!,, A'A BHI shI NYTZO NA YA TE: SU BH'A shA n'A TI SH'A BHI PR'A Y'A LA DKA RA N'A MA RA DN'A DZNY'A BA D'A NA shA tA DA SHA SHU KRA SYA SA RI T'A NA YA NA BI HA RA TI SMA,, !,, (BKA' GDAMS RIN PO CHE THIG LE BCU DRUG GI RGYUN KHYER DBANG KHRID KYI LEGS BSHAD PHUL BYUNG DGONGS RGYAN BZHUGS,,)
, ,NA MO GU RU SHCA [?] TRI RATNE BHYA:, RMAD BYUNG BSOD NAMS YE SHES SA BON DAG GIS RING PO NYID NAS BSKRUN PA LAS, ,SKU GSUM SDONG BU RNAM PAR RGYAS PA'I MTSAN DPE'I LO 'BRAS PHYOGS BCUR RAB G-YO BA, ,MTSAN GYI GZIS KYANG PHAN DANG BDE BA'I 'DOD DGU LEGS STZOL YID BZHIN DBANG GI RGYAL, ,RNAM 'DREN GTZOR GYUR 'OD DPAG MED CES SNGON MED DPAG BSAM LJON PA RGYAL GYUR CIG ,GANG DE'I YE SHES SGYU MA'I ROL GAR LAS, ,SDOM BRTZON GNAS LNGA KUN MKHYEN LNGA BRGYA'I GTZO, ,AA TI SHA ZHES SNYAN PA'I GRAGS PA YIS, ,SRID 'DI'I RNA BAR SNYAN PA'I GTAM DU 'JEBS, ,MI ZAD GSANG BA'I GDAMS PA BDUD RTZI'I RGYUN, ,THUGS KYI BUM PAR LEGS 'KHYIL 'BROM STON RJE, ,BRGYUD PAR BCAS PA'I SNYAN BRGYUD MDZOD 'DZIN RNAMS, ,SKAL BZANG GZUR GNAS YONGS KYIS PHYAG BYA'I GNAS, ,MAN NGAG CHU SHEL ZHUN MA'I THIG LE GANG, ,NYAMS LEN SNYAN BRGYUD BCU DRUG CHA SHAS SU, ,RDZOGS PAR 'KHYIL BA'I BKA' GDAMS 'OD DKAR CAN, ,BLO LDAN KUNDA KHONG NAS 'DZUM PA BZHIN, ,PHYOGS RES TSIM MIN THUB PA'I BSTAN PA RNAMS, ,YONGS RDZOGS GCIG TU DRIL NAS NYAMS LEN PA'I, ,LEGS PAR BSHAD PA PHUL BYUNG DGONGS RGYAN 'DI, ,MGRIN PA'I 'KHOR LO RNAM PAR GROL TE BRI, ,
, ,DE YANG MNYAM MED JO BO CHEN PO YAB SRAS KYI GSANG CHOS GLEGS BAM RIN PO CHER GRAGS PA, RTOG GE PA RNAMS KYI BLO'I YUL DU SHONG BAR DKA' BA'I ZAB DON 'DI NYID KYI SNYING PO'I YANG SNYING BOR GYUR PA, ZAB DON SNYING GI THIG LE BCU DRUG TU GRAGS PA 'DRI NI SLOB DPON BYANG CHUB BZANG PO YAN CHAD DU CHIG BRGYUD BKA' RGYA SHIN TU DAM ZHING THAMS CAD MKHYEN PA DGE 'DUN GRUB PA'I BAR DU'ANG KHYAB GDAL DU MI MDZAD PAR ZAB GNAD RNAMS SNYAN BRGYUD KHO NAR BZHUGS PAS, BKA' RGYA DPROL NA SRAS SU GA LA 'GYUR, ,SNYING GTAM SNYING DU BRGYUD NA ZAB CHOS YIN, ,LEGS BSHAD SEMS LA 'CHANG NA YUN DU 'PHROD, ,MNGON RTOGS SEMS LA BRGYUD NA BRTAN PA YIN, ,ZHES GSUNGS PA LTAR 'DI NYID YI GER 'DRI BA'I YUL MIN NA'ANG, DUS DBANG GIS MCHOG DMAN MTHA' DAG DAM PA'I CHOS KYI RJES SU PHYOGS PA CHES NYUNG ZHING, RGYU MTSAN DES CHOS ZAB MO RNAMS KYANG RIM GYIS NUB PA LA NYE BA'I DUS 'DIR DGOS PA'I DBANG GIS YI GE'I PHRENG BAR SPEL BA LA NYES PA MED PAS SNGA RABS KYI YIG RNYING RNAMS SU GAB PA DANG MI GSAL BA DANG 'KHRUGS PA SOGS LEGS PAR BSDEBS SHING, RANG BLO'I RTZAL DANG RJE STAG TSANG BA'I ZUR 'DEBS RNAMS KYIS BRGYAN TE BRI BAR BYA'O, ,DING SANG 'DI'I DBANG KHRID RGYUN GYI NYAMS LEN SOGS 'BROM GZHON NU BLO GROS KYIS MDZOD
PA'I YIG RNYING RNAMS HA CANG KHA MI GSAL ZHING, RANG GZHAN GYI YIG CHA SNA TSOGS SNANG BA'ANG G-YAR KHRAL KHO NA LAS BRJOD DON GYI 'BRAS BUS DBEN PAR MTHONG LA, RJE GLO BO GROL MCHOG PA'I KHRID BRGYA'I NANG GI DE'ANG SA BON TZAM LAS LEGS PAR BSHAD PA'I CHA CHE BAR MA MTHONG BAS 'DIR MNGON PAR GSAL ZHING MA 'DRES PAR BRJOD PA LA BZHI, DUS KHYAD PAR CAN GYI SKABS SGRUB PA'I MCHOD PA, RANG NYID RGYUN 'KHYER DU NYAMS SU BLANG TSUL, GZHAN RJES SU 'DZIN PA DBANG GI CHO GA, SKAL LDAN GYI SLOB MA LA NYAMS 'KHRID DU 'DEBS PA'I RIM PA'O, ,DANG PO NI, SLOB MA RJES 'DZIN GYI CHED MA YIN YANG CHO 'PHRUL DANG BLA MA'I DUS MCHOD LA DMIGS TE DKYIL 'KHOR BRI BA SOGS BCAS KYI RIM PA DANG THUN 'DZIN PA'I SGRUB GROGS RNAMS DBANG CHOG NAS 'BYUNG BA LTAR LEN ZHING DNGOS GZHI'I NYAMS LEN DBANG CHOG DOR BA TZAM MO, ,GNYIS PA NI, MCHOD PA BDUN CHAR DANG, KUN 'DUS KYI DKAR GTOR ZHIG BSHAMS, THOG MAR SKYABS SU 'GRO BA NI, BDAG DANG 'GRO BA SEMS CAN THAMS CAD DUS 'DI NAS BZUNG STE JI SRID BYANG CHUB SNYING PO LA MCHIS KYI BAR DU RKANG GNYIS RNAMS KYI MCHOG SANGS RGYAS BCOM LDAN 'DAS RNAMS LA SKYABS SU MCHI'O, ,CHOS RNAMS KYI MCHOG ZHI BA 'DOD CHAGS DANG BRAL BA'I CHOS LA SKYABS SU MCHI'O, ,TSOGS RNAMS KYI MCHOG 'PHAGS PA BYANG CHUB SEMS DPA' PHYIR MI LDOG PA'I DGE 'DUN CHEN PO RNAMS LA SKYABS SU MCHI'O, ,SEMS BSKYED PA NI; PHYOGS BCU NA BZHUGS PA'I SANGS RGYAS DANG BYANG CHUB SEMS DPA' THAMS CAD BDAG LA DGONGS SU GSOL, BDAG DANG MKHA' MNYAM GYI SEMS CAN MA LUS PA THAMS CAD KYIS SKYE BA 'DI DANG SKYE BA GZHAN DAG TU SBYIN PA'I RANG BZHIN DANG TSUL KHRIMS KYI RANG BZHIN
, ,DANG SGOM PA'I RANG BZHIN GYI NGAG BA'I RTZA BA CI BGYIS PA DANG, BGYID DU BSTZAL BA DANG BGYID PA LA RDZAS SU YI RANG BA'I DGE BA'I RTZA BA DES JI LTAR SNGON GYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS DANG SA CHEN PO LA RAB TU BZHUGS PA'I BYANG CHUB SEMS DPA' CHEN PO RNAMS KYIS DANG PO BLA NA MED PA YANG DAG PAR RDZOGS PA'I BYANG CHUB TU THUGS BSKYED PAR MDZAD PA DE BZHIN DU BDAG SOGS SEMS CAN RNAMS KYIS KYANG DUS 'DI NAS BZUNG STE JI SRID BYANG CHUB KYI SNYING PO LA MCHIS KYI BAR DU BLA NA MED PA YANG DAG PAR RDZOGS PA'I BYANG CHUB CHEN PO LA SEMS BSKYAD PAR BGYI'O, ,SEMS CAN MA BSGRAL BA RNAMS BSGRAL BAR BGYI'O, ,MA GROL BA RNAMS DGROL BAR BGYI'O, ,DBUGS MA PHYUNG BA RNAMS DBUGS DBYUNG BAR BGYI'O, ,YONGS SU MYA NGAN LAS MA 'DAS PA RNAMS YONGS SU MYA NGAN LAS BZLA BAR BGYI'O ZHES LAN GSUM BRJOD, BLA MED KYI NYAMS LEN GTZO CHE BAR BYED NA SNGAGS SDOM SPYI 'GRO LTAR BZUNG NA LEGS PAR MNGON NO, ,MCHOD PA BYIN GYIS BRLAB PA NI, RANG NYID SKAD CIG GIS THUGS RJE CHEN PO G-YAS NOR BU'I PHRENG BA DANG G-YON SHAL GYI 'KHAR BA RTZE MOR SANGS RGYAS STONG GIS MTSAN PA 'DZIN PA, ZHABS GNYIS MNYAM PA'I STABS KYIS BZHENGS PA'I THUGS KA'I HR'I: LAS 'OD 'PHROS, SNOD BCUD KYI MA DAG PA SBYANGS, AOm LAS RIN PO CHE'I SNOD YANGS SHIR RGYA CHE BA RNAMS KYI NANG DU H'Um 'OD DU ZHU BA LAS BYUNG BA'I MCHOD YON, ZHABS BSIL, ME TOG, BDUG SPOS, SNANG GSAL, DRI CHAB, ZHAL ZAS, ROL MO LA SOGS PA RNAMS DANGS SHING THOGS PA MED PA DPAL KUN DU BZANG PO'I RNAM PAR SPRUL PA LAS BYUNG BA'I MCHOD PA'I SPRIN ZAD MI SHES PA NAM MKHA' DANG
