!, ,LO KA TZA KshU PAntI TA SYA MU KH'A GA MA SHR'I TZA KRA SA MBH'A RA GHAndA KA SYA NE MA BA HI MAndAL PANYTZA NGA BA TA S'A DHA NO N'A MA BI HA RA TI SMA,, !, ,DPAL 'KHOR LO SDOM PA DRAL BU LUGS KYI PHYI DKYIL LHA LNGA'I SGRUB THABS LA PAn ZHAL LUNG ZHES BYA BA BZHUGS,,
, ,NA MA KPA RA MA GU RU SHTZA TZA KRAS WA R'A YA, DUS GSUM RGYAL BA THAMS CAD KYI MKHYEN BRTZE NUS PA'I DBANG PHYUG RIGS DANG DKYIL 'KHOR KUN GYI KHYAB BDAG ZHA LU PA CHEN PO RIN CAN BSOD NAMS MCHOG GRUB BSTAN PA'I RGYAL MTSAN DPAL BZANG PO'I ZHABS LA GUS PAS PHYAG 'TSAL ZHING SKYABS SU MCHI'O,, ZUNG 'JUG RDO RJE 'DZIN PA MA THOB KYI BAR DU RJES SU GZUNG DU GSOL, GAR GU'I NYAMS LDAN AINDRA N'I LA'I RI, ,MDZES SDUG 'TSAMS SBRIN MDANGS KYIS NYER 'KHYUD PA, ,AE WAm ZUNG 'JUG BLA MA HE RU KA:, ,MNYAM SBYOR RDO RJE BTZUN MOS DENG 'DIR SKYONGS, ,AOO dI BI SHA'I NAGS SU 'JA' LUS SKU, ,BRNYES NAS MNGON SUM MKHA' SPYOD SAR GSHEGS PAS, ,GRUB PA'I 'KHOR LOS SGYUR BA DRIL BU PA, ,KHYOD ZHABS BYANG CHUB BAR DU BSNYEN LA SPRO, ,'JIG RTEN MIG GCIG MAL LO BZHENG PA'I GZHUNG, ,SHING RTA'I SROL 'BYED BLA CHEN SA SKYA PA, ,SGRA SGYUR MAR DO CHOS KYI DBANG PHYUG LUGS, ,'DZIN MKHAS GZE
, ,BA BLO LDAN SENG GE RGYAL, ,BKA' BABS DBANG CHU'I GANGG'A RNAM DPYOD LTOR, ,LEGS 'KHYIL KUN MKHYEN BU STON DZAHNU, ,ZAB LAM GNAD KYI MA DUD 'GROL BTZONG KHA PA, ,PHYOGS 'DIR MKHAS SHING GRUB RNAMS PHYAG GI YUL, ,RANG RGYUD THA RGOD SMIN BYED DROD GSHER CHUS, ,GREL NUS RTOG PA'I SA BON YONGS SBRUM NAS, ,ZUNG 'JUG SNYE MA STER MDZAD RDO RJE 'CHANG, ,RIN CEN BSOD NAMS MCHOG GRUB RIGS KYI BDAG ,MA RGYUD RNAL 'BYOR GSANG MTHA'I SNYING PO'I BCUD, ,DBANG DANG BYIN RLABS DMAR 'KHRID ZIL MNGAR GYIS, ,RANG BLO'I BUM BZANG 'GENG BA'I YONGS 'DZIN TSOGS, ,BSAMS KYIN LAM ZAB NYAMS LEN BSGOM LA BROD, ,SNGON RABS MKHAS MANG BZHED GZHUNG LA BRTEN NAS, ,MA DAG RNYOG DRI DPYAD GSUM KE TA KAS, ,NYER BGRUNGS KHRAG 'THUNG LHA LNGA SGRUB PA'I THABS, ,'KHRUL MED LO PAn ZHAL LUNG DENG 'DIR SPEL, ,DE LA 'DIR GRUB PA'I (DBANG PHYUG) RDO RJE DRIL BU PA'I
BZHED SROL DPAL 'KHOR LO SDOM BA'I ZAB DON DRIL BU BA PHYI DKYIL GYI SGRUB PA'I THABS KYI RIM PA NYAMS SU BLANG BA LA MNYAM PAR BZHAG PA DANG MA BZHAG PA'I RNAL 'BYOR GNYIS, DANG PO LA BSKYED RDZOGS GNYIS LAS, DANG PO LA SNGON 'GRO DANG DNGOS GZHI GNYIS KYI, DANG PO LA SKYABS SEMS, RDOR SEMS, DAG GSUM, PHUNG KHAMS SKYE MCHED BRLAB PA, TSOGS ZHING DANG LNGA'I, DANG PO NI, SROD THUN GYI MTHAR CHOS THAMS CAD BSAM GYIS MI KHYAB PA'I RNAL 'BYOR GYI DNGAL NYAL TE; THOR THUN LA RNAL 'BYOR MA'I GLUS BSKUL BA'I RKYEN GYIS HE RU KA'I NGA RGYAL GYIS LANGS NAS KHRUS KYI RNAL 'BYOR SPRO NA BYA, STAN BDE BA LA BSAM GTAN GYI SPYOD LAM DANG LDAN PAS SKYABS YUL RNAMS GSAL BTAB STE, BDAG DANG 'GRO BA NAM MKHA' DANG MNYAM PA'I SEMS CAN THAMS CAD DUS 'DI NAS BZUNG STE, JI SRID BYANG CHUB SNYING PO LA MCHIS KYI BAR DU DPAL LDAN BLA MA DAM PA RNAMS LA SKYABS SU MCHI'O,, RDZOGS PA'I SANGS RGYAS BCOM LDAN 'DAS RNAMS LA SKYABS SU MCHI'O,, DAM PA'I CHOS RNAMS LA SKYABS SU MCHI'O,, 'PHAGS PA'I DGE 'DUN RNAMS LA SKYABS SU MCHI'O,, ZHES LAN GSUM GYI MJUG TU, BLA MA DANG DKON COG RIN PO CHE RNAM PA GSUM LA PHYAG 'TSAL ZHING SKYABS SU MCHI'O,, KHYED RNAMS KYIS BDAG GI RGYUD BYIN GYIS BRLAB TU GSOL, SEMS CAN THAMS CAD KYI DON DU RDZOGS PA'I SANGS RGYAS KYI GO 'PHANG THOB PAR BYA, DE'I CHED DU DPAL 'KHOR LO SDOM PA'I LAM GYI RIM PA BSGOM PAR BGYI'O,, ZHES LAN GSUM BRJOD, GNYIS
, ,BA RDOR SEMS NI, RANG GI SPYI BOR PAm LAS PADMA DANG RAm LAS NYI MA'I DKYIL 'KHOR GI STENG DU H'Um DANG RDO RJE LAS DPAL HE RU KA: SKU MDOG SNGON PO ZHAL BZHI PHYAG BRGYAD PA G-YAS DMAR, G-YON DKAR, STENG ZHAL SER PO, RTZA BA'I PHYAG GNYIS KYIS RDO RJE DANG DRIL BU 'DZIN PAS YUM LA 'KHYUD BA, DE'I 'OG MA GNYIS KYIS GLANG LPAGS BRGYANGS PA, G-YAS 'OG MA GNYIS KYIS THOD PA DANG KHA tV'Am GA, G-YON 'OG MA GNYIS KYIS ZHAGS PA DANG TSANGS MGO 'DZIN PA ZHABS G-YAS BRKYANG G-YON BSKUM GYIS DUS MTSAN DANG 'JIGS BYED MNAN PA, RANG 'DRA'I YUM RTZA PHYAG GNYIS KYIS RDOR DRIL 'DZIN BAS YAB KYI MGUL NAS 'KHYUD CING DE 'OG GNYIS RDO RJE, PHYAG LHAG MA YAB DANG 'DRA BA, ZHABS GNYIS YAB KYI RKED LA 'KHRIL BA, MTSAN NYID THAMS CAD YONGS SU RDZOGS PA'I SKUR BSAM, DE'I DPRAL BAR AOm, MGRIN PAR A'A: THUGS KAR H'Um, MDZUB MO GNYIS MDUD, GUNG MO GNYIS RTZE SBRAD, MTHE BONG GNYIS KHYAD RTZE SBYAR TE SAR MO LHAG MA BRKYANG BA 'BAR BA'I PHYAG RGYA DPRAL BAR BZHAG NAS G-YON DU BSKOR, MIG GYEN DU BLTA BA DANG BCAS GDONG BSGYUR RKANG BA G-YAS PAS G-YON PA MNAN TE, PHEEm, THUGS KA'I H'Um LAS 'OD ZER 'PHROS, YE SHES BA DANG DBANG GI LHA RNAMS PAD KAR DANG BCAS THUGS KAR G-YAS STENG DU BSNAL BA MDZUB MO LCAGS GYU LTAR CUNG ZAD GUG PA'I RDO RJE BSDU BA'I PHYAG RGYAS AOm BADZRA SA M'A DZA: SA SBYAN DRANGS, AOm SARBA TA TH'A GA TA SA PA RI W'A RA AARGHAm NAS SHAPTA PRA T'ITZTSA A'A: H'Um
GI BAR GYIS MCHOD, DZA: H'Um BAm HO: SA BSTIM, AOm SARBA TA TH'A GA TA AA BHI shINYTZA TU MAm, ZHES GSOL BA BTAB BAS, AOm SARBA TA TH'A GA TA AA BHI shE KA TA SA MA YA SHI YE H'Um, ZHES DBANG BSKUR, SKU GANG, DRI MA DAG, CHU LHAG MA YAR LUD PA LAS YAB LA MI BSKYOD PA DANG YUM LA RNAM BAR SNANG MDZAD KYIS DBU BRGYAN PAR BSAM, BCOM LDAN 'DAS KYI THUGS KAR PADMA DANG NYI MA'I DKYIL 'KHOR GYI STENG DU H'Um SNGON PO'I MTHAR YI GE BRGYA PA'I SNGAGS KYI 'PHRENG BAS BSKOR BA DE LAS 'OD ZER 'PHROS PAS, DE BZHIN GSHEGS PA THAMS CAD KYI THUGS KYI SNYING BO YE SHES KYI BDUD RTZI SBYAN DRANGS H'Um LA THIM, BCOM LDAN 'DAS BDAG DANG SEMS CAN THAMS CAD KYIS 'KHOR BA THOG MA MED PA NAS BSAGS PA'I SDIG SGRIB NYES LTUNG DRI MA'I TSOGS THAMS CAD BYANG ZHING DAG PAR MDZAD DU GSOL, ZHES GSOL BA GTAB PAS, H'Um LAS BDUD RTZI BABS, HE RU KA'I SKU GANG, SKU'I DBYIBS BRGYUD, YUM GYI SKU GANG, YAB YUM GYI SBYOR MTSAMS NAS BDUD RTZI BABS, BDAG GI SPYI GTZUG NAS ZHUGS PAS NAS GDON SDIG SGRIB THAMS CAD DUD KHU'AM RNAG KHRAG GI RNAM PAR BSHAD GCI GNYIS DANG RKANG MTHIL GNYIS NAS THON NAS SHUL THAMS CAD BDUD RTZIS GANG BAR BSAM, HE RU KA'I YIG BRGYA CI NUS SU BZLA, BDAG NI MI SHES RMONGS PA STE, DAM TSIG LAS NI 'GAL ZHING NYAMS, ,BLA MA MGON PAS SKYABS MDZOD CIG ,GTZO BO RDO RJE 'DZIN BA STE, ,THUGS RJE CHEN PO'I BDAG NYID CAN, ,'GRO BA'I GTZO LA BDAG SKYABS MCHI, ,SKU GSUNG THUGS RTZA BA DANG YAN
