—

*, ,BYANG CHUB LAM GYI RIM PA'I 'KHRID YIG 'JAM PA'I DBYANGS KYI ZHAL LUNG ZHES BYA BA BZHUGS SO, ,

, ,THABS DANG SHES RAB ZUNG DU 'JUG PA'I TSOGS GNYIS ZLA BA'I MAM LAS, ,LEGS 'KHRUNGS MTHONG NA MI MTHUN MED PA'I MTSAN DPE'I YAL 'DAB RAB RGYAS RTZER, ,RNAM PA THAMS CAD MKHYEN PAR BYED PA'I BLA MED RO BRGYA'I 'BRAS SMIN PA, ,'GRO BA'I BLA MA NYI MA'I GNYEN GYUR YONGS 'DU'I DBANG POS DGE LEGS STZOL, ,ZAB RGYAS CHOS TSUL KUN BZOD DMAN PA'I MTSOR, ,BYING TSE 'CHAD RTZOD RTZOM PA'I RUS SPAL GYIS, ,'DEGS MKHAS SHING RTA CHEN PO RNAM GNYIS ZHES, ,GRAGS DKAR SRID PA'I KHONGS LAS BRGAL DE BSNGAGS, ,KHOR YUG GANGS KYI RA BA'I BSIL LDAN LJONGS, ,THEG CHEN CHOS KYI NYI MA 'OD PO CHES, ,LOG RTOGS MUN PA SEL DANG LHAN CIG PAR; ;THUB BSTAN SNANG BAS KHYAB MDZAD AA TI SHA, ,GANG GI GSUNG RAB YID BZHIN NOR BU MCHOG ,THOS BSAM SGOM PA'I RGYAL MTSAN RTZER BKOD NAS, ,GTAN MDUN 'DOD PA'I RE SKONG BKA' GDAMS ZHES, ,PHYOGS KUN KHYAB PA'I RING LUGS 'DI KO MTSAR, ,PHRA ZHIB RNAM PAR DBYOD PA'I BLO GROS RAB TU YANGS PA'I RDO RJE RTZE BRGYA GDENGS TZAM GYIS, ,DRI BCAS 'KHRUL LDAN GZHUNG LUGS BYE BA'I LOG SMRA'I NYES BSHAD SA 'DZIN BGROD PA BCOM PA DANG, ,LHAN CIG RGOL NGAN SPOBS PA'I SBYIN SKYES LUS PHRA MA YI MNGAL KHUR MTHA' DAG LTUNG BYED PA'I, ,SNGON MED LHA DBANG MKHAS BTZUN BZANG PO'I GRAGS PA RAB 'BAR KUN MKHYEN BTZONG KHA PA DE RGYAL, ,RGYAL BA'I NYI MA

, ,LAS NYON SGRIB PA YI, ,NUB RI RA BAG LA ZHA TSE DMAN PA'I BLO'I, ,SHAR PHYOGS SA 'DZIN LAS THON YONGS 'DZIN RJE, ,'KHON STON KUN DA'I GNYEN KHYOD GTZUG GI RGYAN, ,THOG MTHA' BAR DU DGE BA'I DPAL LDAN PA'I, ,DAM PA'I CHOS KYI 'DZAD MED 'BYOR PA LA, ,'JAM DBYANGS MGRIN PAR ZHUGS PAS DBANG SGYUR BAR, ,LHUN GRUB SKU BZHI'I 'BYUNG GNAS DGE BA'I BSHES, ,GANG GI RNAM DKAR PHRIN LAS BSIL ZER GYIS, ,LEGS BSHAD ZLA BA'I MAM RAB RGYAS LAS, ,'DI PHYI'I PHAN BDE'I RIN CHEN DBANG GI RGYAL, ,SRID ZHI'I DBUL PHONGS SEL BA'I MCHOD SBYIN MKHAN, ,KHYAD PAR LNGA BRGYA'I DPUNG GNYEN MAR ME MDZAD, ,YAB SRAS MA DROS CHU BO LAS 'ONGS PA'I, ,SNE ZUR PO TO SPYAN SNGA RNAM GSUM GYI, ,GDAMS PA'I KLUNG CHEN BLO YI RGYA MTSOR BABS, ,DE'I TSUL RNAM PAR LCI BA'I BKA' DRIN KHUR, ,YID BYED GZHAL NUS BYANG CHUB SNYING PO YI, ,PHA MTHA' RNYED PA DE SRID CHES DKA' BA, ,BSAMS KYIN LAG PAD SNYING GA'I NGOS SU ZUM, ,RGYAL SRAS SPYOD PA'I NGANG TSUL MKHA' LTAR YANGS, ,GNAS LUGS DGONGS DON RDUL PHRAN BZHIN DU PHRA, ,DE PHYIR BDAG 'DRAS BRJOD PA'I KHUR 'KHYER BA, ,AA MRA'I CHI GUS CHU GTER 'JAL BA BZHIN, ,'ON TE DPE MTHONG TZAM DANG KLOG LUNG LA, ,'KHRID DU BTAGS MIN BRGYUD LDAN DAM PA'I GSUNG, ,RANG GI NYAMS MYONG TSAD MA'I BDUD RTZI'I BCUD, ,GLEGS BAM RIN CHEN ZA MA TOG TU 'KHYIL, ,

DEL 'DIR BDE BAR GSHEGS PA'I GSUNG RAB MTHA' DAG GI GNAD MA LUS PA GCIG TU BSDUS DE SKAL BA DANG LDAN PA'I GANG ZAG RNAMS SANGS RGYAS KYI SAR 'KHRID PAR BYED PA'I SKYES BU GSUM GYI LAM GYI RIM PA'I 'KHRID 'DI NYID NYAMS SU LEN PAR BYED PA LA NYAM SU LEN PA PO'I GANG ZAG DES KYANG BRGYUD PA BAR MA CHAD PA'I DGE BA'I BSHES GNYEN ZHIG LAS THOS DGOS PA'I RGYU MTSAN GYIS JI SKAD DU, SHING RTA CHEN PO GNYIS LAS LEGS BRGYUD PA'I, , ZAB MO LTA BA RGYA CHEN SPYOD PA'I LAM, ,ZHES DANG, CHOS KHUNGS BTZUN PAR BSTAN PA'I PHYIR MDZAD PA PO'I CHE BA BSTAN PA ZHES DANG, YANG DAG PAR RDZOGS PA'I SANGS RGYAS NAS BZUNG STE DAM PA BAR MA CHAD PA LAS BRGYUD PA'I MAN NGAG DANG LDAN PA ZHES GSUNGS PA'I TSIG 'DI DPYAD NA NUS PA SHIN TU CHE BA YIN NO, ,DE YANG BDAG CAG GI STON PA ZAS GTZANG GI SRAS PO NAS BZUNG STE CHOS KYI RGYAL PO BTZONG KHA PA CHEN PO'I BAR DU BRGYUD PA'I RIM PA RNAMS LAM RIM GSOL 'DEBS SU GSOL BA LTAR 'KHRUL MED KYI GO RIM DU BZHUGS PA DE LTAR YIN LA, DE PHYIN CHAD NAS RJE BLA MA'I LUNG RTOGS KYI BSTAN PA PHYOGS KUN TU SPEL BA'I MKHAS GRUB KYI SLOB MA GNAM GYI SKAR MA DANG SA'I DREG PA LTA BUR KHYAB PAR GYUR PAS BRGYUD TSUL YANG DE SNYED DU 'ONG BA'I TSOD TZAM DU DGA' NA'ANG, DENG SANG NI RANG RANG GI DGON PA'I BLA RABS 'DREN PA TZAM DANG, BAR SKABS KYI BRGYUD PA'I KHUNGS MED PAR GZHAN LA STON PA SOGS SNANG TSUL MTHA' YAS SO, ,'ON TE CHOS 'DI'I TSIG DON GYI CHA LA SGRO 'DOGS GCOD PA'I BSHAD DKA' DANG, DMAR 'KHRID DU NYAMS SU BLANG PA'I TSUL SOGS LA KHO BOS 'BAD PA CHEN POS THOS BSAM BYAS

, ,PA'I BRGYUD TSUL SO SOR YOD PA'I 'KHRID KYI SKOR RJE BTZUN SHES RAB SENG GE NAS RTZA BA'I BLA MA'I BAR DU BYON PA'I PHYAG BZHES SU GTZANG ZHING YID DU 'ONG BA'I SA PHYOGS ZHES BSHAD PA LTAR YUL DUS DANG BSTUN PA'I GNAS KHANG SOGS BYI DOR LEGS PAR BYAS, RGYAL BA'I YUM LAS STON PA DANG CHOS LA RIM GRO BSKYED PAR GSUNGS PA LTAR CHOS STON PA PO LA SENG GE'I KHRI LA SOGS PA'I STAN MTHON PO BSHAM PA SOGS SANGS RGYAS DANG 'DRA BAR BSNYEN BKUR BA'I 'DU SHES BSKYED DGOS TE, SA'I SNYING PO'I MDO LAS, GCIG TU DAD CING GUS PAS CHOS MNYAN GYI, ,DE LA 'PHYA ZHING SKUR BAR MI BYA'O, ,CHOS SMRA BA LA MCHOD PA BYA BA NI, ,SANGS RGYAS 'DRA BAR DE LA 'DU SHES BSKYED, ,CES PA'I DON YIN PAS RTEN 'BREL GYI SGO DANG PO 'DI NAS MA 'CHUGS SHING BRNYAS STAB SU MA SONG BA ZHIG DGOS GSUNG, THOG MAR BDUD TSAR GCOD PA'I SNGAGS BTON NA DPAG TSAD BRGYA TSUN CHAD DU BDUD RId KYIS GLAGS LTA BAR MI NUS PAR BLO GROS RGYA MTSOS ZHUS PA'I MDO LAS BSHAD LA, SNGAGS DE GDON PA 'GRUB MI 'GRUB 'BYUNG BAS DE'I TSAB TU MDO TSAR GSUM NGES PAR GSUNG, DE RJES SANGS RGYAS NAS BZUNG RTZA BA'I BLA MA'I BAR YONGS SU TSANG BA'I LAM RIM BRGYUD PA'I GSOL 'DEBS DANG MAndAL 'BUL BA'I BAR RNAMS GO RIM 'CHUGS MED DU BYA, BLO GSAR BA RNAMS LA SBYOR GZHUNG GI MDZUB 'KHRID DGE RGAN GYIS GTONG BA LTA BU'I BCAS BDE DANG SLA CHOS KYIS MI 'ONG GSUNG BAS THOG MTHA' BAR GYI PHYAG LEN CHE PHRA MTHA' DAG LA RANG BZO'I DRI MAS MA SPAGS PA'I BLO GROS KYIS ZHIB MOR DPYOD PA GNAD DU CHE'O, ,NAM MKHA'I MTHA' DANG MNYAM PA'I SEMS CAN THAMS CAD KYI DON DU

BLA NA MED PA YANG DAG PAR RDZOGS PA'I SANGS RGYAS KYI GO 'PHANG THOB PAR BYA BA'I CHED DU, STON PA BDE BAR GSHEGS PAS GSUNGS PA'I ZAB PA DANG RGYA CHE BA'I DAM PA'I CHOS KYI PHUNG PO KUN RGYAL CHE BA RNAM PA GNYIS KYI BKA' DRIN LA BRTEN NAS, SLOB DPON GZHAN LA BLTOS PA MED PAR RANG STOBS KYIS SHING RTA'I SROL LEGS PAR PHYE BA'I MGON PO KLU SGRUB DANG 'PHAGS PA THOGS MED GNYIS KYI GDAMS PA'I CHU BO GCIG TU 'DRES PA DPAL MAR ME MDZAD KYI GSUNG RAB THEG PA CHEN PO'I CHOS KYI TSUL THOS BSAM BSGOM GSUM GYI SGO NAS GTAN LA 'BEBS PA NI SRID ZHI'I RGUD PA THAMS CAD SEL BAR BYED PA'I PHAN PA DANG BDE BA'I 'BYUNG GNAS YIN LA, DE YANG THOS PA'I TSOMS LAS, THOS PAS CHOS RNAMS SHES PAR 'GYUR, ,THOS PAS SDIG LAS LDOG PAR BYED, ,THOS PAS DON MA YIN PA SPONG, ,THOS PAS MYA NGAN 'DAS PA 'THOB, ,CES PA LTAR THOG MAR THOS PAS GTAN LA 'BEBS PAR BYED PA LA MDO LAS, LEGS PAR RAB TU NYON LA YID LA ZUNG ZHIG ,CES KHA SPUG PA DRI MA CAN ZHABS RDOL PA LTA BU'I SNOD KYI SKYON GSUM SPANGS TE, RANG LA NAD PA, CHOS SMRA BA PO LA SMAN PA, RJES SU BSTAN PA LA SMAN, NAN TAN NYAM SU LEN PA LA NAD GSO BA, DE BZHIN GSHEGS PA LA SKYES BU DAM PA, CHOS KYI TSUL LA RING DU GNAS PA'I 'DU SHES DRUG SOGS MDOR NA CHOS NYAN PA'I KUN SLONG KUN SPYOD SOGS SPYI BYE BRAG MTHA' DAG GSAL BTAB NAS GSAN PAR 'TSAL, GSAN BYA DAM PA'I CHOS NI NYAMS MGUR LAS, ,'DZAM GLING MKHAS PA YONGS KYI GTZUG GI RGYAN, ,SNYAN PA'I BA DAN 'GRO NA LHANG NGE BA, ,KLU SGRUB THOGS MED GNYIS LAS RIM BZHIN DU, ,LEGS BRGYUD BYANG CHUB LAM GYI RIM PA 'DI, ,SKYE RGU'I 'DOD DON MA LUS SKONG BAS NA, ,GDAMS PA RIN CHEN DBANG GI RGYAL PO STE, GZHUNG BZUNG STONG GI CHU BO 'DU BA'I PHYIR, ,

, ,DPAL LDAN LEGS PAR BSHAD PA'I RGYA MTSO 'ANG YIN, ,BSTAN PA THAMS CAD 'GAL MED RTOGS PA DANG, ,GSUNG RAB MA LUS GDAMS PAR 'CHAR BA DANG, ,RGYAL BA'I DGONGS PA BDE BLAG RNYED PA DANG, ,NYES SPYOD CHEN PO'I GA-YANGS LAS KYANG SRUNG, ,DE PHYIR RGYA BOD MKHAS PA'I SKYE BO NI, ,SKAL LDAN DU MAS BSTEN PA'I GDAMS PA MCHOG ,SKYES BU GSUM GYI LAM GYI RIM PA YIS, ,YID RAB MI 'PHROG DPYOD LDAN SU ZHIG YOD, ,CES DUS GSUM GYI BDE BAR GSHEGS PA THAMS CAD KYI 'GROD PA GCIG PA'I LAM PO TSA, 'DREN PA MNYAM MED ZAS GTZANG GI SRAS POS LEGS PAR BKA' STZAL PA'I CHOS KYI PHUNG PO BRGYAD KHRI BZHI STONG GI GNAD 'GAG MA LUS PA SHING RTA CHEN PO RNAM GNYIS KYIS DGONGS PA'I DON RANG DBANG DU BKRAL BA DE DAG GI RJES SU 'BRAD BA'I PAndI TA RNAMS KYIS BSHAD PAS GTAN LA PHAB, GRUB PA'I DBANG PHYUG RNAMS KYIS THUGS NYAMS SU BSTAR BA THAMS CAD 'KHRUL PA MED PAR DPAL LHA GCIG D'I PAm KA RAS SKYES BU GSUM GYI LAM GYI RIM PA ZHES MAN NGAG NYAMS LEN GYI TSUL DU DRIL NAS BYANG CHUB LAM GYI SGRON MA LA SOGS PA MDZAD DE SPAL BAS TSUL DE'I RJES SU 'JUG PA'I JO BO BKA' GDAMS PAR GRAGS PA MKHAS BTZUN BZANG GSUM GYI BRTUL ZHUGS MA NYAMS PAR 'DZIN PA GNAM GYIS SA BKAB PA LTA BUS GANGS CAN GYI LJONGS 'DI YONGS SU KHYAB PAR GYUR PA LAS, SLAR YANG DUS KYI BSKAL PA BSAM RTOGS PA DANG LOG PAR RTOG PA'I DRI MAS SPAGS PA RNAMS SEL BA'I SLAD DU SHING RTA CHEN PO GNYIS PA LTAR 'JAM DBYANGS MI'I SRID PA'I GAR MKHAN CHOS KYI RGYAL PO BTZONG KHA PA CHEN POS BYANG CHUB LAM GYI RIM PA CHE CHUNG DU GRAGS PA'I SNGON MED LEGS PAR BSHAD PA'I BSTAN BCOS CHEN PO 'DI DAG NYID

THEG PA GONG 'OG GI LUNG RTOGS KYI BSTAN PA PHYOGS RE TZAM LA ZHEN NAS NYI TSE BA'I BLANG DOR LA 'JUG PA MA YIN PAR, BSHES GNYEN STON PAS, BSTAN PA THAMS CAD GRU BZHI LAM GYIS 'KHYER SHES PA NGA'I BLA MA ZHES PA'I DON DANG MTHUN PAS, SKYES BU CHUNG DU'I SKABS NAS BSHAD PA'I NGAN SONG GSUM GYI SDUG BSNGAL LA SNYING THAG PA NAS 'JIGS TE DE LAS THAR 'DOD KYI BLO NYES CAN BTZON RA LA SKYUGS LOG PA LTA BU'I BSAM PA RGYUD LA MA SKYES PA'I GANG ZAG LA SKYES BU 'BRING GI SKABS NAS BSTAN PA'I MTHO RIS LHA MI'I PHUN TSOGS KYI BDE BA KUN LA MNGON 'DOD KYI SRED PA MED PA'I SRID PA 'KHOR BA'I NGANG TSUL MTHA' DAG ME 'BAR BA'I KLONG LTAR MTHONG NAS 'KHOR BA LAS NGES PAR 'BYUNG 'DOD KYI BSAM PA BCOS MA MA YIN PA SKYE BA'I GO SKABS MED CING, 'KHRO BA LAS YID 'BYUNG BA'I MYONG BA CUNG ZAD KYANG MED PAR SEMS CAN GZHAN LA DMIGS PA'I BCOS MIN GYI SNYING RJE CHEN PO MTSAN NYID PA NI SKYE BA GA LA SRID, SNYING RJE CHEN PO RGYUD LA MA SKYES PAR BSAM PA BYANG CHUB TU SEMS BSKYED SPYOD PA PHYIN DRUG LA SLOB PA'I BYANG CHUB SEMS DPA' DE NAM MKHA'I PADMO DANG CHOS MTSUNGS PAS NA, DNGOS BSTAN RANG NYID NGAN 'GRO LAS THAR PA'I THABS KYI CHOS SKOR LTA BU DANG, RANG DON DOR NAS GZHAN PHAN LHUR LEN PA'I SKOR RNAMS TSIG LA 'GAL PA LTAR SOM NYIR GYUR PA RNAMS KYANG DON GYI CHA LA RGYU 'BRAS SAM LAM GYI GTZO BO DANG YAN LAG GI TSUL GYIS GANG ZAG GCIG 'TSANG RGYA BA'I CHA RKYEN DU GSUNG RAB THAMS CAD GCIG GROGS SU GCIG 'GRO BA ZHIG DGOS PAS BSTAN PA THAMS CAD 'GAL MED DU RTOGS PA'I CHE BA, DE LTAR GYUR PA'I DON RNAMS NYAMS SU LEN PA'I TSE RIN PO CHE GSUM GYI GTAM GYI SBYOR BA LAS, MANG DU THOS KYANG CHOS KYIS PHONGS PA NI, ,GSUNG RAB GDAMS PAR SHAR BA MED PAS

, ,NONGS, ,ZHES LUNG GI BSTAN PA GTAN LA PHAB PA'I RGYU LAS 'BRAS BU RTOGS PA'I BSTAN PA SGRUB PA'I GNAD MGO BA DE 'DRA MIN PA'I, RNAL 'BYOR PA CHEN POS, GDAMS NGAG LAN DBYAN TSUD PA NI BE'U BUM LAG MTHIL TZAM ZHIG LA NGES PA RNYED PA LA MI ZER GYI GSUNG RAB THAMS CAD GDAMS NGAG TU GO BA LA ZER, ZHES MNGON PAR MTHO BA DANG NGES PAR LEGS PA'I BDE BA SNA GCIG YAN CHAD SGRUB PA'I THABS SANGS RGYAS KYI BKA' DRI MA MED PA RNAMS LAS DNGOS SHUGS GANG RUNG GI SGO NAS MA BSTAN PA MED NA'ANG DE DAG ZAB CING BRLING BAS BLOR CHUD DKA' BA RNAMS LA DGONGS 'GREL GYI BSTAN BCOS CHEN MO RNAMS LAS GSAL BAR BSTAN PAS GSUNG RAB DANG DGONGS 'GREL NAS MA BSHAD PA'I NYAMS SU LEN TSUL MAN NGAG ZUR BCUNG ZAD TZAM YANG MED LA, DE DAG NAS RGYA CHER BSHAD PA'I DON THAMS CAD LAM GYI RIM PA 'DI NYID KYI SKABS SU SNGON 'GRO DANG DNGOS GZHI MJUG GI RIM PA GSUM DU HRIL GYI 'DU ZHING TSANG BA LA NGES BRNYED PA NI GSUNG RAB THAMS CAD GDAMS NGAG TU 'CHAR BA'I CHE BA, DE LTA BU'I GDAMS NGAG TU GSUNG RAB THAMS CAD RDZOGS PAR 'CHAR NA, BSHAD MA THAG PA'I BKA' DANG DGONGS 'GREL THAMS CAD THOS BSAM GYIS GTAN LA PHAB CHOG PA LA LAM SGRON BSTAN RIM LAM RIM SO GSU MING GIS BTAGS PA'I GLEGS BAM LOGSU BYED PA CI ZHIG SNYAM NA, DUS KYI DBANG GIS GDUL BYA RNAMS KYANG BLO GROS KYI MTHU JE DMAN DU GYUR PA'I TSE DON RTOGS DKA' BA DANG TSIG GI CHA HA CANG MANG BA LA SGRO 'DOGS GCOD PAR MI NUS PAS, YANG DAG PAR RDZOGS PA'I SANGS RGYAS NAS BZUNG STE DAM PA BAR MA CHAD PA'I MAN NGAG LA BRTEN NAS LAM GYI RIM PA'I BSTAN BCOS SOGSU BSDUS PA YIN LA, DE LTAR NA CHOS PHUNG BRGYAD KHRI BZHI STONG LA SOGS PA'I TSIG

DON RGYA CHEN PO DAG DER MA 'DUS PAS LHAG CHAD DU 'GYUR RAM SNYAM DU MI SEMS TE, TSIG GI CHA MTHA' DAG NI YONGS SU RDZOGS PAR 'DU MI DGOS SHING DON THAMS CAD 'DUS PAS DBER NA GA PUR NYER LNGA PA'I SMAN GYI PHUNG PO SHIN TU CHE BA DAG LAS SMAN SNA THAMS CAD TSANG PA'I THUN CHUNG DU ZHIG GIS GANG ZAG GCIG GIS TSA BA'I NAD SEL BA YIN GYI, DES SMAN GYI PHUNG PO YONGS RDZOGS ZA MI DGOS PA BZHIN NO, ,RGYU MTSAN DE'I PHYIR BLA MA'I MAN NGAG LA BRTEN NAS RGYAL BA'I DGONGS PA BDE BLAG TU RNYED PA'I CHE BA, DES NA GSUNG RAB DGONGS 'GREL DANG BCAS PA NAS MA BSTAN PA'I GANG ZAG GCIG SO SKYE NAS SANGS RGYAS KYI SA'I BAR DU BGROD PA'I SPANG BYA SGRIB GNYIS KYI GNYEN PO NI CUNG ZAD TZAM YANG MI SRID LA, BSTAN BCOS 'DIR GSUNG RAB THAMS CAD KYI DON 'DUS PA'I PHYIR NA TSUL 'DI NYAMS SU BSTAR BAS NYES PA'I SGO THAMS CAD KHEGS PAR 'GYUR ZHING, KHYAD PAR RNAM PAR 'THAG PA THAMS CAD BSDUS PA'I MDO LAS, 'JAM DPAL DAM PA'I CHOS SPONG BA'I LAS KYI SGRIB PA NI PHRA'O, , 'JAM DPAL GANG DE BZHIN GSHEGS PAS GSUNGS PA'I BKA' LA LA LA NI BZANG BAR 'DU SHES, LA LA LA NI NGAN PAR 'DU SHES PA NI CHOS SPONG BA'O ZHES SOGS GSUNGS PA LTAR GYI CHOS SPONG BA LA BRTEN PA'I NYES PA MTHA' DAG KHEGS PAR 'GYUR BAS NA NYES SPYOD CHEN PO RANG 'GAGS SU 'GRO BA'I CHE BA STE CHE BA BZHI DANG LDAN PA'I GDAMS PA 'DI NYAMS SU LEN PAR BYED PA LA SNGON 'GRO ,DNGOS GZHI, RJES KYI RIM PA DANG GSUM, ,DANG PO SNGON 'GRO'I RIM PA NI, SKYES BU GSUM GYI LAM GYI RIM PA'I GONG MA GONG MA RNAMS 'OG MA 'OG MA'I SNGON 'GRO YIN PAS SKYES BU CHEN PO NYID DNGOS GZHIR BYAS NAS 'BRING YAN SNGON 'GROR BSDUS KYANG BLO SBYONG SOGS KYI 'KHRID TSUL GZHAN RNAMS DANG CHA MTHUN PAS MI RUNG BA MED MOD,

, ,SPYOD PA SPYI BSLABS KYIS BCAD DU, THEG CHEN SPYI LA BSLAB TSUL, KHYAD PAR DU RDO RJE THEG PA LA BSLAB TSUL LO ZHES PA LTAR NA SNGAGS KYI SKABS SU SPYOD PA'I PHYOGS KYI SKOR RNAMS KYANG SNGON 'GROR 'GRO BAS 'KHRID DMIGS GTZO BO DE NGOS ZIN PAR BYAS NAS SNGON 'GRO DNGOS GZHI'I DBYE BA PHYED DGOS KYI, GZHAN DU NA PHA RIL BLTOS NAS CHU RI DANG TSU RIL BLTOS NAS PA RIR 'JOG PA BZHIN DU SKABS DON GYI NGO BO NGOS MA ZIN PA'I 'KHRUL PA'I LAM DU 'PHYAN PA MANG BA'I PHYIR, BRGYUD LDAN DAM PA'I ZHAL LUNG NYAMS SU MYONG BA'I PHYAG LEN MTHONG BRGYUD LA BLTOS PA GAL CHE BAS DAL 'BYOR RNYED DKA'I SKOR NAS BZUNG LHAG MTHONG GI BAR THAMS CAD LUGS 'DI LA LAM GYI DNGOS GZHIR BYA DGOS PA YIN NO, ,SMRAS PA MA DAG SNOD KYI SKYON SPANGS GZUR GNAS KYI, ,RNA BAR DAM PA'I CHOS KYI DBYANGS SNYAN PO, ,YONGS 'DZIN ZHAL GYI SGO LAS NYER THOS PA, ,BSKAL PAR BSGRUBS PA'I BSOD NAMS ZONG GIS RNYED, ,KHYAD PAR RGYA BOD MKHAS GRUB MA LUS PA'I, ,THUGS KYI NYID KHU CHE BA BZHI LDAN CHOS, ,MCHOG DMAN 'GRO LA RIS MED PHAN PA'I SMAN, ,BDUD RTZI'I SPUN ZLA GNYIS PA RNYED DKA'I LAM, ,LAM MCHOG 'DI 'DRA THOS BSAM SGOM GSUM GYIS, ,NYAMS SU BLANG BYAR YOD PA'I SKAL BZANG RNAMS, ,MA NOG CHUNG TSE 'DI'I MDUN MA RGYANG BSRINGS TE, ,ZHEN LOG SKYO SHAS DRAG POS RGYUD BSKUL NAS, ,'DU 'DZIS DBEN PA'I SA 'DZIN MTHON PO'I NGOS, ,SPANG LJONGS NAGS TSAL ME TOG KHOR YUG CAN, ,RDO BA'I SPYIL CHUNG RANG SHONG KHANG BU RU, ,GRIB MA GNYIS PA'I GROGS DANG LHAN CIG PAR, ,LHUNG LHUNG DAL GYIS 'BAB PA'I NYAL 'GRO DANG, ,BAG PHEBS RI DVAGS RGYU BA'I SKAD GNYIS LAS, ,GZHAN DU DUG GSUM BSKYED PA'I LONG GTAM GYIS, ,BSAM GTAN TSER MA'I BYED PO DMIGS SU

MED; ;PHYAG DAR KHROD PA'I GOS DANG BSOD SNYOMS KYIS, ,NYER 'TSO DKOR NAG DUG CHUS MA SBAGS PAS, ,RNAM DKAR DGE LA SKUL NUS LUS NGAG YID, ,GTAN GYI BDE SGRUB MDUN MA'I YANG RTZER SON, ,ZHES BYA BA NI BAR SKABS KYI TSIG SU BCAD PA'O,, ,,DES NA DANG PO SNGON 'GRO LAM GYI RTZA BA BSHES GNYEN BSTEN PA'I TSUL LA SNGON 'GRO SKYABS SEMS DANG ,DNGOS GZHI BSHES GNYEN BSTEN PA'I LAM NYAMS SU LEN TSUL DNGOS GNYIS, DANG PO NI MKHAS PA KHA CIG ,CHOS THAMS CAD KYI THOG MA BSHES GNYEN BSTEN TSUL KHO NA YIN PAS DE'I SNGON DU 'GRO BA'I CHOS GZHAN MED PAR 'CHAD CING DE LA DAG KHUNGS SU BYED PA MANG DU SNANG YANG, DE LTAR NA BSHES GNYEN BSTEN PA'I CHOS SKOR LA BLO SBYONG BA'I BYANG CHUB LAM GYI RIM PA'I CHED DU BYA BA'I GDUL BYA YANG YIN LA, DKON MCHOG GSUM LA SKYABS SU MA SONG BA YANG YIN PA ZHIG KHAS LEN DGOS PAR 'GYUR ZHING ,DE LTA BU'I GDUL BYA DE SKYABS SU MA SONG BA'I RGYU MTSAN GYIS NANG PA SANGS RGYAS PA'I GRAL DU MI TSUD DE, PHYI NANG GI KHYAD PAR SKYABS 'GROS 'BYED PAR JO BO RJE DANG SH'AN TI PAS BZHED CING, BSTAN PA LA 'JUG PA'I SGO DAM PA SKYABS 'GRO YIN PA BYANG CHUB LAM GYI RIM PA'I SA BCAD LAS GSUNGS PAS SO, ,LA LA DAG ,SKYABS SU 'GRO BA TZAM LA 'GAL BA MED NA YANG, SEMS BSKYED PAR MI RIGS TE, BSHES GNYEN BSTEN PA'I 'OG TU SKYES BU CHUNG NGU'I CHOS SKOR RNAMS 'BYUNG BAS SO, ,ZHES 'CHAD PA NI 'THAD PAR MI SEMS TE, SKYES BU CHUNG NGU'I CHOS SKOR LA SKYES BU CHUNG DU DNGOS DANG DE DANG THUN MONG BA'I CHOS SKOR GNYIS SU GSUNGS PA LAS SKABS 'DIR NYAMS SU BLANG BYA NI SKYE BA PHYI MA MNGON MTHO'I LUS RTEN TZAM DON DU GNYER BA'I SKYES BU CHUNG NGU'I SKOR MA YIN PAR SKYES BU CHE 'BRING GI LAM GYI RTEN GZHIR

, ,GYUR PA'I CHUNG DU DANG THUN MONG BA'I CHOS SKOR YIN PAS, SEMS CAN DANG PO'I LAS CAN RNAMS, ,DAM PA'I DON LA 'JUG PA LA, ,THABS 'DI RDZOGS PA'I SANGS RGYAS KYIS, ,SKAS KYI RIM PA LTA BUR GSUNGS, ,ZHES DANG; GAL TE SKYES BU CHUNG 'BRING GI CHOS SKOR RNAMS SKYES BU CHEN PO'I SNGON 'GRO YIN NA SKYES BU CHEN PO'I LAM RIM DU BYAS PAS CHOG MOD, CHUNG 'BRING DANG THUN MONG BA'I LAM RIM ZHES THA SNYAD BYA CI DGOS ZHEN ZHES GSUNGS PAS SKABS 'DIR 'CHAD PA'I YUL NI SKYES BU CHEN PO'I GDUL BYA YIN LA, DE LA SNGON 'GRO'I TSUL DU SKYES BU CHUNG DU BSTAN PA YIN PAS NA SEMS BSKYED KYI RTZIS ZIN PAR SKYON MED PAR MA ZAD SHIN TU LEGS PA'O, ,KHYAD PAR BDAG GI BLA MA DAM PA 'KHRID GZHUNG BDUD RTZI GSER ZHUN LA GZHI MDZAD, LAM GYI RIM PA GNYIS NAS KHA BSKANGS TE GNANG PAS DER SKYABS SEMS KYI GSAL KHA YO DO, ,GZHUNG CHEN MO RNAMS SU 'DI'I SKABS SKYABS SEMS BYED BA'I GSAL KHA MA BYUNG BAS RANG GIS NYAMS 'KHRID ZHUM MYONG BA'I DBANG GIS GSUNG RGYUN DANG PHYAG LEN MTHONG THOS MED PA'I RTZAL BSHAD MKHAN PO RNAMS YUS BA'ANG THUGS MAD DO, ,DES NA THOG MAR SKYABS SU 'GRO BA NI BSNGAGS 'OS BSNGAGS BSTOD LAS, KHYOD KYI GANG LAS 'GRO BA DAG ,MA DRANGS RGUD PA DE GANG MCHIS, ,GANG DANG 'JIG RTEN MA SPRAD PA'I, ,PHUN TSOGS DE YANG GANG ZHIG MCHIS, ,ZHES SANGS RGYAS KYI MTHU LAS MA BYUNG BA'I RGYU GZHAN GYIS 'GRO BA RNAMS SRID ZHI'I RGUD PA LAS THAR BA DANG, GNAS SKABS DANG MTHAR THUG GI BDE BA LA LONGS SPYOD DU YOD PA NI CUNG ZAD TZAM YANG MED CING, YON TAN KHYAD PAR CAN DANG LDAN PA'I SANGS RGYAS DE NYID DAM PA'I

CHOS 'GOG PA DANG LAM GYI BDEN PA LAS BYUNG LA, DE TSUL BZHIN DU SGRUB PAR BYED PA YANG SLOB PA DANG MI SLOB PA'I DGE 'DUN RNAMS LA RAG LUS PA'I PHYIR NA SKYABS YUL DAM PA DE RNAMS LA BDAG DUS DENG NAS BZUNG STE SANGS RGYAS MA THOB KYI BAR DU MGON SKYABS DANG DPUNG GNYEN ZHU SNYAM PA'I DAD PA LHANG LHANG BA ZHIG SNGON DU BTANG LA SKYABS MGON DE RNAMS DGYES PA'I TSUL GYIS BDAG GI MGON SKYABS SU MNGON SUM DU BYON YOD SNYAM PA'I MOS PA DUNG DUNG BA ZHIG BYAS PA'I MTHUS SKYABS GNAS DE DAG MKHYEN BRTZE NUS GSUM GYI YON TAN KHYAD PAR CAN MNGA' BAS BYA NAM MKHA' LA 'PHUR BA LTAR GDUL BYA RJE SU 'DZIN BA'I DON DU 'BYON PA RTEN 'BREL GYI CHOS NYID YIN PAS, GANG ZHIG MOS PA GTZOR BYED PA, , DE YI MDUN DU THUB PA BZHUGS, ,ZHES MOS NGO TZAM MA YIN PA'I DON DANG MTHUN PA ZHIG NGES PAR 'ONG GSUNG, GSANG SNGAGS KYI 'KHRID GZHUNG RNAMS LTAR DMIGS SKOR SPROS PA CAN MI MDZAD MOD, MDO LUGS DANG 'BREL BA'I NYAM SU LEN TSUL 'DI TZAM ZHIG MED PAR SKYABS 'GRO'I TSIG MANG DU BRJOD PA NGAG 'CHAL GYI SGO KHEGS PA TZAM DU ZAD DO, ,DE LTAR SKYABS YUL NGOS BZUNG BA DE LA SKYABS SU 'GRO BA'I MKHAN PO RANG NYID KYIS JI LTAR SKYABS SU 'GRO NA, LAS DANG NYON MONGS PA'I DBANG GIS MTHA' MED CING GTING ZAB PA'I 'KHOR BA SDUG BSNGAL GYI RGYA MTSO CHEN PO 'DIR CHUD NAS SDUG BSNGAL GSUM GYIS MNAR BA'I TSUL LA DGRA MI SHA BOS DA LTA RANG GSOD DU CHA BA TZAM GYI 'JIGS SKRAG DANG, 'JId PA DE LAS SKYOB PA'I NUS BA DKON MCHOG GSUM LA YOD PAR SHES NAS DAD PA DANG YON TAN KHYAD PAR CAN DE RANG RGYUD LA MNGON DU BYA 'DOD PA DANG, SKYID SDUG LEGS NYES CI BYUNG YANG KHYED SHES SNYAM PA'I YID CHES KYI BLO LINGS BSGYUR DANG,

, ,SEMS CAN RNAMS LA DMIGS PA'I SNYING RJE'I DBANG GIS, 'DI RNAMS SDUG BSNGAL LAS SGROL BA'I NUS PA RANG LA MED KYANG DKON MCHOG LA GSOL BA BTAB STE RGYAB RTEN BCOL NA YOD PAR NGES PA RNAMS KYI SGO NAS 'DI LTAR BRJOD DGOS PAS, BDAG DANG 'GRO BA NAM MKHA'I MTHA' DANG MNYAM PA'I SEMS CAN THAMS CAD DUS 'DI NAS BZUNG STE BYANG CHUB SNYING PO LA MCHIS KYI BAR DU DPAL LDAN BLA MA DAM PA RNAMS LA SKYABS SU MCHI'O, , SANGS RGYAS BCOM LDAN 'DAS RNAMS LA SKYABS SU MCHI'O, ,DAM PA'I CHOS RNAMS LA SKYABS SU MCHI'O, ,'PHAGS PA'I DGE 'DUN RNAMS LA SKYABS SU MCHI'O, ,ZHES PA 'PHRENG BA LTA BUR BRTZIS TE NYUNG MTHA' NYER GCIG NAS MANG MTHA' SUM BRGYA TZAM DU BRJOD PA NI THUN CHE CHUNG 'TSAM PA YIN, THOG MA NAS DGE SBYOR LA 'JUR MDOG BYED PA DE NYAMS LEN BYED MI SHES PA'I RTAGS YIN PAS, JI SKAD DU, DE YANG DANG PO YUN RINGS NA BYING RGOD KYI DBANG DU 'GRO SLA ZHING, DE LA GOMS NA BLO 'CHOS DKA' BAS THUN CHUNG LA GRANGS MANG BAR BYA, SGOM 'DOD PA'I 'PHRO LA BCAD KYIN BYAS NA PHYI MA RES KYANG 'JUG SNYING 'DOD, GZHAN DUN MAL MTHONG BA'I TSE SKYUG LOG LOG 'ONG ZHES THOG MA NAS SNA BRDABS PA'I CHOS DRED DU MA SONG BA GAL CHE'O, ,SKYABS 'GRO'I NYAMS LEN ZIN PA'I MJUG TU, BLA MA DANG DKON MCHOG RIN PO CHE RNAMS PA GSUM LA SKYABS SU MCHI'O, ,KHYED RNAMS KYIS BDAG GI RGYUD BYIN GYIS RLOB TU GSOL, , KHYAD PAR DU YANG SKYES BU GSUM GYI LAM GYI RIM PA MYUR DU RGYUD LA SKYE BAR BYIN GYIS RLOB TU GSAL, ZHES LAN BDUN NAM NYER GCIG SOGS SKABS DANG SBYAR BA GDUNG SHUGS DRAG PO'I SGO NAS BRJOD DO, ,'DI NI ZHING KHYAD BAR

CAN DKON MCHOG GSUM LA GSOL BA BTAB PA'I MTHUS 'OG NAS 'BYUNG BA'I DMIGS SKOR RNAMS RGYUD LA SKYE BA'I DGOS PA KHYAD BAR CAN YOD PAS, JI SKAD DU ,BZUNG NA TSIG MI ZIN, BSAMS NA DON MI GO ,BSGOMS NA RGYUD LA MI SKYE BA'I BLO MTHU SHIN TU CHUNG BA'I DUS SU ZHING GI MTHU LA BRTEN PA NI MAN NGAG YIN NO, ,ZHES THOG MAR SKYABS 'GRO DGOS PA'I SHES BYED SHIN TU CHE ZHING, 'DI NAS BZUNG STE SKYABS 'GRO'I BSLAB BYA MDOR BSDUS TZAM LA BSLAB DGOS PA'I PHYIR MCHOD PA'I SGO NAS TSOGS GSOG PA YANG SHUGS KYIS THON NO, ,'DUR RDO GCIG GIS BYA BRGYA DUS GCIG TU 'DED PA LTAR THOG MAR SKYABS SU SONG STE GSOL BA BTAB PAS ZHING KHYAD PAR CAN GYI MTHUS LAM RNAMS RGYUD LA SKYE BA YIN GYI, DMIGS SKOR TSAN PA RE RE BZHIN GYI MJUG TU GSOL 'DEBS KYI TSIG BRJOD DGOS BA NI MIN NO,, SEMS BSKYED PA NI, BDAG GIS SEMS CAN THAMS CAD KYI DON DU RDZOGS PA'I SANGS RGYAS KYI GO 'PHANG THOB PAR BYA ,DE'I CHED DU SKYES BU GSUM GYI LAM GYI RIM PA RNAMS NYAMS SU BLANG BAR BGYI'O, ,ZHES PA'I DON YID LA DRAN BZHIN PA'I NGANG NAS TSIG NGAG TU LAN GSUM MAM BDUN GANG YANG RUNG BA BRJOD DE SEMS BSKYED PAS 'OG NAS 'BYUNG BA'I DGE BA MTHA' DAG SANGS RGYAS 'THOB PA'I RGYUR 'GYUR BA'I DGOS PA KHYAD PAR CAN YOD PA YIN NO,, ,,GNYIS PA DNGOS GZHI LAM GYI RTZA BA BSHES GNYEN BSTEN PA'I TSUL DNGOS NI, MDO SDE RGYAN LAS, BSHES GNYEN DUL BZHI BNYER ZHI BA, ,YON TAN LHAG PA BRTZON BCAS LUNG GIS PHYUG ,DE NYID RAB TU RTOGS LA SMRA MKHAS LDAN, ,BRTZE BA'I BDAG NYID SKYO BA SPANGS LA BRTEN, ,ZHES BSTEN BYA DGE BA'I BSHES GNYEN DE NYID KYANG LHAG PA'I BSLAB PA GSUM

, ,GYI SGO NAS RGYUD LEGS PAR DUL ZHING, MANG DU THOS PA LUNG GIS YON TAN, DE KHO NA NYID RTOGS PA'I SHES RAB KYI BSLAB PA KHYAD PAR BA, SLOB MA RNAMS LAS CHES LHAG PA'I YON TAN KHYAD PAR 'PHAGS PA, LUNG DON RIGS PAS 'BYED NUS PA'I RNAM DPYOD KYIS GDUL BYA'I RNA BAR SNYAN ZHING YANG DAG PA'I LAM LA BKRI BAR MKHAS PA, RNYED BKUR SOGS LA BLTOS PA MED PAR 'GRO BA NYAM THAG PA LA BRTZE BA'I SNYING RJE CAN, GZHAN GYI DON SGRUB PA LA RTZOL BA DANG LDAN PA'I BRTZON 'GRUS, YANG YANG 'CHAD PA LA SKYO NGAL MED PA'I DKA' SPYAD KHUR DU BZOD PA'I YON TAN RNAMS MNGA' BA'I BLA MA DAM PA DES DAM PA'I CHOS STON PA'I SNOD DU GYUR PA'I GDUL BYA NI BZHI BRGYA PAR, GZUR GNAS BLO LDAN DON GNYER BA, ,NYAN PO SNOD CES BYA BAR BSHAD, ,SMRA PO YON TAN RNAM GZHAN DU, ,MI 'GYUR NYAN PA PO LA'ANG MIN, ,ZHES RANG PHYOGS LA CHAGS SHING GZHAN PHYOGS LA ZHE SDANG BA'I PHYOGS LHUNG DANG BRAL ZHING, NYES BSHAD DANG LEGS BSHAD KYI BLANG DOR 'BYED NUS PA'I BLO GROS CAN, DAM PA'I CHOS LA DON GNYER CHEN PO DANG LDAN PA, CHOS SMRA BA LA GUS SHING YID LEGS PAR GTOD PA STE YON TAN LNGA DANG LDAN PA'I SLOB MA ZHIG DGOS LA, DE LTA BU'I SLOB DPON DANG SLOB MA ZUNG DU 'BREL NA GSHOG PA GNYIS LDAN GYI BYA MKHA' LA 'PHUR BA LA TSEGS MED PA BZHIN RNAM GROL SGRUB PA LA DE TZAM GYI DKA' BA MIN PAS MTSAN NYID DE LDAN GYI SLOB MA DES KYANG BSHES GNYEN BSTEN BA'I TSUL LA BSAM PAS BSTEN PA'I TSUL DANG, SBYOR BAS BSTEN BA'I TSUL GNYIS, DANG PO NI DKON MCHOG TA LA'I GZUNGS LAS, DAD PA SNGON 'GRO MA LTAR BSKYED PA STE, ,YON TAN THAMS CAD BSRUNG ZHING 'PHEL BAR BYED,

DOGS PA SEL ZHING CHU BO RNAMS LAS SGROL, DAD PA BDE LEGS GRONG KHYER MTSON BYED YIN, ,DAD PA RNYOG PA MED CING SEMS DANG BYED, ,NGA RGYAL SPONG ZHING GUS PA'I RTZA BA YIN, ,DAD PA NOR DANG GTER DANG RKANG PA'I MCHOG ,LAG PA BZHIN DU DGE SDUD RTZA BA YIN, ,ZHES GSUNGS PA LTAR DGE BA'I BSHES GNYEN LA MI PHYED PA'I DAD PA ZHIG NGES PAR SNGON DU 'GRO BA GAL CHE, DE LA YANG BSHES GNYEN DE SKYON KUN ZAD YON TAN KUN LDAN ZHIG TU MTHONG DGOS PA LA, RTZOD LDAN DBANG GIS BLA MA SKYON DANG YON TAN 'DRES, ZHES 'O SKOL LAS MA DAG BA'I GDUL BYA RNAMS KYI SNANG BA LA SKYON YON 'DRES MAR 'ONG BAS THOG MAR SKYON RTOG GI BLO DE DGAG DGOS, DE KHEGS NA YON TAN KUN DANG LDAN PA ZHIG SHUGS KYIS 'ONG BA LAS 'OS MED, SKYON RTOG GI BLO SEL PA LA YANG DPER NA SMAN PA MKHAS PAS SMAN NUS PA CAN BTANG BA'I TSE NAD BAG LA ZHA BA RNAMS KYANG BSLANG STE NAD ZUG CUNG ZAD BSKYED NAS ZHI 'GRO BA LTAR THOG MAR BLA MA DE'I MDZAD PA SKYON LTAR SNANG BA RNAMS KYANG CHED DU GNYER NAS GSAL 'DEBS DGOS PA NI, DGRA GNYEN BAR MA'I 'GRO BA SNGAR NAS RANG NYID LA RGYUS YOD PA ZHIG GI SPYOD TSUL RNAMS CHED DU MA BRTAGS PA'I TSE LAM ME ZHIG LAS MI 'BYUNG ZHING, DE LA BRTEN PA'I DUG GSUM GYI RTOG BA RNAMS KYANG MNGON GYUR DU MI SKYE LA, DE'I SNANG TSUL LA RTOG PA 'OG 'GYU'I TSUL GYIS DPYAD PA NA DE DAG GI BYA BYED BZANG NGAN RNAMS SNGAR 'DAS ZIN BA MA YIN PA'I DA LTA BYED BZHIN PA LTA BU'I SNANG BA 'CHAR ZHING, DE LA BRTEN PA'I DGA' SDUG GI RTOG PA LHAN SKYES SU 'CHAR BA BZHIN ,GA RE BDAG GI DPAL LDAN BLA MA DAM PA DE'I SKU'I DBYIBS GSUNG GI GDANGS THUGS DKYEL CHE CHUNG, MDOR NA 'BYON BZHUD NA BZA' BZHES TSUL SOd

, ,PHRA MO RNAMS KYIS MTHA' RTEN PA'I MDZAD PA BZANG NGAN 'BRING GSUM CI 'DRA ZHIG YOD PA THAMS CAD YANG YANG GSAL GDAB CING RANG BABS SU 'CHAR BCUG PA NA SNANG TSUL LEGS NYES MNGON SUM DU DA LTA MDZAD PA LTAR LHANG LHANG GI 'CHAR BAS DE MA BYUNG GI BAR DU BSAM, DE NAS 'DI LTAR SNANG BA DE BLA MA LA SKYON YOD NAS SNANG BA YIN NAM MED BZHIN DU SNANG BA GANG YIN SNYAM PA'I THE TSOM ZHIG SHAR BYUNG BA NA, BLA MA DAM PA 'DI NYID LA NYES PA'I SKYON DE 'DRA GA LA MNGA', RANG NYID TSE RABS THOG MA MED PA NAS LAS NYON GYI SGRIB PAS HA CANG SBAGS CHES PA'I MTHUS MED BZHIN DU SNANG BAR 'DUG ,DBANG SHES 'KHRUL PA'I NGOR SHIN TU DKAR BA'I GANGS RI SNGON POR 'CHAR BA DANG, MKHRIS PA'I NAD KYIS GTZES PA'I MIG SHES KYIS DUNG SER POR MTHONG BA DANG KHYAD PAR GA LA YOD, RANG RE DUG GSUM GYI GZHAN DBANG KHO NAR GYUR PA'I 'GRO BA RNAMS DANG RIGS MTHUN PA'I TSUL GYIS DON MDZAD PA LA MA DAG PA'I SNANG TSUL DE 'DRA CHED DU GNYER NAS MA BSTAN PA'I NGES PA CI YOD SNYAM DU YANG YANG BSAM, DE YANG BLUN SGOM MOS PA TZAM GYI SGOM GYIS RKYEN MI THEG PAS DPE DANG GTAN TSIGS LAS NGES PA RNYED DGOS PA'I PHYIR YANG DAG PAR RDZOGS PA'I SANGS RGYAS SKYON KUN ZAD YON TAN THAMS CAD DANG LDAN PA DE LA'ANG LEGS SKAR DANG LHAS BYIN DANG MU STEGS BYED LA SOGS PA RNAMS KYIS SKYON DANG NYES PA'I GONG BUR MTHONG ZHING, 'PHAGS PA THOGS MED KYIS RJE BTZUN BYAMS PA KHYI MO KHOG SMAD 'BUS GA-YENGS PAR GZIGS PA DANG, SLOB DPON SANGS RGYAS YE SHES ZHABS KYIS SLOB DPON 'JAM DPAL BSHES GNYEN KHYIM BTZUN RGAD PO CHOS GOS KYIS THOD BYAS NAS RMO RMOD CING ROL NANG GI

SEMS CAN MANG PO CHU NANG DU 'TSOD PA, N'A RO PAS TE LO PA NYA GSON SREG BYED PA, DGE TSUL TSEM BU PAS RDO RJE PHAG MO MDZE MOR MTHONG BA DANG, YAB SRAS MJAL BA'I MDO LAS DE BZHIN GSHEGS PAS BDUD DU SPRUL NAS SEMS CAN GYI DON MDZAD PAR YANG BSHAD PAS RGYU MTSAN DE DAG DANG RANG GI MTHONG TSUL LA KHYAD PAR MED SNYAM DU BSAMS PA NA DE'I GONG DU BLA MA'I MDZAD PA RNAMS LA YID MI BDE BA'I NAG YO RE BA'I RNAM PA 'DRA BA ZHIG YOD PA DE DPYAD SGOM GYI NYAMS LEN 'DI DAG LA BRTEN NAS MUN PA'I KHUNG BUR NYI MA'I ZER ZHUGS PA BZHIN DU BLA MA DE SKYON DANG BRAL BA'I GSAL SING NGE BA'I RNAM PAR 'CHAR GSUNG BA NI BSGOMS NA NGES PAR LAS DANG PO LA LA'ANG NYAMS SU MYONG NGES SU GDA' DE LTAR NGES PA'I DON DU BLA MA DE SKYON DANG MI LDAN PAR YID CHES RNYED PAS YON TAN KUN TSANG DU SHUGS LA RTOGS NA'ANG RANG GI BLO SHUGS GANG DRAG PA DE'I NUS PAS DE'I 'GAL ZLAR GYUR PA'I SKYON YON MTHA' DAG ZIL GYIS NON 'GRO BA CHOS NYID YIN TE, BSHES GNYEN DE LA MKHAS PA BTZUN PA GRUB BA BZANG BA SOGS THAN DNGOS PO LA ZHEN CHAGS CHUNG BA KLOG BZANG BA LTA BU'I YON TAN SNA RE YOD NA'ANG YON TAN KHYAD PAR CAN 'DI DANG 'DI 'DRA BA MNGA' SNYAM PA'I BLO SHUGS DRAG PO YANG YANG BSAMS NI SER SNA'I DNGOS 'DZIN CHE BA'AM THOS PA NYUNG BA SOGS SKYON GYI RIGS YOD TSE MNAN TE MI MNGON PA LTA BUR 'GRO BA NI GNAM STONG GI DUS SU ZLA BA MKHA' LA SHAR YANG NYI MA'I 'OD KYiS BLTAR MI MNGON PA DANG MTSUNGS PAS SKYON GYI CHA PHRA MO YANG DGAG GANG THUB DANG YON TAN CHUNG DU LA YANG DAD PA CI 'PHEL DU BYA BA NI RANG LA LEGS TSOGS DNGOS GRUB THAMS CAD KYI RTZA BAR YOD PAS GNAS SHIN TU CHE, DE LTAR MI

, ,'PHROGS PA'I DAD PA KHYAD PAR CAN NI RANG NYID LA DNGOS SU BKA' DRIN GYIS PHAN PAR GYUR PA MIN NA'ANG SNYAN PA'I GRAGS PA THOS PA TZAM LA YANG 'BYUNG MOD, GUS PA CHEN PO SKYED PAR BYED PA LA BKA' DRIN RJES SU DRAN PA GAL CHE BAS SKYON DANG BRAL ZHING YON TAN MA LUS PA DANG LDAN PA'I BDAG NYID CAN SANGS RGYAS GANG+G'A'I KLUNG GI BYE MA SNYED KYI GRANGS DANG MNYAM PA YOD NA'ANG RANG NYID SKAL BA DMAN PAS DE DAG LAS BKA' DRIN NOD SA MED LA, BDAG GI BLA MA DAM PA 'DIS DMU RGOD GDUL DKA' BA'I 'GRO BA RNAMS 'DREN PA'I SLAD DU DUS GSUM BDE GSHEGS KUN GYI RANG GZUGS THA MAL PA'I RNAM PAR SPRUL NAS BYON PAS SKYON ZAD CING YON TAN DANG LDAN PA'I CHA NAS SANGS RGYAS RNAMS DANG KHYAD PAR MA MCHIS KYANG, RANG NGOS NAS SANGS RGYAS LAS KYANG LHAG STE, SPYIR SANGS RGYAS RNAMS CHOS SKU BDE BA CHEN PO'I NGANG LAS GA-YO BA MED BZHIN DU BYANG SEMS 'PHAGS PA GDUL BYA THUN MONG MA YIN PA RNAMS KYI DON DU LONGS SPYOD RDZOGS PA'I SKU'I RNAM PAR STON, SKU DE NYID NYAN RANG DANG SO SO SKYE BO RNAMS KYI YUL DU MA GYUR PAS 'DZAM BU'I GLING DU MCHOG GI SPRUL SKU'I TSUL GYIS 'GRO BA RNAMS SMIN GROL GYI LAM LA BKOD, SANGS RGYAS DE RNAMS LA NYE RING YOD PA'I DBANG GIS RANG RE RNAMS CHED DU GNYER NAS YAL BAR DOR BA MA YIN YANG BRAG PHUG KHA BYANG BSTAN LA NYI MA MI 'CHAR BA BZHIN RANG NYID LAS DANG SKAL BA MED PA'I DBANG GIS SANGS RGYAS DE RNAMS DNGOS SU MJAL BA DANG GSUNG GI BDUD RTZI MYANG BA'I SNOD DU MA GYUR BAS MTHA' MED KYI 'KHOR BA 'DIR 'KHOR TE SDUG BSNGAL MYONG BZHIN PA 'DIR ZAD, DA RES MI LUS THOB PA'I DUS 'DIR BSHES GNYEN DAM PA 'DI RNAMS DANG

MA MJAL NA DKON MCHOG GSUM GYI SGRA TZAM YANG MI THOS PA'I MI KHOM PA'I GNAS SU 'KHYAM DGOS PA LA, SANGS RGYAS DNGOS SU MJAL YANG DE PHAN CHAD LAS 'GRO RGYU MED PA'I ZAB PA DANG RGYA CHE BA'I CHOS NI DGE BA'I BSHES GNYEN GYIS LEGS PAR BSTAN CING THOS, RANG GIS NYAM SU LEN PAR NUS NA THAR PA DANG THAMS CAD MKHYEN PA 'THOB PAR NI THE MI TSOM, TSE 'DIR DGRA DANG NAD SOGS KYI 'JIGS PA LAS SKYOB CING ZAS GOS 'BYOR PA STER BAR BYED PA LA YANG DRIN CHE BAR BYED NA 'KHOR BA SPYI DANG BYE BRAG GI SDUG BSNGAL SEL BA DANG GTAN GYI BDE BA BLA NA MED PA STER BAR MDZAD PA'I BKA' DRIN 'DI NI STONG GSUM GSER GYI BKANG YANG GZHAL BAR GA LA NUS, RANG NGOS NAS DUS GSUM GYI SANGS RGYAS THAMS CAD LAS BLA MA DAM PA BKA' DRIN CHE ZHING LHAG PAR GDON MI ZA SNYAM PA'I GUS PA DANG DAD PA SNYING KHONG RUS PA'I GTING NAS BSAM ZHING, LUS KYI BA SPU GA-YO BA DANG MIG NAS MCHI MA MA BYUNG GI PAR DU BSGOM, SPRO PAR 'DOD NA SDONG PO BKOD PA LAS 'BYUNG BA'I, 'DI NI BDAG GI DGE BSHES CHOS SMRA BA, ,ZHES SOGS KYI TSIGS SU BCAD PA GDANGS SNYAN POS GSAL 'DEBS KYI TSUL DU BYED PAR GSUNGS SO, ,GNYIS PA SBYOR BAS BSTEN TSUL NI BLA MA LNGA BCU PA LAS, 'DIR MANG SMOS PA CI ZHIG DGOS, ,BLA MA DGYES BYED GANG YIN BYA, ,MI MNYES BYED KUN SPANG BA NI, ,DE DANG DE LA 'BAD DE BRTAG ,CES BSHES GNYEN DAM PA DE MNYES PA RNAMS BSGRUB CING MI MNYES PA RNAMS SPANG PA ZHGI DGOS PA YIN PAS SNGON BDAG CAG GI STON PAS TSIGS BCAD GCIG THOS PA'I DON DU SKU LUS LA MAR ME STONG BTZUGS PA, LCAGS GZER STONG BTAB PA, BU DANG BTZUN MO MNGA' BZANG LONGS SPYOD THAMS CAD PHUL BA, ,BYANG CHUB

, ,SEMS DPA' RTAG TU DUS 'PHAGS PA CHOS 'PHAGS, N'A ROS TEE LO, JO BO CHEN POS BLA MA GSER GLING PA LABYANG CHUB KYIS EMS ZHU BA'I DON DU RGYA MTSO CHEN POR DKA' BA SPYAD PA, 'BROM GYIS JO BO, BSES 'BROG MI MI LAS MAR PA BSTEN PA SOGS DAM PA GONG MA RNAMS KYI RNAM PAR HTAR PA LAS LUS LONGS SPYOD THAMS CAD LA BLTOS PA MED PAR DKA' BA SPYAD PA BSAM GYIS MI KHYAB, BLA MA DE ZANG ZING GI DNGSO PO SOGS LA GZIGS MA YIN NA'ANG, GNAS SKABS SU DE DAG LA BLTOS PA LTAR MDZAD PA NI GDUL BYA TSOGS RDZOGS PA LA DGONGS PA YIN PAS, DE BYIN SANGS RGYAS THAMS CAD LA, ,RTAG TU PHUL BA NYID DU 'GYUR, ,DE PHUL BSOD NAMS TSOGS YIN TE, , TSOGS LAS DNGSO GRUB MCHOG TU 'GYUR, ,ZHES BSOD NAMS KYI TSOGS RLABS PO CHE BSGRUB PA'I SLAD DU RANG NYID KYI GCES NOR YOD RGYU MTHA' DAG DBUL ZHING, BYA BAR DKA' BA'AM BYED DU MI RUNG BA 'DRA ZHIG GYIS GSUNG YANG 'DI BDAG LA PHAN PA ZHIG YOD PAR GOR MA CHAG SNYAM DU TSAM TSOM MED PAR 'JUG PA'AM, YE NAS MI 'GRUB CING MI RUNG BA ZHIG 'DUG NA, RIGS PA YIS NI MI NUS NA, ,MI NUS DE LA TSIG GIS SBYANG, ,ZHES BSHAD SBYANG LEGS PAR BYED PA ZHIG DGOS KYI JI MI SNYAM PAR 'JOG PA YE MI RUNG, GTZO BO NI SGRUB PA'I MCHOD PAS MNYES PAR GSUNGS PAS JI LTAR BSTAN PA'I CHOS RNAMS THOS BSAM SGOM GSUM GYIS GTAN LA 'BEBS DGOS PAR GDA', DE LTAR TSUL BZHIN MA BSTEN NA NYES PA THAMS CAD KYI RTZA BA DANG, BSTEN NA LEGS TSOGS THAMS CAD KYI 'BYUNG GNAS SU 'GYUR BAR SDONG PO BKOD PA'I MDO DANG LAG NA RDO RJE DBANG BSKUR BA'I RGYUD LA SOGS PA GSUNG RAB DGONGS

'GREL DANG BCAS PA LAS GSUNGS PA LA NGES SHES RNYED NAS TSIG TZAM DU MA LUS PAR LAG TU LEN PA ZHIG DGOS NA'ANG RTAG TU NGU LTAR LUS SROG LA BLTOS PA MED PAR GTONG BA SOGS NI LAS DANG PO BA RNAMS KYIS DNGOS SU SGRUB MI NUS PAS SMON LAM GYI YUL DU BYA ZHING, SGRUB PAR NUS PA RNAMS KYANG YUL DUS GNAS SKABS DANG BSTUN TE LAG TU BLANG BA LAS 'KHRID DMIGS KYI LAG LEN LA NGES PAR SBYOR MI DGOS PAS DE DAG GI DON BSDUS TE NYAMS SU BLANG BA NI BYANG CHUB LAM GYI RIM PA'I SA BCAD DU, SKYONG TSUL MDOR BSDUS TE BSTAN PA ZHES PA'I SKABS KYI DON YIN PAS SPYOR BA'I NYAMS LEN DNGOS GZHI LA NGOS 'DZIN DGOS SHING, 'KHRID GZHUNG RNYING PA NA 'DI LA BSHES GNYEN BSTEN PA'I SNGON 'GRO ZHES MING 'DOGS MDZAD DE THOG MAR BYUNG NA'ANG, GONG GI DPYAD SGOM DE RNAMS RGYUD LA SKYE PA'I SNGON 'GRO'I TSOGS GSOG TU DGONGS PAR SNANG LA, DENG SANG GO RIM DE LTAR PHYAG LEN DU MI MDZAD DO, ,DE YANG MGON PO GSER GLING PA'I RNAM PAR THAR PA YIN PAS GNAS KHANG BYI DOR BYAS LA DKON MCHOG GSUM GYI SKU GSUNG THUGS KYI RTEN DGRAM, CI 'BYOR PA'I MCHOD PA BSHAM, BDE BA'I STAN LA BAG MED PA'I 'DUG TSUL MA YIN PA'I SKYIL MO KRUNG NGAM SKYIL KRUNG PHYED PA SOGS KYI SPYOD LAM GANG YANG RUNG BAS 'KHOD DE NYAMS SU LEN PA LA 'KHRID YIG RNYING PA NA, SVA BH'A WA'I SNGAGS KYIS SBYANGS TE DAM TSIG PA BSKYED PAR GSUNGS PA, 'JAM DPAL DBYANGS STAG LUNG BRAG PA BLO GROS RGYA MTSO'I GSUNG RGYUN DU RTZA BA'I BLA MA MGON PO 'JAM DBYANGS SU BSKYED DE GSOL 'DEBS KYI TSUL DU DH'I MANG DU BGRANG PA, 'KHRID YIG LA LA NA BLA MA THUB DBANG DANG RDO RJE 'CHANG DU BSKYED PA, PADMA'I 'DAB MA PHYI NANG MANG POR BYAS TE DE'I STENG DU BLA MA

, ,RNAMS DKYIL 'KHOR GYI LHA LTAR DGOD PA, GA-YAS GA-YON DU GRAL CHIG SBRENGS BYAS PA'I TSOGS TSOGS PA'I RNAM PA LTA BU SOGS PHYAG LEN MANG DU 'DUG PA RNAMS GSANG SNGAGS KYI SHAN SHOR BAS LUGS SROL 'DI GA'I PHYAG LEN DANG CUNG ZAD MI MTHUN PAR GDA', 'DIR BLA MA'I RNAL 'BYOR LA BRTEN PA'I TSOGS ZHING RNAMS SMAN BLA'I MDO CHOG LAS 'BYUNG BA BZHIN GNAS DANG YO BYAD BYIN GYIS BRLAB CING MGRON THABS SU SPYAN 'DREN PA YIN PAS; DKON MCHOG GSUM GYI BDEN PA DANG, SANGS RGYAS DANG BYANG CHUB SEMS DPA'I BYIN RLABS DANG, TSOGS GNYIS RDZOGS SHING CHOS DBYINGS RNAM PAR DAG PA DANG, BDAG GI DAD MOS KYI MTHU LAS SA GZHI DANG KHRI SOd BYIN GYIS BRLAB PA'I TSUL, THAMS CAD DU NI SA GZHI DAG, CES SOGS BRJOD CING, GNAS DANG KHAMS BYIN GYIS BRLABS PA LTA BU'I RIN PO CHE'I SA GZHI LAG MTHIL LTAR 'KHOD SNYOMS PA'I STENG DU SENG GES BTEG PA'I RIN PO CHE'I KHRI YID DU 'ONG BA GA-YAS GA-YON RNAMS SU RIN PO CHE'I KHRI RTZA BRGYUD KYI BLA MA'I GRANGS DANG MNYAM BA RGYAB MDUN DANG MTHO DMA'I RNAM PAS BANG RIM GYI DBYIBS LTA BU BKOD PAS MDZES PA ZHIG GSAL GDAB, GSER ZHUN MA LAS 'BYUNG BA LTAR, RNAM DAG CHOS KYI DBYINGS LAS MA GA-YOS KYANG, ,THUGS RJES TSAD MED 'GRO LA PHYOGS BCUR GZIGS, ,RGYAL BA KUN GYI 'PHRIN LAS RGYAS MDZAD PA'I, ,DUS GSUM BLA MA 'KHOR BCAS GNAS 'DIR GSHEGS, ,ZHES DANG, MA LUS SEMS CAN KUN GYI MGON GYUR CING, ,ZHES SOGS SHLO KA GSUM GYIS SPYAN DRANGS BAS CHOS 'DI STON PA'I DRIN CAN RTZA BA'I BLA MA DANG GNYIS SU MED BA'I STON PA MNYAM MED SH'AKYA'I RGYAL PO LA RGYA CHEN SPYOD BRGYUD DANG ZAB

