(*, ,DPAL RDO RJE 'JIGS BYED KYI ZHI BA'I SBYIN SREG RAB DKAR BDUD RTZI'I BUm BZANG BZHUG SO,)
, ,NA MO BADZRA BHEE RA W'A YA, AINDRA N'I LA'I SA 'DZIN DBANG BO NYIN BYED 'BUM GYIS RAB 'KHYUD PA, ,KHRO CHAGS BRJID PA'I NGO MTSAR ROL GAR CIR YANG STON PA'I SGYU MA MKHAN, ,DKYIL 'KHOR RGYA MTSO'I KHYAB BDAG DBANG BO RDO RJE 'CHANG CHEN GSHIN RJE'I GSHED, ,DUR SMRIG ZOL GYIS 'GRO LA RJES CHAGS KUN MKHYEN DBANG BO BTZONG KHA PA, ,GANG GI GSUNG LAS BCOM LDAN GSHIN RJE'I GSHED, ,SBYIN SREG MCHOD PAS MNYES BYED DNGOS GRUB KUN, ,'BAD MED STZOL BA'I RGYA MTSO'I DGONGS BZHED DAG ,'KHRUL MED JI BZHIN RTOGS PA'I RDO RJE 'DZIN, ,GSANG CHEN CHOS KYI 'DOD DGU'I BANG MDZOD LA, ,DBANG SGYUR 'PHRIN LAS THOGS MED 'KHON STON RJE'I, ,LEGS PAR BSHAD DANG GDAMS PA'I DKA' GNAD BZHIN, ,TSAD LDAN LAG LEN SNYING POR DRIL TE 'DRI, ,DE LA 'DIR BCOM LDAN 'DAS DPAL RDO RJE 'JIGS BYED KYI LHA TSOGS SBYIN SREG GI MCHOD PAS MNYES PAR BYED PA'I TSUL, ,ZHI RGYAS DBANG DRAG BZHI LAS, DANG PO NYID LAG LEN 'KHYER BDE BAR BRJOD PAR BYA'O, ,'DI LA SNGON 'OG, DNGOS GZHI, RJES KYI RIM PA DANG GSUM LAS, DANG PO NI, GNAS KHANG
, ,YID DU 'ONG BAR PHYAG DAR LEGS PAR BYAS LA, YAR NGO'I TSES GCIG LTA BU'I DUS SAM, GZA' SKAR SBYOR BYED 'JAM ZHING BZANG BA LA, GNAS KHANG DANG BSTUN PA'I SHAR GYI PHYOGS SU, THAB BRTZIGS TE RDZAS RNAMS TSOGS BAR BYA'O,, TZAN DAN DKAR PO'I CHUS SBRUS PA'I, ,BSKA KHA'I RO LDAN SA DKAR STEGS, ,NANG DU GTER GZHUG STENG DU THAB, ,ZLUM PO RGYAR KHRU DE'I PHYED DPANGS, ,SA 'KHOR THIG BRGYAD SNGON 'GRO BA'I, ,SOR MO MTSO'I GRANGS ZLUM POR BSKOR, ,DE'I PHYI SNGAR BZHIN DE'I PHYI MIG ,LTE BAR PAD NYI KHRO BO YI, (MAN NGAG GI PHYAG LEN LTAR,) ,KHA GYES RDOR SNGON SRID SOR BRGYAD, (CHUR MTHA'I TSAD,) ,DPANGS SU SOR GCIG DE'I PHYI ROL, ,MU KHYUD DAG LA RDO RJES MDZES, ('DAB MA BRGYAD KYI PHYOGS BZHI DMAR, ME RLUNG SAR, DBANG LDAN SNGO, SRIN PO LJANG, GSER SER PO'O,,) ,DE'I PHYI RDOR PHRENG SNGON POS BSKOR, (MDOG DBYIBS GDAN GSUM DNGOS GRUB RGYA MTSOR MAN NGAG GI DBANG DU MDZAD DE SPAS PA YIN LA, ZHIB THUN MONG MA YIN PA'I 'DRI TSUL MAN NGAG ZHAL LAS SHES DGOS PA YOD DO,,) ,ZUR BZHI ZLA PHYED RDO RJES MTSAN, ,MCHOD RDZAS PHYI MCHOD RNAM PA [?] LNGA, (LOGS THIG MDZES KHYAD DANG BCAS PAS BYA,) ,CHU BZHI SO SO'I RDZAS LDAN PA, (PHYAG LEN LTAR,) ,SREG