, ,LAG GI DAM TSIG NYAMS PA THAMS CAD MTHOL LO,, BSHAGS PA, SDIG PA DANG SGRIB PA NYES PA DANG LTUNG BA DRI MA'I TSOGS THAMS CAD BYANG ZHING DAG PAR MDZAD DU GSOL, ZHES GSOL BA BTAB PAS, BCOM LDAN 'DAS DPAL HE RU KA: YAB YUM 'OD DU ZHU NAS SPYI BO NAS RANG LA THIM PAS RANG GI LUS SHEL GONG LTA BUR BSAM MO,, GSUM PA DAG PA GSUM GYI RNAL 'BYOR NI, SHR'I HE RU KA: HE NI KUN GYI 'BYUNG GNAS SU GYUR PA'I SEMS TE, RGYU'I BDAG NYID DU BRTAG PAR BYA BAS STONG PA'I CHOS KYI BDAG MED PA DANG, RU NI GANG ZAG GI BDAG TU 'DZIN PA'I RNAM RTOG GI DRA BAS BKOD PA'I BDAG DANG BRAL BA'I GANG ZAG GI BDAG MED PA DANG, KA NI DA KHO NA NYID KYI YUL YUL CAN GNYIS MI MTHUN BAR SO SOR GNYIS SU MI GNAS PA DANG, SHR'I NI YUL STONG BA NYID JI 'DRA BA DE BZHIN DU RJES SU ZHUGS PA'I GNYIS SU MAD PA'I YE SHES AE WAm GYI DON NO,, ZHES PAS YID DAG PAR BYA'O,, STONG PA'I NGANG LAS RANG NYID SKAD CIG GIS HE RU KA: SNGON PO ZHAL GCIG PHYAG GNYIS BA RDO RJE DANG DRIL BU 'DZIN PA G-YAS BRKYANG GIS BZHUGS PA LA, YUM RDO RJE PHAG MO DMAR MO GRI GUG DANG THOD PA 'DZIN PAS 'KHYUD BAR BSAM, SHR'I HE RU KONYHAm, ZHES PAS LUS DAG PAR BYA'O,, AOm AA A'A, AI A'I, AU A'U, Ri R'i, Li L'i, AE AEE, AO AOO, AAm AA: KA KHA GA GHA NGA, CA TSA DZA DZHA NYA, tA thA dA dHA nA, TA THA DA DHA NA, PA PHA BA BHA MA, YA RA LA WA, SHA shA SA HA, KshA, HUm HUm PHAt, YI GE'I 'PHRENG BA G-YON DU LTE BA'I
PHYOGS SU LAN GSUM BSKOR BA LAS 'OD ZER KHA DOG LNGA 'PHRO BA, DE DAG LAS MKHA' 'GRO MA LNGA DPAG TU MED PA SNA BUG G-YAS NAS SPROS TE BGEGS THAMS CAD BCAMS, G-YON NAS NANG DU ZHUGS SNGAGS 'PHRENG LA THIM PAR BSAM ZHING A'A DI K'A DI LAN GSUM BRJOD PA NI NGAG DAG BYED DO,, BZHI PA PHUNG KHAMS SKYE MCHED BYIN GYIS BRLAB PA NI, RANG NYID KYI PHUNG KHAMS SKYE MCHED THAMS CAD GDOD MA NAS RNAM PAR DAG PA YE SHES KYI LHA'I RANG BZHIN DU YOD PA SO SO'I RNAM PA JI LTA BAR BSAM, LNGA PA TSOGS ZHING NI, PHYAG RGYA DANG BCAS PHEm, RANG GI SNYING GAR BAm LAS PADMA DANG AA LAS ZLA BA'I DKYIL 'KHOR GYI STENG DU H'Um YIG SNGON PO LAS 'PHROS PA'I 'OD ZER GYIS, BLA MA DANG SANGS RGYAS BYANG CHUB SEMS DPA'I TSOGS RNAMS DANG, 'GRO BA DRUG GI SEMS CAN RNAMS KYANG LHAR BYAS PA PHYAG RGYA DANG BCAS AOm BADZRA SA M'A JA: SA SPYAN DRANGS, DE THAMS CAD DKYIL 'KHOR GYI 'KHOR LO'I LHA TSOGS SU GYUR CING BLA MA RNAMS GCIG TU 'DUS GTZO BO'I RIGS BDAG TU BZHUGS PAR BSAM, HE RU KA: DPAL DPA' BO CHE, ,RNAM RTOG RDO RJE'I DBANG PHYUG DANG, ,RJES CHAGS CHAGS PA CHE RNAMS KYI, ,RDO RJE PHAG MO DE LA 'DUD, ,DPAL LDAN RDO RJE MKHA' 'GRO DANG, ,MKHA' 'GRO MA YI 'KHOR LO SGYUR, ,YE SHES LNGA DANG SKU GSUM NYID, ,'GRO BA SKYOB LA PHYAG 'TSAL LO, ,JI SNYED RDO RJE MKHA' 'GRO MA, ,KUN TU RTOG PA'I 'CHING GCOD CING, ,'JIG RTEN BA BA LA 'JUG MA, ,DE SNYED RNAMS LA PHYAG 'TSAL LO, ,SNYING GA'I HUm LAS SPROS PA'I MCHOD PA'I LHA MO
, ,MCHOD RDZAS THOGS PA RNAMS KYIS MCHOD PAR BSAM, AOm SARBA B'I RA YO GI N'I AARGHAm PRA T'ITZTSA A'A: H'Um, DE BZHIN DU, AARGHAm GYI GNAS SU, P'A DYAm, NAS, SHAPTA'I BAR BCUG, AOm R'U PA BADZRI HUm H'Um PHAt, R'U PA'I GNAS SU, SHAPTA NAS, SBARSHA'I BAR BCUG, THUGS KA'I HUm LAS BYUNG BA'I SNYING PA'I RNAL 'BYOR MA BZHIS THOD PA'I NANG GI BDUD RTZI LNGAS MCHOD PAR BSAM, AOm SARBA BADZRI K'A MI NI SARBA BHAKshAm SHO DHA YA GU HYA BADZRI nI H'Um SV'AH'A, MKHA' 'GRO MA LA SOGS PA BZHI PHAG MO LA THIM, PHAG MO HE RU KA: DANG SNYOMS PAR ZHUGS PA'I BDE BA NYAMS SU MYONG BAR BSAM, AOm SARBA TA TH'A GA TA AA NU R'A GA nA P'U JA BADZRA SVA BH'A WA A'ATMAKONYHAm, GUR LAS BYUNG BA'I RGYUN BSHAGS LAN GSUM DANG, SEMS CAN THAMS CAD KYI SGRIB PA THAMS CAD BSAL BA'I PHYIR NAM MKHA'I MTHAS GTUGS PA'I SANGS RGYAS THAMS CAD LA CHOS KYI 'KHOR LO SKOR BAR BSKUL LO,, RGYAL BA MYA NGAN LAS 'DA' BAR BZHED PA RNAMS 'GRO BA KUN LA PHAN PA DANG BDE BA'I DON DU BSKAL PA ZHING GI RDUL SNYAD DU BZHUGS PAR GSOL BA 'DEBS SO,, BGROD DKA' SRID PA'I RGYA MTSO LAS, ,BDAG GIS 'GRO RNAMS BSGRAL BA'I PHYIR, ,RANG GI BDAG NYID SKAD CIG MAR, ,SANGS RGYAS RNAMS LA DBUL BAR BGYI, ,ZHES YAN LAG BDUN PA'I RJES SU YIG BRGYA BRJOD, AOm BADZRA MU: SA TSOGS ZHID RANG BZHIN GYI GNAS SU GSHEGS PAR BSAM, SEMS CAN THAMS CAD KHYAD PAR DU 'PHAGS PA'I BDE BA DANG LDAN PAR GYUR CIG, SDUG BSNGAL DANG SDUG BSNGAL GYI RGYU THAMS CAD DANG BRAL BAR GYUR CIG, THOB ZIN PA'I BDE
BA DANG MI 'BRAL BAR GYUR CIG, NYON MONGS PA NGANG NYE BA'I NYON MONGS PA THAMS CAD DANG BRAL BAR GYUR CIG, CES TSAD MED BZHI BSGOM, GNYIS PA DNGOS GZHI LA RTEN BRTEN NGA GNYIS KYI, DANG PO RTEN LA SRUNG 'KHOR, 'BYUNG BA, GZHAL YAS KHANG DANG GSUM GYI DANG PO NI, AOm SRA BH'A WA SHUDDH'A: SARBA DHARMA: SVA BH'A WA SHUDDHONYHAm, CHOS THAMS CAD RANG BZHIN GYI RNAM PAR DAG PA GZUNG 'DZIN DANG BRAL BA SEMS TZAM GYI NGO BOR BSAM, AOm SH'U N+YA T'A DZNY'A NA BADZRA SVA BH'A WA A'ATMAKONYHAm, CHOS THAMS CAD STANG PAR BSAM, DE'I DGOS PA NI 'DZAM BU GLING PA'I MNGAL SKYES KHAMS DRUG LDAN 'CHI BA DANG CHOM MTHUN PAS RANG NYID KYI 'CHI BA CHOS SKUR 'KHYER BA'I GNAD DO,, STONG PA'I NGANG LAS RANG GI SEMS NYID N'A DA SHIN TU DKAR BA LA DMAR BA'I MDANGS CHAGS PAR LANGS NAS NAM MKHAR GNAS PAR BSAM PA NI GZHI LA 'CHI BA 'OD GSAL GYI BZHON PA'I RLUNG SEMS LAS BAR DU GRUB PA LTAR RANG NYID KYI BAR NGO LONGS SKUR 'KHYER BA'I GNAD DO,, DE'I 'OD ZER LAS PAm LAS SNA TSOGS, PADMA'I STENG DU RAm LAS NYI MA'I DKYIL 'KHOR, DE'I STENG DU H'Um LAS SNA TSOGS RDO RJE RTZE MO BCU GNYIS PA SHAR DKAR, BYANG LJANG, NUB DMAR, LHO SER, LTE BAR HUm YONGS SU GYUR PA LAS RANG NYID HE RU KA: SNGON PO ZHAL GCIG PHYAG GNYIS PAR BSAM, PHYOGS G-YON DANG MTSAMS G-YAS SKOR DU G-YON PA'I MTHE BOS MDZUB MA MNAN BA MDZUB MO PHYIR BTANG PA'I SE GOL GTOG CING SUMBHA SNGAGS TSAN BZHIR BCAD PA LAN GNYIS BZLA, ZHES BRJOD CING SPRO BA MNYAM DU THUGS KA'I H'Um LAS
