!, ,MANYDZU SHR'I PR'I YA SYA BA KTR'A GA MA PI TZU LA KshMI YA M'A RI RA [?] KTA PA NYTZA DE BA SYA SA DH'A NA BI HA RA TI SMA, , !, ,'JAM DPAL GSHIN RJE'I GSHED DMAR PO LHA LNGA'I SGRUB THABS 'JAM DPAL DGYES PA'I ZHAL LUNG BZHUGS SO, ,
[DD1] !, ,('JAM DPAL GSHIN RJE GSHED DMAR PO,,) #, ,SVASTI SIDDHAm, DUS GSUM SANGS RGYAS THAMS CAD KYI MKHYEN BRTZE NUS PA'I BDAG NYID DRIN CAN RTZA BA'I BLA MA 'JAM MGON GRUB PA'I DPA' BO KHYAB BDAG BKA' 'GYUR BA MGON PO BSOD NAMS MCHOG LDAN BSTAN PA'I RGYAL MTSAN DPAL BZANG PO'I ZHABS KYI PADMAR GUS PAS PHYAG 'TSAL ZHING SKYABS SU MCHI'O,, BRTZE BA CHEN POS RJES SU GZUNG DU GSOL, SBROS PA'I MTSAN MA KUN DANG YONGS BRAL BDE CHEN CHOS SKU'I NGANG NYID LAS, ,DES PA LNGA LDAN LONGS SPYOD RDZOGS SKUR 'OG MIN ZHING GI GTZOR BZHENGS KYANG, ,SHES RAB AE DBYINGS RO LANGS MAR SBYOR THABS MCHOG WAm YIG DUS KYI DGRAR, ,'JAM PA'I RDO RJE GAR DGU'I NYAMS KYIS GTUM CHEN KHRO BOR BSTAN DE BSNGAGS, ,LAM 'DI'I SHING RTA'I SROL 'BYED BI R'U PA, ,DPAL 'DZIN 'PHAGS PA'I YUL DU NYI ZLA LTAR, ,GRAGS LAS GRUB PA'I 'KHOR LOS SGYUR BA YI, , [DD2] !, ,(RNAL 'BYOR DBANG PHYAG DPAL 'DZIN ZHABS, ,)
[DD1] !, ,('JIG RTEN MIG [?] GCIG CHOS [?] RJE [?] DPAL,) *, ,DPAL LDAN CHOS SKYONG GTZUG GI RGYAN TU MDZES, ,SMIN BYED DBANG GI CHU BO MA NUB RGYUN, ,SPEL MDZAD DBYAL LO CHAG DANG 'JAM GSAR RJE, ,GROL BYED GDAMS PA'I BKA' BABS GLO BO PA, ,SKAD GNYIS SMRA BA SHES RAB RIN CEN DRIN, ,'KHOR LO'I MGON PO BSOD NAMS MCHOG LDAN ZHABS, ,BYIN RLABS BDUD RTZI'I CHAR 'BEBS ZHA LU BA, ,LHAN SKYES YE SHES NGO SPROD ZUR CHEN RJE, ,RNAM GSUM BYANG CHUB BAR DU RIGS KYI BDAG ,GSHIN RJE'I GSHED GYUR LHA LNGA'I RNAL 'BYOR GYI, ,SGRUB THABS 'JAM DPAL DGYES PA'I ZHAL GYI LUNG, ,RANG BZO'I BSRE BSLAD DRI MAS MA GOS PAR, ,'KHRUL MED BRGYUD PA'I BKA' SROL JI BZHIN 'DRI, , DE LA 'DIR BCOM LDAN 'DAS 'JAM DPAL GSHIN RJE'I GSHED DMAR PO LHA LNGA'I SGRUB THABS KYI RIM PA BSGOM PA BO NI BCOS MA'I DKYIL 'KHOR GNYIS PO GANG YANG RUNG BAR [DD2] !, ,('JAM DPAL DBYANGS DNGOS MKHYEN BRTZE'I DBANG,,)
DBANG BSKUR BA MTSAN NYID DANG LDAN PA LEGS PAR NOD PA'I RIG SNGAGS 'CHANG BA RNAMS KYIS NUB MO NYAL BA'I RNAL 'BYOR LA GNAS BZHIN BA'I DANG NAS, THO RENGS LDANG BA'I RNAL 'BYOR GYIS GSHIN RJE'I GSHED KYI SKUR LANGS TE BDE BA'I STAN (CHOM BU DANG TING NGE 'DZIN KYI DKYIL 'KHOR LA BRTEN LA SGAD DRANG STA GON BZHI DANG SGRUB MCHOD MA BYAS PA'I ZAG ZOG GI GO MI TSAD,) LA GNAS PAS NYAMS SU BLANG BA LA, SNGON 'GRO, DNGOS GZHI, RJES KYI RIM PA DANG GSUM, DANG PO LA THUN MONG BA DANG THUN MONG MA YIN PA GNYIS KYI, DANG BO LA SKYABS 'GRO, SEMS BSKYED, RDOR BZLAS DANG GSUM YOD PA'I NGANG PO NI, BDAG DANG 'GRO BA NAM MKHA' DANG MNYAM PA'I SEMS CAN THAMS CAD DUS 'DI NAS BZUNG STE JI SRID BYANG CHUB SNYING PO LA MCHIS KYI BAR DU DPAL LDAN BLA MA DAM PA RNAMS LA SKYABS SU MCHI'O,, RDZOGS PA'I SANGS RGYAS BCOM LDAN 'DAS RNAMS LA SKYABS SU MCHI'O,, DAM PA'I CHOS RNAMS LA SKYABS SU MCHI'O,, 'PHAGS PA'I DGE 'DUN RNAMS LA SKYABS SU MCHI'O,, ZHES LAN GSUM LA NYUNG MTHA' BRJOD CING THAL MO SBYAR TE BLA MA DANG DKON COG RIN PO CHE RNAM PA GSUM LA PHYAG 'TSAL ZHING SKYABS SU MCHI'O,, KHYED RNAMS KYIS BDAG GI RGYUD BYIN GYIS BRLAB TU GSOL, GNYIS PA NI, BDAG GIS SEMS CAN THAMS CAD KYI DON DU RDZOGS PA'I SANGS RGYAS KYI GONG 'PHANG 'THOB PAR BYA, DE'I CHED DU DPAL GSHIN RJE'I GSHED DMAR PO'I LAM GYI RIM BA ZAB MO NYAMS SU BLANG BAR BGYI'O,, ZHES LAN GSUM BRJOD, GSUM PA NI, (KUN MKHYEN BU'I PHYAG LON DU THUN MONG MA
, ,YIN PA'I RDOR SEMS MDZAD PA MI 'THAD PA MA YIN MOD, 'DIR 'JUG PA BDE BA'I DBANG DU BTANG STE SGRUB THABS BDUD RTZI'I BUM PA JI RJES SU 'BRANGS SO,,) RANG GI SPYI BOR SNA TSOGS PADMA DANG ZLA BA'I DKYIL 'KHOR GYI STENG DU BCOM LDAN 'DAS RDO RJE SEMS DPA' SKU MDOG STON KA'I ZLA BA LTAR DKAR BA ZHAL GCIG PHYAG GNYIS KYIS RDO RJE DANG DRIL BU 'DZIN PAS YUM LA 'KHYUD PA, RAL BA'I THOR TSUGS CAN, RIN PO CHE'I RGYAN GYIS BRGYAN PA, ZHABS SEMS DPA'I SKYIL MO KRUNG GIS BZHUGS PA, DE'I PANG NA YUM RDO RJE SNYEMS MA SKU MDOG DKAR MO RDO RJE DANG DRIL BU 'DZIN PA DANG MNYAM PAR SBYOR BA, YAB KYI THUGS KAR ZLA BA'I DKYIL 'KHOR GYI STENG DU H'Um DKAR PO DE LAS 'OD 'PHROS PAS DE BZHIN GSHEGS PA THAMS CAD KYI THUGS KYI SNYING PO YE SHES KYI BDUD RTZI SPYAN DRANGS TE H'Um LA THIM, BCOM LDAN 'DAS BDAG DANG SEMS CAN THAMS CAD KYI SDIG SGRIB NYES LTUNG DRI MA'I TSOGS THAMS CAD BYANG ZHING DAG PAR BYIN GYIS BRLAB TU GSOL, ZHES GSOL BA BTAB PAS, H'Um LAS BDUD RTZI BABS TE YAB KYI SKU GANG, DE NAS DBYIBS BRGYUD DE YUM GYI SKU GANG, YAB YUM GNYIS KYI SKU LAS BDUD RTZI'I RGYUN BABS, BDAG GI SPYI BO NAS RKANG MTHIL GYI BAR THAMS CAD GANG BAS NAD GDON SDIG SGRIB THAMS CAD DUD KHU'AM RANG KHRAG GI RNAM BAS BSHAD GCI GNYIS DANG RKANG MTHIL GNYIS NAS 'THON TE SHUL THAMS CAD BDUD RTZIS GANG BAR BSAMS LA NGAG TU, AOm BADZRA SA TVA SA MA YA MA NU B'A LA YA BADZRA SA TVA T'E NO PA TIshthA, DRidHO ME BHA BA, SU TO shYO MA BHA
BA, SU PO shYO ME BHA BA, AA NU RA LTO MA BHA BA, SARBA SIDDHI MME PRA YATZTSA, ,SARBA KARMA SU TZA MEE TZITTAm SHRE YA: KU RU H'Um, HA HA HA HA HO: BHA GA BAN SARBA TA TH'A GA TA BADZRA M'A ME MUNYTZA, BA DZR'I BHA BA, MA H'A SA MA YA SA TVA A'A:, ZHES CI NUS BZLAS NAS RDO RJE THAL MO SNYING GAR SBYAR LA, PHYAG 'TSAL BSTOD DE PHYAG 'TSAL 'DUD, ,PHYAG 'TSAL 'DUD BYED PHYAG 'TSAL BSTOD, ,GUS PAS SKU LA BDAG GSOL 'DEBS, ,RDO RJE SEMS DPA' BDAG 'GRUB MDZOD, ,SKU GSUNG THUGS RTZA BA DANG YAN LAG GI DAM TSIG NYAMS PA THAMS CAD MTHOL LO BSHAGS SO,, SDIG PA DANG SGRIB PA NYES PA DANG LTUNG BA DRI MA'I TSOGS THAMS CAD BYANG ZHING DAG PAR MDZAD DU GSOL, ZHES GSOL BA BTAB PAS, DE NAS BCOM LDAN 'DAS RDO RJE SEMS DPA' YAB YUM 'OD DU ZHU NAS SPYI BO NAS RANG LA THIM PAS RANG GI LUS SHEL GONG DAG PA LTAR BSAM, GNYIS PA LA BSOD NAMS DANG YE SHES KYI TSOGS GNYIS, DANG PO LA YUL DAG PA DANG MA DAG PA GNYIS LAS, DANG PO NI, RANG SKAD CIG GI GSHIN RJE'I GSHED DMAR POR GSAL BA'I THUGS KAR AAm DMAR PO LAS BYUNG BA'I NYI MA'I DKYIL 'KHOR GYI STENG DU H'Um DMAR PO YONGS SU GYUR BA LAS DBYUG PA DKAR PO RDO RJE'I RTZE MO CAN MI MGO RLON PA SER POS MTSAN PA'I RKANG BRGYAD BZHOGS JE 'PHEL DU SONG BA'I LTE BAR NYI MA LA GNAS PA'I H'Um DMAR PO DE LAS 'OD ZER KHA DOG 'JA' TSON LTA BU 'PHROS LUS KYI NANG GANG NA DA GDON SDIG SGRIB BAG CHAGS DANG BCAS PA SBYANGS, 'OD ZER SNA BUG G-YAS NAS PHYIR 'THON
