The String of Jewels, a Biography of the Lord of the World, the Good and Glorious One, the All-Knowing Yunten Gyatso

!, ,MA nE RMM'A LA N'A MO LO KE SHVA REE SSA RBBA DZNY'A BHI RGU nA S'A G'A RA SHREE BHA DRI KA SYA BE MO KshA BI HA RA TI SMA, , !, ,'JIG RTEN DBANG PHYUG THAMS CAD MKHYEN PA YON TAN RGYA MTSO DPAL BZANG PO'I RNAM PAR THAR PA NOR BU'I 'PHRENG BA ZHES BYA BA BZHUGS SO,,

([DD1] !, ,THOR SNYAN SHAL BOD KYI RJE,,) SDEB SBYOR STAG RNAM RTZER, !,, D'I RGH'A BHE DA MA HO RMME TZ'A RYA MA DHU WA GBA NDH'A NU K'U L'A PTA TZ'A DHE: SAm KA LPA HA S'A MU KHA PRA PRi dHA KA SHY'A KRi shtA MA NTRI N+YA TZA, #, ,RING NAS MI PHYED MDZA' GCUGS KYIS BCINGS LHAG BSAM DPYID KYI PHO NYA YIS, ,MGRON DU BSUS PA'I RLABS CHEN SPYOD PA'I DBYAR GYI DPAL MO BZHAD PA'I BZHIN, , ([DD2] !, ,AYON LUNG LA GRONG DKON COG 'BANGS,)

([DD1] !, ,SNANG BA MTHA' YAS G-YU PHRAG PA,,) !,, SARBBA PRA DZYA PU shO DKU R'A HI TA SU KHO DV'I P'I MU NE SHSH'A SA N'A SAm KHY'A BH'A RI TA B'A DGU nA SHTZA SI TA BA DDHRi GHN'A THA TA SMEE NA MA:,, *, ,BUS CAN KUN GYI PHAN BDE'I MYU GU G-YUR DU ZA BA'I PAD DKAR 'CHANG, ,GRANGS MED YON TAN KHUR GYIS DUD PA'I THUB BSTAN RGYA MTSO'I MGON DER 'DUD, , ([DD2] !, ,RGYAL BA YON TAN RGYA MTSO'I DPAL,,)

PHYAG NA PADMAS 'DUL ZHING BOD YUL 'DIR, ,RIGS GSUM MGON PO'I SGYU 'PHRUL DRA BA'I GAR, ,CHOS RGYAL MES DPON RGYAL BA'I 'BYUNG GNAS SOGS, ,SPRUL PA'I 'PHRENG BA MI 'DZAD SHIN TU RING, ,MA SMAD THUGS RJE CHEN PO'I 'OD DKAR GYIS, , MIG SMAN LTA BUR GNAG PA'I 'KHOR BA'I MUN, ,MTHAR BYAD SKYES RABS ZLA BA'I DKYIL 'KHOR DAG ,SRID PA'I DKAR CHA RDZOGS MIN DE DRID 'PHEL, ,SOS DUS MKHA' DBYINGS BEEd'UR LTAR DANGS PAR, ,SPRIN DKAR DAL BUR G-YO LAS CHAR GYI RGYUN,, BABS TSE RMA BYA DGA' BA'I GAR BRGYUN, ,DAM PA'I RTOGS PA BRJOD LA SU MI DAD, ,DE PHYIR YON TAN GDENGS KA RAB G-YO ZHING, ,THUB BSTAN RGYA MTSO'I 'JINGS NA LEGS GNAS PA, ,SNGON MED KLU DBANG PHYAG NA PAD DKAR CAN, ,BDE CHEN CHOS KYI RGYAL POR GRAGS MIN NAM, ,KHYOD KYI GSANG BA GSUM GYI PHA ROL MTHA', ,TSAD MAR 'JAL LA KUN MKHYEN RGYAL BA'I THUGS, ,THE TSOM KHYOGS LA 'PHYANG NA BDAG 'DRA YIS, ,SMRA BA'I BRTUL ZHUGS 'DZIN PA NGAL BA'I RGYU, ,'ON KYANG RGYA MTSO CHE LAS KU SHA'I RTZES, , BLANGS PA'I CHU THIGS JI BZHIN THUN MONG GI ,GDUL BYA'I SNANG NGOR 'TSAM PA'I RNAM THAR GZUGS, ,RAB DKAR SHOG BU'I ME LONG NGOS SU SHAR, ,DE YANG DUS GSUM GYI RGYAL BA THAMS CAD NI LUS CAN MTHA' DAG LA LHAG PAR RJES SU BRTZE BAS DNGOS DANG BRGYUD PA'I SGO NAS SPRUL PA MTHA' YAS PAS SEMS CAN GYI DON RLABS PO CHE MDZAD CING, KHYAD PAR BSKAL PA BZANG PO 'DI LA GRAGS CHEN GYI SANGS RGYAS STONG 'GYON PA'I NANG TSAN, RGYAL BA ZAS GTZANG GI SRAS POS 'PHAGS PA'I YUL DU CHOS KYI

, ,'KHOR LO RGYA CHEN PO BSKOR NAS, SKU DNGOS KYIS GDUL BAR BYA BA'I GNAS MA YIN PA, RGYA NAG GI GNAS NI 'PHAGS PA 'JAM DPAL GYIS 'DUL BA'I ZHING DANG, GANGS CAN GYI LJONGS 'DI THUGS RJE CHEN PO SPYAN RAS GZIGS KYIS 'DUL BA'I ZHING DANG, ,AYON GYI YUL NI DPAL PHYAG NA RDO RJES 'DUL BA'I ZHING DU BYIN GYIS BRLABS PAR BRTEN, BOD GANGS KYI RA BAS BSKOR BA'I RGYAL KHAMS 'DIR, THUGS RJE CHEN PO'I SPRUL BA SPRE'U BYANG CHUB SEMS DPA' LAS MI'I 'GRO BA 'PHEL ZHING, BOD SPYI LA DBANG BSGYUR BA'I RGYAL PO GNYA' KHRI BTZAN PO SOGS, CHOS SKYONG BA'I RGYAL PO RNAMS KYANG THUGS RJE CHEN PO'I SPRUL PA SHA STAG YIN LA, DE DAG GI RJES SU 'BROM CHOS KYI RGYAL PO SOGS GOS DKAR LCANG LO'I 'PHRENG BA 'DZIN PA DANG, 'BROM KU M'A RA MA TI SOGS KHRIMS LDAN DUR SMRIG 'DZIN PA'I RNAM PAR ROL PA STE, MDOR NA SPRUL PA SNA TSOGS PA'I SGO NAS 'GRO BA SPYI DAR, BYE BRAG GANGS CAN PA RNAMS KYI DON RGYUN MI 'CHAD PAR MDZAD PA NI, GLEGS BAM RIN PO CHE LAS SPYIR SEMS CAN RNAMS KYI MGON PO YIN, ,SGOS GANGS RI'I KHROD DU RGYAL SRID SKYONG, ,ZHES PA DANG, MKHAR NAG LO TZ'A BAS, STON PA ZHING 'DIR BYON PA'I TSE, ,MGON KHYOD KHYE'UR SNANG BA LA, ,RGYAL DBANG DON KUN GRUB PA DE'I, ,LEGS BSHAD 'DOMS LA LHAG PAR DANG, ,DE NAS DKON COG GSAL BA SOGS, ,'PHAGS PA'I YUL GYI 'DZIN MA'I GZHIR, ,'KHRUL MED SKYES RABS TSAR DNGAR BAS, ,THUB PA'I BSTAN PA YANG DAG SPEL, ,KHYAD PAR KHA BA CAN LJONGS 'DIR, ,CHOS RGYAL SRONG BTZAN SGAM PO

ZHES; ,SNYAN PAR GRAGS DES JO SH'AKA GNYIS, ,SBYAN DRANGS BKA' DRIN MTSUNGS MED STZAL, ,'GRO BA'I MGON KHYOD PAR SKABS SU, ,CHOS RGYAL 'PHAGS PAR GYUR BA'I TSE, ,SE CHEN GAN GYIS SPYAN DRANGS NAS, ,RDO RJE 'CHANG GI LAS MTSAN PHUL, ,'DI NAS MI RABS BDUN PA NA, ,GSER DANG RGYA MTSO'I MTSAN LDAN GYIS, ,SLAR YANG MCHOD YON BYED DO ZHES, ,LUNG BSTAN THOG TU BABS PAR MDZAD, ,RGYAL BAS SHER PHYIN BYANG PHYOGS NAS, ,BYANG DU RGYAS PAR 'GYUR GSUNGS PA, AALTHAN GAN DANG SARBA DZNYAS, ,'GRO DON DPAG MED MDZAD LA DGONGS, ,ZHES PA LTAR RO, ,DE YANG BOD YUL DU 'GRO BA'I DON MTHA' YAS PAR MDZAD PA'I NANG TSAN LA, ,RVA SGRENG RGYAL BA'I DBEN GNAS KYI SHUG PA RNAMS LA SHUN PA RIM PA BDUN 'BYUNG BA NI, BZHU KHANG RAB 'BYAMS PA DGE LEGS LHUN GRUB KYIS MDZAD PA'I RNAM THAR DAD PA'I SGO 'BYED LAS, MCHOG GI SPRUL SKU JI LTAR PHEBS PA NI, ,RVA SGRENG SHUG PA'I MTSON DON 'CHAD PA NA, ,SHUN PA BDUN NI GANGS RI'I KHROD 'DI NYID, ,RGYAL BA BDUN GYIS BAR MTSAMS MED PAR SKYONG, ,ZHES PA LTAR, THAMS CAD MKHYEN PA'I MTSAN DANG LDAN PA'I SPRUL PA BDUN RGYUN MI 'CHAD PAR 'BYUNG BA'I MTSON DON DU BSHAD CING, THAMS CAD MKHYEN PA DGE 'DUN RGYA MTSO'I GSUNG MGUR DU, SKYE PA BDUN DU 'GRO DON LEGS BYAS NAS, ,ZAG MED CHOS KYI DBYINGS SU SDUD PAR BYED, ,CES ZHAL GYIS BZHES PA YIN NO, ,DE LTAR SPRUL PA BDUN DU 'BYUNG BA'I, MCHOG GI SPRUL SKU BZHI PA 'DI NYID NI, MKHAR NAG LO TZ'A BAS, DKON COG 'BANGS KYI RNAM

, ,THAR LAS; ;AA TI SHA'I SRAS 'BROM RJE DANG, ,THAMS CAD MKHYEN PA'I MTSAN CAN RE, ,BOD DU RIM PAR 'BYON PAR GSUNGS, ,DE YANG PAn CHEN DGE 'DUN GRUB, ,SLAR YANG SI GHA SA MU DRA, ,RJE BTZUN BSOD NAMS RGYA MTSO'I ZHABS; ;DA LTA BDE CHEN CHOS RGYAL LAGS, ,ZHES PA STE, THOG MAR NGOS 'DZIN GYI TSE, SNANG TSUL MI 'DRA BA GNYIS SU GYUR PAS, LA LA DAG 'BRI KHUNG ZHABS DRUNG CHOS RGYAL PHUN TSOGS KYI THUGS SRAS GSUM PA, ZHABS DRUNG DKON COG RIN CEN YIN NAM ZHES DPYAD GZHI SHAR, DE LA BRTEN PHYAG MDZOD GU SHRI DPAL LDAN RGYA MTSOS 'BRI KHUNG DU GZIGS PAR BYON PAR, SENG GE SLEBS BYUNG GSUNGS PAS, RJE GONG MAS NI NGED LA SENG GE GSUNG GI MED SNYAM STE SKU SKYE MIN PA 'DRA BSAM PA CIG SHAR, 'ON KYANG DE SKABS YIN MIN GNYIS KA'I KHA TSON MCHOD PAR, RE ZHIG SPAM ME BZHAG STE PHYIR BYON, GNAS CHUNG LCOG NAS SPRUL PA'I CHOS SKYONG CHEN POS MCHOG GI SPRUL SKU SOG YUL RANG DU 'KHRUNGS PAR LUNG BSTAN, TSANGS PA DUNG GI THOR TSUGS CAN TSER GSEB CHOS RGYAL GYIS KYANG DE DANG MTHUN PA ZHIG GSUNGS PA LA YID CHES KYI GNAS SU MDZAD DGOS RGYUR 'DUG KYANG, ZOS BDE'I SKABS CHOS SKYONG GI RIGS KYI YUNG BSTAN LA YANG RAS SU BOR RE BA BYED CING, 'GAG LA THUG PA'I DUS, RGYU MTSAN CI YANG MED PA ZHIG GI TSIG LA'ANG SANGS RGYAS KYI GSUNG LTAR GCES SPRAS SU BYED PA 'DI KUN GYI SROL LA SNANG NGO, ,SOG YUL GYI SGAR PA RNAMS KYI MGO MIR GSOL DPON TSUL KHRIMS RGYA MTSO YOD 'DUG PAS, KHONG PA DANG

NANG SO MDZO MO MKHAR PA GNYIS KYIS DBUS SU MI CHED GNYER MNGAGS PA'I YI GE 'DI LTA STE, PHYAG MDZOD RIN PO CHES DBU MDZAD, CHOS RJE ZHAL NGO, ,NANG SO ZHAL NGO RNAMS DANG, DRUNG 'KHOR BGRES GZHON RNAMS KYI ZHABS DRUNG DU, THAG RING GI SA'I CHA NAS GUS PA CHEN POS ZHU BA, DENG SANG GI DUS DPON SLOB THAMS CAD SKU SNYOMS SHING, LUGS GNYIS KYI 'GRO DON RGYA CHEN PO'I NGANG DU BZHUGS PA GNANG LAGS SAM, SPRANG CHUNG SNYING RUL BDAG KYANG, ZHABS DRUNG THAMS CAD MKHYEN PA'I THUGS RJE LA BRTEN NAS, LUS LA NAD 'TSE MED CING SGAR CHEN GZHIS KYI DBU SDUD DANG, 'GRO PHAN 'PHEL BA'I KHUL DU GNAS LAGS, 'CHAMS ZHUS, 'DIR SE CHEN CHOS KHUR GYI B'I JI CHUNG BA LA, LO SNGON MA'I ZLA BA BCU GNYIS PA'I GNAM GANG GI NYIN BU ZHIG SKYES 'DUG, DE LA RTAGS RTEN 'BREL LEGS PA 'GA' BYUNG 'DUG KYANG, DPON MOS GSANGS NAS BSDAD LE RED, DE RJES B'I JI ZLA BA GSUM TZAM DBANG PO SHOR NAS SEMS MI ZIN PA LTA BU BYUNG 'DUG, DANG PO KHOG LA ZHUGS DUS, B'I JI'I RMI LAM DU, ZHABS DRUNG RIN PO CHE NA BZA' DKAR PO BZHES NAS BZHUGS PA LA, PHYAG BTZAL BA DANG, LHA DKAR PO ZHIG DANG MJAL BA BYUNG 'DUG, KHOG PAR YOD DUS KHOG STOD LA BSDAD PA DANG SNGAR DANG MI 'DRA BA'I LUS SEMS BDE BA SOGS RTAGS MANG PO BYUNG 'DUG STE SNGA SOR MA BSHAD LE RED, DE RJES ZLA BA BRGYAD PA'I NANG DU, PH'I JI LA LHA DKAR PO ZHIG GIS, 'DI TA LA'I BLA MA'I SKU SKYE YIN, KHRI THOG LA PHUD LA SDE TSO LA MJAL KHA THONG ZER BA'I LUNG BSTAN BYUNG GSUNGS

, ,'DUG PAS, NANG SO MDZO MO MKHAR PA DANG KHONG RNAMS KYIS SPRUL SKU YIN NA RTEN 'BREL KYANG 'PHYUGS DOGS KHRI THOG TU GDAN DRANGS 'DUG LAGS, DE SKABS KYANG ME TOG GI CHAR BABS PA SOGS RTAGS KHYAD PAR CAN BYUNG ZER, DE RJES SDE CHEN KUN LA GRAGS BYUNG BAS, BDAG GIS CHA DKAR PHYOGS LA 'GRO ZHOR LA MJAL BAS, 'KHRUNGS NAS ZLA BA BCU LAS MI 'GRO BA 'DUG STE, RANG GA BA'I PHRUG GU DANG MI 'DRA BAR, BZHUGS TSUL DANG GZIGS STANGS ZA MA BZHES TSUL RNAMS NI KHYAD DU 'PHAGS PA ZHIG 'DUG LAGS, ZHABS DRUNG THAMS CAD MKHYEN PA'I SKU SKYE YIN MIN CI YIN RUNG THA MAL GYI NYAMS NI MI 'DUG, NGED 'DIR YOD RNAMS KYIS GSUNG MA BYON BAR LA YIN MIN GNYIS KA'I THAG MA CHOD, RTAGS RTEN 'BREL DEB ZHIN RED PAS; G-YAS PHYOGS SU NGES SHES 'GRONGS PA BZHIN AE BYUNG, MA BYUNG NA KHYED DPON SLOB RNAMS KYIS, CHOS SKYONG LA LUNG BSTAN ZHU PA DANG, THUGS DAM BRTAG PA, GZAN SGRIL SOGS MDZAD NAS THUGS YID CHES PA AE 'ONG GZIGS PA ZHUS PAS, SDE CHEN KUN LA SKAD 'DI GRAGS SONG BAS, MTHONG TSOD, TSOR TSOD KYI GNAS TSUL ZHUS PA YIN LAGS, YANG GSUNG BYON NAS YID CHES BYUNG NA MYUR DU 'PHROS 'BUL LAGS, GZHAN MA B'I JIS LUNG BSTAN 'DRA MANG PO GSUNGS 'DUG STE, 'DIR MA ZHUS, SA GLANG HOR ZLA BCU PA'I TSES BCO LNGA LA CHOS KHUR DPON PO'I SDE THOG NAS PHUL BA'I ZHU YIG, CES SO, ,GNAS TSUL DE LA BRTEN NAS, 'BRI KHUNG PHYOGS KYI RE BA BSKYUNGS TE, PHYAG MDZOD GU SHRI CHEN PO NYID KYIS GTZOS PA'I SGAR

DMANGS RNAMS SOG YUL DU GDAN 'DREN PA LA 'DEGS PA'I 'DUN PA DANG LDAN PAR GYUR, DING SANG GI DUS NI BLA CHEN RNAMS KYI STOBS 'BYOR LA NYAMS PAS SKU SKYE LA HAB THOB BYED PAR SNANG, DE SKABS BSKAL DUS BZANG BAS SLOB NGAN DE 'DRA MA DAR BA DANG, LHAG TU 'BRI KHUNG DU SKU SKYE YIN NAM DGONGS PA'I THUGS RTOG BYUNG BA LAS SPROS PA'I SPYAN NYE'I RNAM PA NI, ZHABS DRUNG CHOS RGYAL PHUN TSOGS DE SKYES BU DAM PAR SONG BAS GA LA MDZAD, PHYAG MDZOD NI BOD SOG GANG DU SKU SKYE BYUNG YANG BRTAG PA LUNG BSTAN SOGS NGES SHES 'GRONGS PA ZHIG DON DU GNYER PA LAS, SOG PO'I RGYAL RIGS LTA BU ZHIG LA BYUNG NA KHA DRAG DANG RGYU CHEN PO YONG, BOD KYI BLA CHEN MI CHEN GYI RIGS SU BYUNG NA DE DAG GI SA CHA'I STENG NAS LONGS SPYOD RGYU 'ONG SNYAM PA'I DING DUS KYI SKU SKYE NGOS 'DZIN RTOG PA 'OG 'GYU'I 'KHOR LO BSKOR BA RNAMS DANG 'DRA BA MIN NO, ,RJE DRUNG RIN PO CHE BSTAN PA RGYA MTSOS, RJE GONG MA'I ZHAL THANG RGYAB LA PHYAG BRIS 'BYAR BA ZHIG, 'BRI KHUNG DU BSNAMS BYON DUS NGO MKHYEN PA SOGS YID CHES TSUL GSUNGS LA, SPYIR SPRUL BA LA, SKYE BA SNGA PHYI STAR CHAGS SU 'BREL BA'I SPRUL BA DANG, DUS GCIG TU SPRUL BA'I SPRUL PA DANG, BYIN GYIS BRLABS PA'I SPRUL PA SOGS 'BYUNG ZHING, DE DAG KYANG MTHA' GCIG TU MA NGES PA ZLA BA'I DKYIL 'KHOR GCIG LA GZUGS 'BUM PHRAG 'CHAR BA LTAR PHA MTHA' TSAD BZUNG BRAL BAS NA, BDAG LTA BU'I BLO GROS KYI RTZAL DMAN PAS KHA TSON GCOD PAR GA LA NUS, 'JAM PA'I DBYANGS DKON COG CHOS 'PHEL GYI GSUNG LAS, GA JAG CHOS MDZAD SDOM BRTZON BLO GROS

, ,RGYAL MTSAN DE, CHOS MTHUN THUGS DAM PA ZHIG YOD 'DUG PAS, RJE GONG MA'I DGONGS PAR BDE ZHING ZHAM 'BRING DU BCAR BA NAS, KHONG GI SKU'I SKYE BA ZHABS DRUNG DKON COG RIN CEN YIN 'DUG PAS, RNAM PAR DKAR BA'I LAS KYI 'BREL PAS RJES SU BZUNG BA ZHIG GO ZHES BKA' GNANG BA THOS SO, ,DE YANG 'KHRUL MED KYI NGES PA NI, SOG PO'I YUL DU 'KHRUNGS PA'I RGYU MTSAN, BKA' TSEMS LAS, SNGON DGE LEGS KYI 'BREL BA MI DMAN PAS, ,DUS DING SANG RTEN 'BREL PHUN SUM TSOGS, ,SLAR SMON LAM MTHU LAS PHYI MANG YANG, ,TSUL 'DI LTAR THEG CHEN LAM BZANG NAS, ,KHYOD SKABS LDAN 'DREN PA'I DPAL DU 'GYUR, ,ZHES PA; ZHABS DRUNG RIN PO CHE 'GRO BA'I MGON PO CHOS RGYAL 'PHAGS PA DANG THUGS RGYUD GCIG LA, AALTHAN RGYAL PO DE GONG MA SE CHEN GAN GYI SKYE BA YIN PAR SNANG BAS, DUS DER MCHOD YON GNYIS SMON LAM LEGS PAR BTAB PA'I MTHUS, DING SANG SOG YUL DU DAM PA'I CHOS DAR BA SOGS RTEN 'BREL 'GRIG PA 'DI BZHIN BYUNG LA, SLAR YANG SMON LAM GYI MTHUS SKYE BA PHYI MAR JI GIR GYI RIGS SU 'KHRUNGS TE, CHOS SRID GNYIS LDAN ZUNG DU 'BREL BA'I TSUL GYIS SKAL LDAN RNAMS THEG PA CHEN PO'I LAM DU 'DREN PA'I DPAL DU 'GYUR ZHES ZHAL GYIS 'CHES PA'I RDO RJE'I GSUNG 'GYUR BA MED PA'O, ,GLEGS BAM RIN PO CHER, BOD NI RGYAL PO DAG LA TSAD MAR BYED, ,MI DBANG MDZOD LA BOD KHAMS BDE BAR SKYOD, ,ZHES PA LTAR, BOD KHA BA CAN LTA BU'ANG, THOG MAR CHOS KHO NAS 'DUL BAR MA NUS PAR SRID KYI SGO NAS 'DUL

DGOS PA BYUNG BA DANG MTSUNGS PAR 'DIR YANG HOR GYI RGYAL RIGS SU SKU BLTAMS PAS, RJE GONG MA'I DUS SU HOR SOG RNAMS RJE BTZUN BTZONG KHA PA CHEN PO'I BSTAN PA LA MI PHYED PA'I DANG PO THOB STE, DAM PA'I CHOS KYI 'BREL LAM BZANG PO BYUNG BA'I STENG DU; SKU SKYE RTING MA'I DUS NGED KYI RIGS SU 'KHRUNGS ZHES, 'JIG RTEN DANG SGO BSTUN PA'I GRID KYI CHA NAS KYANG MNGON PAR ZHEN PAS BSTAN PA LA 'GYUR MED KYI GUS PA MI LHOD PA LA GZIGS PA NI DGONGS GZHI SHIN TU CHE ZHING, 'BRUG PA RGYAL DBANG CHOS RJES 'BRUG BSTAN LA DGONGS NAS BSAM BZHIN BYA KHRI DPON GYI RIGS SU SKYE BA BZHES PA'I BSNGAGS BRJOD THAMS CAD MKHYEN PA PADMA DKAR PO'I RNAM THAR DU GSAL BA DON 'DI DANG MTSUNGS MOD KYANG, GZHAN PHAN GYI GDUL BYA SKYONG BA LA, THUGS BSKYED RGYA CHE CHUNG GIS SHAR PHYOGS RGYA MTSO'I MTHA' CHUN GYI CHEN PO HOR GYI RGYAL KHAMS MTHA' DAG ZHVA SER PO GCIG GI 'OG TU CHOS SRID GNYIS LDAN GYIS KHYAB PAR GYUR TSE, GNYAL BYAR LO GSUM 'BRUG BSTAN GYIS KHYAB PA TZAM LA ZHAL PHO MDZAD PA'ANG NAM MKHA' DANG LAG MTHIL GYI DPER MNGON NO, ,GZHAN YANG BKA' CHEMS LAS, MI GNAM SKOS KYI DGA' BA SKYED BYED RGYAL, ,MTSAN KUN TU RGYAS PA'I YON TAN DE, ,DPAL YAR GYI NGO BZHIN GONG DU 'PHEL, ,ZHES PA'I DON GNAM BSKOS NI JID GIR GYI RGYAL BRGYUD DE'I RIGS SU 'KHRUNGS PAS YAB YUM SOGS PHYOGS DE'I SKYE BO RNAMS KYI DGA' BA SKYED PAR BYED PA DANG, YON TAN ZHES PA'I MTSAN ZUR DNGOS SU THON PA DANG, GONG DU 'PHEL ZHES PAS RGYA MTSO LA CHU PO MTHA' DAG 'DU ZHING 'PHEL BAS DON GYI THON

, ,BA'O; ;AE MA SRID PA'I ME LONG DU, ,LAS NYON GYIS 'PHANGS BDE SDUG GI ,BZANG NGAN SNA TSOGS 'CHAR BA LA, ,BYIS PA'I SKYE BO NGO MTSAR BYED, ,GTAN BDE'I ZLA BA'I DKYIL 'KHOR LA, ,'GYUR MED SPRUL PA'I RI DVAGS GZUGS, ,NAM YANG 'GOG MED GSAL BA 'DIS, ,'KHOR BA'I MUN PA PHA MTHAR BSKRAD, ,RGYAL BA RGYA MTSO'I SMON LAM MTHUS, ,GRANGS MED 'GRO 'DREN DAM BCA'I KHUR, ,CHAD MED RI GZAR LAS BABS CHU, ,ZHI BDE'I RAGS KYIS BZLOG NUS CI, ,DAM PA 'DI NI RGYA DANG MI NYAG GI DREGS PA CAN THAMS CAD BSOD NAMS CHEN PO'I DPUNG GIS DBANG DU BSDUS TE, TSE RING GNAM GYI SHE MONG LA BRTEN NAS YANGS PA'I RGYAL KHAMS KUN LA MNGA' SGYUR PA'I JING GIR RGYAL PO NAS BZUNG THO GAN THE MUR GYI BAR DU, 'JAM DBYANGS GONG MA'I KHRI LA ZHABS ZUNG BKOD DE RTZOD DUS KYI 'KHOR LOS SGYUR BA'I RGYAL PO SHA STAG TU BYUNG BA YIN LA, THO GAN THE MUR GYI DUS, GRU THAL GRUS RGYA NAG GI RGYAL SA PHROGS TE, RGYAL RABS MANG BA'I BAR, KLA KLO SDIG SPYOD KYI RGYAL PO MI DGE BA'I GLING DU 'KHYAMS PA LAS, DUS RING MO ZHIG NAS GRANGS MED PA'I RGYAL BA'I THUGS RJE CHEN PO'I BYED POS, MTHA' 'KHOB MUN PA'I GLING DU DAM PA'I CHOS KYI SROL BTONG PA'I SHING RTA CHEN POR, AALTHAN RGYAL PO ZHES YANGS PA'I RGYAL KHAMS KUN TU NYI ZLA LTAR GRAGS PA'I RIGS YIN NO, ,DE YANG ZHABS DRUNG THAMS CAD MKHYEN PA BSOD NAMS RGYA MTSO DPAL BZANG PO, ,SA BYI NAG PA ZLA BA'I NYER DRUG GI THO RANGS GZUGS SKU'I BKOD PA CHOS DBYINGS SU BSDUS TE

RLUNG SEMS TZAM LAS GRUB PA'I YE SHES KYI SKU DES, THOG MAR DAG PA MKHA' SPYOD KYI GNAS SU PHEBS, DE'I RGYU MTSAN YANG THUGS DAM GYI SNYING PO THUN MONG MA YIN PA RNAMS GSANG BA'I TSUL MDZAD PA ZHIG YOD 'DUG PAS, MKHAS GRUB KHYUNG PO DANG MNYAM MED RI BO DGA' LDAN PA'I ZAB CHOS MGON PO SNYING ZHUGS KYI 'PHO BA, DKYIL 'KHOR RGYA MTSO'I KHYAB BDAG SNGAGS RAM PA DGE 'DUN BKRA SHIS KYI ZHAL GYI BDUD RTZI LA THUGS DAM NAR MAR MDZAD BAS, BKA' CHEMS LAS, DPAL MKHA' 'GRO BCU GSUM BLA MA DANG, ,DBYER MED KYI MGON LA 'PHRIN LAS ZHU, ,ZHES GSUNGS PA DANG, DE DANG CHABS GCIG PAR, NA RO PA'I GSANG CHEN SLOB BSHAD, RDO RJE 'CHANG MTSAR PA CHOS RJE YAB SRAS KYI MAN NGAG THUN MONG MA YIN PA'I GDAMS PA THUGS SU BSTAR BAS, RTZA DBU MA LA BRTEN PA'I ZAB MO RDO RJE RNAL 'BYOR GYI TE BA'I LAM KHYAD PAR CAN THUGS RGYUD LA 'KHRUNGS PA'I BRDAR, BKA' CHEMS LAS, NYAMS BDE STONG ROL PA'I RGYA MTSO CHE, ,DBYAR CHU BO'I NGANG TSUL DAG LA 'GRAN, ,DE LAM BZANG RDO RJE THEG PA'I DRIN, ,DRIN CHE BAR NGES SO BLA MA RJE, ,BDAG TSE RABS NAS TSE RABS THAMS CAD DU, ,LAM BZANG PO 'DI DANG MI 'BRAL SHOG ,CES GSUNGS LA, YAB BKA'I YI DAM GYI GTZO BO YANG BDE MCHOG DRIL BU PA DANG, RDO RJE GDAN BZHI GNYIS YIN PAR SNANG BAS, DRIN CHE BAR NGES SO BLA MA RJE, ,ZHES PA'I BLA MA NI RDO RJE 'CHANG SNGAGS RAM PA DGE 'DUN BKRA SHIS DANG, RJE BTZUN BOD MKHAR BA MEE TRI DON GRUB RGYAL MTSAN GNYIS YIN PAR NGES SO, ,MKHA' SPYOD KYI GNAS NAS

, ,SKAR MDA' 'PHANGS PA BZHIN DU SE CHEN CHOS KHUR MTSAN GZHAN SU MI THA'I JI'I B'I JI B'A KHEN SBYU LA'I LHUMS SU, SA BYI NAG PA ZLA BA'I GNAM GANG GI NYIN, KHYE'U DKAR PO SHEL 'PHRENG THOGS PA'I RNAM PA CAN GYI TSUL DU ZHUGS SO,, DE'I TSE YUM GYI GUR LA 'JA' KHA DOG LNGA PA LAN MANG PO'I BAR DU ZUG PA DANG, ME TOG GI CHAR BABS PA KUN GYIS MNGON SUM DU MTHONG, YUM GYI MNAL LAM DU GUR GYI THOG NA'I STENG DU MI DKAR PO RTA DKAR ZHON PA ZHIG DANG, YANG RJE GONG MA PHYING DKAR BZHES NAS NGED 'DIR GNAS SHIG G-YAR BA LA 'ONGS PA YIN GSUNG BA DANG, PO TA LA YIN ZER BA'I RI MTHON PO ZHIG GI RTZER KHANG BZANG NYAMS DGA' BA ZHIG NAS 'OD ZER DKAR PO 'PHROS PA'I SNA LA, KHYE'U DKAR PO SHEL DKAR GYI 'PHRENG BA THOGS PA ZHIG 'ONGS HE, RANG GI LUS LA THIM, MNAL SAD PA NA, LUS LA BDE BA'I NYAMS KHYAD PAR CAN SKYES, DE LA BRTEN NAS TING NGE 'DZIN GYI ZAS KYI 'TSO BAS NYIN ZHAG BDUN TZAM GYI BAR ZAS RAGS PA GSOL MA DGOS PA DANG, SNGON MED PA'I YID LA DGA' BA'I NYAMS LHANG LHANG BA SHAR BA BYUNG 'DUG, YANG NUB GCIG MNAL LAM DU, NE'U GSING YID DU 'ONG BA ZHIG GI KHAR BZHUGS PA LA, NAM MKHA' G-YA' DAG PA NAS NYI ZLA GNYIS ZUNG 'BREL DU SHAR BA, CIG CAR RANG GI KHONG PAR ZHUGS PA DANG, RI BO MTHON PO ZHIG GI RTZER 'BAD MED DU 'DZEGS PAS, CHU CHEN PO GTING DANG KHA ZHENG THAMS CAD GZHAL BAR BGA' BA ZHIG GI 'GRAM NAS PHA ROL TU 'GRO MI THUB BAM SNYAM TZA NA, GOS DKAR PO GYON PA'I KHYE'U ZHIG GIS GROGS BYAS