, ,H'Um BCU STENG 'OG PHYOGS MTSAMS SU 'PHROS PA LAS, SHAR DANG STENG DU KHVA GDONG MA SNGON MO, BYANG DU 'UG GDONG MA LJANG GU, NUB DANG 'OG TU KHYI GDONG MA DMAR MO, LHOR PHAG GDONG MA SER MO, SHAR LHOR GSHIN RJE BRTAN MA G-YAS SNGO G-YON SER BA, LHO NUB TU GSHIN RJE PHO NYA MA G-YAS SER G-YON DMAR BA, NUB BYANG DU GSHIN RJE MCHE BA MA G-YAS DMAR G-YON LJANG BA, BYANG SHAR DU GSHIN RJE 'JOMS MA G-YAS LJANG G-YON SNGA BA, THAMS CAD KYANG ZHAL GCIG PHYAG GNYIS KYI G-YAS RDO RJE THOB DANG G-YON RANG 'DRA'I LTE BA MAN CHAD PHUR BU'I DPAL MDUNG RTZE GCIG PA'I RNAM PA CAN THOGS PA, NYI MA'I GDAN LA G-YON BRKYANG GIS BZHUGS PAR BSAM, 'DIR SGRUB THABS SPYI DANG CHOS KYI RGYAL PO 'PHAGS PA'I SGRUB THABS KYI RJES SU 'BRANGS PA YIN CING LVA BA PAS MDZAD PA'I BCU GSUM MA'I SGRUB THABS SU THAMS CAD SKU MDOG DMAR MOR BSHAD PA'ANG YOD PAS GANG BDE BYA'O,, PHA NYA BCU ZHAL PHYIR PHYOGS KYI MDUN DU H'Um RING PO LAS GRUB PA'I DONG GRU GSUM PA, GTING ZAB PA BCU'I NANG DU KHRO MO RNAMS KYI SKU'I 'OD ZER LCAGS KYU LTA BUS PHYI ROL GYI BGEGS RNAMS RANG DBANG MED PAR BKUG PAR BSAM, RANG NYID KHRO BO'I LTA BA DANG LDAN PAS BKA' BSGO BA NI, AOm GHA GHA, GH'A TA YA, GH'A TA YA, SARBA DUsht'Am BIGHN'A NA H'Um PHAt, K'I L'A YA K'I L'A YA SARBA P'A PAm H'Um PHAt, H'Um H'Um H'Um BADZRA K'I L'A YA BADZRA DHA ROD A'ADZNY'A PA TI SARBA DUshtAm BIGHNA NA K'A YA L'IKTZITTA BADZRA K'I L'A YA H'Um PHAt, CES BSKOS SHING PHUR BU BTZUGS TE PHO NYA
RNAMS KYIS, AOm BADZRA MUNGGA RA BADZRA K'I L'A YA AA KO t'A YA H'Um H'Um PHAt, BGEGS RNAMS KYI SPYI GCUG NAS RKANG MTHIL GYI BAR DU PHUR BUS BTAB PAS BGEGS RNAMS KYI SEMS 'OD GSAL DU THIM ZHING LUS DANG SGRIB PA LHAN CIG TU BSREGS BCOMS THAL BAR BSAM, SNGAGS BZHI PO'I 'OD ZER LAS GRUB PA'I RDO RJE'I RA BA GRU BZHI PA PHYOGS KYI MDOG CAN, DE DANG DUS MNYAM BA SNA TSOGS RDO RJE H'Um DANG BCAS MA LAS SKYES PA'I SNA TSOGS RDO RJE'I SA GZHI, DE'I 'OD ZER STENG DU 'PHROS PA LAS RDO RJE RTZA LNGA PA PHUR BU'I MDE'U CAN GYI MDA'I DRA BA, DE'I 'OG RDO RJE'I RA BA'I STENG DU RDO RJE'I GUR, GUR DANG RA BA'I MTSAMS SU RDO RJE'I BLA BRE RNAMS SRA ZHING MKHREGS PA DUM BU GCIG TU GRUB PAR BSAM, AOm ME D'I NAm BADZRA BHA WA BADZRA BANDH'A H'Um, GIS RDO RJE'I SA GZHI DANG, AOm BADZRA PRA K'A RA H'Um BAm H'Um, GIS RDO RJE RA BA DANG, AOm BADZRA PANYTZA RA H'Um PAm H'Um, GIS RDO RJE 'GYUR DANG, AOm BADZRA PI D'A N'A H'Um KHAm H'Um, GIS RDO RJE'I BLA BRA DANG, AOm BADZRA SA RA DZ'A LA TR'Am PAm TR'Am, GIS RDO RJE'I MDA'I DRA BA RNAMS SO,, SGO MTSAMS MA RNAMS RDO RJE'I RA BA LA THIM PAS CHUL CHU THIM PAS ZEGS MA PHYIR 'PHROS PA LHAR RDO RJE RA BA'I GUR KHANG DU BSAM, AOm BADZRA PRA K'A RA H'Um, DE'I PHYI ROL TU SNA TSOGS PADMA'I GUR KHANG DU BSAM, AOm PADMA PRA K'A RA H'Um, DE'I PHYI ROL TU 'KHAR LA 'BAR BA'I GUR KHANG DU BSAM, AOm TZAKRA DRA K'A RA H'Um, DE'I PHYI ROL TU RDO RJE ME BSKANG PA 'JIG PA'I ME DPUNG LTA BUR BSAM, AOm BADZRA DZRA LA AA NA LARKA H'Um H'Um H'Um, ZHES BRJOD DO, GNYIS
, ,PA 'BYUNG BA BSKYAD PA NI, RANG NYID LHA'I SKU SGYA MA LTA BU'I NGANG NAS, SRUNG 'KHOR GYI DBUS NAM MKHA'I DBYINGS CHOS 'BYUNG GI NANG DU SNGAR GYI N'A DA'I 'OD ZER LAS BYUNG PA'I YAm LAS RLUNG GI DKYIL 'KHOR SNGON PO GZHU'I DBYIBS LTA BU RGYAL MTSAN GYIS MTSAN PA, DE'I STENG DU RAm LAS ME'I DKYIL 'KHOR DMAR PO GRU GSUM 'BAR BAS MTSAN PA, DE'I STENG DU BAm LAS CHU'I DKYIL 'KHOR DKAR PO ZLUM PO BUM PAS MTSAN PA, DE'I STENG DU LAm LAS SA'I DKYIL 'KHOR SER PO GRU BZHI ZUR BZHIR RDO RJE RTZE GSUM GYIS MTSAN PA, DE'I STENG DU SUm LAS RIN PO CHE SNA BZHI'I RANG BZHIN GYI LHUN PO GRU BZHI PA RTZE MOR LCOG BRGYAD KYIS MDZES PA, GSUM PA GZHAL YAS KHANG BSKYED PA NI, DE'I STENG DU PA LAS SNA TSOGS PADMA GE SAR DANG LDAN PA'I STANG DU H'Um LAS SNA TSOGS RDO RJE RTZE MO BCU GNYIS PA PHYOGS KYI MDOG CAN, DE'I LTE BAR BHR'Um LAS GZHAL YAS KHANG GRU BZHI PA SGO BZHI PA PHYI NAS RIM PA BZHIN DKAR SER DMAR LJANG SNGO BA'I RIM PA LNGA DANG LDAN PA'I RIN PO CHE'I RTZIG PAS BSKOR BA'I STENG NA, RIN PO CHE'I PHA GU DMAR PO LA RIN PO CHE ZUR GSUM PA DANG GRU BZHI PA LA SOGS PAS SPRAS PA, DE'I STENG NA GNAS PA'I GSER GYI SKA RAGS BZHI'I PHYI NGOS SU CHU SRIR GYI KHA NAS MU TIG GI DO SHAL DANG DO SHAL PHYED PA 'PHYANG BA, DE'I PHYI NGOS SU BYA 'DAB BA LA 'PHYANG BA'I RIN PO CHE'I SHAR BU, DE'I STENG DU PADMA 'DAB MA PHYED PA'I DBYIBS CAN GYI MDA' YAB LA GNAS PA'I GSER GYI BUM PA NAS THON PA'I RGYAL MTSAN
DANG BA DAN BRGYAD BRGYAD KYIS MDZES PAR BYAS PA, PHYI'I STENG GI ZUR BZHI LA GDUGS BZHIS BRGYAN PA, GZHAN YANG GOS DANG, 'PHAN DANG, ME TOG GI PHRENG BA DANG, BLA BA RLUNG GIS BSKYOD PA DANG, RNGA YAB NOR BU'I YU BA CAN LA SOGS BA RGYAN DU MAS SBRAS PA, RTZIG PA'I 'GRAM NAS 'DOD YON GYI SNAM BU DMAR POS BSKOR BA LA BZHUGS STANGS DANG KHA DOG SNA TSOGS PA'I RIG MA BCU DRUG GIS MCHOD PA BYED BZHIN PA, SGO DANG SGO KHYUNG KYI MTSAMS DANG RTZIG PA'I PHYI NANG GI ZUR BZHIR ZLA PHYED LA GNAS PA'I RIN PO CHE DMAR PO'I STANG DU RDO RJES BRGYAN PA, NANG KA BA BRGYAD KYIS GDUNG BZHI BTEG CING DBUS PHYUR BUR PHUB PA'I RTZE MOR RDO RJE PHYED PA'I TOG GIS MTSAN PA, SGO BZHI'I THAD SOR KA BA BZHI BZHIS BTEG PA'I RTA BABS BANG RIM BZHI PA, PADMA DANG CHOS KYI 'KHOR LO DANG, GDUGS DANG, RI DVAGS GNAS PA, RTA BABS KYI G-YAS G-YON DU BUM PA BZANG PO LAS SKYES PA'I DPAG BSAM GYI SHING LA RGYAL SRID RIN PO CHE SNA BDUN DANG, BAR BAR DU GRUB PA DANG, SPRIN GYI GSEB NAS BYUNG BA'I LHA ME TOG GI 'PHRENG BA BZUNG BA RNAMS KYIS KUN NAS MDZES PAR BYAS PA, SRUNG 'KHOR GYI PHYI ROL DUR KHROD BRGYAD DU PHYOGS SKYONG BRGYAD, SHING BRGYAD, ZHING SKYONG BRGYAD, KLU BRGYAD, SPRIN BRGYAD, ME BRGYAD, RI BRGYAD, MCHOD RTEN BRGYAD, RNAL 'BYOR PA BRGYAD, GZHAN YANG DUR KHROD DU RGYU BA RNAMS KYIS GANG BA'I NANG GI LHA SNAM SHAR DKAR, BYANG LJANG, NUB DMAR, LHO SER, DBUS SNGO BA'I
