@00 *, ,BCOM LDAN 'DAS DPAL 'KHOR LO BDE MCHOG L'U AI PA'I LUGS KYI BSKYED RIM BZHUGS SO, ,
, ,NA MA: SHR'I TZAKRA SAm PA R'A YA, 'JAM DBYANGS MKHYEN BRTZE'I RANG GZUGS NGUR SMRIG GI ,ZOL LA NYER BRTEN BLO BZANG GRAGS PA'I DPAL, ,GANG THUGS SGRIB BRAL LHAN SKYES BDE BA CHE, ,DRUG CU RTZA GNYIS LHA YI 'KHOR LOR SHAR, ,BDE STONG MKHA' DBYINGS MDZES PA'I LANG TSO LA, ,GSAL BAR 'KHYUD PA'I 'JA' TSON SGYU MA'I GAR, ,'GRO 'ONG BRAL YANG CHU NANG ZLA GZUGS BZHIN, ,BDAG CAG DANG BA'I SNYING MTSOR GSAL BAR SPYON, ,SKU GSUM RIN CHEN GZHAL MED MNGON DGA' BAR, ,MTHONG BA'I CHOS LA BDE BLAG BGROD PA'I THABS, ,MTHA' YAS RGYUD SDE'I DGONGS DON BLA NA MED, ,THOS LDAN SGRUB LA BRTZON PA'I SKAL BZANG GI ,YID LA NGO MTSAR CI YANG SKRUN BYED PA, ,GRUB PA MCHOG BRNYES L'U AI PA YI
, ,LUGS, ,RJE BTZUN BLA MA'I GSUNG BZHIN BSHAD PAR BYA, ,BLO LDAN DAM PA'I RJES SU 'BRANG 'DOD RNAMS, ,RNAM GA-YENG SNOD KYI SKYON GSUM SPONGS LA NYON, ,'DIR RNAL 'BYOR GYI DBANG PHYUG L'U AI PA'I LUGS KYI DPAL 'KHOR LO BDE MCHOG GI BSKYED RIM BSHAD PA LA GNYIS, BDE MCHOG SPYI'I RNAM GZHAG DANG, SGRUB THABS KYI GZHUNG DNGOS BSHAD PA'O, ,DANG PO LA GSUM RTZA BSHAD KYI RGYUD NGOS BZUNG BA, DE GANG DU GSUNGS PA SOGS BSHAD PA'I GLENG BSLANG BA, GRUB CHEN GSUM GYI DGONGS 'GREL GYI GZHUNG JI LTAR BYUNG TSUL LO, ,DANG PO NI, SPYIR STON PA THUGS RJE CAN DES 'GRO BA RNAMS LA PHAN BDE BSGRUB PA'I SLAD DU, CHOS KYI RNAM GRANGS JI SNYED CIG GSUNGS PA THAMS CAD THEG PA CHE CHUNG GI SDE SNOD GNYIS SU 'DU ZHING, THEG CHEN GYI SDE SNOD DE YANG RGYU PHAR PHYIN GYI THEG PA DANG, 'BRAS BU RDO RJE'I THEG PA GNYIS SU 'DU LA, DE GNYIS KYI KHYAD PAR NI, 'BRAS BU SANGS RGYAS KYI SKU DANG, GNAS DANG, LONGS SPYOD DANG, MDZAD PA YONGS SU DAG PA STE YONGS SU DAG PA
BZHI PO DE DANG RNAM PA MTHUN PA'I LAM BSGOM PA YOD MED KYI SGO NAS 'BYED LA, DE LTA BU NI GSANG SNGAGS PA LA YOD KYI, PHAR PHYIN GYI THEG PA BA LA MED PAS RGYU'I THEG PA DANG, 'BRAS BU'I THEG PA ZHES SO SOR 'JOG PA YIN NO, ,MDOR NA PHAR PHYIN GYI THEG PA'I LUGS LA THEG CHEN GYI TSOGS SBYOR SOGS YE SHES KYI TSOGS DANG, SNYING RJE CHEN PO DANG SEMS BSKYED SOGS BSOD NAMS KYI TSOGS GNYIS ZUNG 'BREL DU BYAS TE, BSKAL PA GRANGS MED GSUM DU NYAMS SU BLANGS PA LA BRTEN NAS SANGS RGYAS THOB PAR 'DOD KYANG, DE'I LAM LA 'BRAS DUS KYI LONGS SU DAG PA BZHI'AM, GZUGS SKU DANG RNAM MTHUN GYI LAM BSGOM PA MED PAS SA BCU TZAM LAS BGROD MI NUS SO, ,'BRAS BU GSANG SNGAGS KYI THEG PA DE LA YANG, KHA SBYOR LAS, SGOD DANG BLTA DANG LAG BCANGS DANG, ,GNYIS GNYIS 'KHYUD DANG RNAM PA BZHI, ,SRIN BU'I TSUL GYIS RGYUD BZHIR GNAS CES GSUNGS PA LTAR BYA RGYUD, SPYOD RGYUD, RNAL 'BYOR RGYUD, RNAL 'BYOR BLA MED KYI RGYUD DANG BZHI YOD PA LAS, DE RNAMS KYI 'BYED TSUL YANG PHYI'I BYA BA DANG NANG LHA'I RNAL 'BYOR GNYIS KYI NANG NAS PHYI'I BYA BA GTZO BOR SPYOD CING, BSGOMS PA'I LHA MO DANG PHAN TSUN BLTAS PA LAS BYUNG PA'I BDE BA LAM DU BYED PA LA MOS PA'I GDUL BYA LA GTZO BOR GSUNGS PA'I RGYUD DE BYA RGYUD DANG, PHYI'I BYA BA DANG NANG LHA'I RNAL 'BYOR GNYIS CHA MNYAM DU
, ,SPYOD CING, BSGOMS PA'I LHA MO DANG PHAN TSUN BGOD PA LAS BYUNG BA'I BDE BA LAM DU BYED PA LA MOS PA'I GDUL BYA LA GTZO BOR GSUNGS PA'I RGYUD DE SPYOD RGYUD DANG, PHYI'I BYA BA DANG NANG LHA'I RNAL 'BYOR GNYIS KYI NANG NAS NANG LHA'I RNAL 'BYOR GTZO BOR SPYOD CING, BSGOMS PA'I LHA MO DANG PHAN TSUN LAG BCANGS LAS BYUNG BA'I BDE BA LAM DU BYED PA LA MOS PA'I GDUL BYA LA GTZO BOR GSUNGS PA'I RGYUD DE RNAL 'BYOR RGYUD DANG, PHYI'I BYA BA DANG NANG LHA'I RNAL 'BYOR GNYIS KYI NANG NAS NANG LHA'I RNAL 'BYOR GTZO BOR SPYOD CING, DBANG PO GNYIS SBYOR GYI BDE BA LAM DU BYED PA LA MOS PA'I GDUL BYA LA GTZO BOR GSUNGS SHING, RNAL 'BYOR DE LAS GONG MA'AM BLA MAR GYUR PA'I RGYUD GZHAN MED PA'I RGYUD DE BLA MED KYI RGYUD DU 'JOG PA YIN NO, ,DE YANG RGYUD SDE 'OG MA GSUM GYI LAM LA YE SHES KYI PHYAG RGYA LA BLTAS SHING BGOD PA DANG, LAG BCANGS LAS BYUNG BA'I BDE BAS STONG NYID BSGOM PA YE SHES KYI TSOGS DANG, THEG CHEN SEMS BSKYED DANG LHA'I 'KHOR LO BSGOM PA SOGS BSOD NAMS KYI TSOGS ZUNG 'BREL DU NYAMS SU BLANGS PAS SANGS RGYAS THOB PAR 'DOD KYANG, KUN NAS NYON MONGS PHYOGS KYI SKYE SHI BAR DO GSUM DANG RNAM PA MTHUN PA'I LHA'I 'KHOR LO BSGOM PA MED PAS, DE TZAM LA BRTEN NAS SANGS RGYAS THOB PAR MI NUS SO, ,BLA MED KYI
LAM LA 'BRAS BU'I YONGS SU DAG PA BZHI DANG MTHUN PA'I LAM YOD PAR MA ZAD, KUN NAS NYON MONGS PHYOGS KYI SKYE SHI BAR DO GSUM DANG RNAM MTHUN GYI LAM BSGOM PA YOD PAS, SANGS RGYAS KYI GO 'PHANG BDE BLAG TU THOB NUS SHING, SANGS RGYAS THAMS CAD KYANG MTHAR BLA MED LA BRTEN NAS SANGS RGYAS PA YIN TE, GSANG BA SPYI RGYUD LAS, SKU GSUNG THUGS KYI RDO RJE CAN, ,DUS GSUM 'BYUNG BA'I SANGS RGYAS RNAMS, ,RDO RJE SNGAGS KYI MTHU YIS NI, ,YE SHES MNYAM MED YANG DAG BRNYES, CES DANG, RIM LNGA LAS KYANG, SH'AKYA THUB PA DE BZHIN GSHEGS, ,MNGON PAR BYANG CHUB 'DI BZHED NAS, ,STONG PA CHEN POS SANGS RGYAS NYID, ,THOB PAR BYA ZHES MNGON PAR DGONGS, , 'DI BZHED NAS, ,STONG PA CHEN POS SANGS RGYAS NYID, ,THOB PAR LA, ,DE TSE RGYAL BA MKHA' RDO RJE, ,TIL GYI GANG BU GANG BZHIN BZHUGS, ,RGYAL BA'I SRAS LA SE GOL DANG, ,DE LA DBYANGS GCIG GIS GSUNGS PA, ,BSAM GTAN 'DI NI RNAM DAG MIN, ,'DIS NI MTHAR THUG MI 'THOB STE, ,NAM MKHA'I NGOS LTAR MCHOG GYUR PA'I, ,'OD GSAL BA YI DE DMIGS SHIG ,'OD GSAL BA YI GNAS THOB NAS, ,RAB DGA'I GZUGS SU SKYE BAR 'GYUR, ,DE TSE RAB DGA' RDO RJE'I SKU, ,KUN GYI DBANG PHYUG THOB PAR 'GYUR, ,'DI LTAR SGRA DE GSAN PA DANG, ,DE NAS TING 'DZIN MI GA-YO BTANG, ,'DI LTAR NAM PHYED DUS SU NI, ,RGYAL BA'I SRAS KYIS DE NYID DMIGS, CES GSUNGS PA LTAR RO, ,DE LTA BU'I BLA
, ,MED KYI RGYUD DE LA PHYE BA LA, SDOM 'BYUNG LAS, RNAL 'BYOR RGYUD RNAMS KYI NI TSAD, ,BYE BA PHRAG NI DRUG TU NGES, ,DE BZHIN RNAL 'BYOR MA RGYUD GRANGS, ,BYE BA PHRAG NI BCU DRUG GRAGS, CES RNAL 'BYOR RGYUD DANG RNAL 'BYOR MA'I RGYUD DAM, YANG NA RDO RJE SNYING PO RGYAN GYI RGYUD LAS, RDO RJE SNYING PO RGYAN GYI RGYUD, ,MKHA' 'GRO MA DANG MKHA' 'GRO PHA, ZHES 'BYUNG BA LTAR PHA RGYUD DANG MA RGYUD GNYIS SU YOD LA, DE GNYIS KYI KHYAD PAR YANG THABS RGYU MA'I SKU RTZAL DU BTON NAS, 'CHAD PA'I RGYUD DNGOS SAM, DE'I SDER GTOGS PA NI PHA RGYUD CES BYA STE, SGYU MA'I SKU DE SNANG PHYOGS THABS KYI CHA DANG, GZUGS SKU'I THUN MONG MA YIN PA'I RGYU PHA'I SA BON DANG 'DRA BAS DE SKAD CES BYA STE, MKHA' 'GRO RGYA MTSO LAS, RNAL 'BYOR RNAMS LAS RGYUD RGYAL DU, ,DE DANG DE YI PHYOGS DBYE SHES, ,'OD GSAL SGYU MA BDAG GIS NI, ,SGYU MA 'JIG RTEN LA BSHAD DO, ZHES PA RGYUD KYI 'JOG BYED BSTAN PA LTAR RO, ,SGYU LUS BSGRUB TSUL GTZO BOR MI 'CHAD CING, DON DAM BDEN PA DANG RO GCIG TU ZHUGS PA'I 'OD GSAL GYI YE SHES RTZAL DU BTON NAS 'CHAD PA'I RGYUD DNGOS SAM, DE'I SDER GTOGS PA NI MA RGYUD CES BYA STE, DE 'DRA BA'I 'OD GSAL DE STONG PHYOGS SHES RAB KYI CHA DANG, GZUGS SKU'I THUN MONG PA'I SGYU MA'I SA BON DANG 'DRA BAS DE SKAD CES BYA STE, GUR LAS, BCOM LDAN 'DAS JI LTAR NA RNAL 'BYOR MA'I RGYUD KYI MTSAN RAB TU 'JUG
PA LAGS, RDO RJE 'DZIN GYIS GSUNGS PA, SHES RAB PHA ROL PHYIN PA'I THABS, ,'DI NI RNAL 'BYOR MAR BRJOD DO, ,PHYAG RGYA CHEN POR RAB SBYOR PAS, ,GANG PHYIR DE NYID LA 'JUG PA, ,RNAL 'BYOR MA'I RGYUD CES BYA, ZHES MA RGYUD SPYI'I DBANG DU BYAS PA'I 'JOG BYED GSAL BAR GSUNGS PA LTAR RO, ,BLA MED KYI RGYUD THAMS CAD BDE STONG DBYER MED KYI YE SHES RTZAL DU BTON NAS 'CHANG PAS GNYIS MED KYI RGYUD DU 'JOG PA RJE BLA MA'I DGONGS PA YIN CING, DUS 'KHOR 'GREL CHEN LAS KYANG, GSANG 'DUS KYI, THABS DANG SHES RAB SNYOMS 'JUG PA, ,RNAL 'BYOR ZHES NI MNGON PAR BRJOD, ,'DUS PA SBYOR BAR GSUNGS PA STE, ,THABS DANG SHES RAB MNGON RJOD BYED, CES DANG, DGYES RDOR LAS, HE YIG GIS NI SNYING RJE CHE, ,BADZRA SHES RAB CES BRJOD DO, ,SHES RAB THABS KYI BDAG NYID RGYUD, ,DE NI NGA YIS BSHAD KYIS NYON, ZHES DANG, DANG PO'I SANGS RGYAS LAS, THABS KYI LUS KYIS RNAL 'BYOR MIN, ,SHES RAB GCIG PUS 'GYUR MA YIN, ,THABS DANG SHES RAB SNYOMS 'JUG PA, ,DE BZHIN GSHEGS PAS RNAL 'BYOR GSUNGS, CES PA GSUM KHUNGS SU MDZAD NAS 'DI LTAR BSHAD DO, ,DES NA THABS RGYUD CES PA'I THABS NI SGYU LUS DANG, THABS SHES GNYIS MED KYI RGYUD CES PA'I THABS NI LHAN SKYES KYI BDE CHEN LA BYED PAS MING 'DRA YANG DON MI 'DRA ZHING, DE BZHIN DU SHES RAB KYI RGYUD CES PA'I SHES RAB NI DON GYI 'OD GSAL DANG, THABS SHES GNYIS MED KYI RGYUD CES
, ,PA'I SHES RAB NI STONG NYID RTOGS PA'I SHES RAB LA BYED PAS MING 'DRA YANG DON THA DAD DO, ,DE LTAR NA THABS RGYUD DANG, MKHA' 'GRO PHA'I RGYUD DANG, PHA RGYUD RNAMS DON GCIG ,SHES RAB KYI RGYUD DANG, MKHA' 'GRO MA'I RGYUD DANG, MA RGYUD RNAMS DON GCIG GO ,'DIR NI SLOB DPON KLU BYANG GIS SDOM 'BYUNG LA SHES RAB KYI MDO ZHES GSUNGS SHING, GSANG BA'I DE NYID GSAL BA LAS KYANG, DE NAS RNAL 'BYOR MA RGYUD KYI, ,RIM PA GZHAN YANG BSHAD PAR BYA, ZHES 'TSAMS SBYAR NAS BDE MCHOG GI DON BSHAD PAS, BDE MCHOG GI RGYUD NI RNAL 'BYOR MA'I RGYUD YIN NO, ,DE YANG RTZA RGYUD RGYAS PA SHLOO KA 'BUM PHRAG GSUM PA, 'BRING SHLO KA 'BUM PHRAG GCIG PA, BSDUS PA LE'U LNGA BCU RTZA GCIG PA GSUM DU YOD DE, HE RU KA MNGON 'BYUNG LAS, 'BUM PHRAG 'BUM PHRAG GSUM LAS PHYUNG, ,RGYUD KYI SNYING PO BSDUS PA YIN, ZHES DANG, MKHA' 'GRO RGYA MTSO LAS KYANG, DE LTAR NGES BRJOD 'BUM GSUM LAS, ,PHYUNG BA BDE MCHOG NYUNG DU STE, ,AA YIG LA SOGS KAshA YIG MTHAR, ,LE'U RNAMS JI LTA'I RIM PA YIS, ,DE KHO NA NYID LDAN PAR SBYAR, ZHES BSHAD PA LTAR RO, ,BSHAD RGYUD NI RDO RJE MKHA' 'GRO DANG, KUN SPYOD DANG, SDOM 'BYUNG DANG PHAG MO MNGON 'BYUNG GNYIS GCIG TU BYAS PA DANG, MNGON BRJOD DANG, THUN MONG GI BSHAD RGYUD KHA SBYOR DANG LNGA'O, ,DE LTAR YANG MI THUB ZLA BAS, MKHA' 'GRO 'BYUNG BA KUN
SPYOD DANG, ,DE BZHIN MTSAN MCHOG BLA MA'I RGYUD, ,KHA SBYOR RGYUD DANG BZHI PO 'DI, ,BSHAD PA'I RGYUD DU SHES PAR BYA, ZHES BSHAD PA LTAR RO, ,HE RU KA MNGON 'BYUNG DANG, RNAL 'BYOR MA BZHI ZHAL SBYOR BA'I RGYUD DANG, MKHA' 'GRO RGYA MTSO RNAMS NI PHYOGS MTHUN GYI RGYUD YIN NO, ,GNYIS PA NI, RTZA BSHAD KYI RGYUD DE RNAMS GANG DU GSUNGS PA'I GNAS NI THOG MAR RI RAB KYI RTZE DANG, ,PHYIS DPAL LDAN 'BRAS SPUNGS KYI MCHOD RTEN YIN LA, GSUNG BA PO NI STON PA SH'AKYA'I RGYAL PO 'KHOR LO SDOM PA'I RNAM PAR BSTAN PA NYID YIN TE, MKHA' 'GRO RGYA MTSO LAS, RTZOD PA'I DUS KYI SA'I NANG DU, ,BCOM LDAN MTHA' YAS PAS 'DI GSUNGS, ,SH'AKYA SENG GES GSUNGS PA'I RGYUD, CES DANG RTZA RGYUD LAS, DPA' BOS MDOR BSDUS GSUNGS PA YIN, ZHES GSUNGS PAS SO, ,ZHU BA PO NI PHAG MO YIN PAR DE NYID LAS BSHAD LA, PHYAG RDOR GYIS ZHUS PA'I TSUL YANG YOD DO, ,SDUD PA PO NI MKHA' 'GRO RGYA MTSOR, BSDU BA MDZAD PA SOGS RNAMS KYIS, ,BDAG LAS BGROD PA DE THOB BO, ,MA MO THAMS CAD 'DUS RNAMS KYIS, ,RDO RJE'I GNAS RNAMS SU BSDUS SO, ,GCIG LA GCIG GI BZHED PA NI, ,GSOL BA 'DEBS SHING GSOL 'DEBS MDZAD, BCOM LDAN 'DAS KYIS GSUNGS PA YI, ,TSIG 'DI LA NI MNGON PAR DGA', ZHES RNAL 'BYOR MA RNAMS KYIS RDO RJE'I GNAS AOORYA NA LA SOGS PAR BSDUS PAR GSUNGS SO, ,GSUM PA NI, RDO RJE GDAN PAS, YIG MKHAN RIGS
, ,LA SKAL BAR LDAN, ,NYA LTO ZA ZHING DNGOS GRUB BRNYES, ,L'U AI PA ZHES BYA BA YI, ,BLA MA DE LA PHYAG 'TSAL LO, ZHES BSTOD PA'I AOORYAN GYI SLOB DPON CHEN PO KUN TU DGE BA MTSAN GZHAN LI'U AI PA ZHES GRAGS PA GRUB PA'I DBANG PHYUG CHEN PO DE NYID KYIS BDE MCHOG GI MNGON PAR RTOGS PA'I GZHUNG MDZAD CING, 'DI LA YANG LA BA PA LA SOGS PAS MDZAD PA'I RGYA 'GREL BDUN YOD PAR GRAGS SO, ,DE'I DNGOS SLOB RGYAL PO DHA RI KA PAS SGRUB THABS DE NYID KYI DKYIL CHOG MDZAD LA, DE'I SLOB MA RDO RJE DRIL BU PAS RIM PA GNYIS RI RIGS PAR STON PA'I GZHUNG LNGA DANG, GRUB CHEN NAG PO SPYOD PAS MDZAD PA'I GZHUNG DRUG RNAMS SU YOD DO, ,GNYIS PA LA GNYIS, SGRUB THABS SPYI'I CHINGS BSHAD PA DANG, SGRUB THABS DNGOS BSHAD PA'O, ,DANG PO NI, RTZA RGYUD LAS, GOS DANG PHYAG RGYA LNGA LA SOGS, ,SHES RAB YAN LAG PHUR BU GUR, ,A'A LI K'A LI ZHES BRJOD NAS, ,RGYU SOGS STONG PA SNGON 'GRO BA, ,'JUG PA SGRA LA SOGS PA NAS, ,JI SRID BSDUS PA'I SBYOR LDAN PA, ,BDUD RTZI TSIM BYED MYA NGAN 'DAS, ,LAG PA'I MCHOD PA DBANG BSKUR BA, ,GO CHA CHEN POS YANG DAG BSRUNG, ,SNGAGS RNAMS KUN GYIS MCHOD PAR BYA, ,DE LTAR DE NYID BCU BZHI NI, ,MDOR BSDUS NAS NI BSHAD PA YIN, ZHES RTZA RGYUD KYI DON DE NYID BCU BZHIR BSDUS PA 'DI LA RGYUD DON THAMS CAD BSDUS PA DANG, NANG RDZOGS RIM LA SBYAR BA DANG, PHYI BSKYED RIM LA SBYAR
