!,, MA NYDZA SHR'I DHA RMM'A n'Am SV'A M'I RA TNA DHA RMA WARTA SY'A W'A D'A NA WA tO RKK'A nI KA BI HA RA TI SMA ,, *, ,'JAM DPAL DBYANGS CHOS KYI RJE DKON MCHOG CHOS 'PHEL GYI RTOGS BO RDZING {%RTOGS BRJOD} MKHAS PA'I RNA RGYAN BZHUGS,,
, ,LEGS BYAS SNANG BA RGYA MTSO'I PHA MTHA' TSUR MTHONG BLO GROS GZHAL BAR RAB DKA' BLA MED RIN CHEN 'BYUNG GNAS CHE, RLABS CHEN TSOGS GNYIS RLUNG GI SHUGS KYIS RANG DBANG DANG BRAL ZUNG 'JUG GLING DU BDE PAR SON PA'I RIGS BRGYA'I BDAG ,MTHA' YAS LUS CAN KUN MKHYEN LANG PAR 'JUG PA'I SGO 'PHAR BRGYA PHRAG 'BYED PHYIR SGYU 'PHRUL DRA BA'I ROL GAR LAS, ,NYI MA'I GNYEN GYI COD PAN LEGS 'CHANG DAM PA'I CHOS KYI 'KHOR LOS SGYUR BA TZONG KHA PA LA SPYI BOS 'DUD, ,GANG GI DRI MED BSTAN PA'I SHING RTA LEG PAR RTOG PA'I 'DAM RDZAB TU, ,BYING NAS MKHAS PA'I BYED PO PHAL CHER DUB PHAS BTANG SNYOMS LA GNAS TSE, ,THOGS MED 'DREN PA'I KHA LO PA RU ZUR PHUD LNGA PA MI'I ZOL CAN, ,SMRA BA'I DBANG PHYUG DKON MCHOG CHOS 'PHEL THUB BSTAN YONGS KYI BLA NA MTHO, ,LUNG RTOGS LHUN POS RAB LCI BSTAN PA'I SA, ,NYES BSHAD CHU MTSOR NUB LA MNGON PHYOGS TSE, ,RNAM DPYOD RUS SBAL KHUR GYIS BTEG PA NA, ,KHYAB 'JUG SKYENGS TE SUM RTZEN GNAS SU THOS, ,BDAG PAS GZHAN GCES RMAD BYUNG SNYING RJE'I GTER, ,CHOS KUN RJEN PAR RTOGS PA'I MKHYEN PA'I KLONG, ,SMRA NGAN NAG PO'I SDER BCAS 'JOMS PA'I MTHUS, ,RIGS
, ,GSUM MGON YANG 'DI LAS GZHAN DU CI, ,DE PHYIR MDZAD PA'I MKHA' YI PHA MTHA' LA, ,BLO GROS GSHOG PAS GZHAL BA'I NUS BRAL YANG, ,THUN MONG SNANG NGOR BSTAN PA'I LHA LAM NGOS, ,SNYAN TSIG 'PHUR LDING BGYID LA SU MI SPRO, ,KHYAD PAR RNAM 'DRAN KUN 'DUS BLA MA LA, ,SPEL LEGS SNYAN PA'I TSIG LAS DRANGS PA'I BLOS, ,RNAM PAR THAR PA'I BSTOD BSNGAGS BRJOD PA YI, ,BYED PO DUS MKHYEN RGYAL POR TSUL MTHUN SNYAM, , BSOD NAMS ZHING GYUR DGE 'DUN YONGS KYI DPAL, ,GANG DER PHYOGS LHUNG NYIN BYED 'OD DKAR GYIS, ,PHYED MIN DAD PA'I BA KU LA LDAN PA'I, ,BLO LDAN RNAM RGYAL NGAG GI 'OD RNON GYIS, ,DAM PA'I DRIN LAS GZHUNG LUGS MANG THOS PA'I,, ZA HOR BANDHE'I RNA BA'I PADMA DKAR, ,PHYE BAS RTOGS BRJOD SBRANG RTZI MNGAR BA'I RO, ,SPEL GYIS BLO GSAL RKANG DRUG DGA' STON BYOS,, DE YANG GRANGS MED PA'I SKU TSE RNAMS SU MKHAS PA PAndI TA RIM PAR BRGYUD PA'I BAG CHAGS BLA NA MED PAS, CHES SHIN TU ZAB CING BRLING BA'I GSUNG RAB MTHA' DAG KYANG, LTA BA PO LA MI DGA' BA'I BRTUL ZHUGS KYIS KHRO BA'I BZHIN RAS NAG POR STON PA'I MDUD PA DBANG MED PAR GROL BA'I NGO MTSAR GYI 'PHRENG BA RNAM DPYOD KYI MGUL
BAR BCINGS NA'ANG, DNGOS SU MKHAS PA 'DI NGANG 'DI ZHES SKYE BAR ZHAL GYIS MI 'CHES PAR SKYE DGU PHAL PA'I SNANG TSUL DANG BSTUN PA'I RDZU LA BRTEN NAS, RGYA BOD KYI MKHAS GRUB DAM PA KUN GYI MDZOD PA LTAR, THOS BSAM SGOM PA'I TSUL LA THUGS GZHOL BAR GYUR PAS, SNYIGS DUS KYI RGYAL BA KUN GYI DBANG PO CHOS KYI RGYAL PO TZONG KHA PA CHEN PO ZHES GRAGS PA'I RDZA RNGA SRID 'DI YONGS KYI RNA BAR SPUD PA GANG GA RGYAL TSAB DAM PAR, 'KHOR LOS SGYUR BA'I SRAS KYI MCHOG SENG GE'I KHRI LA DBANG BSKUR BA LTAR GYUR PA'I THUB BSTAN YONGS KYI RTZA LAG RJE BTZUN DKON MCHOG CHOS 'PHEL GYI RNAM PAR THAR PA'I MU MTHA' KUN MKHYEN PA'I YUL LAS GZHAN GYI GNAS MIN YANG, RANG CAG RNAMS KYIS JI LTAR KHONG DU CHUD PA'I TSUL CUNG ZAD BRJOD PAR BYA'O,, SNGON GNAS RJES DRAN MKHAS GRUB SKYE BA YI, ,RGYUNG LAS 'ONGS MIN TSE 'DIR SBYANGS STOBS KYIS, ,MKHAS PA'I BYA BA RNAM GSUM KUN RDZOGS PAS, ,BRGYA BA'I TSE'I YUN MES POS RING POR SBRUL, ,AE MA 'PHAGS YUL MKHAS PA'I BAG CHAGS KYI, ,BZANG PO'I CHA SHAS YONGS SU GANG MIN NA, ,BSIL LDAN KHA BA'I LJONGS SU SKYES PA'I MI, ,PHAL CHED KHYOD DANG MI MTSUNGS GANG GI SKYON, ,MI BSRUN SKYE BOS GANG BA'I MTSAN MO'I DUS, ,DPAG DKA'I MDZAD PA'I TSAL RNAMS ZUM [?] PA'I RJU [?], ,RTOGS BRJOD NYIN BYED DBANG PO SHAR BA'I TSE, ,ZHIG PA DAM [?] PO'I CHOS NYID YIN LAGS DRANG, ,'ON KYANG DAM PA'I SKYE BAR KHAS 'CHE NAS, , THOS BSAM SGOM PA'I MTHU DMAN ZANG ZING GIS, ,GZHAN SNANG SGYUR BA KHO NA SKYABS BSTEN PAS, ,LJONGS 'DI GANG TSE KHYOD KYI DAD PA'I GSOL,, ` DE YANG BDAG NYID CHEN PO 'DI NYID 'KHRUNGS PA'I YUL NI, GANGS KYI RDUL MANG BRTZEGS PA'I RI BO'I 'PHRENG BA KHOR
, ,YUG KUN DU DKRIS PA'I LJONGS CHEN PO 'DIR RJE BTZUN PHYAG NA PADMA'I THUGS RJE'I ZLOS GAR LAS, BOD DANG POR SKYONG BA'I RGYAL PO GNYA' KHRI BTZAN PO NAS BZUNG STE, MES DBON RNAM PA GSUM SOGS KHA BA CAN GYI LJONGS 'DI BDAG GIR MDZAD PA'I RGYAL DANG RGYAL PA'I SRAS KYI SPRUL PA NYAG GCIG TU BYON PA RNAMS KYI DBU RMOG BTZAN PO 'JIGS PA MED PA'I LUGS GNYIS KYI KHRIMS BZANG PO MCHOG DMAN SKYE BO KUN GYI GNYA' BA NA LCI BAS, PHAN BDE'I SMAN YON MTHA' DAG DANG GIS 'DU BA'I SKABS, RU BZHING GRAGS PA LAS G-YON [?] DU'I CHAR GTOGS SHING, GLANG DAR MA 'U DUM BTZAN GYIS BSTAN PA RIN PO CHER RMA CUNG ZAD PHYUNG BA'I RJES SU, SLAR YANG LHAG PA TSUL KHRIMS KYI BSLAB PA LA GTZO BOR NAN TAN DU BGYID PA'I MDO RGYUD KYI BSHAD SROL MTHA' DBUS KUN DU KHYAB PA LAS, DUS YUN MI RING BAR GNAM BSKOS KYI RGYAL PO 'JAM DBYANGS GONG MA'I LUNG DANG, RANG NYID KYI BSOD NAMS KYI DPAL MNGON PAR BDE BA'I BYED BES, NYI MA NUB PHYOGS KYI RGYAL KHAMS MTHA' DAG LA STOBS KYI 'KHOR LOS RANG DBANG DU SPYOD PA'I SDE SRID PHAG MO GRU PA'I MDUN NA 'DON RNAMS KYI NANG NAS, BOD YUL 'DIR BKA' DRIN MTSUNGS PA MED PA 'JAM DBYANGS THON MI SAMBHO tA'I GDUNG 'DZIN NANG SO YAR RGYAB PA'I MNGA' 'BANGS KYI SA'I CHA, GRVA RIG PA'I 'BYUNG GNAS ZHES BYA BA RGYAL PO'I KHRIMS BTZAN POS NGAN SPYOD KYI SKYE BO MTHA' DAG RMEG MED PAR 'JOMS PA'I [?] DRAG SHAL GYIS 'DZIN MA'I KHYON YANG RNAM PAR SKRAG STE, MI BDE BA'I GCONG DONG DANG NGAM GROG MTHA' DAG RGYANG RING DU BSKRAD NAS, SHIN TU 'JAM ZHING KHOD MNYAM PA'I KHOR MO YUG TU DBYAR GYI DPAL MO RNAM PAR BZHAD PA'I RKANG 'THUNG GI 'PHRENG BA YAL 'DAB 'BRAS BU'I KHUR
