"Rays of the Sun for Studying and Explaining the Teachings," a Biography of that

!, ,SHI shYE BH'A shA SH'A SAN SYA S'UR+YA BH'A NU K'U LA SHTZA MAndAL SARBA SYA PRA BHU BADZRA DH'A RA DH'I K'A SHA SA RA K'I RTI DHVA JA SHR'I BHA DRA TO BI MO KshA N'A MA BI HA RA TI SNA [?] ,, !, ,RIGS DANG DKYIL 'KHOR KUN GYI KHYAB BDAG RDO RJE 'CHANG BLO GSAL RGYA MTSO GRAGS PA RGYAL MTSAN DPAL BZANG PO'I RNAM PAR THAR BA SLOB BSHAD BSTAN PA'I NYI 'OD CES BYA BA BZHUGS SO,,

[DD1] (! SKU [?] RNAL 'BYOR DBANG PHYUG BI R'U [?] BA,,) #, ,NAM: PRABHU BADZRA DHA R'A YA, RIGS DANG DKYIL 'KHOR KUN GYI KHYAB BDAG DRUG PO RDO RJE 'CHANG CHEN PO SNYAN BRGYUD RGYA MTSO'I BSTAN PA'I SROG GI ZUNGS SU BSLAB GSUM DUR SMRIG 'CHANG BA'I ZLOS GAR MKHAN TSAR CHEN CHOS KYI RGYAL PO BLO GSAL RGYA MTSO GRAGS PA RGYAL MTSAN DPAL BZANG PO'I RNAM PAR THAR PA SLOB BSHAD BSTAR PA'I NYI 'OD CES BYA BA DPAL LDAN BLA MA DAM PA'I ZHABS RDUL BUNG BA SNYING PANG KE SA RAR 'GOD NA SMIN GROL LAM GYI 'BRAS MCHOG MNGON DU GYUR MIN DE SRID THUGS RJE'I MTHU DPUNG LHAG PAR BSKYED NAS DNGOS GRUB RGYA MTSO'I GRU CHAR STZAL DU GSOL,, GZOD MA NYING NAS YONGS SU BRNYES PA BLA MED YE SHES BDUD RTZI'I BCUD, ,SEMS CAN KUN GYI THAR PA'I SROG SONG GSANG GSUM RGYAN GYI 'KHOR LO'I MDZOD, ,RDO RJE 'CHANG DBANG MI YI GZUGS KYIS BLO GSAL SKAL BZANG RGYA MTSO'I MGON, ,GRAGS PA'I RGYAL MTSAN SRID RTZER BSGRENG ZHABS PAD [DD2] (!, ,SRID GSUM BLA [?] PHRAL CHOS KYI RJE,,)

[DD1] (!, ,SNYAN BRGYUD MNGA' BDAG RDO RING BA, ,) *, ,DKAR CHUN PO THOD DU 'CHING, MTHA' KLAS MKHYEN PA'I NAM MKHAR THUGS RJE'I NYI, ,'CHAR NUB SPANGS PA'I RNAM DPYOD CHA ZER GYIS, ,CHOS PHUNG BYE BA'I 'DAB STONG YONGS GROL BA'I, ,MKHAS GRUB SKYES RABS TSANGS PA'I BLO LAS BRGYAL ,KHYAD PAR RGYAL KUN MGRIN GCIG LEGS SO'I TSIG ,BRJOD YUL 'DREN PA BZHI PA'I BSTAN 'DI LA, ,MTHA' KLAS BYON PA DAM PA'I ZLOS GAR GYI, ,GRANGS TSAD GZHAL 'DOD BYAS PA'I [?] SEMS DE NGAL, ,BYE BRAG GRUB PA'I 'KHOR SGYUR PI R'U PA, ,SA SKYA'I 'JAM MGON RIM BYON THUGS KYI BCUD, ,SNYAN BRGYUD BSTAN PA'I SHING RTA CHEN PO'I SROL, ,PHYE BA'I RTOGS BRJOD CHA TZAM GLENG BAR SPRO, ,CHU 'DZIN STUG PO'I PHANG NAS DBYAR GYI RNGA, ,RAB SNYAN GLU DBYANGS SGROG TSE MDONGS MTHA' CAN, ,DGA' BA'I ZLOS GAR BSGYUR NA SHES LDAN RNAMS, ,NGO MCHAR DANG PA'I SPU LONG CIS MI G-YO, ,RLUNG GIS SBUR MA MTHON POR BTEG PA LTAR, ,MED BZHIN SGRO [DD2] (!, ,SHING [?] CHEN PO CHER PA RDZOG)

BTAGS RDZUN GYI RNAM PAR THAR, ,MTHONG NA DAM PA'I SPYOD TSUL LHUG PA RU, ,SMRA BA SNGON BSAGS LEGS BYAS BYA BAS NYOS, ,KU SHA'I RTZE MOS 'THOR TE RGYA MTSO'I MTHA', ,'DZAD BYED DKA' THUB BSTEN PA'I RJES 'GRO BA, ,PHRA MO'I BLO GROS KHAB KYI MIG BU RU, ,KHYOD YON LHUN PO 'DZUD PA'I GO SKABS CI, ,'ON TE RIN CEN GLING NAS NOR BU'I TSOGS, ,DED DPON GCIG GIS 'DREN PAR MI BZOD KYANG, ,RANG GIS JI TZAM 'KHUR NUS BDOG PA YIS, ,DBUL BA'I GDUNG SEL 'DOD 'JO DNGOS PO'I GSHIS, ,'KHYOG TSIG CHAGS PA'I GDONG PA RIG BYED SGOR, ,SPRUL PA'I ZOL SBYOR RGAN PO MA YIN PA'I, ,MKHAS GRUB NGANG TSUL GSER SGONG YONGS SMIN PA, ,SNGON MED TSANGS PAR LTA LA LHO RNAMS DREL, ,PHYOGS 'DZIN GDON GYIS PHRAG DOG SBYIN SKYES MGOR, ,MTHU STOBS RDO RJE RTZE BRGYA RAB BSNUN KYANG, ,RIS MED 'GRO LA BRTZE BA'I SPYAN STONG DKYUS, ,RING POR SKYONG BA'I BSHES GNYEN 'CHI MED GTZO, ,RLABS CHEN MDZAD PA SOS KYI DGA' STAN DUS, ,'DREN BYED TSIG SBYOR DPYID KYI LANG TSO MA, ,SPEL LEGS ZLOS GAR 'PHRENG MDZES GSONG PO'I GLU, BZUR GNAS GZHAN GSOS MGRIN NAS LEN 'DI NYON, ,DE YANG SLOB DPON DAndIS, SHIS BRJOD PHYAG BYA DNGOS PO NI, ,NGES PAR BSTAN PA'ANG DE YI SGO, ,ZHES THOG MAR SHES BRJOD, PHYAG BYA, DNGOS PO NGES BSTAN RNAMS SUM LDAN, GNYIS LDAN SOGS CI RIGS PA BSHAD PA'I DA LAM PHYI MA'I SGO NAS TSIGS SU BCAD BA SNGON DU SONG BAS SKABS SU GLENG BAR BYA BA NI, JI SKAD DU, MCHOG NYI KHYAD PAR NYID LA REG NA DE YI YON TAN CHA SHAS KYIS, ,

, ,DMAN PA DAG KYANG BSNGAGS 'OS LA 'GOD MTHU CHEN RNAMS KYI BYED PA'I PHUL, ,MAL YAR NYE PHAL GYI SHING YANG RKANG 'THUNG BZANG PO'I DRI BSUNG NGAD, ,'CHANG BAR BYED PA'I NUS PA RAB MTHO TZANDAN DE DAG RGYAL GYUR CIG, CES LHO PHYOGS MA LA YA'I NAGS KLUNG DU SKYES PA'I SHING PHAL BA DAG KYANG 'JAM MGON SA SKYA PAndI TAS, MAL YA LAS 'ONGS PA YI, ,SDONG DUM PHAL LA RIN THANG BRTZI, ,ZHES TZANDAN GYI DRI BSUNG LAN CIG MA YIN PAR SIM PA'I NUS PAS LJON PA PHAL BA LA'ANG TZANDAN DANG PHYOGS 'DRA'I DRI NUS 'BYUNG BA LTAR MKHAS DANG GRUB PA'I YON TAN YANG NAS YANG DU BRJOD CING BSAMS NA RANG CAG BLO DANG SPYOD TSUL CHES CHER DMAN PA RNAMS KYANG BYA BA NGAN PA LAS LDOG CING SKYED THON NAS DAM PA'I RNAM THAR LA RIM GYIS 'JUG PA SOGS DGOS PA LHAG PAR CHE ZHING RANG GI LEGS BYAS KYI PHUNG PO BLA NAS BLAR 'PHEL BA'I TSOGS RGYA CHER GSOG PA'I PHYIR DUS GSUM GYI BDE BAR GSHEGS PA MA LUS PA'I GSANG BA RAB 'BYAMS MI ZAD PA RGYAN GYI 'KHOR LO'I BING MDZOD GDAN GSUM TSANG PA'I KHYAB BDAG DGYES MDZAD RDO RJE BSHES GNYEN DAM PA'I SGYU 'PHRUL DRA BA'I ROL PA CHAR CHEN CHOS KYI RGYAL PO'I RNAM PAR THAR PA'I RIM PA LA, MDO SDE RGYAN LAS, SKYE BA SGYED MOS TSAL 'GRO LTAR RTOGS NAS, ,SPRO BA'I SEMS DRANGS DGA' ZHING DE LA 'JUG ,CES RGYAL SRAS 'PHAGS PA SEMS CAN GYI DON DU BSAMS BZHIN SRID PAR SKYE BA LEN PA LA NGANG PA PAD MTSOR 'JUG BA LTAR SPRO ZHING SPRUL PA BYE BA THER 'BUM DUS GCIG TU STON PAS 'DI LTA BU'O ZHES LCE BRGYAS BSKAL BAR BRJOD KYANG ZAD PA'I MTHA' GA LA ZHIG, 'ON TE THUN MONG GI GDUL BYA

RNAMS LA GRAGS PA'I YANG SRID DANG THUGS RGYUD GCIG PA RAGS RIM BRJOD NA, THAMS CAD MKHYEN PA MKHYEN BRTZE'I DBANG PHYUG GIS MDZAD PA'I BSTOD PA BKRA SHIS MTSAN BZANG MAR, MGON KHYOD GDOD MA'I DBYINGS SU SANGS RGYAS KYANG, ,GRANGS MED GDUL BYA'I KHAMS DANG BSAM PA BZHIN, ,NGO MTSAR SGYE [?] BA'I ZLOS GAR BCU GSUM GYIS, ,PHAN BDE'I DGA' STON SPEL LA GSOL BA 'DEBS, ,ZHES DANG, 'DAR PA RIN CEN DPAL BZANG GIS MDZAD PA'I TSIGS BCAD MAR, BDE CHEN 'KHOR LO'I MGON PO HE RU KA:, , BLO 'DAS 'OD GSAL DGA' MAS 'KHYUD PA'I DPAL, ,DKYIL 'KHOR RGYA MTSO'I RIGS BDAG RDO RJE 'DZIN, ,KHYAB BDAG BLA MA'I ZHABS LA GSOL BA 'DEBS, ,MGON KHYOD 'OG MIN CHEN PO'I ZHING KHAMS SU, ,SKU GSUM YAN LAG BDUN LDAN MNGON GYUR KYANG, ZHING 'DIR SKAL BZANG 'GRO RNAMS BSGRAL BA'I GLAD, ,BGRANG YAS RNAM 'PHRUL BSTAN LA GSOL BA 'DEBS, ,'PHAGS YUL AOOddI YA NA'I NOR 'DZIN MAR, ,MKHA' SPYOD DBANG MOS RJES BZUNG STHA WI RA, ,BRTUL ZHUGS SPYOD PAS GDUG CAN KUN SGROL BA'I,, RNAL 'BYOR DBANG POR BSTAN LA GSOL BA 'DEBS, ,GANGS CAN LJONGS 'DIR SANGS RGYAS STON PA DANG, ,CHOS SKU 'OD ZER MTSUNGS MED BU STON RJE, ,YAR KLUNGS PA DANG DGE SLONG DBANG MO SOGS, ,MKHAS GRUB BRGYUD MAR BLTAMS LA GSOL BA 'DEBS, ZHES PA 'DI'I DNGOS BSTAN LA BDUN LAS MA BYUNG YANG BKRA SHIS MTSAN BZANG MAR BCU GSUM BYUNG BA SMOS NA DPAL LDAN RGYUD KYI YE SHES LE'UR, DBYIBS KYI RLUNG NI CHEN PO THAMS CAD DAG GIS SANGS RGYAS ZHING RNAMS MTHA' DAG RNAM PAR 'GOD PAR BYED,

, ,'JIG RTEN KHAMS 'DI SO SO DAG LA SLAR YANG KHOR YUG RI BO CHEN BO DAG NI KUN NAS SO, ,DE YI DBUS SU LAS KYIS NI CHEN PO DAG GI RANG BZHIN 'JIG RTEN KHAMS SU RAB TU 'GYUR, ,LHAG MA LONGS SPYOD RANG BZHIN YUL GYI BDE 'BYED PA RIN CEN KUN GYIS RAB TU GANG BA RNAMS, ,ZHES PHYI NANG SBYAR BA'I PHYI REL GYI 'GRO BA'I LAS SNANG GIS RI RAB DBYIBS [?] TSUL MNGON PA DANG DUS KYI 'KHOR LO THA DAD PA'I LUGS PHYI MA STAR RDO RJE'I RVA'I 'OG NA YOD PA'I GLING DRUG NI LONGS SPYOD KYI SA DANG DE'I PHYI ROL GLING BZHI GLING PHRAN BRGYAD LA BDUN PA LAS KYI SA ZHES BSHAD CING, DZA NA SKYE BA LA'O ZHES PA'I BYINGS BZHAG, NA'I AA BRJOD DON YIN PAS PHYIS, BU [?] KU RKYEN DU BYIN, KAL YAN BZHIN YANG STE YAL BRJOD PA BOR BA'O ZHES KA PHYIS,, RTZAM DBYE DANG PO'I GCIG TSIG SI BYIN, MI ZAD PA LA SI DBYI'O ZHES SI PHYIS, DE'I SDE PA LA SDE PA'I MTHA' 'OS, NA MA RU BSGYUR, GSAL BYED DBYANGS MED PA PHA ROL GYI YI GER DRANG NGO,, ZHES BSGRUBS PAS DZAMBU NI LUS CAN SKYE BA'I GNAS YIN LA, BYE BRAG 'DZAM GLING CHUNG DU NI BDE MCHOG MKHA' 'GRO RGYA MTSO'I RGYUD KYI LE'U DANG PO LAS, 'DZAM BU GLING NI CHEN PO YI, ,DUM BU BCU GNYIS KYI NI DBUS, ,ZHES PA'I LHO PHYOGS DZAMBU TRI SHAS MTSAN PA'I GLING 'DI NYID KYI LTE BA MA DHA GA TA DHA RA, TZANDRA PAR PRi shO DHA RA LA SOGS PA RNAMS SOS, BSDU BA BYAS PAS MA GA DHA STE DBUS 'GYUR 'CHANG ZHES DUS GSUM GYI BDE BAR GSHEGS PA RNAMS MNGON PAR RDZOGS PAR 'TSANG RGYA BA'I RTEN YIN PAS BSKAL MTHA'I DUS KYANG GZHOM GI ZHAG MI NUS PA RDO RJE GDAN

LTE BAR BYAS PA'I PHYI REL TU, LUNG LAS, MNYAN YOD GNAS BCAS CAM PA KA, ,WA RA n'A SI YANGS PA CAN, ,RGYAL PO'I KHAB DANG DRUG PO NI, ,DE DAG GRONG KHYER CHEN POR GRAGS, ,ZHES 'PHAGS YUL NA YANGS SU GRAGS PA'I GRONG KHYER CHEN PO DRUG DANG [?] GZHAN YANG SHAR PHYOGS RGYA NAG PO'I RGYAL KHAMS NA 'PHAGS PA 'JAM DPAL GYIS RTZIS KYI SGO MO BRGYAD KHRI BZHI STONG GSUNGS PA'I GNAS RI BO RTZE [?] LNGA, LHO PHYOGS SU DPAL LDAN 'BRAS SPUNGS KYI MCHOD RTEN NA DUS KYI 'KHOR LO'I YE SHES SEMS DPA' MA BSDUS PAR DNGOS SU BZHUGS PA SKU GSUNG THUGS KYI DKYIL 'KHOR YONGS RDZOGS, DE'I LHO PHYOGS RGYA MTSO'I 'GRA MAN RI BO PO TA LA ZHES THUGS RJE CHEN PA SPYAN RAS GZIGS KYI GNAS, NUB PHYOGS NA AYON MKHA' 'GRO'I GSANG MDZOD HE RU KA RANG BYUNG GI GTZUG LAG KHANG, BYANG PHYOGS NA CHOS RGYAL RIGS LDAN RIM PAR BYON NAS 'GRO BA RNAMS PHYI NANG GZHAN GSUM GYI SGE NAS BKRI BAR MDZAD PA'I GNAS SHAMBHA LA, DER MA ZAD KYE RDOR BDE MTSOS [?] MBHOMPU dI MKHA' 'GRO RGYA MTSO SOGS LAS 'DZAM BU GLENG DBUS MA 'DI NYID RANG NA YUL NYER BZHI DANG DUR KHROD BRGYAD SEGS [?] GNAS SUM CU RTZA GNYIS YOD PAR BSHAD CING, RMA BYA CHEN MO LAS, YUL 'KHOR LNGA BRGYA, LJONGS CHEN PO BCU DRUG, YUL PHRAN STONG, GZHAN YANG MI RIGS LA GCIG PA SUM BRGYA DANG DRUG CU SKAD RIGS BDUN BRGYA NYI SHU SOGS MTHA' KLAS PA'I NANG TSAN RGYA BOD GNYIS SU SKU'I SPRUL PA RAGS PA COM BSHAD PA BCU GSUM LAS, ` DANG PO RNAL 'BYOR DBANG PHYUG NI, THAMS CAD MKHYEN PA MKHYEN BRTZE'I ZHABS KYI GSANG PA'I RNAM THAR LAS, NUB

, ,CIG DPAL PHRUG TU BZHUGS KHRI'I STENG NA BLA MA BZHUGS GSUNG NGAG BSKYAR NAS GNANG RGYU YIN ZER ZHU MKHAN MANG PO TSIGS 'DUG SAL [?] BSLAB GSUM PA GSAL PO 'DUG GZHAN NGO SHES PA MA 'DUG, KHOG PHUG YIN SNYAM PA'I DPE CHA ZHIG GI KHUNG MDZAD BYUNG BA NA, THONG PHU'I BLO GSAL RGYA MTSO DE BIRWA PA LAGS SAM ZER BA ZHIG 'DUG PA LA DON 'DI GA YIN TE TSIG 'DI CUNG ZAD SDA BA MA SHES 'DUG GSUNG, BDAG GIS THOD PHU'I RNAL 'BYOR DBANG PHYUG DE, DA LTA'I BLO GSAL RGYA MTSO YIN ZHES BYAS NA BDE BA 'DRA ZHUS PAS DE GA BRIS PAS YONG GSUNG, DE NAS GZHUNG BSHAD CIG KYANG 'GO CHUGS SNANG GSUM YANG CHUGS BYUNG NAS NA NING GI ZIN BRIS LA ZHUS DAG BYED DGOS SNYAM PA DANG GNYID SAD, BSAMS PAS THOD PHUR BYON PA'I RJE GHA YA DHAR RNAL 'BYOR DBANG PHYUG GI THUGS KYI SPRUL BAR MNAL LAM BKA' RGYAM LAS BSHAD, DE DANG PHA BLA MA THUGS RGYUD GCIG PA'I BRDA RU 'DUG SNYAM PA BYUNG GSUNGS PA KHUNGS SHIN TU CHE BAS SLOB DPON 'DI RDO RJE GDAN GYI SHAR PHYOGS BI shA NA SMAN GYI DBANG PO'I GRONG KHYER NA RGYAL PO GSER GYI 'KHOR LO'I SRAS SU SKU BLTAMS PAR MCHAN MKHAN GYIS MTHU STOBS KYI SGO NAS BSTAN PA GSAL BAR 'GYUR ZHES LUNG BSTAN NAS MCHAN DNGUL GYI 'KHOR LOR GSOL, SO MA P'U RIR MKHAN PO DUL BA'I LHA LA RAB TU BYUNG RIG PA'I GNAS LNGA LA SBYANGS, N'A LANDAR MKHAN PO CHOS KYI BSHES GNYEN BA BSNYEN BAR RDZOGS SHING THEG PA CHE CHUNG GI CHOS MTHA' KLAS PA DANG KHYAD PAR RNAL 'BYOR GSANG MTHA' 'KHOR LO SDOM PA GSAN, GNAS BRTAN DPAL LDAN CHOS SKYONG

ZHES GAGS TE N'A LANDA'I MKHAN POR GYUR, NYIN MO SDE SNOD GSUM LA 'CHAD RTZOD RTZOM GSUM DANG MTSAN MO BDE MCHOG GI RNAL 'BYOR LHUR BLANGS NAS DBUNG LE BDUN CU CAM SLEBS KYANG RTAGS BZANG BA MED PA'I KHAR MI SDUG PA'I MCHAN MA MANG DU BYUNG BA SLOB DPON 'DIS SGYOR LAM BAL CHER BGROD NAS LTE 'OG GI KshA MA LA SOGS PAR RLUNG SEMS 'DUS TE MTHONG LAM THOB PAR NYE BA BLA MA'I GDAMS PA'I PHU THAG MCHOD PA'I SKYON YIN PA MA MKHYEN PAR KHO BO GSANG SNGAGS DANG LAS 'BREL MED PA 'DUG DGONGS 'PHRENG BA CHA BA [?] KHANG DU BSGYUR TE RGYU'I THEG PA LA GZHEL [?] PAR BRTZON PAN THO RENGS MNAL LAM DU BDAG MED MA BUD MED THA MAL PA'I GZUGS KYIS LUNG BSTAN PA LTAR MDZAD PAS NYER GSUM GYI SROD LA BDAG MED LHA MO BCO LNGA'I DKYIL 'KHOR DU DNGOS SU DBANG THOB STA MTHANG LAM RNAM PAR MI RTOG PA'I YE SHES RGYUD LA 'KHRUNGS, KHAMS 'DUS PA DANG PO GTUM MO DRONG RTAGS KYI BAM 'KHRID PA'I DUS ZUG RNGU DANG GCAN GZAN GDUG PA CAN SOGS SHAR, KHAMS 'DUS PA BAR MA THIG LE BDE STONG GI LAM 'KHROD PA'I DUS MA CHUNG KHRUG PA, KHAMS 'DUS PA THA MA SKYON MED GZHUG MA YE SHES KYI LAM 'KHRID PA'I DUS BLA MA YI DAM GYI ZHAL RAL BA SOGS SKYON DU BZUNG BA NYA LAM RDO RJE BTZUN MO'I GDAMS PAS TING NGE 'DZIN DU NGO SHES NAS NYAMS SU BZHES PAS ZHAG RE LA SA RE THO BA NAS ZHAG DRUG SONG PA NAS DRUG PA MNGON DU GYUR, LAM GYI BOGS 'BYIN SHA CHANG BSTEN PA LAM DAD PA BZLOG PA DANG BSTAN PA LA MI GNOD PA'I CHED DU RAB BYANG GI STAGS BOR TE NGAN PAR ZHAL GYIS BZHES NAS WA RA n'A SIR BYON PA CHU BO GANGGA'I 'GRAM DU NGA [?]

, ,NGAN PA YIN PAS LAM THONG GSUNGS PAS CHU BO GYEN DU BZLOG, WA RA n'A SIR DGE 'DUN RNAMS KYI PHRUB THOB TU SHES TE SNGAR JA KHA GNYIS PA BRDUNGS NAS GNAS DBYUNG GI BYA BA BYAS PA LA BZOD PAR GSOL, LNGAR n'A SI'I NAG KHROD DU BZHUGS PA RGYAL PO GHO NENTA [?] CAKRAS PHO BRANG DU GDAN DRANGS PA NANG PA'I RNAL 'BYOR PAR SHES NAS YAN LAG RNAMS LCAGS KYIS BCINGS TE CHUR BSKYUR BA SA 'OG TU 'DZUD PA SOGS BYAS KYANG GNOD PAR MA NUS PAS RGYAL PO SOGS YUL 'KHOR BA THAMS CAD RDO RJE THEG PA'I BSTAN PAR BKOD, LHO PHYOGS SU BYON PA'I LAM DU GRU GLA LA BRTEN NAS CHU BA BZLOG PA DANG PHYIR 'BANG PA'I RDZU 'PHRUL MDZAD, MNYAN PA'ANG SLOB DPON GYI RJES SU 'BRANGS PAS SKAL LDAN CIG CAR BA'I LAM GYIS BKRI BAR 'OS PA'I dOm BHI HE RU KAR GRAGS, DE NAS CHANG 'TSONG MA K'A MA RU SIDDHI LA CHANG NYO NGA'I RIN MED PAR BRTEN NYI MA BZUNG BA NA RGYAL POS GSOL BA BTAB PA LTAR BTANG PAS ZHAG GSUM GYI MTSAN PHYED TZAM SONG BAS RDO RJE GDAN PA'I BSTOD PAR, CHU BO CHEN PO GYEN DU BZLOG , CHANG LA NYI MA GTE MAR BCUG ,BIRPA [?] PA ZHES BYA BA YI, ,BLA MA DE LA PHYAG 'TSAL LO, ,ZHES BSNGAGS, RIM BZHIN LHO PHYOGS BHI MI SA RA'I RGYAL PO N'A THA PA TAS RANG GI MCHED GNAS RAL PA CAN LNGA BRGYA'I SLOB DPON DU BSKOS, RA DANG MA HE KHRI PHRAG BSAD PA'I KHRAG MCHOD BYED PA'I DBANG PHYUG GI RTEN LA SLOB DPON 'DIS PHYAG MDZAD PA NA DE PHYED TZAM GAS PAS RGYAL PO 'KHOR BCAS SKRAG PAR GYUR, RAL PA CAN GCIG LAS SAD NAS RJES SU 'BRANGS PA SANGS RGYAS KYI BSTAN PA LA MA ZHUGS PA 'DUG 'DOD

YOD PA'I MTSAN GZHI SHAR PHYOGS NAG PO BAR GRAGS, DE NAS TAm BRA PRA TI MA'I RGYAL PO DZIM GIM ZHES BYA BAS 'JON DMAR LAS GRUB PA'I DBANG PHYUG GI SKU ZHAL GSUM PHYAG DRUG PA KHRU BRGYAD CU YOD PA ZHABS RDOS BSNUN TE GNAS KHANG NAS BSKAD PA KHA BUB TU 'GYEL BAR MU STEGS BA RNAMS KYIS GSOL BA BTAB PAS 'BRAS CHAN TZAM GYIS MCHOD PA'I DAM BCA' 'DZIN DU BCAG STE GYEN DU BSLANG BA SOGS MU STEGS GRANGS MED BTUL, LHA MO TZAndI KA'I RDO SKU RANG BYON ZHIG GNAS SAR MI BYUNG TSAD RANG BYUNG GI TRI SHU LAS BSAD PA'I RO LA TSOGS 'KHOR BYED PA'I RNAL 'BYOR MA RNAMS NANG PA'I BSTAN PA LA BKOD, ,DE W'I KO tI'I RI SUL GYI THUGS RJE CHEN PO'I RDO SKU'I DRUNG DU PHEBS PA'I TSE THUGS RJE CHEN POS KHYOD KYI NUS PAS RI RAB BRLAG PAR NUS KYANG SEMS CAN GYI LAS ZAD PA MED PAS MU STEGS RNAMS LA GNOD PA MA BYED CES GSUNGS PA SO BA N'A THA BTUL NAS BKA' BZHIN SGRUB PAR DAM BCAS, SO BA N'A THA'I MU STEGS PA RNAMS BTUL NAS NANG PA'I SDE BTZUGS, SLOB DPON NAG PO PA SHAR PHYOGS KYI PHYI BA'I RGYAL PO GDUG PA CAN 'DUL BA, d'A MA RU PA RJES SU 'DZIN PA, AYON NAS RDO RJE'I TSIG RKANG GI RGYAB BRTEN DU GYUR BA'I LUNG SKOR SDE LNGA SPYAN 'DREN PA'I DON GSUM LA BRDZANGS, SLOB DPON NYID THUGS RJE CHEN PO'I BKA' BZHIN RE ZHIG BRTUL ZHUGS KYI SPYOD PA'I 'PHRO BSHOL NAS RDO SKUR THIM MAM ZER, LA LA SKU DNGOS RDO'I RNAM PAR SONG BAR GLENGS, DE YANG 'JAM DPAL RTZA RGYUD LAS, YE GE DHA ZHES SDOM BRTZON NYID, ,LHO YI PHYOGS SU RNAM PHAR GRAGS, ,PHA ROL RGOL BA BZLOG NAS KYANG, ,DE

, ,BZHIN SDOM BRTZON SNGAGS KYANG 'GRUB, ,CES PA CHOS 'BYUNG MANG POR SLOB DPON CHOS GRAGS LA 'CHAD PA CHOS KYI SKAD DOD DHARMA'I ZUR NI GNYIS KAR CHANG BA DANG BSTAN PA LA RAB TU BYUNG BA'I SDOM BRTZON YIN PAR MCHUNGS NA'ANG CHOS GRAGS KYIS TSAD MA RIGS PAS RGOL BA TSAR BCAD PA DE 'DRA BA'I PAndI TA NI CHES MANG LA, BRTUL ZHUGS SPYOD PA'I RDZU 'PHRUL GYIS LOG LTA BCOMS PA BSAM GYIS MI KHYAB PA'I MDZAD PA DANG SKU TSE DE LA MCHOG GI DNGOS GRUB BRNYES PA DPAL LDAN CHOS GRAGS LA MA BYUNG BAS 'KHRUL PA 'ONG DON MED CING, GRUB THOB THAMS CAD KYI 'KHOR LO SGYUR BA NI SLOB DPON 'DI NYID DO,, ` GNYIS PA STHA BI RA NI SHING SBRUL 'DAR DU ZHAL GYI GTOR CHEN SKABS TSAR CHEN RANG GI MNAL LAM DU GSAL BA BZHIN RDO RJE GDAN GYI NUB PHYOGS NA NGES GSANG RDO RJE THEG PA'I CHOS KYI 'BYUNG GNAS AOOddI YA NA ZHES YUL DE'I SKYE BO RNAMS 'PHUR NAS 'GRO BA'I MA DANG MKHA' 'GRO 'DU BA'I YUL KHYAD PAR CAN DER SKU BLTAMS PA NA TSOD GZHON NU'I DUS RJE BTZUN RDO RJE BTZUN MO MKHA' LA SPYOD PA'I DBANG MOS RJES SU BZUNG STE LUNG BSTAN NAS GZENGS BSTOD, MDO RGYUD KYI GZHUNG LA SKYES THOB KYI SHES RAB DANG SPYOR BYUNG GI BRTZON 'GRUS KYIS GNAS LNGA MKHYEN PA'I PAndI TA'I RTZER SON BSTAN PA'I RTZA BA SO SO THAR PA'I BSLAB PA LA GTZO BOR MDZAD PAS MTSAN STHA WI RA STE GNAS BRTAN DU GRAGS, RGYA GAR RDO RJE GDAN GYI MKHAN POR GYUR TE RGYAL BA'I BSTAN PA CHOS SPYOD RNAM BCU'I SGO NAS NYAMS PA GSO BA DANG SNGAR YOD RNAMS DAR RGYAS SU MDZAD PAR BRTEN PAn GRUB KUN GYI GTZUG TOR GYI RTZE MOR 'DZEGS

SHING BRTUL ZHUGS KYI SPYOD PA MTHAR PHYIN PA'I RDZU 'PHRUL GYIS NAG PHYOGS LA DGA' BA'I 'BYUNG PO GDUG PA CAN GYI NUS STOBS PHRAL NAS YANG DAG PA'I LAM LA BKOD PA SOGS MDZAD PA MTHA' YAS, RDO RING RIN PO CHE'I SKYE BRGYUD GRUB CHEN LVA [?] GA MA [?] DANG 'DI NYID DUS MTSUNGS PA YIN NAM SNYAM MO,, ` GSUM PA PAn CHEN DHARMA P'A LA NI, ZUR THAMS CAD MKHYEN PA CHOS DBYINGS RANG GROL GYI GSAL SNANG LA SHAR BAR SOM NYI MI MNGA' BAS, RGYA GAR SHAR PHYOGS SU SKU 'KHRUNGS PA'I SLOB DPON DHARMA P'A LA ZHES GNAS LNGA RIG PA MTHAR PHYIN ZHING RLUNG SEMS LA RANG DBANG DU GYUR PAS SKU TSE LA MNGA' BRNYES PA ZHIG BYON PA'I TSE, RDO RJE GDAN GYI KA BA NAS MGON PO'I SGRUB SKOR SLOB DPON PADMA BADZRA GYIS SPYAN DRANGS PA RGYA GAR DU BKA' GTER GNYIS SU GRAGS PA'I GTER MA DE YIN ZHING, MAN NGAG RNAMS SLOB DPON KLU SGRUB LA GSAN, BKA' MI NUB PAR BYA BA'I PHYIR DU PAn GRUB DHARMA P'A LA LA GNANG 'DI NYID KYIS BAL PO'I RTEN KHYAD PAR CAN RNAMS MJAL BAR BYON PA'I TSE TSAD PA'I SNYUN GYIS ZIN PAR GANGS RI MTHONG SAR PHEBS NA PHAN ZER BAR BRTEN HA NU MANTHAS 'PHANGS PA'I KHA BA'I DUM BUL GANGS CAN DU GRAGS PA'I MNGA' RIS SMAD KYI GANGS RI DANG, MTSO MA PHAM PA GZIGS SU BYON PA NA LHA BTZAD POS CHOS LA GUS PA'I BKUR STI CHER MDZAD, KHYAD PAR SKAD GNYIS SMRA BA RIN CEN BZANG POS YO GA'I SKOR MANG DU GSAN, MGON PO'I SGRUB THABS RGYA GAR GYI GTER MA RNAMS GSAN PAS LO CHEN NAS BRGYUD PA LA'ANG BKA' GTER ZUNG DU 'JUG CING, LAS MGON GYI SKOR LHA BTZUN BYANG CHUB 'OD KYI GTER MA

, ,GSAN TSE GNYIS PO ZHU DAG PHER BA BYUNG SKAD, LO CHEN GYIS GSER SNYIM PAS BCUS NAS PHUL BA MA BZHES NAN TAR GSOL BAS KHYED MI DGA' NA NGAS 'DI KHYER GSUNGS NAS RDOG PO GCIG BSNAMS 'TSO BAS PHONGS NA NOR DGOS KYANG DED DE 'DRA'I CHAN MIN GSUNGS, PHAR GSHEGS DUS DHARMA P'A LA YIN PAR SHAS PA TZAM GYIS 'DO LE LA SPYAN DRANGS RNYED BKUR BSAM GYIS MI KHYAB PA BYUNG ZHING RGYA GAR DU 'PHRIN LAS NAM MKHA' DANG MNYAM SKAD, LHAG BSAM RAB DKAR LAS, ME 'BAR MA YI DKAR CHAG PHAL CHER DU, ,KHA CHE DHARMA P'A LA ZHAS GSUNGS PA, ,YO GA STOD LUGS BRGYUD PA'I DE NYID DANG, ,GCIG GAM GCIG NA SHAR PHYOGS BAR BSHAD CING, ,ZHES PA'I DGONGS PA GSAL BYED MKHAN CHEN DAG DBANG CHOS GRAGS KYI DRI LAN, DU, MA 'BAR MA YI DKAR CHAG PHAL CHER DANG YANG DGON PA'I ZIN BRIS LAS, KHA CHE DHARMA P'A LA ZHES BSHAD PA NI YI GE PA'I SKYON CUNG ZAD DAM GSUNG BGROS MA ZIN PAR SNANG STE, BOD DU BYON NAS LO CHEN GYI BLA MA MDZAD PA'I DHARMA P'A LA 'DI NYID NI, RGYA GAR SHAR PHYOGS PA YIN PAR YO GA DANG MGON PO'I LA RGYUS YI GE RNAMS LAS GSAL BA'I PHYIR RO ZHES GSUNGS PAS SHES NUS SO,, ` BZHI PA PAn GRUB GHA LA DHA RA NI, 'JAM DBYANGS MKHYEN BRTZE'I GSANG BA'I RTOGS BRJOD NAS GONG DU DANGS PA BZHIN RGYA GAR SHAR PHYOGS BHANGGA LA'I RGYAL PO TZAndA RU PA AAKshI'I YIG MKHAN GYI RIGS YIN PAS KA PHA SBRA ZHES GRAGS SHING, MTSAN DNGOS GHA YA DHA RA STE BAD SKAD DU SPRIN 'DZIN ZER RIG PA'I GNAS LNGA LA SHIN TU MKHAS SHING SLOB DPON GNYIS SPANGS ZHABS KYIS RDZAS SU BZUNG NAS GSUNG

NGAG GI BKA' BABS, ZAB CHOS 'DI NYID BOD DU DAR BA'I RTEN 'BREL 'GRIG TSUL NI 'BROG MI'I MNAL LAM BKA' RGYA MAR, LHO NAS MI NAG PO RI BO TZAM PA 'PHUR BYUNG BA'I KHA NAS DUNG GI SENG GE SKYUGS, DE'I KHA NAS GSER GYI RDO RJE BYUNG BA'I LTE BA NAS BUM PA CHUS GANG BA THUGS KAR THIM PA'I MNAL LAM BYUNG BA'I SANG NYIN SGOR A'A TZARLAS RA DUNG BUS BYUNG BA NA LTAR BTANG BAS ,BA DMAR PO GYON PA ZHIG GIS KHYED LA BSTAD NAS 'ONGS ZER BA NANG DU BAS NAS GSUNG GLENG MDZAD PAR RGYUD SDE RGYA MTSOR MKHAS SHING KHYAD PAR RNAL 'BYOR DBANG PHYUG GI GDAMS PA YOD PA MKHYEN NAS THOG MAR TSAR GSUM KHYAG PA'I CHOS 'BREL SOGS GSAN, LO GSUM NAS TSUR BOD DU YONG, DE DUS CHOS YON GSER SRANG LNGA BRGYA GRANGS GYIS GSUNG BA BZHIN ZHAL DAN MDZAD, LTA RTZE BRAG TU BZHUGS PA'I TSE ZHAL DAN BZHIN PAn CHEN GHA YA DHA RA PHEBS, PAndI TA'I ZHAL NAS GSUNG NGAG 'DZUGS PA LA GNAS KHYAD PAR CAN DGES GSUNG 'TSUL MU GU ZHES PA'I SGRA BYUNG BA GAR SONG RTZAD BCAD PA MTHAR MU GU LUNG DU THIM PAS RNAM PAR GREL PA'I SGRA RTEN 'BREL LEGS PAR DGONGS NAS DER GNAS MDZAD, GSUNG NGAG RIN PO CHE LAM 'BRAS BU DANG BCAS PA'I GDAMS PA LO GSUM LA RDZOGS PAR GNANG, PAndI TA 'BYON PAR BRTZAMS PA LA SNGAR ZHAL DAN BZHIN LO LNGA BZHUGS PAR GSOL BAS CHES TSAR NAS BSDAD PAR DGOS BA MAD GSER PHRI NAS PHUL CHOG GSUNG YANG RTEN 'BREL MI LEGS DGONGS TE GSER SRANG LA BTEG PA CUNG ZAD MA LONGS PAR LTA RJE ZUR PHU CHO LA GDAMS PA YONG BAS GSER KHUR SHOG GSUNG PA BZHIN PHUL, PAndI TAR GSER

, ,SRANG LNGA BRGYA, GLA RTZI STONG, RNGA DKAR NYIS BRGYA DANG RNGA NAG STONG, GOS DAR SOGS CHOS YON BSAM GYIS MI KHYAB PA PHUL BAS PAndI TA'I THUGS LA GSER MANG DRAGS PAS SGYU MA YIN NAM DGONGS MANG MKHAR GRING CHEN GYI MI MANG SAR CIR 'DUG DRIS PAS GSER SHIN TU BZANG ZER BAR BRTEN MNYES TE DA KHYOD LA CI DGOS GSUNGS PAR CHOS 'PHRO 'DRA YOD NA ZHU GSUNGS PAS, SKU RGYAB TU MGON THANG BZHES 'PHRENG BA MGUL LA BCUG GTOR MA DBU THOG TU BSNAMS NAS LHAG MA MED PA'I DBU SNYING MDZAD, SLAR CI DGOS GSUNG BAR CHOS 'DI BDAG MIN PA BOD DU GZHAN LA MI GNANG BA ZHU ZHUS PAS PAndI TA MNYES KYANG ZER, LA LA ZHU LUGS DE CUNG ZAD MA BYUNG BAS GDUNG BRGYUD KYIS MI PHAN PA'I RTEN 'BRAL 'PHYUGS PAR GLANGS SKAD, 'ON KYANG MNAL LAM GYI LUNG BSTAN BZHIN CHOS BRGYUD KYI BSTAN PA BOD DANG BOD CHEN PO'I RGYAL KHAMS YONGS SU KHYAB BA'I 'PHRIN LAS NAM MKHA' DANG MNYAM, 'GOS LHAS BTZAS BLA CHEN LA CHAGS SDANG GI RNAM PAS KHYAD DU THON PA ZHIG BZHED NAS MEE TRI PA GDAN 'DREN DU BYON PA LAM DU GHA YA DHA RA DANG MNGAL BAR SU YIN DRIS PAS MEE TRI PA YIN GSUNGS PAR BRTEN GSANG 'DUS SOGS KYI CHOS ZHU BSGYUR DU MA MDZAD, RJES SU RTZAD CHOD KYANG CHOS ZHUS ZIN PA DANG SHIN TU MKHAS PAR 'DUG PAS ZHABS TOG BSTAR, PHABS RAS 'DI LA SPRIN GYI SHUGS CAN DU GRAGS PAS, GRUB BRGYA'I BSTOD PAR, RGYAL RIGS RIG PA'I GNAS LNGAR MKHAS, ,NAM MKHA'I LHA LA THE TSOM GCAD, ,SPRIN GYI SHUGS CAN ZHAS PA YI, ,BLA MA DA LA PHYAG 'TSAL LO, ,ZHES 'BYUNG,

BLA CHEN GSHEGS NAS GYI JO LO TZ'A BAS GDAN DRANGS KHONG LA GSUNG NGAG KYANG GNANG, GNYOS YON TAN GRAGS KYIS GDAN DRANGS DER PAndI TA LA 'CHI LTAS BYUNG BAS MKHA' REG THOD PHUR 'BROG MI'I SLOB MA SE ROG GNYIS YOD SAR PHEBS, GSHEGS PA'I CHE DBU GTZUG NAS 'ANG DKAR PO RDZAM CAM GYI NANG NAS RNAM SHES KYE RDOR ZHAL BRGYAD PA RKANG GANG TZAM ZHIG SGRA 'OD ME TOG GI CHAR DANG BCAS NUB PHYOGS SU SONG BA'I NGO MTSAR BA DE 'DRA BOD DU SU LA'ANG MA BYUNG ZHING, MKHAS GRUB GYI YON TAN NI BSAM GYIS MI KHYAB BO,, ` LNGA PA MKHAS GRUB KHYUNG PO NI, 'GRO MGON SANGS RGYAS STON PA YIN PAR TSAR CHEN NYID KYIS ZHAL GYIS BZHES SHING SANGS RGYAS STON PA NI KHYUNG PO'I SKYE BAR GRAGS PAS, RJE BTZUN BOD MKHAR BA CHEN PO'I RNAM THAR DU, SNGON GYI DUS NA MKHAS GRUB KHYUNG PO DE, ,BDAG SOGS DMU RGOD 'GRO LA BRTZER DGONGS NAS, ,DUS 'DIR TSAR CHEN RDO RJE 'CHANG DU GRAGS, ,BDAG SOGS GDUL BYA'I RE BA SKONG DER 'DUD, ,CES PA YID BRTAN GYI GNAS KHO NAR NGES PA'I PHYIR, KHYUNG PO NYID KYI GSUNG LAS, BAN CHUNG BDAG GI SKYES SA GANGS DKAR MNGA', ,SNYE MOR MAD RJE RIGS KHYUNG PO YIN, ,PHA RU SMOS PA KHYUNG RGYAL STAG SKYES DANG, ,MA RU SMOS PA MGO BZA' BKRA SHIS SKYID, ,DE NYID RUM DU BDAG NYID ZHUGS PA'I TSE, ,PHA MA YUL MI BDE SKYID LDAN BAR GYUR, ,STAG GI LO LA MA YI RUM NAS BCAS, ,ZHES PA LTAR YUL SNYE MOR MANG DU YAB KHYUNG PO'I RIGS STAG SKYES, YUM BKRA SHIS SKYID KYI SRAS SU SKU BLTAMS, LO BCU LON NAS YIG RTZIS MKHAS PAR SHES, BCU GNYIS LO

, ,LA LA MES BAG CHAGS KYI, ,SEMS PHYOGS BON BSABS RDZOGS CHEN PHYAG CHEN BSLABS, ,ZHES DGUNG LO BCU NAS 'DRI KLOG RTZIS SOGS LA MKHAS PAR SBYANGS, BCU GSUM NAS BLA MA G-YUNG DRUNG RGYAL PO LA BON GYI SKOR GSAN MKHAS PAR GYUR TE KA BA LI 'DREN PA BDUN BRGYA TZAM GYI TSOGS BA BSKYANGS NAS BON GYI 'CHAD NYAN DANG BSTAN BCOS MANG DU MDZAD PAS DBUS GTZANG KUN TU DAR RGYAS SU GYUR NA'ANG BON 'DI GSHA' MA RANG ZHIG MIN PA 'DRA SNYAM RGYA GAR DU 'BYON PAR BRTZAMS TSE YAB YUM GNYIS KYI RING MI 'BYON PAR BSHOL BTAB LA BRTEN, SNGAGS RNYING MA BA BLA MA 'BYUNG GNAS SENG GE LA SEMS KLONG MAN NGAG GI SDE RNAMS GSAN ZHING SLOB MA SUM BRGYA TZAM BSKYANGS KYANG SBYOD PA LAM MGU BAR LHAS BSKOR BA DANG SGRAGS BLA MA NI RU PAR PHYAG CHEN, MTSAN BRJOD, DO HA, DGRA 'JIGS KYI SKOR SOGS GSAN NA'ANG THUN MONG GI DNGOS GRUB TZAM LA MA RANGS PAS, DE TSE RGYA GAR GRUB THOB AA MO GHAS, ,'DI NI SPRUL PA'I SKU STE RGYA GAR 'GRO ,PAndI TA DANG GRUB THOB THAMS CAD KYI,, THUGS BCUD BSDUS NAS 'GRO RNAMS SMAN GROL MDZAD, ,SNA TSOGS SBRUL PAS GDUL BYA 'DUL BAR 'GYUR, ,THEG CHEN SNYING PO MTHA' BRAL CHOS SGRA SGROG ,MTHAR THUG GSANG SNGAGS BDE STONG DBYER MED KYA, ,SANG GE'I NGA RO PHYOGS BCUR SGROG LAR 'GYUR, , ZHES LUNG BSTAN DANG MTHUN BAR ZHING BTZONGS PA DANG SRU MO'I G-YU SOGS LA BRTEN PA'I GSER MANG PO KHA SNAMS NAS BYON TSUL, DE NAS RIN CHEN GSER PHYE 'PHANGS MED KHYER, ,GCES PA'I SROG LAM BLTAS DKA' SBYAD NAS, ,RGYA NGANG BAL PO'I YUL DU LAN

BDUN PHYIN, ,RGYA GAR MKHAS BA BRGYA DAR LNGA BCU BSTON, ,KHYAD PAR MKHAS SHING GRUB THOB LNGA BCU DANG, ,RTZA BA'I BLA MA KHYAD 'PHAGS RNAM BZHI BSTEN, ,LONGS SKU DRUG PA RDO RJE 'CHANG CHEN LA, ,DNGOS SU CHOS GSAN YE SHES MKHA' 'GRO GNYIS, , MNYES BAR BYAS NAS MTHAR THUG GDAMS NGAG ZHUS, ,ZHES BAL POR PAndI TA BHA SU NA MA TIL BIHBRA TA SBYANGS SHING BYA RGYUD KYI SKOR GSAN BLA MA RDO RJE GDAN PA LA DGE TSUL SGRUB BA SOGS BLA MA BRGYA LNGA BCU LA RGYU 'BRAS KYI THEG PA'I CHOS MTHA' KLAS LA GSAN, PAn GRUB THAMS CAD ZHAL MTHUN PAR N'A RO PA'I LCAM NE GU ZHES RDO RJE 'CHANG LA CHOS DNGOS SU GSAN PA ZHIG DUR KHROD SO SA KLING NA YOD PA THOS PAS DER BYON PA NA PA'I RAT'A LA BDUN SRID TZAM GYI MKHA' LA BUD MED SMUG NAG RUS RGYAN SPRAD BA ZHIG 'DUG PAR GSER PHUL ZHING GSOL BA BTAG PAS TSES BCO LNGA'I SROD LA SGYU LUS DBANG MO CHE'I DBANG GNANG BA SOGS CHOS DRUG GI GDAMS PA RNAMS GSAN, GZHAN YANG ME TRIL DANG R'A HU LA SOGS LA MYUR MDZAD MGON PO'I CHOS SKOR ZHUS NAS BOD DU BYON, LJONGS 'DIR CHIG CHOS RDO RJE'I RGYAS BTAB KYI BRGYUD PA BDUN LDAN SOGS DPAL LDAN SHANGS PA BKA' BRGYUD KYI BSTAN PA PHYOGS KUN TU KHYAB PAR GYUR, ZHING 'DIR MDZAD PA RDZOGS NAS, BLA MA YI DAM LUNG BSTAN PA'I, ,MTHAR THUG GSUM GYI DUS LA BABS, ,DA NI ZHING KHAMS MTHAR THUG PA'I, ,BDE BA CAN GYI ZHING DU 'GRO, ,ZHES DUS LA BABS PAS 'PHO BA YE SHES SKAR KHUNG MA LA BRTEN TE DBU THOD LAG MTHIL TZAM ZHIG MKHA' LA 'PHAR NAS SGRA 'OD DANG BCAS TE GSHEGS, KHAMS PA'I GRA

, ,PA RNAMS KYI DBANG DU SONG NAS PUR SBYANGS PAS, 'DI YI LUS NI BDE MCHOG 'KHOR LO SDE, ,GSUNG NI MA H'A M'A YA'I BDAG NYID 'GYUR, ,THUGS NI DBAL LDAN DGYES PA RDO RJE STE, ,SPRUL PA'I GNAS MCHOG GSAD PA 'DUS PA LA, ,GSANG GNAS BDE SKYONG GSHIN RJE GSHED DU 'GYUR, ,ZHES BA DANG MTSUNGS PAR, LHA SKU DANG RING BSREL GYI PHUNG BOR SONG, DENG SANG YANG SHANGS CHOS KHUNGS BTZUN GYI RGYUN MCHAD PA TSAR CHEN GYI THUGS RJE KHO NAR MNGON NO,, ` DRUG PA PAn CHEN BSOD SNYOMS PA CHEN PO NI, KUN MKHYEN CHOS SKU 'OD ZER GYIS PAn CHEN GYI SNGON GNAS DRAN ZHING CHOS 'OD YIN PA RJE MKHYEN BRTZE'I MNAL LAM GYIS SHES NUS PAS, RGYA GAR NUB PHYOGS KHA CHE KHRI BRTAN DU YAB TSONG DPON SRID BRTAN YUM DGE BA MA GNYIS KYI SRAS SU ME MO LUG GI LO LA SKU BLTAMS, SPYIR MA BYON SANGS RGYAS GSUM PA RAB GSAL GYI RNAM PAR SPRUL PA YIN PAS 'PHAGS PA'I GANG ZAG GI YON TAN DPAG PAR DKA' ZHING THUN MONG BA'I SNANG DER YANG CHUNG DU'I DUS NAS YIG RTZIS SGRA SRUN, SDEB SBYOR, MNGON BRJOD, ZLOS GAR DANG GZHAN YANG RIG PA'I GNAS BCO BRGYAD LA MKHAS PA'I RTZER SON, MKHAN PO CHEN PO A'A K'A RA GUPTA LA BSNYEN PAR RDZOGS TE TSUL KHRIMS RNAM BAR DAG PAS GNAS BRTAN 'DUL BA 'DZIN PA KUN GYI GTZUG GI NOR BUR GYUR, THUN MONG BA NANG RIG BA SDE SNOD GSUM DANG THUN MONG MIN BA GSANG CHEN RDO RJE THEG PA LA SBYANGS PAS MKHAS GRUB KYI SNYAN PAS SA STENG KHYAB, KHRO PHU BA GNUBS BYAMS PA'I DPAL LO TZ'A MDZAD BZHED KYIS MANG YUL SKYID GRONG DU BZHUGS DUS

RGYAL TSA'I SLOB MDON ZHAGS PAR BRTAG PA ZHUS PAR 'PHAGS PA WA TI LA GSOL BA THOB CES GSUNGS PA LTAR BTAB PAS LO TZ'A BA'I MNAL LAM DU A'A TZARLA DUD SO YOD PA ZHIG GIS DUNG SENG, BYANG CHUB SHING GI LO MA LA PAndI TA BYA'I GDONG PA CAN DANG SHEL GYI ME LONG LA PAndI TA SHIN TU MDZES PA'I GZUGS, ME GZUGS DKAR PO RNAMS GTAD BYUNG BSO SO'I RGYAB TU RGYA YIG YOD BA DE SKABS MA MKHYEN KYANG SENG GE LO TZ'A BA, MI DKAR MI TRA DZO KI, ME LONG BUDDHA SHR'I, SHING LO KHA CHE PAn CHEN DU 'DUG PA BZHIN BAL YUL DANG RGYA GAR RNAMS SU BYON NAS PAn GRUB SNGON MA GNYIS SPYAN DRANGS PA'I RJES SU, RGYA RTZIS BA'I SHING PHO BYI BA MCHU ZLA BA'I TSES BDUN YA GDAN 'DREN BA'I TSAD LAM DU ZHUGS, RGYAD RO GONG CHUNG GI DGE BSHES RGYA BLA MA NA RE PAn CHEN SPYAN 'DREN BA LA CUM CUM DANG ZHUM ZHUM BYAS PAS MI YONG 'UD THAG GIS SONG GSUNG BA BZHIN GRO MOR BYON PAn CHEN PHEBS LAM NOR BA'I CHOM RKUN DUG SBUL GCAN GZAN SOGS KYI 'JIGS BA YOD PA'I LAM DU BYON KYANG CI YANG MNYES PAR BEEd'URYA'I TSOD 'DUS SU BYON, LO TZ'A BAS RGYA YIG BRIS PA'I ZHU YIG GSER GYI SHER SNYING NGANG GSER SRANG LNGA SOGS KYI RTEN BZLAD BO DANG BCAS PAndI TA DZA YA TH'I DANG WA RAn'A SI GNYIS, JO SRAS NYI MA DANG KHAMS PA BYANG GRAGS GNYIS PHO NYAR BTANG, GDAN 'DREN PA 'ONG BAR MKHYEN NAS LA DRUNG BYON KYANG MA BYUNG BAS PHYIR LDOG BAR BRTZAMS PA NA BANG CHEN RNAMS SDEBS, PAn CHUNG RNAMS LA JI LTAR BYED DRI BA MDZAD PAS DED KYIS MI SHES CHOS RJE NYID KYIS MKHYEN GSOL BA LA BRTEN MTSAMS MDZAD NAS SGROL MA LA GSOL BA BTAB, DE'I DUS RGYA GAR SHAR

, ,PHYOGS KYI GNAS BRTAN MANG BOS SLOB DPON KLU SGRUB KYIS RAB GNAS MDZAD PA'I SGROL MA NGO CHEN DU SPYAN DRANGS NAS GDAN 'DREN LA BYUNG BAR, BOD KYI PHO NYA BAS DKON GNYER KHA CHE BAR RNGAN PA BYIN TE RTEN GNYIS ZHAL TSUR BSGYUR LO TZ'A BA BYON PA NA PAn CHEN GYIS GZHON NU 'DI 'DAS LO TZ'A BA AE YOD MI SHES PAS SEMS BSKYED DANG SGRUB THABS 'GA' ZHIG BYIN NAS PHYIR BZLOG DGONGS PA LA JA YA SHR'IS BSLABS NAS LO TZ'A BAS PAn CHUNG DGU LA DRI BA MI 'DRA PA GNYIS GNYIS DRIS PAS PHYI DRO NAS NAM PHYED KYI BAR DU SONG, CHOS RJE'I THUGS DAM NANG MA MANG PO CHAG KYANG THUGS DGYES TE BOD NA 'DI 'DRA BA'I CHOS SMRA BA 'ONG BA NGO MTSAR CHE GSUNGS, RIM GYIS PHAG RIR PHEBS PHYOGS 'RUS KYI SKYA SER GRANGS MED PA LA MAN NGAG KHA 'THOR MANG DU GSUNGS TSONG 'DUS NAS CHU MIG GI BAR DU DGE 'DUN SHIN TU MANG POS BSKOR BAS KHYIM BA RNAMS KYIS ZHAL YANG LTA DKA' BAR GYUR, KHRO PHUR DBYAR GNAS MDZAD PA'I TSUL SHING LEN MI BRGYAD BRGYA LHAG TZAM BYUNG, BRGYAD STONG BA DANG SO THAR GYI LUNG MANG DU GSUNGS, RTAG TU DU'I LE'U LA BABS PA'I TSE MCHOD PA'I MAndAL RI MO CAN GYI STENG DU BO TI BZHUGS PA LA MCHOD BA MANG PO BYED BZHIN PAR NUB PHYOGS LA SONG BAS RGAS KHAR KHA CHER 'GRO BAR 'DUG GSUNGS, SNAR GYI KLAS MO CHER BYON NYIS 'GROL DU GSUNGS BA LA DE BZHIN NYID KYI LE'U LA SLEBS PA'I TSE CHOS RJE'I PHYAG DPE BRGYAD STONG PA'I PO TI SGROL MA'I BANG DU BYAS DER MCHOD BA MANG PO BYAS NAS SHAR PHYOGS SU SONG BAS DBUS SU 'GRO DGOS PA 'DUG GSUNGS SHING

DER YANG DBYAR GNAS MDZAD, LHA SAR SH'AKYA MU NI SOGS RTEN RNAMS MJAL, SRIN PO RIR DBYAR GNAS MDZAD, RDO RJE 'PHRENG BA'I DBANG DANG BYAMS CHOS SDE LNGA, DBU MA RIGS TSOGS DRUG SOGS CHOS MANG DU GSUNGS, BSAM YAS SU LHA BTZUN ZHI BA 'OD PHYI MAS GDAN DRANGS MCHIMS PHU SOGS GNAS RNAMS GZIGS, SRIN PO RIR BZHUGS THOG RGYA 'BI MTSUR GSUM GYI GDAN 'DREN BYUNG, BYAMS PA'I CHA RKYEN GYI CHED DU GNYAL LO RO SOGS YUL GRU MANG POR PHEBS, CHU SPREL KHRO PHU'I KHYAMS CHEN LA RAB GNAS MDZAD PAS NGO MTSAR BA'I LTAS BSAM GYIS MI KHYAB PA BYUNG, SNGON BLA CHEN PO'I SDOM RGYUN DANG STOD 'DUL BA SOGS BYUNG NA'ANG BSOD SNYOMS PA CHEN PO 'DI NYID KYIS MKHAN PO MDZAD NAS BYANG RDOR RNAM GNYIS SOGS BSNYEN LAR RDZOGS BA'I PAn CHEN BRGYUD PA ZHES 'PHAGS YUL LA 'GRAN BZOD PA'I BSTAN PA RMA MED PA'I BKA' DRIN RGYA CHER MDZAD JO BO STAN GCIG PA'I SDE BTZUGS, DPAL LDAN SA SKYAR PHEBS DUS RJE BTZUN CHEN POS RDOR DRIL NAM MKHA' LA 'JOG LA, CANG TE'U SOGS KYI SGRA RANG SKRAR 'KHROL BA, RGYAL BA PHYE LTAR GSOL TE PHYIR 'DON PA, DH'U T'I'I RGYU BA BKAG PAS GZA' 'DZIN MI 'BYUNG BA SOGS LA RGYA GAR NA'ANG 'DI LTA BU'I GRUB THOB DKON ZHES 'KHOR LO SDOM PA'I DBANG GSAN, NYANG SMAD RKYAN GONG GI GTZUG LAG KHANG DU RJE BTZUN SA PAndI TA BSNYEN PAR RDZOGS, BOD RNAMS KYIS BZHUGS PAR GSOL YANG MA BZHED PAR 'BUL BA'I DNGOS PO RNAMS YUL SO SO'I DGE 'DUN LA BKYE, LO TZ'A BAS GLO BO'I BAR GDAN 'DREN DU BYON PAR PHYAG GIS MI THEG

, ,PA'I GSER GYI GNANG SBYIN MDZAD, KHA CHER LO BCU GNYIS BZHUGS NAS RGYAL PO MU STEGS PAR SONG BA NANG PA'I BSTAN PA LA BKOD YUL NGER RAB BYUNG GI SDE MANG DU BTZUGS, SNGAR BOD DU SLOB MA RNAMS KYIS DUS MCHOD 'DZIN PA'I DUS MI SHES PA 'DUG GSOL BAS NAM 'DAS PA'I DUS NA RDZA SKU RNAMS GAS 'ONG GSUNGS, SHING MO BYA'I LO DGUNG LO DGU BCU RTZA DGUR PHEBS PA NA NGO MTSAR BA'I LTAS DANG BCAS TE DGA' LDAN DU GSHEGS SO,, ` BDUN PA CHOS RJE SANGS RGYAS STON PA NI, RNAM THAR GSOL 'DEBS TSIGS BCAD MAR GSAL ZHING RJE NYID KYIS ZHAL GYIS BZHES PA BZHIN YUL DBUS KYI SA'I CHA KHYUNG BTZUN RDO RJE DPAL YUM GYI PHO BRANG GANGS KYI RI BO'I 'DABS ZHOL RTZA'I BSIL MA ZHES BYA BA'I GRONG KHYER DU YA NGAL DKAR PO'I RUS LAS CHAD PA'I G-YUNG DRUNG GI STON PA SA LA DBANG BA GSAL BA'I KHRI ZHES BYA BA NAS BRGYUD PA RIM PAR BON GYI RING LUGS LA BRTEN NAS GRUB PA BRNYES PA MANG DU BYUNG BA'I MTHAR DAM PA 'DI NYID 'KHRUNGS LA, 'ON KYANG BON LA MI DGYAS BAR CHOS 'BA' ZHIG DON DU GNYER BAS YAB MES KYI SGRUB THABS GSUM TZAM LAS CHER MA GSAN, DGUNG LO BRGYAD DGU LON PA'I DUS 'DRI KLOG SBYANGS, DGUNG LO BCU'I DUS SU MA GCIG SPRUL SKU LA GCOD DBANG DANG ZHAL GDAMS CHIG BRGYUD ZHUS, BCU GCIG DANG BCU GNYIS KYI DUS SU 'KHOR BA MTHA' DAG SDUG BSNGAL GYI RANG BZHIN CAN DU DGONGS PA'I NGES 'BYUNG GI BSAM PA BRTAN POS DGUNG LO BCU GSUM PAR BLA MA RTZO RI RAS PAR RAB TU BYUNG MTSAN BRTZON 'GRUS SENG GER BTAGS, SLOB

DPON SREGS DUM PA RES PA, BZANG YUL PA, KHRO PHU BA, SA SKYA PA, SLOB DPON JO STAN MKHAR SKYA BA SOGS YONGS 'DZIN BCU LHAG GI ZHABS PAD NYE BAR BSNYEN TE THEG PA CHE CHUNG GI ZAB CHOS MANG DU GSAN, BCU DGU PAR MKHAN PO CHOS RGYAL GYI DRUNG DU BSNYEN PAR RDZOGS, KHYAD PAR BLA MA RDOG STON ZHES SA LO DANG KHRO LO LA DAG PA MI STER PA SKAD BYED PA DE LA KUN LAS BTUS PA SOGS ZHUS, KHONG MOS PA'I BLA MA SANGS RGYAS GNYAN STON GYI DRUNG DU BYON PA'I TSE BLA MA'I ZHAL NAS DE RING RAB GRONG NAS SGOM CHEN BZHIG 'OD BAR GDA' BAS YON DANG DZA LANDHA RA TSUN CHOD NAS PHYI'I RGYA MTSO'I MTHA' TSUN 'GENG BA'I CHOS BDAG CIG YIN PAS PHYAG BDAR GYIS GSUNGS, MJAL BA'I TSE KHYOD NGA'I RTZAR LO GSUM GYI RING MA THAN PA'I GONG LA LUNG BSTAN BYED PA'I BLA MA RDOG STON GRONG AANG GSUNGS PAS MNGON MKHYEN THOGS MED DU DGONGS, KHYOD 'DIR 'ONG BA'I RGYU CI YIN GSUNGS PAR KHYED SGYU LUS RMI LAM 'BYONGS SHING 'OD GSAL MNGON DU GYUR PA'I YI DAM GYI ZHAL GZIGS CHOS SKYONG BRAN DU 'KHOL ZER BAS 'ONGS LAGS PAS BLA MA SHANGS PA'I GDAMS PA RNAMS GNANG 'TSAL ZHUS PAS RJE BCUN NE GU MA'I THUGS KYI NYING KHU CHOS DRUG GI DBANG BYIN RLABS MAN NGAG LUNG RGYAB RTEN MTHA' DAG RDZOGS PAR GNANG NAS BRGYUD PA RIN CAN SNA BDUN GYI THA MA MIN NO ZHES NGOS 'DZIN MDZAD, 'GRO DON 'PHRIN LAS KYANG RGYA CHER BSKYANGS PAS SHANGS PA BKA' BRGYUD KYI BSTAN PA'I SGRON ME'O,, ` BRGYAD PA KUN MKHYEN CHOS 'OD NI, PO DONG DU TSAR CHEN PHEBS RGYU'I DO NUB RJE MKHYEN BRTZE'I MNAL LAM DU KUN

, ,MKHYEN CHOS SKU 'OD ZER YIN ZER BA'I BLA MA 'GRES PO SKU SHA 'BYOR BA'I SKU CHAS NA BZA' ZHABS PHYAGS SOGS SANG NYIN RJE NYID LA JI LTA BA BZHIN 'DUG GSUNGS PA KUN MKHYEN CHOS 'OD KYI SKU'I SKYE BAR NGES SHES RNYED PAS, YUL NYANG STOD GSER SDINGS SU GDUNG GSUM PA YAB KUN MKHYEN GZHON NU 'OD, YUM MGAR BTZUN MA SHES RAB RGYAL MTSAN GYI SRAB SU G-YA' MA RI'I GTZUG LAG KHANG GI 'DABS SU SHING KHYI STON 'BRING NYI MA SGRA GCAN GYIS ZIN PA'I DUS SKU BLTAMS MTSAN BDAG MED RDO RJER BTAGS, YUM GYI LAD MO MDZAD PAS YI GE'I 'DRI KLOG DANG KHA TON RNAMS TSEGS CHUNG NGUS MKHYEN, ZHANG PO DANG MNYAM DU GSER SDINGS SU CHOS ZHU BA LA BYON PA'I TSE RTZED MOR G-YENGS PAS NGA'I CHOS 'GO DANG KHYOD KYI RTZAD 'GO TSUGS PA CHOS LA MI GUS SAM ZHES BKA' BKYON PAS CHOS RNA BAS NYAN PA DANG YAN LAG GIS RTZE BA MI 'GAL ZHES CHOS RNAMS SHAR GYIS BSKYAR BAS KUN YA MTSAN ZHING SNGON GNAS GSUNGS PAS KHA CHE PAn CHEN GYI SPRUL BAR GRAGS, BLA MAS KYANG YAB TU ZHAL GYIS BZHES NAS DE PHYIN CHAD BSTAN BCOS KYI MDZAD PHYANG LA RNAL 'BYOR GYI DBANG PHYUG CES GSUNGS SKAD, BCU GSUM PA LA GNAS RNYING DU MKHAN PO RIN CEN PA LA RAB TU BYUNG PA'I MTSAN CHOS SKU 'OD ZER DU BTAGS SHING NYER LNGA LA BSNYEN PAR RDZOGS, DGUNG LO LNGA NAS BCU'I BAR YAB KYI DRUNG DU GSANG 'DUS DANG BDE MCHOG SOGS ZAB CHOS MTHA' DAG BUM PA GANG BYOR GSAN, CHOS RJE 'JAM GSAR BA LA GSHED DMAR DUS 'KHOR PHAR CHAD, 'JAM RGYAL LA SMYUNG GNAS, BZAD RING LA

MNGON PA, SA LO LA SGRA TSAD SNYAN NGAG SDEB SBYOR BDE DGYES, BI BH'U TI LA 'PHRENG BSKOR GSUM, SADGHA SHR'I LA KA TZAN, DBYAL CHOS BZANG LA DBYAL LUGS, LCE MDO SNGE SER GE LA YO GA, 'PHAGS PA RIN PO CHE, MCHIMS CHEN PO, RDZA CHUNGS SOGS MKHAS GRUB MANG PO BSTEN NAS MDO RGYUD KYI CHOS LA MKHAS PAR GYUR BAS KUN MKHYEN DU GRAGS, LHA SAR JO SH'AKA GI DRUNG DU BYON NAS BSHAD SGOM PANG BYAS NA BZANG ZHES GSOL BA BTAB PAS STON PA DNGOS SU GYUR TE, KHYOD KYIS DANG BOR BRTZAMS PA NAS ZHES SOGS KYIS DBUGS DBYUNG, HOR DMAG GI GNOD PA BYUNG PA'I CHE MANG BO'I SROG BSKYANGS, 'DOL CHUNG CHOS 'KHOR GYI DUS MKHAS PA'I SNYAN GRAGS KYIS KHYAB, GSAR SDINGS BU BZHUGS NAS DBANG LUNG 'KHRID BYIN RLABS RGYUD BSHAD MAN NGAG MDO PHYOGS KYI GZHUNG BSHAD SOGS GDUL BYA'I RE BA YONGS SU BKANG, SA SKAM PO LAS CHU 'BYIN PA DAD MNGON PAR MKHYEN PA THOGS MED MNGA', 'OD GSAL KHOR YUG TU 'BYONGS PA SOGS RDO RJE'I RNAL 'BYOR MCHOG LAS NAM YANG MI G-YO BA'I NGANG NAS GDAN SA SLOB DPON 'OD ZER MGON LA GTAD DE DBEN GNAS BYA BTANG DU NGON DGU PA CHU 'BRUG HOR ZLA GSUM PA'I NYER DGU LA NAM MKHAR RAB [?] LTA BU LA TSOM BU SO GNYIS 'OD LNGAS BSKOR BA THAL BYUNG DU GYAN LA 'GRO BA SOGS NGO MTSAR BA'I LTAS DU MA DANG BCAS TE DAG PA'I ZHING DU GSHAGS SO,, ` DGU BA KUN MKHYEN BU NI, DPE KHANG NA RGYAD PE 'DI 'DRA YOD CES DRI TSAD MDZAD PA RNAMS PHAL CHER 'GRIG CING, ZHA LU'I GDAN SAR PHEBS DUS DBU ZHVA SER BO BZHES DGOS ZHUS PAS 'DI SNGAR KHRI 'DI'I STENG NAS MANG PO ZHIG GYON YOD

, ,DA RES SA ZHU RANG BYED GSUNGS KUN MKHYEN BU'I DUS BZHES PA LA DGONGS SHING PHYIS KYI MKHAN PO LA DNGOS BRGYUD GANG GI SGO NAS BU'I BSTAN PA LA 'DI NYID LAS LHAG PA MA BYUNG BA SOGS KYIS SHES NUS PAS YUL NYANG RO SNA BZHI ZHES PAR GDUNG RABS BCU BDUN PAR SNGAGS RNYING MA'I GRUB THOB RIM PAR BYON PA'I BRAG GI GDUNG LAS YAB LA MA BRAG STON RGYAL MTSAN DPAL BZANG DANG YUM SLOB DPON BSOD NAMS 'BUM GYI SRAS SU SHAB SMAD SGOM GNAS DGON GSAR DU LCAGS STAG DPYID ZLA 'BRING PO NAG PAS NYA BA'I NYER BZHI LA SKU 'KHRUNGS, CHUNG NGU'I DUS YUM GYIS SHES RAB BSKYED PA'I THABS MANG DU MDZAD CING 'JAM DBYANGS ZHAL GZIGS, THOG MAR 'DA' KA YE SHES LA 'BYOR KLOG MDZAD PA SOGS 'DRI KLOG LA THOGS PA MI MNGA', MES TSUL KHRIMS BZANG PO'I DRUNG DU DGUNG LO DRUG TZAM NAS CHOS RNAM DAG YIN MIN GYI SHAN 'BYED MDZAD, BDUN LA KHRO PHUB CHEN POR SEMS BSKYED ZHUS PAS BYANG CHUB KYI SEMS THUGS RGYUD LA 'KHRUNGS, DGUNG LO BRGYAD NAS RIN PO CHE KHRO PHU BAR BDE MCHOG, MES TSUL KHRIMS BZANG PO LA RNYING MA BKA' GTER, DGUNG LO BCO BRGYAD PAR MKHAN PO RIN CEN SENG GE DPAL DANG SLOB DPON TSAD MA'I SKYES BU LA RAB TU BYUNG, MKHAN SLOB GNYIS SOGS MKHAS PA DU MA BSTEN NAS PHAR PHYIN GTZO POR GYUR BA'I MDO PHYOGS KYI GZHUNG 'GREL MTHA' DAG LA SBYANGS PAS MKHAS PA'I GRAGS PA THOB, DGUNG LO NYER GSUM PA LA GTZANG TSONG 'DUS MGUR MO'I BLA BRANG DU MKHAN CHEN GRAGS PA GZHON NU DPAL BZANG DANG SLOB DPON BSOD NAMS GRAGS PA'I DRUNG DU

BSNYEN PAR RDZOGS, MKHAN SLOB GNYIS LA 'DUL BA'I CHOS DU MA GSAN, CHOS DBAR LA 'PHRENG BRAG LUNG SOGS SU PHAR PHYIN DANG MNGON PA KUN LAS BTUS SOGS KYI BSHAD PA DANG, BSGRUB BYA KHRI PHRAG TU LONGS PA'I MKHAN SLOB MDZAD, THAR LO LA SGRA KA TZAN, DUS 'KHOR, KYE RDOR, BDE MCHOG, GSHED SKOR, THA SNYAD RIG PA SOGS, BLA MA DPAL LDAN SENG GE LA SA LUGS NAS BRGYUD PA'I GSANG SNGAGS KYI CHOS SKOR SHIN TU RGYA CHE BA, PHA RGOD PA LA GSANG 'DUS, RONG PA RDO RJE RGYAL MTSAN LA DUS 'KHOR SLOB DPON 'PHAGS PA LA GSANG 'DUS RIM LNGA SOGS, BLA MA DAM PA BSOD NAMS RGYAL MTSAN LA KYE RDOR GTZO BOR GYUR PA'I MDO SNGAGS KYI CHOS DU MA GSAN ZHING 'CHAD NYAN MDZAD BZHIN PA'I MUR LCAGS PHO SPRE'U'I LO DPAL ZHA LU GSAR BKANG DU PHEBS NAS SDE DGON MTHA' DAG GI GTZUG GI NOR BUR BKUR ZHING MDO PHYOGS KYI 'CHANG NYAN RGYA CHE BA DANG SNGAGS CHOS KYANG GSUNGS SHING, GRUB THOB ZE DMAR BAR BDE MCHOG DANG GSHENG SKOR SOGS GSAN, JO BO RJE'I PHYAG TSA BZHUGS PA'I SPEL CHUNG ZHIG YOD PA LA GZHI BYAS RI PHUG GI GTZUG LAG KHANG 'DUS SDE DANG BCAS PA BTAB, GSANG SNGAGS KYI DBANG LUNG RGYUD BSHAD GTZO BOR GYUR BA'I 'CHAD NYAN DANG MDO SNGAGS KYI BSTAN BCOS PO TI SUM CUR NYE BA'I THUGS RTZOM MDZAD, SA GA ZLA BA'I DUS CHEN LA RGYUD SDE BZHI'I DKYIL 'KHOR ZHE LNGA TZAM ZHAL 'BYED PA, KHYAD PAR RNAL 'BYOR RGYUD LA KHRO SPRO SGO BZHI'I GSOL 'DEBS, SA GAR MCHOD GAR SOGS SHIN TU ZHIB PAS RDO RJE THEG PA'I BSTAN PA'I SROG 'THUD PA LTAR GYUR, BLA MA CHEN PO

, ,BSOD NAMS BLO GROS NGANG THUGS SRAS SEMS DPA' CHEN PO SOGS CHE BTZUM MKHAS GRUB KYI SLOB MA NAM MKHA'I SKAR TSOGS LTAR GRANGS YAS, SGRA TSAD PA SOGS ZHAL SLOB RNAMS LA RGYAL BA GNYIS PA BTZONG KHA PA CHEN POS RGYUD SDE BZHI PHAL CHER GSAN NAS DAR BAS MNYAM MED RI BO DGA' LDAN PA ZHES SHAR PHYOGS RGYA MTSO'I MTHA'I BAR DU KHYAB PA'ANG 'PHRIN LAS KYI CHA SHES SU SEMS, RDO RJE'I RNAL 'BYOR GYI LAM LA BRTEN NAS SPANGS RTOGS KYI YON TAN NI BSAM PA'I RAB LAS BRGAL ZHING BSTAN 'GRO'I DON RLABS PO CHE MDZAD BZHIN PA'I NGANG NAS SHING 'BRUG HOR ZLA DRUG PA'I NYER GCIG LA DGA' LDAN GYI GNAS SU BYAMS PA'I THUGS KAR SKU'I BKOD PA BSDUS SO,, ` BCU PA RNAL 'BYOR GYI DBANG PHYUG YAR KLUNGS PA CHEN PO NI, 'DAR DU ZHAL GYI GTOR CHEN DUS TSAR CHEN GYI MNAL LAM RU 'JAM DBYANGS SGEG PA'I LO RGYUS KYIS NGES PAR NUS PAS BOD 'DIR MI'U GDUNG DRUG TU GRAGS PA'I NANG TSAN LDONG GI RIGS LAS RGYAL TSA LUNG MANG PO CHOS KYI DBANG PHYUG SOGS DGE BA'I BSHES GNYEN RIM PAR BYON NAS DPAL LDAN SA SBYA PA'I GDUNG BRGYUD RNAMS DANG BLA RES SLOB RES SU GYUR PA'I DPON BRGYUD DU SHING PHO SPRE'U'I LO LA SKU BLTAMS, CHUNG NGU'I DUS NAS SDON GYI BAG CHAGS BZANG PO'I MTHU BRTAS PAS LI GE 'DRI KLOG SOGS TSEGS MED PAR MKHYEN, KHU STON SENG GE BZANG PO'I DRUNG DU DGE BSNYEN GYI SDOM PA NOS MTSAN SENG GE RGYAL MTSAN DU GSOL, KYE RDOR GYI DKYIL 'KHOR DU SMIN PAR MDZAD, SKU NA GZHON DUS GZHUNG LUGS LA SKYANGS TE

