*, ,'JIGS BYED DPA' BO GCIG PA RO LANGS BRGYAD BSKOR ZHE DGU MA GSUM GYI SGRUB THABS BZHUGS SO, ,
, ,NA MO GU RU MANYDZU GHO sh'A LA, PHYI NANG GSANG BA'I 'CHI BDAG RNAMS, ,MTHAR BYED 'JAM DPAL DPA' BO DANG, ,DBYER MED BLA MA'I ZHABS BTUD NAS, , 'JIGS BYED DPA' GCIG SGRUB THABS BSHAD, ,'DIR 'JIGS BYED DPA' BO GCIG PA'I SGRUB THABS MDOR BSDUS RGYUN GYI RNAL 'BYOR DU BYA BA'I TSUL NI, RNAL 'BYOR GYI YO BYAD RNAMS TSOGS PAR BYAS TE, DKON MCHOG GSUM LA SKYABS SU 'GRO, ZHES SOGS SHLO KA GCIG GIS SKYABS 'GRO SEMS BSKYED LAN GSUM SNGON DU BTANG, RANG NYID SKAD CIG GIS DPAL RDO RJE 'JIGS BYED ZHAL GCIG PHYAG GNYIS GRI GUG DANG THOD PA 'DZIN PA'I SKUR BZHENGS PAR GYUR, NANG MCHOD BYIN RLABS RGYAS PA NI, AOm HR'I: shttI: WI KRi T'A NA NA H'Um PHAt,
, ,AOm SVA BH'A WA SHUDDH'A: SARBA DHA RM'A: SVA BH'A WA SHUDDHO NYA HAm, STONG PA NYID DU GYUR, STONG PA'I NGANG LAS, YAm LAS RLUNG GI DKYIL 'KHOR SNGON PO GZHU'I DBYIBS LTA BU BA DAN GYIS MTSAN PA, DE'I STENG DU RAm LAS ME'I DKYIL 'KHOR DMAR PO GRU GSUM PA, DE'I STENG DU A'A: LAS MI MGO'I SGYED BU GSUM GYI STENG DU A'A: LAS BYUNG BA'I THOD PA DKAR PO, DE'I NANG GI SHAR DU BHRUm LAS BYUNG BA'I BA LANG GI SHA GOS MTSAN PA, LHOR AAm LAS BYUNG BA'I KHYI'I SHA KUS MTSAN PA, NUB TU DZRIm LAS BYUNG BA'I GLANG PO CHE'I SHA NGAS MTSAN PA, BYANG DU KHAm LAS BYUNG BA'I RTA'I SHA HAS MTSAN PA, DBUS SU H'Um LAS BYUNG BA'I MI'I SHA NAS MTSAN PA, SHAR LHOR LAm LAS BYUNG BA'I DRI CHEN BIS MTSAN PA, LHO NUB TU MAm LAS BYUNG BA'I RAKTA RAS MTSAN PA, NUB BYANG DU PAm LAS BYUNG BA'I BYANG SEMS DKAR PO SHUS MTSAN PA, BYANG SHAR DU TAm LAS BYUNG BA'I RKANG MAR MAS MTSAN PA, DBUS SU BAm LAS BYUNG BA'I DRI CHU MUS MTSAN PA, DE DAG GI STENG DU AOm DKAR PO, A'A: DMAR PO, H'Um SNGON PO GSUM STENG
NAS STENG DU BRTZEGS PAR GYUR, RANG GI THUGS KA'I H'Um LAS 'OD 'PHROS, RLUNG LA 'PHOG ,RLUNG GA-YOS, ME SBAR, THOD PA'I NANG GI RDZAS RNAMS ZHU ZHING KHOL BAR GYUR, YI GE GSUM LAS 'OD ZER RIM PA BZHIN DU 'PHROS PAS, SKU RDO RJE, GSUNG RDO RJE, THUGS RDO RJE RNAMS BKUG NAS, YI GE GSUM LA RIM GYIS THIM PA RNAMS THOD PAR LHUNG NAS ZHU BAS, H'Um GIS KHA DOG DRI NUS KYI SKYON SBYANGS, A'A: SA BDUD RTZIR RTOGS PAR BYAS, AOm GYIS MANG POR SBAR ZHING SPEL BAR GYUR, AOm A'A: H'Um LAN GSUM BRJOD NAS BYIN GYIS BRLAB PA'AM, MDOR BSDU NA, HA HO HR'I: LAN GSUM GYIS NANG MCHOD BYIN GYIS BRLABS, BDAG BSKYED KYI MCHOD PA BYIN RLABS NI, AOm HR'I: shtR'I: WI KRi T'A NA NA H'Um PHAt, AOm SVA BH'A WA SHUDDH'A: SARBA DHA RM'A: SVA BH'A WA SHUDDHO NYAHAm, STONG PA NYID DU GYUR, STONG PA'I NGANG LAS A'A: LAS BYUNG BA'I THOD PA YANGS SHING RGYA CHE BA RNAMS KYI NANG DU H'Um H'Um ZHU BA LAS BYUNG BA'I MCHOD YON, ZHABS BSIL, DRI CHAB, ME TOG ,BDUG SPOS, SNANG GSAL, ZHAL ZAS, ROL MO LA SOGS PA RNAMS RANG BZHIN BDE STONG, RNAM PA MCHOD RDZAS, BYED LAS DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN BSKYED PAR GYUR, AOm AARGHAm A'A: H'Um, DE BZHIN DU, P'A DYAm, BADZRA GANDHE, BADZRA PUshPE, BADZRA DH'U PE, BADZRA A'A LO KE, BADZRA NEE BIDYA, BADZRA SHAPTA A'A: H'Um, AOm R'U PA, SHAPTA, GANDHE, RA SA, SPARSHA A'A: H'Um, ZHES
, ,BYIN GYIS BRLABS, DE NAS RANG NYID 'JIGS BYED ZHAL GCIG PHYAG GNYIS PAR GSAL BA'I THUGS KAR, PADMA DANG NYI MA LA GNAS PA'I H'Um GI 'OD ZER GYIS 'JIG RTEN GYI KHAMS MU MED PA GSAL BAR BYAS, DE NA BZHUGS PA'I SANGS RGYAS DANG BYANG CHUB SEMS DPA' DANG KHRO BO DANG, RIG PA'I TSOGS KYIS BSKOR BA'I RDO RJE 'JIGS BYED BLA MA DANG BCAS PA MDUN GYI NAM MKHAR SPYAN DRANGS 'OD ZER RANG GI SNYING KHAR THIM, GANG GI DRIN GYIS BDE CHEN GNAS, ,SKAD CIG GIS NI THOB 'GYUR BA, ,BLA MA RIN CHEN LTA BU YI, ,RDO RJE CAN ZHABS PAD LA 'DUD, ,GZUGS MCHOG MCHOG TU DRAG PO CHE, ,DPA' BO MCHOG GI SPYOD YUL CAN, ,GDUL DKA' 