TE 'BAD MED DU BGROD, PHA ROL TU SLEBS PA TZAM GYI NAM MKHA' LA BYA LTAR 'PHUR BAS, YUL DANG GRONG KHYER MANG PO MTHONG, DE NAS SNGAR MTHONG MA MYONG PA'I YUL NYAMS DGA' BA ZHIG TU BABS PA NA, LHA DANG KLU LA SOGS PA'I 'GRO PA RIGS MI GCIG PA YIN ZER BA'I RGYAN CHA LUGS GZUGS BRNYAN SNA TSOGS PA MANG POS 'DUD PA DANG MCHOD PA BYAS PA DANG, YANG CUNG ZAD PHYIN PA NA, LUNG PA PHUN GANGS RI MTHON PO YOD PA, BAR NA RTZI SHING NAGS TSAL ME TOG SOGS YID DU 'ONG BA'I TSAL CHEN PO, ,GTZUG LAG KHANG DGE 'DUN GYI KUN DGA' RAB DANG ZUNG DU 'BREL BA ZHIG GI NANG DU SLEBS MA THAG SNGON MED PA'I RANG GI LUS LA, AU DUM BA RA DANG PADMA DKAR PO'I THOD DANG GA SHA SOGS RGYAN DU MAS RANG SHUGS KYIS BRGYAN PA BYUNG BA LA, DE'I TSE GANGS RI'I RTZE NAS DUNG DKAR ZHIG BUS BYUNG BAS, GTZUG LAG KHANG GI PHYI ROL TU 'ONGS PA NA, MI NYAM THAG PA'I RNAM PA CAN MANG PO TSOGS PA CHU CHEN PO PHA ROL TU BGROD DKA' BA ZHIG LA RANG GIS SNA DRANGS TE BDE BAR KHRID DE, KHRI MTHON PO SENG GE'I GZUGS KYIS BTEG PA ZHIG 'DUG PA'I 'KHRIS SU SLEBS TZAN, SENG GE DE SENG GE DNGOS YIN NAM SNYAM PA'I SNANG BA ZHIG SHAR BA'I MDO LA, SENG GE DE GNYIS KYIS NGA RO CHEN PO PHYOGS KUN TU KHYAB PA ZHIG BSGRAGS, DE DANG THAG NYE SAR YUL LUGS MI GCIG PA'I BUD MED MANG PO RGYAN GOS BZANG POS SPRAS TE GLU LEN ZHING BLO 'KHRAB PA GZIGS PA SOGS NGO MTSAR BA MANG DU BYUNG BAR SNANG, GZHAN YANG SNGON MED PA'I DRI BZANG PO 'THUL BA DANG, SGRA SNYAN PO SKROG PA SOGS NYE 'KHOR BA PHAL CHER

, ,GYIS SPYOD YUL DU GYUR PAS, 'DI 'DRA BA'I LTAS JI LTA BU ZHIG YIN NAM ZHES KUN SOM NYIR GYUR KYANG, MTHA' 'KHOB KYI YUL GRUR SONG BAS LEGS NYES DANG DE DAG GI RGYU MTSAN ZHIB MOR DPYOD PA NI MA BYUNG NGO, ;ZLA BA KHA YAR SONG BA NA, YUM GYI MNGAL DU SRAS CHAGS PAR MNGON PA'I TSE, YUM GYI KHOG STOD DU YOD NYAMS BYED CING, KHONG PA'I NANG NAS YI GE DRUG PA DANG HR'A: DANG DH'A LA SOGS PA'I SGA DIR DIR SGROG PA 'KHRIS NA YOD PA RNAMS KYIS KYANG THOS ZER, 'KHRUNGS PA LA NYE BA TZAM GYI DUS NUB GCIG MNAL LAM DU, RANG GI SNYING GAR BOD YIG GI HR'I: DKAR PO ZHIG LAM ME SNANG BA LAS, 'OD ZER 'PHROS NAS SEMS CAN MANG PO'I DON BYAS TE, SLAR RANG LA THIM PA DANG, MAR ME CHEN PO ZHIG SPAR BAS 'JIG RTZAN [?] THAMS CAD GSAL BAR BYAS PA BYUNG NGO, ,SGO MANG SLOB DPON BZHU KHANG RAB 'BYAMS PA DGE LEGS LHUN GRUB KYIS, SPRUL PA'I SKU MCHOG BZHI PA 'DI NYID NI, ,BSAM BZHIN AAL THAN NYID KYI RGYAL RIGS KYI, ,SU MIR THA'I JI B'A KHEN SBYU LA YA, ,SRAS SU BSAM BZHIN 'KHRUNGS TSUL 'DI LTA STE, ,RTA DKAR ZHON PA'I KHYE'U MDZES PA ZHIG ,SPRA YI STENG DU BYON PA YUM GYIS MTHONG, ,LHUMS SU ZHUGS NAS KHOG STOD NYID BZHUGS SHING, ,YIG DRUG SGRA ZHIG GSAL POR THOS PA BYUNG, ,DE DANG MTSUNGS PAR SKRA LA 'JA' ZUG CING; ;ME TOG CHAR SOGS DGE MTSAN DU MA BYUNG, ,ZHES DANG, MKHAR NAG LO TZ'A BAS, MTHONG BA DON LDAN THUGS RJE'I 'OD, ,NAM YANG 'GRIB PAR MI 'GYUR MOD, ,RE ZHIG GZUGS SKU'I DKYIL 'KHOR NI, ,CHOS DBYINGS CHU LHA'I PHYOGS SU YOL, ,

SLAR YANG MKHYEN BRTZE'I RLUNG SHUGS KYIS, ,ZHING 'DIR 'BYON PA'I SNGA LTAS SU, ,GUR LA 'JA' ZUG DE STENG DU, ,LHA MCHOG RTA DKAR CHIBS PA ZHIG, ,YUM CHEN MNAL BA'I LAM NAS GZIGS, ,RANG LA THIM PAS LUS SAMS BDE, ,SAD TSE YID DGA' 'JA' TSON 'KHRIGS, ,ME TOG CHAR GYIS CHU MTHONGS KHENGS, ,SNGON MED SPOS KYI DRI ZHIM 'THUL, ,YA MTSAN LTAS BZANG DBANG PO TSEM, ,ZHES SO, ,'BYAM KLAS DAG PA'I ZHING GI MGON RNAMS DANG, ,GSANG GSUM BKOD PA RGYA MTSOS DUS 'DA' YANG, ,MA DAG 'GRO BA 'DREN PA'I ZLOS GAR NI, ,DMIGS MED SNYING RJE CHEN PO'I 'KHRUL GYIS BSGYUR, ,GZOD MA NYID NAS SPANGS RTOGS YON TAN KUN, ,RDZOGS PA'I RGYAL SRAS TSUL 'DZIN SNYING RJE'I LHA, ,SPRUL PA'I RNAM PAR ROL LA YA MTSAN LTAS, ,BYUNG BAR MTSAR DU 'DZIN RNAMS BYIS PA'I BLO, ,MGON KHYOD RE ZHIG CHOS DBYINGS BDE BA CHER, ,BZHUGS LA 'GRO RNAMS 'DUD PA'I NGAL GSO'I SLAD, ,ME TOG CHAR DANG 'JA' TSON GUR KHYIM SOGS, ,BLO BRID 'JIG RTEN MES POS CI YANG BSKRUN, ,DE NAS ZLA BA DGU NGO BCU LA LTA BA'I 'PHAGS PA'I YUL DU TZI TRA DHI ZHES PA GANGS CAN GYI LJONGS 'DIR 'GAL BAR 'BOD CING, RGYA NAG GI SKAD DU GYI TSE'U PHYOGS 'DIR DBANG THANG DANG BSTUN PAS MO GLANG GI LO, ,SA HOR MCHOD YON LUGS KYI ZLA BA DANG PO, ,RGYAL BAS CHO 'PHRUL BSTAN PA'I DUS CHEN, CHU SHAL GYI DBANG PO RTA CHEN GYIS NYA BA'I PHYOGS SNGON MA'I DGA' BA DANG PO'I NYI SHAR GYI DUS SU, PADMA DKAR PO 'DAM GYI SKYON GYIS MA GOS PA LTAR, MNGAL GYI NYES PA'I RGYA LAS RNAM PAR GROL TE, DGUNG LO GSUM TZAM LON PA'I BOD TSOD TZAM,

, ,GSER GYI MCHOD SDONG NYI MA'I 'OD KYIS KHAB PA LTA BU'I GZI MDANGS DANG LDAN PA'I TSUL GYIS BLTAMS SO, ,SGO MANG SLOB DPON BZHU KHANG RAB 'BYAMS PA DGE LEGS LHUN GRUB KYIS, SA GLANG HOR ZLA DANG PO'I TSES GCIG GI , NYI MA SHAR DANG BLTAMS PA LHAN CIG BYUNG, ,ZHES DANG, MKHAR NAG LA C'A BAS, 'CHA MAD SRAS PO SPOR THA'I JI YI'I, ,RIGS BRGYUD SU MER THA'I JI YAB, ,RGYAL KHAB KUN GSAL MDZES PHYIR DU, ,YUM MCHOG B'A KHEN SBYU LA YI, ,MNGAL SPRIN NAS 'THON RAB MDZES SKU, ,RGYAL SRAS NYI MA'I DKYIL 'KHOR SHAR, ,SA GLANG MCHU ZLA'I TSES GCIG LA, ,SOG YUL DBANG PO'I SA 'DZIN RTZAR, ,DKAR PHYOGS PADMA'I GNYEN DE BYON, ,NAG PO'I RTZA LAG MUN PA SANGS, ,ZHES SO, ,DE'I TSE 'JA' 'ONG KYI GUR DANG ME TOG GI CHAR CHEN PO 'BAB CING, DUS MA YIN PA'I 'BRUG GI SGRA DAL BUR SGROG PA DANG, SNGON CHAD SNA'I YUL DU MA MYONG PA'I DRI ZHIM PO BRO PA DANG, SGRA 'DZIN GYI YUL DU THOS MA MYONG BA'I ROL MO SNA TSOGS RANG 'KHROL BA, SA CHEN PO G-YO BA SOGS YA MTSAN PA'I LTAS MANG DU BYUNG NGO; ;ZLA BA DE KA'I NANG DU YAB KYI MTSAN NAS 'BOD PA DANG GZHAN YANG GSUNG GLENG DU MA GNANG BAS, SHES LDAN RNAMS 'DI NI GANG ZAG PHAL BA DANG MI 'DRA BA'I YA MTSAN PA ZHIG GO ,ZHES BSNGAGS RJOD BYED PAR GYUR TO, ,SKU GZI BYIN CHE BAS, NA TSOD PHRA YANG KUN PHYI MI GCER RGYAG TU BLTA BAR MI BZOD CING, MTHONG NA MI MTHUN PA MED PA'I NGANG TSUL CAN NO, ,NYIN CIG YUM LA LHA KHANG NAS BKA' 'GYUR GYI MA DUM SPYAN DRONGS SHAG GSUNG PA LTAR BLANGS PAS, GLEG BAM LA GZIGS TE 'DI CHI NGA'I RNAM PAR THAR PA'O ZHES GSUNGS,

GLEGS BAM KHA SKYABS, DAM CHOS PAD DKAR GYI NANG GI DON YOD ZHAGS PA'I RNAM THAR BYUNG BAS, SPYAN RAS GZIGS KYI SPRUL PA YIN PAR GOR MA CHAG CES KUN MGRIN GCIG TU GLENG, MCHOD GNAS KYI DGE 'DUN RNAMS GSUNG RAB SGROG TU 'JUG PA DANG, RANG DANG NA MNYAM GYI KHYI'U MANG PO DANG LHAN CIG TU, SPOS DANG MA TOG SOGS KYIS SKU GSUNG THUGS RTAN LA MCHOD PA'I RIM PA MDZAD PAR, GZHAN RNAMS BYIS PA'I ROL RTZED LA, DAM PA 'DI NYID NI YUN RING PO'I BAR DU SKU LUS GNAD DRANG POR BSRANGS TE YAN LAG BDUN PA'I RNAM PA MDZAD, 'DI DAG GI DUS SNGA PHYI RNAMS SU CHOS KYI KHRI RTZIG PA DANG, CHOS 'CHAD PA'I RNAM PA DANG RDO CHUNG DU MANG PO BSAGS TE GRAL DU BSGRIGS NAS, 'DI RNAMS BLA MA YI DAM SANGS RGYAS BYANG SEMS KYI SKU 'DI DANG 'DI 'DRA YIN NO ZHES GSUNG PA DANG, SKABS 'GAR GSUNG CHOG BSKANG GSO GTOR ZOR 'PHREN PA DANG GAR DBYANGS KYI RNAM PA MANG PO MDZAD, NYIN ,CIG YE SHES MGON PO PHYAG DRUG PA, LAS GSHIN, RNAM SRAS, PHYAG BZHI PA, GUR ZHAL SOGS CHOS SKYONG MANG PO ZHAL GZIGS NAS RNAM 'GYUR 'DI LTA BU DANG BCAS TE BYON BYUNG GSUNG DE DAG GI LAD MO MANG PO MDZAD, ZLA BA GSUM TZAM GYI RING YUM RIG PA RNAL DU MI GNAS PA'I SMYO BA LTA BU BYUNG BA SKU SKYE PHEBS PA'I SDUR YIN ZHES GLENG, NAG PA ZLA BA SHAR BA'I NYIN GCIG DE RING GZA' SKAR DANG DUS TSOD BZANG PO YIN PAS, LHA KHANG GI NANG DU STAN BZANG PO SHOMS, SKU GSUNG THUGS KYI RTEN RNAMS LA MCHOD PA RGYA CHEN PO PHUL, PHYOGS BZHIR S'ATZTSA BZHI DANG, RIN PO CHES GANG BA'I BUM PA BZHI ZHOG, NGED BTZAS

, ,PA'I SAR MCHOD RTEN RTZIGS, GDAN KHRI'I PHYOGS MTSAMS SU RGYAL SRID SNA BDUN BKRA SHIS RTAGS BRGYAD RNAMS SGRIGS, DGE 'DUN RNAMS BSDUS LA CHOS KYI 'BEL GTAM MDZAD DU CHUG, SOG BO TSE CHEN DRUG SOGS RGYA BOD HOR GSUM GYI MI SNA TSOGS PA RNAMS LA STON MO GYA NOM PA THONG, MTHONG BA DON LDAN PHYOGS 'DIR BSAM BZHIN DU PHEBS PA LA GSOL BA 'DEBS SU CHU GCIG CES GSUNGS, DE BZHIN DU YAB YUM RNAMS KYIS MDZAD PA'I TSE, BKA' LAS, RIN PO CHES GANG BA'I BUM PA BZHI, NOR BUS GANG BA'I RDZA MA BDUN, RIN PO CHE SNA TSOGS KYIS GANG BA'I ZANGS MKHAR LNGA BCU RNAMS LHA DANG KLU'I 'JIG RTEN SKYONG BA RNAMS KYIS SPAS PA ZHIG KYANG YOD CES GSUNGS, DA NAS KHRUMS KYI ZLA BA'I NANG DU, NYIN ZHAG GSUM GYI BAR DU MNAL THUN GCIG LA SONG BA'I MTHAR, MNAL SAD DE RJES THOB LAS BZHENGS PA'I DUS, YUM GYI DRI BA ZHUS PAR, ZHAG DANG PO LA MCHOD SHOMS KYI DKAR ME GNYIS NGA'I LAG NA 'DUG PA DE CHES CHER 'BAR TE 'JIG RTEN GYI KHAMS THAMS CAD 'OD KYIS GSAL BAR BYAS PA ZHIG RMIS, ZHAG GNYIS PA LA NAM MKHA' LA 'JA' SPRIN 'KHRIGS PA'I DBUS NA SANGS RGYAS BYANG SEMS GRANGS MED PA BZHUGS 'DUG PA MTHONG, ZHAG GSUM PA LA, RIN PO CHE'I KHRI LAS LANGS TE BOD KYI PHYOGS SU 'GRO BA RMIS SO, ,ZHES GSUNGS PAS, SGO MANG SLOB DPON BZHU KHANG RAB 'BYAMS PA DGE LEGS LHUN GRUB KYIS, DE MA THAG TU SNA LNGA'I 'JA' GUR PHUB, ME TOG CHAR BABS SPOS KYI DRI BZANG LDANG, ,ROL MO'I SGRA TSOGS KUN GYIS THOS PA BYUNG, ,ZLA GCIG 'DAS TSE YAB KYI MING NAS BOS, ,BYANG

CHUB SEMS DPA'I SNYING PO THON ZHES GSUNGS, ,ZLA BA GSUM NAS BKA' LUNG DU MA DANG, ,LHAG PAR KHRI RGYEB MCHOD PA CHEN PO SHOMS, ,RATNAS GANG BA'I BUM PA BZHI BZHI DANG, ,DUNG DKAR BZHI RNAMS PHYOGS BZHING BAS SHIG DANG, ,BLA MA MCHOG DE NYI ZLA BZHIN DU PHEBS, ,ZHES SOGS NGO MTSAR GSUNG DANG GRUB RTAGS SOGS, ,BRJOD KYIS MI LANG DER 'DUS RNAMS LA BSTAN, ,PHYAG 'PHRENG CHIBS PA NGOS 'DZIN SOGS MDZAD PAS, ,KUN KYANG NGO MTSAR GNAS SU BKOD PA LAGS, ,ZHES DANG; MKHAR NAG LO TZ'A PAS, BLTAMS NAS 'JAL BYED DANG PO LA, ,YAB KYI MTSAN NAS 'BOD PA SOGS, ,TSUL 'DI ZAS GTZANG SRAS BZHIN DU, ,NGO MTSAR BSNGAGS PA'I GNAS SU GYUR, ,BSIL ZER MING MTSUNGS GSUM PA'I SKABS, , DON BZANG TSIG 'BRU BZANG PO YIS, ,CHOS KYI KHRI SHOMS ME TOG KHROM, ,RIN CEN GYIS GANG KA LA SHA, ,PHYOGS BZHIR BZHAG NAS DUNG DKAR BUS, ,MTHONG BA DON LDAN SLAR BYON PA, ,YON TAN RGYA MTSO'I SNYING PO MCHOG ,NAM MKHA'I NOR BUR GSOL THOB CES, ,ZAB MO RTEN CING 'BREL 'BYUNG GI ,CHOS KYI 'KHOR LO RAB TU BSKOR, ,GZHAL BYA GLU LA ZHAG GSUM DU, ,MNAL BA'I TSUL GYIS MNYAM PAR BZHAG ,RJES THOB TU NI BZHENGS PA'I TSE, ,YUM GYIS DE DON ZHUS PA NA, ,DANG PO PHYAG NA SGRON ME YIS, ,PHYOGS KUN GSAL BAR SNANG BAS KHYAB, ,GNYIS PAR 'JA' SPRIN 'KHRIGS PA'I KHROD, ,SANGS RGYAS BYANG SEMS GRANGS MED GZIGS, ,GSUM PAR RIN CEN KHRI STENG NAS, ,BOD LA PHYOGS PA RMIS SO GSUNGS, ,BKA' ZHIG

, ,YI DAM RE RE GNYIS, ,ZHAL GZIGS BYUNG LA YA MTSAN BYED, ,MGON 'DIS BGRANG YAS LHAG PA'I LHA, ,MNGON SUM MJAL PAS KHENGS PA MED, ,CES SO; ,DE NAS LO 'KHOR BA'I TSE, YAB KYI MCHOD KHANG LA RAB GNAS SHIG BYED PA'I DUS, RJE 'DI NYID KYANG DER PHEBS TE RTEN GRAL GYI SKU RNAMS LA ZHIB TU GZIGS SHING, ZHABS DRUNG RIN PO CHE BSOD NAMS RGYA MTSO'I SKU LA PHYAG MDZUG GTAD NAS 'DI NGA YIN ZHES GSUNGS, RJE GONG MAS YAB LA GNANG BA'I PHYAG 'PHRENG DE'I MCHAMS 'DZIN 'PHYUGS PA RNAMS 'CHOS PA GNANG BAS KUN YA MTSAN DU BYED, PHAL CHER GYIS 'DI NI ZHABS DRUNG THAMS CAD MKHYEN PA BSOD NAMS RGYA MTSO'I SKU'I SKYE BA 'KHRUL MED YIN PA 'DRA ZHES GLENG PA LA BRTEN NAS, DER 'KHOD PA MANG POS PHYAG DBANG ZHUS PAS, PHYAG GNYIS KA DANG YA GCIG DANG CHOS KYIS DRIL BA SOGS KYI SGO NAS DAG ZHAN GYI PHYAG DBANG GNANG LUGS KYI DBYE BA RJE GONG MA JI LTA BA BZHIN DU GNANG, BU SHRIS MJAL BAR 'ONGS TE, RJE GONG MA'I PHYAG 'PHRANG DANG PHYAG RJES LA 'DRA MIN BCU GCIG TZAM DANG BSRES TE GZIGS SU PHUL BA, MA 'DRES PA SO SOR NGOS 'DZIN MDZAD PAS YID CHES KYI GNAS SU GYUR TE DAD PA LHAG PAR SKYES, DA NAS GSOL DPON TSUL KHRIMS RGYA MTSO DANG, NANG SO DKA' BCU PAS GONG GI SKAD CHA'I GNAS TSUL THAS TE BRTAG DPYAD BYED PA DANG BCAS MJAL BAR 'ONGS PAS, GSOL DPON PA SOGS PHYAG PHYI RNYING PA RNAMS KYI SPYI POR PHYAG 'JOG PA DANG LHAN CIG TU, SO SO'I MING NAS POS TE NGOS 'DZIN MDZAD PAS KUN SMRA MI SHES PA'I DAD PA THOB BO,

KHONG RNAMS KYIS PHUL BA'I MJAL DAR MCHOD SHOMS KYI RTEN RNAMS KYI NA BZAR SGRON PA GNANG, DE NI GSOL DPON BA DRUNG 'KHOR RNYING PA YIN PA DANG, ZHAM 'BRING BA'I MJAL MI'I THOG MAR SONG BAS DPON SLOB GSAR RNYING THAMS CAD ZHAL 'DZOM PA DANG, DBUS PHYOGS NOR 'DZIN GYI THIG LAR MYUR DU 'BYON PA'I RTEN 'BREL GYI DGOS PA KHYAD PAR CAN LA DGONGS PA 'DRA, LCAGS YOS GYI LO THU MED KYI RGYAL POS MJAL BAR BYON PAS, NA TSOD PHRA YANG ZHUM PA DANG BAG TSA BA MED PAR, ZHAL 'DZUM PA DANG BCAS RGYAL PO 'KHOR BCAS BDE BAR GNAS SAM ZHES GSUNGS PAS, RJE GONG MA DRAN PA'I GDUNG SHUGS KYIS MCHI MA 'KHRUG CING BA SPU LDANG BAR GYUR, RGYAL PO'I PHYAG PHYIR LI THANG GI LHA CHEN BZHANG BA'I BAL PO YOD PAR, MING NAS BOS TE NGOS 'DZIN GNANG, TSA RDOR NANG SOS RJE GONG MA'I THUGS DAM RTEN MGON PO ZHAL GYI THANG KHA, PHYAG DPE, CHIBS PA AA BAL SER PO, ZUR GE SNGON PO RNAMS KHYER YONGS PA DANG DUS MTSUNGS PAR, SA G-YO ZHING 'BRUG GI SGRA CHEN PO BSGRAGS, PHYAG DPE ZHAL THANG RNAMS LA NGOS 'DZIN MDZAD, AA BAL SER PO LA CHIBS NAS, GZIMS GUR LA BSKOR BA LAN GSUM MDZAD DE DBUS LA 'DI LTAR 'GRO ZHES BKA' STZAL, CHIBS LAS BSHOL TE GZIMS GUR DU STAN LA BZHUGS TE, NYAMS DGA' ZHING BAG PHEBS PA'I GSUNG GLENG MANG DU MDZAD, GSOL JA ZHAL DKAR GANG DER 'DUS PA'I SKYE BO MANG PO ZHIG LA GNANG BAS, THAMS CAD KYI SKOM PA SEL NUS PA'I YA MTSAN PA BYUNG, DE SKABS RTEN ZHIG LA RAB GNAS ZHU MKHAN BYUNG BAR, RAB GNAS

, ,KYI CHO GA SOGS SNGON CHAD GZIGS RTEG MDZAD MA MYONG YANG, THOG MAR GSUNG GI GDANGS DRAG PO DANG BCAS TE, AOm H'Um PHAt, CES BGEGS SKROD PA'I TSUL ZHANG, PHYAG RGYA DANG GAR DBYANGS MANG PO'I RNAM PA DANG, LHA SPYAN 'DREN PA DANG BSTIM PA'I CHUL MDZAD DO, ,RJE GONG MA'I SKU ZHANG RIG SNGAGS 'CHANG BA'I 'KHOR LOS SGYUR BA KUN BZANG RTZE BA BYAN, GONG MA'I THANG ZHU DANG PHYAG DRAL GZIGS 'BUL MDZAD PAS, JI LTA BA BZHIN DU MKHYEN PAR GYUR, GANG ZAG THA MAL PA'I SPYOD YUL LAS 'DAS PA'I 'PHAGS CHAN DAM PA'I MDZAD PA RLABS PO CHE'I SNYAN GRAGS PHYOGS KUN TU KHYAB PA LA BRTEN, RGYA BOD HOR GSUM GYI SKYE BO MTHA' KLAS PA MKHO RGU'I 'BYOR BA JI SNYED PA DANG BCAS TE DBYAR GYI CHAR SPRIN LTA BUR 'DUS, CHOS RJE MDUNG RTZA BAR KHYAD KYI LAG GI DNGUL PHOR DE TA'I CHING NO YON GYIS PHUL BA YIN, DA SNE GDONG RTZER 'BUL DGOS 'DUG BKA' PHEBS, NYIN GCIG MKHA' LA 'JA' TSON GYI DRA BA RMA BYA'I GDUGS LTAR PHUB PA'I SNA LA DAR DKAR GYI THAG PA BRKYANGS PA 'DRA BA GSUM BYUNG BA'I GCIG GZIMS GUR GYI STENG, GCIG SGAR GYI DKYIL, GCIG YAB YUM GYI GUR LA ZUG, DE'I NYIN MJAL BAR 'ONGS PA RNAMS LA, THUGS RJE CHEN PO PHYAG BZHI PA DANG, YI GE H'Um YIG DKAR PO DANG, 'OD DKAR PO'I THIG LE DAR, RAL BA'I LCANG LA CAN PHYAM RTZA DKAR PO BZHES PA BLA MA NYID KYI RNAM PA CAN SOGS MTHONG TSUL MI 'DRA BA MANG DU BYUNG BAS, SKYE RGU MTHA' DAG RJE GONG MA'I MCHOG GI SPRUL SKUR THE TSOM DANG BRAL BA'I DES SHES RNYED DE, PHYAG DANG, SKOR BA DANG, BSHAGS

PA DANG RJES SU YI RANG BA SOGS DGE BA BCU'I LAS LAM DBYAR GYI CHU MTSO LTA BUR 'PHEL BAR GYUR TO, ,PHUN TSOGS GRU 'DZIN RI BO'I PHO BRANG NAS, ,RAB 'BYAMS RGYAL BA KUN GYI SNYING RJE'I GZUGS, ,MTHA' 'KHO BA GDUL DKA'I 'GRE BA 'DREN SLAD DU; ;SNA TSOGS SGYU DRA'I ROL GAR DE RMAD BYUNG, ,'KHOR 'DAS MNYAM NYID MI G-YO CHOS KYI SGU, ,MNGON DU GYUR KYANG BLUN RMONGS 'GRO BA'I NGOR, ,TSE RING GNAM GYI RIGS SU SRID 'DZIN BA'I, ,NGO MTSAR BKOD PA'I DGE MTSAN CI YANG STON, , 'GRO LA RJES SU CHAGS PA'I CHU GTER LAS, ,LEGS 'ONGS RGYAL SRAS ZLA TSES GZHON NU DAG ,SPANGS RTOGS YON TAN CHA SHAS GONG 'PHEL BA'I, ,SNYAN GRAGS RGYA MTSO'I RLABS BZHIN YOL BA MED, ,DGA' BA ZHES BA CHU PHO ZUG GI LO GSAR BA'I CHO 'PHRUL GYI DUS KHYAD PAR CAN GYI TSE, YE SHES KYI MGON PO PHYAG DRUG PA, DAM CAN CHOS KYI RGYAL PO, ,DPAL LDAN LHA MO 'DOD KHAMS DBANG PHYUG MA RNAMS ZHAL GZIGS, MKHAR SNGON POR MYUR DU 'BYON PA LEGS PA'I GSUNG GI SNANG BA STZAL BA LTAR, DE BZHIN DU MKHAR SNGON POR PHEBS PA 'GAB CHUL NYE 'KHOR DU YOD PA RNAMS LA GSUNGS SHING, RGYAL PO RGYAL MO SOGS LA YANG RGYU MTSAN GNANG, NYIN GCIG PHYI ROL TU PHEBS NAS THAG HA CANG MI RING BA ZHIG NA, SA LA PHYAG MDZUB GTAD NAS 'DI'I 'OB NAS KHRO YOD GSUNGS PAS, DER 'DUS PA RNAMS KYIS SA KHRU DO TZAM PHYI BAR DU BRKOS KYANG MA RNYED, SU MI THA'I JI DE RANG GI SRAS SU SGYES BU DAM PA BYON PA'I SDUR LTA BU'I RNAM PAS, THUGS RIG LA STENG SHOD YONG 'DUG PAS LA LA ZHIG GIS

, ,KHRO GAR YOD, SMYAN PA DE'I BUS ZER BA LA THA SNYAD MI YONG ZHES GLENG, PHAL CHE BA DAG GIS, RJE THAMS CAD MKHYEN PA'I RNAM SPRUL DU NI GOR MA CHAG PAS KHRO NGES PAR YOD DO ZHES, SLAR YANG SA KHRU GANG TZAM ZHIG BRUS PA'I 'OG NAS KHRA SHIN TU CHE BA KHA LA MIS SKOR BA BYED THUB PA ZHIG 'THON PA, SA'I STENG DU 'DREN PA LA SHES RAB KYI RTZAL MGRIN BZANG GI GROGS POR GYUR PA DAG MANG PAS, RE ZHIG RNGO MA THOGS PAR LUS DE NAS RGYA NANG DU KHRO CHEN PO 'DI SA'I STENG DU 'DREN PA'I MI ZHIG THENG ZHAS YI GE RGYAB PAS, RGYA MI GNYIS KYI 'ONGS TE DKA' TSEGS MED PAR DRANGS NAS SKYED BU'I STENG DU BCUGS PAS, SKYE BO MANG POS BZA' BTUNG GI RIM PA MNGON PAR 'DU BYED PA'I GNAS SU BYAS SO, ,HOR ZLA BRGYAD PA'I TSES BCU'I NYIN, SKU ZHANG RIN PO CHE KUN BZANG RTZE PA DANG, MANYDZU CHOS RJES GTZOS PA'I BOD SOG GI BANDE MANG PO DANG, RGYAL PO RGYAL MO HOR THA'I JI SOGS SKYE BO'I TSOGS GRANGS MED PA GDAN 'DREN LA 'BYOR, TSES BCO LNGA'I NYIN CHIBS PA ZUR DGE SNGON PO LA CHIBS TE, GDAN 'DREN PA RNAMS DANG CHIBS SKYEL BA YAB KYIS GTZOS PA'I RTA BA STANG PHRAG TZAM GYIS BSKAR TE PHEBS, PHYAG MJUB GTAD NAS LAM 'DI NA MCHOD RTEN DKAR PO ZHIG YOD GSUNGS PAR, SKU 'KHOR BA 'GA' ZHIG GIS PHYOGS DER PHEBS MYONG LAGS SAM ZHUS PAS, NGAS SNGON PHYOGS DER 'GRO MYONG BA YIN ZHAS SOGS SNGON GNAS RJES DRAN GYI GSUNG KHA YAR BKA' STZAL, DE'I TSE CHA DKAR RGYAL POS DBON PO PHUN TSOGS KYIS GCOS PA'I RTA PA LNGA BRGYA TZAM ZANG ZING GI DNGOS

PO MANG BO DANG BCAS TE MNGAGS PA 'BYOR, PHYAG DBANG ZHUS PAS PHUN TSOGS YONGS PA AE YIN ZHES NGOS 'DZIN MDZAD, RGYA MI ZHIG GIS BLA MA KHRENG SU YIN NGAS NGE MA SHES ZHES TSED BGAM PAR, KHYOD RANG NGA LA THE TSOM BYED MI DGES, SPYAN RAS GZIGS SU MOS LA GSOL BA THOB CIG CES GSUNGS PAS SBOBS PA MED PAR GYUR, MCHOD RTEN DKAR POR PHEBS PA'I TSE, DKON COG THA'I JIS GTZES PA'I RTA PA LNGA BRGYA TZAM BSU BA LA 'BYOR BAS, BKA' LAS RTEN 'BREL LEGS 'DI NA NGA'I KHRI YOD PAS RE ZHIG SNGOD GSUNGS NAS KHRI KHAR BZHUGS TE, ZHU BA PO MED PAR BLA MA'I RNAL 'BYOR GYI CHOS 'BREL ZHIG STZAL, DE NI 'GRO BA THAMS CAD KYI MI BSLU BA'I SKYABS GNAS NI DKON COG RIN PO CHE RNAM PA GSUM YIN LA, DA'I MTSAN DANG LDAN PA'I RGYAL RIGS KYIS BSU BA LA 'ONGS PA DANG, LUS CAN KUN GYI MCHOD PA'I ZHING DAM PA NI RGYAL BA'I BSTAN PA YIN LA, DE NYID DKAR 'JAM DU 'GRO BA'I BRDAR MCHOD RTEN DKAR PO'I 'KHRIS SU PHEBS PA DANG PHEBS BSU BA RNAMS RTZE 'DZOM BYUNG BA CHOS KYI 'KHOR LO BSKOR BA'I BRDAR DER RJE GONG MA'I BZHUGS KHRI YOD PA SOGS, THAMS CAD MKHYEN PA BDE CHEN CHOS KYI RGYAL PO 'DI NYID KYIS BSTAN PA GSAL BAR MDZAD PA'I RTEN 'BREL LO, ,DE NAS RJE GONG MA NYID KYIS BYIN GYIS BRLABS PA'I GNAS KHYAD PAR CAN DER, GNYUG MAR GNAS PA'I DAG 'DUN RNAMS KYIS MCHAD PA'I BYE BRAG DU MA THOGS PAS MDUN BDAR TE PHEBS, GONG MA'I BZHUGS KHRI'I KHAR ZHABS KYI PADMO RNAM PAR BKOD DE, DER 'KHOD PA'I SKYA SER GYI

