(*, ,LAM ZAB PHYI MA'I NYAMS LEN GNAD SGRIL 'JUG BDE BZHUGS,,)
, ,SVASTI BRA DZA BHYA: BDAG MED RDO RJE BTZUN MO'I ZHAL GYI DROD, ,MA YAL BDUD RTZIS MYOS BA'I BE R'U PA'I, ,GSER CHOS LAM ZAB SA SKYA'I BLA CHEN LAS, ,NYER BRGYUD GNAD SGRIL NYAMS LEN 'JUG BDE SPRO, ,DE YANG BDE BA'I STAN LA LUS GNAD DANG LDAN PAS SKYABS 'GRO SBYI LTAR BYA, BDAG GIS NAM MKHA'I MTHA' DANG MNYAM PA'I SEMS CAN THAMS CAD KYI DON DU ZUNG 'JUG BCOM LDAN 'DAS DPAL HE RU KA'I GO 'PHANG THOB PAR BYA, DE'I PHYIR DU LAM ZAB BLA MA'I RNAL 'BYOR BSGOM PA'I RIM BA 'JUG BAR BGYI 'OS SEMS BSKYED, DNGOS GZHI NI SVA BH'A WAS STONG PAR SBYANGS, STONG PA'I NGANG LAS BHR'Um ZHU BA LAS BYUNG PA'I THAR PA CHEN PO'I GZHAL YAS KHANG GRU BZHI SGO BZHI RTA BABS BZHI DANG RGYAN LA SOGS PA MTSAN NYID THAMS CAD YONGS SU RDZOGS PA'I DBUS, SENG GE CHEN PO BRGYAD KYIS BTEG PA'I RIN PO CHE'I KHRI SNA TSOGS PADMA DANG ZLA BA NYI MA BDUD BZHI BRTZEGS PA'I GDAN GYI STENG DU RANG GI DRIN CAN RTZA BA'I BLA MA BCOM LDAN 'DAS KYI RDO RJE SKU MDOG SNGON PO ZHAL BRGYAD, PHYAG BCU DRUG, ZHABS BZHI PA, RTZA BA'I ZHAL SNGON PO,,
, ,G-YAS DKAR, G-YON DMAR BA, STENG ZHAL DU BA'I MDOG CAN, ZHAL LHAG MA GNYIS GNYIS NAG PA, SBYAN GSUM GSUM DANG LDAN ZHING, MCHE BA RNAM PAR GTZIGS PA, DBU SKRA DMAR SER GYEN DU BRDZES PA'I RTZA ZHAL GYI SPYI BOR SNA TSOGS RDO RJES MTSAN PA, PHYAG BCU DRUG GIS THOD PA BCU DRUG BZUNG BA'I, G-YAS KYI DANG PO NA GLANG PO CHA DKAR PO,, G-YON GYI DANG PO NA SA'I LHA SER PO,, DE GNYIS KYIS YUM LA 'KHYUD PA, G-YAS KYI GNYIS PA NA RTA SNGON PO, GSUM PA NA BONG BU GVA PA, BZHI PA NA KLANG DMAR PO,, LNGA PA NA RNGA MO THAL KHA, DRUG PA NA MI DMAR PO,, BDUN PA NA SHAR BHA SNGON PO,, BRGYAD PA NA BYI LA GVA PA, G-YON GYI GNYIS PA NA CHU'I LHA DKAR PO,, GSUM PA NA ME'I LHA DMAR PO,, BZHI PA NA RLUNG GI LHA LJANG GU, LNGA BA NA ZLA BA'I LHA DKAR PO,, DRUG PA NA NYI MA'I LHA DMAR PA,, BDUN BA NA GSHIN RJE SNGON PO,, BRGYAD PA NA NOR SBYIN SER PO,, DBU RE RE LA MI MGO SKAM PO LNGA LNGAS DBU BRGYAN CING, RLON PA LNGA BCU'I DO SHAL CAN, RUS PA'I RGYAN GYIS BRGYAN PA, ZHABS G-YAS