TE BSHAD PA GSUM LAS, PHYI MA YI DBANG DU BYAS NA GOS KYI SKAD DOD B'A SA NA ZHES PA GNAS LA'ANG 'JUG PAS, SGRUB PA POS GANG DU BSGOM PA'I GNAS KYI DE NYID BSTAN, PHYAG RGYA LNGA'I DE NYID KYIS SGRUB PA PO CHAS SU 'JUG TSUL BSTAN, SHES RAB YAN LAG GI DE NYID KYIS SGRUB GROGS PHYAG RGYA BSTAN, PHUR BU DANG GUR GYI DE NYID KYIS BSRUNG 'KHOR BSTAN, A'A LI K'A LI'I DE NYID KYIS A'A LI'I DE NYID DANG K'A LI'I DE NYID GNYIS BSTAN, RGYU SOGS STONG PA SNGON DU 'GRO BA'I DE NYID KYIS YE SHES KYI TSOGS GSOG PA SOGS SNGON DU STONG NYID BSGOM TSUL BSTAN, 'JUG PA SGRA LA SOGS PA'I DE NYID KYIS N'A DA NAM MKHAR 'JOG PA NAS RGYU RDO RJE 'DZIN PA H'Um YIG TU BSKYED PA'I BAR BSTAN, BSDUS PA'I SBYOR PA DANG LDAN PA'I DE NYID KYIS 'BRAS BU RDO RJE 'DZIN PA BSKYED PA NAS YE SHES KYI 'KHOR LO DANG DBYER MED DU BYED PA'I BAR BSTAN, BDUD RTZI TSIM BYED KYI DE NYID KYIS PHYI NANG GSANG BA'I MCHOD PA RNAMS BYED TSUL BSTAN, MYANG 'DAS KYI DE NYID KYIS NYER BSDU DANG RNAL 'BYOR CHEN PO BSGOM TSUL BSTAN, GO CHA'I DE NYID KYIS YAB YUM GNYIS LA GO CHA'I LHA DANG YI GE'I GO CHA 'GOD TSUL BSTAN, LAG MCHOD KYI DE NYID KYIS RGYUD 'DI'I THUN MONG MA YIN PA'I KHYAD CHOS GA-YON PA'I KUN SPYOD SOGS DAM TSIG RNAMS LA SLOB TSUL BSTAN, DBANG BSKUR BA'I DE NYID KYIS SLOB MA DANG LHA LA DBANG BSKUR BA'I DE NYID BSTAN, SNGAGS MCHOD KYI DE NYID KYIS RGYUD 'DI'I THUN MONG
, ,MA YIN PA'I KHYAD CHOS SNGAGS MCHOD BYED TSUL RNAMS BSTAN NO, ,GNYIS PA LA GSUM, GANG GIS BSGOM PA'I RTEN, GANG DU BSGOM PA'I GNAS, JI LTAR BSGOM PA'I TSUL LO, ,DANG PO NI, BSHES GNYEN BSTEN TSUL NAS BZUNG STE, SKYES BU GSUM GYI LAM RIM LA BLO LEGS PAR SBYANGS PA CIG DGOS TE, SDOM 'BYUNG LAS, BRTAN ZHING DUL LA BLO GROS LDAN, ,BZOD LDAN DRANG ZHING GA-YO SGYU MED, MI DGE BCU NI YONGS SU SPANGS, , SEMS CAN RNAMS LA BYAMS PAR BLTA, ,'BAR BA'I ME DANG DUG BZHIN DU, ,GZHAN GYIS NOR LA MI REG CING, ,RTAG PAR RGYUN DU BLA MA MCHOD, ,DAM CHOS BLTA BAR SPRO BA DANG, ,RTAG TU SBYIN PA LA SOGS DGA', ,'JIG RTEN PHA ROL MNGON PAR 'DOD, ,DE DAG SLOB MAR RAB BSNGAGS TE, ,DKYIL 'KHOR DGE BA BSTAN PAR BYA, ZHES GSUNGS PA'I PHYIR RO, ,DE'I 'JUG TU MTSAN NYID DANG LDAN PA'I RDO RJE SLOB DPON LEGS PAR BSTEN NAS DBANG BSKUR BA THOB CING KHAS BLANGS PA'I DAM TSIG DANG SDOM PA TSUL BZHIN BSRUNG BA CIG DGOS TE, DE NYID LAS, JI LTAR NYE BAR BSTAN PA BZHIN, ,PHYI NAS DAM TSIG SPYOD PAR BRTZON, ,SNOD DU BYAS PA'I RGYU LAS NI, ,'KHOR LO LA SOGS SGOM RIM GYIS, ,YANG DAG MAN NGAG PHUN TSOGS RNAMS, ,'GRUB PAR 'GYUR RO GZHAN DU MIN, ZHES PA LTAR RO, ,GNYIS PA NI, MNGON BRJOD LAS, RI SUL DANG NI RI RTZE DANG, ,CHU BO CHEN PO'I DOGS DAG DANG, ,RGYA MTSO CHEN PO'I 'GRAM
DAG DANG, ,SHING GCIG DANG NI DGE BA'I GNAS, ,MA MO'I KHYIM MAM DUR KHROD DANG, ,SNA TSOGS DBEN PA'I SA PHYOGS SAM, ,LHA KHANG DANG NI MCHOD RTEN NAM, ,KHYIM MAM BZHI MDO DAG TU NI, ,SGRUB PA PO YIS SBYOR BSGRUBS NA, , 'DOD PA KUN GYI 'BRAS BU STER, ZHES PA'I GNAS RNAMS SAM, GTZO BOR YID DANG MTHUN PA'I GNAS SO, ,GSUM PA LA GNYIS, RIM PA DANG PO'I SKU GSUM GYI RNAM GZHAG RAGS PA TZAM BRJOD PA DANG, SKABS SU BABS PA'I DON NYID BSHAD PA'O, ,DANG PO NI, 'DZAM BU GLING PA'I MI MNGAL SKYES KHAMS DRUG LDAN PA ZHIG 'CHI BA NA, GNYIS SNANG RAGS PA SNANG MCHED THOB GSUM DANG BCAS PA 'OD GSAL DU BSDUS PA NI 'CHI BA CHOS SKU DANG, DE LAS BAR DO GRUB PA NI BAR DO LONGS SKU DANG, BAR DO DE KHU KHRAG GI DBUS SU SKYE BA BLANGS PA SKYE BA SPRUL SKU STE GZHI'I SKYE SHI BAR DO GSUM LA SKU GSUM GYI THA SNYAD DANG, KHAMS DKAR DMAR GNYIS LA A'A LI K'A LA'I THA SNYAD SDOM 'BYUNG LAS MDZAD DO, ,MNGAL DU RTZA KHAMS CHAGS TSUL NI, RTZA STONG PHRAG DON GNYIS KYI NANG NAS THOG MAR SNYING GA'I RO RKYANG DBU MA GSUM DANG, DE NAS GNAS NYER BZHI'I RTZA DANG, DE NAS LHAG MA GZHAN RNAMS CHAGS LA, DE BZHIN DU THOG MAR SNYING GA'I DH'U T'I'I NANG GI KHAMS DKAR DMAR CHAGS, DE'I 'OG TU SPYI BO DANG LTE BA'I RTZA 'KHOR GYI DBUS SU KHAMS DKAR DMAR GNYIS RIM BZHIN CHAGS, DE NAS GNAS NYER BZHI'I RTZA NANG GI KHAMS RNAMS CHAGS PA YIN NO, ,SNYING GA'I THIG
, ,LE LA DPA' BO DANG, HE RU KA DANG, DBYING DANG, H'Um YIG DANG, MI SHIGS PA'I THA SNYAD MDZAD, LTE BA'I THIG LE LA AA THUNG DANG, GTUM MO DANG, BDAG MED MA DANG, PHAG MO'I THA SNYAD MDZAD, GNAS NYER BZHI'I RTZA NANG GI KHAMS LA DPA' BO DANG, RTZA RNAMS LA RNAL 'BYOR MA'I THA SNYAD MDZAD DO, ,MTHAR 'CHI BA NA RTZA STONG PHRAG DON GNYIS KYI NANG NAS RGYU BA'I THIG LE RNAMS SNYING GA'I DH'U T'I'I NANG DU BSDUS NAS 'CHI BA 'OD GSAL NYAMS SU MYONG BA YIN NO, ,DE NA SKABS 'DIR SBYANGS GZHI'I RNAM GZHAG DE LTAR SHES DGOS TE, SGRUB THABS 'DIR DE DGE SBYONG BA LA 'JUG PA'I PHYIR RO, ,SBYANG GZHI DE DAG SPYOD PA'I DBANG DU MDZAD NAS RTZA BSHAD KYI RGYUD RNAMS LAS SGRUB THABS BZHI BCU TZAM BSHAD CING, DE DAG THAMS CAD KYANG SBYANG GZHI SBYONG BA DANG, RDZOGS RIM ZAB MO'I SMIN BYED DANG, 'BRAS BU SKU GSUM 'GRUB PA LA 'DUS PA BA RNAMS DANG KHYAD PAR MED KYANG, 'DIR NI SPYIR DGA' BA BZHI DANG GTZO BOR LHAN SKYES BSGRUB PA'I THABS STON TO, ,GNYIS PA LA GNYIS, THUN GYI NGO BO LA JI LTAR BYA BA DANG, THUN SNGA PHYI'I BAR DU JI LTAR BYA BA'O, ,DANG PO LA GSUM, THUN GYI 'GOR JI LTAR BYA BA DANG, DNGOS GZHI LA JI LTAR BYA BA DANG, MJUG TU JI LTAR BYA BA'O, ,DANG PO LA GNYIS, SPYI'I SNGON 'GRO DANG, SKABS 'DI'I SNGON 'GRO'O, ,DANG PO LA NANG MCHOD BYIN RLABS, SNGON 'GRO GTOR MA, BDAG BSKYED KYI MCHOD PA BYIN RLABS, RDO RJE SEMS DPA'I
ZA SGOM BZLAS BYA BA DANG BZHI'O, ,DANG PO NI, SGRUB PA PO RANG NYID CHAS SU 'JUG PA DANG, RO GDAN LA 'DUG PAR MOS PA DANG, BDUD RTZI RIL BU 'AM NANG MCHOD KYIS KHA DAG PAR BYAS LA, THOG MAR HE RU KA YUM BCAS KYI SKUR BSGOM DGOS TE, RANG THA MAL GYI SNANG ZHEN DANG LDAN PAS NANG MCHOD SOGS BYIN GYIS RLOB MI NUS PA'I PHYIR RO, ,DE'I 'OG TU NANG MCHOD BYIN GYIS BRLABS PA LA DGOS PA YOD DE, MCHOD GTOR RNAMS LA NANG MCHOD KYIS GTOR NAS BGEGS BSAD DGOS LA, BTUNG BA THA MAL PAS DE DAG BYA MI NUS PA'I PHYIR RO, ,DE YANG RANG LHA'I RNAL 'BYOR DANG LDAN PAS LAS SNGAGS BRJOD CING DU MA SKYES MA DPAG TU MED PA SPROS TE BGEGS BSKRAD PAR BSAM PA NI BSANG BA DANG, SVA BH'A WA'I SNGAGS BRJOD NAS NANG MCHOD KYI RDZAS SNOD DANG BCAS PAS MTSON PA'I MA DAG PA'I SNANG BA SBYANGS TE, BDE STONG DBYER MED KYI RNAM ROL DU BLTA BA NI SBYANG BA YIN NO, ,BSKYED PA NI GTOR MA BYIN RLABS LTAR BYA BA YIN LA, DRIL BU PAS, DE STENG A'A: LAS PADMA'I SNOD, DUM BU GCIG PA NANG DMAR PO, ZHES BSHAD PA LTAR THOD PA'I NANG DU RDZAS RNAMS BZHAG PA L'A DGOS PA YOD DE, THOD PA'I SKAD DOD KA P'A LA BDE BA SKYOD BA LA 'JUG PA DANG, THOD PAR THOD PA'I PHYI DKAR BAS STONG PA DANG, NANG DMAR BAS BDE BA DANG, DE NYID THOD PA GCIG LA TSANG BAS BDE STONG DBYER MED KYI YE SHES MTSON PA'I RGYU MTSAN GYIS YIN PA'I PHYIR RO, ,SHA LNGA BDUD RTZI'I RDZAS SU 'JOG PA'I RGYU MTSAN
, ,YOD DE, DE LA SBYANGS RTOGS SBAR GSUM BYAS NAS LONGS SPYAD CING LHA LA PHUL BAS, DNGOS GRUB MYUR DU 'GUGS PAS LCAGS KYU LNGA DANG, DNGOS GRUB GSAL BAR BYED PAS SGRON MA LNGA ZHES BSHAD PA'I PHYIR RO, ,DRI CHEN SOGS BDUD RTZI'I RDZAS SU 'JOG PA'I RGYU MTSAN YOD DE, DE DAG LUS ZUNGS CHAGS PA'I DVANGS MA YIN PAS, DE LA SBYANGS RTOGS SBAR GSUM BYAS TE LONGS SPYAD CING LHA LA PHUL BAS, 'CHI MED 'GRUB PA'I CHA NAS YIN PA'I PHYIR RO, ,BDUD RTZI'I RDZAS RNAMS LUGS 'BYUNG LUGS LDOG GIS BSKYED PA LA DGOS PA YOD DE, RDZOGS RIM DANG, 'BRAS BU'I SKABS SU LHAN SKYES KYI DGA' BZHI LUGS 'BYUNG LUGS LDOG TU 'BYUNG BA DE MTSON BYED YIN PA'I PHYIR RO, ,BDUD RTZI LNGA GSHEGS PA LNGA'I SA BON DANG, SHA LNGA GSHEGS MA LNGA'I SA BON LAS BSKYED CING, YI GE DE DAG GIS MTSAN PAR BYAS PA LA DGOS PA YOD DE, BDUD RTZI LNGA GSHEGS PA LNGA'I NGO BO DANG, SHA LNGA GSHEGS MA LNGA'I NGO BOR BYIN GYIS RLOB PA'I CHED YIN PA'I PHYIR RO, ,BYIN GYIS BRLAB TSUL DNGOS NI H'Um DKAR PO LAS BYUNG BA'I KHA tV'Am GA THOD PAR LHUNG NAS BYIN GYIS BRLAB PA'I RGYU MTSAN YOD DE, KHA TV'Am GAS MTSON PA'I HE RU KA'I THUGS BDE STONG GI YE SHES KYI NGO BOR BYIN GYIS RLOB PA'I CHED YIN PA'I PHYIR RO, ,DE NAS DBYANGS GSAL GYI YI GE'I GZUGS RNAMS BDUD RTZI'I STENG DU BSAM NAS YI GE GSUM GYI NGO BOR
BSGYUR TE BYIN GYIS BRLABS PA LA DGOS PA YOD DE, ,A'A LI K'A LIS MTSON PA'I BDE STONG GI YE SHES SAM, RDO RJE GSUM GYI BDAG NYID DU BYIN GYIS BRLAB PA'I PHYIR RO, ,GNYIS PA NI, MKHA' 'GRO RGYA MTSOR ZHING SKYONG LA GTOR MA STER BAR BSHAD PA LTAR, DKAR PHYOGS SKYONG BA'I PHYOGS SKYONG DANG ZHING SKYONG SOGS 'JIG RTEN PA RNAMS LA GTOR MA PHUL NAS 'PHRIN LAS BCOL BA LA DGOS PA YOD DE, SGRUB THABS DNGOS GZHI BSGOM PA LA BGEGS KYI BAR CHAD MI 'BYUNG BAR BYA BA'I CHED YIN PA'I PHYIR RO, ,'JIG RTEN PA RNAMS 'OD GSAL DU BCUG NAS LHA'I SKUR BSGOMS PA LA DGOS PA YOD DE, DE DAG LA PHAN GDAGS PA DANG SGRUB PA PO RANG NYID THA MAL GYI SNANG ZHEN DANG BRAL BAR BYA BA'I CHED YIN PA'I PHYIR RO, ,GZHAN RNAMS SLA LA SNGAGS DON NI MTSAN BUR BKOD PA LTAR YIN NO, ,AOm KHA KHA, KH'A HI KH'A HI, SARBA YAKshA, R'AKshA SA BH'U TA, PRE TA, PI SH'A TZA, AUNM'A DA, AA BA SM'A RA, BADZRA NA KA d'A KI N+YA DA YA: AI MAm BA YIm GRI HnANTU, SA MA YAR KshANTU, MA MA SARBA SIDDHI MME PRA YA TZTSA NTU, YA THEE PAm, YA THEE shtAm, (ZO ZO, ZO SHIG ZO SHIG ,GNOD SBYIN THAMS CAD, SRIN PO 'BYUNG PO, YI DVAGS, SHA ZA, SMYO BYED, BRJED BYED, ROD RJE MKHA' 'GRO, MKHA' 'GRO MA RNAMS LA STER BAS, GTOR MA 'DI GZUNG DU GSOL, DAM TSIG BSRUNG BA GYIS SHIG ,BDAG LA DNGOS GRUB THAD STZAL DU GSOL, JI LTAR 'DOD PA, DE LTAR,
, ,BHUm DZA THA, BI PA THA, DZI GHRA THA, M'A TI KRA MA THA, MA MA SARB'A K'A RTA Y'A, SANG SU KHAm BI SHUDDHA YE, SA HA YI KA, BHA WANHU H'Um H'Um PHAt: PHAt: SV'AH'A, ,GSUM PA NI, SDOM 'BYUNG LAS, MCHOD YON ZHABS BSIL BSANG GTOR DAG ,CES DANG, (BZA' BA, BTUNG BA, MYANG BAR GYIS, RIM PA LAS MA 'NGA' BAR, BDAG GI DGOS PA THAMS CAD, BDE BA DAM PA RNAM PAR DAG PA'I, GROGS MDZAD DU GSOL), ME TOG BDUG PA MAR ME DRI, ,DE BZHIN ZHAL ZAS DBUL BAR BYA, ZHES GSUNGS PAS, CHU BZHI NYER SPYOD ROL MO DANG BCAS PA YIN LA, BIRWA PAS, DE RJES YI GE GSUM SNGAGS KYIS, ,MNGON PAR BSNGAGS PA'I DAM TSIG CHUS, ,MCHOD RDZAS DAG LA BSANG GTOR BYA, ZHES DANG, BHU BA BLO LDAN GYIS, BI MU MAR 'DI LEGS BKANG, ,BGEGS KUN RNAM PAR SEL BAR BYED, CES BSHAD PA LTAR, NANG MCHOD GTOR LA BSANG SBYANG SNGAR BZHIN DU BYA'O, ,DE NAS KAm LAS THOD PA'I SNOD RNAMS SU, H'Um LAS MCHOD RDZAS RNAMS DANG BZHIN STONG NYID, RNAM PA MCHOD RDZAS, BYED LAS DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN BSKYED PAR BSAM STE, BRTAG GNYIS LAS, SNA TSOGS H'Um LAS RDZOGS PA DANG, ,ME TOG LA SOGS DBUL BAR BYA, ZHES GSUNGS PAS SO, ,MCHOD RDZAS RNAMS H'Um YIG LAS BSKYED PA LA DGOS PA YOD DE, H'Um YIG GTZO BO'I THUGS GNYIS SU MED PA'I YE SHES KYI SA BON YIN PAS, YE SHES DE NYID MCHOD RDZAS KYI RNAM PAR SHAR BAR MOS DGOS PA'I
PHYIR RO, ,BZHI PA NI, SNYING PO RGYAN LAS, SANGS RGYAS KUN GYI SKU GCIG PU, ,PAD DKAR ZLA BA'I DBUS GNAS SHING, ,RDO RJE DRIL BU RGYAN SPRAS PA'I, ,RDO RJE SEMS DPA' LEGS DMIGS SHING, ,YI GE BRGYA PA CHO GA BZHIN, ,NYI SHU RTZA NI RE RE BZLAS, ,LTUNG SOGS BYIN GYIS BRLAB 'GYUR BAS, ,'PHEL BA RU NI MI 'GYUR ZHES, ,GRUB PA MCHOG RNAMS KYIS BSHAD PAS, ,THUN MTSAMS SU NI SPYAD PAR BYA, ,'BUM PHRAG TU NI BZLAS GYUR NA, ,RNAM PAR DAG PA'I BDAG NYID 'GYUR, ZHES BSHAD CING, BZLAS BYA'I SNGAGS NI, AOm BADZRA DHE RU KA SA MA YA, MA NU P'A LA YA, HE RU KA TVE NO PA TIshthA, Di dHO ME BHA WA, SU TO shYO ME BHA WA, AA NU RA STO ME BHA WA, SU PO shYO ME BHA WA, SARBA SI DDHI MME PRA YATZTSA, (SKU RDO RJE RDO RJE KHRAG 'THUNG, DAM TSIG GO ,RJES SU SKYONGS, KHRAG 'THUNG NYID KYIS NYE BAR GNAS BAR MDZOD, BSTAN PA'I BDAG LA DNGOS POR MDZOD BDAG LA DGYES PA'I DNGOS POR MDZOD, BDAG LA CHAGS PA'I DNGOS POR MDZOD, BDAG LA SHIN TU RGYAS PA'I DNGOS POR MDZOD, THAMS CAD DNGOS GRUB BDAG LA STZAL DU GSOL,) SARBA KARMA SU TZA ME, TZITTAm SHRI YA: KU RU H'Um, HA HA HA HA HO, BHA GA WAN, BADZRA HE RU KA M'A ME MU NYTZA, HE RU KO BHA WA, MAH'A SA MA YA SATVA A'A: ZHES PA'I SNGAGS DON DNGOS ZIN TZAM NI MTSAN BU LTAR RO,, (THAMS CAD LAS KUN LA YANG BDAG GI ,SEMS KYI DPAL DU MDZOD, THUGS RDO RJE, YE SHES LNGA, BCOM LDAN 'DAS, RDO RJE KHRAG 'THUNG BDAG LA GROL BAR MDZOD KHRAG 'THUNG DNGOS PO, CHEN PO DAM TSIG SEMS DPA' GSUNG RDO RJE,
, ,GNYIS PA SKABS 'DI'I SNGON 'GRO LA BZHI, SGO GSUM DAG PAR BYAS NAS TSAD MED BZHI BSGOM PA, PHUNG KHAMS SKYE MCHED BYIN GYIS BRLAB PA, BSRUNG 'KHOR BSGOM PA, TSOGS BSAG PA'O, ,DANG PO NI KUN SPYOD LAS, SHR'I NI GNYIS MED YE SHES TE, ,HE NI RGYU SOGS STONG PA YIN, ,RU NI BKOD DANG BRAL BA STE, ,KA NI GANG DU'ANG MI GNAS PA, ZHES PA'I DON MKHA' 'GRO RGYA MTSOR, AE WAm LA SOGS GNYIS MED PA'ANG, , SHR'I ZHES BYA BA'I YI GE DES BRJOD, ,HE YIG SNYING GA NAS KUN TU, ,HE RU KA SOGS RANG 'KHOR 'GRO, SGOM PA KUN GYI 'BYUNG GNAS LAS, ,'DZIN PA LA SOGS RNAM BSKYED 'GYUR, ,DE NI RGYU STONG BDAG NYID DE, ,RGYU'I BDAG NYID DU MI RTOG PA'O, ,RANG BZHIN CHOS BDAG MED PA NYID, ,DE NI STONG PA'I RNAL 'BYOR GNAS, ,BKOD PA GANG ZAG BDAG MED PA, ,RTOG PA'I DRA BA CHEN PO NI, ,RU YIG RKYEN GYI BDAG NYID CAN, ,DE NI BDAG GI BKOD BRAL BA'O, , SLAR BRJOD KA NI MA LUS PA'I, ,BDAG GI GNYIS BYAR MED SHES GANG, ,GANG PHYIR CI LA'ANG MI GNAS PA, ,DE PHYIR KA ZHES BYA BAR BRJOD, CES PA LTAR HE YIG GIS CHOS KYI BDAG MED DANG, RU YIG GIS GANG ZAG GI BDAG MED DANG, KA YIG GIS YUL CAN YE SHES DANG, SHR'I YIG GIS YUL STONG PA NYID DANG, YUL CAN BDE BA CHEN PO'I YE SHES GNYIS CHU LA CHU BZHAG PA BZHIN RO GCIG TU GYUR PAR MOS PA'I AE WAm GYI DON THABS
