*, ,DPAL DUS KYI 'KHOR LO'I SGRUB THABS MDOR BSDUS 'JAM DPAL DGONGS RGYAN ZHES BYA BA BZHUGS, ,
, ,NA MO GU RU MANYDZU GHO sh'A YA, MCHOG GI DAM PA DANG PO'I SANGS RGYAS DANG, ,DBYER MED RJE BTZUN BLA MA'I ZHABS BTUD NAS, ,DPAL LDAN DUS KYI 'KHOR LO SGRUB PA'I THABS, ,GNAD BSDUS YANG SNYING YID BZHIN NOR MCHOG BRI, ,DE YANG, RGYUD KYI RGYAL PO'I SGRUB LE LAS, RANG GI SEMS KYI NUS PA SHES NAS BCOM LDAN 'DI YANG RNAL 'BYOR PA RNAMS DAG GIS BSGOM PAR BYA, ZHES SGRUB PA PO'I BLO NUS DANG BSTUN NAS RGYAS BSDUS BYA DGOS PA DANG, RGYAS BSDUS JI LTAR BYA BA YANG DE NYID LAS, GCIG LA SOGS PA MTHA' YAS ZHAL TE PHYAG DANG ZHABS MED DU MA'I KHA DOG MUN PA DAG GI MTHAR, ,SHES RAB THABS KYI BDAG NYID CES SOGS GSUNGS PA LTAR, ZHAL
, ,PHYAG 'KHOR LA SOGS PA, LHAN SKYES, DPA' GCIG ,LHA LNGA MA, LHA DGU MA, BCU GSUM MA, BCU BDUN MA, THUGS DKYIL DANG, YONGS SU RDZOGS PA SOGS MANG NYUNG CI RIGS PA BSGOM PAR GSUNGS PA LTAR, DPAL DUS KYI 'KHOR LO LA MOS PA'I LAS DANG PO BA DANG, SGRUB THABS RGYAS PA SHES KYANG CHAG MED 'DOD PAS BSDUS PA DON DU GNYER BA SOGS KYI PHYIR, LAM GYI GNAD TSANG LA SNYING POR DRIL BA'I MDOR BSDUS BRJOD PAR BYA'O, ,DES NA 'DI LA GNYIS, SNGON 'GRO DANG, DNGOS GZHI'O, ,DANG PO LA GNYIS, NANG MCHOD DANG MCHOD PA BYIN GYIS BRLAB PA DANG, BDAG BSRUNG ZHING BGEGS BSKRAD PA'O, ,DANG PO NI, YID MTHUN GYI GNAS SU RNAL 'BYOR GYI YO BYAD RNAMS TSOGS PAR BYAS TE, STAN BDE BA LA 'DUG NAS RANG NYID SKAD CIG GIS DUS KYI 'KHOR LO SKU MDOG SNGON PO, ZHAL GCIG PHYAG GNYIS KYIS RDO RJE DANG DRIL BU 'DZIN PAS SNA TSOGS YUM LA 'KHYUD PA GA-YAS BRKYANGS KYIS BZHUGS
PAR GYUR, AOm A'A: H'Um HO HAm KshA: AOm SVA BH'A WA SHUDDH'A: SARBA DHA RMA: SVA BH'A WA SHU DDHO NYA HAm, STONG PA NYID DU GYUR, STONG PA'I NGANG LAS YAm LAS RLUNG GI DKYIL 'KHOR NAG PO GZHU'I DBYIBS CAN RGYAL MTSAN GYIS MTSAN PA; DE'I STENG DU RAm LAS ME'I DKYIL 'KHOR DMAR PO GRU GSUM ME 'BAR BAS MTSAN PA, DE'I STENG DU A'A: LAS MI MGO RLON PA'I SGYED BU GSUM GYI STENG DU, AOm LAS BYUNG BA'I THOD PA DUM BU GCIG PA PHYI DKAR LA NANG DMAR BA'I DBUS SU, PADMA DMAR PO 'DAB MA BRGYAD PA'I STENG DU, AA AI Ri AU Li, L'i A'U R'i A'I A'A, RNAMS LAS BYUNG BA'I BDUD RTZI LNGA DANG, SHA LNGA SLAR YANG YI GE DE DAG GIS MTSAN PA RANG GI SNYING GA'I H'Um GI 'OD ZER GYIS BSKUL BAS, RLUNG GA-YOS, ME SBAR, THOD PA'I NANG GI RDZAS RNAMS ZHU ZHING KHOL, DE NYID H'Um LAS BYUNG BA'I RDO RJES DKRUGS PAS RDO RJE DANG RDZAS RNAMS RO MNYAM DU GYUR TE ZLA BA ZHU BA'I GZUGS SU GYUR, RANG GI LAG PA GA-YON GA-YAS DANG, GNYIS KA'I THUN MONG BA'I MTHIL DANG DBUS RNAMS SU ZLA NYI SGRA GCAN DUS ME LA GNAS PA'I, AOm A'A: H'Um HO RNAMS LAS 'OD ZER 'PHROS, SKU GSUNG THUGS YE SHES RDO RJE THAMS CAD KYI THUGS KA NAS YE SHES KYI BDUD RTZI BKUG STE, DAM TSIG GI BDUD RTZI DANG GCIG TU 'DRES PAS DRI MA SBYANGS, MANG POR SPEL ZHING CHAGS PA'I RO DANG LDAN
, ,PA; GZI BRJID 'BAR BA'I ZAG MED YE SHES KYI BDUD RTZIR GYUR, CES NANG MCHOD BYIN GYIS BRLABS, MCHOD PA YANG BSANGS SBYANGS, STONG PA'I NGANG LAS SPAm LAS BYUNG BA'I RIN PO CHE SHEL GYI SNOD YANGS SHING RGYA CHE BA RNAMS KYI NANG DU, RANG RANG GI MING YIG DANG PO THIG LES BRGYAN PA ZHU BA LAS BYUNG BA'I MCHOD RDZAS DANG, MCHOD PA'I LHA MO RNAMS RANG BZHIN STONG PA NYID DANG BDE BA CHEN PO, RNAM PA MCHOD RDZAS DANG, MCHOD PA'I LHA MO, BYED LAS DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN BSKYED PAR GYUR, AOm AARGHAm A'A: H'Um, DE BZHIN DU, P'A DYAm, PROKshA nAm, AANYTZA MA nAm; GANDHE NAS, K'A ME A'A: H'Um, ZHES BYIN GYIS BRLAB BO, ,GNYIS PA NI, AOm A'A: H'Um HO HAm KshA: PRADZNYA P'A YA A'ADMA KA, K'A YA W'A KA TZI TTA DZNY'A NA AA DHI PA TE, MA MA K'A YA W'A KA TZITTA DZNY'A NA BADZRA BADZR'A MRi TA SVA BH'A WAm KU RU KU RU SKANDHA DH'A TV'A YA TA NAm NA: SVA BH'A WAm SV'AH'A, RANG GI GTZUG TOR DU WAm LONGS SU GYUR PA LAS RDO RJE ZLA BA'I DKYIL 'KHOR CHA BCU DRUG YONGS SU RDZOGS PA, DES GTZUG TOR NAS RKANG SAN GYI BAR RANG GI LUS SPRUL SHUN PA BRJES PA BZHIN DU LAN GSUM DAR TE, RANG GI LUS ZLA BA'I DKYIL 'KHOR LTAR DKAR BAR GYUR, AOm SVA BH'A WA SHUDDH'A: SARBA DHARM'A: SVA BH'A WA SHUDDHO NYAHAm, RANG GI DPRAL BAR ZLA BA'I DKYIL 'KHOR LA AOm