, ,TE RANG BZHIN GYI GNAS NAS BLA MA DANG GNYIS SU MED PA'I DPAL GSHIN RJE'I GSHED DMAR PO LHA LNGA'I DKYIL 'KHOR LA SANGS RGYAS DANG BYANG CHUB SEMS DPA'I TSOGS KYIS BSKOR BA MDUN GYI NAM MKHAR, RDO RJE BSDU BA'I PHYAG RGYA DANG BCAS AOm BADZRA SA M'A DZA: SA SPYAN DRANGS, NA MO GU RU BHYA: NA MA: SARBA TA TH'A GA TA SHR'I RAKTA YA M'A RI MAndA LAS PA RI W'A [?] RE BHYA: ZHES PAS PHYAG BYA, AOm SARBA TA TH'A GA TA SHR'I RAKTA SOGS KYI RJES LA AARGHAm PRA T'ITZTSA SB'A H'A, DE BZHIN DU SHAPTA'I BAR PAD KOR SNGON DU 'GRO BA'I SO SO'I PHYAG RGYA DANG BCAS MCHOD, DKON COG GSUM LA BDAG SKYABS MCHI, ZHES SOGS GUR NAS BYUNG BA'I YAN, (BU LUGS LA AOm HR'I: shtR'I: HA DZAD PAR 'GAL BA MED KYANG MCHOD 'PHRENG GI GDANGS 'GEGS DGA' BAS 'DIR BDUD RTZI'I BUM PA'I RJES SU 'BRANGS,) LAG BDUN PA BYAS LA, (BU LUGS LA GONG GI PHYAG 'TSAL STONG NYID SNYING RJE MA DANG, 'DIR LUS DANG NGAG YID MA SOGS MDZAD PA RGYUD LE'U BCU DGU [?] SNA NAS KHA BSKANGS KYANG 'JUG PA BDE PHYIR BDUD RTZI'I BUM PA BZHIN BKOD,) AOm BADZRA MU: SA TSOGS ZHING RNAMS RANG BZHIN GYI GNAS SU GSHEGS PAR BSAM, GNYIS PA NI, TSAD MED BZHI BSGOM MO, GNYIS PA NI, SNGAGS TSAN GSUM GYI SGO NAS YE SHES KYI TSOGS GSOG PAS, THUGS KA'I H'Um LAS 'OD 'PHROS SNOD BCUD THAMS CAD 'OD DU ZHU NAS RANG LA THIM PAS GZUNG BA'I YUL DANG BRAL BA RANG GI SEMS KYI NGO BOR BSAMS LA, AOm SV'A BH'A WA SHUDDH'A: SARBA DHARM'A: SVA BH'A WA SHUDDHONYAHAm, DE LTAR GZUNG YUL MA GRUB PAS 'DZIN PA MI 'GRUB PA'I PHYIR, GZUNG 'DZIN GYI RTOG
PA DANG BRAL BA RANG RIG PA LHA'I SKUR BSAMS LA, 'KHYUD RGYA DANG BCAS, AOm YO GA SHUDDH'A: SARBA DHARM'A: YO GA SHUDDHONYAHAm, RANG NYID LHA'I SKU GDAN DANG BCAS PA DBYUG PA LA THIM, DE H'Um LA, DE MGO BO LA, DE ZLA TSES LA, DE THIG LE LA, DE N'A DA LA THIM PA'I MTHAR NAM MKHA' LA SPRIN DENGS PA BZHIN DU BSAMS LA, 'KHYUD RGYA DANG BCAS, AOm SH'U N+YA T'A DZNY'A NA BADZRA SVA BH'A W'ATMA KONYAHAm, GNYIS PA DNGOS GZHI LA BSKYED RDZOGS GNYIS, DANG PO LA RTEN DANG BRTEN PA GNYIS KYI, DANG PO LA 'BYUNG BZHI BSRUNG 'KHOR GZHAL YAS KHANG DANG GSUM LAS, DANG PO NI, STONG PA'I NGANG LAS AE LAS NAM MKHA'I KHAMS CHOS 'BYUNG GI RANG BZHIN DE'I DBUS SU YAm LAS RLUNG GI DKYIL 'KHOR SNGON PO ZLUM PO DBUS CUNG ZAD MTHO BA PHYOGS KYI DBANG, (BU LUGS LA 'DI 'BYUNG BZHI'I SNGON DU MDZAD KYANG 'DIR BDUD RTZI'I BUM PA'I RJES SU 'BRANGS,) LAS GZHU'I DBYIBS LTA ('DUD RTZI'I BUM PAR MI GSAL YANG BU LUGS SU MDZAD PA LEGS CHA LAS SKYON DU MI 'GYUR BAR MDON,) BU DBUS SU YAm DANG 'CHANG BZUNG LA G-YE BA'I BDAN GYIS MTSAN PA, DE'I STENG DU RAm PHAS [?] ME'I DKYIL 'KHOR DMAR PO DBUS SU RAm NGANG GRU GSUM 'BAR BA'I 'PHRENG BAS MTSAN PA, DE'I STENG DU BAm LAS CHU'I DKYIL 'KHOR DKAR PO ZLUM PO BUM PA CHUS GANG BA LTA BU BAm GYIS MTSAN PA, DE'I STENG DU LAm LAS SA'I DKYIL 'KHOR SER PO GRU BZHI BA DBUS SU LAm DANG GRVA BZHIR RDO RJE PHYED BAS MTSAN PA, DE'I STENG DU SUm YIG SNGON PO ZHU BA LAS RI RAB RTZA BA BANG RIM BZHI RTZE MO LCOG BZHI PA RIN PO CHE SNA BZHI LAS GRUB
, ,PA'I GYOGS MDOG GI DBANG LAS LCOG BRGYAD DU SNANG BA, GNYIS PA NI, DE'I STENG DU PAm LAS PADMA 'BUM AAm LAS NYI MA'I DKYIL 'KHOR GYI LTE BAR H'Um LAS SNA TSOGS RDO RJE H'Um GIS MTSAN PA, DE LAS 'OD ZER 'OG TU 'PHROS BAS RDO RJE'I SA GZHI, KHOR LUG RDO RJE'I RAB DANG 'DRA BA, (RGYA GZHUNG DU MI GSAL YANG 'PHAGS PA RIN PO CHE DANG DBYAL LOS SKABS 'DIR BSHAD PA LEGS BA'I CHA'O,,) STENG RDO RJE'I BLA BRE DANG GUR RDO RJE PHYED PA'I TOG CAN THAMS CAD KYANG KHA DOG NAG PO RDO RJE PHRA MOS PAR MTSAMS MED PAR GTAMS PAS DUM BU GCIG TU GYUR BA'I PHYI ROL KUN TU YE SHES KYI ME DMAR NAG 'UR SGRA DANG BCAS 'BAR BA'I BSRUNG 'KHOR GYI DBUS SU, GSUM PA NI, BAm LAS SNA TSOGS PADMA 'DAB MA 'BUM DANG LDAN PA, AAm LAS NYI MA'I DKYIL 'KHOR LJANG SER GYI STENG DU H'Um LAS SNA TSOGS RDO (BU LUGS LA KHA DOG LNGA LDAN SNANG YANG 'DIR BSKYED RIM RNAM BSHAD KYI DGONGS BA LTAR BKOD,) RJE RVA NYI SHU BA, SHAR DKAR, LHO SER, NUB DMAR, BYANG (LA L'I TE'I DREB [?] SU 'BRANGS TE RNAM BSHAD LAS GSUNGS BLTAR BKOD,) LJANG, DBUS GRU BZHI NAG PA'I LTE BAR BH'Um LAS GZHAL YAS KHANG GRU BZHI SGO BZHI RTA BABS BZHIS MDZAD PAR BYAS PA, PHYI NAS RIM PA BZHIN DKAR SER DMAR LJANG SNGO BA'I RTZIG BA RIM BA LNGA DANG LDAN PA'I STENG NA GSER GYI PHA GU 'CHAR KHA YOD PA RIN PO CHE'I PHRA TSOM CAN, DE'I STENG DU RIN PO CHE'I BRE PHUL GYIS BTEG PA'I GSER GYI GDUNG (GTZO BOR SKU MDOG LA BRTAN NAS KHA DOG BSGYUR BA RGYUD SDE GZHAN DU YOD 'DUG KYANG SA ZHAL GNYIS KAR THUN BAR 'DI BA [?] ZIN BYUNG,)