, ,KHROM CHEN PO'I DBUS SU RJE GONG MA'I MDZAD PA'I RIM PA MDOR BSDUS TZAM DANG, MA 'ONGS PA 'BYUNG 'GYUR GYI LUNG BSTAN RAGS RIM ZHIG 'JIGS PA MED PA'I GSUNG GIS BKA' STZAL, GZIMS CHUNG DANG MGON KHANG RNAMS SU PHEBS TE, MCHOD SHOMS, GTOR MA, ZHAL 'BAG SOGS SO SOR NGOS 'DZIN GNANG, DE NAS RE ZHIG GI BAR PHYAG BRIS 'DRI KLOG, PHYAG DPE 'DZIN PA SOGS THUGS GNYER GYI RIM PA RNAMS, RIN PO CHE KUN BZANG RTZE NAS KYIS PHUL BAS 'BAD RTZOL LA MA LTOS PAR DKA' TSOGS CHUNG DUS MKHYEN PAS, RIN PO CHE BA DE CHOS RJE DKON GNYER DPON PA'I ZHAL NGOR SONG BA DANG, DKON GNYER DPON PA LA SDE SRID PHAG MO GRU PAS BKUR BZOS CHE ZHING, SNE'U GDONG RTZE DANG GZHIS KA GONG DKAR GYI PHO BRANG YAS MAS GNYIS NI LUGS GNYIS KYI YON TAN CAN MTHA' DAG 'DU SA KHYAD PAR CAN YIN PAS, RNAM DPYOD KYI RTZAL CUNG ZAD TZAM YANG MI LDAN PA'I BLA CHAN GYI MING GOG SKAM PO THAMS CAD LA KHONG PA THUGS MGU MKHAN ZHIG MIN PA 'DUG KYANG, RJA 'DI NYID LA ZHABS DRUNG RIN PO CHE BSOD NAMS RGYA MTSO DE NYID DANG KHYAD PAR MI 'DUG CES GUS PA YIN SKAD, MKHAR NAG LO TZ'A BAS, DE NAS BGRANG BYA GSUM PA'I DUS; ,KHU KHO KHO TOR 'GRO ZHES GSUNGS, ,DE NA DPAG YAS SKYE BO'I TSEGS, ,SMIN DANG GROL BA'I LAM LA BKOD, ,SNYAN GRAGS MA LA YA YI DRI; ,BSTAN SKYONG BSER BUS BSKYOD PA LAS, ,'JIG RTEN GSUM DU KHYAB PA NA, ,ZHES SO, ,DE SKABS PHYAG MDZOD KYI KHUR LEN BYED MI GSOL DPON TSUL KHRIMS RGYA MTSE PHYAG G-YOG TU 'GYUR BAR MA ZAD, DRUNG 'KHOR DRAG

ZHAN CHANG MA DANG 'GROGS LUGS MKHAS SHING LEGS PAS, RIN PO CHE KUN BZANG RTZE BA DE SKU ZHABS SU CAR MAR BZHUGS PAR GNANG, PHYAG MDZOD GU SHRI BLA MA LA GUS ZHEN CHE BA NI YONGS SU GRAGS, 'JIG RTEN PHYOGS KYI MDZAD SGO HA CANG GI ZHIB CHA MI CHE BA ZHIG LA, PHYI BLA GANG CHE ZHING NANG PHYAG RDZAS LA RU NGA BA, MTHON PO'I GNYA' GCOS DMA' BA'I SKYONG BSTAR SOGS SGAR GYI 'DZIN TSUL DANG, SPYIN BDAG GI SNE LEN ZHI DRAG GIS 'DUL THABS LA MNGA' BRNYES PAR 'GRAN ZLA DANG BRAL ZHES KUN MTHUN PAR GLENG YANG, CHOS PHYOGS NAS BLA MA LA SKU YON DGOS MI DGOS DANG, SKU YON 'BUL MKHAN LA YON TAN YOD MED KYI RNAM DBYE PHYED PO ZHIG MED 'DUG PA DANG, LHAG PAR RJE GONG MA'I DRUNG 'KHOR KUN BZANG RTZE PAS GTZOS PA'I DRAG RIM ZHIG DANG MTHO GNON GYI RNAM PAS THUGS KA MI MTHUN PA'I STABS KYIS, PHYAG MDZOD BYON NAS BZUNG RIN PO CHE PAS KYANG SKU ZHABS SU BCAR MA BSDAD PA YIN SKAD, NGES PA'I DON DU RJE GONG MA DANG THUGS RGYUD GCIG PAS, GSAN BSAM MDZAD PA LA MA LTOS KYANG, RGYAL BA ZAS GTZANG GI SRAS POS 'OG MIN DU SANGS RGYAS ZIN NA SA 'JIG RTEN DANG MTHUN PAR BYA BA'I PHYIR MDZAD PA BCU GNYIS KYI TSUL BSTAN PA SOGS, SNGON GYI MKHAS GRUB DAM PA RNAMS KYANG THOS BSAM GYI PHYIR DKA' SPYAD MANG DU MDZAD PAS, SKU GZHOGS KYI CHO 'DZIN DANG SKU YON 'BUL MKHAN LA RIN PO CHE KUN BZANG RTZE NAS DE YUN MI THUNG TZAM ZHIG BZHUGS THUB NA, MTSAN NYID PA'I STON PA RIG PA'I MANGS RANG GZHAN THAMS CAD THAL MAR 'BAGS NAS PA ZHIG

, ,MA BYUNG NA'ANG, RDO RJE THEG PA'I SMIN GROL GYI GDAMS PA DANG PHRA ZHIG KYI PHYAG LEN LA BRTEN NAS, DON GNYIS RLABS PO CHE LHUN GYIS GRUB PA ZHIG 'ONG RGYUR 'DUG BYANG, DRUNG DU NYE BAR 'KHOD PA MTHA' DAG MJUG MA MED PA'I RDO RJE'I RNA LDAN SHA STAG TU SANG BAS, GSAN BSAM GYI 'PHROR LUS SO, ,PHYAG MDZOD CHEN PO MTSAN DNGOS DPAL LDAN RGYA MTSO, RGYA NAG GONG MA'I LUNG GI GU SHRI, 'JIG RTEN YONGS LA PHYAG MDZOD SENG GER GRAGS PA'I SGRA SKAD CAN DES, DBUS PHYOGS SU RJE GONG MA'I DGONGS PA RDZOGS THABS RNAMS LAGS PAR GRUB NAS, MCHOG GI SPRUL PA'I SKU SOG YUL DU BYON PA'I GTAM SNYAN RNA BA'I BCUD LEN DU GYUR PA LA BRTEN, RANG NYID NA TSOD YOL BA LA MA LTOS PAR, DGE BA'I BSHES GNYEN BSTEN PA LA BYANG CHUB SEMS DPA' RTAG TU DU'I RNAM PAR THAR PA LA 'GRAN PAR NUS PA'I SNYING STOBS KYI GO CHA BTZAN PO GYON NAS, SGAR DMANGS DANG BCAS TE DBUS NAS BTEG, DE DANG PHYOGS MTHUN PAR, PHO BRANG CHEN PO SNE'U GDONG RTZE NAS GONG MA MI'I DBANG PHYUG MI BAM DBANG GYUR RGYAL PO ZHES BOD SHING SGO CAN THAMS CAD KYI BLA DPEN ZANG DU 'JUG PA'I GTZUG GI NOR BU DE NYID DANG, DE MCHUNGS PHO BRANG CHEN PO GONG RI DKAR PO NAS, GANGS CAN PA RNAMS KYI MGON GCIG PU RLANGS STON CHOS KYI RGYAL PO LHA GZIGS NGAG DBANG BSOD NAMS GRAGS PA RGYAL MTSAN DPAL BZANG PO DANG, SHUN NAS ZHABS DRUNG GDUNG BRGYUD RIN PO CHE GSUM GYI MI SNAS GTZOS, 'OD GSAL LHA YI GDUNG 'DZIN SA SKYONG RGYA RI BA, BYANG PHYOGS MI'I RJE BO SA SKYONG DGA' LDAN PA SOGS SDE

DPON CHE PHRA MANG BO DANG, SER 'BRAS DGE GSUM GYIS THOG DRANGS PA'I CHOS SDE KHAG RNAMS KYI GDAN 'DREN PA DANG BCAS MKHAR SNGON POR 'BYOR, THOG MAR MNGAL BA'I TSE, SNGON GNAS RJES DRAN GYIS NGOS 'DZIN GYI GSUNG DU MA STZAL BAS, PHYAG MDZOD KYIS GTZOS BA'I DRUNG 'KHOR RNYING PA RNAMS, RJE GONG MA DRAN PAS DGA' BA DANG SKYO BA SPEL MA'I RNAM 'GYUR SNA TSOGS BSTAN, MKHAR NAG LO CA BAS, PHYAG MDZOD DPAL LDAN RGYA MTSO 'DIS, ,BYANG 'PHAGS BZHIN DU LUS SPOG LA, ,LTOS MED PHYOGS DER 'BYOR PA NA, ,YID CHES GSUNG GIS NGOS 'DZIN GYIS, ,'KHRAL MED GONG MA RJES SU DRAN, ,TSES PA SNGA PHYI'I NYI MA DAG ,DKYIL 'KHOR GCIG PA JI BZHIN DU, ,MGON KHYOD MTHONG BA DON LDAN DU, ,GZUGS SKU SO SO THUGS RGYUD GCIG , CES SO, ,KHRI RIN PO CHE RGYAL KHANG RTZE PA DPAL 'BYOR RGYA MTSOS RVA SGRENG DU GNAS GZIGS LA PHEBS DUS, KA GNYIS MA'I NANG DU PHYAGS MA PHUD BAR BYEN PAS, JO BO 'JAM DPAL RDO RJES, BRTZON 'GRUS G-YUNG DRUNG KHYOD PA'I DKYIL 'KHOR GYI NANG DU MCHIL LHAM MA PHUD PAR YONG BA CI YIN ZHES GSUNG BYON PAS, KHU STON YIN PAR DON GYIS LUNG BSTAN CING, THAMS CAD MKHYEN PA BSOD NAMS RGYA MTSO GZHIS KA BRAG DKAR DU PHEBS SKABS SHIG, YANG DGON ZHABS DUNG SOGS DRUNG 'KHOR 'GA' ZHIG LA, DE RING NGED RANG TSO KHU STON DANG MJAL BA 'DUG GSUNGS PAS, RGYANG THANG SGANG GI DKYIL TZAM DU ZHAL SNGA NAS RGYAL KHANG RTZE PA DANG MJAL, DE NUB YANG DGON ZHABS DRUNG GIS, DE RING KHU STON DANG MJAL BA MA BYUNG LAGS ZHUS PAS, NGED RANG

, ,DANG RKYANG THANG SGANG DU PHRAD BYUNG ZHES, BOD KYI MKHAS PA CHEN POR NGOS BZUNG BA DE NYID DGA' LDAN GYI KHRI ZUR BZHUGS MDZAD NAS, RGYAL KHANG RTZER BZHUGS SKABS YIN 'DUG PAS, PHYAG MDZOD GU SHRI SOG YUL DU SPYAN 'DREN LA 'BYON GDANG, 'PHRAL YUN GYI GSUNG GLENG MANG DU GNAB ZHING, KHYAB PAR NGAD NA TSOD MTHOS PAS SOG YUL DU SKU ZHABS SU SLEB PA ZHIG MI YONG 'DUG KYANG, DING SANG DBUS GTZANG DU RANG PHYOGS KYI BLA MA'I RGAN MGO NGED RANG YIN PA NAS ZHABS DRUNG RIN PO CHER MTSAN 'BUL BA'I BABS 'BREL 'DUG PAS, THAMS CAD MKHYEN PA YON TAN RGYA MTSO DPAL BZANG PO ZHES MTSAN 'BUL RGYU PHUL BAS, 'DI NAS BZUNG MCHOG DMAN KUN LA MTSAN 'DI NYI ZLA LTAR GRAGS SO, ,DGUNG LO BCU BZHI MA BZHES KYI BAR DU GNONG SPYIN PHYOGS KYI PHANG PAR GNAS PA'I 'GRO BA RNAMS KYI DON DU BZHUGS TE, NYIN RE BZHIN DU SOG PO CHO CHEN DRUG GI 'BUL BA SOGS NI RGYAL PO CHEN POS DPYA KHRAL BSDU BA BZHIN DANG, DPAL 'BYOR LONGS SPYOD RNAM THOS KYI BU'I KHENGS PA 'PHROG NUS PA STE, DUS TSOD DE'I STOBS MNGA' THANG LA, KAR 'BRUG SPRUL SKU SOGS KYIS GTZOS PA'I BLA CHEN SGAR BA'I RIGS 'JIG RTEN GYI CHOS BRGYAD PO'I NYAMS LEN LA THUGS DAM GYI MTHIL DU MJAD DE, MAR CHUR NAS SRAN SOGS KYI 'BUL BA PHRAN BU LA'ANG, BRGYA 'BUL DU MING BTAGS NAS, KHROM CHAN PO'I DBUS SU LEN ZHING, MTHONG BAS DON DANG LDAN PAR GRAGS PA KUN LA MA BYUNG 'DUG, SNGON DPAL LDAN SA SKYA PA'I DUS RGYA HOR GYI 'BREL LAM CHE ZHING, BAR DU KARMA PA DE BZHIN GSHEGS

PA RTA MING RGYAL PO DANG MCHOD YON DU SONG BA SOGS RGYA HOR GYI TI SHIR GYUR PAS, DNGOS SPYAD BZANG RNGAMS CHE CHE MO MANG PO LA LONGS SU SPYAD PA DANG, LA LA BONG DANG BOD KHAMS RNAMS SU JA SNAM PHRUG BYU RA SPOS SHEL GYIS GTZO BYAS, NAS NGAD CHA TI AA KYI MTHA' BRTEN PA LA 'BUL BA CHEN POR BYED PA THAMS CAD, SNGON GYI CHOS PA BZANG PO JO BO BKA' GDAMS PA DANG, PHYAG RDZOGS KYI SGOM CHEN BYA BA BTANG NGES SHIG GIS BRTAGS NA, RMI LAM SGYU MA'I ROL RTZED DU 'CHAR PAS BZANG NGAN MA MCHIS MOD, DING DUS KYI CHOS PA RGYAL PO KRI KI'I RMI LAM LUNG BSTAN GYIS ZIN PA RNAMS LA, RNAM DKAR GYI 'PHRIN LAS KYANG ZANG ZING GI RJES SU 'GRO LDOG LA NGOS 'DZIN PA, RJE MI LA DANG, BA RAm LO TZ'A BA'I DPE LTAR 'JIG RTEN BLUN RMONGS KYI SNANG NGOR GRAGS PAS, SRID 'BYOR GYI PHUN TSOGS LA THOB BYA'I GTZO BOR 'DZIN PHYIN, DNGOS PO NGAN CAM LA BZANG POR RLOM PA LAS, RGYA HOR GYI DUS KYI SPYAD PA KHYAD 'PHAGS DAG LA LONGS SU SPYOD PAR RIGS SAM SNYAM MO, ,PHO BRANG GONG RI DKAR PO NAS 'JANG 'TSO BYED SHES RAB RGYAL MTSAN SOG YUL DU GDAN 'DREN LA GNANG RJES, CHIBS KHA MYUR DU SGYUR BA YOD TSUL SOGS KYI ZHU YIG PHUL BA'I LAN DU, DPAL PHAG MO GRUB LHA GZIGS BKA' BRGYUD RNAM PAR RGYAL BAS 'DI LTAR GNANG STE, TSOGS GNYIS MI ZAD RGYAN GYI 'KHOR LO'I MJAD, ,DAG PA GNYIS LDAN SKU DE BEE d'URYA'I, ,RANG BZHIN RDUL BRAL STON PA SMAN GYI BLAS, ,KHYOD LA DGE LEGS 'DOD RGUR SGYUR DU GSOL, ,GANG GI SKYES STOBS SHES RAB RI BYI YIS, ,GZHUNG LUGS GANGG'A HUB KYIS DRANGS GYUR NAS,,

, ,SLAR YANG GSO RIG YAN LAG BRGYAD LDAN GYI, ,CHAB TU BYAS NAS 'GRO LA BRIMS MKHAS PA, ,BLO BZANG DRANG SRONG MCHOG KHYOD RING MO NAS, ,YID LA GCAGS SHING MDZA' BAS BCIR SA GYUR PAS, ,LHAG BSAM ZLA BA'I 'OD KYIS BYUGS PA BZHIN, ,KUN TU DKAR BA'I 'PHRIN 'DI RGYANG NAS SMRAS, ,SNANG RIG RJES SBYANGS YANGS PA'I NAM MKHA' LA, ,GSHOG RLABS GZHON NU'I DUS NAS RAB RDZOGS PA, ,RNAM DPYOD MA YONGS MTHAS MDZES PA'I RMA BYA KHYOD, ,RGYAL SRAS MCHOG GI SPYAN SNGAR RING GNAS MNGAGS, ,DPAG TSAD 'BUM PHRAG BRJOD KYIS MI LANG BA'I, ,RGYA CHEN NOR 'DZIN KHYON DE SNYING STOBS KYI, ,'PHUR LDING DAL GYIS RGYU BAS RAB BGROD PA'I, ,SPYOD TSUL ZAB MO DE LA GLO BA DGA', 5 ,RIM GYI GANGS CAN LAS KYANG BYANG GI PHYOGS, ,STOBS KYI 'KHOR LOS SGYUR BA SE CHEN GYI, ,RIGS KYI THU BO GANG DE'I PHO BRANG CHER, ,BDE BAR SON DE MCHOG TU SGAL BA BZANG, ,GANG DER RGYAL BA RNAMS KYI MKHYEN BRTZE'I GZUGS, ,'GRO BLO'I LEGS BYAS ME LONG LA SHAR BA, , NGO MTSAR GSANG BA BSAM GYIS MI KHYAB PA'I, ,SGYU 'PHRUL CHE LA YON TAN RGYA MTSO ZHES, ,SNYAN GRAGS LHA YI RNGA GSANG STONG SGROG CING, ,SA GSUM THUGS RJE'I CHAR GYIS BRAN PA'I TSE, ,PHAN BDE'I LO TOG CI YANG 'PHEL 'GYUR BAS, ,DGA' BA'I RMA BYA KHYOD KYANG GAR GYIS SHIG 8 ,GANG GIS ZHABS SEN MTSAN BZANG 'KHOR LO YI, ,RTZIBS STONG MNGON PAR BKRA BA MTHA' 'KHOB KYI, ,RGYAL RIGS BYE BA'I COD PAN DANG 'GROGS PA, ,KHRI GSHOG RGYAL MO'I MTSO KHAR PHAG GI LONG, ,YAN LAG BZHI LDAN GSER GYI SRAB

SKYOGS CAN, KHA YO SGYUR ZHING DGE PAR LHUN CHAGS ZHES, ,SEMS LA 'BAB PA MDZA' BA'I 'PHRIN YIG DANG, ,RNA BAR 'JEB CING GSHIN PA SNYAN PO'I GTAM, ,STONG 'KHUN MDZES MA'I LAG SOR 'DU BYED KYIS, ,DING PHON THAGS SU GRUB PA'I BER DANG BCAS, ,PHO NYAS DGA' BA'I 'DZUM DANG LHAN CIG TU, ,SON PAS KUN DGA'I BDUD RTZI CI YANG THOB, ,'DI NA LHA GZIGS RLANGS KYI DRANG SRONG CAG ,SNGON DUS SHUGS DRAG NAD KYIS YUN RING GTZES, ,'JIG RTEN PHA ROL MTHONG BAR RTZOM NA YANG, ,BSLU MED MCHOG GSUM THUGS RJE'I THIGS PA YIS, ,SROG GI RTEN DANG LUS KYI ZUNGS GYUR PA'I, ,DING SANG DUS NA ZO MDANGS BDE BA DANG, ,GTZUG LAG GNYIS LDAN RGYAL THABS KHRI 'PHANGS LA, ,GZU BOR MNYAM PAR 'JOG PAS 'TSO ZHING MCHIS, ,KLA YE GCIG TU DKAR BA'I LHAG BSAM DANG, ,GZOD MA NYID NAS GNYEN GSHIN RGAN PO'I BLOS, ,GCAM BU BSKYUNGS TE NAN TUR CHEN PO YIS, ,SLAR YANG MOL MCHING YANG DANG YANG SMRAS PA, 14 ,GANGS CAN SKYE RGU'I BSOD NAMS RGYA MTSO CHE, ,DUS LAS MI YOL NGO MTSAR RLABS KYI 'DZUM, ,DGE BAR BZHAD PA'I YON TAN RGYA MTSO NI, ,NAM ZHIG MNGON SUM MTHONG SNYAM 'DI SKAD ZHUS, 15 ,KYE PA SNYIGS DUS MAR NGOR GYUR PAS NA, ,THUB BSTAN ZLA BA'I 'OD KYANG 'PHEL 'GRIB CAN, ,BLO BZANG RING LUGS GRAGS PA'I DGA' TSAL YANG, ,SMAG RUM MUN PAS BYUGS NAM RING ZHIG LON, ,DES NA RGYAL BA'I 'PHRIN LAS 'JUG PA NI, ,BSAM GYIS MI KHYAB THUGS RJE'I NYIN BYED 'OD, ,DKYIL 'KHOR YONGS SU GANG BA DANG PO'I DGUNG, ,SHAR RI'I SBO LA 'CHAR

, ,BA'I DUS MIN NAM, ,LTA BAR MI MNGON GCUG TOR G-YAS 'KHYIL BA, ,BUNG BA LTAR GNAG LCANG LO RING BO CAN, ,BREGS SHING RAB TU 'BYUNG BA'I BYED PO NI, ,SO SO SKYE BO'I BLA MAS 'OS PA MIN, ,RIGS KYI MNGON PAR MTHO BA GANGS LAS SKYES, ,SNYING STOBS RTUL PHOD DPA' BAR LHUN CHAGS PA, ,GDONG LNGA'I DBANG PO GZHON NUR GYUR KYANG DE, ,RI DVAGS PHAL GYI RJES SU CI PHYIR 'JUG 17 ,PHAN DANG BDE BA'I 'OD STONG GLING BZHI LA, ,RIM GYIS MNGON SUM GNANG BA THOB BA'I LTAS, ,LEGS LAM THOG MA'I SKYA RENGS DKAR POS KYANG, ,GDUNG BA'I MUN PA DRUNGS NAS PHYUNG BAR MDZOD, 20 ,RGYA BOD MKHAS MANG GSUNG GI CHU RGYUN GYIS, ,LAN BRGYAD BKRUS PA DBUS GTZANG DAG PA'I ZHING, ,'PHRUL SNANG SPRUL PA'I GTZUG LAG KHANG 'DIR NI, ,RAB TU BYUNG ZHING ZHABS KYIS BCAGS PAR MDZOD, 21 ,SNGON RABS RJE BTZUN GONG MAS 'TSO GZHES PA'I, ,MI 'JIGS SENG GE'I KHRI LA BSKAL BRGYA'I BAR, ,CHOS KYI 'KHOR LO RGYUN MI 'CHAD BSKOR BA'I, ,RTEN 'BREL ZAB MO'I TSOGS KYANG SGRIG PAR MDZOD, 22 ,DUM BU BCU GNYIS SA RNAMS RDZOGS LDAN GYI, ,DGA' STON 'DOD RGUR BSGYUR LA LONGS SPYOD PA'I, ,RGYA CHEN SMON LAM JO BO'I ZHAL SKYIN DU, ,BDEN TSIG SA BON GRUNG PO SMIN PAR MDZOD, 23 ,MTHONG BAS DON LDAN 'DZUM ZHAL MNGON GYUR CING, ,ZAB GSAL GSUNG GI BDUD RTZI MYONG BA YI, ,SKAL BZANG DE 'DRA RING BOR MI THOGS PAR, ,BDAG GI LEGS BYAS MTHU LAS SNANG BAR MDZOD, ,DNGOS KUN THAMS CAD MKHYEN PA'I RANG BZHIN DU, ,DAG PA

YE SHES SGYUM CHEN PO'I DBYID, ,MCHOG DMAN BLO DANG 'TSAM PA'I ROL RTZED KYIS, ,GDUL BYA'I RE BA THAMS CAD SKONG BAR MDZOD, 25 ,DE LTAR RGYAL SRAS GZHON NU MCHOG DE LA, ,SNYING GI PADMO'I KHONG NAS SBRANG RTZI'I BU, ,DAD PA'I GLU DBYANGS RGYANG NAS LEN PA 'DI, ,LAN GCIG MIN PAR NAN GYI GSOL BAR GYIS, ,DRANG SRONG KHYOD KYANG ZHABS KYI PADMO LA, ,RTAG TU 'GROGS PA'I SKAL BZANG BSTEN PA DANG, ,DRI DANG GSOL BA 'DEBS PA'I LAS RNAMS LA, ,YID LAS SKYES BZHIN SPOBS PA DGE BAR GYIS, 27 ,BYANG CHUB MCHOG TU BSKYED PA'I GZHAN PHAN SEMS, ,KUN LA SNYOMS PAS BZHI BRGYA RTZA BZHI'I NANG, ,RTZAD NAS PHYUNG STE 'GRO RNAMS DBUGS DBYUNG BA'I, ,THABS TSUL RNAMS LA KUN TU GZHOL BAR GYIS, 28 ,'BYOR BAS MTHO DANG KUN TU NYAM CHUNG BA, ,KUN LA 'DRIS PA MIN PAR SNYING SNYOMS PA'I, ,LHAG BSAM KUN TU BZANG PO'I SPRIN PHUNG GIS, ,GRU CHAR BZHIN DU 'KHOS SU PHABS PAR GYIS, ,BSLAB GSUM DUR SMRIG GOS DANG MI 'BRAL ZHING, ,DRAN DANG SHES BZHIN DBANG PO BAG YOD PA'I, ,NGANG TSUL BZANG PO SROG GI PHYIR DU YANG, ,MI GTONG BRTUL ZHUGS BRTAN PO BZUNG BAR GYIS, 30 ,SLONG BA'I TSOGS LA DPAG BSAM SHING BZHIN DU, ,YON TAN DGOS 'DOD GTER CHEN KHA PHYE NAS, ,GZHAN DRING MI 'JOG RNAM DKAR 'PHRIN LAS RGYUN, ,'GRO KUN YI RANG GNAS SU 'BAB BAR GYIS, 31, SHES RAB GSUM GYI DPYAD PAS YONGS DAG PA, ,GRAGS PA'I RGYAL MTSAN 'DZIN KHYOD RING NAS DRAN, ,AE MA RE BA LAS KYANG CHES LHAB PA'I, ,YID KYI DGA' STON LAS KYANG DGA' STON NO, ,DE SKAD RANG BLO MKHAS PAR MA SBYANGS BAS,

, ,SNYAN NGAG RGYAN GYI CHAL BTANG SNYAMS KYANG, ,BYAMS LDAN MA MA'I NGAG GIS BU LA BZHIN, ,RANG BZHIN GSONG POR SMRAS 'DIR RNA BA GTONG, ,CES RI MO RTEN DANG BCAS, LCAGS MO GLANG LO CHU SHOD ZLA BA'I DKAR PHYOGS RGYAL BA GSUM PA'I TSES LA DGE LEGS SU BRIS, ZHES; ,ZHABS DRUNG RIN PO CHER BSNGAGS BRJOD DANG SNYAN 'BUL SNYAN ZHING 'JEB PA 'DI BZHIN GNANG 'DUG, DBUS PHYOGS SU PHEBS PAR, DPON SLOB THAMS CAD JI LTAR SOS KYI DUS SU NYI MA'I 'OD KYIS GDUNGS PA'I GLANG PO CHE, KHRUS KYI RDZING BUR 'JUG PA LA RINGS PA LTAR, NYIN ZHAG RE RE'I SNGA PHYI'I DUS KYI KHYAD PAR LA YANG LTOS PAS, PHEBS BABS KYI STA GON SOGS 'BAD RTZOL CHEN POS GNANG ZHING, SGAR PA RNAMS DA NI DUS TSOD DANG CHES GRANGS 'DI LTA BU LA PHEBS RGYU YIN ZHES DGA' DGA' LTAR GLANG, RGYAL PO RGYAL MO SOGS PHYOGS DER 'KHOD PA RNAMS KYIS, THABS DU MA'I SGO NAS YAR PHEBS MI THUB PA'I BKAG CHA DNGOS DANG BRGYUD PA'I SGO NAS MANG DU MDZAD PA LA, BLO CHUNG RNAMS DPA' ZHUM PA DANG MGO BO 'KHOR NAS, PHAN TSUN THAMS CAD SUS BSHAD DANG SUS LABS BDEN PA'I DPE LTAR GYUR KYANG, PHYAG MDZAD GU SHRI CHEN PO DE BLO GROS KYI DKYEL CHE BA DANG, KHYAD PAR HOR SOG GI LUGS KA LA MKHAS PAS THABS MKHAS KYI 'PHRUL CHEN POS, DBUS PHYOGS NONG 'DZIN YANGS PA'I RGYAL KHAMS SU PHEBS PA LA MI MTHUN PA'I GEGS MTHA' DAG LAS GROL BAR MDZAD PA NI ZLA BA SGRA GCAN LAS THAR PA'I 'OD LTAR SHES LDAN RNAMS KYI YID KYI KUN DA KHONG

NAS BZHAD PA YIN NO, ,DE LTAR DNGOS GZHI YAR PHEBS PA LA BKAG CHA MJAD MA THUB KYANG, PHEBS RDZONGS GRA MA 'GRIG PAR KHAG BTAGS PA'I ZHAG 'PHUL NYIN 'PHUL BYUNG BAR, RDZONG BA SOGS MA BSKUGS NA RE 'KHAD BYUNG DOGS KYI THUGS RNAM PAR SRAB PA'I 'TSAB 'TSUB DANG, RDZONGS PA'I RNYED PA LA SRED PA'I LTOGS BLA ME 'BAR GYI BLO BRID MTHA' DAG JI MI SNYAM PAR MDZAD NAS, LTOS MED DU BZHUGS SGAR BTEG PAS, NYIN LAM BCU TZAM SONG BA NA, RGYAL PO RGYAL MO PHEBS RDZONGS ZHU BAR BSNYEGS NAS BYAN, SGO MANG SLOB DPON ZHU KHANG RAB 'BYAMS PA DGE LEGS LHUN GRUB KYIS, DE SLAD RGYAL DBANG BSOD NAMS RGYA MTSO DES, ,PHYOGS 'DI YAL BAR BOR BA'I MYA NGAM ZHUGS, ,DRAG POS NGA DUNG BAR DU GDUNGS PA'I YID, ,GUS LDAN SLOB MAR BCAS PA RJES GZUNG SLAD, ,DGA' LDAN RDUL MANG BRTZEGS PA'I LHUN PO CHE, ,MKHAS MANG LEGS BRIS 'DU BA'I SUM RTZEN GNAS, ,LEGS BSHAD RNGA CHEN RDUNG BA'I 'DUN SA CHE, ,DBUS GTZANG DAG PA'I LHA GNAS NYAMS DGA' BAR, ,THUGS RJES SPYAN STONG MNGA' BA'I GZHON NU ZHIG ,RING NAS SMON PA'I RANG GI BZHED PA'I DON, ,GRUB PA BZHIN DU DGYES PA'I 'JUM DANG BCAS, ,MDZES BYED LO LA CHIBS KYI KHA LO BSGYUR, ,RGYAL SRAS BDUD RTZI'I GTER GYUR PA, ,RMAD BYUNG MDZAD BA'I 'OD DKAR CAN, ,DBUS GTZANG KU MUD TSAL CHEN PO, ,SPRO PHYIR SKAR YANG SHAR BAR GYUR, ,CES DANG, MKHAR NAG LO TZ'A BAS, DGUNG LO TSES KYI BAR DAG TU, ,BYANG PHYOGS YANGS PA'I RGYAL KHAMS KYI, ,SKYE RGU RNAMS KYI DON MDZAD NAS, ,THUGS RJE BOD DU GZHOL BA NI, ,GANG G'A'I RGYUN 'BRA SUS BZLOG NUS, ,ZHES SO,,

, ,SA THAG 'DUM PA'I KHYAD DANG BCAS RGYA'I LCAGS RI DANG NYE BA'I PHYI PHYOGS KYI LAM BRGYUD DE MTSO KHAR PHEBS, DER DPON PO KHO LO CHES, 'DIR LO GSUM TZAM BZHUGS KYANG ZLA BA GSUM TZAM GYI YUN TSAD KYI NYAMS LAS MI YOD PA 'DUG PAS; BZHUGS DGOS ZHUS PAR, PHYAG MDZOD KYI GSUNG LAS, NYI MA LA NYE RING MED KYANG BRAG PHUG KHA BYANG BLTAS SU NYI MA MI 'CHAR BA CHOS NYID YIN PA LTAR, NGAD DPON SLOB SEMS CAN LA NYE RING MED KYANG 'DIR DE TZAM BZHUGS GNAS THUB CES THAG CHOD MDZAD, PHYOGS DE'I SKYE RGU RNAMS LA THAR PA DANG THAMS CAD MKHYEN PA'I SA BON BSKRUN TE, ZLA BA GNYIS GSUM TZAM NAS BZHUGS SGAR BTEG, DE'I TSE DPON PO KHO LO CHE'I THUGS LA KHO RANG GI PHEBS RDZONGS BYAS MA GRUB GANG LA THAGS MI YONG BA GZHIR BZHAG GI LE LO'I DBANG DU BTANG BAS, SGAR GYI ZHABS PHYI MA ZIN PAR MTSO SKYA RING SDO RING GI BAR DU BSNYEGS TE PHEBS SKYEL DANG 'BUL BA MDZAD PAR BYON, DPON POS PHYAG MDZOD PAR, KHYED DPON SLOB NGES PAR PHEBS RGYU YIN NA 'PHROS MI GTONG PA ZHAS ZHUS PAS; LAN DU TSE GRANGS 'DI TZAM ZHIG LA PHEBS RGYU YIN ZHES NI YANG YANG BYAS, DE LAS SPROS PA'I NGED DPON SLOB THEGS PAR KHYED LA DGONGS PA ZHU GANG THUB CES GSUNG SGAM PO BYON SKAD, RIM GYIS BEBS PAS KHRUMS KYI ZLA BA'I NANG DU, MGON PO SNANG BA MTHA' YAS KYI YE SHES SGYU 'PHRUL DRA BA'I GAR MKHAN DPAL MAR ME MDZAD KYIS LUNG BSTAN CING, 'BROM STON CHOS KYI RGYAL POS PHYAG BDAR NAS BTAB PA'I, BYANG RVA SGRENG RGYAL BA'I DBEN GNAS SU PHEBS, MANG JA 'GYED SOGS GYA NOM BAS DGE 'DUN LA