DGUNG LO BCU'I THOG BSAM YAS SU PHAR PHYIN GYI GRVA SKOR MDZAD, BCO BRGYAD PA LA DVAGS PO'I MKHAR KLU BZANG DU DPAL LDAN BLA MA DAM PA DANG MJAL NAS MI PHYED PA'I DAD PA THOB, BCU DGU PA LA BSNYEN RDZOGS KYI SNGOM PA ZHUS, 'DI NAS BZUNG PHAL CHER DRUNG DU NYE BAR BCAR NAS GSUNG NGAG RIN PO CHE LAM 'BRAS BU DANG BCAS PA GSER CHOS BCU GSUM CHOS SKYONG CHE CHUNG GI SKOR SOGS DPAL LDAN SA SKYA PA'I ZAB CHOS MTHA' DAG BUM PA GANG BYO'I TSUL DU GSAN, GSUNG GANG GI DUS NYAMS SKYON MED 'BA' ZHIG SKYES PAS BLA MA DANG CHOS LA THUGS NGES GTING NAS 'KHRUNGS PAS SNYAN BRGYUD BZHI PA MOS GUS GZHON NU'I BDE BA LTA BU DER SNANG, BLA MA'I PHYAG DPE 'DRI BA SOGS DANG CHABS CIG PAR GSUNG RGYUN ZIN BRIS SU MDZAD PA'ANG BOD LONGS 'GA' ZHIG MCHIS, MGON PO'I THUN MONG MIN PA'I BKA' BABS GSUM LA GDUNG BRGYUD RIM BYON, YAR KLUNGS PA, BAR SDINGS PA GSUM DU MDZAD PA'I KLU NGA KHU DPON RNAMS SA LO 'JAM RDOR MAN CHAD KYI GDUNG BRGYUD LAS SA SKYE PA'I DON GYI BSTAN PA 'DZIN PAR GZUR GNAS SHIG GIS LTAS NA 'GANGS NGES PAR CHE, DER MA ZAD MDO RGYUD KYI CHOS TSUL RGYA MTSO LTA BU LA GSAN PA MDZAD, GZHAN YANG KUN MKHYEN BU, SEMS DPA' CHEN PO THOGS MED PA, LO CHEN BYANG CHUB RTZE MO, BLA MA CHEN PO GSOD BLO BA SOGS YONGS 'DZIN BCU PHRAG GSUM TZAM BSTEN NAS THOS BSAM RGYA CHER MDZAD, NANG BSKYED RDZOGS KYI RNAL 'BYOR LA BRTAN PA THOB PAS YI DAM GYI LHA MANG PO'I ZHAL GZIGS SHING BYIN GYIS BRLABS, DAM CAN SRUNG MA RNAMS

, ,BRAN DU 'KHOL BAS MTHU STOBS NUS PA PHUL DU PHYIN, SKU'I DOG CHA SEL BA LA MGON PO ZHAL GYI RJES GNANG ZHUS SHIG PA'I BRDAR CHOS SKYONG A'A TZARYA THOD 'PHRENG BZUNG BAR SPRUL NAS KHYOD MI RUS KYI 'PHRENG BA 'DI BZUNG NA KHE CHE STE MI 'DZIN PA 'DUG ZAR, ZHAM RING PAR GTOGS PA ZHIG GIS KA CA MANG PO KHYER BA NA GZHAN ZHIG LA MON BU LU HRA BABS TE NGA MNGA' RIS NA LA RTZE NAS 'ONGS PA'I 'BA' RA YIN, PU RA YIN, RKUN MA BSAM YAS 'JA' DKAR NA YOD PA PA KHYED TSO MGO GTUMS NAS SDOD DAM ZER BA'I KHUNGS STON PA SOGS SRUNG MA RNAMS KYIS 'PHRIN LAS MTHA' DAG G-YEL MED DU BSGRUB, THUGS DAM ZAB MO'I KHOR YUG LA BZHUGS PA'I THUN 'TSAMS TSOR 'PHAGS PA RIN PO CHE'I DPON BRGYUD SLOB DPON BLO GROS RGYAL MTSAN, GSANG PHU'I GDAN SA PA RIN CEN RNAM RGYAL, KHYAD PAR YAB 'JAM DBYANGS CHEN PO'I RTZA BA'I BLA MA DPON RGYAL MCHOG BA SOGS LA GSER CHOS SNYAN BRGYUD KYI ZAB CHOS RGYA CHER STZAL BAS DENG SANG GI BAR DU RJE BTZUN GONG MA'I BSTAN PA'I SROG TU SONG, GZHAN YANG GDUL BYA SO SO'I BLO DANG 'TSAM PA'I CHOS 'KHOR RGYA CHER BSKOR, BRTAG GNYIS KYI t'I KA DANG KUN RIG GI DKYIL CHOG SOGS THUGS RTZOM MANG DU MDZAD, SKABS SHIG MAR NGO'I TSES BCU LA DRUNG CHOS RJE PA'I DUS DRAN GYI SGRUB MCHOD MDZAD PA'I TSE THO RENGS BLA MA'I RNAL 'BYOR TSAR GNYIS BSGOMS NAS CUNG ZAD 'OD GSAL DU SONG BA'I DANG DU SRID GSUM 'GRAN ZLA BRAL BA'I CHOS RJE DE NYID BYON TE 'O 'DI YIN TE ZHES PA GSUNG KHYON PAS DNGOS SU MJAL BA LAS BRGYA 'GYUR GYIS LHAG PA'I

DAG SNANG DANG, NYAMS SAD PA NA DAD GDUNG GI YUS KYIS BRNANGS BYIN RLABS KYI GZI BYIN 'BAR BA'I RKYEN GYIS SNGAR LAS LHAG PA'I BDE GSAL MI RTOG PA'I TING NGE 'DZIN KHYAD PAR CAN THUGS LA 'KHRUNGS SHING RIM GYIS RTOGS PA'I YON TAN GONG NAS GONG DU 'PHEL BAR GYUR, GSANG BA'I BDAG PO MI'I GZUGS CAN GRUB CHEN LAS KYI RDO RJES SKU TSE 'DI'I RJES MA BDE BA CAN GYI ZHING DU 'KHRUNGS PAR LUNG BSTAN PA BZHIN SNANG BA MTHA' YAS KYI NYAL SGOM DANG BDE BA CAN GYI SMON LAM GYIS MTSAMS SBYAR NAS DGUNG LO RE DGU PA LCAGS PHO 'BRUG GI LO DBO ZLA BA'I GNAM GANG LA 'OD DPAG MED KYI THUGS KAR GSHEGS SO,, ` BCU GCIG PA PHA RGOD BSOD NAMS BZANG PO NI, TSAR CHEN SHANGS ZUR KHANG DU PHEBS DUS BRIS THANG DANG GZIMS KHANG SOGS SNGON GNAS RJES BRAN GYI NGOS 'DZIN MDZAD PAR SNANG, BLA MA 'DI NYID SKU 'KHRUNGS NAS CHUNG NGU'I DUS THA MAL PA'I SPYOD TSUL YE MI MDZAD PAR 'DRI KLOG BSLAB SBYANGS SOGS LA BRTZON PAR MDZAD, YONGS 'DZIN MANG DU BSTEN TE BSTAN PA'I SGOR 'JUG PA NAS MDO RGYUD KYI CHES TSUL DU MA GSAN, KHYAD PAR SNGON GYI BAG CHAGS SAD PAS DPAL LDAN SHANGS PA BKA' BRGYUD KYI BSTAN PA LA THUGS MOS PAR BYUNG NAS 'JAG CHEN KUN DGA' DPAL BZANG LA YE SHES KYI MKHA' 'GRO MA NE GU'I THUGS KYI NYING KHU CHOS DRUG GI SMIN BYED SPYI BKA' ZUR BKA' BYIN RLABS, RTZA BA CHOS DRUG, SDONG PO PHYAG CHEN, YAL GA LAM 'KHYER, ME TOG MKHA' SPYOD, 'BRAS BU 'CHI MED RANG GROL GYI 'KHRID, RGYAB RTEN GYI LUNG SOGS CHOS DRUG 'JAG LUGS LA THOS BSAM SGOM GSUM

, ,SMIN BAR MDZAD, SGYU LUS 'BYONGS SHING RMI LAM LA RANG DBANG THOB PAS DAG BA'I ZHING KHAMS MANG BOR BGROD CING DER BZHUGS PA'I 'DREN PA RNAMS LA CHOS ZHU BA SOGS LAM RTAGS NGO MTSAR BA MANG DU BYUNG, SHANGS ZUNG KHANG DU BZHUGS PAS ZUR KHANG PA BSOD NAMS BZANG POR GRAGS, MCHOG SRED RNAM SPRUL RJE BTZUN KUN SPANGS CHEN POR 'JAG LUGS SHANGS CHOS STZAL BA SOGS MKHAS GRUB KYI SLOB MA MANG DU BYUNG ZHING THOS BSAM SGOM GSUM GYIS NYIN MTSAN DUS 'DA' PA ZHIG GO, ` BCU GNYIS BA RNAL 'BYOR DBANG MO NI, STAG TSANG LO TZ'A BA DANG DPON SLOB TU 'BREL BA'I BAG CHAGS KYIS TSAR CHEN RIN PO CHES SGRA PA SKU SKYE LA 'JAM DKAR ZHAL GZIGS MA'I RJES GNANG GSAN PA GNANG ZHING, RJE BTZUN MA 'DI NI G-YAS RU'I SA'I CHA BZA' SHING GI RA BA SOGS KYIS KHOR YUG TU BSKOR BA'I YUL LJONGS YID DU 'ONG BA'I KHANG PAR RJE 'DI NYID KYI SKU ZHANG GI RIGS SU BLTAMS NAS CHUNG NGU'I DUS GTZUG LAG GI YON TAN 'GA' LA BSLAB SBYANGS MDZAD, SRID PA'I BDE BA MTHA' DAG ME 'BAR BA'I KLONG LTAR GZIGS BAS BCOS MA MA YIN PA'I NGES 'BYUNG GI BSAM PAS KHYIM THABS KYI BYA BA DUG CAN GYI ZAS BZHIN SPANGS TE SHES BYA THAMS CAD MKHYEN BA 'JIG RTEN GYI MIG GCIG PU STAG TSANG LO TZ'A BA SHES RAB RIN CEN RGYAL MTSAN DPAL BZANG PO'I DRUNG DU RAB TU BYUNG NAS TSUL KHRIMS MIG GI 'BRAS BU LTAR BSRUNGS BAS DGE SLONG DBANG MO ZHES SNYAN PA'I GRAGS PA PHYOGS KUN TU KHYAB, DAM PA DE NYID GTZO BOR GYUR PA'I MKHAS GRUB DU MA BSTEN NAS DBANG 'KHRID MAN NGAG GI ZAB CHOS RGYA CHER GSAN,

NANG RANG BYUNG RDO RJE LUS KYI DKYIL 'KHOR DU RTZA KHAMS RLUNG GSUM THAMS CAD DAG PA YA SHES KYI LHA BDE STONG GI ROL BAR 'CHAR BA SOGS YON TAN PHUN SUM TSOGS PAS MA DANG MKHA' 'GRO'I GTZO MO MDZAD PA ZHIG GO, ZHI BDE'I PAD 'DAB 'JAM MNYEN MAL STAN LAS, ,SRED BRAL SNA TSOGS 'GRO KHAMS TSER DENG DU, ,NYER 'JUG SNYING RJE'I CHA GANG CHU SHEL DBANG, ,LHAG BSAM RLUNG GIS GDUL BYA'I MKHA' LA DRANGS, ,THUGS BSKYED NAM YANG MI YOL RLABS 'PHRENG GIS, ,GZHAN PHAN GRU GZINGS NAL MING RTAG G-YANG BAR, ,RANG BDER GCIG TU GZHOL BA'I CHU LHA MO, ,KHREL RGOD SO YI LBU PA 'KHRIGS PA BZHIN, ,'DUS GSUM 'GROD DKA'I 'PHRANG LAS SGROL BA'I SA, ,DRUG MNAN RING MIN ZUNG 'JUG PHYAG RGYA CHE, ,BRNYES KYANG DA DUNG BSLAB PA'I ZOL SBYOR GYIS, , GZHAN 'DRID SGYU THABS 'DI 'DRA RIGS SAM CI, ,SNA TSOGS SPRUL BA'I GSER ZHU NA NYAG THAG LA, ,MKHAS BCUN BZANG GRUB RIN CEN BRGYUS PA'I RGYAN, ,LUNG RTOGS GOM STABS LHOD PO'I SA SRUNGS LUS, ,MNGON PAR SPUD LAS GLANG PO PHAL GYI YIN, ,KUN DGA'I BDE BA BSKYED NUS DRI ZHIM DANG, ,BZHON PA'I BSER BU LHO PHYOGS NAGS KYI KLUNG, ,LAN BRGYAR MYUL BA'I REG BYAS BSNUN PA'I MOD, ,GYEN DU LDANG BA'I BA SPU'I RTZE MO RTZUB, ` ,BCU GSUM PA SKU TSE 'DI'I RTOGS PA BRJOD PA LA GANG DU BYON PA'I YUL NI, KYE RDOR BSHAD RGYUD Ri KI AA RA LI'I RGYUD LAS, RDO RJE 'DZIN PA CHEN PO 'GRUB BYED SA BCU GSUM PA MNGON DU BYED PA LA 'DZAM GLING CHUNG DU 'DI SA BCU GSUM PA THOB BYED KYI SKABS SU GSUNGS PAS GLING GZHAN LAS NGO MTSAR

, ,BAR BDAG MED BSTOD PAR, SNGAS PA'I RTZA LNGA BDUD BRAL CHA DANG BCAS, ,SNYING GI DBUS ZHUGS GCUG TOR MCHOG TU THIM, ,'PHAGS PA'I LAM LNGA DRUG PA CHA YI DNGOS, ,RDO RJE 'DZIN PA BCU GSUM SAR PHYAG 'TSAL, ZHES BYUNG ZHING MTSO MA DROS PA'I 'GRAM DU SHING DZAMBU TRI SHA'I 'BRAS BU RDZA MA TZAM PA CHUR LHUNGS PA'I SGRA LAS DZAm ZHES BYUNG BAS GLING DANG SHID GNYIS KA LA MING DER CHAGS PA'I GLING 'DI LA SHAR DU RGYA NAG DANG KHRI BRTAN, LHOR RGYA GAR DANG KHA CHA, NUB TU STAG SDE DANG GZIG YAN, BYANG DU KHROM DANG GE SAR, DBUS SU BOD YUL GANGS KYI RAB DANG DGU'O,, ZHES PA'I BOD KHA BA CAN GYI LJONGS 'DI, BDE MCHOG RTZA RGYUD LAS, BOD KYI YUL DANG DE BZHIN DU, ,M'A LA WA DANG B'U LI SOGS, ,NYI SHU RTZA BZHI'I YUL YIN NO, , ZHES BDE MCHOG TU BOD 'DI SRUNG 'KHOR GYI GNAS BRGYAD KYI ZLA TSAD DANG, KYE RDOR DU GNAS DANG SA SBYOR BA'I SA BCU GNYIS PAR BSHAD CING, BAL PO'I RGYAL PO DE WA LHAS KHRI BTZUN LA GDAMS PAR, NGA YI SNYING DANG 'DRA BA'I BU MO KHYOD, ,BOD CES BYA BA KHYAD PAR 'PHAGS PA'I YUL, ,RI MTHOS GTZANG GANGS RI GNYAN GYI MGUL, ,BSOL LA MDZES BA LHA GNAS GZHAL YAS KHANG, ,NGO MTSAR RMAD BYUNG PHAN BDE 'BYUNG BA'I GZHI, ,CHU BO BZHI 'BAB RTZI SHING NAGS KYIS MDZES, ,'BRU SNA LNGA 'KHRUNGS RIN CEN SNA TSOGS 'BYUNG, ,ZHES PHUN SUM TSOGS PA'I YON TAN KHYAD PAR DU 'PHAGS PAR BSTAN ZHING, ZHING SA DANG KHANG MA GNYIS TE SA'I DGE, KHANG RDO DANG CHUS BSKOR GYI RDO STE RDO'I DGE, ZHING CHU DANG 'THUNG CHU STE CHU'I DGE, KHANG SHING DANG 'BUD SHING STE SHING GI DGE, GAM

'GROG DANG RGYANG 'BREG STA 'DOG GI DGE ZHES DGE BCU'I YON TAN YONGS SU TSANG BA'I YUL CHEN PO 'DI NYID LA BOD SKYONG BA'I RGYAL PO MES DBON GYI DUS DBU RU DANG G-YO RU, G-YAS RU DANG RU LAG CES RU BZHIR BSHAD CING, TSAL PA SI TU'I DEB DMAR DU SA HOR MCHOD YON GYI DUS GONG MA'I LUNG GIS PHYED GSAL CHEN MO BYAS SKABS CHU MIG KHRI SKOR GYI SA'I CHAR GTOGS PAS, GSOL 'DEBS LAS, DUS 'DIR MTHO RIS PHUN TSOGS RGYAS PA'I GONG, ,DPAL LDAN MU ZHES RAB GRAGS BASTI GNAS SU, ,RIGS RUS MNGON MTHO'I SKAL BZANG YAB YUM GYI, ,SRAS SU DGE BAR 'KHRUNGS LA GSOL BA 'DEBS, ,RJE BTZUN YUM GYI YE SHES GSAL SNANG DU, ,DPAL GYI 'DAB RGYAS GTOR MA'I 'DZUM DKAR LAS, ,AYON SKU BRNYAN THUGS KAR THIM PA DANG, ,RGYAL BA'I MCHOD RTEN GZIGS LA GSOL BA 'DEBS, ,ZHES PA'I BYA BRAG YUL NI RDO RJE GDAN NAS DPAG TSAD BRGYA BGROD PA NA GRUM STONG DPAL LDAN SA SKYA, DE LAS HA CANG GIS MI RING BA MU KU TA ZHES BOD SKAD DU RNAM PAR GROL BA STE TSE GCIG LA GROL LAM RNYED PA'I GDAMS PA GSUNG NGAG RIN PO CHE BOD 'DIR THOG MAR BYUNG BA'I GNAS DANG 'DABS CHAGS PA, 'PHAGS PA DON YOD ZHAGS PA'I SKU RANG BYON BZHUGS PA'I SA'I CHA, BA DA RA'I GLING BGROD KYI RTOGS PA BRJOD PA'I YAL 'DAB TU, RTZE MO SHIN TU MTHO BA YI, ,SHEL GYI SA GZHI MDUN DU MTHONG, ,BYA RNAMS KYIS KYANG BGROD DKA' BA, ,'JAM PA'I BRAG NI GCIG PU DER, ,ZHES SHIN TU MTHO BA'I BRAG RI DANG SPANG LJONGS GANGS KYI RDUL MANG YONGS SU BRTZEGS PA LAS SNYAN PA'I SLA LHUNG LHUNG DU SGROG PA'I CHU'I LHA MO DBU BA'I DO SHAL DKAR PO RING DU 'PHYANG

, ,BA'I RGYUN MI CHAD PAR 'BAB PA, NE'U GSING GI NGOS SU BYA SNA TSOGS SKAD SNYAN SGROG CING RI DAGS RNAMS BAG PHEBS PAR RGYU BA, 'KHRUNGS RABS SO BZHI PA LAS, DE NAS AANDA RNYIL GYI 'OD LTAR SNGO, ,NYI MA'I 'OD KYIS GNAM SNGON BZHU BA BZHIN, 'KHOR KHOR YUG MTSO 'GRAM LTAR MI MNGON, ,GTING DPAG DGA' BA'I MTSO 'JING NANG DU ZHUGS, ,ZHES GNAM SNGON ZHUN MA LTA BU'I LCAGS KYI CHU KLUNG CHEN PO 'BAB PA'I 'GRAM DANG NYE BA, RAB GSAL GYI RTOGS BRJOD LAS, GSER GYI BA GAM GZHAL YAS KHANG, ,KHANG PAS BSKOR BA'I GRONG KHYER NI, ,'ED LDAN ZHES BYA BSOD NAMS NAS, ,'OD LDAN MTHO RIS LTA BU YOD, ,CES 'CHI MED KYI GNAS SA LA 'PHOS PA LTA BU'I GRONG KHYER GYI KHOR KHOR YUG YID DU 'ONG BA'I MTHA' SKOR KUN TU SPRIN BZHON GYI RTOGS BRJOD LAS, BUNG BA'I NA CHUNG RNAM SPRUL LONGS SPYOD LDAN, ,SBRANG RTZIS MYOS SHING RNAM PAR 'BYAMS DUS DER, ,ME TOG RAB RGYAS 'KHRI SHING TSAL GYI GZHIR, ,RIG 'DZIN RGYAL PO'I SRAS NI RNAM PAR RGYU, ,ZHES KHA DOG SNA TSOGS MNGON PAR BKRA ZHING DRI DANG BZANG PO 'THUL BA'I ZE'U 'BRUL BUNG BA RNAMS CHAGS PA'I GLU LEN CING 'BRAS BU CAN SOGS YAL GA LO MA ME TOG KUN NAS DUD PA'I LJON SHING GI 'PHRENG BA TSAR DU DNGAR BA, SPANG LJONGS MAR GAD ZHUN MA BRDAL BA LTA BU DUD 'GRO RNAMS DAL BUR RGYU BAS 'TSO ZHING, 'BRU SNA TSOGS YONGS SU SMIN BA'I SNYE MA'I TSOGS MGO BO CUNG ZAD DUD BA, KLU KUN TU DGA' BA'I ZLOS GAR DU, HA RI TZAN DAN GYIS BYUGS LUS CAN LHA YI ME TOG 'PHRENG BA RAB TU 'DZIN, ,NOR BU'I RGYAN GYI 'OD DAG REG PAS DANGS SHING BKRA BAR BYA BA'I GOS DAR LDAN, ,

GRUB PA'I SKYE BA DAG DANG LHAN CIG SPEL BAR GYUR BA'I RIGS 'DZIN 'DI DAG RNAMS, ,TZAN DAN GRIB BSIL DAG LA DGA' MA'I 'THUNG LHAG TU GYUR CHAD DAG 'THUNG BAR BYED, ,CES SKYE BO RNAMS GOS RGYAN BZANG PO DANG CHANG GIS MYOS PAS GLU GAR RTZED 'JO JI SNYED BYED PA, DE YANG MDO RGYA CHER ROL PA LAS, DGE SLONG DE LTAR BYANG CHUB SEMS DPA' DGA' LDAN GYI GNAS DAM PA NA 'DUG PA NI RNAM PAR LTA BA CHEN PO BZHI LA RNAM PAR BLTA STE, BZHI GANG ZHE NA 'DI LTA STA, DUS LA RNAM PAR LTA BA DANG, GLING LA RNAM PAR LTA BA DANG, YUL LA RNAM PAR LTA BA DANG, RIGS LA RNAM PAR LTA BA'O ZHES PA'I RIGS LA LTA TSUL, MKHA' 'GRO RGYA MTSO LAS, 'DZAM BU'I GLING NI CHUNG DU 'DIR, ,BDAG NI SH'AKYA'I RIGS RJES 'GRO, ,ZHES NYI MA'I GNYEN GYI BRGYUD RGYAL PO ZAS GTZANG MA'I RIGS PHUN SUM TSOGS PA LA GZIGS PA LTAR DAM PA 'DI NYID KYI RIGS NI BOD 'DIR RUS CHEN BZHIR GYES PA'I NANG TSAN RMU LDOD STONG MI NYAG STE BZHI LAS LDOD GI RIGS SU GTOGS PA, DE YANG YIG TSANG MKHAS PA DGA' BYED LAS, 'GRO BA'I GTZUG RGYAN DPAL LDAN SA SKYA PAS, ,CHOL KHA GSUM LA BA LO SGYUR BA'I DUS, ,DE YI 'PHRIN YAS SGRUB PA'I DPON CHEN DANG, ,SLOB DPON DAG BSHES BLON CHEN RIM PA RNAMS, ,MKHAS MCHOG STOBS LDAN GRANGS LAS 'DAS MOD KYI, ,THOG MAR YUS PO CHE YI MI GSUM PO, ,GRUM PA SA SKYA'I DPON CHEN SH'AKA BZANG DANG, ,SHAR SMAD BTZONG KHA'I DGE BSHES RIN BRTZON DANG, ,MDO STOD GON GYO'I HOR CHE STON TSUL YIN, ,DE GSUM NANG NAS RIGS MTHO BLO GTZANG BA, ,DGE BSHES CHEN PO NAS BRGYUD DENG

, ,SANG BAR, ,BLA MA'I ZHABS TOG DBUS GTZANG BYA BA DANG, ,BKUR SKYONG PHYOGS LA BLO GROS SPYAN LDAN ZHING, ,MI MTHUN DPUNG 'JOMS MA SANGS BKA' BABS ZHES, ,SNYAN PA'I GRAGS PA PHYOGS SU KUN KHYAB PAS BLON CHEN 'DI BA'I BYON TSUL 'DI LTAR RO, ,DE'ANG 'DI LTAR THOS TE, SNGON BOD DU CHOS SKYONG BA'I RGYAL PO KHRI SRONG LDE BTZAN DANG, DE'I SRAS BZHI PA KHRI LDE SRONG BTZAN RGYAL PO'I SKU RING LA MTHA' DMAG 'GAGS PA'I BOD YUL GYI PHYOGS BZHIR SGO BSRUNG MA BSKOS, KHYAD PAR BOD DMAG KHRI DMAG MANG PO KHYER NAS BHA TA HOR GYI SGOM GRA BCOM, G-YUL RGYAL SNANG SPYAD NAS PHYIR BYON DUS DE PHYOGS KYI SGO SRUNG BAL BOD DMAG SLEBS NAS RKYEN BTUS PA'I DPA' BO MI DGU, DMAG BRGYA PHRAG DGU DANG BCAS BA HER BOD KYI SO MTSAMS SU BZHAG, DE DUS KHANG RNAMS KYIS NGED RNAMS JI TZAM LA LOG YONG RGYU YIN ZER BA ZHUS BAS RGYAL PO'I LUNG GIS NGED KYI BKA' MA BYUNG BAR LDEG TU MED GSUNGS PAS, DE PHYIN NAS DPA' BO MI DGU PO'I RUS MING BKA' MA LOG ZER BAR CHAGS TE, DER YUN RINGS BAS BKA' MA LOG GI BOD 'BROG SDE TSAN MANG PO YOD DO, SE CHEN RGYAL PO'I BLEN CHEN SAm GHA CHING SANG ZER BA DE YANG RUS PA BKA' MA LOG TSANG YIN ZER BAR 'DUG, DE RNAMS KYI CHE BRGYUD LAS CHAD PA SHAR BTZONG KHA MTSO SNGON GYI MTHIL NA SKAD GSAR PA BYA BA DANG, JAG RONG BAS, KU KU MED BYA BA YUL KHAMS CHEN PO GSUM GYI BDAG PO LE BZANG RING MO'I SRAS CHE BA SKYA MING DBON PO RIN CEN RGYAL MTSAN BYA BA BLO GSAL ZHING SKYE MCHED DANGS PA ZHIG BYUNG BDE NYID GZHON

NU NAS DKAR PO'I CHOS LA MOS PA ZHIG YOD PAS, YUL KHAMS RNAMS MCHED ZLA KUN 'DZIN DU BCUG NAS, GTZANGS SKYA BLA MA'I SNYAN GRAGS [?] CHOR, MOS GUS CHUG STE ZHABS LA GTUG PAR 'DOD NAS YAR BYON PAS MDO STOD KYI HOR TSE STON TSUL LANG CHOS DON DU GNYER BA LA DER MA BRTEN SA SKYAR CHAS PA DANG KHONG RNAM GNYIS BYA BA LUNG PAR MJAL, MDO STOD SMAD KYI PHYOGS SRED DANG SKU TSE SNGON MA'I 'BREL SHUGS KYIS SPUN PHU NU LTAR THUGS SHIN TU MTHUN PAR BYUNG NAS DE'I DBYAR GYA MA 'BRONG DU DGON PAR BSNGANG, STON DE 'GO MGON CHOS RGYAL 'PHAGS PA GONG NAS YAR PHEBS DUS 'BRONG DU DGON PA BAS GDAN DRANGS BSNYEN BKUR ZHUS, DE 'OG TU KHONG RNAMS GNYIS PAS KYANG RAB BYUNG ZHUS DPON PO'I MTSAN RIN CEN BRTZON 'GUS BYA BAR BTAGS, BDAG BSLAB GNYER MTHAR PHYIN PA ZHIG BYED 'DOD PAS RJES SU BZUNG DU GSOL ZHUS BAS, DE BZHIN LEGS, SLOB DPON SHAR BA YE SHES KYIS BSLAB GNYER GYI MGON GYIS LA DGE BSHAS CHEN PO ZHIG MGYOGS PAR YONG BAR BYED DO GSUNGS PAS DGE BSHES LA SNGA BA RIN CEN BRTZON 'GRUS BYA BA'ANG DE DUS NAS BYUNG BAR GDA'O,, DER GNYIS KAS PHYAGS PHYIR BYON SA SGYAR PHEBS BSLAB GNYER MDZAD PAS SHES RAB DANG THUGS RUS CHE BA'I TSAD THUB PAR BYUNG, RING PO MA LON PAR SA SKYA'I DGE BSHES RNAMS KYI NANG NAS MKHAS GRAGS THON PAR BYUNG, BAR SKABS NAS BLA MA 'GAGS PA'I PHYAGS BYI ZHABS TOG MTHIL BZHUGS YUN RING MDZAD BYA BA'I LJID MUR CHEN PO MANG DU BKAL, DE MTSAMS SA 'BRI 'KHRUG PA'I 'GO TSUGS GONG DU KHRIMS KYI GTUG BSHER LA PHYOGS PHYOGS NAS MI DRAG PA 'GRO DGOS PA BYUNG DUS DPON

, ,CHEN SH'AKYA BZANG PO DANG, DGE BSHES RIN CEN BRTZON 'GRUS, RIN PO CHE STON TSUL GSUM POS BLA MA DANG BSTAN PA GDAN SA CHEN MO'I PHYIS LA BSAMS TE BLOS BLANGS NAS BYON, KHRIMS LUGS SU SONG BAS TSAL GUNG THANG NAS PHO BRANG SHANGS MTHO'I BAR LA AAN KHUR NAS RKANG THANG LA BYON, GONG DU THUG BSHER LEGS, SA SKYA BA'I BYA BA RNAMS GANG 'DOD LEGS PAR GRUB NAS YAR 'KHOR BA'I DUS KHONG RNAMS SA SKYA PA LA YUS CHE BA'I MI GSUM DU GRAGS PA BYUNG ZHING CHEN POR GYUR, SBYI SGOS SU BLA MA'I GNANG SBYIN, BRGYA STONG SO SOS BYA DGA' CHEN BO BYAS, KHYAD PAR DGE BSHES CHEN PO LA JA RIN DU SA SKYA'I DRUG PHYA MA'I 'DAB SGO DANG TSONG 'DUS KHA PHEB KYI MGO BYAS GRANG KHANG GAR, PHUL GYOG GZHIS KA RNAMS GTZANG MAR GNANG, SKYA BTZUN THAMS CAD KYIS BKUR STI ZHABS TOG CHE BAR BYUNG, DE SKABS SU MCHED GROGS STON TSUL BA'I GROS LA BSLAB GNYAR GYIS DKA' SPYAD BSHES GNYEN GYI SNYAN GRAGS THOB, SA SKYA PA GSANG SNGAGS ZAB MO'I BDAG PO YIN PAS DA YANG GSANG SNGAGS DANG MTHUN PAR MDZAD NA SKU KHAMS KYI 'TSO SKYONG DU'ANG 'GYUR, MA 'ONGS PA'I DUS SU'ANG BU SLOB RJES 'DZIN SOGS KHYAD CHE BAR YOD ZER BA LA GSAN NAS, NYANG STOD BYE MDA' BA'I MA GCIG MKHA' 'GRA 'BUM MNGON CHUNG NGU'I GYOG GZHIS KAR BZHAG PHYAG RGYAR BSTEN PA LA SRAS GSUM BYUNG BA'I CHE BA BAN RGAN BLO GROS RIN CEN, BAR PADHARMA DKON COG, CHUNG BA DBON KUN DGA' RDO RJE RNAMS BYUNG, BAR PA 'DI 'GRO MGON PHYAG NA'I SRAS DHARMA P'A LA RAKshI TA DANG LO ZLA ZHAG

DUS MNYAM DU 'KHRUNGS PA NAS MTSAN 'DI CHOS RGYAL 'PHAGS PAS BTAGS PAR YANG BYED DO,, DE'I DUS NA HOR RGYAL BU CHOS DBAL BOD 'CHOS 'KHYON BA'I BSU SKYEL ZHABS TOG LA DGE BSHES CHEN PO DE PAS 'BAD RTZOL BSKYED PAS NYI MA NUB PHYOGS KYI BYA BA RNAMS LEGS PAR GRUB NAS PHYIR 'BYON DUS SOG PA MDO BAR SKYEL THUNG LA BYON PAR RGYAL PO MNYES NAS BYANG RE THAG PHYIR 'THEN GANG 'DUG, RIN CEN BRTZON 'GRUS MI BRGYUD DANG BCAS PA SHES SU CHUG CING, KHYOD KYIS SHE MONG 'DABS PA BZHAN BU CHA BO CHABS KYIS KANG GONG MA YON MCHOD LA SHE MONG 'DABS CHUG ZER BA'I LI JI BZANG PO GNANG, DE NAS DGE BSHES CHEN POS SKYA'I TSONG 'DUS KHANG LEB TU BDE BAR GSHEGS RTING SRAS CHE BA RGAN LA YAB KYI RJES SU ZHUGS NAS KHIMS GNYIS KYI BYA BA DANG SA SKYA'I ZHABS TOG, NANG SO'I MTHIL LEN, DNGOS SU BLA MA BDAG NYID CHEN PO'I ZHABS LA GTUGS SHE MONG 'DABS BAR TA'I TU'I PHO BRANG DU BYON NAS BLA MA'I SKU DRIN LA AOL JO THU RGYAL POS LHA RGOD MA DUNG RTZE YAN NGANG RA G-YU MTSO MAN 'DI BLO GROS RIN CEN MI BRGYUD DANG BCAS PA SHES SU CHUG GSUNG BA'I 'JA' SA GTZANG MA GNANG, GCUNG GNYIS PO NYE RING MED PAR BSKYANGS, GCEN LA BYANG GI KHRI DBON DANG GCUNG LA DU DBYEN SHA'I LAS KA ZHUS NAS BSKOS, DHARMA DKON COG GI GZHI BA LA MA GCIG [?] MKHA' 'GRO 'BUM GYI ZHAL TA MA GCIG DANG, DPON KUN RDOR LA MA GCIG 'OD 'BUM GYI TSA MO ZHIG BLANGS PA GNYIS KA LA SRAS MA BYUNG, BAN RGAN PAS ZHAL TA MDZAD ZHAL TA BA RE RE 'OG TU BZHAG PA LA KHRI DPON DHARMA DKON COG LA SRAS KHRI DPON CHOS RGYAL

, ,DANG DPON CHEN RGYAL BA BZANG PO BYUNG, DU DBEN SHA KUN DGA' RDO RJE LA SRAS KHRI DPON DKON COG RGYAS MTSAN BYUNG, KHRI DPON RGYAL GYIS YAB KYI SHUL DU BYA RU'I KHRI DPON THOG GCIG BYAS SKU GSHEGS, SRAS MED PAS DKON COG RGYAL MTSAN KHRI DPON LA BSKOS, BLA CHEN KUN BLO'I PHYAGS PHYIR GONG LA BYON YAR PHEBS JO MO SREG SHING DBON MO BLANGS NAS MTHONG SMON SA CHA, LHA KHANG, SPANG GRONG GI KHA 'DZIN BYED DUS SRAS BZHI BYUNG BA'I CHE BA DBON PO DKON COG 'OD ZER DANG DKON COG RIN CEN, MKHAN PO BSOD NAMS BLO GROS, CHUNG [?] BKOD PO RIN CEN RNAMS BYUNG NGO,, GCUNG PO 'DI MA SANGS KYI SPRUL PA YIN PA'I RGYU MTSAN NI, 'DI'I SKABS SU DPON CHEN RGYAL BA BZANG PO PA DE NYID 'BROG KHRI SKOR GYI RU THOG MTSO MO RU KHYUNG GIS BSKOR BSGAR CHEN BZHUGS DUS TSIBS GAR BSTON CHEN BYA BA ZHIG BOR NAS LHA 'DRE MI GSUM LA BCA' HU BGRAM RTZAD GCOD PA PHYOGS BZHIR BTANG BAS, SHAR PHYOGS PA'I MI GNYIS KYIS KHA BA SKYA SIB BABS PA'I STENG LA RTA RJES 'DUG PA MTHAR DENG PHAS SHAR SOG LA SKYA MO'I ZHOL NA SGAR CHEN ZHIG 'DUG PA DE KHROD NA CHIBS PA YANG 'DUG NAS MGRON GNYER LA RGYU MTSAN BSNYAD SGAR 'DI SU'I YIN DRIS PAS SGAR 'DI MA SANGS KYI SGAR YIN, GE SAR DANG SGU LDI LA SOGS YOD ZER GUR NANG DU KHRID SGU LDI YIN ZER BA DE NA RE, NGED KYIS KHA SING NAS BYANG STONGS LA YONGS DPON CHEN PA DANG MJAL RTZIS LA MA PHRAD, DA GZOD KHYED KYI DBON PO ZHIG YOD PA DE DANG YANG YANG PHRANG ZER BA KYIS LA, RTA DANG MDA' RGOD SGRO MA 'DI PHUL ZAR NAS KHYER YONGS, DPON

CHEN LA LA PHUL DE RTENG DBON PO RGOD PO RIN CEN PA 'KHRUNGS SO,, DPON CHEN RGYAL BA BZANG PO PA DE NYID TI SHR'I ZUN RGYAL BA'I ZHABS LA GTUGS GONG LA PHYAGS PHYIR BYON, BLA MA'I SKU DRIN DANG KHRIMS KYI BYA BA LA MKHAS PAS SNGON MA DPON CHEN SHR'I MING DANG,, DE RTING DBUS GTZANG DPON CHEN RDZAN MA BROG MAR PHEBS DUS BAN RGAN PAS ZHAL TA MDZAD, JO MOR BLA MA MUS CHEN BA'I DBON MO DANG, DBON MO JO MO RIM PAR BLANGS NA'ANG SRAS MA BYUNG BA ZHAL TA MA 'BUM RGYAN BYA BA LA SRAS GRAGS PA RGYAL MTSAN PA BYUNG ZHING, RTING MA ZUR SRAS DPON PO HOR TSA BA BYA BA ZHIG KYANG BYUNG, DPON CHEN PAS DBANG PO DKON COG 'OD ZER BYANG KHRI DPON LA BSKOS, SRAS PO PHRAGS PA RGYAL MTSAN PA SA SKYA NANG SOR BZHAG, DBUS GTZANG SDE LA BKOD NAS DBON PO DKON COG RIN CEN PHYAGS [?] PHYIR KHRID YONGS GONG MA MCHOD GON GYI DRUNG DU BYON SNGA RTING DRIL BAS LO BCO BRGYAD TZAM GONG DU BZHUGS, SRON JING DBEN GYI RTZA BA'I DPON CHEN MI SHANGS LEN GSUM MDZAD, LUNG GU TA HU'I ZON GNANG, YAR 'BYOR KHAR NGA'I SBRA BER KHYUNG GSUM GYI TSONG PA BOD LA LO RE BZHIN YONG BA'I 'BAB SA'I GNAS GZHI ZHIG BRTZIG DGOS ZHUS PAS GANG 'OS TSOL GSUNGS PAR SHANGS NANG GA LE [?] DMAR SPANG BRGYUD NAS SA CHE BAR 'DUG PAS 'DI DGOS ZHUS PAS GYE RE BAB LHA GDONG YAN, THAG MA NGAL GDONG, DNGAR SHING GCIG MAN GYIS CHA, RGYAL BA BZANG PO'I RTA SGA 'BOG SAL BYIN ZHING, DE KHONGS GANG 'OS SU GNAS GZHI BRTZIG TU CHUG GSUNGS PA'I LUNG BZANG PO GNANG PAS YAR PHEBS NAS SHANGS MTHONG SMON GYIS 'DIN CHU

, ,GNAS PA'I RDZING ZHIG 'DUG PAS MING DANG GANG SA NAS RTEN 'BREL LEGS BAS 'DI KHONGS SU CHUG BA GYIS GSUNGS, LCAGS RI SPEL LCOG RNAMS DKYIL DU KHANG LEB CHEN MO DANG BCAS BA BTAB, DE RTING GONG MA YON MCHOD KYI SKU RIM SMON LAM 'DEBS SHING SPOS SROG PA'I LHA KHANG ZHIG BZHENGS SU 'JUG PA DGOS ZER BA'I ZHU BA GONG DU BTANG BAS, DE BZHIN YIN CHUG GSUNG BA'I LUNG PHEBS NAS MYUG RGYAL KHANG RGYAL PO'I PHO BRANG LA DPE BLANGS PA BZHENGS, CHOS SDE 'DI SNGON BOD RGYAL BLON DUS KYI KA CA RNYING PA DANG, RI RTING MA MA'I DGON LAG RNYING PA DAR CHA MED BZHIG 'DUG PA'ANG DPON CHEN PAS RGYAL KHANG BZHENGS PA DANG MNYAM DU, SO PAndI TA 'JIGS MED GRAGS PA CHOS DPON LA GDAN DRANGS SGOS KYI MNGA' ZHABS LA BTZUN KHRAL THENGS GNYIS BRGYAB NAS BSHAD GRA BTZUGS CHOS SDE'I SHE MONG BSKYED, CHOS KHRIMS DAR BAR MDZAD, YAB YUM GYI PHYI RTEN LA G-YE DMAR SGANG STONG DU SKU 'BUM CHEN MO BZHENGS ZHA LU BU STON RIN PO CHE GDAN DRANGS NAS RAB GNAS DBUS GTZANG DU RGYAS PA'I DPE THUB PA MDZAD DE, LUNG GIS BSKOS PA'I DPON CHEN GNYIS BYANG PA'I PHYAG TSAB GCIG DANG BCAS PAS GONG DANG DBUS GTZANG DU DPON CHEN THENGS GSUM MDZAD PA DE BAR LA, GDAN SA CHEN PO'I ZHABS TOG, BLA MA LA BKUR STI, MNGA' ZHABS KYI SKYONG DAR, PHAG GRU KHRI DPON DANG MKHAS PA LA SOGS KHRIMS 'GAL MU MED BYED MKHAN RNAMS LA DRAG LAS KYIS 'JUN 'DUR, GZHAN YANG RGYAL KHRIMS CHEN PO'I BYA BA GANG LA'ANG NYE RING MED CING BLANG DOR MA 'DZOL BAR

BYUNG BAS KUN GYIS BYANG CHUB SEMS DPA'I DPON CHEN DU GRAGS SHING, GONG NAS RTING LA PHEBS RJES LA SRAS BLO GROS RGYAL MTSAN PA BYUNG BA, GCEN DPON GRAGS RGYAL BA DANG DGUNG LO BCU BDUN BCO BRGYAD KYI KHYAD YOD PAS NA GRAGS RGYAL BA'I SRAS YIN PAR BYED BA'ANG YOD LA, KHONG RNAM GNYIS KYI BAR DU DBON PO HOR TSAS DPON THOG TU LO GCIG GNYIS BZHUGS ZER BA'ANG GLENG, DPON CHEN RGYAL BA BZANG PO BAS KHRIMS LAS KYI BYA BA DPON CHEN DBANG BRTZON LA 'PHROD PA'I SKABS SU LHA RTZE'I GZIMS KHANG LHO MAR BDE BAR GSHEGS SO,, PUR BZHU DUS THUGS THUGS THAG DANG BCAS TE BYON PA DE GZIMS KHANG GUNG LDABS RIS LA CHOS RGYAL 'PHAGS PA'I SKU 'DRA BZHUGS PA DE'I THUGS KAR THIM PA KUN GYI MTHUN DU GRUB PA,, PHYI SKOR GYI DPON CHEN LA 'DI NYID BLA MA LA GUS SHING KHRIMS GNYIS KYI BYA BA MKHAS PAR BYED DO,, DPON CHEN PA'I SRAS PO GRAGS PA RGYAL MTSAN PA SDA SOR SA SKYA NANG CHEN BZUNG RTING LA DPON CHEN GYI MING THOB SHANGS MTHONG SMON BZUNG BA'I SKABS DER SKU GSHEGS SO,, GCUNG PO DPON PO HOR TSA'I SRAS SNA DKAR BA DPAN KUN DGA' RGYAL PO BRGYUD CHAD, BLO GROS RGYAL MTSAN PAS SI TU'I MING DANG LAS KA THOB, DPON CHEN PAS DBON PO 'DI DANG MTHONG SMON SBRAGS NAS TA'I SI TU BYANG CHUB RGYAL MTSAN LA SPYAD, GTZANG PHYOGS KYI SDE PA DAR LCOG DKAR PO 'JUGS PA'I SNGON MA BYAS ZER BA'ANG 'DUG, 'DI'I RING LA MTHONG SMON SPEL CHEN BZHENGS, SGO SDE ZUR COG RNAMS KYI KHA SGRON 'OBS LCAGS CHUNG BZOS SO,, DE'I SRAS BZHI'I CHE BDU DBEN

, ,SHA BYANG CHUB RGYAL BA DPAL BZANG PO BA LHOG THUNG DU GRAGS PA THUGS RGOD CING RTZOM RKYEN BAS DE'I RING LA RDZONG SHANGS DANG PHYI NANG GI SDE 'KHRUG MANG, DE 'OG MKHAN PO KUN DGA' BLO GROS PAS MYUG CHOS SDE'I MKHAN PO MDZAD, DE 'OG DU DBEN SHA KUN DGA' RGYAL MTSAN PAS RGYAL MTHONG BZUNG KUN DANG MTHUN PA'I LUGS SHES CHE BAR BYUNG, GCUNG PO CHUNG BA DBON PO KUN RDOR BA'O,, DU DBEN SHA KUN RGYAL BAS GDUNG BRGYUD LCAM BLANGS PA LA SRAS GCIG BYUNG BA DU DBEN SHA RIN CEN RGYAL PO BA SKU BRTAN PAR BZHUGS PA'O,, KHRI DPON DKON COG 'OD ZER BAS BYANG RU THOG GI KHRI DPON MDZAD CING, DBON PO DKON COG RIN CEN DANG RGOD BO RIN CEN PAS MYUG RGYAL KHANG GI 'GO BYAS DRE SGAL SOGS 'DZIN MKHAN PO BSOD NAMS BLO GROS PAS ZHANG PO'I GDAN SA SREG SHING MKHAN PO MDZAD PA'I SKABS SU MTHONG SMON NA DPON CHEN GRAGS RGYAL BA YOD PA, DPON SKYA G-YOG RIS KYI DBANG DU SONG NAS SHANGS PA NANG MA BDE, DBON PO SKU MCHED CHE BA GNYIS SKU GSHEGS RTING DBON PO RGOD PO RIN CEN PAS STAG TSANG RDZONG KHAR BLA CHEN BSOD BLO SKU MCHED PA'I ZHABS LA GTUGS, RGYAB BCOL NAS RDZONG SHANGS BDE GZAR YUN RING, DGUNG LO BCO BRGYAD PA LA BLA CHEN PA'I PHYAGS PHYIR LAS CHEN G-YAS RU BYANG NAS GONG LA BYON, BLA MA'I SKU DRIN LA THO GAN THE MUR RGYAL POS PHING GCIG PA'I MI DBON, HVING SVON JING DBEN GYI HU SHR'I'I MTSAN DANG DAM STAG, BAN RGAN BLO GROS RIN CEN PA'I DUS JI LTAR GNANG BA BZHIN GYI BOD 'BROG DBANG

RIS RNAMS RGOD PO RIN CEN HU SHR'I MI BRGYUD DANG BCAS PA LA 'JAGS SU CHUG GSUNG BA'I LUNG BZANG PO DANG BCAS GNANG, YAR PHEBS BLA MA SKU MCHED BA'I ZHABS TOG SDE PA STAG TSANG RDZONG PA'I PHYI'I DGRA BZHI LA DMAG DPON GYI BYA BA GANG LA'ANG SDE PA'I MTSAN JUS GTZO BOR BTON NAS, DPON SA NAS KYANG [?] BRAG RTA NAG GI GNYER KHA GNANG, SNA DMAR RDZONG BRTZIGS, SHANGS PA NANG LTAR SYE [?] BDE GZAR 'PHO 'PHYUGS MANG NA'ANG PHYI NANG SUS KYANG RGOL PAR MA NUS PAS RGOD PA'I SNYAN GRAGS SHIN TU CHE ZHING ME PHO STAG YO LA RDZONG STAG SNA DON GRUB RTZE BZUNG STE DE'I CHAR GTOGS PA'I MNGA' ZHABS BOD 'BROG MANG DU CHOD NAS DA LTA'I BAR LA BRTAN ZHING 'PHEL BA DANG BCAS PA YIN NO,, DE LA LUM MI GCIG PA'I SRAS PO GSUM BYUNG BA'I CHE BRTA [?] NAG PA DBON PO SH'AKYA RIN CEN, BAR PA BYANG NGAM RING PA RGYAL BA RIN CAN, CHUNG BSKYOR MO BA SOG PO RIN CEN RNAMS TE, SH'AKYA RIN CEN PAS YAB KYI GNYER LAS KYI RJES RTA NAG BZUNG, DE LA SRAS DUG TSER RIN CEN DANG, NAM MKHA' RIN CHEN, DGE SBYONG DKAR POR GRAGS PA RNAMS SO,, RGYAL BA RIN CEN PA LA SRAS RNAM RGYAL RIN CEN PA DANG DPAL LDAN RIN CEN BYUNG BA GNYIS KA YAB KYI SNGON LA 'DAS SO,, SOG PO RIN CEN PAS LHA BU KHONG LAM RDZONG GSAR BRTZAGS, SRAS RGYAL BO RIN CEN PA DANG DGE SBYONG BSOD NAMS RIN CEN PA, GRAGS PA RIN CEN PA RNAMS BYUNG NGO,, KHRI DBON DKON COG 'OD ZER BA SKU MCHED PHYOGS GCIG PA'I DUS KYI SPAS PO GCIG BYUNG BA DRUNG CHEN GLANG PO RIN CHEN PA, DE NYID YAB

, ,GRONGS PA'I RJES LA STAG TSANG RDZONG KHAR 'KHRUNGS, DPON SA BLA BRANG DANG KHU BO RGOD PO RIN CEN PA 'TSO SKYONG MGO 'DON YANG DAG MDZAD, CHER SKYES NAS DBANG GRAGS PA RGYAL MTSAN PA'I ZHAL MTHONG, DBANG RNAM SRAS PA'I ZHABS LA GTUGS GZIMS DPON MDZAD, KHU DBON PHYOGS GCIG TU DRIL NAS DGRA 'DUL GNYEN SKYONG DPON SA'I ZHABS TOG BUR RTA'I GSOG RUM SKYONG DAR 'JIG RTEN GYI BYA BA GANG LA'ANG SHIN TU MKHAS SHING THUGS RTZOL CHE BAS GRAGS PA PHYOGS KUN KHYAB BO,, KHYAD PAR DBUS PA BDAG PO GRAGS PA RGYAL MTSAN PAS PHAG MO GRU PA SRID LA GTOGS PA'I DBUS GTZANG GI DMAG DPUNG STOBS CHE BA BSDUS NAS ME PHO KHYI LO STON STAG SNA RDZONG LA SKOR RGYAG YUN RING BYAS, NANG YAN 'TSAG SKYEL BRED SDIGS JI SNYED CIG BYUNG NAS YAB SRAS DPON G-YOG RNAMS KYIS LEGS PAR SRA BCAS PHUR BTZUGS 'THAB SROL SPRAD PAS DBUS GCANG DU MKHREGS PA'I TSAD THUB PA BYUNG RTING STAN SHAR GTZANG SRID DU GRAGS PA'I 'GO DE NAS BTZUGS PAS SA SKYA PA'I BSTAN JUS YAR 'PHEL DU BYUNG BA BLON CHEN DE NYID KYI THUGS BZHED DANG 'PHRIN LAS LA BRTEN PA'O,, DE'I SRAS LNGA'I CHE BA DRUNG CHEN NAM MKHA' RIN CEN PA NI SKU GZHON NU NAS KLOG YIG SOGS BSLAB SHES KYI YON TAN MTHA' DAG MNGON DU PHYOGS NAS MI DBANG RNAM SRAS RGYAL MTSAN BA DANG, MES PO HU SHR'I CHEN PO'I ZHABS LA GTUGS GSOL JA BZUNG, PHO RTZAL SNA DGU BKUR SKYONG 'GROGS LAM SDE SRID 'DZIN PA'I BYA BA LA YON TAN SGOR MOR 'DZOM PAS KUN GYIS MA SANGS SPRUL PAR 'DZIN CING [?]

KHYAD PAR KHYI LO DMAG CHEN GYI DUS RDZONG GI RTZE ZHOL SRUNG BA GANG KHAG PA THAMS CAD DU PHABS NAS SGYOGS MDA' RDOS NANG SPRAD BAS GSHIN RJE NGO DMAR DU GRAGS SHING PHYI NAS GDONG LEN MI SU YANG MED PA BYUNG NGO,, GZHAN YANG DMAG CHE CHUNG 'THAB SREL SNGA PHYI MANG PO'I 'GO LA BYON NAS DUS NAM YANG GDONG 'BUD NGO LANG KHON MDZAD CING PHYIS SKOR BYA BA GANG YA'ANG GTAN BRLING GTZO BOR BTON PAS PHYI NANG KUN GYIS 'DI NI DPA' MDZANGS 'DZOM PA'I SKYES BU CHEN PO YIN ZHES GRAGS SO,, DE'I GCUNG PO RGYAL BZANG RIN CEN, RGYA MTSO RIN CEN, NOR BU RIN CEN, GRUB PA RIN CEN RNAMS YIN LA, GCUNG 'DIS RDZONG RAB 'BYOR RTZE BZUNG TSAR SHON BOD 'BROG GSAR DU CHOD, GCEN GYI KHAB TU GDUNG BRGYUD LAM MA BYAR SEMS NAM MKHA' RGYAL MO BA BYON SRAS CHE BA CHOS RGYAL RIN CEN PA MCHED GSUM STE, SKU MCHED KHU DBON ZHAL NGO YANG MANG LA RAGS PA SKU BRTAN PAR BZHUGS PAR LAGS PA, BLON CHEN CHE BRGYUD MA SANGS SPRUL PA'I RIGS, ,KHA DRAG MI DPUNG 'DZOM PA 'KHOR BCAS 'DI, ,PAS RGOL MI MTHUN PHYOGS LAS RGYAL BA DANG, ,DPAL 'BYOR YAR NGO'I ZLA LTAR RGYAS GYUR CIG ,CES BYUNG BA'I MES DRUNG CHEN NAM MKHA' RIN CEN YAN CHAD SHANGS PA YIN NA'ANG, DE NAS LA STOD DU GZHIS BZUNG BA YIN CING, DE YANG CHOS RGYAL RIN CEN DPAL BZANG ZHES YI DAM GYI LHAS RJES SU BZUNG ZHING DPAL MGON STAG ZHON BRAN DU 'KHOL BA'I MTHU STOBS KYI DBANG PHYUG DE'I JO MOR MKHA' 'GRO'I RIGS CAN, BON PO DBEN RTZA KHA PA'I SRAS MO BKRA SHIS AA MTSO ZHES PA SNGON GYI LAS 'PHROS CHOS

, ,LA MOS BA DKON COG LA BLA MAR 'DZIN CING DGE 'DUN LA RNYED BKUR DANG PHAN LONG LA SBYIN GTONG BRTZON PA, BYAMS PA DANG SNYING RJES RGYUD DUL BA, KHYAD PAR STAG TSANG LO TZ'A BAR SHIN TU DAD CING, DE NAS BRGYUD PA'I CHOS NYAMS SU LEN PAR GZHOL BA DE GNYIS DAM PA 'DI DANG LCAM SRING LNGA TZAM GYI YAB YUM YIN CING, TSES BCU'I DUS CHEN ZHIG LA SANGS RGYAS KUN 'DUS RDO RJE DRAG PO RTZAL GYI 'PHRIN LAS GYER BA'I NUB YUM GYIS DPAL GTOR PHYOGS LA DBU SNGAS BSTAD DE GZIMS PA NA MNAL LAM DU DPAL GTOR GYI PAD 'DAB GCIG CHAD PA'I RNAM PAS SGO DBYE BA LTA BU BYAS, DE'I NANG NAS GU RU RIN PO CHE'I SKU YID DU 'ONG BA 'OD ZER DANG BCAS PA ZHIG SENG GE LA BCIBS TE THAL MAR BYUNG NAS THUGS KAR THIM PA DANG, YANG NUB CIG STAG TSANG LO TZ'A BA DPON SLOB NAS NGED TSOR DO NUB GNAS TSANG DGOS 'DUG PAS NANG SOR ZHUS PA'I SDOD YUL G-YOR GSUNG PA LTAR STA GON MDZAD PA'I TSE BLA MA DE 'JAM DBYANGS DMAR SER GYI RNAM PAR GYUR PA THUGS KAR THIM PA'I SNANG BA BYUNG, MNAL SAD TZA NA LUS SHIN SBYANGS KYI BDE BA LTA BUR YUG CIG LUS PAS ZHAL TA MA ZHIG GIS DA BZHENGS, LAS THEBS 'CHAG ZER BAS NYAMS DE SAD KYANG DE NYIN GYI PHYAG LAS MTHA' NGAG SNGAR DANG MI 'DRA BA'I BDE BA DE KA'I NGANG DU 'GRO BA ZHIG BYUNG, GNAS PA DE NAM BYUNG BA'I DUS DNGOS SU ME TOG GI CHAR, 'JA' DKAR PO, SNGAR TSOR MA MYONG BA'I DRI BZANG PO 'THUL BA YONG ZHING, YANG MNAL LAM DU MI ZHIG GIS G-YU STER BA, GSER GYI MCHOD

RTEN 'OD ZER 'PHRO BAR KHRUS GSOL ZHING SKOR BA MDZAD PA SOGS DAM PA 'DI LHUMS SU 'JUG PA'I LTAS NGO MTSAR BA MANG DU BYUNG, 'KHRUNGS LO NI 'O SKOL GYI STON PA DRAG PO ZHES PA LCAGS SPREL LA SKU BLTAMS NAS LO NYIS STONG LNGA BRGYA BCU BDUN 'DAS PA 'PHAGS PA'I YUL DU STOD 'GREL PA'I LUGS KYI RJES SU 'BRANGS TE DUNDU BHI ZHES PA RNGA CHEN DU GRAGS SHING SHAR PHYOGS RGYAL BO'I KHAB TU ZHIN ZU'I ZHES CHU PHO KHYI LOR 'JIG RTEN YONGS GAGS DANG BSTUN NA 'THAD CING GTZUG LAG DANG BSTUN NA KHRAG SKYUG CES PA CHU MO PHAG GI LO'I DUS KYANG MDZOD RANG 'GRAL DU, SANGS RGYAS PA RNAMS KYI DUS KYI DANG PO NI DGUN NO,, GNYIS PA NI DPYID DO,, GSUM PA NI DBYAR RO,, ZHES 'DUL MNGON PA RNAMS DUS KYI THOG MA DGUN DU MDZAD, 'GREL CHEN DRI MED 'OD LAS, SA KA'I NYA LA SKYA RENG SA SHAR BA'I TSE MNGON PAR RDZOGS PAR SANGS RGYAS SO,, DE NAS ZLA BA BCU GNYIS PA NAG PA'I NYA LA SHR'I DHA n+YA KA tA KAR, ZHAS STON PA SA KA'I NYA LA SANGS RGYAS PA NAS BRTZIS PA'I BCU GNYIS PA NAG PA'I ZLA BAR DPAL DUS KYI 'KHOR LO'I RTZA BA'I RGYUD STONG PHRAG BCU GNYIS PA GSUNGS PA DANG RIGS LDAN GRAGS PAS, TSANGS PA'I DRANG SRONG BYE BA PHRAG PHYED DANG BZHI RIGS BZHI RIGS GCIG TU BYAS NAS DBANG BSKUR ZHING RTZA RGYUD LAS BSDUS RGYUD BSDUS PA'I ZLA BA YIN PAR BRTEN LO 'GOR MDZAD CING, DHR'U PA KA'I 'DAS LO 'TSOL BA'I TSE'ANG NAG PA NAS THOG MAR BYED PA'I LUGS SROL DAR NA'ANG BONG 'DIR YONGS GRAGS KYI ZLA 'GO NI RGYA NAG SPOR THANG CHEN MO'I RJES SU 'BRANG BAS DE LA'ANG LUGS MI 'DRA BA

, ,GSUM BYUNG BA'I 'KHRUL PA MED PA NI, RGYUD GAB PA GNAD GZER LAS, DGUN NYI LDOG PA'I TSES SNGA MA, ,LO NI SNGA MA'I MJUG YIN LA, ,LOG NYIN PHYI MA'I 'GO BO STE, ,SNGA LO PHYI LO'I 'PHO MTSAMS KYI, ,PHO BRANG LHA TSOGS THAMS CAD DANG, ,SA BDAG RJE BLON 'KHOR BCAS RNAMS, ,DGUN NYI LDOG NAS BSKYA BAR BYED, ,CES SMAL BO'I ZLA BA'AM HOR ZLA BCU GCIG PA DPYID RA STAG TU PHRA PHUG PA BA SOGS CHAD THUB KYI MKHAS PA MANG PO BZHED PA, 'PHAGS SKYES PO'I RTOGS PA BRJOD PA'I YAL 'DAB TU, DE NAS YID SGRUBS LONGS SPYOD GROGS, ,SBRANG RTZI 'THUNG BA RNAMS KYI GNYEN, ,SKAL BZANG 'KHRI SHING 'KHYUD BYED PA, ,LEGS LDAN DPYID NI MTHONG PAR GYUR, ,CES DPYID ZLA 'BRING PO NYA RO H'I TA'I KHYIM RGYAL GYI ZLA BA'I DPA' BO MKHA' 'GRO 'DU BA'I TSES BCU'I RES GZA' NYI MA, ZLA SKAR SMIN DRUG GI RES LA BABS PA'I TSE RMU GSHONG DGE BA'I TSAL ZHES SUM RTZEN GYI GZHAL YAS KHANG LA CO 'DRI BA DER, GTZUG NA NOR BU'I RTOGS PA BRJOD BA'I YAL 'DAB TU, DE NAS DUS NI YONGS RDZOGS TE, ,MKHA' LA BDUD RTZI'I 'OD ZER BZHIN, ,'GRO BA'I RAB RIB KUN 'DZOMS BU, ,LHA MO LA NI BTZAS PAR GYUR, ,CES YUM LA SNYUN SOGS GANG YANG MI MNGA' BAR STON GYI NAM MKHA' G-YA' DAG PA LA RI BONG 'DZIN PA'I DKYIL 'KHOR NYA GNAG BA BZHIN SKU BLTAMS PAS GSUNG MGUR LAS, SER GZUGS BDAG GI SKYES BA'I YUL, ,GANGS RI'I KHROD KYI GTZANG STOD CHA, ,CHU BO PUKshA'I LHO YI NGOS, ,GRUM STONGS SKYA'I BYA 'DABS

LJONGS, ,'BROG MI LO TZ'A'I GNAS KYI MDA', ,'PHRANG GSUM NANG NAS SRIN 'PHRAN GDONG, ,RMU RJE BTZAD POS BZUNG BA'I SA, ,DER NI SNGON GYI LAS DBANG GIS, ,NGAL 'BYOR RIN CEN RNYED PA YIN, ,ZHES GSUNGS SO,, KHA BA'I RNGUL BRTZEGS SHEL DKAR RDO RLEB BKRAM, ,MAR GAD GOS KLUBS 'DZIN MAR LJON PA'I TSAL, ,YID 'OD CHU SKYES LO TOG BKRA BA'I 'GRAM, ,GNAM SNGON ZHUN MA'I NYAL 'GRO DAL GYIS 'BAB, ,PHUL BYUNG NGO MTSAR BKOD PA'I KHANG BZANG GIS, ,'CHI MED BA GAM MDZES PA LA 'KHU BA'I, ,KHOR KHOR YUG KHYAB BA GRONG KHYER GYI, ,GRAGS PAS RGYU SKAR TSOGS RNAMS PA LTA BA BZHIN, ,'JAM DPAL RDO RJE 'PHAGS PA'I ZHABS PAD RDUL, ,DMAR 'OD GTZUG TU LHUNGS PA'I YUS PO CHE, ,BSTAN SRID BLA NAS BLAR 'DEGS RI MO'I RJES, ,MIG GSUM 'PHRUL CAN DES KYANG GA LA KHEBS, ,KA BA MED PA'I GNAM GYI SGO MO NAS, ,TSANGS PA MI GZUGS HOR GYI RGYAL PO'I LUNG, ,BTZAN POS SPYE BO BYEN DU BSTAN NO COG ,KUN GYIS BTUD BYA'I DPON CHEN LAS KAS MTHO, ,GTZANG BYED PADMA'I SBUBS NAS THON BA'I CO, ,'DRI BA'I RDZUN MIN BDEN GTAM SKYA RENGS MAS, ,MNGAL SKYES NYER DRANGS TSE DANG NGA RIGS 'DZIN NI, ,SHAR BA'I 'OD STONG 'BAR LA SU YIS BSNYON, ,SHES RAB RAL GRI SINDHU W'A RA'I MDANGS, ,MA RIG DRA BA 'DZOMS PA RNON BO'I MTSAN, ,CHOS PHUNG RIN CEN 'BYUNG GNAS GCIG PU BA, ,SGRUB PA'I DGE MTSAN MNGON SUM LTA BUR GSAL, ,KHUNGS BTZUN RIGS KYI LANG TSO DAR BA'I RJE, ,BZHIN MDZES DGA' MAR 'KHYUD PA'I

, ,RTZED 'JO LAS, ,NGO MTSAR SBRUL PA'I KHYE'U NGA LAS NU, ,THUB BSTAN MANG BKUR GTZUG TOR RTZE MOR BCAS, ,DE YANG BTZAS MA THAG NAS MTSAN BZANG GIS SBRAS PA LTA BU'I MTHONG NA MI MTHUN PA MED PA'I MDZES SHID YID DU 'ONG BA THA MAL GYI BYIS PA DANG MI 'DRA BAR LTABS MI BZOD PA'I ZIL CHE BA ZHIG BYUNG ZHING BCAS STAN DANG MTSAN STONG RGYA CHER MDZAD, YAB KYIS MGON PO STA GZHON SOGS LA GTANG RAG PHUL BA'I DUS NAM MKHA' NAS RNGA BO CHE 'DRA BA'I SKAD CHEN PO DANG DE NAS GCIG RJES GCIG NON LTA BU'I DUD DKAR DRIL BU RKANG GLING RNAMS KYI SGRA KUN GYIS THOS, SANG NYI SHAR LA YAB KYI GUR ZHAL STAG ZHON SOGS KYI MNGA' GSOL MDZAD PA'I BSANGS KYI DUD SBRIN GZIMS KHANG GI SHAR DON YOD ZHAGS PA SOGS RANG BYUNG DU YOD PA'I BRAG RI'I RTZE NAS NUB KYI BRAG RI'I RTZE MO G-YA' DANG SPANG GIS MTSAN PA'I RTZE'I BAR SBRUL 'KHYIL BA 'DRA BA'I 'JA' TSON SNA LNGA 'KHRIGS SHING ME TOG GI CHAR 'BAB PA SOGS YA MTSAN DU GYUR, SKU'I SKYED KYANG GZHAN LAS CHE ZHING DUL BA YID GZHUNG BA BLO GROS DANG LDAN PA SOGS GANG ZAG KHYAD PAR BA'I BAG CHAGS KYI MTHU BRTAS PA ZHIG GO, GSOL 'DEBS LAS, GZHON NU NYID NAS NYAMS KYI SNANG BA LA, ,PHYOGS KUN NGO MTSAR RGYAL SKU'I SNANG BRNYAN GYIS, ,PHYUR BUR GTAMS SHING LAS KYI DRI MA'I CHA, ,DAG PA'I SNANG BA GZIGS LA GSOL BA 'DEBS, ,'DRI KLOG CHUL RNAMS MA BSLABS THUGS SU CHUD, ,SRUNG MA'I RNAM SBRUL DPA' BO DMAR GSAL DANG, ,DZO KI'I TSUL GZIGS

'DOD KHAMS DBANG MO YIS, ,'PHRIN LAS MA LUS SGRUB LA GSOL BA 'DEBS, ,RIN CEN SENG GE'I KHRI LA 'KHOD PA YI, ,YONGS 'DZIN SKAD GNYIS SMRA BA'I DBANG PO DE'I, ,LHAG PA'I LHA YI SGRUB THABS ZHAL LUNG GIS, ,SHES RAB SNANG BRGYAS, LA GSOL BA 'DEBS, ,ZHES DGUNG LO GSUM TZAM GYI DUS PHYI ROL TU PHEBS PA NAS GZHI THAMS CAD BDAG CAG GI STON PA'I SKU GSER SBYANGS ZHUN MA LA NYI 'OD PHOG BA LTA BU MA SANG BA GZIGS PAS ZHABS GOM 'DEGS 'JOG MI NUS PA'I SNANG BA DANG, YANG SKABS SHAG MI LUS DUD 'GRO'I MGO BRNYAN CAN 'JIGS SU RUNG BA MANG POS MI GSON PO BTZO SREG BYED PA GZIGS PA'I MOD LA RANG NYID LA 'PHOS PA LTA BU'I SDUG BSNGAL BYUNG BA LAS SGRIB KYI CHA SHAS TZUD CAS CAM LUS PA GA NAS SBYONG GI NYAMS KYI SGO NAS SBYANGS PA'I GSUNG RGYUN SNANG BA LAM 'BRAS PA'I LUGS LA GNAS SBYONG GI NYAMS 'DI 'DRA SHAR NA PHYIN CHAD GNAS NGAN DE LEN MI DGOS PAR 'CHAD PAS RTAGS BA RBAD PO YIN MOD 'ON TE RNAL 'BYOR DBANG PHYUG GI SBRUL PA LA DE 'DRAR BLTAS PA MIN KYANG THUN MONG BA'I NGOR DE BZHIN GSHEGS PA'I ZHABS LA SENG LDENG GI TSAL PA SOR BCU DRUG PA ZUG PA SOGS LAS BCU SPYAD PA'I SKABS DANG RJAS SU MTHUN PAR MNGON, YAB KYI PHYAG DPE RDO RJE GCOD PA DE GZIGS PA NA SNGAN CHAD 'DRI KLOG TZAM MDZAD MA MYONG YANG D'I 'DRA ZHIG ZER RGYU YIN PA 'DUG DGONGS TE THOGS MED DU KLOG PA DANG 'DRI BA'ANG SLOB DPON BSTEN PA'I RTZOL BA LA MA BLTOS PAR SHUGS KHYUNG GIS MKHYEN PAS, BKA' LAS, KLOG MI DRAN GONG NAS

, ,SHES KYIN 'DUG, YI GE 'DI RDO RLA THOD LE KOR GYIS BRIS SHING, DE RJES NYI MA GCIG GNYIS BRIS PAS SHES BYUNG GSUNG BA KUN MKHYEN BU STON ZHABS KYI RNAM THAR DU GSAL BA'I BAG CHAGS KYI KLONG RDOL BAR SEMS, DE'I TSE PHYI ROL TU BYIS PA 'GA' DANG LHAN CIG TU BYON PA NA 'BYUNG PO MA RUNGS PAS BRLAMS PA'I KHYI ZHIG GIS PHYAG SHUBS LA 'CHANGS PAS GZHAN RNAMS BROS RJE NYID THUGS TSAD PA'I RKYEN GYIS HE RU KA: ZHAL BRGYAD PA'I RNAM PAR RANG BYUNG GIS SHAR NAS SDIGS MDZUB MDZAD PAS PHA TSAD DU BROS, DER RJES BYIS PA GZHAN RNAMS KYIS ROL MO DKROL TSUL DANG RJE NYID KYIS 'JIMS PA LA BZOS PA'I GTOR MA ZHIG SKU RTZED KYI TSUL DU 'PHANGS PAS KHYI DE'I KHA NAS KHRAG SKYUG NAS SHI, DGUNG LO LNGA DRUG TZAM GYI TSE NUB CIG YAB KYI STAG ZHON GYI THUN GTOR BSNGOS PA SKYEL DU BYON PA NA MI NAG PO 'JIGS SU RUNG BAS GTOR MA DE DNGOS SU BLANGS SONG DE LA 'JIGS NAS CUNG ZAD BROS TE PHYI LOG MDZAD GZIGS BAS DE'I 'KHRIS NA'ANG 'JIGS SU RUNG BA ZHIG 'DUG BA DES MEE TRI BAS NGA KHYOD LA DNGOS SU GTAD KHYOD KYIS TSUL BZHIN BSTEN NGAS KYANG MCHOG THUN GYI DNGOS GRUB SBYIN PA YIN PAS GTOR MA RE MA CHAG PAR BSLANG ZER, MAR BYON NAS YAB LA ZHUS PAS NGED RANG GI CHOS SKYONG YIN GSUNG YANG SNGON MA DE STAG ZHON DANG PHYI MA DE YE SHES MGON PO PHYAG DRUG PAR NGES SHING NGES RKYEN BYAS NAS MKHAS GRUB KHYUNG POR 'KHRUNGS PA THUGS DRAN GSOS SNANG, SKABS 'GAR MI DPAR PO GZI BRJID SHIN TU CHE BA DANG A'A TZARYA'I RNAM PA CAN GYIS DGA' BA'I RNAM

'GYUR STON CING THUGS 'KHRID PA'I TSUL DANG GTOR BSNGOS MDZAD PA'I GTOR MA DNGOS SU LEN PA BYUNG BA MI DMAR PO DE GNOD SBYIN BEG TZE DANG, DZO GI GNYAN MGON ZHAL BZHI PA YIN TSOD DU SNANG, 'DOD KHAMS DBANG PHYUG MAS RTAGS MTSAN KHYAD PAR CAN BSTAN PA SA LUGS LA LCAM DRAL SBAGS SGRUB KYI RJES GNANG TZAM LAS MED NA'ANG RJE NYID KYIS GZHUNG DU GSAN NAS BLA MA'I SKU DGRA BSKAL BA SOGS KYI LO RGYUS BZHIN 'DI DUS NAS CHOS SKYONG GI LAS 'BREL GZHAN DANG MI 'DRA BA ZHIG YOD PAR MCHIS SHING DER MA ZAD CHOS SKYONG CHE CHUNG THAMS CAD KYI BKA' BABS PAS ROL MO 'UR CHEM TZAM LA SRUNG MA BRAN 'KHOL DU MI RLOM PAR SNYAN BRGYUD BZHI'I RTEN 'PHRAL GYIS TSAR LUGS ZHES GRUB MTHA' 'BUR DOD 'DI NYID 'BYUNG BA'I SNGON 'GROR GOR MA CHAG, CHOS 'KHOR SGANG PA LO CHEN SHES RAB RIN CEN YIN ZER BA'I PAndI TA ZHVA MO PAD 'DAB CAN GSOL BA ZHIG RIN PO CHE'I KHRI SENG GE GNYIS BSNOL BAS BTEG PA'I STENG DU BZHUGS NAS GZHON NU ZHES BOS TE KHYOD DANG SNGON NAS LAS 'BREL YOD BA'I LHA MANYDZU SHR'I DKAR PO 'DI YIN PAS, DE'I SOGS RGYUD DANG SGRUB THABS YIN ZER BA'I LUNG MDZAD, MTSAN BRJOD BKLAGS RJES SGOS RGYUD MIN GSUNG BA'I THUGS LA THIM PA'I SNANG BA SHAR, DE NAS BZUNG PHYAG DPE 'DZIN BSHAR SOGS GANG LA'ANG THOGS PA MED PA'I THUGS RAB SHIN TU YONGS PAR GYUR PAS PHYIS BKA' LAS, DE DUS GNANG BA'I SGRUB THABS DE MA TIS MDZAD PA 'DI 'DRA MO 'DUG, RGYUD DE MA GO STE LO TZ'A BA DE NYID KYANG SKYE BA SNGA MA'I BLA MA ZHIG YIN PAR 'DUG

, ,LO CHEN KHO RANG YIN TSOD DU GDA', ZHES GSUNGS PA SKU SKYE SNGON MA DGE SLONG DBANG MOS STAG TSANG LO CHEN GYI ZHABS LA THUG CING, KUN SPANGS CHEN PO'I DNGOS KYI BSHES GNYEN YIN PAS BLA MA'I BLA MAR SOD PA DANG LO CHEN NAS BRGYUD PA'I MA TI LUGS KYI 'JAM DKAR RJE BLA MAR BKA' BABS PA 'DI GZHAN LAS KHYAD ZHUGS SHING CHOS RGYUN GZHAN MKHA' SHAS YOD PAR MA ZAD LEGS BSHAD KYI BSTAN BCOS MANG POR THUGS GTZIGS CHE BA DANG, STAG TSAD PA'I BSTAN SRUNG SBYI BSHAGS BSKANG BA'I SKABS MDZAD PA SOGS SGO DU MA NAS 'JIGS RTEN GYI MIG GCIG PU DE'I 'PHRIN LAS SBEL BA'I SNGON 'GRO'I SGOR SNANG, DE DAG GI DUS DPAL RTA MGRIN ZHABS BRGYAD PA SOGS YI DAM GYI LHA DU MA'I RNAM PAR SHAR ZHING BSKYED RDZOGS KYI RNAL 'BYOR ZAB MO LAS BYUNG BA'I PHYAG RGYA CHEN PO MTSAN NYID BA, SDOM GSUM DU, NGED KYI PHYAG RGYA CHEN PO NI, ,DA'ANG LAS BYUNG BA'I YE SHES DANG, ,RIM PA GNYIS KYI KHYAD PAR LAS, ,BYUNG BA'I RANG BYUNG YE SHES YIN, ,ZHES PA LA DBANG 'BYOR BAS, KUN MKHYEN MA BYEN BRTZES, GZHON NU NYID NAS RANG LUS LHA SKUR GZIGS, ,DAM CAN SRUNG MAS DNGOS SU GTOR MA BLANGS, ,GLOG DANG YI GE MA BSLABS MKHAS PAR MKHYEN, ,BYIS PA'I SBYOD LAS 'DAS LA GSOL BA 'DEBS, ,ZHES SO,, GSOL 'DEBS LAS, CHOS LUNG 'DZIM GYI GTZUG LAG KHANG CHEN DU, ,YONGS 'DZIN ZHABS BSTEN DGE BSNYEN BRTUL ZHUGS NOS, ,THAMS CAD MKHYEN PA DGE 'DUN RGYA MTSO LAS, ,DGE TSUL SDOM BA BZHES LA GSOL BA 'DEBS, ,ZHES 'DUL

