*, ,YI DAM RDO RJE 'JIGS BYED LA BRTEN PA'I LAM ZAB MO BLA MA'I RNAL 'BYOR NYAMS SU LEN TSUL BZHUGS SO,
, ,NA MO GU RU MANYDZU GHO sh'A YA, 'DIR YI DAM RDO RJE 'JIGS BYED LA BRTEN PA'I LAM ZAB MO BLA MA'I RNAL 'BYOR NYAMS SU LEN PAR 'DOD PAS, NGES 'BYUNG DANG DGE SEMS KHYAD PAR CAN GYI NGANG NAS, SKYABS 'GRO SEMS BSKYED SOGS RNAM PAR DAG PA RGYUD DANG 'DRES NGES PA BYAS TE, 'DI LTAR, PHUN TSOGS BDE STONG DBYER MED NAM ROL LAS, ,BDAG NYID DPAL LDAN RDO RJE 'JIGS BYED DU, ,GSAL BA'I SPYI BO'AM MDUN GYI NAM MKHA'I DBUS, ,RIN CHEN KHRI DANG PADMA ZLA NYI'I STENG, ,DUS GSUM BDE GSHEGS KUN GYI NGO BO NYID, ,BLO BZANG GRAGS PA'I DPAL DANG DBYER MED PA'I, , KHAMS GSUM ZA BYED 'JIGS PA MTHA' DAG KYANG, ,'JIGS BYED DPA' BO MTHING NAG ZHAL DGU BA, ,PHYAG NI SUM CU RTZA BZHI ZHABS BCU DRUG ,GA-YAS BSKUMS GA-YON BRKYANGS STABS KYIS LHA CHEN
, ,MNAN, ,HA HA ZHES SGROGS LJAGS 'GRIL MCHE BA GTZIGS, ,KHRO GNYER BSDUS PA'I SPYAN DANG SMIN MA DANG, ,SMA RA BA SPU 'JIG PA'I DUS LTAR 'BAR, ,DBU SKRA KHAM SER GYEN BRDZES THOD PAS BRGYAN, ,MGO RLON DO SHAL SBRUL NAG MCHOD PHYIR THOGS, ,'KHOR LO RNA CHA LA SOGS RUS PAS BRGYAN, ,RAB 'JIGS GSUM PA CHE ZHING GCER BU'I GZUGS, ,MI YI KHRAG ZHAG RKANG DANG TSIL BU ZA; ;RTZA ZHAL MTHING NAG MA HE KHROS PA'I GDANG, ,RVA GNYIS RAB RNO RTZE MOR ME DPUNG 'BAR, ,DE DBUS 'JIGS RUNG SRIN ZHAL DMAR PO'I STENG, ,'JAM DPAL ZHAL BZANG GSER MDOG KHRO 'DZUM SGEG ,RVA RTZA'I GA-YAS KYI ZHAL GSUM SDO DMAR SER, ,GA-YON GSUM DKAR DANG DUD KA GNAG PA'I ZHAL, ,GA-YAS GA-YON DANG PO'I PHYAG GNYIS GLANG LPAGS 'DZIN, ,GA-YAS RIM GRI GUG BHI DHI P'A LA DANG, ,GTUN SHING CHU GRI ZHAGS MDUNG DGRA STA DANG, ,MDUNG MDA' LCAGS KYU DBYUG THO KHAtV'Am GA ,'KHOR LO RDO RJE RTZE LNGA THO BA DANG, ,RAL GRI CANG TI'U GA-YON PAS RIM BZHIN DU, ,THOD KHRAG TSANGS MGO PHUB DANG RKANG BA ZHAGS, ,
GZHU DANG RGYU MA DRIL BU LAG PA DANG, ,DUR KHROD RAS DANG SKYES BU GSAL SHING BTZUGS, ,ME THAB THOD TSAL SDIGS MDZUB 'PHAN RLUNG RAS, ,BRGYAD GNYIS ZHABS KYIS ME DANG BYA RGOD SOGS, ,SROG CHAGS RNAMS DANG TSANGS DBANG KHYAB 'JUG DANG, ,DRAG PO GDONG DRUG LOG 'DREN ZLA NYI SOGS, ,KHA SBUB MNAN TE ME DPUNG CHER 'BAR PA'I, ,KLONG DKYIL BZHUGS PA'I THUGS KAR ZLA GDAN LA, ,YE SHES SEMS DPA' 'JAM DPAL GSER GYI MDOG , ZHAL GCIG PHYAG GNYIS GA-YAS PAS RAL GRI 'PHYAR, ,GA-YON PAS THUGS KAR GLEGS BAM MTSAN DPES BRGYAN, ,SKYIL KRUNG GIS BZHUGS