MNYAM PAR GYUR, ,AO [?] SARBA TA TH'A GA TA AARGHAm NAS, SHAPDA'I BAR BRJOD, DNGOS GZHI NI, AOm SVA BH'A WA SHUDDHA SARBBA DHARMA SVA BH'A WA SHUDDHONYAHAm, SNOD BCUD KYIS BSDUS PA'I BRTAN G-YO'I CHOS THAMS CAD STONG PA NYID DU GYUR, STONG PA'I NGANG LAS, RANG GI SEMS KYI CHA SHAS LAS GRUB PA'I GZHAL YAS KHANG GRU BZHI SGO BZHI 'DOD SNAM PHA [?] KLU DRA BA DRA PHYED MDA' YAB BU SHU RTA BABS SOGS MTSAN NYID THAMS CAD YONGS SU RDZOGS PA, NANG GI STENG DANG SHAR DKAR, LHO SER, NUB DMAR, BYANG LJANG, 'OG SNGON POR GYUR PA'I KHA DOG SO SO'I RANG MDOG LTAR 'CHAR BA LA RNAM PA YI GE'I GZUGS CAN GYIS PAR MTSAMS MED PAR KHYAB PA, KHA DOG DANG DBYIBS RNAMS MA 'DRAS PAR SO SOR BKRA BA'I STENG GI YI GE THAMS CAD AOm, SHAR MA, LHO nI, NUB PAD, BYANG ME, 'OG H'Um DU SNANG BA'I GZHAL YAS KHANG GI NANG DU SEMS NYID THIG LE DKAR PO GSAL STONG 'OD KYI RANG BZHIN CAN DE NYID JE CHER SONG BA LAS RANG NYID THUB PA DANG DBYER MED PA'I THUGS RJE CHEN POR GYUR PA 'OD DU ZHU BA LAS SKAD CIG GIS PAm YIG DKAR PO LAS NAM MKHA'I MTHA' DANG MNYAM PA'I PADMA DKAR PO 'DAB MA STONG DANG LDAN PA'I LTA BAR AA DKAR PO LAS ZLA BA'I DKYIL 'KHOR GYI STENG DU HR'I: DKAR PO YONGS SU GYUR PA LAS THIG LE DKAR PO NAM MKHA' LTAR MTHA' DANG BRAL BA'I RANG BZHIN CAN YONGS SU GYUR BA LAS BKOD PA BSAM GYIS MI KHYAB PA'I THUGS RJE CHEN PO RGYAL BRGYA MTSO NAM MKHAS GAR KHYAB TU SKUS KHYAB PA; DBU BCU GCIG PHYAG STONG SPYAN STONG DANG LDAN PA, RTZA ZHAL DKAR G-YAS DMAR G-YON LJANG, DE'I STENG GI ZHAL DBUS LJANG G-YAS DBAR [?] G-YON DMAR, DE'I STENG GI ZHAL DBUS DMAR G-YAS LJANG G-YON DKAR BA, DE'I STENG NA KHRO ZHAL NAG PO MCHE BA GTZIGS PA,
, ,SPYAN GSUM PA, RAL PA DMAR SER GYEN DU BRDZES PA, DE'I SPYI BOR ZHI BA'I ZHAL DMAR PO GCUG TOR CAN, RTZO BA'I PHYAG DANG PO GNYIS THUGS KAR THAL MO SBYAR BA, G-YAS GNYIS PA NA BGRANG 'PHRENG, GSUM PA YI DAGS KYI SKOM PA SEL BA, BZHI PA NA 'KHOR LO, G-YON GYI GNYIS PA NA PADMA, GSUM PA NA RIL PA SPYI BLUGS, BZHI PA NA MDA' GZHU 'DZIN PA, PHYAG LHAG MA DGU BRGYA DANG DGU BCU RTZA GNYIS PO THAMS CAD MCHOG SBYIN MDZAD PA, ZHABS RDO RJE SKYIL KRUNG GIS BZHUGS PA, BA SPU'I BU GA RA RE NA SANGS RGYAS KYI ZHING GRANGS MED PA, DE RNAMS NAS SANGS RGYAS BYANG SEMS MTHA' KLAS PA MTHONG BA, GNAS GSUM GYI YIG 'BRU LAS 'OD ZER GYI TSOGS 'PHROS PAS SEMS CAN GYI DON DPAG TU MED PA MDZAD PA, DE'I THUGS KAR THIG LE GNYIS PA MI MDZAD KYI BKOD PA SNGAR LTA BU'I GZHAL YAS KHANG GI NANG DU PAD ZLA'I STENG NA AOm SER PO LAS THUB PA CHEN PO RNAM PAR SNANG MDZAD GANGS CHEN 'TSO SPRUL SKU'I CHA BYANG CAN, G-YAS SKYABS SBYIN GYI PHYAG RGYA DANG G-YON MNYAM GZHAG MDZAD PA, G-YAS G-YON DU MCHOG ZUNG BZHENGS TE BZHUGS PA, THAG PA GSUM GYI 'KHOR [?] TSOG PA RGYA MTSOS BSKOR BA, DE'I THUGS KAR THIG LE GSUM PA KHA PA CAN GYI THIG LE, GZHAL YAS KHANG GI NANG DU PAD ZLA'I STENG NA SPYAN RAS GZIGS RGYAL BA RGYA MTSO BKOD PA BSAM GYIS MI KHYAB PA JI LTA BA BZHIN BZHUGS PA, DE'I THUGS KAR THIG LE BZHI PA YANG SGOS DBU RU BYANG PHYOGS KYI THIG LE, GZHAL YAS KHANG GNANG DU PAD ZLA'I STENG NA HR'I: LAS 'BROM SHEL GYI KHYE'U DKAR PO ZHI ZHING 'DZUM PA, DBU SKRA MTHING KHA DPUNG PA'I THAD DU SLEB PA, PHYAG G-YAS SHEL DKAR GYI 'PHRENG BA DANG, G-YON SHEL GYI 'KHAR BA RTZE MOR PADMA DKAR PO
'DAB MA STONG DANG LDAN PA'I LTE BAR ZLA GDAN LA YUM CHEN MO, G-YAS SU BLA MA MAR ME MDZAD, G-YON DU RGYAL BA SH'AKYA THUB PA, 'DAB MA STONG LA SANGS RGYAS STONG BZHUGS PAS [?] MTSAN PA 'DZIN PA, ZHABS GNYIS MNYAM PA'I SLABS KYIS BZHENGS PA, DE'I THUGS KAR THEG LE LNGA PA GZHAL YAS KHANG GI NANG DU PAD ZLA'I STENG NA AA YER BO LAS YUM SHER PHYIN MA SKU MDOG SER MO ZHAL GCIG PHYAG BZHI MA, G-YAS DANG PO THUGS KAR SKYABS SBYIN GYI PHYAG RGYA DANG, G-YON DANG PO MNYAM GZHAG MDZAD PA, G-YAS 'OG MAS RDO RJE DAR G-YON 'OG MAS GLEGS BAM 'DZIN PA, ZHABS SKYIL KRUNG GIS BZHUGS PA, PHYOGS BCU'I RGYAL BA SRAS BCAS KYIS BSKOR BA, DE'I THUGS KAR THIG LE DRUG PA GZHAL YAS KHANG GI NANG DU PAD ZLA'I STENG NA MUm SER BO LAS THUB PA BDUD 'DUL SPRUL SKU'I CHA LUGS CAN, G-YAS SA GNON DANG G-YON MNYAM GZHAG MDZAD PA, DE'I THUGS KAR THIG LE BDUN PA GZHAL LAS KHANG GI NANG DU PAD ZLA'I STENG NA HR'I: DKAR PO LAS SPYAN RAS GZIGS ZHAL GCIG PHYAG BZHI PA, DANG PO GNYIS THUGS KAR THAL MO SBYAR BA, LHAG MA GNYIS SHEL 'PHRENG DANG PAD DKAR 'DZIN PA, ZHABS SKYIL KRUNG GIS BZHUGS PA, 'KHOR BYANG CHUB SEMS DPA'I TSOGS KYIS BSKOR BA, DE'I THUGS KAR THIG LE BRGYAD PA GZHAL YAS KHANG GI NANG DU PAD ZLA'I STENG NA TAm LJANG GU LAS SGROL MA LJANG GU ZHAL GCIG PHYAG GNYIS MA, G-YAS MCHOD SBYIN GYI PHYAG RGYA DANG G-YON ,AUTPA LA MA THEB SRIN GYIS THUGS KAR 'DZIN PA, 'KHOR ZHI BA'I LHA MO DPAG TU MED PAS BSKOR BA, DE'I THUGS KAR THIG LE DGU PA GZHAL YAS KHANG GI NANG DU PAD NYI'I STENG NA TAm LJANG NAG LAS SGROL MA DRAG MO LJANG NAG ZHAL GCIG PHYAG BZHI MA, DANG PO GNYIS GRI THOD,
, ,'OG MA GNYIS d'A MA RU DANG KHA t'Am GA 'DZIN PA, MI LPAGS KYI G-YANG GZHI DANG STAG LPAGS KYI SHAM THABS DANG RUS PA'I RGYAN DRUG GSOL ZHING G-YON BRGYAD GIS BZHUGS PA, 'KHOR DU LHA MO DRAG MO'I TSOGS DPAG TU MED PAS BSKOR BA, DE'I THUGS KAR THIG LA BCU PA GZHAL YAS KHANG GI NANG DU PAD NYI'I STENG NA H'Um MTHING NAG LAS MI G-YO BA SNGON PO ZHAL GCIG PHYAG GNYIS PA, KHRO ZHING GTUM PA, G-YAS RAL GRI DANG G-YON ZHAGS PA 'DZIN PA, SPRUL DANG RIN PO CHES BRGYAN CING GLANG LPAGS DANG STAG SHAM GSOL BA; G-YAS BRKYANG GIS TSOGS KYI BDAG PO'I GDAN LA ME DPUNG GI DBUS NA KHRO BO'I TSOGS KYIS BSKOR TE BZHUGS PA, DE'I THUGS KAR THIG LE BCU GCIG PA GZHAL YAS KHANG GI NANG DU PAD ZLA'I STENG NA H'Um DKAR PO LAS MGON PO AA TI SHA LONGS SPYOD RDZOGS SKU'I CHA LUGS CAN, RDO RJE DANG DRIL BU 'DZIN PA, SKYIL KRUNG GIS BZHUGS PA, DE'I MDUN DU THUB PA LONGS SKU'I CHA LUGS CAN, G-YAS SU SPYAN RAS GZIGS, G-YON DU SGROL MA, RGYAB TU MI G-YO BA, SHAR LHOR JO BO PAndI TA'I CHA BYAD CAN, LHO NUB TU 'BROM DGE BSNYEN GYI CHA BYAD CAN, NUB BYANG DU RNGOG DANG BYANG SHAR DU KHU STON GNYIS BOD STON RAB BYUNG GI CHA BYAD CAN, STENG GI CHA LA BRGYUD PA GSUM GYI BLA MA'I TSOGS RNAMS BZHUGS PA, DE'I THUGS KAR THIG LE BCU GNYIS PA GZHAL YAS KHANG GI NANG DU PAD ZLA'I STENG NA HR'I: DKAR PO LAS 'BROM CHOS KYI RGYAL PO LONGS SKU'I GAR CHAS SU BZHUGS PA, DGONGS LO BCU DRUG LON PA'I NA TSOD CAN, G-YAS PAD DKAR DANG G-YON DRIL BU 'DZIN PA, ZHABS SKYIL KRUNG GIS BZHUGS PA'I MDUN DU PHYI LTAR NA RANG DANG CHA LUGS MCHUNGS PA'I KHYE'U DKAR PO BZHI, G-YAS SU SER
