!, ,Di DZO SV'A NA DH'I M'A M'A SHTZA RYA TP'A DA LA KRiDHU DA nI dHOO PA SYA P'A nI GRi HYA TE BHA MA S'U RBI RA HA SBA [?] TI SMA,, !, ,'BYUNG GNAS BLO BZANG NGO MTSAR SKYED BYED GZUNGS 'BUL GYI LAG LEN 'KHRUL SPONG NYIN MOR BYED PA BZHUGS SO,,
, ,AOm SVA STI SIDDHAm, ,'GYUR MED CHOS SKU DON DAM MKHA' KHYAB SBROS DANG BRAL BA'I RANG BZHIN LAS, ,SNA TSOGS SGYU 'PHRUL DRA BA'I GAR MKHAN DKYIL 'KHOR BDAG POR MNGON BZHENGS PA'I, ,RIGS KUN KHYAB BDAG RDO RJE 'CHANG DNGOS 'JAM MGON BLA MA TZONG KHA PA, ,ZUNG 'JUG DBANG GI RGYAL PO'I 'BYUNG GNAS KHYOD ZHABS SNYING GI BAD MTSOR BZHUGS, ,CUNG ZAD BSTEN KYANG RNAM BAR DKAR BA'I 'BRAS, ,MNGON PAR RGYAS MDZAD YANG DAG DGE BA'I BSHES, ,'KHON STON SHES BYA KUN MKHYEN KHYOD NYID LAS, ,KHYAB BDAG 'KHOR LO'I MGON DE GZHAN NA SU, ,GSANG CHEN RGYUD SDE RGYA MTSOR MNGA' BSGYUR BA'I, ,MKHAS SHING GRUB PA'I DBANG PHYUG RDO RJE 'DZIN, ,SNGON BYED TSAD MAR GYUR 'GA'I PHYAG BZHES DAG ,'PHRUL PA MED PA'I LAM DU DENG 'DIR SPEL, ,DE YANG MGON PO BYAMS PAS, RIG
, ,BA'I GNAS LNGA DAG LA MKHAS PAR MA BYAS NA, ,'PHAGS MCHOG GIS KYANG THAMS CAD MKHYEN NYID THOB MI 'GYUR, ,ZHES GSUNGS PA LTAR GYI RIG PA'I GNAS LNGA'I NANG NAS GZHAN RJES SU 'DZIN PAR BZO RIG PAR GRAGS PA 'DI NYID LUS CAN KUN GYI PHAN PA DANG BDE BA MA LUS PA'I 'BYUNG GNAS SU BLA NA MA MCHIS PA'I RGYU MTSAN ,MNYAM MED JO BO CHEN POS ,'PHAGS PA RNAM PAR GROL BA'I SDE'I RJES SU 'BRANGS TE GTZUG LAG KHANG MTHA' YAS PA'I GNYER KHA MDZAD DE LDE MIG MANG DU BZUNG BA SOGS RNAM THAR RNAMS LAS BYUNG BA LTAR DANG ,STON PA RIN PO CHES DGE 'DUN GYI GNAS GZHI BZHENGS PA LAS LHAG PA'I 'DUS BYAS KYI DGE RTZA MED PAR GSUNGS PA LA BRTEN NAS ,DGE BA'I BSHES GNYEN SBYAN SNGA BAS GTZUG LAG KHANG DANG KUN DGA' RA BA MANG DU BZHENGS PA'I SNGON BYON DAM PA'I RNAM THAR LTAR RO, ,DE LTA BU LA RTEN GNAS GZHI 'DING BA DANG, DER BZHUGS PA'I BRTEN PA SKU GSUNG THUGS KYI RTEN BZHENG BA'I TSUL LA GNYIS LAS, DANG PO NI ,GNAS KYI MTSAN NYID SBYIR DGE BCU TSANG BA ,BYE BRAG TU DPAL D'I PAm K'A RA'I SA DBYAD 'PHRUL GYI LDE MIG ,PHUR
PA YANG GSANG BLA MED ,RJE YANG DGON PA'I RI CHOS SOGS YIG CHA KHUNGS THUB RNAMS LAS JI LTAR 'BYUNG BA BZHIN LEGS PAR BRTAG DGOS LA ,GTZO BO NI YANG DAG PAR RDZOGS PA'I SANGS RGYAS KYIS MDZAD PA BCU GNYIS LTA BU BSTAN PA'I GNAS DANG ,DPA' BO DANG MKHA' 'GRO RNAMS RANG BZHIN GYIS 'DU BA'I YUL NYI SHU RTZA BZHI 'AM DE DANG 'DRA BA ,GZHAN YANG RGYA BOD KYI MKHAS GRUB RGYAL BLON DAM PA TSAD LDAN RNAMS KYIS ZHABS KYIS BCAGS SHING ,BYIN RLABS MDZAD PA RNAMS NI GNAS KYIS GANG ZAG BYIN GYIS BRLABS PA YIN PAS ,DUS DANG BSTUN BA'I RANG BZHIN GYI GANG ZAG RNAMS LA LHAG PAR SMAN YON DU 'GYUR BAR SEMS SHING ,DON BSDU NA DUS 'KHOR RTZA RGYUD LAS ,GANG LA SA SKYONG CHOS LDAN ZHING, , SKYE DGU BDER GNAS RTZOD PA MED, ,CES DANG ,MDO SDE RGYAN LAS ,BLO LDAN GANG DU BSGRUB PA'I YUL, ,LEGS PAR RNYED DANG GNAS BZANG DANG, ,SA BZANG PA DANG GROGS BZANG DANG, ,RNAL 'BYOR BDE BA'I YO BYAD LDAN, ,ZHES GSUNGS, LA LTAR RO, ,GNYIS PA DER BZHUGS PA'I RTEN LA ,NGOS 'DZIN CHUL ,TSAD; PHAN YON ,GZUNGS GZHUG 'BUL TSUL DANG BZHI ,DANG PO LA SKU GSUNG THUGS KYI RTEN GSUM LAS ,DANG PO SKU'I RTEN NI ,LONGS SKU, SPRUL SKU SOGS SANGS RGYAS DANG ,SEMS DPA' BYAMS 'JAM DBYANGS LTA BU DANG ,NYAN RANG GI RIGS DANG ,RANG RANG GI DNGOS BRGYUD KYI BLA MA'I SKU SOGS RIGS MANG ZHING ,DA LTA NGOS 'DZIN TSUL LA ,BLA MED KYI RIGS LNGA LTA BU LONGS SKU DANG ,BDAG CAG
, ,GI STON PA LTA BU SPRUL SKU'I THA BSNYAD DU BYED PA YAD MI RUNG BA MA YIN MOD ,'ON KYANG DE TZAM GYIS LONGS SBRUL GYI DBYE BA BYA BA NI MA YIN TE, 'DUS PA DANG BDE DGYES SOGS DKYIL 'KHOR PA'I LHA RNAMS NI NGO BO YE SHES KYI SKUR 'BYUNG LUS RAGS PA DANG BRAL BA'I LONGS SKU DE LAS SPRUL BAS NA SPRUL SKUR NGOS 'DZIN PAS SO, ,DE LTAR DKON MCHOG GSUM GYI DBANG DU BYAS NA SNGA MA 'DI DAG NI SANGS RGYAS DKON MCHOG DANG ,PHYI MA RNAMS DGE 'DUN DKON MCHOG GI RTEN DU 'GYUR RO, ,GNYIS PA GSUNG GI RTEN NI ,MDO SDE LTAR NA CHOS KYI PHUNG PO BRGYAD KHRI BZHI STONG DANG ,SNGAGS LA BRGYUD BYE BA PHRAG DRUG ,MA RGYUD BYE BA PHRAG BCU DRUG SOGS GLEGS BAM DU BKOD BA STE ,DKON MCHOG GSUM LAS CHOS DKON MCHOG GI RTEN NO, ,GSUM PA THUGS KYI RTEN NI ,RANG BZHIN LHUN GRUB GYI MCHOD RTEN NI ,SNOD BCUD LA SBYAR BA DANG ,BLA NA MED PA'I MCHOD RTEN NI, ,THIG LE DBANG GI RGYUD LAS GLING BZHIR TSAD MED BZHI LA SBYAR BA DANG, BYIN GYIS BRLABS PA'I MCHOD RTEN NI SKU GDUNG CHA BRGYAD GLING BZHIR SO SOR BZHUGS PA DANG ,DNGOS GRUB 'BYUNG BA'I MCHOD RTEN NI SNGON HE RU KAS DRAG PO BTUL BA'I TSE YUL BRGYAD KYI DUR KHROD DU MA MO BRGYAD KYI DNGOS GRUB 'BYUNG BA'I MCHOD RTEN BRGYAD DANG, GZHAN YANG THEG PA SO SO'I MCHOD RTEN NYAN THOS RANG RGYAL THEG CHEN GYI RTAN DBYIBS TSAD MI 'DRA BA RNAMS DANG ,BYE BRAG TU 'O SKOL GYI STON PAS SKU TSE 'DI'I MDZAD PA KHYAD PAR CAN RNAMS LAS GRONG KHYER SER SKYAD SKU BLTAMS PA'I TSE BDE GSHEGS
MCHOD RTEN ,RGYAL PO'I KHAB TU MNGON PAR BYANG CHUB BA'I TSE BYANG CHEN MCHOD RTEN ,W'A RA nA SER CHOS KYI 'KHOR LO BSKOR BA'I TSE YE SHES MCHOD RTEN ,MNYAN YOD DZE TA'I TSAL DU CHO 'PHRUL BSTAN BA'I TSE ,MU STEGS PHAM BYED KYI MCHOD RTEN ,YANGS PA CAN DU LHA'I DBYAR GNAS MDZAD BA'I TSE ,SUM CU LHA'I MCHOD RTEN ,RGYAL PO'I KHAB TU LHAS BYIN GYIS DGE 'DUN GYI DBYEN BYAS PA MCHOG ZUNG GNYIS KYIS 'DUMS PA'I TSE ,BYANG DNGOS MCHOD RTEN ,YANGS BA CAN DU SKU TSE BYIN GYIS BRLABS PA'I TSE ,BYIN RLABS MCHOD RTEN ,RTZVA MCHOG GI GRONG KHYER DU MYA NGAN LAS 'DAS PA'I TSE MYANG 'DAS MCHOD RTEN ,GZHAN YANG RAS TSIG PA'I MCHOD RTEN ,MA TSIG PA'I MCHOD RTEN ,SOL BA'I MCHOD RTEN ,TSEMS KYI MCHE BA LHA DANG SRIN POS KHYER BA'I MCHOD RTEN ,CHOS RGYAL MYA NGAN MED KYIS BZHENGS BA'I MCHOD RTEN BYE BA SOGS RNAM GRANGS MTHA' YAS PA STE ,SKU GSUM NANG NAS CHOS SKU'I RTEN NO, ,GNYIS PA NI ,DE LTA BU'I SKU GSUNG THUGS KYI RTEN RNAMS BZHENG BA LA ,DE DAG RNAMS KYI TSANG GNAS KHANG DANG SBYIN BDAG RNAMS KYI 'BYOR PA DANG BSTUN PA LAS CHE CHUNG MTHA' GCIG TU MA NGES SHING ,PHYAG TSAD KYI RIM PA MCHOD RTEN ,SKU GZUGS ,PHYAG MTSAN DANG BCAS PA'I THIG RTZA'I RIM PA DU SA 'KHOR ,SNGOM 'BYUNG RTZA 'GREL ,KRI YA SA MUTZTSA, SH'A RI'I BUS ZHUS PA'I MDO LA BRTEN PA'I PHYAG TSAD ,GZHAN YANG BOD KYI MKHAS BA THAMS CAD MA BYON PA ZHA LU BU STON DANG ,SKAD GNYIS SMRA BA SHES RAB RIN CHEN ,THAMS CAD MKHYEN PA
, ,DGE 'DUN GRUB KYIS ZIN BRIS SU MDZAD PA LA SMAN BLA DON GRUB KYIS KHA 'GENGS SBYAR BYANG DANG BCAS BKOD PA SOGS MKHAS PA'I GSUNG RAB RNAMS LAS BYUNG BA'I PHYAG TSAD JI LTA BA BZHIN DU BZHENGS SHING ,GLEGS BAM NGA 'JAM PA'I DBYANGS THON MI SAMBHO tA DANG ,DON GYI PAndI TA CHEN PO CHOS SKYOD BZANG PO SOGS KYIS LEGS PAR BSHAD PA LAS BYUNG BA'I SDEBS DANG BRDA DAG SOGS RU NGA BAR BYA DGOS TE ,SKU GZUGS PHYAG TSAD MED PA DANG ,GLEGS BAM BRDA DAG MED BA SOGS LA RGYU SONG GI 'BRAS BU NI 'BYUNG MOD ,DE YANG THEG PA GSUM PO GANG RUNG GI MYANG 'DAS LA DMIGS PA'I BSAM PAS ZIN NA SGRUB PO RANG NYID LA PHAN YON NI BLA NA MED PA 'BYUNG BA KHYIM BDAG DPAL SKYES KYI THAR PA'I SA BON SHIN TU PHRA BA MDO LAS GSUNGS PA DPER MTSON TE DPOG PAR NUS LA ,BSTAN PA'I RGYUN LA NI SKU GZUGS DANG GLEGS BAM BZHENG TSUL MA DAG PA DE DAG GIS GZHAN DAG MANG POS KYANG CHE GE MO LA 'DI DAG SNANG ZHES DPER BZUNG NAS MA DAG PA'I RGYUN CHEN POR 'BYAMS TE BSTAN PA DRI BCAS SU 'GYUR ZHING ,KHYAD PAR RGYA GAR LTA BU'I CHOS KYI DAG THER MED BA'I RANG CAG BOD SOGS MTHA' 'KHOB PA RNAMS NI MKHAS BLUN DBYE BA MI PHYED PA'I DBANG GIS ,GDUNG RUS YUL GNYAN BAR GRAGS PA DANG ,MKHAS PA DANG GRUB BA'I SKYE PA DANG SPRUL PAR GRAGS PA DANG ,'KHOR G-YOG MANG BO'I 'DU 'GOD SOGS 'JIG RTEN CHOS BRGYAD KYI G-YENG BA CAN RNAMS LA SKYES BU DAM PAR BRTZI ZHING ,DE DAG GIS RNAM PAR
