!,, GU HYA SYA BI MO BshO SHSHR'A DDH'A N'Am RA THA N'A MA: PRA BHU BADZRE BHI RDHA REE RMMA HO P'A DHY'A YA DHA RM'A n'Am R'A DZA SU DH'I DHA RMMA SYA DHRA [?] DZEE: SHR'I BHA DRA SYA BI HA RA TI SMA,, *, ,KHYAB BDAG RDO RJE 'CHANG MKHAN CHEN CHOS KYI RGYAL PO BLO BZANG CHOS KYI RGYAL MTSAN GYI GSANG BA'I RNAM THAR DAD PA'I SHING RTA ZHES BYA PA BZHUGS SO,,
, ,AOm SVASTI SIDDHAm, THABS DANG SHES RAB ZUNG DU 'JUG PA'I TSOGS GNYIS SA BON SMIN PA LAS, ,SKU BZHI'I 'BRAS BZANG G-YUR DU ZA BA'I BSHES GNYEN DPAG BSAM YONGS 'DU'I LJON, ,CUNG ZAD BSTEN KYANG 'DOD PA'I RE SKONG SNGON MED YID BZHIN DBANG GI RGYAL, ,BLO BZANG CHOS KYI SRID LA DBANG BSGYUR BSTAN PA'I RGYAL MTSAN ZHABS LA 'DUD, ,BLO GSAL SKAL BZANG RIN CHEN ZA MA TOG , LUNG RTOGS CHOS KYI BDUD RTZIS 'GENGS MDZAD PA'I, ,DUS GSUM RGYAL BA KUN DNGOS DUR SMRIG GIS, ,RNAM ROL MTSAN LDAN BLA MA PHYAG GI YUL, ,GRANGS MED BSKAL PAR GOMS PA'I RGYAL SRAS KYI, ,RLABS CHEN SPYOD PA'I PHA MTHA' 'CHING BA LA, ,BYED POS KUN GSAL ZHAGS BAR SPRUL BYAS KYANG, ,CHA TZAM 'JAL BA'I GO SKABS GA LA ZHIG ,'GO MIN ZHING DU MTSAN DPE'I SGYU 'PHRUL GYIS, ,NGO MTSAR GAR DU BZHENGS PA'I STOBS BCU'I RTZAL, ,LHUN GRUB GSANG PA GSUM GYI RNAM THAR KUN, ,SGRIB PA'I YID CAN RNAMS KYIS RTOGS NUS SU, ,'ON KYANG MKHA' LA RGYU BA'I ZLA GZUGS GCIG ,RNYOG BRAL 'BUM PHRAG RDZING BUR 'CHAR BA LTAR, ,
, ,MCHOG DMAN BAR PA'I BLO DANG RAB 'TSAM PA'I, ,PHUN TSOGS BKOD PA'I NGO MTSAR ZANG MI SHES, ,KHYAD PAR KHABS BSKOR BA'I SMAN LJONGS 'DIR, ,'JAM DPAL SNYING PO'I BSTAN PA SPEL BA'I PHYIR, ,MKHAS BTZUN BZANG PO'I MDZAD PA MTHA' KLAS PA, ,LCE BRGYAS BSKAL BRGYAR BRJOD KYANG GA LA RDZOGS, ,'ON KYANG GSANG BA'I RTOGS BRJOD MANDHAR, ,SKAL BZANG 'CHI MED TSOGS KYI THONG BCINGS NAS, ,DAD PA'I DO RAR RLABS CHEN BSOD NAMS GAR, ,GTAN PA DE'I GZIGS MOR BSGYUR LA 'DI NA BREL, ,BGRANG YAS SKYE CHU'I YID KYI SA 'DZIN LA, ,RAB DKAR DAD PA MCHOG GI SHING RTA YIS, ,LAGS TSOGS BYE BA'I NOR BU RAB DRANGS NAS, , 'DI PHYIR DGE BA'I 'DOD RGU CHAR DU BSNYIL, ,ZHES SHIS PA BRJOD PA'I TSIG GIS SDUN BSUS TE, DUS GSUM GYI RGYAL BA RNAMS NI MKHYEN BRTZE NUS PA'I DPUNG MTHA' YAS PAS 'GRO BA RNAMS 'DREN PA LA THABS SNA TSOGS KYI SGO NAS SPRUL PA GRANGS MED PAR STON LA, KHYAD PAR GRAGS CAN GYI BSKAL PA 'DI NYID LA SANGS RGYAS STONG 'BYON PA RNAMS KYI NANG NAS SNYIGS MA LNGA CHES CHER BDO ZHING 'DUL BAR DKA' BA LA SNYING STOBS MCHOG GI PAD DKAR LU BUR
