@00 *, ,DPAL GSANG BA 'DUS PA'I BLA MA'I RNAL 'BYOR DANG MNGON PAR RTOGS PA MDOR BSDUS PA BZHUGS SO, ,
, ,NA MO GU RU BADZRA DHA R'A YA, GANG GI THUGS RJE'I GSER SBYANGS MIG THUR GYIS, ,BDAG BLO RMONGS PA'I RAB RIB SEL MDZAD PA, ,RDO RJE 'CHANG DBANG BLA MA'I ZHABS BTUD NAS, ,DE NYID BSGRUB PA'I RNAL 'BYOR RIM PA BSHAD, ,'DIR DPAL GSANG BA 'DUS PA'I DMAR KHRID BSGOM PA'I SNGON 'GRO DANG, GZHAN YANG RGYUN PAR RNAL 'BYOR DU BYA BAR 'DOD PAS, THUN MONG MA YIN PA'I SKYABS 'GRO SEMS BSKYED TSAD MED BZHI RGYAS BSDUS CI RIGS PA BSGOM PA SNGON DU BTANG, RANG NYID ZHE SDANG RDO RJE YUM DANG BCAS PA'I SKUR BZHENGS PAR GYUR, AOm A'A: H'Um LAN GSUM BRJOD PAS NANG MCHOD DANG MCHOD RDZAS BYIN GYIS BRLABS, ,RANG GI SPYI BO'AM MDUN GYI NAM MKHAR RIN PO CHE SNA TSOGS LAS GRUB PA'I PADMA 'DAB MA STONG DANG LDAN PA'I LTE BAR, SENG KHRI PAD ZLA NYI
, ,MA'I DKYIL 'KHOR GYI GDAN LA, RANG GI DRIN CAN RTZA BA'I BLA MA DE NYID, RNAM PA RGYAL BA RDO RJE 'CHANG SKU MDOG SNGON PO MI BSKYOD PA'I DBU RGYAN CAN, SNGO DKAR DMAR BA'I ZHAL GSUM PHYAG DRUG GI GA-YAS RDO RJE 'KHOR LO PADMA, GA-YON DRIL BU RIN CHEN RAL GRI 'DZIN PA, DBU SKRA RAL BA'I THOR TSUGS CAN, MTSAN BZANG BO SUM CU RTZA GNYIS DANG DPE BYAD BZANG PO BRGYAD CUS BRGYAN PA, YUM REG BYA RDO RJE MA SNGON MO MI BSKYOD PA'I DBU RGYAN CAN, SNGO DKAR DMAR BA'I ZHAL GSUM PHYAG DRUG GI GA-YAS RDO RJE 'KHOR LO PADMA, GA-YON DRIL BU RIN CHEN RAL GRI 'DZIN PA, DBU SKRA RAL PA PHYED BCINGS SU BYAS PA SHIN TU SGEG CING, BZHIN 'DZUM BAG DANG LDAN PA, ZUR GYIS BLTA BA LA SOGS PA'I RNAM 'GYUR GYIS MDZES PA, LANG TSO DAR LA BAB CING 'DOD YON LNGA'I DGA' BAS ROL PA, YAB YUM GNYIS KYI PHYAG DANG PO GNYIS KYIS PHAN TSUN DU 'KHYUD PA, GNYIS KA'ANG RIN PO CHE'I DBU RGYAN GSOL PA RIN PO CHE'I SNYAN RGYAN DANG SNYAN GONG AUTPA LA'I GDENGS KA DANG DAR DPYANGS KYIS MDZES PAR BYAS PA, RIN PO CHE'I MGUL RGYAN
DANG MU TIG GI SE MO DO DANG, RIN PO CHE'I DO SHAL DANG, PHYAG GDUB DANG ZHABS GDUB DANG RIN PO CHE'I 'OG PAG STE RIN PO CHE'I RGYAN BRGYAD KYIS BRGYAN PA, SKU STOD LHA RDZAS KYI GOS KYIS GA SHAL BYAS SHING, SKU SMAD LHA RDZAS KYI DAR GYI SHAM THABS 'PHYANG BA 'OD KYI DKYIL 'KHOR GYIS BSKOR BA'I DBUS NA YAB SEMS DPA'I SKYIL MO KRUNG GIS BZHUGS PAR GYUR, DE'I THUGS KAR MI BSKYOD PA, SPYI BOR RNAM PAR SNANG MDZAD, MGRIN PAR 'OD DPAG MED, LTE BAR RIN CHEN 'BYUNG LDAN, BRLA'I RTZA BAR DON YOD GRUB PA, LTE BAR SPYAN MA, SNYING GAR M'A MA K'I, MGRIN PAR GOS DKAR MO, SPYI GTZUG TU SGROL MA, MIG TU SA'I SNYING PO, RNA BAR PHYAG NA RDO RJE, SNAR NAM MKHA' SNYING PO, LCER 'JIG RTEN DBANG PHYUG ,SNYING GAR 'JAM DPAL, GSANG GNAS SU SGRIB PA RNAM SEL, TSIGS RNAMS LA KUN TU BZANG PO, SPYI GTZUG TU BYAMS PA, MIG GI SGOR GZUGS RDO RJE MA, RNA BA'I SGOR SGRA RDO RJE MA, SNA'I SGOR DRI RDO RJE MA, LCE'I SGOR RO RDO RJE MA, RDO RJE'I SGOR REG BYA RDO RJE MA, LAG PA GA-YAS LA GSHIN RJE'I GSHED, LAG PA GA-YON LA SHES RAB MTHAR BYED, KHA LA RTA MGRIN, RDO RJE LA BGEGS MTHAR BYED, DPUNG BA GA-YAS PA'I RTZA BAR MI GA-YO BA, DPUNG PA GA-YON PA'I RTZA BAR 'DOD PA'I RGYAL PO, PUS MO GA-YAS LA DBYUG SNGON CAN, PUS MO GA-YON LA STOBS PO CHE, SPYI GTZUG TU GTZUG
, ,TOR 'KHOR LOS BSGYUR BA, RKANG MTHIL GNYIS SU GNOD MDZES RGYAL PO RNAMS, DE'I MTHAR DNGOS DANG BRGYUD PA'I BLA MA, YI DAM DKYIL 'KHOR GYI LHA TSOGS SANGS RGYAS BYANG SEMS DPA' BO MKHA' 'GRO CHOS SKYONG BSRUNG MA'I TSOGS KYIS BSKOR NAS BZHUGS PA, SO SO'I MDUN DU RANG RANG GIS GSUNGS PA'I LUNG GI CHOS RNAMS PO TI'I RNAM PA CAN DU YOD PA, GTZO 'KHOR THAMS CAD KYI SPYI BOR SKU RDO RJE'I NGO BO AOm DKAR PO, MGRIN PAR GSUNG RDO RJE'I NGO BO A'A: DMAR PO, THUGS KAR THUGS RDO RJE'I NGO BO H'Um SNGON POS MTSAN PAR GYUR, RANG NYID MI BSKYOD RDO RJER GSAL BA'I THUGS KAR SNA TSOGS PADMA DANG NYI MA LA GNAS PA'I H'Um SNGON PO'I 'OD ZER LCAGS KYU'I RNAM BA CAN GYIS RANG BZHIN GYI GNAS NAS BLA MA DANG GNYIS SU MED PA MI BSKYOD PA'I DKYIL 'KHOR MDUN GYI NAM MKHAR SPYAN DRANGS, MA LUS 'GRO BA'I RANG BZHIN MNGON DU MDZAD, , MI BZAD BDUD KYI DPUNG GIS PHYAG BYAS PA, ,RANG BYUNG MTHA' YAS 'GRO BA'I RANG BZHIN TE, ,SEMS CAN SNYING PO GCIG GYUR 'DIR GSHEGS SHIG ,AOm BADZRA SA MA YA DZA DZA, DZA: H'Um BAm HO: GNYIS SU MED PAR GYUR, LHA SO SO'I RIGS BDAG ZHAL GCIG PHYAG GNYIS PA YAB YUM GYIS BYANG CHUB KYI SEMS KYI CHU RGYUN GYIS LHA SO SO LA DBANG BSKUR BAR GYUR, GANG GI DRIN GYIS BDE CHEN NYID, ,SKAD CIG GIS NI 'THOB 'GYUR BA, ,BLA MA RIN
CHEN LTA BU'I SKU, ,RDO RJE CAN ZHABS PAD LA 'DUD, ,RMAD BYUNG MTSAN DPE'I DPAL 'BAR LONGS SPYOD RDZOGS, ,KHA SBYOR BDE STONG RO LA RTAG ROL ZHING, ,DMIGS MED THUGS RJES ZHI BA'I MTHA' SPANGS PA, ,RGYAL BA YAN LAG BDUN LDAN LA PHYAG 'TSAL, ,GANG ZHIG GZUGS DANG TSOR BA 'DU SHES 'DU BYED DANG, ,RNAM PAR SHES DANG SKYE MCHED DRUG DANG DBANG PO DRUG ,SA CHU ME DANG RLUNG DANG NAM MKHA' THAMS CAD NI, ,BYANG CHUB SEMS 'DRA RGYA CHEN DE LA PHYAG 'TSAL LO, ,GTI MUG NYES PA 'DOD CHAGS RDO RJE CHOS BCAS GANG, ,RIG PA'I SBYOR BA LAS BYUNG RTAG TU RAB 'BREL BA, ,RNAM PA SNA TSOGS DGA' BAS MYOS PA'I DNGOS GYUR PA, ,BYANG CHUB SEMS 'DRA RGYA CHEN DE LA PHYAG 'TSAL LO, ,SDUD DANG DGA' DANG RNAM PA DE BZHIN MI 'GYUR DANG, ,RGYU DANG 'BRAS BU'I RANG BZHIN SEMS SU RJES THOGS CHOS, ,RMONGS DANG ZHE SDANG 'DOD CHAGS SGRIB PA RDO RJE STE, ,BYANG CHUB SEMS 'DRA RGYA CHEN DE LA PHYAG 'TSAL LO, ,STON PA BLA MED SANGS RGYAS RIN PO CHE, ZHES SOGS KYIS SGO GSUM GUS PAS PHYAG BYA, DNGOS SU BSHAMS PA DANG YID KYIS SPRUL PA'I PHYI NANG GSANG BA DE KHO NA NYID KYI MCHOD SPRIN RGYA MTSOS MCHOD PAR BSAMS TE, AOm SARBA TA TH'A GA TA AARGHAm P'ADYAm, PUshPE, DH'U PE, A'A LO KE, GANDHA, NEE BI DYA, SHABTA, R'U PA, SHPTA, GANDHA, RAS, SPARSHA P'U DZA ME GHA SA MU DRA SPHA RA nA SA MA YA SHRI YA A'A: H'Um, BDAG GZHAN LUS NGAG YID GSUM LONGS SPYOD DUS GSUM DGE TSOGS BCAS, CES SOGS MAndAL DANG BCAS PAS PHYI MCHOD DANG, AOm
