*, ,TSE CHOG 'CHI MED 'DOD 'JO DBANG GI RGYAL PO ZHES BYA BA BZHUGS SO, ,
, ,NA MO GU RU MANYDZU GHO sh'A YA, GANG GI MTSAN SNYAN RGYU SKAR BDAG PO'I ZER, ,SGRA 'DZIN KUNDA'I PHON POR REG TZAM GYIS, ,RDO RJE'I TSE DANG YE SHES MCHOG STZOL BA'I; ;MGON DANG DBYER MED BLA MA'I ZHABS BTUD NAS, ,'JIGS RUNG 'CHI BDAG MCHE BA RNON PO YANG, ,RI MO'I GNAS SU 'GOD PA'I RMAD BYUNG THABS, ,TSE CHOG 'CHI MED 'DOD 'JO DBANG GI RGYAL, ,GZHUNG DANG DAM PA'I MAN NGAG JI BZHIN BRJOD, ,RANG GZHAN GYI DON DU TSE CHOG JI LTAR BYA BA'I TSUL LA GNYIS, BSNYEN PA'I CHO GA ,DKYIL 'KHOR GYI CHO GA 'CHI BLU DANG BCAS PA'O, ,DANG PO NI, 'DI'I DBANG BSKUR BA THOB CING DAM TSIG DANG SDOM PA LA GNAS PA'I GANG ZAG GIS, KHRUS DANG GTZANG SBRA LA GNAS PAS, SKYABS
, ,'GRO SEMS BSKYED SNGON DU BTANG NAS, RANG NYID SKAD CIG GIS BCOM LDAN 'DAS TSE DPAG MED DU GSAL BA'I THUGS KAR ZLA BA LA GNAS PA'I HR'I: DMAR PO'I 'OD ZER GYIS BDE BA CAN NAS BLA MA DANG GNYIS SU MED PA'I BCOM LDAN 'DAS TSE DPAG MED LHA DGU'I DKYIL 'KHOR LA SANGS RGYAS DANG BYANG CHUB SEMS DPA'I TSOGS KYIS BSKOR BA MDUN GYI NAM MKHAR SPYAN DRANGS, 'OD ZER RANG GI SNYING KHAR THIM, GANG GI DRIN GYIS BDE CHEN GNAS, ,SKAD CIG NYID LA 'CHAR BA GANG, ,BLA MA RIN CHEN LTA BU YI, ,RDO RJE CAN ZHABS PAD LA BDUD, ,'JIG RTEN 'DREN PA'I GTZO BO TSE DPAG MED, ,DUS MIN 'CHI BA MA LUS 'JOMS PA'I DPAL, ,MGON MED SDUG BSNGAL GYUR PA RNAMS KYI SKYABS, ,SANGS RGYAS TSE DPAG MED LA PHYAG 'TSAL LO; ZHES PHYAG BYA, AOm SARBA TA TH'A GA TA AA PA RI MI TA A'A YUR DZNY'A NA SA PA RI W'A RA AARGHAm PRA T'I TZTSA H'Um SV'AH'A, NAS SHAPTA'I BAR GYIS MCHOD, DKON MCHOG GSUM LA BDAG SKYABS MCHI, ,SDIG PA THAMS CAD
SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS GZUNG, ,SANGS RGYAS CHOS DANG TSOGS MCHOG LA, ,BYANG CHUB BAR DU BDAG SKYABS MCHI, ,RANG GZHAN DON NI RAB BSGRUB PHYIR; ;BYANG CHUB SEMS NI BSKYED PAR BGYI, ,BYANG CHUB MCHOG GI SEMS NI BSKYED BGYIS NAS, ,SEMS CAN THAMS CAD BDAG GI MGRON DU GNYER, ,BYANG CHUB SPYOD MCHOG YID 'ONG SPYAD PAR BGYI, ,'GRO LA PHAN PHYIR SANGS RGYAS 'GRUB PAR SHOG ,CES DANG, TSAD MED BZHI BSGOM, TSOGS ZHING RANG GNAS SU GSHEGS PAR GYUR, AOm SVA BH'A WA SHUDDH'A: SARBA DHARMA: SVA BH'A WA SHUDDHO NYAHAm, AOm SH'UN+YA T'A DZNY'A NA BADZRA SVA BH'A WA A'ATMA KONYAHAm, STONG PA NYID DU GYUR, STONG PA'I NGANG LAS RAm LAS NYI MA'I DKYIL 'KHOR GYI STENG DU H'Um LAS SNA TSOGS RDO RJE LTE BA LA H'Um GIS MTSAN PA, DE LAS 'OD ZER 'OG TU 'PHROS PAS RDO RJE'I SA GZHI, LOGS SU 'PHROS PAS RDO RJE'I RA BA, STENG DU 'PHROS PAS RDO RJE'I GUR, GUR GYI 'OG RA BA'I STENG DU RDO RJE'I BLA RE STE, THAMS CAD KYANG RDO RJE 'BAR BA'I RANG BZHIN PAR MTSAMS MED PAR DUM BU GCIG TU GYUR PA'I PHYI ROL DU BSKAL PA 'JIG PA'I DUS KYI ME LTA BU'I KHA DOG SNA LNGA PA'I MED PUNG PHYOGS BCUR 'PHRO BAR GYUR, RA BA'I DBUS SU PAm LAS SNA TSOGS PADMA LA GNAS PA'I H'Um LAS BYUNG BA'I SNA
, ,TSOGS RDO RJE'I LTE BAR, BHRUm DKAR PO YONGS SU GYUR PA LAS, GZHAL YAS KHANG GRU BZHI SGO BZHI PA, PHYI NAS RIM PA BZHIN DU SNGO SER DMAR LJANG DKAR BA'I RIM PA LNGA DANG LDAN PA'I RTZIG PAS BSKOR BA'I STENG NA, RIN PO CHE'I PHA GU GZHI DMAR PO LA RIN PO CHE ZUR GSUM PA DANG, GRU BZHI PA LA SOGS PAS BRGYAN PA, DE'I STENG NA GSER GYI SKA RAGS BZHI'I PHYI NGOS SU CHU SRIN GYI KHA NAS MU TIG GI DO SHAL DANG, DO SHAL PHYED PA'I PHYANG BA, DE'I PHYI NGOS SU BYA 'DAB LAS 'PHYANG BA'I RIN PO CHE'I SHAR BU, DE'I STENG NA PADMA 'DAB MA PHYED PA'I DBYIBS CAN GYI MDA' YAB LA GNAS PA'I GSER GYI BUM PA NAS 'THON PA'I RGYAL MTSAN DANG, BA DAN BRGYAD BRGYAD KYIS MDZES PAR BYAS PA, PHYI'I STENG GI ZUR BZHI LA GDUGS BZHIS BRGYAN PA, RTZIG PA'I MTHA' NAS 'DOD YON GYI SNAM BU DMAR POS BSKOR BA LA BZHUGS STABS DANG KHA DOG SNA TSOGS PA'I LHA MO RNAMS KYIS MCHOD PA BYED BZHIN PA, SGO DANG SGO KHYUD KYI PHYI'I MTSAMS DANG, RTZIG PA'I PHYI NANG GI GRVA BZHIR ZLA BA PHYED PA LA GNAS PA'I RIN PO CHE DMAR PO'I STENG DU RDO RJES BRGYAN PA, SGO BZHI SO SO'I MDUN DU STEGS BU GRU BZHI PA'I STENG DU BUM PA LA GNAS PA'I KA BA BZHI BZHIS BTEG PA'I RTA BABS SNAM BU BCU GCIG DANG LDAN PA'I RTZE MOR, CHOS KYI 'KHOR LO'I GA-YAS
GA-YON DU RI DVAGS PHO MO DANG BCAS PA, RTA BABS KYI GA-YAS GA-YON DU BUM PA BZANG PO LAS SKYES PA'I DPAG BSAM GYI SHING LA RGYAL SRID RIN PO CHE SNA BDUN DANG, BAR BAR DU GRUB PA THOB PA DANG, SPRIN GYI GSEB NAS BYUNG BA'I LHA ME TOG GI PHRENG BA BZUNG BA RNAMS KYIS MDZES PAR BYAS PA, GZHAL YAS KHANG GI NANG DU KA BA BRGYAD KYIS BTEG PA'I RDO RJE'I GDUNG BZHIS MDZES PAR PHUB PA'I RTZE MOR RDO RJE NOR BU RIN PO CHE'I TOG GIS SPRAS PA'I NANG GI SHAR SNGO, LHO SER, NUB DMAR, BYANG LJANG, DBUS DKAR BA'I NANG DU, BDAG BSKYED LHA DGU YONGS RDZOGS BYED NA 'DI SKABS 'OG NAS 'BYUNG BA'I MDUN BSKYED BZHIN BYED, YANG, BSNYEN DUS GTZO BO GCIG BUS CHOG PAS, DE BAS NA 'DI LTAR, PAm LAS PADMA DMAR PO 'DAB MA BRGYAD PA'I LTE BAR AA LAS ZLA BA'I DKYIL 'KHOR YONGS SU RDZOGS PAR GYUR, DE LTAR BDAG GI DE KHO NA NYING DON DAM PAR SPROS PA THAMS CAD DANG BRAL BA JI LTAR YIN PA DE BZHIN DU, LHA'I DE KHO NA NYID KYANG DE LTAR YIN PAS, DE GNYIS CHU DANG 'O MA 'DRES PA BZHIN DU RNAM PAR MI RTOG PA'I SNANG BA'I SGO DE NYID DU BDAG DANG LHA'I DE KHO NA NYID DBYER MI PHYED PAR GYUR, STONG PA'I NGANG LAS, AOm NA MO BHR'Um A'A YUR DZNY'A NA HR'I: A'A RO LI KA H'Um HR'I: ZHES PA'I SNGAGS KYI GDANGS KYI RNAM PAR NAM MKHA' LA GRAG PAR GYUR, BDAG DANG LHA'I DE KHO NA NYID DBYER MI PHYED PA'I RNAM PA CAN GYI RANG GI SEMS ZLA BA'I DKYIL 'KHOR DU GYUR PA'I
, ,STENG DU, SNGAGS KYI GDANGS KYI RNAM PAR NAM MKHA' LA GRAG PA DE SHIN TU DAG PA'I DNGUL CHU GSER GYI BYE MA LA ZHEN PA LTAR, YIG 'BRU BRIS PA'I RNAM PA CAN DU 'KHOD PA YONGS SU GYUR PA LAS 'CHI MED TSE'I BDUD RTZIS GANG BA'I BUM PA'I DBUS SU, AOm NA MO BHR'Um A'A YUR DZNY'ANA HR'I: A'A RO LI KA H'Um HR'm: ZHES PA'I SNGAGS KYIS MTSAN PAR GYUR, ZLA BA PHYAG MTSAN SNGAGS DANG BCAS PA LAS 'OD ZER SNA TSOGS BYUNG BA'I RTZE MO LA; BCOM LDAN 'DAS MGON PO TSE DPAG MED KYI LHA'I GZUGS DPAG TU MED PA BYUNG NAS NAM MKHA'I DBYINGS THAMS CAD KHYAB PAR BYAS, RGYAL BA THAMS CAD LA MCHOD PA'I SPRIN CHEN PO SPRUL PAS LEGS PAR MCHOD, GZHAN YANG SPRIN CHEN PO SPRUL PA LAS BDUD RTZI'I CHAR RGYUN BABS PAS, DMYAL BA LA SOGS PA'I 'GRO BA THAMS CAD KYI SDUG BSNGAL GYI ME RNAMS ZHI ZHING BDE BAS TSIM PAR BYAS NAS LHA'I SKU DANG BCAS PA'I 'OD ZER SLAR LOG ,RANG GI SEMS ZLA BA'I DKYIL 'KHOR DANG PHYAG MTSAN SNGAGS DANG BCAS PA YONGS SU GYUR PA LAS, RANG NYID BCOM LDAN 'DAS DE BZHIN GSHEGS PA TSE DANG YE SHES DPAG TU MED PA SHIN TU RNAM PAR NGES PA GZI BRJID KYI RGYAL PO'I SKUR YONGS SU RDZOGS PAR GYUR PA NI, SKU MDOG BYU RU'I LHUN PO LA NYI MA BYE BA'I MDANGS KYIS 'KHYUD PA LTA BUR DMAR ZHING 'OD ZER 'PHRO BA, ZHI ZHING 'DZUM PA'I NYAMS DANG LDAN
PA'I ZHAL GCIG PHYAG GNYIS TING NGE 'DZIN GYI PHYAG RGYA'I STENG NA TSE'I BDUD KYIS GANG BA'I BUM BZANG DGOS 'DOD 'BYUNG BA'I DPAG BSAM SHING GI KHA RGYAN CAN BSNAMS PA, DBU SKRA RAL PA'I THOR TZUGS CAN, RIN PO CHE'I DBU RGYAN, SNYAN RGYAN, MGUL RGYAN, PHYAG GDUB, ZHABS GDUB, MU TIG GI SE MO DO, DO SHAL LA SOGS PA RIN PO CHE'I RGYAN THAMS CAD KYIS BRGYAN PA, MTSAN DPES SPRAS PA'I LONGS SPYOD RDZOGS PA'I SKU, LHA RDZAS LAS GRUB PA'I DAR GYI NA BZAS MDZES PAR KLUBS SHING, ZHABS GNYIS RDO RJE'I SKYIL KRUNG GIS BZHUGS PA'I SPYI BOR AOm DKAR PO, MGRIN PAR A'A: DMAR PO, THUGS KAR ZLA GDAN LA HR'I: DMAR PO H'Um SNGON POS MTSAN PA, AOm PADMA AUDBHA WA YE SV'AH'A, ZHES PADMA'I DAM RGYA BCAS LA GNAS DRUG TU REG STE BYIN GYIS BRLABS, THUGS KA'I HR'I: LAS 'OD ZER 'PHROS, BDE BA CAN SOGS RANG BZHIN GYI GNAS RNAMS NAS, BLA MA DANG SANGS RGYAS BYANG SEMS THAMS CAD BCOM LDAN 'DAS TSE DPAG MED KYI RNAM PAR SPYAN DRANGS, MA LUS SEMS CAN KUN GYI MGON GYUR CING, ,BDUD SDE DPUNG BCAS MI BZAD 'JOMS MDZAD LHA, ,DNGOS RNAMS MA LUS JI BZHIN MKHYEN GYUR PA'I, ,BCOM LDAN 'KHOR BCAS GNAS 'DIR GSHEGS SU GSOL, ,MDUN GYI NAM MKHAR BZHUGS PA LA MCHOD PA PHUL, DZA: H'Um BAm HO: GNYIS SU MED PAR GYUR, SLAR YANG THUGS KA'I HR'I: LAS