GNYIS BRKYANG BA'I BRLA LA, G-YEN GNYIS BSKUM PA'I SAR MO GTAD PA'I SKYIL KRUNG PHYED PA'I STABS KYIS BZHUGS SHING, SGEG PA LA SOGS PA'I GAR DGU'I NYAMS DANG LDAN PA, DE'I PANG DU YUM RDO RJE BDAG MED MA SNGON MO,, ZHAL GCIG PHYAG GNYIS, G-YAS RDO RJES MTSAN PA'I GRI GUG NAM MKHAR BRKYANG BA'I TSUL GYIS 'DZIN CING, G-YON PAS BDUD MTHA' DAG GI KHRAG GIS GANG BA'I THOD PA 'DZIN PAS YAB KYI MGUL NAS 'KHYUD PA, MI MGO SKAM PO LNGA'I DBU RGYAN DANG, SKAM PA LNGA BCU'I DO SHAL CAN, GCER BU PHYAG RGYA LNGAS BRGYAN PA, ZHABS G-YON BRKYANG ZHING G-YAS BSKUM PAS YAB LA 'KHRIL BA, BDE STONG ZUNG 'JUG GI RANG BZHIN YAB YUM GNYIS KA'ANG YE SHAS KYI ME 'BAR BA'I DBUS NA BZHUGS PA'I BLA MA HE RU KA DE NYID KYI GNAS GSUM DU PAD NYI'I GDAN LA, AOm A'A: H'Um DKAR DMAR MTHANG KHA'I MDANGS CAN, SANGS RGYAS RNAMS KYI SKU GSUNG THUGS RDO RJE'I RANG BZHIN 'OD DANG GZI BRJID 'BAR BAR BSAM, GZHAN YANG BLA MA'I GZUGS KYI PHUNG PO RNAM PAR SNANG MDZAD, TSOR PA RIN CHEN 'BYUNG LDAN, 'DU SHES 'OD DPAG MED, 'DU BYED DON YOD GRUB BA, RNAM PAR SHES PA MI BSKYOD PA, THAMS CAD GCIG TU BSDUS PA'I NGO BO DRUG PA RDO RJE 'CHANG CHEN PO,, SA'I KHAMS SANGS RGYAS SPYAN MA, CHU M'A MA KI, ME GOS DKAR MO,, RLUNG SGROL MA, NAM MKHA'I KHAMS CHOS KYI DBANG PHYUG MA, SBYAN BYANG CHUB SEMS DPA' PA'I SNYING PO, SNYAN PHYAG NA RDO RJE, SHANGS NAM MKHA'I SNYING BO,, LJAGS 'JIG RTEN DBANG PHYUG, LUS SGRIB PA RNAM SEL, YID 'PHAGS PA 'JAM DPAL, CHIG KUN TU BZANG PO,, RTZA RGYUS BYAMS PA, PHYAG DAR G-YAS PA GSHIN RJE GSHED, G-YON PA
, ,GZHAN GYIS MI THUB PA, ZHAL RTA MGRIN, RDO RJE BDUD RTZI THAL SBYOR, DBUNG PA G-YAS PA RMI G-YO BA, G-YON PA 'DOD PA'I RGYAL PO,, LUS MO G-YAS PA DBYUG SNGON CAN, G-YON BA STOBS PO CHE, SBI GCUG 'KHOR LO SGYUR BA, ZHABS MTHEL GNYIS GNOD MDZES RGYAL PO,, GZHAN GZUNG BYA'I YUL GZUGS SGRA SOGS NI, GZAGS RDO RJE, SGRA RDO RJE, DRI RDO RJE, RO RDO RJE, CHOS KYI DBYINGS RDO RJE MA STE, GDAN GSUM TSANG BA'I LHA'I BDAG NYID DU BZHUGS PAR GYUR, DE NAS RJE BTZUN BLA MA DE'I THUGS KA'I H'Um LAS 'OD 'PHROS PAS, RANG BZHIN GYA GNAS NAS BRGYUD BA'I BLA MA, RGYUD SDE BZHI'I LHA TSOGS, SANGS RGYAS BYANG SEMS, NYAN RANG, DPA' BO MKHA' 'GRO, CHOS SKYONG SRUNG MA'I TSOGS DANG BCAS PA BADZRA SA M'A DZA: SBYAN DRANGS, DE YANG RDO RJE 'CHANG DBU GTZUG, G-YAS SU BIRWA PA NAS GRUB CHEN BUDDHA SHR'I'I BAR, G-YON DU BDAG MED MA NAS RDO RJE 'CHANG RIN CHEN BSOD NAMS MCHOG GRUB KYI PAR MTHO BRTZEGS KYI TSUL