, ,BRAG RDZONG RGYUN 'KHYER RDO RJE'I GO KHRAB CES PA BZHUGS SO,,
, ,BLO GSAL SKAL BZANG RGYA MTSO CHEN PO'I DBUS, ,SNYAN BRGYUD GRAGS PA'I RGYAL MTSAN BSGRENG MKHAS PA, ,RDO RJE 'CHANG DBANG TSAR CHEN CHOS KYI RJE, ,YAB SRAS BRGYUD PAR BCAS LA GUS BTUD NAS, ,CHOS SKYONG RNAM GNYIS BDAG BSKYED CHES ZAB PA, ,SNYING GI ZUNGS KHRAG LTA BU'I BRAG RDZONG GI ,RGYUN 'KHYER GSANG CHEN SLOB BSHAD BZHED SROL LTAR, ,NGAG 'DON KHRIGS CHAGS YI GE'I 'PHRENG BAR SPEL, ,SKYABS 'GRO NI, BDAG DANG 'GRO BA NAM MKHA' DANG MNYAM PA'I SEMS CAN THAMS CAD DUS 'DI NAS BZUNG STE JI SRID BYANG CHUB SNYING PO LA MCHIS KYI BAR DU DPAL LDAN BLA MA DAM PA RNAMS LA SKYABS SU MCHI'O,, RDZOGS PA'I SANGS RGYAS BCOM LDAN 'DAS RNAMS LA X DAM PA'I CHOS RNAMS LA X 'PHAGS PA'I DGE 'DUN RNAMS LA X LAN GSUM, BLA MA DANG DKON COG RIN PO CHE RNAM PA GSUM LA PHYAG 'TSAL ZHING SKYABS SU MCHI 'O,, KHYED RNAMS KYIS BDAG GI RGYUD BYIN GYIS BRLAB TU
, ,GSOL, SEMS CAN THAMS CAD KYI DON DU RDZOGS PA'I [?] SANGS RGYAS KYI GO 'PHANG 'THOB PAR BYA, DE'I CHED DU BDAG GIS RDO RJE NAG PO CHEN PO GUR GYI MGON PO BSGOM PAR BGYI'O,, LAN GSUM, RDO RJE SEMS DPA'I SGOM BZLAS NI, BDAG GI SPYI BOR PADMA DANG ZLA BA'I STENG DU, SKAD CIG GIS BCOM LDAN 'DAS RDO RJE SEMS DPA' DPAL HE RU KA SKU MDOG DKAR PO ZHAL GCIG PHYAG GNYIS KYIS RDO RJE DANG DRIL BU 'DZIN PAS YUM LA 'KHYUD PA, RUS PA'I RGYAN DRUG GIS BRGYAN PA, ZHABS RDO RJE'I SKYIL MO KRUNG GIS BZHUGS PA, DE'I BANG NA YUM RDO RJE BSNYEMS MA SKU MDOG DKAR MO GRI GUG DANG THOD PA 'DZIN PA, PHYAG RGYA LNGAS BRGYAN PA DANG MNYAM PAR SBYOR BAR BSGOMS LA, YAB KYI THUGS KAR ZLA BA'I STENG DU H'Um DKAR PO,, DE LAS 'OD 'PHROS PAS, DE BZHIN GSHEGS PA THAMS CAD KYI THUGS KYI SNYING PO YE SHES KYI BDUD RTZI SPYAN DRANGS NAS H'Um LA THIM, BCOM LDAN 'DAS BDAG DANG SEMS CAN THAMS CAD KYIS 'KHOR BA THOG MA MED PA NAS BSAGS PA'I SDIG SGRIB NYES LTUNG DRI MA'I TSOGS THAMs
CAD BYANG ZHING DAG PAR MDZAD DU GSOL, ZHES GSOL BA BTAB PAS, H'Um LAS BDUD RTZI BABS, HE RU KA'I SKU GANG DE NAS SKU'I DBYIBS BRGYUD YUM GYI SKU GANG, YAB YUM GYI SBYOR MTSAMS NAS BDUD RTZI BABS, BDAG GI SPYI GTZUG NAS ZHUGS PAS, NAD GDON SDIG SGRIB THAMS CAD DUD KHU'AM, RNAG KHRAG GI RNAM PAS BSHANG GCI GNYIS DANG RKANG MTHIL GNYIS NAS 'THON NAS, SHUL THAMS CAD BDUD RTZIS GANG BAR BSAM