BO BZHI, G-YON DU LJANG GU BZHI, RGYAB TU DMAR PO BZHI, NANG LTAR NA [?] SKU MCHAD GSUM SOGS, GSANG BA LTAR NA RIGS LNGA'I NGO BO, STENG GI CHA LA BRGYUD PA GSUM GYI BLA MA RNAMS DANG, GSANG BA YE SHES SOGS MKHA' 'GRO'I TSOGS DU MA RNAMS AU RGYAN GYI YUL DU MDZAD PA JI LTA BA BZHIN GAR STABS SNA TSOGS SU SGYUR BA, DE'I THUGS KAR THIG LE BCU GSUM PA GZHAL YAS KHANG GI NANG DU PAD ZLA'I STENG NA MEEm SER BO LAS RGYAL BA BYAMS PA DGE SLONG SNAM SBYAR CHOS GOS GYON PA, MTSAN DPE DANG LDAN PA, CHOS 'CHAD KYI PHYAG RGYA MDZAD PA, G-YAS G-YON NA NAM MKHA' DRI MA MED PA DANG BTZUN PA SPYAN RAS GZIGS GNYIS DAG SLONG GI CHA BYAD CAN BZHENGS TE BZHUGS PA, STENG GI CHA LA 'PHAGS PA THOGS MED SOGS RGYA CHEN SPYOD BRGYUD KYI BLA MA'I TSOGS RNAMS BZHUGS PA, DE'I THUGS KAR THIG LE BCU BZHI PA GZHAL YAS KHANG GI NANG DU PAD SGRA'I STENG NA BH'I [?] DMAR SER LAS RJE BTZUN 'JAM DPAL DBYANGS RANG BYUNG SPRUL SKU'I CHA LUGS CAN, PHYAG GNYIS CHOS 'CHAD KYI PHYAG RGYA MDZAD PA, ZHABS SKYIL KRUNG GIS BZHUGS PA, G-YAS G-YON DU JO BO DANG SPYAN RAS GZIGS GNYIS RAB BYUNG GI RNAM PA CAN, STENG GI CHA LA MGON PO KLU SGRUB SOGS ZAB MO LTA BRGYUD GYI BLA MA'I TSOGS RNAMS BZHUGS PA, DE'I THUGS KAR THIG LE BCO LNGA PA GZHAL YAS KHANG GI NANG DU SENG GES BTEG PA'I RIN PO CHE'I KHRI'I STENG DU PADMA NYI MA ZLA BA'I GDAN LA H'Um MTHING KHA LAS RGYAL BA RDO RJE 'CHANG LONGS SPYOD RDZOGS SKU'I CHA LUGS CAN SKU MDOG SNGON PO, RDO RJE DANG DRIL BU THUGS GAR BSNOL TE 'DZIN PA, ZHABS RDO RJE SKYIL KRUNG GIS BZHUGS PA, G-YAS G-YON DU MCHOG ZUNG LONGS SKU'I CHA LUGS CAN GYIS BZHENGS PA, STENG GI CHA LA TE LO N'A RO SOGS NYAMS LEN BYIN RLABS BRGYUD KYI BLA
, ,MA'I TSOGS RNAMS BZHUGS PA, DE'I THUGS KAR THIG LE BCU DRUG PA GZHAL YAS KHANG GI NANG DU PAD ZLA'I STENG NA H'Um SNGON PO LAS SANGS RGYAS CHOS KYI SKU MTHING SKYA ZHAL GCIG PHYAG GNYIS PA, PHYAG GNYIS TING NGE 'DZIN GYI PHYAG RGYA MDZAD PA, SKYIL KRUNG GIS BZHUGS PA, DE'I THUGS KAR SHIN TU PHRA BA'I RLUNG SEMS THIG LE DKAR SER RTEN BRTEN PA'I RNAM PA CAN YUNGS KAR GYI 'BRU TSAD TZAM, SPRO NA NAM MKHA'I MTHAR KHYAB PAR NUS SHING, BSDU NA RDUL PHRAN TZAM GYI TSAD DU BSDU BAR NUS PA'I 'OD ZER SNA LNGA'I RANG BZHIN CAN DU BSAM MO, ,LHA TSOGS THAMS CAD KYI SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, THUGS KA'I H'Um LAS 'OD ZER 'PHROS PAS NGAG PA RAB 'BYAMS KYI ZHING KHAMS NAS BSGOMS PA DANG 'DRA BA'I YE SHES PA LA SANGS RGYAS DANG BYANG CHUB SEMS DPA'I TSOGS KYIS BSKOR BA SPYAN DRANGS, DZA: H'Um BAm HO: GNYIS SU MED PAR GYUR, PADMA KA MA LA YE STVAm, SLAR YANG THUGS KA'I H'Um LAS 'OD ZER 'PHROS PAS DBANG GI LHA RNAMS SPYAN DRANGS, KHYED RNAMS KYIS BDAG LA MDON PAR DBANG SKUR DU GSOL ZHES GSOL BA BTAB PAS, AOm SARBBA TA TH'A GA TA AA BHI shE KA TA SA MA YA SHRI YE H'Um ZHES DBANG BSKUR, LUS GANG, DRI MA DAG, CHU LHAG MA SPYI GTZUG TU 'KHYIL BA LAS RANG RANG GI SA BON GYIS DBU BRGYAN PAR GYUR, PHYAG DANG PHYAG YUL GNYIS STONG PA'I ZHES SOGS KYI YAN LAG BDUN PA 'ANG [?], YANG NA JI SNYED SU DAG MA LTA BU BYAS KYANG RUNG, DE NAS CHU GNYIS SNGON DU 'GRO BA'I MCHOD PA, 'DONG YON LNGA, RGYAL SRID BDUN RNAMS RGYUD SDE GZHAN NAS 'BYUNG BA LTAR RGYAS PAR BYA BA'AM, RGYUN 'KHYER MDOR BSDUS SU BYED NA 'DI LTA STA, YID BZHIN 'O MTSO 'KHYIL
BA LA 'GRAN PA'I, ,MCHOD YON ZHABS BSIL GANG G'A'I RGYUN BZHIN 'BAB, ,CHU SKYES YAL 'DAB ZE'U 'BRU G-YUR DU ZA, ,BDUG SPOS DBYANG SKYES SPRIN BZHIN LANG LONG G-YO, ,SNANG GSAL SGRON ME NYI ZLA'I 'OD BZHIN GSAL, ,DRI BZANG DANG LDAN RBA RLABS PHYOGS BCUR 'KHRUG, BSHOS BZANG 'CHI MED BDUD RTZI'I DPAL LA 'KHU, ,GRANGS MED ROL MO RNA BA'I GSOS SU 'JEBS, ,PHUL BYUNG KUN DU BZANG PO'I MCHOD PA'I SPRIN, ,DNGOS BSHAMS YID KYIS RNAM PAR RAB SPRUL NAS, ,BLA MA YI DAM CHOS SKYONG SRUNG MA LA, ,GUS PAS 'BUL LO BZHES NAS DNGOS GRUB STZOL, ,AOm SARBBA TA TH'A GA TA AA RBHAm [?] NAS, SHABDA'I BAR BRJOD, YID 'PHROG GZUGS SGYUR SNYAN PA'I ROL MO SGROG ,DRI ZHIM DANG 'THUL RO MCHOG PHYUR BUR SPUNGS, ,'JAM MNYEN REG BYA'I TSOGS KUN 'BUL BYED NA, ,NYE BAR BZHES LA DNGOS GRUB STZAL DU GSOL, ,AOm SARBBA TA TH'A GA TA R'U PA NAS SPARSHA'I BAR, RTZIBS STONG 'KHOR LO RIN CHEN DBANG GI RGYAL, ,YID 'ONG BTZUN MO KHYIM BDAG RIN PO CHE, ,GNYIS 'THUNG DBANG PO CANG SHES RTA MCHOG DPAL, ,BDUD SDE'I G-YUL LAS RGYAL BA'I DMAG DPON SOGS, ,RGYAL SRID BDUN DANG BKRA SHIS RTAGS BRGYAD RDZAS, ,YID 'PHROG PHYI NANG GSANG BA'I MCHOD PA'I TSOGS, ,SLU MED MCHOG GSUM DAM PA'I TSOGS LA 'BUL, ,MCHOG DANG THUN MONG DNGOS GRUB STZAL DU GSOL, ,AOm SARBBA TA TH'A GA TA SAPTA RATNA AAshtA MANGGA LA PRA T'ITZTSA SV'AH'A, LHA TSOGS RNAMS KYI LJAGS RDO RJE'I 'OD ZER GYI SBU GUS GTOR MA'I BCUD THAMS CAD DRANGS TE GSOL BAS TSIM PAR BSAMS LA, AOm GU RU BUDDHA BO DHI SATVA SARBBA TA TH'A GA TA DHARMMA P'A LA SA PA RI W'A RA AI DAm BA LIm TA KHA KHA KH'A HI KH'A HI ZHES PA BDUN NAM GSUM GYIS DBUL ZHING, SNGAGS MCHOD
, ,KYANG DBUL,, MA DAG ZHING GI 'JIG RTEN JI SNYED BA, ,DAG PA RAB 'BYAS LHA YI GZHAL YAS SU, ,MNGON PAR LEGS SGYUR BCOM LDAN THU BAB CHE, ,RJE BTZUN PHYAG NAS PADMA'I TSOGS LA BSTOD, ,SDE SNOD GSUM GYI YUM CHEN SHER PHYIN MA, ,SANGS RGYAS ZHI DANG KHRO BO MKHA' 'GRO'I TSOGS, ,KUN 'DUS BKA' GDAMS LHAG PA'I LHA MCHOG BZHI, ,SKYABS MCHOG YI DAM CHOS SKYONG RNAMS LA BSTOD, ,RGYA CHEN SPYOD DANG ZAB MO LTA BA'I LAM, ,NYAMS LEN SNYAN BRGYUD GDAMS PA MCHOG GI GTER, ,RGYUN CHAD MED PAR 'DZIN CING SPEL MKHAS PA, ,LHA CHOS BDUN LDAN BRGYUD PA RNAMS LA BSTOD, ,GDOD NAS RNAM DAG SNANG STONG DAG PA'I GSHIS, ,BZHIN LAG MTSAN DPE'I 'JA' TSON RNAM BKRA BA, ,'GYUR MED CHOS SKU GSAL STONG RLUNG SEMS ZUNG, ,CHES PHRA THIG LE'I RNAM PAR SHAR LA BSTOD, ,LHA CHOS BDUN GYI NYING KHU THIG LE'I CHOS, ,NYAMS SU BSTAR BAS TSE 'DIR ZUNG 'JUG SKU, ,MNGON DU BYAS TE DON GNYIS MA LUS PA, ,'BAD MED LHUN GYIS GRUB PAR BYIN GYIS RLOBS, ,ZHES DANG, GZHAN YANG BSTOD PA GSOL 'DEBS SOGS SKABS SBYAR BYA, DE NAS THIG LE BCU DRUG PO'I LHA TSOGS THAMS CAD KYI ZHAL NAS SNGAGS KYI SGRA 'BRUG GI SGRA LTAR SGROG CING, SKU GSUNG THUGS LAS 'OD ZER GRANGS MED PA 'PHROS PAS 'PHAGS PA'I TSOGS RNAMS MCHOD, BDAG GZHAN SEMS CAN THAMS CAD KYI SDIG SGRIB NYAS LTUNG GI TSOGS RNAMS BYANG ZHING DAG, MCHOG DANG THUN MONG GI DNGOS GRUB MA LUS PA STZOL BAR BSAMS LA YI GE DRUG PA CI NUS SU BZLA, MTHAR BLA MA RDO RJE 'DZIN PA RNAMS ZHES SOGS BSNGO BA SMON LAM DKYUS NAS 'BYUNG BA LTAR RGYAS PAR BYA BA'AM, YANG NA RMAD BYUNG SRAS