DKAR PO LAS RDO RJE DKAR PO RTZE MO BCU BDUN PA, MGRIN PAR NYI MA'I DKYIL 'KHOR LA, A'A: DMAR PO LAS RDO RJE DMAR PO RTZE MO SUM CU RTZA GSUM PA, SNYING GAR SGRA GCAN GYI DKYIL 'KHOR LA, H'Um NAG PO LAS RDO RJE NAG PO RTZE MO DGU PA, LTE BAR DUS ME'I DKYIL 'KHOR LA, HO SER PO LAS RDO RJE SER PO RTZE MO DRUG CU RTZA LNGA PA, GTZUG TOR DU NAM MKHA'I DKYIL 'KHOR LA, TAm LJANG GU LAS RDO RJE LJANG GU RTZE MO LNGA PA, GSANG BA YE SHES KYI DKYIL 'KHOR LA, KshA: SNGON PO LAS RDO RJE SNGON PO RTZE MO SUM CU RTZA GSUM PA, RDO RJE DE RNAMS LAS RDO RJE 'BAR BA'I 'OD ZER PHYOGS BCUR 'PHROS, BDAG NYID RDO RJE'I SKUR GYUR CING, BDUD DANG BGEGS KYI CHOGS RNAMS NGES PAR BSREGS PAR GYUR, AOm A'A: H'Um HR'A: PHAt, ,GNYIS PA DNGOS GZHI LA GSUM, LAS MNGON PAR 'DU BYAS NAS 'CHI BA 'OD GSAL NYAMS SU MYONG BA DANG CHOS MTHUN PA SNGON 'GRO TSOGS GNYIS BSAG PA DANG, SHI NAS BAR DO NYING MTSAMS SBYAR TE SKYE BA'I RIM PA DANG CHOS MTHUN PA, DNGOS GZHI YAN LAG BZHI'I RNAL 'BYOR BSGOM PA DANG, THUN GYI MTHA' DANG MTSAMS SU JI LTAR BYA BA'O, ,DANG PO LA GNYIS, BSOD NAMS KYI TSOGS BSAG PA DANG, YE SHES KYI TSOGS BSAG PA'O, ,DANG PO NI RANG NYID BCOM LDAN 'DAS DUS KYI 'KHOR LO ZHAL GCIG PHYAG GNYIS PAR GSAL BA'I THUGS KAR, PAm LAS PADMA DMAR PO 'DAB MA BRGYAD
, ,PA'I LTE BAR AOm LAS ZLA BA'I DKYIL 'KHOR GYI STENG DU, H'Um LAS BYUNG BA'I RDO RJE RTZE LNGA PA LAS 'OD ZER 'PHROS PAS, RGYAL BA SRAS BCAS THAMS CAD BCOM LDAN 'DAS DUS KYI 'KHOR LO'I DKYIL 'KHOR GYI RNAM PAR MDUN GYI NAM MKHA'I MTHIL DU SPYAN DRANGS, 'OD ZER RANG GI SNYING GAR ZLA BA RDO RJE LA THIM, GANG GI DRIN GYIS BDE CHEN GNAS, ,SKAD CIG GIS NI 'THOB 'GYUR BA, ,BLA MA RIN CHEN LTA BU YI; ;RDO RJE CAN ZHABS PAD LA 'DUD, ,STONG NYID SNYING RJE'I BDAG NYID CAN, ,SRID GSUM SKYE DANG 'JIG PA MED, ,SHES DANG SHES BYA GCIG PA'I SKU, ,DPAL LDAN DUS 'KHOR LA PHYAG 'TSAL, ,RANG GI THUGS KA NAS SPROS PA'I MCHOD PA'I LHA MO RNAMS KYIS MCHOD PAR GYUR, AOm SARBA TA TH'A GA TA, GHANDHAm, PU shPAm, DH'U PAm, D'I PAm, NEE WI DYAm, AA KshA TAm, L'A SYEm, H'A SYEm, P'A TYAm, MRi TYAm, G'I TYAm, K'A ME P'U DZAm KU RU KU RU SV'A H'A, THOG MED DUS NAS DA LTA'I BAR, ,CHAGS DANG ZHE SDANG GTI MUG GIS, ,BGYIS DANG BGYID STZAL YI RANG BA'O, ,SDIG PA THAMS CAD SO SOR BSHAGS, ,RDZOGS SANGS RGYAS DANG BYANG CHUB SEMS, ,'PHAGS PA RNAMS KYI DGE TSOGS DANG; ;GZHAN YANG DGE BA THAMS CAD LA, ,MNGON PAR DGA' BAS YI RANG NGO, ,NYON MONGS NAD KYIS GDUNGS PA YI, ,SKYE BO BDE BAR GSO BYA'I PHYIR, ,RDO RJE THEG PA'I BDUD RTZI YI, ,CHOS KYI 'KHOR LO SKOR DU GSOL,,
MA RTOGS 'KHOR BA'I SDUG BSNGAL LAS, ,MYA NGAN 'DA' BZHED SPANGS NAS NI, ,RMONGS MED 'KHOR BA DAG TSUL GYIS, ,MTHA' YAS BSKAL PAR BZHUGS SU GSOL, ,SANGS RGYAS SLOB DPON DBANG MCHOG THOB, ,DES BSTAN THABS SHES DBYER MED CHOS, ,DER GNAS DGE 'DUN RNAM GNYIS LA, ,RAB TU DANG BAS SKYABS SU MCHI, ,BLA MA SANGS RGYAS SRAS BCAS LA, ,BDAG NYID RNAM PA KUN TU 'BUL, ,YON GNAS DAM PA KHYED RNAMS KYIS; ;BRAN DANG 'BANGS SU BZUNG DU GSOL, ,BDAG GI DUS GSUM DGE BA RNAMS, ,RANG DON DRI MAS MA GOS PAR, ,SRID GSUM SEMS CAN MA LUS PA, ,SANGS RGYAS THOB PA'I RGYUR GYUR CIG ,DUS 'DI NAS BZUNG BYANG CHUB BAR, ,BYANG CHUB SEMS NI BSKYED BGYI ZHING, ,BSAM PA RNAM PAR DAG PA BSKYED, ,BDAG DANG BDAG GIR 'DZIN PA SPANG, ,TSOGS ZHING RNAMS RANG LA THIM PAS BYIN GYIS BRLABS PAR GYUR, GNYIS PA NI, DNGOS PO MED PAS SGOM PA MED, ,BSGOM PA SGOM PA NYID MA YIN, ,DE LTAR DNGOS POR ROS MI 'GYUR, ,SGOM PA DMIGS SU MED PA'O, ,RANG GI LUS KYI CHU'I KHAMS KYIS ME NYAMS PAR BYAS, ME DANG BRAL BA'I SA CHU LA THIM, CHU RLUNG GIS BSKAMS RLUNG RNAM SHES LA THIM, RNAM SHES NAM MKHA' LA THIM, DE LTAR RDUL PHRA RAB BSAGS PA SNOD BCUD KYI GNYIS SU SNANG BA'I SPROS PA MA LUS PA NYE BAR ZHI NAS, YUL STONG PA NYID DANG YUL CAN YE SHES DBYER MI PHYED PA RNAM