MO LTA BRGYAD KYI BA MA RNAMS KYIS BSKOR BA, DE'I MTHA' THEG PA GSUM GYI SLOB PA DANG MI SLOB PA'I DGE 'DUN SPRIN GYI PHUNG PO 'KHRIGS PA LTA BUS BSKOR TE MA GA DHA BZANG MO'I GTAM RGYUD LAS JI LTAR 'BYUNG PA BZHIN BYON NAS STAN BSHAMS PA RNAMS LA BZHUGS PAR MOS, KHRUS KYI KHANG PA SHIN TU DRI ZHIM PA, ,SOGS KYIS KHRUS KHANG BSKYED, RANG GI LUS BRGYA STONG KHRI 'BUM SOGS BLOS GANG LCOGS SU SPRUL NAS DRI BZANG PO'I CHUS BKANG BA'I RIN PO CHE'I BUM PA THOGS TE, JI LTAR BLTAMS PA TZAM GYIS NI, ,ZHES SOGS DANG, RGYAL BA'I SKU GSUNG THUGS LA NYON MONGS MI MNGA' YANG, ,SOGS DANG PHAR PHYIN DRUG LA SBYAR BA'I TSIGS BCAD SOGS RGYAS BSDUS SKABS SBYAR GYIS KHRUS GSOL, DE YANG TSOGS ZHING RNAMS LA MI GTZANG BA'I DRI MAS SPAGS PA DON LA MED KYANG 'GRO BA MA DAG PA'I SNANG NGOR YOD PA LTAR SNANG PA RNAMS SEL BA'I CHED DU YIN LA, KHRUS BSKU MNYE DRIL PHYI BSNYUNG GA-YOGS SOGS DANG DE'I YON TAN BRJOD PA SOGS ZHES PA BLA MA'I DRUNG DU YOD NA DE DAG DNGOS SU BYA DGOS PAS 'DIR DE'I DOD THUB DANG 'OG NAS 'BYUNG PA PHAL CHER YANG SNGAR BSHAD PA'I ZANG ZING GI MCHOD PA'I SGO NAS MNYES PAR BYED PA'I THABS YIN NO, ,STONG GSUM KUN TU DRI NGAD LDANG BA YI, ,ZHES SOGS KYIS DRI BZANG, SRAB 'JAM YANG BA LHA YI GOS, ,ZHES SOGS KYIS NA BZA', BDAG DANG 'GRO LA THUGS BRTZE'I PHYIR, ,SOGS KYIS TSOGS KYI ZHING DU BRTAN PAR BZHUGS SU GSOL, DE NAS BSAG SBYANG GI GNAD BSDUS PA YAN LAG BDUN BA'I THOG MAR PHYAG 'TSAL BA NI, SKYABS YUL GYI DMIGS PA RNAMS MA DOR BA'I NGANG NAS PHYAG 'TSAL BA DANG BCAS TE, 'DREN PA MNYAM MED STON PA BCOM LDAN 'DAS, ,ZHES SOGS RGYA CHEN SPYOD BRGYUD DANG ZAB MO LTA BRGYUD KYI BRGYUD

, ,'DEBS SO SO RJE BLA MA'I BAR YONGS GRAGS LTAR LA, MKHAS GRUB CHEN PO SHES RAB SENG+GE'I ZHABS, ,THAMS CAD MKHYEN DNGOS DGE 'DUN GRUB PA DANG, ,SKU GSUM GO 'PHANG MNGON GYUR NOR BU BZANG, ,DPAL LDAN BLA MA GSUM LA GSOL BA 'DEBS, ,DBYANGS CAN BZHAD PA DGE 'DUN RGYA MTSO'I SDE, ,SMRA BA'I NYI MA DGE LEGS DPAL BZANG PO, ,MKHAS GRUB LHA BTZUN BSOD NAMS DPAL BZANG STE, ,BSHES GNYEN DAM PA GSUM LA GSOL BA 'DEBS, , PHYAG NA PADMO BSOD NAMS RGYA MTSO'I ZHABS, ,ZAB DON GDAMS PA'I BKA' BABS CHOS DPAL BZANG, ,RIGS KUN BDAG PO SNANG MDZAD RDO RJE'I ZHABS, ,MKHAS GRUB CHEN PO GSUM LA GSOL BA 'DEBS, ,BKA' DRIN MNYAM MED SHR'I BH'U TA'I MTSAN, ,NGAG GI DBANG PHYUG BLO BZANG RGYA MTSO'I SDE, ,ZAB DANG RGYA CHE'I CHOS KYI BANG MDZOD CAN, ,DNGOS BRGYUD YONGS 'DZIN TSOGS LA GSOL BA 'DEBS, ,ZHES PA GSOL 'DEBS PHYAG 'TSAL DU 'DON PA BSGYUR, JI SNYED SU DAG CES SOGS KYIS RGYAL BA SRAS BCAS SPYAN DRANGS PA RNAMS LA PHYAG BYA, MCHOD PA'I THOG MAR MAndAL NI, MAndAL GYI RGYU RIN PO CHE NAS BZUNG, MA 'BYOR NA GA-YAM PA SOGS LA TSOM BU DGOD RGYU'I 'BRU SOGS STA GON BYAS LA, THOG MAR TSOM BU SO BDUN LA GRANGS JI LTAR 'DOD PA DANG, MANG KHYAD TSOM BU BDUN MA GTZO BOR BYAS TE GRANGS NYER GCIG NAS BRGYA'I BAR SOGS TSIG DANG DMIGS PA BSTUN NAS DBUL, BSOD NAMS KYI TSOGS GSOG PA'I DUS 'DIR DNGOS SU BSHAMS PA'I MCHOD PA NAS 'BRU GCIG TZAM YANG MED CING LUS NGAG GI NGAL BA CUNG ZAD TZAM YANG MI BSTEN PAR MOS PA DANG TING 'DZIN KHO NAS BYED PA SKAD DU SMRA BA NI, PO TO BA'I ZHAL NAS, DUNG PHOR DRI MA CAN

ZHIG TU SPANG SPOS RE BTAB NAS, TZAN DAN GA PUR SPOS KYI CHU, ,ZHES DMUS LONG GIS MIG LDAN LA MGO SKOR BYED GSUNGS PA DANG MTSUNGS LA, 'BYOR PA YOD BZHIN DU SER SNANG DANG SNYOM LAS KYI DBANG GIS NGAN PA DANG NYUNG DU DANG GTAN MED DU BYED PA NI SNYING THAG PA NAS CHOS DANG GANG ZAG LA DAD PA MA THOB PA'I NANG RTAGS PHYIR SHAR BAR ZAD DO, ,DENG SANG NI CHO SA LAG TU BLANGS TE NYAMS LEN RNAL MA BYED PA NYIN MO'I SKAR MA LTA BU DANG, GAL TE BYED PA SRID MTHA' TZAM LA YANG TZ'U TA'I YUL GYI RKANG GNYIS PA LTAR MI GSEB TU ME 'DRE ZHING, NGED RNAMS DE 'DRA'I LAG LEN GTI THUG KHRIGS KYI BAR BKAB BYED KYIN MED ZER BA DANG, CHOS KYI BLA MA BRGYUD PA YANG GCIG NAS GNYIS SU BGRANG RGYU MED PA LA KHA PO DANG NGO SOR KHYER TE KANYTZI'I YUL GYI RGYAL PHRAN 'GA' ZHIG GIS PHA BSAD PA LA RGYAL RNGA RDUNG BA LTA BU CHE SA MANG BAS SBYI BRTOL GYI SNYING KHAMS BSKYED PA DE 'DRA YE MI RUNG, MCHOD PA GZHAN RNAMS KYANG, MCHOD YON PHAL CHER MCHOD YON BLA BRE DANG, ,ZHES SOGS KYIS CHU GNYIS NYER SPYOD ROL MO DANG, GZHAN YANG TSIGS BCAD CI RIGS BA'I SGO NAS 'DOD YON LNGA DANG RGYAL SRID SNA BDUN LA SOGS PA RNAMS KYANG DBUL, THUN JE MANG DU SONG BA DANG RGYUN GYI NYAMS LEN LA CUNG ZAD 'KHYER BDE BAR BYED TSE, ME TOG DAM PA PHRENG BA DAM PA DANG, ,ZHES SOGS TZAM GYIS MCHOD PA'I YAN LAG STE DNGOS BSHAMS YID SPRUL GYI MCHOD PA GANG PHUL BA MTHA' DAG MCHOD PA'I YUL RNAMS LA SRED PA MED NA'ANG RANG GI TSOGS RDZOGS PA'I SLAD DU DGYES PA CHEN PO'I SGO NAS LONGS SPYAD PAR BS GSUM GYI SGO NAS BSAGS PA'I SDIG SGRIB THAMS CAD GNYAN P STOBS BZHI TSANG BA'I SGO NAS

, ,BSHAGS, ,PHYOGS BCU'I RGYAL BA KUN DANG SANGS RGYAS SRAS, ,ZHES SOGS KYIS SKYE 'PHAGS THAMS CAD KYI DGE BA'I RTZA BA RNAMS LA RJES SU YI RANG BA'I DGA' BA BSGOMS PAS DE DAG GIS DGE BA BYAS BA'I BSOD NAMS LA MNYAM POR LONGS SPYAD DU YOD DO, ,GANG DAG PHYOGS BCU'I 'JIG RTEN SGRON MA RNAMS, ,ZHES SOGS KYIS CHOS 'KHOR BSKOR BA DANG, MYA NGAN 'DA' STON GANG BZHED DE DAG LA, ,ZHES SOGS KYIS MYA NGAN LAS MI 'DA' BAR GSOL BA GDAB PA STE, 'DI GNYIS KA LA TSOGS ZHING RNAMS LA GSOL BA BTAB PA BZHIN DU ZHAL GYIS BZHES BYUNG SNYAM PA'I MOS PA BRTAN PO DGOS GSUNG, PHYAG 'TSAL BA DANG MCHOD CING BSHAGS PA DANG, , ZHES SOGS NI GONG DU BSHAD PA'I YAN LAG DRUG PO MTHA' DAG GI DGE BA BYANG CHUB TU BSNGO BA'I YAN LAG YIN PAS, JI LTAR RGYA MTSO CHE NANG CHU THIG LHUNG, ,RGYA MTSO MA ZAD PAR DU DE MI 'DZAD, ,DE BZHIN BYANG CHUB YONGS BSNGOS DGE BA YANG, ,BYANG CHUB MA THOB BAR DU DE MI 'DZAD, ,CES DGE BA CHUD MI ZA ZHING RGYA CHER 'PHEL BA'I GNAD ZAB PA ZHIG 'DIR GDA' 'O, ,'KHRID GZHUNG RNYING PA NA SPYI BSHAGS SOGS BYA BAR GSUNGS PA PHUN SUM TSOGS PA'I YAN LAG TU 'GYUR NA'ANG 'OG TU RGYAS PAR 'BYUNG BAS 'JUG PA BDE BA'I DBANG DU BYAS TE DENG SANG PHYAG LEN DU MI MDZAD DO, ,BSHAD MA THAG PA'I SNGON 'GRO DANG DNGOS GZHI'I DMIGS SKOR 'DI NAS BZUNG STE LHAG MTHONG GI BAR GYI DMIGS RIM MTHA' DAG GO RIM MA 'CHOL ZHING SNGA PHYI LA BLTOS PA'I RGYAS BSDUS KYI DBYE BA SOGS PHYAG LEN DANG GSUNG RGYUN NGES PAR MTHONG BA BRGYUD PA LA BLTOS PAS DENG SANGS SBYOR GZHUNG GI dIKA THAL

'DZIN BA LTAR RANG GANG 'DOD KYI HOR KHONGS SOGS BYAS NA DGE SBYOR MTHA' DAG SKYON CAN DU 'GRO BA LAM RIM CHE CHUNG LAS GSUNGS PAS BLO LDAN RNAMS ZHIB MOR DPYOD PA GNAD DU CHE MOD, 'ON KYANG DENG DUS DGE BA'I BSHES GNYEN GYIS DMAR 'KHRID BSTAN PA LA MA BLTOS PA'I DPE CHA LA BLA MA BCOL NAS NYAMS SU LEN BA SKAD BYED PA MTHA' DAG NI SKYON CAN GYI DGE SBYOR RANG NYID NGAL BA'I 'BRAS BU TZAM DU ZAD DO, ,DE YANG SHES BZHIN GYI BYA RA BRTAN POS SPYOD LAM MTHA' DAG DMAN LHAG TU MA SONG BA'I SGO NAS THUN DNGOS GZHI LA DMIGS SKOR DNGOS DANG, THUN MTSAMS SU DE DAG GI RGYAS BSHAD LAM GYI RIM PA CHE CHUNG SOGS BLTA DGOS KYI, SEMS RGYA YAN LA BTANG NA YON TAN GYI BOGS SHIN TU CHUNG GSUNG, DE YANG BSHES GNYEN BSTEN PA NAS BYANG CHUB KYI SEMS SGOM PA'I BAR RNAMS DPYAD SGOM GTZO CHE BA DANG ZHI GNAS SOGS LA 'DZOG SGOM GTZO CHE YANG, DPER NA BSHES GSHEN BSTEN PA'I CHOS SKOR LTA BU'I TSE BLA MA'I YON TAN BSAM PA SOGS DPYAD SGOM DANG, DE'I MTHAR RTOG PA GZHAN RNAMS BAG LA ZHA STE DAD PA LA RTZE GCIG TU GNAS PA NI 'JOG SGOM DANG, ZHI GNAS SGOM TSUL GYI GNAD LA YANG YANG SEMS PA NI DPYAD SGOM DANG RTZE GCIG TU GNAS PA NI 'JOG SGOM YIN PAS GNAD DE DAG MA GO BAR NGED DPYAD PA MI BYED PAR SGOM PA KHO NA BYED ZER BA SOGS NI RANG LA TSAD LDAN GYI SGOM MED PA GSAL BAR BYED PA STE, MDO SDE RGYAN LAS, 'DI NA DANG BOR THOS LA BRTEN NAS TSUL BZHIN YID LA BYED PA 'BYUNG, ,TSUL BZHIN YID LA BYED PA LAS KYANG YANG DAG DON YUL YE SHES 'BYUNG, ,ZHES PAS MTSON TE GZHUNG CHEN PO RNAMS LAS RGYA CHER BSHAD DO,, ,

, ,SMRAS PA, KYE MA BKRES SKOM GDUNG BAS NYAM THAG PAR, ,ZAS GOS 'BYOR BAS PHAN PA BSGRUB PA DANG, ,'GAL ZLA'I DGRA YIS GTZES LAS SKYOB BYED DBON, ,DRIN CAN YIN PAR SEMS SHING SMRA BYED NA, ,MTHA' MED 'KHOR BAR SDUG BSNGAL RNAM GSUM GYIS, ,MNAR BA'I 'JIGS BA KUN LAS RAB BSGRAL TE, ,GTAN BDE'I NOR BU LAG MTHIL RDZAS BZHIN DU, ,STON BYED YONGS 'DZIN BKA' DRIN GZHAL NUS SU, ,ZHI BDE'I GO 'PHANG TZAM YANG RNYED DKA' NA, ,SKYON BRAL YON TAN KUN RDZOGS SANGS RGYAS ZHES, ,GRANGS RING BSKAL PAR 'THOB DKA'I SGRA BO CHER, ,'GOD MDZAD DUS GSUM RGYAL BA'I SPYI GZUGS DNGOS, ,RANG SEMS LOG PAR 'KHRUL PA'I SHES NGO LA, ,RANG SKYON BLA MA'I MDZAD PAR SHAR BA KUN, ,RANG SNYING GTING NAS RUL BAR NGES PA YIS, ,RANG MTSANG YIN PAR GO NAS DUG BZHIN SPONGS, ,CI MDZAD LEGS PAR MTHONG BA'I DAG SNANG DANG, ,CI GSUNG BKA' BZHIN SGRUB PA'I MOS GUS KYIS, ,CI BYAS CHOS SU 'GRO BA'I ZAB GNAD DE, ,CI BSAMS 'GRUB PA'I PHAN BDE'I RTZA BAR GO, ,ZHES BYA BA NI BAR SKABS KYI TSIGS SU BCAD PA'O,, ,,GNYIS PA DNGOS GZHI BSTEN NAS BLO JI LTAR SBYANG BA'I RIM PA LA DAL BA'I RTEN LA SNYING PO BLANG BA'I PHYIR DU BSKUL BA DANG, ,SNYING PO JI LTAR LEN PA'I TSUL GNYIS, DANG PO LA DAL 'BYOR NGOS GZUNG BA, DON CHEN BAR BSAM PA, RNYED DKA' BAR BSAM PA DANG GSUM, DANG PO NI BSHES SPRING LAS, LOG PAR LTA BA 'DZIN DANG DUD 'GRO DANG, ,YI DVAGS NYID DANG DMYAL BAR SKYE BA DANG, ,RGYAL BA'I BKA' MED PA DANG MTHA' 'KHOB TU, ,KLA KLOR SKYE DANG GLEN ZHING LKUGS PA NYID, ,TSE RING LHA NYID GANG YANG RUNG BAR NI, ,SKYE BA ZHES BGYI MI KHOM SKYON BRGYAD PO, ,

DE DAG DANG BRAL KHOM PA BRNYES NAS NI, ,SKYE BA BZLOG PA'I SLAD DU 'BAD PAR MDZOD, ,CES LOG LTA CAN, NGAN 'GRO GSUM, SANGS RGYAS MA BYUNG BA, YUL MTHA' 'KHOB ,GLEN LKUGS, LHA TSE RING PO STE MI KHOM PA'I GNAS BRGYAD DANG BRAL BA'I DAL BA BRGYAD DANG LDAN ZHING, MI NYID DBUS SKYES DBANG PO TSANG, ,LAS MTHA' MA LOG GNAS LA DANG, ,CES MIR SKYES PA, YUL DBUS SU SKYES PA, DBANG PO TSANG BA, LAS MTHA' MA LOG PA, GNAS LA DAD PA STE RANG 'BYOR LNGA DANG, SANGS RGYAS BYON DANG DAM CHOS STON, ,BSTAN PA GNAS DANG DE RJES 'JUG ,GZHAN PHYIR SNYING NI BRTZE BA'O, ,ZHES SANGS RGYAS BYON NAS MYA NGAN LAS MA 'DAS PA, SANGS RGYAS DE'AM DE'I NYAN THOS KYIS CHOS STON BZHIN PA, SANGS RGYAS BZHUGS DUS KYI SGRUB PA'I BSTAN PA MA NYAMS PAR GNAS PA, CHOS BSTAN PA DES GANG ZAG DMAN PAS 'BRAS BU THOB PA MTHONG BAS RKYEN BYAS TE GZHAN RJES SU 'JUG PA, GZHAN GYIS SNYING BRTZE BAR BYED PA STE GZHAN 'BYOR LNGA DANG BCAS PA'I CHOS BCO BRGYAD DANG LDAN PA'I MI LUS 'DI BDAG GIS THOB 'DUG SNYAM PA'I GA-YAM LA RGYUG TZAM MA YIN PAR KHA NANG DU BLTAS TE DPYAD PA NA, RANG NYID MIR SKYES PAS NGAN SONG GSUM DANG LHA YIN MIN GYI RTOG DPYOD MA DGOS KYANG, TSE SNGA PHYI LAS 'BRAS DKON MCHOG RNAMS LA NGES SHES YOD NA LOG LTA CAN MA YIN ZHING ,BSKAL BZANG GI SANGS RGYAS BZHI PA SH'AKYA THUB PA 'JIG RTEN DU BYON PA'I BSTAN PA GNAS NA RGYAL BA'I BKA' YANG YOD, BOD GANGS CAN 'DIR 'KHOR RNAM BZHI MA TSANG YANG DGE SLONG PHA YOD NA DON GYI YUL DBUS YIN, GSUNG RAB KYI TSIG DON CUNG ZAD GO NA GLEN LKUGS MIN PA STE DAL PA

, ,BRGYAD, SPYIR MI LUS THOB PA, KHYAD PAR CHOS TSIGS KYIS PHYE BA'I YUL DBUS SU SKYES PA, DBANG PO SGO LNGA TSANG BA, MTSAMS MED LNGA MA BYAS PA, SDE SNOD GSUM LA DAD PA THOB PA, GZHAN 'BYOR DANG PO BZHI DNGOS BSTAN DKA' YANG DON GYIS TSANG BA SANGS RGYAS 'JIG RTEN DU BYON PA, DES DAM PA'I CHOS GSUNGS PA, GSUNGS PA'I BSTAN PA MA NYAMS PAR GNAS PA, BSTAN PA DE LA RANG NYID ZHUGS PA, SBYIN BDAG SOGS KYIS RANG LA ZAS GOS KYIS MTSON PA'I MTHUN RKYEN STER BA STE 'BYOR PA BCU DANG BCAS PA'I DAL 'BYOR GYI CHOS BCO BRGYAD PO DA LTA RANG GIS THOB PA'I MI LUS 'DI LA TSANG DAM MA TSANG SNYAM DU BSAMS NAS TSANG 'DUG NA DE LA YID DGA' BA LHANG BA ZHIG MA SKYES KYI BAR DU SGOM DGOS TE, DA LTA MA BRTAGS PA'I DUS NA DAL 'BYOR DANG LDAN PA'I MIR RLOM PA MTHA' DAG BRTAGS SHING DPYAD NA MA TSANG BA NI SHIN TU MANG GSUNG, ,GNYIS PA NI, DAL 'BYOR GYI RTEN TSANG BA LA YID DGA' PA THOB NA'ANG YID DGA' BA'I RGYU MTSAN DE NYID MA BSAMS NA RANG LA MI PHAN PA'I DNGOS PO ZHIG RNYED KYANG SER SNA CAN SPRO BA 'PHEL BA DANG 'DRA BA'I DGA' BA TZAM DU ZAD LA, 'DI DE LTA BU DANG MI 'DRA BA'I DON LDAN DU NGES PAR BYA BA LA SLOB SPRING LAS, BDE GSHEGS LAM RTEN 'GRO BA 'DREN PAR CHAS GYUR CING, ,SEMS KYI STOBS CHEN MI YIS RNYING PA GANG YIN PA, ,LAM DE LHA DANG KLU YIS RNYED MIN LHA MIN DANG, ,MKHA' LDING RIG 'DZIN MI'AM CI DANG LTO 'PHYES MIN, ,ZHES NGAN SONG GSUM NI MI DGE BA'I LAS KYI RNAM SMIN LA GTZO BOR SPYOD, RTEN DE LA LAS GSOG PA'I NUS PA HA CANG MI CHE, LHA RNAMS NI DGE BA'I RNAM SMIN LA LONGS SPYOD KYANG LAS GSOG PA'I

MTHU CHUNG, MI RNAMS NI LAS DGE SDIG GSOG PA'I NUS BA STOBS CHE ZHING KHYAD PAR RANG CAG 'DZAM BU GLING PA RNAMS NI LAS KYIS PA YIN PAS BLANG DOR MA NOR BA'I MDUN MA ZHIG BYAS TSE MNGON MTHO LHA MI'I LUS RTEN, NYAN RANG GI MYANG 'DAS, 'GRO BA RNAMS BDE BAR GSHEGS PA'I SAR 'KHRID PA'I SEMS BSKYED, SANGS RGYAS KYI GO 'PHANG RNAMS PHUL DU BYUNG BA 'GRUB PAS BDAG GIS THOB PA 'DI YID BZHIN GYI NOR BU LAS KYANG CHES LHAG PA ZHIG RNYED 'DUG GO SNYAM DU BSAMS PA NA SNGAR MA GRUB PA'I DON CHEN ZHIG 'GRUB PO SNYAM NAS DBUL POS GTER RNYED PA LTA BU'I DGA' BA LHANG GIS MA BYUNG GI BAR DU BSGOM MO,, GSUM PA LA DPE, RGYU, NGO BO'I SGO NAS RNYED DKA' TSUL GSUM LAS, DANG PO NI SPYOD 'JUG LAS, RGYA MTSO CHER GA-YENGS GNYA' SHING GI ,BU GAR RUS SBAL MGRIN CHUD LTAR, ,ZHES RGYA MTSO CHEN POR GSER GYI GNYA' SHING BUG PA GCIG PA ZHIG RLUNG GIS BSKUL TE PHYOGS KUN TU GA-YENG BA'I TSE LO BRGYA BRGYA TZAM NA RUS SBAL LONG BA ZHIG MTSO'I STENG DU 'ONG BA NA MGRIN PA BUG PA DER CHUD PA SRID PA TZAM DU GSUNGS SHING, DE LAS GSAL BA'I DPE MNGON SUM GYIS GRUB PA GYANG LOGS KYI NGOS SU SRAN MA SBAR GANG GTOR NA DER CHAGS PA SHIN TU DKON, GAL TE RE RE TZAM CHAGS PA BYUNG TSE BDAG GIS LUS GRANGS MED CIG BLANGS PA'I MI KHOM PA'I GNAS SU SKYES PA NI SRAN MAS LA LHUNG BA RNAMS DANG, DAL 'BYOR GYI MI LUS NI GYANG LOGS LA CHAGS PA'I SRAN MA DANG TSUL MTSUNGS BAR 'DUG GO SNYAM NAS DPE DON RGYUD THOG TU 'PHROD NGES SHIG SBYAR TE BSGOMS PA NA, DA RES STES CUNG ZAD LEGS PA MA GTOGS GA-YANG LA DE'U LHUNG ZER BA LTA BU'I DUS SU 'CHAR BA'I DGA' 'JIGS KYI BLO

, ,GNYIS KA BCOS MIN DU SKYE BA YIN NO, ,GNYIS PA RGYU'I SGO NAS RNYED DKA' TSUL NI, SPYIR BDE 'GRO TZAM THOB PA LA TSUL KHRIMS SNA GCIG YAN CHAD SRUNG DGOS, KHYAD PAR DAL 'BYOR GYI MI LUS 'THOB PA LA, SBYIN PAS LONGS SPYOD KHRIMS KYIS BDE, ,ZHES TSUL KHRIMS RNAM PAR DAG PAS GZHI BZUNG, SBYIN SOGS KYIS GROGS BYAS, SMON LAM DRI MA MED BAS MTSAMS SBYOR DGOS PA LA, DE RNAMS SGRUB PA'I RTEN NGAN SONG GSUM LA DGE SEMS MNGON GYUR TZAM YANG SKYE DKA', LHA RNAMS KYANG TING NGE 'DZIN DANG 'DOD PA'I BDE BAS GA-YEL, MI LA YANG CHOS MA DAR BA'I YUL DU DGE BA'I SGRA TZAM YANG THOS PA MIN ZHING, YUL DE NAS KYI PHUNG PO TZAM GYI TSOD DU BYAS BA'I CHOS DAR BA'I YUL NI NAS 'BRU GCIG TZAM DU SNANG, DA LTA RANG RE BOD KYI YUL LA MTSON NA SKYE BO KHRI PHRAG MANG PO TSOGS PA'I KHROD DU TSUL KHRIMS BSRUNG BAR KHAS 'CHE BA NI SHIN TU NYUNG, DE'I NANG NAS KYANG GONG GI PHUN SUM TSOGS PA'I RGYU GSUM GA TSANG BA NI NYIN MO'I SKAR MA TZAM DU 'DUG, DE LTAR KHA PHYIR BLTAS KYI SHES PA DE KHA NANG DU LOG STE RANG LA BLTAS PA NA CHOS BYED PA'I MGOS BLO YAM ME BA ZHIG LAS BLO BDE NGES PA'I DGE BA'I GRANGS 'DREN RGYU NI SHIN TU NYUNG, SDIG BA MI DGE BA NI ZHAR BYUNG DU'ANG BSAGS PA'I RGYU 'DIS DA RES KYI TSE ZHABS 'DI LA BTZAN SA ZHIG MA ZIN NA SLAD NAS MI LUS 'THOB PAR MI 'DUG, 'THOB TU RE BA'I BLO 'DI DPYID KA NYUNGS KAR BTAB NAS STON NAS BSDU RTZIS BYED PA DANG 'DRA BAS COL RE CHUNG SNYAM DU MYONG BA MA THON PAR DU BSGOM, ,GSUM PA NGO BO'I SGO NAS RNYED DKA' BA NI, DBYAR DUS KYI SRIN BU SHIN TU MANG BA'I SA PHYAR BA TZAM GYI STENG DU RANG NYID DNGOS SU YOD PA LTA

BU'I 'DU SHES DANG BCAS TE, GA RE DUD 'GRO LAS YI DVAGS KYI 'GRO BA MANG, DE LAS DMYAL BA'I 'GRO BA MANG, DUD 'GRO LA YANG BYINGS NA GNAS PA, GLING BAR GYI MUN PA NA YOD PA LTA BU'I TSOD NA KHA 'THOR BA'I DUD 'GRO NI CHES NYUNG MOD; 'ON KYANG SA PHYAR BA TZAM GYI STENG NA DUD 'GRO CHUNG DU BGRANG GIS MI LANG BA LTA BU YOD NA'ANG MI BCU SKOR TZAM LAS MI SHONG BA DANG, YUL GRONG RE LA MI JI LTAR MANG YANG 'BUM PHRAG BRGAL PA CHER MI 'OD LA SROG CHAGS PHRA MO BGRANG BAR MI NUS PA SOGS RJES SU DPAG BA'I TSAD MAS GZHAL MI DGOS PAR MKHAS BLUN KUN LA MNGON SUM DU GRUB PA DANG, BDE 'GRO'I LUS RTEN LA BLTOS TE YANG MI LUS, DE'I NANG NAS KYANG CHOS DANG MJAL BA'I MI LUS DKON, MJAL DU ZIN KYANG NYAN NA TSIG MI ZIN, BSAMS NA DON MI GO, BSGOMS NA RGYUD LA MI SKYE BA'I GANG ZAG MANG, THOS BSAM SGOM GSUM GYI BLO GROS DANG LDAN YANG TSE 'DI'I MDUN MA KHO NA SGRUB PA CHES MANG BA SOGS NAS CHOS SGRUB PA'I MTHUN RKYEN MTHA' DAG TSANG BA'I LUS 'DI LA 'DOD PA CAN LA 'JIG RTEN NA 'BYUNG BAR DKON PA'I KHYAD NOR RNYED PA'I BLO SKYES PA LTA BU'I MYONG BA THON THON DU BSGOM MO, ,SMRAS PA, TSE RABS MANG POR SRID PA'I PHUN TSOGS LA, ,SPYAD KYANG DA DUNG NYAM THAG SDUG BSNGAL BAR, ,MTHONG ZHING TSE 'DI'I ZAS NOR LONGS SPYOD SOGS, ,CHES DKON SNYING POR 'DZIN PA'I BLUN PO KHYOD, ,SNGON CHAD DA LTA'I SPYOD TSUL 'DI BZHIN DU, ,CHOS BRGYAD DKAR NAG KHRA GSUM GDON CHEN PO, ,SNYING LA ZHUGS BAS SDUG BSNGAL BDE BA RU, ,GZUNG NAS GTAN GYI MDUN MA RLUNG LA BSKUR, ,DA NI PHAN BDE LEGS TSOGS SGRUB PA'I GZHI, ,DAL 'BYOR GRU GZINGS LAN CIG RNYED PA 'DIS, ,NGES LEGS RIN CHEN GLING DU MA PHYIN PAR, ,'KHOR BAR

, ,STONG LOG BYAS NA SNYING RTZA RUL, ,ZHES PA NI BAR SKABS KYI TSIGS SU BCAD PA'O,, ,,GNYIS PA SNYING PO JI LTAR LEN PA'I TSUL LA SKYES BU CHUNG DU DANG THUN MONG BA'I LAM GYI RIM PA LA BLO SBYANG BA, SKYES BU 'BRING DANG THUN MONG BA'I LAM GYI RIM PA LA BLO SBYANG BA, SKYES BU CHEN PO'I LAM GYI RIM PA LA BLO SBYANG BA DANG GSUM, DANG PO NI LAM SGRON LAS, GANG ZHIG THABS NI GANG DAG GIS, ,'KHOR BA'I BDE BA TZAM DAG LA, ,RANG NYID DON DU GNYER BYED PA,, DE NI SKYES BU THA MAR SHES, ,ZHES SKYES BU CHUNG DU PHAL PA TSE 'DI'I BDE BA DON DU GNYER ZHING SDUG BSNGAL SPONG BA TZAM LHUR LEN PA DUD 'GRO DANG RIGS MTHUN PA LTA BU RNAMS NI SKABS 'DIR NGOS 'DZIN PA'I SKYES BU CHUNG DU MA YIN LA, 'DIR BSTAN SKYES BU CHUNG DU KHYAD PAR CAN TSE 'DI DON DU MI GNYER BAR PHYI MA'I BDE BA TZAM LHUR LEN PA ZHIG DGOS NA'ANG, SKABS 'DIR SA BCAD DU THUN MONG BA'I LAM ZHES GSUNGS PA'I TSIG GI NUS PAS 'KHOR BA MTHA' DAG LA YID 'BYUNG BA'I SNGON DU NGAN SONG GSUM GYI SDUG BSNGAL LA YID 'BYUNG BA ZHIG DGOS PAS 'DI LA 'JIG RTEN PHYI MA DON GNYER GYI BLO BSKYED PA, 'JIG RTEN PHYI MAR BDE BA'I THABS BSTAN PA GNYIS, DANG PO LA 'CHI BA MI RTAG PA BSAM PA DANG, NGAN 'GRO'I SDUG BSNGAL BSAM PA GNYIS, DANG PO NI BLUN RMONGS LA LA 'CHI BA 'ONG MI 'ONG GI RTOG DPYOD TZAM YANG MI BYED LA, PHAL CHER NI NAM ZHIG 'CHI BA ZHIG 'ONG SNYAM PA YOD KYANG MA RGAS KYI BAR DANG LO ZLA ZHAG GRANGS RE RE BZHIN NAS MI 'CHI SNYAM PA'I DBANG GIS 'CHI NAD KYIS THEBS PA'AM LO BRGYA PHRAG LON KYANG RE ZHIG GSON DU RE BA'I BSAM PA MNGON GYUR DES DPER NA PHYOGS GZHAN DU MI 'GRO BAR SDOD PA'I BLO YOD NA 'GRO GRABS YE MI BYED PAR

MKHAR RTZIG PA DANG SO NAM SOGS KYI GSHOM RA BYED PA BZHIN TSE 'DI'I MDUN MA 'BA' ZHIG GI DBANG DU 'GRO LA, BSAM PA DE LAS LOG STE SANG TZAM YANG MI 'CHI BA'I NGES PA MED, ZLA BA RTING MA'I BRGYAGS GRABS BYAS KYANG DE'I DUS SU RANG NYID LUS RTEN 'DI DANG DBYIBS MI 'DRA BA RVA CO ZING DE BA ZHIG TU MI SKYE BA'I NGES PA CI YOD SNYAM PA'I BLO ZHIG DUR RE BA YOD TSE, DPER NA YUL GZHAN DU MGYOGS PAR 'GRO BA'I 'DUN PA CAN DE GZHIS SU SDOD PA'I GRABS MI BYED PAR KHAL RTA SOGS BYES KYI STA GON LHUR LEN PA LTAR MYUR DU 'CHI SNYAM PA'I BLO DES 'DI SNANG GI BYA BA LA MI BRTZON PAR TSE PHYI MAR PHAN PA'I THABS NGAM NGAM SHUGS KYIS BYED PA CHOS NYID YIN PA'I PHYIR, CHOS 'DI DON DU GNYER BA RNAMS NI 'CHI BA MI RTAG PA'I CHOS SKOR LA BLO SBYONG BA GAL CHE BAS 'DI LA GSUM, NGES PAR 'CHI BA BSAM PA, NAM 'CHI NGES MED BSAM PA, 'CHI BA'I TSE CHOS MA GTOGS PA GZHAN GANG GIS KYANG MI PHAN PAR BSAM PA'O, ,DANG PO NI MI RTAG PA'I TSOMS LAS, GANG YANG SANGS RGYAS RANG SANGS RGYAS, ,SANGS RGYAS RNAMS KYI NYAN THOS KYANG, ,SKU LUS 'DI NI SPONG MDZAD NA, ,SKYE BO PHAL PA SMOS CI DGOS, ,ZHES DANG, TSOMS LAS, GANG DU GNAS NA'ANG 'CHI BAS MI TSUGS PA'I; ;SA PHYOGS DE NI YOD PA MA YIN TE, ,BAR SNANG LA MED RGYA MTSO'I NANG NA'ANG MED, ,RI BO RNAMS KYI GSEB TU ZHUGS NA'ANG MIN, ,ZHES RANG CAG RNAMS NGES PAR 'CHI STE SNGON BYON PA'I YANG DAG PAR RDZOGS PA'I SANGS RGYAS SKYE 'CHI LA DBANG THOB PA RNAMS KYANG GDUL BYA RTAG 'DZIN CAN RNAMS BSKUL BA'I DON DU MYA NGAN LAS 'DAS, DE BZHIN DU RGYA BOD KYI PAn GRUB RGYAL BLON BYANG CHUB SEMS DPA' SOGS GANG ZAG MCHOG DMAN GRANGS MED PA BYON PA CHOS 'BYUNG DEB THER

, ,GTAM RGYUD SOGS LAS BSHAD PA MTHA' DAG MA BRTAGS PA'I GNAS SKABS SU DA LTA YOD YOD 'DRA BA ZHIG 'ONG NA'ANG, LEGS PAR DPYAD NA BYUNG BA'I GTAM TZAM MA GTOGS YUL DUS GNAS SKABS GANG NA BZHUGS MED PAR MYA NGAN LAS 'DAS PA'I TSUL BSTAN ZIN, RANG GI MNGON SUM GYI SPYOD YUL CAN MKHAN SLOB PHA MA MCHED GROGS MDZA' BSHES SOGS DGRA GNYEN BAR MA'I 'GRO BA MTHA' YAS PA ZHIG 'JIG RTEN PHA ROL TU SONG, DA LTA KHROM CHEN PO KHRI PHRAG MANG PO TSOGS PA'I TSE NA'ANG DER 'KHOD BA MTHA' DAG DUS TSOD 'DI NAS BZUNG STE LO BRGYA TSUN GYI NANG DU 'CHI BAR NGES, SNGAR BYUNG BA'I MI 'DI ZHES BYA BA MA SHI BAR TSE THAR ZHES PA MED NA BDAG GCIG PU LA DMIGS KYIS BSAL TE 'CHI MI DGOS PA GA LA'ONG, TSE TSAD DRUG CU KHA RAL DU BSHAD BA BZHIN THUB NA'ANG DBUGS 'BYUNG RDUB NYI KHRI CHIG STONG GI ZHAG RE 'DZAD, ZHAG SUM CUS ZLA BA 'DZAD, ZLA BA BCU GCIG KYIS LO 'DZAD, LO DE 'DRA BCU GCIG LA LO SKOR DU MING BTAGS PA LNGA TZAM SONG BA NA TSE'I TSAD LA YANG GTUGS PAS RGYA CHE ROL PA LAS, SRID GSUM MI RTAG STON KA'I SPRIN DANG 'DRA, ,'GRO BA'I SKYE 'CHI GAR LA BLTA DANG MTSUNGS, ,'GRO BA'I TSE 'GRO NAM MKHA'I GLOG 'DRA STE, ,RI GZAR 'BAB CHU BZHIN DU MYUR MGYOGS 'GRO; ZHES TSE SKAD CIG KYANG MI SDOD LA, ZAS NOR LTA BU SNGON MA RNAMS RIM GYIS ZAD KYANG SLAR GSAR PA BSNAN DU YOD PA LTA BU MA YIN PAR TSE ZAD PA LA GSAR DU BSNAN RGYU MED PAS SPYOD 'JUG LAS, NYIN MTSAN SDOD PA YOD MED PAR, ,TSE 'DI RTAG TU GOD 'GYUR ZHING, ,SNON PA'ANG GUD NAS 'ONG MED NA, ,BDAG LTA 'CHI BAR CIS MI 'GYUR, ,ZHES SOGS DPE DANG GTAN TSIGS KYI SGO NAS LEGS PAR BSAMS TE NGES PAR 'CHI BA 'ONG BA THAG MA CHOD KYI BAR

BSGOM MO,, GNYIS PA NI, DE LTAR BSGOMS PAS MTHAR 'CHI BA LAS MA 'DAS MOD RE ZHIG DGRA 'DUL GNYEN SKYONG GI BYA BA DANG CHOS SGRUB PA'I MTHUN RKYEN SOGS RTZOL BA BYAS TE MTHAR CHOS SHIG BYA'O SNYAM NA, KHAMS GSUM GYI SEMS CAN RNAMS LA TSE'I TSAD RE BSHAD KYANG DE RING MTHA' LA BSHAD PA BSHAD PA BZHIN DU THUB PA'I DES PA NI SGRA MI SNYAM BA MA GTOGS PA LA MED LA, KHYAD PAR DU 'DZAM BU GLING PA RNAMS NI MDZOD LAS, 'DI NA MA NGES THA MAR NI,, LO BCU DANG PO DPAG TU MED, ,CES NGES PA SHIN TU CHUNG BAR BSHAD CING, BSHAD PA LTAR RANG GIS DNGOS SU MTHONG BA SNGON CHAD RANG LAS GZHON PA SHIN TU MANG BA ZHIG SHI SONG ZHING DA LTA RANG LAS RGAN PA MANG PO ZHIG 'DUG PAS DE DAG GI SNGON DU BDAG MI 'CHI BA'I NGES PA GA LA YOD DE, TSOMS LAS, SANG DANG 'JIG RTEN PHYI MA GNYIS, ,SNGON DU GANG 'ONG GTOL MED PAS, ,SANG GI TSIS LA MI 'BAD PAR, ,PHYI MA'I DON LA 'BAD PAR RIGS, ,ZHES SANGS GI TSES GRANGS DANG 'JIG RTEN PHYI MA'I BAR SRID GNYIS SNGON LA GANG 'GRUB KHA TSON MI CHOD, LA LA DAG ZAS BCOS SMAN DBYAD SOGS THABS MANG PO'I SGO NAS GSON PA'I RKYEN MANG NGO SNYAM NA, RIN CHEN 'PHRENG BA LAS, 'CHI BA'I RKYEN NI MANG BA STE, ,GSON PA YI NI CUNG ZAD CIG ,DE DAG RNAMS KYANG 'CHI BA'I YANG, ,DE BAS RTAG TU CHOS MDZOD CIG, CES ZAS MA 'PHROD PA, SMAN LOG PA, GNAS KHANG RDIB PA, GRU BSHAN ZHIG PA, MDZA' BOS BSLUS PA SOGS GSON RKYEN 'CHI RKYEN DU 'GYUR BA SHIN TU MANG, MAR ME LA SDONG BU DANG MAR KHU LA SOGS PA RING DU GNAS PA'I RKYEN DU MA YOD KYANG RLUNG LTA BUS BSKYOD DE GLO BUR DU 'CHI BA BZHIN, TSE'I 'PHEN PA MA ZAD KYANG 'BYUNG BA 'KHRUGS PA, RBAR DU GCOD PA'I BGEGS PHAN GNOD RES 'JOG

, ,TU BYED PA'I GDON SOGS NYER 'TSE SHIN TU MANG BAS BSHES SPRING LAS, TSE NI GNOD MANG RLUNG GIS BTAB PA YI, ,CHU YI CHU BUR BAS KYANG MI RTAG NA, ,DBUGS RDUB DBUGS 'BYUNG GNYID KYIS LOG BA LAS, ,SAD KHOM GANG LAGS DE NI NGO MTSAR CHE, ,ZHES GANG LA BSAMS KYANG NAM 'CHI CHA MED PAR MYONG BA THON DES KYI BAR BSGOMS PAS RANG LA DGRA MA RUNG BA ZHIG 'ONG BAR NGES SHING DUS GANG LA 'ONG MA NGES NA NYIN RE ZHING ZON BYED PA DANG 'DRA BAS GNAD CHE'O, GSUM PA NI SPYOD 'JUG LAS, GSHIN RJE'I PHO NYAS ZIN PA LA, ,GNYEN GYIS CI PHAN BSHES CI PHAN, ,DE TSE BSOD NAMS GCIG SKYABS NA, ,DE YANG BDAG GIS MA BSTEN TO, ,ZHES 'CHI BA MI RTAG PAR GRAGS PA'I LAM PO CHE RI GZAR GYI RBAB 'DRA BA DE NGES PAR 'ONG BA'I DUS LA BAB PA'I TSE RDZAS SNGAGS TING 'DZIN DANG DPA' BO'I MTSON GYIS MI BZLOGS, PHYUG PO'I NOR GYIS BSLU BA DANG SMRA MKHAS GTAM GYIS 'DRID DU MED CING, GNYEN BSHES MANG POS MTHA' NAS BSKOR, STOBS DANG LONGS SPYOD 'KHOR LOS SGYUR RGYAL LA 'GRAN DU BZOD PA RNAMS KYANG 'KHRID PA DANG 'KHYER BA'I DBANG LTA CI SMOS, MA'I MNGAL NAS LHAN CIG TU 'GROGS PA'I LUS 'DI YANG TZAM GYI BZHAG STE RNAM BAR SHES PA GCIG PU DBANG MED DU 'GRO BA'I TSE RJES SU 'BRANG ZHING PHAN THOGS PA NI SNGON BSAGS KYI DGE BA SOGS DAM PA'I CHOS KHO NA LAS MI 'DUG SNYAM DU MYONG BA THON PAR BSGOM MO, ,BLUN PO LA LA 'CHI BA'I TSE CHOS KYIS PHAN PA DE 'CHI MI DGOS BA ZHIG LA GO BAR SNANG MOD, 'DI PA'I LUGS LA MI 'CHI BA MA YIN YANG 'CHI LUGS MI GCIG STE, CHOS PA RAB 'CHI BA LA BROD, 'BRING MI MTSER, THA MA MI 'GYOD BYA BA BKA'

GDAMS GONG MA'I GSUNG 'PHROS LAS BYUNG BA YIN NO,, SMRAS PA, LAS NYON DBANG GIS 'PHANGS PA'I SKYE SRID 'DI, ,GRUB TZAM NYID NAS MI RTAG 'CHI BA'I DRUNG, ,CUNG ZAD NGAL GSO MED PAR 'GRO BZHIN DU, ,GTAN DU SDOD GRABS BYED LAS BLUN PA SU, ,LO ZLA TSES KYI MA NGES DUS MIN DU, ,RGAN GZHON GO RIM MED PAR 'CHI BA DAG ,MTHONG BZHIN NAM 'CHI'I CHA LA DUS 'DEBS BA'I, ,CHU BUR MIG LDAN KHYOD NYID CER RE LONG, ,NAM YANG MI 'BRAL DKAR BO DGE BA'I GROGS, , SPANGS NAS KHREL CHUNG MDZA' BSHES 'KHOR GA-YOG NOR, ,RTAG TU PHAN PAR SEMS KHYOD BAR DO YI, ,BGROD DKA'I 'PHRAD DER GCIG PUR PHYIN GYI DOGS, ,ZHES BYA BA NI BAR SKABS KYI TSIGS SU BCAD BA'O,, ,,GNYIS PA NGAN 'GRO'I SDUG BSNGAL BSAM BA LA DMYAL BA, DUD 'GRO, YI DVAGS KYI SDUG BSNGAL BSAM PA DANG GSUM, DANG PO LA TSA DMYAL DANG, GRANG DMYAL GNYIS, DANG PO NI, DE YANG GONG DU 'CHI BA MI RTAG PA'I CHOS SKOR SGOM PA'I RGYU MTSAN, DE LTAR SHI BA'I 'OG TU MAR ME SHI BA'AM RTZA PHUNG MAS BSREGS PA LTAR RIGS 'DRA PHYI MA RGYUN CHAD PA ZHIG NI MI 'ONG, NGES PAR SKYE BA ZHIG LEN PA LAS 'OS MED, SKYE BA DE YANG BDE 'GRO DANG NGAN 'GRO GANG RUNG ZHIG TU SKYE BA LAS MA 'DAS PAS BDE 'GROR SKYE BA'I RGYU DGE BA NI SNGON CHAD RANG NYID KYI BLO BDE SING NGE BA BSAGS PA ZHIG NI MI DRAN ZHING TSE RABS SNGON MA RNAMS SU BSAGS MA BSAGS KYANG CHA MED, MI DGE BA'I LAS NI RGYAL PO'I GAN MDZOD BZHIN DU GANG LA BLTAS BLTAS NAS SOGS 'DUG ,DE'I 'BRAS BU NGAN SONG GI SDUG BSNGAL ZHIG MYONG DGOS BYUNG NA LUS 'DI GA LA BYUNG BA DANG LUS GZHAN DU 'PHOS NAS BYUNG BAR KHYAD MED, DA LTAM BRTAGS PA'I GNAS SKABS SU RMA 'BRAS KYI NAD BYUNG BA LTA BU DE GA'I THAD

, ,KYI SHA RUS KYI THOG TU MYONG BA 'DRA ZHIG 'DUG NA'ANG DON DU MYONG BYED NI SEMS YIN TE, MIN NA SHI BA'I 'OG TU RO LA MTSON BSNUN PA LA YANG NA TSA 'BYUNG DGOS PA LA MI 'BYUNG BAR DES PAS DE RING LHA MI'I DPAL 'BYOR MYONG BZHIN PA'I SEMS 'DI'I THOG TU SANG NAS MNAR MED KYI SDUG BSNGAL MI 'BYUNG BA'I NGES BA CI YOD, DE DAG GI TSUL LA YID 'BYUNG SKYE BA LA MGON PO KLU SGRUB KYIS, RAB TU TSA ZHING GRANG BA YI, ,DMYAL BA NYI MA GCIG BZHIN DRAN, ZHES GSUNGS PA LTAR DMYAL BA'I SDUG BSNGAL DE BSAM DGOS TE, BSAM TSUL DA LTA PHAL CHER LUNG DANG DE'I TSIGS BCAD YAM ME GZHIG NGAG TU BRJOD NAS KHA PHYIR BLTAS KYI SHES PAS GZHAN GYI SDUG BSNGAL LA BLTAB LTA BU BYED PA DE RGYUD THOG TU YE MI KHEL TE, DPER NA RGYAL PO'I KHRIMS RAR NAG CAN ZHIG CHAD LAS KYIS NAN TUR SNA TSOGS BYED PA MTHONG BA NA, SEMS DGE BA RNAMS DE LA BRTEN PA'I NGES 'BYUNG DANG SNYING RJE SKYE BA 'ONG NA'ANG PHAL CHE BA NI LTAD MO DANG NYAMS DGA' PA'I SNANG BA SKYE MOD, SNANG BA DE GA SKYE BZHIN PA'I MI DE KHRIMS RAR KHRID NAS YAN LAG LCAGS KYIS BCING BA SOGS BYAS BYUNG TSE SNGAR GYI BDE SEMS DE SKAD CIG KYANG MI BZOD PA'I SDUG BSNGAL GYI SEMS SU GYUR NAS 'DI LAS THAR NA CI MA RUNG SNYAM PA MA GTOGS BLO GZHAN MNGON GYUR MI SKYE BA DANG 'DRA BAS, SKABS 'DIS MTSON PA'I 'KHOR BA'I SDUG BSNGAL SGOM PA'I SKOR PHAL CHER LA RANG NYID 'GRO BA RIGS DRUG GANG YIN PA DER SKYES NAS SDUG BSNGAL DE RANG THOG LA BYUNG BA'I TSUL GYIS BLO NANG DU BKUG NAS SGOM DGOS PA'I PHYIR NA, ZHE SDANG GI MTHUS BSAGS PA'I MI DGE BA'I 'BRAS BU DMYAL BA'I BAR SRID GRUB PA'I TSE

LUS LA BSIL BA'I SNANG BA SHAR TE TSA BA DON DU GNYER BAN BAR SRID 'GAGS NAS TSA DMYAL DU SKYE BAR BSHAD PAS, SPYI KHYAB TU 'OG THAMS CAD LCAGS SREGS KYIS GZHI, KHOR YUG LCAGS SREGS KYI RA BA, STENG 'OG ME LCE KUN TU 'BAR ZHING 'KHRUG PA'I NANG DU, YANG SOS NI, BSHAD MA THAG PA'I GNAS DE 'DRA BA ZHIG TU RANG NYID MNGON SUM DU SKYES 'DUG SNYAM DU 'BAD NAS BSGOMS PAS LUS RTZED YAM YAM PA, SEMS 'JIGS ZHUM ZHUM PA 'ONG NGO, ,DE LTA BU BYUNG BA NA DER SKYES PA'I SEMS CAN MANG PO TSOGS TE ZHE SDANG GI DBANG GIS PHAN TSUN GCIG GIS GCIG LA MTSON CHA SNA TSOGS RDEG PAR BSAM, DE LA BRTEN NAS RANG GI LUS TSAL PA BRGYA STONG DU SONG BA DANG BRGYAL THABS SU 'GYEL BA SOGS KYI RNAM PA DNGOS SU MYONG RGYU YOD PA LTA BU MA BYUNG GI BAR GSAL GDAB, DE NAS NA MKHA' LAS, KHYOD RNAMS YANG SOS PAR GYUR CIG PA'I SGRA BYUNG BA DANG GSOS TE SNGAR LTAR MTSON BSNUN PA SOGS KYIS SDUG BSNGAL KHOR MO YUG TU BSGOM, DE LTAR NYAMS LEN RDO RUS THUG PA BYAS PAS ZAS SKOM GYI DANG KHA 'GAGS PA SNYAM BYED PA DANG, BRE MO'I GTAM DANG 'DU 'DZI'I GA-YENG BA LA MI SBRO ZHING, SPYOD LAM MTHA' DAG TU 'BAD PA MED PAR SDIG SPONG DGE SGRUB LA NGANG GIS 'JUG PA ZHIG 'ONG, SNGAR GYI SEMS DANG SPYOD TSUL SO NA 'DUG TSE CHOS DANG GANG ZAG THA DAD DU SONG BA YIN NO, ,THEG NAG NI, DMYAL SRUNG RNAMS KYIS LUS LA THIG BRGYAD BTAB STE MTSON CHAS GSHEG PAR BYED DO, ,BSDUS 'JOMS NI, DMYAL BA BRGYAD KAR RIM PA BZHIN SKYE DGOS PA MIN YANG 'DIR 'KHRID RIM LTAR SGOM PA'I DBANG DU BYAS TE SNGAR GYI SDUG BSNGAL DE LAS 'BROS PA'I SNANG BA SHAR TE

, ,PHYIN PAN RI RA LUG GLANG SENG LTA BU'I GDONG PA CAN GYI BAR DU CHUD DE BTZIR BA NA SGO THAMS CAD NAS KHRAG GI RGYUN 'BAB BO, ,DU 'BOD NI, YANG BROS PAS LCAGS KYI KHANG BA'I NANG DU SLEB PA NA SGO DBYER MED DU 'GRIG STE PHYOGS KUN NAS ME 'BAR TE BSREGS PAS DA 'BROS SA YANG MI 'DUG SNYAM NAS DU 'BOD LHANG LHANG BA BYED DO, ,NGU 'BOD CHEN PO NI LCAGS KHANG DE GA LA LCAGS KHANG GCIG GIS BSKOR TE BSGOM PAR BSHAD KYANG, BLA MA'I BZHED PA LCAGS KHANG DE NAS THON TE BROS PA NA LCAGS KHANG NYIS RIM DU CHUD DE SDUG BSNGAL SNGON MA LAS NYIS 'GYUR GYIS CHE BA NI BSAM PA'I KHYAD PAR LCAGS KHANG NANG MA NAS THON SRID KYANG PHYI MA LAS MI THON SNYAM PA STE, DPER NA BTZON KHANG LA GYANG NYIS RIM DU YOD NA GYANG NANG MA BRTOL THUB KYANG PHYI MA BRTOL MA THUB DOd PAS SDUG BSNGAL BA BZHI NO, ,TSA BA NI LCAGS KYI GSAL SHING ME 'BAR BAS 'PHONGS DANG SPYI BO'I PAR TAL MAR PHUG STE DBANG PO'I SGO THAMS CAD NAS ME 'BAR BA DANG, LUS RIL BU KHRO CHU'I NANG DU 'TSOD PA'O, ,RAB TU TSA BA NI GSAL SHING RTZA GSUM GYI DBUS MA SPYI BO DANG GA-YAS GA-YON PHRAG PA NAS THON PA DANG, LCAGS SREGS LEB MO LUS LA SNAM BU LTAR DKRI BA DANG, KHRO CHU'I NANG DU 'TSOD BA NA SHA KHRAG RNAMS ZHIG STE KENG RUS LTAR 'GRO BA'O, ,MNAR MED NI PHYOGS MTSAMS KUN NAS ME 'BAR BAS LUS DANG MED BYER MED PA LTA BU'I TSUL GYIS DU BA'I SKAD THOS PA TZAM MO, ,SDUG BSNGAL DE DAG KYANG YUN THUNG DU TZAM ZHIG GIS MI CHOG STE, CHOS MNGON PA LAS, MI'I LO LNGA BCU LA 'DOD LHA'I NYIN ZHAG GCIG TU BYED PA SOGS CUNG ZAD GO DKA' ZHING MI GSAL BAS, DMYAL BA BRGYAD

PO'I NANG GI TSE THUNG SHOS YANG SOS PA'I TSE TSAD MI LO KHRAG KHRIG CHEN PO GCIG DANG KHRAG KHRIG DRUG THER 'BUM CHEN PO GNYIS YIN PAS, GZHAN RNAMS RIM GYIS LOG POR 'PHAR TSUL BSAMS NA SNYING 'GAS PAR THUG BA LAS 'OS CI YOD BSHES SPRING DU, JI SRID MI DGE DE ZAD MA GYUR BA, DE SRID SROG DANG 'BRAL BAR MI 'GYUR, ,ZHES PA LTAR NAD LTA'I RANG CAG RNAMS KYI SPYOD TSUL DANG BCAS TE DE LAS YUN RING BA ZHIG MI 'ONG BA'I NGES PA CI YOD SNYAM DU YID 'KHUL NGES SHES PA'I BAR DU BSGOM MO,, GNYIS BA NI, DMYAL BA'I BAR SRID PA DE'I LUS LA TSA BA'I RNAM PA SHAR BAS GRANG BA LA DGA' BA'I BSAM PAS RKYEN BYAS TE BAR SRID 'GAGS NAS MTHA' THAMS CAD GANGS RI'I PHRENG BAS BSKOR BA 'OG KHA BA'I THANG DANG 'KHYAG ROM GYI GCONG RONG ZAB MO, STENG KHA BA BU YUG 'TSUBS PA, MUN PAS GTIBS SHING RLUNG DRAG POS BTAB PA'I GNAS DANG DER SKYE TSUL SOGS NI TSA GRANG GI KHYAD PAR MA GTOGS SNGAR LTAR LA, BYE BRAG TU CHU BUR CAN NI KHA BA'I BU YUG CHEN PO RLUNG GIS PHYOGS BZHI NAS BTAB STE LUS LA PHOG PAS CHU BUR BYUNG ZHING 'KHUMS PA'O, ,CHU BUR RDOL BA NI DE LAS RANG KHRAG 'DZAG PA'O, ,AA CHU ZER BA NI SDUG BSNGAL CHER SONG BAS SKAD KYI GDANGS DRAG POR 'DON PA'O, ,KYI HUD ZER PA NI SDUG BSNGAL DE BAS CHER SONG BAS SKAD KYI GDANGS CHAG STE RKAN GYI PHUG NAS 'DON PA'O, ,SO THAM THAM PA NI SDUG BSNGAL SNGAR LAS KYANG JE CHER 'PHEL BAS SKAD 'DON MA NUS PAR SO THAM THAM BYED PA'O, AUTPAL LTAR GAS PA NI RLUNG CHEN POS BTAB BAS KHA DOG SNGO ZHING SER CHUNG PHRA MO KHA DRUG TU GAS PA'O, ,PADMA LTAR GAS PA NI BAGS PA SNGON PO RNAMS ZHUS TE SHA'U DMAR HU RE BA TSAL PA BCUR GAS PA'O, ,PADMA LTAR CHER GAS PA NI MDOG

, ,SNGON MA LTAR LA SER KHA BRGYA'AM DE BAS KYANG MANG BSTE, SKYES RABS LAS, MED PAR LTA BA TSE RABS PHYI MA LA, ,GNAS BA DE NA MUN NAG RLUNG GRANG LDANG, ,DES NI RUS PA'ANG 'JIG PA'I NAD SLONG NA, ,BDAG LA PHAN 'DOD SU ZHIG DE RU 'JUG, CES SO, ,SDUG BSNGAL DE YANG MA GA DHA'I BRE BO TSE'I KHAL BRGYAD CU 'GRO BA'I TIL GYI BANG BA NAS LO BRGYA BRGYAN TIL RE PHYUNG BAS DE ZAD PA'I TSE CHU BUR CAN GYI TSE TSAD DU BSHAD PA SOGS LA LUS 'DAR BA DANG YID SKYO SHAS KYI SNANG BA DRAG TU BSKYE DO, ,DE LTAR DMYAL BA TSA GRANG GI SDUG BSNGAL BCU DRUG PO'I 'DI RGYUD THOG TU KHEL NGES SHES PA'I SDUG BSNGAL LA YID 'BYUNG SKYES NA NYE 'KHOR DANG NYI TSE BA'I DMYAL BA SOGS RGYAS BSHAD RNAMS LA SHUGS KYIS YID 'BYUNG GI MYONG BA THON 'ONG BAS, HA CANG RGYAS PAR MI SPRO NA 'DI TZAM GYIS CHOG GSUNG, ZLA BA GNYIS TZAM GYI LONG YOD NA NYE 'KHOR NYI TSO'I SDUG BSNGAL GYI DMIGS SKOR SPROS TE MDZAD PA YI GE'I TSEGS KYIS 'JIGS TE MA BKOD PAS GZHAN LAS SHES PAR BYA'O,, GNYIS PA DUD 'GRO'I SDUG BSNGAL BSAM PA NI BSHES SPRING LAS, DUD 'GRO'I SKYE GNAS NA YANG GSOD PA DANG, ,BCING DANG RDEG SOGS SDUG BSNGAL SNA TSOGS PA,, ZHI GYUR DGE BA SPANGS PA RNAMS LA NI, ,GCIG LA GCIG ZA SHIN TU MI BZAD PA, ,ZHES DUD 'GRO LA BYINGS DANG KHA 'THOR BA GNYIS SU SA SDE LAS BSHAD BA'I BYINGS NA GNAS PA NI RI RAB KYI CHU MTSAMS MAN CHAD KYI KHONGS SU YOD DE LUS KYI CHE CHUNG SOGS MA NGES PA SNA TSOGS 'BRU'I PHUNG PO LTAR SPUNGS PA RNAMS NI CHE BAS CHUNG BA KHYUR MID DANG CHUNG BAS CHE BA'I LUS 'BUGS PA DANG, GZHAN DAG MUN PA SHIN TU GANG PAS LAG PA BRKYANG BSKUMS

TZAM YANG MI MTHONG BA DANG, RGYA MTSOR GNAS PA'I CHU SRIN SOGS NI GNAS DANG BZA' BA TUNG DANG GROGS LA NGES BA MED PA'O, ,KHA 'THOR BA'I RI DVAGS RNAMS NI LINGS PA DANG KHYI DANG GCAN GZA' SOGS KYIS DBANG MOD DU 'DED BA, BDAG TU BZUNG BA RNAMS NI GSOD RDEG BKOL BA, GZHAN YANG KLU'I RIGS RNAMS NI BYE TSAN DANG MKHA' LDING GI 'JIGS PA, ,SROG CHAGS SOGS KYI NYAMS LEN MYONG BA SKYE NGES SU BSGOM, TSE'I TSAD NI MTHA' DAG KYANG BLANG DOR MI SHES PA'I RANG BZHIN CAN TE, RANG NYID BSHAD MA THAG PA'I DUD 'GRO DE DAG CI RIGS PAR SKYES PA DANG SDUG BSNGAL KYI MYONG TSUL SOGS KYI NYAMS LEN MYONG BA SKYE NGES SU BSGOM, TSE'I TSAD NI RING BA RNAMS BSKAL PA TZAM NAS, THUNG BA NYIN ZHAG KYANG YOD PAS MTHA' GCIG TU MA NGES SO,, GSUM PA YI DVAGS KYI SDUG BSNGAL NI BSHES SPRING LAS, YI DVAGS NA YANG 'DOD PAS PHONGS PA YIS, ,BSKYED PA'I SDUG BSNGAL RGYUN CHAGS MI 'CHOS PA, ,BKRES SKOM GRANG DRO NGAL DANG 'JIGS PA YIS, ,BSKYED BA SHIN TU MI BZAD BSTEN 'TSAL LO, ,ZHES YI DVAGS LA RIGS GSUM DU YOD PAR BSHAD PA'I PHYI'I SGRIB PA CAN NI LJON PA'I 'BRAS BU DANG CHU KLUNG SOGS MTHONG STE LONGS SPYOD PAR PHYIN PA NA MTSON CHA THOGS BAS BSRUNG BA'AM RANG KHRAG SOGS SU MTHONG BA'O, ,NANG GI SGRIB PA CAN NI GRONG KHYER SER SKYA ZHES BYA BA CHU DANG RTZI SHING SOGS 'DOD PA'I DNGOS PO CI YANG MED PA DER ZAS SKOM MI RNYED PA DANG, CUNG ZAD RNYED KYANG KHA KHAB MIG MGRIN PA RTA RNGA LTO BA RI RAB YAN LAG 'JAG MA LTA BUR GYUR PA'I DBANG GIS ZAS KHAR MI SHONG, NYUNG ZAD SONG BA RNAMS MGRIN PA NAS MI THAR, THAR KYANG LTO BA MA KHENGS PAS SDUG BSNGAL BA'O, ,ZAS SKOM GYI