SHES DBYER MED DU BSGOM PA NI YID BDAG GNYIS SU 'DZIN PA'I DRI MA DAG BYED KYI RNAL 'BYOR RO, ,DE 'DRA BA'I BDE STONG DBYER MED KYI YE SHES RNAM PA HE RU KA YUM BCAS KYI SKUR LANGS LA DRANG NGES KYI HE RU KA NGA'O SNYAM DU BYAS NAS YI GE BZHI BRJOD PA NI LUS DAG BYED KYI RNAL 'BYOR YIN TE, SDOM 'BYUNG LAS, PHYAG GNYIS HE RU KAR SBYOR LDAN, ZHES GSUNGS PA'I PHYIR RO, ,DE NAS HE RU KA'I NGA RGYAL GYIS DBYANGS GSAL GYI PHRENG BA LTE BAR LAN GSUM BKOD CING NGAG NAS KYANG BRJOD DE, DE LAS 'KHOR LO GSUM GYI LHA TSOGS SPRO BSDU BYAS NAS SGRA THAMS CAD A'A LI K'A LI'I RNAM PAR SHAR BAR BSGOM PA NI NGAG DAG BYED KYI RNAL 'BYOR TE, KUN SPYOD LAS, RNAL 'BYOR PA YIS DANG POR BRJOD, CES BSHAD PAS SO, ,DE DAG LA DAG PA GSUM GYI RNAL 'BYOR ZHES BRJOD PA'I RGYU MTSAN YOD DE, SGO GSUM LA THA MAL GYI SNANG ZHEN DAG BYED KYI RNAL 'BYOR YIN PA'I PHYIR RO, ,DANG POR DAG PA GSUM GYI RNAL 'BYOR BSGOMS PA LA DGOS PA YOD DE, 'CHAD PAR 'GYUR BA'I SGO GSUM GYI BYA BA THAMS CAD DAG PA GSUM LDAN GYI RNAL 'BYOR DU 'CHAR BA'I CHED YIN PA'I PHYIR RO, ,DE'I RJES SU SDOM 'BYUNG LAS, GZHAN PHAN BSAM PA BYAMS PA STE; ;SNYING RJES GZHAN GYI SDUG BSNGAL 'JOMS, ,GZHAN BDES TSIM PA DGA' BA STE, ,SEMS CAN GZHAN SNYOMS BTANG SNYOMS SO, ZHES GSUNGS PA LTAR, TSANGS PA MI GNAS PA'I MYANG 'DAS THOB BYED TSAD MED BZHI BSGOMS
, ,PA LA DGOS PA YOD DE, 'CHAD PAR 'GYUR BA'I LAM THAMS CAD THEG CHEN GYI NYAMS LEN DU BYA BA'I CHED YIN PA'I PHYIR, ,GNYIS PA NI, DPRAL BA LA SOGS PA'I GNAS DRUG TU BHRUm LA SOGS PA'I SA BON DRUG LAS RIGS DRUG BSKYED DE, BDE STONG DBYER MED KYI YE SHES LHA DE DAG GI RNAM PAR SHAR BA LA DMIGS NAS RANG GI PHUNG SOGS DANG NGO BO DBYER MED DU BYAS TE NGA RGYAL DANG GSAL SNANG BSGOM PA YIN TE, KHYAD PAR GSAL BYED LAS, RIM PAS DPRAL BA LTE BA MGRIN, ,RKANG PA SNYING DANG SPYI BO RU'O, ,ZHES BSHAD PA'I PHYIR RO, ,HE RU KA NI MI BSKYOD PA'I NGO BO YIN CING PHUNG PO LNGA'I DE BZHIN NYID DAG BYED YIN PAS SPYI BOR BSGOM DGOS TE, PHUNG PO PHYI MA BZHI GZUGS PHUNG LA BRTEN LA, GZUGS PHUNG GI RTEN GYI GTZO BO BYANG SEMS SPYI BOR GNAS PA'I PHYIR RO, ,MIG LA SOGS PA'I GNAS DRUG TU AOm LA SOGS PA'I SA BON DRUG LAS SA SNYING SOGS DRUG DANG, DE BZHIN DU LTE BA LA SOGS PA'I GNAS LNGAR LAm LA SOGS PA'I SA BON LNGA LAS SPYAN MA LA SOGS PA'I YUM LNGA BSKYED DE, BDE STONG GI YE SHES LHA DE DAG GI RNAM PAR SHAR BAR DMIGS NAS RANG GI SKYE MCHED DANG, KHAMS RNAMS DANG NGO BO DBYER MED DU BYAS NAS NGA RGYAL GSAL SNANG BSGOM PA YIN CING PADMA'I DRA BA CAN LA RDO RJE DBYINGS KYI DBANG PHYUG MAR BSHAD DO, ,DE DAG LA PHUNG KHAMS SKYE MCHED BYIN GYIS RLOB PA'I RNAL 'BYOR ZHES BYA STE, RANG GI PHUNG KHAMS
SKYE MCHED RNAMS LA THA MAL GYI SNANG ZHEN BSAL NAS LHA'I NGO BOR BYIN GYIS RLOB PA'I RNAL 'BYOR YIN PA'I PHYIR RO, ,DE NAS AOm PRA KRI TA ZHES SOGS BSDOD NAS DE'I DON BSAMS TE, RANG BZHIN GYIS YONGS SU DAG PA'I CHOS THAMS CAD RANG BZHIN GYIS YONGS SU DAG PA NI NGA'O SNYAM DU NGA RGYAL BRTAN PO BZUNG BAR BYA BA YIN PA'I PHYIR RO, ,GSUM PA NI, BDE MCHOG GI SKOR LA, 'KHOR LO SER PO RTZIBS BCU KHRO BO DANG BCAS PA BSGOM PA SOGS BSRUNG 'KHOR RGYAS 'BRING BSDUS GSUM YOD KYANG, 'DIR NI 'BRING GI DBANG DU MDZAD PAS, DE'I TSUL YANG BDAG NYID HE RU KA'I NGA RGYAL GYIS, GA-YON PA'I MTHEB MDZUB KYIS SE GO LA PHYOGS BZHIR BRDAB CING SPROS PA'I ZHAL BZHI PA'I SNGAGS 'OD ZER DANG BCAS PA YONGS SU GYUR PA LAS SNA TSOGS RDO RJE'I RA BA GRU BZHI PA DANG, SNA TSOGS RDO RJE'I H'Um GI 'OD ZER LAS SPROS PA'I RDO RJE'I SA GZHI DANG, RDO RJE RTZE LNGA PA KHA GYES PA MDA'I MDE'U LTAR 'BIGS PAR BYED PA PHAN TSUN DU BSNOL MAR 'KHYUG PAS, BGEGS LA SOGS PA'I SPYI BO NAS RKANG MTHIL GYI BAR THAL BYUNG DU 'BIGS PA'I MDA'I DRA BA DANG, RA BA'I RGYA DANG MNYAM PA'I DBYIBS GRU BZHI PA RTZE MO JE PHRAR SONG BA'I RDO RJE'I GUR DANG, DE'I 'OG TU RDO RJE'I RANG BZHIN GYI BLA GRE, RDO RJE CHE BA'I KHONG SENG RNAMS KYANG RDO RJE CHUNG BAS BAR MTSAMS MED PAR GTAMS PAS SRA BA'I RANG BZHIN CAN, THAMS CAD KYANG PHYI ROL DUM BU GCIG TU GYUR PAS SED MED PAR BSGOM PAR BYA LA
, ,DE'I PHYI ROL DU RDO RJE'I ME DPUNG RAB TU 'BAR BA DKAR PHYOGS RNAMS KYIS 'OD ZER GYI PHUNG POR MTHONG ZHING, BGEGS RNAMS KYIS BSREG PA'I RANG BZHIN CAN BLTA MI BZOD PAR BSGOM DGOS TE, RTZA RGYUD LAS, RA BA RNAMS NI PHYOGS SU DGOD, ,'OG TU YANG NI MTSON CHA DGOD, ,'KHOR LO BDAG NYID MTSON CHA MNYAM, ,STENG DU MDA' YI DRA BA BYA, ,SLAR YANG BDAG NYID MKHA' SPYOD DU, ,GUR BCAS 'DI NI GO CHAR 'GYUR, ,DE LTAR GO CHA DE BGOS NA, ,SUM CU PAS KYANG MI PHYED DO, ZHES GSUNGS PA'I PHYIR RO, ,DE YANG RA BA'I DPANGS NI STENG TSANGS PA'I 'JIG RTEN NAS, 'OG GSER GYI SA GZHI LA THUG PA DANG, RGYAR LCAGS RI'I BAR RAM, BLOS JI LTAR 'TSAMS PA BSGOM ZHING, SNA TSOGS RDO RJE'I LTE BA LA H'Um YIG GIS MTSAN TSUL NI, RDO RJE'I LTE BA ZLUM PO'I DBUS SU H'Um YIG LANGS PA SNYING PO LTAR SEMS PA'O, ,DE NAS AOm ME R'I NI SOGS BRJOD DE SNGAGS DON NI RIM PA BZHI NAS GZHI RDO RJE'I RANG BZHIN DU 'CHING BA DANG, RDO RJE'I RA GUR, BLA BRE, MDA'I DRA BA, ME RI ZHES PA DANG, PAm GNYIS DANG, SAm DANG KHAm NI GUR DANG, MDA'I DRA BA DANG, RA BA DANG, BLA BRE RNAMS KYI MING YIG DANG PO STE, DE RNAMS LA BDE STONG GI RGYAS BTAB NAS BYIN GYIS BRLAB PA'O, ,DE LTAR BYAS PA LA DGOS PA YOD DE, SGRUB THABS DNGOS GZHI BSGOM PA LA BGEGS KYI BAR CHAD MI 'BYUNG BA'I CHED YIN PA'I PHYIR RO, ,DE'I 'OG TU RTZA RGYUD LAS, SKAD CIG GIS NI
SKU BRGYAD 'GYUR, ,BDE BA'I DKYIL 'KHOR BSRUNG DON DU, ,GDUG PA THAMS CAD KHYAD PAR GYI, ,'DI NI RNYED PA TZAM GYIS KYANG, ,BRTAG MI DGOS PAR 'CHI BAR 'GYUR, ZHES DANG, KUN SPYOD LAS KYANG, KHRO BO RNAM RGYAL LA SOGS PA; ;SGO DANG MTHA'I MTSAMS RNAMS SU, ,SNA TSOGS 'DUL BA'I THABS CAN GYIS, ,SEMS CAN DON LA BRTZON PAR MDZAD, CES BSHAD PA LTAR SGO MTSAMS MA BRGYAD BSKYED NAS, MNGON BRJOD LAS, BGEGS KUN GYI NI KLAD PA LA, ,RDO RJE PHUR BU DGOD CING MNAN, ,LUGS 'BYUNG LUGS LAS LDOG PA YI, ZHES 'BYUNG BA LTAR PHUR BU 'DEBS PA LA GZHAN RNAMS GO SLA LA, GHA GHA SOGS KYI SNGAGS DON NI, AOm LA AA AU MA GSUM YOD PA'I AA LA AU ZHUGS PAS AO RU SONG BA'I STENG DU MA YIG GI THIG LE BZHAG PAS AOm YIN LA, YI GE GSUM PO 'DIS SKU GSUNG THUGS GSUM MTSON, DE GSUM AOm YIG GCIG TU GYUR PAS RDO RJE GSUM DBYER MI PHYED PA MTSON, MTSON DON DE DRAN PA'I SGO NAS AOm ZHES BRJOD NA PHAN YON BDUN 'BYUNG STE, RTZE MO LAS, AOm NI CI ZHIG YIN PAR BRJOD, ,MCHOG DANG NOR STER DPAL DANG GA-YANG, ,SKAL BZANG RNAM PA DANG LDAN ZHING, ,DAM BCA' BA DANG BKRA SHIS DON, ,NOR BU 'DZIN PA'I SNYING PO YIN, ZHES GSUNGS PA'I PHYIR RO, ,GHA GHA NI GSOD BYED LA BOD PA DANG, GH'A TA YA GNYIS NI CHOMS SHIG PA GNYIS DANG, SARBA DUshtAm NI MA RUNGS PA THAMS CAD, PHAt NI DON DE GSAL
, ,BAR BYED PA'I SA BON DANG, ,K'I LA YA K'I LA YA SARBA P'A BAm NI SDIG PA'I BSAM PA CAN THAMS CAD PHUR BUS THOB PA MI 'GUL BAR GYIS SHIG DANG, PHAt NI DAGS PA DANG, H'Um GSUM NI DE KHO NA NYID BSKUL BA DANG; BADZRA K'I LA YA BADZRA DHAR A'ADZNY'A PA YA TI NI RDO RJE PHUR BU RDO RJE 'CHANG GI BKA' NYON CIG CES PA DANG, K'A YA W'A KA TZETTA BADZRA K'I LA YA NI BGEGS KYI LUS NGAG YID GSUM RDO RJE PHUR BUS THOBS SHIG PA DANG, H'Um PHAt NI SLAR YANG BSKUL BA'I DON DANG, PHYI MA'I SNGAGS DON NI, RDO RJE THO BA RDO RJE PHUR BU RDUNGS SHIG PA'O, ,LHAG MA SGRUB THABS LTAR BYA DGOS TE, DRIL BU BAS, THO BAS BRDUNGS TE PHUR PA GDAB, ,BGEGS RNAMS RDZOGS PA'I BYANG CHUB 'GYUR, LHA MO 'ONG GYUR 'DUS 'PHROS PAS, ,RDO RJE PADMA 'KHOR LO MA, ZHES GSUNGS PA'I PHYIR RO, ,DE DAG NI PHYI'I BGEGS MI 'BYUNG BA'I PHYIR YIN LA, BDE STONG GI RNAM ROL TU BLTA BA NI BSRUNG 'KHOR 'KHOR BA'I RGYU LAS 'DAS PA'I MCHOG GI LAM DU BYA BA DANG, BGEGS LA PHAN GDAGS PA DANG, 'GRO BA RNAMS KYANG BGEGS DANG BRAL BAR BSGOM PA NI, BSRUNG 'KHOR BYANG CHUB KYI SEMS KYIS ZIN PAR BYED PA'O, ,BZHI PA TSOGS BSAG PA LA GNYIS, SBYANG GZHI 'DZAM BU GLING PA'I MI MNGAL SKYES KHAMS DRUG LDAN DU SKYE BA LEN PA'I RGYUR SKYE GNAS MYONG 'GYUR GYI LAS GSOG PA DANG CHOS MTHUN PAR BSOD NAMS KYI TSOGS BSAG PA, DE'I 'OG TU 'CHI BA MNGON DU BYAS PA
DANG CHOS MTHUN PAR 'CHI BA CHOS SKU'I LAM 'KHYER YE SHES KYI TSOGS BSAG PA'O, ,DANG PO NI SDOM 'BYUNG LAS, 'OD ZER PHRENG BA SPRO BAR BYA, ,DE YI SNANG BA LAS MDUN DU, ,BLA MA SANGS RGYAS SOGS DANG BAR, ,PHYAG 'TSAL ME TOG BDUG SOGS KYIS, ,MCHOD DE BZOD GSOL BLA NA MED, ,DKON MCHOG GSUM LA SKYABS 'GRO ZHING, ZHES GSUNGS PA LTAR RANG GI THUGS KA'I YE SHES LNGA'I RANG BZHIN CAN GYI H'Um YIG GI 'OD ZER GYIS TSOGS ZHING SPYAN 'DREN PA YIN LA, H'Um YIG YE SHES LNGAR 'JOG TSUL YANG YOD DE, AA BHYAS, AU DANG HA MGO BO THIG LE N'A DA DANG BCAS PA RIM BZHIN BYA BA SGRUB, SOR RTOG ,MNYAM NYID, ME LONG, CHOS DBYINGS TE YE SHES LNGAR BSHAD PA'I PHYIR RO, ,GANG NAS SPYAN 'DREN PA'I GNAS KYANG GZHAG TU YOD DE, DANG POR GANG DU SANGS RGYAS PA'I GNAS 'OG MIN NAS SPYAN 'DREN PAR AA BHY'A KA RAS BSHAD PA'I PHYIR, DE NAS BLA MA DANG LHA LA SDOM 'BYUNG NAS 'BYUNG BA LTAR PHYAG BYAS LA, CHU GNYIS NYER SPYOD RIG MA BCU DRUG DANG BCAS PAS MCHOD PA YIN LA, DE'I CHA DMIGS PA YID LA BYA BA'I TSUL YANG YOD DE, AOm ZHES PA DANG MNYAM DU MCHOD PA'I LHA MO RANG RANG GI MCHOD RDZAS 'DZIN PA NAM MKHA' GANG BA SPROS, RANG RANG GI MING SNGAGS BRJOD PA'I CHE MCHOD PAS MCHOD YUL RNAMS BDE BA CHEN POS MNYES PAR BYAS SV'AH'A RANG, H'Um PHAt KYI SKABS SU SNYING GAR BSDU BA YIN PA'I PHYIR, 'DI DAG DANG
, ,SPYAN 'DREN SROGS KYI TSE 'OD ZER SNYING GAR BSDUS PA LA DGOS PA YOD DE, RDZOGS RIM GYI TSE RLUNG THAMS CAD SNYING GA'I DH'U T'IR BSDUS PA LAS BYUNG BA'I 'OD GSAL 'CHAR BA'I RGYUD SMIN BYED YIN PA'I PHYIR, BSTOD PA DANG SEMS BSKYED YI RANG SKYABS 'GRO LAM RTEN DANG LUS 'BUL BA RNAMS KYANG BLA MA DANG DKYIL 'KHOR PA'I LHA TSOGS MNYES BYED YIN PAS MCHOD PA'I YAN LAG GO ,DE NAS TSOGS ZHING GSAL BA DMIGS NAS YI GE BRGYA PA BRJOD PAS RANG LA DGYES BZHIN DU TIM PAR BSGOM DGOS TE, MNGON RJOD LAS, SNGON GRUB PA NI BSKUL NAS NI, ,BYIN GYIS BRLAB PA'ANG BYED PA NYID, ,CES GSUNGS PA'I PHYIR RO, ,GNYIS PA NI, KHAMS GSUM RNAM PAR RIG PA'I SEMS KYIS BTAGS PA TZAM DU MOS NAS YI GE GSUM GYI DON RNAM PAR THAR PA'I SGO GSUM MAM, SNANG STONG ZUNG DU 'JUG PA SGYU MA LTA BUR BSGOMS LA SEMS CAN RNAMS KYIS ZHES PA NAS, THAR PAR BYA'O SNYAM DU CHOS LA DMIGS PA'I SNYING RJE BSGOMS PA'I 'OG TU, SVA BH'A WA'I SNGAGS DON, GZUNG BA DANG 'DZIN PAS BSDUS PA'I CHOS THAMS CAD RANG BZHIN GYIS RNAM PAR DAG PA'O SNYAM DU SO SOR RTOG PA'I SHES RAB KYIS BDAG MED GNYIS KYI DON BSGOM MO, ,DE NAS HE RU KA'I YI GE GSUM YONGS SU GYUR PA LAS, SMON LAM GYI DBANG GIS RANG GI SEMS KYI RNAM PA YI GE GSUM DU SHAR BA LAS 'KHOR LO GSUM GYI LHA TSOGS
SPRO BSDU BYAS TE, YI GE GSUM YANG SNGA MA PHYI MA LA RIM GYIS THIM PA'I MTHAR N'A DA'I SPROS PA YANG DOR TE, SEMS CAN RNAMS KYIS ZHES PA NAS THAR PAR BYA'O SNYAM DU DMIGS MED LA DMIGS PA'I SNYING RJE DANG, SH'U N+YA T'A'I SNGAGS DON YUL STONG PA NYID DANG YUL CAN BDE BA CHEN PO'I YE SHES DBYER MI PHYED PA'I BDAG NYID DE NGA'O SNYAM DU, RGYAL BA'I THUGS CHOS SKU LA NGA RGYAL 'JOG PA YIN NO, ,'DIR SNYING RJE GNYIS BSGOMS PA LA DGOS PA YOD DE; 'OG NAS KYI LAM THAMS CAD SNYING RJE CHEN POS ZIN PAR BYA BA'I CHED YIN PA'I PHYIR RO, ,'KHOR LO GSUM GYI LHA TSOGS SPRO BSDU BYAS PA LA DGOS PA YOD DE, RDZOGS RIM DANG 'BRAS BU'I SKABS SU DNGOS GNAS LA 'KHOR LO GSUM GYI LHA TSOGS SPROS NAS 'GRO DON MDZAD PA'I DGE RTZA SMIN BYED DU 'GYUR BA'I PHYIR RO, ,SKABS 'DIR SH'U N+YA T'A'I SNGAGS DON STONG NYID BSGOMS PA LA 'CHI BA CHOS SKUR 'KHYER BA'I RNAL 'BYOR ZHES BYA STE, SBYANG GZHI 'DZAM BU GLING PA'I MI MNGAL SKYES KHAMS DRUG LDAN ZHIG PHUNG SOGS RIM GYIS THIM NAS 'CHI BA MNGON DU BYED PA DANG CHOS MTHUN ZHING, SGRUB PA PO'I MA 'ONGS PA'I 'CHI BA SPYOD PAR BYED, LAM RDZOGS RIM GYI SKABS SU DPE DON GYI 'OD GSAL DANG RNAM PA MTHUN ZHING, DE 'DRA BA'I RTOGS PA RGYUD LA SKYE BA'I DGE RTZA SMIN BYED KHYAD PAR CAN DU 'GYUR, 'BRAS BU RGYAL BA'I THUGS BDE BA CHEN PO'I CHOS SKU DANG RNAM PA MTHUN ZHING, DA LTA NAS 'BRAS
, ,BU LAM BYED KYI TSUL DU NGA RGYAL BZHAG NAS BSGOMS PAS, CHOS SKU MNGON DU 'GYUR BA'I NUS PA KHYAD PAR CAN 'JOG PA'I PHYIR RO, ,DE LTAR BSGOMS PA DE SBYANG GZHI DANG CHOS MTHUN PA YANG YIN TE; AOm DKAR PO NI 'CHI BA 'OD GSAL DU 'JUG PA'I SKABS KYI SNANG BA DANG CHOS MTHUN, DE A'A: DMAR PO LA THIM PA SNANG BA MCHED PA LA THIM PA DANG, A'A: H'Um LA THIM PA MCHED PA NYER THOB LA THIM PA DANG CHOS MTHUN, H'Um N'A DA DANG BCAS PA STONG PAR THIM PA NI NYER THOB 'OD GSAL DU THIM PA DANG CHOS MTHUN PA YIN PA'I PHYIR RO, ,SNGAGS GNYIS KYI DON LTAR STONG NYID BSGOMS PA LA DGOS PA GZHAN YANG YOD DE, DBANG RTUL GYIS STONG NYID GSAR DU RTOGS PA DANG, 'BRING GIS BRJED PA DRAN PA DANG, RNON POS RTOGS ZIN BRTAN PA DANG, YE SHES KYI TSOGS BSAG PA DANG, SGO GSUM LA THA MAL GYI SNANG ZHEN SPONG ZHING, BSRUNG 'KHOR GYI MCHOG TU 'GYUR BA DANG, 'OG NAS KYI RTEN BRTEN PA THAMS CAD BDE STONG GI YE SHES KYI RNAM ROL DU 'CHAR BA'I CHED YIN PAR JO BO'I 'GREL PAR BSHAD PA'I PHYIR RO, ,GONG DU BSHAD PA'I SNYING RJE LA PHYE NA, SPYI DON DANG, SBAS MTHAR GYI SNYING RJE GSUM LAS, DANG PO LA SEMS CAN TZAM DANG, MI RTAG PA DANG, RANG BZHIN MED PAS KHYAD PAR DU BYAS PA'I SEMS CAN LA DMIGS NAS RNAM PA SDUG BSNGAL DANG BRAL BAR 'DOD PA'I RNAM PA CAN TE, 'JUG PAR, 'GRO BA GA-YO BA CHU YI NANG GI
