"A Vase o

!, ,AA MRi TA [?] SYA GA RA nd'A [?] JI T+SA NI PA TA SMYA [?] WU [?] [?] PHU HE RU KA KA shA NI RTE NA BI L'A LI TA TYA SA N+YA SE NA PA TI BHA tt'A R'A KA GU RU PRA STHA [?] RA SH'A SA NA TO DHRA DZA SHR'I BHA DRA SYA BI MO KshA N'A MA BI DZA H'A RA, !, ,RGYAL [?] [?] [?] BA'I KHYAB BDAG HE RU KA DUR SMIG GANG KYIS RNAM PAR ROL BA GDAN GSUM TSANG BA'I SDE DPON RJE BTZUN BLA MA DBANG PHYUG RAB BRTAN BSTAN PA'I RGYAL MTSAN DPAL BZANG PO'I RTOGS PA BRJOD PA BDUD RTZI'I ZA MA TOG CES BYA BA BZHUGS SO,,

[DD1] !, ,(SPYI [?] [?] CHEN BRTZE BA CHE,) #, ,SVASTI PRA DZA BHYA: RGYAL KUN 'DUS PA'I NGO BO KHYAB BDAG HE RU KA: DUR SMRIG GAR GYIS RNAM PAR ROL BA GDAN GSUM TSANG BA'I SDE DPON RJE BTZUN BLA MA DBANG PHYUG RAB BRTAN BSTAN PA'I RGYAL MTSAN DPAL BZANG PO'I RTOGS PA BRJOD PA BDUD RTZI'I ZA MA TOG CES BYA BA RIGS KUN BDAG PO BLA MA MCHOG GIS ZUNG 'JUG LAM BZANG MNGON GYUR DE SRID BYIN GYIS BRLAB TU GSOL, MKHA' KHYAB MKHA' YI RDO RJE STONG CHEN GZUGS, ,'PHO MED DBANG PHYUG BDE CHEN GYIS DRANGS THUGS, ,RAB BRTAN BSHAD SGRUB BSTAN PA'I RGYAL MTSAN CHE, ,SGRENG MDZAD DPAL LDAN SKAL PA BZANG POR BSNGAGS, ,TSOGS GNYIS LUS STOBS RGYAS PA'I SA SRUNGS DBANG, ,KHAMS 'DUS 'PHRENG GEGS LCAGS KYU LAS GROL TE, , GRUB PA'I MTHA' SNYOG LAM DU ZUNG 'JUG GOL, ,LTOD POR SKU GSUM GRONG BGROD TSUL 'DI MTSAR, ,MKHAS DOM RMONGS PA'I ZHUM PA MI STON PAR, ,MA BCOS LHUG PA'I THUGS KYI SHEL [DD2] !, ,( [?] RJE [?] 'JAM DBYANGS NAMS [?] [?] MTSAN,)

[DD1] !, ,(THAMS CAD MKHYEN PA MKHYEN BRTZE'I ZHABS,,) *, ,NGOS SU, ,RAB 'BYAMS SHES BYA'I TSON RIS KUN SHAR BAS, ,GRAGS MIN DON DANG LDAN PA'I THAMS CAD MKHYEN, ,CHED DU BCOS MA'I GZHAN 'DRID LHUR LEN DANG, ,ZHIG PO'I RTZING SPYOD MTHA' GNYIS DANG BRAL BA, ,TSUL KHRIMS DBU MAR RNAM DAG BAG YOD KYI, ,NAM YANG LHOD MED BTZUN PA'I RTZE MOR SON, ,GNYEN CHAGS GCAN GZAN LUGS LA BYANG SEMS SU, ,MI RLOM LUS CAN KUN LA RTAG SNYOMS PAS, ,GCIG TU PHAN PA SGRUB PA'I LHAG BSAM THUGS, ,RDUL BRAL STON ZLA LTAR DKAR BZANG BO'I DPYID, ,AA HO PHYI ROL NYAN THOS BSLAB PAS MDZES, ,NANG DU RLABS CHEN SPYOD MDZAD RGYAL BA'I SRAS, ,GSANG BA BCU GSUM RDO RJE'I SAR GSHEGS PA'I, ,RTOGS BRJOD SMRA LA 'JIG RTEN MES PO NGAL, ,'ON TE THUN MONG GDUL BYA'I BSAM PA KHAMS, ,DBANG POR 'TSAM PA'I RNAM THAR GANGG'A'I KLUNG, ,RDUL LAS SOR MO'I RTZE YIS BLANGS PA TZAM, , [DD2] !, ,(DBANG PHYUG RAB BRTEN RDO RJE [?] 'CHANG [?] ,,)

GLENG TSE SNOD LDAN TSOGS RNAMS RNA BA BLOGS, ,DE'ANG JI SKAD DU, RGAN PA'AM NI GZHON PA'ANG RUNG, ,GANG LAS CHOS NI RNAM SHES PA, ,DE LA GUS PAR PHYAG BYA STE, ,ZLA BA TSES LA JI BZHIN NO, ,ZHES ZAB PA DANG RGYA CHE BA'I DAM PA'I TSES TSUL BZHIN DU STON PA ZHIG GI MTHUL BRTEN NAS RJES 'BRANG GI SLOB MA YANG SLOB SOGS MTHA' KLAS PA'I YON TAN GYI CHA MTHA' DAG RGYAS PAR 'GYUR BA NI ZLA BA TSES PA LA BRTEN PA, DKON BRTZEGS LE'U ZHE GSUM PA LAS, 'OD SRUNGS 'DI LTA STE, DPER NA ZLA BA TSES PA LA PHYAG 'TSAL BA LTAR NYA BA LA NI MA YIN NO,, 'OD SRUNGS DA BZHIN DU GANG DAG NGA LA RAB TU DAD PA DE DAG GIS BYANG CHUB SEMS DPA' RNAMS LA PHYAG BYA YI, DE BZHIN GSHEGS PA RNAMS LA NI DE LTA MA YIN NO,, DE CI'I PHYIR ZHE NA, BYANG CHUB SEMS DPA' LAS NI DE BZHIN GSHEGS PA RNAMS 'BYUNG NGO,, DE BZHIN GSHEGS PA LAS NI NYAN THOS DANG RANG SANGS RGYAS THAMS CAD 'BYUNG NGO,, DE LA 'DI SKAD CES BYA STE, ZLA BA TSES PAR THAMS CAD PHYAG 'TSAL GYI, ,ZLA BA NYA LA DE LTAR PHYAG MI 'TSAL,, DE BZHIN GANG DAG NGA [?] DAD DE DAG GIS, ,RGYAL SRAS BYANG CHUB SEMS DPAR PHYAG TSOL ZHIG ,CES GSUNGS PA'I DON BZHIN BSTOD PHYAG GI YUL DU BSHAD PA LTAR TSIGS SU BCAD PA SNGON DU 'GRO BA'I SGO NAS SKABS SU BABS PA GLENG BAR BYA BA NI DUS GSUM GYI BDE BAR GSHEGS PA THAMS CAD KYI GSANG GSUM MI ZAD PA RGYAN GYI 'KHOR LO'I BDAG NYID RIGS DANG DKYIL 'KHOR KUN GYI KHYAB BDAG DRUG PA RDO RJE 'CHANG CHEN PO BSLAB GSUM 'TSAMS SPIN GOS KYIS KLU PAS PA RJE BTZUN BLA MA DAM PA DBANG PHYUG RAB

, ,BRTAN BSTAN PA'I RGYAL MTSAN DPAL BZANG PO'I RNAM PAR THAR PA MDO TZAM BRJOD PA LA, MNGON RTOGS RGYAN LAS, SEMS CAN KUN YID SHES PA DANG, ,MNGON PAR SHES PAS BRTZA BA DANG, ,SANGS RGYAS ZHING BZANG, SGRUB PA DANG, ,YONGS SU BRTAG PHYIR SANGS RGYAS BSTEN, ,DBANG PO SHES DANG RGYAL BA YI, ,ZHING SBYONG SGYU MA LTAR GNAS DANG, ,BSAMS BZHIN SRID PA LEN PA DANG, ,LAS NI RNAM PA 'DI BRGYAD BSHAD, ,CES PA LTAR 'PHAGS CHEN DAM PA RNAMS NI BSAMS BZHIN SRID PAR SKYE BA BLANGS NAS 'GRO BA'I DON LA ME TOG GI TSAL DU BUNG BA DANG DANG PA DANGS PA'I RDZING BUR 'JUG PA DANG MTSUNGS PAR NGAN SONG GI GNAS KYANG MTHO RIS KYI DGA' TSAL LTAR SBYOR BA LHUR LEN PAR MDZAD PAS RI DVAGS DANG 'DAB CHAGS SOGS SKYE BA SNA TSOGS SU SPRUL PA'I MTHA' BRJOD BAR GA LA NUS NA'ANG BSTAN PA'I GSAL BYED KYI SGRON ME SBAR BAR NUS PA'I SKYES BU MCHOG GI TSUL 'GA' ZHIG BRJOD NA, RJE NYID KYI GSUNG LAS, RGYAL BA'I MKHYEN BRTZE GCIG BSDUS 'JAM PA'I DBYANGS, , DBANG PHYUG BRGYAD LDAN RDO RJE'I 'DZIN PA'I SKU, ,SKU DRIN MNYAM MED RTZA BRGYUD BLA MA YIS, ,LUNG BSTAN RJES SU BZUNG LA GSOL BA 'DEBS, ,SNGON TSE 'PHAGS YUL GRUB DBANG KU KU RI, ,KHA BA'I LJONGS 'DIR RGYAL BA KUN GYI DNGOS, ,AYON DRUNG NA 'KHOR KYI DAG SLONG GIS, ,BSTAN DANG 'GRO KUN SKYONG LA GSOL BA 'DEBS, ,DE LTAR LEGS BYAS SKYE BA DU MA'I MTHAR, ,DPYAL STON KUN MKHYEN SHES RAB RGYAL MTSAN DPAL, ,PADMAS LUNG BSTAN 'KHRUL ZHIG RIN PO CHE, ,TSUL KHRIMS RGYAL MTSAN ZHABS

LA GSOL BA 'DEBS, ,HE RU KA: DPAL DGYES PA'I GAR MDZAD KYANG, ,TSUL KHRIMS RGYAN GYIS MDZES PA'I DGE SLONG MA, ,MKHA' 'GRO'I [?] GTZO MO SH'E LA BHA DRA'I ZHABS, ,'BREL TSAD DON LDAN KHYOD LA GSOL BA 'DEBS, ,SNGON GYI LEGS BYOS DGE BA'I 'BRAS BU LAS, ,BLA MA LHA DANG SRUNG MAS RJES BZUNG NAS, ,'JAM MGON MKHYEN BRTZE'I 'PHRIN LAS SKYONG BA'I DPAL, ,DBANG PHYUG RAB BRTAN ZHABS LA GSOL BA 'DEBS, ,ZHES PA LTAR 'PHAGS PA'I YUL DU GRUB THOB BRGYAD CU RTZA BZHI'I NANG TSAN RNAL 'BYOR DBANG PHYUG KU KU RI PA, RGYAL DBANG PADMA THOD 'PHRENG GANGS RI'I LJONGS 'DIR PHEBS PA'I TSE NYE BAR GNAS PA'I DGE SLONG, DBYAL STON CHEN PO KUN MKHYEN SHES RAB RGYAL MTSAN, AYON CHEN PO'I LUNG GIS ZIN CING DPAL ZHA LU GSER BKANG GI KHRI THOG TU BYON PA'I 'KHRUL ZHIG TSUL KHRIMS RGYAL MTSAN, YE SHES MKHA' 'GRO'I GTZO MO RGYAL YUM TSUL KHRIMS BZANG MO SOGS BSTAN 'GRO'I MGON DANG GLING DU GYUR BA RIM PAR BYON PA'I YANG SRID DU RJE BLA MA DAM PA 'DI NYID PHEBS TSUL NI, MA PHAM PAS, RIGS RANG [?] RUS DANG CHO 'BRANG DANG, ,ZHES CHO RIGS KHUNGS BTZUN PA GSUNGS PA DANG PHYOGS MTSUNGS PAR 'O SKOL GYI STON PA BU RAM SHING PAS GZIGS PA RNAM PA LNGA'I NANG GSES RIGS PHUN SUM TSOGS PA RGYAL RIGS LA DGONGS NAS 'PHAGS PA'I YUL GYI SA'I DBANG PHYUG 'GRAN ZLA DANG BRAL BA ZAS GCANG MA'I SRAS SU BSTAMS PA'I SNGON BYUNG GI RNAM THAR DANG RJES 'JUG GI NYAMS LEN 'DRA BAR, SPYIR RI KHA BA CAN GYI 'GRO BA RNAMS RGYA GAR GYI RGYAL PO R'U PA TI DPUNG BCAS G-YUL PHA MA STE BUD TMED KYI

, ,CHAS SU BZHUGS NAS S'A LA'I LJONGS SU YONGS PA LAS 'PHEL BA'I LO RGYUS YOD NA'ANG YONGS SU GRAGS PA PHYAG NA PADMA DANG RJE BTZUN SGROL MA GNYIS KYIS BYIN GYIS BRLABS PA'I SPRE'U DANG BRAG SRIN MO LAS MCHED PA BOD MI'I RGYAL KHAMS SU GYUR PAR MI'U GDUNG DRUG GAM BZHIR GRAGS PA'I NANG TSAN SNA TSOGS SU DBYE BA'I BYE BRAG LHA RIGS 'A ZHA RGYAL BO ZHES BOD BTZAD PO'I SKU ZHANG DANG BKA'I MDUN NA 'DAN CHEN PO NANG RJER GTOGS PAS RDO RING GI GER YANG DBON 'A ZHA ZHES GSAL ZHING BSTAN PA PHYI DAR GYI DUS 'A ZHA YE SHES G-YUNG DRUNG GIS MKHAS NAS 'DUL BA DER BAS MA'I SDOM RGYUN BZHES PA'I GTZANG DU 'DUL BA'I 'DZIN BA'I SNGE 'GA' ZHIG GCUGS, 'A ZHA LHA'I BLO GROS KYIS RA SA 'PHRUL SNANG GI GTZUG LAG KHANG LA ZHABS TOG DANG AA MES JO SRAS PHUR BA 'PHEL GYIS GSER SRAD BCU BDUN RDOG LO BLA PHUL TE RGYA GAR NAS CHOS BSGYUR BA'I MTHUN RKYEN MDZAD CING 'A ZHA JO BO BLA GROS KYIS RTZIS LHA KHANG DANG ZUNG DU 'BREL BA'I GTZUG LAG KHANG BTAB CHOS KYI RGYAL PO 'PHAGS PA DANG TI SHRI KUN BLO GNYIS KYI ZHABS LA NAM MKHA' RGYAL MTSAN, NAM MKHA' BZANG PO, SH'AKYA SENG GE RNAMS KYIS GTUGS BAR NYANG GZHUNG MTHA' DAG SHES SU BCUG PA'I LUNG LAS GNANG BAS GNAS GSAR STONG DPON DU GRAGS, DE DAG GI GDUNG RIM PAR BYON PA LAS STONG DPON KUN DGA' RDO RJE'I SA SAS NANG SO CHOS RGYAL BA'I JO MOR RIN CEN SGANG BLA BRANG NAS 'JAM DBYANGS CHOS RJE'I LCAM DPAL LDAN 'DZAM PA ZHES PAR NANG SO RNAM RGYAL DPAL BZANG, NANG SO MGON PO RIN CEN, 'JAM DBYANGS

KUN DGA' BLO GROS SOG SA LCAM SRING BRGYAD 'KHRUNGS PA'I NANG SO SKU MCHED KYI KHAB TU LHAG KHANG CHEN MO BA'I SRAS MO DPAL 'DZOM BYON PAR SRAS NAM MKHA' RDO RJE TSE BRTAN DPAL 'BYOR BZANG PO 'KHRUNGS TE YUM SNGA MON NAS GRONGS PA'I TSOD 'DUS MGUR ME BA'I SRAS MO BYANG SEMS BU KHRING BLANGS PAR GCUNG NAM MKHA' RGYAL BA BYON PA'I JO MOR SE STON RIG SNGAGS 'CHANG BA'I GDUNG BRGYUD 'DIR CHOS RDZONG PA DON YOD RNAM RGYAL GYI SRAS MO CHE BRTAN BU KHRID BZHES PAR SRAS ZHABS DRUNG BRTAN PA'I DRUNG DAM BSOD NAMS RAB BRTAN, CHOS KYI RGYAL MTSAN, THAMS CAD MKHYEN PA MKHYEN BRTZE'I DA'ANG PHYUG, NOR BU BZANG PO BZHI 'KHRUNGS PA LAS GCEN ZHABS DRUNG BRTAN PA'I DRUNG LA 'DAR CHOS RDZANG PA'I SRAS MO NAM MKHA'I DRUNG BSUM PAR SRAS MA BYUNG BA SLAR TSE DBANG DRUNG BLANGS PAR SRAS 'A ZHA NAM MKHA' PHUN TSOGS BYUNG BAR JO MO SHANGS BRGYA TSO BA'I LCAM BSOD NAMS 'BOL LE BZHES PAR SRAS BZHA BYUNG BA DE DAG KYANG LUGS GNYIS KYI MDZAD PA RNAMS 'JIG RTEN PHAL BA'I DANG TSUL LAS 'DAS PA'I DE TSA KHREL GZHUNG GI G-YOD CING SKYES RGYAL RNAMS DBANG BRGYAL DANG BUD MED RNAMS MNGANG SA MA'I RANG BZHIN CAN DNGON COG GSUM LA BLA MAR BZUNG NAS MCHOD PA DANG MA NUS PA BYAMS PAS SKYONG ZHING SBROS BCAD DANG SBROS MED KYI THUGS DAM LA BRTZON BA BSDUR MJAD PA SHA STAG BYON PA'I PHYI 'PHYAR DE LTAR GRAGS KYANG DAN THAMS CAD MKHYEN PA'I GCEN 'GRAN ZLA DANG BRAL BZHABS DRUNG BRTAN PA'I DRUNG GI SRAS SU NGO 'DZIN LA, DE'ANG CHU SHEL GYI BU MO LANG CHO NGOM PA'I SA 'DZIN GYI 'PHRENG BAS YONGS SU BSKOR BA'I LJONGS 'DIR RU BZHING GRAGS PA BSAL PAS

, ,RU GTZANG GI RGYAL KHAMS KYI SA'I CHA BOD SRIN MO GAN RGYAS DU BSKYEL BA'I DBYIBS CAN GYIS DGRA GNON BYED DU CHOS SKYONG BA'I RGYAL PO SRONG BTZAN BLA MA YON MTHA' 'BUL YANG 'DUL DU GNON GYI GTZUG LAG KHANG BCU GNYIS BRTZIGS PA'I NANG NAS GTZANG 'BRAM DANG KHAD NYE BA DGE BCU'I YON TAN DU MAS MNGON PAR SBRAS PA'I SUM RTZEN YUL LA CO 'DRI BA MYUG BKRA SHIS RGYAL GYI PHO BRANG DU, SA HOR MCHOD YON GYI MO GSAR BA'I DBANG DU BYAS NA STONG 'GREL BA K'A LA DH'U: ZHES PA DUS KYI PHO NYAR GRAGS PA SHAR PHYOGS RGYAL KHAB CHEN POR WU WU ZHES PHYOGS 'DIR SA PHO RTA'I LO HOR ZLA BCU GNYIS PA, GTZUGS LAG SPOR THANG DANG BSTUN PA LEGS SBYAR GYI SKAD DU SADDH'ARTHA, ,GANGS CAN PA'I SKAD DU DON GRUB TU 'BOD CING RGYA NAG BA GYI WU'I ZHES PA SA LUG DBYID ZLA 'BRING PO RGYAL GYI NYA BA'I THABS KYI CHA'I RGYAL BA DANG PO RES GZA' PA BA SANGS DANG RGYU SKAR GRO BZHIN 'DZOM PA'I DGONGS JA'I DUS DGE BAR YUM LA SNYUN MI MNGA' ZHING SIM PA'I TSOR BA CHEN PO NYAMS SU MYONG BZHIN PA'I DANG NAS SKU BLTAMS 'BRAL RMO MO TSE DBANG GIS GUR GUM DANG GI HANG GIS LJAGS LA DH'I: BRIS, DE SKABS RDO RJE 'CHANG CHAR BA CHOS RJE DANG THAMS CAD MKHYEN BA MKHYEN BRTZE'I DBANG PHYUG GNYIS DPAL ZHA LU'I CHOS GRAR STAN CHAGS DUS YIN BZHAG BDUN THOG RJE TSAR CHEN PHEBS NAS MTSAN NAM MKHA' DON GRUB DBANG POR BTAGS, DE NUB TSAR CHEN GYI THUGS DAM 'O DAGS LA DE GAR GZHON NU 'DI 'KHRUL ZHIG TSUL KHRIMS RGYAL MTSAN GYI SKU'I SKYE BA YIN NO,, ZHES PA'I LUNG BSTAN BSTU DMAR LAN GSUM DU BYUNG, SKU NA CHES

PHRA BAS DBANG BRNGA 'PHRED PA SOGS GAL 'OD YANG YID SRABS SDER BCAS KYI G-YUL LAS RGYAL BA'I CHED DU DPAL LDAN BLA MA 'JAM DPAL RDO RJE MA HE'U ZHAL CAN DANG NGO BO DBYER MA MCHIS BA'I NUS BAS GZHIM DAG PA'I PHUNG KHAMS SKYE MCHED THAMS CAD TING NGE 'DZIN GYIS MNGON PAR SBYANGS TE 'BRAS BU GSHIN RJO'I GSHED RIGS LNGA'I YE SHES KYI NGO BOR BYIN GYIS BRLABS PAS SKU TSE MDZAD 'PHRIN THAMS CAD MTHAR PHYIN PA'I RTEN 'BREL GYI SGO THOG MAR 'GRIG, YAB MES YUM SOGS CHABS CIG PAR DBANG ZHU BA MDZAD PA'I LUNG BSTAN GYI TSE GSANG MTSAN DRI BA'I LAN AA MES RIG 'DZIN KYIS GOS DKAR MO ZHES ZHUS BAS ZHANG PO DRUNG BA BLUNGS LOG BA 'DRA GSUNGS PAS THAMS CAD BZHAD SHIN TU BRO BA'I RNAM 'GYUR SOGS DGYES DGYES MDZAD, RNAM SNANG MING DBANG GI GSANG MDZAD 'DOGS BA DANG DUS MTSUNGS BAR ZHA LU NAS KUN MKHYEN MKHYEN BRTZE'I ZHABS GYIS, BSOD NAMS NAM MKHA'I KHYON LTAR YANGS BA YI, ,BSAMS PA'I DON KUN YID BZHIN 'GRUB PA'I DPAL, ,PHYOGS LAS RNAM BAR RGYAL BA'I 'PHRIN LAS CAN, ,BRGYUD 'DZIN DBANG PO LO BRGYAR 'TSO BAR SHOG ,CES BA'I BRTAN BZHUGS KYI TSIGS BCAD SKYEL MI 'GRIG PAS NGO MCHAR DANG, DGE MTSAN 'GRAN PA BZHIN NO,, RGYAL KUN BLA MED YE SHES 'PHRUL BO CHES, ,SEMS CAN BSAM BA'I KHYAD PAR MKHA' MNYAM MTHAS, ,BLO GROS MIG SNGON GOM PAS GZHAL BA'I MTHU, ,PHRA BA SGRIB PA'I LUS CAN KUN GYI GSHIS, ,SRID PA'I LAM DU 'KHYAMS BAS NGAL DUB STE, ,MA RIG 'THIBS PO'I MAL DU NYAL BA'I

, ,'GRO, ,SLONG BA'I THUGS BSKYED SKYA RENGS MAS DRANGS PA'I, ,SKYES RABS NYIN BYED 'DZAD MED SHAR 'DI MTSAR, ,'OD GSAL LHA RIGS 'A ZHA'I GDUNG GIS MTHO, ,GSANGS CAN BTZAD PO'I NANG BLON SNYAN GRAGS 'BAR, , SHAR PHYOGS GONG MA'I LUNG DANG LAS KAS CHE, ,MKHAS GRUB RIM PAR BYON PAS BSTAN SROG BZUNG, ,DBYIG 'DZIN DANGS MTSOR RNAM PAR RGYAL BYED GZUGS, ,GSAL LA NYER 'KHU BKRA SHIS RGYAL KHANG DU, ,RIGS GZANG MA SNYIGS GSAR PA'I SPEL LEGS SKU, ,ME TOG MTSAN DPE'I 'DAB BRGYA MNGON PAR GROL, ,DUS KYI DGRA BO 'JAM MGON TSANG PA RJES, ,BDUD BZHI'I G-YUL LAS RGYAL BA'I DPA' RTAGS SU, ,'JIGS MDZAD RDO RJE'I 'KHOR LOR RAB SMIN TSE, ,MTHA' KLAS SKAL BZANG SGO BRGYA DANG BOR PHYE, ,MKHYEN RAB ZUR PHUNG LNGA LDAN DANG MTSUNGS PAS, ,MKHYEN BRTZE NUS PA'I DBANG PHYUG BLA MA YIS, ,MKHYEN YANGS KLONG NAS THON PA'I BDEN PA'I CHOG ,MKHYEN LNGAN YONGS KYI RNA BA'I RGYAN DU DAD NA, ,DGUNG LO GNYIS BZHES PA'I TSE MGON LUG MANG POR NAD BYUNG BAR THAMS CAD MKHYEN PA MKHYEN BRTZE'I ZHABS KYI LJAGS CHU'I BYIN RLABS DANG GZHAN GYIS THABS SNA TSOGS BYAS KYANG MA PHAN PAR GZHON NA SKU RDZO'I RGYAB LA GDAN DRANGS TE LUG RNAMS LA PHYAG NAS GTOR BAS NAD MTSAMS MYUR DU ZHI BA NANG LAS DPON PO BYIN RLABS CHE BA 'DUG CES GSUNG BA NI SBYAN SNGA RIN PO CHES RGYAL BA THOG RDUGS PA'I SKU PANG DU THOG PHAB PA'I LO RGYUS LTAR CHE BA 'DON PA LA DGONGS PA 'DRA, DGUNG LO LNGA TZAM 'GRO BA'I DUS KUN

MKHYEN MKHYEN BRTZE'I ZHABS KYIS DBANG GNANG BA'I TSIG GZHON NUS BUM PA TSUR BZHES NA SKYE DBANG BSKUR BA'I STANG KA MDZAD PAS RGYAL YUM GYIS SNGON GNAS RJES DRAN GYI BAG CHAGS SAD PAR DGONGS TE THAMS CAD MKHYEN PAS BUM PAR DBU THUG THUG GNANG NAS NGA'I BLA MA YIN GSUNG MNYES MNYES RANG MDZAD, RDO RJE 'CHANG TSAR BA CHOS RJER TSE DPAG MED GRUB RGYAL, DMAR PO SKOR GSUM, GUR ZHAL, STAG ZHON SOGS RJES GNANG GI RIGS MANG BA, THAMS CAD MKHYEN PA MKHYEN BRTZE'I DBANG PHYAG GI DRUNG DU DUS 'KHOR GSANG 'DUS 'JAM RDOR RVA LUGS DGRA NAG BKA' BRGYAD GSANG RDZOGS SOGS SNGAS GSAR RNYING GI DBANG BKA' KHA SHAS GSER CHOS DANG MGON PO CHE CHUNG GIS MTSON RJES GNANG THOR BU, 'OD ZER DRI MED LHA LNGA'I RIG GTAN SGROL DKAR YID BZHIN 'KHOR LO SOGS RJES GNANG GI RIGS MANG PA, RJE RIGS 'DZIN CHEN BOR KUN MKHYEN BA RTZE'I ZHABS KYI SNGAGS RNYING MA 'DUS PA MDO DBANG CHEN MO ZHU BA MDZAD PA'I ZHABS PHYI MDZAD NAS GSAN, ME STAG DGUNG LO BRGYAD KYI DUS CHOS DBANG RIN PO CHE'I GTER CHOS THAMS CAD MKHYEN PA BU STON RIN PO CHE NAS BRGYUD PA'I GONG KHUG MAR GRAGS PA'I TSE SGRUB GNANG BA'I DUS 'JAM DBYANGS MKHYEN BRTZE'I DBANG PHYUG NYIN STAR GYIS PHEBS TE GEGS SEL BOGS 'DON SOGS SBYAN DMIGS KYI BSLA BA DON MDZAD, DPAL PHUG RNAM BAR GROL BA'I RI KHROD 'DING BA'I SKABS LAS MIS BRAG BSHAGS PA'I RBA BRNYEN BYUNG BA NA RMO MOS BROS GSUNGS BAR 'JIGS PA MED PA'I DPA' GDENGS KYIS PHANG SGRA DANG BCAS SDIGS

, ,MDZUB MDZAD BAS BAR BZLOG PA DER 'KHOD KUN GYI MTHONG BAS YA MTSAN DU GYUR, BO DONG DU MA ZHUGS DUS MDUN GYI NAM MKHAR MGON PO TSE DPAG MED SKU MDOG DMAR PO ZHAL GCIG PHYAG GNYIS PA LONGS SKU'I CHA LUGS CAN MTSAN DPE'I GZI BYIN BAR BA ZHIG GZIGS PA NI DGUNG LO BRGYAD CUR NYER BA'I BAR BSTAN 'GRO'I DON DU BZHUGS PA'I DGE MTSAN DU MNGON, THAMS CAD MKHYEN PA PHYOGS GANG DU PHEBS KYANG RJE 'DI'I DRUNG DU 'KHRO BA'I KHYI RNAMS LA ZAN SOGS KYI SKU SKYOS RE GNANG, THENGS GCIG SNGON MO RDZONG NAS BO DANG DU PHEBS DUS KHYI GU CHUNG CHUNG YING DU 'ONG BZHIG SKU PHAG NAS BTON NAS DPON RIN BO CHE 'DI NA GSUNG GNANG BDE LA THUGS KYANG SHIN TU MNYES PAR GYUR CING RGAN DU MA SONG BAR LA SKU 'KHRIS RANG DU SDOD PA'I SBYOD PA YANG GZHAN LAS LEGS NGES SKU RTZED KYI RIGS ZHU, ZHAL NGO RNAMS GNAS GSAR NAS BO DONG DU PHEBS PA'I TSE ZHAM 'BRING BA TSOS MA SHES PAR KHYI DE SNGAN MGYOGS BZHIN GCIG PUR 'GRO, PHAR PHEBS SKABS KYANG DE DANG 'DRA, MING BDUNG MO G-YUL RGYAL MA ZER ZHING RJES SU GSOB BYAS NAS SBYAN GZIGS SU YONG PA SNGON GRUB CHEN KU KU RI BAR 'KHRUNGS PA'I BRNGA CHOS LAS KHYI DKYUS MA NI MA YIN NO,, ROG TSOR THAMS CAD MKHYEN PA MKHYEN BRTZE'I DBANG PHYAG GIS BKA' BRGYAD GSANG RDZOGS KYI SGRUB CHEN GNANG DUS RJE 'DI DGUNG LO BCU GCIG 'GRO BAS MCHOD GAR GYI GAR DPON MDZAD PAS KUN LA MTSAN DU RTZI, BO DONG DU JO BZHAL GNYIS KA'I DUS 'KHOR GYI DBANG BKA' 'JAM DBYANGS MKHYEN BRTZE'I ZHABS

KYIS GNANG BA'I KHYAD PAR BU LUGS KYI BDAG PO CHEN PO'I BKA' DBANG GI DUS DBON RIN PO CHE DKAR CHAS SU MDZAD, DBANG STEGS KYI KHRIR CHOS KYI RGYAL TSAB CHEN POR MNGA' GSOL, SLOB DPON CHEN PO'I SKU TSAB GTER BYON YID BZHIN NOR BU DANG, CHOS KYI RGYAL PO 'PHAGS PA'I THUGS DAM BSNYEN PHUR THAMS CAD MKHYEN PA RANG GI 'BRAL SPANG MA DANG BCAS GNANG SKYES SU STZAL BA BSTAN PA GTAD NAS THAMS CAD MKHYEN PA NYID RING POR MA LON PAR GSANG BDAG GI DRUNG DU GSHEGS PA'I SDON 'GROR SNANG YANG RJES 'JUG RNAMS DOGS GNAS TZAM YANG MA BYUNG BAR MNGON, TSAR CHEN CHOS KYI RGYAL PO ZHING 'DI'I BKOD PA BSDUS PAR KUN MKHYEN MKHYEN BRTZE'I ZHABS THUGS SNA BSTUNGS TE LCANG LO CAN DU GSHEGS PA'I THUGS 'DUN DRAG PA DANG LAS 'PHRO GLING BA'I CHOS BDAG YIN PAR DBUS GTZANG SAS BSKAL BA'I NGOS MA ZIN PAR DUS THOG TU MA 'PHROD PA'I RTEN 'BREL 'PHYUGS SKYON GYIS SA PHO 'BRUG LO MDZAD PA THA MA BSTAN SKABS RJE 'DI BO DONG BKRA SHIS SGANG DU YUM DANG LHAN CIG TU BZHUGS PA'I TSE, 'JAM DBYANGS BYANG GLING RJES SRUNG 'KHOR MDZAD CING NYIN RE BZHIN GRA LNGA'I DBANG TSAR RE GNANG BAS DBANG CHOG PHAL CHER THUGS BLOR ZIN PA BYUNG, SKABS SHIG THAMS CAD MKHYEN PA SKU'I RNAM PA DNGOS GZHI 'DRA BA LA DBU SGRA ZING DE BA PHYAG STABS 'DI YIN MED PA ZHIG NYI MA'I DKYIL 'KHOR GYI DBUS SU BZHUGS PA GSAL BAR GZIGS PA NI BAR DO YE SHES KYI SKUS MNGON SUM DU RJES SU BZUNG BAR 'DUG CING GZIGS SNANG LA JI LTAR BYUNG BA'I BRIS THANG BZHENGS, RJE BLA MA BSLAB GSUM

, ,BSTAN PA'I RGYAL MTSAN LA RKYEN SLE GYI CHOS BKA' CI RIGS GSAN, SNYIGS DUS KYI RDO RJE 'CHANG KUN DGA' BZANG PO'I GDAN SA NGOR AE WAm CHOS LDAN DU PHEBS DUS RMANG LAM DU LAM ZAB KHANG GI SGO 'GRAM G-YAS G-YON DU RDO RJE 'JIGS BYED, DPAL LDAN DMAG ZOR MA, MDUN DU DPA' BO BRAM ZE'I GZUGS CAN SKU MNGOG SDO BA ZHABS BSNOL NAS SHING GI GLING BU BZUNG BA DANG BCAS PA GZIGS PA'I GNAS TSUL RJE BTZUN BLA MA MKHAN CHEN BSLAB GSUM RGYAL MTSAN LA ZHUS PAS ZHAL LA GTOR BSNGO MDZAD NA LEGS ZHES STZAL BA BZHIN DE NAS BZUNG CHAG MED DU GNANG, KHUM BU LUNG DU BZHUGS PA'I TSE DAG PA'I SNANG BA LA MKHAN CHEN RDO RJE 'CHANG BSLAB GSUM RGYAL MTSAN SKU'I CHA LUGS DKYUS LTAR LA G-YAS CHOS 'CHAD DANG G-YON THOD PA BDUD RTZIS GANG BA BZUNG BA DE'I ZHAL NAS KHO BO'I G-YAS SU SGROL DKAR DANG G-YON DU PHYAG RDOR MDO LUGS BZHENGS NAS LEGS GSUNG BA BZHIN DE LTAR BZHENG BA GNANG BA'I BRIS THANG LA LUNG BSTAN THANG KHA ZHES THUGS GCIGS SHIN TU CHE ZHING LUNG BSTAN TSUL KHYAB BDAG BKA' 'GYUR BA CHEN POS DRI BZHUS PAR GSAL GSAL MI GNANG GSUNG, G-YANG DU BZHUGS SKABS SHIG RGYAL PO CHEN PO RNAM THOS SRES SER CHEN LA MCHOD GTOR PHUL ZHING 'PHRIN LAS BCOL BAS RING POR MA LON PAR GLANG THANG NAS GOS DAR DANG STONG SKUD KYI 'BUL BA MANG DU BYUNG, DUS PHYIS KYANG MNAL LAM DU BYA RGOD GSHONGS KYI RNAM SRAS GDUNG DMAR CAN PHYAG MTSAN BZHI PA'I RTAGS RE BYUNG NA SANG NYIN ZANG ZING GI 'DROG PA STER MI RE NGES PAR 'ONG 'DUG CING LAR RNAM SRAS