LEB LA BRTEN PA'I TZI BA TRA'I KHA NAS 'PHYANG BA'I DO SHAL DANG DO SHAL PHYED PA LA ME LONG DANG RNGA YAB DANG, ME TOG GI 'PHRENG BA DANG, DAR GYI CHUN PO DU MAS SPRAS PAS, DE'I STENG DU BYA 'DAB KYI SNER SPYI BLUGS MCHU MED MGO BO THUR BSTAN LTA BU'I MNGA' YAB DANG PADMA PHYED PA'I DBYIBS CAN GYI PU SHU GYEN BSTAN GYIS BSKOR BA, NANG KA BA BRGYAD KYIS BTEG PA'I RDO RJE'I GDUNG ZLUM POR BSKOR BA LA BRTEN PA'I BYA 'DAB KYI 'OG GI RTZIG PA'I RTZA BAR 'DOD YON GYI SNAM BU LA MCHOD PA'I LHA MO RNAMS KYIS KUN TU BZANG PO'I MI CHOD SPRIN SPRO BA, GDUNG ZLUM GYI STENG DU RTZIG PA LNGA BSGRAGS LAS RDO RJE'I GDUNG BZHIS MIG MANGS RIS SU BRES PA, DBUS GRU BZHI PA'I RTZIG STENG NAS RGYA PHIBS KYI RNAM PAR PHUB PA'I RTZE MOR RDO RJE PHYED PA NOR BU MIG GSUM PA'I RTOG GIS SPRAS PA, SGO BZHIR RTA BABS SNAM BU BZHI PA DMAR DKAR SDO SER LJANG BA'I MDANGS CAN, DE'I STENG DU PADMA LA GNAS PA'I CHOS KYI 'KHOR LO DANG G-YAS G-YON DU RI DVAGS PHO MO, STANG DU GDUGS DKAR PO GSER GYI YU BA CAN PHYOGS KUN TU GDUGS DANG RGYAL MTSAN DANG BUM BA LAS THON PA'I ME TOG GI SDONG PO SOGS BKONG PA PHUN SUM TSOGS PAS MDZES PA, NANG GI LHA SNAM SHAR DKAR, LHO SER, NUB DMAR, BYANG LJANG, DBUS SNGO PA'I DBUS SU PAm LAS SNA TSOGS PADMA 'DAM MA BRGYAD PA'I PHYOGS BZHI DMAR, ME RLUNG SER, DBANG LDAN SNGO, BDEN BRAL DANG LTE BA LJANG, GE SAR SER BA'I LTE BA DANG PHYOGS BZHIR AOm LAS NYI MA'I DKYIL 'KHOR RE RE, GNYIS PA BRTEN
, ,PA LHA BSKYED PA LA BSNYAN PA, NYE BAR BSNYEN PA, SGRUB PA, SGRUB PA CHEN PO DANG BZHI YOD PA'I DANG PO NI, GDAN DBUS MA'I STANG DU SLAR YANG NYI MA'I DKYIL 'KHOR DANG H'Um LAS SNA TSOGS RDO RJE BRTZEGS PA'I LTE BA'I H'Um LAS 'OD 'PHROS PAR SRID KYI N'A DRA BKUG STE THIM PA'I RKYEN GYIS PHYAG MTSAN SA BON NYI MA NGANG BCAS PA 'OD DU ZHU NAS H'Um DMAR PO CHA LDA LDAN DU GYUR PA LAS DBYUG PA DKAR PO RDO RJE'I RTZE MO CAN MI MGO RLON PA SER POS MTSAN PA'I RKANG BRGYAD BZHOGS RJE 'PHEL DU SONG BA'I LTE BAR NYI MA LA GNAS PA'I H'Um DMAR PO DE LAS 'OD 'PHROS, 'PHAGS PA MCHOD, SEMS CAN THAMS (AA BHA YAS BSHAD PA'I RNAM GRANGS SU BKOD PA LUGS 'DI LA MI SBYOR BA RDO RJE RIGS KYI NANG GSES [?] KYI RIGS LNGA'I DKYIL 'KHOR YIN PAS RDO RJE'I DBYUG PA KHO NA'O,,) CAD KYI SDIG SGRIB SPYANGS NAS GSHIN RJE'I GSHED KYI GA 'PHANG LA BKOD, CHUR 'DUS H'Um LA THIM, DBYUG PA H'Um DANG BCAS PA YONGS SU GYUR PA LAS, BDAG NYID LHA LNGA'I DKYIL 'KHOR DU GYUR PA NI, DBUS SU BCOM LDAN 'DAS ZHE SDANG BSHIN RJE'I GSHED SKU MDOG DMAR PO NYI MA BYE BA'I 'OD DANG MTSUNGS PA YUM RDO RJE RO LANGS MAS 'KHYUNG PA, SHAR GYI 'DAB MA LA GTI MUG GSHIN RJE'I GSHED DKAR PO TZA RTZI KA NAG MOS 'KHYUD PA, LHOR SER SNA GSHIN RJE'I GSHED SER BO PHAG MO SER ME PHAG ZHAL CAN MAS 'KHYUD PA, NUB TU 'DOD CHAGS GSHIN RJE'I GSHED DMAR PO DBYANGS CAN MA DKAR MOS 'KHYUNG BA, BYANG DU PHRAG DOG GSHIN RJE'I GSHED LJANG GU GOO R'I LJANG SNGON MAS
'KHYUD PA STE DPA' BO THAMS CAD ZHAL GCIG PHYAG GNYIS PA, G-YAS NA 'JIG RTEN GSUM 'DUL BA'I DBYUG PA DKAR PO 'PHYAR BA'I TSUL GYIS 'DZIN CING, G-YON NA BDUD MTHA' DAG GI KHRAG GIS GANG BA'I THOD BA THUGS KAR 'DZIN PA, CUNG ZAD BZHAD PA'I ZHAL RNAM PAR BGRAD PA, MCHE BA BTZIGS SHING LJAGS 'DRIL BA, DMAR LA ZLUM PA'I SBYAN GSUM DANG LDAN PA, SMIN MTSAMS SU KHRO GNYER GSUM BSGRANG BA, GSUS KHYIM DANG BRLA DANG BRANG ZHING RNAMS CHE ZHING SBOM LA RGYAS PA, SKU NGANG YAN LAG DANG NYID LAG THUNG ZHING RAGS PA, DBU SKRA DANG SMIN MA SMA RA DMAR SER GYEN DU 'BAR BA, MTHA' YAS SNGON POS DBU SKRA BCINGS PA, 'JOG PO DMAR POS SNA CHA, DUD SKYONG SER POS PHYAG GDU BA, PADMA DKAR POS MGUL RGYAN, RIGS LDAN KHRA BOS DPUNG RGYAN, NOR RGYAS KYI BU BDUD RTZI'I KHA DOG LTA BUS SKA RAGS, STOBS RGYU LDANG GUS SE RAL KHA, PAD CHEN DKAR PO'I ZHABS GDUB BCINGS PA, STAG LNGAGS RLON PA'I SHAM THABS CAN, RUS PA'I RGYAN DRUG GIS BRGYAN PA, MI MGO RLON PA KHRAG 'DZAG PA'I KHA NAS RGYU RLON LA BRGYUS PA'I DO SHAL DANG RIN PO CHE'I RTZE PHRAN CAN GYI BSKAM BO LDAS DBU LA BRGYAN PA, SNYAN KONG AUTPAL DANG DAR DPYANGS G-YO BA, SGEG PA DPA' BA MI SDUG PA, RGOD DANG DRAG SHUL 'JIGS SU RUB, SNYING RJE RDAMS DANG ZHI BSTE GAR GYI NYAMS DGU DANG LDAN PAS GSHIN RJE'I TSOGS SGRAG PAR BYED BA, MA HE DMAR PO RAB TU KHROS PA RUS PA'I (ZIN BRIS MANG BOR KENG RUS KYI DRA BA ZHES PAR ZHA [?] LU TZANDRA PAS, RUS)
, ,GZHI KENG RUS KHYAD PAR CHE, ,RUS RGYAN BSHAD MANG KENG RUS KYI, ,DRA BAS G-YOGS LA LUNG RGYAB MED, ,GSUNG PA 'THAD PAR SNANG, DA BAS G-YOGS PA'I STAR NA ZHAGS G-YAS BSKUMS PAS MA HE'I RVA DANG GSHIN RJE NAG PO G-YAS DBYUG PA DANG G-YON ZHAGS PA THOGS PA KHA SPUB TU BSGYEL BA'I LTAG RTZA DANG G-YON BSKUMS PAS MA HE'I TSAD RA DANG SHIN RJE'I RKANG PA MNAN CING YE SHES KYI ME (TZANDRA PAS 'KHOR RNAMS LA MA HE DANG GSHIN RJE'I GDAN GYI KHUNGS MED GSUNG YANG SA ZHAL GYI YIG CHA KUN MTHUN PAS BLA MA'I MAN NGAG LAS SO,,) 'BAR BA'I DBUS NA BZHUGS PA, DE DAG GI PANG NA GNAS PA'I YUM RNAMS KYANG ZHAL GCIG PHYAG GNYIS SPYAN GSUM DANG LDAN PA, DBU SKRA NAG PO GROL BAS SKU SKED YANG CHED NON PA, STOD SMAD RGYAS LA SKED PA PHRA BA, PHYAG RGYA LNGA DANG SPRUL GYIS BRGYAN PA, G-YAS PAS RDO RJE GRI GUG NAM MKHA' LA 'PHYAR ZHING G-YON THOD PA KHRAG GIS GANG BA 'DZIN PAS YAB LA 'KHYUD PA, MGO PO BSGAM PO LNGA'I DBU RGYAN DANG BSGAM PO LNGA BCU'I DO SHAL CAN, STAG GI BAGS PA'I SHAM THABS GSOL BA, GCER BU G-YAS BRKYANG GI STABS KYIS 'KHYUD PA'O,, SHAR LHOR MU MEN GYI BUM PA NGO BO BZHI MNYAM RNAM PA GSER BTZO MA'I KHU BA LTA BUS GANG BA, LHO NUB TU GSER GYI BUM PA GLA RTZI BEEd'URYA'I YUM LTA BUS GANG BA, NUB BYANG DU BYU RU'I BUM PA SAm LHA MTSAL COG LA MA LTA BUS GDAB, BYANG SHAR DU DNGUL GYI BUM PA GA PUR SHEL DKAR BZHU BA LTA BUS GANG BA STE BZHI GA'ANG THOD PA ZLA BA LTAR DKAR BA DANGS MA'I MCHOG GIS YONGS SU GANG BAS KHA BCAD PA'O,, GTZO BO'I