BA LA BSTONG PA LAS, RGYAL BSTON PA DE YI BSTAN PA DANG, ,MDO DANG CHOS MNGON YIN GSUNG 'DUL BA NI, ,BSTAN DANG STON PA DNGOS YIN DE YI PHYIR, ,NYIS 'GYUR PHYAG BYA 'DUL LA PHYAG BYOS SHIG ,CES MDO MNGON GNYIS KYIS BSTAN PA'I GO CHOD KYANG STON PA'I GO MI CHOD, 'DUL BAS GNYIS KA'I GO CHOD PA DANG, THAMS CAD MKHYEN PA YE BZANG RTZEBS, ,DA LHAR BOD YUL 'DIR 'DUL BA'I BSTAN PA LA 'PHEL 'GRIB CHER BYUNG MOD KYI THEG PA CHEN PO GSANG SNGAGS KYI BSTAN PA NI DENG SANG GI BAR DU NUB MA MYONG ZHES DAR MAS BSTAN PA BSNUBS PAR GRAGS PA'ANG 'DUL BA LA DGONGS SHING, GANG DU CH GA MA NYAMS PA DANG DE LA BRTEN NAS SNGOM PA LEN PA, GZHI GSUM GYI BYA BA SOGS YOD PA DER BSTAN PA YOD PAR GSUNGS PAS, RJE 'DI NYID THUB PA'I BSTAN PA RIN PO CHE'I SGOR 'JUG PAR BZHED DE, NA TSOD LDAN ZHES PA SHING MO PHAG GI LO RGYAL PO LO GSAR BA'I DGUNG LO BCU BZHIN PHEBS PA'I DUS 'DZIM CHOS LUNG GI GTZUG LAG KHANG DU YONGS 'DZIN DAM PA BLO GROS RGYAL MTSAN PA'I DRUNG DU TSANGS PAR SPYOD PA DGE BSNYEN GYI SDOM BA GSAN, RTZA BA DANG YAN LAG GI BSLAB BYA MTHA' DAG LEGS PAR BSLABS TE BAG YOD PA'I GNAS KHO NA LHUR BLANGS, DE NAS DBANG PHYUG CES PA ME MO GLANG GA LOR BKA' GDAMS GLAGS BAM GYI MA 'ONGS LUNG BSTAN LAS, CHOS DGE BA BCU YIS KHYAD 'PHAGS PA, ,GLING PHUN SUM TSOGS PA 'JAM BU'I GLING, ,SGOS NYANG SHAB SA YI LTE BA STA, ,SA DE YI NANG NAS KHYAD 'PHAGS PA, ,MTHO BKRA SHIS

, ,GTAMS PA LHUN PO'I 'DABS, ,NOR PADMA R'A GA LTA BUR 'DUN, ,ZHES DPAL SNGAR THANG LAS CHAD PA'I CHOS GRVA CHEN PO BKRA SHIS LHUN PO DPAL GYI SDE CHEN POR PHEBS JO BO AA TI SHA'I RNAM THAR DU, MNAL LAM LA BCOM LDAN 'DAS 'KHOR BCAS GDUGS TSOD GSO BLA'I GRAL GSHAM NA JO BO NYID BZHUGS PAR DE BZHIN GSHEGS PAS MI MA GI CI LA CHAGS NAS RAB TU MI 'BYUNG ZHES BSKUL MA MDZAD PA JO BO LTA BU RAB TU BYUNG MA BYUNG LA MA BLTAS KYANG PHYI RABS KYI GDUL BYA LA DGONGS PA BZHIN RJE 'DI NYID KYANG THUN MONG BA'I 'GRO BA DANG MTHUN 'JUG PA'I PHYIR DU RAB TU 'BYUNG BAR BZHED NAS, 'BRO MTSON CHOS KYI RGYAL PO'I RNAM PAR SPRUL PA THAMS CAD MKHYEN PA DGE 'DUN RGYA MTSO'I DPAL GYIS MKHAN PO, CHOS RJE BLO GROS RGYA MTSOS LAS SLOB MDZAD DE TSIGS SNGA MA DGE TSUL GYI SDOM PA BZHES BRJE BA RNAM PA GSUM GYI SKABS MTSAN BLO GSAL RGYA MTSOR GSOL, DE'I TSE ME TOG GI CHAR SOGS LTAS BSAM GYIS MI KHYAB PA BYUNG, LTUNG SMAD PHYED DANG BCU BZHI MA GTOGS PA DGE SLONG DANG CHA 'DRA BA'I BSLAB BYA'I GNAS MTHA' DAG LA LEGS PAR BSLABS TE DPAL LDAN SHAKYA'I SRAS PO NGUR SMRIG GI RGYAL MTSAN BSGRENG BAR MDZAD, CHOS RJE BLO GROS PA SLOB DPON DU BSTEN NAS MDO PHYOGS LA GSAN BSAM GYI RIGS 'BRING GI SKABS 'BAD RTZOL CHEN PO LA MA BLTOS BAR MKHYEN BA NA GZHAN DAG GIS CHOS RJE TSAR BA BSLAB GNYER MI BYED 'DUG CES GLENG BSLANG BA'I TSE, DE DAG GI LOG RTOG BSAL SLAD DU DGE 'DUN GYI TSOGS CHEN PO'I DBUS RGOL BA RNAMS

LUNG DANG RIGS PAS TSAR BCAD, KHO BO BLO GSAL RGYA MTSO NYAL NAS BSDAD DE 'DI SHES DA SHOG, CES BKA' RTZAL BA NA GANGS RI'I RTZE MOR SENG GE 'JIGS PA MED PA'I NGA RO'I SKAD PA SANGS BSGRAGS TSE GCAN GZANG DANG RI DAGS RNAMS KYI SNYING 'AGS PA LTAR RTOG GE PA RGAN PO MNGON PA'I NGA RGYAL CAN RNAMS KYI HAM THUL YUL BUD NAS GDONG BA SMAD DE ZHUM BA'I GNAS LA BKOD, DGUNG LO BCU BDUN PA'I DUS KYI SKABS SHIG THON GYI LHA RI PHYUG SGOM BYA BAR DPAL LDAN 'BRAS SPUNGS KYI GDAN SA BCUD PA MKHAS BTZUN GRUB PA'I DBANG PHYUG THON PA YON TAN RGYA MTSO'I DRUNG DU BYON PA NA SKU 'BRUM GYIS BSNYUNG BA MA DGONGS PAR CHU GRANG MANG DU BZHES SHING KHRUS MDZAD ZHAL ZON KYANG MA MDZAD PAS JE THUR GYUR PA'I TSE GLANG PHU BA'I NANG SO SMAN BAS 'BRUM PA YIN TSUL ZHUS PA KHO NGANG RGYUN GYI PHYAG G-YOG PA TSOS 'BRUM PA MA THAR BAS SKU 'KHRIS SU LONG MA BCUG PAR SMAN PA GZHAN ZHIG DANG THON PAS BSKOS PA'I PHYAG PHYI BA GNYIS KYIS SNYUNG G-YOG BYAS, GRANG KHANG ZHIG TU BZHUGS PA'I DUS SPYAN 'BYED 'DZUM MI SHES SHING GSUNG YANG 'BYON MI THUB PA'I SHIN TU DUB BA NA CHU GRANG MO GSOL BA'I SNANG BA RE BYUNG DUS DNGOS SU SKYEMS PA'I GDUNG BA THAMS CAD SANGS 'GRO BA DANG, DGONGS SHIG LHA RJES PHYAG RTZA BA LTAS SGO RGYAB TU SONG NAS TZOD TZOD MANG PO BYED KYIN 'DUG BAS DA RANG DGA' MO MI YONG BA 'DUG 'PHO BA ZHIG MDZAD DGONGS SKU CHUNG NGU'I DUS LHA KHAB GRUB CHEN MA BYA BA LA ZHUS PA'I MKHA' SPYOD LJANG [?] KHU'I 'PHO DMIGS DE MDZAD PA NA, THUGS DKAR LAG PA GRANG MO ZHIG BKAB NAS DA LAM

, ,'PHO BA BYED MI DGOS ZER BSHOL MKHAN BYUNG BA'I THUGS SNANG SHAR, RE ZHIG NA 'TSO BYED KYIS RTZA BLTAS TE DA SKYON MI GDA' ZER, RIM GYIS SKU KHAMS BDE NAS SPYAN ZUM PA'ANG BYE, PHEBS 'GRUL THUB NAS DER MA BZHUGS PAR RI SUL DBEN PAR BYON ZHING THUGS DAM MDZAD PAS MYUR DU DANGS, RJE MKHAS BTZUN PA'I DRUNG DU 'JIGS BYED BCU GSUM MA'I DBANG DANG JO BO LUGS KYI SGROL MA NYER GCIG GI RJES GNANG RTA MGRIN LCAGS RAL CAN SOGS CHOS SKOR MANG DU GSAN, KHYAD PAR LAS GSHIN GYI RJES GNANG GSAN DUS DNGOS SU BYA ROG CIG SKU GZHOGS RANG DU BABS PA SOGS NGO MTSAR BA'I LTAS DU MA BYUNG, CHOS GSAN THO PHYAG BRIS MA ZHIG 'JAM DBYANGS DGA' BA'I BSHES GNYEN GYIS GZIGS PAR MANG BO 'DUG GSUNG NGO,, KLOG YIG 'CHING RGYA DAM PO BRGYA PHRAG MDUD, ,RNAM DPYOD SOR RTZES ZHAR LA 'GROL BA'I BLO, ,MTHO RIS BLO LDAN PHUR BU'I RIGS KYI BRGYUD, ,GNYIS PA KHA BA'I LJONGS 'DIR BZUNG NGAM SNYAM, ,LHA MIN GDON GYIS NYER BTAB BRLANG SPYOD KHYI, ,KHRAG 'THUNG RNAM PAR ROL BAS ZIL MNAN CHE, ,CHA PHRA'I ZLA BA TSES KYANG SMAG GI RUM, ,SEL BA'I DNGOS PA'I GSHIS LA GANG GIS BSNYON, ,DAG PA'I BKOD PA RIN CEN RTZIG NGOS LA, ,BGRANG YAS BDE GSHEGS SNANG BRNYAN LANGGA'I GZUGS, ,MA 'DRES SO SOR 'BYED PA DGA' BYED LHA, ,BSTAN SRUNG S'I TAR 'BRAL MED RTZE DGAR ROL, ,RING NAS LAS 'PHRO'I 'O MTSO 'KHYIL BA'I DBUS, ,MA SMAD MKHYEN PA'I 'DAB STONG BZHAD PA'I RTZER, ,

RAL BA'I ZUR PUD DOR BA'I 'JAM DKAR LHA, ,SNGON MED 'TSAMS SPRIN GSAR BA'I PHANG PAR 'GYING, ,SKYON MANG KHUNG BUR THAR SROG GCOD PA'I LCE, ,RKYOD LA YID BYUNG SGO NGA'I SBUBS RGYA NAS, ,TSANGS SPYOD SGRO GSHOG RGYAS PA'I KHYUNG CHEN BYA, , GTAN MDUN MKHA' LA 'PHUR BAR GCIG TU BREL, ,MAR GAD MNYEN LCUGS 'KHRI SHING MDZA' NA MO'I, ,BDE SKYONG 'KHOR LOR 'JUG LAS NYER LDOG PA, ,GSANG CHEN BSTAN SROG GSO BA'I RTZI SMAN GYI, ,RIG BYED DRAN PA'I TSANGS PA GSAR PA BZHIN, , GSOL 'DEBS LAS, YANG YANG SKYE BAR RJES SU BZUNG BA'I RJE, ,KHYAB BDAG 'KHOR LO'I MGON PO RDO RINGS PAS, ,SA 'DZIN DBANG PO MCHOG GI PHO BRANG DU, ,BYIN RLABS LUNG BSTAN MDZAD LA GSOL BA 'DEBS, ,DE NAS KHA'U BRAG RDZONG RDO RJE'I SPOR, ,'DREN PA MCHOG DE'I ZHABS RDUL GUS BSTEN NAS, ,GSANG CHEN RDO RJE THEG PA'I SMIN GROL LAM, ,MTHA' DAG GSAN PAR MDZAD LA GSOL BA 'DEBS, ,KHYAD PAR MKHAS GRUB DBANG PO SA SKYA PA'I, ,GSUNG GI GSANG BA SLOB BSHAD ZAB ME'I BCUD, ,MA TSANG MED PA CHIG BRGYUD TSUL DU GDAMS, ,GSANG CHEN BSTAN PA'I BDAG POR GSOL BA 'DEBS, ,ZHING SKYONG DBANG BO'I RJES GNANG GNANG BA'I TSE, ,MKHA' DBYINGS DUD CHEN GLING BU'I SGRA DBYANGS DANG, ,LHAN CIG TSIG GI RANG SGRAS SHIS PA BRJOD, ,BSNYEN SGRUB MTSAN MA GZIGS LA GSEL BA 'DABS, ,ZHES 'OG GDON GYI RNAM PAS ZHABS LA DREG GI SNYUN BYUNG BAR SAL THABS THAMS CAD MKHYEN PA DGE 'DUN RGYA MTSOR ZHUS PA NA DENG SANG CHOS RJE KUN SPANGS PA

, ,MTHU STOBS NUS PA'I SNYAN GRAGS CHE BAR 'DUG PAS KHYED RANG DER BYON NA PHAN THOGS 'OD GSUNGS PA SKU TSE SNGON MA NAS 'BREL BA CHE BA DANG SNYAN BRGYUD KYI BSTAN PA NYIN MO BZHIN GSAL BAR 'GYUR BA MNGON PAR MKHYEN PAS GZIGS TA LUNG BSTAN PAR GOR MA CHAG PAS, RIGS KYI BDAG PO KUN SPANGS RJE DANG THOG MAR MJAL BA'I 'PHRAL RKYEN GYI MTSAMS SBYOR ZHABS BSNYUN PAS BYAS TE, DE SKABS GTZANG STOD SENG GA RTZER SLOB DPON BRAM ZE MCHOG SRED KYI SPRUL BA'I ZLOS GAR MTHU STOBS KYI DBANG PHYUG RJE BTZUN KUN SPANGS CHEN PO KUN BZANG CHOS GYI NYI MA BLO LDAN SHES RAB KUN DGA' RGYAL MTSAN DPAL BZANG PO PHEBS PA'I DRUNG DU YAB DANG LHAN CIG PAR BYON TE ZHAL MJAL BA TZAM GYIS 'PHROG TU MED PA'I THUGS DANG BLA NA MED PA 'KHRUNGS, ZHABS BSNYUN PA'I RGYU MTSAN ZHUS PAS DPAL GSANG BA'I BDAG PO PHYAG NA RDO RJE AU TZAR+YA'I RJES GNANG STZAL, RDO RJE'I CHOS SKYONG RNAMS LA BAR CHAD SEL BA'I BKA' BSGO 'PHRIN BCOL LA BRTEN NUB CIG MNAL LAM DU SKU SMAD LA SBRA TSAL GA LOGS 'DUG PA'I NGANG LA G-YAG KHYU CHEN PO BYUNG BAR YA NGA BA'I SNANG BA SHAR BA'I TSE DE KHROD NAS G-YAG CHEN PO ZHIG GIS NGED TSO KHYED LA GNOD PA SKYEL DU 'ONGS PA MIN ZER NAS RVA RTZES SBRA TSAL BLANGS NAS PHYIR BSAL SONG BA DANG, YANG SKABS SHIG BUD MED CIG GIS SA LA RI MO 'GA'I ZHAG BRIS PA'I GRANGS BRTZIS NAS LO 'DI'I BAR ZHABS KYI SNYUN RO CUNG ZAD LANGS YONG DE NAS GZHI MED DU 'GRO ZER BA KHO NA LTAR BYUNG BA G-YAG RNAMS DREGS PA PHO BRGYUD DANG BUD MED DE MO BRGYUD KYI RNAM 'PHRUL TE BSTAN

SRUNG RNAMS KYIS 'GRIN LAS BSGRUBS PAR SNANG, SLAR BKRA SHIS LHUN POR SKOR TZAM PHEBS NAS MDO PHYOGS KYI THUGS GNYER 'PHRO 'THUD DE, TSAD MA'I BSHAD PA DANG ZHAL BLANGS KYI SKABS RJE BTZUN SA SKYA PA YAB SRAS 'DI LTAR BZHED CES GRUB MTHA' ZUR BYAD YANG YANG GSUNGS PAS DER TSOGS RNAMS KYIS CHOS RJE TSAR BA 'DI RANG RE'I CHOS GRVA 'GREMS PA TZAM MA GNYOGS DON LA SA SKYA PA YIN 'DUG CES MA RANGS PA BYAS SKAD, SNGA DRO ZHIG BKRA SHIS LHUN PO'I KHON PA CHEN PO'I THAD DER PHEBS PAS BUD MED LANG TSO DAR LA BABS PA SMA RA DANG SMIN MA SE KHYUG GE BA BYAS PAS KHYED LA RJE RDO RING BA'I GSUNG LAS KHA 'UR MYUR DU BYON GSUNG GI GDA', DE'I LAG RTAGS 'DI YIN ZHES GLEGS BAM CHUNG DU ZHIG GTAD NAS GAR SONG CHE MED DU YAL SONG BA DPE DE MKHA' SPYOD SKOR GSUM GYI BE'U BUM YIN 'DUG, MI 'GYANGS PAR RDO RJE THEG PA'I SMIN GROL GYI GDAMS PA RNAMS NYAN PA LEGS PAS 'DIR BYON ZHES KHA'U SKYES LHAS NAS RJE BTZUN RDO RING BA CHEN PO'I PHYAG THAM BYUNG BA NA RJE BTZUN MI LA RJE MAR BA'I DRUNG DU BYON PA LTA BU'I DGA' SPRO BSAM GYIS MI KHYAB PA DANG BCAS GRUM STOD KHA'U BRAG RDZONG DU SANG PHEBS RGYU'I DO NUB NAM PHYED TZAM LA MGON KHANG GI SGO BRDUNGS NAS SANG CHOS SKYONG SOGS MAN NGAG RNAMS KYI SNOD TSAR BA YONG BE YOD ZER BA GSAN PAS SANG NANG BAR RDO RING RIN PO CHES MDANG 'DI BZHIN BYUNG BAS DE RING KHONG 'BYOR BA 'DRA GSUNGS, SKU 'KHOR BA ZHIG GIS BYUNG TSUL SNYAN DU GSOL BAS KHONG YUL GNYAN PAS STAN LEGS PA ZHIG THING GSUNGS 'PHRAL DU

, ,SKU ZHABS SU BTANG BA'I TSE RAS YUD [?] ZAR PO SNE TSANG BA'I MJAL DAR PHUL, CHOS RJE'I DRUNG PHEBS LAM LA 'O MI BRGYAL ZHING BDE BAR BYON PA BKA' DRIN CHE GSUNGS, SNGON NAS ZHAL MJAL ZHING THUGS MOS CHE BA'I STENG BSHES SPRINGS LAS, RDO THAL GYIS BYUGS DGUNG ZLA'I 'OD KYIS NI, CHES DKAR NYID DU CI STE MI BGYID LAGS, ,ZHES SNGAR BAS KYANG CHES CHER LHAG PA'I THUGS MOS 'KHRUNGS BKRA SHIS LHUN PO'I KHRON PA KHA'I GNAS TSUL ZHUS NAS DPE DE GZIGS PHUL BAS BZHAD MO MDZAD PA DANG SBRAGS PA'I MKHA' SPYOD MAS GDAN 'DREN LA PHYIN GDA' BA GLEGS BAM 'DI'ANG DE'I CHOS SKOR YIN, DA RE ZHIG DPE KHROD DU SKYOL MDZOD GSUNGS PA BZHIN PHYAG DPE'I KHROD DU SKYEL BAR PHEBS PAS DPE RAGS BRTZIGS PA'I GSEB NAS DPE DE BTON SHUL HAR RE 'DUG PA DER BCUG PAS KHRIG 'GRIG SONG BAS DAD PA DANG NGO MTSAR DPE GANG GIS KYANG MTSON DU MED PA THOB PA'I GSUNG SGOS GNANG BA LAM YIG TU LAR 'DI SKOR GYI GTAM MANG PO ZHIG YOD KYANG GSUNG BA'I DON DU MNGON, PHYI LTAR DU ZHING SKYONG DBANG PO MNGON SUM DU BZHUGS PA'I DBEN GNAS KHA'U BRAG RDZONG GI RNAL 'BYOR SPYOD PA'I 'DUS SDE RNAMS MDZES PA'I RGYAN, NANG LTAR DU LHA SNGAGS YE SHES KYI NUS PAS RDO RJE'I CHOS SKYONG MTHA' DAG BRAN DU 'KHOL BA'I MTHU STOBS KYI GAD BRGYANGS SRID RTZE'I BAR DU SGROG PA'I DPA' BO, GSANG BA LTAR NA BDE STONG ZUNG DU 'JUG PA'I SGYU MA'I GAR GYIS DKYIL 'KHOR RGYA MTSO SPRO BA DANG SDU BA'I BYED PO KHYAB BDAG RDO RJE SEMS DPA' DNGOS DPAL LDAN BLA

MA DAM PA 'DI'I ZHABS PAD YUN DU BSNYEN PA'I CHED DU DON MED KYI G-YENG BA'I 'DU 'DZI THAMS CAD RGYANG DU BGRINGS, BGRANG BYA DU MAR BAG PHAB STE BZHUGS NAS DAM PA'I CHOS KYI BKA' DRIN NOD PA NI, 'JIG RTEN GYI MIG GCIG PU 'BROG MIS 'PHAGS PA'I YUL DU PAn GRUB SH'I LENDRA RU TZI'AM SLOB DPON MI THUB ZLA BAR GRAGS PA LA RTZA BA MED PA'I LAM 'BRAS SHIG GSAN ZHING YONGS SU GRAGS PA MU GU LUNG DU PAn CHEN GHA YA DHA RA LA RDZOGS PAR ZHUS TE RIM GYIS 'PHEL BAR BKA' SROL MI 'DRA PA BCO BRGYAD TZAM BYUNG ZER YANG, GTZO BOR GYUR BA RJE BTZUN SA SKYA PA CHEN POR BKA' BABS PA YIN LA, DE LA'ANG TSOGS BSHAD NGOR RDZONG GONG DKAR BA GSUM LA DAR RGYAS CHE NA'ANG RJIS 'BRANG GI MKHAS GRUB PHAL CHER GYI MIG DANG RNA PA'I SPYOD YUL DU MA GYUR BA GSANG BA LAS KYANG CHES GSANG BA BDAG CHEN RDO RJE 'CHANG GIS YAB 'JAM DBYANGS CHEN PO DANG, RDO RJE 'CHANG KUN DGA' BZANG POS 'KHOR LO SDOM PA DKON COG RGYAL MTSAN KHO NAR STZAL BA CHU BO GNYIS 'DRES KYI TSUL DU THUGS KYI BUM PA GTAMS PA LAS NYE BAR 'ONGS PA SNYAN BRGYUD SLOB BSHAD KYI NYAMS 'KHRID ZAB MO LAN GRANGS GSUM GYI BAR DU SMIN RGYAS SU GSAN PA'I CHA LAG DPAL GYE RDO RJE'I RGYU DUS KYI DBANG, BDAG MED LHA MO BCO LNGA'I DBANG, DE'I SINDHU RA'I BYIN RLABS LAM DUS KYI DBANG, LAM SBAS BSHAD BYIN RLABS 'KHRID DANG BCAS PA, GSANG BA'I LAM ZAB 'KHRID DANG BCAS PA, NANG GI LAM ZAB LUS DKYIL LA RNAL 'BYOR DBANG PHYUG GI THUN MONG DANG THUN MONG MA YIN PA'I

, ,BYIN RLABS, BLA MA RIN 'BYUNG DANG TSAR GSUM KHUG PA'I BYIN RLABS, PAD CHIG BRGYUD, GSANG BCU'I RGYAS BTAB, SGRUB PA LUNG SPYIN SOGS LAM 'BRAS LA BRTEN PA'I DBANG BYIN RLABS NYI SHU, DE DAG GI RGYAB CHOS SU GSUNG NGAG BLA MA BRGYUD PA'I RNAM THAR, GSUNG NGAG GI GLEGS BAM GNYIS, GZHAN YANG DBANG GI CHU BO CHEN PO SOGS RJE BTZUN GONG MA'I GSUNG MANG PO DANG RJE RDO RJE 'CHANG CHAN PO YAB SRAS GNYIS DANG BDAG CHEN RDO RJE 'CHANG CHEN POS MDZAD PA'I YI GE SOGS RJE NYID LA GANG BZHUGS PA THAMS CAD BUM PA GANG BYO'I TSUL DU GSAN PA YANG, DENG SANG KHYI DANG GLO BA LTA BUR THUG PHRAD BYED PA'I LUGS DANG YE MI 'DRA BAR BLA MA LA YUN RING PO NAS GSOL BA BTAB, GSER GYI MAndAL DANG MKHA' 'GRO LNGA MNYES PAR BYAD PA'I TSOGS KYI 'KHOR LO RGYA CHER BSKOR BA SNYAN BRGYUD DANG PO'I RTEN 'BREL, SO SO'I THAD DU NGES PAR DGOS PA'I DBANG BYIN RLABS LUNG RNAMS CHANG BAR GNANG PA SNYAN BRGYUD GNYIS PA'I RTEN 'BREL, SNANG GSUM NAS BZUNG DBANG BZHI PA'I BAR GYI 'KHRID RNAMS BLA MAS KYANG DMAR 'KHRID DU BSTAN SLOB MAS KYANG RGYUD LA MYONG THON MA BYUNG GI BAR BSGOMS PA SNYAN BRGYUD GSUM PA'I RTEN 'BREL, DE LA BRTEN NAS SNYAN BRGYUD BZHI PA'I RTEN 'BREL BLA MA LA RDO RJE 'CHANG DNGOS KYI MOS GUS SKYES SHING SGRO 'DOGS THAMS CAD CIG CAR DU CHOD, NYAMS DANG RTOGS PA'I MTSO RDOL RTEN 'BREL THAMS CAD RANG 'GRIG TU GYUR BAS MOS GUS GZHON NU'I BDE BA LTA BUS THUGS RGYUD CHIM PAS TSAD MA BZHI DANG SNYAN BRGYUD BZHI'I BDAG

POR GYUR TO,, DENG SANG TSOGS BSHAD PA RNAMS BAR DO SOGS KYI 'KHRID GLEGS BAM DNGOS BSTAN LA MED CES BLOR MI SHONG YANG 'JAM MGON SA PAn GYIS, 'ON KYANG RTEN 'BREL ZAB MO'I GNANG, ,DA DUNG KUN GYIS RTOGS PAR DKA', ,GLEGS BAM TZAM LA BRTEN PA YI, ,LAM 'BRAS PAS KYANG 'DI MI SHES, ,ZHAS GLEGS BAM LA MA BRTEN PA'I SNYAN BRGYUD YOD PA MA GO BA'I SKYON YIN LA, GAL TE TSE 'DIR MA GROL ZHING 'DA' KHA MA YANG GNAD DU MA SONG BA'I RIGS LA PAR DOR 'O BRGYAL NGES PAR 'BYUNG BAS, DBANG PO RAB LA'ANG BLTOS SA BLTOS 'JOG GI RAB 'BRING THA GSUM 'BYUNG BAS RTZI LUGS SHES DGOS SHING 'KHOR 'DAS DBYER MED LA BSHAD LUNG YAM MA BA LAS MA BYUNG BAS SA SKYA BA'I DGE BSHES CHAN POR RLOMS TE SEMS NGO SPROD PAR PHYAG CHEN YAM ZHIG ZHU ZER NAS RTOGS LDAN BLUN PO SKYABS 'GRO'I GNAD TZAM YANG MI SHES PA ZHIG LA THAL MO SBYAR NAS BSTEN PAS ZHABS LA THAG PA 'DOGS PA MANG ZHING, DBANG BZHI'I DMIGS RIM YANG 'KHOR 'DAS DBYER MED DANG GDAN GSUM CHANG BA'I GNAD DON NGOM 'PHROD PAS TSAG MED RNAMS BSHAR SBYANG TZAM GYI KHA TON LCI BA DANG, BSHAD PA RGYA CHEN PO LAS NYAMS LEN GYI SNYING PO MED PAR GO NAS DA GZOD NYAMS LEN BYED RGYU GZHAN NAS 'TSOL BA SKAD BYED BA'I RANG MTSANG MOS PO NYI MA DANG SBAR MO'I DPE BZHIN KUN GYIS MTHONG BA LTAR YIN LA, SLOB BSHAD 'DI NYID TSUL LDAN ZHIG THOB NA DBANG PO 'BRING YAN CHAD LA TSE GCIG LUS GCIG LA 'TSANG RGYA BAR NUS PA'I CHOS GSUNGS PA DE 'DI YIN PA 'DUG,

, ,BSHAD PA DANG NYAMS LEN GANG BYED KYANG 'DI LAS LHAG PA MED SNYAM PA NGES PAR SKYE ZHING RNAM DPYOD DANG BSOD NAMS RAB TU GYUR BA RNAMS LA GDAMS PA THOS TZAM NAS BLA MA LA SANGS RGYAS DNGOS KYI MOS GUS SKYE, RDO RJE 'CHANG NAS RTZA BA'I BLA MA'I BAR DU YE SHES KYI GZI 'OD RAB TU 'BAR BA'I BYIN RLABS KYI BRGYUD PA MA NYAMS PAS SLOB MAS NYAMS SU BLANGS TZAM NYID NAS MTSAN RTOG GI DRI MA BRAL BA'I PHYAG RGYA CHEN PHO'I YE SHES MYUR DU 'CHAR LA, DAM CHOS KUN GDUL BYA'I BLO KHRID LAS, ,PHYOGS 'DZIN GYI GRUB MTHA' SKYONG MA MYONG, ,ZHES GDUL BYA MOS PA SNA TSOGS PA RJES SU 'DZIN PA LA CHOS MANG DU NYAN PA LAS RANG NYID NYAMS SU LEN RGYU 'DI RANG GIS CHOG SNYAM CHOS DANG BLA MA GZHAN LA 'GRAM CHU MI LDANG BA ZHIG YONG BAS, LAM GLUR, RJE RDO RING BA DANG MJAL NAS BLA MA DANG CHOS GZHAN LA BRTEN NAS SANGS RGYAS SGRUB BSAM PA MED GSUNG BA'ANG DON 'DI LA DGONGS PAR SNANG, LAM 'BRAS TSOGS BSHAD TSAR GNYIS, LAM 'BRAS DANG 'BRAL BA'I BYIN RLABS MANG BA, GZHAN YANG LAM SKOR PHYI MA BRGYAD, BSAM MI KHYAB DANG MCHOD RTEN DRUNG THOB KYI BYIN RLABS, GSER CHOS BCU GSUM GYI NANG NAS MCHOG BSGRUBS PAS THUN MONG ZHAR LA 'BYUNG BA, MKHA' SPYOD SKOR GSUM GYI BYIN RLABS, RJE BTZUN YAB DANG THUN MONG DANG THUN MONG MA YIN PA'I NYAMS 'KHRID YAR KLUNGS PA NAS BRGYUD PA, CHOS SKOR GYI LUNG, THUN MONG BSGRUBS PAS MCHOG ZHER LA 'BYUNG BA RIGS BYED MA, BGEGS KYI RGYAL PO, 'DOD

RGYAL STE DMAR CHEN SKOR GSUM GYI THUN MONG DANG THUN MONG MA YIN PA'I BYIN RLABS RJES GNANG LUNG MAN NGAG, SNYING GI GSER THAG, TI NU, NOR RGYUN MA STE DMAR CHUNG SKOR GSUM, DZAM DMAR SROG SGRUB, 'JAM NAG, SENG GE SGRA, 'CHI MED RDO RJE'I LHA MO, SENG GDONG MA, TSE DPAG MED DKAR PO YUM BCAS SOGS GSAR CHOS SKOR, BSTAN SRUNG RGYA MTSO'I SDE DPON RDO RJE NAG PO CHEN PO LA BKA' BABS BZHIR BZHUGS PA'I SKOR NAS GSANG 'KHRID DANG BRAN BDUD KYI RJES GNANG THUN MONG MIN PA DKYIL 'KHOR GYI DBANG RNAMS MA GTOGS LHA BRGYAD DANG BCU GNYIS MTHUN MONG DANG THUN MONG MA YEN PAS THOG DRANGS LCAM DRAL LAS MKHAN PHYI NANG BRAN BDUD DANG BCAS PA'I RJES GNANG, PHYI RTEN DANG MCHOD GTOR LA BRTEN NAS SGRUB PA, NANG RTZA GSUM 'KHOR LO LNGA LA BRTEN NAS SGRUB PA, GSANG BA YANG GSANG SEMS NYID LA BRTEN NAS SGRUB PA'I SNYING BOR GYUR BA NANG 'KHRID YAR KLUNGS PA DANG, GSANG 'KHRID GNYIS, RDO RJE BRAG RDZONG MA PHYI NANG GSAN GSUM GYI 'KHRID, RGYAB RTEN GYI YI GE MGON POD ME 'BAR MA, DER MA 'DUS PA'I RGVA AA RNYAN DAM PA YAR KLUNGS PA BAR SDINGS PA GSUM GYI YI GE SOGS SHIN TU ZAB PA'I YIG SNA DANG, YI GER MA 'KHONG BA ZHAL NAS ZHAL SNYAN NAS SNYAN DU BRGYUD PA'I GDAMS PA MTHA' KLAS BA DANG THUN MONG BA NGOR BA'I POD SAR DANG BDAG CHEN KUN DGA' DBANG PHYUG NAS BRGYUD PA CHANG BAR GSAN PAS, DKAR CHAG GNANG SGRON LAS, DES NA 'KHON STON RDO RJE'I CHANG, ,GANG DE'I THUGS SRAS KUN SPANGS RJE, ,KHO BOS GCUG GI

, ,RGYAN DU BSTEN, ,CI GSUNG BKA' RNAMS 'BAD PAS BSGRUBS, ,SKYABS GZHAN SPANGS NAS GCIG TU DRIL, ,DE YI MTHU LAS THUGS RJE'I RGYUN, ,BKA' DRIN BDUD RTZIS SNYING MYOS PA'I, ,TSUL BZHIN SHES PA KHO BOR GDA', ,ZHES GSUNGS, GSANG 'KHRID KYI RJES GNANG DANG GSANG 'KHRID DNGOS GZHI, LAS BZHI'I MGON PO'I RJES GNANG SOGS KHA SHAS MA GTOGS DPAL MGON STOBS 'PHROG DBANG PO GDONG BZHI PA'I RJES GNANG SPU GRI SO NGE BA DANG TSE SGRUB SRUNG 'KHOR GYI 'KHRID LAS TSOGS YIG CHUNG SHOG DRIL, DER MA 'KHONG PA SNYAN NAS SNYAN DU BRGYUD PA'I GDAMS PA SOGS TSANG BAR GSAN, ZHAL GYI RJES GNANG SKABS RJE NYID KYIS SKU'I MDANGS NA BZA'I KHA DOG SOGS MTHING KHAR GZIGS SHING KHYAD PAR YE SHES DBAB PA'I BAR LA BAR SNANG NAS MI RKANG GI SGRA SHIN TU GSAL BA DANG PHUN SUM TSOGS PA MNGA' BA GSER GYI RI BO 'DRA ZHES SOGS BKRA SHIS KYI TSIGS BCAD DBYANGS DANG BCAS NAS SGROG PA GSAL BAR GSAN, KHYAD PAR MGON PO GDONG BRNYAN CAN GYI RJES GNANG GSAN PA'I TSE PHYAG MJAD PA NAS BZUNG 'JIGS PAS SKU LUS KYI TSO MI THUB PA LTA BU DANG YE SHES DBAB DUS MGON KHANG RDOB PA 'DRA BA DANG KHA'U'I RI THAMS CAD NYIL BA BZHIN GYI TSAG SGRA 'UR SGRAS KHYAB BAS RE ZHIG THUGS DRAN MED DU SONG, THUGS DRAN RNYED TSE GNAS LUGS DON GYI MGON PO RANG RGYUD LA SHAR BA'I BDE BA CHEN PO BYIN RLABS KYI CHU BO MA NUB PA YIN GSUNG BYUNG BA NA BLA MA'I ZHAL LA GZIGS PAR MI BZOD PA 'JIGS SU RUNG BA

ZHIG TU SHAR ZHING SNYUN RO SOGS BGEGS KYI RNAM PA 'DRA BA'ANG SANGS, MAN NGAG G-YUL LAS RNAM RGYAL GYI LAS SBYOR MDZAD PAS ZHAG 'GA' NAS BSGRAL BYA DE BU TRAS DNGOS SU KHRID, LAS 'DI BZHIN BSGRUBS YOD PAS GTANG RAG TU BSKANG GSO ZHIG 'PHRAL RTZOM GYI BSKUL MA BYUNG BA LTAR BSKANG GSO KHYAD CAN DE THUGS RTZOM MDZAD, GZHAN YANG DUR KHROD BDAG PO, DKAR BDUD SOGS SA SKYA NGA'I ZAB CHOS SU GRAGS PA'I DBANG LUNG DU MA, GSHED DMAR LHA LNGA'I DBANG BYIN RLABS SBROS MED KYI 'KHRID, 'JIGS BYED RVA LUGS, NAG PO MTSO SKYES dOM BHI STE KYI RDOR LUGS GSUM SOGS BLA MED KYI DBANG MANG BA, GSAR CHOS RNAM PA LNGAR GRAGS PA RTZA BA NE GU CHOS DRUG, SDONG PO PHYAG RGYA CHEN PO, YAL GA LAM 'KHYER RNAM GSUM, ME TOG MKHA' SBYOD DKAR DMAR, 'BRAS BU 'CHI MED RANG GROL RNAMS DANG, DE DAG DANG 'BREL BAR NE GU'I DBANG BYIN RLABS NYER LNGA SOGS DANG, RGYAB CHOS SU YIG SKOR GYI LUNG TSANG LA MA NOR BAR GSAN, SU KHA SIDDHI'I DBANG DANG DE DAG DANG 'BREL BA'I YIG SNA, SGRUB THABS BRGYA RTZA RGYA GZHUNG DANG BCAS PA SOGS MDOR NA RJE BTZUN NYID LA MNGA' BA'I ZAB CHOS RNAMS LHAG MA LUS PA LTA BUR GSAN PA MING TZAM DU MA BZHAG PAR TSIG DON GYI CHA LA SGRO 'DOGS BCAD, THUGS NYAMS SU GANG BSTAR BA MTHA' DAG LA NYAMS RTAGS DANG DNGOS GRUB MA THOB PA MED CING GTZO BOR BIRWA PA DANG N'A RO TA PA'I GSANG CHEN SLOB BSHAD LA BRTEN NAS MCHOG GI DNGOS GRUB, DMAR PO SKOR GSUM DANG MGON PO CHE CHUNG SOGS LA BRTEN NAS

, ,MCHOG THUN GYI DNGOS GRUB SNA TSOGS PA 'BAD MED DU RNYED PA'O,, GSOL 'DEBS LAS, SLAR YAR GRUM STOD KHA'U'I LAM BGROD TSE, ,BSTAN SRUNG RNAM GNYIS DZO KI'I ZLA GYIS 'ONGS, ,PHO NYA'I TSUL DU MKHA' LA ZHABS BSKYED DE, ,GEGS MED 'PHRIN LAS BSGRUB LA GSAL BA 'DEBS, ,NAM YANG 'BRAL MED BLTOS PAR BCAS PA KUN, ,RJE BTZUN BLA MAS SKYONG BAR ZHAL BZHES SHING, ,CHOS KYI 'PHRIN LAS 'KHOR LO SGYUR BA YI, ,RGYAL TSAB MCHOG TU BSNGAGS LA GSOL BA 'DEBS, ,'CHI MED BDUD RTZI BSGRUB PA'I BKA' GNANG ZHING, ,DBANG BSKUR DAM TSIG RDO RJE DRIL BU GTAD, ,GZHAL MED SKU GDUNG YID BZHIN DBANG PO LAS, ,BYIN RLABS BDUD RTZI BZHES LA GSOL BA 'DEBS, , 'OD GSAL DBYINGS LAS BZHENGS PA'I MJES SKU YI, ,NGO MTSAR GSUNG GI SNANG BAS LUNG BSTAN CING, ,SNGON NAS 'BREL PA'I MKHA' SPYOD DGA' MDES, ,DGYES PA'I 'DZUM ZHAL BSTAN LA GSOL BA 'DEBS, ,ZHES PA, DE NAS RMU GSHONG DU YAB YUM MJAL BA SOGS LA PHEBS, RING POR MA LON PAR RDO RJE 'CHANG KUN SPANGS CHOS RJE'I DRUNG DU PHABS RTZIS KYIS GZHIS NAS CHIBS THOG TU KHYON PA NAS BZUNG KHA'UR MA BYON BAR A'A TZARYA GZI BRJID CAN GNYIS KYIS GAR BSGYUR ZHING SKU'I G-YAS G-YON SKYOR BA'I TSUL GSAL BAR GZIGS PA MGON PO CHE CHUNG GNYIS SKU LUS DANG GRIB MA BZHIN 'BRAL MED DU BSRUNG SKYOB MDZAD CING 'PHRIN LAS SGRUB PA'I MTSAN MAR GSAL, DGUNG LO BCU BDUN NAS ZHABS PAD BSTEN PA'I DBANG

DU BYAS RA LO NGO BDUN TZAM DANG BCAR BZHUGS LA DRUG GI RING MDZAD PAR KUN SPANGS CHEN PO'ANG DE BAR ZAB CHOS RNAMS 'PHRAD PA GNAD NAS MKHA' SPYOD DU GSHEGS PER BZHED PA'I DGONGS PAS CHOS RNAMS RTAG 'GRUS SU MDZAD PA DANG, RJE BLA MAS KYANG NYIN MTSAN DAL MED LTA BUR GSAN BSAM LA BRTZON BA'I SHUGS KYIS BZHED PA RNAMS 'GRUB PAR BRTEN DGUNG LO NYER GSUM DU PHEBS PA SHING PHO SPREL LO SKYE 'CHI LA RANG DBANG 'DUS PA'I DBANG GIS RJE BTZUN RDO RING PA CHEN PO DE NYID ZHING GZHAN DU GSHEGS PA'I GSUNG 'GA' SHAS PHEBS PA'I TSE, BKA' LAS BDAG GIS SPYIR BSTAN PA DANG SAMS CAN GYI DON DANG LHAG PAR BDAG CAG MGON SKYABS GZHAN MED PA'I 'GRO BA RNAMS LA THUGS BRTZE BA CHEN POS DGONGS NAS ZHABS PAD YUN RING DU BRTAN PA'I THUGS 'DUN CIS KYANG GNANG DGOS ZHUS PAS, DA LO MA SHI NA LO BRGYA TZAM MI THUB PA'I NGES PA MI GDA' SNGE, DA RANG DE TZAM YIN PA 'DRA CHOS RJE RDO RJE 'CHANG CHEN PO LTA BU MKHAS GRUB BSTAN PA'I RTZA LAG NGE LA'ANG DGUNG LO BDUN CU DON LNGA THUB PA LA KUN GYIS SKU TSE MTHAR PHYIN ZER GYIN 'DUG, DA LO 'DI TZAM LON BLA MA BDUN CU RTZA GNYIS KYI THUGS ZIN, SDOM PA DANG DAM TSIG LA GNOD 'GYOD YE MED, LAM 'BRAS THOG MAR THOB NAS DA BAR LAM DUS THUN BZHI MA 'DI CHAG MA MYONG, BSTAN PA DANG SEMS CAN GYI DON YANG BYED TSAD BYUNG, DA NGA'I TSAB KHYED CHOS BYED LAS CHE, RJE BTZUN RIN PO CHES DGA' STON LA GDAMS PAR, BLA MA'I RNAL 'BYOR 'BRAL MED DU BSGOMS NA BLA MA 'BRAL MED DU

, ,YONG BA YIN GSUNG BA DANG, NGED BKA' GDAMS PA'I JO BO RJE'I GSUNG LAS, SPRUL GYI PAGS PA BRJES KYANG SPRUL MI 'CHI, ,KHO BO 'CHI TSUL BSTAN KYANG AA TI SHA, ,GSUNGS PA BDOG PAS DE DANG 'DRA, KHYED DAD PA YOD PA RNAMS LA NI NGA DANG 'DU 'BRAL MED PA YIN, KHYED TSO RKYANG PAR MA ZAD KHYOD TSOL BLO BSTAD PA TSO'ANG NGAS SKYONG BA YIN, HA CANG CHOS RJE'I DGONGS PA LA BLA MA'I STONG 'UR LA DGONGS PA YONG STE, 'BROG MI LO TZ'A BA'I GSUNG SGROS BRIS PA LAS, BLA MA DE MNAR MED NA BZHUGS KYANG RANG GIS SANGS RGYAS SU MOS NAS GSOL BA BTAB NA RANG RGYUD LA SANGS RGYAS KYI BYIN RLABS 'JUG STE, DE GNYIS KYI CHOS NYID LA DBYE BA MED PA'I RTEN 'BREL YIN BYA BA YOD, DE CIS KYANG YONG BA YIN PA GDA' GSUNGS, BDAG GI GSUNG CHOS KYI 'PHRO 'GA' YOD PA'ANG SKAL DMAN 'GA' ZHIG LA 'DZEM PA'I RNAM PAS, RES 'GA' JA KHANG CHUNG DU YOD PA SOGS SU SHUB BUS GNANG, RES PHYI'I SPANG KHA DANG MCHOD RTEN LA ZHABS SKOR MDZAD PA'I TSUL GYIS PHYAGS PHYIR 'GRO GSUNGS NAS MI GZHAN MED PA NA SKU KHYEL TZAM MDZAD NAS GSUNG CHOS GNANG, CHOS RJE LA 'DI PA SNGAR NAS CIS KYANG GSHOD BSAM PA YOD DE BREL BA DANG SNYOM LAS KYI DBANG DU LUS PA YIN, DA DGA' RAB 'DRIL BAS BLO BDE GSUNGS, GZHAN YANG 'DAS MA 'ONG GI GNAS TSUL LUNG BSTAN NGO MTSAR BA JI SNYED CIG GSUNG GI GDA', ZHES GSUNGS PA RDO RING RIN PO CHE'I RNAM THAR BZHIN DBRI BSNAN MED PAR BKOD PA YIN, 'DAS MA 'ONGS KYI GNAS TSUL NI SENG

GE RTZE PA'I MNGA' THANG MYUR DU 'JIG PA, RJE NYID KYI SKU TSE'I TSAD, SNOD LNGAN GYI SLOB MA RAGS RIM YONG BA DANG CHOS STON PA'I DUS TSOD, SKU TSE PHYI MA'I SKOR SOGS KYI LUNG BSTAN SHIN TU RGYAS PA YOD 'DUG KYANG DENG SANG ZIN BRIS SOGS GSAL BAR MI SNANG, RDO RJE DRIL BU SNGAR THUGS BED SPYAD PA'I LEGS PA ZHIG GNANG STE CHOS RJE RANG 'DI DGROL NAS DBANG BSKUR GZHAN DON RGYA CHEN PO MDZOD CIG GSUNGS, GZHEN DNGOS PO'I GNANG SBYIN GYI RIGS ZHU YI MED 'DUG KYANG DA LAM SKU KHAMS HREB PAS RTEN 'BREL 'PHYUGS DOGS ZHUB MDZAD, NYIN GCIG SKU SRUNG KHROD NAS 'PHAGS PA DANG BDAG CHEN RIN PO CHE GNYIS KYI BDUD RTZI RIL BU DANG SGRUB YIG BDAG CHEN RDO RJE 'CHANG GIS MDZAD PA GNANG, RJE BTZUN RIN PO CHE'I BDUD CHI'U'I PHABS RGYUN DANG SGRUB SNOD RNAMS BLA BRANG SHAR PAR YOD BAS SKU NYE YIN GSHIS G-YAR PO MDZAD NA YONG, BDAG CHEN RIN PO CHE'I BDUD RTZI RIL BU 'DI KHAR SONG NA SKYE BA BCU GNYIS TSUN LA SANGS RGYAS THOB PA'I LUNG BSTAN THENGS GSUM BYUNG, BDAG LA SGRUBS SHIG PAR BKA' STZAL KYANG MA GRUB KHYED KYIS SGRUBS SHIG CES SKU DPUNG STENG DU PHYAG GIS CAB CAB MDZAD BYUNG BAR, SNGAR SEMS DPA' CHEN PO LA'ANG THOG MAR MDZAD DKA' BYUNG BA'I 'PHROS 'DUG PAS BDAG GIS MI 'ONG NGAM ZHU BA GNANG BAR YIG CHA 'DI GSAL PO YIN PAS 'DI STENG NAS MDZAD NA 'GRUB GSUNGS, HOR ZLA BCU PA'I TSES BCO LNGA LA KUN SPANGS CHAN PO DAG PA'I ZHING DU GSHEGS PA'I TSUL BSTAN PA'I BZHUGS GDAN GYI KHAR BYANG SEMS DKAR PO

, ,MTHEB KOR GYI RGYA TZAM ZHIG BYUNG BA DE ZHAL DU LHAG MA MA LUS PAR GSOL BAS BRGYUD PA ZIN PA'I RTEN 'BREL 'GRIG, MCHOD 'BUL DANG DGONGS RDZOGS KYI RIM PA RGYA CHER SPEL BA'I KHUR BZHES MDZAD, NYIN GCIG SBRIN DKAR GYI PHUNG PO'I GSEB NA SENG GE GNYIS KYIS BTEG PA'I RIN PO CHE'I KHRI'I STENG NAS RDO RING RIN PO CHE SKU'I DBYIBS DANG CHA BYAD JI LTA BA BZHIN GSAL BAR GZIGS TE DBUGS DBYUNG GZENGS BSTOD BYIN RLABS MDZAD, TSAR CHEN NYID KYIS MDZAD PA'I GSOL 'DEBS LAS, SLAR YANG 'OD GSAL NGANG LAS SKU BZHENGS TE, ,SENG GE'I KHRI LA ZHABS SEN PADMA BKOD, ,'DZUM ZHAL BDUD RTZI'I RGYUN GYIS SKAL LDAN GYI, ,SNYING GI GDUNG BA BSAL LA GSOL BA 'DEBS, ,ZHES SO,, DE'I TSE RJE BTZUN RDO RJE RNAL 'BYOR MA MNGON SUM DU ZHAL BSTAN PA'I NGO MTSAR GYI SNANG BA CI YANG SHAR ZHING, RDO RING RIN PO CHER BYIN RLABS GSAN PA'I DUS BAR SNANG GI SPRIN GSEB NAS RJE BTZUN MA'I SKU GZIGS PAR BRTEN CHOS RJE LA MKHA' SPYOD MA'I BYIN RLABS BYAS RES KYIS RTAGS KHYAD PAR CAN RE YONG GI 'DUG GSUNG BA'ANG 'DI RIGS LA DGONGS SO, DBYANGS CAN BZHAD PA'I SGRIB BRAL MKHYEN MTSO'I NANG, ,MCHOG SRED SPRUL PA'I GAR DAD LAS SMON GYIS, ,'BREL BA'I GZUGS BRNYAN SHAR NAS LUNG STON PA, ,RNAM GSUM DAM PA'I YON TAN DNGOM PA BZHIN, ,MI BZAD DUG GI RLANGS 'KHRIGS SA BDAG GDON, ,SROG RTZA DRAG SNGAGS MA KI TAS BCAD DANG, ,LHAN CIG CHOS SRUNG RVA RTZES KLU GNYAN BYAD, ,NYER BKROL

BGRANG BYA'I LUNG BSTAN RNA BAR SNYAN, ,TSAD MA BZHI LDAN 'KHOR LOS THUB BSTAN LUS, ,KUN TSANG GLING BZHIR DBANG SGYUR YAB RJE'I KHRIR, ,MNGA' GSOL COD PAN 'CHING LA GDAN GSUM LHA, ,MKHA' KHYAB ME TOG GLU GAR ROL MOR BREL, ,YI DAM CHOS SRUNG DGYES BA'I DPYID KYI MA, ,'BOD BYED SES KYIS BU BYUG 'DREN PA'I GLUS, ,MCHOG THUN DNGOS GRUB 'DAB BRGYA GROL BA'I SBUBS, ,PHAN BDE'I SPRANG RTZI MNGAR BA CI YANG 'DZAG ,SNYAN BRGYUD CHOS KYI BRDA SPROD MA LUS PA, ,RANG RIGS DBANG POR GTAD PAS SARBA DZANYA:, ,CHOS DBYINGS ZAG BCAS BDE BA'I MAL NYAL KYANG, ,DAG SKU'I GDONG BZHI SPRUL DE SU YIS 'GOG ,BYU RU'I 'KHRI SHING BZHIN DU DMAR BA'I GZUGS, ,MNYEN LCUGS 'KHRIL LDEM RTZE 'JO'I YID 'ONG BA,, DAR BABS LANG TSO'I AUTPAL DMAR PO'I SGROS, ,'DZUM PA'I BDUD RTZI 'DREN BYED GZIGS MOR DNGAR, ,GSOL 'DEBS LAS, DPAL LDAN N'A LANDA YI CHOS GRA CHER, ,BDAG CHEN RJE YI ZHABS ZUNG GUS BSTEN CING, ,RDO RJE 'CHANG DBANG RJE BTZUD SGO RUn BAS, ,ZAB LAM GDAMS PA STZAL LA GSOL BA 'DEBS, ,MKHAS DANG GRUB PA'I YONGS 'DZIN DBANG PO MCHOG ,DRUG CU RTZA GSUM GUS PAS NYER BSTEN NAS, ,RGYA CHEN GSAR RNYING RGYUD SDE RGYA MTSO'I TSOGS, ,MA LUS THUGS SU CHUD LA GSOL BA 'DEBS, ,ZHES PAR TSIG GI ZIN SO YOD MED SNA TSOGS KYANG, DE NAS KHA'U SKYES LHAS KYI SUM CU RTZA GSUM ZER BA'I DRANG KHANG DU SKU MTSAMS SHIN TU DAM PAR BCAD ZHAS LAM DUS THUN BZHI MA DANG GTZO BOR LAM ZAB KYI RNAL

, ,'BYOR LHUR BLANGS BA'I TSE DGYES MDZAD RDO RJE LHA DGU'I DKYIL 'KHOR DANG GSANG 'KHRID KYI NYAMS LEN GNANG BA'I DUS MGON PO LHA BRGYAD 'KHOR DREGS PA BRGYAD DANG BCAS PA GSAL BAR GZIGS, YANG NUB CIG MNAL LAM DU MA JO'I RNAM PA CAN ZHIG GIS RI SUL GYI RNAL 'BYOR MA MJAL NA 'DI NA YOD CES ZER BAR DGYES BZHIN DU BUD MED DES LAM SNA BYAS TE PHEBS PAS DUR KHROD CHEN PO BSIL BA'I TSIL YIN RGYU BA'I SHING THO RE YOD PA'I DBUS NA RDO PHUNG ZHIG GI GSEB TU GNAM SGO 'DUG PA PHYE STE 'DI NA YOD ZER BA GZIGS PAS ZHAL BRAM GZUGS DKAR PO RAL PA'I THOR TSUGS CAN RAS DKAR PO GYON PA PHYED KRUNG DU BZHUGS PA PHYAG G-YAS NA THOD KHRAG DANG G-YON NA MI RKANG GI GLING BU DANG SHING GI BUM BA 'DZIN BA, 'OD ZER DU MA 'PHRO BA ZHIG GZIGS, DE NAS KYANG 'BRAL MED LTA BUR DNGOS SU YANG YANG 'BYON ZHING LAS THAMS CAD BSGRUBS PAR MCHIS, GDAN SA CHEN PO DPAL LDAN SA SKYAR PHEBS NAS RTEN BRTEN PA THAMS CAD ZHIB MOR MJAL BA GNANG ZHING KHYAD PAR MGON PO DNGOS SU GZIGS, DGE 'PHEL DU RTEN BZHENGS KYI TSE SKU 'BAG GI ZHAL RDUL 'PHYI BA MDZAD PAS PU TRAS DNGOS SU 'ONGS TE 'PHYI LUGS 'DI BZHIN BYAD DGOS ZHUS, DGUNG LO NYI SHU RTZA BZHI TZAM LA BABS PA'I CHE GDAN SA 'OG NAS BDAG CHEN RIN PO CHE NGAG GI DBANG PHYUG GI ZHABS PHYI MDZAD NAS DBUS PHYOGS SU PHEBS, GSUNG NGAG LAM 'BRAS, GSHED DMAR GYI DBANG BYIN RLABS SPROS MED KYI 'KHRID, RDO RJE 'PHRENG BA'I DBANG SOGS BKA' CHOS MANG DU GSAN, GAL

CHE DUS MCHOD DPON DANG DBANG 'KHRID KYI SKOR LA THUGS DOGS SEL GYI RIGS NANG BCAR DU 'BUL BA SOGS BDAG CHEN RIN PO CHE'I PHYAG G-YOG NANG SKOR GYI RNAM PA'ANG YUN RING TZAM MDZAD, BDAG CHEN RJES CHOS KYI 'KHOR LO SKOR ZHIG PA'I GNANG BA STZAL BA LA BRTEN NAS RONG STON SHES BYA KUN RIG GI GDAN SA N'A LANDA'I TSOGS CHEN LA GSUNG NGAG RIN PO CHE TSOGS BSHAD YONGS RDZOGS SHIG GNANG, THAMS CAD DANG PA'I SA LA BKOD DE BDAG CHEN RIN PO CHE LAS KYANG 'UR BTZAM BYUNG BAR DRUNG 'KHOR NAS PHRAG NGOG GI RNAM PA CI RIGS BYUNG, LHUN GRUB SDINGS BAS SBYIN BDAG BYAS 'PHAN YUL BYA BZANG GI CHOS KHRI'I GDONG GI SA STONG DER SPYIL BU ZHIG YOD PAR BCAD RGYA MDZAD DE DPAL RDO RJE 'JIGS BYAD KYI BSNYEN PA ZLA BA LNGA CAM SONG BA'I SNGA DRO NYI MA RTZE SHAR LA 'OD DMAR POS LHO'I PHYOGS RNAMS GANG 'DUG PA NYI ZER YIN NAM DGONGS, GZIGS PA NA ME DPUNG CHEN PO 'UR SGRA DANG BCAS PA BLOS MI 'KHYUD PA'I DBUS NA 'JIGS BYED YONGS RDZOGS 'KHOR BCU GCIG ZHABS G-YAS BRGYAD KYI THAD DU LAS GSHIN RVA RTZE SHIN TU RNO BA G-YAS GRI GUG G-YON PAS MI DAR MA ZHIG GI SKE ZHAGS PAS BCINGS PA DE LA ZHAL NAS 'PHROS PA'I ME 'PHOG PA NA BUG PA DGU NAS KHRAG 'DZAG PA ZHIG GZIGS, KHA SKONG GI SBYIN SREG KYANG MDZAD, LAM YIG TU RJE NGAG DBANG GRAGS PA'I ZHABS PHYIR LO BRGYAD CAM BSDANG GSUNG BA'ANG 'DI'I SKABS SU YIN PAR MCHIS, CHU 'BRUG LO ZLA BA DANG PO'I NANG DU GTZANG LA BEBS, 'DI RES BSNYEN PAR RDZOGS KYANG GSOL 'DEBS LA RTZA BA BCOL BAS 'OG

, ,TU 'BYUNG, STON BO DONG DU RJE BTZUN SGO RUM BA CHEN PO LA DPAL DUS KYI 'KHOR LO'I BDAG PO CHEN PO'I BAR GYI DBANG YONGS SU RDZOGS PA DANG GUR MGON GYI MAN NGAG SOGS CHOS BKA'I RIGS RGYA CHER GSAN, SNGON YAR KLUB PA DANG 'JAM DBYANGS SGEG PA DPON SLOB TU GYUR PA'I RTEN 'BREL DUS 'DIR 'GRIG CHUL KUN MKHYEN MKHYEN BRTZE'I RNAM THAR DU, BDAG GIS BLA MA DAM PA'I DRUNG NA MJAL ZHING GSUNG CHOS 'DRA'ANG GSAN GYI 'DUG PA MTHONG BAS SNGAR YE MA MJAL NA'ANG 'DRIS 'DRIS 'THAD 'THAD 'DRA MO ZHIG GIS SEMS LA DGA' TSOR DANG BLA MA'I DGA' BA LA BSAM PA DUNG DUNG NGA BYUNG RJE 'DAR PHYOGS LA PHEBS KHAR BDAG YOB SAR THOL GYIS BYON BYUNG NAS GOS CHEN LCAGS NAG KHA DO PA ZHIG DANG STONG SKUD DMAR PO MANG PO ZHIG GNANG, 'DI LA PHYAG 'PHRENG THAG PA BZHIN MDZOD GOS CHEN 'DI LA BRIS SKU LTA BU MDZAD DAM GANG NA'ANG MI LA MA GNANG BAR PHYAG TSAGS MDZOD, RTEN 'BREL ZHIG YOD DO GSUNGS SHING ZHAL 'DZUM MANG PO MDZAD KYIN 'DUG PA DE DUS NI DGA' PA LA BSAM PA LAS MA BYUNG, DA BSAMS NA MGON PO CHE CHUNG 'DI RNAMS THOB PA'I RTEN 'BREL SGRIG PA GNANG BAR 'DUG GO, RGYAL BA'I DGONGS PA ZAB GSAL MKHA' DBYINGS LAS, ,TSUR MTHONG BYIS PAS SBAR CHOD CI ZHIG THINGS, ,DUS GSUM GSAL BAR MKHYEN DES BDAG LTA BU'ANG, ,SNYAN BRGYUD GDAMS PA'I SNONG DU RUNG BAR DGONGS, ,DAM PA'I ZHAL BZHES RDO YI RI MO BZHIN, ,'GYUR MED BDEN PAS THUGS LA BTAGS NA YANG, ,

RANG GIS GSOL BA BTAB BA MI DRAN PA, ,AA HO LAS NYON DBANG GIS SKYES PAS LAN, ,ZHES SO,, SLAR RANG GI BSTI GNAS SU CHOS SGO BA 'KHRUL ZHIG BYAMS PA SHES RAB BZANG PO'I DRUNG DU DPAL RNAL 'BYOR GSANG MTHA' 'KHOR LO SDOM PO SKOR GYI BKA' BABS TE LAM RDZOGS PAR GSAN, MTHU STOBS KYI DBANG PHYUG THAMS CAD MKHYEN PA 'JIGS MED DPA' BO'I LUGS 'DZIN PA 'BRAS SPUNGS PA TSE DBANG BKRA SHIS LA RJE BTZUN GONG MA'I YAB MES 'KHON RIGS SNGAGS 'CHANG RNAMS KYI YI DAM GYI LHA MCHOG GI DNGOS GRUB 'BAD MED DU STZOL BA DPAL CHEN PO KHRAG 'THUNG HE RU KA YANG DAG LHA LNGA BCU RTZA BRGYAD KYI DBANG NGANG YIG SNA, BAR CHAD BDUD SDE'I G-YUL LAS RGYAL BA BCOM LDAN 'DAS DPAL RDO RJE GZHON NU LHA KHRA STOD LAS BYANG CHUB SGRUB BA'I DBANG BZHI DANG SMAD LAS GDUG PA SGROL BA'I RJES GNANG, MAN NGAG YIG SKOR, CHOS SKYONG DKAR BDUD KYI RJES GNANG LAS TSOGS, RNAM 'JOMS BIR LUGS LHA DON LNGA'I DBANG LUNG, GUR GYI MA BON PO GRI GUG LHA LNGA'I RGYUD LUGS KYI DBANG, SINDHU RA'I DKYIL 'KHOR LA BRTEN PA'I MAN NGAG LUGS KYI DBANG BZHI, LHA BRGYAD, LHA BCU GNYIS MA, GYA LJANG LUGS KYI LHA BCU BDUN MA'I DBANG, DE DANG 'BREL BA'I SGRUB SKOR SOGS MKHAS GRUB KUN DGA' RNAM RGYAL GYI THUGS DAM MGON POD YONGS RDZOGS, KLU SGRUB LUGS KYI MGON PO GDONG BRNYAN CAN PHYAG DRUG PA DANG LAS BZHI'I MGON PO'I RJES GNANG, PAR BU'I CHO GA SOGS LAS TSOGS KHA SHAS, SMAN BLA SPRUL SKU'I RJES

, ,GNANG, RGYAL BLO CHEN PO RNAM THOS SRAS SER CHEN LHA BDAG BRGYAD KYIS BSKOR BA, LNGAR BU [?] KLU BRGYAD KYIS BSKOR BA, MTHING KHA LHA MO BRGYAD KYIS BSKOR BA, SLOB DPON PADMA SAm BHA WA LUGS KYI SPRIN GSEB MA RTA BDAG BRGYAD, YANG GSANG DRAG PO MDUR DMAR CAN RTA BDAG BRGYAD DANG BCAS PA RNAMS KYI RJES GNANG DANG RNAM SRAS SKOR GYI YIG SNA KHA SHAS, DMAR PO SKOR GSUM GYI RGYUN GANG YOD, DPAL TSOGS KYI BDAG PO JO BO RJE'I GA GAM DKAR PO PHYAG BZHI PA, CHAGS PA'I RDO RJE SOGS KYI RJES GNANG DANG YIG SKOR RNAMS GSAN, KHA SKONG DKAR CHAG LAS, 'ON KYANG 'CHAM DANG 'GROS KYI SPROS PA NI, ,'DOD NA RDO RJE GDAN BA LAS GZHAN PA'I, ,TSAD LDAN MED PHYIR DE YI LUGS BZHIN STON, , CES PA'I DON LTAR MGON PO CHE CHUNG GNYIS KYI 'CHAM DBYANGS SOGS KYI PHYAG LEN DBYIS PHYIN PAR SBYONG BDAR MDZAD, DPON SLOB GNYIS CHOS SKYONG SKOR LA GO BSDUR GNANG NAS DENG SANG BOD NA SA SKYA BA'I CHOS SKYONG LA NGED RANG GNYIS LAS MKHAS PA MED PA 'DRA ZHES KYAL KA GSUNGS SKAD, ZHABS CHER BSNYUN YANG GTZANG CHUR 'JUG PA SOGS LAS GZHAN MA'I 'PHROD BSTEN GYI SPROS PA DOR TE THOS BSAM LHUR MDZAD PAS KUN HA LAS TE CHOS SDE'I GRA RIGS RNAMS YON TAN GYI SBYONG BDAR DRAN BSKUL LA DE LAS LHAG BA MA BYUNG ZER, RDZONG LUGS KYI BSTAN PA'I SROL 'BYED CHEN PO RTZANG BYAMS PA RDO RJE RGYAL MTSAN GYI DNGOS SLOB RGYUD GSUM SMRA BA SHES RAB RIN TZAN GYI DRUNG DU GUR GYI MGON PO LCAM DRAL LHA GSUM, LHA BRGYAD MKHA' 'GRO SBAGS SGRUB RNAMS KYI

RJES GNANG, GZHAN LAS CHES ZAB PA RTZA BA'I MAN NGAG GNYIS, RNAM PAR DBYE BA BCU GNYIS, YAN LAG GI MAN NGAG BCU DRUG, CHO GA'I LAG LEN NYI SHU, DE DAG GI YIG CHA'I GTZO BO MANG PO'I LUNG SOGS SA SKYA RJE PA CHUNG PAR GRAGS PA'I MAN NGAG MTHA' DAG GI ZAB CHOS MANG PO GSAN CING, BLA MA 'DI DAG GIS GTZO BYAS GUR GYI MGON PO'I SKOR KHO NA LA BLA MA BCU BSTEN LUGS SROL MA 'DRES PA YONGS SU RDZOGS PAR GSAN PA, JI SKAD DU, KHYAD PAR NAG PO CHEN PO'I MAN NGAG NI, ,BRGYUD LDAN BLA MA BCU PHRAG GCIG LA ZHUS, ,'GRAN ZLA KUN BRAL DRIN CAN RDO RING PA'I, ,SNYAN BRGYUD ZAB MO BUM PA GANG BYOR THOB, ,CES DANG, AE WAm PA NI BSDUS LA SMOS PA CHUNG, ,MUS SRAD PA NI DKAR CHAG KHRIGS CHAGS CAN, ,RDO RJE GDAN PA 'CHAM DANG NUS PA'I BDAG ,KHO BOS THOB BA'I THUN MONG BRGYUD PA GSUM, ,ZHAS BYUNG LA, GNOD SBYIN BEG TZE LCAM DRAL GYI RJES GNANG LUNG MAN NGAG RNAMS GSAN, GZHAN YANG SNGA PHYI BSDOMS PAR BLA MA BSTEN PA'I SKOR LA LO ZLA'I DUS NGES CAN MA RNYED PAS PHYOGS MTSUNGS SU BKOD PAR, DVAGS PO PAn CHEN PHYOGS LAS RNAM RGYAL LAM RJE BTZUN 'PHRIN LAS ZHABS LA SGROL DKAR YID BZHIN 'KHOR LO SOGS KUN MKHYEN BKRA SHIS RNAM RGYAL NAS BRGYUD PA'I ZAB CHOS DU MA DANG KAR LUGS SOGS KYI CHOS BKA' KHA YAR, GZHUNG DU RDOG STON CHEN PO BSOD NAMS BSTAN 'DZIN LA RDOG LUGS KYA DKYIL 'KHOR BDUN GYI DBANG DANG RGYUD BSHAD, CHOS SKYONG DUD SOL LHA MO'I SKOR RNAMS DANG

, ,MI TRA BRGYA RTZA NI DBANG DANG RJES GNANG GANG YIN LA DPYAD GZHI 'DUG KYANG GSAN, BLA CHEN MDO KHAMS PA YON TAN RGYA MTSO LA SA DGE ZHAL GSUM GYI 'JIGS BYED MKHAN POR GRAGS PA RNAMS KYI RNA BA'I SPYOD YUL DU MA GYUR PA'I RDZOGS RIM YE SHES MKHA' 'GRO'I RDO RJE'I TSIG RKANG LA BRTEN BA'I RVA 'KHRID MKHA' 'GRO SNYAN BRGYUD SOGS ZAB CHOS DU MA, 'GOS RDO RJE SENG GE LA GSHIN RJE GSHED DMAR PO LHA BCU GSUM GYI RNAL 'BYOR BZHI'I 'KHRID, RNAL 'BYOR BZHI, BDUD RTZI'I LHA MO NOR 'DZIN MA DKAR MO, 'KHRUL 'KHOR, PHYI'I BYAD RDZAS, RNAM RTOG 'OD GSAL 'PHO BA RNAMS KYI BYIN RLABS, DE DAG GI YIG CHA MANG PO'I LUNG, SGRUB THABS BRGYA RTZA DANG RGYA MTSO'I RJES GNANG LUNG, RDO RJE 'PHRENG BA SOGS KYI DBANG LUNG, CHOS RJE NYAN CHEN PAR KYE RDOR BKA' BABS BZHI, GSANG 'DUS LUGS GSUM SOGS, GRUB MCHOG SBYIN PA RGYA MTSO LA SKYES LHAS PA'I ZAB CHOS SNGAR GSAN BLDABS PA DANG PHRAN BU LUS PA'I RIGS RNAMS ZHU BA MDZAD CING DAG PA'I SNANG BAR YANG YANG MJAL BA YOD 'DUG, MTHU STOBS KYI DBANG PHYUG DRANG SRONG DKA' BZHI BAR GTZO BOR DPAL RTA MGRIN YANG GSANG KHROS PA'I DBANG LUNG MAN NGAG THAMS CAD GSAN ZHING DBANG MDZAD PA'I SKABS KHRAG 'THUNG LHA DGU'I YE SHES KYI DKYIL 'KHOR DNGOS SU BSTAN GING LNGA GZA' GDONG, GNOD SBYIN BEG GDONG LCAM SRING GI CHOS SKOR RNAMS KYANG GSAN, CHOS SKYONG RNAMS KYI PHYAG NAS BZUNG STE MI LA MI SPROD PA'I TSUL DU BRAN DANG 'BANGS SU DNGOS

SU GTAD, BYANG GTER GYIS THOG DRANGS PA'I GSANG SNGAGS RNYING MA'I CHOS SKOR CHES MANG BA GSAN, DPON SLOB GNYIS CAR PHAN TSUN THUGS NANG SHIN TU DAG CING 'DAR PHYOGS SU'ANG SBYAN 'DREN CHAD BSTAD GNANG NAS ZHABS TOG CHEN PO MDZAD, RJES SU'ANG SHAR PHYOGS LA PHEBS RES KYIS MJAL TZAM RE MDZAD CING BKA' CHOS GANG 'OS RE YANG NGES PAR GSAN, LDONG GI SNGAGS 'CHANG CHEN PO CHOS SKYONG BSOD NAMS BKRA SHIS PAR GTER KHA MI 'DRA BA NYI SHU TZAM GYI DBANG LUNG GSAN PAR PHEBS PA'I TSE SNGAGS 'CHANG RIN PO CHAS KHYED DPON SLOB RNAMS MA BYON PA'I ZHAG GSUM TZAM GYI NUB SNGAGS GZHON DKAR PO ZHIG BYUNG NAS KHYOD LA NGA'I CHOS SKOR RNAMS ZHU BA LA MI ZHIG 'ONG BAR YOD PAS DE LA RDZOGS PAR GSHOD DE NGA SBYIN GYI BRLABS PA YIN GSUNG BA BYUNG GSUNGS, DRIN CAN SANGS RGYAS RNAM RGYAL LA SHANGS PA BKA' BRGYUD KYI LAM YONGS RDZOGS GSAN CING YAB MES BRGYUD PA'I BLA BRGYUD YIN CES SHIN TU GUS PAR MDZAD, BRAG DKAR SEMS DPA' CHEN PO BSOD NAMS RGYAL MTSAN LA PHYAG RDOR 'KHOR CHEN LAM YONGS RDZOGS SOGS CHOS MANG DU GSAN, BZANG G-YU GONG PAR YE SHES MGON PO PHYAG DRUG PA'I ZAB CHOS GZHAN NAS MA RNYED PA DU MA, BYANG STAG LUNG SBAS DON PA LA PHAG GRU LUGS KYI PHYAG BZHI PA'I LAM YONGS RDZOGS, BSAM SDENGS MKHAN CHEN SANGS RGYAS YE SHES LA MGON BO LHA CHEN DBAL 'BAR GYI RJES GNANG, RVA SGRENG MKHAN PO DPAL 'BYOR BSAM GRUB LA MI'U THUNG GSOD BYED KYI RJES GNANG, JO STAN RONG SH'AKA PA BKRA SHIS RIN CEN LA AA TI LAM YONGS RDZOGS

, ,DANG 'DOD RGYAL NOR BU GSAL 'BAR GYI LUNG GSAN DE SKABS RDZOGS CHEN GYI RTOGS PA PHUL BAS NGED RANG LA NYAMS MYONG DGA' MO YOD PA'I LUGS YIN KYANG 'DI 'DRA SKYE MA MYONG GSUNGS PAS TSOGS PA RNAMS DAD NAS GSUNG CHOS MANG DU ZHUS, NYA MAG GRU KHAR MNYAN PA DUS LA MA 'BYOR BAS NGA CHU LA 'DING BA BTING NAS 'GRO GSUNGS PAS MDUN GYA NAM MKHAR DPAL PHAG MO GRU BA BYON NAS SNYIGS MA'I SEMS CAN NYON MONGS CAN LA GSANG BA'I SPYOD PA MA BYED GSUNG BA ZHIG BYUNG BAS GRU LA PHEBS, GDAN SA THEL GYI GNAS RNAMS ZHIB PAR MJAL, 'JAG SPYIL SKU 'DRA RIN PO CHE PHAG MO GRU PA DNGOS SU GZIGS SPYAN NAM MKHA'I MTHONGS SU ZHAL 'DZUM MDANGS DANG BCAS PAS LTA STANGS SU BZHUGS SONG BA BRDA STON KHYAD PAR CAN DU DGONGS, KHAMS LCAGS MO BA MTHU STOBS KYI DBANG PHYUG BKRA SHIS SENG GE LA GUR MGON KHRO BCU'I RJES GNANG, ZHAL GYI GSANG 'KHRID RJES GNANG DANG, RTZA GSUM 'KHOR LO BZHI LA BRTEN BA'I 'KHRID ZAB MO LO CHEN GNYAN GYI THUGS BCUD CHES DKON PA GSAN, BLA MA 'DIS STAN THOG GCIG TU ZHAL GYI BSNYEN PA 'BUM PHRAG DRUG CU TZAM SONG BA'I NUS PA BSAM GYIS MI KHYAB, GSAD 'KHRID BRGYUD 'DEBS SU, SKYES MCHOG CHOS RJE'I SRAS KYI THU BO PA, ,ZHING SKYONG BRAN DU 'KHOL BA'I RDO RJE 'DZIN, ,RTZA BA'I BLA MA DRIN CAN MDO KHAMS BA, ,ZHES BYUNG LA, RTAG BRTAN SPRUL SKUS 'KHRID BRDZUS MA YIN ZHES SMRA BA NI SPRANG POS THANG STON PAR 'PHYA BA'I DPER SNANG, SHAMBHAR