'DUL BA'I DON MDZAD PA, ,RDO RJE 'JIGS BYED LA PHYAG 'TSAL, ,RANG GI SNYING KHA'I H'Um GI 'OD ZER LAS BYUNG BA'I TZA RTZI KA DKAR MO, PHAG MO SNGON MO, DBYANGS CAN MA DMAR MO, GO RI LJANG GU PHYAG NA MCHOD RDZAS SNA TSOGS PA THOGS PA RNAMS KYIS MCHOD PAR GYUR, AOm HR'I shtR'I: HAS MCHOD YON DANG, AOm H'Um H'Um PHAt KYIS ZHABS BSIL, AOm WI KRi T'A NA NA DUshtAm SATVA DA MA KA GA: GA: GA: YIS DRI, AOm KU M'A RA R'U PI nE DZA: DZA: H'Um PHAt KYIS ME TOG ,AOm HR'I: HA HE PHAt KYIS BDUG SPOS, AOm D'I PHA LO TZA NA WI KRi T'A NA NA MAH'A AAtt'AttA HA SA NA DI NI D'I PTA YA SV'AH'AS MAR ME, AOm BADZRA NEE BIDYA A'A: H'Um SV'AH'AS LHA BSHOS,
AOm BADZRA SHAPTA A'A: H'Um GIS ROL MO RNAMS DBUL, DE NAS SDIG PA RNAMS NI BSHAGS PAR BYA, ,SKYES SHING BYUNG BA RNAMS NI BSAL, ,MI BYED PAR YANG SPYAN SNGAR BRJOD, ,DE BZHIN BSOD NAMS RJES YI RANG, ,BDAG GIS BDER 'GROR YONGS SU BSNGO, ,DKON MCHOG GSUM LA SKYABS SU 'GRO, ,SEMS CAN THAMS CAD BDAG GIS DGROL, ,BYANG CHUB GNAS LA DGOD PAR BGYI, ,BYANG CHUB SEMS NI YANG DAG BSKYED, ,YON TAN RGYA MTSO KHYED RNAMS LA, ,BDAG GI LUS 'DI DBUL BAR BGYI, ,YANG DAG RDZOGS PA'I SANGS RGYAS DANG, ,DE SRAS LAM GYUR SBYIN SOGS TSUL, ,SKU GSUM YE SHES THOB BYA'I PHYIR, ,RAB TU DANG BAS BSTEN PAR BGYI, ZHES PA'I BAR GYIS BSHAGS PA DANG, YI RANG, BSNGO BA, SKYABS 'GRO SEMS BSKYED, LUS 'BUL BA, LAM RTEN RNAMS BYA, SEMS CAN THAMS CAD BDE BA DANG LDAN PAR GYUR CIG ,CES SOGS KYIS TSAD MED BZHI BSGOMS TE BSOD NAMS KYI TSOGS BSAG PA'O, ,DE NAS, AOm SVA BH'A WA SHUDDHA: SARBA DHA RM'A: SVA BH'A WA SHUDDHO NYAHAm, AOm SH'U N+YA T'A DZNY'A NA BADZRA SRA BH'A WA A'ATMA KONYA HAm, RANG DANG TSOGS ZHING GI LHA DANG DE DAG LAS GZHAN PA'I CHOS THAMS CAD BRTEN NAS BTAGS PA YIN PA'I PHYIR, RTAG CHAD LA SOGS PA'I MTHA' BZHI DANG BRAL BA'I STONG PA NYID DU GYUR, DE LTAR 'KHOR 'DAS KYI CHOS THAMS CAD STONG PA NYID DANG BDE BA CHEN PO DBYER MI PHYED PA'I CHOS KYI SKU'I BDAG NYID DU MOS, DE NYID GDAGS
, ,GZHIR BYAS NAS NGA RGYAL BZHAG STE BSGOM PA NI YE SHES KYI TSOGS BSAG PA DANG 'CHI BA CHOS SKUR 'KHYER BA'I LAM 'KHYER YIN NO, ,STONG PA'I NGANG LAS SKAD CIG GIS RDO RJE'I SA GZHI RAB GUR BLA RE ME RI; DUR KHROD CHEN PO BRGYAD KYIS YONGS SU BSKOR BA'I GZHAL YAS KHANG GI NANG GI DBUS SU YAm LAS RLUNG GI DKYIL 'KHOR NAG LA CUNG ZAD DMAR BA'I MDOG CAN GYI STENG DU AA YIG DANG PO LAS BYUNG BA'I ZLA BA'I DKYIL 'KHOR GYI DBUS SU CHU LAS CHU SBUR GYI TSUL DU DH'I: SER PO LAS BYUNG BA'I RAL GRI'I DBUS SU DH'I: SA MTSAN PA, DE LAS 'OD ZER 'PHROS, BDE BAR GSHEGS PA THAMS CAD SPYAN DRANGS, THIM PA YONGS SU GYUR PA LAS RNAG NYID RGYU RDO RJE 'DZIN PA 'JAM DPAL GZHON NUR GYUR PA SKU MDOG SER PO, YID TZAM KHROS PA PHYAG GA-YAS RAL GRI 'PHYAR ZHING, GA-YON GYIS GLEGS BAM THUGS KAR BSNAMS PA, ZHABS RDO RJE'I SKYIL KRUNG GIS BZHUGS PA; MTSAN SO GNYIS DANG DPE BYAD BRGYAD CUS BRGYAN PA, RAL PA'I ZUR PHUD LNGA DANG LDAN ZHING, RGYAN THAMS CAD KYIS BRGYAN PA, DE LTAR BSGOM PA NI BAR DO LONGS SKUR 'KHYER BA'I RNAL 'BYOR RO, ,DE'I THUGS KAR A'A: LAS BYUNG BA'I NYI MA'I DKYIL 'KHOR, DE'I 'OD KYIS PHYOGS BCU NA BZHUGS PA'I RNAM SNANG LA SOGS PA'I SANGS RGYAS DANG, RDO RJE RNON PO LA SOGS PA'I BYANG CHUB SEMS DPA' DANG, RDO RJE LCAGS KYU LA SOGS PA'I KHRO BO