GYIS DUD PA, G-YUL NGOR CHAS PA'I RU MTSON LTA BUR GZINGS PA'I BRAG RI'I TSOGS KYIS DBEN PA'I SA 'DZIN PHAL CHAD MRGAD KYI 'OG BAG GYON ZHING, 'GA' ZHIG MTHO RIS KYI DPAL MO'I MDUN SAR BSNYIG PHYIR LJON SHING DANG SPANG LJONGS KYI GOS DANG BRAL BAR BYAS NAS ZLA BA'I DUM BU LTA BU'I KHA DOG NGOM PA'I YUL GRU DAG GI CHAR, SNYAGS DUS KYI RGYAL BA GNYIS BA TZONG KHA PA CHEN PO'I RING LUGS PA MKHAS PA'I DBANG PO BSOD NAMS RNAM PAR RGYAL BA MI PHAM DGA' BA'I BSHES GNYEN GYI GDAN SA BYAMS PA GLING GI CHOS GRVA DANG 'DABS CHAGS PA DGON PA ZHO, ZHES BYA BA YIN NO,, 'JIG RTEN DBANG PHYUG THUGS RJE'I RANG GZUGS GUN, ,RAB DKAR KHA BA'I GZUGS SU CHAGS PA'I LJONGS, ,MKHAS GRUB DU MAS NYER BSTEN G-YON RU'I CHA, ,DGE BCU'I YON TAN MGRON DU 'GUGS PA BZHIN, ,BZA' SHING RA BA'I MGO [?] LCOGS LDEM PA'I RTZER, ,'BRAS BU'I KHUR DU SMIN PA'I 'OD MDANGS KYIS, ,RANG MIN GNYIS PA'I RGYU SKAR 'PHRENG BA ZHIG ,BSGRIGS SNYAM BLTA PHYIR MKHA' LA 'ONGS PA 'DRA, ,GNAM SNGON ZHUN MAR 'KHYIL 'DRA'I PAKshU'I KLUNG, ,NOR 'DZIN BU MO'I GOS SU KLUBS PA LTAR, ,CHAL CHIL RLABS PHRENG G-YO ZHING RGYU BA NA, ,CHU PHRAN PHAL CHER YUL GZHAN BROS SAM SNYAM, ,RDUL MANG BRTZEGS 'GA' 'CHI MED SAR BSNYEG PHYIR, ,GCER BU'I RANG GZUGS GSAL BAR BSTAN PA NA, ,PHAL CHER SKYENGS PAS DBYAR SKYES GZHON NU DAG ,SGRIB G-YOGS GOS KYI TSUL DU BYAS MIN NAM, ,DANG PO'I SANGS RGYAS RGYUD DON SMRA BA'I SGRAS, ,GSANG CHEN N'A DA'I DBYANGS KUN DER BLANGS NA, ,'JAM DPAL GRAGS PA 'DI NA RI BA ZHES, ,ZHUM STE MI 'GYUR BDE BA'I DBYINGS SU YIB, ,DE YANG BOD YONGS KYI 'DREN MCHOG RLANGS LHA GZIGS
, ,KYI GDUNG LAS, SPYAN SNGA GRAGS PA BYANG CHUB LTA BU YANG, RGYAL BA TZONG KHA PA'I BSLAB SBYANGS KYI TSUL LA THUGS HA LAS PAR GYUR NAS, NGED KYI SKYE SA 'DI 'DRA BA ZHES RIGS RUS SRID 'BYOR MTHA' DAG NAS MCHOG TU GYUR PAS KYANG RGYAL BA'I GSUNG RAB LA THOS BSAM SGOM PA'I GEGS CHEN PO'I RKYEN DU GYUR PAR GRAGS PA DANG, SPYAN SNGA NGAG GI DBANG PHYUG DANG, BDAG PO 'JAM DBYANGS PA LTA BU'I MKHAS PA YANG RGYAL SRID KYI CHED DU TSANGS PAR SPYOD PA'I BSLAB PA 'BUL DGOS PA SOGS RGYA BOD KUN DU RIGS RUS DANG STOBS 'BYOR LA BRTEN NAS, RAB TU BYUNG STE KLOG PA THOS BSAM DANG SPONG BA BSAM GTAN BGYID PA'I MI MTHUN PHYOGS MANG DU BYUNG BA'I PHYIR NA, SH'A RI BU'I SMON LAM DU, HA CANG PHYUG PO'I KHYIM DANG NI, ,DBUL PO'I KHYIM DU MI SKYE BAR, ,BAR MA'I KHYIM DU SKYES NAS KYANG, ,RAB TU BYUNG BA BYED PAR SHOG ,CES PA'I DON LTAR, YAB BKRA SHIS RNAM RGYAL DANG, YUM LHA MO GNYIS KYI SRAS SU, 'PHAGS YUL DU SHR'I MU KHA ZHES PA PHYOGS 'DIR DPAL GDONG [?] DU GRAGS SHING, RGYA NAG PO'I GTZUG LAG TU DBANG THANG DANG BSTUN PA CU MO BYA'I LO LA SKU BLTAMS SO,, DRI MED STON GYI MKHA' LA 'OD DKAR CAN, ,SHAR TSE RIG SMRA'I BRAM ZE DGA' BYED NA, ,'JAM DPAL SNYING BO'I BSTAN PA MDZES PA'I RGYAN, ,BSKRUN 'DI SKAL BZANG YONGS KYI DGA' STON GNAS, ,'KHRUNGS NAS DGUNG LO LNGA DRUG MAN DU, GUNG THANG NAS BLA MA ZHANG GI GSUNG LAS MYUR DU SHOG GSUNG BA'I SNANG BA DANG, GSANG PHU DBYAR CHOS LA 'GRO GSUNG BA SOGS SNGON GNAS RJES DRAN GYI GSUNG MANG DU BYON, [?] DGRUNG LO LNGA LON PA DBANG PHYUG CES PA ME GLANG GI LO, YAR RGYAB NAS SA SKYA BDAG CHEN SNGAGS 'CHANG
CHEN PO SPYAN DRANGS, KHONG TSAR CHEN CHOS KYI RGYAL PO DANG 'JAM DBYANGS MKHYEN BRTZE'I DBANG PHYUG SOGS BSTAN 'DZIN YIN NGES TSOR DGRAR LTA BA, ZHVA SER GYIS BSAM YAS BAR KHANG GI ZHAL BA 'PHYI BA'I RDOG PHYIS BYED PA SOGS MDZAD PA SNA TSOGS LA BRTEN PHYOGS SUM LHUNG BA'I SKYE RGU SPYI LA BDAG SMYON SA DUL DU GRAGS LA, 'GA' ZHIG SLOB DPON BEE RO TZA NA'I SPRUL PA ZHES BSNGAGS RJOD BYED SNANG BA, SDE PA SNANG RTZE BA'I LUNG BSTAN DU 'DUG KYANG, KHONG GTER BRDZUS PA YIN PAR DGONGS 'DUS KYI 'GAG SDOM RTZA BA'I CHINGS LNGA PAR SHIN TU GSAL BAR YOD LA, 'PHRANG 'GO GTER STON SHES RAB 'OD ZER GYI LUNG BSTAN GA BRGYA CAN LAS BEE RO'I SPRUL BAR BSTAN ZER BA YOD NGES KHO NA YIN TSE, 'PHRANG MGO DGE BSHES PA TSAD LDAN YIN 'DUG PAS, BDAG CHEN PA'I MDZAD SPYOD NGAN PA RNAMS SEMS CAN LAS MA DAG PA'I SNANG NGOR SHAR BA'I DBANG DU BYAS TE, SKYES BU DAM PAR 'BAD PA CHEN POS BSGOMS NAS SMAN, RJE NYID YUM GYIS KHUR TE MJAL BAR PHEBS PAS, BDAG CHEN SNGAGS 'CHANG CHEN PO'I GSUNG LAS, YUM LA KHYOD KYI BU 'DI LA GTZANG SNGA [?] CHEN PO GYIS, MA [?] BANGS PA NA BSTAN PA LA PHUN PA ZHIG 'ONG BAR 'DUG CES MA 'ONGS MNGON SUM DU MKHYEN PA'I BKA' STZAL GYI BSLAB STON GNANG NGO,, ` (SKYE MED [?] MKHAS BTZUN BZANG PO'I SGYU DRA'I GAR, ,SNGON GNAS RJES [?] DRAN NA TSOD CHES PHRA BAS, ,GSAL BAR GSUNGS 'DI'I THA MAL SKYES BU RU, ,RDZU BA'I RDZUN MCHAD DNGOS SU STAN PA BZHIN,) ,'KHON GYI RIGS 'KHRUNGS DPAL LDAN SA SKYA PA, ,GANG GI MNGON PAR MKHYEN PA'I ME LONG DU, ,KHYOD KYI MDZAD BA'I GZUGS BRNYAN YONGS SHAR BA'I, ,TSUL 'DI KUN MKHYEN YE SHES GZHAN LA
, ,DOM, ,DGUNG LO BRGYAD LON PA RNAM GNON ZHES PA LCAGS PHO 'BRUG GI LO LA SA LUGS KYI DGON PA GRVA BKRA SHIS CHOS GLING DU, RIN PO CHE BSOD NAMS RGYAL MCHOG PA'I DRUNG DU, BSTAN PA RIN PO CHE LA THOG MAR 'JUG PA'I SGO SKYABS SU 'GRO BA DGE BSNYEN GYI SDOM PA MNOS TE, MTSAN YON TAN RNAM RGYAL DU GSOL TO,, YON TAN BYE BA'I GZHING GYUR TSUL KHRIMS KYI, ,SKYABS GSUM 'DZIN PA'I DGE BSNYEN BSLAB PA YIS, ,LHA BU'I BDUD KYI DGRA LAS RNAM RGYAL BA'I, ,MI 'GYUR GTAN MDUN SGRUB PA'I ZHING SAR GSHIN, ,DE'I TSE THAMS CAD MKHYEN PA DGE 'DUN RGYA MTSO DPAL BZANG PO'I ZHABS KYI PADMO LA SPYI BOS REG CING GSUNG GI BDUD RTZIS 'TSO BA'I DRUNG GNAS DKON MCHOG PAS KLOG GI SLOB DPON BGYIS TE, GANGS CAN GYI MKHAS PA THON MI'I GTZUG LAG LTAR KA 'PHRENG SUM CU LAS 'ONGS PA'I YI GE'I BRDA DAG RNAMS KYANG DKA' TSEGS CHUNG DUS 'KHRUL MED DU THUGS SU BYON, DE NAS MI RING BAR, SRID 'DI'I GNAS SKABS KYI BDE BA MTHA' DAG GLOG 'PHRENG LTAR MI BRTAN CING, KHYIM DU GNAS PA ME 'O BAS LTA BUR SDUG BSNGAL GYI 'BYUNG GNAS SU DGONGS TE, DGUNG LO BCU GNYIS LON PA NYI SGROL BYED CES PA SHING PHE SPRE'U'I LO LA, RGYAL BAS LUNG BSTAN PA'I DBEN GNAS CHOS 'KHOR RGYAL LEGS BSHAD SGROG PA'I DGA' TSAL GYI GRVA TSANG, SHING RTA CHEN PO YAB SRAS KYI BLA NA MED PA'I LAM SROL LUNG RIGS KYIS GTAN LA 'BEBS PA'I DVAGS PO GRVA TSANG DU NYE DU'I BSHOL 'DEBS SOGS NGES PAR 'BYUNG BA'I BAR CHAD MI 'JUG PA'I SLAD DU GSANG STABS KYIS CHOS BROS LA PHEBS, GRUM MDA' 'CHOS RJE BLO BZANG TSES 'PHEL BA'I DRUNG DU TSIGS
(RGYA CHEN GTZUG LAG RIN CHEN DO SHAL DAG ,DBYANGS GSAL BA SDEBS KYI SRAD BUR BRGYUS PA'I 'PHRENG, ,MGUL BAR BRGYAN PA'I MTHO RIS SARBA DZNYA, ,KHA BA'I LJONGS [?] SU 'ONGS ZHES LHA RNAMS GLANGS, ,) SNGA MA DGE TSUL GYI SDOM PA YANG DAG PAR BZHAS, MTSAN DKON MCHOG CHOS 'PHEL DU BTAGS SO,, NYES BRGYA'I 'BYUNG GNAS KHYAM GYI CHU GTER LAS, ,NGES 'BYUNG RDZINGS KYIS BDE BA'I GNAS BGROD PAS, ,SDUG BSNGAL STER BYED ME TOG MDA' YI RLABS, ,BLO BRID LBU PA'I 'PHRENG BCAS RANG SAR LOG ,MDOG DMAR MCHU SGROS RAB MDZES MDZES PA'I BZHIN, ,RNAM PAR LEGS NGOM MTHON MTHING MTHING KHA'I SKRA, ,LAN BU RAB G-YO G-YON MIG MIG ZUR MDA', ,'PHANGS KYANG KHYOD THUGS SRANG [?] DE PHYIR BRTAN, ,GRUM MDA' MKHAN PO DANG, DNGOS STOBS RIGS PA'I DBANG PHYUG SLOB DPON NAM MKHA' RGYA MTSO, YUM DON GSAL BA'I SGRON ME SLOB DPON BYAMS PA BRTAN PA RNAMS GRVA TSANG GI LUNG RIGS SMRA BA'I CHOS KYI KHRI LA RIM PAR BYON PA'I BAR LO GRANGS BCU'I RING, RIGS GZHUNG RGYA MTSO'I SGO 'PHAR CIG CAR DU 'BYED PA'I BSDUS PA NAS BZUNG, 'PHAGS YUL GRUB MTHA' SMRA BA BZHI BO SO SO'I LUGS PHYIN CI MA LOG PAR STON PA'I PO TI PHYI NANG KUN BRGAL BRTAG GIS GTAN LA PHAB STE THUGS KYI BUM BZANG YONGS SU BLTAMS PAR MDZAD DO,, GRUB MTHA' RNAM BZHI'I LUGS 'DZIN 'PHAGS YUL GYI, ,MKHAS MANG GZHUNG LUGS YAN LAG BRGYAD LDAN CHAB, ,KHYOD BLO'I LTO BAR BLTAMS PAS KLU SGRUB ZHABS, ,GZHAN DON ZOL GYIS SGRA MI SNYAN DU GSHEGS,, CHOS ZHUN RNAM 'BYED SHES RAB ZHAGS PA YIS, ,BDEN GNYIS MA LUS CIG CAR BCINGS PA NA, ,SKABS GSUM LAM DE RANG GI PA MTHA'I TSAD, ,GZHAL DOGS CHU 'DZIN STUG POS SGRIB SNYAM BYED,, DE SKABS ZHAL SNGA NAS NAM MKHA' RGYA MTSOS DVAGS PO SKU