RGYAB TU SDE BZHI'I LHA TSOGS DANG BYANG SEMS, DE'I RGYAB TU SPRUL SKU'I CHA LUGS CAN GYI SANGS RGYAS NYAN RANG, DE'I RGYAB TU DPAL MGON LCAM DRAL SOGS CHOS SKYONG SRUNG MA'I TSOGS DANG BCAS BA BZHUGS BAR BSAM, GANG DRIN MAS BSTOD, DUS GSUM SANGS RGYAS THAMS CAD KYI NGO BOR GYUR BA DPAL LDAN BLA MA DAM PA LA GSOL BA 'DEBS SO,, BDAG GI RGYUD BYIN GYIS BRLAB TU GSOL, ZHES PA GSUM BDUN NYER GCIG SOGS SKABS DANG SBYAR, SANGS RGYAS RDO RJE 'CHANG CHEN PO LA GSOL BA 'DEBS SO,, BDAG GI RGYUD BYIN GYIS BRLAB TU GSOL, DE BZHIN DU RDO RJE BDAG MED MA, DPAL LDAN BIRWA PA, RJE BTZUN SA SKYA PA CHEN BO,, SLOB DPON BSOD NAMS RTZE MO,, RJE BTZUN GRAGS PA RGYAL MTSAN, CHOS RJE SA SKYA PAndI TA, TSOGS SGOM
KUN DGA' DPAL, NYAN CHEN BSOD NAMS BRTAN PA, RGYAL BA BRAG PHUG PA, CHOS RJE BLA MA DAM PA, CHOS RJE DPAL LDAN TSUL KHRIMS, GRUB CHEN BUDDHA SHR'I, RDO RJE 'CHANG KUN DGA' BZANG PO,, MUS CHEN 'KHOR LO SDOM PA, BDAG CHEN RDO RJE 'CHANG, RJE BTZUN RDO RING BA CHAN PA,, TSAR CHEN CHOS KYI RGYAL PO,, 'JAM DBYANGS MKHYEN BRTZE'I DBANG PHYUG, MKHAN CHEN BSLAB GSUM RGYAL MTSAN, KHYAB BDAG DBANG PHYUG RAB BRTAN, RDO RJE 'CHANG MGON PO BSOD NAMS MCHOG LDAN, KHYAB BDAG RIN CHEN BSOD NAMS MCHOG GRUB, CES SO SO'I MTSAN BCUG NAS GSOL BA GDAB, RTZA BA DANG BRGYUD PAR BCAS BA'I BLA MA DAM PA RNAMS LA GSOL BA 'DEBS SO,, BDAG GI BLO CHOS SU 'GRO BAR BYIN GYIS BRLAB TU GSOL, CHOS LAM DU LONGS BAR BYIN GYIS BRLAB TU GSOL, LAM 'KHRUL PA SEL BAR BYIN GYIS BRLAB TU GSOL, LAM GYI BAR CHAD ZHI BAR X, CHOS MIN GYI BSAM PA SKAD CIG KYANG MI SKYE BAR BYIN GYIS X, BYAMS DANG SNYING RJE 'BYONGS PAR BYIN X, CI SNANG SEMS SU RTOGS PAR BYIN X, SEMS SNANG SGYU MAR RTOGS PAR X, GNAS LUGS BRJOD BRAL RTOGS PAR X, MDOR NA MKHA' MNYAM SEMS CAN KUN GYI DON DU ZUNG 'JUG RDO RJE 'CHANG GI GO 'PHANG THOB PAR BYIN GYIS BRLAB TU GSOL, ZHES GSOL BA DRAG TU BTAB, 'JIG RTEN GYI KHAMS NA LHA DANG MI LA SOGS PA BDAG POS YONGS SU BZUNG PA DANG MA BZUNG BA'I MCHOD PA'I YO BYAD CI MCHIS PA BLA MA BRGYUD PA DANG BCAS PA RNAMS LA 'BUL LO BZHES SU GSOL, BDAG NYID KYIS BDAG TU BZUNG BA'I BDOG PA'I DNGOS PO CI MCHIS PA THAMS CAD