, ,SGRIB PA CAN NI ZAS SKOM RNAMS KYANG ME 'BAR NAS LUS 'TSIG PA DANG, BSHANG GCI DANG RANG SHA ZA BAS NYAM THAG PA'O, ,GZHAN YANG SO GA ZLA BA'I REG BYA TSA ZHING DGUN NYI MA GRANG BA, BLTAS PA TZAM GYIS CHU KLUNG BSKAMS TE NGAM GROG TU 'CHAR BA SOGS BKRES SKOM GYI SDUG BSNGAL SNA TSOGS MYONG BA DE DAG TU BSHAD MA THAG PA'I YI DVAGS DE 'DRA'I GZUGS SU RANG NYID SKYES PAR BSAMS TE RGYUD THOG TU KHEL NGES SHES PA ZHIG BSGOM MO; ;SDUG BSNGAL DE YANG YUN THUNG NGU TZAM MA YIN PAR MI LO CHIG KHRI LNGA STONG MYONG DGOS PAR BSHAD BA SOGS LA RJES SU DPAGS TE BSAMS NA NGES 'BYUNG BCOS MIN SKYE BAR SNANG, DON HRIL GYI DRIL NA DA LTA RANG RE RNAMS JA PHOR PA GANG 'THUNG YUN TZAM ZHIG LAG PA ME DONG DU 'JUG PA, DGUN GRANG BSGANG LA ZHAG GCIG TZAM GCER BU BYED PA, ZHAG GSUM BZHI TZAM BZA' BTUNG YE MED PA, SA RDO MANG PO SPUNGS PA'I 'OG TU 'GUL SKYOD MI NUS PAR GNAS DGOS PA LTA BU BYUNG NA BZOD BSRAN MI THUB PA MNGON SUM GYIS GRUB PA DE LTAR NA NGAN SONG GSUM GYI SDUG BSNGAL BZOD GA LA NUS PAS MGON PO KLU SGRUB KYIS, THOB DKA' 'DZAM GLING MI YI LUS, ,DE THOB DUS SU NGAN SONG RGYU; ;RAB TU BSGRIMS TE BCAD PAR BYA, ,ZHES DA RES MI DANG DUD 'GRO'I KHYAD PAR 'BYED PA'I DUS 'DIR SNYING RUS BSKYED DGOS SNYAM PA'I RANG LA YANG YANG LCAGS GIS BRAB PAR BYA'O,, SMRAS PA, TSA SREG RAB 'BAR LCAGS KYI KHANG PA'I NANG; ;BCAD GTUBS BTZIR BA'I KHRAG GI CHU KLUNG 'BAB, ,DBANG PO'I SGO NAS LHAB LHAB ME 'BAR BA'I, ,TSUL 'DIR MI 'JIGS SNYING LA GDON GYIS BRLAMS, ,MUN NAG GANGS RI'I SPUBS KYI 'THOR RLUNG KHROD, ,GRANG REG RNON PO'I

MTSON GYIS NYAM CHUNG LUS, ,BRGYA STONG MANG POR GAS KYANG MI 'CHI BA'I, ,BYED PO MI DGE'I DGRA 'DIS RTAG TU MNAR, ,RMA 'BRAS NAD KYI ZUG GZER CHUNG DU YANG, ,MI BZOD BZHIN DU SHA RUS PAGS PA'I CHED, ,GSOD CING ZA BA'I SDUG BSNGAL MTHA' MED LA, ,SNYING RTZA MI 'DAR SEMS MED PEM PO'AM CI, ,DA LTA'I TSE THUNG 'DI YI ZAS SKOM DON, ,NGAL BAR NUS NAS MI LO KHRI LNGA STONG, ,MI BZAD BKRES SKOM GDUNG BA SEL SLAD DU, ,LUS SROG 'DOR NUS SNYING RUS BSKYED KYANG CHUBS, ,BZOD DKA' NGAN 'GRO'I GA-YANG LA BA SPU'I RTZE, ,'GUL BA TZAM GYI YA NGA MA MCHIS KYANG, ,DGRA 'DUL GNYEN SKYONG 'DI SNANG CHOS BRGYAD LA, ,SPYANG GRUNG KHUR 'DZIN KHYOD LAS BLUN PA SU, ,ZHES BYA BA NI BAR SKABS KYI TSIGS SU BCAD PA'O,, ,,GNYIS PA 'JIGS RTEN PHYI MAR BDE BA'I THABS BSTEN PA LA BSTAN PA LA 'JUG PA'I SGO SKYABS SU 'GRO BA, BDE LEGS THAMS CAD KYI RTZA BA LAS 'BRAS SGOM PA GNYIS, DANG PO LA DNGOS DANG, BSLAB BYA GNYIS, DANG PO NI SPYOD 'JUG LAS, JI LTAR MTSAN MO MUN NAG SPRIN RUM NA, ,GLOG 'GYUR SKAD CIG RAB SNANG STON PA LTAR, ,DE BZHIN SANGS RGYAS MTHU YIS BRGYA LAM NA, ,'JIG RTEN BSOD NAMS BLO GROS THANG 'GA' 'BYUNG, ,DE LTAS DGE BA NYAM CHUNG NYID LA RTAG, SDIG PA STOBS CHEN SHIN TU MI BZAD PA, ,ZHES NYES DMIGS LA 'JIGS PA, YON TAN LA DAD PA, RANG 'DRA'I 'GRO BA LA SNYING RJE GSUM GYI SGO NAS BSAM PA LA DAM PA'I CHOS KYI SGRA TZAM MI THOS PA'I MUN BSKAL NI MTSAN MO SPRIN NAG 'KHRIGS PA'I SMAG RUM LTA BU NAS CHOS DANG MJAL RGYU YOD PA'I SGRON BSKAL NI MUN RUM DE NA GLOG 'KHYUG PA BZHIN DU DKON BAS SNGON CHAD SDIG PA RGYA MTSO CHEN PO TZAM

, ,NAS DGE BA KU SHA'I RTZES CHU THIGS BLANGS PA LTAR STOBS SHIN TU CHUNG BA'I STENG DU TSE 'DIR YANG CHOS PA'I MING GZUGS KYI BLO BRID KYIS GZHAN MGO BSKOR BA LAS GSUNG RAB DANG RANG SEMS SBYOD TSUL RNAMS ZHUS DAG BTANG NA MI DGE BA'I PHYOGS CHES MANG BAR GDA', DE YANG RANG LA DGRA MA RUNG BA ZHIG YOD DOG PA LAS MYUR DU 'ONG BA'I GTAM DANG DGRA DE'I DPA' NUS TSUR LUS SROG LONGS SBYOD LA JI LTAR GNOD SOGS KYI RGYU MTSAN YANG MA NGES NA DE LA 'JIGS PA DANG ZON BYED PA MI 'ONG LA, DGRA DE BYUNG NA RMEG MED DU 'JOMS PA DANG, DUS KYANG LO GCIG TSUN LA 'ONG NGES SHING DE'I BAR LAN MA 'ONG CHA MED PAR SHES NA DAL BAR SDOD PA SKAD CIG MI NUS PAR, PHA ROL GYI DGRA LAS STOBS MNGA' THAD CHE NGES KYI DPON ZHIG 'TSOL ZHING GROGS SU SBRON NAM, MKHAR BTZAN PO BZO'AM, DES MI SLEB PA'I THAG RING DU 'GRO BA SOGS STA GON GANG RUNG BYED PA LTAR DGRA NGAN SONG GI SDUG BSNGAL ZER BA DE LO BRGYA TSUN LA 'ONG BAR NGES SHING, ZLA BA RTING MA DANG MNAR MED KYI DMYAL BA GNYIS GANG SNGA MI SHES PAS 'CHI BA MI RTAG PA DANG NGAN 'GRO'I NGANG TSUL LA GONG DU MYONG BAS THON PA'I DBANG GIS SKYABS GNAS SHIG 'TSOL BA LAS 'OS MI 'DUG ,SKYABS YUL YANG SLOB DPON PHYOGS GLANG GIS, GTING MTHA' MED PA'I 'KHOR BA NI, ,RGYA MTSO'I NANG NA RNAM PAR GNAS, ,'DOD CHAGS LA SOGS MI BZAD PA'I, ,CHU SRIN GYIS NI LUS ZOS PAS, , DE RING GANG LA SKYABS SU MCHI, ,ZHES 'KHOR BA 'DI RGYA MTSO LTAR GTING ZAB CING, 'DOD CHAGS LA SOGS PA MI DGE BA'I CHU SRIN GDUG PA CAN GYIS GTZES PAR CHUD PA'I RANG RE SKYE RGU RNAMS GANG LA SKYABS SU 'GRO ZHES DRI BA'I TSUL

DU GSUNGS PA LA LAN GYI TSUL DU BSTOD PA BRGYA LNGA BCU PA LAS, GANG ZHIG LA NI NYES BA KUN, ,GTAN NAS YONG YE MI MNGA' ZHING, ,GANG LA RNAM PA THAMS CAD DU, ,YON TAN THAMS CAD GNAS GYUR PA, ,GAL TE SEMS SHIG YOD NA NI, ,DE NYID LA NI SKYABS 'GRO ZHING, ,DE BSTOD DE NI BKUR BA DANG, ,DE YI BSTAN LA GNAS PAR RIGS, ,ZHES DGRA ZLA LAS STOBS DANG KHA DRAG CHUNG BA ZHIG GIS RANG PHA ROL GYI DGRA DE'I 'JIGS PA LAS SKYOB MI NUS PA BZHIN TSANGS PA DANG KHYAB 'JUG DANG DBANG PHYUG SOGS LHA MI MTHU BO CHE LA BRTEN KYANG KHONG RANG RNAMS 'KHOR BA LAS MTHAR BAR 'KHOR BA'I NYES PAS MNAR BZHIN PA YIN PAS GTAN GYI SKYABS SU MI 'OS, GANG 'OS NA, SKYABS 'GRO BDUN CU PAR, SANGS RGYAS CHOS DANG DGE 'DUN NI, ,THAR BA 'DOD PA RNAMS KYI SKYABS, ,ZHES DKON MCHOG GSUM GTAN GYI SKYABS SU GSUNGS PA NI BSHAD MA THAG PA'I SKYON DANG BRAL ZHING YON TAN DANG LDAN PAS BSLU BA MED PAR NGES PA RNYED NAS SKYABS SU 'GRO BA LA, 'GRO TSUL GYI DMIGS SKOR MANG YANG 'DRA BCOS RGYAS BKAB GYIS RANG BZO MED PA'I CHOS 'DI GA'I LUGS SROL GYI BZHED PA, DPE LA BSTOD PA LAS, KHYOD SKU MTSAN GYIS SPRAS GYUR PA, ,MDZES GYUR MIG GI BDUD RTZI NI, ,SPRIN MED STON GYI NAM MKHA' LA, ,SKAR MA'I TSOGS KYIS SPRAS PA 'DRA, ,ZHES PA LTAR BSAM DGOS PAS SANGS RGYAS KYI SKU SGOM TSUL YANG GSANG SNGAGS KYI SKABS SU SGOM PA'I, MDUN DU DAM TSIG BA BSKYED PA LTA BU'I CHED DU GSAL BTAB PA DE 'DRA MA YIN PAR, DPER NA KHROM DANG TSONG 'DUS CHEN POR PHYIN PA NA BRO SHON LA SOGS PA'I LTAD MO SNA TSOGS DANG RGYAN CHA LUGS DANG 'KHOR GA-YOG GI MDZES PA SOGS GANG ZAG MCHOG DMAN RANG BLO 'JUG PA'I RIGS MTHONG BA NA, SLAR GNAS

, ,DE MA YIN PA'I GZHAN DU SLEB PA'I DUS DRAN SHES KYIS GSOS BTAB PA'I TSE DE RNAMS KYI BYAD DBYIBS RGYAN CHA LUGS SBYOD LAM SOGS MIG GIS MTHONG RGYU YOD PA LTA BUR BKRA LAM GYI 'CHAR BA YIN GYI, DE RNAMS MDUN GYI THAD LTA BUR CHED GNYER SGOM PA'I SNANG BA MI 'CHAR BA BZHIN DU 'DIR YANG DE BZHIN GSHEGS PA'I BRIS 'BUR GYI SKU GZUGS LA YANG YANG BLTAS SHING, SEMS KYIS DE BZHIN GSHEGS PA DE SKU MDOG GSER BTZO MA LTA BU NA BZA' CHOS GOS GSUM DANG LDAN PA MTSAN DANG DPE BYAD KYIS SPRAS PA LTA BAS CHOG MI SHES PA ZHIG YOD PA 'DUG GO SNYAM DU GSOS BTAB PA NA SNGAR MIG SHES KYI YUL DU GYUR PA DES RKYEN BYAS NAS GSAL LAm LAm PA 'CHAR BAS DE'I TSE MTHONG NA MI MTHUN PA MED CING MTHONG BA TZAM GYIS DON DANG LDAN PAR BYED NUS PA DA LTA BU BYANG CHUB SEMS DPA' MAN CHAD LA MED PA'I SANGS RGYAS KYI SKU'I YON TAN PHUL DU BYUNG BAR 'DUG SNYAM PA'I DAD PA LHANG LHANG BA DANG DNGOS SU MJAL RGYU BYUNG NA SNYAM PA'I GDUNG BA DANG, SANGS RGYAS RJES SU DRAN PA 'DI LTA BU BSOD NAMS CHE SNYAM PA'I SPRO BA RNAMS SHUG DRAG PO MA BYUNG GI BAR DU BSGOM, DE BZHIN DU GSUNG GI YON TAN NI BDEN PA PO'I LE'U LAS, 'DI LTAR SEMS CAN KUN GYIS NGES PA'I TSIG ,MANG PO DAG GIS DUS GCIG ZHU ZHUS NA, ,SEMS KYI SKAD CIG GCIG LA THUGS CHUD NAS, ,GSUNG DBYANGS GCIG GIS SO SOR LAN YANG 'DEBS, ,DE LTA BAS NA 'DREN PA 'JIG RTEN NA, ,TSANGS PA'I SGRA DBYANGS GSUNG SGROG MKHYEN PAR MDZOD, ,DE NI LHA MI'I SDUG BSNGAL MTHAR 'BYIN PA'I, ,CHOS KYI 'KHOR LO RAB TU SKOR BAR MDZAD, CES PA LTAR BSAM DGOS KYANG SANGS RGYAS KYI GSUNG DANG 'DRA BA'AM DE'I

DBER 'OS PA ZHIG DNGOS SU THOS PA'I SKAL BA PHRA BAS, DA LTA PI WANG LTA BU RANG GI BLO 'GRO BA'I SGRA SNYAN PA ZHIG LAS RJES SU DPAGS TE, GONG GI SKU SHIN TU MDZES PA'I SANGS RGYAS DE'I MGUR LAS 'ONGS PA'I GSUNG GI SGRA SNYAN PA YAN LAG DRUG CU RTZA BZHI'I DBYANGS CAN, KHAMS GSUM GYI SEMS CAN THAMS CAD KYIS DUS GCIG TU DRI BA ZHUS NA, LEGS SBYAR GYI SKAD LTA BU GCIG GI SGO NAS BSTAN PA'I DRI LAN DE 'GRO BA SO SO'I SKAD DU SHAR TE THE TSOM CIG CAR DU SEL BSOGS SNGAR BZHIN DAD GDUNG SPRO GSUM GYI SGO NAS NYAMS SU MYONG BAR BYA, THUGS KYI YON TAN NI BSNGAGS 'OS BSNGAGS BSTOD LAS, KHYOD 'BA' ZHIG GI YE SHES KYIS, ,SHES BYA MTHA' DAG KHYAB LAGS KYI, ,KHYOD LAS GZHAN PA THAMS CAD KYI; ;SHES BYA KHO NA LHAG PA LAGS, ,ZHES MKHYEN PA'I YON TAN CHOS MTHA' DAG LA LKOG TU MA GYUR PAS RNAM PA THAMS CAD MKHYEN PA'I YE SHES KYIS GDUL BYA'I DBANG PO DANG 'TSAM PAR RJES SU 'DZIN PA LA MKHAS, BRGYA LNGA BCU PA LAS, 'GRO BA 'DI DAG THAMS CAD NI, ,KHYAD MED NYON MONGS RNAMS KYIS BCINGS, ,KHYOD NI 'GRO BA'I NYON MONGS DAG ,DGRO LA SLAD YUN RING THUGS RJES BSDAMS, ,DANG POR KHYOD LA PHYAG BGYI 'AM, ,'ON TE GANG GIS 'KHOR BAR KHYOD,, SKYON MKHYEN YUN RING DE LTA BUR, ,BZHUGS MDZAD THUGS RJE CHE LA BGYI, ,ZHES SEMS CAN THAMS CAD LA RJE SU BRTZE BA'I THUGS RJE CHEN POS BSDAMS PAS GA-YAS NAS TZAN DAN GYI LDE GU BYUGS PA DANG GA-YON NAS STA GRIS BZHOGS PA LA YANG NYE RING MI MNGA' BA'I PHYIR NA SEMS CAN KUN LA MA RANG GI BU GCIG PU LA BRTZE BA LTA BU MNGA' TSUL SOGS LA YANG SNGAR LTAR BSAM, 'PHRIN LAS NI BRGYA LNGA BCU PA LAS, KHYOD KYIS NYON MONGS GZHOM PAR BSHAD, ,BDUD KYI GA-YO

, ,DAG BSTAN PAR MDZAD, ,'KHOR BA'I RANG BZHIN MI BZAD BRJOD, ,'JIGS PA MED PA'I PHYOGS KYANG BSTAN, ,PHAN DGONGS THUGS RJE CAN GYIS NI, ,SEMS CAN RNAMS LA BGYI 'TSAL BA, ,GANG ZHIG KHYOD KYIS MA MDZAD PA, ,GZHAN KO CI ZHIG MCHIS LAGS KYE, ,ZHES SEMS CAN LA BRTZE BA TZAM NYAN RANG SOGS LA YANG YOD MOD, YOD PA TZAM GYIS MI PHAN PA DPER NA MA LAG ZHA MA'I BU CHUS KHYER NA GROGS GZHAN LA RA MDA' SBRAN NAS 'DRON DGOS PA LTAR LA, SANGS RGYAS NI 'GRO BA RNAMS SGROL BA'I NUS MTHU YONGS SU RDZOGS PAS GZHAN PHAN DU 'GYUR NA DMYAL BA'I ME DONG YANG 'DOD LDAN MTHO RIS KYI DGA' TSAL DU 'JUG PA LTAR SPRO BA DANG BCAS TE THOGS PA MED PAR DON MDZAD TSUL RNAMS SNGAR LTAR BSAM, DE LTA BU'I SKU GSUNG THUGS KYI YON TAN DE NI RGYU MED PA DANG MI MTHUN PA'I RGYU LAS BYUNG BA MA YIN TE, 'GOG PA DANG LAM GYI BDEN PA BRJOD BYA'I GTZO BOR BYAS NAS STON PA'I LUNG GI CHOS DKON MCHOG LA THOS BSAM BYAS PAS RTOGS PA'I CHOS DKON MCHOG SPANGS RTOGS KYI YON TAN BDEN PA GNYIS MNGON DU MDZAD PA LA NGES SHES RNYED NAS CHOS DKON MCHOG LA DMIGS PA'I DAD PA BCOS MIN MA BYUNG BAR DU BSGOM, DGE 'DUN DKON MCHOG NI BYAMS 'JAM DBYANGS SPYAN RAS GZIGS LA SOGS PA BYANG CHUB SEMS DPA' RNAMS DANG, 'OD SRUNG CHEN PO MCHOG ZUNG GNYIS LA SOGS PA NYAN THOS KYI DGE 'DUN DKON MCHOG RNAMS LA SNGAR LTAR SKU GSUNG THUGS KYI MDZAD PA RNAMS LEGS PAR DRAN PAR BYAS TE, 'DI DAG RNAMS KYIS SANGS RGYAS KYI YON TAN DNGOS MA THOB KYANG BDEN PA GNYIS NYAMS SU LEN CING SKYABS SGRUB PA'I ZLA GROGS

MDZAD PAR 'DUG SNYAM PA'I YON TAN RNAMS BSAM MO, ,DE LTAR DANG BA'I DAD PA KHYAD PAR CAN DANG LDAN PAR MA ZAD MNGON 'DOD KYI BLO GAL CHE BA DPER NA 'JIG RTEN GYI DPON DES DGRA'I GNOD PA LAS SKYOB CING, SMAN PA MKHAS PAS 'DU BA 'KHRUGS PA'I 'JIGS PA BSAL YANG RANG DE DAG GI GO 'PHANG 'THOB RGYU MIN LA, KHA DRAG DANG GSO DBYAD KYIS YID PHROGS TE BDAG KYANG DE LTA BU ZHIG BYUNG NA SNYAM PA'I BLO SKYE BA TZAM NI MI SRID PA'I NGES PA CI YOD, SKYES BU CHUNG DU KHO NA LA RANG DKON MCHOG GI GO 'PHANG THOB PA MIN YANG, DE'I THUGS RJES GNAS SKABS KYI SDUG BSNGAL LAS SKYOB, SRID PA'I BDE BA LA SBYOR BA NYE TSE BA'I SKYABS KYIS SKYOB PA LTAR LA, 'BRING GI SKABS SU YUL NYAN RANG GANG RUNG GI SLOB PA DANG MI SLOB PA'I RTOGS PA'I YON TAN MNGON DU BYED PA'I TSUL GYI SGO NAS SKYOB DGOS SHING, SKYES BU CHEN PO LA GNAS SKABS KYI SKYABS BYANG CHUB SEMS DPA'I LAM DANG SKYABS MTHAR THUG RNAM PA THAMS CAD MKHYEN PA MNGON DU BYED PA'I TSUL GYIS SKYABS GNAS SU 'DZIN DGOS PAS 'DUL BA RGYA CHER 'GREL LAS, SANGS RGYAS LA SKYABS STON PA PO, ,CHOS LA SKYABS DNGOS, DGE 'DUN LA SKYABS SGRUB PA'I ZLA GROGS SU BZUNG BAR BSHAD PA LTAR, DE LTA BU'I GO 'PHANG DE BDAG GIS KYANG MNGON DU BYA SNYAM PA'I BSAM PA YANG YANG GSAL GDAB, 'O NA SKABS 'DIR SKYES BU CHEN PO GTZO CHE BAS MI GNAS PA'I MYANG 'DAS LA SKYABS DNGOS ZHU NA, NYAN RANG GI MYANG 'DAS DANG DGE 'DUN LA SKYABS SU BZUNG BAR DGOS PA CI YOD SNYAM NA, DMIGS BSAL SA GNYIS PA THOB PA'I BYANG SEMS DES, SA DANG PO'I SPANGS RTOGS KYI CHOS DANG DGE 'DUN LA SKYABS SU 'GRO MI DGOS PA DE NYID RGYU SKYABS SU GYUR PAS CHU BO'I 'JIGS PA LAS SGROL BA'I ZAM PA LTAR

, ,BYAD NA'ANG, RANG RE LAM DU MA ZHUd PA RNAMS KYIS THEG PA GSUM GA'I SKYABS GNAS LA SKYABS SU 'GRO DGOS PAS GSUNG RAB KYI GNAD MA GO BA'I CAL COL GYI RJES SU MI 'BRANG NGO, ,DKON MCHOG GSUM GYI YON TAN LA DAD CING THOB 'DOD YOD PA RGYU MTSAN DU BYAS TE, SKYID SDUG CI BYUNG YANG KHYED SHES SNYAM PA'I BLO LINGS BSKYUR YID CHES KYI MOS GUS SHIG MED NA KHUG PA'AM AA LONG LTA BU MED PA LA LCAGS KYUS 'DREN MI NUS PA BZHIN, DKON MCHOG THUGS RJE CHE YANG THABS SHES YA BRAL DU 'GRO BAS BSHAD MA THAG PA'I YON TAN DRAN LA YON TAN THOB 'DOD MOS PA RNAMS PHAN TSUN 'GRAN BZHIN PA'I NGANG NAS SEMS CAN RNAMS LA'ANG SNYING RJE CHEN PO'I KUN SLONG DANG BCAS TE, BDAG SOGS SEMS CAN RNAMS KYI DON DU THUGS RJE CHEN PO'I GZHAN DBANG GIS BYA 'PHUR BA LTAR BYON PAR BSAMS TE 'DI LTAR BRJOD 'TSAL, RKANG GNYIS RNAMS KYI MCHOG SANGS RGYAS LA SKYABS SU MCHI'O, , BDAG 'KHOR BA DANG NGAN SONG GI SDUG BSNGAL LAS SGROL BA'I STON PA MDZAD DU GSOL, 'DOD CHAGS DANG BRAL BA RNAMS KYI MCHOG CHOS LA SKYABS SU MCHI'O, ,BDAG 'KHOR BA DANG NGAN SONG GI 'JIGS PA LAS SGROL BA'I SKYABS DNGOS MDZAD DU GSOL, TSOGS RNAMS KYI MCHOG DGE 'DUN LA SKYABS SU MCHI'O, ,BDAG 'KHOR BA DANG NGAN SONG GI SDUG BSNGAL LAS SGROL BA'I GROGS MDZAD DU GSOL, ZHES PA'I TSIG 'PHRENG BA LTA BUR GRANGS SU BCUG STE THUN RE LA BRGYA RTZA SOGS JI LTAR NUS PA BRJOD ,SNGAR BSHAD PA'I SKYABS 'GRO'I TSIG BRJOD KYANG RUNG MOD 'DIR GSER ZHUN LAS BYUNG BA LTAR NGES CAN DU BDAG GI BLA MAS MDZAD DO, ,GNYIS PA NI, DE LTAR THUN DNGOS GZHI LA SKYABS SU

SONG BAS MI CHOG PAR, THUN MTSAMS RNAMS SU BSLAB BYA LA LEGS PAR SLOB DGOS TE, SANGS RGYAS LA SKYABS SU SONG BAS 'JIG RTEN GYI LHA MTHU BO CHE LA GTAN GYI SKYABS MI 'TSOL, CHOS LA SKYABS SU SONG BAS SEMS CAN RNAMS LA GNOD 'TSE SPANG, DGE 'DUN LA SKYABS SU SONG BAS DKON MCHOG GSUM LA YID MI CHES PA'I MI LA GTAN GYI GROGS MI 'CHOL BA DE DGAG PA'I BSLAB BYA GSUM, SANGS RGYAS KYI SKU GZUGS BZO DANG RGYU NGAN PA LA'ANG SANGS RGYAS SU MOS GSUNG RAB KYI YI GE TSIG BZHI PA YAN CHAD LA'ANG CHOS DKON MCHOG TU MOS, RAB TU BYUNG BA'I RTAGS TZAM 'DZIN PA LA'ANG DGE 'DUN DKON MCHOG TU MOS PA'I SGO NAS SGO GSUM GYI MA GUS PA SPANG ZHING, MCHOD BSTOD BKUR BAR BYED PA NI SGRUB PA'I BSLAB BYA GSUM STE, TSUL BZHIN NYAMS SU BSTAR BA LA BRTEN NAS 'DI PHYI KUN GYI RGUD PA MA LUS PA SEL ZHING PHAN BDE LEGS TSOGS KUN GYI 'BYUNG GNAS DAM PAR 'GYUR BA LAGS SO,, SMRAS PA, GLOG LTAR MI BRTAN TSE 'DI'I BDE THABS SU, ,KHA DRAG DPON 'TSOL GUS PA LHUR LEN PA, ,MDUN MA'I YANG RTZER SON PA'I DGA' BA DANG, ,DE LA YID SMON BYED RNAMS MTHONG BA'I TSE, ,BZOD DKA' NGAN 'GRO'I 'JIGS LAS SKYOB PA'I MGON, ,SLU MED RIN CHEN RNAM GSUM DGYES PA'I 'DZUM, ,LHUG PAR STON PA'I GNAD 'GAG 'DI 'DRA DANG, ,MJAL BA SNGAR BSAGS BSOD NAMS BYE BAS BSKRUN, ,SNGON CHAD MI DGE'I MTHU YIS NGAN SONG DU, ,MI BZAD SDUG BSNGAL MYONG BA DES CHOG MOD, ,DA NI SNYING LA RUS PA LEGS BCUG STE, ,MNGON MTHO'I RTEN BZANG SGRUBS SHIG SHES LDAN KYE, ,ZHES BYA BA NI BAR SKABS KYI TSIGS SU BCAD PA'O,, ,,GNYIS PA BDE LEGS THAMS CAD KYI RTZA BA LAS 'BRAS BSGOM PA NI, ,DAL 'BYOR

, ,RNYED DKA' DANG 'CHI BA MI RTAG PA NGAN SONG GI SDUG BSNGAL GSUM DRAN PAS CHOS BYED SNYAM PA'I BLO TZAB CUB CIG YOD KYANG, CHOS BYED LUGS KYI GNAD CIG MGON CHOS KYI MTHUN RKYEN DU MING GIS BTAGS PA'I ZAS GOS LONGS SBYOD LA CHOG MI SHES, DE'I TSED DU SDIG PA SNA TSOGS BSAGS TE CHOS BRGYAD KHRA BO 'BA' ZHIG GIS DUS 'DA', ,'GA' ZHIG LTO GOS GTAM GSUM LA GYONG BKUR BAS LUS KYI MI DGE BA GSUM CUNG ZAD MGO NON NA'ANG, ,GZHAN BDUN PO KHO NA'I DBANG DU SONG STE CHOS BRGYAD DKAR PO 'BA' ZHIG GIS DUS 'DAS TE SGO GSUM SDIG LTUNG GIS MA SBAGS PA ZHIG MI 'BYUNG, ,DE LA BRTEN NAS SHI BA'I 'OG TU LAS DKAR NAG LUS KYI GRIB MA BZHIN DU 'BRANG BAS RIN CHEN 'PHRENG BA LAS, MI DGE BA LAS SDUG BSNGAL KUN, ,DE BZHIN NGAN 'GRO THAMS CAD DO, ,DGE LAS BDE 'GRO THAMS CAD DANG, ,SKYE BA KUN TU BDE BA DAG, ,CES DKAR NAG GI LAS 'BRAS MI BSLU BAR GSUNGS SHING, GSUNG PA PO SNGAR SKYABS 'GRO'I SKABS SU RANG NYID LA DAD PA'I NYAMS MYONG CHAD MA SKYES PA'I SANGS RGYAS BCOM LDAN 'DAS KYIS GSUNGS PAS TING NGE 'DZIN RGYAL PO LAS, ZLA BA SKAR MAR BCAS PA GNAS LTUNG ZHING, ,RI DANG GRONG DU BCAS PA'I SA ZHIG LA, ,NAM MKHA'I KHAMS NI RNAM PA GZHAN GYUR KYANG, ,KHYOD NI MI BDEN PA YI TSIG MI GSUNG, ,ZHES SANGS RGYAS KYIS RDZUN GSUNG BA NI RNAM PA THAMS CAD DU MED SNYAM PA'I LAS RGYU 'BRAS LA YID MI PHYED PA'I PA'I DAD PA ZHIG MA BYUNG GI BAR DU BSAM DGOS LA, RANG NYID LA DNGOS SU LUS LAN DANG SEMS LA SDUG BSNGAL MED CING DGRA GDON GYI 'TSO BA DANG BRAL BA MTHUN RKYAN 'JOM PA SOGS YOD PA'I SKABS SAM, YANG NA DE'I BZLOG PHYOGS SAM, DE NYID

SPEL BA LTA BU GSUM PO GANG RUNG LAS 'O SMA 'DAS PAS RANG LA SNANG TSUL JI LTAR YOD PA DE NYID GSAL BTAB NAS BDE SDUG GI SNANG BA LHANG LHANG BA MA SHAR GYI BAR DU BSGOM, DE NAS MDO LAS, LUS CAN DAG GI LAS RNAMS NI, , BKAL PA BRGYAR YANG CHUD MI ZA, ,TSOGS SHING DUS LA BAB PA NA, ,'BRAS BU NYID DU SMIN PAR 'GYUR, Z,HES PA DA LTA TSA BAS GDUNGS PA NA RLUNG BSIL PO LUS LA PHOG PA YAN CHAD KYI BDE BA DANG TSER MA PHRA MOS RMA PHYUNG BA YAN CHAD KYI SDUG BSNGAL NI RANG GIS SNGAR BYAS PA'I DGE SDIG GI 'BRAS BU KHO NAR 'DUG, ,DE YANG TSE SNGON MI DGE BA ZHIG BSAGS PA'I MTHUS 'PHANGS PA'I MI LUS 'DI LTA BU THOB NA'ANG, MI DGE BA BSAGS PAS RDZOGS PA'I SDUG BSNGAL 'DI DANG 'DI ZHES BYA BA DUG GO SNYAM DU RANG THOG TU BSAM, DE BZHIN DU DUD 'GRO'I GNAS SKABS SU BDE BA DANG LDAN PA ZHIG LA KHA PHAR BLTAS TE 'PHEN BYED MI DGE BAS 'PHANGS PA'I LUS THOB KYANG RDZOGS BYED DGE BAS RDZOGS PA'I LUS 'DI LTA BU THOB 'DUG GO SNYAM PA'I MNGON SUM DU NYAMS SU MYONG BA DANG, LAS STOBS CAN GCIG GIS LUS MANG PO 'PHEN PA DANG LAS STOBS CHUNG MANG POS LUS GCIG 'PHEN TSUL DPER NA PHYUG PO GCIG GIS MCHOD GNAS MANG POR ZHABS TOG BYED PA DANG DBUL PO MANG POS MCHOD GNAS GCIG LA ZHABS TOG BYED PA'I RJES DPAG GI TSUL LA YID CHES KYI NGES PA DRANGS TE, DA LTA 'DE MA KHA BYUNG NA LHA'I BDE BA TZAM LA LONGS SBYOD RGYU BYUNG YANG NGOMS MI SHES SHING SDUG BSNGAL PHRA MO TZAM YANG MI BZOD PA 'DI LTA NA, SNGAR NGAN SONG GI SDUG BSNGAL BZOD GLAGS MED PA MYONG BA'I RGYU NI MI DGE BA YIN PAR 'DUG ,DE MA SPANGS NA MI 'DOD BZHIN DU 'BRAS BU SDUG BSNGAL MYONG BA LAS 'O

, ,MA MCHIS, SDUG BSNGAL SPONG PA LA DE'I RGYU SPANG BYA'I SDIG PA DE YANG RKUN MA MI YIN ZHES PA LTA BU TZAM GYIS MI CHOG PAR BCAR TE NGOS ZIN DGOS PAS MDZOD LAS, DE LAS CHE LONG BSDUS NAS NI, ,DGE DANG MI DGE CI RIGS PAR, ,LAS KYI LAM NI BCUR GSUNGS SO, ,ZHES PA LTAR SDIG PA MI DGE BA BCUR 'DU BA YIN PAS LUS KYI LAS SROG GCOD MA BYIN LEN LOG GA-YEM ,NGAG GI LAS RDZUN PHRA MA TSIG RTZUB NGAG BKYAL, YID KYI LAS BRNAB SEMS GNOD SEMS LOG LTA RNAMS LAS SEMS CAN GYI RIGS GANG BSAD KYANG SROG GCOD KYI MI DGE BA YIN NA'ANG, DPER MTSON NA GZHI LHAS BYIN LTA BU BSAM PA'I KHYAD PAR DER 'DU SHES SHING NYON MONGS DUG GSUM GANG RUNG GI SGO NAS KUN SLONG GSOD PAR 'DOD DE SBYOR BA RANG NGAM GZHAN BYED DU BCUG PA GANG RUNG GIS MTSON LTA BU BSNUN NAS MTHAR THUG PHA ROL PO SHI BA NA SROG GCOD KYI MI DGE BA RDZOGS PAR 'GYUR, 'DU SHES 'KHRUL BA DANG GSOD SEMS MED PAR RKANG 'OG TU CHUD DE SHI BA DANG PHA ROL PO'I SNGON DU RANG SHI BA SOGS LA BSHAD MA THAG PA'I GZHI BSAM PA SBYOR BA MTHAR THUG TSANG BA'I MI DGE BAR MA SONG YANG SROG GCOD KYI MI DGE BA'I KHONGS SU GTOGS SO,, MA BYIN LEN NI, GZHI RANG MI DBANG ZHING GZHAN GYIS BDAG TU BZUNG BA'I GSER LTA BU DER 'DU SHES SHING NYON MONGS GANG RUNG GI SGO NAS KUN SLONG DBRAL BAR 'DOD DE SBYOR BA THABS SNA TSOGS KYIS BLANGS BAS MTHAR THUG THOB BLO SKYES PA'O LOG GA-YEM NI, GZHI GZHAN GYIS BDAG TU BZUNG BA DANG RANG GI NYE DU DANG KHA DANG BSHAD LAM SOGS BGROD BYA MIN PA DANG, RANG GI CHUNG MA SOGS BGROD YUL YIN YANG RTEN GYI DRUNG DANG SBRUm MA DANG BSNYEN GNAS LA GNAS PA LTA BU LA

DER 'DU SHES TE NYON MONGS GANG RUNG GI SGO NAS KUN SLONG MI TSANGS PAR SPYAD 'DOD KYIS SBYOR BA DE'I DON LA BRTZON PAS MTHAR THUG DBANG PO GNYIS SBYOR BA SOGS SO, ,RDZUN DU SMRA BA NI, GZHI MNGON SHES MED PA LTA BU DE YOD PAR SMRA BA'I YUL LA 'DU SHES MED PA LA YOD PAR BSGYUR TE NYON MONGS GANG RUNG GI SGO NAS KUN SLONG TSUL DE SMRA BAR 'DOD DE SBYOR BA LUS NGAG GANG RUNG GI RNAm 'GYUR BSTAN PAS MTHAR THUG DON GO BA'O, ,PHRA MA NI, GZHI GANG ZAG GNYIS LTA BU LA DER 'DU SHES SHING NYON MONGS GANG RUNG GI SGO NAS KUN SLONG DBYE BAR 'DOD DE SBYOR BA 'BYED NUS KYI TSIG SMRAS PAS MTHAR THUG DON GO BA'O, ,TSIG RTZUB NI GZHI YID DU MI 'ONG BA'I 'GRO BA LA DER 'DU SHES SHING NYON MONGS GANG RUNG GI SGO NAS KUN SLONG NGAG RTZUB PO SMRA BAR 'DOD DE SBYOR BA PHA ROL PO'I SNYING LA BSNUN PA'I MI SNYAN PA BRJOD PAS MTHAR THUG DON GO BA'O, ,NGAG BKYAL NI GZHI SNGON MA GSUM PO GANG RUNG DU MI GTOGS PA'I DON MED DANG LDAN PA'I DON LA DER 'DU SHES TE NYON MONGS GANG RUNG GI SGO NAS KUN SLONG BYUNG RGYAL DU SMRA BAR 'DOD PAS SBYOR BA PHYI ROL PA'I BSTAN BCOS DANG BRAM ZE'I GSANG SNGAGS 'DON PA, RGYAL BLON DMAG RKUN PO SOGS 'DU 'DZI'I GTAM SMRA BA, CHAGS SEMS KYIS GLU DANG ZLOS GAR GYI TSIG BRJOD PA, DGE SPYONG DAG RNYED PA BTZAL BA'I PHYIR GZHAN LA KHA GSAG SMRA BAR BRTZAMS NAS MTHAR THUG SMRAS ZIN PA'O, ,BRNAB SEMS NI GZHI GZHAN GYI NOR LA DER 'DU SHES SHING RANG NOR LA CHAGS SEMS DANG GSOG SEMS, GZHAN NOR LA RO MYANG SEMS DANG 'KHU SEMS NGO TSA DANG NYES DMIGS ZIL GYIS GNON PA'I CHOS LNGA LDAN GYI NYON MONGS GANG RUNG GI SGO NAS KUN SLONG RANG LA BYUNG NA SNYAM PA'I RDAM SEMS KYIS SBYOR BA RANG LA

, ,'BYUNG BA'I CHED DU YID KYIS RTZOL BA, MTHAR THUG DER SMON PA'O, ,GNOD SEMS NI GZHI YID DU MI 'ONG BA'I SEMS CAN LA DER 'DU SHES SHING GNOD BYED KYI RGYU LA MTSAN MAR 'DZIN PA'I ZHES SDANG GI SEMS, GNOD BYED LA MI BZOD PA'I SEMS, TSUL MIN YID BYED YANG YANG DRAN PAS KHON 'DZIN GYI SEMS, BRDEGS PA DANG BSAD NA CI MA RUNG SNYAM PA'I 'KHU SEMS, NGO TSA DANG NYES DMIGS ZIL GYIS GNON PA'I SEMS LNGA LDAN GYI NYON MONGS GANG RUNG GI SGO NAS KUN SLONG GSAD BCING SOGS BYA 'DOD PA'I BLOS SBYOR BA SEMS KYIS DE BYED PAR RTZOL ZHING MTHAR THUG DNGOS SU NUS NA BYED PAR THAG BCAD PA'O, ,BDAG CHANGS PA'I GO 'PHANG THOB NA SNYAM PA DANG MI 'DI SHI NA SNYAM PA LTA BU BRNAB SEMS DANG GNOD SEMS RJES MTHUN PA YIN GSUNG NGO, ,LOG LTA NI GZHI LAS 'BRAS LTA BU LA DE MED PAR 'DU SHES SHING NYON MONGS GANG RUNG GI SGO NAS KUN SLONG SKUR PA 'DEBS PAR 'DOD PAS SPYOR BA NI BSAMS PA LTAR MED PAR BSAMS TE MTHAR THUG THAG BCAD PA'O, ,BCU PO DE LA YANG NANG GSES KYI LCI YANG, BSAM PA NYON MONGS DRAG POS KUN NAS BSLANG BA, YUL BLA MA DANG PHA MA LTA BU BSAD PA, DE DAG GI DKOR PHROGS PA, BSLU BA DBYE BA TSIG RTZUB BRNAB SEMS GNOD SEMS BYED BA, GZHAN YANG DUD 'GRO LTA BU LA LUS BONGS CHE BA GSOD PA, DNGOS PO RIN THANG CHE ZHING MANG BA BRKU BA, TSANGS SPYOD LA SOGS BGROD BYA MIN PA LA SPYOD PA, DGE 'DUN 'BYED PA'I RDZUN PHRA MA BYED PA, DGRA BCOM PA 'BYUNG BA MED PAR 'DOD BA, SDIG PA LA BSHAGS SDOM MED PAR DGA' BZHIN DU GONG 'PHEL DU BYED PA SOGS RIGS PAS RJES SU DPAGS TE SHIN TU LCI LA, DE'I LOG PHYOd

RNAMS NI BLTOS SA BLTOS 'JOG GI SGO NAS YANG BA'O, ,DE YANG SA BON SNA TSOGS BTAB KYANG MYU GU MI 'CHOL BAR 'BYUNG BA BZHIN SDIG PA SHIN TU LCI BAS RNAM SMIN GYI 'BRAS BU DMYAL BA, 'BRING GIS YI DVAGS, CHUNG DUS DUD 'GROR SKYE, RGYU MTHUN GYI 'BRAS BU SROG GCOD KYIS TSE THUNG, MA BYIN LEN GYIS LONGS SPYOD DBUL, LOG GA-YEM GYIS CHUNG MA BSRUNG DU MI BA TUB, RDZUN GYIS MI KHA SDANG, PHRA MAS MJA' BSHES NYUNG, TSIG RTZUB KYIS MI SNYAN PA MANG DU THOS, NGAG BKYAL GYIS TSIG MI BTZAN, BRNAB SEMS KYIS YID KYIS RE BA MI 'GRUB, GNOD SEMS KYIS 'JIGS SKRAG CHE, LOG LTAS YANG DAG PA'I LTA BA LA RMONGS PAR 'GYUR, BDAG PO'I 'BRAS BU NI SROG BCAD PAS BZA' BTUNG DANG SMAN GYI NUS PA NYAMS, MA BYIN LEN GYIS LO 'BRAS NYUNG DUR 'GYUR, LOG GA-YEM GYI GNAS 'DAM RDZAB YA NGA, RDZUN SMRAS NI YUL DER BLO BRID DANG 'JIGS PA CHE, PHRA MAS NI SA PHYOGS MI SNYOMS BGROD DKA', NGAG RTZUB MOS SDONG DUM DANG TSER MA SOGS YID DU MI 'ONG, NGAG BKYAL GYIS LJON SHING LA 'BRAS BU MI 'CHAGS, BRNAB SEMS KYIS PHUN TSOGS THAMS CAD RIM GYIS 'GRIB, GNOD SEMS KYIS NAD 'KHRUG ,MI DANG MI MIN GYI 'TSE BA MANG, LOG LTAS NI BZANG NGAN GO LDOG PAR 'GYUR BAS RNAM SMIN DANG RGYU MTHUN NI GANG ZAG RANG LA SMIN ZHING BDAG 'BRAS NI DE GNAS PA'I YUL DANG SA PHYOGS LA 'BYUNG LA DE LA NGES PA DANG MA NGES PA GNYIS LAS MA NGES PA NI RKYEN DANG MA PHRAD NA RNAM SMIN MI 'BYIN ZHING PHRAD NA 'BYIN PA'I SKABS SHIG KYANG BSHAD MOD, DA LTA RANG RE RNAMS KYIS BSAGS PA'I LAS PHAL CHE BA NI DUG GSUM DRAG POS KUN NAS BSLANG BA DANG, SDIG PA RGYUN CHAGS SU BYED PA, YUL KHYAD PAR CAN LA BSAGS PA SOd

, ,NAS MYONG BAR NGES PA MANG LA, DE YANG SLOB DPON DBYIG GNYEN GYIS, ,MTHONG BA'I CHOS LA SOGS PA LA, ,MYONG 'GYUR LA SOGS NGES RNAM GSUM, ZHES GSUM DU YOD PA'I DPER NA SNGON BYUNG DU DGE 'DUN LA BUD MED YIN ZHES NGAN SMRAS BYAS PAS TSE DER MTSAN 'GYUR BA MTHONG CHOS MYONG 'GYUR, SKYE BA BRGYAR BUD MED KYI LUS BLANGS PAS SKYES NAS DANG LAN GRANGS GZHAN LA MYONG 'GYUR GNYIS KA TSANG BA'I GTAM RGYUD DANG, RANG LA NGAN SONG DU SKYE NGES KYI LAS SHIG YOD NA TSE DE LA SBYOR LAM BZOD PA TZAM YANG 'THOB MI NUS, 'DOD KHAMS SU SKYE NGES KYI LAS SHIG YOD NA 'DOD CHAGS DANG BRAL BA'I 'BRAS BU 'THOB MI NUS, 'KHOR BAR SKYE NGES KYI LAS SHIG YOD NA TSE DER 'KHOR BA LAS GROL MI NUS PA SOGS BSHAD MA THAG PA'I LAS 'BRAS KYI RNAM GZHAG RNAMS NGES PAR BYAS TE RANG RGYUD KYI DUG GSUM DANG DES KUN NAS BSLANG PA'I SROG GCOD MA BYIN LEN SOGS GANG LA MNGON PAR DGA' BRTAGS NAS GANG DGA' BA DE GA'I GZHI NAS BZUNG MTHAR THUG GI BAR YID NGOR 'CHAR DU BCUG PA NA DGRA LA ZHES SDANG DMAR LAM LAM PA DANG, YUL SEMS CAN DANG DNGOS PO LTA BU LA 'DOD CHAGS BRTZE DUNG DUNG BA BYUNG BA NA DRAN SHES KYIS TSIR GYIS GZUNG, SNGON CHAD SHES BZHIN GYIS MA ZIN PA'I SDIG PA MANG DU BSAGS YOD 'DUG KYANG BSAGS PAR NGO MA 'PHROD, DA RES ZIN PAS KHO NAM BYUNG TZA NA GNYEN PO BSTEN THUB PA ZHIG BYED, DE TZAM GYIS MI CHOG PAR DGE BA BCU PO SGRUB PA LA BRTZON PAR BYED, DE LA YANG NGOS ZIN DGOS PAS MI DGE BA BCU GO LDOG PA DE DGE BA BCU YIN LA, 'BRAS BU DGE BA STOBS CHEN GYI SGO NAS

SROG GCOD SPANGS PAS RNAM SMIN GYI 'BRAS BU MI LUS 'THOB, RGYU MTHUN GYI 'BRAS BU TSE RING, BDAG PO'I 'BRAS BU SMAN MTHU CHE BA SOGS KYIS MTSON TE, MI DGE BA'I 'BRAS BU RNAMS GO LDOG GI TSUL DU LEGS PAR BSAMS NAS MOS PA DANG SPRO BA MA BYUNG GI BAR DU BSGOM, DGE MI DGE'I TSUL LA GNAD 'GAG ZHIB MOR DPYAD NA GONG GI GZHI BSAM PA SBYOR BA MTHAR THUG GI BAR THAMS CAD DGE SEMS KHO NAS ZIN PA'I SBYIN GTONG LTA BU GCIG TU DKAR BA'I LAS, GZHI NAS MTHAR THUG GI BAR MTHA' DAG SDIG SEMS KYIS ZIN NAS RANG DON DU SROG GCOD PA LTA BU GCIG TU GNAG PA'I LAS, MANG PO'I SROG SKYOB PA'I DON DU GANG ZAG GCIG GSOD PA LTA BU SBYOR BA SROG BCAD PA'I RGYU MI DGE BA'I LAS STOBS CHUNG DES RGYU MTHUN GYI 'BRAS BU SDUG BSNGAL BSKYED KYANG, BSAM PA'I KHYAD PAR DGE BA'I RGYU STOBS CHE BAS RNAM SMIN DANG BDAG 'BRAS BDE BAR 'BYIN PAS NA LAS NAG RNAM SMIN DKAR BA BLANG BYA DANG ,MANG PO ZHIG GSONG PA'I BSAM PAS MA CHAGS PA'I SBYIN PA GTONG BA LTA BU BSAM PA'I KHYAD PAR MI DGE BA SHUGS CHES PAS RNAM SMIN DANG BDAG 'BRAS SDUG BSNGAL KHO NA 'BYIN ZHING, RGYU MTHUN GYI 'BRAS BU TSE THUNG BA DANG LONGS SPYOD CHE BA'I 'BRAS BU DKAR NAG 'DRES MAR YOD PAS LAS DKAR RNAM SMIN NAG PAS SPANG DGOS TSUL SOGS LAS 'BRAS PHRA MO YANG BSAM ZHING BLANG DOR BYED PA GNAD DU CHE, 'ON KYANG SGOM ZHVA BUS 'KHYUD DRA PHAD KYI SGRIB SHING DANG SMIN MA GZENGS MTHO BA'I LTA STANGS CAN PHAL CHER LA NI DGE MI DGE BCU PO RAGS RIM TZAM NGOS ZIN PA'I BLANG DOR BYUNG YANG SKYEN PA'I TSAD DU 'DUG GO ,KHYAD PAR DU YANG RNAM SMIN GYI YON TAN BRGYAD DANG LDAN PA'I LUS RTEN 'THOB PA'I THAB SU GZHAN

, ,GYI SROG SKYOB PA, RTEN LA MAR ME 'BUL BA, GZHAN LA BRAN LTAR GUS PA, SBYIN PA LA BRTZON PA, NGAG BAG DANG LDAN PA, RANG LA YON TAN SNA TSOGS 'BYUNG BAR SMON LAM 'DEBS PA, 'BRAS BU MI DBYUNG ZHING BUD MED LA NYES DMIGS SU BLTA BA, GZHAN GYIS MI NUS PA RANG GIS SGRUB PA LA BRTZON PA SOGS KYIS, TSE KHA DOG RIGS DBANG PHYUG PHUN SUM TSOGS PA, TSIG BTZUN PA, DBANG CHE BA, SKYES PA DANG, STOBS DANG LDAN PA'I YON TAN RNAMS SGRUB PAR BYED PA LA SNGAR BZHIN DU MOS SPRO'I BSAM PA NAN TAN DU BYA, DE LTAR DGE MI DGE'I NGO BO DANG 'BRAS BU RNAMS DPYAD 'JOG GNYIS KA'I SGO NAS BSGOMS PA'I MTHAR, BSHAD MA THAG PA'I DGE BCU SGRUB PA DANG RNAM MKHYEN SGRUB PA'I RTEN BZANG PO ZHIG THOB PAR BYED PA LA SNGAR BSHAD PA'I MI DGE BA DE DAG GIS MA GOS SHING GSAR DU MI GSOG BA ZHIG NGES PAR DGOS 'DUG KYANG RANG GI MNGON SUM GYIS GRUB PA TSE 'DIR YANG SDIG PA DE TZAM ZHIG BSAGS, DES CHA TZAM DU YANG 'GRAN MI NUS PA'I TSE RABS MANG POR RANG GCIG PU'I CHED TZAM DU MA ZAD DPON GROGS BU SPUN ZLA BUD MED GA-YOG 'KHOR SDE DGON SOGS KYI DON DU SDIG PA GRANGS MED BSAGS PA DE, BSHES SPRING LAS, KHYOD KYIS BRAM ZE DGE SLONG LHA DANG NI, ,MGRON DANG YAB YUM DAG DANG BTZUN MO DANG, ,'KHOR GYI SLAD DU'ANG SDIG PA MI BGYI STE, ,DMYAL BA'I RNAM SMIN SKAL NOD 'GA' MA MCHIS, ,ZHES GZHAN GYI DON DU SDIG PA BYAS PA RNAMS RNAM SMIN MYONG TSE YUL DE DAG DANG BGO BSHA' BYAR MED PAR RANG GCIG PU'I THOG TU 'ONG ZHING MYONG NGES KYI LAS NI BZLOG TU MED PAR CHOS MA NGON PA LAS

BSHAD 'DUG PAS JI LTAR BYAS KYANG 'KHOR BA LAS THAR MI NUS PA 'DRA SNYAM DU YID BLONG BLONG POR GYUR PA NA, GA RE BDAG CAG GI STON PA THABS MKHAS THUGS RJE CAN DES DRANG NGES KYI CHOS MANG DU BKA' STZAL BA'I THEG PA 'OG MAR DE LTAR BSHAD KYANG, NGES DON DU MTSAMS MED BYAS PA'I SDIG PA RDAMS CHEN YANG BSHAGS SNGOM BYAS PAS 'DAG NUS PAR GSUNGS PAS, BSHES SPRING LAS, GANG ZHIG SNGON CHAD BAG MED GYUR PA LAS, ,PHYI NAS BAG DANG LDAN PAR GYUR DE YANG, ,ZLA BA SPRIN BRAL LTA BUR RNAM MDZES TE, ,DGA' BO SOR 'PHRENG MTHONG LDAN BDE BYED BZHIN, ,ZHES GCUNG DGA' BO CHUNG MA LA HA CANG CHAd PA DANG, SOR 'PHRENG GIS MI GCIG GIS MA LONGS PA'I STONG BSAD PA, MA SKYES DGRAS YAB GZUGS CAN SNYING PO BSAD PA RNAMS KYANG BSHAGS SDOM BYAS PAS DAG CING SNGA MA GNYIS KYIS DGRA BCOM PA THOB PA DANG, BDE BYED KYIS MA BSAD KYANG 'GYOD SEMS KYIS BLANG DOR TSUL BZHIN BYAS PAS DMYAL PAR DAR GYI PHO LONG BRDABS PA TZAM ZHIG SKYES NAS BCOM LDAN 'DAS KYI DRUNG DU RGYUN ZHUGS KYI 'BRAS BU THOB PAR BSHAD PAS BDAG GIS DE TZAM ZHIG MA THOB KYANG NGAN 'GRO'I SGO KHEGS PA ZHIG BYED SNYAM PA'I NGES 'BYUNG DRAG POS RGYUD BSKUL TE SDIG PA BSHAGS PA'I YUL SKU GSUNG THUGS RTEN DGRAM, DE DAG LA DKON MCHOG DNGOS KYI MOS PA BRTAN PO BYA, SNGAR BYAS KYI SDIG PA LA DUG KHONG DU SONG BA LTA BU'I SUN 'BYIN PA'I 'GYOD SEMS DRAG PO DANG, PHYIN CHAD SROG LA BABS KYANG MI BYED SNYAM PA'I NYES PA LAS SLAR LDOG PA'I SNGOM SEMS SNGON DU BTANG NAS DUG GZHOM PA'I CHED DU SMAN DKAR PO CHI GA THUB BSTEN PA LTAR, RJE BDAG NYID CHEN POS MDZAD PA'I STOBS BZHI'I

, ,BSHAGS PA, GZHAN YANG 'PHAGS PA PHUNG PO GSUM PA'I MDO, NGAN SONG DANG SDIG PA SBYANG BA'I GZUNG SNGAGS KHYAD PAR CAN DE BZHIN GSHEGS PA'I MTSAN BRJOD PA SOGS DANG BCAS PHYAG 'TSAL BA NI LAG LEN DNGOS YIN NO, ,GZHUNG CHEN POR SUN 'BYIN PA'I SKABS SU GSER 'OD DAM PA'I BSHAGS PA GSUNGS PA NI NYES BA RNAMS SNGO BGRANG BYED PAR DGONGS SHING, GNYEN PO KUN SPYOD KYI SKABS MDO SDE KLAG PA SKU GZUGS BZHENG PA MCHOD BA 'BUL BA SOGS NI THUN MTSAMS RGYUN GYI SPYOD LAM RNAMS LA BYA BA'I DBANG DU MDZAD, DE KHO NA NYID KYI RGYAS 'DEBS PA NI THUN DNGOS DANG MTSAMS KYI NGES PA MED KYANG GANG ZAG GI BLO RNO RTUL LA RAG LUS LA, RAB TU BYUNG BA LTA BU LA DNGOS GZHI'I TSA LTUNG BA PHYIR BCOS PA YANG BSHAD PAS SPYIR BTANG DMIGS BSAL PHYED PA'I SGO NAS NYAMS SU LEN PA LAGS SO,, SMRAS PA, SKYE BAR MA RIG STUG PO'I LING THOG GIS, ,BLANG DANG DOR BYAR BLTA BA'I MIG LDONGS RNAMS, ,BZHIN RAS NAG NOG GOS KYI DRI MA SOGS, ,'KHRUD PAR BYED BA DON CHEN YIN PAR RLOM, ,LA LA BSAGS KYANG 'DZAD PA'I ZANG ZING NOR, ,BYA LAM RJES MED CHU YI RI MO LA, ,DKA' PA KHYAD DU BSAD NAS SGO GSUM GYIS, ,MI BZAD 'BAD PA DRAG POS DKA' THUB BSTEN, ,RMI LAM YUL GYI BDE SDUG JI BZHIN DU, ,LONG MED TSE 'DI'I DGRA 'DUL GNYEN SKYONG SOGS, ,CHOS BRGYAD GA-YENG PA'I KHOL POR 'DZAD PA'I DANG, ,MNAR MED DMYAL BA'I BUD SHING BYAS KYI DOGS, ,MI SHES BLUN PO CHE 'DI'I DON GYI CHED, ,MI DGE'I LAS LA 'JUG PA BDEN MOD KYI, ,KHO BO GSUNG RAB MANG PO THOS BZHIN DU, ,GTAN MDUN RLUNG LA BSKUR PA NGO RE

GNONG, ,KVA YE DPYID DUS SA BON GANG BTAB PA'I, ,STON KA 'BRAS BU SO SOR SMIN PA BZHIN, ,DKAR NAG RGYU LAS BDE SDUG 'BRAS 'BYIN PA'I, ,TSUL 'DI BSAMS PA'I BLANG DOR GNAD 'GAG GCES, ,'GYOD SDOM SEMS KYIS DKON MCHOG GSUM GYI DRUNG, ,SDIG TSOGS BSHAGS NUS GNYEN BO STOBS BZHI YIS, ,YUN RING GOMS SHING 'DRIS PA'I NGAN SONG GI ,GNAS NGAN 'DI YI RGYU TSOGS DRUNG NAS 'BYIN, ,ZHES BYA BA NI BAR SKABS KYI TSIGS SU BCAD PA'O,, 'JAM DBYANGS MGRIN 'KHYUD SMRA MKHAS NGAG GI DBANG, ,BRTZE CHEN PHYAG NA PADMA'I RANG GZUGS CAN, ,MTHU STOBS GSANG BA'I BDAG PO'I NGANG TSUL GYIS, ,RIGS GSUM SGYU DRA'I GAR MKHAN BTZONG KHA PA, ,KHYOD GSUNG DANG PO'I SKYES BU BLO SBYONG BA'I, ,THUN MONG LAM GYI RIM PA'I GNAD 'GAG RNAMS, ,'KHRUL MED TSIG NYUNG DON RGYAS GO BDE BAR, ,YONGS 'DZIN BLA MA'I GSUNG BZHIN BSHAD ZIN NAS, ,SDUG KUN 'KHOR BA'I RGYA MTSO CHEN PO LAS, ,BSGRAL NAS 'GOG LAM RIN CHEN GLING MCHOG TU, ,BGROD BYED RGYA BOD MKHAS PA'I LEGS BSHAD KYI, ,RGYUD MAD GLU LA BLO LDAN RNA BA BLOGS,, ,,GNYIS PA SKYES BU 'BRING DANG THUN MONG BA'I LAM GYI RIM PA LA BLO SBYANG BA NI LAM SGRON LAS, SRID PA'I BDE LA RGYAB PHYOGS SHING, ,SDIG PA'I LAS LAS LDOG BDAG NYID, ,GANG ZHIG RANG ZHI TZAM DON GNYER, ,SKYES BU DE NI 'BRING ZHES BYA, , ZHES SKYES BU CHU DU NI MNGON MTHO LHA MI'I GO 'PHANG SOGS DON DU GNYER BAR BYED PA LAS, TSUL DE TZAM THOB BYAR MI 'DZIN PAS LAM BSLAB PA GSUM LA BRTEN NAS 'KHOR BA LAS THAR PA'I ZHI BDE TZAM DON

, ,DU GNYER BA RNAMS SKYES BU 'BRING DU BSHAD PAS NA SKABS 'DIR ZHI BA TZAM DON DU MI GNYER YANG RNAM BA THAMS CAD MKHYEN PA SGRUB PA LA DE'I SNGON DU NGES PAR THAR PA THOB DGOS PAS 'BRING DANG THUN MONG BA'I LAM GYI RIM PA NYAMS SU LEN PA LA SNGAR SKYES BU CHUNG DU'I SKABS KYI NYAMS LEN RNAMS GO RIM MA LOG BAR BYAS PAS RE ZHIG NGAN SONG GSUM DU SKYES TE SDUG BSNGAL GYI SDUG BSNGAL MYONG MA DGOS PA NI BTZON DONG NAS THAR BA'I MI BZHIN DGA' BA KHYAD PAR CAN THOB NA'ANG, MI DE SLAR BTZON KHANG DU MI 'JUG PA'I GDENGS MED PA LTAR TSE 'DIR GNYEN PO STOBS BZHI'I SGO NAS SNGAR BYAS KYI SDIG PA RNAMS BYANG ZHING GSAR DU MA BSAGS LA DGE BA BCU BSGRUBS PA'I MTHUS SKYE BA PHYI MA BDE 'GRO'I LUS SHIG THOB KYANG NYON MONGS MA SPANGS PA'I DBANG GIS TSE SNGON MA NGAN SONG GI SDUG BSNGAL LA 'JIGS PA'I BLO SO NA MI SDOD BAR MI DGE BA'I LAS GSAR DU MI GSOG PA'I CHA GA LA YOD, GAL TE BSAGS NA SLAR YANG NGAN SONG GI GNAS SU LDOG PAS NA SPYOD 'JUG LAS, BDE 'GROR YANG DANG YANG 'ONGS TE, ,BDE BA MANG PO SPYAD SPYAD NAS, ,SHI NAS NGAN SONG SDUG BSNGAL NI, ,YUN RING MI BZAD RNAMS SU LTUNG, ,ZHES DPER NA TSA REG GIS MNAR BA NA RLUNG BSER BU'AM 'BAB CHU LTA BU LUS LA PHOG TU BCUG PA'I TSE RE ZHIG BDE BA SKYE NA'ANG YUN SONG BA DANG GRANG BA'I SDUG BSNGAL BSKYED PA BZHIN ZAG BCAS KYI BDE BA MTHA' DAG NI 'GYUR BA'I SDUG BSNGAL SHA STAG YIN PAS GNAS SKABS KYI BDE BA LA YID BRTAN DU MI RUNG BA 'DUG ,DA LTA LAS NYON GNYIS KYIS 'KHOR BA 'DIR NYID

MTSAMS SBYOR DU BCUG NAS MNGON PAR BCINGS PA 'DI LA NGES PAR 'BYUNG BA'I BLOS 'DOR 'DOD KYI BSAM PA DANG BCAS TE 'BAD BAS BSGRUBS PAS BCINGS PA LAS RNAM PAR THAR PA NI ZHI BA'I GO 'PHANG YIN PAS 'DI NYID DON DU GNYER PAR BYED PA LA 'KHOR BA'I SDUG BSNGAL BSAM PA, DE LAS THAR BAR BYED PA'I LAM NYAMS LEN GYI RIM PA BSHAD PA DANG GNYIS, DANG PO LA SDUG BSNGAL DANG KUN 'BYUNG GI SGO NAS BSAM PA, RTEN 'BREL BCU GNYIS KYI SGO NAS BSAM PA GNYIS, DANG PO LA SDUG BSNGAL 'KHOR BA'I NYES DMIGS DANG, KUN 'BYUNG 'KHOR BA'I 'JUG RIM GNYIS LAS, DANG PO NI MDO LAS, DGE SLONG DAG ,'DI NI SDUG BSNGAL 'PHAGS PA'I BDEN PA'O, , 'DI NI KUN 'BYUNG 'PHAGS PA'I BDEN PA'O, ,ZHES 'BRAS BU SDUG BSNGAL BDEN PA DANG PO DANG, RGYU KUN 'BYUNG BDEN PA RJES SU GSUNGS PA 'DI RGYU 'BRAS GO LDOG PA LTA BUR SNANG YANG DGOS PA KHYAD PAR CAN LA DGONGS PA'I TSUL BZHI BRGYA PA LAS, SDUG BSNGAL RGYA MTSO 'DI LA MTHA', ,RNAM PA KUN TU YOD MIN NA, ,BYIS KHYOD 'DIR NI BYING BA LA, ,'JIGS PA CIS NA SKYE MI 'GYUR, ,ZHES 'BRAS BU SDUG BSNGAL LA BDE BAR 'DZIN PA'I BLO YOD NA DE'I RGYU LAS DANG NYON MONGS PA LA 'JIGS PA DANG SPONG SEMS MI SKYE LA, DE LAS GO LDOG NA 'BRAS BU DE MI 'DOD PA'I DBANG GIS DE'I RGYU 'GOG PAR BYED PA, DPER NA RANG RES SKAM PO ZHIG GI STENG NA YOD PA'I TSE GLO BUR DU CHU ZHIG BYUNG NAS LUS DANG GOS STAN SOGS GSHER TE GRANG BA'I REG BYAS NYEN PA NI SDUG BSNGAL BDEN PA, CHU DE GANG NAS BYUNG BRTAGS NAS PHYOGS 'DI ZHES BYA BA NAS BYUNG BAR NGES PA NI KUN 'BYUNG BDEN PA NGES PA, LUS GRANG REG LAS GROL