, ,PAR THAR PA'I SGO BZHI'I NGO BOR GYUR, AOm SH'U N+YA T'A DZNY'A NA BADZRA SA BH'A WA A'ATMA KONYHAm, GNYIS PA DNGOS GZHI LA BZHI, DKYIL 'KHOR RGYAL MCHOG ,LAS RGYAL MCHOG ,THIG LE'I RNAL 'BYOR, PHRA MO'I RNAL 'BYOR RO, ,DANG PO NI, NAM MKHA'I KHAMS MTHA' YAS PA'I CHOS 'BYUNG GI NANG DU, YAm LAS RLUNG GI DKYIL 'KHOR NAG PO GZHU'I DBYANGS CAN RGYAR DPAG TSAD 'BUM PHRAG BZHI PA RGYAL MTSAN GYIS MTSAN PA, DE'I STENG DU RAm LAS ME'I DKYIL 'KHOR DMAR PO GRU GSUM PA RGYAR DPAG TSAD 'BUM PHRAG GSUM PA BKRA SHIS KYIS MTSAN PA, DE'I STENG DU PAm LAS CHU'I DKYIL 'KHOR DKAR PO ZLUM PO RGYAR DPAG TSAD 'BUM PHRAG GNYIS PA PADMAS MTSAN PA, DE'I STENG DU LAm LAS SA'I DKYIL 'KHOR SER PO GRU BZHI PA RGYAR DPAG TSAD 'BUM PHRAG GCIG PA RDO RJES MTSAN PA, DKYIL 'KHOR BZHI PO RE RE'ANG STENG 'OG TU H'Um LAS SKYES PA'I SNA TSOGS RDO RJE GNYIS DANG BCAS PA, DE'I STENG DU MAm LAS LHUN PO CHEN PO RDO RJE'I RANG BZHIN 'OG GI RGYAR DPAG TSAD STONG PHRAG BCU DRUG DANG, STENG DPAG TSAD STONG PHRAG LNGA BCU PA, DE'I DBUS SU KshAm LAS SNA TSOGS PADMA RI RAB KYI STENG GI RGYA'I PHYED DANG MNYAM PA'I SU MA CHA LTE BA LA YOD PA, DE'I STENG DU HAm LAS ZLA BA, TSE GA DRAG LAS NYI MA, THIG LE N'A DA DANG BCAS PA LAS SGRA GCAN DANG DUS ME'I DKYIL 'KHOR RNAMS PADMA'I LTE BA DANG MNYAM PA, DE RNAMS
GCIG TU 'DRES PA LAS HKshMLBRYAm GI YI GER GYUR, SLAR YANG YI GE DE DAG SO SO LAS SKYES PA'I NAM MKHA' RLUNG ME CHU SA RI RAB PADMA ZLA NYI SGRA GCAN DUS ME'I GDAN DANG BCAS PA YONGS SU RDZOGS PA'I STENG H'Um LAS SKYES PA'I RDO RJE'I GUR GYI NANG DU, AOm YONGS SU GYUR PA LAS GZHAL YAS KHANG GRU BZHI SGO BZHI GSER GYI RANG BZHIN GYI RTA BABS BZHI DANG BCAS PA, NOR BU'I 'OD ZER RNAM PAR 'PHRO BA, PHYI NAS RIM PA BZHIN NAG DMAR DKAR BA'I RTZIG PA RIM PA GSUM DANG LDAN PA'I STENG DU, RIN PO CHE'I PHA GU LA GNAS PA'I GSER GYI SKA RAGS BZHI DANG BCAS PA'I PHYI NGOS SU DRA BA DANG DRA PHYED 'PHYANG BA, SHAR BUS MDZES PA'I BYA 'DAB MDA' YAB LA SOGS PA MTSAN NYID THAMS CAD DANG LDAN PA'I GZHAL YAS KHANG GI STENG 'OG RNAMS SHAR NAG ,LHO DMAR, BYANG DKAR, NUB SER, DBUS SNGO BA'I DBUS SU AOm LAS PADMA LJANG GU 'DA' MA BRGYAD PA, DE'I LTE BAR AAm LAS ZLA BA, AA: LAS NYI MA, AA LAS SGRA GCAN DANG DUS ME'I DKYIL 'KHOR, BDE GSHEGS 'PHAR MA'I PHYOGS BZHIR AOm LAS ZLA BA'I DKYIL 'KHOR GYI LTE BAR RAm LAS NYI MA'I DKYIL 'KHOR RE RE, DBUS SU ZLA NYI SGRA GCAN DUS ME'I STENG DU ZLA BA LA GNAS PA'I MTSAN SO GNYIS KYI NGO BO DBYANGS SO GNYIS KYIS MTSAN PA'I ZLA BA'I DKYIL 'KHOR ME LONG LTA BU'I YE SHES, DE'I 'OG TU NYI MA LA GNAS PA'I DPE BYANG BRGYAD CU'I NGO BO GSAL BYED BRGYAD CUS MTSAN PA'I NYI MA'I
, ,DKYIL 'KHOR MNYAM PA NYID KYI YE SHES, ZLA BA'I DBUS SU DRI ZA'I RNAM SHES H'Um YIG RI BONG GI MTSAN MA LTA BU SO SOR RTOG PA'I YE SHES, DE DANG LHAN CIG LDAN PA'I RNAM SHES KYI BZHON PA SROG RLUNG HI YIG NAG PO BYA BA BSGRUB PA'I YE SHES, BYANG CHUB KYI SEMS DKAR DMAR GYI NGO BO ZLA NYI DBYANGS GSAL, RLUNG SEMS KYI YI GE GNYIS DANG BCAS PA GCIG TU 'DRES PA LAS BYUNG BA'I HAm YIG BDE BA CHEN PO CHOS KYI DBYINGS KYI YE SHES, HAm YIG DE NYID YONGS SU GYUR PA LAS BDE BA CHEN PO'I BDAG NYID RNAM PA THAMS CAD PA'I GZUGS KYI DPAL DUS KYI 'KHOR LO DRI MA MED PA'I 'OD ZER LNGA 'PHRO BSKU MDOG SNGON PO, DBUS NAG GA-YAS DMAR GA-YON DKAR BA'I MGRIN PA GSUM DANG LDAN PA, RTZA ZHAL NAG PO DRAG CING MCHE BA GTZIGS PA, GA-YAS ZHAL DMAR PO CHAGS PA DANG BCAS PA, RGYAB ZHAL SER PO TING NGE 'DZIN LA GNAS PA, GA-YON ZHAL DKAR PO RAB TU ZHIB, ZHAL RE RE LA SPYAN GSUM GSUM DANG LDAN PA, RAL PA'I COD PAN LA SNA TSOGS RDO RJE DANG, ZLA BA PHYED PA DANG, RDO RJE SEMS DPA'I DBU RGYAN CAN, RDO RJE NOR BU DANG, RDO RJE RNA RGYAN DANG, RDO RJE MGUL RGYAN DANG, RDO RJE GDU BU DANG, RDO RJE SKA RAGS DANG, RDO RJE RKANG GDUB DANG, RDO RJE DAR DBYANGS DANG, RDO RJE PHRENG BA DANG, STAG GI PAGS PA'I SHAM THABS GROL BA, GA-YAS GA-YON GYI PHRAG PA DANG PO
SNGON PO, GNYIS PA DMAR PO, GSUM PA DKAR PO STE PHRAG PA DRUG ,GA-YAS GA-YON GYI DPUNG PA DANG PO GNYIS GNYIS SNGON PO, GNYIS PA GNYIS GNYIS DMAR PO, GSUM PA GNYIS GNYIS DKAR PO STE DPUNG PA BCU GNYIS PHYAG NYI SHU RTZA BZHI'I DANG PO BZHI BZHI NAG PO, GNYIS PA BZHI BZHI DMAR PO, GSUM PA BZHI BZHI DKAR PO, PHYAG THAMS CAD KYI MTHE BONG SER PO, MDZUB MO DKAR PO, GUNG MO DMAR PO, MING MED NAG PO, MTHE'U CHUNG LJANG GU , SER MO RNAMS KYI TSIGS KYI PHRENG BA DANG PO NAG PO, GNYIS PA DMAR PO, GSUM PA DKAR PO STE, SOR GDUB RNAMS KYIS MDZES SHING 'OD 'PHROG GA-YAS KYI PHYAG NAG PO BZHI'I DANG POR RDO RJE, GNYIS PAR RAL GRI, GSUM PAR RTZE GSUM, BZHI PAR GRI GUG ,DMAR PO BZHI'I DANG POR ME MDA', GNYIS PAR RDO RJE LCAGS KYU, GSUM PAR SGRA DANG BCAS PA'I d'A MA RU, BZHI PAR THOB, DKAR PO BZHI'I DANG POR 'KHOR LO, GNYIS PAR MDUNG, GSUM PAR DBYUG PA, BZHI PAR DGRA STA, GA-YON GYI PHYAG NAG PO BZHI'I DANG POR RDO RJE DRIL BU, GNYIS PAR PHUB, GSUM PAR KHAtV'Am GA RNAM PAR RGYAS PA, BZHI PAR KHRAG GIS GANG BA'I THOD PA, DMAR PO BZHI'I DANG POR GZHU, GNYIS PAR RDO RJE'I ZHAGS PA, GSUM PAR RIN PO CHE, BZHI PAR PADMA DKAR PO, DKAR PO BZHI'I DANG POR DUNG, GNYIS PAR ME LONG, GSUM PAR RDO RJE LCAGS SGROG ,BZHI PAR TSANGS PA'I MGO BO GDANG