CHOS RJE KUN 'GA' SANGS RGYAS LA GNUBS LUGS KYI STAG ZHON LHA MANG GI DBANG LUNG YONGS RDZOGS, 'JAM DBYANGS SANGS RGYAS RIN CHEN PAS AE WAm CHOS LDAN GYI MKHAN PO KUN SPANGS PA MDZAD NAS THAR RTZER BZHUGS DUS RDO RING RIN PO CHES KHONG SEMS DPA' CHEN PO'I DBON YIN CING RANG RE'I BRGYUD PA'ANG CHOS RJE RDO RJE 'CHANG YAB SRAS GNYIS LA THUG GI YOD GSHIS DA LAM 'DIR BREL BA LANGS BA'I CHOS KYI GSENG ZHIG KYANG 'DUS BAS KHYED RANG NGOR DU LAM 'BRAS GSAN PAR BYON ZHES PHYAG THAM DANG BCAS THAR RTZER PHEBS BAR LAM 'BRAS YONGS SU RDZOGS BA, MGON PO'I NANG 'KHRID KYI MAN NGAG CHOS RJE DPAL LDAN RGYAL BO NAS BRGYUD PA SOGS DANG GZHAN DBANG RJES GNANG DU MA GSAN CING GSUNG NGAG LA BOGS 'BYIN LTA BU'I THUGS BSKYED KYANG THON BAS THUGS MOS SHIN TU CHE BA BYUNG, MNAL LAM DU RJE RDO RJE 'CHANG YIN ZER BA ZHIG DANG MJAL BAS RKYEN BYAS THUGS RGYUD LA NYAMS RTOGS KHYAD PAR CAN 'KHRUNGS, YAB CHOS RGYAL RIN CEN RGYAL MTSAN LA YAB CHOS DU MA GSAN CING BLA MA 'DI NYID KYIS MGON PO STAG ZHON DNGOS SU BRAN GYI TSUL DU GTAD PAS LAS SGRUB KYIN 'DUG PA'I RGYU MTSAN LAM YIG NA'ANG GSAL, 'DI YAN LA BKA' DRIN CHE BA'I BLA MA NYER BDUN DU MDZAD CING GZHAD YANG BYA 'GYUR BA BSOD NAMS SENG GE LA BYA RGYUD SGO DRUG SOGS, SBYAN SNGA SH'AKYA RGYAL MTSAN LA SGRA SNYAN MNGON BRJOD SDEB SBYOR SOGS, GRUB CHEN RDO RJE RGYAL POR KHONG RANG GIS RNAL 'BYOR MA LA DNGOS SU GSAN PA'I 'PHO BA ZAB MO, GONG DKAR TSUL KHRIMS PA LA

, ,ZANGS GRI CAN GYI RJES GNANG DANG BRAN BDUD KYI RJES GNANG THUN MONG MIN PA, DES MTSON CHOS 'BREL GSAN BA 'JAM DBYANGS SA SKYA LO TZ'A BA, GONG DKAR BA RGYA STON BYANG CHUB DBANG RGYAL, RGYAL YUM TSUL KHRIMS BZANG MO, LAM YIG TU KU SU LU'I BLA MA GSUNG BA'I LCAGS SGOG LUNG BA BKRA SHIS DBAL 'BYOR, NGOR CHEN LHA MCHOG SENG GE, SGRA BA SKU SKYE SHES RAB RIN CEN, SNGAGS 'CHANG SANGS RGYAS 'PHEL, SNGAGS 'CHANG SANGS RGYAS GRAGS BA, SNGAGS 'CHANG RDO RJE LEGS LDAN, BLA MA SANGS RGYAS RGYA MTSO, STAG LUNG RIN CEN RNAM RGYAL GRAGS PA, LO BA SBYAN SNGA NGAG DBANG GRAGS BA RGYAL MTSAN, MUS CHEN NAM MKHA' DPAL BZANG, BDAG CHEN AA TSES PA, RNAL 'BYOR MA DKON MCHOG LDAN, NUB RA BA BLO BZANG BRTAN PA, BYA BTANG KUN DGA' MCHOG LDAN, 'JAM DBYANGS SHES RAB RGYAL MTSAN, CHOS RJE CHOS SKYONG RGYAL MTSAN, CHOS RJE BKRA SHIS RNAM RGYAL, 'BRUG PA NGAG DBANG CHOS RGYAL, RJE BTZUN DAM PA KUN DGA' GROL MCHOG, NGOR CHEN DKON COG LHUN GRUB, CHOS RJE DBUS SMYON PA, KRE CHEN NAM MKHA' 'OD ZER, SNYE THANG LUNG ZIN PA, GRUB CHEN NAM MKHA' RGYAL MCHAN, BLA MA BLO GROS SENG GE, BDAG CHEN KUN DGA' DON GRUB RNAMS KYI STENG DU TSIGS SNGA PHYI BAR GSUM GYI MKHAN SLOB RNAMS BSNAN PAS YONGS 'DZIN DRUG CU RTZA GSUM LEGS PAR BSTEN NAS THOS BSAM RGYA CHER MDZAD BAS KUN MKHYEN MKHYEN BRTZES, DRUG CU RTZA GSUM NGAM PA'I YONGS 'DZIN BSTEN, ,MDO SNGAGS GSAR

RNYING DAM CHOS MTHA' DAG LA, ,THOS BSAM SGOM PAS 'KHRUL MED GRUGS SU CHUD, ,RTZOD DUS KUN MKHYEN GNYIS BAR GSOL BA 'DEBS, ,ZHES BYUNG LA, TZA RI RDOR 'DZIN PA CHOS GYI MGON PO'AM MTHU MKHAN RGYA BOR GRAGS PA LA CHOS SKYONG GI SKOR GSAN PA KHO RANG GI RNAM THAR DU 'DUG PA DANG THAMS CAD MKHYEN PA BSOD NAMS RGYA MTSOR CHOS 'BREL GSAN BA GNYIS GSOL 'DEBS SU 'TSEMS BA ZHIG YIN BAR MNGON, BLA CANG RLOM PA LA LA DAG NI RIGS RUS SKYE BRGYUD STOBS 'BYOR GO SA SOGS KYI KHENGS PAS CHOS 'TSOL BA LA BAG TSA BA'I GNAS SU BYED CING CUNG ZAD DON DU GNYER BA'ANG, SDOM GSUM LAS, RTA DANG NOR BU LA SOGS PA, ,CUNG ZAD TZAM GYI NYO TSONG LA, ,KUN LA 'DRI ZHING BRTAGS NAS SBYOD, ,TSE 'DI'I BYA BA CUNG ZAD LA'ANG, ,DE 'DRA'I 'BAD PA BYED PA MTHONG, ,SKYE BA GTAN GYI LEGS NYES NI, ,DAM BA'I CHOS LA RAG LAS KYANG, ,CHOS 'DI KHYI YI ZAS BZHIN DU, ,BZANG NGAN GANG DU'ANG MI DBYOD PAR, ,GANG PHRAD DE LA GUS BAR 'DZIN, ,NYIN GCIG GI NI SMYAL MA 'AM, ,TSE GCIG GI NI GNYEN 'BREL LA'ANG, ,'BAD DE BRTAGS NAS LEN PA MTHONG, ,DENG NAS BRTZAMS TE RDZOGS PA YI, ,SANGS RGYAS MA THOB PAR GYI DON, ,BLA MA MCHOG LA RAG LAS MOD, ,'ON KYANG RTOGS DBYOD MI BYED BAR, ,TSONG 'DUS NGAN BA'I ZOD BZHIN DU, ,SU PHRAD RNAMS LAS LEN BA MTHONG, ,KYE MA SNYIGS MA'I DUS 'DI MTSAR, ,ZHES CHOS KHUNGS BTZUN MI BTZUN SOGS LA MI BLTA BAR BLA CHEN DU MING BTAGS BZHIG 'GANGS CHE'O SNYAM PA'I BLUN DANG

, ,KYIS 'JUG PA TSO DANG MI 'DRA BAR RJE BTZUN 'DI NYID KHUNGS DANG 'BREL BA'I TSIGS BCAD RE'I CHED DU'ANG DKA' SBYAD RTAG TU DU LTAR MDZAD PAS GONG DU MA 'DUS PA'I RIGS MED PA'I MTHA' MA BKAG MOD, BSHES GNYEN DE DAG LA THOS PA JI LTAR MDZAD NA LUNG SDE BZHI, MDO RTZA, SUM BRGYA PA, ME TOG 'PHRENG RGYUD, LAS RNAM 'BYED SOGS 'DUL MNGON DANG 'BREL BA'I RGYA BOD KYI GZHUNG, BRGYAD STONG PA, NGOR LUGS SU GRAGS PA'I MDO CHUNG BCO BRGYAD, MDO PHRAN GYI RIGS SNA TSOGS, BYAMS CHOS SDE LNGA, RIGS TSOGS DRUG, BKA' GDAMS GZHUNG DRUG, BLO SBYONG GI 'KHRID SOGS THEG CHEN THUN MONG BA DANG 'BREL PA'I RGYA BOD KYI YIG SNA, GSAR MA RGYUD 'BUM, GDUGS DKAR ZHE GNYIS MA TSE DBAG MED LHA DGU, 'CHI MED RNGA SGRA, DON YOD ZHAGS PA, BCU GCIG ZHAL, MI 'KHRUGS PA LHA DGU, PHYAG RDOR 'GRO BZANG, RNAM RGYAL 'JOMS, RIGS GSUM SBYI SOGS BYA RGYUD KYI DBANG RJES GNANG, RIG GTAD, RNAM SNANG MNGON BYANG, PHYAG RDOR 'BYUNG 'DUL SOGS SPYOD RGYUD KYI SKOR, RDOR DBYINGS, DPAL MCHOG, RDOR SEMS, SBYONG RGYUD DKYIL 'KHOR BCU GNYIS SOGS RNAL 'BYOR RGYUD, GSANG 'DUS LUGS GSUM, RIM LNGA DMAR 'KHRID, SEMS NYID NGAL GSO'I 'KHRID, DGRA GDONG 'JIGS GSUM, DUS 'KHOR, LO NAG DRIL GSUM GYI DBANG 'KHRID, PHAG MO'I SKONG, MKHA' 'GRO RGYA MTSO, SDOM 'BYUNG, BONG ZHAL CAN, SAMBU tI, SANGS RGYAS MNYAM SBYOR, MKHA' 'GRO MA RDO RJE GUR SOGS BLA MED DANG 'BREL

BA'I DBANG LUNG 'KHRID MTHA' YAS PA, RJE BTZUN GONG MA LNGA'I BKA' 'BUM SOGS RGYA BOD KYI MKHAS GRUB MANG BO'I GSUNG GIS MTSON GSAN PA MTHA' DAG BRIR MA LANG BAS GSAN YIG SOGS GZHAN DU SHES PAR BYA'O,, DE LTAR YONGS 'DZIN MANG DU BSTEN NAS GSAN PA'I CHOS RNAMS KYANG DAG DANG MA DAG PA'I SHAN LEGS PAR PHYE BAS TSIG GI CHA LA LUNG NGANG RIGS PAS SGRO 'DOGS RNAM PAR BCAD, DON GYI CHA THEG DMAN BYANG SEMS GSANG SNGAGS SOGS THEG PA SO SO'I CHED DU BYA BA'I GDUL BYA RNAMS SO SO'I KHAMS DANG DBANG POR 'TSAM BA'I NAD THOG TU SMAN BZHIN GANG LA GANG 'DUL GYI SGO NAS THAR PA'I LAM LA BKRI BA'I GNAD 'GAG MA 'DRES PA THUGS SU TSUD PAR MDZAD PAS, 'JAM DBYANGS SA PAn GYIS, BSREGS BCAD BRDAR BA'I CHO GAS GSER GYI KHAMS, ,SBYONG BA'I RIM BZHIN DGAG GZHAG SPANG GSUM GYIS, ,GZHUNG LUGS 'BUM SDE'I LHAD KUN 'BYIN PA LA, ,KUN DGA'I RGYAL MTSAN 'DZIN KHYOD BSKOS BA SNYAM, ,ZHES PA'I DON DANG MTSUNGS SHING, RTOG GE DANG THA SNYAD SOGS GTZUG LAG MANG BOR MKHYEN PA'I SPYAN YANGS PAS, MKHAS PA'I GSUNG LAS, SNYAN NGAG MNGON BRJOD SDEB SBYOR ZLOS GAR DANG, ,RTZIS BZO GSO BA SGRA CHAD NANG DON RIG ,SGYE BAR 'GROGS PAS DE DAG SRED PA BZHIN, ,MTHONG BA'I MOD LA DE YI BLO DANG 'THAMS, ,ZHES BA'I DON THOG TU BABS PAR MA ZAD GTZO BOR GSANG SNGAGS RDO RJE THEG PA'I SMIN GROL MAN NGAG GI GNANG LA BYANG CHUB BAS, THA SNYAD BSLAB BA CHU 'DOD SMIG RGYU'I RJES, ,SNYEG LTAR MTHONG

, ,NAS SNYING PO'I DON BTZAL BAS, ,SBAS DON RLUNG GI ZAB GNAD 'TSOL BA LA, ,GNAD DU CHE BAS RTZIS TSUL BZHIN DU BSLABS, ,GCIG SHES KUN LA MKHAS NA RTOG GE PA'I, ,YUN RING NGAL BYAS RNAMS KYI KHENGS PA BSTUNGS, ,ZHES PA LTAR YIN ZHING, DE YANG SDOM GSUM DU, LHA CHEN SKAD DAN SHOR BA LA, ,SDUG BSNGAL BDEN PA MTHONG ZHES GRAGS, ,ZHES PA LTAR, LOG PA'I BSHES KYI RDZUN TSIG DANG CHOS MA YIN PA SMRA BA LTA BU'I 'CHAD NYAN GYI GZUGS BRNYAN TZAM LA MTHA' CI BKAG ,DRAG SHUL CAN GYIS ZHUS PA'I MDO LAS, GAL TE BYANG CHUB SEMS DPA' LUNG NOD PA'AM SBYIN PA DANG LDAN PA'AM TSUL KHRIMS DANG LDAN PA'AM BZOD PA DANG LDAN PA'AM BRTZON 'GRUS DANG LDAN PA'AM BSAM GTAN DANG LDAN PA'AM SHES RAB DANG LDAN PA'AM BYANG CHUB SEMS DPA'I LAM GYI TSOGS GSOG PA DANG LDAN PA'I TSIG BZHI PA'I TSIGS SU BCAD PA SU LAS NYAN TAM LUNG NOS SAM BLANGS PA'I SLOB DPON DE LA DES CHOS KYI GUS PAR BYA'O,, MING DANG TSIG DANG YI GE JI SNYED PA DE SNYED KYIS BSKAL BAR GAL TE SLOB DPON DE LA G-YO MED PAR RNYED BA DANG BKUR STIS RIM GRO BYAS GYA NGAD DUNG SLOB DPON DE LA GUS PAR BYA BA YONGS SU RDZOGS PAR BYA BA MA YIN NA CHOS MA YIN PAS GUS PAR BYAS PA LTA CI SMOS ZHES GSUNGS PA DANG MTHUN PAR BSHES GNYEN DE DAG RNAMS LA MNYES PA GSUM GYI SGO NAS GUS BA LHUR MDZAD PA'I RNAM PAR THAR BA NI, 'BROM STON CHOS KYI RGYAL POS BLA MA SE BTZUN DANG, SE STON KUN RIG GIS RJE BTZUN 'BROG MI'I ZHABS BSTEN PA'I

DANG TSUL DANG MTSUNGS SO,, BCU PHRAG DRUG LHAG YONGS 'DZIN CHU GTER KLONG, ,MKHYEN DBYOD BRTZON PA'I RI BO BSGRIL BA LAS, ,LEGS BSHAD NYIN BYED THON PA'I 'OD STONG GIS, ,GANGS CAN BSTAN PA'I SNANG BA CHES CHER DKAR, ,THUB GSUNG DGONGS 'GREL MES PO'I RAL KLUNG LAS, ,LNGA RIG SHES BYA'I YAN LAG BRGYAD LDAN RGYUN, ,BLO GROS LTO BAR 'DZIN PA'I DRANG SRONG KHYOD, ,SNGON MED DZA HNU YI MCHED BE BZHIN, ,BSHES GNYEN BSTEN LA MI NGAL KUN DGA' BO, ,BGRANG YAS BKA' RNAMS SDUD POR 'OD SRUNGS CHE, ,RNAM PAR 'BYED PA'I SHES RAB SH'A RI'I BU'I, ,NGANG TSUL ZLA GZUGS GANGS CAN CHU MTSOR SHAR, ,DRANG NGES GNAD GSANG DBYE BA 'OD GZI'I MDANGS, ,MKHAS RLOMS NE RU KA DPAL BZOD MIN YANG, ,MTHA' KLAS CHOS KYI DKYIL 'KHOR BCU GNYIS CHAR, ,BRDAR NUS BI SHVA KARMA DANG 'DIR 'GRUB, ,DE YANG SNGAR DBUS NAS BO DONG DU PHEBS PA'I SNGON DU BSNYEN RDZOGS LO RTZIS KYI YONG DGOS RGYUR 'DUG RUNG THOG MA NAS LO ZLA SOGS DUS TSIGS NGES SBYAR GYI SA PO NA ZHIG MED 'DUG GSHIS, MDZAD PA 'GANGS CHE BA RNAMS PHYOGS SU BSDOMS PA'I GSOL 'DEBS KYI GO RIM LTAR BYAS PA 'GAL MED DU RTOGS PAS, GSOL 'DEBS LAS, GRUB PA'I GNAS MCHOG KHA'U BRAG RDZONG DANG, ,MANG MKHAR CHA LUNG RDO RJE'I SNGAG RDZONG SOGS, ,DBEN PA'I RI KHROD RNAMS SU ZAB MO'I LAM, ,RTZE GCIG NYAMS SU BZHES LA GSOL BA 'DEBS, ,MTSUNGS BRAL BSHES GNYEN SDOM BRTZON DBANG PO MCHOG ,YONGS RDZOGS MKHAN PO GRAGS PA RGYAL MTSAN ZHABS,

, ,GUS BSTEN BSNYEN PAR RDZOGS PA'I SDOM PA BZHES, ,DGE SLONG RDO RJE 'DZIN LA GSOL BA 'DEBS, ,ZHES GONG DU SMOS PA'I GSAN BSAM MTHAR PHYIN PAR MDZAD PA DE DAG GO YUL TZAM DU MA LUS PAR THUGS NYAMS SU BSTAR BAS, THAMS CAD MKHYEN PA MKHYEN BRTZES GSOL 'DEBS LAS, BRJOD BRAL BDE CHEN GNAS LUGS MNGON GYUR KYANG, ,RIM GNYIS BZLAS PAR BCAS PA'I RNAL 'BYOR LA, ,NAM YANG G-YEL MED SGRUB PA LHUR LEN PA'I, ,GRUB PA'I GTZUG RGYAN MCHOG LA GSOL BA 'DEBS, ,ZHES PA'I DON LTAR BSNYEN SGRUB KYI RIM PA MJAD PA AAshtA'I BSNYEN CHEN NA LANDAR GSUNG NGAG GNANG BA'I SNGA ROL NAS SONG ZIN PA DANG SNGA PHYIR BDE MCHOG YAB BKA' YUM BKA', 'JIGS BYED, GSHED DMAR, PHUR PA, MGON PO CHE CHUNG SOGS YI DAM CHOS SKYONG MANG PO'I LJOGS BSNYEN DUS RTAGS GRANGS TSAD DU THON PER MA KAD RGYUN DU'ANG NYIN MTSAN KHOR YUG TU THUGS DAM GYI RIM PA GNYIS KYI RNAL 'BYOR ZAB MOS DUS 'DA' ZHING SNGAGS KYI BZLAS PA'ANG NYIN KHAG RE'I KHONGS SU AAshtA, AOm GSUM MA, YA MA R'A DZ'A, SH'A SA NA, SA PHUR GYI SNYING PO RNAMS SO SOR STONG PHRAG RE CHAG MED DU MDZAD CING, BKA' LAS, NGAS GSANG SNGAGS GSAR RNYING GI SNGAGS PHAL CHER BSNYEN TSAD BZHIN MA BZLAS PA YE MED, DE RNAMS KYI NANG NAS MGON PO'I SNGAGS SH'A SA NA 'DI NUS PA CHE SHOS LA 'DUG STE, 'DI BGRANGS PAS 'PHRANG BA LA DNGOS SU ME 'BAR BA YONG GIN 'DUG, CES GSUNGS, SKABS SHIG ZHAL GYI BSNYEN PA GNANG

PA'I TSE THOG MAR CUNG ZAD 'TSUB PA'I RNAM PA DANG RJES SU GZIGS SNANG LA BAR SNANG NAS GOS CHEN LCAGS NAG GI PHOD KA CHEN PO GYON PA ZHIG GIS PU THUNG GI SBUBS NAS LAG PA CHEN PO YANG YANG STON PA SOGS BYUNG BA'ANG CHOS SKYONG GIS DNGOS SU RJES SU BZUNG BA'I CHO 'PHRUL DU SNANG, GZHAN YANG GRUM STONG KHA'U'I BRAG RDZONG DU BZHUGS PA'I DUS THUGS RGYUD LA NYAMS DANG RTOGS PA TING NGA 'DZIN GYI 'CHAR SGO BSAM GYIS MI KHYAB PA 'KHRUNGS SHING DBANG LAS BYUNG BA'I YE SHES KHYAD PAR CAN LAM GYI DUS SU GONG NAS GONG DU 'PHEL BA DRI MA DANG BRAL BA PHYAG RGYA CHEN PO'I YE SHES LA DBANG 'BYOR BAR MDZAD, 'PHAN YUL BYA BZANG DU BZHUGS PA'I TSE, BKA' LAS, NYI MA DGONGS PHYOGS SKYO BSANGS BYAS PA'I TSE MDUN GYI SPANG GSHONG LA GONG MO MANG PO RTZE ZHING, RGYAB KYI THANG LA PHYUGS RDZI GZHON NU MANG PO SHING 'THU ZHING RTZED MO BYED PA MTHONG BAS 'DI DAG KYANG BSAMS NA DGE SBYOR GYI BSKUL MAR 'DUG SNYAM NAS RANG SEMS LA GSAL 'BANGS SU SMRAS GSUNG BA'I NYAMS GLU GNANG BA'I SKABS YUN RING DU BZHUGS SHING THUGS NGAM GYI BOGS SHIN TU CHE BAR BYUNG, CHU BO RIR PHEBS PA'I TSE BRAG PHUG TU SGRUB PA MDZAD PAS DPA' BO DANG MKHA' 'GRO MAS TSOGS KYI 'KHOR LOS MCHOD CING THUGS NYAMS KYI NGANG NAS RDO RJE'I LUS KYI RTZA 'KHOR GYI LHA RNAMS GSAL BAR GZIGS PAS, GSUNG MGUR LAS, GNAS SPYI BO BDE CHEN GYI RI BO'I SPOR, ,RJE SKU YI RDO RJE YAB YUM BZHUGS, ,MA MKHA' 'GRO SO GNYIS KYI 'KHOR GYIS BSKOR, ,SKU ZLA SHEL GSAR PA'I MDANGS 'OD CAN, ,PHA

, ,GSOL BA 'DEBS SO RDO RING PA, ,BU MI MNGON DBYINGS NAS THUGS RJES SKYONGS, ,TSOGS MCHOD PAR 'BUL LO DRIN CAN RJE, ,LUS SNANG STONG SPRUL SKUR BYIN GYIS RLOBS, ,ZHES SOGS TSIG DON NGO MTSAR BA YOD, CHU BO RI'I DUR KHROD DU TSOGS 'KHOR MDZAD NAS BZHUGS PA'I MTHO PHYIR SHAB SHUB KYI SGRA DANG BCAS SKOR BA BYED BA'I SKAD THAMS CAD KYIS THOS PAR BYUNG, DUR KHROD DE'I GONG TZAM DU THUGS DAM LA CUNG ZAD BZHUGS PA'I GNAS DER ZHABS 'BRING PA RNAMS KYIS MNGON SUM DU RLUNG 'TSUB CHEN PO'I DKYIL NAS THAG SGRA CHEN PO YANG YANG BYUNG SKABS, DBAL LDAN LHA MO DUD PA'I SOL BA CAN SKU STOD JA BSUS PA'I RLANGS PA LTA BU SNGO SKYA NAM MKHA' KHENGS BA GSAL BAR GZIGS SHING SHOG DRIL ZHIG PHYAG TU PHUL, DE NAS BZUNG DUS RGYUN DU BDE CHEN GYI NYAMS BZUNG DU MED PA RDOL, DE LA BRTEN DUS LAN CIG MA YIN PAR BDE STONG LHAN CIG SKYES PA'I YE SHES KHOR YUG TU G-YO BA MED PA'I RGYU MTSAN, THUGS DAM GYI RIM PA STONG PHYOGS SU 'PHEL BAR DGONGS TE RMU BLA BRANG DU BZHUGS PA'I SKABS SHIG ZHABS CUNG ZAD BSNYUN PA'I TSUL BSTAN TSE 'KHRUL ZHIG DKON COG BZANG POR ZHU SHOG PHUL BA'I NANG DU BDAG KYANG LUS BSAM GTAN GYI KHANG BU'I SGOR MI THON KYANG SEMS LA BDE CHEN GYI YE SHES MNAN PAS MI NON PA KHOR YUG TU YOD CES PA'ANG BYUNG, DE YANG RJE BTZUN CHEN POS, LTA BA SPROS BRAL DU BLO CHAM 'GRO NA 'DA' KHA MA MI THEBS PA MI SRID TSE 'DI DANG MTHONG LAM GYI BAR NA DAR TZAM LAS MED, CES PA'I TSAD DER PHEBS NGES PAS DAM PA 'DI

NYID BZANG PO BZANG PO ZHES PA'I MING CAM GYI STONG 'UR MKHAN RNAMS DANG MI 'DRA BAR SLU MOD GTAN GYI SKYABS MCHOG TU LUNG DANG RIGS PAS BSGRUB NUS PAS DRAN PA'I MDO LA SRID ZHI'I GDUNG BA MTHA' DAG SEL BAR SNANG, BCOM LDAN 'DAS DGYES MDZAD RDO RJE DANG MA HE'I ZHAL CAN SOGS YI DAM GYI LHA MANG PO NANG RANG BYUNG LUS KYI PHO BRANG DU RLUNG SEMS DAG PA'I GAR MKHAN ME LONG LAS GZUGS BRNYAN LTAR PHYI ROL TU SHAR TE ZHAL GZIGS, GUR ZHAL, BEG TZE, STAG ZHON SOGS DAM CAN SRUNG MA RNAMS RGYAL GYIS 'BANGS LA BSGO BA BZHIN JI LTAR BZHED PA'I 'PHRIN LAS BSGRUB PA LA MI G-YEL LO,, RING BOR MA LON PAR MANG MKHAR DU BYON TE SA SKYA'I MI 'GYUR BA'I GZER BZHI ZHES PA SHAR DU BYA 'GYUR RDO RJE'I BRAG, LHOR PHUL BYUNG BDUD PO DRAG, NUB TU CHA LUNG RDO RJE BRAG, BYANG DU GA RA G-YA' YI BRAG STE BZHI'I NANG NAS CHA LUNG RDO RJE BRAG RDZONG GI RJE BTZUN GRAGS PA RGYAL MTSAN GYI GZIMS SPYIL SHING SGO MA ZER BA'I PHUG PAR SGRUB PA MDZAD KYIN BZHUGS PA'I RE ZHIG NA NYE BA'I SRI ZHU BA DES SNGA DRO DRUNG DU BYIN PAS GZIMS ZHVA SDUBS THIBS SE BYAS SKU DNGOS NI MI SNANG, CI YIN SGO BCA' SOGS NI MDANG NUB KYI DE GA 'DUG SKAR KHUNG NI SHIN TU CHUNG GANG YIN SNYAM NAS SLAR LOG STE SGO'I PHYI NAS BLTAS PAS LHO'I MCHOD RTEN GYI DRUNG NA CHOS GOS RNAM GSUM DANG BCAS SKU ZIL PA PHROM ME 'OD MER RE BZHUGS 'DUG PA NA BDAG CAG GI BLA MA DAM PA NI GANG LA'ANG THOGS PA MED PAR 'PHUR TE BYON TE SNYAM DAD PA ZI BUM PA'I NGANG NAS SKU DRUNG DU PHYIN PA LTA STANGS KYI NGANG NA HA DA NE BZHUGS

, ,PA MTHONG, SLAR GZIMS SPYIL DU PHEBS, BRAG GI PHUG NAS LCAGS KYI RDO RJE RTZE DGU PA ZHIG BYUNG BA THUB BSTAN DGE 'PHEL GYI MGON PO'I THUGS KAR BZHUGS, BKA' LAS, 'PHUR BA YIN ZER CHED DU THEB THEB RANG DGOS DOGS MED SEMS CER BLTAMS PAS GANG DGOS SA RU SLEBS YONG BA YIN GSUNGS, DE DUS BDE STONG LHAN CIG SKYES PA'I YE SHES MNGON DU GYUR PA'I NYAMS 'UR CHEN POS 'KHRUL SNANG AA 'THAS RDZUN PHUGS RDEB PA'I KUN TU BZANG PO'I SPYOD PA GRUB PA'I SA DANG LAM GYI RTOGS PA MTHAR PHYIN PA MDZAD PA YIN TE, YANG GSANG BRGYUD 'DEBS LAS, MANG MKHAR CHA LUNG RDO RJE'I BRAG RDZONG DU, ,BLO GSAL BUD BA 'DU BA'I PADMO'I TSAL, ,RGYUD SDE RGYA MTSO'I BCUD PHYUNG GDAMS PA'I GTER, ,DRIN CAN TSAR PA SMYON PAR GSOL BA 'DEBS, ,ZHES BYUNG LA, GNAS 'DI DANG THUB BSTAN DGE 'PHEL GNYIS SU CHOS NYID SKYE BA MED PA'I DON MNGON DU MDZAD PA'I TSUL BSTAN PA YIN TE, JI SKAD DU, GZHI 'KHRUL SNANG GI RANG ZHAL BLTAS TZA NA, ,BRJOD MED KYI DBYINGS SU RJEN NE BA, ,GSER GLING DU BOL DUM NGAS MA RNYED, ,MA SEMS CAN TSO MGO BO GANG NAS 'KHOR, ,ZHES DANG, LAM BSKYED RDZOGS GNAD DU BSNUN TZA NA, ,SPYIR SNANG 'DI NYAMS KYI BAN MA BUN, ,SNANG GRAG RIGS GSUM 'DI RGYAL BA'I NGANG, ,KHONG RNAL 'BYOR TSO BLANG DOR GA LA BYED, ,LAM SGOM PA'I 'BRAS BU SGRA BO CHE, ,GZHI MNGON DU GYUR PA'I SKAD DU GDA', ,'DI RANG BCAS SU YOD PA RANG NGO SHES, ,DA 'BRAS BU BYA BA GZHAN MA MCHIS, ,ZHES GSUNGS,

DE NAS CHO 'PHRUL CHEN PO'I TSES BCO LNGA NAS ZLA GCIG TZAM GYI BAR SKU MTSAMS BCAD DE DBANG DRAG PADMA NYE BAR BSNYEN BA'I TSE RGYAL BA KUN 'DUS PADMA THOD 'PHRENG RTZAL GYIS ZHAL BSTAN ZHING GSUNG GI GNANG BA DANG BCAS DBUGS DBYUNG, 'PHAGS YUL GYI SLOB DPON PADM'A KA RA DANG BOD KYI LO CHEN PO RA'I THUGS KYI NYID KHU YANG GSANG KHOS PA LHA DGU'I GSUNG BSNYEN DANG DE'I YIG CHA LA BRTEN NAS MYONG GROL BDUD RTZI'I RIL BU'I SGRUB PA GNANG BA'I TSE DKYIL 'KHOR GYI LHA TSOGS DANG GNOD SBYIN LCAM DRAL RGYUD NAS BSHAD BA'I SRUNG MA RNAMS KYIS RANG RANG GI SKU DNGOS SU BSTAN PA'I TSE GING LNGA'I RTA RMIG KYANG NAM MKHAR MI SHONG BA LTA BU GZIGS, RMUR SKOR TZAM PHEBS PHA'I TSE YANG GZIGS SNANG DE 'DRA BA BYUNG BA'I RKYEN GYIS CHIBS DRAG TU BSKUL NAS PHEBS PAS BU RI 'BRANG GI MAS SNAR CHIBS PA'I RMIG RJES SHIN TU GSAL BA DA LTA'ANG KUN GYI SBYOD YUL DU MCHIS, DE YANG CHO 'PHRUL BSTAN PA'I MDO LAS, RGYAL SRID MCHIL MA'I THAL BA BZHIN SPANGS NAS, ,DBEN PAR DONG STE DGON PAR GNAS BYED PA, ,NYON MONGS SPANGS NAS BDUD NI BCOMS NAS SU, ,BYANG CHUB RDUL MED 'DUS MA BYAS 'TSANG RGYA, ,ZHES SRID PA 'KHOR BA LA YID 'BYUNG BA'I RANG BYUNG GI BSLAB PA LA BRTEN NAS MYUR DU BYANG CHUB RNYED BAR 'GYUR PA'I GTZO PO NI, DGE SLONG LA RAB TU GCES PA'I MDO LAS, DGE SLONG ZHES BYA SDUG BSNGAL SBONG BA YIN, ,DGE SLONG ZHES BYA RGYAL BA'I SRAS PO'O, ,ZHES 'KHOR LOS SGYUR BA'I RGYAL PO LA SRAS STONG YOD KYANG THU BO LA RGYAL SRID 'BYUNG BA BZHIN 'KHOR RNAM PA BZHI'I NANG NAS MCHOG TU GYUR PA

, ,DGE SLONG BA'I SDOM PA YIN LA, DE YANG BOD 'DIR SDOM RGYUN 'GA' ZHIG YOD PA'I NANG NAS KHA CHE'I PAn CHEN BSOD SNYOMS PA CHEN PO'I SDOM RGYUN SHIN TU GTZANG BA CHOS LUNG CHOGS SU BZHUGS PAR BRTEN, GSUNG LAS, BDAG GIS CHA 'DI'I NGO SRUNG RGYAB TU BOR, ,PHYI MA'I DON CHEN 'BA' ZHIG SNYING NAS BSAMS, ,YONGS RDZOGS KHA CHE'I PAn CHEN BSOD SNYOMS PA, ,SH'AKYA SHR'I'I GRAR NI 'BAD PAS ZHUGS, ,ZHES PA LTAR DGUNG LA SO GCIG PA DGA' BA ZHES PA CHU PHO 'BRUG GI LO SA GA ZLA BA'I TSES BCO LNGA THUB PA'I DBANG POS BDUD BTUL BYANG CHUB BRNYES SHING MYA NGAN LAS 'DAS PA'I DUS CHEN SUM 'DZOM GYI TSE NYES LTUNG GI CHA PHRA MO'I 'DAM GYIS MA GOS SHING, TSUL KHRIMS KYI 'DAB BRGYA YONGS SU BZHAD PA LAS MYA NGAN LAS 'DAS PA'I ZE'U 'BRU'I BCUD KYIS SKAL BZANG RA YIG GNYIS PA'I DGA' STON CHES CHER SPEL BA SA'I STENG NA 'GRAN PA'I ZLA THAMS CAD DANG BRAL BA'I DAN GYI SLAD DU MTSAN NAS SMOS TE YONGS RDZOGS BSTAN PA'I MNGA' BDAG GRAGS PA RGYAL MTSAN DPAL BZANG POS MKHAN PO, CHOS KYI RJE BKRA SHIS RNAM RGYAL GYIS LAS SLOB, RJE NGAG DBANG BSTAN PA'I RGYAL MTSAN GYIS GSANG STON, G-YAG SDE LCANG RA BA BLO GROS PHUN TSOGS KYIS DUS BSKO BA, SPOS KHANG PA 'JAM DBYANGS RGYAL MCHAN SOGS NYI SHUS LAS KYI KHA BSKANG STE JO BO STAN GCIG PA'I BSTI GNAS NYANG STOD SPOS KHANG GI KUN DGA' RA BAR BSNYEN PAR RDZOGS PA'I TSE SNGAR DGE CHUL GNANG BA'I MTSAN GYI STENG DU MKHAN PO'I MTSAN SGRA GRAGS PA RGYAL

MTSAN DPAL BZANG PO ZHES BSNAN ZHING BAG YOD PA KHO NA MDZAD DE TSUL KHRIMS RNAM PAR DAG BA NI, JI SKAD DU, KHAN MA THO PHRA RAB LA'ANG, ,THUGS NI SHIN TU 'JIGS PAR MDZAD, ,DRAN DANG SHES BZHIN LDAN PA YIS, ,CHUL BZHIN MA YIN YID MI MDZAD, ,BAG YONG DRAN DANG G-YO SGYU MED, ,LTUNG BA'I NYES PAS KHYOD MA GOS, ,ZHES MNYAM MED JO BO CHEN PO'I RNAM PAR THAR PA DANG MCHUNGS SA, BZLAS BRJOD NUS PA'I GLAG ZHAGS THOD 'PHRENG LA, ,'KHYUG TSE BDUD SNYING SNGAGS SMYON THOG GZER GYIS, ,'BIGS KYANG LHA RGYUD BSKUL BA'I DBYAR GYI RNGA, ,THOS PAS DNGOS GRUB RMA BYA'I MNGAL KHUR 'DZIN, ,BDE STONG YE SHES ME LCES GNYIS 'DZIN SHING, ,BSREG PA'I TSA 'PHRUL LA MTSAR BYIS PA'I BLO, ,SKYON MED GNYUG MA'I LAM GYIS 'DUS MTHA'I 'PHRANG, ,BRGAL TE BCU GSUM SA LA SNYEG 'DI CI, ,MTHA' KLAS CHOS KYI RANG MTSANG RJEN PA RU, ,SHAR TSE KUN RDZOB 'KHRUL BA DBYIG PO CHES, ,MED KYANG MNGON SUM SNANG BA'I SPRUL BSGYUR GYIS, ,SGYU MA'I GLANG SENG 'JIGS CHUL BAG LA ZHA, ,BDAG 'DRA'I 'GRO SNYING LCAGS KHAMS 'KHOR BA LA, ,NGES PAR MA 'BYUNG TSE 'DI'I GRABS GSHOM NA, ,MTHON PO'I SA LA GSHEGS KYANG CHANGS SBYONG GRUS, ,SROD MTSOR SGROL BRDZU'I RJUN GYIS 'DRID 'DI CI, ,'ON TE CHAGS BRAL TSUL KHRIMS NGAD 'THUL YANG, ,DGA' BZHI'I 'GROS KYI BDE STONG SMIN LEGS MAR, ,MNYAM SBYOR RTZE DGA' RGOD PA'I THEG GSUM DON, ,'GAL MED MDUD PA'I GNAD DE LHOD POR GROL, ,GSOL 'DEBS LAS, ,GRUB DBANG

, ,BLA MA 'KHOR LO SDOM PAR GZIGS, ,DGE 'PHEL CHOS KYI KHRI LA SPYAN 'DREN PA'I, ,GZHI BDAG GUS PA'I RNAM 'PHRUL PHO NYA'I CHUL, ,ZHABS KYI PADMAR SON LA GSOL BA 'DEBS, ,NGAG DBANG DBYANGS CAN LHA MO'I BZLAS BRJOD TSE, ,MKHA' LA ME TOG DKAR PO'I CHAR BABS SHANG, ,RGYUD MANGS SGRA SNYAN RNA BA' BDUD RTZI MCHOG ,'OD GSAL DANG DU GSAN LA GSOL BA 'DEBS, ,MNAL LAM JANG DU DPA' BO MKHA' 'GRO'I TSOGS, ,SGRON MA BTEG NAS RJE BTZUN RDO RING PA'I, ,'KHOR SLOB 'CHOL BA'I ZOL GYI RNAM THAR MCHOG ,RTZOM PAR BSKUL BA GZIGS LA GSOL BA 'DEBS, ,GRANGS MED MKHA' 'GRO 'DU BA'I TSOGS DBUS KYI, ,GTZO MO PADMA'I DRA BA CAN ZHES PAS, , GLEGS BAM BSTAN CING CHO 'PHRUL SNA TSOGS BCAS, ,'DRI BA'I YO BYAD GTAD LA GSOL BA 'DEBS, ,CHES KYI KHRI LA 'KHOD PA'I RAB BYUNG GIS, ,RGYAL BA'I RTOGS BRJOD KLOG PA'I TSUL CAN LA, ,MKHA' 'GRO'I TSOGS RNAMS DGA' BAS NYAN PA SOGS, ,DGE MTSAN DU MA GZIGS LA GSOL BA 'DEBS, ,RJE BTZUN BLA MAS ZHAL BZANG YANG YANG BSTAN, ,RNAM THAR RTZOM PA'I BYA BA MTHAR PHYIN TSE, ,DPAL LDAN 'DOD KHAMS DBANG MOS DGYES PA YI, ,SRUNG MAR ZHAL GYIS BZHES LA GSOL BA 'DEBS, ,ZHES DNGOS SHUGS SNA TSOGS PA, DE LTAR MKHAS BTZUN BZANG PO'I BDAG NYID CAN RNAMS NI 'KHOR BA'I MTHA' MA RDZOGS PA DE SRID DU RNAM PAR DKAR BA'I 'PHRIN LAS KYI RGYUN CHAD PA MED PAR 'JUG PA CHOS NYID

YIN PAS MDO SNGAGS KYI GRA DANG SDE, SA SKYONG BA'I CHE DGU, RIGS RUS KYIS MTHO BA'I YA RABS, RNAM DPYOD DANG LDAN PA'I MKHAS PA, NYAMS RTOGS DANG LDAN PA'I SGOM CHEN, DPA' MDZANGS LONGS SPYOD DANG LDAN PA'I DPON SKYA SOGS SKYA BO THAMS CAD KYI BSAM BLO'I YUL DU DAM PA 'DI NYID BDAG CAG GI SKYABS GNAS SU THAB NA CI MA RUNG SNYAM PA'I 'DUN PA RTZE GCIG TU GYUR PAS, RJE NYID KYIS CHOS SKYONG RNAMS LA BKA' BSGO BA'I TSIGS BCAD LAS, 'DI NA SKYE RGU'I PHAN BDE MA LUS PA, RGYAL BA'I BSTAN PA MCHOG LA RAG LAS SHING, ,BYANG PHYOGS 'DI NA BSTAN PA'I SNYING PO MCHOG ,SA SKYA'I RJE BTZUN ZHABS LAS BRGYUD 'DI YIN, ,DE YI YANG SNYING GSANG CHEN ZAB MO'I BCUD, ,ZHAL DANG SNYAN DU BRGYUD PA'I MDZOD 'DZIN PA, ,KHO BO'I 'DREN MCHOG RJE BTZUN RDO RING ZHABS, ,BKA' DRIN MNYAM MED DAM PA'I SROL 'DIR BAS, ,DE NYID MCHOD CING BKUR BA'I SBYIN PA'I BDAG ,STOD LUNG SA YI THIG LE'I STOBS LDAN NI, ,SPA RA BA ZHES GRAGS PA'I BA DAN CAN, ,ZHES PA LTAR STOD LUNG NAS SDE BA SPA RA BA RJE BTZUN SA SKYA BA'I BSTAN PA LA MI PHYED PA'I DAD PA DANG LDAN PAS GSUNG NGAG RIN PO CHE'I BLA MA BRGYUD PA'I GSER SKU GRVA TSAR BZHENGS PA'I RAB GNAS LA GDAN DRANGS TE STOD NAS CHIBS KHA BSKYOD, DAM TSIG PA LA YE SHES SEMS DPA' DNGOS SU 'JUG PAS MTSON 'DOD CHOS RKYEN SEL GYI RIM GRO SOGS RA BA YONGS SU SKONG BAR MDZAD CING, RDO RJE'I CHOS SKYONG RNAMS KYI RTAG GTOR 'DZUGS PA SOGS MGON KHANG BZHENG BA GNANG TSE, NA MO GU RU DE WA

, ,MAndA LA DHARMA P'A LA SA PA RI W'A RE BHYA: KUN KHYAB KUN GYI BYED PO GCIG NYID SRID ZHI'I GZUGS KYIS KUN LA 'KHYUD, ,RGYAL DANG RGYAL SRAS SLOB MAR BCAS BA'I TSOGS KYI GTZO BO RGYAL BA RJE, ,MTHA' YAS MTHA' MED 'GRO BA'I SKYABS MCHOG RJE BTZUN BLA MA SRID MTHA' BAR, ,GTZUG RGYAN GTZUG GI NOR BUR GUS MCHOD 'BRAL BA MED PAR GTZUG TU BZHUGS, ,ZHES SOGS MKHA' 'GRO LNGA BSTOD BSKUL DANG, DAM CAN SRUNG MA DGYES PA'I RNAL 'BYOR PA, ,RDO RJE 'DZIN PA BLO GSAL RGYA MTSO'I SDES, ,GNAS LUGS BDE BA CHEN PO'I MKHA' DBYINGS SU, RAB ZAB THABS KYIS BSGRUBS PA'I MCHOD PA'I SPRIN, ,ZHES RGYUD DANG MAN NGAG LAS BYUNG BA'I PHYI NANG GSANG MCHOD RGYAS PAR DBUL MTHAR, RGYAL BA'I BSTAN PA SPYI DANG BYE BRAG TU, ,DPAL LDAN SA SKYA PA ZHES GRAGS PA YI, ,BSTAN PA'I NYING KHU RJE BTZUN RDO RING BA'I, ,BSTAN PAS YI PHYOGS 'DIR DAR RGYAS MDZOD, ,DE NYID 'DZIN DANG MCHOD PA'I SBYIN PA'I BDAG ,MI NOR 'KHOR BCAS BSRUNG DANG SPA BA DANG, ,'DU 'BRAL MED PAR RTAG TU SKYONG BAR MDZOD, ,CES DANG, DA LTA'I GNOD BYED MI DANG MI MA YIN, ,SKAD CIG NYID LA MNGON SUM 'DIR KHUG LA, ,RAB RNON MTSON CHAS MGO LUS DUM BUR GTUBS, ,KHRAG ZHAG DON SNYING DMAR PO HAB KYIS THOB, ,CES 'BRIN LAS RGYAS PAR MDZAD, RING ZHIG NA 'GRO BA'I LAS SMIN BDO BA RGYAL PO GZUGS CAN SNYING PO LTAR TSAD BZUNG DKA' MOD, HOR BYA RIG SOGS RJES MA RNAMS LA'ANG SRUNG MA'I ZA KHA ZUG STE MING GI LHAG MAR GYUR,

DBUS SU ZLA BA DRUG TZAM GYI RING BSTAN 'GRO'I LEGS TSOGS SPEL NAS GTZANG DU BYON, CHOS SGO BA BYAMS PA SHES RAB BZANG PO LA SNGAR SMOS PA'I CHOS GSAN RGYU'I SNGON DU RMU GSHOD NA BZHUGS PA'I MNAL LAM DU MI SNGON PO ZHIG NA RE PHUN 'KHOR LO BDE MCHOG BYON YOD PAS CHOS ZHUS ZER BYUNG BA'ANG RTZAD GCOD MI GNANG BA DGE 'PHEL MKHAN CHEN BYAMS PA SHES BZANG BDE MCHOG LA MKHAS ZER BA LAS GZHAN KHUNGS MA CHOD ZER BAS DE GAR THUGS NGES PA RNYED DE DGE 'PHEL DU PHEBS BDE MCHOG LO NAG DRIL GSUM GYI DBANG 'KHRID ZHAL GDAMS RDZOGS PAR GSAN TSE BLA MA 'KHOR LO SDOM PA DNGOS SU GZIGS PA DPON SLOB GNYIS KA'I CHE BAR MNGON, RANG GI BSTI GNAS SU BZHUGS PA'I DUS THUB BSTAN DGE 'PHEL GYI ZHAL BDAG MDZAD DGOS PAR GSOL BA 'DEBS MKHAN SANG NYIN YONG PA'I DO NUB 'OD GSAL GYI NGANG DU BZHUGS GNAS KYI SENG G-YABS NAS MI DMAR RTA DMAR CAN ZHIG BABS BYUNG NAS GUS PA CHEN POS PHYAG BTZAL TE THUB BSTAN DGE 'PHEL GYI GDAN SA LA SPYAN 'DREN PAR YONGS PA YIN ZER BA LA KHYED SU YIN GSUNGS PAS, BDAG SHO DMAR GYI BRAG BTZAN LAGS, MKHAS GRUB DAM PA KHYED PHU DGON PHA'I GDAN SA LA CIS KYANG 'BYON DGOS BDAG GIS KYANG 'PHRIN LAS SGRUB PA'I GROGS BYED, KHYED KYI DGON BA 'DI ZHAL BDAG MDZAD NA 'DI PHYOGS KYI SEMS CAN THAMS CAD 'PHRAL DANG YUN GYI PHAN BDE LA 'GOD NUS SHING DAM PA KHYAD KYI CHOS RGYUN YANG BSTAN PA JI SRID GNAS KYI BAR DU PHYOGS 'DIR GONG NAS GONG DU 'PHEL BAR 'GYUR RO,, ZHES ZHUS 'DUG CING,

, ,SRUNG MA 'DI NI, BAR CHAD LAM SEL MA LAS, BRAG NAG HA BO'I MGON KHANG DU: SHO BTZAN DMAR PO DAM LA BTAGS: ZHES BA DE YIN ZHING RJE 'DI NYID KYI BKA' LAS CUNG ZAD CAM YANG MI 'DA' LA, GZHA, DU DRAG SHUL DANG GDUG RTZUB CHE BAS THUB BSTAN DGE 'PHEL GYI 'OG TZAM BYANG RI'I LDEBS LA RTEN MKHAR YOD BA'I MDUN DER BLA CHEN SDE DPON SNGAGS PA RTOGS LDAN SOGS LUGS GNYIS GANG RUNG GIS MNGON PAR MTHO RLOM RNAMS KYIS RTA MA BABS NA NYIN ZHAG GI KHONGS SU RTA 'CHI BA YONG BA'I GRAGS BAS, SA SKYA NAS BDAG CHEN RIN PO CHE PHEBS SKABS KYANG DE GAR GTOR BSNGO MDZAD RJES CHIBS YAB G-YAS 'BUD, ZHABS 'BRING BA RNAMS RKANG 'GROS BYAD, PHYAG RDZOGS KYI RTOGS PA KLONG DU RDOL BA'I SGAM SMYON SPRUL SKU DANG, STOBS 'BYOR GYI DREGS LDAN SDE BA NOR BU SOGS KYI RTAN SHI MANG DU BYUNG BAR RNAM RTOG LANGS GSOL MCHOD PHUL BAS MTSON CHES MANG LA, TSAR LUGS LA DE RING ZHUGS PA'I GSAR BU BA ZHIG KYANG RTA 'BAB MI DGOS PA SOGS MNGON SUM GYI SPYOD YUL DU GYUR PAS SO,, 'OD GSAL KHYI LTAS LTAR SANG NYIN THUB BSTAN DAG 'PHEL GYI CHOS GRVA CHEN PO NAS, GDAN SA MDZAD DGOS PA'I SNYAN ZHUS 'BUL MKHAN BYUNG BAS BSTAN PA DANG SEMS CAN GYI DON RGYA CHEN POR 'GYUR BAR DGONGS TA THUGS DGYES BA CHEN POS, BKA' LAS, DE LTAR KHO BO LA RTZE GCIG TU GSOL BA 'DEBS PA YIN NA CIS KYANG DE BZHIN DU BYA'O ZHES ZHAL GYI 'CHES PAS GSOL 'DEBS PA RNAMS YID BDE

BA'I DPAL LA BKOD, DE NAS MI RING BAR KHA CHE 'DUS BZANG MKHAS MCHOG DA BYIG GNYEN GYI PHYOGS SU BYON BA BZHIN DUR SMRIG GOS KYI NAM MKHA'I KHA DOG 'GYUR BA LTA BU'I 'DUS TSOGS KYI SER SBRENG 'PHAN GDUGS RGYAL MTSAN ROL CHA SOGS MCHOD TSOGS BSAM GYIS MI KHYAB PA THOGS PAS MDUN BDAR CHIBS BSU'I BKOD PA SNGON DU 'GRO BAS RGYAL BA ZHES PA SHING PHO RTA'I LO THUB BSTAN DGE 'PHEL GYI GDAN SENG GE'I KHRI LA ZHABS KYI CHU SKYES RNAM PAR BKOD, DE NAS KHAMS BA SANGS RGYAS RDO RJE, MI NYAG MGON PO 'OD ZER, CHOS RJE BRAG CHOS PA, PHU PA DBU MDZAD TSUL KHRIMS SOGS RIN PO CHE LTA BU'I GDUL BYA DBANG PO YANG RAB KYI SKAL LDAN RNAMS LA GSUNG NGAG RIN PO CHE LAM 'BRAS BU DANG BCAS PA SLOB MA MCHOG LA BSHAD BYA'I DBANG BYIN RLABS 'KHRID LUNG SHIN TU SMIN BA LO 'KHOR GYI BAR DU 'DZUGS BA LAM SKOR PHYI MA BRGYAD DANG, RTZA RGYUD BRTAG BA GNYIS PAR KUN TU DGOS PA'I GZHUNG BDUN GYIS NYE BAR SPRAS PA'I GSUNG BSHAD, GZHAN YANG DBANG RJES GNANG SOGS SO SO'I BLO DANG 'CHAM PA'I CHOS KYI SGO 'PHAR PHYE NAS RE BA DON LDAN GYI SA LA BKOD, DE'I TSE 'OD GSAL LA BDAG CHEN BLO GROS RGYAL MTSAN BA YIN ZER BA'I DGE BA'I BSHES GNYEN KHYAD DU 'PHAGS BA ZHIG DANG RIN PO CHE RDO RING PA DNGOS SU BYON NAS DGYES PA'I 'DZUM ZHAL BSTAN PA NI RIN CEN SGANG BA SGOS KYI ZAB CHOS RNAMS CHOS CHER SPEL BA LA LEGS SO MDZAD PAR 'DUG, MGON KHANG DU RDZAS 'KHOR LO GZUNGS SNGAGS SOGS CHOS SKYONG GI RTEN BZHENG BA'I MAN NGAG LTAR LAGS BAR BSKRUN

, ,TE SMAN 'DAM LAS GRUB PA'I GUR MGON MI TSAD TZAM, LHA MO, LAS MGON YAB YUM, BU TA MING SRING, ZHAL BAM GZUGS, BEG TZE LCAM DRAL RNAMS KHRU PHYED DO TZAM, RTAG GTOR 'DZIN GTOR SPYAN GZIGS SOGS RGYAS SHING NGO MTSAR BA DANG, DE'I BZO PHUD DU LAM 'BRAS DANG LAM ZAB BRGYUD PA RKANG GANG TZAM KHYAD PAR RJE NYID KYI SKU 'DRA MI TSAD CHUNG PHYOGS TZAM BYON GTZANG ZHING RAB GNAS KYI SKABS SHANGS G-YON GYI SPUB TU RING BSREL YUNGS 'BRU TZAM GNYIS BYUNG BA, PHYIS MKHAN CHEN RGYAL RTZE BA BYAMS PA NGAG DBANG BSOD NAMS RGYAL MTSAN GYIS KHRUS GSOL DANG MCHOD PA RGYAS PAR MDZAD SKABS SNYAN G-YON GYI LTAG TU RING BSREL CHE TZAM GNYIS GSAR DU 'KHRUNGS SHING DA LTA'I BAR DU SKU GRIB KYI RNAM PA BYUNG TSE SPYAN G-YAS G-YON GYI 'GUG NAS KHRAG MDA' 'DRA BA'I DMAR PO ZHIG SPYAN 'BRAS KYI DKYIL TZAM SLEB PA RGYUGS YONG ZHING DE LA KHAS GSOL BYAS NA SANGS 'GRO BA'I NGO MTSAR CAN YE SHES SEMS DPA' DNGOS SU BZHUGS PA'I BYIN RLABS CHE NGES, PHYI'I CHOS KHRI, LHA G-YABS, DE NANG DU BZHUGS RGYUR MANG MKHAR CHU TSAN GYI PHU'I DOL MTHA'I GZHI BDAG LA RDO LHA BZHENG BA'I RDO THONG ZHES BKA' SHOG MDZAD PA BSGRAGS PAS RDO GANG 'DOD LDANG TSOD TZAM RNYED PA'I NGO MTSAR CAN LA LAM 'BRAS DANG LAM ZAB BRGYUD PA BRKOS PA RNAMS LA, DPAL KYE RDO RJE'I DKYIL 'KHOR DANG 'BREL BA'I RAB GNAS SOGS BSTAN 'GRO'I DON RGYA CHER MJAD, GANG GI SKU RGYU RIN CEN RDO, ,SBYIN PO DOL MTHA'I GZHI BDAG KYANG,,

LAS NYON SGRIB PA KUN BYANG NAS, ,RDO RJE 'CHANG DBANG MYUR GRUB SHOG ,CES SMON LAM 'DEBS PA GNANG ZHING SA PHYOGS GANG DU PHEBS PA'AM BZHUGS KYANG RUNG 'BYUNG PO MI MA YIN MTHU BO CHE MTHA' DAG SROG SNYING MDONG GSOL DU PHUL NAS BKA' BZHIN BSGRUB, DGON PA SHAR SPUG TU NGAG DBANG LHA MO DBYANGS CAN MA'I LJAGS BSNYEN MDZAD PA'I TSE ME TOG DKAR PO'I CHAR BAB PA DANG NYE SKOR DU BRDUNG MKHAN MED KYANG PI WANG GI SGRA SNYAN PO GSAN ZHING MTHAR ZHAL MNGON SUM DU BSTAN NAS LUNG BSTAN KYANG THOB, SPYIR RIG PA'I GNAS LNGA DANG BYE BAG SNYAN NGAG LA THOGS PA MED PA'I RNAM DPYOD NI SLOB DPON BSTEN NAS YUN DU SBYANGS KYANG SKAM SKAM KHRIG CHAGS SHIG LAS YONG DKA' BAR THAGS RTZOM GANG MDZAD SNYAN NGAG TU 'GRO BA'I BLO GROS KYI SPOBS PA NANG NAS RDOL BAR MNGON, THUB BSTAN DGE 'PHEL DU BZHUGS PA'I DUS RDO RJE 'CHANG KUN SPANGS CHOS RJE'I RNAM THAR THUGS RTZOM GNANG BA'I SBYAR BYANG DU SPYIR DAM PA 'DI'I RNAM THAR MTHA' DAG NI SO SO SKYE BO'I SPYOD YUL MA YIN PAR GONG DU BRJOD PA DGAGS 'GRUB PA DANG KHYAD PAR RJE NYID ZHAL BZHUGS DUS GSOL BA BTAB PA'I GSUNG LAS KYANG GRUB THOB THANG STONG RGYAL PO DANG NGED DPON SLOB KYI RNAM THAR SU BYUNG GI BLO YUL DU SHONG BA MED GSUNG BAS BDAG LTA BU BLO GROS CHUNG ZHING SBYANGS PA ZHAN LA BRJED NGAS PAS JI LTA BA BZHIN BRJOD NUS PA'I SPOBS PA MA MCHIS SHING, ZHAL SLOB MKHAS PA DANG GRUB PA'I DBANG PHYUG DU MA BZHUGS PA RNAMS KYIS MDZAD PA 'OS SU 'DUG PAS MDZAD GRUB PA ZHAG

, ,'ONG NGAM SNYAM SGUG SDOD YUN RING BO'I NGANG DU GNAS KYANG GRUB PAR MA THOS BA'I MTSAMS SU YE SHES KYI MKHA' 'GRO RNAMS KYIS CUNG ZAD BSKUL BA'I MTSAN LTAS KYANG 'DUG CING GSUNG NGAG RIN PO CHE'I BLA MA BRGYUD PA'I RNAM THAR GYI KHA SKONG DANG, SKAL BA DANG LDAN PA'I GANG ZAG DAG GI RGYUD LA YE SHES KYI BYIN RLABS 'JUG PA'I MTSAMS SBYOR DU ZHAS BYUNG BA'I NGO MTSAR BA'I LTAS NI GSUNG RTZOM PHYAG BRIS MA LAS, ZLA BA DANG PA LA SKYES PHO MO MANG PO TSOGS TE SGRON ME KHUR NAS RDO RING KUN SPANGS PA'I GRA PA RNAMS GAR SONG 'TSOL BA YIN ZER NAS KHO BO'I MDUN PHYOGS SU YAD YUD MANG PO BYED PA LA, LAN DU RJE'I GRA PA 'DI DANG 'DI ZHES BYA BA MANG PO YOD NGA YANG YIN BYAS PAS 'O NA RNAM THAR BSHAD RGYU YOD DAM ZER BA LA MED BA SNYAM BYAD CING SHIN TU NGO GNONG BA ZHIG LA GNYID SAD BYUNG NAS SEMS MI BDE BA SNYAM BYED PA 'GA' BYUNG, DE RJES KYI ZLA BA PHYI MA'I NANG DU NUB CIG RMI LAM DU BUD MED SNUM BAG CAN MANG PO BRAG STENG ZHIG NA TSOGS KHU DIR DIR 'DUG PA LA LTAR PHYIN PAS DE RNAMS THAMS CAD YI GE 'BA' ZHIG 'DRI ZHING KHA MI 'CHAM PA'I ZI RE BA BYED PA LA DON GANG YIN LABS PAS, BUD MED RGAN MO BYAD DMAR CHAM ME BA SO 'JER BA ZHIG NA RE, NGED RNAMS KHYED KYI BLA MA'I RNAM THAR RTZOM PA YIN ZER, KHYED RNAMS LA RGYUS YOD DAM BYAS PAS PO TI CHEN PO ZHIG 'DUG PA LA MJUB MO BTZUGS NAS 'DI PHAG MO GRU PA'I RNAM THAR PO TI YIN 'DI'I NANG 'DRI BA YIN ZER, KHYED RNAMS GNAS YIN BYAS PAS NGA NI SLOB

DPON LA BA PA'I DUS KYI LA BA'I DUM BU ZA MKHAN GYI MKHA' 'GRO'I GTZO MO PADMA'I DRA BA CAN YIN, GZHAN GZHON NU ZHIG LA MDZUB MO BSTAD NAS 'DI SENG GE'I DRA BA CAN YIN, GZHAN 'DI RNAMS PHYOGS BCU NAS 'DUS PAR 'DUG ZER DE RJES GNYID SAD BSAMS PAR RJE BLA MA PHAG MO GRU PA'I RNAM SPRUL YIN PA NI NGES PA CAN DU 'DUG SNYAM PA BYUNG, DE NAS ZHAG 'GA' SONG BA NA NUB GSUM BSTUD NAS RMI LAM DU 'DRE MNAN GYI RNAM PA YANG YANG DU 'ONG BA ZHIG BYUNG PAS 'DI 'DRA'I RIGS NE GU BA RNAMS RLUNG DBU MAR 'JUG KHA MA'I 'OD GSAL GYI RTAGS SU BYED, MGON PO'I RGYUD DUR KHROD NAG PO NAS GRIB GNON LTA BUR 'ONG BA DANG ZHES CHOS SKYONG GI RTAGS SU'ANG BSHAD, GANG LTAR DGE SBYOR DU BSRANGS PA DRAG SNYAM PA BYAS PAS NUB BZHI PA'I RMI LAM DU SNGAR GYI BUD MANG DE BYUNG NAS LAG TU SNAG TSA THOD PA GANG DANG LCAGS SMYUG CIG GTAD BYUNG NAS DED RNAMS KYIS GANG LABS KYANG MI GO BAR 'DUG, MI GZHAN GYI BLA MA'I GRA PAS BLA MA'I RNAM THAR 'CHOS KYI 'DUG ZER BA'I 'PHRO LA GNYID SAD BYUNG BAS KHA SANG NAS KYI LTAS THAMS CAD 'DER 'DUG PAS DA SANG RANG NAS, RJE'I RNAM THAR RTZOM DGOS SNYAM PA BYAS NAM LANGS DGE SBYOR GRUB NAS GNYID ZIR TZAM BYUNG BA'I RMI LAM DU CHOS KHRI ZHIG GI STENG NAS BANDE GZHON NU ZHIG GIS SKYES RABS DPAG BSAM 'KHRI SHING SGROG GIN 'DUG PA NYAN MKHAN YIN ZER BUD MED GZHON NU MTSOR LO MANG PO GLU LEN RKANG BRO BYED KYIN 'DUG PA RMIS, SANG DE NAS 'GO BTZUGS NAS BRTZAMS PAS MA GRUB BAR LA RJE BLA MA LAN GSUM RMIS,

, ,GZHAN YANG DGE BA'I LTAS MANG PO BYUNG, TSAR KHAR 'DOD KHAMS LHA MO YIN ZER BA'I BUD MED BONG BU'I RNA BA YOD PA ZHIG GIS GTZO BYAMS MANG BO BYUNG NAS 'DI LA BKA' RGYA ZHIG KYANG GYIS BSTAN PA DED RANG GIS BSRUNG ZAR BA BYUNG NGO,, ZHES DE LTAR 'DOD KHAMS DBANG MOS RNAM THAR KYI MTHUG TU BKA' RGYAS THOB CES GSOL BA LA BRTEN NAS, DE KA'I MJUG TU, NYI GZHON 'OD KYIS BANG TSAL 'BYED, ,KU MUD ME TOG ZUM PAR BYED, ,'O MA SKYES BU'I 'TSO BA DE, ,BRANG 'GRO'I SROG 'PHROG HA LA'I BCUD, ,DE BZHIN DAM PA'I NGO MTSAR GTAM, ,SKAL BZANG RTZA BA'I AUTBAL RGYAN, ,SKAL DMAN LOG RTOG CAN DAG GI ,SNYING LA ZUG RDU'I BCUD LEN 'GYUR, ,DE BAS GSANG CHEN GTAM 'DI YANG, ,DAD DANG DAM TSIG LDAN BA DANG, ,DBYOD LDAN SKAL BZANG BZUR GNAS LA, ,STON GYIS SKAL DMAN DAG LA MIN, ,ZHES BKA' RGYA MDZAD CING DPAL LDAN LHA MO DUD PA'I SOL BA CAN 'DI NI RDO RJE 'CHANG BLO GROS RGYAL MTSAN YAB SRAS RNAMS LA DNGOS SU ZHAL BSTAN CING GSUNG GI GNANG BA STZOL BA'I SRUNG MA'I DBANG MO KHYAD PAR CAN DU SNANG, RTOGS BRJOD 'DI NYID GRUB NAS RJE BTZUN AA WA DH'U T'I PA CHEN PO'I SLOB MA'I GTZO BO SBYOD PA'I RDO RJE'I RNAM 'PHRUL RJE BTZUN GROL MCHOG LA GZIGS 'BUL GNANG BA'I LAN DU, BLO GSAL MKHAS PA'I RNAM DPYOD GSAR PA'I MDANGS, ,MKHYEN YANGS RGYA MTSO'I LCIBS KYI DRUNG PHYUNG STE, ,NGO MTSAR DAD PA'I SPU LONG CHER G-YOS BAS, ,DAM TSIG RDO RJE'I MCHED PO GANG GI

DRUNG, ,KUN TU DANG BA'I RTZE DGA'I YID GCUGS KYIS, ,RNAM GROL MCHOG GI GO 'PHANG MA THOB BAR, ,GANG LA GUS PA'I TING 'DZIN YAR NGO'I DPAL, ,SNYING LA RI MOR BRIS TE 'DI SKAD ZHU, ,DPAL LDAN BLA MA AA WADH'U T'I PA'I, ,RNAM THAR LEGS BSHAD BYE BA'I RANG BZHIN CAN, ,MTHONG TSE MGON PO NYID DANG SRAS THU BO, ,GNYIS MIN YID LA BSAM PA'I LHAG BSAM RNYED, ,SANGS RGYAS NGO BOR GZIGS PA'I BDEN PA'I BKA', ,THOG MTHA' BAR DU SNYAN TSIG SPEL LEGS KYIS, , SMRA MKHAS 'JAM MGON DPA' BO'I SGRA DBYANGS LA, ,TSIM PAR MI 'GYUR 'DI NA BLO LDAN SU, ,ZHES TSIGS SU BCAD BA'I 'PHRENG PAR PHUL NAS SLAR YANG PHUL BA'I SNYING PO BSDU BA RJE BTZUN AA WA DH'U T'I PA CHEN PO 'DI NYID LA ZHAL SLOB GTZO BOR DPAL SA SKYA PA NGAG GI DBANG PO SOGS CHE DGU JI SNYED CIG MCHIS KYANG DBYINGS LA YE SHES KYI RGYAS THEBS PA NI RDO RJE'I MCHED PO GONG MA KHYED NYID LAS GZHAN DU MI SEMS PA'I DAD GUS SNYING LA BCAGS PA'I CHA RGYA CHER 'PHEL BA'I SKABS NYID DU GYUR LAGS ZHES BSTOD SNGAGS BKUR GSUM GYI ZHU LAN 'PHROD PA'I LAN DU, LEGS BSHAD KUN DGA'I DPAL STER MKHAS PA'I RJE, ,RNAM GROL BDUD RTZIS MYOS PA GRUB PA'I DBANG, ,RJE BTZUN BLA MA'I THUGS SRAS KUN GYI MCHOG ,GANG DE'I ZHABS SEN PADMO BZHAD PA'I DRUNG, ,NGAM PA'I NGO MTSAR MA LA YA RLUNG GIS, ,SNYING DBUS BDUD RTZI'I RLABS 'PHRENG STONG G-YO BA'I, ,BLO GSAL YID BZHIN RGYA MTSO'I 'JID DBUS NAS, ,ZHU MCHID SGRIN DKAR DGA' MA 'DI SPROS SO, ,KVA YE LHAG BSAM,

, ,ZLA SHEL BZHU BA'I 'OD, ,SNYAN TSIG BDUD RTZIS KHENGS PA'I BRIL DNGAR CAN, ,DKAR GSAL CHU 'DZIN BU MO BZHAD LDAN MA, ,ZHU 'PHRIN DBYAR SKYES RDZA RNGA 'DI SKAD ZHU, ,AA HO DRIN CAN BLA MA'I THUGS KYI SRAS, ,BYANG PHYOGS 'DI NA NAB PO SBYOD PA ZHES, ,SNYAN PA'I GRAGS DKAR G-YO BA'I MKHAS GRUB DBANG, ,DAM TSIG RDO RJE'I MCHED DE'I BKA' YIG GI ,'TSAMS SPRIN BLO MTSOR SHAR BAS SNYING MYOS KYANG, ,ZLA ZHAL MJAL BA'I DGA' STON MA THOB PAS, , SNYING LA KHYOD SKU'I SNANG BRNYAN 'DRI BYED CING, ,BSAM GTAN ZOL GYI BDAG POR NGAL GSO BGYI, ,NAM ZHIG MKHAS PA'I ZLA RIS GZHON NU DE, ,'DREN BYED RI BO'I SBO LA SHAR BA'I TSE, ,SNYING GI KU MUD 'JUM DKAR BZHAD BYED CING, ,ZAB DBYANGS BDUD RTZI'I RGYUN GYIS SIM PAR SMON, ,SKABS KYI ZHU MCHID SNYING POR GSOL NA GE RE LHA KHANG DU GNAS DUS, STOD LUNG NAS BKA'I GLEGS BU SKYES BCAS RJE BLA MA'I RNAM THAR RNAMS PHYAG RGYAS MTSAN PA PHEBS PAS DNGOS SU MJAL BA LTA BU'I SPRO DGA' BDUD RTZI GSAR PAS YID KYI CHU GTER CI YANG GANG BAR GYUR LAGS, PHEBS DON GYI CHA LA BSAMS DUS RJE BTZUN BLA MA RDO RJE 'CHANG CHEN PO DE NYID LA ZHAL SLOB SNGAR DAG PA'I ZHING DU GSHEGS PA 'JAM DBYANGS NGAG GI DBANG PHYUG RJE BTZUN KUN DGA' LEGS PA'I ZHABS LA SOGS PA RGYAL BA'I RNAM PAR 'PHRUL PAS 'GRO BA'I DON MDZAD PA KHO NA YIN SNYAM PA YOD CING, DA LTA'ANG DAM PA NYID LTA BU MKHAS PA DANG GRUB PA'I BDAG NYID JI SNYED CIG BZHUGS BZHIN DU BDAG LTA BU RNAM THAR RTZOM PA SOGS

KYI SPROS PA BYED NA RAR GZHI MED KYI RLOMS PAR 'DUG LAGS NA'ANG, BKA' DRIN BDAG RANG LA CHE BA ZHIG LAGS TE, BDAG BLUN PO LUG BONG LTA BU 'DI DUS DA LTA DAM BA'I CHOS BYED 'DOD DANG NYAMS SU LEN TSUL CHA TSAM SHES PA, LTAR SNANG MI KHYUR CHUD TZAM 'DI RJE'I BKA' DRIN KHO NAM GTOGS MED PAS BKA' DRIN DRAN PAS BYUNG RGYAL DU BRTZAMS PA LAGS NA'ANG LAGS 'DUG GSUNG BA'I MDONG GSOL PHEBS PAS DAM PA NYID LTA BUS G-YO SGYU DANG GCAM BU'I ZOL THOG GSUNG BA MI SRID PAS, CUNG ZAD MGRIN PA'I GZENGS BTEG NAS RANG GIS RANG LA THE TSOM DU GYUR LAGS, SLAD KYI ZHU BA SKYA RGU RNAMS KYI PHAN BDE MTHA' DAG RGYAL BA'I BSTAN PA KHO NA LA RAG LAS LA DE NYID 'DZIN PA LA DENG SANG GANGS CAN GYI LJONGS 'DI NA MKHAS SHING DNGOS GRUB KYIS KYANG BRGYAN PA 'PHRIN LAS KYI THA GRU YANGS PA SOGS DGE MCHAN DU MAS MNGON PAR MTHO BA DAM PA KHYED LTA BUR MCHIS PAS SKU'I 'TSO BA YUN RING DU BRTAN PA'I THABS RNAMS LA TSED DU NAN TAN DANG RIS MED PA'I 'GRO BA RNAMS LA THUGS BRTZE BA CHEN POS ZAB PA DANG RGYA CHE BA'I CHOS KYI 'KHOR LO RGYUN MI CHAD BAR BSKOR DU GSOL, BDAG KYANG SKABS SBYAR ZHAL GYI DKYIL 'KHOR LTA ZHING GSUNG GI 'BEL BA'I GTAM GYI BDUD RTZI MYANG BAR SNYING NAS SMON LAM ZHU ZHING, DE BAR DU DBEN PA'I RI SUL BSTEN TSUL SOGS KYI SNYING GTAM SNYAN NGAG GI LAM NAS DRANGS PA SNANG BAR SHAR NA'ANG DGE SBYOR GYI BOGS 'DON DU CHE BA ZHIG 'ONG SNYAM PA'I DAD PA DANG DAG SNANG GZHAN DANG MI 'DRA BA ZHIG YOD PA'I BKA' DRIN ZHU ZHU, ZHES

, ,CHAB SHOG TU BYUNG BA'I RJOD DON GYIS RTOGS PAR NUS, DE YANG DUS SNGA PHYI GSOL 'DEBS SU PHYOGS BSDEBS LAS RNAM THAR 'DI RJE SGO RUM BA DAG ZHING DU GSHEGS RJES MDZAD PAR DNGOS SU BSTAN PAS GZHAN LA'ANG MTSON NO,, DGUNG LO SO BRGYAD KYI BAR DU PHAL CHER THUB BSTAN DGE 'PHEL DU STAN CHAGS SHING STOD PHYOGS KYI SA'I CHA NGES MED DU ZHABS KYIS BCAGS TE SKYA SER 'GRO BA MTHA' KLAS PA'I RE 'DOD SKONG BZHIN PA NAS PHAL CHER LHA SNGAGS YE SHES KYI THUGS DAM ZAB MO'I NGANG NAS, DBANG 'KHRID LUNG MAN NGAG GIS SKAL LDAN GYI SLOB MA RJES SU 'DZIN PA DANG BDAG CHEN RDO RJE 'CHANG CHEN PO'I RNAM THAR YID 'PHROG AUTPA LA'I DO SHAL SOGS BSTAN BCOS MDZAD PAS MTSOR 'KHOR LO GSUM GYI BSTAN PA SBYI DANG BYE BRAG KHA'U PA'I RING LUGS PHYOGS BRGYAR 'PHEL BAR MDZAD, MANG MKHAR MU GU LUNG DU SKAD GNYIS SMRA BA LO CHEN 'BROG MI'I SKU 'DRA RIN PO CHE MJAL BAR PHEBS PA'I DUS SKU'I THUGS KA NAS 'OD ZER SNGON PO 'PHROS TE THUGS KAR THIM PAS ZAG MED KYI BDE BA CHEN PO LA YUN RING ZHIG GI BAR CHAM GYIS GNAS PAR GYUR TO,, RIS MED YID 'GUGS THUGS RJE MIG GI DKYUS, ,RING YANG MOS LDAN GZHON NU'I SEN RJES SHUL, ,LHAG BSAM NU MAR 'DUD PA'I ZLA BZHIN MAR, ,MNGON 'DOD RTZE DGA' GTONG MIN DNGOS PO'I GSHIS, ,SLOB BSHAD BDUD RTZIR SBYOD 'KHU'I LHA MIN MGRIN, ,LUNG RIGS TSANGS PA'I 'KHOR LOS RAB PHUG KYANG, ,THAR SROG MI CHAD CHA MTHUN ZIL MNGAR KHONG, ,SONG 'BRAS AA HO RDZOGS MYANG SKAL BZANG DPYID,,

MIG GSUM ME YIS LOG 'DREN 'DONG LTA'I LUS, ,RAB BSREG LEGS LDAN MGRIN SNGON RAL PA'I RTZER, ,DBANG CHU'I BRGYUD PA CHAD MED TSES ZHAG TU, ,'CHAR BA'I ZLA ZER PHAN BDE'I KUNDA BZHAD, ,LUNG RTOGS RIN CEN MI 'DZAD 'BYUNG PA'O GTER, ,ZAB RGYA GNYIS SPANGS ZHABS KYI RNAM PAR THAR, ,RTZOM PAR LHA DANG MKHA' 'GROS BRDA THABS KYIS, ,BSKUL BA'I SGYU 'PHRUL NGO MTSAR RGYAD PO CHE, ,RDZAS 'BRANGS NYI ZLA'I 'OD SNANG SGRA SKAD KYIS, ,MA PHYES RTOGS BRJOD PA KU LA YI KHA, ,RANG BRTZON MKHYEN RAB MDZES MA'I 'GRAM CHANG GIS, ,PHYE TSE LEGS BSHAD ZE'U 'BRU G-YAR DU ZA, ,SBYOD PA'I RDO RJE GZUGS GZHAN YONGS BSGYUR DANG, ,RNAL 'BYOR DBANG PHYUG BLA GOS MNABS PA GNYIS, ,PHAN TSUN DAG PA 'BYAMS KLAS SNANG BA YIS, ,THA MAL 'DZIN PA'I KUN RTOG MING DU ZAD, ,GSOL 'DEBS LAS, SHAR PHYOGS NOR 'DZIN LAM LA ZHABS BKOD TSE, ,RNAM DKAR THOG MA'I RTAN 'BREL MTHA' DAG 'GRIG ,GRUB PA'I GNAS MCHOG SAG THANG JO NANG SOGS, ,RIM PAR ZHABS KYIS BCAGS LA GSOL BA 'DEBS, ,ZHES SGYUR BYED CES PA SA MO PHAG GI LO DGUNG LO SO BRGYAD KYI DUS YUL DBUS SMAN LJONGS DGA' BA'I TSAL GYI GZHI CHEN POR ZHABS ZUNG 'KHOR LOS MTSAN PA'I RE KH'A BKOD NAS KHO GNYIS TZAM GYI BANG DU BSTAN 'GRO'I DON RGYA CHER MDZAD PA'I SKOR GYI MANG MKHAR NAS CHIBS KHA BSKYOD DE 'BRAS YUL SKYED MOS TSAL DU PHEBS PA'I BAR RANG GI RTOGS BRJOD LAM GLU DPYID KYI RGYAL MO'I DGA' STON ZHES TSIG DON PHUN SUM TSOGS SHING BYIN