, ,BA NI 'GOG PA'I BDEN PA, DE'I THABS SU CHU NGOL KA BSGYUR BA'I BYA BA BYED PA NI LAM GYI BDEN PA STE, RGYUD BLA MA LAS, NAD NI SHES BYA NAD KYI RGYU NI SPANG BYA LA, ,BDER GNAS THOB BYA SMAN NI BSTEN PAR BYA BA LTAR, , SDUG BSNGAL RGYU DANG DE 'GOG PA DANG DE BZHIN LAM, ,SHES BYA SPANG BYA REG PAR BYA ZHING BSTEN PAR BYA, ,ZHES CHUS GSHER BA LA SDUG BSNGAL DU NGO MA SHES NA CHU DE DGAG 'DOD KYI BLO MI 'BYUNG, RLAN DANG BRAL BA DE BDE BAR MA SHES NA CHU 'GOG BYED KYI RAGS RTZIG PA'I BLO MI 'ONG BAS BDE SDUG GANG GI YANG 'BRAS BU NGOS ZIN PAR BYAS NAS DE SKYED BYED KYI RGYU LA 'DOR LEN MDZAD PA NI GNAD SHIN TU CHE BA'I PHYIR TSUL DE LEGS PAR KHONG DU CHUD PAR BYAS TE THOG MAR SDUG BSNGAL BDEN PA BSAM PA LA LAM RIM DU 'KHOR BA SPYI DANG BYED BRAG GI SDUG BSNGAL SO SOR GSUNGS PA'I SKYE RGA SOGS SPYI LA SBYAR BA NI SPROS PA CHE BA'I DBANG DU MDZAD PA YIN ZHING, SKABS DON SNYING PO DRIL NA, NGAN SONG GSUM NI SNGAR SKYES BU CHUNG DU'I DUS MYONG BA TSAD THUB BSGOMS ZIN PAS CHANG 'THUNGS PAS NAD DRAG PO BSLANG STE SKYUGS LOG BA ZHIG LA CHANG MTHONG TZAM NAS DE LA MI SDUG BA'I BLO SKYE BA'I MTHUS BYE BRAG GI RO SKYUR BA DANG NGAN PA SOGS CHED DU BSAM MI DGOS PAR RTA RGYUG PA'I ZHAR LA ME TOG CHOD PA LTAR 'ONG BAS, NGAN SONG GI SKYE BA'I SDUG BSNGAL CHED DU MA BSGOMS PAS SKYON DU MI 'GYUR ZHING, DNGOS DON BDE 'GRO'I SDUG BSNGAL LA GTZO CHER SBYAR TE BSAM PA LA, MI, BDE 'GRO GZHAN GNYIS, ZHAR BYUNG RIGS DRUG THUN MONG GI SDUG BSNGAL SGOM PA DANG GSUM, DANG PO NI LAS NYON GYI DBANG GIS SKYE BA BLANGS PA RNAMS NI RGAB DANG 'CHI BA SOGS KYI SDUG BSNGAL SNA TSOGS

KYI GNAS SU GYUR CING SEMS RAB TU MA ZHI BAS DUG GSUM GYIS LUS SEMS NGAL BZHIN DU MTHAR 'CHI BA'I CHOS CAN LAS MA 'DAS MOD, DE YANG SKYE GNAS BZHIR GSUNG YANG GTZO CHE BA MNGAL SKYES KYI DBANG DU BYAS TE, SLOB SPRING LAS, SHIN TU MI BZAD DRI NGA MI GCANG BCER BAS 'GAGS, ,RAB TU DOG BA MUN NAG 'THIBS BOR 'DUG PA YI, ,MNGAL GNAS DMYAL BA LTA BU'I NANG DU DE ZHUGS NAS, ,LUS YONGS BSKUMS LA SDUG BSNGAL CHEN PO BRANG DGOS SO, ,ZHES PHO PA'I 'OG LONG KHA'I STENG NA KHA SGAL TSIGS LA BLTAS NAS DRI NGA ZHING MI GTZANG BA'I LJAN LJIN GYI KHROD DU YOD PA LAS RIM GYIS MER MER PO NAS RKANG LAG 'GYUS PA'I PAR RNAMS KYI GNAS SKABS SU MAS BZA' BTUNG TSA BA BSTEN NA ME DO DA DU CHUD PA, GRANG BA BSTEN NA 'KHYAGS SBUGS SU GNAS PA, MCHONG BA DANG RGYUG PA SOGS KYI TSE GA-YANG LA LHUNG PA LTA BU'I NYAMS 'CHAR BA SOGS MA'I SPYOD LAM MI GZOB PA MTHA' DAG LA BRTEN PA'I SDUG BSNGAL THOG TU 'BAB BZHIN PA NAS ZHAG NYIS BRGYA DRUG CU RTZA DRUG SONG BA NA LAS KYI RLUNG GIS MGO BO THUR DU BSTAN TE MNGAL SGO'I RUS PA SHIN TU DOG PA NAS PHYIR 'BYUNG BA'I TSE BA GLANG GI PAGS PA DMAR BSHUS BYAS PA LA SBRANG MA MCHU CAN GYIS ZOS PA LTA BU'I SDUG BSNGAL GYI TSOR BA DRAG PO MYONG BZHIN DU SKYE ZHING, BTZAS NAS KYANG RE ZHIG GI BAR STAN 'JAM PA LA BZHAG KYANG TSER DONG DU BCUG PA LTA BU'I TSA GRANG GI SDUG BSNGAL CHUNG DU TZAM YANG BZOD DKA' BA'I TSUL RNAMS RANG GI TSE SNGON MA DANG 'DI'I BAR DU NYAMS SU MYONG ZIN PA ZHIG YIN NA'ANG, MNGAL GRIB DANG NA TSOD GZHON PA'I DBANG GIS DA LTA DRAN PA'I YUL DU MA GYUR PAS RJES SU DPAGS

, ,PA'I TSUL GYIS BSGOM PA LA SNGAR SKYES BU CHUNG NGU'I SKABS BZHIN BSHAD MA THAG PA'I SDUG BSNGAL DE RANG THOG LA JI LTAR BYUNG BA'I TSUL GYIS BSAMS PA NA, DA LTA RANG SHONG GI BUM PA LTA BU ZHIG GI NANG DU ZHAG GCIG CHUD DE STENG 'OG KUN TU BSHANG GCI SOGS MI GCING BA'I RDZAS KYIS GANG BAR GYUR NA BZOD THABS MED PA MNGON SUM GYIS GRUB LA, DES GONG GI SDUG BSNGAL GYI CHA TZAM DU YANG MI 'GYUR BA'I PHYIR NA BDE 'GROR SKYE BA LEN PA LA YANG SKYUGS NAD CAN GYIS ZAN MTHONG BA LTA BU'I ZHEN LOG MA BYUNG GI BAR DU BSGOM GSUNG, DE BZHIN DU RGA BA'I SDUG BSNGAL YANG RGYA CHE ROL PA LAS, RGA BAS GZUGS SDUG GZUGS MI SDUG PAR BYED, ,RGYA BAS GZI BRJID 'PHROG CING MTHU STOBS 'PHROG ,RGA BAS BDE BA 'PHROG CING BRNYAS PAR BYED, ,RGA BAS 'CHI BYED RGA BAS MDANGS KYANG 'PHROG ,CES SKRA DKAR ZHING LUS GUG PA, DPRAL BA GNYER MAS KHEBS PA SOGS LUS KYI MTHU NYAMS PA'I TSUL LA MTSON NA, SNGAR NA TSOD DAR BAB KYI DUS LUS DRANG ZHING SKRA'I MDOG GNAG PA WAGS PA LA GNYER MA SOGS MED PA'I GZHON SHA CAN DE DA LTA LUS MA 'PHOS KYANG 'PHOS PA DANG KHYAD PAR MED PA 'DI BZHIN DU SONG 'DUG, SLAR YANG LO ZLA ZHAG MANG SONG RIM GYIS ZLA BA MAR GYI NGO BZHIN RNAM PAR 'GRIBS NAS 'CHI BDAG GI KHAR CHUD PAR 'DUG SNYAM DU SKYO SHAS KYI MYONG BA DRAG PO MA THON GYI BAR DU BSAM, DE BZHIN DU LUS KYI MTHU NYAMS PAS LDANG 'DUG TSUL BZHIN DU MI 'ONG, 'GRO BA'I TSE GOM PA 'KHYOR, NGAG LDA BA LDIB DU SMRA BAS MTSON TE DBANG PO NYAMS BAS MIG RNA SOGS KYIS SNGAR LTA BU'I MTHONG THOS SOGS JI BZHIN MI 'BYUNG ZHING DRAN PA MI GSAL BAS BRJED NGAS CAN

DU 'GYUR, ,BZA' BTUNG YANG SNGAR ZA BA'I TSOD TZAM DU ZOS NA NAD SNA TSOGS SKYED PAR BYED PA'I TSUL RNAMS GONG BZHIN BSGOM, NYAMS LEN BYED PA PO NA TSOD GZHON NU ZHIG YIN NA MGO BO DKAR BA SOGS BSHAD MA THAG PA'I SKYON PHAL TSER RANG NYAMS LA DPAGS TE GZHAL RGYU MED MOD, NA TSOD RGYAN PO ZHIG LA PHAR BLTAS NAS 'DI YANG MA'I MNGAL NAS BTZA' BA'I DUS RGYAS SHING 'KHOGS PA 'DI GA MIN PA THAG CHOD, BDAG LTA BU'I GZHON NU ZHIG GNAS SKABS 'DI 'DRAR GYUR 'DUG GO BSAM PA'I TSUL GYIS BSGOM GSUNG, NA BA'I SDUG BSNGAL NI SNGAR RANG NYID NAD DRAG POS 'DEBS MYONG BA'AM MIN NA NAD PA GZHAN DAG LA RJES SU DPAGS TE YUN RING PO NAS 'DU BA 'KHRUGS PA'I NAD DAM, GLO BUR DU GDON DANG MTSON LA SOGS PAS GTZES PA'I TSUL NI, RGYA CHE ROL PA LAS, DPER NA DGUN SMAD RLUNG DANG KHA BA CHE, ,RTZVA SHING GEL PA NAGS SMAN MDANGS KYANG 'PHROG ,DE LTAR NAD 'DIS 'GRO BA'I MDANGS 'PHROG CING, ,DBANG PO ZUNGS DANG STOBS NI NYAMS BAR BYED, ,CES TSA GRANG SHES CHE CHUNG GI GZUGS GZER SOGS GDUNG BA SNA TSOGS KYIS NYAM THAG PAS LUS KYI SHA WAGS BSKAMS SHING SGUL SKYOD DKA', YID DU 'ONG BA'I ZAS SKOM RNAMS NAD LA GNOD KYI DOGS NAS SMAN PA SOGS KYIS ZAR MI STER, YID DU MI 'ONG BA'I ZAS DANG SMAN SNA TSOGS GTAR SREG RNAMS MI 'DOD BZHIN DU BSTAN DGOS TSUL BSAM MO, ,'CHI BA'I SDUG BSNGAL NI, RGYA CHE ROL PA LAS, 'CHI DANG 'PHO DANG 'CHI 'PHO DUS BYED PA, ,PHANGS SHING SDUG PA'I SKYE BO RTAG TU 'BRAL, ,PHYIR MI 'ONG ZHING 'PHRAD PAR 'GYUR MA YIN, ,SHING LAS LO 'BRUL 'DRA ZHING KLUNG RGYUN MTSUNGS, ,ZHES NAD LAS THAR BA ZHIG BYUNG NA DKA' BA DE TZAM SPYOD RING CHO GA NA'ANG

, ,PHAL CHER NI THABS SNA TSOGS BYAS PAS KYANG NAD JE CHER SONG STE SMAN BAS BOR, MO BON GYIS BSLUS, GNYEN BSHES RNAMS KYIS MTHA' BSKOR NAS SMRE SNGAGS 'DON, SHI DGE DANG DUR 'DEBS KYI GSHOM RA 'DING, RANG NYID KYANG BKRAG MDANGS NYAMS, KHA BSKAMS, MCHU BRDZES, SNA ZHOM, MIG KONG MOR SONG, DBUGS BRTZEGS, SNGAR BYAS KYI SDIG PA LA 'GYOD, GNYEN BSHES 'KHOR GA-YOG RDZAS NOR PHUN TSOGS KUN DANG BRAL, GCES PAR BSKYANGS PA'I LUS KYANG MAL DU BZHAG STE CHAGS ZHEN DRAG PO'I DBANG GIS 'JIG RTEN PHA ROL DU 'GRO DGOS TSUL GYI SDUG BSNGAL DRAG POS MNAR BA RNAMS BSAM MO, ,DGRA LA BRTEN BA'I SDUG BSNGAL NI, MI SDUG PA'I DGRA ZHIG GIS LUS SROG GTAM DON LA GNOD PA BYAS DOGS PA'I SDUG BSNGAL LTA CI SMOS, DGRA DNGOS SAM MI MDZA' BA ZHIG DANG GNAS KHANG GCIG TU 'TSOG DGOS BYUNG NA'ANG YID MI BDE BA NAG YOR RE BA LTA BU'I SNANG BA 'CHAR, DE PHYOGS GZHAN ZHIG TU SONG NA NAM LANGS PA LTA BU'I SPRO BA 'BYUNG TSUL LA BRTEN NAS DGRA SDANG BA DANG PHRAD KYI DOGS PA'I SDUG BSNGAL BSAM, GNYEN LA BRTEN PA'I SDUG BSNGAL NI, GNYEN BSHES DANG, DE'I NANG NAS KYANG SHIN TU MDZA' BA ZHIG YUL GZHAN DU SONG BA LA DE DAG GI YON TAN DANG PHUN TSOGS RNAMS DRAN TE SGO GSUM SDUG BSNGAL DRAG PO DANG, DE LAS GO LOG NA DGA' BA CHEN PO 'BYUNG BA'I TSUL GYI GNYEN SDUG PA DANG BRAL GYI DOGS PA'I SDUG BSNGAL BSAM, 'DOD PA LA BRTEN PA'I SDUG BSNGAL NI, TSONG PA DANG ZHING LAS PA SOGS KYIS 'BAD PAS BSGRUBS KYANG TSONG ZOG STOR BA DANG LO TOG SER BAS BCOM PA, DBU GTZO DANG ZHANG BLON RNAMS KYIS DGRA MA THUL ZHING GNYEN MA

'KHYONGS BA, RAB TU BYUNG BA LA LA GNYEN PO ZHAN PAS TSUL KHRIMS KYI 'OG MI THON PA, SHES RAB DMAN PAS THOS BSAM GYI BYA BA MA 'GRUB PA SOGS 'DOD PA BTZAL GYIS MI RNYED PA'I SDUG BSNGAL, GZHAN YANG KHA DRAG PO ZHAN POR SONG BA, PHYUG PO SPRANG POR SONG BA, MI MANG PO GCIG PUR SONG BAS MTSON TE RGYAL KHAMS LA BRTAGS NA SNGAR GYI SA NA MI 'DUG PA SOGS MDOR NA BKRES SKOM TSA GRANG MI 'DOD PA SNA TSOGS PAS MI'I LUS RTEN 'DI NYID KYANG SDUG BSNGAL GYI RANG BZHIN CAN YIN PAR MYONG BA SNYING THAG PA NAS MA SKYES KYI BAR DU BSGOM MO, ,BYANG CHUB LAM RIM DU SDUG BSNGAL BRGYAD BSAM PA DANG DRUG BSAM PA SOGS SPYI LDOG TU GSUNGS NA'ANG, 'KHRID KYI SKABS 'JUG PA BDE BA'I DBANG DU MDZAD DE SDUG BSNGAL BDUN PO GTZO CHER MI LA SBYAR NAS DE'I MJUG TU BDE 'GRO GZHAN GNYIS KYI SDUG BSNGAL DANG SDUG BSNGAL BRGYAD PA DANG, GSUM DANG DRUG BSAM PA RNAMS SPYIR MDZAD PA YIN NO,, GNYIS PA BDE 'GRO GZHAN GNYIS KYI SDUG BSNGAL BSAM PA NI BSHES SPRING LAS, LUS KYI KHA DOG MI SDUG 'GYUR BA DANG, ,STAN LA MI DGA' ME TOG 'PHRENG BRNYINGS DANG, ,GOS LA DRI MA CHAGS DANG LUS LA NI, ,SNGON CHAD MED PA'I RDUL 'BYUNG ZHES BGYI BA, ,MTHO RIS 'CHI 'PHO SBRON BYED 'CHI LTAS LNGA, ,ZHES 'DOD PA'I LHA RNAMS LA MI LTA BU'I SKYE RGA SOGS KYI SDUG BSNGAL MED NA'ANG, 'CHI BAR NYE BA'I TSE GLO BUR DU LUS KYI BKRAG MDANGS NYAMS SHING BDE BA'I STAN LA 'DUG SNYING MI 'DOD PA, ME TOG GI 'PHRENG BA BRNYINGS PA, GOS LA DRI MA NAG NOG CHAGS PA, SNGON MED PA'I LUS LA RDUL 'BYUNG BA RNAMS 'CHI LTAS LNGA, LUS KYI 'OD CHUNG DU SONG BA, KHRUS CHU LUS LA CHAGS PA, GOS RGYAN LAS SGRA MI SNYAN

, ,PA 'BYUNG BA, MIG GI RDZIM 'KHRAB PA, YUL GCIG LA CHAGS PA LNGA PO NYE BA'I 'CHI LTAS TE BCU PO DE RNAMS 'CHI LTAS SU RIG NAS SDUG BSNGAL ZHING, KHYAD PAR SKABS GSUM PA ZHES BYA BA GANG DU SKYE 'GYUR GYI GNAS KYANG BRTAGS NA SHES PA YIN PAS, DE MA THAG DMYAL BAR SKYE NGES LTA BU YIN NA DMYAL BAR SKYES ZIN PA DANG KHYAD PAR MED PA'I SDUG BSNGAL DRAG PO MI BZAD PA YOD PAS MI LTA BU LA NGAN SONG DU SKYES DOGS PA TZAM LAS RTAG BRTAN THER ZUG DE 'DRA MED PAS LHA'I SDUG BSNGAL LHAG PAR CHE BA YIN GSUNG, GZHAN YANG BSOD NAMS CHEN PO'I LHA RNAMS MTHONG BA'I TSE CHUNG BA RNAMS PA BKONG BA DANG, STOBS CHE BAS CHUNG PA GNAS GZHAN DU BSKROD PA DANG LHA MA YIN DANG 'THAB PA'I TSE PHAN TSUN GCIG GIS GCIG GSOD CING LUS DANG YAN LAG GTUBS CING GCOD PA'I SDUG BSNGAL SNA TSOGS PA, GZUGS GZUGS MED KYI LHA RNAMS NI MNGON GYUR GYI SDUG BSNGAL DE DAG DANG MI LDAN NA'ANG RGYA MTSO'I GZINGS KYI PHUG RON SLAR YANG GZINGS LA 'KHOR BA LTAR TING NGE 'DZIN GYI 'PHEN PA ZAD DE SHI BA'I RJES SU SLAR YANG 'DOD KHAMS KYI SDUG BSNGAL MNGON GYUR SPYOD DGOS TSUL LEGS PAR BSGOM MO,, ,, GSUM PA ZHAR BYUNG RIGS DRUG THUN MONG GI SDUG BSNGAL BSAM PA NI, GZHAN YANG 'KHOR BA LAS MA GROL PHYIN CHAD BSOD NAMS KYI MTHUS 'KHOR LOS SGYUR BA'I RGYAL PO DANG TSANGS PAR GYUR KYANG SLAR BRAN DU 'GYUR BA LTA BU NI 'GRUB PA'I SDUG BSNGAL, TSE 'DI'I SKYE RGA NA 'CHI'I SDUG BSNGAL NI GRUB ZIN PA'I SDUG BSNGAL, 'BRAS TSA BA'I STENG DU TSVA CHU BTAB PA'I 'GYUR BYED KYI REG PA DANG 'PHRAD PAS SDUG BSNGAL CHER SONG BA LTA BU NI SDUG BSNGAL GYI SDUG BSNGAL,

PHYIN PAS NGAL BAN BSDAD PAS BDE BAR SNANG BA LA NAM ZHIG NA YAN LAG DANG SKYED BA NA BDE 'GYUR BA'I SDUG BSNGAL, 'KHYAGS BA'I SPUBS SU CHUD PA ZHIG DE LAS MA THAR GYI BAR DU DRO BA'I SKABS MED PA LTA BU KHYAB PA 'DU BYED KYI SDUG BSNGAL YIN PAS DON HRIL GYI DRIL NA ZAG BCAS NYER LEN GYI PHUNG BO 'DI BLANGS PHYIN CHAD DA LTA'I PHUNG PO LA BRTEN PA'I SDUG BSNGAL MYONG ZHING PHYI MA'I SDUG BSNGAL 'DREN PA LAS 'OS MED, NYER LEN GYI DON 'DUN PA DANG 'DOD CHAGS YIN PAS DPER NA SHING LAS BYUNG BA'I ME LA SHING GI ME ZER BA BZHIN MA 'ONGS BA'I LUS THOB 'DOD DANG DA LTA'I LUS LA CHAGS PA'I DBANG GIS PHUNG PO 'GRUB PA RGYU LA BRTEN NAS BTAGS PA, DE BZHIN DU 'BRAS BU BSKYED PA'I SHING LA 'BRAS BU'I SHING DU GRAGS PA LTAR GRUB PA'I PHUNG PO DES 'DUN PA DANG 'DOD CHAGS BSKYED PA 'BRAS BU'I SGO NAS BTAGS PA STE GCIG LAS GCIG BYUNG BAS 'KHOR BAR 'KHOR RO, ,BSHAD MA THAG PA'I SDUG BSNGAL DER MA ZAD YID BRTAN DU MI RUNG BA NI BSHES SPRING LAS, PHA NI BU NYID MA NI CHUNG MA NYID, ,SKYE BO DGRAR GYUR PA DAG BSHES NYID DANG, ,LDOG PA NYID DU MCHIS PAS DE SLAD DU, ,'KHOR BA DAG NA NGES PA 'GA' MA MCHIS, ,ZHES PHA MA DANG GNYEN BSHES DGRA GNYEN MANG BO GO LDOG PA SKYE BA RIM BRGYUD LA 'ONG BAR MA ZAD TSE 'DIR YANG TSE STOD LA SHIN TU MDZA' BA DAG TSE SMAD LA DGRAR 'GYUR BA DANG, LO SNGON MA GCIG GIS GCIG GSOD DU CHA BA'I MI ZHIG LO RTING MA GNYEN GYI DVANGS MAR 'GRO BA SOGS MNGON SUM GYIS GRUB PAS DGRA GNYEN LA NGES GZUNG GI YID BRTAN MI THUB PAS NGES PA MED PA'I SDUG BSNGAL BSAM, CHOG MI SHES PA NI BSHES SPRING LAS, JI LTAR MDZE CAN SRIN BUS NYEN PA NI,

, ,BDE BA'I DON DU ME LA KUN BRTEN KYANG, ,ZHI BAR MI 'GYUR DE DANG 'DRA BAR NI, ,'DOD PA RNAMS LA CHAGS PA'ANG MKHYEN PAR MDZOD, ,CES SNGON CHAD PHUN SUM TSOGS PA'I LHA'I BDUD RTZI, BAR MA MA'I NU ZHO, THA MA MI GTZANG BA'I KHU BA DANG KHRO CHU KHOL MA BTUNGS PA'ANG RGYA MTSO CHEN PO GRANGS MED PA LAS CHES MANG MOD, DES KYANG NGOMS SU MED PA MDZE CAN ME LA BRTEN PA'I DPE LTAR 'DOD PA'I LONGS SBYOD LA NGOMS MI SHES PAR BSAM, LUS RTEN BGRANG MI NUS PA NI MYA NGAN GSAL BA LAS, ,PHAN TSUN 'THAB DANG BRTZOD PA'I PHYIR, ,MGO BO BCAD PA GANG YIN PA, ,SPUNGS NA DE LTAR MTHO BA NI, ,TSANGS PA'I 'JIG RTEN LAS KYANG THAL, ,ZHES NAD SNA TSOGS KYI SGO NAS LUS DOR BA GZHAN RNAmS PHAR ZHOG ;MTSON GYIS GTUBS TE SHI BA'I MGO PO RNAMS SPUNGS NA TSANG PA'I 'JIG RTEN LAS MTHO BAR 'GYUR BAS, DA DUNG 'KHOR BA LAS MA THAR NA LUS YANG YANG 'DOR BA'I SNANG TSUL DE LAS MA 'DAS SNYAM DU BSAM, MNGAL SGO GRANGS MED 'GRIM PA NI, ,MA YI THUG MTHA' RGYA SHUG TSI GU TZAM, ,RI LUR BGRANGS KYANG SA YIS LANG MI 'GYUR, ,ZHES RANG CAG GI RTZA BA'I MA, DE'I MA, DE'I YANG MA ZHES BGRANG BA'I CHED DU SA CHEN PO 'DI RIL BU CHUNG NGUR DRIL NAS BGRANGS KYANG 'DREN MI THUB PA THUG MTHA' ZHES PA'I NUS PAS DNGOS SU BSTAN NAS, DON GYIS RANG GI MA YANG BGRANG BAR MI NUS PA'I PHYIR NA SNGAR NYID MTSAMS SBYAR BA DANG SLAD NAS SBYOR BAR 'GYUR BA LA YID NGES PAR 'BYUNG BAR BYA'O,, MTHO DMA' MA NGES PA NI, BRGYA BYIN 'JIG RTEN MCHOD 'OS GYUR NAS NI, ,LAS KYI DBANG GIS PHYIR YANGS STENG LHUNG, ,'KHOR LOS SGYUR BA NYID DU GYUR NAS KYANG, ,'KHOR BA DAG TU YANG BRAN NYID DU 'GYUR, ,ZHES LHA RNAMS KYI BDAG PO

BRGYA BYIN DANG 'KHOR LOS SGYUR BA'I RGYAL PO'I GO 'PHANG THOB KYANG SNGAR BYAS KYI MI DGE BA'I LAS MA ZAD PA'I MTHUS DE LA GSOS 'DEBS PA PO BYUNG NA YANG BRAN DANG NGAN SONG SOGS DMAN PA'I GNAS SU SKYE BAR 'GYUR ZHING RANG 'OD KYIS 'JIG RTEN SNANG BAR BYED PA'I NYI ZLA YANG MUN PA'I SMAG RUM DU SKYE BA DANG, STOBS 'BYOR GYI DREGS PAS MYOS PA MANG PO'ANG RGYAL PO'I CHAD LAS DANG PHA ROL GYI DGRA ZLAS BCOM PAS KHAS ZHAN LA MNGA' THANG DANG BRAL BA'I TSUL RNAMS BSAM, THAMS CAD SHUL DU LUS 'GRO BA NI SBYOD 'JUG LAS, LUS 'DI GCIG PU BYUNG BA YANG, ,LHAN CIG SKYES PA'I SHA RUS DAG ,ZHIG STE SO SOR 'GYES 'GYUR NA, ,MDZA' BA GZHAN DAG CI ZHIG SMOS, ,ZHES 'CHI BA'I DUS SU GROGS MED GCIG PUR 'GRO BA'I TSUL RNAMS LA YID 'JIGS ZHUM ZHUM PA MA BYUNG GI BAR DU BSGOM MO, ,BSHAD MA THAG PA'I SDUG BSNGAL DE DAG KYANG RANG RE RNAMS KYIS SNGON CHAD MYONG ZIN PA DANG, DA LTA'I SBYOD TSUL LA DPAGS NA SLAR THOG TU 'BAB PA LAS 'OS MED DE, BO TO BA'I ZHAL NAS, RIGS DRUG GANG DU SKYES PA NA CHAD NA TSA DANG 'CHI BA LA SOGS PA'I SDUG BSNGAL 'BYUNG BA NI NA RGYU CIG NA BA YIN, 'CHI RGYU CIG 'CHI BA YIN GYI DE LA MI 'OS PA CIG GLO BUR DU BYUNG PA MIN, ,'KHOR BA'I MTSAN NYID DAM RANG BZHIN YIN, 'KHOR BAR GNAS RING LA DE LAS MA 'DAS, RANG CAG DE LA YID 'BYUNG NA SKYE BA SPANG DGOS, DE LA RGYU SPANG DGOS ZHES GSUNGS PAS KYANG SHES SO,, SMRAS PA, MNGAL MI GTZANG RDZAS KYI LJAN LJIN KHROD, ,YUL GZUGS SNANG MI MTHONG MUN KHUNG DU, ,YONGS SDUG BSNGAL DRAG POS RAB BCER BA'I, ,LUS LANG TSO RGYAS PA'I MDZES SDUG CAN, ,SKRA MIG SMAN MDOG DE GANGS LTAR DKAR, ,MDANGS 'OD

, ,BKRAG CAN DE MUN LTAR GNAG ,LUS DRVANG POR SKYES PA GZHU LTAR GUG ,YUL 'DOD LA SRED BRAL RGA BAS NON, ,SMAN MO BON RIM GROS MA PHAN PAR, ,ZHAG RE RE SONG GI RJE THUR NA, ,GROGS NYE DU GA-YOG 'KHOR SUN NAS 'BYOL, ,'DI GSHIN RJES 'BOD PA'I PHO NYA YIN, ,DUS DA LTA SEMS DANG DBYER MED 'DRA'I, ,GZUGS ZAG PHUNG MAL STAN STENG BZHAG NAS, ,YID RNAM SHES GCIG PUR BAR DO YI, ,'PHRANG RING PO BRGAL NAS 'KHOR BAR 'KHYAM, ,THABS DU MA'I SGO NAS NYER BZLOG KYANG, ,SDANG DGRA GDON 'TSE BA CHAR LTAR 'BAB, ,SHA THANG THANG BSGRUBS KYANG LONGS SBYOD GNYEN, ,SOS THAN PA'I SBRIN LTAR PHYOGS BCUR 'THOR, ,LUS LHA YI DPAL LA SBYOD BZHIN DU, ,SEMS DMYAL BA'I SDUG BSNGAL DNGOS MYONG BA'I, ,LHA 'CHI BA'I LTAS KYI SDUG BSNGAL DES, ,SNYING LCAGS LAS BYAS KYANG 'GAS MIN NA MA, ,BYA NAM MKHA'I DBYINGS SU 'PHUR 'PHUR NAS, ,MTHAR SA LA 'BAB PA JI BZHIN DU, ,GNAS SRID RTZER PHYIN KYANG KHAMS GSUM 'DIR, ,LAR 'GAL ME LTA BUR 'KHOR BAS SKYO, ,DPAL LHA MI'I DBANG PHYUG DAM PA RNAMS, ,BRAN YANG BRAN 'GYUR ZHING GNAS NGAN LEN, ,LHA NYI ZLA MUN PA'I RUM SKYE NA, DA 'KHOR BAR PHYI PHYAG 'TSAL RE RAN, ,ZHES BYA BA NI BAR SKABS KYI TSIGS SU BCAD PA'O,, ,,GNYIS PA KUN 'BYUNG 'KHOR BA'I 'JUG RIM BSGOM PA NI, ,BSHAD MA THAG PA'I SRID PA 'KHOR BA'I SDUG BSNGAL GYI GNAS TSUL SHES PAR BYAS NAS, DE MI 'DOD NA DE'I RGYU SPONG DGOS, SPONG BA LA RGYU NGOS ZIN DGOS PAS GANG YIN NA KUN 'BYUNG YIN LA, DE LA LAS NYON GNYIS YOD PA'I GTZO BO NI NYON MONGS PA STE, DPER NA ZHINGS

SKAM PO LA SA BON BTAB KYANG CHU LUD SOGS DANG MA PHRAD NA 'BRAS BU MI 'BYIN PA LTAR RNAM 'GREL LAS, SRID PA'I SRED LAS RNAM BRGAL BA'I, ,LAS GZHAN 'PHEN NUS MA YIN TE, ,LHAN CIG BYED PA ZAD PHYIR RO, ,ZHES DUD 'GROR SKYE BA'I LAS BSAGS PA'I MI ZHIG LAS DE DANG MA PHRAD PA'I SNGON ROL DU ZHI BA'I GO 'PHANG THOB NA LAS DE STONG ZAD DU SONG NAS 'BRAS BU MI 'BYIN PA YIN PAS SBYOD 'JUG LAS, GAL TE LHA DANG LHA MIN RNAMS, ,THAMS CAD BDAG LA DGRAR LANGS KYANG, ,DE DAG GIS KYANG MNAR MED PA'I, ,ME NANG 'KHRID CING 'JUG MI NUS, ,NYON MONGS STOBS CAN DGRA 'DIS NI, ,GANG DANG PHRAD NA RI RAB KYANG, ,THAL BA YANG NI MI LUS PA, ,DER BDAG SKAD CIG GCIG LA 'DOR, , ZHES 'GRO BA THAMS CAD DGRAR LANGS KYANG TSE PHYI MA SDUG BSNGAL LA SBYOR MI NUS LA, ,NYON MONGS PA'I DGRA 'DI RKYEN DANG PHRAD NA SDUG BSNGAL DRAG POS MNAR TE THAL BAR RLOG PA LAS 'OS MI 'DUG ,DE YANG NYON MONGS DE NGOS BZUNG NA CHAGS SDANG SOGS SKYES PAS SEMS BLONG BLONG BOR SONG BA LTA BU LA MA ZHI BAR 'JOG PAS DE 'DRA BA'I SEMS RGYUD RAB TU MA ZHI BAR BYED PA'I SHES PA GCIG GI STENG NAS NGOS 'DZIN DGOS LA, RANG RE RNAMS KYI RGYUD LA NYON MONGS PA BAG LA NYAL BA'I TSUL GYIS YOD PA NI SHOG BU LA SNUM PHOG PA BZHIN DBYE DKA' BAS MI NAD RO YOD PA ZHIG 'PHRAL DU LUS THANG PO YOD PA 'DRA BA LA NAD SLONG BYED KYI ZAS ZOS PAS ZUG GZER BSKYED PA BZHIN YID DU 'ONG BA'I BU PHO MO DANG RTA PHYUGS GOS DAR RIN PO CHE SOGS DNGOS PO MTHONG BA NA DES GSOS BTAB PAS 'DOD CHAGS BAG LA NYAL BA DE MNGON GYUR GYI TSUL DU LANGS TE, DE DAG LA BLTA BA DANG REG PA SOGS LONGS SBYOD 'DOD

, ,KYI BLO DUNG DUNG BA YONG BA'I NYON MONGS DE 'DOD CHAGS YIN PAS NYAMS LEN GYI TSE RANG NYID YUL GANG LA CHAGS YOD PA BZHIN DNGOS SU BLTAR YOD DAM MED NA'ANG SEMS KYIS GSAL BTAB PA NA SNGAR SHES PA SON YOD PA DE 'DOD CHAGS MNGON GYUR GYI BLOS KUN RTOG RAGS PA GZHAN RNAMS 'GAGS TE BSRAN PAR MI BZOD PA'I CHAGS PA SKYES PA NA DE NYID BCAR GYIS NGOS ZIN PAR BYAS NAS RJES SU KHO NA MA BYUNG TZA NA DE'I GNYEN PO BSTEN PA ZHIG DGOS KYI NYON MONGS PA KHA RGYAL DU SONG BA'I CHOS DES GAR YANG MI PHYIN GSUNGS, DPER NA LHAS BYIN ZHES BYA BA'I MI ZHIG GSOD RGYU YIN NA DE'I BYAD DBYIBS SOGS GZHAN DANG MA 'DRES PAR NGES PAR BYAS NAS SLAR NAM BYUNG BA'I TSE MTSON BSNUN DGOS PA LTA BU STE, DGE BA'I BSHES GNYEN 'BAN GUNG RGYAL GYIS, NYON MONGS PA'I MKHAR SGROR GNYEN PO'I MDUNG THUNG 'DZIN GSUNG PA YANG 'DI DAG LA DGONGS PAR SNANG NGO, ,DGRA 'AM MI MDZA' BA ZHIG MTHONG BA'I TSE MNAR SEMS RTZUB MOS 'DI LA THABS GANG 'DRA ZHIG GI SGO NAS GNOD PA BYA NA SNYAM PA'I ZHE SDANG DRAG PO SOL ME RLUNG GIS SBAR BA LTA BU'I DMAR LAM LAM BA SKYES PA'I NYON MONGS DE KHONG KHRO, BDAG 'DZIN GYI DBANG GIS RIGS MTHO BA, NOR GYIS PHYUG PA, THOS PA'I YON TAN, LUS KYI SGYU RTZAL SOGS LA BRTEN NAS GANG ZAG CHE GE MO 'DI DAG GIS BDAG GI BA SPU'I KHUNG BU GCIG TZAM LA YANG MI BSDO SNYAM PA'I RANG NYID LA MCHOG TU 'DZIN PA'I KHENGS PA'I RNAM PA CAN GYI NYON MONGS DE NGA RGYAL, SKAR KHUNG MED PA'I KHANG BA'I NANG DU DNGOS PO KHA DOG DANG DBYIBS MI 'DRA BA MANG PO YOD KYANG MUN PA'I DBANG GIS DKAR NAG DANG LEGS NYES SOGS MI

SHES PA BZHIN DU LAS 'BRAS BDEN BZHI DE KHO NA NYID SOGS JI LTA JI SNYED KYI GNAS LUGS MTHA' DAG BSGRIBS TE MI GSAL BAR BYED PA PO'I NYON MONGS DE MA RIG PA, DKON MCHOG GSUM DANG LAS 'BRAS SOGS GSUNG RAB NAS BSHAD PA 'DI DAG BDEN NAM MI BDEN SNYAM BA LTA BU'I YUL LA NGES SHES SKYED PA LA GEGS BYED PA PO'I NYON MONGS DE THE TSOM, MI RTAG PA YIN PAS RANG DUS KYI SKAD CIG MA GNYIS PA LA 'JIG CING, GCIG MA YIN PAR DU MA TSOGS PA'I PHUNG PO LNGA LTA BU'I GDAGS GZHI'I STENG NAS NGA DANG NGA'I ZHES BDAG TU 'DZIN PA'I SHES RAB NYON MONGS CAN DE 'JIG TSOGS LA LTA BA, PHUNG PO'I STENG NAS NGAR BZUNG BA DE RTAG PA THER ZUG GAM 'DI NAS PHYI MAR NYID MTSAMS SBYOR BA MED PAR CHAD PAR LTA BA'I SHES RAB NYON MONGS CAN DE MTHAR 'DZIN PA'I LTA BA, 'JIG LTA MTHAR LTA LOG LTA GSUM PO GANG RUNG DANG, DE DAG GANG LA BRTEN NAS 'BYUNG BA'I PHUNG PO LA DMIGS NAS MCHOG TU 'DZIN PA'I SHES RAB NYON MONGS CAN DE LTA BA MCHOG TU 'DZIN PA, RANG GI BLO NGOR 'CHAL TSUL SPANGS PA'I TSUL KHRIMS DANG, SKRA BREGS PA GA-YANG GZHI DANG KENG RUS 'CHAD BA, ZAS GCOD PA ME LNGA BSTEN PA RKANG PA YA GCIG GIS 'GRENG STE NYI MA LA BLTA BA, GCER BU LUS LA THAL BA BYUGS SHING NGAG MI SMRA BA LTA BU'I BRTUL ZHUGS DANG, DE DAG GANG LA BRTEN NAS 'BYUNG BA'I PHUNG PO LA DMIGS NAS GROL BA THOB PAR 'DOD PA'I SHES RAB NYON MONGS CAN DE TSUL KHRIMS BRTUL ZHUGS MCHOG 'DZIN, DE YANG 'DI NI TSUL KHRIMS RNAM DAG LA RLOM PA'I MCHOG 'DZIN MIN GYI, SO SKYE THA MAL PA MNGON SHES THOB NAS TSE SNGA MA KHYI PHAG GI BRTUL ZHUGS

, ,'DZIN PA LTA BU MTHONG BAS RGYU DES MI LUS THOB PAR BZUNG NAS DA LTA BRTUL ZHUGS DE 'DZIN PA SOGS LOG LTA ZHIG DGOS GSUNG, LAS 'BRAS DANG TSE SNGA PHYI MED CES SKUR PA 'DEBS SHING, 'JIG RTEN 'CHAGS 'JIG TSANGS PA DBANG PHYUG KHYAB 'JUG SOGS KYIS BYAS PAR 'DOD PA'I SHES RAB NYON MONGS CAN DE LOG LTA YIN NO, ,DE LTAR NYON MONGS PA GZHAN RNAMS KYANG TSIG BSHAD DANG SKYOR SBYANG TZAM DU SONG BA MIN PA'I RE RE BZHIN NAS RANG RGYUD LA MNGON GYUR DU SKYER BCUG NAS, RJES SU 'BAD RTZOL LA MA LTOS PAR SKYES MA THAG NAS NGOS 'DZIN PA LA DKA' BA MED PA SNGAR 'DRIS KYI MI KHROM KHRI PHRAG TSOGS PA'I KHROD NAS KYANG MTHONG BA TZAM GYIS NGO SHES PA LTA BU ZHIG MA BYUNG NA DGRA NGO MA SHES PAR KHROM GSEB TU LONG MDA' 'PHEN PA DANG 'DRA GSUNG, DE YANG NYON MONGS PA BCU PO GANG RUNG RE MNGON GYUR TU SKYES NA CUNG ZAD NGO 'PHROD PA SLA NA'ANG, LDAN PA DANG 'DUS PA'I NAD SMAN PA RNAMS KYI NGOS 'DZIN CUNG DKA' BA LTAR NYON MONGS PA GNYIS LDAN GSUM LDAN GYI TSUL DU MNGON GYUR DU SKYES NA NYAMS 'OG TU CHUD DKA' BA SHING RTA LTA BU LA 'DOD CHAGS KYI BLO MNGON DU GYUR PAS THOB TU RE BA'I TSE GZHAN GYIS BTZAN THABS SU KHYER NA DE LA ZHE SDANG SKYE, ZHE SDANG CHE CHUNG GI RGYU SHING RTA LA DMIGS PA'I 'DOD CHAGS CHE CHUNG GIS BYED CING, YAN LAG BDUN TZAM TSOGS PA LA KHO RANG GI NGOS NAS SHING RTA 'DZIN PA'I BDEN LTA, DE LA MCHOG TU 'DZIN PA SOGS DUS GCIG LA NYON MONGS PA BZHI TZAM MNGON GYUR TU SKYE BAS ZHIB MOR DPYAD DE NGO 'PHROD PA BYED DGOS LA, NYON MONGS PA THAMS CAD KYI RTZA BA MA RIG PA DANG 'JIG LTA GNYIS GCIG TU BYAS KYANG 'GAL BA MED MOD, SPU RIS 'BYED TSE

SO SOR BYA STE, DPER NA THAG PA'I GNAS LUGS MI GSAL BAR BYED PA'I MUN PA DE MA RIG PA DANG, DE LA BRTEN NAS THAG PA LA SPRUL DU 'DZIN PA'I BLO DE 'JIG LTA LTA BU YIN PAS 'DI GNYIS KYIS NYON MONGS PA THAMS CAD KYI RTZA BA BYAS NAS CHAGS SDANG GI DBANG GIS NYES PA THAMS CAD BSKYED PA'I PHYIR, RNAM 'GREL LAS, BDAG YOD NA NI GZHAN DU SHES, ,BDAG GZHAN CHA LAS 'DZIN DANG SDANG, ,'DI DAG DANG NI YONGS 'BREL LAS, ,NYES BA THAMS CAD 'BYUNG BAR 'GYUR, ,ZHES GSUNGS SO, ,DE LTAR NYES PA MA LUS PA BSKYED PA'I RGYU NYON MONGS PA 'DI DA LTA CUNG ZAD MGO GNON PA'I LUGS SU BYAS KYANG, RTZA BA NAS DRUNGS 'BYIN PAR MA NUS NA ME LONG LA 'CHAR BA'I GZUGS BRNYAN LTAR BAG LA NYAL BA DES NYON MONGS PA 'PHEL BA'I RTEN BYED, ME LONG DANG BYAD BZHIN PHRAD PA NA DE MA THAG GZUGS BRNYAN 'CHAR BA BZHIN DGRA GNYEN SOGS YUL SNA TSOGS LA BRTEN NAS MNGON GYUR TU SKYE BA'I DMIGS PA'I SGO NAS NYON MONGS PA 'PHEL BAR BYED, DGE BA'I BSHES GNYEN DANG GROGS CHOS BYED LAS RING DU 'GYUR ZHING NYON MONGS PA SHIN TU CHE BA'I GROGS NGAN PA'I GTAM DANG KUN SBYOD SOGS KYI 'DU 'DZI LA BRTEN NAS NYON MONGS PA 'PHEL BAR BYED, MI DGE BA'I BSHES GNYEN SOGS KYIS NYON MONGS PA MA SPANGS BZHIN DU THAR PA THOB PA SKAD KYI BSHAD PA'I DBANG GIS NYON MONGS PA 'PHEL BAR BYED, KHA TON SOGS SHIN TU BYANG BA ZHIG SEMS RGYA YAN DU BTANG YANG NGAG NAS THOGS MED DU 'GRO BA BZHIN SNGAR NAS HA CANG 'DRIS PAS GOMS PA'I DBANG GIS NYON MONGS PA 'PHEL BAR BYED, GANG ZAG 'DIS PHAN GNOD 'DI LTAR BYAS SNYAM PA LTA BU'I CHAGS SDANG GIS SGRO SNA TSOGS 'DOGS PA

, ,DANG, MI 'DIS SDIG PA CHEN PO BYAS SONG YANG DA LTA SKYID PAR 'DUG PAS LAS 'BRAS MI BDEN SNYAM PA LTA BU'I TSUL MIN YID BYED KYI SGO NAS NYON MONGS PA 'PHEL BAR BYED PAS RGYU DRUG PO 'DI DAG NGOS ZIN PAR BYAS NAS 'PHRANG DAM SAR DGRA LA BSGUGS BRGYAG PA LTA BU'I NYAMS LEN ZHIG MA BYUNG BAR NYON MONGS PA'I DBANG DU GYUR NA 'DI PHYI THAMS CAD DU SDIG PA SNA TSOGS PA BSKYED NAS 'KHOR BA'I SDUG BSNGAL LA SBYOR ZHING MYA NGAN LAS 'DAS PA LAS RING DU BYED PAR GDA' BAS SNGON CHAD 'DI LA GROGS SU BZUNG BAS BDAG RGUD PA THAMS CAD KYI RTZA BAR SONG 'DUG ,TSE 'DI'I GNOD PA CUNG ZAD BYAS PA LA'ANG DGRA ZHES SNYING NA NA LTAR BYED NA, TSE RABS THOG MA MED PA NAS DA LTA'I BAR SDUG BSNGAL KHO NA LA SBYOR BA'I DGRA NYON MONGS PA 'DI LA NUS PA THON PA ZHIG CI'I PHYIR MI BYED, 'DI 'JOMS PAR BYED PA'I GNYEN PO YANG YANG BSTEN NAS DRUNGS PHYUNG NA DGRA GZHAN LTAR KHO SLAR BLDAB RGYU MED PAS, THA MAL DGRA BO YUL NAS PHYUNG YANG NI, ,YUL GZHAN DAG TU GNAS SHING YONGS BZUNG NAS, ,NUS PA BRTAS NAS DE NAS PHYIR LDOG GI ,NYON MONGS DGRA TSUL DE DANG 'DRA MA YIN, ,NYON MONGS NYON MONGS SHES RAB MIG GIS SPANGS, ,BDAG YID LAS BSAL GANG DU 'GRO BAR 'GYUR, ,GANG DU GNAS NAS BDAG GNOD BYA PHYIR 'ONG, ,BLO ZHAN BDAG LA BRTZON PA MED PAR ZAD, ,CES SO, ,DE LTAR LAS NYON GYI DBANG GIS SKYE BA BLANGS PA RNAMS NI 'CHI 'PHO BA DANG NYID MTSAMS SBYOR BA LAS MA 'DAS, DE LA YANG TSE ZAD NAS DUS LA BAB PA'I 'CHI BA, ZAS DANG SBYOD LAM SOGS LOG PAS GLO BUR DU 'CHI BA'I RKYEN DGU MOD LAS GSUNGS

BA SOGS RNAM GRANGS MANG NA YANG, 'CHI KHA DANG SHI ZIN PA'I 'OG TU PHAN GNOD BYED PA NI SNGAR BSHAD PA'I NYON MONGS PA RNAMS KYIS SEMS PA'I LAS DANG BSAM PA'I LAS GNYIS KYI DGE MI DGE'I LAS BSAGS PA LA BRTEN NAS BDE SDUG 'BYUNG BA YIN LA, DE YANG TSE 'DIR DGE BA STOBS CHER BYED PA ZHIG MNGA' THANG DANG LUS SROG LA GNOD PA DANG 'CHI KHAR GNAD GCOD CHEN PO 'BYUNG BA YANG SRID LA, SDIG PA SHAS CHER SBYOD PA LA BDE BA PHUN SUM TSOGS PA 'BYUNG BA YANG YOD PAS BLUN PO LA LA, LAS 'BRAS MI BDEN PA 'DI LTA BU'O ZHES LOG RTOG BYED PA 'BYUNG MOD, ,DE DAG NI TSE SNGON MA'I DGE SDIG STOBS CHEN PO'I 'BRAS BU TSE 'DIR MA SMIN PA'I NGAS PA'ANG CI YOD, ,RNAM PA GCIG TU NA SBYOD 'JUG LAS, BSAD BYA'I MI ZHIG LAG GCAD DE, ,GAL TE THAR NA CIS MI LAGS, ,GAL TE MI YI SDUG BSNGAL GYIS, ,DMYAL BA BRAL NA CIS MI LEGS, ,ZHES SROG LA 'BAB PA'I NYES BA ZHIG LAG PA BCAD PAS THAR BA BZHIN PHYI MA DMYAL BAR SKYE DGOS PA ZHIG MI'I RTEN LA SDUG BSNGAL MYONG BAS GO CHOD PA LTA BU DANG, SGRA SGROG GI RGYAL PO GTZUG PHUD CAN GYIS 'PHAGS PA K'A TYA YAN LA THAL BA GTOR BAS THOG MAR RIN PO CHE SOGS KYI CHAR BABS KYANG RJES SU SA CHAR BABS PA'I 'OG TU NON PA LTA BUS SHES NUS LA, KHYAD PAR SKYE BA DE MA THAG PA DE BDE 'GRO DANG NGAN 'GRO GANG DU SKYE BA CHOS MNGON PA LAS, LAS KYI 'KHOR BAR LCI GANG DANG, ,NYE BA GANG DANG GOMS PA GANG, ,SNGON BYAS GANG YIN DE DAG LAS, ,SNGA MA SNGA MA RNAM SMIN 'GYUR, ,ZHES DGE MI DGE'I LAS SNA TSOGS

, ,RANG RGYUD LA YOD BZHIN PA NA TSE DER DGE SDIG GANG LA GOMS PA SHAS CHE BA'I SEMS 'CHI KHA'I GNAS SKABS SU YANG 'ONG BAS PHYI DBUGS 'CHAD KHA'I GNAS SKABS KYI 'CHI SEMS DE RAGS PA DANG, PHYI DBUGS CHAD CING NANG DBUGS MA CHAD PA'I BAR DER 'CHI SEMS PHRA MO YIN, 'CHI SEMS RAGS PA'I SKABS DGRA GNYEN LA CHAGS SDANG SOGS MI DGE BA'I SEMS DANG, DKON MCHOG RJES SU DRAN PA SOGS DGE BA'I SEMS SNGAR GOMS PA GANG CHE RANG STOBS KYIS DRAN PA DANG, LA LA NAD KYI DBANG GIS MI GSAL BA RNAMS LA GROGS KYIS DGE BA'I GTAM SNA TSOGS KYI SGO NAS GSOS BTAB STE, DPER NA SDIG PA YANG LCI CHA SNYOMS PA DANG 'CHI KHA'I DUS 'BRAS BU NYE RING MED PA LA GOMS PA GTZO CHE BAS, SDIG PA CHEN PO SPYOD PA'I MI YANG 'CHI KHAR DGE SEMS MNGON GYUR GYI NGANG NAS SHIN BDE 'GROR SKYE ZHING, DGE BA STOBS CHEN BSAGS KYANG 'CHI KHAR SDIG SEMS MNGON GYUR BYUNG NA NGAN 'GROR SKYE BA'I GNAD 'GAG CIG 'DIR SNANG MOD, 'ON KYANG RANG BLO RANG LA LKOG TU MA GYUR PAS SNGAR BYAS KYI LAS RNAMS DRAN PAS DGA' BA DANG 'GYOD PA GANG RUNG 'ONG BA'I PHYIR NA DGE SDIG GI RNAM DBYE MI SHES PA'I SDIG CAN ZHIG LA'ANG TSE 'DIR GOMS PA SHAS CHE BA'I SDIG SEMS DE GA 'BYUNG BA LAS 'OS MED, 'ON KYANG DE BZHIN GSHEGS PA'I MTSAN DANG GZUNGS SNGAGS KHYAD PAR CAN GYIS NGAN 'GRO'I SKYE GNAS LAS BZLOG PA'I PHAN YON NI CHE'O, ,'CHI SEMS PHRA MO'I DUS SU DGE MI DGE'I SNANG BA GANG YANG MI 'CHAR BAS LUNG MA BSTAN GYI SEMS YIN, DE YANG SPYIR BTANG LA DGE BA BYED PA RNAMS GNAD

GCOD CHUNG ZHING GZUGS YID DU 'ONG BA RMI LAM LTA BUR MTHONG BA DANG MUN PA'I KHROD NAS SNANG BAR 'GRO BA LTA BU 'BYUNG LA, MI DGE BA BYED PA RNAMS NI DE LAS GO LDOG, ,DGE SDIG CAN GANG YANG 'CHI KHA'I TSE DA NI 'CHI BA 'DUG SNYAM BA'I LUS LA CHAGS PA DRAG PO ZHIG SKYES PAS RGYU BYAS, RNAM SHES 'PHOS PA DANG MNYAM DU SRANG MDA'I MTHO DMA' LTAR BAR DO'I LUS GANG DU SKYE 'GYUR GYI BYAD DBYIBS CAN DU GRUB STE, DMYAL BA'I BAR DO NI SDONG DUM MES 'TSIG BA, DUNG 'GRO'I BAR DO NI DU BA, YI DVAGS KYI BAR DO NI CHU, 'DOD LHA DANG MI'I BAR DO GSER, GZUGS KHAMS PA'I BAR DO KHA DOG DKAR PO'I RNAM PA CAN, LHA'I BAR DO GYEN, MI'I BAR DO THAD KA ,NGAN SONG GI BAR DO THUR DU 'GRO ZHING, ZHAG ZHE DGU TSUN LA PHA MA NYAL PO BYED PA SGYU MA BZHIN DU MTHONG STE, DER CHAGS SDANG GI DBANG GIS ZHUGS PAS NYING MTSAMS SBYOR ZHING, DMYAL BAR SKYE BA LTA BU LA SROG GCOD PA'I YUL GYI SEMS CAN MTHONG BAS RKYEN BYAS TE SKYE BA SOGS MGAL ME'I 'KHOR LO LTAR 'KHOR BAR 'KHYAM TSUL LA NGES 'BYUNG MA SKYES KYI BAR DU BSGOM MO,, SMRAS PA, SNGON THOG MED DUS NAS RANG SEMS DANG, DUS SKAD CIG 'BRAL BA MED PA YI, ,GROGS NYON MONGS 'DI KO BSTEN BSTEN PAS, ,MTHA' MI MNGON 'KHOR BA'I RGYA MTSOR BSKYUR, ,LAS MI 'DOD RLUNG GIS RAB BSKYOD NAS, ,YONGS SDUG BSNGAL GSUM GYI RBA KLONG DU, DUS GTAN DU MGAL ME LTAR 'KHOR BA, ,'DI BSAMS KYIN NYON MONGS DVANGS MA'I DGRA TSE 'DI SNANG DGRA ZHIG BSAD PA LA, ,RANG GO CHOD DPA' BOR RLOM BYED NA, ,DUS GTAN GYI DGRA BO NYON MONGS 'DI, ,DA GDUL BA'I DUS LA NGES PAR BAB, ,RTEN DAL 'BYOR MI LUS LEGS THOB CING, ,LAM BSLAB GSUM GNAD

, ,'GAG SHES DUS 'DIR, ,KHONG KUN 'BYUNG DPUNG TSOGS MA BCOM NA, ,SLAR SKYE 'CHI'I THANG LA'O BRGYAL DOGS, ,ZHES BYA BA NI BAR SKABS KYI TSIGS SU BCAD PA'O,, ,,GNYIS PA RTEN 'BREL, BCU GNYIS KYI SGO NAS BSAM PA NI, MA RIG PA NI MUN PAS PHYI ROL GYI GZUGS MI MTHONG BAR BYED PA LTA BU, DE LA LAS 'BRAS LA RMONGS PA DANG DE KHO NA NYID LA RMONGS PA GNYIS YOD PA'I DE GNYIS GANG RUNG LAS 'DU BYED KYI LAS DKAR NAG BSAGS PA LA BRTEN NAS BDE 'GRO DANG NGAN 'GROR 'PHEN PA YIN PAS 'PHEN TSUL NI, 'PHEN BYED KYI RGYU, 'GRUB BYED KYI RGYU, 'PHANGS PA'I 'BRAS BU, GRUB PA'I 'BRAS BU DANG BZHIR YOD PA'I BDE 'GRO LA MTSON NA, RANG GI SKYE BA SNGA MA'I DGE BA'I LAS KYI KUN SLONG DU GYUR PA'I DE KHO NA NYID LA RMONGS SHING LAS 'BRAS LA MA RMONGS PA'I MA RIG PA'I RTEN 'BREL DES KUN NAS BSLANG STE BSAGS PA'I 'DOD KHAMS KYIS SA BSDUS PA'I DGE BA'I LAS 'DU BYED KYI RTEN 'BREL DE NYID KYIS RGYU DUS KYI RNAm RA SHES PA'I RTEN 'BREL LA BAG CHAGS BZHAG PA NI 'PHEN BYED KYI RGYU'O, ,DE LTAR LAS KYI BAG CHAGS BSGOS PA DE LA MNGON PAR 'GRUB PA'I CHED DU TSOR BA BDE BA DANG MI 'BRAL ZHING SDUG BSNGAL DANG 'BRAL 'DOD KYI SRED PA'I RTEN 'BREL DANG, DE BZHIN DU 'DUN ZHING CHAGS PAR BYED PA LEN PA'I RTEN 'BREL GNYIS KYIS GSOS BTAB PAS YANG SRID PHYI MA 'DREN PA'I SRID PA'I RTEN 'BREL MTHU CAN DU GYUR PA GSUM PO 'DI 'GRUB BYED KYI RGYU YIN LA, DE LA BRTEN NAS RGYU DUS KYI RNAM PAR SHES PA SKYE BA 'DI'I MA'I MNGAL DU NYING MTSAMS SBYAR BAS 'BRAS DUS KYI RNAM PAR SHES PA TSOR BA 'DU SHES 'DU BYED RNAMS KYI PHUNG PO NI MING

GI RTEN 'BREL, PHA MA'I KHU KHRAG GAM DROD GSHER LTA BU GZUGS KYI RTEN 'BREL TE DE GNYIS BSDOMS PAS MING GZUGS KYI RTEN 'BREL, DE NAS MIG LA SOGS PA'I SKYE MCHED DRUG GRUB PA SKYE MCHED DRUG GI RTEN 'BREL, DE LAS CHER SONG BA NA YUL DBANG RNAM SHES GSUM 'DUS NAS YID DU 'ONG MI 'ONG BAR MA GSUM LA REG CING SPYOD PA REG PA'I RTEN 'BREL, DE LTAR SPYAD PA LA BRTEN NAS TSOR BA BDE SDUG BTANG SNYOMS GSUM SKYE BA NI TSOR BA'I RTEN 'BREL TE BZHI PO 'DI 'PHANGS PA'I 'BRAS BU, SKYE GNAS BZHI POR RNAM SHES NYING MTSAMS SBYAR ZIN PA DE PHYIR BCOS PA SKYE BA'I RTEN 'BREL, SKYES PA'I PHUNG PO NA TSOD SMIN PAR GYUR PA RGA BA DANG, PHUNG PO DOR BA NI SHI BA STE RGA SHI'I RTEN 'BREL GNYIS PO MNGON PAR GRUB PA'I 'BRAS BU YIN PAS DE LTAR RTEN CING 'BREL BAR 'BYUNG BA YAN LAG BCU GNYIS LA BRTEN NAS BDE 'GRO DANG NGAN 'GROR 'KHOR BA'I TSUL LEGS PAR BSGOMS NA SKYES BU CHUNG 'BRING GNYIS KA'I CHOS SKOR GYI GNAD RNAMS TSANG ZHING, DGE BA'I BSHES GNYEN PHU CHUNG PA CHEN POS RTEN 'BREL YAN LAG BCU GNYIS LUGS 'BYUNG LUGS LDOG LA BRTEN PA'I BLO SBYONG MDZAD PA YIN NO, ,DENG SANG PHYAG LEN DU SKYES BU CHUNG 'BRING GI LAM LA SNGAR BSHAD PA LTAR KHRID NAS, BLO YANGS PA RNAMS LA RTEN 'BREL BCU GNYIS KYI RIM PA SNYING PO BSDUS TZAM GYI DMIGS SKOR GSUNG ZHING, BLO 'BRING MAN CHAD LA CHAD LHAG TU MI 'GYUR BAS 'DI PA'I DMIGS SKOR MI 'BEBS LA, GANG ZAG GI RIGS LA LAR RTEN 'BREL BCU GNYIS KYI SKOR 'DI 'CHAR SKYEN PA ZHIG 'ONG BAS SKYES BU CHUNG DU'I BSHES GNYEN BSTEN TSUL NAS BZUNG SKYABS 'GRO'I BAR DKYUS LTAR LA, NGAN 'GRO'I RTEN 'BREL

, ,YAN LAG BCU GNYIS KYI 'JUG LDOG GI SKOR LA BRTEN NAS SKYES BU CHUNG DU DANG, BDE 'GRO'I 'JUG LDOG LA BRTEN NAS SKYES BU 'BRING GI NYAMS 'KHRID MDZAD SROL YOD CES BDAG GI BLA MA GSUNG NGO,, SMRAS PA, TSE SNGA MA'I RNAM PAR SHES PA LA, ,LAS NYON MONGS KYI BAG CHAGS RAB BSGOS PA, ,SRED LEN PA GNYIS KYIS GSOS BTAB PAS, ,TSE PHYI MA'I YANG SRID MTHU CAN 'GRUB, ,MING GZUGS SU GRUB PA'I PHUNG PO LA, ,KHAMS SKYE MCHED RNAM PAR BKRA BA DES, ,YUL 'DOD LA SBYOD PA'I REG TSOR CAN, ,SKYE RGAS DANG SHI BAS SLAR YANG 'KHOR, ,LAR SRID PA'I RTEN 'BREL BCU GNYIS KYI, ,RGYU 'BRAS BUR 'CHAR BA'I SNANG TSUL 'DI, ,SNGAR LUGS 'BYUNG DU GRANGS MED NYAMS SU MYONG, ,DA LUGS LDOG TU BSGRUBS NA MI LEGS SAM, ,ZHES BYA BA NI BAR SKABS KYI TSIGS SU BCAD PA'O,, ,,GNYIS PA DE LAS THAR PA'I LAM NYAMS LEN GYI RIM PA NI BSHES SPRING LAS, ,MGO'AM GOS LA GLO BUR ME SHOR NA, ,DE DAG PHYIR BZLOG BGYI BA BTANG NAS KYANG, ,YANG SRID MED PAR BGYI SLAD 'BAD 'TSAL TE, ,DE BAS CHES MCHOG DGOS PA GZHAN MA MCHIS, ,TSUL KHRIMS DAG DANG SHES RAB BSAM GTAN GYIS, ,MYA NGAN 'DAS ZHI DUL BA DRI MED PA'I, ,GO 'PHANG MI RGA MI 'CHI ZAD MI 'TSAL, ,SA CHU ME RLUNG NYI ZLA BRAL THOB MDZOD, ,CES LAM BSLAB PA RIN PO CHE GSUM LA BSLAB DGOS PA YIN LA, DE YANG SEMS RNAM PAR GA-YENG PA GA-YENG BA MED PAR BYED PA TSUL KHRIMS KYI BSLAB PAS NYON MONGS PA MNGON GYUR SUN PHYUNG NAS 'BRAS BU 'DOD KHAMS KYI LHA MI'I BDE BA LA LONGS SPYOD, ,SEMS MNYAM PAR MA

BZHAG PA MNYAM PAR 'JOG PAR BYED PA TING NGE 'DZIN GYI BSLAB PAS NYON MONGS PA MNGON GYUR MGO MNAN NAS 'BRAS BU GZUGS GZUGS MED KYI LHA'I BDE BA LA SPYOD PAR BYED, SEMS MA GROL BA GROL BAR BYED PA SHES RAB KYI BSLAB PAS NYON MONGS PA'I SA BON RTZA BA NAS BCAD DE 'BRAS BU THAR PA MYA NGAN LAS 'DAS PA THOB PAR BYED PAS SHES RAB KYI BSLAB PA RGYUD LA SKYE BAR BYED PA LA SEMS LAS SU RUNG BA TING NGE 'DZIN GYI BSLAB PA SNGON DU 'GRO DGOS, DE LA YANG SEMS GA-YENG BA MED PA'I PHYIR DU TSUL KHRIMS KYI BSLAB PA SNGON DU 'GRO DGOS PAS 'DI DAG RGYU DANG 'BRAS BU'I TSUL DU GO RIM MA LOG PAR NYAMS SU BLANGS NA 'KHOR BA LAS RNAM PAR GROL BAR 'GYUR BA'I PHYIR NA, 'GOG PA MNGON DU BYA, LAM BSGOM PAR BYA ZHES GSUNGS PA'I DON YANG THOB BYA 'GOG PA'I BDEN PA MNGON DU BYED PA LA THOB BYED LAM GYI BDEN PA NYAMS SU LEN PA SNGAR SDUG BSNGAL DANG KUN 'BYUNG GI TSUL DANG MTSUNGS PA YIN MOD, DE YANG SKYES BU CHEN PO'I LAM NYAMS SU MI LEN PAR SKYES BU 'BRING TZAM GYI GDUL BYA LA BSHAD MA THAG PA'I LAM RNAMS RGYAS PAR STON DGOS NA'ANG, SKABS 'DIR SKYES BU 'BRING DANG THUN MONG BA'I LAM YIN PAS TSUL KHRIMS KYI SLOB TSUL TZAM LAS BSLAB PA GZHAN GNYIS ZHI LHAG GI SKABS SU 'BYUNG BAS 'DIR SPRO MI DGOS SO, ,DE LTAR NA SNGAR SKYES BU CHUNG DU'I SKABS KYI MI DGE BCU SPONG DANG 'DIR BSTAN TSUL KHRIMS DAG KYANG SPYOD PA SBYI BSLAB KYI TSUL KHRIMS KYI KHONGS SU 'DU BAS SO SOR MI DGOS SO SNYAM NA, DGOS TE NYAMS MGUR DU, SGO GSUM SDIG LTUNG DRI MAS SBAGS PA 'DIS, ,LHAG PAR LAS SGRIB SBYONG BA GNAD CHE BAS, ,ZHES SKYES BU CHE

