` ,,NA MO GU RU MANYDZU GHO sh'A YA, RDO RJE 'CHANG DBANG DPAL LDAN BLA MA YI, ,ZHABS KYI PADMOR GUS PAS PHYAG BYAS TE, ,DAM TSIG SDOM PA DAG BYED RMAD BYUNG THABS, ,RGYUD DANG RJE BTZUN BLA MA'I GSUNG BZHIN BSHAD, ,DE YANG RGYUD SDE GONG MA GNYIS KYI DKYIL 'KHOR CHEN POR DBANG BSKUR BA LEGS PAR THOB PA'I GANG ZAG RANG RANG GI JI SRID SNGAGS SDOM RGYUD LA LDAN PA DE SRID DU, RTZA BA DANG YAN LAG GI DAM TSIG DANG SDOM PA RNAMS LA NYIN ZHAG RE RE'I NANG DU SNGO BGRANG BYED CING, KHYAD PAR RIGS LNGA'I DAM TSIG THUN DRUG TU BSKYANG DGOS TE, DE LTAR MA BYAS NA KHA NA MA THO BA SPOM POR 'GYUR BA'I PHYIR TE, RTZE MO LAS, NYIN DANG MTSAN MO LAN GSUM DU, ,NYIN RE BZHIN NI 'DA' BAR BYA, ,GANG TSE NYAMS GYUR RNAL 'BYOR PA, ,KHA NA MA THO SBOM POR 'GYUR, ZHES GSUNGS PA'I PHYIR, DES NA BYANG CHUB SEMS DPA' GSANG SNGAGS KYI SGO NAS SPYAD PA SPYOD PAR 'DOD PA RNAMS KYIS NI, BSTEN PA DANG BZA' BA DANG, BSRUNG BA'I DAM TSIG RNAMS RDO RJE 'CHANG CHEN POS GSUNGS PA LTAR BSTEN DGOS PAS, DE DAG GI TSUL RGYAS PAR, RJE THAMS CAD MKHYEN
PAS BKA' STZAL BA'I RTZA LTUNG RNAM BSHAD DANG, BLA MA LNGA BCU PA'I RNAM BSHAD DANG, RNAL 'BYOR ROL PA'I DGA' STON, THUN DRUG GI RNAL 'BYOR SOGS SU BLTA BAR BYA ZHING, 'DIR NI DE DAG GI DON LAS DANG PO BA RNAMS KYIS THUN DRUG TU NYAMS SU LEN TSUL 'KHYER BDE BA'I PHYIR TSIGS SU BCAD PA'I SGO NAS BRJOD PAR BYA'O, ,SANGS RGYAS CHOS DANG TSOGS KYI MCHOG RNAMS LA, ,BYANG CHUB BAR DU BDAG NI SKYABS SU MCHI, ,BDAG GIS SBYIN SOGS BGYIS PA'I BSOD NAMS KYIS, ,'GRO LA PHAN PHYIR SANGS RGYAS 'GRUB PAR SHOG (,CES PA NI SKYABS 'GRO'I BSLAB BYA NYIN LAN GSUM MTSAN LAN GSUM DU SKYABS SU 'GRO TSUL DANG SEMS BSKYED DUS DRUG TU GZUNG TSUL LO,,) SEMS CAN THAMS CAD NYE RING CHAGS SDANG DANG, ,BRAL NAS KHYAD PAR 'PHAGS PA'I BDE BA THOB, ,BZOD DKA'I SDUG BSNGAL RGYA MTSO LAS BSGRAL TE, ,THAR PA DAM PA'I BDE DANG 'BRAL BAR MA GYUR, (CIG SNYAM DU DGA' BA'O,) ,'GRO KUN SRID ZHI'I 'JIGS PA LAS SGROL PHYIR, , (BAR BYA'O SNYAM DU BTANG SNYOMS DANG,) RDZOGS PA'I BYANG