` ,,NA MO GU RU MANYDZU GHO sh'A YA, RANG BZHIN GNAS NAS RTZA BA'I BLA MA NI, ,YI DAM MCHOG GSUM CHOS SKYONG BSRUNG MAR BCAS, ,SPYAN DRANGS MDUN GYI NAM MKHAR SENGGE'I KHRI, ,PADMA NYI ZLA'I GDAN LA BZHUGS SU GSOL, ,SKYABS MCHOG RTZA BRGYUD BLA MA YI DAM LHA, ,CHOS SKYONG BSRUNG MAR
, ,BCAS PA THAMS CAD LA, ,SGO GSUM DANG BA'I SGO NAS PHYAG 'TSAL ZHING, ,BYANG CHUB SNYING PO'I BAR DU SKYABS SU MCHI, ,MCHOD PA'I TSOGS 'BUL SDIG KUN SO SOR BSHAGS, ,DGE LA YI RANG CHOS 'KHOR BSKOR BAR BSKUL, ,BSKAL BRGYAR MYA NGAN MI 'DA' BZHUGS PAR GSOL, ,DGE TSOGS BLA MED BYANG CHUB CHEN POR BSNGO, ,GANG GI DRIN GYIS 'DOD DGU'I BDE BA CHE, ,SKU GSUM GO 'PHANG MCHOG KYANG BDE BLAG TU, , STZOL MDZAD SKYABS KYI DAM PA YID BZHIN NOR, ,BLA MA RIN PO CHE LA GSOL BA 'DEBS, ,RAB 'BYAMS PHYOGS BCU'I RGYAL BA SRAS BCAS KYI, ,THUGS RJE 'PHRIN LAS MA LUS GCIG BSDUS NAS, ,THA MAL TSUL GYIS 'GRO BA'I DON MDZAD PA'I, ,BLA MA RIN PO CHE LA GSOL BA 'DEBS, ,DUS GSUM BDE BAR GSHEGS PA KUN GYI GTZO, ,BRGYAD KHRI BZHI STONG DAM CHOS 'BYUNG BA'I GNAS, ,'PHAGS TSOGS DGE 'DUN YONGS KYI 'DREN PA MCHOG ,BLA MA RIN PO CHE LA GSOL BA 'DEBS, ,SGRIB BRAL LHAN SKYES BDE STONG ROL PA CHE, ,SNA TSOGS GDUL BYA'I BSAM PA JI BZHIN DU, ,DKYIL 'KHOR 'KHOR LO BYE BA'I BDAG NYID CAN, ,YI DAM LHA TSOGS RNAMS LA GSOL BA 'DEBS, , DRAN PA TZAM GYIS BAR CHAD KUN SEL CING, ,MCHOG DANG THUN MONG DNGOS GRUB MA LUS PA, ,'BAD RTZOL MED PAR YID BZHIN STZOL MDZAD PA'I, ,CHOS SKYONG BSRUNG MA RNAMS LA GSOL BA 'DEBS, ,GANG ZHIG BSTEN NA BSLU BA
MED PA'I SKYABS, ,BLA MA YI DAM BSRUNG MA'I TSOGS RNAMS LA, ,RTZE GCIG MOS PA'I YID KYIS GSOL 'DEBS NA, ,'BRAL MED THUGS RJE CHEN POS BYIN GYIS RLOBS, ,BDAG NI SNGON CHAD NYON MONGS DBANG GYUR PAS, ,SGO GSUM SGO NAS MI DGE CI BGYIS PA, ,GNONG ZHING 'GYOD PAS 'DREN PA RNAMS KYI NI, ,SPYAN SNGAR MA LUS YONGS SU BSHAGS PAR BGYI, ,DENG NAS BZUNG STE TSE RABS THAMS CAD DU, ,RTAG TU DAL 'BYOR TSANG BA'I RTEN THOB CING, ,BLA MA MCHOG GIS 'BRAL MED RJES BZUNG STE, ,SDUG BSNGAL KUN GYI MING YANG MED PAR SHOG ,GNAS SKABS 'DIR YANG 'GAL RKYEN KUN ZHI ZHING, ,TSE DANG BSOD NAMS LONGS SPYOD DPAL 'BYOR SOGS, ,MTHUN PA'I RKYEN RNAMS JI LTAR BSAMS PA BZHIN, ,'BAD RTZOL MED PAR LHUN GYIS GRUB PAR SHOG ,MDOR NA RJE BTZUN BLA MA'I THUGS RJE YIS, ,BDE BA CAN SOGS DAG PA'I ZHING BGROD NAS, ,MGON KHYOD MNGON PAR RDZOGS PAR SANGS RGYAS PA'I, , 'KHOR GYI THOG MAR BDAG CAG 'GYUR BAR SHOG ,CES SGANG CHEN NAS SDE PA CHOS RJE'I THUGS DAM DU, BTZUN PA BLO BZANG CHOS KYI RGYAL MTSAN GYIS SMRAS PA'O,,