(*, ,LAM ZAB NANG MA'I BLA MA'I RNAL 'BYOR MTHO RIS DBANG GI CHU MO ZHES BYA BA BZHUGS SO,,)
, ,BDAG MED MKHA' 'GRO'I ZHAL GYI TSA DROD RLANGS, ,DPAL LDAN CHOS SKYONG GDAMS PA NYID KHU'I BCUD, ,SA SKYA'I BLA CHEN THUGS KYI BUM BZANG DU, ,LEGS 'KHYIL LAM ZAB NANG MA'I RGYUN KHYER SPEL, ,DE'ANG BSTAN PA'I MNGA' BDAG RJE BTZUN SA SKYA PAR LCAGS RI MI 'DA' BA'I GSER CHOS BZHI DANG BCU GSUM SOGS MANG DU BZHUGS PA'I GSER CHOS BZHI'I NANG TSAN LAM ZAB MO BLA MA' RNAL 'BYOR LUS DKYIL DANG 'BREL BA NYAMS SU BSTAR BAR, BDE BA'I STAN LA LUS RNAM SNANG GI CHOS BDUN DANG LDAN PAS TSIG DMIGS PA BSTUN NAS, BDAG GIS NAM MKHA'I MTHA' DANG MNYAM PA'I SEMS CAN THAMS CAD KYI DON DU ZUNG 'JUG BCOM LDAN 'DAS DPAL HE RU KA'I GO 'PHANG 'THOB PAR BYA, ('DI GA SGER DU NYAMS SU LAN NA SKYABS 'GRO DMIGS PA DANG BCAS PA LAM DUS DANG 'DRA ZHING, SLOB BSHAD PA RNAMS KYI PHYAG BZHES SU LAM DUS DANG SBREL NAS MDZAD PAS TROR SEMS SOR MTSAMS 'DI GA'I SGOS KYI SAMS BSKYED NAS 'GO BRTZAMS PA YIN,) DE'I PHYIR DU LAM ZAB NANG MA'I BLA MA'I RNAL 'BYOR BSGOM PA'I RIM PA LA 'JUG PAR BGYI'O,, ZHES LAN GSUM GYIS SEMS BSKYED, RANG SKAD CIG GIS
, ,KYE RDO RJER GSAL BA'I THUGS KA NAS 'OD 'PHROS PAS DPAL HA RU KA DANG BLA MA THA MI DAD PA MDUN GYI NAM MKHAR BADZRA SA M'A DZA: SA RDO RJE BSDU BA'I PHYAG RGYA DANG BCAS SPYAN DRANGS, NA MO GU RU BHYA: NA MA: SHR'I HE RU KE BHYA: SA PHYAG BYA, PHYI MCHOD NI, (GDAN GSUM TSANG BA, RTZA BRGYUD GYI BLA MA KUN 'DUS,) 'JIG RTEN GYI KHAMS NA LHA DANG MA LA SOGS PA BDAG POS YONGS SU BZUNG BA DANG MA BZUNG BA'I MCHOD PA'I YO BYAD CI MCHIS PA DANG BAR MA'I SEMS CAN THAMS CAD RTZA PA'I BLA MA BRGYUD PA DANG BCAS PA RNAMS LA 'BUL LA BDAG GTI ('JIG RTEN GYI KHAMS NA MCHOD RDZAS SU 'OS PA YOD DO COG PHUNG POR SPUNGS SHING 'KHOR PAR SKYE PA'I GZHI RGYU NYON MONGS DUG GSUM YIN PAS GTI MUG SKYE BA'I YUL BTANG SNYOMS PA'I 'GRA BA THAMS CAD YOD PAR MOS,) MUG DANG BRAL BAR BYIN GYIS BRLAB TU GSOL LAN GSUM BRJOD, BDAG LA SDANG BAR BYAD PA'I DGRA BGEGS GDAN THAMS CAD RTZA BA'I BLA MA BRGYUD BA DANG BCAS PA RNAMS LA 'BUL LO,, (SNGON LAS 'PHRAL RKYEN DBANG GIS DNGOS DANG BRGYUD PA'I SGO NAS GNOD PA BYAS PA LA BRTEN ZHE SDANG SKYE PA'I YUL THAMS CAD BSAM,) BDAG ZHE SDANG DANG BRAL BAR BYIN GYIS BRLAB TU GSAL GSUM,