, ,RAB TU RJE DRUNG KARMA PA DBANG PHYUG RDO RJE'I DRUNG DU BYA MA TAR BTANG SKABS, GRUM MDAR ZHAG SA'I NUB MNAL LAM DU RJE BTZUN BYAMS PA SKU BONGS CHAD SHIN TU CHE BA ZHIG GIS PHYAG GNYIS KYIS DBU RGYAN PHUD DE DBUL BKON PA'I MTSAN LTAS KHYAD PAR CAN BYUNG 'DUG NA'ANG, RJE NYID NA RMI LAM 'KHRUL PA'I SNANG BAL MI 'BYUNG BA'I MTHA' RNYED DKA' BAS TIG GTAD GA LA MCHIS ZHES BDAG GIR MI MDZAD PA NI, SKU TSE 'DI NYID LA MKHAS PA'I BYA BA RNAM GSUM GYI MDZAD PA MTHA' DAG MNGON SUM DU BSTAN PA'I PHYIR NA, NYAMS DANG RMI LAM TZAM DANG CHUL BSTAN LA RE BA 'CHA' MA DGOS PA LA DGONGS PA 'DRA ZHING, NYE BAR BRTAGS TSE, RGYAL BCOD KHA PA CHAN PO DANG, GANGS KHROD PA'I RIGS PA SMRA BA MTHA' DAG GI GTZUG RGYAN SKAD GNYIS SMRA BA BLO LDAN SHES RAB KYI GDAN KHRI GNYIS LA CHABS GCIG TU ZHABS ZUNG GI PADMO RNAM PAR BKOD, SA DGE'I MKHAS PA PHAL CHER GYI RAL PA'I ZUR PHUD MDZES RGYAN DU 'GYUR BA'I LTAS SU MNGON, DE SKABS RONG CHAD DKAR DU CHOS RJE RIN PO CHE BYAMS PA RGYA MTSO PHEBS PA LA BLA MA'I RNAL 'BYOR DANG, YAR KLUNGS BKRA SHIS RTZER RJE RGYAL BA GNYIS PA'I BSTAN PA'I GSAL BYED MKHAS PA'I DBANG PO SGOM SDE NAM MKHA' RGYAL MTSAN GDAN DRANGS SKABS GRVA TSOGS DANG LHAN DU, ZAB MO RTEN CING 'BREL BAR 'BYUNG BA GSUNG BA LA BSTOD PA'I t'I KA SOGS DAM PA'I CHOS KYI DKA' 'GREL GSAN CING, RGYAL DBYAR CHOS SHIG GI SKABS, SKU TSE DE NYID LA ZUNG 'JUG GI GO 'PHANG MNGON DU MDZAD PA'I SNYIGS DUS KYI GRUB PA'I DBANG PHYUG CHEN PO MING DANG DON MTHUN PAN KHA DKA' BCU'I DRUNG DU THOG MTHA' BAR DGE'I LUNG GSAN TO,, GSUNG
RAB LUS PHRAR CHAGS PA'I DMAR BA'I LCE, ,CHIG DON LANG TSO NGOM PA'I LCAGS KYO YIS, ,SHER BYIN SPAS DON MTHA' DAG BKUG GO ZHES, ,GRAGS SNYAN DBYANGS KYIS 'CHI MED YUL DU BSNYEGS, ,RGYAL BA'I BSTAN PA MA LUS 'DEGS PA'I KHUR, ,KHYOD NYID GCIG PUS KHYOGS LA BLANGS PA NA, ,MI PHAM MGON DES COD PAN NYER GTANG NAS, ,ZHI BA'I DBYINGS SU NGAL GSO MDZAD KYI DOGS, ,BRGYA DRAG THABS KYIS THOS PA'I SGRO 'DOGS KUN, ,GCOD PHYIR NGAL BRGYA LHUR LEN SNYING STOBS KYIS, ,N'A RO TA PA'I DKA' SPYAD DRAG PO LA, ,CHES CHER GDUNG BA'I MOS PA LHOD POR BYAS,, DE NAS DGUNG LO HAR GCIG LON PA RNAM RGYAL ZHES PA CHU MO SBRUL GYI LO, SA GZHI'I DBANG PHYUG DRUNG CHEN RIN PO CHE TA'I SVI TU BYANG CHUB RGYAL MTSAN GYIS, DVAGS PO'I BKA' RGYUD KYI PHYOGS SU SNGON CHANG BSHAD GRVA'I SROL MA MCHIS BDAG BSTAN PA RIN PO CHE'I BTZAS SU SPEL BAR BZHENG NAS, PHYAG BDAR TA 'DEBS PAR MDZAD PA'I CHOS GRVA CHEN PO DPAL GYI RTZES THANG ZHES RIGS PA SMRA BA'I MKHAS MANG RGYA MTSO 'DU PA'I DBUS SU PHAR TSAD GNYIS KYIS THOG DRANGS PA'I RGYA GAR MKHAS PA'I ZHAL LUNG LAS 'ONGS PA'I DKA' PO TA KYI TSIG DON PHYIN CIM LOG PAR 'GREL BA'I GSUNG BSHAD DANG, PHYIR RGOL BA RNAMS KYI RIGS PA'I THAL 'GYUR GYI MTSON RNON POS CUNG ZAD KYANG GZHOM GZHIG DANG BRAL BA'I DAM BCA' SOGS KYI RAB 'BYAMS GRVA BSKOR MDZAD PAS, PHYOGS DER 'KHOD PA'I RIS BRAL GYI MKHAS PA MTHA' DAG THUGS LHAG PAR GROGS SHING, KHYAD PAR KAR LUGS KYI RAB 'BYAMS PA SMRA SENG DANG RTZONG BA MDZAD PAS, MGRIN SNGON CAN GYI MDAS GRONG KHYER SUM
, ,BRTZEGS BCOM PA LTAR, CHOS KYI BGRO BAS MING GI LHAG MA LTAR MDZAD PA'I SNYAN GRAGS PHYOGS KYI BU MO'I MGRIN PAR BLANGS PAS, RONG CHAD DKAR DU ZHABS DRUNG KHRI CHEN LHAG PAR THUGS DGYES PA'I NGOS MJAL SKABS LEGS SO'I BYE DGA' CHEN PO STZAL, DE DUS CHOS RJE RIN PO CHE RDO RJE 'DZIN PA DPAL 'BYOR LHUN GRUB KYANG YON BDAG RAB 'BYAMS PA ZHES DVAGS PO GRVA TSANG GI DGE BSHES CHE KHAR YOD 'DUG PA LA, DKON MCHOG GSUM GYI DKA' GNAS LAS BRTZAMS PA'I 'DZIN CHOS DANG, LEGS PAR SBYAR BA KA L'A PA'I 'TSAMS SBYOR LNGA PA'I GSAN PA MDZAD, DE NAS BCOM LDAN 'DAS DPAL GSANG BA 'DUS PA'I RTEN DANG BRTEN PA'I DKYIL 'KHOR 'GRO BA YONGS KYI THUN MONG DU SPYOD PA'I SNANG NGOR 'DUS PA'I SDE CHEN PO'I GZUGS SU SHAR BRGYAL ME TOG THANG DU, MNGA' DAGS GNYIS SOGS KYI RIGS PA SMRA BA BGRANG YAS PA TSOGS PA'I DBUS SU, S'A LA'I LJONGS 'DI'I MTSAN NYID PA MTHA' DAG LA GRAGS PA'I GZHUNG CHEN PO KUN LA GSUNG BSHAD DANG DAM BCU'I LEGS PAR BSHANG PA'I DBYANGS KYI BI WANG MKHAS PA YONGS KYI RNA BA'I RGYAN DU BRDUNG BAR MDZAD, DE ZHOR RGYAL RI KHROD DU BLA MA KHYUNG PO LA DPAL RDO RJE 'JIGS BYED KYI DBANG BZHI GSAN TO,, CHES PHRA'I NA TSOD DKAR BA'I ZLA TSES GANG, ,THOS BSAM BCU DRUG CHA SHAS YONGS RDZOGS PA'I, ,RGAN PO'I BLO 'CHANG GZHON NU'I TSUL 'DZIN 'DIS, ,GDONG DRUG SUM RTZEN SNYEG PA'I ZOL GYIS SONG, ,RGOL NGAN LOG SMRA'I 'GOG PA'I BRTUL ZHUGS KUN, ,DNGOS STOBS RIGS PA'I ME TOG MANGS BSHIG TSE, ,
MDA' LNGA BA DANG KHYOD KYI SNANG TSUL LA, ,RAGS PA'I LUS KYIS KHYAD PAR BYAS PA BZHIN,, DE'I TSE DVAGS PO LHA SDINGS NAS CHOS KYI RJE NAM MKHA' RGYA MTSO'I GSUNG LAS, NYID SNGAR PHAN RGYAL BA'I GSUNG RAB RNAMS LA THOS BSAM GYIS LAGS PAR GTAN LA PHAB NA'ANG, DE TZAM GYIS YID TSIM PAR BYA MI RIGS PAS, DENG SANG BOD KHA BA CAN GYI BSTAN PA'I SNYING PO GNAS PA'I SA, RJE RGYAL BA GNYIS PA'I GDAN SA RIN PO CHES THOG DRANGS PA'I BSHAD SGRUB KYI 'DUS SDE PHAL CHER, DGE BCU'I YON TAN YONGS SU RDZOGS PA'I SKYID SHOD PHYOGS SU YOD PA DANG, KHYAD PAR MDO RGYUD BSTAN PA'I RTZA LAG CHOS KYI RJE RIN PO CHE DPAL 'BYOR RGYA MTSO'I DRUNG DU, MDO SNGAGS KYI SGRO 'DOGS GCOD DGOS TSUL SOGS KYI GSUNG GIS NAN TAR BSKUL BA LA BRTEN NAS, DGUNG LO NYER GNYIS LON PA RGYAL BA ZHES PA SHING RTA LA SKYID SHOD DU PHEBS TE, THOG MAR LJONGS 'DI'I MNYAM MED ZAS GTZANG GI SRAS PO'I BSTAN PA'I RTZA LAG, DPAL GSANG PHU NE'U THOG GI CHOS GRVA CHEN PO MDZES PAR BYED PA'I RGYAN GCIG, TSAD MA RIG PA'I CHU KLUNG MTHA' DAG GCIG TU 'DU BA'I DPAL RA BA STOD DU, 'JAM DBYANGS GZHON NU MTHON MTHING RAL BA'I ZUR PHUD DOR TA DUR SMRIG GI ZOL LA NYE BAR BRTEN PA'I CHOS KYI RJE BLO GROS RGYA MTSO'I ZHABS LA BTUNG DA, SNGON NAS THUGS SU LEGS PAR BYON ZIN NA'ANG, DRUNG CHEN LEGS BZANG BA'I LUGS KYI RIGS PA'I DBANG PHYUG GI GZHUNG 'DI LA GZHAN LA MED PA'I KHYAD CHOS DU MA DANG LDAN PA'I SNYAN PA LA BRTEN NAS, RJE BTZUN SA PAn GYIS, RANG BLO SHES BYA KUN LA MA SBYANGS NA, ,THAMS CAD