, ,STANG DU SNA TSOGS PADMA 'DAB MA BRGYAD BA GE SAR DANG BCAS PA, MU KHYUD LA GRI GUG GI PHRENG BAS BSKOR BA, DE'I LTE BAR DUS MTSAN DANG 'JIGS BYED, PHYOGS BZHIR RO DANG ZLA BA, MTSAMS BZHIR ZLA BA'I GDAN RE RE, GNYIS PA BRTAN PA LHA LA MNGON BYANG LNGA LAS GTZO BO BSKYED PA, 'KHOR BSKYED PA, PHUNG KHAMS SKYA MCHED BRLAB PA, GO CHA, YE SHES PA DRANG BA, DBANG BSKUR RGYAS GDAB, MCHOD BSTAD, NGAG PA DRAN PA DANG BRGYAD KYI, DANG PO NI, DBUS KYI GDAN GYI STENG DU SANGS RGYAS KYI MTSAN BZANG PO SUM CU SO GNYIS KYI NGO BO SKAR MA'I RNAM PA LTA BU'I, AA A'A NAS, AAm AA: PHRAG GNYIS BRJOD LA, ZHU BA LAS BYUNG BA'I ZLA BA'I DKYIL 'KHOR ME LONG LNGA BU'I YE SHES; DE'I STENG DU DPE BYAD BZANG PO BRGYAD CU'I BDAG NYID MAR ME'I RNAM PA LTA BU'I, KA KHA NAS, YA RA LA WA dA dHA, PHRAG GNYIS BRJOD DE, ZHU BA LAS BYUNG BA'I NYI MA'I DKYIL 'KHOR MNYAM PA NYID KYI YE SHES, DE GNYIS KYI BAR DU SNGAR GYI N'A DA, DE LAS HU DNGUL CHU'I MDOG LTA BU LAS RDO RJE DKAR PO RTZE LNGA PA LTE BA LA HUm GIS MTSAN PA, BAm LAS GRI GUG PAm GIS MTSAN PA SOR RTOG YE SHES, DE LAS DKYIL 'KHOR GYI LHA TSOGS DPAG TU MED PA SPROS, SEMS CAN THAMS CAD KYI SDIG SGRIB SBYANGS; LHA LNGAR BYAS, DE DAG DANG GDOD MA NAS GRUB PA'I DPA' BO DANG RNAL 'BYOR MA RNAMS SPYAN DRANGS, HUm LA THIM PAS RKYEN BYAS TE, NYI ZLA PHYAG MTSAN SA BON DANG BCAS PA GCIG TU GYUR PA BYA GRUB YE SHES, DE YONGS SU GYUR
PA LAS SKU RDZOGS PA CHOS DBYINGS YE SHES KYI NGO BO DPAL 'KHOR LO BDE MCHOG SKU MDOG SNGON PO ZHAL BZHI PHYAG BCU GNYIS PA, RTZA ZHAL SNGON PO, G-YON ZHAL DMAR PO, RGYAB ZHAL LJANG GU, G-YAS ZHAL SER PO, ZHAL RE RE LA SPYAN GSUM GSUM DANG LDAN ZHING MCHE BA GTZIGS PA, DRAG CING 'JIGS SU RUNG BA, DBU SKRA RAL PA NAG PO THOR TSUGS SA BCINGS PA'I RTZE MOR NOR BU RIN PO CHE, MTSOGS MAR SNA TSOGS RDO RJE, LTE BA LA RIGS KYI BDAG PO, G-YON DU ZLA BA PHYED PA, DBU RE RE LA RDO RJE NAG PO'I 'PHRENG BAS STOD SMAD NAS BRGYUS PA'I THOD PA SKAM PO LNGA LNGAS BRGYAN PA, DE'I 'OG TU RDO RJE'I PHRENG BA DANG DPA' BO'I DAR DBYANGS BCINGS PA, PHYAG BCU GNYIS KYI DANG PO GNYIS RDO RJE DANG DRIL BU 'DZIN PAS YUM LA 'KHYUD BA, G-YAS GYI GNYIS PA NA CANG TE'U, GSUM PA NA RTZE GSUM, BZHI BA NA DGRA STA, LNGA PA NA GRI GUG, G-YON GNYIS PA NA KHA tV'Am GA, GSUM PA NA THOD PA KHRAG GIS GANG BA, BZHI PA NA ZHAGS PA, LNGA PA NA TSANGS MGO GDONG BZHI PA BSNAMS PA, THA MA GNYIS KYIS GLANG PO CHE'I PAGS PA RLON PA KHRAG DANG BCAS PA'I NA BZA' PHYAG G-YAS PAS LAG PA G-YON PA DANG, G-YON PAS RKANG PA G-YON PA DANG BCAS TE BRGYANGS NAS BZUNG BA'I SDIGS MDZUB KYI RTZA GNYIS SMIN MA'I THANG SOR GNAS PA, MI LPAGS KYI NA BZA' GSOL BA, MI'I RGYU MA LA BRGYUS PA'I MGO BO RLON BA LNGA BCU'I NGO SHAL PHRAG PAR 'PHYANG BA, PHYAG RGYA DRUG DANG NYE BA'I PHYAG RGYAS BRGYAN CING GAR GYI NYAMS DGU
, ,DANG LDAN PA, MTSAN BZANG BO SUM CU RTZA GNYIS DANG DPE BYED BRGYAD CUS BRGYAN PA, STAG GI PAGS PA'I SHAM THABS GOL BA, ZHABS G-YAS BRKYANG BAS DUS MTSAN MA DMAR MO'I NU MA DANG G-YON BSKUM BAS 'JIGS BYED NAG PO'I MGO BO RGYAB TU BSTAD NAS MNAN CING BSTENG PHYOGS SU GDUGS DKAR BO PHUB PA'O,, DE'I PANG DU YUM RDO RJE 'PHAG MO SKU MDOG DMAR MO ZHAL GCIG PHYAG GNYIS MA SPYAN GSUM CHE BA GTZIGS PA, GCER MO DBU SKRA SIL BU THUR DU GREL ZHING THOD BA SKAM PO LNGAS DBU LA BRGYAN MA, THOD PA'I DUM BUS SPUD PA'I SKA RAGS CAN, PHYAG RGYA LNGAS SBAS SHING MI'I RGYU MA LA BRGYUS PA'I MI MGO SKAM PO LNGA BCU'I DO SHAL BYAS PA, G-YAS GRI GUG DANG BCAS PA'I SDIGS MDZUB KYIS BDUD THAMS CAD LA BSDIGS PAR MDZAD PA, G-YON PAS YAB KYI MGUL NAS 'KHYUD PA'I THOD PA KHRAG DANG RGYU MAS GANG BA BSNAMS PA, ZHABS G-YON BRKYANG ZHING G-YAS YAB LA 'KHYUD PA, GNYIS KA'ANG YE SHES KYI ME 'BAR BA'I DBUS NA BZHUGS PA'O,, YAB KYI THUGS KAR RANG 'DRA'I YE SHES SEMS DPA' ZHAL GCIG PHYAG GNYIS PA'I THUGS KAR SNA TSOGS PADMA LA GNAS PA'I NYI MA'I DKYIL 'KHOR GYI STEN DU TING NGE 'DZIN SEMS DPA' H'Um YIG SNGON PO 'OD 'PHRO PAR BSAM, GZHI LA PHA MA'I KHU KHRAG GI DBUS SU BAR DE'I RNAM SHES ZHUGS TE NYID MTSAMS SBYAR NAS SKYE BA LEN PA LTAR RANG NYID KYI SKYE BA SPRUL SKUR 'KHYER BA'I GNANG NGO,, GNYIS PA 'KHOR BSKYED PA NI, SHAR GYI 'DAB MAR MKHA' 'GRO
MA SNGON MO, BYANG DU L'A MA LJANG GU, NUB TU DUM SKYES MA DMAR MO, LHOR GZUGS CAN MA SER MO, THAMS CAD KYANG ZHAL GCIG PHYAG BZHI MA SPYAN GSUM DANG LDAN CING MCHE BA GTZIGS PA, GCER MO SKRA GROL ZHING THOD PA SKAM PO LNGAS DBU BRGYAN PA, DUM BU LNGA BCU'I DO SHAL DANG PHYAG RGYA LNGAS BRGYAN PA, G-YAS GNYIS GRI GUG DANG d'A MA RU, G-YON GNYIS THOD PA KHRAG GIS GANG BA DANG KHA tV'Am GA PA SNAMS PA THAMS CAD KYANG ZHABS G-YON BRKYANG GI STABS KYIS BZHUGS BA, MTSAMS RNAMS SU BUM PA BDUD RTZIS GANG PA'I BSTENG DU KA P'A LA BYANG CHUB SEMS KYIS GANG BA BZHIS KHA BRGYAN PA'O,, GSUM PA PHUNG KHAMS SKYE MCHED BYIN GYIS BRLAB PA NI, AOm A'A: H'Um, AOm SARBA B'I RA YO GI N'I N'Am K'A YA W'A KTZITTA BADZRA SVA BH'A WA A'ATMA KONYHAm, ZHES SKAD CIG MAS BSKYED PA'I SNGAGS BRJOD, LHA THAMS CAD KYI MAG GTI MUG RDO RJE, RNA BA ZHE SDANG RDO RJE, SNA PHRAG DOG RDO RJE, LCE 'DOD CHAGS RDO RJE, LUS SAR SNA RDO RJE, YID DBANG PHYUG RDO RJE, GZUGS KYI PHUNG PO RNAM PAR SNANG MDZAD, TSOR BA'I PHUNG PO RDO RJE NYI MA, 'DU SHES KYI PHUNG PO PADMA GAR GYI DBANG PHYUG, 'DU BYED KYI PHUNG PO RDO RJE RGYAL PO,, RNAM PAR SHES PA'I PHUNG PO RDO RJE SAMS DPA', DE BZHIN GSHEGS PA THAMS CAD GCIG PA NYID DANG LA HE RU KA: SA'I KHAMS LTUNG BYED MA, CHU'I KHAMS GSOD BYED MA, ME'I KHAMS 'GUGS BYED MA, RLUNG GI KHAMS GAR GYI DBANG PHYUG MA, NAM MKHA'I KHAMS PADMA'I DRA BA CAN MA, DPRAL BAR AOm DKAR PO, MGRIN PAR A'A:
