, (,GSUNG NGAS RIN PO CHE LAM 'BRAS BU DANG BCAS PA'I NGA KHRID KYI ZIN BRIS BSTAN PA RGYAS BYED CES BYA BA LAS BU MA DBANG GI RMI LAM MAN GYI ZIN BRIS KHA'U BRAG RDZONG PA'I BZHED PA MA NOR BA BZHUGS SO,,)
, ,DUS GSUM SANGS RGYAS THAMS CAD KYI NGO BO TSAR CHEN CHOS KYI RGYAL PO YAB SRAS BRGYUD BA DANG BCAS PA RNAMS LA PHYAG 'TSAL ZHING SKYABS SU MCHI'O,, BRTZE BA CHEN POS RJES SU BZUNG DU GSOL, GRANGS YAS BSKAL BAR BSAGS PA'I BSOD NAMS KYIS, ,RNYED DKA' RNAL 'BYOR DBANG PHYUG BZHED PA'I BCUD, ,YANG SNYING GSANG CHEN SLOB BSHAD BDUD RTZI'I GTER, ,'DI 'DRA 'THUNG BA'I SHES LDAN SKA LNGA BA BZANG, , SBYANG GZHIM DAG 'KHRUL PA'I 'GRO BA KUN, ,SBYONG BYED DBANG BZHI'I LAM GYI BYED PO YIS, ,SBYANGS 'BRAS SKU BZHI MNGON PAR LEGS 'GRUB PA, ,TSE GCIG SANGS RGYAS SGRUB PA'I THABS KYI MCHOG ,'DI SNANG TSE 'DI'I CHOS BRGYAD RGYAB BOR NAS, ,LAM MCHOG SNYING PO NYAMS SU LEN BA YI, ,BRTZON PA'I DKA' THUB BSTEN NA TSE 'DI LA, ,ZUNG 'JUG BDE CHEN GLING DER BGROD BAR NGES, ,GSUNG NGAG RIN PO CHE LAM 'BRAS BU DANG BCAS PA'I KHRID YIG LA'U BRAG RDZONG PA'I BZHED PA TSAR PA RDO RJE 'CHANG GI GSUNG RGYUN 'JAM DBYANGS MKHYEN BRTZE'I DBANG PHYUG GIS ZIN BRIS SU MDZAD BA LA, BUM DBANG GI BAR DO'I KHRID GRUB MCHAMS NAS 'PHROR LUS 'DUG PA'I, RMI
, ,LAM GYI KHRID MAN CHAD KYI ZIN BRIS, 'A ZHVA'I RDO RJE 'DZIN BA CHEN PO 'JAM MGON BSOD NAMS MCHOG LDAN GYI GSUNG RGYUN GSUNG DAG SLOB BSHAD KYI KHYAD CHOS RNAMS KYIS LEGS PAR BRGYAN TE 'DRI BA LA, DRUG PA RMI LAM NI, RDO RJE THEG PA'I LAM GYI NYAMS LEN GYI TSOD 'DZIN PA NI RMI LAM YIN LA, DE JI LTAR NYAMS SU LEN PA'I TSUL LA SBYOR DNGOS GNYIS LAS, DANG PO NI, LUS HA CANG DRAG SHUL DANG NGAL DUB TU MA SONG BAR, NGAG GI SMRA BRJOD KYANG BAG GIS NYUNG BAR, YID KYI RTOG PA RGYA 'BYAMS SU RGYA CHER MI SPRO BAR, GNYID 'THUG PO'I RGYU ZAS BCUD CAN DANG, YER BA'I RGYU JA GAR BO SOGS SPANGS NAS SPYOD LAM THAMS CAD 'JAM LA CHA MNYAM PA BYA BA DANG NYIN BYED YAN LA NYIN MO'I SNANG BA GANG SHAR LA RMI LAM GYI SNANG BAR 'DUG NGES RMI LAM 'DI CI NAS KYANG 'DZIN THUB PA ZHIG BYA SNYAM PA DANG, NGAG TU YANG RMI LAM YIN ZHES PA YANG YANG BRJOD CING 'DUN BA DRAG TU BTANG, NYIN PHYED TSUN NAS DRAG DRAGS NA SANG 'BYAMS KYI RGYU BYED PAS, 'DUN PA DANG BRJOD PA GNYIS KA RAN TZAM BYA GNYIS BA LA, BZUNG BA, SBYANG BA, BSGYUR BA, DE
KHO NA NYID LA BLO BZHAG PA DANG BZHI, DE DAG LA SNGON 'GRO, DNGOS GZHI, RJES GSUM LAS, DANG PO NI, SROD THUN GYI RNAL 'BYOR BSDUS NAS, SANGS RGYAS CHOS TSOGS LTA BU'I SKYABS SEMS MDOR BSDUS DANG, BDAG GNAS RNAL 'BYOR SRUNG BA'I RIM PA RNAMS SNGAR LTAR BYA, SPRO NA RMI LAM ZIN BAR BLA MA LA GSOL BA 'DABS PA SOGS BYA, GNYIS PA NI, GZHOGS G-YAS PA PHAB STE BDE BAR NYAL BA'I MGRIN PAR PADMA DMAR PO 'DAB MA BZHI PA'I 'DAB MA LA MDUN NAS G-YAS SKOR GYIS AA NU TA RA LTE BAR AOm DANG BCAS BA GSAL GDAB, KHA DOG DKAR DMAR YID YUL DU GANG 'CHAR BA BYED, THOG MAR MDUN GYI AA LA DMIGS PA GTAD DE, AA 'DI YANG RMI LAM GYI YI GE YIN, SNANG BA 'DI YANG RMI LAM GYI SNANG BA YIN, RMI LAM GYI SNANG BA LA GANG SBYANG SBYANG DANG BSGYUR BSGYUR YIN, NGES NA RMI LAM CIS KYANG ZIN PA BYA SNYAM BA BYAS NAS RNAM RTOG GZHAN GYIS BAR MA CHOD BA'I NGANG DU GNYID KYIS MTSAMS SBYAR DE 'PHRAL GNYID DU SONG NAS ZIN NA DES KHYAB, DA DUNG YER BA'AM RTOG BA 'PHRO NA, G-YAS KYI NU NAS AOm GYI BAR LA'ANG RE RE NAS RIM BZHIN DU SEMS BZUNG, DES KYANG MA ZIN NA SMIN MTSAMS SU THIG LE NAG PO 'OD KYI RANG BZHIN SRAN MA TZAM PA REG LA MA 'BYAR BA'I TSUL DU G-YON PHYOGS SU 'KHOR BA ZHIG GSAL 'DEBS, DE YANG LAM GZHAN DU RMI LAM GYI BGEGS BZHIR GSUNGS KYANG, 'DIR RNAL 'BYOR DBANG PHYUG GI BZHED PAS, SAD 'BYAMS DANG 'KHRUL 'BYAMS GNYIS YOD BA'I, DANG PO NI, SNGAR GYI THIG LE NAG POS KYANG SEL, DAS MA SAL NA, THIG LE MTHA' NAG BA DBUS SKYA SING NGE BA G-YON SKOR DU SHUGS DRAG TU
, ,'KHOR BA ZHIG BSAMS LA SEMS GTAD PAS SEL, DES KYANG MA SEL NA THIG LE NAG KYANG G-YON 'KHOR SNGAR LTAR LAS 'OD ZER NAG PO SOL PA'I PHYE LTA BU THIB THIB BYUNG NAS RANG LUS THAMS CAD G-YEGS PA LTA BU LA SEMS GTANG BAS SAD 'BYAMS DE GROL 'GRO NA'ANG, 'DIS HA CANG SHES PA BYING BA SOGS SU 'GYUR BAS DPOGS CHOG LTA BU STE YE MA DRIN NAM GTOGS MI BYED PAR BLA MA SNGA MA RNAMS GSUNG NGO,, 'KHRUL 'BYAMS SEL BA LA BLO 'DAS KYI SPYOD PA NI, MI MED PA'I DBEN CING YANGS PA'I SAR LUS GCER BUR BYAS LA, RGYUG MCHING SOGS LUS KYI SPYOD LAM MA NGES PA SNA TSOGS BYA, NGAG GI KU CO LA SOGS PA BRJOD BYA MA NGES PA SNA TSOGS DANG RMI LAM YIN ZHES MANG DU BRJOD, YID LA RMI LAM GYI SNANG BA YIN SNYAM BA RTZE GCIG TU BYAS BAS SEL, YANG NA BRAG LA CHU 'THAB KYI BRAG RTZE DANG, GAD G-YANG DANG MKHAR MTHON PO'I RTZE LTA BU G-YANG BA CHOD DE BA'I GNAS SU BSDAD LA, ZHED SNANG DE KHA RMI LAM GYI SNANG BA YIN BSAM PA YANG YANG BYAS PAS SEL LO,, GNYIS PA SBYONG BA NI, DE LTAR RMI LAM BZUNG BAS RMI LAM GYI SKABS SU 'DI LTAR RMI LAM GYI SNANG BAR 'DUG SNYAM PA SHAR PA'I TSE, DE GANG GANG SBYANG SBYANG DANG BSGYUR BSGYUR YIN PAS, RI RAB KYI RTZER PHYIN NAS GLING BZHI BLTA, DE NAS KYANG NYI ZLA'I STENG DU PHYIN NAS TSANGS PA'I 'JIG RTEN BLTA, DE NAS RIM GYIS MNGON DGA' LTA BU DAG PA'I ZHING KHAMS SU BLO GTAD LA RMI LAM BZUNG BAS SANGS RGYAS MJAL BA DANG CHOS NYAN PA SOGS LA BSLAB BO,, GSUM PA BSGYUR BA NI, DE LTAR 'BYONGS PA LTAR, RANG GI LUS KYANG GCIG LAS GNYIS DANG GNYIS