, ,MKHYEN PA NAM MKHA'I MTHA' LAS RING, ,DE LTAR DGONGS NAS RGYAL DANG MKHAS RNAMS KYIS, ,SHES BYA'I GNAS RNAMS SBYONGS ZHES LEGS PAR GSUNGS, ,ZHES PA'I DON LTAR, RGYAS PA'I BSTAN BCOS TSANG MA RNAM 'GREL GYI TSIG DON MTHA' DPYOD KUN LA BSLAB SBYANGS KYIS PAn CHEN LHA SH'AKA GNYIS KYI RNAM THAR KUN RANG GIR MDZAD, CHOS 'TSAMS KYI BAR THAMS CAD LA RJE ZHAL SNGA NAS STAG LUNG BRAG PA'I DRUNG DU BYANG CHUB LAM RIM CHEN MO'I BZABS BSHAD GSAN, DE NAS DRANG SRONG CHU LHA'I BU'I BDEN TSIG GI MTHUS NYAL 'GRO MTHA' DAG SMAN GYI RO MNGAR POR 'THUL BA'I 'BRAS LDAN DUS KYI DGA' STON LA [?] BABS PA'I TSE, 'BROG RI BO CHE DGA' LDAN RNAM PAR RGYAL BA'I GLING DU, DUS DE'I TSE RGYAL BA GNYIS PA'I BSTAN 'DZIN KUN GYI GTZUG NA MNGON PAR MTHO BA'I CHOS RJE RIN PO CHE DPAL 'BYOR RGYA MTSO'I DRUNG DU PHEBS TE, SNGAR NAS THUGS SU BYON PA'I PHAR TSAD SOGS DANG, GTZO BOR RGYUD THAMS CAD KYI RGYAL BO, MDO SDE THAMS CAD KYI ZA MA TOG, GSANG BA 'DUS PA'I RGYUD SPE'I BSHAD SROL, SNGA RABS PA PHAL CHER GYI SPYOD YUL DU MA GYUR PA, RJE RGYAL BA GNYIS PA'I LEGS PAR BSHAD PA'I BDUD RTZI'I BGO SKAL YANG DAG PAR BLANG SO,, PHUN TSOGS DGE BCU'I NGO MTSAR YONGS GANG ZHING, ,SH'AKYA'I BSTAN PA'I 'BYUNG GNAS SKYID SHOD DU, ,YONGS 'DZIN BLA MA'I BKA' BZHIN NYER PHEBS TSE, ,'DAB BZANG DBANG PO'I BGROD PA'I TSUL LA 'GRAN, ,GZHUNG LUGS KHA BA'I RDUL BRTZAGS NA 'U THOG ,MDZES BYED PAKshU'I KLUNG CHEN RAB STOD, ,'JAM DBYANGS SMRA BA'I DBANG BO'I MDUN SA DER, ,DNGOS STOBS
RIGS PA'I BTANG BA YUN DU BSTEN, ,MI PHAM MGON PO'I PHO BRANG 'DZIN MA 'DIR, ,'PHOS 'DRAR GSANG BA SNGAGS KYI THOS BSAM GYIS, ,RGYUD KUN 'DI NYID GCIG DUS BDAG BYED CES, ,GSANG SNGAGS PHAL CHER MKHA' 'GRO'I MDZOD DU SPAS,, DE NAS DGUNG LO NYER BZHI LON PA GDONG NGAN ZHES PA ME PO SPRE'U'I LO 'GRO BA'I BLA MA SH'AKYA SENG GES NGO MTSAR BA'I CHO 'PHRUL GYI BGOD PA MTHA' YAS PA BSTAN PA'I DUS STON, LHA LDAN SPRUL PA'I GCUG LAG KHANG DU RJE BDAG NYID CHEN PO'I PHYAG LEN GI SROL MA NYAMS PA SMON LAm CHEN MO'I DUS, CHOS RJE RIN PO CHE DPAL 'BYOR RGYA MTSO NYID KYIS MKHAN SLOB CIG CAR DU MDZAD CING, NGAD PA'I DGE 'DUN GRANGS TSANG BA'I DBUS SU RGYU SKAR SHAR BA'I TSE, TSANGS PAR SBYOD PA RNAMS KYI MCHOG YONGS SU RDZOGS PA DGE SLONG GI DNGOS PO MNOS TE, DUR SMRIG 'DZIN PA RNAMS KYI BLA NA MNGON PAR MTHO BAR GYUR TO,, BOD YUL DBUS 'GYUR RA SA 'PHRUL SNANG DU, ,'TSAMS SPRIN BLA GOS GSAR PAS DKRIS PA NA, ,'DUL 'DZIN YONGS KYI GTZUG NA MTHO 'O ZHES, ,'CHI MED DBANG PO'I MDUN SAR LHA RNAMS GLANG,, BLA MA DA NYID KYIS 'KHOR LO SDOM PA L'U AI PA'I DKYIL 'KHOR DU BCUG STE SMIN PAR MDZAD, DE NAS CHOS GRVA CHEN PO GSANG PHU NE'U THOG TU GSUNG BSHAD DANG THAL 'GYUR GYI 'PHRENG BAS DPYOD LDAN YONGS LA SKYES KYI PHUL DU BYUNG PA GZHUNG LUGS KYI DON STZAL BA DANG, RGOL NGAN RNAMS SMRA BA'I SPOBS PA 'PHROG PA LHAN CIG TU MDZAD DE, LHA SAR SKABS GSUM PA'I RIGS LAS CHAD PA GNYIS KYI GDUNG LAS LHA RIN PO CHE LHA DBANG RGYA MTSO BA LA GRUB CHEN BIRWA PA NAS BRGYUD PA'I
, ,TSE SGRUB GSAN, LAM 'BRAS KYI CHA LAG RLUNG LA BRTEN PA'I TSE SGRUB DE YIN PA 'DRA, DE NAS CHOS RJE RIN PO CHE BSOD GRAGS PAS CHOS 'BYUNG YID KYI MDZES RGYAN DU, MKHA' LA NYI ZLA BZHIN DU SLAR YANG RGYUD KYI BSHAD GRVA GNYIS PA BYUNG TSUL NI, ZHES BSNGAGS PA CHES CHER MDZAD PA PHA RGYUD 'DUS PA'I LAM SROL 'DZIN PA LA AINDRA BH'U TI RGYAL BLON RAB TU BYUNG BA'I TSUL GYIS BYANG PHYOGS KYI GZHI 'DIR 'PHOS PA LTA BU'I STOD RGYUD MKHAS 'DUS KYI GRVA TSANG GI CHOS KYI KHRI LA CHOS RJE CHOS GNYER GRAGS PA BZHUGS SKABS PHEBS TE, LO GSUM GYI RING 'DUS PHA'I RGYUD 'GREL MTHA' DAG LEGS PAR SBYANGS PA'I PHUL DU PHYIN PAR GYUR, DOL CHOS RDZONG GI MKHAN PO SRID SGRUB GNYIS PA LTA BU'I DRUNG DU, DUS KYI 'KHRO LO'I RGYUD 'GREL GTAN LA 'BEBS PA'I YAN LAG RTZIS KYI GCUG LAG LA LNGA BSDUS KYI PHYAG KHRID ZHUS, DE SKABS CHOS KYI RJE DPAL 'BYOR RGYA MTSO ZHING KHAMS GZHAN DU 'PHO BA LA THUGS NYE BAR GZHOL TE, PHYI RTEN GYI CHED DU BDOG PA'I DNGOS PO SGRUB PA'I 'BUL SDUD DU 'BYON DGOS PA'I BKA' PHEBS PA LTAR, BSOD NAMS KYI TSOGS GSOG PA'I ZHING DAM PAR DGONGS TE, DGUNG LO NYER BRGYAD LON PA KUN LDAN ZHES PA LCAGS PHO BYI BA'I LO LA BAR KHAMS PHYOGS SU PHEBS TE, NGA RGYAS SOGS KYI YUL GRUR ZLA BA BCU BZHI'I RING CHOS NGANG ZANG ZING GI RNAM PAR DKAR BA'I 'PHRIN LAS BLA LHAG TU BSKYANGS, RTA TSAG RJE DRUNG LHA DBANG CHOS KYI RGYA MTSO LA DMAR PO SKOR GSUM GYI RJES GNANG, SPAG SHOD CHOS RJE RIN CHEN RGYA MTSO LA BYANG CHUB LAM RIM CHEN MO'I SPYOD PA SPYI SLOB YAN GYI LUNG,
'PHAGS PA LTA BSOD NAMS RNAM RGYAL BA LA CHOS KYI 'GREL BA GSAN, MI RING BAR MKHO DGU'I 'BYOR BA JI SNYED BA DANG BCAS TE SKYID SHOD DU PHEBS CHOS RJE RGYAL KHANG RTZE BA NYID ZHING GZHAN DU GSHEGS GRUB NA'ANG, BLA NA MED PA'I DGONGS PA RDZOGS THABS SU ZANG ZING GI YO BYAD LTAG MA LUS PAR LEGS BYAS KYI SMAN YON SGRUB PA'I THABS KHO NAR BSGYUR ZHING, DNGUL GDUNG YANG GEGS MED PAN GRUB PO,, LEGS BYAS NOR BU'I GAN MDZAD BLA MA RJE'I, ,BKA' BZHIN SGRUB PA'I DANG PA'I LDE MIG GIS, ,DNGOS GRUB SGO GLEGS RNAM PAR BKRAL BA NA, ,RTAG TU DU YI BRTZON PA LHONG POR BYAS, ,DE NAS GDAN SA CHEN PO DGA' LDAN RNAM PAR RGYAL BA'I GLING GI CHOS KHRIMS SKABS, CHOS RJE RIN PO SANGS RGYAS RIN CHEN PA LA, BCOM LDAN 'DAS MI BSKYOD RDO RJE'I DBANG BZHI DANG, RGYAL BA TZONG KHA PA'I GSUNG 'BUM THOR BU'I LUNG, GLING SMAD CHOS RJE DON GRUB SENG GE LA DANG PO'I SANGS RGYAS DUS KYI 'KHOR LO DANG, KUN RIG GI DBANG GSAN, DE YANG CHOS RJE RGYAL KHANG RTZE PA'I ZHAL TSAMS SU, CHOS RJE BLO GROS RGYA MTSO LA, KHYED KYI RJES SU RA BA STOD KYI 'CHAD NYAN BYAMS GLING RAB 'BYAMS PA 'DI BAS LUGS GNYIS THAD NAS PHER BA YOD PAS SKOS GSUNG BA DANG, RJE NYID RTZES THANG DU GRVA BSKOR LA PHEBS SKABS, CHOS RJE STAG LUNG BRAG BA DANG MJAL BAR, SNGAR NAS THUGS 'DRIS CHE BA MED NA'ANG, RAB 'BYAMS PA 'DI NGED RANG GI GRVA PAR BYUNG NA RA BSTOD KYI 'CHAD NYAN 'ONG BA 'DRA SNYAM PA LHAN SKYES SU BYUNG 'DUG BA SOGS RTEN 'BREL GYI CHOS NYID RANG 'GRIG TU GYUR PA