CHUB THOB PAR (PAR GYUR CIG SNYAM DU BYAMS PA DANG, BAR GYUR CIG SNYAM DU SNYING RJE DANG, ZHES PA NI TSAD MED BZHI SGOM TSUL TE RIGS LNGA'I DAM TSIG GI NANG NAS BYAMS PA DANG MI 'JIGS PA'I SBYIN PA BYA TSUL RIN 'BYUNG GI DAM TSIG BSRUNG TSUL GNYIS 'DIS TSANG,) 'DOD PA'I SEMS, ,DENG NAS BZUNG STE SANGS RGYAS MA THOB BAR, ,SROG GI PHYIR YANG MI BTANG GZUNG BAR BGYI, (,SNYAM DU SMON SEMS CHO GAS GZUNG PHYIR ZHAG RE LA THUN DRUG TU GZUNG DGOS PAR GSUNGS PA'I
, ,BSLAB BYA'O,,) JI LTAR SNGON GYI BDE GSHEGS KYIS, ,BYANG CHUB THUGS NI BSKYED PA DANG, ,BYANG CHUB SEMS DPA'I BSLAB PA LA, ,DE DAG RIM BZHIN GNAS PA LTAR, ,BDAG KYANG 'GRO LA PHAN DON DU, ,BYANG CHUB SEMS NI BSKYED BGYI ZHING, (,'JUG SDOM LEN 'DOD NA MDUN DU STON PA 'KHOR BCAS BZHUGS PAR DMIGS NAS,) BYANG CHUB SEMS DPA'I BSLAB PA LA, ,RIM PA BZHIN DU BSLAB PAR BGYI, ,ZHES SOGS GSUM BRJOD BYANG SDOM BLANG,, DENG DUS BDAG TSE 'BRAS BU YOD, ,MI YI SRID PA LEGS PAR THOB, ,DE RING SANGS RGYAS RIGS SU SKYES, ,SANGS RGYAS SRAS SU DA GYUR TO, ,DA NI BDAG GIS CI NAS KYANG, ,RIGS DANG MTHUN PA'I LAS BRTZAMS TE, ,SKYON MED BTZUN PA'I RIGS 'DI LA, ,RNYOG PAR MI 'GYUR DE LTAR BYA, ,ZHES PHAN YON BSAMS TE SPRO BA BSKYED, ,MDUN GYI NAM MKHAR YID 'PHROG RIN CHEN KHRI, ,CHU SKYES NYI ZLA RGYAS PA'I DKYIL 'KHOR STENG, ,RTZA BA'I BLA MA KHYAB BDAG RDO RJE 'CHANG, ,SKU MDOG SNGON PO ZHAL GCIG PHYAG GNYIS KYIS, ,RDOR DRIL BZUNG NAS RANG 'DRA'I YUM LA 'KHYUD, (,'DI NI SEMS BSKYED RGYAS PAR BYA BA'I PHYIR DGA' BA BSGOMS PAS BYANG CHUB KYI SEMS KYI PHAN YON THUN DRUG TU BSAM TSUL LO,,) MTSAN DPE'I GZI 'BAR RIN CHEN RGYAN MANG 'DZIN, ,YID 'PHROG LHA RDZAS GOS KYI NA BZA' CAN, ,DRAN PA TZAM GYIS GDUNG BA KUN SEL CING, ,SKYABS MCHOG MA LUS 'DUS PA'I BDAG NYID DU, ,SKYIL KRUNG TSUL GYIS BZHUGS PA'I GNAS GSUM DU, ,YI