, ,RLABS KYI GZI BYIN 'OD DU 'BAR BA'I TSIG SBYOR MA NYAMS PA LA BAR SKABS SU GSOL 'DEBS DANG STONG THUN DGOS DES 'DRA SBYAR BA NI 'DI LTA STE, NA MA: SARBA BU RU BUDDHA BO DHI SATVE BHYA: PHYI LTAR NA PHYOGS MED KYI BANDE, NANG LTAR NA GSANG CHEN GYI SNGAGS 'CHANG, GSANG BA LTAR NA RJE BTZUN RDO RJE 'CHANG CHEN PO RDO RING KUN SPANGS PA ZHES YONGS SU GRAGS PA DE'I THUGS GNYIS SU MED PA'I YE SHES DANG, CHOS DBYINGS BDE BA CHEN PO'I DAD DU RO GCIG KYANG, CHOS CAN GDANGS 'GAGS MED KYI ROL RTZED THA DAD DU SHAR BA, RJE DE NYID KYI ZHABS KYI PADMA GTZUG GIS BSTEN CING, BKA' DRIN CHEN POS 'TSO BA'I 'PHRIN LAS KYI 'KHOR LOS SGYUR BA'I BKA' 'BANGS RIG SNGAGS 'CHANG BA'I BANDE BLO GSAL RGYA MTSO GRAGS PA RGYAL MTSAN DPAL BZANG PO, DA LTA MING YONGS SU GRAGS PA CHER PA CHOS RJE, DON LA CI MED KYI BHU SU KU, YUL PHYOGS MED DU RGYU BA'I SBRANG PO YAN PA BLO BDE ZHES BYA BA DES, YUL 'DAR STOD MANG MKHAR GYI PHO BRANG DU SKYE BA MED PA LA SKYE BA'I CHO 'PHRUL BSTAN, GRUM STOD KHA'U'I BRAG LA SGOM RGYU RDUL CAM MED PA LA SGOM PA'I RO MYANGS, RGYAL KHAMS PHYOGS MED KYI BZHI MDOR RANG DON GYI DGOS PA CI YANG MED BZHIN DU NYIN MTSAN YANG YUD DU 'GRO BA'I DGOS DON MANG PO SBYOD CING GNAS PA LAS, BYE BRAG TU RANG LO SUM CU SO BRGYAD YAN LA YUL DBUS KYI SMAN LJONGS SU LAN GSUM PHYIN PA'I DANG PO, RJE BTZUN 'JAM PA'I DBYANGS KYI RNAM BAR SPRUL PA RJE NGAG DBANG GRAGS PA'I ZHABS PHYIR 'BRANGS TE PHYIN NAS LO BRGYAD TZAM BSDAD, BAR PA LA SA SKYA PA'I BSTAN PA'I

SBYIN BDAG SPAR BAS GSUNG NGAG BLA MA BRGYUD BA'I GSER SKU BZHENGS PA'I RAB GNAS LA PHYIN NAS ZLA BA DRUG TZAM BSDAD DE MGYOGS BSKOR BYAS, DE DAG GI LO RGYAS RNAMS BSHAD NA, ,DGA' BA LA BSAMS NA NAM LANGS PA 'DRA BA, SKYO BA LA BSAMS NAS NUB BA 'DRA BA, BTANG SNYAMS PA BYANG THANG SKYA MO LA GAR BYED BA 'DRA BA JI SNYED CIG YOD PA LABS KYANG SBRUL BO'I GLU LA NYAN MKHAN MED PAS DGOS PA CHUD BAS RGYAB TU SGYUR LA ZHOG, LAN GSUM PA RANG LO SO BRGYAD PA'I DUS SU PHYIN NAS LO GNYIS TZAM BSDAD DUS KYI 'PHROS GTAM, YAS PHYIN GYI LAM DU JI LTAR BYUNG BA'I TSUL GYI RTOGS BRJOD LAM BLU DBYID KYI RGYAL MO'I DGA' STON, KU MU DA GSAR PA KHA BYE BA 'DRA BA 'DI NYID SMRAS BA LA CHED DU DGOS BA CHEN PO MI 'DUG STE, GSANG DGOS PA'I MTSAN KYANG MED PAS, SNANG BA GDONG 'DED GZHIR BZHAG LA, DA LAM LAB PA NGOS 'DI SNANG BA LA SHAR BYUNG BAS GSAN PA ZHU ZHIG, DE YANG, DE GONG PHYIN DUS GRA RIGS SBYIN BDAG SO SOR YONG BA'I KHAS LEN KYANG BYAS YOD BA DANG, RJES SU RIM PAR NAN TAN GYI 'BOD MI 'PHRAL DU BYUNG BA DANG, 'DUL BAR 'OS PA'I SNOD LDAN GYI GDUL BYA 'GA' ZHIG KYANG 'DUL BA'I DUS LA BAB 'DAG CING, RANG NYID KYANG YUL PHYOGS MED KYI BDUD RTZI BSTEN NA NANG DU SEMS NYID LA 'GYUR BA CHEN PO ZHIG 'ONG SHAS CHE BAS, DE SNGA PHYIN PA'I DUS, SBYIN BDAG GI RTA DREL GYIS BSKYEL BSU BYAS PA'I TSE, RTA RDZI DREL RDZI MI NGAN BSAM PA CHUNG ZHING LTOGS 'DOD CHE BA RNAMS KYI NGO MI ZIN BZHIN DU 'DZIN DGOS PA DE ZHE SUN LA SKABS SU MI BAB PA ZHIG 'ONG GI NA 'DUG PA DANG,

, ,KHYAD PAR LAM BAR RNAMS SU YANG SNGAR CHOS 'BREL YOD PA DANG, DA CHOS ZHU 'DOD KYI BLA MA MJAL BA, GNAS BZANG PO DANG RTEN KHYAD BAR CAN MJAL BA SOGS DAGS DON THAMS CAD BLOS BTANG NAS, BDE GZAR CHEN PO 'KHRUG KHA MA'I GSER YIG PA BZHIN DU NAM LANGS SA RUB DREL KHAL GYI RJES LA LAM GZHUNG BSRANGS NAS THAL MAR RGYUG DGOS BA DE YE YID LA MI 'BAB PA ZHIG BYUNG BAS, BYA BRAL 'GROS KYI 'GRO BAR BRTZAMS TE PHAG GI LO HOR ZLA LNGA PA'I DUS, SA GZHI RNAMS MRGAD GSAR PAS BYUGS PA LTAR RTZVA SNGON GYIS SNGO 'JAM DU GYUR CING, AINDRA N'I LA'I RGYA MTSO GLO BUR DU RDOL BA LTAR CHU BO DANG CHU PHRAN MTHA' DAG RAB TU RGYAS SHING RLABS 'PHRENG GIS MDZES PA'I LBU BA'I 'JUM DKAR PHYOGS BRGYAR RGOD PA, SKYE BO RNAMS DPYID KYI DUS STON BZANG PO LA BABS PAS DGA' ZHING CHAGS PA'I RNAM 'GYUR SHAS CHER STON PA'I RI KLUNGS KUN KHYAB PAR GLU DBYANGS DANG RGOD SGRA 'BREL MAR RGYU BA'I CHO, GDAN 'DREN GYI PHO NYA DANG BCAS PA'I DED DPON SLOB LNGA PHAG GSUM TZAM YOD PA THAMS CAD HA CANG RGAN PA DANG GZHON PA MA YIN PAR LANG TSO DAR LA BAB PA, DGE SBYONG LA 'OS PA'I CHA LUGS DUR SMRIG GI RGYAL MTSAN ZHE GCIG PA, CHED DU SPONG BA LHUR LAN PA'I MTSON BYED RAS DKAR GYI LCOG PU GANGS RI'I DUM BU TSAL DU CHAD BA 'DRA BA RE DANG, RBA DBYUG DKAR PO DUNG GI TSUGS SHING LTA BU RE, BSAM GTAN GYI 'BOL CHUNG KHA GANG MA GRVA ZUR MA NYAMS BA RE, GRVA CHUNG DANG GRVA PHAD ZUR GSUM PADMA R'A GA DANG PADMA'I RTZA BA THAGS SU BTAGS PA LTA BU RE, SKAL

LDAN RJES SU 'DZIN PA'I SLAD DU SNYAN BRGYUD ZAB MO'I BE BUM PO TI RE DANG BCAS PA KHUR, KHO BO CAG RKANG 'GROS KYIS BUL BAS, RTA SNGON PO BRTAN BRLING 'DZOM PA SGA SRAB LA SOGS PA DKYUS THUB PA ZHIG LA ZHEN, THUB BAS DBYAR GYI RAS CHEN GNANG BA DANG MTHUN PA'I CHAR SKYOB KYI RAS NAM THANG YUG PO CHE MU MEN GYI MTHA' 'JAG BTANG BA LTA BU ZHIG GYEN, MANG MKHAR THUB BSTAN DGE 'PHEL GYI DGON PA NAS CHAS TE, RANG GI BSTI GNAS SU CUNG ZAD NGAL GSOS, 'DAR STOD RNAM RGYAL STAG RTZE'I PHO BRANG GI 'DUN SAR MCHOD RTEN GYI RAB GNAS DANG DGA' STON BSGRUBS TE RIM PAR CHAS PA NI 'DI LTAR RO,, YID 'ONG MTSO CHEN NGOGS SU CHAS PA YI, ,DPAL LDAN DANG PA'I RGYAL PO 'DAB BZANG DBANG, ,DUR PA BYE BAS BSKOR BA'I MDZES SDUG NI, ,MKHA' LA LI KHRI'I RDUL DMAR 'KHRIGS PA LTAR, ,DE BZHIN BSTAN DANG 'GRO BA'I DON CHEN LA, ,RINGS PAR CHAS PA'I RNAL 'BYOR KU S'A LI, ,DUR SMRIG 'DZIN PA'I SLOB 'KHOR DANG BCAS PA, ,YUL DBUS 'DZIN MA'I SMAN LNGONGS YANGS PAR CHAS, ,GANG DE MTHONG BA'I SKAL BZANG GZHON NU RNAMS, ,BDE SKYID PHYI MA BDE BA'I RNAM THAR CAN, ,'DI 'DRA'I RJES SU NGA YANG KHRID NA SNYAM, ,YID KYIS RE SMON CI YANG 'DEBS PAR BYED, ,DE'I NUB HA CANG MI RING BA'I SRONG KHYER DON GRUB GLING ZHES BYA BAR SKYED TSAL LJON SHING GI DOR 'KHRIGS PA ZHIG 'DUG PA DER LCOG GRVA RNAMS SPRIN DKAR GYI 'PHRENG BA TSAR DU DNGAR PA LTAR BRGYAB, CHOS SPYOD KYI RIM PA 'BRUG GI SGRA LTAR DU LDIR, RGYA JA BZANG PO NGAR NGAD 'DZOM PA'I

, ,BTUNG BA DBYAR GYI CHU MTSO LTAR CHAL CHIL DU LONGS SPYOD CING GNAS PA'I TSE, DE'I DGON PAR CHOS RJE'I DRUNG GIS DED DPON SLOB 'GA' GDAN DRANGS GZHIS LEN SHANGS LEN BZABS MA MDZAD, NANG SO DANG SNGAR 'DRIS KYI GRA PA RNAMS KYIS KYANG JA 'DREN SOGS LEGS TSOGS KYI RTEN 'BREL THOG MAR 'GRIG PA BYUNG, DE SNGA YAN CHAR DKON TZAM YOD BA LA, DE RJES DED DPON SLOB RNAMS SO SOR DGONGS THUN GYI RIM GNYIS KYI RNAL 'BYOR LA 'JUG PAR RTZOM PA NA, PHYOGS THA GRU NAS CHAR SPRIN DAL BU GTIBS, 'BRUG SGRA ZAB MO'I SGRA DBYANGS DANG BCAS PA'I CHAR GYI RGYUN CHEN PO BABS PAS, 'BRU BCUD RNAMS RAB TU SOS SHING SKYE BO RNAMS YID DGA' BDES 'TSO BAR GYUR TO,, BHU SU KU DE LAM DU CHAS PA'I TSE, ,DE YI GTZUG RGYAN RJE BTZUN KHA'U BA'I, ,THUGS RJE'I DGE MTSAN 'OD ZER STONG 'PHROS PAS, ,RGYA MTSO'I KLU RNAMS DGA' BA'I ZLOS GAR LAS, ,PHYOGS KUN CHAR SPRIN GSAR PAS CHED DU GTIBS, ,SPRIN RUM NANG NAS 'BRUG SGRA DAL GYIS RGOD, ,GLOG 'PHRENG GZHON NU'I GO SKABS DBYE BA YI, ,YID BZHIN SPOS CHU'I CHAR CHEN DENG 'DIR BABS, ,LO TOG RTZI SHING NYI GZHON GYIS PHYE BA'I, ,PADMO JI BZHIN PHYOGS BCUR 'DZUM DKAR G-YO, ,MI RNAMS SBRANG RTZIS MYOS PA'I BUNG BA BZHIN, ,RAB TU DGA' BA'I DAR DIR GLU DBYANGS LEN, ,ZHES BKA' STZAL BAS CHAR RGYUN GYIS 'DZIN MA RNAMS BRLAN TE MYU GU'I 'TSO BA SKYED BSRING BA'I SNGON 'GRO'I RTEN 'BREL 'GRIG PA'ANG SPYIR DAM PA 'DI GANG DU BYON PA'I SAR YUL KHAMS BDE ZHING BKRA SHIS PAR 'BYUNG BA CHOS NYID YIN

LA, KHYAD PAR RJE BTZUN SA SKYA BA'I GSER CHOS RIGS BYED MA'I CHOS SKOR NA CHAR DBAB PA'I MAN NGAG CHAS ZAB PA DNGOS SU PHYAG LEN MA MDZAD NA'ANG; RJE BTZUN BCOM LDAN 'DAS MAS RJES SU BZUNG BA'I BYIN RLABS KYI MTHU DANG NGES PA'I DON DU RLUNG SEMS LA DBANG 'BYOR PA'I GRUB PA'I DBANG PHYUG CHEN PO RNAMS PHYI NANG RDO RJE'I LUS LA GNAD DU BSNUN PAS, JI LTAR PHYI ROL DE BZHIN NANG, ,ZHES PA LTAR NANG GI TING NGE 'DZIN GYIS PHYI ROL GYI CHOS RNAMS BSGYUR DU BTUB PA'I GNAD GSANG CHEN POR MNGON, LAM YIG LAS, SANG NYIN SNGA BAR CHAS NAS LCAGS LA ZHES BYA'I LA BRGAL NAS RIM PAR BRGYUD, LCAGS THANG GI MDA' PHYUG PO SHAR PA ZER BA'I KHYIM BDAG DAD PA CAN ZHIG GI LCANG RA KLU SDINGS ZHIG 'DUG PAR BSDAD, DER ZLA BA YAR NGO'I TSES BCO LNGA RJE BLA MA'I TSES MCHOD KYI SKABS SU BAB BYUNG BAS, BLA MA MCHOD CHOG RGYAS PAR BYAS SBYIN BDAG DES KYANG BSNYEN BKUR 'BUL BA SOGS YANG DAG BYUNG, SANG TSA BA'I STENG DU BLA MA ZHANG DGON PA BA'I SGRUB GNAS, RJE BTZUN SA SKYA PA CHEN PO'I GSUNG NGAG RIN PO CHE GSAN PA'I YUL SAG THANG DING ZHES BYA BAR SLEB, DE'I GTZUG LAG KHANG MCHOD RTEN CHOS KHRI DANG BCAS PA MJAL, PHYAG MCHOD SMON LAM GSOL GDAB BYAS TE, DPAL JO MO NANG GI RI KHROD CHEN POR SLEB, DE'I NUB SKU 'BUM THANG DU LCOG GRA BYAS BSDAD PAS, DER GNAS MJAL LA 'ONGS PA'I PHYOGS KYI SKYA SER PHO MO MANG PO 'DUG PA RNAMS KYIS, NGED DPON SLOB LA LTAD MO DAG SNANG SKOR BA CHOS 'BREL ZHU BA SOGS MANG PO BYUNG, SANG SNGA DRO SKU 'BUM MTHONG GROL CHEN MO, SPYOR DRUG BRGYUD PA'I LHA KHANG

, ,SOGS MJAL, RI KHRONG LA RGYANG BLTAS BYAS PAS BLO 'GRO ZHING YID 'PHROG PA, SNGON GYI DAM BA RNAMS KYIS 'DI LTA BU'I GNAS SU SGRUB GRVA'I RGYUN BTZUGS, SKYE BO MANG PA THAR PA'I LAM LA 'GONG PAR MDZAD PA CHES CHER RO MTSAR ZHING RMAD DU BYUNG BA'I RNAM THAR DU 'DUG, KHO BO CAG KYANG 'DI LTA BU'I DBEN GNAS ZHIG TU BYANG CHUB SGRUB PA ZHIG NAM 'OD SNYAM PA SNYING GI DKYIL DU LHANG LHANG BA'I NGAG SNANG BYUNG NGO,, AE MA NAGS RGYAL SMAN BTZUN DBANG MO'I RI, ,RI NGOS TSANG TSING 'KHRIGS PA'I NAGS KYI KHROD, ,KHROD YANG RDO BA'I SPYIL CHUNG SKYID PA'I NANG, ,NANG DER BYANG CHUB SGRUB PA'I SKAL BZANG TSO, ,MTHONG BA'I MOD LA YID NI ZA ZIR KYUR, ,BDAG KYANG NAM ZHIG 'DI 'DRA'I SKAL BZANG ZHIG ,CIS KYANG SGRUB SNYAM SNYING GI GSEG DBRAG TU, ,'GYUR MED DAM BCA'I PHUR PA BRTAN POR THEBS, ,DE NAS MDA' SKOR BYAS ZHES BYUNG, GSOL 'DEBS LAS, GNOD SBYIN DBANG PO'I GNAS SU MCHOD GTOR PHUL, ,BLA LUNG RI BOR 'KHRUL ZHIG BLA MA MJAL, ,MKHAS GRUB DBANG PO KUN DGA' LEGS PA LA, ,ZAB MO'I DBANG MCHOG GSAN LA GSOL BA 'DEBS, ,ZHES PA'I DON LAM YIG LAS, BRAG RAM CHOS SDE'I MGON KHANG MJAL, GNOD SBYIN CHEN PO LA SNYAN DAR GSOL MCHOD 'PHRIN BCOL DANG BCAS PA RGYAS PAR BYAS, BRAG RAM SLOB DPON BAS GDAN DRANGS, JA 'DREN RAS DKAR GYA PHYAG RTEN DANG BCAS PA BUL, GNOD SBYIN GYI CHOS SKOR ZHU BA'I SNYAN GSAN PHAB, RJES SU DE LTAR BYED PA KHAS BLANGS DE DANG KHAD NYE BA'I CHU MO LUNG GI DGON PA NA GRUB PA MCHOG GI DBANG

PO 'KHRUL ZHIG RATNA BHA DRA BZHUGS PA'I DRUNG DU MJAL, DE NUB TSOGS KYI 'KHOR LO DANG BCAS PA'I SGO NAS BCOM LDAN 'DAS PADMA DBANG CHEN YANG GSANG KHROS PA KHRAG 'THUNG LHA DGU'I DBANG, DE'I TSE DBANG, BKA' SDOD GING LNGA GZA' GDOD GO SROG DBANG BKA' GTAD DANG BCAS PA ZHUS, SANG 'GRO KHAR DED DPON SLOB THAMS CAD KYIS LHAN CIG TU SLOB DPON CHEN PO PADMA 'BYUNG GNAS KYI SGO NAS BLA MA'I RNAL 'BYOR ZHUS, DE'I TSE RJE BLA MA 'KHRUL ZHIG GI SPYONG PAS S'Um RING H'Um THUNG GI GDANGS DBANGS GAR STABS NGED KYI GRVA PA RNAMS LA BKA' BKYON DANG THUGS 'DOGS SPEL BA'I HUR SPYOD MANG PO MDZAD KYI 'DUG PAS KHONG TSO THAMS CAD DAD PA SKYES, 'JIG RTEN CHOS BRGYAD MED PA'I BLA MA ZER NA 'DI 'DRA ZHIG 'OD BA YIN ZER ZHING GDA', BLA LUNG RI PO'I SPOL 'KHRUL ZHIG RJE, ,KUN BZANG DGONGS PA'I BCUD KYIS MYOS PA DES ,GAR DGU'I ROL RTZED H'Um SGRA SGROG PA'I TSE, ,SKAL LDAN SNYING LA 'DOD 'JO'I BKA' DRIN SPYIN, ,ZHES GRUB PA'I DBANG PHYUG 'DAR PHYA RU PA RIN CEN BZANG POS BYIN GYIS BRLABS PA'I MGON KHANG BRAG RAM DU GNOD SBYIN CHEN POS ZHAL DNGOS SU BSTAN PAR BKA' BSGO DAM BZHAG MDZAD PA'I TSAN DU 'DUG, DAM PA 'DI NYID KYI YONGS 'DZIN RNAMS KYI NANG NAS DRANG SRONG BKA' BZHI PA 'KHRUL ZHIG DKON COG BZANG PO 'DI NYID BKA' DRIN CHE BA'I BLA MA GCIG TU MDZAD CING, YANG GSANG KHROS PA'I RNAL 'BYOR MTHAR PHYIN PAS GNOD SBYIN BEG TZE DANG GING LNGA GZA' GDONG BRAN DU 'KHOL, RIGS 'DZIN CHEN PO RGOD KYI LDEM PHRU CAN GYI ZAB GTER LHUN GRUB DGONGS PA ZANGS THAL LA BRTEN NAS

, ,GZHON NU BUM SKUR RANG RIG GDOD MA'I KUN BZANG MNGON SUM DU RANG NGO 'PHROD PAS PHYI ROL KUN RDZOB KYA RDZUN PHUGS RDIB NAS GANG SHAR THAMS CAD LONGS SKU'I ZHING DU 'BYAMS KLAS PAS RJA 'DI NYID KYI NYAMS RTOGS ME LONG LA GZUGS BRNYAN BZHIN BLA NAS BLAR 'PHEL BAR SNANG, LAM YIG LAS, DE NAS BO DONG PHUN CHOGS RAB BRTAN GYI PHO BRANG NA, RJE BTZUN RDO RJE 'CHANG CHEN PO MKHAS DANG GRUB PA'I DBANG PO KUN DGA'I MCHAN CAN BZHUGS PA'I ZHABS DRUNG DU MJAL, NGOS KYI DPAL KYI RDO RJE'I RAS BRIS KYI DKYIL 'KHOR DU DBANG BZHI RDZOGS PAR ZHUS, DED DPON SLOB THAMS CAD THUN MONG DU GSER G-YABS ZER BA'I 'KHYAMS GRVA ZHIG 'DUG PA DER PHEBS, GDAN KHRI SHIN TU MTHO BA LA BZHUGS NAS SKU'I GZI BRJID NYI ZLA ZIL GYIS GNON NUS PA TZAM, GSUNG GI GDANGS 'BRAG LTAR LDIR BZHIN PAS ROL MO BZANG PO 'KHRAL BA DANG BCAS TSE DPAG MED GRUB RGYAL LUGS KYI TSE DBANG BKA' DRIN BSKYANGS, KHO BO RANG GIS SNGAR PHUL BA'I DBANG DRIL SHING KHUL MAS GTZO BYAS ZANG ZING GI GNANG SBYIN BZANG PO'ANG GNANG, DED RANG NI RJE BTZUN RDO RING PA CHEN PO CHOS DBYINGS SU GSHEGS RJES RJE 'DI NYID BLA MA'I GTZO BO YIN ZHING, RDO RJE 'CHANG DNGOS KYI 'DU SHES YOD PAS NGAD PA DANG SPRO BA CIG CAR BYUNG, GRVA PA RNAMS NI HA CANG MJAL DKA' ZHANG GZI BRJID CHE BA CAM 'DUG, DED RANG GRVA PA RNAMS KYI BLA MA CHOS RJE DKA' BZHI PA DE 'DRA BA ZHIG YONG BA YIN ZER BA LA, NGED KYIS DE 'DRA MA ZER RJE 'DI PA DING SANG GZUR GNAS KYIS BLTAS NA SA SKYA PA'I SNGAGS 'CHANG KUN GYI GTZO BO,

DED RANG BDAG CHEN RDO RJE 'CHANG CHEN PO'I BRGYUD 'DZIN RNAMS KYI GTZUG GI NOR BU, KHYAD PAR NGED RANG GI BLA MA'I GTZO BO RDO RJE 'CHANG DNGOS DANG ZHAL MI GNYIS PA ZHIG YIN THAG CHOD PAS, SO SOR SNYING NAS GSOL BA THOB, BYIN RLABS KHYAD PAR CAN 'JUG NGES PA'I KHAG KHUR BA YIN, 'PHRAL CHE KHYAD CHE BA TZAM RJE LA CHOS BRGYAD KYI RTOG PA CI MDA', SBYIN BDAG STOBS LDAN GYI ZHABS TOG LA DMIGS PA YIN MOD BYAS, DE MTHUN GNAS GSAR NAS NANG SO ZHAL NGO RNAMS KYIS KYANG BSNYEN BKUR SHANGS LEN YANG DAG MDZAD DO,, RNAM RGYAL RAB BRTAN RGYAL PO'I PHO BRANG NA, ,CHOS KYI RGYAL PO RJE BTZUN KUN DGA'I MTSAN, ,'JIGS MED SENG GE'I KHRI LA 'GYENG BZHIN DU, ,NGES DON ZAB MO'I NGANG NAS MA G-YOS PA'I, ,ZHAL BZANG STON GYI ZLA SHEL LTA BU MTHONG, ,ZHABS KYI PADMA GTZUG GI RGYAN DU BLANGS, ,GSANG CHEN BDUD RTZIS SNYING LA BDE BA THOB, ,KVA YE GROGS DAG CHU GTER KHA DOG LA, ,MA 'JIGS DAD PA'I GZINGS SU ZHUGS SHIG DANG, ,BSHES GNYEN DAM PA'I DED DPON BKA' DRIN GYIS, ,DNGOS GRUB NOR BU THOB PAR THE TSOM MED, ,SA STENG 'DI NA RJE BTZUN SA SKYA PA'I, ,BSTAN 'DZIN YONGS KYI RAL BA'I ZUR PHUD LA, ,MKHAS DANG GRUB PA'I ZHABS SEN NGAL GSO BA'I, ,KHO BO'I GTZUG RGYAN SNGAGS 'CHANG 'DI 'DRA DKON, ZHES PA BDAG CHEN RDO RJE 'CHANG CHEN PO'I ZHAL SLOB KYI KHROD KYI RDO RJE 'CHANG KUN SPANGS CHEN PO'I 'OG NAS MKHAS GRUB KYI DBANG RDO RJE BTZUN SGO RUM PA CHEN PO 'DI NYID 'GRAN ZLA DANG BRAL BA YIN ZHING, RJE 'DI NYID KYIS KYANG THUGS YID GCIG 'DRES KYI RTZA BA'I

, ,BLA MA GCIG TU MDZAD, 'DI'I SKABS LHA RIGS 'AZHI'I SA SKYONG BAR BYANG GCANG GI PHUGS SU BDAG PO SNGAGS 'CHANG BA'I MI SRUN SGYU 'PHRUL GYI 'KHOR LO MA 'KHOR BA'I MNGA' THANG SGANG LA RGYAB BA NAS RJE SGE RUM PAR ZHABS TOG SHIN TU CHE BA'I GZI BRJID KYI NYI 'OD BLO CHUNG ME KHYER RNAMS KYIS MA BZOD PA'I RIGS SU SNANG, LAM YIG LAS, DE NAS RDZI LUNG DU ZHAG GCIG BSDAD, SANG NYIN DGE SDINGS NA DPAL SA SKYA'I CHOS KYIS MNGON PAR MTHO BA'I KHRI LA BZHUGS PA, BDAG CHEN RIN PO CHE GRI THOG PA'I DRUNG BZHUGS PA DANG MJAL, DE SNGA NAS DPON SLOB 'DRIS PA LTA BU'I NANG GCANG ZHING THUGS 'GOL BAS BKA' LUNG BAG PHEBS PAR GNANG, DED RNAMS LA BDAG CHEN THAMS CAD MKHYEN PA CHEN POS MDZAD PA'I BLA MA MCHOD CHOG RGYAS BSDUS KYI LUNG, DE DANG RJES SU 'BREL BA'I BLA MA'I RNAL 'BYOR 'DOD ZHUS LTAR BKA' DRIN BSKYANGS, SKU NA PHRA MO DE LTA BU LA 'DI 'DRA'I LUGS KYI GNANG SKYONG DANG NGO MTSAR BA 'ONG BA NGES PAR 'JAM PA'I DBYANGS KYI RNAM 'PHRUL YIN PA LA THE TSOM MI ZA BA 'DUG SNYAM PA'I DAD MOS DANG, SA SKYA PA'I RMONGS ZHEN GYIS BLO BDE BA TSAD MED PA BYUNG, BYIN RLABS KYI RTEN GNANG SBYIN SOGS YANG DAG ZHUGS RJES BZUNG ZHES BYUNG, GSOL 'DEBS LAS, KHRO PHU DGA' LDAN BYAMS PA'I BSTI GNAS SU, ,RDE RJE BTZUN MO'I SPRUL PAS LUNG BSTAN ZHING, ,d'A KI'I SKU LA SHAL DKAR MYU GU LTAR, ,GSAL BA'I 'OD SNANG GZIGS LA GSOL BA 'DEBS, ,ZHES PA LTAR LAM YIG LAS, DE'I NUB KHRO PHUR PHYIN 'DU KHANG CHEN PO ZHIG 'DUG PA DER SDOD SA BYAS, DED

RANG GCIG PUR ZHAL RAS LHA KHANG GI PHYI SKOR BYED CING YOD TZA NA, SKOR LAM DE NA BUD MED GZHON NU NAD PA YIN ZER BA ZHIG KHYIL BYAS RAS 'DUG, SKOR BA 'GA' SONG TZA NA DE LA MCHE BA JE RING JE RING YONG GI 'DUG, MIG 'KHRUL BA'AM, KRUNG GUM LTA BU LA BCOS NAS 'JIGS PA STEN PA YIN NAM SNYAM PA'I TSE, MTHAR KHA THAMS CAD MCHE BA SKYA ZANG NGE BA MTHO RE LHAG PA TZAM GYIS KHENGS PA, DPRAL BA'I DKYIL NA KHRAG GI MIG SMAN TSE LUNG THANG GI RDOG PO 'DRA BA ZHIG BYAS HAR TE LANGS BYUNG BAS, 'DI SRIN MO'AM 'BAL MO LTA BU ZHIG YIN PA 'DUG SNYAM YI DAM GYI NGA RGYAL DANG BCAS PAS LAG TU 'PHRENG BA KHUR NAS DED PAS SKOR LAM LA BROS SONG, RJES LA BCUG PHYIN PAS LHO PHYOGS KYI KHYIM TSANG GI NANG ZHIG TU BROS NAS SGO DE NANG NAS BCAD SONG, DE 'PHRAL 'OG TU LOG GAM SNYAM PA LA, SEMS THENG NGE BA 'DRA BA ZHIG BYUNG NAS SKOR BA GSUM TZAM BYAS PAS, KHANG PA DE'I STENG NAS BUD MED DE'I MGO 'DRA BA ZHIG SKRA ZING NGE BA MTHONG TZAM BYAS, SKAD GDANGS NGAR CHE BA'I GDANGS MA DBYANGS LA, DAD MES KYI SNANG BA MI 'DUG KYANG; ,TSE SNGON GYI LAS 'BREL GCOD THABS MED, ,KHRAG 'DZAG SRIN PO'I RI LA PHRAD, ,'PHAN DKAR GYI LJONGS SU RJES SU 'DZIN, ,'JIGS SNANG LOG LTA MA BYED AANG, ,BDE CHEN LONGS SPYOD RNAL 'BYOR BA, ,ZER BA ZHIG LABS BYUNG BA'I MOD LA SNGAR GYI 'JIGS SNANG DE ZHIG PA 'DRA BA'I RIG PA HAD DE CHOD DE BA, LUS LJID MED PA 'DRA BA'I ZA ZI BAN BUN, RDOG PA GAR RGYAB MI SHES PA, SNANG BA 'DI GSAL LA BSTAD SO MED PA SKAD BTON LA,

, ,RGYUG GAM SNYAM PA ZHIG BYUNG BAS 'DI BAR CHAD DAM DNGOS GRUB GANG YIN MI SHES PA 'DUG, DA RES NAS BRDA ZHIG STAN PA MA BYUNG, DA MNGON DU MA GYUR PA LA GSANG DGOS SNYAM ZLA'O RNAMS LA BGOS YE MA BTAB, DE'I NUB 'OG GI 'DU KHANG NANG GI LCOG BUR BSDANG PA'I TSE, GTOR BSNGO SOGS SPROS BCAS KYI DGE SBYOR RNAMS KYANG DE GA'I NGANG DU 'GRO BA ZHIG BYUNG, CI YIN NAM CHA MED YA MTSAN NI CHA SNYAM DGE SBYOR GYI NGANG DU SRAL, DER BYAMS CHEN, SKU 'BUM CHEN MO, RNAM SRAS RANG BYON SOGS MJAL, PHYAG MCHOD SMON LAM YID CHES PA BTAB, SANG TSA THON LA DGE SDINGS NAS BDAG CHEN RIN PO CHE'I PHYAG PHYI DRUNG 'KHOR GZHON PA KHA CIG KYANG GNAS MJAL LA BYUNG, NGED TSOS JA BZANG PA BSKAL NAS DRANGS, DAG SNANG BYAS THAMS CAD BSDONGS NAS ZHAL RAS LHA KHANG MJAL, DE NA PHAG MO ZHAL GNYIS MA'I SKU LI MA ZHIG 'DUG PA DE'I PHAG ZHAL DANG THOG GI BAR LA SHEL GYI 'KHAR BA BTZUGS PA LTA BU ZHIG 'DUG PAS, 'DI GANG YIN BYAS LAG PA REG PAS 'OD MA GTOGS REG RGYU MI 'DUG, DKON GNYER DE NA RE, DE PHAG ZHAL YIN PA GDA' ZER, DE KHONG RNAMS KYI MA MTHONG BA 'DUG PAS KHA ROG BSDAD, SKU DE LA MGO GTUGS TE DBANG BZHI BLANGS SMON LAM BTAB BO,, LAR RJE BTZUN MKHA' SPYOD DBANG ME 'DI DED RANG LA THOG MA NAS DGYES PA ZHIG YIN 'DUG PAS, RJE BTZUN RDO RING PA CHEN PO'I GSUNG NAS KYANG, CHOS RJE LA MKHA' SPYOD MA'I BYIN RLABS BYAS RES KYI NGED LA LTAS KHYAD PAR CAN RE YONG GI 'DUG, 'BAD RTZOL MDZAD NA 'DIS MKHA' SPYOD LA 'KHRID

NYEN GDA'O GSUNG BA YOD CING, 'DI SKOR GYI GTAM MANG PO ZHIG YOD DE, SNOD MI 'DUG PAS NAM MKHA'I DBYINGS SU PHAt, SPRANG RGYAL KHAMS PHYOGS MED RGYU BA'I TSE, ,YUL YA MTSAN GYI LTAD MO 'DI LTAR MTHONG, ,SHAB DGE SDINGS RDO RJE'I PHO BRANG NA, , RJE SA SKYA LO TZ'A'I SKU YI DPON, ,THUGS GCIG TU 'DRES PA SRAS KYI MCHOG ,KHONG 'JAM DBYANGS GZHON NU DNGOS DANG MJAL, ,GSUNG BAG PHEBS KYI BDUD RTZI SNYING LA SIM, ,CHOS ZAB LAM GYI RNAL 'BYOR BKA' DRIN ZHUS, ,KHONG SKYON BRAL GYI MDZAD 'PHRIN MTHONG BA'I TSE, ,NGED SA SKYA PA'I MDUN MA GRUB 'DUG SNYAM, ,SEMS DGA' SPRO DANG DAD PAS MCHIM 'KHRUG ,ZHABS SPYI GTZUG TU BLANGS NAS SMON LAM BTAB, ,DER SHAB STOD KYI CHU KLUNG BRGAL NAS PHYIN, ,YUL YA MTSAN CAN KHRO PHU'I GTZUG LAG SLEG ,LHA BYAMS MGON GYI SKU BRNYAN ZHAL BZANG MTHONG, ,RTEN KHYAD PAR CAN KUN LA BYIN RLABS ZHUS, ,MA MI MIN MKHA' 'GROS 'JIGS GZUGS BSTAN, ,NGA KHRO RGYAL GYI NGA RGYAL DBYINGS NAS RGYAS, ,MTSON 'PHRENG LCAG GI 'DED DRAG BTANG BA'I TSE, , KHONG LUNG BSTAN GYI SGRA DBYANGS SGROG BA SKAD, ,KHYOD YE SHES KYI d'A KI'I LUNG BSTAN DANG, ,MO SHA ZAN GYI MKHA' 'GRO'I RGYANG 'BOD GNYIS, ,NGA RNAL 'BYOR GYI SEMS LA BDE SDUG MED, ,GANG YIN KYANG RANG NGO DBYINGS SU SNYAM, ,AA LA LA RGYAL KHAMS BSKOR PA'I TSE, ,SNGON MED KYI LTAD MO AA RE 'JIGS, ,SEMS NYID KYI RANG GANGS YIN PAR GO ,DRIN CAN GYI BLA MA DE SKU DRIN CHE, ,DPAL MKHA' SPYOD KYI DGA' MA YID 'ONG MA, ,DUS RING NAS BSKYANGS PA'I MA MA DES, ,NGA RIG 'DZIN GYI GRUB PA STER BA'I

, ,BRDA, ,YONGS NGO MTSAR GYI ZLOS GAR CI YANG RTZE, ,ZHES 'BYUNG BA KHYAB BDAG BLA MA 'DI NYID 'DAS MA 'ONGS PA'I GNAS LUGS MTHA' DAG GSAL BAR GZAGS PA'I MNGON MKHYEN THAG THOGS MI MNGA' NA'ANG KUN TU RGYUS LA PA MOONGGA LA GYI BU BCOMS PA'I LO RGYUS LTAR CHOS GOS 'OG GI DUG MDAR MA DGONGS PA'I BSNGAGS BRJOD CHE NA'ANG RGYU MTSAN 'OG TU RIM GYIS GSAL, KHRO PHUR RJE BTZUN RDO RJE RNAL 'BYOR MA'I NGO MTSAR CHO 'PHRUL GYI BKOD PA DANG PHAG ZHAL GYI STENG NAS 'JA' TAL LA ZUG PA SLAR THUGS KAR THIM PAS ZHAG MANG POR ZAG MED KYI BDE CHEN KHO NAR 'BYAMS PA SOGS DRANG SRONG SRIN PO RI DANG 'PHAN DKAR GYI LJONGS SU RJES SU 'DZIN, ZHES PA'I DON LTAR RDZES SOR 'PHAN YUL DU PHEBS PA'I LAM ZHIG TU NAM MKHA' NAS ME DPUNG 'UR SGRA DANG BCAS BYUNG BA CI YIN SNYAM GZIGS PAS CHIBS SGA'I SNGA RU'I STENG BAB MA THAG RNAL 'BYOR MAR GYUR NAS SKU LA 'KHRIL BAS ZHAG BDUN GYI BAR ZAG MED KYI BDE CHAN KHO NA'I NGANG DU SONG BA SAGS RJES SU 'DZIN PA'I LUNG BSTAN DU NGES, LAM YIG LAS, DE NAS GNAS KYI MDA' NA DAM PA DMAR PO'I RUS YIN ZER BA ZHIG GI LAG NA GDUNG RUS LAS GRUB PA'I SPYAN RAS GZIGS KYI SKU DANG SRAS KYI THUGS RANG BYON YIN ZER BA SOGS 'DUG PA MJAL, DE'I NUB GANGS CAN CHOS 'PHEL GYI DGON PA'I 'KHRIS, LHA MO DMAG ZOR MA'I BLA MTSO YIN ZER BA, MTHA' LJEN PA'I CHAL GYIS BSKOR BA'I DBUS NA NE'U GSING GI DKYIL NA MTSO CHUNG KHOR PA ZHIG 'DUG PA'I KHA STOD SKYID SGYID 'DRA BA ZHIG 'DUG PA DER LCOG GRVA BYAS BSDAD, JA BZANG SKOL ZHANG CHAS

SPYOD BYAS PAS GRVA PA RNAMS BYON BYUNG NAS, 'DI BA CHA LUGS SOGS RTOGS LDAN DU MI 'DUG, GRA MTHUN LA SKYID MDOG RNAM PA SGO YANGS PA ZHIG 'DUG PAS, SDE PA ZIL GNON PA LTA BU ZHIG BRDZUS PA YIN NAM ZER, GCIG NA RE NGA DANG ZHAL 'DRIS YOD, SDE BZIL GNON PA YIN THAG CHOD 'DUG ZER BAS, PHAL CHER DE LA YID CHES SONG, SU YIN ZER BA LA, NGA CI MED KYI SPRAD PO YAN PA BLO BDE BYA BA YIN NO AANG BYAS PAS, KHYED RANG SU YIN KYANG NYAMS DGA' LA SNANG BA BANG BA ZHIG 'DUG ZER RO,, THAG KHRA SPRUL DU 'KHRUL PA'I SNANG NGO NA, ,'JIGS SKRAG 'BROS LA THUG PA DON BYED NUS, ,YID CHES MOS GUS LDAN PA'I GANG ZAG LA, ,KHYI SO RING BSREL PHUNG POR SONG DO SKAD, ,MING TZAM BRDA TZAM BTAGS PA KHO NA LA'ANG, ,RANG RANG NGO BOS GRUB PA RDUL TZAM MED, ,CI MED CIR YANG 'CHAR BA'I NGO MTSAR CAN, ,RTEN 'BREL ZAB MO'I RANG MTSANG DE RU RIG ,SKYE BOS BZHI MDOR SMRA BA'I KHUNGS MED GTAM, ,GANG ZER BDEN PAN 'DZIN PA'I BLO CHUNG TSOS, ,GZHI MED RI BOD TZAL GYI SGRA DBYANGS KYIS; ,RANG GZHAN MANG PO'I RANG MTSANG STON NYEN GDA', ,ZHES BYUNG, GSOL 'DEBS LAS, CHU MIG NANG GI RTEN MCHOG MTHA' DAG MJAL, ,THAB LAM RDO RJE'I PHO BRANG AE WAm DU, ,SKAL BZANG RANG RANG BLO DANG 'TSAM PA YI, ,CHOS KYI DGA' STON SPEL LA GSOL BA 'DEBS, ,ZHA LU GSER BKANG CHOS GRA CHEN PO RU, ,BSTAN SRUNG LHA MO'I RNAM SPRUL BUD MED GZIGS, ,MTSAN NYID KUN LDAN YONGS 'DZIN KU S'A LIS, ,DBANG DANG RJES GNANG STZAL LA GSOL BA 'DEBS, ,ZHES

, ,PA LAM YIG LAS, STAG LA SKYA ME DUNG GI SGO BRGAL TE, RJE BTZUN SA SKYA PA'I GDUNG BRGYUD RIM PAS BYIN GYIS BRLABS PA'I GNAS GTZANG CHU MIG RING MOR SLEB, DE NUB GNAS 'BREL BYAS, SNGON ZANGS DKAR LO TZ'A BAS BZHENGS PA'I GTZUG LAG KHANG, GNYAN SGROL, 'PHAGS PA RIN PO CHE'I SKU 'DRA SOGS BZHUGS PA'I LHA KHANG, BDAG CHEN RIN PO CHE GRAGS BLO BAS BZHENGS PA'I MGON KHANG SOGS MJAL, GSOL GDAB SMON LAM YID CHES PAR BYAS, DE DAG LA NGO MTSAR ZHING BYIN RLABS KYI ZIL GZHAN DANG MI 'DRA BA ZHIG 'DUG PAS DAD MOS TSAD MED PA SKYES, DING SANG ZHABS TOG BDAG RKYEN CHER MED PA'I GOGS NYAMS CHEN PO 'DUG PA LA SEMS KYIS MI BZOD PA'I SKYO SNANG YANG YOD PA ZHIG BYUNG, SANG NYIN NYI MA PHYED YOL TZAM NA NGOR AE WAm CHOS LDAN DU SLEB, MJO MO RA BA YOD PA'I SPANG STENG DER LCOG SGAR BYAS BSDAD, LAM ZAB LHA KHANG DU BLA MA'I RNAL 'BYOR RGYAS PA ZHIG BLANGS, SPYI SGOS KYI BSTAN PA RGYAS PA'I SMON LAM BTAB, GZHAN YANG LAM 'BRAS LHA KHANG GIS GTZO BYAS PA'I RTEN GSUM RNAMS KYANG MJAL, DPON PO RIN CEN SENG GE BAS GZHIS LEN SKABS BAB BYAS, KHROM THOG DPON PO SOGS 'DOD CHOS DGOS ZER BA MANG DAG BYUNG BAS, THOG CIG LA GUR MGON GYI RJES GNANG BYAS, 'PHRAL MKHO'I JA GOS DAR SAGS 'BUL BA'ANG 'GA' BYUNG, DE NAS ZHA LU LA CHAS TE PHYIN PA'I LAM BAR NAS LCAGS STOD MTHONG BYUNG BAS, NGED TSO SA SKYA PA'I YUS PO CHE'I MI GSUM GYI NANG NAS, SHAR SMAD BTZONG KHA'I

DGE BSHES RIN CEN BRTZON 'GRUS KYI BRGYUD PA, DPON CHEN DBEN SHR'I RGYAL BA BZANG PO DANG, HU SHR'I RGOD PO RIN CEN SOGS RIM PAR BRGYUD PA'I PHA TSAN SHIN TU NYE BA ZHIG YIN PAS, KHONG TSO DAR RGUD DANG BDE DOG GANG 'DRA ZHIG YOD DAM SNYAM DGOS MED 'JIG RTEN GYI RMONGS ZHEN ZHIG SKYES, ZHU RAG GI BSAM PA MED KYANG BYA BRAL GYI GNAS SKABS SEMS LA GANG SHAR LAG TU BLANGS CHOG SNYAM PAS DER PHYIN, KHONG TSO'I GZHIS KA'I STOD DER LCOG GRA BYAS, NGAS LCOG BUR BSDAD, KHONG GRVA PA RNAMS NYAMS DGA' DANG SBRAGS PAS BSNGO BA SMON LAM RGYAB PAS MANG JA NYUNG JA GDAN GNON DANG BCAS PA BSKYAL SONG, SU YIN ZER BA LA NGED RNAMS LA STOD MTHON PO NAS YIN ZER BA BYAS NA'ANG, RJES SU NGOR PA'I GRVA PA 'GA' SOGS RIM PAR BRGYUD NAS CHA TZAM NGO SHES 'DUG PAS, DPON 'OG MA 'DRA BA'I MI GZHON ZHIG NGA'I RTZAR BYUNG, 'DI 'DRA YIN PA 'DRA ZER BA'I RTZAD GCOD ZHIB PO BYED KYIN 'DUG PAS DA CI NAS NGED BYA BRAL DU SONG BAS SKYUG BRO BYAS DOGS SPAM ME BSDAD PA YIN, NGO BO DE LTAR YIN PAS MJAL PHRAD TZAM MDZAD 'BOD YOD NA DE GA BGYIS PAS CHOG BYAS PAS KHO LOG SONG, RE ZHIG NAS SLEB NAS, DENG SANG SKU MTSAM ME BA ZHIG YOD PAS MJAL MA BDE BYUNG, SANG NYIN CIS KYANG BZHUGS PA GNANG DGOS ZER BA LA, MJAL BZHED MED PA THUGS DANG BSTUN PAS CHOG PA 'DUG, NGED TSO RGYAL KHAMS LA RING PO YOD SDOD PA'I YOD MED BYAS, DEN LA RANG GI RIGS RUS DANG PHA TSAN SOGS GANG YIN GYI BLANG BOR MED PA'AM, YANG NA MI SDUN DU NGO 'DEGS MI THUB PA ZHIG

, ,YOD PA YIN YONG, NGA LA SH'AKYA THUB PA'I BKA' DRIN GYIS PHYOGS GANG LA PHYIN KYANG BSNYEN BKUR BYED MKHAN NI THOGS MED 'ONG GI 'DUG 'DI SKOR GYI ZHEN THAG DE CHOS PAS BLO BDE, LAR BCUN PA GNYEN SRED CHES PA LA DE 'DRA MANG PA 'BYON, KHYOD SNYING TSIM TSIM SNYAM PA BYAS, NAM ZI LA LANGS PHYIN, NGED TSO'I RJES LA CHAS KA PHRAN DU DANG BCAS LAM SNA BA YIN ZER BA ZHIG BTANG BYUNG, MI DGOS LOG RGYUG BYAS KYANG MI NYAN PAR ZHA LU BAR PHYIN, DE NUB RGYAN GONG GI GTZUG LAG KHANG GI MGON KHANG MJAL BAS DER GTOR MA'I 'KHRIS SU BUD MED GOS DKAR KHRA GYON PA ZHIG BYUNG BA DE MTHAR PHYI NANG GANG DU SONG CHA MED PA LA YAL BA LTA BU ZHIG BYUNG, ZHA LU GNAS KYI GSER BKANG GI THUGS RJE CHEN POS GTZO BYAS STENG SHOD KYI LHA KHANG MGON YANG RNAMS ZHIB PAR MJAL, GZHAL YAS KHANG GI MDO DER DRUNG CHEN BYA BA YIN ZAR BA'I GYONG RGAN BKA' BRGYUD PA LA RGYAB RTEN BCOL BA, DOM RA DANG SLEL BEM GYI SGRIB SHING GYON PA ZHIG DANG, DRUNG RGYAL BA ZER BA'I BAN GZHON MIG LDAG PA NA YOD PA 'DRA BA ZHIG 'DUG PAS, KHONG TSOS JA 'DREN GZHIS LEN BYAS, KHONG RANG TSO DANG BLO BSTUN PA'I CHA LE CHO LE MANG PO LABS BTANG BAS SHIN TU DGA' SONG, DE NA JO LAS PA BYA BA 'GRUG PA THAMS CAD LA ZA 'DOD BYED PA ZHIG 'DUG PAS, SLONG MO DGOS ZER BYUNG BAS, NGED RANG RNAMS SBRANG PO NI MNYAM POR 'DUG, KHYED TSO ZHA LU PA YIN SNYAM PA YOD NA'ANG, NGED TSO 'DAR PA YIN SPRAD CHOG BYAS PAS THAMS CAD BZHAD GAD THEG GE BYUNG NAS ZA 'DOD CHER MA BYAS, DE NUB RI PHUG TU PHYIN, BU STON THAMS CAD

MKHYEN PA'I CHOS KHRI'I MDUN DER LCOG GRA BYAS BSDAD, N'A LANDA'I BCO BRGYAD PA'I 'TSO BYED CIG YOD PA DES GZHIS LEN BSNYEN BSUR ZUR CHAS SOGS ZHABS TOG YANG DAG BYAS, SANG DE RA PHUG BLA BRANG NA BZHUGS PA'I BU STON RIN PO CHE'I SKU 'DRA PHYAG NAS MAS GTZO BYAS PA'I RTEN GSUM SHAR CHEN GYI RTEN SOGS ZHIB PAR MJAL, MKHYEN RAB RIN PO CHE'I ZHAL SLOB BGRES PO ZHIG 'DUG PA LA PHYAG RDOR 'GRO BZANG GI DBANG, RNAM SRAS ZHI DRAG GI RJES GNANG, RDO RJE RAB BRTAN MA'I BKA' GTAD YIG LUNG DANG BCAS PA ZHUS, DE NUB RDZING PHUR BRAG SGO BA ZER BA'I KHAMS PA PHYUG PO ZHIG GIS GDAN DRANGS DER PHYIN, CHE DBANG, RTA MGRIN GYI RJES GNANG SOGS BYAS, JA BZANG PO ZHIG PHUL BYUNG BAS LAM JA LA SHIN TU MKHO BA BYUNG, ZHEN MED KYI NYE DU'I SGO BSNYEGS PAS, ,DGOS MED KYI LAM STABS DE RU BCAG ,DON MED KYI LUNG SPUG BSKOR BA'I 'BRAS, ,'BREL MED KYI SA MTSAMS DE RU BRIS, ,SPYIR SEMS CAN KUN DRIN CAN PHA MAR 'DUG ,SGOS SU BYAMS GNYEN LA GANG SKYID YUL, ,DBYA BRAL GYI MDUN MA YANG RTZER YOD, ,KHYED PHA TSAN SKU KHAMS CI BDER BZHUGS, ,DPAL ZHA LU GSER BKANG GI DGON PA NA, ,BAN SMYON KUN GRI RINGS LA SHAL 'DZUGS BYED, ,MI BSAD LA YA 'UD MI GDA' BAS, ,SPRAD PO NGAS RI PHUG DGON PAR BROS, ,SNGAR 'DRIS KYI SLOB MAS ZHABS TOG BZANG, ,KU SU LU'I BLA MA LAM DU MJAL, ,GANG ZHUS KYI CHOS 'BREL LHUG PAR GNANG, ,KHONG BKA' DRIN MI CHUNG CHE BAR 'KHUMS, ,YAR DA LTA GANGS RI'I LJONGS 'DI NA, ,DGON SPYI CHOS KYI RANG TSUGS

, ,'DZIN PA LA, ,KHONG 'GRAN ZLA DRAL PA'I ZHA LU PA, ,BOD CHOS SDE CHO'I SROG SHING DAM PA LAGS, ,ZHES GSUNG PA BSTAN PA PHYI DAR GYI LO TZ'A BA BRGYA PHRAG TU LONGS PA BYUNG NA'ANG RGYA MTSO MTHA'I SKAD SHES PA KHO BO LAS MA BYUNG ZHES BSNYEMS PA'I TSUL 'DZIN PA 'JIG RTEN GYI MIG GCIG BU GNYAN LO TZ'A BA DAR MA GRAGS KYIS RGYA GAR NAS GDAN DRANGS PA'I RJE BTZUN SGROL MA 'GANGS CAN DE MJAL BA GNAD PA'I MNAL LAM DU BUD MED GZHON NU GOS SNGON PHO GYON PA ZHIG BYUNG NAS 'DI GNYAN LO SPRUL GYI 'JIGS PA LAS BSKYABS PA'I PAndI TA SANGS RGYAS GSANG BA'I THUGS DAM GYI LHA DE YIN ZER BSAD TSE RJE BTZUN MA SGROL MA DNGOS SU MOS PA'I THUGS DAD 'KHRUNGS, RTING RES SNANG THANG BYANG CHEN DU PHEBS SKABS DKON GNYER GYIS MGON PO ZHAL SHING GI MCHOD RTEN 'DI LA GNAS PA YIN ZAR DE NUB DER GZIMS PAS A'A TZARLA ZHIG BYUNG NAS ME 'BAR GYI GTZUG LAG KHANG BZHI'I NGOS 'DZIN DANG BCAS PA SMRA ZHING KHYED RANG GI GNAS PHYED RANG GIS NGO LOS SHES ZER DGA' BA'I RNAM 'GYUR SNA TSOGS STON PA BYUNG BA ZHAL GYI RNAM 'PHRUL YIN GSUNG, LCAGS STOD KYI LO RGYUS NI LTA BA 'KHOR 'DAS DBYER MED DU GZIGS PA'I RNAL 'BYOR PA BZANG NGAN GNYIS 'DZIN GYI MTHA' LAS 'DAS PA GNYEN SRID CI LA MNGA' NA'ANG, RANG CAG SNYIGS MAR SPYOD PA'I DGE SBYONG SA'I SNYING PO 'KHOR LO BCU PA'I MDO NAS BSHAD PA'I THA MA'I RIGS RNAMS LA BAG YOD BYED DGOS ZHES GDAMS PAR SNANG, LTAGS SKOG LUNG PA BKRA SHIS DPAL 'BYOR DE SKABS GRAGS CHUNG YANG KU SU LU'I MKHAS GRUB CHEN POR DGONGS TE CHOS 'BREL GSAN CING

RGYAN GONG DU LHA MOS RNAM 'GYUR ZUR TZAM BYUNG BA SOGS NI DUS PHYI BA CHOS RJE THAMS CAD MKHYEN PA'I KHRIR PHEBS NAS BSTAN PA NYIN MO LTAR GSAL BA'I RTEN 'BREL DU MNGON, GSOL 'DEBS LAS, GUS LDAN SBYIN PA'I BDAG PO'I BAR CHAD BSAL, , NYE BAR MKHO BA'I RNYED DANG BKUR STI BSGRUBS, ,BRAR DGON SMAN LUNG GNAS KYI LHA KHANG MJAL, ,RIGS BRGYUD SRUNG MA MCHOD LA GSOL BA 'DEBS, ,ZHES PA LAM YIG LAS, KHONG BRAG SGO BA BYA BA'I PHYUG PO DE, ,MIG RGYA KHAB LAS PHRA BA ZHIG YIN ZER NA'ANG, ,NGA BYA BRAL LA LAM JA BZANG PO PHUL, ,DUS GZHAN GYI JA SIGS GCIG LAS DGA', ,KHOS KHENGS DREGS KYI BRNYAS PA YIN LAS CHA, ,YUL RGYAN GONG GI LHA MO DE GNOD KYI 'DUG ,NGAS GTOR MA DANG BKA' BSGO DRAG PO BYAS, , DE RE ZHIG LOG NAS BDE BAR BYUNG, ,DE NAS THAR BA DGON PAR SLEB, DE NUB BSDAD NAS DE'I STENG SHOD KYI LHA KHANG MGON KHANG RNAMS ZHIB PAR MJAL, SANG TSA THOG TU SMAN LUNG DU PHYIN, BLA BRANG PA DE PA DANG NYE TSAN RNYING PA ZHIG TU 'GRO BAS NGO SHES BYAS, GZHIS LEN YANG DAG BYUNG, N'A RO'I RGYAN DRUG KHA CHE PAn CHEN GYI SKU CHOS SOGS KYI BYIN RLABS ZHUS, GTZANG KHANG GI RTEN GSUM, SMRi TI'I GDUNG 'BUM SOGS MJAL, STAG ZHON MGON KHANG DU GTOR GSOS SNYAN DAR 'PHRIN BCOL YID CHES PAR BYAS, DE NAS BA RNAM GZHUNG LA PHYIN, GRONG STOD DU ZHAG SDOD BYAS, SANG NYIN SNGA BAR PHYIN LHUN GRUB RTZER SLEB, NGAS GNAS TSANG ZHIG TU BSDAD, ZLA'O RNAMS GZIMS KHANG SOGS KYI LTAD MO DANG, ZHAR LA BSOD SNYOMS KYANG BYED, SDE

, ,DPON CHOS LA DKAR PO ZHIG YOD PA 'DUG ZER NAS SONG, KHONG RNAMS KYIS NYI PHYED PAR BSGUGS PAS LAN TZAM YANG MA KHUGS, DED RANG RNAMS KYI TSA THEB SKYANG CHAG PA ZHIG BYUNG NAS LOG BYUNG, LAR GNANGS CHUD LA BLO, RIGS RGOD BA'I SDE DPON DPON SKYA'I RIGS 'DI, LUG THUG GI SGRO BAS WA MO'I NYIN THEBS GCOG PA MA GTOGS DGOS PA MI 'DUG PAS DE 'DRA'I RIGS LA BYA BRAL RNAMS LAM GZHUNG SRONG BA RANG GNAD DU GDA', DE NAS BSAM SDINGS DGON PAR SLEBS NAS DE NUB GNAS 'BREL BYAS BSDAD, SANG NYIN DE'I NE GU BRGYUD PA'I PHO KHROM MGON KHANG, YANG DGON GYI LHA KHANG MGON KHANG SOGS MJAL, CHOS RJE'I DRUNG DU DED DBON SLOB RNAMS KYIS BLA MA'I RNAL 'BYOR GYI CHOS 'BRAL ZHUS, SGER GYI MGON DKAR GYI RJES GNANG ZHUS BSAM GNANG BAR, RTZIS KYI MGON PO LHA CHEN DPAL 'BAR GYI RJES GNANG BKA' DRIN BSKYANGS, DE NAS RTZIS GNAS GSUR GYI LHA KHANG MGON KHANG RNAMS MJAL, SDE PA BSOD NAMS RAB BRTAN PAS GZHIS LEN SHANGS LEN SOGS YANG DAG MDZAD, DER 'DOL CHUNG NA TSA MO ZHIG YOD PA DES 'BOD DU RTA PA GNYIS RKANG TSUGS BTANG BYUNG NAS CIS KYANG YOD DGOS PA'I NAN TAN BYED KYI 'DUG PAS KHONG BYINGS BO DER BZHAG, DED DBON SLOB 'GAS SKOR TZAM PHYIN PAS GNAS TSUL NGES PAR BYUNG BA LAGS SO,, THAR DGON SMAN LUNG 'PHRUL GYI LHA KHANG MJAL, ,PHA MES BRGYUD PAS BSTEN PA'I MGON GNYAN DE, ,SNYAN DAR BA LING RGYA MTSOS MCHOD BYAS TE, ,BSTAN PA BSRUNG BA'I 'PHRIN LAS BKA' BSGO BYAS, ,

DE NAS PA RNAM RDZONG GI GZHUNG DU PHYIN, ,'KHOR RNAMS GTOR SOGS MED PA'I RNGA GSHANG GI ,SGRA DBYANGS SNYEG PA'I BYA ROG BZHIN DU 'GYOD, ,KHO BO PHO TSOD CHE BA'I KHROM THOG CHOD, ,PHYIN CHAD PHYOGS 'DIR 'ONGS PA'I RNAL 'BYOR RNAMS, ,'DI 'DA'I RIGS LA RIM PA LTAR 'DZEM MDZOD, ,ZER BA'I RGYANG GLU LEN ZHING BSAM SDINGS KYI, ,RI LA 'JEGS PAS LUGS GNYIS 'DOD PA TSIM, ,YANG SMRAS PA, NYANG STONG KYI AA MO 'DOL CHUD NA, ,TSA MO ZHIG YOD PAS NAN GYIS BOS, ,RNGAN CHEN DANG GZHIS LEN BSRES SE BA, ,KHRAM DUS KYI KHA RGYAN BCAS BA BYUNG, ,GTER SPRIN 'DRA YOD SNYAM YOD TSOD GDA', ,NGA RGYAL KHAMS KYI LONGS SPYOD CHAR LTAR BABS, ,CHOS LDAN GYI 'GROS TSAGS LAS MANG, ,DPON NGAN GYI KHAL 'BAB YOD DON MED,, TSOM PO LA SNUM BSKUS MA RE MDZOD, ,CES GSUNGS, GSOL 'DEBS LAS, BSAM SDINGS GRUB PA'I GNAS SOGS RIM BRGYUD DE, ,YUL LJONGS RNAMS SU DAD LDAN BKUR STIS MCHOD, ,SHAMBHAR GNAS SU 'DRAN MCHOG BLA MA LA, ,BSTAN GRUNG RJES GDONG GSAR LA GSOL BA 'DEBS, ,DUS DER YE SHES CHEN PO'I GZIGS SNANG DU, ,ZHUN CHEN DUD SPRIN ME RLUNG 'TSUB PA'I DBUS, ,'JIGS RUNG STAG SMYON ZHON PA'I MON PA CHE ,'KHOR BCAS GSAL BAR SHAR LA GSOL BA 'DEBS,, ZHES LAM YIG LAS, DE NAS BOD KYI LHA BTZAN PO'I GDUNG BRGYUD DRI MA MED PA SKYA BO BYANG CHUB SEMS DPA'I MDZAD PA LHUR LEN PA, 'BRONG RTZE NAS KHRI NAM MKHA' BSOD NAMS KYI DRUNG BZHUGS PA'I GZHIS KA RNAM SRAS MTHONG SMON DANG KHANG NYE BA ZHIG

, ,TU SLEB, SU YIN RTZAD GCOD MI GNANG BYUNG BAS, DPAL LDAN SA SKYA SKOR NAS YIN ZER BA'I BRDZUS SE BA ZHUS KYANG DGONGS NAS CIS KYANG SHOG GSUNGS NAS PHYIN, ZHABS TOG GZHIS LEN YANG DAG THUGS DKAR BAS KUN NAS BSLANGS PA MDZAD, SDE PA'I DRUNG DU PADMA DBANG CHEN YANG GSANG KHROS PA'I DBANG BZHI YONGS SU RDZOGS PA, BKA' SDOD RNAMS KYI SROG DBANG SOGS PHUL, GZHAN YANG 'DOD CHOS KYI THUGS BZHED MANG PO 'DUG PA YAR LAM 'BUL BA'I KHAS LEN ZHUS NAS RGYAL MKHAR RTZE RU (PHYIN) RDZONG RGYAB TU LCOG GRA BYAS BSDAD PAS, GNAS CHEN PAS CIS KYANG YONG DGOS GSUNGS, DPAL 'KHOR BDE CHEN GYI SHAG TU BOS GZHIS LEN MDZAD, NANG SES SNE SBYOR MDZAD NAS CHOS SDE'I LHA KHANG STENG SHOD, MCHOD RTEN CHEN PO, RGYAL RTZE'I LI MA LHA KHANG, GZIMS CHUD STENG SHOD BA GA'I RTEN RNAMS ZHIB PAR MJAL, RGYAL RTZE NAS SDE PA CHEN MO DE NYIN RE BZHIN CHOS SDE LA ZHABS SKOR LA SGRIGS BCUG PHEBS PA MTHONG BAS, DENG SANG GI AA PO HOR 'DRA'I DON SBYI YOD PA ZHIG MI 'DUG NA'ANG, CHOS RGYAL GYI MDZAD SBYOD SKYO SUN MED PAR BSGRIGS SU BCUG PA 'DI CAM RANG THOG TU BABS NA'ANG NUS PA DKA' BAS NGES PAR CHOS RGYAL DU 'DUG SNYAM PA'I DAG SNANG CHER PO BYUNG, DE RJES 'BRUG PA NGAG DBANG CHOS RGYAL DANG DE GONG NAS GSUNG CHOS KYI 'BREL BA YOD BAS MJAL BA DANG RA LUNG BSKOR BA SBRAGS MKHA' RO NAS YAR 'BROG GI NANG LA ZHUGS, DO RI SOGS GNAS MJAL RIM PAR BYED 'DOD YOD NA'ANG GRA PA RNAMS KYANG MGYOGS SKOR LA DGA' BA TZAM 'DUG CING,

NGED RANG GI RKANG TSAB KYI RTA DE YANG BABS KYI RNAM PA YOD PA ZHIG BYUNG BA SOGS PHYOGS DU MA NAS MDOR BSTAN PAS 'PHRED LA BCAD DE RONG CHUD LA 'GRO BA'I GROS THAG BCAD DO,, BOD RGYAL PO GZHON NUS GTZUG GIS MCHOD, ,SHAR RGYAL PO'I MDZAD PAS YID RAB PHROGS, ,RTA MDO PHRUG GI BANG 'GROS DE RU ZAD, ,KHONG GRVA PA KUN ZA THAG NYE LA DGA', ,DPAL RA LUNG GI RI KHROD LTA BA DANG, ,PHA NGAG DBANG CHOS RGYAL MJAL SNYAM TSE, ,LUS 'KHOS MED KYA RKANG PAS RANG MCHAD BSTAN, ,NGA LUGS GNYIS KYI BLANG DOR MI ZHAN KYANG, ,LUS RKANG BA'I 'KHRUL 'KHOR 'DOR LEN BRAL, ,KHONG DUD 'GRO LA 'GRO 'DUG GI SKYABS GNAS 'CHOL, ,NGA MI PHYED DU 'DUG SNYAM SNYING KHONG GRANG, ,DA YANG CIG BSAMS PA 'DI LTAR SHAR, ,GNAS LUGS LA LTA BA'I MIG YOD NA, ,CHU BUR GYI KHRA HRIG MED KYANG CHOG ,CI BSAMS KUN 'GRUB PA'I BLO YOD NA, ,SHA RUS KYI RKANG PA MED KYANG CHOG ,SEMS NYID KYI YANG DGON MTHONG TZA NA, ,RA LUNG GI RI LTAS DE GAR GDA', ,DAD MOS KYI RANG ZHAL MJAL TZA NA, , MTSAN LDAN GYI BLA MA DE GAR GDA', ,GANG BYUNG GI CHOG NA CI BYAS BDE, ,BYA BTANG GI BLO SNA GANG SHAR YIN, ,'GYUR MED KYI BDEN GRUB MED PAS 'TSE NGAS, ,RONG CHUNG LA SBRANG PO'I LAM SNA ZUG ,DPAL 'KHOR BDE CHEN DU BSDAD PA'I DGONGS DE, NGED NI GNAS CHEN PA'I MKHAR LAS BYED SGANG GI NANG 'U LAG PA DANG THUG CHOM GYI KHENGS PA DER NAN MED BYAS SGOR BAS ZHE SUN LA TSIG BZA, ZLA'O RNAMS NI DE'I NUB CHAR LHAGS 'DRES PA ZHIG GIS LCOG BU RNAMS BSKYEL, 'DAM DAG GI DKYIL DU NYAL DGOS

, ,BYUNG 'DUG, DED RNAMS CHOS SDE'I SGOR 'DZOM TZA NA THAMS CAD PHAR YUS TSUR YUS SU 'DUG PAS, NGAS KHAM BLANGS PAR SNGON LA THAL LE PHYIN, NYANG STOD GU LA'I PHU DE NA PHO ROG MDO SDE MGON PO BYA BA'I GRUB THOB CIG GI SKU 'DRA SNYAN GRAGS CAN, MGON KHANG DANG BCAS PA 'DUG PA MJAL, DE NUB DPON SLOB THAMS CAD RNAM SRAS MTHONG SMON DU 'DZOM, SANG MKHAR KHA'I MDUN MAN LUNG DGON PA'I 'KHRIS LA BYAS, THU RU STAG CHAL ZER BA'I LUNG NAD DU ZHAG GCIG BSDAD, SANG DE SNGA BAR LA SHIN TU CHE BA ZHIG BRGAL PHYIN PAS, RONG SHAM BHAR GYI DGON PAR TSA BA PHYI BA LA SLEB, SHAM BHAR CHOS RJE'I DRUNG DU MJAL, MGON PO STAG ZHON 'KHOR BCAS KYI DBANG RJES GNANG, RONG PA'I STAG ZHON GYI PHUR DBANG DU GRAGS PA'I RTEN MJAL BKA' BSGO DANG BCAS PA ZHUS, CHOS SKYONG DE'I CHOS SKOR TSAD MA DANG, ZHAL BZHI PA'I LAS MKHAN PU TRA NAG PO RNAMS ZHU BA'I RJES SU SLEB PA'I RGYU MTSAN PHUL, ZHAL BA ZHES KYANG PHEBS SO,, LHA SNYAN SHAM BHAR MGUL GYI DGON PAR SLEBS, ,'KHRUL ZHIG BLA MA'I ZHAL BZANG MNGON DU BYAS, ,PHA MES BRGYUD KYI SRUNG MA NAG PO DE'I, ,SKU BRNYAN MTHONG ZHING DBANG DANG RJES GNANG THOB, ,DE NUB GNAS DER NYAL BA'I 'CHAR SGO LA, ,GNYID 'CHAG THOG 'TSEG BA SDU ZING DE BA, ,MNGON SUM RMI LAM GANG YANG MA YIN PA'I, ,'OG 'GYU'I CHUL GYI ZA ZI'I 'CHAR TSUL NI, ,GSUR DUD ME DMAR 'TSUB MA'I LUNG STONG NA, ,STAG CHEN SMYON PA ZHON PA'I MON NAG CIG ,BSTAN DGRA DAM NYAMS 'TSOL ZER RGYUG CING 'BRAL, ,

STONG GSUM KHU SGRAS 'GENGS SHING YOD DO SNYAM, ,RES 'GA' YID PA KHYI KHRID MANG PO YIS, ,RI DRAGS 'DED CING BSHA' BA'I DMAR MYOG DANG, ,GZHAN YANG STAG GZIG DOM DRED BYA 'UG SOGS, ,RGYUB 'BRAS 'PHUR LDING BAN BUN ZA ZI YIS, , NAM LANGS BAR DU THUB PA'I 'KHRUL SNANG BYUNG, ,DE DAG LEGS BAR BSAMS CHE PHA RGOD RJE'I, ,BSTAN SRUNG MCHOG 'DI MNGON SUM ZHAL GZIGS NAS, ,SGOS DGRA KHA KHYER KHUR NAS ZAB SOGS, ,'JIGS SU RUNG BA'I LAS RJES MNGON DU BSTAN, , DE YI RIGS 'DZIN RNAL 'BYOR BDAG YIN PAS, ,DA DUNG 'DI YIS DAM NYAMS MANG PO LA, ,DAG PO'I LAS SBYOR 'GRUB PA'I LTAS SU GO ,DE NAS SHA RA'I GRU LCAGS THON PAS, DE'I GRU SHAN GYI RTA MGO'I NGOS LA RIN SPUNGS NAS SDE PA'I BKA' SHOG LCAGS LEB LA GZONG RIS BRIS PA GSER CHUS BYUGS PA LA, GRU LCAGS 'DI DGE RGYUN LA BCUGS PA DANG, MNYAN PA LA GZHIS ZUR NA BYIN YOD PAS, ZA 'DOD KYI GTZER BA BYUNG NA NGO BSRUNGS MED PA'I ZHU BAS SLEB PA GYIS, PHYIS 'DOMS PA'I KHRIMS LUGS BYED ZER BA GZER GYIS BSDAMS NAS BRGYAB 'DUG CING, MNYAM PA DE RNAMS KYANG SNGA GONG DANG MI 'DRA BA'I NGO GNOD BA BYAS, LTOGS 'DOD CUNG ZAD BYED 'DONG PA'ANG GNANG SBYIN ZHU BA YIN ZER BA LAS MI 'DUG PAS, GZHIS KA RIN SPUNGS PA KHRIMS DAM ZER BA'I SNYAN GRAGS BDEN PAR 'DUG, RGYAL PO KHRIMS LUGS YOD PA'I SA PHYOGS 'DI 'DRA BA ZHIG YONG PA YIN, SNYOMS CHUNG LAM BDE BA, RDZAS LDAN BLO BDE BA SOGS BSOD NAMS DPAG MED 'ONG BA 'DUG, NGO MTSAR SNYAM PAS SDE PA

, ,LA'ANG DAG SNANG CI YANG SKYES, ZHES 'BYUNG BAS BSAM SDINGS NAS RIM GYIS 'CHI MED KYI GRONG KHYER LA CO 'DRI BA NYANG STOD KYI YUL GRU RNAMS ZHABS KYIS BCAGS NAS SHAMBHA RA DU YAB MES KYI CHOS SKYONG DPAL MGON STAG ZHON NAG PO'I CHOS SKOR RNAMS GSAN PAS BSTAN DGRA TSAR GCOD PA'I LTAS MNGON SUM DU BSTAN CING, RJE 'DI NYID LA RGYA ZHANG PHROM, DRANG NGA KUN GRAGS, CHOS DBANG, AYON GLING PA SOGS KYI GTER NAS BYON PA DANG, JO BO CHEN PO, DPYAL PA SOGS LAS 'ONGS PA'I STAG ZHON MTHA' DAG GI BKA' BABS PA'I BE'U BUM KYANG DBANG LUNG MAN NGAG THAMS CAD KHUNGS BTZUN BRGYUD PA LAS NYE BAR 'ONGS TE YID BRTAN DU GYUR PA MA GTOGS KHUNGS MED DANG LUNG MED KYI DPE HRUL SDUD PA'I ZOG SPYOD MKHAN PO RNAMS DANG 'DRA BA NI MA YIN NO,, GSOL 'DEBS LAS, SKYED TSAL DGON PAR CHOS KYI SBYIN PA MDZAD, ,SMYUG RI'I YANG RTZER RJE BTZUN 'PHRIN LAS PAS, ,'DZUM ZHAL BSTAN ZHING DGYES PAS BYIN GYIS BRLABS, ,GSUNG GIS RJES SU BSNGAGS LA GSOL BA 'DEBS, ,ZHES PA LAM YIG LAS, DE NUB 'BRAS YUL SKYED TSAL DU SLEB, GRA PA RNAMS SHOL RAG CHEN PO DER LCOG GRA BYAS, SGER GYIS MKHYEN RAB CHOS RJE'I DBON, NGED KHA'U BRAG RDZONG PA'I GRA RIGS KUN GYI GTZUG RGYAN RJE BRAG DKAR RAB 'BYAMS PA BZHUGS PA'I GZIMS SBYIL DU PHYIN NAS MJAL, DAD PA DANG DAG SNANG BSAM GYIS MI KHYAB PAS ZHAL 'PHROS 'BEL GTAM 'AR MA 'UR MA BYAS SKYED TSAL BA'I GRVA PA SNGAGS CHOS KYI 'DOD ZHEN CHE BA MANG DAG LA'ANG RJES GNANG RIG

