*, ,DPAL RDO RJE 'JIGS BYED KYI BSKYED RIM DNGOS GRUB KYI SNYE MA ZHES BYA BA BZHUGS SO, ,
, ,NA MO BADZRA BHEER W'A YA, DUS GSUM RGYAL BA'I YE SHES 'JAM PA'I DBYANGS, ,THUGS RJE CHEN POS KHROS PA'I GAR MDZAD PAS, ,'CHI BDAG BDUD RIGS 'BYUNG PO'I TSOGS RNAMS LA, ,SROG BRAL 'DOMS PA'I BLA MAR GUS BTUD NAS, ,RGYUD DANG RGYA GZHUNG 'O MA'I RGYA MTSO CHE, ,RNAM DPYOD BRTZON PAS BSRUBS BA LAS BYUNG BA'I, ,ZAB DON BDUD RTZI'I BCUD KYIS YONGS GANG BA'I, ,BUM BZANG SKAL LDAN SKYE BE'I TSOGS LA SBYIN, ,'DIR DPAL RDO RJE 'JIGS BYED KYI BSKYED PA'I RIM PA BSHAD PA LA GSUM, THUN GYI THOG MAR JI LTAR BYA BA'I TSUL; THUN DNGOS GZHI LA JI LTAR BYA BA'I TSUL, THUN GYI 'JUG DANG THUN MTSAMS SU JI LTAR BYA BA'I TSUL LO, ,DANG PO THUN GYI THOG MAR JI LTAR BYA BA'I TSUL LA GSUM, NANG MCHOD
, ,BYIN GYIS BRLABS PA'I TSUL, SNGON 'GRO GTOR MA JI LTAR BYA BA'I TSUL, BDAG BSKYED KYI MCHOD PA BYIN GYIS BRLAB PA'I TSUL LO, ,DANG PO NI, RANG NYID RDO RJE 'JIGS BYED ZHAL GCIG PHYAG GNYIS YUM BCAS SU BSKYED PA LA CHOS CAN, DGOS PA YOD DE, 'OG NAS 'BYUNG BA'I NANG MCHOD DANG MCHOD GTOR SOGS BYIN GYIS BRLAB PA DE THA MAL GYI SNANG ZHEN DANG LDAN PAS MI NUS PAS, RANG NYID LHA'I RNAL 'BYOR LA GNAS SHING NGA RGYAL DANG GSAL SNANG SHIN TU BRTAN PA'I SGO NAS BYED DGOS PA'I RGYU MTSAN GYIS YIN PA'I PHYIR, NANG MCHOD BYIN GYIS BRLAB PA'I TSUL LA BZHI, BSANG BA, SBYANG BA, BSKYED PA, BYIN GYIS BRLAB PA DNGOS SO, ,DANG PO BSANG BA NI, HR'I: shtV'I: SA BSANG BA YIN CING, DE'I TSE DMIGS PA YID LA BYED PA'I TSUL YANG YOD DE, SNGAGS BRJOD PA DANG DUS MNYAM DU RANG GI SNYING GNAS KHRO BO GSHIN RJE'I GSHED DPAG TU MED PA SPROS NAS, NANG MCHOD KYI RDZAS LA GNAS PA'I BGEGS RNAMS BSKRAD PAR BSAM PA YIN PA'I PHYIR, GNYIS PA SBYANG BA NI SVA BH'A WAS SBYANG BA YIN CING, SNGAGS DON
LTAR NANG MCHOD LA SOGS PA BZANG BA DANG 'DZIN PAS BSDUS PA'I CHOS THAMS CAD RANG BZHIN STONG PA NYID DU MOS PA'I SGO NAS, BDE STONG DBYER MED KYI 'OD GSAL DU BCUG PA LA CHOS CAN, DGOS PA YOD DE NANG MCHOD LA SOGS PA LA THA MAL GYI SNANG ZHEN SPONG BA'I CHED YIN PA'I PHYIR, GSUM PA BSKYED PA NI, YAm LAS RLUNG, RAm LAS ME'I DKYIL 'KHOR LA GNAS BA'I A'A: LAS MI MGO'I SKYED BU GSUM GYI STENG DU, A'A: LAS BYUNG BA'I THOD PA PHYI DKAR LA NANG DMAR BA'I NANG DU BDUD RTZI'I RDZAS RNAMS BSKYED PA'I RGYU MTSAN YOD DE, THOD PA'I SKAD DOD KA P'A LA ZHES PA BDE BA SKYOD PA LA 'JUG PAS, BDE STONG DBYER MED KYI YE SHES DE MTSON PA'I RGYU MTSAN GYIS YIN PA'I PHYIR, SKABS 'DIR SHA LNGA BDUD RTZI'I RDZAS SU 'JOG PA'I RGYU MTSAN YOD DE, DE DAG LA SBYANGS RTOGS SBAR GSUM BYAS NAS SGRUB PA PO NYID KYIS LONGS SPYOD PA DANG, DKYIL 'KHOR PA'I LHA TSOGS LA PHUL BAS, DNGOS GRUB THAMS CAD MYUR DU 'GUGS PAR BYED PAS LCAGS KYU LNGA DANG, DNGOS GRUB THAMS CAD GSAL BAR BYED PAS SGRON MA LNGA ZHES BSHAD PA YIN PA'I PHYIR, SHA LNGA GSHEGS PA LNGA'I SA BON DANG BDUD RTZI LNGA GSHEGS MA LNGA'I SA BON LAS BSKYED PA'I RGYU MTSAN YOD DE, SHA LNGA GSHEGS PA LNGA'I BDAG NYID DANG, BDUD RTZI LNGA GSHEGS LNGA'I BDAG NYID DU BSGOM PAR BYA BA YIN PA'I PHYIR
, ,BZHI BA BYIN GYIS BRLAB PA DNGOS NI, YI GE GSUM GYIS SBYANGS RTOGS SBAR GSUM BYED PA YIN TE, DE YANG H'Um YIG THUGS RDO RJE'I SA BON YIN PAS KHA DOG DRI NUS KYI SKYON THAMS CAD SBYANGS, A'A YIG GSUNG RDO RJE'I SA BON YIN PAS YE SHES DE NYID BDUD RTZI'I RNAM PA CAN DU RTOGS PAR BYAS, AOm YIG SKU RDO RJE'I SA BON YIN PAS YE SHES KYI BDUD RTZI DE NYID MANG POR SPEL ZHING BYIN GYIS BRLAB PA YIN PA'I PHYIR RO, ,GNYIS PA SNGON 'GRO GTOR MA JI LTAR BYA BA'I TSUL NI, NANG MCHOD BYIN GYIS BRLABS PA'I 'OG TU PHYOGS SKYONG LA SNGON 'GRO GTOR MA PHUL BA LA DGOS PA YOD DE, SGRUB THABS DNGOS GZHI BSGOM PA LA BGEGS KYI BAR CHAD MI 'BYUNG BAR BYA BA'I CHED YIN PA'I PHYIR, 'O NA SNGON 'GRO GTOR MA BYA BA'I TSUL DE JI LTA BU ZHE NA, SNGON 'GRO GTOR MA'I MCHOD PA BDAG BSKYED KYI MCHOD PA BYIN RLABS LTAR DANG, GTOR MA NANG MCHOD LTAR BYIN GYIS BRLAB PA YIN CING; L'A LI TAS BSHAD PA LTAR YA MA R'A DZ'A'I SNGAGS BRJOD PA'I SGO NAS KYANG BYIN GYIS BRLABS TE, RANG GI THUGS KA'I H'Um SNGON PO'I 'OD ZER LCAGS KYU'I RNAM PA CAN GYIS PHYOGS SKYONG BCO LNGA 'KHOR DANG BCAS PA BKUG NAS; PHYOGS MTSAMS RNAMS SU GNAS PA SKAD CIG GIS 'OD GSAL DU BCUG NAS, RDO RJE 'JIGS BYED YAB YUM GYI RNAM PAR GSAL BA LA, BHU TZA RA NA'I SNGAGS KYIS GTOR MA NANG MCHOD DANG BCAS PA PHUL, PHRIN
LAS 'CHOL, BZOD PAR GSOL NAS RANG BZHIN GYI GNAS SU GSHEGS PAR BYA BA YIN TE, L'A LI TAS, SHA RNAMS KUN GYI GTOR MA NI, ,'BYUNG PO LA SOGS 'JIGS LA SBYIN, ,DANG POR LHA LA BZOD PAR GSOL, ,ZHING SKYONG LA SOGS THAMS CAD GSHEGS, CES GSUNGS PA'I PHYIR, PHYOGS SKYONG RNAMS SKAD CIG GIS 'OD GSAL DU BCUG NAS RDO RJE 'JIGS BYED YUM BCAS SU BSKYED PA LA DGOS PA YOD DE, DE DAG LA THA MAL GYI SNANG ZHEN SPANGS NAS YONGS SU DAG PA LHA'I 'KHOR LOR 'CHAR BAR BYA BA'I CHED YIN PA'I PHYIR, BHU TZA RA SOGS KYI SNGAGS DON NI, BHU TZA RA NI ZHES PA NAS, PHAt AUTTAR TI G'A YA ZHES PA'I BAR NI, SA 'OG NA SPYOD PA RNAMS DANG, SA LA SPYOD PA RNAMS DANG, MKHA' LA SPYOD PA RNAMS CES PA DANG, NYE SNYING YI GE BDUN PA SPEL BA YIN LA, AOm AI HR'I: YA, ZHES PA NAS, SARBA BHU DE BHYA: ZHES PA'I BAR NI DBANG PO LA SOGS PA'I PHYOGS SKYONG RNAMS KYI MING YIG DANG PO DANG, LAS SNGAGS KYI YI GE BCU PA SPEL BA YIN NO, ,GSUM PA BDAG BSKYED KYI MCHOD PA BYIN GYIS BRLAB PA NI, SKABS 'DIR BDAG BSKYED DANG, MDUN BSKYED GNYIS KA'I MCHOD PA LHAN CIG TU BYIN GYIS BRLABS PAS CHO GA STE, BCU GSUM MA 'DI BDAG MDUN THA MI DAD 'JUG PA GCIG PA'I BSGRUB TSUL GRUB CHEN GYI DGONGS PA YIN PAR RJE BLA MAS BCU GSUM MA GSUM GYI DKYIL CHOG TU GSAL BAR GSUNGS PAS SO, ,BYIN GYIS BRLAB PA DNGOS NI BSANG SBYANG GNYIS SNGAR LTAR BYAS LA, A'A: LAS BYUNG BA'I THOD PA YANGS
, ,SHING RGYA CHE BA RNAMS KYI NANG DU H'Um H'Um ZHU BA LAS BYUNG BA'I MCHOD RDZAS RNAMS NGO BO BDE STONG DBYER MED KYI YE SHES YIN PA LA, RNAM PA MCHOD RDZAS SO SO'I RNAM PA CAN, BYED LAS DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN BSKYED PA'I KHYAD PAR GSUM LDAN DU MCHOD YON SOGS KYI MING SNGAGS YI GE GSUM DANG SPEL NAS BYIN GYIS BRLAB DGOS PA YIN TE, YI GE GSUM RDO RJE GSUM GYI SA BON YIN PAS, RDO RJE GSUM GYI BDAG NYID DU BYIN GYIS BRLAB DGOS PA YIN PA'I PHYIR, RTZA BA'I GNYIS PA THUN GYI DNGOS GZHI LA JI LTAR BYA BA'I TSUL LA GSUM, DANG PO SBYOR BA'I TING NGE 'DZIN BSHAD PA DANG, DKYIL 'KHOR RGYAL MCHOG GI TING NGE 'DZIN BSHAD PA DANG, LAS RGYAL MCHOG GI TING NGE 'DZIN BSHAD PA'O, ,DANG PO SBYOR BA'I TING NGE 'DZIN BSHAD PA LA BZHI, 'CHI BA CHOS SKU'I RNAL 'BYOR SGRUB THABS KYI SBYOR BA'I YAN LAG DANG BCAS TE BSHAD PA DANG, GANG DU 'TSANG RGYA BA'I GNAS RTEN GZHAL YAS KHANG BSKYED DE, BAR DO LONGS SKUR 'KHYER BA'I RNAL 'BYOR RGYU RDO RJE 'DZIN PA'I BSKYED TSUL BSHAD PA DANG, SKYE BA SPRUL SKUR 'KHYER BA'I RNAL 'BYOR 'BRAS BU RDO RJE 'DZIN PA BSKYED TSUL 'PHROS DANG BCAS TE BSHAD PA DANG, DE LTA BU'I SKU GSUM GYI GO 'PHANG YANG 'DOD CHAGS KYI CHOS KYIS THOB PAR BSTAN PA'I PHYIR RIG MA DANG SBYOR TSUL BSHAD PA'O, ,DANG PO LA GSUM, SNGAGS LA SPYOD PA'I RTEN 'DZAM BU GLING PA'I MI MNGAL SKYES KHAMS DRUG LDAN DU SKYE
BA LEN PA'I RGYUR BSOD NAMS KYI LAS 'DU BYAS PA DANG CHOS MTHUN PAR BSOD NAMS KYI TSOGS GSOG TSUL DANG, DE LTAR 'DU BYAS PA'I 'OG TU 'CHI BA 'OD GSAL MNGON DU BYED PA DANG CHOS MTHUN PAR YE SHES KYI SA'I STONG NYID BSGOM TSUL DANG 'BYUNG BZHI'I DKYIL 'KHOR BSKYED NAS 'GAL RKYEN 'GOG PA'I DON DU BSRUNG 'KHOR BSGOM TSUL LO, ,DANG PO LA TSOGS ZHING SPYAN 'DREN TSUL DANG, DE LA BSOD NAMS KYI TSOGS GSOG TSUL GNYIS LAS, DANG PO NI, BDE STONG DBYER MED KYI YE SHES KYI NGANG NAS GZUGS SKU'I RNAM PAR SPYAN 'DREN PA LTA BU RANG BZHIN GYI GNAS NAS SPYAN 'DREN PA DANG, 'OG MIN SOGS GNAS BYE BRAG PA NAS SPYAN 'DREN PA SOGS DU MA YOD KYANG, SKABS 'DIR JI LTAR BYA BA'I TSUL YOD DE, RANG NYID 'JIGS BYED ZHAL GCIG PHYAG GNYIS PAR GSAL BA'I THUGS KAR PADMA DANG NYI MA LA GNAS PA'I H'Um YIG LAS 'PHROS PA'I 'OD ZER GYIS, PHYOGS BCU'I LONGS SPRUL GYI ZHING KHAMS MU MED PA GSAL BAR BYAS NAS, RDO RJE 'JIGS BYED LA DE NA BZHUGS PA'I ZHI KHRO RAB 'BYAMS KYIS BSKOR BA MDUN GYI NAM MKHAR SPYAN DRANGS NAS, 'OD ZER RANG GI SNYING KHAR THIM PAR MOS PA YIN PA'I PHYIR, SKABS 'DIR BLA MA SPYAN 'DREN PA'I TSUL YANG YOD DE, DKYIL 'KHOR GYI GTZO BO DANG THA MI DAD DU BYAS NAS SPYAN 'DREN PA'I TSUL DANG, DKYIL 'KHOR GYI DUR KHROD NA GNAS PAR MOS NAS SPYAN 'DREN PA'I TSUL DANG, GTZO BO'I RIGS BDAG TU BYAS NAS SPYAN 'DREN PA'I TSUL SOGS DU MA YOD KYANG, SKABS 'DIR PHYI MA LTAR BYED PA YIN TE, DE LTAR YANG L'A LI TA BADZRA'I GZHUNG LAS, RANG GI SNYING GAR PADMA LA, ,NYI MA LA GNAS