LA, NGAG TU, AOm SHR'I BADZRA HE RU KA SA MA YA, MA NU P'A LA YA, HE RU KA TVE NO PA TIshthA, DRi dHO ME BHA WA, SU TO shYO ME BHA WA, AA NU RAKTO ME BHA WA, SU PO shYE ME BHA WA, SARBA SIDDHIMME PRA YATZTSA, SARBA KARMA SU TZA ME, TZITTAm SHRE YA: KURU H'Um, HA HA HA HA HO: BHA GA WAN, BADZRA HE RU KA, M'A ME MUNYTZA, HE RU KO BHA WA, MA H'A SA MA YA SATVA A'A:H'Um PHAt, CES LAN NYI SHU RTZA GCIG YAN CHAD CI NUS BZLAS NAS, RDO RJE THAL MO SNYING GAR SBYAR LA, BDAG NI MI SHES RMONGS PA STE, ,DAM TSIG LAs NI 'GAL ZHING NYAMS, ,BLA MA MGON POS SKYABS MDZOD CIG , GTZO BO RDO RJE 'DZIN PA STE, ,THUGS RJE CHEN PO'I BDAG NYID CAN, ,'GRO BA'I GTZO LA BDAG SKYABS MCHI, ,SKU GSUNG THUGS RTZA BA DANG YAN LAG GI DAM TSIG NYAMS PA THAMS CAD 'THOL LO BSHAGS SO,, SDIG PA DANG SGRIB PA NYES BA DANG LTUNG BA DRI MA'I TSOGS THAMS CAD BYANG ZHING DAG PAR MDZAD DU GSOL, ZHES GSOL BA BTAB PAS, BCOM LDAN 'DAS RDO RJE SEMS DPA' YAB YUM 'OD DU ZHU NAS, SPYI BO NAS RANG LA THIM PAS RANG GI LUS SHEL GONG LTA BUR BSAM, BLA MA'I RNAL 'BYOR NI
, ,GNAS KHANG DUR KHROD ROL PA'I GZHAL YAS KHANG DU GSAL BA'I RANG GI MDUN GYI NAM MKHAR MGON PO 'KHOR BCAS BZHUGS PA'I SPYI BOR SENG KHRI PAD NYI BDUD KYI GDAN LA DRIN CAN RTZA BA'I BLA MA DE NYID NAS BZUNG STE, RDO RJE 'CHANG GI BAR GYI BRGYUD PA'I BLA MA THAMS CAD RDO RJE NAG PO CHEN PO GUR GYI MGON PO'I RNAM PA CAN MTHO BRTZEGS SU REG LAM 'BYAR BA'I TSUL GYI BDAG LA DGYES SHING 'DZUM PA'I NYAMS KYIS BZHUGS PAR BSAM, ` SANGS RGYAS RDO RJE 'CHANG CHEN PO LA SKYABS SU MCHI'O,, SANGS RGYAS RDO RJE 'CHANG CHEN PO LA GSOL BA 'DEBS SO,, SANGS RGYAS RDO RJE 'CHANG CHEN POS BYIN GYIS RLOBS SHIG, DE BZHIN DU, BRAM ZE CHEN PO MCHOG SRED LA XXX SLOB DPON NOR BU GLING PA LA XXX SHR'ADDH'A K'A RA WARMA LA XXX LO TZ'A BA RIN CHEN BZANG PO LA XXX BRAG STENG PA YON TAN TSUL KHRIMS LA XXX RJE [?] BTZAN MAL LO CHEN PO LA XXX SA CHEN KUN DGA' SNYING PO XXX SLOB DPON BSOD NAMS RTZE MO XXX RJE BTZUN GRAGS PA RGYAL MTSAN LA XXX CHOS RJE SA SKYA PAndI TA XXX 'GRO MGON CHOS RGYAL 'PHAGS PA XXX MTHU CHEN AA NYAN DAM PA XXX BLA MA BDAG NYID CHEN PO XXX MKHAS BTZUN NAM MKHA' LEGS PA XXX BLA MA DAM PA BSOD NAMS RGYAL MTSAN XXX BLA CHEN KUN DGA' RGYAL MTSAN XXX 'JAM DBYANGS NAM MKHA' RGYAL MTSAN XXX BDAG CHEN BLO GROS RGYAL MTSAN XXX RDO RING KUN SPANGS CHEN PO XXX TSAR CHEN RDO RJE 'CHANG XXX 'JAM DBYANGS MKHYEN