, ,'OD ZER 'PHROS, DBANG GI LHA RIGS LNGA 'KHOR BCAS SPYAN DRANGS, SNGAR LTAR MCHOD, DE BZHIN GSHEGS PA THAMS CAD KYIS MNGON PAR DBANG BSKUR DU GSOL, ZHES GSOL BA BTAB PAS, JI LTAR BLTAMS PA TZAM GYIS NI, ,LHA RNAMS KYIS NI KHRUS GSOL LTAR, ,LHA YI CHU NI DAG PA YIS, ,DE BZHIN BDAG GIS KHRUS BGYI'O, ,AOm SARBA TA TH'A GA TA AA BHI shE KA TA SA MA YA SHR'I YE H'Um, ZHES DBANG BSKUR, LUS THAMS CAD GANG, DRI MA THAMS CAD DAG ,CHU LHAG PA SPYI GTZUG TU GNAS PA YONGS SU GYUR PA LAS 'OD DPAG MED SPRUL SKU'I RNAM PA CAN GYIS DBU BRGYAN PAR GYUR, MCHOD PA RNAMS AA MRi TAS BSANGS, SVA BH'A WAS SBYANGS, STONG PA NYID DU GYUR, STONG PA'I NGANG LAS AOm LAS RIN PO CHE'I SNOD YANGS SHING RGYA CHE BA RNAMS KYI NANG DU, AOm 'OD DU ZHU BA LAS BYUNG BA'I MCHOD YON, ZHABS BSIL, ME TOG ,BDUG SPOS, SNANG GSAL, DRI CHAB, ZHAL ZAS, ROL MO RNAMS DVANGS SHING THOGS PA MED PA NAM MKHA' DANG MNYAM PAR GYUR, AOm AARGHAm A'A: H'Um, AOm P'A DYAm A'A: H'Um, AOm BADZRA PUshPE A'A: H'Um, NAS AOm BADZRA SHAPTA A'A: H'Um, ZHES BYIN GYIS BRLABS LA SNGAR BZHIN 'BUL, 'JIG RTEN 'DREN PA'I GTZO BO TSE DPAG MED, CES SOGS BSTOD PA RGYAS BSDUS CI RIGS BYA, DE NAS, ZAB GSAL GNYIS SU MED PA'I LHA'I SKU LA DMIGS TE RTZE GCIG TU BSGOM, BSGOMS PAS SKYON THUGS KA'I ZLA BA LA
HR'I: YIG GI MTHAR SNGAGS KYIS BSKOR BA LAS 'OD ZER 'PHROS, MA DAG PA'I SNOD BCUD SPYOD PA SOGS 'GRO BA'I DON BYAS, SANGS RGYAS SRAS BCAS KYI SKU GSUNG THUGS KYI BYIN RLABS, MDOR NA, SRID ZHI'I YON TAN THAMS CAD BSDUS NAS SNGAGS PHRENG LA THIM PAR BSAMS LA, AOm NA MO BHR'Um A'A YUR DZNY'A NA HR'I: A'A RO LI KA H'Um HR'I: SNYING PO'O, ,TA DYATH'A, AA PA RI MI TA A'A YUR DZNY'A NA HR'I: H'Um BHR'Um SV'AH'A, NYE SNYING NGO, ,AOm NA MO BHA GA WA TE AA PA RI MI TA A'A YUR DZNY'A NA SU PI NI SHTZA TI TE DZO R'A DZ'A YA, TA TH'A GA T'A YA, AARHA TE SAMYAKSAm BUDDHA YA, TADYA TH'A, AOm PU n+YE MAH'A PU n+YE MAH'A PU n+YE AA PA RI MI TA PU n+YE, AA PA RI MI TA PU n+YA DZNY'A NA SAm BH'A RO PA TZI TE, AOm SARBA SAm SK'A RA PA RI SHUDDHA DHA RMA TE GA GA NA SA MUD GA TE SVA BH'A WA BI SHUDDHE MAH'A NA YA PA RI B'A RE ('DI LTA STE,) SV'AH'A, (RTZA SNGAGS TE, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS TSE DANG YE SHES DPAG TU MED PA SHIN TU RNAM PAR NGES PA GZI BRJID KYI RGYAL PO LA PHYAG 'TSAL LO, ,BSOD NAMS MA BSOD NAMS MA, BSOD NAMS CHEN MO BSOD NAMS DPAG MED MA, BSOD NAMS DANG YE SHES KYI TSOGS DPAG TU MED PA NYE BAR BSAGS MA, 'DU BYED THAMS CAD YONGS SU DAG PA'I CHOS NYID MA, NAM MKHAR 'GAGS MA, RANG BZHIN RNAM DAG MA, TSUL CHEN POS YONGS SU BSKOR MA, GZHI TSUGS,) RGYA GZHUNG LAS, SNGAGS GSUM CI RIGS BZLAS PA YIS, ZHES GSUNGS PA LTAR, DE GSUM CI RIGS BZLAS KYANG RUNG LA, SHES SHING SPRO NA, 'CHI MED RDA SGRA'I GZUNGS
, ,BZLAS NA SHIN TU LEGS SO, ,GRANGS NI GZUNGS RING KHRI, GZHAN GNYIS 'BRU 'BUM MO, ,THUN MTHAR BYIN RLABS ZHU BA NI, RANG GI SNYING GAR RIGS LNGA TSE DPAG MED, SPYI BOR YE SHES TSE DPAG MED, DE'I THUGS KA'I 'OD ZER GYIS TSE DPAG MED KYI LHA TSOGS DANG, SANGS RGYAS BYANG SEMS MKHA' 'GRO CHOS BSRUNG THAMS CAD DANG, LHA MI'I RIG 'DZIN THAMS CAD KYI TSE DANG YE SHES BYIN RLABS TSE'I BDUD RTZI 'OD ZER DANG BCAS PA'I RNAM PAR SPYAN DRANGS, SPYI BO'I YE SHES TSE DPAG MED LA THIM PAS, TSE'I BDUD RTZIR ZHU BA SPYI BO NAS SNYING GA'I RIGS LNGA TSE DPAG MED LA THIM PAS, DE LNGA YANG 'CHI MED TSE'I BDUD RTZIR ZHU NAS RANG GI SPYI BO NAS RKANG MTHIL GYI BAR TSE'I BDUD RTZIS MER GYIS GANG, LUS KYI ZUNGS DANG SEMS KYI RTEN DU GYUR, 'CHI MED TSE'I DNGOS GRUB THOB, SGO GSUM TSE DPAG MED KYI SKU GSUNG THUGS SU GYUR PAR BSAMS LA, NGA RGYAL DANG GSAL SNANG LA 'JOG ,THUN MTSAMS SU GTOR MA 'BUL BAR 'DOD NA, DKAR GTOR AA MRi TAS BSANGS, SVA BH'A WAS SBYANGS, AOm LAS BYUNG BA'I RIN PO CHE'I SNOD YANGS SHING RGYA CHE BA RNAMS KYI NANG DU, AOm 'OD DU ZHU BA LAS BYUNG BA'I GTOR MA PHUL DU BYUNG BA'I LHA RDZAS SU GYUR, YE SHES PA GSHEGS PA MDUN DU BZHUGS PA LA, MTSAN SNGAGS LA BA LIm TA BTAGS PAS 'BUL, MCHOD BSTOD BSDUS PA BYAS, 'DOD DON LA GSOL
BA GDAB, YE SHES PA GSHEGS, BSNGO SMON SOGS BYA'O,, ,,GNYIS PA NI, RDUL TSON GYI DKYIL 'KHOR GYI DBANG DU BYAS NA, SA CHOG LHAG GNAS, THIG DANG TSON GYIS 'BRI TSUL SOGS DGOS KYANG, RAS BRIS KYI DBANG DU BYAS NA, BUM PA LHAG GNAS MA GTOGS GZHAN RNAMS JI BZHIN MI DGOS PAS, DES NA RGYAS PAR NA BUM PA DGU ,LAS BUM DANG BCAS PA, BSDU NA, RNAM RGYAL DANG LAS BUM GNYIS BUM RDZAS DRI BZANG GI CHUS GANG BA, NA BZA', DUNG CHOS, RDO RJE GZUNGS THAG ,MCHOD PA'I TSOGS DANG BCAS PA PHYAG LEN LTAR BSHAMS LA BYIN GYIS BRLABS, BUM PA BSANGS, SBYANGS, STONG PA'I NGANG LAS BAm BAm LAS BYUNG BA'I RIN PO CHE'I BUM PA DKAR PO LTO BA CHE BA, MGRIN PA RING BA, MCHU 'PHYANG BA LA SOGS PA'I MTSAN NYID THAMS CAD YONGS SU RDZOGS PAR GYUR, AOm T'A PTE T'A PTE MA H'A T'A PTE SV'AH'A, LHA'I CHU BO GANGG'A DANG BUM PA'I CHU DBYER MI PHYED PAR GYUR, BUM PA DGU YOD TSE LHA DGU SO SOR BSKYED DO, ,RNAM RGYAL BUM PA'I NANG DU PAm LAS PADMA DMAR PO 'DAB MA BRGYAD PA'I LTE BA DANG, 'DAB MA RNAMS KYI STENG DU, AA LAS ZLA BA'I DKYIL 'KHOR GYI GDAN RE RE, GDAN DE RNAMS KYI STENG DU, HR'I: DMAR PO RING CHA TSEG DRAG DANG BCAS PA RE RE, DE RNAMS LAS 'OD ZER 'PHROS, 'PHAGS PA MCHOD, SEMS CAN THAMS CAD KYI SDIG SGRIB SBYANGS, TSE DPAG MED KYI GO 'PHANG LA BKOD, TSUR 'DUS HR'I: LA THIM PA YONGS SU GYUR PA,
, ,LAS, BCOM LDAN 'DAS MGON PO TSE DANG YE SHES DPAG TU MED PA LHA DGU'I DKYIL 'KHOR YONGS SU RDZOGS PAR GYUR PA NI, DBUS SU RNAM SNANG TSE DPAG MED, SHAR DU RDO RJE TSE DPAG MED, LHOR RIN CHEN TSE DPAG MED, NUB TU PADMA TSE DPAG MED, BYANG DU LAS KYI TSE DPAG MED, BYANG SHAR DU KUN GZIGS TSE DPAG MED, SHAR LHOR YON TAN TSE DPAG MED, LHO NUB TU YE SHES TSE DPAG MED, NUB BYANG DU MI GA-YO TSE DPAG MED, THAMS CAD KYANG SKU MDOG BYU RU'I LHUN PO LA NYI MA BYE BA'I MDANGS KYIS 'KHYUD PA LTA BUR DMAR ZHING 'OD ZER 'PHRO BA, ZHI ZHING 'DZUM PA'I NYAMS DANG LDAN PA'I ZHAL GCIG PHYAG GNYIS TING NGE 'DZIN GYI PHYAG RGYA'I STENG NA TSE'I BDUD RTZIS GANG BA'I BUM BZANG DGOS 'DOD 'BYUNG BA'I DPAG BSAM SHING GI KHA RGYAN CAN BSNAMS PA, DBU SKRA RAL PA'I THOR TZUGS CAN, RIN PO CHE'I DBU RGYAN, SNYAN RGYAN, MGUL RGYAN, PHYAG GDUB, ZHABS GDUB, MU TIG GI SE MO DO, DO SHAL LA SOGS PA RIN PO CHE'I RGYAN THAMS CAD KYIS BRGYAN PA, MTSAN DPES SPRAS PA'I LONGS SPYOD RDZOGS PA'I SKU, LHA RDZAS LAS GRUB PA'I DAR GYI NA BZAS MDZES PAR KLUBS SHING, ZHABS GNYIS RDO RJE'I SKYIL KRUNG GIS BZHUGS PA, LAS BUM GYI NANG DU PAm LAS PADMA DANG AA LAS ZLA BA'I DKYIL 'KHOR GYI STENG DU H'Um LAS SNA TSOGS RDO RJE H'Um GIS MTSAN PA YONGS SU GYUR PA LAS, BDUD RTZI 'KHYIL BA SKU MDOG
LJANG SNGON KHRO 'DZUM SGEG PA'I NYAMS CAN, ZHAL GCIG PHYAG GNYIS KYI GA-YAS SNA TSOGS RDO RJE THUGS KAR GTOD PA'I TSUL GYIS 'DZIN CING, GA-YON SNA TSOGS RDO RJES YU BA BYAS PA'I DRIL BU DKUR BRTEN PA, SPRUL DANG RIN PO CHE'I RGYAN GYIS BRGYAN CING, DAR GYI STOD GA-YOGS DANG STAG GI PAGS PA'I SHAM THABS CAN, KHRO BO'I NYAMS THAMS CAD DANG LDAN ZHING, GA-YON BRKYANGS KYI STABS KYIS BZHUGS PA, THAMS CAD KYI SPYI BOR AOm DKAR PO, MGRIN PAR A'A: DMAR PO, THUGS KAR ZLA GDAN LA HR'I: DMAR PO H'Um SNGON POS MTSAN PA, DE LAS 'OD ZER 'PHROS, BDE BA CAN SOGS RANG BZHIN GYI GNAS RNAMS NAS, BLA MA DANG SANGS RGYAS BYANG SEMS THAMS CAD BCOM LDAN 'DAS TSE DPAG MED KYI RNAM PAR SPYAN DRANGS, MA LUS SEMS CAN KUN GYI MGON GYUR CING, ,BDUD SDE DPUNG BCAS MI BZAD 'JOMS MDZAD LHA, ,DNGOS RNAMS MA LUS JI BZHIN MKHYEN GYUR PA'I; ;BCOM LDAN 'KHOR BCAS GNAS 'DIR GSHEGS SU GSOL, ,BCOM LDAN BSKAL PA GRANGS MED DU MA RU, ,'GRO LA BRTZE PHYIR THUGS RJE RNAM SBYANGS SHING, ,SMON LAM RGYA CHEN DGONGS PA YONGS RDZOGS PA, ,KHYED BZHED 'GRO DON MDZAD DUS 'DI LAGS NA, ,DE PHYIR CHOS DBYINGS PHO BRANG LHUN GRUB NAS, ,RDZU 'PHRUL BYIN RLABS SNA TSOGS STON MDZAD CING, ,MTHA' YAS SEMS CAN TSOGS RNAMS BSGRAL BYA'I PHYIR, ,YONGS DAG 'KHOR