BSNYEN BKUR, CHOS KHRI'I STENG DU PHEBS TE BKA' GDAMS GLEGS BAM GYI TSES GSUNGS PAS, ME TOG GI CHAR 'JA' 'OD KYI GUR SOGS YA MTSAN PA'I LTAS BSAM GYIS MI KHYAB PA BYUNG BA NA, 'BROM RANG NYID KYI GDAN SAR PHEBS NAS GSANG CHOS GLEGS BAM GSUNG BA LA LHA RNAMS KYIS MCHOD PA PHUL BAR 'DUG, THAMS CAD MKHYEN PA DGE 'DUN RGYA MTSO'I RNAM THAR DU, NGED RANG GIS BKA' GDAMS GLEGS BAM GYI CHOS GANG 'CHANG SAR LTAS YA MTSAN PA SNA TSOGS 'BYUNG BA NI CHOS KYI CHE BA YIN GSUNG BA, CHOS DANG GANG ZAG GNYIS ZUNG DU 'BREL BA ZHIG DGOS PA YIN 'DRA, DENG SANG NI GLEGS BAM 'CHAD MKHAN RNAMS LA DE 'DRA BA 'BYUNG BA DKA' BAR SNANG NGO, ,DGA' LDAN KHRI RIN PO CHE ZUR PA SANGS RGYAS RIN CEN GDAN 'DREN LA PHEBS, DGA' LDAN SPYI SGER BYINGS KYA SNGON LA 'BYON PA DE PHYAG MDZOD GU SHRIS KHYED RANG BYINGS LAS G-YER DU 'THON PA ZHIG MDZOD, RAB BYUNG GNANG BA'I MKHAN PO SOGS BDAG RKYEN GANG LEGS YONG PA'I BAN RTZA NGED RANG NAS BYED, CES NAR SPYAR GYI YI GE BTANG BA 'OL KHA 'DI ZHEN YIN PAR GLING, DE NAS DVAGS PO'I BKA' BRGYUD KYI 'BYUNG GNAS, GDAN SA CHEN PO DPAL PHAG MO GRU'I MTSO CHEN MA DROS PA LAS 'ONGS PA'I, PHYAG RGYA CHEN PO'I CHU KLUNG GCIG TU 'PHYIL BA STAG LUNG DU PHYAG MDZOD PA DANG RTAGS BRGYAD DPON SOGS DRUNG 'KHOR CHE BGRES RNAMS KYI CHIBS BSU DANG, DGE 'DUN TSOGS RNAMS KYIS MCHOD RDZAS DU MA THOGS NAS SER SBRENGS DANG BCAS TE PHEBS, SPYIR 'JIG RTEN GYI GTAM DPE LA GTZANG NAGS PAS, STAG G-YUNG MKHAS PAS MA BZUNG ZHES GSUNGS PAR GRAGS

, ,KYANG; KHRI THOG PA ZHABS DRUNG NGAG DBANG RNAM RGYAL DE, GSUNG RAB MTHA' DAG LA GSAN GZIGS CHE ZHING MKHAS BTZUN BZANG POR BZHUGS ZHES SNYAN GRAGS CHE, MJAL 'DZOM GYI TSE DRUNG 'KHOR KHROD NAS ZHABS DRUNG GONG MA LAS GDUNG RUS CHE BA DANG, SOG PO'I GSHED MO LA BRTEN PA'I DA LAM RTZOD PA BTANG NA STAG LUNG CHES RDZAS PHYAG 'BUL YONG ZHUS PAR, BLA DPON CI RIGS KYI BYAD PA LTAR, GNAS DUS LA BRTEN PA'I DBANG GSHAD DANG 'GRO 'CHAMS SPEL MAR SONG NA, DPAL LDAN SA SKYA BA DANG SNE GDONG GONG MA LA YANG BRNYAS CHOS BYED PAR YA NGA BAG TSA MED PA TSO DANG MI 'DRA BAR, PHYAG MDZOD GU SHRI DANG SKU MDUN RIN PO CHE GNYIS RANG GI TSUGS KA ZIN CING GZHAN LA 'GRO 'TSAMS MI MDZAD PA'I YA RABS PAS, RJE GONG MA'I DUS MJAL 'DZOM MDZAD PA KHO NAS CHOG CES RGYAL TSOD 'DZIN PA MDZAD, NGER STAG LUNG LHA SDE MI SDE THAMS CAD KYIS BSNYEN BKUR GYA NOM PA BTAB, PHAR GDAB LAN GYI 'BUL GNANG MANG 'GYED PHUN SUM TSOGS PA MDZAD, DE'I TSES SKYONG DGA' LDAN PA MI DBANG G-YUL RGYAL NOR BU YAB SRAS DANG, DGA' LDAN PHO BRANG NAS DBON GNYER SKU MDUN RIN PO CHE CHOS BZANG 'PHRIN LAS PA SOGS GDAN 'DREN PA PHAL CHER 'BYOR, SKU MDUN RIN PO CHES CHIBS PA SNANG SRID KUN LDAN, AA DRUNG CHOS 'PHEL RGYA MTSO DANG BCAS PHUL BA LA SHAN TU MNYES PA BYUNG SKAD, MKHAR NAG LO C'A BAS, DE SLAD CHIBS KHA PHYOGS 'DIR BSGYUR, ,LAM BAR RING YANG SBO BZHIN DU, ,THUGS RJES KHA BA CAN DU BYON, ,RVA SGRENG RGYAL BA'I DBON GNAS SU, ,YON TAN

'BYUNG GNAS SPRUL PA'I SKU, ,PHEBS NAS GLEGS BAM GSUNGS PA, ,ME TOG CHAR SOGS LTAS BZANG BYUNG, ,STAG LUNG CHOS RJES BSNYEN BKUR TE, ,ZHAL 'DZOM CHOS KYI GLENG MO MDZAD, ,DE NAS SA SKYONG DGA' LDAN PA, ,MCHONG YON RNAMS KYI BSU BA'I DPER, ,THUB DBANG SER SKYAR GSHEGS PA'I TSE, ,SH'AKYA RNAMS KYI MJAL DE 'OS, ,ZHAS SO; ;PHAN YUL NANG DU PHEBS PA NA, RJE RGYAL BA GNYIS PA'I CHOS KYI SENG GE'I KHRI LA BZHUGS PA'I ZHAL SNGA NAS DGE 'DUN RGYAL MTSAN PA BSU BAR PHEBS, ZHAL SNGA NAS KHRI RIN PO CHES PHYAG PHUL BAR BZHENG BA MA GNANG BAR, LA LA DAG GIS STAG LUNG CHOS RJE PHYAG 'TSAL DU MI 'DZUG, RANG RE'I BLA MA 'GRES PO 'DI PHYAG 'TSAL DU BCUG CES PHYAG MDZOD PA LA KHA ZER, MKHAR NAG LO TZ'A BAS, BOD KYI CHE RGUS PHYAG BTZAL YANG, ,LDANG BA TZAM YANG MA MDZAD PA, ,RIGS KYI SNYEMS PA MA YIN TE, ,MYA NGAN MED BYIN RNAM PAR BZHIN, ,ZHES PA 'DI DAG LA BSAM PA 'DRA, GDAN SA CHEN PO DGA' LDAN RNAM PAR RGYAL BA'I GLING DU, KHRIMS LDAN DUR SMRIG 'DZIN PA'I 'DUS PA LEGS BSHAD KYI RDZA RNGA SGROG PA DANG BA'I KHYU CHEN PO DAG GIS SDUN BSUS TE PHEBS, DE'I TSE NAM MKHA' G-YA' DAG PA DANG ME TOG GI CHAR CHEN PO BABS, GTZUG LAG KHANG RNAMS KYI GNAS GZIGS ZHIB PAR GNANG, KHYAD PAR DNGUL GDUNG RIN PO CHE MJAL BA'I DUS, THAMS CAD MKHYEN PA BLO BZANG GRAGS PA ZHAL GZIGS, GNYUG MAR GNAS PA DANG GLO BUR DU LHAGS PA'I DGE 'DUN RNAMS LA MANG JA 'GYED SOGS ZANG ZING GI DNGOS PO GYA NOM PAS TSIM PAR MDZAD,

, ,TSOGS CHEN DU DAM BA'I CHOS KYI 'BREL BA STZAL, MKHAR NAG LO TZ'A BAS, 'PHAN YUL GZHUNG NAS DGA' LDAN DU, ,PHEBS TSE DGE 'DUN TSOGS KYIS BSUS, ,PHYAG NA MCHOD RDZAS SNA TSOGS THOGS, ,SNYAN PA'I DBYANGS KYIS GSOL BA 'DEBS, ,DUS NGAR NAM MKHA' G-YA' DAG KYANG, ,ME TOG CHAR PA CI YANG BABS, ,BSDU BA RNAM BZHIS TSIM MDZAD CING, ,DAD PA'I LJON PA MTHA' YAS BSKRUN, ,YAB RJE'I DNGUL GDUNG MJAL BA NA, ,'JAM DPAL SNYING PO'I GZIGS SNAD BYUNG, , BKA' DANG BSTAN BCOS RIG GNAS LA, ,SBYANGS SHING MKHYEN RNAMS LEGS BSHAD KYI, ,'BRUG SGRA SGROG PAS SHIN RU MDZES, ,RGYAL SRAS MCHOG GIS DAM CHOS GSUNGS, ,ZHES SO, ,BOD GANGS CAN GYI LTA BA RA SA 'PHRUL SNANG GI GTZUG LAG KHANG CHEN POR PHEBS PAR NYE BA NA, SKYA SER GYI GDAN 'DRAN MTHA' YAS PA'I CHI BAS RAGS BGRANG BAR DKA' BA DAG GIS, KHROM KHRI PHRAG MANG BO BRGAL TE TSOGS PA RNAMS KYI MIG LAM DU, NGO MTSAR BA'I BKOD PA RGYA MTSO'I DGE MTSAN GYIS, AE MA MA LA, 'DI 'DRA BA'I MIG GI DGA' STON NI SGYU MA MKHAN GYI SBRUL BA ZHIG YIN NAM ZHES GLENG ZHING, PHAL CHE BA DAG NI, THAMS CAD MKHYEN PA BSOD NAMS RGYA MTSO DPAL BZANG PO DE NYID DRAN PA'I GDUNG PA'I SHUGS KYI MIG NAS MCHI MA 'KHRUG CING, NGAG NAS GSOL 'DEBS KYI SGRA CHEN PO DAR DIR DU SGROG PAR GYUR TE [?], ,SGO MANG SLOB DPON BZHU, BAD RAB 'BYAMS PA DAG LEGS LHUN GRUB KYIS, GZHON NUR GYUR KYANG DBANG PO ZHI, ,RGYAN GZHAN BRAL YANG MCHOG TU MDZES, ,SRID BAR GNAS KYANG NYON MONGS MED, ,MGON

KHYOD MTHONG BA SKAL BA BZANG, ,KHYOD ZHAL ZLA BA MTHONG BA YI, ,DGA' BA 'JIG RTEN LA RGYAS PA, ,DE 'DRA SROG CHAGS 'GUM PA NI, ,BLAR YANG SOS PA DAG LA MED, ,MGON KHYOD GDUL BYA'I 'JIG RTEN LA, ,SNYING RJES KUN NAS BRTZE BA TZAM, ,SNYING DU SDUG PA'I BU GCIG BA'I, ,MA LA'ANG DE 'DRA SKYE MA LAGS, RGYAL BA KUN GYI THUGS RJE LA, ,SBYAR RAS GZIGS ZHES SNYAN GRAGS PA'I, ,GTAM SNYAN RNA BA'I AUTPAL LA, ,KHYED KYIS MIG LA MNGON SUM MDZOD, ,CES DANG, MKHAR NAG LO TZ'A BAS, LHA MCHOG JO BO BZHUGS PA'I SA, ,SKYID SHOD MTHIL DU PHEBS BA NA, ,BGRANG BAR DKA' BA'I CHIBS RAGS KYIS, ,KHROM CHEN MIG GI DGA' STON BSGRUBS, ,ZHES SO, ,DE NAS SA SKYOD BKRA SHIS RAB BRTAN PA'I GSUNG LAS, DE DANG 'BREL BAR BYANG PHYOGS SA SKYONG GI PHO BRANG RGYA BOR KUN GYIS GTUGS BA'I GNAS, ,DGA' LDAN KHANG GSAR ZHAS BYA LCANG LO CAN, , [?] COR LDAN DPAL MO MGRON DU BOS 'DRA YOD, ,CES BSNGAGS BRJOD MDZAD PA'I GZHIS KA DGA' LDAN KHANG GSAR DU SPYAN DRANGS, GZHI LEN DANG SHANGS LEN SOGS GANG LA GANG 'TSAM DNGOS GTZANG ZHING DPANGS MTHO BA'I DGA' STON RGYA CHEN PO MDZAD, SDE PA CHOS RJE'I GTZUG PHUNG PHUL ZHING, 'BUL BAR SNGON RJE GONG MA'I DUS SU ZHABS DRUNG BKRA SHIS RAB BRTAN PA ZHES, LUGS GNYIS KYI MKHYEN BA'I SBYAN YANGS PA DE LA MKHAS BA MKHAS PA'I DRUNG DU MDZES PA'I DPE LTAR, GTZUGS LAG LUGS BRGYA'I TSUL LA 'JUG PA YANGS PA'I BLO GROS DANG KHENGS PA PHAN TSUN DU 'GAN BZOD PA'I RIN SBUNGS ZHABS DRUNG NGAG DBANG 'JIGS GRAGS GYIS, PHO BRANG SNE'U GDONG RTZE'I LHA GZIGS GDUNG BRGYUD NGAG

, ,DBANG BSOD NAMS GRAGS BA RGYAL MTSAN DANG, RGYAL BZANG BA DPAN G-YOG GZIGS STABS MA GCIG PA'I RGYU LA BRTEN, RTZE NAS ZHAL PHYOGS BSGYUR BA GNANG GZHAN SDE RNAMS KYIS ZHABS NAS BKUR BA'I DBUNG GTOS CHE BA YAR KLUNG DU 'BYOR NA'ANG, 'GRO SDING BA'I SKABS, SKYID SHONG MI'I RJE BO RDO RJE 'JIGS BYED KYI RNAL 'BYOR PAR SNYEMS PA'I RVA RTZA SBOM PA BKRA SHIS RAB BRTAN PA LA 'PHRIN DU BYA BA YON TAN GSUM GYI DO SHAL ZHES BYA BAR, STONG NYID SNYING RJE ZUNG DU 'JUG PA'I RVA; ;CHOS KYI DBYINGS NA GDENGS PA'I NYAMS GCIG TU, ,DRAG PO ME YI RAL BA GSIG PA'I GAR, ,'JIGS BYED BDUD LAS RNAM PAR RGYAL BA MCHOD, ,DE NYID BSKYED PA'I RIM PA ZAB MO YI, ,RNAL 'BYOR SNYING LA LCI BA'I KHUR BSNAMS NAS, ,DNGOS GRUB MTSAN, NYID YAN LAG BRGYAD LDAN PA'I, ,'BYOR BRTZEN LHAG PA'I LHA YIS RJES BZUNG LO, ,YA MTSAN MGUR NA MDZES PA'I DO SHAL GYIS, ,'PHRENG BA YON TAN GSUM GYI DO SHAL DU, ,'PHAGS PA'I SBYOD PA GZHAN DAG MED SEMS PA'I, ,SKAD SANGS SGROG PAR BYA DE RIGS SAM KYE, ,RTUL PHOD LONGS SU SBYOD PA BRGYAN PA YI, ,DPUNG PA GRAGS PA'I SA BON 'DEBS NUS PA, ,MTHAR BYED SKYE PA'I LAM STER MA GYUR PA, ,GANG DAG SRID PA'I 'KHOR LO RMAD BYUNG BKRA, ,AE MA RIG BA'I ME TAG SNA RU, ,'BAR DANG SGYU RTZAL GZHAN GSOS GZHON NU'I GLU ,BYE BAR BSLENGS PA'I SGRA DES SAS GSUM GYI, ,DPAL MO CHAGS PAS MI GZIR RGYU CI ZHIG ,LHA GZIGS DBANG PO'I CHAB SRID GRU BO CHE, ,'JING ZHING 'DEGS PA'I RNAM 'GYUR CHU BO YIS, ,BYED PO'I RI MO GCIG MIN

MANG GNYER BAR, ,DBU 'PHRENG SEMS MED MA YANG BAD MO DGONG, ,CES SOGS 'JAM DPAL GSHIN RJE GSHED KYIS RJES SU BZUNG BA'I SNYAN PA DANG, BOD SHING SGO CAN GYI RGYAL SRID 'DI 'CHAGS 'JIG JI LTAR BYED KYANG KHYO KYI LAG TU YOD NGO ZHES, MDUN NA 'DON GYI GTZO PO DANG, DPA' MDZANGS RTUL PHOD PA SAGS [?] LA BRTEN, ZOL GYI BSTOD PA'AM SMAD PA GANG RUNG DU SNYAN DAG MKHAN GYI DGONGS PA'I DBANG GIS 'THEN CHOG PA'I TSIGS SBYOR NGO MTSAR BA DANG, MANGS KYI DUS NA LHAG CIG KHYOD KYI SRID, ,'JIG DANG MI 'JIGS MNGON SUM BRTEN BA'I SROG ,SBYIN PA 'CHI MED BDUD RTZI'I 'BAB STEGS MKHAN, ,'DI LAS GZHAN PA BTZAL DU YOD DAM CI, ,CHUL DE MI BRJED MDZA' BAS BCINGS PA'I SEMS, G-YO MED BRTAN PA'I PHYI THAG RING PO PA, ,BYAS SHES DRIN DU GANG BA'I DGA' BYED GROGS, ,HA NU MANTHA'I BRTUL ZHUGS RDZOGS PAR 'TSAL, ,DE'I DON, LHAG GCIG CES 'OS NAS KHYOD KYI SDE SRID 'DI DPAL PHAG MO GRU BA'I BKA' DRIN LA BRTEN NAS BYUNG BA YIN PAS, TSUL DE LA BYAS SHES DRIN DU GZO BA'I SGO NAS, RAM nAS LANG KA'I BNGAG PO GSOD BA'I GROGS SPRE'U HA NU MANTHAS BYAS PA DANG MCHUNGS BA ZHIG GYIS ZHES BRJOD PA 'DI, SKYID SHOD ZHABS DRUNG BKRA SHIS RAB BRTAN PA MNGA' THANG MTHO BA DANG, DGRA THOG LA DPA' ZHING MKHYEN SPYOD YANGS PAR SONG BAS, RANG GZHAN KUN GYIS BSNGAGS PA'I GNAS SU GYUR PA DE LA, ZHABS DRUNG RIN PO CHE BSDOD NAMS RGYA MTSOS, ,BYOD RANG 'JIGS BYED KYI RNAL 'BYOR PA YIN PAS 'DI NYE BAR MKHO BA YOD GSUNGS NAS, DNGUL GYI KA P'A LI KHA GRONG LA G-YU PHRA PHYUG KHO YOD PA ZHIG

, ,GNANG BA; 'DI SKABS SDE BAS KA P'A LIS GTZOS PA'I ZANG ZING GI DNGOS PO MANG PO DANG, CHOS LUNG BDE LEGS KYI SA CHA RNAMS 'BUL BA MDZAD, ZHABS DRUNG G-YUL RGYAL BA DE, KHONG RANG GI KHU BO BKRA SHIS RAB BRTAN PA DANG, RIN SPUNGS NGAG DBANG 'JIG GRAGS LTA BU'I CHOS PHYOGS KYI YON TAN 'JAM DPAL DBYANGS LA 'GRAN BZONG CING, 'JIG RTEN GYI CHA NAS PHA ROL GYI DGRA DPUNG 'JOMS PA LA DPA' BA'I, AA PO HOR 'DRA'I SPYOD TSUL DANG LDAN PA ZHIG MIN PAR GDA' YANG, 'PHRAL DU KHA LA ZA BYUNG RNA PHUGS SNA LA SGYOGS BYUNG NA'ANG BZOD SNAM PA'I HAR SPYOD HUR SPYOD KYI RIGS YE MI MDZAD PAR, BRTAN BRLING DANG TSOD CHE ZHING SRONG BTZAN SGAM PO LTAR SGAM PA'I MTHAR THUG PA, SNGON DUS KYI SDE SRID KHUNGS BTZUN RNAMS KYI SPYAN LTOS MNYAMS PA'I; DKON COG LA GUS SHING RANG SRID SKYONG MKHAS PA, CHAS KYIS MDZES SHING SGRIGS KYIS SPA BA, YA RABS DAM PA'I MDZAD SPYOD LHUN GYIS GRUB PA'I NGANG TSUL CAN ZHIG YOD PAR SNANG, 'DREN BYED PHRA LA RING BZHIG YIN ZHES GLENG YANG, 'DI'I SKABS THUGS SNYING KHAMS DPE MED BSKYED PA YIN SKAD DO, ,TSES BCO LNGA'I NYIN SER 'BRAS DGA' SKYOR SOGS NYE 'KHRO GYI DGON SDE GRANGS MED PA'I DGE 'DUN RNAMS 'DUS TE, NGUR SMRIG GI GOS RUNG BA TSAD DANG LDAN PA'I KHA DOG GIS NAM MKHA'I LAM KUN KYANG GSER GYI MDANGS 'DZIN PAR NUS PA'I SER SBRENGS KYI 'PHRENG BA RING PO BSTAR, GDUGS DANG, RGYAL MTSAN, BA DAN, ROL MO, ,ME TOG SOGS MCHOD PA'I TSOG BSAM GYIS MI KHYAB PAS NOR 'DZIN GYI LTO BA DOG PAR BKOD PAR, SGA MANG SLOB DPON BZHU KHANG

RAB 'BYAMS PA DGE LEGS LHUN GRUB KYIS, KHYOD KYI RMANG BYANG MDZAD PA'I NYIN MOR BYED, ,GANGS CAN MKHA' DBYINGS MDZES MA'I LANG TSOL, ,RTAG TU 'OD BRGYA 'GYED PA 'DI SHAR TSE, ,BDAG SOGS RMONGS PA'I SMAG RUM GANG DU 'BROS, ,GRU 'DZIN RI BO'I NGOS LA GTZUG LAG KHANG, ,MA PHAM MA MDUN SA SA LA BABS [?] 'DRA BA, ,BRGYA PHRAG NGUR PA 'KHRIGS PA'I CHU GTER DBUS, ,DPAL LDAN 'BRAS SPUNGS YID DGA' CHOS 'DZIN DU, ,MKHYEN PA GCIG GIS DUS GSUM GSAL GZIGS KYANG, ,MKHAS PA'I LEGS BSHAD PA PADMO'I DRA BA YIS, ,RANG GI THUGS MTSOR SLAR YANG MDZES BSKYED NA, ,DE SLAD THUB BSTAN 'O MTSO RLABS CHER 'GYUR, ,LEGS BSHAD GSAR PA'I CHU 'DZIN 'BYUNG BA'I GNAS, ,KHYOD THUGS RAB DKAR 'O MA'I CHU GTER CHE, ,GZHUNG LUGS ZLA ZER BYE BA'I GOS GYON NA, ,BLO BZANG BSTAN PA'I LHUN PO CIS MI MDZAD, ,ZHES DANG, MKHAR NAG LO C'A BAS, SE 'BRAS DGE 'DUN 'DUS PA'I SBRENGS, ,MTSAR DU DNGAR BA DA MTHONG TSE, ,BYAMS PA'I 'DUS PA DANG PO YANG, ,DA LTA NYID NAS BYUNG DAM SNYAM, , ZHES SO, ,BLA BRANG KHAG, KHAMS TSAN MI TSAN SOGS KYI RTA BA'I BSU BA DANG BCAS TE, RGYA GAR PHAGS YUL BA'I SHR'I DHA N+YA KA tA KA GNYIS PA, BOD YUL GYI DPAL LDAN 'BRAS SPUNGS DANG PO PHYOGS THAMS CAD LAS RNAMS PAR RGYAL BA'I GLING GRU 'DZIN GNYIS PA DGA' LDAN PHO BRANG GI SENG GE'I KHRIR PHEBS, DER BSU BA DANG PHEBS SKYEL LA 'DUS PA'I SKYA SER GYI CHOGS CHEN PO LA, SKU MDUN RIN PO CHES KHUR BZHES NAS BUR STON, MAR STON, SHA RTZAM NAS, GRO SRAN RNAMS KYI PHYOGS ZUR GSOS NAR MA SOGS

, ,DGA' STON RGYA CHEN PO BSGRUBS, GZHAN YANG GZIMS KHANG GONG, GRVA CHANG KHAG BDUN, SLOB DPON TSUL PA, KHAMS TSAN MI TSAN STAR DNGUL SOGS PHYUG PO KHAG MANG POS SO SO'I GNAS KHANG DU SPYAN DRANGS TA BSNYEN BKUR GYA NOM PAS [?] STAB SNGAR SNE'U RDZONG PA'I GZHIS KA RDO KHANG SNGON MOR GRAGS PA CHUNG DU ZHIG LAS SPROS PA'I PHO BRANG GI LTE BA LEGS RGYU MED PA, RJE GONG MA SOG YUL DU THEGS PA'I RJES SU DGA' LDAN PHO BRANG GSAR BA 'DI NYID, SKU MDUN RIN PO CHE CHOS BZANG 'PHRIN LAS ZHES, ZHABS DRUNG GONG MA'I GSOL DPON SOGS, SKU ZHABS SU BCAR BA'I LAS TSAN DANG, RJES SU GZHIS KYI PHYAG MDZOD KYI GO SAR MNGA' GSOL BA'I BDAG RKYEN YAR 'PHEL DU GNANG ZHING, DGONGS BZHED DANG MTHUN PA'I PHYI NANG BAR GSUM GYI ZHABS 'DEGS PHUL DU PHYIN PAR GYUR NAS, THUGS KYI GTAD SO THUN MONGS MA YIN PAR GNANG, BABS NAS KYANG MKHYEN DPYOD SHIN TU YANGS PAS, GRVA SA GSUM GYIS GTZOS DPAL RI BO DGA' LDAN PA'I BSTAN SRID SPYI'I SGROG SHING DU GYUR LA, SDE DPON RANG SRID RNAMS KYI BKA' BGROS KYI SNYING PO 'DRI BA'I YUL, GZHAN SRID KUN GYIS KYANG RE LTOS DANG MTHONG GZOS CHE BA DE NYID KYI PHYAG RJES, 'CHI BA MED PA'I KHANG BZANG LA CO 'DRI BA 'DI NYID BSKRUN PAR MDZAD CING, AAR PO'I SKABS, DBYANGS CAN GANG GI DBANG PHYUGS SKYONG BKRA SHIS RAB BRTAN PAS THUGS KHUR MNYAM BZHES KYI RNAM PHAS, ZHAL BKOD DANG 'U LAG GTONG BA SOGS MTHUN RKYEN MANG DU BSGRUBS, ZHAL BKOD LA PHEBS RES KYI SDE BA DPON G-YON TSANG MAS DAN 'BAG MDA' NAS CHIBS LAS BSHOL TE RTZIG RDO BSKYED PA, RJE BTZUN

MI LAS SA MKHAR DGU THOG RTZIG PA LA 'GRAN BZOD PA LTA BU MDZAD SKAD, DE LTA BU'I PHO BRANG 'DIR PHEBS TZAM NYID NAS THUGS BAG PHEBS SHING, SNGON GNAS RJES SU DRAN PA'I GSUNG MANG DU BYON PAR SNANG, MKHAR LOS, DGA' BA'I TSAL GYI DPAL LDAN BA, ,PHYAG NA PADMO'I PHO BRANG DU, ,PHEBS TSE SNGA DRO DGONGS KHYAD LAS, ,GSAL BA'I SNGON BYUNG RJES SU DRAN, ,RGYA LEGS CHOS MJAD LA SOGS PAS, ,GZAB BSHOMS GZIGS KHANG GONG LA SOGS, ,SPYI SGER MANG POS MCHOD PA'I TSE, ,CHOS KYI GLENG MO'I SPRIN DBYANGS DANG, ,BYIN RLABS CHAR PA CI YANG PHAB, ,CES SO, ,GANGS CAN 'GRO LA RJES BRTZE'I GZHAN GSOS KYIS, ,LAS SMON MGRIN PA'I DBYANGS SNYAN 'KHROM BA NA, ,'JIG RTEN DBANG PHYUG SOS KYI DPAL MO'I BZHIN, ,S'A LA'I LJONGS KYI NOR 'DZIN LTO BAR NGOM, ,RIGS RUS STOBS 'BYOR RDO RJE RTZE BRGYA PAS, ,CHEN PO'I LHA MIN DREGS PA'I MNGAL LHUNG YANG, ,BDAG BSTOD GZHAN SMOD GTZOR 'DZIN MI BSRUNG YID, ,MI LDAN KHYOD NI SA 'DI'I BRGYA BYIN BZHIN, ,KHUNGS CAN SGO GSHOG DANG BAL PHA WANG RNAMS, ,BZANG POR RDZU BA'I GYA GYU'I THABS 'PHRUL GYIS, ,RTZONG MED YONGS GRAGS CHEN PO'I BYA RGOD STENG, ,BGROD 'DOD NGANG TSUL MTHONG TSE KHYOD LA DANG, DE YANG PHYAG MDZOD GU SHRI CHEN PO SOG YUL DU GDAN 'DREN LA 'BYON SKABS, SKU MDUN RIN BA CHE DANG BKA' 'GROS ZHIB TU BYUNG BA DANG, GZHAN YANG DRUNG YIG 'JAM SRAS CHOS KYI RGYA MTSO SOGS, RJE GONG MA'I DRUNG 'KHOR DANG ZHAL SLOB NYAMS MYONG CAN MANG PO DAG MGRIN GCIG TU, MCHOG GI SPRUL SKU DBUS SU PHEBS NAS THEG PA CHEN PO'I YONGS 'DZIN

, ,ZHIG NI MED DU MI RUNG BA'I YAN LAG YIN LA, DE YANG DBU'I GTZUG PHUD 'BUL BA DANG RAB TU BYUNG BA'I MKHAN SLOB NI, GDAN SA CHEN PO DG'A LDAN NAS KHRI RIN PO CHE GDAN ZUR RNAMS 'OS PA GZHIR BCAS KYANG, DBANG LUNG MAN NGAG GI RIGS MANG PO GSAN PAR, SKUN SMIN PAS SKU GZUGS KYI LCOGS MI LCOGS KYANG YONG ZHING, LHAG TU MDO SNGAGS KYI GZHUNG BSHANG LA MKHYEN PA CHE BA LAS GZHAN MA'I RIGS LA GSAN RGYA MI CHEBS, DE PHYIN DBUS GTZANG DU BLA MA DKYUS MA LAS; LUGS GNYIS KA GNAS 'OS PA ZHIG MI 'DUG PAS, BA SO SPRUL PA'I SKU LHA DBANG CHOS KYI RGYA MTSO 'DI PA, 'JIG RTEN PHYOGS NAS BLA CHEN GYI GOS DANG YANG LDAN ZHING, CHOS PHYOGS NAS RJE GONG MA DANG, ZHAL LNGA NAS BDE BA CAN PA, DRUNG PA LHA'I BTZUN PA SOGS YONGS GRAGS KYI BSHES GNYEN MANG PO BSTEN NAS, MDO RGYUD KYI BSHAD SROL DBANG LUNG GDAMS PA'I MNGA' BDAG CHEN POR GYUR PA 'DI SPYAN DANGS PA 'THAD CES GRENG ZHING, BKA' 'GROS MTHUN PAR BRTEN, SGAR PA DBUS PHYOGS SU PHEBS PA DANG LHAN CIG PAR, BAR KHAMS SU RJE DRUNG RIN PO CHE GDAN 'DREN PA LTAR PHEBS RTZES LA, MI 'GYANGS PAR DAG PA'I ZHING DU GSHEGS PAS STABS MA 'GRIG 'DUG, GZA' TSES PHUN SUM TSOGS PAR RA SA 'PHRUL SNANG GI GTZUG LAG KHANG CHEN POR, SANGS RGYAS DNGOS DANG KHYAD PAR MA MCHIS PA'I JO BO SH'AKYA MI NE'U DRUNG DU, RAB TU BYUNG BA'I MKHAN PO DGA' LDAN KHRI RIN PO CHE ZUR PA ZHAL LNGA NAS SANGS RGYAS RIN CEN DANG, SLOB DPON KHRI RIN PO CHE, LAS THOG PA ZHAL SNGA NAS DGE