RDZAS 'OM BU SRID DU SOR, ,BCU GNYIS SBOM PHRA MTHE'U CHUNG ZLUM, ,LA SOGS 'OG NAS 'BYUNG BA KUN, ,KHYAD CHOS DMIGS BSAL RDZAS KYI SBAGS, ,KUN KYANG SHEL DKAR NYA PHYIS DUNG, ,DKAR SNOD CI 'BYOR NANG DU BSHAM, ,'DAS DANG MA 'DAS GTOR MA DANG, ,GOS ZUNG RANG SRUNG CHAS 'JUG SOGS, ,KUN KYANG 'KHRUL MED BSTAR BAR BYA, ,RDO RJE NI THABS DANG DRIL BU NI SHES RAB, ,DE GNYIS KA'ANG DON DAM PA BYANG CHUB KYI SEMS KYI RANG BZHIN NO,, AOm SARBA TA TH'A GA TA SIDDHI BADZRA SA MA YE TIshthA AE shA STVAm DHAR YA MI HI HI HI HI H'Um H'Um H'Um PHAt SV'AH'A, (BUM PA [?] DGANG BLUGS RLUNG G-YAB NYER DPYAD KUN,) AOm BADZRA GHAndE H'Um, RDO RJE SEMS DPA' LA SOGS PA RNAMS MNYES PAR BYA'O,, H'Um; SEMS CAN RMONGS DANG BRAL BA YI, ,RDO RJE GSOR BA MDZES PA YIS, ,RNAM THAR CHOS KYI BYA BA STE, , (G-YAS PA'I MTHE BONG DANG MING MED,) SPRO DANG BCAS PAS RDO RJE BZUNG, (G-YON PA'I DES KYANG DKUR BZHAG) ,H'Um H'Um H'Um HO: HO: HO: AOm BADZRA DHARMA RA nI TA PRA RA nI TA SAm PRA RA nI TA SARBA BUDDHA KshE TRA PRA TZ'A LI NI PRADZNY'A P'A RA MI T'A N'A NGA SVA BH'A WE BADZRA SATVA HRI DA YA SANTO shA nI H'Um H'Um H'Um HO: HO: HO: SV'A H'A, LAS SNGAGS KYIS BSANGS, MCHOD PA DANG GTOR MA BYIN RLABS DKYUS LTAR BYED, (RDO RJE GSOR, RDZAS KUN,) AOm AOm SV'AH'A, (DNGOS GRUB RGYA MTSOR AOm GCIG LAS MI 'DUG PA PAR MKHAN GYI SKYON YIN PA 'DRA, GDAN BZHI'I 'GREL PAR GNYIS 'BYUNG ZHES BDAG GI BLA MA GSUNG BA NI LEGS SO,) AOm (DRIL LCE PHYOGS BRGYAD DU BSGYOD DO,, G-YON NGOS NAS G-YAS SKOR DU THAMS CAD LA, ^ MCHOD YON GYI SNGON DU BA SANGS GTOR ZHAL BSIL ZHES PA DANG, AARGHAm GYI SNGON DU AOm BROKsh'A n'Am A'A: H'Um AANYTZA M'A n'Am A'A: H'Um ZHES PA SBYOR,) A'A: SV'AH'A, (YAm SHING,) AOm SHRIm SV'A H'A, (ZHUN MAR,) AOm DZRi SV'A H'A, ('BRU, DE LAS GZHAN BA'I RDZAS RNAMS,) AOm KU RU