, ,YI GE MCHOG ,THUGS KYI RNAM PAR RAB BSGOMS TE, ,BLA MA DANG BCAS LHA DMIGS BYA, ZHES GSUNGS PA'I PHYIR RO, ,GNYIS PA TSOGS GSOG PA'I TSUL LA GSUM, PHYAG 'TSAL BDAG MCHOD PA 'BUL BA DANG, SDIG PA BSHAGS PA SOGS YAN LAG LHAG MA RNAMS SNGON DU BTANG NAS, THUN MONG DANG THUN MONG MA YIN PA'I SDOM PA BZUNG STE TSANGS PA'I GNAS BZHI BSGOM PA'I TSUL LO, ,DANG PO PHYAG 'TSAL BA NI, GANG GI DRIN GYIS BDE CHEN NYID; CES SOGS SHLO KA GCIG GIS BLA MA DANG, GZUGS MCHOG MCHOG TU DRAG PO CHE, ZHES SOGS SHLO KA GCIG GIS LHAG PA'I LHA LA PHYAG 'TSAL BA YIN CING, DANG PO'I DON NI, BLA MA RDO RJE CAN TE RDO RJE 'CHANG DANG THA MI DANG BYAS PA'I ZHABS KYI PADMAR PHYAG BYA BAR 'OS PA YIN TE, RIN PO CHE DBANG GI RGYAL POS DGOS 'DOD THAMS CAD STZOL BA BZHIN DU, BLA MA GANG GI DRIN GYIS BDE BA CHEN PO'I GO NAS SKU GSUM GYI GO 'PHANG YANG SKAD CIG STE, SNYIGS DUS KYI TSE THUNG GCIG LA BDE BLAG TU STER BAR BYED PA YIN PA'I PHYIR, TSIGS BCAD GNYIS PA'I DON YANG YOD DE, 'BRAS DUS KYI BDE STONG DBYER MED KYI YE SHES DE NYID GZUGS SKU'I RNAM PAR SHAR PAS NA GZUGS MCHOG ,SHIN TU KHROS PA'I SKUR STON PAS NA MCHOG TU DRAG PO CHE, MI MTHUN PA'I PHYOGS LAS RGYAL BAS NA DBANG PO, SKU GSUNG THUGS KYI GSANG BA BSAM GYIS MI KHYAB PA SANGS RGYAS 'PHAGS PA NANG PHAN TSUN KHO NA'I MNGON SUM GYI SPYOD YUL YIN PAS NA MCHOG GI SPYOD YUL CAN, GDUL
DKA' BA PHYI NANG GI GSHIN RJE MA LUS PA 'DUL BAR MDZAD PA MTHAR THUG GI BDE STONG DBYER MED KYI YE SHES NGES DON GYI RDO RJE 'JIGS BYED DANG, DE NYID GZUGS SKU'I RNAM PAR SHAR BA'I DRANG DON GYI RDO RJE 'JIGS BYED LA PHYAG 'TSAL BA YIN PA'I PHYIR RO, ,GNYIS PA MCHOD PA 'BUL BA'I TSUL YANG YOD DE, 'JIGS BYED KYI RGYUD LE'U BZHI PA DANG, GSHED DMAR GYI RGYUD LAS GSUNGS PA'I AOm HR'I: shd'I: HA ZHES SOGS KYIS CHU GNYIS NYER SPYOD ROL MO DANG BCAS PA 'BUL BA YIN PA'I PHYIR RO, ,DE'I TSE DMIGS PA YID LA BYED PA'I TSUL YANG YOD DE, RANG GI SNYING GA'I H'Um LAS SPROS PA'I TZA RTZI KA LA SOGS PA'I MCHOD PA'I LHA MO MCHOD RDZAS SNA TSOGS PA THOGS PA NAM MKHA' GANG BA SPROS TE, TSOGS ZHING RNAMS LA MCHOD PAS THUGS RGYUD LA ZAG PA MED PA'I BDE BA KHYAD PAR CAN BSKYED NAS, SLAR MCHOD LHA RNAMS SNYING GA'I H'Um LA BSDU BA YIN PA'I PHYIR RO, ,GSUM PA NI, SDIG PA RNAMS NI BSHAGS PAR BYA, ZHES BAS SDIG PA BSHAGS TSUL SPYIR BSTAN, SKYES SHING BYUNG BA RNAMS NI BSAL, ZHES PAS SKYES ZIN 'DAS PA'I DUS KYI SDIG PA DANG, DA LTAR BYUNG BA'I SDIG PA RNAMS LA 'GYOD SEMS DANG LDAN PAS BSHAGS TSUL BSTAN, MI BYED PAR YANG SPYAN SNGAR BRJOD, CES PAS 'BYUNG 'GYUR GYI SDIG PA RNAMS LA SDOM SEMS SNGON DU 'GRO BAS MI BYED PAR DAM BCA' PA'I TSUL BSTAN, DE BZHIN BSOD RNAMS RJES YI RANG, ZHES PAS RANG GZHAN GYI DGE BA LA YI RANG BA DANG, BDAG GIS BDER 'GRO YONGS SU
, ,BSNGO, ZHES PAS DGE RTZA RNAMS BLA MED BYANG CHUB TU BSNGO BA BSTAN PA YIN, TSIGS BCAD LHAG MA RNAMS KYI DON YANG YOD DE, DKON MCHOG GSUM LA SKYABS SU 'GRO, ZHES SOGS SHLO KA GCIG DANG, YANG DAG RDZOGS PA'I SANGS RGYAS DANG, ZHES SOGS SPEL BAS, DKON MCHOG GSUM LA SKYABS SU SONG NAS BYANG CHUB TU SEMS BSKYED DE, THUN MONG BA'I SDOM PA BZUNG NAS SBYIN SOGS KYI LAM LA SLOB TSUL BSTAN, YON TAN RGYA MTSO KHYED RNAMS LA, ZHES SOGS RKANG PA GNYIS KYIS TSOGS ZHING RNAMS LA RANG GI LUS BRAN DU 'BUL TSUL BSTAN PA YIN PA'I PHYIR, DE LTAR GRUB CHEN L'A LI TA BADZRA'I DGONGS PA YIN TE, JI SKAD DU, GRUB CHEN GYI GZHUNG LAS, YE SHES LAS GZHAN TSOGS KYI PHYIR, ,PHYAG 'TSAL NAS NI BSNGO MTHAR THUG ,BDUN RNAMS BSAGS NAS DE RJES SU, ,TSANGS PA'I GNAS BZHI BSGOM PAR BYA, ZHES GSUNGS PA'I PHYIR, SKABS 'DIR THUN MONG MA YIN PA'I SDOM PA BZUNG BA GRUB CHEN GYI GZHUNG LAS DNGOS SU MA BYUNG KYANG, SHR'I DZNY'A NAS DPA' BO GCIG PA'I SGRUB THABS SU BSHAD PA DANG, 'DUS PA SOGS KYI RIGS 'GRE SBYAR NAS MDZAD PA YIN LA, DES NA SKABS 'DIR THUN MONG MA YIN PA'I SDOM PA BZUNG BA LA DGOS PA YOD DE, SDOM PA SNGAR MED GSAR DU SKYE BA DANG, NYAMS PA SOR CHUNG PA'I DGOS PA MI 'GRUB KYANG SDOM PA SKYES ZIN BRTAN PA DANG, GONG NAS GONG DU 'PHEL BA DANG, THUN MONG DANG THUN MONG MA YIN PA'I SDOM PA BZUNG NAS LAM
LA SLOB PA DANG, BLA MA DANG DKYIL 'KHOR PA'I LHA TSOGS MNYES PAR BYED PA BSGRUB PA'I MCHOD PA KHYAD PAR CAN DU 'GYUR BA YIN PA'I PHYIR RO, ,SKABS 'DIR TSANGS PA'I GNAS BZHI BSGOM TSUL YANG YOD DE, SEMS CAN THAMS CAD BDE BA DANG LDAN PAR GYUR CIG ,CES SOGS KYI DON DRAN BZHIN PA'I SGO NAS THEG CHEN THUN MONG BA'I SKABS NAS 'BYUNG BA LTAR GYI TSAD MED BZHI BSGOM PAR BYA BA YIN PA'I PHYIR, TSOGS ZHING SPYAN 'DREN PA NAS 'DI'I BAR GZHI DANG CHOS MTHUN PA'I TSUL YANG YOD DE, SNGAGS LA SPYOD PA'I RTEN 'DZAM BU GLING BA'I MI MNGAL SKYES KHAMS DRUG LHAN DU SKYE BA LEN PA'I RGYUR BSOD NAMS KYI LAS 'DU BYA BA DANG CHOS MTHUN PA'I PHYIR RO, ,GNYIS PA DE LTAR 'DU BYAS PA'I 'OG TU 'CHI BA 'OD GSAL MNGON DU BYED PA DANG CHOS MTHUN PAR YE SHES KYI SA'I STONG NYID BSGOM TSUL LA GNYIS, SBYANG GZHI BSHAD PA DANG, DE DANG MTHUN PA'I STONG NYID SGOM TSUL LO, ,DANG PO NI, 'DZAM BU GLING PA'I MI MNGAL SKYES KHAMS DRUG LDAN PA 'CHI BA 'OD GSAL MNGON DU BYED TSUL YANG YOD DE, DE 'CHI BA'I TSE THOG MAR SA CHU LA THIM PA'I SKABS SU, PHYI RTAGS SU LUS BYANG BA'I NYAMS DANG, NANG RTAGS SU SMIG RGYU LTA BU'I SNANG BA 'CHAR, CHU ME LA THIM PA'I SKABS SU PHYI RTAGS SU MCHU DANG LCE BSKAMS SHING SO LA DREG PA CHAGS PA DANG, NANG RTAGS SU DU BA LTA BU'I SNANG BA 'CHAR, ME RLUNG LA THIM PA'I SKABS SU PHYI RTAGS SU LUS KYI DROD MTHA' NAS BSDUD PA DANG, NANG RTAGS SU MKHA'
, ,NANG ME 'KHYER LTA BU'I SNANG BA 'CHAR, RLUNG RNAM SHES LA THIM PA'I SKABS SU PHYI DBUGS KYI 'GYU BA CHAD CING, NANG RTAGS SU MAR ME 'BAR BA LTA BU'I SNANG BA 'CHAR, KUN RTOG GA-YO BA'I RLUNG RNAMS SNANG BA LA THIM PA'I SNANG BA RANG DUS SU STON GNAM GA-YA'I DAG LA ZLA 'OD KYIS KHYAB PA LTA BU'I DKAR LAM PA'I SNANG BA 'CHAR, SNANG BA MCHED PA LA THIM PA'I MCHED PA RANG DUS SU STON GNAM GA-YA' DAG LA NYI 'OD KYIS KHYAB PA LTA BU'I DMAR LAM PA'I SNANG BA 'CHAR, MCHED PA NYER THOB LA THIM PA'I NYER THOB RANG DUS SU, SROD KYI SMAG MTHUG POS KHYAB PA LTA BU'I NAG LAM PA'I SMANG BA 'CHAR, NYER THOB 'OD GSAL DU THIM PA'I 'OD GSAL RANG DUS SU SLOD BYED KYI RGYAN GSUM DANG BRAL BA'I THO RANGS KYI NAM MKHA'I RANG MDOG STONG PA JI BZHIN PA'I SNANG BA SHAR BA'I SGO NAS 'CHI BA 'OD GSAL MNGON DU BYED PA YIN PA'I PHYIR RO, ,GNYIS PA LA SNGAGS GNYIS KYI DON BSAM PA'I SGO NAS STONG NYID BSGOM TSUL DNGOS BSHAD PA DANG, SBYANG GZHI DANG CHOS MTHUN SBYOR TSUL BSHAD PA GNYIS, DANG PO SNGAGS DANG PO'I DON NI, AOm GYI AA AU MA GSUM GYIS SKU GSUNG THUGS KYI RDO RJE GSUM MTSON CING, DE GSUM GCIG TU GYUR BAS RDO RJE GSUM DBYER MI PHYED PA DE MTSON, MTSON DON DRAN PA'I SGO NAS NGAG TU BRJOD PAS BSOD NAMS DPAG TU MED PA LEN PA'I PHYIR, NOR BU 'DZIN PA'I SNGAGS CES BSHAD PA YIN TE, RGYUD RTZE MO LAS, AOm NI CI ZHIG YIN PAR BRJOD, ,
MCHOG DANG NOR STER DPAL DANG GA-YANG, ,SKAL BZANG RNAM PA DANG LDAN ZHING, ,DAM BCA' BA DANG BKRA SHIS DON, ,NOR BU 'DZIN PA'I SNGAGS SU BRJOD, CES GSUNGS PA'I PHYIR, SVA BH'A WA NI RANG BZHIN GYIS, SHUDDH'A: NI RNAM PAR DAG PA, SARBA DHARMMA: NI CHOS THAMS CAD DE, GZUNG BAS BSDUS PA'I CHOS THAMS CAD RANG BZHIN GYIS RNAM PAR DAG PA DANG, SVA BH'A WA SHUDDHA: NI SNGAR BZHIN LA, AA HAm NI NGA'O STE DA TZAM SOGS 'DZIN PAS BSDUS PA'I CHOS THAMS CAD RANG BZHIN GYIS RNAM PAR DAG PA STE, MDOR NA, GZUNG BA DANG 'DZIN PAS BSDUS PA'I CHOS THAMS CAD RANG BZHIN GYIS RNAM PAR DAG PA'I STONG PA NYID STON PA'O, ,SNGAGS GNYIS PA'I DON YANG YOD DE, AOm NI BSHAD ZIN LA, SH'U NYA T'A NI STONG PA NYID DANG, DZNY'AN NI YE SHES DANG, BADZRA NI MI PHYED PA DANG, SVA BH'A WA NI RANG BZHIN GYIS NGANG, A'ATAM KA NI BDAG NYID DANG, AA HAm NI NGA'O STE, YUL STONG PA NYID DANG, YUL CAN BDE BA CHEN PO'I YE SHES GNYIS DBYER MI PHYED PA'I BDAG NYID DE NGA'O SNYAM DU RGYAL BA'I THUGS CHOS SKU LA NGA RGYAL BZHAG NAS SGOM PAR BYED PA YIN PA'I PHYIR, BLA MED KYI SGRUB THABS 'GA' ZHIG TU TSOGS ZHING RNAMS RANG BZHIN GYI GNAS SU GSHEGS PA DANG, BYIN GYIS RLOB PA'I DON DU RANG LA BSTIM PA SOGS DU MA BSHAD KYANG, SKABS 'DIR JI LTAR BYA BA'I TSUL YOD DE, SNGAGS GNYIS KYI DON BSAMS PA'I SGO NAS STONG PA NYID DU SBYOR BA YIN PA'I PHYIR RO, ,DE LTAR RANG DANG TSOGS ZHING GI
, ,LHA DANG DE DAG LAS GZHAN PA'I CHOS THAMS CAD CHOS CAN, RTAG CHAD LA SOGS PA'I MTHA' BZHI DANG BRAL BA'I BDAG MED PA'I RANG BZHIN STONG PA NYID YIN TE, RANG RANG GI GDAGS GZHI LA BRTEN NAS BTAGS PA TZAM YIN PA'I PHYIR RO, ,GNYIS PA NI, SNGAGS GNYIS KYI DON BSAMS PA'I SGO NAS STONG NYID BSGOM TSUL 'DI LA 'CHI BA CHOS SKUR 'KHYER BA'I RNAL 'BYOR ZHES BYA BA YIN TE, SBYANG GZHI LA 'DZAM BU GLING PA'I MI MNGAL SKYES KHAMS DRUG LDAN ZHIG RAGS PA NYI SHU RTZA LNGA RIM GYIS THIM NAS, 'CHI BA 'OD GSAL MNGON DU BYED PA DANG CHOS MTHUN ZHING, SGRUB PA PO RANG NYID KYI 'CHI BA SPYOD PAR BYED, RDZOGS RIM GYI SKABS SU BSGOMS STOBS KYIS RLUNG DBU MAR ZHUGS GNAS THIM GSUM BYAS PA LAS BYUNG BA'I DPE DON GYI 'OD GSAL DANG RNAM PA MTHUN ZHING, DE LTA BU'I RTOGS PA SKYE PA'I DGE RTZA SMIN BYED KHYAD PAR CAN DU 'GYUR, 'BRAS BU'I SKABS SU YUL DAG PA GNYIS LDAN GYI DBYINGS DANG, SGRIB BRAL LHAN SKYES KYI BDE BA CHEN PO'I YE SHES GNYIS RO GCIG TU ZHUGS PA'I RGYAL BA'I THUGS CHOS SKU DANG RNAM PA MTHUN ZHING, DE LTA BU'I 'BRAS BU LAM DU BYAS PAS CHOS KYI SKU MNGON DU 'GYUR BA'I NUS PA KHYAD PAR CAN 'JOG PA YIN PA'I PHYIR, SKABS 'DIR STONG NYID BSGOM PA LA YE SHES KYIS ZHES BRJOD PA'I RGYU MTSAN YOD DE, GZHI LA SNOD KYI 'JIG RTEN SNGA MA ZHIG STONG NAS NAM MKHA' STONG SANG DU GNAS PA DE NYID KYIS SNOD KYI 'JIG RTEN PHYI MA ZHIG GI