, ,DANG BCAS TE GSHEGS SU GSOL, ,CHOS RNAMS KUN GYI DBANG PHYUG GTZO, ,BTZO MA GSER GYI MDOG 'DRA ZHING, ,NYI MA LAS LHAG GZI BRJID CHE, ,DAD PAS SPYAN NI DRANG BAR BGYI, ,ZHI ZHING THUGS RJE CHE LDAN PA, ,DUL ZHING BSAM GTAN SA LA BZHUGS, ,CHOS DANG YE SHES CHAGS BRAL BA, ,KUN TU MI ZAD NUS PAR LDAN, ,TSUR SPYON TSUR SPYON ZHI BDAG LHA, ,THUB PA'I SKYES MCHOG THAMS CAD MKHYEN, ,SHIN TU LEGS BYAS GZUGS BRNYAN NI, ,MCHOD PAS 'DIR NI GSHEGS SU GSOL, ,'DIR NI GZUGS DANG LHAN CIG TU, ,'GRO BA'I DON DU BZHUGS NAS KYANG, ,NAD MED TSE DANG DBANG PHYUG DANG, ,MCHOG RNAMS LEGS PAR STZAL DU GSOL, DZA: H'Um BAm HO: MAH'A K'A RU nI KA A'ATMA KA AE HYE HI, BCOM LDAN 'DIR NI BYON PA LEGS, ,BDAG CAG BSOD NAMS SKAL BAR LDAN, ,BDAG LA MCHOD YON BZHES NAS KYANG, ,THUGS LA DGONGS BZHIN GNANG BAR MDZOD, ,BDE BAR GSHEGS SO BCOM LDAN 'DAS, ,TSUR GSHEGS 'DIR NI BZHUGS SU GSOL, ,BDAG LA MCHOD YON BZHES NAS KYANG, ,'DI NYID DU NI BZHUGS SU GSOL, ,AOm SARBA TA TH'A GA TA GA GA NA SA MA YE SV'AH'A, JI LTAR BLTAMS PA TZAM GYIS NI, ,LHA RNAMS KYIS NI KHRUS GSOL LTAR, ,LHA YI CHU NI DAG PA YIS, ,DE BZHIN BDAG GIS KHRUS BGYI'O, ,AOm SARBA TA TH'A GA TA AA BHI shE KA TA SA MA YA SHR'I YE H'Um, BDAG DANG 'GRO LA THUGS
BRTZE'I PHYIR, ,NYID KYI RDZU 'PHRUL MTHU YIS NI, ,JI SRID MCHOD PA BDAG 'BUL NA, ,DE SRID BCOM LDAN BZHUGS SU GSOL, ,AOm KA MA LA YE STVAm, SLAR YANG THUGS KA'I HR'I: LAS 'OD ZER 'PHROS, RIGS LNGA 'KHOR BCAS SPYAN DRANGS, AOm SARBA TA TH'A GA TA AA PA RA MI TA A'A YU RA DZNY'AN SA PA RI W'A RA AARGHAm PRA C'ITZTSA H'Um SV'AH'A, NAS SHAPTA'I BAR GYIS MCHOD, DE BZHIN GSHEGS PA THAMS CAD KYIS MNGON PAR DBANG BSKUR DU GSOL, ZHES GSOL BA BTAB PAS, JI LTAR BLTAMS PA TZAM GYIS NI, ,LHA RNAMS KYIS NI KHRUS GSOL LTAR, ,LHA YI CHU NI DAG PA YIS, ,DE BZHIN BDAG GIS KHRUS BGYI'O, ,AOm SARBA TA TH'A GA TA AA BHI shE KA TA SA MA YA SHR'I YE H'Um, ZHES DBANG BSKUR, LUS THAMS CAD GANG, DRI MA THAMS CAD DAG ,CHU LHAG PA SPYI GTZUG TU GNAS PA YONGS SU 'GYUR PA LAS, 'OD DPAG MED SPRUL SKU'I RNAM PA CAN RNAMS KYIS DBU BRGYAN CING, BDUD RTZI 'KHYIL BA LA DON GRUB KYIS DBU BRGYAN PAR GYUR, DE NAS, RTEN CING 'BREL PAR 'BYUNG BA YI, ,LHA RDZAS BZANG PO'I MCHOD YON 'DI, ,RGYAL BA SRAS DANG BCAS LA 'BUL, ,BZHES NAS TSE YI DNGOS GRUB STZOL, ,AOm SARBA TA TH'A GA TA AARGHAm PRA T'I TZTSA H'Um SV'AH'A, ZHES SOGS KYIS NYER SPYOD ROL MO 'DOD YON LNGA RNAMS 'BUL, BSTOD PA 'OG NAS 'BYUNG BA'I RGYAS PA'AM, 'JIG RTEN 'DREN PA'I ZHES SOGS BSDUS PA CI RIGS DANG, H'Um 'JIGS PA'I H'Um SGRA NGES SGROG CING, ,BGEGS RNAMS MA LUS 'JOMS MDZAD PA, ,DNGOS GRUB
, ,THAMS CAD STZOL BA'I LHA, ,BGEGS KYI DGRA LA PHYAG 'TSAL BSTOD, CES BSTOD, AOm BADZRA AU DA KA H'Um, AOm A'A: H'Um, BDUN BZLAS, DUNG CHOS KYI CHU YE SHES KYI BDUD RTZIR BYAS PA'I RDO RJE'I RDUL PHRA RAB KYI RANG BZHIN DU GYUR, RANG GI THUGS KA'I HR'I: LAS 'OD ZER 'PHROS, GZUNGS THAG LA 'KHRIL, BUM PA'I LHA'I THUGS RGYUD BSKUL, BDUD RTZI'I RGYUN PHABS, BUM PA GANG BAR BSAM ZHING, ZHAL SHES KYI DMIGS PA DANG LDAN PAS, SNYING PO DANG, AOm BEE RO TZA NA A'A YUR DZNY'A NA SIDDHI SA MA YE H'Um, BRGYA RTZA DANG, DE BZHIN DU THOG MTHA' 'DRA BA LA, BEE RO TZA NA'I GNAS SU, BADZRA, RATNA, PADMA, KARMA, SARBA AA BA LO KI TE, GU nA, DZNY'A NA, AA TZA LA RNAMS BCUG LA NYER GCIG RE DANG, AOm BADZRA AA MRi TA YANG BRGYA RTZA DANG, THUN MONG DU, AOm A'A: H'Um, CI MANG BZLAS LA, YIG BRGYAS LHAG CHAD BSKANG, GTZO BO'I SDIGS DANG H'Um BDUN BZLAS PAS DUNG CHOS KYI MCHOD YON DANG, 'KHYIL BA'I SNGAGS KYIS ME TOG PHUL, ME TOG NAS ROL MO'I BAR GYIS MCHOD, LAS BUM GYI KHA RGYAN GYIS BSANGS LA, JI SRID DKYIL 'KHOR CHEN PO'I BYA BA MA RDZOGS KYI BAR DU BGEGS RNAM PAR BZLOG PA'I 'PHRIN LAS MDZOD CIG ,CES 'PHRIN LAS BCOL, BUM PA'I LHA'I YE SHES PA SKABS 'DIR GSHEGS PA'AM, MDUN BSKYED KYI YE SHES PA DANG MNYAM DU GSHEGS GSOL BYAS KYANG RUNG NGO,, ,,DE NI RAS BRIS LA BRTEN NA, RAB
GNAS CAN GYI DKYIL THANG BKRAM, LHA GRANGS DANG MNYAM PA'I MCHOD PA BSHAMS, TSE DPAG MED LA 'BUL BA'I DKAR GTOR, SGRER GYI CHOS SKYONG GI GTOR MA, KLU LA DKAR GTOR, GZHI BDAG GTOR MA, RGYAL CHEN BZHI LA SHAR DU'O MA DANG 'BRAS CHAN, LHOR NYA SHA DANG LA PHUG ,NUB TU SHA DANG KHRAG ,BYANG DU SHING TOG DANG CHANG GI GTOR MA BSHAMS, DKYIL 'KHOR GYI LHOR MTSAN BRGYA RTZA SGROG ,DE DANG NYE BA'I NUB TU, DAR DMAR PO LA SNYING PO'AM HR'I: BRIS PA'I MDA' DAR, BYANG DU 'CHI MED RDA SGRA'I MDO DANG GZUNGS SGROG PA'AM, DPE KHRI'I STENG DU BZHUGS SU GSOL, DE NAS MDUN BSKYED DNGOS LA 'JUG PA NI, MDUN GYI DKYIL 'KHOR Ai MRAm TAS BSANGS, SVA BH'A WA DANG SH'U N+YA T'AS SBYANGS, STONG PA'I NGANG LAS RAm LAS NYI MA'I DKYIL 'KHOR GYI STENG DU H'Um LAS SNA TSOGS RDO RJE'I LTE BA LA H'Um GIS MTSAN PA, DE LAS 'OD ZER 'OG TU 'PHROS PAS RDO RJE'I SA GZHI, LOGS SU 'PHROS PAS RDO RJE'I RA BA, STENG DU 'PHROS PAS RDO RJE'I GUR, GUR GYI 'OG RA BA'I STENG DU RDO RJE'I BLA BRE STE, THAMS CAD KYANG RDO RJE 'BAR BA'I RANG BZHIN, BAR MTSAMS MED PAR DUM BU GCIG TU GYUR PA'I PHYI ROL TU BSKAL PA 'JIG PA'I DUS KYI ME LTA BU'I KHA DOG SNA LNGA PA'I ME DPUNG PHYOGS BCUR 'PHRO BAR GYUR, RA BA'I NANG DU RIN PO CHE DU MA LAS BYAS PA'I SA GZHI GSER GYI BYE MA BDAL BAR GYUR, AOm TZA LA B'I SV'AH'A, DE'I STENG DU 'O MA'I RGYA MTSO CHEN PO NYA LCIBS LA SOGS PA'I SKYON DANG BRAL BA, PADMA DANG AUTPA
, ,LA LA SOGS PA'I ME TOG GIS BRGYAN PA, RIN PO CHE'I BYA'I TSOGS DU MA LDING BA, AOm BI MA LA DHA HA H'Um, DE'I DBUS SU RI RAB GRU BZHI PA, NGOS BZHI NAS GSER DANG, DNGUL DANG, AINDRA N'I LA DANG, SBUR LONG LAS BYAS PA'I THEM SKAS KYI PHRENG BAS BRGYAN PA, MTHA' THOG THAG DPAG BSAM GYI SHING LEGS PAR 'KHRUNGS PA LA RNAM PAR RGYAL BA'I BA DAN STONG 'PHUR BAS BRGYAN PA, DE'I STENG DU PADMA'I SDONG BU RIN PO CHE DU MAS BRGYAN PA'I RIN PO CHE SNA TSOGS KYI 'DAB MA CAN, GSER GYI ZE BA DANG, SPUR LONG GI ZE'U 'BRU DANG LDAN PA, SNYING PO'I THOG LA DNGUL GYI RI MOS BSKOR BA DPAG TSAD DU MA'I KHYON CAN, RI RAB KYI DBUS BRTOL NAS BYUNG ZHING, DE LAS KYANG PADMA'I DRA BA GZHAN BRGYA STONG KHRI BYE BA SNYED BYUNG BAR GYUR, NA MA: SARBA TA TH'A GA TA N'Am, SARBA TH'A KHAm AUTGA TE SPHA RA nA AI MAm GA GA NA KHAm SV'AH'A, STENG DU BLA RE YANG SKAD CIG GIS BYUNG BAR GYUR, DBUS KYI PADMA'I LTE BA LA GNAS PA'I H'Um LAS SNA TSOGS RDO RJE'I LTE BAR BHR'Um DKAR PO YONGS SU GYUR PA LAS, GZHAL YAS KHANG GRU BZHI SGO BZHI PA PHYI NAS RIM PA BZHIN DU SNGO SER DMAR LJANG DKAR BA'I RIM PA LNGA DANG LDAN PA'I RTZIG PAS BSKOR BA'I STENG NA, RIN PO CHE'I PHA GU GZHI DMAR PO LA RIN PO CHE ZUR GSUM PA DANG, GRU BZHI PA LA SOGS PAS BRGYAN PA, DE'I STENG NA GSER GYI SKA RAGS BZHI'I PHYI NGOS SU CHU SRIN GYI KHA NAS MU TIG GI DO SHAL DANG, DO SHAL PHYED BA 'PHYANG BA, DE'I PHYI NGOS SU BYA 'DAB LAS
'PHYANG BA'I RIN PO CHE'I SHAR BU, DE'I STENG NA PADMA 'DAB MA PHYED PA'I DBYIBS CAN GYI MDA' YAB LA GNAS PA'I GSER GYI BUM PA NAS 'THON PA'I RGYAL MTSAN DANG, BA DAN BRGYAD BRGYAD KYIS MDZES PAR BYAS PA, PHYI'I STENG GI ZUR BZHI LA GDUGS BZHIS BRGYAN PA, RTZIG PA'I MTHA' NAS 'DOD YON GYI SNAM BU DMAR POS BSKOR BAL BZHUGS STABS DANG KHA DOG SNA TSOGS PA'I LHA MO RNAMS KYIS MCHOD PA BYED BZHIN PA, SGO DANG SGO KHYUD KYI PHYI'I MTSAMS DANG, RTZIG PA'I PHYI NANG GI GRA BZHIR ZLA BA PHYED PA LA GNAS PA'I RIN PO CHE DMAR PO'I STENG DU RDO RJES BRGYAN PA, SGO BZHI SO SO'I MDUN DU STEGS BU GRU BZHI PA'I STENG DU BUM PA LA GNAS PA'I KA BA BZHI BZHIS BTEG PA'I RTA BABS SNAM BU BCU GCIG DANG LDAN PA'I RTZE MOR CHOS KYI 'KHOR LO'I GA-YAS GA-YON DU RI DAGS PHO MO DANG BCAS PA, RTA BABS KYI GA-YOS GA-YON DU BUM PA BZANG PO LAS SKYES PA'I DPAG BSAM GYI SHING LA RGYAL SRID RIN PO CHE SNA BDUN DANG, BAR BAR DU GRUB PA THOB PA DANG, SPRIN GYI GSE BA NAS BYUNG BA'I LHA ME TOG GI PHRENG BA BZUNG BA RNAMS KYIS MDZES PAR BYAS PA, GZHAL YAS KHANG GI NANG DU KO BA BRGYAD KYIS BTEG PA'I RDO RJE'I GDUNG BZHIS MDZES PAR PHUB PA'I RTZE MOR RDO RJE NOR BU RIN PO CHE'I TOG GIS SPRAS PA'I NANG GI SHAR SNGO, LHO SER, NUB DMAR, BYANG LJANG, DBUS DKAR BA'I NANG DU, PAm LAS PADMA DMAR PO 'DAB MA BRGYAD PA'I LTE BA DANG, 'DAB MA RNAMS KYI STENG DU, AA LAS ZLA