LAS GSUM SOGS MANG BOR SPRUL TE SANGS RGYAS MCHOD BA DANG, NGAN SONG DU PHYIN LA SEMS CAN GYI DON BYED PA SOGS SU BSGYUR RO,, BZHI PA DE KHO NA NYID LA BLO BZHAG PA NI, RTZA RGYUD LAS, BDEN MIN RDZUN MIN THAMS CAD DU, ,THAMS CAD CHU YI ZLA BA LTAR, , THAMS CAD RNAL 'BYOR MAS SHES BYA, ,ZHES GSUNGS PA LTAR, BDEN PA MA YIN TE GNYID SAD PA'I RJES SU DE DAG BYUNG BA'I SHUL TZAM YANG MI SNANG, RDZUN PA'ANG MIN TE RMI LAM GYI GNAS SKABS SU NYAMS SU MYONG DU YOD PA'I PHYIR RO,, MDOR NA SNANG BA THAMS CAD BDEN MED KYI RGYAS BTAB NAS 'KHOR 'DAS DBYER MED DU BSRE'O,, DE TSOD 'DZIN PA SGYU LUS LA, MA DAG PA'I RGYU LUS, DAG PA'I SGYU LUS, GNYIS BSDUS KYI SGYU LUS DANG GSUM LAS, DANG PO NI, KHAMS GSUM GNAS LUS LONGS SPYOD SNA TSOGS SU SHAR PA 'DI THAMS CAD SEMS G-YAS DANG NYON MONGS PAS BSLAD SKYON SNA TSOGS DANG 'PHRAD PA'I DBANG GIS MED BZHIN DU SHAR BA 'DI DAG GO, GNYIS PA NI, LAM ZAM MO NYAMS SU BLANGS PAS BSKYED RIM BRTAN PA'I LHA'I RNAM PA DANG, NYAMS MYONG SNANG BA GSUM GYI LAM SOGS SU 'CHAR BA RNAMS SO,, GSUM PA NI, 'KHOR 'DAS KYIS BSDUS PA'I CHOS THAMS CAD YE GDENG MA NAS BDEN PAR GRUB BA SKRA'I RTZE MO TZAM YANG MED BZHIN DU SNA TSOGS SU SNANG BA STE, DPER MTSON NA ME LONG DU GZUGS 'CHAR BAR BYAS LA DE RKYEN MA TSOGS PA'I TSE NA RANG BZHIN GYI RKYEN GYIS RGYUS STONG, TSOGS BA'I TSE GZUGS BRNYAN DU SNANG, DE MA THAG 'GAGS PAS GNAS PA MED PAS NGO BOS STONG, DE YANG 'DI LTA BUR THIM SONG BA'AM BRJOD DU MED PAS MTHAR 'BRAS BUS STONG, DE BZHIN DU RANG GI
, ,LUS KYANG PHA MA'I 'DU 'PHROD MED PA'I SNGON DU SKYE BA RGYAS STONG, RKYEN SNA TSOGS TSOGS PAS DA LTA LUS SU GRUB PA DA YUN DU MI GNAS PAR 'JIG PAS NGO BOS STONG, MTHAR PHUNG PO SBYANGS PA'I TSE 'DA' 'DRA ZHIG TU THIM BRJOD DU MED PAS MTHAR 'BRAS BUS STONG STE, DE DNGOS SU NYAMS SU MYONG BAS NA, BSTOD SMAD BDE SDUG SOGS THAMS CAD LA 'DZIN PA SPANGS TE 'KHOR 'DAS DBYER MED KYI LAM DU BSGYUR RO,, DE LTAR NA NYIN MO SGYU LUS DANG MTSAN MO RMI LAM STA DE GNYIS ZUNG DU 'JUG PAS BAR DO'I GRUB MTHA' SNYOGS, DE YANG ME LONG GI GZUGS LA BSTOD SMAD SOGS KYI RNAM PA YANG YANG MANG DU BYAS LA BSLAB BO,, DE LTAR GZHI CHOS CAN 'KHOR BA'I GNAS TSUL GYI RJES SU, LAM BGROD PA'I RIM PA NI, LHAN CIG SKYES PA'I CHOS GSUM GYI SGO NAS MDOR BSTAN PA NAS BSHAD MA THEG BA YAN GYIS LEGS BAR SONG LA, 'BRAS BU SANGS RGYAS KYIS BSHAD PA NI, GANG ZAG RAB TSE DER SA DRUG PA MAN CHAD MNGON DU BYAS NAS GRUB MTHA' SNYOGS, 'BRING 'CHI BA 'OD GSAL, MTHA' MAR BAR DOR SNANG BA BSGYUR, SHIN TU MTHA' MAS SMON LAM GYIS MTSAMS SBYAR TE, SKYE BA BLANGS NAS LAM LHAG MA LA BSLAB PA NI, BUM DBANG GI LAM GYI RIM PA'I 'BRAS BU'O,, DE RTZA'I 'GROS THIM, BSKYED RIM GYI LAM MNGON DU BYED DO,, SA DRUG MNGON DU BYAS NAS GRUB PA'I MTHA', SNYOGS BYED BUM DBANG DANG 'BREL KHRID RIM RNAMS, ,'KHRUL MED BRGYUD PA'I GSUNG SGROS LTAR BKOD KYI, ,SKAL BZANG TSOGS RNAMS DGA' BA'I GAR BYOS SHIG ,BUM DBANG NYAMS LEN GYI RIM PA RJE BLA MA'I GSUNGS RGYUN RNAMS LAGS PAR GRUB BO,, LUS THABS RGYUD LA DBANG BZHI DANG 'BREL BA'I LAM BSGOM PA'I GNYIS PA GSANG
DBANG GI LAM LA, SBYOR DNGOS RJES GSUM, DANG PO LA KHYAB BYED KYI GDAMS NGAG DANG, KHYAB BYA'I GDAMS NGAG GNYIS SAM, YANG NA KHRID KYI SNGON 'GRO DANG, THUN GYI SNGON 'GRO GNYIS, DANG PO LA, DBANG ZHU PA, LEN PA, BSAG SBYANG GSUM LAS PHYI MA SNGAR LTAR BYED, GNYIS BA LA SBYANG BA GSUM, SGOM BA GSUM, GNAD LA DBAB PA GSUM, DANG PO'I GSUM GYI DANG PO NI, YAN LAG LNGA SBYONG BYA, GNYIS PA SMRA BRJOD BZHAD BGAD KLOG DBYANGS SOGS NGA RO DRAG PO RNAMS NYUNG BAR BYED, GSUM BA NI GSAL STONG 'DZIN MED LA 'JOG, BAR PA GSUM GYI DANG PO NI, SANGS RGYAS CHOS TSOGS MA SNGON DU BTANG NAS, DE KHO NA NYID MA RTOGS PA'I SEMS CAN LA SNYING RJE BSGOM, GNYIS PA NI H'Um RE BRJOD NAS SRUNG 'KHOR DANG LHA GSAL GDAB, GSUM PA NI, SPYI BOR BLA MA ZHAL BRGYAD PAR BSGOMS NAS, BDAG RGYUD BYIN GYIS BRLAB PAR GSOL BA 'DEBS SHING RANG LA BSTIM, THA MA'I GSUM NI, LUS RNAM SNANG GI CHOS BDUN LDAN, NGAG RLUNG DGU PHRUGS SU 'BUD PA YID SKYO CHOD DE GZHAG GO, GNYIS PA DNGOS GZHI LA RDO RJE'I TSIG RKANG LAS, KHAMS GSUM 'DUS BA DANG BO RLUNG GTUM MO DROD RTAGS KYI LAM 'KHRID PA ZHES GSUNGS PA 'DI LA SPYIR, DUS 'KHOR LAS SROG RTZOL 'DUS PA LA SGYU LUS, BDE MCHOG DANG 'DIR RANG BYIN RLABS SAM TZAndA LI GTUM MO RNAMS SU RNAM GRANGS SU GSUNGS PA LAS, RTZA RGYUD LAS, 'BYUNG BA NYID KYIS LTUNG BAR BYAD, ,RDUB GA PA NYID KYIS DBANG DU BYED, ,DGANG BA NYID KYIS DGUG BAR BYED, ,ZHI BA YIS NI RE NGES PAR BYED, ,CES PAS, 'BYUNG 'JUG GNAS GSUM GANG BA DANG BCAS PA'I BZHI LA KUN RDZOB TU PHA ROL 'JOMS PA'I LAS BZHI DANG, NGES DON DU