BDAG GI LHA DANG GNYEN GROGS 'KHOR 'BANGS THAMS CAD RTZA BA'I BLA MA BRGYUD PA DANG BCAS PA RNAMS LA 'BUL LO,, BDAG 'DOD CHAGS DANG BRAL BAR BYIN GYIS BRLAB TU GSOL GSUM, BDAG GI LONGS SPYOD KYI DNGOS PO THAMS CAD RTZA BA'I BLA MA (DNGOS BRGYUD DU MA'I SGO NAS PHAN BTAGS PA DANG LAS KYI DBANG GIS YID DU 'ONG PA 'DOD CHAGS SKYE BA'I YUL KYI SAMS CAN THAMS CAD BSAM,) BRGYUD PA DANG BCAS PA RNAMS LA 'BUL LA,, (SNGAR RANG DANG RGYUD THA DAD PA'I GANG ZAG GI DNGOS PO RNAMS PHU LE ZIN KHYAD RANG NYID DBANG BA'I BDOG PA MCHOD RDZAS SU 'OS BA MTHA' NGAG SER SNA MED PAR MDUN DU SPUNGS PAR BSAM,) BDAG SER SNA DANG BRAL BAR BYIN GYIS BRLAB TU GSOL GSUM, NANG GI MCHOD PA NI, MDUN DU THOD PA'I SKYED BU GSUM GYI STENG DU LAG PA G-YAS PA'I RAL GRIS RANG GI THOD PA BCAD, (SMIN MTSAMS KYI THAD DU REG TZAM GYIS,) DE SGYED BU'I STENG DU DPRAL BA RANG LA BSTAN NAS BKAL BA'I NANG ('KHAR BA'I RTZA BA MA RIG PA'I DBANG GIS BDAG TU 'DZIN PAS, BLOS 'KHYUD TSAD PA SKAD CIG GIS GRUB PAR MAS, YE SHES KYI GI RNO NGAR CAN LAM GYI BYUNG BAR MAS, BYI DKAR LAN DANG MAR BA YANGS SHING RGYA CHE BA,) DU RAL GRIS RKANG BA G-YAS G-YAN LAG PA G-YON PA, MGO BO'I LHAG MA RO SMAD RO STOD SOGS LUS KYI CHA SHAS RNAMS BCAD NAS BSKYUR BA'I STENG DU LAG PA G-YAS RAL GRI DANG BCAS PA'ANG 'PHANGS, RANG RLUNG SEMS CAM LAS GRUB PA'I KYE RDOR ZHAL BRGYAD PHYAG (RKANG MGO RKANG PAR NGAR [?] RIM BAL ZHIN DU BCAD DE BSKYUR BA LAG BA LA'ANG 'GRE, SA SANG NANG BYA [?] DANG BCAS PA, DUM BUR BTANG NAS LING LING BSKYUR BAR MES,) BCU DRUG (ZHABS DANG GDAN SOGS MNGON RTOGS JI LTA BA,) ,YUM BCAS SU GYUR BAR BSAM, PHYAG BRGYA DANG BCAS
, ,TA AOm A'A: H'Um HA HO HR'I: LAN GSUM GYIS BYIN GYIS BRLAB, GDAN GSUM TSANG BA'I BDAG NYID RTZA BA DANG BRGYUD PAR BCAS PA'I BLA MA DAM PA RNAMS KYI ZHAL DU AOm A'A: H'Um, GSANG BA'I MCHOD PA NI, RANG GI SNYING GA [?] (SGYAS PAR SPRO NA NANG MCHOD LTAR BYIN GYIS BRLABS, SNYING GNAS SPROS PA'I MCHOD PA'I LHA MO RIN PO CHE'I RGYAN CAN ZHIG GIS THOD PA'I