, ,BZHI PAS PHYAG GI PADMA LA SPROS PA, ZLA NYI SGRA GCAN DUS ME'I STENG DU SHIN TU ROL PA'I GA-YAS BRKYANGS KYIS BZHUGS PA'I ZHABS GA-YAS PA DMAR PO'I 'OG TU 'DOD LHA DMAR PO GDONG GCIG PA LAG PA BZHI PA, LAG NA ME TOG GI MDA' LNGA DANG, GZHU DANG, ZHAGS PA DANG, LCAGS KYU 'DZIN PA, GA-YON PA DKAR PO'I 'OG TU DRAG PO DKAR PO, GDONG GCIG PA, MIG GSUM PA, LAG PA BZHI PA, LAG NA RTZE GSUM DANG, d'A MA RU DANG, THOD PA DANG, KHAtV'Am GA 'DZIN PA, BDUD DANG DRAG PA'I LHA MO DGA' MA DANG AU MAS ZHABS MTHIL LA 'DZIN ZHING GDONG DMAN PAR BYED BZHIN PA, PHREm DANG GRI GUG LAS SKYES SHING BCOM LDAN 'DAS LA MDUN NAS 'KHYUD PA'I SNA TSOGS YUM SKU MDOG GSER MDOG ,MDUN NAS GA-YAS BSKOR GYIS SER DKAR SNGO DANG DMAR BA'I ZHAL BZHI RE RE LA SPYAN GSUM GSUM DANG LDAN PA, PHYAG BRGYAD KYI GA-YAS NA GRI GUG ;LCAGS KYU, SGRA DANG BCAS PA'I d'A MA RU DANG BGRANG PHRENG, GA-YON NA THOD PA, ZHAGS PA, PAD DKAR 'DAB BRGYA PA DANG RIN PO CHE BSNAMS PA, RDO RJE SEMS DPA'I COD PAN CAN, PHYAG RGYA LNGAS BRGYAN PA, GA-YON BRKYANGS KYI STABS KYIS BCOM LDAN 'DAS DANG SNYOMS PAR 'JUG PAS GNAS PA'O, ,'DAB MA BRGYAD LA SHAR DANG MEG AA HA DANG SPOS SNOD DANG RNGA YAB NAG PO LAS SKYES PA'I NAG MO 'BAR MA DANG DU BA MA GNYIS NAG
MO, NAG DMAR SER DANG DKAR BA'I ZHAL BZHI PHYAG BRGYAD KYI GA-YAS NA SPOS DANG, GUR GUM, GA BUR, GLA RTZI SBYAR BA'I SNOD, GA-YON NA DRIL BU PADMA, LHA SHING GI ME TOG ,ME TOG SNA TSOGS KYI PHRENG BA 'DZIN PA DANG, RNGA YAB NAG PO BRGYAD 'DZIN PA'O, ,LTO DANG BDEN BRAL DU AA: HA: DANG MAR ME DANG RNGA YAB DMAR PO LAS SKYES PA'I DMAR MO 'BAR MA DANG SMIG RGYU MA GNYIS DMAR MO, DMAR SER DKAR DANG SNGO BA'I ZHAL CAN, PHYAG BRGYAD KYI GA-YAS NA MAR ME, DO SHAL, COD PAN, GDU BU, GA-YON NA GOS, SKA RAGS, RNA RGYAN, RKANG GDUB 'DZIN PA DANG, RNGA YAB DMAR PO BRGYAD 'DZIN PA, BYANG DANG DBANG LDAN DU AAm HAm DANG LHA BSHOS DANG RNGA YAB DKAR PO LAS SKYES PA'I DKAR MO 'BAR MA DANG MKHA' SNANG MA GNYIS DKAR MO, DKAR NAG DMAR DANG SER BA'I ZHAL CAN, PHYAG BRGYAD KYI GA-YAS NA'O MCHU MCHOG GI SMAN DANG CHANG GI SNOD, GA-YON NA BDUD RTZI, GRUB PA'I RO, BDUD RTZI'I SHING GI 'BRAS BU, ZAN GYI SNOD 'DZIN PA DANG RNGA YAB DKAR PO BRGYAD 'DZIN PA, NUB DANG RLUNG DU A'A H'A DANG DUNG CHOS DANG, RNGA YAB SER PO LAS SKYES PA'I SER MO 'BAR MA DANG MAR MA MA GNYIS SER MO, SER DKAR SNGO DBANG MAR BA'I ZHAL CAN, PHYAG BRGYAD KYI GA-YAS NA DUNG DANG, GLING BU, NOR BU, d'A MA RU, GA-YON NA PI WANG, RNGA DANG SGRA LDAN 'KHAR BA, ZANGS DUNG 'DZIN PA DANG RNGA YAB SER PO BRGYAD 'DZIN PA, THAMS CAD KYANG ZHAL RE RE LA SPYAN GSUM GSUM PA, PHYAG RGYA LNGAS BRGYAN PA,
, ,RDO RJE SEMS DPA'I COD PAN CAN, BSNYAMS PA'I STABS KYIS BZHUGS PA, 'DOD CHAGS CHEN POS GDUL BAR BYA BA'I SEMS CAN GYI 'JIG RTEN DANG PO'I SANGS RGYAS BSTAN PAR BYA BA'I SNOD DU MNGON PAR GZIGS NAS, YAB YUM SNYOMS PAR ZHUGS PA'I SHIN TU DGA' BA'I SGRAS, RGYAL BA SRAS DANG BCAS PA SPYAN DRANGS, RANG GI LUS LA BCUG ,SLAR YANG RANG GI LUS LAS SPROS NAS SNA TSOGS YUM GYI SKU'I NANG DU RIM PA JI LTA BA BZHIN DU ZHUGS, DE LAS KYANG DE BZHIN DU SPOS NAS, DKYIL 'KHOR GYI 'KHOR LO'I RNAM PAR RANG GI SPYI BO NAS ZHUGS, CHAGS PA CHEN PO'I MES ZHU BA'I BYANG CHUB KYI SEMS RDO RJE'I LAM NAS YUM GYI, PADMAR BABS PA'I THIG LE LAS RIM PA BZHIN DU LHA SO SO'I SA BON, PHAG MTSAN SKUR GYUR PA RNAMS YUM GYI PADMA NAS SPROS TE RANG RANG GI GDAN LA 'KHOD PA NI, AA A'A DANG RDO RJE LAS SKYES PA'I MI BSKYOD PA DANG, RDO RJE DBYINGS KYI DBANG PHYUG MA LJANG GU ,LJANG DMAR DKAR BA'I ZHAL GSUM PHYAG DRUG GI ,GA-YAS RDO RJE GRI GUG ,DGRA STA, GA-YON RDO RJE DRIL BU, THO BA, TSANGS MGO 'DZIN PA, RIM PA BZHIN DU SHER PHYIN MA DANG RDO RJE SEMS DPAS 'KHYUD PA SPROS TE MI BSKYOD PA YAB YUM RANG DANG, RDO RJE DBYINGS KYI DBANG PHYUG MA YAB YUM SNA TSOGS YUM LA DBYER MED DU THIM, ,SLAR YANG RDO RJE SEMS DPA' LA RDO RJE DBYINGS KYI DBANG PHYUG MAS 'KHYUD PA SPROS TE RANG LA ZHUGS