'DUN RGYAL MTSAN GYIS GNANG STE, LCANG LO'I 'PHRENG BA RING DU DOR NAS RAB TU BYUNG BA'I DGE TSUL GYI DNGOS PO BZHES NAS, 'GRO BA KUN GYI YON GNAS BLA NA MED PAR GYUR TE, ,RJE ZHAL SNGA NAS SANGS RGYAS RIN CEN DE LA, DRUNG 'TSOB 'DAN PA SOGS MANG PAS BDUD KYI SBRUL PA YIN ZHES SBO BTAGS SHING, LHA RTZE DPON MOS GTER NAS BTON PA'I LUGS SU BYED PA'U RDZUN GTAM GYI GLEGS BAM ZHIG 'DUG PA DE'I NANG NA, RJE BLA MA'I KHRI LA BUDDHA'I MING CAN ZHIG BYUNG BA NA, BSTAN PA LA 'PHEL 'GRIB YONG ZHING, DE BDUD KYI SPRUL PA YIN PA'I PHYOGS MANG MANG PO ZHIG 'DUG PA LA, MKHAS PA DANG, BTZUN PA DANG, GRUB PA DANG, , [?] BZANG BA DANG, RTAG TSUGS ZIN PA DANG, GZHAN LA 'GRAM CHU MI LDANG BA DANG, SGAM SDIG MOR BYED PA MANG PO ZHIG MGO 'KHOR TE BDEN PAR BZUNG NAS RJE SANGS RIN PA LA SMOD NA'ANG, ,KHONG SKU TSE DE LA MDO SNGAGS LA SBYANGS BA'I DGE BSHES ZHIG YIN PA LAS SPROS PA'I DAM PA'I RIGS DANG BDUD KYI RIGS GNYIS KA MIN PA 'DRA STE, BDUD KYI RIGS KYI RTAGS YOD SKAD MTHOS ZHING, LA LA LHA THUR PHUR LNGA PA'I SKYE BA YIN PA 'DRA ZER BA'I PAR GTAM RGYU MTSAN DU BYAS NAS BUD YIN ZER NA'ANG, LHA ZUR PHUD LNGA PA YIN PA'I NGES PA CI YOD, GAL TE YIN DU SRID KHYAD, LHA DANG BDUD GNYIS MI GCIG PAS, RGYU MTSAN DE 'DRA RANG GI NANG CHA STON PA TZAM DU ZAD LA, LHA ZUR PHUD LNGA PA LA YANG DRANG DON NGAS DON GYI DGONGS PA LEN SHES DGOS PAS, GZUGS MED LA GZUGS MA 'CHOS PAR BTANG SNYOMS SU 'JOG PA ZHU, RAB BYUNG GNANG BA'I DUS DER DRUNG 'KHOR RNAMS KYIS BSKUL NAS,

, ,RTZES THANG BYANG MA NAS DPAL 'BYOR BSOD NAMS LHUN GRUB KYIS SKU BSTOD CIG RTZOM PA MDZAD, BDAG BSTOD GZHAN BSTOD MANG PO ZHIS 'DUG PA'I NANG NAS TSIG SBYOR LEGS PAR MTHONG, 'DI LTA STE, RJA BTZUN THAMS CAD MKHYEN CING GZIGS PA YON TAN RGYA MTSO DPAL BZANG PO LA BSTOD PA BYIN RLABS KYI ZA MA TOG CES BYA BA, RJE BTZUN BRTAN PA'I 'KHOR LO LA PHYAG 'TSAL LO, ,SPYAN RAS GZIGS MGON RGYAL BA'I 'BYUNG GNAS GANG, ,BSOD NAMS YON TAN 'BRAS 'BYIN DGE 'DUN ZHING, ,MKHAS GRUB RGYA MTSO'I DPAL GYIS DBANG PO'I 'GROR, ,SKU GSUM 'DONG RGUR STZOL LA GSOL BA 'DEBS, ,LUNG RTOGS YON TAN NOR BUS YONGS GANG ZHING, ,RMANG BYUNG 'PHRIN LAS RVABS 'PHRENG PHYOGS BCUR G-YO, ,THAR 'DOD KLU DBANG KUN GYI ROL GNAS MCHOG ,RJE BCUN RGYAL BA RGYA MTSOR GSOL BA 'DEBS, ,PHYAG NA PADMA'I THUGS RJE ZLA BAS 'PHEL, ,SPON LAM RI DBANG MCHOG GIS BSRUBS PA'I MTHUS, ,THUB BSTAN KUN 'GRO'I DBYINGS NA ROL RTZED MKHAN, ,RGYAL DBANG MTSAN MO'I MGON LA GSOL BA 'DEBS, ,DES 'BYUNG THI YI BZHON PAS NYER BSKUL TE, ,TSANGS SPYOD LHA LA ME YANGS BAR RTAG RGYU ZHING, ,SKYE RGU'I RMONGS MUN MTHA' DAG DRUNGS 'BYIN PA, ,KUN MKHYEN NYIN MO'I MGON LA GSOL BA 'DEBS, ,RGYA CHEN PO MTSAR SPYOD PA'I CHU GTER DPUS, ,RANG BDE MUN PA'I GO SKABS RGYANG BSRINGS TE, ,GZHAN DON BANG RIM RNAM PAR BKRAB CAN, ,ZLA MED LHUN PO'I DBANG POR GSOL BA 'DEBS, ,RNAM DPYOD GOM PA GCIG GIS RIG GNAS LNGA'I, ,SA CHEN LA DKONGS CHOS

MIN STOBS LDAN DPUNG, ,MTHAR MDZAD MKHYEN BRTZE'I PAD DKAR SBYAN YANGS PA, ,SKYABS MCHOG MTHO RIS GSAL LA GSOL BA 'DEBS, ,BDE BA'I KHYAD PAR GZHAN GYIS MI MTSON PA'I, ,ZHAL BZANG BDUD RTZI'I 'OD CAN MTHONG THOS DANG, ,DRAN REG TZAM GYIS DON LDAN DGA' BA'I MTHUS, ,'GRO KUN THAR PAR 'DREN LA GSOL BA 'DEBS, ,KHAMS GSUM MA LUS THUGS RJE'I 'OD RIS KYIS, ,KHYAB PAR BYUGS TE NGO MTSAR MDZAD PA'I GAR, ,ZAS GTZANG SRAS PO GZHAN BZHIN BSGYUR MKHAS PAS, ,RGYAL BA GNYIS PAR GYUR LAGS LA BA 'DABS, ,BKRA SHIS 'KHOR LOS MTSAN PA'I ZHAMS MTHIL ZUNG, ,GSER LDAN DGA' MA'I THONG NGU NGAL BSOS PA'I, ,RNAM PHRA'I RDUL DANG CHOS 'KHOR BSKOR GNAS KYANG, ,DAM PAS MCHOD BYAR MDZAD LA GSOL BA 'DEBS, ,RDUL GYI GRANGS BRGYAL YA DAM LHA TSOGS KUN, ,ZHAL GZIGS MTHU LDAN SRUNG MAS BKA' BZHAN DU, ,RAB 'BYAMS 'PHRIN LAS SGRUB PA'I MTHU STOBS CAN, ,PHUL BYUNG SKYABS KYI DAM PAR GSOL BA 'DEBS, ,CHOS KUN GSAL LER GZIGS PA'I SPYAN STONG LDAN,, MTHA' YAS LUS CAN SGROL BA'I THABS LA MKHAS, ,THAMS CAD MKHYEN CAS BRJOD PA DON LDAN PA'I, ,'DREN MCHOG THUGS RJE'I GTER LA GSOL BA 'DEBS, ,RGYAL BA KUN DNGOS RJE BTZUN BLA MA LA, ,SHUGS DRAG DANG PAS MDO TZAM BSTOD PA'I MTHUS, , BYANG CHUB BAR DU SKAD CIG MI 'BRAL BAR, ,DGYES BZHIN RJES SU 'DZIN PAR BYIN GYIS RLOBS, ,DE TSE SRID 'BYOR MTHA' DAG CHU SHING LTAR, ,SNYING PO MED PAR MTHONG NAS YID CAN RNAMS, ,RANG NYID GCIG BUS SGROL BA'I SNYING STOBS KYIS, ,RGYAL SRAS

, ,SPYOD LA SLOB PAR BYIN GYIS RLOBS, ,RNAM DAG DBANG GIS BDAG RGYUD SMIN BYAS SHING, ,ZAB LAM RIM GNYIS MCHOG GI LAM BZANG NAS, ,SKU GSUM GO 'PHANG MTHON BOR PHYIN GYUR TE, ,SNA TSOGS THABS KYIS 'GRO KUN 'DREN GYUR CIG ,RTZA BRGYUD BLA MA YI DAM LHA TSOGS DANG, ,MTHU LDAN SRUNG MA CHOS NYID BDEN PA'I MTHUS, ,DGE LEGS YON TAN NOR BU'I 'BYUNG GNAS MCHOG ,RGYAL BA RGYA MTSO BSKAL BRGYAR ZHABS BRTAN SHOG ,CAS PA 'DI NI MGON PO DE NYID RGYAL BA'I BSTAN PA LA DUR SMRIG 'DZIN PA'I ZLO SA GAR LHUR BZHES KYI TSUL BSTAN PA'I NYIN, ZHABS 'BRING PA RNAMS KYIS BSKUL BA DANG, RANG NYID KYANG DANG SBROS KUN NAS BLANGS TE RJE'I ZHABS DRUNG RANG DU, SH'AKYA'I DGE SLONG DPAL 'BYOR BSOD NAMS LHUN GRUB KYIS SUG BRIS SU BGYIS PA'I GNAS NI CHOS 'KHOR DPAL GYI LHA SA'O, ,'DIS KYANG BSTAN PA RIN PO CHE DAR ZHING RGYAS LA YUN RING DU GNAS PAR GYUR CIG ,CES SO, ,MKHAR NAG LO TZ'A BAS, JO BO SH'AKYA MU NA'I DRUNG, ,DGA' LDAN GDAN ZUR RNAM GNYIS LAS,, RAB BYUNG DBU SKYES DOR NAS KYANG, ,DUR SMRIG RIN CEN RGYAL MCHAN BZHES, ,SER 'BRAS SENG GE'I KHRIR 'KHOD PA, ,GSER GYIS GZHIR LHUN PO BZHIN, ,MI 'JIGS BZHI YI BANG RIM GYIS, ,RAB BRJID MNGON PAR MTHO LA 'DUD, ,SNYAN PAR GRAGS PA'I GDONG LNGA'I SGRAS, ,LTA DAN RI DAGS RNAMS SKRAG NAS, ,RANG RANG GRUB MTHA'I GNAS MAL DU, ,'JIGS BCAS SMOD PA'I 'KHUN BU 'BYIN, ,ZHES SO, ,DE'I TSE BOD DU PHEBS PA'I LEGS JA ZHU BAR BLA CHEN MI CHEN RNAMS KYI MI SNA DBYAR DUS KYI SPRIN LTAR

'DUS; KHYAD PAR SGAR CHEN NAS ZHVA DMAR THAMS CAD MKHYEN PA GAR DBANG CHOS KYI DBANG PHYUG CES, CHOS PHYOGS KYI SKU YON DANG, 'JIG RTEN GYI MKHYEN PA MTHA' DAG MTSUNGS PA MED PA'I RNAM DPYOD 'JIG RTEN GYI MES PO TSANGS PA DANG KHYAB 'JUG GI BLO'I RA BA LAS KYANG YONGS SU BRGAL BA DES, LEGS BYA'I ZHU SHOG 'BUL BA GNANG PA 'DI LTA STE, SEMS DPA' SA BRTOL THOG MA'I DUS NAS SNYING RJE'I CHU YI DBANG GYUR DRANG SRONG NGA RO SNYAN PA NGE LAS MCHOG GI THUGS KYI RTZA BA TSUGS, ,GRANGS MED BSKAL PAR LTA PA'I RI BO RDUL GYI DNGOS PO RNAM PAR 'THAG PA AE WAm TSOGS KYI 'KHRO LOS STOBS KYI LUS RAB RDZOGS, ,KHRO SREG GDUGS SU 'BAR BAS SNYING STOBS ZIL GYIS GNON PA DE DAG THABS KYI 'PHYANG MOR ZIN NAS DBUGS KYI NGAL GSO STON BYED PA'I, ,MA 'DRES YAN LAG RNAM PAR BSKYOD PA YONGS 'DU'I DBANG PO SH'AKYA'I SKYES MCHOG KHYOD KYIS 'JIG RTEN KUN TU DGE LEGS 'BRAS BU SBYIN BAR MDZOD, ,BLO BZANG GRAGS PA BDEN PA'I 'OD BRGYA PA, ,GSONG BO'I GZHUNG LUGS SRUBS SHING DES 'PHANGS PA'I, ,'BYUNG GNAS BSOD NAMS YON TAN CHU YI GTER, ,LUGS KYI KLUNG PHRAN BRGYA YIS GANG GYUR TAM, ,SHES BYA'I GNAD DON RIG GZHUNG 'OD KYI 'PHRENG BA NI, ,CHUN POR GYUR PA DE TSE GNAS LNGA DBANG PO'I GZHU, ,'TSER BAS BSTAN LA GSAL BYED RI MO'I BYED PO CAN, ,BDAG KYANG LAGS GSUNG TSON GYIS GZI 'OD 'BAR BAR GYUR, ,MTHO BTZUN RGYAL BO'I GDUNG 'DZIN ZHING, ,CHOS LDAN SNYAN PA DANG LHAN CIG ,PHYOGS 'DIR CHOS NOR DGA' STON GYI, ,MKHO RGU YONGS SU DAR BA DER, ,BGRANG BYA'I KHUR GYIS MI LCI YANG, ,BRJOD

, ,BYA RJOD BYED KHUR 'DZIN PA, ,DGE SLONG CHOS KYI DBANG PHYUG KYANG, ,DE LA LEGS PAR BRJOD PA'I SKYA, ,SMRA 'DOD SEMS KYI TSANGS BA YI, ,LTE BA CHU SKYES DBU MA'I SRAS, ,SNYAN DNGAGS DBYANGS CAN LHA MO 'DIS, ,RIG BA'I PAm WAm RGYUD LA DRANGS, ,KHRIMS NI RGYU DANG MI RGYUS BZHIN TU, ,YON TAN KUN GYI GZHI RTEN LEGS BA'I PHYIR, ,NYIS BRGYA LNGA BCU RTZA GSUM BSLAB BA'I GZHI, ,MNOS NAS BSTAN LA BYI DOR BYA BAR RIGS, ,RIG PA'I GNAS LA MKHAS PAR MA BYAS NA, , 'PHAGS MCHOG GIS KYANG KUN MKHYEN MI 'THOB CES, ,GSUNGS PHYIR RIG STOBS G-YENG BA MA 'DRING BAR, ,SHES BYA'I GNAS LA SBYANGS STOBS MCHOG DU MDZOD, ,GSANG BA'I SNGAGS KYI DKYIL 'KHOR DNGOS GRUB GZHIR, ,GSUNGS PAS RGYUD SDE RGYA MTSO RTEN BRTEN PA'I, ,RGYAL BA'I 'KHOR LO SMIN GROL DBANG DANG LAM, ,NGES GSANG 'PHYUG MED TSOGS BZHES PAR MDZOD, ,MCHOG GI NYE RGYU SGRUB PA KHO NA DE, ,SHIN TU ZAB PA'I RDZOGS RIM DBANG GI DON, ,GNYUG MA'I DE NYID PHYAG RGYA CHEN PO NI, ,LHAG PAR BSGOMS TE THUGS SU BYON PAR MDZOD, ,SNGON DUS BOD NA SNYING RJE'I DBANG SGYUR CHOS KYI RGYAL PO DANG, ,LO TZ'A BRTZON LDAN SROG GI DKA' PA LEN PA DE RNAMS KYIS, ,AA TI SHA ZHES GTZUG LAG RGYA MTSO'I BDAG PO SPYAN DRANGS NAS, , SANGS RGYAS BSTAN PA MI NUB RGYAL MTSAN PHYAR RO ZHES SU GRAGS, ,DE YI RJES SU KHA CHE ZLA BA MGON DANG SH'AKYA SHR'I, ,SO MA N'A THA SOGS KYIS BOD DU DGA' BA'I BSTAN PA SPAL, ,DUS DER LO PAn MKHAS GRUB BYON DANG BSTAN PA'I DAR TSUL LA, ,BSAMS

NA DA LTA MCHI MA BLAG PAS KHRUS KYANG RUNG BA TZAM, ,DE PHYIR ME LONG NANG GI GZUGS BRNYAN BZHIN, ,'DREN PA'I BSTAN PA DE LTAR GYUR PA NA, ,MKHAS BTZUN BZANG POR BSTOD PA'I SNYAN GRAGS KYIS, ,LUNG DANG RTOGS PA'I NYIN MOR MDZAD PAR RIGS, ,LCAGS LAS GSER DU 'GYUR BA LTAR, ,NYUNG DU MANG POR BLOS SPEL BAS, ,SKYES MTSAN DRA BAS SPREL BA YI, ,YAN LAG BSKYOD PA'I GAR BCAS TE, ,DON GYI LUS BZANG STOBS RGYAS SHING, ,RJOD BYED RGYAN GYI GDUB BU 'KHOR, ,BSNYAN NGAG DBYANGS LDAN DANG MO 'DI, , YON TAN RGYA MTSOS BSTEN PAR MDZOD, ,SHU BHAm; MASTU SARBA DZAG TAm, ,ZHES PA BRJOD BYA'I DON RIG PA'I GNAS LNGAL GSAN BSAM MDZAD DGOS TSUL SOGS, SNYAN SPRON LEGS PO YIN 'DUG, TSIG SBYOR NI, BKA' GDAMS GLEGS BAM LAS, ,'JIG RTEN DAG NI GRAGS PA'I RJES SU 'BRANGS, ,'JIG RTEN 'DAS PA GNAS LUGS SPYOD PAR BYED, ,CES PA LTAR, ,RJE ZHVA DMAR PA DE SNYAN NGAG MKHAS PAR GRAGS KYANG, GSUNG RTZOM GYI BABS RONG PA GONG RA LO TZ'A BA'I RGYUN GYI KHOB SHAG GE BA LAS SPROS PA'I, SNAR THANG PA DANG DPAL KHANG PA SOGS KYI SNYAN NGAG 'JAM PA DANG, RIN SPUNGS PA'I SHUGS CHE BA LTA BU'I YID 'PHROG PA NI MIN PAR SAMS SO, ,'ON KYANG DE'I LAN 'GREL CHAGS SHIG DGOS RGYUR, DRUNG 'KHOR RNAMS RGYUD DNGOS KYI 'BYOR PA RNAM THOS KYI BUL 'GRAN BAR NUS KYANG, SNYAN NGAG SOGS TSIG SBYOR SMRA BA'I LJAGS RKYONG BA NYIN MO'I SKAR MA LTAR SONG BAS, DE'I LAN 'DABS BYED PA PO SU 'DRA ZHIG 'OS ZHES GLENG PA MA RJE GONG MA'I DBON PO RTZE KHA BA'I SDE PA RGYAL CHEN PA ZHES, YIG RIGS SOGS

, ,YON TAN DANG SHES RAB KYI NOR LA SPYOD PA DE DANG, BZHU KHANG RAB 'BYAMS PA DGE LEGS LHUN GRUB CES GSUNG 'JAM ZHI ZHING DUL DUL LTAR STON BA DE GNYIS BGROS THOG NAS BRIS PA, BSNYEN RDZOGS GNANG DGOS PA'I LAN DU DGUNG LO NYI SHU MA LON ZHES PA DANG, RIG PA'I GNAS LNGA LA SBYANG DGOS PA'I LAN DU, CHOS THAMS CAD SNGON DU THUGS SU CHUD ZIN ZHES SOGS 'BREL MED RANG MTSANG STON PA'I LAN MANG PO BTAB SKAD, MKHAR NAG LO TZ'A BAS, DPAL LDAN BLA MAR SGAR CHEN NAS; ;'OD DPAG MED MNGAGS COD PAN CAN, ,GAR DBANG CHOS KYI DBANG PHYUG DANG, ,SPRUL SKU DPAG BSAM DBANG PO YIS, ,BSTOD BSNGAGS DANG BCAS LEGS JA PHUL, ,ZHES SO; ;DGA' LDAN KHRI GDAN ZUR GNYIS LA RE ZHIG GSUNG CHOS 'BUL BAR BZHUGS DGOS TSUL GNANG YAR, RJE ZHAL SNGA NAS ZUR PA GSUNG NGAG DOG PA DANG, KHRI RIN PO CHE LAS THOG PA YANG GSAN RGYA CHE RGYU MED 'DUG PA DANG BCAS DGONGS PA ZHU BA GNANG, RJE'I ZHAL SNGA NAS KHRI BA'I GSUNG LAS, DING SANG BKRA SHIS LHUN PO'I PAn CHEN KHRI LAS THOG PA 'DI NGED RANG GI SLOB MA YIN PAS, RGYUS YOD KYI ZHU BA LA DBANG LUNG GI GSAN RGYA YANG CHE RAB YOD PA DANG, SKUN GZHON PAS BKA' CHOS 'BUL BAR LCOGS PA YANG BZANG BA YOD PAS, KHONG GIS BKA' CHOS 'BUL MKHAN GNANG NA JI LTAR YONG ZHES 'CHAR STON MDZAD, DRUNG 'TSO 'DAN PA SOGS 'GA' ZHIG GIS DGA' LDAN KHRI GDAN ZUR, BA SO SBYUL SKU SOGS BLA CHEN YONGS GRAGS SHIG STABS MA 'GRIG PHYIN, BKRA SHIS LHUN PO'I PAn CHEN LAS SNGAGS PA'I SLOB DPON NAM MKHA'

BZANG PO 'DI 'OS PA 'DRA ZHES GLENG, GTZANG STOD BKRA SHIS LHUN PO NAS MKHAN SLOB TSANG MA MJAL BAR THEBS BA'I LAM DU, DPON SLOB PAn CHEN RIN PO CHE'I GZIGS SNANG LA, MIG 'PHRUL LTA BU'I KHYE'U DKAR PO SOGS YA MTSAN PA'I LTAS BYUNG BA PAn CHEN RIN PO CHE'I RNAM THAR DU GSAL, PHYAG RTEN LA 'OG RTAS GTZOS PA'I YOD 'BUL STA BU BYAS ZHES RNAM THAR DU 'DUG PA LTAR, DNGO BSHAMS YID SPRUL GYI MCHOD PA RGYA CHEN PO DANG BCAS TE THUGS DVANGS DVANGS DOD DOD MDZAD PAR MCHIS, 'GA' ZHIG GIS SKU CHAS YOD 'BUL MDZAD PA'I GTZO BO CHIBS PA YIN PA DE NYAMS MTSAR ZHES MA RENGS PA ZER NA'ANG, DE SKABS BKRA SHIS LHUN PO PAn CHEN DGE 'DUN GRUB KYI BZHED PA LTAR GYI BYA BRAL GRVA SAR SONG BA DANG, PAn CHEN RIN PO CHE YANG DBEN SA PA'I RGYUN GYI BYA BTANG SNYOMS CHUNG GI RNAM PAS PHYAG RDZAS RANG 'BYOR RGYU MED 'DUG PA RNAM THAR GYI BRJOD BYA DE KA SGRO BKUR DANG BRAL BA'O, ,KHRI RIN PO CHE DGE 'DUN RGYAL MTSAN GYI 'CHAR STON LTAR, ZHABS DRUNG RIN PO CHE DANG PHYAG MDZOD RNAM GNYIS BKA' BGROS THUGS RTZE MTHUN NAS KHONG DPON SLOB LA BKA' CHOS KYI SNYAN GSAN 'BUL BA GNANG, THUGS DGYES PA CHEN PO'I SGO NAS ZHAL GYIS BZHAS TE, BKRA SHIS LHUN PO'I SLOB DPON SOGS PHYIR SLOG, DPON SLOB RNAMS RA ZHIG 'BRAS SPUNGS SU GZHI PHAB NAS BZHUGS TE, GSUNG CHOS KYI RIM PA 'GRO GANG CHE PHUL, DPON SLOB RNAMS PHAN TSUN THUGS YID GCIG 'DRAS LTA BUR GYUR, THOG MAR MJAL SKABS BKRA SHIS LHUN PO SOGS GTZANG PHYOGS KYI PAn CHEN SPYI'I GDAN BZOS SA GDAN GRUM

, ,'JAGS KHA GDAN TZAM LA, BKA' CHOS GSAN NAS BZHUGS KHRI SOGS TI SHRI 'OS PA'I BKUR BZOS JE MTHOR GNANG, THAMS CAD MKHYEN PA DE BSHES GNYEN BSTEN TSUL LA 'BROM STON PA DNGOS YIN TSUL SOGS KYI RGYU MTSAN YANG YANG GSUNG BA THOS, MKHAR NAG LO TZ'A BAS, DE TSE BKRA SHIS LHUN PO NAS, ,MKHYEN PA'I SPYAN STONG RAB YANGS PA, ,DON GYI BRGYA BYIN DBEN SA PA, ,SLOB DPON NYE DBANG RNAMS DANG BCAS, ,'DIR BYON KUN BZANG MCHOD SPRIN BTAB, ,CHOS KUN MKHYEN NAS RING LON KYANG, ,PAn CHEN THAMS CAD MKHYEN PA LA, ,DBANG LUNG GDAMS PA'I TSOGS RNAMS GSAN, ,ZHES SO; ;'KHRO MO ZHES PA SHING 'BRUG GI CHO 'PHRUL CHAN PO'I SMON LAM GYI MCHOD PA'I GRAL DBUR PHEBS, DAD PA DANG LDAN PA MANG PO ZHAL MJAL GSUNG THOS KYI CHED DANG, LA LA DAG DE LO BYANG 'GRUL GTOS CHEN PO SLEBS PA'I GRAGS PA LA BRTEN, RNYED PA 'TSOL BA'I PHYIR DU 'ONGS PA SOGS PHYI LUS KYI RNAM 'GYUR GCIG PA LA, NANG SEMS KYI 'KHYER SO THA DAD PA'I TSOGS CHEN PO, KHYAMS RA STENG GSHOD BAR SKOR DANG BCAS PAR MI SHONG BA DANG LHAN CIG TU, JO SH'AKA RANG BYUNG LNGA LDAN SEGS RGYAL DANG DE SRAS MNGON SUM DU BZHUGS PA DANG KHYAD BAR MA MCHIS PA'I DRUNG DU SMON LAM GYI MTSAMS SBYOR DANG, 'O SKOL GYI STON PA SH'AKYA'I RGYAL PO'I 'KHRUNGS RABS SO BZHI PA'I CHOS THUN RE, LJAGS KLOG BZANG ZHING SGRA BRJOD DAG PA DANG BCAS TE GNANG BAS, KUN BOD SKAD KYI NANG NAS KYANG STOD LUNG MDA'I SKAD MA NYAMS PA 'DI 'DRA YA MTSAN ZHES GLENG, DING SANG DBUM GTZANG GI BLA MA SOG YUL DU SKYE BA BLANG PAR

GRAGS PA RNAMS, BOD SKAD GTZANG MA SMRA BA'I LJAGS BDAB CHAGS THI BA'I LCE LA 'GRAN BZOD PA'I NGANG TSUL RNAMS MTHONG NA, YA MTSAN PA'I GNAS SHIN TU YIN PAR GDA', SMON LAM GYI RIN CHOGS SU DPON SLOB GZHUNG SGER, 'DEBS 'BYAR GYI 'GRUL PA KHAG RNAMS DANG BCAS PAS MANG JA DANG, GOS DAR GSER DNGUL JA RAS SOGS KYI 'GYED [?] GRANGS MED PA BTANG BAS, GNOD SBYIN GYI BANG MDZOD LA LONGS SPYOD PA LTA BUR GYUR, MKHAR NAG LO TZ'A BAS, KHRO LO'I TSO 'PHRUL ZLA BA LA, ,LHAS SMON LAM MDZAD PA'I TSE, ,KHYAMS CHAN SKOR LAM TSOGS PAS GANG, ,GANGS RI DANG MTSUNGS PHYA MAR DANG, ,CHU GTER LA 'GRAN MANG JA DANG, ,DPAG BSAM SDONG PO'I 'DOD 'JO LTAR, ,CI 'DOD 'GYED BCAS TSIM PAR STZAL, ,KHYED LA DAD PA'I DMIGS SKOR DANG, , YI GE DRUG PA'I BZLAS BRJOD KYIS, ,'JIG RTEN DBANG PHYUG DA 'GRUB STE, ,BOD PA RNAMS KYI KHYED ZHAL MA JAL, ,ZHES SO; ;DE NAS PHO BRANG CHEN PO RGYAL KHAB GONG RI DKAR POR, LHA GZIGS MI'I DBANG PO BKA' BRGYUD RNAM PAR RGYAL BA'I LHAS SPYAN DRANGS NGE PHEBS, ZHABS DRUNG RIN PO CHE NGAG DBANG GRAGS PA DAG PA'I ZHING DU GSHEGS PA'I DGONGS RDZOGS [?] KYI GRAL DBU GNANG, GZHI LEN DANG SHANGS LEN RGYA CHEN POS MNYES PAR MDZAD, LHA GZIGS MI'I DBANG POR TSE RTA ZUNG 'BREL GYI BKA' CHOS DANG, RGYA HOR GYI SIL SNYAN SBUB CHOL SOGS DNGOS SPYAD KYI RIGS CAMS [?] CHE BA MANG PO SKU SKYOS KYI TSUL DU 'BUL BA GNANG, MCHOD YON THUGS YID GCIG TU 'DRES, ZHABS DRUNG RIN PO CHE 'DI 'BRUG PA KHO NA LA MOS ZHES ZER MKHAN MANG YANG, SNGAR RGYUN

, ,LA BRTEN PA'I RJE 'DI NYID LA THUGS MOS RE CHE YED PA 'DRA STE, SNGA PHYIR BKA' PHEBS GNANG BA'I LHONGS LA YANG GUS NYAMS CHE BA 'DUG, ,YAR LAM GNYOS RGYAL BA LHA NANG PA'I GDUNG BRGYUD GYI RE LTA'I BTZUN PA SRONG BTZAN TSANGS BAS BSNYEN BKUR BA BZHAS NAS CHOS DANG ZANG ZING GIS TSIM PAR MDZAD DE 'BRAS SPUNGS SU PHEBS, MKHAR NAG LA C'A [?] BAS, DE NAS GZHIS KA GONG DKAR DU, ,MI DBANG CHEN POS SPYAN DRANGS TE, ,MCHOD BA'I SPRIN PHUNG GTIBS KYIS MCHOD, ,CHOS DANG ZANG ZING GNANG BAS TSIM, ,DE NAS GYE RE LHA BTZUN PA, ,SRONG BTZAN TSANGS PAS GSOL BTAB PAS, ,ZAB DANG RGYA CHE'I CHOS GSUNGS SLAR, ,SER 'BRAS SKYID SHOD PHYOGS SU PHEBS, ,ZHES SO, ,DE NAS RJE GONG MA NA RIM GYI GDAN SA CHOS 'KHOR RGYAL MI 'GYUR LTUR GYIS GRUB PA'I GTZUG LAG KHANG DU CHIBS KHA BSGYUR, DPON SLOB PAn CHEN RIN PO CHES KYANG BKA' CHOS 'BUL KHYAD NAS ZHABS PHYIR PHEBS, 'PHRIN YIG GANG [?] MKHAN PHO NYAR, RGYAL BA KUN GYI MKHYEN BRTZE'I GTER GYUR BA, ,SNANG BA MTHA' YAS 'GRO MGON G-YU BRAG PAS, , YE SHES RNAM PAR ROL PAS LEGS BSKRUN PA'I, ,TSAL GUNG ZHES BYA DPAL LDAN HE RU KA'I, ,PHO BRANG DNGOS GYUR STON MTSAN KUN GSAL BA'I, ,DO SHAL SA LA LHUNG 'DRA'I DGON SDE ZUNG, ,LUGS GNYIS LHAN CIG SPYOD PA'I 'DUS PA'I TSOGS, ,BYU RU'I DO SHAL GCAL DU BKRAM 'DRA YOD, ,CES BSNGAGS PA'I YUL GYI GZHIS KA TSAL ZUR KHANG DANG, DER YANG MA CHAGS PHYIN LA MA RGAD MTSOR, ,RAB DKAR NGANG MO'I TSOGS KUN ROL PA BZHIN, ,PHUN TSOGS LO TOG DGOD PA'I LJANGS KHROD DU, ,BGRANG YAS SRONG

KHYER BKRAM PA'I YUL LJONGS YOD, ,DE NAS GDUGS GCIG BGRED LA RAB MTHO'I MKHAR, ,SNYEG 'DRA'I SA 'DZIN RTZEL DBANG PO'I GNAS, ,'PHOS 'DRA LHA MI'I PHUN TSOGS DGA' STON GYI, ,'BYUNG GNAS BDE BA CHEN PO'I PHO BRANG YOD, ,CES PA LTAR, SKYID SHED YER PHYOGS KYI YUL LJONGS SUM RTZEN GYI SKYED TSAL SA LA 'PHOS PA 'DRA BA BRGYUD DE BCAN RDZONG GSANG SNGAGS BDE BA CHEN PO DANG, DE DAG LAM DU DRAG TU GSHOG BSKYOD LA, ,MGYOGS PAR PHYIN LA LAGS BRIS DGA' TSAL LA, ,SKYO BA STER BA'I NOR LDAN DGA' MA NI, ,MDZES SDUG SBU LONG G-YO BA'I YUL LJONGS YOD, ,DE DAG DBUS SU ZLA BA BRTZEGS PA'I SPOR, ,'CHI MED BDAG PO'I KHANG BZANG SKYENGS BYED CING, ,LUGS GNYIS KUN GYI MDUN SA BRAG DKAR ZHES, ,PHUN TSOGS 'DOD DGU'I 'BYUNG GNAS PHO BRANG YOD, ,CES RDZONG CHEN BCU GSUM GYI YA GYAL PHO BRANG CHEN PO BRAG DKAR RNAMS SU, BYANG BRGYUD RGYAL BOR GRAGS PA'I STOBS 'BYOR DANG BSNYEMS PA PHUN TSUN GCIG LA GCIG 'GRAN BZOD PA'I, SA SKYONG BA G-YUL RGYAL NOR BU KHU DPON GYIS GDAN DRANGS TE, RDZONG GZHIS RNAMS SU ZHAG MANG TZAM RE BZHUGS, SKYID SHOD LUNG PA 'DOD DGU 'DZOM ZHING, SDE PA DPON G-YOG PHYAG RGYUN LAGS PAS, ZHABS TOG DBANGS MTHO ZHING DNGOS GTZANG BA ZHUS, DPON SLOB RNAMS MYUR DU PHABS BA LA RINGS PA'I SPROS PA MTHA' DAG MTSO LA KHA BA BABS PA LTAR GYUR, BZHUGS ZHAG MANG SAR DPON SLOB PAn CHEN RIN PO CHES LJAGS LUNG GTZO BOR GYUR PA'I BKA' CHOS 'BUL BA GNANG, MAL GRO BRGYUD, RIN CEN GLING CHOS SDE BAS BSNYEN