, ,'BRING GI LAM RGYUD LA SKYE BA LA MI DGE BCU SOGS SDIG LTUNG 'DAG THABS GAL CHE BAR GSUNGS SHING, BYANG CHUB SEMS DPA' LA SO THAR GYI SDOM LDAN YIN MIN GNYIS YOD PA'I SO THAR GYI SDOM LDAN MIN PA LA DE'I DOD THUB MI DGE BCU SPONG LAS DNGOS BSTAN TSANG BAR MI 'BYUNG BAS SKABS 'DI'I NYAMS LEN DU 'OS PA'I PHYIR, TSUL KHRIMS KYI BSLAB PA NI BSHES SPRING LAS, KHRIMS NI RGYU DANG MI RGYU'I SA BZHIN DU, ,YON TAN KUN GYI GZHI RTEN LEGS PAR GSUNGS, ,ZHES RANG GI GNYEN PO CHE CHUNG NGANG BSTUN TE SO SO THAR PA RIGS BDUN PO GANG RUNG GI SDOM PA BLANG, BLANGS PA TZAM GYIS MI CHOG PAR SRUNG DGOS PAS MI SHES PA LTUNG BA 'BYUNG BA'I SGO DGAG PA'I GNYEN POR BSLAB BYA PHRA RAGS RNAMS KHONG DU CHUD PAR BYED, BAG MED PA'I GNYEN POR BLANG DOR GANG YIN DRAN PAS GSAL 'DEBS SHING LEGS NYES DBYOD PA'I SHES BZHIN GYIS BYA RA BA BLTA ZHING NGO TSA KHREL YOD DANG RNAM SMIN LA 'JIGS PAR BYED, MA GUS PA'I GNYEN POR STON PA DANG DES GSUNGS PA'I BCAS PA DANG DE NYAMS SU LEN PA'I GROGS RNAMS LA YID CHES KYI SGO NAS GUS PAR BYED, NYON MONGS MANG BA'I GNYEN POR GANG SHAS CHE BA DE LA 'BUR 'JOMS SU BYAS NAS NYIN RE ZHING KHAS BLANGS PA'I BSLAB PA DANG 'GAL MA 'GAL BRTAGS NAS 'GAL BA RNAMS PHYIR BCOS DANG STOBS BZHI SOGS KYI SGO NAS BSHAGS SDOM BYED DGOS TE, TSANGS PAS ZHUS PA LAS, BSLAB PA LA NI BRTEN PAR BYA, ,DE LA SNYING NAS NAN TAN BYA, ,PHYIR NI SPANG BAR MI BYA ZHING, ,SROG GI PHYIR YANG GZHAG MI BYA, ,RTAG TU NAN TAN GNAS PAR BYA, ,'DUL BA LA NI 'JUG PAR BYA, ,ZHES 'BYUNG BAS

TSUL KHRIMS RNAM PAR DAG PA 'PHRAL YUN THAMS CAD KYI BDE LEGS KYI RTZA BA YIN ZHING, LHAG TU SNYIGS MA LNGA BDO BA'I DUS 'DIR PHAN YON LHAG PAR CHE BA TING 'DZIN RGYAL PO'I MDO SDE SOGS LAS GSUNGS SHING, KHYAD PAR JO BO BKA' GDAMS PA RNAMS TSUL KHRIMS GCING BA LA GTZO BOR MJAD PAS SHA RA BA'I ZHAL NAS, SBYIR LAGS NYES CI BYUNG YANG CHOS LA BRTEN PA, DE'I NANG NAS KYANG 'DUL BA NAS JI LTAR 'BYUNG BA LA BRTEN NA BLDAB KYANG MI DGOS PA ZHE GTZANG BA BRTAG THUB PA NYAMS DGA' BA MTHA' BZANG BA YIN GSUNG BA THUGS SHIN TU MANG PAR SNANG BAS RTZA BA MED PA'I YAL GA 'TSOL BA BZHAG NAS LAM 'DI NYID LA NYAMS LEN SNYING POR MDZAD BAR 'TSAL LO,, SMRAS PA, GZHI TSUL KHRIMS GTZANG MA'I ZHINGS LA, ,SEMS LAS SU RUNG BA'I CHU LUD KYIS, ,LAM LHAG MTHONG MYU GU'I 'BRAS BU SMIN PAS, ,GNAS 'KHOR BA'I DBUL PHONGS RTZA BA GCOD, ,BLO BAG YOD SA SRUNG STENG 'GYING BA'I, SEMS MNYAM PAR 'JOG PA'I MIG STONG CAN, ,BDAG 'DZIN MED KYI RDO RJE RTZE BRGYA BAS, ,GZHI SRID PA'I SA 'DZIN BGROD PA BCOM, ,'BROG 'KHOR BA MTHA' MED KYI TSANG TSING KHROD, ,CHOS BSLAB GSUM DPAG BSAM SHING 'KHRUNGS PAS, ,YONGS SDUG BSNGAL GYI ME LCES SREG MIN PA'I, ,DUS GTAN BDE'I 'CHI MED TSAL DU MDZES, ,ZHES BYA BA NI BAR SKABS KYI TSIG SU BCAD PA'O,, ,,PHRA ZHIB RNAM PAR DAG PA'I MCHON RNON POS, , RMONGS PA'I DRA BA MA LUS GCOD MDZAD PA, ,'JAM DPAL RDO RJE'I SGYU 'PHRUL TZONG KHA BA, ,KHAMS GSUM 'GRO BA'I BLA MA'I ZHAL LUNG LAS, ,SDUG KUN NYES DMIGS TSUL LAS NGES 'BYUNG BA'I, RIN CHEN YU BAS BTEG PA'I BSLAB GSUm

, ,GDUGS, ,MYANG 'DAS NOR BU'I TOG GIS RAB MDZES PAS, ,LEGS BSHAD SRID RTZE'I BAR DU 'KHOR ZIN NAS, ,MA SMAD SNYING RJE'I MA DROS KLUNG CHEN LAS, ,RLABS CHEN SBYOD PA'I CHU GTER RNAM PA BZHI, ,NAM YANG CHAD PA MED PAR 'BAB PA'I RGYUN, ,KUN MKHYEN RGYA MTSOR 'JUG TSUL 'DI NA BSHAD,, ,,GSUM PA SKYES BU CHEN PO'I LAM GYI RIM PA LA BLO SPYONG TSUL LA LAM SGRON LAS, RANG RGYUD RTOGS PA'I SDUG BSNGAL GYIS, ,GANG ZHIG GZHAN GYI SDUG BSNGAL KUN, ,YANG DAG ZAD PAR KUN NAS 'DOD, ,SKYES BU DE NI MCHOG YIN NO, ,ZHES SKYES BU 'BRING GI SKABS SU SRID PA 'KHOR BA'I SDUG BSNGAL LA 'JIGS TE DE LAS THAR 'DOD KYI BLO BCOS MA MA YIN PA SKYES NAS, ,SKYES BU 'BRING GI LAM KHO NAS BLO SBYONG BA RNAMS RANG NYID GCIG BU ZHI BA DON DU GNYER BA YIN MOD, SKABS 'DIR 'BRING DANG THUN MONG BA'I LAM LA BLO SBYONG BA NI RANG RGYUD KYI SDUG BSNGAL LA RJE SU DPAGS TE SEMS CAN GZHAN RNAMS KYANG DE BZHIN DU SDUG BSNGAL BA MA BZOD PAR DE DAG SDUG BSNGAL LAS THAR BAR 'DOD NAS DE'I THABS SGRUB PA PO DE NI SKYES BU CHEN PO YIN LA, THABS GANG GI SGO NAS SGRUB NA, PHAR PHYIN BSDUS PA LAS, 'JIG RTEN DON SGRUB TSUL LA MTHU MED PA'I, ,THEG PA GNYIS PO GTAN DU SPANGS BYAS SHING, ,THUB RGYAL THEG PA SNYING RJES BSTAN PA LA, ,GZHAN PHAN RO GCIG RANG BZHIN DE DAG 'JUG ,CES BDEN BZHI LA 'JUG LDOG GI LAM NYAMS SU BLANGS PAS THAR PA THOB KYANG RANG DON YONG SU MA RDZOGS PAS GZHAN DON RGYA CHEN PO MI 'BYUNG BAS DE LTAR NA GZHAN DON RGYA CHEN SGRUB PA'I MTHU MED PA'I NYAN RANG GI LAM LA MI 'JUG PAR THEG PA CHEN PO LA ZHUGS TE SEMS CAN GYI DON SGRUB DGOS PA NI SLOB SPRING LAS,

SHIN TU RNYED SLA'I RTZVA KHAM 'GA' LTA PHYUGS KYANG RANG NYID ZA, ,SHIN TU SKOM PAS GDUNGS PA'ANG CHU ZHIG RNYED NA DGA' MGUR 'THUNG, ,'DI NA SKYES BU GZHAN DON BYED PAR BRTZON PA GANG YIN PA, ,DE 'DI'I BRJID BAG YIN TE DE BDE SKYES BU'I RTZAL DE 'PHAGS, ,NYI MA RLABS CHEN RTA ZHON RGYU BA SNANG BYED GANG YIN DANG, ,KHUR LA MI RTZEGS YI 'JIG RTEN 'DEGS PA GANG YIN DE, ,RANG DON 'GA' MED CHEN PO RNAMS KYI RANG BZHIN DE 'DRA STE, ,DE DAG 'JIG RTEN PHAN DANG BDE BA'I ROL GCIG TU GZHOL, ,ZHES TSE 'DI'I BDE BA SGRUB PA TZAM NI DUD 'GRO LA YANG YOD PAS NA SKYES BU MCHOG RNAMS KYI NUS PA'AM RTZAL NI NYI ZLAS MUN PA SEL BA DANG SA CHEN POS 'JIG RTEN 'DEGS PA LTAR SNYING STOBS CHEN POS GZHAN PHAN GYI KHUR 'KHYER BAR BYED PA YIN PAS DE LA MED DU MI RUNG BA SBYOD 'JUG LAS, BYANG CHUB SEMS SKYES GYUR NA SKAD CIG GIS, ,'KHOR BA'I BTZON RAR BSDAMS PA'I NYAM THAG RNAMS, ,BDE GSHEGS RNAMS KYI SRAS ZHES BRJOD BYA ZHING; ;'JIG RTEN LHA MIR BCAS PAS PHYAG BYAR 'GYUR, ,ZHES 'KHOR BAR SDUG BSNGAL BA'I 'GRO BA ZHIG KYANG SEMS SKYES MA THAG PA NAS BYANG CHUB SEMS DPAR 'GYUR BAR GSUNGS SHING, BYANG CHUB KYI SEMS RDANG MI LDAN NA LHAG PA'I BSLAB PA RIN PO CHE SOGS YON TAN JI TZAM YOD KYANG THEG PA CHEN PO PA'I GRAL DU MI CHUD PA RGYUD BLA MA LAS, THEG MCHOG LA MOS SA BON SHES RAB NI, ,SANGS RGYAS CHOS SKYED MA DANG BSAM GTAN GYI, ,BDE BA'I MNGAL GNAS SNYING RJE'I MA MA CAN, ,GANG YIN DE DAG THUB PA'I RJES SKYES SRAS, ,ZHES CHU LUD NI 'BRU SNA TSOGS BSKYED PA'I THUN MONG GI RGYU DANG, RJE'U'I RIGS CAN GYI MA NI BU RIGS RGYUD MI GCIG PA SNA TSOGS SKYED PAR BYED PA YIN LA, THUN MONG MA YIN PA'I RGYU SA

, ,BON NAS DANG, PHA BRAM ZE LTA BU RIGS GCIG TU NGES PA ZHIG DGOS KYI ,NAS BTAB PA'I MYU GU GRO SKYE BA DANG, PHA BRAM ZE'I BU LA GDOL PA'I RIGS MI 'BYUNG BA BZHIN DU THEG PA CHE CHUNG GANG GI SGO NAS 'KHOR BA LAS SGROL BAR BYED PA LA BDAG MED RTOGS PA'I SHES RAB SOGS GNYIS KA LA DGOS PA'I MA LTA BU YIN NA'ANG, BYANG CHUB KYI SEMS NI SANGS RGYAS KYI RGYU THUN MONG MA YIN PA PHA LTA BU 'DI NYID SRID ZHI'I RGUD PA MTHA' DAG SEL BAR BYED PA'I RDO RJE RIN PO CHE DANG MTSUNGS PAS DMAN PA'I RGYAN MTHA' DAG ZIL GYIS GNON PAR BYED PA'I SKYES BU CHEN PO'I LAM GYI RIM PA NYAMS SU LEN PA LA BYANG CHUB KYI SEMS JI LTAR BSKYED PA'I TSUL, SEMS BSKYED NAS SPYOD PA LA SLOB PA'I TSUL GNYIS, DANG PO LA BYANG CHUB KYI SEMS SBYONG BA'I RIM PA DANG, SEMS BSKYED CHO GAS 'DZIN PA'I TSUL GNYIS, DANG PO NI SPYIR SEMS SKYED PAR BYED PA'I RKYEN NI SANGS RGYAS DANG BYANG CHUB SEMS DPA' RNAMS KYI YON TAN DNGOS SU MTHONG BA DANG, DNGOS SU MA MTHONG YANG BYANG CHUB SEMS DPA'I SDE SNOD THOS PA DANG, DE DAG PHRA ZHING ZHIB PAR THOS PA MIN NA'ANG SANGS RGYAS 'THOB PA LA CHOS DE MED DU MI RUNG BA SOGS KYI RGYU MTSAN 'OL SPYI TZAM THOS PAS THEG CHEN GYI BSTAN PA NUB PA MA BZOD PA DANG, BSTAN PA NUB PA LA MNGON DU PHYOGS PA MIN YANG SNYIGS MA'I DUS CHES NGAN PA 'DIR NYAN RANG GI BYANG CHUB TU SEMS BSKYED PA YANG RNYED DKA' NA BLA NA MED PA'I BYANG CHUB LTA CI SMOS SNYAM DU SANGS RGYAS THOB 'DOD KYI SEMS BSKYED PA DANG, RIGS DANG DGE BA'I BSHES GNYEN DANG SNYING BRTZE BA DANG SKYONG LA MED PA STO RGYU BZHI LA BRTEN NAS SEMS BSKYED PA, RANG GI STOBS DANG, GZHAN GYI STONGS

DANG, TSE RABS SNGON MA LA THEG PA CHEN POR GOMS BA RGYU'I STOBS DANG, TSE 'DIR DGE BA LA GOMS PA SBYOR BA'I STOBS TE RGYU BZHI DANG STOBS BZHI SOGS SEMS BSKYED PA'I RGYU RKYEN MANG DU BSHAD LA, DENG SANG PHYAG LEN GYI SNYING POR JO BO CHEN PO AA TI SHA NAS BRGYUD PAR MAN NGAG BDUN PA DANG, RGYAL BA'I SRAS PO ZHI BA LHA NAS BRGYUD PA'I MAN NGAG GNYIS LA BRTEN PA'I JO BO CHEN PO'I LUGS KYI DANG PO RGYU 'BRAS MAN NGAG BDUN LA BLO SBYONG DGOS PA'I RGYU MTSAN SANGS RGYAS KYI GO 'PHANG NI BYANG CHUB KYI SEMS LAS 'BYUNG, DE LHAG BSAM LAS 'BYUNG, DE SNYING RJE LAS 'BYUNG, DE BYAMS PA LAS 'BYUNG, DE DRIN DU GZO BA LAS 'BYUNG, DE DRIN DRAN BA LAS 'BYUNG, DE MAR SHES PA LAS 'BYUNG BA'I GO RIM GYI GNAD DE LTAR YOD NA'ANG, SNYING RJE CHEN PO LHAG BSAM DANG BYAMS PA'I BAR KHO NAR 'BYUNG BA LAS GZHAN DU MI 'BYUNG BA'I NGES PA NI MED DE, 'JUG PA LAS, GANG PHYIR BRTZE NYID RGYAL BA'I LO TOG PHUN TSOGS 'DI'I, ,SA BON DANG NI SPEL LA CHU 'DRA YUN RING DU, ,LONGS SPYOD GNAS LA SMIN PA LTA BUR 'DOD GYUR PA, ,DE PHYIR BDAG GIS THOG MAR SNYING RJE BSTOD PAR BGYI, ,ZHES THOG MAR 'GRO BA RNAMS 'KHOR BA LAS BSGRAL BA'I PHYIR DU DAM BCA' BA YANG SNYING RJE LA RAG LUS PAR MA ZAD, BAR DU BYA DKA' BAS SGYID LUG STE LAm DMAN PAR MI GOL BA DANG, MTHAR SANGS RGYAS NAS KYANG NYAN RANG LTAR ZHI BAR MI GNAS PAR SEMS CAN MTHA' DAG GI DON MDZAD PAR NGAL BA MED BA YANG SNYING RJE CHEN PO LA RAG LUS MOD, DE LTAR SNYING RJE CHEN PO SKYE BA LA YANG YID DU 'ONG BA ZHIG DGOS PAS SE NAm THAm MAR SHES DGOS LA, LAM 'DI DAG LA MA SBYANGS PA'I SKYE BO RNAMS KYANG RANG GI MA LA SOGS PA'I GNYEN RNAMS LA DRIN BSAM PA DANG DRAN PA'I SGO NAS BYAMS PA DANG SNYING RJE NYI TSE BA SKYE NA'ANG, MI MDZA' BA'I DGRA

, ,SOGS LA MI SKYE BAR MA ZAD DE'I LDOG PHYOGS SDUG BSNGAL DANG PHRAD 'DOD DANG BDE BA DANG 'BRAL 'DOD KYI BLO 'BYUNG BA'I PHYIR NA RANG RE RNAMS KYANG THOG MAR BTANG SNYOMS SHIG MA BSGRUBS NA LAM SGOM BLO BYAS KYANG BYAMS SNYING RJE PHYOGS RIS CAN DU 'GRO BAS DE'I GNYEN POR THOG MAR BTANG SNYOMS SGOM DGOS MOD, 'ON MA SOGS LA YID 'ONG GI BYAMS PA SGRUB DGOS NA DA LTA YID 'ONG GI BLO YOD BA DE BKAG NAS CI BYA SNYAM NA, RGYU 'BRAS BDUN GYI YID 'ONG LA CHAGS PA CUNG ZAD KYANG MA 'DRES BA DGOS LA, DA LTA RANG CAG TSO'I BLO LA YOD BZHIN PA'I BYAMS PA NI CHAGS PAS BSLANGS PA YIN PAS, DPER NA SA SGANG GSHONGS MI SNYOMS PA LA GNAS MAL MI BDE BA BZHIN CHAGS SDANG GI MTHO DMA' CAN LA BYAMS PA 'ONG BA'I SKABS MED DO, ,DE YANG TSOR BA BTANG SNYOMS LTA BU MA YIN PA'I SEMS CAN RNAMS LA RANG BLO CHAGS SDANG DANG BRAL BA'I TSAD MED BTANG SNYOMS SHIG SGOM PAR BYED PA LA THOG MAR DGRA GNYEN GANG YANG MIN PA'I SEN ZHIG LEGS PAR GSAL BTAB PAS DE'I BYAD DBYIBS DANG SPYOD TSUL SOGS YID LA SHAR PA DANG DE LA DMIGS NAS SDANG BA DANG BYAMS PA'I RTOG PA SKYE BCUG PA NA DE LA MI MTHUN PAR BLTA BA'I ZHE SDANG DANG MTHUN PAR BLTA BA'I 'DOD CHAGS GNYIS KA HA CANG CHE BA MI 'BYUNG YANG, CHE CHUNG CUNG ZAD 'DUG NA GANG CHE BA DE'I GNYEN PO BSTEN NAS SEMS SNYOMS PA MA BYUNG GI BAR DU BSGOM GSUNG, THOG MAR BAR MA LA SGOM PA YUL DE LA BTANG SNYOMS SHAS CHE BAS SKYE BA SLA BA'I DBANG DU BTANG BA YIN ZHING, DE NAS TSE 'DIR SNYING NA BA'I DGRA ZHIG DANG SHIN TU MDZA' BA'I GNYEN ZHIG DMIGS YUL DU BYAS TE DE DAG LA CHAGS SDANG GI RTOG PA MNGON GYUR SKYES BYUNG BA DANG, DGRA RNAMS KYANG TSE SNGON MA'I GROGS BYAS NAS PHAN MANG DU BTAGS PA DANG,

GROGS RNAMS KYANG TSE SNGON MA'I DGRAR GYUR NAS RANG BSAD PA SOGS GNOD PA BYAS TSUL LEGS PAR BSAMS PA'I SGO NAS CHAGS SDANG GI RTOG PA MGO SNYOMS PA YIN LA, 'ON KYANG SKYES BU 'BRING GI SKABS KYI DGRA GNYEN LA NGES PA MED TSUL GYI SKOR LA MYONG BA THON NA SKABS 'DIR DMIGS PA SKYONG SHIN TU SLA BAR SNANG NGO, ,DMIGS YUL GSUM PO 'DI GAS BYA BRGYA 'UR RDO GCIG GIS 'DED PA LTAR 'GRO BA RNAMS LA 'BAD MED DU SNYOMS PA'I BLO BYUNG NA DES CHOG LA DA DUNG SKYE DKA' SE BA BYUNG TSE RIGS MI GCIG PA MANG PO LA SPOS KYIN SGOM PA GNAD YIN NO, ,DE LTAR DGRA GNYEN BAR MA'I 'GRO BA MTHA' DAG LA GCIG TU SDANG BA DANG GCIG TU CHAGS PA'I BLO MGO SNYOMS ZIN NAS THOG MAR GZHAN DON DON GNYER GYI BLO'I GZHI SGRUB PAR BYED PA LA SEMS CAN THAMS CAD MAR SHES PA'I SLAD DU 'DI LTAR BSAM STE, 'KHOR BA LA MTHA' MED PA BZHIN DU BDAG GI SKYE BA LA MTHA' MED PAS SEMS CAN THAMS CAD KYI MNGAL DU BDAG NYID MTSAMS SBYAR NAS SKYE BA MA BLANGS PA GA LA YOD SNYAM DU BSAMS PA NA MOS PA'I DBANG GIS 'CHAR YANG, SPYI LDOG TU BSGOMS PAS NGES SHES 'DRONGS DKA' BAS NA RANG GI MDUN DU DA LTA'I MA DE NYID RGAN GZHON DBYIBS CHA BYAD SPYOD TSUL JI LTAR YOD PA GSAL BTAB, DES TSE 'DI'I MA BYAS PA DNGOS SU GRUB PA 'DI GA 'DRA BZHIG SKYE BA GZHAN MANG POR YANG BYAS YOD DE, DPER NA MDO LAS DE BZHIN GSHEGS PA'I SKU TSE DE'I YUM GYIS SNGON SLOB PA LAM GYI GNAS SKABS KYI MA MANG DU BYAS TSUL DANG, GANG ZAG GZHAN GYI SNGON DANG PHYI MA'I MTHA' GSUNGS PA TSAD MA'I SKYES BU'I BKA' BSLU BA MED PA YIN SNYAM PA'I SGO NAS RJES SU DPAGS TE BSGOMS NA GTING PHYIN PA'I NGES SHES

, ,KHYAD PAR CAN ZHIG RNYED 'ONG, DE NAS TSE 'DI'I PHA DANG NYE DU BAR MA DGRA DMYAL BA SOGS 'GRO BA RIGS GZHAN LA'ANG BSGOMS PAS MTHAR SEMS CAN THAMS CAD MAR SHES PA'I BLO RANG GIS PHAR BCOS PA MA YIN PA'I TSE 'DI'I MA DANG 'DRA BA'I SNANG BA 'CHAR BA ZHIG 'ONG, DE LA MYONG BA THON NAS DRIN DRAN PA NI SNGAR LTAR RANG GI MA'I SNANG TSUL MTHA' DAG GSAL BTAB, MA 'DIS BDAG ZLA BA BCU'I BAR DU MNGAL DU BZUNG, RANG GI BDE BA DANG LTOGS SKOM SOGS KHYAD DU BSAD, PHAN GNOD KYI SPYOD LAM THAD BU'I CHED DU BYAS TE DAL 'BYOR GYI LUS SROG 'DI NYID BYIN PA YIN BAS THOG MAR DRIN CHE, MNGAL NAS BTZAS ZIN NAS 'JAM PA'I GOS STAN LA BZHAG, BRTZE BA'I SEMS KYIS BSKYANGS, BYAMS PA'I MIG GIS BLTAS, DGA' BA'I 'DZUM GYIS BSUS, SNYAN PA'I MING NAS BOS, MNGAR BA'I NU ZHO BSNUN, ZAS LCES BSNYOD, SNABS KHAS PHYIS, MI GTZANG BA LAG PAS PHYIS, SHA'I DROD LA BCAR, ME CHU GA-YANG SA'I 'JIGS PA LAS BSKYABS, BU NA BA LAS RANG NA BA DANG BU SHI BA LAS RANG SHI BA LA SNYING THAG PA NAS 'DEM PA SOGS KYI SGO NAS BSKYANGS PAS BAR DU DRAN CHE, NAR SON NAS ZA LUGS 'GRO LUGS SOGS KYIS MTHA' RTEN PA'I YON TAN RANG GIS BSLAB PA DANG GZHAN SLOB TU 'JUG PA DANG, SDIG SDUG GTAM NGAN KHYAD DU BSAD DE SHA THANG THANG DU 'BAD PAS BTZAL BA'I SA KHANG NOR RDZAS SNYING LTAR GCES PHA MTHA' DAG BYIN PAS THA MAR DRIN CHE TSUL RNAMS BSAMS PAS MIG NAS MCHI MA 'KHRUG PA DANG LUS KYI BA SPU LDANG BA SEMS RTZED YAM YAM BLONG BLONG BA MA BYUNG GI BAR DU BSGOM ,DE NAS RIM GYIS PHA NAS BZUNG DGRA'I BAR DANG RIGS DRUG GI 'GRO BA GZHAN RNAMS LA TSE SNGON MA'I MAR GYUR PA GRANGS KYIS MI CHOD PA BYAS PA'I

GNAS SKABS SU TSE 'DI'I MAS 'DI LTAR BYAS PA LTA BU DANG TSUL MTSUNGS PA'I SGO NAS BSAM, DE YANG BSHAD MA THAG PA THAMS CAD DUD 'GRO SROGS LA MI TSANG YANG MIR GYUR DUS KYI MA MA BYAS PA MED PA LA DGONGS PAR SNANG, DRIN DRAN PA LA MYONG BA SKYES PA'I RJES SU DRIN GZO BA NI SLOB SPRING LAS, NYE DU 'KHOR BA'I RGYA MTSO'I KHONGS SU CHUD GYUR PA, ,KLONG GI NANG DU LHUNG BA LTA BUR SNANG BZHIN DU, ,SKYE SHI 'PHOS PAS NGO MA SHES PA DE BOR NAS, ,GAL TE GCIG THAR BYED NA DE LAS KHREL BOR MED, ,CES MAR GYUR SE NAm RNAMS NYIN MONGS PA'I GDON GYIS RGYUD DKRUGS, BLANG DOR LA BLTA BA'I MIG GTI MUG GIS LDONGS, ,ZAB MOD MA PA'I CHOS KYI 'KHOR BA DANG BRAL, THAR PA'I GRONG DU 'KHRID PA'I DGE BA'I BSHES GNYEN GYI DMIGS BUS BOR, MTHO RIS DANG THAR PA'I NGAL STEGS LA BRDEG 'CHOS TE 'KHOR BA'I GA-YANG DU LHUNG, SDUG BSNGAL GSUM GYI BTZON RAR 'KHYAMS PA 'DI DAG SKYE SHI 'PHOS PAS NGO MA SHES PA MA GTOGS TSE RABS MANG POR RANG LA PHAN GTAGS PA'I DRIN CAN GYI PHA MA SHA STAG YIN PAS MA DE RNAMS KYIS KYANG BU BDAG LA MI RE NA SU LA RE, BU BDAG LA MA DE RNAMS SKYOB PA'I KHUR MA BAB NA GZHAN SU LA BAB, DPER NA 'DI SNANG GI PHA MA MDZA' GROGS SHIG BRTZON RA'AM 'BROG DGON PA CHOM RKUN DANG GCAN GZAN GYI 'JIGS PA YOD PAR CHUD PA LAS THAR BA'I THABS SHIG RANG LA YOD BZHIN DU BLOS POR NAS BDE BAR BSDAD NA DE LAS NGO TSA DANG KHREL CHUNG BA MI 'ONG BA KLU'I RGYAL PO RNGA SGRA'I TSIGS BCAD LAS, RGYA MTSO DANG NI RI RAB DANG, ,SA RNAMS BDAG GI KHUR MIN GYI, ,BYAS PA MI GZO GANG YIN PA, ,DE NI BDAG GI KHUR CHEN YIN, ,ZHES PA LTAR YIN PAS BDAG GI DRIN CAN GYI MA RNAMS SKYOB PA'I NUS PA YOD BZHIN DU DOR NAS RANG GCIG PU ZHI BA DON DU GNYER BA'I DMAN PA'I LAM DU ZHUGS NA DAM PA RNAMS THUGS GTING NAS KHREL

, ,BAR 'DUG PAS DE SPANGS TE 'GRO BA KUN LA PHAN PA BSGRUB PAR BYA SNYAM DU BSAM, 'O NA PHAN JI LTA BU'I TSUL GYIS 'DOGS NA BKRES PA LA ZAS, SKOM PA LA BTUNG BA, NAD KYIS MNAR BA LA SMAN ,PHONGS PA LA ZANG ZING GI NOR SOGS KYANG GNAS SKABS SO SO'I SDUG BSNGAL SEL ZHING, RANG GI TSOGS GSOG PA'I RGYU YIN PAS MI BYA BA MA YIN MOD, SRID PA'I STOBS 'BYOR LA SBYAR BA NYID 'GRO BA RNAMS LA PHAN BTAGS PA'I GTZO BOR BZUNG STE, DE DAG GIS TSANGS PA DANG 'DOD PA'I LHA DGA' RAB DBANG PHYUG DANG 'KHOR LOS SGYUR RGYAL KYANG GRANGS MED BYAS PAS BRTAN PA MA THOB PAR DBUL PHONGS TSA GRANG GI SDUG BSNGAL GYI GNAS SKABS 'DI LTAR GYUR NA, BDAG GIS KYANG 'DI DAG ZAG BCAS KYI BDE BA LA GTZO BOR SBYAR NA STOBS 'BYOR JI TZAM CHE BA TZAM GYIS BDE BA DE SDUG BSNGAL DU 'GYUR TSABS CHE BA RMA 'BRAS LA 'GYUR BYED KYI RDZAS TSA BA LTA BU BTAB PA LTAR SDUG BSNGAL JE 'PHEL DU 'GRO BA DANG 'DRA BAR 'DUG PAS SEMS CAN THAMS CAD THAR PA DANG THAD MKHYEN BA'I GO 'PHANG GANG RUNG LA DGOD PAR BYA SNYAM PA'I YID 'KHUL NGES SU BAS MO, ,DE LTAR GZHAN DON DON GNYER GYI BLO BSKYED PA'I GZHI BSGRUBS PA TZAM GYIS MI CHOG PAS BLO DNGOS SKYE BA LA BYAMS SNYING RJE LHAG BSAM GSUM SGOM DGOS PA'I BYAMS PA DANG SNYING RJE GNYIS LA BDE BA LA SBYOR 'DOD DANG SDUG BSNGAL DANG 'BRAL 'DOD KYI BLO GANG MNGON DU GYUR PA DANG RJES SU 'BREL BA LAS RGYU 'BRAS KYI GO RIM NGES CAN DU MED KYANG, SPYIR BTANG PHYAG LEN DU BYAMS PA SNGON DU MDZAD PAS, RIN CHEN PHRENG BA LAS, RDZI'U TSOS SUM BRGYA'I KHA ZAS DAG, NYIN RE DUS GSUM BYIN PAS KYANG, ,BYAMS PA YUD TZAM THANG GCIG GI, BSOD NAMS DAG LA CHAR MI PHOD, ,LHA MI BYAMS PAR 'GYUR BA DANG, ,DE DAG KYANG NI SRUNG BA DANG, ,YID BDE BA DANG BDE MANG DANG, ,DUG DANG MTSON

GYIS GNOD MED DANG, ,'BAD PA MED PAR DON 'THOB DANG, ,TSANGS PA'I 'JIG RTEN SKYE 'GYUR TE, ,GAL TE GROL BAR MA GYUR KYANG, ,BYAMS CHOS YON TAN BRGYAD 'THOB BO, ,ZHES PHAN YON MTHA' YAS PA'I BYAMS PA SGOM PA NI TSE 'DI'I MA LA NAD DANG DBUL PHONGS SOGS SDUG BSNGAL MNGON GYUR YOD DAM MED NA'ANG 'GYUR BA'I SDUG BSNGAL DANG KHYAB PA 'DU BYED KYI SDUG BSNGAL CAN YIN PAS BDE BA DANG MI LDAN TSUL BSAMS LA, BDE BA DANG MI LDAN PA'I MA 'DI NYID BDE BA LA DGOD 'DOD KYI BLO SHUGS DRAG PO BSKYED NAS NGAG TU, BDE BAS PHONGS PA'I MA RGAN 'DI RNAMS BDE BA DANG PHRAD NA CI MA RUNG, BDE BA DANG PHRAD PAR GYUR CIG ,CI NAS KYANG BDE BA DANG PHRAD PAR BYA'O, ,ZHES LAN MANG PO BRJOD CING DE LTAR BSAM MO, ,DE BZHIN DU DGRA GNYEN SOGS 'GRO BA RIS MED RNAMS LA YANG SNGAR GYI GO RIM LTAR SGOM DGOS PAS, NGAN SONG GSUM LA SDUG BSNGAL MNGON GYUR DANG BDE 'GRO LA SDUG BSNGAL GYI SDUG BSNGAL YOD MED CI RIGS KYANG SKABS DANG SBYAR RO, ,'ON KYANG DGRAS GNOD PA 'DI ZHES BYA BA BYAS PAS PHAN BTAGS SHAN 'DRA SNYAM NA RANG GIS SKYE BA SNGON MA PHAR GNOD PA BYAS PA'I LE LAN TSUR LA 'KHOR BA YIN NAM, RNAM PA GCIG TU NA KHO RANG LA RANG DBANG MED PAR NYON MONGS PA DES RGYUD BSKUL BAR 'DUG ,TSE 'DI'I MA'AM NYE DU LTA BU ZHIG GDON GYIS SMYOS TE BDAG LA MTSON CHA SOGS RDEG TU BYUNG NA DE LA ZHE SDANG MI SKYE BA'I KHAR GDON DANG 'BRAL BA'I THABS LA BRTZON PA BYED PA BZHIN TSE SNGON MA'I MA RGAN 'DI SNANG GI 'KHRUL NGOR DGRAR BTAGS PA 'DI YANG NYON MONGS PA'I GDON GYIS SMYOS 'DUG PAS NYON MONGS PA'I GDON 'DI DANG BRAL TE BDE BA DANG LDAN NA CI MA RUNG SNYAM PA SOGS SNGAR LTAR NYAMS SU LEN PA NI GNAD DAM PA YIN, 'ON GONG DU DGRA RNAMS KYANG MAR BSGOMS ZIN PAS BYAMS PA SKYE DKA' BA ZHIG MI 'ONG NGAM SNYAM DU DOGS

, ,NA; SHIN TU MA BRTAGS BA STE, ,KHREL CHUNG GI SKYE BO LA LA TSE 'DI'I MA YANG GSOD PA DANG DGRAR BLTAS TE GNOD PA SNA TSOGS BYED PA MNGON SUM DU GRUB PAS SO, ,SEMS CAN RNAMS LA BYAMS PA BSGOMS NAS, SNYING RJE NI SNGAR LTAR TSE 'DI'I MA SDUG BSNGAL GSUM PO GANG RUNG GIS MNAR BA LA DMIGS NAS KYE MA BDAG GI TSE 'DI'I MA LA SDUG BSNGAL KYIS DNGOS SU GNOD, KUN 'BYUNG GIS BRGYUD NAS GNOD PAS BDE BA'I GO SKABS CUNG ZAD KYANG MI 'DUG, ,SDUG BSNGAL 'DI LAS THAR NA CI MA RUNG BSAMS TE NGAG NAS, SDUG BSNGAL GYIS MNAR BA'I MA RGAN SEMS CAN 'DI THAMS CAD SDUG BSNGAL DANG BRAL NA CI MA RUNG SDUG BSNGAL DANG BRAL BAR GYUR CIG ,CI NAS KYANG SDUG BSNGAL DANG BRAL BAR BYA'O, ,ZHES MANG DU BRJOD CING YID LA BSAM PAR BYA'O, ,DE YANG DGRA GNYAN BAR MA MTHA' DAG LA KHA SPOS TE BSAM, 'DI DAG KYANG SKYES BU CHUNG 'BRING GI NYAMS LEN NYAMS 'OG TU CHUD NA RANG NYAMS LA DPAGS TE SGOM SLA BAR LAM RIM CHEN MO LAS GSUNGS SO; ;SEMS CAN BDE BA DANG LDAN 'DOD DANG SDUG BSNGAL DANG 'BRAL 'DOD KYI BLO TZAM THEG PA DMAN PA LA'ANG YOD PAS, BSHAD MA THAG PA'I BYAMS SNYING RJE GNYIS LA DE TZAM GYIS MI CHOG PAR DE LTAR BYA'O SNYAM PA'I LHAG BSAM RNAM DAG 'DREN NUS PA'I BYAMS SNYING RJE YIN PAS DE GNYIS KYIS DRANGS PA'I LHAG BSAM RNAM DAG NI 'GRO BA RNAMS SDUG BSNGAL LAS PHRAL CING BDE BA LA DGOD BLO TZAM MIN PA'I NGES PAR BDAG GIS BYA SNYAM PA'I DAM BCA'I TSUL GYIS, KYE MA YID DU 'ONG BA'I SEMS CAN 'DI RNAMS BDE BA LA SBYOR BA DANG SDUG BSNGAL LAS THAR BAR BYED PA'I KHUR DE YANG BDAG GIS 'KHYER RO SNYAM PA'I BSAM PA DANG BCAS TE NGAG TU, BDE BA DANG MI LDAN PA'I RGAN SEMS CAN 'DI RNAMS BDE BA DANG LDAN PA ZHIG BDAG

GIS BYA'O, ,SDUG BSNGAL GYIS MNAR BA'I SEMS CAN 'DI RNAMS SDUG BSNGAL DANG BRAL BA ZHIG BDAG GIS BYA'O, ,ZHES LAN GRANGS MANG POR BRJOD NAS YI DAM BCAS PA'I LHAG BSAM RNAM DAG BSKYED PA'I MTHUS, SKYABS 'GRO'I SKABS SU BSHAD PA'I SKU GSUNG THUGS DANG 'PHRIN LAS KYI YON TAN DRAN PA'I SGO NAS, YON TAN KHYAD PAR CAN 'DI DANG LDAN PA'I GO 'PHANG 'DI THOB NA SEMS CAN RNAMS KYANG 'DREN NUS PAR 'DUG SNYAM STE SMON PA BYANG CHUB KYI MCHOG TU SEMS BSKYED PAS GRANGS MED GSUM GYI 'GO RTZOM PA'I SEMS BSKYED DANG MTSUNGS PA YIN NO, ,'O NA DRIN GZO'I SKABS KYANG 'GRO BA RNAMS MYANG 'DAS LA DGOD PAR BYA BSAM PA YOD PAS LHAG BSAM RNAM DAG LA LHAG PO MED DO SNYAM NA, DPER NA DNGOS PO 'DI BDAG GIS NYE BAR BYA BSAM PA DANG, 'TSONG THAG BCAD PA MI 'DRA BA LTAR DRIN GZO DANG LHAG BSAM LA YANG KHYAD PAR DE BZHIN DU YOD PAS SPU RIS PHYED DGOS, DE LTAR RGYU 'BRAS MAN NGAG BDUN GYI SGO NAS BLO LEGS PAR SBYANGS NA 'KHRID TSUL MA GTOGS ZHI BA LHA'I LUGS KYANG DON GYIS TSANG BAS SO SOR DGOS PA'I NGES PA MED NA'ANG, LAM RIM CHE CHUNG DU LUGS GNYIS KA GSUNGS PA DANG, GDUL BYA BLO SNA TSOGS PA'I DBANG GIS PHYAG LEN DU MDZAD PAS RGYAL BA'I SRAS PO ZHI BA LHA'I GZHUNG LA BRTEN NAS BDAG GZHAN BRJE BA NI SPYOD 'JUG LAS, GANG ZHIG BDAG DANG GZHAN RNAMS NI, ,MYUR DU BSKYAB PAR 'DOD PA DES, ,BDAG DANG GZHAN DU BRJE BYA BA, ,GSANG BA'I DAM PA SPYAD PAR BYA, ,ZHES DANG, 'JIG RTEN BDE BA JI SNYED PA, ,DE KUN GZHAN BDE 'DOD LAS BYUNG, ,'JIG RTEN SDUG BSNGAL JI SNYED PA, ,DE KUN BDAG BDE 'DOD LAS BYUNG, ,MANG DU BSHAD LTA CI DGOS TE, ,BYIS PA RANG GI DON BYED DANG, ,THUB BA GZHAN GYI DON MDZAD PA, ,'DI GNYIS KYI NI KHYAD PAR

, ,LTOS, ,BDAG BDE GZHAN GYI SDUG BSNGAL DAG ,YANG DAG BRJE BAR MA BYAS NA, ,SANGS RGYAS NYID DU MI 'GRUB CING, ,'KHOR BA NA YANG BDE BA MED, ,CES BDAG GCES 'DZIN RGUD BA KUN GYI GZHI DANG, GZHAN GCES 'DZIN PHAN BDE KUN GYI GZHI YIN PAS NYAMS SU LEN PA GAL CHE LA, DA LTA RANG LA SNANG TSUL PHRA MO TZAM MI BZOD PA'I NGANG TSUL 'DI LA DPAGS NA BDAG GZHAN BRJE BA TZAM GYI BLO MI SKYE SNYAM DU MI SEMS TE, DKA' LAS PHYIR BZLOG MI BYA STE, ,'DI LTAR GOMS PA'I MTHU YIS NI, ,GANG GI MING THOS 'JIGS PA YANG, ,DE NYID MED NA MI DGAR 'GYUR, ,ZHES MI MDZA' BA'I DGRA MTHONG BA TZAM GYIS 'JIGS SHING SNYING DU MI SDUG PA ZHIG ,SLAR MTHUN BAR BYAS NA SNGAR MI DGA' BA'I SEMS DE PHYIS SHIN TU YID DU 'ONG BA ZHIG TU 'GYUR 'GRO BA LTAR GOMS PA'I DBANG GIS BDAG GZHAN YANG BRJE BAR NUS PAS NYAMS SU LEN PA LA, BDAG GZHAN BRJE ZHES PA'I DON DPER NA LHAS BYIN LTA BU'I NGOS NAS MCHOD SBYIN LA NGA'O SNYAM DU SEMS PA MIN GYI, RANG LHAS BYIN LA GCES 'DZIN GYI BLO DE'I TSAB TU GZHAN MCHOD SBYIN LA GCES PAR 'DZIN ZHING, GZHAN MCHOD SBYIN YAL BAR 'DOR BA'I TSAB TU RANG LHAS BYIN YAL BAR 'DOR BA'I BLO SKYED PA DE LA BDAG GZHAN BRJE BAR MING GIS BTAGS PA YIN PAS, BDAG GZHAN BRJE BA'I DMIGS SKOR DNGOS LA SNGAR PHAN CHAD BDAG GCES PAR BZUNG STE RANG DON BSGRUBS PAS SDUG BSNGAL GYI RGYU KHO NAR SONG SNYAM NAS GZHAN LA 'CHAR BA'I BLO DE RANG LA BKAB NAS SBYONG, RANG LA GCES PA'I BLO DE 'GRO BA GZHAN LA SPOS NAS SBYANGS PAS GOMS PA'I DBANG GIS DA LTA'I YAL BAR 'DOR BA DANG GCES 'DZIN GYI BLO GNYIS GO SA 'PHO THUB PA 'ONG GSUNG ,DE YANG 'CHAR SPA BA'I CHED DU

BLO SBYONG DON BDUN MA LAS JI LTAR BSHAD PA BZHIN RIN CHEN 'PHRENG BA LAS, BDAG LA DE DAG SDIG SMIN ZHING, ,BDAG DGE MA LUS DER SMIN SHOG, CES PA LTAR GTONG LEN GNYIS GTZO BOR MDZAD PA PHYAG LEN DU SNANG BAS SNGAR LTAR RANG GI MA MDUN DU GSAL BTAB STE DE LA DMIGS PA'I SNYING RJE DRAG PO DANG BCAS PA'I SGO NAS, RANG GI SNA BUG GA-YAS NAS RLUNG SANGS KYIS BUS PA DANG MNYAM DU RANG RGYUD LA YOD PA'I ZAG BCAS KYI DGE BA DANG BDE BA THAMS CAD RLUNG GI RTA LA ZHON TE MDUN GYI MA DE'I SNA BUG GA-YON PA NAS ZHUGS LUS SEMS THAMS CAD KHYAB PAS BDE BA KHYAD PAR CAN DANG LDAN PAR BSAM, YANG RANG GI SNA BUG GA-YON BA NAS RLUNG RDUB PA DANG MNYAM DU MA DE'I SDIG SGRIB DANG SDUG BSNGAL THAMS CAD RLUNG GIS DRANGS TE SNYING GI NANG DU NAG PHUNG DE BYUNG BA DANG, MA DE SDUG BSNGAL THAMS CAD DANG BRAL BA'I BDE BA DANG LDAN PAR BYAS SONG SNYAM PA SPEL MA'I TSUL DU YANG YANG SBYANG, DE NAS TSE 'DI'I PHA DANG NYE DU BAR MA DGRA BO SOGS 'GRO BA RIGS DRUG SO SOR SBYANG, DA LTA RANG RE LA DE TZAM GYI BLO NUS CHE BA MED KYANG GOMS PA'I DBANG GIS ZAS GOS GNAS MAL NAS BZUNG MGO BO RKANG LAG SOGS GTONG BA LA YANG 'JIGS PA MED PA ZHIG 'ONG BA YIN GSUNG NGO,, ,, SMRAS PA, MTHA' MED SRID PA'I SDUG BSNGAL RGYA MTSO CHER, ,SNYING NAS ZHEN PA LOG PA'I BRTZON 'GRUS KYIS, ,BSLAB GSUM RIN CHEN THEM SKAS LA 'DZEGS TE, ,RANG NYID ZHI BDE'I KHANG PAR 'JUG PA RNAMS, ,SKYE BAR PHAN PA BSGRUBS PA'I MAR GYUR 'GRO, 'KHOR BA SDUG BSNGAL DRAG PO'I BTZON RA RU, ,CHUD NAS NYAM THAG CHO NGES 'DEBS MTHONG BZHIN,, BOR NUS KHYOD LAS KHREL GZHUNG CHUNG BA SU, ,'GRO KUN PHA MAR SHES PA'I DRIN DRAN PAS, ,BYAMS DANG SNYING RJE'I RLUNG SHUGS DRAG PO YIS,,

, ,GZHAN PHAN KHUR CHEN 'KHYER BA'I LHAG BSAM GRU ,KUN MKHYEN NOR BU'I GLING DU THOGS MED 'GRO ,SNYING LA TSER LTAR RTZUB PA'I DGRA BO YANG, ,BDAG GZHAN MNYAM DANG BRJE BA'I SEMS BZANG POS, ,GNYEN BSHES MDZA' GROGS YIN PAR RANG NGO 'PHROD, ,PHYOGS 'DZIN 'KHRUL PA'I BLO YI GZHI RTZA CHOD, ,RANG LA GCES PAR 'DZIN PA'I BLO DOR NAS,, GNOD LAN PHAN PAS 'JAL BA'I LDE MIG GIS, ,DON GNYIS LHUN GYIS GRUB PA'I PHAN BDE'I SGO, ,CIG CAR 'BYED PA'I SKAL BZANG 'DI RMAD BYUNG, ,ZHES BYA BA NI BAR SKABS KYI TSIGS SU BCAD PA'O,, ,,GNYIS PA SEMS BSKYED CHO GAS BZUNG BA NI, SNGAR BSHAD PA'I GZHAN DON DON GNYER DANG BYANG CHUB DON GNYER GNYIS KYI BLO LEGS PAR SBYANGS PAS CHO GA LAM BLTOS PAR SEMS BSKYED PA'I NGO BO TZAM ZHIG SKYE YANG, YANG DAG PA'I LAM DU TSUD PA LA CHO GA PHUN SUM TSOGS PA GAL CHE BAS DE'I LAG LEN SBYOR BA SKYABS 'GRO TSOGS BSAG SEMS SBYONG BA, DNGOS GZHI SMON SEMS CHOGS 'DZIN PA, MJUG TSE 'DI DANG SKYE BA GZHAN DU SEMS BSKYED MI NYAMS PA'I SLAD DU BSLAB PA BRJOD PA RNAMS LAM GYI RIM PA CHE CHUNG LAS SHES DGOS SHING, ZHIB CA'I PHYAG LEN MTHA' DAG MTHONG BA BRGYUD PA LA RAG LUS BAS RANG BZO DANG SLA CHOS SU MA SONG BAR BYA'O, ,DE YANG BYAMS PA'I RNAM PAR THAR PA'I MDO LAS, RGYAL SRAS KYI SPYOD PA LA SLOB MI NUS KYANG SEMS BSKYED PA TZAM LA PHAN YON CHEN PO 'BYUNG BAR GSUNGS MOD, 'ON KYANG RNAM 'GREL LAS, BRTZE LDAN SDUG BSNGAL GZHOM PA'I PHYIR, ,THABS RNAMS LA NI MNGON SBYOR MDZAD, ,THABS BYUNG DE RGYU LKOG GYUR PA, ,DE 'CHAD PA NI DKA' BA YIN, ,ZHES SNYING RJE CHEN POS DRANGS PA'I LHAG BSAM GYI SGO NAS SMON SEMS BSKYED PA'I DGOS PA SEMS CAN SDUG

BSNGAL DANG BRAL NA SNYAM PA'I SEMS BZANG BA TZAM MA YIN PAR THABS LA 'JUG DGOS, DE LA RANG NYID THOG MAR SANGS RGYAS KYI GO 'PHANG 'THOB PA'I THABS SU BYANG CHUB SEMS DPA'I BSLAB BYA RNAMS LA SGRUB PA SNYING POR BYED DGOS PAS SPYOD 'JUG LAS, 'GRO BAR 'DOD DANG 'GRO BA YI, ,BYE BRAG JI LTAR SHES PA LTAR, ,DE BZHIN MKHAS PAS 'DI GNYIS KYI, ,BYE BRAG RIM BZHIN SHES PAR BYA, ,ZHES YUL ZHIG TU 'GRO BAR 'DOD PA DANG 'GRO BA LA BRTZON PA GNYIS DPER BZUNG STE SMON SEMS DANG 'JUG SEMS KYI BYE BRAG GSUNGS PA'I DBANG DU BYAS NAS SMON SEMS LA LEGS PAR SBYANGS PA'I MYONG BA SNA ZIN RGYUD LA SKYES PA NA BYANG SDOM GYI BSLAB BYA RNAMS NYAN TE PHYIN DRUG SOGS LA BSLABS PA'I PHAN YON MA BSLABS PA'I NYES DMIGS RTZA LTUNG DANG NYES BYAS SOGS LEGS PAR SHES NAS BLANG DOR DE LA SPRO BA SHUGS DRAG PO BCOS MA MA YIN PA SKYES PA DANG, SHING RTA CHEN PO GNYIS KYI LUGS SROL GCIG TU 'DRES PA'I RGYAL SRAS KYI SDOM PA CHO GA'I SGO NAS PHOG STE RTZA LTUNG DANG NYES BYAS SRUNG TSUL PHYIR BCOS DANG BCAS PA'I LAG LEN RJE BDAG NYID CHEN POS TSUL KHRIMS LE'U'I RNAM BSHAD DU RGYAS PAR BKA' STZAL PA LAM RIM CHE CHUNG DU ZHAL 'PHANGS MDZAD CING GSER ZHUN DU YANG BYUNG MOD, DENG SANG PHYAG LEN DU 'JUG SDOM LEN PA'I SKOR 'DI BZHAG NAS PHYIN DRUG SOGS KYI NYAMS 'KHRID MDZAD PA YIN LA, DE LTAR NA GZHUNG CHEN MO DAG NAS SMON 'JUG DANG PHYIN DRUG GI GO RIM MDZAD PA LAS 'GAL BA'I SKYON YOD DAM SNYAM NA, GO RIM DE LTA BU'I TSUL GYIS SKYE BA YOD PA LA DGONGS KYI, THAMS CAD LA DE LTAR MA NGES BA LAM DU MA ZHUGS PA'I GANG ZAG GIS 'JUG SDOM BLANGS TE DE'I RJES SU SMON PA BYANG CHUB MCHOG TU SEMS BSKYED NAS TSOGS LAM CHUNG DU THOB, TSOGS LAM 'BRING DU SLEB

, ,BA DANG SMON SEMS DE 'JUG SEMS SU GNAS 'GYUR BA'I TSUL GYIS 'JUG SEMS SKYES PA YOD, YANG 'JUG SDOM LEN MA MYONG BA ZHIG GIS SMON SEMS BSKYED NAS TSOGS LAM LA ZHUGS, TSOGS LAM 'BRING DU SLEB PA DANG 'JUG PA'I SEMS BSKYED, 'BRING GI THA MAR 'JUG SDOM BLANGS PA'ANG 'ONG BAS MTHA' GCIG TU GO RIM GYI NGES BA MED PA DE'I PHYIR NA BSLAB BTUS LAS, DE BAS NA RANG GI MTHU DANG 'TSAM PAR DGE BA'I RTZA BA GCIG TZAM YANG YANG DAG PAR BLANGS TE BSRUNG BAR BYA, ZHES SMON SEMS BSKYED NAS RING PO MA LON PA DES BSLAB BYA MTHA' DAG LA SLOB MI NUS PAS THOG MAR DGE BA'I RTZA BA GCIG TZAM 'DZIN PA SOGS RANG BLO DANG BSTUN NAS RIM GYIS BLO SBYANGS TE MTHAR SPYOD PA MTHA' DAG LA SLOB NUS PAR GSUNGS PAS DE'I DBANG DU BYAS TE SMON SEMS CHO GAS BZUNG BA'I RJES SU PHYIN DRUG LA 'KHRID PA YIN NO, ,'O NA SKABS 'DIR ZHI LHAG GI BAR GYI DMIGS PA MTHA' DAG RDZOGS PAR GTONG BAS NA, 'JUG SDOM MA BLANGS PA RANG TSIG DNGOS SU 'GAL LO SNYAM NA, SNGAR RGYU 'BRAS MAN NGAG BDUN SOGS KYI SGO NAS DMIGS RIM 'KHRID PA MTHA' DAG NYAMS MYONG TSAD MA RGYUD LA SKYE BA'I GZHIR GYUR BA'I MYONG PA RJES MTHUN PA TZAM LAS MTSAN NYID PA MIN PAS 'CHAD BAR 'GYUR BA'I PHYIN DRUG GI SKOR YANG RGYAL SRAS KYI SPYOD PA LA SLOB PA'I NYAMS MYONG LA BAG CHAGS 'JOG PA'I GZHI RTEN TZAM DU DGONGS NAS SNGON GYI BSHES GNYEN RNAMS KYIS SKYES BU GSUM GYI NYAMS 'KHRID RING BA LO DANG THUNG BA ZLA BA'I BAR TZAM DU MDZAD PA YIN GYI, DE LTA MIN PAR LHAG BSAM RNAM DAG 'DREN NUS KYI SNYING RJE CHEN PO MTSAN NYID PA RGYUD LA SKYES SKYES KYI BAR DU BSGOMS PA LTA BUS MTSON TE, BSHES GNYEN BSTEN TSUL NAS BZUNG ZHI LHAG

GI BAR GYI NYAMS LEN MTHA' DAG DE LTAR BYAS PA ZHIG LA NYAMS 'KHRID DU NGOS 'DZIN DGOS NA, YUN RING POR TSEGS CHEN POS SGRUB DGOS PA DAG SNYIGS DUS KYI TSE THUNG GCIG LA 'BAD MED DU 'GRUB PAR 'GYUR BA MI SRID DO, ,DES NA GONG DU RGYU 'BRAS MAN NGAG BDUN GYI MTHAR SEMS BSKYED PA DE LA GRANGS MED GSUM GYI 'GO RTZOM PA'I BYANG CHUB TU THOG MAR SEMS BSKYED PA LA DE LTA BU DGOS ZHES SEMS BSKYED MTSAN NYID PA'I DBANG DU BYAS NAS, LAM GYI GO RIM LTAR 'KHRID DMIGS SU NGO SPRAD PAR 'KHRUL TE, DMIGS SKOR DANG SEMS BSKYED CHO GAS BZUNG BA SOGS NAS RANG NYID BYANG SEMS TSOGS LAM PAR KHAS BLANGS SHING RLOM NA DE LAS SHIN TU RMONGS PA MED PAS GO BAR BYA 'TSAL, RGYU MTSAN DE DAG GI PHYIR NA LAM DU MA ZHUGS PA NAS 'JUG SDOM LA RINGS PAR BYAS KYANG NYON MONGS PA MANG ZHING GNYEN PO CHUNG BA'I DUS 'DIR RTZA LTUNG SOGS SRUNG MA NUS NA SANGS RGYAS SRAS DANG BCAS PA DANG LHA DANG BCAS PA'I 'JIG RTEN THAMS CAD BSLUS PAR 'GYUR BA SOGS NYES DMIGS MTHA' KLAS PA BSHAD PAS DGAG BYA CHE ZHING DGOS PA CHUNG BA LA DGONGS TE DNGOS BRGYUD KYI BLA MA DAM PA RNAMS KYIS GDUL BYA'I BLO DANG BSTUN TE MDZAD PA YIN NO,, ,,SMRAS PA, NYAMS MYONG GO YUL SHAR BA'I MYU GU DAG ,DKA' SPYAD RLAN GSHER DROD KYIS NYER SMIN PAS, ,RTOGS PA TSAD MA'I 'BRAS BU GA-YUR ZA BA, ,THEG GSUM SKYE 'PHAGS BGROD PA GCIG PA'I LAM, ,RKYEN NGAN THOG TU BAB PA'I MTSON RNON BOS, ,'GRO RNAMS PHA MAR NGES BLO'I SROG BRAL YANG, ,SNYING RJE'I BDUD RTZIS LHAG BSAM 'CHI BA MED, ,BSGRUBS ZIN RGYAL SRAS NAM MKHA'I PADMO BZHIN, ,THEG CHEN LAM GYI BGROD TSUL MKHA' LTAR YANGS, ,RGYA BOD MKHAS PA'I GSUNG RAB MTSO

, ,LTAR ZAB, ,DENG DUS SKYE BO'I BLO GROS MUN LTAR GNAG ,MKHAS RLOM PHAL GYI RNAM DPYOD RTZVA LTAR PHRA, ,DE PHYIR BLO DMAN RNAMS LA DKA' BA'I MDUD, ,LEGS BSHAD SOR MO'I 'PHRUL GYIS RAB 'GROL BA'I, ,MGRIN BA LONGS SPYOD 'KHOR LO'I BANG MDZOD NAS,, SHES LDAN 'DOD 'JO'I DNGOS BO 'DZAD DU MED, ,CES BYA BA NI BAR SKABS KYI TSIGS SU BCAD PA'O,, ,,GNYIS PA SEMS BSKYED NAS SPYOD PA LA SLOB PA'I TSUL LA MDO SDE RGYAN LAS, LONGS SPYOD DANG LUS PHUN SUM TSOGS PA DANG, ,'KHOR RTZOM PHUN SUM TSOGS PA MNGON MTHO DANG, ,RTAG TU NYON MONGS DBANG NYID MI 'GRO DANG, ,BYA BA RNAMS LA PHYIN CI MA LOG BA'O, ,ZHES RGYAL BA'I SRAS KYI SPYOD PA RLABS PO CHE RDZOGS PA LA TSE RABS MANG PO BRGYUD DGOS, ,DE LA YANG PHYOGS RE TZAM MA YIN PA'I LONGS SPYOD LUS 'KHOR LAS KYI MTHA' GANG BRTZAMS 'GRUB PA SOGS PHUN SUM TSOGS PA NA NYON MONGS MI 'PHEL BA'I 'JUG LDOG GI GNAD SHES NA LAM GYI SA CHOD SHIN TU CHE BA 'ONG BA NI MNGON MTHO LA BLTOS PA'I GRANGS NGES, RTEN DE LA BSGRUB PAR BYA BA SBYIN PA TSUL KHRIMS BZOD PA GSUM GYIS GZHAN DON DANG, SHES RAB BSAM GTAN BRTZON 'GRUS GSUM GYIS RANG DON TE DON GNYIS SGRUB PA LA BLTOS BA'I GRANGS NGES, ZANG ZING GIS PHONGS PA SEL BA, GZHAN GNOD SPANGS PAS 'TSE BA MED PA, GNOD LAN GNOD PA MI 'JAL BA, GZHAN DON GYI DKA' SBYAD LA MI SKYO BA, RDZU 'PHRUL SOGS KYIS GZHAN YID 'DUN PA; LEGS PAR BSHAD PAS THE TSOM 'GROL BA STE GZHAN DON RDZOGS PAR SGRUB PA LA BLTOS PA'I GRANGS NGES, LONGS SPYOD LA CHAGS PA MED PAS BSLAB BA LA GUS PA, GZHAN SKYON LA BRTEN PA'I SDUG BSNGAL LA BZOD PAS DGE BA

LA YID SPRO BA, ZHI GNAS KYIS LUS SEMS LAS SU RUNG BAS LHAG MTHONG GI SHES RAB 'PHEL BA STE THEG CHEN THAMS CAD SDUD PA LA BLTOS PA'I GRANGS NGES, GTONG BA LA GOMS PA NI LONGS SPYOD LA MI CHAGS PA'I THABS, BAG MED PA LAS SRUNG BA NI THOB 'DOD KYI GA-YENG BA SDOM PA'I THABS, SDUG BSNGAL DANG DU LEN PA NI SEMS CAN MI GTONG BA'I THABS, SKYO NGAL MED PA'I BRTZON PA NI DGE BA 'PHEL BA'I THABS, LUS SEMS SHIN TU SBYANGS PA NI NYON MONGS PA SEL BA'I THABS, PHRA ZHIB KYI RNAM PAR DPYAD PA NI SHES SGRIB SBYONG BA'I THABS TE THABS KYI RNAM PA THAMS CAD PA'I DBANG DU MDZAD PA LA BLTOS PA'I GRANGS NGES, TSUL KHRIMS DANG DE'I 'KHOR GYI TSUL DU SBYIN PA DANG BZOD PA NI TSUL KHRIMS KYI BSLAB PA'I NGO BO, PHAR PHYIN THA MA GNYIS NI BSLAB PA GZHAN GNYIS KYI NGO BO, BRTZON 'GRUS NI GSUM GA LA DGOS PAS BSLAB PA GSUM LA BLTOS PA'I GRANGS NGES, LONGS SPYOD LA MI BLTA BA'I SBYIN PA YOD NA MA CHAGS PA'I RGYU LAS TSUL KHRIMS SKYE, TSUL KHRIMS YOD NA NYES SPYOD BSDOMS PA'I RGYU LAS BZOD PA SKYE, BZOD PA YOD NA DKA' BA LA MI SKYO BA'I RGYU LAS BRTZON 'GRUS SKYE, BRTZON 'GRUS YOD NA NYIN MTSAN DU 'BAD PA'I RGYU LAS BSAM GTAN SKYE, BSAM GTAN YOD NA LUS SEMS LAS SU RUNG BA'I RGYU LAS SHES RAB SKYE BAS PHAR PHYIN DRUG PO DE DAG KYANG SNGA MA SNGA MA DMAN ZHING PHYI MA PHYI MA MCHOG LA, RAGS PA DANG PHRA BA'ANG DE BZHIN TE, MDO SDE RGYAN LAS, SNGA MA LA BRTEN PHYI MA SKYE, ,DMAN DANG MCHOG TU GNAS PHYIR DANG, ,RAGS PA DANG NI PHRA BA'I PHYIR, ,DE DAG RIM PAR BSTAN PA YIN, ,ZHES GRANGS NGES DE LTA BU DANG LDAN PA'I THEG PA CHEN PO'I LAM RGYAL SRAS KYI SPYOD PA LA BSLAB PA LA RANG RGYUD SMIN PAR BYED PA PHAR PHYIN DRUG LA BSLAB PA, GZHAN RGYUD SMIN PAR BYED PA

, ,BSDU BA'I DNGOS PO BZHI LA BSLAB PA GNYIS, DANG PO LA SBYIN PA, TSUL KHRIMS, BZOD PA, BRTZON 'GRUS, BSAM GTAN, SHES RAB DANG DRUG, ,DANG PO NI, RANG GI LUS DANG LONGS SPYOD LA MI BLTA BAR BYANG CHUB SEMS DPA'I MA CHAGS PA DANG LHAN CIG SKYES PA'I SEMS PA GANG YIN PA DANG DES KUN NAS BSLANG STE SBYIN BYA'I DNGOS PO YONGS SU GTONG BA'I LUS NGAG GI LAS DE SBYIN PA'I NGO BO YIN LA, DE BTANG BAS SBYIN PA'I PHAR PHYIN JI LTAR RDZOGS PAR 'GYUR NA, LUS NGAG LAS SEMS GTZO CHE ZHING DE YANG LONGS SPYOD SOGS LA SER SNA BCOM PA TZAM GYIS MI CHOG STE DE TZAM NI NYAN RANG DGRA BCOM LA YANG YOD PAS 'DIR NI PHAN YON DANG NYES DMIGS BSAMS PA'I SGO NAS SNYING THAG PA NAS GTONG SEMS DGOS PAS SKYES RABS LAS, BDAG MED 'JIG SLA SNYING PO MED PA'I LUS, ,SDUG BSNGAL DRIN MED RTAG TU MI GTZANG BA'I, ,LUS KYIS GZHAN LA PHAN THOGS 'GYUR BA LA, ,DGA' BAR MI 'GYUR DE NI MKHAS MA YIN, ,ZHES PA LTAR LAGS, 'O NA SBYIN PA BTANG BAS 'GRO BA RNAMS KYI DBUL BA BOR BA LA BRTEN NAS SBYIN PA'I PHAR PHYIN RDZOGS SAM SNYAM NA, SPYOD 'JUG LAS, GAL TE 'GRO BA DBUL BOR BA, ,SBYIN PA'I PHA ROL PHYIN YIN NA,, DA DUNG 'GRO BKREN YOD NA SNGON, ,SKYOB PA JI LTAR PHA ROL PHYIN, ,ZHES DE LTA NA DA DUNG SEMS CAN PHONGS PA DPAG TU MED PA YOD PA'I PHYIR SNGON GYI SANGS RGYAS RNAMS KYIS SBYIN PA'I PHAR PHYIN MA RDZOGS PAR 'GYUR BAR GSUNGS PAS RANG GI LONGS SPYOD DANG DGE BA THAMS CAD LA SER SNA MED PAR SNYING THAG PA NAS BTANG BA'I 'BRAS BU DANG BCAS PA GZHAN LA GTONG BA'I BLO GOMS PA YONGS SU RDZOGS PA SBYIN PA'I PHAR PHYIN TE, BDOG PA THAMS CAD 'BRAS BCAS