, ,DMAR PO,, SNYING GAR H'Um SNGON POS MTSAN PAR BSAM, BZHI BA GA CHA BAG BA NI, BCOM LDAN 'DAS KYI SNYING GAR RDO RJE SEMS DPA'I NGA BO AOm HA DKAR PO,, MGO BOR RNAM SNANG GI NGO BO NA MA HI SOR PO, SPYI GTZUG TU PADMA GAR DBANG GI NGO BO SV'A H'A HU DMAR PO, PHRAG PA GNYIS SU DPAL HE RU KA'I NGO BO BOO shA tA HE NAG PO, MIG GNYIS SU RDO RJE NYI MA'I NGO BO H'Um H'Um HO DMAR SER, YAN LAG THAMS CAD LA RTA MCHOG GI NGO BO PHAt HAm LJANG GU, ZHES DPA' BO'I GO CHA DANG, YUM RNAMS KYI LTE BAR RDO RJE PHAG MO'I NGO BO AOm BAm DMAR MO, SNYING GAR GSHIN RJE MA'I NGO BO HAm YOm SNGON MO, KHAR RMONGS BYED MA'I NGO BO HRIm MOm DKAR MO, MGO BOR SKYONG BYED MA'I NGO BO HROm HRIm SER MO, SPYI GTZUG TU SKRAG BYED MA'I NGO BO H'Um H'Um LJANG GU, YAN LAG THAMS CAD LA TZAndI KA'I NGO BO PHAt PHAt DUD KHAS MTSAN PAR BSAM DPA' MO'I GO CHA BKOD PAS GTZO BO YAB YUM ZHAL SBYOR BA'I TSE SNGAGS YIG RNAMS RDO RJE LU GU RGYUD DU BCINGS BA'O,, LNGA PA YE SHES PA SBYAN DANG BA NI, PHYAG RGYA DANG BCAS, PHEEm, RANG GI THUGS KA SI H'Um LAS 'OD ZER 'PHROS PAS, RANG BZHIN GYI GNAS NAS BSGOMS PA DANG 'DRA BA'I DKYIL 'KHOR LA SANGS RGYAS DANG BYANG CHUB SEMS DPA' DANG DBA' BO DANG RNAL 'BYOR MA'I TSOGS KYIS BSKOR BA MDUN GYI NAM MKHAR PHYAG RGYA DANG BCAS AOm BADZRA SA M'A DZA: SA SPYAN DRANGS, AOm SARBA B'I RA YO GI N'I AARGHAm NAS SHAPTA'I BAR GYIS MCHOD, DZA: H'Um BAm HO: SA GNYIS SU MED PAR BSAM, YO GA SHUDDH'A: SARBA DHARM'A: YO GA SHUDDHONYHAm, DRUG PA DBANG BSKUR RGYAS
GDAB NI PHYAG RGYA DANG BCAS, PHEEm, SLAR YANG THUGS KA'I T'Um LAS 'OD ZER 'PHROS PAS DBANG GI LHA RNAMS BSDU RGYA DANG BCAS AOm BADZRA SA M'A DZA: SA SPYAN DRANGS, AOm SARBA B'I NA YO GI N'I AARGHAm NAS SHAPTA'I BAR GYIS MCHOD, DE BZHIN GSHEGS PA THAMS CAD KYIS BDAG LA MNGON PAR DBANG BSKUR DU GSOL, ZHES GSOL BA BTAB PAS SGO MTSAMS MA RNAMS KYIS BGEGS BSKAD, DPA' BO RNAMS KYIS SHIS PA BRJOD, DPA' MO RNAMS KYIS RDO RJE'I GLU LAN, DE BZHIN GSHEGS PA RNAMS KYIS DBANG BSKUR PA'I DGONGS PA MDZAD, YUM BZHI PHAG MO DANG BCAS PAS RIN PO CHE'I BUM PA BDUD RTZIS GANG BA THOGS NAS, JI LTAR BLTAMS PA TZAM GYIS NI, ,DE BZHIN GSHEGS KUN KHRUS GSOL LTAR, ,LHA YI CHU NI DAG PA YIS, ,DE BZHIN BDAG GIS KHRUS BGYI'O,, AOm SARBA TA TH'A GA TA AA BHI shE KA TA SA MA YA SHRI YEm H'Um, ZHES DBANG BSKUR, SKU GANG, DRI MA DAG, CHU LHAG MA YAR LUD PA LAS GTZO BO LA RDO RJE SEMS DPA', YUM LA MI BSKYONG PA, MKHA' 'GRO MA LA RTAG PA, L'A MA LA RTA MCHOG, DUM SKYES MA LA PADMA GAR DBANG, GZUGS CAN MA LA RDO RJE NYI MAS DBU BRGYAN PAR BSAM, BDUN PA LA PHYI MCHOD, NANG MCHOD, GSANG MCHOD, DE KHO NA NYID KYIS MCHOD PA, BSTOD PA, DAG PA DRAN BA DANG DRUG GI, DANG PO NI, RANG GI SNYING GA'I SA BON LAS SPROS PA'I MCHOD PA'I LHA MO RNAMS KYIS MCHOD PAR BSAM, SO SO'I PHYAG RGYA DANG BCAS, AOm SARBA B'I RA YO GI N'I AARGHAm SOGS KYIS TSOGS ZHING
, ,LTAR MCHOD, GNYIS PA NANG MCHOD NI, BDUD RTZI RIL BU BTAB NA BRLAB MI DGOS SHING MED TSE 'AG NAS 'BYUNG BA'I GTOR MA LTAR BRLABS, BSDU NA LAG PA G-YON BSTAN LA AOm, ZHES STONG PAR BSAM, G-YAS BSTAN LA A'A: ZHES THOD BA DKAR PO YANGS SHING RGYA CHE BA DPRAL BA RANG LA BSTAN PAR BSAM, GNYIS KA BSTAN TE H'Um, ZHES SHA LNGA BDUD RTZI LNGAS GUNG BAR BSAM, LAG GNYIS BKAN PA'I SRIN LAG GNYIS DKRIS PA'I BAR NAS GUNG MTHEB RTZE SBYAR BA MDZUB MO GNYIS KYIS MNAN PA BYA KHYUNG GI PHYAG RGYA BSTAN LA, HA HO HRI: ZHES LAN GSUM BRJOD PAS YE SHES BDUD RTZIR BSAM MO,, AOm, MCHOD DO PHYOGS BCU DUS GSUM GYI DE BZHIN GSHEGS PA RGYAL BA SRAS DANG BCAS PA THAMS CAD KYI SKU GSUNG THUGS YE SHES RDO RJE NGO BO CHOS KYI PHUNG PO STONG PHRAG BRGYAD CU RTZA BZHI'I 'BYUNG GNAS 'PHAGS PA'I DGE 'DUN THAMS CAD KYI MNGA' BDAG, SKU BZHI YE SHES LNGA'I BDAG NYID DRIN CAN RTZA BA'I BLA MA RIN PO CHE'I ZHAL DU AOm A'A: H'Um, SANGS RGYAS RDO RJE 'CHANG CHEN PO'I ZHAL DU AOm A'A: H'Um, YE SHES KYI MKHA' 'GRO MA'I ZHAL DU AOm A'A: H'Um, SLOB DPON RDO RJE DRIL BU BA'I ZHAL DU AOm A'A: H'Um, RUS SBAL ZHABS KYI ZHAL DU AOm A'A: H'Um, DZA LANDHA RA PA'I ZHAL DU AOm A'A: H'Um, NAG PO SPYOD PA'I ZHAL DU AOm A'A: H'Um, GU HYA BA'I ZHAL DU AOm A'A: H'Um, RNAM RGYAL ZHABS KYI ZHAL DU AOm A'A: H'Um, TEE LO PA'I ZHAL DU AOm A'A: H'Um, N'A RO TA PA'I ZHAL DU AOm A'A: H'Um, BAL PO PHAm MTHANG PA GCEN 'JIGS MED GRAGS PA'I ZHAL
DU AOm A'A: H'Um, GCUNG NGAG GI DBANG PHYUG GI ZHAL DU AOm A'A: H'Um, KLOG SKYA SHES RAB BRTZEGS KYI ZHAL DU AOm A'A: H'Um, MAL GYO LO TZ'A BA BLO GROS GRAGS KYI ZHAL DU AOm A'A: H'Um, SA SKYA PA CHEN PO KUN DGA' SNYING PO'I ZHAL DU AOm A'A: H'Um, SLOB DPON BSOD NAMS RTZE MO'I ZHAL DU AOm A'A: H'Um, RJE BTZUN GRAGS PO RGYAL MTSAN GYI ZHAL DU AOm A'A: H'Um, SA PAndI TA KUN DGA' RGYAL MTSAN KYI ZHAL DU AOm A'A: H'Um, 'GRO BA'I MGON PO CHOS RGYAL 'PHAGS PA'I ZHAL DU AOm A'A: H'Um, KHRO PHU RIN PO CHE BSOD NAMS SENG GE'I ZHAL DU AOm A'A: H'Um, YAR RTZE BA RIN CAN SENG GA'I ZHAL DU AOm A'A: H'Um, THAMS CAD MKHYEN PA BU STON LO TZ'A BA'I ZHAL DU AOm A'A: H'Um, THUGS SRAS SGRA TSAD PA RIN CHEN RNAM RGYAL GYI ZHAL DU AOm A'A: H'Um, RJE KUN DGA' RIN CEN GYI ZHAL DU AOm A'A: H'Um, BZANG PA RIN RGYAL BA'I ZHAL DU AOm A'A: H'Um, BRAG THOG PA BSOD NAMS BZANG PO'I ZHAL DU AOm A'A: H'Um, KUN MKHYEN RDO RJE GDAN PA'I ZHAL DU AOm A'A: H'Um, MDO KHAMS PA YON TAN RGYA MTSO'I ZHAL DU AOm A'A: H'Um, RJE SH'AKYA KUN DGA'I ZHAL DU AOm A'A: H'Um, KUN BZANG RTZE PA DBANG PHYUG RGYAL MTSAN GYI ZHAL DU AOm A'A: H'Um, PAn CHEN BSOD NAMS MCHOG LDAN GYI ZHAL DU AOm A'A: H'Um, RDO RJE 'CHANG RIN CEN BSOD NAMS MCHOG GRUB KYI ZHAL DU AOm A'A: H'Um, DRIN CAN RTZA BA'I BLA MA RIN PO CHE'I ZHAL DU AOm A'A: H'Um, GZHAN YANG DBANG BSKUR RGYUD BSHAD MAN NGAG GNANG BA'I BLA MA DAM PA YAB SRAS BRGYUD PA DANG BCAS PA'I ZHAL DU AOm A'A: H'Um, YAB KYI NYE SNYING, YUM DANG MKHA' 'GRO MA BZHI'I SNYING PO'I MTHAR 'BRU GSUM BTAGS LA NANG MCHED DBUL, BYA RGYUD, SPYAD RGYUD, RNAL