THUGS KAR PAm LAS PADMA DANG AI DMAR PO LAS BYUNG BA'I NYI MA'I DKYIL 'KHOR GYI STENG DU YE SHES SEMS DPA'I NGO BO H'Um DMAR PO YONGS SU GYUR PA LAS, DBYUG PA DKAR PO RDO RJE'I RTZE MO CAN MI MGO RLON PA SER POS MTSAN PA RKANG BRGYAD BA ZHOGS JE 'PHEL DU SONG BA'I LTE BAR NYI MA LA GNAS PA'I TING NGE 'DZIN SEMS DPA' H'Um DMAR POR BSAM, GNYIS PA NYE BAR BSNYEN PA LA, BDE BA BSGRUB PA, SHES RAB BSKYED PA, GNAS GSUM BYIN RLABS DNGOS DANG GSUM, DANG PO NI, RANG NYID GSHIN RJE'I GSHED DMAR PO DANG RIG MA RO LANGS MAR BSGOM PA LHA'I 'DU SHES, H'Um LAS BYUNG BA'I YAB KYI RDO RJE DANG AA LAS BYUNG BA'I YUM GYI PADMA GSAL 'DEBS PA SNGAGS KYI 'DU SHES, THABS 'DI LA BRTAN NAS LHAN SKYES MNGON DU BYA'O SNYAM PA CHOS KYI 'DU SHES TE 'DU SHES GSUM DANG LDAN (KU PHUGS LA RTZE MOR H'Um DANG BU GAR PHAt SOGS BSHAD NA'ANG BDUD RTZI'I BUM PHA DANG RNAM BSHAD NA MI GSAL BAS BTANG SNYOMS SU BZHAG,) PA'I SGO NAS SNYOMS PAR ZHUGS PA'I LHAN CIG SKYES PA'I BDE CHEN GYI YE SHES RGYUD LA SKYES PAR BSAMS LA, AOm SARBA TA TH'A GA TA AA NU R'A GA nA BADZRA SVA BH'A WA A'ATMA KONYAHAm, GNYIS PA NI, YUM GYI LTE BA'I 'OG TU HR'I: LAS PADMA DMAR PO 'DAB MA BRGYAD PA'I LTE BAR HR'Um: DMAR PO DROD KYI RANG BZHIN CAN GYIS BRGYAN PA, DA'I RTZE MO NAS YAB KYI SPYI PAR (GZHAL GNYIS KA'I GZHUNG DU MI GSAL YANG MKHAS PA TZANDRAS GTZO BO'I SPYI BO NAS ZHES PA LEGS BSHAD DO,,) HAm DKAR PO HR'I: 'I DROD GYIS BSKUL BAL BRTEN NAS SPYI BO'I 'DUD RTZI LAS 'THON PA'I RE KH'A DKAR PO SHEL DKAR GYI SKUD PA LTA BUS
, ,SPEL BAR BSAM, GSUM PA NI, LHA RNAMS KYI DBRAL BAR AOm LAS 'KHOR LO DKAR PO RTZIBS BRGYAD PA LTE BAR AOm GYIS MTSAN PA, MGRIN PAR A'A: LAS PADMA DMAR PO 'DAB MA BRGYAD PA ZA'U 'BRUL A'A: SA MTSAN PA, THUGS KAR (GZHUNG RJE CHUNG NA MED BAS MA BYAS KYANG RUNG ZHES THAMS CAD MKHYAN PA BU GSUNG YAR DA LTAS ZHAL GNYIS KA'I PHYAG LEN LA MDZAD,) H'Um LAS RDO RJE SNGON PO RTZE LNGA PA LTE BAR H'Um GIS MTSAN PA, DE DAG LAS 'OD 'PHROS PAS GDOD MA NAS GRUB PA'I SKU GSUNG THUGS KYI RDO RJE'I LHA TSOGS RNAMS MDUN GYI NAM MKHAR AOm BADZRA SA M'A DZA: SA SPYAN DRANGS, AOm SARBA TA TH'A GA TA AOm AARGHAm NAS SHAPTA PRA T'ITZTSA SV'AH'AS MCHOD, SKU GSUNG THUGS RDO RJE'I LHA TSOGS RNAMS KYIS BDAG GI LUS NGAG YID GSUM BYIN GYIS BRLAB TU GSOL, ZHES GSOL BA BTAB PAS, SKU GSUNG THUGS RDO RJE RNAMS BDAG GI GNAS GSUM DU THIM PAS, DE BZHIN GSHEGS PA THAMS CAD KYI SKU GSUNG THUGS RDO RJE'I RANG BZHIN DU BSAM, 'KHYUD RGYA DANG BCAS, AOm SARBA TA TH'A GA TA K'A YA BADZRA SVA BH'A WA A'ATMA KONYAHAm, AOm SARBA TA TH'A GA TA W'A KA BADZRA SVA BH'A WA A'ATMA KONYAHAm, AOm SARBA TA TH'A GA TA TZITTA BADZRA SVA BH'A WA A'ATMA KONYAHAm, GSUM PA SGRUB PA NI, RANG GI THUGS KA'I H'Um LAS 'OD ZER 'PHROS PAS DBANG GI LHA DE BZHIN GSHEGS PA RIGS LNGA, YUM BZHI, BYANG CHUB SEMS DPA' BRGYAD, LHA MO DRUG, KHRO BO BCU DANG BCAS PA'I GDAN GSUM TSANG BA'I LHA TSOGS MDUN GYI NAM MKHAR AOm BADZRA SA M'A DZA: SA SPYAN DRANGS, AOm
SARBA TA TH'A GA TA PANYTZA K'U LAS PA RI W'A RA AARGHAm NAS SHAPTA PRA T'ITZTSA SV'AH'AS MCHOD, AOm AA BHI shIshTA TU MAm, SARBA TA TH'A GA TA ZHES GSOL BA BTAB PAS, AOm BADZRI BH'A WA AA BHIshINYTZA MAm, ZHES GSANG ZHING BUM PA'I CHUS SPYI BO NAS DBANG BSKUR BAS LUS GANG, DRI MA DAG NAS DBANG BSKUR GYI LHA RNAMS COD PAN DU GYUR PA NI GTZO BO LA RDO RJE SEMS DPA', 'KHOR RNAMS LA GTZO BO NYID KYIS DBU BRGYAN PAR BSAM, BZHI PA NI, RANG GI SNYING GA'I H'Um LAS 'OD ZER 'PHROS, MDUN GYI NAM MKHAR YE SHES SEMS DPA' LHA LNGA'I DKYIL 'KHOR RTEN DANG BRTEN PAR BCAS PA AOm BADZA SA M'A DZA: SA SPYAN DRANGS, G-YON PA'I MTHEB SRIN GYIS NANG MCHOD 'THOR ZHING, AOm HR'I: shtR'I: WI KRi T'A NA NA H'Um H'Um PHAt PHAt SV'AH'AS, PHYI 'BRANGS KYI BGEGS BSKRAD, AOm SARBA TA TH'A GA TA SHR'I RAKTA SOGS KYI MTHAR CHU GNYIS NYER SPYOD ROL MO DANG BCAS PAS MCHOD, DZA: H'Um PAm HO: SA BSTIM, GNYIS PA RDZOGS RIM NI, THUGS KA'I H'Um LAS 'OD 'PHROS, SNOD BCUD THAMS CAD 'OD DU ZHU, SRUNG BA'I 'KHOR LO LA THIM, DE DUR KHROD BRGYAD LA, DE GZHAL YAS KHANG LA, ('DI'I 'OG TU MCHOD BSTOD 'DUD RTZI RGYAD BA BU LUGS LA MDZAD KYANG RNAL 'BYOR DBANG PHYUG GI GZHUNG NA MI GSAL BAS BTANG SNYOMS SU BZHAG MOD, CHOS RJE THAMS CAD MKHYEN PA LA BRTZAL BA ZHI [?] MDA' BAS BYAS KYANG SKYON DU MI SEMS MO,) DE 'KHOR RNAMS LA, DE GTZO BO'I YUM LA, DE YAB LA, DE YE SHES SEMS DPA' LA, DE TING NGE 'DZIN SEMS DPA' LA, DE A'U LA, DE HAL, DE MGO BO LA, DE ZLA TSES LA, DE THIG LE LA, DE NANG
, ,LA, N'A DA YANG 'OD GSAL STONG PA NYID KYI NGANG DU BSAM MO,, GSUM PA MJUG LA, DAG PA DRAN PA, BZLAS PA, MCHOD BSTOD, KHA ZAS, NYAL BA, LDANG BA, SPYOD LAM DANG BDUN LAS DANG PO NA, 'OD GSAL GYI NGANG NAS CHU LAS NYA LDANG BA BZHIN DU SKAD CIG GIS RTEN DANG BRTEN PA'I DKYIL 'KHOR YONGS SU RDZOGS PAR GSAL BAR BSAM, DMAR BA NYID NI 'DOD LA SOGS PA BRLAG PA'I DON TO,, SPYAN GSUM NI 'DAS PA DANG MA 'ONGS PA DANG DA LTAR BYUNG BA'I DUS GSUM GYI PHYIR RO,, PHYAG GNYIS NI DNGOS PO DANG DNGOS MED LA SOGS PA'I RTOG PA 'JOMS PA'O,, SHES RAB MA LA 'KHYUD PA NI STONG PA DANG SNYING RJE THA MI DAD PA'I SBYOR BAS SO,, KLU BRGYAD NI RNAM PAR SHES PA BRGYAD MTSON PA'O,, MGO BO'I 'PHRENG BA BRGYA PHYED NI YI GE LNGA BCU'I SBYOR BAS SO,, G-YON NA THOD PA NI YE SHES LNGA'I BDUD RTZI'I ROS YONGS SU GANG BA'I STONG PA NYID KYI RANG BZHIN NO,, G-YAS NA DBYUG PA NI PHUNG PO DANG NYON MONGS PA DANG, LHA'I BU DANG, 'CHI BDAG GI BDUD BZHI RNAM PAR 'JOMS PA SNYING RJE'I RANG BZHIN NO,, G-YON BRKYANG GI GOM STABS NI KHAMS GSUM RNAM PAR MTSON PA'O,, LHA MO'I PHYAG G-YON PAR BDUD BZHI'I KHRAG NI RO DANG BCUD LEN DU MA KUN NAS MYANG BA'I PHYIR RO,, G-YAS PAR RDO RJE GRI GUG NI DNGOS PO DANG DNGOS MED KYI RNAM RTOG GCOD PA'I PHYIR RO,, GDUG PA 'DUL BA'I PHYIR KHRO BO'I GZUGS NYID DO,, GSUS PA CHE BA NI MYA NGAN LAS MI 'DA' BA'I PHYIR RO,, DBU SKRA DMAD SER