GTAD LUNG SOGS MANG PO BYAS, DE'I CHE KARMA PA MI BSKYOD RDO RJE GZHU LUNG PAR PHEBS, SDE PA RIN SPUNGS PAS GDAN 'DREN ZHU RTZIS DANG, MNGA' ZHABS KYI SKYA SER THAMS CAD LA ZHABS TOG DANG BSU BA SOGS KYI KHRAL RGYAB, THAMS CAD DGA' BA DANG SKYO BA SPEL MA'I 'UR DINGS 'DUG, 'BRAS YUL BA DPON SLOB KYANG DE GA'I GRABS YUL KHUR CHE BA SPRO SEG GE BA YOD 'DUG PAS, NGED KYI BSAM PA LA 'BRAS YUL BA'I TSAN 'DI DPON SLOB SBYIN BDAG LA BSTEN PA'I KHRAL 'BAB TZAM NI MI BYED KHA MED DU 'DUG, DE TZAM GYI DANG DOD RANG BYED PA'I 'BREL MED DAM SNYAM PA SHAR, NGO SHES PHRAD PA RNAMS KHYED KARMA PA MJAL LAS CHE ZER, 'PHRAL DE TZAM BYED ZER BA TZAM BYAS, DON LA KARMA PA RANG SKYES BU DAM PA YIN NYEN YOD MOD, NGED RANG GI THOS TSOD LA DPAGS PA'I LHAN SKYES KYI SHAR TSOD KARMA PA'I RTZA BA RANG DVAGS PO RIN PO CHE'I SLOB MA'I GTZO BO KHAMS PA MI GSUM DU GRAGS PA'I NANG CHAN, DUS GSUM MKHYEN PA KHAMS PA DBU SE ZER BA DE YIN PAS, KHONG RNAMS LA BABS THOB BYED NA, RGYA GAR GYI N'A RO MEE TRI SOGS KYI GDAMS PA BOD YUL GYI MAR PA MI LA SOGS NAS BRGYUD PA'I SGRUB BRGYUD BKA' BABS CHU BO'I GZHUNG LTA BU ZHIG YOD PAS, DE GTZO BOR SKYONG DGOS RGYU YIN PA LA, DGOS PA'I MCHOD RTEN NAG POR BZHAG MI DGOS BRAG LA DBU DKAR GSOL BA'I DPE'I RNAM PAS SA SKYA PA DANG, DGA' LDAN PA SOGS GANG BYED LA MI BSNGO BZHIN DU 'GRAN PA'I RNAM PAS MTSAN NYID DANG, SGRA SNYAN NGAG, RGYUD 'CHAD NYAN 'DI NAS 'CHAD RANG CHER MED PA'I RNAM GRANGS

, ,MANG LA DNGOS MA GTZANG BA MYOG PA ZHIG DANG, 'JIG RTEN GYI DPON CHEN DANG, DPON CHUNG DANG, YANG CHUNG SOGS CHOS BRGYAD GANG 'PHEL GYI BYA BA LKUR LEN PA 'DRA BA, KHONG RANG GI BRGYUD PA'I BLA MA DANG DE DAG GI GSUNG RAB RNAMS LA CHAS CHOS RAS SU BOR RE BA, DING SANG KARMA PA RANG GI BSHAD SGRUB KYI BSTAN 'DZIN CUNG DRAG PA RNAMS LA'ANG SMOD CING, DE DAG GI GRA RIGS DRAG PA TSUN CHAD KHONG RANG GI PHYAG PHYIR GANG KHUGS BYED PA SOGS 'DUG ZER NGAS, SNYING NAS DAD PA LDANG BA NI MA SKYES BYUNG, DE PHYIN NGED RANG SA SKYA PA'I BZA' RKANG MA GTOGS, KARMA PA'I KHRAL 'BAB KYI KHUR NI CI YANG MED, DING SANG GI MI PHAL CHER GYI BYED PA LTAR, SDE DBON DPON SKYA ZHIG GI BLA MA BCOL 'DUG NA CIS KYANG CHOS ZHU SNYAM PA DANG, MTHA' MI MANG GIS SKOR 'DUG NA SANGS RGYAS YIN SNYAM RGYUG PA'I BLUN PO NI NGED RANG MIN, RANG GI DGON CHUD LA MANG JA 'GYED BCAS YONG DAM SNYAM PA DANG, GZHAN DGON CHUNG DAM GRVA RIGS RE RE TZAM 'BYOR RE BA'I CHED DU CHOS 'BREL ZHU BA'I LTOGS LA ME 'BAR GYI BLA MA SLOB DPON MIN, LEGS LEGS KYI KHRAL 'JAL NI BYED DON MI 'DUG, LAR RJE BTZUN RDO RING PA CHEN PO DANG MJAL NAS GSUNG NGAG RIN PO CHE 'DI THOB MAN CHAD, GZHAN BLA MA DANG GDAMS NGAG GANG LA'ANG BYANG CHUB SGRUB PA'I CHED DU MA SMON ZHING, 'GRAM CHU MI LDANG BA'I NGES SHES GTING TSUGS SHIG YOD PAS LAM GZHUNG BSRANGS PHYIN, 'ON KYANG RJE THAMS CAD MKHYEN BA KARMA 'PHRIN LAS PA'I ZHABS 'BRING DU KARMA BA'I ZAB CHOS MANG PO THOB PAS, KARMA PA SNGON MA RNAMS KYI SKU SKYE YIN

YANG CHOD NA MI BTUB SNYAM, MA DAD MA GUS PA YE MA BYUNG BA BYAS, DE YANG SBYIR THEG CHEN GYI GANG ZAG GIS SEMS CAN THAMS CAD DRIN CAN GYI PHA MAR SHES NAS DAG SNANG SBYONG BA DANG, BYE BRAG TU GSANG SNGAGS BLA MED KYI SGOR ZHUGS PA RNAMS KYIS CIR SNANG THAMS CAD LHA DANG YE SHES KYI RNAM ROL TU SHES PAR BYAS NAS DE DAG LA DAD PA DAG SNANG TSAD DU BSKYAL NAS SO SO'I RANG ZHAL RJEN PAR MTHONG BA'I MOD LA LHUG PAR SKYONG BA 'DI GNANG DU YOD PAS DE GA'I NGANG DU MNYAM PAR BZHAG PA LAGS SO,, RJE YONGS GRAGS KYI SANGS RGYAS KARMA PA, ,BOD SKYE BO KUN 'DUD PA'I GNAS GCIG PU, ,PHYED BSLU MED GYI SKYES BU LOS KYANG YIN, ,KHONG DAD CAN KUN 'KHOR BA'I MTSO LAS SGROL, ,SEMS LOG RTOG GI SPRIN GYIS MA BSGRIBS KYANG, ,KHYED MDZAD SPYOD KYI RNAM THAR 'OD DKAR GYIS, ,DA SNYING DBUS KYI PADMA BZHAD MA NUS, ,DUS DA RES RGYA LAM SRONG BZHU, ,KHONG PHAL CHER GYIS MJAL BA STONG 'UR YIN, ,KHONG LA LA DAG MJAL BA DE CHE 'DOD YIN, ,KHONG 'GA' ZHIG MJAL BA LTOGS 'DOD YIN, ,KHONG DE 'DRA TSO SNYING NAS DANG PA MIN, ,NGA SKAD STENG LA RGYUG PA'I KHYI RGAN MIN, ,NGA LTO PHYIR DU RGYUG PA'I SPRAD RGAN MIN, ,DA ZOL ZOG GIS 'KHOR BA'I BLUN RGAN MIN, DA DGON CHUNG GIS PHONGS PA'I BLA RGAN MIN, ,GNAS DPAL LDAN SA SKYA'I DPEN GNAS MCHOG ,DPAL KHA'U'I BRAG GI PHO BRANG NA, ,RJE RNAL 'BYOR DBANG PHYUG RDO RING BA'I, ,THUGS GCIG TU 'DRES PA'I GCES PHRUG YIN, ,MA BDAG MED MKHA' 'GRO'I THUGS KYI BCUD, ,RJE RNAL 'BYOR DBANG PHYUG ZHAL GYI RGYUN, ,

, ,DPAL SA SKYA'I BLA CHEN GDAMS BA DES, ,RGYUD YONGS SU TSIM PAS GZHAN MI SMON, ,DUS NGA LTA'I SA BRDZUS KYI BANDE TSO, ,CHOS 'DI 'DRA'I SKAL BZANG MA THOS PAS, ,SEMS CHOS BRGYAD LTOGS 'DOD KYI RGYUG 'BRAL GYIS, ,YUL GAR 'GRO DANG 'DIR 'GRO MED SNYING RE RJE, ,RJE DRIN CAN GYI BLA MA RDO RING PA, ,KHYED BSAMS BZHIN DU BKA' DRIN 'KHOR THABS MED, ,SBRANG RANG MGO THON PA BLA MA'I DRIN, ,DE DRAN PA'I MOD LA MCHI MA BKU, ,DA PHYOGS MED KYI DAD PA MKHA' LTAR YANGS, ,SGOS GARMA PA LA SNYING NAS DAD, ,KHYED CHOS BRGYAD LTOGS 'DOD DON GNYER TSO'I, ,GNAS TSUL NAS SMRAS PA BZOD PAR GSOL, ,ZHES PA SDE SRID RIN SBUNGS PA DANG MCHOD YON GYI DBANG GIS SKYED TSAL BA RNAMS MI CHOS KYI MTHUN 'JUG 'OS 'TSAMS LAS DANG DOD LUGS GANG SA NAS DGOS DON MED PA'I PHER RGYA LA THUGS KHREL BA MAD PAR SNANG, RJE 'DI NYID DBON SLOB LNGA TZAM DBU ZHVA DMAR PO DANG NYID KYIS SKU GZAN SER PO BZHES TE SKYED TSAL SENG G-YABS NAS GZIGS RTOG MDZAD PA RJE BTZUN BOD MKHAR BA DGUNG LO NYI SHU RTZA LNGA TZAM 'GRO BA TSOGS SU BZHUGS PA DES GZIGS MA THAG THUGS DAD SHIN TU CHE BAR 'KHRUNGS TE DE NYIN BRAD KHANG DU GDAN DRANGS RNYED BKUR CHER BSTAB, CHOS 'BREL GYI THOG MAR ZHAL GDONG BRNYAN CAN GYI RJES GNANG GSAN ZHAL SLOB KYI KHROD NAS MDON SPYOD KYI LAS SPYOR YONGS SU RDZOGS PA LA BRTEN TE KHRA MA NAS RTZA BRLAG TU BTANG BA SOGS DRAG LAS LA BKA' BABS SHIN TU CHE BA YONG BA'I

RTEN 'BREL 'GRIG GAM SNYAM, RJE MI BSKYOD RDO RJES RES GSANG SNGAGS RNYING MA CHOS LOG DANG SKABS 'GAR GTER KHA 'OG MA'I TSES BCU 'DZUGS PA, 'BRI GUNG ZUR PA RIN PO CHE DANG MJAL DUS BSNYEN PHUR SOGS SNGAGS CHAS RNAMS DBU THOG TU BZHAG NAS DA YANG 'DI 'DRA PA ZHIG 'DOD CES GUS PAR MDZAD, SNE'U SDOD GONG MA CHEN BOR PHUL BA'I CHAB SHOG TU, DENG SANG DBU RU BYANG PHYOGS BRGYUD 'DI NA, ,GTER STON LCANG LO CAN ZHES BDUD SPRUL DE, ,ZHES DANG, BLA MA GTER GRO BAR ZLO BA ZHES THUGS RNAL DU MI GNAS PA'I GSUNG RIGS DANG MDZAD PA SNA TSOGS LA DANG BA MI SKYE BA NI THUGS BDEN PAR MA ZAD, SGAR CHEN 'DZAM GLING RGYAN ZAR BA'I STONG 'UR LA SKU'I BA SPU'I CHA SHAS TZAM YANG MI LDANG BA RJE BTZUN KHA'U PA'I SPYAN SNGAR PHEBS, PA NAS BZUNG BLA MA DANG CHOS GZHAN LA BRTEN NAS BYANG CHUB MI SGRUB PA'I DBANG RNON CHOS RJES 'BRANG PA'I THUGS MOS LA LHAG BAR NGES RNYED KYIS LAG BAD SNYING GAR ZUM MO,, RIM GYIS LHA MTHONG BA'I RDZONG LHUN GRUB RAB BRTAN DU PHEBS, ZHAL NGO RNAMS LA TSE RTA SBRAGS MA'I DBANG SOGS BKA' DRIN DU STZAL, SMYUG LA RDZONG DU RJE KARMA 'PHRIN LAS PHYOGS LAS RNAM RGYAL DUG RAGS PA MJAL DU PHEBS, DED BDUD MGON ZHING SKYONG SENG GDONG CAN DANG DAM CAN MGAR NAG SOGS KYI CHOS BKA' CI RIGS GSAN, SPYIR RIS MED PA'I BSTAN RGYUN LA DGONGS PA'I 'CHAD NYAN DANG KHYAD PAR RJE 'PHRIN LAS PA NYID KUN MKHYEN BKRAS RNAM PA'I DBON POR SOD PA'I THUGS ZHEN GYIS N'A LANDAR PHAN THOGS MDZAD DGOS PA'I BSLAB BYA, GONG DKAR CHOS SDER PHEBS RTZIS KYIS RGYU MTSAN

, ,GSAL BAR THUGS SHIN TU MNYES PA'I SGO NAS PHYAG THUGS KAR THAL MO SBYAR TE RJES SU YI RANG DANG BSNGAGS PA RGYA CHEN PO MDZAD, BLA MA DAM PA 'DI NYID KYANG THUGS DANG SHUGS DRAG PO'I RKYEN GYIS SPYAN CHAB 'KHRUG PA SOGS PHAN TSUN 'BRAL MI PHOD PA LTA BU'I THUGS YID GCIG 'DRES SU GYUR, DE NAS MI 'GYANGS PAR DPAL 'DAM BU BYIN GYI CHOS GRVA DANG SNA NAM RDO RJE BDUD 'JOMS KYI RNAM SPRUL THU BCUN KUN DGA' RNAM RGYAL GYI GDAN SA GONG DKAR RDO RJE GDAN DU PHEBS TE, SMIN GROL LUNG MAN NGAG SOGS ZAB RGYAS CHOS KYI SGO 'PHANG PHYE NAS GDUL BYA RNAMS BZANG PO'I SKAL BCAN DU BKRI BAR MDZAD, THUB STAN DGE TSOGS 'PHAL NAS THOS BSAM 'BRAS, ,YUL LJONGS SKYED TSAL BAR GYI ZLOS GAR GTAM, ,BCAD LHUG SPEL LEGS NYAMS 'GYUR DBYANGS CAN MA, ,MGRIN PAR BYON NAS GSUNGS KHYAD DA LAS CI, ,SA SKYA'I RING LUGS MTHOR BRTZEGS KHA PA'I RIR, ,KAR MTSAN NA BUN 'KHRIGS PA'I BSHES GNYEN DANG, ,THUGS YID 'DRES PA'I MDZA' BCINGS ZHAGS PA DA, , 'BROM STON NAG TSO'I RNAM THAR GNYIS BA BZHIN, ,'PHAGS BOD GZHUNG BRGYA SMRA BA'I CHOS GRAGS DANG, ,NGES GSANG THEG PA MCHOG GI SDE CHEN POR, ,SKAL BZANG SKYE RGU'I BUNG BA TSIM BYED PA'I, ,BSHES GNYIN PAD DKAR 'DAB STONG DENG 'DIR 'DZUM, ,GSOL 'DEBS LAS, BDE BA MCHOG GI PHO BRANG SRIN PO RIR, ,SLAR YANG RDO RJE BTZUN MO'I RNAM SPRUL GZIGS, ,MKHA' SPYOD DGA' MA'I MDZES SKU SNYAN GRAGS CAN, ,RTZOL MED THUGS RJES MJAL LA GSOL BA 'DEBS, ,CHU

'DZIN DKAR PO'I GUR KHANG LA GNAS PA'I, ,'CHI MED GZHON NU'I BRIS LAN DBYANGS KYI SKAD, ,RAB DKAR LTA YI BDUD RTZI GSAR BA'I RGYUN, ,LJAGS KYI PADMAR SIM LA GSOL BA 'DEBS, ,GRUB MCHOG DBANG PO BSOD NAMS BSTAN 'DZIN GYIS,, DUNG SOL LHA MO BKA' YI BRAN DU GTAD, ,DPAL LDAN BLA MA'I SKU DGRA DNGOS SU BSGRAL, ,MNGON SPYOD 'PHRIN LAS SGRUB LA GSOL BA 'DEBS, ,ZHES RJE BTZUN MTHU STOBS KYI DBANG PHYUG GNYIS SPANGS ZHABS SOGS DAM PA BCU PHRAG TZAM BSTEN NAS ME 'BAR MAS THOG DRANGS MGON PO LCAM DRAL GYI CHOS SKOR RNAMS GSAN PA'I DUS, ,BYE BRAG 'DOD KHAMS MA'I SKOR LA TSOGS BDAG LTAR SGRUB BA, BKA' SDOD LTAR SGRUB PA, PHYI PA LTAR SGRUB PA, NANG BA LTAR SGRUB PA RDZOGS PAR GSAN KYANGS LCAGS LA LDES GNANG ZUR BKA' DANG DAM PA'I YI GER YUM 'KHOR DANG BCAS PA SGRUB BA LA NGOS 'DZIN MI GSAL BA SOGS NAS DE DAG LA ZHIB MOR SPYOD BZHED PAS BOD DU GRAGS PA'I LHA MO'I RIGS KYI CHOS SKOR PHAL CHER GSAN CING ZHIB MOR MDZAD PA NA, DMAG ZOR MA DANG LCAGS PHUR MA SOGS KHOL MO'I RIGS DANG, RJE MO'I RIGS DUD SOL MA 'DI LA'ANG SGRUB LUGS MI 'DRA BA MANG BA'I SA RDOG GI SGRUB YIG MING MI 'DRA BA LAS DON GCIG PA DANG, RDOG LUGS LA RJES GNANG SGRUB SKOR SHIN TU RGYAS PA SOGS GDAMS BA ZAB GNAD CHE BAR DGONGS TE RTZAD GCOD GNANG KYANG SA SKYA PA DANG DVAGS BRGYUD PA'I PHYOGS SU RJES GNANG GZHAN MA'I RGYAS BKA' 'DRA DANG MAN NGAG KYANG TSANG BAR MA BYUNG BAR THUGS KA MA KHENGS TE, THUGS 'DUN DUR RE BA YOD PA

, ,'DI RES GONG DKAR NAS GZHUNG RNGOG TSANG 'OG MTHAR PA GLING DU PHEBS PAR GNAS DE GAR PHYI SGRUB KYI RJES GNANG DANG SGRUB SKOR YONGS SU RDZOGS PA GNANG BA'I RJES GNANG GI DUS LTAS KHYAD BAR CAN ZHIG KYANG GZIGS PAS BLA MA DANG LHA LA MI LDOG PA'I THUGS DAD CHEN PO 'KHRUNGS, PHYOGS DER BLA MA'I SKU DGRA GDUG PA CAN ZHIG 'DUG PAR 'DI LTA BU'I CHOS SKYONG YOD BZHIN DU BSTAN DGRA YAL BAR 'DOD MI RUNG TSUL ZHU BA MDZAD PA'I LAN DU, KHONG TSO'ANG LHA 'DI MCHOD PA DANG MGON KHANG GI SKU RGYAB BSTAN PA SOGS KYIS YIN NAM SNGAR PHAN RTAGS MTSAN GANG YANG MA BYUNG, LAN CHAGS 'DED PA LTA BUR MCHIS BAS DA DUNG CI 'DRA YONG ZHES THUGS CHAD DE BA MDZAD PAR, DES NA KHO BO LA CHOS KYI BKA' DRIN STZAL BA'I YON DU DAM NYAMS 'DI SGROL BA LAGS ZHES GSOL BAR SHIN TU DGYES PA'I LEGS SO GNANG BA NA, KHYAB BDAG BLA MA 'DI NYID KYIS LHA MO'I LJAGS BSNYEN 'BUM LNGA BCU TZAM SNGAR GNANG ZIN PA'I MGON PO'I YUM 'DOD KHAMS MA DANG DUD SOL MA GNYIS THUGS RGYUD GCIG PAR BZHED GSHIS LHA NYE BAR ZUR DU BSNYEN BA GNANG MA DGOS PA NAS, GNAS DE GA'I MGON KHANG RDOG STON GONG MAS BZHENGS PA'I SKU BYIN CANG ZI BYIN BSKYED BA DANG DGRA BO ZHAL DU 'DEBS PA'I BCAS LEGS PAR BSPRIGS NAS BSTAN SRUNG GZHAL DU DMAR STOB MDZAD TSUL, DUD SOL MA'I CHOS SKOR GYI DKAR CHAG LAS, SA RNGOG BLA MA BRGYUD BA'I MTSAN NAS BRJOD DE BKA' BSGO DRAG PO LAN GSUM BYAS PAS RANG NYID KYANGS KYI BUN PHA DANG LHA MO'I SKU 'DRA DE 'ANG ZHAL KHRO ZHING ZHAL RAS NAG DAM BYAS

PA 'DRA BA ZHIG BYUNG GSUNGS, DE NAS DRANG SRONG SRIN PO RIR PHEBS PA GONG GI DKAR CHAG 'PHROS LAS, DE NUB NAS LHA MO 'DI LA GTOR MA ZUR PA RE BCOS CHED DU 'PHRIN LAS DRAG TU BCOG BAS ZHAG BDUN SONG PA'I NUB DRANG SRONG SRIN PO RIR GNAS TSAD ZHIG GI KHANG STENG DU LCOG BU PHUB NAS BSDAD, SRONG DUS GTOR BSNGOS KYI MTHAR MCHOD G-YOG GIS KHANG BA'I BAD STENG DU THUGS GTOR PHUL BA'I GTOR MA'I GSEB NAS ME STAG MTHEB RDOG TZAM ZHIG CHAD SONG BA KHO BO RANG GIS MTHONG, DE RJE CHER SONG NAS RDZAM TZAM DANG MTHAR KHANG BA TZAM DU SONG BA MCHOD G-YOG GIS MTHONG BA LA GZHUNG GI THAD DU BABS SONG ZER, DE NAS RING POR MA LON PAR MI TSANG DE PA LA SHI CHAD THON BUD SOGS MI 'DOD PA DUM BYUNG NAS RJES STONGS PA ZHIG BYUNG, BRGYUD BA DI LAS THONGS PA'I LHA MO 'DI LA DRAG SHUL NUS MTHU 'DI LTA BU YOD PAS RJES 'BRANG RNAMS YID CHES BAR GYIS LA NAN TAN DU SGRUB BAR GYIS SHIG, CES BKA' STZAL PA LTAR RTAGS MTSAN MNGON DU GYUR, DE GAR BZHUGS MUR SNGAR BYUNG BA'I, KHRAG 'DZAG SRIN PO'I RI LA PHRAD, , CES PA'I LUNG BSTAN THOG TU BABS TE KHRO PHUR MJAL BA'I BUD MED 'JIGS SU RUNG BA DE JI LTA BA ZHIG ZHAL GZIGS, DE NAS SNGAR GYI LUNG BSTAN THUGS DO 'PHROD DE MOS GUS CHEN POS RTZE GCIG TU GSOL BA BTAB PAS RJE BTZUN RDO RJE RNAL 'BYOR MA'I RNAM PAR GYUR TE DNGOS SU ZHAL BSTAN, GSUNG GI GNANG BSTZAL BA SOGS RJE BTZUN RDO RJE BTZUN MOS MNGON SUM DU RJES SU BZUNG, RIM GYIS STOD LUNG BRGYUD RA TSAG TU RJE BTZUN N'A RO TA BA'I THUGS DAM RTEN MTHONG BAS DON LDAN MJAL TSE GZIGS SNANG KHYAD BAR CAN BYUNG BAR

, ,GOR MA CHAG CING DE NAS 'PHAN YUL BYA BZANG GI RI KHROD DU PHEBS, THUGS DAM ZAB MO'I TING NGE 'DZIN KHOR YUG TU GNANG PA'I SKABS SHIG NAM MKHA' BEE d'URYA MTHING GA'I MDOG LTAR DANGS PA'I DBUS NA SBRIN DKAR LANG LONG DU 'KHREGS PA'I KHROD NAS LHA'I BU MDZES SHING YID DU 'ONG PA GNYIS BYUNG NAS DRI BA DANG, DE LA LAN MDZAD PA'I SKOR GSUNG MGUR LAS BYUNG BA 'DI LTA STE, AE MA HO, KHA BAS BSKOR PA'I SMAN LJONGS KYI, ,YUL DBUS SA YI THIG LE'I NGOS, , DBEN PA'I RI SUL YANG STENG NA, ,BLA MA SGOM PA'I KU SU LU, ,KHYOD KYI THOG MA'I SKYE YUL GANG, ,DAM PA'I YONGS 'DZIN SU YIS BZUNG, ,DA LTA NYAMS LAN GDAMS NGAG GANG, ,PHYI MA'I BSTAD SO JI LTAR YOD, ,CES GLENG BA LA KHO BO'I SEMS LA 'DI LTA BU'I NGO MTSAR BA BAR CHAD DAM DNGOS GRUB GANG YIN KYANG RUNG LAN DRANG BOR BTAB SNYAM NAS 'DI LTAR SMRAS SO,, STON DUS BDUD RTZI'I 'BYUNG GNAS LTAR, ,DKAR ZHING YID 'PHROG CHU 'DZIN GSEB, ,GNAS BA'I 'CHI MED GZHON NU GNYIS, ,RNA BA'I BDUD RTZI SGRA DBYANGS SNYAN, ,SH'AKYA'I BSTAN LA RAB BYUNG ZHING, ,DAM PA'I DED DPON GYIS BZUNG YANG, ,SNYOM LAS DBANG GIS BCINGS PA YI, ,SER GZUGS BDAG GI SKYES BA'I YUL, ,GANGS RI'I KHROD KYI GTZANG STOD CHA, ,CHU BO PAKshU'I LHO YI NGOS, ,GRUM STOD SA SKYA'I BYA 'DABS LJONGS, ,'BROG MI LO TZ'A'I GNAS KYI MDA', ,'PHRANG GSUM NANG NAS SRIN 'PHRANG GDONG, ,RMU RJE BTZAD POS BZUNG BA'I SA,, DER NI SNGON GYI LAS DBANG GIS, ,DAL 'BYOR RIN CEN RNYED

PA YIN, ,THUB BRTAN RIN CEN SGOR ZHUGS NAS, ,DAM CHOS BDUD RTZI NOS BA YI, ,SPYIR NI YONGS 'DZIN BCU PHRAG BZHI, ,ZUNG GNYIS DAG GIS LHAG PAR BZHUGS, ,KHYAD PAR TSE RABS DPAG MED NAS, ,RJES SU BZUNG BA'I 'DREN PA MCHOG ,TSE 'DIR RANG SEMS LHAN SKYES 'DI, ,SKYE MED CHOS SKUR NGO SBROD CING, ,ZAB MO DBANG BZHI'I CHU BO'I RGYUN, ,BUM PA GANG BYOR GNANG BA YI, ,BKA' DRIN MNYAM MED RNGO RING PA, ,'GRAN ZLA KUN DANG BRAL BA YIN, ,NYAMS LEN GDAMS BA'I GTZO BO NI, ,RGYAL SUM BDAG MED MKHA' 'GRO LA, ,PAn GRUB DBANG PHO BI R'U PAS, ,NOS PA NAS BZUNG DA LTA'I PAR, ,RTZA BA'I BLA MA YAN CHOD DU, ,DPANG BZHI'I CHU BO MA NUB PA'I, ,BLA MA'I GSUNG NGAG BDUD RTZI'I RGYUN, ,TSAD MA BZHI LDAN DBANG BZHI'I LAM, ,RDO RJE THEG BA'I SNYING BO YIN, ,YANG SNYING ZAB MO BLA MA'I LAM, ,RANG SEMS BLA MA PHYAG RGYA CHE, ,YENGS PA MED PAR SGOM BA YIN, ,PHYI MA'I GANG 'GRO DA LTA MED, ,SGYU MA'I SKYAS CHEN 'DEGS BA'I TSA, ,KHO BO'I BLA MA SLU MED DE, ,MDUN GYI NAM MKHAR 'BYON SNYAM YOD, ,BDE CHEN THUGS KYI DKYIL 'KHOR DANG, ,RANG SEMS STOD BA SPROS BRAL GNYIS, ,DBYER MED BSRES NAS LHUG BAR 'JOG ,GANG LTAR SONG YANG GYOD PA MED, ,CES GSUNGS PA'I LHA'I BU GNYIS KYANG RJE BTZUN RDO RING PA CHEN PO'I RNAM SPRUL DU NGES, YANG SKABS SHIG TU LHA'I BU GZUGS DANG LANG TSO KHA DOG PHUN SUM TSOGS PA ZHIG GIS RIN PO CHE'I BUM PA 'DUD RTZIS GANG BA PHYAG TU PHUL BA LJAGS THOG TU GSOL BAS RO BRGYA PHRAG BRO BA BYUNG ZHING, KLU'I RGYAL BOS YID BZHIN GYI NOR BU PHUL BA'I

, ,GTAM ZUR TZAM LAS ZHIB PA YIG RGYUN DANG GSUNG BGROS TSOR MI GSAL, ,ZLA BA BRGYAD DGU TZAM NAS SLAR YANG RNGOG THAR BA GLING DU PHABS SKU DGRA DE LA'ANG RTAGS MCHAN YONG BA'I 'GO TSUGS PA SOGS NAS RDOG SNYON CHEN PO THUGS LHAG BAR DGYAS NAS RDOG DKYIL BDUN LA SOGS PA'I RDOG LUGS KYI CHOS SKOR RNAMS GNANG BA'I RJES SU, BRGYUD BA 'DI BA RANG GI SROL LA LHA MO GSANG SGRUB RJES GNANG 'DI RDOG BA'I BSTAN BA ZIN NGES SHIG LA BYED PA'I LUGS YIN GSUNGS NAS GSANG SGRUB KYI RJES GNANG CHO GA SHIN TU RGYAS PA'I SGO NAS BKA' DRIN CHEN POS GNANG, DE DUS KYANG LHA MO DNGOS SU GTAD PA TZAM GYI NGES SHES DANG YID CHOS BA BYUNG, KONG GI MNGON SPYOD KYI LTAS BYUNG BA'I RJES NUB MANG PO'I BAR DU SDIG PA DAG PA'I RMIS LTAS CHES CHE BA JI SNYED CIG BYUNG BAS LAM THAMS CAD KYI NANG NAS LAM ZAB MO BLA MA'I RNAL 'BYOR 'DI GA ZAB PA LA NGES SHES KHYAD PAR ME 'BAR BAL SHING BSNAN PA LTA BUR GYUR TO,, ZHES GSUNGS PA SPANG RTOGS MTHON POR SLEBS PA'I RIGS TSOR BLA MAR SRI ZHU DANG BYIN RLABS 'JUG PA GNYIS KA SHUGS KYIS 'BYUNG NA'ANG PHYI RABS KYI RJES 'JUG RNAMS LA RDO RJE SLOB DPON GYI ZHABS TOG LA 'BANG NA PHAN YON CHEN PO 'BYUNG BA RTOGS PA'I CHED DU DGONGS TE GSUNGS PAR SNANG NGO,, SNGA PHYI MANG POR BLA MA YI DAM CHOS SRUNG GI ZHAL GZIGS BAS THAMS CAD MKHYEN BA MKHYEN BRTZE'I ZHABS KYIS, AYON PADMA DUS DGRA MA HE'I ZHAL, ,RDO RJE BTZUN MO YANG GSANG MKHROS PA SOGS, ,LHA MCHOG DUM DNGOS SU ZHAL GZIGS NAS, ,LUNG BSTAN GNANG PA THOB LA GSOL BA 'DEBS, ,ZHES

GSUNGS SO,, GANG THUGS DAG BA'I BTZUN MO LTE 'OG NANG, ,AA SHAD GTUM MO YONGS 'BAR PHYI ROL TU, ,CHU DANG RLABS BZHIN SO SOR GZIGS PA'I TSE, ,NYER ZHI'I YUL NAS 'TSOL RNAMS SNING RGYUR SNYEG ,KHYAB BDAG BLA MA'I RNAM 'PHRUL LEGS GRIS BU, ,YID 'PHROG RI BONG 'DZIN LTAR DKAR BA GNYIS, ,CHU 'KHUR DBUS NA NYER GLENG BYANG CHEN BAR, ,THANG LHOD MED PA'I THUGS RJE'I BRDA THABS TZAM, ,DVAGS BRGYUD ME LHA'I MNGAL DU MA BZOD PA, ,MAR LO'I THUGS BCUD LHA CHEN DANGS MA'I KHAMS RDOG STON GANGG'A, LAS SKYUGS MGON KHYOD KYI, ,BLO BROS SMIN TSAL SKYED BSRINGS GDONG DRUG LHA, ,'DOD KHAMS DBANG MO BRAN BKOL MTHU STOBS MDAS, ,LOG 'DREN SNYING PHUG BA'I KHRAG DRON SKOM, ,MA RGYUD DREGS TSOGS KYIS BTUNGS RKAN SGRA YIS, , GNAM LCAGS 'BAR BA'I THOG KYANG MING DU ZAD, ,GSOL 'DEBS LAS,, DRI MED MKHA' DBYINGS 'JA' GUR BZHAD BA'I DBUS, ,AYON MKHAN BOS MDZES SKU GSAL BAR BSTAN, ,'KHRUL ZHIG BLA MA'I DBU GTZUG MKHA' NGOS SU, ,DPA' BO RTA MGRIN GZIGS LA GSOL BA 'DEBS, ,'DAR STOD DGON PA CHOS 'KHOR YANG RTZE YI, ,KHRI LA ZHABS BKOD SLOB BSHAD BSTAN PA SPEL, ,RNAM PAR RGYAL BA'I YANG RTZER CHOS SKYOD SKU, ,BZHENGS SHING DGE LEGS MDZAD LA GSOL BA 'DABS, ,ZHES DBUS PHYOGS SU LO GNYIS LA NYE BAR BZHUGS NAS LCAGS BYI'I MJUG GCAD LA CHIBS KHA BSGYUR, STAG GRU KHA'I KHAD NYER PHEBS PA NA NAM MKHA' LA SPYAN HUR GYIS GZIGS NAS CHIBS SNA 'KHRID MKHAN LA KHYOD KYIS CI MTHONG GSUNGS PAR BLTAS TZA NA

, ,'JA' TSON BUN BUN 'DUG PA MTHONG NAS 'DI LTAR 'DUG ZHUS BAS CAD MI GSUNG NA'ANG RJES SU THUGS NANG GTZANG BA 'DRAR DE DUS 'JA'I KHROD NA AO RGYAN CHEN PO PADMA 'BYUNG GNAS BZHUGS 'DUG PA GZIGS ZHES BKA' STZAL PHEBS LAM TSOR 'PHRIN LAS RGYA CHER SKYONG MU NAS LCAGS MO GLANG GI LOR BO DONG PHUN TSOGS RAB BRTAN DU RJE BTZUN RDO RJE 'DZIN PA MKHAN CHEN SGO RUM PA MJAL BAR PHABS SKABS THAMS CAD MKHYEN PA MKHYEN BRTZE'I DBANG PHYUG RJE 'DI LA CHOS GSAN BZHED KYIS ZHAL NGO RNAMS DANG BKA' BGROS MJAD BAR, THUGS DANG BSTUN CHOG PA THUGS RTZA MTHUN PA'I KHROL CHA MDZAD CING, 'ON KYANG NGED RANG TSO'I BYED SROL BZHIN BRTAG BA ZHUS GSUNG BA LTAR KHYAB BDAG SGO RUM PA CHEN POR ZHUS PA SHIN TU BZANG PA BABS, THAMS CAD MKHYEN PAS NAN ZHUS MJAD PAR BLA MA'I SLOB MA SLOB MAR MIN GSUNGS NAS ZHAL GYIS MA BZHES PA'I TSE, RJE BTZUN SGO RUM PAS BLA MA'I SLOB MA SLOB MAR MIN ZER BA BDOG STE BLA MA MNYES BYED GANG YIN BYA'ANG MI GDA' LAGS SAM, CIS KYANG GNANG MDZOD CES NAN CHAGS GSUNG BAR GNAS GSAR BA MI MIN ZER BA BDEN PAR 'DUG, BLA MA LA THEL 'BEBS SOGS SNGAR MED KYI SROL BTZUGS GSUNG SKU RTZED DANG BCAS ZHAL GYIS BZHES, THOG MAR SGROL DKAR GYI TSE 'KHRID ZLA BA'I CHU RGYUN, 'OD ZER DRUG SBRAGS KYI RJES GNANG, CHAG LUGS TSE DPAG MED DKAR PO, DBYANGS CAN MA DKAR MO STE DKAR LHA GSUM GYIS SGO PHYE NAS ZHAG DRUG GI RING LA BYIN RLABS RJES GNANG NYER DRUG LUNG DU MA DANG BCAS PA STZAL, GSUNG GLENG ZHIG GI 'PHROS LA

NGED LA CHOS NYAN PAR BRTAG PA BYAS PA AE YIN GSUNG BAR NGED RANG YAB SRAS MIN PA GZHAN LA RGYUS NI MED DGONGS PA'I THUGS 'JIGS ZHUM PA'I NGANG NAS DE 'DRA'I SROL YOD PAS BYAS LAGS ZHUS PAR, LEGS PO AA BYUNG GNANG BAR SHIN TU BZANG GSOL BA LA BZHAD CING DED KYI RMI LAM DU PHA RGAN YIN RGYU BA ZHIG GIS GNAS GSAR BA BRTAG PA 'DI BZHIN GRUBS 'DUG PA JI LTAR BYED 'DRI BAR, BSTAN PA LA PHAN NA CHUG PA DANG MI PHAN NA MI CHUG PA MJOD ZHUS PAS CHUG 'DUG PA BSTAN PAR PHAN PA YIN NAM GSUNG BA NA, THUGS DGYES PA DANG 'JIGS PA CIG CAR DU BYUNG, BKA' LAS, RDO RJE 'CHANG SGO RUM PAR BZHUGS PA RNAMS ZHABS DRUNG DU GANG THOB DANG DE PHYIN GYI SA STONG NGAS 'GENG GSUNG CHOS GROL GDONG DPAL MGON DKAR PO TSE 'PHEL KYI RJES GNANG THUN MONG MA YIN PA GNANG, BLA LUNG DU 'KHRUL ZHIG DKA' BZHI PA CHEN PO MJAL BAR DPON SLOB NYUNG BSDUS KYIS PHEBS, DMANGS MA THUGS 'GROS CHUNG KHYAD NAS BAL MDAR GTONG BA GNANG, ZLA BO RNAMS DO NUB JO NANG DU SLEBS PA YONG BA YOD PAS BDAG THOGS GZHI MED PAR THON PA DGOS SNYAN DU GSOL BAR DKA' BZHI NAS KYIS MNGON PAR MKHYEN PAS KHONG RNAMS BAL MDA' RANG DU SDOD PA 'DUG DO NUB 'DIR CIS KYANG BZHUGS DGOS GNANG BA BZHIN BKA' DANG BSTUN TE PADMA YANG GSANG GI DBANG GSAN PA'I TSE 'KHRUL ZHIG CHEN PO'I DBU'I THAD DU DPAL RTA MGRIN BZHUGS PA DNGOS SU GZIGS PHAN TSUN THUGS NANG DAG PAS BDE CHEN GYI YE SHES CHEN PO'I NGANG DU GSUNG SGROS DANG NYAMS BSDUR SOGS

, ,SHIN TU 'PHEL BAR MDZAD, DPON SLOB GNYIS KA PHYIR MJAL 'JOM BYUNG RES KYI DKA' BZHI BAS, DE RING TSAR PA CHOS RJE KHONG 'BYON GYI YOD PA 'DUG DPAL MGON ZHAL SNGON MGYOGS SU BYUNG TSUL DANG, RES CHOS RJE TSAR PA LA BYA BA KHAG CAN ZHIG YOD PAR MCHIS DPAL MGON ZHAL BREL GYIN 'DUG GSUNG BA NI MGON PO 'DI NYID DPAL 'KHOR LO SDOM PA DRAG PO'I SKUR BSTAN PA YIN PAS DE 'DRA'I RIGS GZEGS PA THAG SHIN TU RING BAS DPON SLOB GNYIS KA'I BSAM GYIS MI KHYAB PA'I RNAM THAR RO,, SANG NYIN JO NANG DU PHEBS LAM DNGOS GZHI DANG MI GCIG PA'I BRAG SKRAS ZER BA RTA BONG BGROD MI THUB PA'I GZAR PO DER DRE'U LA CHIBS TE BYON, SNGA 'GROS SOGS MED NA'ANG RJE BTZUN GROL MCHAG GI THUGS MKHYAN GYIS BCAD DE, DE RING MGRON CHEN ZHIG 'ONG BAR 'DUG PAS BU RAM SGOR BA SOGS GZHIS LEN DANG SER SBREB GI STA GON GYIS GSUNG BA LTAR BRAG SKRAS LA RKANG THANG MA GTOGS MI THAR GSHIS GZHUNG LAM PHYOGS SU SER SPRENG BSGRIGS PA NA, BRAG LA MA LA DPON SLOB 'GA' ZHIG PHEBS PA MTHONG STE DE PHYOGS SU MGYOGS BAR PHYIN, SKYA SER MTHA' DAG SNGAR BZHON PA DANG BCAS THAR BA'I DPE MED PA LA DA LAM CHOS RJE TSAR PAS RDZU 'PHRUL BSTAN PA YIN ZHES NGO MTSAR GYI GNAS SU GYUR, PHEBS PA'I BGROS MED BAR BSU BA'I BKAD BA LA DPON SLOB RNAMS THUGS RANGS BA DANG CHES PA PHAN CHUN 'GRAN PA BZHIN SONG, 'JAM DBYANGS KUN DGA' GROL MCHEG GI PHEBS BSUR BYON DPON SLOB GNYIS KAS MNYAM PHYAG MJAL DANG RTZE SPRON

GDAMS CHUNG DU BZHUGS KHRI MNYAM PA GNAD CHOS KYI 'BEL GTAM SOGS KHAMS PA GSAR RNYING GI DPE BZHIN GSUNG GLENG ZHIB PAR MDZAD, JO NANG CHOS GRA'I DBUS SU BAL PE SHING KUN GYI MCHOD RTEN LA 'DRA DPE BLANGS PA BZHENGS SKABS DANG 'GRIG, RJE 'DI NYID KYI PHYAG RDOR GYI LI SKU KHYED GANG PA ZHIG YOD BA DE 'BUL BA MDZAD PA RJE BTZUN DAM PA SHIN TU MNYES NAS RTEN 'BREL 'GRIG CES GZUNGS BZHUGS LA 'BUL BAR MDZAD, DPON SLOB GNYIS KA RDO RING RIN PO CHE'I ZHAL SLOB RDO RJE'I MCHAD PO BLA NA MED PA'I DAD DUNG PHUN SUM TSOGS PAR DE PHYAGS KYI SKYE RGU RNAMS MGRIN PA GCIG TU GLENG, RIM GYIS RMU GSHONG DANG THUB BSTAN DGE 'PHEL SOGS SU ZHABS ZUNG BKANG DE 'CHAD NYAN SGOM SGRUB KYIS MTSON PA'I RNAM DKAR GYI 'PHRIN LAS DBYAR MTSO LTAR 'PHEL BZHIN PA'I MUR, SA STON CHEN PO MTHU CHEN NYI MA BZANG PO DANG MKHAS GRUB CHEN PO RIN CEN RGYAL MTSAN SOGS SNGAGS RNYING MA'I RIG PA 'DZIN PA MANG DU BYON PA DANG GDUNG GCIG PAS DKAR RIGS KYI THIG LE SA SKYONG BA 'DAR BA DANG, GRANGS CHEN 'DUS TSOGS RNAMS MGRIN GCIG DBYANGS GCIG PA'I SGO NAS GSOL BA BTAB PA BZHIN MJES BYAD CES PA CHU MO YOS KYI LO 'GOR DGE 'DUN RNAMS KYIS CHOS GOS ZLUM POR BGO ZHING MCHOD RDZAS SNA TSOGS THOGS BA'I SER SBRENG, SDA PA DPON G-YOG GIS RIN CEN RGYAN CHA'I SKYA HRAGS DANG BCAS PAS MDUN BSUS TE 'DAR STOD CHOS 'KHOR YANG RTZE'I SENG GE'I KHRI CHEN POR ZHABS ZUNG 'KHOR LO'I RI MO RNAM PAR BKAD, PHYOGS DE'I SKYA SER CHE DGU MTHA' DAG

, ,GIS GTONG BA'I SNYIM PA RING POR BRKYANG STE ZANG ZING GI BDOG PA'I MCHOD SPRIN RGYA CHER SPROS, PHYOGS 'DUS GNYUG MAR GNAS PA'I DON GNYER CAN RNAMS LA PHA RGYUD 'DUS PA DANG MA RGYUD 'KHOR LO SDOM PAS THOG DRANGS RGYUD SDE BZHI DANG 'BREL BA'I DBANG BYIN RLABS RJES GNANG RIG GTANG 'KHRID LUNG MAN NGAG MANG DU GSUNGS, KHYAD PAR GNYIS SU MED PA DPAL KYE RDO RJE'I MAN NGAG LUGS DANG 'BREL BA'I LAM 'BRAS SLOB BSHAD KYI DBANG 'KHRED KYI BYIN RLABS LUNG SOGS 'JIGS PA MED PA SENG GE'I RGYUD KYI NGA RO'I SGRA DBYANGS PHYOGS BRGYAR BSGRAGS PAS, MUS PA DKON GRAGS PA SOGS PHYAGS LHUNG SMYO CHUS ZIN PA'I GLANG PO RNAMS KYI DREGS PA'I MGO BO BKAS PAR GYUR, 'JAM DPAL DBYANGS MKHYEN BRTZE'I DBANG PHYUG BSNYEN RDZOGS GNANG BA'I SGO DOD PA'I TSE RJE BTZUN SGO RUM PA CHEN POS LAS SLOB CHOS RJE TSAR PA 'GAB GSUNG BA BZHIN BO DONG DU LHA RIGS LA ZHVA RGYAL POS GDAN DRANGS PA BZHIN PHEBS, 'DUL BA'I GZHUNG NAS JI LTAR BSHAD PA BZHIN GYI LAS SLOB KYI BYA BA GSOL BA DANG BZHA'I LAS KYI BSGRUB BYA LA BSNYEN RDZOGS KYI SDOM PA BYIN PAS THAMS CAD MKHYEN PA DGE SLONG RDO RJE 'DZIN PA CHEN POR MNGA' GSOL, KUN MKHYEN MKHYEN BRTZE'I ZHABS KYIS THOG DRANGS PA'I SNOD LDAN 'GA' ZHIG LA RDO RJE NAG PO CHEN PA GUR MGAN GYI DKYIL 'KHOR LNGA'I DBANG RDUL TSON LA BRTEN PA, PHYI 'KHRID RDO RJE BRAG RDZONG DU GRAGS PA LA NANG GSES KYIS PHYI NANG GSANG GSUM YONG PA'I NYAMS 'KHRID ZAB MO SMIN RGYAS SU STZAL, RJE MKHYEN BRTZE'I THUGS RAB

DANG THUGS 'DUN LA MNYES PA'I GSUNG 'PHROS KYANG GNANG, RDO RJE 'CHANG SGO RUM CHOS RJE'I DRUNG DU DBANG LUNG MAN NGAG DU MA GSAN TE GZHUNG SKOR MDZAD NAS 'KHRUL ZHIG DKA' BZHI PA CHAN PO MJAL BAR PHEBS PA NA 'KHRUL ZHIG CHEN PO'I GSUNG LAS RJE RIN PO CHES BO DONG DU MGON PO'I ZAB CHOS SHIG MI MANG RAB CIG LA BSHAD YOD PA 'DRA BU TRA 'DI CUNG ZAD MI DGYES PA'I RTAGS TZAM BYED KYI 'DUG PAS 'TSUB KYI RNAM PA CUNG ZAD BYUNG DOGS 'DUG GSUNGS, DA NAS LAM BAR DU CHIBS G-YANG LA 'DRENG BAS RJA NYID KHA 'GRAM DU BZHUGS CHIBS GROG BO'I NANG DU LHUNGS KYANG SKYON MED PAR RDO LA RMIG RJES BZHAG PA SOGS NGO MTSAR RMAD DU BYUNG BA'I RDZU 'PHRUL BSTAN, RMU GSHONG DU BSGANG BSHAGS TSOGS MCHOD RGYA CHER MDZAD PAS DAM CAN DGYES PA'I 'DZUM ZHAL LHUG PAR BSTAN, DPAL LDAN GRANG MO CHER RE ZHIG GI BAR STAN CHAGS NAS CHOS KYI 'KHOR LO JI SNYED CIG BSKOR, SHING PHO 'BRUG LO RJE BCUN SGO RUM PA CHEN PO DPA' BO'I TSOGS DPON DU MKHA' LA SBYAD PA'I GNAS SU GSHEGS PA GSAN BAS RANGS STABS SU PHABS, DPAL LDAN BLA MA DAM PA'I GDUNG YID BZHIN GYI NOR BU HE RU KA: ZHAL BRGYAD PA'I NGO BOR GYUR PAR PHYI NANG GSANG BA DE KHO NA NYID KYI MCHOD PA RGYA CHER MDZAD CING RJES SOR ME MCHOD KYI PHYAG PHYI YANG MDZAD BAR SNANG, 'JAM DBYANGS MKHYEN BRTZE'I ZHABS LA DANG YANG CI 'DRA BYED MI SHES GSER CHOS DMAR PO SKOR GSUM DANG MGON PO CHE CHUNG SOGS YONGS RDZOGS THOB PA DANG TSUL LDAN SHES BA YE MI BDOG PAS MA 'GYANGS BAR GSAN PA 'GAB CES BSLAB BYA MDZAD PAR BRTEN RJE SGO RUM

, ,PA GSHEGS PA'I THUGS NGAL KYANG SANGS PA LTA BU'I NGAL GSOS, ZHABS DRUNG RIGS 'DZIN CHEN PO DANG RJE MKHYEN BRTZE LHAN DU DKAR BDUD LCAM DRAL GYI RJES GNANG STZAL NAS GRANG MO CHER PHEBS TE SKOR CIG BZHUGS NAS RMU GSHONG DU STAN CHAGS PA'I DUS SNGAR SKYED TSAL DU CHOS 'BREL GSAN PA DANG, PHRA MA NAS KYIS RIN SPUNGS SU SNYAN PHRA PHUL BA'I RKYEN GYIS BOD MKHAR NAS TSANG MING GI LHAG MAR GYUR PA'I RKYEN PHAN GROGS SHAR LTA BUS BSKUL TE RJE BTZUN BOD MKHAR BA MEE TRI BYAMS PA DON GRUB RGYAL MTSAN DPAL BZANG POS ZHABS PAD BSNYEN PAR PHEBS, ZA' ZING GI DNGOS PO YOD DGU LTA BU 'KHOR GSUM YONGS DAG GI 'BUL BA RGYE CHER MDZAD, ZHAL GYI BDUD RTZI RDZOGS PAR MYANGS RJES BSTAN PA SPEL BA DANG SGOM SGRUB RTZE GCIG TU MDZAD DGONGS PAS SKU LA BCAR NAS BZHUGS, MA CHEN RDOR BKRAS PA PHYOGS 'BYON DANG THUGS PA'I RE ZHIG GNYER GYIS GSUNG BA BZHIN MDZAD PA'I TSE DE SNGA GONG NAS GSOL JA CUNG ZAD DKON PA YOD PAR MI NYAG DPON PO MGON PO 'OD ZER GYIS GSOL JA PHON SHIN TU CHE BA'I 'BUL SKYEL SLEBS PAS RJE DRUNG GI GNYER KHA 'PHROD CES THUGS DGYES, RIN PO CHE BOD MKHAR BA GTZO BOR GYUR PA'I DON GNYER CAN 'GA' LA GSUNG NGAG RIN PO CHE SLOB BSHAD KYI SNANG GSUM NAS BZUNG DBANG BZHI PA'I BAR GYI NYAMS 'KHRID ZLA BRGYAD LHAG TZAM SMIN RGYAS DE'I CHA LAG TU DGOS PA'I DBANG BYIN RLABS LUNG MAN NGAG, DPAL RDO RJE 'JIGS BYED RVA LUGS KYI DBANG BZHI MKHA' 'GRO SNYAN BRGYUD, RNAL 'BYOR BZHI, RNAM PAR 'BYED PA, RVA RTZE SEMS 'DZIN, MTSAN MGYEN SGRANG,

MTSAN MO RGYU BA RNAMS PHYOGS GCIG TU BSGRIGS NAS DBANG BZHI'I LAM RDZOGS PA'I 'KHRID, RVA BOD, DPAL 'DZIN BOD CHUNG RNAMS KYI LUNG PHYAG 'KHRID, SHIN TU ZAB PA GSHED DMAR BIR LUGS KYI DBANG BZHI, BYIN RLABS GSUM, SPROS MED KYI 'KHRID YIG SNA, RTA MGRIN YANG GSANG KHROS PA'I DBANG BZHI DANG TSE DBANG, RTA POD, DUS KYI 'KHOR LO'I BDAG PO CHEN PO'I BAR GYI DBANG, RGYUD 'GRE, SHIN TU ZAB PA N'A RO MKHA' SPYOD KYI BYIN RLABS DANG NYAMS 'KHRID CHOS SKAR, AENDRA MKHA' SPYAD, MEE TRI MKHA' SPYOD, GZHAN MA PHAG DKAR SHES RAB GSAL BYED, DBYAL PA'I BDEN GNYIS MA, DBU BCAD MA, ZHAL GNYIS MA RNAMS KYI SKOR, SENG GE SGRA, 'JAM DKAR, SENG GDONG MA SOGS RJES GNANG GI RIGS MANG BA, BSTAN SRUNG GI GTZO BO GUR GYI MGON PO GTZO RKYANG, SPAGS SGRUB LHA BRGYAD, BCU GNYIS MA, PHYI NANG GSANG BA RU MTSON GYI LAS MKHAN DANG BCAS PA'I RJES GNANG, DKYIL 'KHOR LA BRTEN PA'I DBANG LNGA, RNGA GSUM 'KHOR LO LNGA LDAN DANG BRAG RDZONG MA GNYIS KYI NYAMS 'KHRID, MA 'BAR KHA SKONG, GYI LJANG, DUD SOL, SNYAN BRGYUD RNAMS KYI GLEGS BAM, NGOR RDZONG GONG DKAR GSUM NAS BRGYUD PA'I BE'U BUM, SBAS PA'I MGON PO'AM GNYAN MGON ZHAL BZHI PA'I BKA' MI 'DRA BA BCU BZHI, TSE SGRUB SRUNG 'KHOR DANG GSANG BA'I 'KHRID MAN NGAG YONGS SU RDZOGS PA, GNOD SBYIN BEG TZE, DUR KHROD BDAG PO, DPAL LDAN DMAG ZOR MA, RDO RJE RAB BRTAN MA RNAMS KYI SKOR, TSE SBYIN YID BZHIN 'KHOR LO'I RJES GNANG DANG 'KHRID, GSER CHOS DMAR CHEN

, ,SKOR GSUM GYI THUN MONG DANG THUN MONG MA YIN PA'I RJES GNANG, GNYAN LO'I DMAR CHUNG SKOR GSUM, GSER CHOS DANG GRA PA MNGON SHES GNYIS KYI DZAM DMAR, KUN RIG GI DBANG, PHYAG RDOR AU TZA YA, RNAM RGYAL 'JOMS SME BRTZEGS DUD KHA SOGS KYI RJES GNANG, SNYING PO DON GSUM DANG CHEM BU LUGS GYI DMAR 'KHRID, RNAM SRAS BKA' MI 'DRA BA BCO LNGA'I RJES GNANG, BE'U BUM YONGS RDZOGS, 'BA' RAB NAS BRGYUD PA'I TSE 'KHRID KYIS MTSON ZAB CHOS SHIN TU MANG BA GNANG ZHING 'DIR BSDOMS PA RNAMS KYANG RJE BOD MKHAR BA'I RNAM THAR SPYAN SNGA RIN PO CHES MDZAD PA NAS BTUS PA YIN LA, LO MANG SBREL NAS DPON SLOB CHABS CIG PAR BZHUGS PA LA BRTEN RIM GYIS STZAL BA'I DUS LA SNGA PHYI KHYAD CHE BA 'GA' YOD PAR SNANG, KHYAD PAR CHOS SKYONG CHE CHUNG GI SKOR RNAMS BLA MA DANG SLOB MA GNYIS KAR GNYAN CHA CHE BAS DUS GCIG TU RDZOGS PAR MI MDZAD PAS KYANG SHES NUS, RDO RING RIN PO CHES TSAR PA CHEN POR KHYED LA BSTAN PA DANG SEMS CAN LA PHAN PA'I SLOB MA MCHOG TU GYUR BA GSUM YOD PAS DE GSUM PO LA RING BSREL 'DI 'DRA RE RE BYIN GSUNGS PA'I YA GYAL GCIG RIN PO CHE BOD MKHAR BAR GNANG STE ZHAL SLOB KYI GTZO BOR NGOS 'DZIN MDZAD PA DANG MTHUN PAR PHYIS SU LO DGON PA SOGS KYI ZHAL 'DZIN MDZAD, SPYAN SNGA RIN PO CHE MI PHAM CHOS KYI RGYA MTSO, CHOS RJE BSTAN PA RGYA MTSO SOGS LA SNYAN BRGYUD KYI GDAMS PA RDZOGS PAR STZAL, SPYAN SNGA RIN PO CHE, MKHAN CHEN THAR PA RGYAL MCHAN, RDO RJE 'CHANG DBANG PHYUG RAB BRTAN, LO PA SPYAN SNGA

KUN DGA' DON GRUB, RAB 'BYAMS CHOS RJE CHOS SKU RDO RJE SOGS GSUNG LAS SKYES PA'I DAM PA DU MAS KHA'U PA'I RING LUGS RGYA CHER SPEL, THAMS CAD MKHYEN PHA BSOD NAMS RGYA MTSOR GSER CHOS BCU GSUM NANG MGON PO CHE CHUNG GI CHOS SKOR RNAMS 'BUL BA GNANG, CHOS 'KHOR RGYAL LHUN GRUB DGA' BA 'TSAL GYI BSIL BA TSAL DU MGON PO CHE CHUNG GI SKU DANG, CHOS 'BYUNG SHOD DU GNOD SBYIN BEG CE RNAMS BZHENG PA'I ZHAL BKOD SNYAN BRGYUD DANG 'BREL PA'I GZUNGS BZHUGS RAB GNAS SOGS GNANG, MNGA' RIS DRUNG PA RIN PO CHE LHA'I BTZUN PA BSOD NAMS DPAL BZANG, DGA' LDAN SHAR CHEN NAM MKHA' RGYAL MTSAN, SGOM MNGA' MKHAN CHEN SOGS MNYAM MED RI BO DGA' LDAN PA'I BSTAN 'DZIN MANG POR CHOS KYI BKA' DRIN STZAL, SA SKYONG DGA' LDAN PA AA KHU BKRA SHIS ZHES NGAG GI DBANG PHYUG DBYANGS CAN BSNYEMS PA'I SDER GRAGS PA KHU DBON GYI BLA MCHOD DU GYUR PAS MTSON DBU RU STOD KYI RGYAL KHAMS SU KHA'U BRAG RDZONG PA'I BSTAN PA'I SGRON ME CHES CHER SBAR, LHA SA BRAG SGOR STAR SDONG CHOS MDZAD KYIS BDAG PO KUN RIN BA'I SKU LA GRI LTAG PHUL BA SOGS 'O BRGYAL BYUNG BAR BRTEN 'PHAN YUL MKHAR RTZER BDAG CHEN MJAL BAR PHEBS DUS, RNAM THAR LAS SPYIR SANGS RGYAS KYI BSTAN PA 'DI MAR 'GRIB LA SONG BA DANG KHYAD PAR DU SA SKYA PA'I BSTAN PA 'DI DA LTA GANG NA'ANG DAR RGYAS TSE RGYU RANG MI 'DUG RUNG CHOS RJE'I DRUNG GIS DBUS PHYOGS 'DIR BSTAN PA LA PHAN ZHING SA SKYA PA'I RKANG ZIN PA ZHIG BYUNG 'DUG, NGED TSE SA SKYA PA'I ZHAL NGO CHIBS RAGS BSGRIGS NAS YONG DUS LHA

, ,SA BRAG SGO'I THAD DU STAR SDONG DPON BO DANG PHRAD TSE RBUD SHAR RE 'GRO YANG CHOS RJE'I DRUNG LAS DGA' LDAN THAMS CAD MTHUN GRUB BA 'DUG GSUNGS PAS MTSON THAMS CAD MKHYEN BA MKHYEN PA RTZE'I 'OG NAS RDO RJE 'CHANG TSAR PA CHAS RJE'I ZHAL SLOB KYI DANG MAR MNGON, 'JAM DBYANGS MKHYEN BRTZE'I ZHABS KYIS BKA' CHOS GNANG DGOS TSUL GYI ZHU YIG PHUL BAR, SA DBUS GTZANG KHAMS GSUM GYI SMAN LJONGS NA, ,ZHES SOGS GYI LAN DANG BCAS ZHAL GYIS 'CHES PA BZHAN ZLA BA BCUG NYIS PA'I TSES BZHI LA BLA MA DAM PA RDO RJE 'CHANG BO DONG DU PHEBS, THAMS CAD MKHYEN PA MKHYEN BRTZE'I DBANG PHYUG DPON SLOB NYUNG BSDUS LA ZAB CHOS JI LTAR RTZAL NA, KHYAB BDAG GUR GYI MGON PO'I CHOS SKOR NA, ,'PHAGS PA'I YUL DU PAn GRUB RNAMS KYIS PHYE, ,RGYUD RGYAL MA DROS CHU GTER LAS BYUNG BA'I, ,BKA' BABS RNAM BZHI'I GDAMS PA'I CHU RGYUN NI, ,LO TZ'A RNAM BZHI'I GSUNG GI 'BAB STEGS LAS, ,LEGS 'ONGS SA SKYA'I BLA CHEN THUGS MTSOR 'KHYIL, , GANG DE'I GSUNG GI BDUD RTZI'I GZIGS MA NI, ,PHYOGS BRGYA RANG PHROS LAS LA PA'I SMAN LJONGS 'DIR, ,ZAB DON LBU 'PHRANG BYE BAS PHYUG PA YI, ,RJES 'BRANGS CHU KLUNG RNAM BZHI RING DU 'BAB, ,CES PA LTAR BKA' BABS BZHI LDAN DU BZHUGS BA'I RDO RJE NAG PO CHEN PO GTZO RGYANG, LHA BCU GSUM, MA, LHA BRGYAD, LHA BCU GNYIS MA, LAS MKHAN RNAMS KYI RJES GNANG, DKYIL 'KHOR DANG 'BREL BA'I DBANG, BRAG RDZONG NGANG GSANG 'KHRID DANG THUN MONG MIN PA'I NYAMS 'KHRID, ME

'PHAR KHA SKONG DANG BCAS PA, SNYAN BRGYUD, GYI LJANG, DUD SOL, DOR BA'I BOD SER, LDONG LUGS DKAR CHAG MA, RDO RJE GDAN BA'I THUGS DAM MGON POD RNAMS KYI LUNG, GSANG BA YID BZHIN NOR BU'I YI GE DANG ZHAL SHES LA BRTEN NAS PHYAG LEN DMAR 'KHRID, RDO RJE 'CHANG TSAR PA CHOS RJE'I GSUNG LAS, DE LTAR RGYAL BA'I DRI MED RGYUD RDZAGS, ,GSUNGS BA'I BSNYAN SRUNG KUN GYI MCHOG GYUR BA, ,DRAG SHUL MTHU LDAN STEBS 'PHROG NAG PO ZHES, ,RGYA BOD MKHAS GRUB KUN LA RLUNG LTAR GRAGS, ,ZHES PA LTAR, LO CHEN GNYAN GYI CHOS SKYONG BRGYA RTZA'I NANG NAS GTZO BON CHOG TU GYUR BA GNYAM MGON ZHAL BZHI BA'I BKA' MI 'DRA BA'I RJES GNANG BCU BZHI, TSE SGRUB SRUNG 'KHOR DANG SPU GRI'I SO SDEB, RTZA GSUM 'KHOR LO BZHI'I NYAMS 'KHRID, PHYI PHRAM ZE NANG ZHING SKYONG GSANG BA STOBS 'PHROG NAG PO LTAR SGRUB PA'I LAS TSOGS MAN NGAG PHYAG LEN DMAR 'KHRID DANG BCAS PA LEGS BAR GSAN BA 'DIR PHYOGS MTSUNGS SU BSDUS PA MA GTOGS CHOS SKYONG BKA' GNYAN PAS DUS SNGA PHYI 'GA' ZHIG TU RIM GYIS GNAD BAR MNGON ZHING, RJE MKHYEN BRTZE THUGS SRAS KYI GTZO BOR BZUNG STE ZAB CHOS KUN BUM BKANG BYOR GNANG BAS, GSUNG LAS, BDAG CHEN CHOS RJE'I SKU YI DBON SKYES SHING, ,GRUB MCHOG RDO RING CHOS RJE'I BSTAN LA DAD, ,SGO RUM CHOS RJE'I THUGS KYI SRAS SU GYUR, ,SHES RAB SNYING RJE RNAM DPYOD PHUN TSOGS SHING, ,DAD DANG SGRUB PAS BLA MA MNYES PA STE, ,RGYU DRUG 'DZOM PAS ZAB MO'I GDAMS PA RNYED, ,GROGS DEG 'DI 'DRA'I SKAL BZANG

, ,KHO BO TZAM, ,ZHES PA'I DON THOG TU BABS SHING RIN CEN GSER GYI MAndAL SOGS RIN PO CHE'I RIGS DANG JA GOS DAR GO GRAB KYIS GTZOS PA'I BDOG PA GYA NOM PA, MKHA' 'GRO LNGA MNYES PAR BYED PA'I TSOGS KYI 'KHOR LO RGYA CHEN POS SNYAN BRGYUD DANG PO'I RTEN 'BREL KUN NAS SGRIG BAR MDZAD BA SOGS KYANG, BSAM 'PHEL NOR 'PHRENG LAS, PHYI NANG GSANG BA'I MAN NGAG ZHU BA'I TSE, ,TSOGS DANG GTOR MAS MKHA' 'GRO MNYES PAR BYAS, ,RIN CEN GSER GYI MAndAL LAN GSUM PHUL, ,GSANG CHEN GRUB MTHA' 'DZIN PA'I DAM BCA' BYAS, ,ZHES PAS MTSON NUS, DKAR CHAG DBANG SPUD PADMA R'A GA'I ZA MA TOG LAS, BSTAN PA'I BDAG PO SA SKYA PA'I, ,GSANG LAS YANG GSANG GSER GYI CHOS, ,DMAR PO SKOR GSUM ZHES GRAGS PA, ,ZHES RJE BTZUN SA SKYA PAR GDAMS PA RGYA MTSO LTA BUR BZHUGS BA'I NANG NAS THUN MONG BSGRUBS PAS MCHOG ZHAR LA 'BYUNG BA DMAR PO SKOR GSUM YANG, JI SKAD DU, KHO BOS DAM PA'I ZHABS PAD RING DU BSTEN, ,SNYAN BRGYUD BDUD RTZI'I ZHAL 'OD SNYING LA SHAR, ,'KHRUL MED GDAMS PA'I GNAD LA NGES PA THOG ,GROGS DAG 'DI 'DRA'I SKAL BZANG KHO BO TZAM, ,ZHES RDO RJE 'CHANG 'DI NYID LA MNGA' BA'I RJE BTZUN RIGS BYED MA, TSOGS BDAG BGEGS KYI RGYAL BO, KHRO BO 'DOD PA'I RGYAL PO GSUM GYI THUN MONG DANG THUN MONG MA YIN PA'I RJES GNANG LUNG MAN NGAG PHYAG LEN, ZHAR BYUNG DMAR CHUNG SKOR GSUM DANG BCAS PA GNANG,

DE YANG NYIN RE CHOS THUN GNYIS DANG 'CHAMS DBYANGS KYI PHYAG LEN RNAMS KYANG DBYIS PHYIN PAR THUGS LA BTAGS PAR SLOB MA SNOD KYI SKYON DANG CUNG ZAD TZAM YANG MI LDAN PAS MKHYEN BRTZE'I ZHABS KYI RNAM THAR LAS, MTSAN PHYED TZAM DBYANGS BSLABS, DE NAS DGONGS THUN YID TZAM DANG GTOR BSNGO SOGS BYAS, DE NAS MAR ME'I 'OD LA MGON BO'I PHYAG DPE KHAG CHE BA SOGS YI GER BRIS BAS ZLA BA GCIG LA SHOG BU BCU GRAS SUm BRGYA CAM TSAR BYUNG ZHING, NGED KYI MGON BO'I DPE DRAG SHOS RNAMS LA SKYER THIG GAR PO BYAS PA KHO NA YOD PA'I RGYU MTSAN DE YIN, ZHES BYUNG BA MNGA' RIS PAn CHEN RIN PO CHES PO TI DRUG CU TZAM PHYAG BRIS GNANG ZER BA DANG DBYIBS 'DRA BA'I RDZU 'PHRUL GYI BKOD PA LAS THA MAL PA'I NGANG TSUL DU MI SEMS SHING, CHOS BDAG BOR GNANG BA'I NYAMS KYIS DBON SLOB GNYIS KA LA NGO MTSAR BA'I GZIGS SNANG BSAM GYIS MI KHYAB PA BYUNG, ZHAL NGO RIM PAR DGE BA'I BSHES GNYEN ZLA MED PA BYON PAR MA ZAD ZHAL SLOB MKHAN CHEN BSLAB GSUM PA DANG SNGAGS 'CHANG BSOD NAMS CHOS 'PHEL GNYIS SNYAN BRGYUD MI NYAMS PA'I SROG SHING DU SONG ZHING, RDO RJE 'CHANG DBANG PHYUG RAB BRTAN GYI GSUNG LAS SKYES PA, BDAG CHEN RIN PO CHE NGAG DBANG KUN DG'A BSOD NAMS, MKHAN CHEN NGAG DBANG CHOS GRAGS, 'JAM DBYANGS DGA' BA'I BSHES GNYEN, SPYAN SNGA KUN DGA' DON GRUB, RDZA BKA' 'GYUR BA, MKHAN CHEN ZHA LU PA, GLANG BU CHOS RJE, RGYAL RTZE BDAG BO BYAMS PA NGAG DBANG BSOD NAMS RGYAL MTSAN, BYAG SHONG MKHAN CHEN MANG THOS GRAGS BA RNAM RGYAL, YANGS CAN MKHAN

, ,PO BYAMS BA BSOD NAMS MTHA' YAS, RJE BTZUN BKA' GYUR BAS ZUR THAMS CAD MKHYEN PAR STZAL BAS MTSON TE ZHAL SLOB DE DAG LAS KYANG YANG SLOB NYID SLOB SOGS SRID MTHA'I BAR DU 'PHEL NAS RANG BSTAN KHA'U PA'I RING LUGS 'DZIN BAR ZLA MAD PA'O,, DE NAS BYA RGOD GSHONG GI RTEN MJAL LA PHEBS DE NUB RGYAL BLON LHA KHANG DU BZHUGS PA'I SROD KYI DUS RTA RGYUGS PA'I RMIG PA'I KHRAB SGRA CHEN PO DANG BCAS 'OD DMAR PO CHES GSAL BA ZHIG DMAR 'UR 'UR BYUNG BA'I KHROD NA RTA DMAR RGYAN KHRAB KHRAB MANG PO BTAGS BAR MI DMAR ZHIG GIS ZHON NAS SKOR PHYOGS LA YUD KYIS SONG ZHES PA TZAM LAS GSAL BAR MI 'DUG KYANG, CHOS RGYAL GYI DUS BYANG GI SO KHA BSRUNG BAR LHA SRAS MU RUB BTZAN PO DANG ZHANG BLON LHA BZANG KLU DPAL GNYIS KYIS GTZOS PA'I G-YUL BSHAMS DUS AYON CHEN POS RNAM SRAS BA KUG NAS BSTIM PA'I 'PHYAR DAR DANG PHYAG MTSAN BZHI BA'I CHOS SKOR RNAMS BYA RGOD GSHONG DU GTER DU SBAS PA GNYAL BA NYI MA SHES RAB KYIS SPYAN DRANGS PAS GNAS 'DIR RGYAL PO CHEN PO DNGOS SU BZHUGS GSHIS MDUNG DMAR CAN PHYAG MTSAN BZHI PA'I ZHAL MNGON SUM DU GZIGS PAR SNANG, SANG THO RENGS THEGS RTZIS KYIS SGO DRUNG NA KHAL 'GREL BA'I BAR LA RDO SKYONG DE LA KHYEL MDZAD BZHUGS BAS MA DANG GI RTA'I RMIG SGRA DE BYUNG ZHING 'OD DMAR PO CHES GSAL BAS SA'I RTZI SPUR YAN NYIN MO LTAR GSAL BA DRUNG NA 'KHOD BA THAMS CAD KYIS MTHONG BA BYUNG, DE NAS RMUG SHONG DU PHEBS YOL NAS SHANGS CHOS RDO RJE'I RGYAS BTAB KYI BRGYUD PA DRUG

PA GNYAN STON SBAS PA'I RNAL 'BYOR GYI RNAM SPRUL MKHAN RIN PO CHE GZHON NU BLO GROS CHED BSTAD KYIS PHEBS, BLA MA 'DI NYID BSTAN 'DZIN GYI SKYES BU CHEN POR DGONGS TE GSUNG NGAG RIN PO CHE MKHA' SPYOD SKOR GSUM, DMAR PO SKOR GSUM SOGS GSER CHOS MGON PO CHE CHUNG, GNOD SBYIN BAG TZE SOGS KYI DBANG RJES GNANG 'KHRID LUNG MAN NGAG RNAMS 'DAS NAS BZUNG SNGA PHYIR MA DRAL BA TSOR RIM GYIS STZAL ZHING GZHAN YANG BSTAN PA SPYI SGOS KYI GSUNG CHOS JI SNYED CIG GNANG, MKHAN CHEN NYID KYI GSUNG LAS KYANG NGED RANG 'GRO DON KHYONGS CHUNG BAS 'CHAD 'CHAD NYUNG GSUNG BA LTAR CHOS BKA' DOG PA TZAM YOD TSOD DU 'DUG CING, DPON YOL BA BLA CHEN DU GRAGS PAR RAGS RIM GSAN TSOD DU 'DUS RUNG KHONG PA RJES SOR RTAG BRTAN SPRUL SKUR HA CANG MOS DRAGS PA'I SKYON GYIS RANG BSTAN ZIN BA'I RJES CHE BA MA BYUNG ZHING, ZHAL SLOB 'DI THON GYI GRAGS MI CHE'ANG DBUS G-YO RU'I PHYOGS SU BKRA SHIS CHOS KYI SDE GSAR DU BSKRUN PAS BSTAN PA'I ME BTZA' LTA BUR SONG, BDAG CHEN RIN PO CHE 'JAM DBYANGS BSOD NAMS DBANG PO THUGS BLO GZU BOR GNAS BAS YAR KLUNGS BKRA SHIS RTZER PHEBS NAS BRAG RDZONG MA'I 'KHRID KYIS GTZOS SNYAN BRGYUD KYI CHOS SKOR MANG DU GSAN, GSANG 'KHRID SKOR RE ZHIG PHUL BA MI 'GAB 'DRA DGONGS TE MA GSAN GSUNGS PA MKHAN RIN PO CHE'I GSAN YIG MGO BTZEMS MA BYA ROG GIS KHYER TE BDAG CHEN RIN PO CHE'I SKU BANG DU BSKYUR BAS CHOS SKYONG GIS GDAMS PA RNAMS GTOD CIG CES SKABS DBYE BA LTA BUS DPON SLOB GNYIS KA'I CHE BAR SONG ZHING, THUGS YID

, ,CHES TE TSANG BAR PHUL BAS MI THOG GNYIS TZAM GYI RING BZHI THOG BLA BRANG PHA NOR DANG BRAL BA'I KHANG STONG 'DRA BA SLAR RANG NOR GTOD LEN LTA BU'I DBU TSUGS SHING, RIM GYIS SNGAGS 'CHANG SEMS DPA' CHEN PO NGAG DBANG KUN DGANG BSOD NAMS YAB SRAS NAS GONG MA'I RING LUGS KYI NYI MA PHYOGS BRGYAR 'CHAR BA'I RTEN 'BREL GYI SGO YANG BRGYUD BA 'DI NAS PHYE BAS RDO RJE 'CHANG BLO GSAL RGYA MTSO'I BSTAN 'DZIN GYI GTZO BO ZHIG TU MNGON, 'DAR PA CHOS RJE CHOS DBANG RIN CEN DPAL GYI RGYA MTSO RJE BTZUN KUN SPANGS CHEN POS MGON PO PHUR ZHABS MANG NANG PA'I CHOS GLING DRUNG PA SOGS GZHI BYES KYI 'DUS PA DU MA DANG, BSTAN PA'I SBYIN BDAG SDE PA 'DAR PA RIN CEN DPAL BZANG SOGS ZHAL NGO RNAMS DANG, MDOR NA SKYA SER MCHOG DMAN MANG BOR SO SO'I BLO DANG 'TSAM BA'I DBANG 'KHRID LUNG MAN NGAG SOGS SBYIN PA RNAM PA BZHI'I SGO NAS 'DOD PA'I RE BA BSKANG, SHING SBRUL LO PO DONG DU THAMS CAD MKHYEN PA MKHYEN BRTZE'I DBANG PHYUG RDO RJE BRAG RDZONG MA'I LJAGS BSNYEN GYI SKU MTSAMS SHIN TU DAM PAR BAR DU GCOD PA'I MTSAN MA CHEN PO ZHIG 'JUG NYE BA THUGS KYIS MKHYEN NAS GDAN 'DREN ZHUS PA LA MA LTOS PAR PHEBS, RJE MKHYEN BRTZE'I GZIGS SNANG LA RJE LBA MA SKU MDOG BYU RU LTAR DMAR ZHING ZHAL RGYAN SOGS YE MED PA ZHIG 'DUG, PAR SNGAR PHAN NI ZHAL RGYAN GZHOR BA GNANG GIN MED DA LAM CI YIN NAM DGONGS SHING, MJAL MA THAG THUGS LA DGA' SPRO DANG MOS GUS CHEN PO 'KHRUNGS, BGEGS KYI RNAM BA BYUNG PA LA'ANG DOGS GCOD ZHU MA DGOS PAR LHUG PAR GSUNGS SHING