NANG GI RJES BDUD RTZI KHA DOG DKAR LA DMAR BA'I MDANGS CHAGS PA DRI RO REG BYA PHUN SUM TSOGS PA KA P'A LA ZHIG GIS BCUS NAS PHUL BAS THUGS RGYUD BDE BAS TSIM BDAG LA BDE CHEN YE SHES LHAN SKYES YE SHES SNOL BAR BSAM MCHOD LHA RNAMS SNYING GAR BSDU ZHING THOD BA GDAN BCAS 'JA' LTAR YAL BAR BSGOM,) NAS RIG MA YID DU 'ONG BA ZHIG SPROS TE YUM LA THIM PAS HE RU KA YAB YUM SNYOM 'JUG GI BDE BAS MNYES SHING TSIM PAR BSAM, DE KHO NA NYID KYI MCHOD PA NI, MCHOD YUL MCHOD MKHAN MCHOD CHUL THAMS CAD GANG DU'ANG MA GRUB PA 'DZIN MED DU BSAM, (PADMA CAN DANG DUNG CAN MA SAGS MTSAN LDAN GYI RIG MA SNYAN PA'I GLU LEN CING BDE BA'I GAR BYED PA DU MA GCIG LA GCIG THIM PA MTHAR RDO RJE BDAG MED MA LA BSTIM, THAMS CAD SEMS KYI RNAM 'PHRUL SEMS KYANG SKYE 'GAG GNAS GSUM DANG BRAL BA GSAL STONG ZUNG 'JUG SPROS BRAL DU THAG GCAD,) DKAR MO RI DVAGS SOGS KYIS MCHOD, ,KHYOD NI RNAL 'BYAR MCHOGS SAGS KYIS BSTAD, DUS GSUM SANGS RGYAS THAMS CAD KYI NGO BOR GYUR BA BLA MA DANG DPAL HE RU KA DBYER MA MCHIS PA LA GSOL BA 'DEBS SO,, BDAG GI RGYUD BYIN GYIS BRLAB TU GSOL, (,SLAR YANG SNYING GNAS SPROS PA'I LHA MA RNAMS KYIS CHAG DANG BSTUN NAS MCHOD CING BSTOD NAS MCHOD LHA RNAMS SNYING GAR BSDU, GZHIR GNAS RTEN DKYIL 'KHOR BZHI LA DBANG BZHI BSKUR NAS 'BRAS BU SKU BZHI'I RTEN 'BREL PHYIN CI MI LOG PHAR BSGRIGS NAS BDAG
RGYUD LA YON TAN SKYID BAR MDZAD PA YIN SNYAM PA'I BCOS SMIN GYI MOS GUS DRAG PO BYED,) ZHES LAN NYER GCIG BDUN GSUM SOGS SKABS SBYAR GYIS GSOL BA DRAG TU BTAB PAS BLA MA HE RU KA DA NYID 'OD DU ZHU, RANG GI SMIN MTSAMS NAS THIM PA'I SKYEN GYIS SKAD CIG GIS RANG GI LUS RTEN DANG BRTEN BOR BCAS PA'I DKYIL 'KHOR YONGS SU RDZOGS PAR BYUNG BA NI SPYI BOR SNA TSOGS RDO RJE ZHES PA NAS BZUNG STE SNYING PO YE SHES RLUNG NGO BO NYID KYI SKU ZHES PA'I BAR SEMS PA CHEN POS MDZAD PA'I LAM DUS KYI LUS DKYIL SOR BZHAG LA, DE NAS RTE LUS RANG BZHIN DU GRUB PA'I DKYIL 'KHOR DU GYUR CES PA BTAGS NAS BRJOD CING BSGOM, DA LTAR PHYA RANG LUS DPAL GYI RDO RJE ZHAL BRGYAD PHYAG BCU DRUG PA NANG ZAB MO LUS KYI DKYIL 'KHOR DANG BCAS PA MNGON SUM LTA BUR GSAL BA'I SPYI BOR RTZA BA'I BLA MA RDO