BSNGAGS BA 'O SKOL GYI STON BA ZAS GTZANG GI SRAS PO'I BSTAN PA RIN PO CHE 'DI LA, MKHAS PA DANG GRUB PA'I SKYES MCHOG GRANGS MED BA ZHIG BYON PA RNAMS KYI NANG NAS, RANG CAG RNAMS KYI 'DREN PA DAM PA RIGS DANG DKYIL 'KHOR THAMS CAD KYI BDAG NYID, DON GYI SLAD DU MTSAN NAS SMES TE LUNG RTOGS BSTAN PA'I MNGA' BDAG MKHAN CHEN CHOS KYI RGYAL PO DBEN SA PA CHEN PO PAn CHEN BLO BZANG CHOS KYI RGYAL MTSAN DPAL BZANG PO'I RNAM PAR THAR BA YONGS SU RDZOGS PA NI BSKAL PAR BRJOD KYANG RDZOGS PA'I MTHA' GA LA ZHIG, 'ON KYANG THUN MONG GI RNAM THAR RAGS RIM TZAM NI, RJE BTZUN BLA MA MCHOG GI BKA' 'BUM DU BZHUGS PA LTAR YIN LA, DE NYID DU SHIN TU SBAS PA'I TSUL GYI GSANG BA RDO RJE'I TSIG RNAMS 'DRI BAR 'DOD NAS, RJE NYID LA GSOL BA BTAB STA ZHAL LUNG LAS BYUNG BA DANG, RNAM PAR DPYOD PA'I BLO LDAN GU GE CHOS RJE SOGS SPYAN SNGA BA 'GA' ZHIG GI NGAG LAS BYUNG BA'I KHUNGS BCUN PA RNAMS LA BRTEN NAS MCHOG DMAN GYI SKYE RGU SKAL BAR LDAN PA RNAMS KYI CHED DANG, RANG NYID KYI DAD PA'I GSOS THUN MONG DU YI GE'I LAM DU 'GOD PA NI, DA YANG GRUB PA'I DBANG PHYUG CHEN PO DBEN SA PA BLO BZANG DPON GRUB DE NYID, SPRUL SKU RAGS PA'I ZA MA TOG BSDUS NAS, SLAR BSAMS [?] GZHIN 'TSO BYAD DRUG BRGYA BA'I SRAS SU SRID PA BZUNG PA'I SPRUL PA'I SKU SNGON MA DE, MI GTZANG BA'I GRIB LA BRTEN GSHEGS PA NA, YUM MYA NGAN GYIS NON PA'I RMI LAM DU DZO GI ZHIG BYUNG NAS LUNG BSTAN TSUL RNAM THAR THUN MONG BAR GSAL BA'I A'A TZAR DE NI, YE SHES KYI MGON PO PHYAG DRUG PA STE, DE YANG SNGON MKHAS GRUB RIN PO CHE'I DUS, MNYAM MED NAM MKHA'I RNAL 'BYOR LA MGON PO PHYAG DRUG PA'I CHOS SKOR YONGS SU RDZOGS PA
, ,GSAN CING, CHOS SBYONG GI GTZO BOR MDZAD PAS LUS DANG GRIB MA BZHIN DU 'GROGS PA'I RTEN 'BREL DU GO, DBEN DGON DU SANGS RGYAS BYANG SEMS DANG, YI DAM CHOS SKYONG MANG PO'I LJAGS BSNYEN GNANG BA'I TSE, LHA GANG DANG GANG YIN PA DE DAG GI ZHAL MNGON SUM DU GZIGS SHING, KHYAD PAR RDO RJE 'JIGS BYED, MGON PO PHYAG DRUG PA, DAM CAN GSHIN RJE'I RGYAL PO, DPAL LDAN DMAG ZOR MA SOGS KYI SKU DANG GSUNG GI SNANG BA DNGOS SU STZAL NAS PHRIN LAS BSGRUB PAR ZHAL GYIS BZHES, 'DI DAG GI DUS GZHAN GYI LEGS NYES SEGS SHES BYA LKOG GYUR BA MTHA' DAG KYANG, SKU NA PHRA BA'I RGYU MTSAN GYIS MA GSANGS PAR GSUNGS PA NA, JI LTA BA BZHIN 'PHYUGS MED DU THOG TU BABS PA KHO NA BYUNG, DGUNG LO BCU BZHI PA'I DUS, NGAG DBANG LHA MO DBYANGS CAN MA'I LJAGS BSNYEN MDZAD PA'I TSE, MNGON RTOGS DANG MTHUN PA'I DBYANGS CAN MA ZHIG ZHAL GZIGS PA'I THUGS KA NAS DBYANGS CAN MA SNGON MO ZHIG BYUNG STE, RIN PO CHE'I SNOD SHING TOG GSAR PAS GANG PA ZHIG BSNAMS NAS GTZO ME'I PHYAG TU PHUL BAS, SHING TOG CIG LAS DBYANGS CAN MA DMAR MO ZHIG CHU LAS CHU SBUR DHOL BA LTAR THON, DES GTZO MO'I PHYAG GI SHING TOG SNOD DANG BCAS PA BLANGS TE, RJE BLA MA 'DI NYID KYI PHYAG TU PHUL NAS, RO BRGYA'I DPAL LA LONGS SU SPYOD PAR MDZAD PA DANG, PI WANG GI SGRA SNYAN PA YANG DNGOS SU GSAN PA NI, SKU TSE 'DI NYID LA 'CHAD RTZOD RTZOM GSUM GYI SGO NAS BSTAN PA NYIN MO LTAR GSAL BAR MDZAD PA'I RGYU MKHYEN RAB 'JAM PA'I DBYANGS DANG GNYIS SU MA MCHIS PAR BYUNG BA 'DI'I RTEN 'BREL YIN LA, DE'I TSE GNANG BA'I DBYANGS CAN MA'I BSTOD PA DE LA GZIGS SNANG BSTOD PAR GRAGS