, ,DANG, SNGON GYI RNAM PAR DKAR BA'I SMON LAM GYI 'BREL BA'I MTHUS, DGUNG LO SUM CU LON PA DGE BYED CES PA CHU PHO STAG GI LO'I HOR ZLA BRGYAD PA'I CHOS BCU DGU GZA' SKAR DUS SBYOR PHUN SUM TSOGS PA'I NYIN, DNGOS STOBS RIGS PA SMRA BA'I CHOS KYI KHRIL MNGON PAR 'DZEGS SO,, RING NAS GOMS PA'I SMON LAM MDOG LNGA PA, ,THA SNYAD RTEN CING 'BREL 'BYUNG RLUNG SHUGS KYIS, ,'CHAD RTZOD RTZOM PA'I GDAN KHRI'I KUN GSAL LA, ,'GOG MED RGYU STE DNGOS PO'I GSHIS LUGS MTSAR, ,RAB DKAR TZAN DAN GZHON NU'I SDONG PO LAS, ,GA BUR THIGS PA 'DZAG [?] LA MCHAR DU CI, ,'KHRUL MED MNGON SUM RJES DPAG TSAD MA YIS, ,BRTAN G-YO'I CHOS TSUL RI MOR BRIS MIN NAM, ,BOD YUL SNGA RABS PHAL GYI DAM BCA'I RI, ,GNAM LCAGS RIGS PA'I THOG MDAS GSIL BA NA, ,RIGS PA'I DBANG PHYUG PHYOGS KYI GLANG BO DE, ,RANG NYID ZHI BDER GZHOL BA'I THUGS BSKYED SNYAM,, DE SKABS BSTAN BCOS TSAD MA RNAM 'GREL GTZO BOR GYUR PA'I GRUB MTHA' GONG 'OG RNAMS KYI GZHUNG LA BSHAD NYAN CHES CHER 'PHEL BAR BRTEN, DGE BA'I BSHES GNYEN NAM MKHA' LA RGYU SKAR GYI 'PHRENG BA 'KHRIGS PA LTA BUR GYUR CING, THU BSTAN BSHAD SGRUB KYIS 'DZIN SKYONG SPEL BAR NUS PA'I MKHAS PA'I GRAGS SNYAN DANG LDAN PA GDAN SA CHEN PO RI BO DGA' LDAN GYI 'JIGS MED SENG GE'I KHRI LA 'DZEGS SHING MDO RGYUD RGYA MTSO'I PHA MTHAR SON PA SRAS KHANG SKU SKYE NGAG DBANG CHOS KYI RGYAL MTSAN, RGYUD STONG SOGS MDO SNGAGS KYI BSHAD GRVA DU MA'I CHOS KHRI LA 'DZEGS PA SLOB DPON BLO
BZANG BSTAN 'DZIN, RA BSTOD KYI SLOB DPON BYANG GLING RAB 'BYAMS PA BLO GROS RGYAL MTSAN, SKYOR MO LUNG GRVA TSANG GI SLOB DPON PA DON GRUB RIN CHEN, DAGS PO GRVA TSANG GI SLOB DPON BYAMS PA CHOS MCHOG, SE RA BYES GRVA TSANG GI SLOB DPON PA 'PHRIN LAS BSAM GRUB, MDO RGYUD KUN LA BLO GROS KYI RTZAL YONGS SU RDZOGS SHING THA SNYAD RIG PA'ANG BLO GROS KYI 'JUG PAS PHYOGS TZAM RIG PA DA LTA'I 'OL KHA BSAM GLING SLOB DPON PA BSTAN PA RGYA MTSO, RDZING PHYI MKHAN PO DGE 'DUN RNAM RGYAL, GZHAN YANG RAB 'BYAMS PA LHA DBANG BLO GROS, RAB 'BYAMS PA SPYAN RAS GZIGS, RAB 'BYAMS PA BYAMS PA RNAM RGYAL SOGS BKA' RAB 'BYAMS SMRA BA MANG DU THOS PA'I YON TAN GYIS PHYUG PA BGRANG YAS PA BYUNG BA DAG NI, BLANG DER TSUL BZHIN DU SHES PA'I GZUR GNAS SHIG GIS BRTAGS TSE, BSTAN BA SPYI DANG, KHYAD PAR RGYAL BA GNYIS PA TZONG KHA PA CHEN PO'I BSTAN PA LA SRID DANG ZANG ZING TZAM MA YIN PA'I DON SNYING PO'I BYA BA YANG DAG PAR MDZAD PA YIN NO,, DE NAS DGUNG LO SO GCIG PA MDZES BYED CES PA CHU YOS LA RA BA STOD SMAD THUN MONG GI DRUNG CHEN GYI KHRI LA PHEBS, MI RING BAR YUL LHO PHYOGS SMAN GYI NAGS LJONGS YAR KLUNGS PHYOGS SU CHOS DBAR BTEG SKABS THOG MAR MKHAR THOG NAS DPON SAS GYA NOM PA'I BSNYAN BKUR DANG, BKA' CHOS KYI 'BREL BA ZHU BA MDZAD, DE NAS PHO BRANG CHEN PO SNE'U GDONG RTZER, GONG MA MI'I DBANG BO'I PHYAG 'BUL LA BEBS SKABS, DPON SLOB TSANG MAR BDAG RKYEN MGO 'DREN YANG DAG GNANG ZHING, RIM GYIS 'PHYONG RGYAS SU PHEBS PAR,
, ,GRVA TSANG LA BSNYEN BKUR DANG, SPYIR GRVA TSANG GI SLOB DPON GYI RIGS LA GDAN BZOS SOGS MNGON THOGS PA'I SROL MI 'DUG NA'ANG, RJE NYID LA TSES BCU CHEN MO'I GZIGS MO'I NYIN, ZHAL NGO RNAMS KYI BZHUGS GDAN GYI PHYED TZAM DU SLEB PA'I GDAN BZOS, NANG RTEN GYI MJAL KHA SOGS BDAG RKYEN PHUL DU BYUNG BA'I THUGS YID GCIG TU 'DRES PA LTA BUR GYUR CING, SPYAN G-YAS SU KHROM DBANG, SPYIR GRVA TSANG GI CHOS THOG RNAMS SU SPYI CHOS LA, MNYAM MED JO BO YAB SRAS KYI GSANG CHOS GLEGS BAM RIN PO CHE, BYANG CHUB LAM GYI RIM PA, RJE BLA MA'I GSUNG 'BUM THOR BU SOGS ZAB RGYAS CHOS KYIS GDUL BYA'i YID KYI RE BA YONGS SU GANG BAR MDZAD, PHYIR LAM GNAS LNGA RIG PA'I PAndI TA SH'AKYA SHR'I BHA DRA'I CHOS KYI GDAN KHRI LA MNGON PAR 'DZEGS PA'I JO GDAN MKHAN PO RIN CHEN RGYAL MTSAN PA LA SHES RAB KYI PHA ROL TU PHYIN PA BRGYAD STONG PA'I LUNG DANG, GDUGS DKAR GYI DBANG GSAN, DE NAS G-YAS RU GTZANG GI PHYOGS NAS THAMS CAD MKHYEN PA YON TAN RGYA MTSO DBUS PHYOGS SU PHEBS TE, DPAL LDAN 'BRAS SPUNGS CHOS KYI SDE CHEN POR BZHUGS PA'I DRUNG DU MJAL BAR PHEBS NAS, SPYAN RAS GZIGS PHYAG BZHI PA DANG, MI G-YO BA'I RJES GNANG GSAN, MI RING BAR SDE PA GTZANG STOD PA'I DMAG GIS YAR RGYAB PA DANG LHAN CIG PAR, SKYID SHOD PHYOGS SU DPUNG GI 'JUG SGO BYAS SKABS, NYEN SKAG SOGS LA LTOS PA MED PAR YUL GRU DANG DGON PA DU MAR MI 'JIGS PA'I SBYIN PAS DBUGS DBYUNG BAR MDZAD, 'DI SKABS SHAR DVAGS PO GRVA TSANG GI 'CHAD
NYAN LA GDAN 'DREN NAN GYIS BYUNG NA'ANG PHEBS MA THUB, DE NAS LO TZ'A CHEN PO'I DUS MCHOD LA 'DUS PA'I TSOGS RNAMS LA RMAD DU BYUNG BA'I BSNYEN BKUR [?] DANG, TSOGS SOG PA GNYIS KYIS DAM BCA' LO RE BZHIN 'JOG PA DANG, KHANG THOG NAS MDA' RDO MI BRGYAG PA, SGYOGS MI 'DZUGS PA SOGS GZHAN DAG DANG BA 'DREN PA'I SGRIGS RNAM GZHAG GSAR DU BTZUGS SO,, RGYA GAR MKHAS MANG MGRIN PAR SGROG BA'I DBYANGS, ,KHYOD NYID GCIG BUS MGUL PAR BLANGS PA NA, ,RIN CHEN RTZIG NGOS 'BOD GROGS GZUGS BRNYAN BZHIN, ,SGYU MA'I SNANG TSUL 'DI KO NGO MTSAR RMAD, ,GNAM SNGON SA LA BABS 'DRA'I RDZING BU LA, ,RING NAS NGANG PA'I TSOGS KUN 'DU BA LTAR, ,KHYOD KYI MKHAS PA'I GRAGS PAS DPYOD LDAN KUN, ,DUS GCIG 'DZOM PA'I CHAD SO BYAS PA BZHIN, ,MI DMAN BSOD NAMS 'BAR BA'I GZI BRJID KYIS, ,YANGS PA'I NOR 'DZIN SKYONG BA'I DREGS LDAN KUN, ,KHYOD KYI RNAM DKAR MDZAD PA'I LCAGS KYU DE, ,MA BTAB NA YANG 'DUNG LA RINGS PAR BREL, ,SO GA TSAD PAS GDUNGS PA'I GLANG PO DE, ,CHU KLUNG NGOGS SU NGANG GIS RGYU BYED NA, ,SKAL MAD GANG DAG KHYOD RJES MI 'JUG PA, ,SEMS MED YIN NAM 'ON TE GDON GYIS BTAB, ,CHU SHING LTA BU'I NOR GYI TSOGS, ,BSOD NAMS CHED DU SGYUR MKHAS PA'I, TSUL 'DIS RAB DGA'I SA THOB PA'I, ,SEMS DPA' KUN LA ZHUM PA BYIN,, DE NAS DGUNG LO BZHI BCU LON PA YONGS 'DZIN ZHES PA CHU PHO BYI BA'I LO LA, 'BRAS SPUNGS NAS THAMS CAD MKHYEN PA YON TAN RGYA MTSO DANG, SDE PA DGA'
, ,LDAN PA MCHOD YON GYI BKA' PHEBS DANG, STOD RGYUD GRVA TSANG GI GRVA RIGS RNAMS MOS MTHUN RTZE GCIG PA LA BRTEN NAS, 'BRAS BU GSANG SNGAGS RDO RJE THEG PA'I CHOS KYI DGA' STON RGYUN MI 'CHANG PAR SGROG PA'I GSANG BA SNGAGS KYI SDE CHEN PO STONG RGYUD GRVA TSANG GI CHOS KYI KHRI LA PHEBS, SNGON RGYUD PA KUN DGA' DON GRUB KYIS KYANG SMON LAM MDZAD 'DUG PA LTAR RAN 'DZAB BYAMS PA'I DRUNG DU BSTAN PA RGYAS PA'I SMON LAM GNANG BAS THUGS KA NAS BDUD RTZI'I RGYUN DNGOS SU BABS, SHING RTA CHEN PO KLU SGRUB ZHABS KYI ZHAL LUNG LAS 'ONGS PA'I BSKYED RDZOGS MDZUB KHRID, 'GREL PA BZHI SBRAGS, RIM LNGA GSAL SGRON SOGS DPAG PAR DKA' BA'I NGON RNAMS DPYIS PHYIN PA'I GSUNG BSHAD KYIS MKHAS PA RNAMS KYI YID RANG DBANG DU PHROGS SHING, MNYAM MED JO BO CHEN PO'I BSTI GNAS YER PA LHA RI SNYING POR, LEGS PAR GSUNGS PA'I CHOS 'DUL BA LAS BYUNG BA'I DBYAR ZHAL BZHES DANG, TSOGS PA MTHA' DAG 'GREL BSHAD NYAN PAR 'BYON DGOS PA'I SGREGS SOGS LUGS GNYIS KYI 'DZIN SKYONG PHUL DU BYUNG BA MDZAD DO,, GSANG CHEN THEG PA MCHOG GI CHU GTER LAS, ,MKHAS GRUB DGONGS DON YID BZHIN NOR BU'I TSOGS, ,SNOD LDAN MGUL PAR BRGYAN PA'I MDZAD PA YIS SA RA HA DE MKHA' SPYOD GNAS SU GROS, ,PHYI RU CHAGS BRAL DUR SMRIG 'CHANG BA'I LUS, ,NANG DU BDE CHEN LA ROL NYE LAM SPYOD, ,SGYU MA'I ROL RTZED 'DI YIS THUB BSTAN KUN, ,'GAL MED DGONGS PA GCIG PA'I RANG MTSANG BSTAN, ,THA MAL