ZHI DRAG GNYIS PO 'DI TSE RABS SNGON MA NAS LAS KYI 'BREL BA YOD PA'I CHOS SKYONG ZHIG YIN 'DRA BAS SHIN TU 'GO ZHING RJES GNANG BYED RES KYANG 'TSUB LHONGS KYI RNAM PA RE NGES PAR YONG PA'I DAM DOG CHE TZAM DGOS BA 'DUG CES RJE BKA' 'GYUR PA SOGS LA GSUNG BA NI 'KHRUL ZHAG RIN PO CHES ZHA LU'I GDAN SA MDZAD DUS CHOS SKYONG 'DI NYID LA GTZO BOR MDZAD PA'I SHUGS YIN PA 'DRA, RTZOD DUS PADMA'I RGYAL TSAB GTER CHEN CHOS KYI RGYAL PO RIGS 'DZIN MNGA' RIS PA CHEN PO NYI ZLA 'OD ZER LA DPAL AYON CHEN POS DNGOS SU GNANG BA'I 'CHI MED GRUB PA'I RLUNG SBYOR GYI GDAMS PA ZAB MO 'DI NYID DGUNG LO BCU DRUG BZHES PA SHING PHO KHYI'I LO YAB NAM MKHA' PHUN TSOGS DANG LHAN CIG BAR BYA RGOD GSHONGS SU RIGS 'DZIN RJE LA GSAN PAS, JI SKAD DU, AE MA, GSANG CHEN BSTAN PA'I MDA' BDAG RIGS 'DZIN RJE, ,GSANG LAS YANG GSANG NYING KHU'I GDAMS PA 'DI, ,GSANG SNGAGS 'CHANG BA NAM MKHA'I MING CAN LA, ,GSANG ZHING SPAS PA'I DBYINGS NAS GNANG BA YIN, ,ZHES CHED DU BRJOD PA'ANG MDZAD, GZHAN YANG SNGA PHYIR BKA' BRGYAD BDE 'DUS RIGS 'DZIN YONGS 'DUS DANG DRAG PO DBU DGU SOGS RNYING MO BKA' GTER GYI DBANG LUNG MAN NGAG GI GSAN PA CHER GNANG, MKHAN CHEN SDINGS MA BA BSLAB GSUM RGYAL MTSAN GYI DRUNG DU GSUNG NGAG RIN PO CHE SLOB BSHAD KYI DBANG KHRID LUNG BYIN RLABS DANG BCAS BA GSAN PA'I RGYU DBANG GI DUS MKHAN CHEN RIN PO CHE'I GZIGS SNANG LA, RJE NYID BZHUGS PA'I MDUN GYI NAM MKHAR TSAR CHEN CHOS KYI RGYAL PO, THAMS CAD MKHYEN PA

, ,MKHYEN BRTZE'I DBANG PHYUG YAB SRAS DBANG MA GROL BAR BZHUGS NAS DBANG BSKUR BA'I CHO GA MDZAD KYIN 'DUG PA LA KHONG YAB SRAS KYIS DBANG TSIG JI LTA BA BZHIN KHYED RNAMS LA BSHAD PA YIN AANG, DA 'DRA'I DGA', BAL AANG, ZHES GSUNGS PA NA BSTAN PA RIN PO CHE SRID MTHAR MI NYAMS PA LA BLA MA RNAM GNYIS MNYES PAR SNANG, TSAR CHEN GYI GSUNG MGUR LAS, NGA DAL 'BYOR RDO RJE'I LUS MCHOG THOB, ,PHA MTSAN LDAN BLA MAS RJES SU BZUNG, ,LAM CHAD MA SNYAN BRGYUD BZHI LDAN THOB, ,DGANG LTAR BYAS KYANG AE MA HO, ,ZHAS PA'I DON DU MCHIS, GZHAN YANG N'A RO MKHA' SPYOD KYI BYIN RLABS NYAMS KHRID, MGON CHEN GYI RJES GNANG KHA SHAS LUNG RAGS RIM, BRAG RDZONG MA DANG GSANG KHRID KYI NYAMS PHRID, RVA LUGS BCU GSUM MING DBANG, RVA KHRID MKHA' 'GRO SNYAN BRGYUD KYI NYAMS KHRID, GSHED DMAR LHA LNGA'I DBANG GIS GTZOS DBANG RJES GNANG RIG GTAD KHRID LUNG SOGS GDAMS PA RGYA MTSO LTA BU GSAN CING BKA' DRIN CHE SHOS SU MDZAD PAS, BRAG RDZOD MA'I SA BCAD LAS, BLO 'DAS GDOD MA'I MGON PO RDO RJE 'CHANG, ,GANG 'DUL DAG PA'I ZLOS GAR DRIN CAN RJE, ,BKA' DRIN DRAN NO PHA RGOD BSLAB GSUM ZHABS, ,SNYING NAS 'DU 'BRAL MED DO THUGS RJES SKYONGS, ,ZHES PA'I DON, KHYAD PAR TSE RABS DPAG MED NAS, ,RJES SU BZUNG BA'I 'DREN PA MCHOG ,TSE 'DIR RANG SEMS LHAN SKYES 'DI, ,SKYE MED CHOS SKUR NGO SPRAD CING, ,ZAB MO'I DBANG BZHI CHU BO'I RGYUN, ,BUM PA GANG BYOR GNANG BA YI, ,BKA' DRIN MNYAM MED RDO RING PA, ,

'GRAN ZLA KUN DANG BRAL BA YIN, ,ZHES TSAR CHEN GYI GSUNG MGUR LAS BYUNG BA DANG MTSUNGS PAR SEMS, SKU NA GZHON DUS NAS RAB TU BYUR BA GNANG BZHED CHE ZHING 'JAM DBYANGS BYANG GLING BKRA SHIS RGYAL MTSAN GYIS KYANG SKU CHOS GNANG BA 'GAB TSUL DANG, DENG RANG GRA RKYANG YIN KYANG BRANG KHANG DBANG CHAS SOGS CHAS PHYI NANG KUN PHUGS 'JAGS RTZIS KYI LHAN DU BZHUGS NA YONG BA SOGS KYI BSLAB BYA NAN TAN DU MDZAD RUNG 'PHRANG 'GO GTER STON GYI RTA MGRIN DREGS PA KUN 'DUL GYI BSKYED RDZOGS 'KHRUL MED TZITTA DMAR PO LAS, LNGA BRGYA THA MA DUS KYI SNYIGS MA LA:- SHANTI'I MING 'DZIN BDUD KYI BAR CHAD KYIS:- MNGA' RIS PHYOGS NAS HOR GYI MNAN PA 'DON:- HAL 'BIG GIS NGAM RING PAR DU 'JOMS:- BYANG GI NGAM RAR BDUD SRIN 'GO NAD SLONG:- SA BDAG NAM MKHA'I SNYING LA BAR CHAD 'JUG:- DE DUS BYANG GI RI SNA BCU GSUM RTZER:- PADMA MTSAN BRGYAD GTZUG LAG BCU GSUM RE:- BRTZIGS NA BYANG PHYOGS RGYAL PO MNGA' THANG RGYAS:- ZHES PA LTAR, BYANG GTZANG RONG GSUM GYI BDE GZAR [?] YO 'KHYOMS CHE SKABS, ME BYI LO BYANG PA NAM MKHA' RGYAL MTSAN, KUN RIN PA, GTZANG BA ZHING SHAG PA, RIGS 'DZIN YONGS 'DUS KYI LUNG BSTAN BZHIN 'GONG PO'I SPRUL PA KUN SPANGS PA RNAMS RTZE BSTUN PA'I CHOS RGYAL BKRA SHIS STOBS RGYAL GYI PHYOGS SU PHUL TE GNAS GSAR BAR BKA' BKYON DUS 'PHA 'GYUR CHEN POS MDZAD DKA'I SKABS SU SONG BA DANG SRAS KYI BGRES KHA YIN GSHIS, SGO DU MA NAS YAB YUM PHYAG PHYI BA SOGS TSANG MAS MGRIN GCIG TU KHYED KYIS CHOS MDZAD NA GNAS GSAR BA MING

, ,GI LHAG MA LTA BUR GYUR NAS DED RNAMS SU LA RE ZHES NAN TAN CHEN PAS GSHOL BTAB PA NI, SH'A RI'I BU'I SMON LAM DU, HA CANG PHYUG PO'I KHYIM DANG NI, ,DBUL PO'I KHYIM DU MI SKYE BAR, ,BAR MA'I KHYIM DU SKYES NAS KANG, ,RAB TU BYUNG BA BYED PAR SHOG ,CES PA'I DON BZHIN SDE PA GNAS GSAR BA ZHES RGYAL SRID KYI SNYAN GRAGS DANG RE NGOGS KYI DBANG GIS RE ZHIG SKU RTEN BSGYUR BA SOGS GZHAN DNGAR [?] MTHU BTZAN BSAM 'GRUB PA BYANG GLING RJES DA LAM SKU CHOS GNANG MA BCUG KYANG PHUGS MDZAD DGOS PA YONG GSUNG BA MNGON MKHYEN DU MCHIS, RIN SPUNGS ZHABS DRUNG NAS BKA' LUNG LCI BA DANG YAB YUM GNYIS KYI BKA' NAN MA BZLOG PA'I DGONGS PA SKONG CHED PA RNAM DGA' GDONG GI RDZONG GSAR PHAG RI'I RDZONG DPON PA PHEBS DE DUS GTZANG RONG ZLOS MTSAMS KYI GTZANG KONG GNYIS KYI DMAG GIS PHAG RI RDZONG LA BSKOR BA RDZONG RTZIS SPRAD NAS CHOD DANG BDAG RKYEN CHEN PO 'ONG ZHES KUN SPANGS DRUNG GIS ZHAL LEN CHER MDZAD PA DE THOG TU BSKYAL NA SHOGS CHE BA LONG NGES YIN 'DUG KYANG SDE DPON CI RIGS KYI LUGS BZHIN 'PHRAL DU KHA MTHONG NAS 'DOD PAS NGO TSA BSGRIBS PA'I MNA' DANG LAS 'BRAS SOGS PHUGS KYI NYES DMIGS THAMS CAD RGYAB TU BSKYUR BA DE 'DRA THUGS LA MA BABS PAS DED RANG TSO BKAG POR 'GRO SKABS MGO 'DREN BDAG RKYEN MDZAD MKHAN RIN SDUNGS PA YIN GSHIS BSLUS BRGYAB TSE LUGS GNYIS KA NAS MI BTUB GSUNGS TE SNA LEN TZAM YANG MA MDZAD PA'I DUS PHYAG SBREL GYI RDZONG DPON PA RNAM RDZONG SHAR PAS DUS NGAN SKYE BO'I SPYOD TSUL MNGON SUM DU

BSTAN TE BSLUS BRGYAB PA'I RDZONG SDE BA GTZANG PAR SPRAD CING DAM PA 'DI NYID KONG DMAG LA GTAD DES DONG DU BZHUGS BCUG DONG GI KHA BIR PHUB KYIS BCAD KHYI THU PO BTAGS NAS NYE SKOR DU 'GRUL MI YONG BA'I DAM DOG CHEN POS SHIN TU 'O BRGYAL SKABS SPROS MED LA BRTEN PA'I THUGS DAM RNAMS MA CHAG CING, GSOL BA'I PHUD MCHOD LA BRTEN NAS CHOS SKYONG RNAMS KYI GTOR BSNGO MA GTOGS GZHAN MA'I SPROS PA CHE BA RNAMS GNAD MA THUB, DE YANG MOO GAL GYI BU'I PHYAG ZHABS THAMS CAD KUN TU RGYUS 'DAM BU LTAR BCOMS PA'I LO RGYUS BZHIN YUL KHYAD PAR CAN RNAMS LA'ANG KUN RDZOB TU LAS KYI 'BRAS BU MI YONG BA'I MTHA' MA BKAG CING, DE BZHIN GSHEGS PA YE SHES SH'AKYA'I MDO LAS, DES BSKAL PA GRANGS MED PAR GANG SDIG PA'I LAS MNGON PAR 'DUS BYAS PAR GYUR BA DE DAG GIS, DE YANG PHYI MA'I DUS NA KLAD PA NA BA TZAM GYIS THAMS CAD 'BYANG PAR 'GYUR, SEMS NYAM NGA BA TZAM GYIS THAMS CAD 'BYANG BAR 'GYUR, SKUR BA BTAB PA TZAM GYIS THAMS CAD 'BYANG BAR 'GYUR, BRNYAS PA TZAM GYIS THAMS CAD 'BYANG BAR 'GYUR, 'THID SLAD BYAS PA TZAM GYIS THAMS CAD 'BYAD BAR 'GYUR, CO DRIS PA TZAM GYIS THAMS CAD 'BYAD BAR 'GYUR, RNYED PA CHUNG BAS THAMS CAD 'BYANG BAR 'GYUR, SKYE BA GCIG KHO NAS THAMS CAD 'BYANG BAR 'GYUR, ZHES PA STAR SPYANG BYA'I SDIG LTUNG CHEN PO'I TSOGS KYANG TSEGS CHUNG DUS GZHIL BAR GYUR BLTAS NGAN G-YANG DU LON PA YIN PAS RANG RGYUD PA'I NGANG TSUL DU MI SEMS SO,, MI RING BAR GZHIS NAS GSER GYIS GTZOS DNGOS PO GTOS CHE BA'I BLUS MAS

, ,NYES DMIGS LAS GROL TE RANG GI BSTI GNAS SU PHEBS CHOG PA BYUNG, DKA' SPYAD CHUNG DU TZAM GYIS RKYEN MI THEG PAR DGE SBYOR LA THANG LHOD MANG DU 'BYUNG BA'I BZANG POR RLOM PA MANG PO'I SPYOD TSUL LA BRTAGS KYANG CHES BRNAG PAR DKA' BA'I DUS DER RKYEN NGAN THOG BABS KYI DBANG DU MI 'GRO BA NI LTAR SNANG SDE DPON GYI DRUNG 'KHOR GYI SHA TSUGS CAN LA SNANG BA THAMS CAD BDE STONG GI ROL BAR 'CHAR BA'I RNAL 'BYOR GYI DBANG PHYUG CHEN PO STE, RDO RJE 'CHANG KUN SPANGS CHOS RJE DGUNG LO SO BDUN PAR SNE'U SDONG RTZER BZHUGS PA YAN CHAD LA'ANG THAMS CAD MI DGE BA'I LAS LAM CUNG ZAD TZAM GYI MA GOS SHING GZHIS KA RTZE'I ZHOL DU RLUNG SEMS DBU MAR CHUD PA'I LAM RTAGS SOGS DPAG PAR DKA' BA'I RTOGS BRJOD DANG DBYIBS MTSUNGS PAR MNGON, SKU'I RGYAN CHA LUGS KHYIM PA'I RNAM PA CAN LAS TSANGS PAR SBYAD PA'I BRTUL ZHUGS LHUR LEN PA SOGS SGO GSUM BAG YOD KYI SPYOD TSUL KHO NAS DUS 'DA' ZHING DBANG LUNG MAN NGAG GSAN PA PHYAG DPE 'DZIN BSHAR THUGS DAM LA RTZOL 'DON GYI KUN TU SPYOD PAR GZHOL BA LA BRTAN THAMS CAD KYIS BLA MA LTA BU'I MTHONG DANG DRUNG DU 'KHONG NAS CHOS DANG 'BREL BA'I GLENG BSLANG LA SPRO BA 'PHEL BA NI, MGON PO KLU SGRUB KYIS, NAD KYI 'JIGS PA MA BYUNG ZHING, ,DAM PA DAG DANG 'GROGS PAR BRTZON, ,DMAN PA'I TSIG NI MA SMRAS PA'I, ,NYIN GCIG LO BRGYA BAS KYANG MCHOG ,CES DAM PA DANG NYIN GCIG 'GROGS PA DANG SKYES PHAL DANG LO BRGYAR 'GROGS PA'I KHYAD PAR GYI DON DU NGES SHING GLANG BU NAS MA CHEN TSE DBANG DON GRUB CES RNAM DPYOD MCHOG

TU YANGS SHING KHYAD PAR KHA'U BRAG RDZONG PA'I RING LUGS LA LDOG TU MED PA'I MOS PA BRTAN PO DANG LDAN PA NGES, MKHAN CHEN BSLAB GSUM RGYAL MTSAN GYI DRUNG DU GUR ZHAL GYI CHOS SKOR YONGS RDZOGS DGOS TSUL GYI SNYAN 'BUL ZHUS PAS DBANG LUNG RE MANG GNANG BA'I MTSAMS SHIG LHAG MA RNAMS GNAS GSAR DBON RIN PO CHER ZHUS GSUNGS PA SDE PA'I THUGS LA, DBON RIN PO CHE SKU RTEN SKYA BO 'DI 'DRAS GNANG BA ZHIG CUNG MI YONG DAM SNYAM PA LA RDZAS SOR ZAB CHOS MTHA' DAG LHUG STZOL ZHUS CHOG PA BYUNG BAS RJE BLA MA BSLAB GSUM RGYAL MTSAN GYI GSUNG DE MNGON PAR MKHYEN PA DANG RJE BLA MA 'DI NYID LA MI PHYED PA'I DAD PA GTING TSUGS PAS BRGYUD BCAS SBYIN BDAG GI MTHIL DU GYUR, ZHA LU 'JAM DPAL DBYANGS BYANG GLING BA BKRA SHIS RGYAL MTSAN LA BDE MCHOG MKHA' 'GRO RGYA MTSO SOGS BU LUGS KYI DBANG 'KHRID LUNG MAN NGAG DU MA GSAN, DE'ANG NYE DU DANG 'BANGS SOGS SRID PA'I PHUN TSOGS LA MNGON PAR ZHEN PA RNAMS KYIS 'BAD PA DU MA'I SGO NAS BSHOL BTAB KYANG RJE BLA MA 'DI NYID TSANGS PA, BRGYA BYIN, DBANG PHYUG, 'KHOR LOS SGYUR BA'I DPAL YANG ZAG BCAS KYI BDE BA 'GYUR BA'I SDUG BSNGAL CHU SHING LTAR SNYING PO MED PA'I RANG BZHIN DU GZIGS TE THOG MA NYID NAS NGES PAR 'BYUNG BA'I DAM BCA' BRTAN PO LAS CUNG ZAD TZAM YANG G-YO BA MI MNGA' BAS DGUNG LO SO GCIG TU PHEBS PA 'GAL BA ZHES PAS MO GLANG GI LO RGYAL PAS CHO 'PHRUL BSTAN PA'I BZANG PO DANG PO'I NYIN GDAN SA 'OG SRID GSUM RNAM PAR RGYAL BA'I CHOS GRA CHEN POR RTA NAG THUB BSTAN RNAM RGYAL GYI KHRI PA MANG THOS SDE SNOD GSUM PA TSUL KHRIMS GYI DRI DANG PHYOGS BCUR KHYAB PA'I

, ,GNAS BRTAN 'DUL BA 'DZIN PA MKHAN CHEN BYAMS PA RAB BRTAN GYI DRUNG DU TSIGS SNGA MA DGE TSUL GYI SDOM PA LAGS PAR BZHES PA'I BRJE BA RNAM PA GSUM GYI SKABS MTSAN DBANG PHYUG RAB BRTAN BSTAN PA'I RGYAL MTSAN DPAL BZANG PAR GSOL, MGON PO KHRO BCU'I RJES GNANG SOGS CHOS RNAM GRANGS MANG DU GSAN, DE NAS MA 'GYANGS PAR 'JAM MGON SA SKYA PA'I GZHUNG LUGS BYE BA'I SROL 'DZIN KUN MKHYEN GO BO RAB 'BYAMS PA BSOD NAMS SENG GE'I BSTI GNAS CHOS GRVA CHEN PO THUB BSTAN RNAM PAR RGYAL BA'I GLING DU DON GYI SLAD DU MTSAN NAS SMOS TE YONGS RDZOGS BSTAN PA'I MNGA' BDAG GNAS BRTAN 'DUL BA 'DZIN PA CHEN PO BYAMS PA RAB BRTAN PAS MKHAN PO, KHRIMS LDAN DUR SMRIG 'DZIN PA CHOS 'OD ZER GYIS LAS KYI SLOB DPON, GSANG STON, GRIB TSONG PA SOGS DAD PA'I DGE 'DUN GRANGS TSANG BA'I DBUS SU BSTAN PA'I RTZA BA SO SOR THAR PA RIGS BRGYAD KYI NANG NAS MCHOG TU GYUR BA DAG SLONG GI DNGOS POR BSGRUBS TE LEGS PAR GSUNGS PA'I CHOS 'DUL BA'I RGYAL MCHEN CHEN PO SH'AKYA SENG GE'I RING LUGS KYI BA GAM MTHON PO'I RTZE MOR MNGON PAR BSGRENGS PA'I GNAS BRTAN 'DUL BA 'DZIN PA NYE BAR 'KHOR GNYIS PA LTA BUR GYUR BA NI TSAR CHEN GYI GSUNG LAS, DENG DUS 'DI NA KHA CIG GZHAN DBANG GIS, ,RANG YUL BLA MA TSUL 'CHAL DAG LA NOD, ,GZHAN DAG BSAMS BZHIN THAG RING SAR BGROD NAS, ,CHEN PO HOR 'DRA'I SPYOD TSUL CAN LA ZHU, ,BDAG GIS TSE 'DI'I NGO BSRUNG RGYAB TU BOR, ,PHYI MA'I DON CHEN 'BAB

ZHIG SNYING NAS BSAMS, ,YONGS RDZOGS KHA CHE'I PAn CHEN BSOD SNYOMS PA, ,SH'AKYA SHR'I'I GRAR NI 'BAD PAS ZHUGS, ,ZHES PA LTAR PAn CHEN LUGS KYI SDOM RGYUN KHUNGS BTZUN BZHES PA YIN CING MNGOR NA THEG PA CHE CHUNG GI NYAMS BZHES MTHAL NGAG MTHAR PHYIN PAS CHER CHEN GYI GSUNG MGUR DU, PHYI TSUL NYAN THOS KYA SPYOD PAS TSUL KHRIMS SROG BZHIN DU BSRUNGS SHING, ,NANG DU GZHAN PHAN GYI SNYING RJES 'GRO KUN BU BZHIN DU BSAMS NAS, ,GSANG BA GNYIS MED DGAG SGRUB BLANG DOR DANG BRAL BA, , BZO MED LHUG PA RU SKYONG BA RNAL 'BYOR KHO BO'I SPYOD PA, ,ZHES GSUNGS PA DANG MTHUN PAR SNANG, SNGON GNAS DRAN DANG GOMS PA'I NUS MTHU RNAMS, ,NYI MA'I DKYIL 'KHOR SHAR NA 'OD ZER LTAR, ,NA TSOD PHRA YANG RGAN BLO'I THOS BSAM TSUL, ,MA DRUG RNAM DPYOD YANGS LA GCIG TU SDANG, ,BLA MA YI DAM CHOS SRUNG 'BRAL MED DU, ,YONGS RIG GSUNG GSANG RGYUN MI CHAD BZHIN PAR, ,DNGOS NYAMS 'GA' RU PHYOGS TZAM STON PA 'DI, ,MNGON SUM GZIGS RNAMS GAB PA'I BRDZU BAG MKHAN, ,NGAN SPYOD MTSEN GYIS MI PHIGS KHREL GZHUNG GO, ,TSUL GNAS DAM BCA'I GTZUG NOR 'OD 'BAR DES, ,MI DGE LHA MIN BCOMS KYANG RANG SDE'I BYAR, ,RJES BRTZE'I BRGYA BYIN GNYIS PA DMIGS SU MED, ,RIN CEN SPUNGS PA'I SRID KYI GZHAN DON PHYIR, ,RANG GI BDE BA BOR BA'I GTONG LEN 'DIS, ,'GRO CHED LUS SOG 'DOR BA'I RGYAL SRAS KYI, ,RLABS CHEN SPYOD PA'I TSANG RAD [?] GDOD 'BUMS, ,KHYIM GZUGS SGONG SPUBS MKHAS BTZUN GRUB BRNYES PA'I, ,DBYANGS SNYAN LEGS 'KHROL KA LA BINGKA'I BYA, ,MTHONG TSE

, ,'TSAMS SPRIN GOS KYI 'DAB GSHOG CAN, ,DUR KHYU BAL CHER DON MED CA COS NGAL, ,BLO GSAL GDAMS PA'I RGYA MTSOD BAG DKA'I MTHA', ,MKHYEN BRTZE'I RDZINGS KYIS DBANG PHYUG BRGYAD LDAN GLING, ,BGROD NAS DNGOS GRUB RIN CEN 'DREN PA'I KHUR, ,'DEGS NUS SNYING STOBS TSUL LA KHYAB 'JUG ZHUM, ,PAD 'BYUNG SLAR YANG GANGS CAN 'GRO BA LA, ,RJES BRTZE MCHOG GI SPRUL SKU MNGA' RIS PAS, ,THEG DGU'I CHOS SGO PHYE TSE RGYAL PO DZA, ,SKYENGS TE 'OG MIN ZHING DU BROS SAM SNYAM, ,RIS MED MDO RGYUD CHU PHRAN KUN BTUNGS PAS, ,YANGS PA'I MKHYEN RAB LTO BA MA KHENGS PAR, ,BSLAB GSUM TSANGS PA'I ZHAL SGO'I RIL KLUNG NAS, ,PHAB PA'I SNYAN BRGYUD GANGG'A 'THUNG LA BREL, ,SRID 'BYOR 'DOD LHAR SDANG BA'I NGES BYUNG MES, ,RTEN 'BREL LUGS 'BYUNG 'KHOR BA RAGS PA'I LUS, ,BSREGS TE BAG YOD DBANG PHYUG BRGYAD LDAN LHA, ,GTAN MDUN RAL RTZER THAR BA'I ZLA BA TSES, ,MKHAN CHEN BSLAB GSUM RGYAL MTSAN MKHA' SPYOD HE RU KA'I GRONG KHYER DU ME GLANG SKU'I BKOD PA BSDUS PAR BRTEN BSTAN PA SPYI BYE BRAG GI GSAN BSAM 'PHROD LUS PA RNAMS GSAN PA'I CHED DU, SA GLANG BSAM GRUB DGON GSAR DU PHEBS, SNYAN GSAN 'BUL BAR GNANG BA LTAR SNGAGS 'CHANG RIN PO CHES ZHAL GYIS BZHES TE RJE 'DI NYID ZHAG SHAS CHOS SGUGS SU BZHUGS, RIN PO CHE MTSO SGO BA'I RKYEN SEL LA SKOR TZAM BYON NAS PHYIR LAM DGRA JAG GI 'TSE BA MANG BA'I GANGS DBAR SLANG STONGS LA SRUNG MA'O DBANG PO RDO RJE NAG PO CHEN PO GUR GYI MGON PO RU 'DREN SDE

BZHI DANG BCAS PAS MNGON SUM LTA BUR BSU BA'I GZIGS SNANG BYUNG BAR PHYAG PHYI BA G-YUL RGYAL SOGS KYIS BYA NAG ZUNG 'BREL GYIS GSHOG GAR DANG SKAD SNYAN SGROG PA 'DI MGON PO'I PHEBS BSUR 'DUG CES GLENG BA CHOS 'CHAD NYAN MDZAD NGA PO GNYIS KA'I CHE BAR MCHIS, TSAR CHEN YAB SRAS KYI ZHABS PAD YUN RING DU BSNYEN PAS ZAB CHOS KYI BDAG PO MTHU STOBS KYI DBANG PHYUG RIN PO CHE DGON GSAR BA SNGAGS 'CHANG BSOD NAMS NO SA 'PHEL GYI DRUNG DU ZLA BA BRGYAD KYI RING GSER CHOS DMAR PO SKOR GSUM GYI RJES GNANG CHOS SKOR, MGON PO ZHAL GYI RJES GNANG, TSE SGRUB SRUNG 'KHOR DANG 'BREL BA'I KHRID, BE'U BUM RAGS RIM SOGS MDOR NA GDUNG BRGYUD RIM BAR BYON PA'I SNYAN BRGYUD TSAD MA BZHI LDAN GYI SKOR SNGAR RJE BSLAB GSUM PAR MA GSAN PA'I 'PHROS RNAMS SU MA ZAD SNGAR GSAN RNAMS KYANG BSKYAR BLDAB DANG PADMA DBANG CHEN YANG GSANG KHROS PA'I DBANG, RTA POD, RDO RJE 'JIGS BYED RVA LUGS KYI DBANG, RVA POD, DPAL 'DZIN POD CHUNG SOGS ZAB PA DANG RGYA CHE BA'I GDAMS PA MTHA' YAS PA GSAN CING MJUG TU TSE DPAG MED LCAGS SDONG MA'I DBANG GNANG BA'I TSE LO RGYUS DANG DNGOS GZHI'I MTSAMS SU SLEBS DUS TSE CHANG KHOL NAS LUD PA RJE 'DI NYID KYIS MANG DU BZHES PA'I LHAG MA RNAMS RIL BUR SGRIL BA 'BRU SHA'I SNGAGS 'CHANG CHEN PO 'DI NYID NYAMS RTOGS KYI YON TAN PHUL DU BYUNG ZHING SNGAGS SMYON BSAM GYIS MI KHYAB PA BGRANGS PA'I BYIN RLABS KYIS PHA BLA MA MKHYEN BRTZE'I DBANG PHYUG GIS BSTAN PA'I BDAG POR RIGS KYI DBON DAM PA BCU PHRAG BRGYAD KYI BAR DU 'TSO ZHING GZHES PA'I RTEN 'BREL DU,

, ,SEMS LA, MDOR NA BKA' DRIN CHE BA'I BLA MA ZHIG TU MDZAD PAS ZHAL GYI GSANG KHRID KYI YI GE LAS, RGYAL BA KUN DNGOS BYA BA BDAG RDO RJE 'CHANG, ,RIGS BRGYA'I 'KHOR LOS SGYUR BA'I ZLOS GAR GYIS, ,DENG 'DIR SKYE RGU'I DON SLAD BSHES GNYEN SKU, ,PHA RGOD SKU DRIN DBANG BO DGON GSAR BA, ,MGON DE'I GSUNG GI GSANG BA MI ZAD PA, ,ZAB RGYAS SNYAN BRGYUD BDUD RTZI'I RGYA MTSO LAS, ,DAD GUS SNYIM PA'I BCUD KYIS BSDUS BA 'DI, ,SKAL BZANG SNYING LA GRUB PA'I DGA' STON SBEL, ,ZHES BA GSANG 'KHRID GCIG PUR MA ZAD ZAB CHOS GZHAN LA'ANG SPYOR RIGS PAR MCHIS, DBYANGS CAN LHA MOS RJES SU BZUNG BAS MDO RGYUD, SGRA TSAD, SNYAN DNGAGS SOGS RIG BA'I GNAS MTHA' DAG LA MKHYEN RAB KYI SPYAN DKYUS SHIN TU RING BAS DUS THOG DE NA SA DGE'I DGE BA'I BSHES GNYEN GZHAN DAG GIS BSGRUN DU MED PA THAMS CAD MKHYEN PA KLU SGRUB RGYA MTSO ZHES GSANG CHEN SLOB BSHAD 'DZIN BA'I SHING RTA PA CHEN PO DE LA SGREL DKAR DANG DPAL LDAN DMAG ZOR MA'I RJES GNANG SOGS CHOS BKA' KHA YAR, RJE BYAMS BSKAL BZANG LA NA GU DANG TSE DPAG MED GRUB RGYAL MA'I BSKYED RDZOGS KYI 'KHRID SOGS CHOS MANG BA, RIN PO CHE STOBS LDAN 'OD ZER LA 'DOD RGYAL GYI 'KHOR LO'I PHYAG LEN; RJE BIR GYI BHUR RLUNG SOGS MAN NGAG ZAB CHOS MANG DAG, THAMS CAD MKHYEN PA'I MCHOD DPON DRUNG PA DKON LEGS PAR GSUNGS 'BUM NANG GI CHOS SNA 'GA' ZHIG GIS MTSON BA'I ZAB DON GYI CHOS BKA' DU MA RNAMS GSAN, SKU RTEN SKYA BO'I

DUS SU'ANG SKU GSUNG THUGS KYI YON TAN LA NGES BA RNYED BA DU MAS BKA' CHOS ZHUS PAR MA ZAD RAB TU BYUNG BA NAS BZUNG DBANG 'KHRID LUNG MAN NGAG GIS MTHA' KLAS PA'I GDUL BYA'I RE BA YONGS SU BKANG, CHU 'BRUG BKA' DRIN MNYAM MED 'BRU'I SNGAGS 'CHANG CHEN PO'I DRUNG DU RJE DAM BA 'DI NYID DANG, CHOS RJE BYAMS PA SH'AKYA BLO GROS, CHOS RJE NGAG DBANG PA, CHOS RJE DKON CHOG LEGS 'DZIN, KHAMS BA'I SLOB BU GSUM DANG BCAS LHAN CIG PAR DBANG 'KHRID LUNG MAN NGAG MANG DU GSAN, DGUNG LO SO BRGYAD BA ME PHO SPRE'U'I LO DBUS LA PHEBS PA'I DGONGS PA BSTANG, ZHA LU RI PHUG NAS RTZE GDONG DU PHEBS ZHABS DRUNG KHRI RIN PO CHE KUN DGA' BSOD NAMS LHUN GRUB BKRA SHIS GRAGS PA RGYAL MCHAN DPAL BZANG BO'I PHYAG PHYI MDZAD SHU GUL BRGYUD PAndI TA CHEN PO K'A MA LA SH'I LA'I RNAM 'PHRUL RONG STON SHES BYA KUN RIG GI GDAN SA RGYUN STER RAM 'DAM BU SBYIN DU 'BOD PA'I CHOS GRA CHEN POR BYON, RTZE GDONG KHRI RIN PO CHER TSE DPAG MED GRUB RGYAL LUGS KYI DBANG GSAN, ZHABS DRUNG KHRI CHEN GYIS N'A LAND'A'I MKHAN TSAB TU MNGA' GSOL TE RE ZHIG BZHUGS DUS KHAMS BOD KYI GRVA PA RNAMS LA RGYUD SDE BZHI'I NANG NAS DBANG RJES GNANG NYAMS 'KHRID DANG LUNG CI RIGS KYI CHOS CHAR PHAB, RJE BTZUN N'A RO MKHA' SPYOD MA'I SKU'I SNANG BA CHES GSAL BAR BYUNG BA TSAR CHEN LA 'PHAN DKAR GYI LJONGS SU RJES SU 'DZIN, ZHES PA DANG DBYIBS MTSUNGS PA'I N'A RO TA BA'I SLOB BSHAD ZAB MO THUGS NYAMS SU BSTAR BA 'GA' ZHIG YUL PHYOGS 'DI NGOS NAS RJES SU 'DZIN PA'I RTEN 'BREL ZHIG YOD PAR MCHIS,