, ,GU RU BUDDHA BO DHI SATVA SA PA RI W'A RA AOm A'A: H'Um GIS NANG MCHOD DANG, BLA MA YAB YUM SNYOMS PAR ZHUGS PAS LHAN SKYES KYI DGA' BA SKYES, BDE BAS STONG PA NGES PA'I BDE STONG DBYER MED KYI YE SHES GSANG BA DANG; DE KHO NA NYID KYI MCHOD PAS MNYES PAR GYUR CES BRJOD CING BSAM, DE NAS LONG SKABS BYUNG NA, SDOM BZUNG SO SO'I BSHAGS PA LTUNG BSHAGS BLA MA RDOR 'DZIN MA SOGS BYA ZHING, BSDU NA, GANG ZHIG THOG MED SRID PA'I CHU KLUNG DU, ,MA LUS KUN RTOG GIS BSAGS RNYOG PA RNAMS, ,THUGS RJE CHE LDAN SPYAN SNGAR DE DAG NI, ,CHO GA BZHIN DU THAMS CAD BSHAGS PAR BGYI, ,RDZOGS SANGS RGYAS DANG BYANG CHUB SEMS DPA' DANG, ,'PHAGS PA GZHAN GYIS DGE BA GANG MDZAD PA, ,DE DAG KUN LA YANG DAG YI RANG ZHING, ,BYANG CHUB TU NI YONGS SU BSNGO BAR BGYI, ,YID KYI ROL PA DRI MED ZLA 'DRAS BSGRUBS, ,SNYING RJE DAM PA MTHA' YAS PA YI THABS, ,RANG GI YID LA GNAS PAR GYUR BA YI; ;BDE GSHEGS RNAMS LA RTAG TU SKYABS SU MCHI, ,RTOG PA MA LUS PA LAS NGES GROL ZHING, ,SEMS DPA' DAM PA RNAMS KYI PHUN TSOGS GZHI, ,DNGOS PO THAMS CAD RO GCIG NGO BO NYID, ,DAM PA'I CHOS LA RTAG TU SKYABS SU MCHI; ;'CHING BA KUN LAS YANG DAG GROL GYUR CING, ,SNYING RJE MCHOG GIS BSKRUN PA'I DPAL DANG LDAN, ,RAB TU DGA' SOGS SA LA RAB BZHUGS PA, ,BRTUL ZHUGS DBANG PO'I TSOGS LA SKYABS SU MCHI, ,BSAM DANG RNAM PAR SMIN PA
DAG GYUR PAS, ,SGRIB PA KUN GYI BAG CHAGS YANG DAG 'BYIN, ,LHAG PAR MOS PAS RNAM PAR BRGYAN PA YI, ,SEMS NI BYANG CHUB DAM PAR BSKYED PAR BGYI, ,BDE GSHEGS SRAS BCAS RNAMS KYI LAM GCIG PU, ,SBYIN SOGS RNAM BCU DKAR PO'I YON TAN TSUL, ,RDZOGS SANGS RGYAS BDAG MA LUS NGO BO'I BLOS, ,YANG DAG NYID DU DA NI GNAS PAR BGYI, ,DE NAS LONG BYUNG ZHING SPRO NA, BSGRUB BA'I MCHOD PA'I TSUL DU RIGS LNGA'I SDOM BZUNG LAN CIG BYAS TE, BLA MA DE NYID SKYON THAMS CAD DANG BRAL ZHING YON TAN GYI RIGS THAMS CAD YONGS SU RDZOGS PA, MTSAN THOS PA TZAM GYIS 'KHOR BA NGAN SONG GI 'JIGS PA LAS SGRAL ZHING, DRAN PA TZAM GYIS MCHOG DANG THUN MONG GI DNGOS GRUB THAMS CAD BDE BLAG TU STZOL BA DKON MCHOG GSUM PO THAMS CAD 'DUS PA'I BDAG NYID SKYABS GNAS BSLU BA MED PA YIN SNYAM DU GDUNG SHUGS DRAG POS 'DI LTAR, BLA MA KUN 'DUS KYI NGO BO BLA MA RIN PO CHE LA GSOL BA 'DEBS SO, ,DKYIL 'KHOR KUN GYI GTZO BO BLA MA RIN PO CHE LA x, SANGS RGYAS KUN GYI BDAG NYID BLA MA RIN PO CHE LA x, DAM CHOS BDUD RTZI'I 'BYUNG GNAS BLA MA x, 'PHAGS TSOGS KUN GYI 'DREN PA BLA MA x, BSLU MED SKYABS KYI DAM PA BLA MA x, NGAN SONG 'JIGS LAS SGROL MDZAD BLA MA x, MTHO RIS THAR BA'I LAM STON BLA MA x, DUG GSUM NAD KYI SMAN PA BLA MA x, DNGOS GRUB KUN GYI MCHOG STZOL BLA MA x, BDAG GI RE SA'I SKYABS GNAS BLA MA RIN PO CHE LA GSOL BA 'DEBS SO, ,
, ,BDAG GI BLO CHOS SU 'GRO BAR BYIN GYIS BRLAB TU GSOL, ,CHOS LAM DU LONGS PAR x, CHOS MA YIN PA'I RTOG PA SKAD CIG KYANG MI SKYE BAR x, DGE BA'I BSHES GNYEN LA MA DAD PA DANG, RTAG 'DZIN TSE 'DI'I BDE LA ZHEN PA DANG, 'KHOR BA'I PHUN TSOGS 'DOD CING RANG BDE ZHI BA GNYER BA DANG, BDAG GNYIS SU 'DZIN PA LA SOGS PA PHYIN CI LOG GI BLO SNA MTHA' DAG 'GAG PAR BYIN GYIS BRLAB TU GSOL, DGE BA'I BSHES GNYEN SANGS RGYAS SU MTHONG BA'I DAD PA DANG, 'KHOR BA'I PHUN TSOGS ME 'OBS LTAR MTHONG BA'I NGES 'BYUNG DANG, BYAMS PA DANG SNYING RJE'I RTZA BA CAN GYI BYANG CHUB KYI SEMS DANG, SRID PA'I RTZA BA DRUNG NAS 'BYIN PAR NUS PA BDAG MED RTOGS PA'I SHES RAB KHYAD PAR CAN DANG RIM PA GNYIS ZUNG DU 'BREL BA'I LAM PHUN SUM TSOGS PA SOGS PHYIN CI MA LOG PA'I NYAMS RTOGS KHYAD PAR CAN MYUR DU RGYUD LA SKYE PAR x, KHYAD PAR DU YANG RTZA 'JAM PA DANG RLUNG DAL BA BDE DROD KYI TING NGE 'DZIN KHYAD PAR CAN MYUR DU RGYUD LA SKYE BAR BYIN GYIS BRLAB TU GSOL, ZHES SNYING KHONG RUS PA'I GTING NAS GSOL BA BTAB PAS MDUN GYI BLA MA LHA TSOGS RNAMS KYI SKU'I CHA LAS BDUD RTZI SNA LNGA 'OD ZER DANG BCAS PA'I RGYUN DPAG TU MED PA BABS, BDAG DANG MAR GYUR SEMS CAN THAMS CAD KYI LUS DANG SEMS LA ZHUGS PAS SDIG SGRIB NAD GDON BAR CHAD THAMS CAD SBYANGS, TSE DANG BSOD NAMS DANG LUNG DANG RTOGS PA'I YON TAN THAMS CAD 'PHEL ZHING RGYAS, RDO RJE 'CHANG
GI SKUR SANGS RGYAS PAR BSAM, SLAR YANG RANG DANG BLA MA LHA'I SKU LAS BDUD RTZI 'OD ZER DANG BCAS PA SPROS, SRID PA GSUM GYI SNOD KYI 'JIG RTEN THAMS CAD KYI MA DAG PA'I DRI MA SBYANGS, DAG PA'I ZHING DU BSGYUR ZHING BCUD KYI SEMS CAN MA LUS PA'I SDIG SGRIB BAG CHAGS DANG BCAS PA THAMS CAD SBYANGS, DPAL 'DUS PA'I LHA DANG LHA MO'I RNAM ROL DU BSGYUR BAR MOS TE RTZE GCIG TU MNYAM PAR 'JOG GO ,DE NAS BLA MA'I GNAS GSUM GYI YI GE LA BRTEN NAS TING NGE 'DZIN GYI DBANG BZHI LEN PA'AM, CUNG ZAD RGYAS PAR BYED NA, BSGRUB PA'I MCHOD PA'I DUS SU RIGS LNGA'I SDOM BZUNG LAN GSUM BYED CING, DE NAS 'DI LTAR, SANG RGYAS KUN BDAG BLA MA DANG, DBYER MED DKYIL 'KHOR GTZO BO YIS, , SKU BZHI'I SA BON 'GRUB BYED PA'I, ,DBANG BZHI BDAG LA BSKUR DU GSOL, ZHES LAN GSUM GSOL BA BTAB, BLA MA DANG GTZO BO THA MI DAD PA'I THUGS KA'I H'Um SNGON PO'I 'OD ZER LCAGS KYU'I RNAM PA CAN GYIS RGYAL BA SRAS BCAS THAMS CAD LHA SO GNYIS KYI DKYIL 'KHOR PA'I RNAM PAR SPYAN DRANGS PA RNAMS MDUN GYI NAM MKHAR BZHUGS, BLA MA DANG GTZO BO THA MI DAD BAS DBANG BSKUR PA'I DGONGS PA MDZAD, SPYAN MA LA SOGS PA'I RIG MA DANG BCAS PA NAM MKHAR BZHUGS PA RNAMS KYIS GDUGS DANG RGYAL MTSAN LA SOGS PA RANG GI STENG PHYOGS SU 'DZIN, GLU GAR MDZAD CING ROL MO BRDUNG, ME TOG DANG GUR KUM LA SOGS PA'I CHAR 'BEBS, PHYAG GIS CUNG ZAD YO BAR
, ,BZUNG BA'I BUM PA DKAR PO MI BSKYOD PA'I NGO BO BYANG CHUB KYI SEMS KYI BDUD RTZIS GANG BA DANG, RIN 'BYUNG SNANG MTHA' DON GRUB KYI NGO BO COD PAN RDOR DRIL RNAMS KYI DBANG BSKUR BAR GYUR, BKRA SHIS GANG ZHIG SEMS CAN KUN GYI SNYING LA GNAS, ,KUN GYI BDAG NYID DAM PA'I RIGS RNAMS KYI NI RJE, ,MA LUS SEMS CAN SKYED BYED BA DE BA CHEN PO STE, ,BKRA SHIS DES NI DE RING KHYOD LA DBANG RAB BSKUR, ,DBANG BSKUR RDO RJE CHEN PO STE, ,KHAMS GSUM PA YIS PHYAG BYAS BA, ,SANGS RGYAS KUN GYI GSANG GSUM PA'I, ,GNAS LAS BYUNG BA SBYIN PAR BYA, ,AOm A'A BADZRA AU DA KA AA BHI shINYTZA H'Um SU RA TA STVAm AA HAm, AOm SARBA TA TH'A GA TA RATNA KUL MU KU tA P'U DZA YA AA DHI SHA MA MI A'A: H'Um, AOm BADZRA AA DHI PA TI TVAm AA BHI shINYTZA MI, TIshthA BADZRA SA MA YA STVAm, AOm BADZRA GHAnt'A AA: AA: AOm BADZRA AA DHI PA TI TVAm AA BHI shINYTZA BADZRA HI SA MA YA STVAm, AOm BADZRA STVA STVAm, AA BHI shINYTZA MI, BADZRA N'A MA AA BHI shE KA TA, KYE DPAL CHE GE MO RDO RJE ZHES BYA BA'I DE BZHIN GSHEGS PA SIDDHIS MA YA STVAm, BH'UR BH'U WASVA: AA: RANG RDO RJE 'CHANG YAB YUM DU GSAL BAS RDO RJE DANG DRIL BU'I DE KHO NA NYID DRAN PA'I SGO NAS, RDO RJE DBYINGS KYI DBANG PHYUG MA LA 'KHYUD PAS BDE STONG DBYER MED KYI YE SHES RDO RJE SLOB DPON GYI DBANG GI NGO BO RGYUD LA SKYES PAR GYUR, BRTAN BYED DU, DBANG BSKUR RDO RJE CHEN PO STE, ,KHAMS GSUM PA YIS PHYAG BYAS PA, ,SANGS RGYAS KUN GYI GSANG GSUM PA'I, ,GNAS LAS BYUNG BA SBYIN PAR BYA, ,AOm A'A: SARBA TA TH'A GA TA AA BHI