LAM RIM CHUNG PA THUGS 'DZIN GNANG BA NA, ZHAG KHA YAR NAS LAM RIM CHEN MO LA GZIGS RTOG GNANG BAS THUGS LA SHIN TU BABS TE THUGS 'DZIN GNANG BA'I DGONGS PA GTAR [?], NGE'I TSE BDAG CAG GI STON PA MNYAM MED SH'AKYA'I RGYAL PO SKU CHE ZHING BLTA BAS CHOG MI SHES PA NYI MA 'BUS KYI GZI BRJID NGANG LDAN PA LTA BU ZHIG ZHAL GZIGS PAR YAN LAG BDUN PA 'BUL BAR GNANG 'DUG NA'ANG, RNAM THAR CHEN MOR MNAL LAM DU BYUNG BA'I SGYU LA BRTEN PAR MCHIS, BKRA SHIS LHUN POR GSAN SBYONG LA PHEBS PA'I NUB BUD MED GZHON NU PHO CHAS SPRAD PA ZHIG GIS DGA' BA'I RNAM 'GYUR DU MA DANG BCAS TE GSER GYI MAndAL 'DRA BA ZHIG NYI MA'I DKYIL 'KHOR YIN ZOR PHYAG TU GTANG DE LEGS SO BRJOD PA NI, DPAL LDAN 'DOD KHAMS KYI DBANG PHYUG MAS, THOS BSAM GYI TSUL BSTAN PA LA BRTEN NAS BSTAN 'GRO'I PHAN BDE'I SNANG BA GSAL BAR 'GYUR BA'I RTEN 'BREL GYI BRDA' CHOS SO, ,BRTZI GZHAG 'DZIN PA LA THOG MAR PHEBS PA'I TSE, GZIMS SPYIL GYI SGO DRUNG DU RNAL 'BYOR MA ZHIG GIS 'O MA KA P'A LA GANG KHYER NAS, SKU'I MDUN DU BTEG BYUNG BA LA, MTHEB SRIN GYIS REG PA ZHIG GNANG, CUNG ZAD PHEBS TA RNAL 'BYOR MA DE CI'ANG ZHIG YIN DGONGS PHYI MIG GZIGS PA NA, GAR SONG CHA MED DU GYUR, RNAL 'BYOR MA DE 'JIG RTEN LAS 'DAS MA 'DAS MA NGES CES GSAL BAR MI GSUNG YANG, THAMS CAD MKHYEN PA DGE 'DUN GRUB PA DE NYID BKA' GDAMS KYI BSTAN PA'I SNYING PO LHA CHOS BDUN GYI BRGYUD PA 'DI NYID GTZO BOR 'DZIN PA GNANG BAS, RNAL 'BYOR MA DE YANG RJE BTZUN SGROL MAR NGES SO, ,AE MA DPYID KYI DPAL MO'I MNGAL YANGS LAS, ,LEGS 'ONGS DBYAR SKYES MYU
, ,BU GSAR PA'I 'BRAS, ,BYA RTZOL BRAL YANG CHAR DU DNGAR BA DE, ,RTEN 'BREL MI BSLU DNGOS PO'I GNAS LUGS YIN, ,GZOD MA NYID NAS SPANGS RTOGS YON TAN KUN, ,LHUN GRUB 'KHOR LO'I MGON PO RDO RJE 'CHANG, ,TSAD KYIS 'JAL DKA'I GSANG GSUM RGYA MTSO'I RLABS, ,NAM YANG YOL BA MED PA RANG GI GSHIS, ,RGYAL BSRAS BCAS CHOS BSRUNG DGYES BA'I CHU, ,GSANG GSUM SNANG PA'I RLABS SU PHRENG G-YO BZHIN DU, ,TSE RABS DU MAR GOMS BA'I RI GZAR NAS, ,RGYUN CHAD MED PAR 'BAB 'DI SU YIS BZLOG ,YANG RDO RJE 'JIGS BYED KYI LJAGS BSNYEN SKABS, 'JAM DKAR DANG 'JIGS BYED GNYIS SBRAGS [?] GYI TSUL DU GNANG BAS, NYIN GCIG 'JA' TSON SNA LNGA'I GUR KHYIM GYI DBUS SU ZLA BA'I DKYIL 'KHOR GYI STENG DU AA DKAR PO'I MTHAR YA MA R'A DZ'A SHEL GYI MDOG LTA BUS BSKAR BA MNGON SUM DU GZIGS SNANG YANG, RNAM THAR CHAN MO NA MNAL LAM GYI TSUL DU MCHIS, 'DI DAG GI SKABS RGYU MTSAN GZHAN GSAL BAR MI GSUNG YANG, DNGOS BO'I GNAS TSOD LA DUS DBRA'I DBANG PO DPAL LDAN SA TE'I ZHAL CAN MNGON SUM DU 'GRUB PAS, RVA CHEN LO TZ'A BA RDO RJE GRAGS LTA BU'I MTHU STOBS NUS PA'I BDAG NYID DU GYUR PA NI GDON MI [?] ZA [?] ZHING, THAMS CAD MKHYEN PA BU STON CHOS RJE DANG, SNGAGS 'CHANG CHEN PO RDO RJE DPAL GNYIS KYIS SROL BTOD BA'I ZHA LU GSER KHANG GI MA HE MCHOD PAR GRAGS PA 'DI NYID, MKHAN THOG 'GA' ZHIG SONG 'CHAMS, MA HE'I BKA' BSGO 'DI GNYAN CHA CHES BAS, MKHAN PO RNAMS LA GRONGS CHAD SOGS MI SHIS PA DU MA BYUNG BAR BRTEN, DE PHYIN CHAD TSAR CHEN CHOS KYI RGYAL PO DANG, 'JAM DBYANGS MKHYEN BRTZE'I DBANG PHYUG GNYIS MA GTOGS