, ,BA'I DKYIL 'KHOR RE RE, GDAN DE RNAMS KYI STENG DU HR'I: DMAR PO RING CHA TSEG DRAG DANG BCAS PA RE RE, DE RNAMS LAS 'OD ZER 'PHROS, 'PHAGS PA MCHOD, SEMS CAN THAMS CAD KYI SDIG SGRIB SBYANGS, TSE DPAG MED KYI GO 'PHANG LA BKOD, TSUR 'DUS, HR'I: LA THIM PA YONGS SU GYUR PA LAS, BCOM LDAN 'DAS MGON PO TSE DANG YE SHES DPAG TU MED PA LHA DGU'I DKYIL 'KHOR YONGS SU RDZOGS PAR GYUR PA NI, DBUS SU RNAM SNANG TSE DPAG MED, SHAR DU RDO RJE TSE DPAG MED, LHOR RIN CHEN TSE DPAG MED, NUB TU PADMA TSE DPAG MED, BYANG DU LAS KYI TSE DPAG MED, BYANG SHAR DU KUN GZIGS TSE DPAG MED, SHAR LHOR YON TAN TSE DPAG MED, LHO NUB TU YE SHES TSE DPAG MED, NUB BYANG DU MI GA-YO TSE DPAG MED, THAMS CAD KYANG SKU MDOG BYU RU'I LHUN PO LA NYI MA BYE BA'I MDANGS KYIS 'KHYUD PA LTA BUR DMAR ZHING 'OD ZER 'PHRO BA, ZHI ZHING 'DZUM PA'I NYAMS DANG LDAN PA'I ZHAL GCIG PHYAG GNYIS TING NGE 'DZIN GYI PHYAG RGYA'I STENG NA TSE'I BDUD RTZIS GANG BA'I BUM BZANG DGOS 'DOD 'BYUNG BA'I DPAG BSAM SHING GI KHA RGYAN CAN BSNAMS PA, DBU SKRA RAL PA'I THOR TZUGS CAN, RIN PO CHE'I DBU RGYAN, SNYAN RGYAN, MGUL RGYAN, PHYAG GDUB, ZHABS GDUB, MU TIG GI SE MO DO, DO SHAL LA SOGS PA'I RIN PO CHE'I RGYAN THAMS CAD KYIS BRGYAN PA, MTSAN DPES SPRAS PA'I LONGS SPYOD RDZOGS PA'I SKU, LHA RDZAS LAS GRUB
PA'I DAR GYI NA BZAS MDZES PAR KLUBS SHING, ZHABS GNYIS RDO RJE'I SKYIL KRUNG GIS BZHUGS PAR GYUR, DE THAMS CAD KYI, SPYI BOR AOm DKAR PO, MGRIN PAR A'A: DMAR PO, THUGS KAR ZLA GDAN LA HR'I: DMAR PO'I SNGON POS MTSAN PA, DE LAS 'OD ZER 'PHROS, BDE BA CAN SOGS RANG BZHIN GYI GNAS RNAMS NAS, BLA MA DANG SANGS RGYAS BYANG SEMS THAMS CAD BCOM LDAN 'DAS TSE DPAG MED KYI RNAM PAR SPYAN DRANGS, MA LUS SEMS CAN KUN GYI MGON GYUR CING, ZHES PA NAS, AOm KA MA LA YE STVAm, ZHES PA'I BAR BUM BSKYED JI LTA BA BZHIN BYA'O, ,SLAR YANG THUGS KA'I HR'I: LAS 'OD ZER 'PHROS, DBANG GI LHA RIGS LNGA 'KHOR BCAS SPYAN DRANGS, SNGAR LTAR MCHOD, DE BZHIN GSHEGS PA THAMS CAD KYIS MNGON PAR DBANG BSKUR DU GSOL, ZHES GSOL BA BTAB PAS, JI LTAR BLTAMS PA, ZHES PA NAS AOm SARBA TA TH'A GA TA AA BHI shE KA TA SA MA YA SHR'I YE H'Um, ZHES DBANG BSKUR, LUS THAMS CAD GANG, BDE BA CHEN PO MYONG, DRI MA THAMS CAD DAG ,CHU LHAG PA SPYI GTZUG TU GNAS PA YONGS SU GYUR PA LAS 'OD DPAG MED SPRUL SKU'I RNAM PA CAN GYIS DBU BA RGYAN PAR GYUR, DE NAS MCHOD PA RNAMS, AA MRi TAS BSANG BA SOGS GONG BZHIN BYIN GYI BRLABS LA, MCHOD YON PHAL CHER MCHOD YON BLA RE DANG, ,MCHOD YON BKOD PA'I 'OD ZER RAB BKYE ZHING, ,MCHOD YON SNA TSOGS KUN TU BKRAM BYAS NAS, ,BDAG NYID CHEN PO RGYAL BA SRAS BCAS MCHOD, ,AOm SARBA TA TH'A GA TA
, ,AA PA RI MI TA A'A YUR DZNY'A NA SA PA RI W'A RA AARGHAm PRA T'I TZTSA H'Um SV'AH'A, ZHES CHU GNYIS SNGON DU 'GRO BA'I NYER SPYOD ROL MO'I BAR DANG, SNA TSOGS DBANG PO'I GZHU LTAR RAB BKRA ZHING, ,GANG LA REG NA BDE BA'I RGYUR 'GYUR BA; ;GOS BZANG RIN CHEN BDAG BLO SPYAD PHYIR 'BUL, ,BZOD PA DAM PA'I GOS KYIS BRGYAN PAR SHOG ,AOm BADZRA WA STRA A'A: H'Um SV'AH'A, RGYAL BA MTSAN DPE'I RANG BZHIN RGYAN LDAN PHYIR, ,RGYAN GZHAN DAG GIS BRGYAN PAR MI 'TSAL YANG; ;RIN CHEN RGYAN MCHOG PHUL BAS 'GRO KUN GYIS, ,MTSAN DPES BRGYAN PA'I SKU LUS THOB PAR SHOG ,AOm BADZRA A'A LAm KA RA WA PU shA nE SV'AH'A, RIN CHEN DBANG GI RGYAL PO BEE d'U RYA, ,SNGON PO LA SOGS KHA DOG DBYIBS KYI GZUGS, ,RNAM GSUM GZUGS KYI RDO RJE MAR BYAS NAS, ,DKYIL 'KHOR LHA YI SPYAN LA DBUL BAR BGYI, ,AOm SARBA TA TH'A GA TA AA PA RI MI TA A'A YUR DZNY'A NA SA PA RI W'A RA R'U PA PRA T'ITZTSA H'Um SV'AH'A, MA ZIN 'BYUNG BA'I TSOGS PA LAS BYUNG BA'I, ,BRJOD BRAL DBYANGS LA SOGS PA SGRA YI TSOGS, ,RNAM GSUM SGRA YI RDO RJE MAR BYAS NAS, ,DKYIL 'KHOR LHA YI SNYAN LA DBUL BAR BGYI, ,AOm SARBA TA TH'A GA TA SOGS KUN LA 'GRE R'U PA'I GNAS SU, SHAPTA, GANDHE, R'A SA; SP'ARSHA RNAMS SHLO KA SO SO'I RJES SU 'DON PA SPOS LA, GA BUR AA KAR DZA TI LA SOGS PA, ,LEGS PAR SBYAR LAS BYUNG BA DRI YI TSOGS, ,RNAM GSUM DRI YI RDO RJE MAR BYAS NAS, ,DKYIL 'KHOR LHA YI SHANGS LA DBUL
BAR BGYI, ,LUS MCHOG BRTAS BYED BDUD RTZI'I ZAS LA SOGS, ,MNGAR SKYUR KHA DANG BSKA LA SOGS PA'I RO, ,RNAM GSUM RO YI RDO RJE MAR BYAS NAS, ,DKYIL 'KHOR LHA YI LJAGS LA DBUL BAR BGYI, ,LUS LA REG PA TZAM GYIS BDE STER BA, ,DPAG BSAM GOS LA SOGS PA REG BYA'I TSOGS, ,RNAM GSUM REG BYA'I RDO RJE MAR BYAS NAS, ,DKYIL 'KHOR LHA YI SKU LA DBUL BAR BGYI, ,AOm SARBA TA TH'A GA TA, NAS PRA T'ITZTSA H'Um SV'AH'A, LHA RDZAS LAS BYAS LTE BA SHIN TU ZLUM, ,RTZIBS STONG LDAN ZHING MU KHYUD RAB MNYAM BZANG, ,SDANG BA'I DGRA LAS RNAM PAR RGYAL GYUR PA'I, ,'KHOR LO RIN CHEN NAM MKHA' BKANG STE 'BUL, AOm SARBA NAS, TZA KRA RATNA PRA T'I TZTSA H'Um SV'AH'A, ,RIN CHEN NGO BO LHA RDZAS BEEd'U RYA, ,KUN TU DPAG TSAD TZAM DU SNANG BYED CING, ,DRI MED NYIN MO JI BZHIN MTSAN DE BZHIN, ,NOR BU RIN CHEN NAM MKHA' BKANG STE 'BUL, ,AOm SARBA NAS, MA nI RATNA PRA T'I TZTSA H'Um SV'AH'A, GZUGS MDZES BLTA NA SDUG CING TSUL BZANG MA, ,PAGS PA'I MDOG LEGS 'JAM ZHING DRI MCHOG LDAN, ,YID 'ONG 'DOD DGU'I REG BYA DANG LDAN PA'I, ,BTZUN MO RIN CHEN NAM MKHA' BKANG STE 'BUL, ,AOm SARBA NAS, STR'I RATNA PRA T'I TZTSA H'Um SV'AH'A, ,GANG YANG RGYAL BA MU TIG MDANGS LDAN PA'I, ,GSER SOGS MANG PO THUB LA PHUL BA LTAR, ,BZOD LDAN MTSUNGS PA'I KHYIM BDAG NOR LDAN PA'I, ,BLON PO RIN CHEN NAM MKHA' BKANG STE 'BUL, ,AOm SARBA NAS, PU RU shA RATNA PRA T'I TZTSA H'Um SV'AH'A, YAN
, ,LAG THAMS CAD LEGS SKYES SA LA NI, ,RAB GNAS GANGS CHEN RI 'DRA GLANG PO CHE, ,RGYAL PO LA 'OS MKHA' LA RAB 'GRO BA'I, ,GLANG PO RIN CHEN NAM MKHA' BKANG STE 'BUL, ,AOm SARBA NAS, HA STE RATNA PRA T'I TZTSA H'Um SV'AH'A, THO RANGS DUS SU PHYOGS RNAMS MA LUS PA'I, ,SA RNAMS BSKOR TE SLAR YANG LDOG 'GYUR BA, ,RMA BYA'I MGRIN PA'I SPU LTAR YID 'ONG BA'I, ,RTA MCHOG RIN CHEN NAM MKHA' BKANG STE 'BUL, ,AOm SARBA NAS; AA SHVA RATNA PRA T'I TZTSA H'Um SV'AH'A, 'GRO DANG LDOG DANG KUN NAS 'ONG 'GYUR BA'I, ,BDUD DPUNG MA LUS 'JOMS PAR BYED PA STE, ,DPAL LDAN 'BYOR PA'I DPUNG DANG BCAS PA YI, ,DMAG DPON RIN CHEN NAM MKHA' BKANG STE 'BUL, ,AOm SARBA NAS, KHAdGA RATNA PRA T'I TZTSA H'Um SV'AH'A, RIN CHEN MDZES PA'I BKRA SHIS BUM PA 'DI, ,SNA TSOGS BCUD KYIS BKANG STE PHUL BA YIS, ,LAS DANG NYON MONGS SGRIB PA KUN DAG STE, ,BYANG CHUB SEMS KYI RLAN GYIS BRLAN PAR SHOG ,AOm SARBA NAS, BADZRA KA LA SHA PRA T'I TZTSA H'Um SV'AH'A, LHA YI DBANG PO LHA MIN GA-YUL RGYAL CHE, ,BKRA SHIS LHA MO BRGYAD KYIS MCHOD PA LTAR, ,RGYAL BA RNAMS DANG DKYIL 'KHOR LHA TSOGS LA, ,BKRA SHIS BRTAGS BRGYAD DAG GIS MCHOD PAR BGYI, ,AOm SARBA NAS, AAshtA MANGGA LA PRA T'I TZTSA H'Um SV'AH'A, DE NAS, CHOS KYI 'KHOR LO RGYA CHEN BSKOR, ,SEMS CAN SDUG BSNGAL MA
LUS PA, ,SKAD CIG NYID LA SEL MDZAD PA, ,SANGS RGYAS TSE DPAG MED PHYAG 'TSAL, ,RDO RJE SEMS DPA' LAS BYUNG ZHING, ,NYES PA'I DRI MA KUN 'JOMS PA, ,RDO RJE'I LUS CAN RDO RJE CAN, ,RDO RJE TSE DPAG MED PHYAG 'TSAL, , BSAM PA'I DNGOS KUN SKAD CIG GIS, ,RANG 'DOD BZHIN DU TSIM MDZAD DPAL, ,MCHOG GI BDAG PO CHEN PO STE, ,RIN CHEN TSE DPAG MED PHYAG 'TSAL, ,JI LTAR NYON MONGS DRI MA YIS, ,KUN NAS GOS PAR MI 'GYUR ZHING, , THUGS RJES CHAGS TSUL STON PAR MDZAD, ,PADMA TSE DPAG MED PHYAG 'TSAL, ,'DOD PA'I LAS RNAMS MA LUS PA, ,SKAD CIG NYID LA RDZOGS MDZAD DPAL, ,BSAM KUN 'PHEL BYED DPAG BSAM SHING, ,LAS KYI TSE DPAG MED PHYAG 'TSAL, ,NYES PA KUN LAS RNAM GROL NAS, ,SNA TSOGS YON TAN RNAMS KYIS BRGYAN, ,'KHOR BA'I SKYABS MDZAD DPA' BO STE, ,KUN GZIGS TSE DPAG MED PHYAG 'TSAL, ,STOBS CHEN RNAMS KYIS RAB BRGYAN TE, , MA LUS MI MTHUN PHYOGS 'JOMS PA, ,STON PA SRED MED BU YI STOBS, ,YON TAN TSE DPAG MED PHYAG 'TSAL, ,ME LONG MNYAM NYID LA SOGS PA'I, ,YE SHES MANG PO'I MDZOD 'DZIN PA, ,RTOG PA MA LUS KHYOD KYIS SPANGS, , YE SHES TSE DPAG MED PHYAG 'TSAL, ,RNAM RTOG RLUNG GIS KHYOD MI GA-YO, ,MTHA' BRAL TING 'DZIN ZHE PA STE, ,BDUD DANG MU STEGS 'JOMS MDZAD PA, ,MI GA-YO TSE DPAG MED PHYAG 'TSAL, ,'KHOR BA'I SEMS CAN MA LUS