, ,BKUR ZHING; TSOGS SU BKA' CHOS KYI 'BREL BA STZAL, BDOG PA'I SKYES KYIS KUN RE BA YONGS SU BSKANG, SKYOD KYI LA BRGYUD GAR MI YON TAN G-YUNG DRUNG GI BSTI GNAS RDZING PHYI'I CHOS SDER PHEBS, DER MKHAN CHEN LUNG RIG SMRA BA BLO BZANG RGYA MTSO, YONGS GRAGS KYI MTSAN 'OL KHA SBA BA ZHES PA'I SKAD GRAGS CAN DES GTZOS, SPYI SGER TSANG MAS BKUR STI GYA NOM PA BSGRUBS, RDZING PHYI SKYA SER RNAMS LA LUGS GNYIS KYIS TSIM PAR MDZAD NAS 'OL KHA RTZER PHEBS, DAD PA'I RGYAN GYIS MDZES SHING GTONG BA'I PHYAG RING DU RKYONG BA'I NOR 'DZIN DBANG MO 'OL KHA DPON SAS GUS 'DUD PHUN SUM TSOGS PA BYAS, BLA MA DRI MA MED PA MTSO LAS SKYES PA'I RDO RJE DANG, MNYAM MED JO BO YAB SRAS KYIS LUNG BSTAN PA'I GNAS MCHOG CHOS 'KHOR RGYAL DU PHEBS, DGE 'DUN TSOGS BA RNAMS KYIS 'PHAN GDUGS RGYAL MTSAN BA DAN ROL MO'I RIGS DU MA DANG BCAS PA'I SDUN BA SUS, MCHOD KHANG NANG RTEN THAMS CAD ZHIB PAR MJAL ZHING, RI MTHIL GYI MGON KHANG RNAMS SU, GTOR GSOS SNYAN NGAR BSKANG GSO RNAMS RGYAS PAR MDZAD, TSOGS SU BKA' GDAMS GLEGS BAM GYI GSUNG CHOS DANG, ZLA SBREL GYI BAR DU MANG 'GYED SOGS LUGS GNYIS KYI DGA' STON MTHA' KLAS PA BYUNG, LCANG RA; GRU MDA', BANG RIM PA SOGS DVAGS NANG GI SKYA SER RNAMS MJAL BAR 'ONGS TE, GZHI BYES TSANG MAR BSNYEN BKUR RGYA CHER BSGRUBS, DE DAG RNAMS LA SO SO'I 'DOD CHOS CI RIGS PA DANG, JA GOS DAR GYI GNANG SBYIN BZANG BA MDZAD, SLAR SKYI SHOD DU CHIBS KHA BSGYUR, SE RA THEG

CHEN GLING DU PHEBS, SPYI SGER GYIS KUN TU BZANG PO'I MCHOD SBRIN LA 'BRAN BZOD PA'I ZHABS TOG ZHUS, BSDU BA RNAM PA BZHI'I SGO NAS CHOS SDE CHEN PO DE NYID KYI MCHOG DMAN MTHA' DAG LEGS PA'I LAM LA BKOD, 'BRAS SPUNGS SU PHEBS, MKHAR NAG LO TZ'A BAS, SA SKYONG G-YUL RKYAL NOR BU YIS, ,PHO BRANG KUN TU SPYAN DRANGS MCHOD, ,MAL GRO BRGYUD DE RIN CEN GLING, ,DER MCHOD CHOS 'KHOR RDZING PHYI NAS, ,MKHAN CHEN BLO BZANG RGYA MTSO NI, ,'KHOR DANG BCAS PAS CHIBS BSUR BYON, ,ZHAL GYI DKYIL 'KHOR MJAL MA THAG ,MIG DBANG TSIM ZHING DAD GUS 'PHEL, ,GLING DU PHEBS TSE SPYI SGER GYIS, ,BSOD NAMS PHUNG PO DPAG MED BSKRUN, ,SKYA SER STONG PHRAG DU MA LA, ,SNYAN PA'I GSUNG GIS DAM CHAS BSTAN, ,DE NAS STAG RTZE MTHONG SMON DU, ,MI YI DBANG MOS SPYAN DRANGS TE, ,MCHOD CING 'OL, BA'I SKYE RGU LA, ,DAM PA'I CHOS KYI SKYES GNANG NGO, ,NGO MTSAR CHE LDAN CHOS 'KHOR RGYAL, ,RGYAL BAS LUNG DU BSTAN PA'I GNAS, ,GNAS MCHOG DE RU PHEBS PA'I TSE, ,TSE DANG LDAN PA RNAMS KYIS MCHOD, ,MCHOD RTEN GSER SKU MI PHAM MGON, ,MGON KHYOD PHYOGS 'DI'I SKYE 'GRO'I DPAL, ,DPAL LDAN BLA MA DAM PA LA, ,LA LA DAD CING THAMS CAD GUS, ,GUS LDAN DVAGS PO'I SBYIN BDAG RNAMS, ,RNAM THAR GTZANG MA MJAL BAR 'TSOGS, ,TSOGS MCHOG DGE 'DUN DANG BCAS MCHOD, ,MCHOD 'OS MCHOD RNAMS SKAL BA BZANG, ,SLAR YANG 'OL KHA MAL DRO SOGS, ,DBU RU'I PHYOGS SU SKYID SHOD DANG, ,THEG CHEN GLING DANG 'BRAS SPUNGS SU, ,ZAB RGYAS CHOS KYI 'KHOR LO BSKOR, ,ZHES SO; ;ME PHO RTA'I LO

, ,SMAN LJONGS SA'I LTE BA YAR KLUNG GI PHYOGS SU CHIBS KYI KHA LO BSKYOD, BOD YUL GYI BLON PO RIG PA CAN 'BYUNG BA'I SA SPYAD RNAM PAR BKRA BA'I 'PHYONG RGYAS STAG RTZER, SA SKYONG CHEN PO RIG SNGAGS 'CHANG BA'I 'KHOR LOS SGYUR BA NGAG DBANG BSOD NAMS GRAGS PA SKU MCHED KYIS SPYAN DRANGS, RI BO SDE CHEN, SPYAN G-YAS PA, PHAG SDE PA, DPAL RI SGRUB SDE, BKRA SHIS BDE CHEN, CHOS LAM RIM BA, BDE STENG PA SOGS GRUB MTHA' RIS MED KYI DGON CHE CHUNG THAMS CAD 'DUS PA'I SER SBRENGS, CHIBS SU, YUL PA RNAMS KYI BRO GZHAS SHON SOGS RTZED SNA'I RIGS KUN GYI MIG GI GZIGS MOR TSAR DU DNGAR BAR GYUR, RTZER BZHUGS GRAL CHEN MO'I NYIN, GRAGS PA DON LDAN GYI GNAS LNGA RIG PA'I PAndI TA CHEN PO LO CHEN SANGS RGYAS DPAL BZANG GI ZHAL SLOB ZHAR MKHAR NAS RIG BYED PA 'JAM DPAL RDO RJE DANG, RGYA GAR RDO RJE GDAN TSUN BSKOR BA'I, PHAL SKAD KYI LO TZ'A BA, RGYAL BA'I BKA' 'GYUR RO COG LA THOS BSAM BYAS PA'I MKHAR NAG CHOS MDZAD DPAL 'BYOR RGYA MTSO GNYIS KYIS, SGRA RIG PA LA BRTEN PA'I 'GROS GTAM RGYAS PAR PHUL, NAR MA DANG DUS STON GYI ZHABS TOG, SKU GSUNG THUGS RTEN GYIS SNA DRANGS BA'I 'BUL BA SOGS RGYA CHER MJAD, ZHABS DRUNG SKU MCHED LA TSE RTA ZUNG 'BREL GYI BKA' DBANG DANG, GCANG SBYIN RGYA HOR GYI DNGOS SPYAD KYI SKYES STZAL, CHOS DBANG RIN PO CHE'I ZAB GTER GYI LAS BYANG LE'U BRGYAD PA'I CHOG BSGRIGS DANG BSTUN PA'I TSES BCU'I GAR 'CHAMS KYI RIM PA ZAB RGYAS SU 'BUL BA GNANG, DGON SO SO'I BLA MA GRVA RIGS RNAMS KYI RE BA YONGS

SU BSKANG, DE NAS PHEBS LAM DU MKHAR THOG DPON SAS BSNYER BKUR GYA NOM PA ZHUS, BOD SHING SGO CAN GYI RGYAL KHAB PHO BRANG CHEN PO SNE'U GDONG RTZER PHEBS, RTZE TSOGS PA, DKON GNYER, RAS CHUNG PHUG; RI BO CHOS GLING, BKRA SHIS CHOS SDE SOGS DGON CHE PHRA MTHA' DAG GIS BKOD PA KHYAD BAR DU 'PHAGS PA'I SER SBRENGS DANG, RIN CEN RGYAN SPROD DANG BCAS PA'I RTA PA BRGYA PHRAG BRGAL BA'I CHIBS BSU CHOS BZANG LHA'I MDUN SA'I DGA' STON LA 'GRAN BZOD PAR GYUR, MCHOD YON GYI MJAL 'JOM LA BKA' 'BREL MA GSAN GONG DU, PHYAG RTZE SPROD DAM LDEM MJAL GANG RUNG, BZHUGS GDAN MTHO DMA' MNYAM MNYAM LA DAN PAS, PHAN TSUN GYI MGRON GNYER RNAMS KYIS BZHAGS KHRI RGYAG PA LA RGYUG TSAD LA GZHAL, BRTAN BRTAN KHRIG KHRIG GI LUGS BYAS KYANG, SNE'U GDONG RTZE'I MGRON GNYER NYAMS MYONG CHES PAS, BZHUGS KHRI'I BAR BAR LA G-YAN PA SRAB MO BRDZANGS PAS, MJAL NAS JA GCIG TZAM BZHES TSE SNE'U GDONG ZHABS DRUNG BZHUGS KHRI MTHO BA BYUNG ZER, MI CHEN PO'I TSUGS KA 'DZIN PA'I 'OS SDE SRAD PHAG MO GRU PA SMOS CI DGOS, GZHAN MA RGYA NAG GONG MA'I LUNG LAS KYI MTHO BA 'DI LTA BU RNAMS PHYAG GDAN LA RTZEG PA RIGS MOD KYANG, SBYIR BLA CHEN DPON CHEN GYI GRAL DU RANG BYON MDZAD PA'I RIS RNAMS PHYAG GDAN YIG BSKUR NGA CHEN DBANG BTZAN LA RTZEG PA LAS, SANGS RGYAS KYI MDO RGYUD NAS LAN GCIG MA YIN PAR GSUNGS PA'I LAS RGYU 'BRAS ZER BA'I GAL PO CHE DE LA ZHIB CHA MDZAD NA LEGS SAM STE; SNYAN SBON PHUL KYANG THUGS LA 'THAD PA DKA' BAR SNANG NGO, ,RTZE ZHABS DRUNG RIN PO CHE LHA

, ,GZIGS MI PHAM DBANG BSGYUR RGYAL BO LA TSE DBANG 'BUL BA GNANG BAS, TSE BUM DBU THOG TU BZHAG PA'I SKABS BUM BA DUM BU GNYIS SU GAS PA NI MCHOD YON GNYIS KA'I SKU TSAL LTA BA 'DRA'O, ,AYON CHEN PO'I LUNG BSTAN DU ZHABS DRUNG 'DI NYID BYANG CHUB SEMS DPA' YIN BA DANG, DGUNG LO NYER LNGA LA BAR CHAD CHE BAR GSUNGS PA SOGS NI, BYI GLANG SDE GZAD KYI DUS THOG TU KHEL BAS NGES SHES 'DRONGS BAR SNANG NGO, ,TSOGS MKHAN CHEN PA RIN CEN RGYA MTSOS THOG DRANGS, SKYA SER MCHOG DMAN MTHA' DAG LA LUGS GNYIS KYI SGO NAS RE BA YONGS SU BSKANG, CHOS GRVA CHEN PO DPAL GYI RTZES THANG DU PHEBS, RTZES THANG LNGA MCHOD PA SPYI SGER KYIS ZHABS TOG BSNYEN BKUR GYI MTHIL LEN ZHUS, 'BRAS BU GLING PA DANG DO SNGON GRVA TSANG PA RNAMS KYIS MDZES MTSON TZAM BYAS, DAD MOS CAN RNAMS MJAL BA DANG, MI LUS PA RNAMS KYANG TSOD BRTAG PA DANG, BTANG SNYOMS BA RNAMS LTAD MO LTA BA SOGS LA 'ONGS TE KHROM DMAR NAG TU 'KHYIL, DE'I TSE GUS ZHEN PA ZHIG GIS, GZIMS DREL LA SKE RGYAN, G-YENG KHA KHAL KHEBS GRA GCIG PA ZHIG BYUNG NA YOD RGYUR 'DUG, KAR 'BRUG SOGS KYANG 'DI LTAR BYED ZHUS PAS, DE'I LAN DU PHYAG MDZOD GU SHRIS NGA RANG YANG DGE BSAM STE, BRGYA LA BYED DAM STONG LA KHYED LTA BUR 'DUG PAS, TSOD MA ZIN ZHES PHA ROL ZIL GNON GYI GSUNG BYON ZER, BOD BTZAN PO'I GDUNG BRGYUD, SDAB LHA RGYA RIBS GDAN DRANGS, RONG CHAD DKAR DANG, AE RE SGO CHOS RDZONG STE GZHIS GONG 'OG RNAMS SU ZHABS TOG DANG 'BUL CHEN YANG DAG BA MDZAD, SDE PA KHU DPON LA JI

LTAR BZHENG PA'I CHOS DANG, THUGS YID RANG DBANG MED PAR 'PHROG BA'I RGYA HOR GYI SPYAD PA MANG PO'I GNANG SBYIN MDZAD, AE DGON BDUN GYI GTZOS PA'I PHYOGS DE'I DGE LUGS, RNYING LUGS, SMYUNG GNAS RAS PA SOGS, RIS MED KYI DGON CHE CHUNG THAMS CAD LA CHOS DANG ZANG ZING GI PHAN PA RGYA CHEN PO STZAL, THU MI SAMBHO tA'I GDUNG 'DZIN YAR RGYAB DPON CHEN GYIS GDAN DRANGS, SRID GSUM RNAM RGYAL, RGYAL CHEN GLING, DOL LHUN GRUB LHA RTZE SOGS SO SOR BSNYEN BKUR PHUN SUM TSOGS PA ZHUS, BZHUGS GRAL CHEN MO'I NYIN, GSOL SDER SUM BRGYA THAM PA ZHUS PA, RJES MA GTZANG DU SDE PA LHUN PO RTZE PAS GSOL SDER LNGA BRGYA BSGRIGS PA KHA GRANGS MANG BA TZAM LAS, RGYA DPANGS DNGOS DAG MI DAG SOGS, YAR RGYAB BAS ZHUS PA'I ZUR TZAM DU YANG MI SLEBS 'DUG, SDE DPON GANG GI NANG DU YANG 'DI 'DRA BA MA BYUNG ZHES BRUNG 'KHOR RNAMS GLENG, PHO BRANG CHEN PO SNE'U GDONG RTZA, GONG DKAR, 'PHYONG RGYAS, YAR RGYAB; RGYA RI BA, LHUNG PO RTZE BA SOGS SNGA PHYI'I BZHUGS GRAL CHEN MO'I SKABS TSOR, PHYAG MDZOD, SLOB DPAN PA'I RIS DANG NANG SO RNAM PA RNAMS LA BANG KHEBS BSHUR MA GTONG BA SOGS, CHEN PO'I MDUN SAR 'OS BA'I SGRIGS BCA' BDAR NGO MTSAR ZHING BABS CHAGS PA BYUNG BAR SNANG, SDE PA DPON BLON LA TSE RTA'I BKA' 'BREL GNANG, RGYAL CHEN GLING GI GZHIS KA LCAGS RI DANG BCAS PAR PHYAG NAS ZHU BA SOGS GUS PA'I RNAM 'GYUR MANG BO MDZAD, PHYAGS PHYI DRUNG 'KHOR RNAMS KYI KHROD NAS SDE PA YAR RGYAB BA 'DI SNGAR PHAN SA LUGS SANG SANG YIN PA LA, DA CHA RANG PHYOGS SU 'GYUR BA LTA BU YIN 'DUGS PAS, GNANG CHA DBANGS CHE BA GNANG BA

, ,'GAB CES GUS PA LTAR, SNGAR GYI SBYIN BDAG RNYING BA RNGA MA NAG PO'I TSOGS MDOG CAN RNAMS LAS, GNANG CHA BCU 'GYUR GYI DGA' BA MDZAD, MCHOD YON THAMS CAD ZHAG GSUM GYI GSAR 'GROGS DE 'DI RES BYUNG, BYAMS PA GLING GI MCHOD RTEN BOD YUL NA 'GRAN ZLA MED PA DES GTZOS PA'I GNAS GZIGS GNANG, JO GDAN SA DGE KAR RNYING SOGS GRUB MTHA' RIS MED KYI SER SBRENGS PA LA MANG 'GYED KYIS TSIM PA MDZAD, MKHAR NAG LO TZ'A BAS, ZIL GNON LO LA G-YON RU'I PHYOGS, ,'PHYONG RGYAS STAG RTZE'I SA SKYOR DANG, ,MKHAR THOG SNE'U GDONG RTZE YI, ,GONG MA CHEN POS SPYAN DRANGS MCHOD, ,SRAS YUM BLON BCAS TSOGS CHEN PAR, ,TSE DBANG LA SOGS 'DOD CHOS GNANG, ,DE NAS RTZES THANG LNGA MCHOD PAS, ,SPYAN DRANGS SA DGE KAR BCAS KYI, , SER SBRENGS KHROM CHEN CHOGS PA LA, ,CHOS GSUNGS RTEN MCHOD MDZAD PA NA, ,NGO MTSAR LTAS BZANG BSAM MI KHYAB, ,NGAM SHOD BRGYUD DE AE PHYOGS SU, ,PHO BRANG RI SGO CHAD GAR DU, ,'OD GSAL LHA YI GDUNG BRGYUD PA, ,KHU DBON SRAS 'BANGS CHOS SDES MCHOD, ,CHOS NOR GYA NOM RGYA CHEN STZAL, ,DE NAS YAR RGYAB DPON CHEN GYIS, ,SPYAN DRANGS 'BYOR BA CHEN POS MCHOD, ,GRA DOL RNAMS KYI RTEN GZIGS MDZAD, ,KUN TU BZANG BO'I MCHOD SBRIN SPROS, ,ZHES SO; ;RIM GYIS CHOS SDE CHEN PO 'BRAS SPUNGS SU PHEBS, MI RING BAR, SDE PA SKYID SHOD BA DANG, BLA MA DUNG DKAR 'BRUG GRAGS SOGS PHUGS SU 'TSANGS PA 'DRA ZER, GANG LTAR DRUNG 'KHOR LA LA DAG RANG NYID BAG YANGS SU SPYOD RGYU MA BYUNG BA RGYU MTSAN DU BYAS TE, MI BSRUN SKYE BO GDUG PA'I SBRUL LTAR LCE GNYIS

DANG LDAN PA 'GA' ZHIG GIS, RKUN PO RNAMS KYIS KHYIR BTAGS PAS, ,RA SKYES KHUR BA BRAM ZES BOR, ,ZHES BA'I GTAM RGYUD DANG MTSUNGS PA'I G-YO 'PHRUL BYIS DPON SLOB GNYIS KYI BAR DU SEL BCUG, 'PHRAL GYI RKYEN SOG PO KHA THAN GYIS BYAS TE, PHYAG MDZONG GU SHRI CHEN PO ZUR DU BZHUGS DGOS PA'I BI NA YA KAS NUS PA CUNG ZAD THON BAR SNANG NGO, ,RE ZHIG SKU MTSAMS DAM PAR BCAD DE THUGS DAM ZAB MO'I NYAMS BZHAS LA BRTZON PAR, MKHAR NAG LO TZA BAS, DE NAS DHYA NA KA tA KA RA, ,THUGS DAM ZAB MO'I NYAMS BA ZHES LA, ,GZHOL BA'I BCAD RGYA DAM PAR MDZAD, ,RIM GNYIS LAM GYI RNAL 'BYOR 'PHEL, ,ZHES SO, ,DE NAS GTZANG PHYOGS KYI GRVA RIS SGYIN BDAG RNAMS KYIS GSOL BA BTAB STE ZHAL BZHES GNANG BA LTAR, BKRA SHIS LHUN PO NAS GDAN 'DREN BAR SHAR RTZE DPON SLOB DGRA 'DUL 'BYOR, 'BRAS SPUNGS NAS BZHUGS SGAR BTEG STE SNYUG LA'I THAD DU PHEBS PA'I TSE, DER LEGS BSHAD GLING PA DANG, LU PE GRVA TSANG GNYIS, DPAL LDAN SH'AKYA'I RJES SU ZHUGS PA'I 'DUS SDE, KHRO BA LA SLAR MI KHRO BA SOGS DGE SBYONG DU BYED PA'I CHOS BZHI LA SPYOD PAR KHAS 'CHE YANG, BYA ROG 'UG PA'I BRTUL ZHUGS YUN RING DU 'DZIN PA ZHIG YOD 'DUG CING, KHYAD PAR LEGS BSHAD GLING PA RNAMS, KHU PE GRVA TSANG BAS GTZO BYAS PHYOGS DER GRUB MTHA' MI GCIG PA RNAMS 'DON PA LA MNGON DU PHYOGS SHING, GSAR PA CHAGS 'JUG PA NI LTAG LA ZHIG, THUB NA DE'I THAD KYI NAM MKHA' LA BYA 'PHUR BA YANG 'GOG PA'I KAR LUGS KYI SPYAN LTOS DANG PHYAG LEN MA NYAMS PA, 'DI SKABS KYANG PHEBS LAM BKAG PAS, LNGA BRGYA THA MA'I ME LONG

, ,DU NANG RTAGS KYI GZUGS BRNYAN MTHA' DAG PHYA ROL TU GSAL TA PHYAG RGYA BA'I CHOS KYI RANG TSUGS BYE MA'I CHANG BU LTAR GYUR TO, ,DE NAS THON SDE DGON RNAMS KYIS, 'BUL BA ZHABS TOG BSNYEN BKUR MTHA' YAS BA BYUNG, SDE PA YAB SRAS KYI THOG DRANGS PA'I MCHOG DMAN GYI SKYE BO KUN CHOS DANG ZANG ZING GI SGO NAS RDZOGS LDAN GYI DGA' STON BSKRUN PAR MDZAD, 'U YUG BRGYUD SGAR PA DMANGS SKU MDUN RIN PO CHES GTZO MDZAD DE CHU LHO KHAR BTON CHIBS RAGS NYUNG BSDUS SHIG ZAB BU LUNG GI GNAS MJAL LA PHEBS, DE NAS SHANGS RI BO DGE 'PHEL GYI GNAS GZIGS MDZAD, GDAN SA 'OG RTZE GDONG BLA BRANG NAS, DPAL SA SKYA PA 'JAM DBYANGS KUN DGA' BSOD NAMS LHUN GRUB BKRA SHIS GRAGS PA RGYAL MTSAN DPAL BZANG POS LEGS BYA'I JA 'DREN RGYAS PAR BTANG, CHU LHO KHAR BTON TE DPEN SA DGON PAR PHEBS, SGRUB SDE PHO MO RNAMS LA CHOS DANG ZANG ZING GIS CHIM PAR MDZAD, BKRA SHIS LHUN POR PHEBS NYIN, YONGS RDZOGS BSTAN PA'I MNGA' BDAG, PAn CHEN RIN PO CHE BLO BZANG CHOS KYI RGYAL MTSAN DPAL BZANG POS DBU GNANG, SLOB DPON RNAM PA CHE BGRES SOGS KYIS CHIBS BSU LA PHEBS TE ZHABS THANG LA HRO ME BZHUGS PA GZIGS PAS, CHIBS LAS BSHOL BA GNANG BAR, LA LA DAG BSHES GNYEN STEN PA'I RNAM THAR DANG MTSUNGS PA 'DUG CES BSNGAGS PA BRJOD, GZHAN PHYOGS PA RNAMS KYIS 'BRAS SPUNGS SPRUL SKU DGE LUGS KYI BSTAN PA'I BDAG PO LTA BU YIN ZER BAR, KHONG DPON SLOB LA CHIBS BA 'BEBS BA GNANG BA ZHES NYAMS MTSAR MTSAR BYAS SKAD, DE'I RGYU MTSAN NI NGOR GYI MKHAN PO SOGS GDAN SA GONG 'OG

GI DBU BLAR GYUR PA'I RIS LA BDAG CHEN RIN PO CHE RNAMS SHIN TU GUS PA YIN 'DUG KYANG, 'GRAL GYI SNANG TSUL DBU BLA RNAMS KYIS BDUD BRGYUD ZHAL DOR PHYAG 'BUL BA SOGS 'JAM DBYANGS 'KHON GYI RIGS SU 'KHRUNGS PA RNAMS 'GRAN GYI ZLA MED DU 'DZIN PAR GDA', RIN PO CHE LHA RTZE BAR 'BRUG PA THAMS CAD MKHYEN PA DPAG BSAM DPANG POS BKA' CHOS GSAN PA'I SNYAN GSAN PHUL BAR, RIN PO CHES DED KYIS BKA' CHOS 'BUL BA MI YOD, NGES PAR 'BUL DGOS NA NGED LA BLA MA'I BKUR GZOS MI BYED PA'I DAN KHA DGOS CHOS RNAMS MAndAL GYI TSUL DU 'BUL GSUNG BA SOGS KAR 'BRUG LA YANG MIG LTOS NGE 'DRA ZHIG YOD SNANG BAS DE LA DPE BYAS PAR 'DUG, DGE 'DUN STONG PHRAG TU NYE BA'I SER SBRENGS DANG BCAS TE CHOS GRVA CHAN PO BKRA SHIS LHUN POR PHEBS, SPYI BLA BRANG PHYUG PO KHAG RNAMS KYIS SO SO'I GRVE KHANG DU GDAN DRANGS TE BSNYEN BKUR RGYA CHER BSKRUN, TSOGS SU MANG 'GYED DANG, DPON SLOB PAn CHEN RIN PO CHER BRGYA 'BUL SOGS SKU SKYOS KYI SHANGS LEN RGYAS PAR MDZAD, DAR BZHUGS RANG RIGS DANG DKYIL 'KHOR KUN GYI KHYAB BDAG PAn CHEN RIN PO CHE BLO BZANG CHOS KYI RGYAL MTSAN LA BKA' DBANG BKA' CHOS KYANG MANG DU GSAN, DE SNGA GTZANG SDE SRID PHUN TSOGS RNAM RGYAL GYI YUM DPON SA YAR RGYAB MA JO MJAL DANG GNYEN PHRAD LA 'BYON PA'I ZHOR DU 'BRAS SPUNGS KYI GNAS MJAL MDZAD BKA' CHOS GSAN PAS THUGS DAD KHYAD PAR CAN 'KHRUNGS BAS, 'DI RES SDE PA BGRES PA RNAMS JI LTAR MDZAD KYANG, DPON SA YUM SRAS GNYIS RANG GUS 'DUD LHUR LEN RTZIS LA, DPON SA SKU TSES MA ZIN PAR BRTEN, RDZONG DU GDAN 'DREN MA ZHUS KYANG, JA

, ,ZHUS DANG GZAN ME SHING GI MTHUN RKYEN GANG LEGS MDZAD, BKRA SHIS LHUN PO'I THAMS CAD MKHYEN PA DGE 'DUN GRUB PA DPAL BZANG POS BZHENGS PA'I BYAMS CHEN DANG, DPAL LDAN LHA MO'I SKU SOGS GNAS GZIGS RNAMS GNANG PA RANG GZHAN BRJE NUS PA'I CHOS PA NGO MTSAR CAN JO BO BKA' GDAMS PA'I SDE DPAL SNAR THANG DANG, THAMS CAD MKHYEN PA DGE 'DUN GRUB KYI ZHAL SLOB PAn CHEN BZANG BKRA PAS BTAB PA'I GANGS CAN CHOS 'PHAL ZHES SNGAR RIG SNGAGS 'CHANG BA'I SDE, DUS PHYIS JO PO MTSAN NYID PA'I GRVA SAR SONG BA DE DANG, PAn GRUB GSUM GYI DNGOS SLOB KHRO PHU LO TZ'A BA BYAMS PA'I DPAL GYIS BZHENGS PA'I GTZUG LAG KHANG RNAMS ZHABS KYIS BCAGS, GNAS DE DAG GI SKYA SAR KUN LA THAR PA'I SA BON BSKRUN, BSNYAN BKUR BA DE NA DANG LDAN PAR MDZAD, SDE PA SER MA BAS LHUN PO RTZER SPYAN DRANGS, BZHUGS GRAL CHEN MO'I NYIN GSOL SDER LNGA BRGYA TZAM BSGRIGS PA'I ZHABS TOG RGYA CHER ZHUS, DE MTSUNGS LHUN PO RTZE CHOS SDER PHEBS TE TSUR 'BUL PHAR GNANG 'GRAN BZOD PA LTA BUR GYUR, SDE PA RIN CEN RTZE PA DANG SRAS RGYUD PA MCHOD YON GYIS GDAN DRANGS RE BA DON DANG LDAN PAR MDZAD, DBUS SU CHIBS KHA BSGYUR BA'I LAM ZHOR DPAL 'KHOR BDE CHEN DU PHEBS, DGE LUGS KYI GRVA TSANG KHAG BDUN GYIS BSNYEN BKUR BZANG 'GRAN ZHUS, GUR PA DNGAR LDING PA GNYIS KYIS GAM 'TSAMS KYI GZIGS MO RGYAS PAR PHUL, SDE PA RGYAL RTZE BAS JA 'DREN ZHUS, GNAS RNYING DU ZHABS DRUNG NGAG GI DBANG PO KHU DBON GYIS SPYAN DRANGS, RGYA 'JAM DPAL GSANG BA'I SKU GDUNG BZHUGS PA'I GSER GDUNG GIS THOG DRANGS PHYI NANG GI GNAS

GZIGS RNAMS ZHIB PAR MDZAD, GTZANG DU BZHUGS RING SDE PA KARMA BSTAN SDUNG BA SOGS PHYAG LHUNG CAN MANG PAS MIGS PA'I RNAM LA GYUR BYUNG BAR, THUGS MA RENGS PAS RKYA SNGAGS 'CHANG CHEN PO'I SKU GDUNG GI SKU GZHOGS SU BSKANG GSO DANG, GCANG PA ZHAL NGO RNAMS KYI MTSAN NAS SMOS PA'I BZHES SGRA MDZAD PAR, GNAS RNYING ZHABS DRUNG THUGS 'CHAB NAS, KHYAD DPON SLOB DBUS SU PHEBS PA LAM LTOS NA'ANG, RED TSES DOG 'DIR SDOD DGOS PAS DA 'DRA ME GNANG BA ZHU ZHES ZHU BA PHUL, GNAS RNYING PA SDE DGON GYIS GUS 'DUD DPAG TU MED PA MDZAD CING, PHAR LUGS GNYIS KYI BDAG RKYEN TSAD LAS 'DAS PA GNANG, 'BRUG LUGS KYI GDAN SAR LUNG DU PHEBS, GDUNG BRGYUD NGAG DBANG BSTAN BA'I NYI MA DANG DPON NGAG DBANG RNAM RGYAL YAB SRAS KYIS GZHI LEN RGYAS PAR BTAB CHOS RJE SGRA CHUNG 'DI ZHABS DRUNG RIN PO CHE THAMS CAD MKHYEN PA BSOD NAMS RGYA MTSOR GTING NAS MOS BA ZHIG YOD 'DUG BAS, 'DI SKABS ZHABS TOG RGYA CHER ZHUS, NGED RANG PHYAG 'BUL RGYU YIN PAS, TSUR BZOS GNANG MA GNANG LA LTOS PA MED KYANG, KAR LUGS NANG 'DI LED DRAGS PA'I STABS KYIS, 'BRAS SPUNGS SPRUL SKUS LDANG BA TZAM YANG MA MDZAD PAR KHYOD KYIS PHYAG PHUL ZHES NGED TSO SKAR BA'I KHYU NAS BZHON YONG ZHUS PAR, DRUNG 'KHOR STONG BUR CAN 'GA' ZHIG GIS, RJE GONG MA'I DUS KYI GNAM DPANGS PAR BZHAG JING GIR GYI RIGS SU 'BUNGS PA TZAM GYIS KYANG KHONG LA LDANG BA GNANG MI THUB CES THAG BCAD BAS SKRE BO DPON SLOB MJAL BA'I SPROS BA DANG BRAL, BLU MA BLANGS PA'I GRE BZHIG DE RU 'DZER SKAD, SNGON DPAL LDAN SA SKYABS BOD KYI BDAG MDZAD PA'I TSE, DPA'

, ,RTAGS KYI GRAGS SNYAN CAN DPON CHEN AAG LEN GYI BRGYUD PA 'BROG KHRI DPAN PAS GUS 'DUD ZHUS, MKHAR NAG LO TZ'A BAS, PHUR BU SHAR TSE TSE LDAN RNAMS, ,G-YAS RU RU LAG 'DZIN MA'I GZHIR, ,GTZANG GI SA BDAG CHE CHUNG DANG, , CHOS SDE SO SOS SPYAN DRANGS TE, ,YUL PHYOGS RANG RANG GUS MCHOD BYAS, ,THOG MAR THON DANG RGYAL BYED TSAL, ,'U YUG SHANGS DANG ZA PHU LUNG, ,DE DAG TU PHEBS KUN GYIS MCHOD, ,SBYIN PA RNAM BZHIS TSIM PAR MDZAD, ,DGE 'PHEL GNAS GZIGS RTZA GDONG DU,, SA SKYA BDAG CHEN JA ZHUS DANG, ,LHO KHAR DBEN SA CHOS RJES MCHOD, ,DE NAS BKRA SHIS LHUN POR PHEBS, ,CHIBS BSU DANG BCAS SER SBRENGS DANG, ,BKOD PA KHYAD PAR 'PHAGS PAS MCHOD, ,GNAS LNGA RIG PA'I PAndI TA, ,BLO BZANG CHOS KYI RGYAL MTSAN ZHABS, , RGYAL BA YAB SRAS NYI ZLA ZUNG, ,ZHAL BA RGYAS CHOS KYI BDUD RTZI DANG, ,LONGS SPYOD CHEN POS DGE 'DUN RNAMS, ,TSIM MDZAD SKAL BZANG CI YANG SPEL, ,BSAM GRUB RTZE NAS JA ZHUS DANG, ,SNAR THANG GANGS CAN CHOS 'PHEL DANG, ,GNAS DANG KHRO PHU'I BAR DU PHEBS, ,DE NAS SRAD RGYUD RIN CEN RTZE, ,LHUN RTZE GNAS RNYING 'BRONG RTZE DANG, ,LCANG RA DPAL 'KHOR BDE CHEN DU, ,SPYAN DRANGS SER SBRENGS GAR 'CHAMS PHUL, ,RA LUNG RTEN MCHOD MDZAD PA'I TSE, ,'BRUG PA'I GDUNG BRGYUD YAB SRAS KYIS, ,BSNYEN BKUR YAR 'BROG SNA DKAR RTZER,, MCHOD CING, ZHES SO, ,RIM GYIS RGYAL KHAB CHEN PO GONG RI DKAR POR PHABS, DE'I TSE ZHVA DMAR MCHOG GI SPRUL SKU GDAN SA THEL DU BZHUGS, MJAL 'DZEM GNANG THUB NA BSTAN PA SPYI SGER DANG BOD 'PHANGS KYI BDE THABS LA SLABS CHE BA'I DGONGS GZHI KHYAD PAR