, ,KU RU SV'AH'A, RDZAS RNAMS KYI NUS PA'I SKYON THAMS CAD SBYANGS TE BDUD RTZI LNGA'I NGO BOR GYUR, AOm A'A: H'Um LAN GSUM BRJOD, LAS SNGAGS BRJOD, AOm DZVA LE DZVA LA H'Um LAN BDUN BRJOD, LAS SNGAGS BDUN BRJOD, AOm BADZRA SA TVA A'A: LAN BDUN BRJOD, GNYIS PA 'JIG RTEN PA'I ME LHA MCHOD PA, ('BRAM ZE RGYUN BZHAG GI ME BOD DU MI RNYED KYANG DGE 'DUN GYI MA 'AM NOR BU'I ME BTZUG [?], SGRON ME SPAR BSANGS CHU DANG NANG MCHOD KYIS BSANGS, PHUD SHING BCUG LA RLUNG G-YAB KYIS SBAR RO,, BYUGS GZAR GYIS MAR KHU BDUN GYIS ME GSO, KU SHA MAN NGAG LTAR 'GRAM,) 'JIG RTEN LAS 'DAS PA'I ME LHA MCHOD PA, SLAR YANG 'JIG RTEN BA'I ME LHA MCHOD PA DANG GSUM, DANG PO LA, THAB DANG ME LHA BSKYED CING YE SHES PA BSRE BA, MCHOD CING BSTOD DE DAM TSIG BSGRAG PA, SREG RDZAS PHUL NAS SLAR YANG MCHOD PA DANG GSUM, DANG PO NI, LAS SNGAGS KYIS BSANGS, SVA BH'A WAS SBYANGS, STONG PA'I NGANG LAS SNA TSOGS PADMA DANG ZLA BA'I STENG DU PAm DANG RDO RJE 'DZIN PA DKAR PO DKAR MTHING DMAR BA'I ZHAL GSUM PHYAG DRUG GI DANG PO GNYIS KYI RANG 'DRA'I YUM LA 'KHYUD PA, G-YAS 'OG MA GNYIS RDO RJE DANG RAL GRI, G-YON 'OG MA GNYIS RIN PO CHE DANG PADMA 'DZIN PA ZHU BA LAS BYUNG BA'I YE SHES KYI THAB DKAR ZHING ZLUM PA MU RAN LA RDO RJE'I PHRENG BA DANG KHA KHYER LA RDO RJE GYEN DU BSGRENGS PAS BSKOR BA, GRA BZHIR ZLA PHYED RDO RJES MTSAN PA, DBUS SU PADMA DANG NYI GDAN LA RDO RJE (LAS THAMS CAD PA'I DBANG DU BYAS PA STE ZHI BA LA MAN NGAG BZHIN 'DON PA KHA SPO DGOS SO,) SNGON PO RTZE LNGA PA GYEN DU BSGRENG BAR GYUR PA'I DBUS SU RAm LAS ME GRU GSUM GYI NANG DU PAm LAS PADMA AA LAS ZLA BA'I GDAN LA
RAm DKAR PO LAS BGRANG PHRENG RAm GYIS MTSAN PA YONGS SU GYUR BA LAS, ME LHA BCU GNYIS KYI NANG NAS 'DZIN BYED DKAR PO DKAR NAG DMAR BA'I ZHAL GSUM PHYAG DRUG GI DANG PO GNYIS KYIS BGRANG PHRENG DANG DBYIG GU RTZE GSUM, BAR PA GNYIS KYIS MI 'JIGS PA DANG SPYI BLUGS, THA MA GNYIS KYIS GRI GUG DANG THOD PA 'DZIN PA, ZHI ZHING DUL BA DRANG SRONG GI CHA LUGS CAN, AAG TSOM RING ZHING RAL PA'I THOR TSUGS DANG LDAN BA, SNYING GAR RI MO RTZE GSUM SUM MDO BAS MTSAN PA, RGYAN DANG NA BZA' DKAR PO GSOL ZHI NGAR DKAR PO LA G-YON BRKYANG GIS BZHUGS PA, GNYUG MAR GNAS PA'I RIG MA DANG