BCAS MA SOGS SKABS THOB KYIS PHYE BA'I GANG 'OS BYA, DE NAS; PHYI BKOD BA BSAM GYIS MI KHYAB BA'I THIG LE'I SNOD KYI GZHAL YAS KHANG 'OD DU ZHU, BCUD KYI LHA RGYAL BA RGYA MTSO LA THIM, DE BZHIN DU PHYI MA PHYI MA NANG MA NANG MA LA RIM BZHIN THIM STE, SANGS RGYAS CHOS KYI SKU'ANG SHIN TU PHRA BA'I RLUNG SEMS KYI NGO BOR GYUR BA'I THIG LE LA THIM, THIG LE'ANG JE PHRAR GYUR NAS NAM MKHA' LA 'JA' YAL BA BZHIN DU BSAM, SLAR YANG CHAD MTHA' SEL BA'I PHYIR DU STONG BA'I NGANG LAS SKAD CIG GIS SBYAN RAS GZIGS ZHAL GCIG PHYAG GNYIS PA'I SKUR LANGS TE RGYUN GYI SPYOD LAM LA 'JUG GO ,DE YANG RGYAS PAR SPRO NA MCHOD PA'ANG LHA BCU DRUG PO SO SO LA RE RE NAS DBUL ZHING, BZLAS PA'I SKABS LHA SO SO'I SNGAGS BZLA BA DANG, DMIGS PA'ANG SO SOR BYAS NA RGYAS PA'I CHA LAG TU 'GYUR MOD KYI, RGYUN 'KHYER DU MCHOD PA CIG CAR DU 'BUL ZHING, BZLAS PA'ANG CIG CAR DU BYED PA 'JUG PA BDE BAS LEGS PA YIN NO,, SMRAS PA, ZAB DON CHU SHEL NOR BU DAG ,BLO GROS BLA BA'I 'OD ZER DANG, ,PHRAD TSE LEGS BSHAD BDUD RTZI'I RGYUN, ,MNGON PAR 'BAB PA 'DI RMAD BYUNG, ,LHA CHOS BDUN GYI NYING KHU 'DI'I, , DGA' GNAD LTA BA'I BLO MED PAR, ,SNGON 'GRO'I CHOS 'GA' SHES PA LA, ,BKA' GDAMS PAR RLOM GAD MO'I GNAS, ,'ON KYANG DENG DUS GANGS CAN 'DIR, ,BLANG DOR SHES PA CHES NYUNG BAS, ,BLUN PO DREGS PA'I 'UR RGYANGS CAN, ,DAM PAR 'DZIN PA 'TSANG RE CHE, , YID BZHIN NOR DANG MCHING BU'I RDO, ,KHYAD PAR MED PA'I YUL PHYOGS SU, ,'BAD BAS RGYA MTSO CHER BGROD NAS, ,NOR BU LEN PA NGAL BAR ZAD, DE LA NA YANG THUB PA'I BSTAN, ,'DZIN PA'I RNAM DPYOD PHUL BYUNG ZHING, ,GSANG CHEN RGYA MTSOR MNGA' SGYUR BA'I, ,RDO RJE 'DZIN
, ,DE DGYES PHYIR BKOD, ,CES BYA BA NI BAR SKABS KYI TSIGS SU BCAD PA'O,, ,KHA SUM PA GZHIN RJES SU 'DZIN PA DBANG GI TSOGS DENG SANG GI PHYAG LEN YONGS GRAGS KYI LUGS DGOD BA, PHYAG LEN CUNG ZAD GTZANG ZHING RGYAS PA'I LUGS DGOD BA, SDE SNOD GSUM DANG RGYUD SDE BZHI'I LUGS SROL YONGS SU RDZOGS PAR TSANG BA SHIN TU RGYAS PA'I LUGS DGOD PA DANG GSUM, ,DANG PO NI, RANG GIS MTHONG ZHING THOS PA DANG, DBUR STOD LO BYA YUL BA'I PHYOGS NAS BRGYUD PA'I BKA' BRGYUD PA 'GA' ZHIG GI PHYOGS SU'ANG CHOS 'DI SPEL BA'I SROL YOD 'DUG PA RNAMS BRTAGS TSE PHAL CHER SGO MTSUNGS PAR BSGRUB GZHI'I DKYIL 'KHOR YANG NAS KYI TSOM BU SPUNGS PA DANG, LO PHYOGS NAS BRGYUD PA LA JO 'BROM GYI SKU DANG MCHOD GTOR NGES CAN DU MDZAD, GZHAN DAG LA MCHED GNYER DU MI MDZAD PAR 'DUG CING, RANG RGYUD LA SKUL MA 'DES PA DANG PA'I LJON SHING SGROG DGOS PAR BSHAD PA'ANG MDZAD PA'I RGYUN YOD PAR MA MTHONG, DBANG DNGOS GZHI'I SKABS GSOL GDAB SKYABS SEMS RNAMS YIG CHA RNYING PA JI LTA BA BZHIN MDZAD, DE NAS SLOB MA DKYIL 'KHOR PHYI MA NAS RIM PA BZHIN SGO PHYE NAS NANG DU KHRID DE LHA GANG YIN PA DE'I MDUN DU SLOB MA SLOB PA NA DE LA DMIGS NAS GSOL GDAM MCHOD 'BUL YID KYIS BYAS PAS BYIN GYIS BRLABS PA'I DMIGS PA SPRAD, LHA GANG YIN PA'I SNGAGS RJES ZLOS SAM, DPON SLOB GNYIS KAS LHAN CIG TU TSAR GSUM BZHI TZAM GSUNG BA MDZAD, PHYAG LEN DE GA SANGS RGYAS CHOS KYI SKU'I BAR DU RIGS 'DRA PAR BKAB MDZAD PA'I RJES SU SLOB MA RNAMS BUM CHUS KHRUS BYAS, SMON LAM SHIS RJOD MDZAD BA TZAM MO,, GNYIS PA PHYAG LEN CUNG ZAD GTZANG ZHING RGYAS PA'I LUGS DGOD PA LA SNGON 'GRO, DNGOS
GZHI; MJUG GI CHOG DANG GSU, DANG PO LA GSOL BA GDAB PA, SA BSLANG BA, BGEGS BSKRAD BA, MTSAMS GCAD PA, DKYIL 'KHOR BRI BA, MCHOD PA DANG YO BYAD BSHAM PA, SGRUB BA DNGOS DANG BDUN, DANG PO NI, MDUN DU MCHOD PA TSAR GCIG BSHAMS, GROGS DGE SLONG BZHI'AM, BCU DRUG GI BAR CHOS GOS GSUM DANG LDAN PA DANG LHAN CIG PA'AM, RANG NYID GCIG BUS KYANG RUNG STE, RANG THUGS RJE CHEN POR GSAL BA'I THUGS KA LAS 'OD ZER 'PHROS, PHYOGS BCU NA BZHUGS PA'I SANGS RGYAS DANG BYANG CHUB SEMS DPA' BLA MA YI DAM CHOS SKYONG SRUNG MA'I TSOGS RNAMS MDUN GYI NAM MKHAR BADZRA SA M'A DZA; ZHES SPYAN DRANGS, YAN LAG BDUN PA RGYAS BSDUS SKABS DANG SBYAR BA BYAS, DE RJES; RDZOGS SANGS RGYAS DANG BYANGS CHUB SEMS, ,THUGS RJE CAN GYIS BDAG LA NI, ,MI DGE'I LAS RNAMS SBYANG BA'I PHYIR, ,GSO SBYONG DAM PA STZOL BAR MDZOD, ,CES LAN GSUM GSOL BA BTAB, RGYAL SRAS RNAMS KYIS JI LTAR BAR, ,BDAG KYANG DE BZHIN BSGRUB PAR BGYI, ,ZHES LAN GSUM GYIS GSO SBYONG BLANGS, DE NAS; PHYOGS BCUR BZHUGS PA'I RGYAL BA RNAMS, ,BDAG CAG RNAMS LA DGONGS SU GSOL, ,ZAB MO THIG LE BCU DRUG GI ,DKYIL 'KHOR BRI ZHING BSGRUB PA DANG, ,SLOB MA RJES SU 'DZIN BYED NA, ,GNANG BA STZAL LA BYIN GYIS RLOBS, ,ZHES LAN GSUM GYIS GSOL BA BTAB PAS DGYES BZHIN DU GNANG BAR BSAM MO,, GNYIS PA NI, BZHI BDAG GI GTOR MA DANG, MA'I LHA MO'I GTOR MA MCHOD PA DANG BCAS PA BSHAMS, RANG GI THUGS KA NAS 'OD ZER 'PHROS, ,MGRON RNAMS SKAD CIG GIS SPYAN DRANGS PAR BSAM MO, ,AA MRI TAS BSANG, SVA BHRA WAS SBYANGS, STONG BA'I NGANG LAS AOm LAS RIN PO CHE'I SNOD
, ,YANGS SHING RGYA CHE BA RNAMS KYI NANG DU GTOR MA RNAMS DANGS SHING, MGRON RNAMS KYI DBANG PO RNAMS TSIM PA'I BYAS LAS KHYAD PAR CAN DANG LDAN PAR GYUR, AOm A'A: H'Um GIS BYIN GYIS BRLABS, SA PHYOGS 'DI NYID SRUNG ZHING SKYONG BA YI, ,DKAR PHYOGS LA DGA' LHA KLU GZHI BDAG DANG, ,SA YI LHA MO BRTAN MAR BCAS RNAMS KYIS, ,MCHOD SBYIN GTOR MA MCHOD PA'I 'DI BZHES LA, ,DKYIL 'KHOR BRI BAR SA NI GNANG BA DANG, ,'GAL RKYEN SOL LA MTHUN RKYEN SGRUB PAR MDZOD, ,CAS GSOL BAS KHAS BLANGS PAR BSAM MO, ,GSUM PA NI, RANG NYID SKAD CIG GIS MI G-YO BAR GSAL BTAB, THUGS KA'I H'Um LAS 'OD ZER 'PHROS, BAR DU GCOD PA'I BGEGS RNAMS SKAD CIG GIS MDUN DU BKUG BAR BSAMS LA, SNGAR BZHIN GTOR MA BYIN GYIS BRLABS, SARBA BIGH'A'N SOGS GYIS BSNGOS, RJE BTZUN RTZA BA DANG BRGYUD PAR BCAS PA SOGS KYIS BDEN BA BDAR ZHING, MI G-YO BA'I SNGAGS DANG SUM BHAS BA GAGS BSKRAD, BZHI BA NI, SLAR YANG STENG 'OG PHYOGS MTSAMS MA LUS PA, ,RDO RJE'I SA GZHI RVA GU RA BLA BRE DANG, ,ME DPUNG KHRO BO 'KHRIGS PA'I GUR KHANG GIS, ,GTAMS PAS BAR GCOD KUN LAS SRUNG PAR GYUR, ,BADZRA RAKshA, RGYAL CHEN BZHI LA DKAR GTOR GYI MCHOD BA BSHAMS, BYIN GYIS BRLABS, RANG GI THUGS KA'I H'Um LAS 'OD ZER 'PHROS PAS, RANG BZHIN GYI GNAS NAS RGYAL PO CHEN PO SDE BZHI LA 'KHOR DANG BCAS BA SPYAN DRANGS PAR BSAMS LA, AOm H'A R'A DZ'A DHRi tA RAshtA BI RU dHRA KA, BI RU PAKshA, BEE SHRA WA nA SA BA RI W'A RA BADZRA SA M'A DZA: SNGAGS KYI RJES SU AARGHAm NAS SHABDA'I BAR GYIS MCHOD, GONG GI SNGAGS GSHAM DU GTOR MA DKYUS LTAR PHUL, RGYAL PO CHEN PO YUL 'KHOR SRUNG, ,DENG 'DIR BAR CHAD SRUNG BA