, ,RDZOGS RIM RLUNG GI RNAL 'BYOR DU GSUNG BA LA, RNAL 'BYOR DBANG PHYUG GIS MAN NGAG BDUN DU MDZAD DE, SROG RTZOL RDOR BZLAS PHYIR DBYUNG BA GSUM, NANG DU 'JUG PA MNYAM GZHAG GNYIS, GNAS PA, KHA SBYOR TE BDUN, GTUM MO BCO BRGYAD, 'PHRUL 'KHOR 'PHRIN LAS SO GNYIS DANG BCAS PA RNAMS SU 'DUS PA LAS, DANG PO SROG RTZOL NI, THOG MAR G-YON NAS RLUNG RGYU BA'I TSE SGO BSTUN LA NYAMS SU LEN DGOS SHING, GAL TE G-YAS NAS RGYU BA DANG THUG NA NU MA BCUD LA BOR BA'I GDAMS PAS G-YON DU RGYU BA'I THABS BYED, BLA MAS KHRID GNANG BA'I DUS KYANG DE LTAR MDZAD BA'I PHYAG LEN DU MCHIS, DE NAS THOG MAR G-YON NAS NANG DU ZHUGS, NANG DU GNAS, PHYIR THON PA GSUM LA GCIG TU BYAS PA RLUNG MA 'KHRUL BA'I GRANGS 'PHRENG BA LTA BUR BZUNG BA'I MANG MTHA' LA TSAD BZUNG MED, NYUNG MTHA' 'ANG BRGYA RTZA TZAM BYA, GRANGS NYI SHU TZAM RJES RLUNG SNA BUG GANG NAS RGYU YANG KHYAD MED DO,, DE LTAR BSGOMS PAS GANG ZAG MCHOG LA TING NGE 'DZIN KHYAD PAR CAN DANG MNGON SHES GRUB PA SOGS BYUNG, 'JUG PA SEL BA'I NYAMS MYONG RGYUD LA SKYE BA DANG, THA MA'ANG BKRU BSHAL GYIS SNOD DAG PA LTAR BUM CAN GYI DUS RLUNG LAS SU RUNG BA'I YON TAN BSKYED DO, ,DE LAS KYANG RDZOGS RIM GYI TING NGE 'DZIN GYI YON TAN BSKYED PAR 'DOD PAS RLUNG LA RNGAN BDAG GIS SBYIN PA NI, DANG PO NI G-YAS KYI RTZOL BA'I RLUNG LA SEMS GTAD LA, PHYIR 'GRO'I RLUNG RANG GI NGOS NAS CUNG ZAD BCOS LA PHYIR RING DU BTANG, NANG DU 'JUG GNAS GNYIS THUNG DUR BYA, DE SNGAR LTAR GRANGS BZUNG NGES BAR CHAD SEL, DE LA GOMS NAS GNYIS BA NI, SROG
GI RLUNG G-YON NAS NANG DU 'JUG PA DANG GNAS PA RANG BABS KYIS RING DU BTANG, PHYIR 'GRO BA THUNG BAR BYED, DES TSE SGRUB MCHOG TU 'GYUR ZHING MI RTAG PA YANG RIM GYIS SKYE, RDO RJE'I BZLAS PA NI, THOG MA'I 'BYUNG 'JUG GNAS GSUM GYI RLUNG GI GDANGS 'BRU GSUM DU BSGYUR ZHING NANG 'JUG AOm NAS 'GO 'DZIN NO,, PHYIR BTANG GI YAN LAG GSUM LAS, DANG PO NI, LAG G-YAS PA KHU TSUR DU BYAS PA'I MDZUB MO GUNG MO'I RGYAB MNAN PA'I GUNG MOS SNA BUG G-YAS MNAN G-YON NAS CUNG ZAD TSUR RDUB PA'I NGOS PHYIR DRAG TU BTANG ZHING NAN TZAM BYA, 'JUG GNAS NGAL GSO TZAM GYI CUNG ZAD BYED, GNYIS PA NI, SNA BUG GNYIS KA NAS DRAG TU GTONG ZHING, GTONG LUGS SNGAR DANG 'DRA, THOG MAR KHRU GANG TZAM, DE NAS STONG GSUM GYI MTHAR SLEB PA TZAM BYED, GSUM PA NI, KHA NAS SGRA BCAS SU SO YAR MAR SPRAD PA CUNG ZAD REG TZAM BYAS NAS, SI'I SGA DANG BCAS GTONG BA GONG DANG MTSUNGS, NANG DU 'JUG PA LA GNYIS LAS, DANG PO NI, LTE BA'I KHYIL KHYIL GYI THAD DU BYA GSAR GYI SGO NGA TZAM GYI PHYI DKAR NANG DMAR BA DBUS SU AA SHAD DMAR BO NAS 'BRU TZAM BA GSAL BTAB, SNGAR LTA BU'I LAG BA KHU TSUR GYIS G-YAS KYI SNA BUG BKAG G-YON NAS YUN RING DU RDUBS LA RLUNG RNAMS AA SHAD LA SIB SIB THIM PAR BSAMS SHING RDUB PA'I SHUGS RDZOGS PA DANG, MGO G-YAS SKOR DU GCU ZHING MCHIL MA'I RTA DANG BSTUN RLUNG GANG THUB BZUNG, GNYIS PA NI, SGO NGA'I TSAB TU CHOS 'BYUNG GI LNGON PO GSAL 'DEBS PA DANG, MTHAR CHOS 'BYUNG STONG GSUM GANG BAR DMIGS PA SOGS TZAM MA GTAGS GZHAN THAMS CAD GONG MA DANG MTSUNGS
, ,SO,, RLUNG PHYIR DBYUNG DRAGS PA'I BGEGS SEL LAM BOGS 'DON NI, LUS THABS 'GAL GYIS 'PHRUL 'KHOR BYAS, MING GZHAN ME TOG DRUG BCINGS YANG ZER RO, SPYI BO NAS RLUNG SNGON PO SPOS RENG GI DUNG PA 'DRA BA THUR DU SANG, 'OG SGA NAS KHRU GANG TZAM PA LA SNGO KHYIL LE YOD PAR SEMS GTAD NAS STENG RLUNG CUNG ZAD GNON, YANG NANG DU 'JUG DRAGS PA'I BOGS 'DON GEGS SEL NI, SKYIL KRUNG BYAS LA LAG G-YAS KYIS RKANG PA G-YON PA'I MKHRIG MA NAS BZUNG, G-YON GYIS G-YAS PA BZUNG NAS, GSANG GNAS NAS RLANG SNGON PO YAR SONG SPYI BO NAS KHRU GANG TZAM YOD PA LA SEMS GTAD DO,, BDUN PA BUM CAN NI, LTE BAR AA SHAD SGOM STENG RLUNG THOG MAR GNON PA BGEGS CHUNG BAS, MCHIL MA SGRA MED DU MID NAS LTE BAR SLEB PA TZAM DU GNON, 'OG RLUNG KYANG THEN NAS KHA SBYOR DU 'DZIN, GRANGS TSAD PUS MO G-YON NAS G-YAS SU BSKOR BA DBUS SU SE GOL GTOG PA RE LA GCIG TU BRTZIS PA'I RAB GRANGS MED 'BRING DRUG CU RTZA BZHI, THA MA MA NGES SO,, RLUNG GI RNAL 'BYOR BDUN PO'I DMIGS RKANG RE'I GSHAM DU 'DZIN MED DU 'JOG GO, GNYIS PA GTUM MO'I DMIGS PA LA, SAMBUtI NAS RNAM GRANGS NYER DGU GSUNGS, RNAL 'BYOR DBANG PHYUG GIS BCO BRGYAD DU BSDUS PA YIN, DE YANG, RTZA THIG RLUNG ME BZHI GA 'DZOM NA GTUM MO 'THUG BO,, GNYIS 'DZOM NA GTUM MO GANG BA, ME GCIG PU LA GTUM MO GCER BU YIN, RANG LUGS BCO BRGYAD LA 'KHOR LO LAM BRTEN PA LNGA, BRTEN PA GSUM, MAN NGAG GI GNAD LAS BYUNG BA BCU YOD PA LAS, LNGA PO LA, ME GSO
BA, TSANGS PA'I THOG RTZA'I RNAL 'BYOR, SRUBS SHING GI RNAL 'BYOR, THIG LE'I RNAL 'BYOR LAS, DE RE RE LA'ANG, LAM SBYONG BA, LTA BSKYONG BA, NYAMS BYUNG RGYAL DU SKYONG BA, THUN GRANGS MA NGES PA, THUN TSAD MA NGES PA, YID 'JUG YUL BRTAG PA, KHAMS TSOD BZUNG BA, ZAS SPYOD LAM LCAG GIS BSKUL BA DANG BRGYAD KYIS BSDUS SO,, LNGA PO'I DANG PO NI, RANG LHAR BSGOM, LAG PA GCIG GIS CIG SHOS KYI NYA NAS BZUNG STE BSNOL, RKANG PA YANG PHAN TSUN BSNOL TE TZOG PUR BSDAD PAS GRU GSUM DRUG 'BYUNG PA'I LUS THABS 'GAL GYI 'PHRUL 'KHOR BYA, 'OG SGO'I NANG DU RLUNG DKYIL SNGON PO ZLA GAM BCAD KHA YAR BSTAN PA, GSUM MDOR ME GRU GSUM, LTE 'OG KshA DMAR PO MGO THUR BSTAN LTE BAR AAm DMAR PO MGO GYEN BSTAN BSGOM, 'OG RLUNG THEN TZAM GSUM BYAS RJES NAR GYIS THEN PA, RLUNG G-YOS ME SBAR, DE LAS KshA LA ME 'BAR BAS AA LAS THIG LE DMAR PO HRIL MO SRAN MA TZAM GNYIS BYUNG KshA LA THIM PAS, ME LA MAR KHU THIGS PA LTAR DRAG TU 'BAR, DES RKYEN BYAS AAm LAS KHAMS THIGS PAS ME DANG DE GNYIS SKRA SHAD 'JINGS BA LTAR SONG BA DANG STENG RLUNG MNAN TE BZHAG GO, GNYIS PA NI, 'OG SGOR RLUNG GZHU'I DBYIBS CAN MDE'U THUR BSTAN BSAM, RTZA DBU MNGA' SNYUG TZAM PA SPYI GTZUG PAR THAL LE BSGOM, SPYI BOR HAm DKAR PO MGO THUR BSTAN BSGOM, 'OG RLUNG SNGAR BZHIN BYAS PA'I RKYEN GYIS GZHA'I 'CHANG BZUNG LAR BSTAN TE MDA' RTZA NANG NAS GYAN DU SONG BA HAm LA PHOG PAS, DE LAS KHAMS 'JAGS TE LUS THAMS CAD KHYAB PA'I BDE BA LA SEMS GTANG RLUNG SNGAR BZHIN BZUNG, 'DI THUN RE LA LAN RE LAS MI BYAD GSUNG,