, ,SNGAR TSAR CHEN GYIS MKHAN CHEN BLO GROS CHOS 'PHAGS LA RJE MKHYEN BRTZE'I DBANG PHYUG MJAL THUB BA GYIS GSUNG BA PHYAG TU MA KHEL BA'I DANG SKU GSHEGS PA'I GSHIS BLA MA'I BKA' BZHIN MA 'GRUB PA'I DAM TSIG SKONG BYED DU RJE 'DI NYID PHEBS DGOS TSUL ZHUS PA LTAR SKYED TSAL 'OG TU BYON, RJE MKHYEN BRTZE'I ZIN BRIS GSHED DMAR SBROS MED KYI 'KHRID YIG DE TSAR CHEN GYIS 'DI LA KHO POM GLO DGOG PA MI 'DUG PA MA GTOGS TSEG GI ZUR MA NYAMS PAS LUNG BYAS CHOG CING TSIGS BCAD RNAMS KYANG SNYAN BO 'DUG PAS KLOG THONG GSUNG MKHAN CHEN PAR LJAGS LUNG GNANG 'DUG GSHIS 'KHRID LUNG GSAN, RIM GYIS SNA NAM RDO RJE BDUD 'JOMS DANG DPAL LDAN BLA MA DAM PA SOGS KYI SPRUL BA'I ZLOS GAR KUN MKHYEN 'JIGS MED DPA' BO'I BSTI GNAS GONG DKAR RDO RJE GDAN DU PHEBS TE GNAS RTEN RNAMS ZHIB BAR MJAL BA'I MGON KHANG DU MCHOD GTOR 'PHRIN BCOL RGYAS PAR GNANG, RIN PO CHE KLU DBANG GLING PA RNAM RGYAL BKRA SHIS LA DPAL MGON ZHAL KHRA CAN GYI RJES GNANG DANG 'JAM DBYANGS NAG PO'I CHOS SKOR SOGS GSAN, YANG DAG PAR RDZOGS PA'I SANGS RGYAS MNYAM MED SH'AKYA'I RGYAL PO SKU BONGS THOG TSAD TZAM GSER GYI LHUN PO LA NYI MA 'BUM GYIS 'KHYUD PA'I GZI BYIN CAN MTSAN DPE GSAL LA RDZOGS PA DANG, CHOS KYI RGYAL PO KHRI SRONG LDE'U BTZAN GYI SKU'I SNANG BA GSAL BAR GZIGS, DE NAS DPAL LDAN SHANGS PA BKA' BRGYUD KYI TSIG BRGYUD RDO RJE'I BRGYUD PA BDUN LDAN GYI NANG TSAN SANGS RGYAS GNYAN STON CHEN PO'I RNAM 'PHRUL MKHAN CHEN GZHON

NU BLO GROS MJAL BAR GSANG CHEN SLOB BSHAD KYI SNGAGS GRA YAR KLUNGS BKRA SHIS CHOS SDER PHEBS, MJAL TZAM NAS DPON SLOB SNGAR NAS 'DRIS PA LTA BU'I THUGS DGYES SHING GSUNG GLENG 'PHEL BAR MDZAD, MKHAN RIN PO CHER TSAR CHEN GYIS MDZAD BA'I KYI [?] RDOR MAndAL SGRUB MCHOD DANG RJE NYID KYIS MDZAD PA'I ZHAL GYI GTOR SKYONG GI LUNG, TSE DBANG GRUB RGYAL MA'I DBANG PHYAG DRUG PA'I RJES GNANG SOGS CHOS 'BREL KHA YAR GSAN, KHYED KYIS CHOS SDE'I GRA BA RNAMS LA GUR ZHAL PU TRA BEG TZE RNAMS KYI RJES GNANG MDZOD GSUNG BA LTAR BKA' BZHIN BSGRUBS, HOR ZLA LNGA PA'I NYER GCIG THAMS CAD MKHYEN PA'I SKU MCHOD DUS DRAN LA DPON SLOB BCU GNYIS KYIS DPAL RDO RJE 'JIGS BYED RVA LUGS RDUL TSON GYI DKYIL 'KHOR BZHENGS NAS ZHAG BRGYAD KYI BAR BDAG 'JUG TSAR BRGYAD BZHES PA'I NYER GNYIS KYI DGONGS 'TSAMS CHOS SDE'I THAD KYI NAM MKHA' LI KHRI LTAR GYI DBUS NA 'JA' KHA DOG LNGA LDAN GYI GUR KHYIM DANG GZHAN YANG LNGA LDAN PA RKYANG BA SOGS BUN LONG DE BAS KHENGS PA DPON SLOB THAMS CAD KYIS GZIGS SHING SGRUB MCHOD TSUGS GDONG GI TSES BCU DGU'I NUB NGO MTSAR BA'I MNAL LAM ZHIG BYUNG GSUNG PA LAS 'DI YIN GSAL BAR MA GSUNGS SNANG YANG PHYI ROL TU SHAR PA DANG NANG DU YE SHES KYIS GZIGS NGOR BYUNG BA MTHA' DAG BLA MA 'JAM DPAL RDO RJE GANG THUGS DAG PA'I NGO BOR RO GCIG PA'I RANG ZHAL MNGON SUM GZIGS PA'I RNAM 'PHRUL LO,, HOR ZLA BDUN PA SPRE'U ZLA BA'I TSES BCU'I MCHOD PA BYANG GTER THUGS SGRUB DRAG PO RTZAL GYI SGO NAS GNANG BA'I DUS THUGS DANG BA'I SNANG BA DANG DAD GDUNG

, ,MA YIN PA'I SHUGS DRAG PAS H'Um GI 'DZAB BSKUL TZAM GYI TSE ME TOG GI CHAR DAD LDAN KUN GYI MNGON SUM MIG GI SPYOD YUL DU GYUR CANG, NYI MA DMAR THAG CHOD SKABS NAM MKHA' LI KHRI LTA BU LA 'JA' KHA DOG LNGA 'KHYIL BA DANG DRA PHYED SOGS MANG POS MTHANG 'DUG PA, BKA' LAS RTAGS DE DAG AYON MKHYEN BRTZE'I THUGS RJE'I BYIN RLABS YIN SNYAM PAS SLAR YANG DANG GUS KYI SNYING PHUR BRTAN PAR THEBS, ZHES NGES RNYEN MDZAD PA NI AYON SANGS RGYAS GNYIS PA'I SKU 'KHOR DU LANGGA'I RGYAL KHAB DPAL GYI RI BOR BZHUGS PA LAS SPUR RGYAL GYI YUL NAS GSOL 'DEBS MDZAD PA PO YANG BYIN GYIS BRLAB PAR BKA' BRGYAD KUN 'DUS BLA MA RIGS 'DZIN GYI RNAM PAR BYON PA'I BRDA THABS TZAM MO,, PHEBS GDONG MKHAN CHEN PO'I GSUNG LAS CHOS SDE 'DI LA KHYED KYIS GANG LEGS MDZAD DGOS TSUL GYI ZHAL TA DANG BZHUGS 'DING DUR SMRIG GIS GTZOS GNANG CHA SPAMS BSTOD CING MGON PO'I BKA' BSGO SHIN TU RGYAS PA ZHIG GNANG BA DE LAS RGYAS PA BLA MA GZHAN LA ZHU MA MYONG BAS DE LA BRTEN NAS YUN RING PO'I BAR BLO BDE CHAM ME BA BYUNG GSUNGS, BZHUGS 'DING GI GNANG SBYIN DANG GRA PA RNAMS LA RJES GNANG MDZAD DGOS PA RJES SU CHOS SDE'I MKHAN POR PHEBS DGOS PA'I RTEN 'BREL BLA MA YI DAM CHOS SRUNG TSOGS KYIS DGONGS BA RTZE GCIG PAS BSGRIGS PAR MNGON, CHOS SDE 'DI DBUS PHYOGS SU GSANG CHEN SLOB BSHAD PA'I SNGAGS DGON BZANG SHOS YIN PAR MA ZAD MGON KHANG DU RDO RJE CHOS SKYONG RNAMS MNGON SUM DU BZHUGS NYAMS KYI GZI BYIN CHE

ZHING AYON CHEN PO'I LUNG GIS ZIN PA YIN ZHES RJE BLA MA LHAG PAR THUGS GTZIGS CHE BA YIN 'DUG, DE NAS DPAL LDAN BLA MA DAM PA BSOD NAMS RGYAL MTSAN DANG RNAL 'BYOR DBANG PHYUG YAR KLUNGS PA SENG GE RGYAL MTSAN KHU DPON RNAMS KYIS BYIN GYIS BRLABS SHING DAM CAN SRUNG MA SPRIN BZHIN DU 'DU BA'I RTZES DANG BSAM GLING BDE BA CHEN POR PHEBS, DPAL LDAN BLA MA DAM PA'I SKU BRNYAN TSUL KHRIMS MA DANG RANG RTEN SOGS LA SMON LAM DANG DBANG BZHI BZHES PA, MGON PO CHE CHUNG LAS MGOD BCAS PAR MCHOD GTOR BSKANG BSHAGS 'PHRIN 'CHOL MDZAD, GONG MA SDE SRID PHAG MO GRU PA DRUNG CHEN T'A'I SI TUS PHYAG DAR BA'I CHOS GRVA CHEN PO DPAL GYI RTZES DANG DU PHEBS TE PAndI TA CHOS KYI GRAGS PA'I THUGS DAM RTEN THUB PA GSER GLING MAR GRAGS PA MNYAM MED JO BO CHEN POS GDAN DRANGS NAS DGE BSHES KHU STON PA'I RTEN SKAL DU BYUNG BA DES GTZOS PHYI NANG RNAMS ZHIB MJAL MDZAD DE RIM GYIS CHU BO CHEN PO PA KshU'I KLUNG BRGAL BA'I LHA SRAS KHRI SRONG LDE'U BTZAN GYIS AO TANTA P'A RI'I GTZUG LAG KHANG LA DPE BYAS TE BZHENGS PA'I BSAM YAS MI 'GYUR LHUN GYIS GRUB PA'I GTZUG LAG KHANG CHEN PO'I DBU RTZE RIGS GSUM, GLING BZHI GLING PHRAN, RDO MO'I GLING GSUM SOGS RTEN BRTEN PA THAMS CAD LA PHYAG MCHOD BSTAN PA RGYAS PA'I SMON LAM GYIS MTSAMS SBYOR GNANG, THANG YIG LAS, KHYAD PAR YAR KLUNGS SHEL BRAG MCHIMS PHU GNYIS: RGYA GAR DUR KHROD BSIL BA TSAL DANG MTSUNGS:- ZHES CHES CHER BSNGAGS PA'I GSUNG GI DBEN GNAS BSAM YAS MCHIMS PHUR

, ,BYON NAS GSANG PHUG TU GNAS 'BREL MDZAD DE RANG RIG BLA MA'I RANG RIG BLA MA'I RANG ZHAL MNGON SUM DU GZIGS PA'I RNAL 'BYOR ZAB MO'I THUGS DAM DANG GNAS KYI TSOGS ZHIB PAR GZIGS, BSAM GTAN GLING DANG BSAM YAS RI MTHIL TSOR BLA MA YI DAM GYI ZHAL GZIGS LUNG BSTAN DBUGS DBYUNG MANG BA BYUNG TSOD DU GDA'ANG DMAN CHA BLANGS TA GSAL BAR MI GSUNG, RGOD DKAR LA BRGYUD N'A LANDAR BYON PA'I ZLA GNYIS BAR CHOS 'PHRO SOGS MDZAD CING BZHUGS PA'I NGANG NAS ME BYA ZLA BA GNYIS PA'I NANG DU 'A ZHA YE SHES G-YUNG DRUNG GIS SNGON SMON LAM RGYA CHER MDZAD PA'I RGYUN SKYONG BA'I CHED DU DPON SLOB DRUG GIS S'A LA'I SMAN LJONGS KYI LTE BA LHA LDAN SPRUL PA'I GTZUG LAG KHANG DU PHEBS PA'I ZLA BA GNYIS KYI RING YANG DAG PAR RDZOGS PA'I SANGS RGYAS KYI RGYAL TSAB MTHONG BAS RNAM PAR GROL BA JO SH'AGA YID BZHIN GYI NOR BU, BYAMS PA CHOS KYI 'KHOR LO, THUGS RJE CHEN PO RANG BYON LNGA LDAN SOGS YE SHES SEMS DPA' DNGOS SU BZHUGS PA'I RTEN RNAMS LA ZHABS SKOR 'BUM THER GYI DUS NYIN RE BZHIN MJAL BA'I MCHOD 'BUL DANG SMON LAM DBANG BZHI BZHES PA SOGS TSOGS GSOG GI RIM PA SMIN RGYAS SU MDZAD, JO BO RIN PO CHER DNGOS SU SMON LAM GNANG BA'I DAG PA'I GZIGS SNANG LA JO BO'I SKU 'OD KYI RANG BZHIN GUR GUM MDOG CAN LAM MER GSAL BA DANG MNAL LAM DU DBU'I GTZUG TU RDO RJE SEMS DPA' KHRU GANG SHIN TU GSAL BA ZHIG SHAR BA LAS SGRIB DAG PA'I RTAGS 'DI LTAR BYUNG BA RJES 'JUG RNAMS KYIS KYANG DE LTAR BYA DGOS SO ZHES PA'I

BRDA CHOS SU SNANG, DNGOS SU'ANG BUD MED RGAN SONG LAG NA 'O MRDZA PHOR PHYED TZAM DANG LA PHUG RDOG GCIG BZUNG STE G-YON SKOR DU 'ONGS PA DANG ZHABS SKOR GNANG BZHAL 'DZOM PAR BUD MED DES RJE'I ZHAL BCER GYIS BLTA ZHING 'O MA DANG LA PHUG PHYAG TU PHUL NAS SGRIMS PA GLOD ZER BA GSAN PAS THUGS KYI NYAMS RTOGS LA BOGS SHING TU CHE BA THON, BUD MED DE GAR SONG CHA MED DU GYUR PA NI RNAL 'BYOR PA RGYUD KYI DAM TSIG LA G-YON PA'I KUN SPYOD GTZO BOR BSHAD CING GSANG SDUGS SGRUB PA'I GNAS LA LHA SA'I DUR KHROD 'DI KHYAD DU 'PHAGS TSUL DPAL MAR MI MDZAD KYI GSUNG BZHIN LHA SA SMYON MAR GRAGS PAS BKA' CHEMS BKA' KHOL MA GTER NAS 'DON BA'I LUNG BSTAN PA DANG THAMS CAD MKHYEN PA BSOD NAMS RGYA MTSOS SMON LAM CHEN MO ZHIG GI DUS SNGAR ZA MA MYONG BA'I KHA ZAS ZHAM 'BRING PA 'GA' LA GNANG NAS MKHA' 'GROS MGRON DU BOS GSUNG PA SOGS KYIS MTSON GNAS KYI KHYAD PAR LAS YE SHES MKHA' 'GRO THA MAL GYI RNAM PAR RGYUN MI CHAD PAR 'BYON PA YIN 'DUG PAS RJE BTZUN RDO RJE BTZUN MOS RJES SU BZUNG BA'I RTAGS YIN NA'ANG MNGON PAR MI MDZAD, BKRA SHIS RTZE NAS MKHAN RIN PO CHES N'A L'ANDAR PHYAG DPE G-YAR BAR DGE SLONG YE SHES BLO GROS DANG BYANG CHUB GNYIS GNANG PA, JAG NYEN SAR MGON POD 'BOG GI RTING NA BRIL BSHAG SGRA DANG BCAS DON NA YANG JAG PA GNYID DU SONG NAS MTSOR BAR YA MTSAN CHE ZER SKAD, DE NAS RGYAL SRAS LHA RJE'I RNAM 'PHRUL 'BRI GUNG ZHABS DRUNG CHOS RGYAL PHUN TSOGS MKHAR RTZER BYON PA DANG 'GRIG, DE 'ANG 'JAM DBYANGS MKHYEN BRTZE'I

, ,DBANG PHYUG YANG ZAB KYI CHOS BDAG LUNG BSTAN GYIS ZIN PA'I CHOS BKA' RNAMS GSAN DGOS RGYU NGAS KHANG 'BYANGS PA'I GANGS CAN BSTAN 'GRO'I LEGS BYAS KYI SNOD DU MA SHONG BA'I GTER STON NGANG GTER SLOB GNYIS KA SKU TSE MTHAR MA PHYIN PAS STABS MA 'GRIG PA RJES KYI RTEN 'BREL LA DGONGS RJE 'DIS 'BRI GUNG RIN PO CHE'I RLUNG DU YANG ZAB KYI DBANG LUNG RDZOGS PAR ZHUS SHING GTER BDAG GI BKA' GTAD DUS MA GZA' RDOR GSUM MNGON SUM DU GNANG BYUNG BA'I THUGS NYAMS SHAR, SNYAN BRGYUD HA LA NAG PO'I SKOR GSANG BA LAS KYANG CHES GSANG BA CHIG BRGYUD KHO NAR BZHUGS SHIS KUN MKHYEN MKHYEN BRTZE'I ZHABS KYIS GZHAN LA MA GNANG BA'I NGANG LCANG LO CAN DU GSHEGS PAS STAN BRGYUD RGYA MTSO'I MNGA' BDAG RIN PO CHE BOD MKHAR BA TSAR CHEN CHOS KYI RGYAL PO'I SRAS KYI THU BO GZHAN DANG MI 'DRABS GSAN YOD PA GZHIR BCAS GYI SPYAN SNGA RIN PO CHER BZHUGS YOD 'GRO BAS DE GSAN PA DANG ZHAR BYUNG MTHIL SOGS KYI GNAS MJAL GNANG RTZIS KYI THOG MAR BAB MO LO'I DGON BAR PHEBS PA BE'U BUM NAG PO'I SKOR NI MKHAS GRUB MEE TRI'I ZHABS KYIS BYANG MA GSAN GSUNGS NAS MA BYUNG NA'ANG DPAL MGON LAS BZHI DANG RNAM SRAS BKAR ME 'DRA BA BCO LNGA'I RJES GNANG GSHED DMAR SPROS MED KYI KHRID SOGS ZAB MOS KHANG DU GSAN CING DPON SLOB THUGS YID GCIG 'DRES LTA BUR GYUR, 'BRI LUNG MTHIL MJAL BAR THEGS PA'I GSER KHANG DANG KHANG GSAR SOGS PHYI NANG SI RTEN BRTEN PA RNAMS ZHIB MOR GZIGS, SLOB DPON CHEN PO'I

BZHUGS GNAS ZHO STOD GTER SGROM DU PHEBS BZHED KYANG KHA CHAR CHES PAS LAM GYI KHYAD NAS SLAR MJAL BA'I RTEN 'BREL MDZAD DE PHYIR BYON PA'I CHIBS THOG GI SKU'I G-YAS G-YON MDUN RGYAB TSOR BU MO DKAR SER DMAR LJANG 'DRA BYUNG BA'I GZIGS SNANG NI GNAS DER PE BSAM THUB BAR MA DANG MKHA' 'GRO CUNG ZAD 'PHRENG BA DANG ZHABS SKYEL GYI RNAM BAR 'DUG, MER TE GTZANG PO RGYAS PAR SA SNE ZHIG LA KO BA BTANG BO RDIB LA KHANG BYUNG BA DAM CAN RDO RJE LEGS PA SKYES PA'I CHA BYAD CAN DU BYAS TE KO BA BZUNG BAS CHU BO'I 'JIGS PA LAS GROL BA 'PHRIN LAS BSGRUBS PAR DGONGS, N'A LANDAR BYON NAS SKABS SHIG DPAL LDAN RTZE ZHES BDAG CHEN RDO RJE 'CHANG GI THUGS DAM GTOR SNOD SA SKYA NAS BYA ROG GIS KHYER BA'I GNAS GZHI 'DING SAR BZHAG STE LUNG BSTAN PA'I MGON KHANG RDO RJE CHOS SBYONG RNAMS RANG BZHIN GYIS 'DU BA NGER PHEBS PA'I ZHAG KHA YAR BZHUGS, BSKANG BSHAGS BSTOD 'PHRIN GYI SGO NAS BSTAN 'GRO SPYI BYE BRAG GI RNAM DKAR SPEL BA DANG BZHED DON GYI TSOGS SGRUB PAR DAM BSGRAGS BA'I DUS LAS MGON BU TRA MING SRING RI RAB TZAM ZHAL GZIGS PA NI BDAG CHEN RIN PO CHE DANG KUN SMANGS RDO RING PA CHEN PO GNYIS KYIS GNAS DER BSNYEN SGRUB LAS SPYOR PHUL PHYIN GNANG BA'I RGYUN BZHIN BSTAN PA RIN PO CHE'I MEL TSE DUS DRUG TU MDZAD DO,, ZHES ZHAL GYIS 'CHES PAR GO,, BGRANG LAS RGYUD SDE'I RKANG 'THUNG 'KHRIGS PA'I TSAL, ,SMIN GROL RTZA SDONG YAS 'DAB NYER MTSUNGS KYANG, ,ZAB GSANG NYID KHUS 'DOD 'JO'I MCHOG SBYIN PA, ,SLOB BSHAD SNYAN BRGYUD YONGS

, ,'DUS BRTOL TZAM, ,RNAM DAG BSLAB GSUM BSTAN PA'I RGYAL MTSAN NYID, ,CHOS DBYINGS 'TSAMS SPRIN LUS PHRA'I MNGAL ZHUGS TSE, ,MKHYEN BRTZE NUS LDAN BSOD NAMS CHOS 'PHEL ZLAS, ,GANG THUGS AUTPA LA DKAR PO CI YANG BZHAD, ,'JAM DBYANGS DBYANGS CAN DGYES PA'I KLU SGRUB RJE, ,ZAB DON DON GSAL BYAMS PA SKAL BZANG ZHABS, ,MTHU STOBS STOBS LDAN MTSAN 'CHAD RIG PA 'DZIN, ,KUN LEGS LEGS BSHAD GDAMS PA'I SGO 'PHAR PHYE, ,KUN 'BYUNG NYES BRGYA 'BYIN PAR THABS STON CHED, ,KUN BZANG CHOS KYI NYIN BYED GDUNG GSOB STE, ,KUN MKHYEN SH'AKYA'I GDAN SA'I MKHAN TSAB TU, ,KUN DGA'I LAM 'DREN BLA MAS MNGA' GSOL MDZAD, ,SNYAN BRGYUD BSTAN PA'I GDUGS DKAD YU BA DE, ,MGON KHYOD PHYAG TU DON GYIS LEGS GTOD PA, ,GZHON NU'I MTSAN 'DZIN MES PO'I BLO GROS CAN, ,MKHA' SPYOD GNAS SU 'GROD PA'I NYER BSDOGS BZHIN, ,MA DANG MKHA' 'GRO'I TSOGS KHANG DUM RU, ,NGO MTSAN DAG PA'I SNANG BA 'BYAMS KLAS 'OD, ,SRAS BCAS RGYAL BA'I PHRA RAB RDUL GYI ZHING, ,MA SMAD GZIGS MO GSAL LA 'PHROS SAM SNYAM, ,THUB PAS BYANG CHUB MCHOG BRNYES KHYOD BYIN BRLABS, ,DPANG BOR BSTAN MA SA LAS LUS PHYED DU, , THON PA'I BDEN GTAM 'GRO KUN SNYING GA LA, ,NGES RNYED DAM BCA'I SA BON SNYOMS PAR BKRAM, ,GRANGS MED BSKAL PAR GSOG PA'I TSOGS CHEN YANG, ,THABS MKHAS 'PHRUL GYIS RA SA'I GNAS 'DIR 'DUMS, ,GSANG BA YE SHES d'A

KI THA MAL TSUL, ,BSTAN NAS TSIG DANG BRDA YIS RJES SU BZUNG, ,AYON THUGS KYI THIGS PA DO BDA'I ZAS, ,LHA GCIG SRAS DANG MTSUNGS PAR LONGS SPYOD PA'I, ,LAS SMON RTEN CING 'BREL 'BYUNG LDE MIG DES, ,MCHOG THUN BZHED DGU CHANG BA'I SGROM BU PHYE, ,DBU RU'I PHYOGS 'DIR MNYAM MED KHA'U PA'I, ,BSTAN PA'I GDUGS DKAR BSGRED MKHAS BOD MKHAR RJE'I, ,RGYAL TSAB MI PHAM CHOS KYI RGYA MTSO DANG, ,THUGS YID GCIG 'DRES SRAS KYI THU BOR GYUR, ,KHRAG DRON 'DZAG PA'I G-YANG GZHI LDING THABS GYON, ,DON SNYING ZA ZHING RGYU MA'I GA SHA CAN, ,MI SDUG GSHIN RJE'I SDE DPON MING SRING RNAMS, ,CI BGYI'I LAS BCOL G-YAR DAM SLAR BCAS 'DRA, ,DE NAS RIM BZHIN GTZANG LA CHIBS BSKYOD PA'I LAM ZHOR DU PAn CHEN SH'AKYA SHR'IS DBYAR GNAS MDZAD CING BYIN GYIS BRLABS PA'I DRANG SRONG SRIN PO RING PHEBS NAS PAn CHUNG BI BH'A TI TZANDRA'I PHYAG BZO'I BDE MCHOG BYIN RLABS CAN MJAL ZHING SMON LAM GNANG, GONG DKAR CHOS SDE'I KLU DBANG GLING DU BZHUGS PA'I NUB AOm GSUM MA'I SGRA DIR DIR SGROGS BYUNG BAS RKYEN BYAS GYANG LDEBS LA RJE BTZUN N'A RO MKHA' SPYOD MA'I SKU RI MOR BRIS PA SHIN TU GSAL BA GZIGS PA SKU 'KHOR BA ZHIG GIS 'DI THAMS CAD MKHYEN PA'I PHYAG BRIS YIN ZER BA'I THUGS SNANG LA SHAR BA NANG PAR LOGS DER CI YANG MI 'DUG PA NYE LAM 'DI LA BRTEN NAS RGYA BOD KYI GRUB BRNYES DU MA LUS MA SPANGS PAR MKHA' SPYOD DU BYON PA'I LO RGYUS, LAM GLU DBYID KYI RGYAL MO'I GLU DBYANGS LAS, DPAL MKHA' SBYOD KYI DGA' MA YID

, ,'OD MA, ,DUS RID NAS BSKYANGS PA'I MA MA DES, ,DA RIG 'DZIN GYI GRUB PA STER BA'I BRDA, ,ZHES PA DANG MTSUNGS PAR MNGON, GAM PA LA BRGYUD MA PHAM MGON PO KUN MKHYEN BU STON ZHABS KYI DBEN GNAS ZHA LU RI PHUG CHOS KYI PHO BRANG DU PHEBS TE BZHUGS MU NAS SA KHYI LOR GNUBS CHOS LUNG DU AAshtA'I BSNYEN CHEN GNANG SKABS DPAL KYE RDO RJE LHA DGU'I RTEN BRTEN PA THOG TSAD TZAM GZIGS PA NI, TSAR CHEN GYI GSUNG MGUR DU, DPAL BDE MCHOG 'KHOR LO RNAL 'BYOR MA, ,LHA DGYES PA RDO RJE RIM BZHIN DU, ,KHYOD BYANG CHUB SGRUB PA'I YI DAM GYIS, ,ZHES GSUNGS PA'I DON LTAR ZUNG 'JUG MNGON DU MA GYUR GYI BAR DU RJES SU 'DZIN PA'I BRDAR MCHIS, GYANG SHING LTA BU ZHIG GI STENG NA RJE BTZUN DKAR PO RNAM GSUM BZHUGS PA SKU DANGS SHING GSAL BA 'OD KYI RANG BZHIN LA RJES SU SKU RNAMS CUNG ZAD 'KHYOGS PA'I RNAM PA MNAL LAM DU GSAL BAR SHAR ZHING, LJAGS BSNYEN BCU CHA'I SBYIN SREG SOGS TSANG BAR GRUB NAS BKA' BRGYAD YONGS RDZOGS KYI ZHAL GZIGS SHING DE NAS BZUNG SNGAGS SGRUB NAR MAR MDZAD, DPAL PHUG TU BYON PA'I NUB MNAL LAM GYI TSUL DU TSAD CHEN CHOS KYI RGYAL POS GSUNG NGAG GI DBANG BYIN RABS KHRID MAN NGAG THAMS CAD GNAD PA'I NYAMS SHAR BA NI RJE BRTZE BA CHEN POR RNAL 'BYOR DBANG PHYUG BI R'U PAS RGYAB RI DANG MNYAM PA'I SKU DNGOS SU BSTAN TE GSUNG NGAG LAM 'BRAS RDZOGS PAR GNANG PA DANG SHAR CHEN KYIS MNAL LAM BZUNG NAS SPROS MED GSAN PA'I LO RGYUS DANG DBYIBS MCHUNGS PAS MNAL LAM GYI ZOL LAS MNGON

SUM DU RJES SU BZUNG NAS ZHAG SHAS KYI BAR MA GNANG BA'I NGES PA MI 'DUG GO, DE NAS RI PHUG TU PHEBS 'DI LO HOR ZLA BCU GNYIS PA'I NYER LNGA LA MKHAN CHEN GZHON NU BLO GROS GZUGS SKU CHOS DBYINGS SU BSDUS PA'I TSE 'DAR DU TSAR BA RDO RJE 'CHAD GI GSER GDUNG SKU DRUNG DU MAR ME RGYUN SBAR, KHA'U PA'I BSTAN 'DZIN RNAMS LA THUGS DAM 'DOGS RTEN, DGON PA TSOR MANG 'GYED BCAS 'BYOR BA'I NGAG MAR BSTAN 'DZIN RNAMS KYI BGRES KHAR SONG GSHIS RIN PO CHE DGON GSAR BA YANG KLUNGS SU PHEBS THUB LA RE'I SNYAN GSAN BYUNG BA'I LAN DU NA SO SMIN PA DANG SA KHAD 'GYANGS PAR BRTEN PHAN THOGS YONG BA DKA', DE BAS BSTAN PA'I NYI MA AYON GNYIS PA DPON DRUNG MKHYEN RAB GDUL BYA'I MKHA' LA BYIN RLABS KYI 'OD ZER 'BUM PHRAG 'GYED NUS PA'I SNGAGS 'CHANG DBANG PHYUG RAB BRTAN SPYAN 'DREN PAR 'OS SO ZHES PA PHUL, DE LTAR DANG LEN MDZAD SONG BAS DE PHYOGS KYI RE 'DOD THAMS CAD 'GRUB PAR GO BAS BLO BDE, ZHES GSUNGS PAR GNANG ZHING RIN PO CHE [?] GOL BA BA RANG GIS SNGAR NAS THUGS RTZE BSTAD PA'I ZHAL CHEMS LA CHOS SDE 'DI GSAR BAR SONG GSHIS MKHAN THOG TU GNAS GSAR RJE DRUNG GDAN 'DREN THUB PA CIS KYANG GYIS ZHES SDE PA DNGOS GRUB PA DANG GRA RIGS RNAMS LA GSUNG GI THA MA STZAL BA DAD MTHUN PA BYUNG BA LTAR SA PHAG NANG DU YON MCHOD THUN MONG NAS GDAN 'DREN GYI SNYAN GSAN 'DUL MI MNGAGS PA ZHA LUR 'BYOR RGYU'I ZHAG LNGA TZAM GYI GONG NUB CIG MNAL LAM DU A'A TZARYA GZI BRJID CAN RGYA DANG SMAR [?] BZANG PO GOS GSER MA DKAR

, ,SAR DMAR LJANG GI BER BRTZEGS MDANG RGYA NAG GI THAGS ZHVA NAG PO GYON, LAG NA MAN HO DANG G-YANG tI'U'I SPOS PHOR THOGS PA'I LAG G-YAS GDAN 'DREN PA'I TSUL BYAS TE RTA PA MANG PO BYUNG BA CI YIN NAM BSAM PA KHONG TSO YONG BA'I LTAS SU 'DUG GSUNGS LA, DE NI DBUS 'GYUR SMAN LJONGS KYI DGA' TSAL CHEN POR RJE BTZUN KHA'U PA'I LUGS 'DZIN GTZANG MA 'DI KHO NA LAS MA MCHIS PAS GNYAN MGON ZHAL BZHI BA'I LAS MGON PU TRA GANG RUNG DZO KI'I GZUGS SU SPRUL NAS BSTAN PA'I SROG 'THUD CIG PA'I BRDA THABS SU GO, TSAR CHEN GYI GSUNG MGUR LAS, DA TSE MJUG LA RE SMON 'DI LTAR YOD, ,DON TSE 'DI YI RE BLTOS LINGS TE BSKYAR, ,KHONG MGO NAG MI YI KHYU NAS BUNG, ,GNAS NGAS MED KYI RI KHROD STONG BA RU, ,ZAS ZHEN MED KYI RTZVA DANG LDOM BU'I ZAS, ,LAM 'KHRUL MED KYI RIM GNYIS RNAL 'BYOR LA, ,SEMS RTZA GCIG TU YENGS MED LHUG PAR 'JOG ,RKYEN GANG SHAR GYI SNANG BA LAM DU 'KHYER, ,DUS 'CHI BA NAM YONG GI SGUGS SDOD BYED, ,RJE BLA MA'I DGONGS RDZOGS DE LA BYED, ,MA KHAMS GSUM 'GRO BA'I DRIN LAN 'JAL, ,KHYED DAD LDAN SLOB MA'I DKOR SBYOD YIN, ,ZHES PA'I DON LTAR SPYIR 'KHOR BA LAS NGES PAR 'BYUNG BA DANG, CHOS KUN SNANG STONG SGYU MA LTA BU 'KHOR 'DAS DBYER MED KYI DON THUGS SU CHUD PAS SRID PA'I 'BYOR BA DANG ZANG ZING GI 'DU 'GOD LA YE MI DGYES SHING DBUS GTZANG GI SNGE RIGS RNAMS KYI 'PHO 'PHYUGS DANG SGOS GNAS GSAR BA RANG GI DUS 'GYUR SOGS 'PHRAL RKYEN DE DAG GIS KYANG THUGS SNA BSTUNGS TE

'DU 'DZA CHAGS SDANG GI G-YENG BA MI DGOS PA'I BAS MTHA'I DBEN GNAS SU RNAL 'BYOR DBANG PHYUG DPAL LDAN CHOS SKYONG DANG N'A RO TA BA'I GDAMS PA LA BRTEN NAS SKU TSE 'DOR ZUNG 'JUG BRNYES PA ZHIG MDZAD DGONGS PA KHO NAR THUGS LA BCAGS NA BKRA SHIS RTZE YON MCHOD ZHU NAN CHES BA DAD RDO RJE 'CHANG TSAR BA CHOS RJE'I RING LUGS DRI MA MED PA SRID MTHA'I BAR RGYAS NA DGONGS PA'I SNYING STOBS KYI 'KHUR LHAG PAR BZHES TE LO SHAS PAR KHUR BZHES DANG SKABS BABS LA PHEBS PA'I ZHAL BZHES GNANG, DBUS SU PHEBS DUS SPYAN SNGA RIN PO CHE MI PHAM CHOS KYI RGYA MTSOR BE'U BUM NAG PO'I SKOR RTZAD GCOD GNANG RUNG MA BZHUGS PAR BRTEN GZHAN LA GSAN PA'I YUL MED PAR THAG CHOD DE GSUNG RTZOM GNANG BA'I DRUNG YIG BYAMS PA DON GRUB LA TSIG GCIG KYANG MA LUS PAR BZHUGS PA'I THUGS NGES RNYED CING GNYAN MGON LA BRTAG PA PHUL BA YANG BABS PAS RJE BYAMS PA DON GRUB LA SNYAN BRGYUD HA LA NAG PO'I SKOR YONGS RDZOGS, SNGAR RIN PO CHE RTA RA BA BSOD NAMS CHOS 'PHEL GYI DRUNG DU GSER CHOS DANG CHOS SKYONG CHE CHUNG GI SKOR PHAL CHER GSAN NA'ANG ZAB CHOS 'DI SKOR BKA' DAM ZHING DUS GCIG TU MTSANG 'DRI LA NA CHOS SKYONG BKA' GNYAN PA'I DPON SLOB TSANG MAR 'TSUB CHA BYUNG DOGS CHE BAS LCAGS KHYI LO SLAR YANG 'PHRO LUS KYI DBANG RJES GNANG LUNG MAN NGAG PHYAG KHRID KYI RIGS DANG GSAN GRUB PA 'GA' ZHIG LA'ANG BSKYAR BLDAB DANG, GZHAN YANG BSTAN PA SPYI SGER GYI CHOS BKA' MANG DU GSAN PAS RJE DGON GSAR BA'I GSUNG LAS, THUGS BZHED KYI DON MA LUS PAR BLO NUS KYI