RTEN BYED PA BZHIN DU, 'DIR BSGOMS PA'I STONG NYID KYIS KYANG 'BYUNG BA RIM BRTZEGS RTEN BRTEN PA'I DKYIL 'KHOR DANG BCAS PA BSKYED PA'I GZHI BYED PA'I RGYU MTSAN GYIS DE LTAR BRJOD PA YIN PA'I PHYIR, SKABS 'DIR STONG NYID BSGOMS PA LA DGOS PA YOD DE, GTZO BOR 'CHI BA CHOS SKUR 'KHYER BA'I LAM 'KHYER DANG, DER MA ZAD GONG DU TSOGS ZHING RNAMS LA BSOD NAMS KYI TSOGS BSAGS NAS, 'DIR STONG NYID BSGOMS PAS YE SHES KYI TSOGS BSAGS PAR 'GYUR BA DANG, STONG NYID RTOGS PA'I GZUNG RNAM DE NYID 'OG NAS 'BYUNG BA'I RTAN DANG BRTEN PA'I DKYIL 'KHOR DU 'CHAR BA'I ZAB GSAL GNYIS MED KYI RNAL 'BYOR KHYAD PAR CAN BSKYED PAR BYA BA'I CHED YIN PA'I PHYIR RO, , GSUM PA NI, 'BYUNG BZHI'I DKYIL 'KHOR BSKYED NAS 'GAL RKYEN 'GOG PA'I DON DU BSRUNG 'KHOR BSGOM TSUL LA GNYIS, 'BYUNG BZHI'I DKYIL 'KHOR BSKYED DE THUN MONG BA'I BSRUNG 'KHOR BSGOM TSUL DANG, THUN MONG MA YIN PA'I BSRUNG 'KHOR BSGOM TSUL LO, ,DANG PO NI, DE LTA BU'I STONG PA'I NGANG LAS YAm RAm BAm LAm BZHI LAS 'BYUNG BZHI'I DKYIL 'KHOR SGRUB THABS NAS 'BYUNG BA LTAR BSKYED PA YIN TE, L'A LI TAS, YAm RAm BAm LAm YI GE LAS, ,RLUNG DANG ME DANG CHU DANG NI, ,DBANG CHEN DKYIL 'KHOR BSGOM BAR BYA, ZHES GSUNGS PA'I PHYIR RO, ,'BYUNG BZHI'I DKYIL 'KHOR BSGOM PA 'DI SBYANG GZHI DANG CHOS MTHUN TSUL YOD DE, GZHI LA SNOD KYI 'JIG RTEN SNGA MA ZHIG STONGS
, ,NAS, SNOD KYI 'JIG RTEN PHYI MA ZHIG CHAGS PA'I THOG MAR RLUNG LA SOGS PA'I 'BYUNG BZHI'I DKYIL 'KHOR RIM CAN DU GRUB PA DANG CHOS MTHUN PA'I PHYIR, 'O NA SKABS 'DIR ME DKYIL DNGOS GNAS LA YOD PAS, ME DKYIL DANG CHOS MTHUN YUL MED PAR 'GYUR RO ZHE NA, SKYON MED DE, SKABS 'DIR ME DKYIL DNGOS GNAS LA MED KYANG, 'BYUNG BA GZHAN GSUM LA ME RDUL GNAS PAS CHOS MTHUN LEGS PAR GRUB PA YIN PA'I PHYIR RO, ,DE'I 'OG TU H'Um LAS SNA TSOGS RDO RJE H'Um GIS MTSAN PA LAS ZHES SOGS KYI THUN MONG BA'I BSRUNG 'KHOR BSGOMS PA LA DGOS PA YOD DE, SGRUB THABS BSGOM PA LA BGEGS KYI BAR CHAD MI 'BYUNG BAR BYA BA'I CHED YIN PA'I PHYIR RO, ,GNYIS PA NI, KHRO BO BCU DANG BCAS PA'I BSRUNG 'KHOR BSGOM DGOS PA YIN TE, L'A LI TAS, DE YI DBUS SU GNOD MDZES KYI, ,BKA' YI 'KHOR LO BSGOM PAR BYA, ,RTZIBS BCU BA LA CUNG ZAD SER, KHRO BO BCU BCAS RNAL 'BYOR BSGOM, ZHES GSUNGS PA'I PHYIR, SKABS 'DIR BSRUNG BA'I 'KHOR LO JI LTAR BYA BA'I TSUL YANG YOD DE, RA BA'I DBUS SU BHRUm SER PO LAS BYUNG BA'I BKA'I 'KHOR LO SER PO RTZIBS BCU LTE BA DANG BCAS PA, STENG 'OG GI RTZIBS GNYIS MDUNG RTENG SBUBS SPRAD PA LTA BU DANG, SHAR LA SOGS PA'I RTZIBS BRGYUD KYI RTZE MO RNAMS RAL GRI SO GNYIS MA'I RNAM PA CAN DANG, LTE BA'I SBUBS DANG, STENG 'OG GI SBUBS DANG, SHAR LA
SOGS PA'I RTZIBS BRGYAD KYI RTZE MO LA CUNG ZAD MA REG PA'I GNAS RNAMS SU SNA TSOGS PADMA DANG, ZLA BA DANG NYI MA'I GDAN RE RE BSGOM PAR BYA BA YIN PA'I PHYIR, GDAN RNAMS 'KHOR LO'I RTZIBS LA MA REG PAR BYED PA'I RGYU MTSAN YOD DE, 'DUS PA PHYI MA LAS, MI GA-YO BA DANG MTSUNGS BAR 'KHOR ZHES GSUNGS PA LTAR, 'KHOR LO GA-YAS BSKOR DU MGYOGS PAR 'KHOR ZHING, KHRO BO RNAMS RANG RANG GI PHYOGS BZUNG NAS GA-YO BA MED PAR BSGOM PAR BYA BA YIN PA'I PHYIR, 'KHOR LO LA KHRO BO RNAMS JI LTAR 'GOD PA'I TSUL YANG YOD DE, THOG MAR LTE BA'I DBUS SU RANG NYID GNOD MDZES YAB YUM DU BSGOM ZHING, YAB YUM SNYOMS PAR ZHUGS PA'I THUGS KA'I H'Um GI 'OD ZER GYIS BKUG PA'I KHRO BO BCU RANG GI ZHAL DU BCUG NAS ZHU BA RDO RJE'I LAM NAS YUM GYI PADMAR ZHUGS PA LAS THIG LE BCU DANG, DE LAS H'Um RING PO BCU DANG, DE LAS KHRO BO BCUR GYUR PAR BSGOM ZHING, DE NAS H'Um GIS YUM GYI PADMA NAS PHYUNG STE 'KHOR LO'I RTZIBS KYI GDAN RNAMS LA 'GOD PAR BYA BA YIN PA'I PHYIR RO, ,GNYIS PA GANG DU 'TSANG RGYA BA'I GNAS RTEN GZHAL YAS KHANG BSKYED DE, BAR DO LONGS SKUR 'KHYER BA'I RNAL 'BYOR RGYU RDO RJE 'DZIN PA BSKYED TSUL LA GNYIS, ,GANG DU 'TSANG RGYA BA'I GNAS RTEN GZHAL YAS KHANG BSKYED TSUL DANG, BAR DO LONGS SKUR 'KHYER BA'I RNAL 'BYOR RGYU RDO RJE 'DZIN PA BSKYED TSUL BSHAD PA'O, ,DANG PO LA GNYIS, GZHAL YAS KHANG GI GDAN BSKYED PA DANG,
, ,GZHAL YAS KHANG DNGOS BSKYED PA'O, ,DANG PO NI, RANG NYID GNOD MDZES SU GNAS PA YONGS SU GYUR PA LAS SGRUB THABS NAS 'BYUNG BA LTAR RDO RJE SEMS DPAR BSGOM PAR BYA BA YIN TE, GRUB CHEN GYIS, DE NAS BDAG PO YONGS GYUR NAS, ,RDO RJE SEMS DPAR RNAM PAR BSGOM, ,DKAR DANG MTHING GA DMAR BA'I ZHAL, ZHES GSUNGS PA LTAR YIN PA'I PHYIR, DE NAS RDO RJE SEMS DPA' YONGS SU GYUR BA LAS CHOS 'BYUNG PHYI DKAR LA NANG DMAR BA 'OG TU PHRA ZHING STOD YANGS PA, SHES RAB MA'I BHA GA'I RNAM PA CAN DU BSGOMS PA'I NANG DU, SNA TSOGS PADMA'I LTE BAR SNA TSOGS RDO RJE RNAMS SGRUB THABS NAS 'BYUNG BA LTAR BSGOM PAR BYA BA YIN TE, GRUB CHEN GYIS, DE NAS CHOS KYI 'BYUNG GNAS NI, ,DKAR GSAL GYEN 'GRENG GNAS PA LA, ,CHU SKYES SNA TSOGS RDO RJE YIS, ,RNAM PAR MTSON PAR MKHAS PAS BSAM, ZHES GSUNGS PA LTAR YIN PA'I PHYIR, RDO RJE SEMS DPA' YONGS SU GYUR PA LAS CHOS 'BYUNG BSKYED PA'I RGYU MTSAN YOD DE, CHOS 'BYUNG GIS 'BRAS DUS KYI BDE STONG DBYER MED KYI YE SHES MTSON ZHING, YE SHES DE NYID NGES DON GYI RDO RJE SEMS DPA' YIN PA'I RGYU MTSAN GYIS YIN PA'I PHYIR, CHOS 'BYUNG GIS BDE STONG DBYER MED KYI YE SHES MTSON PA YANG YIN TE, PHYI DKAR BAS RANG BZHIN RNAM DAG GI STONG PA NYID DANG, DE LA LDOG PAS PHYE NA, ZUR GSUM GYIS RNAM THAR SGO GSUM GYI STONG PA NYID DANG, SHES RAB MA'I BHA GA'I
DBYIBS SU YOD PAS LHAN SKYES KYI BDE BA CHEN PO'I YE SHES DE MTSON PA YIN PA'I PHYIR, CHOS 'BYUNG 'OG TU PHRA ZHING STONG YANGS BAR BSKYED PA LA DGOS PA YOD DE, MOS SPYOD DANG SA 'OG MA RNAMS SU YON TAN PHRA ZHING SA GONG MA RNAMS SU YON TAN JE RGYAS SU 'GYUR BA DE MTSON PA YIN PA'I PHYIR, CHOS 'BYUNG GI NANG DU RTEN DANG BRTEN PAR BCAS PA'I GZHAL YAS KHANG TSUD PAR BSGOMS PA LA DGOS PA YOD DE, SNGAR BSHAD PA LTAR CHOS 'BYUNG GIS BDE STONG DBYER MED KYI YE SHES MTSON PAS RTEN DANG BRTEN PAR BCAS PA'I DKYIL 'KHOR THAMS CAD BDE STONG DBYER MED KYI RNAM ROL DU 'CHAR BA DANG, 'BRAS BU SANGS RGYAS KYI SA'I GNAS LUS LONGS SPYOD LA SOGS PA'I YON TAN THAMS CAD RANG RGYU BDE STONG DBYER MED KYI YE SHES LAS BYUNG BAR SHES PA DANG, SNGON RDO RJE 'CHANG GIS RGYUD GSUNGS PA RDO RJE BTZUN MO'I BHA GA'I DBYIBS CAN GYI CHOS 'BYUNG GI NANG DU CHUD PA'I GZHAL YAS KHANG DU GSUNGS BAS, SNGON BYUNG STON PA'I RNAM SPRUL RJES MJUG GDUL BYA'I NYAMS LEN DU 'KHYER BAR BYA BA'I CHED YIN PA'I PHYIR, CHOS 'BYUNG GI NANG DU SNA TSOGS PADMA DANG SNA TSOGS RDO RJE BSGOM PA NI GZHAL YAS KHANG GI GDAN GYI DON DU YIN LA, ,DE LTAR BSGOMS PA LA MTSON DON DANG DGOS PA YOD DE, SNA TSOGS PADMAS 'KHOR BA'I NYES PAS MA GOS PA DANG, RDZOGS RIM GYI SKABS SU GANG LA GNAD DU BSNUN PA'I RDO RJE LUS KYI RTZA 'KHOR RNAMS MTSON, SNA TSOGS RDO RJES YE
, ,SHES LNGA MTSON ZHING RTEN DANG BRTEN PA'I DKYIL 'KHOR THAMS CAD GTZO BO'I YE SHES LNGA'I RNAM ROL DU 'CHAR BAR BYED PA'I CHED DANG, RDZOGS RIM GYI SKABS SU RDO RJE'I LUS LA GNAD DU BSNAN NAS BSGOMS PA LA BRTEN NAS, LAM DANG 'BRAS BU'I YE SHES LNGA LA SOGS PA'I YON TAN 'GRUB PA'I DGOS PA YOD PA'I PHYIR, GNYIS PA GZHAL YAS KHANG DNGOS BSKYED PA NI, SNA TSOGS RDO RJE'I LTE BAR BHRUm DANG 'KHOR LO LAS RNAM SNANG DANG, DE YONGS SU GYUR PA LAS GZHAL YAS KHANG BSKYED PA YIN TE, L'A LI TAS, DER NI BHRUm DANG 'KHOR LO LAS, ,RDO RJE 'CHANG DANG 'DRA BA YI, ,RTAG PA'I RGYAL PO BSGOM PAR BYA, ,RDO RJE LA GNAS 'KHOR LO'O, ,DE LAS BYUNG BA'I GZHAL YAS KHANG, ZHES GSUNGS PA'I PHYIR, RNAM SNANG YONGS SU GYUR PA LAS GZHAL YAS KHANG BSKYED PA'I RGYU MTSAN YOD DE, SBYANG GZHI LA SNOD KYI 'JIG RTEN RNAMS PHUNG PO LNGA'I NANG NAS GZUGS PHUNG GI KHONGS SU 'DUS PA LTAR, LAM DANG 'BRAS BU'I SKABS KYI GZHAL YAS KHANG RNAMS KYANG GZUGS PHUNG RNAM PAR DAG PA RNAM SNANG GI NGO BOR 'JOG DGOS PAS, NGO BO GZUGS PHUNG RNAM PAR DAG PA RNAM SNANG GI NGO BO YIN PA LA RNAM PA GZHAL YAS KHANG GI RNAM PA CAN DU BSGOM DGOS PA YIN PA'I PHYIR, RIM PA DANG PO'I SKABS 'DIR GZHAL YAS KHANG GDAN BCAS BSKYED PA LA DGOS PA YOD DE, SBYANG GZHI LA 'BYUNG BZHI RIM
BRTZEGS CHAGS PA'I STENG DU RI GLING SOGS CHAGS PA DANG RNAM PA MTHUN ZHING, SGRUB PA PO RANG NYID MA 'ONGS PA NA LAS NYON GYI DBANG GIS MA DAG PA'I SNOD KYI 'JIG RTEN LA LONGS SPYOD DGOS PA'I NUS PA DE ZAD PAR BYED, RDZOGS RIM GYI SKABS SU GZHAL YAS KHANG 'GRUB PA'I DGE RTZA SMIN BYED KHYAD PAR CAN DU 'GYUR, 'BRAS BU SANGS RGYAS KYI SA'I LONGS SPYOD RDZOGS SKU'I BZHUGS GNAS YE SHES RANG SNANG LAS GRUB PA'I GZHAL YAS KHANG DANG RNAM PA MTHUN ZHING, DA LTA NAS 'BRAS BU LAM BYED KYI TSUL DU BSGOMS PAS GZHAL YAS KHANG DNGOS GNAS LA 'GRUB PA'I NUS PA KHYAD PAR CAN 'JOG PA YIN PA'I PHYIR, DE LTA BU'I GZHAL YAS KHANG GI RGYA DPANGS JI LTAR BYA BA'I TSUL YANG YOD DE, GZHAL YAS KHANG GI SHAR GYI NANG MTHA' NAS NUB KYI NANG MTHA'I BAR LA CHA PHRAN BZHI LA SGO TSAD DU BYAS PA'I SGO TSAD BRGYAD DANG, DPANGS SU RTZIG PA CHA PHRAN BCU GSUM DANG, DE'I STENG DU PHA GU CHA PHRAN GCIG DANG, DE'I STENG DU GSER GYI SKA RAGS CHA PHRAN GNYIS TE, CHA PHRAN BCU DRUG GAM, SGO TSAD BZHI YOD LA, SGO KHYUD SGO TSAD GCIG DANG, SGO 'GRAM DANG SGO LOGS CHA PHRAN GNYIS GNYIS TE, DPANGS GZHAL YAS KHANG GI DPANGS DANG MNYAM PA; DE'I PHYI ROL DU SNA TSOGS RDO RJE LA GNAS SHING, CHA PHRAN LNGA'I DPANGS DANG LDAN PA'I KA BA GNYIS GNYIS KYIS BTEG PA'I RTA BABS SGO TSAD GSUM DANG LDAN PA'I STENG GI MDA' YAB GZHAL YAS KHANG GI MDA' YAB DANG MNYAM PAR