, ,GSUM PA NI, 'BYUNG 'JUG GNAS GSUM LA BRTEN NAS RIM PA BZHIN RO RKYANG DBU GSUM GSAL BTAB, RO RKYANG GI YA MTHA' SMIN MTSAMS KYI THAD TZAM, DBU MA SPYI GTZUG, MAR SNA GSUM KHA GSANG GNAS LA ZUG PAR BSGOM, RKYANG MA NAS RLUNG 'JUG PA'I TSE AOm, DBU MA'I SGOR GNAS PA'I TSE A'A: RO MA NAS 'BYUNG BA'I TSE H'Um GI RDOR BZLAS BYED DO,, BZHI PA NI, LAG PAS PUS MO GNYIS BSDAMS TE TZOG BU BYA, LTE BA AAm RTZA DBU MAR SNA DE'I STANG ZUG PA, LTE BA'I LTAG TZAM NAS RO MAS DBUM LA LAN GSUM DU DKRIS, DE LTAG RKYANG MAS G-YON SKOR DU LAN GSUM DKRIS, DE GNYIS KYI G-YAS G-YON DU THEN PA'I RKYEN GYIS DBU MAS AA SRUBS PAS ME DMAR PHROM PHROM BYUNG DES DBU MA GANG, DE NAS RIM GYIS LUS THAMS CAD GANG BAR DMIGS SO,, LNGA PA NANG GSEL LA BZHI LAS, TING NGE 'DZIN SKYE BAR 'DOD NA SNYING GI'I NYI ZLA KHA SBYOR NI, SNYING SGONG LKOGS LTA BU'I NANG DU THIG LE DKAR PO SRAN MA'I PHYED TZAM DANG, DE STENG THIG LE DMAR BO SRAN PHYED TZAM KHA SBYAR BA'I NANG DU SAMS H'Um SNGON PO GSAL BTAB, DE NAS THIG LE'I NANG NAS SING ZER BA'I SGRA GCIG BYUNG BAS RKYEN BYAS GA'U'I STENG DU BUG BA CHUNG NGU GCIG BYUNG DE LA SEMS GTANG DE, DER MIG GIS BLTA BA LTA BU BYA, KHA NANG NAS SGRA MED DU RLUNG RDUBS PAS GA'U LA THIM, BUG PA NAS 'OD ZER KHA DOG LNGA LDAN RTA RNGA TZAM PA NAR GYIS BYUNG NAS RGYAB MDUN DU GSUM DANG, G-YAS G-YON DU SUM DKRIS G-YON GYI SNA RGYAB PHYOGS SU SONG NAS STENG GI PHYED TZAM DU SLEB BAR BSAMS TE, RLUNG KHA SBYOR DU BZUNG, PHYIR GTONG CHO 'OD ZER DE
GROL NAS SNGAR GYI BYUNG SHUL DU RANG GNAS SU THIM MO,, GSAL BAR 'DOD NA, LTE BA'I DPA' BO 'BA' ZHIG PA NI LTE BAR THIG LE DKAR PO SRAN CHUNG TZAM PA 'TSER BA 'GRIL BA GSAL BSTE, CHOS GSUM LDAN BSGO MA, RLUNG KHA NAS SGRA MAD DU RDUBS DE LA THIM PAR BSAMS TA, KHA SBYOR DU 'DZIN NO,, BDE BA BSKYED BAR 'DOD NA, GSANG GNAS BDE BA'I THIG LE NI, RTAGS KYI NOR BU'I NANG NGAM, BUD MED LA BHA GA'I NANG DU THIG LE DMAR PO YUNGS KAR TZAM CHOS GSUM LDAN BSGOM, 'OG RLUNG CUNG ZAD 'THEN LA RLUNG THAMS CAD DE LA THIM PAR BSAMS TE, KHA SBYOR RO, BDE BA CHAS NAS 'DZAG GEGS BYUNG DOGS NA SMIN MTSAMS SU SHES PA GTAD PAS SEL LO,, SMIN MTSAMS SKRA DKAR GNYER MA 'JOMS PA'I THIG LE NI, THABS 'GAL GYI PHYAG RGYA BCAS, LCE RTZE RKAN PHUGS SU SBYAR NAS CUNG ZAD GZHIBS, SPYI BOR TAm DKAR BDE BA'I RANG BZHIN MGO THUR BSTAN, LCE CHUNG GI THAD TZAM DU SUm DKAR PO MGO THUR BSTAN, SNYING GAR H'Um SNGON PO MGO GYEN BSTAN, DE RNAMS BYANG SEMS DKAR PO DAR SKUD LTA BUR SBREL BA, RTZOL BA'I RANG NANG DU 'JUG PAS LTAG PA'I PHYOGS SU SONG NAS HAm SROS BAS DES THIG LE BDE BA'I RANG BZHIN SHEL DKAR ZHU BA LTA BUR BYUNG STE, THEG LE DAR SKUD LTA BU'I LAM BRGYUD NAS SUm LA THIM PAS SUM BDUD RTZI'I RANG BZHIN DU RGYAS, DE NAS KYANG SNGAR LTAR BABS TE H'Um TSIM PAR BSAMS SHING, LCE RTZES RKAN PHUGS DAL BUG GZHIBS, SPRON RLUNG G-YON NAS 'JUG PA DANG MNYAM DU BA SBYOR RO,, MCHIL MA GZHAN DU MI 'DOR RO,, 'DI LCE CHUNG BA BZHO BA'I GDAMS BA ZER RO,, 'KHOR LO LA BRTEN PAR, GCIG LA
, ,BRTEN PA RNO, GNYIS LA BRTEN PA MYUR, GSUM LA BRTEN PA BRTAN PA'I, DANG PO NI, LTE BA'I RTZA 'KHOR LO GSAL BTAB, 'OG SGO'I RLUNG DANG, SUM MDO'I ME SNGAR LTAR BYA, RTZA 'KHOR GYI LTE BA AAm, 'DAB MA NANG DU BRGYAD LA AA KA TZA tA SOGS YI GE THAMS CAD DMAR POR BSGOM, 'OG RLUNG 'THEN TSUL SNGAR RNAMS LTAR BYAS PAS, RLUNG GIS ME SBAR, DE LAS YI GE RNAMS LAS KYANG ME SOR BZHI TZAM 'BAR BAR DMIGS NAS KHA SBYOR DU BZUNG NGO,, GNYIS PA NI, LTE BA MAN CHAD KYI BAR DMIGS PA DNGOS GZHI SNGA MA LA, AAm AOm DU BSGYUR, SNYING GA'I RTZA 'DAB BRGYAD KYI LTE BAR H'Um SNGON PO BSGOM, H'Um DANG AOm GYI BAR DU RTZA DBU MA PHRA MO ZHIG GSAL GDAB, 'OG RLUNG 'THEN PA SOGS SNGAR LTAR BYAS PAS, LTE BA'I YI GE RNAMS LAS MA 'BAR DBU MA'I LAM NAS ZHUGS TE ME LCES H'Um LA REG PAS, DE LA THIG LE DKAR PO BABS TE SKRA SHAD 'JINGS PA LTAR BSAM MO,, GSUM PA NI, 'OG SGO'I RLUNG DKYIL NAS BZUNG ME KshA YIG GI BAR SNGON MA RNAMS LTAR GSAL BTAB, DE NAS RTZA DBU MA SBOM PHRA SDOM GYI BA THAG TZAM LA SBUGS STONG YOD PA DMAR PO YAR SNA TSANGS BUG, MAR SNA LTE 'OG TZAM DU SLEB PA, G-YAS SU ROM RAKTAS GANG BA DBU MA LAS KYANG CUD PHRA BA ME'I RANG BZHIN DMAR PO,, G-YON DU RKYANG MA SBOM PHRA RO MA DANG MNYAM PA KHAMS DKAR POS GANG BA CHU'I RANG BZHIN DKAR PO,, GNYIS KA YAR MAR GYI SNA DBU MA DANG MNYAM PA GSAL BTAB, LTE BAR RO RKANG LAS KYIS PA'I RTZA BZHI BZHI STE BRGYAD, DE LAS DRUG CU RTZA BZHI, DBUS SU AAm, 'DAB MA BRGYAD LA MDUN NAS BRTZAMS TE G-YAS SKOR DU AA KA TZA tA SOGS