, ,RIG PA RTZAL DANG BCAS PAS BSGRUBS ZHES GSUNGS PAR SNANG ZHING, KHA'U PA'I BSTAN PA'I CHED DU KHAMS PHYOGS SU 'BUL SDUD LA MTSUNGS MED DGON GSAR BA RDZOD BDA' GNANG RTZIS KYI KUN MKHYEN MKHYEN BRTZA'I BSLAB STON BZHIN KHAMS GSUM DBANG SDUNG GA nA PA TI'I SGRUB PA GNANG BA'I RTEN RNAMS KYANG PHYAG TU 'BUL BA MDZAD, HAL NAG PO'I SKOR DGOS PHABS PA LTAR KHYAB BDAG SNGAGS 'CHANG CHEN POR MAndAL GYI TSUL DU PHUL, 'DI'I GRA PA RNAMS LA RTEN 'BREL GYI KHYAD NAS SBYONG RGYUD BCU GNYIS KYI GTZO BO KUN RIG RNAM PAR SNANG MDZAD KYI DBANG GYIS PHEBS PA LTAR BKA' BZHIN BSGRUBS, DBUS PHYOGS SU 'GYANGS MED 'BYON SKOR DA LAM THOGS GZHI GANG CHUNG MDZOD GSUNG BA STOBS 'PHROG DBANG PO'I GSANG KHRID SOGS 'PHROR LUS DOGS PA'I DGONGS PA CAN DU MNGON, 'PHAR BA ZHES PA LCAGS MO GLANG GI LO RI PHUG TU BZHUGS DUS YAR KLANGS BKRA SHIS CHOS SDA NAS YANG BSKYAR GYI GDAN 'DREN BYUNG BLTAR ZLA BA GSUM PA'I NANG DU DBUS SU PHEBS NAS SA GA ZLA BA'I TSES BCU BDUN GYI GZA' SKAR 'PHROD SBYOR DGE BA'I NYIN BKRA SHIS CHOS KYI RING LUGS 'DZIN PA'I SDE CHEN POR SENG GAS BTEG PA'I RIN PO CHE'I KHRIR ZHABS ZUNG GI PADMA RNAM PAR BKOD PAR PHO BRANG CHEN PO SNE'U SDONG RTZE NAS GONG MA SDE SRID PHAG MO GRU PA MI PHAM DBANG SGYUR RGYAL PAS BSKO 'DZA'I LUNG BZANG PO GNANG SBYIN DANG BCAS PA DANG GRA RIGS SBYIN BDAG GNYUG MAR GNAS PA'I TSOGS DANG BCAS PA'I ZANG ZING GI BDOG PA RING POR RKYONG BA SOGS KHRI STON GYI MCHOD SPRIN RGYA CHER BSKUN, HOR ZLA LNGA PA'I 'JAM DPAL DBYANGS MKHYEN BRTZE'I DBANG PHYUG GI SKU MCHOD CHEN MO LA DPAL RDO RJE 'JIGS BYED R'A LUGS LHA BCU GSUM

MA'I SGRUB MCHOD TSOGS CHEN LA 'DZUGS PA GNANG SKABS PHYI NANG GI 'TSUB DANG 'JIG RTEN DANG 'JIG RTEN LAS 'DAS PA'I LHA'I LHONGS KYI RNAM PAS SKU SHIN TU MI BDE ZHING THUGS SEMS GZHAN DANG MI 'DRA BA'I 'TSUB RANG LO ZHE DGU TSUN GYI BYED DGOS LA LHA 'DRE DANG MI'I RNAM PA 'DRA BAS MGRIN GCIG TU BSDIGS PA'I RNAM PAR BYUNG YANG BDAN PA'I 'DZIN STANGS MTHA' DAG BZANG NGAN RE DOGS DANG BRAL BA'I GNAS LUGS KYI DANG NAS SA CHOG NAS ZHAG BDUN GYI BAR SGRUB MCHOD RGYAS BAR MDZAD PAS DUS DGA'I DBANG PO MA HE'I ZHAL CAN GYI DKYIL 'KHOR ZHAL 'BYED PA LA 'KHU ZHING ZIL MI BZOD PA'I 'BYUNG PO THAMS CAD MTSOL KHA BA BABS BLTANG RANG ZHIR SONG BAS 'GRO BA'I LO TOG GI BCUD MYANG BAR BYAD PA'I STOBS DANG BRAL TA CHAR GYI RGYUN CHEN POS 'DZIN MA'I KHYON KUN GSHER BA NA SKYE BO'I [?] TSOGS BYANG SGRUB MCHOD BYIN RLABS CHE ZHES DANG PA DANG BSTONG BSNGAGS KYI ME TOG 'THOR, GSUNG NGAG BLA MA BRGYUD PA'I KHA SKONG GI RTEN BZHENG DANG GZUNGS 'BUL GYI STA GON GNANG NAS DUS BABS SU BCOM LDAN 'DAS DGYES MDZAD RDO RJE MAN NGAG LUGS KYI DKYIL 'KHOR LA BRTEN NAS RAB TU GNAS PA NYIN GSUM MA ZHI RGYAS KYI SBYIN SREG DANG BCAS SHIN TU RGYAS PAS BYIN RLABS KYI GZI BYIN BOD DU 'BAR, GRA RIGS RNAMS LA KYE RDOR MAN NGAG LUGS KYI DBANG DANG MGON PO CHE CHUNG GI RJES GNANG SOGS NYER MKHO'I CHOS BKA' MANG DU GNANG, HOR ZLA BCU PA'I NANG DU BKA' DRIN MTSUNGS PA MED PA MKHAN CHEN BSLAB GSUM RGYAL MTSAN GYI DUS DRAN DU MGON PO TSE DANG YE SHES DPAG TU MED PA DZE T'A RI LUGS KYI DKYIL 'KHOR SGRUB MCHOD 'DZUGS PA MDZAD, JI SKAD DU, RTZANG BZLOG MU STEGS BYED LA YOD CES THOS, ,DGRA CHOS ZHES

, ,BYA G-YUNG DRUNG BON GYI YIN, ,DRUG CU RTZA BZHI GSHIN RJE PA LA GRAGS, ,'DIR NI DRAG PO GTOR MA'I BZLOG PAR BRJOD, ,CES LCAGS MKHAR ZUR DGU PA'I MAN NGAG RVA LUGS LA GRAGS CHE NA'ANG MGON PO LA ZHVA DPE LHA MA 'GEBS LTA BU MA YIN PAR LUGS 'DI'I PHYAG BZHES KHUNGS MA DMAR CHEN GTOR BZLOG 'DI BKA' GNYAN CING 'TSUB LHONGS CHE BAS MKHAN RIN PO CHE GZHON NU BLO GROS KYI DUS SU SDE DGON GYI SKU RIM LA GNANG BA RJES SU LO GCIG GNYIS SHIG CHAG PA SDE PAS SNGAR LUGS BZHIN GTOR BZLOG GNANG DGOS PA'I GSOL BA BTAB PAR GRA RIGS LA LA MKHAN RIN PO CHE MTHU STOBS CHE DRAGS PA MA GTOGS 'DI 'TSUB CHES PAS CI 'DRA 'ONG ZHES YING GNYIS BYED PAR RJE NYID DKYIL 'KHOR GYI GTZO BO DGYES MDZAD RDO RJE'I SKUR BZHENGS PA'I BSNYEN SONG RNAMS KYI GSUNG ZLA DANG BCAS HOR ZLA BCU GNYIS PA'I NANG DU GTOR SGRUB 'DZUGS PA GNANG BA'I ZHAG GSUM PA'I NYIN GDAB LAS GNANG TSE LINGGA LAN GSUM 'PHAR BA SDE PA DPON G-YOG GSUM GYIS DNGOS SU MTHONG BA NI PHO NYA'I TSOGS KYIS DGRA BO'I BLA TSE MNGON SUM DU BKUG PAR 'DUG CING DE DANG DUS MNYAM DU MGON KHANG GI SRING MO'I ZHAL NAS RLANGS PA 'TSUB 'KHYIL GYIS THON ZHING ZHAL NANG GI RGYU ZHAGS 'DZAR, NYER DGU'I SROD LA GTOR RGYAG GNANG DUS GTOR ZOR LAS ME CHAD PA RGYUGS SHUL DU SA LA GSHOR BRUS PA LTA BU DANG MI GSUM TZAM GYIS 'DEGS DGOS PA'I GTOR MA PHYAG GIS BTEG NAS RI THANG MTSAMS KYIS SA SHIN TU SRA ZHING LHAG PAR DGU 'DREN PA'I SA CHU 'RGYAGS SGANG LA 'PHEN PA GNANG BA PHYED TZAM DIM PA DE NUB GTOR SLANG 'THEN

MA THUB BAR NANG BAR 'DON DGOS PA SOGS KUN GYI MNGON SUM DU GYUR PA'I RTAGS NGO MTSAR BAR M [?] THAD GZHUNG NAS BSHAD PA'I MTSAN MA PHAL CHER RDZOGS PA BYUNG ZHES NYE 'KHOR BA RNAMS LA GSUNG GLENG MDZAD, DE SKABS MGON KHANG GI RU 'DEN SDE BZHI'I BUD MED MDUN LA SHIN TU RNGAMS PA'I TSUL GYIS BYON TE ZHABS G-YON BGAD PA DANG PHYAG G-YAS KYI GRU MO SKYAL REG PAR DUS RGYUN GYI BSKANG GSO BA'I RNGA LCAG 'GEL BZHIN GA LA DE DGONGS SNGAR LTAR BZHAG BA SA LA LHUNG BAS CI YIN BSAMS BLTAS PHAN PHYAG SKYA DANG BRAL NAS GCUS PAR SHES SHING DENG SANG GI BAR DU'ANG MTHONG NA MI MTHUN PA MED PAR YOD, MKHAN RIN PO CHE'I DUS RNAM SRAS LHA KHANG GI GTZO BO SER CHEN GYI SKU TZAM GRUB NAS 'PHYER LUS PA CHU STAG 'KHOR RTA BDAG BRGYAD DANG MDUNG DMAR CAN PHYAG MTSAN BZHI PA'I SKU YANG LHAN CIG BAR BZHENGS NAS RAB TU GNAS PAS YE SHES SEMS DPA' ZHUGS NYAMS KYI ZHAL DKYIL LA RDUL MI BZHES PA DING SANG BAR DU MCHIS, SAR SNGAGS 'CHANG RIN PO CHE BSOD NAMS CHOS 'PHEL GYIS PHUGS NGED KYI GDAN SA 'DI YANG KHYED KYIS MDZAD DGOS YOD YANG YANG GSUNG PA DANG, NYE LAM BKRA SHIS CHOS SDER MKHAN POR PHEBS PA'I NYER BSDOGS RUS DA RES DBUS SU YUN RING MA BZHUGS ZHES BSLAB STON STZAL BAR BRTEN GTZANG LA CHIBS KHA BSKYOD PA'I ZHOR LAM DU TSE CHU BA BUM PA MJAL BAR PHEBS, DGUN GRANG DUS LAS NAM ZLA DRO BA'I DUS TSE CHU CHER MI PHEBS KYANG DE DUS BABS TE DPON SLOB THAMS CAD KYIS BZHES RGYU BYUNG BA NI BYIN RLABS NGANG SKU TSE'I RTEN 'BREL LO,, NGE NAS ZHA LUR SHAR RGYAG PHEBS, DE DUS KHYAD

, ,BDAG ZHE LU PA CHEN PO 'KHRUNGS PAR RGYAL GDON GYIS SNYUN 'DRE BYUNG BA LA ZHAG BDUN THOG TU RJE NYID GDAN DRANGS TE RTA MGRIN GSANG SGRUB KYI BYIN RLABS DANG DBU SKRA BUBS KYI MGUL SRUNG GNANG BAR BRTEN SKU KHAMS SHIN TU BDE BAS, DE SKABS BAR CHAD KYIS MI TSUGS PA DAM PA 'DI NYID KYI BKA' DRIN YIN ZHES YANG YANG GSUNG ZHING SKU NA TSOD PHRA MO DE NYID NAS BRTZE BA CHEN POS 'DZIN PA 'JAM DBYANGS BYANG GLING BKRA SHIS RGYAL MTSAN GYI RNAM PAR SPRUL PA 'DI NYID KUN MKHYEN BU DAG KHA'U BA'I BSTAN [?] 'DZIN CHEN PO ZHIG 'OD PA DGONGS PHAR GOR MA CHAG, DGUNG LO BCU TZAM NAS BZUNG RI PHUG TU BZHUGS SKABS YANG YANG MJAL BA'I GSUNG CHOS KYANG CHED DU GSAN PA DANG ZHAR CHOS SOGS KHA SHAS GSAN, HOR ZLA BDUN PA'I NANG DU RIN PO CHE RTA RA BA 'DAR RDZOD DU BZHUGS PA DANG MJAL, RDO RJE NAG PO ZHAL BZHI PA'I GSANG BA'I NYAMS KHRID SHIN TU ZAB PA'I SKOR RNAMS SMIN RGYAS SU GSAN CING DGYES PA'I GSUNG GLENG MANG DU STZAL, CHU YOS KYI LO 'JAM DPAL DBYANGS BYANG GLING PA BKRA SHIS RGYAL MTSAN GYI BZHUGS KHRI RI PHUG GI GDAN SA GNANG BA'I MCHAG DMAN MANG POR CHOS KYI 'KHOR LO BSKOR ZHING SKU MTSAMS DAM PO'I DANG NAS SPROS BCAS SPROS MED KYI RNAL 'BYOR LA GZHOG SHING PHO 'BRUG GI LO 'OD GSAL LA LUNG PA 'DI YIN ZHES NGOS BZUNG DU MED PA'I RI SU LA ZHIG NAS RIGS 'DZIN MNGA' RIS PA CHEN PO LAGS LDAN RDO RJE PHEBS PA YIN ZER BA'I RTA BA MANG PO BYUNG BA'I RJES SU BLA MA RIN PO CHE BSOD NAMS CHOG 'PHEL YANG PHYAG NA TSE RIL MANG PO BSNAMS PA NAS 'GANG ZHIG GNAD BA NI DE SKABS RIN PO CHE DGON GSAR

BA MKHA' LA SPYOD PA'I GNAS DPA' BO MKHA' 'GRO 'DU BA'I TSOGS DPON DU GSHEGS PA'I DAG PA YE SHES KYI SKUS RJES SU 'DZIN PA DANG SKU TSE'I LHAG MA GNANG BA'I LTAS SU SNANG, BLA MA RIN PO CHE'I DGUNG ZHIG MA GROL GYI BAR DU BSHES GNYEN DAM PA 'JAM DPAL DBYANGS DANG DBYER MI PHYED PAR BCOM LDAN 'DAS 'JIGS MDZAD RDO RJE'I DKYIL 'KHOR ZHAL PHYE NAS SGRUB MCHOD RGYAS PAR GNANG NGO,, DRANG SRONG BSAM GNYAM LA GZHOL SRIN PO RING, ,RAB 'BYOR ZLA BA'I PHYAG RJES BZO RIG CHED, ,'KHOR LO SDOM PA'I SKU BRNYAN PAR SNANG LA, ,BDE CHEN GAR BSGYUR WAm YIG GZIGS PA'I MED, ,STONG NYID SNYING RJE'I NYAMS LDAN AE YI GZUGS, ,MKHA' SPYOD DBANG MO'I MDZES SKU SGYU MA'I 'BRUL, ,MTHU STOBS 'JIGS MED DPA' BO'I CHOS KYI GRAR, ,'DREN BYED CHER DANG THABS SHES ZUNG 'JUG BRDA, ,GA SMI RA BA'I PAn CHEN SDOM PA'I RGYUN, ,GANGG'A 'I 'BYUNG GNAS MA DROS CHOS LUNG DER, ,DGYES MDZAD RDO RJE'I LHA SNGAGS YE SHES KYI, ,BYIN RLABS GZI BYIN NYI MA'I DNGOS BRGYA 'BAR, ,SNGA RIG GRUB DBANG LHA YA DHA RA'I ZHABS, DUR SMRIG GAR GYIS ROL BA CHOD PA RJES, ,GSUNG DAG SMIN GROL GNANG PHYI RI YE SHES SKU, ,MNGON SUM BSTAN PA'I SKAL BZANG KHYOD NYID TZAM, ,TSAD MED LHA MO RNAM BZHI'I BKRA SHES GLUS, ,CHOS KYI 'KHOR LO BSKOR CHEN 'DUS SDE 'DIR, ,SBYON ZHES BSKUL BA'I SNGON 'GROR BSTAN SRUNG TSOGS, ,RGYA GAR JO KI'I ZOL GYIS LHAGS PA SNYAM, ,SRID PA'I DPAL 'BYOR ZLA BA'I MA MA GANG, ,NYES BRGYA CHU SRIN CHID DU YONGS GZIGS PA'I, ,NGES PAR 'BYUNG YANG GZHAN PHAN BYA DKA' BAR, ,MI ZHUM KHYOD

, ,MIN BYANG SEMS SPYI YI SROL, ,SDIG SEMS GSHED MAR SHAR BA HA LA NAG ,SROG GCOD 'BAR BA'I LAS KYI RAL GRI CHE, ,BSTAN SRUNG PHYAG RGYAR GTONG BA'I DRIN CAN RJE, ,BYAMS PAS BDUD SDE YONGS 'JOMS DON KUN GRUB, ,BSOD NAMS CHA BSAGS CHOS KYI DKYIL 'KHOR NYA, ,YONGS 'PHEL GANG BA'I ZHAL YUNG GA BUR RDUL, ,RDZOGS PAR BTUNGS PA'I BLO GROS KU MUD, ,MTHA' KLAS LUNG RTOGS ZE'U 'BRU CI YANG BZHAD, ,YID 'PHROG LTA NA SDUG PA'I LJONGS KYI MTHIL, , PHA RGOD BLA MA'I BRI LA ZHABS PAD ZUNG, ,BKOD NAS RNAM GSUM 'KHOR LO'I MDZAD PA YIS, ,THUB BSTAN GSAL BA'I NYI MA GNYIS PA SHAR, ,YE SHES RVA CHEN GDENGS PA'I RNON PO'I RTZES, ,MA RUNGS 'BYUNG PO'I LTO BA RAB PHUG TSE, ,SKYE RGU'I BDE SKYID 'PHROG PA'I LUS MED DBUNG, ,MYA NGAN BANG BUR SMRE SNGAGS CHO NGE 'DON, ,GAR DBANG TSE MTHA' YAS PA'I MGON PO DANG, ,DBYER MED BSLAB GSUM DUR SMRIG 'CHANG PA'I RJE, ,MCHOD SPRIN SPEL NGA'I LEGS BYAS GZUGS CAN DU, ,GYUR NA 'JIG RTEN KHAMS 'DI SNOD DU CHUNGS, ,RGYU RLON BSAD KHRAG DRON MOS MTSIM PAR, ,MCHOD PAR RINGS LA RNGA MA PA'I PHO NYA'I TSOGS, ,DMAR CHEN ZER LAS CHAD PA'I CHE DBUNG DANG, ,LHAN CIG DUS MTHA'I RLUNG LTAR 'TSUB CING SONG, ,'KHRUL BA'I RANG MTSANG ZHIG NAS DA LTA'I BAR, ,RJES BRTZES DANG 'KHRU 'CHAR 'BEBS NGAL GSOS BU, ,DMAR SER SNANG BRNYAN BSKRUN PAS RMUGS 'DZIN GYI, ,MKHO DGU'I 'BYOR BA 'DREN PA'I SHING RTA'I SBUN, ,THOS BSAM SGOM PA'I COD BAN RAB BCINGS TO, ,'JAM DBYANGS BYANG

GLING CHOS RJE'I RGYAL SRID BZUNG, ,BKA' DRIN MTSUNGS MED RJE BTZUN DGON GSAR BA'I, ,YE SHES DAG PA'I RANG ZHAL MNGON SUM BSTAN, ,SHING SPRUL LO DBYAR PHYI NAS ZLA SHIN TU GNYAN PA'I DUS RMANG LAM DU BA ZHA GSANG BDAG NAM MKHA' RDO RJE RAL GU DANG SKU GZAN SMUG PO BZHES PA PHYAG G-YON PAR RAG 'PHRENG SDIGS MDZUNG DANG BCAS PA'I STANGS STABS KYIS LHO NUB KYI PHYOGS BSRUNG BA ZHIG BYUNG 'DUG PA, BKA' LAS, 'DI YANG NGED RANG GI DOGS PA YOD PA'I PHYOGS KYI BAR CHAD DANG, SER BA 'CHOR BA'I NYEN [?] CAM CAN YOD 'DUG PA BSRUNG BA MDZAD BA 'DRA ZHES PA 'KHOR RNAMS LA STZAL, SKABS SHIG MNAL LAM DU A'A TZARYA MDOG SDO [?] DEB ZHIG DANG LHAN CIG PAR RGYAL PO CHEN PO RNAM THOS SRAS SER CHEN GYI SKU SHING LA BRIS PA LTA BU'I SNUM BAG CAN GSAL BAR GZIGS GSUNG BA DON DU RGYAL CHEN 'DI NYID SHIN TU 'GO BAS ZHAL GZIGS PAR MNGON, BKRA SHIS RTZE MCHOD YON NAS GDAN 'DREN BYUNG BA LTAR YAR KLUNGS SU PHEBS TE PHYOGS DE'I SKYE RGU RNAMS BSDU BA'I DNGOS PO BZHI'I SGO NAS GANG LA GANG 'TSAM GYIS RE BA BKANG KU STON RIN PO CHE'I RNAM THAR SNYIM PA'I ME TOG LAS, NGA CHOS BSHAD PA'I SLOB DPON YIN MOD BYAS NA DAM TSIG LA NOR LA MA 'CHAM PA'I BAR MI BZHIN SBO BGOS GTONG, RANG GI BLO DANG MI MTHUN NA BLA MA YIN KYANG KHYI SMYON 'DED PA'I DMAG MI LTAR RDO CHAR BYED, CES PA'I DON THOG TU BABS TE ZHA LU PA RTZING POR SPYOD PA 'AG GIS DBANG DU SONG NAS SKOR YANG TZAM YANG MED PAR BLA MA DKA' BZHI PA BRGYUD GZHIS KA RTZER ZHUS PA'I DBON CHEN RGYAL MTSAN BZANG PO RI PHUG DBU MDZAD DU BTZAN BSKOS GNANG PA'I MA MDZES

, ,CAM BYUNG BA NI, BU STON RIN PO CHES DGE 'DUN SPYI'I SNYAN BSKUL ZHAL GDAMS LAS, DA DUS SNYIGS SEMS CAN THAMS CAD SPYAD PA 'GYUD BA'I DUS 'DIR DA 'DI 'DRA LA THUG, NAM YANG MED KHE NYEN BSRES ZER NAS DRAGS BO'I SPYOD PA BYED PA YOD DE, DE 'DRA'O SKOL GYIS CHA RKYEN DPUNG GLENG MCHU GANG GIS KYANG MI 'PHER BAS SEMS CHUNG BYAS NAS MGO LA LAG PA 'GEBS PA'I MDUN MA LA BRTEN PA DANG, GRVA PA GRVA G-YOG LA SOGS PA RNAMS LA SO SO NAS ZHAL TA BCUG NAS 'THAB RTZOD KHA SMRAS KHA MCHU MI YONG BA'I THABS LA SBYAR DGOS MNGAN RE RE'I RING LA MANG PO'I PHUNG LA GTONG BA BLO RIN LTA BU YONG BA YIN, ZHES BKA' STZAL PA GANG ZAG 'DI 'DRA'I RIGS LA DGONGS PAR SNANG, NUB CIG MNAL LAM DU MGON KHANG NA GOS 'BOL MTHO BA ZHIG GI STENG RDO RJE 'CHANG RTA RA BA'I SKU'I DBYIBS DANG NA BZA' SNGAR JI LTA BA LA RAKSHA'I 'PHRENG BA BZUNG BA'I PHYAG GNYIS DBU'I STENG DU BZHAG STE, LHO NUB RNGA YAB GLING PHRAN NAS, ,AYON PADMA 'BYUNG GNAS KYIS, ,MOS PA'I BUL BYIN GYIS RLOBS, ,ZHES GSUNGS NAS BYIN RLABS MDZAD BYUNG BA'I DE MA THAG AYON RIN PO CHE DNGOS YIN DGONGS PA'I SKU LUS THAMS CAD ZI CHOM ME BA ZHIG BYUNG BAR SNANG, DE'I RJES BLA BRANG GI YANG STENG DU LCOG BU PHUB STE BZHUGS PA'I THO RENGS KYI DUS SHIG MDUN GYI NAM MKHAR AYON CHOS KYI RGYAL PO NA BZA' DANG DBU ZHVA SOGS ZA HOR MA'I CHA BYAD CAN 'DI [?] LNGA'I GUR KHYIM NA BZHUGS PA SHIN TU GSAL BAR GZIGS PA SKU TSE 'DI LA AYON RIN PO CHE'I ZHAL GZIGS BYUNG BA'I THOG MA YIN GSUNG, SA DMAR DGON PA BA RJE BTZUN NGAG DBANG CHOS KYI RGYAL

PO LA MNYAM MED BSAM GTAN GLING BA'I YANG ZAB AA TI'I SKOR RDZOGS PA RI GSAN CING RJES SU BZHI THOG TU BDAG CHEN KHRI RIN PO CHER 'BUL BA GNANG BAS ZAB CHOS 'DI NYID SRID MTHAD MI NYAMS BA'I BSTAN PA'I SROG TU SONG, DE'ANG THAR YIG TU, KHYAD PAR YAR KLUNGS SHEL GYI BRAG PHUG 'DI:- BDUD RTZI SMAN SGRUB BYAS PA'I GNAS YIN PAS:- GSANG SNGAGS MTHAR PHYIN AYON YUL LTA BU:- YA MTSAN SGRUB KHANG BRAG PHUG KHYAD 'PHAGS YOD:- ZHI KHRO LA SOGS GZHAL YAS KHANG MANG BZHUGS:- BOD 'BANGS DGA' DANG SGO BAR 'GYUR BA'I BRAG:- YON TAN BRGYA LDAN BSAM LAS 'DAS PAR BRJOD:- DE LA GNAS TSAD DU RUshKAS MI PHEBS:- ZHES AYON CHEN POS BOD KYI GNAS CHEN GANGS BRAG THAMS CAD BYIN GYIS BRLABS TE SGRUB GNAS CHES MANG BA'I NANG NAS KHYAD PAR DU 'PHAGS PA YON TAN GYI DBYEN GNAS YAR KLUNGS SHAL GYI BRAG PHUG TU DGUNG LO ZHE BRGYAD PA ME RTA HOR ZLA BRGYAD PA'I MJUG LA THEGS PA'I STA GON GYI TSE GZIMS KHANG GI THOG TU LCOG BU BYAS BZHUGS PA'I DUS BYUNG BA'I GONG GI GZIGS SNANG DE LAS CHE BA'I AYON RIN PO CHE ZA HOR MA'I SKA 'JA' 'OD KYI KLONG [?] NA KHRA LAM MER BZHUGS PA ZHIG SHIN TU GSAL BAR 'OD GSAL LA SHAR ZHING GNAM GANG GI THO RENGS AYON CHEN PO GONG LTAR GZIGS PA LAS 'PHROS PA'I BCOM LDAN 'DAS 'KHOR LO SDOM PA AANDRI N'I LA'I MDOG LTAR GSAL LA 'TSER BA SOGS NGO MTSAR BA'I LJANG BA 'BYAMS KLAS PA MANG BAR GZIGS, HOR ZLA DGU PA'I TSES GNYIS LA DPON SLOB DAM TSIG GTZANG BA KHA SHAS NGANG BCAS THEGS PA'I DUS NAM MKHA' 'JAM ZHING THUGS LA SNGAR MED PA'I 'DE NYAMS CHEN PO DGA'

, ,THAL LE BA'I DAD NAS GZIMS KHANG GONG DU BZHUGS GNAS MDZAD DE SKU MTSAMS BSDAMS, SPRUL SKU RATNA GLING PA'I GDUNG BRGYUD CHU MIG DGON GSAR BA'I LAG GI GTER CHEN CHOS KYI RGYAL PO RATNA GLING PA'I GTER BYON AYON YANG YUM GYI SKU TSAB MTHONG BDON LDAN DANG 'GRO BKUN 'DUL, RDO RJE 'CHANG NYID BYI PHYAG GI SKU TSAB YID BZHIN NOR DU GSUM RIGS 'DZIN BLA MA SGRUB PA'I RTEN GYI GTZO BOR BZHUGS SU GSOL BA'I SPYAN SNGAR SMAN DAG GTOR GSUM GYIS THOG DRANGS PHYI NANG GSANG BA'I MCHOD PA RGYA CHEN BSHAMS TE ZHAG BDUN GYI BAR PAn CHEN RIN PO CHE PADMA RGYAL PO YE SHES ROL PA RTZAL MCHED GNYIS KYI ZAB GTER BLA MA BKA' 'DUS KYI LNGAGS BSNYEN KHA GSO GNANG BA'I TSES BZHI'I THO RENGS SKU'I MDUN THAD KYI MKHAR 'JA' TSEN SNA LNGA'I GUR KHYIM SOR LNGA BA ZHIG GI DBUS SU AYON CHEN PO'I SKU CHUNG DU GSAL ZHING DANGS PA LAM ME BA GZIGS, TSES DGU'I NUB GTER SRUNG DANG GZHIS BDAG SOGS DGYES PA'I 'TSUB LHONGS SHIN TU CHE, SKU MTSAMS GROL KHA'I TSES BCU'I NYIN LHA BRAG GTER BYON NANG RIGS 'DZIN GDUNG SGRUB KYI 'PHRIN LAS LA BRTEN NAS ZHI KHRO RAB 'BYAMS GYI TSOGS RNAMS MCHOD PA'I SBYIN GYI PHUNG POS MNYES PAR MDZAD PAS 'DZAB BZLAS KYI DUS GNAS 'DZIN KUN GYIS MTHONG BAR ME TOG GI CHAR CHEN PO BU YUG LTAR 'TSUBS, , SGRUB PHUG NAS TSE CHU GLO BUR DU RDOL BA CHU BO'I RGYUN BZHIN RE ZHIG BAR BABS SHING DE YOD RNAMS KYI ZHAL DU GSOL BA SOGS GNAS STON 'KHOR CHOS DUS TE PHUN TSOGS PA LNGA TSANG BA'I RTEN 'BREL GYI SGO 'PHAR MCHOG TU 'GRIG, CHOS SDER PHABS NAS HOR

ZLA BCU GNYIS PA'I TSES BCU'I THOR THUN GROL 'TSAMS MNAL LA CUNG ZAD SONG BA'I TSE SLOB DPON CHEN PO'I SKU'I SNANG BA CHU LAS CHU LBUR SHAR BA LTAR SNGA MA 'GAGS PA DANG PHYI MA GSAL BA KHA YAR BYUNG, KHRA 'BRUG GI GNAS MJAL LA BYON TE SMON LAM RGYAS PAR 'DEBS PA GNANG PA'I NUB RMANG LAM GYI TSUL DU BLA MA MTSO SKYES RDO RJE SKU'I SNANG BRNYAN KHRA LAM GYIS SHAR ZHING SHEL BRAG GE RI NGOS MTHA' DAG SANGS RGYAS BYANG CHUB SEMS DPA'I SKUS KHYAB PA DANG MNGON SUM DU BZHUGS YOD DGONGS PA'I GDUNG SHUGS LHANG LHANG BA'I NGANG NAS MNAL SAD, ME LUG HOR ZLA DGU PA'I NYER BZHI LA CHOS SDE NAS SANG THEGS RGYU'I NUB 'OD GSAL LA RJE NYID SLOB DPON CHEN PO PADMA'I SKU'I DBYIBS CAN DBUS DANG PHYOGS BZHIR RE RE STE LNGA RNAMS CHE CHUNG MI TSAD CES SO SOR BKRA MDANGS DANG LDAN PA'I 'JA' TSON LNGA'I GUR KHYIM YOD PA'I RNAM PA NI THUGS RIG PA'I NGO BO DON GYI PADMA 'BYUNG GNAS GCIG NYID LAS THOD 'PHRENG RIGS LNGAR SHAR BA YE SHES LNGA'I GDANGS 'GAG MED DU 'KHRUMS, NYER LNGA TSES BCU'I MCHOD PA SHEL GRAG TU GNANG NAS ZHAG GSUM GYI PAR BZHUGS RING RIGS 'DZIN BLA MA'I BSNYEN SGRUB LAS SBYOR GYI 'PHRO 'DU'I DMIGS PA RTZOL BAL MA BLTOS PAR 'BAD MED DU NGANG GIS SHAR BA THENGS GNYIS DANG GNAS KYI RI BRAG KUN DANG KHYAD PAR GU RU PHUG PA'I BRAG MDONG THAMS CAD MYOR ZHI KHRO SOGS MDOR NA SRAS BCAS RGYAL BA'I SKU'I SNANG BA 'BA' ZHIG TU SHAR BA GANG ZAG KHYAD PAR CAN RNAMS LA DUS THAMS CAD DU DAG PA'I SNANG BA SHA STAG 'BYUNG BAS 'DI TZAM LA NGO MTSAR DU 'DZIN PA GCIG TU MI 'OS NA'ANG

, ,ZHAG GSUM PO DER GNAS KYIS GANG ZAG BYIN GYIS BRLABS SO ZHES DPAG DKA'I YON TAN GZHAN RNAMS SBAS PAR MCHIS, TSAR CHEN GYI GSUNG MGUR LAS, DGRA GNYEN BAR MA'I 'GRO BA KUN, ,GDOD NAS DAG PA'I HE RU KA:, ,LHA DANG LHA MO'I RNAM ROL TU, ,DGA' MGUR SPYOD PA BLA MA'I DRIN, ,ZHES GSUNGS PA'I DON DU GDA', CHOS SDER PHEBS NAS RDO RJE 'JIGS BYED CHEN PO'I DKYIL 'KHOR GYI GTZO BOR BZHENGS TE RTEN BRTEN PA'I TSOGS DE'I 'THAD KYI NAM MKHA' GANG BAR 'GRO 'ONG DANG THO RENGS KYI CHAR RANG GI SKU 'JA' 'OD PHUNG DE PA'I DKYIL NA YOD BA'I THUGS NYAMS SHAR, HOR ZLA BCU PA'I CHOS BRGYAD KYI THOR THUN DNGOS GZHI RDZOGS NAS PADMA DRAG PO DBU DGU'I RNAL 'BYOR GYI TSE DKYIL 'KHOR GYI DBUS SU RJE NYID GTZO BO'I RNAM BAR SHAR BAR REG MTHONG GI MTSAN MA BRTAN PO RNYED, HOR ZLA BCU GCIG PA'I YAR TSES LA SHR'I DE BA A'A YU'I BSNYEN MTSAMS MDZAD PA GROL RGYU'I THO RENGS TSE LHA'I SKU'I SNANG BA GSAL ZHING TSES BCO LNGA'I THO RENGS SNGAR BAS KYANG GSAL GZHIG BYUNG GSUNG BSKU TSE MTHAR PHYIN PA'I RTEN 'BREL KHYAD PAR CAN DU GO, DGUNG KAG PHYIS SKYEL GYI DOG CHAR DGONGS HOR ZLA BCU GNYIS PA'I TSES BZHI NAS SKU'I BCAD RGYA TSUGS PA'I THO RENGS SKUR GLAGS LTA BA 'BYUNG PO'I CHE 'PHRUL GYI 'OD CHEN PO 'KHOR ZHING 'KHRUG PA'I STENG DU RJE BTZUN PADMA THOD 'PHRENG MI TSAD TZAM PA GZI BRJID PHUN SUM TSOGS PA ZHIG BZHUGS 'DUG PAS BA MO LA NYI MA SHAR BA BZHIN DE 'PHRAL DU ZHI, ZHAG LNGA TZAM NAS SLAR YANG SLOB DPON CHEN PO'I GZIGS SNANG [?] JE GSAL LA SONG BAS YID SRUBS KYI BAR GCOD LAS RNAM PAR RGYAL, TSES BCU'I NYI SHAR GYI DUS CUNG ZAD MNAL

