*, ,TSE DBANG BSKUR TSUL 'CHI MED TSE'I RIG 'DZIN GYI DNGOS GRUB STER BA'I GDAMS PA BZHUGS SO,
, ,NA MA: SHR'I MANYDZU GHO sh'A YA, BLO BZANG MKHYEN PA'I 'OD STONG RTZE DGAS SHES BYA'I KHYON KUN CIG CAR 'GENGS, ,GRAGS PA'I MKHA' DBYINGS MDZES MA LA 'KHYUD THUB BSTAN PADMO'I GNYEN GCIG PU, ,DPAL LDAN MKHAS PA'I COD PAN DANG NI DBYER MED TSE DPAG MED MGON DER, ,GUS PAS BTUD KYI DA NI MTHAR BYED BAG YOD BYA BA'I DUS LA BAB, ,KUN TU BZANG PO'I LUGS BZANG GANG, ,GSAL PHYIR SANGS RGYAS RNAMS KYI NI, ,YE SHES 'PHRUL GYIS BKOD PA LHA'I, ,ZLA MED DGE BA'I BSHES DER 'DUD, ,GANG LA BRTEN NA 'DOD DGU'I RAB DANG PHUL, ,JI BZHIN LEGS PAR 'BYUNG BA'I THABS MKHAS MCHOG ,MKHAS DANG GRUB PAS GSAL BA'I LUGS JI BZHIN,
, ,'KHRUL MED TSUL BZHIN GSAL BA 'DIR BSHAD BYA, ,DE LA 'DIR GZHAN LA TSE DBANG BSKUR BA'I TSUL NI, THOG MAR RANG NYID TSE DPAG MED DU BSKYED LA TSE BUM CHE CHANG TSE RIL RNAMS LEGS PAR BSHAMS RTE, TSE BUM DBUS, TSE CHANG GA-YAS, TSE RIL GA-YON DU BZHUG ,MCHOD PAS MTHA' BSKOR, MCHOD GTOR RNAMS BLA MED LTAR BYIN GYIS BRLABS, ,AOm SVA BH'A BA SHUDDHA: SARBA DHARM'A: SVA BH'A BA SHUDDHO: HAm, TSE BUM STONG PA NYID DU GYUR, STONG PA'I NGANG LAS TSE BUM DE NYID RMA BYAS BTEG PA'I RIN PO CHE'I KHRI'I STENG DU SNA TSOGS PADMA DANG ZLA BA'I GDAN LA, BLA MA BCOM LDAN 'DAS TSE DPAG MED SKU MDOG DMAR PO ZHAL GCIG PHYAG GNYIS MNYAM GZHAG GI STENG NA 'CHI MED TSE'I BDUD RTZIS GANG BA'I BUM PA BSNAMS PA; DBU SKRA RAL PA'I THOR TSUGS CAN MTSAN DANG DPE BYAD KYIS SPRAS PA RIN PO CHE'I RGYAN DANG DAR SNA TSOGS KYI NA BZAS BKLUBS PA, DVANGS GSAL 'OD KYI RANG BZHIN CAN SKU LAS
SKYES PA'I 'OD KYI PHUNG PO'I DBUS NA ZHABS RDO RJE SKYIL KRUNG GIS BZHUGS PA, DE'I SPYI BOR AOm DKAR PO, MGRIN PAR A'A: DMAR PO, THUGS DKAR H'Um SNGON PO, LTE BAR SV'A SER PO, GSANG BAR H'A LJANG KHU 'OD ZER LNGA 'PHRO BA, THUGS KA'I H'Um LAS 'OD ZER 'PHROS PAS RANG BZHIN GYI GNAS NAS BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO: DAM TSIG PA DANG GNYIS SU MED PAR GYUR PAR BSAMS LA GZUNGS RING NGAM, AOm AA MA RA nI DZ'I WANT'I YE SV'AH'A, ZHES BZLAS PA CI MANG BYAS NAS BUM PA BSGRUB, TSE CHANG NANG MCHOD LTAR SBYAR RTOGS SBAR GSUM BYAS, TSE RIL YANG SMAN SNA TSOGS LAS BYAS PA'I BDUD RTZI RIL BU LA 'KHOR 'DAS KYI BCUD THAMS CAD BSDUS TE BSTIM NAS 'CHI MED TSE'I BDUD RTZI RIL BUR BSAM MO, ,DE NAS SLOB MA RNAMS KHRUS BYED DU BCUG ,PHYAG 'TSAL DU BCUG LA, 'DIR MA GCIG GRUB PA'I RGYAL MO'I LUGS LAS BRGYUD PA'I TSE DBANG ZAB MO ZHU BA'I YON DU MAndAL ZHIG 'BUL BAR ZHU, ZHES MAndAL DBUL DU BCUG NAS, CHOS 'DI'I LO RGYUS CUNG ZAD CIG BRJOD NA, CHOS KHUNGS BTZUN PAR BYA BA'I PHYIR GDAMS PA GANG NAS BTZAL BA, CHOS LA YID CHES PAR BYA BA'I PHYIR GDAMS PA NYID KYI CHE BA, CHE BA GNYIS DANG LDAN PA'I SGO NAS SLOB MA LA DBANG BSKUR