SHING; SHER PHYIN MA LA MI BSKYOD PAS 'KHYUD PA SPROS TE SNA TSOGS YUM DANG DBYER MED DU ZHUGS PAR GYUR, AI DANG RAL GRI LAS SKYES PA'I DON GRUB NAG PO, NAG DMAR DKAR BA'I ZHAG GSUM PHYAG DRUG GI ,GA-YAS RAL GRI; GRI GUG RTZE GSUM, GA-YON PHUB, THOD PA, KHAtV'Am GA DKAR PO 'DZIN PA LA, SPYAN MA RNAM SNANG LTA BUS 'KHYUD PA SPROS TE SHAR GYI GDAN LA 'KHOD, Ri DANG RIN PO CHE LAS SKYES PA'I RIN 'BYUNG DMAR PO, DMAR DKAR NAG PA'I ZHAL GSUM PHYAG DRUG GI ,GA-YAS PA ME MDA', RDO RJE LCAGS KYU, SGRA DANG BCAS PA'I d'A MA RU, GA-YON GZHU DANG RDO RJE ZHAGS PA, RIN PO CHE CHA DGU PA 'DZIN PA LA, M'A MA K'I 'OD DPAG MED LTA BUS 'KHYUD PA SPROS TE LHO'I GDAN LA 'KHOD, AU DANG PADMA LAS SKYES PA'I 'OD DPAG MED DKAR PO, DKAR NAG DMAR BA'I ZHAL GSUM PHYAG DRUG GI ,GA-YAS THO BA, MDUNG DANG RTZE GSUM, GA-YON PAD DKAR 'DAB BRGYA PA DANG ME LONG, BGRANG PHRENG 'DZIN PA LA GOS DKAR MO RIN 'BYUNG LTA BUS 'KHYUD PA SPROS TE BYANG GI GDAN LA 'KHOD, Li DANG 'KHOR LO LAS SKYES PA'I RNAM SNANG SER PO, SER DKAR NAG PA'I ZHAL GSUM PHYAG DRUG GI , GA-YAS 'KHOR LO DBYUG PA 'JIGS BYED RDO RJE, GA-YON DU NGA DANG RDO RJE LCAGS SGROG ,SGRA DANG BCAS PA'I DRIL BU 'DZIN PA LA SGROL MA DON GRUB LTA BUS 'KHYUD PA SPROS TE NUB KYI GDAN LA 'KHOD, THAMS CAD KYANG ZHAL RE RE LA SPYAN GSUM GSUm
, ,PA; RDO RJE'I SKYIL KRUNG GIS BZHUGS PA LA YUM RNAMS PADMA'I GDAN GYIS 'KHYUD PA'O, ,RANG NYID YE SHES LNGA'I BDAG NYID BCOM LDAN 'DAS DUS KYI 'KHOR LOR GSAL BA'I THUGS KA NAS SPROS PA'I 'OD ZER GYIS SEMS CAN THAMS CAD BKUG STE DKYIL 'KHOR GYI NANG DU ZHUGS PA LA, RANG YAB YUM SNYOMS PAR ZHUGS PAS, DE BZHIN GSHEGS PA YAB YUM RNAMS CHAGS PA CHEN PO'I MES ZHU BA'I BYANG CHUB KYI SEMS KYIS DBANG BSKUR BAS, SEMS CAN DE DAG MTSAN SO GNYIS KYI RNAM PA CAN GYI DKYIL 'KHOR GYI 'KHOR LOR GYUR NAS RANG RANG GI SANGS RGYAS KYI ZHING DU GSHEGS PAR GYUR, ,AOm SU BI SHUDDH'A DHA RMA DH'A TU SVA BH'A WA A'ATMA KONYAHAm, ZHES CHOS KYI DBYINGS SHIN TU RNAM PAR DAG PA'I NGA RGYAL BYA BA'I BAR TE, DKYIL 'KHOR RGYAL MCHOG STE BSNYEN PA'I YAN LAG GO ,GNYIS PA NI, RANG GI DPRAL BAR SKU RDO RJE AOm, MGRIN PAR GSUNG RDO RJE A'A: THUGS KAR THUGS RDO RJE H'Um, GTZUG TOR DANG LTE BA'I AA WA DH'U T'I'I NANG DU HO: LTE BA'I HO: YIG GTUM MO'I ME RAB TU 'BAR BA'I CHAGS PA CHEN PO'I YE SHES KYI 'OD ZER GYIS BCOM LDAN 'DAS RDO RJE CAN PADMA'I LTE BA DANG 'DAB MA LA GNAS PA'I RANG GI SHES RAB MA RNAMS DANG LHAN CIG TU RI BONG 'DZIN PA LTA BU'I BYANG CHUB KYI SEMS SU ZHU BA'I THIG LE'I GZUGS KYIS BDE BA CHEN PO'I NGO BOR GNAS PAR GYUR, DE NAS TSAD MED PA
BZHI'I NGO BOR GYUR PA'I LHA MO BZHI BSNYEN PA'I GLU DBYANGS KYIS 'GRO BA'I DON LA BSKUL BA NI, BDAG CAG SRUNGS SHIG LHA MI'I BLA MA RDO RJE LDAN PA 'DOD PA DON GNYER RNAMS LA 'DOD PA MDZOD, CES BSKUL BAS, BCOM LDAN 'DAS RDO RJE CAN DE DAG GI GLU'I DBYANGS KYIS RAB TU SAD PAR BYAS TE KHAMS GSUM PO THAMS CAD MIG 'PHRUL LTA BUR GZIGS NAS, ZLA BA ZHU BA LTA BU'I THIG LE LAS H'Um YIG SNGON PO DRI MA MED PA'I 'OD ZER 'PHRO BA, DE YONGS SU GYUR PA'I RDO RJE LAS SKYES PA'I RANG NYID DPAL DUS KYI 'KHOR LO DRI MA MED PA'I 'OD ZER LNGA 'PHRO BA, ZHES PA NAS, BSNYAMS PA'I STABS KYIS BZHUGS PA, ZHES PA'I BAR SNGAR BZHIN LA, GTZO 'KHOR THAMS CAD LA RDO RJE SEMS DPA'I DBU RGYAN MI BYED DO, ,DE NAS GTZO BO YAB YUM SNYOMS PAR ZHUGS PA'I DGA' BA'I SGRAS, SNGAR SPROS PA'I DE BZHIN GSHEGS PA YAB YUM LA SOGS PA'I RGYAL BA SRAS BCAS THAMS CAD SPYAN DRANGS TE STENG GI NAM MKHAR BZHUGS PA RNAMS DAM TSIG GI DKYIL 'KHOR GYI DON DU RANG GI SPYI BO NAS ZHUGS, CHAGS PA CHEN PO'I MES ZHU BA'I, ZHES PA NAS, PADMA'I GDAN GYIS 'KHYUD PA'O, ZHES PA'I BAR SNGAR JI LTA BA'O, ,RANG GI SNYING GAR H'Um DANG RDO RJE LAS SKYES PA'I RDO RJE SHUGS 'OD ZER SNGON PO 'JIGS PA'I SKU RKANG PA BRGYAD PA'I SHING RTA LA GNAS PA, DBUGS PHYIR 'BYUNG BA DANG LHAN CIG SPROS TE, DES BSGOMS PA DANG 'DRA BA'I YE SHES PA RNAMS