TE, ,SKYE BO KUN LA BTANG SEMS KYIS, ,SBYIN PA'I PHA ROL PHYIN GSUNGS TE, ,DE LTAS DE NI SEMS NYID DO, ,ZHES SO, ,DE LTA BU'I SBYIN PA'I PHAR PHYIN NYAMS SU LEN PAR BYED PA LA, DGE BA'I BSHES GNYEN SHAR BAS, NGA NI KHYED LA GTONG BA'I PHAN YON MI BRJOD KYI 'DZIN PA'I NYES DMIGS BRJOD PA YIN, ZHES RAB BYUNG GI BYANG SEMS RNAMS KYIS THOS BSAM SGOM GSUM GYI BAR CHAD DU 'GYUR BZHIN DU SHA THANG THANG GI SGO NAS 'BAD PAS ZANG ZING GI DNGOS BO TZAM RE SBYIN PA BYA MI RIGS PAS CHOS KYI SBYIN PA NYID GTZO BOR BYA DGOS SHING, 'BAD MED LHUN GRUB TU RNYED PA BYUNG BA RNAMS CHAGS BA MED PAR GTONG DGOS NA'ANG GTZO BOR ZANG ZING GI SBYIN PA NI KHYIM PA'I BYANG SEMS RNAMS KYIS BYA DGOS PA'I PHYIR RTEN GYI SGO NAS SBYIN PA GTONG TSUL SPYIR BTANG DMIGS BSAL LEGS PAR PHYED PAR BYAS TE CHOS DANG MI 'JIGS ZANG ZING GI SBYIN PA LAG TU BSTAR BA LA, SBYIN PA GSUM PO DE BYAS PA LA 'BRAS BU MED DO SNYAM PA DANG CHOS LOG DANG GCIG GI CHED DU 'GRO BA GRANGS MED PA YAL BAR DOR NAS DE SKYOB PA DANG, SROG BCAD PA'I SHA KHRAG GI SBYIN PA CHOS SU 'GYUR RO SNYAM PA SOGS LTA NGAN MCHOG TU 'DZIN PA'I BSAM PA DANG, SBYIN YUL RNAMS LA BRNYAS PA DANG, GZHAN LA 'GRAN 'DOD DANG, CHOS KYI TSIG DON BZANG BA 'DI LTA BU DANG, SEMS CAN 'DI TZAM GYI SROG BSKYABS PA DANG, DNGOS PO KHYAD PAR CAN 'DI TZAM BDAG MIN PA GZHAN GYIS BYAR MED DO SNYAM PA'I KHENGS SEMS DANG, SBYIN PA GSUM PO 'DI LTAR BYAS ZHES SNYAN GRAGS 'ONG DU RE BA DANG, SBYIN PA DE TZAM BYAR MI NUS SNYAM PA'I ZHUM PA DANG, BYAS PA LA 'GYOD PA'I SEMS DANG, GNYEN RNAMS LA SBYIN PA GSUM PO GANG 'GRUB BYED CING DGRA SOGS LA MI BYED

, ,PA'I PHYOGS RIS CAN DANG, CHOS BSHAD PA DANG SROG BSKYABS PA SOGS LA GTANG RAG DANG, PHAR DNGUL BYIN NA TSUR GSER 'ONG DU RE BA LTA BU DANG, PHYI MA RNAM SMIN GYI 'BRAS BU RANG MKHAS PA DANG 'JIGS PA MED PA DANG LONGS SPYOD PHUN SUM TSOGS PA 'ONG RE BA SOGS KYI BSAM PA MTHA' DAG SPANGS TE, PHAR PHYIN BSDUS PA LAS, SLONG BA MNGON DU 'ONG NA RGYAL SRAS NGES, ,RDZOGS PA'I BYANG CHUB TSOGS NI SPEL BA'I PHYIR, ,DES GZHAN 'DU SHES BDAG LA BZHAG BYAS SHING, ,DGE BA'I BSHES GNYEN 'DU SHES DE LA BSKYED, ,CES 'DI LA BRTEN NAS SBYIN PA'I PHAR PHYIN RDZOGS PAR BYA'O SNYAM PA DGOS PA LA DMIGS PA DANG, DANG PO NAS BDAG GI CHOS DANG GZHAN SKYOB PA'I NUS BA DANG BDOG PA THAMS CAD GZHAN LA BTANG ZIN PA YIN PAS BCOL BA'I RDZAS LEN PA DANG MTSUNGS PA YIN SNYAM DU DNGOS PO LA DMIGS PA DANG, 'DI RNAMS BDAG GI SBYIN PA'I PHAR PHYIN RDZOGS PAR BYED PA'I DGE BA'I BSHES GNYEN YIN NO SNYAM PA'I ZHING LA DMIGS PA STE BSAM PA KHYAD PAR GSUM LDAN GYI SGO NAS JI LTAR GTONG NA, CHOS ZAB PA SPAS NAS MI ZAB PA STON PA DANG, 'JIGS PA THAMS CAD SEL NUS BZHIN DU PHYOGS RE TZAM SKYOB PA DANG, DNGOS PO NGAN PA DANG GRANGS NYUNG BA DANG GZHAN GYI LAG NAS PHROGS TE STER BA SOGS KHA NA MA THO BA'I NYES BSAM GOS SHING, BZHIN MDANGS GSAL ZHING 'DZUM PA, NGAG SNYAN PAR SMRA BA, GZHAN LA 'TSE BA MED CING RANG GI DKA' SPYAD KHUR DU BZOD PA'I SGO NAS SBYIN BYA'I YUL DGRA GNYEN BAR MA YON TAN CAN SKYON CAN MTHO DMA' MNYAM GSUM SKYID PA DANG SDUG PA STE BCUR BSHAD PA'I DGOS PA DGRA LA BYAMS PA YON TAN CAN LA DANG BA SOGS SO SOR NGOS ZIN PA'I CHED DE DON DRIL NA

DER SEMS CAN THAMS CAD 'DUS PAS SKABS DANG BSTUN NAS CHOS KYI SBYIN PA NI THEG PA CHE CHUNG GI DAM PA'I CHOS GSUNG RAB DGONGS 'GREL DANG BCAS BA DANG, SGRA TSAD BZO GSO LA SOGS PA THUN MONG BA'I RIG GNAS SOGS LHAG BSAM DAG PA'I SGO NAS RANG GIS JI LTAR SHES PA BZHIN STON CING BSLAB PA'I GZHI 'DZIN DU 'JUG PA SOGS NYAN PA PO'I BLO DANG SBYAR NAS 'DI DAG RNAMS KYIS THOS BSAM SGOM GSUM BYAS NAS RANG GZHAN GYI DON RGYA CHEN PO 'GRUB PAR GYUR CIG SNYAM DU BSAM ZHING NGAG TU YANG BRJOD DGOS TE, CHOS BSHAD PA'I RJES SU DGE BA BSNGO BA MTSAN NYID DANG LDAN PA'I BSHES GNYEN RNAMS KYI PHYAG LEN DU SNANG NGO, ,DER MA ZAD RANG NYID CHOS 'CHAD PA PO'I MING DU BTAGS PA MIN YANG GROGS SKYE BO GZHAN DAG SDIG PA MI DGE BA LA 'JUG PA 'DUG NA GLENG MO'I TSUL GYIS BLANG DOR BSTAN TE DE LAS BZLOG NAS DGE BA LA SBYOR BA SOGS BSAM PA KHYAD PAR GSUM LDAN GYI SGO NAS CHOS SBYIN LA DNGOS SU 'BAD CING, DNGOS SU SBYIN PAR BYA BA'I YUL MA RNYED NA SNYING THAG PA NAS SEMS CAN THAMS CAD LA DAM PA'I CHOS BSTAN PAR MOS SHING CHOS KYI SBYIN PA DE'I MTHUS PHAN PA RGYA CHEN PO BYUNG BAR BSAM PA, DPER NA CHOS KYI SGRA THOS PAS DMYAL BA PA RNAMS GNAS NGAN LEN SDUG BSNGAL LAS THAR BAR MOS PA SOGS KYI SGO NAS SMON LAM KHYAD PAR CAN GDAB, DE BZHIN DU SEMS CAN RNAMS LA RGYAL PO'I CHAD PAS NAG CAN KHRIMS LA SBYOR BA, GCAN GZAN DANG DGRA LA SOGS PAS LUS SROG LONGS SBYOD LA RGOL BA, ME DANG CHU LA SOGS PA'I 'JIGS PA RNAMS LAS DNGOS SU RANG STOBS KYIS NUS NA BSKYAB, MI NUS NA DE LAS THAR BA'I THABS BSTAN, 'JIG RTEN GYI KHAMS GZHAN DU SDUG BSNGAL 'DI DAG GIS MNAR BA

, ,DPAG TU MED PA YOD PAS DE DAG RNAMS LA MI 'JIGS PA'I SBYIN BA BTANG BA DANG DE'I MTHUS 'JIGS PA LAS GROL BAR SNYING THAG PA NAS BSAM, RANG BYANG CHUB TU SEMS BSKYED PA'I MTHU LDAN DU GYUR PAR MOS BLOS SPRUL TE TSA BA'I DMYAL BAR CHAR CHEN PO PHAB NAS ME BSAD PA SOGS DMIGS PA DANG SMON LAM 'DEBS, ZANG ZING GI SBYIN PA YANG BZA' BTUNG GNAS MAL, NA BA'I GSOS SMAN, DAR ZAB RIN CHEN, RTA GLANG PO, SA MKHAR YUL ZHING, MGO PO MIG YAN LAG NYING LAG SOGS LUS LONGS SBYOD THAMS CAD BSAM PA KHYAD PAR GSUM LDAN GYI SGO NAS SBYIN ZHING, RANG NYID BKRES SHING PHONGS PAS DE LTAR BYAR MED TSE, DPER NA ZAS GA-YOS SU BYAS PA DANG MA BYAS PA DPAG TU MED PA SPRUL NAS YI DVAGS SOGS BKRES PAS NYEN PA'I 'GRO BA RNAMS LA BYIN PAS SDUG BSNGAL DE LAS THAR PAR BSAM PA SOGS YUL DANG RDZAS SKABS THOB SBYAR TE RGYA CHEN POR SPRO BA NI BYANG SEMS SHES RAB CAN GYI SBYIN PA YIN BAS BSHAD MA THAG PA'I SBYIN PA'I NYAMS LEN GSUM PO DE YANG 'DI NAS BZUNG STE CHOS TSIGS BCAD BZHI PA YAN CHAD STON PA, TSA BAS GDUNGS PA LA BSIL BA'I GNAS KHANG STON PA, NGAN SLONG LA ZAS GOS STER BA SOGS NUS PA RNAMS DNGOS SU BYA DGOS KYI, NUS BZHIN DU DMIGS PAS BYED PA NI RANG MGO RANG GIS GA-YOGS PAR GSUNG, DE LTAR SNGAR BSHAD PA RNAMS NGES PAR BYAS NAS SBYIN PA GTONG BA'I DNGOS PO LA YID CHAGS PA'I SER SNA DANG, BDAG LA LONGS SBYOD MED PAS STER MI NUS SNYAM PA DANG, DNGOS PO YID DU 'ONG BA LA DMIGS BSAL GYI CHAGS SEMS GANG 'DUG PA DE LEGS PAR BRTAG, BDAG SNGAR YI DVAGS DANG RNAM THOS KYI BU SOGS MTHO DMA' BGRANG GIS MI LANG BAR SKYES 'DUG

NA'ANG DA LTA'I SNANG TSUL NI 'DI LTAR 'DUG ,DNGOS PO 'DI LAS LHAG PA YID BZHIN NOR BU THAB NAS DE DANG BRAL BA BSAM GYIS MI KHYAB SNYAM YANG YANG BSAMS TE MI MTHUN PHYOGS MGO GNON, ,GTONG SEMS MNGON GYUR SKYES KYANG LAN DANG RNAM SMIN LA RE BA'I BSAM PA SHAS CHE BA 'DUG NA, SNGAR MCHOD SBYIN GRANGS MED PA ZHIG BYAS TE BRGYA BYIN DANG TSANGS PA SOGS KYI GO 'PHANG THOB KYANG DON MED DU SONG 'DUG PAS NGA RES ZAS KHAM GCIG SBYIN PAR BTANG BA YAN CHAD BLA NA MED PA'I BYANG CHUB KYI RGYUR BSNGO SNYAM PA'I 'DUN PA DU RE BA DANG BCAS THUN DNGOS GZHI LA YID KYIS SPRUL TE SBYIN PA GSUM PO GTONG BA'I DMIGS PA NAN TAN DANG, THUN MTSAMS SU DNGOS SU GTONG BA DANG YID GOMS PA LA 'BAD PAR BYA, DES NA SBYIN BA GSUM PO DE BYA NUS TSAD NYAMS SU BLANG BAR BYA'AM SNYAM NA, MTHA' GCIG TU MA NGES TE, SBYOD 'JUG LAS, SNYING RJE'I BSAM PA MA DAG PAR, ,LUS NI BTANG BAR MI BYA STE, ,CI NAS 'DI DANG GZHAN DU YANG, ,DON CHEN 'GRUB PA'I RGYUR BTANG NGO, ,ZHES SNYING RJE CHEN POS LUS KYI SHA GCOD PA SOGS KYI DKA' SBYAD BSGRIBS TE YID MI 'BYUNG BA MA RNYED KYI BAR DANG, DGOS PA CHUNG NGU'I CHED DANG, BDUD RIGS KYIS MTHO 'TSAMS PA DANG SMYON PA SOGS KYIS SLONG BA LA LUS KYI SBYIN PA DUS DANG DGOS PA DANG SBYIN YUL GYI SGO NAS STER DU MI RUNG BA NI LUS KYI DNGOS PO GTONG MI GTONG GI KHYAD PAR DANG, PHYI'I DBANG DU BYAS NA BLO SHIN TU DMAN PA LA THEG PA CHEN PO'I CHOS STON PA DANG, RAB TU BYUNG BA LA PHYI DRO'I KHA ZAS DUS KYI SGO NAS STENG DU MI RUNG ,SDOM BRTZON LA SHA CHANG SGOG BTZONG LHAG MA MI GTZANG BAS SBAGS PA, PHA ROL GYIS GNOD PA BYED NGES PA'I SROG CHAGS, NAD PA LA MI 'PHROD PA'I ZAS, TSOD BAGS PA DANG NOR GYI 'DU SHES CAN LA GLEGS

, ,BAM LTA BU YUL GYI SGO NAS STER DU MI RUNG BA, MI 'DOD PAS SDUG BSNGAL BZHIN DU BRAN STER BA LTA BU DNGOS PO'I SGO NAS SBYIN DU MI RUNG BA, MA RUNG BA ZHIG RGYAL PO'I PHYAG SBAL NAS 'THON NA 'GRO BA GRANGS MED PA SDUG BSNGAL LA SBYOR BA BTZON RA'I 'JIGS PA LAS SKYOB PA'I SBYIN PA DANG, GNOD SEMS KYIS SLONG BA LA DUG MTSON SOGS SBYIN PA NI DGOS PA'I SGO NAS SBYIN DU MI RUNG BAS SBYIR BTANG DMIGS BSAL LEGS PAR PHYED PAR BYAS NAS BDAG KYANG MYUR DU 'CHI BA'I CHOS CAN YIN PAS, BTANG BYA'I DNGOS PO 'DI RNAMS KYIS KYANG BDAG 'DOR, BDAG GIS KYANG 'DI RNAMS 'DOR BAS GANG LA YANG SNYING PO MED SNYAM DU SNYING THAG PA NAS GTONG SEMS LA GOMS PAR BYA BA LEGS SO,, ,,SMRAS PA, YID GTONG SEMS DRAG POS LUS LONGS SBYOD, ,DRIN 'KHOR THABS MED PA'I 'GRO BA LA, ,DUS GRANGS MED BYIN PAS GTAN BDE'I NOR,, GNYER 'DZAD MED BANG MDZOD DENG 'DIR GRUB, ,LAR MI BZAD DBUL PHONGS SDUG BSNGAL 'DI, ,RANG GCIG BU'I THOG TU BAB MIN PA'I, ,MA 'GRO BA KUN GYI SNANG TSUL TE, ,'DI BRTAGS NA BLO YIS BZOD THABS MED, ,SNGAR DKAR MIN LAS MANG BSAGS PA'I MTHUS, ,DUS DA LTA'I SNANG TSUL 'DI LTAR NA, ,DA SBYIN PA'I PHAR PHYIN RDZOGS BYAS NAS, ,MTHA' MI MNGON SEMS CAN SGROL BAR SMON, ,ZHES BYA BA NI BAR SKABS KYI TSIGS SU BCAD PA'O,, ,,GNYIS PA TSUL KHRIMS KYI PHAR PHYIN NI SBYOD 'JUG LAS, NYA LA SOGS PA GANG ZHIG TU, DE DAG GSOD MI 'GYUR PAR BSKRAD, ,SPONG BA'I SEMS NI THOB PA LAS, ,TSUL KHRIMS PHA ROL PHYIN PAR BSHAD, ,CES GZHAN LA GNOD PA GZHI DANG BCAS PA LAS YID PHYIR LOG PA'I SPONG SEMS NI TSUL KHRIMS YIN ZHING, SEMS PA

LA GOMS PA GONG NAS GONG DU YONGS SU RDZOGS PAS TSUL KHRIMS KYI PHA ROL TU PHYIN PAR 'GYUR BA YIN PAS SEMS CAN THAMS CAD GNOD 'TSE DANG BRAL MA BRAL LA BLTOS MI DGOS SO, ,DE YANG NYES SBYOD SDOM PA'I TSUL KHRIMS LA LAM SGRON DU, ,SO SO THAR PA RIGS BDUN GYI, ,RTAG TU SDOM GZHAN LDAN PA LA, ,BYANG CHUB SEMS DPA'I SDOM PA YI, ,SKAL PA YOD KYI GZHAN DU MIN, ,ZHES PA'I TSIG LA 'KHRUL NAS SO SO THAR PA'I TSUL KHRIMS DNGOS BSTAN LA KHAS BLANGS TSE BYANG SEMS KYI BSLAB BA LA SLOB PA'I RTEN CAN DU GYUR PA'I LHA YOD PAS, LAM SGRON 'GREL PAR, DA NI TSUL KHRIMS KYI SDOM PA'I RTEN KHYAD PAR CAN BSTAN PAR 'DOD NAS ZHES BSHAD PAS KHYAD PAR CAN MA YIN PA'I THUN MONG BA ZHIG BSHAD PA MI RIGS MOD, 'O NA GANG LA NGOS 'DZIN SNYAM NA SO THAR GYI SDOM LDAN BYANG SEMS KYI BSLAB PA LA BSLABS PA ZHIG YIN NA SO THAR GYI SDOM PA DNGOS DE DANG THUN MONG BA'I SPONG SDOM NI SKABS 'DI'I SDOM PA'I TSUL KHRIMS LA NGOS 'DZIN LA, SO THAR GYI SDOM LDAN MIN NA SO THAR DANG THUN MONG BA MI DGE BCU SPONG BA'I SPONG SDOM DE LA NYES SBYOD SDOM PA'I TSUL KHRIMS SU NGOS 'DZIN PA'I PHYIR NA PHAR PHYIN BSDUS PA LAS, MTHO RIS THAR PA'I BDE LAM GYUR PA STE, ,LAS LAM BCU PO 'DI LAS NYAMS MI BYA, ,'DI LA GNAS PAS 'GRO LA PHAN SEMS PA'I, ,BSAM PA'I KHYAD PAR 'BRAS BU YOD PAR 'GYUR, ,ZHES RAB BYUNG YIN NA MKHAN SLOB KYI DRUNG DU KHAS BLANGS PA'I RTZA BA DANG YAN LAG GI NYES PAS GOS MA GOS DANG, SO THAR GYI SDOM PA DANG MI LDAN NA SNGAR SKYES BU CHUNG NGU'I SKABS SU BSHAD PA'I MI DGE BA BCU'I DBANG DU SONG MA SONG YANG YANG DRAN SHES KYIS BRTAG CING, BKA' GDAMS GONG MA RNAMS KYI PHYAG LEN LTAR NYIN RE ZHINH DGE SDIG

, ,GANG BYAS LA RDE'U DKAR NAG BTANG NAS, BRTZIS PAS DKAR PO MANG BA LA SPRO BA DANG NAG PO MANG BA LA 'GYOD SEMS DRAG PO'I SGO NAS THUN DNGOS GZHI LA THOG MAR RDE'U NAG PO'I GRANGS JI TZAM BYUNG GI SDIG PA DRAN SHES KYIS ZIN PA RNAMS LA PHYIR 'CHOS DANG BSHAGS SDOM GNYEN PO STOBS BZHI TSANG BA'I SGO NAS BYA BA DANG, BDAG GI TSUL KHRIMS KYI PHA ROL TU PHYIN PA YONGS SU RDZOGS PAR GYUR CIG SNYAM DU BSAM PA DANG NGAG NAS KYANG BRJOD CING, CHAGS SEMS KYI YUL LA CHAGS PA DRAG PO SKYES PA KHA RGYAL DU MA BTANG BAR KHA NAS MA THO BA'I NYES PA DANG MI SDUG PA DRAN PA'I SGO NAS MGO GNON PA SOS NYON MONGS GANG CHE BA DE LA RNAM SMIN SOS BSAMS NAS GNYEN PO BSTEN TE BSGOMS PAS TSUL KHRIMS DAG PA ZHIG 'ONG, ,MI DGE BA BCU SPONG BA'I TSUL DE SKYES BU GSUM GAR BYUNG BA NGO BO 'DRA YANG BSAM PA'I KHYAD PAR GYIS DBYE DGOS SO, ,DGE BA CHOS SDUD KYI TSUL KHRIMS NI BYANG SEMS KYI TSUL KHRIMS DANG LDAN PAS LUS NGAG GI DGE BA BYAS PA RNAMS YIN LA, DE YANG BSLAB PA GSUM DANG ZHING KHYAD PAR CAN BLA MA SOGS LA RIM GRO BYED PA, DKON MCHOG GSUM LA BSNGAGS PA BRJOD CING GZHAN GYI DGE BA LA YI RANG BA'I TSIG SMRA BA, TSUR GNOD PA LA SNGON LAS SU BLTA BA, DGE BA RNAMS BSNGO SMON GYI RGYAS 'DEBS PA, DKON MCHOG LA MCHOD PA 'BUL BA, BAG YOD PAS DGE BA RGYUN MI GCOD PA, DBANG PO'I SGO NYON MONGS PA'I PHYOGS LAS SRUNG PA, ZAS KYI TSOD RIG PA, NAM GYI CHA STOD SMAD LA RNAL 'BYOR LA BRTZON PA, DGE BA'I BSHES GNYEN NAM, MA RNYED NA RANG GIS RANG GI BSHES GNYEN BYAS TE GNYEN PO BSTEN PA, NYES PA RNAMS YUL KHYAD PAR CAN LA BSHAGS PA RNAMS LAS, TING NGE 'DZIN SGOM PA

LTA BU THUN DNGOS, DKON MCHOG GI MCHOD PA'I STA GON SOGS THUN MTSAMS, BAG YOD BSTEN PA DANG SHES BZHIN GYI BYAR SOGS NI GNYIS KA LA DGOS SHING BLA MA LA BSU BA DANG STAN BSTAB BA SOGS NI DUS KYI NGES PA MED MOD, DA LTA PHYAG LEN LA THUN DNGOS GZHI LA BSHAD MA THAG PA MTHA' DAG DPYAD 'JOG SKABS DANG SBYAR TE DMIGS PA SKYONG BA LAGS, SEMS CAN DON BYED KYI TSUL KHRIMS NI BYANG CHUB SEMS DPA' SEMS CAN LA PHAN 'DOGS PA STE, DE LA YANG RNAM PA BCU GCIG TU BSHAD PA'I, KHA NA MA THO BA MED PA'I SGO NAS LONGS SBYOD RKUN POS MI 'KHYER BA'I THABS BSTAN PA NI BYA BA BYED PA'I GROGS KYI DON BYED PA DANG NAD PA LA SMAN DANG RKANG PA NYAMS PA LA BZHON PAS GNAS SU SKYEL BA LTA BU NI SDUG BSNGAL GYI GROGS KYI DON BYED PA, CHOS BSTAN NAS NYES SBYOD LAS LDOG PA'I THABS STON PA LTA BU THABS LA RMONGS PA'I DON BYED PA, BSNYEN BKUR SOGS BYED PA LTA BU PHAN 'DOGS PAS DON BYED PA, SENG GE DANG STAG LA SOGS PA'I GNOD PA LAS SKYOB PA LTA BU 'JIGS PAS NYEN PA'I DON BYED PA, PHA MA DANG BRAL BA'AM CHOM RKUN GYIS NOR PHROGS PA SOGS MYA NGAN GYIS ZIN PA LA MI RTAG PA'I GTAM GYI SGO NAS SEL BA LTA BU MYA NGAN GYIS GZIR BA'I DON BYED PA, KHA ZAS KYIS DBUL BA LA YID DU 'ONG BA'I ZAS STER BA LTA BU PHONGS PA'I DON BYED PA, CHOS DANG MTHUN PA'I GOS STER BA DANG 'DOD CHAGS CAN LA MI SDUG PA STON PA SOGS GNAS 'CHA' BAR 'DOD PA'I DON BYED PA, PHA ROL PO DGE BA LA SBYOR MI NUS PAR MTHONG NA MI 'DOD PA'I LUS NGAG GI SBYOD LAM SPANGS TE SEMS LA PHAN PAR BYA BA NI BLO MTHUN PAR 'DOD PA'I DON BYED PA, TSUL KHRIMS SOGS KYI YON TAN LA GZENGS BSTOD PA NI YANG DAG PAR ZHUGS PA'I DON BYED PA, SDIG PA BYAS PA LA

, ,CHAD PA GCOD PA LTA BU NI LOG PAR ZHUGS PA'I DON BYED PA, DMYAL BA SPRUL NAS GZHAN SDIG PA LAS LDOG PA LTA BU DANG CHO 'PHRUL YA MA ZUNG BSTAN NAS GZHAN 'DUN PAR BYED PA LTA BU NI RDZU 'PHRUL GYI GO NAS GDUL BYA'I DON BYED PA STE BCU GCIG PO 'DI DAG LA DNGOS SU BYA NUS MI NUS DANG DUS LA NGES MI NGES SNA TSOGS KYANG, THUN DNGOS LA DPYAD SGOM GYI TSUL GYIS NYAMS SU LEN DGOS PAS TSIG BSHAD TZAM DU MA SONG BA GNAD DU CHE, DE YANG PHAR PHYIN BSDUS PA LAS, TSUL KHRIMS NYAMS PAS RANG DON MI NUS NA, ,GZHAN DON TSUL LA MTHU YOD GA LAS 'ONG, ,DE PHYIR GZHAN DON LEGS PAR BRTZON PA YIS, ,'DI LA RIM GRO GLOD PAR RIGS MA YIN, ,ZHES DON GNYIS SGRUB PA LA TSUL KHRIMS 'DI RTZA BA LTA BUR GSUNGS PAS, GZHAN GNOD GZHI BCAS SPONG BA'I TSUL KHRIMS LA GOMS PA GONG NAS GONG DU 'PHEL BA'I THABS BYA 'TSAL LO,, ,,SMRAS PA, PHUN TSOGS DAL 'BYOR RTEN GYI SKYED TSAL DU, ,RNAM GSUm TSUL KHRIMS YONGS 'DUS BRTOL LA, ,MYANG 'DAS 'BRAS BU'I KHUR CHEN GYIS DUD PAR, ,PHAN BDE'I RO BRGYA'I SNYING PO CI YANG 'DZAG ,GRANGS MED BSKAL BAR BSAGS PA'I SBYIN PA YI, ,PHUNG PO GCIG TU DKAR BA'I LONGS SBYOD KYANG, ,LHA MI'I RTEN LA NYAMS SU MYONG MI MYONG, ,BYED PO TSUL KHRIMS KHO NAR RAG LUS NA, ,LAN CIG THOB PA'I RTEN BZANG SHING RTA 'DI, ,BAG MED LTUNG BA'I 'DAM DU NYER BYING BA, ,PHYIR BCOS 'PHRUL GYIS BDE BA'I THANG YANGS POR, ,MI 'DON DAL BAR 'DUG RNAMS GDON GYIS BRLAMS, ,ZHES BYA BA NI BAR SKABS KYI TSIGS SU BCAD PA'O,, ,,GSUM PA BZOD PA'I PHAR PHYIN NI SBYOD 'JUG LAS, SEMS CAN MI SRUN NAM MKHA' BZHIN, ,DE DAG GZHOM GYIS YONGS MI LANG,,

KHRO BA'I SEMS 'DI GCIG BCOM NA, ,DGRA DE THAMS CAD CHOMS DANG 'DRA, ,SA STENG 'DI DAG KOS GA-YOG TU, ,DE SNYED KO BAS GA LA LANG, ,LHA MA MTHIL TZAM GYI KO BAS NI, ,SA STENG THAMS CAD GA-YOGS DANG 'DRA, ,DE BZHIN PHYI ROL DNGOS PO YANG, ,BDAG GIS PHYIR BZLOG MI LANG GI ,BDAG GI SEMS 'DI PHYIR BZLOG BYA'I, ,GZHAN RNAMS BZLOG GO CI ZHIG DGOS, ,ZHES RANG GIS 'GRO BA RNAMS LA KHONG KHRO BA LA SOGS PA 'GOG PA'I SEMS KYI GOMS PA YONGS SU RDZOGS PA DE BZOD PA'I PHAR PHYIN RDZOGS PA YIN GYI SKYE BU MTHA' DAG MI SRUN PA'I BLO DANG 'BRAL MI DGOS PA YIN PAS, ZHI BA LHAS, BSKAL BA STONG DU BSAGS PA YI, ,SBYIN DANG BDE GSHEGS MCHOD LA SOGS,, LEGS SBYAD GANG YIN DE KUN KYANG, ,KHONG KHRO GCIG GIS 'JOMS PAR BYED, ,CES YUL DAM PA LA KHONG KHRO BYAS PAS DGE BA'I RTZA BA 'JOMS PAR THAMS CAD YOD SMRA BA'I GZHUNG LAS KYANG BYUNG ZHING, DMIGS BSAL 'JUG PAR, GANG PHYIR RGYAL SRAS RNAMS LA KHROS PA YIS, ,SBYIN DANG KHRIMS BYUNG DGE BA BSKAL PA BRGYAR,, BSAGS BA SKAD CIG GIS 'JOMS DE YI PHYIR, ,MI BZOD LAS GZHAN SDIG PA YOD MA YIN, ,ZHES BYANG SEMS STOBS CHUNG BAS BYANG SEMS STOBS CHE BA LA KHROS PAR DGE BA BSKAL BRGYAR BSAGS PA 'JOMS NUS LA BYANG SEMS MIN PA'I SO SKYES BYANG SEMS LA KHROS NA BSKAL BA STONG GI DGE BA'I 'BRAS BU MI 'BYIN PA SOGS SHIN TU LCI BAR GSUNGS, RANG RE RNAMS KYIS KHONG KHRO NI RKYEN CHUNG DU RE LA YANG 'BAD MED DU GSOG ,YUL BYANG SEMS NI GANG ZAG ME DONG THAL BAS GA-YOGS BA LTAR GANG NA YOD CHA MED PAS SNGAR BYAS KYI DGE BA NI GTAN BRLAG LTA BUR SONG ZIN 'DUG PAS RGUD PA KUN GYI RTZA BAR NGES SHING, ZHI BA LHAS, GANG ZHIG BSGRIMS TE KHRO 'JOMS PA, ,DE NI 'DI

, ,DANG GZHAN DU BDE, ,ZHES KHRO BA SPANGS NA TSE 'DIR LUS SEMS MI MNAR BAR MA ZAD, SKYE BA MTHA' DAG TU BDE BA'I RGYUR SNANG BAS BZOD PA'I PHA ROL TU PHYIN PA LA BSLAB SNYAM PA'I YID DU RE BA DANG BCAS TA, THOG MAR GNOD BYED KYIS GNOD PA BYED BZHIN PA YIN NA DANG MIN NA SNGAR BYAS PA ZHIG GSAL BTAB NAS ZHE SDANG DMAR LAM BA SKYES BYUNG BA'I TSE DE'I NGO BO LA BLTAS NAS, SBYOD 'JUG LAS, GANG TSE NYON MONGS DBANG GYUR PAS, ,BDAG SDUG NYID KYANG GSOD BYED PA, ,DA TSE DE DAG GZHAN LUS LA, ,GNOD MI BYED PAR JI LTAR 'GYUR, ,ZHES DPER NA LA LA GZHAN LA MI DGA' BA'I NYON MONGS DRAG PO SKYES PA NA RANG LCEB PA DANG MTSON 'DEBS PA GA-YANG LA MCHOD PA SOGS RANG SROG RANG GIS GCOD PA MNGON SUM GYIS GRUB PAS BDAG GCES 'DZIN GYIS RANG LA RANG GIS GNOD PA BYA MI NUS BZHIN DU NYON MONGS PA'I GZHAN DBANG GIS DE LTAR BYED PA LA KHRO BA'I GO SKABS MED NA, 'GRO BA GZHAN NYON MONGS PA'I SHUGS DRAG POS RANG DBANG DANG BRAL TA GNOD PA BYED PA LA CI'I PHYIR KHRO SNYAM DU BSAM, 'O NA GNOD BYED DES RANG DBANG YOD PAS KHO RANG GI GNYEN SOGS LA GNOD PA MI BYED DO SNYAM NA, GNYEN LA PHAN 'DOGS PA DE GA 'DOD CHAGS KYI GZHAN DBANG DU SONG BAR 'DUG, SEMS CAN RNAMS LA RANG DBANG DANG LDAN NA THAMS CAD SDUG BSNGAL MI 'DOD PAS SDUG BSNGAL GYIS MNAR BA'I SEMS CAN MED PAR THAG CHOD SNYAM DU BSGOMS PAS RGYAL PO LTA BUS DBANG MED DU GNOD PA BYED PAR BTANG BA'I MI DE LA 'CHAR BA'I SNANG BA LTA BU ZHIG 'ONG GSUNG, GZHAN YANG 'GRO BA KHO RANG GI RANG BZHIN LA GNOD PA DE GRUB NA ME TSA ZHING SREG PA DANG 'DRA LA, GAL TE GLO BUR DU BYUNG BA ZHIG YIN NA

NYI MA SPRIN GYIS BSGRIBS PAR NAM MKHA' LA KHRO MI RIGS PA LTA BU, DE BZHIN DU DNGOS SU NAD BSKYED PA NI DBYUG PA LTA BU'I MTSON DANG, BRGYUD NAS ZHE SDANG GIS RBAD PAS GANG ZAG DES BYAS PA CI ZHIG YOD, GNOD PA BYED PA'I RTZA BA'I RGYU LA KHRO NA, RANG GIS SNGON CHAD GZHAN LA GNOD PA 'DI LTA BU BYAS PA LAS BYUNG BA'I TSUL SBYOD 'JUG LAS, BDAG GIS SNGON CHAD SEMS CAN LA, ,'DI 'DRA BA YI GNOD PA BYAS, ,DE BAS SEMS CAN 'TSE BYED PA, ,BDAG LA GNOD PA 'DI 'BYUNG RiGS,, ZHES SO, ,DER MA ZAD BDAG LA GNOD BYED 'DIS NGAN SMRAS DANG RMA PHYUNG BA SOGS GNOD PA PHRA MO YANG MI BZOD PA 'DI LTAR NA, DA LTA NGAN 'GRO'I RGYU MANG DU BSGRUBS PAS DMYAL BAR SKYES NA SDUG BSNGAL JI LTAR BZOD SNYAM DU RANG LA ZHE KHREL YANG YANG 'DEBS, GZHAN YANG CHU THOG TU CHAR BABS NA GNYIS KA RLAN GSHER YIN PA LAS MA 'DAS PA LTAR, BDAG LUS BAR MTSON CHA GNYIS KA SBUGS BSNGAL GYI RGYU YIN PAS ZUG RDU BSKYED PA LAS 'OS CI YOD, RANG DON SGRUB PA'I NYAN THOS KYANG KHRO BAR MI BYED NA BDAG SEMS CAN THAMS CAD PHA MAR SHES TE GZHAN PHAN SGRUB PAR SEMS BSKYED NAS 'DI LTAR BYA GA LA RIGS SNYAM DU BSGOMS PAS LUS SEMS BDE 'BOL GYI 'GRO BA YIN GSUNG, DA DUNG GZHAN GYIS BSTOD PA BYAS PA LA DGA' BAR 'DUG NA SMAD PA LA MI DGA' BA SHUGS KYIS 'ONG BAS, SPYOD 'JUG LAS, BSTOD DANG GRAGS PA'I RIM GRO NI, ,BSOD NAMS MI 'GYUR TSER MI 'GYUR, ,BDAG STOBS MI 'GYUR NAD MED MiN, ,LUS BDE BAR YANG MI 'GYUR RO, ,ZHES BSTOD PA DANG SNYAN GRAGS KYIS PHYI MAR MA ZAD 'DI'I BDE BA YANG 'PHEL BAR MI BYED PA'I STENG DU RANG NYID DON MED KYI GA-YENG BAR 'JUG PA DANG, GZHAN GYIS PHRAG DOG BYED PA'I NYES PA DU MA BSKYED LA, SNYAN GRAGS NYAMS

, ,BA'I RGYUR SONG NAS DES GNAS SKABS GZHAN RKYEN GYI 'TSE BA DANG MTHAR THUG GA-YENG BA MED PAS BYANG CHUB BSGRUBS TE BDE BA MANG PO ZHIG 'PHEL BAR 'DUG PA DE SANGS RGYAS KYI BYIN RLABS YIN SNYAM DU DGA' BA SGOM PA DANG, MTSON LTA BU PHOG NA SEMS LA MA GNOD KYANG LUS LA CUNG ZAD GNOD MOD NGAN SMRAS SOGS KYIS LUS SEMS GANG LA YANG MI GNOD PA'I TSUL BSAM, DE LTAR BSGOMS PAS KYANG RANG LA BSTOD SMAD BYAS PA MGO SNYOMS BA BYUNG NA'ANG, DA DUNG DGRA LA PHUN SUM TSOGS PA 'DUG PA MI BZOD PA'I BLO THOL GYI SHAR BYUNG NA, SPYOD 'JUG LAS, GAL TE DGRA ZHIG MI DGA' NA'ANG, DE LA KHYOD DGAR CI ZHIG YOD, ,KHYOD KYI YID SMON TZAM GYIS NI, ,DE LA GNOD PA'I RGYUR MI 'GYUR, ,KHYOD KYI 'DOD PAS SDUG BSNGAL DE, ,GRUB NA'ANG KHYAD DGAR CI ZHIG YOD, ,GAL TE 'TSENGS PAR 'GYUR ZHE NA, DE LAS PHUNG PA'ANG GZHAN CI YOD, ,NYON MONGS NYA BAS BTAB PA YI, ,MCHIL PA 'DI NI MI BZAD GZE, ,DES BZUNG SEMS DMYAL BUM PAR NI, ,DMYAL BA'I SRUNG MAS BDAG 'TSED NGES, ,ZHES SEMS CAN KHO RANG GIS RNYED PA'I BDE BA LA KHRO BA'I DON MED LA KHROS KYANG GNOD PAR CI LA 'GYUR, GAL TE GNOD DU ZIN KYANG RANG GZHAN GNYIS KA DMYAL BAR SREG PA'I LAS YIN PA 'DUG SNYAM DU SDOM SEMS DRAG PO BYA, DE LTAR GNOD PA BYED PA PO RNAMS LA DMIGS PA'I KHONG KHRO'I GNYEN PO BSTEN PAR NUS NA'ANG, RANG SDUG BSNGAL THOG TU BABS PA 'DI MI BZOD PAR 'DUG SNYAM NA, SDUG BSNGAL DE LA BCOS SU MED NA MI DGA' BA BYAS PAS DGOS NUS MED CING, BCOS SU YOD NA BCOS PAS CHOG PAS MI DGA' BA BYA YANG MI DGOS LA, DA LTA MI 'DOD PA'I SDUG BSNGAL 'BAB PA 'DI TSE SNGON MA MI DGE BA BYAS PA'I 'BRAS

BU YIN PAS TSE 'DIR SDUG BSNGAL GYI TSOR BA 'DI LTA BU ZHIG MA MYONG NA BLANG DOR MI 'GRUB PAR 'KHOR BA'I 'KHOR LO 'KHOR BA KHO NAR ZAD, DA RES SDUG BSNGAL 'DIS RKYEN BYAS NAS 'KHOR BA LAS YID 'BYUNG STE THAR BA MYA NGAN LAS 'DAS PA SGRUB PA'I RTZA BA BYAS PAS BKA' DRIN CHE, GTAR SREG SOGS DBYAD RTZUB MO'I SDUG BSNGAL BSTEN PAS NAD KYI GDUNG BZHI PA LTAR PHYI MA MNAR MED DU SKYE DGOS PA'I SDUG BSNGAL GYI TSE BA LA TSE 'DIR NAD KYIS THEBS PA LA SOGS PA'I SDUG BSNGAL BYUNG BAS GO BCAD SNYAM DU BSAM, BSHAD MA THAG PA DE RNAMS THUN DNGOS GZHI LA MYONG BA THON PAR BYAS NAS, THUN MTSAMS LA GOS PHYAG DAR KHROD BA SOGS TSANGS SBYOD 'PHEL BA'I GNAS LA BRTEN PA'I SDUG BSNGAL DANG LEN, BSTOD SMAD SOGS 'JIG RTEN GYI CHOS LA BRTEN PA'I SDUG BSNGAL DANG LAN, STAN LA BLO MI 'BEBS PA'I SPYOD LAM GYI SDUG BSNGAL DANG LEN, DKON MCHOG MCHOD PA SOGS CHOS YONGS SU 'DZIN PA LA BRTEN PA'I SDUG BSNGAL DANG LEN, GZUGS MI SDUG PA DANG GOS NGAN PA SOGS NYAMS SU BLANG ZHING GLU GAR SOGS 'DOD YON LAS LDOG PA'I SLONGS MOS 'TSO BA LA BRTEN PA'I SDUG BSNGAL DANG LEN, DGE BA'I PHYOGS LA MNGON PAR BRTZON PAS DUB PA LA BRTEN PA'I SDUG BSNGAL DANG LEN, GZHAN GYI SROG SKYOB PA SOGS SEMS CAN DON BYED LA BRTEN PA'I SDUG BSNGAL DANG LEN, TSONG SOGS SPANGS PA 'BRAL GYI BYA BA LA BRTEN PA'I SDUG BSNGAL RNAMS DNGOS SU DANG DU LEN ZHING MI NUS PA RNAMS KYANG DANG DU LEN PA LA YID KYI GOMS PA NAN TAN DU BYAS PAS, SPYOD 'JUG LAS, GOMS NA SLA BAR MI 'GYUR BA'I, ,DNGOS DE GANG YANG YOD MA YIN,, DE BAS GNOD PA CHUNG GOMS PA,, GNOD PA CHEN PO'ANG BZOD PAR BYA, ,ZHES RIM GYIS GOMS NA MTHAR

, ,GANG LA'ANG JI MI SNYAM PA'I BZOD PA'I PHAR PHYIN YONGS SU RDZOGS PAR 'GYUR BA LAGS SO,, ,,SMRAS PA, SKYE BAR BSAGS PA'I DGE TSOGS NAGS KYI KLUNG, ,KHONG KHRO'I ME PHUNG GCIG GIS RAB BSREGS NAS, ,MI DGE'I SDONG DUM SRID PA'I RTZER SLUNGS PA'I, ,MI BZOD DGRA 'DI SDUG BSNGAL KUN GYI GZHI, ,DBANG MED LAS NYON RI GZAR RTZE MO NAS, ,DKAR MIN 'BRAS BU THUR DU RGYUG PA'I RBAB, ,'KHOR BA'I GCONG RONG KHROD DU GNAS PA RNAMS, ,BCOm PA'I GSHIS LUGS 'DI LA SU ZHIG GSHUNG, ,KUN 'BYUNG DPUNG TSOGS BSHAMS PA'I GA-YUL NGO NA, ,BZOD PA'I GO CHA BTZAN PO LEGS BGOS TSE, ,RDEG RDUNG TSIG RTZUB MTSON GYIS 'BIGS MIN PA'I, ,MYANG 'DAS GNAS SU BGROD PAR BYED 'DI MTSAR, ,ZHES BYA BA NI BAR SKABS KYI TSIGS SU BCAD PA'O,, ,,BZHI PA BRTZON 'GRUS KYI PHAR PHYIN NI SPYOD 'JUG LAS, BRTZON GANG DGE LA SPRO BA'O,, ZHES DGE BA BSDU BA DANG SEMS CAN GYI DON BYA BA'I PHYIR DU SEMS MNGON PAR SPRO BA PHYIN CI MA LOG PA GONG NAS GONG DU YONGS SU RDZOGS PA MTHAR PHYIN PA DE BRTZON 'GRUS KYI PHA ROL TU PHYIN PA YIN LA, DE YANG MDO SDE RGYAN LAS, DGE BA'I TSOGS KYI NANG NA BRTZON 'GRUS MCHOG, 'DI LTAR DE LA BRTEN NAS DE RJES 'THOB, ,BRTZON 'GRUS KYIS NI MOD LA BDE GNAS MCHOG ,DNGOS GRUB 'JIG RTEN 'DAS DANG 'JIG RTEN GTOGS, ,BRTZON 'GRUS KYIS NI SRID SBYONG 'DOD PA 'THOB,, BRTZON 'GRUS KYIS NI DAG PA RAB 'GYUR LDAN, ,BRTZON 'GRUS KYIS NI 'JIG TSOGS 'DAS NAS 'GRO, BRTZON 'GRUS KYIS NI BYANG CHUB MCHOG 'TSANG RGYA, ,ZHES 'JIG RTEN DANG 'JIG RTEN LAS 'DAS PA'I PHAN BDE THAMS CAD KYI 'BYUNG GNAS NI BRTZON 'GRUS YIN PAS DE NYAMS SU LEN PAR BYED PA LA THOG MAR GO

CHA'I BRTZON 'GRUS LA, BSKAL PA CHEN PO STONG PHRAG RE LA ZHAG GCIG, DE SUM CU LA ZLA BA, DE BCU GNYIS LA LOR BYAS PA'I BSKAL BA CHEN PO GRANGS MED PA GSUM BYE BA PHRAG 'BUM 'GYUR GYI BAR DU SEMS CAN GCIG GI SDUG BSNGAL BSAL BA'I CHED DU DMYAL BA KHO NAR GNAS PA LA BRTEN NAS SANGS RGYAS SGRUB DGOS PA BYUNG YANG BRTZON 'GRUS MI GTONG NA DE LAS THUNG BA LTA CI SMAS SNYAM PA GO CHA'I BRTZON 'GRUS DANG, 'KHOR BA THOG MA MED PA NAS DA LTA YAN CHAD LA ZHAG GCIG TU BYAS PA'I RIM PA BZHIN ZLA BA DANG LOR BRTZIS NAS LO 'BUM SONG BA NA BYANG CHUB KYIS SEMS GCIG SKYE ZHING SANGS RGYAS GCIG MTHONG BA LTA BU GANGG'A'I KLUNG GI BYE MA SNYED KYI GRANGS DANG MNYAM PA NA SEMS CAN GCIG GI SEMS DANG SPYOD PA SHES SHING, DE 'DRA BA'I YUL SEMS CAN RE RE BZHIN NAS BYED DGOS PA BYUNG YANG DE DAG LA YUN RING BAR MI SEMS PAR SPRO BAR BYED PA NI GONG NA MED PA'I BRTZON 'GRUS SU BSHAD PAS RANG RE RNAMS KYIS SNGAR SBYIN PA'I SKABS KYANG THOG MAR ZAN KHAM GCIG LAS BRTZAMS NAS BSAM SBYOR GNYIS KAS SBYIN PA LA GOMS PAR BYAS PAS MTHAR LUS DANG MGO BO GTONG BA LA YANG ZHUM PA MED PAR BYUNG TSUL BZHIN 'DIR YANG THOG MAR BDAG GIS SNGA DRO 'DI'I YUN GYI BAR DGE BA'I BYA BA 'DI TZAM ZHIG BYED SNYAM DU BSAM PA DANG, BSAMS PA BZHIN DU SBYIN SOGS KYI DGE BA GANG YIN PA DE LA BRTZON 'GRUS CHEN POS 'BAD CING, RIM GYIS ZHAG GRANGS ZLA BA LO JI SRID 'TSO'I BAR LTA BU'I DAM BCA' DANG BCAS TE BRTZON 'GRUS BRTZAMS KYANG DE LA YUN RING BA DANG DKA' BA'I SNANG BA MI 'CHAR BA DANG SPRO BA CHER 'PHEL PAS SNGAR BSHAD PA'I GO CHA'I BRTZON 'GRUS DE DAG KYANG SGRUB NUS BA ZHIG 'ONG BA YIN LA, THUN DNGOS GZHI'I SKABS

, ,DKON MCHOG RJES SU DRAN PAS DUG GSUM GYI GNYEN PO BSTEN PA SOGS JI LTAR RIGS PA'I DPYAD 'JOG GI DMIGS PA THUN DE MA RDZOGS KYI BAR DU GZHAN GYIS BAR MA BCAD PAR BYED SNYAM PA'I 'PHEN PA BTANG ZHING, SNYOM LAS DANG DMAN PA'I BDE BA LA SRED PA BKAG NAS BRTZON 'GRUS CHEN POS BYAS PAS THUN SNGA MA RNAMS LA DKA' SE 'ONG YANG, RIM GYIS BSGOM PA NA DKA' BA MED CING SPRO BA CHER 'PHEL PA YIN GSUNG, DE YANG DA DUNG LONG YOD SNYAM PA'I PHYI BSHOL GYI LE LO ZHIG BLO LA THOL GYI SHAR BYUNG BA NA, SPYOD 'JUG LAS, SNYOM LAS BDE BA'I RO MYANG DANG, ,GNYID LA BRTEN PA'I SRED PA YIS, ,'KHOR BA'I SDUG BSNGAL MI SKYO LAS, ,LE LO NYE BAR SKYE BAR 'GYUR,, ZHES DGE BA LA ZHAG 'PHUL NYIN 'PHUL GYI PHYI BSHOL BYED PA'I LE LO'I RGYU GNYID RMUGS SOGS DMAN PA'I RO LA CHAGS PA LAS 'BYUNG BAR BSHAD PAS, LUS KYI SPYOD LAM RLUNG 'ONGS DANG GOS SRAB TU GTONG BA KHAMS GSENG BA YANG BYED CING DMIGS PA NI RGYAN GZHON MED PAR SHI BA MIG GIS MTHONG BA BZHiN BDAG KYANG MYUR DU 'CHI, SHI BA'I 'OG TU RTEN BZANG 'DI 'DRA RNYED PA DKA' SNYAM DU BSAM PAS SKOM 'THUNG BA'I LONG YANG MED PA LTA BU'I SHES BA TZAB LING NGE BA ZHIG MA SKYES PAR BSGOM, DA DUNG GNYEN PO MTHAR MA PHYIN PAS BRE MO'I GTAMS SOGS DMAN PA'I BDE BA LA SRED PA'I SNANG BA BYUNG BA NA, SPYOD 'JUG LAS, DGA' BA'I RGYU NI MTHA' YAS PA'I, ,DAM CHOS DGA' BA'I MCHOG SPANGS NAS, ,SDUG BSNGAL RGYU YI GA-YENG BA DANG, ,RGOD SOGS LA KHYOD CI PHYIR DGA', ,ZHES GNAS SKABS KYI BDE BA PHRA MO 'DI DAG LA RNAM PAR GA-YENGS PAS DAM PA'I CHOS KYI SGO 'GAGS TE BDAG NGAN SONG DU SKYE BA 'DUG SNYAM DU BSAM, ,DE BZHIN BSGOMS PAS

BDAG GIS THOB BYA SANGS RGYAS BCOM LDAN 'DAS 'DI NI SKYON KUN ZAD YON TAN KUN LDAN YIN PAS 'THOB PAR DKA' SNYAM PA'I BLO ZHUM PA ZHIG 'BYUNG BAS DE'I TSE 'DI SNYAM DU, SPYOD 'JUG LAS, BDAG GIS BYANG CHUB GA LA ZHES, ,SGYID LUG PAR NI MI BYA STE, ,'DI LTAR DE BZHIN GSHEGS PA NI, ,BDEN PA GSUNG BAS BDEN 'DI GSUNGS, ,SBRANG BU SHA SBRANG BUNG BA DANG, ,DE BZHIN SRIN BUR GANG GYUR PA, ,DES KYANG BRTZON PA'I STOBS BSKYED NA, ,BYANG CHUB 'THOB DKA' BLA MED 'THOB, ,BDAG LTA RIGS KYI MIR SKYES LA, PHAN DANG GNOD PA NGO SHES PAS, ,BYANG CHUB SPYOD PA MA BTANG NA, ,BDAG GIS BYANG CHUB CIS MI 'THOB, ,CES YON TAN KHYAD PAR CAN DANG LDAN PA'I BCOM LDAN 'DAS DES SEMS CAN THAMS CAD SANGS RGYAS 'THOB PAR GSUNGS NA BDAG CI'I PHYIR SANGS RGYAS THOB PAR MI 'GYUR SNYAM GZENGS BSTOD PA'I TSUL GYIS BSGOM, SANGS RGYAS THOB PAR 'GYUR SNYAM PA'I GZENGS BSTOD KYANG RKANG LA LAG LA SOGS PA'I LUS GTONG BA ZHIG MI NUS SO SNYAM NA, SBYOD 'JUG LAS, GSO DBYAD PHAL BA 'DI 'DRA BA, ,SMAN PA MCHOG GIS MDZAD DE, ,CHO GA SHIN TU 'JAM PO YIS, ,NAD CHEN DPAG MED GSO BAR MDZAD, ,TSOD MA LA SOGS SBYIN PA LA'ANG, ,'DREN PAS THOG MAR SBYOR BAR MDZAD, ,DE LA GOMS NAS PHYI NAS NI, ,RIM GYIS RANG GI SHA YANG GTONG, ,GANG TSE RANG GI LUS LA NI, ,TSOD SOGS LTA BU'I BLO SKYES PA, ,DE TSE SHA LA SOGS GTONG BA, ,DE LA DKA' BA CI ZHIG YOD, ,CES MGO DANG MIG LA SOGS PA GTONG BA LA TSOD MA'I TSA BA 'DREN PA TZAM GYI BLO SKYE BA'I TSE GTONG BA YIN PAS DKA' BA MI 'DUG SNYAM PA'I SPRO BA CHEN PO BSAM, DE LTAR RGYAL SRAS KYI SPYOD PA LA SLOB PA'I TSE 'KHOR BAR SKYE BA LEN PA MI BZOD DO SNYAM NA, SPYOD 'JUG LAS, SDIG PA

, ,SPANGS PHYIR SDUG BSNGAL MED, ,MKHAS PA'I PHYIR NA MI DGA' MED, ,'DI LTAR LOG PAR RTOG PA DANG, ,SDIG PAS SEMS DANG LUS LA GNOD, ,BSOD NAMS KYIS NI LUS BDE LA, ,MKHAS PA YIS NI SEMS BDE NA; ;GZHAN DON 'KHOR BAR GNAS KYANG NI, ,SNYING RJE CAN DAG CI STE SKYO, ,ZHES BYANG SEMS KYIS SDIG PA SPANGS PAS RGYU MED PA'I PHYIR NA 'BRAS BU SDUG BSNGAL MI 'BYUNG NGO SNYAM DU BSGOM, DGE BA CHOS SDUD NI DKON MCHOG MCHOD PA SOGS LA BRTZON PA DANG, SEMS CAN DON BYED NI GZHAN GYI NOR RKUN POS MI 'KHYER BA'I THABS STON PA LA BRTZON PA SOGS TSUL KHRIMS KYI SKABS LTAR LA MI 'DRA BA'I KHYAD PAR SKABS THOB PHYE STE DMIGS PA BSKYANG NGO, ,BSHAD MA THAG PA'I YON TAN DE DAG KYANG SNA RE TZAM SKYES PA LA CHOG MI SHE PAR RGYAL SRAS KYI SBYOD PA LA BSLAB PA DANG MA BSLABS PA'I PHAN YON DANG NYES DMIGS DRAN PA'I SGO NAS MOS PA'I STOBS BRTZON 'GRUS RTZON PA LA PHYIR MI LDOG PA BRTAN PA'I STOBS, ,SPRO BA CHEN PO DANG BCAS TE 'PHRO MI GCOD PA DGA' BA'I STOBS, ,DUB NA NGAL GSO BA'I GNAD SHES PA DOR BA'I STOBS RNAMS KYI SGO NAS, SBYOD 'JUG LAS, 'THAB RNYING DGRA DANG LHAN CIG TU, ,GA-YUNG NGOR RAL KHA LHAGS BA BZHIN, ,NYON MONGS MTSON LAS GZUR BYA ZHING, ,NYON MONGS DGRA RNAMS 'JEBS PAR BTAB, ,CES DGRA 'THAB LA MKHAS PAS PHAR DGRA LA MTSON BSNUN PA DANG TSUR BRDEG PA LA ZON BYED PA LTAR, 'DIR YANG NYON MONGS PA MNGON GYUR 'JOMS PA DANG, BAG LA NYAL GYI NYON MONGS PAS TSUR SEMS LA RMA PHYUNG BA LA ZON BYED PA GNYIS KA'I TSUL GYIS BRTZON 'GRUS BSKYED CING NYAMS SU LEN 'TSAL LO,, ,,SMRAS PA, GTI MUG GNYID

DANG RMUGS SOGS BDE BA'I RO, ,DON MED RNAM PAR GA-YENG BA'I RGOD BAG LA, JI TZAM SPYAD KYANG NGOMS PA MED PA 'DI, ,SKOM PAS BA TSVA'I CHU LAS 'THUNG BA BZHIN, ,ZHE SDANG DBANG GIS STOBS LDAN DGRA BO LA, ,MI NUS BZHIN DU GZENGS BSTOD MTHO BTZAMS NA, ,NGES PAR SGRUB NUS SANGS RGYAS GO 'PHANG LA, ,ZHUM PAR BYED PA'I BLO NGAN 'DI KO NOR, ,LONG MED TSE 'DI'I SNANG TSUL SHES BZHIN DU, ,GTAN GYI BDE BSGRUB PA'I DAM CHOS LA, ,ZHAG 'PHUL NYIN 'PHUL MED PAR BRTZON PA'I LCAG ,BRABS NA THAR PA'I GLING DER BGROD PAR NGES, ,ZHES BYA BA NI BAR SKABS KYI TSIGS SU BCAD PA'O,, ,,LNGA PA BSAM GTAN GYI PHAR PHYIN NI SBYOD 'JUG LAS, DE LTAR BRTZON 'GRUS BSKYED NAS NI, ,YID NI TING NGE 'DZIN LA BZHAG, CES SEMS DMIGS BA LAS GZHAN DU MI GA-YENG BAR GNAS PAS SEMS RTZE GCIG PA LA SGOM PA MTHAR PHYIN PA NA BSAM GTAN GYI PHA ROL TU PHYIN PAR 'GYUR LA, DE YANG LAM RIM CHE CHUNG SOGS GONG MA RNAMS KYI GSUNG RAB TU BSAM GTAN DANG SHES RAB KYI SKOR LA MDOR BSTAN RGYAS BSHAD KYI TSUL DU ZHI LHAG GNYIS LOGS SU MDZAD NA'ANG, DNGOS DON GCIG GI NYAMS LEN SNYING POR BSGRIL BA'I TSE ZHI GNAS KYI DMIGS PAS BCAD LNGA PA DANG, LHAG MTHONG GI DMIGS PA SA BCAD DRUG PAR MDZAD NAS 'JUG TU BSDU BA'I DNGOS PO BZHIS DON BSDU BA LAGS PAS DE LTAR NA BSAM GTAN NAM TING NGE 'DZIN GYI NYAMS LEN ZHI GNAS BSGOM PA LA, DGONGS 'GREL LAS, SKYE BA PO YIS LHAG MTHONG DANG, ,ZHI GNAS BSGOM PAR BYAS NA NI, ,GNAS NGAN LEN GYI 'CHING PA DANG, ,MTSAN MA'I 'CHING LAS RNAM GROL 'GYUR, ,ZHES GNAS NGAN LEN GYI 'CHING BA MYONG BA SA BON DANG BCAS PA RTZA BA NAS DRUNGS PHYUNG BA SHES RAB

, ,DANG, MTSAN MA'I 'CHING BA MYONG BA MNGON GYUR MGO GNON PA BSAM GTAN YIN PAS DE GNYIS LA ZHI LHAG GI MING DU BTAGS TE THEG PA GSUM GYI TING NGE 'DZIN MING GI 'DOGS PHYOGS RNAM GRANGS MANG BA MTHA' DAG DON ZHI LHAG GNYIS SU MA 'DUS PA MED CING, ZHI GNAS NI DMIGS PA GCIG LA DRAN SHES RGYUN CHAGS SU GTAD PAS SEMS DMIGS PA LA NGANG GIS GNAS TE LUS SEMS SHIN SBYANGS KYI DGA' BDE SKYES PA NA TING NGE 'DZIN KHYAD PAR CAN DU 'GYUR BA'I PHYIR NA SHES RAB KYIS MTSAN 'DZIN GYI 'CHING BA GCOD PAR BYED PA LA YANG ZLA BA SGRON ME'I MDO LAS, ZHI GNAS STOBS KYIS GA-YO BA MED PAR 'GYUR, ,LHAG MTHONG GIS NI RI DANG 'DRA BAR 'GYUR, ,ZHES DPER NA CHU'I BYA BA BYED PA LA CHU DE SDOD PA'I SNOD GCIG DGOS PA BZHIN DU DMIGS PA LA 'JUG PAR 'JUG MKHAN GYI SEMS MI GA-YO BA DGOS PAS GNAS LUGS KYI DON RI MO SNA TSOGS KYI BKOD PA MA 'DRES PAR SO SOR MTHONG BAR BYED PA LA MA RIG PA'I MUN PAS BSGRIBS NA SHES RAB KYI MAR ME SPAR TE BLTA DGOS PAR RNAM GA-YENG GI RLUNG GIS BSKYOD DE MI GSAL BAS NA DE NYID SGO DGAG PA'I TING NGE 'DZIN NI MED DU MI RUNG BA STE, ZHI GNAS LA BRTEN NAS GZHAN DU MI GA-YEL BA MA BYUNG NA GNAS LUGS KYI DON DU MA ZAD LAS 'BRAS BYAMS SNYING RJE BZLAS BRJOD SOGS DGE BA GZHAN RNAMS KYANG 'BRAS BU CHUNG BA'I PHYIR, SPYOD 'JUG LAS, SEMS NI RNAM PAR GA-YENGS PA'I MI, ,NYON MONGS MCHE BA'I PHRAG NA GNAS, ,ZHES DANG, BZLAS BRJOD DANG NI DKA' THUB KUN, ,YUN RING DUS SU SPYAD BYAS KYANG, ,SEMS GZHAN GA-YENG BAS BYAS PA NI, ,DE NYID RIG PAS DON MED GSUNGS, ,ZHES PA LTAR RO, ,DE YANG ZHI BA LHAS, ZHI GNAS RAB TU LDAN PA'I LHAG MTHONG GIS, ,NYON MONGS

RNAM PAR 'JOMS PAR SHES BYAS TE, ,THOG MAR ZHI GNAS BTZAL BYA, ZHES BDAG 'DZIN GYI RTZA BA CHOD PAR BYED PA LA BDAG MED RTOGS PA'I SHES RAB SGOM DGOS, ,DE'I SNGON DU ZHI GNAS SGOM PA LA, MDO SDE RGYAN LAS, BLO LDAN GANG DU BSGRUB PA'I YUL, ,LEGS PAR RNYED DANG GNAS BZANG DANG, ,SA BZANG BA DANG GROGS BZANG DANG, ,RNAL 'BYOR BDE BA'I YO BYAD LDAN, ,ZHES ZAS GOS SOGS CHOS SGRUB PA'I MTHUN RKYEN RNYED SLA ZHING, GCAN GZAN DANG CHOM RKUN DGRA GDON GYI 'TSE BA MED PA, NAD MI BSKYED PA'I SA BZANG BA, ,CHOS LDAN GYI GROGS DANG LDAN PA, DON MED KYI GA-YENG BA'I 'DU 'DZI MTHA' DAG GIS DPEN PA NI CHOS 'DI NYAMS SU LEN PA'I GNAS KYI KHYAD PAR YIN LA, GNAS DE DANG LDAN YANG GANG ZAG RANG NGOS NAS RNAM GA-YENG GI RGYU BSGRUBS NA THABS SHES YA BRAL DU 'GRO BAS ZAS GOS BZANG PO DANG MANG BA LA DGA' BA SPANGS TE 'DOD PA CHUNG BA, ZAS BSOD SNYOMS DANG GOS PHYAG DAR KHROD PAS CHOG SHES PA, TSONG KHE SPOGS SMAN DPYAD DANG SKAR RTZIS SOGS BYA BA MANG PO LA MI 'JUG CING TSUL KHRIMS DAG PA, 'DOD PA'I NYES DMIGS DANG MI RTAG PA'I NGANG TSUL LEGS PAR BSAM PA'I CHOS DRUG LA BRTEN NAS NYAMS SU BLANG BAR BYA BA YIN NO, ,DE'I TSUL LA, DMIGS PA GTAD PAR BYA BA'I YUL DE BZHIN GSHEGS PAS RNAL 'BYOR BA'I DMIGS PA BZHI GSUNGS PA'I 'DOD CHAGS KYI GNYEN POR MI SDUG PA DANG, ZHE SDANG GI GNYEN POR BYAMS PA DANG, GTI MUG GI GNYEN POR RTEN 'BREL DANG, 'BYUNG BA LNGA DANG RNAM SHES KYI CHA RNAMS SO SOR DMIGS PA DANG, DBUGS PHYI NANG DU 'GRO BA BGRANG BA LTA BU RNAMS SPYAD PA RNAM SBYONG GI DMIGS PA, GZUGS LA SOGS PA'I PHUNG PO LNGA DANG MIG LA SOGS PA'I KHAMS BCO BRGYAD DANG, SKYE MCHED BCU GNYIS