CAN LA BRTAN, DPON SLOB GNYIS KA MJAL 'DZOM GNANG BA ZHED PA'I SKOR YANG GI SKABS, DRUNG 'KHOR RNAMS KYIS RJE GONG MAS SGAR PA DANG MJAL BAR BKUR BZAS SOGS TSUL LDAN MA BYUNG, DA SGOS KYANG RJE ZHVA DMAR BA THUGS G-YO CHES PAS SNGAR DANG 'DRA, SNYAN SBRON PHUL KYANG GSAN RIS MIN PAS, NGED RANG RNAMS YAR LOG PHYIN NA MJAL 'DZOM GNANG THABS DANG BRAL 'GRO ZHES LDE CHUNG BA NANG SO PHU LUNG PA DANG, DRUNG 'TSO TSE 'DZIN MA GTOGS DRUNG 'KHRO NGO MA RNAMS KYIS 'BRAS SPUNGS SU LOG PHYIN PAS, MJAL PHRAD NA SOS THAN DUS KYI SPRIN PA LTAR GYUR, MKHAR NAG PO TZ'A BAS, DE NAS GONG DKAR DU, ,SPYAN DRANGS MI DBANG YAB SRAS DANG, ,BKA' BGRAS GAR DBANG SPRUL PA'I SKU, ,MJAL 'DZOM MDZAD NA BOD 'BANGS SPYI, ,BDE BAR DGONGS PA'I GLENG MO GNANG, ,PHAN PAR BZHED PA'I LHAG BSAM LA, ,SDIG TO'I PHYOGS KYIS LOG PAR BKAG ,CES SO; ;SNYAN GRAGS PAR BUS RING NAS DRANGS PA YI, ,LHUN GRUB 'PHRIN LAS MA LA YA YI DRIS, ,DBUS GTZANG 'DZIN MA'I KHYON KUN YONGS KHYA TSE, ,RGUD PA'I TSA GDUNG MING GI LHAG MAR BYAS, ,GRU 'DZIN RI BO'I SPO NAS PAD DKAR 'CHANG, ,RIN CEN RGYAN GYI 'PHRENG BA RING DOR NAS, DUR SMRIG GOS KYIS KLUBS TE DBYIG 'DZIN LHOR, ,BSOD NAMS ZHING DU BYON LA SU MI DANG, ,MI BSRUN BSAM SPYOR 'CHANG BA'I PHYIR NANG BGEGS, ,RANG GZHAN DU MAR SPRUL PA'I 'KHRUL 'KHOR GYIS, ,LNGA LNGA BRGYA'I RANG TSANG STON RNAMS MGON KHYOD KYI, ,SKYON MIN ZAS GCANG SRAS LA LAGS KAR BZHIN, ,DE NAS 'BRAS SPUNGS SU PHEBS RA ZHIG THUGS DAM ZAB MO'I NYAMS BZHES LHUR MDZAD CING BZHUGS PA'I SKABS, PHYOGS KYI GSER YIG PA DANG

, ,MJAL BAR 'ONGS PA 'GA' ZHIG LA 'DAN PA 'TSO BYED DANG POR PA CHOS MDZAD SOGS KYIS SGAR BA'I MJAL 'DZOM GYI YIG 'PHRUL 'DRA YIN 'OD SNYAM NAS, BRDUNG 'PHROG BYAS TE, PHO BRANG GI NANG DU RGYU 'GRUL BYED PA LHO BRAG MAR PA RGYA GAR DU 'BYON PA'I LAM LAS KYANG BGROD DKA' BA BYUNG, RA BSTOD 'CHAD NYAN LAS THOG PA, KHRI RIN PO CHE DKON COG CHOS 'PHEL GYIS MJAL BAR PHEBS PAS, KHONG GNYIS KYIS DBYUG PA PHYAR TE BRDEG TU CHAS PA NA, KHRI RIN PO CHE DE NYID THUGS DKYEL CHE BAS ZHAL MDANGS 'GYUR BA TZAM YANG MI MDZAD PAR 'DZUM GYIS BSUS BAS THAL MO YA GCIG GI DPER SONG, DUS PHYIS KYANG MI DE 'DRA'I RIS 'DUG CES THUGS KHREL BA'I GSUNG 'PHROS YANG YANG GNANG, MTSO KHA NAS DPON PO KHO LO CHE'I SRAS, LHA BTZUN CHE BA DANG, SE CHEN THA'I JIS GTZOS BA'I 'PHRUL BA DANG DMAG PHON CHE BA SLEBS, DE YANG SHING SPRUL LO, ,PHAG MO BA DANG ZHO DKAR NAG SOGS KYIS SDE BSKYID SHOD BA'I SGAR GTOR, SKYID SHOD KYI DRUNG 'KHRO MANG PO 'THAB GRAL DU BSHOR BA'I SDE GZAR SHIN TU TSAN CHE BA LANGS, DE'I RTZA BA YANG ZHVA DMAR BAS LEGS JA'I ZHU YIG PHUL BA'I LAN BZHU KHANG RAB 'BYAMS BA SOGS KYIS BOG PAR BTAB PA DE LA, ZHVA DMAR BA DANG DRUNG YIG 'JAM DBYANGS PA SOGS KYIS DGA' LDAN PHO BRANG GI DRUNG 'KHOR RNAMS LA YON TAN MED TSUL GYI NGAN RTZOM KHA YAR ZHIG DANG, RING POR MA LON PAR ZHVA DMAR BA LHA SAR PHEBS TE, JO BO'I SNYAN DAR GYI KHA YIG LA, GAB TSIG LA BRTEN PA'I NGAN RTZOM GYI RNAM BA MANG PO ZHIG MDZAD PA DE DKON GNYER DBON GYIS 'BRAS SPUNGS SU BSKYAL, DE'I NANG DU, BRAG TI

ZHAG GSUM GYI GRONG KHYER NA, ,KHONG RA GAN TSOGS PA'I RU RNON TSO, ,RJE CHOS DBYINGS RI DVAGS THANG BZHUGS LA, ,RVA RNO RTUL 'GRAN PA CI RANG YIN, ,DE MI 'BYUNG BA JO BO KHYED RANG GI SHES, ,ZHES SOGS LA SHES RAB CHE CHE MO MANG POS 'BRU GNYER BAR, BRAG TI ZHAG GSUM SE 'BRAS DGE GSUM, DAD LUGS G-YAG DANG KAR LUGS SENG GA LA SBYAR, RNA BA RNA YI AA LONG DE, ,SOR PHYED KYIS 'JAL RIN MI GDA' YANG, ,NAM ZHIG KHYAB 'JUG GI 'DOM PAS KYANG, ,MI 'KHYUD PA ZHIG BYUNG NA CHUG RANG BYED, ,CES PA KAR DGE'I KUN SLONG DA LTA SOR GYIS 'JAL RGYU MED PA LTA BU'I CHUNG BA DE, PHUGS 'PHEL NAS LHA KHYAB 'JUG GI 'DOM PAS KYANG MI 'KHYUNG PA'I DON DANG, MDOR NA SNYAN DAR GYI KHA YIG MTHA' DAG LA 'BRU RGYAB NAS, RANG PHYOGS LA DMIGS MA DMIGS CI LTAR NA'ANG, YIN PAR NGOS BZUNG STE GLENG BRJOD MANG PO BYAS, DE'I LAN LA, SOG POS SGAR PA'I RTA DRE'U PHYAGS PAS BSTAN 'GRO'I PHAN BDE 'JOMS PA'I GZHI CHEN PO THINGS PA YIN ZER, SNGON RJE CHOS GRAGS RGYA MTSOS, RIN SPUNGS DON YOD RDO RJE BSKUL NAS, GZHIS KA SNEL PA YUL BTON, SA NAG MAR DGON PA BTAB STE, SER 'BRAS RNAMS RANG SHUGS KYIS BSKAM 'GRO RTZIS KYI GNANG SGO LA BRTEN, KUN SLONG CHEN POR SONG BDAG RIM GYIS MI GSAL BAR GYUR PA RI MO RNYING PA GAB BA'I ZHIG GSOS LTA BUR SONG, GANG LTAR SDE GZAR SNGON MA'I LAN DU ZHI DRAG GANG 'OS BYED PAR 'ONGS PAR, ZHABS DRUNG G-YUL RGYAL NOR BU DANG, SKU MDUN RIN PO CHE SOGS 'JIG RTEN GYI MES PO RNAMS THUGS RTZE MTHUN PAR ZHI BA'I LA BA KHO NA MDZAD RTZIS THOG TU KHEL NA, RANG GZHAN THAMS CAD LA LEGS PA ZHIG YONG RGYU YIN 'DRA

, ,YANG; SKYID SHOD KYI SDE PA BSOD NAMS RNAM RGYAL DANG BDAN PA 'TSO BYED SOGS MANG PO ZHIG GIS SDE GZANG BYAS NA LEGS PA'I GROS SHED KYI DBANG DU SONG STE, PHAR RGOL GYI DUS ZING BSLANGS PAS, YAR GTZANG GI DPUNG CHEN PO SKYID SHOD NOR 'DZIN GYI LTA BAR 'ONG SA, SA CHA RDZONG GZHIS KYE BCAD GRAS DANG CHAD LAS BYUNG, HOR SOG GI DPUNG CHEN PO DUS MTHA'I RLUNG LTAR 'TSUB BA RNAMS DRAG PO MIG GSUM PA YANG 'DAR ZHUM ME GTONG PA'I SNGAGS RGAN RNAMS KYIS SKAD CIG LA RANG YUL DU BSKAD, MCHOD YON RNAMS MDZAD DKA' BAR GYUR, DE YANG BKA' CHEMS SU, GNYIS SKYES KYI CHA LUGS MA BLANGS PAR, ,'GU RU'I TSE DPAL RING BAR LUS, ,DPAL DE YI PHUN TSOGS YID DBANG GI ,DRAN YUL DU GYUR PAS SNANG BA SKYO, ,ZHES PA'I DON BOD DU PHEBS SKABS DBU SKRA LCANG LO CAN DANG SKU CHAS RAB BYUNG GI RTAGS SU YOD 'DUG PA, JO BO RIN PO CHE'I SKU MDUN DU DGU SKRA MA ZHUS PHAN BCAD KHYIM PA'I RTAGS CAN DU YOD NA SKU TSE MTHAR PHYIN CING MNGA' THANG CHE BAR 'ONG RGYU LA RTEN 'BREL 'PHYUGS PAS, BSTAN PA'I 'PHEL 'GRIB DANG ZHAM 'BRING BA LA BRTEN PA'I GRA 'GRIG MI 'GRIG SNA TSOGS 'BYUNG BA'I LUNG BSTAN DU BDON NO, ,RING POR MA LON PAR SER THEG BA CHEN PO'I GLING DU PHEBS, TSOGS SU SPYI CHOS GNANG BA DANG BCAS RGYUN RING TZAM BZHUGS, DE SKABS LAM PA RAB 'BYAMS PA BSOD NAMS GRAGS PAS, DPON SLOB PAn CHEN RIN PO CHER 'JIGS BYED KYI 'KHRUL 'KHOR SOGS PHYAG LEN MANG DU ZHUS, DPON SLOB RIN PO CHER MA BZHUGS PA JO NANG SPRUL SKU KUN DGA' SNYING POR ZHU BAR PHYIN, JO NANG SPRUL SKU LA KHONG RANG GI YAB MES SOGS

BLA MA GZHAN NAS BRGYUD PA'I 'JIGS BYED KYI CHOS BKA' RE MANG YOD 'DRA ZHING, SRAD RGYUD PA'I MGON KHANG GI SHING SGAM CHUNG DU ZHIG NAS RNYED PA'I GDAMS PA ZAB ZAB MO 'DRA'I DPE CHA 'BYOR BA RGYUN MED KYANG RDZOGS PAR ZHUS, DPON SLOB PAn CHEN RIN PO CHE'I PHYAG TU PHUL, 'DI SKOR GYI LO RGYUS KHUNGS DAG GI ZHIB CHA, GU GE GRUB CHEN SNYING STOBS RGYA MTSO DANG, LHA BA'I ZHABS DRUNG SKU SKYE BLO BZANG BSTAN PA DAR RGYAS SOGS MANG PO ZHIG GI NGAG NAS GLENG NGO, ,DE NAS DPON SLOB PAn CHEN RIN PO CHE'I BKA' SHOG BKA' NGAG DANG BCAS TE RAB 'BYAMS PA SKU ZHABS SU RDZONG STA GNANG PAS RANG BZHUGS THOG 'BYOR, ZHU DON GYI SNYING PO YAR GTZANG SOGS KYIS RANG PHYOGS KYI BLTAN BA LAM CHAN PO BYUNG BA 'DI LA, DED RANG LTA BUS SKU RIM GYI PHYAG G-YOG ZHU DGOS RGYUR, BSAM GRUB RTZE'I KHA 'OG HU SONG BAS BYED MA BDE BAS, RAB 'BYAMS PA 'DI PAS PHYAG G-YOG ZHUS NAS, SKU RIM GNANG DGOS TSUL GYI RGYU MTSAN ZHIB PAR YONG 'DUG, DE NAS RAB 'BYAMS PA BSOD GRAGS PAS MGO BYAS TE, THUGS DAM BSKANG GSO PA RNAMS KYI STENG DU BKA' RAB 'BYAMS KHA SHAS, SKU GZHOGS GRVA TSANG PHAN BDE LEGS BSHAD GLING PA'I GRVA PA RGAN GRVA KHA YAR DANG BCAS KHYON GCIG TU 'TSOGS NAS DRUG CU PA, YANG DGON RIN PO CHE DBON SLOB KYIS MGON PO PHYAG BZHI PA'I SGRUB PA, GUNG RUN DBYANGS DPON BAM [?] RU STOBS GSANG BA'I DBANG PHYUG, ZUR GYI SNGAGS 'CHANG CHEN PO GZHON NU DON GRUB, BYAR PO SNGAGS 'CHANG BA RNAMS KYIS, MGON PO ZHAL DANG, TSE 'CHAR GYI SGRUB PA BTZUGS, SGRUB KHAG MANG BAS GLING GSEB THAMS CAD RNGA BRDUNG 'UR CHIL LE BA BYUNG, DKA' BCU AA SKYAG ZER

, ,BA'I MTSAN NYID PA RGAN PO ZHIG GIS, STON PA SH'AKYA THUB PAS BYAMS PA'I TING NGE 'DZIN GYI SGO NAS BDUD BTUL BAR 'DUG, 'BROG PA LHA GSOL 'DRA BA 'DI SU'I LUGS YIN ZHES ZUR ZA BA BYAS SKAD, SGRUB KHAG SO SOS GTER ZOR 'PHEN PA'I NUB, DUS MIN DU RLUNG CHEN PO 'KHRUGS, GNAM SA RAL BA LTA BU'I 'BRUG SGRA DANG, DUS KYI ME LCE 'BAB PA LTA BU'I GLOG 'KHYUG CING SER BA DRAG PO DANG BCAS PO TA LA'I RDZONG GI LCAGS RI LA 'KHYUG BRGYAB STE, MNGON BRJOD GYI LTAS 'PHRAL DU BYUNG, MKHAR NAG LO TZ'A BAS, DE NAS SER 'BRAS GDAN SA CHER, ,RE ZHIG THUGS DAM ZAB BZHAS MDZAD, ,MI SRUNG SKYE BO'I DMAG DPUNG GIS, ,DBUS PHYOGS SROG CHAGS SDUG BSNGAL BAR, ,SNYING RJES BSKYOD PA'I SNGAGS KHANG DU, ,'GAL BYED LO LA GTOR ZOR GYIS, ,CHOS SKYONG RBAD PAS MUN CHEN NANG, ,LHUN STUG SPRIN 'KHRIGS GLOG 'KHYUG CING, ,NAM MKHA' RAL 'DRA'I SPRIN DBYANGS DGOD, ,LCE 'BAB SER ZHUN 'PHYUR BA'I RLABS, ,RI BO 'DAR BA'I 'UR SGRA NI, ,SHIN TU 'JIGS PAS SKRAG BYED PAS, ,RING POR MA THOGS DGRA BO RNAMS, ,NANG ZHIG SDIG PA'I TSAD BZHIN GYUR, ,DE SLAD 'DREN PA 'DI YI MTSAN, ,MTHU STOBS CHOS KYI RGYA MTSOR GSOL, ,ZHES SO, ,DE NAS 'BRAS SPUNGS SU PHEBS, SNGAGS KHANG DU SGRUB PA 'DZUGS PA SOGS SKU RIM RNAM GRANGS MANG DU MDZAD, THANG CIG DBYANGS DPON PAS DPAL LDAN LHA MO DMAG ZOR MA'I GTOR SGRUB MDZAD DE ZOR 'PHEN PA LA MNGON DU PHYOGS PA NA, RAB 'BYAMS PA BSOD NAMS GRAGS PA DANG, BRA NYI RAB 'BYAMS PA RNAMS KYIS PHRAG DOG GIS CHOS SKYONG 'DI BKA' GNYAN PAS GSHAGS GTOR

TZAM LAS ZOR MI 'GAB BAR CHAD 'ONG SNYAN 'BUL ZHUS PAR BRTEN, THUGS THE TSOM DU GYUR NAS GTOR ZOR 'PHANGS PA 'GAB MI 'GAB KYI PHEBS SGO GNANG BAS DBYANGS DPON PA THUGS 'UR TA, ,NGAS CHOS SKYONG 'DI'I MAN NGAG THAMS CAD RJE GONG MA DANG BA SO RJE DRUNG GI SKU GZHOGS SU ZHUN THAR BCAD, BSNYEN SGRUB TSAD DU 'KHYOL BAR BYAS, BZLAS PA RGYANG PA YANG BYA BA LHAG SONG BA YIN, DAN 'BAG YAS SNA MAS SNA LA THEM PA BCOL NAS SDOD DGOS PA'I DUS TSOD 'DI LA LAS SBYOR MI BYED NA GA TZA NA BYED, LO GSUM TSUN GYI SKU KHAG NGED RANG GI 'KHUR, KHONG TSOS GSHAGS GTOR BYED ZER BA'I NYA MGO CI NON, GSHAGS NA GSHAGS LUGS GTZUG BYED, GTOR NA GTOR LUGS BA, TZUG BYED CES SOGS MANG DU ZHUS NAS GTOR MA 'PHEN PAR THAG BCAD, SHA LA 'DEBS PA DANG, BYANG DMAR LA 'JUG PA'I LAS SBYOR MDZAD PAS, YAR GTZANG SKUR GSUM GYI ZHAL NGO RNAMS KYI MTSAN BYANG GI KHROD NAS, YAR RGYAB ZHABS DRUNG BDUD 'DUL GRAGS PA'I MTSAN THOG MAR BOR TE RTAGS MNGON SUM DU BYUNG, DE SKABS MNGON SPYOD KYI LAS SBYOR RNAM GRANGS HA CANG MANG PAS, RJE'I ZHAL SNGA NAS STAG LUNG BRAG PA DE THUGS CUNG ZAD MA RENGS PAR, THOG MAR SKYES BU CHE 'BRING CHUNG GSUM GYI LAM LA GO RIM MA LOG BAR KHRID NAS, RDO RJE THEG PA'I MCHOG THUN GYI DNGOS GRUB BSGRUB PA'I RIM PA RNAMS MDZAD DGOS PA LA, SKU YON GZHAN RNAMS 'BUL BA'I MGO BRES TZAM YANG MA DOD PAR, GSHIN RJE'I 'KHOR LO SOGS DRAG PO'I LAS SBYOR LA BTZAN KHRID DU BYAD PA 'DI, DBEN SA RJE DRUNG GI MDZAD LUGS THUGS LHUS MA THINGS GSUNGS SKAD, DGOS PA'I DBANG GI LAS SBYOR DE DAG GNANG DGOS NGES

, ,YIN TSE; RDO RJE SLOB DPON GYI GTZO BO DBYANGS DPON PAR MDZAD BCUG NA, KHONG THAMS CAD MKHYEN PA BSOD NAMS RGYA MTSO, RJE DRUNG LHA DBANG PA, BYANG BDAG PO YAB SRAS, CHOS RJE DAGS MA BA, SDE PA YUG NAS SOGS, SNGAGS 'CHANG KHA YOD LAG YOD MANG PO LA MAN NGAG GI ZHUN THAR BCAD PA'I KHUNGS LDAN YIN NA'ANG, KHOD DANG YANG DGON RIN PO CHE SOGS DPYOD LDAN RNAMS MDZAD MA BDE PAS REG LAM 'BYAR LTA BUR SONG, RAB 'BYAMS PA SHES RAB CHE YANG, RTO GE BA RGAN PO'I NYAMS KYI RTZING HRAL DANG, KHONG RANG GI RANG BZHIN LAS GRUB PA'I HANG RGYAG ZUNG DU 'BREL BA'I, MTHOR BRGYUD KYI PHYAG LEN LA MA LTOS PA'I RANG BZO MANG PO BYED YOD 'DUG GO ,DE YANG DPON SLOB PAn CHEN RIN PO CHER BKA' CHOS THOG MAR GSAN PA'I TSE, RDO RJE 'PHRENG BA'I SNYAN GSAN GNANG BAR, SNGA SOR NGED RANG GIS 'DI YONGS RDZOGS ZHU MYONG BA ZHIG MED PAS SLAR RTZOL BA DANG RTOG 'JUG SOGS BYED KHYAD NAS LO LNGA DRUG ZHIG GI BAR 'GYANGS CHA ZHUS, DE NAS 'BUL THUB PA BYED GSUNG PA'I ZHAL LEN GNANG, RAB 'BYAMS PA BSOD NAMS GRAGS PA JO NANG SPRUL SKU KUN DGA' SNYING PO'I DRUNG DU RDO RJE 'PHRENG BA'I DBANG ZHU BAR BTANG BA 'DRA ZER, 'GA' ZHIG NI BLA MA RIS SU MA BCAD PA'I GSUM BZHI ZHIG NAS KHU BSDUS GSUNG BA DNGOS SU THOS ZHES GLENG, GANG LTAR LCAGS PHAG NANG DU 'BRAS SPUNGS SU PHEBS TE, PAn CHEN CHOS KYI RGYAL PO NYID DKYIL 'KHOR RGYA MTSO'I GTZO BOR BZHENGS NAS RDO RJE 'PHRENG BA'I DBANG 'BUL BA GNANG, SDA BA SNANG RTZE NAS KYIS STON ZER BA'I GSANG BA'I LUNG BSTAN DU, NUB PHYOGS GTZANG GI PHYOGS NAS DMAG MCHO BRDOL, ,GRVA

DOL GZHUNG GSUM SBRANG MA RLUNG KHYER 'DRVA, ,ZHES PA'I LUNG BSTAN THOG TU BABS TE, DE LO GCANGS DPOR ZHANG THUGS 'DOD MA MNYAM PAR BRTEN, GTZANG DBUNG GTOS CHE BA YAR RGYAB TU 'BYOR, YAR RGYAB BA DPON BLON GSOL SKAL GYI STENG DU BZHUGS DGOS PA'I GNAS GSHIS LA BRTEN, MTSAN MTHU STOBS RGYA MTSO ZHAS BSGYUR, LO 'DI DAG GI SNGA PHYI RNAMS SU LHO BYANG GI 'GRUL PA GTOS CHER 'ONGS NAS, BRGYA 'BUL STONG 'BUL GRANGS KYIS MI CHOD PA PHUL, DE DAG LA SO SOR 'DOD CHOS KYI RIM PA GNANG ZANG ZING GI SGO NAS RE BA BKANG BA SOGS, LUGS ZUNG DANG 'BREL BA'I MDZAD PA 'PHRIN LAS BSAM GYIS MI KHYAB BO, ,AE MA DBAG BSAM YONGS 'DU'I LJON PA LAS, ,'DOD PA'I RE BA MA LUS YONGS SKONG PA, ,DNGOS PO'I NGO BO TZAM GYI GSHIS PHUGS LAS, ,PHUL BYUNG THUGS RJE CHEN POS BSKUL BA YIN, ,RANG BDE'I PHUN TSOGS 'CHA MED DGA' CHAL LAS, ,GZHAN PHYIR ME 'OBS LTA BU'I 'KHRO BA LA, ,DGA' BAR SPYOD 'DI 'PHAGS CHEN DAM PA YI, ,SNYING STOBS MCHOG LAS GZHAN GYI SPYOD YUL MIN,, 'GROL RJES SU BRTZE BA'I SNYING RJE'I LHA, ,MI BSRUN DGRA LA KHROS PA'I SGYU DRA'I GAR, ,BSTAN CHE GZHAN 'PHRUL GNAS NAS 'DOD LHA'I BU, ,'JIGS TE LUGS MED ZOL GYIS RDZU LA BRTEN, ,GTZANG SDE SRID PHUN TSOGS RNAM RGYAL LHA SAR PHEBS, TSE DBANG BRGYA RTZA DANG YAN LAG BRGYAD PA'I SDOM PA ZHU BA'I SNYAN GSAN BYUNG BA, GNANG THUB NA MCHOD YON TSANG MA LA SLEBS DKYUS CHE BA YONG RGYU YIN 'DRA YANG, RAB 'BYAMS PA BSOD NAMS GRAGS PAS, SDE PA GTZANG PA BSTAN DGRA YIN PAS DE 'DRA GNANG BA MI RIGS, MYUR DU

, ,BSGRAL BA YIN ZHES BKAG, RGYAL DU PHEBS PA'I LAM ZHOR BSAM YAS KYI GNAS GZIGS GNANG BA ZHAG LA, BSTAN SRUNG GNAD SBYIN CHEN PO DANG DPE DKAR LCOG TU MJAL BAR, DGYES PA'I RNAM 'GYUR MANG DU MDZAD, RGYAL DU DGUN KHA BZHUGS PA ZHIG LA, DBYAR DUS LTAR DRO ZHING CHU RNAMS GYANG LHUNG LHUNG SNYAN PA'I SGRA SGROG CING 'BAB PA BYUNG BAR, DBU MDZAD DBYANGS DPON YE SHES RGYA MTSOS DA LO DGUN SHIN TU DRO BA 'DI THUGS RJE'I SHUGS YIN PAR 'DUG ZHUS PAS, 'DI TZAM LA GNANG CI YOD, DING SANG MTHA' DMAG GIS BOD LA GNOD PA CHE BA YONG GRABS BYUNG RES KYI KHA GNON BYAS PA YIN, DA DUNG YANG NGAD KHAMS BZANG RIN SOG POS BOD LA GNOD PA MI YONG, CHOS RJE ZHVA DMAR BAS, GYOD KHA SMRAS KYI PHRUG GU MA SKYAS DAGS, ZHAS BKA' BKYON MDZAD BYUNG YANG, DE'I GNOD LAN DGOS PA MA BYAS, AYON PADMA YIN BYAS NA KHA CHES, AYON PAD 'DRA TZAM YIN BYAS KYANG CHOG PA YOD CES KYAL KA GSUNGS, THANG GCIG LHA SA'I MCHOD KHANG MJAL SKABS, LHA RJE DGE BA 'BUM GYIS GCUG LAG KHANG LA ZHABS TOG MDZAD PA'I GSUNG 'PHROS ZHIG LA BRTEN NAS, LAR 'KHOR BA 'DIR LAN MANG BO ZHIG 'KHOR TZAN, 'DI RU SKYE BA MA BLANGS ZHES MTHA' MI 'DUG GSUNG SKAD, SDE PA SKU RAB PA GRUB MTHA'I KUN SLONG LA BRTEN PA'I THUGS RU NGA ZHING PHRAG DOG PAS, BSTAN PA LA RE GNOD BYUNG BAS DE LA DMIGS PA'I LAS SBYOR GNANG RES KYIS, KHONG PA RDZONG GZHIS GSAR DU LON PA SOGS BSOD NAMS YAR 'GROR BYUNG BA NA, RAB 'BYAMS PA BSOD NAMS GRAGS PAS, SKU RAB PA 'DI TZ'A RI ZHING

SKYONG GIS BSKYABS PAR 'DUG, DA CHA THOG MAR ZHING SKYONG BSGRAL DGOS ZER NAS, 'JIGS BYED KYI DRAG PO'I SBYIN SREG TU LDUGS PA, RGYAL DGA' TSAL GYI MGON KHANG BO TA LA'I CHOS 'BYUNG STENG GI MGON KHANG DU, RJE GONG MA'I DUS BTZUGS PA'I ZHING SKYONG GI GTOR MA GTOR GRAL NAS 'DON PA SOGS RTZING SPYOD SNA TSOGS PA ZHIG BYAS, RAB 'BYAMS PA DANG, GZIMS KHANG GONG SPRUL PA'I SKU GNYIS SBYIN SREG LDUGS MKHAN YIN 'DUG PAR, NYIN GCIG KHONG RNAM GNYIS KYIS DGA' LDAN SO BRANG NAS SNGAGS KHANG DANG, GZIMS KHANG GONG DU DON GCOD CIG LA BYON PA, MCHOD KHANG GI RGYAB NAS KHONG DPON SLOB GNYIS KAS GZIGS PAR, GTZUG LAG LANG GI PU SHU LA SLEB LA KHAD BYAS PA'I MI NAG PO DAR NAG GI 'JOL BER GYON PA RKANG THANG CAN RTA NAG PO SGA SRAB KYIS SBRAS PA ZHIG GI 'THUR THAG NAS BZUNG STE, BSGRUGS SHIG LTA BA YIN NO ZAR, DA'I MOD LA RANG YAL DU SOR, RING PO MA LON PAR SPRUL PA'I SKU LHA SAR GSHEGS SKABS, MI NAG RTA NAG GI CHO 'PHUL CHEN PO DANG, RAB 'BYAMS PAR YANG RJES SU GTZANG BA'I BKA' BKYON PHOG PA SOGS, ME DANG SMA RA'I DPE KHO NA BYUNG, STONG SKOR ZHABS DRUNG RGYAL BA RGYA MTSO, 'PHAGS PA LHA'I MCHOG GI SPRUL SKU 'PHAGS PA CHOS KYI RGYAL PO, BA SO SPRUL SKU, BAD MO SPRUL SKU, SHER DBANG SPRUL SKU SOGS MDO STOD MDO SMAD DANG RGYA SOG GI BLA CHEN MANG PO PHEBS, YUL BABS DANG BSTUN PA'I ZANG ZING GI 'BUL BA GRANGS MED PA PHUL, CHOS DANG 'JIG RTEN GYI RE BA YONGS SU BKANG, 'PHAGS PA LHA DANG, BA SO SPRUL SKU GNYIS KYI GTZUG PHUD BZHAS, RDO RJE 'JIGS BYED BCU GSUM MA'I DBANG DANG, THAMS CAD MKHYEN PA DGE 'DUN RGYA MTSO'I BKA'

, ,'BUM THOR BU'I LJAGS LUNG GNANG, BDE MO SPRUL BA'I SKUS THOG MAR MJAL DUS, THAMS CAD MKHYEN PA DE RAB TU BYUNG BA ZHIG YIN PA GZHIR BCAS LA, DE NYIN NI KHYIM PA GOS DKAR CAN ZHIG SNANG ZHES GSUNGS PAS, NYE 'KHOR BA RNAMS KYIS, KHYED RANG SBYAN 'KHRUL BA YIN MONG, RAB TU BYUNG BA'I RTAGS KHO NA YIN 'DUG CES SMRA SKAD, THANG GCIG NI LHA KHRO BO ZHIS GI RNAM PAR GZIGS GSUNG BA DANG, NYIN GCIG DGA' LDAN PHO BRANG GI RAB GSAL DU BZHUGS PA'I TSE, BDE MO SPRUL SKUS KHONG RANG GCIG PUR BSHAR RGYAG LA BYON PAS, GSUM GDAN ZHIG GI STENG NA, DING SANG 'DRI CHA LA JI LTAR 'BYUNG BA LTAR GYI 'BROM STON PA'I SKU'I RNAM BA DANG, DE DANG ZHAL SPROD KYI TSUL DU MI GANG TZAM GYI MTHO BAR JO BO AA TI SHA KHRU GANG PA ZHIG 'OD KYI DKYIL NA SGO RE BZHUGS PA MTHONG BAS, RE ZHIG SMRA MA SHES PAR HUR RE LUS, BKA' LAS SPRUL PA'I SKU DER BZHUGS SHIG GSUNGS PA NA, NYAMS SNANG DA 'GAGS CHAR 'DUG, DE NAS RGYU MCHAN DE LTAR BYUNG ZHUS PAS, SPYAN 'KHRUL PA YIN ZHES ZHAL GYIS MI BZHES SKAD, RGYAL DANG 'OL KHA PHYOGS SU PHEBS, YUN RING BAR BZHUGS SHING MTHONG THOS DRAN REG GI SGO NAS 'GRO BA RNAMS SMIN GEL LA BKOD, ZHABS CUNG ZHIG BSNYUN PA LA CHAB CHAN GNANG, DE'I TSE SKU MDUN RIN PO CHE GSHEGS PA'I GNAS TSUL 'BUL MI SLEBS PAR, PHYAG MJOD BSOD NAMS RAB BRTAN LA, DGONGS RDZOGS GTONG LUGS KYI BSLAB STON DANG, NGED RANG RKANG BA'I 'PHROD BSTEN GRUB 'PHRAL SLEB YONG BKA' PHABS GNANG, DGUNG LO NYER DRUG PA SHING STAG HOR ZLA BCU GNYIS PA'I DUS TSES DAG BAR DPAL LDAN 'BRAS SPUNGS CHOS KYI SDA CHEN POR, DON GYI SLAD DU MTSAN NAS SMOS TE

