRI YIS LEGS BSGOS CHU, ,KHRUS LEGS MDZAD KYIS KHRUS BYA'O, ,AOm NA MO BHA GA WA TE, ZHES RTZA RIG BRJOD PA'I RJES SU, 'JIG RTEN 'DI NAS PHA ROL DU SONG ZHING TSE LAS 'DAS PA CHE GE MO ZHES BYA BA'I TSE 'KHOR BA THOG MA MED PA NAS BSAGS PA'I SDIG PA DANG SGRIB PA THAMS CAD DANG, KHYAD PAR DU YANG NYON MONGS PA SER SNA'I DRI MA THAMS CAD BYANG ZHING DAG NAS SBYIN PA'I PHA ROL TU PHYIN PA YONGS SU RDZOGS TE MYUR DU DNGON PAR RDZOGS PAR 'TSANG RGYA BAR GYUR CIG ,CES BRJOD, DE BZHIN DU SBYIN PA ZHES PA'I GNAS SU TSUL KHRIMS, BZOD PA, BRTZON 'GRUS, BSAM GTAN, SHES RAB, CES DANG, SER SNA ZHES PA'I GNAS SU, TSUL 'CHAL, KHONG KHRO, LE LO; RNAM GA-YENG, SHER 'CHAL, ZHES PA RNAMS BCUG LA SNGAR BZHIN BKRUS LA, CHU BO DRUG GIS KHRUS BYAS PAS, ,BAG CHAGS RNAM DRUG SBYANGS NAS NI, ,GANG LA NYES PA MI MNGA' ZHING, ,KHRUS LEGS MDZAD LA PHYAG 'TSAL 'DUD,
, ,AOm NA MO BHA GA WA TE, ZHES DANG, DRI CHU DRUG GIS KHRUS BYAS PAS, ,DRI MA RNAM DRUG SBYONG MDZAD PA, ,RGYA CHEN YON TAN DRUG LDAN PA, ,KHRUS LEGS MDZAD LA NYES MI MNGA', ,AOm NA MO BHA GA WA TE, ZHES DANG, DRI MA RNAM DRUG DAG PA YIS, ,YON TAN THAMS CAD DANG LDAN PA, ,SANGS RGYAS THAMS CAD MCHOD DON DU, ,DAD PAS BDAG GIS KHRUS 'GYI'O, ,AOm NA MO BHA GA WA TE x, ZHES TSIGS BCAD RE DANG RTZA RIG SPEL BA'I MTHAR, 'JIG RTEN 'DI NAS ZHES PA NAS, KHYAD PAR DU PHA ROL TU PHYIN PA DRUG GI MI MTHUN PHYOGS BYANG ZHING DAG NAS PHA ROL TU PHYIN PA DRUG YONGS SU RDZOGS TE, MYUR DU ZHES SOGS BRJOD, NYON MONGS PA DANG, DE'I DBANG GIS BYUNG BA'I DUG BSAL BA'I PHYIR, 'DOD CHAGS ZHE SDANG GTI MUG RNAMS, ,DE DAG 'JIG RTEN DUG GSUM STE, ,BCOM LDAN SANGS RGYAS DUG MI MNGA', ,SANGS RGYAS GZI YIS DUG BCOM MO, ,AOm NA MO BHA GA WA TE, ZHES DANG, 'JIG RTEN 'DI NAS ZHES PA NAS, KHYAD PAR DU NYON MONGS PA DANG, DE'I DBANG GIS BYUNG BA'I DUG THAMS CAD BYANG ZHING DAG NAS MYUR DU, ZHES SOGS BRJOD, DE BZHIN DU SANGS RGYAS ZHES PA'I GNAS SU, BCOM LDAN DAM CHOS ZHES DANG, DAM CHOS ZHES DANG, AOm NA MO ZHES DANG, 'PHAGS PA'I DGE 'DUN ZHES DANG, DGE 'DUN ZHES DANG, AOm NA MO ZHES SPEL TSIG DANG BCAS PA SBYAR RO, ,SA NI DUG GI MA YIN TE, ,SA NI DUG GI PHA YANG YIN, ,BDEN PA'I BDEN TSIG DE DAG GIS, ,CHE GE'I DUG NI DUG MED