GE GSUM MTSAN H'Um GI 'OD ZER GYIS, ,RANG BZHIN GNAS NAS BLA MA RDO RJE 'CHANG, ,DZA: H'Um BAm HO GNYIS SU MED PAR GYUR, ,GANG GI DRIN GYIS BDE CHEN NYID, ,SKAD CIG NYID LA 'CHAR BA GANG, ,BLA MA RIN CHEN LTA BU YI, ,RDO RJE CAN ZHABS PAD LA 'DUD, ,BDAG POS GZUNG DANG MA BZUNG DANG, ,DNGOS BSHAMS ('DI NI MI BSKYOD PA'I RIGS KYI DAM TSIG SLOB DPON GZUNG TSUL LO,,) YID KYIS SPRUL PA LAS, ,BYUNG BA PHYI NANG GSANG BA YI, ,SNA TSOGS MCHOD SPRIN RGYA MTSOS MCHOD, (,'DI NI BYANG SEMS KYI NYES BYAS DANG PO LAS SEMS BSRUNG TSUL DANG BLA MA LNGA BCU PAR, MCHOG TU DAD PAS DUS GSUM DU, ZHES GSUNGS PA LTAR PHYAG 'TSAL TSUL LO,,) BDAG GZHAN LUS NGAG YID GSUM LONGS SPYOD DUS ('DI NI DON GRUB KYI RIGS KYI DAM TSIG BSKYANG TSUL LO,,) GSUM DGE TSOGS BCAS, ,RIN CHEN MAndAL BZANG PO KUN BZANG MCHOD PA'I TSOGS BCAS PA, ,BLO YIS BLANGS NAS BLA MA YI DAM DKON MCHOG GSUM LA 'BUL, ,THUGS RJE'I DBANG GIS BZHES NAS BDAG LA BYIN GYIS BRLAB TU GSOL, ,DUS GSUM PHYOGS BCU'I BDE GSHEGS MA LUS PA, ,GANG 'DUL JI BZHIN NGUR SMRIG RNAM ROL GYIS, ,GRANGS MED ZHING DU RGYAL BA'I MDZAD PA CAN,, BLA MA RIN PO CHE LA GSOL BA 'DEBS, (,'DI NI LNGA BCU PAR BLA MA LA MAndAL DUS GSUM DU 'BUL BAR GSUNGS PA'I BSLAB BYA'O,) ,RDO RJE 'CHANG GIS BLO DMAN BSAM PA'I NGOR, ,RAB 'BYAMS RGYAL BA'I 'KHOR LO MTHA' DAG LAS, ,LHAG PA'I
, ,ZHING GI DAM PAR LEGS BSNGAGS PA'I, ,BLA MA RIN PO CHE LA GSOL BA 'DEBS, ,MCHOG DANG THUN MONG DNGOS GRUB MA LUS KUN, ,MGON KHYOD TSUL BZHIN BSTEN PA'I RJES 'GRO BAR, ,MTHONG NAS LUS DANG SROG KYANG YONGS BTANG STE, ,KHYOD MNYES KHO NA SGRUB PAR BYIN GYIS RLOBS, ,DE LTAR GSOL BA BTAB PAS BLA MA MCHOG ,RANG GI SPYI BO'I GTZUG TU SA MA DZA: SLAR YANG DGYES BZHIN RANG DANG RO GCIG GYUR, ,BDAG NYID RDO RJE SEMS DPA'I NGA RGYAL GYIS, ,LHAN SKYES BDE CHEN GSANG BA'I RDO RJE DANG, (,SNYAM DU SEMS PA NI DGE BA'I BSHES GNYEN LA DAD GUS SGOM TSUL GYI GNAD BSDUS PA'O,) ,RANG BZHIN SPROS BRAL GSANG BA'I GHAntA YI, ,MTSON BYED BZUNG NAS BCOM LDAN 'DAS MAR 'KHYUD, ,BDAG GI LUS DANG DE BZHIN LONGS SPYOD DANG, ,DUS GSUM DGE TSOGS PHUNG PO CI MCHIS PA, ,MA GYUR SEMS CAN KUN GYI DON GYI PHYIR, ,DENG NAS 'PHANGS PA MED PAR BTANG BAR BYA, (,SO THAR BYANG SEMS PAR SEMS PA 'DI GSUM NI RDOR DRIL