'CHUB CHA MED PA'I DAM BZHAG MDZAD MA BAN MA BYUNG ZHING, DUS PHYIS KYI DPAL LDAN SA SKYA PA'I GDUNG BRGYUD GCIG LA MTHU STOBS KYI BDAG POR GRAGS PA'I KHRI CHEN BSOD NAMS DBANG POS KYANG MA HE BKA' BSGO LA 'BYOL THABS KHO NA MDZAD CING, PHYAG RGYA CHEN PO'I RTOGS PA KLE [?] [?] RA PA'I RTOGS LDAN GANGS KYI SENG GE LTA BUR RLOM PA'I ZHA LU SKU ZHANG PA BKA' BSGO MDZAD PA'I MU LA SHANGS MTSAL SHOR NAS RING PO MA LON BAR GRONGS PA SOGS 'TSUB GRAGS SHIN TU CHE NA YANG, DAM PA 'DI NYID KYIS BKA' BSGO MDZAD PA'I DUS 'TSUB LHONGS CHUNG,, THAMS [?] CAD KYI MNGON SUM DU GRUB CID YA MTSAN GYI GNAS SU BYED PA DE'O, ,DBEN DGON DU BZHUGS SKABS RGYAL BTZANG KHA PA CHEN PO MNGON SUM DU PHEBS NAS, RANG DANG GZHAN LA PHAN PA'I PHYIR, ,THOS BAS DOMS PAR MI BYA STE, AA GSUM BRNYES PA'I SEMS DPA' YANG, ,THOS PAS NGOMS PA MED LA LTOS, ,CES SOGS GSUNG GI SNANG BRGYA CHEN PO STZAL BA'ANG MCHIS, SKABS SHIG BRAG RGYA RDO RJE'I PHO BRANG ZHES BYA BA'I RI KHROD DU DBUN ZLA GSUM GYI RING MI TOG RIL BU KHO NA'I BCUD LEN LA BRTEN NAS, NYIN MTSAN KHOR YUG TU ZHABS RDO RJE'I SKYIL MO KRUNG BCAS TE THUGS DAM KHO NA LA GZHOL BAR MDZAD PAS, PHYI ROL GYI NYE 'DAB TU 'KHOD PA RNAMS LVA BA'I THAMS PO MANG PO BRTZEGS TE GYON KYANG BRANG BA'I REG BYA MI BZOD PAR 'DAR BA'I SKABS, BLA MA NYID KYI SKU ZIL PA PHROM MA BA, PHUG BA'I NANG YANG MA RGYUN CHAD MED BAR SBAR [?] BA'I G-YOS KHANG BZHIN DU TSA 'UR RE BA BYUNG BA NI, NANG GI GTUM MO'I 'DE DROD RANG 'BAR DU SONG BA'I NANG RTAGS PHYIR SHAR BA'O, ,SRANG RGYAD NA BZHUGS PA'I DUS NUB CIG BKRA SHIS LHUN PO NAS YIN ZER BA'I
, ,A'A TZARYA DANG MON PA 'GA' ZHIG 'ONGS NAS, KHYED MYUR DU BKRA SHIS LHUN POR PHEBS DGOS, NGED RNAMS KYIS GRABS BYED ZHUS 'DUG PA'I A'A TZARYA GTZO BO DE MGON PO PHYAG DRUG PA DANG, MON PA'I GTZO BO DE LAS GSHIN YIN CING, BKRA SHIS LHUN PO'I MKHAN THOG TU GDAN 'DREN PAR 'DUB, YANG SKABS SHIG MNAL LAM DU, BKRA SHIS LHUN PO'I LHO 'GRAM GYI GZHUNG LAM LA PHEBS PA NA, MI DKAR PO ZHIG DANG DMAR PO ZHIG GIS CHIB MTHUR NAS BZUNG STE, BKRA SHIS LHUN PO'I 'DU KHANG BAR GDAN DRANGS, MI DKAR PO DES DAR GYIS GIL BA'I GLEGS BAM ZHIG PHUL NAS, 'DI GSUNG DGOS RGYU YIN ZER BAS, CI YIN NAM DGONGS GZIGS TZA NA, GLEGS BAM DE LAM RIM CHE BAR 'DUG, DE 'PHRAL DU MNAL SAD PAR SNANG, MI DKAR PO DE SPYAN RAS GZIGS DANG, DMAR PO DE MGON PO LHO NUB PA YIN PA 'DRA, 'DI NI BKA' GDAMS GSAR RNYING GI BSTAN PA'I RTZA LAG DAM PAR MNGA' GSOL BAR GDA', THAMS CAD MKHYEN PA YON TAN RGYA MTSO THOG MAR BOD DU PHEBS SKABS, BKRA SHIS LHUN PO'I MKHAN SLOB THAMS CAD