MNYAM PAR SBYOR BA'I THUGS KAR ME GRU GSUM PA RAm GYIS MTSAN PA, DAM TSIG PA'I THUGS KA'I SA BON GYI 'OD ZER LAS SPROS PA'I KHRO BO 'DOD RGYAL GYIS SHAR LHO NAS BSGOMS PA DANG 'DRA BA'I ME LHA DRANG SRONG GI 'KHOR GYIS BSKOR BA SPYAN DRANGS, AOm; TSUR BYON TSUR BYON 'BYUNG PO CHE, ,LHA YI DRANG SRONG BRAM ZE MCHOG ,SREG BLUGS ZHAL ZAS BZHES SLAD DU, ,'DIR NI YANG DAG BSNYEN PAR MDZOD, ,AOm t'AKKI H'Um DZA: THAB KYI ME MTSAMS KYI KU SHA'I GDAN LA BZHUGS PAR GYUR, (PHYAG RGYA DANG BCAS TE,) AOm MUNGGA R'A DZA: AOm DAndA H'Um, AOm PADMA BAm, AOm KHANGGA HO: GNYIS PA NI, AOm A'A: HR'I: PRA BA RA SAD KA RAm PROKsh'A n'Am PRA T'ITZTSA H'Um SV'AH'A, AANYTZA M'An'Am, AARGHAm, B'ADYAm, (ZHABS BSIL GSUM BO 'DI GONG GI BSANGS GTOR GYI GNAS SU RIM PA BZHIN RDZONG,) AOm AAGNA YE, (DGUG, GZHUG,) A'A D'I BY'A, (BCING [?], MANYEE,) A'A D'I BY'A, A'A B'I SHA, A'A BI SHA, MA H'A SHRI YE, H'A BYA KA BYA B'A H'A N'A YA, PUshBA NAS SHAPTA'I BAR BRJOD, (ZHAL BSIL MCHOD MON)
, ,'JIG RTEN DBANG PHYUG TSANGS DBANG MGON GYI SRAS, ,ME LHA'I RGYAL PO t'AKK'IS DBANG BSKUR BA, ,SHES RAB MCHOG GIS NYON MONGS THAMS CAD BSREG ,'DZIN BYED ME LHA NYID LA RNAM PAR 'DUD, ,AOm BADZRA AA NA LA MA H'A BH'U TA DZVA LA DZVA L'A YA SARBA [?] BHASMIm KU RU SARBA DUshtAN H'Um PHAt TRI SHYA DZA: H'Um BAm HO: SA MA YA STHAm SA MA YA HAm, GSUM BA NI, ME LHA'I LJAGS RDO RJE'I RNAM PA CAN DKAR PO LA RAm YIG DANG, DGANG BLUGS KYI KHA LA YA YIG 'OD ZER 'BAR BA DANG BCAS PAR GYUR, GONG GI ME LHA'I SNGAGS LA, BDAG CAG DPON SLOB YON MTSAD 'KHOR DANG BCAS PA'I NAD GDON (LAN GSUM GYIS DAM TSIG BSGRAG GO,) BAR CHAD MI MTHUN BA'I PHYOGS RNAMS DANG, KHYAD PAR SKU GSUNG THUGS RTEN GTZUG LAG KHANG BZANG 'DI DAG GI RNAM PAR DKAR BA'I 'PHRIN LAS LA BAR DU GCOD PA THAMS CAD SH'ANTIm KU RU AOm, AOm BO DHI BRiKsh'A YA A'A: H'Um, YAM SHING RNAMS BYANG CHUB KYI SHING GI RANG BZHIN GYI BDUD RTZI'I NGO BOR GYUR, AOm AAGNA X, AOm BO DHI BRA [?] Ksh'A YA, (SPEL CHIG DMIGS BSAL BSGYUR DGOS PA ZHAL LAS SHES,) BDAG CAG DPON SLOB YON MCHOD 'KHOR (DGANG BLUGS BDUN NAM GSUM GYIS 'BUL, SREG RDZAS LHA'I