, ,PA, ,KHYOD KYI MTSAN TZAM 'DZIN PA LA, ,TSE DANG YE SHES SBYIN MDZAD PA'I, ,TSE DPAG MED LA PHYAG 'TSAL LO, ,'JIG RTEN 'DREN PA'I GTZO BO TSE DPAG MED, ,CES SOGS KYIS BSTOD NAS BZLAS PA BYA'O, DE NAS GTOR MA DANG PO BDAG BSKYED KYI SKABS LTAR MTSAN SNGAGS KYI MJUG TU AA K'A RO BTAGS NAS 'BUL ZHING, GNYIS PA SGOS KYI CHOS SKYONG DANG, GSUM PA PHYOGS BZHI'I GTOR MA BYIN GYIS BRLABS TE, RGYAL CHEN BZHI LA 'BUL BA NI, AOm AE HYE HI, TZA TUR MAH'A R'A DZ'A SA PA RI W'A RA SA MA YE, ZHES SPYAN DRANGS, KA MA LA YE STVAm, ZHES GDAN PHUL, AOm DHRi TA R'Asht'A YA, AOm BIR'U dHAK'A YA, AOm BI R'U D'A Ksh'A YA, AOm BEE SHRA MA n'A YA, SA PA RI W'A RA BHYA: NA MA: SARBA TA TH'A GA T'A BHYO BI SHVA MU KHE BHYA: SARBA TAD KHAm AUTGA TE SPHA RA nA AI MAm GA GA NA KHAm GRi HshE DAm BA LIm TA SV'AH'A, LAN GSUM GYIS 'BUL, AA RGHAm SOGS KYIS MCHOD, RGYAL PO CHEN PO DPAL LDAN PA, ,MA RGAD MDOG MTSUNGS PI WANG 'DZIN, ,DRI ZA'I TSOGS LA DBANG BSGYUR BA'I, ,YUL 'KHOR BSRUNG LA PHYAG 'TSAL LO, ,DPA' BO CHEN PO STOBS PO CHE, ,KHA DOG SNGON PO RAL GRI 'DZIN, ,GRUL BUM TSOGS LA DBANG BSGYUR BA'I, ,'PHAGS SKYES PO LA PHYAG 'TSAL LO, ,MNGA' BDAG CHEN PO MTHU BO CHE, ,KHA DOG DMAR SER SBRUL ZHAGS 'DZIN, ,KLU YI TSOGS LA MNGA' MDZAD PA'I, ,MIG MI BZANG LA PHYAG 'TSAL LO, ,DED DPON CHEN PO GSER MDOG CAN, ,BE CON DANG NI NE'U
LE 'DZIN, ,GNOD SBYIN TSOGS LA DBANG BSGYUR BA'I, ,RNAM THOS SRAS LA PHYAG 'TSAL LO, ,RGYAL CHEN BZHI PO 'KHOR BCAS KYIS, ,MCHOD SBYIN GTOR MA 'DI SNOMS LA, ,RNAL 'BYOR DPON SLOB 'KHOR BCAS LA, ,NAD MED TSE DANG DBANG PHYUG DANG, ,DPAL DANG GRAGS DANG SKAL BA BZANG, ,LONGS SPYOD RGYA CHEN KUN 'THOB CING, ,ZHI DANG RGYAS LA SOGS PA YI, ,LAS KYI DNGOS GRUB BDAG LA STZOL, ,DAM TSIG CAN GYIS BDAG LA SRUNGS, , DNGOS GRUB KUN GYI STONGS GROGS MDZOD, ,DUS MIN 'CHI DANG NAD RNAMS DANG, ,GDON DANG BGEGS RNAMS ZHI BA DANG, ,RMI LAM DAN DANG MTSAN MA NGAN, ,BYA BYED NGAN PA MED PAR MDZOD, ,'JIG RTEN BDE ZHING LO LEGS DANG, , 'BRU RNAMS 'PHEL ZHING PHYUGS 'PHEL DANG, ,BDE LEGS THAMS CAD 'BYUNG BA'I GNAS, ,YID LA 'DOD PA KUN 'GRUB SHOG ,CES 'PHRIN LAS BCOL, DE RJES KLU DANG BZHI BDAG GTOR MA SPYI LTAR BSNGOS LA, PHYI ROL DU CHA GSUM BTANG, NYE REG BYAS TE NANG DU 'ONGS, ,RDO RJE SHUGS KYI 'JUG PAS DKYIL 'KHOR DU ZHUGS, SKOR BA SGO DBYE SOGS SPYI LTAR BYAS TE,, ` ,,DBANG DNGOS BLANG BA NI, DGA' CHEN KHYOD BDAG STON PA STE, ,SLOB DPON KHYOD NI DGONGS SU GSOL, ,BYANG CHUB CHEN PO'I TSUL BRTAN PA, ,MGON PO CHEN PO BDAG 'TSAL LO, ,DAM TSIG DE NYID BDAG LA STZOL, ,BYANG CHUB SEMS KYANG BDAG LA STZOL, ,SANGS RGYAS CHOS DANG
, ,DGE 'DUN TE, ,SKYABS GSUM BDAG LA STZAL DU GSOL, ,THAR PA CHEN PO'I GRONG KHYER DU, ,MGON POS BDAG NI GZHUG TU GSOL, ,LAN GSUM BRJOD, AA MRi TAS BSANGS, AOm TZA KshU BANDHA WA RA MA NA YE H'Um, A'A: KHAm B'I RA H'Um, DKON MCHOG GSUM LA BDAG SKYABS MCHI, NAS, SANGS RGYAS 'GRUB PAR SHOG GI BAR LAN GSUM GYIS SDOM PA BZUNG, KYE KHYOD SU YIN, CI LA DGA', SKAL BZANG BDAG BDE BA CHEN PO LA'O, ,DES BU LA CI ZHIG BYA, SANGS RGYAS MCHOG GI DAM TSIG BGYI 'TSAL LO, ,SEMS CAN THAMS CAD KYI DON DU SANGS RGYAS THOB PAR BYA'O SNYAM PA'I SMON PA'I SEMS KUN RDZOB PA DE NYID SNYING GAR ZLA BA'I DKYIL 'KHOR YONGS SU RDZOGS PA'I RNAM PAR GYUR, CHOS THAMS CAD RANG BZHIN MED PA'I STONG PA NYID DANG RANG GI SEMS RO GCIG TU GYUR PA'I DON DAM PA'I BYANG CHUB KYI SEMS ZLA BA'I STENG DU RDO RJE DKAR PO RTZE LNGA PA'I RNAM PAR GYUR, AOm SARBA YO GA TZITTAm AUTP'A T'A YA MI, AOm SU RA TE SA MA YA STVAm HO: SIDDHYA BADZRA YA TH'A SU KHAm, DENG KHYOD LA DE BZHIN GSHEGS PA THAMS CAD KYIS BYIN GYIS RLOB PAR 'GYUR GYI, KHYOD KYIS KYANG DE BZHIN GSHEGS PA THAMS CAD KYI MCHOG TU GSANG BA'I DKYIL 'KHOR 'DI, DKYIL 'KHOR DU MA ZHUGS PA RNAMS KYI MDUN DU SMRA BAR MI BYA ZHING, MA DAD PA RNAMS LA YANG MA YIN NO, ,H'Um DZA: H'Um, ZHES DKYIL 'KHOR GYI NANG DU ZHUGS, AOm NA MA: TE H'Um, AOm NA MA: MI H'Um, AOm
NA MO NA MA: H'Um, ZHES PHYAG BYA, DE NAS, DE BZHIN GSHEGS PA THAMS CAD KYIS BYIN GYIS RLOBS SHIG ,BDAG LA 'CHI MED TSE'I DNGOS GRUB STZAL DU GSOL, ZHES LAN GSUM GSOL BA BTAB, SLOB MA 'AM, BDAG NYID BSANGS, SBYANGS, MGON PO TSE DPAG MED DU GYUR PA'I SNYING GAR HR'I: DMAR POS MTSAN PA, BLA MA DANG GTZO BO THA MI DAD PA'I THUGS KA'I HR'I: YIG GI 'OD ZER GYIS, SANGS RGYAS DANG BYANG CHUB SEMS DPA' 'PHAGS PA NYAN THOS DAG RANG SANGS RGYAS GRUB PA DANG RIG PA 'DZIN PA THAMS CAD KYI BYIN RLABS DANG, MDOR NA 'JIG RTEN DANG 'JIG RTEN LAS 'DAS PA'I SNOD BCUD THAMS CAD KYI BKRAG MDANGS DANG, GZI BRJID DANG, YON TAN THAMS CAD MGON PO TSE DPAG MED KYI LHA TSOGS NAM MKHA'I KHYON GANG BA'I RNAM PAR SPYAN DRANGS, SLOB MA'AM, BDAG NYID KYI LUS LA CHAR CHEN PO BABS PA BZHIN THIM PAS 'CHI BA MED PA TSE'I DNGOS GRUB THOB PAR GYUR, AOm BADZRA A'A BE SHA AA AA AA, ZHES MANG DU BRJOD CING ROL MO'I SGRA BYA'O, ,TIshthA BADZRA, BRTAN PAR BSAM, PRA T'I TZTSA BADZRA HO, ZHES KYI TOG DOR, AOm PRA NYI GRi HnA STAm, AI MAm SATVA MAH'A B'A LA, ZHES PHRENG BA'I DBANG BLANG, AOm DZNY'A NA TZA KshU H'Um AA SV'AH'A, AOm RDO RJE SEMS DPA' DENG KHYOD KYI, ,MIG 'BYED PAR NI BRTZON PAR MDZAD, BYE BAS THAMS CAD MTHONG 'GYUR BA, ,RDO RJE'I MIG NI BLA NA MED, ,HE BADZRA P'A SHYA, BCOM LDAN 'DAS MGON PO TSE DPAG MED 'CHI MED RNGA SGRA'I RTEN DANG BRTEN PAR
, ,BCAS PA'I DKYIL 'KHOR MNGON SUM DU MTHONG BAR GYUR, GZHAN LA DBANG BSKUR BA'I TSE RE RE NAS RGYAS PAR STON NO, ,DE NAS MAndAL PHUL, BYANG CHUB RDO RJES SANGS RGYAS LA, ,MCHOD CHEN JI LTAR STZAL BA LTAR, BDAG KYANG BSKYAB PA'I DON GYI PHYIR, ,NAM MKHA'I RDO RJE DENG BDAG STZOL, ,LAN GSUM BYA, DKYIL 'KHOR GYI SHAR DU DBANG STEGS PADMA DANG ZLA BA'I GDAN GYI STENG DU RANG NYID MGON PO TSE DANG YE SHES DPAG TU MED PAR GYUR, BLA MA DANG GTZO BO THA MI DAD PA'I THUGS KA'I HR'I: YIG GI 'OD ZER GYIS BSGOMS PA DANG 'DRA BA'I YE SHES PA SPYAN DRANGS, GNYIS SU MED PAR GYUR, BLA MA DANG GTZO BO THA MI DAD PA'I THUGS KA'I HR'I: YIG GI 'OD ZER GYIS RANG BZHIN GYI GNAS NAS DBANG GI LHA BCOM LDAN 'DAS MGON PO TSE DANG YE SHES DPAG TU MED PA'I DKYIL 'KHOR GYI LHA TSOGS LA SANGS RGYAS DANG BYANG CHUB SEMS DPA' TSE'I DNGOS GRUB BRNYES PA'I LHA DANG DRANG SRONG RIG PA 'DZIN PA'I TSOGS KYIS BSKOR BA SPYAN DRANGS, AOm SARBA TA TH'A GA TA AARGHAm SOGS KYIS MCHOD, DE BZHIN GSHEGS PA THAMS CAD KYIS MNGON PAR DBANG BSKUR DU GSOL, ZHES GSOL BA BTAB PAS, BLA MA DANG RNAM SNANG TSE DPAG MED THA MI DAD 'KHOR BCAS RNAMS KYIS 'CHI MED TSE'I BDUD RTZIS GANG BA'I BUM PA BZUNG NAS SPYI BO NAS DBANG BSKUR BAR GYUR, LUS LA RNAM SNANG TSE DBANG BSKUR, ,BU KHYOD 'CHI BDAG LAS GROL TE, ,BSKAL PA STONG DU TSE
'PHEL NAS, ,SROG GCOD SDIG PA DAG GYUR CIG ,AOm BEE RO TZA NA A'A YUR DZNY'A NA SIDDHI SA MA YA AA BHI shINYTZA H'Um, ROL MO BYA, SBYIN PA'I STOBS KYIS SANGS RGYAS YANG DAG 'PHAGS, ,MI YI SENG GE SBYIN PA'I STOBS RTOGS NAS, ,SNYING RJE CAN GYI GRONG KHYER 'JUG PA NA, ,SBYIN PA'I STOBS KYI SGRA NI GRAGS PAR 'GYUR, ,SBYIN PA MTHAR PHYIR TSE YANG 'PHEL BAR SHOG ,DE BZHIN DU, TSUL KHRIMS, BZOD PA, BRTZON 'GRUS, BSAM GTAN, SHES RAB SOGS SBYAR BA'I MJUG TU, SNGAGS GSUM PO CI RIGS BRJOD, DE LTAR DBANG BSKUR BAS LUS THAMS CAD 'CHI MED TSE'I BDUD RTZIS GANG, TSE THOG MA MED PA NAS BSAGS PA'I SDIG SGRIB THAMS CAD DANG, KHYAD PAR NYON MONGS PA GTI MUG GI SGO NAS GZHAN GYI SROG BCAD PA LA SOGS PA'I TSE THUNG 'GYUR GYI SDIG SGRIB THAMS CAD SBYANGS, RNAM PAR SNANG MDZAD TSE DPAG MED KYI NGO BOR BYIN GYIS BRLABS PAR GYUR, DE BZHIN DU, LUS LA RDO RJE, RIN CHEN, PADMA, LAS KYI TSE DBANG BSKUR, BU KHYOD 'CHI BDAG LAS GROL TE, ,BSKAL PA STONG DU TSE 'PHEL NAS, ,SROG BCOD SDIG PA DAG GYUR CIG ,BEE RO TZA NA'I GNAS SU AOm BADZRA, PADMA, KARM'A A'A YUR DZNY'A NA SIDDHI SA MA YA H'Um, ZHES PA DANG, PHAR PHYIN DRUG GI TSIGS BCAD SO SOR SBYAR, TSE GZUNGS SOGS SNGAR LTAR BRJOD, DE LTAR DBANG BSKUR BAS ZHES SOGS 'DRA BA LA, KHYAD PAR NYON MONGS PA GTI MUG DANG ZHES PA'I GNAS SU, KHYAD PAR NYON