ZLA BA LTAR, ,GA-YO DANG RANG BZHIN NYID KYIS STONG PAR MTHONG BA YIS, CES GSUNGS PA LTAR RO, ,SKABS 'DIR GZUNG 'DZIN BDEN PAS STONG YANG BDEN PAR BZUNG BA DANG, RANG BZHIN GYIS GRUB PAS STONG YANG RANG BZHIN GYIS GRUB PAR BZUNG NAS LAS GSOG PA'I SEMS CAN LA DMIGS NAS SDUG BSNGAL DANG BRAL BAR 'DOD PA'I RNAM PA CAN NO, ,GNYIS PA, SBAS PA NI DPE'I LHAN SKYES DANG, GSUM PA MTHAR THUG NI DON GYI LHAN SKYES SO, ,DE GNYIS LA SNYING RJE ZHES BRJOD PA'I RGYU MTSAN YOD DE, SNYING RJE'I SKAD DOD, K'A RU nA ZHES PA BDE 'GOG LA 'JUG PAS, SPYI DON GYI SNYING RJE DES RANG RGYUD LDAN GYI BYANG SEMS RANG GCIG PU ZHI BDER GNAS PA 'GOG PAS DE SKAD CES BYA BA DANG, 'DI GNYIS KYIS KUN DA LTA BU'I BYANG SEMS DH'U T'I'I NANG NAS PHYI ROL TU LHUNG BA DE 'GOG PAS DE SKAD CES BRJOD PA'I PHYIR, RIM PA DANG PO'I SKABS SU 'DI LTAR STONG NYID BSGOMS PAS RGYUD SMIN PAR BYAS PA'I LHAN SKYES DE LA DPE DON GYI LHAN SKYES GNYIS YOD CING, DPE'I LHAN SKYES LA YANG RLUNG DBU MAR ZHUGS GNAS THIM GSUM BYAS PA DANG MA BYAS PA GNYIS DANG DON GYI LHAN SKYES LA YANG NYON SGRIB DANG, SHES SGRIB KYI GNYEN PO'I DBYE BAS GNYIS SU YOD DO, ,GNYIS PA DNGOS GZHI LA JI LTAR BYA BA LA GSUM, BAR DO LONGS SKUR 'KHYER BA'I RNAL 'BYOR BSHAD PA, GZHAL YAS KHANG GI GDAN BSKYED PA, RNAL 'BYOR BZHI BSGOM TSUL LO, ,DANG PO NI, STONG
, ,PA'I NGANG LAS, RANG GI SEMS GNYIS SU MED PA'I YE SHES N'A DA DKAR LA DMAR BA'I MDANGS CAN BSGOMS PA LA BAR DO LONGS SKUR 'KHYER BA'I RNAL 'BYOR ZHES BYA STE, SBYANG GZHI LA 'CHI BA 'OD GSAL LAS BAR DO'I LUS GRUB PA DANG RNAM PA MTHUN ZHING DE SBYONG BAR BYED, RDZOGS RIM GYI SKABS SU DAG MA DAG GI SGYU MA'I SKU GNYIS DANG RNAM PA MTHUN ZHING DE 'DRA BA'I RDZOGS RIM GYI RTOGS PA RGYUD LA SKYE BA'I DGE RTZA SMIN BYED KHYAD PAR CAN DU 'GYUR, 'BRAS BU'I SKABS SU LONGS SPYOD RDZOGS PA'I SKU DANG RNAM PA MTHUN ZHING, DA LTA NAS 'BRAS BU LAM BYED KYI TSUL DU BYAS NAS BSGOMS PAS LONGS SKU DE MYUR DU 'GRUB PA'I NUS PA KHYAD PAR CAN 'JOG PA'I PHYIR RO, ,LVA BA PAS BSHAD PA LTAR STONG NYID LAS LANGS MA THAG N'A DA BZHAG PA LA DGOS PA YOD DO, GZHI LA 'CHI BA'I 'OD GSAL LAS LANGS MA THAG BAR DO GRUB PA DANG RNAM PA MTHUN ZHING DE SPYOD PAR BYED, LAM DUS SU DPE DON GYI 'OD GSAL LAS LANGS MA THAG DAG MA DAG GI SGYU LUS GNYIS 'GRUB PA DANG RNAM PA MTHUN ZHING, DE 'GRUB PA'I RGYUD SMIN BYED YIN PA'I PHYIR, N'A DA DKAR LA DMAR BA'I MDANGS CAN BYAS PA LA DGOS PA YOD DE, GZHI LA BAR DO DE NYID CHAGS PAS BCINGS BA DANG, LAM DUS KYI SGYU LUS PA GNYIS KYI THUGS BDE CHEN GYIS BCINGS BA DE MTSON PA YIN PA'I PHYIR RO, ,N'A DA DKAR BA'I MDANGS
CAN BYAS PA LA DGOS PA YOD DE, GZHI'I BAR DO DANG LAM DANG 'BRAS BU'I SGYU LUS KYI SGRUB GZHI SROG 'DZIN GYI RLUNG KHA DOG DKAR PO YIN PA DE MTSON PA YIN PA'I PHYIR, 'OD GSAL LAS SGYU LUS RJES MTHUN PA LDANG TSUL PHYOGS 'DI'I RGYA GZHUNG PHAL CHER LAS GSAL BAR MA BSHAD KYANG, RIM PA GSUM PA'I SGYU MA'I SKU'AM, MA DAG PA'I SGYU MA'I SKUR LDANG TSUL NI, DRIL BU ZHABS KYIS, SEMS CAN BRDZUS TE SKYE BA BZHIN, ,SA BON MED PAR RNAM PAR BSGOM, ,ZHES GSAL BAR BSTAN LA, DE NYID 'OD GSAL DU BCUG PA LAS DAG PA'I SGYU MA'I SKUR LDANG TSUL DANG, DES RTEN BRTEN PA'I DKYIL 'KHOR SPRO TSUL DANG, DE LTA BU'I DON GYI LHAN SKYES SAM RIM PA BZHI PA'I DON GYI 'OD GSAL DE LA NAM MKHA' DANG, DE BZHIN NYID DANG, STONG NYID DANG BDAG MED PA'I THA SNYAD MDZAD CING, DE BZHIN DU DAG PA'I SGYU MA'I SKU LA THABS DANG SNYING RJE'I SGRAS BSTAN NAS, DE GNYIS NGO BO DBYER MED DU SBYOR BA LA MA NING DANG ZUNG 'JUG TU SDOM 'BYUNG LAS GSAL BAR BSHAD PA NI, DE BZHIN NYID RGYAS BTAB 'KHOR LO, ,MKHA' BZHIN STONG NYID DE BZHIN NO, ,BDAG MED DANG NI DE BZHIN NYID, ,SNA TSOGS THABS DANG SNYING RJE STOGS, , ZUNG 'JUG GNYIS MED LHUN GYIS GRUB, ,DKYIL 'KHOR SNYING PO MCHOG YIN NO, ,ZHES DANG, LHA MO HE RU KA YE SHES, ,DE YI DBYE BA BRTAG MI BYA, ,DE BZHIN NYID RGYAS BTAB 'KHOR LO, ,ZHES 'BYUNG ZHING, RTZA RGYUD LAS KYANG,
, ,SH'I HE RU KAR YANG DAG SBYOR, ZHES PA DANG, BONG BU'I RNAM PA'I RNAL 'BYOR BDAG ,CES SOGS KYIS GSAL BAR BSTAN NO, ,DES NA N'A DA BSGOM PA THA MAL GYI BAR DO'I SBYONG BYED YIN TE, SDOM 'BYUNG GI LE'U GNYIS PA BSKYED RIM GYI LE'U LAS BSKYED RIM DNGOS MA BSHAD PAR, SBYANG GZHI SKYE SHI BAR DO GSUM RGYAS PAR BSHAD PA'I MTHAR, SRID PA SKYE BA'I RIM SHES PAS, ,RDZOGS PA'I SANGS RGYAS THOB BYA'I PHYIR, ,'DI NI PHUNG PO YONGS MKHYEN PA'I, ,DE NYID GSUNG BA RNAMS KYIS BSHAD, CES SBYANG GZHI GSUM PO DE DANG MTHUN PA'I BSKYED RIM BSGOM DGOS PAR BSTAN NAS BSKYED RIM DNGOS LE'U BCU GSUM PAR BSHAD PA'I PHYIR RO, , GNYIS PA LA GNYIS, 'BYUNG BA RIM BRTZEGS SOGS BSKYED TSUL, SNA TSOGS PADMA SOGS BSKYED TSUL LO, ,DANG PO NI, RTZA RGYUD LAS, GSANG BA MCHOG GI DGYES PA NI, ,THAMS CAD BDAG NYID RTAG TU BZHUGS, CES DANG, YANG; BA GLANG GNAS DANG STENG LDING BA, ,LHAG MA BSKAMS RTZA DE NAS NI, ,DUNG CHEN PO YI RANG BZHIN BYA, ,YANG NA RUS SBAL DAG GI'O, ,ZHES GSUNGS SHING, DRIL BU PAS KYANG LHA LNGA'I SGRUB THABS SU RTZA RGYUD KYI SHLO KA PHYI MA DE'I MJUG TU, YAm RAm BAm LAm SUm RNAMS LAS, ,RLUNG ME CHU SA RI RAB NI, ,GRU BZHI RIM BZHIN RTZE MO BRGYAD, ,KUN KYANG 'OD ZER 'BAR BAR BSGOM, ,ZHES 'BYUNG BA RIM BRTZEGS RI RAB DANG BCAS PA RJE BLA MA'I SGRUB THABS,
BZHIN BSKYED TSUL BSTAN LA, DE YANG BA LANG GNAS NI ZHI BA MO RNAM 'THAG LAS, NGAG PHYOGS SA DANG 'OD ZER DANG, ,PHYUGS DANG MIG DANG RDO RJE DANG, ,MTHO RIS CHU DANG DON DGU LA, ,MKHAS PAS GO SGRA NGES BZUNG BYA, ZHES GO SGRAS SOGS DON DGU LA 'JUG PAS SA DKYIL DANG, STENG LDING GIS CHU DKYIL DANG, LHAG MA BSKAMS KYIS ME DKYIL DANG, RTZA ZHES PAS RLUNG DKYIL DANG, RUS SBAL ZHES PAS RI RAB DANG, DUNG CHEN ZHES PAS DE THAMS CAD BDE CHEN GYI RANG BZHIN DU BLTA DGOS PA DANG, RANG RANG GI SA BON LAS BSKYED TSUL BSTAN PA YIN NO, ,DE LTAR BSGOMS PA LA DGOS PA KHYAD PAR CAN YANG YOD DE, PHYI DKYIL DANG LUS DKYIL GYI RTEN BYED PA DANG, LAM RDZOGS RIM GYI SKABS SU RDO RJE'I LUS KYI GNAS LUGS RTOGS PA'I CHED YIN PA'I PHYIR RO, ,GNYIS PA NI, RTZA RGYUD LAS, RI STENG SNA TSOGS PADMA YI, ,LTE BAR A'A LI K'A LI BSKYED, CES DANG, SDOM 'BYUNG LAS KYANG, DE YI STENG DU H'Um BYUNG BA'I, ,SNA TSOGS RDO RJE RNAM PAR BSGOM, ,DE YI STENG DU PADMA NI, ,LTE BA GE SAR LDAN PAR BSGOM, ZHES GSUNGS PA LTAR, RI RAB KYI STENG DU SNA TSOGS PADMA DANG RDO RJE, PADMA CHUNG NGU RNAMS BSGOM DGOS SHING, SNA TSOGS PADMA CHUNG NGU'I KHA DOG KYANG BZHAG TU YOD DE, LVA BA PA'I 'GREL PAR DRANGS PA LAS, SHAR SOGS PHYOGS GNAS 'DAB MA NYI 'OD 'DRA, ,RLUNG DANG ME PHYOGS 'DAB MA SER PO NYID, ,YI DVAGS BDAG PHYOGS DBANG LDAN DUR BA LTAR, ,LJANG DANG SPRIN NAG
, ,SNA TSOGS PADMA NYID, CES GSUNGS PA LTAR YIN PA'I PHYIR RO, ,GSUM PA LA GNYIS, SPYI'I RNAM GZHAG DANG, BSGOM TSUL DNGOS BSHAD PA'O, ,DANG PO NI, MNGON BRJOD LAS, MNGAL SKYES GLU YI SBYOR BA YIS, , BSGOM PA RNAMS NI YANGS SU BRTAG ,SGONG SKYES GLU NI MED PA STE, ,SGRA DANG SGRA NYAMS SPANGS PA'O, ZHES ZHU BA GLUS BSKUL YOD PA MNGAL SKYES DANG, GLUS BSKUL MED PA'I MNGON BYANG LNGA BSKYED KYI BSKYED CHOG LA SGONG SKYES DANG SBYOR BAR GSUNGS SHING, L'U AI PA'I LUGS 'DI SGONG SKYES DANG CHOS MTHUN SBYAR DU YOD KYANG GTZO BOR SBYANG GZHI MNGAL SKYES DANG SBYOR DGOS TE, SDOM 'BYUNG GI BSKYED RIM GYI LE'U LAS, SBYANG GZHI MNGAL SKYES KYI DBANG DU MDZAD CING, LE'U BCU GSUM PAR SPYOD BYED GLUS BSKUL MED PAR MNGON BYANG LNGA BSKYED L'U AI PA BZHIN DU BSHAD PA'I PHYIR RO, ,DE YANG LE'U DE NYID LAS, SGYU MA LTA BU'I TING NGE 'DZIN, ,MI RNAMS KYIS RAB MI SHES TE; ;THOG MED DUS KYI NYON MONGS KYI, ,BAG CHAGS RAB TU BSAGS BYAS PA, ,DE PHYIR SNGON BYAS LAS KYIS NI, ,SKYE DANG 'CHI BA YANG DAG 'BYUNG, ,TSOGS PA MA RNYED DE SRID DU, ,ZHAG BDUN BAR DO'I SRID PAR GNAS, ,SRID PA BAR DO'I SEMS CAN NI, ,'GRON PO'I BGROD PA JI BZHIN DU, ,'DI LTAR LAS KYI ZHAGS PA YIS, ,'GRO BA DRUG TU RAB TU SKYE, ,PHA MA'I KUN TU SBYOR SOGS NI, ,SRID PA'I SKYE BOS MTHONG GYUR NAS, ,RTA LA ZHON BZHIN RNAM SHES NI, ,
RLUNG GI BZHON PA ZHON NAS SU, ,SKAD CIG THENG CIG NYID LA NI, ,SHIN TU MYUR BAR 'ONGS GYUR NAS, ,SHIN TU DGA' DANG BCAS STOBS KYIS, ,KHA YI LAM NAS 'JUG PAR 'GYUR, ,RTZA NI STONG PHRAG BDUN CU GNYIS, ,RAB BSKUL DE YI SKAD CIG LA, ,A'A LI K'A LI ZHU BYAS PAS, ,MCHOG TU DGA' BA YANG DAG THOB, ,KHU KHRAG DE'I DBUS SU NI, ,THIG LE'I GZUGS KYIS YANG DAG GNAS, CES SBYANG GZHI SKYE SHI BAR DO GSUM MNGAL SKYES BZHIN DU BSHAD PA'I PHYIR RO, ,GNYIS PA LA BZHI, BAR DO GANG DU SKYE BA LEN PA'I KHU KHRAG GI THIG LE DANG RNAM PA MTHUN PAR BSGOM PA RNAL 'BYOR DANG, KHU KHRAG GI DBUS SU NYING MTSAMS SBYAR NAS LUS 'PHEL BA DANG RNAM PA MTHUN PAR BSGOM PA RJES SU RNAL 'BYOR DANG, PHYI ROL TU BTZAS PA DANG RNAM PA MTHUN PAR BSGOM PA SKYE BA SPRUL SKU'I LAM 'KHYER SHIN TU RNAL 'BYOR DANG, RDZOGS RIM RNAL 'BYOR CHEN PO BSGOM TSUL CUNG ZAD KYANG BSHAD PA'O, ,DANG PO NI, PADMA'I LTE BAR DBYANGS GSAL LUGS 'BYUNG LUGS LDOG TU BKOD PA YONGS SU GYUR PA LAS, DBYANGS GSAL GYI GZUGS BRNYAN DANG LDAN PA'I ZLA BA DKAR LA DMAR BA'I MDANGS CAN BSGOM PA YIN NO, ,DBYANGS DANG GSAL BYED GNYIS KYIS MTSAN SO GNYIS DANG DPE BYAD BRGYAD CU MTSON ZHING, DBYANGS SO GNYIS SU BYED PA'I RGYU MTSAN YOD DE, SDOM 'BYUNG LAS, DE LAS GZHAN YANG THIG LE'I GZUGS, ,'PHO BA YANG DAG BSHAD PAR BYA, ,DKAR PO'I TSES GCIG NAS
, ,BRTZAMS TE, ,JI SRID ZLA BA RDZOGS PA'I BAR, ,DKAR PO'I TSES GCIG LA AA YIG ,RKANG PA'I SOR MOR YI GE LA, ,GNYIS PA BYIN PAR A'A YIG STE, ,GSUM PA BRLA LA AI YIG GO ,SKYE GNAS BZHI PA A'I YIG YAN, ,LTE BAR LNGA PA AU YIG STE, ,SNYING GAR DRUG PA A'U YIG GO ,NU MAR BDUN PA Ri YIG YIN, ,MGRIN PAR BRGYAD PA R'i YIG STE, ,LAG MTHIL DGU PA LA YIG GO ,MKHUR TSOS BCU PA L'A YIG YIN, ,MIG LA BCU GCIG PA AE YIG ,RNA PAR BCU GNYIS PA AEE YIG ,DPRAL BAR BCU GSUM PA AO YIG ,SPYI BOR BCU BZHI PA AOm YIG ,TSANG GI GA-YON DANG GA-YAS SU NYA, ,AAm A'A: YI GE'I RANG BZHIN NO, ,NAG PO'I TSES GCIG NAS BRTZAMS TE, , JI SRID GNAM STONG DE SRID LA, ,'PHO BA DE NYID BZHIN DU 'GYUR, ZHES YAR NGO MAR NGO'I DBYE BAS THIG LE BRTZEGS PA DANG 'BAB PA'I CHA SO GNYIS DANG SBYAR BA'I PHYIR, ,GSAL BYED BRGYAD CUR BYED PA'I RGYU MTSAN YANG YOD DE, K'A LI RNAMS LA SA CHU ME RLUNG NAM MKHA'I KHAMS LNGAR BSDUS NAS DGA' BA BZHI BZHI STE NYI SHU, NYI SHU PO RE RE YANG KHAMS DMAR PO'I RDUL RE RE DANG LDAN PAS BZHI BCU, DE LA YANG THABS SHES GNYIS SU PHYE BAS BRGYAD CUR BZHAG PA'I PHYIR RO; ;A'A LL'I DANG ZLA BA'I KHA DOG DKAR BA'I CHA NI ME LONG YE SHES LAS BYANG CHUB PA DANG, K'A LI DANG ZLA BA'I KHA DOG DMAR BA'I CHA NI MNYAM NYID YE SHES LAS BYANG CHUB PA YIN NO, ,DE LTAR BSGOM PA LA RNAL 'BYOR ZHES BRJOD PA'I RGYU
MTSAN YOD DE, A'A LI DANG K'A LI GNYIS ZLA BA GCIG GI NGO BOR SBYOR BA DANG, ZLA BA GCIG NYID YE SHES DE GNYIS KYI NGO BOR SBYOR BA'I DON GYIS YIN PA'I PHYIR RO, ,GNYIS PA NI, SDOM 'BYUNG LAS, A'A LI K'A LI RNAM DAG LAS, ,DE YI DBUS SU YI GE H'Um, ,RDO RJE SEMS DPA'I RANG BZHIN CAN, ZHES GSUNGS PA LTAR, N'A DA DKAR LA DMAR BA'I MDANGS CAN ZHUGS PA LAS, RGYU RDO RJE 'DZIN PA H'Um YIG TU RDZOGS PA NI SOR RTOG YE SHES LAS BYANG CHUB PA DANG, DE LAS 'KHOR LO GSUM GYI LHA TSOGS SPRO BSDU BYED PA NI BYA SGRUB YE SHES LAS BYANG CHUB PA YIN LA, YE SHES DE GNYIS LA RJES SU RNAL 'BYOR ZHES BRJOD PA'I RGYU MTSAN YOD DE, SNGAR RNAL 'BYOR DU BSHAD PA'I ZLA BA DKAR LA DMAR BA'I MDANGS CAN BDE BA CHEN PO'I RGYU YIN PA BZHIN DU H'Um YIG DKAR LA DMAR BA'I MDANGS CAN DE YANG BYANG CHUB KYI SEMS ZHU BA'I BDAG NYID YIN PAS BDE BA CHEN PO'I RGYUR RJES SU MTHUN PAS NA DE LTAR BRJOD PA'I PHYIR RO, ,ZLA BA DBYANGS GSAL H'Um DANG BCAS PA YONGS SU GYUR PA LAS, 'BRAS BU'I HE RU KA RDZOGS PAR BSKYED PA YIN LA, DE LTA BU'I RIM PA 'DI LA, SKYE BA SPRUL SKUR 'KHYER BA'I RNAL 'BYOR ZHES BYA STE, SBYANG GZHI LA BAR DO'I RNAM SHES KHU KHRAG GI DBUS SU SKYE BA BLANGS PA DANG CHOS MTHUN ZHING BSGRUB PA PO RANG NYID KYI SKYE BA SBYONG BAR BYED, LAM RDZOGS RIM GYI SKABS SU DAG MA DAG GI SGYU MA'I SKUS RAGS PA'I SPRUL SKU BZUNG BA DANG CHOS MTHUN ZHING, DE LTA BU'I RTOGS
, ,PA RGYUD LA SKYE BA'I DGE RTZA SMIN BYED KHYAD PAR CAN DU 'GYUR, 'BRAS BU LONGS SPYOD RDZOGS PA'I SKUS MA DAG PA'I SEMS CAN GYI DON MDZAD PA BCU GNYIS LA SOGS PA'I SPRUL PA STON PA DANG CHOS MTHUN ZHING; DA LTA NAS 'BRAS BU LAM BYED KYI TSUL DU BYAS NAS BSGOMS PAS SPRUL SKU DE MYUR DU 'GRUB PA'I NUS PA KHYAD PAR CAN 'JOG PA'I PHYIR RO, ,DE LTA BU DE SBYANG GZHI DANG CHOS MTHUN PA YANG YIN TE, 'BYUNG BZHI RI RAB DANG BCAS PA NI PHA MA GNYIS KYI LUS SPYI DANG CHOS MTHUN, SNA TSOGS PADMA CHUNG NGU NI, DE GNYIS KYI RTZA 'KHOR DANG CHOS MTHUN, DBYANGS GSAL DKAR DMAR NI DE GNYIS KYI KHAMS DKAR DMAR DANG CHOS MTHUN, DBYANGS GSAL GNYIS YONGS SU GYUR PA LAS ZLA BA DKAR LA DMAR BA'I MDANGS CAN DU BSGOM PA NI KHAMS DKAR DMAR GNYIS MA'I MNGAL DU 'DRES PA DANG CHOS MTHUN, ZLA BA'I DBUS SU N'A DA ZHUGS PA NI THIG LE'I DBUS SU BAR DO'I RNAM SHES ZHUGS PA DANG CHOS MTHUN, N'A DA ZLA BA LA ZHUGS NAS H'Um YIG TU RDZOGS PAR GYUR PA NI, SDOM 'BYUNG LAS, MI BSKYOD GZUGS NI NUR NUR PO, ,MER MER PO NI RIN CHEN 'BYUNG, ,DPAG MED MGON YANG LTAR LTAR PO,, DON YOD GRUB PA GOR GOR PO, ,MKHRANG 'GYUR RNAM PAR SNANG MDZAD DE, ,RNAM PA LNGAR NI BSTAN PA YIN, ZHES GSUNGS PA LTAR, MNGAL DU LUS 'PHEL BA DANG CHOS MTHUN, DE LAS 'BRAS BU'I HE RU KAR RDZOGS PA NI MNGAL NAS