SHOG ,DUG NI SA YI NANG DU SONGS, ,GANG BA'I SNOD DU DUG SONGS SHIG ,SV'AH'A, AOm NA MO, CHE GE MO, ZHES BYA BA'I 'BYUNG BA DANG 'BYUNG BA LAS GYUR PA'I DUG THAMS CAD SH'INTAm KU RU SV'AH'A, ZHES DANG, DE BZHIN DU, SA'I GNAS SU, CHU ME RLUNG RNAMS DANG SNGAGS SPEL TSIG DANG BCAS PA BYA'O, ,DE NAS, GANG LA SER SNA RNAM CHAGS PA, ,RNAM 'JOMS DRI MA MED MDZAD CING, ,THUGS ZHI GNOD PA MI MNGA' DES, ,KHYED LA BDE LEGS MDZAD PAR 'GYUR, ,'DREN PA GANG ZHIG 'GRO BA RNAMS, ,THAR PA'I LAM DU 'DZUD MDZAD CING, ,CHOS RNAMS THAMS CAD STON PA DES, ,KHYED LA BDE LEGS MDZAD PAR 'GYUR, ,STON PA 'GRO BA RNAMS KYI RTEN, ,SEMS CAN KUN GYI DON GYI PHYIR, ,GANG ZHIG BDE BAR MNGA' MDZAD DES, ,KHYED LA BDE LEGS MDZAD PAR 'GYUR, ,SKYOB PA GANG ZHIG BYAMS PA YI, ,THUGS KYIS 'GRO BA 'DI DAG KUN, ,BU GCIG BZHIN DU RTAG BSKYANGS DES, ,KHYED LA BDE LEGS MDZAD PAR 'GYUR, ,GANG ZHIG 'KHOR BAR 'GRO BA YI, ,SEMS CAN KUN GYI RTEN GYUR CING, ,SLING DANG DPUNG GNYEN GYUR PA DES, ,KHYED LA BDE LEGS MDZAD PAR 'GYUR, ,GANG ZHIG CHOS RNAMS MNGON SUM GYUR, ,GTZANG ZHING BSLU BA MI MNGA' BA,, GSUNG GTZANG GTZANG MAR MDZAD PA DES, ,KHYED LA BDE LEGS MDZAD PAR 'GYUR, ,DPA' BO CHEN PO GANG SKYES PAS, ,PHUN SUM TSOGS DON 'BYOR GYUR CING, ,DON GRUB CHOS KYANG GRUB PA DES, ,KHYED LA BDE LEGS x,
, ,GANG ZHIG SKYES PAS SA RNAMS NI, ,NAGS TSAL BCAS PA RAB GA-YOS SHING, ,SEMS CAN THAMS CAD RAB DGA' DES, ,KHYED LA BDE LEGS x, ,BYANG CHUB SNYING POR GSHEGS PA NA, ,SA DAG RNAM DRUG GA-YOS GYUR CING, ,BDUD YID MI BDER GYUR PA DES, ,KHYED LA BDE LEGS x, ,CHOS KYI 'KHOR LO BSKOR BA NA, ,'PHAGS PA'I BDEN PA RNAMS GSUNGS SHING, ,THUB PA'I SNYAN PA GANG BYUNG DES, ,KHYED LA BDE LEGS MDZAD PAR 'GYUR, ,YID 'PHROG GANG ZHIG MU STEGS BYED, ,THAMS CAD CHOS KYIS PHAM MDZAD DE, ,TSOGS KUN DBANG DU MDZAD PA DES, ,KHYED LA BDE LEGS MDZAD PAR 'GYUR, ,SANGS RGYAS KHYED LA BDE LEGS MDZAD,, BRGYA BYIN TSANGS PA'I LHA RNAMS DANG, ,'BYUNG PO KUN GYIS BDE LEGS NI, ,KHYED LA RTAG TU SBYIN GYUR CIG ,SANGS RGYAS BSOD NAMS MTHU DAG DANG, ,LHA RNAMS KUN GYI BSAM PA YIS, ,KHYED KYI 'DOD DON GANG YIN PA, ,DON DE DE RING GRUB GYUR CIG ,RKANG GNYIS KHYED CAG BDE LEGS GYUR, ,RKANG BZHI KHYED CAG BDE LEGS GYUR, ,KHYED CAG LAM BGROD BDE GYUR CIG ,PHYIR 'ONG DAG KYANG BDE LEGS SHOG ,NYIN MO BDE LEGS MTSAN BDE LEGS,, NYI MA'I GUNG LA'ANG BDE LEGS SHING, ,KHYED CAG KUN TU BDE LEGS GYUR, ,KHYED CAG SDIG PAR MA GYUR CIG ,CES DRIL BU GSIL ZHING ME TOG GTOR LA, CHE GE MO ZHES BYA BA BDUD DANG MI MTHUN PA'I PHYOGS THAMS