DANG; SEMS MA RDO RJE MA LA SOGS PA'I RIG PA RNAMS SPYAN DRANGS TE, 'JAM DPAL DANG BCAS PA NYI MA LA ZHUGS PA'I 'OD ZER GYIS DPAG TSAD STONG PHRAG BRGYAR KHYAB PA'I NYI MA'I DKYIL 'KHOR DU GYUR, DE'I STENG DU H'Um YIG MTHING KHA 'OD ZER LNGA DANG LDAN PA LAS 'OD ZER 'PHROS PAS SANGS RGYAS DANG BYANG CHUB SEMS DPA' DANG KHRO BO DANG RIG PA'I TSOGS RNAMS SPYAN DRANGS TE H'Um LA ZHUGS PA LAS KHRO BO'I RDO RJE KHA DOG NAG PO RTZE DGU PA RVA SHIN TU GDENGS PA 'OD ZER LNGA DANG LDAN PA, LTE BA LA H'Um YIG GIS MTSAN PA, DE LAS RDO RJE PHRA MO'I GZUGS SPROS PAS SANGS RGYAS DANG BYANG CHUB SEMS DPA' DANG KHRO BO DANG RIG PA'I TSOGS RNAMS SPROS TE, NAM MKHA'I KHAMS THAMS CAD TIL GYI GANG BU BZHIN DU GANG BA, NYI MA LA GNAS PAS SEMS CAN RNAMS SMIN PAR BYAS NAS, RDO RJE 'JIGS BYED THOB PAR BYAS PA DANG LHAN CIG TU 'DUS NAS RDO RJE LA THIM PAR GYUR, ZLA BA DANG DE'I STENG GI NYI MA RDO RJE H'Um DANG BCAS PA YONGS SU GYUR PA LAS, SNA TSOGS PADMA DANG ZLA BA DANG NYI MA'I STENG DU, RANG NYID 'BRAS BU RDO RJE 'DZIN PA DPAL RDO RJE 'JIGS BYED CHEN PO, SKU MDOG MTHING NAG ZHAL DGU PHYAG SO BZHI ZHABS BCU DRUG PA GA-YAS BSKUMS SHING GA-YON BRKYANGS PA'I STABS KYIS BZHUGS PA, KHAMS GSUM PO ZA BAR NUS PA, HA HA ZHES SGROG CING LJAGS 'DRIL BA, MCHE BA RNAM PAR GTZIGS PA KHRO GNYER CAN, KHRO GNYER GYI 'GRAM DU SMIN MA DANG
, ,SPYAN 'JIG PA'I DUS LTAR 'BAR BA, SKRA KHAM SER GYEN DU BRDZES PA, 'JIG RTEN DANG 'JIG RTEN LAS 'DAS PA'I LHA LA SDIGS MDZUB BYED PA, 'JIGS PA RNAMS KYANG 'JIGS PAR MDZAD PA PHEEm KA RA'I SGRA CHEN PO 'BRUG LTAR SGROG PA, MI'I KHRAG DANG ZHAG DANG RKANG DANG TSIL BU ZA BA, 'JIGS SU RUNG BA'I THOD PA SKAM PO LNGAS THOD BYAS SHING, MGO BO RLON PA LNGA BCU'I THOD PA'I PHRENG BAS BRGYAN PA, SBRUL NAG PO'I MCHOD PHYIR THOGS DANG MI RUS KYI 'KHOR LO DANG, RNA CHA LA SOGS PA RUS PA'I RGYAN RNAMS KYIS BRGYAN PA, GSUS PA CHE BA GCER BU'I GZUGS CAN, MTSAN MA GYEN DU 'GRENG BA, SMIN MA DANG RDZI MA DANG SMA RA DANG BA SPU RNAMS DUS MTHA'I ME LTAR 'BAR ZHING, RTZA ZHAL NAG PO MA HE'I GDONG CAN SHIN TU KHROS PA RVA RNON PO CAN, DE'I STENG MA RVA GNYIS KYI DBUS KYI ZHAL DMAR PO RAB TU 'JIGS PA ZHAL NAS KHRAG 'DZAG PA; DE'I STENG DU 'JAM DPA' GYI ZHAL SER PO YID TZAM KHROS PA, GZHON NU'I RGYAN GYIS BRGYAN ZHING, SPYI BOR RAL PA LNGA DANG LDAN PA, RVA'I RTZA BA'I GA-YAS KYI ZHAL DANG PO SNGON PO, DE'I GA-YAS ZHAL DMAR PO, GA-YON ZHAL SER PO, RVA'I RTZA BA'I GA-YON GYI ZHAL DANG PO DKAR PO DE'I GA-YAS ZHAL DUD KHA GA-YON ZHAL NAG PO, ZHAL RNAMS SHIN TU KHROS PA, ZHAL DGU PO THAMS CAD KYANG SPYAN GSUM GSUM DANG LDAN PA'O, ,PHYAG GA-YAS GA-YON GYI
DANG PO GNYIS KYIS GLANG PO CHE'I PAGS PA BLON PA MGO GA-YAS DANG SPU PHYIR BSTAN TE LAG PA DANG RKANG PA'I PAGS PA GA-YON PA NAS BRGYANGS TE 'DZIN PA, LHAG MA GA-YAS KYI DANG PO NA GRI GUG ,GNYIS PA NA BHI DHI P'A LA, GSUM PA NA GTUN SHING, BZHI PA NA CHU GRI ,LNGA PA NA KA nA YA, DRUG PA NA DGRA STA, BDUN PA NA MDUNG, BRGYAD PA NA MDA', DGU PA NA LCAGS KYU, BCU PA NA DBYUG THO, BCU GCIG PA NA KHA tV'Am GA ,BCU GNYIS PA NA 'KHOR LO, BCU GSUM PA NA RDO RJE RTZE LNGA PA, BCU BZHI PA NA RDO RJE'I THO BA, BCO LNGA PA NA RAL GRI ,BCU DRUG PA NA CANG TE'U BSNAMS SHING, LHAG MA GA-YON GYI DANG PO NA KHRAG GIS GANG BA'I THOD PA, GNYIS PA NA TSANGS PA'I MGO BO; GSUM PA NA PHUB, BZHI PA NA RKANG PA, LNGA PA NA ZHAGS PA, DRUG PA NA GZHU, BDUN PA NA RGYU MA, BRGYAD PA NA DRIL BU, DGU PA NA LAG PA, BCU PA NA DUR KHROD KYI RAS, BCU GCIG PA NA SKYES BU GSAL SHING LA BTZUGS PA, BCU GNYIS PA NA ME THAB, BCU GSUM PA NA THOD TSAL, BCU BZHI PA NA SDIGS MDZUB, BCO LNGA PA NA 'PHAN RTZE GSUM PA, BCU DRUG PA NA RLUNG RAS BSNAMS PA'O, ,ZHABS GA-YAS KYI DANG POS MI, GNYIS PAS MA HE, GSUM PAS GLANG, BZHI PAS BUNG BU, LNGA PAS RNGA MO, DRUG PAS KHYI, BDUN PAS LUG ,BRGYAD PAS WA DANG, GA-YON GYI DANG POS BYA RGOD, GNYIS PAS 'UG PA, GSUM PAS BYA ROG ,BZHI PAS NE TZO, LNGA PAS KHRA, DRUG PAS BYA CHEN PO, BDUN