BRTZE'I DBANG PHYUG XXX MKHAN CHEN BSLAB GSUM RGYAL MTSAN XXX KHYAB BDAG DBANG PHYUG RAB BRTAN XXX RJE BTZUN MGON PO BSOD NAMS MCHOG LDAN XXX RDO RJE 'DZIN PA BKRA SHIS KUN DGA' XXX BKA' DRIN MNYAM MED RTZA BA'I BLA MA XXX ZHES GSOL BA BTAB PAS, RIM PA BZHIN DU BRGYUD PA'I BLA MA RNAMS 'OD DU ZHU, RTZA BA'I BLA MA LA THIM PAR GYUR, DUS GSUM SANGS RGYAS THAMS CAD KYI NGO BO DPAL LDAN BLA MA DAM PAS, BDAG GI RGYUD BYIN GYIS BRLAB TU GSOL, LHAN CIG SKYES PA'I YE SHES DANG RIM GNYIS KYI RTAGS PA KHYAD PAR CAN RGYUD LA SKYE BAR BYIN GYIS BRLAB TU GSOL, MKHA' 'GRO CHOS SKYONG RNAMS BDAG GI DBANG DU 'DUS NAS LAS BZHI'I 'PHRIN LAS THAMS CAD 'BAD MED DU 'GRUB PAR BYIN GYIS BRLAB TU GSOL,, ZHES GSOL BA BTAB PAS, CHOS SKYONG 'KHOR BCAS BLA MA LA THIM, BLA MA DE NYID 'OD ZER SNGON POR ZHU, RANG GI SPYI BO NAS THIM PAS LUS NGAG YID GSUM DANG, BLA MA'I SKU GSUNG THUGS DBYER MED DU BSAM, DNGOS GZHI LA BSKYED RIM SRUNG BA'I 'KHOR LO BSGOM PA NI, RANG NYID SKAD CIG GIS RDO RJE NAG PO CHEN PO GUR GYI MGON POR GSAL BA'I THUGS KA'I H'Um YIG LAS 'OD ZER 'PHROS PAS, NAG PO CHEN PO SRUNG BA'I 'KHOR LO LA BLA MA MA BSKYOD PA'I RNAM PAS GTZO BO'I DBU LA BRGYAN PA MDUN GYI NAM MKHAR BADZRA SA M'A DZA: NA MO GU RU BHYA: NA MA: SHR'A MA H'A K'A LA MAndA LE BHYA: SHR'I GU RU MA H'A K'A LA SA PA RI W'A RA AARGHAm PRA T'ETZTSA YE SV'A H'A, P'A DYAm, PUshPE, DH'U PE, A'A LE KE,
, ,GANDHE, NEE WI DYE, SHABDA A'A:H'Um, DKON COG GSUM LA BDAG SKYABS MCHI, ,SDIG PA THAMS CAD SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS BZUNG, ,SANGS RGYAS CHOS DANG TSOGs MCHOG LA, ,BYANG CHUB BAR DU BDAG SKYABS MCHI, ,RANG GZHAN DON GNYIS RAB BSGRUB PHYIR, ,BYANG CHUB SEMS NI BSKYED PAR BGYI, ,BYANG CHUB MCHOG TU SEMS NI BSKYED BGYIS NAS, ,SEMS CAN THAMS CAD BDAG GI MGRON DU GNYER, ,BYANG CHUB SPYOD MCHOG YID 'ONG SPYAD PAR BGYI, ,'GRO LA PHAN PHYIR SANGS RGYAS 'GRUB PAR SHOG ,LAN GSUM BRJOD, SEMS CAN THAMS CAD BDE BA DANG BDE BA'I RGYU DANG LDAN PAR GYUR CIG, SEMS CAN THAMS CAD SDUG BSNGAL DANG SDUG BSNGAL GYI RGYU DANG BRAL BAR GYUR CIG, SEMS CAN THAMS CAD SDUG BSNGAL MED PA'I BDE BA DANG MI 'BRAL BAR GYUR CIG, SEMS CAN THAMS CAD NYE RING CHAGS SDANG GNYIS DANG BRAL BA'I BTANG SNYOMS LA GNAS PAR GYUR