, ,MONGS PA ZHE SDANG GI SGO NAS, ZHES PA DANG, DE BZHIN DU, NGA RGYAL DANG, SER SNA'I SGO NAS, ZHES PA DANG, 'DOD CHAGS KYI SGO NAS, PHRAG DOG GI SGO NAS, ZHES PA DANG, RDO RJE TSE DPAG MED, RIN CHEN TSE DPAG MED, PADMA TSE DPAG MED, LAS KYI TSE DPAG MED KYI NGO BOR BYIN GYIS BRLABS PAR GYUR, CES 'DON PA BSGYUR, BUM PA DGU YOD NA RIGS LNGA'I BUM PA SO SO DANG, GNYIS YIN NA, RNAM RGYAL BUM PAS DBANG BSKUR RO, , DE NAS COD PAN BSANGS SBYANGS, COD PAN STONG PA NYID DU GYUR, STONG PA'I NGANG LAS, AOm H'Um TR'Am HR'I: AA: YONGS SU GYUR PA LAS, DE BZHIN GSHEGS PA RIGS LNGA'I NGO BOR GYUR PA'I COD PAN DU GYUR, AOm RATNA MU KU tA AA BHI shINYTZA H'Um, JI LTAR BLTAMS PA TZAM GYIS NI, ZHES PA NAS, AOm SARBA TA TH'A GA TA AA BHI shE KA TA SA MA YA SHR'I YE H'Um, ZHES GSUNG ZHING DBANG BSKUR BAS LUS THAMS CAD GANG, BDE BA CHEN PO MYONG, DRI MA THAMS CAD DAG ,CHU LHAG PA SPYI GTZUG TU GNAS PA YONGS SU GYUR PA LAS, 'OD DPAG MED GTZO BOR BYAS PA'I RIGS LNGAS DBU BRGYAN PAR GYUR, RGYAS PAR SPRO NA SKABS 'DIR SNGAGS GSUM GYI BZLAS LUNG BYA'O, ,DE NAS BUM PA GNYIS LAS MED NA LAS BUM DANG, DGU YOD NA MTSAMS BZHI'I BUM PA LAS BUM DANG BCAS PAS SLOB MA SOGS 'KHRUD CING, SNGAGS GSUM DANG LAS SNGAGS SOGS CI RIGS BRJOD LA, CHE GE MO'I SDIG PA DANG SGRIB PA THAMS CAD SH'ANTIm KU
RU SV'AH'A, DE BZHIN DU NAD THAMS CAD, RIMS THAMS CAD, GDON THAMS CAD, DUS MA YIN PAR 'CHI BA THAMS CAD, 'KHON THAMS CAD, GRIB THAMS CAD, BTZOG DANG BYUR THAMS CAD, BYAD DANG RBOD GTONG THAMS CAD, LTAS NGAN PA THAMS CAD, MTSAN MA NGAN PA THAMS CAD, RMI LAM NGAN PA THAMS CAD, BDUD KYI ZHAGS PA THAMS CAD, GSHIN RJE'I PHO NYA THAMS CAD, GZA' DANG RGYU SKAR GYI GNOD PA THAMS CAD, NAD BZHI BRGYA RTZA BZHI'I GNOD PA THAMS CAD, BGEGS RIGS STONG PHRAG BRGYAD CU'I GNOD PA THAMS CAD, GDON SUM BRGYA DRUG CU'I GNOD PA THAMS CAD, SKAL BA NGAN PA DANG NYER 'TSE THAMS CAD, BAR DU GCOD PA DANG BKRA MI SHIS PA THAMS CAD SH'ANTIm KU RU SV'AH'A, ZHES YANG YANG BKRU, DE NAS BYAB PA NI, KHAR CHU CUNG ZAD 'DZIN DU BCUG LA, KHYOD RANG GI NAD SOGS SPEL TSIG SBYAR BA'I 'GAL RKYEN RNAMS RMA BYA'I SGRO MDONGS STENG DU ZLA BA LA GNAS PA'I HR'I: YIG GI 'OD ZER GYIS BYABS SHING, DOR BA'I MOS PA GYIS ZHES BRDA' SPRAD DE, SNGAGS GSUM GYI MTHAR, CHE GE MO'I SDIG PA DANG SGRIB PA THAMS CAD AA PA NA YE SV'AH'A, ZHES RE RE NAS SBYAR TE KHA'I CHU BKRUS PA'I NANG DU DOR, BDEN TSIG BRJOD CING BGEGS BSKRAD, CHU DE DOR BAR BYA'O, , DE NAS BSRUNG BA NI, BSGRUB BYA'I GNAS BDUN DU, RDO RJE RGYA GRAM DU BZHAG STE, RDO RJE'I GO BSKON PAR BSAMS LA, CHE GE MO'I SDIG PA DANG SGRIB PA THAMS CAD RAKshA RAKshA ZHES SOGS KYI MTHAR, RGYAL BA RGYAL SRAS BDEN PA'I
, ,BYIN RLABS DANG, ,MGON PO TSE DPAG MED PA'I THUGS RJE YIS, ,'GRO BA 'DI LA BDAG GIS BSRUNGS ZIN GYI, ,'DI LA SUS KYANG GNOD PA MA BYED CIG ,CES BSRUNG BA BYA'O, ,DE NAS THUN MONG MA YIN PA'I BYIN RLABS NI, SLOB MA'AM, RANG GI SNYING PADMA 'DAB MA BZHI PA'I LTE BAR, RNAM SNANG TSE DPAG MED, 'DAB MA BZHI LA, SHAR DU RDO RJE TSE DPAG MED, LHOR RIN CHEN TSE DPAG MED, NUB TU PADMA TSE DPAG MED, BYANG DU LAS KYI TSE DPAG MED, SPYI BOR YE SHES TSE DPAG MED RNAMS BZHUGS PAR GYUR, BLA MA DANG GTZO BO THA MI DAD PA'I THUGS KA'I HR'I: LAS 'OD ZER 'PHROS, SPYI BO'I YE SHES TSE DPAG MED LA 'PHOG PAS, DE NYID TSE'I BDUD RTZIR ZHU BA BDAG NYID KYI SPYI BO NAS ZHUGS TE, SNYING GA'I TSE DPAG MED RIGS LNGA LA THIM PAS, DE RNAMS KYANG 'CHI MED TSE'I BDUD RTZIR ZHU STE, RANG GI LUS KYI NANG THAMS CAD GANG BAS LUS KYI ZUNGS DANG SEMS KYI RTEN DU GYUR, BSKAL BRGYAR MI BSHIG PA'I 'CHI BA MED PA TSE'I DNGOS GRUB THOB PA'I SKAL BA CAN DU BYAS SO, ,NGA NI YE SHES TSE DPAG MED, ,KUN TU BRNYAS PA SPANG BAR GYIS, ,'CHI BDAG CHEN PO NGAS BCOM STE, ,BU KHYOD CHE YI RIG 'DZIN BRNYES, ZHES BRJOD, RANG BDAG 'JUG LEN PA'I TSE, BYAB KHRUS SOGS BZHAG STE, COD PAN GYI DBANG GI MJUG TU, THUN MONG MA YIN PA'I BYIN RLABS LEN PA'I BAR BYAS PAS RUNG NGO, ,DE NAS BKRA SHIS PA'I
PHYIR, RGYAL SRID SNA BDUN GYI GZUGS RNAMS BYIN GYIS BRLABS PA LAG TU GTAD DE, LHA RDZAS LAS BYAS LTE BA SHIN TU ZLUM, ZHES SOGS KYI MJUG TU, 'KHOR LO RIN CHEN DAM PAS DBANG BSKUR RO, ,AOm TZA KRA RATNA AA BHI shINYTZA MAm, ZHES SOGS 'DON PA BSGYUR NAS DBANG BSKUR, DE NAS BKRA SHIS KYI RDZAS BRGYAD BSANGS, SBYANGS, STONG PA'I NGANG LAS MAm LAS BYUNG BA'I BKRA SHIS KYI RDZAS BRGYAD CHE GE MOS GTZO BYAS, MAR GYUR SEMS CAN THAMS CAD KYI TSE DANG BSOD NAMS DGE LEGS PHUN SUM TSOGS PA RGYAS PAR BYED PA'I MTHU DANG LDAN PAR GYUR, AOm MANGGA LA AAshtA DRA BYA SV'AH'A, ZHES BRJOD, AOm MANGGA LA AA shtA DRA BYA AA BHI shINYTZA SV'AH'A, ZHES LAG TU GTAD, RGYAS PAR NA BKRA SHIS RDZAS BRGYAD SPYI 'GRO LTAR BYAS TE, PHUN SUM TSOGS PA MNGA' BA GSER GYI RI BO ZHES SOGS KYIS SHIS PA BRJOD, SLOB MAS GTZO BOS JI LTAR SOGS DANG, DENG NAS BRTZAMS TE ZHES SOGS KYIS DAM TSIG BSRUNG BA DANG, SLOB MAR KHAS LEN BYA'O, ,DE NAS MJUG CHOG ,SNGAR BZHIN MCHOD, BSTOD, 'DOD DON GSOL BA, BZOD GSOL, BSNGO BA, ,SMON LAS RGYAS BSDUS SKABS DANG SBYAR, YE SHES PA GSHEGS DAM TSIG PA BDAG NYID LA BSDU, RAS BRIS YIN TSE BRTAN BZHUGS BYA, SHIS PA RGYAS PAR BRJOD CING ME TOG GI CHAR DBAB BO,, ` ,,DA NI GZHAN DON DU 'CHI BLU JI LTAR BYA TSUL BRJOD PAR BYA STE, LAS BUM GYI
, ,CHUS BSGRUB BYA'I LUS RIL PO'AM, YAN LAG LNGA DAG PAR BKRUS PA'I PHYED KHAM PHOR GSAR PA'I NANG DU BLUG NAS SHAR DU BZHAG ,PHYED LA HR'I: sht'I: SOGS DRAG SNGAGS BZLAS, MCHOD RTEN ZHIG PA'I SA, RO THAL, SA NAG ,TSIGS NAG RNAMS BSRES PA LA, GSHIN RJE'I GZUGS NAG PO, KHRO ZHAL RAB TU 'JIGS PA, GA-YAS DBYUG PA DANG, GA-YON ZHAGS PA 'DZIN PA, SLA NGA'I NANG DU CUNG ZAD SPUB, GDAN NAG GI STENG DU RAS SOGS KYI GOS NAG PO BKA', DKYIL 'KHOR GYI LHO PHYOGS SU MGO LHOR BSTAN NAS BZHAG ,DE'I MDUN DU KHAM PHOR 'O MAS GANG BA DANG, NYA SHA'I BDUG SPOS KYI SNOD, NYER SPYOD LNGA, 'BRU NAG SNA TSOGS, ME TOG NAG PO; SHA MAR, TSVA BU RAM, GSER DNGUL, GA-YU, GOS DAR SNA TSOGS, RMA BYA'I MDONGS, DUR BA, NGAR GLUD GANG MANG, SROG CHAGS SNA TSOGS KYI GZUGS SOGS GSHIN RJE'I RDZONGS RNAMS DANG, DE RNAMS 'JAL BA'I BREL; AOm AA RMAS RBAS TZI MUR TI THIBS SV'AH'A, NYER GCIG 'DEBS, AOm THI BA TA MTHONG BA'I RGYAL PO SV'AH'A, ZHES PA JA SOGS 'DEGS PA'I SRANG LA 'DEBS, AOm MA TI TRA MO TA NA THIBS SV'AH'A, ZHES PA GSER DNGUL SOGS 'JAL BA'I ZHO CHA DANG SRANG GNYIS KA LA NYER GCIG RE BTAB LA BZHAG ,'DI DAG LHA 'DRE MIG BSGYUR BA'I SNGAGS YIN NO, ,'BRANG RGYAS PHYED DKAR PO BIL BA'I DBYIBS CAN LA MAR GYI LHA BSHOS LNGA, RTZA BA NAG
PO LA SNUM GYI SDONG BU LNGA BTZUGS PA SHAR DU DANG, DKYIL 'KHOR GYI BYANG DU KU SHA'I GDAN LA BSGRUB BYA'I GLUD GOS TSON SKUD SNA LNGAS RGYA GRAM DU BCINGS PA BZHAG ,DUG SNA BTAB PA'O CHU 'DRES PAS GANG BA'I KHAM POR YANG GLUD KYI MDUN DU BZHAG ,STAN DKAR PO GOS DKAR ME TOG DKAR PO SOGS KYANG CI RIGS SU STA GON BYA, LHOR TSE MDO DANG, BYANG DU 'CHI MED RNGA SGRA'I GZUNGS KHRI'I STENG DU BZHUGS SU GSOL TE, RAB BYUNG GTZANG MA GNYIS KYIS BSGRUB BYA'I LO GRANGS SAM, RGYAS PAR NA BRGYA RTZA RE SGROG ,DE NAS RDZAS DE DAG BSANGS SBYANGS, SNGAGS DRUG DANG PHYAG RGYA DRUG GIS BYIN GYIS BRLABS, RANG TSE DPAG MED DU GSAL BA'I THUGS KA'I HR'I: YIG GI 'OD ZER GYIS, LHO PHYOGS NAS GSHIN RJE CHOS KYI RGYAL PO 'KHOR DANG BCAS PA MDUN GYI NAM MKHAR SPYAN DRANGS, MDUN GYI GZUGS DANG DBYER MED DU GYUR TE, RDZAS RNAMS KYIS MNYES SHING TSIM PAR BSAMS LA, CHOS KYI RGYAL PO 'CHI BDAG GSHIN RJE'I TSOGS 'KHOR DANG BCAS PA LA RDZONGS KYI DNGOS PO 'DI DANG 'DI, BRE DANG, SRANG DANG, ZHO; GCIG ,BCU, BRGYA, STONG, KHRI, 'BUM NAS GRANGS MED PA'I BAR 'BUL BAS, BSGRUB BYA CHE GE MO'I TSE DANG, , SROG GI GLUD DU BZHIS LA, GNOD PA'I SEMS SPONGS, PHAN BDE BYANG CHUB KYI SEMS DANG LDAN PAR MDZAD DU GSOL, ZHES MDOR BSDUS SAM, RGYAS PAR 'DOD NA, HO: DAR TSON SNA LNGA RNAM SHES GLUD, ,'CHI BDAG CHEN PO GLUD