, ,'BYOR RGYUD, RNAL 'BYOR BLA NA MED PA STE RGYUD SDE CHEN PO BZHI DANG 'BREL BA'I YI DAM DKYIL 'KHOR GYI LHA TSOGS RNAMS KYIS ZHAL DU AOm A'A: H'Um, AOm K'A LI DE SPYI, KHYAD PAR DPAL LDAN DMAG ZOR GYI RGYAL MO 'KHOR DANG BCAS PA'I ZHAL DU AOm A'A: H'Um, SH'I DHARMA P'A LA TZA TU RMU KHA, MTHU STOBS KYI DBANG PHYUG DPAL MGON ZHAL BZHI PA 'KHOR DANG BCAS BA RNAMS KYI ZHAL DU AA A'A: H'Um, CHOS 'KHOR BSRUNG ZHING BSTAN BA SKYONG BAR ZHAL GYIS BZHES PA'I BKA' SDONG CHOS SKYONG SRUNG MA RNAMS KYI ZHAL DU AOm A'A: H'Um, GNAS DANG NYE BA'I GNAS, ZHING DANG NYE BA'I ZHING, TSANDHO DANG NYE BA'I TSANDHO, 'DUB DANG NYA BA'I 'DU BA, DUR KHRAD DANG NYE BA'I DUNG KHRAD, 'THUNG SBYOD DANG NYE BA'I 'THUNG SBYOD DE YUL SUM CU RTZA GNYIS, GNAS NYI SHU RTZA BZHI, DUR KHROD CHEN PO BRGYAD NA BZHUGS PA'I DPA' BO DANG RNAL 'BYOR MA BSAM GYIS MI KHYAB PA SPRUL PA'I SKUS 'GRA BA SEMS CAN GYI DON MDZAD PA RNAMS KYI ZHAL DU AOm A'A: H'Um, ZHING SKYONG BZHI BCU RTZA BRGYAD, PHO NYA GNAS LAS SKYES BA, RIGS LAS SKYES PA, SNGAGS LAS SKYES PA, LAS LAS SKYES PA'I MKHA' 'GRO'I TSOGS DANG, GNAS GSUM GYI RDO RJE MKHA' 'GRO MA RNAMS KYI ZHAL DU AOm A'A: H'Um, GNOD SBYIN, SRIN PO, 'BYUNG BA, YI DVAGS, SHA ZA, SMYO BYED, BRJOD BYED, PHO NYA, 'PHROG MA, GRUB PA RNAMS KYI ZHAL DU AOm A'A: H'Um, BOD KHAMS SKYONG BA'I BSTAN MA BCU GNYIS 'KHOR DANG BCAS PA DANG, GNAS BDAG, BZHI BDAG, GRONG
BDAG, YUL BDAG GNYUG MAR GNAS BA RNAMS KYI ZHAL DU AOm A'A: H'Um, 'GRO BA RIGS DRUG, LAM RGYUD LNGA, SKYA GNAS RNAM PA BZHIS BSDUS PA'I SEMS CAN THAMS CAD TSIM ZHING BAG PA MED PA'I BDE BAS RGYUD GANG NAS MYUR DU BLA NA MED PA'I BYANG CHUB THOB PA'I SKAL PA DANG LDAN BAR GYUR CIG, RANG GI LCE THOG TU BDUD RTZI MYANGS LA, RANG GI LUS LA GNAS PA'I LHA THAMS CAD KYI ZHAL DU AOm A'A: H'Um, AOm AA MRi TA SVA DA NA BADZRA SVA BH'A WA A'AHMA KONYHAm, ZHES BRJOD, GSUM PA GSANG BA'I MCHOD BA NI, YAB KYI GSANG GNAS H'Um DKAR PO LAS BYUNG PA'I RDO RJE NAG PO BY'A DMAR BO LAS BYUNG BA'I NOR BU DMAR PO BY'A DMAR POS MTSAN PA, YUM GYI GSANG GNAS A'A: LAS PADMA'I 'DAB MA GSUM BA DY'A SER BO LAS BYUNG BA'I ZE'U 'BRU DKAR BO DY'A SER BOS MTSAN BA, AOm SHR'I MA H'A SU KHA BADZRA HE HE RU RU KAm A'A: H'Um H'Um PHAt, YAB KYIS YUM LA TZUMBA NA DANG YUM GYIS KYANG YAB LA TZUMBA NA BYAS LA, PHAN TSUN SNYOMS BAR 'JUG PA'I DGA' BA BRTZAMS NAS, DGA' BA BZHI NYAMS SU MYONG NAS ZAG PA MED PA'I BAR BAS MNYES PA, BSAM, BZHI PA DE KHO NA NYID KYI MCHOD BA NI, DE LTAR MCHOD BYA MCHOD BYED MCHOD PA THAMS CAD SKYE MED MNYAM BA NYID DU BSAM, LNGA PA RKANG BRGYAD KYIS BSTOD BA NI, AOm NA MO BHA GA WA TE WI RE SH'A YA H'Um HUm PHAt, AOm MA H'A KA LPA AAGNI SANNI BHA YA HUm HUm PHAt, AOm DA t'A MU KU tOTKA t'A YA HUm HUm PHAt, AOm DAm sht'A KA R'A LO GRA BH'I shA nA MU KH'A YA HUm HUm PHAt, AOm SA HA SRA BHU DZA BH'A SU R'A YA HUm HUm PHAt, AOm BA RA SHU P'A SHO DYA TA SHU'A LA KHA tV'Am GA DH'A RI nI HUm HUm PHAt,
, ,AOm BY'A GHR'A DZI N'Am BA RA DHA R'A YA HUm HUm PHAt, AOm MA H'A DHU MBR'ANDHA [?] K'A RA WA PUsh'A YA HUm HUm PHAt, RNAL 'BYOR RO GCIG BDUD RTZI 'THUNGS PAS RNAM BAR DAG PA'I THUGS, ,GNAS LA SOGS PA YUL DU BGRAD PAS RNAM PAR DAG PA'I SKU, ,DPAL GYI GNAS KYI DBUS MCHOD DKYIL 'KHOR 'KHOR LO'I MGON BO DANG, ,BLA MA MCHOD LA SPYI BOS BTUD DE RTAG TU PHYAG MTSAL LO,, DRUG PA DAG PA DRAN PA NI, LUS DRAN PA NYE BAR BZHAG PA MKHA' 'GRO MA, TSOR BA NGAN PA NYE BAR BZHAG PA L'A MA, CHOS DRAN PA NYE BAR BZHAG PA DUM SKYES MA, SEMS DRAN BA NYE BAR BZHAG PA GZUGS CAN MA, YANG DAG PA'I TING NGE 'DZIN NI DPAL HE RU KA: DANG RDO RJE PHAG MO'O,, GNYIS PA RDZOGS RIM NI, LUS SKYIL KRUNG LAG PA MNYAM GZHAG BCAS LA RLUNG NANG DU 'DREN PA DANG BSTUN NAS, PHYI'I DKYIL 'KHOR MA LUS PA SNA BUG GNYIS NAS SNYING GA'I H'Um LA BSTIM, YUM YANG LTE BA'I AAm LA BSTIM, YAB NYID KYANG ZHAL GCIG PHYAG GNYIS PAR GSAL KYANG RUNG LA RGYUN GYI RNAL 'BYOR LA DKYIL 'KHOR YONGS RDZOGS PA SGOM BZHIN PA'I NGANG NAS RANG TZO BOR GSAL BA'I LUS KYI DBUS SU AA BA DH'U T'I DRA ZHING DRANG PA RLUNG SEMS 'DRES PAS GANG BA, G-YAS RO MA ME'I RANG BZHIN K'A LI'I RNAM PA'I RAKTAS GANG BA, G-YON RKYANG MA CHU'I RANG BZHIN A'A LI'I RNAM BA'I THIG LES GANG BA, DBU MA LA BRTEN PA'I LTE BA SPRUL PA'I 'KHOR LO,, 'DAB MA DRUG CU RTZA BZHI PA'I SNYING POR PHAG MO'I NGO BO AA DMAR PO ME'I RANG BZHIN
MGO GYEN DU LTA BA, NANG SKOR LA AA KA TZA tA TA PA LA SHA, KYI SKOR LA A'A LE K'A LI DANG, DBYANGS KYI YI GE RING PO DRUG, SNYING GA CHOS KYI 'KHOR LO 'DAB MA BRGYAD PA'I LTE BAR HE RU KA'I NGO BO H'Um DKAR PO THIG LE'I RNAM PA MGO THUR DU LTA BA, PHYOGS BZHI, AOm A'A: HRI HRAm, G-YON SKOR DANG MTSAMS BZHIR, L'Am M'Am P'Am T'Am G-YAS SKOR DU GNAS PA, MGRIN PA LONGS SPYOD KYI 'KHOR LO 'DAB MA BCU DRUG PA'I LTE BAR, PHAG MO'I RANG BZHIN, AAm DMAR PO MGO GYON DU LTA BA, NANG GI 'DAB MA LA, YA RA LA WA, PHYI SKOR Ri R'i Li L'i SPANGS PA'I A'A LI BCU GNYIS, SPYI BO BDE CHEN GYI 'KHOR LO 'DAB MA SUM CU RTZA GNYIS PA'I LTE BAR HE RU KA'I RANG BZHIN HAm DKAR PO MGO THUR DU LTA BA, 'DAB MA LA A'A LI PHRAG GNYIS GNAS BAR BSAMS NAS, LTE BA'I AAm GI ME 'BAR BA DBU MA'I NANG NAS SONG BAS, HUm LA BSNUN BAS BYANG CHUB KYI SEMS KYI RGYUN BABS NAS, AAm GI MCHER GSOS PA 'OG GI DPYID DANG THIG LE KHA SBYOR DANG, ME'I NUS BA SNYING GNAS KYANG GYEN DU SONG BAS MGRIN PA'I AAm BSKUL BA'I MES, SPYI BO'I HAm LA BSNUN DE LAS KYANG BYANG CHUB KYI SEMS KYI RGYUN BABS PAS MGRIN PA'I ME CHER GSOS BA STENG GI DPYID DANG THIG LE KHA SBYOR DU BSGOM MO,, DE LTAR 'BAR BAS RO MA'I NUS PA 'PHEL BAS LUS DROD KYIS GANG, 'DZAGS PAS RKYANG MA'I NUS PA 'PHEL BAS BDE BAS GANG, 'BAR 'DZAG DBU MAR 'DRES PAS SEMS MI RTOG PAR GYUR PAR BSAM ZHING, DE