GYEN DU BRDZAS PA NI SANGS RGYAS KYI CHE BA'I YON TAN GONG NAS GONG DU RGYAS PA'I PHYIR RO,, NGOS BZHI NI SDUG BSNGAL BA DANG, KUN 'BYUNG BA DANG, 'GOG PA DANG, LAM GYI BDEN PA BZHI RAB TU RTOGS PA'I PHYIR RO,, SGO BZHI NI BDUD BZHI KUN NAS SGRUB PA'I PHYIR RO,, ZUR BZHI NI TSANGS PA'I GNAS BZHI RAB TU RTOGS PA'I PHYIR RO,, KA BA BRGYAD NI RMI LAM LTA BU DANG, DRI ZA'I GRONG KHYER LTA BU DANG, SPRUL PA LTA BU DANG, BRAG CA LHA BU DANG, SGYU MA LTA BU DANG, SMIG RGYU LTA BU DANG, ME LONG GI GZUGS BRNYAN DANG, CHU'I ZLA BA DANG, NAM MKHA'I DNGOS PO DANG, DNGOS PO MED PA'I NYON MONGS PA 'JOMS PA'I PHYIR RO,, RTA BABS BZHI NI SBYIN PA DANG, SNYAN PAR SMRA BA DANG, DON SPYOD PA DANG, DON MTHUN PA NYID DANG, YANG DAG PAR SPONG BA BZHI RNAM PAR DAG PA'I DON TO,, GNYIS PA NI, DPA' BO G-YUL DU BSAD PA'I THOD PA LTA BU MTSAN NYID DANG LDAN PA'I THOD 'PHRENG NGAM MA 'BYOR NA RU RAKSHA'AM 'BO TI TZE GANG RUNG LAG G-YAS SU BZHAG, G-YON PA'I MTHEB SRIN GYIS NANG MCHOD GTOR, HR'I: shtR'I: SA BSANGS, SVA BH'A WAS SBYANGS, STONG PA'I NGANG LAS 'PHRENG RDOG RE RE'I NGO BO YANG H'Um DANG RDO RJE, DBYUG PA LAS SKYES PA'I ZHE SDANG GSHIN RJE'I GSHED SKU MDOG DMAR PO, YUM RDO RJE RO LANGS NAS 'KHYUD PA, ZHAL GCIG PHYAG GNYIS PA ZHES PA NAS, DBUS NA BZHUGS PA'I DPRAL BAR AOm DKAR PO NAS, DZA: H'Um BAm HO: 'I BAR DANG, AOm SARBA TA TH'A GA TA SHR'I RAKTA YA M'A RAm AARGH'Am NAS SHAPTA PRA T'ITZTSA SV'AH'A'I BAR GYIS
, ,MCHOD, SANGS RGYAS KUN GYI RANG BZHIN KHYOD, ,SANGS RGYAS THAMS CAD GCIG BSDUS PA, ,SANGS RGYAS KUN RAB MCHOG GI MCHOG ,DKYIL 'KHOR DBANG PHYUG KHYOD PHYAG 'TSAL, ,ZHES PAS BSTOD, LAG PA KHA SBYAR BA'I BAR DU 'PHRENG BA BCUG, THABS SHES SNYOMS PAR ZHUGS PAS GSHIN RJE GSHED YAB YUM ZHU BA LAS BYUNG BA'I MI MGO KHRAG 'DZAG PA'I 'PHRENG BAR BSAM, RDO RJE RTZE LNGA PA'I PHYAG RGYA'I BAR DU 'PHRENG BA BZUNG BAS SNYING, MGRIN, DBRAL BA RE REG CING, H'Um A'A: AOm, LCE LA REG, AOm BADZRA DZI HV'A, DAM TSIG SEMS DPA'I THUGS KAR YE SHES SEMS DPA', DE'I THUGS KAR NYI MA'I DKYIL 'KHOR LA TING NGE 'DZIN SEMS DPA' H'Um DMAR LO RE RES MTSAN PA'I MTHAR SNGAGS KYI 'PHRENG BA 'OD ZER 'BAR BA DANG BCAS PAR GYUR TE, SNGAGS 'PHRENG RNAMS LAS KHRO BO'I TSOGS NAM MKHA' KHYAB PAR SPROS, SEMS CAN THAMS CAD KYI DON PHUN SUM TSOGS PA BYAS, ZHI PA LA SOGS PA'I 'PHRIN LAS DPAG MED BSGRUBS, SLAR 'DUS NAS RANG NYID LA THIM PAR BSAM, AOm [?] HR'I: shtR'I: WI KRi T'A NA NA H'Um H'Um PHAt PHAt SV'AH'A, SNYING PO, AOm HOO KshOOm KshA YAm KA R'A YA GRiHnA GRiHnA H'Um H'Um PHAt PHAt SV'AH'A, NYE BA'I SNYING PO, AOm MA H'A YAKshA SE N'A DHI PA TA YE MA H'A DU RDUNTA [?] BAM K'A YA, N'A SHA YA, N'A SHA YA, BI DR'A PA YA, BI DR'A BA YA, H'Um H'Um PHAt PHAt SV'AH'A, 'PHRENG SNGAGS, AOm DEE shA RA TI NU DA NU DATRU tA TRU tA H'Um H'Um DZA: SV'A H'A, (GSO BO'I KHRUM DANG 'KHOR GYI YAB BZHI'I SA BCO LA H'Um NYIS BRTZEGS PA ZHAL GYI YIG CHA TSOR MI GSAL YANG RGYAL RTZE
GZUNG BA 'BUM NAS ZHUS DAG PA YIN,) YUM GYI SNGAGS, AOm MO H'ANTA KRiTA H'Um H'Um PHAt, GTI MUG GSHIN RJE'I GSHED, AOm MO NYA RA TI H'Um DZA: CA RTZI KA, AOm PI SHU N'ANTA KRiTA H'Um H'Um PHAt, SER SNA GSHIN RJE'I GSHED, AOm PI SHU NA RA TI H'Um DZA: PHAG MO, AOm R'A G'ANTA KRiTA H'Um H'Um PHAt, 'DOD CHAGS GSHIN RJE'I GSHED, AOm R'A GA RA TI H'Um DZA: DBYANGS CAN MA, AOm A'IRshY'ANTA KRiTA H'Um H'Um PHAt, PHRAG DOG GSHIN RJE'I GSHED, AOm A'IRshY'A RA TI H'Um DZA: GOO R'I MA'O,, AOm YA M'A RA DZ'A SA TVA ME YA SOGS GSHIN RJE SPYI'I 'PHRENG SNGAGS, GSHIN RJE'I GSHED KYI YIG BRGYA BZLA, GSUM PA NI, THAMS CAD MKHYEN PA MKHYEN BRTZE'I DBANG PHYUG GIS ZIN BRIS GNANG BA'I MAndAL SGRUB MCHOD (BDUD RTZI'I BUM PAR MI GSAL YANG BU LUGS KYI PHYAG BZHES LA 'DUG PAS LEGS PAR MNGON,) KYI PHYAG LEN 'PHYUGS MED DU BKOD NA LEGS PAR MTHONG BAS STEGS BU'I KHAR ME TOG GI TSOM BU DBUS SU YAB YUM GNYIS, PHYOGS MTSAMS BRGYAD DU RE RE BKOD PA'I MTHAR, BYANG SHAR DU MTSAMS 'DZIN GYI ME TOG SHAR DU MCHOD YON, MER ZHABS BSIL, LHOR ME TOG, LHO NUB TU MAR ME, NUB BYANG DU DRI, BYANG DU ZHAL ZAS RNAMS GRU BZHI CHA SNYOMS PAR BSHAM PA NI SPYI MCHOD, DE'I NANG DU PHYOGS BZHIR SPOS, MAR ME, ZHAL ZAS RNAMS G-YAS SKOR DU, SHAR NUB TU LHAG PO RE DANG BCAS PA'I SGOS MCHOD, BYANG SHAR DU 'DAS GTOR, MER 'JIG RTEN PA'I GTOR MA DANG BCAS PA BSHAM, RGYUN GYI THUGS DAM LA MCHOD PA RGYAS PAR MA GRUB KYANG, RTEN GYI DRUNG DU MCHOD PA SBRENG
, ,CHAR DU BSHAMS PA'I NAD NGOS SU GTOR MA CI 'BYOR BSHAM, TSOM BU MA GRUB KYANG TING NGE 'DZIN TZAM GYIS BSKYED PA PHYAG LEN DU MDZAD, BDAG BSKYED BZLAS PA DANG BCAS PA GRUB PA'I MTHAR, RDO RJE'I RTZES NANG MCHOD 'THOR BA'I STA DAK DANG HR'I: shtR'I: SA BSANGS, SVA BH'A WAS SBYANGS, STONG PA'I NGANG LAS GNAS KHANG BHR'Um YAS RIN PO CHE LAS GRUB PA'I GZHAL YAS KHANG GRU BZHI SGO BZHI PA, RTA BABS BZHIS MDZES PA, STENG THOG RIM PAR PHUB PA, RGYAN THAMS CAD KYIS BRGYAN PA MTSAN NYID THAMS CAD YANGS SU RDZOGS PA'I NANG DU, H'Um LAS YE SHES KYI KA P'A LA YANGS SHING RGYA CHE BA RNAMS KYI NANG DU, H'Um ZHU BA LAS BYUNG BA'I LHA RDZAS LAS GRUB PA'I MCHOD YON, ZHABS BSIL, ME TOG, BDUG SPOS SNANG GSAL, DRI CHAB, ZHAL ZAS, ROL MO RNAMS DANGS SHING THAGS PA MED PA BZANG ZHING RGYA CHE BA 'PHAGS PA KUN TU BZANG PO'I RNAM PAR THAR PA LAS BYUNG BA'I MCHOD PA'I SPRIN GYI PHUNG PO LTA BU BSAM GYIS MI KHYAB PAR GYUR, AOm AARGHAm A'A: H'Um NAS SHAPTA A'A: H'Um GI BAR SO SO'I SNGAGS RGYAS BYIN GYIS BRLABS, RGYUN GYI THUGS DAM LA 'DI BZHIN DANG, DUS BZANG LTA BU LA RGYAS PAR BYED NA 'DIR ROL CHEN DAD GAndE RATNA TSAR GSUM GYIS BYIN DBAB, DE NAS SKYABS 'GRO NAS BRTZAMS TE BDAG BSKYED RDZOGS PA'I MTHAR, SLAR MCHOD PA BYIN RLABS MAN CHAD BYED, MAndAL HR'I: shtR'I: SA BSANGS, SVA BH'A WAS SBYANGS, STONG PA'I NGANG LAS AE LAS NAM MKHA'I KHAMS CHOS 'BYUNG GI RANG BZHIN DE'I DBUS SU YAm LAS RLUNG GI