shE KA TA SA MA YA SHR'I YE H'Um, DE LTAR DBANG BSKUR BAS LUS BDUD RTZI'I CHU RGYUN GYIS GANG ZHING BDE BA CHEN PO'I BDAG NYID DU GYUR, DRI MA THAMS CAD DAG ,CHU LHAG BA SPYI GTZUG TU 'KHYIL BA LAS, MI BSKYOD PAS DBU BRGYAN CING DBANG LHA RNAMS KYANG BDAG NYID LA THIM PAR GYUR, DE LTAR BUM PA'I DBANG THOB, LUS KYI DRI MA SBYANGS, BSKYED PA'I RIM PA BSGOM PA LA DBANG BAR BYAS, 'BRAS BU SPRUL PA'I SKU 'GRUB PA'I NUS PA KHYAD PAR CAN BZHAG GO ,DE NAS BLA MA YAB YUM SNYOMS PAR ZHUGS PA'I SBYOR MTSAMS NAS 'PHROS BA'I 'OD ZER GYIS PHYOGS BCU'I RGYAL BA SRAS DANG BCAS PA SPYAN DRANGS, YAB YUM GYI SKU LA ZHUGS PA CHAGS PA CHEN PO'I MES ZHU BA'I BYANG CHUB KYI SEMS SU GYUR, 'DAS PA'I RDO RJE 'CHANG SOGS KYIS; ;JI LTAR SANGS RGYAS SRAS DBANG BSKUR, ,BYANG CHUB SEMS NI BZANG PO YIS, ,DE LTAR BU KHYOD DBANG BSKUR RO, ,AOm A'A: BADZRA DHRi KA H'Um H'Um, ZHES GSUNG ZHING GNANG BA MYANG BAS BDE STONG DBYER MED KYI YE SHES GSANG BA'I DBANG THOB NGAG GI DRI MA SBYANGS, BDAG BYIN RLABS BSGOM PA LA DBANG BAR BYAS, 'BRAS BU LONGS SPYOD RDZOGS PA'I SKU 'GRUB PA'I NUS PA KHYAD PAR CAN BZHAG GO ,DE NAS BLA MA DANG GTZO BO THA MI DAD PA'I YUM LAS YUM REG BYA RDO RJE MA GNYIS PA ZHIG CHAD BA GNANG BA RANG GI YUM LA THIM BA DANG SNYOMS PAR ZHUGS PAS LHAN CIG SKYES PA'I BDE STONG DBYER MED KYI YE SHES SHES RAB YE SHES KYI DBANG THOB, YID KYI DRI MA SBYANGS, DON DAM 'OD GSAL BSGOM PA LA DBANG BAR BYAS,
, ,'BRAS BU CHOS KYI SKU 'GRUB PA'I NUS PA KHYAD PAR CAN BZHAG GO ,DE NAS BLA MA DANG GTZO BO THA MI DAD PAS, KHYED KYIS DBANG GSUM PA THOB PA'I SKABS SU, RANG DANG RIG MA GNYIS KYI LUS 'DOD LHA YAB YUM DU SNANG BZHIN PA'I DUS NA SEMS LHAN CIG SKYES PA'I DGA' BAS DE KHO NA NYID KYI DON NGES PA GNYIS MNYAM DU YOD PA DE BZHIN DU, DON DE GOMS PAR BYAS PA LAS, MTHAR RLUNG SEMS TZAM LAS GRUB PA'I LONGS SPYOD RDZOGS BA'I YE SHES KYI SKU RANG SNANG GI RIG MA DANG KHA SBYOR BA'I LUS CAN DANG, DE'I DUS NYID NA THUGS LHAN CIG SKYES PA'I DGA' BA DANG, STONG PA NYID GNYIS RO GCIG TU ZHUGS PA'I 'OD GSAL THAMS CAD STONG PA GNYIS NGO BO DBYER MED PA'I GNYIS SU MED PA'I YE SHES ZUNG 'JUG GI GO 'PHANG MNGON DU BYED DE, DE NI THOB BYA DON GYI DBANG BZHI PA YIN NO, ,DNGOS PO THAMS CAD DANG BRAL BA, ,PHUNG PO KHAMS DANG SKYE MCHED DANG, ,GZUNG DANG 'DZIN PA RNAM SPANGS PA, ,CHOS BDAG MED PA MNYAM NYID PAS, ,RANG SEMS GZOD NAS MA SKYES PA, ,STONG BA NYID KYI RANG BZHIN NO, ZHES GSUNGS PA'I DON GO BAS DBANG BZHI BA THOB, LUS NGAG YID GSUM GYI SGRIB PA BAG CHAGS DANG BCAS PA SBYANGS, LAM ZUNG 'JUG GI RIM PA BSGOM PA LA DBANG BAR BYAS, 'BRAS BU ZUNG 'JUG RDO RJE 'CHANG CHEN PO'I GO 'PHANG MNGON DU 'GYUR BA'I SKAL BA CAN DU BYAS SO, ,SLAR YANG SNGAR BZHIN GSOL BA 'DEBS PA DANG, BDUD RTZI 'OD ZER 'BEBS SBYANGS KYIS SNOD BCUD
SBYANGS BSGYUR SOGS MANG DU BYAS PA'I MTHAR BLA MA LHA'I THUGS KA'I 'OD ZER GYIS MTHA' SKOR GYI GDAN GSUM THAMS CAD SPYAN DRANGS TE, BLA MA YAB YUM LA BSTIM, DE GNYIS KYANG DGYES BZHIN DU BDAG NYID KYI SPYI BO NAS AA WA DH'U T'I'I LAM NAS BRGYUD DE, SNYING GA CHOS KYI 'KHOR LO'I DBUS SU PADMA'I GDAN LA BZHUGS, DE'I THUGS KA'I SEMS DPA' SUM BRTZEGS SNGAGS PHRENG DANG BCAS PA LA RTZE GCIG TU DMIGS NAS AOm A'A: BADZRA DHRi KA H'Um H'Um ZHES DMIGS PA DANG BCAS PAS BRGYA STONG KHRI 'BUM SOGS BZLA'O, ,MJUG TU DGE BA 'DI YIS MYUR DU BDAG ,SANGS RGYAS KUN GYI KUN BDAG NYID, CES SOGS SHLO KA GNYIS DANG, SKYE BA KUN TU YANG DAG BLA MA DANG, ZHES SOGS BSNGO BA DANG SMON LAM GYIS BRGYAN PAR BYA'O,, ,,SMRAS PA, SKAL BZANG RDO RJE SLOB MA'I GNAS SKABS DANG, ,MTHAR THUG DGE LEGS MTHA' DAG 'BYUNG BA'I GNAS, ,BSHES GNYEN DAM PA RGYAL BA KUN GYI BDAG ,THUB DBANG RDO RJE 'CHANG DANG DBYER MED DU, ,LEGS PAR BSGRUB PA'I RNAL 'BYOR MCHOG ,MDO RGYUD DAM PA'I MAN NGAG BZHIN, ,NYAMS LEN RIM PAR BSGRIGS PA YI, ,BYED PO CHOS KYI RGYAL MTSAN NO, ,BAR SKABS KYI TSIGS BCAD DO, ,DE LTAR RIM PA DANG PO DANG; RIM LNGA'I DMAR KHRID CI RIGS BSGOM PA'I TSOGS ZHING DANG BLA MA'I RNAL 'BYOR RGYAS PAR NYAMS SU LEN TSE DE LTAR BYAS TE, RIM PA DANG PO'I SGRUB THABS DON TSANG ZHING MDOR BSDUS PA'I TSUL GYIS NYAMS SU LEN PAR 'DOD NA
, ,'DI LTAR,, ` ,,AOm S'A BH'A WA SHU DDH'A: SARBA DHARMA: SVA BH'A WA SHU DDHONYHAm, STONG PA NYID DU GYUR, STONG BA'I NGANG LAS SNA TSOGS PADMA'I LTE BAR A'A: LAS BYUNG BA'I NYI MA'I DKYIL 'KHOR GYI STENG DU BHRUm SER PO LAS BYUNG BA'I 'KHOR LO SER PO RTZIBS BCU BA GA-YAS BSKOR DU MGYOGS PAR 'KHOR BA RDO RJE 'BAR BA'I SPRIN GYI PHRENG BA PHYOGS BCUR 'PHRO BA, LTE BA'I NANG GI DBUS SU SNA TSOGS PADMA DANG ZLA BA'I GDAN GYI STENG DU RANG NYID RDO RJE 'CHANG DANG YUM RDO RJE DBYINGS KYI DBANG PHYUG MA GNYIS KA'ANG SKU MDOG DKAR PO DKAR NAG DMAR BA'I ZHAL GSUM PHYAG DRUG GI GA-YAS RDO RJE 'KHOR LO PADMA, GA-YON DRIL BU RIN CHEN RAL GRI 'DZIN PA, YAB YUM GYI PHYAG DANG PO GNYIS KYIS PHAN TSUN DU 'KHYUD PA, GNYIS KA'ANG 'OD KYI DKYIL 'KHOR GYIS RNAM PAR MDZES BA, RIN PO CHE'I RGYAN DANG DAR SNA TSOGS KYI NA BZA' CAN, SEMS DPA' GSUM GYI BDAG NYID CAN DU GYUR PA'I GNAS GSUM DU RDO RJE GSUM GYI NGO BO YI GE GSUM GYIS MTSAN PA; YAB YUM SNYOMS PAR ZHUGS PA'I THUGS KA'I TING NGE 'DZIN SEMS DPA'I 'OD ZER GYIS MI BSKYOD PA LA KHRO BO BCUS BSKOR BA SPYAN DRANGS, ZHAL NAS ZHUGS, RDO RJE'I LAM NAS YUM GYI PADMAR ZHU BA'I THIG LE BCU GCIG ,H'Um RING PO BCU GCIG TU GYUR, DE RNAMS YONGS SU GYUR PA LAS MI BSKYOD BA DANG KHRO BO BCUR GYUR BA'I MI BSKYOD PA NAG PO NAG DKAR DMAR BA'I ZHAL GSUM PHYAG DRUG GI GA-YAS RDO RJE 'KHOR LO PADMA, GA-YON DRIL BU RIN CHEN RAL GRI 'DZIN PA RANG