PHYAG RGYA'I DAM TSIG BSKYED TSUL BLA MED LTAR RO,, LONG BYUNG NA, SO SO'I MA MTHA' SDOM GYI SGO NAS DAM TSIG DANG SDOM PA RNAMS LA SNGO BGRANGS BYED CING MA LCOGS NA 'DI TZAM GYIS KYANG SDOM PA GSUM KA LA DRAN SHES BSTEN TSUL DU 'GYUR RO,,) RDO RJE THEG PA YI, ,RNAM DAG BCAS PA'I BSLAB PA PHRA MO LAS, ,RMI LAM DU YANG 'DA' BAR MI BYED PAR, ,RGYAL BA'I BKA' BZHIN BDAG GIS (SNYAM DU GTONG SEMS SPEL BA NI RGYAL SRAS KYI SBYIN PA'I NYAMS LEN DANG RIN 'BYUNG GI DAM TSIG ZANG ZING DANG CHOS SBYIN BYA TSUL LO,,)
BSGRUB PAR BYA, ,THEG PA GSUM DANG RGYUD SDE BZHIS BSDUS PA'I, ,LUNG DANG RTOGS PA'I DAM CHOS MA LUS PA, ,RGYAL BA'I DGONGS PA JI BZHIN LEGS BZUNG STE, ,GANG 'TSAMS THABS KYIS 'GRO BA YONGS SU SGROL, ,ZHES DE DAG GI (SNYAM PA NI SNGAGS SDOM BZUNG BAS RTZA BA DANG YAN LAG GI DAM TSIG DANG SDOM PA LA SNGO GRANGS THUN DRUG TU BYED TSUL LO,) DON DRAN BZHIN PAS BRJOD CING, MJUG TU (SNYAM PA NI PADMA'I RIGS KYI DAM TSIG BSKYANG TSUL LO,,) BZANG PO SPYOD PA SOGS KYI SMON LAM BYA'O,, SMRAS PA RNAM MANG RGYUD SDE RGYA MTSO'I SKYED TSAL LAS, ,THUN DRUG RNAL 'BYOR ME TOG 'PHRENG MDZES PA, ,LEGS PAR SPEL 'DI RIG SNGAGS 'CHANG RNAMS (SNYAM PA NI RNAM SNANG GI RIGS KYI DAM TSIG SEMS CAN DON BYED KYI TSUL KHRIMS BSKYANG TSUL LO,,) KYI; ;DAM TSIG SDOM PA DAG BYED RGYAN MCHOG YIN, ,'DI LAS 'ONGS PA'I RNAM DKAR DGE BA'I MTHUS, ,TSE RABS KUN TU RDO RJE 'CHANG DBANG GIS, ,BCAS PA'I MTSAMS LAS NAM YANG MI 'DA' BAR, ,RIM GNYIS LAM GYI RIM PA MTHAR PHYIN SHOG ,CES PA 'DI NI RANG GI SLOB MA SDE SNOD 'DZIN PA DU MAS BSKUL BA DANG, KHYAD PAR NYIN ZHAG PHRUGS RE LA THUN DRUG TU 'DI LTA BU'I NYAMS LEN GYI SDOM CHEN PO NYAMS SU LEN PA BYUNG NA, BOD KYI GSER CHOS SU GRAGS PA'I LAM ZAB MO RNAMS KYIS CHA TZAM DU'ANG BSKRUN DU MED PA'I RGYAL BA DGYES PA'I BKA' SROL DU RJE YAB SRAS RNAMS KYIS BSNGAGS SHING, RGYUD SDE DANG MTHUN PA'I NYAMS LEN DU CHOS KYI RJES SU 'BRANG BA'I BLOS RTOGS PA'I NYER LEN GYIS
, ,BSKUL BA LA BRTEN NAS RIG PA 'DZIN PA CHOS KYI RGYAL MTSAN GYIS SBYAR BA'O,,