, ,KYANG BLTOS BA MED PAR 'BUL LO,, DGRA GNYEN BAR MA'I 'GRO PA 'DI DAG KYANG BKA'I BRAN DANG 'BANGS KYI PHYIR DU 'BUL, ZHES BRJOD, MDUN DU THOD PA'I SGYED BU GSUM GYI STENG DU, LAG PA G-YAS PAR YE SHES KYI RAL GRI ZHIG BYUNG BAS RANG GI THOD PA BCAD PA PHYI DKAR LA NANG DMAR BAD DPRAL BA RANG LA BSTAN NAS SGYED BU'I STENG DU BKAL BAR BSAM, DE NAS RKANG PA G-YAS G-YON, LAG G-YON RO SMAD RO STOD RNAMS RIM GYIS GTUBS NAS LING LING BSKYUR PA'I MTHAR, LAG PA G-YAS PA RAL GRI DANG BCAS PA BRGYANGS TE 'PHANGS PAS THOD PA GANG BAR BSAM, RANG RLUNG SEMS TZAM LAS GRUB PA'I KYE RDO RJE ZHAL BRGYAD PHYAG BCU DRUG PA YUM BCAS KYI SKUR BSGOMS NAS, AOm A'A: H'Um HA: HO HR'I: SA RDZAS DE DAG BDUD RTZI KHA DOG DKAR LA DMAR BA'I MDANGS CHAGS PA, DRI RO REG BYA PHUN SUM TSOGS PA, 'KHOR 'DAS KYI MGRON THAMS CAD CHIM PAR BYED PA'I NUS MTHU DANG LDAN PAR BSAM, DUS GSUM SANGS RGYAS THAMS CAD KYI NGO BO RTZA BA DANG BRGYUD PAR BCAS PA'I BLA MA RNAMS KYIS, BDAG GIS MNGON PAR BSHAMS PA'I MCHOD PA RGYA CHEN PO 'DI BZHES SU GSOL, ZHES LAN GSUM GYIS GSOL BA GDAB, RANG GI SNYING GA NAS MCHOD PA'I LHA MO RIN PO CHE'I RGYAN GYIS SPRAS PA ZHIG SPROS NAS, THOD PAS BDUD RTZI BCUS TE, DRIN CAN RTZA PA'I BLA MA RIN PO CHE'I ZHAL DU AOm A'A: H'Um ZHES PHUL BAS ZAG MED KYI BDE BAS CHIM ZHING DGYES, BDAG LA BDE CHEN LHAN CIG SKYES PA'I YE SHES DA LTA NYID DU STZOL BAR BSAM, MCHOD LHA RNAMS SNYING GAR BSDU BA 'OG TSOR 'GRE, YANG LHA MO DPAG TU MED PA SBROS, BRGYUD PA'I BLA MA RNAMS KYI ZHAL DU AOm A'A: H'Um, ZHES PHUL BAS ZAG
MED KYI BDE BAS CHIM ZHING DGYES, SKU GSUNG THUGS YON TAN 'PHRIN LAS KYI DNGOS GRUB DA LTA NYID DU STZOL BAR BSAM, YANG SPROS, RGYUD SDE BZHI'I LHA TSOGS BYANG SEMS DANG BCAS PA'I ZHAL DU AOm A'A: H'Um ZHES PHUL BAS ZAG MED KYI BDE BAS TSIM ZHING DGYES, MCHOG THUN MONG GI DNGOS GRUB DA LTA NYID DU STZOL BAR BSAM, YANG SPROS, SANGS RGYAS SPRUL PA'I SKU NYAN RANG 'KHOR DANG BCAS PA'I PHYAG TU PHUL BAS RDZAS DE DAG SO SO LA MKHO BA'I YO BYAD CHOS GOS LHUNG BZED, 'KHAR GSIL, PO TI SOGS SU GYUR PAR LONGS SPYAD PAS MNYES, 'JIG RTEN DANG 'JIG RTEN LAS 'DAS PA'I DNGOS GRUB DA LTA NYID DU STZOL BAR BSAM, YANG SPROS, MKHA' 'GRO CHOS SKYONG SRUNG MA LA SOGS PA LAS BZHI SGRUB MJAD KYI LHA TSOGS RNAMS KYI ZHAL DU AOm A'A: H'Um, ZHES PHUL BAS ZAG MED KYI BDE BAM TSIM ZHING DKYES, 'PHRIN LAS RNAM BZHI THOGS MED DU SGRUB PAR BSAM, YANG SBROS, RIGS DRUG