CHO 'PHRUL SNA TSOGS BSTAN PA'I SGO NAS YID SRUBS KYI G-YUL LAS RGYAL BAR MDZAD PAS DE NUB NAS BZUNG THUGS BDE NYAMS SHIN TU TSA BAR GYUR, ZLA BA BCU GCIG BA'I NANG DU THAMS CAD MKHYEN PA MKHYEN BRTZE'I DBANG PHYUG 'DAR DU PHEBS ZHAG NYER DRUG BZHUGS THAMS CAD MKHYEN PA RDO RJE GDAN PA'I LUGS KYI DPAL MGON STOBS 'PHROG DBANG BO'I GTOR MA, DRAG PO'I 'CHAMS DBYANGS PHYAG LEN THAMS CAD MKHAS PAR SPYONG BAR MDZAD, ZHAR BYUNG DU GU RU MGON GYI MAN NGAG MANG PO CHIG BRGYUD DANG DUNG SOL MA'I SKOR DU MA GNANG, TSAR CHEN CHOS KYI RGYAL POS RDO RJE SLOB DPON DANG MKHYEN BRTZE'I ZHABS KYIS LAS KYI RDO RJE MDZAD NAS DPON SLOB RNAMS KYIS NYER DGU LA GTONG CHEN GNANG BAS BSTAN LA LOG PAR 'KHU BA'I GZUGS CAN GZUGS MED KYI DPUNG TSOGS MTHA' DAG THAL BA'I RDUL PHRAN BZHIN DU SONG, DE NUB MNAL LAM DU RJE BLA MAR RTZE GDONG YIN SNYAM BA'I LUNG BA ZHIG NA YAR PHEBS PA'I MTHAR KHANG BA ZHIG 'DUG PA DER BYON BA'I NANG DU SHING KHRIS BTEG BA'I 'BOL GDAN NAR MOR BTING BA'I G-YAS SU KHYAB BDAG KUN SPANGS CHEN PO DANG, G-YON DU KUN MKHYEN RDO RJE GDAN PA GNYIS BZHUGS 'DUG BAR DPON SLOB GNYIS LA PHYAG 'BUL DANG BYIN RLABS ZHU BA MDZAD CHE, THU CHEN 'JIGS MED DPA' BOS PHYAG LEN SOGS BKUR GZOS MDZAD BYUNG BAR THUN SPANGS RIN PO CHES KYANG 'DI 'DRA ZHIG MDZAD THANG DAM DGONGS BA SHAR BAR RDO RING RIN PO CHES KHA SANG CHO CHOS RJES GAR PHYON GSUNG BAR BDAG GIS JO NANG BA'I GRA PA 'JAM DBYANGS SGEG PA ZER BA GZUGS CHUNG DE PA JO ZHVA GYON BDE LA CHOS

, ,'CHAD KYIN BSDAD ZHUS PAR RJE RDO RJE GDAN PAS KHYED RDZUN MA ZER, 'JAM SGEG DANG GNAS GSAR RJE DRUNG MI GCIG GSUNG BA NA KUN SPANGS RJES SNGON DANG DA LTA'I KHYAD PAR TZAM LAS GNYIS KA'I GSUNG LA 'GAL BA MED, KHONG YAR KLUNGS PAR GYUR SKABS 'JAM SGEG DANG DENG SANG GNAS GSAR CHOS RJE YIN PAS RGYUD CIG, DER MA ZAD CHOS RJES BSNYEL YOD PA 'DRA, KHYED AYON GYI YUL DU SMRA BE RAR 'KHRUNGS NAS RDO RJE RNAL 'BYOR MAR DBANG ZHU DUS RNAL 'BYOR PA SPRUL GYI GA SHA CAN DE NGA YIN, DE DUS SPRA BIR BAS GDUG PA MANG PO BSGRAL GSUNG BA SOGS BLA MA RNAM GNYIS DRI BA DRI LAN GYI TSUL MDZAD PAS 'OD GSAL DES KHYENGS SHING MNAL SAD BA NA ZHUGS RGYUD LA BDE CHEN GYI YE SHES KHYAD PAR CAN DANG, SKU TSE SNGON MA'I GNAS TSUL LA THUGS NGES 'DRONGS BAS NGED RANG DPON SLOB RNAMS KYIS ZHAL GYI GTOR CHEN BYAS BAR KUN SPANGS RJE DANG RDO RJE GDAN BA GNYIS DGYES YOD BA 'DRA, MDANG RMI LAM 'DI 'DRA BYUNG ZHES RJE MKHYEN BRTZE LA GSUNGS PAR THUGS LA DGYES TSOR DANG SPYAN CHAB 'KHRUG PA SOGS BYUNG BAS, KUN MKHYEN MKHYEN BRTZE'I RNAM THAR DU, MNAL LAM MING DU BTAGS PA'I 'OD GSAL DANG, ,RGYAL BA RDO RJE 'CHANG GNYIS MNGON SUM GZIGS, ,LKOG GYUR SNGON GYI GNAS 'GA' LUNG BZHIN THOB, ,NGO MTSAR 'DI DANG 'DI 'DRA GSUNG BA THOS, ,AA HO SRID BAR 'KHYAMS PAS CHAS DUB BA, ,BDAG LA NYID KYIS RING MO ZHIG NAS BSKYANGS, ,MNGON GYI ZHAL BZHES SLU MED BDEN BA'I MTHUS, ,'DIR YANG SLOB SHAD SNYAN BRGYUD LHAG BAR STZAL, ,DA DUNG KHYED DANG MTSUNGS

BAR MA GYUR PA, ,DE SRID MGON SKYABS DPUNG GNYEN GZHAN MED BAS, ,YID CHES DANG DAD GUS PAS GSOL BA 'DEBS, ,SLU MED THUGS RJES SNGAR BZHIN GZUNG DU GSOL, ZHES BYUNG ZHING, RJE MKHYEN BRTZE DBON SLOB PHYIR PHEBS GDONG BLA MA DAM BAS 'KHO NA LOG SHES RAB TSUL KHRIMS KYI GTER MA'I PHUR PA, RJE NYID KYI DBANG BUM YUN RING GNANG PA'I PHYAG DRIL SHING 'KHRUL MA SHUBS BCAS, SENG LDENG GI KHA tV'Am GA, BDE MCHOG RTZA RGYUD KYI t'IKKA MU TIG 'PHRENG BA, 'PHAGS PA RIN PO CHE'I THUGS DAM GUR MGON HOR SKU ZHIG SOGS GNANG SBYIN PHUN SUM TSOGS PA STZAL, YANG KHAMS PA AA KRO ZER BAS KHA'UR RDO RING RIN PO CHE LA MGON PO ZHAL GYI CHOS SKOR DGOS TSUL ZHUS TSE RJE 'DI LA SPYAN CER GZIGS NAS RTZIS KYANG BYED GSUNGS ZHAL GYIS BZHES KYANG GNANG MA THUB PA PHYIS RJE BLA MAS GNANG DGOS BYUNG BA LUNG BSTAN DU 'DUG, MI RING BA'I SKABS SHIG RJE BLA MA 'DI NYID BO DONG DU SPYAN 'DREN MA ZHUS PAR PHEBS NAS GZHAN DON GCOD KYI RIGS MED KHYED LA CHOS SHIG GSHOD DU YONGS PA YIN PHEBS PA GANG YIN DRI BZHUS BAR 'JIGS BYED YIN TSUL BYUNG BA BZHIN 'O YUG SDING MAR SPYAN DRANGS, DPAL RDO RJE 'JIGS BYED RVA LUGS LHA BCU GSUM MA'I DBANG BZHI RVA POD SOGS YIG SNA'I LUNG DANG MAN NGAG, SHIN TU ZAB PA RVA 'KHRID MKHA' 'GRO SNYAN BRGYUD KYI NYAMS 'KHRID GNANG BAS RDO RJE THEG PA'I LAM GYI GNAD GSANG THAMS CAD THUGS KYI KLONG DU GYUR PAS BKA' DRIN DRAN TE MKHYEN BRTZE'I ZHABS KYIS, DRAN PAS GDUNG SEL KHYAB BDAG MA HE'I ZHAL, ,DUR SMRIG ZOL GYIS ROL PA'I PHA RGOD DES, ,'KHRUL MED GNAD KYI LAM BZANG

, ,'DI BSTAN TSE, ,MTHA' YAS CHOS KYI RANG ZHAL RJEN PAR MTHONG, ,ZHES GSUNGS, GZHAN YANG PADMA DBANG CHEN YANG GSANG KHROS PA'I DBANG DANG RTA POD KYI LUNG RDZOGS PAR GNANG, RIM GYIS SHANGS MDA'I RDO RJE SGRUB PHUG TU GNAS 'BREL ZHAG GSUM MDZAD PA'I NUB CIG GZUGS MED PA'I SKAD CIG LA ZAB BUR SONG AYON RIN PO CHE BZHUGS YOD ZER BA ZHIG BYUNG BAS RKYEN BYAS, RJE BLA MA ZAB BU PHYOGS LA PHEBS PA'I ME TSOR DU ZHAG GNYIS BZHUGS PA'I NUB KHYA'U GZHON NU SNGAGS CHAS CAN ZHIG GIS SNGAR GSAN PA DANG MA GSAN PA'I CHOS KYI RNAM GRANGS SO SOR DBYE ZHING, MA THOB PA RNAMS BRAG PHUG 'DI'I LTAG NA YOD GSUNG DE AYON RIN PO CHE'I SPRUL PAR SNANG, RIM GYIS ZAB BU'I GZIMS PHUG GI SKU BRNYAN BDE GSHEGS 'DUS PA'I DRUNG DU GCIG PUR THUGS DAM MDZAD PA'I TSE DKON GNYER GYI BSAM PAR BLA MA 'DI TSOS GTER 'DON ZER NAS GZUNGS BZHUGS MI BLUG PA'I NGES PA MED SNYAM SGO DRUNG NAS RDZI GSANG BLTAS PAS SKAD GDANGS YID DU 'ONG BA SHIN TU SNYAN PA ZHIG GIS THOG MAR GSUNG 'PHROS DANG DE'I RJES SU CHOS LHANG LHANG GSUNG BA THOS PAS MI 'GA' RE YOD DAM SNYAM THAL GYIS YONGS PA NA GCIG BUR BZHUGS 'DUG PAS DAD PA LHAG PAR SKYES SHING DE DUS AYON CHEN PO DNGOS SU ZHAL GZIGS NAS ZAB CHOS MANG PO GSUNGS BAR GDA', 'JAM DBYANGS MKHYEN BRTZE'I DBANG PHYUG SOGS LA DRAG PO RTZAL GYI BYIN RLABS THUGS DBANG DANG N'A RO MKHA' SPYOD KYI BYIN RLABS SOGS STZAL, MKHYEN BRTZE'I ZHABS KYIS DRUNG YIG MDZAD NAS BDE CHEN DAG

ZHING MAR GRAGS PA'I AYON RIN PO CHE'I GSOL 'DABS TSIG DON PHUN SUM TSOGS PA DE YANG MDZAD, MYUG RGYAL KHANG DU ZHAG LNGA TZAM BZHUGS NAS 'DAR DU PHEBS, RNAM RGYAL CHOS RDZONG DU MGON KHANG GSAR DU MDZAD NAS RDO RJE NAG PO CHEN PO GUR GYI MGON PO'I SKU BYIS PA LO BCU DRUG 'GRA BA'I TSAD, YUM CHEN, LHA MO, ZHAL BRAM GZUGS GSUM KHRU PHYED DO,, RTAG GTER MGON PO CHE CHUNG LAS MKHAN BCAS MTSAN NYID DANG LDAN PA'I 'DZIN GTOR SPYAN GZIGS, THOG TU MAN NGAG LAS BYUNG BA'I RU MTSON BTZUGS, SKU BRNYAN RNAMS DAM PA'I SHOG DRIL ZHAL SHES MAS BRGYAN PA'I RAB GNAS ZHAG BDUN MAS 'OG MIN GYI GNAS NAS MGON PO DNGOS SU BYON PA'I GZI BYIN GYI 'PHRIN LAS RNAM BZHI THOGS PA MED PAR SGRUB PA'I SKU RNAMS DUS PHYIS SNGA SRID GTZANG BAS RDZONG BSHIG NAS GZHIS KAR SBOS, DE NAS KYANG 'PHOS TE DENG SANG SA SKYA'I KHYAD 'PHAGS MGON KHANG DU BZHUGS PAR SNANG, RDA YAB GLING GI MGON SOGS 'DREN PA DANG, ,YI DAM SRUNG MA'I ZLOS GAR GANG THUGS SHEL,, DAG PA'I TSON RIS DBANG GZHU LTAR BKRA BA, ,BUR SHING DNGAR BA'I RO BZHIN DBYE NUS MIN, ,SKYE MANG RJES BZUNG THUGS SRAS GNAS GSAR BAR, ,GNYIS SPANGS BLA MA'I GDAMS PA YONGS GTOD PA'I, ,RTEN 'BREL ZHING SKYONG DBANG POS TE SE NAS, DMAR ZLUM SPYAN GYIS GZIGS TE NYE BAR BSGRIGS, ,G-YANG SAR 'JIGS BRAL BRTUL ZHUGS GSHOG RLABS KYIS, ,BRGYA PHRAG CHO 'PHRUL BSTAN TSE GOS SER MIG ,MKHA' LDING ZHON PA'I KHENGS PA YONGS BOR NAS, ,RUS SBAL GZUGS KYIS SA CHEN

, ,'DEGS PAR BRDZU, ,RAB DKAR CHOS 'KHOR GANGS RI'I YANG RTZE NAS, ,TSAD MA BZHI LDAN 'JIGS MED SENG GE'I GLUS, ,SHES RLOM RI DAGS SPYOD MED THUN MONG GI ,GDAMS PA'I RTZVA CHUR MGO BO BSNYAD DE NYOL, ,'KHOR LOS SGYUR BA'I RIGS BRGYUD LHA YI SRAS, ,STONG PHRAG BYUNG LA MANG POR 'DZIN BLO CHUNGS, ,MKHAS DANG GRUB PA'I SLOB BU GSER RI'I SPUBS, ,SHAR BA'I GRANGS MED ZLA BA 'DI LA LTOS, ,LEGS LDAN DPA' BO LHA MIN DPUNG TSOGS LAS, ,RNAM PAR RGYAL BA'I GAD BRGYANGS SGROG PA'I GNAS, ,HA HAR BZHANG BA'I DUR KHROD RGYU BA'I STAG, ,MCHE BA'I RTZE MOR DGRA BO'I DON SNYING 'KHRIG ,GSOL 'DEBS LAS, BSTAN SRUNG MCHOG RNAMS LAS LA BSKUL BA'I TSE, ,RU MTSAN RTZEL GRI GUG 'BAR BA GZIGS, , BKA' YI SPRINGS YIG BI H'AR GTZUG GIS MCHOD, ,DAM CAN BRAN DU 'KHOL LA GSOL BA 'DEBS, ,MU STEGS 'DUL BAR RJE BTZUN BKAS BSKUL ZHING, ,RNAL 'BYOR DBANG MOS SPYAN 'DREN TSUL BSTAN KYANG, ,BSTAN LA RJES DGONGS SKU TSE'I 'DU BYED MCHOG ,SLAR YANG BYIN GYIS BRLABS LA GSOL BA 'DEBS, ,DAD LDAN BKA' 'BANGS MCHOG GI SKYE BA GANG, ,LCANG YO CAN NAS YONGS PA'I GNOD SBYIN GYIS, ,DRI MED NOR BU'I 'OD ZER 'PHRENG MDZOD PA, ,DRIN BSAB MCHOD PA PHUL LA GSOL BA 'DEBS,, ZHES PAR TSIG GIS ZIN MI ZIN SNA TSOGS BA'I LO 'DI NANG DU DBYANGS CAN LHA MOS RJES SU BZUNG BA'I RJE KLU SGRUB RGYA MTSO ZHES SHES BYA THAMS CAD LA MKHYEN PA'I SPYAN YANGS PA DE NYID ZHABS KYI PADMA LA GTZUG GI NOR BUS REG PAR BYON TE SKU GSUNG THUGS KYI YON TAN

ZLA BA'I ZER GYIS RNAM PAR PHYE STE MI 'PHROGS PA'I DAD PA MCHOG GI KUNDA YENGS SU BZHAD PA LA BRTEN LCAGS MO PHAG GI LO DBYID KYI DPAL MO'I DGA' STON DAR PA'I TSE GSANG CHEN SLOB BSHAD KYI SNGAGS GRA 'DAR STOD CHOS 'KHOR YANG RTZER MKHAN RIN PO CHE 'JAM PA'I DBYANGS BLO GROS RNAM RGYAL, THUGS KYI SRAS GNAS LNGA RIG PA'I PAndI TA CHEN PO KLU SGRUB RGYA MTSO, RJE RAB BRTAN PA SOGS SKAL LDAN GYI GDUL BYA KHA SHAS LA TSE GCIG LA 'DUS PA RNAM GSUM GYI 'PHRANG BRGAL TE BCU GSUM RDO RJE 'DZIN PA'I SA CHEN POR BGROD PA'I NGES LAM ZAB MO SNYAN BRGYUD CHAD MA BZHI DANG 'BREL BA'I GSUNG NGAG RIN PA CHE SLOB BSHAD KYI DBANG BYIN RLABS 'KHRID LANG MAN NGAG MTHA' DAG RDZOGS PAR GNANG, GSUNG RGYUN NYAMS PA MED PA'I LAM 'BRAS KYI 'KHRID YIG CHEN MO'ANG ZIN BRIS MDZAD DAS SPYAN LAM DU PHAB PAS NGA'I GSUNG NGAG SLOB BSHAD KYI BKA' KHYED LA DU [?] BAS SLOB MA'I TSIL BU LTA BU YIN ZHES DGYES RTZER SON, ZHAL SLOB KYI NANG NAS KUN MKHYEN MKHYEN BRTZE GONG DU PHUD PA'I RJE BTZUN BOD MKHAR BA; MKHAN CHEN GZHON NU BLO GROS, RJE 'DI GSUM 'GRAN GYI ZLA MED DU MNGON ZHING, KHYAD PAR KUN MKHYEN KLU SGRUB PA'I GSUNG LAS SKYES PA'I BSHES GNYEN PAn CHEN NGAG DBANG CHOS GRAGS, 'JAM DBYANGS DGA' BA'I BSHES GNYEN SOGS MKHAS GRUB MANG DU BYON ZHING, MKHAN NGAG DBANG CHOS GRAGS NAS RTZE GDONG KHRI CHEN KUN DGA' BSOD NAMS LHUN GRUB, SA SKYA KHRI RIN PO CHE, RGYAL RTZE BDAG PO BYAMS PA NGAG DBANG BSOD NAMS RGYAL MTSAN KHU DBON, BYA GSHONG MKHAN CHEN MANG THOS GRAGS

, ,PA RNAM RGYAL, YANGS CAN MKHAN PO BYAMS PA BSOD NAMS MTHA' YAS, GZIMS SHAGS CHOS RJE NGAG DBANG RNAM RGYAL SOGS MTHA' KLAS PA BYON TE RU LAG STOD KYI 'DZIN MAR KHA'U BRAG RDZONG BA'I RING LUGS GDUGS DKAR PA GCIG GIS MNGON PAR KHYAB PA'I 'PHRIN LAS KYI 'JUG PA MCHOG TU YANGS, RJE 'DI NYID KYI BSLAB STON LTAR KLU SGRUB RJES GZHI BSNYEN MDZAD PAR GEGS KYI RNAM PA CUNG ZAD BYUNG BA'I TSE ZHU YIG PHUL BA'I LAN 'DI LTA STE, AOm SVA STI, DPAL BRGYUD PA KUN 'DUS RIGS BRGYA'I MGON, ,PHA DNGOS GRUB 'BYUNG GNAS YID BZHIN NOR, ,RJE DRAN BAS GDUNG SEL RDO RING PA, ,BU SNOD LDAN GYI RGYUD LA BYIN GYIS RLOBS, ,KHYED NGAL 'BYOR RTEN MCHOG LEGS PAR THOB, ,PHYI THOS BSAM GYI SGRO 'DOGS RGYA CHER BCAD, ,YONGS LAS 'PHRO DANG BRTZON 'GRUS GNYIS SU 'DZOM, ,LAM RDO RJE THEG PA'I YANG BCUD THOB, ,DUS DENG SANG BSAM GTAN GYI KHANG BU NA, ,LUS ZAB GSAL LHA RU LAM ME BSGOM, ,NGAG RDO RJE'I SNGAGS SU DIR RI SGROG ,SEMS BDE CHEN GYI DANG DU CHAM ME BA, ,CHOS 'DI 'DRA'I NYAMS LEN SHES TZA NA, ,RTEN DAL 'BYOR LA SNYING PO LONGS PA YIN, ,MA 'GRO BA'I DRIN LAN LON PA YIN, ,BU MKHAS PA'I THUGS LA DE LTAR ZHOG ,SEMS DGA' PA SPRO BA RGYA CHER SKYED, ,YANG DAR CIG THUGS LA 'DI LTAR ZHOG ,RJE BLA MA SPYI GCUG NA 'DU 'BRAL MED, ,CHOS CI GNAD RANG SEMS DAG PA'I 'KHRUL, ,NGE RIM GNYIS LAM DU 'KHYER TSUL SHES, ,DA GANG LTAR BYAS KYANG BDE BA YIN, ,CES TSIGS SU BCAD PAS MDOR BSDUS TE GDAMS NAS

BGEGS KYI RNAM PAS KHAMS 'DUS PA SGYID LUG PA TING NGE 'DZIN MI GSAL BA SNYAM BYED PA SAGS SKABS 'GAR 'BYUNG BA NI RDO RJE THEG PA'I LAM GYI BOGS YIN PAS LTA BA GSAL STONG ZUNG 'JUG LAS MA G-YOS PAR GNANG BA ZHU, ZHAS PA GNANG BA LA BRTEN NAS BGAGS KYI 'CHING BA MTHA' DAG NAM MKHA' LA SBAL MDUNG BZHIN GROL, MKHAS GRUB CHEN PO 'DI NYID LA MKHA' SPYOR SKOR GSUM DMAR CHEN SKOR GSUM SOGS KLU BA'I GSER CHOS BCU BZHI, RDO RJE NAG PO CHEN PO GUR GYI MGON PO, DPAL MGON STOBS 'PHROG DBANG PO SOGS KYI CHOS SKOR THUN MONG DANG THUN MONG MA YIN PA, GSHED DMAR SPROS MED, BKA' GDAMS SOGS BSAN PA SPYI BYA BRAG GI ZAB RGYAS CHOS KYI BDUD RTZIS THUGS KYI BUM BZANG YONGS SU GANG BAR MDZAD DO, LAN CIG SHAR PHYOGS SU DGAG DGOS CHE BA ZHIG LA PHEBS PA'I STA GON GYI TSE GRANG MO CHE'I MGON KHANG GI RU MTSON RNAMS LA BKA' BSGO 'PHRIN BCOL MDZAD PA'I DUS GZIMS SNANG LA DE'I THANG KYI NAM MKHAR RDO RJE SRIN PO SKU SHIN TU CHA BA ZHIG GIS PHYAG G-YAS KYIS GRI GUG SGO CHAD TZAM 'CHAR STABS SU BZUNG BAR ME LCA CHA ZHANG RTZUB PA'I CHA CHA PHYOGS BCUR 'PHRO BA GSAL BAR GZIGS SHING, DAR MA ZAD GNYAN MGAN CHEN PO DANG PHO NYA LAS MKHAN RNAMS KYIS LOG PAR 'KHU BA'I DPUNG TSOGS RNAMS PHYA MA LAB DANG ME LCE'I CHUL BZHIN RDUL DU BRLAG PA'I GZIGS SNANG CI YANG BYUNG BAR MNGON, GTZUG LAG KHANG BSRANG BA'I RGYAL PA LI BYIN HA RA SAGS SNANG SRID KYI DREGS PA CAN MANG POR BKA' RTAGS KYI SPRINGS YIG STZAL BA DAG KYANG GCUG TOR GYI RTZE MOR 'GOD CING DAM LAS MI 'DA' BAS

, ,'PHRIN LAS CHUL BZHIN DU SGRUB PA MANG LA, DE BAS CHES LHAG PA RDO RJE'I CHOS SKYONG RNAMS KYANG BRAN DU 'KHOL TE JI LTAR BSGO BA LHUR LEN PAS, THAMS CAD MKHYEN PA MKHYEN BRTZE'I ZHABS KYIS MDZAD PA'I BSTOD PAR, GUR GYI MGON PO DPA' BO BRAM ZE'I GZUGS, ,'CHI BDAG DBANG PHYUG GING LNGA GZA' GDONG SOGS, ,DAM CAN RGYA MTSO MNGON SUM BRAN DU 'KHOL, ,MTHU STOBS NUS PA'I GTER LA GSOL BA 'DEBS, ,ZHES BYUNG BAS KYANG SHES NUS, ,DE YANG KUN SPANGS RIN PO CHES KHYED LA MKHA' SPYOD MA'I BYIN RLABS BYAS RES KYIS LTAS YA MTSAN PA RE YONG GIN 'DUG PAS MKHA' SPYOD DU MYUR BAR 'KHRID NYEN YOD TSUL TSE SGRUB LA NAN TAN SKYED MDZOD SKU TSE RING BA BYUNG NA BSTAN PA DANG SEMS CAN LA PHAN ZHING MTHU STOBS CHEN PO YONG BA'I LUNG BSTAN LTAR SNGA GONG ZHIG GZIGS SNANG LA SKAS RING PO BTZUGS PA LA BUD MED MDA' DAR KHYER BA GSUM BABS BYUNG NAS KHYED GDAN 'DREN LA YONGS ZER BAR DA LTA NGA LA PHA MA'ANG YONG PAS MI 'GRO GSUNGS PAR BUD MED DE RNAMS LOG SONG, GRANG MO CHER BZHUGS SKABS SHIG 'OD GSAL GYI NGANG DU RJE BTZUN RDO RING PA CHEN PO BYON TE DA LTA RGYA GAR LHO PHYOGS NA MU STEGS KYI RGYAL PHO STOBS CHE BA ZHIG YONG PAS DE 'DUL DU KHYED 'GRO DGOS PA 'DUG GSUNGS PAR BRTEN ZHAG 'GA'I BAR BLA MA LA GSOL BA 'DEBS PA MDZAD PA NA 'JAM DBYANGS MKHYEN BRTZE'I DBANG PHYUG SKU DRUNG DU BZHUGS PA'I NUB CIG DAG SNANG DU NAM MKHA' NAS MTHONGS KHUNG LTA BU SKYA SHAR RE BA NAS RUS PA'I SKAS BTZUGS PAR BU MO DMAR ME LO BRGYAD TZAM LON PA RUS RGYAN CHAB BE BA BTAGS PA ZHIG RGYAB 'BAB

TU BYUNG NAS RJE BTZUN RDO RING PA CHEN POS KHYOD 'BOD DU BTANG PA YIN 'GRO'AM MI 'GRO ZER BA LA THAGS MI SPRO BA'I RNAM PAS LAM 'BRAS BSHAD 'PHRO YANG YANG GSUNGS PAS SKAS DE LA RGYAB 'DZEGS KYIS LOG SONG RJES SKAS BSDUS SHING MTHONGS KHUNG MI SNANG BA BYUNG NA YANG LTAS DA DAG DANG RDO RJE BTZUN MOS MKHA' SPYOD DU GSHAGS PAR BSKUL BAS ZHANG KHAMS 'PHO'AM DGONGS PA'I THUGS SOM NYIR GYUR PA'I TSE, RE ZHIG LON PA NA KUN SPANGS RIN PO CHE 'OD GSAL GYI NGANG DU BABS NAS MU STEGS PA'I RGYAL PO RGAN PA DE SHI BAS GZHON PA DANG KHYAD LAS 'BRAL MI 'DUG DA LAM GZHAN ZHIG BTANG YOD SKOR CIG 'BYON MI DGOS 'DUG GSUNGS PAR SNANG ZHING, SKAL LDAN GYI SLOB MA MANG POS YUN RING POR BZHUGS PA'I RTEN 'BREL GYI SGO SGRIG PA'I GSOL BTAB DANG, RJE BTZUN AA BA DH'U TA PA'I BSLAB BYA'I GSUNG RNAMS THUGS KYIS DRAN TE KHA BA RI PA RNAMS KYI BSTAN 'GRO'I CHED DU SKU CHE BYIN GYIS BRLABS PA NI, 'PHAGS PA YONGS SU MYA NGAN LAS 'DAS PA'I MDO LAS, DE BZHIN GSHAGS PA'I SKU NI RDO RJE'I SKU YIN TE, DENG PHYIN CHANG KHYOD KYIS DON 'DI RTZE GCIG PA'I SEMS KYIS YID LA BYA YIS, ZAG BCAS KYI SKUR NA MI BSAM MO,, ZHES 'JA' LUS RDO RJE'I SKU 'GRUB PA THAMS CAD KA DANG TSUL YIN ZHING GDUL BYA SO SO'I LAS SNANG GI DBANG GIS MTHONG TSUL SNA TSOGS 'BYANG BA NI, MYANG 'DAS RGYA GAR 'GYUR LAS, RES 'GA' NI SEMS CAN RNAMS KYIS DE BZHIN GSHEGS PA GRONGS SO SNYAM PU YANG DAG PAR SHES MOD KYI, DE BZHIN GSHEGS PA NI DUS THAMS CAD DU RTAG PA DANG BRTAN PA NGANG THAR ZUG PA YIN TE, ZHES 'BYUNG BA LTAR RO,

, ,GSANG BA'I BDAG POS RJES SU BDUNG BA'I 'A ZHA NAM MKHA'I MTSAN CAN SPYIN BDAG GI GTZO BO THUGS DAD SHIN TU CHE BA'I KHAR GSHEGS PAR SNGON DU PHYOGS TSE SKYABS 'JUG GI GSOL 'DEBS NAN TAN DU MJAD PAS THUGS RJE'I RGYUD BSKUL BA'I MTHUS MTSAN BCAS MCHAN MED KYI SKYABS 'JUG CHED DU BSTAD BA RGYUN MAR GNANG ZHING, RJE BTZUN RDO RING PA CHEN POS RJE NYID LA BLTOS PA THAMS CAD RJES SU 'DZIN PA'I ZHAL BZHES YOD PA BZHIN THUGS YUS PA'I RNAM PAS GSOL BA RTZE GCIG TU BTAB PA NA, THUGS DAM 'OD GSAL ZHIG LA RJE BTZUN GNYIS SNGANGS ZHABS BYON NAS GNAS GSAR BA'I SDE PA KHONG BDAG CHEN RDO RJE 'CHANG YAB SRAS KYI BSTAN PA STOBS KYIS 'DZIN PA'I SPYIN BDAG KHYAD PAR CAN YIN GSHIS CHOS SKYONG SRUNG MA RNAMS KYIS KYANG LUS DANG GRIB MA BZHIN 'GROGS NAS GROGS BYED KYI NA 'DUG, 'ON KYANG SNGON GYI LAS SHUGS SHIG GIS RGYA NAG GI MTHA' 'KHOB TU RU DRA MO ZHIG GI MNGAL DU ZLA BA BDUN TZAM GNAS RJES MA DE CHOS SKYONG RNAMS KYIS BSGRAL NAS PHYAG NA RDO RJE'I DRUNG DU SKYE BA BRANGS TE DON 'GRUB PAR MCHIS MOD, KHYED KYIS 'BAD RTZOL MDZAD NA YUN THUNG DU ZHIG GIS CHOG PA 'DRA GANG LTAR DO NUB MJAL BAR 'ONG GSUNGS PA BZHIN CHED DU THUGS 'DUN BSTANG PAS TSES BCO LNGA'I NUB A'A TZARYA 'DRAS BRTEN NAS SDE PA SNGON DUS KYI SRID PA'I CHA BYAD BZHIN BYUNG STE, KHO BO TSE 'PHOS RUNG BLA MA RNAMS KYI THUGS RJE DANG GROGS A'A TZARYA 'DI RNAMS KYIS BYAS PAS RGYAL KHA BYUNG, DA LTA LHA'I SGOM BZLAS DANG GTOR BSDOS KYANG MA CHAG PHYAG RDOR GYI GSAL 'DEBS SHIG DGOS ZHU BA LTAR PHYAG 'KHRID MDZAD,

DE NAS ZHAG GSUM GYI RING GSANG BDAG GI DKYIL 'KHOR DU BCUG STE MTSAN BYANG LA DBANG BSKUR LAM STON MDZAD PAS ZHAG 'GA' ZHIG SONG BA NA 'BRUG GI SGRA SNYAN PO BYUNG BA'I RKYEN GYIS GZIGS PA'I TSE NOR BU MIG GSUM PA 'OD ZER 'PHRO BAS GZIMS CHUNG GI NANG GNAG BA BYUNG BAS SDE PA DE GNOD SPYIN BDE LDAN 'OD ZER ZHES 'BRUG GI BZHON BA CAN GYI RNAM PAR LCANG LO CAN DU SKYES TE, DPAL GSANG PA'I BDAG POS RJES SU BZUNG PAS RJE 'DI NYID LA DRIN LAN BSAB PA'I CHED DU NOR BU PHUL BAR SNANG, SNGE PA GSHEGS RJES RJE BLA MA BO DONG NAM MYUR TU PHEBS 'JAM DBYANGS MKHYEN BRTZE'I DBANG PHYUG GTZO BOR GYUR PA'I ZHIL NGO RNAMS DANG DON GNYER CAN NYI SHU SKOR LA N'A RO TA BA'I SLOB BSHAD KYI BYIN RLABS, RTZA DBU MA'I NYAMS 'KHRID ZAB MO DANG CHOS SKOR RNAMS STZAL, SAMS NYID GSAL STONG GSANG BA'I RJE BTZUN MA GCER MTHONG DU NGO SPRAD PAR BRTEN, MKHYEN BRTZE'I GSUNG YAS, AA HO RGYAL YUM DBANG MOS MNGON SUM DU, DU MA'I SKYI BAR RJES BZUNG BLA MA MCHOG ,MCHOG 'DIS ZAB MO'I NYE LAM 'DI BSTAN CHE, ,TSE 'DIR MKHA' SPYOD SGRUB LA THE TSOM KHRAL, ,ZHES GSUNGS, RIM GYIS SHANGS SREG SHING RIN CEN SGANG GI DGON PAR SDE PA GNAS GSAR BAS SBYAN DRANGS PA BZHIN PHEBS, DPAL LDAN CHOS SKYONG GI THUGS BCUD 'JAM DPAL DMAR PO'I DBANG BYIN RLABS, ZAB YAS SPROS PA MED PA'I NYAMS 'KHRID ZAB MO SHIN TU SMIN PAR GNANG BAS MKHYEN BRTZE'I GSUNG LAS, DPE NAG BLTAS PA'I BSHAD EYAMS TZAM MA YIN PAR THUGS NYAMS SU JI LTAR MYONG BA BZHIN BSTAN PAS SEMS KYI SGRO 'DOGS THAMS CAD DER CHOD,

, ,SLAR GRUB THOB TU BTAGS PA'I BLUN PO 'GA' RE'I RKANG PA LA GTUG DGOS BSAMS PA'I BLO RTZA BA NAS BUNG LAM DANG LAM MIN PA'I SHAN CHOD PA ZHIG BYUNG STE, 'JAM DPAL KHROS PA DUS DGRA'I DBANG PO DAS, ,'JAM PA'I DBYANGS KYIS THUGS BSTAN 'DI BSTAN CHE, ,'JAM DBYANGS BZHAD PA'I DON DU KHO BOS RTOGS, ,'JAM DBYANGS DNGOS SU BYON KYANG ZHU RGYU MED, ,CES GSUNGS RIM BZHIN BSTAN PA'I SBYIN BDAG CHEN PO'I THUGS NGO DANG BSTUN 'O YUG SDINGS MAR PHEBS THUGS SRAS MKHYEN BRTZE'I DBANG PHYUG LA RJE BTZUN YAB DANG THUN MONG BA'I RTZA DBU MA'I 'KHRID SOGS STZAL, NGA NAS RJE BLA MAS KUN MKHYEN MKHYEN BRTZAL DA LO ZHA LUR GNAS SKOR DANG SBRAGS NAS BYON BU LUGS KYI DBANG RNAMS THOB NA MA THOB NA MDZOD, CHOS LUNG DU BZHUGS MKHAN KHRI KHANG RJE BTZUN MA RANG KHUNGS DAG PAS DAR ZHU BA DANG RNAM SRAS KYI DBYANGS ROL 'DRA YANG RTZAD GCOD DGOS PA'I BSLAB STON GNAD BA NI YAB SRAS GNYIS KA ZHA LU'I MKHAN THOG TU PHEBS PA'I MNGON MKHYEN DU MCHIS, RJE 'DI NYID DBUS NAS MGYOGS 'KHOR ZHIG MDZAD NAS KHRI KHANG DU PHEBS DUS RJE MKHYEN BRTZE'I DBANG PHYUG LA BDE MCHOG NAG PO PA'I DBANG DANG ZHAL BZHI PA'I GSANG 'KHRID GNANG, RJE'I DRUNG NAS KYANG GSER DNGUL SOGS 'BUL BA STOBS CHE BA BSTAR RO,, MANG THOS NOR BU'I GDENGS CAN KLU YI DBANG, ,RIG PA SRID SGRUB MDA' BZHIN RAB DRANG BAS, ,RGYA CHEN GZHUNG BRGYA SMAL MTSO BYUNG MA, ,SNYING ZHUGS MKHAS NGES KHYOD ZHABS GTZUG TU BSTEN, ,SLOB BSHAD KHYAB 'JUG RKANG TOG SNOD LDAN GYI, RGYAL MTSAN

RTZAR BKOD DGA' STON LA ROL KYANG, ,THUN MONG RJES 'BRANGS LHA MIN DOGS BRAL BA, ,SKAL LDAN SHING RTA GNYIS PA SA 'DIR SNANG, ,KHRAG 'THUNG GAR LA BZHENGS PA'I ZHABS SEN RDUL, ,MA MGAN MKHA' 'GRO'I THOR CHUGS RTZER 'DZEGS NAS, , BKA' RTAGS RI MO SDE BRGYAD GTZUG 'CHAR BA, ,RGYAL PHRAN 'KHOR SGYUR LUNG GI RJES 'GRO BZHIN, ,'CHI MED TSE BYIN BRLABS PA GZHOM BRAL SKUS, ,GSANG BDAG RIG PA 'DZIN PA NAM MKHA'I MTSAN, ,MKHA' LA MKHA' YI SBYOR BA JI BZHIN DU, ,LAG NA RDO RJE'I 'KHOR LOR SMIN CING GROL, ,GSOL 'DEBS LAS, 'DREN PA MCHOG GIS SNGON NAS LUNG BSTAN CING, ,CHOS SKYONG LHA MOS GUS PAS SBYAN DRANGS TE, ,DPAL LDAN ZHA LU'I CHOS KYI GDAN KHRI LA, ,ZHABS PAD MDZES PAR BKOD LA GSOL BA 'DEBS, ,DPAL PHUG RNAM PAR GROL BA'I PHO BRANG DU, ,SLOB BSHAD ZAB MO'I CHOS KYI 'KHOR LO BSKOR, ,MKHAS GRUB SLOB MAS SA GSUM KUN KHYAB STE, ,BSTAN PA NYIN MOR MDZAD LA GSOL BA 'DEBS, ,ZHES SNGAR MKHYEN RAB RIN PO CHOS RJE BTZUN RDO RANG PA CHEN POR ZHA LU'I GDAN SA MDZAD PA 'CHAR SHAS KHA BAS DED KYI TSA BO 'DI LA'ANG MGO 'DON LEGS PO MDZOD GSUNG BAR BDAG DE 'DRA MI BYED ZHUS PAS KHYED MI MDZAD NA NYID KYI GRA PA ZHIG LA NGES PAR 'OD GSUNGS PAR BRTEN, RDO RING RIN PO CHES SNGAR GYI LA RGYUS DANG BCAS BRAG DKAR SEMS DPA' CHEN POR KHYED MKHAN PO MDZAD DGOS PA YONG SHAS CHE GSUNGS PA'I LAN DU BDAG GIS YOD YANG MI YONG BYED KYANG MI BYED ZHUS BAS DES NA CHOS RJE TSAR PAS MDZAD 'GRO NYAN CHE GSUNGS PA DANG,

, ,DE MTSUNGS RJE NYID KYIS RGYAL YUM TSUL KHRIMS BZANG MO MJAL BAR PHEBS DUS KHYAD LA 'DI MKHO BA'I DUS SHIG 'ONG CIS KYANG GSAN MDZOD CES LHA MO RDO RJE RAB BRTAN MA'I RJES GNANG LUNG RNAMS RDZOGS PAR STZAL BA'I BLA MA GNYIS KYI LUNG BSTAN DUS BABS DANG, BU STON RIN PO CHE SLAR YANG RANG BSTAN LA BSAMS BZHIN SKYE BA BZHES PA'I SMON LAM GYI MTHU BRTAS TE ZHA LU'I CHEN SLOB THAMS CAD MGRIN GCIG DBYANGS GCIG PA'I TSUL GYIS MKHAN BO'I GSOL 'DEBS LA YOD BA'I SNGON DU NUB CIG MNAL DU SONG TSUL BSTAN PA'I SROD 'KHOR LA BUD MED SMUG NAG 'JIGS SU RUNG BA MCHE BA GTZIGS SHING RAL PA DMAR SER RTING PAR SLEBS PA ZHIG BYUNG NAS KHYED KYIS ZHA LU'I GDAN SA MDZAD DGOS ZER BA ZHIG BYUNG BA DPAL LDAN MA'I CHO 'PHRUL DU 'DUG CES ZHABS 'BRING PA 'DRA LA GSUNGS, THO RENGS THOG KHA NAS RJE NYID KYIS ZHAL SHAR DU GZIGS TE DUNG DKAR PO ZHIG BUS PA SKAD SHIN TU CHE BA BYUNG, SANG NYIN PHYAG PHYI RNAMS LA DE RING SU BYUNG YANG GTAM KHA MA LEN SO MA SONG PA LAS MED PHEBS PAR CUNG ZAD SONG BA NA KHANG RNYING SLOB DPON RNAM SRAS, RIN SPUNGS BYAMS PA BA SOGS ZHA LU'I MKHAN POR PHEBS DGOS PA'I SNYEN GSAN 'BUL MI RNAMS SLEBS, RGYU MTSAN GSOL BAR ZHAL GYIS MA BZHES PA'I DE NUB MNAL LAM DU KUN SPANGS RJE BZHUGS GDAN DMA' BA LA NA BZA' HRUL ZHING ZHAL MDANGS NGAN PA ZHIG BYAS BZHUGS NAS KHYED LA ZHA LU'I GDAN SA'I SNYAN GSAN BYUNG NGAM GSUNG BAR BYUNG YANG KHAS MA BLANGS GSOL BAR SKYAG RE LA AA NGAS NA NING NAS KHYED LA BYAS PA MIN PA AE YIN GSUNG BA

LUNG BSTAN DU DGONGS NAS MKHAN PO'I ZHAL BZHES MDZAD PA'I MTSAN LAM DU, RDO RING RIN PO CHE SKU MDANGS DANG NA BZA' LEGS SHING SHIN TU DGYES PA'I RNAM 'GYUR STON PA ZHIG BYUNG, DE NAS SRIN PO ZHES PA SHING YOS SOS KYI DGA' STON LA BABS PA 'PHROD SBYONG DGE BA'I DUS SKYA RAGS KYIS CHIBS BSU DANG 'DUS TSOGS RNAMS KYIS 'PHAN GDUGS ROL MO SOGS MCHOD PA'I YO BYAD THOGS PA'I SER SPRENG, MCHOD GAR GYIS SNA DRANGS PAS MDUN BSUS DPAL ZHA LU GSER BKANG GI CHOS GRA CHEN PO SNYIGS DUS KYI RGYAL BA GNYIS PA BU STON RIN PO CHE'I SENG GE'I KHRIR PHEBS, DE'I TSE NAM MKHA' G-YA' DAG PA LA ME TOG GI CHAR 'DAB MA LNGA PAS MTSON LHA RNAMS KYIS MCHOD PA'I CHED DU PHAB CING, GAN SPOS KYI DRI 'DRA RUNG BA LA ZHIB TU BRTAGS NA SNGAR TSOR MA MYONG BA'I DRI BSUNG GIS KHYAB PA SOGS NGO MTSAR BA'I LTAS PHUN SUM TSOGS PA BYUNG, SNGON MTHU CHEN GANGS PA SH'AKA 'BUM GYI SLOB MA SNGAGS RNYING MA BKA' GTER THAMS CAD LA MKHAS SHING GRUB PA BRNYES PA'I G-YUNG STON RDO RJE DPAL ZHES GOS DKAR LCANG LO'I 'PHRENG BA 'DZIN PA'I SNGAGS 'CHANG CHEN PO DES PHUNG PO RI BO CHE NAS GTUM MO DUB HRUL MA'AM, GSAR MA BA RNAMS TZA MUntIR 'BOD PA'I ZHAL BRNYAN MA HE'I GDONG CAN ZHIG GTER NAS BZHES PA DANG CHA 'DRA BA'I YAB KYI ZHAL 'BAG CIG KYANG BZOS PA'I RVA NANG DU THAMS CAD MKHYEN PA BU STON CHOS RJES GSOL ZAN GYI LHAG LA GSHIN RJE PHO BRGYAD MO BRGYAD KYI GZUGS BRNYAN PHYAG BZO MDZAD PA BCUG PAS BYIN RLABS SHIN TU CHE BAR BYUNG BA, YOS LO ZLA BA BCU GNYIS PA'I DMAR CHA LA BSTAN 'GRO'I PHAN BAD SPEL BA DANG

, ,BSAM SBYOR NGAN PA 'CHANG BA'I GZUGS CAN GZUGS MED RNAMS TSAR GCOD BA'I CHED DU MA HE MCHOD BA'I SROL BTZUGS, THOG MAR DAM BZHAG GNANG MKHAN CHOS RJE THAMS CAD MKHYEN PA, ZHAL BRNYAN BZHES PA PO SNGAGS 'CHANG G-YUNG GIS MDZAD DE 'PHRIN LAS RNAM BZHI THOGS MED DU SGRUB PA'I DBU BTZUGS, DE NAS MKHAN THOG MANG PO'I BAR LO SKOR RER 'CHAM PA'I SROL RGYUN NYAMS MAD DU BYUNG NA'ANG BAR SKABS SU 'TSUB KYI RNAM PAS SHANGS MTSAL SHOR BA PHYAG ZHABS RENGS PA RE GNYIS BYUNG BAR BRTEN LA LAS DMOD NAS 'THOR BA TZAM LAS BKA' BSGO MA MDZAD PAS NUB BAR NYE BA'I LO SKOR GCIG GNYIS MA HE 'CHAM GRA'ANG CHAG PAS 'CHAM DGOS PA'I LTAS SNA TSOGS BYUNG BA NAS SBYIR RJE 'DI NYID MKHAS GRUB KYI SNYAN PA CHE BAR MA ZAD BYE BRAG MTHU STOBS KYI GRAGS PA PHYOGS KUN TU KHYAB PA'I MTHUN SNANG GRUB GSHIS DE DUS BU LUGS KYI CHOS RGYUN SGRUB MCHOD SOGS BSTAN PA NYAMS CHE BA GSO BA DANG LHAG PAR MA HE'I BKA' BSGO MDZAD DU RE BA'I SNGAR GYI RGYUN RNAMS DANG BCAS BSTAN PA SPYI BYE BRAG GI 'PHEL RGYAS DANG SKYE RGU'I BDE THABS LA DGONGS TE, CHOS RJE THAMS CAD MKHYEN PA'I GSANG BA'I CHOS SKYONG LAS KYI GSHIN RJE LA BKA' BSGO BA GNANG DGOS ZHES ZHUS PA BZHIN ZHAL GYIS 'CHAS, DBUS GTZANG GI SDE BRGYAD GNAS SA GNYAN PO MTHA' DAG TU DUS TSES 'DI LA SHOG CIG PA'I BRDA 'GREMS SU RLUNG SEMS LA NANG BYAN CHUD PA'I RTOGS LDAN SKAD GTONG RDZONG BDA' MDZAD, DAM PA 'DI NYID LAS SHUGS DBANG THANG RIM GRO SOGS LA RE BA DANG, 'PHRAL DU ZLA SBREL GYI BSNYEN BA TZAM

GYIS PHAN DU RE BA'I RIGS MA YIN PAR DUS DGRA'I DBANG PO MA HE'I ZHAL CAN GYI BSKYED RIM LA BRTAN PA THOB, RDZOGS RIM KLONG DU GYUR, BSNYEN SGRUB PA MTHAR SON PAS 'JIGS PA DANG BRAL NA'ANG GSANG SNGAGS PHYAG LEN GYI CHE BA MI NUB PA'I SLAD DU BDUN GNYIS KYI BAR LJAGS BSNYEN KHA GSO MDZAD PA'I TSE 'ONG GSAL DU 'TSO BDAG YAB YUM LA GSHIN RJE LO BRGYUD MO BRGYAD, LHA SRIN DREGS PA'I TSOGS KYIS BSKOR NAS ZHA LU'I RDO GCAL DU STANG STABS BYED PA SHAR, SPYI SGOS SO SO NAS GRA SGRIG DAGS PA'I RIGS SNGAR SROL 'PHYUGS MED YONG BA'I ZHAL TA GNANG, DUS DER SPO YIG GNANG PA 'DI LTA STE, SHR'I MANGGU RU BADZRA BHAm RA W'A YA NA MA: RGYAL BA KHYAB BDAG RDO RJE 'CHANG CHEN PO NYID NAS BZUNG BU STON THAMS CAD MKHYEN PA YAB SRAS KYIS GTZO MDZAD BDAG GI BLA MA RJE BTZUN GNYIS SPANGS ZHABS KYI BAR DU BYON PA'I RTZA BA DANG BRGYUD PAR BCAS PA'I DPAL LDAN BLA MA DAM PA RNAMS KYI BKA', KHRO BO'I DBANG PO DPAL GSHIN RJE'I SHED KYI LUNG, DPAL ZHA LU GSER BKANG GI GDAN SA BCU GSUM PA SH'AKYA'I DGE SLONG RDO RJE 'DZIN PA DPAL DUS DAG NAG PO MA HE'I ZHAL GYI BRTUL ZHUGS GRUB PA'I YI GE, SRID PA GSUM NA GNAS SHING RGYU BA'I 'BYUNG BO MI DANG MI MA YIN PA RNAMS LA ZLO BA, ZLA BA 'DI'I NYER GSUM GYI NYIN LHO PHYOGS RIM PA BDUN GYI SA 'OG 'JIGS RUNG GSHIN RJE'I GRONG KHYER CHEN PO NAS DPAL GSHIN RJE'I GSHED KYI BKA' SDOD CHEN PO 'CHI BDAG LAS KYI GSHIN RJE YAB YUM DANG 'KHOR LAS KYI MA GSHIN PHO MO SNANG SRID LHA SRIN SDE BRGYAD DANG BCAS PA SPYAN DRANGS, MCHOD PA DANG GTOR

, ,MA DANG BSTOD PAS MNYES BAR BYAS, DMAR CHEN GYI AARGHAm DANG RDO RJE BDUD RTZI'I MNA' CHU BLUNG, DAM TSIG RDO RJE 'BAR BAS DAM LA BZHAG CING BKA' BSGOS TE RGYAL BA'I BSTAN PA RIN PO CHE DAR ZHING RGYAS LA YUN RING DU GNAS BA DANG, SKYE RGU SEMS CAN YONGS KYI BDE SKYID 'PHEL BAR BYA BA'I CHED DANG KHYAD PAR CHOS GRA CHEN PO 'DI NYID KYIS GTZO BYAS DGE 'DUN GYI SDE DANG RNAL 'BYOR 'KHOR BCAS BDE ZHING DAM PA'I CHOS SBYOD PA'I 'PHRIN LAS 'CHOL BA DANG, DE DAG LA GNOD CING BAR DU GCOD PA'I MI DANG MI MA YIN PA RNAMS SRUNG MA DAM TSIG CAN RNAMS KYIS RANG RANG GI KHAS BLANGS DANG DAM TSIG RJES SU DRAN PAS MCHOD GTOR GYIS TSIM PAR GYIS LA MTHU DANG NUS PA STOBS DANG RDZU 'PHRUL GANG YOD KYIS BCOL BA'I 'PHRIN LAS SGRUBS, 'DIR 'DUS SHING TSOGS PA'I MI RNAMS KYANG BSAM SBYOR DGE ZHING ZHI BA'I SGO NAS NGO MTSAR GYI LTAD MOS YID TSIM PA DANG MA RUNGS PA'I LAS BYAS NA 'DI LTA BU'I 'PHRIN LAS KYI SGO NAS TSAR BCAD 'ONG SNYAM PA'I SKRAG SHES PAR GYIS, GAL SRED KHA DRAG SHED KHYER MI SHA KHA MCHU GSAR RNYING 'BREL BU LON, GTES GTING 'DZIN, SBYOD NGAN GSHIS NGAN GYI SGO NAS RGYA 'DRE 'THAB RTZOD, GZINGS RKYEN BYAS PA BYUNG NA CHOS SDE CHEN PO'I SPYI SA NAS LUGS GNYIS DANG MTHUN PA'I TSAR GCOD PHYIS LAM KHEGS PA GTONG BA DANG 'JAM DPAL GSHIN RJE'I GSHED KYI RNAL 'BYOR PA RAB TU KHROS PAS BKA' BSGOS TE GTES PO SU YIN PA DE 'CHI BDAG GSHIN RJE NAG PO'I ZAS SKAL DU STER BAS NGES PA GYIS, SO SO THA DAD NAS DRAN 'DZIN DANG BAG YOD LA GNAS PA DGE

ZHING ZHIB GAL CHE, ME PHO 'BRUG LO HOR ZLA BA TU GNYIS PA'I TSES BCU LA DPAL ZHA LU GSER BKANG GI BLA BRANG CHOS DBYINGS BDE BA CHEN PO'I PHO BRANG NAS BRIS, ZHES ZLA BA BCU GNYIS PA'I NYER GSUM GYI NYIN THAMS CAD MKHYEN PA BU STON RIN PO CHE'I BZHAGS KHRI'I STENG DU PHEBS PA'I MTHA' SKOR GYI KHYON KUN SKYA SER GYI KHROM KHRI PHRAG TU BRGAL BAS BSKOR, ZHA LU CHOS SDE BA RNAMS KYIS RDO RJE 'JIGS BYED KYI SGO NAS DBYU GU DRUG CU RTZA BZHI'I CHOG LAS KYI GSHIN RJER MCHOD BSHAGS BSKANG MDOS RGYAS PAR BSTAD, LHO PHYOGS NAS 'OG RIM PA BDUN GYI RNAM PA'I KHANG PA NAS 'CHI BDAG LAS KYI GSHIN RJE YAB YUM LA 'KHOR LHA GRIN SDE BRGYAD KYI 'BAG CHAS GOS KYI KHA DOG RNAM PA SNA TSOGS PA 'GROS KYI RKANG GRANGS KYI NGES BZUNG MED PA'I YID LA GANG SHAR GYI 'CHAMS STABS DANG, NGAG NAS SKU SGRA BSO SGRA SOGS SGRA SNA TSOGS SKROG PAS PHAL CHER RNAM RTOG DANG YANG BA'I GNAS SU 'GOD PA'I GTZO 'KHOR DE RNAMS SGRUG SIL RDA DUNG CHEN GYIS GCOS PA'I ROL MO GNAM SA 'GAS PA LTA BUS YAR SPYAN DRANGS TA KHYAMS RAR 'KHOR LUGS SNGAR SROL JI LTA BA LA, RJE BLA MA'I DRUNG DU KHAD NYER SLEBS PA'I TSE SHES PA RANG BZHIN DU GNAS PA'I MIS 'BAG BOD GYON PAR KHU 'KHRIS YOD DON MI 'DUG RUNG ZHAL BRNYAN GYI YE SHES PA'I NUS PA 'JUG GI YOD PA ZHIG YIN NAM RJE'I DRUNG DU 'GRO BA LA 'JIGS PA LTA BU'I 'GRO MA NUS PAR TSO 'THEN BYAS PA'I NGANG NAS RIM GYIS 'ONGS TE MGO BOS BTUD PA NA, 'JAM DPAL DRAG BOR KHROS PA'I NGA RGYAL GYI DPA' GDENGS NANG DU SHAR BA'I PHYI ROL TU SKU MDANGS DMAR SMUG TU 'GYUR, GDUNG SHUGS DRAG

, ,POS RTZA BRGYUD BLA MA'I MTSAN NAS BRJOD PA SOGS BKA' BSGO BA'I TSIG RNAMS KHROM PA KUN GYI RNA PA'I YUL DU THOS PA DANG CHABS CIG PAR GTZUG TU RDO RJE DANG LCE THOG TU BDUD RTZI BZHAG NAS BSTAN 'GRO'I PHAN BDE SPEL ZHING, GZUGS CAN DGRA DANG GZUGS MED KYI BGEGS DBUNG THAMS CAD TSAR GCOD PA SOGS 'PHRIN LAS RNAM BZHI SGRUB PA'I DAM BSGRAG MDZAD PA'I TSE YE SHES KYI KHRO BO'I GZI BYIN DANG SDE BRGYAD KYI 'TSUB LHONGS KYIS DER 'KHOD THAMS CAD 'JIGS SHING SKYI G-YA' BAR GYUR, BKA' BSGO GRUB MTSAMS NANG DU 'KHOD PA'I DAD LDAN RNAMS NI GANGS RI LA ZLA BA SHAR BAS DKAR BA BZHIN SNGAR BAS KYANG GUS PA CHES CHER 'PHIL, KUN MKHYEN BU STON ZHABS DANG RJE BTZUN KHA'U PA'I RING LUGS LA SNYING NAS SMOD CING 'TSE BDAG 'CHI BDAG GSHIN RJE'I DMAR ZAS SU BSTAB SONG SNYAM PA'I YID KHONG DU CHUD, BZA' NGAN DANG BRAL PA'I BTANG SNYOMS CAN RNAMS DANG TSOD BGAM PAR BYED PA RNAMS NI TSAR BA CHOS RJE KHONG LAS SHUGS KYI DBANG THANG DANG RDZAS BSOD CAN MIN 'DUG KYANG YI DAM GYI LHA'I GCANG BA THOB CING SNGAGS SMYON BGRANGS PA'I NUS CAN ZHIG GO ZHES CA CO'I SGRA DIR DIR DU GLENGS, LAS KYI GSHIN RJE'I GTOR MA BSTAN DGRA GANG YOD KYI PHYOGS SU 'PHANGS SHING SDE BRGYAD RNAMS KYANG DNGOS BSHAMS YID KYIS SPRUL PA'I TSOGS KYI 'KHOR LOS TSIM NAS BKA' BZHIN SGRUB PA'I YI DAM BRTAN POS SO SO'I GNAS SU DENGS DNGOS GZHI KHROM MI 'JAM PA SOGS MA BYUNG NA'ANG ZHAG KHONGS DER ZHA LU BAR SHIN TU GNAG PA'I BSTAN DGRA ZHIG KHRAG SKYUGS PA'I

RKYEN GYIS DUS KYI PHO NYA'I DBANG DU SONG, RNAM SRAS MCHOD PA SOGS RGYAS PAR MDZAD, ME 'BRUG LO NAG PA ZLA BAR KUN MKHYEN MKHYEN BRTZE'I ZHABS, KHYAB BDAG BOD MKHAR BA CHEN PO, MKHYEN RAB CHOS RJE'I DBON PO SOGS GRA PA NYIS BRGYA LHAG PA LA 'JAM DPAL GSHIN RJE GSHED DMAR PO LHA LNGA'I DBANG CHA DGU TZAM DANG, SBROS MED KYI 'KHRID SOGS SO SO'I BLO DANG 'TSAM PA'I DBANG RJES GNANG LUNG MAN NGAG RGYA CHER STZAL, SGRUB MCHOD CHEN MO'I TSOGS DBUR PHEBS PA'I GUNG GSENG ZHIG LA CHOS RJE THAMS CAD MKHYEN PA'I SKU 'DRA'I DRUNG DU GCIG PUR BZHUGS TE GDUNG SHUGS DRAG PA'I GSOL 'DEBS MDZAD BAS SKU DE GZI MDANGS RJE CHER RGYAS SHING SKU'I CHA SHAS THAMS CAD LAS 'OD ZER SNA LNGA 'PHROS NAS BAR SNANG KHYAB BA DANG SLAR TSUR 'DUS LA LA RJE NYID KYI SKU LA THIM, LA LA SKU 'DRA RANG LA THIM PA'I THUGS NYAMS SHAR, MI RING BAR SBRUL SKU BDE BSAM PAS GZIGS SNANG JI LTAR BYUNG BA'I SKU ZHIG KYANG THUGS DAM RTEN LA BZHED DU BCUG, RI MTHIL GYI SGRIGS KUN SPYOD SGRUB MCHOD CHE CHUNG SOGS CHOS RJE THAMS CAD MKHYEN PA'I DUS KYI SROL RGYUN NYAMS PA RNAMS GSOS TE BSTAN PA RIN PO CHE NYIN MO LTANG GSAL BAR MDZAD, RA ZHIG STOD PHYOGS SU PHEBS GRANG MO CHE DANG RMU GSHONG DU RGYAD TZAM STAN CHAGS NAS ZHA LUR PHEBS SKABS SHIG LHA MO RDO RJE RAB BRTAN MA'I GTOR MA ZHAL BSGYUR BA SOGS DPAL LDAN MA 'DIS 'PHRIN LAS THAMS CAD SGRUB PA'I DGYES MTSAN GSAL BAR BSTAN, ME SBRUL ZLA BA DANG PO'I NANG DU THAMS CAD MKHYEN PA MKHYEN BRTZE'I ZHABS KYIS GTZOS PHYOGS 'DUS KYI SLEB MA MANG DU BYON, RI PHUG CHOS KYI PHO

, ,BRANG CHEN POR GSUNG NGAG RIN PO CHE SLOB BSHAD YONGS RDZOGS GNANG BAR KUN MKHYEN MKHYEN BRTZES KHA'U BRAG RDZONG BA'I BZHED PA MA NOR BA GSANG CHEN BSTAN PA RGYAS BYED CES BYA BA BUM DBANG GI RMI LAM YAN CHAD KYI THIR BRIS YID BZHIN GYI NOR BU LTA BU ZHIG MDZAD, ZLA BA BZHI BA NAS DON GNYER CAN DU MA LA DPAL GSANG BA 'DUS PA MI BSKYOD RDO RJE'I RIM LNGA'I 'KHRID SOGS BU LUGS KYI 'KHRID CHEN BZHI DANG 'KHRID CHUNG BZHI RNAMS KYI NYAMS 'KHRID RIM BZHIN CHOS THUN GSUM DU BCAD DE SO SO'I RGYAB RTEN GYI LUNG BCAS SMIN RGYAS DANG, GZHAN YANG MDO SNGAGS GYI ZAB CHOS JI SNYED CIG STZAL, DE YANG RIM LNGA GNANG GDONG DBAR MA THOB PA KHA YAR BYUNG BAR SMIN BYED MED KHA MED NAS RJE BLA MA BKA' CHOS GZHAN GNANG BA'I THUGS BREL GYIS G-YENGS NAS GNANG LONG MA BYUNG BAR KUN MKHYEN MKHYEN BRTZE LA KHYED KYIS GZHAN MA'I RGYAS BKAB SOGS 'DRES BSLAD MED PA'I BU STON THAMS CAD MKHYEN PA'I YIG CHA SOR BZHAG GI DBANG ZHIG BSKUR MDZOD BKA' PHEBS PA BZHIN THUN 'TSAMS KYI DGONGS MO BZHI TZAM ZHIG MAR ME LA GZIGS 'JUG MDZAD DE RDUL TSON GYI DKYIL 'KHOR DU DBANG CHA GNYIS GSUNG BZHIN BSGRUBS, ZHA LU PA'I PHA CHOS BDE CHEN RAL GCIG GI SMIN GROL GNYIS BAR ZHIG NAS YA BRAL TE RJE BLA MAS GROL BYED MA GTOGS SMIN BYED MA GSAN PA MKHYEN BRTZE'I ZHABS KYIS MCHOG SPRUL LEGS LDAN RDO RJER GSAN ZHING, 'DI GNYAN CHA CHE GRAGS KYIS MANG BOR SPEL BA MA MDZAD RUNG 'DI DUS RJE NYID KYIS NGA LAM NGAS BKA' RGYA BKROL BA YIN PAS 'TSUB MI YONG BSTAN RGYUN LA

DGONGS NAS CIS KYANG MDZOD CES GSUNG BA LTAR DBANG CHA GSUM LA BDE CHEN RAL GCIG LHA NYER LNGA'I DBANG BZHI, GZHAN DON ZHUS PA KHA SHAS LA BYIN RLABS GNYIS DANG BDAG PO CHEN PO'I DBANG YANG GNANG BAR BRTEN CHOS 'DI SNAM ZAD KYI MAR ME LTA BU'I SROG MTHAD PA'ANG TSAR CHEN BLA MA NYID KYIS BKA' DRIN KHO NAR SEMS SHING, RJES SU GAL CHUNG CHOS LA BYAS PA'I RGYUN NUB PAR NYE NA'ANG MKHYEN BRTZE'I ZHABS KYIS GSAN SKABS RIGS 'DZIN CHEN PO'I MCHOD DPON BLA MA AYON RGYAL PO YOD 'DUG PA NAS DBANG LUNG GNYIS KA GONG DKAR PHYOGS SU ME STAG TZAM ZHIG BYUNG MOD, LA LAR SBANG GI SHA MO RDOL BA LTA BU NI GANG YIN MA SHES, RJE BLA MAS YOS YO NAS BZUNG LO GSUM GYI BAR GDAN SA MDZAD NAS KUN SPANGS KYI DGONGS PA BSTOD PA'ANG THAMS CAD MKHYEN PA BU STON RIN PO CHE SKU NA DGRES SONG BA'I SKABS ZHA LU'I GDAN SA MI MDZAD GSUNG BA'I BKA' PHEBS PAS ZHA LU BA RNAMS KYIS NAN CHER ZHUS PA'I TSE 'O NA LO DRUG TZAM BYA YI ZHES ZHAL GYIS BZHES NAS GSUM SONG MTSAMS SU 'JOG PA GNANG BA'I TSE ZHAL BZHES KYI LO MA THENGS TSUL ZHUS PA'I LAN DU SPAR LO GSUM BYED GNANG BA SKU TSE RTING MA ZHIG LA DGONGS PA'I ZHAL BZHES GRUB PA DANG, SNGAR MKHAN CHEN THAMS CAD MKHYEN PA'I BKA' LAS, GNAS GSAR CHOS RJE NYID BU LUGS KYI CHOS SKOR GSAN PA DANG CHO GA PHYAG LEN GDANGS DBYANGS TSUN LA BSLAB SBYANG ZHIB MO DGOS PA'I RGYU MTSAN PHEBS PA'ANG MKHAN THOG TU 'BYON DGOS PAR DGONGS PA'I YE SHES KYI GZIGS PA GSAL 'GRIB MED PA'I THOG TU BABS PAS ZHA LU'I CHEN SLOB SOGS GRA RIGS SBYIN BDAG KUN MKHAN CHEN

, ,THAMS CAD MKHYEN PAS ZUR BZHUGS GNANG PHYIN CHOS RJE GNAS GSAR BA LAS 'OS PA GZHAN MED DO ZHES MGRIN GCIG DBYANGS GCIG TU GLENGS TE, SDE SRID RIN CEN SPUNGS PA LA SNYAN 'BUL PHUL PA LA'ANG SHIN TU LEGS BA DGONGS BSTAD BZANG PA'I BDE KHROL DANG, GTZO BOR RJE NYID KYI THUGS RJE'I GZIGS PA LHOD PA MOD PA SOGS RGYU RKYEN RNAMS 'DZOM PAR BRTEN ZHA LU SPYI SOS MKHAN PO'I SNYAN GSAN PHUL BAR, RJE BLA MA'I DGONGS BSTAD DANG BCAS BZLOG MA BDE BAR LO GCIG GZHAL LEN GNANG BA NA RJE NYID KYAS NGAS LO GSUM KHYED KYIS LO GCIG MDZAD NA SDE DGON TSOS PHYAG RTEN KYANG MI 'BYOR BAS GSUM NGOS PAR MDZOD, DE NAS MDZAD BDE MI BDE'I BABS LA GZIGS CHOG, DGON SPAG SPUG GZHAN GYI BLA MA'I NGOD MIN CHOS 'JIG RTEN GNAS KYANG RNAM GZHAG RGYA CHEN PO'I SLEB THEBS YOD TSUL PHEBS PA LTAR CHU STOD ZLA BA'I TSES GCIG RGYAL PHUR GYI 'GRUB SBYOR DUS MA PHAM MGON PO'I NA CEN GRUB KYI GDAN SAR BSKO BA GNANG BAR, SDE SRID RIN SPUNGS PA'I BSKO 'JA' KHRI STON ZHA LU'I CHEN SLOB DGE 'DUN YON BDAG GZHAN YANG PHYOGS KYI SDE PHRAN GYIS MTSON PA'I BDOG PA RGYA CHEN PO SPEL, KHYAD PAR MKHAN CHEN THAMS CAD MKHYEN PAS BER ZLAM DBU ZHVA SOGS KYI GNANG SBYIN, DPON SLOB TSAB MAR 'PHRAL YUN DU DGE BA'I BSLAB BYA, BKRA SHIS ME TOG GI CHAR CHEN PO PHAB, CHOS RJE GDAN SA BAS DPAL DUS KYI 'KHOR LO'I DBANG CHA GNYIS DANG SBYOR DRUG GI 'KHRID CIG MDZAD, YAB SRAS LHAN RGYAS SDE PA GNAS GSAR BAS MYUG TU BRO BZHAS RTZAD SNA BSU BA SER SBRENG GI BKOD

PA DANG BCAS GDAN DRANGS RNYED BKUR GYA NOM PA BSTABS, DPAL PHUG RNAM PAR GROL BA'I RI KHROD DU ZLA BA BDUN TZAM GYI RING RJE 'DI NYID KYIS KUN MKHYEN MKHYEN BRTZE'I ZHABS, MKHAN CHEN BSLANG GSUM RGYAL MTSAN, SNGAGS 'CHANG BSOD NAMS CHOS 'PHEL SOGS DPON SLOB BCO BRGYAD TZAM LA GSUNG DGE SLOB BSHAD SHIN TU SMIN PA GNANG, SNGAR MKHYEN BRTZE'I MNAL LTAS LA DPAL PHUG TU PHA BLA MAS GSUNG NGAG BSKYAR NAS GNANG RGYU'I SKOR KYANG 'DI'I LUNG BSTAN DU MCHIS, LAM 'BRAS KYI MDUG TU DMAR PO SKOR GSUM MGON PO CHE CHUNG SOGS KYI RJES GNANG LUNG 'KHRID YANG BSKYANG DANG SHANGS PA DU GU BA'I GSER CHOS KYI PHYED TZAM GNANG, TSES RNAMS GEGS MED DU GRUB PA'I GTANG RAG YANG STENG DU MDZAD PA'I TSE BDUN BYI NAM MKHAR SPRIN DUM CHAD CIG GI STENG NA MGON PO THOG TSAD TZAM GYI ZHAL NAS HA HA DANG H'Um H'Um GI SGRA LA CHOS 'DI'I BDAG PO SNGAR YANG NGA RANG GIS BYAS DA DUNG YANG NGA RANG GIS BYED ZER BA GSAL BAR GSAN, RJE NYID ZAB BUR PHEBS PA'I LAM ZHOR DU RJE MKHYEN BRTZES 'O YUG TU GDAN DRINGS NAS SRI ZHU RGYA CHER MDZAD, MYUG TU SHANGS CHOS KYI 'PHRO DANG SGRUB THABS RGYA MTSO RGYAL KHANG DU SGROL DKAR GYI TSE 'KHRID SOGS THUGS SRAS MKHYEN BRTZE'I BZHENG PA BKANG NAS STOD DU PHEBS, SA RTA'I DBYAR YAB TSAN 'PHAN YUL AYON GZHIS KA BAS GDAN DRANGS TE PHABS, LAM ZHOR DUR SMRIG GI GTZUG LAG KHANG DU RJE BTZUN SGROL MA MJAL BA GNANG STE DER BZHUGS SKABS DAG SNANG LA BUD MID MANG PO RTEN MJAL GYIN 'DUG PA'I KHROD NA MIG GSUM YOD PA'I BUD MED CIG GZIGS GSUNG BA

, ,RDZU BAG TZAM LAS 'PHAGS MAS DNGOS SU BYIN GYIS BRLABS PAR GDON MI ZA, RIM GYIS PHEBS PA'I BZHUGS MTSER RGYAL SA SHIN TU CHE BA ZHIG TU GNAS MAL MDZAD PA'I NAM PHYED TZAM LA 'BYUNG PO DES GLAGS LTA BAR RTZOM PA NA GTUM DRAG 'BAR BA'I TING NGE 'DZIN GYI MES MTHA'I RGYA MTSO'I PHA ROL TU BSKRAD PA NA PHYIS MI TSAD DE LA 'GONG PO'I 'TSE BA YE MA BYUNG BAR GDA', 'PHAN YUL AYON GZHIS KAR BZHUGS SKABS THAMS CAD MKHYEN PA BSOD NAMS RGYA MTSO HOR BAR TA KARMA DPAL GYIS RONG PO 'DAM DU GDAN 'DREN ZHUS PA'I PHEBS LAM DU SDA PA AYON GZHIS KA BAS GDAN DRANGS PA DANG 'GRIG RJE NYID KYIS NGED THAMS CAD MKHYEN PA DGE 'DUN RGYA MTSO'I ZHAL SLONG YIN PAS RTEN 'BREL LEGS GSUNGS NAS THAMS CAD MKHYEN PA LA BLA MA'I RNAL 'BYOR GYI CHOS 'BREL GSAN, THAMS CAD MKHYEN PAS GUR MGON GYI RJES GNANG ZHU BA MDZAD PAS KHA'U BRAG RDZONG PA'I ZAB CHOS THUGS NYAMS SU BSTAR BA'I RTEN 'BREL GYI SGO THOG MAR 'GRIG, SLAR RIN PO CHE BOD MKHAR NAS LA GSUNG NGAG TZAM MA GTOGS SNYAN BRGYUD PHAL CHER GSAN CING N'A RO MKHA' SPYOD DANG RIG BYED MA MGON PO CHE CHUNG SOGS LA NYAMS BZHES SHIN TU SMIN PAR GNANG, N'A LANDA'I KHAMS PA BLA MA SDOR DGAR BA SOGS DON GNYER CAN NYI SHU SKOR LA BDE MCHOG LO NAG DRIL GSUM GYI DBANG, DPYID THIG NAG PO RIM BZHI, RIM LNGA RNAMS KYI NYAMS 'KHRID, RTZA RGYUD KYI BSHAD PA, NE GU CHOS DRUG GI DBANG 'KHRID BYIN RLABS LUNG SOGS ZAB CHOS MANG DU GSUNGS, PHYOGS DER 'GRO DON 'PHRIN LAS KYI 'UR CHER LANGS PA'I NGANG NAS GTZANG DU PHEBS PA'I LAM G-YUNG MDA' MKHAR GYI

G-YABS STENG DU BZHUGS, MCHOD DPON GYIS THUGS DAM GTOR MA BSHAMS PHYAG DRIL SOGS PHUL KYANG SPYAN MKHA' REG SHAR GYI RI RTZE LA ZIM ME BZHUGS PA LAS GTOR BSNGOS MI GNANG 'DUG PA SKABS MTSAMS SHIG NAS ZHABS BSKUL ZHUS PAR BSDUS PA ZHIG MDZAD, GSOL BA ZHUS BAS KYANG CUNG ZAD TZAM LAS MA BZHAS PAR SNGAR LTAR BZHUGS, DE BAR PHYAG G-YOG BYINGS KHAL BKAL NAS SNGON LA SONG GSOL DBON BLO GSAL CAN LA DBUNG JA SKOL GSUNGS GSOL JA SBYOR GNYIS TZAM GYI BAR BZHUGS NAS PHEBS ,DE'I TSE JO MO MKHA' REG GI GANGS RI'I RTZER SPRIN DKAR PO CHEN PO ZHIG LHO PHYOGS SU SKYES BYUNG BA'I STENG NAS AYON RIN PO CHE SKU MI TSAD LAS CUD CHE BA ZA HOR GYI SKU CHAS SPRAD PA NA BZA'I GONG LEN LA STAG LPAGS GSAR PA'I MU 'GRIL YOD PA, PHYAG G-YAS NA GSER GYI RDO RJE DANG G-YON NA KA B'A LA BDUD RTZIS GANG BA BSNAMS BA ZHABS RDO RJE SKYIL KRUNG DU BZHUGS PA GSAL BAR GZIGS NAS RIM BZHIN BSTI GNAS SU PHEBS SO,, GNYIS SPANGS BLA MA'I LUNG BZHIN BU STON RJE'I, ,SENG KHRIR PHEBS LA 'DOD KHAMS DBANG MO YIS, ,NYER BSKUL SRID MTHAR BSTAN PA 'PHEL BA'I SGRA, ,RAB DKAR BKRA SHIS G-YAS 'KHYIL DUNG LAS SGROG ,'JIG RTEN GSUM DBANG LHA CHEN NYI MA'I BUS, ,RDO RJE'I RVA RTZE SPU GRA LTAR RNO BA, ,KHYOD DRUD PAD 'DAB RJES 'GRO'I 'JAM MNYEN GYI, , REG BYAR LTA LA MKHA' NGOS RGYU SKAR 'KHRIGS, ,MKHAN GZUGS LHA GRAL SGRIG BA'I LAS DBANG BCUD, ,MYANGS PAS SROG LDAN SBYIN SKYES MCHED MIN PA, ,LHA SNGAGS YE SHES GSAR SGONG MNGAL 'DZIN PA'I, ,MES PO BLO GSAL RGYA MTSO YAB SRAS TZAM

, ,BU STOD BZHED SROL PADMA'I SKUD PA LA, ,RDO RJE'I KHAMS SU RLOBS ZHES GNAS GSAR BA, ,GDUNG 'TSOB DAM PAR GSOL TSE PHYOGS BCU'I RGYAL, ,SRAS BCAS YONGS KYIS BSNGAGS PA'I ME TOG GTOR, ,KHA BSHAD CHU BOR SNYING BRGYUD GSER LDAN MA, ,BYING LAS GYAN 'DEGS BSTAN 'DZIN MIG SNGON CAN, ,THOS BSAM SGOM PA'I RUS SBAL 'PHRUL GYI STOBS, ,TSANGS PA'I BLO GROS DES KYANG GZHAL NUS MIN, ,RIS MED 'GRO BA'I BSOD NAMS RLABS BO CHES, ,ZHING GYUR RGYA MTSO'I GOS CAN 'PHRIN LAS KYI, ,DBANG PHYUG DAM PA'I GNAG SNUM RAL BA'I RTZER, ,ZHABS SEN ZLA BA TSES TE GCIG TU DKAR, ,GSOL 'DEBS LAS, KHYAB BDAG BLA MA'I THUGS RJES BSKUL BA BZHIN, ,RANG GI BSTI GNAS DAM PAR ZHABS BKOD DE, ,SKAL BZANG SBYIN PA'I BDAG PO 'KHOR BCAS RNAMS, ,'BRAL MED THUGS RJES BSKYANGS LA GSOL BA 'DEBS, ,ZHES PAS ZIN SO YOD MED SNA TSOGS LAS SA LUG 'JAM DBYANGS MKHYEN BRTZE'I DBANG PHYUG GIS GDAN 'DREN GNANG SKABS MYUG TU RDO RJE 'CHANG DBANG PHYUG RAB BRTAN SKU 'KHRUNGS PA'I BYIN RLABS LA SPYAN DRANGS BA BZHIN PHEBS NAS 'JIGS BYED RVA LUGS KYI DKYIL 'KHOR DU SMIN PAR MDZAD PA SOGS RJES SU BZUNG ZHING DGUNG LO LNGA TZAM GYI DUS DMAR PO SKOR GSUM CHOS SKYONG CHE CHUNG TSE DPAG MED SOGS KYI BYIN RLABS RJES GNANG GI RIGS KYANG MANG DU STZAL, SNGAGS 'CHANG BSOD NAMS CHOS 'PHEL GYI RNAM THAR LAS, BDAG GI SPYIL BU NA DE SNGA GONG CHOS RJE RAB BRTAN PA'I BZHUGS YUL YIN PAS KHONG GNAS RNYING RGYAL BO DE LA GSOL MCHOD GNANG GIN YOD 'DUG PAS DE'I NANG NA