GI THUGS KAR DRANGS, BADZRA DHRiKA THUGS KA NAS PHYIR PHYUNG, PHYOGS BCUR 'PHROS, CHOS 'KHOR BSKOR BA LA SOGS PA'I SANGS RGYAS KYI MDZAD PA MDZAD, KHYAD PAR DU'ANG SEMS CAN ZHE SDANG CAN RNAMS KYI ZHE SDANG SBYANGS, MI BSKYOD PA'I GO 'PHANG LA BKOD, SPRUL PA RNAMS GCIG TU 'DUS, MI BSKYOD PA YE SHES PA DANG DBYER MED DU 'DRES NAS, RANG LA RJES SU ZHUGS PAS SNGAR GYI ZLA BA NYI GDAN DU GYUR PA'I STENG DU, RANG NYID ZHE SDANG RDO RJE, RDO RJE DBYINGS KYI DBANG PHYUG MA REG BYA RDO RJE MA SNGON MOR GYUR PA DANG SNYOMS PAR 'JUG PA'I TSUL GYIS BZHUGS PA SEMS DPA' GSUM GYI BDAG NYID CAN DU GYUR, KHRO BO BCU BO RANG GI THUGS KAR DRANGS, YA M'ANTA KRITA, PRADZNY'ANTA KRITA, PAD M'ANTA KRITA, BIGHNIN TA KRITA, AA TZA LA, tAKKI R'A DZA, N'I LA DANdA, MAH'A PA LA, AUshn'I shA TZAKRA BRTI, SUMBHA R'A DZA, THUGS KA NAS PHYIR PHYUNG PHYOGS MTSAMS KYI RTZIBS KYI NANG DANG, STENG GI PAD NYI'I GDAN LA GA-YON BRKYANGS KYIS GDUG PA CAN THAMS CAD TSAR GCOD PA'I TSUL GYIS 'KHOD, BDAG NYID KYIS BLTAS PAS BKUG PA'I GNOD MDZES GNYIS PA MDUN DU BKA' NOD PA LA, AOm SUMBHA NI SUMBHA H'Um, GRiHnA GRiHnA H'Um, GRiHnA PA LA GRiHn'A PA YA H'Um, A'A NA YA HO, BHA GA WAn BIdY'A R'A DZA H'Um PHAt, CES BKA' BSGOS BAS GNOD MDZES KYI PHYAG GA-YAS KYI RDO RJE DE RDO RJE LCAGS KYUR GYUR NAS, BGEGS KYI BTZO BO PHYOGS SKYONG BCU'I SNYING GA NAS LCAGS KYUS BZUNG, MGRIN PA NAS ZHAGS PAS BCINGS TE BKUG NAS KHOR BO BCU LA GTAD PAS PHYI ROL DU H'Um RING PO LAS GRUB PA'I KHRON PA
, ,'BRUB KHUNG GI RNAM PA CAN DU BCUG BAR GYUR, DE NAS BYANG GI BDUD RTZI 'KHYIL BAS SPRUL BA'I BDUD RTZI 'KHYIL BA GNYIS PA DE YONGS SU GYUR PA LAS, STONG KHRO BO BDUD RTZI 'KHYIL BA LTE BA MAN CHAD MDUD RTZE GCIG PA'I DBYIBS CAN GYI PHUR BU ME DPUNG RAB TU 'BAR BA BCUR GYUR TE, PHYOGS SKYOD 'KHOR DANG BCAS PA'I MGO BOR ZUG PAR GYUR, AOm GHA GHA GH'A TA YA GH'A TA YA, SARBA DU shtAm, PHAt PHAt, K'I LA YA K'I LA YA SARBA B'A BAm PHAt PHAt, H'Um H'Um H'Um BADZRA K'I LA YA; BADZRA DHA RO A'ADZNY'A PA YA TI SARBA BIGHNAm K'A YA W'A KA TZI TTA BADZRA K'I LA H'Um H'Um H'Um PHAt PHAt, GNOD MDZES KYI PHYAG MTSAN RDO RJE LCAGS KYU DE RDO RJE'I THO BA ME 'BAR BAR GYUR PAS, STENG 'OG GI PHUR BU RNAMS KYI SPYI BO NAS BRDUNGS BGEGS RNAMS KYI SPYI GTZUG NAS RKANG MTHIL GYI BAR PHUR BUS BTAB PAS LUS NGAG YID GSUM GA-YO 'GUL MED PAR GYUR, SPRUL PA'I GNOD MDZES 'OG GI GNOD MDZES LA THIM, SLAR YANG KHRO BO DANG PHUR BU RNAMS LAS RDO RJE'I MI 'OD RAB TU 'BAR BA PHYOGS BCUR 'PHROS PAS 'KHOR GYI BGEGS GDUG PA CAN RNAMS TSIG PAS BROS BAR GYUR, tAKKI H'Um DZA: KHOR BO RNAMS KYI PHYI ROL DU LCAGS KYI RDO RJE'I RA BA, tAKKI H'Um DZA: DE'I PHYI ROL DU CHU'I RA BA, tAKKI H'Um DZA: DE'I PHYI ROL DU ME'I RA BA, tA KKI H'Um DZA: DE'I PHYI ROL DU RLUNG GI RA BA, H'Um LAS LCAGS KYI RA BA'I STENG DU RDO RJE'I GUR MCHOD RTEN LTA BU, GUR GYI 'OG RA BA'I STENG DU RDO RJE'I BLA BRE, 'OG GZHI H'Um LAS RDO RJE'I SA GZHI, PHYI'I PHYOGS MTSAMS THAMS
CAD DU MDA'I DRA BA YE SHES KYI ME RAB TU 'BAR BA 'PHRO BA DANG BCAS PAR GYUR, LHA RNAMS KYI SPYI BOR ZLA BA LA AOm DKAR PO, MGRIN PAR PADMA LA A'A: DMAR PO, SNYING GAR NYI MA LA H'Um SNGON PO, AOm A'A: H'Um LAN GSUM BRJOD, THUN BZHI'I TSE, DANG POR BSRUNG 'KHOR RGYAS PA DANG, GZHAN RNAMS LA SNYING POR DRIL BA'I MDOR BSDUS TZAM BSGOM PAR 'DOD PA'I CHED DU'O, ,SMRAS PA, SNYIGS DUS 'GRO BA BSOD NAMS STOBS PHRA BAS, ,PHYI NANG GDON BGEGS BDUD RIGS BAR GCOD KYI, ,MI BZAD MDA' CHAR DRAG PO 'BAB PA YI, ,SRA BRTAN RDO RJE'I GO CHA MCHOG 'DI'O, ,BAR SKABS KYI TSIGS SU BCAD PA'O, ,DE NAS, DNGOS PO MED PAS SGOM PA MED, ,BSGOM PAR BYA BA SGOM PA MIN, ,DE LTAR DNGOS PO DNGOS MED PAS, ,SGOM PA DMIGS SU MED PA'O, ,SNOD BCUD KYIS BSDUS PA'I CHOS THAMS CAD DON DAM PAR NGO BO NYID MED PAS RNAM THAR SGO GSUM GYI RANG BZHIN DU GYUR, STONG PA'I NGANG LAS SKAD CIG GIS RDO RJE'I SA GZHI RVA BA GUR BLA BRE ME RI DANG BCAS PA YONGS SU RDZOGS PA'I DBUS SU, CHOS 'BYUNG DKAR PO ZUR GSUM PA GDENGS KA CHE BA GYEN DU PHYOGS SHING, RTZE MO PHRA BA THUR DU ZUG PA'I NANG DU SNA TSOGS PADMA'I LTE BAR H'Um YAm H'Um GI YAm SNGO SKYA LAS BYUNG BA'I RLUNG GI DKYIL 'KHOR SNGON PO GZHU'I DBYIBS CAN, DE'I STENG DU H'Um RAm H'Um GI RAm DMAR PO LAS BYUNG BA'I ME'I DKYIL 'KHOR DMAR PO GRU GSUM PA, DE'I STENG DU H'Um BAm H'Um GI BAm DKAR PO LAS BYUNG BA'I CHU'I DKYIL 'KHOR DKAR PO ZLUM PO, DE'I STENG DU H'Um LAm H'Um
, ,GI LAm SER PO LAS BYUNG BA'I SA'I DKYIL 'KHOR SER PO GRU BZHI PA RE RE'ANG H'Um GNYIS LAS BYUNG BA'I RDO RJE GNYIS KYIS PHYOGS GNYIS BRGYAN PA, SPYAN SOGS LHA MO BZHI'I NGO BOR GYUR, DKYIL 'KHOR BZHI PO GCIG TU 'DRES PA LAS SNA TSOGS RDO RJER GYUR PA'I LTE BA'I STENG DU BHRUm DKAR PO SANGS RGYAS KYI SPRIN GYI 'OD ZER 'PHRO BA YONGS SU GYUR PA LAS, GZHAL YAS KHANG GRU BZHI SGO BZHI PA, PHYI NAS RIM PA BZHIN DKAR SER DMAR LJANG SNGO BA'I RIM PA LNGA DANG LDAN PA'I RIN PO CHE'I RTZIG PAS BSKOR PA'I STENG NA, RIN PO CHE'I PHA GU ,GSER GYI SKA RAGS, DO SHAL DANG DO SHAL PHYED PA, SHAR BU MDA' YAB RGYAN RTA BABS LA SOGS PA MTSAN NYID THAMS CAD DANG LDAN PA'I GZHAL YAS KHANG GI NANG GI PHYED KYI TSAD KYI PHYI NGOS SU 'OD ZER RNAM PA LNGA'I 'PHRENG BAS BSKOR BA'I NANG DU RDO RJE RTZE GSUM PAS ZLUM POR BSKOR BA LA BRTEN PA'I KA BA BRGYAD KYIS BTEG PA'I RDO RJE'I GDUNG GIS MDZES PAS PHUBS PA'I RTZE MO RDO RJE NOR BU RIN PO CHE'I TOG GIS SPRAS PA, RIM PA GNYIS PA'I GRVA'I GA-YAS GA-YON GNYIS SU BDUD RTZIS GANG BA'I RIN PO CHE'I BUM PA GNYIS GNYIS TE BUM PA BRGYAD KYIS MDZES PAR BYAS PA, LHA DANG MI LAS YON TAN KHYAD PAR DU 'PHAGS PA'I KHANG BZANG DAM PA PHYI BLTAS NANG GSAL BA, NANG BLTAS PHYI GSAL BA'I NANG GI STENG DANG, 'OG GI SA GZHI THAMS CAD SHAR DKAR LHO SER, NUB DMAR, BYANG LJANG, DBUS SNGO BAR GYUR PA'I NANG DU SNA TSOGS PADMA'I GDAN SUM
CU RTZA GCIG ,GTZO BO DANG KHRO BO BCU LA NYI MA'I GDAN, RNAM SNANG LA SOGS PA'I SHAR PHYOGS PA RNAMS LA ZLA BA'I GDAN, M'A MA KI LA RDO RJE'I GDAN, DE MA GTOGS PA'I LHO PHYOGS PA RNAMS LA RIN PO CHE'I GDAN, NUB PHYOGS PA RNAMS LA PADMA DMAR PO'I GDAN, BYANG PHYOGS PA RNAMS LA SNA TSOGS RDO RJE'I GDAN, GDAN DE RNAMS KYI STENG DU SKAD CIG GIS LHAG PAR MOS PA TZAM GYIS LHA SUM CU RTZA GNYIS DUS GCIG TU RDZOGS PAR GYUR PA NI, DBUS KYI GDAN LA RANG NYID RDO RJE 'CHANG SNGON PO SNGO DKAR DMAR BA'I ZHAL GSUM PHYAG DRUG GI GA-YAS RDO RJE 'KHOR LO PADMA, GA-YON DRIL BU RIN CHEN RAL GRI 'DZIN PA, DBU SKRA RAL BA'I THOR TSUGS CAN, MTSAN BZANG PO SUM CU RTZA GNYIS DANG, DPE BYAD BZANG PO BRGYAD CUS BRGYAN PA, YUM REG BYA RDO RJE MA SNGON MO MI BSKYOD PA'I DBU RGYAN CAN, SNGO DKAR DMAR BA'I ZHAL GSUM PHYAG DRUG GI GA-YAS RDO RJE 'KHOR LO PADMA, GA-YON DRIL BU RIN CHEN RAL GRI 'DZIN PA, DBU SKRA RAL PA PHYED BCINGS SU BYAS PA, SHIN TU SGEG CING BZHIN 'DZUM BAG DANG LDAN PA, ZUR GYIS BLTA BA LA SOGS PA'I RNAM 'GYUR GYIS MDZES PA, LANG TSO DAR LA BAB CING, 'DOD YON LNGA'I DGA' BAS ROL PA, YAB YUM GNYIS KA'I PHYAG DANG PO GNYIS KYIS PHAN TSUN DU 'KHYUD PA GNYIS KA'ANG RIN PO CHE'I DBU RGYAN GSOL BA RIN PO CHE'I SNYAN RGYAN DANG, SNYAN GONG AUTPA LA'I GDENGS KA DANG DAR DPYANGS KYIS MDZES PAR BYAS PA, RIN PO CHE'I MGUL RGYAN DANG, MU TIG GI SE MO DO