, ,TSUL DANG BCAS PA'I RIM PA GSUM TZAM GSUNGS PA'I NANG NAS, DANG PO NI RAS CHUNG RDO RJE GRAGS PAS BLA MA NYI BU GSANG SNGAGS SDONG PO'I DRUNG DU LUS MED MKHA' 'GRO'I CHOS RNAMS RDZOGS PAR ZHUS NAS BOD DU 'BYON PAR CHAS PA'I DUS SU, BLA MA'I GSUNG NAS, DE RING GRONG KHYER GYI TSONG 'DUS SU LTAR SONG GSUNGS NAS BYON PAS, RNAL 'BYOR PA SNGO BSANG NGE BA, KHRI SNYAN SA LE'I PAGS PA PHRAG PA GA-YAS LA BKAL BA RAG DUNG 'BUD PA CIG 'DUG PA DES SPYAN CHER GZIGS NAS, KHYOD LA RNAM BDUN GYI TSE LAS MI 'DUG GSUNGS PAS, SHIN TU PRED DE, BLA MA'I DRUNG DU BYON NAS LO RGYUS ZHUS PAS, KHYOD LA TSE DE LAS MI 'DUG PA NGAS SHES TE MA SMAS PA YIN, DA MA GCIG GRUB PA'I RGYAL MO ZHES BYA BA TSE DPAG MED DNGOS SU GRUB PA CIG YOD PAS DE'I DRUNG DU SONG LA; GDAMS NGAG ZHUS SHIG GSUNGS NAS, GSER SRANG BZHI YOD PA DE KHYER TE MA GCIG GRUB PA'I RGYAL MO'I DRUNG DU BYON NAS GSENG SRANG GSUM LA CHOS ZHU BA'I YON BYAS, GSER SRANG GANG LA CHOS ZHU BA'I CHAS KA BYAS TE, DBANG ZHUS ZLA BA BDUN DU BSGOMS PAS LO BZHI BCU ZHE BZHI BSRINGS PA YIN GSUNG, DE YANG SNGAR BZHI BCU BZHES PA LA, ZHE BA ZHI BSRINGS PAS BRGYAD CU GYA BZHI BZHUGS PAR
GRAGS SHING, DE NAS TI BU BA'I DRUNG DU LOG BYON PA DANG, BLA MA'I GSUNG NAS GDAMS NGAG NGAS KYANG SHES TE, MA GCIG GRUB PA'I RGYAL MO YID CHES PA'I GNAS YIN PAS BTANG BA YIN GSUNGS NAS BLA MAS KYANG TSAR GCIG RDZOGS PAR GNANG NGO, ,DE NAS BOD DU BYON RJE MID LA DANG MJAL BA'I DUS SU MID LA'I GSUNG NAS SNGAR BOD DU MA GRAGS PA'I ZA BA CHOS KHYAD PAR CAN ZHIG NGA LA SKYES SU PHUL CIG GSUNGS PAS, CHOS 'DI BLA MA'I BKA' MA CHOGS PAR BLA MA LA SKYES SU PHUL BA YIN PAS, GDAMS PA 'DI RAS CHUNG PA BLA MAR BYAS TE MID LA NAS BRGYUD DE RTZA BA'I BLA MA'I BAR DU LEGS PAR BRGYUD PA'I TSE DBANG MCHOG TU ZAB PA YIN PAS 'DI ZHU BA LA, MNYAN SOGS 'DOD PAS GSOL GSUM GDAB CES MA GSOL BAR MI BYA BAR GSUNGS PAS, MA SEMS CAN THAMS CAD KYI DON DU MYUR BA MYUR BAR YANG DAG PAR RDZOGS PA'I SANGS RGYAS KYI GO 'PHANG THOB PAR BYA, DE'I PHYIR DU TSE DBANG ZAB MO ZHU SNYAM PA'I MOS PA DANG LDAN PA'I SGO NAS 'DI'I RJES ZLOS MDZOD, KUN MKHYEN YE SHES PHUNG PO CAN, ,SRID PA'I 'KHOR LO RNAM 'JOMS PA, ,DE RING BSHAD PA'I RIN CHEN GTER, ,GTZO BOS BDAG LA BKA' DRIN STZOL, ZHES GSOL BA LAN GSUM 'DEBS SU BCUG ,LAM THUN MONG BAS RGYUN 'CHOS TSUL NI, KHYED RANG RNAMS THUGS BSAM 'DI BZHIN MDZOD, DE YANG RANG GZHAN SEMS CAN THAMS CAD KYIS 'KHOR BA