DANG, PHYI MA LA MDUN NAS G-YON SKOR DU A'A LI PHRAG GNYIS, G-YAS BSKOR DU HA KshA SPANGS PA'I K'A LI PHRAG GCIG MGO GYEN BSTAN, RTZA YIG THAMS CAD DMAR PO,, SNYING GA'I RTZA 'DAB BRGYAD KYI DBUS SU H'Um 'DAB MA BRGYAD LA MDUN NAS PHYOGS BZHI LA G-YAS SKOR GYIS BH'Am AAm DZIm KHAm, SHAR LHO NAS G-YAS SKOR GYIS LAm MAm BAm T'Am MGO THUR BSTAN THAMS CAD SNGON PO,, MGRIN PA'I RTZA 'KHOR GYI DBUS SU AOm, 'DAB MA LA MDUN NAS G-YON SKOR GYI A'A LI MGO GYEN BSTAN THAMS CAD DMAR PO,, SPYI BO'I RTZA 'DAB KYI DBUS SU HI; 'DAB MA LA MDUN NAS G-YON SKOR A'A LI, G-YAS SKOR GYIS KA NAS TA'I BAR MGO THUR BSTAN THAMS CAD DKAR POR GSAL BTAB, 'OG SGO 'BYED 'DZUM GSUM TZAM BYAS RJES 'OG RLUNG THEN PAS RLUNG G-YOS ME 'BAR NAS RO MA'I NANG BRGYUD NAS G-YAS SKOR GYIS LTA BA'I RTZA 'KHOR GYI NANG GI LJAN LJIN SNYIGS MA THAMS CAD BSREGS, RIM GYIS SPYI BO'I BAR DE LTAR BYAS LA ME HAm LA REG PAS HAm LAS THIG LE DKAR PO BABS PAS RKYANG MA'I NANG BRGYUD G-YON SKOR GYIS SPYI BO'I RTZO 'KHOR THAMS CAD GANG YI GE RNAMS KYANG JE GSAL DU SONG, RIM GYIS LTE BA'I BAR DE LTAR BYAS NAS THIGS PA GCIG KshA LA PHOG PAS, DE LAS ME 'BAR AAm NAS HAm GI BAR DBU MA'I NANG DU THAL GYIS SONG BAS, HAm LAS THIG LE BABS SMIN MTSAMS KYI THAD TZAM DU 'BAR 'DZAG BYAS, DE BZHIN DU MGRAN PA, SNYING GA, LTE BA GSUM KA'I 'OG TZAM DU RE RE NAS 'BAR 'DZAG LA SEMS GTAD NAS BUM CAN KHA SBYAR BZUNG, DE RJES BUM CAN DRUG CU RTZA BZHI'I GRANGS CAN BCU GNYIS DANG, GRANGS MED BCU GNYIS SPEL TE BZUNG, GRANGS CAN LA DMIGS PA DE GA DANG GRANGS
, ,MED LA 'JIN MED DU 'JOG GO, MAN NGAG GI GNAD KYI DMIGS PA BCU LAS, GSUM SNGAR GYI THIG LE'I GRANGS BZHI'I NANG DU 'THON NAS, SLAD DU BDUN LAS, ME DMAR SKYA NI ME TOG DRUG BCING BYAS LA SKAD CIG GIS LUS KYI NANG THAMS CAD MED MAR SKYAS GANG PAR BSAMS LA BUM CAN BZUNG NGO,, BSHAD MA THAG PA'I GTUM MO 'THUG PA'I, ME SKYA GNYIS LA GRANGS CAN GRANGS MED BCU GNYIS RE 'DZIN DGOS PA NI DMIGS BSAL TE, SPYIR BTANG LA THUN TSAD MA NGES PAR GSUNGS SO,, ME 'BAR BA NI RKANG MTHIL GNYIS SU RAm DMAR NAG ME 'BAR LA KHANG BA RE BSAM, RKANG BA'I MDZUB MO BRKYANG BSKUM BYAS PA'I RKYAN GYIS RA LAS ME 'BAR LONG BU DANG BRLA SHA'I RTZA BO CHE'I NANG BRGYUD SUM MDO'I ME DANG 'DRES PAS, DE LAS ME STAG DMAR PHROM BYUNG BAS LUS THAMS CAD GANG BAR BSGOMS LA KHA SBYAR BZUNG NGO,, THIG LE'I THAB MO NI, SUM MNGO'I ME GNAS 'GYUR BA LAS, SUM MDOR STENG DU THIG LO DKAR PA DANG 'OG TU DMAR PO MA THEB TSIGS TZAM PA GSAL GDAB, RLUNG KHA SBYAR BA'I RKYEN GYIS DE GNYIS 'THABS PA LAS ME STAG SNGAR LTAR BSAM MO,, ME'I 'KHOR LO NI, ME'I SROG SHING PHRA MO SPYI GTZUG NAS GSANG GNAS KYI BAR THAL LE YOD PA BSGOM, 'KHOR LO RTZIBS BRGYAD PA DMAR NAG RTZIBS STENG DU A'A LI YI GE NYIS GSHIBS SU G-YON SKOR DU BSGOM, KHA SBYAR BA'I RKYEN GYIS 'KHOR LO 'KHOR BAS LTE BAR 'KHOR LO LAS MA DMAR LHAB LHAB 'BAR BAR BSAM MO,, CHER 'BAR BA NI, SNGON MA'I DMIGS PA DE GNAS MGRIN PA MAN MES GANG NGO,, DRAG TU 'BAR BA NI SNGON MA'I STENG DU LUS THAMS CAD GANG STE, LUS
KYI RNAM BA MA ZHIG TZAM NAS LCAGS BSREGS LTA BUR BSAM MO,, THAMS CAD DU 'BAR BA NI, GNAS KHANG NAS BRTZAMS TE SNANG SRID MAS DMAR 'UR GYIS 'BAR BAR BSGOM BCO BRGYAD PO THAMS CAD KYI MJUG TU LTA BA BSKYANG NGO,, DE LTAR NYAMS SU BLANGS PAS LTAB BZHI 'TSAR TE, LAM BSGOM PA'I STOBS KYIS BHA GA'I YI GE SOGS SU RLUNG SEMS 'DUS PA'I RKYEN GYIS PHYI ROL GYI RKYEN LAM BLTOS PAR DUG GSUM DRAG PO SKYES PA NI NYON MONGS RANG BYUNG, RO RKYANG MAS SNAR RLUNG SEMS 'DUS PAS SPU GRI'I RLUNG STOBS SU 'GYUR TE, RNAM RTOG DRAG PO SKYES NAS SEMS GNAS SU MI SDOD PA TZAM 'BYUNG BA NI RNAM RTEG RANG BYUNG, RDO RJE'I LUS LA RTZA 'PHRENG LA YOD PA'I NANG DANG, DBU MA DANG RO MA'I MAS SNA RTZA KHANG STENG LTA BUR RLUNG SEMS 'DUS PAS PHYI ROL GYI ZAS SPYOD LAM BLTOS PAR SHES PA RMUGS PA DANG BYING BA SOGS 'BYUNG BA NI SNREL ZHI RANG BYUNG, SNYING GA'I BHR'Um SOGS SU RLUNG SEMS 'DUS PAS GZUNG 'DZIN GYI RTOG PA 'GAGS NAS STONG GSAL MCHOG GI TING NGE 'DZIN DANG, LUS SHING BAL LTAR YANG BA NYAMS SU MYONG BA NI, GSAL SHING YANG LA RANG BYUNG GI TING NGE 'DZIN TE SNGON MA GSUM NI LAM BSGOMS PA LAS BYUNG BA'I NYAMS YIN KYANG, SGRO SKUR GYIS BSDUS PAS SKYON CAN YIN LA, PHYI MA NI MTSON BYED DPE'I YE SHES YIN NO,, LTA BA DE LTA BU SGYOD PA GSUM GYI SGO NAS NYAMS SU BLANGS PAS, NANG GI RLUNG SEMS MKHA' 'GRO YAB YUM BCUS BYIN GYIS BRLABS, DE LA BRTEN YUL NYER BZHI'I DPA' BO MKHA' 'GRO THAMS CAD DBANG DU 'DUS, CIR SNANG GROGS SA 'CHAR, SEMS NANG DU GNAS, PHUNG PO LNGA THUL, RTZA BA'I RLUNG LNGA ZIN GTUM MO'I ME
, ,'BAR, THIG LE MANG DU KHA 'BUS, GRUB MTHU'I MA 'DRES LA YONG SUS RDZOGS PA MTHAR PHYIN PA NI, GANG ZAG MCHOG GI LAM MO,, 'DA' KA MA 'OD GSAL PA NI, SBYANG BA BSGOM PA LAS LA SBYAR BA GSUM LAS, DANG PO NI, RTZA DBUM DMAR PO PHRA SBOM RAN PA YAR SNAR HAm THUR BSTAN, MAS SNA AA GYEN BSTAN BSGOM, RTZOL BA'I RLUNG PHYIR BUS TE NANG DU RDUB PA'I TSE AAm NAS BYUNG STE HAm LA THIM, SROG GI RLUNG RNGUBS PA'I TSE HAm NAS BYUNG STE AAm LA BSTIM PA YANG YANG BYAS PAS 'CHI KHAR RO RKYANG GI RLUNG DBU MAR 'DUS TE, DE'I RKYEN GYIS 'OD GSAL MA BU 'PHROD PA YIN NO, GNYIS PA NI, GSANG DBANG GI RANG BYUNG YE SHES STON PA'I B'A MA LAM TZAndA LI LTA BA RANG BYUNG GI YE SHES RNAMS YANG YANG DRAN PAR BYAS SHING, THIM RIM GYIS DU BA SMIG RGYU LA SOGS A'A LI K'A LIR GSAL 'DEBS SHING RANG BYUNG GI YE SHES SU NGO SHES PA'O,, GSUM PA LA GNYIS LAS, SNGON MA NI BUM DBANG GI SKABS KYI 'OD DANG SGRAS 'PHO BA DE KA YIN LA PHYI MA NI GLING DANG SKYE GNAS LA, SPYANG BA ZHES PA DON BUM DBANG GI SKYE GNAS 'DAM PA DE KA YIN NO,, BAR DO NI, DNGOS GZHI BUM DBANG GI SKABS DANG 'DRA BA LA, YANG BA'I GNAS GSUM SOGS BAR DO'I SNANG BA THAMS CAD KYANG GSAL LA DANGS PA RANG BYUNG GI YE SHES YIN SNYAM PA YANG YANG BYA'O,, RMI LAM NI DNGOS GZHI 'DRA BA LA AA NU TA RA SOGS KYANG RANG BYUNG GI YE SHES YIN SNYAM PA DANG, RMI LAM DU YANG RANG BYUNG GI YE SHES DE NGES PAR 'CHAR BAR BYED SNYAM PA DRAN 'DUN YANG YANG BYA'O,, SGYU LUS KYANG DNGOS GZHI 'DRA BA LA NYIN MO'I SNANG BA 'DI YANG, ME LONG