, ,DANG, RTEN 'BREL YAN LAG BCU GNYIS DANG, DGE MI DGE'I LAS 'BRAS KYI RGYU RKYEN LA DMIGS PA LTA BU RNAMS MKHAS PA'I DMIGS PA, 'DOD PA'I SA NAS CI YANG MED PA'I SKYE MCHED KYI BAR GYI GONG MA LA ZHI BA DANG 'OG MA LA RAGS PA'I ZHI RAGS KYI RNAM PA CAN DU BLTA BA LTA BU NYON MONGS RNAM SBYONG GI DMIGS PA, KHYAB PA'I DMIGS PA DE THAMS CAD KYI KHONGS SU 'DU BA YIN LA, DE YANG, NAM GRUS ZHUS PA NYAN SAR DRANGS PA LAS, NAM GRU GAL TE DGE SLONG RNAL 'BYOR PA RNAL 'BYOR SPYOD PA DE 'DOD CHAGS SPYOD PA KHO NA ZHIG YIN NA NI DMIGS PA MI SDUG PA LA SEMS NYE BAR GTOD PAR BYED DO, ,ZHE SDANG SPYOD PA ZHIG YIN NA NI BYAMS PA LA'O, ,GTI MUG SPYOD PA ZHIG YIN NA NI RKYEN 'DI NYID RTEN CING 'BREL BAR 'BYUNG BA LA'O, ,NGA RGYAL SPYOD PA ZHIG YIN NA NI KHAMS KYI RAB TU DBYE BA LA SEMS NYE BAR GTOD PAR BYED DE, ZHES SKYE BA SNGON MA NAS CHAGS SOGS NYON MONGS PA LA SHAS CHER GOMS PAS YUL CHUNG DU LA YANG DUG GSUM CHE ZHING YUN RING DU SKYE BA RNAMS KYI GNYEN POR 'DOD CHAGS SOGS NYON MONGS BA GANG SHAS CHE BA DE NYID 'JOMS PAR BYED DGOS PA YIN ZHING, TSE SNGON MA NAS GOMS 'DRIS CHUNG BA DANG, TSE 'DIR NYON MONGS CHA MNYAM DU SPYOD PA RNAMS LA RANG NYID GANG 'DOD PA'I DMIGS PA ZHIG LAS DMIGS KYIS BKAR MI DGOS PA, DPER NA RLUNG NAD DANG MA 'DRES PA'I TSAD PAS NA BAR TSA BA'I BCOS KHO NAS CHOG LA TSAD RLUNG 'DRES MA YIN NA TSA BA'I SMAN STENG DU RLUNG GI SMAN GYI KHA TSAR BSNAN DGOS PA BZHIN NO, ,LA LA DAG MDO LAS TING NGE 'DZIN GYI DMIGS PA BZHIR GSUNGS PAS NA DMIGS PA DE DAG THAMS CAD SGOM DGOS SA SNYAM PA'I LOG RTOG SKYE SRID MOD, DE LTAR BYAS NA

SEMS GNAS PA'I GROGS SU MI 'GYUR BAR MA ZAD GA-YENG BA'I RGYU BYED PAS DPAL LDAN DPA' BOS, DMIGS PA GCIG LA BRTAN TSUL DU, ,YID KYI BSAM PA BRTAN PAR BYA, ,DMIGS PA MANG PO BRGYUD PA LAS, ,YID NI NYON MONGS 'KHRUG PAR 'GYUR, ,ZHES GSUNGS PA LTAR YIN PAS GNAD DU 'GRO BA'I DMIGS PA SLOB DPON BYANG CHUB BZANG POS, LUS KHA tV'Am GAR SGOM PA DANG LUS LA BRTEN PA'I THIG LE LA DMIGS PA LTA BU KHA NANG BLTAS KYI ZHI GNAS DANG, SKU DANG GSUNG LA DMIGS PA KHA PHYIR BLTAS KYI ZHI GNAS ZHES GSUNGS PA'I PHYAG LEN PHYI MA NYID GTZO CHE BAR GNANG MOD, SKU GZUGS MDUN DU BZHAG PA LA MIG GIS BLTAS PA'I HAR SGOM BYED PAR MI RIGS PAR SLOB DPON YE SHES SDES BKAG PA'I SHUGS LA, RTEN CAN RDE'U SHING BU ZHES SOGS SGOM CHEN PA MTHA' DAG GI NGAG LAS RLUNG LTAR GRAGS PA KUN SHUGS KYIS KHEGS 'GRO BAS, LUGS 'DI LA TING NGE 'DZIN YID SHES LA SGRUB PA NYID THOG MA NAS BYED DGOS MOD, DE YANG NYES PA LNGA SPONG BA'I 'DU BYED BRGYAD KYI SGO NAS ZHI GNAS SGRUB PAR GONG MA MTHA' DAG BZHED CING, LAM RIM CHE CHUNG RNAMS SU RGYAS PAR GSUNGS PAS, DBUS MTHA' LAS, DER GNAS LAS SU RUNG BA NYID, ,DON RNAMS THAMS CAD 'BYOR PAR 'GYUR, ,NYES PA LNGA SPONG 'DU BYED BRGYAD, ,BSTEN PA'I RGYU LAS BYUNG BA'O, ,LE LO DANG NI GDAMS NGAG RNAMS, ,BRJED DANG BYING DANG RGOD PA DANG, ,'DU MI BYED DANG 'DU BYED DE, ,'DI DAG NYES PA LNGAR 'DOD DO, ,ZHES ZHI GNAS SGOM PA LA MI SPRO ZHING DE'I MI MTHUN PHYOGS LA DGA' PA NI LE LO, GANG DMIGS PAR BYA BA'I YUL MI GSAL PAR DMIGS PA STOR BA NI BRJED PA, DMIGS PA MA BRJED KYANG BYING RGOD GANG RUNG GI DBANG DU SHOR BA, DE'I DBANG DU SHOR BA NGOS ZIN KYANG

, ,DE SPONG BA'I GNYEN PO 'DU MI BYED PA, BYING RGOD DANG BRAL BA'I TSE DMIGS PA GNAD DU MI BSNUN PAR BYING RGOD KYI GNYEN PO HA CANG 'DU BYED PA STE NYES PA LNGA PO 'DI BCAR GYIS NGOS ZIN PA BYAS NAS DE'I GNYEN PO NI DBUS MTHA' LAS, GNAS DANG DE LA GNAS PA DANG, ,RGYU DANG 'BRAS BU NYID DU'O, ,DMIGS PA BRJED PAR MA GYUR DANG, ,BYING DANG RGOD PA RTOGS PA DANG, ,DE SPONG MNGON PAR 'DU BYED DANG, ,ZHI TSE RNAL DU 'JUG PA'O, ,ZHES PA TING NGE 'DZIN LA BRTZON 'GRUS RGYUN LDAN DU RTZOM NUS PA NI GNAS PA PO YIN LA DE GANG LA GNAS NA, TING NGE 'DZIN LA DON GNYER GYI 'DUN PA LAS BYUNG ZHING GNAS, 'DUN PA DE TING NGE 'DZIN GYI YON TAN MTHONG BAS YID PHROGS PA'I DAD PA LAS BYUNG, BRTZON 'GRUS BRTZAMS PA'I 'BRAS BU SHIN SBYANGS BZHIS NI LE LO 'JOMS PAR BYED, BRJED PA'I GNYEN PO NI KUN LAS BRTUS LAS, DRAN PA GANG ZHE NA, 'DRIS PA'I DNGOS PO LA SEMS KYI BRJED PA MED PA STE RNAM PAR MI GA-YENG PA'I LAS CAN NO, ,ZHES SNGAR NAS YANG YANG 'DRIS PAR BYAS PA'I DMIGS PA'I YUL GANG YIN PA DE MA DOR BAR THU RE DRAN PA NI MA BRJED PA YIN LA, DMIGS PA DE LAS SEMS GZHAN DU MI 'PHRO BA'I KHYAD CHOS GSUM LDAN GYI DRAN PAS NI BRJED PA 'JOMS PAR BYED DO, ,BYING RGOD KYI GNYEN PO NI DBU MA SNYING PO LAS, YID KYI GLANG PO LOG 'GRO BA, ,DMIGS PA'I KA BA BRTAN PO LA, ,DRAN PA'I THAG PAS NGES BCINGS NAS, ,SHES RAB LCAGS KYUS RIM DBANG BYA, ,ZHES DRAN PAS SEMS DMIGS PA LA GNAS PA DE BYING RGOD KYI DBANG DU SONG NA GLANG PO CHE MDUL BA LCAGS KYUS 'DUL BA BZHIN SHES BZHIN GYIS BYING RGOD KYI BYAR BYAS NAS DE'I DBANG DU MI GTONG BA SPYOD 'JUG LAS, LUS DANG SEMS KYI GNAS

SKABS LA, ,YANG DANG YANG DU BRTAG BYA BA, ,DE DE KHO NA MDOR NA NI, ,SHES BZHIN BSRUNG BA'I MTSAN NYID DO, ,ZHES SEMS BZUNG STE DMIGS PA'I RGYUN BSKYANGS PAS BYING BA DANG RGOD PA SEL, DE LTA BU'I BYING RGOD SEL BA LA, DA LTA BYING RGOD CES SGOM CHEN KUN GYI NGAG LAS RLUNG LTAR GRAGS NA'ANG, PHAL CHER NI MING TZAM LAS NGOS 'DZIN RGYU MED CING, NGOS ZIN PA'I LUGS SU BYAS PA RNAMS BYING RMUGS KYI DBYE BA MA BYED PAR GCIG TU BYAS TE BYING BA MTHA' DAG TING NGE 'DZIN RNAL MAR NGOS BZUNG NAS RI SUL DU MI TSE STONG PAR 'DZAD PA CHES MANG NGO, ,JI LTAR NA, ,KUN LAS BTUS LAS, RGOD PA GANG ZHE NA, SDUG PA'I MTSAN MA'I RJES SU 'JUG PA'I 'DOD CHAGS KYI CHAR GTOGS PA'I SEMS RNAMS PAR MA ZHI BA STE ZHI GNAS KYI BAR DU GCOD PA'I LAS CAN NO, ,ZHES YUL YID DU 'ONG BA LA 'DOD CHAGS KYIS SEMS MA ZHI BA ZHIG LA BSHAD PAS ZHE SDANG BA'I DBANG GIS DGRA LA RNAM RTOG 'PHRO BA RNAMS NI RGOD PA MA YIN YANG, ZHI GNAS LA BAR DU GCOD PA'I SEMS GZHAN DU 'PHRO BA'I RNAM RTOG MTHA' DAG ZHI GNAS KYI GEGS SU BYAS TE DGAG DGOS SO, ,DE BZHIN DU SGOM RIM PAR PA LAS, GANG GI TSE DMUS LONG LTA BU'AM MI MUN PAR ZHUGS PA LTA BU'AM, MIG BTZUMS PA LTA BUR SEMS KYIS DMIGS PA GSAL BAR MI MTHONG BA DE'I TSE BYING BAR GYUR PAR RIG PAR BYA'O, ,ZHES DMIGS PA GANG LA GTAD PA DE LA DVANGS CHA TZAM YOD KYANG DMIGS PA'I 'DZIN STANGS KYI NGAR CHAD MA SBRANG NGE BA MED NA MI GSAL ZHING 'DZIN STANGS DMA' RU SONG BA'I SHES PA ZHIG LA BYING BAR NGOS 'DZIN, RMUGS PA NI GTI MUG GI CHA SHAS LUS SEMS LCI ZHING LAS SU MI RUNG BA'I RNAM PA CAN GYI SHES PA SGRIB LUNG MA BSTAN NAM MI DGE BA ZHIG YIN PAS RMUGS PA LA DGE BA MED LA BYING BA LA DGE

, ,BA YANG YOD DE, BYING RGOD BYUNG TSE SPONG BA'I GNYEN PO 'DU MI BYED PA'I LDOG PHYOGS SU KUN LAS BTUS LAS, SEMS PA GANG ZHE NA, SEMS MNGON PAR 'DU BYED PA YID KYI LAS TE DGE BA DANG MI DGE BA DANG LUNG DU MA BSTAN PA RNAMS LA SEMS 'JUG PAR BYED PA'I LAS CAN NO, ,ZHES SEMS DGE MI DGE LUNG MA BSTAN GANG RUNG LA SKUL BA'I SEMS BYUNG DE SEMS PA YIN PAS SKABS 'DIR SHES BZHIN GYIS BYING RGOD NGOS ZIN NA DBU MA SNYING PO LAS, ZHUM PA DMIGS PA RGYA CHEN DAG, BSGOMS PAS YANGS PA NYID DU BYA, ,ZHES SEMS NANG DU BSDUS DRAGS PA'I SKYON YIN PAS NA DMIGS PA CUNG ZAD SPROS PAS BZLOG ,DES KYANG MA SEL BAR BYING BA SHUGS CHER SONG NA RE ZHIG DMIGS PA GLOD NAS DKON MCHOG GSUM DANG GTONG BA CHUL KHRIMS LHA RJES SU DRAN PA DRUG DANG, DAL 'BYOR THOB PA'I PHAN YON SOGS BSAM PA, SPYOD LAM 'CHAG PA, SNANG BA'I MTSAN MA YID PA BYED PA, GDONG CHUS 'KHRU BA, BSIL SAR GNAS PA SOGS KYIS GO NAS BZLOG PA DANG, DBU MA SNYING PO LAS, RGOD PA MI RTAG LA SOGS PA, ,YID LA BYED PAS ZHI BAR BYA, ,ZHES 'DOD CHAGS KYI YUL LA RGOD PA NA MI RTAG PA DANG SDUG BSNGAL SOGS SKYO SHAS DRAG PO BSGOMS PAS BZLOG PA YIN NO, ,DES MTSON PA'I ZHE SDANG SOGS RTOG PA SNA TSOGS GANG 'PHRO BA DE GA'I GNYEN PO SGOM PA GNAD DU CHE, MDOR NA DBANG PO'I SGO MI SRUNG BA, ZAS KYI TSOD MI RIG PA, NAM GYI CHA STONG CHA SMAD LA NYAL BA, GNYID RMUGS DANG 'DOD PA'I YUL HA CANG BSTEN DRAGS PA SOGS THUN MONG GI RGYU RNAMS KYANG SPANG BA'O, ,BYING RGOD KYI GNYEN PO HA CANG 'DU BYED PA SEL BA NI, SGOM RIM PHYI MA GNYIS LAS, GAL TE SEMS MNYAM

PAR ZHUGS PA LA BRTZOL PA BYAS NA DE'I TSE SEMS RNAM PAR GA-YENG BAR 'GYUR RO, ,ZHES SEMS GNAS BRGYAD PA'I MTHAR BYING BA DANG RGOD PA GANG RUNG GI DBANG DU MI 'GRO BA'I SEMS MNYAM PA'I DUS YIN PAS DE'I TSE SEMS GZENGS BSTOD PA DANG NANG DU 'GUGS PA SOGS BYING RGOD KYI ZON CHEN PO 'DU BYED PA'I RTZOL BA CHES NA TING NGE 'DZIN GYI SKYON YIN PAS GLOD SHES PA'I 'DU BYED BTANG SNYOMS BYED PA NI BYING RGOD KYI GNYEN PO BSTEN DRAGS PA DE'I GNYEN PO YIN LA, GLOD ZER BA'I MING TZAM RNA BAR THOS PAS GLOD RAB LA SGOM RAB CES SMRA MOD, DE NI BYING BA'I DBANG DU SONG BA'I SEMS KYI DVANGS CHA TZAM LA SGOM RNAL MAR NGOS BZUNG BA'I RANG MA TSANG STE, SKABS 'DIR GLOD SHES PA NI RTZOL BA GLOD PA YIN GYI, 'DZIN STANGS KYI NGAR GTONG BA NI MIN ZHING, DUS KYANG SGOM CHEN PHAL CHER NYAMS MYONG CUNG ZAD SKYES PA NA GLOD LA, RANG RE'I LUGS BYING RGOD KYI DPAL GZHOM PA ZHES SEMS GNAS DGU PA'I DUS YIN PAS MI 'DRA'O, ,DE LTAR NYES PA LNGA DANG, DE'I GNYEN PO SPONG BA'I 'DU BYED BRGYAD KYIS NYAMS SU LEN TSUL RNAMS NYAMS 'OG TU LEGS PAR CHUD PAR BYAS NAS NYAMS SU LEN DGOS PAS, LEN TSUL BSHAD MA THAG PA'I TSIG RIS DE 'DRA ZHIG BLO LA BYANG BAR BYAS PAS CHO GA GI SNYAM NA, DON DE DAG THOS PAR BYAS PA'I SGO NAS NYAMS LEN SEMS THOG TU 'DRIL MA SHES NA KHA PHYIR BLTAS KYI BSHAD YAM GYIS CHOS DANG GANG ZAG SO SOR SONG BA MANG ZHING, BLUN PO LA MAN NGAG GI SNYING PO ZHIG GIS CHO GA MOD SNGAR BSHAD PA'I GZHUNG CHEN PO NAS BSHAD PA DE DAG NGAL BTZAM GYI 'BRAS BUR ZAD DO SNYAM DU SEMS PA NI, DPER NA YUL THAG RING PO ZHIG TU 'GRO NA 'GRO BA'I LAM GYI GNAS TSUL MTHA' DAG RANG STOBS SAM GZHAN LA BRTEN PA GANG RUNG GIS RGYUS

, ,YOD PA ZHIG NGES PAR DGOS KYI, THAM THOM DU PHYIN PAS DON MI 'GRUB PA LTAR, SGOM GYI SKYON SEL BOGS 'DON GYI GNAD MI SHES PAR LUS GNAD BSRANGS PA DANG MIG BTZUMS NAS SDOD PA'I SNYING RUS LA GRUB PA'I DBANG PHYUG CHEN POR RE BA MTHA' DAG SDOM GSUM DU, BLUN POS PHYAGS RGYA CHE BSGOMS PA, ,PHAL CHER DUD 'GRO'I RGYU RU GSUNGS, ,ZHES PA'I DON THOG TU BAB PAR SNANG MOD, ,DENG DUS NI RANG GZHAN KUN LA NGANG TSUL 'DI DAG GIS DBYAR GYI SRIN BU'I GRANGS BZHIN KHYAB CING 'PHEL BA'I PHYIR THAMS CAD MKHYEN PA BUS, BDAG GIS CHOS MIN SMRA NA CHOS DANG 'GAL, ,CHOS BZHIN SMRAS NA BOD RNAMS DGRA RU LDANG, ,ZHES SGROS GLENG MANG BA RANG NYID BYA ROG LUS DKAR SGRUB PAR ZAD DO; ;SNGAR BSHAD PA DE DAG NGES PAR BYAS NAS DMIGS PA GCIG LA SGRIL TSUL, LAM SGRON LAS, DMIGS PA GANG RUNG GCIG DAG LA, ,YID Ni DGE LA BZHAG PAR BYA, ,ZHES SKABS SU BAB CING RANG NYID DMIGS PA GCIG LA GTOD PA'I YUL NI SPYIR BTANG LA SKU GZUGS LTA BU 'OS SHING, DE'I NANG NAS, TING 'DZIN RGYAL PO LAS, GSER GYI KHA DOG LTA BU'I SKU LUS KYI, ,'JIG RTEN MGON PO KUN TU MDZES PA STE, ,DMIGS PA DE LA GANG GI SEMS 'JUG PA, ,BYANG CHUB SEMS DPA' DE MNYAM GZHAG CES BYA, ,ZHES DE BZHIN GSHEGS PA'I SKU GZUGS LA DMIGS PAS ZHAR BYUNG DU SANGS RGYAS RJES DRAN GYI BSOD NAMS RGYA CHER GSOG PA, DPER NA ZUR RDO GCIG GIS RTZIG PA GNYIS KYI GO CHOD PA DANG, MI GCIG GIS TSONG LTA BU'I DON GCOD PA'I ZHOR LA BREL BA GZHAN CHOD 'GRO BA DANG MTSUNGS PAS, THOG MAR SKU GZUGS BRIS 'BUR SOGS LA BLTA BA DANG BSAM PA MANG DU BYAS PAS GTZUG TOR ZHAL KHYIM SPYAN PHYAG ZHABS NA BZA' SOGS KYI

DBYIBS DANG, SPYAN GYI DKAR NAG GIS MTHA' RTEN PA TSUN GYI KHA DOG KYANG MA 'DRES PA SO SOR BSAM, BZHUGS PA LA BZHENGS PA'I RNAM PA DANG SNGON PO LA DKAR POR 'CHAR BA LTA BU LDOG PHYOGS SNA TSOGS KYI RJES SU MI 'BRANG ZHING, THOG MA NYID NAS SANGS RGYAS DNGOS KYI RNAM PA DANG SPYAN GYI DKAR NAG TSUN MA 'DRES PAR MI 'BYUNG YANG, DANG PO SKU GZUGS MTHONG BA'I DBYIBS DANG SKU'I RNAM PA RAGS PA TZAM 'CHAR BA LA RGYUN BSKYANGS NAS BSGOMS PAS MTHAR JI LTAR BSHAD PA LTAR 'BYUNG GI, NYAMS LEN BYAS TZAM NAS JI LTA BA 'BYUNG DU RE BA'I SHA THANG THANG BYAS NA SGOM GYI GEGS SU 'GRO BAS MTSAMS ZIN PAR BYAS TE, STAN 'JAM ZHING BDE BA LA RKANG PA SKYIL KRUNG NGAM PHYED SKYIL, MIG 'BYED 'DZUM RAN PAR SNA RTZER PHAB, LUS DRANG POR BSRANGS, LAG PA MNYAM GZHAG MGO THAD KAR SNA RTZE DANG LTE BA DRANG POR BYAS, SO DANG MCHU RANG BABS, LCE RTZE RKAN LA REG PA, DBUGS DAL BUS RGYU BA STE LUS KYI SPYOD LAM BRGYAD DANG LDAN PA'I SGO NAS RLUNG GI 'GRO 'ONG NYER GCIG BGRANG BA SOGS BYA BA NI PHYI ROL TU GA-YENG BA BZLOG PA'I THABS YIN GSUNG, DE NAS TING NGE 'DZIN GYI YON TAN LA DAD PAS DRANGS PA'I 'DUN PA SHUGS DRAG PO'I SGO NAS DGE SBYOR LA SPRO SING NGE BA'I BRTZON 'GRUS DANG BCAS TE SPAR GOMS 'DRIS SU BYAS PA'I SANGS RGYAS KYI SKU GZUGS DE NYID SANGS RGYAS DNGOS KYI RNAM PAR SMIN MTSAMS KYI THAD KYI NAM MKHAR CHE CHUNG BLO DANG 'TSAM PA ZHIG GSAL BTAB, DMIGS YUL DE NYID MA BRJED PAR DRAN PA'I SEMS DMIGS PA LA THU RER GNAS PA'I GSAL CHA'I NGAR DANG LDAN ZHING, GZHAN DU MI 'PHOR BA'I GNAS CHA BRTAN PO GNYIS ZUNG LDAN GYI SGO NAS STONG DU SHAGS PA SOGS KYI SKYON MI 'BYUNG TZAM GYI NGOS BSGRIMS TE BSGOM, DE LA CUNG

, ,ZAD GNAS BSNYAM BYED PA NA DMIGS PA DRAN PAS MA BRJED PA'I MU NAS SHES BZHIN GYIS BYAR BYAS PAS DMIGS PA'I GSAL CHA DANG 'DZIN STANGS KYI NGAR CHA'I SHUGS DAM SBRING SBRING BA DE CUNG ZAD ZHAN DU SONG BA MTHONG TSE BYING BA PHRA MO BYUNG SNYAM STE BKAG, GSAL CHA'I NGAR CHA HAD KYI SHOR NAS DVANGS CHA TZAM LAS MI 'DUG NA BYING PA RAGS PAR NGO SHES PAR BYED, ,'DOD PA'I YUL YID DU 'ONG BA'I RNAM PA 'CHAR LA KHAD BYUNG BA NA RGOD PA PHRA MO DANG 'DOD CHAGS KYI RNAM PA HAD KYI SKYES PA RGOD PA RAGS BAR RTOGS NAS DE DAG GI GNYEN PO'I SGO NAS BYING RGOD BCAD DE RTZA BA'I DMIGS PA'I STENG DU SAL LE HRIG GER THUN TSAD CHU TSOD GCIG GI RING 'JOG GANG THUB BYED DGOS KYANG BSGRIMS DRAGS NA RGOD SHAS DANG, GLOD DRAG PAN BYING SHAS SKYE BA'I PHYIR GRIMS LHOD RAN PA'I MTSAMS SHIN TU DKA' BAS MKHAS PA TZAN DRA GO MIS, BRTZON PA BSTEN NA RGOD PA 'BYUNG 'GYUR ZHING, ,DE SPANGS NA NI ZHUM PA SKYE BAR 'GYUR 'DI YIS RIGS PAR MNYAM 'JUG RNYED DKA' NA, ,BDAG GIS SEMS DKRUGS PAS NI CI ZHIG BKYI, ,ZHES LAS DANG PO PA LA NYES PA LNGA SPONG 'DU BYED BRGYAD LDAN GYI NYAMS LEN GNAD DU DRIL BA DE NYID SGRA JI BZHIN PA MI SKYE NA'ANG, SEMS GNAS DGU'I NANG TSAN SEMS 'JOG BA'I DMIGS BZHES DMIGS RTEN LA YUN DU MI GNAS KYANG NYAMS DANG SBYAR TE BSGRIMS NAS SGOMS PA LA TSUL JI LTAR BYA NA, SEMS GNAS DANG PO'I TSE DMIGS PA KHO NA LA SEMS KYI GNAS CHA MI SDOD PAR RNAM RTOG RI GZAR GYI 'BAB CHU LTA BUR 'ONG BAS, DA NYAMS LEN BYAS PAS RTOG PA MANG DU SONG SNYAM PA 'BYUNG MOD, DE NI SNGAR NYAMS LEN GYI GNAD MED PA'I DUS DPER NA LAM CHEN ZHIG LA 'GRUL PA RGYUN

MI 'CHAD DU 'GRO YANG DE LA CHED DU BLTA BA'I 'DUN PA MED PA'I DBANG GIS MANG NYUNG GI RTOG DPYOD MI 'BYUNG LA, 'BAD PAS BLTAS NA MI KHAL SOGS MANG PO 'DI 'DRA BYUNG SNYAM PA, SNGON CHAD RTOG PA 'OG 'GYUR'I 'KHOR LO BSKOR YANG NGOS MA ZIN PA LA SKABS 'DIR SEMS KYI NYAMS LEN BYAS PA LA BRTEN NAS RNAM RTOG NGOS ZIN GYI NYAMS SHIG 'ONG BAS MGON PO BYAMS PAS MDO SDE RGYAN DU SEMS GNAS BA'I THABS DGU PO DE STOBS DRUG GIS 'GRUB LUGS YID LA BYED PA BZHIR BSHAD PA'I SKABS KYI STOBS DRUG GI NANG TSAN THOS PA'I STOBS KYIS 'GRUB PA'I SEMS GNAS DANG PO SEMS 'JOG PA ZHES BYA BA DMIGS PA'I GDAMS PA THOS PA TZAM GYI RJES SU 'BRANGS NAS DMIGS PA LA SEMS GTAD PA TZAM GYI SKABS YIN NO, ,DE NAS RIM GYIS BSGOMS PA NA GCOD RONG DOG MO'I 'BAB CHU LTAR RES RNAM RTOG ZHI ZHING RES THO LER SKYE BA'I RNAM RTOG NGAL GSO BA'I NYAMS SHIG 'ONG, DE'I TSE STOBS GNYIS PA BSAM PAS 'GRUB PA'I SEMS GNYIS PA RGYUN TU 'JOG PA ZHES BYA BA DMId PA LA RGYUN CUNG ZAD 'THUD NUS PA YIN, SEMS GNAS 'DI GNYIS LA BYING RGOD CHES MANG ZHING TING 'DZIN NYUNG DU LAS MI 'ONG BAS YID BYED BZHI'I NANG GI DANG PO BSGRIMS TE 'JUG PA'I SKABS SO,, DE NAS CUNG ZAD GOMS PA NA LUNG PA PHU GSUM GYI RDZING CHU LTA BU 'GAL RKYEN GYIS MANG DKRUGS PA'I TSE SEMS GNAS BA SNYAM BYED LA, RKYEN BYUNG TSE MI GNAS PA'I RNAM RTOG THANG CHAD PA'I NYAMS SHIG 'ONG, DE'I TSE STOBS GSUM PA DRAN PAS 'GRUB PA'I SEMS GNAS GSUM BA GLAN TE 'JOG PA ZHES BYA BA SEMS GA-YENG BA MYUR DU RTOGS NAS SLAR DMIGS PA LA GLON PA DANG, SEMS GNAS BZHI PA NYE BAR 'JOG PA ZHES BYA BA RGYA CHEN PO LAS BSDUS TE

, ,PHRA BAR BYED PA DANG, STOBS BZHI PA SHES BZHIN GYIS 'GRUB PA'I SEMS GNAS LNGA PA DUL BAR BYED PA ZHES BYA BA TING NGE 'DZIN GYI YON TAN LA DGA' BA DANG, SEMS GNAS DRUG PA ZHI BAR BYED PA ZHES BYA BA RNAMS GA-YENG GI NYES DMIGS RIG NAS 'GOG PA DANG, STOBS LNGA PA BRTZON 'GRUS KYIS 'GRUB PA'I SEMS GNAS LA BDUN PA DANG BRGYAD PA GNYIS YOD PA'I BDUN BA RNAM PAR ZHI BAR BYED PA ZHES BYA BA CHAGS SEMS NYON MONGS RTZOL BAS SPANGS TE ZHI BAR BYED, SEMS GNAS GSUM BA NAS BDUN PA'I BAR GYI LNGA PO 'DI LA BYING RGOD KYIS BAR DU GCOD PAS YID BYED BZHI'I NANG GI GNYIS BA SKABS SU CHAD CING 'JUG PA'I DUS SO, ,DE NAS RIM GYIS BSGOMS BAS RGYA MTSO RLABS DANG BCAS PA LTA BU RNAM RTOG CI BYUNG YANG GNYEN PO DRAN 'DZIN CUNG ZAD BSTEN PAS RANG MA LA DU ZHI'I 'GRO BAS RNAM RTOG 'DU BYED PA ZHES BYA BA'I NYAMS 'ONG, DE'I TSE SNGAR BSHAD PA'I STOBS LNGA PAS 'GRUB PA'I SEMS GNAS BRGYAD PA RTZE GCIG TU BYED PA ZHES BYA BA TING NGE 'DZIN RGYUN CHAGS SU 'GRUB PA YIN NO, ,SEMS GNAS BRGYAD PA LA BYING RGOD KYiS BAR DU MI GCOD BAR YID BYED BZHI'I NANG GI GSUM BA SKABS SU CHAD PA MED PAR 'JUG PA'I DUS SO, ,DE NAS RIM GYIS BSGOMS PAS RGYA MTSO RLABS DANG BRAL BA LTA BU YUL RKYAN CI BYUNG YANG GNYEN PO DRAN 'DZIN GYI 'BAD RTZOL LA MA BLTOS PAR TING 'DZIN RANG BABS SU 'CHAR BAS RNAM RTOG MNGON PAR 'DU MI BYED PA'I NYAMS KYI MNYAM GZHAG 'ONG, ,DE'I TSE STOBS DRUG PA YONGS SU 'DRIS PA LAS 'GRUB PA'I SEMS GNAS DGU PA MNYAM PAR 'JOG BA ZHES BYA BA RTZOL MED DU DMIGS PA LA 'JOG PAS YID BYED BZHI'I NANG GI BZHI BA LHUN

GYIS GRUB PAR 'JUG PA'I DUS SO, ,'DI'I SKABS SU BYING RGOD 'GOG PA'I RTZOL BA SKYON DU 'GYUR BAR DGONGS NAS GONG MA RNAMS GLOD RAB CES GSUNG BA MA GO BAR 'DZIN STANGS KYI NGAR CHA KLOD PAR GO BA'I SKYON 'BYUNG BAS GNAD 'GAG 'DI DAG LEGS PAR SHES DGOS KYI, PUS 'KHYUD SGOM ZHVA DRA PAD TZAM YOD PAS SGOM RGYUD LA SKYE BA NI MIN NO, ,DE LTAR SEMS GNAS DGU LA YID BYED BZHIR BSHAD PA'I DANG PO GNYIS LA BSGRIMS TE 'JUG PA DANG BAR PA LNGA LA CHAD CING 'JUG PA'I THA SNYAD BYAS NA DANG PO GNYIS LA'ANG CHAD CING 'JUG PA DANG PAR PA LNGA LA YANG BSGRIMS TE 'JUG PA DGOS PAS MI RIGS SO SNYAM PA'I LOG RTOG SKYES NA SKYON MED DE, BAR PA LNGA LA BSGRIMS PA DANG CHAD PA'I 'JUG TSUL GNYIS KA YOD KYANG DANG PO GNYIS LA CHAD PA'I THA SNYAD BYAR MED DE, BYING RGOD SHIN TU MANG PA'I BAR BAR LA GNAS PA CUNG ZAD LAS MI SKYE LA, BAR BA LNGA'I SKABS TING NGE 'DZIN SHAS CHER SGOM PA'I BAR BAR LA BYING RGOD KYIS YANG YANG GCOD PA'I PHYIR, DPER NA MI GSUM GYI DANG PO LA SHA, BAR PA LA THUD DANG SHA GNYIS KA, THA MA LA DE'I STENG DU MAR KHU DANG BCAS GSUM DRANGS NA DANG PO LA SHA BYIN PA'I THA SNYAD DANG, BAR PA LA SHA YOD KYANG SHA BYIN MI ZER BAR NYIS SPEL GYI THA SNYAD 'DOGS SHING, GSUM PA LA NYIS SPEL TSANG YANG SUM SPREL YOD PA'I DBANG GIS NYIS SPEL BYIN ZHES BYAR MI RUNG BA LTA BU YIN NO, ,DE LTAR SEMS GNAS DGU BA BYING RGOD PHRA MO DANG BRAL BAS YUN RING DU SKYONG NUS PA'I RTZOL MED KYI TING NGE 'DZIN SKYES PA DE ZHI GNAS YIN NAM SNYAM NA, MDO SDE RGYAN LAS, DE GOMS PA LAS 'DU MI BYED, ,DE NAS DE YI LUS DANG SEMS, ,SHIN TU SBYANGS PA CHE THOB NAS, ,YID LA BYED DANG BCAS ZHES BYA, ,ZHES SKABS 'DI

, ,NAS BZUNG STE YID LA BYED PA ZHES BSHAD PA'I ZHI GNAS RJES MTHUN PA YIN TE, ZHI GNAS MTSAN NYID PA 'THOB PA LA LUS SEMS SHIN SBYANGS KYI DGA' BDE KHYAD PAR CAN THOB DGO SO, DE LTAR NA SEMS GNAS DGU PA'I TING NGE 'DZIN THOG MAR SKYES PA'I DU SHIN SBYANGS MED PAR DOGS NA, SHIN SBYANGS PHRA MO SKYES PA CHUNG BAS RIG DKA' YANG, 'DI DAG GI SKABS ZHI GNAS RJES MTHUN PA'I YID BYED DU 'CHAD PA'I RGYU MTSAN, DPER NA TSES BCO LNGA'I ZLA BA'I CHA SHAS YONGS SU RDZOGS PA LA TSES GNYIS NAS RIM GYIS CHA SHAS GSOG DGOS NA'ANG, TSES GNYIS KYI ZLA BA'I CHA PHRA MO DE ZLA BA YIN YANG BCO LNGA'I ZLA BA MIN PA LTAR, SHIN SBYANGS KYI CHA PHRA MO DE GONG DU 'PHEL BA LAS MTHAR NYON MONGS PA'I PHYOGS SU GYUR PA DGE BA LA GANG 'DOD DU BKOL MI RUNG BA'I GNAS NGAN LEN ZHI NAS SEMS KYI SHIN SBYANGS SKYE, DE'I MTHUS LAS RUNG GI RLUNG LUS LA RGYU BAS LUS KYI GNAS NGAN LEN DANG BRAL NAS BAL LTAR YANG BA'I LUS KYI SHIN SBYANGS SKYE, DE LA BRTEN NAS LUS LA BDE BA'I NYAMS CHEN PO SKYE, DE'I MTHUS YID BDE NYAMS KYI SEMS SHIN SBYANGS KYI BDE BA SKYE, DE YANG LUS SHIN SBYANGS SKYES MA THAG TU SEMS DGA' YAL YAL BA BYUNG BA DE'I TSE ZHI GNAS CUNG ZAD MA THOB LA, DGA' YAL BDE CHUNG DU SONG NAS SEMS DMIGS PA LA LHAN NE SDOD PA'I TING NGE 'DZIN DANG RJES SU MTHUN PA'I SHIN SBYANGS MI GA-YO BA THOB PA DANG DUS MNYAM DU ZHI GNAS 'GRUB PAS DA LTA'I GRUB CHEN DU RLOM PA RNAMS KYIS GZHUNG CHEN PO 'DI DAG DANG BSTUN NA GAR YANG MA PHYIN PAR SNANG NGO, ,'ON KYANG DGA' YAL BDE CHUNG DU SONG BAS SHIN SBYANGS ZAD PA MA YIN TE, DPER NA GTAM SNYAN THOS MA THAG TU SEMS DGA' GA-YENG NGE BA DE YUN ZHIG SONG BA

NA ZHI 'GRO YANG, GTAM SNYAN MI BDEN PA MA YIN PA DANG 'DRA GSUNG, LUS SEMS SHIN SBYANGS KYI BDE BA KHYAD PAR CAN GYI ZHI GNAS DE MNGON DU BYAS PA DANG BSAM GTAN DANG PO'I NYER BSDOGS THOB PA YIN YANG, 'DI GA TZAM GYIS NYON MONGS PA MNGON GYUR YANG MGO GNON MI NUS MOD, 'O NA SNGAR LHAG PA TING NGE 'DZIN GYI BSLAB PA DANG ZHI GNAS KYIS NYON MONGS PA MNGON GYUR MGO GNON PAR BSHAD PA DANG 'GAL LAM SNYAM NA DE NI ZHI RAGS KYI RNAM PA CAN GYI LHAG MTHONG SOGS KYANG ZHI GNAS SU BSDUS PA LA DGONGS PA YIN GSUNG, DES NA DA DUNG LAM LA SLOB DGOS, SLOB TSUL 'JIG RTEN PA'I LAM ZHI RAGS KYI RNAM PA CAN GYI LHAG MTHONG BSGOMS PAS 'DOD PA NA SBYOD PA'I BSGOMS PAS SPANG BAR BYA BA'I NYON MONGS PHAL CHER NUB, DGA' BDE DANG BCAS PA'I BSAM GTAN DANG PO'I DNGOS GZHI 'THOB, MNGON SHES RDZU 'PHRUL KYANG MTSAN NYID PA 'BYUNG, RIM GYIS BSGOMS PAS CI YANG MED MAN CHAD KYI NYON MONGS PA MNGON GYUR THAMS CAD SPANGS TE SRID RTZE'I SEMS 'THOB PA YIN LA, BSAM GTAN DANG PO'I NYER BSDOGS THOB PA'I STENG NAS BDAG MED GNYIS KYI DON LA DPYOD PA'I LHAG MTHONG BSGOMS PAS NYAN THOS KYI MTHONG LAM LTA BU THOB NA ZHI RAGS KYI RNAM PA CAN GYI BSAM GTAN DANG PO'I DNGOS GZHI YAN CHAD DNGOS SU MA BSGOMS KYANG DE DAG GI YON TAN SHUGS KYIS 'THOB CING, THEG PA GSUM PO GANG RUNG GI SGOM LAM PAR CHAD MED LAM GYIS NYON MONGS PA'I GNYEN PO BYAS TE RTZA BA NAS SPONG BA LAGS SO,, ,,SMRAS PA, LE LO LA SOGS NYES PA'I RANG MTSANG RIG, DAD SOGS 'DU BYED BRGYAD KYI PHAN YON MTHONG, ,SEMS GNAS DGU PAS NYER DRANGS SHIN SBYANGS KYI, ,BDE GSAL MI RTOG ZHI GNAS TING

, ,'DZIN MTSAR, ,SNGON CHAD CUNG ZAD BSGOM BLO'I NYAMS LEN GYIS, ,NYON MONGS DUG GSUM MA BRI BAG LA ZHA, ,BDER GNAS CHOS PA'I BZANG BRDZU RKYEN NGAN GYI, ,PHRA MO'I GNOD PAS THA MAL RANG MTSANG STON, ,MU STEGS BYED DANG THUN MONG SEMS GNAS LA, ,MA DUL YID 'DI CUNG ZAD MI GNAS KYANG, ,SRID ZHI'I MTHA' LAS 'DAS PA'I SANGS RGYAS SU, ,ZHAL GYIS 'CHES RNAMS MDZUB MO NANG DU KHUG, DKA' GNAD 'DI 'DRAS MNGON SHES RDZU 'PHRUL SOGS,, 'GRUB PAR GSUNG RAB DGONGS 'GREL LAS BSHAD NA, ,LTO 'GRANGS NYI MAS DROS PA'I 'GYING BAG LA, ,GRUB RTAGS BRAG LAS CHU BO RDOL BA BZHIN, ,KYE MA SNGON CHAD BLO BRID RNAM GA-YENG GIS, ,DON MED STONG PA'I NGANG DU MI TSE ZAD, ,DA NI 'DU 'DZIS DBEN PA'I GNAS MCHOG TU, ,TSUL 'DI NYAMS SU LAN LA RNAMS PAR SPRO, ,SEMS DANG LUS LA KHYAB PA'I BDE BA YIS, ,CI BYAS DGE BA'I PHYOGS SU BKOL NUS PA'I, ,SA CHOD 'DI LTA'I GNAD 'GAG SHES GYUR NA, ,GRAGS CAN SANGS RGYAS DE YANG MI RING NYE, ,ZHES BYA BA NI BAR SKABS KYI TSIGS SU BCAD PA'O,, ,,DRUG PA SHES RAB KYI PHAR PHYIN NI, DE KHO NA NYID KYI DON 'JAL BA DON DAM RTOGS PA'I SHES RAB, RIG PA'I GNAS LNGA LA MKHAS PA KUN RDZOB RTOGS PA'I SHES RAB SEMS CAN GYI 'DI PHYI'I DON KHA NA MA THOB MED PA SGRUB TSUL SHES PA'I SHES RAB RNAMS KYI SEMS KYI GOMS PA MTHAR PHYIN PA NA SHES RAB KYI PHA ROL TU PHYIN PA YONGS SU RDZOGS PA YIN NO, ,SHES RAB BRGYAB LAS, MTHONG DANG MA MTHONG YON TAN 'DI, ,KUN GYI RTZA BA SHES RAB YIN, ,DE LTAR GNYIS KA BSGRUB PA'I PHYIR, ,SHES RAB YONGS SU BZUNG BAR BYA, ,ZHES RANG GI SHA BYIN YANG SMAN GYI SDONG PO LAS BLANGS PA LTAR NGA RGYAL DANG ZHUM PA MED

PA'I SBYIN PA SOGS PHAR PHYIN DANG PO LNGA RNAM PAR DAG PA DANG, 'KHOR LOS SGYUR BA'I RGYAL PO BYANG CHUB SEMS DPA' 'DOD YON GYI DBANG DU MI 'GRO BA YANG SHES RAB LA RAG LUS SHING MDOR NA 'JIG RTEN DANG 'JIG RTEN LAS 'DAS PA'I YON TAN MTHA' DAG SHES RAB LA BRTEN NAS 'BYUNG BA'I PHYIR NA 'DI NYID DON DU GNYER DGOS LA, GNYER BYA'I SHES RAB DE LA RIGS MANG DU YOD PA'I NANG NAS NYON MONGS PA PHRA RAGS ZHI BAR BYED PA'I LHAG MTHONG SGOM PA GAL CHE ZHING, DE YANG NYON MONGS PA MNGON GYUR MGO GNON PA'I 'JIG RTEN PA'I ZHI RAGS KYI LHAG MTHONG DON DU GNYER BYA YIN NAM SNYAM NA, BSNGAGS 'OS BSNGAGS BSTOD LAS, KHYOD KYI CHOS LA MI PHYOGS PA'I, ,SKYE BO GTI MUG GIS LDONGS PA,, SRID RTZE'I BAR DU SONG NAS KYANG, ,SDUG BSNGAL YANG 'BYUNG SRID PA BSGRUB, ,CES PHYI ROL PA SOGS CI YANG MED MAN CHAD KYI NYON MONGS PA MNGON GYUR THAMS CAD SPANGS TE SRID RTZE'I SEMS THOB KYANG 'KHOR BA LA MI GROL BAS TING 'DZIN RGYAL PO LAS, TING NGE 'DZIN DE SGOM PAR BYED MOD KYI, ,DES NI BDAG TU 'DU SHES 'JIG ME BYE, ,DE YIS NYON MONGS PHYI ZHING RAB 'KHRUG STE, ,LHAG SPYOD 'DI NA TING 'DZIN SGOM PA BZHIN, ,ZHES BDAG 'DZIN MA SPANGS PA'I MTHUS MU STEGS LHAG SPYOD BZHIN NYON MONGS 'KHRUGS, SLAR YANG GNAS 'OG MA'I SEMS SU LTUNG BAS NA SKYES BU CHEN PO'I GDUL BYA RNAMS KYI DON DU GNYER BYA GA LA YIN, 'O NA SNGAR 'BAD PAS BSGOMS PA'I ZHI GNAS DA LA DON MED DAM SNYAM NA, KHYOD KYI BSTAN PA'I RJES 'GRO BA, ,BSAM GTAN DNGOS GZHI MA THOB KYANG, ,BDUD KYI MIG RAS BTZA' BZHIN DU, ,SRID PA DAG NI BZLOG PAR BGYID, ,CES BSAM GTAN DANG PO'I NYER BSDOGS THOB PA'I RJES SU BSAM GTAN DANG PO'I

, ,DNGOS GZHI SGRUB PA SOGS KYI RTZOL BA BZHAG NAS 'JIG RTEN LAS 'DAS PA'I LHAG MTHONG BDAG MED PA'I DON BSGOMS PAS 'KHOR BA LAS GROL BA'I THAR PA THOB PAR 'GYUR RO, ,DE LTAR NA PHAR PHYIN THA MA'I NYAMS LEN 'DIS THAMS CAD MKHYEN PA THOB PAR MI 'GYUR NA SKYES BU 'BRING LAS LHAG PA'I LHAG CHOS GANG YANG MA BYUNG BAR DOGS CHE, DE LTAR LOG RTOG SHAR BA NI GA-YAG ZHAR BA'I RTZVA LTAR PHYOGS RE'I MIG CAN DU SONG BA'I NYES PAS NONGS PAS SKYES BU 'BRING DANG MI 'DRA BA'I KHYAD PAR GONG DU BYANG CHUB KYI SEMS DANG RGYAL SRAS KYI SPYOD PAR SLOB TSUL RGYAS PAR SONG YANG, RJE BLA MAS, GNAS LUGS RTOGS PA'I SHES RAB MI LDAN NA, ,NGES 'BYUNG BYANG CHUB SEMS LA GOMS BYAS KYANG SRID PA'I RTZA BA GCOD PAR MI NUS PAS, ,NE PHYIR RTEN 'BREL RTOGS PA'I THABS LA 'BAD, ,CES BYANG CHUB KYI SEMS YOD PAR MA ZAD DE DANG ZUNG DU 'BRE BA'I LAM LHAG PA SHES RAB KYI BSLAB PA'I LAM SGOM PA YIN GYI SKYES BU 'BRING MAN CHAD LTAR PHYOGS RE BA'I LAM MIN NO, ,'ON ZHI LHAG GNYIS SKYES BU 'BRING GI SKABS KYI TING 'DZIN DANG SHES RAB KYI BSLAB PA'I NYAMS LEN DU GTOGS TSE RGYAL SRAS KYI SPYOD PA RNAMS DANG ZUNG DU 'BREL DGOS PA CI YIN SNYAM NA, ,RIGS PA DRUG CU PA LAS, DGE BA 'DI YIS SKYE BO KUN, ,BSOD NAMS YE SHES TSOGS RDZOGS SHING, ,BSOD NAMS YE SHES LAS BYUNG PA, ,DAM PA GNYIS NI THOB PAR SHOG ,CES SANGS RGYAS 'GRUB PA LA GZUGS KYI SKU DANG CHOS KYI SKU GNYIS THOB DGOS LA, DE GANG LA BRTEN NAS BSGRUB NA, DPAL LDAN ZLA BAS, THA SNYAD BDEN PA THABS SU GYUR PA DANG, ,DON DAM BDEN PA THABS BYUNG GYUR PA STE, ,DE GNYIS RNAM DBYE GANG GIS MI SHES PA, ,DE NI RNAM RTOG LOG PA'I

LAM NGAN ZHUGS, ,ZHES PA'I SHUGS LA, ,DE GNYIS RNAM DBYE GANG GIS LEGS SHES PA, ,DE NI PHYIN CI MA LOG LAM BZANG ZHUGS, ,ZHES GZHI'I LTA BA KUN RDZO BA BDEN PA SNANG BA'I CHA CHOS THAMS CAD THA SNYAD DU GRUB CING RGYU 'BRAS MA 'CHOL BAR 'BYUNG BA'I RTEN CING 'BREL BAR 'BYUNG BA DANG, DON DAM BDEN PA STONG PA'I CHA CHOS THAMS CAD RANG GI NGO BOS GRUB PA CUNG ZAD TZAM YANG MED PA GNYIS PHYIN CI MA LOG PAR SHAS NA LAM GYI GNAS SKABS SU SBYIN SOGS KYI SPYOD PA RLABS PA CHES SOGS GSOG PA DANG STONG PA NYID KYI LTA BA ZAB MO ZUNG 'BREL DU NYAMS SU BLANGS PA LA BRTEN NAS 'BRAS BU GZUGS KYI SKU DANG CHOS KYI SKU GNYIS THOB PAR 'GYUR BAS SKYES BU CHEN PO PA RNAMS KYI THOB BYA MTHAR THUG PA YIN PAS, THOB BYED KYI THABS BSOD NAMS KYI TSOGS GSOG TSUL GYI NYAMS 'KHRID SNGON DU SONG ZIN NAS, YE SHES KYI CHOGS GSOG PA'I NYAMS LEN GYI RIM PA LA SPYIR 'PHAGS P'I YUL DU GRUB MTHA' SMRA BA ZHI SO SOR YOD PAS NA LTA BA MI MTHUN YANG GTZO BO NI DBU SEMS GNYIS KYI LUGS 'DI GRAGS CHE ZHING, DE YANG RIN CHEN PHRENG PA LAS, CHOS 'DI ZAB PHYIR SKYE BO YIS, ,SHES PAR DKA' BA THUGS CHUD DE, ,DES NA THUB PA SANGS RGYAS NAS, ,CHOS BSTAN PA LAS LO PAR GYUR, ,CES LAS 'BRAS DANG STONG NYID KYI RNAMS GZHAG MI 'GAL BAR 'JOG SHES PA'I GNAD 'DI GZHAN GYIS RTOGS DKA' BAS SANGS RGYAS KYIS CHOS KYI 'KHOR LO BSKOR BAR ZHAL GYIS BZHES PA DKA' DKA' LTAR MDZAD LA, DKA' BA'I GNAD DE 'KHRUL PA MED PAR STON PA PO NI RGYAL BAS LANG KAR GSHEGS PA'I MDO LAS LUNG BSTAN PA'I DPAL MGON 'PHAGS PA KLU SGRUB PA YIN ZHING, DE NYID KYI RJES SU 'BRANG BAR KHAS 'CHE BA MANG NA YANG CHOS THAMS CAD RANG

, ,BZHIN GYIS GRUB PAR KHAS LEN PA'I LTA BA TZAM GYIS THAR PA'ANG 'THOB PA'I SKABS MED PAS DPAL LDAN ZLA BAS, SLOB DPON KLU SGRUB ZHABS KYI LAM LAS NI, ,PHYI ROL GYUR LA ZHI BA'I THABS MED DO, ,DE DAG KUN RDZOB DE NYID BDEN LAS NYAMS, ,DE LAS NYAMS PAS THAR PA 'GRUB YOD MIN, ,ZHES GSUNGS PA'I PHYIR NA MGON PO KLU SGRUB KYI DGONGS PA 'KHRUL PA MED PAR RTOGS DGOS PAS DE 'GREL BYED GANG GI RJES SU 'BRANG NA, JO BO CHEN POS, STONG NYID GANG GIS RTOGS ZHE NA, ,DE BZHIN GSHEGS PAS LUNG BSTAN CING, ,CHOS NYID BDEN PA GZIGS PA YI, ,KLU SGRUB SLOB MA ZLA GRAGS YIN, ,DE LAS BRGYUD PA'I MAN NGAG GIS, ,CHOS NYID BDEN PA RTOGS BAR 'GYUR, ,ZHES DPAL LDAN ZLA BA GRAGS PAS BKRAL BA'I RJES SU 'BRANGS TE NYAMS SU LEN PA LA BZHI BRGYA PA'I 'GREL PA LAS, DE LA BDAG CES BYA BA NI GANG ZHIG DNGOS PO RNAMS KYI GZHAN LA RAG MA LAS PA'I NGO BO RANG BZHIN TE DE MED PA NI BDAG MED PA'O, ,DE NI CHOS DANG GANG ZAG GI DBYE BAS GNYIS SU RTOGS TE, CHOS KYI BDAG MED PA DANG GANG ZAG GI BDAG MED PA'O, ,ZHES BDAG MED PA'I TSUL GNYIS PO GO RIM JI LTA BU SNYAM NA, BSOD NAMS MIN PA DANG POR BZLOG ,BAR DU BDAG NI BZLOG PA DANG, ,THA MAR LTA ZHIG KUN BZLOG PA, ,GANG GIS SHES DE MKHAS PA YIN, ,ZHES LAS RGYU 'BRAS MED PAR BLTA BA'I LTA NGAN SOGS NI SNGAR SKYES BU CHUNG 'BRING GI SKABS NAS BZLOG ZIN PAS, RE ZHIG NYES KUN 'BYUNG BA'I GNAS,, MED NYID RNAM PAR BZLOG ZIN GYI, ,ZHES GSUNGS NAS, BAR DU GANG ZAG GI BDAG DANG THA MAR CHOS KYI BDAG BZLOG DGOS PA'I GO RIM NYAMS LEN MAN NGAG GI DBANG DU MDZAD LA, GZHUNG CHEN PO RNAMS SU CHOS KYI BDAG MED THOG MAR

BYUNG NA'ANG PHYAG LEN DU SPYIR BTANG DMIGS BSAL PHYED PA'I GO RIM MA NOR BA NI GNAD DAM PA STE, LAS 'BRAS LA YID MI CHES PA'I GANG ZAG GI RGYUD LA BDAG MED PA'I LTA BA MI SKYE ZHING, GANG ZAG GI BDAG TU 'DZIN PA MA BZLOG NA CHOS KYI BDAG 'DZIN PA BZLOG PAR MI NUS SO, ,DES NA SNGAR CHAGS SOGS NYON MONGS PA SO SO'I GNYEN PO RE RES RANG GI NGO SKAL GYI NYES PA SEL KYANG, NYES PA MTHA' DAG MI SEL BA NI NYES PA THAMS CAD KYI RTZA BA MA RIG PA MA BSAL BA'I RKYEN YIN PAS BZHI BRGYA PA LAS, LUS LA LUS DBANG JI BZHIN DU, ,GTI MUG KUN LA GNAS GYUR TE, ,DE PHYIR NYON MONGS THAMS CAD KYANG, ,GTI MUG BCOM PAS BCOM PAR 'GYUR, ,RTEN CING 'BREL PAR 'BYUNG BA NI, ,MTHONG NA GTI MUG 'BYUNG MI 'GYUR, ,DE PHYIR 'BAD PA KUN GYIS 'DIR, ,GTAM DE KHO NA BSNYAD PAR BYA, ,ZHES DPER NA SHING GI RTZA BA NAS BCAD NA YAL GA DANG ME TOG MTHA' DAG BSKAMS 'GRO BA LTAR, BDAG 'DZIN SPANGS NA NYON MONGS PA THAMS CAD ZHI BAR GSUNGS PA'I PHYIR NA 'JUG PA LAS, NYON MONGS SKYON RNAMS MA LUS 'JIG TSOGS LA, ,LTA LAS BYUNG BAR BLO YIS MTHONG GYUR CING, ,BDAG NI 'DI YI YUL DU RTOGS BYAS NAS, ,RNAL 'BYOR PA YIS BDAG NI 'GOG PAR BYED, ,CES DANG, RIN CHEN PHRENG BA LAS, JI SRID PHUNG POR 'DZIN YOD PA, ,DE SRID DE LA NGAR 'DZIN YOD, ,NGAR 'DZIN YOD NA YANG LAS TE, ,LAS LAS KYANG NI SKYE BA YIN, ,ZHES BDAG MED GNYIS GTAN LA 'BEBS PA NI CHOS KYI RGYAL PO BRTZONG KHA PA CHEN POS MGON PO 'JAM DPAL DBYANGS LA GSOL BA BTAB PAS LTA BA RNAM DAG THUGS RGYUD LA SKYE BA'I THABS BSTAN PA BZHIN MNGON DU GYUR NAS SLOB MA RNAMS 'KHRID PA'I PHYAG BZHES LA BRGYUD PA'I

, ,RNAM GRANGS SO SOR YOD PA'I MKHAS GRUB DGE LEGS DPAL BZANG NAS BRGYUD PA LA SNGON 'GRO DANG DNGOS GZHI GNYIS KYI SGO NAS 'KHRID PA DANG, MKHAS GRUB SHES RAB SENG GE NAS BRGYUD PA LA DRAN PA BZHI LDAN GYI SGO NAS 'KHRID PA'I TSUL GNYIS, DE GNYIS GANG BYAS KYANG KHYAD PAR MED NA'ANG, SKABS 'DIR BYANG CHUB LAM GYI RIM PA'I SHER PHYIN GYI NYAMS 'KHRID KYI SKABS YIN PAS SNGON 'GRO RNAMS GONG DU SONG ZIN PA'I NYAMS LEN RNAMS GO RIM LTAR 'BYUNG BA'I DON GYIS BTANG SNYOMS SU BZHAG STE DNGOS GZHI'I NYAMS LEN LA GANG ZAG GI BDAG MED NYAMS SU LEN PA DANG, CHOS KYI BDAG MED NYAMS SU LEN PA GNYIS, DANG PO NI RTEN 'BREL GYI RIGS PA LTA BU LA GNAD GSUM DANG, RNAM BDUN GYI RIGS PA LA GNAD DGU LA SOGS PA RNAM GRANGS MANG ZHING, LHAG MTHONG CHE CHUNG SOGS RJE BDAG NYID CHEN PO'I GSUNG RAB RNAMS SU RGYA CHER GSUNGS KYANG GTZO BOR GNAD BZHI LA BRTEN NAS DPYAD PA MDZAD PA 'DI NYID LUGS 'DI'I SHING RTA BA CHEN PO THAMS CAD MKHYEN PA NOR BZANG RGYA MTSO YAB SRAS KYIS THUGS NYAMS SU MYONG BA ZHAL NAS ZHAL DU BRGYUD PA'I NYAMS 'KHRID LA GNAD DANG PO NGAR 'DZIN LHAN SKYES KYIS NGA JI LTAR BZUNG BA'I TSUL NGES PA'I GNAD NI BUDDHA P'A LI TA LAS, CHOS THAMS CAD BDAG MED DO ZHES PA'I BDAG DANG MED RGYU'I DGAG BYA GNYIS PO DE BCAR GYI NGOS MA ZIN NA DGRA GANG DU YOD MA SHES PAR DMAG 'DREN PA DANG 'BEN RTZAD MCHOD PAR MDA' 'PHEN PA DANG 'DRA BAS SPYOD 'JUG LAS, BTAGS PA'I DNGOS LA MA REG PAR, ,DE YI DNGOS MED 'DZIN MA YIN, ,ZHES DGAG BYA'I DON SPYI LEGS PAR BLO LA MA SHAR NA DE BKAG PA'I BDAG MED KYI DON MI NGES PAR

GSUNGS PAS GANG ZAG CES BYA BA NI 'GRO BA RIGS DRUG DANG THEG PA GSUM GYI SKYE 'PHAGS LA SOGS PA'I GANG ZAG RNAMS YIN LA, DE BLOS BTAGS PA MA YIN BAR RANG NGOS NAS TSUGS THUB TU GRUB PA'I SDOD LUGS DE BDAG GAM RANG BZHIN ZHES BYA BA DE YIN NO, ,DE YANG GZHI GANG ZAG GI STENG DU NGA'AM BDAG TU 'DZIN PA'I NGAR 'DZIN LHAN SKYES DE LA GDAGS GZHI'I STENG DU RTOG PAS BTAGS PA TZAM GYIS KHYAD PAR DU BYAS NAS NGAR 'DZIN PA DANG RANG BZHIN GYIS GRUB PAS KHYAD PAR DU BYAS NAS NGAR 'DZIN PA DANG DE GNYIS GANG GIS KYANG KHYAD PAR DU MA BYAS PA'I NGAR 'DZIN PA DANG GSUM YOD PA'I DANG PO NI DBU MA'I LTA BA RGYUD LA SKYES PA'I GANG ZAG GI NGAR 'DZIN PA'I BLO, GNYIS PA NI SKABS 'DIR GNYEN POS 'JOMS PAR BYED RGYU'I NGAR 'DZIN LHAN SKYES MTSAN NYID PA, GSUM PA NI GRUB MTHAS RGYUD MA BSLAD PA'I SO SKYE RNAMS LA MING GIS BTAGS PA DANG RANG BZHIN GYIS GRUB PA'I DBYE BA MED PAS DE RNAMS KYI RGYUD KYI NGA 'JOG PA'I THA SNYAD PA'I TSAD MA YIN LA, DE YANG RANG CAG RNAMS KYI RGYUD LA GNYID LOG PA DANG MA LOG PA'I GNAS SKABS THAMS CAD DU NGA'O SNYAM PA'I BLO DAM SBRING SBRING BA ZHIG YOD KYANG, ME LONG DANG BYAD BZHIN GYI GZUGS BRNYAN LTAR BDE SDUG GI RKYEN DANG PHRAD PA NA BLO MNGON GYUR SHUGS SHIN TU CHE ZHING, RKYEN DANG MA PHRAD PA'I GNAS SKABS SU CUNG ZAD MI GSAL BA'I TSUL DU 'ONG BAS DA LTA'I LTA 'KHRID PA PHAL CHER DAG DE LTA BU'I BLO MNGON GYUR YIN MIN GYI RTOG DPYOD MED PAR NGAR 'DZIN LHAN SKYES KYIS NGA JI LTAR BZUNG TSUL SOGS TSIGS SKAM RE LA BRTEN NAS NYAMS SU LEN PA SKAD BYED PA NI MI'I BYAD DBYIBS 'OL LE PA ZHIG MTHONG BA LA 'DI NI KHA SANG GI RKUN MA CHE GE MO'O ZHES MDZUB MO 'DZUGS PA LTAR GNAD DU YE MI 'GRO

, ,BAS THOG MAR RANG NYID LA DNGOS SU GZHAN GYIS PHAN GNOD BYAS PA'I BDE SDUG GI RTOG PA MNGON GYUR YOD NA DANG, MED NA SNGAR BYUNG ZIN PA ZHIG BLOS YANG YANG GSAL BTAB PAS, DPER NA RANG LA MI ZHIG GIS BRKUS KHAG LTA BU GTZUGS PA'AM RANG 'DOD PA'I DON ZHIG 'GRUB PAR BYAS PA LTA BU LA, NGAS RKUN MA BRKU SNYAM PA YID KYI DGU LA'ANG MED NA BRKUS PA'I KHAG 'DI LTA BU 'DZUGS PA SNYAM DU PHA ROL GYI MI DE LA ZHE SDANG DRAG PO DANG BCAS TE BRKUS KHAG 'DZUGS YUL GYI NGA ZHIG SNYING GI DKYIL NAS DAM SBRING SBRING BA MIG GIS MTHONG RGYU DANG LAG PAS 'DZIN RGYU YOD PA LTA BU 'CHAR LA, DE BZHIN DU PHAN 'DI LTA BU BTAGS BYUNG SNYAM PA'I PHAN 'DOGS YUL GYI NGA ZHIG SNYING GI DKYIL NAS LHANG LHANG 'CHAR BAS TSUL DE GNYIS PO GANG YANG RUNG BA LA BRTEN PA'I BLO MNGON GYUR ZHIG GIS KUN RTOG RAGS PA GZHAN RNAMS BAG LA ZHA BA'I NGAR 'DZIN LHAN SKYES JE 'PHEL LA 'GRO BCUG PA'I MTSAMS NAS BLO DES NGA JI LTAR BZUNG BA'I TSUL ZHIG BRTAG DGOS PAS, SEMS GCIG PU 'DI GA'I STENG NAS NGAR 'DZIN PA DANG DE'I 'DZIN TSUL GNYIS KA BRTAG PA SHIN TU DKA' ZHING, 'DZIN TSUL GYI BLO SHUGS CHES NA 'DZIN STANGS KYI NGAR CHA ZHIG NAS MI GSAL BA ZHIG 'ONG BAS JI LTAR BYED NA, ZHA GNAS LA GOMS PA'I MTHUS DPYAD 'JOG GI DMIGS PA GANG YIN GYI THOG TU 'DRIL BA ZHIG 'ONG BAS, SANGS RGYAS KYI SKU GZUGS SOGS LA DMIGS PA GTOD PA LTA BU'I TSAB LA NGA'O SNYAM PA'I BLO MNGON GYUR DE 'CHAR BCUG NAS SEMS BYINGS PO DE LA GSAL BA'I NGAR CHA DANG BCAS PA'I SGO NAS GNAS BZHIN DU BLO'I ZUR ZHIG GIS 'DZIN TSUL DANG GANG DU BZUNG BA BLTA BA NI MI GNYIS LAM LA GSHIBS NAS