THUGS KAR NYI MA'I DBUS, ,TING 'DZIN SEMS DPA' H'Um YIG MTHING GAS MDZES, ,DE YI PANG DU RDO RJE RO LANGS MA, ,SKU MDOG SNGON MO ZHAL GCIG PHYAG GNYIS KYIS, ,GRI GUG 'PHYAR ZHING THOD KHRAG 'DZIN PAS 'KHYUD, ,THOD SKAM RGYAN DANG PHYAG RGYA LNGA YIS MDZES, ,ZHABS GA-YAS BRKYANGS SHING GA-YON PAS YAB LA 'KHRIL, ,DE YI MTHA' SKOR DNGOS BRGYUD BLA MA DANG, ,YI DAM MCHOG GSUM DPA' BO MKHA' 'GRO'I TSOGS, ,YE SHES BSRUNG MAS BSKOR NAS BZHUGS PA YI, ,SPYI BOR AOm DKAR MGRIN PAR A'A: DMAR PO, ,THUGS KAR H'Um SNGON H'Um GI 'OD ZER GYIS, ,RANG RANG YE SHES PA RNAMS SPYAN DRANGS TE, ,DZA: H'Um BAm HO: RO GCIG DBYER MED GYUR, ,SLAR YANG DBANG LHA YUM BZHIS BDUD RTZI'I CHUS, ,DBANG BSKUR RIGS BDAG
, ,SO SOS SPYI BOR BRGYAN, DE NAS NANG MCHOD DANG MCHOD RDZAS RNAMS GZHUNG BZHIN BYIN GYIS BRLAB PA'AM, BSDU NA, AOm A'A: H'Um LAN GSUM BRJOD CING, TING NGE 'DZIN DANG BCAS PAS BYIN GYIS BRLABS TE 'BUL BA NI, 'JIG RTEN 'JIG RTEN 'DAS PA'I DGE TSOGS LAS, ,BYUNG BA'I SRID DANG ZHI BA'I MCHOD PA'I SPRIN, ,NAM MKHA' GANG BA TING 'DZIN GYIS SPRUL TE, ,BLA MA LHA MCHOG RNAMS LA 'BUL BA NI, ,BDUD RTZI'I MCHOD YON RGYA MTSO LTAR 'KHYIL ZHING, ,MDZES PA'I ME TOG SA DANG BAR SNANG GANG, ,DRI ZHIM SPOS KYI DUD PA SPRIN LTAR 'KHRIGS, ,NYI ZLA NOR BU SGRON ME'I 'OD STONG 'BAR, ,BZANG PO'I DRI CHAB GANGG'A'I RGYUN LA 'GRAN, ,RO BRGYA LDAN PA'I ZHAL ZAS LHUN POR SPUNGS, ,SNYAN BRJID ROL MO'I SGRA DBYANGS 'BRUG LTAR SGROGS, ,PHYI NANG 'DOD YON LNGA DANG RIN CHEN BDUN, ,STONG GSUM SNOD BCUD PHUN TSOGS 'BYOR PAS BRGYAN, ,'JIG RTEN 'JIG RTEN 'DAS PA'I MCHOD PA'I TSOGS, ,BLA MA LHAG PA'I LHA MCHOG MNYES PHYIR 'BUL, ,DNGOS GRUB MYUR DU 'GUGS SHING GSAL BYED PA'I, ,SBYANGS RTOGS SBAR BA'I BDUD RTZI'I RGYA MTSO DANG, ,MDZES LDAN SGYU MA'I PHYAG RGYA'I ZLOS GAR GYIS, ,ZAG MED LHAN SKYES BDE STONG ROL PAS MCHOD, ,THOG MED DUS NAS MA RIG DBANG GYUR PAS, ,SGO GSUM SGO NAS MI DGE SDIG PA'I LAS, ,BGYIS DANG BGYID STZAL YI RANG CI MCHIS PA, ,BSHAGS SHING
PHYIN CHAD MI BGYI YANG DAG SDOM, ,'TSAMS 'DIR GZHAN YANG SDIG LTUNG BSHAGS PA CI RIGS PA BYA'O, ,'KHOR 'DAS KUN GYI RNAM DKAR DGE BA'I TSOGS, ,JI SNYED BSAGS PA KUN LA RJES YI RANG, ,BSLU MED SKYABS KYI DAM PA MCHOG RNAMS KYIS, ,ZAB DANG RGYA TSO'I CHOS 'KHOR BSKOR PA DANG, ,THUGS RJE CHE LDAN LHA DANG BLA MA'I TSOGS, ,BSKAL BRGYAR 'GRO BA'I DON DU BZHUGS SU GSOL, ,'DI LTAR BSKRUN PA'I DGE TSOGS RGYA MTSO