GNAS GANG DU 'BUL GYI KHYAD PAR DMIGS PAS DBYE DGOS,) DANG BCAS PA'I GZI BRJID PHUN SUM TSOGS PA LA BAR DU GCOD PA THAMS (YAM SHING,) CAD SH'ANTIm KU RU AOm, AOm AAGNA X, BDAG CAG 'BYOR PA PHUN SUM TSOGS PA LA, AOm AAGNA X, (TIL,) AOm SARBAP'A BAmDA HA NA BADZR'A YA, BDAG CAG X, SDIG SGRIB THAMS CAD X, AOm AAGNA X, (DUR BA,) AOm BADZRA A'A YU shE, BDAG CAG X, TSEL BAR DU GCOD PA THAMS CAD X, (MAR [?] KHU,) AOm AAGNA X, AOm BADZRA
PUsht'A YA, BDAG CAG X, BSOD NAMS LA BAR DU GCOD PA THAMS CAD X, AOm AAGNA X, AOm SARBA PAm P'A DE, BDAG CAG X, MI 'DOD PA'I DU: KHA THAMS CAD X, AOm AAGNA X, AOm AA PRA TI HA TA BADZR'A YA, BDAG CAG X, NYE BAR 'TSE BA THAMS CAD X, AOm ('BRIS 'KHRUS [?] PA,) AAGNA X, AOm SARBA AARTHA SIDDHA YE, BDAG CAG X, NGON GRUB PA LA BAR DU GCOD (ZHO ZAN,) PA THAMS CAD X, AOm AAGNA X, AOm BADZRA BI DZ'A YA, BDAG CAG X, (KU SHA,) RNAM PAR RGYAL BA LA BAR DU GCOD PA THAMS CAD X, AOm AAGNA X, , AOm MAH'A BEE G'A YA, (YUNGS KAR,) BDAG CAG X, LAS THOGS MED DU BSGRUB PA LA BAR DU GCOD PA THAMS CAD X, AOm AAGNA X, AOm MA H'A BA L'A YA, (SO BA,) BDAG CAG X, MTHU STOBS CHEN PO LA BAR DU GCOD PA THAMS CAD X, AOM AAGNA X, AOm BADZRA GHASNA RI, (NAS,) BDAG CAG X, NAD THAMS CAD X, AOm AAGNA YE X, BDAG CAG X, MCHOG MTHUN GYI DNGOS GRUB BSGRUB PA LA BAR DU (SRAN [?] MA,) GCOD PA THAMS CAD X, DE NAS SNGAR GYI CHU BZHI NAS ZHAL BSIL DANG BSANGS GTOR PHUL, (GRO [?]) GNYIS PA NI, LAS SNGAGS KYIS BSANGS, ('BRAS ZAN, TZAN DAN, BRI [?] YANGKU, THANG CHU, 'BRAS YOS ME TOG DKAR PO, SMAN SNA, RIN PO CHE, DAR SNA, ZHO, 'O MA, MAR SOGS PHYAG LEN LTAR 'JUG PA BDE BAR BYED DO,,) ME LHA'I THUGS KAR BHR'Um LAS GZHAL YAS KHANG, ,ZHES PA NAS, ZLA BA'I GDAN ZUNG RE RE ZHES PA'I BAR DKYUS LTAR BRJOD RJES THOD PA BDUD RTZIS GANG BA BZHIR GYUR, (SGRUB MCHOD DANG, 'BREL BA DANG, RAB GNAS RGYAS PA LHA LA DBANG [?] BSKUR BA DANG 'BREL BA, RANG GZHAN GYI ZHI BA'I LAS BSGRUB PA DANG 'BREL BA GSUM LAS, 'DI NI DANG PA'I DBANG DU BTANG BA STE [?], RAB GNAS 'BRING BO LA SGRUB MCHOD [?] LUGS