PAn CHEN RIN PO CHE BLO BZANG CHOS KYI RGYAL MTSAN PAS MKHAN PO DANG, PAn CHEN BSOD NAMS GRAGS PA'I SPRUL SKU BSOD NAMS DGE LEGS DPAL BZANG GI LAS SLOB, GZHAN YANG GSANG STON DUS BGO BA SOGS LAS KYI KHA SKONG BA'I DGE 'DUN GRANGS TSANG BA'I DBUS SU, DAR CHOG NYES MED PHUN TSOGS KYI SGO NAS CHANGS PAR SPYOD PA'I GTZO BO BSNYEN PAR RDZOGS PA'I SDOM PA BZHES TE, NGUR SMRIG 'CHANG PA RNAMS KYI RGYAL MTSAN GYI TOG DAM PAR GYUR, MKHAR NAG LO TZ'A BAS, DE NAS KUN DGA'I GNAM LO LA, ,RGYAL ZLA DRAG TSES 'PHROD SBYOR BZANG ,DUS DAR DPAL LDAN 'BRAS SPUNGS SU, ,PAn CHEN THAMS CAD MKHYEN PA DANG, ,SPRUL SKU BSOD NAMS DGE LEGS DPAL, ,MKHAN SLOB DGE 'DUN KHA SKONG BCAS, ,NYES MED PHUN TSOGS BSNYEN PAR RDZOGS, ,ZHES SO, ,DE YANG ZHAL SNGA NAS KHRI RIN PO CHE SANGS RGYAS RIN CEN, KHRI RIN PO CHE DGE 'DUN RGYAL MTSAN, ZHAL SNGA NAS CHOS GNYER GRAGS PA, DPON SLOB PAn CHEN RIN PO CHE, GZIMS KHANG GONG SPRUL PA'I SKU, 'OL KHA NAS DRUNG PA MKHAS BTZUN PA, RJE NOR BU PA SOGS RANG PHYOGS NGOS KYI BLA MA MANG PO LA MDO SNGAGS KYI CHOS TSUL JI SNYED PA GSAN, DE YANG SPYIR DGE BA'I BSHES GNYEN BSTEN TSUL LA, 'BROM CHOS KYI RGYAL PO DANG, RJE BTZUN MI LA GNYIS KYI RNAM PAR THAR PA LA 'GRAN BZOD PA'I, THA NA BZHAD GAD DANG KU RE TZAM GYI PHYIR DU YANG MI GUS PA'I RNAM 'GYUR YA MI MDZAD RJE ZHAL SNGA NAS SANGS RGYAS RIN CEN GYI SKU GDUNG ZHUGS SU PHUL BA, SKU'I STOD KYI CHA CHER MA TSIG PA'I 'PHRAL DU LTA SNANG LEGS RGYU MED PA ZHIG SBYAN 'BEBS LA KHYAR YONGS PA, DER 'KHOR MANG PO ZHIG GIS YA NGA BA'I RNAM PA BYED PA LA, RJE 'DIS PHYAG TU GZHES SHING

, ,DBU THOG TU YUN RING PO'I BAR DU BZHAG NAS SMON LAM 'DEBS PA GNANG, 'OL KHA'I DRUNG PA MKHAS BTZUN PA DE, SNGE PA 'OL KHA BA'I MCHOD GNAS DGON SBUG GI BLA CHUNG YIN KYANG, KHONG BA LA BZHUGS GDAN MNYAM PA TZAM 'DING ZHING GSOL JA SOGS SNGON LA BZHES SU BCUG, DPON SLOB PAn CHEN RIN PO CHE DANG, GZIMS KHANG GONG SPRUL PA'I SKU GNYIS LA BKUR BZOS CHES PAS, DRUNG 'KHOR RNYING PA RNAMS BKA' CHOS GSAN YANG 'DI 'DRA RANG MI RIGS SNGAR NAS SROL MED CES MA RENGS PA CHEN PO BYAS, STONG SKOR ZHABS DRUNG 'JAM DBYANGS RGYA MTSO MJAL PAR BYON DUS, THOG MAR THAMS CAD MKHYEN PA MA GTOGS GZHAN LA MI 'DUD PAS, PAn CHEN RIN PO CHER PHYAG MI 'BUL, SLAR BSNYEN RDZOGS SOGS GSUNG CHOS ZHU RGYU YIN PAS DE SKABS SBYAG BKUR ZHU RGYU YIN TSUL MGRON GNYER RGYA YAGS PA BRGYUD SNYAN DU PHUL BAR MA DGYES PA'I BSKOR SBYANGS LAN GSUM GNANG STE, PHYAG 'PHRAL DU 'BUL BCUG PAR YANG, DRUNG 'KHOR RNAMS KYIS STONG SKOR BA BDEN ZHES GLENGS 'DUG KYANG, BSHES GNYEN BSTEN TSUL LA DGONGS BAR MNGON, DE YANG KHENGS DREGS KHON 'DZIN G-YO RGYU SOGS, TSUL MIN GYI SBYOD PAS MA GOS SHING, NGO TSA SHES SHING BAG DANG LDAN PA, DRANG ZHING GZHAN MGU BA'I THABS TSUL LHUR MDZAD PA'I RGYAL BA'I SRAS KYI RNAM PAR THAR PA 'DI NI MKHAS PA RNAMS MGU BA BSKYENG PA'I GNAS YIN LA, DING DUS KYI SKYE BO PHAL CHA BA RNAMS TSUL DE'I LDOG PHYOGS KHO NA NYAMS SU BSNGAR, BAN BTAGS NA CHOG MI SHES PAR GCIG BYUNG NA BRGYA STONG YONG DU RE, BYANG KHOG GI LHA KHANG DU GLO BA'I GROGS PO PADMA KHA ZUM BA'I NANG DU BUNG BA CHUD PA LTA BUR G-YO BA'I BYED PA PO

RNAMS KYIS NI, GNOD PA MA BYAS PA'AM LTA PHYOGS LEGS PA TZAM RE LA'ANG MSU BA LHUR BYED PAR SNANG MOD, DE LTA BU'I LNGA BRGYA MTHA' MA'I NGANG TSUL DANG LDAN PA'I SKYES BU MANG BOS, BYAS PA DRIN DU MI GZO BA'I SGO NAS, THUGS SUN BYUNG BA BYUNG NA'ANG, 'PHAGS CHEN DAM PA RNAMS NI, TSUL DE LTA BU'I SKYE BO LA LHAG PAR RJES SU BRTZE ZHING, SNYING STOBS CHEN POS SDUG BSNGAL MTHA' DAG DANG DU LEN PA LA RNAM PAR DPA' BA NI CHOS NYID YIN LA, GZHAN DAG RNAMS TSUL NGAN PAR SPYOD BA'ANG SHIN TU BDEN TA, TZ'U TA'I YUL DU SKYES PHYIN CHAD RKANG PA GNYIS MI 'BYUNG BA NI RANG GI RANG BZHIN CAN NO, ,BOD 'DIR DGRA GDONG 'JIGS GSUM GYI SHING RTA'I SROL 'BYED CHEN PO, 'JIG RTEN GYI MIG GCIG PU RJE BTZUN RVA CHEN ZHABS KYI PUR RIL [?] POR NANG RTEN LA BZHUGS SHING, 'JIM PA 'THEB SKYU RE LA RGYAL BA BTZONG KHA PA CHEN PO'I RDZU 'PHRUL GYIS YA MA R'A DZA STONG PHRAG RE BZLAS TE LJAGS CHAB MDZAD PA'I SKU BRNYAN BYIN RLABS CAN DE'I DRUNG DU, BZLAS BRJOD KYI RIM PA BGRANG BA LAS 'ANGS PA GNANG ZHING, SPYIR DAM PA RNAMS NI, GDUL BYA'I NGOR, MKHAS PA DANG, GRUB PA DANG, BTZUN PA DANG, BZANG BA SOGS, SNANG TSUL SNA TSOGS SU STON PA LAS, SKU TSE 'DI LA GTZO BONG SGRUB PA NYAMS LEN GYI RIM PA LA THUGS BZHOL BA ZHIG GO ,BDE CHEN RTZER BZHUGS BA ZHIG LA, SDE PA'I GZIMS CHUNG SHING RTZI SOGS LEGS SHOS DER, BZHUGS ME GNANG BAS, SDE BAS BZHUGS ME GZIMS CHUNG SHING RTZI MED PA 'DIR GNANG BZHU ZHUS PAS, BKA' LAS DE 'DRA MA DGOS, RDZONG GZHIS 'DI RNAMS BDAG SUS BYED DANG BED SUS SPYOD MI SHES PAS GTZIGS BYAS ZHAN 'DRA GSUNGS PAR, THAMS CAD SKU RTZED LTA BUR G-YANG, RING POR MA LON PAR BDE

, ,CHEN BRIG DKAR SOGS SDE SRID GTZANG BAR SHOR BAS, KUN YID CHES KYI GNAS SU GYUR, 'BRAS SPUNGS SU, LAS BYED BAS JA SNEL BO ZHIG GI SKOR LA RTZEG RTZEG BYAS PAS, DNGOS PO MANG PO ZHIG BZHUGS ME'I NANG DU 'DEBS PA GNANG BAR, ZABS 'BRING BA MANG POS LKOG TU, GNANG SGO 'DI 'DRA SMYO SPYOD DANG KHYAD PAR MI 'DUG CES SKUR PA SNA TSOGS SHIG BTAB, DE YANG SKYE BO DE DAG RNAMS ZANG ZING GI DNGOS BO GRA MO TZAM LA YANG, MIG GI 'BRAS BU LTAR GCES PAR BZUNG NAS, SNOD BRGYA STONG MANG PO GCIG NANG DU GCIG BCUG PA'I PHUGS SU, RGYAS BTAB STE CUNG ZAD TZAM CHUNG 'DZE'A [?] BAR GYUR NA'ANG, THUGS RNAM PAR SRED PA'I PADMA SER SNA'I MTSO NAD DU 'DAR BA'I DANG TSUL DE, BYANG CHUB SEMS DPA' SRID 'BYOR THAMS CAD CHU SHING LTAR GZIGS PA RNAMS LA RGYAS BKAB PAR 'DUG, DE NI MYUR DU GZHAN DON DU GSHEGS PA DANG, GRVA SA PHAN TSUN LA MI RTAG PA'I NGANG TSUL 'BYUNG BA'I BRDA CHOS DE GZHAN GYIS MGO BAR SNANG, DE YANG BYAG MDZOD GU SHRI CHEN BO'I RJES [?] SU, RJE GONG MA'I DBON PO RTZE KHA NAS CHOS RJE SOGS PHYAG MJOD KHUR LEN PA KHA YAR BYUNG BA, THAMS CAD MKHYEN PA DGE 'DUN RGYA MTSO'I GSUNG MGUR LAS, BLA MA'I ZHABS 'BRING NYE GNAS PHAL MO CHE, ,DKOR GYIS TSIG NAS LAS 'BRAS KHYAD DU GSOD, ,YUN DU 'GREGS PAS SKYON MTHONG DAD PA 'GRIB, ,CES GSUNGS PA'I DON DANG, RJE BTZUN MI LAS, DAD PA CAN GYI DAD RDZAS 'DI, SA LA BRGYAB NAS 'GAS, RDO LA BRGYAB NA RDO 'GAS ZHES PA LTAR, GANG GI 'PHRIN LAS KYI CHA SHAS LAS NYE BAR GRUB PA'I BDOG PA MANG POR LONGS SU SPYAD PA'I MA LCES, LUS NGAG YID GSUM GYI LTON PA RNAM PAR TSIG PAS, TSUL MIN

YID BYED KYI SAL BA'I MGAL DUM CHES CHER SBUNGS PA MANG PO ZHIG GIS, ZHABS PHYIR MI 'GYUR BA'I SPYOD PA MANG DU BYAS NA'ANG, RGYAL PO DGE STON, SDIG STON LA BRTZE BA'I LO RGYUS DANG, DE BZHIN GSHEGS PAS, SGRVA GCAN 'DZIN DANG LHAS BYIN GNYIS LA NYE RID MED CES BDEN TSIG MDZAD PAS, LHAS BYIN MA BZHU BA'I NAD LAS GROL BA SOGS MDO LAS BYUNG BA'I GTAM RGYUD KYI DON DANG MTSUNGS PAS, DE DAG LA LHAG PAR BRTZE ZHING SHIN TU MA RUNGS PA 'JAM PA GSUM GYIS 'DUL BAR MI NUS PA 'GA' ZHIG NI, RGYA BRTZA BYED MKHAN DANG BCAS PA MTHA' DAG LA, MNGON SPYOD KYI LAS SBYOR GYI SGO NAS TSAR GCOD BAR MDZAD DO ,STONG SKOR SPUL SKU 'JAM DBYANGS RGYA MTSOS GTZOS PA'I SOG YUL GYI 'GRUL PA GTOS CHEN PO SLEBS, YOS LO'I SMON LAM LA ZANG ZING GI LONGS SPYOD GNOD SBYIN GYI YUL DU SLEBS PA DANG 'DRA BAR GYUR, MANG 'GYED DANG 'BUL BA RNAM GRANGS MANG ZHING GYA NOM PAS, GRVA TSOGS DANG BLA TSOGS KYANG NGANG GIS 'PHEL, JA SNEL PO MANG NYUNG GI GLENG BRJOD SKOR LAM GYI KHYON THAMS CAD DAR DIR DU SONG, 'ON KYANG DA LO CHE 'DI BLOS BTANG NAS G-YA' DANG GANGS KYI MTSAMS SU GCIG PUR SGRUB PA MDZAD PA'I RNAL 'BYOR PA MNGA' RIS GRUB CHEN BRTZAN 'GRUS SNYING POS RNYED PA RNAMS, NAS RTZAM DU BSGRIL NAS TSOGS CHEN DU BSNYAN BKUR BA SOGS KYI PHYIR DU BYON PA, 'BRUM NAD KYIS LHA SANG GSHEGS PA DANG, SPRUL SKU BSANG NAMS DGE LEGS DPAL BZANG BO 'BRUM PA DANG ZHING SKYONG GI GNOD 'CHIR DGOS PA GNYIS BSDONGS NAS GSHEGS PAR BRTEN, SMAN LAM GYI BSGANG TZAM NAS TSOGS DBUR PAn CHEN RIN PO CHE BZHUGS SU BCUG, DPON SLOB BYINGS 'BRAS SPUNGS SU LOG PHABS, ME 'BRUGS

, ,ZLA BA GSUM PA'I NANG DU, RGYA NAG GONG MA RGYAL PO 'UN SHU WANG STE TA'I WANG GIS BLA MA BSOD NAMS BLO GROS SOGS RGYA MI MANG BO MNGAGS, KHYAB BDAG RDO RJE'I SANGS RGYAS KYI LAS KA DANG LAS ZHVA LAS GOS THAM KA PHUL, 'BRAS SPUNGS SU RGYA SPYI KHANG DU GDAN DRANGS TE, 'BUL BA DANG, RTZED SNA YA MTSAN PA MANG PO BYAS, RGYA NAG TU PHEBS DGOS PA'I SNYAN GSAN PHUL, RTEN 'BREL GYI SGO NAS ZHAL BZHES MDZAD, BLA MA BSOD NAMS BLO GROS KYIS RGYA YUL DU BZHENGS PA'I LHA KHANG LA, DGA' LDAN PHO BRANG GI RTZE NAS ZHAL DE PHYOGS SU GZIGS TE PHYAG NAS GTOR BAS, MCHOD KHANG GI PHYI NANG THAMS CAD DU NAS 'PHYAG RGYU YOD PA BYUNG ZHING, RTEN 'GA' ZHIG GI THUGS KAR ME TOG DNGOS SU BZUNG BA SOGS, BLO'I RAB LAS 'GONGS PA'I RDZU 'PHRUL GYI BKOD PA RGYA CHEN PO BSTAN, GSANG YIB CHAB TSAN LA PHEBS PA'I TSE RDO LA ZHABS RJES GSAL BAR BYUNG, MKHAR NAG LO TZ'A BAS, STONG SKOR SPRUL PA'I SKU LA SOGS, ,SOG 'GRUL MANG POS YANG DAG MCHAD, ,ME 'BRUG SHAR TSE SHAR PHYOGS NAS, ,NAG PA'I ZLA BAR RGYA NAG GI ,BKRA SHIS KHRI SGO'I KHRI THOG PA, ,'UN SHU WANG STE TA YI WANG, ,RGYAL DBANG BYED DBANG LI'I 'KHOR, ,RGYA MI MCHOD RDZAS THOGS PA DANG, ,RGYA MI BLA MA SLOB DPON RNAMS, ,RGYA MTSO'I GOS CAN STENG 'DI NA, ,RGYA CHEN MCHOD PA RAB TU BSHAMS, ,RGYA YI LAS ZHVA ZHU THOR BCAS, ,RGYA NAG PHYOGS LA PHEBS DGOS ZHES,, RGYA BSKYED ZHU BA NAN TAN BCAS, ,RGYA PHUBS CAN GYI GTZUG LAG KHANG, ,RGYA GAR NAS BYON RTEN RNAMS LA, ,MCHOD PAS PHYAG NAS DNGOS SU BZUNG, ,DE LA RING BSREL MANG DU BYON, ,ZHING BRJE MYA NGAN 'DA' BA'I BRDA, ,DE BZHIN GSANG YIB CHAB TSAN KHAR, ,RDOL ZHABS RJES

BZHAG NAS SLAR, ,SER 'BRAS SPUNGS CHOS SDER PHEBS, ,DE YANG MKHYEN BRTZE NUS GSUM GYI MDZAD PA'I CHA NAS, 'PHAGS PA RIGS GSUM GYI MGON PO'I YON TAN MTHA' DAG TSANG BAR MNGA' BA STE, RGYAL BA'I GSUNG RAB KYI TSIG DON GANG LA YANG, DKA' CHAGS LA MA LTOS PAR BRDA CAM BSTAN PAS MKHYEN, 'GRO BA SDUG BSNGAL GYIS GZIR BDAG LA PHAN PAR 'GYUR NA, RANG GI BDE BA GTONG BA LA CUNG ZAD CAM YANG NYAM NGA BA MI MDZAD, GZHAN GYIS SLONG NA DNGOS PO RIN THANG CHE CHUNG LA MA LTOS PA DANG, NA BZA' ZHAL DKAR SOGS PHYAG THOGS YOD PA ZHIG KYANG THE TSOM MED PAR GNANG BA NI RGYAL PO THAMS CAD SGROL GYI KHENGS PA 'PHROG NUS, GNAS SKABS SU THUGS CHUNG BLTAR STON YANG, DON DU GANG LA YANG 'JIGS PA MED PAR SENG GA LTA BU STE, DUS DER SKYID SHOD KYI LUNG PA THAMS CAD SDE SRID GTZANG PA'I MNGA' 'OG TU CHUD PA SOGS MDOR NA DBUS GCUNG PHAL CHER LA LUNG BSGYUR BAR BRTEN, GANGS CAN GYI LJONGS 'DI'I STOBS 'BYOR GYIS DREGS PA'I CHE TSE MOR RLOM PA DANG, TSE 'DI'I BYA BA BTANG BTANG MOR GRAGS PA SOGS THAMS CAD SA 'DAR RDO 'DAR LA SONG STE THUGS SHING SDONG GI YAL GA LTAR 'KHYOGS KYANG, 'PHRAL SRING SGRUB KYI MDA' LTAR DRANG ZHING, ZHAL PADMA'I 'DA' MA LTAR 'JAM PAS ZHI ZHING DUL DUL LTAR GYUR PA'I TSE, RJE 'DI NYID KYIS KHROM DMAR NAG 'KHYIL BA'I DBUS SU, GCANG PA DPON BLON GYI MTSAN NAS SMOS TE KHA SBYONG DBYE BAR MDZAD NAS, MTHU STOBS CHEN POS PHYOGS LAS RNAM PAR RGYAL BA'I RANG BZHIN CAN NO, ,NANG RDO RJE'I RNAL 'BYOR LA MNGA' BRNYES SHING, BLA MA DANG YI DAM GYI LHA MANG PO'I ZHAL GZIGS GSUNG GI GNANG BA RTZAL NA'ANG, GZHAN LA 'DI LTA BU BYUNG ZHES

, ,MI GSUNG PA THUGS DKYEL CHA, GSUNG RAB KYI DGA' GNAD 'GAR MKHAS PA RNAMS DPA' ZHUM PAR MDZAD KYANG, KHO BOS SLOB GNYER MA BYAS ZHES DMAN CHA KHO NA LEN, RJE 'DI NYID ZHABS BAD BRTEN PA'I RING, DPON PO KHO LO CHE'I SRAS CHE CHUNG GNYIS DMAG GI DPUNG TSOGS DANG BCAS LAN GRANGS MANG PO LHAGS TE, GTZANG SKUR SAGS GZHAN SNGA RNAMS LA, GNAD 'PHROD KYI G-YUL RLABS BO CHE GSHOM RTZIS KYI BONG DANG KHAD NYER 'BYOR BA NA, CHED GTAD MI SNA MNGAGS TE, 'JUN STANGS KYI GSUNG SGAM POS, DUS ZING GI SPROS PA THAMS CAD NYE BAR ZHI BAR MDZAD PAR BRTEN, ZHABS PAD BRTAN RING BOD LA MTHA' DMAG GIS GNOD PA MA BYUNG BA NI, RNAM THAR CHE SHOS GCIG TU SNANG, RGYU MCHAN DES NA, DPON SLOB PAn CHEN RIN PO CHE MNGA' RIS SU CHIBS KHA BSGYUR GDONG, DGA' LDAN PHO BRANG NAS PHYAG MDZOD BSOD NAMS RAB BRTAN GYIS, DA LO THU MED KYI THA'I JI 'DI RNAMS KYI MDZAD LUGS, SKYID SHOD ZHABS DRUNG DANG, GRVA SA'I THUGS KHUR BZHES MKHAN CI RIGS KYI GSUNG TSUL, GTZANG SDE SRID LA SKU DBANG BDE SPYOD KYI PHEBS SGO 'DRA YOD 'DUG PA, 'DI TSO LA BRTEN PA'I DUS ZINGS SHIG BYUNG DGOS BLO MDZANGS CHE BAR BYUNG, RANG NGOS KYI SHAR TSOD SDE GZAR LANGS NA, SNGAR YANG MDA' 'DI RIS KYIS MIG BCAR BA'I SNA SUN DANG BCAS 'JAM CHAGS SHIG 'DOD PA YIN KYANG, RANG DBANG 'DU MI 'DU TSOD THINGS DKA' PA NAS, NGA LO PHYOGS PHEBS MA GNANG BAR BZHUGS YUL GNANG BA AE 'GAB SOGS BSLAB STON ZHUS PAR PHEBS SGOR, RNYING MA'I LUNG BSTAN NA BOD SOG POS 'DZIN PA YONG ZER BA 'DUG PA DANG, THAMS CAD MKHYEN PA YON TAN RGYA MTSO DE ZHAL BZHUGS

NA, DUS ZING LA MI DGYES PA DANG MTHA' MI LA GSUNG BTZAN PAS SDE GZAR SNYOL BA GNANG 'GRO YANG, SOG PO'I RGYAL BRGYUD 'DI CHO DBANG CHE BA DANG BCAS LHUS THINGS PA DKA' BA 'DUG KYANG, DKON COG GI THUGS RJES DUS BDE BA YONG LA CHE, NGAD KYANG SEMS MDZANGS PA BYUNG STE, MNGA' RIS BDAG PO'I 'BOD MI SLOBS GRUB PA SOGS NAS BSHOL MI THUB PA 'DRA, 'JAM GANG CHAGS KYI THABS MDZOD PHEBS 'DUG PAS KYANG SHES NUS SO, ,HOR ZLA BCU GNYIS PA'I TSES BCO LNGA'I NYIN, GZUGS SKU'I BKOD PA CHOS DBYINGS SU BSDUS TE DGA' LDAN GYI GNAS SU GSHEGS SO, ,MKHAR NAG LO C'A BAS, DGUNG LO RGYU SKAR GRANGS LDAN SKABS, ,ME 'BRUG RGYAL ZLA'I TSES DBANG DUS, ,DGONGS PA CHOS KYI DBYINGS SU THIM, ,BDUN PHRAG GSUM PAR CHOS KYI SKU, ,BUM NANG MAR ME'I 'OD GSAL BZHIN,, KYE MA 'DI 'DRA'I RNAM DPANGS LA, ,KYE HUD BDAG CAG 'DI NA LUS, ,KYE RDOR LA SOGS RGYUD DON BZHIN, ,SKYE MCHED DANGS PA'I LONGS SKUR BZHENGS, ,TSAD MED BZHI YIS RAB BSKUL TE, ,ZHING 'DIR SLAR YANG SPRUL PA'I SKU, ,STON NGES KHYOD LA SKYABS SU MCHI, ,ZHES SO; ;RAB 'BAMS RGYAL BA'I MKHYEN BRTZE NUS PA KUN, ,LAG NA PADMA'I RNAM PAR SHAR BDAG ,BKOD PA RGYA MTSO'I ZHING GI RDUL SNYED DU, ,GRANGS MED SPRUL PA'I ROL GAR CI YANG STON, ,SKAL NGAN DUS KYI MTSAN MOR NYE BA NA, ,MTHA' KLAS 'GRO BA'I 'DREN PA RTA LJANG CAN, , CHOS DBYINGS ZAD MI SHES PA'I THUN 'TSAMS KYI, ,PHANG PAR BZHUGS NAS 'GRO RNAMS 'DOD 'DI CI, ,DE LTA NA YANG MA RIG SNANG TSUL LAS, ,RLABS CHEN SPYOD LA DPA' BA'I RGYAL SRAS RNAMS, ,'KHOR BA'I PHA MTHA' RDZOGS MIN DE SRID DU, ,DMAN LAM ZHI BDER GOL BA GA LA

, ,SRID; ;DE NAS DGUNG ZHAG ZHE DGU'I BAR DU, RGYUD STOD SMAD GNYIS KYIS GSANG BA 'DUS PA MI BSKYOD RDO RJE'I SGRUB PA'I MCHOD PA DANG, GRVA SA PHAN TSUN SOGS DGE 'DUN GYI SDE RIS MED PA RNAMS SU BSNYEN BKUR BA SOGS DGONGS RDZOGS RGYA CHEN PO BSGRUBS SO, ,ME SPRUL STON MJUG DPON SLOB DPON PAn CHEN RIN PO CHES RGYUD SDE DANG MTHUN PA'I PHYAG LEN RNAM PAR NGAG PAS SKU GDUNG RIN PO CHE ZHUGS SU PHUL BAR DBU THOD BAM RIL, THUGS LJAGS SPYAN GSUM GDUNG RING BSREL MANG DU PHEBS SHING KHAR KHA DPON PO CHOS KHUR GYIS DBU THOD DANG, THU MED KYI THA'I JI BLO BZANG BSTAN 'DZIN RGYA MTSOS THUGS SO SO'I YUL GRUR BSOD NAMS KYI ZHING DU GDAN DRANGS, GDUNG RING BSREL BZHUGS PA'I MCHOD SDONG 'DZAM BU GLING NA KHYAD DU 'PHAGS PA ZHIG KHAR KHA CHOS KHUR DPON POS SBYIN BDAG BYAS TA BZHANG BA'I BZO GRVA CHUGS PA, SDE GZAR GYI STABS NAS MA 'GRUB [?] PA [?], SLAR SHING GLANG LOR THU MED KYI DPON PO HONG THA'I JIS SBYIN BDAG BYAS, PHYAG MDZOD SA SKYONG BA BSOD NAMS RAB BRTAN GYIS THUGS KHUR BZHES, RI MO BA DGOS SKYES RDO RJES THIG BTAB, DO DAM CHA BA BKA' BCU SANGS RGYAS SHES RAB, DBON PO BYING PA BLO BZANG, BLA PO NOR BU TSE RING SOGS BCU PHRAG GNYIS TZAM GYIS GEGS MED DU BZHENGS, 'JAM DBYANGS BLA MA KHRI RIN PO CHE DKON COG CHOS 'PHAL DANG, SGO MANG SLOB DPON SANGS RGYAS BKRA SHIS GNYIS GYIS GZUNGS 'BUL GYI PHYAG LEN GNANG STE DPAL LDAN 'BRAS SPUNGS KYI RNAM THAR SGO GSUM DU BZHUGS SHING, RIGS DANG DKYIL 'KHAR KUN GYI BDAG PO MKHAN CHEN BLO BZANG CHOS KYI RGYAL MTSAN DPAL BZANG POS GCO MDZAD, SER 'BRAS KYI SLOB DPON KHRI GDAN

ZUR, SKU GZHOGS RNAM RGYAL GRVA TSANG DANG BCAS PAS RAB TU GNAS SHING, SBYIN BDAG TU SOG PO TSO CHEN BZHI BCU'I PHUR DKAR PO'I BDAG PO THUB PA JU NANG THA'I SUN HONG THA'I JI BSKOS PAS, RTEN 'BREL LEGS TSOGS PHUN SUM TSOGS PA 'GRIG GO, ,,SMRAS PA, NGO MTSAR RMANG BYUNG GTAM GYI SBYOR BDAG ,TSIG 'PHRENG 'DZAD PA MED PA'I PU STA KA, ,LO RGYUS DEB GTER DON GNYER DPYONG LDAN RNAMS, ,DGA' BA'I GAR DANG BCAS TE NGA [?] LONG ZHIG ,DAM PA MCHOG GI PHUL BYUNG MDZAD PA'I MTHA', ,'JAL BA KUN MKHYEN RNAMS KYANG SGYID SKYUR NA, ,SAM NYI'I DRA BAR CHUD PA BDAG 'DRA YIS, ,BRJOD BA CHU SHING 'BRAS BU 'TSOL BA BZHIN, ,'ON TANG TSAD PA'I GDUNG BAS MNAR PA RNAMS, ,RGYA MTSO RDZOGS PAR 'THUNGS PA'I NUS BRAL YANG, ,JI TZAM LONGS SU SPYOD NUS DE NYID KYI, ,'DOD PA'I RE BA YONGS SU CIS MI SKONG, ,THOR BU'I LO RGYUS BSDUS PA'I RDZA RNGA YIS, ,DPYOD LDAN RMA BYA'I SNYING LA MI 'BAB KYANG, ,YIG TSANG KHUNGS LDAN NGAG RGYUN MA GTOGS PA'I, ,'BREL MED RANG BZO BRIS PA 'DI NA MAD [?], ,YONGS GRAGS MKHAS PA'I SLOB DPON BSTEN PA'I MTHAS, ,BCAD LHUG SNYAN NGAG SMRA LA THOGS MED KYANG, ,MKHAS BLUN KUN GYIS BLTA BAR GO BDE PHYIR, ,'BOL RTZOM GRONG BA'I TSIG TU LHUG PAR BKOD, ,RGYAL DANG RGYAL BA'I SRAS KYI RTOGS BRJOD 'PHRENG, ,TSIG GI SRANG BUR BRGYUS PA'I DGE BA NGAS, ,LUS CAN MTHA' DAG DUS MKHYEN RGYAL PO YI, BSOD NAMS JI BZHIN LONGS SU SPYOD GYUR CIG ,CES PA 'PHAGS PA 'JIG RTEN DBANG PHYUG THAMS CAD MKHYEN PA YON TAN RGYA MTSO DPAL BZANG PO'I RNAM PAR THAR PA NOR BU'I 'PHRENG BA ZHES BYA BA 'DI NI, GRONG SMAD BA 'PHRIN LAS RGYA MTSO SOGS DON GNYER CAN 'GA' ZHIG GIS

[DD1] !, ,LAS BYI GSHIN RJE CHOS KYI RGYAL,, *, ,BSKUL BA'I NGOR, SKU NA PHRA MO'I DUS KYI RNAM THAR NGO MTSAR BA'I RIGS ZIN BRIS SU BKOD PA'I SHOG RIL GNYIS DANG, BZHU KHANG RAB 'BYAMS PA DGE LEGS LHUN GRUB KYIS MDZAD PA'I RNAM THAR DAD PA'I GO 'GYED, MKHAR NAG LO TZ'A BA DPAL 'BYOR RGYA MTSOS MDZAD PA'I RNAM THAR TSIGS BCAD MA RNAMS LA GZHI BYAS, DE'I DUS KYI DRUNG 'KHOR RNYING PA RGYUS CAN 'GA' ZHIG GI NGAG SGROS NGES DAG GIS ZUR BRGYAN, 'ON KYANG GSANG BA BSAM GYIS MI KHYAB PA'I RNAM PAR THAR PA'I RIGS MANG PO DANG, LO DUS KYI NGES PA SOGS NI ZHIB TU BRTZAD BCAD KYANG, GRVA RIGS RNAMS GDUL BYA CHE CHUNG DANG BKA' DRIN SKYONG MI SKYONG GI GLENG BRJOD LAS, BLA MA'I RNAM PAR THAR PA DON DU GNYER BA NYUNG BA'I PHYIR, ZHIB PAR 'DRI BA'I GNAS MA RNYED NA'ANG, GONG DU SMOS PA RNAMS LA GZHI BYAS TE, GTAM RGYUD DEB GTER SMRA BA'I ZA HOR GYI BCUN PA NGAG DBANG BLO BZANG RGYA MTSO 'JIGS MED GO CHA THUB BSTAN LANG TSO'I SDES, BTZONG KHA'I YUL DKAR THANG MAR KHU'I MTSO MOR SBYAR BA'I YI GE'I ZLOS GAR SGYUR BA PO NI RIG GNAS ZAD MI SHES PA'I BANG MDZOD 'DZIN PA SLOB DPON MAH'A PAndI TA DPON DRUNG RIN PO CHE SMON 'GRO LO TZ'A BA YIN NO,, MANGGA LAm,, [DD2] !, ,STOBS LDAN SA YI DBANG PHYUG TSE,,

[BLANK PAGE]