RJE 'CHANG RIN CHEN BSOD NAMS MCHOG GRUB, DE NAS ROM PA BZHIN DU 'JAM MGON NGAG DBANG BSOD NAMS DBANG PHYUG KHRI CHEN NGAG DBANG KUN DGA' BSOD NAMS, PAn CHEN NGAG DBANG CHOS GRAGS, KUN MKHYEN KLU SGRUB RGYA MTSO, RDO RJE 'CHANG TSAR BA CHOS RJE, RJE BTZUN KUN SPANGS CHEN PO,, BDAG CHEN RDO RJE 'CHANG, MUS CHEN 'KHOR LO SDOM PA, KHYAB BDAG KUN DGA' BZANG PO,, GRUB CHEN BUDDHA SHR'I, CHOS RJE DPAL LDAN TSUL KHRIMS, THAMS CAD MKHYEN PA BSOD NAMS RGYAL MTSAN, RGYAL BA BRAG PHUG PA, NYAN CHEN BSOD NAMS BRTAN PA, TSOGS BSGOM KUN DGA' DPAL, 'JAM DBYANGS SA SKYA PAn CHEN, RJE BTZUN RIN PO CHE, SLOB DPON RIN PO CHE, DPAL BRTZE BA RIN PO CHE, RNAL 'BYOR
, ,DBANG PHYUG BIRWA PA, DE'I DBU GTZUG TU SANGS RGYAS RDO RJE 'CHANG STE BRGYUD PA'I BLA MA THAMS CAD KYI RDO RJE YUM BCAS LUS DKYIL DANG BCAS PA'I RNAM PAR BSAM, RTZA BA DANG BRGYUD PAR BCAS PA'I DPAL LDAN BLA MA DAM PA RNAMS LA GSOL BA 'DEBS SO,, BDAG GI RGYUD BYIN GYIS BRLAB TU GSAL, (ZHAL BRGYAD PHYAG BCU DRUG PA SO SO'I SKU LA LUS DKYIL GYI RTEN BRTEN PA THAMS CAD GSAL BA MTHO BRTZEGS KYI TSUL DU REG LA MA 'BYAR BA'I TSUL DU BZHUGS PAR GSAL 'DEBS,) ZHES LAN BDUN NAM GSUM LA SOGS PA JI LTA RIGS PAS GSOL BA BTAB PAS BLA MA SO SO'I THUB SA KA NAS 'OD ZER 'PHROS, SKYABS YUL THAMS CAD KYI BYIN BRLABS BSDUS RTZA BRGYUD KYI BLA MA RNAMS LA THIM PAR BSAM, DE NAS RDO RJE 'CHANG KYE RDO RJE YUM BDAG MED MA DANG BCAS PA 'OD DU ZHU NAS BIRWA PA'I DBU GTZUG TU THIM, (BLA MA YI DAM SANGS RGYAS BYANG SEMS NYAN RANG DPA' BO MKHA' 'GRO CHOS SKYONG SRUNG MA DANG BCAS PA'I BYIN RLABS 'OD ZER 'JA' TSON LTA BU'I RNAM PAR BKUG PA BLA MA SO SOR CHA TSANG BA RE THIM PAR MOS,) DE BZHIN DU RTZA BA'I BLA MA'I BAR GONG MA GONG MA ('OG MA) 'OG MA LA THIM PAR BSAM, DUS GSUM SANGS RGYAS THAMS CAD KYI NGO BOR GYUR PA DPAL LDAN BLA MA DAM PAS BDAG LA DBANG DANG DNGOS GRUB ZAB MO STZAL DU GSOL ZHES GSOL BA BTAB PAS RTZA BA'I BLA MA YAB YUM SNYOMS PAR ZHUGS PA LAS BYUNG BA'I BYANG CHUB KYI SEMS RANG GI SPYI BO NAS BABS PA BDE CHEN 'KHOR LO'I LHA TSOGS RNAMS LA (BLA MA'I SKU'I BYIN RLABS RANG GI LUS LA BZHUGS,) THIM PAS GSAL (RNAM SNANG DANG BDAG MA'I LHA MO SO GNYIS NAN TAN DU GSAL 'DEBS, DES MTSON RTZA 'KHOR 'OG MA'I SKABS RNAMS KYANG RIGS 'GRE,) BAR BYAS PA BUM DBANG, (BUM DBANG GI BUM DBANG)