KYIS MJAL BAR PHEBS PA'I LAM DU MIG 'PHRUL LTA BU'I BYIS PA YA MTSAN CAN BYUNG BA NI, NAG CHO LO TZ'A BAS JO BO CHEN PO GDAN 'DREN LA RGYA GAR DU BYON PA DANG, KHU STON GYIS YER PAR BYON PA'I LAM DU LTAS YA MTSAN PA BYUNG BA'I LO RGYUS DANG TSUL MTSUNGS PAR 'DUG, THAMS CAD MKHYEN PA DANG MJAL BA'I NYIN THOG MAR SPYAN RAS GZIGS PHYAG BZHI PA'I RNAM PAR GZIGS, BKA' GDAMS KYI CHU 'GO RVA SGRENG RGYAL PA'I DPEN GNAS MJAL BAR THOG MAR PHEBS SKABS ZHABS SGOR LA GSHEGS PA'I TSE, JO BO'I
SKU 'DRA RANG BYON GYI THA SNYAD BYED PA DE'I SA NAS GZIGS PAS, JO BO 'PHYING DKAR BA GNAS PA'I RI'I RTZE NAS 'JA' SPRIN KHA DOG SNA LNGAS ZHIG NAR GYIS BYUNG BA'I STENG DU, JO BO CHEN PO AA TI SHA, RGYAL BA 'BOM, RDOG LEGS PA'I SHES RAB, KHU STON CHEN PO, AA MES, DGON PA PA, PO TA BA, PHU CHUNG PA, SPYAN SNGA PA, GLANG THANG PA, SHA RA BA SOGS BKA' GDAMS KYI SKYES BU DAM PA GRANGS MED PAR BZHUGS PA'I SNE MOR RJE BTZUN SGROL MA LJANG GU DKA' THUB KYI CHAS KYIS MDZES PA ZHIG BZHENGS NAS BZHUGS PA'I PHYAG MTSAN AUTPA LA'I 'DAB MA ZHIG NAM MKHA' LA BSKYUR BA'I CHUL GYIS GNANG BA PHYAG TU BABS, ZHAM RING DU 'KHOD PA RNAMS KYIS DAR LJANG KU'I RNAM PAR MTHONG, 'DI NI BKA' GDAMS RIN PO CHE'I BSTAN PA LA PHAN PA RGYA CHEN PO 'BYUNG BA DANG, BSTAN 'GRO'I NYER 'TSOR SKU TSE YUN RING DU BRTAN PAR BYIN GYIS BRLABS PA'I RTEN 'BRAL LO, ,YANG SKABS SHIG RVA SGRENG GNAS BCU KHANG DU BZHUGS TSE, JO BO 'PHYING DKAR BA DNGOS SU BYUNG NAS, 'PHRIN LAS BSGRUB PAR KHAS BLANGS SHING, GTOR BSNGOS KYI TSIGS BCAD CIG KYANG THUGS RTZOM GNAD NGO, ,RGYAL KUN GSUNG GI NGO BO N'A DA'I SGRA, ,GZHOM MED DBYANGS SU 'CHOR BA 'JAM PA'I DPAL, ,MA RUNGS DUS DGRA'I DBANG PO GSHIN RJE'I GSHED, ,'DI NA DUR SMIG 'DZIN PA'I GAR GYIS ROL, ,PHUL BYUNG LHA CHOS BDUN LDAN A'A DARSHAR, ,BKA' GDAMS BSTAN PA'I GZUGS BRNYAN 'BUM 'CHAR BAR, ,RNAM GSUM MKHAS PA'I MDZAD BZANG BYI DAR GYI, ,BYED POR RGYAL BA KUN GYIS MGRIN GCIG BSNGAGS, ,RIGS LDAN 'JAM DPAL DBYANGS DNGOS GRAGS PA'I ZHABS, ,DE SRAS PAD DKAR 'DZIN DANG GDAN 'DZOM PA'I,,
, ,PHUL BYUNG GZIGS MOR MTSAR BA'I RGYU MA'I 'PHRUL, ,NYIN MER BYUNG DANG CHU SKYES DRAN PA BZHIN, ,RJE BTZUN BYAMS MGON GYI LUGS SKU CHEN MO'I RAB GNAS KYI NYIN, DGE SLONG CHOS GOS RNAM GSUM GSOL BA GZI BRDZID PHUN SUM TSOGS PA DANG LDAN PA ZHIG NAM MKHA' LA BYON TE, RTEN 'DI LA BRTEN NAS 'GRO PHAN RGYA CHEN PO 'GRUB PO ZHES GSUNG PA DANG BCAS TE RTEN LA THIM PA GZIGS, DE NI DGA' LDAN NAS YE SHES SEMS DPA' DNGOS SU BYON PAR SNANG ZHING, DGA' LDAN GYI BYAMS PA'I THUGS KA DANG RTEN GYI THUGS KA GNYIS 'OD ZER GYI DRA BAS 'BREL BA'I GZIGS SNANG KHYAD PAR CAN BYUNG, TSUL 'DI NGAG LA DPAGS NA, SKU BRNYAN 'DI NYID MTHONG THOS DRAN REG MTHA' DAG MA 'ONGS PA NA BYAMS PA'I 'DUS PA DANG PO'I 'KHOR DU SKYE BA'I BYAD LAS KHYAD PAR CAN ZHIG YIN NAM SNYAM