DANG, ,BSAMS PA CHOS BZHIN 'GRUB PA YI, ,MGON SKYABS DPUNG GNYEN MDZAD DU GSOL, ,DE BZHIN DU 'PHAGS SKYES PO, SPYAN MI BZANG, RNAM THOS SRAS, ZHES 'DON PA BSGYUR RO, ,LNGA BA LA CHAG GDAB PA, ,STAG BU BRTZIG PA, DKYIL 'KHOR DRI BA DNGOS DANG GSUM, DANG PO NI, 'GRUB NA GNAS KHANG GI STENG 'OG PHYOGS MTSAMS RNAMS SU YI GE DRUG PA CHOG DANG MTHUN PAR DGOD, DRI BZANG GI CHU GCANG MA MDUN DU BZHAG LA, RANG NYID SKAD CIG GIS RGYAL BA SH'AKYA THUB PAR BSKYED PA'I GNAS GSUM GYI YIG 'BRU GSUM LAS 'OD ZER 'PHROS, CHUL THIM PAS YE SHES KYI BDUD RTZIR GYUR PAR BSAMS LA, AOm A'A: H'Um LAN MANG DU BRJOD CING DRI BZANG GI CHU DES GNAS KHANG GI PHYOGS MTSAMS THAMS CAD DU CHAG CHAG GDAB BO, ,GNYIS BA NI, CHU'I LHAG MA RNAMS DANG BKRA SHIS PA'I SA SNA RNAMS BSRES PA LA STEGS BU DKYIL 'KHOR CHE CHUNG JI TZAM BZHENG BA DANG BSTUN PA'I RGYA KHYON GYI TSAD BYAS TE BRTZIG GO, ,GSUM PA LA, THIG TSON BYIN GYIS BRLAB PA DANG, BRI BA DNGOS GNYIS, DANG PO NI, THIG SKUD MTSAN NYID DANG LDAN PA KHA DOG SNA LNGA PA DANG, TSON RNAMS STA GON BYAS, AA MRI TAS BSANGS, SVA BH'A WAS SBYANGS;, STONG PA'I NGANG LAS, PAm LAS PADMA DKAR PO DANG, AA LAS ZLA BA'I DKYIL 'KHOR GYI STENG DU THIG TSON RNAMS RIM PA BZHIN THUGS RJE CHEN PO SA BON LNGA LAS DKAR SER DMAR LJANG SNGO BA'I SKU MDOG CAN, PHYAG G-YAS RIM PA BZHIN 'KHOR LO, RIN PO CHE, AUTPAL DMAR PO, RAL GRI, RDO RJE 'DZIN PA, G-YON THAMS CAD PADMA DKAR PO BSNAMS BA, LONGS SPYOD RDZOGS SKU'I CHA LUGS CAN, SKYIL MO KRUNG GIS BZHUGS PA'I GNAS GSUM BYIN GYIS BRLABS, SPYAN 'DREN MCHOD BSTOD
, ,TSUL BZHIN BYA, ,LHA RNAMS 'OD DU ZHU BA THIG TSON SO SOR GYUR BAR BSAMS LA YI GE DRUG BA DANG, 'BRU GSUM DANG, AOm SV'A A'A: H'A H'Um, ZHES MAR DU BZLA, DE NAS THIG SKUD BSGRIL TE BDUD RTZI'I CHU BYUG GO ,GNYIS PA LA THIG GDAB PA DAG TSON DGYE BA GNYIS, DANG PO NI, 'BROM KU MA RA MA TI'I YIG CHAR HA CANG MI GSAL ZHING, DE'I RGYUN DENG SANG CHAD PAS SGO GSAL BA ZHIG MI 'DUG BAS DE'I RGYU MTSAN MKHAS BA'I DBANG PO STAG TSANG LO TZ'A BAS GSUNG BA SHIN TU THUGS MANG BAR 'DUG CING, THIG RGYAS 'BRING BSDUS GSUM SO SOR BYED NA MKHAS PA DE NYID KYIS MDZAD BA'I LHAN THABS KYI YIG CHA'I LEGS BAR BSHAD BA LAS LOGS SU MA DGOS SHING, 'DIR LAG LEN 'JUG PA BDE BAR SNYING POR DRIL NA 'DI LTA STE, PHYI BKOD PA BSAM GYIS MI KHYAB PA'I GZHAL YAS KHANG GI THIG RTZA RTA BABS SNAM BU BZHI BA BDE ZHING, GZHAN RGYUD SNGE SPYI'I THIG RTZA SOR GNAS DANG, DE'I NANG DU DKYIL 'KHOR BCO LNGA DGOS RGYU PHYI MA PHYI MA'I NANG DU NANG MA NANG MA SHONG BA DGOS PA DANG BCAS SGO RDZOGS 'GRUB PAR DKA' BAS RTZIG PA RANG 'DOD SNAM GNYIS TZAM BYA ZHING, SGO'I RNAM PA CUNG ZAD GDON LA, BCO LNGA PO THAMS CAD BZO THIG LAS THIG RTZA DNGOS GZHI MI THON, DKYIL 'KHOR NANG MA'I DBUS SU PADMA 'DAB MA BZHI PA'I LTE BAR YUM CHEN MO, 'DAB MA BZHI'I SHAR DU THUB PA, LHOR SPYAN RAS GZIGS, NUB TU MI G-YO BA, BYANG DU SGROL MA RNAMS KYI BRIS 'BUR RAM, BSDU NA SA BON BKOD PHYI RO BDU DKYIL 'KHOR SBYI LA PADMA RDO RA ME RI 'ONG BA'I TSAB LA 'DIR PADMA DANG 'JA' RIS SUM GSHINGS SU BYA'O, ,GNYIS BA NI, LHA RNAM SOGS DKYIL 'KHOR PHYI NANG GI KHA DOG RNAMS DKYIL 'KHOR SBYI DANG MTHUN ZHING LTE BA'I LHA LNGA'I SA BON 'GOD NA SO SO'I KHA DOG DANG MTHUN BA'I TSON
GYIS DGOD, GZHAN YANG JO BO YAB SRAS KYI SKU SOGS DKON MCHOG GI RTEN GSUM CI 'BYOR GNAS KHANG DANG MTHUN PAR BSHAM MO, ,DRUG PA RDZAS DANG MCHOD PA BSHAM PA LA BUM PA BSHAM PA, GTOR MA BSHAM PA, MCHOD PA BSHAM PA, RGYUN DGOD PA DANG BZHI, DANG PO NI, RGYAS PAR SBRON RNAM RGYAL BUM PA DANG BCAS PA'I BUM PA BCU BDUN, BSDU NA GCIG GIS KYANG RUNG LA, LAS KYI BUM PA DANG BCAS PAR BUM RDZAS KHA RGYAN MGUL CHINGS GZUNGS THAG SAGS RGYUD SNGE SPYI DANG MTHUN, LAS BUM BGEGS BSANG BA'I STABS KYIS THOG MA NYID NAS ZUR DU BSGRUBS NA 'JUG PA BDE BAS BUM PA'I NANG DU KHRO BO BDUD TZI 'KHYIL BA SKYED PA SOGS SGRUB TSUL SBYI DANG MTHUN NO, ,RNAM RGYAL BUM PA RNAMS SBYI LTAR NA LOGS SU SGRUB DGOS PA 'DRA ZHIG 'DUG NA'ANG, 'DIR DKYIL 'KHOR DANG LHAN CIG TU SGRUB PA YIN NO, ,DE YANG DKYIL 'KHOR GYI DBUS SU MANJI 'AM KHRI'U'I KHAR RNAM BUM, DKYIL 'KHOR GYI MTHAR STEGS KYI KHAR PHYOGS RE RER BUM PA BZHI BZHI DGOD, LAS BUM YANG SHAR DU GZHAG GO ,GNYIS PA NI, BLA MA RNAMS LA GTOR MA GCIG, LHA BZHI LA GTOR MA RE RE, DENG SANG GSANG SNGAGS RNYING MAR GRAGS PA'I BRTAN MA BCU GNYIS DANG MI GCIG BA'I JO BO CHEN PO'I RJES 'BRANG GI BRTAN MA BCU GNYIS LA GTOR MA GCIG, DKAR PO BRGYAD CU LA GTOR MA GCIG, GZHI BDAG GI GTOR MA DANG, MGRON RIGS SPYI'I GTOR MA RNAMS BSHAM MO, ,GSUM PA NI, MCHOD PA BDUN TSAR PHYOGS RE RER TSAR BCU DRUG GA MA, BSDU NA KUN BSGRIL BAS BCU DRUG TZAM BYA, BZHI BA NI, SA RGYAN GNAM RGYAN SOGS BKOD BAS MDZES SHING YID DU 'ONG BAR BSHAM MO, ,BDUN PA SGRUB PA DNGOS NI, BUM PA DANG DKYIL 'KHOR BA SANGS SBYANGS TE, RANG NYID DKYIL 'KHOR GYI
, ,DBUS SU ZHUGS PA'I TSUL GYIS SGRUB PA YIN LA, 'DON CHA'I TSIG SKYABS 'GOR NAS BZUNG BSTOD PA'I BAR RGYUN 'KHYER GYI SKABS JI LTA BA BZHIN BYA, SGRUB GROG GNAS BRTAN BCU DRUG YOD NA DGE SLONG BZHI BZHIS PHYOGS RE RER GNAS NAS SNGAGS RGYUN MA CHAD PAR GZUNG, BSDU NA RANG NYID GCIG BUS KYANG RUNG BAS, DBUS KYI SPYI'I BUM PA'I GZUNGS THAG BSNYEN PA THAMS CAD DANG, BUM PA GZHAN RNAMS THIG LE 'PHOS RIM GYIS GZUNGS THAG KYANG SBO, LA LA BUM PA LNGAR BYED PA SOGS DANG, SGRUB 'GROG KYI DGE SLONG NGES THIG RE SGRUB PAR BSHAD PA NI BYED PAR MI SEMS SO, ,SKABS 'DIR SNGAGS BLA ZHING SGRUB PA'I DMIGS RIM NI SNGAR RGYUN 'KHYER GYI SKABS BZHIN THEG LE BCU DRUG PO THAMS CAD RANG GI SEMS KYI CHA SHAS LAS GRUB PA'I BDAG SKYED KYI NGA RGYAL 'DZIN NA'ANG, RANG NYID LAS RANG NYID GNYIS PA ZHIG GOS LOGS SU PHYE STE SPYAN RAS GZIGS PHYAG GNYIS PA'I RNAM PAR GYUR NAS THIG LE PHYI MA'I GZHAL YAS KHANG GI SGO PHYE STE THUGS RJE CHEN PO RGYAL BA RGYA MTSO LAM CHOD PA DANG, PHYAG SKOR BA SOGS BYAS PAR MOS SHING NGAG NAS KYANG SNGAR GYI MCHOD PA DANG BSTOD PA SMON LAM SOGS RGYAS PAR BYAS, DE'I SKU'I BA SBU'I BU GA RE NAS KYANG SANGS RGYAS KYI ZHING GRANGS MED PA MTHONG ZHING, DE DAG RNAMS LA'ANG MCHOD PA SOGS YID KYIS BYAS TE DAD PA DANG BCAS PA'I NGAN NAS RGYAL BA RGYA MTSO'I THUGS KAR ZLA GDAN LA HR'I: YIG GI MTHAR YI GE DRUG PAS BSKOR BA LA DMIGS TE YIG DRUG CI NUS SU BZLAS PAS LTA TSOGS RNAMS KYI SKU GSUNG THUGS LAS 'OD ZER DKAR DMAR MTHING GSUM BDUD RTZI'I CHU RGYUN DANG BCAS PA BYUNG, RANG GI GNAS GSUM DU THIM PAS SDIG SGRIB THAMS CAD