, ,KYI GTZO BO'I LTE BAR LCAGS KYUS BSNUN, PHYAG NYI SHU RTZA BZHI PO SBRUL GYI ZHAGS PAS BCINGS, MTSON CHA LHAG MA RNAMS KYIS 'JIGS PAR BYAS TE, MDUN GYI NAM MKHAR SPYAN DRANGS, RDO RJE SHUGS RANG GI SNYING GAR THIM, GANDHI SOGS KYIS MCHOD, BADZRA BHEE RA WA A'A KA RshA YA DZA DZA: H'Um BAm HO: HI, YE SHES PA RNAMS DAM TSIG PA LA RO MNYAM PAR GYUR, SLAR YANG RANG GI SNYING GA'I H'Um GI 'OD ZER GYIS DBANG GI LHA RNAMS SPYAN DRANGS, SNGAR LTAR MCHOD, MNGON PAR DBANG BSKUR DU GSOL ZHES GSOL BA BTAB PAS, AOm SARBA TA TH'A GA T'A SAPTA, AA BHI shI KA TA SA MA YA SHR'I YE H'Um, ZHES DBANG BDUN GYIS DBANG BSKUR, GTZO BO LA MI BSKYOD PA, YUM LA RDO RJE SEMS DPA' SOGS RANG RANG GI RIGS KYI BDAG PO MCHOG GI SPRUL SKU'I RNAM PA CAN GYIS RGYAS BTAB PA 'GYUR, RANG GI DPRAL BAR ZLA BA'I DKYIL 'KHOR GYI STENG DU AOm DANG 'KHOR LO LAS SKYES PA'I SKU RDO RJE DKAR PO; MGRIN PAR NYI MA'I DKYIL 'KHOR GYI STENG DU A'A: DANG PADMA LAS SKYES PA'I GSUNG RDO RJE DMAR PO, SNYING GAR SGRA GCAN GYI DKYIL 'KHOR GYI STENG DU H'Um DANG RDO RJE LAS SKYES PA'I THUGS RDO RJE NAG PO, RANG RANG GI SHES RAB MA DANG BCAS PA NAM MKHA' GANG BA SPROS, SHES RAB MA'I LTE BAR HO: GSANG BAR SV'A, GTZUG TOR LA H'A, YI GE DE DAG LAS KYANG RDO RJE GSUM GYI LHA TSOGS NAM MKHA' GANG BA SPROS, RDO RJE GSUM GYIS GDUL BAR
BYA BA'I SEMS CAN RNAMS LA CHOS BSTAN NAS SLAR LOG STE BDAG NYID KYI MDUN DU 'DUG PA LA, SKU GSUNG THUGS KYI RDO RJE 'DZIN PA RNAMS KYIS, MNGON PAR DBANG BSKUR DU GSOL ZHES GSOL BA BTAB PAS, RDO RJE GSUM GYI RIGS KYI LHA MO RNAMS KYIS BDUD RTZI'I BUM PAS, AOm A'A A'I R'i A'U L'A PANYTZA DH'A TU BI SHO DHA NI SV'AH'A, ZHES DBANG BSKUR ZHING BKRUS NAS RANG DANG SHES RAB MA'I GNAS GSUM DU RDO RJE GSUM BCUG ,DPAL LDAN RDO RJE GSUM 'DZIN PA, ,RDO RJE MI PHYED GSUM BSGOMS PAS, ,RDO RJE GSUM 'DZIN CAN GYIS NI, ,BYIN RLABS GNAS SU DENG BDAG MDZOD, ,PHYOGS BCUR BZHUGS PA'I SANGS RGYAS RNAMS, ,RDO RJE MI PHYED GSUM BSGOMS PAS, ,RDO RJE GSUM 'DZIN CAN GYIS NI, ,BYIN RLABS GNAS SU DENG BDAG MDZOD, ,RANG DANG SHES RAB MA'I LUS NGAG YID GSUM DANG, RDO RJE GSUM RO MNYAM PAR GYUR, AOm SARBA TA TH'A GA T'A G'A YA W'A KA TZITTA BADZRA SVA BH'A WA A'ATMA KONYA HAm, ZHES SGO GSUM BYIN GYIS BRLABS, DE NAS DAG PA DRAN PA NI, DUS KYI DAG PAS DPAL LDAN RDO RJE CAN 'GYUR MI BDAG LO DANG ZLA BA LA SOGS DBYE BAS SO, ,THUGS KYI RNAM PA NYI MA MA YIN NYIN ZHAG SO SO'I DBANG GIS SNA TSOGS YUM NI RNAM PAR DAG ,RLUNG GI DAG PAS DU BA LA SOGS RANG GI SNYIN GA'I PADMAR RTZA YI 'KHOR LO LA GNAS RNAMS, ,NYON MONGS RNAMS KYIS DRAG PO CHUNG MAR BCAS PA KHYAB BDAG ZHABS KYI 'OG TU BDUD KYI TSOGS KYIS
, ,'DUD, CES DANG, DE NYID RNAMS KYIS GTZO BO'I MTSON CHA RANG BZHIN YON TAN DBANG GIS KHAMS KYIS PHYI YI PHYAG RGYA'O, ,RDO RJES NANG GI PHYAG RGYA RDO RJE 'DZIN PA'I THUGS KAR ZLA BA'I STENG DU YANG DAG GNAS PA'O; ;DPAL LDAN RDO RJE CAN DANG SNA TSOGS YUM NI RNAM GSUM SRID GNAS 'GYUR MED YE SHES DBYE BA LAS, CES DANG, 'DU BYED DON YOD GRUB PA TSOR BA DRI MED NOR BU'I PHYAG DANG 'DU SHES SNANG BA MTHA' YAS TE, , GZUGS NI 'KHOR LO CAN NO RI BONG CAN DANG STOBS KHRAG BSHAD PA GCI BA RNAM PAR DAG PA'O, ,DE LTAR RNAM PA NYI SHUS MNGON PAR RDZOGS PAR BYANG CHUB PA NI LAS RGYAL MCHOG STE NYE BAR BSGRUB PA'I YAN LAG GO ,GSUM PA NI, RANG DANG SHES RAB KYI SPYI BOR AOm, MGRIN PAR A'A: THUGS KAR H'Um, LTE BAR HO: GSANG BAR HAm, SPYI BOR H'A, RANG GI GSANG GNAS MI DMIGS PA'I NGANG LAS H'Um LAS BYUNG BA'I RDO RJE SNGON PO RTZE LNGA PA, BU GA YI GE PHAt KYIS BKAG PA, SHES RAB KYI GSANG GNAS MI DMIGS PA'I NGANG LAS A'A: LAS BYUNG BA'I PADMA DMAR PO 'DAB MA BRGYAD PA, BU GA YI GE PHAt KYIS BKAG PA, H'Um BDAG NYID RDO RJE 'DZIN PA'I NGA RGYAL GYIS SNYOMS PAR ZHUGS PAS LTE BA'I HO: YIG DRI MA MED PA'I GLOG DANG MTSUNGS PA'I GTUM MO'I ME THUR SEL GYI DRUNG GIS BSKUL BAS AA WA DH'U T'I'I LAM NAS, 'BAR BA'I 'OD ZER GYIS GA-YON GYI RTZA LA 'BAB PA PHUNG PO LNGA'I RANG BZHIN GYI RLUNG