MI 'TSAM PA'I SNANG BA LA GANG SHAR GYI RANG BZO CHEN PO ZHIG BYAS KYANG, YANG DAG PAR 'DZIN PA'I DBANG GIS BSTAN PA DANG RANG GZHAN MANG PO BSLU BA'I G-YANG SA CHEN PO MTHONG BA DE'I PHYIR, SHES LDAN RNAMS KYIS ZHIB MOR DPYOD PA GNAD DU CHE ZHING ,SKU GSUNG THUGS RTEN 'DI LTA BU BZHENGS SO ZHES PA'I SNYAN GRAGS TZAM 'DOD DE LAG TU BLANG BA'I RIM PA RNAMS HRAL POR BYED PA DANG ,TSE 'DI DANG PHYI MA'I BDE BA TZAM DON DU GNYER BA NI 'KHOR BA'I 'KHOR LO BSKOR BAR ZAD DO, , GSUM PA PHAN YON NI ,GSAL RGYAL GYIS ZHUS BA'I MDO LAS ,THUB PA'I MCHOD RTEN BYED DAM BYED BCUG PA, ,MYA NGAN 'JOMS DANG LUS KUN GRIMS PA DANG, ,RIN CHEN MDZOD MANG 'JIG RTEN GTZOR 'GYUR ZHING, ,MI DE DAG YI TSOGS LAS RGYAL BAR 'GYUR, ,BCOM LDAN 'DAS KYI MCHOD RTEN RNAMS DANG NI, ,SKU GZUGS RNAMS LA RDUL PHRAN CI YOD PA, ,DE 'DRA'I GRANGS DE SNYED KYI RGYAL SRID DANG, ,LHA YUL SA STENG MI YIS NGES PAR 'THOB, ,GZUGS DANG GZUGS MED KHAMS KYI TING 'DZIN NI, ,PHUN SUM TSOGS PA'I SA MCHOG KUN MYONG NAS, ,THA MAR SKYE DANG RGA BA LA SOGS PA'I, ,SDUG BSNGAL DANG BRAL SANGS RGYAS GO 'PHANG 'THOB, ,'DI NA RGYAL BA'I SKU GZUGS BYED BA CHI, ,GZUGS DANG SKAL BZANG YON TAN NYE BAR LDAN, ,DE NI DBANG PO SBAS DANG NYI MA'I 'OD, ,'JIG RTEN KUN GYIS MTHONG NA DGA' BAR 'GYUR, ,BDE BAR GSHEGS PA'I SKU GZUGS BZHENGS PA GANG, ,DE YI LUS NI DRI MA MED PA DANG,
, ,NAD DANG 'JIGS DANG MYA NGAN SDUG BSNGAL BRAL, ,PADMA'I NANG BZHIN 'JAM DANG YANGS PAR 'GYUR, ,'DI NA RGYAL BA'I SKU GZUGS BYED PA GANG, ,BRAN DU MI 'GYUR DBUL PO'I RANG BZHIN MIN, ,LAS BYED MA YIN SKYE BA DMAN PAR MIN, ,DBANG PO MA TSANG MIN TE SKYES MCHOG 'GYUR, ,ZHES DANG ,SDUD PA LAS ,LA LAS GANGG'A'I KLUNG GI BYE SNYED ZHING RNAMS NA, ,SEMS CAN JI SNYED 'KHOD KUN DGRA BCOM NYID BTUL BAS, ,GANG GIS SHES RAB PHA ROL PHYIN 'DI YIG BRIS TE, ,SEMS CAN MCHOG LA GLEGS BYIN BSOD NAMS KHYAD PAR 'PHAGS, ,ZHES SOGS GSUNGS PA LTAR RO, ,BZHI PA GZUNGS GZHUG 'BUL TSUL LA ,'BUL YUL GYI RTEN DE NYID SBYOR DNGOS MJUG GSUM GYI SGO NAS MTSAN NYID TSANG DGOS PAR BSTAN PA ,LOG RTOG BSAL BA ,MTSAN NYID DE LDAN GYI RTEN LA GZUNGS GZHUG 'BUL PA DNGOS DANG GSUM ,DANG PO NI ,SNGAR BSHAD PA'I PHYAG TSAD DE TZAM DANG LDAN PAS CHOG GAM SNYAM NA ,DE TZAM GYIS KYANG CHOG PA MIN TE ,RGYU'I YAN LAG SBYIN BDAG DE NI ,MKHAS PA'I GSUNG LAS ,SDIG LA MI 'DZEM DAD 'DUN CHUNG, ,PHAN YON MA MTHONG YID MI CHES, ,BSGRUB BLO MED PA 'AM YOD NA YANG, ,TSE 'DI'I LO 'DOD GRAGS 'DOD PHYIR, ,RKYEN DANG MI 'CHAM BLO RGYA BYED, ,DANG THUNG BLO DOG BZOD SRAN CHUNG, ,LHA DANG BZO BO SMOD BYED CING, ,'GYOD PA SKYES NAS 'PHRO 'JOG PA'O, ,ZHES PA LTA BU'I SKYON DANG MI LDAN ZHING ,PHAN YON MTHONG BA'I SHES RAB CAN, ,RTZE GCIG SEM
PA'I BSAM GTAN CAN, ,BRTAN CING SGRO BA'I BRTZON 'GRUS CAN, ,DKA' SBYAD MI SKYO BZOD BSRAN CAN, ,NGANG RING TSIG 'JAM TSUL KHRIMS CAN, ,G-YO MED GTONG PHOD SBYIN PAR LDAN, ,RIM GYIS DGA' SPRO BSGOM PA'O, ,ZHES PA'I YON TAN DANG LDAN PA ZHIG DGOS SO, ,DE BZHIN DU BZO BO YANG ,YON TAN MI MKHAS NGA RGYAL CHE, ,'GROGS PA MI BDE BKUR STI 'DOD, ,'PHRAL DU TSIG RTZUB PHUGS 'DOD CHE, ,YON BRGYAGS GLA THANG TSAD MED 'BEBS, ,DES KYANG MI TSIM RGYU CHA BA RKU, , CUNG ZAD TZAM LA BZO 'PHRO 'JOG ,'GRO SDIGS BYED CING CHANG NAG 'TSO LA, ,DGE LAS SDIG PAR BSGYUR MKHAN YIN, ,ZHES PA'I SKYON RNAMS DANG MI LDAN ZHING ,YON TAN GYI KHYAD PAR SDOM 'BYUNG LAS ,DUL ZHING BZO RNAMS KUN SHES LA, ,CHO GA MTHONG ZHING MNYAM GZHAG PA, ,ZHES DANG, DPAL KHA SBYOR LAS ,DUL ZHING DAD LDAN LANG CHER BABS, ,DBANG PO RNAM GSAL RNAM RTOG MED, ,KHRO MED LKOG 'PHYAS MI BYED CING, ,SHIN TU MKHAS LA SBRO BA CHE, ,BZOD LDAN SNYING RJE CHEN PO CAN, ,ZHES RGYUD SDE RNAMS LAS LEGS PAR GSUNGS PA DANG LDAN DGOS SHING ,SKU'I RGYU RNAMS KYANG RANG NYID KYIS 'BYOR BZHIN DU SER SNAS BCINGS TE RGYU NGAN NGON TZAM BTANG PA LA 'BRAS BU BZANG POR 'DOD PA DANG BLO GROS KYI RTZAL DANG MI LDAN PA DAG GIS BKOD PA LEGS SU RE BA RNAMS NI NAM MKHA'I PADMO DANG CHOS MTSUNGS SHING ,GZHAN YANG SKU RGYU DANG RGYAN SPROS KYI RIM PA SOGS KYANG SBYIR BTANG DMIGS BSAL GYI DBYE BA LEGS PAR PHYED DGOS
, ,SO; DE YANG THOG MAR BZHENG BA'I TSE ,SA 'AM YO BYAD 'TSOL BA NA, ,PHYI LTAS SKYES BU'I BYA SPYOD, RDZAS DANG, SKAD DANG, SGRA LA SOGS PA BZANG NGAN GYI RIM PA LA BRTEN NAS RTEN 'BREL BRTAG PA, DPAL G-YUL LAS RNAM BAR RGYAL BA SOGS RTZIS KYI GZHUNG LUGS DANG, GZHAN YANG LTAS KYI BSTAN BCOS RNAMS LAS SHES DGOS SHING ,DE'I RGYU MTSAN YANG ,SPYIR CHOS THAMS CAD RANG BZHIN GYIS STONGS KYANG ,THA SNYAD DU BYA BYED THAMS CAD 'THAD PAS NA RTEN 'BREL 'GRIG PA NI LEGS TSOGS 'BYUNG BA'I SGO STE, BSHES SPRING LAS, RTEN CING 'BREL PAR 'BYUNG 'DI RGYAL BA YI, ,GSUNG GI MDZOD KYI GCES PA ZAB MO STE, ,GANG GIS 'DI NI YANG DAG MTHONG BA DES, ,SANGS RGYAS DE NYID RIG PA RNAMS MCHOG MTHONG, ,ZHES DANG, LAM 'BRAS DON BSDUS MA LAS ,RTEN 'BREL RNAM GSUM RANG LA 'DZOM PA YIS, ,RGYU RKYEN GZHAN MED RE DOGS BRAL BAR MDZOD, ,CES DANG, RGYAL BA TZONG KHA PAS ,DE PHYIR RTEN NAS 'BYUNG BA LAS,, MA GTOGS CHOS 'GA' YOD MIN PAS, ,RANG BZHIN GYIS NI STONGS PA LAS ,MA GTOGS CHOS 'GA' MED PAR GSUNGS, ,ZHES PA LTAR RO, ,GZHAN YANG RDO RJE PHRENG BA DANG ,RDO RJE 'CHANG CHEN PO'I LAM GYI RIM PA SOGS DKYIL 'KHOR GYI CHO GA MANG PO LAS GSUNGS PA'I SA BRTAG PA ,BSLANG BA, SBYANG BA ,BZUNG BA, BGEGS BZLOG PA RNAMS TSIG GI 'DON BSGYUR MA GTOGS LEN DGOS SHING, LTO 'PHYE BRTAG PA LA RTZIS DKAR NAG DANG RGYUD SDE NAS BSHAD PA'I RIGS RNAM
GRANGS MANG YANG, GTZO BOR RDO RJE 'CHANG CHEN PO'I LAM GYI RIM PA LAS BSHAD PA BZHIN BYAS NA LEGS SHING ,SA DANG, LHA DANG, BUM PA STA GON YANG DKYIL 'KHOR GYI CHOG NAS BSHAD PA LTAR BYA BAR RIGS SO, ,DE BZHIN DU BZO BO DANG ,SKU RGYU DANG, LAG CHA'I RIM PA RNAMS BYIN GYIS BRLAB PA'I STA GON GYI LAG LEN DANG, DAG 'DON GYI RIM PA NI ZUR DU SHES DGOS SHING ,GTZUG LAG KHANG DANG, MCHOD RTEN SOGS LA BUM GTER GZHUG PA'I LAG LEN ZHIB MO YANG MAN NGAG LAS JI LTAR 'BYUNG BA LTAR DANG, MNGOR NA LAS RNAMS RTZOM PA'I THOG MA'I TSE, DKAR RTZIS LAS BSHAD PA'I GZA' SKAR SBYOR BYED DANG, NAG RTZIS KYI SA BDAG SOGS BRTZIS TE RAS SPYOD GZU LUMS SU MA SONG BA SOGS DGOS TE ,RGYU MTSAN BSHAD MA THAG PA DE RNAMS MKHAS GRUB TSAD LDAN RNAMS KYI PHYAG LEN LAS RIM PAR BYUNG ZHING ,KHYAD PAR SNYIGS DUS KYI RGYAL BA GNYIS PA TZONG KHA PA CHEN PO'I DGONGS DON JI LTA BA BZHIN RDO RJE 'CHANG SNGAGS RAM PA DGE 'DUN BKRA SHIS SOGS KYIS PHYAG LEN DU LEGS PAR BSTAR MOD ,DENG SANG NI DUS DBANG GIS BSTAN PA'I RNAM GZHAG RNAMS RIM GYIS 'GRIBS PAS SKU GSUNG THUGS RTEN BZHENG BA LA TSUL DE DAG LAG TU BLANG PA LTA CI SMOS ,DGOS PA'I GTAM TZAM YANG CHER MI SNANG NGO; GNYIS PA LOG RTOG BSAL BA NI, YON TAN PHYOGS RE TZAM GYIS DREGS SHING, MDO BSTAN BCOS DGONGS 'GREL RIS SU MA CHAD PA LA LTA BA'I BLO MIG RNAM PAR LDONGS PA 'DOD PA'I LHAS RJES SU BZUNG BA LA LA NGAG GIS SKU GZUGS
, ,DANG MCHOD RTEN SOGS BZHENGS PA LA GZUNGS GZHUG 'PHUL BA 'DI DAG BOD KYI BLA MA RNAMS KYIS BYAS KYI ,RGYA GAR NA MED DO SNYAM PA'I LOG RTOG GING NA SMRAS SGROG CANG ,DE'I KHUNGS SU ,RGYA GZHUNG 'GA' ZHIG NA RTEN 'BREL SNYING PO LTA BU'I GZUNGS DMIGS BSAL RE RE TZAM 'JUG ZER BA LAS, NGA SANG YONGS SU GRAGS PA 'DI 'DRA BYED PA'I 'PHROS ZUR TZAM YANG MI SNANG BA DANG, 'PHAGS YUL GYI SKU LI MA RNAMS GAR LUGS SHAS CHE BAS GZUNGS GZHUG MED PA MNGON SUM GYIS GRUB CING ,BOD 'DIR SNGON DUS BZHENGS PA'I LDER BZO ZHIG PA RNAMS LA BRTAGS CHE YANG GZUNGS GZHUG JI BZHIN MI 'DUG PA MTHONG BAS SO ZHES ZER MOD, DE DAG NI BDUD KYIS KHA RNAM PAR PHYE BA'I GTAM STE, MDO LAS ,SANGS RGYAS NYAN THOS KYI DGE 'DUN BYE BA PHRAG DU MA DANG BCAS PA LA LO GRANGS DPAG TU MED PAR YO BYAD KYIS BSNYEN BKUR BYAS PA LAS, DE BZHIN GSHEGS PA'I SKU GZUGS MTSON GANG PA RING BA SREL GYI SNYING PO CAN ZHIG 'JIM PA LAS BSGRUBS PA BSOD NAMS LHAG PA SOGS MANG DU GSUNGS PAS, RING BSREL LA RNAM GRANGS MANG YANG ,GTZO BOR CHOS SKU'I RING BSREL NI GZUNGS LA NGOS 'DZIN PA'I PHYIR, GZUNGS 'DU LA TSUL GYI LAG LEN ZHIB MO RGYA GAR DU YOD PA LUNG RIGS GNYIS KAR 'GRUB CING ,RGYA GZHUNG 'GA' ZHIG TU GZUNGS 'BUL BA'I GSAL CHA MED PA TZAM GYIS, RGYA GAR DU MED PA MI 'GRUB STE ,MDO LUGS KYI DBANG DU BYAS NA BSHES SPRING LAS, JI LTAR BDE GSHEGS
SKU GZUGS SHING LAS KYANG, ,BGYID PA CI 'DRANG RUNG STE MKHAS PAS MCHOD, ,CES PA LTAR DE BZHIN GSHEGS PA'I SKU GZUGS GRUB TZAM NYID NAS MCHOD PA'I YUL DU GSUNGS KYI, RAB TU GNAS PAR MA BSHAD PAS, MDO LUGS NAS MA GSAL BA'I RGYU MTSAN GYIS RAB GNAS MI 'THAD PAR KHAS LEN DOGS PAR 'GYUR ZHING ,GZHAN YANG MAN NGAG TU BYAS TE ZHAL DANG SNYAN NAS BRGYUD DGOS PA RNAMS CHOS KYI SPYAN DANG LDAN PAS GZIGS TSE RGYUD SDE RNAMS LAS GAB DKRUGS THOR BU'I TSUL GYIS BSTAN PA SHA STAG YIN NA'ANG, RMONGS PA MKHAS PAR RLOM PA RNAMS LA NI RGYUD SDE RNAMS LAS NAG PO 'GRO SHES LTA BUR GSAL BAR MA BKOD PA RGYU MTSAN DU BYAS NAS, SANGS RGYAS KYIS MA GSUNGS SO ZHES SMRE SNGAGS KYI THAN SKAD SGROG NA ,BZHI PA DE YANG DE BZHIN NO, ,ZHES DBANG BZHI PA BSKUR TSUL RGYUD SDE RNAMS SU SBAS PAS, DBANG BZHI PA BSKUR TSUL BOD KYI BLA MA RNAMS KYI BLOS BYAS YIN NO ZHES RIGS MTHUN GYI BLUN PO KUN LA 'BAD PAS SGROGS SHIG ,RANG GIS AOm BSGRUB TSUL TZAM YANG MI SHES NA RGYAN BE LTA CU SMOS, SNANG TSUL DE DANG LDAN BZHIN DU RGYA GAR KHA SPU CAN GYI LUGS BYED CES TAM PA BYED PA NI RGYA DKAR NAG LTA BU'I LUGS GNYIS KYI KHRIMS MED PA'I SKYEN NO, , LI'I RGYU RNAMS LA SANGS RGYAS 'OD SRUNGS KYIS BYIN RLABS MDZAD PAR BSHAD BAS ,LI'I SKU 'GA' ZHIG LA GZUNGS GZHUG MED KYANG SANGS RGYAS KYIS BYIN GYIS BRLABS PA LAS LHAG PA'I GZUNGS CI ZHIG DGOS ,DE'I DPES GZHAN DAG LA