SNANG ZHEN YONGS NGAG 'KHOR LO'I DPYID, ,GRAGS STONG NGA RO SGROG PA'I RDO RJE'I TSIG ,BDE STONG GNYIS MED NYAMS LDAN ZUNG 'JUG GIS, ,BSIL LDAN YUL 'DI 'OG MIN ZHING DU BYAS, ,BYAMS MGON DNGOS DANG DBYER MED SNANG BRNYAN DRUNG, ,BYAMS BRTZE'I THUGS KYIS GSOL BA BTAB PA'I TSE, ,BYAMS PA'I TING 'DZIN CHU RGYUN 'BAB PA DAG ,BYAMS LDAN 'KHOR GYIS BTUNG BA'I DGA' STON BYAS,, DE SKABS RDO RJE THEG PA'I CHOS NYAN PA'I 'KHOR DU 'DUS PA, SHAR PA CHOS RJE MDO SNGAGS RAB 'BYAMS PA SANGS RGYAS BKRA SHIS, RGYAL BA TZONG KHA PA'I KHRI LA 'DZEGS PA 'JANG RAB 'BYAMS PA DGE 'DUN RIN CHEN RGYAL MTSAN, STOD RGYUD GRVA TSANG DANG RIGS GZHUNG RGYA MTSO'I 'DUS SDE LEGS BSHAD CHOS 'KHOR GLING PA'I 'CHAD NYAN GYI GDAN SAR 'KHONG PA BZANG GRONG RAB 'BYAMS PA NGAG DBANG CHOS 'PHEL SOGS DGE BA'I BSHES GNYEN MTHA' KLAS PA JI LTAR DBYAR GYI LANG TSO RNAM PAR RGYAS PA NA DAL 'GRO'I KLUNG MTHA' DAG CHES CHER 'PHAL BA LTAR GYUR CING, KLUNG SHOD DU CHOS BAR BTEG PAS, GANGS KYI RI BO ZLA BA'I 'ONG KYIS KHYAB PA LTAR, SNGON GRVA TSANG LA MOS MTHUN CHE BA'I STENG DU, NYID KYI RNAM PAR THAR PA LAS BYUNG BA'I CHAR GYIS DAD PA'I MYU GU'I BSOS ZLA BRAL DU GYUR,, BLO GSAL GLING GI 'CHAD NYAN DU PHEBS DGOS PA'I SNYAN GSAN BYUNG YANG DE RES PHEBS PA MA SHAR, DE NAS GZHIS KA BRAG DKAR DU BYANG PHYOGS NOR 'DZIN SKYONG BA SDE PA DGA' LDAN PA DPON BLON GYIS, STAG LUNG ZHABS DRUNG NGAG DBANG RNAM RGYAL ZHES STAG LUNG BKA' RGYUD LA LTOS PA'I MKHAS PA CHEN POR
, ,GRAGS PA DE GDAN DRANGS PA DANG, RJE 'DI NYID GDAN 'DZOM PAR, DAM PA'I CHOS 'DUL BA LAS BRTZAMS PA'I DKA' GNAD KYI GSUNG GLENG BYUNG BAR, RJE 'DIS THE TSOM GYI MDUD PA MTHA' DAG BKROL BAS, STAG LUNG RIN PO CHE THUGS HA LAS NAS, RJES SU, DE DANG MNYAM DU ZLA GCIG BSDAD NA'ANG BLO BSKYED DPAG TU MED PA YONG BA 'DUG CES BSNGAGS PA MDZAD DO,, GRANGS MED RO BRGYA'I 'BRAS BU'I 'PHRENG BA YIS, ,DPAG BSAM YONGS 'DUR MDZES LA MTSAR DU CI MKHAS MANG GDENGS KA'I GRIB BSIL RAB LDEM PA'I, ,BSHES GNYEN KLU DBANG KHYOD NI GANG GIS BSKRUN, ,SHES BYA'I KHYON KUN LTA BA'I MIG STONG DANG, ,SMRA MKHAS DBYANGS CAN NGOM PA'I LAG NYAL GYIS, ,GRUB RIGS RGAN PO'I THE TSOM RI BO'I RKANG, , MTHAR BYED GRAGS PA PHYOGS KYI MGRIN PAR 'DZER,, DE NAS DGUNG LO ZHE GSUM LON PA SRIN PO ZHES PA SHING YOS LA CHOS SDE RIN CHEN GLING GI MKHAN POR PHEBS, 'CHAD KA DANG RIN CHAN GLING SDE PHAN TSUN MI 'DZA' BA'I DGE 'DUN GYI DBYEN BZLUMS PA'I BDE SKYID LA BKOD, RIM GYIS SKYID SHOD LA PHEBS TE, GRUB CHEN BYAMS PA BSOD NAMS LA LAS CHEN KUN RGYAL BAS MDZAD PA'I BKA' GDAMS CHOS 'BYUNG DANG, PAn CHEN RIN PO CHES MDZAD PA'I DRUG CU PA'I LUNG, SPRUL SKU BSOD NAMS DGE LEGS DPAL BZANG LA BSKYED RIM DNGOS GRUB RGYA MTSO, TSE DPAG MED LHA DGU'I DBANG, GUR MGON GYI RJES GNANG GSAN, DGUNG LO ZHE DRUG LON PA DUS KYI PHO NYA ZHAS PA SA RTA LA 'DUL MNGON GYI BSHAD GLA SKYOR MO LUNG
GI GDAN SAR PHEBS, YANG DAG PAR RDZOGS PA'I SANGS RGYAS KYI 'KHRUNGS RABS SOGS SKYA SER GYI KHOM CHEN PO 'DUS PA LA GSUNGS, 'JAM MGON GRUB PA'I DPA' BO KUN DGA' GROL MCHOG GIS RANG NYID LA SKU SKYE BOD DU MI 'BYUNG BAR GSUNGS KYANG SPRUL PA'I SKUR GRAGS PA'I JO NANG PA KUN DGA' SNYING PO, BLING SMAD CHOS RJE 'PHRIN LAS DPAL 'BYOR GYIS GDAN DRANGS PA'I TSE MDON SHES DANG PHO TSOD GANG YIN YANG, 'PHROS GTAM LA, DA LTA'I RA BA STOD PA'I DRUNG CHEN GYI RNAM DKAR GYI LAS SHUGS CHAS PAS, KHYED DANG DE'I RJES MA GNYIS KA LA YUN RING DKA' GSUNG BA STABS 'GRIG PA 'DRA'I, DGUNG LO ZHE BDUN LON PA DON GRUB CES PAS LUG LA, GANGS RI'I LJONGS 'DI'I 'CHAD NYAN THAMS CAD KYI 'BYUNG KHUNGS GCIG PU PA RNGOG LO TZ'A BA BLO LDAN SHES RAB KYI CHOS KYI GDAN KHRI LA PHEBS NAS, LA STAR CHAGS SU ZLA BA PHYED GNYIS KYI RING SA DGE'I MKHAS PA RNAMS 'TSOGS PA'I DBUS SU GSUNG RAB KYI 'BREL BA'I GTAM PHUL DU BYUNG BAS MKHAS RLOM DREGS LDAN PHAL CHER GYI SPOBS PA PHROGS, TSOGS CHOS SU SHING RTA CHEN PO KLU SGRUB KYIS RGYAL PO BDE SBYOD LA SPRINGS PA'I BSHES PA'I SPRINGS YIG DANG, RGYAL BA'I SRAS PO ZHI BA LHA'I BYANG CHUB SEMS DPA'I SPYOD PA LA 'JUG PA SOGS GSUNGS SO,, DE YANG RATNA'I BSTAN PA SPYI LUNG DU, ,GSANG PHU'I CHOS GRVAR 'JAM DBYANGS SPRUL PA 'BYUNG, ,ZHES PA YANG LA LA [?] RJE NYID DU NGOS 'DZIN PA DON LA GNAS PAR SEMS SO,, THOS BRAL SGOM PA'I TSANG TSING STUG PO'I NANG, ,MANG THOS LO 'DAB G-YUR ZA'I AA SHVADTHA,,
, ,MAR ME MDZAD KYIS LUNG BSTAN GSANG PHU DER, ,MKHAS MANG RGYAN DU MKHAS 'DI MDZES ZHES SGOG, DGUNG LO ZHE BRGYAD LON PA DRAG PO ZHES PA LCAGS SPREL, GAR MI YON TAN G-YUNG DRUNG GI GA [?] NGAN [?] SA RDZING PHYI'I KHRI THOG TU PHEBS, DE YANG SNGAR LUG LO'I SDE GZAR SKABS, STAG RTZE SGANG DU SKU RAB DMAG DPON PA SHOR BA'I TZEN GYIS, DE DUL 'OL DGA' STAG RTZE SKU RAB NAS BZUNG BAR, RDZING PHYI BA RNAMS YA NGA BAR YOD PA LA, RJE NYID SPYIR YANG LUGS ZUNG GI GNANG KHYAB MTHO BA DANG, LHAG TU STAG RTZER SDE PA ZUR KHANG NAS YONG PA'I MCHOD YON GYI 'BREL SO DANG BCAS PHAN TSUN KUN RE DOGS KYI 'CHING BA LAS BKROL, DGUNG LO ZHE DGU LON PA BLO NGAN ZHES PA LCAGS BYA LA 'DAM DU THU MED KYI RGYAL RIGS LHA BTZUN DANG HENG THA'I JI SOGS HOR SOG GI DMAG DPUNG CHEN PO 'BYOR PAR, BOD SOG CHINGS MDUN GLENG BAR GTZO BOR BKRA SHIS LHUN PO NAS, RGYAL BA GNYIS PA'I BSTAN PA'I GSAL BYED CHEN PO PAn CHEN RIN PO CHE PHEBS PA DANG LHAN CIG TU STAG LUNG SOGS SU PHEBS, BSLAB BTUS, SPYOD 'JUG, BCOM LDAN 'DAS RDO RJE 'JIGS BYED KYI 'KHRUL 'KHOR KHAMS GSUM LAS RNAM PAR RGYAL BA'I NYI 'OD RNAMS GSAN, STAG LUNG ZHABS DRUNG NGAG DBANG RNAM RGYAL LA PHYAG NA RDO RJE GTUM PO GZA' SHAM CAN GYI RJES GNANG ZHUS, MI RING BAR (GSANG) SNGAGS MKHAR GYI GDAN SAR PHEBS, BDE CHEN RTZA NAS GCANG PA'I BKA' BLON RNAMS KYIS, DGON PA LDAN RI LA SPO DGOS PAR NYE CHE, ZANG ZING GI BDOG PA NGANG BKA' NAN CHEN POS SNGAR