BA'I NYAMS LA RJE NYID RJE BTZUN DA RO MKHA' SPYOD MA'I RNAM BAR LAM GYIS GYUR PA NI RJE BTZUN KUN SPANGS CHEN POS, CHOS RJE LA MKHA' SKYOD MA'I BYIN RLABS BYAS RES KYIS NGED LA LTAS KHYAD PAR CAN RE YONG GI 'DUG 'BAD RTZOL MDZAD NA 'DIS MKHA' SPYOD LA KHRID NYEN GA DA'O,, ZHES TSAR CHEN LA GSUNGS PA'I LO RGYUS DANG TSUL MTSUNGS PAR MNGON, SDE PA BKRA SHIS RTZE PA'I SRAS PO NA PHRA BA ZHIG GDON GYIS ZIN NAS DBUGS KYI 'GRU PA 'GAGS TE 'GRONGS PAR THAG BCAD PA NA RJE DE NYID SPYAN DRANGS BKA' BSKO'I BYIN RLABS MDZAD PA DANG LHAN CIG PAR GSOS PAS LOG RTOG CAN 'DRA'ANG HA LAS TE DAD PA'I SAR BKOD, SA SPREL ZLA BA GSUM PA'I TSES GSUM NAS CHOS SDE'I GRA BA DON GNYER CAN RA GAS BSDUS LA, TSAR CHEN GYI GSUNG MGUR DU, MI PHAL CHER SO SKYE'I BLA MA BSTEN, ,NGA SANGS RGYAS DNGOS KYI BLA MA BSTEN, ,KHONG DBE NAG BLTAS PA'I SLOB MAS KHENGS, ,NGA SNYAN BRGYUD ZAB MO'I GDAMS PAS TSIM, ,ZHES SO SKYE'I BLA MA GCIG NAS GCIG TU BRGYUD PA'I TSIG TZAM BSHAR SBYANG LTA BU MA YIN PAR GSUNG DAG RIN PO CHE SLOB BSHAD KYI KHRID DBU BTZUGS TE NYAN RANG DANG PHA ROL TU PHYIN PA'I LAM DANG THUN MONG DU GYUR PA SNANG BA GSUM SEMS BSKYED KYI MTHA' BRTEN PA, SNGAGS LAM LA LTA BA 'KHOR 'DAS DBYER MED KYIS SEMS KYI GZHI RTZA BCAD NAS DBANG BZHI'I LAM PHYI NYAMS KHRID, KYE RDOR YAB BKA'I RGYU LAM YUM BKA'I DBANG BYIN RLABS KYI RIM PA RGYAB BRTEN LUNG DANG BCAS HOR ZLA DRUG PA'I TSES BCU'I BAR LA RDZOGS PAR GNANG BA'I TSE BDAG MED LHA MO BCO LNGA'I SINDHU RA'I BYIN RLABS LA CUNG ZAD

, ,DKA' BA'I THUGS DOGS BYUNG BA NA RTZA BRGYUD KYI BLA MA'I TSOGS LA GSOL 'DEBS GNANG BA'I SGO CHUNG NAG PO ZHIG NAS BDAG CHEN RDO RJE 'CHANG BLA GOS DANG SA ZHU GSOL TE RTA NAG POR CHIBS PA PHEBS NAS GSER GYI RDO RJER G-YU'I PHRAS BRGYAN PA MAndAL GYI STENG DU 'JOG PA GNANG BYUNG BAS MNAL SAD DUS THUGS DOGS RNAMS LHAG MED DU CHOD PA NI BSAM GYIS MI KHYAB PA'I GNAS YIN CING NUB CIG KUN MKHYEN MKHYEN BRTZE'I ZHABS NA BZA' SHIN TU BZANG BA PHYAG SIL BON GONG MA DKROL BA GNANG BA NA SGRA CHER SGROG PA NI ZAB CHOS 'DI NYID KYI 'PHRIN LAS PHYOGS BRGYAR KHYAB PA'I BRDAR MNGON, 'KHRID KYI SNGA PHYI TSOR, TSAR CHEN CHOS KYI RGYAL PO, RIGS 'DZIN MNGA' RIS PA CHEN PO, THAMS CAD MKHYEN PA MKHYEN BRTZE'I DBANG PHYUG, MKHAN CHEN BSLAB GSUM RGYAL MCHAN, RIN PO CHE BSOD NAMS CHOS 'PHEL DANG LNGA MNAL LAM GYI CHUL DU BYUNG GSUNG BA DON CHOS KYI 'KHOR LO BSKOR BAR BLA MA RNAMS DGYES PA'I 'DZUM ZHAL LHUG PAR BSTAN NAS LEGS SO'I TSIG GIS DNGOS SU GZENGS BSTONG PAR GOR MA CHAG, YE SHES KYI MGON PO GZIGS SNANG LA GSAL BAR SHAR PA NI 'GROG MIR PAn GRUB DBANG PO LHA YADHA RAS, DA KHYOD LA CI DGOS GSUNGS PA LA GSUNG NGAG RIN PO CHE 'DI LA DA DUNG GDAMS PA'I 'PHRO 'DRA YOD NA GNANG BAR ZHU ZHUS PAS, NGA 'PHRO YE MED KHYOD LA 'DI 'DRA DGOS PA'I MTSAN MIN KYANG NGA RANG GI BYED LUGS YIN GSUNGS NAS GUR GYI THANG SKU RGYAB LA BZHES, 'PHRENG BA MGUL LA BCUG, GTOR MA DBU THOG TU BZUNG NAS GDAMS PA'I LHAG LUS RI'I DBU SNYING GNANG BA DANG CHOS KYI MJUG

TU MGON RKYANG GI RJES GNANG SOGS MDZAD PA'I BLA MA ZHANG STON YAN CHAD KYI SRUNG MAR MA ZAD BRTZE CHEN SNYING PO'I ZHABS NAS BZUNG BKA' BABS BZHI LDAN DU BZHUGS PA'I CHOS SKYONG GI GTZO BO YIN GSHIS BGEGS RIGS KYI TSOGS RNAMS PHYE MAR 'THAG PA'I SLANG DU CUNG ZAD TZAM YANG MI 'BRAL PAR MNGON, 'JIGS MDZAD RDO RJE'I RNAL 'BYOR LHUR BZHAS PA'I SHUGS KYIS 'CHI BDAG MA HE'I ZHAL CAN BKA' BZHIN SGRUB PAR ZHAL GYIS 'CHES SLAD SKU'I SNANG BA MNGON SUM DU BSTAN PA NI, RJE TSAR CHEN GYI GSUNG MGUR LAS, DPAL MA HE'I ZHAL CAN GSHIN RJE'I GSHED, ,CHOS SRUNG BA'I GTZO BOR GUR ZHAL GNYIS, ,DE RIM BZHIN BSGRUBS LA BSTAN PA SRUNGS, ,ZHES PA'I DON DANG MTSUNGS PAR SNANG ZHING, NYIN GCIG MNAL RIB BE MA ZHIG LA RJE NYID SLOB DPON CHEN PO PADMA'I SKU'I RNAM PAR NYAMS KHYAD PAR CAN SHAR BA 'DIS MTSON BLA MA YI DAM MKHA' 'BRO SRUNG MA'I ZHAL GZIGS DANG GSUNG GI SNANG BSTZAL BA MTHA' YAS PA YOD TSOD DU MI CHAS NA'ANG THUGS DKYEL CHE BAS BSNYEL PA'I BARDZUR BRTEN NO,, SA BYA HOR ZLA GSUM PA'I TSES BCU DGUR GTZANG LA CHIBS KHA BSGYUR RGYU'I THO RENGS GZHAN GYIS BSAM SBYOR NGAN PA'I BYAD RBOD LA BRTEN, THOG 'KHYUG 'BYUNG BAR NYE BA'I GLOG 'BRUG SOGS SHIN TU 'JIGS PA'I SGRA 'OD GSAL DU BYUNG BA'I TSE RJE NYID BADZRA BHEE RA BA'I SKU SHIN TU CHE ZHING GZI BYIN DANG LDAN PA ME DPUNG 'BAR BA'I DBUS NA BZHUGS PA'I RNAM PAR GYUR PA DANG CHABS CIG PAR MI MTHUN PA'I PHYOGS DE DAG 'PHRAL DU ZHI BA'I MOD LA MNAL SAD DO,, GSANG BA DGA' ZHA'I MTHU STOBS THOR RLUNG GIS, ,LOG 'DREN SBYOR BA'I CHU 'DZIN PHA MTHAR BSKRAD, ,YANG

, ,SRID MANG POR 'GO BA'I LUS DAN PO, ,GZI BRJID NYI MA 'BUM GYI DPAL RJES SNYEG ,LHUN PO PHYER 'THAG MTHU CHEN DGON GSAR BAS, ,KHYOD RJES 'DZIN BAR BSKUL TSIG MCHIL PA YIS, ,'BOD PHYOGS MGON NGO'I BYIN RLABS LCAGS KYI PHYE, ,'DREN PA'I KHAB LEN RDO BAR RKANG PA 'JOG ,ZA HOR SA SPYOD GOS KYIS BRJID LDAN YANG, ,DUR SMRIG DRAS DRUBS NA BZA' GCIG TU BCUN, ,RIG SNGAGS BRTUL ZHUGS GRUB PA'I GSANG GOS CAN, ,PAD 'BYUNG THOG MA'I DGYES ZHAL ZLA BA TSES, ,AA TI RDZOGS CHEN YONGS KYI YANG SNYING BCUD, ,RJE BTZUN YE SHES RDO RJER DGONGS PA'I GTER, ,GSAN TSE BLO 'DAS CHOS SKU'I RANG ZHAL LA, ,YENGS PA'I KUN RDZOB BDEN PA BAG LA ZHA, ,BOD 'BANGS DGA' SPRO'I DPAL STER GNAS KYI RTZE, ,'CHI MED BDUD RTZI'I BCUD LEN SGRUB PA'I ZHING, ,SHEL DKAR BRAG RI RAB BRTZEGS DPA' BO DANG, ,MA TSOGS SPRIN LTAR 'DU BA'I GNAS DER BYON, ,BKA' BRGYAD YONGS 'DUS RIGS 'DZIN BLA MA YI, ,THUGS RJE SNYING ZHUGS RTAGS MTSAN PHYI RU SHAR, ,GANG SNANG ZHI KHRO RAB 'BYAMS RTEN BRTEN PA, ,GRUB PA'I GZIGS MO DEL YUN RINGS YENGS, ,KHRAG 'THUNG RNAL 'BYOR MA DPAL MNYAM SBYOR BA'I, ,DBYID THIG BDE CHEN GAR GYIS 'BYAMS SU KLAS, ,MA HE'I ZHAL DANG DBANG DRAG DBU DGU PA, , GTUM RNGAMS GAD MOS KUN BZOD MA 'DI 'DAR, ,THOD PHU'I GRUB PA'I 'KHOR SGYUR SPRIN 'DZIN GYI, ,THUGS LA NYER GAB SLOB BSHAD RNAM PAR RGYAL, ,DUG LNGA'I NAD BRGYA 'JOMS PA'I SMAN GCIG BUS, ,SHES LDAN RNAMS KYI ZUG RDU MA LUS PHYUNGS, ,

RANG BSTAN 'CHAD NYAN YID BZHIN RGYAL MTSAN RTZER, ,BKOD LA YONGS 'DZIN TSOGS KYIS LEGS SO BYIN, ,MI'U THUNG RDO RJE SRIN PO'I ZHAL SGO LAS, ,LUGS 'DI SRID MTHAR MI NUB G-YAR DAM BCAS, ,RIN CEN 'BYUNG GNAS KHROD DU NA KRA BZHIN, ,MKHAS GRUB BYE BA'I BSTI GNAS ZHA LU NAS, ,ZHING DKYIL PHA BONG LTA BUR BSTAN 'DZIN 'GA', ,DBYUNG BA'I NGAN SPYOD DE LA MCHI MA BKU, ,'JAM DPAL CHES CHER KHROS PAS 'BYUNG PO'I 'TSUB, ,THAL BA'I RDUL DU BRLAG LA YA MTSAN CI, ,SHIN TU ZHI DUL PADMA KA RA'I SKUS, ,BRLANG SPYOD BDUD SDE MING GI LHAG GYUR MTSAR, ,RIM GYIS RONG BRGYUD KHU LUNG DU PHEBS NAS ZAB BU LUNG DU THEGS PA'I STA GON GYI TSE SDER MA TZAM GYI RGYA KHYON GYI 'OD LNGA'I GUR KHANG NANG DU AYON RIN PO CHE SKU CHU ZHENG GAB PA ZHIG DANG NUB GSUM GYI BAR RDO RJE 'CHANG BLO GSAL RGYA MTSO PHEBS TE DGYES PA'I TSUL SHIN TU GSAL BA NYAMS DANG MNAL LAM CI RIGS PA BYUNG, 'O YUG BRGYUD BYON PA'I DUS PHYOGS DE'I YUL LHA GZHI BDAG GTER SRUNG SOGS DGA' BA'I RNAM 'GYUR GYIS BSU BA LA 'ONGS PA'I NYAMS LTAS NGO MTSAR BA'I NGANG NAS GNAS SU PHEBS, THUGS RJE CHEN PO 'KHOR BA DONG SBRUGS KYI SKU 'DRA RANG BYON LA MTHONG SNANG MANG DU BYUNG GSUNG PA SPYAN RAS GZIGS MNGON SUM DU GZIGS SHING, DES SKU MDOG RIGS LNGA MTSON PA'I KHA DOG SNA TSOGS SU SHAR BA 'DRA, ZHAL RAS LHA KHANG DU BLA MA BKA' 'DUS KYI SGRUB BZHAG BDUN GNANG BA'I NUB DANG PO LA PAndI TA DMAR SMUG PAn ZHVA CAN PHYAG G-YAS RDO RJE G-YON KA P'A LA BDUD RTZIS GANG BA BSNAMS PA ZHIG BYUNG BA NI AYON BLA MAS BYIN GYIS BRLABS PA'I

, ,RTAGS DANG THAMS CAD MKHYEN PA SKU DNGOS LTA BUS SH'A SA NA'I SNGAGS 'UR 'DON GYI NGANG NAS RAKSHA'I PHYAG 'PHRENG BZUNG STE SDIGS MDZUB KYI STANG KA MDZAD PA NI NYIN PHYI MA'I 'TSUB DE BZLOG THABS LA DGONGS PAR SNANG, ZHAG GNYIS SONG BA'I TSE PHA ROL GYI BSAM SBYOR NGAN BA'I BYAD RBOD LA BRTEN THOG 'KHYUG 'BYUNG BAR NYE BA'I GNAM NGO SHIN TU 'JIGS BA LHA SNGAGS YE SHES KYI NUS PAS RIM GYIS JE 'JAM DU SONG, BCOM LDAN 'DAS MGON PO TSE DANG YE SHES DPAG TU MED PAS BYIN GYIS BRLABS PA'I GZIGS SNANG YANG SHAR, GTER LUNG BCU GSUM SOGS GNAS RNAMS THAMS CAD MJAL BA DANG BCAS BZHUGS ZHAG BCO LNGA SONG BAR CHU RLUNG GIS MTSON PA'I SGRA MTHA' DAG BADZRA GU RU'I 'DZAB SGRAR LHANG LHANG SGROG PA GSAN ZHENG GZUGS SNANG KUN ZHI KHRO RAB 'BYAMS KYI LHA TSOGS SU SHAD CING BDE BAR GSHEGS PA'I SKU BRNYAN GYI ZHAL LA ME TOG MANG PO SHAR BA SOGS LA SPRO BA DANG, GZIGS SNAR KHYAD PAR CAN GYI BLA MA DANG GNAS LA DAD GDUNG PHAN TSUN 'GRAN BZHIN PA'I NGANG NAS MKHAS GRUB CHEN PO KHYUNG PO DU GU BA'I DBEN GNAS ZHONG ZHONG DU PHEBS NAS GNAS RTEN RNAMS ZHIB PAR GZIGS, YE SHES MGON PO'I LAS MKHAN GNOD SBYIN KshE TRA P'A LA SKU'I DBYIBS DANG CHA LUGS YONGS GRAGS LA PHYAG G-YAS KYIS THOD PA'I CANG TE'U 'PHROL PA'I SGRA LHANG LHANG SGROG PA GSAN PA 'DI DPAL SHANGS PA BKA' BRGYUD KYI BSTAN PA RANG TSUGS THUB PA'I 'BUR DOD NI RIM GYIS 'GRIB, CHOS RGYUN YANG BLOS BYAS RANG BZO'I 'CHAL 'CHOL DANG BKLAG LUNG DAM DUM GYIS GZHAN SNANG 'DRING PA'I

DUS 'DIR RJE 'DI NYID KYIS BSTAN PA RMA MED DU BZUNG BA LA MNYES SAM SNYAM, RI DUS TU BYON TE PHYOGS 'DUS KYI DON GNYER CAD [?] DU MA LA YE SHES MKHA' 'GRO'I ZHAL LUNG MKHAS GRUB KHYUNG PO'I ZAB CHOS NE GU CHOS DRUG GI DBANG BYIN RLABS 'KHRID LUNG SMIN RGYAS SU GNANG BA'I 'OD GSAL DU KUN MKHYEN MKHYEN BRTZE'I ZHABS PHEBS NAS DGYES PA'I RNAM 'GYUR DANG LEGS SO STZAL, PAD GLING DRAG PO DMAR CHEN GYI RTZA BSNYEN GNANG BA'I SGANG TZAM LA LHONGS KYI RNAM PAS SKU STOD SHIN TU MNYEL BAR 'PHROD BSTEN SOGS KYI THUGS BLO TZAB TZUB GANG YANG MA MDZAD PAR LTA SGOM GYI NGANG NAS BZLAS BRJOD LA 'GRUS PAR GNANG BAS PHYI NANG GSANG GSUM GYI BAR GCOD KYI TSOGS RANG SAR DAG STE SKU KHAMS SHIN TU BDE, DRAG PO DMAR CHEN ZHAL GSUM PHYAG DRUG PA GTZO 'KHOR GYI ZHAL GZIGS KYANG GSAL BAR BYUNG, DPAL GTOR ZHO LTAR ZHU BA AYON CHOS KYI RGYAL POS DNGOS GRUB CHAR BZHIN 'BEBS PA'I DGE MTSAN RNYED, SKU MTSAMS GROL NAS NGOR ZUR CHAD BLA MA MDA' RIS PAR TSE DBANG GNANG BA'I DBANG SGRUB KYI SKABS TSA CHANG KHOL TE PHYIR LUNG BA'I BYIN RLABS KYI MTSAN MA CHE, HOR ZLA DGU PA'I NANG DU LJAGS BSNYEN KHA GSO BDUN GCIG GI DUS TSES BCU'I THO RENGS RMANG LAM DU DPAL KYE RDO RJE ZHAL BRGYAD PA'I SKU MI TSAD TZAM DANG DRIN CHEN AYON CHEN BO GSAL BAR GZIGS PA'I DANG LA ZHAL SAD, KHU LUNG NAS DBON RIN PO CHE BSOD NAMS RAB BRTAN MJAL BAR PHEBS TE ZHAG SHAS SKU ZHABS SU BZHUGS SHING THUGS DGYES PA CHEN POS TSE DBANG RKYEN SAL SOGS GNANG NAS PHYIR THEGS, 'DAR CHOS 'KHOR YANG RTZER GSER GDUNG RIN

, ,PO CHE MJAL BAR PHEBS PA'I DBANG 'KHRID LUNG MAN NGAG RGYA CHER GNANG ZHING RNAM RGYAL STAG RTZER SDE PA YUM SRAS LA 'DOD CHOS MANG DU STZAL, NUB CIG 'OD GSAL LA TSAR CHEN CHOS KYI RGYAL PO ZHAL KHYIM DAD NA BZA' JI LTA BA GZI BRJID DANG LDAN PA'I ZHABS GNYIS RJE NYID KYI DBU GCUG TU BZHAG CING PHYAG GNYIS KYIS ZHAL 'GRAM SKYOR NAS BKA' BSGO RGYAS PA ZHIG GNANG BAR THUGS GDUNG SHUGS MOS GUS DRAG POS GSOL 'DEBS MDZAD PA'I MUS NAS TSAR CHEN RIN PO CHE 'DI AYON RIN PO CHE DANG DNGOS SU MJAL BA'I BYIN RLABS NUS MTHU KHYAD PAR DU 'PHAGS PA YIN SNYAM BAR TSAR CHEN AYON RIN PO CHER LAM GYIS SONG BA'I THUGS KA'I THAD DU THUGS YID RTZE GCIG TU BSTAD DE RNAM PA AYON LAS NGO BO RIN PO CHE TSAR BA RANG YIN SNYAM PA'I NGANG NAS MNAL SAD DUS KYANG ZHABS DBU GTZUG TU BZHAG PA'I DROD DE GA TSA CHIL LE BAR DNGOS SU BYUNG ZHING THUGS SEMS BDE 'BOL LE BAR GYUR, YANG MNAL LAM ZHIG LA SNGAGS 'CHANG CHEN PO BSOD NAMS CHOS 'PHEL DANG RJE NYID KYI THUGS KA SBYAR BLTA BUS BKA' BSGO ZHING BYIN GYIS BRLABS PA'I NGANG SAD PA'I THUGS BDE BA'I TSAD CIG BYUNG, DE NAS MI RING BAR CHAR CHEN RDO RJE 'CHANG GI YAB GZHAS RMU GSHONG DGE BA'I TSAL GYI MGON KHANG DU TSAR CHEN GYI PHYAG NAS MA'I GNOD SBYIN BEG RTZE'I SKU MJAL ,SNYAN DAR DMOD NAS GTOR BSNGO 'PHRIN BCOL RGYAS PAR GNANG STE PHYIR PHEBS GDONG GDUNG MTSAMS LA SPYAN GZIGS KYI MDA' DAR MANG PO YOD PA'I KHROD NAS DAR SKUD DMAR PO 'DOM BCU TZAM ZHIG PHYI SKAS 'GO'I BAR BRKYANG BA'I GDAN 'DREN TSUL MDZAD

PA NI CHOS SKYONG 'DI NYID LA MNGA' BRNYES PAS PAD MTSOR DANG PA LTAR DAM CAN RANG BZHIN GYIS 'DU BAR BSAM, DE NAS MNYAN YOD BYA RGOD GSHIR DU 'JAM DBYANGS DGA' BA'I BSHES GNYEN GYIS SPYAN DRANGS SNYAN BRGYUD KYI CHOS DU MA STZAL, 'OD GSAL DU RDZA THOG 'OG GI SHOD LA 'GRO RTZIS BYAS PAR SKOR LAM DU BANDE CHAS BZANG SNUM BAG DANG LDAN PAS PHYAG BGYIS BYUNG BA'I NGAG NAS DNGUL CHU NA BLO GSAL RGYA MTSO'I GTER YOD DO ZER BZHIN PA'I DANG RJES 'BRANGS TE JO BO'I SKU MDUN GYI THAD DU NGA'I MING LA GNOD SPYIN RDO RJER GRAGS ZHES 'DZUM 'DZUM NGO SHES GANG YANG ZHU BA ZHIG RMIS GSUNG BA RJE BYAMS PHRUG BAR SNYAN BRGYUD KYI CHOS SKOR RNAMS GNANG DGOS PA DANG RGYAL CHEN RNAM THOS SRAS DGYES PA'I MTSAN MA YIN NAM SNYAM, 'JAM DBYANGS DGA' BA'I BSHES GNYEN LA SNGA PHYIR SNYAN BRGYUD KYI CHOS BKA' GNANG BA'I CHOS SKYONG CHE CHUNG GI SKOR MDZAD SKABS MAN NGAG SHIN TU ZAB PA RNAMS MI GNANG BA'I RTZIS KYIS ZUR DU BTON NAS BLA BRE'I STENG DU 'JOG PA GNANG PA THAG PA CHAD NAS PHYAG DPE RNAMS BYAMS PHRUG PA'I SKU BANG DU BABS PA NI CHOS SKYONG GIS CHOS DNGOS SU GTAD PA LTA BU'I DPON SLOB GNYIS KA'I CHE BAR MNGON, BO DONG DU THEGS PA'I DPAL LDAN DMAG ZOR MAR BKANG GSO MCHOD BSTOD RGYAS PAR MJAD, GZIMS DPON PADMA'I KHANG G-YABS SU BZHUGS PA'I NUB DPAL RDO RJE 'JIGS BYED KYI DKYIL 'KHOR YONGS RDZOGS KYI SKU GSAL BA, SA SKYA BA CHEN PO'I SKU LAS 'OD SNGON PO 'PHRO BA'I NANG DU DGYES MDZAD RDO RJE LHA DGU'I RTEN BRTEN PA GSAL BAR GZIGS, 'DI SKABS YUM BSNYUNG YUN RING BA'I DBANG BSKUR BYIN

, ,RLABS, SMAN DPYAD, SKU RIM GANG RGYAS MJAD KYANG SKU TSES MA ZIN PAR DGONGS RDZOGS RGYA CHER GNANG ZHING BDUN TSIGS SHIG LA THUGS RJE CHEN PO'I DBANG RGYAS PAR MDZAD PA'I NUB MNAL LAM DU SKU GDUNG STENG GI NAM MKHAR THAMS CAD MKHYEN PA MKHYEN BRTZE'I BA BANG PHYUG GI SKU DBYIBS SNGAR JI LTA BA LA PAn ZHVA BZHES PA ZHIG GSAL BAR BYUNG BA RJES SU 'DZIN PA'I BRDA YIN NAM SNYAM, ZHUGS 'BUL GRUB NAS ZHAG KHA SHAS SONG BA NA KUN MKHYEN MKHYEN BRTZE KHYEL BZHUGS MDZAD NAS ZHABS BUS G-YAS PA'I STENG NA MAndAL BSNAMS TE 'BUL TSUL GYI, SA GZHI SPOS KYIS BYUGS SHING ME TOG BKRAM NAS, ,'GRO KUN RNAM DAG ZHING DU SKYE BAR SHOG ,CES GSUNG BA'I SKU'I 'KHRIS NA YUM DE ZHAL KHYIM DMAR CHAM ME BA LA DBU SKRA SEL BU SKU RKENG YAN CHAD KHEBS PA'I MTHAR DE 'DRA BA NGO MI SHES PA 'DRA DANG BCAS RJE NYID LA SKOR BA BYED PA DRIN LAN YIN RGYU BAR BYUNG BA YUM KU LU TA'I ZHING DU MKHA' 'GROR GYUR BA'I LTAS SU MKHYEN, 'DI DUS BKRA SHIS RTZE'I SDE PA CHOS RJE GRONGS PA'I YAR 'DREN LA PHEBS DGOS TSUL GYI GDAN 'DREN BYUNG BAR YUM SKU KHAMS BDE ZHAN GYI DBYE BA MA [?] KHYED PAR DGONGS KHROL DGOS TSUL GNANG BAR SDE PAS GAL SRID MI PHEBS PA 'DUG NA AYON MCHO MO LTA BU GZHAN ZHIG GDAN DRONGS ZHES MDAGS TSOD NAS BSAM SDINGS SPRUL SKU BYON PA MCHOD YON 'BREL ZAB KYIS GRUB MTHA' 'GYUR BA'I 'GO TSUGS, LCAGS KYI LO DBON RIN PO CHE BSOD NAMS RAB BRTAN ZHA LUR DGE TSUL SGRUB PAR PHEBS PA'I SNGA NUB LHA CHEN RTZIS KYI MGON PO'I LAS MKHAN SROG GI BDAG PO GOS DKAR GYI TZE BER DANG NGE STENG DU KHRAB GSOL

BA LAG NA DRI DANG BZANG PO'I SBOS KYI CHUN PO DAR SKUD KYIS BSDAMS PA SBOS SKOR BYED PA'I TSUL GYIS 'ONGS PA RJES SU GSUNG BGROS KYI LHONGS LA RMI LTAS DE BZHIN BYUNG BA LA DPAGS NA KHYED TSUL KHRIMS 'GO THON PA'I BCUN PA RNAM DAG ZHIG 'ONG BA'I LTAS SU 'DUG STZAL, GZA' SKAR 'PHROD SBYOR DGE BA'I CHA RAB TU BYUNG BA'I MTSAN MGAN PO BSOD NAMS MCHOG LDAN BSTAN PA'I RGYAL MTSAN DPAL BZANG POR GSOL BA GNANG STE TSIGS SNGA MA DGE TSUL GYI BAR BSGRUBS NAS SH'AKYA'I SRAS SU MDZAD, NYER MKHO'I DBANG LUNG THOR BU STZAL, KHU DBON LHAN CIG BAR GDAN SA CHEN PO DPAL LDAN SA SKYA MJAL BAR SKOR TZAM PHEBS, RI PHUG TU STAN CHAGS, BKRA SHIS RTZE NAS SDE DGON TSANG MAS PHEBS DGOS TSUL GYI SPYAN 'DREN YANG YANG BYUNG BAR BRTEN DBON RIN PO CHE ZHABS PHYIR KHRID DE YAR KLUNGS PHYOGS SU PHEBS, LO 'PHROS KYI RING 'CHAD NYAN BYIN RLABS SOGS SKYA SER SO SO'I BLO DANG 'TSAM PA'I RE BA BKANG NGO,, TSAR CHEN BLA MAS 'BRAL MED RJES SU BZUNG, ,ZAB LUNG GTER SRUNG GZHI BDAG BSU BAR 'ONGS, , BKA' 'DUS BSGRUBS TSE GU RUS DNGOS BYIN BRLABS, ,'JAM MGON MKHYEN BRTZE'I NUS PAS BGEGS DPUD BZLOG ,GZUGS RNAMS LHA DANG SGRAR GRAG SNGAGS KYI GDANGS, ,BZANG NGAN GANG SHAR BDE STONG CHOS SKU'I DBYINGS, ,SNANG BRNYAN BZHIN RAS LA CHAGS CHU SKYES KYI, ,'DAB MA'I MIG ZUR 'DZUM PAS RGOD DO SNYAM, ,GLAGS LTA DAM SRI'I GZUGS PHUNG 'DAM LTA BU, ,HRAG 'THUNG PADMA'I STANG STABS 'GROS KYIS BRDZIS, ,TSE CHU KHOL BA'I GZEGS MA PHYOGS BRGYAR 'PHROG DBYER

, ,MED RTZA GSUM MA 'DRES SO SOR GZIGS, ,PHA RGOD BLA MA'I GDAN SAR CHOS 'KHOR BSKOR, ,SE DKAR SA SPYAD GCUG GIS ZHABS PAD BTEG ,CHAR CHEN YAB SRAS SKU YI DAG SNANG DU, ,BYIN RLABS MNGON SUM BDE DROD CHES CHER 'BAR, ,BLO 'DAS GDONG MA'I MGON PA TSAR BA RJA, ,BLO GSAL RGYA MTSO'I NGED DPON 'KHRUNGS GNAS DER, ,BLO STOBS NUS PA'I DBANG PHYUG GNAD SBYIN CHES, ,BLO CHEN GTZUG RGYAN KHYOD LA 'DUD PHYIR 'BRANGS, ,MNYAN YID BYA GSHANGS LUNG BSTAN NGO MCHAR RNYED, ,LHA MCHAG 'DOD KHAMS DBANG MO DGYES ZHAL 'DZUM, ,BRTZE CHEN THUGS RJE'I DANGS MTSOR KYA RDO RJE, ,'JAM DPAL DUS DGRA'I SNANG BRNYAN CI LANG SHAR, ,MKHA' MNYAM 'GRE KUN MAR SHES KYIS DRANGS PA'I, ,BYANG CHUB SEMS CHUS THUGS RGYUD RAB GSHER YANG, ,YUM LA MCHED BRTZON SRI ZHUS YID CAN 'GRO, ,MI GTONG DAM BCAR NGES RNYED 'DREN PA BZHIN, ,YE SHES SGYU 'PHRUL LUS PHRA MI MO'I GZUGS, ,BSGYUR BA GZHAN POR BLA MAS LAM STON GYI, ,ZOL LAS KU LU TA ZHING MKHA' 'GRO MA'I, ,TSEGS KYI SLOB DPON MDZAD LA RINGS SAM SNYAM, ,RANG GZHAN PHYOGS SU LHUNGS PA'I KUN RTOG RNAMS, ,RANG SEMS 'KHOR 'DAS DBYER MED SLONG GRAL YANG, ,RANG LUGS BSTAN PA'I SROG RTZA RAB 'DZIN PA'I, ,RANG RIGS SH'AKYA'I SRAS SU LEGS PAR BSGRUN [?], ,CHU BYI SHAR NAS DBUS GCANG GI SDE DPON PHAL CHER MDUN MA GCIG TU DRIL TE GCANG SKUR GNYIS KYI THOG TU NGAN GRA BSGRIGS BAR GRAGS SHING LA LA GTZANG SDE SRID PHUN TSOGS RNAM RGYAL GYIS RTZE CHEN GANG CHEN PAR DE 'DRA RTZOMS

SHIG PAR NGAN BSLABS MDZAD PA'I 'PHUNG BSHIG SBYOR NGAN YIN 'DRA ZER BA GANG LTAR NA'ANG SNE'U SDONG RTZE NAS DBU MDZAD LHA BYA YAR RGYAB 'BYOR RGYAS 'BOG MDONG SOGS SDE DPON RAGS BSDUS THUGS RTZE GCIG PA'I BDE GZAR LANGS PAR BKRA SHIS RTZE PA DPON G-YOG YAR STONG KYI DMAG PHYI 'BRANGS ZIN RJES SDE BA DNGOS GRUB RDO RJE GLO BUR DU NGA DGE SLONG RGAN PO LCAGS KYI CHOS GOS GYON PA YIN ZHES RDZONG NAS CHAS TE MAR LAM CHOS SDER BYON PA RDO RJE 'CHANG GIS SKUN DANG SKU RTEN GANG SA NAS 'BYON PA MI 'GAB GAL TE PHEBS NAS GSOL GO MA MCHOD GSUNGS BAR DNGOS LAN MED PA'I RDO RJE PHAG MO MKHYEN ZHES G-YAS CHUNG GI RNAM PA MDZAD, DMAG RTA BZANG SHOS RNAMS SONG ZIN PA'I GSAR MA SHIN TU RGAN PA ZHIG LA RTA GO SPRAD SDE PA RANG GSOL GO BZABS SPROD DANG BCAS CHOS SDE'I 'GAG TU RTA LA CHIBS PA DANG LHAN DU BLA MA LKUGS PA DMAG LA 'GRO BAR GO CHA MA GYON ZHES CHIG LAB DANG BCAS BYON PAR SMON MKHAR RI ZUR DU G-YUL BUB SKABS GO CHA MED NA BROS PAS THAR RGYUR RTAS GO CHA MA THEG PA'I YUR POR 'GYEL THOG RGYA RI BA'I DMAG GIS DED NAS DBU SHOR BA NI BAR DER GRUB MTHA' BO DONG BAR 'GYUR NAS 'PHYOS MDAR DGON PA BTAB PA SOGS LA BRTEN RIGS 'DZIN YONGS 'DUS KYI SPYI LUNG GSANG BA'I GAL MDO LAS, GLANG RI'I MDUN NGOS GDUG PA'I RI GSUM LA:- THUGS LHA RIGS GSUM BZHENG ZHING MNAN GZIR 'BAD:- CHOS KYI GRA 'BYUNG DAM TSIG MA GCANG NA:- PHO BDUD THUGS 'KHRUGS NYAR GCIG GRI RU 'CHI:- ZHES BKRA SHIS CHOS SDE'I RGYAB RIL SBAL SDIG SOGS SROG CHAGS MA RUNGS PA'I DBYIBS CAN GYI