, ,YANG KHEGS BAR 'BYUR RO SNYAM NA, DE LTA'I GANG ZAG RNAMS KYIS SANGS RGYAS 'OD SRUNGS DANG SH'AKYA THUB PA SOGS KYI GSANG BA BSAM GYIS MI KHYAB PA'I MDZAD PA DE DAG DNGOS SU STON ZHIG DANG, KHO BOS SNYING NAS RJES SU YI RANG BAR BYED DO, ,SNGON GYI LDER BZO RNYING BA 'GA' ZHIG LA GZUNGS GZHUG TSAD LDAN MI 'DUG GO ZHES ZER BA NI SHIN TU MI RIGS TE, SNGA RABS KYI DUS SU BYUNG BA RGYU MTSAN DU BYAS TE LUNGS BTZUN PAR 'GYUR NA, 'BOD DU NANG PA'I BSTAN PA LAS BON PO'I BSTAN PA SNGA ZHING ,KA MA LA SH'I LA'I RING LUGS LAS HVA SHANG GI GRUB MTHA' SNGA BA DANG ,RGYAL BA TZONG KHA PA CHEN PO'I LTA BA'I BZHED PA LAS JO MO RNANG BA'I LTA BA DAG SNGA BA'I PHYIR NA, SNGA MA RNAMS DAG GI PHYI MA RNAMS MI DAG GO ZHES SMA DGOS PAR 'GYUR BA SOGS GNOD BYED MI ZAD PA THOG TU 'BAB BO, ,GSUM PA RTEN LA GZUNGS 'BUL BA DNGOS LA, DNGOS DANG, 'PHROS DON BYE BRAG TU BSHAD PA GNYIS ,DANG PO NI, LO CHEN RIN CHEN BZANG PO'I RAB GNAS KYI SDOM LAS RING BSREL GZHUG CING GSO LBA GDAB, ,CES SOGS GSUNGS PA LTAR ,'THAD LDAN LAG TU BLANG BA'I RIM PA LA, SROG SHING YANG RAB TZANDRAN, ,DE MA 'BYOR NA'ANG SHUG PA 'AM 'BRAS BU CAN GYI SHING ,MA BCAD PA'I SNGA ROL NAS PHYOGS MI NOR BA'I MTSAN MA BTAB PA ZHIG DGOS SHING, DE'ANG RAB GNAS DON GSAL SOGS SU ,SARBA BIDYA'I SNGAGS MCHOD RTEN GYI SROG SHING LA 'DRI ZHING ,SKU GZUGS 'BUR MA YIN NA DUB LA GZHUG PAR BSHAD PA DANG, MNGA' DBUL GYI SKABS MCHOD
RTEN LA SROG SHING GI MNGA' DBUL BYUNG ZHING, SKU GZUGS LA MA BYUNG BA'I RGYU MTSAN GYIS, ,SKU GZUGS LA SROG SHING MED DU MI RUNG BA NI MA YIN LA, 'ON KYANG BRDUNGS MA SKU TSAD CHE BA'I RIGS LA SKU'I TSO 'DZIN PAR 'GYUR ZHING LEGS BA YIN NO, , SDER BZO RUS SHING 'JOG PA'I TSANG LA, RUS SHING SROG SHING GCIG PAR BSGRUBS NA LEGS PAR SEMS SHING, 'PHAGS PA RIN PO CHES CHOS SKYONG GI SKU LA SROG SHING NGES CAN DU GSUNGS PA NI, MAN NGAG DMIGS KYIS BSAL BA STE, CHOS SKYONG GI GZUNGS 'BUL SKOR LA KHYAD PAR GYI RNAM GRANGS CHES MANG BA NAS, SPYI 'GRO'I LAG LEN TZAM GYIS KHYAB PA MIN NO, ,DE YANG SNGAR BSHAD PA'I RGYU DE DAG LAS GRUB PA'I SROG SHING, MCHOD RTEN GYI CHOS 'KHOR YAN CHAD DMIGS KYIS BSAL BA'I ZLUM PO DANG, GZHAN THAMS CAD GRU BZHI PA RTZA RTZE'I RNAM PA'I PHRA SBOM YOD PAR BYAS LA, DE'I RTZE MOR RNAM RGYAL MCHOD RTEN DANG, RTZA BAR RDO RJE PHYED PA 'GRUB NA BRKO BA 'AM, MA 'GRUB NA 'DRI BA GANG RUNG BYED, DE YANG RTZA DBU MA'I MTSON DON YIN PAS SKU GZUGS LA RDO RJE SKYIL GRUNG YAN CHAD DAM, YANG NA LTE BA YAN CHAD TZAM DANG, MCHOD RTEN LA GDUNG CHEN YAN CHAD KYI TSAD DU BYA YI, ,DE MAN CHAD DU GTONG BA NI RUS SHING DANG SROG SHING GI DBYE BA MA PHYED PA'O, ,G-YAS G-YON DU RO RKYANG MTSON PA'I RTEN 'GREL DU DUR BA DANG KU SHA TUNG ZAD 'BUL, SROG SHING KHA DOG YI GE GANG 'DRI'I MDOG DANG MI ZLOS BA'I TSON GYIS BYUGS ,SKU'I DBU'I DBYINGS DANG MCHOD RTEN GYI BRE'I THAD TZAM LA, AOm SARBA BIDHY'A SV'A H'A ZHES PA DANG, RTEN GYI THUGS K'I THAD TZAM DU AOm
, ,BADZRA A'A YU shE SV'AH'A, ZHES PA DANG, AOm SU BRA TIshthA BADZRA YE SV'A H'A ZHES PA GRI, GNAS LNGAR AOm A'A: H'Um TRAm HRAm ZHES PA BKOD, GZHAN YANG SHAR NGOS LA GTZUG TOR RNAM RGYAL ,LHOR DRI MED, NUB TU GSANG BA RING BSREL, PHYAG DU BYANG CHUB RGYAN 'BUM GYI GZUNGS THUNG RNAMS BRI ZHING, GZHI GA'I GSHAM DU RTEN 'BREL SNYING BO DANG, BZOD PA DKA' THUB DAM PA SOGS DANG RTEN 'BREL SNYING PO BDO SKAD DU BSGYUR BA RNAMS BRI, NANG RTEN LTA BU LA GSHEGS PA DE NYID RANG GI RTZA BA'I BLA MA'I BRIS 'BUR GYI SKU GANG YANG RUNG BA DBU'I GTZUG TOR GYI NANG DANG, LHAG PA'I LHA'AM YI DAM GANG YIN PA DE NYID KYI SKU KRIS 'BUR GANG RUNG THUGS KA'I THAD DU GZHUG PA LA MU TIG DANG GSER LA SOGS PA'I RIN PO CHE'I PHRENG BA'I RIGS DANG, RIN PO CHE'I PHYE MA DANG DRI BZANG PO SMAN GYI TSOGS RNAMS SKU MDOG DANG MTHUN PA'I DAR GYIS GRIL LA SKU GZUGS GNYIS DANG LHAN CIG TU LEGS PAR GTUMS TE GZHUG PA'I PHYI ROL TU SHOG BU LA, DPAL LDAN BLA MA DAM PA RDO RJE SLOB DPON CHE GE MO ZHES BGYI BAS, SBYIN BDAG GAM TSE 'DAS CHE GE MO ZHES BGYI BA LA BYIN GYIS BRLAB TU GSOL, SDIG SGRIB NYES LTUNG GI TSOGS RNAMS BYANG BA DANG, 'KHOR BA DANG NGAN SONG GI SDUG BSNGAL LAS THAR PA DANG, MYUR DU RDO RJE 'DZIN PA'I SA CHEN PO THOB PAR MDZAD DU GSOL, ZHES PA LTA BU RGYAS BSDUS SKABS DANG SBYAR ,YI DAM LA YANG BCOM LDAN 'DAS YI DAM CHE GE MO ZHES BSGYUR BA'I SHOG DRIL GYIS DKRIS, KHYAD PAR SDIG SBYONG LTA BU GTZO BOR YIN NA, THUGS RJE CHEN BO, KUN
RIG ,MI 'KHRUGS PA SOGS RANG GANG MOS KYI NGAN SONG SBYONG BA'I LHA'I SKU DANG, DE'I MTHA' SKOR DU SNGAGS PHRENG SPEL TSIG DANG BCAS PA YANG DGOS PA YIN NO, ,GSON PO'I DON DU BZHENGS PA LA CHE GE MO ZHES BGYI BA LA GNAS SKABS SU NAD GDON BAR CHAD MI MTHUN PA'I PHYOGS RNAMS NYE BAR ZHI ZHING, TSE DANG BSOD NAMS DPAL 'BYOR LONGS SPYOD SNYAN GRAGS MTHU STOBS SOGS LEGS TSOGS THAMS CAD 'PHEL BA DANG, ,MTHAR THUG GI DON ZUNG 'JUG RDO RJE 'CHANG GI GO 'PHANG TSE 'DI NYID LA THOB PAR BYIN GYIS BRLAB PA'I TSIG RGYAS BSDUS GANG 'OS DANG, BLA MA DAM PA ZHING GZHAN DU GSHEGS PA'I DGONGS RDZOGS DANG BZHUGS PA'I MDZAD PA LTA BU LA NI ZHING KHAMS GZHAN DAG TU SEMS CAN GYI DON RLABS PO CHE 'GRUB BA SOGS JI LTAR BZHED PA'I DGONGS PA RNAMS RDZOGS PA DANG, YANG ZHING 'DIR 'GRO BA'I DON DU MYA NGAN LAS MI 'DA' BAR BZHUGS PA DANG, SKU TSE MDZAD PA 'PHRIN LAS RNAMS 'PHEL ZHING, GDUL BYA'I TSOGS RNAMS SMIN CING GROL BAR BYIN GYIS BRLAB PA SOGS SPEL TSIG RGYAS PAR BYA, LTE BA'I 'OG TZAM DU BZHENG YUL GYI SKU DE BLA MA LTA BU'I YIN NA DE [?] KHA'I DANG, YANG NA SBYIN BDAG GI 'AM, ,RAB GNAS KYI TSE BSKO RGYU'I CHOS SKYONG LTA BU, MDOR NA YUL DUS GNAS SKABS SOGS DANG BSTUN BA'I CHOS SKYONG GI SKU MTHUN RDZAS RNAMS DANG LHAN CIG TU BZHUGS PA LA MTHUN RKYEN BSGRUB PA DANG DGRA BGEGS SGROL BA SOGS RTEN GNYER GTAD KYI SBEL TSIG RGYAS PAR BYA'O, ,RING BSREL LA ,SKU GDUNG GI
, ,RING BSREL, YUNGS 'BRU LTA BU'I RING BSREL, ,SKU BAL GYI RING BSREL, ,CHOS SKU'I RING BSREL RNAMS LAS, SKU GDUNG NI, SANGS RGYAS, BYANG SEMS, NYAN RANG, ,BLA MA BRGYUD PA RNAMS KYI GDUNG RUS LTA BU, YUNGS 'BRU NI, DE BZHIN GSHEGS PA'I 'PHEL GDUNG DANG, MKHAS GRUB RNAMS KYI RING BSREL, SKU BLA NI DBU SKRA ,SEN MO SOGS, CHOS SKU'I RING BSREL NI GZUNGS RNAMS LA NGOS 'DZIN PAS ,DANG PO GSUM NI THEG PA GSUM GYI 'PHAGS TSOGS DANG RGYA BOD KYI LO PAn GANG MA RNAMS KYI BYIN RLABS RTEN TZAM TSOGS PA YIN MOD, DE PHYIN CHAD LA 'GA' ZHIG KUN SLONG NGAN PAS, LHA GRUB MI GCIG PA MI 'JUG PA DANG, LA LA DAG SNANG PHYOGS MED 'DOD NAS, CHOS RGYUN DANG 'PHUL SA'I RTEN GYI KHYAD PAR SOGS KYI DBYE BA MED PAR ,BYIN RLABS RTEN LAG TU 'BYOR TSAD 'JUG PAR 'DUG KYANG ,LUGS GNYIS KA 'THAD PAR MI SEMS SHING, DPER NA GSANG BA 'DUS PA LTA BU'I SKUL MAR 'GOS NAS BZUNG STE, DBANG BKA' BSHAD BKA' MAN NGAG GI BRGYUD PA'I BLA MA RNAMS KYI BYIN RLABS RTEN GANG RNYED GTZO BOR 'JUG ,GZHAN YANG RANG GIS THOS PA'I CHOS ZAB MO GZHAN DAG GI BLA MA BRGYUD PA'I BYIN RLABS RTEN YANG 'JUG RIGS LA, RANG DANG DAM SEL YOD PA DANG LHA GANG YIN PA DE'I CHOS RGYUN LA DAM SEL YOD PA'I RIGS NI CIG SHOG DE JI LTAR 'GANGS CHE YANG MI 'JUG PA GNAD DU ZAB BO, ,DE YANG DE BZHIN GSHEGS PA'I RING BSREL GTZO BOR GYUR PA'I SKU GDUNG SKU BAL RING BSREL JI SNYED PA RNAMS DRI BZANG PO DANG LHAN CIG TU DAR