, ,DANG; RIN PO CHE'I DO SHAL DANG, PHYAG GDUB DANG, ZHABS GDUB DANG, RIN PO CHE'I 'OG PAG STE RIN PO CHE'I RGYAN BRGYAD KYIS BRGYAN PA, SKU STONG LHA RDZAS KYI GOS KYIS GA SHAL BYAS SHING, SKU SMAD LHA RDZAS KYI DAR GYI SHAM THABS 'PHYAR BA, 'OD KYI DKYIL 'KHOR GYIS BSKOR BA'I DBUS NA YAB SEMS DPA'I SKYIL MO KRUNG GIS BZHUGS PAR GYUR, SHAR DU RNAM SNANG DKAR PO MI BSKYOD PA'I DBU RGYAN CAN, DKAR NAG DMAR BA'I ZHAL GSUM PHYAG DRUG GI GA-YAS 'KHOR LO RDO RJE PADMA DKAR PO, GA-YON DRIL BU RIN CHEN RAL GRI 'DZIN PA, LHOR RIN 'BYUNG SER PO MI BSKYOD PA'I DBU RGYAN CAN, SER NAG DKAR BA'I ZHAL GSUM PHYAG DRUG GI GA-YAS NOR BU RDO RJE 'KHOR LO, GA-YON DRIL BU PAD SER RAL GRI 'DZIN PA, NUB TU 'OD DPAG MED DMAR PO MI BSKYOD PA'I DBU RGYAN CAN, DMAR NAG DKAR BA'I ZHAL GSUM PHYAG DRUG GI GA-YON GYI DANG POS DRIL BU DANG BCAS PA'I PADMA DMAR PO'I RTZA BAD KUR BRTEN NAS 'DZIN CING, GA-YAS KYI DANG POS THUGS KAR PADMA KHA 'BYED PAR MDZAD PA, LHAG MA GA-YAS RDO RJE 'KHOR LO, GA-YON RIN CHEN RAL GRI 'DZIN PA, BYANG DU DON GRUB LJANG GU MI BSKYOD PA'I DBU RGYAN CAN, LJANG NAG DKAR BA'I ZHAL GSUM PHYAG DRUG GI GA-YAS RAL GRI SNA TSOGS RDO RJE 'KHOR LO, GA-YON DRIL BU PAD LJANG NOR BU 'DZIN PA, SHAR LHOR SPYAN MA DKAR MO, LHO NUB TU M'A MA K'I SNGON MO, NUB BYANG DU GOS DKAR MO DMAR MO, BYANG SHAR DU SGROL MA LJANG GU, RIM PA GNYIS PA'I SHAR LHOR
GZUGS RDO RJE MA DKAR MO, LHO NUB TU SGRA RDO RJE MA SER MO, NUB BYANG DU DRI RDO RJE MA DMAR MO, BYANG SHAR DU RO RDO RJE MA LJANG GU LHA MO BRGYAD PO THAMS CAD KYANG DBU SKRA RAL PA PHYED BCINGS SU BYAS PA, RIN PO CHE'I DBU RGYAN GSOL BA, RIN PO CHE'I SNYAN RGYAN DANG, SNYAN GONG AUTPA LA'I GDENGS KA DANG, DAR DPYANGS KYIS MDZES PAR BYAS PA, RIN PO CHE'I MGUL RGYAN DANG, MU TIG GI SE MO DO DANG, RIN PO CHE'I DO SHAL DANG, PHYAG GDUB DANG, ZHABS GDUB DANG, RIN PO CHE'I 'OG PAG STE; RIN PO CHE'I RGYAN BRGYAD KYIS BRGYAN PA, SKU STONG LHA RDZAS KYI GOS KYIS GA SHAL BYAS SHING, SKU SMAD LHA RDZAS KYI DAR GYI SHAM THABS GSOL BA SHIN TU SGEG CING BZHIN 'DZUM BAG DANG LDAN PA, ZUR GYIS BLTA BA LA SOGS PA'I RNAM 'GYUR GYIS MDZES PA, LANG TSO DAR LA BAB CING, 'DOD YON LNGA'I DGA' PAS ROL BA, 'OD KYI DKYIL 'KHOR RAB TU 'BAR BA'I DBUS NA RANG RANG GI GDAN LA RDO RJE'I SKYIL MO KRUNG GIS BZHUGS PAR GYUR, SHAR SGO'I GA-YAS GA-YON GYI GDAN LA RIM PA BZHIN DU BYAMS PA DANG, SA SNYING DKAR PO, LHO SGO'I GA-YAS GA-YOS GYI GDAN LA RIM PA BZHIN DU PHYAG RDOR DANG, NAM SNYING SER PO, NUB SGO'I GA-YAS GA-YON GYI GDAN LA RIM PA BZHIN DU 'JIG RTEN DBANG PHYUG DANG, 'JAM DPAL DMAR PO, BYANG SGO'I GA-YAS GA-YON GYI GDAN LA RIM PA BZHIN DU SGRIB SEL DANG KUN BZANG LJANG GU, SHAR SGOR GSHIN RJE'I GSHED NAG PO, LHO SGOR SHES RAB MTHAR BYED DKAR PO, NUB SGOR RTA MGRIN DMAR PO, BYANG SGOR BGEGS
, ,MTHAR BYED SNGON PO, SHAR LHOR MI GA-YOS NAG PO, LHO NUB TU 'DOD RGYAL SNGON PO, NUB BYANG DU DBYUG SNGON CAN SNGON PO, BYANG SHAR DU STOBS PO CHE NAG PO, STENG DU GTZUG TOR 'KHOR LOS BSGYUR PA SNGON PO, 'OG TU GNOD MDZES RGYAL PO SNGON PO, RNAM SNANG NAS KUN BZANG GI BAR GYI LHA THAMS CAD RIN PO CHE'I RGYAN DANG, DAR SNA TSOGS KYI NA BZA' CAN, 'OD KYI DKYIL 'KHOR RAB TU 'BAR BA'I DBUS NA RDO RJE'I SKYIL MO KRUNG GIS BZHUGS PA, KHRO BO BCU PO THAMS CAD KYANG DBU SKRA KHAM SER GYEN DU BRDZES PA LA SOGS PA KHRO BO'I NYAMS THAMS CAD YONGS SU RDZOGS PA GA-YON BRKYANGS KYIS BZHUGS PA, SPYAN MA NAS GNOD MDZES KYI BAR GYI LHA THAMS CAD KYANG ZHAL GSUM PHYAG DRUG PA RANG RANG GI RIGS KYI BDAG PO'I DBU RGYAN CAN DU GYUR, RANG GI THUGS KA'I H'Um LAS 'OD ZER 'PHROS, SEMS CAN THAMS CAD BKUG NAS DKYIL 'KHOR GYI PHYOGS BZHI NAS THOGS PA MED PAR 'JUG PA'I RDO RJE SEMS DPA'I 'JUG PAS ZHUGS PA LA, YAB YUM SNYOMS PAR ZHUGS PA'I BYANG CHUB KYI SEMS KYI 'OD ZER GYIS DBANG BSKUR BAS DE BZHIN GSHEGS PA THAMS CAD KYI BDE BA DANG YID BDE BA THOB STE, RDO RJE SEMS DPAR GYUR NAS RANG RANG GI SANGS RGYAS KYI ZHING DU GSHEGS PAR GYUR, RANG GI THUGS KA'I H'Um SNGON PO'I 'OD ZER LCAGS KYU'I RNAM PA CAN GYIS RNAM SNANG NAS GNOD MDZES KYI BAR GYI LHA RNAMS SPYAN DRANGS TE RANG GI SPYI BO LA SOGS PA'I GNAS RNAMS SU 'KHOD NAS GZUGS
KYI PHUNG PO LA SOGS PA DANG NGO BO DBYER MED DU GYUR PA NI, SPYI BOR RNAM PAR SNANG MDZAD, MGRIN PAR 'OD DPAG MED, LTE BAR RIN CHEN 'BYUNG LDAN, BRLA'I RTZA BAR DON YOD GRUB PA, LTE BAR SPYAN MA, SNYING GAR M'A MA K'I, MGRIN PAR GOS DKAR MO, SPYI GTZUG TU SGROL MA, MIG TU SA'I SNYING PO, RNA BAR PHYAG NA RDO RJE, SNAR NAM MKHA'I SNYING PO, LCER 'JIG RTEN DBANG PHYUG ,SNYING GAR 'JAM DPAL, GSANG GNAS SU SGRIB PA RNAM SEL, TSIGS RNAMS LA KUN TU BZANG PO, SPYI GTZUG TU BYAMS PA; MIG GI SGOR GZUGS RDO RJE MA, RNA BA'I SGOR SGRA RDO RJE MA, SNA'I SGOR DRI RDO RJE MA, LCE'I SGOR RO RDO RJE MA, RDO RJE'I SGOR REG BYA RDO RJE MA, LAG PA GA-YAS LA GSHIN RJE'I GSHED, LAG PA GA-YON LA GZHAN GYIS MI THUB PA, KHA LA RTA MGRIN, RDO RJE LA BGEGS MTHAR BYED, DPUNG PA GA-YAS PA'I RTZA BAR MI GA-YO BA, DPUNG PA GA-YON PA'I RTZA BAR 'DOD PA'I RGYAL BO, PUS MO GA-YAS LA DBYUG SNGON CAN, PUS MO GA-YON LA STOBS PO CHE, SPYI GTZUG TU GTZUG TOR 'KHOR LOS BSGYUR PA, RKANG MTHIL GNYIS SU GNOD MDZES RGYAL PO, BDAG NYID KYI LUS KYI LHA RNAM SNANG, SPYAN MA, SA'I SNYING PO, GZUGS RDO RJE MA, BYAMS PA GSHIN RJE'I GSHED, MI GA-YO BA RNAMS RIM GYIS 'OD GSAL DU THIM, DE NAS RIN 'BYUNG M'A MA K'I; PHYAG RDOR, SGRA RDO RJE MA, GZHAN GYIS MI THUB PA, 'DOD PA'I RGYAL PO RNAMS RIM GYIS 'OD GSAL DU THIM, DE NAS 'OD DPAG MED, GOS DKAR MO, NAM MKHA'I SNYING PO, DRI RDO RJE MA, RTA MGRIN, DBYUG SNGON CAN RNAMS RIM GYIS