DAG, DNGOS GRUB THAMS CAD THOB PAR BSAM MO, ,DE LTAR THIG LE RE LA ZHAG RE BYAS NAS SGRUB ZHAG BCU DRUG TZAM BYAS TE THIG LE RE RE'I SGRUB PA SONG 'TSAMS SU DE GA'I DKYIL 'KHOR DU SLOB MA BCUG STE DBANG BSKUR BA NI SGRUB PA DANG 'BREL BA'I DBANG YIN PAS SLOB DPON NAM RIN PA YAN LA PHYAG LEN 'DI GA BZHIN MDZAD PA BYUNG 'DUG, DENG SANG 'JUG PA BDE BA SGRUB BA YIN RING THUNG JI TZAM BYED KYANG SNGON DU SONG BAR BYAS NAS DBANG DKYUS THEG GCIG TU SKUR DBAR BYED PA MANG NGO, ,DE LTAR GONG DU BZAS PA ZIN PA DANG, RGYAL BA RGYA MTSO DE NYID DGES TE THUGS PA'I SGO PHYE NAS RANG NYID DKYIL 'KHOR NANG MAR KHRID PAR BSAMS LA, THUB CHEN RNAMS SNANG GSANG CHEN MTSO LA MCHOD BSTONG BZLA PA'I DMIGS PA SOGS SNGAR GYI RIGS 'GRE ZHING, THIG LE LHAG MA KUN LA'ANG RGYAS DGAB PAR BYA'O, ,'DI'I SKABS BZLA RGYU'I SNGAGS NI THIG LE GNYIS PA LA AOm MU NI MU NI MAH'A MU NA YE SV'AH'A, GSUM PA DANG BZHI PA LA YIG DRUG, LNGA PA LA; TADYA TH'A, AOm GA TE GA TE, P'A RA GA TE P'A RA SAm GA TE BO DHI SV'AH'A, DRUG PA MU NI, BDUN PA YIG DRUG, BRGYAD PA AOm T'A RE TUTT'A RE TU RE SV'AH'A, DGU PA SV'AH'A'I TSAB TU H'Um PHAt SBYAR, BCU PA AOm TZAndAN MAH'A RO shA nA H'Um PHAt, BCU GCIG PA AOm MAH'A GU RU D'I PAm KA R'A TI SHA SV'AH'A, BCU GNYIS PA YIG DRUG, BCU GSUM PA AEm MEE TR'I YE SV'AH'A, BCU BZHI PA AOm W'A GI SHVA RA MAm, BCO LNGA PA AOm BADZRA DHRi KA H'Um, BCU DRUG PA AOm DHARMMA K'A YA SIDDHI H'Um ZHES PA RNAMS SO, ,BUM PA RNAMS KYANG DKYIL 'KHOR DANG THA MI DAD DU LHAN CIG BSGRUBS NAS, DBANG GIS CHA LHA TSOGS RNAMS LAS GNYIS PA ZHIG CHAD PA 'OD DU ZHU BA BUM CHUR GYUR PAR BSAMS TE BSKUR BA YIN NO,, GNYIS PA DNGOS GZHI NI, SLOB MA RNAMS PHYI ROL TU LAS BUM GYIS KHRUS BYAS, NANG
, ,DU YON DBUL ZHING PHYAG 'TSAL, GAL LA 'KHOD DE THOG MAR GSOL BA GDAB PA NI, PHYOGS BCU NA BZHUGS PA'I SANGS RGYAS DANG BYANG CHUB SEMS DPA' THAMS CAD BDAG LA DGONGS SU GSOL, SLOB DPON BDAG LA DGONGS SU GSOL, BDAG MING 'DI ZHES BGYI BAS NYES DMIGS CAN GYI 'KHOR BA 'DI SPANGS TE THAR PA'I YON TAN THOB PAR 'TSAL BAS SLOB DPON GYIS DE'I LAM STAN DU GSOL ZHES LAN GSUM GYIS GSOL BA GDAB, DE NAS SLOB DPON GYIS, MING 'DI ZHES BYA BA KHYED RNAMS 'KHOR BA'I 'DAM LAS 'DA' PAR BYED PA'I LAM THUN MONG MA YIN PA NGAG LAS NYAN PAR 'DOD DAM ZHES DRIS NAS, SLOB MAS, DA KHON LTAR 'TSAL BAS THUGS BRTZE BA CAN SLOB DPON KHYED KYIS THUGS BRTZA BA'I SLAD DU BDAG LA THUGS BRTEN BAR MDZAD DU GSOL ZHES LAN GDAB, DE NAS SLOB DPON GYIS 'KHOR BA'I NYES DMIGS DANG THAR PA'I PHAN YON SOGS SPYI'I SNGON DU 'GRO BA RGYUD 'KHUL NGES DANG, GLAGS BAM RIN PO CHE'I LO RGYUS, KHYAD PAR CHOS 'DI'I CHE BA DANG BLA MA BRGYUD PA'I LO RGYUS SOGS BRJOD DE SPRO BA BSKYED, 'BROM CHOS KYI RGYAL POS MDZAD PA'I RANG RGYUD LA SKUL MA 'DEBS PA DAD PA'I LJON SHING TSAR GCIG BSGRAGS, DE NAS MDUN GYI NAM MKHAR BYIN RLABS KYI RTZA BA BLA MA, DNGOS GRUB KYI RTZA BA YI DAM, BAR CHANG SEL BA'I MKHA' 'GRO CHOS SKYONG RNAMS BZHUGS PA'I SPYAN SNGAR SKYABS SU 'GRO BA DANG SEMS SKYED PA LA SNGAR RGYUN 'KHYER GYI SKABS KYI TSIG RNAMS LAN GSUM GSUM GYI RJES ZLOS BYED DU GZHUG, RJE STAG CHANG LO TZ'A BA'I DGONGS PA LTAR NA SNGAGS SDOM BZUNG BA LEGS PA 'DRA ZHIG 'DUG CING, KHO BO'ANG 'THAD PAR SEMS, BLA MA DKYIL 'KHOR GYI GTZO BO RNAMS DANG THA MI DAD PA'I RANG BZHIN CAN GYI DANG NAS BLA MA
LAS BLA MA GNYIS BZHIG ZUR DU PHYE STE SPYAN RAS GZIGS ZHAL GCIG PHYAG GNYIS PAR GSAL BAS SLOB MA RNAMS KHRID DE PHYI BKOD PA BSAM GYIS MI KHYAB PA'I GZHAL YAS KHANG GI SHAR SGO PHYE NAS NGAN DU KHRID, DER SLOB MA AA MRi TAS BSANGS, SVA BH'A WAS SPYANGS, STONG PA'I NGANG LAS THUGS RJE CHEN PO ZHAL GCIG PHYAG GNYIS PAR BSKYED, GNAS GSUM BYIN GYIS BRLABS, 'OD ZER GYI 'PHRO 'DUS THIG LE BCU DRUG GI LHA TSOGS SPYAN DRANGS TE, AOm SARBBA TA TH'A GA TA A'ARYA LO KE SHVA RA SA P'I W'A RAS MA YA AA BA SHA YA A'A A'A ZHES YE SHES PA DBAB BO, ,SGRUB PA DANG 'BREL BA'I ZHAG RE LA THIG LE RE RE BYED PA'I SKABS YE SHES PA DBAB PA'ANG DKYIL 'KHOR SO SO'I NANG DU LHA GANG GYIN PAR BSKYED NA LEGS SO, ,DPE PHAL CHER NA YE SHES PA 'BEBS PA'I GSAL KHA MI 'DUG KYANG DON GYIS 'THOB PAS KHA BSKONG BA YIN NO, ,DE NAS DBANG DNGOS GZHI'I DON DU, GANG DRIN MA DANG, KUN MKHYEN YE SHES KYIS GSOL BA GDAB, DE NAS SLOB MAS SPYAN RAS GZIGS RGYAL BA RGYA MTSO DE'I BA SPU'I BUG THAMS CAD NA SANGS RGYAS BYANG SEMS GRANGS MED PA BZHUGS PA LA DMIGS TE, DPON SLOB GNYIS MNYAM 'DON NAM RJES ZLOS GANG RUNG GIS YAN LAG BDUN PA BYA, DE NAS LHAN CIG TU LHA GANG YIN PA'I SNGAGS 'UR BAR BGRANGS PA'I RKYEN GYIS RGYAL BA RGYA MTSO'I GNAS GSUM NAS 'OD ZER DKAR DMAR MTHING GSUM BYUNG, SLOB MA'I GNAS GSUM DU THIM, LUS NGAG YID GSUM GYI SDIG SGRIB DAG, SKU GSUNG THUGS KYI BYIN RLABS THOB PAR BSAM, DE NAS BLA MA'I THUGS KA'I 'OD ZER GYIS PHYOGS BCU'I ZHING NAS SANGS RGYAS BYANG SEMS LHA DANG LHA MO 'KHRO BO KHRO MO DPAG TU MED PA SPYAN DRANGS TE SLOB MA'I STENG PHYOGS SU BZHUGS, DBANG LHA RNAMS KYIS GDUGS DANG RGYAL MTSAN