, ,RI SBOG GSUM YOD 'DUG BA DANG PHO BDUD KYI GTZO PO LEGS LDAN GUR GYI MGON PO YIN PAS MGON PO'I BKA' CHAD BYUNG BAR GLANG, GCANG DPUNG YANG G-YAS RU BYANG PHYOGS KYI BDE GZAR RTZA BA MA CHOD PAS 'GOR GZHI CHE ZHING DRUNG BA RGYAL TSAB PAS BSHOL BA MA GTOGS YAR STOD SDE PA KHRI BAS LHUN BO SGANG BSKYAR NAS DVAGS POR 'BROM RTZIS MDZAD PA SOGS SKU RAB PA PHYOGS GTOGS DMIGS PA MED PA'I DBYINGS SU RGYAS 'DEBS PAR NYE BA'I GRUL DRAG PO'I SKABS SDE BA MA CHAN GRONGS BA TZAM LAS BKRA SHIS RTZE'I SDE DGON BYINGS LA 'PHO 'GYUR SOGS NYES SKYON CHER MA 'BYUNG BA DAM PA 'DI'I GZI BYIN DANG THUGS RJE KHO NA'O,, LO SNGA RTING TSOR 'BRUM NAG MCHED DRAGS PA'I KHYAB BDAG SMAN LUNG PA BLO MCHOG RDO RJE SKU 'BRUM MTHAR BAR RJE 'DI NYID KYIS SRUNG BA DANG BYIN RLABS GNANG ZHING AO LO RANG SKYON MI YONG ZHES ZHAL GYIS BZHES, DE RJES TSER MA CAN GYI NAD KHA YAR BYUNG BA YANG THUGS 'DZEM CHER MA THUB CING, LHAG PAR ME BYI LO SHEL BRAG TU 'BRUM YOL MDZAD DUS SNE'U SDONG RTZE NAS LO GSAR 'PHROS GTAM LA 'PHRAL DU GDAN 'DREN GYI SKU DBANG BDE SPYOD LTA BU BYUNG SKABS PHABS LAM DU THAR BAS SHI BA'I PHUNG PO DANG 'JOM PAS THUGS YA YANG BA BYUNG BAR PHYIS SU KHO BO TSER MA CAN GYI NAD MA 'GOS PA'I DANG DU SONG BA BLA MA DAM PA DE NYID KYI BYIN RLABS ZHUGS BA'I BKA' DRIN YIN YANG YANG GSUNG, CHOS KYI RGYAL PO DPAL BKRA SHIS STOBS RGYAL GYI THUGS SRAS RIGS 'DZIN NGAG GI DBANG PO ZHES SNA NAM RDO RJE BDUD 'JOMS KYI SPRUL BA'I ZLOS GAR DA NYID RGYAL KHAMS PHYOGS MED KYI GDUL BYA'I RE BA

SPONG BA'I BAR KHAMS STOD SMAD DANG RGYA YUL PHYOGS SU CHIBS KYI KHA LO BSKYOD PA'I PHEBS ZHOR DU BKRA SHIS CHOS SDER SPYAN DRANGS PA DPON SLOB THUGS YID GCIG 'DRES SU GYUR, DRAG PO DBU DGU YE SHES 'OD MCHOG GI DBANG LUNG SOGS ZAB CHOS KHA YAR 'BUL BA GNANG ZHING TSUR YANG CHOS KYI 'BREL PA CI RIGS GSAN, CHU GLANG BKRA SHIS RTZE'I RDZONG DU BZHUGS SKABS RJE NYID RDO RJE NAG PO GUR GYI MGON PO'I SKU SHIN TU CHE BA GZI BYIN CAN DU GYUR PA BDUD SDE'I G-YUL LAS RGYAL BA'I MTSAN MAR MNGON, BKRA SHIS CHOS SDER BZHUGS SKABS SHIG ZHABS DRUNG NAM MKHA' SNGAR GYI SKU'I CHA LUGS JI LTA BA, YE SHES d'A KI NE GU MA SMUG NAG, SU KHA SIDDHI G-YU'I MDOG CAN, KHRO BO STOBS PO CHE RNAMS KYI SKU'I RNAM 'GYUR GSAL BAR BSTAN TE BYIN GYIS BRLABS SHING BAR CHAD BSRUNG BA, TSAR CHEN CHOS KYI RGYAL PO, KUN MKHYEN MKHYEN BRTZE'I DBANG PHYUG, MKHAN CHEN BSLAB GSUM RGYAL MTSAN, PHA RGOD SNGAGS 'CHANG BSOD NAMS CHOS 'PHEL BZHI SKU GZI BRJID PHUN SUM TSOGS PA DGYES PA'I ZHAL 'DZUM BAG DANG BCAS TE MNAL LAM DU BYUNG TSUL GYI BSNYEL THO ZUR TZAM 'DUG PA NGES DON LA MNGON SUM DU LHA DANG BLA MA 'DI DAG GZIGS SHING CHOS BSHAD LUNG BSTAN DBUGS DBYUNG SOGS RGYA CHE BA ZHIG YOD 'DRA YANG RGYU MCHAN ZHIB TU MA RTOGS PAS RANG BZO'I RDZUN CHIG GI MDZES RGYAN 'DRI BAR MA SPOBS, SHING STAG LOR LHA BRAG GTER BYON GYI LCAGS SDONG MA'I TSE SGRUB ZHAG NYER GCIG GNANG PA'I DUS 'OD GSAL DU TSE DPAG MED SPRUL SKU'I CHA LUGS GZHUNG NAS BSHAD PA JI LTA BA'I RNAM PAR GYUR PA LAN GNYIS KYI BAR DU BYUNG BA NI GAR

, ,DBANG 'CHI MED GRUB PAS LCAGS KYI SROG PA RTZA'I DNGOS GRUB STZAL NAS BYIN GYIS BRLABS PAR GDON MI ZA, CHOS SDE'I MGON KHANG GI GTOR 'KHRIS NA GNOD SBYIN CHEN PO BEG TZE PHO RKYANG GI RNAM PAR MDA' GANG TZAM PA'I SKU CHED GTUM RNGAM BRJID BAG DANG LDAN PA SHIN TU GSAL BA GZIGS BA NI SA LUGS BYINGS LA CHOS SKYONG 'DI NYID GRAGS CHUNG YANG BLA MA GNYAN LO TZ'A BA THUGS GTZIGS CHE ZHING MGON PO ZHAL GYI LAS MKHAN DMAR NAG GNYIS KYI DMAR PO YIN PAS RDO RJE 'CHANG CHAR BA CHOS RJE NAS BZUNG LUGS 'DI'I CHOS SRUNG GI GTZO BO ZHIG TU MDZAD GSHIS DPON SLOB SDE DANG BCAS PA MTHA' DAG G-YEL MED DU BSRUNG BAR DMAR ZLUM GYI SPYAN NYI ZLA LTAR 'KHYIL BA'I BRDAR MNGON, LO SDUN MA'I BDE GZAR RGYUN RINGS PAR BRTEN BSGRIGS KUN SPYOD RNAMS BAG YANGS PA GRA PA KHA SHAS 'CHAL PA'I SKYON BYUNG BA BSLAB PA BSKYAR ZHANG DGE 'DUN GYI KHRIMS SU BCA' BA LEGS PAR BSDAMS PA'I NUB MNAL LAM DU NANG MDO SBUG BYAS PA'I SPROS DER TSAR CHEN CHOS KYI RGYAL PO BZHUGS PA'I SKU MDUN DU SHING GZHONG CHEN PO RTZAM PA'I PHUNG POS GANG BA ZHIG BZHAG 'DUG PA'I DRUNG DU BYON PA NA RDO RING RIN PO CHE'I DON YIN NAM GSUNG BA MNAL SAD NAS THUGS BSAM GNANG TSE BDAG 'DI PHYOGS SU SDONG 'DOD MED KYANG CHOS SDE 'DI'I 'DZIN SKYONG SPEL GSUM GANG NUS SU BGYIS PA DANG NYE LAM DGE 'DUN RNAMS KHRIMS LA BKOD PA SOGS DON DU GNYER BA 'DI BLA MA YAB SRAS KYI BSTAN BA KHA'U BA'I RING LUGS SU GRAGS PA 'DI LA BSAMS PA YIN PAS GSUNG DE'ANG DON DE'I THOG TU 'BEBS PAR 'DUG SNYAM PA DGA' SPRE DANG MOS GUS TSAD

MED PA BYUNG TSUL MCHIS, DBUS GTZANG SA KHAD 'GYANGS PA DANG SKU NA SMIN PA NAS PHEBS 'GRUL RTAG PO MA THUB PAR BRTEN DMAR SER ZHES PA ME SPRUL HOR ZLA GNYIS PA'I TSES BCO LNGA GZA' SKAR 'PHROD SBYOR DAG PA'I DUS DGA' LDAN YID DGA' CHOS 'DZIN DU DAM BA TOG DKAR BOS RANG GI COD PAN MA PHAM PA'I DBUR BCINGS TA RGYAL TSAB TU BSKOS BA LTAR CHES DANG RIGS KYI RGYAL PA'I SRAS DBON RIN PO CHE MGON PO BSOD NAMS MCHOG LDAN RJE RDO RJE 'CHANG RANG GI CHOS KYI KHRIR MNGA' GSOL NAS YON MCHOD SKYA SER MTHA' DAG GIS LEGS 'BUL DANG BCAS PHUN SUM TSOGS PA'I DGA' STON RGYA CHER MDZAD DE RJE BLA MA GTZANG PHYOGS SU CHIBS KHA BSGYUR BA'I RI PHUG TU PHEBS, DBYAR KHYAB BDAG ZHA LU PA CHEN POS THOG DRANGS PA'I KHA SHAS LA BDE CHEN RAL GCIG GI RDZOGS RIM SEMS NYID NGAL GSO'I 'KHRID SOGS CHOS BKA' KHA YAR, DE RJES GLANG PHU CHES RJE 'JAM DBYANGS CHOS SKYONG DBANG PHYUG GIS GSOL BA BTAB PA LA BRTEN NAS ZHA LU PA CHEN PO SOGS CHABS CIG PAR GUR GYI SRUNG 'KHOR BRAG RDZONG MA PHYI NANG BA SANG GSUM GYI 'KHRID, RNAM SRAS KYI RJES GNANG SKOR, LUNG KHA SHAS GNANG, DE MUS NGOR NAS MKHAN CHEN SGRUB KHANG PA MKHAS GRUB DPAL LDAN DON GRUB PHEBS PAR GDUGS DKAR ZHE GNYIS MA'I DBANG, GUR MGON GSANG 'KHRID SOGS STZAL, STON SDE PA GLANG PHU NAS GYIS GZHIS KAR SPYAN DRANGS TE BYANG GTER THUGS RJE CHEN PO 'GRO BA KUN SGROL GYI SGO NAS MDONG STON CHOS SKYONG BSOD NAMS KYI PHYAG BZHES BZHIN SKYE BDUN RIL BU'I SGRUB PA MDZAD PAS DRIL BU DGU TZAM 'PHEL, ZHAL NGO MTSAR BRAG RDZONG

, ,PHYI NANG GSANG GSUM GYI 'KHRID, PHYAG CHEN LHAN SKYES, BLA MA RIN PO CHE SKAL BZANG PAR GSAN PA NGO SPROD RGYAS PA, 'JAM DBYANGS MKHYEN BRTZE'I DBANG PHYUG GI RNAM THAR MGUR 'BUM SOGS DBANG LUNG MANG DU STZAL, DUS DER KHYAB BDAG ZHA LU PA CHEN POS TSE RABS THAMS CAD DU RJES SU 'DZIN DGOS TSUL ZHU BA GNANG BAR GSOL 'DEBS DANG BCAS PA'I BKA' BZHES GNANG, SHANGS BRGYA TSE BAS GDAN DRANGS DBYAL PHUR GYI DBANG SOGS GSUNG CHOS RGYA CHER STZAL, SA RTA LO RI PHUG TU PHEBS NAS SKU MTSAMS DANG GROL BA'I SKABS MKHAN CHEN SGRUB KHANG PA DANG KHYAB BDAG ZHA LU PA SOGS KHA SHAS LA DUS 'KHOR SDOM CHEN GYI DBANG, GUR GYI RJES GNANG MANG DAG DANG BE'U BUM RNAMS KYI LUNG RAGS RIM, MKHAN CHEN ZHA LU BAR RVA LUGS 'JEGS BYED BCU GSUM MA, 'OD ZER DRI MED, GTZUG TOR DRI MED, PHYAG RDOR 'GRO BZANG SOGS DBANG BYIN RLABS RJES GNANG LUNG SOGS MANG DU GNANG, DE SKABS RJE ZHA LU PAS BDAG 'KHRUL ZHIG TSUL KHRIMS RGYAL MTSAN GYI DUS PHYAG PHYIR AE YONG ZHUS BAS YOD GSUNG, RGYAL YUM GYI DUS YOD DAM ZHUS BAS MED PHEBS, MKHAN CHEN ZHA LU PAS RDO RJE BRAG RDZONG MA'I LJAGS BSNYEN ZLA GCIG GNANG SKABS ZHAL 'DON GNANG RGYU'I SKU BSTOD GSOL 'DEBS SHIG DGOS ZHES ZHU BA GNANG BA'I BKA' RTZOM GYI KHA BYANG DU RI BUG DBU MDZAD CHEN MO'I THUGS DAM ZHES PA'I PHYAG BRIS STZAL BA, DE DUS BTZUN CHUNG NGE LA RI DUG GI BLA MA YONG BSAM PA RANG GZHAN SU LA YANG MED MOD, THUGS MNGON PAR MKHYEN PA MCHIS ZHES YANG YANG GSUNG, SA LUG BRAG,

RDZONG MA'I BSNYEN MTSAMS ZLA BA BDUN GYI BAR MDZAD PA THENGS NAS, RJE RDO RJE 'CHANG STEN RGYAB LCAGS STENG DU DBANG BZHI GROL NAS ZHA LUR PHEBS 'PHRAL DON NUB TSOGS 'KHOR GYIS GSUNG, ZHUGS ME BTANG TSOGS LA ROL SKABS 'O MA DES LHAB LHAB BYAS PA DANG DRAN BYUNG MDANG THAMS CAD MKHYEN PA PHEBS BYUNG BA DE RING KHYED 'BYON PA LA LTA BA 'DUG GSUNG BA RJE MKHYEN BRTZE'I RING LUGS SPEL BAL RNAM PAR SBRUL BA'I DBUGS DBYUNG DU GDA', LCAGS SPREL LAR KLUNGS NAS KHYAB BDAG MGON PO BSOD NAMS MCHOG LDAN RDO RJE 'CHANG GI SKU GZHOGS SU SKOR TZAM BYON PA'I PHEBS LAM DU BZHUGS SKABS RDO RJE 'CHANG GI MTSAN LAM DU RMO MO TSE DBANG GIS DPON RIN PO CHE'I YIN ZER PA'I ZHU YIG DAR SNGON PO'I RTEN DANG BCAS PA PHUL NAS KHONG 'BYON GYIN YOD ZHUS PA DRUNG DU 'BYOR BAR KHA SANG RMI LAM ZHIG BYUNG BA KHYED GLO BUR DU 'BYON PAR LTA BAS YA MTSAN GSUNG, NUB CIG 'OD GSAL DU PAndI TA'I ZHU YIG YIN ZER BA PHYAG TU BYUNG BA CI YIN NAM DGONGS PAR SANG NYIN MKHAN RIN PO CHE NGAG DBANG CHAS GAGS KYI ZHU YIG 'BYOR ZHING, NUB PHYI MA'I MTSAN LAM DU MI ZHIG NA RE MKHAN NGAG CHOS BA 'DI KHRO PHU LO TZ'A BA BYAMS PA'I DPAL GYI SKYE BA YIN TSUL BYUNG BA BLA MA DE NYID SHES BYA RIG PA'I GNAS LNGA LA MKHAS PA'I RNAM DPYOD LA DPAGS NAS SNGON GYI LO PAn ZHIG GI BAG CHAGS KYI MTHU BRTAS PAR GDON NI ZA SNYAM, ZHABS DRUNG DBON RIN PO CHE SOGS LA ZLA BA GSUM GYI BAR MGON PO'I GSANG 'KHRID SMIN RGYAS KYIS GTZOS BKA' CHOS MANG DU STZAL, ZHAL GDAMS ZHIG ZHU BA GNANG BAR, RANG NYID MGON POR BYED NA GNAS LUGS SGOM, ,MGON PO 'BRAL

, ,MED 'DOD NA GSANG RTEN SGOM, ,DUS KUN SKYED RDZOGS ZUNG 'JUG 'BRAL MED SGOM, ,SGOM GSUM LDAN PA'I GDAMS PA DBON LA 'BUL, ,ZHES SKU RTZED KYI TSUL DU MDZAD, NYIN GCIG NAM MKHA' LA GZIGS PAR KHYAB BDAG ZHA LU PAS CI 'DUG ZHUS PAS THAMS CAD MKHYEN PA BU STON RIN PO CHE PHYAG SDIGS MDZUB DANG BCAS PHYOGS BCUR BSRUNG BA MDZAD 'DUG GSUNG BAR BAR SKABS KYI ZHA LU'I BSTAN PA'I GEGS BYED RNAMS BSAL NAS NYAMS GSOS SOGS 'PHEL RGYAS YONG BA DANG LCAGS LUG BSTAN PA'I BYUR CHAGS KYI ZLA MO BRAG SKU SKYER MKHAN PO'I STA GON GYI BDUD LAS BZLOG PA'I LUNG BSTAN DU SNANG, RJE RDO RJE 'CHANG GIS MKHAN CHEN KLU SGRUB CHOS KYI RGYAL MTSAN DANG, DBON BKA' 'GYUR BA, MKHAN CHEN ZHA LU PA SOGS LA GSANG SNGAGS GSAR RNYING GI CHOS BKA' SHIN TU 'PHEL BA GNANG MUR, GCANG SDE SRID NAS SNAR THANG, PA RNAM BSAM SDINGS, THAR PA SOGS CHOS SDE MANG BOR NYAMS GSOS MDZAD PA'I TSE ZHA LUR YANG DE DANG PHYOGS MTSUNGS SU BYUNG ZHING 'JAM DBYANGS BSOD NAMS DBANG PO GSHEGS PA'I MKHAN PO MED PA DANG 'GRIG PAS RDO RJE 'CHANG LA MKHAN PO'I SNYAN GSAN PHUL BA BZHIN GZA' TSES LEGS PAR THAMS CAD MKHYEN PA BU STON RIN PO CHE'I BZHUGS KHRI'I STENG NAS SKAR 'DZIN DU BTZUN GSAR 'GA' ZHIG LA DGE TSUL GYI SDOM PA GNANG BA THOG TU KHEL NA THAMS CAD MKHYEN PA BU STON YAB SRAS KYI RJES SU TSAR CHEN DANG THAMS CAD MKHYAN PA MKHYEN BRTZE GNYIS LAS BKA' DRIN CHE BA MA BYUNG BA'I RGYUN DANG BCAS BSTAN PAR PHAN PA 'ONG NGES NA'ANG, ZHA LU'I GROS PA MANG

DAG GIS RTZE GDONG ZHABS DRUNG GIS GTZOS PA'I SA SKYA PA'I RIGS MI DGOS PA ZHUS PA DANG, BDE RGYAS NAS SOGS KYIS KHONG DPON SLOB KYIS MKHAN PO MDZAD NA CHOS PHYOGS NAS PHAN THOGS RUNG GNAS GSAR BA DUS PHYIS GLUNG RGYUG PO MI 'DUG PAS 'JIG RTEN NAS MI ZIN ZHUS PAS SDE SRID THUGS 'GYUR TE ZHA LU SKU ZHANG LA SKO BZHAG MDZAD PA LEGS BSHAD RIN PO CHER, BLO CHUNG ZHIG GIS PHAN BTAGS PA, ,NAM ZHIG GNOD PA CHEN POR 'GYUR GYI DON DU SONG, GZHIS RKYANG MGRON RKYANG GI RNAM PAR SDE SRID NAS LCAGS MO BYA LO HOR ZLA DRUG PA'I DUS TSES DGE BAR RI ZHUG DBU MDZAD DU BSKYAR BSKO MDZAD, ZHABS DRUNG DBON RIN PO CHES THOG DRANGS PA KHA SHAS LA BKA' BRGYAD GSANG BA YONGS RDZOGS KYI SGRUB CHEN DANG 'BREL BA'I DBANG GNANG, DA RJES RJE BKA' 'GYUR BA YAR KLUNGS SU PHEBS, LUGS 'DI LA KYE RDO RJE'I SGO NAS BDUD RTZI RIL BU SGRUB PAR BLA MA SNGON MAS RJES MA LA SGRUBS SHIG PA'I GNANG BA STZAL BA ZHIG DGOS PA LA RJES SU DE 'DRA'I BAR BKAB MA BYUNG ZHES LUGS SROL NGAR BA MI 'DUG RUNG, PADMA YANG GSANG KHROS PA'I SGO NAS SGRUB PA GNANG BAR RIL BU MANG DU 'PHEL BA SOGS BYIN RLABS KYI TSAN KHA CHE, CHU BYI KHYAB BDAG BKA' 'GYUR BAS BSNYEN RDZOGS KYI BSLAB STON ZHU BAR SKU ZHABS SU PHEBS, ZHA LUR BZHUGS MUR RJE RDO RJE 'CHANG SNGAGS 'CHANG DGON PA SGYI LUNG PAS GDAN DRANGS, THUGS RJE CHEN PO NYON MONGS RANG GROL GYI SGO NAS SKYE BDUN RIL SGRUB GNANG BAS 'PHEL KHA CHE BA MI DGE BCU DANG MTSAMS MED LNGAR SPYOD PA SOGS KYI LTOR SONG YANG NGAN SONG GI GNAS LAS THAR ZHING,

, ,MYUR DU BLA NA MED PA'I BYANG CHUB THOB PA'I MYONG GROL SKYE BA BDUN BA'I DAM RDZAS KYIS 'GRO BA MTHA' DAG GI DON RGYA CHER MDZAD CING, YANG 'UG GNYIS KYIS GTZOS PA'I GZHIS RTZE SKOR GYI SNGAGS PA, SGYI LUNG YAB SRAS KYIS DBUS PA'I ZHA LU TSONG 'DUS KYI SNGAGS PA, RJE DBON BKA' 'GYUR PA DANG KHYAB BDAG ZHA LU PA SOGS DON GNYER CAN MANG POR BKA' BRGYAD BAD 'DUS KYI SGRUB DBANG GNANG, NGOR DU TSIGS PHYI MA GSAN TE, ZHA LUR DRUNG DU PHEBS RDO RJE 'CHANG SDE PA KHRI KHANG PA'I DPON SA GDON DRAG SHUL CAN GYIS GTZES TE MI 'TSO BAR THUG PA SMAN PA DANG SNGAGS PA NUS PA CAN GYIS BOR ZHING, SMAN PAS DA DUNG BLA MA BYIN RLABS CAN 'DRA GDAN 'DREN THUB NA BAD BA'ANG SRID, CES GLENG BA LTAR RJE 'DI NYID SPYAN DRANGS, RTA MGRIN SKYER SGANG LUGS KYI BYIN RLABS GNANG BA'I MOD LA NANG LAS GROL BAS PHYOGS LHUNG DRAG PO'I GDON GYIS ZIN PA RNAMS KYANG YA MTSAN DU 'DZIN TO,, RIN LDING GI SLOB DPON DU MKHAN CHEN ZHA LU PA 'BYON GDONG GDAN BZOS GNANG BYIN BKRA SHIS PHYAG NAS RGYAS PAR GNANG BA'I GSHAM DU, BLTAS PA TZAM GYIS KHAMS GSUM DBANG DU SDUD, ,CES SOGS GSUNGS NAS MJUG TU RNYING MA ZHIG BYUNG SONG NGO AANG GSUNG, RIN LDING NAS RJE ZHA LU PAS MJAL BAR PHEBS PAR RIGS 'DZIN CHEN PO'I BKA' 'DUS DANG DRAG PO DBU DGU'I DBANG GNANG, NGOR NAS RIN PO CHE SGRUB KHANG NAS MJAL BAR PHEBS TE BKA' CHOS DANG GSUNG GLENG 'PHEL BAR BYUNG, PHA RGOD RDO RJE 'CHANG DGON GSAR BA'I DGONGS BSTAD KYI PHEBS SGO LTAR GTZANG SDE SRID KYI BKA' SHOG, SDE PA 'DAR

BA YON MCHOD KYI SNYAN 'BUL DANG BSTUN CHU PHAG MGO ZLA BA'I DUS TSES DGE BAR BSTAN PA'I BDAG PO TSAR PA CHOS RJE YAB SRAS KYI GDAN SA 'DAR STOD CHOS 'KHOR YANG RTZE'I SENG KHRIR PHEBS NAS PHYOGS DE'I SKYE RGU KUN LA 'KHOR LO RNAM PA GSUM GYI SGO DANG PO PHYE, DBUS GTZANGS KHANG 'GYANGS PA'I GSHIS MKHAN RIN PO CHE GZHON NU BLO GROS KYI BUR SBYANGS LA SKU DNGOS PHEBS MTHUB PAR ZHABS DRUNG DBON RIN PO CHE RDZONG BDA' GNANG, DUS SHIG ZHAL DKAR GYI GSOL JA BO BAS PHYAG TSIG NAS SAR LHUNG BA DKAR 'KHYIL 'KHYIL 'KHOR BA LAS GAS CHA G-YE MA BYUNG BA PHYIS SU'ANG YOD BAR SNANG, 'DAR BKRA SHIS SDINGS PA ZHES PA'I SNGAGS PA YON TAN CAN DU BYED PA ZHIG LA SDE PA BSAM GRUB PA'I G-YOG GIS GNOD PA CHER BYAS PAR BRTEN SNGAGS PA 'CHI KHAR LOG PA'I SMON LAM MTSAMS SBYOR GYIS 'BYUNG PO CHEN POR SKYES TE LO GSUM GYI BAR SER BAS LO MI SKYE BA'I CHOS CAN DU BYAS PA YUL MI RNAMS DBUL 'PHONGS DANG 'JIGS SKRAG PHAN TSUN DU 'GRAN PAR THABS MA RNYED PA'I TSE RJE 'DI NYID KYIS BYANG BU BZHU BA GNANG BAS SNGAGS PA 'KHOR BA MTHA' CAN DU GYUR CING LUNG BA'I MI RNAMS BDE SKYID LA BKOD, KONG PO DUNG MTSO RGYAL MTSAN GYI GNYER PA DANG BLA BRANG PA'I RTA RDZING THUG 'PHRAD BYUNG BA GNYER PA RKYEN LAM DU SONG BAS TSONG PA RNAMS KYIS GZIMS KHANG NANG DU 'TSANGS PA SOGS THUGS BSUN CHER BZOS, STONG LA SDU GNAG MANG PO GNANG YANG DGON PAR MTSON RTZE BSTAD PA SOGS LA BRTEN MAR LAM PHYUGS NAD KYIS SHIG, DRE'U LA'ANG BREL NANG KYIS GONG KHA CHE BAR 'DRE MTHONG BA ZHIG GIS GRANG MO CHA NAS YIN ZER BA'I LCAGS KYI AA TZAR GNYIS TSONG DPON

, ,DANG 'GROGS NAS 'DUG LA BAS PAR DOGS PA SKYAS TE GSANG THABS KYIS 'DAR DANG BKRA SHIS RTZER MANG JA BSKOL 'DUG RUNG SKOR THENGS DE GA'I YAR LAM NGA LA GRANG MO CHE NAS 'BOD MI BYUNG ZER BA SOGS RIG PA MA ZIN PA'I 'CHAL 'CHOL SNA TSOGS PA SMRA BZHIN PA'I NGANG LA 'DAS PA'I SKAD CHA GSAN PAS THUGS SNYING RJE CHEN PO'I SGO NAS SKYABS 'JUG GNANG, THENGS SHIG MNAL LAM DU BLA MA RIN PO CHE BSOD NAMS CHOS 'PHEL PHEBS NAS 'DAR PA'I SDE PA 'DI TSOL SKYABS 'OG BYED MKHAN MI 'DUG PAS KHYED KYIS MDZAD DGOS GSUNG BA ZHIG BYUNG BLTAR CHED DU GNYER BA'I SRUNG BA RDO RJE'I RA GUR DU CHUD PA GNANG, DE'I RGYU MTSAN YANG SNGAR BDAG PO SNGAGS 'CHANG CHEN POS TSAR CHEN LA NGED RANG GNYIS MTHU 'GRAN GSUNGS PAR KHO BO RMI LAM TZAM DU'ANG SA SKYA PAR MTHU MI BYED ZHUS KYANG MA GSAN PAR DES NA 'DAR GDONG GNYIS LA THUG PAS NGED KYIS GDOR DGA' BAR LAS SBYOR BYED, DE NAS SRUNG 'KHOR MDZOD, 'DAR LA YANG DE DANG DBYIBS MTSUNGS TSUL GYI ZHAL KHYAD SPAR BAS TSAR CHEN CHOS KYI RGYAL POS DGUN 'KHYAGS PA CHOM CHOM LA GDONG DGA' BAR THOG DBAB PA DANG RIN PO CHA DGON GSAR BA'I ZHAL CHEMS SU GDONG DGA' BA'I MI RTZA MA CHOD BAR DU KHO BO'I PUR DE PHYOGS SU KHA BSTAD LA ZHOG GSUNGS PA LTAR GDAN SA NAS KYANG 'DAR PHYOGS LA GTOR BSKUL 'DRA GNANG TSOD NAS NYER 'TSE BYUNG DOGS LA DGONGS PAR 'DUG, SKABS SHIG KU RU KULLE'I RJES GNANG STZAL DUS CHAR CHER BABS SHING TSOGS BDAG GI TSE JA GTOS CAN 'BUL MI BYUNG, SHING PHO

BYI BA'I LO BKRA SHIS RTZE CHOS SDE'I THUBS BREL RNAMS CHOD NAS LAM 'BRAS BLA BRGYUD ZHAL THANG LA PHYAG NAS ZHU BA SOGS DANG BCAS 'DAR DU PHEBS, CHU SHEL GYI DBANG PO NAG PAS NYA BA'I DUS TSES DGE BAR CHOS KYI RGYAL TSAB DANG RIGS KYI DBON MKHAS BTZUN RGYA MTSO'I 'JUG NGOGS RJE BTZUN DAM PA MGON PO BSOD NAMS MCHOG LDAN, KHA'U BRAG RDZONG PA'I BSTAN PA'I GSAL BYED CHEN PO GLANG PHU CHOS RJE 'JAM DBYANGS CHOS SKYONG DBANG PHYUG, SKYID GSHONGS CHOS RJE MKHAN MANG THOS GRAGS PA RNAM RGYAL GSUM GYIS THOG DRANGS SNOD LDAN GYI SLOB MA NYER GSUM LA RJE TSAR CHEN GYI GSUNG MGUR LAS, GDAMS NGAG MKHA' 'GRO YI SNYAN BRGYUD, ,GSUNG NGAG YID BZHIN GYI NOR BU, ,NYAMS LEN PHYOGS RE TZAM MA YIN, ,BSTAN PA YONGS RDZOGS KYI NYAMS LEN, ,ZHES BA'I DON BZHIN RJE BTZUN RDO RJE BDAG MED MA'I MAN NGAG GI RDZINGS LA BRTAN SHR'I N'A YANDA'I MKHAN PO DPAL LDAN CHOS SKYONG SKU BZHI YE SHES LNGA'I RIN PO CHE'I GLING DU BGROD PA'I RDO RJE THEG PA'I LAM PO CHE, 'JIG RTEN GYI MIG GCIG PU BLA CHEN 'BROG MI'I ZAB CHOS, SA SKYA PA'I 'JAM MGON RIM PAR BYON PA'I SNYAN BRGYUD TSAD MA BZHI LDAN GYI NANG NAS KYANG SLOB BU MCHOG LA STON PA LAM 'BRAS SLOB BSHAD KYI SNANG GSUM LA ZLA BA PHYED GNYIS, DE RJES SEMS BSKYED, LJAGS BSNYEN KHA GSO BDUN GCIG GI RING SLOB MA RNAMS KYI BSAG SBYANG, RGYU DBANG GI DUS PHYOGS 'DUS DANG BCAS PA'I DBANG CHA MANG PO, LTA BA 'KHOR 'DAS DBYER MED, PHYI DKYIL DANG LUS DKYIL GYI SEMS 'DZIN, DBANG PHYI MA GSUM SOGS SO SOR LAM, LTA BA, GRUB

, ,MTHA', 'DA' KHA MA, SGYU LUS, 'OD GSAL, RMI LAM DANG BCAS PA'I NYAMS 'KHRID DBANG BYIN RLABS SOGS CHA TSANG BAR KHYON BSDOMS ZLA BA PHYED BRGYAD LA SMIN RGYAS SU GNANG BA NI TSAR CHEN GYI GSUNG MGUR DU, NYAMS LEN GDAMS PA'I GTZO BO NI, ,RGYAL YUM BDAG MED MKHA' 'GRO LA, ,PAn GRUB DBANG PO BI R'U BAS, ,NOS PA NAS BZUNG DA LTA'I BAR, ,RTZA BA'I BLA MA YAN CHOD DU, ,DBANG BZHI'I CHU BO MA NUB PA'I, ,BLA MA'I GSUNG NGAG BDUD RTZI'I RGYUN, ,TSAD MA BZHI LDAN DBANG BZHI'I LAM, ,RDO RJE THEG PA'I SNYING PO YIN, ,ZHAS GSANG SNGAGS KYI YANG SNYING CHAD MA BZHI LDAN GYI SNYAN BRGYUD LEGS PAR GDAMS, RIN LDING NAS ZHA LU PA CHEN PO RIN CEN BSOD NAMS MCHOG GRUB KYIS RDO RJE 'CHANG LA ZHU YIG TU LO 'DI BZHUGS KYI BKA' BZHES BLO BDE BA ZHIG DGOS ZHU BA GNANG BA'I TSE SPYIR BSTAN PA DANG SGOS KHYED RANG LA BSAMS LO LNGA SDOD PA'I MNYAM GZHAG BRTAN PA BYED CES PA'I ZHU LAN STZAL LO,, LEGS 'DOD G-YO SGYUS LOG PA'I LAM 'KHRID MGRIN, ,LEGS LDAN GRI GUG 'BAR BAS NYER GTUBS KYANG, ,LEGS TSOGS KUN 'BYUNG RDO RJE 'DZIN KHYOD KYIS, ,LEGS PA'I MDUN RTZE BDE CHEN GNAS SU BSKYAL, ,PAD 'BYUNG KHROS PA'I MTHAR THUG DBU DGU PA, ,PAD 'BYUNG BSTAN PA'I NYIN BYED BYANG BA RJES, ,PAD 'BYUNG ZAB GTER BDAG PO KHYOD NYID KYIS, ,PAD 'BYUNG DGONGS PA SKONG SLAD CHED DU GDAMS, ,RTZA GSUM 'KHOR LO'I SNANG BA ZAD MI SHES, ,GCIG LAS DU MAR BSGYUR BA'I SNA TSOGS 'PHRUL, ,TSUR MTHONG BYIS BLO BRID MOD NGES DON DU, ,CHU DANG RLABS 'PHRENG DBYE BA GANG GIS

'BYED, ,GAR DBANG 'CHI MED GRUB PAS LCAGS SROG RTZA, ,BDUD RTZI'I 'OD 'PHRO TSANGS BUG NAS BCUG TSE, ,LNGA PA'I ZHAGS PA 'PHEN PA'I DKA' THUB CAN, ,NYI MA'I BU DE NGAL BA'I GNYID LA G-YUR, ,GNYEN PO'I RLABS KYIS MA ZIN THA RANGS RGYUD ,TSUL LDAN MYU GU SKEMS PAR MNGON PHYOGS PA, ,RNAM DAG SDOM PA'I CHAR GYIS GTAN BDE'I SNYE, ,SMIN DE THUGS RJE'I MKHA' GLANG STAG PO'I DRIN, ,GSUNG RGYUN 'DZIN PA'I STONG PHRAG SRAS MNGA' YANG, ,RIGS KYI THU BO MTSUNGS MED BKA' 'GYUR BA ,SLOB BSHAD MANG BKUR KHRIL RAB BKOD PAS, ,CHOS KYI 'KHOR LOS SGYUR BA'I RES SU SON, ,RGYUD SDE'I MNGA' BDAG DPAL LDAN DON GRUB THUGS, ,RNAM DPYOD LUS PHRA'I MIG DKYUS RING POS PHROGS, ,MKHAN CHEN ZHA LU PA DANG GLANG PHU RJE, ,RANG BSTAN GDAMS BA'I BANG MDZOD LDE MIG GTAD, ,RGYA CHEN GTZUG LAG KUN LA GZHAN GYI DRING, ,MA LTOS DPYOD LDAN NGAG DBANG CHOS KYI GRAGS, ,KHRO PHU LO TZ'A BAR MKHYEN NAS LEGS BSNGAGS PA, ,'DAM KHROD YID BZHIN NOR BU'I BYI DOR 'DRA, ,SHES BYAR SRID KUN YONGS MKHYEN BU STON RJE'I, ,RI PHUG CHOS KYI PHO BRANG NYAMS DGA' BAR, ,BSTAN PA'I ME RO SLAR YANG GNYIS PA ZHIG ,GSO BA'I LEGS LDAN DBYED DUS BZHIN RAS DNGOM, ,BDE GSHEGS ZHI KHRO 'DUS PA'I DKYIL 'KHOR CHAR, ,ZUR STON 'UG BYA PHUNG SOGS RIG SNGAGS 'CHANG, ,MTHA' KLAS SMIN PA DPAL GYI MCHIMS PHU RU, ,RJE 'BANGS NYER LNGA'I MDZAD PAR CO 'DRI SNYAM, ,TSAR CHEN BLA MA'I GDAN SA SRUNGS STENG, ,RNAM DPYOD SPYAN STONG MNGA' BAR BA 'GYING TSE, ,LOG RTOG LHA MIN MO YI