MO, ,DBYEN BA ZLUMS MCHOD RTEN GYI NANG GZHUG S'ATZTSA 'DEBS PA GNANG SKABS, GRUB CHEN SHA WA RI PA BYON NAS GNAS CHEN RNAMS KYIS SNA RDO SNA 'DRES PA'I THUM BU ZHIG PHUL, DRUNG DU 'KHOD PA RNAMS KYIS DZO KI RANG BZHIN PA ZHIG TU MTHONG, MCHOD RTEN GYI RAB GNAS DUS, DE MO SPRUL SKU LHA DBANG PHYOGS LAS RNAM RGYAL GYI GZIGS SNANG LA, MCHOD RTEN CHAR KHEBS KYI STENG NA, DBUS SU RJE NYID, ,G-YAS SU GRUB CHEN ZHIG DANG, G-YON DU DGE SLONG DBU DKAR PO ZHIG 'DUG PA GZIGS NAS RGYU MTSAN ZHUS PAS; GRUB CHEN DE SA RA HA DANG, DGE SLONG DE GRUB MCHOG CHOS KYI RDO RJE YIN ZHES BKA' STZAL, SKABS SHIG NAM MKHA'I MTHONGS SU RIN PO CHE'I KHRI ZHIG LA RJE BTZUN BYAMS MGON BZHUGS PA'I G-YAS PHYOGS SU, CHOS RJE SANGS RGYAS YE SHES GRUB
THOB KI TSA LUGS SU BZHUGS BDUG PAR GSOL BA BTAB PA'I BYAMS PA'I THUGS KA NAS 'OD ZER BYUNG STE RJE NYID KYI SKU LA THIM BAS, SKU 'JA' TSON YAL BA LTAR GYUR PA NI GNAS LUGS NGES DON PHYAG RGYA CHEN PO LA BRTEN NAS 'GRO PHAN RGYA CHEN PO 'GRUB PA'I RTEN 'BREL DU GO, ,SPANG YUL BDE BA CAN DU SEMS DPA' CHEN PO DANG CHU BZANG PA'I SGRUB GNAS MJAL BAR PHEBS SKABS, SMYUNG GNAS BRGYUD PA'I BLA MA RNAMS ZHAL GZIGS, SKABS SHIG MAN LA LAM DU 'JAM BU GLING THABS CAD CHUS GANG BAS, RI RAB LA SKOR BA MJAD NAS DGA' LDAN DU PHEBS TE, RGYAL BA MA PHAM PA, NAM MKHA' DRI MA MED PA, RGYAL BA TZONG KHA PA RNAMS BZHUGS 'DUG PA LA RGYU MTSAN ZHUS PAS, NYON MONGS PA'I CHU BO YIN GSUNGS BYUNG BA NA, NYON MONGS PA'I CHU BO YIN NA SEMS CAN RNAMS DE LAS SGROL BA'I KHUR NGED LA THA' DGONGS PA'I NGANG LA MNAL SAD DO, ,MI PHAM MGON PO'I THUGS RJE'I RNGA BO CHE, RMANG BYUNG MDZAD PA'I DBYU GUS LEGS BSKUL NAS, ,RING MIN 'GRO RNAMS SKAL BZANG DGA' STON LA, ,'BOD PA'I GTAN SNYAN SGRA DBANGS 'KHROL BA BZHIN, ,MKHAS DANG GRUB PA'I DPANG PHYUG GRANGS MAD DANG, ,DUS KUN 'BRAL MED LHAN CIG BZHUGS GYUR KYANG, ,MA RIG SGRIB PAS SPAGS PA'I 'GRO RNAMS KYIS, ,MNGON SUM MTHONG BA'I SKAL BA CHES CHER PHRA, ,LAS NYON GTING MTHA' MED PA'I RGYA MTSO LAS, ,THAR 'DOD BLO DANG LDAN PA'I SKYES BU RNAMS, ,BSHES GNYEN DAM PA'I DED DPON 'DI STEN DANG, ,SKU GSUM NOR BU'I GLING DU BGROD PAR NGES, ,MNGA' RIS SU PHEBS PA'I YAR LAM, MTSO MA DROS PA NAS RDE'U PHYAG GANG BZHES PA RNAMS, SPYAN NAS
, ,GZIGS SOGS LHA'I SKU KHO NAR GSAL BA BYUNG, MNGA' RIS SU LAS DAG PA ZHIG GIS, RJE NYID KYI DBU LA GTZUG TOR DANG, LNGAGS KYI STENG NA A'A: YIG RING PO KHA DOG SNGON PO ZHIG GSAL BAR MTHONG MA THAG YID KYIS BSTOD CING GSOL BA BTAB PAS, RJE NYID 'DZUM BAG DANG BCAS TE, SPYAN 'BUR TSUGS SU GZIGS BYUNG BA NA 'JIGS ZHUM PA ZHIG BYUNG SKAD, PHYIR LAM GANGS TI SE'I MDUN DU KHROM DBANG ZHIG GNANG BAS, GANGS RI DE DPAL 'KHOR LO BDE MCHOG GI PHO BRANG DANG, NANG DU 'KHOR LO SNGOM PA'I LHA TSOGS THAMS CAD BZHUGS 'DUG PA'I GTZO BO'I SKU LAS 'OD ZER SNGON PO 'GROS