DKYIL 'KHOR SNGON PO ZHES PA NAS, PHYOGS BZHIR AAm LAS NYI MA'I DKYIL 'KHOR RE RE ZHES PA'I BAR SGRUB THABS BZHIN BRJOD, BSDUS PA LA SPRO NA, STONG PA'I DANG LAS YAm RAm WAm LAm SUm LAS 'BYUNG BA RIM BRTZEGS RI RAB DANG BCAS PA'I STENG DU PAm LAS PADMA ZHES PA MAN BRJOD KYANG RUNG NGO,, DE NAS GNAS SO SOR ME TOG GI TSOM BU BKOD PAR BSAMS LA, HR'I: shtR'I: SOGS YAB YUM LNGA'I SNGAGS SPREL BA TSAR GCIG DANG AOm A'A: H'Um TSAR BZHI BRJOD LA, SO SO'I SNGAGS KYI LHA BSKYED PA NI, AOm HR'I: shtR'I: WI KRi T'A NA NA H'Um H'Um PHAt PHAt SV'AH'A, AOm DVE shA RA TI NU DA NU DA TU tA TRU tA H'Um H'Um DZA: SV'AH'A, DBUS SU BCOM LDAN 'DAS ZHE SDANG GSHIN RJE'I GSHED DMAR PA YUM RDO RJE RO LANGS MAS 'KHYUD PA, AOm MO H'ANTA KRiTA H'Um H'Um PHAt, AOm MO HA RA TI H'Um DZA: SHAR DU GTI MUG GSHIN RJE'I GSHED DKAR PO RDO RJE SPYOD BYED MA NAG MOS 'KHYUD PA, AOm PI SHU N'ANTA KRiTA H'Um H'Um PHAt, AOm PI SHU NA RA TI H'Um DZA: LHOR SER SNA GSHIN RJE'I GSHED SER PO PHAG MO SER MO PHAG ZHAL CAN MAS 'KHYUD PA, AOm R'A G'ANTA KRiTA H'Um H'Um PHAt, AOm R'A GA RA TI H'Um DZA: NUB TU 'DOD CHAGS GSHIN RJE'I GSHED DKAR PO DBYANGS CAN MA DKAR MOS 'KHYUD PA, AOm A'IRshY'ANTA KRiTA H'Um H'Um PHAt, AOm A'IRshY'A RA TI H'Um DZA: BYANG DU PHRAG DOG GSHIN RJE'I GSHED LJANG GU GOO R'I LJANG SNGON MAS 'KHYUD PA STE DPA' BO RNAMS NI ZHES PA NAS G-YAS PA RKYANG GI STABS KYIS 'KHYUD PA'O,, AOm A'A: H'Um SHAR LHOR MU MEN GYI BUM PA BZHI MNYAM RNAM PA GSER BTZO MA'I KHU BA LTA BUS GDAB, AOm A'A: H'Um LHO NUB GSER GYI SOGS, AOm A'A: H'Um
, ,NUB BYANG DU BYU RU'I SOGS, AOm A'A: H'Um BYANG SHAR DU DNGUL GYI BUM PA GA PUR SHEL DKAR BZHU BA LTA BUS GDAB STE BZHI GA'ANG THOD PA NAS KHA BCAD PA'O,, GTZO BO'I THUGS KAR PAm LAS PADMA DANG AA DMAR PO LAS BYUNG BA'I NYI MA'I DKYIL 'KHOR GYI STENG DU YE SHES SEMS DBA'I NGO BO H'Um DMAR PO YONGS SU GYUR PA LAS DBYUG PA DKAR PO RDO RJE'I RTZE MO CAN MI MGO RLON PA SER POS MTSAN PA'I RKANG BRGYAD BZHOGS RJE 'PHEL DU SONG BA'I LTE BAR NYE MA LA GNAS PA'I TING NGE 'DZIN SEMS DPA' H'Um DMAR POR BSAM, LHA RNAMS KYI DPRAL BAR AOm NAS DGUG GZHUG GI BAR SGRUB THABS BZHIN, DRI MED YID DU 'ONG PA YI, ,LHA RDZAS DAM PA'I MCHOD YON 'DI, ,BCOM LDAN 'KHOR DANG BCAS LA 'BUL, BZHES NAS BDAG LA DGYES PAR MDZOD, ,AOm SARBA TA T'A GA TA SHR'I RAKTA YA M'A RI SOGS SNGAGS DANG PHYAG RGYA RIM PA BZHIN SBYOR, DE BZHIN DU TSIG RKANG DANG PO DANG GSUM PA MAN THAMS CAD LA SBYAR ZHING, LHA RDZAS DAM PA'I ZHABS BSIL 'DI, ME TOG, MAR ME, DRI CHAB, ZHAL ZAS, ROL MO'I BAR GYIS MCHOD, NANG MCHOD MTHEB SRIN GYIS SPYI BO NAS GTOR ZHING, MCHOD DO PHYOGS BCU DUS GSUM GYI DE BZHIN GSHEGS PA THAMS CAD KYI SKU GSUNG THUGS YON TAN 'PHRIN LAS THAMS CAD KYI NGO BOR GYUR PA, MKHYEN PA'I YE SHES, (BDUD RTZI RIL BU BTAB PA'I DBANG DU BYAS NAS GONG DU BYIN RLABS KYI GSAL BA MED,) BRTZE BA'I THUGS RJE, MDZAD PA'I PHRIN LAS, SKYOB PA'I NUS PA BSAM GYIS MI KHYAB PA MNGA' BA'I BDAG
NYID DRIN CAN RTZA BA'I BLA MA RDO RJE 'CHANG MGON PO BSOD NAMS MCHOG LDAN BSTAN PA'I RGYAL MTSAN DPAL BZANG PO'I ZHAL DU AOm A'A: H'Um, BCOM LDAN 'DAS 'JAM DPAL GSHIN RJE'I GSHED KYI ZHAL DU AOm A'A: H'Um, RJE BTZUN RNAL 'BYOR GYI DBANG PHYUG DPAL LDAN BIRWA PA'I ZHAL DU AOm A'A: H'Um, GRUB CHEN dOMBHI HE RU KA'I ZHAL DU AOm A'A: H'Um, GRUB THOB KYI 'KHOR LO SGYUR BA DPAL 'DZIN GYI ZHAL DU AOm A'A: H'Um, BRAM ZE BI RA dI PA'I ZHAL DU AOm A'A: H'Um, PAn CHEN MA TIG GARBHA'I ZHAL DU AOm A'A: H'Um, PAn CHEN GAMBHIR MA TI'I ZHAL DU AOm A'A: H'Um, RDO RJE GDAN PA NIshKA L'Am KA DE WA'I ZHAL DU AOm A'A: H'Um, PAndI TA RE BENDRA PRA BHA BA'I ZHAL DU AOm A'A: H'Um, CHAG LA CHOS RJE DPAL GYI ZHAL DU AOm A'A: H'Um, GO LUNG PA MDO SDE DPAL GYI ZHAL DU AOm A'A: H'Um, SHONG LO TZ'A BA BLO GROS BRTAN BA'I ZHAL DU AOm A'A: H'Um, LO TZ'A BA MCHOG LDAN, (BKA' BABS NGANG PO DPYAL DANG GSUM PA D'A N'A SH'I LA DANG BYE BRAG THUGS SRAS LO TZ'A BA DANG RA KHA BRAG PA NAS BRGYUD BA SAGS RNAM GDAS MANG YANG 'DIR GTZO CHE SHAS GCIG LAS YI GER 'JIGS NAS MA BKOD DO,,) LEGS PA'I BLO GROS KYI ZHAL DU AOm A'A: H'Um, BLA MA DPAL LDAN SENG GE'I ZHAL DU AOm A'A: H'Um, THAMS CAD MKHYEN PA BU STON RIN PO CHE'I ZHAL DU AOm A'A: H'Um, BLA MA DAM PA BSOD NAMS RGYAL MTSAN GYI ZHAL DU AOm A'A: H'Um, RJE PHYOGS LAS RNAM RGYAL GYI ZHAL DU AOm A'A H'Um, SHAR TSAN YE SHES RGYAL MTSAN GYI ZHAL DU AOm A'A: H'Um, RDO RJE 'CHANG KUN DGA' BZANG BO'I ZHAL DU AOm A'A: H'Um, SEMS PA'I CHEN PO DKON COG RGYAL MTSAN GYI ZHAL DU AOm A'A: H'Um, BDAG CHEN RDO RJE 'CHANG GI ZHAL DU AOm A'A: H'Um, RJE BTZUN RDO RING
, ,PA CHEN BO'I ZHAL DU AOm A'A: H'Um, RDO RJE 'CHANG TSAR PA CHOS RJE'I ZHAL DU AOm A'A: H'Um, 'JAM DPAL DBYANGS MKHYEN BRTZE'I DBANG PHYUG GI ZHAL DU AOm A'A: H'Um, MKHAN CHEN BSLAB GSUM RGYAL MTSAN GYI ZHAL DU AOm A'A: H'Um, RDO RJE 'CHANG DBANG PHYUG RAB BRTAN GYI ZHAL DU AOm A'A: H'Um, RIGS KUN BDAG PO MGON PO BSOD NAMS MCHOG LDAN GYI ZHAL DU AOm A'A: H'Um, DRIN CAN RTZA BA'I BLA MA RIN BO CHE'I ZHAL DU AOm A'A: H'Um, SNYING GA'I THAD NAS 'THOR ZHING AOm HR'I: sht'I: NAS, AOm A'RshYA RA TI H'Um DZA: DBAL GSHIN RJE'I GSHED DMAR PO LHA LNGA'I DKYIL 'KHOR GYI LHA TSOGS RNAMS KYI ZHAL DU AOm A'A: H'Um, GZHAN YANG BYA BA'I RGYUD, SPYOD BA'I RGYUD, RNAL 'BYOR GYI RGYUD, RNAL 'BYOR BLA NA MED PA'I RGYUD DE, RGYUD SDE BZHI DANG 'BREL BA'I YI DAM DKYIL 'KHOR GYI LHA TSOGS RNAMS KYI ZHAL DU AOm A'A: H'Um, RANG GI LCE RTZE, DBRAL BA, SPYI BOR REG LA AOm A'A: H'Um, 'DI'I SKABS SU NANG MCHOD NAS BLANGS TE GTOR MA SKYONG ZHING, BAR PHUD ZHES PA'I THA SNYAD MDZAD, LTE BA TZAM NAS 'THOR ZHING, AOm SHR'I MA H'A K'A L'A YA DPAL GUR GYI MGON PO SOGS LCAM DRAL BRAN G-YOG 'KHOR DANG BCAS PA'I ZHAL DU AOm A'A: H'Um, AOm SHR'I DHARMA P'A LA TZA TURM'U KHA MTHU STOBS KYI DBANG PHYUG DPAL MGON ZHAL BZHI BA 'KHONG DANG BCAS BA'I ZHAL DU AOm A'A: H'Um, AOm BADZRA K'A LA YAKshA YE, K'A L'I YAKshA S'I, YAKshA BU TRA YE, RU DRA BHA TRA YE, RU LU RAKKHA S'I, GNOD SBYIN LCAM DRAL PU TRA MING SRID 'KHOR DANG BCAS BA'I ZHAL X, AOm RAKMO PRA nA A'ATMA GNOD SBYIN BEG CE LCAM SRING