YANG, ,MA RNAMS DON DU BYANG CHUB MCHOG PHYIR BSNGO, ,DE NAS, MDUN GYI TSOGS ZHING RNAMS LA RTZE GCIG TU DMIGS PA'I DAD PA DRAG POS, BLA MA KUN 'DUS KYI NGO BO BLA MA RDO RJE 'JIGS BYED LA GSOL BA 'DEBS SO, ,YI DAM x, SANGS RGYAS x, DAM CHOS x, DGE 'DUN x, MKHA' 'GRO x, CHOS SKYONG x, BLA MA YI DAM SKYABS GSUM KUN 'DUS KYI NGO BO BLA MA RDO RJE 'JIGS BYED LA GSOL BA 'DEBS SO, ,ZHES PA DANG, MDOR BSDU NA, GZUGS MCHOG MCHOG TU DRAG PO CHE, ,DPA' BO MCHOG GI SPYOD YUL CAN, ,GDUL DKA' MA LUS 'DUL MDZAD PA'I, ,BLA MA RDO RJE 'JIGS BYED LA, ,GUS PAS PHYAG 'TSAL SKYABS SU MCHI, ZHES DMIGS PA DANG BCAS PAS BRGYA STONG SOGS GSOL BA GDAB, DE'I TSE DMIGS PA NI, DE LTAR GSOL BA BTAB PAS TSOGS ZHING RNAMS KYI SKU'I CHA LAS BDUD RTZI 'OD ZER DANG BCAS PA'I RGYUN BABS, RANG GZHAN SEMS CAN THAMS CAD KYI SDIG SGRIB NAD GDON BAR GCOD THAMS CAD SBYANGS, TSE DANG BSOD NAMS LUNG RTOGS
, ,KYI YON TAN THAMS CAD RGYAS PAR BYAS, KHYAD PAR BLA MA RDO RJE 'JIGS BYED KYI BYIN RLABS THAMS CAD ZHUGS PA'I MOS PA BYA'O, ,'TSAMS 'DIR, TING NGE 'DZIN GYIS DBANG MDOR BSDUS CIG LEN PA'AM, YANG NA 'DI LTAR, BLA MA LHAG PA'I LHA YI THUGS KA NAS, ,YUM BZHIS RIGS LNGA'I RANG BZHIN BDUD RTZI'I CHU, ,COD PAN RDOR DRIL MING GI DBANG BSKUR BAS, ,SBYANGS BSGYUR RIGS LNGA'I DNGOS GRUB BSGRUB LA DBANG, ,DAM TSIG GSUM LDAN SHES RAB MAR 'KHYUD PAS, ,BUM PA'I DBANG THOB SPRUL SKU'I SA BON BZHAG ,BLA MA YAB YUM GYIS GNANG BYANG CHUB SEMS, ,MYANGS PAS LONGS SKU 'GRUB PA'I SKAL LDAN GYUR, ,'DU SHES GSUM LDAN SNYOMS 'JUG ROL PA YIS; ;YID SBYANGS 'BRAS BU CHOS SKU BSGRUB LA DBANG, ,MTHAR THUG ZUNG 'JUG YAN LAG BDUN LDAN DU, ,NGES PA'I TSIG DBANG THOB PAS SKU BZHI 'GRUB, ,SLAR YANG BLA MA LHAG PA'I LHA RNAMS LA, ,RTZE GCIG GUS PAS MCHOD CING GSOL BTAB PAS, ,DGYES SHING ZHU NAS RANG LA THIM PAR BSAM, ,BDAG NYID SEMS DPA' SUM BRTZEGS BLA MA LHAR, ,GSAL BA'I THUGS KA'I SNGAGS PHRENG 'OD ZER GYIS, ,SNOD BCUD SBYONG ZHING ZHI KHRO RAB 'BYAMS KYI; ;BYIN RLABS SDUD SOGS ZHI RGYAS DBANG DRAG GI ,LAS RNAMS BSGRUB SOGS MAN NGAG LAS 'ONGS PA'I, ,TING 'DZIN MA YENGS SNGAGS GSUM CI RIGS BZLA, ,DE LTAR BSGRUBS PA'I DGE TSOGS RGYA MTSO YANG, ,'JAM DPAL