CIG, CES TSAD MED BZHI BSGOM, TSOGS ZHING RNAMS RANG LA THIM PAR BSAM, AOm SHU'A N+YA T'A DZNY'A NA BADZRA SVA BH'A WA A'ATMA KONYAHAm, STONG PAR GYUR, STONG PA'I NGANG LAS SUm LAS RDO RJE'I BRAG RDZONG DMAR NAG GRU GSUM PA, MTHO ZHING DAM CHOD PA DE'I STENG DU AE LAS CHOS 'BYUNG GRU GSUM MTHING NAG YANGS SHING RGYA CHE BA NANG KHRAG ZHAG 'KHRUGS PA'I RGYA MTSES GANG BA DE'I DBUS SU BAm LAS PADMA DANG RAm LAS NYI MA'I DKYIL 'KHOR GYI STENG DU H'Um LAS SNA TSOGS RDO RJE'I LTE BA LA H'Um GIS MTSAN PA, DE LAS 'OD 'PHROS
PAS, 'OG RDO RJE'I SA GZHI, KHOR YUG RDO RJE'I RA BA, STENG RDO RJE'I GUR DANG BLA BRE, PHYI ROL THAMS CAD YE SHES KYI ME DPUNG 'BAR ZHING 'KHRUG PA'I SRUNG BA'I 'KHOR LOR BSAM, AOm BADZRA RAKshA RAKshA H'Um H'Um H'Um PHAt SV'A H'A, ZHES LAN GSUM BRJOD, SRUNG 'KHOR GYI DBUS SU H'Um LAS GNAM LCAGS LAS GRUB PA'I 'KHOR LO RTZIBS BCU PA, RTZE MO RNO BA, KHOG PA STONG PA YANGS SHING RGYA CHE BA, GO SKABS MED PAR GYUR, AOm BADZRA TZAKRA RAKshA H'Um BHR'Um [?] H'Um, 'KHOR LO'I NANG GI DBUS DANG PHYOGs BCUR PADMA DANG NYI MA MI RO DMAR SER MGO G-YAS SU BSTAN PA'I STENG DU H'Um MTHING NAG RE RE, DE RNAMS LAS 'OD 'PHROS, DGRA BGEGS GDUG PA CAN THAMS CAD TSAR BCAD, TSUR 'DUS YONGS SU GYUR PA LAS, DBUS SU BDAG NYID DPAL RDO RJE NAG PO CHEN PO GUR GYI MGON PO CHE ZHING CHER 'BAR BA, SKU MDOG MTHING NAG ZHAL GCIG PHYAG GNYIS PA, G-YAS GRI GUG DANG, G-YON THOD PA KHRAG GIS GANG BA THUGS KAR STENG 'OG TU 'DZIN PA, PHYAG GNYIS KYI DBUS NA RNAM 'PHRUL GYI GAndI BSNAMS PA, SPYAN GSUM DANG LDAN PA, ZHAL MCHE BA GTZIGS PA'I GRA NAS KHRAG 'DZAG PA, DBU SKRA SER PO GYEN DU BRDZES PA, MI MGO SKAM PO LNGA'I DBU RGYAN DANG, RLON PA KHRAG 'DZAG PA LNGA BCU'I DO SHAL CAN, RUS PA'I RGYAN DRUG DANG, SPRUL GYIS BRGYAN PA, STAG GI PAGS PA'I SHAM THABS CAN, DAR SNA TSOGS KYI COD PAN DANG, LHAB LHUB KYIS KLUBS PA, MI'U THUNG GEL BA'I 'DUG STANGS KYIS RO'I STENG NA BZHUGS PA, DE'I G-YAS
, ,NA BYA NAG 'BUM SDE GSHOG SKOR BYED PA, G-YON NA KHYI NAG 'BUM SDE 'KHANG ZHING ZUG PA, RGYAB NA CE SPYANG 'BUM SDE G-YAL ZHING RGYUG PA, MDUN NA MI NAG 'BUM SNGA GNAM DU 'O DOD [?] 