, ,'OD GSAL DU THIM, DE NAS DON GRUB, SGROL MA, 'JIG RTEN DBANG PHYUG ,RO RDO RJE MA, SGRIB SEL, REG BYA RDO RJE MA, KUN BZANG, BGEGS MTHAR BYED, STOBS PO CHE RNAMS RIM GYIS 'OD GSAL DU THIM; DE NAS GTZUG TOR 'KHOR LOS BSGYUR BA, GNOD MDZES RGYAL PO, 'JAM DPAL RNAMS RIM GYIS 'OD GSAL DU THIM ZHING, GTZO BO YANG RIM GYIS 'OD GSAL DU THIM PAR GYUR,, ,,AOm SH'U N+YA T'A DZNY'A NA BADZRA SVA BH'A WA A'A TMA KONYA HAm, GDAN DBUS MA'I STENG DU H'Um LAS BYUNG BA'I NYI MA'I DKYIL 'KHOR, DE'I DBUS SU AOm LAS BYUNG BA'I ZLA BA'I DKYIL 'KHOR, DE'I STENG DU A'A: LAS BYUNG BA'I PADMA DMAR PO 'DAB MA BRGYAD PA'I LTE BAR AOm A'A: H'Um GI YI GE GSUM STENG NAS STENG DU BRTZEGS PA, DE THAMS CAD GCIG TU 'DRES PA LAS, ZLA BA'I DKYIL 'KHOR CHA THAMS CAD YONGS SU RDZOGS PA ZHIG TU GYUR, DE LAS 'OD ZER 'PHROS, SNOD BCUD THAMS CAD BSDUS TE ZLA BA LA THIM, AOm DHARMA DH'A TU SVA BH'A WA A'ATMA KONYA HAm, SNOD BCUD KYI CHOS THAMS CAD KYI RTZA BA RLUNG SEMS TZAM ZLA BAR SNANG BA DE NGA'O, ,ZLA BA'I STENG DU CHU LAS CHU BUR RDOR BA'I TSUL DU ZLA BA LAS BYUNG BA'I AOm DKAR PO, A'A: DMAR PO, H'Um SNGON PO, DE DAG LAS 'OD ZER 'PHROS, PHYOGS BCU NAS RIGS LNGA 'KHOR DANG BCAS PA DPAG TU MED PA SPYAN DRANGS, ZLA BA LA THIM, DE YONGS SU GYUR PA LAS RDO RJE DKAR PO RTZE LNGA BA LTE BA LA
AOm A'A: H'Um GIS MTSAN PA, BADZRA A'ATMA KONYA HAm, RDO RJE YI GE DANG BCAS PA YONGS SU GYUR BA LAS, RANG NYID DANG PO'I MGON PO SKU MDOG DKAR PO, DKAR NAG DMAR BA'I ZHAL GSUM PHYAG DRUG GI GA-YAS RDO RJE 'KHOR LO PADMA, GA-YON DRIL BU RIN CHEN RAL GRI 'DZIN PA, RIN PO CHE'I RGYAN DANG DAR SNA TSOGS KYI NA BZA' CAN DU GYUR, RANG BZHIN GYI GNAS NAS DE BZHIN GSHEGS PA YAB YUM SEMS CAN 'DUL BA'I PHYIR DU SNYOMS PAR ZHUGS PA'I BYANG CHUB KYI SEMS LAS GRUB PA'I MI BSKYOD PAS NAM MKHA'I KHAMS THAMS CAD KHYAB PAR BYAS, DES SEMS CAN THAMS CAD LA BYIN GYIS BRLABS PAS ZAG PA MED PA'I BDE BA DANG YID BDE BA THOB PAR GYUR, MI BSKYOD PA THAMS CAD KYANG GZHAL YAS KHANG GI NANG DU GCIG TU 'DRES PA LA, RANG NYID RJES SU ZHUGS PAS RANG NYID SPRUL SKU RDO RJE SEMS DPA' SNGON PO SNGO DKAR DMAR BA'I ZHAL GSUM PHYAG DRUG GI GA-YAS RDO RJE 'KHOR LO PADMA, GA-YON DRIL BU RIN CHEN RAL GRI 'DZIN PA, RIN PO CHE'I RGYAN DANG DAR SNA TSOGS KYI NA BZA' CAN DU GYUR, BDAG NYID KYI LUS KYI MDUN RGYAB DANG GA-YAS GA-YON BZHI NI DKYIL 'KHOR GYI ZUR BZHI, KHA SNA BSHANG GCI'I LAM GYI BU GA BZHI NI SGO BZHI, RNAM RTOG GI BZHON PA YE SHES LNGA DAG PA'I RLUNG KHA DOG LNGA PA NI RTZIG PA RIM PA LNGA, LCE'I RNAM SHES NI RIN PO CHE'I PHA GU ,RGYU MA DRA BA, RGYUS PA DRA PHYED, BYANG SEMS DKAR PO'I CHA ZLA
, ,BA PHYED PA, MIG GI RNAM SHES NI ME LONG, SNA'I RNAM SHES NI ME TOG GI PHRENG BA, LCE'I DBANG PO NI DRIL BU, LUS KYI DBANG PO'I TSOGS RNGA YAB TU GYUR PA NI DRA BA DANG DRA PHYED KYI RGYAN NO, ,RNA BA DANG LUS KYI RNAM SHES NI MDA' YAB LA GNAS PA'I BA DAN DANG DAR 'PHAN, RJE NGAR BRLA DPUNG LAG NGAR GYI RKANG BRGYAD NI KA BA BRGYAD, LTO BA NI DKYIL 'KHOR GYI NANG GI BUM PA, RNA BA'I DBANG PO NI MTSAMS RNAMS KYI ZLA PHYED RDO RJE, PHUNG PO LNGA RNAM PAR DAG PA NI DKYIL 'KHOR GYI KHA DOG LNGA, GSANG GNAS LTE BA SNYING GI GDONG GI SNA RTZE BZHI NI RTA BABS BZHI, MIG GI DBANG PO NI DE'I STENG GI 'KHOR LO, ,YID KYI RNAM SHES NI RI DVAGS, SNA'I DBANG PO NI RTA BABS KYI BA DAN, YID KYI DBANG PO NI DBUS KYI PADMA STE, DE LTAR LUS KYI CHA THAMS CAD GZHAL YAS KHANG GI CHA SO SOR GYUR, RANG GI SPYI GTZUG NAS SKRA MTSAMS KYI BAR DU GZUGS KYI PHUNG PO'I NGO BO AOm DKAR PO YONGS SU GYUR PA LAS RNAM SNANG DKAR PO MI BSKYOD PA'I DBU RGYAN CAN, SKRA MTSAMS NAS MGRIN PA'I BAR DU 'DU SHES KYI PHUNG PO'I NGO BO A'A: DMAR PO YONGS SU GYUR PA LAS 'OD DPAG MED DMAR PO MI BSKYOD PA'I DBU RGYAN CAN, MGRIN PA NAS NU MA GNYIS KYI DBUS KYI SNYING GA'I BAR DU RNAM SHES KYI PHUNG PO'I NGO BO H'Um SNGON PO YONGS SU GYUR BA LAS MI BSKYOD PA SNGON PO MI BSKYOD PA'I DBU RGYAN CAN, SNYING GA NAS LTE BA'I BAR DU TSOR BA'I PHUNG PO'I NGO BO SV'A SER PO YONGS SU GYUR PA LAS RIN 'BYUNG SER PO MI BSKYOD PA'I DBU RGYAN CAN, LTE BA NAS BRLA'I RTZA BA'I BAR DU 'DU BYED KYI PHUNG
PO'I NGO BO H'A LJANG GU YONGS SU GYUR PA LAS DON GRUB LJANG GU MI BSKYOD PA'I DBU RGYAN CAN, LTE BAR LUS KYIS PA'I KHAMS THAMS CAD KYI NGO BO LAm YONGS SU GYUR PA LAS SPYAN MA DKAR MO RNAM SNANG GI DBU RGYAN CAN, SNYING GAR LUS KYI CHU'I KHAMS THAMS CAD KYI NGO BO MAm YONGS SU GYUR BA LAS M'A MA K'I SNGON MO MI BSKYOD PA'I DBU RGYAN CAN, MGRIN PAR LUS KYI ME'I KHAMS THAMS CAD KYI NGO BO PAm YONGS SU GYUR BA LAS GOS DKAR MO DMAR MO 'OD DPAG MED KYI DBU RGYAN CAN, SPYI GTZUG TU LUS KYI RLUNG GI KHAMS THAMS CAD KYI NGO BO TAm YONGS SU GYUR BA LAS SGROL MA LJANG GU DON GRUB KYI DBU RGYAN CAN, MIG GNYIS SU MIG DBANG GI NGO BO THAMS CAD LA YONGS SU GYUR PA LAS SA SNYING DKAR PO RNAM SNANG GI DBU RGYAN CAN, MIG GI SGOR LUS KYI GZUGS KYI RANG BZHIN DZA: YONGS SU GYUR PA LAS GZUGS RDO RJE MA DKAR MO RNAM SNANG GI DBU RGYAN CAN, YAB YUM GNYIS KYI PHYAG DANG PO GNYIS KYIS PHAN TSUN DU 'KHYUD PA, RNA BAR RNA BA'I DBANG PO'I NGO BO AOm YONGS SU GYUR PA LAS PHYAG NA RDO RJE SER PO RIN 'BYUNG GI DBU RGYAN CAN, RNA BA'I SGOR LUS KYI SGRA'I RANG BZHIN H'Um YONGS SU GYUR PA LAS SGRA RDO RJE MA SER MO RIN 'BYUNG GI DBU RGYAN CAN, YAB YUM GNYIS KYI PHYAG DANG PO GNYIS KYIS PHAN TSUN DU 'KHYUD PA, SNAR SNA'I DBANG PO'I NGO BO AOm YONGS SU GYUR PA LAS NAM SNYING SER PO RIN 'BYUNG GI DBU RGYAN CAN, SNA'I SGOR LUS KYI DRI'I RANG BZHIN BAm YONGS SU GYUR PA LAS DRI RDO RJE MA DMAR MO 'OD DPAG MED KYI DBU RGYAN CAN, YAB YUM GNYIS KYI PHYAG DANG PO GNYIS KYIS PHAN
, ,TSUN DU 'KHYUD PA, LCER LCE'I DBANG PO'I NGO BO AOm YONGS SU GYUR BA LAS 'JIG RTEN DBANG PHYUG DMAR PO 'OD DPAG MED KYI DBU RGYAN CAN, LCE'I SGOR LUS KYI RO'I RANG BZHIN HO YONGS SU GYUR PA LAS RO RDO RJE MA LJANG GU DON GRUB KYI DBU RGYAN CAN, YAB YUM GNYIS KYI PHYAG DANG PO GNYIS KYIS PHAN TSUN DU 'KHYUD PA, SNYING GAR YID DBANG GI NGO BO H'Um YONGS SU GYUR BA LAS 'JAM DPAL DMAR BO 'OD DPAG MED KYI DBU RGYAN CAN, RDO RJER LUS DBANG GI NGO BO AOm YONGS SU GYUR BA LAS SGRIB SEL LJANG GU DON GRUB KYI DBU RGYAN CAN, RDO RJE'I SGOR LUS KYI REG BYA'I RANG BZHIN KHAm YONGS SU GYUR PA LAS, REG BYA RDO RJE MA SNGON MO MI BSKYOD PA'I DBU RGYAN CAN, YAB YUM GNYIS KYI PHYAG DANG PO GNYIS KYIS PHAN TSUN DU 'KHYUD PA, TSIGS RNAMS LA TSIGS RNAMS KYI NGO BO SAm YONGS SU GYUR PA LAS KUN BZANG LJANG GU DON GRUB KYI DBU RGYAN CAN, SPYI GTZUG TU RTZA DANG RGYUS PA'I RANG BZHIN MEEm YONGS SU GYUR PA LAS BYAMS PA DKAR PO RNAM SNANG GI DBU RGYAN CAN, RNAM SNANG NAS BYAMS PA'I BAR GYI LHA THAMS CAD KYANG RIN PO CHE'I RGYAN DANG DAR SNA TSOGS KYI NA BZA' CAN DU GYUR, LAG PA GA-YAS LA DE'I NGO BO H'Um YONGS SU GYUR PA LAS GSHIN RJE'I GSHED NAG PO RNAM SNANG GI DBU RGYAN CAN, LAG PA GA-YON LA DE'I NGO BO H'Um YONGS SU GYUR PA LAS SHES RAB MTHAR BYED DKAR PO RIN 'BYUNG GI DBU RGYAN CAN, KHA LA DE'I NGO BO H'Um YONGS SU GYUR PA LAS RTA MGRIN DMAR PO 'OD DPAG MED