'GRO BA'I TSE MIG DNGOS GZHIS LAM LA BLTA BA DANG MIG ZUR GYIS GROGS LA BLTA BA LTA BU YIN GSUNG, 'DI PHAN CHAD LA NGA'O SNYAM PA'I NGA DE SNYING GI DKYIL DU YOD PA 'DRA BA ZHIG LAS GANG GI STENG DU GRUB MA NGES BA LA, 'DI NAS BZUNG BLO'I ZUR GYIS LEGS PAR BRTAGS PAS RES LUS KYI STENG DU YOD PA 'DRA BA, RES SEMS KYI STENG DU YOD PA 'DRA BA, RES PHUNG PO GZHAN RNAMS SO SO'I STENG DU YOD PA 'DRA BA SOGS 'CHAR TSUL SNA TSOGS PA ZHIG BYUNG BA'I MTHAR LUS SEMS GNYIS PO 'DI CHU DANG 'O MA 'DRES PA LTA BU DBYER MI PHYED PA ZHIG GI STENG NAS NGA DE NGA'I NGOS NAS YOD PA'I RANG BZHIN GYIS GRUB PA'I TSUGS SE BA GDOD MA NAS GRUB PA ZHIG NGOS ZIN 'ONG BAS DE NI GNAD DANG PO DGAG BYA NGES PA YIN PAS 'DI LA MYONG BA GTING MA PHYIN GYI BAR LA DPYAD DO, ,DE LTAR RGYUD LA SKYES PA NAS NGAR 'DZIN LHAN SKYES KYIS BZUNG BA'I NGA DE DANG RANG GI PHUNG PA LNGA PO RNAMS CHU LA CHU BZHAG PA LTA BU'I TSUL GYIS TSUGS THUB TU GRUB PAR NGOS BZUNG BA DE NGES PA YIN NA DPYAD PA BYAS PA TZAM GYIS NGES SHES RNYED DU 'GRO LA, MIN NA RANG TSUGS MI THUB PAR ZHIG 'GRO BAS TSIG GSAL LAS, BDAG TU 'DZIN PA'I YUL DE YANG PHUNG PO'I RANG BZHIN CAN NA MA PHUNG PO LAS THA DAD PA ZHIG TU 'GYUR GRANG, ZHES NGA DE PHUNG PO LNGA SO SOR MA PHYE BA'I STENG DE NAS DBYER MED PA'I TSUL GYIS GRUB PA 'DRA BA ZHIG BYUNG YANG, DPER NA BUM PA LTA BU GZHI GCIG LA SO SO BA DANG DBYER MED PA ZHES BYA BA'I THA SNYAD BYAR MED LA, 'DIR NGA DANG PHUNG PO ZHES GDAGS GZHI DANG BTAGS CHOS KYI RNAM PA ZHIG BYUNG BAS PHUNG PO LNGA'I STENG DU NGA RANG BZHIN GYIS TSUGS THUB TU GRUB PA 'DI, NGA DANG PHUNG PO LNGA PO DE GCIG DANG THA DAD GANG RUNG DU MED PA'I PHUNG GSUM PA ZHIG YIN NAM SNYAM

, ,DU RTZAD BCAD PA NA, CHOS GZHAN GYI DNGOS PO LA DPER BYAS PAS MTHAR PHUNG GSUM PA MED PAR RTOGS NAS GCIG DANG THA DAD GANG RUNG LAS MED PAR THAG CHOD PA NI KHYAB PA NGES PA'I GNAD YIN PAS SNGAR GDAGS GZHI PHUNG PO'I STENG DU BTAGS CHOS NGA DE TSUGS THUB TU DBYE BA MED PAR YOD YOD 'DRA BA DE GNAD GNYIS PA 'DI'I NYAMS LEN BYAS PAS SNGON MA'I NGES SHES DES TSOM THUB PAR GCIG DANG THA DAD GANG RUNG DU THE TSOM PA YIN PA DE GA MYONG BA CUNG ZAD THON PA YIN NO, ,DE NAS GCIG DANG THA DAD GANG RUNG DU THE TSOM PAS MI CHOG PAR THAG GCOD DGOS PAS, BDEN 'DZIN LHAN SKYES KYIS BZUNG BA'I NGA DE LUS SEMS GNYIS DANG GCIG TU GRUB BAM SNYAM DU BRTAd PA NA LUS DANG GCIG GAM SEMS DANG GCIG GANG RUNG ZHIG LAS 'OS MA 'DAS, LUS DANG GCIG NA NGA'I LUS ZHES KHYAD GZHI KHYAD CHOS SBYAR BA'I SGO NAS SMOS MI RIGS PAR NGA'I NGA ZHES PA'AM LUS KYI LUS ZHES BRJOD DGOS LA, DE BZHIN DU SEMS LA YANG MTSUNGS PAR NGES SHES BSKYED, DE LTAR BSAMS PA NA NGAG GI BRJOD TSUL TZAM DU SONG BAS HA CANG NGES PA MA RNYED NA 'DI SNYAM DU, RTZA SHE LAS, NYE BAR LEN PA MA GTOGS PA'I, ,BDAG YOD MA YIN BYAS PA'I TSE, ,NYE BAR LEN NYID BDAG YIN NA, ,KHYOD KYI BDAG NI MED PA YIN, ,ZHES NGA DANG PHUNG PO RNAMS RANG BZHIN GYIS GCIG PAS NA DBYE BA GTAN MED PA'I CHA THAMS CAD NAS GCIG PAR 'GYUR, DES NA CHA MED PA LAS 'OS MED PAS CHA MED GCIG GI STENG NAS NGA ZHES PHUNG PO LNGA'I NYE BAR LEN PA PO ZHIG DANG DE'I BLANG BYAR GYUR PA'I PHUNG PO LNGA ZHES THA DAD PA GNYIS SU 'JOG TU MED PAS BDAG GI LUS DANG BDAG GI PHUNG PO ZHES KHAS BLANGS PA DON

MED DU 'GYUR RO SNYAM DU BSAM, DES KYANG RDO RUS 'PHROD PA ZHIG MA BYUNG NA NGA DANG LUS GNYIS GCIG YIN PA'I RGYU MCHAN GYIS SHI BA'I 'OG TU LUS MER SREG PA'I TSE NGA YANG MER SREG DGOS PA'AM, NGA YANG SRID PHYI MAR NYID MTSAMS SBYOR BA BZHIN DU LUS KYANG NYID MTSAMS SBYOR DGOS, YANG NA LUS DE NYID MTSAMS SBYOR RGYU MED PA BZHIN DU NGA YANG NYID MTSAMS SBYOR RGYU MED PA'I GNOD BYED 'BAB PAR BSAM, DE LTAR BSGOMS PAS LUS DANG GCIG PA ZHIG MIN NAM SNYAM DU 'ONG BAS DES NA SEMS DANG GCIG GAM SNYAM DU SEMS NANG GOS MED NA 'KHYAGS PA DANG ZAS SKOM MED NA LTOGS SKOM GYI SDUG BSNGAL 'BYUNG BAS SHI BA'I 'OG TU SEMS GZUGS MED KHAMS SU SKYES NA DE'I TSE YANG NGA DANG GCIG PA'I PHYIR ZAS GOS SOGS GZUGS RAGS PA LA LONGS SPYOD DGOS PA'I NYES PA BSAM MO, ,'DI TZAM LAS DANG PO PA LA SKYONG BDE ZHING 'TSAM MOD, SHES RAB KYIS 'CHUN NA CUNG ZAD SPROS PA MTHA' CHOD PAS 'JUG PA LAS, GAL TE PHUNG PO BDAG NA DE PHYIR DE, ,MANG BAS BDAG DE DAG KYANG MANG POR 'GYUR, ,ZHES PHUNG PO LNGA YOD PA BZHIN DU NGA YANG LNGAR 'GRO BA'AM, NGA GCIG LAS MED PA LTAR PHUNG PO LNGAR MI 'THAD PA'I RIGS PAS BDAG MANG POR THAL BA'I GNOD PA RNAMS BSAM, DE BZHIN DU RTZA SHE LAS, GAL TE PHUNG PO BDAG YIN NA, ,SKYE DANG 'JIG PA CAN DU 'GYUR, ,ZHES PHUNG PO LNGA RANG BZHIN GYIS SKYE 'JIG BYED PAS NGA YANG DE LTAR SKYE 'JIG BYED PAR KHAS LEN DGOS, DES NA SKYE BA SNGON MA'I NGA DANG TSE 'DI'I NGA GNYIS GCIG DANG THA DAD GANG RUNG LAS MA 'DAS LA, GCIG NA RANG BZHIN GYIS GCIG PA'I NUS PAS SKYE BA SNGON MA'I NGA DUD 'GROR GYUR PA'I GLEN LKUGS DANG BKOL SPYOD KYI SDUG BSNGAL RNAMS SKYE BA 'DI'I

, ,NGA MIR GYUR PA'I GNAS SKABS SU YANG MYONG DGOS LA, TSE 'DI'I MI'I BDE BA RNAMS KYANG SNGON MA'I DUD 'GRO LA MYONG DGOS PA HA CANG THAL BA SOGS BSAM, DE BZHIN DU 'JUG PA LAS, GANG DAG RANG MTSAN NYID KYIS SO SO BA, ,DE DAG RGYUD GCIG GTOGS PA RIGS MA YIN, ,ZHES SKYE BA SNGON MA'I NGA DANG RJES MA'I NGA RANG BZHIN GYIS THA DAD PA YIN NA GTAN NAS 'BREL MED PA'I THA DAD PA YIN PAS, DES NA BDAG SKYE BA SNGON MA 'DI LTA BUR SKYES ZHES DRAN PA YANG MI RIGS TE, LHAS BYIN GYIS SKYE BA SNGON MA MCHOD SBYIN DU SKYES PA MI DRAN PA BZHIN NO, ,GZHAN YANG BDAG NYID BDE 'GROR SKYE BA'I LAS BSAGS PA YANG BYAS PA CHUD ZOS BAR 'GYUR TE, DE'I 'BRAS BU MNGON MTHA'I RNAM SMIN RNAMS GZHAN GYIS LONGS SPYOD NAS RANG LA MYONG RGYU MED PAS SO, ,CI'I PHYIR NA LAS BYED BA PO DANG 'BRAS BU MYONG BA PO GNYIS GZHI NGA TZAM GCIG GI STENG DU MA 'DUS PAR 'BREL PA MED PA'I PHYIR RO, ,DES NA TSE SNGON MA BSAGS BA'I LAS DES TSE 'DIR PHAN GNOD 'BYUNG NA LAS MA BYAS PA DANG PHRAD PAR 'GRO ZHING PHAN GNOD MI 'BYUNG NA TSE 'DIR DGE SDIG LA SPANG BLANG BYAS PAR DGOS PA MED DE DE'I 'BRAS BU PHYI MA'I NGA LA MI SMIN PA SOGS BSAMS PAS GNAD GSUM PA BDEN PA'I GCIG BRAL NGES PA'I GNAD LA NGES PA RNYED NAS, DA NGA DANG PHUNG PO LNGA THA DAD PA LAS 'OS MI 'DUG SNYAM PA NA, 'JUG PA LAS, DE PHYIR PHUNG PO LAS GZHAN BDAG MED DE, ,PHUNG PO MA GTOGS DE 'DZIN MA GRUB PHYIR, ,ZHES RANG BZHIN GYIS GRUB PA'I THA DAD DE LA 'BREL MED CIG DGOS BAS, PHUNG PO LNGA PO NANG PHAN TSUN NAS 'DI NI GZUGS KYI PHUNG PO'O ZHES SOGS SO SOR NGOS 'DZIN RGYU YOD PA LTAR PHUNG PO LNGA BSAL PA'I 'OG TU

'DI NI NGA'O ZHES NGOS 'DZIN RGYU DGOS PA LA PHRA ZHIB GANG LA DPYAD KYANG YE NAS MI RNYED LA, MI RNYED PA'I TSUL DE YANG MI RNYED CES PA'I TSIG SKAM TZAM GYI RJES ZLOS BYAS PAS MI CHOG PAR, DPER NA BA LANG LTA BU ZHIG BOR BA'I TSE LUNG PA CHE GE MO 'DI'I NANG DU MED DO ZHES PA'I TSIG TZAM LA BDEN PAR BZUNG BA MA YIN PA'I RANG GIS LUNG PA 'DI'I PHU 'DA' BAR GSUM LA BTZAL BAS MA RNYED PA KHO THAG CHOD PA LTA BUR, 'DIR YANG MTHA' MA CHOD KYI BAR DU BSGOMS PAS NGES PA RNYED DE, 'JUG PA LAS, GANG PHYIR BYED PO MED CAN LAS MED PA, ,DE PHYIR BDAG GI BDAG MED PAR YOD MIN, ,DE PHYIR BDAG DANG BDAG GI STONG LTA BAS, ,RNAL 'BYOR PA DE RNAM PAR GROL BAR 'GYUR, ,ZHES DE PHAN CHAD DU NGA ZHES BDEN PAR GRUB PA'I MIG GIS MTHONG RGYU'AM, LAG PAS 'DZIN RGYU YOD PA 'DRA BA DE MA RNYED PAR STONG CHAM GYI SONG BA NA DBU MA'I LTA BA DANG POR RNYED PA YIN GSUNG, 'DIR YANG THOS BYUNG GI BLOS DANG POR RNYED PA DE BSAMS BYUNG GI BLOS NYAMS SU BLANGS PAS BSGOMS BYUNG GIS 'THOB TSUL SNGAR ZHI GNAS KYI SKABS LTAR LHAG MTHONG MTSAN NYID PA MA YIN YANG, TSES GNYIS KYI ZLA BA LTAR LTA BA PHRA MO RNYED PA DE'O, ,'DI'I DUS TSE SNGON MA NAS STONG NYID LA BAG CHAGS MED PA ZHIG YIN NA LAG TU YOD PA'I DNGOS PO GLO BUR DU STOR BA LTA BU'I SNANG BA DANG, BAG CHAGS YOD PA ZHIG YIN NA LAG TU YOD PA'I NOR STOR BA GLO BUR DU RNYED PA LTA BU'I NYAMS 'CHAR RO, ,DE LTAR BDAG MED PA'I LTA BA GTAN LA PHAB ZIN PA'I RJES SU JI LTAR SKYONG BA'I TSUL NI SNGAR ZHI GNAS KYI SKABS LTAR SBYOR BA'I CHOS DRUG BSTEN PA LUS KYI SPYOD LAM DANG DRAN SHES RNAMS 'DIR YANG BLANGS TE SGOM PA'I TSUL LA, LA LA DAG LTA PA'I DBYAD

, ,PA TSAR RE SNGON DU BTANG BA'I MTHAR CI YANG YID LA MI BYED PA'I DE KHO NA NYID SKYONG BA DANG, 'GA' ZHIG SNGAR DPYAD PA BYAS PA'I LTA BA DE DRAN PA TZAM GYI STENG DU 'JOG PA SOGS RNAM GRANGS MANG DU BYUNG NA'ANG, ZHI GNAS SKYONG TSUL LAS DMIGS PA KHYAD PAR BA MA BYUNG ZHING, PO TO BA'I BE'U BUM LAS, KHA CIG THOS BSAM DUS NA RIGS PAS, ,RANG BZHIN MED PA GTAN LA PHAB LA,, SGOM DUS MI RTOG 'BA' ZHIG BSGOM ZER, ,DE LTA NA NI 'BREL MED STONG NYID, ,LOGS SU BSGOMS PHYIR GNYEN POR MI 'GYUR, ,DE LTA BAS NA SGOM DUS NYID NA'ANG, ,GCIG DANG DU BRAL RTEN 'BREL LA SOGS, ,GANG LA GOMS PAS SO SOR BRTAG CING, ,CUNG ZAD MI RTOG NYID DU'ANG GNAS BYA; ;DE LTAR BSGOM NA NYON MONGS GNYEN PO, ,LHA GCIG RJES SU 'BRANG BAR 'DOD CING, ,PHA ROL PHYIN LUGS SPYOD PAR 'DOD PAS, ,SHES RAB SGOM PA'I LUGS NI 'DI YIN, ,DE YANG GANG ZAG BDAG MED GOMS PAS, ,DE NAS DE LTAR RJES SU 'JUG BYA, ,ZHES SGOM CHEN DU RLOM PA MANG PO ZHIG GIS RIGS PAS DPYAD NAS LTA BA GTAN LA PHAB, SGOM PA'I DUS SU MI RTOG PA 'BA' ZHIG BSGOM ZER BA NI, ,GZHI LA SDOD DUS RTA LEGS PAR GSOS NAS BYES LA 'GRO DUS RKANG THANG LA 'GRO ZER BA DANG KHYAD PAR CI YANG MED PAS ZHI GNAS LA BRTEN NAS LHAG MTHONG SGRUB TSUL GYI GNANG CUNG ZAD MA GO BA'I RANG MTSANG DU ZAD DO, ,DES NA ZHI GNAS KYI SKABS SU MI RTOG PA DGOS SHING RTOG PA DGAG CES PA'I DON SKU GZUGS LTA BU DMIGS PA GTOD PA'I YUL DE GA LAS GZHAN PA'I RTOG PA GZHAN DU MI 'PHRO BA'I DON YIN GYI, RTOG PA YIN TSAD DGAG DGOS NA DE BZHIN GSHEGS PA'I SKU'I RNAM PA YID LA BYED PA

DEG RTOG PA YIN PAS, DE YANG BKAG NA DMIGS PA STOR PAR GYUR PA YIN MOD, MI RTOG PA'I 'KHRUL GZHI'I LOG RTOG DES DRANGS NAS BDAG MED PA'I DON LA SO SOR DPYOD PA THAMS CAD RTOG PA YIN PAS SGOM GYI DUS SU MI BYED SNYAM PA ZHI GNAS KYI DON MA GO BAR SONG BA'I RGYU MTSAN, ZHI GNAS KYI RTZIS ZIN PA'I SGO NAS SHES RAB KYIS SO SOR DPYAD PA LA BRTEN NAS CHAGS SOGS NYON MONGS PA'I RTOG PA GZHAN DU MI 'PHRO BAR GANG NYAMS SU LEN RGYU'I DPYAD SGOM DE SHIN TU GSAL BA ZHIG 'ONG LA, ZHI GNAS BRTAN PA TZAM GYIS LHAG MTHONG GI SHES RAB STOBS CHE'O, ,DE YANG ZHI GNAS MA GRUB GONG DU DPYAD 'JOG SPEL MAR BYAS NA ZHI GNAS KYI GEGS BYED NA'ANG ZHI GNAS THOB ZIN PA'I 'OG TU DPYAD DRAGS PAS GNAS CHA LA CUNG ZAD GNOD PA'I NYAMS BYUNG NA 'JOG SGOM DANG, 'JOG SGOMS MANGS PAS DPYOD SNYING MI 'DOD PA BYUNG NA DPYAD SGOM SPEL MAR BYA ZHING, DPYOD PA'I TSE BDAG MED PA'I DON DANG 'JOG PA'I TSE MI RTOG PA DANG LHA SKU LTA BUR 'JOG PA'I GANG DRAN DRAN GYIS GO MI CHOD PAR, DPYAD SGOM GYI DUS BDAG MED PA'I DON LA BSAMS PA DE 'JOG SGOM GYI DUS SU BDAG RANG BZHIN GYIS GRUB PA MED PA LAS GZHAN DU MI RTOG PA'I RTZE GCIG TU MNYAM PAR BZHAG BA ZHIG DGOS KYI, MI RTOG PA GANG BYUNG GIS MI CHOG STE, SGOM RIM THA MA LAS, DE LTA BAS NA DAM PA'I CHOS LA YANG DRAN PA MED PA DANG YID LA BYED PA MED PA DE YANG YANG DAG PAR SO SOR RTOG PA SNGON DU 'GRO BA YIN PAR BLTA BAR BYA STE, GANG GI PHYIR YANG DAG PAR SO SOR RTOG PA NYID KYIS DRAN PA MED PA DANG YID LA BYED PA MED PAR BYED NUS KYI, GZHAN DU MA YIN NO ZHES SO, ,DE LTAR NA MKHAS GRUB DGE LEGS

, ,DPAL BZANG PO'I RJES 'BRANG RNAMS GNAD BZHI'I DPYAD PAS DRANGS TE NGA MED PAR LHANG GI NGES PA NA NGES SHES DE GA'I RGYUN 'THUD CING GNAD BZHI'I DPYAD PA YANG YANG DRAN TZAM BYAS NAS NYAMS SU LEN DGOS KYI, NGA SNANG TSUL LTAR MED SNYAM DU SGOM PA DANG, SNANG TSUL DE LTAR GRUB PA MED SNYAM DU SGOM PA NI PHYIN CI LOG YIN PAR 'CHAD LA, MKHAS GRUB SHES RAB SENG GE'I BRGYUD 'DZIN LA LA NGES BA DRANGS ZIN NAS SNANG TSUL DE LTAR GRUB PA MED SNYAM DU SGOM PAR BZHED PA'I LUGS SROL MANG DU BYUNG MOD, SNYING BOR DRIL NA SNGAR GNAD BZHI'I DPYAD PA THOS BSAM GYIS GTAN LA PHAB ZIN NAS SGOM PA'I TSE NGA'O SNYAM PA'I SNYING GI DKYIL NAS DAM SBRING SBRING 'DZIN PA'I BLO DES BZUNG BA LTAR GYI NGA DE PHUNG PO'I STENG DU RANG BZHIN GYIS GRUB PA MED PAR LHANG GIS NGES BYUNG BA NA DE NYID DMIGS PA DNGOS YIN PAS DRAN PAS MA BRJED PAR BYAS, SHES BZHIN GYIS NGAR 'DZIN PA'I RTOG PA BCAD MA BCAD KYI BYAR BYED CING NGA RANG BZHIN GYIS MA GRUB PA'I TSUL LA GSAL 'DEBS DGOS PA BYUNG NA CUNG ZAD DPYAD PA'I SGO NAS TSUL DE LTAR DU GRUB PA MED SNYAM DU MNYAM PAR BZHAG, DE'I TSE SNGAR NAS BDAG 'DZIN PA'I RTOG PA LA GOMS CHES PA'I SHUGS KYIS ZHI GNAS KYI SKABS KYI SEMS GNAS DGU LTAR BSGRIMS TE NYAMS SU BLANGS KYANG NGAR 'DZIN PA'I BLO SHUGS CHE ZHING MANG BAS, DE'I BAR BAR LA NGA BDEN PAR MED SNYAM PA CUNG ZAD RE LAS MI 'ONG, DE NAS RIM GYIS GOMS PA NA NGA BDEN MED DU BLTA BA'I BLO'I BAR THAMS CAD BDEN 'DZIN GYIS YANG YANG GCOD PAS CHAD PA'I TSUL DU 'ONG, DE NAS BDEN 'DZIN GYI BLO SKYES MA THAG NAS DRAN 'DZIN CUNG ZAD TZAM GYIS BZLOG NUS PAS CHAD PA

MED PA'I TSUL DU 'ONG, DE NAS SEMS GNAS DGU PA LTAR MNGON PAR 'DU BYED PA LA MA BLTOS PAR 'BAD RTZOL GLOD DE SGOM PA 'DI NAS ZHI LHAG ZUNG 'BREL RJES MTHUN PA'AM CHA PHRA MO YIN LA, DE'I TSE DPER NA NAM MKHA' ZHES PA PAR SNANG GI SKYA SENG SENG PA'I STENG DU DGAG BYA THOGS REG DANG BRAL BA TZAM LA BZHAG PA LTAR DGAG BYA BDEN GRUB BKAG TZAM GYI STONG SANG MED DGAG LA CHOS GZHAN GYIS BAR MA CHOD PAR RTZE GCIG TU MNYAM PAR 'JOG PA NI MNYAM GZHAG NAM MKHA' LTA BU'I SKYONG TSUL RNAL MA YIN LA, SO SOR DPYAD PA LA BRTEN PA'I RANG STOBS KYIS ZHI GNAS DRANGS TE YID LA BYED PA MED PA'AM MI RTOG PA YANG 'DI NYID LA NGOS 'DZIN NO, ,'O NA MI RTOG PA'I RGYU LA RTOG PA SNA TSOGS SU 'PHRO ZHING DPYAD PA DES MI 'ONG NGAM SNYAM NA, 'OD SRUNG LE'U LAS, 'OD SRUNG 'DI LTA STE, DPER NA SHING GNYIS RLUNG GIS DRUD PA DE LAS ME BYUNG STE, BYUNG NAS SHING GNYIS SREG PA DE BZHIN DU 'OD SRUNG YANG DAG PAR SO SOR RTOG PA YOD NA 'PHAGS PA'I SHES RAB KYI DBANG PO SKYE STE, DE SKYES PAS YANG DAG PAR SO SOR RTOG PA NYID SREG PAR BYED DO, ,ZHES SHING DANG 'DRA BA'I RTOG PA SNA TSOGS PHAN TSUN DU DRUD PA LTAR DPYAD BAS ME LTA BU'I STONG NYID KYI LTA BA SKYES NAS RNAM RTOG GI SHING MA LUS PA BSREGS TE SHING MED PAR BYED PA BZHIN DU MI RTOG PAR GSUNGS SO, ,MNGON PAR 'DU BYED MED PA'I MTSAMS DE NAS LHAG MTHONG RJES MTHUN PA THOB PA DE RGYUN BSKYANGS NAS BSGOMS PAS LUS SHIN SBYANGS KYI BDE BA SNGAR ZHI GNAS KYI DUS SU MNYAM PAR BZHAG STOBS KYIS DRANGS PA DE LAS CHES LHAG PA'I DPYAD SGOM GYIS DRANGS PA'I LUS SEMS LAS RUNG GI SHIN SBYANGS KHYAD PAR DU 'PHAGS BA ZHIG 'THOB

, ,STE; DE THOB PA NA LHAG MTHONG DNGOS THOB CING, 'DI NAS BZUNG STE ZHI LHAG ZUNG 'BREL DNGOS KYI LAM ZHES NYA DANG NYUNG MA PHAN TSUN MI SRE BAR LUGS SROL GTZANG MA 'DZIN PA'I MKHAS PA RNAMS KYI BZHED PA YIN PAR MGRIN PA BTEG NAS SMRA'O, ,SA DVAGS SOGS MKHAS BLUN MANG POS, RTOG PA YOD NA LTA BA MIN, ,ZHES LTA BA SGOM PAR RTOG PA'I 'PHRO 'DU MED PA ZHIG DGOS PA LA, DGE LUGS PA RNAMS KYI ZHI GNAS CHU MI GA-YO BA LA LHAG MTHONG NYE'U CHUD 'PHAR BA MI RIGS ZHES DGAG CING, RANG PHYOGS KYI RJES 'BRANG MANG PO YANG PHYOGS SNGA DE LAM GYI GNAD MTHAR THUG PAR SKAD GSANG MTHON POS SGROG PAR BYED MOD, MNYAM GZHAG NAM MKHA' LTA BU'I LTA BA RNAL MA ZHIG MA RNYED PAR DU ZHI GNAS KYI RTZI MA ZHIG PA'I NGANG NAS LHAG MTHONG RJES MTHUN PA'I DPYAD PA MED NA LHAG MTHONG DANG BRAL BA'I ZHI GNAS KHO NA'I LAM DU 'GRO BA MANG BAS LAM GYI SA CHOD MI 'ONG ZHING, RTZOL BA LA MA BLTOS PA'I ZHI LHAG ZUNG 'BREL GYI 'GO BRTZAMS PA NAS BZUNG ZHI GNAS CHU MI 'GUL BA LA LHAG MTHONG NYE'U CHUNG 'KHYUG PA DE 'DRA RANG LUGS SU MI 'DOD PAS PHYOGS SNGA'I NAM MA LANGS PA NAS DGAG SGRUB KYI NYI MA SHAR BA'I DPAR SONG ZHING, RJES 'BRANG RNAMS KYANG LAM RIM CHE CHUNG GI DGONGS PA MA RNYED PA'I RI BONG TZAL SGROG GIS BSLUS PAR ZAD MOD, LAM SGOM PA'I THOG MTHA' BAR GYI NYAMS LEN BYED TSUL DANG RGYUD LA 'CHAR TSUL GYI PHRA ZHIB KYI DBYE BA MA PHYED PAR GCIG TU ZHEN PA NI BYIS PA BTZAS MA THAG PA DANG LO BRGYA TZAM LON PA GNYIS LA LUS KYI LANG TSO DAR RGUD LA KHYAD PAR MED DO ZHES SMRA BA DANG 'DRA BAS LEGS PAR SOMS SHIG ,DE LTAR MNYAM

GZHAG NA MKHA' LTA BU'I NYAMS LEN BYAS PAS RJES THOB TU JI LTAR 'BYUNG NA, TING 'DZIN RGYAL PO LAS, JI LTAR SMIG RGYU DRI ZA'I GRONG KHYER DANG, ,SGYU MA JI BZHIN RMI LAM JI LTA BUR, ,MTSAN MA SGOM PA NGO BO NYID KYIS STONG, ,CHOS RNAMS THADm DE BZHIN SHES PAR GYIS, ,ZHES RJES THOB KYI GNAS SKABS SU DGAG BYA BKAG PA'I SHUL DU LUS PA'I NGA'I MING TZAM ZHIG SNANG BA DE SGYU MA LTA BUR 'CHAR DGOS LA, 'CHAR TSUL SGYU MA'I RTA GLANG DANG RMI LAM GYI SNANG BA BDEN MED DU RTOGS PA DE LUGS 'DI'I 'CHAR TSUL MA YIN TE, DE LTAR NA SGYU MA MKHAN DANG RGAN PO BRDA LA BYANG BA RNAMS KYIS KYANG 'CHAR TSUL DE SHES DGOS SHING, SNGAR GYI LTA BA'I DPYAD PA DE NYAMS LEN BYAS PAS 'DI YIN 'DI MIN GYI NGOS BZUNG MED PA'I SNANG BA BAN BUN DU SONG BA DAG KYANG SKABS 'DI'I SGYU MA MI NO, ,'O NA JI LTA BU ZHIG DGOS SNYAM NA, SGYU MAS SPRUL BA'I RTA GLANG RTA GLANG MA YIN PAR RTOGS PAS RTA GLANG RANG BZHIN GYIS GRUB PA LA GNOD PA MI 'BYUNG BA'I RGYU MTSAN, DPAL LDAN CHOS GRAGS KYIS, 'DI YUL SUN PHYUNG MED PAR NI, ,DE SPONG BAR NI NUS MA YIN, ,YON TAN SKYON DANG RJES 'BREL BA'I, ,'DOD DANG SDANG SOGS SPONG BA NI, ,DE DAG YUL LA MA MTHONG BAS, ,YIN GYI PHYI TSUL DAG GIS MIN, ,ZHES TSER MA DBYUNG BA LTA BUS MI CHOG PAR GZUNG BYA'I YUL SUN PHYUNG BA ZHIG DGOS PAS, SGYU MA'I RTA GLANG 'PHRAL GYI 'KHRUL RGYUS BSLAD PA'I DBANG GIS MIG SHES LA BSNYON MED MTHONG YANG, MTHONG BA LTAR GYI RTA GLANG MED PAR 'JIG RTEN RGAN POS KYANG SHES PA BZHIN, RTA DANG GLANG PO RNAMS KYANG PHUGS KYI 'KHRUL RGYUS BSLAD PA'I MTHUS THA SNYAD PA'I SHES PA LA BSNYON MED DU SNANG YANG, KHO RANG GI NGO BO'I SGO NAS RANG BZHIN GYIS STONG BA SGYU MA LTA BU SHES DGOS PAS, SGYU MAS SPRUL BA'I

, ,SENG GE DE DON DU MED PAR SHES BZHIN DU, SENG GE DES SGYU MA'I GLANG PO GSOD PA SOGS MNGON SUM DU MTHONG NAS NGES SHES 'DRONGS PA LTAR, GANG ZAG RANG BZHIN GYIS MA GRUB PA SGYU MA LTA BUR SNANG BA DES DKAR NAG GI LAS GSOG CING RNAM SMIN MYONG PA LA NGES PA GTING NAS 'DRONGS PA NI CHOS 'DI'I KHYAD CHOS YIN ZHES BDAG GI BLA MA GSUNG NGO, ,RTA GLANG RANG BZHIN GYIS GRUB PA RIGS PAS 'GOG PA'I TSE DE LTA BU'I THA SNYAD PA'I SHES NGO DER RTA GLANG YANG DAG PAR 'DZIN PA'I SHES PA DE 'KHRUL SHES YIN PA SGYU MA'I RTA GLANG DANG MTSUNGS SHING, 'JIG RTEN SHES NGO LA BLTOS NA RTA GLANG YANG DAG TU 'DZIN PA'I SHES PA Ni MA 'KHRUL BA DANG, SGYU MA'I RTA GLANG 'DZIN PA'I SHES PA 'KHRUL SHES YIN PA'I ZHIB CHA'I SPU RIS PHYE BA'I SGO NAS DPER BSTAN PA YIN GYI, RTA GLANG RANG BZHIN GYIS MA GRUB PAR BSAMS TE, RTA GLANG DANG SGYU MA'I RTA GLANG THA SNYAD TZAM DU 'DRA BAR BYAS NA 'JUG PA LAS, GNOD PA MED PA'I DBANG PO DRUG RNAMS KYIS, BZUNG BA GANG ZHIG 'JIG RTEN GYIS RTOGS DE, ,'JIG RTEN NYID LAS BDEN YIN, ZHES BA'I DON DANG 'GAL BAS KUN RDZOB LA SKUR BA BTAB PAR 'GRO ZHING, 'JAM DPAL DBYANGS KYIS RJE BLA MA LA SNANG PHYOGS LA GCIG SU BYED DGOS PAR GSUNGS PA YANG MA 'ONGS PA NA GNAD 'DI 'DRA MA GO BA'I GDUL BYA RNAMS CHAD LTAR LHUNG GI DGOS PA LA DGONGS LA, LAM RIM CHE CHUNG DANG RTZA 'JUG GI tIKA CHEN RNAMS SU SNANG PHYOGS KYI SGRUB TSUL MANG BAS, SMRA BA'I SENG GE STAG TSANG LO TZ'A BAS, MA DAG 'KHRUL BA'I SNANG BA TSAD GRUB TU, ,RIGS PA DU MAS DPYAD NAS KHAS LEN PA, ,ZHES GSUNG BA YANG 'KHRUL GZHI 'DI 'DRA LAS BYUNG BAR SNANG NGO, ,GNYIS PA CHOS KYI BDAG MED BSGOM TSUL NI, DPER NA SPYI GTZUG NAS RKANG MTHIL

YAN GYI YAN LAG LNGA TSANG BA 'DI'I STENG DU LUS ZHES PAR MING GIS BTAGS PA MA YIN PA'I KHO RANG GI NGOS NAS TSUGS THUB TU GRUB PA LTAR SNANG BA'I LUS DE DGAG BYA NGOS ZIN PA'I GNAD, DE LTAR GRUB PA'I LUS DE DANG LUS KYI STOD SMAD YAN LAG SOGS GCIG GAM THA DAD GANG RUNG DU THAG GCOD PA NI KHYAB PA NGES PA'I GNAD, GCIG TU GRUB NA, LUS KYI MGO BO DANG RKANG LAG SHA RUS PAGS PA ZHES GDAGS GZHI DANG BTAGS CHOS KYI DON DU SO SO THA DAD DU SONG BAR NGES PAS BDEN PA'I GCIG BRAL NGES PA'I GNAD, DE GNYIS THA DAD YIN NA, SPYI GTZUG NAS RKANG MTHIL GYI BAR GYI LUS KYI CHA SHES RE RE NAS BLOS BSAL BA'I 'OG TU LUS ZHES NGOS 'DZIN RGYU MED PAS, YAN LAG LNGA TSANG GI LUS KYI STENG DU RTOG PAS PHAR BTAd PA'I LUS TZAM LAS KHO RANG GIS NGOS NAS TSUGS THUB TU GRUB PA'I LUS MED PA BDEN PA'I DU BRAL NGES PA'I GNAD, DE LA NGES PA LHANG GI SHAR BA NA CHOS KYI BDAG MED KYI LTA BA THOG MAR SNYED PA YIN NO, ,RTOG PAS BTAGS PA LA MA BLTOS PAR YAN LAG LNGA TSANG BA'I GZUGS KYI STENG NAS LUS RANG BZHIN GYIS GRUB PA YIN NA, SHING GI RA BA NA YOD PA'I DUS KYI YAL GA LO MA DANG LDAN PA'I SHING DANG, SHING DE BZO BOS GDUNG 'DEGS KYI BYA BA BYAS ZIN PA'I SKABS GNYIS LA 'DI NI KA BA'O SNYAM PA'I BLO 'CHAR MNYAM DGOS SHING, DE BZHIN DU ZLA BA SNGON MA MING MED PA'I BYIS PA ZHIG LA ZLA BA RJES MA BKRA SHIS ZHES BTAGS NA DUS GNYIS KA LA BYIS PA DE MTHONG PA'i TSE BKRA SHIS SO SNYAM PA'I SNANG BA 'CHAR DGOS PA LA MI 'CHAR BA BZHI NO, ,GZHAN YANG, RNAM PAR SHES PA 'DI KHA SANG GI SHES PA DANG DE RING GI SHES PA SOGS CHA MANG PO ZHIG TSOGS PA'I GDAGS GZHI'I STENG NAS BTAGS PA DANG, DUS ZHES PA LO ZLA BA ZHAG LA SOd PA

, ,TSOGS PA'I STENG NAS BZHAG PA DANG, 'DUS MA BYAS KYI NA MKHA' LTA BU BUG PA STONG PHRAG GCIG LTA BU LA MTSON NA BUG BDAG RANG BZHIN MED PAR RTOd PA NA DE'I GDAGS GZHI PHUNG PO STENG NAS NA MKHAR BZHAG PA SOGS CHOS GANG LA YANG GNAD BZHI'I DPYAD PA BYAS PA'I SGO NAS LTA BA GTAN LA 'BEBS PA YIN MOD, 'ON KYANG TSIG GSAL DU, SHING RTA 'TSIG NA SHING RTA'I YAN LAG 'TSIG PA DPER MDZAD PA BZHIN, BDAG RANG BZHIN MED PAR RTOd PA NA DE'I GDAGS GZHI PHUNG PO LNGA YANG RANG BZHIN GYIS YOD PAR 'DZIN PA LDOG PAR 'GYUR PA'I SHUGS KYIS CHOS KYI BDAG MED KYANG RTOGS 'GRO BAS, GANG ZAG GI BDAG MED PAR LEGS PAR GTAN LA PHAB STE NYAM SU BLANGS PA'I NUS PAS CHOS KYI BDAG MED GTAN LA 'BEBS PA MI DKA' ZHING, CHOS KYI BDAG MED KYANG, BZHI BRGYA PA LAS, DNGOS PO GCIG GI LTA PO GANG, ,DE NI KUN GYI LTA POR BSHAD, ,GCIG GI STONG NYID GANG YIN PA, ,DE NI KUN GYI STONG NYID YIN,, ZHES DANG, 'PHAGS PA LHAS, GANG GIS DNGOS GCIG DE BZHIN NYID MTHONG BA, ,DE YIS DNGOS KUN DE BZHIN NYID DU MTHONG, ,ZHES DNGOS PO GCIG STONG PA NYID DU RTOGS NA GZHAN RNAMS KYANG RTOGS NUS PAS, GZUGS LTA BU GCIG LA SNGAR GANG ZAG GI BDAG MED KYI SKABS BZHIN NYAM SU BLANGS PAS GZUGS NAS RNAM MKHYEN GYI BAR GYI CHOS THAMS CAD RANG BZHIN GYIS MA GRUB PAR SHAR 'ONG BAS NA, GONG MA RNAMS KYIS PHYAG LEN LA DPER BRJOD 'GA' ZHIG MDZAD PA YIN LA, CHOS THAMS CAD RE RE BZHIN NAS SGOM DGOS NA SGOM PA PO THOG MAR 'CHI BA MED PA TSE'I RIG 'DZIN SGRUB DGOS PAR 'GYUR ZHING, THOS BSAM GYI TSE DPER BRJOD KYANG 'GA' ZHIG BYAS BAS MA GROL NA,

RE DOGS MDZUB RTZIS KYI GA-YENG BA BSHOL NAS BEM PO ZHAL DRIL GYI TING NGE 'DZIN LA MNYAM PAR 'JOG PA ZHU,, ,,SMRAS PA, GTI MUG MUN PA 'THUG PO'I RAB RIB KYIS, ,LUS SEMS THAG KHRAR 'KHYIL BA'I SNANG TSUL LA, , NGA'O SNYAM PA'I DUG SPRUL 'JIGS RUNG GIS, ,SDUG BSNGAL GSUM GYI DANG NGAS SKRAG CIG YANG MYONG, ,NGAR 'DZIN SGYU MA'I RTA LA BDEN ZHEN GYIS, ,MTHA' MED 'KHOR BA'I YUL KUN DBANG MED DU, ,BGROD NAS RMI LAM YUL GYI BDE SDUG LTAR,, MYANG BA'I RANG MTSANG MA RIG SHIN TU BLUN, ,YOD YOD DAM DU GCES PAR BZUNG BA'i NGA, ,JI TZAM BTZAL BAS MA RNYED STONG BA'I GSHIS, ,NA MKHA'I BYA LAM LTA BU'I RJES MED 'DIS, ,CHOS KUN GDOD NAS STONG BA'I GNAD CIG RIG, MED BZHIN DMYAL BAR SREG PA'I SDUG BSNGAL DANG, ,LHA MI'I 'BYOR BAR SPYOD PA'I BDE BA SOGS, ,SGYU MA LTA BUR NYAM SU MYONG BA 'DIS, ,RTEN 'BREL MI BSLU SNANG BA'I GNAD CIG RTOGS, ,GDOD NAS STONG PA TZAM GYIS THA SNYAD DU, ,'JOG TSUL BSNYON MED SHES PA DBU MA'I LAM, SHES RAB RNON PO'I MTSON CHA 'KHOR BA'I TSE, ,NYON MONGS BDAG 'DZIN DAM PO'I 'CHING BA GCOD, ,TSUL 'DI THEG GSUM 'PHAGS PA THAMS CAD KYI, ,BGROD BA GCIG PA'I GSHEGS BSHUL YIN GYUR KYANG,, DA LTA'I BLUN RMONGS BSTAN 'DZIN GZUGS BRNYAN TSO'I, ,MUN NANG 'DOM PAR 'JAL BA'I NYAMS MYONG BZHIN, ,'ON KYANG MTSO LTAR GTING ZAB ZAB MO'I GNAD, ,'KHRUL MED SMRA BA'I MGRIN PA GZENGS MTHO BA, ,ZLA MED YONGS 'DZIN MCHOG GI BKA' DRIN DE, ,BSAMS KYIN LEGS BSHAD KUN BZANG MCHOD SPRIN SPRO, ,ZHES BYA BA NI BAR SKABS KYI TSIGS SU BCAD PA'O,, ,,GNYIS PA GZHAN RGYUD SMIN PAR BYED PA BSDU PA'I DNGOS PO BZHI LA BSLAB PA NI UMDO SDE RGYAN LAS,

, ,SBYIN MTSUNGS DE STON LEN 'JUG DANG, ,BDAG NYID RJES SU 'JUG RNAMS KYIS, ,SNYAN PAR SMRA DANG DON SPYOD DANG, ,DON MTHUN NYID DU 'DOD PA YIN, ,ZHES BYANG CHUB SEMS DPA' RGYAL SRAS KYI SPYOD PA LA BSLABS NAS SEMS CAN GYI DON BYED PAR BSDU BA'I DNGOS PO BZHI LA BRTEN NAS GZHAN RGYUD SMIN PAR BYED PA LA GDUL BYA SO SO'I KHAMS DANG 'TSAM PAR ZANG ZING MI 'JIGS CHOS KYI SBYIN PAS 'KHOR RNAMS BSDUS, 'DUS PA DE DAG LA BZHIN MDANGS GSAL ZHING 'DZUM PA'I SGO NAS KHAMS DRI BA SOGS 'JIG RTEN GYI TSUL DANG MTHUN PAS SNYAN PAR SMRA BA DANG, DE NYID GANG LA MOS PA'I CHOS KYI PHAN YON BRJOD CING KHYAD PAR DBANG PO RTUL PO DANG SDIG PA SNA TSOGS BYED PA, TSE 'DI 'BA' ZHIG DON DU GNYER BA, RAB TU BYUNG BA BAG MED CAN SOGS LA'ANG YANG DAG PA'I LAM LA BKRI BA'I CHED DU CHOS KYI 'BEL GTAM SNYAN PAR SMRA'O, ,DE LTAR BLO DGE BA'I PHYOGS SU SPRO BAR BYAS PA RNAMS LA RIGS MANG BAS GTAN GYI BDE BA BLOR MI CHUD PA RNAMS LA THAR PA'I LAM DANG, THEG DMAN THEG CHEN DU BTZAN 'KHRID BYED PA LTA BU, DPER NA TSAD PA'I NAD THANG GIS SMIN PAR MA BYAS PAR GA PUR GYI SPYOR BA BTAB PAS NAD 'THOR TE GNOD PA 'BYUNG BA BZHIN GDUL BYA LA MI PHAN PAS, TSE RING BA DANG NAD MED PA LA DGE BA 'DI LTA BU SGRUB DGOS ZHES PAS MTSON PA'I DGE BA PHRA MO NAS RIM GYIS BYANG BAR BYAS TE MTHAR MYA NGAN LAS 'DAS PA'I PHYOGS SU BKRI BA NI DON SPYOD PA DANG, DE GZHAN GYI SPYOD DU 'JUG PA LA YANG RANG NYID KYIS DON DE LA 'JUG BAR MA BYAS NA, NGED RNAMS KYI RGYUD 'DUL BA LA THOG MAR KHYOD RANG DUL DGOS SO ZER BA LTA BU 'ONG BAS, GZHAN GYIS JI LTAR SPYOD PA DE LAS LHAG PA 'AM DMA' MTHA' MTSUNGS PA TZAM ZHIG

NYAMS SU LEN PA NI DON MTHUN PA YIN NO, ,GSUM PA RJES KYI RIM PA NI, BSNGO SMON GYI RGYAS 'DEBS PA'ANG DER GTOGS MOD, GTZO CHER SNGAR GYI NYAMS LEN RDO RUS THUG PAR BYAS RJES RGYUN TU SNYING POR DRIL NAS JI LTAR BYA SNYAM NA, SKYABS SEMS KYI DUS SKYES BU CHUNG 'BRING GI SDUG BSNGAL RNAMS BSAM, DE RJES BLA MA'I RNAL 'BYOR DANG 'BREL BA'I SDIG BSHAGS TSOGS BSAG LAN NA TAN BYAS NAS, DNGOS GZHI GTONG LEN SPEL BA'I BYANG CHUB KYI SEMS DANG, ZHI LHAG ZUNG 'BREL GYI DMIGS PA SKYONG BA YIN NO,, ,,SMRAS PA, SNYING LA RUS PA BCUG PA'I BRTZON 'GRUS DANG, ,RANG BZHIN LHUN GYIS GRUB PA'I SHES RAB KYIS, ,PHYIN DRUB ZAB DON GNAD RIG NYAMS BLANGS PAS, ,RANG DON THOGS MED GRUB PA'I RTZE MOR PHYIN, ,NYAN RANG LTA BUR ZHI BDE'I DMAN LAM DU, ,GOL MIN GZHAN RGYUD SMIN BYED BSDU DNGOS BZHI, ,RNAM DKAR 'PHRIN LAS CHAD PA MED PA'I RGYUN, ,YAN LAG BRGYAD LDAN CHU BO'I RJES SU 'GRO, THABS SHES GSHOG ZUNG 'BREL BA'I SGYU RTZAL GYIS, ,SRID ZHI'I NAM 'PHANG YONGS SU BCAD PA'I MTHAR, ,SKU GSUM 'CHI MED 'DUN SAR YONGS RTZEN PAS, ,SNGON MED MKHA' LDING DBANG PO DENG 'DRI GRUB, ,CES BYA BA NI BAR SKABS KYI TSIGS SU BCAD PA'O,, DE LTAR PHA ROL TU PHYIN PA DRUG GI LAM LA BRTEN NAS BSOD NAMS DANG YE SHES KYI TSOGS RLABS PO CHE BSAGS TE RANG GI RGYUD SMIN NAS SANGS RGYAS KYI GO 'PHANG MNGON DU BYED, BSDU BA'I DNGOS PO BZHI LA BRTEN NAS GZHAN GYI RGYUD SMIN PAR BYAS TE, RNAM PA THAMS CAD MKHYEN PA'I SAR 'KHRID PAR BYED PA'I THABS MA NOR BA LEGS PAR STON PA'I SKYES BU GSUM GYI LAM GYI RIM PA RGYAL BA DGYES PA'I GDAMS NGAG DMAR 'KHRID LAG LEN DU STON PA'I RIM PA BRGYUD LDAN DAM PA'I

, ,GSUNG GI NYID KHU NI DE TZAM MO, ,MTSANG BA MED PAR NYAMS SU BLANGS PAS 'GRO BA'I RE BA SKONG BA LA YID BZHIN GYI NOR BU RIN PO CHE DBANG GI RGYAL BO DANG CHOS MTSUNGS PA'I PHYIR NA, SKYE RGU'I 'DOD DON MA LUS SKONG BAS NA, ,GDAMS PA RIN CHEN DBANG GI RGYAL PO STE, ,ZHES SOGS BSNGAGS PA RGYA CHER MDZAD PA LAGS SO, ,SMRAS PA, 'DI SNANG SRID PA'I PHUN TSOGS SKAD CIG GA-YO LDAN 'DOD PA'I RLABS 'PHRENG MNGON PAR 'KHRUG LA SRED PA YIS, ,PHA MTHA' YONGS BRAL 'KHOR BA'I RGYA MTSOR RAB LHUNG SDUG BSNGAL GSUM GYI 'JIGS RUNG NA KRAS MGRIN 'KHYUD PAS, ,ZHI BDE'I MCHING BU 'THOB PA TZAM GYI GO SKABS BRAL NA RNYED DKA' DON GNYIS YID BZHIN NOR BU MCHOG, MNGON SUM LTA CI MING RTZAM THOS PA'I SKAL BA CHES PHRA MA RiG 'KHRUL PAS BSLAD PA'I 'GRO BA RNAMS, ,NYON MONGS PAS DANG, SHES BYA'I SGRIB PA'I NAGS KLUNG STUG PO TSOGS GNYIS ZHUGS KYIS BSREGS PA YIS, ,CUNG ZAD BZOD DKA' NYAM NGA'I NGAS KYI 'BROG DGON LAS THAR DMAN LAM GCAN GZAN 'TSE BAS DBEN, ,MTHONG THOS KYIS KYANG NGAL GSO'I YUL GYUR GZHAN PHAN 'PHRIN LAS SMAN LJONGS SKYID PA'I DGA' TSAL DU, ,NYES PA'I SKYON LAS RNAM PAR GROL BA'I SKU GNYIS ZUNG 'JUG SANGS RGYAS SA LA DGOD PA'I CHED, ,GANG DAG GCIG MIN KUN LA RJES BRTZE'I ZHAL SGOR TSEMS DKAR CHU 'DZIN LANG LONG DBUS, ,SRAB 'JAM LJAGS KYI GLOG DMAR LEGS 'KHYUG THEG GSUM CHOS KYI 'BRUG SGRA CHER BSGRAGS PAS, ,MNGON MTHO NGES LEGS MNGAL KHUR RAB 'DZIN STOBS BCU'I RTZAL GYI SGRO GSHOG RNAM BKRA'I GDUGS, ,ZLUM POR BYAS TE PHAN BDE'I ZLOS GAR SGYUR MDZAD 'GRO BA'I BLA MA ZAS

GTZANG SRAS, ,YAN LAG BCU GNYIS THUB PA'I GSUNG RAB BLA NA MED PA'I BDUD RTZI'I RO, ,THUGS GSANG DPAL GYI BE'UR YONGS 'KHYIL RGYAL TSAB GNYIS KYI ZHAL LUNG GIS, ,CI YANG MYOS PA'I LEGS BSHAD GLUR LEN KLU SGRUB THOGS MED SHING RTA CHE'I, ,GRAGS DKAR DU KLU LA YI GOS KYIS 'PHAGS YUL 'CHI MED BDUN SA MDZES, ,STONG PA'I ME LONG NGOS SU PHYIN DRUG SPYOD PA'I GZUGS BRNYAN RNAMS, ,'GAG MED 'CHAR BA'I SNANG BA NYI MA 'BUM GYI 'OD PO CHE, LHAG BSAM RLUNG GIS GANGS CAN MKHA' LA 'DREN MDZAD AA TI SHA'I, ,LUGS BZANG TSOGS RNAMS RING PO ZHIG NAS RMONGS PA'I SPRIN GYIS BSGRIBS, ,DE'I TSUL MA BZOD BRTZE CHEN PHYAG SOR GYIS, ,LEGS BZUNG MKHYEN DPYOD 'JAM DPAL RDO RJE'I MTSON, ,RNON POS LOG RTOG 'KHRUL PA'I DRA BA RNAMS, ,GCOD MDZAD BLO GSAL SKAL BZANG GRAGS PA'I DPYID, ,THUB GSUNG MES PO'I ZHAL SGO LAS BABS PA'I, ,BKA' DANG DGONGS 'GREL YAN LAG BRGYAD LDAN CHAB, ,BTUNGS PAS DRANG NGES 'BYED MKHAS BTZONG KHA PA, ,BSNGON MED RDZHA NU ZHES KUN GNYIS GLENG, ,GANG GI RING LUGS 'DZIN 'DOD KUN BZOD 'DIR, ,CHES MANG LCI BA'I RDUL GYI 'BAB LDAN MAS, ,NOR 'DZIN BZHIN RAS YONGS SU BKRUS BYAS KYANG, ,TSUL LDAN SHES PA'I MKHAS PA NYIN SKAR BZHIN, ,'CHAD RTZOD RTZOM LA SPOBS PA'I MGRIN MTHON PO, ,MA SMAD GA-YAS SU 'KHYIL BA'I CHOS KYI DUNG, ,SKAL BZANG RNA BAR SGROG PA'I YONGS 'DZIN TSOGS, ,THAMS CAD MKHYEN PAR NGES SO GZHAN LAS CI, ,PHYOGS RE'I SMAN GYIS LA LA'I DUG 'GYUR BA'I, ,ZAB RLOM GZHAN GYIS 'GRAN MIN BSTAN PA'I GNAD, ,MA LUS TSANG BAS SKYES BU RNAMS PAR GSUM, ,YANG DAG LAM DU BKRI BA'I DON CHEN YIN, ,LAM

, ,RIM GNYIS KYI TSIG DON ZAB BRLING MKHA', ,BLO GROS CHUNG DU'I BUG PAR SHOD MIN LA, ,PHAN 'DOD GSAR BSKRUN MTHA' GNYIS LHUNG BA'I CHU, ,DBANG PO'I SNOD DU MI KHENGS LA LAR 'BO, ,YANG DAG DON GYI 'BRAS BU SMIN PA LA, ,GNAD 'GAG MTSANG SKAM PO'I YAL GA DANG, ,DON MED TSIG GI LO MA'I PHANG PHUNG YANG, ,RI MO'I MAR ME JI BZHIN GSAL CHAS STONG, ,DE PHYIR DON GYI CHA SHAS KUN TSANG ZHING, ,RGYA CHEN TSIG GI RI DVAGS GZUGS BRAL BA'I, ,SNGON MED BSTAN BCOS ZLA BA GSAR PA 'DI, ,BDAG BLO'I RDZING LAS SKRUN NUS GA LA SRID, ,'ON TE GZHUNG DON RTOGS DKA'I GNAD KYI RGYUD, ,MANG THOS SOR MO'I RTZAL GYIS BKUG PA'I MDAS, ,PHRA ZHIB LEGS BSHAD RGYANG MA'I TSAD BZHAG TSE,, MKHAS RLOM 'PHONGS SKYEN RNAMS KYI KHENGS PA PHROGS, ,LUNG DON RIGS PAS DPYOD PA'I PHA MTHA' LA, ,GZIGS PA'I SBYAN GYI DKYUS DE CHES THUNG YANG, ,MI DGE'I GTAM GYI GAR SGYUR LJAGS KYI RTZE, ,SRID PA'I RTZE MOR SNYEG RNAMS NGAL GSO MDZOD, ,GUR KUM TSOS KYIS BTZOS PA'I LA BA'I ZHVAS, ,RANG RIGS BSTAN PA ZIN NA CHES LEGS KYI, ,PHA MES LUNG DANG RTOGS PA'I KHYAD NOR TSOGS, ,RNAM GA-YENG RKUN POR SHOR BA'I LAG STONG MANG, ,GTI MUG GOMS PA'I DBANG RTUL RA GNA LA, ,BSTAN 'DZIN DAM PA'I GSER SBYANGS BTZO MA ZHES, ,MKHAS MANG TSONG 'DUS CHEN PO'I SAR 'GRIMS TSE, ,MI SHES NGAN PA'I RANG MDOG BSTAN PAS NONGS, ,NA TSOD CHES PHRA'I SGO NGA'I SBUBS RGYA NAS, ,RNAM DPYOD RTZAL KUN RDZOGS PA RAB DKA' MOD, ,LANG TSO'I SGRO GSHOG RGYAS KYANG BSHAD SGRUB KYI, ,NAM KHAR 'PHUR NUS MIN PA'I BYA DES CI, ,KHO BO MA BSLABS MKHYEN PA'I SNYAN GRAGS KYI, ,CAL SGROG MANG PO'I YID DBANG MA PHROGS KYANG, ,PHONGS

BA'I NOR BZHIN 'BAD PAS BSGRUBS PA YI, ,LNGA RIG PHYOGS TZAM SHES 'DIS GZENGS SU MTHO, ,MDZAD MCHOG GSUNG GI SNYING PO DKA' BA'I MDUD, ,RNAM PAR 'GROL BA'I BSOD NAMS SU WARnA'I, ,'KHOR LO RTZIBS STONG 'BAR BAS MI 'JIGS BZHI'I, ,BANG RIM RTZE MO'I KHANG PAR BGROD GYUR CIG ,ZHVA SER MNABS PA'I LUGS 'DZIN SKYONG BA'I LHA, ,PHYAG DRUG LAS GSHIN LHA CHEN MIG GI MES, ,'DOD LHA SDE BCAS SREG DANG CHABS CIG PAR, ,LUNG RTOGS BA DAN SRID RTZER SGRENG GYUR CIG ,RANG BLO'I DROD KYIS 'KHRID GZHUNG GSER SGONG DAG ,SMIN PA'I 'BRAS BZANG SKU BZHI'I ZHAL SGO CAN, ,MI ZAD RGYAN GYI 'KHOR LO'I BYED PA PO, ,KUN MKHYEN MES POR 'GRO RNAMS GYUR CIG GU, DE LTAR BYANG CHUB LAM GYI RIM PA'I 'KHRID GZHUNG SPYAN SNGA BLO GROS RGYAL MTSAN GYIS MDZAD PA SOGS 'GA' ZHIG SNANG BA STOD CHA RNAMS BSHAD YAMS SU SONG PAS DMIGS PA'I THOG TU MI 'DRIL LA, SMAD CHA RNAMS HA CANG BSDUS BAS GANG ZAG LAS DANG PO RNAMS LA NYE BAR MI MKHO ZHING, BLO GROS KYI RTZAL DANG LDAN BA RNAMS NI THAMS CAD MKHYEN PA BTZONG KHA PA CHEN PO'I GSUNG RAB LA BLTA BA'I BLO GROS KYI MIG DANG LDAN BZHIN DU YI GE GZHAN LA BRTEN PA YAN LAG BRGYAD LDAN GYI MTSO 'GRAM DU BA TSVA'I KHRON PA'I DPER SONG MOD, BRGYUD BA'I BKA' SROL 'DI PAR THAMS CAD MKHYEN PA BSOD NAMS RGYA MTSO YAN CHOD DU LAM RIM GNYIS DANG, BLA MA BRGYUD BA'I ZHAL LUNG NYAMS PA MED PA NYID LAS ZIN BRIS KYI YI GE 'DI LA BRTEN GYI SGROS MI 'DUG CING, SBYAN SNGA RIN PO CHE GZHON NU CHOS DPAL BZANG PO YAN CHOD DU BDUD RTZI GSER GYI YANG ZHUN LA RTZA BAR MDZAD, LAM RIM CHE CHUNG GNYIS NAS KHA BKANG STE GNANG PA LAS 'KHRID YIG NAG 'GROS

, ,SU BKOD PA MED KYANG, YUL NYANG STOD DPAL 'KHOR BDE BA CHEN PO'I SGRUB SDE RI KHROD DGA' LDAN GYI SLOB DPON PA, AE RIG PA'I 'BYUNG GNAS KYI YUL GRUR SKYES BA'I MDO SNGAGS RAB 'BYAMS SMRA BA BYAMS PA RIN CHEN GYIS 'BAD PA CHEN POS ZLA BA PHYED GNYIS KYI BAR DU NYAMS 'KHRID SMIN RGYAS SU MNOS TE, 'KHRID DMIGS YI GER 'KHOD PA ZHIG DGOS ZHES NAN GYIS BSKUL BA LA BRTEN NAS, SPYIR NYAMS 'KHRID KYI RIGS BRGYUD LDAN BLA MA'I ZHAL SGO LAS NYE BAR MNOS PA ZHIG MA BYUNG NA, KLAG LUNG DANG DPE TZAM GYI STENG NAS NYAMS SU LEN PA BRGYUD BA MED PAS RANG GZHAN LA PHAN PAR MI 'GYUR BAR MA ZAD, CHOS LA DBANG ZA BA'I SKYE BO SNYING KHAMS CAN 'DRAS RANG GIS NYAMS 'KHRID MTHOB BZHIN DU GZHAN LA 'CHAD PA, JO BO BKA' GDAMS PA RNAMS KYIS RANG LA NYAMS LEN MED PAR GZHAN LA STON PA BUM STONG GCIG NAS GCIG TU 'BYO BAR GSUNGS PA LAS KYANG DMAN PA'I DUS TSOD 'DIR, LAG LEN DMAR 'KHRID DU GSAL BAR YI GER 'DRI BA GCIG TU BSTAN PA'I RGYUN LA MI PHAN PAR 'DUG NA'ANG, SNYIGS MAR SBYOD BA'I SKYE RGU BLO GROS DMAN PA RNAMS KYIS BLA MA'I GSUNG SGROS TSUL BZHIN DU MA ZIN PAR LOG BSHAD KYI NYES PA RANG 'BYUNG BAS GNYIS SU BSTAN PA LA PHAN PA'ANG SRID SNYAM PA'I BLOS, BYANG CHUB LAM GYI RIM PA'I 'KHRID GZHUNG 'JAM PA'I DBYANGS KYI ZHAL LUNG ZHES BYA BA 'DI NI, RGYAL BA'I GSUNG RAB MTHA' DAG LA GZHAN DRING MI 'JOG PA'I RTZOD DUS KYI KUN MKHYEN CHEN PO 'KHON STON CHOS KYI RGYAL BO'I ZHAL LUNG DRI MA MED PA 'JAM DBYANGS BLA MA'I DRIN LAS LEGS PAR THOS SHING SMRA MKHAS NGAG GI DBANG PHYUG RJE BTZUN BLA MA DKON MCHOG CHOS 'PHEL BA'I

DRUNG DU LAM GYI RIM PA CHEN MO CHIG GCIG KYANG MA LUS PA'I BZABS BSHAD LAN GNYIS KYI BAR DU MNOS PA'I BKA' DIN LAS CHOS TSUL 'DI NYID SMRA BA LA SPOBS PA'I MGRIN PA CUNG ZAD 'DEGS NUS PA'I SKAL BA CAN DU GYUR PA'I ZA HOR GYI BANDE NGAG DBANG BLO BZANG RGYA MTSO 'JIGS MED GO CHA THUB BSTAN LANG TSO'I SDE MING GZHAN 'JAM DBYANGS DGA' PA'I BSHES GNYEN DU 'BOD PAS, 'PHAGS PA'I YUL DU BI LAMBHA ZHES PHYOGS 'DIR RNAM 'PHYANG DU 'BOD CING, 'JAM DBYANGS GONG MA'I RGYAL KHAB TU WU ZU'I ZHES PA SA PHO KHYI'I LO, LEGS SBYAR GYI SKAD DU SHRA BA nAR GRAGS PA BYA SBO ZLA BA, RGYA NAG PA TSA'I YOL ZHES HOR ZLA BDUN PA, DUS 'KHOR BA'I MUN PA GSAL BA 'BRING PO'I DGA' BA, YON TAN GYI DBYANGS A'ALA, GSAL BYED M'ALA, DBYANGS 'CHAR BA'I DMAR PHYOGS KYI DGA' BA GNYIS PA, DBYANGS A'A, GSAL BYED TSA, NA TSOD BYIS PA, KHAMS SA, 'DOD YON DRI, NYI MA ME BZHI'I 'GRUB SBYOR GYI TA TK'A LA SENG GE'I DUS SBYOR LA, BKA' DANG BSTAN BCOS 'GYUR RO CO GA GI TSAL CHEN PO DPAL LDAN 'BRAS SPUNGS CHOS KYI SDE CHEN POR SBYAR BA'I YI GE PA NI GRONG SMAD PA 'PHRIN LAS RGYA MTSOS BRIS PA SU DH'I SH'ASA N'A N'Am BA SANTE shBU DA YANTU,, ,, ` AOm SVA STI, RNAM 'DREN ZAS GTZANG SRAS KYI MDO SNGAGS GSUNG RAB KUN GYI SNYING PO'I DON, ,AA TI SHA DANG BLO BZANG GRAGS PA YAB SRAS THUGS BCUD GDAMS PA'I PHUL, ,CHE BA BZHI LDAN BYANG CHUB LAM RIM STAN THOG GCIG TU BSGOM PA'I TSUL, ,NGAG GI DBANG PHYUG BLO BZANG RGYA MTSO 'JAM DPAL RDO RJE'I ZHAL LUNG 'DI, ,PHYAG MDZOD BDE GSAL MON CHOS ZUNG GIS PAR DU BSKRUN PA'I LEGS BYAS MTHUS, ,'JAM DPAL SNYING BO'I RING LUGS DRI MED TSAD

, ,LA MA NOR GDAMS PA 'DI, ,THOS BSAM SGOM BYED SKAL LDAN SKYES BUS SA STENG KUN TU KHYAB PA DANG, ,RGYAL DBANG YAB SRAS RNAM GNYIS KYIS GTZOS BSTAN 'DZIN MCHOG RNAMS ZHABS BRTAN SHOG ,BRIS BRKOS MKHAN SOGS MKHA' MNYAM 'GRO KUN DAL RTEN RIM BRGYUD LAM BZANG 'DIR, ,MTSAN LDAN DAM PA'I MGON DANG BCAS TE PHYI NANG MTHUN RKYEN KUN TSANG ZHING, ,BAR CHAD MED PAR NYAMS SU BLANGS PAS NGES 'BYUNG BYANG SEMS YANG DAG LTA, ,RIM GNYIS LAM GYI BGROD PA MTHAR SON 'JAM DPAL RDO RJE MYUR 'GRUB SHOG, CES LAM RIM 'DI'I PAR GSAR PA YIG 'BRU CHE BA ZHIG BYUNG NA 'GRO PHAN CHE BAR YONG 'DUG ZHES YONGS 'DZIN DGA' LDAN KHRI THOG BDUN CU PA DGE SLONG NGAG DBANG CHOS 'PHEL GYIS RTZE PHYAG MDZOD PA MKHAN CHUNG BDE GSAL BA DGE SLONG BYANG CHUB YON TAN DANG, RTZE PHYAG MDZOD PA MON CHOS DGE SLONG NGAG DBANG BDE LDAN GNYIS LA SMRAS PAR, KHONG RANG RNAM GNYIS NAS KYANG DANG BA CHEN POS KUN NAS BSLANGS TE RGYU SBYAR NAS PAR DU BSKRUN PA'I PAR BYANG SMON TSIG KYANG 'DI LTAR DGOS ZHES BSKUL NGOR PHO BRANG PO T'A LA'I GZIM CHUNG BLO BZANG MDUN SA NA SBYAR BA DGE LEGS 'PHEL,, ,,PAR 'DI RME RU PHUN TSOGS GLING DU BZHUGS, `BOD GZHUNG SHES RIG DPAR KHANG NAS PAR THEBS GNYIS PA DPE GRANGS 1000 CHIG STONG THAM PA PHYI LO 1995 LOR DPAR BSKRUN ZHUS PA'O,,