PAS, PHO BRANG SNOD BCUD THAMS CAD SNGON POR GZIGS, YANG LHO MON KHAM BU STAG LUNG GI PHYOGS SU PHEBS SKABS DE DANG NYE BAN BTZAN RGOD 'JIGS SU RUNG BA ZHIG YOD 'DUG PA'I SAR ZHABS KYIS BCAGS PAS, CHOS SKYONG BEG TZE LCAM SRING ZHAL GZIGS, BEG RTZE ZHABS LA LHAM MA GSOL BA'I ZHAL GZIGS MA DE 'DI'I SKABS KYI DE YIN PA 'DRA, BTZAN RGOD DE CHOS SKYONG BEG TZE'I 'KHOR YIN 'DUG CES GSUNG, LHO NA BZHAGS PA'I DUS, MA GCIG DPAL LHA BYON NAS RAS 'PHRUL SNANG GI RANG BYON LNGA LDAN GYI RGYA PHIGS ZHIG GSOS KYI BSKUL MA MDZAD CING, GSOL MCHOD BSDUS PA ZHIG KYANG GNANG, LHON PHEBS DUS CIG AO RGYAN RIN PO CHE ZHAL GZIGS, SKABS SHIG RJE MID LA ZHAL GZIGS NAS GSANG BA'I MGUR DRUG GI LUNG BSHAD PA DANG SBRAGS PA GNANG, GZHAN YANG SNGA GYI MANG POR LAS LDAN RNAMS LA MTHONG SNANG PA MTSAN CAN MANG PO BYUNG BA NI, DE MO SPRUL SKU LHA DBANG PHYOGS LAS RNAM RGYAL GYIS THANG GCIG RJE 'DI NYID DPAL 'KHOR LO
SDOM PA DANG, GZHAN MA 'GA' ZHIG GIS NI RGYAL BA TZONG KHA PA CHEN POR MTHONG BA DANG, DBU GTZUG TOR DANG LDAN PAR MNGON PA BYUNG SKAD, GDAN SA CHEN PO RI BO DGE LDAN GYI GSER THOG BZHANG PA GNANG SKABS, DAM CAN CHOS RGYAL GYIS BANDE'I GZUGS SU BSTAN [?] GSER PHUL, RGYAL BA TZONG KHA PA LA SANGS RGYAS BYANG SEMS KYIS BSKOR BA YANG YANG ZHAL GZIGS SO, ,SKU GSUM RIN CHEN THEM SKAS LA 'DZEGS NAS, ,RIGS KUN KHYAB BDAG DBANG PO'I SAR BSHEGS TE, ,DKYIL 'KHOR SPRO DANG BSDU BA'I BYED PO LA, SNOD BCUD DAG PA'I SNANG BA MTSAR DU CI, ,MCHOG GSUM RTEN DANG BRTEN PAR BCAS PA LA, ,BYA BA LAS KYI 'KHOR LO'I SRI ZHU YIS, ,MI ZAD 'BYOR PA'I PHUNG PO CHER SPUNGS PAR, ,RMUGS 'DZIN DBANG PO'I MDZOD KYIS BSGRUN DU MED, ,'JAM MGON MKHYEN PA'I LHA YI LAM YANGS POR, ,RNAM DPYOD 'JA' TSON BKRA PA'I 'JO SGEG CAN, ,RNAM 'DREN KUN GYI YAB GCIG TZONG KHA PAS, ,DGYES ZHAL 'JUG GYIS LAN CIG MIN PAR BSUS, ,DE LTAR DUS GSUM RGYAL PA KUN GYI MKHYEN BRTZE NUS PA'I DBANG PHYUG CHEN PO 'DI NYID KYI GSANG BA LAS GYANG CHES GSANG BA'I RNAM THAR MTHA' DAG NI TSUR MTHONG GI SKYE BO RNAMS KYIS RTOGS PAR GA LA NUS, 'ON KYANG RNAM THAR CHEN MO NA, TSE RING DU GNAS NA RNAM DKAR GYI, ,LAM BZANG PO BSGRUB PO SHI YANG SDE, ,ZHES DANG, KHYAD PAR LAM THUN MONG BA'I RGYUD SPYANG NAS BZUNG STE ZUNG 'JUG GI BAR MNGON DU MDZAD ZIN PA'I 'DAS TSIG MANG DU YOD PA'I GSUNG MGUR DE'I MJUG TU, RJE SANGS RGYAS LAS KYANG CHES DKON PA'I, ,LAM 'DI 'DRA BLA MA'I DRIN GYIS RNYAD, ,CES DANG, GLU 'DI NYID GSANG CHEN RGYUD SDE'I BCUNG, ,YUL NYER BZHI'I DPA' PO RNAL 'BYOR MA, ,