, ,PAS KHYIM BYA, BRGYAD PAS BZHAD MNAN PA, TSANGS PA DANG DBANG PO DANG KHYAB 'JUG DANG DRAG PO DANG, GZHON NU GDONG DRUG DANG LOG 'DREN DANG ZLA BA DANG NYI MA RNAMS KHA SBUB TU BYAS TE, ZHABS 'OG TU MNAN NAS ME DPUNG RAB TU 'BAR BA'I KLONG DKYIL NA BZHUGS PA, 'DI NI SKYE BA SBRUL SKUR 'KHYER BA'I RNAL 'BYOR YIN NO, ,RANG NYID DAM TSIG SEMS DPA'I THUGS KAR ZLA GDAN LA YE SHES SEMS DPA' 'JAM DPAL GZHON NUR GYUR PA SKU MDOG SER PO, YID TZAM KHROS PA, PHYAG GA-YAS RAL GRI 'PHYAR ZHING, GA-YON GLEGS BAM THUGS KAR BSNAMS PA, ZHABS RDO RJE'I SKYIL KRUNG GIS BZHUGS PA, MTSAN SO GNYIS DANG DPE BYAD BRGYAD CUS BRGYAN PA, RAL PA'I ZUR PHUNG LNGA DANG LDAN ZHING, RGYAN THAMS CAD KYIS BRGYAN PA, DE'I THUGS KAR A'A: LAS BYUNG BA'I NYI MA'I DKYIL 'KHOR GYI DBUS SU, TING NGE 'DZIN SEMS DPA' H'Um YIG MTHING KHA 'OD ZER LNGA 'PHRO BA, RANG GI MIG GNYIS SU KshIm, RNA BA GNYIS SU DZRIm, SNAR KHAm, LCE'I RTZA BAR RAm, DPRAL BAR KAm, LTE BAR SAm, SPYI BOR AOm, MGRIN PAR A'A: THUGS KAR H'Um GIS MTSAN PAR GYUR, RANG GI THUGS KA'I H'Um LAS 'OD ZER 'PHROS PAS, DPAL RDO RJE 'JIGS BYED DPA' BO GCIG PA YE SHES PA'I DKYIL 'KHOR RTEN DANG BRTEN PAR BCAS PA SPYAN DRANGS, HR'I: shtR'I: SA PHYIR 'BRANG GI BGEGS BSKRAD, HR'I: shtR'I: HA NAS SHAPTA'I BAR GYIS MCHOD, DZA: H'Um BAm HO: SLAR YANG THUGS KA'I H'Um LAS 'OD
ZER 'PHROS, DBANG GI LHA RNAMS SPYAN DRANGS, KHYED RNAMS KYIS BDAG LA MNGON PAR DBANG BSKUR DU GSOL ZHES GSOL BA BTAB PAS, DE RNAMS KYIS YE SHES KYI BDUD RTZIS GANG BA'I BUM PA THOGS NAS, AOm SARBA TA TH'A GA TA AA BHIshI KA TA SA MA YA SHR'I A'A: H'Um ZHES DBANG BSKUR LUS GANG DRI MA DAG CHU LHAG MA SPYI GTZUG TU GNAS PA YONGS SU GYUR PA LAS MI BSKYOD PAS DBU BRGYAN CING, DBANG GI LHA RNAMS KYANG RANG NYID LA THIM PAR GYUR, DE NAS MCHOD PA DANG NANG MCHOD RGYAS BSDUS CI RIGS SKABS DANG SBYAR NAS 'BUL, BSTOD PA YANG SPRON 'JAM DPAL GSER MDOG MA DANG, BSDU NA, GNYIS MED THUN MONG MA YIN KHYAB PA'I SKU, ,KUN LA SNYOMS MDZAD RGYAL BA KUN GYI YAB, ,CHOS KYI DBYINGS GYUR RGYAL BA KUN GYI YUM, ,YE SHES SEMS DPA' RGYAL BA KUN GYI SRAS, ,PHYAG 'TSAL 'JAM DPAL DPAL GYUR RDZOGS PA KHYOD, ,CHOS KYI SKU LA BYAMS SDANG MI MNGA' YANG, ,SRID GSUM GDUG PA MA LUS 'DUL BA'I PHYIR, ,THUGS RJE'I THABS KYIS KHRO RGYAL SKUR BSTAN PA, ,'JIGS BYED GSHIN RJE'I GSHED LA PHYAG 'TSAL LO, ,SANGS RGYAS KUN GYI DNGOS PO KHYOD, ,SANGS RGYAS THAMS CAD GCIG BSDUS PA, ,SANGS RGYAS KUN MCHOG GTZO BO'I GTZO, ,DKYIL 'KHOR GTZO LA PHYAG 'TSAL BSTOD, ,DE LAS KYANG BSDU NA, GZUGS MCHOG MCHOG TU DRAG PO CHE, ZHES SOGS SHLOO KA GCIG BYA, SKABS 'DIR BSKYED PA'I RIM PA'I RNAL 'BYOR LA
, ,RTZE GCIG TU BRTZON PAR BYAS NAS, BSKYED RIM PHRA RAGS LA RTZE GCIG TU MNYAM PAR 'JOG ,BSGOMS PAS SKYON BGRANG 'PHRENG 'JIGS BYED DPA' GCIG TU BSKYED, YE SHES PA DGUG GZHUG , MCHOD BSTOD BZLAS PA CUNG ZAD BYAS, BCOM LDAN 'DAS ZHU BA LAS BYUNG BA'I KHRAG 'DZAG PA'I MGO 'PHRED DU BSAMS NAS ZHI KHRO SBRAGS SGRUB KYI MAN NGAG ZHAL NAS 'BYUNG BA LTAR DU, BZLAS PA'I SKYON DANG BRAL BAR AA RA PA TZA NA DANG, AOm YA MA RA DZ'A SA DO ME YA, YA ME DO RU, nA YO DA YA, YA DA YO NA RI YA KshE YA, YAKshE YA TZA NI R'A MA YA H'Um H'Um PHAt PHAt SV'AH'A, ZHES PA RTZA SNGAGS DANG, AOm HR'I: sht'I: WI KRi T'A NA NA H'Um PHAt, CES LAS SNGAGS DANG, AOm YA M'ANTA KA H'Um PHAt, CES PA NI SNYING PO STE, SNGAGS GSUM PA CI RIGS PA DMIGS PA DANG BCAS BZLA, DMIGS PA NI RANG YI DAM DU GSAL BA'I THUGS KA'I TING NGE 'DZIN SEMS DPA'I MTHA' SKOR DU SNGAGS 'PHRENG GSUM PO YI GE 'BAR BA'I GZUGS SU YOD PA LAS, 'OD ZER 'PHROS RANG GZHAN GYI SDIG SGRIB NAD GDON THAMS CAD TSAR BCAD CING SEMS CAN GYI DON BYAS, SANGS RGYAS BYANG SEMS RNAMS KYI MTHU STOBS BYIN RLABS THAMS CAD 'OD ZER SNA LNGA'I RNAM PAR BKUG ,SNYING GA'I SNGAGS 'PHRENG LA THIM PAR BSAMS SO, ,MJUG TU YI GE BRGYA PAS LHAG CHAD BSKANG, THUN GYI MTHAR GTOR MA 'BUL BAR 'DOD NA, GTOR MA NANG MCHOD