PHYI ROL DU BTZAS PA DANG CHOS MTHUN PA YIN PA'I PHYIR RO, ,RGYUD 'DIR BDE STONG GI YE SHES RTZAL TU BTON NAS 'CHAD PA LTAR, LAM RDZOGS RIM GYI SKABS SU BDE CHEN 'DREN PA'I PHYI NANG GI THABS KYI MTSON DON KHYAD PAR CAN YANG YOD DE, SNA TSOGS PADMAS NI RDZOGS RIM PA'I RNAL 'BYOR PA PHO MO GNYIS KYI RTZA 'KHOR DANG, DBYANGS GSAL GYIS DE GNYIS KYI KHAMS DKAR DMAR GNYIS MTSON ZHING, DE NYID YONGS SU GYUR PA LAS ZLA BA DKAR LA DMAR BA'I MDANGS CAN BSKYED PAS NI KHAMS DKAR DMAR GNYIS 'DU 'PHROD BYED PA DANG, DE'I DBUS SU N'A DA ZHUGS PA LAS H'Um YIG TU GYUR PAS NI 'DU 'PHROD BYAS PA LAS BYUNG BA'I BDE STONG GI YE SHES KHYAD PAR CAN MTSON PA'I PHYIR TE; BRTAG GNYIS LAS, ZLA BA'I STENG DU SA BON YIN, ,PHYIS NAS BDUD LAS RGYAL BAS MNAN, ,GNYIS 'DUS PA LAS BDE CHEN SOGS, ,A'A LI ZLA BA K'A LI'I, ,RDO RJE SEMS DPA' ZHES BRJOD DE, ,MCHOG TU DGA' BA'I RANG BZHIN CAN ZHES GSUNGS PA LTAR RO, ,DE BZHIN DU RDZOGS RIM PA'I RNAL 'BYOR PAS RDO RJE'I LUS LA GNAD DU BSNUN PAS BDE CHEN 'DREN PA YANG MTSAN TE, SNA TSOGS PADMAS SGRUB PA PO'I RTZA 'KHOR DANG, GSAL BYED KYIS LTE BAR GNAD DU BSNUN PA LAS GTUM MO 'BAR BA DANG, DBYANGS YIG GIS SPYI BO NAS KHAMS DKAR PO ZHU BA MTSON ZHING, DE NYID YONGS SU GYUR PA LAS ZLA BA DKAR LA DMAR BA'I MDANGS CAN BSKYED PAS NI KHAMS DKAR DMAR GNYIS
, ,KYI 'DU 'PHROD DANG, ZLA BA'I DBUS SU N'A DA ZHUGS PA LAS H'Um YIG TU GRUB PAS NI, 'DU 'PHROD BYAS PA LAS BYUNG BA'I YAS BABS MAS BRTAN GYI LHAN SKYES KHYAD PAR CAN MTSON PA'I PHYIR RO, ,DE YANG PHYI NANG GI THABS GNYIS LA BRTEN NAS GTUM MO 'BAR BA LAS BDE CHEN 'DREN TSUL CUNG ZAD BSHAD NA, LVA BA PA'I 'GREL PA LAS, DBUGS RNAMS LTE BA'I RTZA BA NAS, ,GA-YAS DANG GA-YON PA GNYIS DAG GI ,ZLA BA NYI MA RNAM PAR BSHAD,, CHU SHING ME TOG LTA BU NI, ,LTE BA'I RTZA BA NAS 'GRANG BA, ,BA LANG RMIG 'DRA'I PAD MA NI, ,BONG BU'I RNAM PAR SHES PAR BYA, ,'OG TU PHYOGS PA'I PADMA GANG, ,ZLA BA'I 'OD 'DRAS RNAM BRGYAN PA, ,DE DBUS RTAG TU STONG PA NI, ,H'Um YIG RLUNG GI RANG BZHIN CAN, ,'BAR BA MAR ME LTA BU STE, ,'OG GI RLUNG NI YONGS GANG LAS, ,SNYING GA NAS NI STENG DU RGYU, ,SPYI BO PHUG STE 'GRO BAR BSHAD, CES DANG, SAMBU tA LAS, SNYING GI NANG SON PADMA NI, ,'DAB MA BRGYAD PA SNYING POR BCAS, ,DE YI NANG DU SON PA'I RTZA, ,MAR ME RANG GI NGO BO CAN, ,CHU SHING GI NI ME TOG LTAR, ,BRKYANGS SHING KHA NI 'OG TU'O, ZHES PA 'DI NGAG GIS RMAD DU BYUNG BA'I GDAMS PA 'DI LTAR BSTAN TE, DE YANG SNYING GA RTZA 'DAB BRGYAD PA'I DBUS NA CHU SHING GI ME TOG LTAR SNGO ZHING KHA 'OG TU PHYOGS PA'I NANG NA, ZLA BA LTA BU'I H'Um YIG STE KUN LTA BU'I BYANG SEMS GNAS SHING 'CHI BA'I TSE MA GTOGS GZHI DUS SU DE LA RLUNG 'BYUNG 'JUG BYED PA MED DO, ,LTE BAR YANG GA-YAS GA-YON GYI
RO RKYANG GNYIS GANG ZHING DBU MA STONG PA BA LANG GI RMIG PA DANG 'DRA BA PHYI DBYIBS GRU GSUM PA BONG BU'I GDONG PA LTA BU'I RTZA 'KHOR YOD LA, DE'I 'OG GSANG GNAS KYI RTZA 'KHOR NA GTUM MO SKUL BYED THUR SEL GNAS PAS RDZOGS RIM PA'I SGRUB PA POS MAN NGAG BZHIN LTE BAR GNAD DU BSNUN PAS, THUR SEL GA-YOS TE LTE BA NAS GTUM MO KHYAD PAR CAN 'BAR BAS, SPYI BO NAS BYANG SEMS ZHU BA LUGS 'BYUNG LUGS LDOG GI DBYE BAS LHAN SKYES KYI BDE CHEN 'DREN CING, RLUNG DBU MAR ZHUGS GNAS THIM GSUM BYAS PA LAS BYUNG BA'I 'OD GSAL GYI SEMS DE NYID BDE BA CHEN PO'I NGO BOR BSKYED NAS BDE STONG DBYER MED DU SBYOR BA YIN NO, ,DE NAS SKAD CIG MA'I SNGAGS BRJOD DE, DPA' BO DANG RNAL 'BYOR MA RNAMS KYI SKU GSUNG THUGS RDO RJE'I RANG BZHIN CHOS THAMS CAD RANG BZHIN GYIS RNAM PAR DAG PA'I STONG PA NYID DANG DBYER MI PHYED PA'I BDAG NYID DE NGA'O SNYAM DU NGA RGYAL BZUNG NGO, ,GSUM PA LA LNGA, RTEN BRTEN PA BSKYED TSUL MDOR BSTAN PA, GSAL BTAB PA RGYAS PAR BSHAD PA, PHYOGS MTHUN GYI DAG PA DANG LUS DKYIL BSGOM TSUL, GO BGOS TE YE SHES PA BCUG NAS DBANG BSKUR BA, MCHOD BSTONG DAG PA DRAN TSUL LO, ,DANG PO NI ZLA BA DBYANGS GSAL H'Um DANG BCAS PA YONGS SU GYUR PA LAS RTEN DANG BRTEN PA'I DKYIL 'KHOR THAMS CAD DUS GCIG TU GRUB PA NI CHOS KYI DBYINGS KYI YE SHES LAS BYANG CHUB PA STE, DE NI SBYANG GZHI LA SNOD BCUD RNAMS RIM
, ,GYIS GRUB PAS CHOS MTHUN MI SBYOR YANG, MNGAL NAS BTZAS PA DANG 'DRA BAR BSGOM PA SKYE BA SPRUL SKUR 'KHYER BA'I LAM 'KHYER DNGOS GZHI YIN NO, ,DE LTAR BSGOMS PA LA DGOS PA KHYAD PAR CAN YANG YOD DE, LAM DANG 'BRAS BU'I SKABS SU YE SHES KYI RTEN BRTEN PA'I DKYIL 'KHOR DUS MNYAM DU GRUB PA DANG RNAM PA MTHUN ZHING, DE DAG MYUR DU 'GRUB PA'I DGE RTZA SMIN BYED KHYAD PAR CAN DU 'GYUR BA'I PHYIR RO, ,GNYIS PA LA GNYIS, RTEN GSAL BTAB PA DANG, BRTEN PA GSAL BTAB PA'O, ,DANG PO LA GNYIS, DUR KHROD DANG, GZHAL YAS KHANG BSGOM TSUL LO, ,DANG PO NI, SDOM 'BYUNG 'GYUR GSAR DU, RDO RJE RA BA NANG DU STE, ,DUR KHROD BRGYAD KYIS BRGYAN PA'O, ZHES GSUNGS PAS DUR KHROD BRGYAD KYIS BSKOR BAR BSGOM DGOS SHING, DE LTAR BSGOMS PA LA DGOS PA YOD DE, DUR KHROD KYI SKAD DOD SHA SA TI ZHES PA LA NGES TSIG BSNAN NAS BSHAD PAS RO GNAS PA DANG, ROS GNAS PA'I BYA BA BYED PAS, DUR KHROD ZHES BYA BA YIN LA, DER RO RNAMS BDAG MED PAR GNAS PA BZHIN DU, BDAG MED PA LA SOGS PA'I LTA BA BKAR BTAGS KYI PHYAG RGYA BZHI MTSON ZHING, DE'I DBUS SU BCOM LDAN 'DAS BZHUGS PA NI; LHAN SKYES KYI BDE CHEN GYIS BDAG MED PA'I DE KHO NA NYID LA ROL PA MTSON PA YIN PA'I PHYIR RO, ,DUR KHROD BRGYAD NI SDOM 'BYUNG LAS, GTUM DRAG DE BZHIN TSANG TSING DANG, ,RDO RJE 'BAR BA KENG RUS CAN, ,DBANG LDAN DU NI
MI BZAD BZHAD, ,BYIN ZA RU NI BKRA SHIS MCHOG ,MUN PA DRAG PO BDEN BRAL DU, ,RLUNG PHYOGS KI LI KI LI'I SGRA, ZHES GSUNGS PA LTAR RO, ,DE'I NANG DU RDO RJE'I RA BA ME RI DANG BCAS PA BSGOMS PA LA DGOS PA YOD DE, SGRUB THABS DNGOS GZHI BSGOM PA LA BGEGS KYI BAR CHAD MI 'BYUNG BA'I CHED YIN PA'I PHYIR RO, ,DE'I NANG DU 'KHOR BA'I NYES PAS MA GOS PA MTSON PA'I SNA TSOGS PADMA DANG, YE SHES LNGA'I RANG BZHIN GYI SNA TSOGS RDO RJE LTE BA GRU BZHI PA BSGOM PA NI GZHAL YAS KHANG GI 'OG GZHI'I DON DU YIN NO, ,RTA BABS SGO TSANG GCIG MA LA DVA SGO TSAD GNYIS MA DANG, RTA BABS SGO TSAD GSUM MA LA BSGO TSAD BZHI MA YIN LA, RVA KHRA BYED PA AA BHYA YA BZHED CING, L'A BA PA PHYOGS MDOG TU BZHED DO, ,RTZIG PA'I ZHENG CHA PHRAN GCIG DANG, DPANGS CHE CHUNG BCU GSUM, PHA GU CHA PHRAN GCIG ,GRA BA DRA PHYED CHA PHRAN GNYIS DANG BCAS PAS GZHAL YAS KHANG GI NANG GI DPANGS CHA CHUNG BCU DRUG YIN ZHING, MDA' YAB SHAR BU GNYIS LA CHA PHRAN RE RE STE PHYI DPANGS CHA PHRAN BCO BRGYAD DO, ,'GRAM LOGS SGO DANG MNYAM PA LA SNA TSOGS RDO RJE'I LTE BA DANG RTZIG PA KHA DA CHAD DANG, MI MNYAM PA LA DE GNYIS KYI BAR NA CHA PHRAN GCIG YOD DO, ,GZHAN RNAMS SLA LA SKU 'KHOR GYI RTZIBS KYI BAR STONG DAM TSIG 'KHOR LO'I LTE BA YIN PAS PHYOGS MDOG DANG, DE BZHIN DU GSUNG 'KHOR GYI RTZIBS KYI BAR STONG SKU 'KHOR GYI LTE BA YIN PA SOGS RIM BZHIN SHES PAR BYA'O, ,DPANGS NI SKU
, ,'KHOR NAS BDE CHEN 'KHOR LO'I BAR LA RIM PA BZHIN DU CHA PHRAN GNYIS DANG, GCIG DANG, PHYED DANG, GCIG GI BZHI CHAS PHYI MA PHYI MA MTHO ZHING, ZHENG TSAD NI BDE CHEN 'KHOR LO'I LTE BA LA SGO TSAD GCIG DANG; 'DAB MA DANG 'KHOR LO'I RTZIBS RNAMS LA CHA PHRAN GSUM GSUM MU KHYUD LA CHA PHRAN RE RE'O, ,DAM TSIG 'KHOR LO'I GDUNG GRU CHOD DU BTANG NAS THOG 'BIGS SHING, SKU 'KHOR GYI RTZIBS DANG LTA BA'I MTSAMS NAS KA BA DPANGS CHA PHRAN BCU GSUM, ZHENG CHA PHRAN GCIG PA, PHYOGS RER GNYIS GNYIS TE BRGYAD KYI STENG DU GDUNG ZLUM BTANG BA LA LCAM SNE NANG MA DANG, PHYI MA RNAMS DAM TSIG 'KHOR LO'I KHA GDANG GI STENG DU KA CHUNG BRE SPUNGS DANG BCAS PAS BTEG PA'I RDO RJE'I GDUNG ZLUM LA BKAL TE 'BIGS SHING, DE BZHIN DU LHAG MA RNAMS KYANG BYA'O, ,KA BA'I GRANGS NI RTA BABS LA KA BA BCU DRUG ,SGO LOGS LA BRGYAD, 'KHOR LO GSUM LA SO GNYIS TE NGA DRUG YOD LA, DPANGS NI RTA BABS KYI KA BA CHU CHUNG LNGA DANG, SGO LOGS KYI KA BA CHA CHUNG BRGYAD, 'KHOR LO GSUM GYI KA BA BRI ZHU GDUNG DPANGS DANG BCAS PA LA CHA PHRAN BCU DRUG GO ,SPYIR LHA THAMS CAD KYI TSAD CHA CHEN RE RE YIN KYANG; 'KHOR LO'I DPANGS KYI RIM PAS DAM TSIG 'KHOR LO'I LHA RNAMS GTZO BO'I ZHABS MTHIL GYI THAD KA DANG, SKU 'KHOR GYI LHA RNAMS GTZO BO'I LTE BA DANG, GSUNG 'KHOR GYI LHA RNAMS GTZO BO'I THUGS KA DANG, THUGS 'KHOR
GYI LHA RNAMS GTZO BO'I MGRIN PA DANG, MKHA' 'GRO MA BZHI'I SPYI GTZUG GTZO BO'I MDZOD SPU'I THAD KA DANG MNYAM DU YOD DO, ,RIM PA DANG PO'I SKABS 'DIR BDE STONG GI YE SHES RTEN GZHAL YAS KHANG GI RNAM PAR SHAR BAR BSGOMS PA LA DGOS PA YOD DE, SGRUB PA PO RANG NYID MA DAG PA'I 'JIG RTEN LA LONGS SPYOD DGOS PA'I NUS PA SBYONG BA DANG, RDZOGS RIM GYI SKABS SU DAG MA DAG GI SGYU LUS PA GNYIS KYIS RTEN GZHAL YAS KHANG DNGOS GNAS LA SPRUL PA DANG, 'BRAS BU'I YE SHES RANG SNANG LAS GRUB PA'I GZHAL YAS KHANG 'GRUB PA'I NUS PA KHYAD PAR CAN 'JOG PA'I PHYIR RO, ,GNYIS PA LA GNYIS, GTZO BO YAB YUM GSAL BTAB PA DANG, 'KHOR GYI LHA RNAMS GSAL BTAB PA'O, ,DANG PO NI, RTZA RGYUD LAS, LTE BAR DGOD BYA DPA' BO NI, ,'JIGS BYED KYANG NI 'JIGS PAR MDZAD, ,GZI BRJID SHIN TU 'BAR BA STE, ,HA HA ZHES PA'I SGRA CHER BZHAD, THOD PA'I PHRENG BA'I RGYAN DANG LDAN, , BZANG PO CAN GSUM ZHAL BZHI MNGA', ,GLANG PO'I PAGS PA RNAM PAR BGOS, ,SMIN MA BZANG PO RDO RJE 'BYES, ,PHYAG NA KHA tV'Am MI THOD BA SNAMS, ,BRGYA PHYED PHRENG BAS RNAM PAR BRGYAN, ,DE MDUN GNAS PA'I LHA MO NI, ,RDO RJE PHAG MO RAB 'JIGS MA, ,HE RU KA DPAL PHYOGS BYAS NAS, ,SPYAN GSUM DRAG ME'I GZUGS CAN MA, ,KA P'A LA NI AANTAS BKANG, ,KHA NAS RU DHI RA 'DZAG CING, ,LHA DANG LHA MIN MING BCAS LA, ,PHYOGS KUN TU NI SDIGS MDZUB BYED,
, ,CES GSUNGS PA LTAR, BCOM LDAN 'DAS DPAL HE RU KA YAB YUM SGRUB THABS NAS 'BYUNG BA LTAR BSKYED PA YIN LA, DE YANG PHYAG DANG PO GNYIS KYIS RDOR DRIL BZUNG NAS YUM LA 'KHYUD PAS NI SHES RAB STONG PA NYID KYIS BDE BA CHEN PO LA 'KHYUD PA MTSON ZHING, RDO RJES BDE BA CHEN PO DANG, RVA LNGAS YE SHES LNGA MTSON NO, ,DRIL BUS SHES RAB STONG PA NYID MTSON ZHING, MI'I RGYU MA LA BRGYUS PA'I MGO RLON LNGA BCUS A'A LI K'A LI'I DON THABS SHES GNYIS SU MED PA MTSON, ZHAL BZHIS STONG PA NYID DANG, MTSAN MA MED PA DANG, SMON PA MED PA DANG, MNGON PAR 'DU BYED PA MED PA STE RNAM PAR THAR PA'I SGO BZHI MTSON, SPYAN GSUM GYIS DUS GSUM GYI SHES BYA THAMS CAD MNGON SUM DU GZIGS PA MTSON ZHING, PHYAG BCU GNYIS KYIS RTEN 'BREL BCU GNYIS KYI SGRIB PA THAMS CAD SPANGS PA MTSON, GLANG LPAGS KYIS GTI MUG DANG, DE BSHUS NAS BRGYANGS TE 'DZIN PAS GTI MUG DANG BRAL BA MTSON ZHING, STAG LPAGS KYIS CHAGS SOGS SBYONG BA MTSON, DPRAL BA'I RDOR PHRENG GIS YE SHES LNGA'I BDAG NYID YIN PA MTSON ZHING, RDO RJE LA BRGYUS PA'I THOD SKAM GYIS STONG NYID RTOGS PA'I NUS PA MTSON, THOD PA GYEN DU 'GRENG BAS 'OD GSAL LAS ZUNG 'JUG GI SKUR BZHENGS PA MTSON ZHING, NYAMS DGUS RIGS LNGA'I NGO BO ZHI GNAS DANG YU MA BZHI'I NGO BO LHAG MTHONG YONGS SU RDZOGS PA
MTSON, 'JIGS BYED DANG DUS MTSAN MNAN PAS NI, RTAG CHAD KYI MTHA' GNYIS DANG BRAL BA MTSON ZHING, GA-YAS 'OG MA'I d'A MA RU SOGS BZHIS NI, DGA' BA'I SGRAS SANGS RGYAS THAMS CAD KYI THUGS RGYUD BSKUL BA DANG, SGO GSUM GYI SKYON DANG, MTHAR 'DZIN GYI RNAM RTOG GCOD PA DANG, NYON MONGS PA RNAMS 'BIGS PA MTSON, GA-YON GYI KHAtV'Am GA SOGS BZHIS NI BDE BA CHEN PO'I RANG BZHIN KUNDA LTA BU'I BYANG SEMS DANG, BDE STONG GI YE SHES KYI THUGS RGYUD GANG BA DANG, TSANGS PA MI GNAS PA'I MYANG 'DAS MNGON DU MDZAD PA DANG, BDE STONG GI YE SHES KYIS THUGS RGYUD BCINGS PA RNAMS MTSON, SNA TSOGS RDO RJES 'PHRIN LAS BZHIS 'GRO DON MDZAD PA DANG, RAL PA'I THOR TSUGS KYIS YON TAN GONG NAS GONG DU 'PHEL BA MTSON ZHING, DBU'I GA-YON GYI ZLA PHYED DANG, THAL CHEN GYI BYUG PAS SPYI BO NAS BYANG SEMS ZHU BA LUS THAMS CAD LA KHYAB PA'I THABS KHYAD PAR CAN MTSON, ZHAL RNAM PAR 'GYUR BAS LOG LTA KUN LAS LOG NAS YANG DAG PA'I LTA BA LA GNAS PA MTSON ZHING, PHYAG RGYA DRUG GIS PHYIN DRUG DAG PA MTSON NO, ,PHYAG RGYA DRUG NI MGUL RGYAN GDU BU RNA RGYAN NOR BU THAL CHEN MCHOD PHYIR THOGS RNAMS SO; ;RIM PA DANG PO'I SKABS 'DIR DE LTAR BSGOMS PA LA DGOS PA YOD DE, RDZOGS RIM DANG 'BRAS BU'I SKABS SU BDE STONG DBYER MED KYI YE SHES HE RU KA YAB YUM GYI RNAM PAR DNGOS GNAS LA SHAR BA DE 'GRUB PA'I