, ,SPYI DANG, KHYAD PAR NGAN SONG GSUM GYI SDUG BSNGAL SNA TSOGS SHIG MYONG 'DUG TU ZIN KYANG, DA DUNG SDUG BSNGAL GYI GTING MTHA' MNGON PAR DKA' BAR 'DUG ,DES NA RANG RES RNYED PAR DKA' ZHING RNYED NA DON CHE BA'I DAL 'BYOR TSANG BA'I MI LUS KHYAD PAR CAN LAN CIG THOB PA'I DUS 'DIR 'KHOR BA'I SDUG BSNGAL MTHA' DAG SPANGS PA'I THAR PA MCHOG YANG DAG PAR RDZOGS PA'I SANGS RGYAS KYI GO 'PHANG RIN PO CHE CI NAS KYANG THOB PAR BYA SNYAM PA'I THUGS BSAM DUNGS DUNGS PA'I BSKYED PAR MDZOD, GNAS KHANG 'DI NYID KYANG BCOM LDAN 'DAS TSE DANG YE SHES DPAG TU MED PA'I YE SHES RANG SNANG LAS GRUB PA'I THAR PA CHEN PO'I GZHAL YAS KHANG GRU BZHI SGO BZHI RDO RJE RA BA ME RI DANG BCAS PAS BSKOR BAR GSAL LAM GYIS 'DEBS PAR MDZAD PA'I DBUS SU TSE BUM 'DI NYID KYANG RMA BYAS BTEG PA'I RIN PO CHE'I KHRI'I STENG DU SNA TSOGS PADMA DANG ZLA BA'I GDAN LA BLA MA BCOM LDAN 'DAS MGON PO TSE DPAG TU MED PA SKU MDOG DMAR PO ZHES PA NAS ZHABS GNYIS RDO RJE SKYIL KRUNG GIS BZHUGS PA, DE NYID KYI STENG GI NAM MKHA'I GNAS SU CHOS SKU SNANG BA MTHA' YAS, MA GCIG GRUB PA'I RGYAL MO, TI BU GSANG SNGAGS SDONG PO, RAS CHUNG RDO RJE GRAGS PA, DBANG PHYUG MID LA RAS CHEN, CHOS RGYAL DAGS PO LHA RJE, DPAL PHAG MO GRUB, 'BRI KHUNG 'JIG RTEN MGON PO, SPYAN SNGA RIN PO CHE,
RGYAL BA YANG MGON PA, SPYAN SNGA RIN CHEN LDAN, KUN MKHYEN ZUR PHUG PA, 'BA' RA BA RGYAL MTSAN DPAL BZANG, KUN MKHYEN CHEN PO SHES RAB DPAL BZANG, SEMS DPA' CHEN PO TSUL KHRIMS DPAL BZANG, 'BRUL ZHIG RIN CHEN BSHES GNYEN, RAB 'BYAMS PA SANGS RGYAS RGYA MTSO, RJE BTZUN SKYABS MCHOG DPAL BZANG, RGYAL BA BLO BZANG DON GRUB, MKHAS GRUB SANGS RGYAS YE SHES LA SOGS PA DNGOS DANG BRGYUD PA'I BLA MA YI DAM DKYIL 'KHOR GYI LHA TSOGS, SANGS RGYAS BYANG SEMS, DPA' BO DPA' MO, CHOS SKYONG SRUNG MA'I LHA TSOGS RNAMS KYIS BSKOR NAS GZHAL YAS KHANG GI KHYON THAMS CAD MER GYIS GANG BA'I TSUL DU BZHUGS YOD DO SNYAM PA'I MOS PA DANG, BLA MA'ANG TSE DPAG MED DNGOS YIN SNYAM DU BSGOM PAR MDZAD PA'I NGANG NAS, DKON MCHOG GSUM LA SKYABS SU SONG STE, SMON 'JUG BYANG CHUB MCHOG TU SEMS BSKYED SNYAM DU MDZOD LA, DKON MCHOG GSUM LA BDAG SKYABS MCHI, ,SDIG PA THAMS CAD SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS BZUNG, ZHES LAN GSUM RJES ZLOS BYA, DE NAS SLOB MA TSE DPAG MED DU BSKYED PA NI, AOm SVA BH'A BA SHUDDHA SARBA DHARM'A SVA BH'A BA SHUDDHO NYAHAm, SLOB MA RNAMS STONG PA NYID DU GYUR, STONG PA'I NGANG LAS PAD ZLA'I GDAN LA SLOB MA RNAMS TSE DPAG MED SKU MDOG DMAR PO ZHES PA NAS, ZHABS RDO RJE SKYIL KRUNG GIS BZHUGS PA'I SPYI BOR