CAD LAS RGYAL NAS SHIN TU BKRA SHIS PAR GYUR CIG ,CES BRJOD, DE NAS BU LA SOGS PAS MING BYANG BZUNG NAS PHYAG BYED PA'AM MED KYANG RUNG STE, TSE 'DAS DE NYID BSAM PA THAG PAS DKON MCHOG GSUM DANG NYE BA'I SRAS BRGYAD LA SKYABS SU 'GRO ZHING PHYAG BYED PAR BSAMS LA, GTZO BO RGYAL BA 'GRO BA'I MGON, ,'GRO BA SKYOB PA'I DON BRTZON PA, ,STOBS CHEN 'JIGS PA KUN SEL LA, ,DE RING NYID NAS SKYABS SU MCHI, ,DE YI THUGS SU CHUD PA'I CHOS, ,'KHOR BA'I 'JIGS PA SEL BA DANG, ,BYANG CHUB SEMS DPA'I TSOGS LA YANG, ,DE BZHIN YANG DAG SKYABS SU MCHI, ,BDAG NI 'JIGS PAS RNAM SKRAG PAS, ,KUN TU BZANG LA BDAG NYID 'BUL, ,'JAM PA'I DBYANGS LA'ANG BDAG NYID KYIS, ,BDAG GI LUS NI DBUL BAR BGYI, ,THUGS RJES SPYOD PA MA 'KHRUL BA, ,SPYAN RAS GZIGS MGON DE LA YANG, ,NYAM THAG NGA ROS 'O DOD 'BOD, ,SDIG LDAN BDAG LA BSKYAB TU GSOL, , 'PHAGS PA NAM MKHA'I SNYING PO DANG, ,SA YI SNYING PO DAG DANG NI, ,THUGS RJE CHE MGON THAMS CAD LA, ,SKYABS TSOL SNYING NAS 'O DOD 'BOD, ,GANG ZHIG MTHONG NAS GSHIN RJE YI, ,PHO NYA LA SOGS SDANG BA RNAMS, ,SKRAG NAS PHYOGS BZHIR 'BYER BYED PA, ,RDO RJE CAN LA SKYABS SU MCHI, ,SNGON CHAD KHYED KYI BKA' LAS 'DAS, ,DA NI 'JIGS PA CHE MTHONG NAS, ,KHYED LA SKYABS SU MCHI LAGS KYI, ,'JIGS PA MYUR DU BSAL DU GSOL, ZHES BRJOD PAR
, ,BSAM, DE RNAMS NI PHYIR BZLOG GI SBYANG BA'O, ,DE NAS, RTEN PADMA DANG ZLA BA'I STENG DU H'Um LAS RDO RJE H'Um GIS MTSAN PA LAS RDO RJE SEMS DPA' DKAR PO RDO RJE DANG DRIL BU 'DZIN PA BDAG BSKYED BZHIN BSGOMS LA, CHU GNYIS NYER SPYOD LNGA ROL MO SNGAGS PHYAG RGYA DANG BCAS PAS GONG LTAR MCHOD, ZAS GTAD CIS KYANG BYA DGOS PA BYUNG NA, YO BYAD RNAMS BSANGS SBYANGS LA SNGAR GYI NAM MKHA' MDZOD KYI SNGAGS DANG PHYAG RGYAS KHA ZAS RO BRGYA PA LA SOGS PAR SPRUL LA SNGAR GYI 'DOD YON LNGA 'BUL BA'I TSIGS BCAD KYIS TSE 'DAS LHAR BSKYED PA LA MCHOD DO, ,DE NAS, DKON MCHOG RIN CHEN DPAL ZHING DU, ,DKON MCHOG RIN CHEN LAS BYUNG BA, ,DKON MCHOG RIN CHEN 'OD ZER