, ,BSGOM PAR BYA BA YIN PA'I PHYIR, DBYIBS SOGS JI LTAR BYA BA'I TSUL YANG YOD DE, GRU BZHI SGO BZHI RTA BABS BZHIS NYE BAR MDZES PA'I NANG DU KA BA BRGYAD KYIS BTEG PA'I RDO RJE'I GDUNG BZHIS MDZES PAR PHUB PA'I STENG DU, RGYA PHIBS NOR BU RIN PO CHE'I TOG CAN GYIS MDZES PA, DE'I PHYI ROL DU PADMA RDO RJE'I RA BA ME RI DANG BCAS PA, DE'I PHYI ROL DUR KHROD CHEN PO BRGYAD KYIS BSKOR PAR BSGOM PAR BYA BA YIN PA'I PHYIR, DE LTA BU'I GZHAL YAS KHANG GI NANG DU RDO RJE'I PHRENG BAS BSKOR BA'I GAR BU'I STENG DU RE MIG DGU BA'I 'KHOR LO BSGOM PAR BYA BA YIN TE, L'A LI TAS, DE YI DBUS SU 'KHOR LO NI, ,RE'U MIG DGU BA ZLUM POR BYA, ZHES GSUNGS PA'I PHYIR, RE'U MIG DGU PA'I DBUS SU YAm LAS RLUNG GI DKYIL 'KHOR NAG LA CUNG ZAD DMAR BA ZHIG BSGOM PAR BYA BA YIN TE, RTOG BDUN LAS, YI GE YAm LAS RLUNG GI DKYIL 'KHOR DU BA'I KHA DOG GI RNAM PA LTA BU BSAM PAR BYA'O, ZHES GSUNGS PA'I PHYIR, RLUNG GI DKYIL 'KHOR KHA DOG DE LTAR BYED PA NI DBANG DRAG GI LAS GTZO BOR STON PA YIN LA, DE YANG NAG LA CUNG ZAD DMAR BA NI ME RLUNG 'DRES PA'I DBANG GIS YIN TE, L'A LI TAS ZHE DGU MA'I SGRUB THABS SU, DKYIL 'KHOR KUN TU ME DANG RLUNG, ZHES GSUNGS PA'I PHYIR, DE LTA BU'I GZHAL YAS KHANG GI NANG DU GDAN BSKYED TSUL YOD DE, RE MIG DGU PA'I DBUS KYI RLUNG GI DKYIL 'KHOR GYI STENG DANG, NANG GI PHYOGS GSUM DANG, SGO BZHIR SNA TSOGS PADMA DANG
NYI MA'I GDAN, NANG GI SHAR DANG GRVA BZHI DANG, PHYI'I GRVA BZHIR SNA TSOGS PADMA DANG ZLA BA'I GDAN ZUNG RE RE SGRUB THABS NAS 'BYUNG BA LTAR BSGOM PAR BYA BA YIN PA'I PHYIR, GNYIS PA BAR DO LONGS SKUR 'KHYER BA'I RNAL 'BYOR RGYU RDO RJE 'DZIN PA BSKYED TSUL NI, GZHI LA 'DZAM BU GLING PA'I MI MNGAL SKYES KHAMS DRUG LDAN ZHIG 'CHI BA 'OD GSAL MNGON DU BYAS NAS, DE LAS LDANG BA DANG DUS MNYAM DU 'OD GSAL DE'I BZHON PA'I RLUNG 'OD ZER LNGA BAS NYER LEN DANG; 'OD GSAL DE'I SEMS KYIS LHAN CIG BYED RKYEN BYAS NAS, DNGOS GNAS LA RLUNG SEMS TZAM LAS GRUB PA'I DBANG PO KUN TSANG BA'I BAR DO'I LUS 'GRUB PAR 'GYUR LA, DE DANG RNAM PA MTHUN PA'I RGYU RDO RJE 'DZIN PA 'JAM DPAL BSKYED TSUL YANG YOD DE, GDAN DBUS MA'I STENG DU AA YIG DANG PO LAS BYUNG BA'I ZHES SOGS SGRUB THABS NAS 'BYUNG BA LTAR BSGOM PA YIN PA'I PHYIR, RGYU RDO RJE 'DZIN PA 'JAM DPAL BSKYED TSUL 'DI LA BAR DO LONGS SKUR 'KHYER BA'I RNAL 'BYOR ZHES BYA BA YIN TE, GZHI LA 'DZAM BU GLING PA'I MI MNGAL SKYES KHAMS DRUG LDAN ZHIG 'CHI BA 'OD GSAL MNGON DU BYAS PA'I MTHAR, BAR DO'I LUS 'GRUB PA DANG CHOS MTHUN, SGRUB PA PO RANG NYID KYI BAR DO SPYOD BAR BYED, RDZOGS RIM GYI SKABS SU DPE DANG DON GYI 'OD GSAL LAS DAG MA DAG GI SGYU LUS 'GRUB PA DANG RNAM PA MTHUN ZHING, DE LTA BU'I RTOGS PA SKYE BA'I DGE RTZA SMIN BYED KHYAD PAR CAN DU 'GYUR, 'BRAS BU SANGS
, ,RGYAS KYI SA'I LONGS SPYOD RDZOGS PA'I SKU DANG RNAM PA MTHUN ZHING, DE LTA BU DA LTA NAS 'BRAS BU LAM BYED KYI TSUL DU BYAS NAS BSGOMS PAS, LONGS SPYOD RDZOGS PA'I SKU DNGOS GNAS LA 'GRUB PA'I NUS PA KHYAD PAR CAN 'JOG PA YIN PA'I PHYIR, RGYU RDO RJE 'DZIN PA 'JAM DPAL BSKYED PA 'DI SBYANG GZHI BAR DO DANG CHOS MTHUN PA YANG YIN TE, RE MIG DGU BA'I DBUS KYI RLUNG DE 'CHI BA 'OD GSAL GYI BZHON PA'I RLUNG DANG, AA YIG DANG PO LAS BYUNG BA'I ZLA BA'I DKYIL 'KHOR 'CHI BA 'OD GSAL GYI SEMS DANG, ZLA BA'I DBUS KYI DH'I: YIG SER PO BAR DO'I NGAG DANG, DH'I: LAS RAL GRI DH'IS MTSAN PA BAR DO'I YID DANG, DE LAS 'OD ZER 'PHROS, BDE BAR GSHEGS PA THAMS CAD SPYAN DRANGS BA SOGS BAR DO'I BYA BA DANG, DE RNAMS YONGS SU GYUR BA LAS 'JAM DPAL DU GYUR PA BAR DO'I LUS NGAG YID GSUM CIG CAR DU GRUB PA DANG CHOS MTHUN PA YIN PA'I PHYIR, RGYU RDO RJE 'DZIN PA 'JAM DPAL BSKYED PA DE SBYONG BYED LAM GYI GNAS SKABS DANG CHOS MTHUN PA YANG YIN TE, RE MIG DGU PA'I DBUS KYI RLUNG DE DAG MA DAG GI SGYU LUS KYI SGRUB GZHIR GYUR PA'I DPE DON GYI 'OD GSAL GYI BZHON PA'I RLUNG DANG; AA YIG DANG PO LAS BYUNG BA'I ZLA BA'I DKYIL 'KHOR DPE DON GYI 'OD GSAL GYI SEMS DANG, ZLA BA'I DBUS KYI DH'I: YIG SER PO DAG MA DAG GI SGYU MA'I SKU GNYIS KYI GSUNG DANG, DH'I: LAS RAL GRI DH'I SAM TSAN PA DAG MA DAG GI
SGYU MA'I SKU GNYIS KYI THUGS DANG, DE LAS 'OD ZER 'PHROS PAS BDE BAR GSHEGS PA THAMS CAD SPYAN DRANGS PA SOGS DAG MA DAG GI SGYU MA'I SKU GNYIS KYI MDZAD PA DANG, DE RNAMS YONGS SU GYUR BA LAS 'JAM DPAL DU GYUR PA DPE DON GYI 'OD GSAL LAS DAG MA DAG GI SGYU MA'I SKU GNYIS 'GRUB PA DANG RNAM PA MTHUN ZHING, DE LTA BU'I RTOGS PA SKYE BA'I DGE RTZA SMIN BYED KHYAD PAR CAN DU 'GYUR BA YIN PA'I PHYIR, RGYU RDO RJE 'DZIN PA 'JAM DPAL BSKYED PA SBYANGS PA 'BRAS BU'I GNAS SKABS DANG CHOS MTHUN PA YANG YIN TE, RE MIG DGU PA'I DBUS KYI RLUNG GI DKYIL 'KHOR DE MI SLOB PA'I ZUNG 'JUG GI DNGOS RGYUR GYUR PA'I RLUNG 'OD ZER LNGA PA DANG, AA YIG DANG PO LAS BYUNG BA'I ZLA BA'I DKYIL 'KHOR MI SLOB PA'I ZUNG 'JUG GI DNGOS RGYUR GYUR PA'I DON GYI 'OD GSAL DANG, ZLA BA'I STENG GI DH'I: YIG SER PO LONGS SKU'I NGAG DANG, DH'I: LAS RAL GRI DH'IS MTSAN PA LONGS SKU'I THUGS DANG, DE LAS 'OD ZER 'PHROS, BDE BAR GSHEGS PA THAMS CAD SPYAN DRANGS PA SOGS LONGS SKU'I MDZAD PA DANG, DE RNAMS YONGS SU GYUR BA LAS 'JAM DPAL DU BSKYED PA LONGS SKU DANG RNAM PA MTHUN ZHING, DE LTA BU DA LTA NAS 'BRAS BU LAM BYED KYI TSUL DU BYAS NAS BSGOMS PAS, LONGS SKU DNGOS GNAS LA 'GRUB PA'I NUS PA KHYAD PAR CAN 'JOG PA YIN PA'I PHYIR, 'JAM DPAL GYI THUGS KA'I NYI MA DE SBYANG GZHI DANG CHOS MTHUN
, ,SBYOR TSUL MED KYANG, LAM DUS DANG 'BRAS DUS KYI 'OD GSAL GNYIS MTSON PA YIN TE, L'A LI TAS, RNAM RTOG THAMS CAD BSREGS PA YIS, ,THUGS KAR NYI MA'I DKYIL 'KHOR TE, ,'OD GSAL BA YI YE SHES BRJOD, CES GSUNGS PA'I PHYIR RO, ,GSUM PA SKYE BA SPRUL SKUR 'KHYER BA'I RNAL 'BYOR 'BRAS BU RDO RJE 'DZIN PA BSKYED TSUL LA, 'BRAS BU RDO RJE 'DZIN PA MNGON BYANG LNGA LAS BSKYED TSUL DANG, DE NYID SKYE BA SPRUL SKUR 'KHYER BA'I RNAL 'BYOR DU BSTAN PA GNYIS, DANG PO NI, SPYIR RGYUD SNGA NAS LHA BSKYED TSUL BSHAD PA LA, MNGON BYANG LNGA BSKYED, CHO GA GSUM BSKYED, SKAD CIG DKRONG PA SKYED SOGS DU MA YOD PA LAS, SKABS 'DIR 'BRAS BU RDO RJE 'DZIN PA MNGON BYANG LNGA LAS BSKYED PA YIN LA; DE'I TSUL YANG YOD DE, AA YIG DANG PO LAS BYUNG BA'I ZLA BA'I DKYIL 'KHOR NI ME LONG YE SHES KYI NGO BO ZLA BA LAS BYANG CHUB PA DANG, DE'I DBUS SU CHU LAS CHU SBUR GYI TSUL DU DH'I: SER PO LAS BYUNG BA'I ZHES PA NAS, DPAG TSAD STONG PHRAG BRGYAR KHYAB PA'I NYI MA'I DKYIL 'KHOR DU GYUR, CES PA'I BAR NI MNYAM NYID YE SHES KYI NGO BO NYI MA LAS BYANG CHUB PA DANG, DE'I DBUS SU H'Um YIG MTHING GA ZHES PA NAS, H'Um LA ZHUGS PA LAS CES PA'I BAR NI SOR RTOG YE SHES KYI NGO BO GSUNG SA BON LAS BYANG CHUB PA DANG, KHRO BO'I RDO RJE KHA DOG NAG PO RTZE DGU PA ZHES PA NAS RDO RJE LA THIM PAR GYUR, CES PA'I BAR NI BYA GRUB YE SHES KYI NGO BO THUGS PHYAG MTSAN LAS BYANG CHUB PA DANG, ZLA BA DANG DE'I STENG GI NYI MA RDO RJE H'Um YIG DANG BCAS
PA YONGS SU GYUR BA LAS, RANG NYID 'BRAS BU RDO RJE 'DZIN PA DPAL RDO RJE 'JIGS BYED CHEN POR BSKYED PA NI, CHOS DBYINGS YE SHES KYI NGO BO SKU YONGS SU RDZOGS PA LAS BYANG CHUB PA YIN PA'I PHYIR, GNYIS PA 'BRAS BU RDO RJE 'DZIN PA BSKYED TSUL 'DI LA SKYE BA SPRUL SKUR 'KHYER BA'I RNAL 'BYOR ZHES BYA STE, SBYANG GZHI LA PHA MA'I KHU KHRAG GI DBUS SU BAR DO'I RNAM SHES ZHUGS PA DANG CHOS MTHUN ZHING, SGRUB PA PO RANG NYID KYI SKYE BA SBYONG PAR BYED, RDZOGS RIM GYI SKABS SU DAG MA DAG GI SGYU MA'I SKU GNYIS KYIS RAGS PA'I SPRUL SKU 'DZIN PA DANG CHOS MTHUN ZHING, DE LTA BU'I RTOGS PA SKYE PA'I DGE RTZA SMIN BYED KHYAD PAR CAN DU 'GYUR, 'BRAS BU SANGS RGYAS KYI SA'I LONGS SPYOD RDZOGS SKU NGES 'DOD PA KHAMS PA LA SOGS PA'I THUN MONG BA'I GDUL BYA LA SKU DNGOS SU SNANG BA'I SGO NAS DON MDZAD MI NUS PAS, DE RNAMS KYI DON MDZAD PA'I PHYIR RAGS PA'I SPRUL SKU STON PA DANG RNAM PA MTHUN ZHING, DE LTA BU DA LTA NAS 'BRAS BU LAM BYED KYI TSUL DU BGYAS NAS BSGOMS PAS, SPRUL SKU DNGOS GNAS LA 'GRUB PA'I NUS PA KHYAD PAR CAN 'JOG PA YIN PA'I PHYIR, 'BRAS BU RDO RJE 'DZIN PA BSKYED PA 'DI SBYANG GZHI SKYE BA DANG CHOS MTHUN PA YANG YIN TE, SNGAR GYI ZLA BA'I DKYIL 'KHOR GYI RIGS 'DRA'I RGYUN DE PHA LAS THOB PA'I KHAMS DKAR PO DANG CHOS MTHUN, 'JAM DPAL GYI THUGS KA'I NYI MA'I DKYIL 'KHOR DE MA LAS THOB PA'I KHAMS DMAR PO DANG CHOS MTHUN, 'JAM DPAL DANG BCAS PA NYI MA LA ZHUGS PA DE KHU KHRAG GI DBUS SU BAR DO'I RNAM SHES ZHUGS PA DANG