'KHOR DANG BCAS BA'I X, AOm K'A LA R'U PA YA MAR'A DZA 'CHI DAG LAS KYI GSHIN RJE'I LCAM DRAL 'KHOR DANG BCAS BA'I X, GZHAN YANG CHOS 'KHOR BSRUNG ZHING BSTAN BA SKYONG BAR ZHAL GYIS BZHES PA'I CHOS SKYONG SRUNG MA RNAMS KYI X, PHYOGS SKYONG BCU LHA CHEN BRGYAD, KLU CHEN BRGYAD, 'JIGS BYED DGU, RGYAL CHEN BZHI, GZA' DGU, RGYU SKAR NYI SHU RTZA BRGYAD RNAMS KYI X, GNOD SBYIN, SRIN BO, 'BYUNG BO, YI DVAGS, SHA ZA, SMYO BYED, BRJED BYED, MA MO, MKHA' 'GRO, ZHING SKYONG, PHO NYA, 'PHROG MA, GRUB PA RNAMS KYI X, BOD KHAMS SKYONG BA'I BSTAN MA BCU GNYIS X, THUR DU PHYOGS BAR GTONG ZHING, GNAS BDAG GZHI BDAG YUL BDAG GRONG BDAG GNYUG MAR GNAS PA RNAMS KYI ZHAL DU AOm A'A: H'Um, 'GRO BA RIGS DRUG, LAM RGYUD LNGA, SKYE GNAS BZHIS BSDUS BA'I SEMS CAN THAMS CAD ZAG PA MED PA'I BDE BAS RGYUD GANG NAS BLA NA MED PA'I BYANG CHUB THOB PA'I SKAL PA LDAN PAR GYUR CIG, AOm A'A: H'Um, AOm BADZRA AA MRi TA SVA D'A NA BADZRA SVA BH'A WA A'ATMA KONYHAm, DKYIL 'KHOR PA RNAMS KYIS GTZO BO LA BSTOD BAR BSAM ZHING, DRIL STABS SUM SKOR BYED CING GDANGS DANG BAS, AA YE KYE KYE GSHIN RJE'I GSHED DMAR PO, ,BLA MA SRIN PO'I GZUGS RANG BZHIN, ,KHO BO KHYOD MTHONG RNAM BAR 'JIGS, ,BLA MA KHRO BO'I RANG BZHIN SPONGS, ,KHYOD KYI GAR MDZAD SA STENG DANG, ,SA BLA DANG, (DUD RTZI'I BUM PAR MI GSAL YANG GTZO BO'I BSTOD PA BU LUGS LTAR BKOD,) NI SA 'OG G-YO, ,CHAGS PAS BRGYAN PA'I KHRO PA'I YID, ,GAR
, ,MDZAD KHYOD NYID RO PANGS LAGS, ,SKU LUS SBOM THUNG DMAR PO STE, ,RNAM BA SNA TSOGS SKUR SBRUL PA, ,RDO RJE DBYANGS CAN MA YIS BTUNG, ,GAR MDZAD KHYOD NI BDE BA CHE, ,HR'I: shtV'I: GSANG SNGAGS DAG GIS NI, KHYOD NI SA GSUM 'KHRUL BA SEL, ,RJE BTZUN SNYING RJE'I KHRO BO LAGS, ,GAR MDZAD KHYOD NI 'JIG RTEN GZIGS, ,RDOR DRIL BCAS 'KHYUD RGYA, AOm SARBA TA TH'A GA TA P'U DZA BADZRA SVA BH'A WA A'ATMA KONYHAm, DE NAS SGRA DANG BRAG CHA'I TSUL GYIS, GTZO BOS KYANG 'KHOR RNAMS LA, GTI MUG RDO RJE'I RANG BZHIN KHYOD, ,GSHIN RJE'I GSHED PO SHIN TU 'JIGS, ,STON PA SANGS RGYAS KUN RANG BZHIN, ,SKU YI RDO RJE KHYOD PHYAG 'TSAL, ,SER SNA RDO RJE'I RANG BZHIN KHYID, ,GSHIN RJE'I GSHED BO RAB TU 'JIGS, ,SEMS KYI RDO RJE RAB TU GSAL, ,RIN CEN RDO RJE KHYOD PHYAG 'TSAL, ,'DOD CHAGS RDO RJE'I RANG BZHIN KHYID, ,KHYAB BDAG CHAGS PA'I CHOS 'BYUNG GNAS, ,DBYANGS MCHOG KUN GYI MCHOG GI MCHOG ,GSUNG GI RDO RJE KHYOD PHYAG 'TSAL, PHRAG DOG RDO RJE'I RANG BZHIN KHYOD, ,GSHIN RJE'I GSHED PO LAS KUN BYED, ,SKU YI RDO RJE RAB GSAL BA, ,PHYAG NA RAL GRI KHYOD PHYAG 'TSAL, ,YANG 'KHOR RNAMS KYIS GTZO BO LA, SANGS RGYAS KUN GYI RANG BZHIN KHYOD, ,SANGS RGYAS THAMS CAD GCIG BSDUS PA, ,SANGS RGYAS KUN RAB MCHOG GI MCHOG, ,DKYIL 'KHOR DBANG PHYUG KHYOD PHYAG 'TSAL, ,CES PAS BSTOD, GTOR MA DANG PO HR'I: shtR'I: SA BSANGS, SVA BH'A WAS SBYANGS, STONG PA'I NGANG LAS, YAm LAS RLUNG, RAm LAS ME'I DKYIL 'KHOR GYI STENG DU H'Um LAS BYUNG
BA'I THOD PA'I NANG DU GO KU DA HA NA LAS SHA LNGA, BI RA SHUM MU LAS BDUD RTZI LNGA, DE DAL GYI STENG DU AOm YIG DANG, AA LAS BYUNG BA'I ZLA BA'I DKYIL 'KHOR GYI STENG DU H'Um LAS RDO RJE DKAR BO RTZE LNGA PA H'Um GIS MTSAN PA, 'OG GI RLUNG BSKYOD PAS ME 'BAR NAS RDZAS RNAMS SKOL ZHING GCIG TU GYUR TE, AOm DANG ZLA BA RDO RJE DANG BCAS PA'ANG LTUNG BAS KHA DOG DRI RO PHUN SUM TSOGS BAR BSAMS LA, LAG PA G-YON PA BSTAN TE AOm ZHES PAS SBYANGS, LAG BA G-YAS PA BSTAN TE A'A: YIS RTOGS, GNYIS KA BSTAN TE HO DANG LAG PA GNYIS PHAN TSUN BSNOL TE MTHE'U CHUNG SBREL, MTHE BONG LAG MTHIL DU BKUG, SOR MO LHAG MA GSHIBS TE CUNG ZAD THUR DU BRKYANGS BA 'DAB CHAS SPYI'I PHYAG RGYAS SBAR, LAG GNYIS (GUR ZHAL GYI PHYAG RGYA BYED DUGS [?] DANG MI GCIG PAS MA 'DRES BA BYED,) BSNOL TE RGYAB SBYAR BA'I SRIN LEG SBREL MTHE'U CHUNG DANG GUNG MO GNYIS BKUG PA MTHE BONG GIS MNAN, MDZUB MO GNYIS BSGRENG BA 'CHI MED RNAM RGYAL GYI PHYAG RGYA BSTAN TE H'Um GIS SGRON MA LTAR BYA, MDZUB MO GNYIS GUNG MO'I RGYAB NAS CUNG ZAD MA REG BAR BKUG BA RDO RJE RTZE LNGA PA'I PHYAG RGYA BSTAN TE AOm A'A: H'Um GIS SANGS RGYAS THAMS CAD KYI THUGS KA NAS YE SHES KYI BDUD RTZI SPYAN DRANGS TE THIM (BYA BYUNG GI PHYAG RGYA DANG 'DI GNYIS BU LUGS LA GZHAN ZHIG SNANG,) BAR BSAMS LA, DE DAG GI LJAGS RDO RJE'I SBU GU CAN LAS 'OD BYUNG NAS GTOR MA GSOL BAR BSAM ZHING, RDO RJE THAL MO KHA GYEN DU PHYE LA, AOm RAKTA MU KU t'A YA, RAKTA DZA t'A YA, RAKTA MU KH'A YA, RAKTA SHA R'I R'A LA, RAKTA BHU DZ'A LA, RAKTA MUndA M'A L'A BHA RA n'A YA, RAKTA RA THA SA MA R'U dH'A LA, RAKTA BADM'A SA N'A YA, RAKTA BHA RA nA BH'A shA n'A YA, AI DAm BA LIm, GRiHnA
, ,GRiHnA, MA MA BIGH'A NAm, HA RA HA RA, TZATRM'A RANNI B'A RA YA NI B'A RA YA, TR'A SA YA TR'A SA YA, BHRA MA YA, BHRA MA YA, TZTSINDA TZTSINDA, BHINDHA BHINDA, N'A SHA YA, N'A SHA LA, SHO shA YA, SHO shA YA, TZTSE DATZTSE DA, BHE DA BHE DA, H'Um H'Um PHAt PHAt SV'AH'A, ZHES LAN GSUM GYIS PHUL AOm SHR'I RAKTA'I MJUG TU CHU GNYIS NYER SPYOD ROL MOS MCHOD, SNGAGS GSHAM DU 'BRU GSUM GYIS NANG MCHOD 'BUL, DRIL STABS SUM SKOR DANG BCAS GONG BZHIN BSTOD, THAL MO SBYAR TE, BCOM LDAN 'DAS MGON PO THUGS RJE CHEN PO DANG LDAN PAS BDAG DANG SEMS CAN THAMS CAD LA MCHOG DANG THUN MONG GI DNGOS GRUB MA LUS BA STZAL DU GSOL, ZHES GSOL BA GDAB, GTOR MA GNYIS PA'ANG YI GE BZHI PAS SNGAGS RGYAS SNGAR LTAR BYIN GYIS BRLAB, RANG GI SNYING GNAS KHRO BO GSHIN RJE'I GSHED LCAGS KYU DANG ZHAGS PA 'DZIN PA SPOS TE, PHYOGS SKYONG RNAMS KYI SNYING GA NAS LCAGS KYUS BTAB, MGRIN PA NAS ZHAGS PAS BCING STE BKUG PAR BSAM, LAG GNYIS RDO RJE KHU TSUR LAS, G-YON PA'I MTHE'U CHUNG DANG, G-YAS PA'I MDZUB MO SBREL BA LCAGS KYU'I PHYAG RGYA BCAS LA, AOm HR'I: sht'I: WIKRi T'A NAN H'Um H'Um PHAt PHAt, AOm SARBA DUshtAm AINDRA A'A DI NA SA P'A RI W'A RA A'A KARshA YA DZA: SV'AH'A, GTOR SNOD KYI MTHAR G-YAS SKOR GYIS SHAR DU DBANG POS SRUNGS LA ZHON PA, LHOR GSHIN RJE MA HE LA ZHON PA, NUB TU CHU LHA CHU SRIN LA ZHON PA, BYANG DU LUS NGAN GTER LA GNAS PA, ,DBANG LDAN DU DBANG LDAN KHYU MCHOG LA ZHON BA, MER ME LHAR SKYES LA ZHON BA, BDEN BRAL DU SRIN PO RO LANGS LA ZHON PA, RLUNG DU RLUNG LHA RI DVAGS LA ZHON BA, DBUS SU TSANGS PA, MDUN DU ZLA BA, RGYAB TU NYI MA, GZHOGS G-YAS SU NOR 'DZIN MA, G-YON DU THAGS BZANG RIS, DE RNAMS LA