, ,AOm DKAR PO, MGRIN PAR A'A: DMAR PO, THUGS KAR H'Um SNGON PO, LTE BAR SV'A SER PO, GSANG GNAS SU H'A LJANG GU 'OD ZER LNGA 'PHRO BAR GYUR, DE NAS DBANG DNGOS BSKUR BA LA BZHI LAS, DANG PO BUM PA LA BRTEN NAS DBANG BSKUR BA LA GSUM, TSE YAR BA 'GUGS PA, NYAMS PA GSO BA, TSE BSTIM PA'O, ,DANG PO NI, MDUN GYI GNAS NA BZHUGS PA'I TSE DPAG MED DE NYID KYI THUGS KA'I H'Um LAS 'OD ZER PHYOGS BCUR 'PHROS PAS, KHYED RANG RNAMS KYI TSE 'CHI BDAG GSHIN RJE DANG RGYAL GDON LA SOGS PA 'BYUNG PO MI MA YIN PA RNAMS KYIS PHROGS PA DANG, BRKUS PA DANG, YAR BA THAMS CAD BUM PA DANG THOD PA BDUD RTZIS GANG BA'I RNAM PAR BKUG NAS; MDUN GYI GNAS NA BZHUGS PA'I TSE DPAG MED DANG PHYAG GI BUM PA LA THIMS PAS, DE LAS BDUD RTZI'I RGYUN BABS SLOB MA RNAMS KYI SPYI BO NAS ZHUGS, LUS KYI NANG THAMS CAD GANG BAS TSE PHROGS PA BRKUS PA YAR BA RNAMS SOR CHUD PA'I SGO NAS 'CHI MED TSE'I RIG 'DZIN THOB SNYAM PA'I MOS PA MDZOD CIG ,CES BRJOD LA DRIL BU GSIL ZHING, AOm AA MA RA nI J'I WANT'I YE SV'A H'A, SKAL LDAN RIGS KYI BU 'DI LA TSE'I DBANG DU GYUR CIG ,TSE'I DNGOS GRUB TU GYUR CIG ,TSE MI 'GYUR BA'I GA-YUNG DRUNG DU GYUR CIG ,TSE MI SHIGS PA'I RDO RJER GYUR CIG ,TSE MI NUB PA'I RGYAL MTSAN DU GYUR CIG ,'CHI BA MED PA TSE'I RIG 'DZIN THOB PAR GYUR CIG ,CES
BRJOD LA ME TOG GTOR, GNYIS PA NI, SLAR YANG MDUN GYI GNAS NA BZHUGS PA'I TSE DPAG MED DE NYID KYI THUGS KA'I H'Um LAS 'OD ZER PHYOGS BCUR 'PHROS PAS, RGYAN NAM MKHA', BU GA NAM MKHA' LA SOGS PA NAM MKHA'I BCUD THAMS CAD BDUD RTZI MTHING ZHUN MA'I MDOG CAN 'OD ZER DANG BCAS PA'I RNAM PAR BKUG NAS MDUN GYI GNAS NA BZHUGS PA'I TSE DPAG MED DANG PHYAG GI BUM PA LA THIM PAS DE LAS BDUD RTZI'I RGYUN BABS, SLOB MA RNAMS KYI SPYI BO NAS ZHUGS, LUS KYI NANG THAMS CAD GANG, KHYAD PAR DU YANG YID KYI RNAM SHES SOGS NAM MKHA'I KHAMS KYI SGO NAS CHA NYAMS PA THAMS CAD SOR CHUD, LUS KYI ZUNGS DANG SROG GI RTEN DU GYUR PA'I SGO NAS 'CHI MED TSE'I RIG 'DZIN THOB BYUNG SNYAM PA'I MOS PA MDZOD CIG ,AOm AA MA RA nA DZ'I WA NT'I YE SV'A H'A, SKAL LDAN RIGS KYI BU 'DI LA TSE'I DBANG DU GYUR CIG ,CES PA NAS, 'CHI BA MED PA TSE'I RIG 'DZIN THOB PAR GYUR CIG ,SLAR YANG MDUN GYI GNAS NA BZHUGS PA'I TSE DPAG MED KYI THUGS KA'I H'Um LAS 'OD ZER PHYOGS BCUR 'PHROS PAS, PHYOGS BCU'I RLUNG GI BCUD THAMS CAD BDUD RTZI LJANG GU 'OD ZER 'PHRO BA'I RNAM PAR BKUG ,MDUN GYI GNAS NA ZHUGS PA'I TSE DPAG MED DANG PHYAG GI BUM PA LA THIM PAS DE LAS BDUD RTZI'I RGYUN BABS, SLOB MA RNAMS KYI SPYI BO NAS ZHUGS, LUS KYI NANG THAMS CAD GANG,