RAS SER POS GTUMS, GANG ZAG DMAN PA'I RUS PA NI DER BCUG NA, GANG ZAG KHYAD PAR CAN GYIS PHYAG MCHOD MDZAD PA SOGS KYIS SHIN TU GNOD PAR 'OD SRUNGS RDZOGS BYED KYI GTAM RGYUD LAS 'BYUNG BA LTAR MI RUNG PAS, RUS CHOG BYAS PA'I SOL BA SANG CHAR BSRES NAS GZUNGS PAR 'DEBS PA SOGS KYI RGYU BYAS NA LEGS SO, ,BLA MA'I SKU CHOS DANG BAR SOGS NA BZA' GTOS CHE BAR YOD NA GZUNGS KYI NA BZA' TSUL DU BKRI ZHING ,NA BZA' SKYI CHAGS PA'I RIGS DANG ,ZHABS LHAM SOGS NI 'JUG TU MI RUNG YANG ,MKHAS RLOM RTOG SPYOD CAN RNAMS NI DOGS PA'I GNAS TZAM YANG BYED PAR MI SNANG NGO, ,CHOS SKU'I RING BSREL GZUNGS KYI RIM PA 'BUL BA NI RGYUD SDE NAS BSHAD PA'I GZUNGS RNAMS HA CANG MANGS PAS BRI BAR DKA' ZHING, CHAD LHAG KYANG 'BYUNG NYE BAS NA BAR DU BSGRUB PA LEGS SHING ,DE YANG PAR LA LA DAG NI GTZUG TOR SOGS GZUNGS RING PO RNAMS DPE CHA LTAR YIG PHRENG DANG PO'I MJUG GNYIS PA'I 'GRO BRIS PA SOGS MCHIS PAS, GZUNGS DRIL BA'I TSE YANG STOD SMAD BAR GSUM NAS DRIL BA 'DRA ZHIG MA GTOGS TSAD LDAN ZHIG MI 'BYUNG BAS NA, YIG 'PHRENG DANG PO'I BSHAM DE PAR SHING GNYIS PA'I YIG PHRENG DANG PO DANG, DE LAS KYANG MANG BA DOGS NA PAR SHING GSUM PA SOGS JI SNYED KYI BAR DU YIG PHRENG DANG BO KHO NA YONG BA BYAS PAS, SHOG MTSAMS RNAMS SBYAR BAS GZUNGS JI LTAR RING YANG YIG PHRENG GCIG TU 'BYUNG BA NI LEGS PA YIN NO, ,'DRI DGOS PA NAMS NI ,GSER, DNGUL, MTSAL SNAG GANG 'BYOR
, ,DANG, BLO GZUNGS NI GHI HAm DANG KHA CHES BRIS KYANG LEGS SO, ,DE YANG MCHAN SNGAGS KYI RIM PA NI ,AOm A'A: NA MASHRV'I DZI NEE: PRA BHU BADZRE BHI DHA R'A YA H'Um ,ZHES PA LTA BU 'BRU GSUM GYI BAD DU MTSAN SNGAGS PHYAG 'TSAL SNGON DU 'GRO BA CAN LEGS SBYAR GYI SKAD DU BSGYUR BA DANG L'ANYTSA ,WARTUL ,N'A GA RA ,RGYA MTSO MTHA' ,KASMI RA'I YI GE LTA BU 'BRI PA LEGS NA'ANG ,LEGS PAR SBYAR BA'I BSTAN BCOS KA TZAN SOGS LA SBYANGS PA RNAMS KYIS BYA BAR RIGS KYIS ,SGRA MTSAMS SBYOR LNGA PA TZAM YANG MI SHES PAR, SAm SKRAm TA'I SKAD 'DOD NAS RNAM DBYE DANG RKYEN GYI 'JUG TSUL CUNG ZAD KYANG MED PA'I SKAD DOD RNGO CHAG BSGRIGS MA DAG PA'I PHUNG PO LA SNYING PO MED PAS, DE BAS 'DI LTAR BYA STE ,AOm A'A: RGYAL BA KHYAB BDAG RDO RJE 'CHANG CHEN PO LA PHYAG 'TSAL LO H'Um ,ZHES PAS DPER MTSON NUS SHING ,BLA MA BRGYUD PA YANG RGYAS PAR SPRO NA ,SO THAR BYANG SEMS SNGAGS KYI SDOM PA THOB PA'I BRGYUD PA ,DBANG RJES GNANG GI RIM PA DANG ,NYAMS KHRID ,BSHAD BK'A, MAN NGAG GI BRGYUD PA SOGS RDO RJE 'CHANG NAS RTZA BA'I BLA MA'I BAR RE RE BZHIN DGOS ,BSDU NA RANG GTZO BOR NYAMS SU GANG LEN DANG ,MA MTHA' 'ANG SANGS RGYAS BYANG SEMS YI DAM CHOS SKYONG GI SKU GANG YIN PA DE KHA'I CHOS RGYUN GYI BLA MA NI TSANG BAR DGOS SO, ,GZUNGS SNGAGS KYANG MED DU MI RUNG PA'I GZUNGS CHEN SDE LNGA NI, RNAM RGYAL ,DRI MED ,GSANG BA RING BSREL, BYANG CHUB RGYAN 'BUM ,RTEN 'BREL SNYING PO RNAMS DANG, SANGS RGYAS BYANG SEMS ,YI DAM CHOS SKYONG GANG YIN PA'I
SNYING BO NYE SNYING 'PHRENG SNGAGS LAS SNGAGS SOGS DANG ,BLA MA'I SKU GZUGS LA, RGYA SKAD SHES NA MTSAN SNGAGS LEGS SBYAR GYI SKAD DU BSGYUR BA DANG ,BLA MA DE KHA'I YI DAM CHOS SKYONG GI SNGAGS RNAMS DGOS SHING ,DE DAG GI MTHAR MCHOG THUN GYI DNGOS GRU BA 'GRUB PA'I SPEL TSIG MJUG TU PUsh'Im KU RU AOm ZHES PA SGYOR BA DANG, RGYAS PAR GRUB NA RGYAD SDE BZHI'I YI DAM CHOS SGYONG SO SO'I SNGAGS KYI RIM PA RNAMS DANG ,GZHAN YANG MDO LAS 'BYUNG BA'I NOR BU RGYAS PA'I GZHAL MED KHANG DANG , YANGS PA'I GRONG KHYER DU 'JUG PA ,BKRA SHIS PA'I TSIGS SU BCAD PA RNAMS KYANG 'DRI BA 'AM PAR DU 'DEBS PA SOGS RUNG BA SHOG 'THUD SOGS MA NOR BA BYAS LA ,DRI BZANG POS BYUGS ,MA DRIL BA DE NYID LA BGEGS BSKRAR ,RAB GNAS BSDUS PA SOGS LAG LEN ZUR DU 'BYUNG BA LTAR BYA, DE NAS DRIL BA NI, KUN MKHYEN BU STON GYIS MJUG NAS DRIL BA DANG ,SA SKYA PA'I RJE BTZUN GONG MA RNAMS KYI PHYAG BZHES RJE DOR CHEN PA'I LUGS LA ,AOm NAS SBRUL 'KHYIL BA LTAR MJUG MTHAR YONG BA'I LUGS GNYIS, ,STAG TSANG LO TZ'A BAS, THAMS CAD DRIL LUGS SHIN TU DAM PA MI 'JIG PA DANG, DBU ZHABS MA LOG CES PA TZAM LAS GSAL KHA MA BYUNG LA, DE YANG CHOS RJE BU STON ZHABS NI RTZOD MED YONGS GRAGS KYI PAndI HA CHEN PO YIN CING ,DOR CHEN PA NI SANGS RGYAS KYIS LUNG BSTAN GYIS ZIN PA'I TSAD THUB KYI RDO RJE SLOB DPON YIN 'DUG PAS ,DE GNYIS LUGS GCIG 'THAD ,GCIG MI 'THAD CES KHA TSON GYIS GCOD MI NUS MOD ,DES NA RANG
, ,CAG RNAMS NI DUS GSUM RGYAL BA THAMS CAD KYI NGO BO CHOS KYI RGYAL PO TZONG KHA PA CHEN PO'I GSUNG RAB LAS JI LTAR 'BYUNG BA BZHIN LAG TU BSTAR DGOS NA'ANG, GZUNGS 'BUL GYI SKOR 'DI LA RJE BLA MA'I GSUNG GSAL BA DRI MA MED PA ZHIG NI MA MCHIS SHING, RJES 'JUG GONG MA 'GA' ZHIG GIS ZHA LU BA'I LUGS DE LA RANG LUGS SU BYED PAR MCHIS PA NI ZHA LU BA'I LUGS LA DGA' BA TZAM DU ZAD DO, ,DE'I PHYIR NA ,RIM LNGA GSAL BA'I SGRON ME LAS SNGAGS KYI BJA NI SNGAGS KYI MING STE ,DE YANG 'GOR AOm DANG, MTHAR SV'AH'A YOD PA'I SBRUL DANG ,AOm YOD LA SV'A H'A MED PA'I MTHA' MED DANG ,DE LAS LDOG PA'I 'GO MED DANG, GNYIS KA MED PA'I BTUS PA ZHES PA BZHI DANG, SNYING PO NYA SNYING SOGS DU MA ZHIG YOD KYANG, ZHES PA DANG ,SPYOD BSDUS LAS ,RDOR BZLAS KYI YI GE GSUM GYI SKABS SU ,DE LA SBRUL LA SOGS PA'I SNGAGS RNAMS NI ,AA LI KA LI LAS BYUNG BA RNAMS SO, ,ZHES GSUNGS PA LA DPAGS NA; NGOR CHEN GYIS GSANG SNGAGS SGRUB 'KHYIL BA'I DBYIBS CAN DU MDZAD PA LEGS PAR MNGON ZHING ,LAG LEN KYANG DBU NAS DRIL BA 'DI BZHIN BYAS LA DAR RAS KYI NA BZA' SER BOS GRIL ZHING ,DE'I SKUD PAS DAM DU BKRI 'O, , DE NAS GZUNGS 'BUL BA'I GNAS KHANG DER ,GSER ZANGS SOGS KYI SKU DANG ,RGYU DE LAS GRUB PA'I MCHOD RTEN RNAMS LA NI THOG MAR BYIN RLABS RTEN, SROG SHING, SKU GZUGS DANG ,GZUNGS DRIL GRUB PAR NAMS DANG, TZANDANA
DANG SHUG PA SOGS SPOS KYI PHYE DANG ,SMAN SNA 'BRU SNA ,THUMS RDZAS KYI GOS DAR GSER G-YU SOGS MDAR NA DER DGOS PA'I YO BYAD THAMS CAD TSOGS PA LA ,RDO RJE SLOB DPON LHA'I NGA RGYAL LA GNAS PAS SBYANG BA BGAGS BSKRAR DRAG TU BYA ,BSRUNG 'KHOR BSGOM ,SLAR YANG GZUNGS RNAMS LA RAB GNAS BSDUS PA ZHIG BYA ,SKU GZUG KYI NANG DANG MCHOD RTEN GYI NANG GI GANG RO MA LUS PAR BTON, PHYI'I GSER MDANGS SOGS LA MA GNOD PAR CHUS BSHAL NAS BSNGAM ,GZER GYI BUG PA DANG BSGRIGS MTSAMS LA CHU 'GRO BA YOD NA MA 'ONGS PA NA SKU RJEN PA LA KHRUS CHAB LTA BU GSOL BA'I TSE RLAN GYIS GZUNGS RUL 'GRO BAS ,BSGRIGS MCHAMS DAM ZHING ,'BYOR NA 'BER DANG ,MTHA MA'ANG BKRAG CHUS SRUBS MED PAR BYAS ,DE NAS TZANDAN DKAR DMAR ,AA KA RU ,SHUG PHYE SOGS KYIS GZHI BYAS, DRI BZANG PO'I SMAN TSOGS TSAD ,SPOS RENG GI RIGS SOGS ZHIB TU BTAGS PA CHU GTZANG GIS SPRAN PA'I GAR SLA ZHO TZAM GSER ZANGS KYI NANG DANG MTSAR RTEN GYI SHING SOGS THAMS CAD LA LAN MANG DU BYUGS TE ,SRAB MTHUG PA'I KO BA TZAM BYUNG BA DANG ,DRI NGAD MI YAL BA'I PHYIR GRIB SKAMS BYA, SMAN SKU'I RIGS 'GA' ZHIG LA ,GZUNGS THOG MA NAS PHUL GRUB PA DGOS PA SOGS GO RIM CUNG ZAD MI 'DRA BA RIGS PAS DPYOD DO, ,DE NAS RTEN RNAMS LA SBYANG GSUM SNGON DU 'GRO BA'I BGEGS BSKRAD BYAS ,GU GUL GYIS BA DUGS ,GZUNGS 'BUL BA'I LAS BYED NANG GI DE NYID MNGON DU GYUR PA'I RDO RJE'I SLOB DPON CHEN PO RNAMS LA RTEN MA NGES
, ,KYANG, DUS KYIS RNYED PAR DKA' ZHING ,GZHAN DU NA DPA DGE SLONG ,'BRING DGE TSUL ,THA MA'ANG DGE BSNYEN NAM ,KHYIM PA GSO SBYONG LA GNAS PA DAG GIS KHRUS BYAS ,GOS GSAR PA PHYON ,SHA CHANG SGOG BTZONG SOGS KHA ZAS MA RUNGS BDAG SPANGS TE ,AOm MADH'A DH'A TU BARBH'A MA SV'A H'A, ZHES GZUNGS 'JUG PA'I BKRA SHIS PA'I TSIGS SU BCAD PA 'DON BZHIN PA'I RANG NAS LAS BYED ,DE RNAMS LA JA BZANG PO DANG ,KA RA BU RAM, SBRANG RTZI SOGS DKAR GSUM MNGAR GSUM GYIS TSIM PAR BYAS NA SBYIN BDAG LA LONGS SPYOD KYI RTEN 'BREL DU CHE ,GSER SKU LTA BU LA, SKYE MCHED BYIN RLABS RNAMS GTZUG TOR SMIN MTSAMS SOGS SO SO'I THANG KAR SBYAR, SMAN SKU LA TSON 'OG TU BRI ,SANGS RGYAS KYI 'PHEL GDUNG GIS THOG DRANGS , SKU GDUNG ,SKU BA LA ,SKU YUNGS 'BRU LTA BU'I RING BSREL, NA BZA'I DUM BU RNAMS GTZUG TOR RAM ,THOR TSUGS CAN GYI DBU SKRA'I NANG NGAM ,BLA MA LTA BU'I DBU'I GCUG ,MCHOD RTEN GYI TOG DANG GDUGS KYI NANG DU GZHUG ,DE'I MDZOD SPUR NOR BU RGYAS PA'I GZHAL MED KHANG LA RGYAS PA'I SPEL TSIG SBYAR BA DANG ,DE'I 'OG TU BLA MA BRGYUD PA'I MTSAN GZUNGS RNAMS DANG ,GTZUG TOR 'KHOR LOS BSGYUR BA'I GZUNGS LA BAR CHAD ZHI BA'I SPEL TSIG DANG, GDUGS DKAR LTA BU RGYUD SDE GONG 'OG LA MI LTOS PAR DMIGS BSAL GYIS 'JUG ,MCHOD RTEN YIN NA BRE YAN CHOD DU GZHUG ,SKU'I MGUL DANG ,MCHOD RTEN GYI BRE ZHABS KYI THAD DU DBYANGS GSAL GYI GZUNGS GANG MANG ,SKU'I STOD DANG MCHOD