KYI DBU RGYAN CAN, RDO RJE LA DE'I NGO BO H'Um YONGS SU GYUR PA LAS BGEGS MTHAR BYED NAG PO DON GRUB KYI DBU RGYAN CAN, DPUNG PA GA-YAS PA'I RTZA BAR DE'I NGO BO H'Um YONGS SU GYUR PA LAS MI GA-YO BA SNGON PO RNAM SNANG GI DBU RGYAN CAN, DPUNG PA GA-YON PA'I RTZA BAR DE'I NGO BO H'Um YONGS SU GYUR PA LAS 'DOD RGYAL SNGON PO RIN 'BYUNG GI DBU RGYAN CAN, PUS MO GA-YAS LA DE'I NGO BO H'Um YONGS SU GYUR PA LAS DBYUG SNGON CAN SNGON PO 'OD DPAG MED KYI DBU RGYAN CAN, PUS MO GA-YON LA DE'I NGO BO H'Um YONGS SU GYUR PA LAS STOBS PO CHE SNGON PO DON GRUB KYI DBU RGYAN CAN, SPYI GTZUG TU DE'I NGO BO H'Um YONGS SU GYUR PA LAS GTZUG TOR 'KHOR LOS SGYUR BA SNGON PO MI BSKYOD PA'I DBU RGYAN CAN, RKANG MTHIL GNYIS SU DE'I NGO BO H'Um YONGS SU GYUR PA LAS GNOD MDZES RGYAL PO SNGON PO MI BSKYOD PA'I DBU RGYAN CAN, KHRO BO BCU PO THAMS CAD KYANG DBU SKRA DMAR SER GYEN DU BRDZES PA LA SOG PA KHRO BO'I NYAMS THAMS CAD YONGS SU RDZOGS PAR GYUR, RANG GI SPYI BO DANG LCE DANG SNYING GA'I DBUS SU RIM BZHIN YI GE GSUM LAS BYUNG BA'I ZLA BA PADMA NYI MA'I LTE BAR AOm DKAR PO, A'A: DMAR PO, H'Um SNGON PO, 'OD ZER KHA DOG LNGA 'PHRO BA RNAMS LAS SPYAN MA GOS DKAR MO M'A MA K'I'I TSOGS NAM MKHA' GANG BA SPROS PAS; SKAD CIG GIS SKU RDO RJE RNAM SNANG, GSUNG RDO RJE 'OD DPAG MED, THUGS RDO RJE MI BSKYOD PA'I LHA'I TSOGS NAM MKHA' GANG BA SPYAN DRANGS PA'I DBUS NA BZHUGS PA'I GTZO BO RDO RJE GSUM YUM GSUM DANG MNYAM PAR SBYOR BA'I MDUN
, ,NA BDAG NYID GNAS PAR GYUR, DPAL LDAN SANGS RGYAS SKU 'CHANG BA, ,RDO RJE MI PHYED GSUM BSGOMS PAS, ,DENG BDAG BYIN GYIS BRLABS NAS SU, ,RDO RJE'I SKUS NI MDZAD DUG SOL, ,PHYOGS BCUR BZHUGS PA'I SANGS RGYAS RNAMS, ,RDO RJE MI PHYED GSUM BSGOMS PAS, ,DENG BDAG BYIN GYIS BRLABS NAS SU, ,RDO RJE'I SKUS NI MDZAD DU GSOL, ,CHOS KYI GSUNG LAM DPAL LDAN PA, ,RDO RJE MI PHYED GSUM BSGOMS PAS, ,DENG BDAG BYIN GYIS BRLABS NAS SU, ,RDO RJE'I GSUNG GIS MDZAD DU GSOL, ,PHYOGS BCUR BZHUGS PA'I SANGS RGYAS RNAMS, ,RDO RJE MI PHYED GSUM BSGOMS PAS, ,DENG BDAG BYIN GYIS BRLABS NAS SU, ,RDO RJE'I GSUNG GIS MDZAD DU GSOL, ,DPAL LDAN ROD RJE THUGS 'CHANG BA, ,RDO RJE MI PHYED GSUM BSGOMS PAS, ,DENG BDAG BYIN GYIS BRLABS NAS SU, ,RDO RJE'I THUGS KYIS MDZAD DU GSOL, ,PHYOGS BCUR BZHUGS PA'I SANGS RGYAS RNAMS, ,RDO RJE MI PHYED GSUM BSGOMS PAS, ,DENG BDAG BYIN GYIS BRLABS NAS SU, ,RDO RJE'I THUGS KYIS MDZAD DU GSOL, ZHES RNAM SNANG, 'OD DPAG MED, MI BSKYOD PA, GTZO 'KHOR RNAMS LA GSOL BA BTAB PAS SPROS PA'I YUM GSUM DANG, SPYAN DRANGS PA'I RDO RJE GSUM GYI LHA'I TSOGS GNYIS PO THAMS CAD PHAN TSUN RJES SU CHAGS PA SNGON DU 'GRO BAS SNYOMS PAR ZHUGS, MCHOG TU DGA' BA'I BDE BA MYONG, 'OD ZER DKAR DMAR NAG PO'I NGO BOR ZHU BA, YE SHES SEMS
DPA'I TSUL GYIS RANG GI GNAS GSUM DU ZHUGS TE, YE SHES KYI SA THOB PAS LUS THAMS CAD BKANG STE TSEM NAS SKU GSUNG THUGS KYI DBANG PHYUG THOB PAR GYUR, SANGS RGYAS KUN GYI SKU GANG YIN, ,PHUNG PO LNGA YIS RAB BKANG BAS, , SANGS RGYAS SKU YI NGO BO YIS, ,BDAG KYANG DE DANG 'DRA BAR SHOG ,AOm SARBA TA TH'A GA TA K'A YA BADZRA SVA BH'A WA A'ATMA KONYHAm, RDO RJE CHOS KYI GSUNG GANG YIN, ,NGES PA'I TSIG NI PHUN SUM TSOGS, ,BDAG GI TSIG KYANG DE 'DRA ZHING, ,CHOS 'DZIN PA DANG 'DRA BAR SHOG ,AOm SARBA TA TH'A GA TA W'A KA BADZRA SVA BH'A WA A'ATMA KONYA HAm, KUN TU BZANG PO'I THUGS GANG YIN, ,GSANG BA'I DBANG PO BLO LDAN PA, ,BDAG KYANG DE DANG 'DRAR 'GYUR ZHING, ,RDO RJE 'DZIN DANG MTSUNGS 'GYUR SHOG ,AOm SARBA TA TH'A GA TATZITTA BADZRA SVA BH'A WA A'ATMA KONYA HAm, BDAG NYID DE BZHIN GSHEGS PA THAMS CAD KYI SKU GSUNG THUGS RDO RJE GSUM DBYER MI PHYED PA RDO RJE 'CHANG CHEN POR GYUR, AOm SARBA TA TH'A GA TA K'A YA W'A KA TZITTA BADZRA SVABH'A WA A'ATMA KO NYA HAm, RANG DAM TSIG SEMS DPA' RDO RJE 'CHANG SNGON PO'I THUGS KAR SNA TSOGS PADMA DANG ZLA BA'I GDAN LA YE SHES SEMS DPA' SKU MDOG DMAR PO ZHAL GCIG PHYAG GNYIS KYIS RDO RJE DANG DRIL BU 'DZIN PA, RANG SNANG GI SHES RAB MA DANG LHAN CIG KHA SBYOR GYI SBYOR BAS LUS THAMS CAD RGYAS PAR BYED PA, DE'I THUGS KAR ZLA BA'I GDAN LA RDO RJE SNGON PO RTZE LNGA PA'I LTE BA'I NANG DU TING NGE 'DZIN SEMS DPA' H'Um YIG SNGON PO RTAG TU 'CHAR BA MAR ME CHEN PO LTA BU MI SHES PA'I MUN PA 'JOMS PA'I DON DU SNANG
, ,PA'I PHUNG PO CHEN PO LTA BUR GYUR, DAM TSIG SEMS DPA'I RAL PA'I CHOD PAN LA RDO RJE 'CHANG CHEN PO SKU MDOG DKAR PO ZHAL GCIG PHYAG GNYIS KYIS RDO RJE DANG DRIL BU 'DZIN PA, RDO RJE DBYINGS KYI DBANG PHYUG MA DANG KHA SBYOR GYI SBYOR BAS BYANG CHUB KYI SEMS KYI BDUD RTZI 'DZAG BA'I RGYUN GYIS LUS THAMS CAD TSIM PAR BYED PAR GYUR, RANG GI SNYING GA NAS RANG RIGS KYI RIG MA PHYUNG, AOm SH'U N+YA T'A DZNY'A NA BADZRA SVA BH'A WA A'ATMA KONYA HAm, RIG MA STONG PA NYID DU GYUR, STONG PA'I NGANG LAS KHAm LAS RDO RJE KHAm GIS MTSAN PA, DE YONGS SU GYUR PA LAS REG BYA RDO RJE MA SNGON MO MI BSKYOD PA'I DBU RGYAN CAN, SNGO DKAR DMAR BA'I ZHAL GSUM PHYAG DRUG GI ,GA-YAS RDO RJE 'KHOR LO PADMA, GA-YON DRIL BU RIN CHEN RAL GRI 'DZIN PA, DBU SKRA RAL PA PHYED BCINGS SU BYAS PA, ZUR GYIS BLTA BA LA SOGS PA'I RNAM 'GYUR GYIS MDZES PA LANG TSO DAR LA BAB CING 'DOD YON LNGA'I DGA' BAS ROL PA, DE'I SPYI BOR AOm LAS RNAM PAR SNANG MDZAD, MGRIN PAR A'A: LAS 'OD DPAG MED, SNYING GAR H'Um LAS MI BSKYOD PA, LTE BAR SV'A LAS RIN 'BYUNG, BRLA'I RTZA BAR H'A LAS DON GRUB, LTE BAR LAm LAS SPYAN MA, SNYING GAR MAm LAS M'A MA K'I, MGRIN PAR PAm LAS GOS DKAR MO, SPYI GTZUG TU TAm LAS SGROL MA, MIG TU DZA: LAS GZUGS RDO RJE MA LAS SNYING GIS 'KHYUD PA, RNA BAR H'Um LAS SGRA RDO RJE MA LA PHYAG RDOR GYIS 'KHYUD PA, SNAR BAm LAS DRI RDO RJE MA LA NAM SNYING GIS 'KHYUD PA, LCER HO: LAS RO RDO RJE MA LA 'JIG RTEN