LTAR BYIN GYIS BRLABS, DPAL RDO RJE 'JIGS BYED DPA' BO GCIG PA'I YE SHES PA MDUN GYI NAM MKHAR SPYAN DRANGS, YA M'ANTA KA'I MJUG LA BA LIm TA SOGS BTAGS PA LNGA'AM GSUM GYIS GTOR MA PHUL, MCHOD BSTOD MDOR BSDUS BYAS, YE SHES PA RANG BZHIN GYI GNAS SU GSHEGS SU GSOL, MJUG TU NYE BAR BSDUS TE 'OD GSAL GYI NGANG LAS, SLAR YANG DPA' BO GCIG PA'I SKUR LANGS TE, DGE BA 'DI YIS MYUR DU BDAG ,CES SOGS BSNGO BA DANG SMON LAM RNAM PAR DAG PAS RGYAS 'DEBS SHING, THUN MTSAMS SU LHA'I RNAL 'BYOR DANG LDAN PA'I NGANG NAS, NYAL BA DANG LDANG BA DANG, KHRUS DANG, KHA ZAS KYI RNAL 'BYOR SOGS RGYUD DANG GRUB CHEN GYI GZHUNG NAS 'BYUNG BA LTAR NYAMS SU BLANGS TE, DAL 'BYOR THOB PA DON DANG LDAN PAR BYA'O, ,SMRAS PA, BSTEN PA TZAM GYIS 'CHI BDAG BDUD SDE'I DPUNG, ,DUS MTHA'I BYIN ZA DANG 'PHRAD BUD SHING BZHIN, ,SKAD CIG TZAM GYIS THAL BAR BRLAG BYED PA, KHAMS GSUM ZA BYED DPAL LDAN GSHIN RJE'I GSHED, ,DE NYID RGYUD DON GRUB MCHOG DAM PA'I GZHUNG, ,RNAM DPYOD BLO YIS LEGS PAR BSRUBS PA LAS, ,BYUNG BA'I DPA' GCIG SGRUB THABS MDOR BSDUS PA, ,RIN CHEN DBANG GI RGYAL PO'I 'PHRENG BA SPEL, ,DE LAS BYUNG BA'I DGE BA'I TSOGS, ,ZLA SHEL DUNG LTAR DKAR BA DES, ,'GRO KUN PHYI NANG GSANG BA YI, ,'CHI BDAG GA-YUL LAS RGYAL GYUR CIG , ,,
, ,CES PA 'DI NI DAD PA DANG RNAM DPYOD PHUL DU BYUNG ZHING, RIG GNAS DU MA LA BLO BYANG BA GONG DKAR RDO RJE GDAN PA CHOS MDZAD BSTAN 'DZIN DBANG PO ZHES BYA BAS NAN CHER GSOL BA BTAB PA LA BRTEN NAS, GSHIN RJE'I GSHED KYI RNAL 'BYOR PA BLO BZANG CHOS KYI RGYAL MTSAN GYIS SBAS LUNG 'BRAS MO GSHONGS DANG 'DAB CHAGS PA MON BOD GNYIS KYI MTSAMS BSTAN SKYONG CHEN PO'I MGUL KHANG BU ZHES BYA BA'I YUL LJONGS SU SBYAR BA'I YI GE PA NI BLO BZANG PHUN TSOGS SO,, ` ,,NA MO GU RU MANYDZU GHO sh'A YA, BLO BZANG 'JAM PA'I DBYANGS ZHES GRAGS PA'I DPAL, ,PHYI NANG GSANG BA'I GSHIN RJE'I DGRAR BZHENGS PA'I, ,BLA MA YI DAM DBYER MED ZHABS SEN GYI, ,'OD ZER RGOD PAS BDAG BLO'I MUN PA SOL, ,RGYUD DANG GRUB CHEN RJE BTZUN BLA MA YI, ,DGONGS DON MKHAS GRUB CHEN POS BKRAL BA LTAR, , 'JIGS BYED RO LANGS BRGYAD BSKOR ZHE DGU MA'I, ,NGAG 'DON JI LTAR BYA BA'I RIM PA BRI, 'DIR DPAL RDO RJE 'JIGS BYED RO LANGS BRGYAD BSKOR DANG, ZHE DGU MA GNYIS KYI MNGON RTOGS JI LTAR BYA TSUL THAMS CAD MKHYEN PA DGE LEGS DPAL BZANG POS MDZAD PA'I 'JIGS BYED KYI BSKYED RIM RNAM BSHAD NAS 'BYUNG BA NI 'DI LTAR, THOG MAR RO LANGS BRGYAD BSKOR LA, GTZO BO SEMS DPA' GSUM BRTZEGS CAN DU BSKYED PA'I
BAR DPA' BO GCIG PA'I MNGON RTOGS JI BZHIN BYAS, TING NGE 'DZIN SEMS DPA' H'Um YIG MTHING KHA 'OD ZER LNGA 'PHRO BA, GZHAL YAS KHANG GI SGO BZHI DANG, GRVA BZHIR SNA TSOGS PADMA DANG NYI MA'I GDAN, DE RNAMS KYI STENG DU BEE LAS GRI GUG BEES MTSAN PA BRGYAD YONGS SU GYUR PA LAS, RO LANGS CHEN PO BRGYAD DU GYUR PA NI, THAMS CAD KYANG SKU MDOG NAG PO MA HE 'AM SRIN PO DRAG TU KHROS PA'I GDONG PA CAN, ZHAL GCIG PHYAG GNYIS PA, SPYAN GSUM ME LHAR 'BAR BA, KHROS PA'I ZHAL GDANGS SHING 'BAR BA'I MCHE BA GTZIGS PA, DBU SKRA KHAM SER GYEN DU BRDZES SHING, GCER BU LINGGA DMAR PO GYEN DU RGYAS PA, PHYAG GA-YAS 'BAR BA'I GRI GUG GSOR ZHING, GA-YON KHRAG GIS GANG BA'I THOD PA THUGS KAR 'DZIN PA, ZHABS GA-YAS BSKUMS SHING, GA-YON BRKYANGS PA'I STABS KYIS BZHUGS PA, GTZO 'KHOR THAMS CAD KYI MIG GNYIS SU SA SNYING GI RANG BZHIN KshIm ZHES SOGS DANG, BSGOMS PA DANG 'DRA BA'I YE SHES PA SPYAN DRANGS, ZHES SOGS DANG, RTZA ZHAL GYI DBUL MI BSKYOD PA, 'KHOR RNAMS LA RDO RJE 'JIGS BYED ZHAL GCIG PHYAG GNYIS PA RE RES DBU BRGYAN PAR GYUR, CES PA DANG, BSTOD PA'I MJUG TU, KHA SBYOR BDE CHEN LONGS SPYOD RDZOGS, ,'JIGS PA MTHA' DAG 'JIGS MDZAD PA'I, ,YE SHES LNGA YI BDAG NYID MCHOG ,RO LANGS BRGYAD LA PHYAG 'TSAL BSTOD, ,CES PA DANG,