, ,LTAR BYAD BA LAG TU [?] BLANG BDE TZAM DU GO ZHES KHO BO'I BLA MA GSUNG NGO,, BAR BA LA LTA GNAS 'GYUR [?] TSUL DANG, PHYI MA DAM TSIG BA BSKYED TSUL DANG, YE SHES BA BSTIM PA SOGS, PHYAG LEN ZHAL SHES LTAR BYA DGOS SHING, BSNYEN PA'I [?] KHA SKONGS SOGS LA LAS THAMS CAD PA'I SBYIN SREG CES BYA BA 'PHRIN LAS BZHI GDON GYIS TSANG BA'I MAN NGAG 'DUG KYANG RNAM DBYE DOD PA LTA CI SMOS MING THOS PA YANG NYIN MO'I SKAR MA TZAM MO,,) AOm HR'I: shtR'i WI KRI T'A NA NA H'U PHAt, (KARMA RDO RJES DKYIL 'KHOR RAM RAB TU GNAS BYA'I LHA'I DRUNG DU SONG STE PHYAG BCAL, BDAG CAG DPON SLOB YON BDAG DANG BCAS PA LA MCHOG THUN GYI DNGOS GRUB STZOL BA'I PHYIR DU SBYIN SREG 'BUL BAS, THAB KYI GZHAL YAS KHANG DU GSHEGS PA ZHU ZHES BRJOD DE, LAG LEN LTAR LHA GRANGS KYI ME TOG BLANGS LA THAB KYI DRUNG DU 'ONGS PA RDO RJE SLOB DPON GYI SNGAGS DANG BSTUN NAS THAB TU GZHUG GO,) ZHES PA NAS BADZRA RA TI H'Um PHAt KYI BAR BRJOD, DBUS KYI GDAN LA DPAL RDO RJE 'JIGS BYED YAB YUM, SHAR GYI GDAN LA GTI MUG GSHIN RJE GSHED YAB YUM, LHO'I GDAN LA SER SNA X, NUB KYI GDAN LA 'DOD CHAGS X, BYANG GI GDAN LA PHRAG DOG X, SHAR SGO'I GDAN LA THOB X, LHO SGO'I GDAN LA DBYUG PA X, NUB SGO'I GDAN LA PADMA X, BYANG SGO'I GDAN LA RAL GRI X, SHAR LHO'I GDAN LA TZA RTZI KA X, LHO NUB KYI GDAN LA PHAG MO X, NUB BYANG GI GDAN LA DBYANGS CAN MA X, BYANG SHAR GYI GDAN LA GOO RI X, LHA RNAMS KYANG RANG RANG GI SKU MDOG LA DKAR PO'I GZI 'OD KYI NYAMS DANG LDAN ZHING ('GA' ZHIG SKU MDOG DKAR PAR 'DON PA BSGYUR BA NI, DNGOS GRUB RGYA MTSO SOGS KYI DGONGS BZHED MA LON PA'I RTOG BZER THAL ZHING, DE LTAR 'JIGS BYED ZHI BA'I RNAM PA CAN DU BSGYUR NA KHRO PO'I CHAS RNAMS SPANG DGOS LA, DE 'DRA NI KUN LA MA GRAGS PA'I GTAM DANG, MA SPANGS NA KHYIM PAS RAB BYUNG GI RTAGS 'DZIN PA BZHIN NO,, KHO BO'I
BLA NA SA [?] RGYAS PA'I SKABS RIN PO CHES BRGYAN GSUNG BA NI KHRO BO'I MDOG DANG CHA LUGS SOGS DANG LDAN BZHIN PA'I NGANG NAS RGYAS PA'I MDANGS DANG GZI BRJID LA NI DMIGS PA GTZO BOR GTOD PA'I DGONGS PA YIN NO,,) SKU'I CHA THAMS CAD LAS 'OD ZER DKAR PO'I TSOGS 'PHRO BAR GYUR, ('GA' ZHIG SKABS DER SPYAN 'DREN PA 'DUG NA'ANG SPYAN DRANGS ZIN PA'I YE SHES BA MAR