GYIS, ,RIN CHEN PHRENG BA RNAM DAG PA, ,TSOGS KYI LAM DANG SBYOR BA'I LAM, ,MTHONG BA'I LAM DANG SGOM PA'I LAM, ,BLA NA MED PA'I KHYAD PAR LAM, ,BYANG CHUB BAR CHAD MED PA'I LAM, ,RNAM PAR GROL BA'I LAM DAG LA, ,BRTEN NAS SDIG PA KUN SBYANGS NAS, ,'PHAGS PA'I LAM DER 'GRO BAR SHOG ,AOm RADNE RADNE MAH'A RADNE RADNA SAm BHA WE, RADNA KI RADNE, RADNA M'A LA BI SHUDDHE, SHO DHA YA SARBA P'A PAm H'Um PHAt, CES PAS LAM BSTAN LA, PADMA 'DAM GYIS MA GOS LTAR, ,SRID GSUM DRI MAS MA GOS PA'I, ,SRID PA'I PADMO LAS BYUNG BA, ,BDE BA CAN DU SKYE BAR SHOG ,AOm PADME PADME PADMA SAm BHA WA, MAH'A SU KH'A BA TI GATZTSANTU SV'AH'A, ZHES BRJOD CING ME TOG GTOR, LAM
SBYANGS PAS, TSE 'DAS KYI RNAM SHES DANG LHA YE SHES PA DBYER MED DU 'DRES PA SPYI GTZUG NAS 'THON TE, BDE BA CAN DU GSHEGS PAS DER PADMA LAS BRDZUS TE SKYES NAS DE NA GNAS PA'I BYANG SEMS RNYING PA RNAMS KYIS, AOm SARBA TA TH'A GA TA PRA WA RA SANG KA RAm AARGHAm PRA T'I TZTSA H'Um SV'AH'A, ZHES SOGS KYIS CHU GNYIS NYER SPYOD ROL MO'I BAR GYIS MCHOD, SANGS RGYAS 'OD DPAG MED KYI ZHAL MTHONG MCHOD NAS GDAMS PA DANG RJES SU GNANG BA THOB, LHA RNAMS KYIS DE BDAG GI MTHUR SHES NAS BDAG NYID LA SNGAR LTAR MCHOD CING, SANGS RGYAS 'DRA BA'I STON PA MED, ,CHOS DANG 'DRA BA'I DGE BA MED, ,DGE 'DUN 'DRA BA'I SNOD MED DO, ,SNGAGS DANG 'DRA BA'I 'DREN PA MED, CES CHED DU BRJOD PAR BSAMS, DES KYANG DER SKYE BA'I RGYU BRTAGS PAS, BDAG GIS CHO GA BYAS PA'I NUS MTHUR SHES NAS SKAD CIG GIS 'ONGS NAS, AE MA SH'AKYA MGON PO YI, ,SANGS RGYAS MDZAD PA YA MTSAN CHE,, GANG PHYIR NGAN SONG LTUNG BA YI, ,SEMS CAN GLOG BZHIN MYUR DU GROL, ,DE BZHIN GSHEGS PA'I CHOS NI BSAM MI KHYAB, ,SNGAGS KYI YON TAN SNA TSOGS BSAM MI KHYAB, ,BYANG CHUB BRTEN PA RNAMS KYANG BSAM MI KHYAB,, TSANGS SPYOD TSUL KHRIMS DRI MED KYE BSAM YAS, ,AE MA SANGS RGYAS RNAMS KYI NI, ,SNGAGS KYI BYIN RLABS YA MTSAN CHE, ,GANG PHYIR MTSAMS MED LTUNG BA YI, ,SEMS CAN LHA GNAS MYUR DU SKYES, ZHES CHED DU BRJOD