, ,BZHES LA, ,SBYIN BDAG 'KHOR DANG BCAS PA YI, ,BSAM PA YID BZHIN 'GRUB PAR MDZOD, ,RKANG PA PHYI MA GSUM 'DRA BA LA, RMA BYA'I MDONGS BKRA DBANG PO'I GLUD, ,'CHI BDAG ,SBYIN BDAG ,BSAM PA; NGAR GLUD 'BYUNG BZHI LUS KYI GLUD, ,'CHI BDAG ,SBYIN BDAG ,BSAM PA, SROG CHAGS SNA TSOGS PHYUGS KYI GLUD, ,'CHI BDAG ,SBYIN BDAG ,BSAM PA, DUR BA RIN CHEN TSE YI GLUD, ,'CHI BDAG ,SBYIN BDAG ,BSAM PA RIN CHEN SNA LNGA BSOD NAMS GLUD, ,'CHI BDAG ,SBYIN BDAG ,BSAM PA, 'BRAS BU SNA TSOGS DPAL 'BYOR GLUD, ,'CHI BDAG ,SBYIN BDAG ,BSAM PA, GLING BZHI GLING PHRAN DBANG THANG GLUD, ,'CHI BDAG ,SBYIN BDAG , BSAM PA, CHOS KYI RGYAL PO GSHIN RJE'I TSOGS, ,'CHI BDAG 'KHOR DANG BCAS PA LA, ,DE RING SBYIN PA'I BDAG PO YI, ,TSE DANG SROG GI GLUD 'BUL GYI, ,MCHOD YON 'BRU SNA SNA TSOGS DANG, ,'DOD YON RIN CHEN SNA LNGA DANG, , ZHAL ZAS ME TOG NAG POS MCHOD, ,'DI DAG LONG LA TSE SROG BYIN, ,BZUNG BA THONGS LA CINGS PA KHROL, ,BKA' DANG DAM LAS MA 'DA' ZHIG ,DE NAS BYANG NAS, 'CHI MED RNGA SGRA'I GZUNGS TSAR GCIG THON PA DANG, GLUD GOS TSON SKUD RNAMS NYA'I DUD PAS BDUG CING, 'DI NAS NUB KYI PHYOGS ROL NA, ,BDE BA CAN GYI ZHING KHAMS NA, ,SKYE RGA NA 'CHI'I MING YANG MED, ,DE NA RDZOGS PA'I SANGS RGYAS NI, ,DE BZHIN GSHEGS PA 'OD DPAG MED, ,SU
ZHIG DE YI MTSAN 'DZIN PA, ,SKYE RGA NA 'CHI LAS GROL NAS, ,BDE BA CAN DU SKYE BAR 'GYUR, ,BDEN PA'I BDEN TSIG 'DI BRJOD PAS, ,NAD DANG 'CHI BDAG LAS GROL NAS, ,TSE DPAG MED PA'I SKU THOB SHOG ,DE NAS RNGA SGRA'I GZUNGS DANG, MDO LO GRANGS THON ZIN PA NA, 'BRANG RGYAS PHYED MAR BCAD LA, NAG PO'I MAR ME SBAR, KHRUS KHU PHOR PA DANG LHAN CIG GSHIN RJE'I MDUN DU BZHAG ,BSHAMS YOD NA 'JIG RTEN LAS 'DAS PA'I GTOR MA DANG, RGYAL CHEN BZHI'I GTOR MA DANG, CHA GSUM GTONG, 'BRANG RGYAS NAG PO BYIN GYIS BRLABS LA, NA MA: SARBA BI GHN'A NA, NA MA: SARBA TA TH'A GA T'A BHYO ZHES SOGS KYIS MDUN GYI GSHIN RJE 'KHOR BCAS LA LAM BRGYAGS TSUL DU BSNGOS LA, AARGHAm SOGS KYIS MCHOD, BDAG NYID TSE DPAG MED KYI NGA RGYAL BRTAN POS ROL MO DANG BCAS PAS, 'DI SKAD CES, 'DI NAS LHO YI PHYOGS ROL NA, ,DPAG TSAD BRGYAD KHRI'I PHA ROL NA, ,THOD PA LCAGS KYI GRONG KHYER NA, ,YI DVAGS KUN GYI DED DPON PO, ,MA MO KUN GYI TSOGS RJE BO, ,GSON GSHIN KUN GYI ZAM KHA BA, ,GSON PO BRKOS LA 'DEBS PA PO, ,SHI BA KUN GYI GSHIN BU RJE, ,DGE BA CAN GYI STANGS 'DZIN PA, ,SDIG PA CAN GYI CHAD PA MKHAN, ,NYES LEGS CHOS BZHIN SPYOD PA PO, ,CHOS RGYAL GSHIN RJE ZHES BYA BA, ,MNGON SHES RDZU 'PHRUL MTHU STOBS CAN, ,'KHOR BCAS 'DIR NI BDAG LA NYON, ,KHYOD KYI 'KHOR GYI YI DVAGS LA, ,BZA' BA BZANG PO 'DI 'BUL GYI, ,'DI ZO 'KHOR
, ,GYI YI DVAGS RNAMS, ,MA 'TSE BAR NI GZHAN DU DENGS, ,DRAG SNGAGS BRJOD, ROL MO DRAG TU BYA'O, ,GSHIN RJE'I GZUGS RDZONG CHAS NYER SPYOD GTOR MA KHRUS KHU GDAN ZHAL KHEBS SOGS MA LUS PA LHO'I GRONG ZAD MTHAR GZUGS BRDEB PA SOGS MA YIN PA, MGO BO LHOR BSTAN NAS 'JOG CING, RDZONG CHAS RNAMS DE'I MDUN DU BZHAG LA, SKYEL MKHAN RNAMS PHYI MIG MI BLTA BA GNAD DO, ,DE NAS GLUD GOS KYI TSON SKUD BKROL LA DES BSGRUB BYA'I YAN LAG LNGA BCINGS, RANG NYID TSE DPAG MED DU GSAL BA, BDUD RTZI 'KHYIL BA'I RNAL 'BYOR DU BSGYUR NAS, BDEN PA 'DAR BA'I MTHAR, BDEN PA'I BYIN RLABS KYIS CHE GE MO'I SDIG SGRIB NAD GDON, CHAGS CHE, NYAM NGA, BTZOG GRIB, MI GTZANG BA, LO ZLA ZHAG SKEGS, MTHU GTAD, BYAD PHUR, DUS KYI ZHAGS PA, GSHIN RJE'I PHO NYA BKYE BA LA SOGS PA BAR CHAD MI MTHUN PA'I PHYOGS GANG YIN PA THAMS CAD, TSON SKUD 'DI NYID LA MCHIS SHING THIM PAR GYUR CIG ,tAKKI H'Um DZA: LAN GSUM GYI MTHAR, AA MRi TA NYER GCIG BZLAS PA'I RAL GRIS TSON SKUD GCOD CING, GANG DAG SANGS RGYAS RANG SANGS RGYAS, ,SANGS RGYAS RNAMS KYI NYAN THOS DANG, ,TSANGS PA DANG NI 'JIG RTEN SKYONG, ,GNOD SBYIN SDE DPON DANG PHYUG CHE, ,DE BZHIN GNOD SBYIN STOBS CHEN DANG, ,'PHROG MA BU DANG BCAS PA STE, ,DE DAG RNAMS KYI GZI BRJID KYIS, ,BYAD ST@ �#<� !< ��8'<3�0 �8$0��< �< 9<�9<!3'<� �<����?���9� ' 3<�0�3<�!�<�<��<'�<��'0�9 ! 3�8$!0�3 �9� <!0�� �09�0�� '< �' � � <�$�!<!0�0$�� �8'<9�30�8'�9 0��<�$�!<!0�3�3 �9@� 0�3<!0��#<�9 �0$�8'�'$0�<� 0�9p 9��9<�$�#�#<�9 � �0�9#@0�#<, 'DI LTAR BRJOD, 'DOD CHAGS ZHE SDANG GNYI MUG GSUM, ,'DI DAG 'JIG RTEN DUG GSUM STE, ,BCOM LDAN SANGS RGYAS DUG MI MNGA', ,SANGS RGYAS GZI YIS DUG BCOM MO, ,DE BZHIN DU, CHOS DANG DGE 'DUN LA YANG SBYAR BA TZAM BSDUS PA DANG, SPRON, SA NI DUG GI MA YIN TE, ZHES SOGS BRJOD NAS, GLUD GOS SOGS BYANG GI GRONG ZAD MTHAR BSKYAL LA, PHYI MIG MI BLTA'O, ,'CHI BLU RGYAS PA BYED NA, MTSAMS 'DIR DBANG BSKUR ZHING BYAB KHRUS BYA, 'BRING DU DBANG GZHAG BYAB KHRUS BYA, DKYUS LA DE NAS BSGRUB BYA STAN DKAR PO'I STENG DU BZHAG LA, SANGS RGYAS RNAMS NI BDUD LAS RGYAL, ,CHOS NI CHOS MA YIN LAS SO, ,DGE 'DUN MU STEGS RNAMS LAS RGYAL, ,DBANG PO LHA MIN RNAMS LAS RGYAL, ,CHU NI ME LAS RGYAL BAR GYUR, ,RLUNG NI SPRIN LAS RGYAL BAR GYUR, ,RDO RJE YIS NI RIN CHEN PHUG ,LHA RNAMS BDEN PAS RAB TU GNAS, SA YANG BDEN PAR GNAS PA LA, ,SANGS RGYAS DANG NI CHOS KYANG BDEN, ,BDEN PA RGYAL GYUR BRDZE MA LAGS, ,BDEN PA DANG BDEN PA'I TSIG DE DAG GIS CHE GE MO MI MTHUN PA'I PHYOGS THAMS CAD LAS RGYAL BAR GYUR CIG ,DZA YA DZA YA, SIDDHI SIDDHI, PHA LA PHA LA HO, DE NAS 'BRANG RGYAS KYI PHYED DKAR PO DE BSGRUB BYA'I LAG
, ,TU GTAD DE, BKRA SHIS TSE BSTEN DPAL GYI ZAS, ,SNYING PO BSDUS PA'I BCUD 'DI NI, ,DE RING BU YIS ZA BAR GYIS, ,'DI ZO SANGS RGYAS TSE DPAG MED, ,ZHAL ZAS BSTEN PAS NAD KUN LAS, ,GROL 'GYUR THE TSOM BYA MI DGOS, ,SNYING PO LAN GSUM BZLAS, CUNG ZAD ZA RU BCUG GO ,DE NAS ROL MO'I SGRA DANG BCAS PAS SHIS PA BRJOD CING ME TOG DKAR PO'I CHAR DBAB PAR BYA'O, ,'DREN PA MNYAM MED SH'AKYA'I RGYAL PO SOGS, ,PHYOGS BCU'I RAB 'BYAMS RGYAL BA'I 'KHOR LO YIS, ,BSNGAGS PA'I GSER GYI ME TOG BYE BA BRGYAS, ,MNGON PAR MCHOD PA'I MGON PO TSE DPAG MED, ,DE YI DKYIL 'KHOR CHOG RNAM MANG PO'I, ,NOR BU'I GLING NAS TSUL BZHIN LEGS BRTAGS TE, ,NYI MA'I BU YI 'BAR BA'I BE CON YANG, ,BUD SHING 'GYUR BA'I DBYUG PA LTAR BYED PA'I, ,TSE CHOG 'DOD 'JO'I DBANG GI RGYAL PO BLANGS, ,'DI NA RANG SROG LAS GCES PA'I, DNGOS MED DE PHYIR 'TSO BA NI, ,MI BSHIG RDO RJE'I RANG BZHIN DU, ,BSGYUR BA'I THABS MKHAS AE MA MTSAR, ,'DIS MTSON BDAG GZHAN DGE BA'I TSOGS, ,MKHA' MNYAM 'GRO BA MA LUS PA, ,'CHI BDAG LA SOGS BDUD BZHI YI, ,GA-YUL LAS RNAM PAR RGYAL PHYIR BSNGO,, ` ,,ZHES PA 'DI YANG DGE BA'I BSHES GNYEN SDE SNOD 'DZIN PA MANG POS YANG YANG NAN GYIS BSKUL BA LA BRTEN NAS, MDO RGYUD MAN NGAG 'DZIN PA'I SPONG
BA PA BLO BZANG CHOS KYI RGYAL MTSAN GYIS CHOS GRVA CHEN PO BKRA SHIS LHUN PO'I GTZUG LAG KHANG DU SLOB DPON DZE T'A RI'I GZHUNG BYA RGYUD SPYI'I LAM DANG MTHUN PAR SBYAR BA'I YI GE PA NI DGE TSUL BLO BZANG DAR RGYAS SO,, ,
, ,NA MO GU RU MANYDZU GHO sh'A YA, MI 'GYUR BDE CHEN LHUN GRUB CHOS KYI DBYINGS, ,DBANG PO'I GZHU LTAR BKRA BA'I LONGS SPYOD RDZOGS, ,SNA TSOGS DU MA'I GAR MDZAD SPRUL PA'I SKU, ,DBYER MED RDO RJE 'CHANG LA GSOL BA 'DEBS, ,RAB 'BYAMS RGYAL BA KUN GYI MKHYEN BRTZE NI, ,GCIG TU BSDUS PA RGYAL SRAS GZHON NU'I SKUR, ,RAB 'KHRUNGS SA GSUM SKYE DGU KUN GYI GNYEN, ,RJE BTZUN 'JAM PA'I DBYANGS LA GSOL BA 'DEBS, ,KHYAB BDAG RDO RJE 'CHANG DBANG DUS KYI MTHAR, ,NGUR SMRIG 'DZIN PA'I GAR GYIS RNAM ROL BAS, ,KUN MKHYEN RGYAL BA'I MDZAD PA RGYAS MDZAD PA'I, ,BLO BZANG GRAGS PA'I ZHABS LA GSOL BA 'DEBS, ,TSE RABS DU MAR LHAG PA'I LHAR BSTEN PAS, ,'JAM DPAL DPA' BOS BYIN GYIS BRLABS PA'I MTHUS, ,LUNG RTOGS YON TAN RGYA MTSO'I MTHAR SON PA, ,RJE BTZUN BLA MA'I ZHABS LA GSOL BA 'DEBS, ,DGE TSOGS 'BUM PHRAG BZHAD PA'I DPAL MNGA' BA'I, ,LEGS BSHAD NYIN MOR 'BYED PA'I DGA' STON GYIS, ,