, ,CHED YIN PA'I PHYIR RO, ,DE NAS KUN SPYOD LAS, SNGAGS PAS DPA' BO RNAL 'BYOR MA BYIN BRLABS, ,YI GE DY'A NI SNA RTZER YANG DAG SBYAR, ,BY'A NI MTSAN GYI LTE BAR RNAM PAR DGOD, ,LTE BA SNYING GA KHA DANG DPRAL BA RU, ,SNGAGS KYI TSOGS DANG BCAS PAS BYIN GYIS BRLAB, ,LTE BA SNYING GAR RNAL 'BYOR MA, ,SANGS RGYAS MKHA' 'GRO MA YIS TE, ,LCE DANG SPYI BO GNYIS SU NI, ,DPA' BOS BYIN GYIS BRLAB PAR BYA, ,RNAL 'BYOR MA DANG DPA' GNYIS MED, CES GSUNGS PA LTAR, GNAS BZHI DANG MKHA' GSANG BYIN GYIS BRLABS NAS DGA' BZHI DRANGS TE LHAN SKYES KYI BDE STONG SBYAR NAS BSGOMS PA LA DGOS PA YOD DE, RIM PA DANG PO'I SKABS SU LUGS 'BYUNG GI DGA' BZHI DNGOS GNAS LA 'GRUB PAS, RTEN BRTEN PA'I DKYIL 'KHOR THAMS CAD BDE STONG GI RNAM ROL TU 'CHAR BA DANG, RDZOGS RIM GYI BDE STONG DBYER MED KYI YE SHES KHYAD PAR CAN 'GRUB PA'I RGYUD SMIN BYED DU 'GYUR BA DANG, DE DAG 'GRUB PA'I GNAS DE DANG DE'I RTZA RLUNG THIG LE RNAMS BYIN GYIS BRLAB PA DANG, SNGAGS SKYES ZHING SKYES LHAN SKYES KYI PHO NYA MO RNAMS DANG MYUR DU 'DU BA RNYED PA'I PHYIR TE, KUN SPYOD LAS, DANG POR DGA' BA DPA' BO STE, ,MCHOG TU DGA' BA RNAL 'BYOR MA, ,RAB TU DGA' BA MA LUS NYID, ,BDE DES THABS DE KUN RIG PA'O, ,MTHO RIS SA STENG SA 'OG TU, ,SKAD CIG GIS NI LUS GCIG 'GYUR, ZHES GSUNGS PA'I PHYIR RO, ,GNYIS PA 'KHOR GYI LHA GSAL GDAB
PA NI; SPYAN MA LA SOGS PA'I YUM BZHI MKHA' 'GRO MA LA SOGS PA'I RNAM PAR BSTAN PA YIN LA, DE LTAR BSTAN PA LA DGOS PA YOD DE, SNGON DRAG PO LA CHUNG MA BZHI YOD PA 'DUL BA DANG SGRUB PA PO LA MCHOG DANG THUN MONG GI DNGOS GRUB STER BAR BYED PA'I CHED YIN PA'I PHYIR RO, ,THOD PA'I DUM BU LA SOGS PA'I DPA' BO BRGYAD NI, SNGON LHA BZHI DANG DRI ZA BZHI 'DUL BA'I CHED DANG, DE BZHIN DU MYU GU CAN LA SOGS PA BRGYAD NI, GNOD SBYIN BZHI DANG SRIN PO BZHI 'DUL BA'I CHED DANG, STOBS PO CHE LA SOGS PA BRGYAD NI KLU BZHI DANG LHA MA YIN BZHI BTUL NAS MING DANG CHA LUGS 'DRA BAR MDZAD PAS GDUL BYA'I MING 'DUL BYED LA BTAGS PA YIN NO, ,'KHOR LO GSUM GYI LHA YAB YUM GYI SKU MDOG PHYAG MTSAN SOGS NI SGRUB THABS LTAR BYED DGOS TE, MNGON BRJOD LAS, YANG NA SKU GSUNG THUGS KYI NI, ,CI 'DOD MDOG NI DBYE BA BYA, ZHES DANG, KUN SPYOD LAS KYANG, DPA' BO NYI SHU RTZA BZHI NI, ,PHYAG RGYA LNGA LA SOGS PAS BRGYAN, CES GSUNGS PA'I PHYIR RO, ,SGO MTSAMS MA BRGYAD SGO DANG MTSAMS BZHIR BKOD NAS BSGOM PA NI, DE BRGYAD DANG 'DRA BA'I MI 'AM CI MO BZHI DANG PHRA MIN MA BZHIS DUR KHROD BRGYAD DAM 'THUNG GCOD NYE BA'I 'THUNG GCOD SOGS BZUNG NAS SEMS CAN RNAMS LA 'TSE BAR BYAS PA'I TSE, DE BRGYAD DANG 'DRA BAR SPRUL NAS GDUL BYA'I MING 'DUL BYED LA BTAGS PA YIN NO, ,DE YANG SKU GSUNG THUGS KYI HE RU KA GSUM GTZO BOR SONG
, ,BA'I SKABS SU RANG RANG GI PHYAG MTSAN DANG PO 'KHOR LO DANG, PADMA DANG RDO RJE'I PHRENG BA DPRAL BAR 'DZIN PAR BSHAD DE, DE DANG DE RNAMS RIGS KYI BDAG POR SHES PA'I CHED YIN LA, 'DIR NI DPA' BO RNAL 'BYOR MA KUN GYI DPRAL BAR RDO RJE PHRENG BA'O, ZHES LHA RNAMS KYI DPRAL BAR RDO RJE'I PHRENG BA DANG, PHYAG DANG PO GNYIS KYIS RDOR DRIL 'DZIN PAR BSHAD PA NI DKYIL 'KHOR RNAMS KYI NANG NAS MCHOG TU GYUR PA RTZA BA RIGS DRUG GI SGRUB THABS SU SHES PA'I CHED YIN PA'I PHYIR RO, ,GSUM PA LA GNYIS, PHYOGS MTHUN GYI DAG PA BSGOM TSUL DANG, LUS DKYIL BSGOM TSUL LO, ,DANG PO NI, YAB YUM SNYOMS PAR ZHUGS PA LAS BYUNG BA'I LHAN CIG SKYES DGA'I YE SHES DE NYID KYIS CHOS CAN BYANG PHYOGS SO BDUN RANG BZHIN MED PAR RTOGS PAR BYAS TE, BDE STONG DBYER MED DU SBYAR BA'I YE SHES DE NYID LHA DRUG CU RTZA GNYIS SU SHAR BAR BSGOMS PA LA BYANG PHYOGS SO BDUN GYI DAG PA BSGOM PA'I THA SNYAD BYAS PA YIN CING, DA LTAR BSGOMS PA LA DGOS PA KHYAD PAR CAN YANG YOD DE, LAM 'DI'I GDUL BYA'I GTZO BOS BYANG PHYOGS SO BDUN GYIS MTSON PA'I PHAR PHYIN THEG PA'I LAM RNAMS SHES DGOS PAR BSTAN PA DANG, THEG PA GSUM GYI LAM GYI GNAD THAMS CAD BYED LAS KYI SGO NAS LAM 'DIR 'DUS PAR SHES PA'I CHED DANG, RIM PA DANG PO'I SKABS SU LHA'I SKU 'JA' TSON TZAM ZHIG TU ZHEN PA SPANGS NAS BDE BA CHEN
PO'I YE SHES KYI GZUNG RNAM LHA'I RNAM PAR SHAR BAR SHES PA'I CHED DANG, RDZOGS RIM DANG 'BRAS BU'I SKABS SU BYANG PHYOGS SO BDUN RANG BZHIN MED PAR MNGON SUM DU RTOGS PA'I BDE BA CHEN PO'I YE SHES DE NYID DNGOS GNAS LA LHA DRUG CU RTZA GNYIS KYI SKUR BZHENGS PA 'BYUNG BA'I DGE RTZA SMIN BYED KHYAD PAR CAN DU 'GYUR BA'I PHYIR RO, ,GNYIS PA NI, RTZA RGYUD LAS, JI LTAR PHYI ROL NANG DE BZHIN, ,ZHES DANG, RNAL 'BYOR MA YI SA DANG GNAS, ,HE RU KA DPAL SKU'I YAN LAG ,THAMS CAD BRTAN GA-YO'I BDAG NYID CAN, ,GNAS NI RAB TU DGA' BA'I SA, ,DE BZHIN NYE GNAS DRI MA MED, ,ZHING NI 'OD BYED SHES PAR BYA, ,NYE BA'I ZHING NI 'OD 'PHRO BA, ,TSANDO HA NI SBYANG DKA' BA, ,NYE BA'I TSADNO MNGON GYUR NYID, ,'DU BA RING DU SONG BA YIN, ,NYE PA'I 'DU BA MI GA-YO BA, ,DUR KHROD LEGS PA'I BLO GROS NYID, ,NYE BA'I DUR KHROD CHOS KYI SPRIN, ,SHR'I HE RU KA'I GZHUNG DU SPYOD, ,'DI NI NANG GI BDAG CAN SA, ,PHA ROL PHYIN BCU SA RNAMS NI, ,RNAL 'BYOR MA YI BRDA' YI SKAD, ,MTHO RIS SA STENG SA 'OG TU, ,DPA' BO'I YAN LAG BRTAN GA-YO'I BDAG ,BU LA SOGS PA GANG BSTAN PA, ,PHYI NANG BDAG NYID CAN DU GNAS, CES LUS DKYIL BSGOM PAR GSUNGS LA, DES NA 'DI LA GNYIS, LUS RTEN GYI DKYIL 'KHOR DU BSGOM PA DANG, LUS BRTEN PA'I DKYIL 'KHOR DU BSGOM PA'O, ,DANG PO NI DPER NA, SNAM BU SKAD CIG MA SNGA MAS NYER LEN DANG, RGYA SKYAGS SKAD CIG PHYI
, ,MAS LHAN CIG BYED RKYEN BYAS NAS SNAM BU SKAD CIG PHYI MA DMAR POR 'GYUR BA BZHIN DU, PHYI DKYIL GYI RLUNG DKYIL BSGOM PA'I RGYUN GYIS NYER LEN DANG, SGRUB PA PO RANG NYID KYI RKANG PA GNYIS BGRAD PA MNYAM DU TSOGS PAS LHAN CIG BYED RKYEN BYAS NAS RLUNG DKYIL SKAD CIG PHYI MA LUS DKYIL GYI RLUNG DKYIL DU 'GYUR BA YIN LA, DES GZHAN RNAMS KYANG MTSON PA YIN TE, SAMBUtA LAS, RKANG PA'I MTHIL DU RTZOM CHEN RLUNG, ,GZHU YI DBYIBS SU RNAM PAR GNAS, ,SUM MDO YI NI GNAS SU NI, ,DE BZHIN GRU GSUM 'BAR BA NYID, ,ZLUM PO'I RNAM PA'I GZUGS KYIS NI, ,CHU NI LTO BAR RNAM PAR GNAS, ,SNYING GAR YANG NI SA NYID DE, KUN NAS GRU BZHI PA NYID DO, ,SGAL TSIGS DBYUG GU'I GZUGS KYIS NI, ,RI RAB RI RGYAL DE BZHIN NO, ,JI LTAR RTZOM CHEN LA SOGS RIM, ,BLA MA'I DUS BTAB RIM GYIS NI, ,DE NAS RDZOGS PA'I DKYIL 'KHOR GNAS, CES GSUNGS LA, 'DI'I DON RIM PA GNYIS KA LA SBYAR DU RUNG YANG, SKABS 'DIR NI BSKYED RIM PA'I LUS DKYIL GYI DBANG DU BYA STE, DE DON DRIL BU ZHABS KYIS, ,RKANG PA SUM MDO LTE SNYING GA ,RLUNG DANG ME CHU SA YIN NO, ,SGAL TSIGS RI RGYAL DE BZHIN TE, ,LUS NI MNYAM PA GRU BZHI PA, ,RGYAN RNAMS RAB MDZES HE RU KA'I, ,LUS KYI DKYIL 'KHOR NYID DU 'DOD, CES GSUNGS PA'I PHYIR RO, ,DE LTAR BSGOMS PA LA DGOS PA KHYAD PAR CAN YANG YOD
DE RDZOGS RIM DANG, 'BRAS BU'I SKABS SU LUS KYI CHA DE DANG DE LUS DKYIL GYI GZHAL YAS KHANG GI CHA DE DANG DER DNGOS SU 'GYUR BA'I DGE RTZA SMIN BYED KHYAD PAR CAN DU 'GYUR BA'I PHYIR RO, ,DE BZHIN DU P'U DZA LA SOGS PA'I YUL NYER BZHI'I MING YIG DANG PO THIG LES BRGYAN PA RNAMS YONGS SU GYUR PA LAS RTZIBS KHONG STONG RTZIBS SHUN GYI RNAM PA CAN DU BSKYED NAS PHYI'I YUL NYER BZHI'I NGO BOR BSGOM PA NI LHA RNAMS KYI GNAS KYI PHYIR DU YIN LA, DE LTAR BSGOMS PA LA DGOS PA YOD DE, YUL NYER BZHI'I DPA' BO DANG RNAL 'BYOR MA RNAMS KYIS SGRUB PA PO'I RTZA RLUNG THIG LE RNAMS BYIN GYIS RLOB PAR 'GYUR BA'I PHYIR RO, ,GNYIS PA NI, BDE MCHOG GI SKOR 'DIR LUS DKYIL GYI LHA PHRA RAGS BSGOM TSUL MANG DU YOD KYANG, GTZO BOR NAG PO SPYOD PAS RGYU RDO RJE 'DZIN PA YAB YUM ZHU BA LAS BYUNG BA'I 'BRAS BU RDO RJE 'DZIN PA HE RU KA'I LUS LA 'GOD PAR MDZAD, L'U DRIL GNYIS KYI LUGS LA MNGON BYANG LNGA LAS BSKYED PA'I GZHI'I HE RU KA'I LUS LA 'GOD PA YIN CING, JI LTAR BSGOM PA'I TSUL NI THOG MAR DPYID THIG LAS, DE YI DBUS BZHUGS DPA' BO NI, ,YUNGS KAR SGOM PO'I TSAD TZAM STE, ,H'Um YIG SA BON MI BSHIG PA, ,KHA BA LTA BU 'BAB PA YIN, ,BA SANTA ZHES BYA BA STE, ,LUS CAN RNAMS KYI SNYING DGA' BYED, ,RGOD MA KHA NI ME YI GZUGS, ,PHAG MO TA LA KA ZHES BRJOD, ,LAS KYI RLUNG GIS BSKYOD NAS SU, ,LTE PA'I DKYIL 'KHOR NAS NI 'BAR, ,
, ,BA SANTA DANG 'PHRAD PAS MNYES, ,SNYOMS PAR 'JUG PAS YANG DAG BZHUGS, CES GSUNGS PA LTAR, SNYING GA CHOS KYI 'KHOR LO'I DBUS KYI DH'U T'I'I NANG GI BYANG SEMS PA MO LTA BUR 'DZAG PA, YUNGS KAR SBOM PO'I TSAD KYI DPYID H'Um YIG YONGS SU GYUR PA LAS DPAL HE RU KA, LTE BA'I DMAR CHA GTUM MO'I ME'I GZUGS KYI THIG LE YONGS SU GYUR PA LAS BCOM LDAN 'DAS MA RDO RJE PHAG MO BSKYED DE, DPYID DANG THIG LE'I NGO BO NYID SNYING GAR SNYOMS PAR 'JUG PA'I TSUL GYIS BZHUGS PAR BSGOM PA YIN PA'I PHYIR RO, ,DE LTAR BSGOMS PA LA DGOS PA YOD DE, RDZOGS RIM GYI SKABS SU SNYING GA'I DH'U T'I'I NANG DU KHAMS DKAR DMAR 'DU 'PHROD BYAS PA LAS BYUNG BA'I LHAN SKYES KYI BDE CHEN MTHAR THUG 'CHAR BA'I DGE RTZA SMIN BYED KHYAD PAR CAN YIN PA'I PHYIR RO, ,SNYING GA'I MI BSHIG PA'I THIG LE LA DPYID CES BRJOD PA'I RGYU MTSAN YOD DE, DPYID DUS DES RTZA SHING NAGS TSAL SOGS RGYAS PAR BYAS TE MI RNAMS YID DGA' BAR 'GYUR BA BZHIN DU, SNYING GA'I THIG LE DKAR PO DES KYANG BDE STONG GI YE SHES RGYAS PAR BYAS TE BSGRUB PA PO'I YID DGA' BAR BYED PA'I RGYU MTSAN GYIS YIN PA'I PHYIR RO, ,DE NAS SNYING GA'I 'BYUNG BA BZHI'I RANG BZHIN GYI RTZA 'DAB BZHI LAS MKHA' 'GRO MA SOGS BZHI BSGOM DGOS TE, SAMBUtA LAS, 'DAB MA RNAMS KYI BZHI LA YANG, ,'BYUNG BA BZHI YI RANG BZHIN RTZA,
MAR ME'I RANG BZHIN LTA BU NI, ,PHYOGS BZHI LA NI RNAM PAR GNAS, CES GSUNGS PA'I PHYIR RO, ,DE BZHIN DU MTSAMS KYI RTZA 'DAB BZHI LAS THOD PA BZHI BSKYED PAR BYA BA YIN TE, SAMBUtA LAS, RTZA RNAMS BZHI YANG MTSAMS RNAMS SU, ,RNAM PAR GNAS SHING DER SON PA'ANG, ,BDUD RTZI LNGA NI 'BAB PA STE, ,DE MCHOD RANG GI GZUGS GNAS PAS, ,DE YI NGO BO DNGOS PO LAS, ,MCHOD PA BZHI NI RNAM PAR BSHAD, CES GSUNGS PA'I PHYIR RO, ,DE'I 'OG TU DRIL BU ZHABS KYIS, 'DI DAG GNAS SU RNAL 'BYOR MA, ,RTZA YIN DPA' BO NYI SHU BZHI, ,LUS KYI KHAMS SU BRTAG PAR BYA, ZHES GSUNGS PA LTAR, GNAS NYER BZHI'I RTZA KHAMS NGO BO DBYER MED DU GNAS PA YONGS SU GYUR PA LAS KHAMS RNAMS DPA' BO DANG, RTZA RNAMS DPA' MO NYER BZHI SOGS SU BSGOM PA YIN TE, MKHA' 'GRO RGYA MTSOR, NYI SHU RTZA BZHING PHYE BA YIS, ,SKU GSUNG THUGS KYI 'KHOR LO YIN, ,GNAS RNAMS DAG NI THAMS CAD DU, ,RTZA RNAMS KUN NI YANG DAG BSHAD, ,YUL 'DI RNAMS KYI BU MO GANG, ,RTZA YI GZUGS KYIS GNAS SO ZHES, CES GSUNGS PA'I PHYIR RO, ,DE 'DRA BA'I RTZA DANG KHAMS RNAMS JI LTA BU ZHE NA, SAMBU tA LAS, PULLI RAR NI MI PHYED MA, ,SO DANG SEN MO 'BAB PAR BRJOD, ,'BAR BA 'DZIN PAR PHRA GZUGS MA, ,DE BZHIN SKRA DANG BA SPU 'BAB, ,AOORYAN GNAS NI CHEN PO LA, ,RTZE BA MA NI RNAM PAR GNAS, ,RNA BA GA-YAS PAR GNAS NAS NI, ,LPAGS
, ,PA DRI MA 'BAB PAR GNAS, ,AARBU TA RA NI GA-YON PA M'A, ,MKHA' 'GRO MA NI SHA 'BAB MA, ,GANG ZHIG CHU RGYUS 'BAB PA'I RTZA, ,BA YI MCHOG SBYIN RNAM PAR GNAS, ,DE NI SRA BA'I TSUL GYIS GNAS, , THUNG NGU MA NI RNAM PAR BSHAD, ,GANG ZHIG DGA' BA'I DBANG PHYUG GNAS, ,DE BZHIN RUS SBAL SKYES MAR GRAGS, ,SRA BA'I DNGOS POS GNAS PA'I PHYIR, ,RUS PA'I PHRENG BA 'KHRUGS PAR GNAS, ,LHA MO'I MKHAR DU GANG ZHIG RTZA; ;'JAM PA SGOM PA MA RU BRJOD, ,DE NI RTAG TU MCHIN PA 'BAB, ,THAMS CAD LUS LA LHAG PAR GNAS, ,M'A L'A WAR NI DBANG MA NYID, ,RGYAL BA'I DBANG PHYUG NYID LA GNAS, ,RTZA NI GANG ZHIG MIG 'BAB PA, ,'DOD PA'I GZUGS SU RNAM PAR GNAS, ,GZUGS NI MTHONG BAR 'DOD PA STE, ,SKYON LDAN MA ZHES RNAM PAR BSHAD, ,AO TRER MKHRIS PA 'BAB PA'I RTZA, ,GANG ZHIG 'JUG MA MTSAN MOR BRJOD, ,TRI SHA KU NER BYUNG BA NI, ,MA MO NGES PAR GLO BAR BCAS, ,KO SA LAR NI MTSAN MO NYID, ,RGYU MA'I PHRENG BZANG KHYAB CING 'BAB, ,KA LI SKAR NI BSIL SBYIN MA, ,NGOS KYI CHU RGYUS YANG DAG BSHAD, ,TSA BA MA NI LTO GNAS NGES, ,LAM PA KAR NI RAB TU GRAGS, ,TSAD MA NYID NI KANYTZIR GNAS, ,THAMS CAD DU NI BSHAD PA 'BAB, ,MTSAMS KYI MTHA' YI NANG DU YANG, ,KHA BA'I GNAS SU RANGS PA'I GDONG, ,SHIN TU GZUGS CAN BAD KAN LDAN, ,YI DVAGS LHAG GNAS
YANG DAG GNAS, ,GANG ZHIG RTAG TU RNAG 'BAB PA, ,KHYIM GYI LHAR NI YANG DAG GNAS, ,MKHA' 'GRO DAM PA'I DBANG PHYUG MA, ,SPYI MA NYID DU RNAM PAR BSHAD, ,SOO RAshtAR NI GANG ZHIG RTZA, ,RGYU SBYIN MA DE DMAR PO 'BAB, ,RDUL NI 'BAB PAR GYUR PA NI, ,GSER GLING DU NI YANG DAG BSHAD, ,YAN LAG GZI BRJID KUN KHYAB MA, ,SBYOR BRAL MAR NI RAB TU GRAGS, ,N'A GA RANG NI SDU BU MA, ,TSIL CAN SBOM ZHING MOS BYED 'BAB, ,SINDHUR SHIN TU GRUB PA NYID, ,MYA NGAN MCHI MA 'BAB PAR BRJOD, ,MA RUNG GNAS NAS LUD SKAM 'BAB, ,'TSOD PA MA ZHES RNAM PAR BSTAN, ,KU LU TAR NI YID BZANG MA, ,BYIS PA'I SNABS NI 'BAB PA MO, ZHES PA LTAR RO, ,RIM PA DANG PO'I SKABS SU DE LTAR BSGOMS PA LA DGOS PA YOD DE, GNAS DE DAG GI RTZA RLUNG THIG LE RNAMS DPA' BO DANG RNAL 'BYOR MA RNAMS KYIS BYIN GYIS BRLABS PA LA BRTEN NAS RTZA BDUN KHRI NYIS STONG GI RLUNG DANG THIG LE RNAMS GNAS NYER BZHI'I RTZA NAS BRGYUD DE DH'U T'I'I NANG DU 'JUG PA'I RGYUD SMIN BYED YIN PA'I PHYIR RO, ,DPA' BO'I SGO BRGYAD KYI RTZA SGOM TSAMS MA BRGYAD DU BSGOMS PA LA DGOS PA YOD DE, GNAS DE DAG GI RTZA RLUNG DANG THIG LE RNAMS BYIN GYIS BRLABS TE DBANG PO'I SGO NAS RGYU BA'I LAS RLUNG RNAMS DH'U T'IR 'JUG MA'I RGYUD SMIN BYED YIN PA'I PHYIR RO, ,DES NA 'DI LTA BU'I LUS DKYIL RDZOGS PAR BSGOM PA NI, RTZA RGYUD LAS, JI LTAR PHYI ROL NANG DE BZHIN, ZHES PA