, ,KHYAD PAR DU RTZA BA DANG YAN LAG GI RLUNG BCU'I SGO NAS TSE NYAMS PA THAMS CAD SOR CHUD, STOBS DANG YANG RTZAL PHUN SUM TSOGS PA'I SGO NAS 'CHI MED TSE'I RIG 'DZIN THOB BYUNG SNYAM PA'I MOS PA MDZOD CIG ,AOm AA MA RA nI DZI WA NT'I YE SV'A H'A, SKAL LDAN RIGS KYI BU 'DI LA TSE'I DBANG DU GYUR CIG ,CES PA NAS, 'CHI BA MED PA TSE'I RIG 'DZIN THOB PAR GYUR CIG ,SLAR YANG MDUN GYI GNAS NA BZHUGS PA'I TSE DPAG MED KYI THUGS KA'I H'Um LAS 'OD ZER PHYOGS BCUR 'PHROS PAS, NAGS TSAL LAS BYUNG BA'I ME DANG, ME SHEL LAS BYUNG BA'I ME DANG, SBYOR BSGRUBS LAS BYUNG BA'I ME DANG, RDO SOL LAS BYUNG BA'I ME DANG; RGYUN BZHAG LAS BYUNG BA'I ME DANG, RTA GDONG GI ME DANG, TING NGE 'DZIN GYI ME LA SOGS PA'I 'BYUNG BA ME DANG ME LA BRTEN PA'I RO BCUD THAMS CAD BDUD RTZI DMAR PO 'OD ZER 'PHRO BA'I RNAM PAR BKUG MDUN GYI GNAS NA BZHUGS PA'I TSE DPAG MED DANG PHYAG GI BUM PA LA THIM PAS DE LAS BDUD RTZI'I RGYUN BABS, SLOB MA RNAMS KYI SPYI BO NAS ZHUGS, LUS KYI NANG THAMS CAD GANG, KHYAD PAR DU LUS KYI DROD LA SOGS PA ME'I KHAMS KYI SGO NAS TSE NYAMS PA THAMS CAD SOR CHUD, LUS ME SHEL DANG NYI MA'I SNYING PO LTAR BKRAG MDANGS PHUN SUM TSOGS PA DANG LDAN PA'I SGO NAS 'CHI MED TSE'I RIG 'DZIN THOB BYUNG SNYAM PA'I MOS PA MDZOD CIG ,AOm AA MA
RAnI DZ'I WANT'I YE SV'A H'A, SKAL LDAN RIGS KYI BU 'DI LA TSE'I DBANG DU GYUR CIG ,CES PA NAS, 'CHI BA MED PA TSE'I RIG 'DZIN THOB PAR GYUR CIG ,SLAR YANG MDUN GYI GNAS NA BZHUGS PA'I TSE DPAG MED KYI THUGS KA'I H'Um LAS 'OD ZER PHYOGS BCUR 'PHROS PAS, MTSO DANG, MTSE 'U DANG, LTENG KA DANG, 'BAB CHU'I RGYUN DANG, ROL PA'I MTSO BDUN DANG, RGYA MTSO CHEN PO DANG, MA DROS PA LA SOGS PA 'BYUNG BA CHU DANG CHU LA BRTEN PA'I RO BCUD THAMS CAD BDUD RTZI 'O MA'I MDOG CAN 'OD ZER 'PHRO BA'I RNAM PAR BKUG ,MDUN GYI GNAS NA BZHUGS PA'I TSE DPAG MED DANG PHYAG GI BUM PA LA THIM PAS DE LAS BDUD RTZI'I RGYUN BABS, SLOB MA RNAMS KYI SPYI BO NAS ZHUGS, LUS KYI NANG THAMS CAD GANG ,KHYAD PAR DU LUS KYI KHRAG DANG CHU SER LA SOGS PA CHU'I KHAMS KYI SGO NAS TSE NYAMS PA THAMS CAD SOR CHUD, LUS SHEL LTAR KHA DOG SNUM BAG PHUN SUM TSOGS PA DANG LDAN PA'I SGO NAS 'CHI MED TSE'I RIG 'DZIN THOB BYUNG SNYAM PA'I MOS PA MDZOD CIG ,AOm AA MA RA nI DZ'I WA NT'I YE SV'A H'A, SKAL LDAN RIGS KYI BU 'DI DAG LA TSE'I DBANG DU GYUR CIG ,CES PA NAS, 'CHI MED TSE'I RIG 'DZIN THOB PAR GYUR CIG ,SLAR YANG MDUN GYI GNAS NA BZHUGS PA'I TSE DPAG MED DE NYID KYI THUGS KA'I H'Um LAS 'OD ZER PHYOGS BCUR 'PHROS PAS, RI'I RGYAL PO RI RAB DANG GSER GYI RI BDUN LA SOGS PA RIN PO CHE'I RI DANG, MA LA YA LA SOGS PA NAGS KYI RI DANG, SPOS DANG LDANG BA LA SOGS PA SPANG RI DANG