LTAR RANG BYUNG GI YE SHES YIN BSAM PA YANG YANG DU BSGOM PAR BYA'O,, RJES NI DE DAG GI KHAMS 'DUS PA DANG PO CHOD, RTZA YI GE'I 'GROS THIM, YI GE GNAS 'GYUR, 'ONGS SKU'I GO 'PHANG MNGON DU BYED DO,, BDUN PA'I SA DE MNGON DU GYUR BYED PA'I, ,GSANG DBANG LAM GYIS 'GROD PA'I SGROS RNAMS KUN, ,'KHRUL MED GDAMS PA'I GNANG LTAR BRIS PA NA, ,RNAL 'BYOR DBANG PHYUG DGYES PA'I 'DZUM ZHAL STON, ,GSANG DBANG GI LAM NYAMS LAN RJE BLA MA'I GSUNG GI NYING KHU DE TZAM MO,, ` LUS THABS RGYUD LA DBANG BZHI DANG 'BREL BA'I LAM BSGOM PA'I GSUM PA NI, DKYIL 'KHOR 'KHOR LO'I LAM MA MA, PHO NYA'I LAM MAM, SHES RAB YE SHES KYI LAM ZHES PA RNAM GRANGS YIN LA, DE LA YANG, SBYOR DNGOS MJUG GSUM, DANG PO LA KHRID KYI SNGON 'GRO DANG, THUN GYI SNGON 'GRO GNYIS, DANG PO NI, BSAG SBYANG SOGS SNGAR DANG 'DRA, GNYIS PA LA YANG, SGOM PA GSUM, GNAD LA DBAB PA GSUM STE DRUG PO GSANG DBANG GI SKABS LTAR RO,, GNYIS PA DNGOS GZHED RAG MA DAG PA, LUS NGAG MNYAM PA, BYIN RLABS MNYAM PA, 'DOD PA MNYAM PA, MAN NGAG LAS BYUNG BA'O,, DANG PO NI, DNGOS DANG YE RGYA GNYIS LAS PHYI MA'I DBANG DU BYA ZHING, RIG MA DE LUS DANG LANG TSO PHUN SUM TSOGS PA DBANG THOB CING SNOD DU RUNG BA'O,, GNYIS PA NI, RANG KYI RDO RJE DANG RIG MA BDAG MED MAR GSAL BAS LUS MNYAM, DE GNYIS KAS RTZA SNGAGS BRJOD PAS NGAG MNYAM MO,, GSUM PA NI, RANG GI RIG MA'I MKHA' SGRUB THABS LTAR BYIN GYIS BRLABS, RIG MAS KYANG RANG GI GSANG GNAS DNGOS GZHI SGRUB THABS LTAR
, ,LA RDO RJE'I RKED PAR AOm GYI PHRENG BA DANG, BUG PA PHAt KYIS BKAG PAR BSAM MO,, BZHI PA NI, BDAG KYANG RIG MA 'DI LA BRTEN NAS DGA' BZHI BSGRUB SNYAM PA DANG, RIG MAS KYANG, BDAG LA BRTEN NAS BDE CHEN BSGRUB PAR BSAM MO, LNGA PA LA, DBAB PA, BZUNG BA, BZLOG PA, 'GREM PA, ME NYAMS PAR BYA BA DANG LNGA LAS, DANG PO NI, GZUGS MDZES PA LA BLTA BA, CHAGS PA'I GTAM GYIS SGRA LA NYAN PA, LUS KYI DRI LA SNOM PA, MCHU 'JIB PA SOGS ROL MANG BA, 'KHYUD PA SOGS REG BYA LA SBYOD PA RNAMS BYAS PAS, RIG MA YANG CHAGS MYOS KYI RNAM 'GYUR 'BYUNG ZHING, RANG LA BDE BA CHER 'BYUNG, BDE BA HA CANG CHES PAS KHAMS PHYIR 'DZAGS DOGS NA, RJE BTZUN GONG MA'I GSUNG SGROS LAS, BGRAD PAS MTHA' BSRUNG, GSANG THUB PA GCES GSUNG BA, LAG PA KHU TSUR BYAS SNYING GAR BSNOL LTO BA SGAL CHIGS LA SBYAR, NYVA BZHI SGRIL, RKANG PA'I MDZUB MO BSKUM, MIG GYEN DU BLTA, KHA NAS HAL HAL LAM H'Um H'Um BRJOD DO,, DE NI BYA BA MANG LA BDE BA CHUNG BAS, DGA' BA'I YE SHES ZER, GSANG THUB PA NI DE MA THAG SNYOMS 'JUG MI BYA BA'I DON NO,, YANG RDO RJE DANG PADMA 'DU BYAS PAS BYANG SEMS SBYI BO NAS RIM BZHIN BABS TE NOR BU'I RTZE'I BAR DU BYUNG BAR BSAM ZHING, DE'I NGO BO GANG DU YANG MA GRUB PA'I 'DZIN MED KYI DNGAL 'JOG GO, GNYIS PA RGYA MTSOR RAB LA SKAM ZHES PA LTO BSGAL TSIGS LA SBYOR, GLING BZHI DBANG DU SDUD CES PA YAN LAG GI MDZUB
MO BSKUM, RO 'DZIN RANG GNAS SU BZLOG CES PA NI LCE RKAN PHUGS SU SGRIL, DBANG PO'I MCHOG GYEN LA BZLOG PA NI MIG YAR SGRIL LA BZUNG BA'O,, GSUM PA NI, NGAG STOBS H'Um GIS DRANG BA H'Um DRAG TU LCE RTZE SGRIL ZHING BRJOD PA YAN LA, TING NGE 'DZIN H'Um PHAt KYI MDA' GZHUS 'PHUL BA H'Um GIS YAR DRANGS SHING PHAt KYIS 'PHUL BAS YAR BZLOG PAR BSAM MO,, BZHI PA NI, RLUNG GI SKA RAGS BCINGS PA LAG PA GNYIS KHU TSUR GYEN BSTAN GYIS SKED PA LA RGYAB MDUN DU SHUGS DRAG POS G-YAS SKOR G-YON SKOR BYED, ZHAGS PA 'PHEN PA NI LAG GNYIS DRAG TU BSHAD BA 'AM, YANG NA MDA' GZHU 'GENGS BA'I STANGS KA SHUGS CHEN PO BYED, GTAN SHING GI 'KHOR LO BSKOR BA NI, LTO BA G-YANG SKOR G-YON SKOR SHUGS CHER BYED BYIS PA'I SPYOD LAM NI, RDO RJE SKYIL KRUNG DANG, LAG BA ME TOG DRUG BCING GI SKABS LTA BU BYAS LA GAN RKYAL DANG KHA BU BA BYAS SKE G-YAS GCU G-YON GCU BYED PA YIN NO,, LNGA PA NI, DE LTAR BYAS PAS MI NYAMS LA GAL SRID BDE BA CHES PA'AM, GRIB DANG GDON GYI DBANG GIS 'DZAGS NA KHRUS BYA BA NI, RAB DBANG BZHI ZHU, 'BRING S'ATZTSA 'DEBS, THAM 'AD RNAM 'JOMS KYI KHRUS CHOG BYA'O,, KHYAD BAR ZHAL SHES LA, SLA NGA ME 'JAM TZAM GYI STENG DU BZHAG NANG DU GU GUL DANG YUNGS KAR GNYIS BLUG PAS ME ZHU BYUNG BA'I STENG PADMA RAKTA GRI GANGS BTAB, DE STENG THAL CHEN GYIS G-YOS NAS RIL BU RDO RJE'I BUG PAR SHONGS TSOD BYAS NAS BCUG PAS 'DZAG PA'I RIGS THAMS CAD CHOD DO,, LAM BSDUS PA NI, SNGON 'GRO THUR SEL DBANG DU BYA BA, DNGOS GZHI DBAB BZUNG, RJES KHAB 'GREM MO,,