, ,DANG, KUN SPYOD LAS KYANG, JI LTAR RANG GI BDAG NYID SHES, ,PHYI YI DKYIL 'KHOR DAM PA YIN, ,RNAM DGOD JI LTAR SBYAR BA'O, ,SNYING PO THAMS CAD BSDUS PA STE, ZHES RIM PA DANG PO'I RNAL 'BYOR GYI SNYING PO BSDUS PAR GSUNGS PA NI RGYUD 'DI'I THUN MONG MA YIN PA'I KHYAD CHOS BLA NA MED PA YIN TE, 'DI LTAR BSGOMS PA LA BRTEN NAS PHYI'I YUL NYER BZHI NA BZHUGS PA'I DPA' BO DANG RNAL 'BYOR MA RNAMS YID LTAR MGYOGS PA'I SHUGS KYIS BYON TE, GZIGS PA TZAM GYIS KYANG SGRUB PA PO'I RGYUD BYIN GYIS BRLABS NAS, RLUNG DBU MAR ZHUGS GNAS THIM GSUM BYAS TE, LHAN SKYES KYI BDE STONG DBYER MED KYI YE SHES BSKYED NAS SKU GSUM MYUR DU THOB PAR 'GYUR BA'I PHYIR TE, RTZA RGYUD LAS, BU LA SOGS PA'I DBYE BA YIS, ,YUL 'DI DAG GI BU MO RNAMS, ,DPA' BO GNYIS MED RNAL 'BYOR MA, ,DE KUN 'DOD PA'I GZUGS CAN TE, ,YID KYI SHUGS KYIS 'JUG PA YIN, ZHES GSUNGS PA'I PHYIR RO, ,'DI LTA BU'I BLA NA MED PA'I LUS DKYIL BSGOMS PA LA BRTEN NAS NGES DON GYI HE RU KA LHAN CIG SKYES PA DON GYI 'OD GSAL LAS CHU LAS NYA LDANG BA'I TSUL GYIS SGYU MA'I SKUR BZHENGS TE, MI SLOB PA'I ZUNG 'JUG DKYIL 'KHOR GYI SNYING PO MCHOG KYANG 'GRUB PAR 'GYUR TE, SDOM 'BYUNG LAS, RNON POS SKAD CIG RNAM PA YIS, ,SEMS DPA' GSUM GYI DKYIL 'KHOR GYI,
RDZOGS PA'I RIM PA'I RNAL 'BYOR BSGOM, ,KHAMS GSUM RANG BZHIN GZHAL YAS KHANG, ,SROG CHAGS RNAMS NI DKYIL 'KHOR PA, ,SKAD CIG RNAM PA'I RNAL 'BYOR GYIS, ,DE DBUS DKYIL 'KHOR BDAG PO'O, ,DE BZHIN RGYAS GDAB DKYIL 'KHOR LO, ,MKHA' BZHIN STONG NYID DE BZHIN NO, ,BDAG MED DANG NI DE BZHIN NYID, ,SNA TSOGS THABS DANG SNYING RJE STOBS, ,ZUNG 'JUG GNYIS MED LHUN GYIS GRUB, ,DKYIL 'KHOR SNYING PO MCHOG YIN NO, ZHES PA DANG, DRIL BU ZHABS KYI GZHUNG CHUNG LAS KYANG, DPAL LDAN 'KHOR LO SDOM PA YI, ,RNAL 'BYOR LUS KYI DKYIL 'KHOR NI, ,SEMS CAN RANG BZHIN YONGS SHES BZHIN, ,RDZOGS PA'I LAM LA 'JUG RNAMS LA'O; ;ZHES GSUNGS PA LTAR RO, ,DE YANG RTZA RGYUD LAS, DE NAS GZHAN YANG BSHAD BYA BA, ,RNAL 'BYOR MA YI SA DANG GNAS, ,HE RU KA DPAL SKU'I YAN LAG ,THAMS CAD BRTAN GA-YO'I BDAG NYID CAN, ,GNAS NI RAB TU DGA' BA'I SA, ,DE BZHIN NYE GNAS DRI MA MED, ,ZHING NI 'OD BYED SHES PAR BYA, ,NYE BA'I ZHING NI 'OD 'PHRO BA, ,TSANDO HA NI SBYANG DKA' BA, ,NYE BA'I TSANDO MNGON GYUR NYID, ,'DU BA RING DU SONG BA YIN, ,NYE BA'I 'DU BA MI GA-YO BA, ,DUR KHROD LEGS PA'I BLO GROS NYID, ,NYE BA'I DUR KHROD CHOS KYI SPRIN, ,SHR'I HE RU KA'I GZHUNG DU SPYOD, ,'DI NI NANG GI BDAG CAN SA, ,PHA ROL PHYIN BCU SA RNAMS NI, ,RNAL 'BYOR MA YI BRDA YI SKAD, CES BSHAD PA LTAR, PHYI'I YUL NYER
, ,BZHI DANG, DE NA BZHUGS PA'I DPA' BO RNAL 'BYOR MA RNAMS LA GNAS DANG NYE BA'I GNAS LA SOGS PA'I THA SNYAD MDZAD PA LA DGOS PA YOD DE, LAM 'DI'I GDUL BYA DBANG RTUL RNAMS RANG YUL LA ZHEN PA SPANG PA'I PHYIR DU PHYI'I GNAS LA SOGS PA BSTEN PA DANG, DBANG 'BRING BSKYED RIM PA RNAMS KYI DOR, PHYI NANG GI DKYIL 'KHOR GNYIS KYI LHA DANG, LHA BGOD PA'I 'KHOR LO'I RTZIBS SOGS SHES PA'I PHYIR DU GNAS LA SOGS PA'I THA SNYAD MDZAD, DBANG RNON RDZOGS RIM PA RNAMS KYI NGOR, LHAN SKYES KYI BDE STONG DBYER MED KYI YE SHES DE NYID LA LDOG PA'I SGO NAS PHYE BA'I SA BCU GNYIS LA GNAS LA SOGS PA'I THA SNYAD MDZAD NAS DE NYID SHES PAR BYA BA'I CHED DU YIN PA'I PHYIR TE, MNGON BRJOD LAS, MKHA' 'GRO MA KUN 'DI NYID DU, ,THUGS RJE LDAN RNAMS RNAM PAR GNAS, ,SANGS RGYAS BYANG CHUB SEMS DPA' KUN, ,'GRO BA GSUM PO'ANG 'DI NYID DU, ,NYI SHU RTZA BZHI'I DBYE BA YIS, ,GNAS SOGS 'DI KHO NA LA GNAS, ,DE BAS DE RU BSKOR BA YIS, ,SKYO BYA DE NYID CAN GYIS MIN, ,GAL TE DE NYID MED GYUR NA, ,DE RNAMS BSKOR BAS CUNG ZAD MIN, ,GAL TE DE NYID LDAN GYUR NA, ,DE RNAMS BSKOR BA CI ZHIG DGOS, ,PHYI ROL RNAL 'BYOR PA DE RNAMS, ,BSKOR BAS KHAMS RNAMS ZAD PAR 'GYUR, ,DE BAS PHYI ROL SPANGS NAS NI, ,RNAL 'BYOR ROL PAS GNAS PAR BYA, ,DPAL
LDAN RDO RJE RNAL 'BYOR MA, ,RNAM DAG YE SHES CAN RNAMS KYIS, ,RDO RJE RNAL 'BYOR CAN RNAMS GZIGS, ,THUGS RJES KHYAB PA'I THUGS KYIS NI, ,DE RNAMS DGYES PAS DNGOS GRUB MCHOG ,JI LTAR 'DOD BZHIN RTZOL BAR MDZAD, CES DANG, RANG GI LHAG PA'I LHA DMIGS TE, ,DE KHO NA NYID GCIG PU BSAM, ,LKUGS PA'I DNGOS POR RAB GYUR PA'I, ,ZLA DRUG TZAM GYIS NGES PAR NI, ,RNAL 'BYOR MA YIS NYER BSTEN PA'I, ,RNAL 'BYOR CHEN PO 'DI GSAL 'GYUR, ,YE SHES 'OD ZER MCHOG MTHONG NAS, ,RNAL 'BYOR MA RNAMS LEGS 'DU STE, ,PADMA'I 'BYUNG GNAS NYAMS DGA' BAR, ,NGANG PA'I TSOGS 'DU JI BZHIN NO, ,DPAL LDAN RDO RJE 'DZIN DNGOS SU, ,'GYUR BA 'DI LA THE TSOM MED, ,MIG 'PHRUL MKHAN BZHIN 'JIG RTEN DU, ,SEMS CAN KUN GYI DON BYED RNAMS, ,SEMS NI DAG PAR GYIS SHIG CES, ,SEMS CAN RNAMS LA BDAG GSOL 'DEBS, CES GSUNGS PA'I PHYIR RO, ,DES NA DRIL BU ZHABS KYIS, 'ON KYANG DKYIL 'KHOR DE'I RANG BZHIN, ,CI YIN NGA NI 'DI LTAR BSHAD, ,RI MOR GNAS PA'I LAS DANG NI, ,THIG LAS TSON DGYE'I RIM PAS BSTAN, ,'GRO BA 'DI DAG RANG BZHIN GYIS, ,GRUB PA'I DKYIL 'KHOR GNYIS MED PA'O, ,BCOS MA GNYIS KYI NGO BO GANG, ,DE NI GDUL BYA'I DBANG LAS 'DOD, ,MKHAS PA'I BSGRUB BYA DE MIN TE, ,YANG DAG DON MTHONG GROL PHYIR RO, ZHES RDUL TSON DANG NGAS BRIS SOGS KYI DKYIL
, ,'KHOR BSGRUB PA LAS LUS DKYIL BSGRUB PA MCHOG TU GSUNGS PA LTAR, SPYIR PHYI DKYIL TZAM BSGOM PA LAS LUS DKYIL BSGOM PA MCHOG DANG, KHYAD PAR 'DI LTA BU'I LUS DKYIL BSGOM PA NI RGYUD GZHAN GYI LUS DKYIL DANG, LUS RAGS PA LHAR BSKYED PA SOGS KYI LUS DKYIL GZHAN LAS CHES MCHOG TU GYUR PA YIN NO, ,BZHI PA YE SHES PA BCUG NAS DBANG BSKUR BA LA GNYIS, ,GO BGO ZHING YE SHES PA GZHUG PA DANG, DBANG BSKUR ZHING RGYAS BTAB PA'O, ,DANG PO LA GNYIS, GO BGO BA DANG, YE SHES PA GZHUG PA'O, ,DANG PO NI, MNGON BRJOD 'GYUR DAG PA LAS, GO CHA GNYIS PO BGO BAR BYA, ,'KHOR LO THAMS CAD RNAM BSGOMS NAS, CES 'BYUNG BA LTAR, YAB YUM GNYIS KYI SKU LA RANG RANG GI SA BON LAS LHA DRUG TSAN GNYIS BSKYED DE, YAB YUM ZHAL SBYOR GYI RNAM PAS LUS KYI GNAS DE DANG DER BDE STONG GI YE SHES LHA DE DANG DER ME LONG LA GZUGS BRNYAN SHAR BA BZHIN MOS NAS BSGOMS PA LA DGOS PA YOD DE, PHAR BGEGS 'BIGS SHING TSUR BGEGS KYIS MI PHYED PA'I CHED YIN PA'I PHYIR RO, ,'GOD TSUL, LHA THAMS CAD LA 'GOD PA DANG, YAB RKYANG LA 'GOD PA DANG, YUM RKYANG LA 'GOD PA SOGS DU MA YOD KYANG, L'U NAG DRIL GSUM GYI LUGS LA YAB YUM GNYIS KA LA 'GOD PA YIN CING, LUS LA YI GE BKOD DE, PHUNG SOGS DANG NGO BO DBYER MED DU BYAS NAS LHA DE DAG GI NGO
BOR MOS KYANG RUNG STE, RTZA RGYUD LAS, YA SOGS BRGYAD PA'I SA BON DANG, ,DE BZHIN GUG KYED BCU GNYIS KYI, ,YI GE BAR MA DOR BYAS PA, ,YAN LAG DRUG HE RU KAR BRJOD, ,DPA' BO DRUG DANG MNYAM SBYOR BA, ,YI GE GCIG TU YANG DAG GNAS, ,AOm NA MA SV'AH'A BOO shAtA, ,H'Um H'Um PHAt DANG YANG DAG LDAN, ,SGRUB POS SNYING POR SHES PAR BYA, ,DANG PO SNYING GA NYID DU STE, ,GNYIS PA SPYI BOR SHES PAR BYA, ,GSUM PA SPYI GTZUG DAG TU SBYAR, ,BZHI PA GO CHA NYID DU YIN, ,LNGA PA MIG TU GYUR PA, DRUG PA MTSON CHA ZHES BYAR 'DOD, CES GSUNGS PA'I PHYIR RO, ,GNYIS PA YE SHES PA SPYAN 'DREN PA NI, PHEEm ZHES PA'I SNGAGS DANG, 'GREL PA SDOM 'BYUNG LAS, GA-YON DANG GA-YAS SU BSKOR BAR BYA, ZHES BSHAD PA LTAR 'BAR BA'I PHYAG RGYA DPRAL BAR BSKOR NAS SPYAN 'DREN PA YIN LA, 'DREN TSUL NI H'Um YIG GI 'OD ZER LCAGS KYU LTA BUS LHA THAMS CAD KYI THUGS KA'I H'Um YIG LA BTAB STE, BSKYOD CING BSKUL BA'I TSUL GYIS SO, ,DE LTAR SPYAN DRANGS LA RIG MA BCU DRUG GIS MCHOD NAS, BADZRA AAD'A SHADZA: ZHES BRJOD PA DANG MNYAM DU YE SHES PA RNAMS DAM TSIG PA SO SO'I STENG DU DGUG ,BADZRA P'A SHA H'Um ZHES BRJOD PA DANG MNYAM DU DAM TSIG PA SO SO LA GZHUG , BADZRA SPHO tA BAm ZHES BRJOD PA DANG MNYAM DU DAM YE GNYIS CHU BO LTAR 'DRES PAR BSAM, BADZRA GHAndA HO: ZHES BRJOD PA DANG MNYAM DU PHAN TSUN MI DGYES PA MED PAR DGYES BZHIN DU BZHUGS PAR MOS PA YIN NO, ,DE LTAR
, ,BYAS PA LA DGOS PA YOD DE, BDAG DANG YE SHES PA GNYIS THA DAD DU ZHEN PA 'GOG PA DANG, YE SHES PA DANG NGO BO DBYER MED DU BYA BA'I NGA RGYAL BRTAN PA DANG, DAM TSIG PA NUS LDAN DU BYA BA DANG, YE SHES PAS RNAL 'BYOR PA DAM TSIG PA'I PHUNG KHAMS SKYE MCHED BYIN GYIS RLOB CING RANG GI 'BRAS SKYABS SU GYUR PA'I 'KHOR LO SDOM PA MYUR DU 'GRUB PA'I CHED YIN PA'I PHYIR RO, ,DE NAS AOm YO GA SHUDDHA: ZHES SOGS BRJOD NAS NGA RGYAL 'JOG PA YIN LA, DON THOB KYI SNGAGS DON YANG YOD DE, DAM YE GNYIS RO MNYAM DU SBYAR BAS MTSON PA'I BDE STONG DBYER MED KYI YE SHES GTZO BO YAB YUM GYI RNAM PAR SHAR BA YIN LA, DE'I SKU GSUNG THUGS KYI CHA SHAS RNAMS KYANG RTEN DANG BRTEN PA'I DKYIL 'KHOR DU SHAR BA DE NGA'O SNYAM DU NGA RGYAL BZUNG BA YIN PA'I PHYIR RO, ,SNGAGS PHYI MA'I DON YANG YOD DE, DPA' BO DANG RNAL 'BYOR MA THAMS CAD KYI SKU GSUNG THUGS RDO RJE'I RANG BZHIN GYI BDAG NYID DE NGA'O SNYAM DU NGA RGYAL 'JOG PA YIN PA'I PHYIR RO, ,GNYIS PA NI, YE SHES PA SPYAN 'DREN PA DANG MNYAM DU DBANG LHA SPYAN 'DREN PA LVA BA PAS MAN NGAG TU GSUNGS PA LTAR BYA STE, DRIL BU PAS KYANG, SNYING GA'I H'Um GI 'OD ZER GYIS, ,YE SHES DKYIL 'KHOR DBANG BSKUR LHA, ,SPYAN DRANGS, CES GSUNGS PA'I PHYIR RO, ,DE'I 'OG TU DBANG LHA RNAMS RIG MA BCU DRUG GIS MCHOD PAS DGYES TE, SGO MTSAMS
MA SOGS KYIS BGEGS BSKRAD PA SOGS BYAS NAS, YUM BZHI PHAG MO DANG LNGAS DBANG BSKUR BAS BDE BA CHEN PO SKYES, NYON MONGS PA DUG LNGA SBYANGS, YE SHES LNGA 'GRUB PA'I NUS PA BZHAG PA NI PHYI BSKYED RIM DANG 'BREL BA'I BUM DBANG NGO, ,SKABS 'DIR LHA LA CHU DBANG BSKUR BA TZAM LAS MA GSUNGS KYANG, JO BO'I 'GREL PAR DBANG BZHI GA BSKUR BAR GSUNGS PA NI LEGS PAR BSHAD PA YIN TE, GRUB CHEN MTSO SKYES KYIS KYANG, KYEE RDOR 'GREL PAR LHA LA DBANG BZHI GA BSKUR BAR GSUNGS PA'I PHYIR RO, ,DE NAS SNYING PO'I RNAL 'BYOR MA BZHI PHAG MO LA THIM NAS DE DANG HE RU KA SNYOMS PAR ZHUGS PA'I BYANG SEMS LCE LA BZHAG PA MYANGS PA LAS SKYED PA'I BDE CHEN GYI YE SHES NI BDAG BYIN RLABS SGYU LUS DANG 'BREL BA'I GSANG DBANG DANG, DE NAS HE RU KAS PHAG MO PHYAG RGYAR SNANG BA LA SNYOMS PAR ZHUGS PAS RLUNG THIM PA LAS BYUNG BA'I LHAN SKYES KYI BDE BA SKYES PA NI DON DAM 'OD GSAL DANG 'BREL BA'I SHER DBANG DANG, DE NAS HE RU KAS RIGS KYI BU KHYOD KYIS PHYAG RGYA DANG SBYAR BA LA BRTEN NAS SKYES PA'I ZHES SOGS ZUNG 'JUG GI BRDA' SPRAD DE GO BA SKYES PA NI ZUNG 'JUG DANG 'BREL BA'I DBANG BZHI PA YIN NO; ;DE LTAR DBANG BSKUR BA LA DGOS PA KHYAD PAR CAN YOD DE, BGEGS KYIS MI TSUGS SHING, SGRIB PA DANG THEG DMAN SEL BA DANG, BSGOM BZLAS KYI SNOD DU RUNG ZHING ZHI SOGS KYI LAS 'GRUB PA DANG, BYANG CHUB KYI SEMS NYAMS
, ,PA GSO ZHING DAM TSIG DANG SDOM PA NYAMS PA GSO BA DANG, MA 'ONGS PA NA SANGS RGYAS LAS DNGOS SU DBANG BSKUR BA 'THOB PA STE DGOS PA BRGYAD YOD PAR JO BO CHEN PO BZHED PA LTAR YIN PA'I PHYIR RO; ;LNGA PA MCHOD BSTOD DAG PA DRAN TSUL SOGS NI, DKYIL 'KHOR PA'I LHA RNAMS NYER SPYOD DANG RIG MA BCU DRUG GIS MCHOD PAS ZAG MED KYI BDE BAS TSIM PA NI BUM DBANG DANG, LAM BSKYED RIM DANG 'BREL BA'I PHYI MCHOD YIN LA, MCHOD PA'I LHA MO RNAMS KYI KHA DOG PHYAG MTSAN SOGS NI 'DIR 'JO DANG SGRUB THABS SOGS LAS SHES PAR BYA'O, ,DE NAS DRIL BU ZHABS KYIS, BCOM LDAN 'DAS DANG RNAL 'BYOR MA RNAMS LCE, ,YI GE H'Um BYUNG RDO RJE RTZE GSUM PA, ,DKAR PO NAS 'BRU TZAM BKOD SBU GUS DRANGS, ,BDUD RTZI GSOL BAS LHA TSOGS MCHOG TSIM BLTA, ZHES GSUNGS PA LTAR, NANG MCHOD BYIN GYIS BRLABS NAS 'BUL BA NI GSANG DBANG DANG, LAM GTUM MO'I RNAL 'BYOR DANG 'BREL BA'I NANG MCHOD DO, ,DE NAS YANG DRIL BU ZHABS KYIS, MYUR DU DNGOS GRUB BYED PAR NI, ,PHYAG RGYA'I MCHOD 'DI THE TSOM MED, CES GSUNGS PA LTAR, YAB YUM SNYOMS PAR ZHUGS PAS DKYIL 'KHOR PA'I LHA THAMS CAD KYIS KYANG LHAN SKYES KYI BDE BA CHEN PO MYONG BAR BSAM PA NI, SHER DBANG DANG LAM 'OD GSAL DANG 'BREL BA'I GSANG MCHOD DO, ,DE NAS, RANG BZHIN MED PA'I GNAS GOMS LAS, ,LHA
YI SNYING PO BSGOM BYED PA, ,DE NI MCHOD PA CHEN POR 'DOD, ,SANGS RGYAS THAMS CAD RTOGS BYED PA'O, ZHES PA LTAR, LHAN SKYES KYI BDE CHEN STONG NYID KYI RNAM LDAN DU BSKYED NAS MCHOD PA'I 'KHOR GSUM PO BDE STONG GI RNAM ROL DU BLTA BA NI, TSOGS GNYIS BDE BLAG TU RDZOGS BYED BLA NA MED PA DBANG BZHI PA DANG 'BREL BA'I MCHOD PA'O, ,DE NAS RTZA RGYUD LAS, SNGAGS RNAMS KUN GYIS YANG DAG MCHOD, CES BSHAD PA LTAR, LHA SO SO'I SNGAGS RKANG BRGYAD DANG BCAS PA BRJOD PA NI, BSTONG PA'I SGO NAS LHA RNAMS MCHOD PA'I SNGAGS MCHOD DO, ,DE NAS LHA'I 'KHOR LO BSGOM ZHING DAG PA DRAN PAR BYA BA YIN LA, RTZA RGYUD LAS, DE NAS SKU GSUM BSHAD PAR BYA, ,KHRAG 'THUNG DPAL GNYIS MED SBYOR BAS, ,GANG GIS SHES PA TZAM GYIS NI, ,'DIR 'GRUB THE TSOM MED PA'O, ,CHOS KYI SKU YI LUS CAN DU, ,GANG TSE SGRUB PA PO GYUR PA, ,DE LTAR LEGS SEMS GYUR PA LA, ,DE TSE YE SHES NGA SMRA'O, , LONGS SPYOD RDZOGS SKU'I LUS CAN DU, ,GANG TSE SGRUB PA PO GYUR PA, ,DE NAS MNYAM PAR BZHAG PA LA, ,LONGS SPYOD RDZOGS PAR NGA RAB SMRA, ,SPRUL PA'I SKU YI LUS CAN DU, ,GANG TSE BSGRUB PA PO GYUR PA, ,DE TSE SEMS DE RTZE GCIG LA, ,SPRUL PA'I SKUR YANG NGA SMRA STE, ,YE SHES LONGS SPYOD RDZOGS DANG SPRUL, ,YANG DAG THOB PAR GDON MI ZA, ,BDAG NYID SHR'I HE RU KAR NI, ,'GRUB 'GYUR 'DI LA THE TSOM MED, CES LHA RNAMS SKU GSUM GYI RNAL 'BYOR