, ,GTOR 'BUL GYI SNGAGS, AA DHI PA TI'I, MJUG TU SA PA RI W'A RA 'AM, AAshtA PEETTA dA BALIm TA SBYAR BA MA GTOGS, DPA' GCIG JI BZHIN DU BYA'O, 'KHOR GYI BSNYEN SNGAGS RGYUD DANG GRUB CHEN GYIS SGRUB THABS SU GSAL BAR MA BSHAD PAS, GTZO BO'I BSNYEN PAS CHOG PAR SEMS SHING, DBANG BSKUR BA SOGS NI BCU GSUM MA GSUM GYI DKYIL CHOG LAS BSDUS NAS DPA' GCIG BZHIN BYA DGOS TE, KHO BOS DBANG THOB PA BZHIN, BLA MA RNAMS KYI GSUNG RGYUN LTAR DPA' BO GCIG PA'I DBANG CHOG BSGRIGS PA YANG YOD DO,, ,,SMAS PA, RTZA RGYUD RTOG PA DANG PO LAS, ,BSHAD PA'I RO LANGS BRGYAD BSKOR GYI, ,SGRUB THABS JI LTAR BYA BA'I TSUL, ,BRGYUD LDAN BLA MA'I GSUNG BZHIN BKOD, ` ,DA NI ZHE DGU MA'I NGAG 'DON JI LTAR BYA TSUL BRJOD PAR BYA STE, SHIN TU NGO MTSAR BAR BYED PA'I DUR KHROD RNAMS KYIS BSKOR BA'I GZHAL YAS KHANG GI NANG, ZHES PA'I BAR DKYUS BZHIN BYA, DE NAS GZHAL YAS KHANG GI NANG GI LE'U TSE DGU DANG, PHYOGS BZHI'I LHA SNAM GYI STENG DU BRGYAD BRGYAD DANG, LHA SNAM GYI SGO BZHI DANG MTSAMS RNAMS SU YAm LAS RLUNG GI DKYIL 'KHOR NAG LA CUNG ZAD DMAR BA'I DKYIL 'KHOR RE RE'I STENG DU SNA TSOGS PADMA DANG ZLA BA DANG NYI MA'I GDAN GSUM GSUM, GDAN DE RNAMS KYI STENG DU AA YIG DANG PO LAS BYUNG BA'I ZLA BA'I DKYIL
'KHOR RE RE, DE RNAMS KYI STENG DU CHU LAS CHU WUR GYI TSUL DU DBUS SU DH'I: SER PO, NANG GI PHYOGS BZHIR, AOm AAm DZRIm KHAm, MTSAMS BZHIR SHAR LHO NAS GA-YAS BSKOR GYIS, SAm RAm DHAm KAm DANG, PHYI'I LHA SNAM GYI SHAR SGO'I GA-YAS GA-YON GYI GDAN LA RIM PA BZHIN DU, TAm KHAm MEm MAm DZNYAm DANG, WAm TZAm DZNYAm, LHO SGO'I GA-YAS GA-YON GYI GDAN LA RIM PA BZHIN DU, BEm YAm SAm DHAm RAm DANG TAm HAm DZAm, NUB SGO'I GA-YAS GA-YON GYI GDAN LA RIM PA BZHIN DU, SAm BHAm SAm RAm RAm DANG P'Am SUm SUm, BYANG SGO'I GA-YAS GA-YON GYI GDAN LA RIM PA BZHIN DU, KEm HAm GHAm DZNYAm PAm DANG BAm MAm AAm, SGO BZHIR AAm BAm SBE GHA, MTSAMS BZHIR SU AU H'Um AAm STE, SHAR DANG SHAR LHO'I YI GE BCU GNYIS SNGON PO, LHO DANG LHO NUB KYI YI GE BCU GNYIS SER PO, NUB DANG NUB BYANG GI YI GE BCU GNYIS DMAR PO, BYANG DANG BYANG SHAR GYI YI GE BCU GNYIS LJANG GU ,DE RNAMS YONGS SU GYUR PA LAS, DBUS SU RAL GRI DH'I: SA MTSAN PA, SHAR DANG SHAR LHO'I RDO RJE BCU GNYIS AOm NAS SUm GYI BAR GYI MTSAN PA LHO DANG LHO NUB KYI RIN PO CHE BCU GNYIS AAm NAS AUm GYI BAR GYIS MTSAN PA, NUB DANG NUB BYANG GI PADMA BCU GNYIS DZRIm NAS H'Um GI BAR GYIS MTSAN PA, BYANG DANG BYANG SHAR GYI SNA TSOGS RDO RJE BCU GNYIS KHAm NAS AAm GYI BAR GYIS MTSAN PA, DE RNAMS LAS 'OD ZER 'PHROS BDE BAR GSHEGS PA THAMS CAD SPYAN DRANGS, THIM PA YONGS SU GYUR PA LAS, DBUS SU RGYU RDO RJE 'DZIN PA 'JAM DPAL, ZHES PA NAS, RGYAN THAMS CAD KYIS BRGYAN PA, NANG GI SHAR
, ,DU GTI MUG RDO RJE, LHOR SER SNA RDO RJE, NUB TU 'DOD CHAGS RDO RJE, BYANG DU PHRAG DOG RDO RJE, NANG GI SHAR LHOR SEMS MA RDO RJE MA, LHO NUB TU RIN CHEN RDO RJE MA, NUB BYANG DU CHOS KYI RDO RJE MA, BYANG SHAR DU LAS KYI RDO RJE MA, PHYI'I LHA SNAM SHAR SGO'I GA-YAS GA-YON GYI GDAN LA RIM PA BZHIN DU, RDO RJE RNON PO, RDO RJE RAL GRI, BYAMS PA, 'JAM DPAL, YE SHES SKU, NGAG GI DBANG PHYUG ,ZLA BA'I 'OD, YE SHES MTSO DANG, LHO SGO'I GA-YAS GA-YON GYI GDAN LA RIM PA BZHIN DU, RDO RJE SNA TSOGS, RDO RJE GNOD SBYIN, RDO RJE KHU TSUR, RDO RJE CHOS, RDO RJE BSRUNG BA, RDO RJE RNON PO, RDO RJE RGYU, DRA BA'I 'OD, NUB SGO'I GA-YAS GA-YON GYI GDAN LA RIM PA BZHIN DU, RDO RJE SMRA BA, RDO RJE SEMS DPA', RDO RJE RGYAL PO, RDO RJE CHAGS PA, RDO RJE LEGS PA, RDO RJE RIN CHEN, NYI MA'I 'OD, RDO RJE NYI MA, BYANG SGO'I GA-YAS GA-YON GYI GDAN LA RIM PA BZHIN DU, RDO RJE DPAL, RDO RJE BZHAD PA, SPOS KYI GLANG PO, YE SHES TOG ,THAMS CAD THABS KYIS 'GRO BA, RGYA MTSO'I BLO GROS, BLO GROS MI ZAD PA, BDUD RTZI'I 'OD, SHAR SGOR RDO RJE LCAGS KYU, LHO SGOR RDO RJE ZHAGS PA, NUB SGOR RDO RJE LCAGS SGROG ,BYANG SGOR RDO RJE DRIL BU, PHYI'I SHAR LHOR RDO RJE GNOD MDZES, LHO NUB TU RDO RJE GTZUG TOR, NUB BYANG DU RDO RJE H'Um MDZAD, BYANG SHAR DU RDO RJE GZHAN GYIS MI THUB PA STE, SHAR DANG SHAR LHO'I LHA RNAMS SKU MDOG SNGON PO, GA-YAS RDO RJE, LHO DANG LHO NUB KYI LHA RNAMS SKU MDOG SER PO GA-YAS RIN PO CHE, NUB DANG NUB BYANG GI LHA RNAMS