, ,NAS, BDAG DANG LHA LA GONG BZHIN MCHOD DE, SLAR YANG BDE BA CAN DU SONG BAR GYUR, AOm SARBA BUDDHA KshE TRA GATZTSANTU SV'AH'A, ZHES BRJOD CING ME TOG GTOR, DE NAS LHA DANG RNAM SHES GSHEGS PA'I PHUNG PO LHAG MA RO LTA BU'AM, BYANG BU DANG SDIG SGRIB LHAN CIG RAm LAS SKYES PA'I YE SHES KYI MES BSREGS PAR BSAMS LA, GSON CIG DGONGS SHIG RIGS KYI BU, ,GSON CIG TSE 'DAS RIGS KYI BU, ,PHUNG PO LNGA YI BUD SHING LA, ,RGYAL BA LNGA YI ME SBAR RO, ,'BYUNG BA BZHI YI BUD SHING LA, ,LHA MO BZHI YI ME SBAR RO, ,DBANG PO DRUG GI BUD SHING LA, ,BYANG CHUB SEMS DPA'I ME SBAR RO, ,YUL RNAM DRUG GI BUD SHING LA, ,LHA MO DRUG GI ME SBAR RO, , LUS NGAG YID GSUM BUD SHID LA, ,RGYAL BA SKU GSUM ME SBAR RO, ,SKU GSUM YE SHES LNGA LDAN DU, ,'GRO BA'I DON DU GRUB PAR SHOG ,CES BRJOD CING BSREG ,DE DAG NI GSHIN PO'I CHO GA'I KHYAD PAR RO,, ,, *, ,BAR DO'I CHOS BSHAD BYA TSUL NI, DGE MTSAN GA BUR 'OD CHAGS THUB MTSAN GYI, ,ZLA TSES GSAR PA'I BDUD RTZI PHRA MOS KYANG, ,BDUD DANG GSHIN RJE BAR DO'I 'JIGS SKRAG GI ,MUN SEL KUN MKHYEN SMRA BA'I ZLA BA RGYAL, ,DE YANG BSHES GNYEN GANG DAG DUS KYI CHAD PA 'PHOG PA'I 'GRO BA LA PHAN PA BSGRUB PA'I CHO GA'I MTSAMS SU 'DI LTAR BRDA SPRAD PAR BYA STE, 'O LAGS SO 'JIG RTEN 'DI NAS PHA ROL TU SONG BA MING CHE GE MO ZHES BYA BA KHYOD
NYON CIG ,KHYOD SHI NAS LUS SNGA MA NI DOR, PHYI MA MA RNYED PA'I SRID PA BAR DOR GNAS PA'I SKABS YIN, DE YANG GANG GIS SHES NA SNGAR DANG SNANG BA 'CHAR TSUL GTAN MI 'DRA BA, 'JIGS SKRAG DNGANGS GSUM YANG BA'I NYAMS SNA TSOGS 'CHAR BA YOD, DE DAG KYANG KHYOD BAR DOR GNAS PA'I RTAGS YIN, KHYAD PAR SA RLUNG LOG PAS RI BO RAL BA'AM SA 'OG TU TSUD PA LTA BU'I SGRA DANG, STENG NAS GAD PA CHEN PO RDIB PA DANG, SA'I CHAR CHEN POS NON PA 'DRA BA'I SNANG BA DANG, CHU RLUNG LOG PAS RGYA MTSO CHEN PO 'KHRUGS PA'I GLONG DU BYING BA LTA BU'I 'UR SGRA DANG 'JIGS SKRAG 'BYUNG, ME RLUNG LOG PAS 'OD MA'I TSAL CHEN PO LA ME 'BAR BA DANG, DUS MTHA'I ME DPUNG 'BAR BA DANG MTSUNGS PA'I TSEG SGRA DANG TOG SGRAS RNA BA DANG SNYING 'GAS PA LTA BU'I 'JIGS SKRAG 'ONG, RLUNG GI RLUNG LOG PAS BSKAL PA'I RLUNG NAG 'TSUBS MA'I DBUS SU 'THUMS PA DANG, KHYER BA LTA BU'I 'JIGS SKRAG DANG, SDUG BSNGAL SNA TSOGS KHYED RANG LA MNGON SUM DU SHAR BA 'DI DAG KYANG KHYOD RANG BAR DOR GNAS PA'I RTAGS YIN, DE DAG NI NGES PA'I RTAGS YIN, GZHAN YANG NGES MED DU, RES 'GA' RGYUS MED KYI YUL PHYOGS SNA TSOGS SU YUD TZAM GYIS SLEBS NAS NGO MTSAR BA DANG DGA' BA'I NYAMS 'CHAR, YANG GLO BUR DU 'JIGS SHING SKRAG PA DANG, SKYO ZHING YID 'BYUNG BA DANG, NGO SHES PA DANG MI SHES PA'I DGRA GNYEN SNA TSOGS PAS