, ,LA GOMS PAS DU BA LA SOGS PA'I RTAGS 'BYUNG LA, DE LAS SKYES PA'I YE SHES DANG, BSKYED PA'I RIM PA'I RNAL 'BYOR BSRES NAS BSGOMS PAS, MTHONG BA'I LAM GYI YE SHES KYANG MYUR DU SKYA BAR 'GYUR RO,, 'DIR 'PHAGS PA RIN PO CHE'I SGRUB THABS LAS JI LTAR 'BYUNG BA BZHIN BRIS PA YIN CING DRIL BU RIM LNGA NYAMS 'KHRID DU THOB PA RNAMS KYIS DE BZHIN DU NYAMS SU BLANG BAR BYA'O,, GNYIS PA MNYAM PAR MA BZHAG PA'I RNAL 'BYOR LA BZLAS PA, NYER BSDU, GTOR MA, NYAL BA, LDANG BA, KHRUS, ZAS KYI RNAL 'BYOR DANG BDUN GYI, DANG PO NI, AOm KHAndA RO HE HUm HUm PHAt, AOm SVA BH'A WA NAS KONYTAm, STONG PAR BSAM, STONG PA'I NGANG LAS PHRANG RDOG RE RE'I DE PO YANG SV'A H'A HU DMAR PO RE YONGS SU GYUR PA LAS PADMA GAR GYI DBANG PHYUG DMAR PO ZHAL GCIG PHYAG BZHI'I, G-YAS GNYIS PADMA DANG d'A MA RU, G-YON GNYIS DRIL BU THOD PA DANG BCAS PA'I KHA tV'Am GA THOGS PA, NYI MA 'A G-YAS BRKYANG PAS BZHUGS PA, SPYAN GSUM PA, PHYAG RGYA LNGAS BRGYAN PA RMONGS BYED MA DKAR MOS 'KHYUD PA'I SPYI BOR AOm, MGRIN PAR A'A: THUGS KAR H'Um, DE LAS 'OD ZER 'PHROS PAS BSGOMS PA DANG 'DRA BA'I YE SHES PA PHYAG RGYA DANG BCAS, AOm BADZRA SA M'A DZA: SA SPYAN DRANGS, DZA: H'Um BAm HO: SA BSTIM, AOm AA BHI shINYTZA MIS DBANG BSKUR, SKU GANG, DRI MA DAG, CHU LHAG MA YAR LUD PA LAS 'OD DPAG MED KYIS DBU BRGYAN PAR BSAM, AOm BADZRA
AARGHAm NAS SHAPTA'I BAR GYIS MCHOD, SNGAGS MJUG TU, AOm A'A: H'Um GIS NANG MCHOD DBUL, AOm PADMA NI RTI SHVA RA HUm HUm PHAt, CAS BZLA, YAB YUM SNYOMS PAR ZHUGS TE 'OD GSAL DU ZHU BA LAS BYUNG BA'I PHRENG BA'I RNAM PAR BSAM RANG GI THUGS KA'I SA BEN LAS SNGAGS KYI YI GE RNAMS RANG GI THUGS KA'I H'Um LAS 'OG TU PHYUNG, RDO RJE'I BU GA NAS YUM GYI BHA GAR THON, DE LAS BRGYUD DE YUM GYI ZHAL NAS RANG GI ZHAL DU ZHUGS, THUGS KA'I SA BON LA THIM PAR BSAM, ZHAL BZHI DANG RNAL 'BYOR MA RNAMS KYIS KYANG ZLOS PAR BSAM ZHING, YAB KYI SNYING PO NI, AOm SHR'I BADZRA HE HE RU RU KAm HUm HUm PHAt, d'A KI NI DZA LA SAm BA RAm SV'A H'A, NYE SNYING NI, AOm HR'I: HA HA HUm HUm PHAt, YUM GYI SNYING PO NI, AOm SARBA BUDDHA d'A KI N'I YE BADZRA WARnA N'I YE H'Um H'Um PHAt, NYE SNYING NI, AOm BADZRA BEE RO TZA N'I YE HUm HUm PHAt, DPA' MO BZHI'I SNGAGS NI, AOm d'A KEm N'I YE HUm HUm PHAt, AOm L'A ME HUm H'Um PHAt, AOm KHAndA RO HE HUm HUm PHAt, AOm R'A PI n'I YE HUm HUm PHAt, CES BZLA'O,, PHYI MCHOD DANG RNAL 'BYOR RO GCIG MAS BSTOD, GNYIS PA NYER BSDU NI, THUGS KA'I SA BON GYI 'OD KYIS SNOD BCUD THAMS CAD 'OD DU GYUR PA DKYIL 'KHOR PA LA, DE'ANG DUR KHRONG LA, DE GZHAL YAS KHANG LA, DE LHA MO BZHI LA, DE GTZO BO YAB YUM LA, YUM YAB LA, DE THUGS KA'I YE SHES SEMS DPA' LA, DE NYI BCAS HUm LA, DE ZHABS KYU LA, DE HA'I KHOG PA LA, DE MGO BO LA, DE ZLA
, ,TSES LA, DE THIG LE LA, DE N'A DA LA, DE YANG 'OD GSAL DU GYUR PA'I NGANG NAS RANG NYID SKAD CIG GIS HE RU KA: ZHAL GCIG PHYAG GNYIS PA YUM DANG BCAS PA'I SKUR BSAM, DPA' BO DANG DPA' MO'I GO CHA SNGAR BZHIN BGO STE SE GOL PHYOGS BZHIR GTOG CING SUMBHA BRJOD LA BSRUNG, BYANG CHUB KYI SEMS KYIS ZIN PAR BYAS LA DNGOS PO THAMS CAD BDE MCHOG TU SHES PAR BYA'O,, GSUM PA GTOR MA NI, SUMBHA SA BSANGS, SVA BH'A WAS STONG PAR BSAM, STONG PA'I NGANG LAS 'OG TU YAm LAS RLUNG, RAm LAS ME'I DKYIL 'KHOR, AA LAS THOD PA'I SGYED BU GSUM GYI STENG DU AA LAS SKYES PA'I THOD PA'I NANG DU, DBUS SU H'Um LAS DRI CHU H'Um GIS MTSAN PA, SHAR DU AOm LAS DRI CHEN AOm GYIS MTSAN PA, ,LHOR TRAm LAS RAKTA TRAm GIS MTSAN PA, NUB TU AAm LAS SHU KRA AAm GIS MTSAN PA, BYAD DU KHAm LAS KLAD PA KHAm GIS MTSAN PA; DBUS SU B'Am LAS SHE CHAN B'Am GYIS MTSAN PA, SHAR DU M'Am LAS BA LANG GI SHA M'Am GYIS MTSAN PA, LHAR L'Am LAS GLANG PO CHE'I SHA L'Am GYIS MTSAN PA, NUB TU P'Am LAS RTA'I SHA P'Am GYIS MTSAN PA, BYANG DU T'Am LAS KHYI'I SHA T'Am GYIS MTSAN PA, RLUNG BSKYED PA LAS ME SBAR TE SKOL BAS SA BON GYI YI GE DANG BCAS PA ZHU NAS KHA DOG NYI MA LTA BU, DE'I RLANGS PA LAS GRUB BA'I H'Um DKAR PO LAS BYUNG BA'I KHA tR'Am GA DKAR PO BDUD RTZI'I RANG BZHIN KHA 'OG TU BLTAS PA ZHU BAR RNAM PAR BLTA ZHING, DE'I
BCUD DANG RO MNYAM DU BSAM, DE'I STENG DU AA A'A NAS, HA KshA YONGS SU GYUR PA LAS, AOm A'A: H'Um GI YI GE STENG NAS STENG DU GNAS PA DE LAS DKYIL 'KHOR GYI LHA SPROS, 'GRO DON BYAS, SNYOMS PAR 'JUG PA SNGON DU 'GRO BAS ZHU BA RNAMS YI GE GSUM LA THIM, YI GE GSUM YANG BDUD RTZIR ZHU NAS THIM PAS JI LTAR 'DOD PA BZHIN DU BSAM, AOm A'A: H'Um, LAN GSUM BRJOD, PHYAG RGYA DANG BCAS, PHEEm RANG GI THUGS KA'I H'Um LAS 'OD ZER 'PHROS BAS RANG BZHIN GYIS GRUB PA'I DKYIL 'KHOR, SANGS RGYAS DANG, BYANG CHUB SEMS DPA' DANG, YUL NYI SHU RTZA BZHI'I DPA' BO DANG, RNAL 'BYOR MA DANG, CHOS SKYOD SRUNG MA DANG, 'JIG RTEN SKYONG BA DANG, MKHA' 'GRO DANG, 'BYUNG PO'I TSOGS THAMS CAD MDUN GYI NAM MKHAR PHYAG RGYA DANG BCAS, AOm BADZRA SA M'A DZA: SA SBYAN DRANGS, PADMA KA MA LA YA STVAm GYIS GDAN PHUL, PHYI NANG GI MCHOD PAS MCHOD, LHA RNAMS KYI LJAGS H'Um DKAR PO LAS BYUNG BA'I RDO RJE RTZE GSUM PA DKAR PO NAS 'BRU TZAM 'KHOD PA'I 'OD ZER GYI SBU GUS DRANGS TE GSOL BAR BSAMS LA RDO RJE THAL MO KHA PHYE NAS AOm BADZRA AA RA LI HO: DZA: H'Um BAm HO: BADZRA d'A KI N+YA SA MA YA STVAm, DRi SHYA HO: DANG POS GTZO BO, GNYIS PAS YUM, GSUM PAS RNAL 'BYOR MA BZHI LA DBUL, PHYI NANG GI MCHOD PAS MCHOD CING, RNAL 'BYOR RO GCIG MAS