, ,MNGAL LHUNGS DANG, ,LHAN CIG SLOB BSHAD BCUD KYI DGA' STON RGYAS, ,RANG RANG LAS 'CHIR RLOMS PA'I GRO SOG MDAS, ,SROG RTZA 'GAGS NUS MIN KYANG STES DBANG GIS, ,MIG 'BRAS BCAR BA SKYOB PHYIR DGON GSAR BAS, ,GZHOM MED 'KHOR LOR CHUG CES CHED DU GDAMS, ,MTHO RIS DBANG CHU SLOB BSHAD RAL KLUNG NAS, ,RNAM DPYOD SKAL LDAN SHING RTAS NYER DRANGS KYANG, ,MKHAS GRUB DRANG SRONG PHAL GYI PHYIR SKYUGS PA, ,SHONG SNOD ZLA BA'I MA MA GSAR PA MTSAR, ,RGYAL TSAB DPON RIN PO CHER MYUG NAS 'PHO 'PHYUGS SKABS RTZE GDONG DU BCOL, DE NAS RI PHUG TU DRANGS SLAR 'DAR DU GDAN DRANGS PA'I LAM 'BRAS BRGYUD BA'I KHA SKOD, KHA'U BRAG RDZONG PA'I BRGYUD PA NA RIM GYI SKU THANG SOGS BZHENGS NAS LAM 'BRAS LHA KHANG BSGRIG PA'I BSLAB STON STZAL BA LTAR LEGS PAR GRUB BA DES LCAGS YOS ME SHOR BYUNG SKABS KYANG MA TSIG PA'I BYIN RLABS CAN DU GRAGS, GZHAN YANG SNGA PHYI 'DI DAG TU RJE 'DI NYID DANG GLANG PHU CHOS RJER ZAB CHOS MANG DU GNANG BA NI TSAR CHEN GYI GSUNG MGUR DU, NGA KUN SPANGS CHOS RJE'I BU BRGYUD LA, ,CHOS ZAB MO GDAMS PA'I SNYAN GRAGS YOD, ,DE THOB 'DOD KYI TSAB TSUB MNGAN YANG, ,THOB NGES KYI SNOD LDAN RE RE TZAM, ,ZHES PA LTAR RJES 'BRANGS KYI SLOB MA GRANGS MANG NA'ANG SHAD LAS PA YONGS SU RDZOGS PA NYUNG BAR MCHIS, SA SKYA'I RJE BTZUN GONG MA RNAMS KYI SNYAN NA SNYAN ZHAL NAS ZHAL DU BRGYUD PA'I ZAB CHOS DO PA STON TSUL, RGYAL TSA LUNG MANG PO DPON BCAS, DAM PA KUN DGA' GRAGS, ZHANG STON KHU DPON TZAM MA

GTOGS PA BA CHER BDAG CHEN RDO RJE 'CHANG YAN CHAD GDUNG BRGYUD RIM BAR CHIG BRGYUD LTA BU'I TSUL DU BYON PA YIN NA'ANG SA LO THAMS CAD MKHYEN PA DANG SNGAGS 'CHANG KUN DGA' BSAM GRUB SKU MCHED KYI DUS THOR BU LAS MA GSAN CING BDAG CHEN KUN RIN PA DBUS SU PHEBS DUS 'PHAN YUL DPAL LDAN RTZER RJE BTZUN BOD MKHAR BA CHEN PO DANG MJAL SKABS NGED KYIS BDAG CHEN ZHAL SNGA NAS LAS BRGYUD PA'I CHOS RNAMS RIN PO CHE TSAR PAR ZHU DGOS RGYU YIN KYANG MI NGAN GYIS DKRUGS NAS MA BYUNG DA RE KHYOD KYIS BSOD NAMS DBANG PO SPUN LA 'PHROD PA BYED DGOS PA'I GSUNG 'PHROS LA GZHIGS NA SKU TSE'I MJUG LA THUGS 'GYOD BYIL SHOR BA'I SKAR KHUNGS 'DRA MO BYUNG TSOD DU 'DUG 'JAM DBYANGS BSOD NAMS DBANG POS YAR KLUNGS BKRA SHIS CHOS SDER MKHAN RIN PO CHE GZHON NU BLO GROS LA MGON CHEN GYI PHYI 'KHRID NANG 'KHRID SOGS KHA YAR GSAN RUNG CHOS BKA' MTHA' DAG MA RDZOGS PAS DPAL LDAN SA SKYA PA'I LCAGS RI MI 'DA' BA'I GSER CHOS RNAMS SNGAR NANG NAS KHYIR MI 'DA' BA LA DING SANG PHYIN LAS NANG LA MI 'DA' ZHES GLENG PA BYUNG MDO SNGAGS 'CHANG BLA MA SEMS DPA' CHEN PO NGAG DBANG KUN DGA' BSOD NAMS DE NYID BAR SKABS KYI ZHAL NGO RNAMS DANG MI 'DRA BAR BSTAN PA RIN PO CHE GCES PAR 'DZIN BA'I LHAG BSAM GI MTHU PHUL DU BYUNG BAR BRTEN KHO BA SPYAN SNGA RIN PO CHE KUN DGA' DON GRUB LA TSAR LUGS KYI CHOS SKOR RAGS RIM TZAM GSAN NA'ANG CUNG ZAD THUGS KHA MA GANG BAS RJE BLA MA 'DI NYID GDAN 'DREN PA'I BCA' GZHI SHAR BA BDAG PO KUN RIN BA SKU NA PHRA DUS TSAR CHEN GYIS CHOS 'GREL

, ,GSAN CING, RJE SA SKYA LO TZ'A'I SKU YI DPON, ,THUGS GCIG TU 'DRES PA SRAS GYI MCHOG ,KHONG 'JAM DBYANGS GZHON NU DNGOS DANG MJAL, ,GSUNG BA G-YEBS KYI BDUD RTZI SNYING LA SIM, ,CHOS THAB LAM GYI RNAL 'BYOR BKA' DRIN ZHUS, ,KHONG SKYON BRAL GYI MDZAD 'PHRIN MTHONG BA'I TSE, ,NGED SA SKYA PA'I MDUN MA GRUB 'DUG SNYAM, ,ZHES DPON SLOB LUGS LEGS YOD BAR MNGON DU PHYOGS NA'ANG SPYIR BSTAN PA'I SKU CHAGS BOD BA DANG 'PHRAL RKYEN 'DAR GDONG GNYIS LA BRTEN SA SKYA NAS TSAR CHEN YAB SRAS LA DMAG SOGS BKA' BKYON MANG DU MDZAD PAR 'DI PHYOGS NAS BLA MA KHYI DANG KHYI MJUG MGO BO'I DPE LTAR LAS SBYOR SOGS SKYON DU GYUR PA MA GNANG NA YANG RANG SHUGS KYI SEL CHEN PO ZHUGS PAR YAS MAS GNYIS KA NAS 'KHON GCUGS SPYOD BA'I SEL 'DON MDZAD DE SHING MO GLANG LO HOR ZLA GSUM PA'I NANG DU GDAN SA CHEN PO DPAL LDAN SA SKYAR GDAN DRANGS PA'I TSE LHA SA RDZONG GI THAD TZAM NAS BLA BRANG SGO SPER MA PHEBS BAR DPAL MGON STOBS 'PHROG DBANG PO BRAM ZE'I GZUGS CAN SKU MDOG DKAR PO SKU BONG THOG TSAD GSUM TZAM PA PHYAG G-YAS RTZE GSUM DANG G-YON THOD PA KHRAG BKANG BSNAMS PA, RIN PO CHE, RUS RGYAN, CHANGS SKUD, DAR GYI AANG RAG CAN, YUM SRID MO BZHI'I 'KHOR DANG BCAS ZHABS GNYIS GAR LTAGS 'DI [?] NGED BSU BA'I TSUL MDZAD BA GSAL BAR BYUNG ZHING DAM PA 'DI LA MGON BO 'GO BA'I GZIGS SNANG BDAG CHEN KHRI RIN PO CHER YANG MANG DU BYUNG BAR MCHIS, NYER LNGA LA SGO RUM DU PHEBS DUS NAG PO CHEN PO SKU GZI BRJID SHIN TU CHE ZHING ZHAL 'DZUM

NGAG DANG LDAN BA'I DBU GTZUG NA RJE BTZUN BRTZE BA CHEN PO SKU MDOG MI SHA KHA NA BZA' BZHUGS STANGS SOGS BRIS THAB BUNGS BTZUN LAS BYUNG BA JI LTA BA ZHIG GSAL BAR GZIGS, ZHABS DRUNG BDAG CHEN RIN PO CHER, GUR MGON LHA BRGYAD MA, LHA BCU GCOS PA, 'KHOR RKYANG DANG ZHAL SGRUB DUS DANG BCAS PA'I RJES GNANG, BRAS ZE'I MNGAG GTAD, CHOS SKYONG GNYIS KA'I MAN NGAG GI YIG SNA'I SKOR DU MA'I LUNG DANG PHYAG KHRID, DKAR BDUD, DUR KHROD BDAG PO YAB YUM GYI MAN NGAG SKOR SOGS GYI LUNG, SNYAN BRGYUD HAL NAG PO'I BE'U BUM MA BU'I SKOR RTOGS BAR PHUL BAS DPON SLOB THUGS YID GCIG 'DRES LTA BUR GYUR PA'I RGYU MTSAN, BDAG CHEN RIN PO CHES GNANG BA'I MGON PO'I CHOS 'BYUNG LAS, SNGON CHOS RGYAL 'PHAGS PA MDAB BA KUN DGA' GRAGS LA CHOS SKYONG GI MAN NGAG THUN MONG MA YIN PA RNAMS GNANG BA'I TSE 'DI RNAMS BED KYI TSA BO RNAMS LA 'PHROD BAR GYIS GSUNGS PA BZHIN DAM PAS KYANG BLA MA BDAG NYID CHEN PO KHO NA LA GNANG 'DUG PA DANG, DUS PHYIS BDAG CHEN RDO RJE 'CHANG GIS KYANG RJE RDO RENG PA LA DE DANG 'DRA BA'I BKA' STZAL PHEBS 'DUG KYANG BAR SKABS KYI ZHAL NGO PHAL CHER LA 'DI SKOR GYI MAN NGAG YONGS RDZOGS BZHUGS PA ZHIG MA BYUNG 'DUG MOR KHYED RANG SKAL BA DANG LDAN PA DANG BRTZON 'GRUS 'DZOM PAS GUR ZHAL BCO BOR GYUR PA'I SA SKYA BA'I BSTAN SRUNG DBANG PO RNAMS KYI CHOS SLOR ZAB MO MTHA' DAG LUS PA MED PAR BUM PA GANG BYO'I TSUL DU THOB PA NI BLA MA GONG MA RNAMS KYI THUGS RJE DANG, MKHA' 'GRO CHOS SKYONG RNAMS KYIS 'PHRIN LAS BSGRUBS PA'I DGE MTSAN

, ,LAS BYUNG BA YIN YANG DAG PAS SHIN TU NGO MTSAR ZHING RJES SU YI RANG BA'I GNAS SO,, ZHES GZENGS BSTOD PA'I GSUNG GI BDUD RTZIS KYANG KHO BO CAG GI YID LA DGA' BDE'I DPAL CI YANG ZHIG THOB PAR MDZAD PA YIN LA, ZHES GSAL BAR GSUNGS PAS SHES NUS, GDAN SA DNGOS GZHI DANG KHA'U BSAM BRLING SOGS KYI LHA KHANG (MGON KHANG) RNAMS MJAL BAR SNANG BA'I DUS BSTAN PA RGYAS PA'I SMON LAM DANG RDO RJE CHOS SRUNG GI TSOGS LA BKA' BSGO GNYER BCOL RGYAS PAR MDZAD, SHING GLANG ZHABS DRUNG DBON RIN PO CHE BKRA SHIS RTZER RGYUD SDE BZHI DANG 'BREL BA'I DKYIL 'KHOR SGRUB MCHOD NYAR GNYIS SOGS 'JUGS PAS MTSON DBUS PHYOGS SU BSTAN DANG 'GRO BA'I LEGS TSOGS SPEL BAR 'DAR NAS RDZONG BDA' GNANG BA BZHIN 'KHOR LO GSUM GYI MDZAD PAS GDUL BYA RNAMS SMIN GROL GYI LAM LA BKOD NAS ME YOS LO MJUG 'DAR DU PHEBS, BKA' CHOS SOGS GSAN, SA SBRUL LOR RGYAL TSAB DAM PA DPON RIN PO CHE, KHYAB BDAG ZHA LU PA SOGS LA DPAL DUS KYI 'KHOR LO'I BDAG PO CHEN PO'I BAR GYI DBANG RDZOGS PAR GNANG BA'I NUB GZIGS SNANG DU BYANG GLING 'JAM PA'I DBYANGS BKRA SHIS RGYAL MCHAN SHIN TU DGYES BAR MDZAD PA NI RANG NYID KYI RNAM PAR SPRUL PA LA CHOS BDAG PO'I TSUL DU 'PHROD BAS DANG PO'I SANGS RGYAS KYI SMIN GROL SRID MTHAR 'PHEL BA LA DGONGS SAM SNYAM, KHU DBON GNYIS CHABS CIG BAR NUB ZANGS MDZOD DMAR BO NAS BYON PA'I 'JIG RTEN DBANG PHYUG 'GRO BA KUN SGROL GYI SGRUB CHEN LA BRTEN NAS 'GRO DON LAS SBYOR LNGA PA'I SKYE BDUN RIL BU SGRUB PA GNANG BA'I TSE NYIN

RE BZHIN NUB PHYAGS NAS 'JA' DKAR RING PO SGRUB KHANG GI RTZER ZUG PA DANG, CHED DU SBAR BA'I SBOS DUD KYI SGRUN BAR MI NUS PA'I DRI BZANG GIS SGRUB KHANG GI PHYI NANG GANG BA DANG, GROL NYIN NAM MKHA'I MTHONGS KUN 'JA' TSON SNA WA'I GUR KHYIM RMA BYA'I MDONGS KYI SGRO GDUGS LTAR PHUB CING ME TOG GI CHAR CHEN PO LAG PAS ZIN PA LTA BU BABS, RIL BA 'PHEL CHE BA BYUNG ZHING LO PHYI MA'ANG GONG BZHIN SGRUB CHEN GNANG BA'I MTSAN LTAS DANG DNGOS GZHI 'DRA BA LA BUM PA'I STENG NA THUGS RJE CHEN PO BZHUGS PA SGRUB PA'I SGANG LA BUM PA'I NANG DU THIM SONG BA BUD MED RTZA SGO YANGS PA ZHIG GIS MTHONG BA NI MTHONG BA PO DE'ANG LAS DAG PA MA GTOGS THA MAL BA YIN TSOD DU MI 'DUG CING CHES CHER SNYIGS PA'I SEMS CAN LHAG PAR 'DUL BAR DKA' BA RNAMS LA GRU 'DZIN RI BO'I SPO NAS 'PHAGS MCHOG 'JIG RTEN DBANG PHYUG SHIN TU DGYES BRTZES MYONG GROL GYI RDZAS RNAMS BRLAB PAR BYON PA GDON MI ZA'O,, GTZANG SDE SRID DU BSLAB STON ZHU BA (GNANG) BA'I TSAR CHEN CHOS KYI RGYAL PO'I GDAN SA CHOS 'KHER YANG RTZE'I KHRI THOG TU DBON RIN PO CHE NANG BSKOS KYIS MNGA' GSOL, SKU NA CUNG ZAD SMIN NA'ANG ZHABS DRUNG DBON RIN PO CHE CHOS KYI BDAG POR DGONGS TE SNGAR MA SONG BA'I DBANG BYIN RLABS, RJES GNANG, RIG GTAD, NYAMS KHRID, LUNG MAN NGAG, PHYAG LEN DMAR 'KHRID SOGS BRE GSOG BUL GSOG GI TSUL GYI CHOS 'KHOR CHAD MED DU SGOR, LCAGS STAG GTZANG SDE SRID NAS ZHA LU'I MKHAN POR PHEBS DGOS PA'I BKA' SHOG BYUNG YANG DGUNG LO MTHO BA DANG SKU GCONG SOGS KYI STABS MI NUS BA LA TSIG SBYANGS KYI DGONGS PA ZHU BA

, ,GNANG ZHING KHROL, DE NAS LO KHA SHAS KYI BAR NGOR SHAR PA'ANG GDAN SAR MA 'KHOD PAS MKHAN MED DU LUS SNANG, KHYAB BDAG ZHA LU BA CHEN PO RI PHUG DBU MDZAD THOG NAS LCAGS LUG GRANG MO CHER MJAL BAR PHEBS PAS RDO RJE 'CHANG GI BKA' LAS, BLA BRANG TSOM CHEN DU KHYAB BDAG ZHA LU PAR DA NI RIN PO CHE RANG RI PHUG GI GRA PA KHA YA KOG PO MA GI TSO'I DKYIL DU MA BZHUGS PAR 'DIR THUGS DAM MDZAD NA GSUNGS PA LA SDE SRID NAS DGONGS PA YANG MI YONG BA 'DUG BDAG GIS BOR NA BRLAG 'GRO BA 'DRA ZHUS PAS DA 'O NA BSKYAR BKOD CIG BYAS YUN RING PO MDZAD DGOS PA YIN NAM GNANG BA 'DI DUS RI PHUG DBU MDZAD GNANG NAS LO GSUM GYI SKABS YIN CING ME BYI GRA NGAN CI RIGS KYI MI BSRUN PA'I SGYU 'PHRUL GYIS SE RAG SGRUB SDE DANG KHANG DMAR NAS SOGS SKU NYE TSO'I SAR LO GCIG TZAM BZHUGS DGOS BYUNG BA GLANG LO'I MJUG TU SDE SRID GTZANG PAS DBU MJAD BSKYAR BSKO GNANG STE SNGA RTING GNYIS DRIL BAR LO SUM CU RTZA GSUM SONG BAS LKOG GYUR GYI CHOS RJEN PAR GSAL BA DE LAS YID CHES KYI GNAS GANG DU MCHIS, DE DANG MTSUNGS PAR RJE ZHA LU PA SOGS DPON SLOB THUGS NANG GTZANG SA TSOR SDE SRID GTZANG BA'I MTSAN DON KYANG YUN RING MI YONG BA'I RGYU MTSAN GSAL PO YANG YANG GSUNG BAS MTSON, YID CHES KYI NGES BA RNYED PA MANG DU YOD PAR GDA', DAM BA 'DI NYID KYIS DGE BA'I BSHES GNYEN BSTEN TSUL MDO TZAM SMOS ZIN CING DER MA 'DUS PA NI, SA SKYA KHRI CHEN 'JAM DBYANGS BSOD NAMS DBANG PO, KHRI CHEN NGAG DBANG KUN DGA' BSOD

NAMS, ZHVA DMAR DKON COG YAN LAG, STAG LUNG DBON RIN PO CHE, RA LUNG DBON MI PHAM CHOS RGYAL, CHOS RGYAL BKRA SHIS STOBS RGYAL YAB SRAS GNYIS, RJE BTZUN KUN DGA' GROL MCHOG, ZHA LU MKHAN CHEN BSOD NAMS DBANG PO, CHOS LUNG MKHAN CHEN NAM MKHA' MTHA' YAS, AE WAm MKHAN CHEN DKON COG DPAL LDAN, NGOR MKHAN CHEN BYAMS PA KUN DGA' BKRA SHIS, GSER MDOG CAN MKHAN PO KARMA BZAD PO, YOL MO BA NAM MKHA' BRGYA BYIN, RGYAL SRAS PADMA CHOS RGYAL, TRE PO SPRUL SKU DPAG BSAM DBANG PO, RONG BA CHOS BZANG BKRA SHIS, THUGS SRAS ZLA BA'I SKU SKYE, LCAGS ZAM SPRUL SKU BSTAN 'DZIN NYI ZLA BZANG PO, BYAMS PA RIN CEN RDO RJE, BYAMS PA DON GRUB, KUN BZANG RIN CAN, DRUNG RAMS PA BSOD NAMS TSUL KHRIMS, RO YUG PA SO BA LAGS, GLO BO PA BLO GROS RGYAL MTSAN SOGS YONGS 'DZIN MANG DU BSTEN NAS LA LAR CHOS TSAL RGYA CHE BA DANG 'GA' ZHIG LA TSE DBANG TZAM GYIS KYANG MTHA' BRTEN PA'I GSAN BSAM GNANG BA'I CHOS KYI ZHIB CHA NI GSAN YIG GI BSNYEL THO RNAMS TSANG BAR MA MTHONG BAS ZHIB PAR 'DRI BA'I RNGO MA THOGS MAD, GSAN PA MDZAD PA TSO YANG THOS LO DANG BYUNG LAM YIN PA'I GRUB MTHA' SO SO'I LUGS SROL MA 'DRES PAR ZHIB MO DPYAD DE THUGS SU CHUD PAR MDZAD, THUGS NYAMS SU BSTAR BAR 'OS PA SMOS CI 'TSAL DE LAS GZHAN PA RNAMS THUB BSTAN RIN PO CHE MI NUB PA'I CHED DU GDUL BYA SO SO BA'I BLO DANG 'TSAM PAR 'CHAD NYAN GYI BYA BA LA THUGS RTZOL LHUR BZHES, N'A RO PAS TEE LO DANG SES 'BROG MI BSTEN PA LTAR YONGS 'DZIN TSOGS KYI YON

, ,TAN LA BSNGAGS PA DANG NGAD GUS GTZO BOR BTON PA'I SHUGS LA SKYON KYANG YON TAN DU 'CHAR BA'I SNANG TSUL DPAG PAR DKA' LA, RTAG BRTAN SBRUL SKU GCANG SHED KYIS STOD PHYOGS SU PHAL CHER BSTUN PHYOGS DGOS PA ZHIG YOD SNANG BAS BKRA SHIS RTZE DANG GSER MDOG CAN TSOR CHOS BKA' 'DRA GSAN ZER BA'ANG STES DBANG TZAM LAS GSAN MA GSAN LA MA LTOS PA'I THUGS RAB LA BED SPYAD NAS GNANG BA DANG, SGRUB MCHOD KYANG TSUL LDAN MED PAR GRAGS CHE GSHIS THUGS 'DUN MED NA THOB PAR YANG MI 'GRO 'DUG PAS GSAN THOR MED PA DANG BCAS CHOS KYI GRANGS SU BRTZI YIN MED PA 'DRA SNYAM PA LOG RTOG TU SHAR MOD, NGES DON DU JI LTAR YIN MA NGES SO,, MGON PO 'DI NYID LA CHOS KYI 'BREL BA THOB PA SOGS SLOB MA NI SA CHEN PO'I RDUL BZHIN BGRANG BAR DKA' NA'ANG ZAB CHOS KYI MCHOD SPRIN MNYAM MED DGON GSAR BAR YANG DBUL ZHING, RAGS PA TZAM SMOS NA RJE BTZUN SA SKYA PA CHEN PO NGAG DBANG KUN DGA' BSOD NAMS, PADMA'I GDUNG 'TSO BA BYANG PA RIGS 'DZIN NGAG GI DBANG PO, RTZE TSOGS MKHAN CHEN PADMA BSOD NAMS, MKHAS GRUB CHEN PO BOD MKHAR BA'I THUGS SRAS SPYAN SNGA RIN PO CHE MI PHAM CHOS KYI RGYA MTSO, GNAS LNGA RIG PA'I PAndI TA CHEN PO MKHAN CHEN NGAG DBANG CHOS GRAGS, SHES BYA'I GNAS KUN LA MKHYEN RAB KYI DBANG PHYUG 'JAM DBYANGS DGA' BA'I BSHES GNYEN, SBYAN SNGA TSUL KHRIMS BAR GYI DBON RIGS RGYUD SDE RGYA MTSO'I MNGA' BDAG LO BA SBYAN SNGA KUN DGA' DON GRUB, GSAR RNYING GI CHOS TSUL RGYA MTSO LTA BUR MKHYEN PA'I SPYAN SNGA BA KLU

SGRUB CHOS KYI RGYAL MTSAN, DKYIL 'KHOR RGYA MTSO'I KHYAB BDAG AE WAm MKHAN CHEN DPAL LDAN DON GRUB, SKYED TSAL MKHAN CHEN 'BUM RAMS PA THAR PA RGYAL MTSAN, SLOB BSHAD KYI BSTAN 'DZIN CHEN PO RGYAL RTZE ZHABS DRUNG BYAMS PA DANG DBANG BSOD NAMS RGYAL MTSAN, NGAM PA'I CHOS KYI RGYAL TSAB CHEN PO RDO RJE 'CHANG MGON PO BSOD NAMS MCHOG LDAN, BU STON THAMS CAD MKHYEN PA'I CHOS KYI RGYAL TSAB DAM PA KHYAB BDAG ZHA LU BA RIN CEN BSOD NAMS MCHOG GRUB, KHA BRAG RDZONG BA'I BSTAN PA'I SROG SHING CHEN PO GLANG PHU CHOS RJE 'JAM DBYANGS CHOS SKYONG DBANG PHYUG, 'DAR SKYID GSHONGS BA MKHAN CHEN MANG THOS GRAGS PA RNAM RGYAL, YANGS CAN MKHAN PO BYAMS PA BSOD NAMS MTHA' YAS, SO ZUR GNUBS GSUM SNGAGS PA'I RGYAL POR GRAGS PA'I ZUR 'UG BYA LUNG BA'I CHOS RJE YAB SRAS, MTHU CHEN NYI MA BZANG PO DANG MKHYEN PA'I SPYAN LDAN RIN CEN RGYAL MTSAN SOGS SE'I SNGAGS 'CHANG RIM PAR BYON PA'I GDUNG 'DZIN BKRA BZANG CHOS RJE NAM MKHA' RIGS 'DZIN, KYI STON SNGAGS 'CHANG CHEN PO TSE RING DBANG PO, SGER PA BA NGAG DBANG NYI MA, RI PHUG DBU MDZAD RIN CEN RGYA MTSO, BLA MA SGYI LUNG PA SKYO STON YAB SRAS LA SOGS SLOB BU MTHA' YAS PAR SNGAGS GSAR RNYING THEG PA THUN MONG BA'I DAM PA'I CHOS KYI CHAR CHEN PO PHAB STE DING SANG GI BAR DU DBUS GTZANG 'DZIN MA'I KHYON 'DIR BSHAD SGRUB KYI RGYUN BZANG PO DBYAR MTSO LTAR 'PHEL BA'I BKA' DRIN BLA NA MED BA'O,, 'CHAD NYAN DANG PHYOGS PHEBS MA GTOGS THUGS DAM GYIS

, ,KHOR YUG LTA BU YIN NA'ANG RGYUN GYI NYAMS BZHES BSNYEL THO 'DI LA SROD THUN THOR THUN GYI DBYE BA MI GSAL ZHING BAR MTSAMS NAS HOL KHONG PHRAN BU YOD SHAS CHE YANG THO NANG BZHIN BKOD PA LA, THOG MAR GNYID SAD 'PHROL LCE BYIN RLABS KYI BZLAS PA, SENG GE SGRA'I MNGON RTOGS, BZLAS PA SUM BRGYA, THUGS RJE CHEN PO'I MIG 'BYED, RNAM 'DZOMS GSANG SGRUB KYI BZLAS BA NYER GCIG TZAM, 'JAM NAG BZLAS PA, DE NAS RDO RJE 'JIGS BYED KYI BLA MA'I RNAL 'BYOR SNGON DU BTANG BA'I BSKYED RDZOGS KYI RNAL 'BYOR, RDOR BZLAS BRGYA RE, SNGAGS GSUM PO BRGYA RTZAL NYUNG MTHA' BYAS PA'I GANG 'GRO, BIR SRUNG NYIS SBREL, DPAL KYE RDO RJE'I LAM DUS 'BRING PO, CHE SGRUB LCAGS SDONG MA'I BZLAS BA BRGYA RTZA, DKAR CHA BA NYI'I GTOR MA SOGS, KHRO BO SME BRTZEGS, KHRO MO SME BRTZEGS, RNYING MA'I KHRO BO SME BRTZEGS, NE GU'I SGO MTHUN, RNAM 'JOMS LJANG SNGON, GU RU ZHI BA, GU RU DMAR CHEN, MTHING KHA, DRAG DMAR PADMA TSE DBANG RTZAL, RTA MGRIN TSE SGRUB NYE BRGYUD, YE SHES 'OD MCHOG, RDZONG CHEN MA, 'KHOR BA DONG SBRUG, BKA' BRGYAD DRIL SGRUB, 'JOMS BYED PHUR BA SBU GRI, ZAB THIG GI RTA MGRIN TSE SGRUB, PHYAG RDOR, STOBS BO CHE, DE NAS BZANG SPYOD SNGON DU 'GRO BA'I SEMS BSKYED RGYAS BSDUS GANG RUNG RE LEN, AA RA BA TZA NA, 'BYUNG 'DUL, AU CA GOS SNGON CAN, GTUM PO, RTA MGRIN GSANG SGRUB, 'GRO BA KUN SGROL GYI GZUNGS GANG MANG DANG BCAS PA BLA MA YAB SRAS KYI SKU BSTOD RNAMS SNGON DU 'GRO BA'I RAB YANGS MA BRGYA RTZAL NYUNG MTHA' BYAS PA'I GANG 'GRO SOGS LAM

ZAB SNGON DU 'GRO BA'I LAM DUS RGYAS BA BZLAS BA DANG BCAS PA, 'JIGS BYED BCU GSUM MA'I BZLAS PA YOD TZAM RE, RDO RJE RNAL 'BYOR MA'I 'KHRID BZLAS BA DANG BCAS PA, RTA MGRIN YANG GSANG DPA' GCIG, GTOR BSNGO'I RIM PA LA THOG MAR DRAG DMAR, 'JIGS BYED, LAS GSHIN SBREL BA, KYE RNGOR, BDE MCHOG, N'A RO MKHA' SPYOD, PHYAG RDOR, AU TZA, RTZIS MGON, LCAM DRAL, LAS MKHAN BCAS PA'I GTOR BSNGO, BSKANG GSO, MDOS SOGS, GUR ZHAL, MGON DGAR, TSOGS BDAG, DUR KHROD BDAG PO, BEG TZE, DAM CAN, KHYUNG LUNG MA, RNAM SRAS, BED, DPAL LDAN RDO RJE RAB BRTAN MA, RDO RJE RI PHUG MA, SPYI GTOR, GZHI BDAG RNAMS KYI GTOR BSNGO THUN GNYIS RE, BKA' BRGYAD KYI CHA GSUM RGYUN DU, BRAG RDZONG MA, GUR GYI GSANG 'KHRID, ZHAL GYI SRUNG 'KHOR TSE SGRUB, ZHAL GYI GSANG 'KHRID, BIR SRUNG SOGS RGYAS PAR MDZAD NAS NYAL PA'I RNAL 'BYOR GYI DUS 'JAM DBYANGS MKHYEN BRTZE'I ZHAL GZIGS GSANG BA'I RNAM THAR DU 'DUG PA BZHIN AYON PADMA ZA HOR MA JI LTA BA BSGOMS, THUGS RJES 'GRO BA'I MGON MDZAD BCOM LDAN 'DAS, ,MTSAN TZAM THOS PAS NGAN 'GRO'I 'JIGS LAS SKYOB, ,DUG GSUM NAD SEL SANGS RGYAS SMAN GYI BLA, ,BE d'URYA YI 'OD LA PHYAG 'TSAL LO; ,ZHES PA'I GSOL 'DEBS BYAS SLOB DPON CHEN PO RANG LA BSTIM, DBYER MED KYI NGANG LA RMI LAM 'DZIN PA'O,, RANG BZHIN LHAN SKYES SAM, ZHU BDE LHAN SKYES KYI DANG LA NYAL, SANG LDANG BA'I RNAL 'BYOR GYIS LANG, NYER DGU SOGS LA

, ,DUS GTOR, RDO RJE CHOS SKYONG MANG PO LA DMIGS BSAL DANG, KHYAD PAR NYER LNGA LA RTZIS MGON GYI LHA MOR GTOR 'BUL CHOGS 'KHOR DANG BCAS PA, GNAM GANG LA DRUG CU PA SOGS MDZAD TSUL GYI THO 'DI LTAR BRIS PA YIN NA'ANG MTSAN PHYED DANG PHYED YOL TZAM CUNG ZAD MNAL BA LAS SKU LUS GNAD DANG MA BRAL BAR THUGS DAM KHO NA MDZAD CES DRUNG DU BCAR BA RNAMS LAS THOS SO,, DAM PA 'DI NYID KYI MKHYEN PA'I CHA NAS RGYUD SDE CHE CHUNG GI DKYIL 'KHOR GYI DNGANG CHOG, BYIN RLABS, RJES GNANG, SNGAR THUGS 'DZIN GNANG MYANG BA'I RIGS LA NYI MA RE GNYIS KYI GZIGS RTOG MDZAD PAS BSNYEL GSO GRUB CING GSAR PA'I THUGS 'DZIN HA CANG GI ZHAG MANG PO MI THOGS SHING CHOS BKA' GNANG BA'I DUS RGYUN GYI ZHAL 'DON LTAR SHIN TU BYANG BA, RGYUD BSHAD DANG 'KHRID SOGS LA TSIG SKAM TZAM GYI SKYOR ZLOS MA YIN PAR DKA' BA'I GNAS MTHA' DAG LA ZHIB MOR STON PAS 'PHRAL SBAS PA'I RNAL 'BYOR LTA BUR MKHAS NYAMS MI MDZAD NA'ANG BLO GROS ZAB CING GTING DPAG DKA' BA RGYA MTSO CHEN PO BZHIN TSAD DU BZUNG BAR MI NUS, 'JIG RTEN GTZO RGAN GYI SPYOD PA G-YO SGYU'I RNAM PA NI LO MANG POR SKUR BCAR NA'ANG SNA RE TZAM YANG MI MTHONG ZHING THOS PA'I YUL NI LTA GA LA SRID, CHOS KYI BKA' MCHID DANG BLA MA BRGYUD PA'I RNAM THAR LO RGYUS, KHYAD BAR THAMS CAD MKHYAN PA'I MTSAN GSAN PA NA SPYAN CHAB GSIL BA'I MOS GUS DBANG RNON CHOS RJES 'BRANGS PA'I THUGS DANG LHUR MDZAD CING KHYAB BDAG SDINGS MA BA BSLAB GSUM RGYAL MCHAN GYI RNAM THAR SOGS THUGS RTZOM