, ,CHOS MTHUN 'OD ZER GYIS DPAG MED STONG PHRAG BRGYAR KHYAB PA'I NYI MA'I DKYIL 'KHOR DU GYUR BA NI KHU KHRAG RNAM SHES GSUM 'DRES PA DANG CHOS MTHUN, H'Um YIG NI MNGAL GYI GNAS SKABS SU NGAG SMRA BA DNGOS SU MED KYANG NGAG SMRA BA'I NUS PA BYED PA LCE DKAN GRUB PA DANG CHOS MTHUN, KHRO BO'I RDO RJE RTZE DGU PA NI MNGAL GYI GNAS SKABS KYI YID DANG CHOS MTHUN, DE LAS RDO RJE PHRA MO'I GZUGS SPROS PA NAS, RDO RJE LA THIM PAR GYUR CES PA'I BAR MNGAL GYI GNAS SKABS SU SANGS RGYAS KYI SGRAS BSTAN PA'I PHUNG PO LNGA DANG, SEMS DPA'I SGRAS BSTAN PA'I DBANG PO LNGA DANG, SEMS MA'I SGRAS BSTAN PA'I SKYE MCHED DANG, KHRO BO'I SGRAS BSTAN PA'I YAN LAG RNAMS 'PHEL BA DANG CHOS MTHUN, ZLA BA DANG DE'I STENG GI NYI MA RDO RJE H'Um YIG DANG BCAS PA YONGS SU GYUR BA LAS, RANG NYID 'BRAS BU RDO RJE 'DZIN PA DPAL RDO RJE 'JIGS BYED CHEN PO'I SKUR BZHENGS PA NI MNGAL DU LUS GRUB NAS PHYI ROL DU BTZAS PA DANG CHOS MTHUN PA YIN, 'BRAS BU RDO RJE 'DZIN PA BSKYED PA NI LAM GYI GNAS SKABS DANG CHOS MTHUN PA YANG YIN TE, 'JAM DPAL DANG BCAS PA NYI MA LA ZHUGS PA NI DAG MA DAG GI SGYU MA'I SKU GNYIS PHUNG PO RAGS PA LA ZHUGS NAS, LAM DUS KYI SPRUL SKU 'DZIN PA DANG RNAM PA MTHUN, H'Um DANG RDO RJE GNYIS NI RIM PA BZHIN LAM DUS KYI SPRUL SKU'I GSUNG THUGS GNYIS DANG RNAM PA MTHUN, DE LAS RDO RJE PHRA MO'I GTHUGS SPROS NAS RDO RJE LA THIM PA'I
BAR NI LAM DUS KYI SPRUL SKU'I MDZAD PA DANG RNAM PA MTHUN, DE RNAMS YONGS SU GYUR PA LAS 'BRAS BU RDO RJE 'DZIN PA'I SKUR BZHENGS PA NI LAM DUS KYI SPRUL SKU DANG RNAM PA MTHUN ZHING, DE LTA BU'I RTOGS PA SKYE BA'I DGE RTZA SMIN BYED KHYAD PAR CAN DU 'GYUR BA YIN PA'I PHYIR, 'BRAS BU RDO RJE 'DZIN PA BSKYED PA NI 'BRAS BU'I GNAS SKABS DANG CHOS MTHUN PA YANG YIN TE, 'JAM DPAL DANG BCAS PA NYI MA LA ZHUGS PA NI PHRA BA'I LONGS SKU DES GDUL BYA THUN MONG BA LA SNANG BA'I RAGS PA'I SPRUL SKU BZUNG BA DANG RNAM PA MTHUN, H'Um DANG RDO RJE GNYIS NI RIM PA BZHIN RAGS PA'I SPRUL SKU'I GSUNG THUGS GNYIS DANG RNAM PA MTHUN, DE LAS RDO RJE PHRA MO'I GZUGS SPOS NAS, RDO RJE LA THIM PA'I BAR NI RAGS PA'I SPRUL SKU'I MDZAD PA DANG RNAM PA MTHUN, DE RNAMS YONGS SU GYUR BA LAS 'BRAS BU RDO RJE 'DZIN PA'I SKUR BZHENGS PA NI RAGS PA'I SPRUL SKU DNGOS DANG RNAM PA MTHUN ZHING, DE LTA BU DA LTA NAS 'BRAS BU LAM BYED KYI TSUL DU BYAS NAS BSGOMS PAS SPRUL SKU DNGOS GNAS LA 'GRUB PA'I NUS PA KHYAD PAR CAN 'JOG PA YIN PA'I PHYIR, DE LTAR SNGAR BSHAD PA'I DON RNAMS BSDUS NAS DMIGS PA'I RIM PAR 'KHYER BA NI; SNGAGS GNYIS KYI DON BSGOMS NAS CHOS SKU LA NGA RGYAL BZHAG ,DE NAS SNGON GYI SMON LAM RJES SU DRAN NAS CHOS SKU LAS GZUGS SKUR BZHENGS NAS SEMS CAN GYI DON MDZAD PAR BSGOM PA YIN TE, DON BYED YUL GYI SEMS
, ,CAN ZHI PA'I THABS KYIS 'DUL BA RNAMS LA 'JAM DPAL GYI SKUR BSGOMS NAS DON BYED PA YIN LA, SKU NGES GDUL BAR MA NUS PA'I GDUG PA CAN RNAMS 'DUL BA'I PHYIR DU 'JAM DPAL DANG BCAS PA NYI MA LA ZHUGS PA LAS BYUNG BA'I NYI MA'I DKYIL 'KHOR LAS BDUD RTZI 'OD ZER DPAG TSAD STONG PHRAG BRGYAR KHYAB PA'I SPRO BSDU BYAS NAS DON BYED, DES KYANG 'DUL BAR MA NUS PA'I GDUG PA CAN DE LA CHUNG 'BRING CHEN PO GSUM LAS GDUG PA CAN CHUNG NGU RNAMS 'DUL BA'I PHYIR DU H'Um YIG MTHING GA ME 'OD LTA BU'I 'OD ZER KHA DOG SNA LNGA 'PHROG GDUG PA CAN THAMS CAD BSREG PAR BYED CING, H'Um DE YANG YI GE TZAM MA YIN PA'I H'Um ZHES PA'I SGRA DRAG PO 'BRUG LTAR SGROG PAS GDUG PA CAN RNAMS SKRAG PAR BYED PAR BSAM PA YIN LA, GDUG PA CAN 'BRING RNAMS 'DUL BA'I PHYIR DU KHRO BO'I RDO RJE KHA DOG NAG PO RTZE DGU BA, RVA SHIN TU GDENGS PA, LTE BA LA H'Um GIS MTSAN PA LAS SNGAR LAS KYANG CHE BA'I H'Um GI SGRA DRAG PO SGROG PA, DE LAS RDO RJE PHRA MO'I GZUGS SPROS PA YONGS SU GYUR PA LAS, RDO RJE 'JIGS BYED ZHAL GCIG PHYAG GNYIS PA SOGS NYI GDAN LA BZHUGS PA DPAG TU MED PA SGOS NAS, GDUG PA CAN RNAMS TSAR BCAD DE, SLAR DE DAG GI SKU LAS ZHI KHRO RAB 'BYAMS TIL GYI GANG BU LTAR NAM MKHA' GANG PA SPRO BA DANG BSDU BA'I MDZAD PA CAN DU BSGOM, DE'I RJES SU GDUG PA CAN CHEN PO RNAMS 'DUL BA'I PHYIR DU,
BCOM LDAN 'DAS RDO RJE 'JIGS BYED GSHIN RJE 'AM, SRIN PO DRAG TU KHROS PA LTA BU KHRO BO'I NYAMS THAMS CAD DANG LDAN PAR BSGOM PA'O, ZHES BLA MA DAM PA'I ZHAL GYI GDAMS PA'O, ,DES NA 'BRAS BU RDO RJE 'DZIN PA'I MNGON RTOGS YID LA BYED PA'I TSUL YANG YOD DE, RANG NYID 'BRAS BU RDO RJE 'DZIN PA DPAL RDO RJE 'JIGS BYED CHEN PO ZHES PA NAS, ME DPUNG RAB TU 'BAR BA'I KLONG DKYIL NA BZHUGS PAR GYUR, CES PA'I BAR SGRUB THABS NAS 'BYUNG BA LTAR BSGOM PAR BYA BA YIN PA'I PHYIR, 'O NA ZHAL GYI 'KHOR TSUL JI LTA BU ZHE NA, RVA LUGS PA RNAMS BRTZEGS ZHAL DU BZHED PA, SKYO LUGS PA RNAMS MA HE'I ZHAL NAS RIM PA BZHIN MTHING GA DANG, DMAR PO DANG, SER PO RNAMS THAR CHAGS DANG, DE BZHIN DU GA-YON NAS DKAR PO DANG, DUD KA DANG, NAG PO RNAMS THAR CHAGS SU BYAS PA'I 'KHOR ZHAL DU 'DOD KYANG, RANG LUGS NI RJE BLA MAS SGRUB THABS SU JI LTAR 'BYUNG BA LTAR BSGOM PAR BYA BA YIN TE; L'A LI TAS, RVA YI GA-YAS KYI ZHAL GSUM NI, ,DANG PO MTHING GA GA-YAS DMAR PO, ,GA-YON SER SHIN TU KHROS PA'O, ,DE BZHIN GA-YON GYI RTZA BA'I ZHAL, ,DKAR PO DUD KA DE BZHIN DU, ,NAG PO SHIN TU KHROS PA'O, ZHES GSUNGS PA'I PHYIR, DE LA GZHAN DAG ,RTOG BDUN LAS, RVA'I GA-YAS KYI ZHAL GSUM GYI DANG PO MTHING GA GNYIS PA DMAR PO, GSUM PA SER PO ZHES GSUNGS PA DANG JI LTAR MI 'GAL ZHE NA, SKYON MED DE, RTOG BDUN GYI DANG PO
, ,MTHING GA ZHES PA'I TSIG DES ZHAL MTHING KHA DE GA-YAS ZHAL GSUM LA BLTOS PA'I RTZA ZHAL DU STON PA YIN LA, ZHAL MTHING GA'I 'GRAM DU DMAR PO DANG, DMAR PO'I 'GRAM DU SER PO THAR CHAGS SU STON PA MA YIN PA'I PHYIR TE, RGYUD KYI TSIG DE'I DGONGS PA 'GREL PA LA SNGAR DRANGS MA THAG PA'I GRUB CHEN GYI GZHUNG DE BYUNG BA YIN PA'I PHYIR, 'O NA ZHAL GYI 'KHOR TSUL DE LHAR YIN NA, PHYAG GI GYES TSUL JI LTA BU ZHE NA, 'DI LA RVA LUGS PA DAG RTZA PHYAG TU BYAS PA'I BRGYAD MDUN PHYAG DANG, LHAG MA BRGYAD RGYAB PHYAG TU BZHED PA YIN LA, SKYO LUGS PA RNAMS GA-YAS GA-YON GYI PHYAG BCU BDUN PO GNYIS THAR CHAGS SU BZHED CING, LUGS GNYIS KAS PHYAG THA MA GNYIS KYIS GLANG LPAGS 'DZIN PAR 'DOD KYANG, RANG LUGS NI, PHYAG DANG PO GNYIS, PHYAG SO BZHI'I RGYAB PHYAG MDUN PHYAG GYIS MTSAMS KYI DPUNG MGO GNYIS NAS THON PA YIN CING, DE GNYIS KYIS GLANG LPAGS 'DZIN PA YANG YIN TE, L'A LI TAS, GA-YAS GA-YON DANG PO'I PHYAG GNYIS KYIS, ,GLANG PO'I PAGS PA RLON PA DANG, ,GRI GUG BHI DHI P'A LA'O, ZHES GSUNGS PA'I PHYIR, PHYAG LHAG MA RNAMS KYIS TSUL YANG YOD DE, GA-YAS KYIS GRI GUG 'DZIN PA NAS, MDA' 'DZIN PA'I BAR THAR CHAGS SU MDUN PHYAG DANG, LCAGS KYU 'DZIN PA NAS CANG TE'U 'DZIN PA'I BAR THAR CHAGS SU RGYAB PHYAG TU BYED PA YIN LA, DE BZHIN DU THONG BA
'DZIN PA NAS DRIL BU 'DZIN PA'I BAR THAR CHAGS SU MDUN PHYAG DANG, LAG PA 'DZIN PA NAS RLUNG RAS 'DZIN PA'I BAR THAR CHAGS SU RGYAB PHYAG TU BYED PA YIN PA'I PHYIR, DE LTAR BYED PA LA RTOG BDUN DANG, SAMBU tA LAS, PHYAG DANG PO GNYIS KYIS GRI THOD 'DZIN PAR BSHAD PA DANG 'GAL BA'I SKYON YANG MED DE, L'A LA TAS, PHYAG DANG PO GNYIS KYIS GLANG LPAGS 'DZIN PAR BSHAD PA NI, PHYAG SO BZHI'I DANG PO GNYIS LA DGONGS LA, RTOG BDUN DANG SAMBU tA LAS DE LTAR BSHAD PA NI LHAG MA RGYAB PHYAG MDUN PHYAG GYES PA'I DANG PO GNYIS LA DGONGS PA YIN PA'I PHYIR, PHYAG GI GYES TSUL DE LTAR YIN NA, PHYAG MTSAN RNAMS JI LTA BU ZHE NA, PHYAG MTSAN LHAG MA RNAMS SGRUB THABS NAS 'BYUNG BA LTAR GO SLA LA, BHI DHI P'A LA NI RTZE MO LA RMA BYA'I SGRO PHONG CHAGS PA'I 'PHANGS MDUD DANG, KAR NA YA NI ZHAGS MDUD DANG, KHA tV'Am GA NI BDE MCHOG GI PHYAG MTSAN GYI KHA tV'Am GA DANG 'DRA LA, SNGAGS MDZUB NI PHYAG BCU BZHI PAS SDIGS MDZUB BYED PA'I DON MIN GYI, SDIGS MDZUB BYAS PA'I LAG PA PHYAG MTSAN DU 'DZIN PA YIN LA, 'KHOR LO NI 'DIR GDAN GYI 'KHOR LO MIN GYI, GCOD PA'I 'KHOR LO DANG, GTUN SHING NI GTUN DU 'BRAS 'BRU BA'I SHING DANG, ME THAB NI ME 'BAR BA'I THAB GRU GSUM DANG, THOD TSAL NI THOD PA'I DUM BU DANG MGO RIL PO MIN GYI, SKRA DANG BCAS PA'I THOD PA DANG, RLUNG RAS NI RLUNG LA 'PHYAR PA'I RAS SO, ,PHYAG MTSAN RNAMS DE LTAR YIN NA,,
, ,ZHABS 'OG GI SROG CHAGS RNAMS JI LTA BU ZHE NA, GZHAN RNAMS SGRUB THABS NAS 'BYUNG BA LTAR GO SLA LA, BZHAD NI LUS DKAR ZHING MCHU SER PA'I BYA ZHIG DANG, KHYIM BYA NI DA LTA BOD NA YOD PA 'DI MIN GYI, LUS NAG LA SHA'I SKE SKOR CAN MI SKAD DU SMRA BA ZHIG DANG, BYA CHEN PO NI 'OL PA STE, MAN SNYE LAS, BYA CHEN PO NI LUS NAG CING MGO DKAR BA'I 'OL BA'O, ,ZHES GSUNGS PA'I PHYIR, DE'I RJES SU L'A LI TA'I SGRUB THABS CHE CHUNG GNYIS LAS 'BYUNG BA LTAR SEMS DPA' SUM BRTZEGS SU BSGOM PA YIN LA, DE YANG RANG NYID RDO RJE 'JIGS BYED CHEN PO ZHAL DGU ,PHYAG SO BZHI, ZHABS BCU DRUG BAR GSAL BA LA DAM TSIG SEMS DPA' ZHES BRJOD PA'I RGYU MTSAN YOD DE, DAM TSIG GI SKAD DONG SAM YA ZHES PA LA DES TSIG BSNAN PAS, SA MANTA ZHES PA 'GRO BA DANG 'DU BA LA 'JUG PAS, YE SHES KYI 'KHOR LO 'GRO BA DANG 'DU BA'I GNAS YIN PAS DAM TSIG DANG; SEMS CAN GYI DON LA SEMS PAS NA SEMS DPA' ZHES BRJOD PA YIN PA'I PHYIR, DE'I THUGS KAR ZLA GDAN LA GNAS PA'I 'JAM DPAL LA YE SHES SEMS DPA' ZHES BRJOD PA'I RGYU MTSAN YOD DE, BDE STONG DBYER MED KYI YE SHES BZHON PA'I RLUNG DANG BCAS PA LHA'I SKU'I RNAM PAR SHAR BAS NA, DE LTAR BRJOD PA YIN PA'I PHYIR, DE'I THUGS KAR NYI GDAN LA GNAS PA'I H'Um YIG LA TING NGE 'DZIN SEMS DPA' ZHES BRJOD PA'I RGYU MTSAN YOD DE, DE