, ,LA SOGS PA'I MCHOD SPRIN GYIS BAR SNANG 'GENGS, ME TOG DANG GUR KUM DANG TZAN DAN PHYE MA SOGS KYI CHAR 'BEBS, LHA'I RNGA BO CHE LA SOGS PA ROL MO'I SGRA DANG BKRA SHIS KYI TSIGS BCAD GSUNG BAR MOS NAS, PHUN SUM TSOGS PA SOGS ROL MO DANG BCAS PAR BRJOD, JI LTAR BLTAMS PA SOGS DANG, AOm SARBBA TA TH'A GA TA AA BHI shE KA TA SA MA YA SHRI YE H'Um, ZHES SPYI BO NAS DBANG BSKUR, BUM CHU SBYIN ZHING GTOR BAS LUS GANG, DRI MA DAG, LHA RANG RANG GI SA BON GYIS SPYI BOR BRGYAN PA LA DBANG LHA BSTIM PAR BYA'O, ,DE LTAR [?] SANGS RGYAS, CHOS SKU'I BAR DU RIGS 'GRA STE, YAN LAG BDUN PA MAN CHAD TSAR DE BYA'O, ,GSUM PA MJUG GI CHOG NI, DKYIL 'KHOR GYI LHA TSOGS LA MCHOD BSTONG, SRUNG MA, YUL LHA GZHI BDAG, RGYAL CHEN RNAMS LA GTANG RAG GTANG, RGYUN 'KHYER GYI SKABS BZHIN RTEN DANG BRTEN PA'I DKYIL 'KHOR RNAMS NYER BSDU BYA, RDUL TSON GSHEGS SHING YO BYAD BSDU BA SOGS LAS KYI RJES MI MNGON PAR BYA'O,, ,,GSUM PA SDE SNOD GSUM DANG RGYUD SDE BZHI'I LUGS SROL YONGS SU RDZOGS PAR CHANG BA SHIN TU RGYAS PA'I LUGS DGOD PA NI, SPYIR 'DI NYID NYAMS LEN PHYOGS RE TZAM MA YIN BAR BSTAN PA YONGS SU RDZOGS PA'I NYAMS LEN YIN PAS THIG LE DANG PO SNOD BCUD MTHA' DAG LA THA MAL GYI SNANG BA BKAG STE DAG PA'I SNANG BA BSKYED, DE NAS THIG LE GNYIS PA GSUM PA BZHI PA RNAMS NI 'DUL BA MDO SDE MNGON PA GSUM STE, DBANG YANG MDO LUGS KYI 'OD ZER CHEN PO LTA BUS BYIN GYIS BRLABS TE BSKUR, DE BZHI LA RTEN DKYIL 'KHOR GYI THIG LE ZHES KYANG GRAGS, DE RJES SHER PHYIN MA THUB PA SPYAN RAS GZIGS SGROL MA ZHI BA RNAMS BYA RGYUD DE, CHU COD PAN GYI DBANG MTSAN NYID TSANG BAR BSKUR, SGROL MA KHRO MO DANG MI G-YO BA SPYOD RGYUD DU BYAS
TE RAG PA'I DBANG LNGA MTSAN NYID TSANG BAR BSKUR, 'DI DRUG LA BRTEN PA LHA'I THIG LE DRUG ZER, JO 'BROM BYAMS 'JAM DBYANGS BZHI RNAL 'BYOR RGYUD DE, RDO RJE SLOB DPON GYI DBANG MAN MTSAN NYID TSANG BAR BSKUR, NYAMS LEN BYIN RLABS RGYUD GSANG SNGAGS BLA MED YIN PAS DBANG BZHI MTSAN NYID TSANG BAR BSKUR, 'DI LNGA LA RTZA BRGYUD BLA MA'I THIG LER GRAGS, BCU DRUG PA SANGS RGYAS CHOS KYI SKU'I THIG LE 'DI LA DBANG BZHI BA'I ZUNG 'JUG TU NGO SPRAD PA TZAM GYIS KYANG RUNG MOD, DING SANG GANG ZAG GI BLO TSOD DANG BSTUN NA, CHOS KYI SKU LAS BZHIN LAG GI RNAM PA CAN DU BZHENGS 'DUG PAS DBANG BZHI TSANG BAR BSKUR NA LEGS PAR SEMS, 'DI LA ZUNG 'JUG BYANG CHUB SEMS KYI THIG LER GRAGS SO, ,YIG RNYING NA THIG LE BCU BZHI PA'I GTZO BO KLU SGRUB LA MDZAD 'DUG KYANG, BCU GSUM PA BYAMS PAR MDZAD PA DANG, BRGYUD PA'I RTZA BA GANG LA DPAGS KYANG 'JAM DBYANGS NYID LUNG RIGS KYIS 'GRUB BO, ,LA LA DAG NA RE, KHA CIG JO PO RJE LA BOD KYI SLOB MAS BSKOR BA'I DKYIL 'KHOR BRIS NAS DBANG BSKUR DANG RJES GNANG SOGS BYED PA YANG SNANG STE, DE LTAR PA N'A RO PA LA MAR PA SOGS KYIS BSKOR BA DANG, GA YA DHA RA LA 'BROG MI SOGS KYIS BSKOR BA'I DKYIL 'KHOR DU DBANG BSKUR BA'ANG CI'I PHYIR MI RUNG, DE DAG RGYUD SDE GANG GI CHO GA YIN, RNAM PAR MI 'TSAM PA'I CHO GA RDZUN MAS BLUN PO SLU BAR MA BYED CIG CES ZUR ZA BAR BYED MOD, DE LTAR NA, RGYUD MDZAD PA NI THUGS RDO RJE, ,GSUNG BA PO'ANG RJOD PA'ANG DE; ,DE LAS GZHAN DAG YOD MIN PAS, ,BDE CHEN LAS GZHAN GSUNG BA MED, ,CES DANG, BRTAG GNYIS LAS, 'CHAD PA PO NGA CHOS KYANG BA, ,RANG GI TSIGS LDAN NYAN PO NGA, ,ZHES GSUNGS PA LTAR GSANG SNGAGS KYI RGYUD SDE THAMS CAD GSUNG BA PO'I STON PA,
, ,GSUNGS PA'I BRJOD DON, NYAN PA'I 'KHOR TSOGS THAMS CAD 'BRAS DUS LA BDE STONG GNYIS SU MED PA'I YE SHES KYI RNAM ROL SHA STAG TU BSHAD PAS, DE LTA NA SKABS 'DIR YANG MGON PO SNANG BA MTHA' YAS AA TI SHA YAB SRAS KYI BDE STONG GNYIS SU MED PA'I YE SHES KYI RNAM ROL TU SHAR BAR SMRA NA, MA SHAR BA'I SGRUB BYED GANG DU 'CHAD RGYU YOD, SHAR NA 'DI DANG RGYUD GSUNG BA PO STON PA RDO RJE 'CHANG GI BDE STONG LA MCHOG DMAN NAM SPANGS RTOGS KYI KHYAD PAR 'BYED RGYU YOD PA AE YIN, YOD NA SANGS RGYAS LA MCHOG DMAN YOD PAR KHAS LEN DGOS PAR 'GYUR, GZHAN YANG JO 'BROM ZHES PA'I TSIG TZAM LA ZHEN NAS KHYED RANG GIS GONG RU, DE LTA NA MI'I BLA MA DANG SLOB DPON GZHAN THAMS CAD LA YANG RJES GNANG CI'I PHYIR MI RUNG ZHES PA'I ZHE 'DOD DE KHAS HA LAS PAR GDA' BA, MI'I BLA MA LA BYIN RLABS DANG RJES GNANG MI 'ONG NA SMAN BLA SPRUL SKU DANG BDAG CAG GI STON PA'I RJES GNANG YANG MA 'THAD PAR 'GYUR ZHING, 'THAD NA DE DAG 'GRO BA'I BLA MA YIN PA LA SMOS MA DGOS, MI MA YIN NA MCHOG GI SPRUL SKU DGE SLONG RNAM DAG MA YIN PAR 'GYUR RO, ,GZHAN YANG N'A RO PA DANG GA YA DHA RA LA BRTEN PA'I DKYIL 'KHOR MED PA YANG MI 'GRUB STE, RANG GI RTZA BA'I BLA MA GANG YIN PA DE DKYIL 'KHOR GYI GTZO BOR BYAS TE BLA MA MCHOD PA DANG BLA MA'I RNAL 'BYOR SOGS MKHAS GRUB TSAD LDAN LA GRAGS PA RNAMS 'THAD BAR KHAS LEN DGOS LA, DE LTAR NA DE 'DRA BA DNGOS SU STON BYED KYI BKA' BSTAN BCOS KYI LUNG KHUNGS MA GANG STON RGYU YOD, RDO RJE SLOB DPON LUS 'DI LA, ,RGYAL BA'I SKU NI RIM BZHIN GNAS, ,ZHES PA LTA BU'I TSIG LA NGOS 'DZIN NA, DE 'DRA'I TSIG GIS THIG LE BCU DRUG,
KYANG DON GYIS BSTAN PAR BSHAD NA DE LA SKYON GTONG RGYU GANG YOD, THIG LE BCU DRUG LA DBANG SOGS BSHAD PAS ME 'DRA ZER NA, BLA MA MCHOD PA DANG BLA MA'I RNAL 'BYOR LA'ANG DBANG BZHI LEN PAR 'DUG PAS DE GNYIS NGO CES MI MTSUNGS, GZHAN YANG THIG LE BCU DRUG 'DI'I DBANG DANG SGRUB SKOR SOGS GSANG SNGAGS SPYI'I SKAD DANG 'THUN MI MTHUN SNA TSOGS 'DUG PAR SMRA NA, DUS KYI 'KHOR LO'ANG RGYUD GZHAN DANG BSHAD SROL MI MTHUN PAS CHOS LOG TU SMROS SHIG, GZHAN YANG JO BO AA TI SHA LTA BU'I SKYES BU LA'ANG GSANG SNGAGS LA MKHAS PA'I THUGS RGYAL LAN GNYIS SU CHAG PAR BSHAD PAS RDO RJE THEG PA LA YOD MED KYI TSAD GZUNG SEMS CAN GYIS BYA BA'I YUL MIN ZHING, 'PHAGS CHEN DAM PA RNAMS KYI DAG PA'I SNANG BA LA 'DI 'CHAR 'ANG 'DI MI 'CHAR NAS RANG CAG [?] TSUR MTHONG GI SKYE BO RNAMS KYIS DPYOD PA'I GNAS GA LA YIN, GSANG BA 'DUS PA MTHA' DRUG DANG TSUL BZHI'I [?] RGYAS 'DEBS PA DANG, DUS 'KHOR PHYI NANG GZHAN GSUM GYI RGYAS 'DEBS BA'ANG SNANG TSUL 'DI 'DRA LA DGONGS SHING, NYAN THOS SDE BA RNAMS KYIS THEG PA CHEN PO BKA' MIN ZHES ZER DO, ,LA LA DAG RJE BLA MAS GLEGS BAM MA GSAN CING, BYANG CHUB LAM GYI RIM PAR GLAGS BAM GYI LUNG 'DREN GTAN NAS MA MDZAD 'DUG PAS GLEGS BAM CHOS RNAM DAG MIN NO ZHES ZER MOD, SPYIR CHOS KYI RGYAL PO TZONG KHA PA CHEN PO SANGS RGYAS DNGOS YIN PA LA DE NYID GYIS GLEGS BAM GYI CHOS GSAN MA GSAN SOGS KYI TSAD GZUNG SUS RTOGS, RTOGS NA NI KHYOD KYIS NAM MKHA'I MTHA' 'JAL BAR NUS 'DUG PAS NGO MTSAR CHE, BYANG CHUB LAM RIM NI SKYES BU MCHOG DMAN MTHA' DAG SANGS RGYAS SU 'KHRID PAR BYED PA'I LAM GYI 'GROS STON PA'I TSOGS CHOS YIN LA, GLAGS BAM 'DI NI SLOB DPON