ME GCIG LAS GNYIS CHAD KYI TSUL DU SPYAN DRANGS PA'I RNAM DBYE MA SHES BAR MNGON NO,,) SNGAR BZHIN CHU BZHI DANG MCHOD PA RGYAS BSDUS SKABS SBYAR DANG HR'I: shtR'i SOGS KYIS GTZO 'KHOR RNAMS LA NANG MCHOD 'BUL, BSTOD PA BYA, GTZO 'KHOR RNAMS KYI LJAGS RDO RJE'I RNAM PA CAN ZHES PA NAS, BCAS PAR GYUR ZHES PA'I BAR SNGAR BZHIN, HR'I: shtR'i'I MJUG TU, BDAG CAG DPON SLOB CES BA NAS, SH'INTAm KU RU AOm, AOm BO DHI BRiKsh'A YA A'A: H'Um ZHES PA NAS, MCHOG THUN GYI DNGOS GRUB BSGRUB PA LA BAR DU GCOD PA THAMS CAD X, (BTZO [?] BO YAB YUM LA ME LHA'I SNGAGS TSAB TU HR'I: shtR'i DANG BADZRA BEE TA LI GNYIS SBREL NAS 'BUL, 'KHOR RNAMS LA DZIN [?] [?] DZIG NAS BADZRAR TI'I BAR SBREL TE BZLA ZHING, GTZO 'KHOR LA SREG RDZAS MANG NYUNG GI KHYAD PAR DANG DMIGS BSAL BYE BRAG SOGS ZHAL SHES LTAR BYA'O,,) ZHES PA'I BAR SNGA MA LTAR RO,, LHA RNAMS KYI THUGS KA LAS SPROS BA'I SANGS RGYAS DANG BYANG CHUB SEMS DPA' SKU MDOG DKAR PO,, BUM PA DKAR PO BDUD RTZIS GANG BA 'DZIN PA NAM MKHA'I KHAMS GANG BA SPROS TE, BSGRUB BYA PADMA DKAR PO DANG ZLA BA'I DKYIL ('KHOR LA) GNAS PA LA DBANG BSKUR BAS, NAD GDON BAR GCOD MI MTHUN PA'I PHYOGS THAMS CAD KHA DOG NAG PO'I RNAM PAR GYUR PA PHYIR BKRUS TE, GSAL ZHING DANGS PA 'OD ZER DKAR PO'I GZI MDANGS 'PHRO BAR GYUR, ('DI'I SKABS SU BSGRUB BYA GCIG DANG DU MA SKABS THOB SNA TSOGS BRTZI SHES DGOS SO,,) AOm A'A: HR'I: SOGS KYIS ZHABS
, ,BSIL MA GTOGS PA GSUM 'BUL, AOm BADZRA WASTA YE SV'A H'A, AOm BADZRA TAMPU LA YE SV'AH'A, MCHOD BA RGYAS BSDUS SKABS DANG SBYAR, GTOR MA DANG NANG MCHOD PHUL, GNYIS MED THUN MONG MA YIN KHYAB PA'I SKU, ,SOGS KYIS BSTOD, AOm A'A: HR'I: SOGS KYIS MCHOD YON PHUL, MA RNYED YONGS SU (GOS ZUNG,) MA SHES DANG, (SO RTZI,) ,ZHES SOGS DANG, GSHIN RJE GSHED KYI YI GE BRGYA PA BRJOD, (RDO RJE SLOB DPON GYIS SPOS DANG BCAS TE ME TOG RNAMS SNGAR BZHIN BLANGS NAS KARMA RDO RJE LA GTAD NAS SNGAR KYI GNAS SU SKYEL BSAGS PHYAG LEN LTAR BYED,) HR'I: shtR'i NAS BADZRA RA TI'I BAR BRJOD, GTZO BO YAB YUM 'KHOR DANG BCAS PA SLAR YANG SNGAR GYI GNAS SU GSHEGS TE GNYIS SU MED PAR GYUR, GSUM PA NI, ME LHA'I