, ,GSER GYI BYA SKYIBS CAN LA SOGS PA GSER GYI BRAG RI DANG, GANGS CAN LA SOGS PA'I GANGS RI DANG, GZHAN YANG SMAN DANG RTZI BCUD DANG NAGS TSAL LA SOGS PA'I 'BYUNG BA SA DANG SA LA BRTEN PA'I BCUD THAMS CAD BDUD RTZI GSER ZHUN MA'I MDOG CAN GYI RNAM PAR BKUG ,MDUN GYI GNAS NA BZHUGS PA'I TSE DPAG MED DANG PHYAG GI BUM PA LA THIM PAS DE LAS BDUD RTZI'I RGYUN BABS, SLOB MA RNAMS KYI SPYI BO NAS ZHUGS, LUS KYI NANG THAMS CAD GANG, KHYAD PAR DU LUS KYI SHA DANG RUS PA LA SOGS PA SA'I KHAMS LA BRTEN NAS TSE NYAMS PA THAMS CAD SOR CHUD, LUS RI'I RGYAL PO RI RAB LTAR BRTAN ZHING STOBS DANG LDAN PA'I SGO NAS TSE'I RIG 'DZIN THOB BYUNG SNYAM PA'I MOS PA MDZOD CIG ,AOm AA MA RA nI DZ'I WANT'I YE SV'A H'A, SKAL LDAN RIGS KYI BU 'DI LA TSE'I DBANG DU GYUR CIG ,CES PA NAS, 'CHI MED TSE'I RIG 'DZIN THOB PAR GYUR CIG ,SLAR YANG MDUN GYI GNAS NA BZHUGS PA'I TSE DPAG MED DE NYID KYI THUGS KA'I H'Um LAS 'OD ZER PHYOGS BCUR 'PHROS PAS, TSANGS PA DANG, BRGYA BYIN DANG, DGA' BO DANG, 'JOG PO DANG, 'KHOR LOS SGYUR BA'I RGYAL PO LA SOGS PA TSE RING PO RNAMS DANG, GZHAN YANG BLA MA DGE BA'I BSHES GNYES RNAMS DANG, BYANG CHUB KYI SEMS NYID 'BYONGS SHING STONG NYID RTOGS PA LA SOGS PA DANG, MDOR NA RIGS DRUG DANG RIGS DRUG GI RIGS CAN GYI SEMS CAN
'BYOR PA DANG BCAS PA THAMS CAD BDUD RTZI 'OD ZER DANG BCAS PA'I RNAM PAR BKUG ,MDUN GYI GNAS NA BZHUGS PA'I TSE DPAG MED DANG PHYAG GI BUM PA LA THIM PAS DE LAS BDUD RTZI'I RGYUN BABS, SLOB MA RNAMS KYI SPYI BO NAS ZHUGS LUS KYI NANG THAMS CAD GANG, KHYAD PAR TSANGS PA DANG BRGYA BYIN LA SOGS PA DANG SKU LA MA MNYAM PA'I SGO NAS 'CHI MED TSE'I RIG 'DZIN THOB BYUNG SNYAM PA'I MOS PA MDZOD CIG ,AOm AA MA RA nI DZ'I WANT'I YE SV'A H'A, SKAL LDAN RIGS KYI BU 'DI LA TSE'I DBANG DU GYUR CIG ,CES PA NAS, 'CHI BA MED PA TSE'I RIG 'DZIN THOB PAR GYUR CIG ,SLAR YANG MDUN GYI GNAS NA BZHUGS PA'I TSE DPAG MED KYI THUGS KA'I H'Um LAS 'OD ZER PHYOGS BCUR 'PHROS PAS, BCOM LDAN 'DAS TSE DPAG MED LA SOGS PA TSE DBANG BRGYUD PA'I BLA MA RNAMS DANG, GZHAN YANG BLA MA SANGS RGYAS BYANG SEMS LHA DANG MI'I GRUB PA THOB PA RNAMS DANG RIG PA 'DZIN PA RNAMS KYI SKU GSUNG THUGS YON TAN 'PHRIN LAS DANG BCAS PA'I BYIN RLABS THAMS CAD, SKU GZUGS DANG, PO TI DANG, RDO RJE DRIL BU DANG, PADMA DMAR PO DANG, TSE'I BUM PA LA SOGS PA PHYAG MTSAN SNA TSOGS PA'I RNAM PAR BKUG ,MDUN GYI GNAS NA BZHUGS PA'I TSE DPAG MED DANG PHYAG GI BUM PA LA THIM PAS DE LAS BDUD RTZI'I RGYUN BABS, SLOB MA RNAMS KYI SPYI BO NAS ZHUGS, LUS KYI NANG THAMS CAD GANG, THOG MA MED PA NAS BSAGS PA'I SDIG