RTEN GYI BUM STOD LA BLA MED KYI GZUNGS ,DE YANG G-YAS SU BA RGYUD, G-YON DU MA RGYUD ,SA ZHAL GNYIS DBUS SU GNYIS MED KYI RGYUD ZER YANG, RANG LUGS BLA MED KYI RGYUD YIN NA GNYIS MED KYI RGYUD YIN PAS KHYAB PAS ,DGYES RDOR ,DUS 'KHOR LTA BU LA GNYIS MED KYI RGYUD CES SGER DU MING 'DOGS PA'I RNAM GZHAG MI BYED KYANG ,RANG GI LHAG PA'I LHA'I BLA MED KYI RGYUD SDE GANG YID DE DBUS SU GZHUG PA LEGS PAR SEMS ,SKU GSUNG THUGS KYI RTEN GYI RIGS BYIN RLABS CAN YOD NA GZHUG DE 'OG SKU SKED DANG ,BUM SKED LA RNAL 'BYOR RGYUD, SPYOD RGYUD ,BYA RGYUD KYI GZUNGS DKYUS MA RNAMS GO RIM MA LOG PAR GZHUG ,LTE 'OG ,BUM SMAD LA GZUNGS CHEN SDE LNGA, YANGS PA'I GRONG KHYER DU 'JUG PA ,GZHAN YANG MDO LAS 'BYUNG BA'I GZUNGS RNAMS DANG ,PHYAG LA GZUNGS 'JUG PAR SHAR NA ,BLA MED KYI GZUNGS KYI RIGS DBUNG MGO NAS MTHE 'ONG GI BAR LA YAS BCOL NAS 'JUG ,STOD GZUNGS ,SMAD GZUNGS ,BAR GZUNGS RNAMS LA GOS DAR SER BO SOGS KYIS MTSAMS DAR LEGS PAR BTANG , SKU'I SKYIL KRUNG DPAM MOD RTEN GYI BAR RIM RNAMS LA ,RGYUD SDE BZHI DANG THEG PA GONG 'OG SOGS GO RIM MA 'JOL BAR BYAS TE ,SANGS RGYAS KYI BKA' DANG DE'I DGONGS 'GREL GYI BSTAN BCOS, MNGON RTOGS SGRUB SKOR LAS TSOGS SOGS KYI GLEGS BAM, SHOG BU'I BAR BAR LA YANG DRI BZANG DANG BCAS ,NANG GRIL GOS DAR KHA DOG SNA TSOGS GANG 'BYOR ,PHYI GRIL DAR SER BOS BYAS ,DBU SHOG YAR LOG ,MDUN LOGS KYI DBU ,RTEN GYI
, ,RGYAB PHYOGS SU YOD PAR BYAS TE CI SHONG BCUG ,GZUNGS DANG GREGS BAM GYI SRUBS STONG PAR LUS PA RNAMS, SHUG PHYA ,SPANG SPOS ,GTZO PO BUM RDZAS NYER LNGA ,GZHAN YANG DRI BZANG CI 'BYOR GYI PHYE MA DANG RAS SER POR THUMS BU BYAS NAS 'GENGS ,RTEN GYI PADMA'I STOD DAM ,MCHOD RTEN GYI SENG KHRE'I STOD KYI THAD DU ,DBUS SU BKRA SHIS PA'I TSIGS BCAD LHUG DANG BKRA SHIS PA'I GZUNGS RNAMS KYI SHOG DRIL, PHA YAS SU CHOS SKYONG BSRUNG MA ,G-YON DU DPAL MGON BDUN CU RTZA LNGA ,RGYAB TU GNOD SBYIN NOR LHA'I GZUNGS SNGAGS ,PHYOGS SKYONG RGYAL CHEN SDE BA ZHI ,GZA' RGYU SKAR LHA KLU SA BDAG MTHU PO CHE RNAMS KYI SNGAGS ,DE DAG RNAMS KYI BAR DU'ANG BRA BO DANG PANG KHA MA YIN PA'I 'BRU SNA'I RIGS DAR RAS SER POS GTUMS TE BCUG LA ,DAR RAS SER POS MTSAMS BCAD DE MI LUG PAR BYA 'O, ,GNYIS PA 'PHROS DON BYE BRAG TU BSHAD PA LA ,GNOD SBYIN 'KHOR LO BCA' TSUL ,DMIGS BSAL GYI RIM PA GNYIS ,DANG PO LA ,GZHAN LUGS MI 'THAD PA DGAG PA ,RANG LUGS 'THAD LDAN DU BZHAG PA GNYIS ,DANG PO NI ,ZHA LU PA'I LUGS KYI LAG LEN MO 'KHOR STENG DU BYA BA DANG ,STAG TSANG LO TZ'A BAS ,'DAB MA'I SNGAGS MGO PHYIR BSTAN PHO 'KHOR STENG DU BYAS PA LA ,'DAB MA'I SNGAGS RNAMS G-YAS BSKOR G-YON BSKOR KHYAD PAR MI RIGS PA'I SGRUB BYED DANG BCAS PA'I LUGS ,'GA' ZHIG GNOD SBYIN PHO DGU MO DGU'I LDER SKU GZHUG PA DANG ,SHING BYANG LA RI MO BRIS
TE KHA SBYAR DU BYAS NAS 'JUG PA SOGS LUGS MANG ZHIG MCHIS PA ,SNGA MA 'THAD PAR MI SEMS TE ,'KHOR LO 'DI DPA' BO GCIG GRUB KYI RGYUD LE'U GNYIS PA LAS ,GNOD SBYIN PHO MO'I 'KHOR LO BRIS TE NOR DANG 'BYOR PA BSGRUB PA'I CHED DU MO 'KHOR GNYIS KHA SBYAR RAM ,PHO MO KHA SBYAR BAR GSUNGS PAS ,'DI NYID RGYUD SDE NAS GSUNGS PA'I NO BSGRUB KYI 'KHOR LO'I LAS TSOGS YIN PA'I PHYIR NA ,MO 'KHOR STENG DU BYED PA RGYUD SDE GZHAN DAG GI LUGS SROL DANG MI MTHUN PA'I NYES PA MNGON SUM DU GRUB PAS SO, ,RGYU MTSAN BDE DGYES ,GSANG 'DUS ,DUS 'KHOR ,KHYAD PAR DMAR NAG 'JIGS GSUM SOGS GSANG SNGAGS GSAR MA'I RGYUD SDE NAS BSHAD PA'I 'KHOR LO'I LAS TSOGS RNAMS DANG ,GSANG SNGAGS RNYING MA'I LAS TSOGS MTHA' DAG GANG LA YANG ,PHO 'KHOR STENG DU BYAS TE BSGRUBS PAS LAS JI BZHIN MA 'GRUB NA, SPOGS PA'I CHO GA LA PHO MO GO BZLOG STE BYED PAR BSHAD PAS ,KHYED RANG RNAMS KYI GNOD SBYIN 'KHOR LO LA SPOGS CHOG TU 'GYUR BA'I SKYON 'BYUNG LA ,SPOGS CHOG NI LAS MTHA' RDUGS NA BYED CING MI SHIS PAR YANG BSHAD PAS ,SBYIN BDAG SOGS LA 'BYOR PA DANG BKRA SHIS PAR BSGRUB PA'I 'KHOR LOS ,DE'I BZLOG PHYOGS BSGRUBS TA PHYIN CI LOG TU 'GYUR RO, ,YANG 'DI LA SKYON MED DE RGYU MTSAN ,GSANG 'DUS LTA BU'I DKYIL THANG GAN RKYAL DU BZHAG PA'I TSE YAB KYI STENG DU YUM YONG BA MNGON SUM GYIS GRUB PAS SO ZER NA ,DE NYID DOD MTSUNGS NA 'KHOR LO
, ,KHA SBYOR PA LAS RAS GZHI GCIG LA PADMA 'DAB BRGYAD LTE BA DANG BCAS PAR GNOD SBYIN PHO DGU MO DBU DKYIL THANG GI LHA LTAR BRIS KYANG RUNG BAR 'GYUR ZHING ,GZHAN YANG 'KHOR LO'I DPE DKYIL THANG LA 'GEBS NA ,DKYIL THANG GIS 'KHOR LO'I GO CHOD PAR KHAS LEN DGOS ,DE LTAR BLANGS NA ,DMAR NAG 'JIGS GSUM LTA BU LA 'PHRUL 'KHOR 'DI BA SOGS KYI DKA' BKHYAD DU BSAD DE ,DKYIL THANG TZAM LA BRTEN NAS 'PHRUL 'KHOR GYI LAS TSOGS SGRUBS SHIG ,GZHAN YANG DKYIL THANG ZHAL BSGREL BA DE'I TSE MO STENG DU YONG BAS 'GRUB NA ,KAKnI SOGS KYI GNAM RGYAN LA MO 'OG TU 'PHYUNG BAS CIS MI 'GRUB ,LUGS SNGA MA DE 'DRA NI GSUNG RAB KYI BRDA CHAD LTA ZHOG ,'JIG RTEN THA SNYAD LAS KYANG 'GAL BA'I GTAM MO, ,LUGS BAR PA YANG MI RIGS TE ,DE LTA NA; STENG 'OG GNYIS KA G-YAS BSKOR BYAS PA'I SKYON GYIS LHO'I LHA DANG BYANG GI LHA ZHAL SBYAR BA ZHIG YONG ZHING ,DE LA SKYON MI YONG NA BRIS THANG GI DKYIL 'KHOR LTA BU LA YANG SHAR GYI LNGA'I YUM DE NUB KYI LHA DANG ZHAL SBYOR DU BRIS NA DE LA NYES PA MI 'JUG PAR 'GYUR RO, ,YANG MNGON SUM PHAL PA LA DE LTAR SNANG BA TZAM GYIS MI GNOD DE ,SGOM DON LA PHYOGS KYI LHA RNAMS MA 'DRES PAR 'BYUNG BA'I PHYIR ;DPER NA DKYIL THANG BKRAM PA'I TSE SHAR PHYOGS PA RNAMS ,DNGOS SU DBU 'THUR LA BSTAN KYANG ,SGOM DON LA DE LTAR MIN PAS SO ZER NA ,DE LTAR NA MI 'KHRUGS PA'I DKYIL 'KHOR LA BRTEN NAS GSANG BA 'DUS PA'I DBANG YANG
LA SKUR RUNG STE ,DKYIL 'KHOR DE MNGON SUM DU PHAL PA LA MI 'KHRUGS PA'I DKYIL 'KHOR DU SNANG GI ,SGOM DON LA RNAL 'BYOR PA'I DMIGS PAS GANG 'DOD DU BSGYUR THUB PA SNGA MA DANG DOD MCHUNGS PA'I PHYIR ,YANG G-YAS BSKOR G-YON BSKOR DU BYAS NA THABS SHES SBYOR BA'I TSE ,ZHAL GSUM YOD PA LTA BU LA ,YAB KYI G-YAS ZHAL DANG YUM GYI G-YAS ZHAL GNYIS SBYOR DGOS PA'I RIGS PA GTONG BA NI SHIN TU MI RIGS TE, RGYU MTSAN DE LTAR NA ,DMAR NAG 'JIGS GSUM GYI [?] 'PHRUL 'KHOR GYI SKABS YI GE BCU BDUN PO G-YAS BSKOR G-YON BSKOR DU 'BRI PAR BSHAD 'DUG PAS PHYOGS GCIG GI YI GE RNAMS LOG POR 'DRI DGOS PAR 'GYUR ZHING ,DES NA nA DGOS SAR NA 'DRI BA SOGS 'CHUGS TSABS CHEN POR 'GYUR RO, ,MTSAN NYID PA RGAN PO DANG ,THA SNYAD MKHAN PO DAG MAN NGAG DANG BRAL BA'I RANG BZO LA BRTEN NAS RGYU MTSAN MED PA'I BLOS BYAS MA MDZAD CIG ,LUGS PHYI MA NI SNGA MA BKAG PA'I SHUGS KYIS KHEGS SO, , GNYIS PA RANG LUGS 'THAD LDAN DU BZHAG PA NI , DPA' BO GCIG GRUB NAS GSUNGS PA'I YAB YUM GNYIS MED KYI DNGOS GRUB BLANG THABS BSNYEN PA DANG BCAS TE BSGRUB PA DBANG ,BSNYEN PA MED KYANG 'KHOR LO BCAS LA DNGOS GRUB BLANG BA'I TSUL GNYIS LAS ,'DIR PHYI MA LTAR TE ,BRI GZHI GSER DNGUL ZANGS KYI BYANG LEB BAM ,MTHING SHOG GOS RAS GRO SHOG GANG 'DZOM AA STENG 'OG MNYAM PAR ,GZONG BRKOS SAM GSER DNGUL RGYA SNAG MCHAL LTA BU LA SMAN
, ,SNA RIN PO CHE SNA TSOGS KYI PHYE BTAB PA SOGS YO PHYAD 'JOM PA DANG BCAS ,RGYU SKAR RGYAL LA BAB PA'I TSE 'AM, YANG NA GZA' SKAR SGYOR BYED LEGS PA LA BRI BA NI ,DPA' BO GCIG GRUB KYI RGYUD LAS ,YANG NA GSER LA SOGS PA'I BYANG BU LA PA SU DH'A RA GNOD SBYIN MO DANG BCAS PA DANG ,BYANG BU GNYIS PA LA BCOM LDAN 'DAS DZAm BHA LA GNOD SBYIN GYIS BSKOR BA YANG DAG PAR BRIS LA KHA SBYAR DU BYAS TE ,ZHES GSUNGS PAS ,NOR RGYUN MA GTZO BOR BYA STE ,'KHOR LO MU KHYUD RIM PA BZHI BSKOR BA'I LTE BAR NOR RGYU NAM SER MO ZHAL GCIG PHYAG GNYIS MA ,G-YAS MCHOG SBYIN GYI MTHIL NA SHING THOG BHINYDZA P'U RA DANG ,G-YON 'BRAS KYI SNYE MA 'DZIN PA ,DAR DANG RIN PO CHE'I RGYAN SNA TSOGS KYIS BRGYAN PA ,ZHABS SKYIL KRUNG PHYENG PAS BZHUGS PA'I ZHABS 'OG NA PADMA'I SDONG GI GTER MNAN PA ,BUD MED SGYU MA'I NGA RGYAL GYIS 'GYING BA'O, ,MU KHYUD GNYIS PA LA PADMA 'DAB BRGYAD BRIS PA LA ,GTZO MO'I MDUN SHAR NAS BRTZAMS, TE ,GTZO MO DANG 'DRA BA'I NOR RGYUN MA BRGYAD DBU PHYIR BSTAN PA BRI'O, ,DBUS KYI NOR RGYUN MA'I THUGS KAR AOm BHA SU DHA RI NI SV'AH'A, ,SHAR GYI ZLA 'OD MA'I THUGS KAR AOm TZANDRA KANDYEE SV'A H'A, ,LHOR NOR SBYIN MA'I THUGS KAR AOm DAN T'A YEE SV'AH'A, , NUB TU RAB SBYIN MA'I THUGS KAR AOm SU DAN T'A YEE SV'AH'A, ,BYANG DU 'PHAGS MA'I THUGS KAR AOm A'ARYA YEE SV'AH'A, ,SHAR LHOR RAB BZANG MA'I THUGS KAR AOm SU BHA DRA YE SV'AH'A, ,LHO NUB TU SBAS MA'I THUGS KAR AOm GU PA T'A YE SV'AH'A, ,