GNAS KYI PHAN PA CHER BSGRUBS MOD, 'ON KYANG LHAS BYIN DRIN GZO MED PA'I RING LUGS PA MANG PO NI JI MI SNYAM MO,, DGUNG LO NGA GCIG PA KHRAG SKYUG CES PA CHU PHAG LA DPAL LDAN 'BRAS SPUNGS KYI GRVA TSANG MKHAS MANG BLO GSAL GLING GI 'CHANG NYAN DU PHABS, SHES RAB KYI PHA ROL TU PHYIN PA'I DON MA LUS PA RDZOGS PAR STON PA'I BSTAN BCOS MNGON RTOGS RGYAN RTZA 'GREL DANG, DPAL MGON 'PHAGS PA KLU SGRUB KYI DGONGS PA PHYIN CI MA LOG PAR 'GREL BA DBU MA LA 'JUG PA SOGS KYI DGENGS PA 'KHRUL BRAL LUNG RIGS KYI DBYAR RNGA LAN GCIG MIN PAR BSGRAGS PAS BLO LDAN RMA BYA MTHA' DAG DGA' BA'I RTZED 'JOR ROL LO,, DA LTA'I BLO GSAL GLING SLOB DPON PA 'JAM DBYANGS BKRA SHIS, STOD RGYUD DBU MDZAD 'OL DGA' RAB 'BYAMS PA BYAMS PA RNAM RGYAL, RAB 'BYAMS PA DOM NYAG BSOD NAMS CHOS BZANG, RAB 'BYAMS PA 'BUR STAG PA NGAG DBANG DPAL BZANG SOGS DGE BSHES CHES MANG DU 'DUS, PHAG MO CHOS SDE'I BLA MAR PHEBS DGOS PA'I GSOL BA NAN GYIS BTAB KYANG BKA' BZHES MA GNANG NGO,, THABS MANG SGRUB PA'I GYA GYU'I TSUL, ,SPANGS KYANG KUN GYI GTZUG 'GYING BA'I, ,RNAM PAR RGYAL BA'I DPAL THOB PAS, ,KHYAB 'JUG MKHA' LDING ZHON NAS BROS, ,GZUR GNAS BLO YI KA SHI'I NGOS, ,SPAS DON GZHUNG GI LI KHRI'I TSON, ,RNAM DPYOD PIR GYIS BRIS PA YIS, ,RI MO'I SNANG BRNYAN CI YANG 'CHAR,, ` DGUNG LO NGA GSUM PA KHRO BO ZHIS PA SHING GLANG LA DGA' LDAN SHAR GYI GDAN SA DANG, DE'I LO PHYI MA ZAD PA ZHES PA ME STAG HOR ZLA LNGA
, ,PA'I DUS TSES DGE BAR, DUS GSUM RGYAL BA KUN GYI GSANG BA GSUM MTHA' KLAS PA GCIG TU BSDUS PA'I RANG BZHIN CAN KHAMS GSUM CHOS KYI RGYAL PO TZONG KHA PA CHEN PO'I GDONG LNGAS RNAM PAR BTEG PA'I RIN PO CHE'I KHRIL STOBS BCU MNGA' BA KUN GYIS DBANG BSKUR TE, 'DUL BA 'DZIN PA MTHA' DAG GI GTZUG NA MDZES PAR GYUR TO,, NAGS TSAL DRA BAS SPREL BA'I DBEN PA'I GNAS, ,DKA' THUB DRAG PO'I NGAL BA BSTEN PA DANG, ,BRGYA PHRAG MCHOD SBYIN NGAG LAS LEGS BRIS GTZO'I, ,GO 'PHANG THOB PAS BSGRUN DU MA MCHIS PAS, ,RGYAL BA KUN GYI YAB GCIG 'JAM DPAL DBYANGS, ,RGYAL BA'I CHOS TSUL SPEL LA BSIL LDAN 'DIR, ,RGYAL BA KUN LAS MKHYEN BRTZE CHES LHAG PA'I, , RGYAL BA'I TOG GYUR BLO BZANG GRAGS PA YI, ,RIN CHEN RDUL MANG BRTZEGS PA CHOS KYI KHRIR, ,'JIGS BRAL ZHABS KYI PADMO LEGS BKOD PAS, ,GSER MNGAL GTZUG NA ZLA BA PAD DKAR MIG ,'DUD PHYIR YANGS PA'I SA NI DOG POR BYAS,, DE NAS BZUNG STE DPYAR DGUN GYI DUS CHOS RNAMS SU JO BO CHEN PO DPAL LDAN AA TI SHA'I THUGS KYI NYING KHU BYANG CHUB LAM GYI SGRON MA'I DON RGYAS PAR STON PA BYANG CHUB LAM GYI RIM PA CHEN MO DANG, BKA' GDAMS GLEGS BAM SOGS BZABS BSHAD DANG BCAS GSUNGS, DGUNG LO NGA LNGA LON PA RAB BYUNG ZHES PA ME YOS LA RGYAL BAS CHO 'PHRUL BSTAN PA'I DUS KHYAD PAR CAN LA RIS SUM CHAD PA'I RAB TU BYUNG BA'I SDE BGRANG YAS PA TSOGS PA'I SMON LAM GYI MGON DU PHEBS TE, SNGA DRO SNYAN DNGAGS KYI
BSTAN BCOS CHEN PO 'KHRUNGS RABS SO BZHI PA ZHES, DBYANGS CAN MGRIN PAR CHAGS PA DPA' PO'I ZHAL LUNG LAS BYUNG BA DE NYID KYI DKA' BA'I GNAD RNAMS BSTAN PAS DRANG SRONG PHUR BU YANG MKHA' LA NYUL BA'I TSUL GYIS NYAN PAR LHAGS SO,, SNYAN TSIG TSIG RGYAN DPAL LDAN MA KHOL GYI, ,ZHAL LUNG LUNG BZANG MKHAS RLOM KUN GYIS KYANG, ,MA RTOGS RTOGS PHYIR LEGS BSHAD SNYIM PA YIS, ,TSIG DON DON GYI MDUD PA MTHA' DAG BKROL, ,MI DGE'I DRI MAS SBAGS PA'I NAG PO'I MDANGS, ,TSUL MIN KUN NAS 'KHRUNG PA'I DGE BA'I CHUS, ,RNAM SMIN DKAR POR 'DZAG PA'I THIGS PA YIS, ,LEGS LAM 'DZIN MA MA LUS BRLAN SNYAM BYED,, DE NAS 'BRAS SPUNGS SU PHEBS NAS ZLA BA GSUM GYI RING GTAN CHAGS SU BZHUGS PA NAS BZUNG, LO DRUG GI RING KHO BOS KYANG ZHAL GYI BDUD RTZI LAS 'ONGS PA'I BSDUS PA NAS BZUNG, CHOS MNGON PAR GYI t'IKKA SPYI DON THAL 'PHRENG RNAMS ZHUS, TSIG DON MTHA' DPYOD GANG LA YANG CHOS DE DANG DE DNGOS SU STON RGYU YOD PA LTA BU'I 'CHAD MKHAS PA'I RNAM DPYOD KYIS DRUNG DU NYE BAR 'KHOD PA MTHA' DAG DAM PA'I CHOS LA BLO DAM NGAM SHUGS KYIS 'GYUR BA'I NGO MTSAR KHYAD PAR CAN DU SNANG, DNGOS CAG LTA BU'I BRTZON 'GRUS DANG SHES RAB CHES DMAN PA RNAMS LA'ANG, JI LTAR NYI MA'I 'OD KYIS PAD TSAL (KUN) RANG DBANG MED PAR 'BYED PA LTAR, GZHUNG GI DON PHYOGS 'GRO TZAM BLO YUL DU MI 'JAGS PA'I DBANG MI 'DUG CING, NGED RANG NAS KYANG THOS PA KHO NAR LA ZHUGS PA'I 'DZIN BSHAR RIGS LUNG SOGS
, ,TSANG MAR, BOD MI CHEN GYI CHE KHYAD SOGS SHES 'DOD MED PA DANG BCAS GTAN MA BYAS PAR CHOS LA DON GNYER 'BA' ZHIG BYAS PAS DGONGS PAR YANG LDAN PA BYUNG, DGUNG LO NGA BDUN PA DKAR PO ZHES PAS SPRUL LA SDE PA ZUR KHANG SHAR PA DNGOS GRUB RGYA MTSO DUS KYI PHO NYA'I DBANG DU GYUR PA DAG MNGON MTHO DANG NGES LEGS KYI SA BON BSKRUN PA'I PHYIR LHO KHA PHYOGS SU GDAN DRANGS SKABS, SOS THAN GYI TSA BA'I 'JIGS PAS SPANG LJONGS DANG LJANG PA GZHON NU RNAMS GSER GYI GOS GYON PA LA MNGON DU PHYOGS TSE, RJE NYID PAn CHEN BYAMS PA GLING PA'I SKYE BA YIN NA CHAR CHEN PO PHOB CIG CES BDEN PA'I TSIG BRJOD PA GNANG BAS, DE NUB NAS BZUNG ZAD MI SHES PA'I CHAR GYI RGYUN BABS TE, DBYAR SKYES KYI PHUNG PO KUN MA RGAD KYI STONG G-YOGS GYON NO, ,BYAMS GLING BA RNAMS KYIS BSTI STANG DANG BCAS MCHOD RTEN CHEN PO'I STENG NAS, KHROM LA THUGS RJE CHEN PO'I BZLAS LUNG DANG, YANG ZAB BLA MA'I RNAL 'BYOR BSTZAL BAS, SKABS GSUM PA RNAMS KYANG DANG BA'I YID KYIS LHAGS TE MCHOD PA'I SLAD DU ME TOG GI CHAR DBAB PAR BYAS SO,, MKHAS PA'I LEGS BSHAD SKYUG PA'I GANG G'A'I RGYUN, ,'KHRUL PA'I RNYOG PA DANG BRAL DANGS PA'I KLUNG, ,NAM YANG MI ZAD GSUNG RAB CHU BO'I GTER, , BLO GSAL SKAL LDAN SHING RTA'I DPAL DU CHE, ,GZOD MA NYID NAS RGYAL SRAS 'PHAGS PA'I SAR, ,GSHEGS PHYIR BDEN TSiG GRUB LA MTSAR DU CI, ,DRANG SRONG DMOD PA'I MTHU YIS BRGYA BYIN LA, ,MIG STONG BYUNG BAR RIG BYED GTAM DU
GRAGS,, DGA' LDAN GZIMS KHANG DU RAB 'BYAMS PA DON GRUB RGYA MTSO SOGS DGE BSHES MANG DAG LA MDO RGYUD KYI t'IKKA GNANG BAS, RAB 'BYAMS DON RGYAM PA YANG KHENGS PA BOR TE PHYIS SU BSNGAGS BRJOD KHO NA BYED ZER, 'DI DAG GI SNGA PHYI RNAMS SU RTA TSAG RJE DRUNG, SPRUL PA'I SKU GRAGS PA RGYAL MTSAN, NGAG DBANG SPRUL SKU, DA LTA'I GLING STOD CHOS RJE, SKYED CHAL MKHAN PO, SKYID SHOD KYI SDE PA CHOS RJE, DBON DRUNG SKU SKYE, CHA KAR SKU SKYE SOGS CHEN POR GRAGS PA RNAMS DANG, GNAM GYI BU BO DON CHA MiR GAN GYI RGYUD LAS BYUNG 'JU NANG THUB PA THA'I JIS MTSON PA'I HOR GYI RGYAL RIGS DANG, BSTAN 'DZIN CHOS KYI RGYAL PO SOGS CHEN PO MANG POS KYANG ZHABS LA GTUGS SO,, DE SKABS GSANG PHA'I 'DU KHANG DE LEGS RGYU MI 'DUG PAR GSAR BCOS KYI THUGS 'DUN GTAD PA'I SPYI TSOGS BKA' BGROS MOL BSDUR NAS, SHING SOGS KYI RTZOL SGRUB MDZAD KYANG, 'GA' ZHIG LOGS BRIS SOGS BSNON 'PHRI BYUNG DOGS PA'I MI 'DOD PA'I RNAM PAS RKYEN BYAS LUS MED KYIS JI LTAR BSAMS PA'I DBANG DU GYUR,, DGUNG LO NGA DGU PA SKYE BDAG CES PA LCAGS LUG LA DGA' LDAN GZIMS KHANG DANG, DE'I LO PHYI MA SKYOR MO LUNG GI GZIMS KHANG MKHAR LAS, SNGAR CHOS RJE RIN CHAN BSHES GNYEN PAS SPOM RTA BSLANG RJES BLO BUR DU GNYAN NAD KYIS GRANGS PA SOGS 'TSUB CHE BAR GRAGS NA'ANG, 'DI SKABS 'GAL RKYEN GYI BGEGS MED PAR 'GRUB,, DGUNG LO RE LNGA PA DBANG PHYUG CES PA ME GLANG LA, DGA' LDAN DU TZ'I nA'I YUL GRU LAS 'ONGS PA'I