, ,GLU 'DI 'DRA GSANG BA'I MGUR DU 'DZER, ,ZHES DON GYIS BSHAD MA THAG PA'I LAM RNAMS THUGS RGYUD LA MNGON DU MDZAD ZIN PAR ZHAL GYIS BZHES PAS GSANG BA'I RNAM THAR GYI GTZO BOR MTHONG NGO, DE LTAR PHUN TSOGS 'OD BRGYA'I SNANG BA YIS, ,SRID ZHI'I GDUNG SEL RTOGS BRJOD NYIN MOR BYED, ,BLO GROS NAM MKHA'I NGOS LA BSHAR BA'I TSE, ,SHES LDAN 'DAB BRGYA 'DZUM PA'I CHOG LA STAR, ,CHAGS BRAL DUR SMRIG SGO NGA'I SBUBS RGYA NAS, ,KHA SBYOR BDUN LDAN GLU DBYANGS SNYAN SGROGS PA'I, ,THEG KUN ZUNG DU 'BREL BA'I 'DAB GSHAG CAN, ,RJE BTZUN KA LA BIDKA 'DI KO MTSAR, ,'CHAD PA'I RNAM DPYOD YANGS PA'I SPRIN RUM NAS, ,RTZOD NGAG GNAM LCAGS RDO RJE'I THOG MDA' CAN, ,RTZOM PA'I LEGS BSHAD DBYAR RNGA DAL SGROGS PAS, ,RGYAL BA'I BSTAN LA KUN MKHYEN GNYIS PAR NGES, ,RGYA CHEN GSUNG RAB MTHA' DAG SBYANG BAS MKHAS, ,RNAM DAG TSUL KHRIMS DRI BSUNG LDAN PAS BTZUN, ,RIS MED 'GRO LA RJES SU BRTZE BAS BZANG, ,D'I PAm KA RA'I RNAM THAR GNYIS PAR KHUMS, ,MDO SNGAGS GZHUNG LUGS KUN LA MANG DU THOS, ,DE'I DON PHRA ZHIB DPYAD PAS RNAM PAR BSAMS, , 'KHRUL MED ZAB DANG RGYA CHE'I LAM KUN BSGOMS, ,N'A RO PA YANG 'DI LAS GZHAN DU CI, ,BDAG GZHAN BRJE BAR NUS PA'I LHAG BSAM CAN, ,JI SNYED CHOS KUN GZIGS PA'I MKHYEN DPYOD YANGS, ,BDUD DPUNG PHA MTHAR SKROD PA'I MTHU STOBS CAN, ,RIGS GSUM MGON YANG 'DI NA LHUN GYIS GRUB, ,RAB 'BYAMS DUS GSUM RGYAL BA KUN GYI DNGOS, ,DNGOS GRUB LEGS TSOGS 'BYUNG GNAS BLA MA MCHOG ,MCHOG GSUM DAM PAR NGES NAS GSANG BA'I TSIG ,TSIG GI 'PHRENG BAR RTOGS BRJOD DBYANGS 'DI BLANGS, ,ZAB ZAB PHA MTHA' RTOGS DKA'I RNAM PAR THAR, ,YANG YANG PHRA
MO'I BLO YIS DBYED DKA' YANG, ,BTZUN BTZUN KHUNGS LDAN LO RGYUS LA BRTEN NAS, ,NGA DAG YI GE'I 'PHRENG BAR 'DI NA SPEL, ,SDE BA TSIG TSIG SBYOR SHES PA'I MKHAS RNAMS LA, ,SNYAN NGAG GI 'DOD 'JO LEGS MDO KYANG, ,BLUN RMONGS RMONGS PA'I TSOGS KYIS RTOGS SLA PHYIR, ,GONG GTAM GTAM GYIS DON KUN GSAL BAR BYAS, ,DE LTAR RGYAL MCHOG 'KHOR LO'I MGON PO YI, ,MI ZAD GSANG GSUM RNAM THAR CHUG TER LAS, ,RANG BLO'I AA MRA'I CHI GUS NYER BLANGS NAS, ,TSAD GDUNGS 'GRO LA BSIL BA'I CHU RGYUN SBRENGS, ,DGE BA 'DIS KYANG RJE BTZUN BLA MA MCHOG ,BSTAN 'GRO'I NYER 'CHER BSKAL PHA RGYA MTSO'I BAR, ,ZHABS PAD MI 'GYUR RDO RJE'I BRI CHEN POR, ,RNAM YANG G-YO BA MED PAR BRTAN GYUR CIG ,GRANGS RING SKYE BAR BSHES GNYEN DAM PA YIS, ,MI 'BAL BA RTZEBS RJES SU RAB BZUNG STE, ,STOBS BCU'I RTZAL GYI 'JIGS MED SENG GE'I RGYUD, ,DRUG CU'I DBYANGS SNYAN 'GRO LA SGROGS GYUR CIG ,'KHOR LO'I MGON PO RDO RJE 'CHANG CHEN PO DON GYI SLANG DU MTSAN NAS SMON TE, YONGS RDZOGS BSTAN PA'I MNGA' BDAG MKHAN PO RIN PO CHE BLO BZANG CHOS KYI RGYAL MTSAN DPAL BZANG PO'I GSANG BA'I RNAM PAR THAR PA DAD PA'I SHING RTA 'DI NI, DAM PA GANG DE'I BKA' DRIN GYIS NYE BAR 'TSO BA'I ZA HOR GYI BTZUN PA BAG DBANG BLO BZANG RGYA MTSO 'JIGS MED GO CHA THUB BSTAN LANG TSO'I SDE, MING GZHAN 'JAM DBYANGS DGA' BA'I BSHES GNYEN DU 'BOD PAS, RGYAL BA ZHES PA SHID RTA NAG PA ZLA BA'I PHYOGS, GNYIS PA'I RGYAL BA DANG PO'I TSES LA DGA' LDAN PHO BRANG DU SBYAR BA'I YI GE BA NI GRONG SMAD PA 'PHRIN LAS RGYA MTSOS BGYIS BA DZA YANTU,, MADGA LAm,, ,,