NUB BYANG DU MDZES MA'I THUGS KAR AOm DE GYEE BEE SV'AH'A, BYANG SHAR DU DBYANGS CAN MA'I THUGS KAR AOm S'A RA SV'A TYE SV'AH'A, ,ZHES PHYOGS MA NOR BAR BRI 'O, ,GSUM PA DANG BZHI PA LA RDOR ME RI'O, ,GNYIS PA PO 'KHOR BRI BA NI ,MU KHYUD BZHI BSKOR BA'I LTE PAR ,DZI BHA LA SER PO ZHAL GCIG PHYAG GNYIS PA ,G-YAS MCHOG SPYIN GYI MTHIL NA BHINYDZA P'U RA DANG ,G-YON NE'U LE RIN CHEN SKYUG PA 'DZIN PA ,ZHABS SKYIL KRUNG PHYAD PAS GTER GYI STENG NA BZHUGS PA ,DAR DANG RIN PO CHE'I RGYAN SNA TSOGS KYIS BRGYAN PA'I THUGS KAR AOm DZA MA BHA LA DZA LENDRA YA SV'AH'A, ,MU KHYUD GNYIS PA LA PAD 'DAB BRGYAD LA 'KHOR BRGYAD SKU MDOG PHYAG MTSAN RGYAN CHA LUGS GTZO BO DANG 'DRA BA LAS ,GTZO [?] BO'I MDUN SHAR PHYOGS SU DBU PHYIR BSTAN NAS ,NOR BU BZANG PO'I THUGS KAR AOm MA nI BHA DRA YA SV'AH'A, ,BYANG DU GANG BA BZANG PO'I THUGS KAR, AOm BURnA BHA DRA YA SV'AH'A, ,NUB TU NOR SBYIN GYI THUGS KAR ,AOm DHA NA DA YA SV'AH'A, ,LHOR RNAM THOS SRAS KYI THUGS KAR, AOm BEE SHA MA nA YA SV'AH'A, ,BYANG SHAR DU ROL BA'I PHRENG BA'I THUGS KAR, AOm KI LI M'A YI NAm SV'AH'A, ,NUB BYANG DU 'JAM PO 'KHYIL PA'I THUGS KAR AOm CI LI [?] KUndA LI NI SV'AH'A, ,LHO NUB TU GDONG GI DBANG PO'I THUGS KAR AOm MU KHEN DRA YA SV'AH'A SHAR [?] LHOR SPYOD PA'I DBANG BO'I THUGS KAR AOm TZA RENDRA YA SV'AH'A, ,ZHES PA RNAMS BRI'O, ,DBUS KYI YI GE'I MGO DANG ,LHA GTZO BO'I DBU NUB TU BSTAN ,PHYOGS MTSAMS KYI YI GE RANG LHA'I DBU PHYIR BSTAN NO, 'BRING LHA BRI BA MA
, ,'GRU PA NA ,PAD 'DAB LA SNGAGS BRIS KYANG RUNG NGO, ,SNGAGS RNAMS KYI SV'AH'A'I GONG DU, MA MA DHA NAm DE HI DE HI ZHES PA 'AM ,YANG NA CHE GE MO'I NOR DANG 'BRU DANG DPAL 'BYOR PHUN SUM TSOGS PA THAMS CAD RGYAS PAR MDZAD DU GSOL ,ZHES PA LA SOGS PA'I SPEL TSIG GANG 'DOD BRI'O, ,MU KHYUD GSUM PA DANG BZHI PA LA RDOR ME RI'O, ,YANG NA DNGOS GZHI BRI LUGS SOGS SNGAR LTAR LA ,PAD 'DAB KYI LHA SNGAGS RNAMS KYI DBU NANG DU BSTAN ,GTZO BO'I DBU SHAR DU BSTAN PA BYAS NA MKHYEN BRTZE NUS GSUM GYI BDAG NYID DPAL LDAN BLA MA DAM PA BSOD NAMS RGYAL MTSAN GYI BZHED PA'O, ,LUGS GNYIS KA LA RGYAS 'BRING GNYIS 'DRI BA MA 'GRUB NA ,BSDUS PA BA DGU DZAm DGU 'DRI BA PHYAG LEN YIN KYANG ,DGA' [?] ZHIG STAGS MED PAR LHA RKYANG PA 'DRI BA NI MA DAG PA'O, ,LUGS SNGA MA NI SGRUB THABS BRGYA RTZA'I DZAm LA SGRUB THABS RGYAS PA LAS, DPAL LDAN MGON PO DZAm BHA LA, ,NOR RGYUN MA LA 'KHYUD PA DANG, ,ZHES DANG ,DPA' BO GCIG GRUB TU MO GTZO BOR GSUNGS PA'I RGYAB RTEN SHIN TU BZANG LA ,SA SKYA'I RJE BTZUN GONG MA'I BZHED PA SHAR CHEN YE SHES RGYAL MTSAN SOGS MKHAS PA'I YIG CHAR BKOD PA LUNG RIGS KYI SGRUB BYED DANG 'BREL CHAGS SHING ,YANG LUGS PHYI MA NI DZAm LA GTZO BOR 'DOD PA'I DBANG DU BYAS PA YAB YUM GO RIM MI 'KHRUG CING SNGAGS SPYI SKAD DANG 'BRAL BAS LUBS DE 'DOD PHYIN PHO MO GO BZLOG PA SOGS RNAM PAR MI 'TSAMS PA'I MU COR SMRA MI DGOS PA'I LEGS BSHAD, LUNG DANG
RIGS PA 'BREL BA'I MKHAS PA DGA' BA BSKYAD PA'I GNAS SO, ,LA LA DAG 'DAB MA'I SNGAGS RNAMS DBU NANG DU BSTAN PAS DRAG POR 'GYUR RO SNYAM NA, DBU PHYIR BSTAN LA 'JAM PO DANG NANG BSTAN LA DRAG POS KHYAB PAR SHUGS LA 'GRO ZHING, DE LTAR NA DMAR NAG 'JIGS GSUM GYI 'PHRUL 'KHOR THAMS CAD LAS 'JAM PO 'BA' ZHIG TU 'GYUR LA ,BRAM ZE SDOM BZANG GI RLUNG 'KHOR SOGS 'KHOR LO KHA SBYAR GCIG GI STENG NAS ZHI DRAG GNYIS KA YOD PAR 'GYUR RO, ,BRIS ZIN PA DANG RAS SHOG BU LTA BU LA TSON GYIS BKRA BAR BYA ,YANG TSOGS BDAG 'KHOR LO NI ,MU KHYUD RIM PA LNGA PA RTZIBS BRGYAD DANG BCAS PA'I LTE BAR H'Um HR'I: BHR'Um MTHAR GU GA NA PA TA YE D'A NA PA TI SA PA RI W'A RA PUshtIm KU RU AOm GYI MJUG TU RGYAS PA'I SPEL TSIG 'DOD BCOL BYA, ,GNYIS PA LA AOm [?] BADZRA AA DU SHA MA JA TA GA TA PE TA A'A KARshA YA DA NA BA SU A'A YU: PU n+YEE PUshtIm KU RU SV'AH'A, ,GA GA GA GA GA RNAMS KYI MTHAR SPEL TSIG ,RTZIBS BRGYAD LA BA, ,BZHI PA LA RTEN 'BREL SNYING PO, LNGA PAR BKRA SHIS RTAGS BRGYAD BRI DE RJES DAR RAS GTZANG MA'I LTE BA GZHI'I STENG DU RIN PO CHE'I SNOD 'BRUS BKANG BA'I STENG DU 'KHOR LO RNAMS BZHAG SLOB DPON LHA'I NGA RGYAL LA GNAS PAS SBYANG GSUM SNGON DU 'GO BAS BGEGS BSKRAD, GU GUL GYIS BDUGS, 'KHOR LO RNAMS KYI BSKYED CHOG SOGS GZHUNG LTAR BYAS, 'GRUB NA RAB ZHAG BDUN ,'BRING ZHAG GSUM ,THA MA 'ANG NYIN ZHAG GCIG TZAM DU BSGRUB GROGS SAM RANG NYID GCIG PUS KYANG RUNG STE, 'KHOR LO'I
, ,SNGAGS CI MANG BZLAS ,RTEN 'PHREL SNYING PO'I SNGAGS DANG BCAS ME TOG 'THOR, SHIS BRJOD DANG 'OD BZHU SOGS RGYAS PAR BYA DGOS SO, ,DENG SANG NI 'KHOR LO BRIS GRUB 'PHRAL KHA SBYAR NAS 'JUG THUB PA GTZO BOR 'DON PA MA GTOGS ,'KHOR LO'I RAB GNAS BSKYED CHEG BSGRUB PA SOGS CUNG ZAD KYANG MI BYED PA MANG DU 'DUG LA ,STO PHYIR RGYAL KHAMS KUN TU GZUNGS GZHUG 'BUL BAR WA LTAR 'KHYAM PA LA LA NI TSOGS BDAG 'KHOR LO YANG MI DGOS ZER RO, , DE 'DRA'I LAG LEN 'CHOL BAS DANG GZHAN BSLU BA'I BYA BA PHUB [?] MA'I CHU DONG DAG RING DU SPONGS LA BLO LDAN RNAMS BSTAN PA DANG SEMS CAN GYI BDE SKYID SNYING LA CHONGS LA DRI MA MED PA'I LAG LEN LTAR GYIS SHIG ,'KHOR LO'I BSGRUB PA THAN NAS ,SPRANG KA RA MAR GYIS BYUG CING PADMA LHA SNGAGS RNAMS MA 'DZOL BAR SBYAR LA SKUD PA SER POS MI MNGON PAR RGYA GRAM DU BCINGS ,DE NAS SENG KHRI'I NANG DU DOR RAS SOGS LEGS PAR BTINGS PA'I STENG DU TSOGS BDAG 'KHOR LO DBU RGYAB PHYOGS SU BSTAN TE BZHAG ,DE STENG GNOD SPYIN 'KHOR LO SNGAGS MGO PHYIR BSTAN LA DBU RGYAB DANG ,YANG NANG BSTAN LA SKU'I MDUN DU YOD PA DANG, GNYIS KA PHO STENG MO 'OG MA NOR BAR BA ZHAG ,SMAN SNA ,ZAS SNA ,'BRU SNA ,RIN PO CHE, DRI BZANG, SA SNA RDO SNA ,CHU SNA, SHING SNA ,DAR SNGA, JA LA SOGS PA'I RIGS THAMS CAD BUM GTER DU BCUG LA 'KHOR LO'I STENG GI DBUS DANG PHYOGS MTSAMS SU BZHAG NA DNGOS GTZANG ZHING LEGS SO, ,DA LTA PHAL CHER THAMS CAD 'KHOR LO'I STENG
DU KHROG LUGS SU BLUGS PA'I SBYOR BA RTZING PO MANG ZHING DE 'DRA'I RIGS RTEN GYI NANG DU BYI BA'I TSANG 'CHA' BA'I THABS SHA STAG GO ,BUM GTER LA'ANG LUGS MI GCIG PA DANG ,THUN MONG DANG THUN MONG MA YIN PA SOGS RNAM GRANGS MANG BAS ,KHYAD BAR SHES DGOS KYI ,MI SHES BZHIN DU RANG BZO'I ZOBS KYIS RGYAL KHAMS MA 'GENGS SHIG ,GZHAN YANG RTEN CHEN LA SENG KHRI'I BAR STENG DU JA SPAB RTZE KHRAB RMOG GI RIN PO CHE'I DPYAD PA SOGS BLOS DPYAD DE 'JUG TU MI RUNG BA MA YIN PA THAMS CAD 'KHOR LO DANG BUM PAR MI GNOD PA BYAS NAS 'JOG LA ,LA LA ZAS KYI RNAM GRANGS SU BSAMS TE SHA 'JUG PA 'DAG KYANG GNOD SBYIN 'KHOR LO BYA RGYUD DU BSHAD PAS, DE'I RGYUD SDE'I DON SPYI MA CHAGS PA'O, ,SNGON GYI BLA MA'I BYI RTEN 'GA' ZHIG NA, BLA MA DE KHA'I LHUNG BZED DKAR YOL PHOR PA SDER MA BZED ZHAL CHAB RIL SOGS NYER MKHO'I CHAS THAMS CAD ,BUM NANG DU BLA MA'I SKU 'DRA LA BSKOR NAS BZHAG PA'ANG MTHONG BA ,SBYIR BYIN RLABS RTEN GYI DBANG DU BYAS TE ZHAL DGAR LTA BU YANG 'JUG TU RUNG MOD, 'ON KYANG ,BLA MA BZHUGS DUS KYI RNAM PA LTA BU DE 'DRA BYED PA NI ,BON LUGS KYI BANG SO DANG KHYAD PAR MA MCHIS PAS ,CHOS DANG BON BSRE BAR MA BYED CIG ,GNYIS PA DMIGS BSAL GYI RIM BA NI ,BYE BRAG 'BYED BA DANG ,DGE 'DUN 'DU BA'I 'KHOR LO DANG ,GANYDZI RA'I NANG GZHUG 'BUL LUGS SOGS RNAM GRANGS MANG BA SKU RTEN DANG THUGS RTEN GYI GZUNGS 'BUL DNGOS GZHI SNGAR BSHAD PAS KHYAB NA'ANG ,BYE BRAG BLA MA'I SKU
, ,LA ZHAL GZHUGS DANG BSTU CHA PA'I BRTAN BZHUGS LA TSE BSGRUB GYI SNGAGS DANG 'DOD BCOL RDZAS SOGS DANG ,ZHING GZHAN DU GSHEGS PA LA SNGON SANGS RGYAS RNAMS KYIS DAM BCA' MDZAD PA'I GZUNGS DANG 'DOD GSOL DANG, YI DAM 'DOD LHA'I RIGS LA YANG MCHOG THUN MONG GANG SGRUB KYI SNGAGS 'KHOR LO 'DOD GSOL SMON LAM RGYUD TSIG RDZAS SOGS SO SOR DBYE BA PHYED BA'I GANG DGOS DANG THOS PAS MA SGOM PA BSHAD SGRUB KYI BYA BA GTZO BRO [?] BSGRUB NA BLO 'PHEL GYI GZUNGS 'KHOR LO RDZAS 'DOD DON SMON LAM DANG ,BLA MA'I GDAN SA LA GANG STONGS BYUNG NA BLA MA BRGYUD PA DANG ,MI RGYUD PHRA BA LA SROG SHING DANG ,NOR LA DAR RGUD BYUNG NA NOR LHA'I SAR NAN TAN DANG ,DMAG 'KHRUG NAD MU GE BDUD RIGS 'DRE GDON BZLOG NA GNYEN PO'I KHRO BO DANG GDUGS DKAR SOGS KYI GZUNGS RDZAS ,GZHAN YANG MAN NGAG ZAB MO DU MA LAS DE DANG DE'I GNYEN PO KHA 'GED DANG ,SGRIB SBYONG LA RTZA RIG, MI 'KHRUGS PA THUGS RJE CHEN PO SOGS KYI SNGAGS DANG 'DOD DON SMON LAM GTZO BOR BYED DGOS PAS LAG LEN GYI THO TZAM BRIS KYI ,ZHIB TU MTHONG BRGYUD LAS SHES DGOS SHING ,CHOS SKYONG GI GZUNGS GZHUG THUN MONG BA YANG DKYUS DANG MI 'DRA BA'I RDZAS SOGS DGOS KYANG, DA LTA CHOS SKYONG GI SKU LA DE RIGS BYA BA'ANG DKON ZHING ,'GA' ZHIG LA THUN MONG MA YIN BA BSHAD PA DAG NI ,SNYAN BRGYUD MA YIN PA LA SNYAN BRGYUD DU MING BTAGS PA TSO DANG MI 'DRA BAR ,GRAGS PA DON LDAN GYI SNYAN BRGYUD TSAD MA BZHI