GIS BSDUS PA'I SEMS CAN RNAMS LA PHUL BAS, DE DAG GI LUS LA REG PA DANG LCE THOG TU MYANG BA TZAM GYIS SDUG BSNGAL RGYU DANG BCAS PA DAG, STONG PA NYID DANG SNYING RJE GNYIS SU MED PA'I RTOGS PA KHYAD BAR CAN RGYUD LA SKYES, LUS HE RU KA PHYAG BCU DRUG PA'I RNAM PAR GYUR NAS DAG PA'I ZHING DU GSHEGS, LHA MO RNAMS SNYING GAR THIM PAR BSAM, DUS GSUM SANGS RGYAS THAMS CAD KYI NGO BOR GYUR PA DPAL LDAN BLA MA DAM PAS BDAG LA DBANG DANG DNGOS GRUB ZAB MO STZAL DU GSOL, ZHES GSOL BA LAN GSUM BTAB PAS, BLA MA'I DPRAL PA'I AOm LAS SANGS RGYAS THAMS CAD KYI SKU RDO RJE'I RANG BZHIN AOm YIG 'OD ZER DKAR PO'I TSOGS DANG BCAS PA BYUNG, RANG GI DPRAL
, ,BAR THIM PAS LUS THAMS CAD GANG BAS LUS KYI DRI MA THAMS CAD DAG BUM PA'I DBANG THOB, SKU'I DNGOS GRUB STZAL, MGRIN PA'I A'A: DANG YAB YUM GYI SBYOR MTSAMS NAS GSUNG RDO RJE'I BDAG NYID BYANG SEMS BDE BA CHEN PO'I RANG BZHIN A'A: YIG 'OD ZER DMAR PO'I TSOGS DANG BCAS PA BYUNG, RANG GI MGRIN BAR THIM, LUS THAMS CAD GDABS NGAG GI DRI MA DAG GSANG BA'I DBANG THOB, GSUNG GI DNGOS GRUB STZAL, THUGS KA'I H'Um LAS SANGS RGYAS THAMS CAD KYI THUGS RDO RJE'I RANG BZHIN H'Um YIG 'OD ZER SNGON PO'I TSOGS DANG BCAS PA BYON, SNYING GAR THIM, LUS THAMS CAD GANG BAS YID KYI DRI MA DAG SHES RAB YE SHES KYI DBANG THOB, THUGS KYI DNGOS GRUB STZAL SLAR YANG YI GE GSUM LAS 'OD ZER DKAR DMAR MTHING GSUM 'JA' 'OD KYI RNAM PA CAN 'PHROS, RANG GI GNAS GSUM DU THIM LUS THAMS CAD GANG BAS SGO GSUM GYI DRI MA BAG CHAGS DANG BCAS PA THAMS CAD DAG DBANG BZHI PA THOB, SKU GSUNG THUGS YON TAN 'PHRIN LAS DANG BCAS PA'I DNGOS GRUB MA LUS PA STZAL BAR BSAM, DE NAS CHOS SKYONG SOGS PHYI MA RNAMS NANG MA NANG MAL RIM GYIS THIM, BRGYUD PA'I BLA MA RNAMS RIM GYIS RTZA BA'I BLA MA LA THIM BAS, DE NYID GDAN GSUM CHANG BA'I LHA'I RANG BZHIN BYIN RLABS KUN 'DUS KYI YAB YUM SNYOMS PAR ZHUGS, BYANG SAMS BDE BA CHEN PO'I RNAM PAR ZHUGS TE, RANG GI SPYI BO NAS THIM PAS, BLA MA'I SKU GSUNG THUGS YON TAN 'PHRIN LAS DANG BCAS PA DANG, RANG GI LUS NGAG YID GSUM BYA BYED DANG BCAS PA DBYER MED DU 'DRES, BDE CHEN LHAN CIG SKYES PA'I YE SHES KYI NGO