'BOD PA, STANG NA KHYUNG CHEN 'BUM SDE LDING ZHING 'KHOR BA YE SHES KYI ME DPUNG 'BAR BA'I DBUS NA BZHUGS PA',, PHYOGS BCU'I MGON PO RNAMS SKU MDOG MTHING NAG ZHAL GCIG PHYAG GNYIS PA G-YAS GRI GUG NAM MKHA' LA 'PHYAR ZHING, G-YON THOD KHRAG THUGS GAR 'DZIN PA, RGYAN DANG CHA LUGS GTZO BO DANG MTHUN PA, ZHABS G-YAS BSKUM G-YON BRKYANG GI STABS KYIS BZHUGS PA, 'KHOR LO'I RGYAB RA GUR GYI NANG DU DUNG [?] KHROD BRGYAD NA, PHYOGS SKYONG, ZHING SKYONG, KLU DANG, SPRIN DANG, ME DANG, CHU DANG, RO DANG, RO LANGS LA SOGS PA DU MA DANG, GTZANG RIS KYI MGON PO BDUN CU RTZA LNGA, DRAGS BYED DPAG TU MED PAS BSKOR BA DE THAMS CAD KYI DPRAL BAR AOm, MGRIN PAR A'A: THUGS KAR H'Um, DE LAS 'OD 'PHROS PAS RANG BZHIN GYI GNAS NAS NAG PO CHEN PO LHA BCU GCIG SRUNG BA'I 'KHOR LO DANG BCAS PA LA SANGS RGYAS DANG BYANG CHUB SEMs DPAS BSKOR BA BADZRA SA M'A DZA: DZA:H'Um BAm HO: GNYIS SU MED PAR THIM, SLAR YANG THUGS KA'I H'Um LAS 'OD ZER 'PHROS PAS DBANG GI LHA RIGS LNGA 'KHOR DANG BCAS PA, BADZRA SA M'A DZA: KHYED RNAMS KYIS BDAG LA MNGON
PAR DBANG BSKUR BA STZAL DU GSOL, ZHES GSOL BA BTAB PAS, DE RNAMS KYIS, AOm BADZRI BHA WA AA BHI shI NYTZA H'Um, ZHES GSUNGS ZHING BUM PA'I CHUS SPYI BO NAS DBANG BSKUR, SKU GANG DRI MA NGAG [?] CHU LHAG MA YAR LUNG PA LAS, LHA BCU GCIG LA MI BSKYOD PA RE RES DBU BRGYAN PAR BSAM, GTZO BO 'THUGS KAR NYI MA'I DKYIL 'KHOR GYI STENG DU RDO RJE SNGON PO RTZE LNGA PA GYEN DU LANGS PA'I LTE BAR SEMS RNAM PAR MI RTOG PA'I YE SHES KYI NGO BO H'Um YIG SNGON PO GSAL ZHING 'TSER BA LA, BSRUNG BYA RNAMS SPA ZHING GNAS PA'I MTHAR SNGAGS THUNG DANG, SH'A SA NA KHA DOG MTHING KHAS G-YAS SU 'KHOR BA'I H'Um YIG LAS 'PHROS PA'I RDO RJES BSGRUB BYA'I LUS THAMS CAD 'JIG PA MED PAR BSRUNG PA'I RANG BZHIN DU GRUB CING, LHA RNAMS KYI ZHAL NAS SNGAGS KYI SGRA 'BRUG LTAR SGROG PA, 'KHOR LO 'KHOR BA'I ME DPUNG DANG BCAS PAS DGRA BGEGS THAMS CAD TSAR BCAD [?] PAR BSAM, AOm MA H'A K'A LA H'Um PHAt, AOm SHR'I MA H'A K'A L'A YA H'Um H'Um PHAt SV'A H'A, SH'A SA NA BZLA, RANG MGON POR GSAL BA'I LAG MTHIL GNYIS 'KHOR LO BSNOL BA'I BAR DU DGRA BGEGS THAMS CAD THAL BA'I RDUL PHRAN TZAM DU BRLAG PAR BSAM, AOm BHA YA N'A SHA NA; TR'A SA NI SARBA M'A RA PRA TYANG+GIR [?] BI N'A SHA NI YE KE TZI TA, DUshtAm SATVA MA MA BI R'U PA KAm KURBAN [?], KRi TY'A NI SARBA M'A RA PRA TANG+GI [?] RA PA TA TYA H'Um PHAt SV'A H'A, SU GANG DAG BDAG CAG DANG DPAL LDAN BLA MA DAM PA RNAMS DANG, SANGS RGYAS