, ,DANG PO NI, PUS MO GNYIS GRU MO 'OG TU TSUD PAR BYAS, LAG MTHIL G-YAS G-YON NYI ZLAR BSGOM BA BSNOL NAS PUS MAR BKAB NAS, RLUNG RING BO THUNG DU, SHIN TU THUNG DU SBREL NAS MDUN DU RDUBS NAS KHA SBYOR 'DZIN, DE BZHIN DU, G-YAS, MDUN, G-YON, MDUN TE LNGAR BYA, YANG MDUN NAS PHYIR RING THUNG SHIN TU THUNG BA BUS RJES 'BREL NAS NANG DU RDUB BA YANG RING THUNG SHIN TU THUNG BA STE GSUM BYA'O,, MTHAR MGO SGYED SGYED BA BYA, GNYIS PA NI, GZUGS LA BLTAB SOGS LNGA BZHAG, GZHAN RIG MA DAG PA NAS DBAB PA'I BAR SNGAR LTAR LA BZHUGS STANGS BSHAD MA THAG PA'I TZOG PU BYA, GUNG MDZUB G-YAS GNYIS 'JIB TSE MIG G-YON GDANGS, CIG SHOS KYANG DE LAS BZLOG PA BYAS PAS 'DZIN NO,, GSUM PA NI, GLANG CHEN HING ZHES PA, RKANG MTHIL GYI SBO SAR BTZUGS RTING PA'I STENG DU PHONGS TSOS BZHAG HI HING GIS LTE BA, DE BZHIN DU H'Um H'Um, HA HAG, HI HIG GIS BYANG SEMS SPYI BO'I BAR DU DRANG NGO,, SENG GE RNAM ROL ZHES PA MTHA BONG, MJUB MO, GUNG MO,, SRIN MDZUB, MTHE'U CHUNG GI RIM PA LTAR, RNA BA, MIG, SNA, YAS MCHU, MAS MCHU RNAMS BKAB LA MGO G-YAS SKOR GSUM, G-YON SKOR GSUM, YANG MANGS BAR RGYUN RING BAR 'KHOR RO,, DE LTAR NYAMS SU BLANGS BAS LTA BA DGA' BZHI LA PHYI GO RIM LA BLTOS BA NI, GZUGS LA BLTA BA NAS REG [?] BYA'I BAR DGA' BA, 'BO LA DANG KA KO LA SBYOR BA MCHOG DKA', SRUB PAS DGA' BRAL, DE LAS RTZA THIG NANG GSANG, GNAS BZHI KHA SBYOR BA LHAN SKYES KYI DGA' BA'O,, NANG GNAS LA BLTOS PA'I PHYI NANG
GNYIS KYI PHYI NI, KHOL BU DANG, PHAL CHER DANG, THAMS CAD DANG, SNANG BA THAMS CAD KYI BZHIG BDE BAR SONG BA BA RIM BZHIN DGA' BA SOGS SO,, NANG NI SNYING MGRIN LTE GSANG BZHIR SLEB BA LA RIM BZHIN DGA' BA SOGS SO,, SPANG BYA NI, CHOS BRGYAD KYI RTOGS PA CUNG ZAD 'GAGS PA, PHAL CHER 'GAGS PA, RIG MAL ZHEN PA TZAM 'GAGS PA, DGA' BA GSUM LA ZHEN BA 'GAGS PA RNAMS KYANG SNGAR LTAR RIM BZHIN NO,, NGO BO LA BLTOS BA NI BDE BA CUNG ZAD SKYES PA, CHER SKYES PA BDE BA MI RTOG PA DANG LDAN BA, BDE STONG ZUNG DU 'JUG PA RNAMS SNGAR LTAR RO,, PHYI MA'I GCIG PO NI SKYON MED DO,, GRUB MTHANG NI, LTA BA DE SBYOD PA GSUM GYIS NYAMS SU BLANGS TE LAM DU BYAS PAS, RNAL 'BYOR BA DE'I NGO BOR KHAMS GSUM THAMS CAD BDE STONG ZUNG 'JUG GI ROL BAR 'CHAR BA NI GRUB MTHA' BDE STONG RGYA CHUNG DU'O,, 'DA' KA MA NAM 'CHI BA'I TSE RDO RJE SEMS DPA' BYON PAR GYUR BA LA, SBYANG BSGOM LAS SBYAR GSUM LAS, DANG PO NI, GSANG BA BDE STONG SNGON BA'I BLA MA, LAM DKYIL 'KHOR 'KHOR LO,, LTA BA BDE STONG ZUNG 'JUG RNAMS YANG YANG DRAN PAR BYA'O,, GNYIS PA NI, SNANG MCHED THOB GSUM GYI PHRA BA'I THIM RIM BYUNG DUS BDE STONG GI LTA BCAS KYANG NYAMS SU MYONG BAR BYA SNYAM BA LA BSGOM MO,, GSUM PA NI, SGRA DANG YI GES 'PHO BA BUM DBANG GI SKABS LTAR RO,, THIM RIM DANG BAR DO'I SNANG BA THAMS CAD NGO BO BDE STONG ZUNG 'JUG LA THIG LE MU TIG GI RDOG MA LTA BUR SBYANG, RMI LAM SGYU LUS KYI SNANG BA THAMS CAD BDE STONG ZUNG 'JUG TU THAG BCAD CING BSGOM MO,, DE RNAMS KYIS KHAMS 'DUS PAR BAR MA'I LAM CHOD, KHAMS BDUD
, ,RTZI'I 'GROS THIM, SA BRGYUD BA DANG DGU BA MNGON DU BYAS, BDUD RTZI GNAS GYUR, 'BRAS BU CHOS SKU MNGON DU BYED DO,, LEGS BA'I BLO GROS SA DE MNGON GYUR PA'I, ,THABS MCHEG SHES RAB YE SHES LAM GYI 'GROS, ,ZAG MED BDE BA MCHOG GI DGA' STON GYIS, ,ZUNG 'JUG 'GRON DE RING NAS RING BSU BZHIN, ,SHES RAB YE SHES KYI DBANG GI NYAMS LEN RNAMS GSUNG SGROS LTAR BKOD PA ZIN TO,, ` KHAMS 'DUS BA THAM SKYON MED GNYUG MA YE SHES KYI LAM GYIS KHRID BA'AM, DBANG BZHI PA'I LAM MAM RDO RJE RBA RLABS KYI NI, RDO RJE STONG PA NYID DANG, RBA RLABS NI LAM DE BSGOMS PAS SNANG BA THAMS CAD BDE STONG MCHOG GI LAM DU BSGYUR NAS STONG PA NYID LAS GZHAN MA YIN PA'I PHYIR, DE SKAD CES BYA STE DPER NA RGYA MTSO'I RBA RLABS DANG LBU BA'I 'PHRENG BA LA SOGS PA JI SNYED 'BYUNG YANG DE LAS 'BYANG ZHING THIM KYANG DE LA THIM PAS CHU BUR CHU YI YIN TE, DE LAS THA DAD MIN PA BZHIN NO,, DE NYAMS SU LEN PA LA SBYOR DNGOS RJES GSUM, DANG PO NI, KHRID KYI SNGON 'GRO SNGAR DANG 'DRA, THUN GYI SNGON 'GRO BSGOM PA GSUM DANG, GNAD LA DBAB PA GSUM SNGAR BYAS RJES, RAB 'PHRIN LAS SUM CHU SO GNYIS LUGS 'BYUNG LUGS LDOG 'CHOL BA DANG BCAS PA'I TSAR GSUM GRUB PAR BYA, MA GRUB NA YAN LAG LNGA SBYONG BA BYA'O,, GNYIS PA DNGOS GZHI LA 'OG RLUNG BSKUM PA LUS KYI RBA RLABS NI, LAG GNYIS PUS MO'I STENG DU BKAB, LTE BA RGAL TSIGS LA SBYAR, SNA NAS RLUNG DRAG TU PHYIR 'BUD BA GSUM NANG DU RDUB PA GSUM BYAS KHA SBYAR BZUNG CHE 'OG RLUNG DAL BUS DRANGS LA DRAG TU 'THEN 'PHONGS MCHOS G-YAS G-YON RE MOS KYIS 'DEGS 'JOG BYAS MNAN, DE BZHIN DU G-YAS
G-YON DU'ANG DE 'DRA RE BYA'O,, GSUM GA LA KHA SBYAR BA PHYIR GTONG TSE 'OG RLUNG SNGON DU GTONG, DE GOMS PAS 'OG RLUNG BTANG KYANG STENG RLUNG MI 'CHOR BA 'BYUNG BAS BUM CAN ZHABS RTZAGS MA ZER RO,, THUN GRANGS MED TSAD MED DU NYAMS SU BLANGS PAS, LUS LA BDE BA DANG SEMS LA RTOGS BA 'CHAR, DE'I RKYEN GYIS KHAMS 'DZAG PA BYUNG NA, RO STONG DRAG TU GCUB DANG, MIG GYEN DU BLTAS PAS SEL LO,, GNYIS PA NGAG 'DREN PA ZHI DRAG GI RBA RLABS LAS, DANG PO NI, RDO RJE SKYIL KRUNG KHU CHUR SNYING GAR BSNOL, DUS CUNG ZAD SGUR BAR BYAS LA, SO BAR NAS RLUNG GI GDANGS AI'I RNAM PA LA SGRA MED DU RDUBS, SHUGS RDZOGS PA DANG LUS BSRANGS TE MGO BO SGYED SGYED PA GNYIS BYA ZHING, 'OG RLUNG KYANG RDZOGS PAR 'THEN NAS KHA SBYOR LTA BA'I DANG DU BZHAG SPRON G-YAS G-YON DU BYAS KYANG CHOG, DRAG BO NI 'DUG STANGS SNGAR LAS RLUNG GI GDANGS H'Um GI SGRAR BSAM SGRA BCAS SU 'DREN GZHAN SNGAR DANG 'DRA, GNYIS KA LA RANG LHAR GSAL BA'I RDO RJE'I RTZE NAS RLUNG 'OD ZER BDAG LNGA BA BYUNG NAS LTE BA BRGYUD RIM GYIS SBYA BOR THIM PAR BSAM MO,, GSUM BTONG NGE 'DZIN SEMS KYI RBA RLABS LA, RIG MDAG GNAS RDO RJE'I RTZER DBAB PA'I BAR SHER DBANG LTAR LA, BYANG CHUB KYI SEMS DE GNYIS 'OD ZER KHA DOG SNA TSOGS BA RLUNG GI RANG BZHIN DU GYUR NAS RI MA'I LAM NAS G-YAS SKOR GYIS LTE BA'I RTZA 'KHOR BA, G-YAS SU LAN GSUM BSKOR BAS KHAMS DKAR PO'I NUS PAS NAM SANGS BA LTAR, DMAR PO'I NUS PAS NYI MA SHAR BA LTA BU DANG, RLUNG GI NUS PAS RGYU MA PUS BRGYANGS PA LTAR BYAS DE NAS SPYI BOR RTZA 'KHOR BAR RIGS 'GRE, DE NAS 'OD ZER SPI BO NAS PHYIR SONG STE SNOD