RLUNG RO DGU BRUG MU SU PHUD, BUM PA CAN 'DZIN PAS GSANG DBANG SMIN MTSAMS YAN CHAD BYANG SEMS KYIS GANG BA SHER DBANG, SPYI BO'I GNAS SU BDE DROD 'BAR BAS YUL SNANG STONG GI TING 'DZIN RTZAL MOS GUS SU SHAR BA DGA' BA'I YE SHES DBANG BZHI (G-YON G-YAS DBUS NAS BLDABS KYIN GYED, BUM DBANG GI GSANG DBANG, 'DIR MA ZAD RTZO 'KHOR 'OG MA RNAMS KYI SKABS SU'ANG BYANG SEMS DKAR LA DMAR BA'I MDANGS CHAGS PA BSGOM, BUM DBANG GI SHER DBANG,) PA'I LAM MNGON DU BYAS PAS LUS KYI SGRIB PA DAG (SPRUL SKU,) BUM DBANG THOB LUS RTZA GNAS GYUR 'BRAS BU SPRUL SKU THOB PAR BSAM, BLA MA YAB YUM GYI SBYOR MTSAMS NAS BYUNG PA'I BYANG SEMS LANGS SPYOD 'KHOR LO'I LHA TSOGS RNAMS LA THIM (BUM DBANG GI TSIG DBANG,) BAS GSAL BAR BYAS PA BUM DBANG, BUM PA CAN 'DZIN PA GSANG DE MANG, (RLUNG MTHU BANG DAL BUS GTOR BA 'OS TSOR YANG 'DRA, SPYI BO NAS RIM BZHIN RGYUD PA 'OG TSOR 'DRA,) MGRIN PA YAN CHAD BYANG SEMS KYIS GANG BA SHAR DBANG, MGRIN PAR BDE DROD 'BAR BAS SHES PA GSAL STONG GI TING NGE (GSANG DBANG GI BUM DBANG,) 'DZIN GDANGS (GSANG DBANG GI GSANG DBANG,) 'GAG MED DU SHAR BA MCHOG DGA'I YE SHES DBANG BZHI PA'I LAM MNGON DU BYAS PAS NGAG GI SGRIB PA DAG, (GSANG DBANG GI SHER DBANG,) GSANG BA'I DBANG THOB, NGAG YI GE GNAS GYUR, (LONGS SKU,) 'BRAS BU LONGS SKU THOB PAR BSAM, (GSANG DGA' GI TSIG DBANG,) BLA MA YAB YUM GYI SBYOR MTSAMS NAS BYUNG BA'I BYANG SEMS CHOS KYI 'KHOR LO'I LHA TSOGS RNAMS LA THIM PAS GSAL BAR BYAS BA BUM DBANG, (SHER DBANG [?] GI SUS DBANG,) BUM BA CAN 'DZIN PA GSANG BANG, (SHER DBANG GI GSANG DBANG,)
, ,SNYING GA YAN CHAD BYANG SEMS KYIS GANG BA SHER DBANG, SNYING GAR BDE DROD 'KHAR BAS LUS BDE STONG GI TING NGE 'DZIN GSHIS CIR YANG MA GRUB PA DGA' BRAL GYI DGA' BA'I YE SHES DBANG BZHI PA'I LAM MNGON DU BYAS PAS YID KYI SGRIB PA DAG SHES RAB YE SHES KYI DBANG THOB, (SHER DBANG GI SHER DBANG,) YID BDUD RTZI GNAS GYUR, 'BRAS BU CHOS SKU THOB PAR BSAM, BLA MA YAB YUM BDE BA CHEN PO'I RANG BZHIN BYANG CHUB KYI