, ,DNGUL SRANG MKHA' MKHA' RGYA MTSO'I GRANGS LDAN DANG, SU WARnA MKHA' KLU'I 'KHOR LO CAN LAS GRUB PA'I BDE BAR GSHEGS PA'I BYANG CHUB CHEN PO'I MCHOD SDONG, SHEL DKAR GYI LHUN PO NOR BU'I 'PHRA TSOMS KYIS BSKOR BA LTA BU 'GRO BA'I BSOD NAMS KYI ZHING DU BSKRUN PA LA, RJE NYID RDO RJE SLOB DPON GYI GDAN KHRI LA GTZO BOR BZHUGS TE, DPAL GSANG BA 'DUS PA MI BSKYOD RDO RJE'I DKYIL 'KHOR ZHAL PHYE NAS, RGYUD SDE LAS JI LTAR 'BYUNG PA'I YE SHES SEMS DPA'I TSOGS RTEN LA GNYIS MED DU BYED PA'I RAB TU GNAS PA'I CHOG RGYAS PAR MDZAD CING, NEE P'A BA'I BZO BO RNAMS MKHO DGU'I 'BYOR PAS TSIM PAR GYUR TO,, RGYAL RNAMS MCHOG DMAN 'GRO DANG 'TSAM PA'I TSUL, ,STON PHYIR BYA BA LAS KYI 'KHOR LO YIS, ,BLO DMAN SKYE DGU'I RE BA CHES SKONG BA, ,DE YANG SEMS DPA' CHE RNAMS MDZAD PA'I 'OS, ,SNANG STONG 'KHOR LO'I BDAG POR GSAL BA YI, ,G-YO MED TING 'DZIN MTHU YIS DUS GSUM GYI, ,RNAM 'DREN MA LUS PHYOGS 'DIR NYER DRANGS NA, ,ZHING GZHAN LUS CAN MGON PO MCHIS SAM CI,, DGUNG LO RE DRUG PA 'BRU MANG ZHES PA SA STAG LA 'PHRUL SNANG GTZUG LAG KHANG DANG ZUNG DU 'BREL BA'I 'CHI MED KYI GRONG KHYER SA LA 'PHOS 'DRA DGA' LDAN KHANG GSAR DU ZLA SHAS BZHUGS TE, DNGOS CAG LA 'DUS PA'I 'GREL PA SOGS KYI BKA' DRIN BLA MED DU BSTZAL, DE NAS DGUNG LO DON GNYIS PA NYI SGROL BYED CES PA SHING SPRE LA, DBANG PHYOGS RGYAL KHAB KYI GAN MDZOD LAS 'ONGS PA'I BZANG GOS YUG MKHA' ME GZUGS KYI GRANGS LDAN LAS GRUB PA'I SNYIGS
DUS KYI RAB, BYAMS STOBS BCU MNGA' BA YONGS KYI DBANG PHYUG TZONG KHA PA CHEN PO'I SKU BRNYAN BZHENG BAR ME TOG MDA' CAN GYI 'CHING BA'I ZHAGS PAS CUNG ZAD KYANG G-YO BAR MA NUS PAR LHUN GYIS GRUB STE, RGYAL BA GNYIS PA NGAG PA'I ZHING DU GSHEGS PA'I DUS CHEN, 'DUL MNGON PA'I LO GSAR TSES, RGYA NAG PA'I DGUN THA, YONGS GRAGS KYI HOR ZLA BCU PA'I DBYANGS AOO 'CHAR PA, DMAR PHYOGS KYI RDZOGS PA GNYIS PA'I TSES LA RAB TU GNAS PA 'GRIG, RTEN 'BREL PHUN SUM TSOGS PAR GYUR, DE SKABS 'BRAS SPUNGS SU ZLA SHAS BZHUGS TE, KHO BOS RJE RGYAL BA GNYIS PA'I GSUNG RAB KYI DKA' GNAD RNAMS ZHUS, BKA' LAS BYANG CHUB LAM RIM GYI BZABS BSHAD RJE BLA MA NAS BRGYUD PA BAR MA CHAD PA, 'JAM DBYANGS STAG LUNG BRAG PA'I GSUNG RGYUN YONGS SU RDZOGS PAR THOB PA KHO BO TZAM DU 'DUG PAS, DA LAM 'BUL THUB PA 'DI LEGS BYUNG ZHES THUGS DGES PA CHEN PO GNANG, ZHAL SNGA NAS BSAM MCHOG PAS, BSAM GTAN MCHOG NI MGO DKAR PO YIN, BSAM GTAN MCHOG SHIN LAM RIM SHI ZER BA'I DPE DE DER BYUNG, DGA' LDAN PHO BRANG DU BZHUGS SKABS DE KHA NAS RJE BYAMS PA GLING PA'I GDAN SAR PHEBS DGOS TSUL GYI BKA' BGROS BYUNG SONG NA'ANG, SA THAG RINGS PA DANG SKU NA PHEBS PA SOGS KYIS MI PHEBS PAR THUGS THAG BCAD, GSANG PHU'I GRVA TSANG RNAMS DBYAR CHOS PHYI MA SNGON DUS 'DUL BA 'DZIN PA'I SDE CHEN POS DGE'I BSHAD NYAN SHIN TU DAR BA BAR SKABS SU DAGS BRGYUD PA'I PHYOGS SU GYUR PA'I ZUL PHUR TSOGS PA'I DGON GNAS MTHUN RKYEN GYI PHYOGS SOGS BSTAN PA'I
, ,RGYUN LA GNAS PA DANG, RA BA STOD PA RNAMS LA GRVA BRGYAD GRVA'I DGE 'DUN GYI KUN DGA' RA BA DANG, LO STAR CHAGS KYI MTHUN RKYEN SOGS 'BYUNG BA'I BKA' PHEBS KYI BYA BA LAS KYI 'KHOR LOS LUGS BRGYA PHRAG GI SGO NAS PHAN BDE'I SMAN YON CHES CHER SPEL BAR MDZAD BZHIN PA 'DI KHA LTAR, SLAD NAS KYANG, KUN MKHYEN BU RAM SHING PA'I BSTAN PA SPYI DANG, KHYAD PAR KHAMS GSUM CHOS KYI RGYAL PO TZONG KHA PA'I LUNG RTOGS BSTAN PA DRI BRAL GYI DPYID DAM PAR, JI SRID ZLA NYI'I 'ONG KYIS YANGS PA'I SA CHEN PO KUN LA GSAL BYED KYI 'OD SNANG 'BAR BA DE SRID DU ZHABS ZUNG MI 'GYUR RDO RJE'I GZHI LA BRTAN PAR GYUR CIG, ,,MTHA' BRAL LUS CAN KUN LA RAB BRTZE BRTZE LDAN THUGS RJE CHEN PO'I RGYUN, ,RGYUN CHAD MED PAR PHYIN DRUG 'DZIN MA MA LUS YONGS BRLAN RGYAL BA'I SRAS, ,SRAS BCAS KUN GYI RLABS CHEN SPYOD TSUL CHUL BZHIN NYAMS BSTAR MCHOG GSUM DNGOS, ,DNGOS RGYUD BLA MA'I MKHYEN BRTZE NUS KUN KUN NAS RAB BSDUS YONGS 'DZIN RJE, ,SRID ZHI'I KHAMS NA CHES DKON LEGS PA'I LAM, ,MCHOG TU GRUB PA'I GSANG BA GSUM GYI MDZOD, ,CHOS TSUL MI ZAD 'DOD DGU CHENG 'PHEL BA'I, ,GNAS 'DI RNAM MKHYEN LAS GZHAN SPYOD YUL MIN, ,TSUR MTHONG BYIS PA'I BLO YIS SHES BYA'I CHAD 'JAL BA RANG NYID NGAL BA SGRUB PA LTAR, ,'JAM MGON BLA MA'I MDZAD PA RJES DPOGS NAS, ,SMRA NA THOG MAR SANGS RGYAS GO 'PHANG SGRUBS, ,ZAD PA'I GO SKABS DANG BRAL RGYA MTSO CHE, ,KU SHA'I RTZE MOS PA MTHAR 'DZAD BYED PA'I, ,DRAG PO'I DKA'
THUB YUN DU STEN PA DANG, ,'DI LTA'I RTOGS BRJOD RDZOGS SMRA CIS MI MTSUNGS, ,'ON KYANG RLABS CHEN MDZAD PA'I SU WARnA, ,NYUNG DU'I ZONG YANG MI DMAN BYED PO YIS, ,DPYOD LDAN YA RABS RNA BA'I RGYAN 'GYUR BAS, ,CUNG ZAD BRJOD 'DI BSOD NAMS SKAL BAS RNYED, ,TSANGS PAS GTAM RGYUS SBYOR BAR MA BYAS SHING, ,DBYANGS CAN TSIG 'PHRENG SPEL LA MA 'ONGS PA'I, ,MKHAS MANG SKYES SU 'OS PA'I RTOGS BRJOD 'DI, ,SMRA BA'I SKAD GNYIS PA DE GANG NAS 'ONGS, ,SNYING NAS RNAM G-YENG SPANGS PA'I DRANG SRONG KUN, ,BSAM GTAN TSAR MA'I SNYAN TSIG SPONG BDEN YANG, ,RI BOR NGAL 'BYOR STOD PAR YOL BYED RNAMS, ,MI 'DOD RANG NYID THOS NYUNG RMONGS PA'I SKYON, ,SHAR LHO'I LUGS BZANG DAndI'I GTZUG LAG RGYUD, ,NGO MTSAR GTAM GYIS BSGYUR BA'I BI WI NGAS, ,GZUR GNAS RIGS LDAN YONGS KYI DGA' BA'I 'DZUM, ,RDZOGS LDAN GSAR PAR CHAGS NAS BSU BA BZHIN, ,DGE BA'I RNGA YAB DRI BZHON GYIS, ,BSED NAMS MAL YA DAG LAS, ,BOS PA'I BSHES GNYEN DRI BSUNG LA, ,TSE RABS KUN DU SPYOD GYUR CIG, ,,CES 'JAM MGON DUR SMRIG 'CHANG BA RAB 'BYAMS BSTAN PA'I RTZA LAG RJE BTZUN DKON MCHOG CHOS 'PHEL GYI RTOGS BRJOD MKHRAS PA'I RNA RGYAN 'DI YANG, RDZING PHYI MKHAN PO DGE 'DUN RNAM RGYAL GYIS BSKUL BA DANG, RANG NYID KYI DAD PA'I GSOS SU BSAMS TE, DAM BDE NYID KYI GSUNG GI BDUD RTZIS 'TSO BA'I LO RGYUS SMRA BA'I BTZUN PA NGAG DBANG BLO BZANG
, ,RGYA MTSO 'JIGS MED GO CHA THUB BSTAN LANG TSO'I SDES, NYI SGROL ZHES PA SHING SPRE'I LO, RGYA NAG GTZUG LAG GI DBYID 'BRING, CHU SHEL GYI DBANG PO RGYAL GYIS NYA BA'I PHYOGS SNGA MA'I DGA' BA GSUM PA'I TSES LA DGA' LDAN PHO BRANG DU SBYAR BA'I YI GE PA NGAG DBANG DGE LEGS SO,, ,,MANGGA LAm,, ,,
[BLANK PAGE]