LDAN SHAS PA'I RDO RJE'I SLOB DPON GYI ZHAL LAS BLANG DGOS KYI ,CHEN PO'UR RGYANGS CAN DANG ,RTOG GE THA SNYAD TZAM GYIS DREGS PA'I MKHAS RLOM DANG ,SKYA BA DANG GDUNG RABS MANG PO BGRANGS PAR GRAGS PA PHAL CHAR GYI SPYOD YUL MA YIN NO, ,DGE 'DUN 'DU BA'I 'KHOR LO SPYIR DBANG GI LAS TSOGS SU 'DU ZHING ,DE YANG [?] DPAL RDO RJE 'JIGS BYED KYI DBANG GI 'PHRUL 'KHOR LAS BYUNG BA DANG ,KLU PA'I GSER CHOS BCU BZHI'O NANG GA THUN MONG BSGRUBS PAS MCHOG ZHAR LA 'BYUNG BA DMAR PO SKOR GSUM SOGS ,DBANG GI SKOR SNGAGS GSAR RNYING MTHA' YAS PA NAS 'BYUNG BA DE DAG GI MAN NGAG ZHAL SHES RNAMS RANG NYID KYIS TSUL BZHIN KHONG DU CHUD PAR BYA DGOS KYI ,MTHA' MI MANG GIS BSKOR PA'I CHOS BRGYAD GANG 'PHAL LA 'GANGS CHER BZUNG BA'I DA LTA'I BSTAN 'DZIN BAL CHER NI ,LONGS SPYOD DANG RNYED BKUR SNYAN GRAGS KYI 'DOD PA NI SNYING LA ZUG ,DKA' GNAD ZAB MO'I CHOS LA LAG LEN DMAR KHRID DU BSTAR BA'I GDENGS NI MED ,GRVA RIGS SBYIN BDAG SOGS KYIS RE BA BCAS TSE BLO GZUR GNAS SHIG YIN NA SHES BA DANG MI SHES PA'I RGYU MTSAN SO SOR BYED KYANG ,DUS DBANG GIS DAM PAR RLOM PA RNAMS MA BSLABS PA'I KUN MKHYEN 'DOD NAS YE [?] SHES ZER BA LA NGO TSAR BYAS TE ,CHOS MA THOB PA'I THOB RDZU MI SHES PA'I SHE BRDZU'I RANG BZO'I ZOB KYIS GANG DRAN ZHIG BYAS PA LA STABS 'GRIG GI LEGS PA CUNG ZAD BYUNG NA BYIN RLABS DANG THUGS RJE ,NYES PA ZHIG BYUNG NA SNGON LAS SU MING BTAGS TE ,RANG GZHAN BSLUS SHING MI SHES BZHIN DU
, ,LAS LA 'JUG PA NI ,RIGS PA'I DBANG PHYUG GIS ,THABS BYUNG DE RGYU LKOG GYUR PA, ,DE 'CHAD PA NI DKA' BA YIN, ,ZHES PA'I DON THOG TU BABS SO, ,SHES RLOM CAN 'GA' ZHIG MAN NGAG ZHIB CHA DE 'DRA RANG MI DGOS KYI TING NGE 'DZIN SOGS BYIN RLABS GTZO CHE'O ZHES MTSAN NYID DANG LDAN PA BYAS PA LA NGO TSAR 'DZIN CING ,THO CHO'I SPYOD RTZING LA KHA PHOR BYAS TE RANG DANG RIGS MTHUN PA'I SKAD NGAN KHVA TA'I TSOGS DBUS LONG BAS LONG BA 'KHRID PA MKHAS GRUB KYI MDZAD PAR BYED DO, ,YANG 'JIGS BYED KYI DBANG GI 'PHRUL 'KHOR LA BRTEN PA'I DGE 'DUN 'DU 'KHOR DU BYAS PA LA DBUS KYI YI GE 'PHO DGOS PA LA MA 'PHOS SHING ,KHA SBYAR MED PA'I 'KHOR LO GCIG RKYANG SNGAGS BTU MA BYAS PA DANG ,'BRI TSUL DRAG PO DANG 'DRES PA'I NOR BA CHEN PO BYED PA NI RVA LO TZ'A BA DANG RGYAL BA TZONG KHA PA CHEN PO LA MED PA'I MAN NGAG KHYAD PAR CAN GCIG KHYOD LA YOD 'DUG PAS RDO RJE 'CHANG LAS KYANG KHYOD LHAG PAR SNANG NGO, ,GANYDZI RA LA GZUNGS 'BUL BA'I TSE 'GA' ZHIG SKU GZUGS MCHOD RTEN SGRA JI BZHIN PA BYED PA'I LAG LEN YOD PA DE BZHIN BYAS KYANG PHUN SUM TSOGS PA'I YAN LAG TU 'GYUR ZHING ,MA 'GRUB KYANG 'GAL BA MED LA ,MED DU MI RUNG BA NI SROG SHING GI SNGAGS 'GOD LUGS SOGS MCHOD RTEN DANG MTSUNGS SHING TOG GI NANG DU DE BZHIN GSHEGS PA'I 'PHEL GDUNG ,RGYA BOD KYI BLA MA TSAD LDAN RNAMS KYI BYIN RLABS RTEN GYI RIGS JI SNYED PA ,GTZUG TOR GDUGS DKAR GYI GZUNGS ,RGYAL MTSAN RTZE MO'I DPUNG RGYAN ,MDO
LAS 'BYUNG BA'I BKRA SHIS PA'I TSIGS BCAD LHUG ,GZUNGS BSDUS NANG GI MDO PHRAN GYI RIGS GANG 'DZEM, SKU GZUGS GDUNG RTEN GYI RIGS BYIN CAN ,SA RDO ,SMAN 'BRU ,RIN PO CHE GOS DAR SOGS LEGS PAR 'JUG DGOS PA YIN NO, , GTZUG LAG KHANG DANG RGYAL PO'I PHO BRANG DANG, DGON GNAS GRONG KHYER SOGS LA MI DANG MI MA YIN PA'I GNOD PA DANG 'TSE BA DAG SRUNG BAR BYED PA LA GDUGS DKAR GYI BSRUNG 'KHOR GANYDZIN 'AM RGYAL MTSAN GYI NANG DU GZHUG PA BYIN RLABS CHEBS DE 'DRI TSUL NI ,'KHOR LO MU KHYUD RIM PA BCU GCIG TU BYAS PA'I LTE BAR AOm GYI MTHAR ,TA DYA TH'A ,AA NA LE ,AA NA LA ,BI shA DE BI shA DE ,BEE RA ,BEE RA; BADZRA DHA RI ,BAN DHA BAN DHA NI ,BADZRA P'A nI PHAt ,H'Um H'Um BANDHA PHAt, ,CES SPEL TSIG DANG BCAS PA PRI ;DANG POR PAD 'DAB DMAR PO BRGYAD LA GZHAN GYIS MI THUB PA DANG GDUNG BDUN LA PHYAG 'TSAL SPEL TSIG DANG BCAS PA BRI ,GNYIS PA LA, TADYA TH'A ,SARBA TA TH'A GA TO, AOm shtOm BAN DHA BAN DHA CHA GE LA RAKshA RAKshA SV'AH'A, ,AOm BADZR'A P'A nI H'Um PHAt , AOm RI shI GA NA PHRA SHUPTA YA TA TH'A GA TO shnI shA SI T'A TA PA TRE H'Um DR'Um SPEL TSIG CAN ,GSUM PA LA 'KHOR LO DKAR PO'I NI BAS [?] BRGYAD LA RIM PA BZHIN DU ,DZAm BHA NA KA R'I H'Um DR'Um, STAm BHA NA KA R'I H'Um DRUm, MAH'A BIDY'A SAm BHAKshA nA KAR'I H'Um DRUm ,PAR BIDY'A SA [?] BHA KshA nA KA R'I H'Um DR'Um ,SARBA DUsht'A N'Am STAm BHA NA KA R'I H'Um DR'Um, SARBA YAKshA R'AKshA SA GRA H'A n'Am BI DHVAm SA NA KA R'I H'Um DR'Um, TZA TU RA SH'I T'EE N'Am GRA HA SA HA SR'A n'I BI DHVAm SA NA KA R'I H'Um DR'Um, AAsht'A PI SHA T'I N'Am NAKshA TR'A n'Am PRA S'A DA NA KA R'I H'Um DR'Am, AAsht'A N'Am MA H'A GRA H'A n'Im BI DHVAm SA NA KA R'I H'Um DRU'Am ,'DOD
, ,GSOL DANG BCAS BRI ,MTSAN BRGYAD LA GTUM CHEN MA ,PADMA'I MNGON MTSAN CAN, 'BAR CHEN PO ,GZHAN GYIS MI THUB MA ,GOS DKAR MO, ,RDO RJE'I MCHU ,SGROL MA ,RGYAL BA'I RDO RJE MA RNAMS KYI MTHAR ,SBYOR NGAN ,MTSON, DUS MEN 'CHI BA ,ME CHU ,GSOD BCING ,GNOD SBYIN SRIN PO ,RMI LAM DAN PA ,DUG RNAMS KYI GNOD PA BSRUNG BA'I SPEL TSIG RGYAS BAR BRI ,BZHI PA LA THAMS CAD KYI 'GO BOR AOm SBYAR BA'I, AOm AINDRI YE ,AAKNA YE ,YA M'A YE ,NEE Ri TA YE ,BE RU n'A YA ,B'A YA BE ,KU BER YE ,A'I SH'A NA YE ,AUR DHAm BRAHMA nA YE ,S'URYA GRA HA AA DHI PA TA YE ,TZANDRA NAKshA GRA AA DHI PA TA YE ,AA RADHO PRi THI W'I BHYA: AA SU RE BHYA: N'A GE BHYA: DHRI TA RA TRA, BEE RU dA KA ,PI RU PAKshE ,BEE SHRA BA nA YE ,ME GO LA YE, SHI TAm SHAm NGA YE ,R'AKshA AAm GHA KU M'A RA YE ,SHU TRA YE ,GRi HA PA TI ,KIshnA WARnA YE ,AA MRi TA PRI Y'A YA ,SARBA NAKshA TRA ,R'A HU LA ZHES 'DOD GSOL DANG BCAS BRI ,LNGA PA LA, SANGS RGYAS ,CHOS ; [?] DGE 'DUN ,SANGS RGYAS BYE BA PHRAG BDUN NYAN THOS KYI DGE 'DUN DANG BCAS PA, DGRA BCOM PA, RGYUN ZHUGS ,PHYIR 'ONG ,PHYIR MI 'ONG ,'JIG RTEN NA YANG DAG PAR SONG BA, YANG DAG PAR ZHUGS PA, LHA'I DRANG SRONG DMOD PA GRUB PA ,RIG SNGAGS GRUB PA ,TSANGS PA ,DBANG PO ,LEGS LDAN DRAG PO DKA' THUB BZLOB PA'I BDAG PO DANG LHAN CIG PA ,LEGS LDAN SRED MED KYI BU PHYAG RGYA CHEN PO LNGAS PHYAG BYAS PA ,LEGS LDAN NAG PO CHEN PO GRONG KHYER SUM BRTZEGS 'JIG PAR BYED PA DUR KHROD NA GNAS PAR MOS PA MA MO'I TSOGS KYIS PHYAG
BYAS PA ,RDZOGS PA'I SANGS RGYAS DPA' BRTAN PA'I SDE MTSON CHA'I RGYAL PO ,'OD DPAG MED ,MI 'KHRUGS PA ,SMAN BLA ,SA LA'I DBANG PO ME TOG KUN TU RGYAS PA, SH'AKA THUB ,RIN PO CHE TOG GI RGYAL PO ,KUN BZANG, RNAM SNANG ,SPYAN RGYAS PA AUTPA LA'I BSUNG GI RTOG GI RGYAL PO ZHES PA RNAMS LA PHYAG 'TSAL BTAGS TE BRI DRUG PA LA 'KHOR LO SNGON PO RTZIBS BCU LA ,AOm BADZRA AUsh'I shA KRO DHA THAMS CAD KYI 'GO DANG ,KI LI KA L'A YA H'U PHAt THAMS CAD KYI MJUG TU SBYAR BA'I BAR DU RIM BZHIN H'Um K'A RA BI DZA YA ,N'I LA DAN dA ,YA M'AN TA KA ,A'ARYA AA TZA LA ,HA YA GR'I BA ,MA H'A BA LA ,tAKKI R'A DZA ,AA MRi TA ,TREE LO KYA ZHES BRI ,MTSAN BCU LA RIM BZHIN KHRO BO RE RE'I MTSAN GYI MJUG TU TSANGS [?] PA, DRI ZA, ME LHA ,GSHIN RJE ,SRIN PO ,CHU LHA ,SA BDAG ,RLUNG LHA ,GNOD SBYIN ,DBANG LDAN GYI GNOD PA RAKshA ZHES G-YON DU BSKOR ,BDUN PA LA YIG MGO NANG DU BSTAN PA 'DI RNAMS BRI ,AOm AA SI TA AA NA L'ARKA PRA BH'A [?] SPHU tA PI KA SI T'A TA PA TRE AOm DZV'A LA DZV'A LA ,KH'A DA KH'A DA ,DA RA DA RA ,BI DA RA BI DA RA ,TZTSIN DA TZTSIN DA ,BHINDA BHINDA H'Um H'Um, PHAt PHAt SV'AH'A, HE HE PHAt ,HO HO PHAt ,AA MO GH'A YA PHAt ,AA PRA TI HA T'A PHAt ,PAR PRA D'A PHAt ,AA SU RA BI DR'A BA KA PHAt ,SARBA DE BE BHYA: PHAt , SARBA N'A GE BHYA: PHAt ,SARBA AA SU RE BHYA: PHAt ,SARBA MA RU dE BHYA: PHAt ,SARBA GA RU dE BHYA: PHAt ,SARBA GAN DHARBA BHYA: PHAt ,SARBA KINNA RE BHYA: PHAt ,SARBA MA HO RA GE BHYA: PHAt ,SARBA YAKshE BHYA: PHAt ,SARBA R'AKshA SE BHYA: PHAt ,SARBA PRE TE BHYA: PHAt ,SARBA,
, ,PI SH'A TZE BHYA: PHAt, SARBA LHU TE BHYA: PHAt SARBA KUMBH'AndE BHYA: PHAt, SARBA P'U TA NE BHYA: PHAt, SARBA KA tA P'U TA NE BHYA: PHAt ,SARBA SKAN DE BHYA: PHAt, SARBA AUNM'A DE BHYA: PHAt ,SARBA TZTSA AANYA: PHAt ,SARBA AA PA SM'A RE BHYA: PHAt, SARBA AO STA RA GE BHYA: PHAt ,SARBA DU RLAm GI TE BHYA: PHAt, SARBA DU SBRE KshI TE BHYA: PHAt ,SARBA DZVA RE BHYA: PHAt ,SARBA KRI TY'A KARMA KA KHORDA BHYA: PHAt, KI RA nE BE T'A dE BHYA: PHAt ,TZITZTSA PRE SHA KA DU SHTZTSA RDE DUR BHU KTE BHYA: PHAt, SARBA T'INRI KE BHYA: PHAt ,SARBA SHRA MA nE BHYA: PHAt, SARBA BIDY'A DHA RE BHYA: PHAt ,DZA YA KA RA MANGHU KA RE BHYA: PHAt ,SARBA AARTHA S'A DHA KE BHYA: PHAt ,BIDY'A TZA RE BHYA: PHAt ,TZA TUR BHYO BHA GI N'I BHYA: PHAt, BADZRA KOO M'A R'A YO BHYA: PHAt, BIDY'A RA DZH'I TE YE BHYA: PHAt ,MAH'A PRA TYAm GI RE BHYA: PHAt ,BADZRA SHRIm KHA L'A YA ,PRA HYAm GI RI R'A DZ'A YA PHAt, MA H'A K'A L'A YA M'A TRi GA nA NA MASKRA T'I YE PHAt ,BIshnA B'I YE PHAt ,BRAHMA n'I YE PHAt ,AAGNA YE PHAt ,MAH'A K'A L'I YE PHAt ,K'A LA DAnB'I YE PHAt ,AINB'I YE PHAt ,ROO d'I YE PHAt, KU M'A R'I YE PHAt ,B'A R'A H'I YE PHAt ,TZ'A MUN d'I YE PHAt, RO DR'I YE PHAt, K'A LA R'A TRI YE PHAt ,YA MA DAnd'I YE PHAt ,KA P'A L'I YE PHAt ,AA TI MUG TI SHMA SH'A NA BA SI N'I YE PHAt, ,BRGYAD PA LA ,GDON THAMS CAD KYIS BYIS PA'I RIGS SNGAGS BCAD DO, ,PHUR BUS GDAB BO, ,DES 'GRE'O, ,KUN TU RGYUS BYAS PE'I, ,MKHA' 'GRO DANG MKHA' 'GRO MAS BYAS PA'I ,PHYUGS BDAG CHEN POS BYAS PA'I ,SRED MED KYI BUS BYAS PA'I ,NAG PO CHEN PO DANG MA MO'I TSOGS KYIS BYAS PA'I, MI'I THOD PA CAN GYIS BYAS PA'I ,RGYAL BAR BYED PA DANG, SBRANG