DBANG PHYUG GIS 'KHYUD PA, BHA GAR KHAm LAS REG BYA RDO RJE MA LA SGRIB SEL GYIS 'KHYUD PA, LAG PA GA-YAS LA H'Um LAS RO LANGS MA, LAG PA GA-YON LA H'Um LAS GZHAN GYIS MI THUB MA, KHA LA H'Um LAS KHRO GNYER CAN MA, BHA GAR H'Um LAS RAL GCIG MA, DPUNG PA GA-YAS PA'I RTZA BAR H'Um LAS DE BZHIN GSHEGS PA'I YUM RDO RJE MA, DPUNG BA GA-YON PA'I RTZA BAR H'Um LAS SNA TSOGS RIN CHEN MA, PUS MO GA-YAS LA H'Um LAS SNA TSOGS PADMA, PUS MO GA-YON LA H'Um LAS SNA TSOGS LAS MA, SPYI GTZUG TU H'Um LAS NAM MKHA'I RDO RJE MA, RKANG MTHIL GNYIS SU H'Um LAS SA 'DZIN LHA MO RNAMS SU GYUR, RANG GI GSANG GNAS MI DMIGS PA'I NGANG LAS H'Um LAS BYUNG BA'I RDO RJE SNGON PO RTZE LNGA BA RVA DBUS MA'I NOR BU LA H'Um YIG GIS MTSAN ZHING BU GA YI GE PHAt SER POS BKAG PA, YUM GYI GSANG GNAS MI DMIGS PA'I NGANG LAS A'A: LAS BYUNG BA'I PADMA DMAR PO 'DAB MA BRGYAD PA BU GA YI GE PHAt SER POS BKAG PA, RDO RJE DANG PADMA'I NANG 'OD ZER RNAM PA LNGAS GANG BAR GYUR, RANG NYID RIN 'BYUNG DU GYUR, AOm SARBA TA TH'A GA TA AA NU R'A GA nA BADZRA SVA BH'A WA A'ATMA KONYAHAm, RANG NYID RDO RJE 'CHANG DU GYUR, H'Um SNYOMS PAR 'JUG PA'I LAS LA GNAS PAR BYAS PAS MCHOG TU DGA' BA'I BDE BA THOB, RANG NYID DON GRUB TU GYUR, PHAt AOm SARBA TA TH'A GA TA P'U DZA BADZRA SVA BH'A WA A'ATMA KONYA HAm, 'TSAMS 'DIR RAGS PHRA'I RNAL 'BYOR BSGOM, SKYO NA LHA RANG RANG GI THUGS KA'I SA BON LAS DKYIL 'KHOR GYI LHA'I TSOGS SPROS, 'GRO BA'I DON BYAS NAS SNGAGS
, ,DANG LHAN CIG TU 'JUG PA'I RLUNG GIS SNYING GA'I SA BON LA 'JUG PA'I SPRO BA DANG BSDU BA'I MDZAD BCAN DU GYUR, AOm A'A: H'Um, AOm A'A: BADZRA DHRiKA H'Um H'Um, AOm A'A: SBARSHA BADZRA KHAm H'Um, AOm A'A: DZI NA DZIKA AOm H'Um, AOm A'A: RATNA DHRiKA SV'A H'Um, AOm A'A: A'A RO LI KA A'A: H'Um, AOm A'A: PRADZNY'A DHRiKA H'A H'Um, AOm A'A: MO HA RA TI L'Am H'Um, AOm A'A: DVE shA RA TI M'Am H'Um, AOm A'A: R'A GA RATI P'Am H'Um, AOm A'A: BADZRA RA TI T'Am H'Um, AOm A'A: R'U BA BADZRA DZA: H'Um, AOm A'A: SHAPTA BADZRA H'Um H'Um, AOm A'A: GANDHA BADZRA BAm H'Um, AOm A'A: RA SA BADZRA HO: H'Um, AOm A'A: SPARSHA BADZRA KHAm H'Um, AOm A'A: MI TRI MEm H'Um, AOm A'A: KshI TI GARBHA TRLAm H'Um, AOm A'A: BADZRA P'A nI AOm H'Um, AOm A'A: KHAm GARBHA AOm H'Um, AOm A'A: LO KE SHVAR AOm H'Um, AOm A'A: MANYDZU SHR'I H'Um H'Um, AOm A'A: SARBA nI WA RA nA BI SKAm BI NI AOm H'Um, AOm A'A: SA MANTA BHA DRA SAm H'Um, AOm A'A: YA M'ANTA KRITA H'Um H'Um, AOm A'A: PRADZNY'ANTA KRITA H'Um H'Um, AOm A'A: PAD M'ANTA KRITA H'Um H'Um, AOm A'A: BIGHNAN TA KRITA H'Um H'Um, AOm A'A: AA TZA LA H'Um H'Um, AOm A'A: tAKKI R'A DZA H'Um H'Um, AOm A'A: N'I LA DAndA H'Um H'Um, AOm A'A: MAH'A BAL H'Um H'Um, AOm A'A: AUshNI shA TZAKRA WA RTI H'Um H'Um, AOm A'A: SUMBHA R'A DZA H'Um H'Um, YIG BRGYAS LHAG CHAD KHA BSKANG, MI BSKYOD RDO RJE YE SHES CHE, ,RDO RJE DBYINGS NI MKHAS PA CHE, ,RDO RJE GSUM MCHOG DKYIL 'KHOR GSUM, ,GSANG BA'I DBYANGS LA PHYAG 'TSAL LO, ,ZHES PAS BSTOD, RGYAS PAR 'DOD NA BSTOD PA YONGS RDZOGS BYAS NAS MCHOD PA DANG NANG MCHOD DKYUS LTAR BYIN GYIS BRLABS, MDOR BSDU NA, MCHOD RDZAS DANG NANG MCHOD BSANGS
SBYANGS, STONG PA'I NGANG LAS A'A: LAS BYUNG BA'I THOD PA YANGS SHING RGYA CHE BA RNAMS KYI NANG DU RANG RANG GI MING YIG DANG PO DANG, BHRUm AAm DZRIm KHAm H'Um RNAMS LAS BYUNG BA'I MCHOD RDZAS DANG NANG MCHOD RNAMS ZAG PA MED PA'I YE SHES KYI BDUD RTZI'I RGYA MTSO CHEN POR GYUR, AOm A'A: H'Um LAN GSUM GYIS BYIN GYIS BRLABS, AOm SARBA TA TH'A GA TA AARGHAm NAS SPARSH'I BAR GYIS MCHOD, NANG MCHOD KYANG RGYAS PA GZHUNG BZHIN DANG, BSDU NA MCHOD DO, PHYOGS BCU DUS GSUM GYI DE BZHIN GSHEGS PA THAMS CAD KYI SKU GSUNG THUGS YON TAN 'PHRIN LAS THAMS CAD GCIG TU BSDUS PA'I NGO BO CHOS KYI PHUNG PO STONG PHRAG BRGYAD CU RTZA BZHI'I 'BYUNG GNAS 'PHAGS PA'I DGE 'DUN THAMS CAD KYI MNGA' BDAG DRIN CAN RTZA BA'I BLA MA, DPAL LDAN 'DUS PA'I DBANG RGYUD BSHAD RGYUD MAN NGAG GI BRGYUD PA'I BLA MA DAM PA RNAMS KYI ZHAL DU AOm A'A: H'Um, BKA' DRIN GSUM LDAN RTZA BA'I DPAL LDAN BLA MA DAM PA CHE GE MO'I ZHAL DU AOm A'A: H'Um, SHR'I GU HYA SA MA DZA MAndA LA TZAKRA SARBA BUDHA BO DHIS TVA d'AKI NI DHARMA P'A LA SA PA RI W'A RA AOm A'A: H'Um, ZHES NANG MCHOD PHUL, YAB YUM SNYOMS PAR ZHUGS PAS LHAN SKYES KYI DGA' BA SKYES, BDE BA CHEN PO DANG DE KHO NA NYID DBYER MI PHYED PA'I TING NGE 'DZIN LA SNYOMS PAR ZHUGS PAS GSANG BA DANG DE KHO NA NYID KYI MCHOD PAS MNYES PAR GYUR, RANG YAB YUM SNYOMS PAR ZHUGS PA'I SBYOR MTSAMS NAS BYANG CHUB KYI SEMS KYI 'OD ZER 'PHROS PAS SEMS CAN THAMS CAD LA DBANG BSKUR, SGRIB PA SBYANGS NAS H'Um YIG TU GYUR
, ,DES NAM MKHA'I KHAMS GANG BA YONGS SU GYUR PA LAS, RDO RJE 'CHANG DU GYUR PA RNAMS, RANG GI 'OD ZER GYIS DRANGS NAS RANG LA THIM PAR GYUR, AOm YO GA SHUDDH'A: SARBA DHARMA: YO GA SHUDDHO NYA HAm, MJUG TU DGE BA BSNGO ZHING, LUS BRTAS PAR BYED PA DANG NYAL BA DANG, LDANG BA DANG, KHRUS DANG KHA ZAS KYI RNAL 'BYOR SOGS SGRUB THABS NAS 'BYUNG BA LTAR, RDO RJE 'CHANG GI RNAL 'BYOR DANG LDAN PA'I TSANGS BAR SPYOD PAS DAL 'BYOR THOB PA DON YOD PAR BYA'O, , SMRAS PA, RGYUD RGYAL DPAL LDAN 'DUS PA'I RGYA MTSO CHE, ,LEGS PAR BSGRUBS LAS 'ONGS PA'I 'OD DKAR CAN, ,RJOD BYED PADMO'I SKUD PA LTAR PHRA YANG, ,GROL BYED LAM GYI SMIN BYED YONGS SU RDZOGS, ,AE MA AU DUM WA RA YI, ,ME TOG LAS KYANG CHES DKON ZHING, ,YID BZHIN NOR LTAR DON CHE BA'I, ,LAM BZANG 'DI 'DRA RNYED NAS KYANG, ,TSUL BZHIN NYAMS SU MI LEN PAR, ,DON MED GA-YENG BAS DUS 'DA' NA, ,MI BZAD GDON GYIS BRLAMS PA'AM, ,SEMS MED GYUR PAR GDON MI ZA, ,DE PHYIR RGYUD 'DI'I MTSAN TZAM YANG, ,BRGYA PHRAG BSKAL PAR RNYED DKA' NA, ,THOS BSAM SGOM PAS 'JUG PA DAG ,AE MA SHIN TU RNYED PAR DKA', ,DE PHYIR 'BRAS MED SPUN PA MI 'PHYAR BAR, ,GNAS SKABS MTHAR THUG BDE BA CHEN PO'I DBYINGS, ,BSGRUB PAR 'DOD RNAMS RNAM DAG LAM BZANG 'DIR, ,ZHUGS CES CHOS KYI RGYAL MTSAN THAL MO SBYOR, ,TSUL 'DI 'DUS PA'I SGRUB THABS CHAG MED DU, 'DON 'DOD RNAM GA-YENG 'DAM DU BYING BA
DANG; ;THUN BZHI'I SKABS SU BSDU BAR 'DOD RNAMS DANG, ,ZAB LAM RIM LNGA'I DMAR KHRID SNGON 'GRO BA, ,BYIN RLABS BLA MA'I RNAL 'BYOR MAN NGAG BZHIN, ,BSGOM PAR 'DOD PA'I SKAL BZANG SKYE BO LA, ,PHAN PAR BSAMS TE DGE SLONG SPONG BA PA, ,BLO BZANG CHOS KYI RGYAL MTSAN ZHES BYAS SBYAR, ,DGE BAS MKHA' MNYAM 'GRO BA MA LUS PA, ,BSHES GNYEN DAM PAS 'BRAL MED RJES BZUNG STE, ,SANGS RGYAS LAS KYANG DKON PA'I LAM BZANG 'DIR, ,ZHUGS NAS ZUNG 'JUG RDO RJE'I SKU THOB SHOG ,TSUL 'DI YANG DPAL GSANG BA 'DUS PA'I SGRUB THABS RGYAS PA DON 'DUS SHING TSIG NYUNG NGUR JI LTAR BSDU BA'I TSUL SHES PAR BYA BA'I PHYIR DU MDO RGYUD MAN NGAG 'DZIN PA DGE SLONG BLO BZANG CHOS KYI RGYAL MTSAN ZHES BYA BAS, RJE RIN PO CHE 'GOS KYIS DPAL GSANG BA 'DUS PA LHA SO GNYIS KYI ZHAL MNGON DU GYUR CING GRUB PA BRNYES PA'I ZHAL GZIGS PHUG PAR DBU BRTZAMS TE SBYAR BA'I YI GE BA NI DGE SLONG BLO BZANG PHUN TSOGS SO,, MANGGA LAm, *, ,AOm SVA STI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL,, SARBA DZA GA TAm,, ,,