, ,BSTOD DE 'DAS GTOR DBUL, 'JIG RTEN PA LA, AOm KHA KHA KH'A HI KH'A HI, SARBA YAKshA R'A KshA SA, BH'U TA PRA TA, PI SH'A TZA, AUNM'A DA, AA PASM'A RA, BADZRA dA KA d'A KI N+Y'A DA YA AI MAm BAm LAm, GRiHnANTU, SA MA YA RAKshA NTU MA MA SARBA SIDDHI MME PRA YATZTSANTU, YA THEE BAm, YATHEshtAm, BHUm DZA THA, DZI GHRA THA, BI BA THA, M'A TI KRA MTHA, MA MA SARB'A K'ARTA Y'A, SATSU KHAm, BI SHUDDHA YE, SA HA YI KA BHA WANTU HUm H'Um PHAt PHAt SV'A H'A, ZHES LAN GSUM GYIS DBUL, PHYI NANG GIS MCHOD, LHA YI TSOGS RNAMS MA LUS DANG, KLU YI TSOGS RNAMS MA LUS DANG, GNOD SBYIN TSOGS RNAMS MA LUS DANG, SRIN PA'I TSOGS RNAMS MA LUS DANG, 'BYUNG PO'I TSOGS RNAMS MA LUS DANG, YI DVAGS TSOGS RNAMS MA LUS DANG, SHA ZA'I TSOGS RNAMS MA LUS DANG, SMYO BYED TSOGS RNAMS MA LUS DANG, BRJED BYED TSOGS RNAMS MA LUS DANG, MKHA' 'GRO'I TSOGS RNAMS MA LUS DANG, MA MO'I TSOGS RNAMS MA LUS DANG, MA LUS PA NI THAMS CAD DAG, 'DIR GSHEGS BDAG LA DGONGS SU GSOL, ,BSTAN PA BSRUNG DANG 'GRO BA'I DRON MDZAD PHYIR, ,THUGS DAM BCAS SHING ZHAL GYIS BZHES PA RNAMS, ,DPAL CHEN BKA' SDED YID LTAR MGYOGS PA YI, ,'JAGS PA'I GZUGS CAN DRAG GTUM MI BZAD PA, ,GDUG PA 'DU LA MDZAD NAG
PO'I PHYOGS RNAMS 'JOMS, ,RNAL 'BYOR LAS LA 'BRAS BU STER MDZAD CING, ,MTHU STOBS BYIN RLABS BSAM GYIS MI KHYAB PA'I, ,GNOD SBYIN TSOGS SOGS BRGYAD LA PHYAG 'TSAL LO, SDE BRGYAD BTZUN MO SRAS DANG G-YOG BCAS PAS, ,DNGOS GRUB KUN GYI BKA' DRIN BDAG LA STZOL, ,RNAL 'BYOR BDAG CAG 'KHOR BCAS LA, ,NAD MED TSE DANG DBANG PHYUG DANG, ,DPAL DANG GRAGS DANG SKAL BA BZANG, LONGS SPYOD RGYA CHEN KUN THOB CING, ,ZHI DANG RGYAS LA SOGS PA YI, ,LAS KYI DNGOS GRUB BDAG LA STZOL, ,SRUNG MAS RTAG TU GROGS MDZOD CIG ,DUS MIN 'CHI DANG NAD RNAMS DANG, ,GDON DANG BGEGS RNAMS MED PAR MDZOD, ,RMI LAM NGAN DANG MTSAN MA NGAN, ,BYA BYED NGAN PA MED PAR MDZOD, ,'JIG RTEN BDE ZHING LA LEGS DANG, ,'BRU RNAMS 'PHEL ZHING CHOS 'PHEL DANG, ,BDE LEGS THAMS CAD 'BYUNG BA DANG, ,YID LA 'DOD PA KUN 'GRUB SHOG ,AOm YO GA SHUDDH'A: SARBA DHARM'A YO GA SHUDDHONYHAm, ZHES BRJOD DE PAD KAR GYI PHYAG RGYAS MNYAS PAR BYAS LA PHYAG RGYA NYE BAR SDUD PA NA 'KHYUD PA'I LTANG KA, YIG BRGYA DANG MA 'BYOR BA SOGS KYIS NONGS PA BZOD PAR GSOL, MTHE BO NGA DANG MING MED KYIS SE GOL GTOGS LA, BADZRA MU: SA YE SHES PA RANG BZHIN GYI GNAS SU GSHEGS PAR BSAM, SMON LAM NI, SRID PA GSUM 'BAR SKU NI RJES CHAGS DUL
, ,BAR LDAN, ,'OD ZER SNGON PO STONG LDAN NYI MA BRGYA STONG LDAN, ,RNAM MANG SKU DAD CHA LUGS RJES CHAGS SEMS PAR LDAN, ,HE RU KA: DPAL DE DANG LHAN CIG GAR BYED SHOG ,LHA MO TSAD MA MTSIG CHANG MA DANG, ,DES BRJOD GSUNG YANG MCHOG TU TSAD MA STE, ,BDEN PA 'DI DAG GIS NI LHA MO RNAMS, ,BDAG CAG RJES SU 'DZIN PA'I RGYUR GYUR CIG ,SEMS CAN KUN GYI DON GYI PHYIR, ,BDAG NI HE RU KAR GYUR NAS, ,SEMS CAN THAMS CAD HE RU KA'I, ,GO 'PHANG MCHOG LA 'GOD BAR SHOG ,SHIS BRJOD NI, PHUN SUM TSOGS PA BYA'O,, BZHI PA NYAL BA'I RNAL 'BYOR NI, GONG GI BSDU CHOG LTAR LA N'A DA YANG 'OD GSAL LA THIM PA'I NGANG LA NYAL LO,, LNGA PA LDANG BA'I RNAL 'BYOR NI, NANG PAR RNAL 'BYOR MAS GLUS BSKUL BAS GANGS TE HE RU KA: YAB YUM DU GSAL LO,, DRUG PA KHRUS KYI RNAL 'BYOR NI, DBANG BSKUR BA'I CHO GA BZHIN NO,, BDUN BA ZAS KYI RNAL 'BYOR NI, SKAD CIG MA'I SNGAGS BRJOD NAS LUS DKYIL GSAL GDAB, KHA ZAS GTOR MA LTAR BYIN GYIS BRLAB BA'AM, DE TZAM MA NUS NA PHYAG RGYA DANG BCAS, AOm A'A: H'Um HA HO HR'I:, ZHES PAS BRLABS LA G-YON PAS BZA'O, ,GSANG LAS YANG GSANG RNAL 'BYOR MA RGYUD KYI, ,RTZER SON 'KHOR LO BDE MCHOG ZAB MO'I LAM, ,KHRAG 'THUNG KHYAB BDAG RDO RJE DRIL BU PA'I, ,LUGS 'DI SKAL BZANG BSOD NAMS ZONG GIS
BSGRUBS, ,'PHAGS YUL GRUB PA' DBANG PHYUG MTHA' KLAS PA, ,BSHUL NYER GSHEGS NAS HE RU KA: DPAL GYI, ,GRONG KHYER CHER BGROD BCU GSUM RDO RJE'I SA, ,MNGON DU GYUR PA'I LAG RJES MANG ZHIG BZHAG ,LJONGS 'DIR 'JIG RTEN MIG GCIG BKA' DRIN LAS, ,MI 'DRA'I 'CHAD NYAN RNAM PA BGRANGS YAS KYANG, ,ZAB DON GNOD KYIS ZUNG 'JUG SAR BRNYES PA, ,SA SKYA'I BLA CHEN YAB SRAS TZAM DU 'KHUMS, RTZA BSHAD CHA MTHUN DGONGS PA YONGS BKRAL BAR, ,'GRAN MED MKHAS RNAMS YANG RTZAR LEGS SON PA, ,KUN MKHYAN BU STON 'JAM MGON BTZONG KHA PA, ,THAB BSTAN MKHA' LA NYA ZLA ZUNG BZHIN MDZES, ,DE PHYIR GANG MA'I BZHENG SROL PHA MTHA' YAS, ,RJES 'BANGS DPYOD LDAN 'GREL LUGS DE BAS MAD, ,BLUN RMONGS RANG BZA' MAN MDA' ZAD PA MED, ,MTHANG CHE BDAG 'DRA'I BLO DMAN MGO BO 'KHOR, ,'ON TE BDE MCHOG 'KHOR LO 'TSAMS SPRIN GOS, ,RAB MDZES DAM PA' ZHABS PAD BSTEN PA'I MTHUS, ,MA 'DRES SO SOR 'BYED NUS SPOBS PA'I MGRIN, ,CUNG ZAD BTAG NAS SMRA BA'I SKAL BZANG THOB, ,MI 'DZAD DGE BA'I RDZINGS KYIS 'KHOR BA'I MTSO,, BA SGRAL TAM DANG MKHA' 'GRO 'DU PA'I GROD, ,MU MED 'GRO RNAMS BSUS NAS BDE BA CHE, ,SKU GSUM RIN CEN NOR LA SBYOD BAR SHOG ,CES GRUB PA'I DBANG PHYUG RDO RJE DRIL BU BA'I BZHED GZHUD DPAL 'KHOR LO SDOM PA PHYI DKYIL
, ,LHA LNGA'I SGRUB THABS LO PAn ZHAL LUNG ZHES BYA BA 'DI NI DBU MJAD BLO BZANG YON TAN GYIS BSKUL BAS MTSAMS SBYAR BA LA BRTEN NAS THUGS SRAS LO TZ'A BAS MDZAD PA'I MNGON RTOGS KYI DGONGS PA GTZO BOR BZUNG STE RTZA BA'I BLA MA KHYAB BDAG ZHA LU PA CHEN POS MDZAD PA'I MI 'GYUR BDE BA CHEN PO'I DPAL STAR LA GZHI BYAS, CHOS KYI RGYAL PO 'PHAGS PA, ZHA LU SHAR CHEN YE SHES RGYA MTSO, THAMS CAD MKHYEN PA DGE 'DUN RGYA MTSO GSUM GYI GSUNG RAB LA'ANG ZHIB MOR DPYAD DE ZA HOR GYI BANDES KUN DGA' ZHES PA SHING STAG KHRUMS KYI ZLA BA'I KHRAG 'THUNG RNAM PAR ROL BA'I TSES LA PHO BRANG PO TA LAR SBYAR BA'I YI GE PA NI GNAS BRTAN 'JAM DBYANGS GRAGS PA'O,, MANGGA LAm,,
[BLANK PAGE]