LA DMIGS NAS BSGOMS PAS RLUNG THAMS CAD SNYING GA'I MI BSHIG PA'I THIG LE LA THIM PA'I 'OD GSAL LA SOGS PA'I TING NGE 'DZIN KHYAD PAR CAN SKYE BA'I RGYU MTSAN GYIS DE LTAR BRTOD PA YIN PA'I PHYIR, SEMS DPANG SUM BRTZEGS SU BSKYED PA NI, SBYANG GZHI DANG CHOS MTHUN TSUL YANG YOD DE, DAM TSIG SEMS DPA' NI RNAM SMIN GYI LUS RAGS PA DANG CHOS MTHUN, YE SHES SEMS DPA' NI GNYUG MA'I LUS RLUNG SEMS NGO BO DBYER MED DU GNAS PA'I YA GYAL DU GYUR PA'I RLUNG DANG CHOS MTHUN, TING NGE 'DZIN SEMS DPA' NI GNYUG MA'I LUS RLUNG SEMS NGO BO DBYER MED DU GNAS PA'I YA GYAL DU GYUR PA'I SEMS DANG CHOS MTHUN PA YIN PA'I PHYIR, ,SEMS DPA' SUM BRTZEGS SU BSKYED PA NI LAM GYI GNAS SKABS DANG CHOS MTHUN PA YANG YIN TE, DAM TSIG SEMS DPA' NI DAG MA DAG GI SGYU MA'I SKU GNYIS PHUNG PO RAGS PA LA ZHUGS NAS RAGS PA'I SPRUL SKU 'DZIN PA DANG CHOS MTHUN, YE SHES SEMS DPA' NI DE'I THUGS KA'I SGYU MA'I SKU GNYIS DANG CHOS MTHUN, TING NGE 'DZIN SEMS DPA' NI DE'I THUGS KA'I SGYU MA'I SKU GNYIS KYI THUGS RGYUD KYI BDE STONG DBYER MED KYI YE SHES DANG CHOS MTHUN PA YIN PA'I PHYIR, SEMS DPA' SUM BRTZEGS SU BSKYED PA NI 'BRAS BU'I GNAS SKABS DANG CHOS MTHUN PA YANG YIN TE, RIM PA BZHIN SPRUL SKU DANG, LONGS SKU DANG, CHOS SKU GSUM DANG RNAM PA MTHUN ZHING, DE
, ,LTAR BSGOMS PA LA BRTEN NAS, SKU GSUM GYI GO 'PHANG MNGON DU 'GYUR BA'I NUS PA KHYAD PAR CAN 'JOG PA YIN PA'I PHYIR, BZHI PA DE LTA BU'I SKU GSUM GYI GO 'PHANG YANG 'DOD CHAGS KYI CHOS KYIS THOB PAR BSTAN PA'I PHYIR RIG MA DANG SBYOR TSUL BSHAD PA NI, RTOG BDUN DANG SAMBU tA GNYIS LAS 'JIGS BYED LA YUM YOD PA DNGOS SU MA BSHAD PA LA BRTEN NAS BOD KYI BLA MA SNGA PHYI MANG PO DAG 'JIGS BYED LA YUM MED PAR 'DOD KYANG, DE MI 'THAD DE, DPA' BO GCIG BA LTA BU LA YUM BSGOM PA DNGOS SU MED KYANG, 'JIGS BYED LA YUM YOD PA'I GNAS SKABS NGES PAR 'DOD DGOS PA'I PHYIR, 'JIGS BYED BCU GSUM MA 'DI LA YUM YOD PA'I GNAS SKABS NGES PAR 'DOD DGOS TE, 'JIGS BYED BCU GSUM MA 'DI LA BRTEN NAS DBANG BZHI BSKUR BA YOD PA NI GANG ZHIG ,GSANG DBANG BSKUR BA LA GTZO BO YAB YUM SNYOMS PAR ZHUGS PA'I BYANG SEMS SLOB MA'I LCE LA BZHAG DGOS PA DANG, DE BZHIN DU DBANG GSUM PA BSKUR BA LA SLOB MA GTZO BO YAB YUM DU BSKYED NAS MNYAM PAR SBYAR DGOS SHING, DBANG BZHI PA BSKUR BA LA'ANG DBANG GSUM PA DPE DON DU SBYAR NAS BYED DGOS PA YIN PA'I PHYIR, GZHAN YANG 'JIGS BYED LA YUM YOD PA DGRA NAG DANG RTOG BDUN GYI LUNG LAS KYANG LEGS PAR GRUB PA YIN TE, RTOG BDUN DU 'PHRUL 'KHOR GYI RTOG PA MI GSAL BA BSHAD RGYUD
RTOG GSUM DU RGYAS PAR BSHAD PA'I SKABS SU, GTZO BO 'JIGS BYED LA 'KHOR DGRA NAG NAS BSHAD PA'I LHA BCU GNYIS, THOD PA BZHI DANG BCAS PA'I DKYIL 'KHOR TSAD LDAN DU MAS GSUNGS LA, DES NA GTZO BO 'JIGS BYED LA 'KHOR LHA BCU GNYIS THOD PA BZHI DANG BCAS PAS BSKOR BA'I DKYIL 'KHOR LEGS PAR GRUB CING, LHA BCU GNYIS THOD PA BZHI DANG BCAS PA YAB YUM MNYAM PAR SBYAR BA LAS MANG PA 'BYIN BYED PA DGRA NAG LA BRTEN NAS GRUB PAS, 'JIGS BYED LA YUM YOD PA LEGS PAR GRUB PA YIN NO, ,DES NA RANG LUGS SGRUB THABS NAS 'BYUNG BA LTAR YUM RDO RJE RO LANGS MA SNGON MO ZHAL GCIG PHYAG GNYIS KYIS GRI THOD 'DZIN PAS 'KHYUD PA BSGOM DGOS PA YIN TE, AA MO GHA BADZRAS 'JIGS BYED LHA DGU MA'I BSRUNG 'KHOR GYI SKABS SU, GTZO BO 'JIGS BYED ZHAL DRUG ,PHYAG DRUG ,ZHABS DRUG PA LA RDO RJE RO LANGS MA SNGON MOS 'KHYUD PAR BSHAD PA LAS KHA BSKANG NAS MDZAD PA YIN PA'I PHYIR, DE YANG YAB YUM GYI MKHA' GSANG GNYIS STONG BAR SBYANGS NAS THA MAL GYI SNANG ZHEN BSAL TE, DE'I NGANG NAS YAB KYI GSANG GNAS H'Um LAS BYUNG BA'I RDO RJE SNGON PO RTZE LNGA PA, RTZE MO LA AOm GYIS MTSAN PA, YUM GYI GSANG GNAS H'Um LAS BYUNG BA'I PADMA DMAR PO 'DAB MA BRGYAD PA ZE'U 'BRU LA AAS MTSAN PA BSGOM DGOS SHING, DE LTAR BSGOMS PA LA DGOS PA YOD DO, YAB KYI GSANG GNAS NA
, ,RTZA 'DAB BZHI PA'I RTZA 'KHOR YOD PA RDO RJE SNGON PO RTZE LNGA PAS RTZA 'KHOR DH'U T'I DANG BCAS PA MTSON, YUM GYI GSANG GNAS NA RTZA 'DAB BRGYAD PA'I RTZA 'KHOR YOD PA PADMA 'DAB MA BRGYAD PAS MTSON ZHING; AOm DANG AA: GNYIS KYIS YAB YUM GYI KHAMS DKAR DMAR GNYIS MTSON PA YIN PA'I PHYIR, YAB YUM GYI MKHA' GSANG PHAt YIG GIS BKAG PA LA DGOS PA YOD DE, THIG LE PHYI ROL DU 'PHO BA DE DGAG PA'I CHED YIN PA'I PHYIR, PHAt YIG KHA DOG SER PO BYED PA'I RGYU MTSAN YOD DE, THUR SEL GYI RLUNG DE KHA DOG SER PO YIN PAS DE MTSON PAR BYED PA'I CHED YIN PA'I PHYIR, DE NAS 'DU SHES GSUM DANG LDAN PAS SNYOMS PAR 'JUG CING; NGAG TU AOm SARBA TA TH'A GA TA AA NU RA GA NA ZHES SOGS BRJOD PA'I SGO NAS RJES CHAGS KYI NGA RGYAL 'DZIN PA YIN LA, SNGAGS DE'I DON AOm NI SNGAR BZHIN LA, ,SARBA TA TH'A GA TA NI DE BZHIN GSHEGS PA THAMS CAD DANG, AA NU R'A GA NI RJES SU CHAGS PA DANG, BADZRA NI RDO RJE DANG, SVA BH'A WA NI RANG BZHIN GYI DANG, A'ATMA KA NA BDAG NYID DANG, AA H'Um NI NGA'O STE, DE BZHIN GSHEGS PA THAMS CAD KYI RJES SU CHAGS PA'I RANG BZHIN GYI BDAG NYID DE NGA'O SNYAM DU NGA RGYAL 'JOG PA YIN PA'I PHYIR, DE LTAR PHYAG RGYA DANG SBYAR BA LA DGOS PA YOD DE, RIM PA DANG PO'I SKABS 'DIR CHAGS PA LAM DU BYAS PA LA BRTEN NAS BDE STONG DBYER MED KYI YE SHES SKYE BA DANG, RTEN DANG BRTEN
PA'I DKYIL 'KHOR GNYIS KYANG BDE STONG DBYER MED KYI YE SHES KYI RNAM ROL DU 'CHAR PA DANG, RDZOGS RIM GYI SKABS SU LAS DANG YE SHES KYI PHYAG RGYA GANG RUNG DANG MNYAM PAR SBYAR BA LA BRTEN NAS BDE STONG DBYER MED KYI YE SHES KHYAD PAR CAN RGYUD LA SKYE BA'I DGE RTZA SMIN BYED KHYAD PAR CAN DU 'GYUR BA YIN PA'I PHYIR, GNYIS PA DKYIL 'KHOR RGYAL MCHOG GI TING NGE 'DZIN BSHAD PA LA GSUM, DKYIL 'KHOR RGYAL MCHOG GI LHA BSKYED NAS SPROS TE MDZAD PA MDZAD NAS DKYIL 'KHOR LA 'GOD PA, SKYE MCHED SKU GSUNG THUGS BYIN GYIS BRLAB PA, YE SHES PA DGUG CING DBANG BSKUR NAS RGYAS BTAB PA'O, ,DANG PO LA GNYIS, DKYIL 'KHOR RGYAL MCHOG GI LHA BSKYED PA DANG; SPROS TE MDZAD PA MDZAD NAS DKYIL 'KHOR LA 'GOD PA'O, ,DANG PO NI, BSHAD RGYUD RTOG GSUM GYI 'PHRUL 'KHOR GYI RTOG PA RGYAS PAR BSHAD PA'I SKABS SU, SLOB DPON MI BSKYOD PA DANG SO NA SHR'I GNYIS KAS YAKshE MA ME LA SOGS PA'I YI GE BCU BDUN LHA BCU BDUN GYI RANG BZHIN DU BSGOMS PA LA, GSHIN RJE'I GSHAD LHA BCU BDUN GYI DKYIL 'KHOR SPYAN DRANGS TE GZHUG PAR GSAL BAR BSHAD CING, YI GE DE RNAMS LHA GANG DANG GANG DU BSGOM PA YANG GTZO BO 'JIGS BYED LA 'KHOR DGRA NAG NAS BSHAD PA'I LHA BCU GNYIS THOD PA BZHI DANG BCAS PAS BSKOR BAR BSHAD DE, DE GNYIS KAS, YI GE KshE NI GTI MUG BRJOD, YI GE MA NI PHRA MAR GSUNGS, ME LA 'DOD CHAGS NYID
, ,DU 'GYUR, ZHES SOGS RIM PA BZHIN GSAL BAR GSUNGS PA YIN PA'I PHYIR, DES 'JIGS BYED LHA BCU GSUM MA 'DI'I DKYIL 'KHOR LEGS PAR GRUB PA YIN TE, RTOG GSUM NAS BSHAD PA'I 'PHRUL 'KHOR 'DI, GSHIN RJE'I GSHED GZHAN GYI DBANG DU BYAS NAS GSUNGS PA MA YIN PA GANG ZHIG ,RTOG GSUM NAS BSHAD PA'I 'PHRUL 'KHOR 'DI LA BRTEN NAS GTZO BO 'JIGS BYED LA 'KHOR DGRA NAG NAS BSHAD PA'I LHA BCU GNYIS THOD PA BZHI DANG BCAS PAS BSKOR BA'I DKYIL 'KHOR LEGS PAR GRUB PA YIN PA'I PHYIR, DKYIL 'KHOR RGYAL MCHOG GI LHA GRANGS KYANG THOD PA BZHI DANG BCAS PA'I BCU BDUN DU NGES SO, ,DKYIL 'KHOR RGYAL MCHOG GI LHA RNAMS CHO GA GSUM BSKYED KYI SGO NAS BSKYED PA YIN TE, YAB YUM SNYOMS PAR ZHUGS PA'I THUGS KA'I H'Um GI 'OD ZER GYIS MKHA' KHYAB KYI SANGS RGYAS THAMS CAD BKUG NAS RANG GI ZHAL DU BCUG ,THUGS KAR RJES CHAGS KYI MES ZHU BA'I BYANG CHUB KYI SEMS RDO RJE'I LAM NAS YUM GYI PADMAR PHAB PA'I THIG LE GNYIS LAS, CHA GCIG GZHAL YAS KHANG GDAN BCAS DANG, CHA GCIG GDAN RNAMS KYI STENG DU CHA BCU BDUN DU GYUR BA'I CHA BCU GSUM LAS SA BON BCU GSUM DANG, DE LAS PHYAG MTSAN BCU GSUM DANG, DE RNAMS YONGS SU GYUR PA LAS LHA BCU GSUM DU BSKYED PA YIN LA, THIG LE CHA BZHI LAS nA YO NI RA'I YI GE
BZHI DANG, DE BZHI LAS THOD PA BZHIR BSKYED PA YIN PA'I PHYIR, GNYIS PA LHA BSKYED NAS SPROS TE, MDZAD PA MDZAD NAS DKYIL 'KHOR LA 'GONG BA'I TSUL YANG YOD DE, HR'I: sht'I: SOGS DANG RANG GI SNGAGS BRJOD NAS, LHA RNAMS YUM GYI BA SPU'I SGO STE PADMA NAS PHYUNG STE, PHYIR SPROS NAS SEMS CAN RNAMS KYI ZHE SDANG SBYANGS, CHOS KYI DBYINGS KYI YE SHES LA 'GOD PA SOGS RAB RANG GI MDZAD PA RNAMS MDZAD NAS, SLAR 'DUS, GTZO BO YAB YUM DANG, LHA GZHAN RNAMS SHAR LA SOGS PA'I PHYOGS BZHI DANG, SGO BZHI DANG, MTSAMS BZHI'I GDAN LA 'KHOD PAR BSGOM PA DANG, AOm A'A: H'Um GIS THOD PA BZHI PHYUNG STE, YUL DRUG GI DRI MA SBYANGS, SLAR 'DUS PHYI'I GRVA BZHIR 'GOD PA DANG, GZHAL YAS KHANG PHYUNG STE, SNOD KYI MA DAG PA'I NYES SKYON RNAMS SBYANGS NAS, SNGAR BSGOMS PA'I GZHAL YAS KHANG LA THIM PAR BSAM PA'I BAR SGRUB THABS NAS 'BYUNG BA LTAR BSGOM PA YIN PA'I PHYIR, DKYIL 'KHOR RGYAL MCHOG GI LHA BSKYED PA 'DI LA PHYAG RGYA BZHI'I RGYAS 'DEBS CHAD PA YIN TE, SA BON RNAMS GSUNG CHOS KYI PHYAG RGYA DANG, PHYAG MTSAN RNAMS THUGS DAM TSIG GI PHYAG RGYA DANG, SKU RDZOGS PA RNAMS SKU PHYAG RGYA CHEN PO DANG, MDZAD PA 'PHRIN LAS KYI PHYAG RGYA DANG BCAS PAS RGYAS 'DEBS PA YIN PA'I PHYIR, DKYIL 'KHOR RGYAL MCHOG GI LHA BSKYED PA 'DI SBYANG GZHI DANG CHOS MTHUN MI SBYOR YANG, RDZOGS RIM GYI SKABS SU SGYU LUS PA DANG