, ,KYI BSTAN PA DANG, BSTAN PA 'DZIN PA RNAMS DANG, SEMS CAN THAMS CAD LA SDANG BA'I SEMS DANG LDAN PA RNAMS DANG, GDUG PA'I SEMS DANG LDAN PA RNAMS DANG, DRAG SHUL GYI SEMS DANG LDAN PA RNAMS DANG, SBYOR BA PHYIN CI LOG BYED PA'I DGRA BGEGS THAMS CAD KYI BSAM SBYOR NGAN PA THAMS CAD ZHI BAR GYUR CIG, GAL TE ZHI BAR MA GYUR NA, DE'I TSE DE DAG THAMS CAD KYI LUS BCING BAR BGYI'O,, NGAG BCING BAR BGYI'O,, YID BCING BAR BGYI'O,, MTHU BRLAG PAR GYUR CIG, RDZU 'PHRUL BRLAG PAR GYUR CIG, STOBS BRLAG PAR GYUR CIG, DE LA 'GO BA'I LHA DE NYID KYIS DE'I SHA LA ZA BAR GYUR CIG, RDZAS SNGAGS TING NGE 'DZIN GYI NUS PA THAMS CAD KHO RANG GI GSHED DU DBAB PAR GYUR CIG, SBYOR BA NGAN PA'I 'BRAS BU DE NYID LA 'BYUNG BAR GYUR CIG, KHRO BO 'BAR BA'I TSOGS RNAMS KYIS, ,DGRA BGEGS RNAMS NI THAMS CAD KYI, ,LUS NGAG THAL BA'I RDUL DU RLOG ,RNAM SHES CHOS KYI DBYINGS SU DRONGS, ,H'Um 'KHOR LO THAMS CAD G-YAS SU 'KHOR ZHING, H'Um KHRO BCU RNAMS ZHAL NANG DU GZIGS PAS SRA ZHING BRTAN PAR GYUR, AOm BADZRA RAKshA RAKshA H'Um H'Um H'Um PHAt SV'A H'A, RDO RJE'I RA GUR MA GTOGS PA'I SRUNG 'KHOR KHRO BCU DANG BCAS PA RANG NYID GUR MGON DU GSAL BA'I THUGS KAR THIM PAR GYUR, SNYAN BRGYUD MKHA' 'GRO'I KHA RLANGS CAN, ,THUN
MONG MIN PA'I MAN NGAG LAS, ,BRAG RDZONG RGYUN 'KHYER NGAG 'DON TZAM, ,BRGYUD PA'I GSUNG BGROS JI BZHIN BKOD, ,SBA DANG GO GYON JAG BKYE [?] SOGS, ,ZAB GNAD RJE BTZUN KHA'U PA'I, ,RJES 'BRANG MKHAS GRUB GSUNG NGAG LAS,, 'BAD PAS BTZAL TE NYAMS SU LONG, ,MKHAS 'DOD LUNG MED DPE TSOGS SDUD, ,RGYUS MED MUN KHUNG 'KHYAMS PA YI, ,CHOS SKYONG SHES RLOM DREGS LDAN DANG, ,RTOG GE [?] SKAL DMAN SPYOD YUL MIN, ,DGE DES SNOD LDAN SNYING DBUS KYI, ,BUM BZANG SNYAN BRGYUD KYIS BKANG STE, ,GSANG CHEN SLAB BSHAD RING LUGS MCHOG ,DAR ZHING RGYAS PA'I DPAL GYUR CIG ,CES KHA'U BRAG RDZONG PA'I KHYAD CHOS RDO RJE NAG PO CHEN PO'I BRAG RDZONG GI NYAMS LEN RGYUN 'KHYER 'DI YANG PHYI 'KHRID NANG 'KHRID 'JUG BDE AARTHA SIDDHI SHR'I M'AN GYI DON DU TSAR CHEN GYIS ZHO LUNG MTSO KHA'I RI KHROD DU MDZAD PA SNYAN BRGYUD YID BZHIN NOR BU LAS PHYI 'KHRID KYI SNYING PO BSDUS PA PHAN BDE LAGS BSHAD GLING PA'I MGON PO CHE CHUNG GI BDAG BSKED THUN MONG MA YIN PA'I CHED DU CHAR PA RDO RJE 'CHANG GI GSANG GSUM GYI RNAM THAR LA RGYU MTSAN SHES NAS DAD PA THOB PA'I ZA HOR GYI BTZUN BA NGAG DBANG BLO BZANG RGYA MTSOS SBYAR,, ,,