SEMS SU ZHU BA SPRUL PA'I 'KHOR LO DANG BAD SKONG GI 'KHOR LO DBANG PO DANG YAN LAG GA LHA RNAMS LA THIM PAS GSAL BAR BYAS PA BUM DBANG, BUM PA CHAN 'DZIN PA GSANG DBANG, LTE BA YAN CHAD BYANG SEMS KYI GANG BA SHER DBANG, LTE GSANG GNYIS SU BDE DROD 'BAR (MIG TU GTI BUG RDO RJE LA SOGS LAS GAGS BAR GSHIN RJE GSHED SOGS,) BAS BDE STONG MCHOG GI TING NGE 'DZIN BSGOM BYA, (TSIG DBANG GA'U RMA DBANG, TSIG DBANG GI GSANG DBANG,) SGOM BYED DANG BRAL BAS LHAN SKYES (TSIG DBANG GI SHER DBANG,) KYI YE SHES DBANG BZHI PA'I LAM MNGON DU GYIS BAS, SGO GSUM GYI SGRAB PA DAG DBANG BZHI PA THOB, (BDE STONG SIN TU RNAM DAG KYANG ZER,) LUS NGAG YID GSUM BYA BYED DANG BCAS BRLUNG GNAS 'GYUR, 'BRAS BU NGO BO NYID SKU THOB PAR BSAM, SPROS BRAL GYI DANG DU CI NUS SU MNYAM BCAS ZHAG, SKYE BA KUN TU YANG DAG BLA MA DANG, ,ZHES SOGS SPON LAM CI RIGS PA'I RGYAS GDAB PO,, GRUB DBANG 'KHOR LOS SGYUR BA BIR'U BAS, ,RDOR 'DZIN BYE BA'I GTZUG RGYAN BRTZE BA CHER, ,LEGS GDAMS BLA MED RGYUD SDE'I SNYING PO'I BCUD,
LAM ZAB NAD MA'I NYAMS LEN MTHAR THUG 'DI, ,MKHYEN RTOGS MA DROS MTSO CHEN 'KHYIL PA LAS, ,SNYAN BRGYUD CHAD MA'I CHU BO BZHI KHAB PA, ,RDO RJE 'CHANG DBANG BLO GROS RGYAL MTSAN DPAL, ,BRGYUD PAR BCAS PA'I BZHED SROL JI BZHIN BKOD,, DGE 'DIS SLOB BSHAD CHOS GYI NYI MA YIS, ,BLO GSAL RNAM DPYOD 'DAB STONG YONGS BZHAD PA'I, ,LEGS BSHAD BCUD KYIS SKAL BZANG BUNG BA RNAMS, ,CI DKAR MYOS PA'I SNYAN BRGYUD GLUR LEN SHOG ,CES LAM ZAB MTHO RIS DBANG GI CHU PO 'DI YANG RIGS DANG DKYIL 'KHOR RGYA MTSO'I KHYAB BDAG ZHA LU MKHAN CHEN TSE DBANG LHUN GRUB RAB BRTAN BSTAN BA'I RGYAL MTSAN DPAL BZANG PO'I ZHAL SNGA NAS, LAM ZAB NANG MA'I BLA MA'I RNAL 'BYOR 'KHYER BDE BA ZHIG BRIS SHIG CES BKAS BSKUL BA DANG DU BLANGS TE, DPAL LDAN BLA MA KHYAB BDAG RDO RJE SEMS DPA' MGON PO BSOD NAMS MCHOG LDAN BSTAN BA'I RGYAL MTSAN DPAL BZANG PO GRUB MTHA' SNYOGS TE MKHA' SPYOD DU GSHEGS BA'I DUS DRAN GYI TSES LA GSANG CHEN SLOB BSHAD 'DZIN PA ZA HOR GYI BANDE SA MKHAS GRUB DU MA'I YI GE DANG PHYAG LEN GSUNG SGROS LA BRTEN NAS SBYAR PA'I YI GE PA NI RIG BYED PA NGAG DBANG NAM MKHA' 'O,, SARBA MANGGA LAm,, ,,