, ,ZUNG 'JUG PA GNYIS KYIS DKYIL 'KHOR RGYAL MCHOG GI LHA SPROS NAS, MA DAG PA'I SNOD BCUD SBYONG BA DANG RNAM PA MTHUN ZHING, DE LTA BU'I RTOGS PA SKYE BA'I DGE RTZA SMIN BYED KHYAD PAR CAN DU 'GYUR, 'BRAS BU SANGS RGYAS KYI SA'I SKABS SU LONGS SPYOD RDZOGS SKU DES GZHAN DON DU RTEN DANG BRTEN PA'I DKYIL 'KHOR BYE BA PHRAG BRGYA SPRUL NAS, SNOD BCUD KYI NYES SKYON SBYONG BA'I MDZAD PA MDZAD PA DANG RNAM PA MTHUN ZHING, DE LTA BU DA LTA NAS 'BRAS BU LAM BYED KYI TSUL DU BYAS NAS BSGOMS PAS, MTHAR DNGOS GNAS LA 'BRAS BU 'GRUB PA'I NUS PA KHYAD PAR CAN 'JOG PA YIN PA'I PHYIR, GNYIS PA SKYE MCHED SKU GSUNG THUGS BYIN GYIS BRLAB PA LA GNYIS, SKYE MCHED BYIN GYIS BRLAB PA DANG, SKU GSUNG THUGS BYIN GYIS BRLAB PA'O, ,DANG PO NI, BLA MED KYI SKABS 'DIR SKYE MCHED BYIN RLABS GTZO BO RKYANG PA LA BYED PA DANG GTZO BO YAB YUM LA BYED PA DANG, GTZO 'KHOR THAMS CAD LA BYED PA SOGS DU MA BSHAD KYANG, SKABS 'DIR GRUB CHEN DPAL 'DZIN GYI DGONGS PA LTAR GTZO 'KHOR THAMS CAD LA BYED PA YIN CING, DE LTAR BYAS PA LA DGOS PA YOD DE, MIG LA SOGS PA LA THA MAL GYI SNANG ZHEN SPANGS NAS LHA'I RNAM ROL DU 'CHAR BAR BYED PA'I CHED YIN PA'I PHYIR, SKYE MCHED BYIN RLABS KYI LHA RNAMS LA 'DUS PA SOGS SU SA SNYING SOGS KYI THA SNYAD MDZAD CING, 'DIR RDO RJE MIG SOGS KYI THA SNYAD MDZAD
KYANG DON 'DRA ZHING, JI LTAR BYA BA'I TSUL YANG YOD DE, RDO RJE MIG LTA BU LA MTSON NA, MIG 'BRAS KYI DBUS SU KshA LAS 'KHOR LO KshAm GIS MTSAN PA YONGS SU GYUR PA LAS, RDO RJE MIG DKAR PO ZHES SOGS SGRUB THABS NAS 'BYUNG BA LTAR, MIG 'BRAS DANG NGO BO DBYER MED DU BYAS NAS ME LONG NANG GI GZUGS BRNYAN LTAR BSGOM PA YIN PA'I PHYIR, GNYIS PA SKU GSUNG THUGS BYIN GYIS BRLAB PA LA GNYIS, RDO RJE GSUM GYI LHA BSKYED DE, YE SHES PA SPYAN DRANGS NAS MCHOD PA'I TSUL DANG, BYIN GYIS BRLABS NAS NGA RGYAL 'DZIN PA'I TSUL LO, ,DANG PO NI, RDO RJE GSUM GYI LHA BSKYED PA'I TSUL YANG YOD DE, LHA THAMS CAD KYI THUGS KAR H'Um LAS RDO RJE SNGON PO RTZE LNGA PA'I LTE BA'I NANG DU ZHES SOGS SGRUB THABS NAS 'BYUNG BA LTAR BSGOM PAR BYA BA YIN PA'I PHYIR, YE SHES PA SPYAN DRANGS NAS MCHOD PA'I TSUL YANG YOD DE, RANG GI THUGS KA'I H'Um LAS 'OD ZER 'PHROS, RDO RJE GSUM GYI LHA TSOGS SPYAN DRANGS NAS MDUN GYI NAM MKHAR BZHUGS PA LA, RANG GI SNYING GA'I H'Um LAS MCHOD PA'I LHA MO MCHOD RDZAS SNA TSOGS PA THOGS PA NAM MKHA' GANG BA SPROS NAS MCHOD PAR BSAM ZHING, AOm HR'I: shtI: HA ZHES SOGS CHU GNYIS NYER SPYOD ROL MO DANG BCAS PA 'BUL BA YIN PA'I PHYIR, GNYIS PA BYIN GYIS BRLABS NAS NGA RGYAL 'DZIN PA'I TSUL YANG YOD DE, 'OD ZER GYIS BKUG STE THUGS RDO RJE'I LHA TSOGS RNAMS LHA RNAMS
, ,KYI THUGS KA'I THUGS RDO RJE LA THIM PAS, RANG GI SEMS DANG DE BZHIN GSHEGS PA THAMS CAD KYI THUGS RDO RJE NGO BO DBYER MED DU GYUR PAR BSGOM PA DANG, DE BZHIN DU 'OD ZER GYIS BKUG STE, GSUNG RDO RJE'I LHA TSOGS RNAMS LHA RNAMS KYI MGRIN PA'I GSUNG RDO RJE LA THIM PA DANG, 'OD ZER GYIS BKUG STE, SKU RDO RJE'I LHA TSOGS RNAMS LHA RNAMS KYI SPYI BO'I SKU RDO RJE LA THIM PAS, RIM PA BZHIN RANG GI NGAG DANG, DE BZHIN GSHEGS PA THAMS CAD KYI GSUNG RDO RJE NGO BO DBYER MED DU GYUR PA DANG, RANG GI LUS DANG DE BZHIN GSHEGS PA THAMS CAD KYI SKU RDO RJE NGO BO DBYER MED DU GYUR PAR BSGOM ZHING, NGAG TU AOm SARBA TA TH'A GA TA TZITTA BADZRA ZHES SOGS SNGAGS GSUM BRJOD PA'I SGO NAS NGA RGYAL BZUNG BA YIN PA'I PHYIR, SNGAGS DE'I DON YANG YOD DE, AOm NI SNGAR BZHIN LA SARBA TA TH'A GA TA NI DE BZHIN GSHEGS PA THAMS CAD DANG, TZITTA NI THUGS DANG, BADZRA NI RDO RJE DANG, SVA BH'A WA NI RANG BZHIN DANG, A'ATMA KA NI BDAG NYID DANG, AA HAm NI NGA'O STE DE BZHIN GSHEGS PA THAMS CAD KYI THUGS RDO RJE'I RANG BZHIN GYI BDAG NYID DE NGA'O SNYAM DU NGA RGYAL 'JOG PA DANG, DE BZHIN DU W'A KA GSUNG DANG, K'A YA SKU STE DE BZHIN GSHEGS PA THAMS CAD KYI GSUNG DANG DE BZHIN GSHEGS PA THAMS CAD KYI SKU RDO RJE'I RANG BZHIN GYI BDAG NYID DE NGA'O SNYAM DU 'JOG PA YIN PA'I PHYIR RO, ,DE NAS SNGAR BSHAD PA LTAR BDAG MDUN THA MI DAD 'JUG
PA GCIG PA'I BSGRUB TSUL 'DI GRUB CHEN GYI DGONGS PA YIN PA LTAR, SKYE MCHED BYIN RLABS KYI GONG DU SGRUB THABS NAS 'BYUNG BA LTAR, PHYOGS SKYONG RNAMS BKUG NAS PHUR BUS BTAB STE, RDO RJE 'JIGS BYED ZHAL GCIG PHYAG GNYIS PAR BSKYED NAS, SKYE MCHED SKU GSUNG THUGS BYIN RLABS PHYOGS GCIG TU BYAS PAS CHOG CING, DE LTAR BYAS PA LA DGOS PA YOD DE, 'JUG PA BDE BA DANG, THUN GYI MJUG DANG, THUN 'TSAMS SU GTOR MA PHUL NAS 'PHRIN LAS 'CHOL BA'I CHED YIN PA'I PHYIR, GSUM PA YE SHES PA BKUG CING DBANG BSKUR RGYAS BTAB PA LA GNYIS, YE SHES PA BKUG CING GZHUG PA DANG, DBANG BSKUR NAS RGYAS BTAB PA'O, ,DANG PO NI, 'JIGS BYED KYI RGYUD LE'U BZHI PA NAS GSUNGS PA'I, AOm HR'I: HA BHO ZHES SOGS KYIS SPYAN 'DREN PA YIN LA, SNGAGS DE'I DON YANG BSHAD DU YOD DE, AOm TSUR SBYON TSUR SBYON KHRO CHEN KYE, ,BDAG GI MCHOD PA SO SOR BZHES, ,'DIR BDAG BDAG LA BKA' DRIN MDZOD, ,H'Um SV'AH'A ZHES PA'AM, 'DIR BDAG BLO DANG LDAN PAR MDZOD, ,H'Um SV'AH'A ZHES PA'I DON YIN PA'I PHYIR, JI LTAR SPYAN 'DREN PA'I TSUL YANG YOD DE, RANG BZHIN GYI GNAS NAS BDE STONG DBYER MED KYI YE SHES CHOS SKU'I NGANG NAS, DPAL RDO RJE 'JIGS BYED LHA BCU GSUM GYI YE SHES PA'I DKYIL 'KHOR RTEN DANG BRTEN PAR BCAS PA SPYAN DRANGS NAS, HR'I: sht'IS PHYIR 'BRANG GI BGEGS SKRAD DE, AOm MUTGA RA DZA ZHES SOGS SGO BA BZHI'I
, ,SNGAGS KYIS YE SHES PA DAM TSIG PA LA BCUG NAS, YE SHES PA DANG DAM TSIG PA RO MNYAM DU BYA BA YIN PA'I PHYIR, YE SHES PA DAM TSIG PA LA BCUG PA LA DGOS PA YOD DE, TSE RABS THAMS CAD DU LHAG PA'I LHAS RJES SU 'DZIN PA DANG, DAM TSIG PA LA YE SHES PA BCUG PAS NUS LDAN DU BYA BA DANG, RANG GI 'BRAS SKYABS SU GYUR PA'I RDO RJE 'JIGS BYED MYUR DU THOB PAR 'GYUR BA'I DGOS PA KHYAD PAR CAN YOD PA'I PHYIR, GNYIS PA DBANG LHA SPYAN DRANGS NAS MCHOD CING DBANG BSKUR NAS RGYAS 'DEBS PA'I BAR SGRUB THABS NAS 'BYUNG BA LTAR BYED PA YIN LA, DE LTAR BYAS PA LA DGOS PA YOD DE, RANG GI RGYUD STENG DU RDO RJE 'CHANG MYUR DU 'GRUB PA'I BGEGS KYI DRI MA 'KHRUD PA DANG, RANG NYID MNGON PAR RDZOGS PAR SANGS RGYAS PA'I TSE, RIGS BDAG KHYAD PAR CAN 'GRUB PA'I NUS PA KHYAD PAR CAN 'JOG PA YIN PA'I PHYIR, GTZO BO LA MI BSKYOD PA DANG, SHAR RANG SHAR LHO BA LA SOGS PA RNAMS LA RNAM SNANG LA SOGS PAS RGYAS BTAB PA LA DGOS PA YOD DE, LHA DE DANG DE RNAMS RIGS DE DANG DER SHES NAS DE LAS MI 'DA' BAR BYA BA'I CHED YIN PA'I PHYIR, GSUM PA LAS RGYAL MCHOG GI TING NGE 'DZIN BSHAD PA LA BZHI, MCHOD BSTOD JI LTAR BYA BA'I TSUL DANG, BSKYED RIM PHRA RAGS KYI DMIGS PA JI LTAR BYA BA'I TSUL DANG, DES SKYON DAG PA BSAMS NAS BZLAS PA JI LTAR BYA BA'I TSUL DANG, MJUG TU NYER BSDU
BYAS NAS LHA'I SKUR LDANG TSUL LO, ,DANG PO MCHOD BSTOD JI LTAR BYA BA'I TSUL LA GNYIS, MCHOD PA DANG BSTOD PA'O, ,DANG PO MCHOD PA NI, SGRUB THABS SU MCHOD PA GNYIS LAS GSAL BAR MA GSUNGS KYANG, PHYI NANG GSANG BA DE KHO NA NYID KYI MCHOD PA RNAMS 'BUL DGOS PA YIN TE, NAG PO SPYOD PAS DAG NAG GI DKA' 'GREL DU, DE LA LHA RNAMS MNYES PAR BYA BA NI MCHOD PA STE, DE YANG PHYI DANG NANG DANG GSANG BA DANG, ,BLA NA MED PA'I MCHOD PA'O, , ZHES GSUNGS PA'I PHYIR, DES NA MCHOD PA RNAMS JI LTAR BYA BA'I TSUL YANG YOD DE, CHU BZHI NYER SPYOD ROL MO DANG BCAS PA DANG, 'DOD YON LNGA DANG, RGYAL SRID SNA BDUN LA SOGS PA PHYI BUM DBANG DANG 'BREL BA'I MCHOD PA DANG, SHA LNGA BDUD RTZI LNGA SBYANGS RTOGS SBAR GSUM BYAS NAS, MCHOD PA NANG GSANG DBANG DANG 'BREL BA'I MCHOD PA DANG, RANG NYID GTZO BO YAB YUM DU GSAL BA MNYAM PAR SBYAR BAS LHAN SKYES KYI BDE BA MNGON DU BYAS TE, RANG DANG RGYUD GCIG PA'I LHA RNAMS TSIM PAR BYED PA SHER DBANG DANG 'BREL BA'I MCHOD PA DANG, BDE BA DES STONG PA NYID BSGOM PA DBANG BZHI PA DANG 'BREL BA DE KHO NA NYID KYI MCHOD PA RNAMS 'BUL BA YIN PA'I PHYIR, GNYIS PA BSTOD PA NI, GNYIS MED THUN MONG MA YIN KHYAB PA'I SKU, ZHES SOGS KYIS BSTOD PA YIN LA, DE'I DON BSHAD NA, 'JAM DPAL 'GRO BA YONGS KYI DPAL DU GYUR CING, SPANGS RTOGS KYI YON TAN THAMS CAD YONGS SU RDZOGS PA KHYOD LA PHYAG 'TSAL
, ,BA YIN TE, BSKYED RIM DANG THUN MONG MA YIN PA'I LHAN SKYES KYI BDE STONG GNYIS SU MED PA'I YE SHES SHES BYA THAMS CAD LA KHYAB PA'I SKU RANG GI NGO BOR 'CHAR BAS NGO BO 'KHYAD PAR, THUGS RJE CHEN POS 'GRO BA KUN LA SNYOMS PAR MDZAD PA MTHAR PHYIN PA'I THABS KYI SGO NAS RGYAL BA THAMS CAD BSKYED PAR MDZAD PAS RGYAL BA KUN GYI YAB TU GYUR PA'I KHYAD PAR, RANG BZHIN DANG GLO BUR GYI DRI MA DANG BRAL BA'I DAG PA GNYIS LDAN GYI CHOS KYI DBYINGS DANG RO GCIG TU ZHUGS PA'I SHES RAB KYI SGO NAS RGYAL BA THAMS CAD BSKYED PAR MDZAD PAS, RGYAL BA KUN GYI YUM DU GYUR BA'I KHYAD PAR, DE LTA NA YANG YE SHES SEMS DPA' RGYAL SRAS GZHON NU'I TSUL 'DZIN PAS RGYAL BA KUN GYI SRAS SU GYUR BA'I KHYAD PAR DANG LDAN PA YIN PA'I PHYIR, DE LTA BU'I 'JAM DPAL KHRO BO'I DBANG PO DPAL RDO RJE 'JIGS BYED PHYI NANG GSANG BA'I GSHIN RJE MA LUS PA MTHAR MDZAD PA'I GSHIN RJE'I GSHED KYI SKUR BSTAN PA LA PHYAG 'TSAL BA YIN LA, 'JAM DPAL DRAG PO'I SKUR STON PA'I RGYU MTSAN YOD DE, CHOS KYI SKU LA GA-YO BA MED PAS 'GRO BA LA RIS SU BCAD PA'I BYAMS SDANG GI MTSAN MA MI MNGA' YANG, ZHI BAS 'DUL BAR MA NUS PA'I SRID PA GSUM GYI GDUG PA CAN MA LUS PA GANG LA YANG 'TSAM PA'I DAG PO'I THABS KYIS 'DUL BA'I PHYIR DU KHRO BO'I RGYAL PO'I SKUR STON PA YIN PA'I PHYIR, 'KHOR RNAMS LA PHYAG 'TSAL BA'I TSUL