RGYAL PO DE 'KHOR RE 'GRO BA ZHIG GZIGS PA DANG, LHAG MAR BDAG THUGS RJE'I GZIGS PA MI LHOD PAR GNANG GIN YOD GDA' BAS ZLA BA DE GA'I NANG DU RJE BTZUN CHOS KYI RGYAL PO BKA' DRIN MTSUNGS MED TSAR BRJES MYU GNAS PHYAG DAM BDUD RTZI RIL BU'I THUMS GSOL RAS DANG BCAS PHABS BYUNG BA'I NANG NA KHYOD KYI SGRUB KHANG DAR GNAS RNYING RGYAL PO 'DI 'PHRAL 'PHRAL 'GRO BA ZHIG 'DUG PAS BAR CHAD DAM 'TSUB KYI RNAM PA BZHIN MI YONG 'DUG GAM, NGAS KYANG DMIGS PA SOGS GANG YONG BYED KYI NA YOD LAR RDO RING RIN PO CHER RANG RE'I BRGYUD 'DZIN KUN LA GNOD PA MI BYED PA'I SROG SNYING PHUL NAS DAM BCAS 'O SKOL RNAMS LA 'DI GCIG BU'I BKA' DRIN YANG BSAM PA'I RA BA LAS 'DAS, GANG LTAR DE LA DMIGS PA'I GTOR MA 'DRA DANG DGE SBYOR 'BUNGS SKYED DE BYED PA DANG LHAG PAR LAM ZAB MO NYID LA NAR TAN GYIS RTAG TU GSOL BA THOB, GEGS SEL BOGS 'DON GYI SKYEL SO 'DI GCIG BU YIN NO GSUNG BZHIG PHEBS BYUNG ZHES BSLAB STON RGYAS PAR STZAL, ZHA LU'I GDAN SA KUN SPANGS MDZAD PA NAS BZUNG RGYAL KHAMS PHYOGS MED KYI GDUL BYA'I RE BA SKONG BA TZAM MA GTOGS 'JIG RTEN ZA ZI'I MTHUN 'JUG LA THUGS SUN BA'I TSUL GYIS SPONG BA BSAM GTAN LA GZHOL BA'I RNAM PAS RMU GSHONG DU LO GSUM PHYOGS GSUM MDZAD BA'I SKABS 'JAM DBYANGS MKHYEN BRTZE'I RNAM THAR DU LCAGS SPREL ZLA BA BRGYAD BA'I CHES GCIG NAS GZHI BSNYEN GYI SNGON 'GRO BLA MA'I RNAL 'BYOR TSUGS PA'I TSES BZHI'I NUB RMI LAM DU RJE BTZUN RDO RJE 'CHANG PHA TSAR PA RJE DANG MJAL RTA MGRIN YANG GSANG GI DBANG RDZOGS PAR GNANG, DKYIL 'KHOR GTOR MA DBANG TSIG SOGS KYANG SHIN TU

, ,GSAL BA DANG, PHYAG LEN LA DOGS GCOD 'DRA ZHU RGYU YOD PA'ANG ZHUS SHING LAN GNANG BZHIG BYUNG, YANG NUB CIG PA BLA MA BZHUGS KHRI THOG RTZAR SNYOGS BA ZHIG GI STENG NA BER THUL NE TZO KHA GSAR PA ZHIG BZHES NAS BZHUGS PA'I SKU ZHABS G-YON NA BDAG 'DUG PA LA AA SKYABS KYIS GSOL JA ZHUS RJES GSOL KHA ZHU YI 'DUG PAS NGA'I DE KHONG LA DRONGS GSUNGS GSOL KHA DE BDAG LA DRANGS PA ZHIG RMIS, YANG NUB CIG DBU RTZE 'OG 'DRA BA ZHIG NA KHRI SNGAR GYI DE LAS MTHO BA 'DRA BA ZHIG LA BZHUGS TSE 'KHRID KYI TSAR CHOS DE GSUNG RKYU YIN SNYAM PA BYAS BDAG SKU MDUN NA 'DUG PA LA GSUNG CHOS HA CANG GSAL BA NI MA BYUNG RLUNG BUM CAN BZUNG SPYAN LTA STANGS MDZAD HAR RE BZHUGS PA GSAL PO ZHIG RMIS, YANG NUB CIG BO DONG RDZONG GI BDE BA CAN YIN SNYAM PA ZHIG NA BZHUGS GDAN MTHON PO ZHIG LA RDO RJE 'CHANG SGO RUM PA CHEN PO BZHUGS DE'I SKU GZHOGS G-YON NA BDAG, BDAG GI G-YON NA RJE BTZUN DBON BZHUGS PA RJE RIN PO CHES GZHIS LEN MDZAD RGYU BA'I STON GSHOM BZANG PO BYAS BA ZHIG RMIS ZHES BYUNG, ZHA LUR BZHUGS SKABS 'OD GSAL DU RJE BTZUN RDO RING PA CHEN PO NA BZA' SOGS SHIN TU LEGS PA'I NGOS MA CHEN RDO RJE BKRA SHIS PHYAGS PHYIR KHRID PA'I 'DAR GYI PHYOGS SU THAL LER PHEBS PA ZHIG BYUNG BA PHUGS DE PHYOGS SU SDOD DGOS PA YONG BA 'DUG CES RJE NYID KYI GSUNG 'PHROS LAS BYUNG BA BZHIN BSTAN PA'I SBYIN BDAG CHEN PO 'DAR BAS 'DI PHYI BAR GSUM GYI SKYABS GCIG MGON GCIG ZHUS BAR BRTEN PHAL CHER GRANG MO CHE PHYOGS SU STAN CHAGS, SDE PA'I SKU RIM LA 'JIGS BYED DRUG

CU PA GNANG SKANGS LINGGA SKAD NGAN TZER RE RE BTON PA THO PHYI NA YOD PA KUN GYIS TSOR, DE BZHIN GSHEGS PAS LUS GRAS [?] CHAD PA'I SGRA GCAN ZIN DANG DGRA LTAR LTA BA'I LHAS BYIN LA NYE RING MED PA'I BDEN TSIG BKA' STZAL BA'I SBYIN MA 'JU BA'I NAD LAS GROL BA'I LO RGYUS BZHIN DAM PA 'DI NYID KYANG RIS MED KYI 'GRO BA LA MA 'DRIS PA'I MDZA' BSHES LTA BUR MDZAD PA LAS 'DZIN RTOG GI PHYOGS LHUNG DRI MA CAN MI MNGA' NA'ANG, NYI MAS CHED DU BYAS PA MIN PAR RTEN 'BREL GYI DBANG LAS ZER 'PHRENG GIS PADMA KHA 'BYED CING, PHRAG PHUG BYANG BSTAN DU NYI 'OD MI 'CHAR BA DNGOS PO'I GSHIS LUGS SU GRUB PA MGO BAR RJE NYID LA RE BA BCA' BA'I SKYE BO MCHOG DMAN RNAMS THUGS RJE CHEN POS RJES SU BZUNG BAR BRTEN SE DKAR RIGS KYI THIG LE 'DAR NAS KYI MNGA' THANG RJE 'PHEL DU GYUR PA GDONG DGA' PHYOGS KYIS MA BZOD PA'I BDAG PO KUN RIN PAR CHOS RJE TSAR BA 'DI SA SKYA BA'I CHOS LA MKHAS DRAGS, GDUNG BRGYUD RNAMS CHAD NA KHO RANG LA BSTAN PA'I BDAG PO YONG DU RE BA'I RMU GSHONG GI MGON PO'I ZHABS 'OG TU MNAN PA SOGS NGAN BYED BYAS ZHES PHRA MA BCUG PA DANG BTZUN MO GNYIS KYANG GDONG DGA' BA'I LCAM LA SONG BA'I RGYUS SA SKYA DANG GDONG DGA' BRTZE BSTUN GYI DMAG SHING BYI MANG MKHAR PHYOGS SU BTANG BA'I SKABS DMAG MI RNAMS KYIS RMU'I MGON KHANG LA LAG RGYAG BYAS SKU RNAMS BSHIG PA'I GZUNGS BZHUGS BDAG CHEN PA'I SPYAN LAM DU PHAB PAS, SA SKYA BA'I BSTAN PA DANG GDUNG BRGYUD 'PHEL BA'I SPEL TSIG GZIGS PA NA THUGS 'GYOD BYUNG YANG ZER, MA CHEN RDO RJE BKRA SHIS KYIS DGON PA NI DMAG GIS BCOMS ZIN 'DUG MTHU YOD NA RTAGS THON

, ,PA ZHIG GNANG DGOS ZHUS PA'I LAN DU BDAG CHEN KHONG RANG CI MDZAD KYANG KHO BO SA SKYA PA'I BSTAN PA'I SGOR ZHUGS NAS GDUNG BRGYUD LA MTHU MI BYED KHYOD KYIS YONG NA GYIS ZHES BKA' BKYON PA'I RNAM PA'ANG MDZAD, BYA GSHONG DU GTOR BZLOG LA PHEBS SKABS GNAS KHANG DE THOG MA LAS YANGS SHING GRU BZHI LAM PA GYANG LOGS LA RDUL SOGS MED PA'I SNUM ZHAG CHE BA DE'I 'KHOR KUN GYIS GSAL BAR MTHONG, YOL RIN CEN GLING DU CHOS RJE BLO GROS BRTAN PA MI MA YIN DU SKYES NAS SMYUG LA BA LAS MAS LA GNOD TSABS CHE BA'I GTAM BYUNG BA NA MKHAN CHEN GZHON NU BLO GROS KYIS BRTAG PA DANG YIN NA SBYIN SREG DGOS TSUL ZHU BA MDZAD PA'I LAN DU DE DNGOS BSTAN MIN RGYA 'DRES BRDZUS PAS DGON PA LA CHER MI GNOD GTOR BKLOG 'UR CHIL BA ZHIG MDZAD NA SKU NYE TSOR 'GYUR 'GRO, MA NAS SMYUG LAB TSANG LA GANG STONGS SHIG YONG BA 'DUG TSUL GSUNGS PA'I LUNG BSTAN GYI THOG KHO NAR SONG, YANG LO PHYI MA ZHIG SA SKYA DAM RING GDONG DGA' BA GSU BRTZE BSTUN PA'I GSANG DMAG BTANG BA'I TSE RJE NYID RNAM RGYAL STAG RTZER BZHUGS SKABS YIN GSHIS, 'DAR PA RIN CEN DPAL BZANG PAS DMAG BSDU GSOG KYANG MA GRUB GSHIS RDZONG SPROD DGOS PA YONG 'DRA ZHES RTAB RTAB POR GSOL BA NA BKA' LAS, RDZONG RTZIG PA DKA' BA MA GTOGS SPROD PA LA GNANGS MED LAR LTE KHRAG PHOS RU SNYING KHRAG 'THOR BA LEGS PAS TSAB TSAB MA MDZAD GSUNGS NAS CUNG ZAD SONG BA NA BSKYAR ZHU ZHUS PAS, DA DMAG GA TZAM NA SLEBS GSUNG BAR RDZONG RI'I RKENG SGROL TZAM MCHOD RTEN RTZE RING RTZAR 'BYOR 'DUG ZHUS PAR, MCHOD DPON LA KHYOD RANG THOG KHAR SONG LA DMOD NAS 'DI

THOR, MI RKANG 'DI LAN GSUM BUS GSUNG BA BZHIN BYAS PAS DGUN STOD YIN KYANG GLOG 'BRUG GI SGRA DRAG PO DANG BCAS SER BA COG MO'I SGO NGA TZAM BABS PAS DMAG RNAMS SKA CIG LA BYER, SGAR THOG TU SRIN BYA DANG 'UG PA BABS PA'I 'PHRUL GYIS NAD RIMS KYIS BTAB NAS STONG LOG TU SONG STE G-YUL LAS RNAM PAR RGYAL, DE DUS GZIGS SNANG LA MDUN GYI NAM MKHAR SPRIN SNGON 'KHRIGS PA'I STENG DU RJE BTZUN RDO RING BA DE NYID SKU LA CHOS GOS RNAM PA GSUM GYIS BRGYAN PA'I PHYAG G-YAS GSER GYI RDO RJE NAM MKHA' LA 'PHYAR ZHING, G-YON PA DNGUL DKAR GYI DRIL BU 'KHROL BA YID TZAM KHROS PA'I NYAMS DANG BCAS SENG GE DKAR MO RGYAN GYIS SPRAS PA'I STENG NA RGYAL PO ROL PA'I 'DUG STANGS KYIS BZHUGS PA, DE'I DBU GTZUG GI THANG DU BDAG CHEN RDO RJE 'CHANG YAN GYI GSUNG NGAG BLA MA BRGYUD PA YONGS RDZOGS, DE'I G-YAS G-YON DUS RA HA, KLU SGRUB, RNAL 'BYOR DBANG PHYUG, KU KU RI PA, LO HI PA, G-YUNG PO KHRAG 'THUNG, DRIL BU PA, N'A RO TA PA BRGYAD PO ZHI DRAG GI RNAM 'GYUR DU MA STON PA, GZHAN YANG TSE DPAG MED DZAMBHA LA, GUR ZHAL, LAS MKHAN DANG BCAS BA ZHAL GZIGS, DE'I TSE DPAL LDAN RGYAL BA KUN GYI MTHU STOBS NI, ,GCIG TU BSDUS PA DRIN CAN CHOS GYI RJE, ,KHYOD ZHABS DRAN PA'I MOD LA BDUD DPUNG RNAMS, ,PHYE MAR 'THAG MDZAD DE LA GSOL BA 'DEBS, ,ZHES SOGS GSOL 'DEBS BDUD DPUNG PHYER 'THAG MAR GRAGS PA ZHAL GZIGS JI LTAR BYUNG BA DANG MTHUN PA THUGS RTZOM GNANG, GSUNG 'PHROS KYI LHONGS SU BDAG CHEN KUN DGA' RIN CEN 'DI MA BYON NA SA SKYA PA'I BSTAN PA 'DI GRUM TZE GUNG MED 'DRA BA'I MTHA' YOD KYANG

, ,DBUS MED PA ZHIG YONG NGES SU 'DUG KYANG BDAG CHEN 'DIS BSTAN PA'I KHUR BZHES PAS SKYA PA'I 'PHRIN LAS MTHA' DBUS MED PAR RGYAS PA 'DI RANG RE RNAMS BLO BAG BRO BA'I TSAD YIN GSUNG ZHES BGROS LA LAR SNANG BA BAR SKABS SU LHA KHANG BLA BRANG BA'I NYE GNAS KYI BRGYUD PA DANG SHAR BA SOGS GDAN SA NANG DU DBANG CHEN MANGS PAS, 'JAM DBYANGS CHOS RJE YAB SRAS DANG SA LO RNAMS KYI DUS GNANG RE DKA' TSO BDAG PO KUN RIN PAS TSAR BCAD NAS SDE MA LAG DANG BCAS PA 'JAM DAR LA SONG BA 'JIG RTEN PHYOGS NAS MDZAD GO CHOD GRAS LA DGONGS SNANG BA BDAG NYID CHEN PO'I MDZAD PA JI LTAR YANG DPON CHEN GYI GRAS LA CHUD NGES SU 'DUG, CHOS RGYUN GYI PHYAG RJES NI SHIN TU CHUNG, RDOR DBYINGS KYI BLOS SLONG DANG MGON SKU BSHIG PA SOGS GNANG SGO JI LTAR YANG BLA MA KHYI DANG KHYI MJUG MGO'I DPE BZHIN RJE BLA MAS THUGS GTING NAS MA GUS PA NI MA MDZAD, GUS PO RANG NI GNAD THEBS KYANG MI 'DUG, GONG GI 'PHROS LAS, PHYOGS 'DIR SA CHEN BDE SKYID 'OD CHAGS PA, ,THAL BA JI BZHIN SKYA BOR SGYUR BYED CING, ,DKON COG RTEN DANG BSTAN 'DZIN SKYES BU'I TSOGS, ,'JOMS BYED BDUD DPUNG TSOGS RNAMS BZLOG TU GSOL, ,ZHES RANG BZHIN BRJOD PA'I RGYAN KHO NAR MCHIS, BDAG PO KUN RIN PA'I PHUR ZOR SKYER MDA' 'UG SGRO MA BO DONG GI 'JAM DBYANGS MKHYEN BRTZE'I GZIMS CHUNG GI GDUNG MA LA THEBS NAS RING POR MA LON PAR GSHEGS PA'I MTHU SKAD NI TSAG MGO BUM NAD DU BTZOS PA'I GTAM RGYUS KHO NAR 'DUG CING, KHONG GI MTHU DE RDOG GI GZE MA RNON PO PHYOGS KUN TU 'DZUG PA'I DPE BZHIN SA LO

'JAM RDOR YANG SKU TSE RING PO MA BYUNG BAS BRGYAB PA 'DRA, GTER CHEN CHOS KYI RGYAL PHO RATNA GLING BA'I LUNG BSTAN CHEN MOR, SA YI PHYOGS SU BLA MAS SLOB MA BSLU:- ZHES DANG, BYANG CHUB GLING PA DPAL RGYAN GYI THUGS GTER 'KHOR 'DAS RANG GOL GYI ZHUS LAN GSAL BA'I SGRON ME LAS, MNGA' RIS GDUG PA'I DMAG 'OG G-YO:- 'KHON RIGS KUN ZHES BYA BAS 'KHRUG:- KHOL BUR SDUG BSNGAL CUNG ZAD BSKYED:- CES SOGS DOGS PA'I GNAS MANG TZAM YOD KYANG GNAS LUGS SHES NA ZOG PO'I MTSANG GI DPE LTAR SPROS PAR DGOS PA CHUNG ZHING GANG SHAR THAMS CAD LHA DANG LHA MO'I RNAM PAR 'CHAR BA'I DAG SNANG GI BDEN KHA PHUL NAS RTZOD PA CHOS THOG TU ZHI BAR BYED DO,, DE YANG TSOMS LAS, THUB RNAMS SDIG PA CHU YIS MI BKRU ZHING, ,'GRO BA'I SDUG BSNGAL PHYAG GIS MI SEL LA, ,NYID KYI RTOGS PA GZHAN LA SPO MIN TE, ,CHOS NYID BDEN PA BSTAN PAS GROL BAR 'GYUR, ,ZHES 'O SKOL GYI STON PA BU RAM SHING PAS KYANG CHOS KYI 'KHOR LO RIM PA GSUM DU BSKOR NAS 'GRO BA RNAMS PHAN BDE'I LAM LA 'GOD PAR MDZAD PA BZHIN, DAM PA 'DI NYID KYIS MDO SNGAGS KYI CHOS TSUL GDUL BYA SO SO'I BLO DANG 'TSAM PAR BSTAN PAS MCHOG RNAMS KYIS NI BSTAN PA PHYOGS BZHIR SKYONG BA'I DAR CHEN BTZUGS, LA LA DAG KLOG PA THOS BSAM GYI SGO NAS 'CHAD NYAN, 'GA' ZHIG SPONG BA BSAM GTAN GYI RIM PA LHUR LAN PA'I BSHAD SGRUB KYI CHU RGYUN RJE BLA MA'I 'PHRIN LAS MA DROS MTSO LAS PHYOGS BRGYAR 'BAB, SA SKYONG BA'I BSTAN PA'I SBYIN BDAG SOGS SKYE RGU GRANGS YAS PA DKON COG GSUM LA BLA MAR 'DZIN CING 'DI PHYI'I LEGS CHOGS SGRUB PA LA SBYAR BA'I

, ,GRANGS KYI MTHA' NI BRJOD PA'I YUL LTA GA LA ZHIG, 'ON TE CHE LONG RAGS RIM TZAM BRJOD NA, RANG BSTAN KHA'U BRAG RDZONG PA'I LUGS SROL 'DZIN NGES KYI SKYES BU NI, MKHYEN BRTZE NAS GSUM THAMS CAD LA 'JAM DPAL RDO RJE MI'I ZLOS GAR CAN SRAS KYI THU BO NA LU MKHAN CHEN THAMS CAD MKHYAN PA MKHYEN BRTZE'I DBANG PHYUG, MKHAS SHING GRUB PA'I DBANG PHYUG CHEN PO SPYAN SNGA RJE BTZUN BOD MKHAR BA MEE TRI BYAMS PA DON GRUB RGYAL MTSAN, NYAMS DANG RTOGS PAS BDAG RGYUD YONGS SU GROL BAS THUGS RJES GZHAN RJES SU 'DZIN PA LA 'GRAN PA'I ZLA DANG BRAL BA RTZE TSOGS MKHAN CHEN GZHON NU BLO GROS, RGYAN DRUG MCHOG GNYIS KYI GZHUNG LUGS LA MI 'JIGS PA'I SPOBS PA RNAM PAR DGE BA DAM RING MKHAN CHEN BYAMS PA BLO GROS RNAM RGYAL, DBYANGS CAN LHA MOS RJES SU BZUNG BAS GNAS LNGA RIG PA SMRA BA LA GZHAN DRING MI 'JOG PA'I MKHYEN RAB KYIS MKHAS PA KUN GYI GTZUG GI NOR BUR GYUR PA MNYAN YOD BYA GSHONG MKHAN CHEN MANG THOS KLU SGRUB RGYA MTSO, LUNG DANG RTOGS PA'I YON TAN GYI NOR BUS THUGS RGYUD YONGS SU GTAMS SHING SNYAN BRGYUD TSAD MA BZHI LDAN GYI BSTAN PA'I SROG SHING BO DONG MKHAN CHEN BSLAB GSUM RGYAL MTSAN, MTHU STOBS NUS PA RVA LO GNYIS BLTA BU SNGAGS 'CHANG YONGS KYI 'KHOR LAS SGYUR BA CHOS 'KHOR YANG RTZE'I MKHAN CHEN BSOD NAMS CHOS 'PHEL, ZAB DON SNYAN BRGYUD BDUD RTZIS THUGS KYI BUM BZANG YONGS SU GTAMS SHING MKHAN CHEN THAMS CAD MKHYEN PA'I DNGOS KYI GDAN SA PA CHOS DBANG RIN CEN DPAL GYI RGYA MTSO, KUN MKHYEN BSOD NAMS SENG GE'I CHOS KYI KHRI LA MNGON PAR 'DZEGS PA MKHAN BYAMS PA RAB BRTAN, ZAB

DON CHOS KYI MNGA' BDAG SMYUG LA MKHAN PO BSOD NAMS DBANG PO, MDO RGYUD RGYA MTSO'I GZHUNG LA BLO GROS KYI SNANG BA GCIG TU DKAR BSKYED TSAL MKHAN PO RAB BRTAN DPAL 'BAR, MANG THOS MKHYEN PA'I SPYIN LDAN MKHA' RI MKHAN PO BLO GROS CHOS 'PHAGS, RAB 'BYAMS RGYUD SDE RGYA MTSOR MKHYEN PA'I SPYAN YANGS PA 'JAM DBYANGS BYANG GLING RJE BKRA SHIS RGYAL MTSAN, 'KHRUL ZHIG BLA MA'I RIGS SRAS ZAB DON RTOGS PA'I NYI MA RJE GZHON NU STOBS LDAN, DPAL RDO RJE 'JIGS BYED KYI BSNYEN SGRUB MTHAR PHYIN PA MCHOD DPON DRUNG KUN DGA' LEGS PA, BLA MA'I ZHABS TOG LHUR BLANGS PAS BYIN RLABS THUGS LA ZHUGS SHING SNYAN BRGYUD ZAB MO'I MDZOD 'DZIN PA MA CHEN RDO RJE BKRA SHIS, NGES DON ZAB MOS RTOGS PA'I KLONG RDOL BA 'PHAGS MCHOG BYAMS PA BSKAL BZANG, BDAG CHEN RDO RJE 'CHANG YAB SRAS KYI BSTAN PA'I SHING RTA CHEN PO DPON RIN PO CHA KHYAB BDAG DBANG PHYUG RAB BRTAN, GNYAN MGON GDAMS PA'I SROG SHING MKHYEN RAB KYI DBANG PHYUG DRUNG YIG BYAMS PA DON GRUB, MDO KHAMS GDUNG PA'I MUN SEL CHOS GLING DRUNG PA, MI BYED DANG PA'I DBANG PHYUG RJE MGON PO 'OD ZER, THOS BSAM SGOM LA GZHOL BA RJE MGON PO RDO RJE, SPAR PHU'I GDAN SA PA PU TRA MING SRING BRAN DU 'KHOL BA'I BRAG CHOS BA SOGS DANG, RIS MED PA'I BSTAN PA PHYOGS BCUR SPEL BA, RGYA HOR BOD KYI SKYE RGU MTHA' DAG GI GTZUG TOR [?] 'KHOR LO'I RI MO 'GOD BA THAMS CAD MKHYEN PA BSOD NAMS RGYA MTSO DPAL BZANG PO, KARMA PA'I BSTAN 'DZIN CHEN PO RGYAL TSAB RIN PO CHE SNGAGS PA DON GRUB, MA RDOG GI SPRUL SKU MNGA' RIS GTER CHEN NYI ZLA 'OD ZER, BYANG BA RIGS LDAN

, ,RIM PAR BYON PA'I TI SHR'I RDO RING DPON PO KUN DGA' RGYAL MTSAN, NGOR AE WAm CHOS LDAN GYI MKHAN PO THAR PA RTZE BA PAn CHEN NAM MKHA' DPAL BZANG, MKHA' RI CHOS SDE'I MKHAN PO KUN DGA' LUNG RIGS, RJE BTZUN SGO RUM PA CHEN PO'I DPON PO NGAG DBANG BSTAN PA'I RDO RJE, MNGA' RIS RU THOG PA BLA CHEN NAM MKHA' GZI BRJID, KUN MKHYEN CHE DBANG BKRA SHIS KYI DPON PO CHOS KYI RJE RNAM RGYAL BKRA SHIS, CHOS RJE SMON LAM PA, DGA' GDONG SLOB DPON SHES RAB RDO RJE, BSDU DNGOS BZHI'I SGO NAS 'GRO BA'I DON MDZAD PA RJE BSAM GTAN RIN CEN, STOBS LDAN MANG PO'I BLA MAR GYUR CING SNANG SEMS LA DBANG 'BYOR BA DPAL SDINGS RAB 'BYAMS PA CHOS DPAL BZANG PO, GRUB PA TSAD DU 'KHYOL BAS DON GNYIS LHUN GYIS GRUB PA CHA LUNG GRUB CHEN MA BDE LEGS DPAL 'DZOM, NGES DON ZAB MOS THUGS RGYUD GROL BA RJE RDZOGS CHEN PA BYAMS PA RIN CEN RDO RJE, MKHAS PA'I DBANG PO MA MA PA BYAMS PA RAB DGA', MYUG CHOS LUNG PA CHOS RJE NAM MKHA' MTHA' YAS, KHRO PHU GDUNG BRGYUD ... , SHANGS 'BA' RAB BYA BTANG CHOS GRAGS MYUG PA CHOS RJE BSOD NAMS DPAL 'BYOR, RIN PO CHE DRUNG RAMS CHOS RJE BSOD NAMS TSUL KHRIMS, RJE BYAMS PA RAB DKAR, LO CHEN RNAM RGYAL GRAGS PA SKU MCHAD, BRAG RAM SLOB DPON PA, CHOS RJE RIN CEN RGYAL MTSAN GTZANG BRDO'I RGYAN SOGS DANG, BSTAN PA'I SBYIN BDAG LHA RIGS 'A ZHA'I SA SKYONG NAM MKHA' SOGS SDE PA GNAS GSAR BA'I ZHAL NGO, SE DKAR RIGS KYI THIG LE MI RJE RIN CEN DPAL BZANG SOGS SDE PA 'DAR BA'I ZHAL NGO, LUGS GNYIS KYI RNAM DPYOD YANGS

PA'I SDE PA KHRA KHANG NAS NYIN BYED DBANG PO DANG DPON CHEN RGYAL BA BZANG PO'I RIGS BRGYUD KYON GZHIS KA BA MI DBANG RIN CEN RDO RJE, SDE PA SPA RA NAS, SDE PA SNANG RTZE BA NAM MKHA' TSE BRTAN RDO RJE SOGS SDE DPON DPON SKYA'I RIGS MCHOG DMAN DU MAS 'DI PHYI'I SKYABS MGON GLING DANG DPUNG GNYEN DU GSOL BA MTHA' DAG 'DI PHYI BAR GSUM DU DGE BA'I LAM CHEN PO LA SBYOR BA MDZAD, THUGS RTZOM GYI RIM PA CHE LONG TZAM NI, AYON CHOS KYI RGYAL POS GTZO MDZAD 'DREN PA 'GA' LA BSTOD PA'I TSIG LE'UR BYAS PA, SO THAR SDOM RGYUN, GSUNG NGAG SLOB BSHAD, RVA 'KHRID MKHA' 'GRO SNYAN BRGYUD, LAM ZAB RDO RJE RNAL 'BYOR MA'I 'KHRID, RTA MGRIN YANG GSANG, SKYER SGANG LUGS KYI RTA MGRIN BSANG SGRUB, NE GU CHOS DUG, GRUB RGYAL LUGS KYI TSE 'KHRID, TSE SGRUB ZHAG BDUN MA, DMAR 'KHRING, SGROL DKAR TSE 'KHRING, KU RU KULLE PHYI SGRUB, 'DOD RGYAL THUN MONG PA DANG DPAL GUR GYI MGON PO'I PHYI NANG GSANG GSUM GYI 'KHRID, DPAL MGON ZHAL BZHI BA'I GSANG 'GRID RNAMS KYI BRGYUD 'DEBS DANG SHAM BUR RANG RANG GI LAM RIM DANG SBUR BA'I SMON LAM RDO RJE'I TSEG RKANG LTA BU SHIN TU NGO MTSAR BA DANG BCAS PA, 'PHAGS PA SPYAN RAS GZIGS ZHI DRAG GSUM, BCOM LDAN 'DAS ME 'KHRUGS PA, DPAL RDO RJE NAG PO GUR GYI MGON PO, DPAL MGON ZHAL BZHI PA, RJE BTZUN MA KU RU KULLE, RTA MGRIN GSANG SGRUB, RNAM SRAS SER CHEN, MGON PO BDE CHEN, ZHA LU'I DPAL LDAN MA LA SOGS TE YI DAM DANG CHOS SKYONG SO SO LA BSTOD PA, BLA MA'I RNAL 'BYOR, BLA MA LNGA BCU PA'I 'GREL BA DNGOS GRUB RIN CEN SGO 'BYED, SLOB DPON BSOD NAMS RTZE MO, BDAG CHEN RDO RJE 'CHANG, RJE

, ,BTZUN RDO RING BA GSUM GYI RNAM THAR, RJE NYID KYIS DBUS LA PHEBS PA'I LAM YIG SOGS LO RGYUS KYI SKOR, KYE RDOR MAN NGAG LUGS DANG 'JIGS BYED RVA LUGS KYI SGRUB MCHOD KYI LHAN THABS, KYE RDO RJE PHYI NANG GI BSKYED RIM RNAM BSHAD NGO MTSAR BA, MGON PO'I KHOG PHUG SNYAN BRGYUD RIN CEN LDE MIG, PHYI NANG GI 'KHRID KHA'U BRAG RDZONG PA'I RGYUN GYI NYAMS LEN ZHAL SHES KYI SKOR, GTOR CHOG CHEN MO, GTOR BZLOG DGRA BGEGS KYI STOBS 'PHROG ROL PA, GTOR MA GSUM GYI ZHAL SHES, ZUNGS 'DZUGS, THUG CHOG LA SOGS PA MED DU MI RUNG BA'I CHOS SKOR, SNYING CHU BSRE BA, DRI BA LHAG BSAM RAB DKAR, MGON PO KHRO BCU DANG, ZHAL BZHI PA, PHYAG DRUG PA, MGON DKAR BZHI'I RJES GNANG, ZHAL SGRUB DUS KYI RJES GNANG LHAN THABS ZHAL GYI GSANG 'KHRID, CHE SGRUB SRUNG 'KHOR, GUR MGON GYI BSKANG GSO'I LHAN THABS, PU TRA'I SGOS BSKANG, BEG TZE'I LAS BYANG, ME 'BAR, KHA SKONG, SNYAN BRGYUD, GYI LJANG, DUD SOL, ZHAL BZHI PA, DMAR PO SKOR GSUM SOGS KYI DKAR CHAG, MGON PO CHE CHUNG LAS MKHAN DANG BCAS PA'I SKOR LA CHOS SNA BZHI BCU LHAG TZAM YOD, JA MCHOD, GSUNG MGUR, CHAB SHOG, SGROL DKAR TSE 'KHRID ZLA BA'I CHU RGYUN SOGS YOD LA, KHYAB BDAG BKA' 'GYUR BA CHEN POS GSUNG 'BUM POD GSUM MA ZHIG BZHED BA GNANG 'DUG PA DA DUNG MA 'DUS PA KHA SHAS YOD PAR MNGON, DE DAG KYANG LEGS PAR BSHAD BA KHO NA MA GTOGS RTZOM RNYING BRKUS PA, DON MED DON LOG SOGS SNAG SHOG GI GRON DU 'GRO BA CI YANG MA MCHIS, ZHAL SLOB MKHAS PA RNAMS KYIS GSUNG RGYUN ZIN BRIS SU BKOD PA'I RIGS DON GYIS RJE BLA MA'I

GSUNG LAN MED, DE TZAM RGYU MTSAN DU BYAS NA THUG MED DU THAL BAS 'DIR MA BKOD DO,, GNYIS SPANGS BLA MA'I BRDA THABS LUNG BSTAN BZHIN, ,SE DKAR RIGS KYI SA LA SPYOD PA'I THOD, ,ZHABS SEN AUTPAL RGUN PO NYER BCINGS NAS, ,'DI PHYI'I MDUN MA PUNG [?] ZHING NGANG GIS MDZAD, ,MTHU STOBS BRGYA BYIN YAN LAG RNAM BZHI'I DPUNG, ,BSO SBRAR BCAS TE MTSON CHAR PHAB PA'I MOD, ,MI SRUN LHA MIN SDE RIGS BSGRAL BA'I G-YUL, ,PHAM PAS GDONG SMAD MYA NGAN KHANG BUR BRGYAL, ,KUN NAS YID DBANG DGA' MAS 'KHRID PA'I GLANG, ,RANG BSTAN PAD DKAR RDZING BU 'DAM BZHIN DU, ,BRDZI YANG BZANG RDZU'I GSER SBYANGS RGYAN MDZES PA, ,BSHES GNYEN RIN CEN BDUN GYI BGRANG BYAR MIN, ,RA GAN GSER CHUS BYUGS DANG SA LE SBRAM, ,SO SOR SPYOD LA 'PHRUL MED BA'I PUSTA KA:, ,SHES LDAN YID DBANG 'GUGS BYED MTHA', ,NAM MKHA'I SKA RAGS MDAS GZHAL NUS MIN, ,RNAM DAG BRJOD PA PI'U WANG YANGS PA'I KHOB, ,DOR GYI RGYUD MANG 'KHROL BA'I PUSTA KA:, ,SHES LDAN YID DBANG 'GUGS BYED SNYAN PA'I SGRA, ,SKAL BZANG SKYE RGU'I RNA BAR GCIG TU 'JEBS, ,GSOL 'DEBS LAS, ZHING 'DIR MA LUS GDUL BYA'I DON GRUB NAS, ,RJE BTZUN BKA' YI PHO NYAS SPYAN DRANGS TE, ,ZAB YANGS MKHA' SPYOD DAG PA'I ZHING KHAMS SU, ,DGE MTSAN DANG BCAS GSHEGS LA GSOL BA 'DEBS, ,'OD GSAL NAM MKHA'I DBYINGS LAS BZHENGS PA'I SKU, ,SKAL BZANG MCHOG GI THUGS MTSOR GSAL BAR BSTAN, ,GZHAN YANG RTZE GCIG DANG LDAN BKA' 'BANGS RNAMS, ,SLU MED DBYINGS NAS BSKYANGS LA GSOL BA 'DEBS, ,

, ,RGYAL BA KUN GYI THUGS RJE GCIG BSDUS PA, ,MKHAS DANG GRUB PA'I DBANG PHYUG RDO RJE 'DZIN, ,'GRAN ZLA KUN BRAL DRIN CAN TSAR PA RJE, ,RNAM THAR DRAN ZHING SNYING NAS GSOL BA 'DEBS, ,ZHES ME TOG 'THOR BAR NYE BA'I SNGON ROL TU RIN PO CHE BOD MKHAR BA'I RNAM THAR LAS RANG LA YOD PA'I ZANG ZING GI DNGOS PO RNAMS KYANG PHUL BKA' CHOS 'DRA YANG ZHUS, RJE'I ZHAL NAS NGA LA YANG DGRA 'DRA YOD PAS 'DUL DGOS PA YOD GSUNG YANG NA SO RGAS PAS MI YOD 'DUG PAS NGA'I DGRA KHYED SLOB MA RNAMS KYIS DNGUL DGOS GSUNG, HA CANG DGRA TSAN CHE SHOS 'KHOR BAR SKYUR MKHAN DUG LNGA YIN PAS 'DI 'DUL BA YIN MOD GSUNG, YANG DUG LNGA MED PA BYAS NA YE SHES LNGA'I RGYU MI YOD 'DUG DE YANG MI YONG 'DUG GSUNGS, BDAG LA DA CHOS RJE'I DRUNG DBUS LA BYON DBUS SU DGON BA CHE CHUNG GANG BYUNG YANG ZHAL BDAG MDZOD GSUNGS, DAM TSIG DRIL BU YANG 'DI 'KHROL BAR MDZOD GDUL BYA MANG BO YONG SUN PA TZAM YONG GSUNGS TE RJES SU JI LTAR GSUNG BA BZHIN BYUNG, ZHES GSUNG GI THA MA LTA BU'I LUNG BSTAN STZAL, SHING BYA'I LO PO DONG PHUN TSOGS RAB BRTAN DU BZHUGS PA'I TSE GZIMS CHUNG GI SPUG CIG NAS RJE BTZUN RDO RING PA'I GSUNG 'DRA RUNG BA'I GDANGS LAS LAN CIG KHUR BSKYED LA SDOD DE NAS NGAS 'BOD MI BTANG GIS GSUNG BA DNGOS SU GSAL BAR BYUNG BA NAS LO GNYIS SONG BA ME PHO STAG GI LO THUGS DAM 'OD GSAL LA KHYAB BDAG KUN SPANGS CHEN PO PHEBS NAS CHOS RJE YAR BYON GSUNG BRDA YANG YANG MDZAD PA NA THUGS NGES PAR BYUNG BA'I RTAGS PHYI ROL SOGS SU DUS MA YIN PAR RLUNG LDANG BA, SA G-YO BA, 'KHRUG LONG SOGS MI DGE BA'I LTAS MANG DU SHAR, DE'I TSE THAMS CAD

MKHYEN PA KLU SGRUB RGYA MTSO LA GRANG MO CHE'I SPE'U SER BOR CHOS DU MA STZAL ZHING GSUNG 'GROS KYI LHONGS LA DA LO DRUG CU RTZA LNGA'I THOG DOG CHA CHE BA YOD ZER YANG MA SHI TZAM YOD DAM GSUNG BA SOGS KYIS MTSON ZHABS 'BRING BA DANG DRUNG DU BYUNG BA DU MAR ZHING KHAMS 'PHO BA'I MDANGS KYI GSUNG MANG DU BYON YANG, BDUD KYI MTHUS KUN DGA' POS DE BZHIN GSHEGS PA MYA NGAN LAS MI 'DA' BAR GSOL BA MA BTAB PA BZHIN BU SLOB DANG NYE 'KHOR BA RNAMS KYANG GZHAN 'PHRUL DBANG BYED NAS RMONGS BYED KYI MDA' BSNUN PA LTA BUS BRTAN BZHUGS GSOL 'DEBS KYI RIGS MA BYUNG BA DANG, GTZO BOR ZHING 'DI'I GDUL BYA PHAL CHER RDZOGS SHING BLA MA DAM PA'I BKA' LTAR DAG PA DANG MA DAG PA'I ZHING KHAMS RGYA MTSO'I LUS CAN 'DREN PA LA THUGS LHAG PAR SPRO BA'I TSUL GYIS ZLA BA BDUN PA'I TSES BDUN BRGYAD SKOR LA GRIB ZAS SHIG GIS BSLANG BA'I SKU KHAMS MI BDE BA'I TSUL BSTAN PAR GSOS SMAN DANG SKU RIM SOGS ZHABS TOG PA RNAMS KYIS 'BAD NAS BSGRUBS KYANG DANGS SKYED MED PA'I TSES BCO LNGA'I NYIN GZUGS SKU MTSAN DPE'I DKYIL 'KHOR CHOS DBYINGS DAG PA'I KLONG DU SDUD PAR GZHOL BA'I 'DA' KHA MA'I THUGS DAM ZAB MO'I TING NGE 'DZIN GYI TSE, 'DAR BLA BRANG GI TSOMS CHEN DU DGE 'DUN RAGS RIM GYIS RJE BTZUN RDO RING PA CHEN PO'I SKU BSTOD GSUNG PA'I TSE SDINGS TSABS KYIS SHLO KA GCIG DKYUS NAS CHAD PA RJE BLA MAS THUGS DAM GYI NGANG NAS MKHYEN TE TING NGE 'DZIN LAS BZHENGS NAS SHLO KA 'DI CHAD SONG BAS BSKYAR NAS THON GSUNG BA DPAL MAR ME MDZAD KYIS SBRUL GYI SHUN PA BRJES [?] KYANG SPRUL MI 'CHI GSUNGS PA BZHIN SKYE 'CHI LA RANG DBANG THOB PA'I GANG ZAG GNAS KHANG GCIG NAS

, ,GCIG TU 'PHO BA TZAM GYI NYAMS LAS MED PAS BLOS GZHAL BAR DKA' BA YIN NO,, KHA SANG PHAN CHAD DKAR PHYOGS KYI LHA RNAMS MYA NGAN GYIS GDUNGS PA'I SHUGS KYI GNAM SA PAR GSUM GYI LTAS MI LEGS PA MANG BA 'DI NAS BZUNG NAM MKHA' BEEd'URYA MTHING KHA'I MDOG LTA BU LA 'JA' TSON PIR GYIS BRIS PA JI LTA BA 'KHRIGS SHING ME TOG GI CHAR CHAL CHIL DU 'BAB PA SNGAR TSOR MA MYONG BA'I DRI NGAD BZANG POS KHYAB PA SOGS LHA RNAMS KYIS MCHOD PA BSAM GYIS MI KHYAB PA SPROS, TING NGE 'DZIN DE'I DANG NAS LAM GYI 'PHRO RDZOGS PAR MDZAD DE BCU GSUM RDO RJE 'DZIN PA'I SA MNGON DU GYUR PAS, MKHYEN BRTZE'I ZHABS KYIS, ZHING 'DI'I MDZAD PA LEGS PAR MTHAR PHYIN TSE, ,KUN SPANGS CHEN POS BYON ZHES BSKUL BA'I MTHUS, ,BGRANG YAS NGO MTSAR LTAS DANG LHAN CIG TU, ,MKHA' SPYOD GNAS SU GSHEGS LA GSOL BA 'DEBS, ,ZHES SO,, DE'I TSE RJE MAR BA LO TZ'A LA N'A RO TA PAS PUshPA HA RIR MDZAD PA BZHIN THUGS KYI SRAS DU MA LA DAG PA YE SHES KYI SKU DNGOS SU 'DI DANG LO MANG SONG NAS KYANG BSTAN TE CHOS 'CHAD LUNG BSTAN DBUGS DBYUNG RGYA CHER MDZAD PA DPER NA 'JAM DBYANGS MKHYEN BRTZE'I DBANG PHYUG GI GZIGS SNANG LA MDUN GYI NAM MKHA'I DBUS SU RDO RJE 'CHANG BLO GSAL RGYA MTSO, G-YAS SU SPRUL SKU SH'AKYA THUB PA, G-YON DU AYON CHOS KYI RGYAL PO GSAL BAR GZIGS, RIN PO CHE BOD MKHAR BAS GO YAB KYI GDAN SA BZHAG NAS DBEN PA BSTEN BZHED PA'I DUS TSES BCU'I THO RENGS SHAG RJE BLA MA PHEBS NAS SPYAN NAN CHER GZIGS TE GSUNGS PA RNAM THAR DU, NGED RANG LA SLOB MA AA RE MANG YOD KYANG CHOS RJE'I DRUNG DAM TSIG DANG SDOM

BA LA GNAS SHANG BYANG CHUB KYI SEMS DANG LDAN PAS BLA MA DANG BSTAN PA LA BSAMS, BRTZON 'GRUS DRAG POS SKYO NGAL SPANGS NAS GZHAN DON BYED DGOS PA YID; DA LTA BSHAD SGRUB KYI BSTAN PA'I RJES SU 'JUG PA YOD TZAM GYI DUS 'DIR 'CHAD NYAN THOS BSAM BYAS NA PHAN YON GZHAN LAS CHE BA YIN, GZHAN DON MI YOD PA ZHIG YIN NA SGRUB PA KHO NA BYED PA KHE CHE MOD DE 'DRA NI MA YIN, YANG 'DI YIN GYI MDZUB MO 'DZUGS RGYU MED PAR DPE NYOG MANG PO BLTAS PA'I 'CHAD NYAN LA SNYING PO CI YANG MED, BLA MA GONG MA TSAD LDAN GYI DGONGS PA DANG MTHUN ZHING RANG GI BLA MA TSAD LDAN GYI ZHAL NAS BRGYUD PA'I CHOS THOS BSAM SGOM GSUM GYI SGRO 'DOGS BCAD PA'I NGES NGES DE RANG GZHAN LA PHAN THOGS PA YIN, ZHES BYUNG ZHING, RIN PO CHE YOL PA GSHAGS KHAR STENG MTHONGS SU RJE BLA MA PHEBS PA'I SKU RDO RJE 'CHANG DNGUL CHU LTA BUR SONG TSUL, MKHAN CHEN BSLAB GSUM PAS RJE DBANG PHYUG RAB BRTAN LA LAM DBANG GNANG DUS RNAM THAR DU, RJE NYID KYI BZHUGS SA'I MDUN GYI NAM MKHAR TSAR CHEN CHOS KYI RGYAL PO DANG THAMS CAD MKHYEN PA MKHYEN BRTZE'I DBANG PHYUG YAB SRAS GNYIS DBANG MA GROL BAR BZHUGS NAS DBANG BSKUR GYI CHO GA MDZAD KYIN 'DUG PA LA KHONG YAB SRAS KYI DBANG BSKUR JI LTA BA BZHIN KHYED RNAMS LA BSHANG PA YIN YANG, DE 'DRA'I DGA' BA LA AANG ZHES BYUNG, SNGAGS 'CHANG RIN PO CHE'I RNAM THAR LAS, RMI LAM NA RJE BLA MA TSAR CHEN NYID SNGON DU GSUNG NGAG RIN PO CHE GNANG BA'I DUS SU LAM ZAB GNANG BA'I SKABS KYI SKU'I GZI BYIN DANG ZHAL 'DZUM NA BZA' SOGS JI LTA BA MDZAD NAS KHYOD KYIS BSTAN PA RIN PO CHE'I BYA BA LHUR BLANGS NAS SNYAN BRGYUD THUN MONG MA YIN PA'I BSTAN PA YONGS RDZOGS KYI ZAB CHOS 'DI NYID

, ,RGYUD SDE NAS GSUNGS PA'I GNAS SU 'CHAD PAR GYIS SHIG GSUNGS BYUNG BA DANG GNYID SAD BYUNG PAS DE LTA BU'I BLA MA DANG MJAL GSUNG GI BDUD RTZI ZAB MO THOS PA'I DUS KYANG BYAS SNYAM MCHI MA MANG DU SHOR TSE RABS KUN TU GDUL BYA'I ZHING KHAMS SU SKYE BA, DE NAS KYANG RJES SU 'DZIN PA ZHIG SNYAM PA'I GSOL BA PHUR TSUGS SU BTAB CES DANG, DE NYID LAS, 'DAR DU GSUNG NGAG BSHAD SKABS DE DUS ZLA BA GSUM TZAM SONG BA'I BSKYED RIM GYIS MNGAL 'BYIN PA'I DMIGS PA GAL GNAD SHIN TU CHE BA ZHIG GI DUS SU DE TSOM CUNG ZAD YOD PA ZHIG BYUNG BA DE DE NUB THO RANGS KHA'I DUS SU RMI LAM NA ZHABS DRUNG RJES ZHU SNA MDZAD RJE BTZUN TSAR CHEN DANG SNGON GYI GZHI BSNYEN SKABS SU PHEBS PA'I BLA MA YAB SRAS RNAMS ZHAL 'DZUM LTA BAR MI BZOD PA LTA BU'I DGYES PA'I RNAM 'GYUR JI SNYED GNANG, DE NAS SNGON GYI BLA MA NYID KYIS SKAD CIG LA SPYAN NAM MKHAR GZIGS PA DANG DPA' BO DANG MKHA' 'GRO YIN ZHU BAS CHAR SPRIN LTAGS PA LTAR BYAS 'JA' TSON LHAM ME BA ZHIG BYAS SO,, DE NAS BDAG GI DOGS PA PHRAN BU 'DI SEL BA ZHIG ZHU SNYAM PA NA, AE MA LEGS PA'I LAM LA LEGS SO ZHES, ,DE GA YIN PAS BKA' STZAL MI DGOS TE, ,LOGS SU YOD PA'I 'BRAS BU TIL TZAM MED, ,BLO GROS LDAN PA KHYOD LA CI ZHIG DGOS, ,GSUNG BA ZHIG GNYID KHONGS SU ZIN, DE NAS ME LONG LA HAS BTAB PA LTAR YAL BA DANG GNYID SAD, AE MA NGAS 'DI LTA BU'I LAM CHAD PA MA NOR BA THOS NAS LAN BSKYAL BA LTA BU LA'ANG THUGS DGYES DGYES GNANG BA NI BSTAN PA NYAMS DMA' BAR 'DUG SNYAM PA'I BLO LA 'KHU 'PHRIG CHEN PO DANG DAD PA'I DPAL 'BAR BA'I DGA' SPRO DANG, SNYING CHU MIG

SDAR 'BAB PA LTAR CIG BYUNG, BSAMS TZA NA DA RANG SKAL BA BZANG SNYAM PA'I BLO BDE PHUGS SU CHUD BLTOS BCAS KUN KYANG LUGS GNYIS BYA BA PHRA RAGS GANG LA'ANG GEGS KYI MTSAN MA MI 'BYUNG BA ZHIG LAGS ZHES DANG, DE NYID LAS, ,'DAR DU SKYE BDUN RIL SGRUB SKABS ZHAG LNGA SONG BA'I SNGA THUN GYI BAR LA GNYID KYI RNAM PA THUNG TZAM BYUNG BA'I RMI LAM NA RJE BTZUN SPRUL SKU CHEN PO PADMA RGYAL PO'I SKU NYID MYUG RGYAL KHANG DU SKYES BDUN SGRUB PA'I SKABS KYI SKU'I MDANGS JI LTA BA DANG G-YAS NA 'KHRUL ZHIG CHOS SKYONG BSOD NAMS YIN ZER BA'I SKU GZI BRJID CHE BA ZHIG DANG, G-YON NA TSAR CHEN YAB SRAS DANG BCAS DGYES PA'I ZHAL 'DZUM GYI MDANGS GSAL LE BA BYAS PA ZHIG RMIS PA, GNYID DANGS PA NA AE MA HO NGA YANG BSOD NAMS CHE, DE LTA BU'I SLU MED KYI BLA MA RNAMS DANG MJAL SNYAM PA DANG, DA SNYING PO BDAG DANG BDAG LA BLTOS PA THAMS CAD AYON BLA MA'I DRUNG DU SKYE NGES KYI SMON PA YID CHES NGES SHIG BTAB, CES DANG, RDO RJE 'CHANG DBANG PHYUG RAB BRTAN DPAL PHUG TU BZHUGS SKABS DAG SNANG DU GSUNG NGAG GNANG PA'I THUGS NYAMS SHAR, YAR KLUNGS BKRA SHIS RTZA CHOS SNGAR LAM 'BRAS 'DZUGS PA MDZAD SKABS 'OD GSAL DU YANG YANG ZHAL GZIGS, 'DAR RNAM RGYAL STAG RTZER MNAL LAM DU RDE [?] BLA MA'I ZHABS GNYIS DBU GTZUG TU BZHAG PHYAG GNYIS KYIS ZHAL 'GYAM SKYOR NAS BYIN RLABS GNANG DUS AYON DNGOS YIN DGONGS PA'I TSE DE'I SKUR GYUR, RNAM PA DE LTAR SHAR YANG NGO BO PHA BLA MAR THAG CHOD PA'I MOS GUS KYI NGANG NAS MNAL SAD TSE DBU GTZUG TU ZHABS DROD KYIS TSA CHIL LI BA BYUNG BAS MTSON TE DNGOS SLOB YANG SLOB MANG POR ZHAL STON CHOS GSUNG BYIN RLABS GEGS SEL BOGS

, ,'DON LUNG BSTAN GNANG BA SOGS MANG, RJE BOD MKHAR BA'I RNAM THAR TU, RMI LAM LA TSAR CHEN RDO RJE 'CHANG CHEN PO DE NYID NA BZA' SOGS SHIN TU BZANG BSKUL 'OD 'PHRO BA DANG BCAS PHYOGS SHIG LA THEGS SONG BA DANG RJE'I DRUNG LA BLTOS PA RNAMS NGAS RJES SU 'DZIN NO GSUNGS SPYAN CER BA ZHIG GZIGS PA RMIS, DE NAS RING BOR MA LON PAR PHA BLA MA RDO RJE 'CHANG CHEN PO DE NYID DGONGS PA CHOS KYI DBYINGS SU THIM ZER BA'I SKAD CA BYUNG BA YUG CIG 'DI BYA DANG 'DI BYED MED PA'I DANG LA 'DI RMI LAM YIN LA CHE BSAM PA DANG, DE LAS SANG DE KYE MA KYE HUD SHIN TU 'JIGS SU RUNG BA'I 'KHOR BA'I RGYA MTSO LAS SGROL BAR BYED PA'I DED DPON CHEN PO LAN CIG RNYED PA DE NYID, RMI LAM SGYU MA BZHIN DU YAL NAS THAL DA MGON MED PA'I BDAG SOGS 'GRO BA RNAMS JI LTAR BYED BSAMS PA DANG, MIG MCHI MAS GANG SEMS LA BZOD GLAGS MED PA'I SDUG BSNGAL DPAG TU MED PA BYUNG, SLAR BSAM BLO LA SNGON YANG DAG PAR RDZOGS PA'I SANGS RGYAS NAS BZUNG BLA MA GONG MA TSANG MAS MYA NGAN LAS 'DAS PA'I TSUL BSTAN KHONG RNAMS BDE BA NAS BDE BA'I ZHING DU GSHEGS PAS KHAM CHE, SNYAN BRGYUD KYI GDAMS PA RNAMS NI THOB RANG RE CHOS GSHA' MA ZHIG BYED DGOS, DA DUNG GNAS GSAR NAS RJE DRUNG RIN PO CHE LTA BU YANG BZHUGS BSAMS PA DANG 'JIG RTEN PHYOGS NAS NGED RANG TSO'I BYUNG TSUL KYANG DRAN SNGON NAS BSAMS PA'I GNAS DE LTA BU ZHIG TU THUGS DAM BYED PA LAS GZHAN THABS MED BSAM PA SHAR [?] ZHES BYUNG BA, RANG SEMS BLA MA'I NGO BOR THAG CHOD PA'I SKYES BU DE 'DRA LA'ANG, DE BZHIN GSHEGS PA'I SNGON ROL TU MCHOG ZUNG NYID ZHING KHAMS

'PHOS PA BZHIN THUGS LA MI BZOD PA'I TSOR BA DRAG PO BYUNG NA THA MAL BA DAG LTA CI SMOS PAS PHYOGS DE'I SKYE BO RNAMS CHO DE 'DON PA DANG BRGYAL BA SOGS NYAM THAG PA'I RNAM 'GYUR SNA TSOGS PA STON ZHING, 'DAR PA BSOD NAMS LHUN GRUB LO NGO BZHI TZAM LO NA PA ZHIG KYANG STOD LA 'TSANGS PA BYUNG BA NA'ANG RGYAL BA NYI MA'I GNYEN CHOS KYI DBYINGS SU GZUGS SKU'I BKOD PA BSDUS KYANG 'OD SRUNGS CHEN PO SOGS BSTAN PA'I GTAD RABS RIM BYON LTAR, RJE BLA MA DAM PA LA RE BLTOS 'CHA' BA'I GDUL BYA RNAMS RJES SU 'DZIN PAR ZHAL SBYIN [?] LTA BU'I ZHAL SLOB KYI 'DREN MCHOG 'DI LTA BU YOD DO ZHES DBUGS DBYUNG BA LA CHED DU BSNGAGS PA LTAR RIM GYIS PHYOGS NAS 'DUS SHING SKU GDUNG ZA MA TOG TU MA BZHUGS PA'I GONG DU TSOGS PA RNAMS LA PHUR MJAL GYI DUS SKU GDUNG YID BZHIN GYI NOR BUR ZHIG LAS SANG CHU BZHIN SKU RDUL ZHU BA SHEL DKAR GYI 'KHRI SHING LTA BU GSAL LA 'TSER BA KUN GYI MTHUN SNANG DU GRUB PA'I DGE MTSAN MTHA' KLAS PA BYUNG, ZHAL SLOB 'GANGS CHA BA RNAMS DANG, CHOS SDE KHAG, BSTAN PA'I SBYIN BDAG GNAS GSAR BA DANG 'DAR BA SOGS KYING [?] THOG DRANGS MDOR NA SKYA SER DRAG ZHAN MTHA' DAG GIS SNYAN DAR MCHOD PA SNA LNGA SOGS CHE 'BYOR CHUNG 'BYOR DANG, 'DAR STOD RNAM RGYAL STAG RTZE NAS SDE PA YUM SRAS KYIS 'GAN BLANGS, BLA BRANG GNYER TSANG, BO DONG PHUN TSOGS RAB BRTAN SOGS NAS DGE 'DUN MANG POR BSNYEN BKUR TE KYI RDOR GTZO BOR GYUR PA'I DKYIL 'KHOR DU MA ZHAL 'BYED KYI CHOG GRA'I TSE RDO RJE SLOB DPON RIGS KUN KHYAB BDAG CHEN PO'I SKUR BZHENGS PAS PHYI NANG GSANG BDE KHO NA NYID KYI MCHOD PA'I TSOGS GSOG RGYA CHER BSGRUBS SKABS NYIN ZHAG MANG POR ME

, ,TOG GI CHAR DANG 'JA' 'OD KYI GUR SOGS PHYOGS DER 'DUS PA MTHA' DAG NGO MTSAR DANG DAD PA'I SPU LONG G-YO BAR GYUR, SKU GDUNG RIN PO CHER DAR ZAB KYI NA BZA' DANG DRI BZANG GI PHYE MA'I SRI ZHU, NYES PA'I SKYON SEL BA'I SLAD DU TSVA SOGS KYI ZHABS TOG DANG BCAS RIN PO CHE'I SGROM BUR BCUG STA NYIN RE BZHIN MCHOD PA SNA TSOGS PA'I BKUR STI CHAD PA MED PA'I NGOS LO BCO LNGA SONG BA LCAGS MO SPRUL GYI LO SDE PA RIN CEN DPAL BZANG BA MCHED SOGS DAD PA DANG GTONG BA PHUN SUM TSOGS PA'I SBYIN PA'I BDAG PO CHEN POS GSER GDUNG THOG TSAD PHYED GNYIS TZAM LA SDE PA RIN CEN DPAL BZANG MCHED KYI G-YU BAD, YUM AA MDZES RGYAL MO'I G-YU KREL RNA BRGYANGS KYIS GTZOS G-YU MU TIG BYU RU SPOS SHEL SOGS KYI PHRA RGYAN PHYUG PA DANG BCAS BZHENGS PA'I THOG MA'I GEGS SEL NAS GZUNGS BZHUGS RAB GNAS KYI BAR THUGS SRAS DAM BA MTSUNGS MED SNGAGS 'CHANG CHEN POS MDZAD PA NI RNAM THAR LAS, DE NAS RJE BTZUN RDO RJE 'CHANG BLO GSAL RGYA MTSO'I RING BSREL PHUNG PO GSER GDUNG RIN PO CHE'I ZHAL BKOD BDAG LA BAR CHAD ZHI PHYIR SRUNG 'KHOR DANG LHAG PAR RGYU DANG ZANGS BZE BA RNAMS LA BGEGS SKROD DANG BSKYAD CHOG BYED DGOS TSUL GSUNGS BLA MA DRAG PHOR LANGS NAS BYAS PAS BAR CHAD MTSAN MAS GLAGS BLTA BAR GA LA NUS, RGYANG GRAGS TSUN LA BKRA SHIS MNGA' GSOL MA GRUB PAR DU NYES PA'I GO SKABS BRAL LAR BLA MA DAM PA'I THUGS RJE LAS GNAD DU MI 'GRO BA BYUNG DOGS MED, 'ON KYANG SRUNG 'KHOR CHED BSTAD NAN BSKYED DE BSGOMS PA DANG NYIN MTSAN DAL MED DRAG SNGAGS RGYUN CHAD MED PAR BZLAS, ZLA BA DRUG GI KHONGS SU YONGS SU RDZOGS TE RIN PO CHE'I GDUNG NYID MCHOD RTEN

DU SPYAN DRANGS PA'I YE SHES PHYIR 'BRANG GI BGEGS SKROD 'JAM DPAL ZHAL DGU PAR LANGS TE BYAS PAS BDUD RIGS KYI TSOGS THAMS CAD BYER ZHING DER TSOGS PA KUN KYANG SPU ZING BYED PA MANG DAG BYUNG 'DUG, MCHOD STEGS SU PHEBS PA DANG MCHOD PA DANG SKU KHRUS 'BUL BA SOGS RGYAS PAR BYAS, PANYTZA LI KA SNAM SBYAR KYI GRVA SPUBS NAS GNYIS MED KYI YE SHES LA KHONG GI MED KYANG BDUD RTZI SHEL DKAR GYI GONG BU GCIG TU BYAS PA TSUL KHRIMS KYI PHUNG PO GONG 'PHEL DANG DRI BSUNG PHYOGS BCUR 'PHRO BA'I SPOS DKAR GYI RDOGS BDAG GI PANG DU GNANG BYUNG BAS SGRIB MED YE SHES KYI THUGS RJE RGYUN CHAD MI MNGA' LAGS SO,, DE LTAR RGYU RIN PO CHE GSER LAS GRUB PA'I GNOD SPYIN PHO MO'I 'KHOR LO SGRUB PA ZLA BA TZAM KYIS RGYUD NAS JI SKAD BSHAD PA LTAR BZHUGS SU GSOL, MTHAR RAB TU GNAS PA RGYUD SDA NAS GSUNGS PA LTAR MTSAN NYID CHANG BA'I SGO NAS ZHAG GSUM SPREL ZHIG BYAS, SGRUB PO SBYIN BDAG DANG BCAS PA'I TSE DANG BSOD NAMS DPAL 'BYOR GYI RGYUN THAMS CAD GONG 'PHEL DU 'GRO BA'I PHYIR RGYAS PA'I SBYIN SREG THUN MONG MIN PA'I PHYAG LEN GYIS BRGYAN NAS BYAS, ZHES BYUNG BA, GSER GDUNG RIN PO CHE'I DBU THOG TU GNAM RGYAN, SNYAN DAR, TING KONG BU MAndAL ME DAM SOGS MCHOD RDZAS KYI RIM PA RGYA DPANGS MTHO BA, GDUNG RTEN GYI G-YAS SU RJE BLA MAS BZHENG PA MDZAD PA'I LAM ZAB DANG G-YON DU DGONGS RDZOGS LA DMIGS PA'I LAM 'BRAS BRGYUD BA DANG BCAS PA BLA MA SO SO'I SKU MDUN DU ZHAL DKAR, BZENG ZHAL, ZHAL BSIL, d'A DRIL, DPANG BUM, 'BRU PHOR, NANG MCHOD KA LI SOGS NYER SPYAD PHUN SUM TSOGS PA, BSTAN PA'I SBYIN BDAG 'DAR NAS KYIS ZHING DAD NAS RTZA SBYAR BA'I GSER GDUNG RIN PO CHE'I DRUNG DU

, ,DKAR ME SDONG RKANG BCO BRGYAD RE'I RGYUN BTZUGS BA DENG SANG YANG NAG ME LA BRTEN PA'I PHYOGS 'DRA TZAM RE YOD SNANG, SNGAGS 'CHANG RIN PO CHES NGA'I BUR 'DI GDONG DGA' BA MI RTZA MCHAD BAR DE PHYOGS LA KHA THOD LA ZHOG CES ZHAL [?] CHEMS LTAR GDUNG RTAN DU BZHUGS BA LCAGS STAG LO DUS BABS KYIS ZHUGS 'BUL DGOS PA 'GYANGS PAS ME RANG 'BAR LTA BU'I RKYEN GYIS GTZUG LAG KHANG LA ME GSHOR BYUNG DUS RJE 'DI NYID KYI GDUNG YANG MES BZHES MOD DE YAN CHOD PHYOGS DE'I SKYE RGU MTHA' DAG GIS SHI GSON GYI DGE BA'I PHUD GSER GDUNG LA 'BUL ZHING, 'DAR BA'I BYA BA GANG GI TSE'ANG ZAN RIL BSGRIL BA LA YID GTOD BAR SNANG, MA 'GYANGS PAR 'DI GNAS GSER SGAD DUL SGA CHA 'GRIG LEGS PA RE DANG GOS YUG LNGA RTA SOGS KYI YON SBYAR ZHING GTZO BOR GDAN SA NAS 'JAM MGON SA SKYA PA CHEN POS THUGS KHUR BZHES TE DNGUL GDUNG THOG TSAD MA PHRA RGYAN DANG BCAS GRUB PA'I NANG DU BDAG CHEN RIN PO CHES GDUNG TSA PHYAG DAR BA MANG DU 'JUG PA GNANG BAS BYIN RLABS KYI RGYUN MA NYAMS PAR YOD, GZHAN YANG THUB BSTAN DGE 'PHEL DANG GLANG MO CHE GNYIS KAR ZLA BA BYUNG NGO COG GI TSES BCO LNGA LA GZHI RTEN SBYAR BA'I MANG JA, ZLA BA BDUN PA'I DUS CHEN THOG TSES BCU GSUM NAS ZHAG BZHI'I BAR KYE RDOR SGRUB MCHOD, DE ZHOR DU GRANG MO CHER TSES BCU BZHI NAS ZHAG GSUM GYI BAR DMAR CHEN GTOR BZLOG, GNOD SBYIN YAB YUM, PU TRA MING SRING, BEG TZE LCAM DRAL, SGO MA BZHI, BRAN BDUD, NOR BDAG YAB YUM RNAMS KYI 'CHAMS SOGS RGYAS PAR TSUGS PA DANG SANG GI BAR DU MA NUB PAR GNAS, GZHAN YANG SDE PA GNAS GSAR BA, KHRI KHANG PA, AO GZHI BA SOGS SBYIN

PA'I BDAG PO RNAMS KYIS SGRUB MDONG DUS DRAN GYI THEBS SOGS GNAS DGON MANG BOR BSOD NAMS RGYA MTSO'I RLABS 'PHRING DUS LAS YOL BA MED PAR GYUR TO,, MTHA' YAS ZHING DU GRANGS MED RDZOGS SANGS RGYAS, ,'GRO 'DREN NGAL KHUR BZUNG BZHIN GANGS LJONGS 'DI'I,, GNYEN GCIG BSU MAR 'ONGS PA'I d'A KI'I TSOGS, ,PHYOGS 'DI KHO NAR BRTZE BRAL KYE MA HUD, ,SEMS CAN KUN DON RING NAS THUGS BSKYED MGON, ,RTZOD LDAN DU: KHAS CHES MNAR GDUL DKA' RNAMS, ,BOR NAS CHOS DBYINGS BDE BA'I KLONG GZIMS NA, ZHAL 'CHES RDO BA'I RI MA MING DU ZAD, ,'OG MIN ZHING DU YE SHES THEM SKAS LA, ,SHES GNYEN MCHOG DE 'BYON PAR GSOL BTAB NAS, ,DBANG GZHU'I GUR KHYIM MANDA RA BA'I CHAR, ,THABS KYIS SKAL DMAN 'GRO RNAMS 'BRID 'DI CI, ,TSUR MTHONG SKYE BO MYA NGAN KHANG BU RU, ,BRGYAL MOD GNAS LUGS RANG NGO SHES PA RNAMS, ,SEMS NYID NGAG PA'I NGO BO TSANG BA RJE, ,KHYAB BDAG RDO RJE SEMS GZHAN DMIGS SU MED, ,'ON TE CHOS KYI RGYAL TSAB GNAS GSAR BAM [?], ,NYER MTSON BSTAN 'DZIN DPYID KYI GSER LDAN MA, ,RDUL CHU'I RGYUN 'BAB DE BZHIN SNYAN BRGYUD CHOS,, SRING MTHAR MI NUB 'PHEL DER SPRO DGA' BRTAS, ,DE LTAR RIGS DANG DKYIL 'KHOR KUN GYI KHYAB BDAG SNYAN BRGYUD RGYA MTSO'I DENG DPON CHAR CHEN CHOS KYI RGYAL PO'I RNAM THAR GSOL 'DEBS SA SKYONG 'DAR PA RIN CEN DPAL BZANG GIS MDZAD BA'I BYIN RLABS BDUD RTZI'I CHUG TER RGOD BA DANG, DE'I 'GREL PA SNYAN NGAG MKHAN 'DAR PA BSOD NAMS LHUN GRUB KYIS BSGRIGS PA LEGS BSHAD ZLA BA'I SNANG BA, RTZA 'GREL DE GNYIS LA GZHI BCOL NAS CHOS 'KHOR YANG RTZE DANG MNYAN YOD BYA GSHONG GI MKHAN PO 'JAM DBYANGS DGA' BA'I BSHES GNYEN GYIS MDZAD PA'I

, ,RNAM PAR THAR PA NGO MTSAR NOR BU'I MA PHUL RGYAN RNAMS LA'ANG RJE BLA MA ZHAL BZHUGS DUS ZIN BRIS NGES SBYAR MED PA'I SKYON GYIS LE TSIGS GAL CHE BA RAGS PA TZAM LAS ZHIB CHA MA MCHIS SHING, MDZAD PA 'GANGS CHE BA RNAMS BSDEBS MCHUNGS SU 'DUG PA ZHAL SLOB KYI RNAM THAR DANG SGO BSTUN PA'I LO ZLA SOGS CUNG ZAD GTAN TSIGS KYIS GZHAL NUS KYANG MTHA' DAG RTOGS PAR DKA' BAS GSOL 'DEBS CHIGS [?] BCAD MA RTZA BAR BZUNG, 'GREL PA DANG 'JAM DBYANGS DGA' BA'I BSHES GNYEN GYIS MDZAD PA GNYIS LA 'KHRUL SKYON NGOS ZIN PA THOR BU BYUNG BA RNAMS LA DAG SBYOR BYAS, GO RIM PHYOGS TZAM LAS NGES SBYAR MA THUB RUNG DON GYI CHA LA DPYAD GANG BZOD KYI LUGS BGYIS BAR SLANG NAS KYANG MKHAS PA RNAMS KYIS DAG THER DANG SNON 'BRI MDZAD 'TSAL LO,, RGYAL YUM YE SHES MKHA' 'GROS RJES BZUNG SA DRUG DKA' BA MED BGROD NAS, ,BRTUL ZHUGS SPYOD PAS LOG LAM 'PHYAN KUN MNGON MTHO NGES LEGS GNAS BKOD DA, ,BCU GSUM RDO RJE 'DZIN BA'I SAR GSHEGS RNAL 'BYOR DBANG PHYUG CHOS SKYONG ZHABS, ,AA HO NGUR SMRIG GOS KYIS NYER KLUBS RIGS KUN BDAG PO TSAR BA RJE, ,'GRO SNANG RDZING BU GANGG'A'I GLUNG RDUL SNYED, ,SNA TSOGS SGYU DRA'I ZLA GZUGS 'CHAR BA'I CHAD, ,BSKAL BRGYAR 'TSOL PA'I RTZE GCIG TING 'DZIN MKHAN, ,MKHA' MTHA' MA RNYED LDOG PA'I 'DAB CHAGS BZHIN, ,BCU GSUM RNAM PAR SPRUL PA'I ZLOS GAR GTAM, ,GYA TSOM SMRA MIN LUNG RIGS NGES STER NOR, ,GRANGS MED SKYE BAR BSGRUBS PA'I LEGS BYAS KYI, ,TSONG ZONG DES KHUGS CHUL LA GCIG TU RANGS, ,THOS BSAM CHA BSAGS ZLA DKYIL DMAN PA'I ZOL, ,GZHAN DOR 'PHEL DANG 'GRIB [?] PA LTAR SBYOR YANG, ,DPAG

DKA'I YON TAN RI BONG SNANG BRNYAN DE, ,MNGON SUM GSAL BAR 'CHAR LA GANG GIS BSNYON, ,SNYAN BRGYUD RING LUGS DBYID KYI DGA' STON TSOGS, ,CHAD MED 'BOD PA'I RTOGS BRJOD GZHAN GSOS GLU ,BLO GSAL RNA BA'I BCUNG DU SRID MTHA'I BAR, ,CHES DNGAR [?] PHANG, 'GRO'I SGRA BZHIN SNYAN BAR SHOG ,CHED DU SGO GSUM 'BAD RNAMS ZUNG 'JUG SKU, ,MNGON GYUR DE SRID TSANG MA BZHI LDAN CHOS, ,STON DANG NYER MJAL THES [?] BSAM SGOM PA YI, ,BZANG PO'I SKAL BA CAN DU 'GYUR BAR SHOG ,GSUNG NGAG GSER CHOS RDO RJE'I CHOS SKYONG GIS, ,ZANG DON SLOB MAR BSHAD BYA GDAMS PA'I CHAR, ,SNOD LDAN GDUL BYA'I 'DZIN MA RAB BRLAN TE, ,BSHAD SGRUB SNYE MA SRID MTHAR G-YUR ZA SHOG ,DE YANG TSAR CHEN CHOS KYI RGYAL PO'I RTOGS BRJOD BYA GSHONG MKHAN CHEN 'JAM DBYANGS DGA' BA'I BSHES GNYEN GYIS MDZAD PA DER 'KHRUL GZHIS YAR YONG GRAGS DANG, SA SPYOD 'DAR PA RIN CEN DPAL BZANG KHU DPON GYIS SBYAR BA'I GSOL 'DEBS RTZA 'GREL KHUNGS BTZUN YANG KHYAB CHE BA ZHIG GI SNANG BAS BSGRIG MDUN YOD NGOS DRIN CAN BLA MA DPAL LDAN RDO RJE SEMS DPA' DNGOS BKA' 'GYUR BA CHEN PO DANG 'DREN MCHOG DAM PA MKHAN CHEN ZHA LU PA GNYIS KYI BKA'I KHUR LCI BA'I STANG, BDAG CHEN RDO RJE 'CHANG YAB SRAS BRGYUD PA DANG BCAS PA LA MI PHYED PA'I DAD PA THOB PA'I BSTAN PA'I SBYIN BDAG P'A nI, KA TZAN, SRA RA SVA STI BYA KA RA nA SOGS BRDA SPROD PA'I GTZUG LAG RGYA MTSO'I MTHAR SON ZHING, SDEB SBYOR, RTZIS DKAR NAG GIS MTSON PA'I RIG BYED DU MA LA BLO GROS KYI SNANG BA RGYAS BA 'DAR PA NGAG DBANG PHUN TSOGS LHUN GRUB KYIS LO RGYUS KHA 'THOR RNAMS BSDU BA SOGS 'BAD PA CHEN POS BSKUL BA DANG, RAB 'BYAMS RGYUD SDE'I BANG MDZOD BCO BRGYAD CHOS RDE

[DD1] !, ,(GLING [?] GSUM [?] DBANG PHYUGS [?] [?] ZIGS BYED MA,,) *, ,BYAMS PA NGAG DBANG LHUN GRUB, GNAS GSAR ZHABS DRUNG DPON RIN PO CHE NAM MKHA' BSOD NAMS DBANG GI RGYAL PO, GRUB PA'I DBANG PHYUG LCAGS ZAM PA CHEN PO'I DBON NGAG DBANG BSTAN 'DZIN PHUN TSOGS GSUM GYIS GSUNG NGAG BRGYUD PA'I KHA SKONG DU DGOS PA'I MTSAMS SBYAR BAR BRTEN RIGS DANG DKYIL 'KHOR KUN GYI KHYAB BDAG RDO RJE 'CHANG BLO GSAL RGYA MTSO GRAGS PA RGYAL MTSAN DPAL BZANG PO'I RNAM PAR THAR PA SLOB BSHAD BSTAN PA'I NYI 'OD 'DI NI KHA'U BRAG RDZONG PA'I RING LUGS LA RGYU MTSAN SHES NAS DAD PA THOB PA'I ZA HOR GYI BANDE SLOB BSHAD 'DZIN PA NGAG DBANG BLO BZANG RGYA MTSO 'JIGS MED GO CHA THUB BSTAN LANG TSO'I SDES A'A NA LA ZHES PA ME 'BRUG GRO BZHIN ZLA BA'I YAR TSES BCO LNGA RJE BLA MA MKHA' SPYOD DU GSHEGS PA'I DUS DRAN GYI NYIN PHO BRANG CHEN PO DMAR PO RIR SBYAR BA'I YI GE PA NI 'PHYONG RGYAS SPUN BDUN PA LHUN GRUB RGYA MTSOS BGYIS TE GRUB PA'I DGE BAS SNYAN BRGYUD TSAD MA BZHI LDAN GYI BSTAN PA SRID MTHA'I BAR DU RGYAS PAR GYUR CIG, ,,SARBA MANGGA LAm,, [DD2] !, ,(BSTAN SRUNG SDE [?] DPON RDO RJE GUR,,)

[BLANK PAGE]