, ,NAM RIN PA YAN CHAD DU BKA' RGYA SHIN TU DOG, DE NAS CUNG YANGS SU SONG YANG RJE DGE 'DUN GRUB YAN CHAD DU BKA' RGYA DAM ME BA RANG MDZAD PA ZHIG BYUNG 'DUG PAS RGYAL BA TZONG KHA PA CHEN POS SNYAN BRGYUD YIN PAR DGONGS NAS LAM RIM DU LUNG 'DREN MA MDZAD PA YIN NA, ,SNYAN BRGYUD, CHIG BRGYUD, TSOGS CHOS SOGS KYI RNAM DBYE MA DOD PAR MIG GIS MTHONG BA DANG, RNA BAS THOS TSAD KYI TSIG SKAM KHA LA KHYER NAS LTO PHYIR DU KUN LA SGROG CING, RANG NYID DANG MA MTHUN PA RGYU MTSAN DU BYAS TE CHOS LA BRTEN PA'I SDIG PA SOG PA'I SMRE SNGAGS KYI SKAD NGAN PHYOGS BCUR SGROG PA RNAMS DANG SNGON BYON GYI DAM PA'I SKYES BU RNAMS KYI RNAM THAR MI 'DRA BAS BLO LDAN RNAMS LEGS PAR RTOGS SHIG, AE MA SDE SNOD GSUM DANG RGYUD SDE BZHI, ,STAN THOG GCIG TU NYAMS SU LEN PA'I THABS, ,RMAD BYUNG SNYING GI THIG LE'I NYIN BYED KYIS, ,SKAL BZANG 'DAB BRGYA'I TSOGS RNAMS RING NAS 'DZUM, ,BRGAL ZHING BRTAG PA MKHAS PA'I LUGS YIN YANG, ,KUN SLONG NGAN PAS NYER DRANGS RANG GZHAN CHOS, ,DU MAR SMAD PA'I DKAR MIN LAS 'BRAS KYIS, ,MTHA' MED 'KHOR BA'I 'KHOR LO BSKOR GYI DGOS, ,BLO NGAN BZANG BRDZUS BSTAN PA NYAMS PA'I LAS, ,DAR ZHING RGYAS BYED ME TOG MDA' CAN SKU, ,SKYE BA'I ZLOS GAR SGYUR DE DENG DUS KHA, ,BDUD KYIS PHYE BA ZUM BAR NUS DKA' YANG, ,CAL SGROG BRAG CA'I SGRE YIS RI DVAGS KUN, ,'JIGS SKRAG DU: KHA'I PHA MTHAR BTANG BA BZHIN, ,'GRO MANG LOG PAR 'PHYAN LAS BZLOG SLAD DU, ,THE TSOM SEL BA'I TSIG SBYOR CUNG ZAD SPEL, ,ZHES BYA BA NI BAR SKABS KYI TSIGS SU BCAD PA'O,, ,,GSUM PA SKAL LDAN GYI SLOB MA LA
NYAMS KHRID DU 'DABS PA'I RIM PA LA SNGON 'GRO, DNGOS GZHI, RJES KYI RIM PA DANG GSUM, DANG PO SNGON 'GRO LA SKYABS 'GRO, SEMS BSKYED, RDO RJE SEMS DPA'I SGOM BZLAS, BLA MA'I RNAL 'BYOR DANG BZHI, DANG PO NA, SKYABS YUL GYI GTZO BO RTZA BA'I BLA MA DANG GNYIS SU MED PA'I SPYAN RAS GZIGS BSGOM, GZHAN 'KHRID SPYI DANG MTHUN, GNYIS PA DANG GSUM PA'ANG SPYI DANG MTHUN, BZHI PA'ANG BLA MA SPYAN RAS GZIGS SU SKYED PA TZAM MA GTOGS, KU SU LU'I TSOGS GSOG MAndAL DBANG BZHI RNAMS SPYI DANG 'DRA, GNYIS PA DNGOS GZHI [?] LA 'KHRID RKANG BCU DRUG LAS, DANG PO NI, PHYI BKOD PA LAS BYA GYIS MI KHYAB PA'I RTEN BRTEN PA TZAM ZHIG BDAG NYID GSAL GDAB, SNOD BCUD THAMS CAD LA THA MAL GYI SNANG ZHEN YANG NAS YANG DU BKAG STE DAG PA'I SNANG BAR SGYUR BA LA NAN TAN BYA, DE'I DANG NAS RANG LAS GNYIS PA ZHIG CHAD DE DKYIL 'KHOR GI NANG DU 'ONGS, SNGAR GYI LHA CHOGS RNAMS LA YAN LAG BDUN PA DANG, BZLAS PA LAN GRANGS MANG PO'I BAR DU BYA, THUN BSDU PA'I TSE MI DMIGS PA'I NGANG DU 'JOG, 'KHRID RKANG GZHAN BCO LNGA PO RNAMS LA'ANG PHYAG MCHOD BZLAS PA LA NAN TAN DU BYA BA LA KHYAD PAR MED, MI 'DRA BA'I KHYAD PAR THIG LE GNYIS PA, GSUM PA, BZHI PA RNAMS LA RIM PA BZHIN SKYES BU CHUNG DU'I KHRID, 'BRING GI KHRID, CHEN PO THEG PA CHEN PO'I BLO SBYONG BA'I KHRID RNAMS BSGOM, LNGA PA LA SHER PHYIN GYI THUGS KA'I 'OD ZER GYI 'PHRO 'DUS BDUD SDE'I DPUNG TSOGS RNAMS BCOM NAS ZHI BAR BSAM MO, ,DRUG PA BDUN PA BRGYAD PA DGU PA BCU PA RNAMS LA BKA' GDAMS LTA BZHI'I KHRID BSGOM ZHING, KHYAD PAR SGROL MA DRAG MO DANG MI G-YO BA GNYIS LA DGRA BGEGS TSAR GCOD PA'I DMIGS PA DANG DRAG SNGAGS
, ,BZLA, THIG LE BCU GCIG PA 'DIR NI BRGYUD PA GSUM LA BRTEN PA'I BLA MA'I SGRUB BA GTZO BOR BYA, BCU GNYIS PAR GLEGS BAM RIN PO CHE'I SKYAS [?] RABS SPYI DANG, KHYAD PAR DKON MCHOG 'BANGS KYIS AU RGYAN GYI YUL DU BYON PA'I RDO RJE'I GLU DANG CHOS ZAB MO DPAG TU MED PA'I SKOR GYI RNAM THAR RNAMS YID YUL DU NGES PAR BYAS NAS RANG NYID KYANG BLOS DER PHYIN PA DANG DA 'DRA BA BYAS PA'I BSAM SGOM NAN TAN DU BYA, BCU GSUM PA LA ZHI GNAS GTZO BOR BSGOM, BCU BZHI PA LA ZAB MO DBU MA'I LTA BA BSGOM, BCO LNGA BAR RANG GANG MOS PA'I BLA MED KYI RGYUD SDE ZHIG GI RDZOGS RIM DANG SBYAR NA LEGS, BCU DRUG PA NI SANGS RGYAS CHOS SKU'I THIG LE DE NYID GRANGS MED PAR SPRO ZHING SDUD PA SOGS KYI NGANG NAS THIG LE'I NANG DU SANGS RGYAS KYI ZHING RTEN BRTEN PAR BCAS PA GRANGS MED PA 'CHAR BA DANG, DE RNAMS LA RANG NYID KYIS MJAL ZHING CHOS NYAN PA SOGS MANG DU BSAMS PA'I MTHAR THIG LE DE NYID GSAL STONG DBYINGS RIG SPROS PA DANG BRAL BA'I NGANG DU MNYAM PAR GZHOG, THUN BSDU BA NI BCU DRUG PO THAMS CAD LA RIGS 'GRE'O, ,GSUM PA MJUG BSDU BA NI, 'KHRID RGYUN 'KHYER DU NYAMS SU LEN NA BCU DRUG PO GZHAN RNAMS RGYAS BSDUS SKABS SPYAR 'CHAG MED CAM BYAS, RANG GANG MOS PA ZHIG DANG, BCU DRUG PA GNYIS LA NAN TAN DU BYA, SHIN TU BSDUS PA BYED NA, THIG LE THAMS CAD KYI SKYED CHOG TZAM BYAS NAS, NYAMS LEN DMIGS PHUG PA GCIG LA BYAS KYANG RUNG NGO,, SMRAS PA, RGYAL BA KUN GYI THUGS RJE'I BDAG NYID MCHOG ,GCIG BSDUS BKA' GDAMS MES PO 'BROM STON RJE, ,GANGS CAN 'GRO BA'I GNYEN GCIG PAD DKAR 'CHANG, ,KHYOD KYI GSANG GSUM PA
MTHA' RTOGS NUS MIN, ,DE PHYIR ZAB MO'I DON 'DI CHU GTER BZHIN, ,GTING MTHA' CHAD DU GZHAL BA'I YUL MIN YANG, ,MKHAS PA'I LEGS BSHAD LA BRTEN DANG NYID KYI, ,BLO GROS DAG GIS ZHIB MOR DPANG DE BKOD, ,DGE DES LHA CHOS BDUN LDAN BRGYUD PA'I SROL, BKA' GDAMS BSTAN PA'I NYIN BYED 'OD STONG GIS, ,YANGS PA'I NOR 'DZIN KHYON KUN RAB KHYAB STE, ,PHAN BDE'I SNANG BA RGYAS PA'I BKRA SHIS SHOG ,CAS BKA' GDAMS RIN PO CHE'I GLEGS BAM GYI NYING KHYU THIG LE BCU DRUG TU GRAGS PA'I RGYUN 'KHYER DBANG 'KHRID DANG BCAS PA'I RIM PA PHUL BYUNG RGANGS [?] RGYAN ZHES PA 'DI'ANG GSANG SNGAGS RDO RJE THAG PA GSAR RNYING GI CHOS TSUL RGA MCHO CHEN PO LA RNAM DPYOD KYI 'JUG BA MCHOG TU YANGS SHING KHYED PAR RJE BTZUN SA SKYA PA'I ZAB CHOS KUN GYI YANG RTZE SA SKYA TSAD KYI RNA BAR MA GRAGS PA'I GSANG CHEN BLO BA BSHAD CES BA RJE KHA'U BA'I BSTAN 'DZIN CHEN PO GNAS GSAR NAS CHOS KYI RJE MGON PO BSOD NAMS MCHOG LDAN GYI GSUNG GIS BSKUL BA LA BRTEN NAS RGYAL BA RDO RJE 'CHANG BSHES GNYEN DAM PA'I GZUGS CAN 'KHON STON CHOS KYI RGYAL BA DPAL 'BYOR LHUN GRUB SOGS DAM BA DU MA'I BKA' DRIN LAS SA DAG BKA' PHYAG GSANG SNGAGS RNYING MA SOGS LA BLO GROS KYI SNANG BA CUNG ZAD DKA' ZHING KHYAD PAR CHOS TSUL 'DI LA 'BROM STON CHOS KYI RGYAL PO'I BYIN RLABS KYI ZLA ZER SNYING LA 'PHOS PA'I BKA' GDAMS KYI BTZUN PA DAG GI DBANG PHYUG BLO BZANG RGYA MTSO 'JIGS MED GO CHA THUB BSTAN LANG TSO'I SDES RGYAL BA ZHES PA SA MO GLANG GI LO'I RGYAL BAS CHO 'PHRUL BSTAN PA'I DUS STON GYI TSES BCU DPA' BO MKHA' 'GRO 'DU PA'I DUS DGE BAR GRUB 'DZIN GNYIS PA DGA' LDAN PHO BRANG DU SBYAR BA'I YI GE PA NI NGAG DBANG DGE LEGS SO,, ,,MANGGA LAm,,