, ,SGRIB THAMS CAD DAG ,KHYAD PAR DU BLA MA LHA TSOGS RNAMS KYI BYIN RLABS ZHUGS PA'I SGO NAS 'CHI MED TSE'I RIG 'DZIN THOB BYUNG SNYAM PA'I MOS PA MDZOD CIG ,AOm AA MA RA nI DZ'I WA NT'I YE SV'A H'A, SKAL LDAN RIGS KYI BU 'DI DAG LA TSE'I DBANG DU GYUR CIG ,CES PA NAS, 'CHI BA MED PA TSE'I RIG 'DZIN THOB PAR GYUR CIG ,DE DAG NI 'BYUNG BA DANG 'BYUNG 'GYUR GYI BCUD BSDUS PA'I SGO NAS TSE SRING BAR BYED PA YIN, SKU GSUNG THUGS KYI RJES GNANG GI SGO NAS TSE SRING BAR BYED PA LA SLAR YANG MDUN GYI GNAS NA BZHUGS PA'I TSE DPAG MED DE NYID KYI SPYI BO'I AOm LAS BDUD RTZI DKAR PO'I RGYUN BABS, SLOB MA RNAMS KYI SPYI BO NAS ZHUGS, LUS KYI NANG THAMS CAD MER GYIS GANG BAS LUS KYI SGO NAS BSAGS PA'I SDIG SGRIB THAMS CAD DAG ,TSE DPAG MED KYI SPYI'I RJES GNANG THOB PA'I SGO NAS 'CHI BA MED PA TSE'I RIG 'DZIN THOB BYUNG SNYAM PA'I MOS PA MDZOD CIG ,AOm AA MA RA nI DZ'I WANT'I YE SV'A H'A, SKAL LDAN RIGS KYI BU 'DI DAG LA TSE'I DBANG DU GYUR CIG ,CES PA NAS, 'CHI BA MED PA TSE'I RIG 'DZIN THOB PAR GYUR CIG ,SLAR YANG MDUN GYI GNAS NA BZHUGS PA'I TSE DPAG MED DE NYID KYI MGRIN PA'I A'A: LAS BDUD RTZI DMAR PO'I RGYUN BABS, SLOB MA RNAMS KYI MGRIN PAR THIM, LUS KYI NANG THAMS CAD MER GYIS GANG, NGAG GI SGO NAS BSAGS PA'I SDIG SGRIB THAMS CAD DAG ,TSE DPAG MED KYI GSUNG GI RJES GNANG
THOB PA'I SGO NAS 'CHI MED TSE'I RIG 'DZIN THOB BYUNG SNYAM PA'I MOS PA MDZOD CIG ,AOm AA MA RA nA DZ'I WANT'I YE SV'A H'A, SKAL LDAN RIGS KYI BU 'DI DAG LA TSE'I DBANG DU GYUR CIG ,CES PA NAS, 'CHI BA MED PA TSE'I RIG 'DZIN THOB PAR GYUR CIG ,SLAR YANG MDUN GYI GNAS NA BZHUGS PA'I TSE DPAG MED DE NYID KYI THUGS KA'I H'Um LAS BDUD RTZI'I RGYUN BABS, SLOB MA RNAMS KYI SNYING KHAR THIM, LUS KYI NANG THAMS CAD MER GYIS GANG, YID KYI SGO NAS BSAGS PA'I SDIG SGRIB THAMS CAD DAG ,TSE DPAG MED KYI THUGS KYI RJES GNANG THOB PA'I SGO NAS 'CHI BA MED PA TSE'I RIG 'DZIN THOB BYUNG SNYAM PA'I MOS PA MDZOD CIG ,AOm AA MA RA nI DZ'I WA NT'I YE SV'A H'A, SKAL LDAN RIGS KYI BU 'DI DAG LA TSE'I DBANG DU GYUR CIG ,CES PA NAS, 'CHI BA MED PA TSE'I RIG 'DZIN THOB PAR GYUR CIG ,DE DAG NI RGYAS PA BYED PA'I LUGS SO, ,BSDUS PA BYED NA, SLAR YANG MDUN GYI GNAS NA BZHUGS PA'I TSE DPAG MED DE NYID KYI THUGS KA'I H'Um LAS 'OD ZER PHYOGS BCUR 'PHROS PAS, SA CHU ME RLUNG NAM MKHA' STE 'BYUNG BA LNGA DANG, DKON MCHOG GSUM GYI LHA TSOGS RIGS DRUG 'BYOR PA DANG BCAS PA DANG, SKU GSUNG THUGS YON TAN 'PHRIN LAS DANG BCAS PA'I BYIN RLABS THAMS CAD BDUD RTZI SNA LA 'OD ZER DANG BCAS PA'I RNAM PAR BKUG ,MDUN GYI GNAS NA BZHUGS PA'I TSE DPAG MED DANG PHYAG GI BUM PA LA THIM PAS, DE LAS BDUD RTZI'I RGYUN BABS SLOB MA RNAMS KYI SPYI BO NAS