SRID BA GSUM NA SPYOD BA'I 'BYUNG BO'I TSOGS KYIS BSKOR BAR BSAMS LA, G-YON RDO RJE KHU TSUR PHUR BU 'DZIN TSUL, G-YAS RDO RJE DANG BCAS THAL MO BRKYANGS BA'I MTHE BOS MTHE'U CHUNG MNAN, SOR MO DBUS MA GSUM BRKYANG BA'I PHYAG RGYA BCAS TE, RANG GI SNYING GA NAS KHRO BO GSHIN RJE'I GSHED PHYAG NA THO BA DANG PHUR BU THOGS PA SPROS TE, AOm HR'I: sht'I: WI KRi T'A NA NA H'Um H'Um PHAt PHAt, SNGAR GYI PHYAG RGYAS PHUR BU BRDUNG TSUL BYA, H'Um SARBA DUshtAm AINDRA A'A DI NA SA PA RI W'A RA NA K'I W'A YA H'Um PHAt SV'AH'A, SNYING GA DANG MGRIN PA DANG RKANG PA'I BAR DU PHUR BUS BTAB PAS GRUB PA'I BCUD LEN GRUB PA BZHIN DU SKAD CIG GIS STONG PA'I NGANG LAS, ZHE SDANG GSHIN RJE'I GSHED KYI SKU GNYUG MA'I SHES RAB MAS 'KHYUD PA, G-YON BRKYANG GIS GNAS PA, SGRUB PA PO'I BSAM PA YONGS SU RDZOGS PA'I SKUR GYUR PA'I DPRAL BAR AOm, MGRIN PAR A'A: THUGS KAR H'Um, AOm BADZRA AA BHI shE KA TA SA MA YA SHR'I H'Um, ZHES DBANG BSKUR BAS ZHE SDANG GSHIN RJE'I GSHED RE RES DBU BRGYAN PAR BSAM, AOm AARGHAm PRA T'ITZTSA SV'A H'A, AOm P'A DYAm PRA T'ITZTSA SV'AH'A, ZHES MCHOD LON DANG ZHABS BSIL PHUL, PHYOGS SKYONG 'KHOR DANG BCAS PA'I LJAGS RDO RJE'I SBU GU CAN GYI 'OD ZER GYIS GSOL BAR BSAMS NAS RDOR THAL GYEN PHYE MTHAR SE GOL BCAS, AINDR'A YA NA MA: HR'I: YA M'A YA NA MA: shtR'I: WA RU n'A YA NA MA: WI, KU BE R'A YA NA MA: KRi, A'I SHA N'A YA NA MA: TA, AASNA YE NA MA: A'A, NI RI TA NA MA: NA, B'A YA BE NA MA: NA, TZANDR'A YA NA MA: H'Um, AARK'A YA NA MA: H'Um, BRAHMA nE NA MA: PHAt, BA SUNDHA R'A YEE NA MA: PHAt, (NA MA: 'DI RNAMS BDUD RTZI'I BUM PAR MI 'DUG RUNG, BU PHUGS DANG RGYAL RTZE GZUNGS 'BUM MTHUN PAR BYUNG,) BEE MA TZI TRI nE NA MA:
, ,SV'A, SARBA BH'U TE BHYO NA MA: H'A, H'A H'A H'A, H'I H'I H'I, H'Um H'Um H'Um, PHEm PHEm PHEm SV'AH'A, LAN GSUM GYIS 'BUL, AOm DA SHA DI KA LO KA P'A LA SA PA RI W'A RA BADZRA PUshPE NAS SHABTA'I BAR GYIS MCHOD, SNGAGS MJUG TU 'BRU GSUM GYIS NANG MCHOD DBUL, DRIL BU GSIL ZHING BDUD BZHI PO NI RNAM PAR 'JOMS, ,DPA' BO GDUG PA 'DUL MDZAD PA, ,GSHIN RJE MTHAR BYED PHYAG 'TSAL ZHING, ,PHYOGS SKYONG BCO LNGA'I TSOGS LA 'DUD, ,MCHOD SBYIN GTOR MA 'DI BZHES LA, ,RNAL 'BYOR BDAG CAG 'KHOR BCAS LA, ,NAD MED TSE DANG DBANG PHYUG DANG DPAL DANG GRAGS DANG SKAL BA BZANG, ,LONGS SPYOD RGYA CHEN KUN THOB CING, ,ZHI DANG RGYAS LA SOGS BA YI, ,LAS KYI DNGOS GRUB BDAG LA STZOL, ,DAM TSIG CAN GYIS BDAG LA SRUNGS, ,DNGOS GRUB KUN GYI STONG GROGS MDZOD, ,DUS MIN 'CHI DANG NANG RNAMS DANG GDON DANG BGEGS RNAMS MED PAR MDZOD, ,RMI LAM NGAN DANG MTSAN MA NGAN, ,BYA BYED NGAN BA MED PAR MDZOD, ,'JIG RTEN BDE ZHING LO LEGS DANG, ,'BRU RNAMS 'PHEL ZHING CHOS 'PHEL DANG, ,BDE LEGS THAMS CAD 'BYUNG BA DANG, ,YID LA 'DOD BA KUN 'GRUB SHOG ,CES GTOR MA GTZANG SAR GTONG, RDOR DRIL BCAS 'KHYUD RGYAL GNAS PAS, PHYOGS SKYONG 'KHOR DANG BCAS BA RNAMS KYIS SANGS RGYAS KYI BSTAN PA DAR ZHING 'JIG RTEN LA BDE SKYID 'BYUNG BA DANG, NAM MKHA' DANG MNYAM PA'I SEMS CAN THAMS CAD KYI DON DU PHYAG RGYA CHEN PHO MCHOG GI DNGOS GRUB BCOM LDAN 'DAS DPAL GSHIN RJE'I GSHED KYI RNAL 'BYOR DON DU GNYER PA BDAG CAG 'KHOR DANG BCAS PA RNAMS BYANG CHUB MA THOB KYI BAR DU BSRUNG BA DANG SKYOB PA DANG, SBA BA'I 'PHRIN LAS MDZOD CIG
BADZRA MU: SA 'JIG RTEN PA'I MGRON RNAMS GSHEGS PAR BSAMS LA, HR'I: sht'I: BRJOD CING ROL MO DRAG TU BYA, 'DI'AM 'DAS GTOR GYI 'OG TU CHOS SKYOD RNAMS LA GTOR BSNGOS BYA, MDUN GYI MAndAL LA, AOm SARBA TA TH'A GA TA RAKTA YA M'A RI MAndAL SA PA RI W'A RA AARGHAm NAS SHAPTA PRA T'ITZTSA'I BAR GYIS MCHOD, AOm A'A: H'Um GIS MCHOD DBUL, BSTOD PA BYA, BCOM LDAN 'DAS MGON PO THUGS RJE CHEN PO DANG LDAN PA SOGS KYIS GSOL BA GDAB, YIG BRGYA BRJOD, NONGS PA ZOD PAR GSOL, YE SHES PA GSHEGS DAM TSIG PA RANG LA BSDU, SMON LAM SHIS BRJOD BYA, BZHI BA KHA ZAS, LNGA PA NYAL BA, DRUG PA LDANG BA, BDUN PA SPYOD LAM GYI RNAL 'BYOR KUN MKHYEN MKHYEN BRTZE'I RNAM BSHAD SOGS LAS SHES BAR BYA'O,, DE LTAR MTHU STOBS DBANG PHYUG BI R'U PA'I, ,BZHED SROL MA DROS MTSO RU LEGS GTAMS PA, ,RGYA BOD MKHAS GRUB BKA' 'BABS CHU BO BZHI, ,CHAD MED SKAL LDAN ZLA BA'I MA MAR 'KHYIL, ,LJONGS 'DIR DRI MANG RING LUGS LEGS SPEL BA, ,THAMS CAD MKHYEN NGES DU STON LO TZ'A DANG, ,BGRANG YAS DKYIL 'KHOR MGON PO AE WAm BA'I, ,SMIN GROL GDAMS PA'I GTER MDZOD TSAR PA RJE, ,MGON DE'I RDO RJE'I TSIG GI GSANG BA RNAMS, ,'DZIN MDZAD GUN MKHYEN MKHYEN BRTZE'I DBANG PHYUG GI, ,RNAM BSHAD DPANG POR BYAS LAS RANG BZO DANG, ,LUGS GZHAN SROL BKAB MUN MNGA' 'DI NA MED, ,TSIG NYUNG BLO DMAN RNAMS KYIS RTOGS DKA' DANG, ,NGAL BA'I KHUR GYIS MNAR BA'I SPROS PA CAN, ,MA YIN MTHA' GNYIS MA LHUNG DBU MA'I LAM, ,'DI KO 'JAM DPAL DGYES PA'I ZHAL LUNG LAGS, ,DGE BAS SGRIB GNYIS LHA CHEN NYI MA'I BU'I, ,G-YUL LAS RNAM BAR
[DD1] (!, ,BSTAN SRUNG DBANG PO GUR GYI MGOD,,) *, ,RGYAL BA'I BDAN LCE, ,SID PA'I RTZE MOR PHYAR NAS LUS CAN KUN, ,ZUNG 'JUG GSHIN RJE'I GSHED PO 'GRUB PAR SHOG ,CES RNAL 'BYOR DBANG PHYUG BI R'U PA CHAN PO'I BZHED SREL 'JAM DPAL GSHIN RJE'I GSHED DMAR PO LHA LNGA'I SGRUB THABS 'JAM DPAL DGYES PA'I ZHAL LUNG 'DI NI RANG NYID KYI DRAN PA GSO BA DANG, RDO RJE 'CHANG TSAR PA CHOS RJE YAB SRAS KYI RING LUGS 'DZIN PA'I 'DUS PA'I GRVA RNAMS SU PHAN PAR GYUR NA SNYAM PA'I KUN RTOG GIS YID DRANGS TE DKYIL 'KHOR RGYA MTSO'I MGON PO RJE BTZUN BKA' 'GYUR BA CHEN PO, THAMS CAD MKHYEN PA ZUR CHOS DBYINGS RANG GROL, MKHAS BTZUN GRUB PA'I DBANG PHYUG MKHAN CHEN ZHA LU PA GSUM GYI BKA' DRIN LAS CHOS TSUL 'DI LA BLO GROS KYI 'JUG PA CUNG ZAD SHAR BA'I ZA HOR GYI BAN RGAN NGAG DBANG BLO BZANG RGYA MTSOS SBYAR BA'I YI GE PA NI RIG 'DZIN GYI BTZUN PA 'JAM DBYANGS GRAGS PAS BGYIS PA DZA YANTU,, MANGGA LAm,, [DD2] (!, ,DPAL LDAN LHA MO DUD SROL MA,,)
[BLANK PAGE]