SKAL BZANG GDUL BYA'I YID LA MCHOG STER BA, ,MKHAS GRUB CHOS RJE'I ZHABS LA GSOL BA 'DEBS, ,RGYAL BA GNYIS PA BLO BZANG GRAGS PA YI, ,ZAB DANG RGYA CHE'I CHOS KYI RGYAL SRID LA, ,DBANG BSGYUR SGRUB PA'I RGYAL MTSAN 'DZIN PA'I MCHOG ,CHOS KYI RGYAL MTSAN ZHABS LA GSOL BA 'DEBS, ,RNAM DAG 'OD GSAL LHA YI LAM LAS 'ONGS, ,'CHI MED RDO RJE'I 'JA' TSON LUS BZUNG NAS, ,BZHED DGU'I ROL PAS 'GRO BA'I DON MDZAD PA'I, ,CHOS KYI RDO RJE'I ZHABS LA GSOL BA 'DEBS, ,GANG THUGS ZAB YANGS YID BZHIN RGYA MTSO NI, ,LUNG RTOGS BLO BZANG BSTAN PA'I NOR GYIS PHYUG ,THAR 'DOD YID KYI DON KUN GRUB BYED PA'I, ,BLO BZANG DON GRUB ZHABS LA GSOL BA 'DEBS, SANGS RGYAS KUN LAS LHAG PA'I DGE BA'I BSHES, ,TSUL BZHIN BSTEN NA KUN MKHYEN YE SHES KYANG, ,SKAD CIG NYID LA NGES PAR STER MDZAD PA'I, ,SANGS RGYAS YE SHES ZHABS LA GSOL BA 'DEBS, ,GANG ZHIG YID LA DRAN PA TZAM GYIS KYANG, ,TSE DANG BSOD NAMS YE SHES LA SOGS PA'I, ,CI 'DOD DNGOS GRUB BDE BLAG STZOL MDZAD PA'I, ,BCOM LDAN TSE DPAG MED LA GSOL BA 'DEBS, ,DE LTAR BSTOD PA'I RNAM DKAR PHUNG PO NI, ,GZHUGS SU BGYIS GANG LHA LAM 'GENGS PA DES, ,SKYE DGU'I PHAN BDE'I RTZA BA RGYAL BA'I BSTAN, ,MA LUS PHYOGS DUS KUN TU RGYAS PAR SHOG ,YANG DAG LAM LA LEGS PAR 'KHRID PA'I GNYEN, ,BSTAN PA'I PAD TSAL 'BYED PA'I
, ,NYIN MOR BYED, ,THUB DBANG GDUNG 'TSOB DAM PA'I SKYES BU RNAMS, ,SRID MTHAR ZHABS PAD 'GYUR BA MED PAR SHOG ,BDAG KYANG SRID NAS SRING DU SPYOD PA DANG, ,NAM ZHIG MNGON PAR RDZOGS PAR SANGS RGYAS MTSAN, ,THOS PA GANG DES 'CHI MED DPAL THOB NAS, ,BYANG CHUB GSUM GYI SA BON BSKRUN PAR SHOG ,LAS NYON GANGG'A'I RGYUN GYIS SRID MTSOR KHYER, ,SDUG BSNGAL CHU SRIN CHEN POS RTAG TU GTZES, ,NYAM THAG MTHA' YAS 'GRO BA MA LUS PA'I, ,BSLU MED SKYABS KYI DAM PAR 'GYUR BAR SHOG ,GA-YUL NGOR 'JIGS PAS GZIR BA SDUG PA'I BU, ,SGROL PHYIR DPA' BA'I PHA DE DER BRTZON BZHIN, ,MAR GYUR DON DU NGAN 'GRO'I MTHIL DU YANG 'JUG LA RAB DGA'I BRTAN PA THOB PAR SHOG ,RO YI GRANGS KYIS BSDUS PA'I 'GRO KUN GYI, ,JI LTAR 'DOD PA'I BSAM PA SNA TSOGS LAS, ,NAG PHYOGS DGA' BA'I RE BA 'BRAS MED PAR, ,'DREN PAS GNANG BZHIN THAMS CAD 'GRUB PAR SHOG ,BYANG CHUB MA THOB BAR DU RTAG PAR BDAG ,DBANG MED SRID PA'I MTSAMS SBYOR RGYAN BCAD NAS, ,GRANGS MED DAG PA'I ZHING MANG BGROD NAS KYANG, ,BLO CHEN SEMS DPA'I SPYOD PAS 'DA' BAR SHOG , KHYAD PAR 'DI SNANG NUB PAR NYE BA NA, ,PHUL BYUNG SKYABS KYI DAM PA 'OD DPAG MED, ,GRANGS MED 'KHOR GYIS BSKOR BA LEGS MTHONG NAS, ,RTZE GCIG MOS PA'I TING 'DZIN BRTAN PAR SHOG ,DE TSE SRAS DANG BCAS PA'I RGYAL
BA YIS, ,ZHING GI DAM PAR BGROD PA'I LAM BSTAN NAS, ,RGYAL BAS BSNGAGS PA'I DAG PA'I ZHING KHAMS SU, ,PADMA'I SBUBS SU SKYE BA 'DZIN PAR SHOG ,BDE GSHEGS 'OD ZER STONG GIS SKYE GNAS KYI, ,PADMA GSAL BAR PHYE DANG LHAN CIG TU, ,THEG MCHOG RIGS KYI NUS PA SMIN GYUR TE, ,RGYAL BA'I ZHAL BZANG MTHONG BA'I DPAL THOB SHOG ,SLAR YANG PHYOGS BCU'I ZHING KHAMS BRGYA PHRAG TU, ,GANG 'DUL JI SNYED STON PA'I SPRUL PA YIS, ,MA LUS SEMS CAN RGYAL BAS LEGS BZUNG BA'I, ,LAM LA BDAG NYID GCIG PUS 'GOD PAR SHOG ,DER MA SON PA'I TSE RABS KUN TU YANG, ,GO 'PHANG DAM PAR BGROD PA'I MCHOG GYUR RTEN, ,RNYED NAS RNAM PAR DAG PA'I RAB BYUNG LA, ,RANG NYID GNAS SHING GZHAN YANG 'GOD PAR SHOG ,SROG DANG 'BRAL BA BZANG PO'I KHA ZAS BZHIN, ,BRTZE BA'I ZOL GYIS BSLU BA'I PHUL STER BA, ,MI DGE'I BSHES DANG DE YIS BZUNG BA YI, ,GROGS DANG NAM YANG 'PHRAD PAR MA GYUR CIG ,JI SRID STOBS BCU MNGA' BA'I DPAL THOB PA, ,DE SRID SKYE ZHING SKYE BA THAMS CAD DU, ,SRAS BCAS RGYAL BA'I RNAM DKAR PHUNG PO LAS, ,BSKRUN PA'I MGON DANG 'BRAL BA MED PAR SHOG ,MDOR NA 'CHING BAS BSNGAMS PA'I LUS CAN RNAMS, ,THAMS CAD GZIGS PA'I SA LA MA REG PAR, ,GANG 'TSAM THABS KYIS 'GRO BA SGROL BA LA, ,BCOM LDAN TSE DPAG MED DANG MTSUNGS PAR SHOG ,CES PA 'DI NI JO BO RIN PO CHE'I
, ,ZHABS 'BRING BA DGE SLONG BSOD NAMS MTSAN CAN GYIS BSKUL NAS, SH'AKYA'I DGE SLONG BLO BZANG CHOS KYI RGYAL MTSAN GYIS LHA LDAN DU SBYAR BA'O,, ,,*, ,NA MO GU RU MANYDZU GHO sh'A YA, MGON PO TSE DANG YE SHES MCHOG STZOL BA'I, ,DKYIL 'KHOR MCHOD BSTOD BSGOM DANG BZLAS PA SOGS, ,BSGRUBS PA'I DGE BAS BDAG DANG 'GRO BA KUN, ,ZHING MCHOG BDE BA CAN DU SKYE BAR SHOG ,TSOGS KYI ZHING LA SBYOR BA TSOGS GSOG DANG, ,STONG PA YI GE SGRA GZUGS LA SOGS PA'I, ,LHA DRUG MTSAN MAR BCAS PA'I RNAL 'BYOR GYIS, ,THA MAL SNANG ZHE NA DRI MA 'KHRUD PAR SHOG ,MTSAN MED BSAM GTAN BZHI YI NYAMS LEN GYIS, ,ZHI RGYAS DBANG DRAG GRUB PA BRGYAD DANG NI, ,THAR PA BLA NA MED PA'I GRONG KHYER DU, ,'JUG PA'I MTHUN RKYEN MA LUS 'GRUB PAR SHOG ,TSE YI MTHAR YANG MGON PO 'OD DPAG MED, ,'KHOR DANG BCAS PA MTHONG NAS DE MA THAG ,BU BU BDE BA CAN DU TSUR SHOG CES, ,'DREN PA'I GSUNG GIS DBUGS 'BYIN THOB PAR SHOG ,ZHING MCHOG BDE BA CAN GYI DGA' TSAL DU, ,RIN CHEN PADMO'I LTE BAR SKYES NAS KYANG, ,RLABS CHEN RGYAL SRAS SPYOD PA RDZOGS BYAS TE, ,SKU GSUM GO 'PHANG DAM PA THOB PAR SHOG , ` ,,YANGS PA'I 'CHI MED LAM BZANG 'OD DPAG MED, ,'KHOR TSOGS RGYA MTSOS BSKOR BA'I DKYIL 'KHOR PAS, ,KHYOD LA MCHOG STZOL RANG DGA'
SKYED CIG DANG, ,BKRA SHIS GDANGS SNYAN BDAG GIS BSGRAG PAR BYA, ,BDE GSHEGS KUN GYIS BSNGAGS PA'I RGYAL BA'I MTSAN, ,GANG GIS THOS DANG DRAN PA TZAM GYIS KYANG, ,'CHI MED TSE YI DNGOS GRUB MCHOG STZOL BA'I, , BCOM LDAN TSE DPAG MED MGON LA PHYAG 'TSAL, ,RGYAL BA'I MKHYEN RAB KUN 'DUS 'JAM PA'I DBYANGS, ,THUB DBANG GNYIS PA BLO BZANG GRAGS PA'I DPAL, ,GRUB PA'I DBANG PHYUG 'JAM DPAL RGYA MTSO SOGS, ,DNGOS DANG BRGYUD PA'I BLA MA MCHOG RNAMS LA, ,DGE MTSAN JI SNYED MCHIS PA'I BKRA SHIS DES, ,KHYED KYI MI MTHUN RGUD PA KUN ZAD CING, ,BDE LEGS YAR NGO'I ZLA LTAR 'PHEL GYUR NAS, ,PHUN TSOGS DPAL LA ROL PA'I BKRA SHIS SHOG ,LHA MI'I STON PA 'OD DANG TSE DPAG MED, ,PHYOGS MTSAMS BZHUGS NAS 'CHI BDAG BDUD 'JOMS SHING, ,YE SHES MCHOG STZOL BDE GSHEGS BRGYAD SOGS LA, ,DGE MTSAN JI SNYED MCHIS PA'I BKRA SHIS DES, ,KHYED KYI MI MTHUN RGUD PA KUN ZAD CING, ,BDE LEGS YAR NGO'I ZLA LTAR 'PHEL GYUR NAS, ,PHUN TSOGS DPAL LA ROL PA'I BKRA SHIS SHOG ,DRAN PA TZAM GYIS GDUNG BA KUN SEL BA'I, ,MTSAN BRGYA BRGYAD DANG 'CHI MED RNGA SGRA'I GZUNGS, ,LUNG DANG RTOGS PA'I CHOS TSUL MTHA' DAG LA, ,DGE MTSAN JI SNYED MCHIS PA'I BKRA SHIS DES, ,KHYED KYI MI MTHUN RGUD PA KUN ZAD CING, ,BDE LEGS YAR NGO'I ZLA LTAR 'PHEL GYUR NAS, ,PHUN TSOGS
, ,DPAL LA ROL PA'I BKRA SHIS SHOG ,PHYOGS BCU'I RAB 'BYAMS RGYAL BAS BSNGAGS PA YI, ,STON PA 'KHOR BCAS ZHING MCHOG DAM PA YI, ,YON TAN MTHONG NAS LAM BZANG SGRUB RNAMS LA, , DGE MTSAN JI SNYED MCHIS PA'I BKRA SHIS DES, ,KHYED KYI MI MTHUN RGYUD PA KUN ZAD CING, ,BDE LEGS YAR NGO'I ZLA LTAR 'PHEL GYUR NAS, ,PHUN TSOGS DPAL LA ROL PA'I BKRA SHIS SHOG ,NAM MKHA'I KHYON LTAR YANGS PA'I PHO BRANG MCHOG ,NYI ZLA'I 'OD DANG MNYAM PA'I 'OD 'PHRO ZHING, ,GRANGS MED RIN CHEN RGYAN GYIS MDZES PA LA, ,DGE MTSAN JI SNYED MCHIS PA'I BKRA SHIS DES, ,KHYED CAG GANG DANG GANG DU GNAS PA DER, ,MI SHIS MTSAN MA 'GA' YANG MI 'BYUNG ZHING, ,ZHING GI 'BYOR PA PHUL DU BYUNG BA YI, ,BDE LEGS RGYUN MI CHAD PA'I BKRA SHIS SHOG ,CES MGON PO TSE DPAG MED KYI DKYIL 'KHOR GYI MJUG TU BYA BA'I SMON LAM DANG SHIS PA BRJOD PA JI LTAR BYA BA'I TSUL 'DI YANG CHOS KYI RJE BSTAN 'DZIN BLO BZANG RGYA MTSO'I SPRUL PA'I SKU NGAG DBANG BSTAN 'DZIN 'PHRIN LAS PHYOGS GLANG GRAGS PA'I SDES YANG YANG BSKUL BA LA BRTEN NAS, DGE SLONG BLO BZANG CHOS KYI RGYAL MTSAN GYIS 'PHRAL DU BGYIS PA'I YI GE PA NI DGE SLONG 'TSO BYED BLO BZANG DBANG RGYAL LO,, MANGGA LAm,, ` AOm SVASTI, PHAN BDE'I 'BYUNG GNAS RGYAL BSTAN YONGS 'DU'I
LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL,, ,,SARBA DZA GA TAm,, ,,