, ,ZHUGS, LUS KYI NANG THAMS CAD GANG, LUS NGAG YID GSUM GYI SDIG SGRIB THAMS CAD DAG PA'I SGO NAS 'CHI MED TSE'I RIG 'DZIN THOB BYUNG SNYAM PA'I MOS PA MDZOD CIG ,AOm AA ZHES SOGS BYA, GSUM PA NI, MDUN GYI GNAS NA BZHUGS PA'I TSE DPAG MED DE NYID KHYED RANG RNAMS KYI SPYI BOR BYON BYUNG SNYAM PA'I MOS PA MDZOD, DE'I NGANG NAS SPYI BO'I TSE DPAG MED KYI THUGS KA'I H'Um LAS 'OD ZER 'PHROS PAS SANGS RGYAS DANG BYANG CHUB SEMS DPA' THAMS CAD TSE DPAG MED KYI RNAM PAR SPYAN DRANGS NAS SPYI BO'I TSE DPAG MED LA THIM PAS, DE NYID KYI GNAS LNGA'AM, YE SHES LNGA LAS BDUD RTZI'I RGYUN BABS, KHYED RANG RNAM PA'I GNAS LNGAR THIM PAS LUS NGAG YID GSUM BYED PA DANG BCAS PA'I SGO NAS BSAGS PA'I SDIG SGRIB BAG CHAGS DANG BCAS PA THAMS CAD DAG ,TSE DPAG MED KYI SKU GSUNG THUGS YON TAN 'PHRIN LAS DANG BCAS PA'I NGO BOR BYIN GYIS BRLABS BYUNG SNYAM PA'I MOS PA MDZOD CIG ,CES BRDA SPRAD LA, TSE BUM MGO THOG TU BZHAG STE, PHYOGS BCU DUS GSUM GYI RJE BTZUN RTZA BA DANG BRGYUD PAR BCAS PA'I BLA MA DAM PA RNAMS KYIS BYIN GYIS RLOBS SHIG , CHOS SKU SNANG BA MTHA' YAS KYIS BYIN GYIS RLOBS SHIG ,MA GCIG GRUB PA'I RGYAL MOS BYIN GYIS RLOBS SHIG ,CES PA NAS, RJE BTZUN BLA MA SANGS RGYAS YE SHES KYIS BYIN GYIS RLOBS SHIG ,KHYAD PAR BCOM LDAN 'DAS
TSE DANG YE SHES DPAG TU MED PA'I LHA TSOGS 'KHOR DANG BCAS PA RNAMS KYIS BYIN GYIS RLOBS SHIG ,CES GSOL BA BTAB PAS TSE DPAG MED KYI THUGS KA'I H'Um LAS 'OD ZER 'PHROS MTHA' SKOR NA BZHUGS PA'I ZHI KHRO RAB 'BYAMS LA 'PHOG ,DE RNAMS TSE DPAG MED LA THIM, TSE DPAG MED KYANG SLOB MA TSE DPAG MED DU GSAL BA LA THIM, DZA: H'Um BAm HO: ZHES BRJOD, DE NAS TSE CHANG TSE RIL BYIN, GTANG RAG TU MAndAL 'BUL DU BCUG NAS, RTZA BRGYUD BLA MA RNAMS KYI BKRA SHIS SHOG ,YI DAM LHA TSOGS RNAMS KYI BKRA SHIS SHOG ,DKON MCHOG RIN CHEN RNAMS KYI BKRA SHIS SHOG ,CHOS SKYONG SRUNG MA RNAMS KYI BKRA SHIS SHOG ,'JIG RTEN 'DREN PA'I GTZO BO TSE DPAG MED, ,DUS MIN 'CHI BA MA LUS 'JOMS PA'I DPAL, ,MGON MED SDUG BSNGAL GYUR PA RNAMS KYI SKYABS, ,SANGS RGYAS TSE DPAG MED PA'I BKRA SHIS SHOG ,BDUD DANG MI MTHUN PA'I PHYOGS THAMS CAD LAS RGYAL NAS SHIN TU BKRA SHIS PAR GYUR CIG ,AOm SU PRA TIshthA BADZRA YE SV'A H'A, 'JIG RTEN MGON PO SNANG BA MTHA' YAS LAS, ,LEGS PAR BRGYUD PA'I RMAD BYUNG GDAMS PA'I TSOGS, ,'DI NA SKYE DGU KUN GYI GCES PA'I GNAS, ,MCHOG SBYIN BYED GANG 'DI LAS GZHAN NA GANG, ,DE PHYIR 'BAD PAS BSKRUN PA'I RNAM DKAR GANG, ,PHAN BDE'I 'BYUNG GNAS RGYAL BA'I BSTAN PA YID, ,GANG LA RAG LAS GYUR PA'I DGE BA'I BSHES, ,DAM PA RNAMS KYI ZHABS BAD BRTAN PHYIR BSNGO, ,ZHES PA 'DI YANG BKA' RAB
, ,'BYAMS SMRA BA CHOS RJE MTHA' YAS KYI MTSAN CAN GANG DE'I GSUNG GIS BSKUL BA LA BRTEN NAS BLO BZANG CHOS KYI RGYAL MTSAN GYIS BLO BZANG MDUN SA CHOS KYI PHO BRANG GI GTZUG LAG KHANG DU SBYAR BA'O,, SARBA MANGGA LAm,, ` AOm SVA STI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL,, SARBA DZA GA TAm,, ,