SNGAGS MJUG TU, PUshPE NAS SHAPTA'I BAR DANG AOm A'A: HR'I: SOGS KYIS BSANGS GTOR DANG ZHAL BSIL, WASTRA DANG TAMBU LA'I SNGAGS (LUGS GZHAN RNAMS LA MAN NGAG LTAR KHA SPO SHES DGOS SO,,) KYIS GOS DANG SO RTZI 'BUL, RANG SNGAGS KYI MJUG TU AA K'A RO MU KHAm BTAGS LA GTOR MA 'BUL, AOm BO DHI BRiKsh'A YA A'A: H'Um ZHES PA NAS, MCHOG THUN GYI DNGOS GRUB BSGRUB PA LA BAR DU GCOD PA THAMS CAD CES PA'I BAR DKYUS LTAR BTANG, 'JIG RTEN DBANG PHYUG TSANGS DBANG MGON GYI SRAS, SOGS KYIS BSTOD, ME LHA'I RGYAL PO 'KHOR BCAS KYIS, ,BDAG CAG DBON SLOB YON MCHOD KYI, (SREG RJES LHA GAM RNAMS 'BUL,) ,'GAL RKYEN BAR CHAD KUN ZHI ZHING, ,LEGS TSOGS DNGOS GRUB MA LUS STZOL, ,GANG YANG BDAG BLO RMONGS PA YIS, ,SOGS BRJOD, AOm DE BA AAGNE, BADZRA MU: YE SHES PA RANG BZHIN GYI
GNAS SU GSHEGS, ,DAM TSIG PA ME'A BAR BA'I RNAM PA CAN DU GYUR, ,GSUM PA NI, ME MA SHI BAR DU 'JOG PA'I LONG MED NA GZHIL BA'I THABS DANG, LAS KYI RJES MI MNGON PA SOGS LAG LEN LHAR BYA'O,, SMRAS PA, NYES BRGYA'I TSANG TSING STUG PO'I NAGS KLUNG KUN, ,YE SHES ME DPUNG MCHOG GIS SREG BYED PA'I, ,ZHI BA'I SBYIN SREG RAB DKAR BDUD RTZI'I BCUD, ,SNGON MED GTER GYI BUM BZANG CHE 'DI BSKRUN, ,RTOG GES DREGS PA'I BLOS BYAS YI GE DANG, ,BLUN PO RANG BZO'I MU COR MGAL DUM PHRENG, ,'PHONGS PA ZAS 'TSOL CHED DU SBYIN SREG GI, ,'BREL MED LAG LEN BYED PA RNAM PAR MANG, ,SNYAN BRGYUD ZAB DON MTHA' DAG YAL BOR NAS, ,CHOS KYI RNAM GRANGS THOS LO LHUR LEN PA'I, ,ZHABS RDOL SNOD DANG 'DRA BA'I MKHAS RLOM KHROD, ,LEGS BSHAD ZUR RGYAN SPRO BA NGAL BA'I RGYU, ,'ON KYANG SHES LDAN 'GA' SRID NA, ,PHAN SNYAM LHAG BSAM GYIS BKOD PAS, ,ZHE SDANG THABS RGYUD GSHIN RJE GSHED, ,PHYOGS DUS KUN TU RGYAS GYUR CIG ,DPAL RDO RJE 'JIGS BYED KYI ZHI BA'I SBYIN SREG RAB DKAR BDUD RTZI'I BUM BZANG ZHES PA 'DI YANG, RJE BTZUN RDO RJE 'CHANG CHEN PO DPAL 'BYOR LHUN GRUB KYI BKA' DRIN LAS, GSANG SNGAGS GSAR 'GYUR GSHED SKOR GYI SNYAN BRGYUD MAN NGAG PHRA ZHING PHRA BA RNAMS KYANG THOB PAR RLOM PA'I ZA HOR GYI BANDE NGAG DBANG BLO BZANG RGYA MTSOS SBYAR BA'I YI GE PA NI NGAG DBANG DGE LEGS SO,, SARBA MANGGA LAm,, ,,