SKU MDOG DMAR PO, GA-YAS PADMA, BYANG DANG BYANG SHAR GYI LHA RNAMS SKU MDOG LJANG GU ,GA-YAS SNA TSOGS RDO RJE, THAMS CAD KYIS GA-YON PAS PU TI BSNAMS PA'AM, DRIL BU DKUR BRTEN PA, THAMS CAD KYANG RIN PO CHE'I RGYAN SNA TSOGS PAS BRGYAN CING, DAR SNA TSOGS KYI NA BZAS KLUBS PA, YID TZAM KHROS PA, DE THAMS CAD KYI THUGS KAR A'A: LAS BYUNG BA'I NYI MA'I DKYIL 'KHOR RE RE, DE RNAMS KYI 'OD KYIS RNAM SNANG LA SOGS PA'I SANGS RGYAS DANG ZHES PA NAS, RIG PA RNAMS SPYAN DRANGS TE, 'JAM DPAL DANG BCAS PA LA SOGS PA'I LHA RNAMS NYI MA LA ZHUGS PAS, 'OD ZER GYIS DPAG TSAD STONG PHRAG BRGYAR KHYAB PA'I NYI MA'I DKYIL 'KHOR ZHE DGUR GYUR PA'I DBUS SU H'Um SNGON PO, NANG GI PHYOGS BZHI DANG, MTSAMS BZHIR, AOm HR'I: shtI: WI KRI T'A NA NA, PHYI'I LHA SNAM LA SHAR DU, YAKshE YA TZTSA NI R'A MA YA, LHOR YA MA R'A DZ'A SA DO ME YA, NUB TU YA ME DO RU nA YO DA YA, BYANG DU, YA DA YO NA RI YA KshE YA, SGO BZHIR, YA M'ANTA KA, MTSAMS BZHIR, AOm H'Um PHAt PHAt, YI GE THAMS CAD PHYOGS MDOG 'OD ZER KHA DOG LNGA 'PHRO BA LAS 'OD ZER 'PHROS PAS SANGS RGYAS DANG, ZHES PA NAS, TSOGS RNAMS SPYAN DRANGS TE, YI GE RNAMS LA ZHUGS PA LAS, DBUS SU KHRO BO'I RDO RJE KHA DOG NAG PO RTZE DGU PA RVA SHIN TU GDENGS PA'I LTE BA LA, H'Um YIG GIS MTSAN PA, NANG GI PHYOGS BZHIR, MGO DANG LAG PA, RGYU MA RKANG PA, MTSAMS BZHIR THOD PA THOD TSAL DUR KHROD KYI RAS DANG, SKYES BU GSAL SHING LA
, ,BTZUGS PA, DE'I PHYI'I LHA SNAM LA, GRI GUG ,MTSON RTZE GCIG PA, GTUN SHING, CHU GRI, KA NA YA DANG LCAGS KYU MA HE BA GLANG, LHOR STA RE MDA' DANG DBYUG PA KHA tV'Am GA ,MTSON CHA'I 'KHOR LO RDO RJE ZHAGS PA, PHAG DANG BUNG BU, NUB TU RDO RJE CANG TE'U DANG PHUB DANG GZHU DANG DRIL BU RLUNG RAS RNGA MO KHYI, BYANG DU, SDIGS MDZUB 'PHAN RTZE GSUM PA GLANG LPAGS THO BA MDUNG DANG ME THAB LUG DANG WA, SGO BZHIR BYA RGOD 'UG PA BYA ROG NE'U TZO, MTSAMS BZHIR BYA CHEN KHRA DANG KHYIM BYA, BZHAD RNAMS RANG RANG GI SA BON GYIS MTSAN PA, DE RNAMS LAS RDO RJE PHRA MO'I GZUGS SPROS PAS, ZHES PA NAS, RDO RJE LA SOGS PA'I PHYAG MTSAN RNAMS LA THIM PAR GYUR, ZLA BA DANG DE'I STENG GI NYI MA, PHYAG MTSAN SA BON DANG BCAS PA YONGS SU GYUR PA LAS, DPAL RDO RJE 'JIGS BYED LHA ZGHE DGU'I DKYIL 'KHOR YONGS SU RDZOGS PAR GYUR PA NI, DBUS SU SNA TSOGS PADMA DANG, ZLA BA DANG, NYI MA'I GDAN LA, RANG NYID 'BRAS BU RDO RJE 'DZIN PA DPAL RDO RJE, ZHES PA NAS, 'OD ZER LNGA 'PHRO BA, NANG GI PHYOGS BZHIR, RDO RJE MGO BO, RDO RJE LAG PA, RDO RJE RGYU MA, RDO RJE RKANG PA, MTSAMS BZHIR, RDO RJE THOD PA MA, RDO RJE THOD TSAL MA, RDO RJE DUR KHROD KYI RAS MA, RDO RJE MDUNG RTZER BSKYON MA, ZHES SOGS MGOR, RDO RJE ZHES SBYAR TE, RDO RJE BZHAD KYI BAR THAMS CAD KYANG SKU MDOG MTHING NAG ,MA HE KHROS PA'I GDONG CAN ZHAL GCIG PHYAG GNYIS PA, GA-YAS PA RNAMS KYIS RANG GI MING DANG MTHUN PA'I PHYAG MTSAN
'DZIN ZHING, GA-YON PA RNAMS KYIS KHRAG GIS GANG BA'I THOD PA BSNAMS PA, YANG NA PHYAG GNYIS KAS THUGS KAR PHYAG MTSAN 'DZIN PA, SPYAN GSUM DMAR PO SDANG MIG TU GZIR ZHING, DBU SKRA KHAM PA GYEN DU 'BAR BA MI MGO BSKAM PO LNGA'I DBU RGYAN DANG, RLON PA KHRAG 'DZAG PA LNGA BCU'I DO SHAL BYAS PA, BCOM LDAN 'DAS KYI ZHAL DU BLTA ZHING, CHER 'KHRUG PA, BZHAD PA'I ZHAL CAN PHEEm GYI SGRA SGROG PA, YUM BZHI MA GTOGS PA THAMS CAD KYANG MTSAN MA GYEN DU 'GRENG BA, PAD ZLA NYI MA RO DANG MA HE'I GDAN LA, ZHABS GA-YAS BSKUMS SHING, GA-YON BRKYANGS PA'I STABS KYIS BZHUGS PA, GCER BU MI RUS KYI RGYAN GYIS BRGYAN PA'O, ,DE NAS, SKYE MCHED BYIN RLABS SOGS BCU GSUM MA