, ,GZHAL YAS KHANG DU GYUR, BCUD KYI SEMS CAN LA DBANG BSKUR TE LTAR GYUR, SEMS CAN DE RNAMS KYANG 'OD ZER GYI RNAM PAR BYAS NAS 'OD ZER LNGA LDAN DANG MNYAM DU MAR BYUNG, RKYANG MA NAS G-YON SKOR DU THUR LA SPYI BO'I RTZO 'KHOR NAS GSANG GNAS YAN SNGAR LTAR BYAS, YANG DBU MA'I LAM BRGYUD SPYI BO'I BAR DU SONG BAS RIM BZHIN MAS NAS RANG LUS 'JA' 'OD DU GYUR PAR BSAM ZHING 'DZIN MED DU 'JOG LAS RGYA DNGOS SU YONG NA BDAG RGYUD GZHAN RGYUD GNYIS KA'I RGYUD DAG PA'I DBANG DU BYAS NA, RIG MA LA YANG DMIGS PA DE DAG BYED CING SPYI BO NAS PHYIR SPRO BA DE MI DGOS SO,, DE LTA BU'I 'OD KHA DOG LNGA LDAN DE RO MAR DRANGS PAS RO MA DBANG DU 'DUS, RTZOL BA LA DBANG THOB, RNAM PAR THAR PA MTSAN MA MED PA MNGON DU BYED, RKYANG MAR DRANGS PAS RKYANG MA DANG, SROG LA, SMON BA MDAB GSUM LA SNGAR LTAR BYED, DBU MAR DRANGS BAS DBU MA DANG RLUNG GNAS PA, RNAM PAR THAR PA STONG PA NYID LA SNGAR LTAR RO,, DE DAG LAS BYUNG BA'I LTA BA NI, CHOS THAMS CAD SHIN TU RNAM PAR DAG PA MAS BRTEN GYI DGA' BA BZHI NI, RGYU MTHUN GYIS NI SKRA DKAR 'JOMS, ,RNAM SMIN GYIS NI STOBS RAB STER, ,SKYES BUR BYED PAS STOBS RAB 'PHEL, ,DRI MA BRAL BAS 'CHI MED STER, ,ZHES PA LTAR, KHAMS DKAR DMAR LTE BAR BYED PAS, LTE BA ME LONG GI NGOS LTAR 'JAM PA SER MES KYANG BZUNG BAR MI NUS, SKRA DKAR DANG GNYER MA MED PA'I GZHON SHI CHAGS BA, SNYING GAR BYON BAS SRED MED KYI BU'I STOBS SAM GLANG BO CHE BYU MCHOG GIS KYANG 'GRAN PAR MI BZOD PA DANG STOBS 'PHEL, MGRIN PAR BRTAN PAS LCES GDONG
KHEBS PA, SPYI BOR BRTAN PAS LO STONG THUB PA 'BYUNG NGO,, SEMS LA BAN GDAGS BA NI, YANG SNGAR GYI GNAS BZHI POR RIM PAR BRTAN BAS, RANG GI RIG PA BDE STONG DU 'CHAR, SNANG BA THAMS CAD BDE STONG, MYANGS PA'I RO THAMS CAD 'KHOR 'DAS KYI CHOS THAMS CAD BDE STONG ZUNG 'JUG 'BA' ZHIG TU 'CHAR RO,, LUS SEMS GNYIS KA'I YON TAN NI YANG RIM PA LTAR, MTHONG NA MI MTHUN PA MED CING YID DU 'ONG BA, MNGON SHES CUNG ZAD 'CHAR, RO THAMS CAD LA LONGS SPYOD BAR NUS, RDZU 'PHRUL SNA TSOGS STON NUS SO,, SBYOD PA GSUM SNGAR LTAR SPYAD BA DANG, LHA DANG BLA MAS LUNG BSTAN BA'I PADMA CAN SOGS GZHUNG NAS BYUNG BA BZHIN DU SPYOD PA BSKYANGS PAS GRUB MTHA' BDE STONG RGYA CHEN PO MTHAR 'BRAS BU'I DBANG BLANGS BA LA BRTEN NAS BCU GSUM RDO RJE 'DZIN BA'I SA MNGON DU BYED DO,, 'DA' KA MA PHYAG RGYA CHEN PO NAS 'PHO BA LA SBYANG BSGOM SBYAR GSUM LAS, DANG PO NI, BLA MA CHOS THAMS CAD SHIN TU RNAM PAR DAG PA'I LTA BSTON BA'I BLA MA, LAM LTA BA MA ZA BRTAN GYI DGA' BZHI YANG YANG DRAN BAR BYA, GNYIS PA NI, LTA BA BDE STONG MCHOG TU GYUR PA YANG YANG DRAN PAR BYA'O,, GSUM PA LA, YI GE DANG SGRAS 'PHO BA GNYIS LAS, DANG PO NI, BU GANG GUNG KAG BSNGAR [?] LTAR RTZA GSUM 'KHOR LO BZHI YI GE DANG BCAS BA GTUM MO 'THUG PO LTAR BYA, RO RKYANG GI RANG DU HA KLU [?] SPANGS [?] LA JI M'A YI THUR BSTAN DA GAR BO,, A'A WI GYEN BSTAN DMAR PO,, DE YANG KA KHA AAGHA A'A ZHES PA
, ,LTA BU A'A 'DI LTAR YOD BA RE RE GSAL GDAB, RTZOL BA'I RLUNG PHYIR SONG BA'I TSE, STONG RLUNG RNAMS SPYI MGRIN GYI 'KHOR LO LA THIM, SROG NANG DU 'JUG TSE SNYING LTE'I 'KHOR LO LA THIM PAR BSAM, SGRAS 'PHO BA NI, DNGOS GZHI DE BA LA SROG RTZOL GYI TSAB TU HI KA, KHAGGHA [?] DANG KA HI BYED DO,, PHYI DBUGS CHAD PA'I TSOD KYI TSE GROGS KYIS GSAL BTAB PA LA BRTEN NAS SNGAR GYIS NYAMS MYONG GIS RKYEN BYAS PAS 'BRAS BU THOB PA NI PHYAG RGYA CHEN PO NAS 'PHO BA'O,, BAR NGO DANG RMI LAM RGYU LUS GSUM NI, BDE STONG ZUNG 'JUG GI YE SHES LA RNAM BYANG SOGS DE DANG DE'I SKABS SU GYUR BA 'O,, SA BCAD PHYI MA RNAMS DANG, LAM DANG 'BRAS BU BRNYES TSUL NI GZHUNG BZHIN NO,, SKU BZHI MNGON GYUR ZUNG 'JUG RDO RJE 'CHANG, ,'GRUB BYA BZHI PA'I LAM GYI RIM PA RNAMS, ,DBAL LDAN CHOS SKYONG DUR SMIG RNAM ROL BA'I, ,MKHAS GRUB DAM PA'I GSUNG RGYUN 'DI BZHIN BKOD, ,DBANG BZHI BA'I LAM NYAMS LEN GYI RIM PA MTHA' DAG MA TSANG BA MED PAR BSHAD ZIN TO,, THUB BSTAN YONGS SU RDZOGS PA'I NYAMS LEN KUN, ,LEGS PAR BSHAD PA RNAL 'BYOR DBANG PHYUG GI, ,GSUNG NGAG GZHI LAM 'BRAS BUR BCAD PA'I CHOS, ,TSE GCIG SANGS RGYAS BSGRUB BA'I NYE BA'I LAM, ,TSUL 'DI KHA BA'I LJONGS SU 'BROG MI DANG, ,RJE BTZUN BRTZE BA CHEN PO SA SKYA BA, ,BRGYUD PAR BCAS PAS NYI ZLA LTAR GSAL YANG, ,DENG DUS YONGS SU RDZOGS PA NYIN SKAR BZHIN, ,TSOGS BSHAD TSIG GI SPUN BA'I BSHAD YAMS TZAM, ,MA YIN SNYING PO'I NYAMS LEN SLOB BSHAD CES, ,KHA'U BRAG RDZONG BZHED SROL 'KHRUL
MED KYIS, ,PHYOGS DUS KUN TU KHYAB PA'I BKRA SHIS SHOG ,'DI DAG RNAMS NI MUS CHEN SEMS DPA' CHEN BOS BDAG CHEN RDO RJE 'CHANG LA THUN MONG MA YIN PAR STZAL BA'I SLOB BSHAD DANG, THUN MONG MA YIN PA'I YANG THAN MONG MA YIN BA YAB 'JAM DBYANGS CHOS RJE NAS BRGYUD PA'I ZAB GNAD RNAMS DANG BCAS TE DMIGS RIM RNAMS PHYOGS GCIG TU ZA HOR BANDE NGAG DBANG BLO BZANG RGYA MTSOS BKOD PA YIN GYI, LUNG SBYOR SOGS RGYAS BAR SPRO DGOS PA RNAMS CHI SBAS DON GSAL BA DANG, RJE KLU SGRUB RGYA MTSOS MDZAD PA RNAMS LAS SHES BAR BYA'O,, SARBA MANGGA LAm,, ,,