POD LONGS SHIG SNANG BA DON MED KYI BSKYAR BSHAD TZAM MIN PA'I BRJOD DON PHUN SUM TSOGS PA SHA STAG MCHIS, BA RTZE BA'I CHA NAS SKU TSE MANG PAR MKHAS PA DANG GRUB PA'I YANG SRID BZUNG BA'I RGYAL SRAS KYI SPYOD PA LA GOMS PA'I BAG CHAGS KYIS RGYU 'BRAS MAN NGAG BDUN GYI SGO NAS BDAG GZHAN MNYAM BAR BRJE BA'I THUGS BSKYED BCOS MA MIN BA 'KHRUNGS BA'I RGYUS CHAGS SDANG GI SGANG GSHONG MED BA'I BTANG SNYOMS KYI THANG BDE MOR RES MED KYI 'GRO BA THAMS CAD LA DNGOS DANG BRGYUD PA'I SGO NAS RJES SU BZUNG BA MTHA' DAG 'DRI BAR MA LANG ZHING DBER NA SHING BZO BA DPAL LDAN SOGS 'CHI BAR THUG PA MANG DAG LA MI 'JIGS PA'I SBYIN PA DANG, GSHIN PO SOGS LA LHAG PAR BRTZE BAS RIGS DRUG GNAS 'DREN GYI SGO NAS GNAS NGAN LAN YAS BSKYABS PA'I SDIG CAN 'GA' YANG MI LUS THOB NAS SKYE DRAN GSAL BA'I LO RGYUS MANG, DBUL PHONGS MA NUS BA GZIGS PA'I TSE BZOD GLAGS MED PA'I SKYO SHAS DANG NGES 'BYUNG GIS ZIN PA'I ZAS GOS GNAS MAL SMAN GYIS MTSON TE PHAN 'DOGS PA LA BRTZON BAS GZHAN DON (DU) GANG 'GYUR MA GTOGS RANG GI BDOG PA LA 'JUNGS BA'I RTOG PA LA MI MNGA', GTZO BOR MCHOG DMAN PAR PA GSUM SO SO'I BLO DANG 'TSAM PA'I CHOS KYI SBYIN PA BSTAN PA DANG SEMS CAN LA PHAN BA, THOS BSAM SGOM PA, NYAMS LEN BYED LUGS PHRA MO TZAM LA'ANG RAS CHOD DU MA SONG BA'I SKYO NGAL MED BAR BSLAB BYA'I SGO NAS MNGON MTHO DANG NGES LEGS KYI SAR SBYOR NUS PA'I CHA NAS GRUB PA'I DBANG PHYUG KU KU RI BA SOGS

, ,GZOD MA NYID NAS BSKYED RIM MTHAR PHYIN CING RDZOGS RIM GYI RTOGS PA GLONG DU GYUR PAS BRUL BA BRGYAD DANG ZHI SOGS KYI LAS RAB 'BYAMS LA CHAGS THOGS MI MNGA' YANG THUB BSTAN 'JIG PA LA NYE BA LTA BU BYUNG NA MIN PA SKU LA SDO BA SOGS THUGS SUN DBYUNG BA'I MA RUNGS SKYE BO DU MAR DRAG SHUL GYI CHO GA MDZAD PA LTA CI, DE DAG MI DGE BA'I MTHUS NGAN 'GRO MI BZAD PA'I DU: BAS MNAR BA LA BRTZEBS KUN NAS BLANGS TE THUGS RJE RJES BZUNG GI TING NGE 'DZIN LA GZHOL, BKA' CHOS GNANG TSE GSUNG GDANGS SNYAM CHAGS PHA THOS PA'I MDO LA SEMS KHANGS RANG BZHIN GYIS LHOD 'GRO, PHYI ROL TU NYON MONGS BA ME LTAR 'BAR BAS GDUNG BZHIN PA BLO BREL TSUB TSUB PA DRUNG DU SLEBS PA DANG DA RES KYI SEMS GNAS 'GYUR, JI TZAM BSDAD KYANG SDOD SPRO BA DANG SKU'I TSUL KHRIMS KYI DRI BSANG TSOR BAS KHAMS GSAL SING DER DANGS, THUGS DAM MDZAD SAR BSDAD NA BYIN RLABS KYIS RANG GI DGE SBYOR KYANG GNAS GZHAN DU BYAS PA DANG YE MI 'DRA BA YONG, DBANG RJES GNANG GI DUS ZIL CHE BAS DA LTA RANG BYIN RLABS KHYAD PAR CAN ZHUGS BYUNG SNYAM PA 'BYUNG BAS MTSON TE GSANG BA BSAM GYIS MI KHYAB BA'I RNAM THAR DPOG PAR MI NUS PA BLO DMAN RNAMS KYI YUL MA YIN NO,, 'KHON RIGS 'JAM DPAL DPA' BO RIM BYON GYIS, ,CHIG BRGYUD RIN CEN RTZING SBYONG 'DAM BYING LAS, ,RNAM DPYOD SHING RTAS 'DREN PA'I SA SKYA PA, ,DBYI MONG SHUL DU SKYES PA'I TZAN DAN BZHIN, ,PHA BZANG GONG MA'I PHYAG BRGYUD KHYAD PAR NOR, ,PHA ROL

G-YENG KHYAR YAM BRLAS POR PA'I, ,PHA CHOS GNAS GSAR BLA MA'I BKA' DRIN LAS, ,PHA RGO DKUN DGA'I MTSAN CAN SNYIM PAR SON, ,LOG RTOG PA TSAS NYER GANG CHU KLUNG CHE, ,SNYAN BRGYUD Ri shIS YAN LAG BRGYAD LDAN DU, ,BSKRUN PAR KHA'U'I BRAG NAS STONGS 'PHROG DBANG, ,DGYES PAS BRAM ZE'I GZUGS KYI ZLOS GAR BSGYUR, ,RDO RJE SRIN PO GZI BYIN 'BAR BA'I STENG, ,RJE BTZUN BRTZE CHEN MNGON SUM RAB GSAL BA, ,KHO BAS BSTAN PA'I MAR ME CHES SBAR BA'I, DME RO DA GDOD GSOS ZHES GZENGS BSTOD SNYAM, ,PHYAG NA PADMA'I DKYIL 'KHOR 'KHOR LO RU, ,SKYE BDUN SHAL BRTEN PA'I SGRUB PA YIS, ,SRID PA'I DU: KHA BCIL BA'I MYONG GROL RDZAS, ,'DI KO RIS BRAL 'GRO SROG 'TSO BA'I SMAN, ,DBANG PO'I GZHU RIS PHUL BA'I LDING KHANG NA, ,PHANG PHUNG MAnDAR BA'I 'DAB 'PHRENG G-YO, ,SNGON MED DNGAR BA'I DRI BZANG RAB 'THUL BA, ,AA HO LEGS BRIS MCHOD PA'I RNAM 'PHRUL MTSAR, ,NGAN 'GRO'I G-YANG LA GOM PA YONGS 'PHYAN PA'I, ,NYAM NGA'I 'GRO MANG THABS MKHAS MDZAD PA YIS, ,'DREN BYIR KLAL SHA NANG PAD DKAR 'CHAD, ,MNGON SUM BYON DES YID KYI GDUNG BA SEL, ,LEGS LDAN DMAR ZLUM SBYAN GYIS TSIG BRGYUD SNOD, ,NYER GZIGS LUNG BSTAN CHOS KYI RGYAL TSAB LA, , TSAR CHEN BLA MA'I GDAMS NGAG BUM PA GANG, ,THUGS GSANG ZA MA TOG BYO DE RMA DBYUNG, ,'JAM MGON DGYES PA'I MKHYEN RAB MKHA' LTAR YANGS, ,'JIG RTEN DBANG PHYUG BRTZE BA'I RJES SU 'GRO, ,LAG NA RDO RJE'I MTHU STOBS GZI 'BAR

, ,BAS, ,NGES RNYED DANG BA'I SPU LONG CI YANG G-YO, ,SKU CUNG ZAD HRE BA PA SOGS GANG CI NAS ZHING 'DIR BZHUGS PAR MI BZHED PA'I RNAM PA CI RIGS BYUNG BAR KHYAB BDAG BKA' 'GYUR BA CHEN POS BRTAN BZHUGS DANG GSOL 'DEBS YANG YANG GNANG BA'I THUGS DANG RIM GYIS BSRINGS SHING KHYAD PAR 'CHI MED MGON PO'I SGO NAS SKU TSE SPEL BA'I GSUNG CHOG RGYAS PAR MJAD DUS DGUN GRANG SGANG YIN RUNG TSE GTOR ZHO LTAR GYUR PA SOGS DPON SLOB GNYIS KA'I THUGS RJE DANG BYIN RLABS KYIS NGO MTSAR CI YANG SHAR, 'PHRIN LAS RGYA MTSO ZER BAR BLO SKYON CHER MED 'DUG NA'ANG ZHABS DRUNG DBON DBUS PHYOGS SU PHEBS 'GYANGS ZER MI MANG BAS RKYEN BYAS DBON SLOB CHEN MO SKU GDANGS NA NI SMAS MA DGOS DE MIN GZHAN DU GSHEGS NA'ONG BAR MCHIS RDO'I DOS 'DRA ZHES SKUR PA BTAB PA BYAMS PAS SNYAN DU GSOL BA NA KHO BDEN DPON DRUNG GI NGO MA SPONGS PA MIN PA LUGS GANG NAS KYANG SNGOD 'DOD MED GSUNG BA, RJE MKHYEN BRTZE'I NYAMS MGUR DU, SNYING NAS DAM CHOS 'TSOL PA'I SKYE PO LA, ,CHOS MED SKYE NGAN DE DAG LHAG PAR SDANG, ,THA CHAD SNUM GYI DRI MA PHRA MOS KYANG, ,DKAR GSAL DAR GYI KHA DOG NYAMS PA BZHIN, ,BDUD SBRUL SKYE NGAN DU MA'I BSAM SBYOR GYIS, ,DANG LDAN 'GA' YANG 'BREL MED MU COR SGROG ,DA NI KHYED RNAMS BDE BAR BZHUGS SHIG DANG, ,KHO BO KHYOD DGYES BYA BA MYUR BSGRUBS KYIS, ,DUS KUN SDIG PA'I SO NAM MA MDZAD PAR, ,ZHIM RGU BZHES SHING BDE BAR GZIMS SU GSOL, ,ZHES PA'I DON

THOG TU BABS SHING SNGAR KHYAB BDAG ZHA LU PAR LO LNGA BZHUGS PA'I ZHAL LEN GNANG BA'ANG LHAG DANG BCAS GRANGS THENGS PA'I CHU MO BYA'I LO'I TSES BCU ZHIG GI SKABS GSUNG CHOG RGYAS PA DANG GSOL BA YANG BZANG ZHING MANG BAR GNANG, MJAL MI BYUNG TSAD THONG GSUNGS PA'I THUGS GTZIGS CHE BA 'DRA LA CHED DU ZHUS PA LA MA LTOS PAR BKA' BSGO'I PHYIN RLABS MDZAD, BYAMS PA BSTAN 'DZIN LA DE RING AYON CHEN PO PHEBS PAR MCHOD PA BLO KHA RDZOGS PA RANG BYUNG, SROD THUN GYI GONG DUNG KHO BO NI RGYAB 'GRO BA YIN SU LA'ANG MA ZER GSUNG BAR SKU MI BDE BA MED DAM ZHUS PAS DE 'DRA MI BDOG PHEBS PA LA BYAMS PAS ZHABS DRUNG DPON RIN PO CHER RGYU MTSAN GSOL BA NA DE 'PHRAL 'BUL BA BSNAMS TE PHEBS TSE DE SU YIN GSUNG BAR BDAG LAGS SKU LA SNYUN MED DAM ZHUS PAS GANG YANG MI 'DUG BYAMS PAS ZHUS PA 'DRA GNANG BA LA SKU MI BZHUGS PA'I DGONGS PA BSTAD YOD 'DUG PAS DE LTAR GNANG NA MI YOD TSUL GYI GSOL 'DEBS SLAR YANG NAN TSAR MDZAD RUNG DKONGS PAS MA BZHENGS PAR CAD MI GSUNG BAR MI BZHUGS PA'I TSUL GSAL BAR BYUNG BA NA DE BAS KYANG NAN TAN BSKYED DE PHUR BTZUGS SU GSOL BA BTAB PAS ZHING BRJE BAR MNGON DU PHYOGS BA DES DE 'DRA RANG GNANG CI DGOS THUGS DANG BSTUN NAS SDOD PA LAGS PAS THUGS 'BYOR PA MDZAD MI DGOS RANG GNAS SU SPYON GSUNG, DE LTAR ZHAL GYIS 'CHES NAS LO RIL PO GSUM LHAG TZAM TSE MTHA' YAS PA'I NGO BOR THUGS BSKYED DE GDUL BYA'I DPAL MGON DU BZHUGS, DGUNG LO DANG SKU GCONG GI KHYAD NAS DA RANG LAM DUS

, ,SOGS DKYIL 'KHOR CHEN MO RNAMS LCOGS MDOG MA KHA BAS AYON SGRUB PA KHO NA LA DREL LAM DGONGS PA'I NUB CIG MNAL LAM DU KYI RDO RJE'I THUGS KAR SLOB DPON CHEN PO BZHUGS 'DUG PA GSAL BAR SHAR BAS MNAL SAD TZAN GCIG TU BSGRIL NA MI LEGS PAR MKHYEN TE MYA NGAN LAS MI 'DA' BA'I BAR DU LAM DUS THUN GNYIS MA CHAG PAR MDZAD CES RJE BKA' 'GYUR BA CHEN PO GSUNG, SHING PHAG LOR RI PHUG NAS KHYAB BDAG RIN CEN BSAD NAMS MCHOG GRUB KYIS MJAL BAR PHEBS DUS GSUNG GLENG MANG DU GNANG BA'I MTHAR PHYAG MTHEB KER TE RIN PO CHE NU ROL ZHES RJE ZHA LU PA'I PHYAG NAS 'JUS 'PHRENG CHUL GYI CHOS DANG 'BREL BA'I ZHAL GDAMS MTHA' YAS PA GNANG NAS DGYES DGYES MDZAD, DE'ANG RJE BTZUN RDO RING PA CHEN POS CHOS RJE RDO RJE 'CHANG GIS KYANG DON LNGA LAS MA BZHUGS KHO BO DON BDUN GYI KHAR SLEBS BLA MA BDUN CU RTZA GNYIS KYI THUGS ZIN PA SOGS SKU TSE 'DI'I BZHED PA MTHA' DAG LHUN GYIS GRUB NAS ZHING KHAMS GZHAN DU GSHEGS PA LA SGRO BA'I TSUL RNAM THAR DU GSAL BA DANG MTSUNGS PA'I DGUNG LO YANG MTHU STOBS KYI DBANG PHYUG BSOD NAMS CHOS 'PHEL DANG SNYOMS PA'I DON BRGYAD DU PHEBS PA DANG DE BAR RGYAL BSTAN SPYI DANG BYE BRAG BDAG CHEN RDO RJE 'CHANG BLO GROS RGYAL MTSAN YAB SRAS BRGYUD PAR BCAS PA'I RING LUGS RGYAL TSAB RIN PO CHE 'JAM MGON BSOD NAMS MCHOG LDAN GTZO BOR GYUR PA'I BSTAN 'DZIN RNAMS KYI PHYAG TU LEGS PAR 'PHROD PAS RNGA YAB DPAL GYI RI BOR SANGS RGYAS GNYIS PA AYON CHEN PO'I 'DUS PA'I

'KHOR GYI GRAL DU BSGRIG PAR SPRO BA DANG ZLA BA GCIG LAS GZUGS BRNYAN 'BUM PHRAG MTSO RDZING DU 'CHAR BA LTAR DAG PA DANG MA DAG PA'I ZHING KHAMS MTHA' KLAS PAR SEMS CAN GYI DON RLABS PO CHE MDZAD PAR DGONGS TE 'DZIN BYED CES PA ME PHO BYI BA'I LO'I CHU SHEL GYI DBANG PO SMIN DRUG GI DGA' MA DANG RTZE BA'I DKAR CHA'I BZANG PO'I NYI MA NUB RIR GZHOL BA'I TSE GZUGS SKU MTSAN DPE'I DKYIL 'KHOR CHOS SKU'I KLONG DU SDUNG PAR MNGON DU PHYOGS PA'I RLUNG GI 'GRO 'ONG RGYUN CHAD PHAN KHYAB BDAG BKA' 'GYUR BA CHEN POS SKU LA 'JUS NAS GSOL 'DEBS GNANG BAS GSOS PA LTA BUR SPYAN HUR GYIS GZIGS TE LTA RDO RJE 'CHANG TSAR PA CHOS RJE DANG THAMS CAD MKHYEN PA GNYIS BKRA LAM GYI PHEBS BYUNG BAR RANG SEMS BLA MA'I THUGS DANG DBYER MED BDE BA CHEN PO'I NGANG LA CHAM MER 'GRO BA DE SAD PA ZHIG BYUNG PHEBS PA MKHAN CHEN YOL PA GSHEGS GDONG SDE PA DNGOS GRUB RDO RJES GSUNG CHEN PO'I GSOL 'DEBS KYI THUGS DAM SAD DE, BKA' LAS, DE MIN NA STENG GI MTHONGS DKAR 'GRAS 'DIR RIN PO CHE TSAR PA PHEBS BYUNG BA LA GSOL BA BTAB PAS SKU NGE RDO RJE 'CHANG DNGUL CHU'I MDOG LTA BU ZHIG TU GYUR PAR MTHONG BA'I MOD LA RIG PA THIM PA BYUNG BAS DE'I NGANG DU SONG NA DON CHEN PO GRUB PA LAS 'GYANGS TE ZHAG BCU'I BAR NAD KYIS MNAR BA'I LUS 'DI LA SDOD DGOS PAR 'DUG, CES PA DANG PHYOGS MTSUNGS PA'I THUGS DAM SAD PAR SNANG, LO GRANGS DE TZAM ZHIG KHYED KYI THUGS DANG BSTUN YOD DA CHA DE 'DRA MDZAD GZHAN 'DRA, 'ON KYANG KHYED LA BLTOS BCAS MTHA' NGAG BYANG

, ,CHUB KYI BAR DU RJES SU 'DZIN NO ZHES ZHAL GYIS BZHES NAS SNANG MCHED THOB GSUM GYI MTHAR 'CHI BA 'OD GSAL CHOS KYI SKU'I DANG DU THUGS DAM LA ZHAG GCIG GI RING BZHUGS, DGONGS RDZOGS KYI GRABS YUL THUGS GRA 'GRIG MI 'GRIG KHYAD NAS ZHAG 'GA' ZHIG GSANG BA'I TSUL GNANG, RJE BKA' 'GYUR BA CHEN PO SANG PHYI DRO GDUNG MJAL LA PHEBS SHIN TU 'DOD PA BYUNG BAS BYON PA DANG THUGS DAM GROL BA 'GRIG, SHANGS G-YAS NAS BYANG SEMS DKAR PO KHYOR BA GANG TZAM PHEBS PA ZHAL DU MCHOD PAS NYAMS (RTOGS) KYI BOGS LHAG PAR CHE ZHING RDO RJE 'CHANG KUN SPANGS CHOS RJES ME TOG 'THOR BA'I DUS SKU KHAMS ZAGS TE BZHUGS STAN STENG DU 'KHYIL BA TSAR CHEN CHOS KYI RGYAL POS LHAG MED DU BZHES PA SNYAN BRGYUD KYI BSTAN PA ZIN PA'I RTEN 'BREL 'GRIG PA DANG DBYIBS 'DRA BAR MCHIS, RJE BLA MA'I GDUNG KHANG GI G-YAS SU THUGS DAM RTEN GYI KYE RDOR GYI SKU ZHIG YOD PA ZHAL THAD SOR BSGYUR RUNG SKU GDUNG RIN PO CHER LAN GSUM 'CHUS PA BYUNG, ZHING BRJES PA'I NYIN NAS RLUNG PHRA MO TZAM GYIS 'GYU BA 'GAGS TE NAM MKHA' MTHING ZHUN MA'I MDOG LTAR SNGOL STON GYI RDUL BRAL BZHIN DANGS BAR LHA'I TSOGS KYIS ME TOG 'DAB MA BZHI PA DANG LNGA PA SOGS YU BA LDAN PA'I CHAR BU YUG LTA BUR 'TSUBS, SHEL LA TSON RIS KYI KHA DOG BSGYUR BA 'DRA BA'I DBANG PO'I GZHUS PHYOGS KUN TU DGRIS, CHED DU SBAR BA'I SPOS DUD KYIS BGRUN PAR MI NUS PA'I GDUNG YID BZHIN GYI NOR BU LAS SNGAR MA MYONG BA'I DRI PHUN SUM TSOGS PA LDANG BA SOGS NGO MTSAR BA'I DGE MTSAN JI SNYED PA BYUNG, DPAL GYI RDO RJE MAN NGAG LUGS KYI DKYIL 'KHOR LA BRTAN NAS

'KHOR LO'I MGON PO BLA MA RDO RJE 'CHANGS PHYI NANG GSANG BA DE KHO NA NYID KYI MCHOD PA NAM MKHA'I KHAMS GONGS SU GANGS TING NGE 'DZIN GYI MTHUS SPRUL BAR MA ZAD DNGOS SU'ANG CHU GNYIS SNGON DU 'GRO BA'I NYER SPYOD BRGYA PHAG TU LONGS NGA NYIN RE BZHIN BSTAR BAR MCHOD DPON 'JAM DBYANGS RGYAL MTSAN GCIG BUS LAG DAR BAS NYIN MTSAN KUN TU NGAL BA'I DKA' THUB LA BRTEN PA'I TSOGS BSAGS, DBYES RDOR, 'JIGS BYED, YANG GSANG KHROS PA, KUN RIG, SMYUNG GNAS DANG LNGA'I GDUNG CHO GA BTZUGS, RI PHUG NAS KHYAB BDAG ZHA LU PA CHEN PO PHEBS BRGYAD GZIGS NAS NAM MKHA' BKA' DAG BAR 'JA' DKAR SKU GDUNG RIN PO CHER MDUNG TSUGS SU ZUG BAS MTSON PA'I GZIGS SNANG KHYAD PAR CAN BYUNG BAR GDA', ZHABS DRUNG DPON DANG RJE ZHA LU PA GNYIS GSOL TSIGS GNANG BA'I TSE NAM MKHA' THAMS CAD MA TOG GI CHAR GYIS GANG BAS TSO MA CHEN GYI RGYA MTHONGS LA MI SHONG BLTA BU BABS, NYE SKOR GYI SER TSOGS GRAL DBUR YANGS CAN MKHAN RIN PO CHA NGAG DBANG CHOS GRAGS GDAN DRANGS PA'I TSAR MANG JA 'GYED 'BUL BA SOGS KYI NOM BAS BSNYEN BKUR, YUL MI RNAMS LA 'BRU KHRO ZANGS SOGS KYI SBYIN GTONG MDZAD, HOR ZLA BCU GNYIS PA'I TSES BRGYAD KYI NUB KYI RDOR MAN NGAG LUGS KYI DKYIL 'KHOR GYI SGO NAS SKU GDUNG RIN PO CHE DPAL HE RU KA: ZHAL BRGYAD PA'I RNAM PAR GYUR PA LA RDZAS CHEN BCU GNYIS GTZO BOR GYUR PA'I MTHA' BLAS PA'I MCHOD PA THAMS CAD MCHOD BYA MCHOD BYED DANG BRAL BA'I GNAS LUGS RANG NGO DON GYI BLA MAR RTOGS PA'O RDO RJE 'CHANG MGON PO BSOD NAMS MCHOG LDAN BSTAN PA'I RGYAL MTSAN DPAL BZANG PO NYID KYIS PHYAG DAR NA ZHUGS SU

, ,PHUL BA'I SANG NYIN NAM MKHA' THAMS CAD 'JA' SPRIN DANG LHA RDZAS MANDA RA BA'I CHAR GYIS GANG, BUR KHANG ZHAL PHYE BAS TSEMS LA DUNG DKAR G-YAS 'KHYIL MGO SPRONG DBAR DU 'PHAL GDUNG YUNGS KAR SPUNGS BA LTA BU BYUNG, SA SKYAR DKAR PO RGYANG GRAGS BUS PA'I TSOGS SU MANG 'GYED TSA RA, BZHI THOG TU BDAG CHEN KHRI RIN PO CHER 'BUL BA, GTZUG LAG KHANG DANG MGON KHANG RNAMS SU MCHOD PA, KHA'U SKYES LHAS SU MANG JA ZHVA 'GYED, ZHA LUR MANG JA TSA RA, SA LUGS GTZO BOR GYUR PA'I DBUS GTZANG GI DGON PA MANG DAG LA MANG JA BSNGO RTEN, YAR KLUNGS SU SER TSOGS RGYAS PA'I GRAL DBUR RDO RJE BRAG NAS BYANG BDAG RIGS 'DZIN CHEN PO GDAN DRANGS PA'I 'BUL BA MANG 'GYED TSA RA, BKRA SHIS RTZE CHOS SDER RDO RJE 'CHANG GI SKU BRNYAN GTZO BOR BZHUGS PA'I LAM ZAB LHA KHANG DNGOS GTZANG BA, NAG PA ZLA BAR DPAL DUS KYI 'KHOR LO'I SKU GSUNG THUGS YONGS RDZOGS KYI DKYIL 'KHOR SGRUB MCHOD STAR CHAGS SU BTZUGS, TSAR CHEN YAB SRAS GSUM GYI BKA' 'BUM GSAR BZHENGS SOGS RDO RJE 'CHANG MGON PO BSOD NAMS MCHOG LDAN GYI THUGS KHUR BZHAS TE DRIN CAN BLA MA GDAN GSUM TSANG PA'I RDO RJE SLOB DPON GANG GI DGONGS PA ZAG MED CHOS KYI DBYINGS SU RDZOGS PAR MDZAD DO,, 'GRO CHED MNAR MED GNAS SU 'JUG PA LA, ,RGYAL DANG DE SRAS SPRO DGA' CHER LTA NA, ,MI BSRUN TSER MAL GYIS 'BYUNG ZHI BA'I DBYINGS, ,GZIMS PAR MDZAD NA SEMS PA'I NGANG TSUL CI, ,'CHI MED LEGS LDAN MGON PO LA BRTEN NAS, ,'CHI BA'I DNGOS BRGYA 'JOMS PA'I RTEN 'BREL MTHUS, ,'CHI BDAG BDUD SDE'I DPUNG BCAS ZIL MNAN TE, ,'CHI GSOS SMAN BZHIN GDUL BYA'I RE BA BKANG, ,YID SRUBS 'JAM MNYEN

MNGA' YIS RNYING PHUG PAS, ,YID DBANG RNAL DU MGYUR SMRA BRJOD 'GAS, ,YID MANG MNAR BYED DU: KHA'I TSER MA DE, ,YID CAN 'DREN MCHOG GSOL BTAB MTHU DES BYUNGS, ,MTSUNGS MED BLA MA'I SRAS KYI THU BO MCHOG ,RING LUGS PA MTHAR SPEL BA'I ZHA LU PAR, ,BYANG CHEN PAR DU RJES 'DZIN BRDA THABS SU, ,THA MA'I GSUNG GI GNANG BA CI YANG STZAL, ,KYE MA MGON KHYOD THUGS RJE NYIN MOR BYED, ,'CHAR NUB SPANGS KYANG SKAL NGAN 'GRO BA'I NGOR, ,DAM PA'I CHOS KYI SNANG BA 'OD PO CHA, ,BZHANG PAS STUG PO'I SMAG GIS KHYAB 'DI SKYO, ,S'A LA'I LJONGS 'DI'I SKYE RGU YONGS BOR NAS, ,BRTZE MED MKHA' SPYOD GSHEGS LA NGO MTSAR LTAS, ,BLO BRID 'DI LA DGA' BAR SEMS PA RNAMS, ,MA GAS SNYING DE LCAGS KYI GONG DU PHUR ZANG, ,RNAM KUN MCHOG LDAN ZUNG 'JUG PHYAG RGYA CHER, ,DANG PO'I MGON POR BZHENG LA BLTOS MIN KYANG, ,'GRO BA'I TSOGS CHEN RDZOGS SLANG RGYAL TSA BA RJES, ,KUN BZANG MCHOD SBRIN MKHA' NGOS DGOG POR BKANG, ,ZHING 'DIR GZUGS SKU'I RI BONG RAB BTANG YANG, ,CHA SHAS NYER GANG SNYING RJE'I ZLA DKYIL NGOS, ,LHAG BSAM RI DVAGS SNANG BRNYAN RTAG 'CHAR BA'I, ,NGANG TSUL 'DI LA BSAM SKYIN RTZE DGA' RGOD, ,DE LTAR DUS GSUM SANGS RGYAS THAMS CAD 'DUS PA'I NGO BO RIGS DANG DKYIL 'KHOR KUN GYI KHYAB BDAG DRUG PA RDO RJE 'CHANG CHEN PO'I THUN MONG BA'I GDUL BYA RNAMS KYI SNANG NGOR DUR SMIG GAR GYIS ROL BA MKHAS PA DANG GRUB PA'I 'KHOR LOS GYUR BA RJE BTZUN YANG PHYUG RAB BRTAN BSTAN PA'I RGYAL MTSAN DPAL BZANG PO'I RNAM PAR THAR PA NI RGYA MTSO CHEN PO LTAR GTING DPOG PAR MI NUS NA BDAG 'DRA'I BLO DMAN TSOGS KYIS TSANG BAR BRJED PA NI LTA GAL ZHIG, 'ON TE CHA SHAS TZAM GYIS ZIN BRIS GNYIS GSUM SNANG BA PHAN

, ,TSUN GO BSDUR TSE LO ZLA SOGS NOR 'KHRUL 'GA' ZHIG MCHIS PA MI THOG BRJES PA'I RGYUS YOD KYANG DKON GSHIS DRI YUL YANG CHER MI 'DUG MOD 'ON KYANG RIN PO CHE YOL BA BA, MKHAN CHEN BSLAB GSUM RGYAL MTSAN, SNGAGS 'CHANG CHEN PO BSOD NAMS CHOS 'PHEL GSUM GYI RNAM THAR LA ZHIB TU DPYAD, KHYAB BDAG ZHA LU PAR THUGS RGYUS MNGA' BA RNAMS LA DRI MA LA ZHUS, RDO RJE 'CHANG BKA' 'GYUR BA'I GSUNG BGROS THOR BU BLOR ZIN PAS BRGYAN, DUS TSES SOGS DES PA DANG GTAN TSIGS KYIS BSGRUB RUNG GI STENG DU BAG LA NYAL GYI TSOGS KYANG RUNG MTHUN SBYAR TE BRIS PA SPYIR SO SO SKYE BO 'KHRUL PA'I RANG BZHIN CAN YIN PAR MA ZAD SA BON HA CANG MI GSAL BA SOGS NAS NONGS PA'I TSOGS YOD NA'ANG BLA MA TSANG MA'I DUS KYI BRGYUD PA LA PHAN PA'I LHAG BSAM GYIS BKOD ZIN TO,, BLO 'DAS GDOD MA'I MGON PO CHOS SKU'I DBYINGS, ,MTSAN DPE'I DPAL 'BAR LONGS SKU RTA LJANG CAN, ,SPRUL SKU'I 'OD ZER 'GRO BA'I BSAM PA DANG, ,'TSAM PAR SPRO BA'I PHA MTHA' GANG GIS RNYED, ,'ON TE DBANG PHYUG YON TAN BRGYAD LDAN PA, ,MKHYEN RAB NOR 'DZIN BU MO'I MNGAL YANGS POR, ,LUNG RTOGS YONGS 'DU'I RTZA BA CHES BRTAN PA'I, ,SGYU 'PHRUL GAR LAS 'DAD DGU'I GRU CHAR PHOB, ,SNYING PO'I TSAD LDAN YANG SRID BDAG CHEN RJE, ,SNYAN BRGYUD CHOS KYI NYI MA RDO RING BA, ,SLOB BSHAD SHING RTA'I SROL 'DZIN TSAR PA RJE, ,RNAM GSUM BSTAN PA'I CHED DU KHYED BYON SNYAM, ,MKHYAN BRTZE NUS PA'I DBANG PHYUG BLA MA DE'I, ,GDUNG 'TSOB BSTAN PA'I RGYA SRID NYER BSKYANGS TE, ,BSHAD SGRUB RING LUGS DAR MDZAD GNAS GSAR BA'I, ,RTOGS BRJOD ZLA BAS SNYING GI ZUG RDU 'BYIN, ,KHYONG ZHABS BSNYAN PA'I

SKAL BA CHES DMAN KYANG, ,GSUNG RGYUN BDUD RTZI NGES LEGS SROG ZUNGS SU, ,BSGYUR PHYIR DANG BAS RNAM THAR GLENG BA 'DI, ,AA HO LAS DKAR MTHU YAS RNYED LA RANGS, ,BSOD NAMS YONGS BYAS TE SE'I GTZUG TOR NAS, ,SLOB BSHAD YAN LAG BRGYAD LDAN NYAL 'GRO'I KLUNG, ,BGRANG RING SKYE BA'I BLO GROS CHU GTER NANG, ,RAB 'BAB THOS BSAM SGOM PAS RO GCIG SHOG ,SDE SNOD GSUM DANG RGYUD SDE KUN GYI BCUD, ,LO PAn ZHAL DROD MA LA LA GSANG BA'I CHOS, ,LEGS 'DZIN BRGYUD BA MU THA LA YI 'PHRENG, ,THUB BSTAN DE SRID CHANG MED DAR GYUR CIG ,CES DKYIL 'KHOR RGYA MTSO SPRO BA DANG BSDU BA'I BYED PA PO DPAL LDAN RDO RJE SEMS DPA' DBANG PHYUG RAB BRTAN BSTAN PA'I RGYAL MTSAN DPAL BZANG PO'I RTOGS BRJOD BDUD RTZI'I ZA MA TOG CES PA 'DI NI MKHAN CHEN RDO RJE 'DZIN PA CHEN PO RIN CEN BSOD NAMS MCHOG GRUB KYIS RING PO NAS KYIS SHIG PA'I BKA' STZAL DANG DPON MKHYAN RAB BLO LDAN DANG MKHYEN RAB RNAM RGYAL GNYIS KYIS KYANG BSKUL BA LA BRTEN NAS BGYID MDUN CHE NA'ANG DON MED KYI G-YENG BAS SNYOMS LAS SU LUS PA NYE CHAR A'A NA LA ZHES PA MA 'BRUG HOR ZLA GNYIS PA'I MJUG NAS SNYAN BRGYUD BSTAN PA'I NYI MA MKHAN CHEN ZHA LU PA CHEN POS SKYID SHOD LHO MOS GZHIS KAR GSUNG NGAG RIN PO CHE LAM 'BRAS SLOB BSHAD 'DZUGS PA GNANG SKABS GSANG CHEN BSTAN PA'I SHING RTA PA BCO BRGYAD CHOS RJE BYAMS PA NGAG DBANG LHUN GRUB, KHYAB BDAG BKA' 'GYUR BA CHEN PO'I DPON RIN PO CHE NAM MKHA' BSOD NAMS DBANG GI RGYAL BA, GRUB PA'I DBANG PHYUG LCAGS ZAM PA'I GDUNG 'DZIN SGER PA CHOS RJE NGAG DBANG

[DD1] !, ,('PHAGS [?] KYI RGYAL PO TSOGS KYI BDAG,) *, ,BSTAN 'DZIN PHUN TSOGS GSUM GYIS LAM 'BRAS BRGYUD PA'I RNAM THAR KHA SKONG SA LA DA LAM CIS KYANG DGOS ZHES GSUNG GIS BSKUL BA LTAR KUN SPANGS CHOS RJE'I RING LUGS LA RGYU MTSAN SHES NAS DAD PA THOB PA'I SLOB BSHAD 'DZIN PA ZA HOR GYI PANDE NGAG DBANG BLO BZANG RGYA MTSO 'JIGS PED GO CHA THUB BSTAN LANG TSO'I SDES NAG PA ZLA BA'I NYER GNYIS ZLA BA GRO BZHIN GYI 'GRUB SBYOR LA DBU BCUGS KYANG SAM NYER GYUR PA'I DOGS GCOD 'DRAS BUL 'GROS KYI NGOS CHU SHEL GYI DBANG PO SNRON GYIS NYA BA'I DKAR CHA'I GANG PA GSUM PA LHAG PA LHA MTSAMS KYI 'GRUB SPYOR GYI NYIN RANG BYUNG 'PHAGS PA 'JIG RTEN DBANG PHYUG GI GZHAL MED KHANG PHO BRANG CHEN PO PO TA LAR SBYAR BA'I YI GE PA NI RIGS 'DZIN GYI BTZUN PA 'JAM DBYANGS GRAGS PAS BGYIS PA TSAR CHEN CHOS KYI RGYAL PO'I RING LUGS BYAMS MGON MCHOG GI SPRUL PA'I SKUR MNGON PAR RDZOGS PA 'TSANG RGYA TSUL BSTAN PA DE SRID DU DAR ZHING RGYAS LA YUN RING DU GNAS PAR GYUR CIG, SARBA MANGGALAm, ,, [DD2] !, ,(STOBS 'PHROG DBANG PO BRAM ZE'I GZUGS [?] ,,)

[BLANK PAGE]