, ,PHAN GNOD KYI RNAM 'GYUR BSAM GYIS MI KHYAB PA SKAD CIG SKAD CIG LA STON PA'I SNANG BA 'BYUNG BA YOD, DE DAG KYANG KHYOD BAR DOR x, MKHAS MCHOG DBYIG GNYEN GYIS, RIGS MTHUN LHA MIG DAG PAS MTHONG, ,LAS KYI RDZU 'PHRUL SHUGS DANG LDAN, ,DBANG PO KUN TSANG THOGS MED RGYU, ZHES GSUNGS PA LTAR, BAR DO'I RIGS MTHUN NANG PHAN TSUN DANG, LHA MIG DAG PAS MTHONG GI ,GZHAN GYIS MI MTHONG BAS, NYE DU SOGS SNGAR 'DRIS RNAMS LA PHAR CI TZAM SMRAS KYANG GTAM LAN MI 'ONG BA KHYED LA THAMS CAD KHROS PA 'DRA BA YOD, DE DAG KYANG KHYOD BAR DOR GNAS PA'I RTAGS YIN, SNGAR 'BAD RTZOL GYIS 'GRO DGOS PA'I GNAS RNAMS SU YANG, DA LTA YID LA BSAMS PA TZAM GYIS SLEBS PA'I LAS LAS GRUB PA'I RDZU 'PHRUL GYI SHUGS DANG LDAN PA YOD, DE DAG KYANG KHYOD BAR DOR GNAS PA'I RTAGS YIN, GANG DU SKYE 'GYUR GYI LUS KYI DBYIBS CAN DBANG PO KUN TSANG BA'I PHRA BA'I LUS LA GRIB MA MI 'BYUNG ZHING, LAS KYI DBANG GIS SKYE GNAS MA GTOGS RI RAB KHANG KHYIM SOGS DANG, SHIN TU SRA BA'I RDO RJE'I BRAG RI LA'ANG MI THOGS PAR THAL BYUNG DU 'GRO NUS PA YOD, DE DAG KYANG KHYOD BAR DOR GNAS PA'I RTAGS YIN, DE YANG NGAN 'GROR SKYE NA 'THUR NAS 'THUR DU 'GRE ZHING, BDE 'GROR SKYEN GYEN NAS GYEN DU 'GRO DMYAL BA SOGS NGAN SONG DU SKYE BA'I BAR DOR PHYAR PA NAG PO DANG, SDONG DUM MES TSIG PA LTA BU DANG, DU
BA DANG, CHU LTA BUR YOD, BDE 'GROR SKYE NA GSER BZANG PO DANG, SNAM BU DKAR PO DANG, ZLA 'OD LTA BU 'BYUNG BAR GSUNGS PA KHYOD RANG LA MNGON DU GYUR YOD PAS, BDE 'GROR SKYE BA'I MTSAN MA DE RNAMS 'DUG NA SHIN TU LEGS, GAL TE NGAN 'GRO'I MTSAN MA SHAR 'DUG KYANG, BAR DO'I SEMS CAN CHU NANG GI KO BA LTAR BSGYUR SLA BAS 'JIGS PAR BYED MI DGOS, MDOR NA 'JIGS SKRAG DNGANGS GSUM YANG SNANG BA CI SHAR YANG, KHYOD RANG GI SEMS 'KHRUL PA'I SNANG BA TZAM MA GTOGS, DON LA GRUB PA RDUL TZAM YANG MED, RMI LAM DU MES BSREGS, CHUS KHYER, GSHED MAS BSAD PA DANG 'DRA BAS 'JIGS PAR MA BYED, TSE SNGON MA'I GNYEN NYE DU, GROGS DGA' MDZA', LUS LONGS SPYOD THAMS CAD KYIS KYANG KHYOD DOR ZHING, KHYOD KYIS KYANG DE RNAMS DOR BA YIN PAS RMI LAM SGYU MA LTA BUR LTOS LA GANG LA YANG CHAGS SHING ZHEN PAR MA BYED, GNYEN