GI DKYIL 'KHOR LNGA DANG, GA-YAS KYI RTZA LA 'BAB PA KHAMS LNGA'I RANG BZHIN GYI RLUNG GI DKYIL 'KHOR LNGA BSREGS, RGYU BA MED PA DANG MIG LA SOGS PA'I DBANG PO YUL LA 'JUG PA MED PAR BYAS TE, 'OD ZER DE NYID KYIS RIG PA TZAM GYIS SPYI BO'I HAm YIG RI BONG 'DZIN PA LTA BU ZHU BA THIG LE'I GZUGS KYIS SPYI BO NAS MGRIN PAR SLEB PA NA DGA' BA, MGRIN PA NAS SNYING GAR SLEB PA NA MCHOG DGA', SNYING GA NAS LTE BAR SLEB PA NA KHYAD DGA', LTE BA NAS NOR BU'I RTZER SLEB PA PHAt YIG GIS BKAG PAS PHYIR MA 'PHOS PAR LHAN CIG SKYES PA'I DGA' BA NYAMS SU MED PAR GYUR, DE LTA BU'I THIG LE'I RNAL 'BYOR YAS BABS KYI DGA' BA ZHI'AM, DGA' BA BCU DRUG GI MTSAN NYID CAN NI BSGRUB PA'I YAN LAG GO ,BZHI PA NI, SLAR YANG THIG LE DE NYID SNGAR BYON PA JI LTA BAR GSHEGS TE, GSANG GNAS NAS LTE BAR RGYU MTHUN GYI 'BRAS BU'I TSUL DU GSHEGS PA DGA' BA, LTE BA NAS SNYING GAR RNAM SMIN GYI 'BRAS BU'I TSUL DU GSHEGS PA MCHOG DGA', SNYING GA NAS MGRIN PAR SKYES BU'I BYED PA'I 'BRAS BU'I TSUL DU GSHEGS PA KHYAD DGA', MGRIN PA NAS DPRAL BAR BRAL BA'I 'BRAS BU'I TSUL DU GSHEGS PAS LHAN CIG SKYES PA'I DGA' BA, NYAMS SU MYONG BAR GYUR, CES BSGOMS TE, DE LTAR MAS BRTAN GYI DGA' BZHI NI PHRA MO'I RNAL 'BYOR BSGRUB PA CHEN PO'I YAN LAG GO ,DE LTAR BSGOMS NAS AOm SARBA TA TH'A GA T'A AA NU R'A GA nA BADZRA SVA BH'A WA A'ATMA KO NYA HAm, AOm SARBA TA TH'A GA TA AA DHI
, ,PA TI BADZRAS TVA HAm, DURD'ANTA DA MA KA HUm H'Um PHAt SV'AH'A, ZHES NGA RGYAL BZUNG NGO, ,GSUM PA NI, LHA THAMS CAD KYI THUGS KAR RANG RANG GI SA BON LA BZLAS BYA'I SNGAGS KYIS BSKOR BA LAS DKYIL 'KHOR GYI LHA TSOGS SPROS, 'GRO BA'I DON BYAS, SLAR RLUNG NANG DU 'JUG PA DANG LHAN CIG TU THUGS KA'I SA BON LA SDUD PA'I SPRO BA DANG BSDU BA'I MDZAD PA CAN DU GYUR, AOm A'A: H'Um HO HKshAMLBRYAm H'Um PHAt, CES SNYING PO DANG, AOm HR'Am HR'Im HR''im HR'Am HR'im HR'A: SV'AH'A, ZHES NYE SNYING DAM, RIGS DRUG GI SNYING PO'O, ,SKU RDO RJE'I SNGAGS BZLA 'DOD NA, AOm SHR'I K'A LA CA KRA HUm H'Um PHAt, CES SO, ,YUM GYI MTSAN SNGAGS SGER BZLAS BYED NA, AOm PHREm BI SHVA MA TA HUm H'Um PHAt, CES PA'AM, GZHAN DU, AOm D'A NA P'A RA MI T'A HUm H'Um PHAt, AOm SH'I LA P'A RA MI T'A HUm H'Um PHAt, AOm Ksh'ANTI P'A RA MI T'A HUm H'Um PHAt, AOm B'IR+YA P'AR MA T'A HUm H'Um PHAt, AOm DHY'A NA P'A RA MI T'A HUm H'Um PHAt, AOm PRA DZNY'A P'A RA MI T'A HUm H'Um PHAt, AOm AU P'A YA P'AR MI T'A HUm H'Um PHAt, AOm PRA nI DH'A NA P'A RA MI T'A HUm H'Um PHAt, AOm P'A LA P'A RA MI T'A HUm H'Um PHAt, AOm DZNY'A NA P'A RA MI T'A HUm H'Um PHAt, AOm AAKshO BHYA HUm H'Um PHAt, AOm AA MO GHA SIDDHA HUm H'Um PHAt, AOm RATNA SAMBHA WA HUm H'Um PHAt, AOm AA MI T'A BHA WA HUm H'Um PHAt, AOm BEE RO TZA NA HUm H'Um PHAt, ,YIG BRGYA SA LHAG CHAD BSKANG, BYIN GYIS BRLABS PA'I CHU BZHI LHA MO BCU GNYIS DANG BCAS PAS MCHOD PHRENG NAS 'BYUNG BA'I TSIGS BCAD SNGAGS DANG BCAS PA'AM, SNGAGS TZAM GYI SGO NAS KYANG MCHOD, DE NAS NANG MCHOD NI, BSDUN, SO SO'I MTSAN LA
'BRU GSUM BTAGS LA 'BUL, CUNG ZAD RGYAS TZAM SPRO NA, AOm PHYOGS BCU DUS GSUM GYI BDE BZHIN GSHEGS PA THAMS CAD KYI SKU GSUNG THUGS YE SHES RDO RJE'I NGO BO CHOS KYI PHUNG PO STONG PHRAG BRGYAD CU RTZA BZHI'I 'BYUNG GNAS 'PHAGS PA'I DGE 'DUN THAMS CAD KYI MNGA' BDAG ,RTZA BA'I DPAL LDAN BLA MA DAM PA DANG PO'I SANGS RGYAS DANG DBYER MED PA LA NA MA: AOm DANG PO'I SANGS RGYAS DUS KYI 'KHOR LO LA NA MA: LHAG MA THAMS CAD LA MGOR AOm DANG MTHAR NA MA: SBYAR TE, RGYAL PO ZLA BA BZANG PO LA, CHOS RGYAL DANG RIGS LDAN RNAMS LA, DPAL DUS KYI 'KHOR LO'I DBANG RGYUD BSHAD RGYUD MAN NGAG GI BRGYUD PA'I BLA MA DAM PA RNAMS LA, AOm MKHAS GRUB NAM MKHA' RGYAL MTSAN LA, AOm RATNA TRA Y'A YA NA MA: AOm SH'AKYA MU NA YE NA MA: AOm SHR'I K'A LA TZA KRA YE NA MA: AOm BI SHVA MA TA YE NA MA: AOm D'A SHA B'A RA MI T'A YE NA MA: AOm AA MO GHA SIDDH'A YA NA MA: AOm RATNA SAMBHA W'A YA NA MA: AOm AA MI T'A BHA W'A YA NA MA: AOm BEE RO TZA N'A YA NA MA: AOm GU RU BUDDHA BO DHI SA TE BHYON MA: AOm CHOS SKYONG BSRUNG MA DAM TSIG CAN THAMS CAD LA NA MA: AOm GNAS BDAG DANG GZHI BDAG GRONG BDAG THAMS CAD LA NA MA: AOm SEMS CAN THAMS CAD LHAR GYUR PA RNAMS LA NA MA: RANG GI GNAS GSUM DU THIG LE BYAS SHING MYANGS PAS LUS KYI LHA THAMS CAD TSIM PAR BSAM MO, ,DE NAS BSTOD PA SPRO NA, 'DUD NYI SHU DANG, BSDU NA, STONG NYID SNYING RJE'I BDAG