BZHIN BYA, 'KHOR GYI SNGAGS NI, AOm BADZRA SHI RA H'Um PHAt, AOm BADZRA HA STA H'Um PHAt, AOm BADZRA AANTRA H'Um PHAt, AOm BADZRA P'A DA H'Um PHAt, AOm BADZRA KA P'A LA H'Um PHAt, AOm BADZRA TZA KA SHA H'Um PHAt, AOm BADZRA SMA SHA NA KA RA YA TA PA RA H'Um PHAt, AOm BADZRA SHU LAm BI NA PU RU shA NA H'Um PHAt, AOm BADZRA KARTA RE H'Um PHAt, (RDO RJE MGO BO,) AOm BADZRA (RDO RJE LAG PA,) BHI DHI P'A (RDO RJE RGYU MA,) LA H'Um PHAt, (RDO RJE RKANG PA,) AOm BADZRA (RDO RJE THOD PA,) MU PA LA H'Um (RDO RJE THOD TSAL,) PHAt, (RDO RJE RO RAS,) AOm BADZRA TZTSU RI KA H'Um PHAt, (RDO RJE SKYES BU GSAL SHING LA BTZUGS PA, RDO RJE GRI GUG ,RDI RJE RTZE GCIG PA,) AOm BADZRA KA (RDO RJE MTSON RTZE GCOG PA,) nA YA H'Um PHAt, (RDO RJE LCAGS KYU,) AOm BADZRA (RDO RJE GTUN SHING,) AADKU SHA H'Um PHAt, (RDO RJE MAHE,) AOm BADZRA MAH'I shA H'Um PHAt, (RDO RJE CHU GRI,
, ,AOm BADZRA B'I GA LA H'Um PHAt, AOm BADZRA KU THA RA H'Um PHAt, AOm BADZRA SHA RA H'Um PHAt, AOm BADZRA DAndA H'Um PHAt, AOm BADZRA KHA tV'Am GA H'Um PHAt, AOm BADZRA TZA KRA H'Um PHAt, AOm BADZRA P'A SHA H'Um PHAt, AOm BADZRA BA R'A HA H'Um PHAt, AOm BADZRA KHAm RA H'Um PHAt, AOm BADZRA BADZRA H'Um (RDO RJE BA) GLANG, PHAt, RDO RJE DGRA STA, AOm BADZRA (RDO RJE MDA',) dA MA RU RDO (RJE DBYUG PA,) H'Um PHAt, AOm BADZRA PHA LA KA H'Um PHAt, (RDO RJE 'KHOR LO,) AOm (RDO RJE ZHAGS PA,) BADZRA DHA (RDO RJE PHAG) ,NU H'Um PHAt, (RDO RJE BUNG BU,) AOm BADZRA (RDO RJE RDO RJE,) GHANt'A H'Um PHAt, AOm BADZRA WAD SA TA YA H'Um PHAt, (RDO RJE CANG TE'U,) AOm BADZRA AUshtA H'Um PHAt, AOm BADZRA SHVA NA H'Um (RDO RJE PHU BA,) PHAt, AOm BADZRA TA RTHA N'I H'Um PHAt, AOm BADZRA THI PA (RDO RJE GZHU,) TA KA NA H'Um PHAt, AOm BADZRA GA DZA TZARMA (RDO RJE DRIL BU,) H'Um PHAt, AOm BADZRA (RDO RJE RLUNG RAS,) MUNGGA RA H'Um PHAt, AOm BADZRA KUNTA (RDO RJE RNGA MO,) H'Um PHAt, AOm BADZRA (RDO RJE KHYI,) AAGNI KUndA H'Um PHAt, (RDO RJE SDIGS MDZUB, RDO RJE PHAN RTZE GSUM PA,) AOm BADZRA ME shA H'Um PHAt, (RDO RJE GLANG LPAGS, AOm BADZRA SHA NA H'Um PHAt, AOm BADZRA (RDO RJE THO BA,) GRi DHRA H'Um PHAt, AOm BADZRA AU (RDO RJE MDUNG,) LU KA: H'Um PHAt, (RDO RJE ME THAB,) AOm BADZRA TZA KA BA dA H'Um PHAt, AOm BADZRA MAndI H'Um (RDO RJE LUG) ,PHAt, AOm BADZRA SE NA H'Um (RDO RJE WA,) PHAt, (RDO RJE BYA RGOD, RDO RJE'I SKEGS,) AOm BADZRA (RDO RJE 'UG PA,) MAH'A SHA KU NI H'Um PHAt, (RDO RJE BZHAD,) AOm BADZRA S'A (RDO RJE BYA ROG ,RA SA: H'Um PHAt, (RDO RJE NI'U TZO,) CES PA (RDO RJE KHYUNG NGAM BYA CHEN,) BZLAS SNGAGS (RDO RJE KHRA,) YIN
ZHING, GZHAN RNAMS NI BCU GSUM MA BZHIN BYED LA, GTOR 'BUL GYI SNGAGS THAMS CAD 'DON MA NUS NA, SA PA RI W'A RA SBYOR, DKYIL CHOG DPA' GCIG DANG MTSUNGS PA TZAM BYED PA LAGS,, ,,SMRAS PA, GRUB CHEN GZHUNG GI ZAB DON AA MRi TA'I, ,SKAL LDAN SHING RTA'I RGYUN GYIS RNAM DPYOD KYI, ,BUM BZANG MNGON PAR GANG ZHING CHER LUNG NAS, ,SKYUG PAR BYED PO MANG THOS SPONG BA PA, ,BLO BZANG CHOS KYI RGYAL MTSAN ZHES BYA STE, ,DGE BAS NYAM THAG 'GRO BA MA LUS PA, ,PHYI NANG GSANG BA'I 'CHI BDAG LAS RGYAL TE, ,'JAM DPAL DPA' BO'I GO 'PHANG MYUR THOB SHOG ,SNGON GYI DAM PA'I SKYE BO RNAMS, ,TSUL 'DI RIN CHEN LTAR BSTEN KYANG, ,DENG SANG CHER RLOM MTHA' DAG NI, ,GANG 'DIR MI SMRA'I BRTUL ZHGUS 'DZIN, ,'ON KYANG DGE BA'I BSHES GNYEN KHYOD, ,RNAM DPYOD YANGS PA'I LCAGS KYU YIS, ,YID BZHIN NOR MCHOG GZUNG 'DOD PA, LEGS ZHES THOGS MED DBYANGS 'DI BSGRAGS, ,ZHES DGE BA'I BSHES GNYEN SANGS RGYAS BKRA SHIS KYIS BSKUL BA'I NGOR, BLO BZANG CHOS KYI RGYAL MTSAN GYIS SBYAR BA DGE'O,, ` ,,AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCGHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, CHOS SBYIN 'DZAD MED DAL 'GRO'I RGYUN 'DI SPEL,, ,,SARBA DZA GATAm,, ,,