GROGS LUS LONGS SPYOD SOGS LA CHAGS ZHEN BYAS NA GSHIN RJE DANG NGAN 'GRO'I 'JIGS PA LAS MI THAR, SRID PA BAR DO'I GNAS SKABS 'DIR SKYABS RE SA GZHAN GANG YANG MED, MGON SKYABS DANG DPUNG GNYEN BSLU BA MED PA SPYIR GYIS BLA MA DKON MCHOG GSUM YIN ZHING, KHYAD PAR DU KHYOD KYI MGON SKYABS DPUNG GNYEN DU, NGED KYIS NGAN SONG THAMS CAD YONGS SU SBYONG BA BCOM LDAN 'DAS KUN RIG RNAM PAR SNANG MDZAD KYI DKYIL 'KHOR PA'I LHA'I TSOGS DANG,
, ,SNYIGS MA'I MGON PO STON PA BDE BAR GSHEGS PA BRGYAD, RGYAL SRAS NYE BA'I SRAS CHEN BRGYAD DANG BCAS PA SPYAN DRANGS YOD PAS, DE RNAMS LA, SNYING KHONG RUS PA'I GTING NAS, SPYIR 'KHOR BA DANG YANG SGOS NGAN SONG NGAN 'GRO'I SKYE GNAS NGAN PA LAS DA LTA NYID DU SKYOBS LA, DAG PA'I ZHING KHYAD PAR CAN DU KHRID DU GSOL SNYAM PA GYIS LA, BZANG NGAN GYI SNANG BA CI SHAR YANG DE'I RJES SU MA 'BRANG BAR NGED KYIS SDIG PA SBYONG BA'I CHO GA BYED PAS, SEMS RTZE GCIG TU MA YENGS PAR MDZOD, CES CHO GA'I MTSAMS SO SO DANG BSTUN PA'I NGO SPROD BYA'O, ,SMRAS PA, DGE BAS 'PHANGS PA'I TSE DANG BSOD NAMS ZAD, ,'JIGS RUNG BDUD DANG GSHIN RJES PHA ROL KHRID, ,MGON MED NYAM THAG BAR DO'I 'GRO BA LA, ,THUGS RJES GZIGS SHIG BLA MA YI DAM LHA, ,BZLOG MED LAS RLUNG DRAG POS RGYAB NAS BDAS, ,NYON MONGS ZHAGS PA NAG POS SKYE NAS BCINGS, ,CI BYA GTOL MED BAR DO'I 'GRO KUN GYI, ,SKYABS MGON MDZOD CIG BLA MA YI DAM LHA, ,CHA MED YUL DU GROGS MED GCIG PUR 'KHYAMS, ,'JIGS SKRAG 'KHRUL PA'I SNANG BA CHU LTAR 'KHRUG ,GAR SKYE'I GDENG MED PAR DO'I 'GRO KUN GYI, ,SKYABS MGON MDZOD CIG BLA MA YI DAM LHA, ,LAS LAS GRUB PA'I DMYAL BA'I PHO NYA'I TSOGS, ,BRTZE MED GAD MO DGOD PA'I BSU MAS BSKOR, ,SKYABS 'TSOL RIG RIG BLTA BA
'DI DAG LA, ,THUGS RJES GZIGS SHIG BLA MA YI DAM LHA, ,MNGON SHES PHRA MOS RANG GI SNGA PHYI'I RGYUS, ,CUNG ZAD SHES PAS RANG LA YI CHAD CING, ,'GYOD PA MTSON GYIS RANG SROG BCAD BZHIN BRGYAL, ,'DI 'DRA'I 'JIGS LAS SKYOBS SHIG THUGS RJE CAN, ,TSUL 'DI BLO BZANG CHOS KYI RGYAL MTSAN LA, ,DGE BA'I BSHES GNYEN DGE 'DUN RNAM RGYAL GYIS, ,BSKUL TSE MNGON PA'I GZHUNG BZHIN BKOD PA'I DGES, ,'GRO KUN BAR DO'I 'JIGS LAS RGYAL GYUR CIG , MANGG'A LAm,, ,, ` AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL,, ,,SARBA DZA GA TAm,, ,,