, ,NYID CAN, ZHES SOGS SHLOO KA GCIG DANG, A'A LI K'A LI SNYOMS 'JUG DANG, ,H'Um PHAt YI GE SOGS SPANGS KYANG, ,'GYUR BA MED LAS 'KHRUNGS PA'I SKU, ,DUS KYI 'KHOR LO DE LA 'DUD, ,PHRA RAB RDUL GYI CHOS NYID 'DAS, ,PHRA BAB PA YI RANG BZHIN CAN, ,RNAM PA KUN GYI MCHOG LDAN PA, ,PHYAG RGYA CHEN MO DE LA 'DUD, ,SANGS RGYAS KUN GYI SKYED MDZAD MA, ,SKYE BA DANG NI 'JIG PA SPANGS, ,KUN TU BZANG PO'I SPYOD PA CAN, ,SNA TSOGS YUM DE LA PHYAG 'TSAL, ZHES BSTOD NAS, RANG GI GTZUG TOR DU RDO RJE RTZE MO LNGA PA'I LTE BAR GTZO BO YAB YUM SHES RAB MA RNAMS DANG, DPRAL BAR RDO RJE DKAR PO RTZE MO BCU BDUN PA'I LTE BAR GSHEGS PA 'KHOR DANG BCAS PA GSHEGS PAR GYUR PAR BSAMS NAS RANG NYID SKAD CIG GIS ZHAL GCIG PHYAG GNYIS PAR BZHENGS NAS DGE BA RNAMS KYANG, BSOD NAMS DE YIS SEMS CAN THAMS CAD 'GYUR MED MCHOG GI BDE BAR GYUR CING DE LA 'DUD GYUR CIG ,CES PA DANG, GZHAN YANG BSNGO BA DANG SPRO NA LAM RNAM PAR DAG PAS RGYAS BTAB PAR BYA'O, ,THUN MTHAR GTOR MA 'BUL BAR 'DOD NA, NANG MCHOD LTAR BYIN GYIS BRLABS LA, RANG GI THUGS KA'I H'Um GI 'OD ZER GYIS RANG BZHIN GYI GNAS NAS, BCOM LDAN 'DAS DUS KYI 'KHOR LO'I DKYIL 'KHOR SPYAN DRANGS PA'I LJAGS RDO RJE RTZE GCIG PA'I 'OD KYI LBU GUS DRANG TE GSOL BAR GYUR, AOm A'A: H'Um HO, DPAL LDAN DUS KYI 'KHOR LO NI, ,'KHOR
DANG BCAS LA GTOR MA DRI, ,ME TOG BDUG PA SGRON ME DAG ,MA NYAMS PA 'DI BDAG 'BUL GYI, ,'KHOR BCAS DE RNAMS MYUR BYON NAS, ,GTOR MA 'DI NI BZUNG BAR MDZOD, ,GSOL BAR MDZOD CIG BTUNG BAR MDZOD, ,DZA: H'Um BAm HO: YANG DAG TSIM, ,SEMS CAN THAMS CAD ZHI BA DANG, ,RGYAS PA DANG NI BSRUNG BA DANG, ,BSKYAB DANG SBA BAR MDZAD DU GSOL, ,H'Um H'Um PHAt, RDO RJE 'CHANG GI BKA' BZHIN MDZOD SV'AH'A, ZHES GTER SNGAGS 'JUG PA BDE BA'I PHYIR BOD SKAD DU BSGYUR BA YIN GSUM DRIL STABS DANG BCAS TE GTOR MA PHUL, GANDHAm SOGS KYIS MCHOD CING BSTOD NAS RANG LA BSTIM PAS BYIN GYIS BRLABS PAR BSAM MO, ,THUN MTSAMS SU YANG CIR SNANG LHA DANG LHA MO BDE STONG GI RNAM ROL DU BLTA BA'I RNAL 'BYOR LAS MI GA-YEL BA'I NGANG NAS SNGAGS BZLA BA DANG, KHA ZAS DANG, KHRUS DANG, NYAL BA DANG, LDANG BA'I KUN SPYOD RGYUD DANG 'GREL PA LAS GSUNGS PA LTAR NYAMS SU BLANGS TE, DAL 'BYOR DON DANG LDAN PAR BYA'O,, ,,'JAM DBYANGS PAD DKAR ZHAL GYI BUM BZANG LAS, ,LEGS 'ONGS DANG PO'I SANGS RGYAS SGRUB PA'I THABS, ,RGYAS 'BRING BSDUS PA BDUD RTZIR BABS PA LAS, ,MDOR BSDUS LA YANG GDUL BYA'I MOS PA BZHIN, ,RNAM GSUM RNAL 'BYOR BZHI YI GNAD TSANG BA, ,RGYUD 'GREL DAM PA RNAMS KYI MAN NGAG BZHIN, ,BLO BZANG CHOS KYI RGYAL MTSAN ZHES BYAS BKOD, ,DGE BAS 'GRO KUN SKU GSUM MYUR
, ,THOB SHOG ,CES DPAL DUS KYI 'KHOR LO'I SGRUB THABS MDOR BSDUS PA 'JAM DPAL DGONGS RGYAN ZHES BYA BA 'DI NI SNGA MO NAS, 'KHOR GYI GDUNG 'DZIN DGE BA'I GSHES GNYEN CHEN PO, PHA BONG KHA PA DPAL 'BYOR LHUN GRUB PAS DUS 'KHOR LHA LNGA LTA BU BSDUS PA'I MNGON RTOGS CIG CIS KYANG DGOS CES YANG YANG BSKUL BA DANG, 'PHRAL DU GLING CHOS RJE MGON PO RNAM RGYAL PAS NAN GYIS BSKUL BA LA BRTEN NAS CHOS SMRA BA BLO BZANG CHOS KYI RGYAL MTSAN GYIS BU STON THAMS CAD MKHYEN PAS MDZAD PA'I DUS 'KHOR GYI SGRUB THABS RNAMS DANG, KUN MKHYEN SHES RAB DPAL BZANG POS MDZAD PA'I DPA' BO GCIG PA'I SGRUB THABS DANG, 'DUL BA 'DZIN PA GRAGS PA RGYAL MTSAN PAS MDZAD PA'I LHA LNGA'I SGRUB THABS RNAL 'BYOR MA'I MCHOD CHOG DANG BCAS PA DANG, MKHAS GRUB THAMS CAD MKHYEN PAS MDZAD PA'I SGRUB THABS DANG RJE BYAMS PA GLING PAS MDZAD PA'I LHAN SKYES KYI SGRUB THABS RNAMS PHAL CHER MTHUN PA 'DUG PA LTAR ZHIB TU BRTAGS NAS, SGRUB THABS DPAG BSAM SNYE MA DANG, PAD DKAR ZHAL LUNG GNYIS KYI GNAD BSDUS, RIN CHEN SNYING PO LA GZHI BYAS NAS, BDAG CAG GI STON PAS CHOS KYI 'KHOR LO BSKOR BA'I DUS KHYAD PAR CAN LA, CHOS GRVA CHEN PO BKRA SHIS LHUN PO'I GTZUG LAG KHANG DU MGYOGS PAR SBYAR BA'O, ,YANG 'DI NYID
GZHIR BZHAG PA LA GTZO RKYANG YAB YUM ZHAL GCIG PHYAG GNYIS PA LHAN SKYES DANG, YAB ZHAL PHYAG YONGS RDZOGS KYI, SGRUB THABS RIN CHEN SNYING PO JI LTA BA DPA' BO GCIG PA DANG, 'DI JI LTA BA LA 'DAB MA'I LHA MO BRGYAD BZHAG PA LHA LNGA DANG, DE BZHIN GSHEGS PA BZHI PO BZHAG PA LHA MO BRGYAD KYIS BSKOR BA LHA DGU STE, 'DON CHA'I BSGYUR BKOD CUNG ZAD TZAM SHES PAR BGYIS PAS, BSNYEN BSGRUB YAN LAG BZHI TSANG BA'I RNAL 'BYOR PHUN SUM TSOGS PAR 'GYUR ZHING RGYUD DANG 'GREL BA'I DGONGS PA RNAM PAR DAG PAR 'GYUR RO, ,ZHES SMRAS SO,, ` ,,AOm SVA STI, PHAN BDE'I 'BYUNG GNAS RGYAL BSTAN YONGS 'DU'I LJON; ;RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL,, ,,SARBA DZA GA TAm,, ,