DPA' BO 'GRUB PA'I RGYU RU BSNGO,, ` ,,DE BZHIN BSGRUBS KYANG 'DI NANG MCHOG THOB PA'I, ,GDENG DANG MI LDAN TSE NA SDIG PA CAN, ,BTZAN THABS 'TSANG RGYA'I 'PHO BA 'DI LTAR BYA, ,RANG LUS MCHOD SBYIN SNGON BTANG LHAG PA'I LHA, RTZA GSUM 'KHOR LO BZHI LDAN SNYING DBUS SU, ,RANG SEMS H'Um YIG SNGON PO MTHING GI MDOG ,GSAL DVANGS 'PHAR ZHING 'PHUR LA KHAD PA BSGOM, ,RANG GI SPYI BOR RTZA BA'I BLA MA DANG, ,DBYER MED 'JAM PA'I RDO RJE GSHIN RJE'I GSHED, GSAL BTAB SPYAN DRANGS MCHOD BSTOD GSOL BA GDAB, ,RGYAL BA KUN GYI MKHYEN RTZE MTHU STOBS RNAMS, ,GCIG TU BSDUS NAS PHYI NANG GSANG BA YI, ,MA RUNGS GSHIN RJE'I TSOGS RNAMS 'JOMS MDZAD PA'I, ,BLA MA LHAG PA'I LHA LA GSOL BA 'DEBS, ,GNAD GCOD BAR DO'I 'JIGS LAS BSKYAB TU GSOL, ,NGAN SONG MI KHOM GNAS LAS BSGRAL DU GSOL, ,DGA' LDAN MKHA' SPYOD GNAS SU DRANG DU GSOL, ,DUS GSUM BDE GSHEGS SKYED MDZAD RGYAL SRAS TSUL, ,BDUD DANG LOG 'DREN 'JOMS MDZAD GSHIN RJE'I GSHED, ,SNYIGS DUS THUB DBANG GNYIS PA TZONG KHA PA, ,DBYER MED SKYABS KYI DAM PAR GSOL BA 'DEBS, ,GNAD GCOD x, NGAN SONG x, DGA' LDAN x, GNAD GCOD SDUG BSNGAL TSA GDUD SEL BA'I SPRIN, ,NGAN SONG BAR DO'I 'JIGS SGROL DPA' BO STE, ,'DOD DGU'I DNGOS GRUB STZOL BA'I YID BZHIN NOR, ,BSLU MED SKYABS KYI DAM PAR x, GNAD GCOD x, NGAN SONG x, DGA' LDAN x,
, ,DE LTAR LAN MANG GSOL BA BTAB PA'I MTHAR, ,BLA MA LHA YI THUGS KA'I 'OD ZER GYI, ,LCAGS KYU RANG GI SPYI GTZUG DH'U T'I NAS, ,BRGYUD DE RANG SEMS SNYING GA'I H'Um YIG LA, ,BTAB DRANGS LHAG PA'I LHA YI THUGS KAR BSTIM, ,SBYANG DANG LAS SBYOR DBYE BA SHES PAR BYA, ,'DI LTAR BSGRUBS PA'I DGE TSOGS RGYA MTSO'I MTHUS, ,SDUG BSNGAL GSUM GYIS MA NAR BA'I 'GRO BA RNAMS, ,SGROL PHYIR SKU GSUM GO 'PHANG MYUR THOB NAS, ,'GRO KUN 'DREN PA'I DPAL DU BDAG GYUR CIG ,DE MA THOB PA'I TSE RABS THAMS CAD DU, ,DAM CHOS TSUL BZHIN BSGRUB PA'I RTEN DANG GNAS, ,'KHOR DANG LONGS SPYOD GROGS DANG DGE BA'I BSHES, ,RGYAL BAS BSNGAGS PA JI BZHIN 'GRUB PAR SHOG ,MDOR NA SKYE ZHING SKYE BA THAMS CAD DU, ,RJE BTZUN BLA MAS 'BRAL MED RJES BZUNGS TE, ,RGYAL BA'I DAM CHOS MA LUS 'DZIN PA DANG, ,BKA' BZHIN BSGRUB PA'I MCHOD PAS MNYES BYED SHOG ,CES PA 'DI YANG, DGE PA'I BSHES GNYEN CHOS KYI RJE BSTAN PA BZANG POS YANG YANG NAN CHER BSKUL BA LA BRTEN NAS, DGE SLONG BLO BZANG CHOS KYI RGYAL MTSAN GYIS, CHOS GRVA CHEN PO BKRA SHIS LHUN PO'I GZIMS KHANG RGYAL MTSAN MTHON PO'I NGO MTSAR BKOD PAR SBYAR BA'I YI GE PA NI, DGE TSUL RNAM DPYOD DANG LDAN PA BLO BZANG DBANG RGYAL LO,, ,,BKRA SHIS,, *, AOm SVA STI, ,PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD
PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL, ,SARBA DZAGTAm,, ,,