BOR GNAS GYAR CING, BYIN GYIS BRLABS BAR BSAM, DE YANG, MCHOD YUL, MCHOD MKHAN, MCHOD RDZAS THAMS CAD SEMS LAS MA 'DAS SHING GNYIS SNANG GI BAG CHAGS KYI SHES PA BSLAD PA'I DBANG GIS SNA TSOGS SU SNANG YANG SEMS LAS LOGS SU GRUB PA CUNG ZAD TZAM YANG MED LA, SEMS GSAL RIG TZAM DU NGOS ZIN PA GSAL PA SEMS KYI MTSAN NYID; DE LA BRTAGS PA SKYE 'GAG GNAS GSUM BRAL PA, STANG PA SEMS KYI RANG BZHIN, GSAL TZAM NA STONG, STONG TZAM NA GSAL BA, GSAL STONG ZUNG 'JUG SPRAS BRAL GYI NGANG LA MNYAM PAR BZHAG, MJUG TU SKYE BA KUN TU YANG DAG BLA MA DANG ZHES SOGS BSNGO BA SMON LAM GYIS RGYAS GDAB, 'DI NI NYAMS LEN SNYING PO BSDUS PA YIN GYI, SGOM DON GYI DMIGS RIM ZHIB CHA MTHA' DAG BDAG CHEN RDO RJE 'CHANG BLO GROS RGYAL MTSAN GYI GSUNG RAB LAS SHES PAR BYA ZHING TSIG SBYOR RGYAS PA SGRO NA'ANG DE NYID LAS LEN NO,, GSANG CHEN RGYUD SDE'I NYING KHU GCIG BSGRIL NAS, ,LAM ZAB GDAN GSUM TSANG BA BLA MA'I KHRID, ,NYAMS SU BSTAR BAS TSE 'DIR ZUNG 'JUG SKU, ,RNYES BYED DPAL LDAN CHOS SKYONG THUGS KYI BCUD, ,BSHUL 'DIR 'PHAGS YUL GRUB DBANG MANG GSHEGS KYANG, ,LJONGS 'DIR BRTZE CHEN SNYING PO KHO NA YI, ,GSER CHOS MKHA' 'GRO'I BYIN RLABS ME TOG THONG, ,MA SNYIGS 'CHING BA'I RJES 'BRANGS PHA MTHA' YAS, ,THUN MONG GDAMS PAR DBANG PHYUG RAL PA'I RTZER, ,ZHABS SEN ZLA TSES BLO GROS RGYAL MTSAN ZHES, ,SLOB BSHAD CHOS KYI NYI MA 'OD PO CHES, ,SKAL BZANG SNYING GI 'DAB STONG CI YANG BZHAD ,'KHYOGS BRJOD SRIN POS
, ,BSLANG PAR MA NUS PAS, ,LEGS BSHAD S'I TAR RTAG TU BRTZE BA'I LHA, ,ZAB GSANG GNAD MANGS SGRIB GNYIS LANGKA'I MGRIN, ,GCOD PA'I 'PHONG RKYEN DGA' BYED DENG 'DIR 'GRUB, ,DGE BAS SKYE BAR TSAD MA BZHI LDAN CHOS,, STON BA'I BSHES GNYEN MCHOG GIS RJES BZUNG STE, ,RANG SEMS DAG PA'I KHYAB BDAG KYE RDO RJE, ,RING MIN MNGON GYUR DON GNYIS LHUN GRUB SHOG ,CES DPAL LDAN SA SKYA'I GSER CHOS LAM ZAB PHYI MA'I DMIGS REM GNAD BSGRIL 'JUG BDE ZHES PA 'DI NI MCHOD DPON NGAG DBANG SHES RAB DANG DGE SLONG 'JAM DBYANGS GRAGS PA GNYIS KYI NYAMS LEN DU DGOS TSUL BYUNG BA LTAR, KHYAB BDAG RDO RJE SEMS DPA'I NGO BOR BZHUGS BA MGON PO BSOD NAMS MCHOG LDAN BSTAN PA'I RGYAL MTSAN DPAL BZANG PO YONGS 'DZIN CHOS BZHIN DU SPYOD BA DU MA'I BKA' DRIN LAS, SLOB BSHAD 'DZIN PA ZA HOR GYI BANDES YONGS 'DZIN ZHES PA CHU BYI HOR ZLA DRUG BA'I YAR NGO'I BZANG PO GNYIS PA'I TSES LA BKOD PA'I YI GE BA NI SDOM BRTZON 'JAM DBYANGS GRAGS BA RANG GIS BGYIS BA SIDDHI RASTU,, SARBA MANGGA LAm,,
[BLANK PAGE]