, ,GYI SGO NAS BSGOM DGOS PAR BSTAN LA, ,SKU GSUM GYI SGRUB THABS SU 'JOG TSUL NI DHA RI KA PAS PHYI DKYIL BSGOM PA DANG, BYANG PHYOGS SO BDUN BSGOM PA DANG, LUS DKYIL BSGOM PA GSUM RIM PA BZHIN DU SPRUL SKU DANG, CHOS SKU DANG LONGS SKU'I SGRUB THABS SAM, RNAL 'BYOR DU GSUNGS PA LTAR RO, ,DE YANG RIM PA DANG PO'I LAM GYI SPANG BYA'I GTZO BO NI THA MAL GYI SNANG ZHEN GNYIS YIN LA, DE GNYIS KYI GNYEN POR LHA'I RNAM PA DANG LHA'I NGA RGYAL LA SLOB PA YIN CING, DE DAG GI TSE RNAM PA LHA LA DMIGS NAS NGES NGOR RANG BZHIN MED PAR DRAN PAR BYED PA NI ZAB GSAL GNYIS MED KYI RNAL 'BYOR RO, ,DE NAS DAG PA DRAN TSUL NI SGRUB PA PO'I RTZA KHAMS RNAMS DPA' BO DANG DPA' MO'I NGO BOR BSGOM ZHING RTZA SNGAGS LA SOGS DANG RGYAN RNAMS TSOGS PA LAS BYUNG BA'I PHYAG RGYA DRUG DANG THOD SKAM LA SOGS PAS DNGOS SU BRGYAN PA'AM, BRGYAN PAR BSGOM PA NI SNGAGS DANG RGYAN CHA'I DAG PA YIN LA, KHA tV'Am GA NI HE RU KA'I SKU BDE BA CHEN PO'I NGO BO DANG, d'A MA RU NI RNAL 'BYOR MA STE SHES RAB STONG PA NYID KYI SGRA SGROG PAR BSGOM PA YIN NO, ,DE YANG HE RU KA NI NYIN MO'I SGRAS BSTAN PA'I DAG PA'I SGYU MA'I SKU'I RANG BZHIN DANG, PHAG MO NI MTSAN MO'I SGRAS BSTAN PA'I SHES RAB DON DAM 'OD GSAL GYI RANG BZHIN DU BSGOM PAR BYA BA YIN LA, DE 'DRA BA'I HE RU KA NI 'KHOR BA BAG CHAGS DANG BCAS PA SPANGS PA LAS BYUNG BAS,
MYA NGAN 'DAS BYUNG DPA' BO STE, ,ZHES GSUNGS LA, DE NYID KYANG BSGRUB PA PO RANG NYID KYI RLUNG SEMS TZAM GYI NYER LEN LAS SPRUL PA'I RIGS DRUG PA RDO RJE 'CHANG DANG, RDO RJE PHAG MO NI SEMS RANG BZHIN GYIS RNAM PAR DAG PA'I DBYINGS LAS SPRUL PA'I LHA MO'I GZUGS SU BSTAN PAR BSGOM PA YIN LA, LHAG MA NI SNGAR BSHAD ZIN TO, ,GZHI PHUNG KHAMS SKYE MCHED KYI RANG BZHIN BDE BA CHEN PO'I YE SHES KYIS RTOGS PA'I CHOS SO BDUN LHA SO BDUN DU SHAR BAR BSGOMS PAS, GZHI SHES KYI LAM GYI GNAD BSDUS PA DANG, BDE STONG GI YE SHES NYID SA BCUR BZHAG PA LA GNAS DANG NYE BA'I GNAS LA SOGS PAR MOS PA'I LUS DKYIL BSGOMS PAS LAM SHES DANG, RNAL 'BYOR PA RANG GI GZHI LAM KHYAD GZHIR BYAS PA'I STENG NAS KHYAD CHOS GO CHA 'CHING BA SOGS BSGOMS PAS NI, RNAM MKHYEN GYI LAM GYI GNAD BSDUS PAR 'GREL PA RNAMS DANG RJE BLA MAS GSUNGS SO, ,LNGA PA ZHAR LA RDZOGS RIM BSGOM TSUL NI DNGOS GRUB SNYE MA DANG DA'I DMAR KHRID DANG, LAG RJES SOGS KYI STENG NAS SHES PAR BYA'O, ,GSUM PA MJUG TU JI LTAR BYA BA LA BZLAS PA DANG GTOR MA GNYIS, DANG PO LA, RDOR BZLAS DANG, NGAG BZLAS GNYIS LAS, DANG PO NI, RANG GI LTE BAR ZLA BA LA GNAS PA'I H'Um NGAM N'A DA DKAR LA DMAR BA'I MDANGS CAN LAS, RLUNG PHYIR 'BYUNG BA H'Um GI GDANGS KYIS 'KHOR LO GSUM GYI LHA TSOGS SPROS TE 'GRO BA'I DON BYAS, AOm
, ,GYI GDANGS KYIS NANG DU ZHUGS NAS N'A DA 'AM H'Um YIG LA THIM, A'A:'I GDANGS KYIS GNAS PAR BSAMS TE RLUNG CUNG ZAD 'DZIN PA NI BSKYED RIM PA'I RDOR BZLAS SO, ,NGAG BZLAS LA BZLAS BYA'I SNGAGS NI, RTZA RGYUD LAS, SA STENG NA NI RIN CHEN BZHI, ,PHRENG BA'I SNGAGS NI DAM PA YIN, ZHES GTZO BO YAB YUM GYI RTZA SNGAGS, SNYING PO, NYE SNYING, GO CHA'I SNGAGS RNAMS LA RIN CHEN RNAM BZHIR GSUNGS PA LTAR RO, ,BZLA TSUL LA DAM TSIG GI BZLAS PA DANG, DO LI'I BZLAS PA DANG, KHYOGS BZLAS DANG, GONG BU'I BZLAS PA DANG, KHRO BO'I BZLAS PA RNAMS SU YOD LA, DE RNAMS GANG BYED KYANG GTZO 'KHOR THAMS CAD KYIS ZHAL DU YOD KYIS BZLA BAR BSAMS NA DE NYID KYI 'GYUR 'BYUNG BAR DRIL BU PA SOGS GRUB CHEN RNAMS KYIS GSUNGS SO, ,BZLAS PA'I GRANGS NI NAG PO SPYOD PAS, DPA' BO'I SNYING PO'I GSANG SNGAGS NI, ,KHRI PHRAG GSUM DU BZLA BAR BYA, ,DPA' BO RNAL 'BYOR MA 'KHOR LO'I, ,KHRI PHRAG GNYIS NI BSNYEN PAR BYA, ,KA KA LA SOGS RNAM PA BRGYAD, ,SNYING PO'I RNAL 'BYOR MA BZHI YI, ,STONG PHRAG LNGA DANG LNGA BRGYA NI, ,SNGON DU BSNYEN PA BYA BA STE, ZHES GSUNGS SHING DHA RI KA PA YANG 'DI LTAR BZHED PA NI BSNYEN PA RGYAS PA YIN LA, BSDUS PA NI GTZO BO LA 'BUM, GNYIS KA LA THUN MONG DU YE SHES 'BEBS PA'I SNGAGS KHRI PHRAG GCIG ,KHA SKONG GI SBYIN SREG DANG BCAS PA'O, ,SNGAGS DON
YAB KYI SNYING PO NI, DPAL RDO RJE THOD KHRAG LA ROL BA, MKHA' 'GRO MA'I TSOGS THAMS CAD LHAN SKYES KYI BDE BA'I NGO BOR SDOM PA'I GZHI TSUGS SHIG ,CES DANG, YI GE BDUN PA LA BSGYUR RGYU MED KYANG, HR'I: LA SOGS PA LNGAS YE SHES LNGA MTSON PA YIN NO, ,YUM GYI SNYING PO'I DON RDO RJE RNAM PAR SNANG MDZAD MA, ZHES PA DANG, NYE SNYING GI DON NI SANGS RGYAS THAMS CAD KYI MKHA' 'GRO MA RDO RJE RAB BSNGAGS MA ZHES PA DANG, RTZA SNGAGS KYI DON DRANG NGES GNYIS LAS, DRANG DON NI SLA LA, NGES DON YANG RE RE NAS SBYAR NA TSIG TSOGS CHE BAS 'DI LTAR, HE RU KA DPAL RTZA SNGAGS ZAB MO YI, ,PHYI NANG RDO RJE'I SGRA CHEN RAB BSGRAGS PAS, ,ME LTAR RTZUB PA'I SNGON BSAGS LAS SGRIB DANG, ,DE YI RTZA BA BDEN 'DZIN ZHI BAR MDZOD, ,GZUGS BRNYAN LTA BU'I LHA YI 'KHOR LO RNAMS, ,LUNG RIGS STOBS KYIS TSUL BZHIN DPYAD PA'I TSE, ,BDEN MED BTAGS YOD TZAM DU LEGS RTOGS NAS, ,THA MAL SNANG ZHEN MA LUS ZHI BAR MDZOD,, KUN RDZOB CHOS KYI GSHIS LUGS BTZAL BA'I TSE, ,RDOL GSER GYI RI MO CHAGS PA LTAR, ,SMRA BSAM BRJOD MED NYID DU LEGS RTOGS NAS, ,MTHAR 'DZIN 'CHING BA MA LUS ZHI BAR MDZOD, ,RDO RJE PADMA LEGS PAR SBYAR BA LAS, ,HAm YIG ZHU BA'I BDUD RTZI'I CHU RGYUN GYIS, ,PHUNG KHAMS SKYE MCHED TSIM PA'I BDE BA CHES, ,GNAS LUGS DON RTOGS GNYIS SNANG ZHI BAR MDZOD, ,GSANG RDZAS PADMAR 'DUS PA LAS SKYES PA'I, ,'OD GSAL ZLA
, ,TSES SGYU MA'I LUS MDZES DANG, ,DBYER MED GCIG TU BYED PA'I RNAL 'BYOR GYIS, ,ZUNG 'JUG DKYIL 'KHOR YONGS SU RDZOGS PAR MDZOD, ,SNANG STONG SGYU MA'I NYAMS KYIS ROL MDZAD PA'I, ,'OD GSAL CHEN PO'I YE SHES ME LCE YIS, ,MTSAN 'DZIN BUD SHING ZAG BCAS PHUNG PO DANG, ,RNAM RTOG BDUD RNAMS SREGS TSOS ZHAL DU GSOL, ,KHRAG ZHAG RGYU MA'I PHRENG BA 'CHANG KHYOD KYIS, ,SA 'OG RIM PA BDUN NA GNAS PA YI, ,SBRUL GDUG DANG MTSUNGS MTSAN 'DZIN RTOG PA RNAMS, ,ZUNG ZHIG SDIGS SHIG KHUG CIG TSAR CHOD CIG ,LUNG DANG RIGS PAS SNA TSOGS CHOS RNAMS KUN, ,RNAM THAR GSUM LDAN 'OD GSAL NGANG DU ROL, , YAB YUM GNYIS MED BDE STONG YE SHES KYIS, ,GANG SHAR STONG NYID SNYING RJE'I NGO BOR MDZOD, ,BDE BA CHEN PO'I RANG BZHIN CAN YIN YANG, ,DRI MAS BSGRIBS PAS DE NYID MI SHES LA, ,RNAM DAG YE SHES KYIS NI LEGS GZIGS NAS, ,SPROS PA KUN BCAD ZUNG 'JUG 'GRUB PAR MDZOD, ,YE SHES LNGA LDAN BDE STONG DBYER MED KYI, ,BDE LA SPYOD PA DAG PA'I BLO GROS NI, ,YANG YANG YID LA BYED PA'I TING 'DZIN GYIS, ,MI 'GYUR BDE CHEN MYUR DU 'GRUB PAR MDZOD, CES PA NI RTZA SNGAGS KYI NGES DON ZAB MO LAM GYI RIM PAR BSGRIGS PA'O, ,GNYIS PA GTOR MA JI LTAR BYA BA NI, SDOM 'BYUNG LAS, MYOS BYED GTOR MA MED PAR LAS, ,MYUR DU 'GRUB PAR MI 'GYUR
RO; ;DES NA SNGON GYI SANGS RGYAS KYIS, ,GTOR MA'I RAB TU BSNGAGS PA GSUNGS, CES DANG, KUN SPYOD LAS KYANG, RANG 'DOD LAS LA SBYIN BYA BA, ,KHYAD PAR DU YANG GTOR MA SBYIN, ,MAR NGO YI NI TSES BCU DANG, ,YAR NGO YI YANG DER GYUR LA, ,MYUR DU 'BAD PAS CHANG DANG SHA YIS KYANG, ,RDO RJE LHA MO RAB TU MCHOD PAR BYA, ZHES THUN GYI THOG MTHA' DANG KHYAD PAR TSES BCU RNAM PA GNYIS KYI DUS SU 'JIG RTEN DANG 'JIG RTEN LAS 'DAS PA'I GTOR MA NGES PAR BYA DGOS PAR GSUNGS PAS, SGRUB THABS SU BSHAD PA LTAR BYA ZHING, GZHAN RNAMS SLA LA, AOm AA N+YO N+YA ZHES SOGS PHAN TSUN RJES SU RAB TU ZHUGS PA'I CHOS THAMS CAD, BA RA SPHA RA ZHES SOGS MCHOG TU SHIN TU RAB TU ZHUGS PA'I CHOS THAMS CAD, AA TYANTA, ZHES SOGS NI, DANG POR RAB TU RJES SU GNAS PA'I CHOS THAMS CAD, MDOR NA CHOS THAMS CAD THABS SHES DBYER MI PHYED PA'I RDO RJE GSUM GYI NGO BOR GYUR PA'I RDO RJE'I THAL MOR BYIN GYIS RLOB PA YIN NO, ,BADZRA AA RA LI'I DON NI RDO RJE ROL PA'O, ,BADZRA d'A KI RDO RJE'I MKHA' 'GRO HRI SHYA HO NI, KYEE GZIGS SHIG GO ,GNYIS PA THUN SNGA PHYI'I MTSAMS SU JI LTAR BYA BA NI, BCOM LDAN 'DAS KYI RNAL 'BYOR LA GNAS PAS LUS KYI BSGUL BSKYOD DANG, NGAG GI SMRA BRJOD BTANG SNYOMS PA RNAMS KYANG, PHYAG RGYA BCINGS PA DANG SNGAGS BZLAS PA LTAR TSOGS RDZOGS PAR BYED DE, KUN SPYOD LAS, SHR'I HE RU KA'I GO 'PHANG
, ,GNAS, ,LAN LAG GI NI BSKYOD PA DANG, ,TSIG GI RAB 'BYAMS JI SNYED PA, ,DE SNYED PHYAG RGYA GSANG SNGAGS YIN, ZHES GSUNGS SO, ,KHRUS KYI TSE NI DBANG BSKUR BA'I CHO GA LTAR BYA LA, BZA' BTUNG GI DUS NI, NANG MCHOD BYIN RLABS LTAR RAM, YANG NA YI GE GSUM GYIS BYIN GYIS BRLABS TE, PHUD KYIS BLA MA DANG LHA LA MCHOD PA'I RJES SU LUS DKYIL GSAL BTAB NAS, NANG GI SBYIN SREG GI TSUL DU LONGS SPYOD PA STE, SDOM 'BYUNG LAS, BLA MA DPA' BO RNAL 'BYOR MA, ,MCHOD CING RJES SU SPYAD PAR BYA, ,AOm A'A: H'Um ZHES PA'I SNGAGS KYIS, ,RTAG TU BYIN GYIS BRLAB BYA ZHING, ,HA HO HR'I: ZHES PA'I SNGAGS KYIS, ,SBYANG BA DANG NI RTOGS BYA STE, ,HA YIG KHA DOG 'PHROG PAR BYED, ,HO YIG DRI RNAMS 'PHROG PAR BYED, ,HR'I: YIG NUS PA BCOM PA DANG, ,BDUD RTZI'I RNAM PA'ANG BSTEN PAR BYA, ,LHA GSUM LA SOGS DANG BRAL BA, ,GAL TE SRED LDAN 'THUNG GYUR NA, ,DE NI DUG 'GYUR THE TSOM MED, ,SNGAGS KYI DNGOS GRUB SKYE MI 'GYUR, ZHES GSUNGS PA LTAR BYA'O, ,DE LTAR BYAS NA GDAN BZHI LAS, GANG ZHIG CUNG ZAD BZA' BTUNG RNAMS, ,BSNGO BA BYAS NAS BZA' BAR BYA, ,'DI LTAR SPYOD PA'I RNAL 'BYOR PA, ,BU LON DU YANG MI 'GYUR RO, ,ZHES PHAN YON SHIN TU CHE BAR GSUNGS SO, ,GZHAN YANG RTZA RGYUD LAS, DE NAS RNAL 'BYOR RGYUD DU NI, ,RNYED DKA'I DAM TSIG NGA YIS BSHAD, ,SKYES PA BUD MED GA-YON NAS 'GRO,
'DOD PA'I DNGOS GRUB STER BAR BYED, CES GA-YON PA'I KUN SPYOD DANG, BUD MED MTHONG NA, KHYOD MA BDAG NI BU YIN TE, ,JI SRID BYANG CHUB 'BYUNG BAR DU, ,BYANG CHUB YAN LAG NU MA LAS, ,BYUNG BA'I RANG GI NU ZHOS SKYONGS, CES YID KYIS GSOL BA 'DEBS SHING, PHYAG DANG BSKOR BA BYED PA DANG, DAM TSIG BRGYAD SOGS SPYI DANG BYE BRAG GI DAM TSIG DANG SDOM PA LAS MI 'DA' BAR BYA'O, ,NYAL BA'I TSE NI, NGAG GI BYA BA THAMS CAD A'A LI K'A LI'I BDAG NYID DU CHUD PAR BYAS LA, ,AOm TSUR SPYON TSUR SBYON DPA' BO CHE, ,DAG PA'I TSIG NI STON PA PO, ,SKYE DANG 'JIG DANG RANG 'BYUNG BA, ,STONG NYID YE SHES 'DI KHO NA'O, ,ZHES BRJOD, MTHAR H'Um H'Um PHAt SBYAR BA'I DBYANGS GSAL TSAR GCIG BRJOD LA GNYID KYANG 'OD GSAL DU MOS PAR BYA'O, ,LDANG BA'I TSE NI 'OD GSAL GYI NGANG LAS RTEN DANG BRTEN PA'I 'KHOR LO'I BDAG NYID DU BZHENGS PA'O, ,DE LTAR NYAMS SU BLANGS NA, RTZA RGYUD LAS, MI MCHOG GANG ZHIG KUN SPYOD PA, ,SDIG PA THAMS CAD RNAM DAG BDAG ,DE BZHIN GSHEGS PA'I SA 'THOB CING, ,SKYE DANG SKYE BAR BDE GSHEGS KYI, ,RIGS SKYE RGYAL PO CHOS LDAN 'GYUR, ,JI LTAR SNGON BSAGS SDIG PA YI, ,MTSAN NYID THAMS CAD DMAN PA STE, ,GANG ZHIG 'DI NI RTAG BSGOM PA, ,SA LA 'DOD PA KUN DBANG PHYUG ,DPER NA MAR GYIS GANG BA'I SNOD, ,ME YI DBUS SU BZHAG NA NI, ,MAR GSAR STENG DU ZHU 'GYUR ZHING, ,SNOD KYI DRI MA 'JIG PAR
, ,'GYUR, ,DE BZHIN SHR'I HE RU KA YI, ,MTSAN GYIS SDIG PA 'JIG PAR 'GYUR, ,BSAM GTAN BSAMS PA TZAM GYIS SAM, ,KLOG CING KHA TON BRIS PA YIS, ,MTHO RIS LONGS SPYOD 'THOB 'GYUR BA'AM, ,YANG NA 'KHOR LOS BSGYUR BA 'THOB, ,RNAL 'BYOR PA RNAMS 'PHO TSA DPAL, ,KHRAG 'THUNG SOGS DPA' RNAL 'BYOR MA, ,ME TOG SNA TSOGS LAG NA THOGS, ,RGYAL MTSAN BA DAN SNA TSOGS DANG, ,ROL MO'I SGRA NI SNA TSOGS DANG, ,GLU YI MCHOD PA SNA TSOGS KYIS, ,MKHA' SPYOD GNAS SU 'KHRID PAR BYED, CES GNAS SKABS DANG MTHAR THUG GI PHAN YON MTHA' YAS PA ZHIG GSUNGS SHING, DE'I MJUG TU, DE 'DRA'I DPA' CHEN RNAL 'BYOR MA, ,SA STENG NA NI RNYED PAR DKA', ZHES PHAN YON CHEN PO DE LTA BU DANG LDAN PA'I LAM 'DI NYAMS SU LEN PA'I RNAL 'BYOR PA DANG, RNAL 'BYOR MA SHIN TU DKON PAR BSTAN PAS, 'DI 'DRA'I LAM LA NYAMS LEN BYAS YOD PA'I DUS SU, SHIN TU RNYED DKA' BAR SHES PAR GYIS LA, LAM 'DI LA THOS BSAM BSGOM PA GSUM GYI SGO NAS, DPAL 'KHOR LO SDOM PA'I LUNG RTOGS KYI BSTAN PA PHYOGS DUS KUN TU RGYAS PAR BYA'O, ,'DIR SMRAS PA, GANG GI MTSAN SNYAN MKHA' SPYOD GRUB PA'I BTAM, ,SGRA 'DZIN DGA' STON MCHOG TU BSTEN PA YANG, ,BRGYA PHRAG BSOD NAMS ZONG GIS BSGRUB DGOS PA'I, ,DPAL LDAN 'KHOR LO SDOM PA'I LAM BZANG MCHOG ,RGYUD GZHUNG GRUB PA'I MAN NGAG PADMO'I
TSAL; ;BLO BZANG SMRA BA'I NYI MAS GSAL MDZAD PA, ,ZAB DON SBRANG RTZI'I BCUD CHAGS 'DAB STONG CAN, ,SKAL BZANG BUNG BA'I TSOGS LA 'DZUM PA BZHIN, ,HE RU KA DPAL DUS KYI THA MAR YANG, ,NGUR SMRIG 'JO SGREG ROL PA CI YANG 'DZIN, ,MGON DE'I GSUNG RAB LEGS BSHAD 'DOD 'JO'I MTSO, ,BSRUBS PA LAS 'ONGS LEGS BSHAD 'OD DKAR CAN, ,THUB BSTAN MKHA' DBYINGS MDZES MA'I RGYAN GYUR CING, ,SKAL BZANG SKYE BO'I TSOGS KYI LAM STON 'DI, , DPAL LDAN 'KHOR LO SDOM PA'I RNAL 'BYOR PA, ,CHOS KYI RGYAL MTSAN ZHES BYAS LEGS PAR BSKRUN, ,GSANG CHEN RGYUD SDE'I DGONGS DON DPAG PAR DKA', ,BDAG CAG BLO DMAN SBYANGS PA'I STOBS ZHAN PAS, ,NONGS PAR GYUR GANG LHA DANG BLA MA DANG, ,GNAS GSUM MKHA' 'GRO'I TSOGS LA BZOD PAR GSOL, ,SANGS RGYAS LAS KYANG DKON PA'I GDAMS PA MCHOG ,LEGS PAR BSHAD PA'I DGE BA MTHA' YAS DES, ,MTHONG BA'I CHOS LA DPA' BO RNAL 'BYOR MA'I, ,DBUS SU ZUNG 'JUG GAR GYIS ROL PAR SHOG , ,,CES DPAL 'KHOR LO BDE MCHOG L'U AI PA'I LUGS KYI BSKYED RIM 'DI YANG CHOS SMRA BA'I BTZUN PA BLO BZANG CHOS KYI RGYAL MTSAN GYIS DBEN SA CHOS KYI PHO BRANG DU SBYAR BA'O,, ,,MANGGA LAm,, ,AOm SVA STI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS
, ,BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL,, ,,SARBA DZA GA TAm,, ,,