LA; DANG PO GTI MUG GSHIN RJE'I GSHED LA PHYAG 'TSAL BA'I TSUL YANG YOD DE, GSHIN RJE'I GSHED PO RAB TU 'JIGS PA GTI MUG 'JOMS PAR BYED PA'I RDO RJE'I NGO BO KHYOD, STON PA SANGS RGYAS KUN GYI SKU RDO RJER BLTAS NAS PHYAG 'TSAL BA YIN PA'I PHYIR, SER SNA GSHIN RJE'I GSHED LA PHYAG 'TSAL BA'I TSUL YANG YOD DE, GSHIN RJE'I GSHED PO RAB TU 'JIGS PA PHRA MA DANG, NGA RGYAL DANG SER SNA 'JOMS PAR BYED PA'I RDO RJE'I NGO BO KHYOD, SANGS RGYAS THAMS CAD KYI THUGS RDO RJE DANG RAB TU MTSUNGS PAR BLTAS NAS RIN CHEN RDO RJE LA PHYAG 'TSAL BA YIN PA'I PHYIR, 'DOD CHAGS GSHIN RJE'I GSHED LA PHYAG 'TSAL BA'I TSUL YANG YOD DE, GSHIN RJE'I GSHED PO RAB TU 'JIGS PA 'DOD CHAGS 'JOMS PAR BYED PA'I RDO RJE'I NGO BO KHYOD, SANGS RGYAS THAMS CAD KYI GSUNG RDO RJE DANG RAB TU MTSUNGS PAR BLTAS NAS, RDO RJE GSUNG GI NGO BO DE LA PHYAG 'TSAL BA YIN PA'I PHYIR, PHRAG DOG GSHIN RJE'I GSHED LA PHYAG 'TSAL BA'I TSUL YANG YOD DE, GSHIN RJE'I GSHED PO LAS KUN PA STE LAS THAMS CAD PA PHRAG DOG 'JOMS PAR BYED PA'I RDO RJE'I NGO BO KHYOD, SANGS RGYAS THAMS CAD KYI SKU RDO RJE DANG RAB TU MTSUNGS PAR BLTAS NAS PHYAG NA RAL GRI PHYAG MTSAN DU 'DZIN PA KHYOD LA PHYAG 'TSAL BA YIN PA'I PHYIR, SLAR YANG GTZO BO LA BSTOD PA'I TSUL YANG YOD DE, RIGS THAMS CAD KYI KHYAB BDAG YIN PAS NA SANGS RGYAS KUN GYI DNGOS PO
, ,DANG; RIGS DRUG PA YIN PA NA SANGS RGYAS THAMS CAD GCIG TU BSDUS PA DANG, RIGS LNGA LA SOGS PA'I SANGS RGYAS DKON MCHOG GI GTZO BO'I YANG GTZO BO DE LA PHYAG 'TSAL BA YIN PA'I PHYIR RO; ;BSTOD PA'I TSE DMIGS PA YID LA BYED PA'I TSUL YANG YOD DE, 'KHOR THAMS CAD KYIS GTZO BO LA BRAG CA'I DBYANGS BZHIN DU BSTOD CING, GTZO BOS KYANG 'KHOR RNAMS LA DE LTAR BSTOD PA DANG, SLAR YANG 'KHOR RNAMS KYIS GTZO BO LA BSTOD PAR BSAM PA YIN PA'I PHYIR, GNYIS PA THA MAL GYI SNANG BA'I GNYEN POR LHA'I GSAL SNANG BSGOM PA DANG, THA MAL GYI ZHEN PA'I GNYEN POR LHA'I NGA RGYAL LA SLOB PA GNYIS LAS DANG PO PHUNG KHAMS SKYE MCHED LA SOGS PA'I SNANG BA THAMS CAD LTA BA DRAN PA'I SGO NAS 'OD GSAL DU BSDUS PA'I STONG PA'I NGANG LAS, RTEN DANG BRTEN PA'I DKYIL 'KHOR THAMS CAD GSAL LA YONGS SU RDZOGS PA 'JA' TSON LTA BUR BSGOM PAR BYA BA YIN TE, DE YANG DANG POR GTZO BO ZHAL GCIG PHYAG GNYIS PA LA GSAL SNANG 'DOD ZHING, DE LA GSAL SNANG RNYED PA NI, ZHAL PHYAG YONGS SU RDZOGS PA DANG, DE NAS 'KHOR RNAMS DANG, GZHAL YAS KHANG DANG, SKU GSUNG THUGS DANG, SKYE MCHED BYIN RLABS KYI LHA TSUN CHAD LTA BU LA YID KYIS MTHONG DU YOD PA DANG, LAG PAS REG TU YOD PA LTA BU'I REG MTHONG GI MTSAN MA BRTAN PO MA RNYED KYI BAR DU BSGOM PAR BYA BA YIN
PA'I PHYIR, GNYIS PA NGA RGYAL LA SLOB TSUL NI, 'OD GSAL GYI NGANG NAS 'JA' TSON LTA BU'I RDO RJE 'JIGS BYED KYI SKUR BZHENGS NAS NGA RGYAL 'JOG PA YIN LA, DE LTAR NGA RGYAL BZHAG PA LA DGOS PA YOD DE, DA LTA'I THA MAL GYI NGA'I ZHEN PA DE YOG NAS YI DAM LHA'I NGA RGYAL BCOS MIN DU 'BYUNG BA'I CHED YIN PA'I PHYIR, GNYIS PA BSKYED RIM PHRA MO LA SLOB TSUL NI, GRUB CHEN DPAL 'DZIN GYI DGONGS PA LTAR, RTZA ZHAL GYI STENG GI SNA RTZER, ZLA GDAN SRAD MA PHYED GSHAGS TZAM GYI STENG DU, PHYAG MTSAN RDO RJE SNGON PO RTZE LNGA PA YUNGS KAR GYI 'BRU TSAD TZAM MAM, DE LA SEMS MI BRTAN NA NAS 'BRING PO'I TSAD TZAM LA DMIGS NAS, REG MTHONG GI MTSAN MA BRTAN PO MA RNYED KYI BAR DU BSGOM ZHING; DE LA REG MTHONG GI MTSAN MA BRTEN PO RNYED PA NA, DE LAS RANG 'DRA NAM MKHA' GANG BA SPRO BA DANG, SLAR BSDU BA'I DMIGS PA LA BSLAB PA YIN LA, DE LA SEMS BRTAN PA NA RDO RJE DE RTEN BRTEN PA'I DKYIL 'KHOR DU BSGYUR NAS SPRO BA DANG BSDU BA SNGAR BZHIN BYED PA YIN NO, ,'OG GI SNA RTZER YANG ZLA GDAN SRAN MA PHYED GSHAGS TZAM GYI STENG DU, THIG LE SNGON PO YUNGS 'BRU TZAM GYI NANG DU RTEN BRTEN PA GSAL BAR BSGOMS LA SPRO BA DANG BSDU BA SNGAR BZHIN BYED PA YIN NO, ,DE LTAR BSGOMS PA LA DGOS PA YOD DE, LAS DANG PO PA'I SKABS SU BYING RGOD KYI SKYON SEL BA DANG, ZHI GNAS KYI TING NGE 'DZIN KHYAD PAR CAN SKYE BA DANG, RDZOGS RIM GYI SKABS SU PHRA MO'I RNAL 'BYOR GYI
, ,RTOGS PA SKYE BA'I DGE RTZA SMIN BYED DU 'GYUR BA YIN PA'I PHYIR, GSUM PA DAG BA JI LTAR BSGOM PA'I TSUL YANG YOD DE, DE LTAR ZHAL DGU NI ZHES SOGS SGRUB THABS NAS JI LTAR 'BYUNG BA LTAR BSGOM PA YIN PA'I PHYIR, GZHAN RNAMS GO SLA LA, GSUNG RAB YAN LAG BCU GNYIS GSUNG RAB YAN LAG DGUR BSDU TSUL YANG YOD DE, CHED DU BRJOD PA DANG, RTOGS PA BRJOD PA YAN LAG GCIG TU BYAS, SKYES RABS GLENG GZHI'I NANG DU BSDUS, TSIGS SU BCAD PA'I SDE DBYANGS KYIS BSNYAD PA'I SNGER BSDU BA YIN PA'I PHYIR, KUN RDZOB SGYU MA DANG DON DAM 'OD GSAL GNYIS LA THUN MONG DANG THUN MONG MA YIN PA GNYIS LAS, DANG PO PHAR PHYIN THEG PA DANG MTSUNGS LA, THUN MONG MA YIN PA NI KUN RDZOB SGYU MA'I SKU DANG DON DAM 'OD GSAL GYI YE SHES GNYIS YIN NO, ,BZLAS PA JI LTAR BYA BA'I TSUL LA, YA MA R'A DZ'A'I SNGAGS DON NI, GANG DU GSHIN RJE'I RGYAL POS RTAG PAR BDAG , 'DREN PA GANG ZHIG BDAG LA RING DU BRTZE, ,LHAG PAR GNOD SBYIN MIN GANG BRTZE BA GANG, ,DE DAG NAD MED STZOL MDZAD GNOD SBYIN LA'O, ,ZHES PA YIN LA, DON 'GYUR NI, GSHIN RJE'I RGYAL POS RTAG TU BDAG DANG, ,GSHIN RJE'I GNOD PAS GDUNGS PA'I 'GRO BA, ,GANG YIN SKYE GNAS ZAD MED 'JIGS MED, ,MCHOG SBYIN NGES PAR STZOL CIG BRTZEBS, CES PA'O, ,HR'I: sht'I: 'I 'GYUR NI, DRAG PO'I MCHE BA GTZIGS PAR BYED PA'I MDOG CAN,
ZHES PA YIN LA, DON 'GYUR GYI DBANG DU BYAS NA, YUL CAN LHAN SKYES KYI BDE BA CHEN PO'I YE SHES YUL STONG PA NYID LA RTZE GCIG TU ROL PAR BYED PA MTHAR THUG PA'I YE SHES DE NYID MA RUNGS PA PHYI NANG GSANG BA'I GSHIN RJE GSUM GYI GNYEN POR SRIN PO DRAG TU KHROS PA LTA BU'I SKUR STON PA KHYOD KYIS SDUG BSNGAL DANG, KUN 'BYUNG MA LUS PA CHOMS SHIG ,CES PA'O, ,YA M'ANTA KA'I 'GYUR NI, GSHIN RJE MTHAR BYED CES PA YIN LA, DON 'GYUR GYI DBANG DU BYAS NA, PHYI NANG GSANG BA'I GSHIN RJE'I GSHED PO KHYOD KYIS PHYI NANG GSANG BA'I GSHIN RJE RGYU DANG BCAS PA CHOMS SHIG ,CES PA'O, ,YUM GYI SNGAGS DON NI, RDO RJE RO LANGS MA TSUR SPYON TSUR SPYON, ZHES PA DANG, DZA: ZHES PA DGUG PA'I DON YIN CING, 'KHOR GYI LHA RNAMS KYI SNGAGS DON NI GO SLA LA, BZLAS PA'I TSE DMIGS PA YID LA BYED PA'I TSUL YOD DE, YE SHES SEMS DPA'I THUGS KAR NYI GDAN LA GNAS PA'I TING NGE 'DZIN SEMS DPA'I MTHA' BSKOR DU YA M'ANTA KA DANG, DE'I MTHA' BSKOR DU HR'I: shtR'I: DANG, DE'I MTHA' BSKOR DU YA MA R'A DZ'A'I SNGAGS PHRENG KHA DOG MTHING NAG 'OD ZER RAB TU 'BAR BA LA DMIGS NAS SNGAGS BZLA, DE LA DMIGS PA BRTAN PA NI, SNGAGS 'PHRENG LAS KHRO BO'I TSOGS DPAG TU MED PA 'PHROS PAS, RTZA ZHAL GYI SHANGS BUG GA-YAS NAS 'THON, PHYIR 'PHROS PAS GDON BGEGS THAMS CAD SKROD PA DANG, SNOD BCUD SBYONG BA SOGS BYAS NAS SLAR SNYING GA'I SNGAGS PHRENG LA
, ,THIM PAR BSAMS PA'I SGO NAS, ZHAL DGU DANG, 'KHOR GYI LHA THAMS CAD KYIS KYANG SNGAGS KYI SGRA 'BRUG LTAR SGROG PAR BSAM ZHING, 'KHOR GYI LHA RNAMS KYI BZLAS PA'I TSE RANG RANG GI THUGS KAR NYI GDAN LA GNAS PA'I H'Um YIG GI MTHAR, RANG RANG GI SNGAGS 'PHRENG GIS BSKOR BAR BSAMS PA LAS SPRO BA DANG BSDU BA SNGAR BZHIN BYED PA YIN PA'I PHYIR RO, ,DE YANG PHRENG BA 'DOD CHAGS GSHIN RJE'I GSHED YAB YUM ZHU BA LAS BYUNG BA'I KHRAG 'DZAG PA'I MGO PHRENG DU BLTAS LA, MTHE BONG LCAGS KYU LTA BUS PHRENG BA RE RE 'BEBS PA DANG, LHA RNAMS LAS RANG 'DRA GNYIS PA RE CHAD NAS RANG LA THIM PAR BSAM PA YIN NO, ,DE LTAR BZLAS PA BYAS PA LA DGOS PA YOD DE, RANG LA LHAG PA'I LHA NYE BA'I SGO NAS LAS RAB 'BYAMS MYUR DU 'GRUB PAR 'GYUR BA DANG, RDZOGS RIM GYI SKABS SU RDOR BZLAS KYI RTOGS PA SKYE BA'I DGE RTZA SMIN BYED PA 'GYUR BA DANG, 'BRAS BU SANGS RGYAS KYI SA'I GSUNG DBYANGS RNAM PA THAMS CAD PAS GDUL BYA LA CHOS STON PA DANG RNAM PA MTHUN ZHING, DE LTA BU'I 'BRAS BU LAM BYED DU 'GYUR BA YIN PA'I PHYIR, DE LTAR BSKYED RIM PHRA RAGS LA BSLABS SHING, BSNYEN PA SOGS MTHAR PHYIN PA'I RNAL 'BYOR PAS, RDZAS SNGAGS 'PHRUL 'KHOR SOGS KYI LAS RAB 'BYAMS BSGRUB PA NI LAS RGYAL MCHOG DNGOS YIN NO, ,BZHI PA NYER BA SDU BYAS PA'I RJES SU 'JIGS BYED ZHAL GCIG PHYAG GNYIS
PA'AM, ZHAL PHYAG YONGS SU RDZOGS PA'I SKUR LDANG BA YIN LA, DE LTAR BYAS PA LA DGOS PA YOD DE, RDZOGS RIM GYI SKABS SU RLUNG THAMS CAD BSGOMS STOBS KYIS SNYING GA'I MI SHIGS PA'I THIG LE LA THIM PAS, DPE DON GYI 'OD GSAL GNYIS 'CHAR BA DANG, DE LAS DAG MA DAG GI SGYU MA'I SKU GNYIS 'GRUB PA'I DGE RTZA SMIN BYED DU 'GYUR BA YIN PA'I PHYIR, GSUM PA THUN GYI MJUG TU JI LTAR BYA BA NI, THUN BZHI GA'I MTHA' 'AM, DER MA GRUB MTHUN THA MA'I MJUG TU GTOR MA NGES PAR 'BUL DGOS PA YIN TE, 'JIG RTEN DANG 'JIG RTEN LAS 'DAS PA'I LHA LA GTOR MA PHUL BAS, DNGOS GRUB MYUR DU 'GRUB PA RDO RJE 'CHANG GIS LAN CIG MA YIN PAR GSUNGS PA'I PHYIR, THUN MTSAMS SU JI LTAR BYA BA NI, SNOD BCUD THAMS CAD RTEN DANG BRTEN PA'I DKYIL 'KHOR DU 'CHAR BA LA BSLAB CING, GZHAN YANG, KHRUS DANG, ,BZAS DANG, NYAL BA DANG, LDANG BA'I RNAL 'BYOR LA BRTZON PAR BYED PA'O, ,DE LTA BU'I BSKYED RIM THUN BZHI 'AM, MA MTHA' GCIG TU BYAS TE DAL 'BYOR THOB PA DON DANG LDAN PAR BYA BA YIN NO,, ,,'DI LTAR BSKRUN PA'I DGE TSOGS GANGG'A'I RGYUN, ,DUS GSUM RNAM DKAR NYAL 'GRO'I PHUNG PO DANG, LHAN CIG KUN MKHYEN RGYA MTSOR ZHUGS GYUR TE, ,LUS CAN KLU DBANG KUN GYI NYER 'TSOR SHOG ,CES DPAL RDO RJE 'JIGS BYED KYI BSKYED PA'I RIM PA 'DI NI SDE SNOD 'DZIN PA MANG PO LA 'DZIN CHOS SU BYAS PA, 'GA'
, ,ZHIG GIS ZIN BRIS SU BGYIS 'DUG PA, SLAR BDAG NYID KYIS DAG PAR BYAS PA 'DI YANG, GSHIN RJE'I GSHED KYI RNAL 'BYOR PA BLO BZANG CHOS KYI RGYAL MTSAN GYIS CHOS GRVA CHEN PO BKRA SHIS LHUN PO'I GTZUG LAG KHANG DU SBYAR BA'O,, ,,MANGGA LAm,, *, ,AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL, ,SARBA DZAG TAm,,