RTZIR BYED PA DANG ,DON GUN GRUB PAS BYAS PA'I ,SRID MO BZHIS BYAS PA'I ,BHRING GI RI TI DANG ,DGA' BYED DBANG PHYUG DANG ,TSOGS KYI BDAG PO DANG LHAN CIG PAS BYAS PA'I ,DGE SBYONG GCER BUS BYAS PA'I ,DGRA BCOM PAS BYAS PA'I, 'DOD CHAGS DANG BRAL BAS BYAS PA'I, ,GSANG BA'I BDAG PO LAG NA RDO RJES BYAS PA'I RIG SNGAGS BCAD DO, ,PHUR BUS GDAB BO, ,ZHES PA BRI ,DGU PA LA ,BCOM LDAN 'DAS DE BZHIN GSHEGS PA'I GTZUG TOR NAS BYUNG BA'I GDUGS DKAR PO CAN RDO RJE GTZUG TOR PHYIR BZLOG PA CHEN MO, ,PHYAG STONG MNGA' BA CHEN MO ,DBU STONG ,SPYAN BYE BA BRGYA PHRAG STONG ,ME PHYED 'BAR BA'I MTSAN RTAGS CAN ,RDO RJE YANGS PA CHEN MOS GSUM GYI DKYIL 'KHOR LA MNGA' BA CHEN MO ,KUN NAS CHE GEL BSRUNG DU GSOL BSRUNG DU GSOL ,AOm RGYAL PO'I 'JIGS PA DANG ,'GRE'O ,CHOM RKUN GYI ,ME'I 'CHU'I 'JUG GI MTSON GYI ,PHA ROL GYI DMAG TSOGS GYI ,MU GE'I DGRA'I NAD KYI LCE 'BAB PA'I ,DUS MA YIN PAR 'CHI BA'I, SA G-YO BA'I ,SKAR MDA' LTUNG BA'I ,RGYAL BO'I CHAD PA'I 'JIGS PA DANG ,LHA'I GDON DANG ,KLU'I GDON DANG ,LHA MA YIN GYI ,RLUNG LHA'I ,NAM MKHA' LDING GI ,DRI ZA'I ,MI 'AM CI'I ,LTO 'PHYE CHEN PO'I ,GNOD SBYIN GYI ,SRIN PO'I ,YI DAGS KYI; SHA ZA'I 'BYUNG PO SPYI'I ,GRUL BUM GYI ,SRUL BO'I, LUS SRUL PO'I, SKEM BYED KYI ,BRJED BYED KYI ,SMYO BYED KYI ,GRIB GNON GYI ,RNON PO'I ,NAM GRU'I ,GSHIN RJE'I ,BYA'I MA MO DGA' BAR BYED PA'I ,KUN TU BREL BA'I,
, ,TSOR MA 'DON PA'I GDON RNAMS BZLOG CIG ,RIMS NYIN GCIG PA DANG ,NYIN GNYIS PA DANG ,NYIN GSUM PA DANG ,NYIN BZHI PA DANG ,NYIN BDUN PA DANG ,RTAG PA'I RIMS RNAMS DANG ,RIMS MI ZAD PA RNAMS DANG , RIMS LDANG DUB PA RNAMS DANG ,RLUNG LAS GYUR PA DANG ,'KHRIS PA LAS GYUR PA DANG ,BAD KAN LAS GYUR PA DANG ,'DUS PA LAS GYUR PA RNAMS BZLOG CIG ,RIMS NAD THAMS CAD DANG ,KLAD PA NA PA DANG ,GZHOGS PHYAD NA BA DANG ,'GRE'O,, YI GA 'CHUS PA DANG ,MIG SNA KHA MGUL ,SNYING LKOG MA'I LHA GOR ,RNA BA SO RNYIL RTZIB LOGS ,RGYAB LHO SKED PA ,CHU SO BRLA RJE NGAR ,LAS PA, RKANG PA ,YAN LAG ,NYING LAG NA BA RNAMS PHYIR BZLOG PAR GYUR CIG , GZI BRDZING 'PHROG PA DANG, MDANGS 'PHROG PA DANG, ZAS SU MNGAL ZA BA DANG ,ZAS SU KHRAG ,ZAS SU ZHAG ,ZAS SU SHA, ZAS SU CHIL, ZAS SU RKANG ,ZAS SU BCAS PA, SROG 'PHROG PA DANG ,ZAS SU SKYAG PA ,ZAS SU MI GTZANG BA, ZAS SU BCIN 'THUNG BA DANG ,ZAS SU STOR KHUNG NAS 'BAB PA, ZAS SU LHAG MA, ZAS SU MCHIL MA, ZAS SU SNABS, ZAS SU RANG ,ZAS SU PHYI SA, ZAS SU PHRENG BA ,ZAS SU DRI ,ZAS SU BDUG PA ,ZAS SU ME TOG ,ZAS SU 'BRAS BU , ZAS SU LO TOG ,ZAS SU SBYIN BSREG ZA BA RNAMS PHYIR BZLOG PAR GYUR CIG ,RIMS DANG ,SHU BA NGANG ,YAMS DANG ,'BRUM BU PHRA MO DANG ,MDZE DANG ,PHOL DANG ,BAL LHOGS DANG ,ME DBAL DANG ,G-YAN PA DANG ,LHOG PA DANG ,SKEM PA
DANG ,SKRAG PA DANG ,DBYIG DUG DANG ,DUG SBYAR MA DANG ,BYANG DANG ,ME DANG ,CHU DANG ,MI NGAS DANG ,DGRA DANG ,GNOD BA DANG ,BUS MA YIN PAR 'CHI BA DANG ,SPANG BU TREE MA BU GA DANG ,TRE LA TA DANG ,SDIG PA DANG ,SBRUL DANG ,SRE MONG DANG , LENG GE DANG ,STAG DANG ,DOM DANG ,DRED DANG ,SPYANG GI DANG ,CHU SRIN DANG ,BUNG BA LTA BUS GZHAN GYI SROG 'PHROG PA RNAMS BZLOG PAR GYUR CIG ,BCOM LDAN 'DAS DE BZHIN GSHEGS PA'I GTZUG TOR NAS BYUNG PA'I GDUGS DKAR PO CAN RDO RJE GTZUG TOR BYIR BZLOG PA CHEN MO ,PHYAG STONG MNGA' BA CHEN MO, DBU STONG ,SPYAN BYE BA BRGYA PHRAG STONG MNGA' BA CHEN MO ,MI PHYED 'BAR BA'I MTSAN RTAGS CAN ,RDO RJE YANGS PA CHEN MO SA GSUM GYI DKYIL 'KHOR LA MNGA' MDZAD MA CHEN MO 'DIS DPAG TSAD BCU GNYIS KYI NANG TSUN CHAD DU NAD DANG ,GDON THAMS CAD DANG, BZHAN GYIS BYAS PA'I RIGS SNGAGS THAMS CAD DANG ,GNOD PA THAMS CAD BZLOG TU GSOL, ,BCU PA LA RTEN 'BREL SNYING PO DANG BKRA SHIS PA'I TSIGS SU BCAD PA RNAMS MGO NANG DU BSTAN PA DANG, DE DAG GI PHYOGS MTSAMS BRGYAD DU RDO RJE BRGYAD BRI, BCU GCIG PA LA ME RI ,THAMS CAD LA SO SO'I TSON GYIS BYUGS ,SBYANG GSUM SNGON DU 'GRO BA'I BGEGS BSKRAD ,GU GUL GYIS BDUG PA, BSKYED BSTIM MCHOD BSTOD SGRUB PA SOGS GZHUNG BZHIN BYA, TZAKRA LAG LEN LTAR BLTAB ,DAR TSON GYIS RGYA GRAM DU BCINGS ,BSRUNGS BYA'I YUL GYI KHAMS DANG BSTUN PA'I DAR RAS KYIS GRIL TE TOG GI NANG DU 'JUG ,GANYDZIR DANG RGYAL MTSAN LA RAB
, ,GNAS DNGOS GZHI BYED PA'I LUGS LTAR RAM ,YANG NA 'KHOR LO YOD PA DANG BCAS GDUGS DKAR GYI SGRUB MCHOD SOGS DANG MA 'BREL KYANG ,PADMA 'DAB MA BRGYAD BRIS PA'I DBUS SU BZHAG LA, SBYANG KHRUS BSKYED BSTIM SOGS GZHUNG BZHIN RGYAS ,LEGS LDAN MCHOD GSUM DANG PHYOGS SKYONG RNAMS LA GTOR MA 'BUL BA'I 'DON CHA DANG BCAS LAG LEN LTAR BTZUGS ,SHIS BRJOD RGYAS PAR BYA ,GZHAN YANG BSHAD SGRUB KYI BYA BA DANG TSE DANG BSOD NAMS RGYAS PA'I THABS, BYANG KHA BZLOG PA'I THABS ,RIMS NANG BSRUNG THABS ,YUL 'KHOR BSRUNG BA LA BRTAN NAS PHA ROL GYI DMAG TSOGS BZLOG PA SOGS ,GSANG SNGAGS GSAR RNYING RNAMS LAS BSHAD PA'I MAN NGAG ZAB MO JI SNYED PA SO SO LAS SHES DGOS KYI; RGYAS PA NI YI GE MANGS KYIS DOGS 'JIGS NAS MA SPROS SO, ,SMRAS PA, LEGS LAM BYE BA'I SNANG MDZOD CHES DKAR LAS, ,PHAN BDE'I ZLA SHEL 'BUM DU 'DZAG PA YIS, ,MTHA' YAS LUS CAN KUNDA'I NYER 'TSO'I GZHI, ,RIGS BRGYA'I KHYAB BDAG MTSAN MO'I MGON PO MCHOG ,BSAM BZHIN ZHING 'DIR NGUR SMRIG 'DZIN PA'I GAR, ,STON MDZAD RGYAL BA'I YAB GCIG TZONG KHA PA'I, ,DRI MED RING LUGS NOR BU'I YU BA YIS, ,RAB BTEG GDUGS DKAR 'GRO 'DI'I DPAL DU 'KHOR, ,BDE SBYID DBYAR SKYES LJANG GZHON RGYAS BYED PA'I, ,RTEN DANG BRTEN PA'I 'KHOR LO'I CHAR CHEN PO, ,'KHRUL BA'I RNYOG BRAL MA DROS CHU GLUNG LAS, ,NYER 'ONGS LEGS BSHAD NYAL 'GROS PHYOGS KUN KHYAB, ,MKHAS
MANG LUGS SROL KU MUNG YI TSAL, ,BLUN PO RANG BZOS SBYOR BA'I SRIN BU'I ME, ,DREGS LDAN 'BYUNG PO'I PHYA YI SKAD NGAN SGRA, ,BSTAN BCOS NYIN BYED SHAR TSE CIG CAN NYAMS, ,TSE 'DI'I SNANG SHAS KHE 'DOD GRAGS PA'I CHED, ,RTEN BZHENGS GZUNGS 'BUL RAB GNAS BYED MANG YANG, ,TSAD LDAN LAG LEN SHES PA'I RIG SNGAGS 'CHANG, ,KHA BA'I LJONGS 'DIR NYIN MO'I SKAR MA BZHIN, ,SNGON BYON MKHAS GRUB CHU LHA'I MNGAL DU GZIMS, ,CHER RLOM DAM PAR GRAGS PA'I MUN STUG 'THIBS, ,THUB BSTAN BYA GZHAG SNANG BA MI GSAL BA'I, ,SNYIGS MAS SBAGS PA'I DUS 'DIR SKAL DAN BYAS, ,GZUR GNAS SNOD LDAN RIN CHEN YOL GO'I NANG, ,BSHES GNYEN SPE RGAN TSOGS KYIS NYER LDUGS PA'I,, NYES BSHAD MI GCANG BSHAD GCI'I PHUNG PO LA, ,BLUN RMONGS RDO RJE'I RNA LDAN DBAB BAS SPYOD, ,STOBS LDAN TSOGS KUN ZOG PO GTZUG TU 'KHUR, ,SHES LDAN 'GA' ZHIG LHA BU'I ZHAGS PAS BCINGS, ,MKHAS PAR GRAGS RNAMS BLUN PO SKYABS SU BSTEN, ,MANG DU THOS KYANG LAG TU LEN LA RDUGS, ,ZAS GTZANG SRAS KHYOD SNYING STOBS GO CHA YIS, ,MA DAG 'GRO BA 'DRAN PA'I KHUR KHYER NA, ,DA DUNG GDUL DKA'I SKYE BO MTHA' KLAS PAS, ,THUGS RJE'I MTHU DPUNG SKYED CIG SH'AKYA'I BTZO, ,DE LTAR BSTAN DANG 'GRO BA'I RTZA YAG MCHOG ,BSOD NAMS ZHING GI YUL GYUR RTEN MCHOD LA, ,GZUNGS 'BUL 'KHRUL PA SBONG BA'I LAG LEN GYI, ,MAN NGAG NYIN MO'I SNANG BA KHRIGS SU BSDEBS, ,DGE NGES RGYAL
, ,BA'I BSTAN PA RGYAL MTSAN RTZER, ,KHAMS GSUM CHOS KYI RGYAL PO TZONG KHA PA'I, ,RING LUGS YID BZHIN NOR BUS PHYOGS KUN TU, ,DON GNYIS 'DOD DGU'I DPAL 'BYOR RGYAS GYUR CIG ,CES RTEN LA GZUNGS GZHUG 'BUL BA'I LAG LEN GYI RIM PA KHRIGS SU BSDEBS PA 'KHRUL SBONG NYIN MOR BYED PA ZHES BYA BA 'DI YANG ,RING PO NAS DGE BA'I BSHES GNYEN DU MAS BSKUL BA DANG, SLAR YANG DE MO SBRUL BA'I SKU GNAG DBANG DGE LEGS RGYAL MTSAN GYIS BSKUL BA'I NGOR, SA DPYAD BRTAG CING ,SA DGRA 'CHOS PA ,PHYAG TSAD KYI ZHIB CHA DANG ,SA BRTAG SLANG SOGS KYI SKOR , SKU RGYU LAG CHA GZUNGS 'KHOR LO RNAMS KYI BSKYED BSTIM RGYAS 'DEBS ,MCHOD 'BUL BSGRUB PA RAB GNAS SOGS KYI DAG 'DON GYI RIGS RNAMS ZUR DU KHA 'PHANGS SHING ,GZHAN MA LAG LEN GYI RIM PA RNAMS ,MAN NGAG GIS BRGYAN PAS GSAL ZHING MTHA' CHOD PAR BYAS NAS ,RGYAL BA RDO RJE 'CHANG 'KHON STON DPAL 'BYOR LHUN GRUB KYI BKA' DRIN GYIS 'TSO BA'I ZA HOR GYI BTZUN PA DAG DBANG BLO BZANG RGYA MTSO 'JIGS MED GO CHA THUB BSTAN LANG TSO'I SDES SA MO GLANG GI LO CHU STONG GYI ZLA BA'I PHYOGS SNGA MA'I DGA' BA DANG PO'I TSES LA, PHO BRANG CHEN PO PO TA LA'I GZIMS CHUNG KHAMS GSUM ZIL GNON DU SBYAR BA'I YI GE PA NI GRONG SMAD PA 'PHRIN LAS RGYA MTSO'O,, ,,MANGGA LAm,, ,, 758
[BLANK PAGE]