, ,BRGYA BZHI'I CHO GA RJE THAMS CAD MKHYEN PA DGE 'DUN RGYA MTSO'I DPAL GYIS MDZAD PA BZHUGS SO,,
, ,DKON COG GSUM LA PHYAG 'TSAL LO, ,'DIR BRGYA BZHI'I CHO GA LA SNGON BYUNG GI LO RGYUS LA BRTEN PA'I SLOB DPON PADMAS MDZAD ZER BA'I CHO GA TSIG SBYOR MI LEGS PA, RGAN RABS KYI NGAG MANG PO BKOD PA ZHIG SNANG BA 'DI LAS GZHAN SNGON GYI LO RGYUS DANG MTHUN ZHING, LEGS BSHAD KYI CHO GA NGAG 'DON DANG MTHUN PA ZHIG GYIS ZHES BSKUL BA'I NGOR 'DI LTAR BRJOD PAR BYA'O, ,'DI LA GSUM, SNGON 'GRO, DNGOS GZHI, MJUG GI BYA BA'O, ,DANG PO LA GNYIS, DKYIL 'KHOR BRI BA DANG, BRGYA BZHI'I RDZAS GSOG PA'O, ,DANG PO NI, SA PHYOGS GTZANG MAR MAndAL PADMA 'DAB BRGYAD KYI LTE BAR MCHOD SBYIN GYI PHYAG G-YAS BRI'O, ,GNYIS PA RDZAS GSOG PA NI, S'ATZTSA BRGYA SA CHOG NAS BZUNG RAB GNAS RGYAS PAR BYAS PA DANG, RTZI MAR GYI MAR ME BRGYA, 'BRU ZAN GYI GTOR MA BRGYA, 'BRAS ZAN GYI NGAR MI BRGYA, GZHAN YANG MCHOD PA'I BYE BRAG BSAM GYIS MI KHYAB PA DANG, DKAR GSUM GYI RTZA RU'I MCHOD PA GLUD RDZONGS DANG BCAS PA THAMS CAD TSOGS PAR BYA'O, ,DNGOS GZHI LA BDUN, SNGON RABS, SPYAN DRANGS PA, BZHUGS SU GSOL BA, BRGYA
, ,BZHIS MCHOD PA, MCHOD PA GZHAN DBUL BA, BSTOD PA BYA BA, 'PHRIN LAS BCOL BA'O, ,DANG PO NI, RANG LHAG PA'I LHAR GSAL GDAB STE, ROL MO DBYANGS DANG BCAS PAS, KYE; SUM CU RTZA GSUM LHA YI YUL GYI DBUS, ,KHANG BZANG RNAM PAR RGYAL BA'I PHO BRANG NA, ,RIN CEN KHRI LA LHA DBANG BRGYA BYIN NI, ,DGA' MGUR 'DOD YON DAG LA SPYOD PA'I TSE, ,SNGON GYI LAS DANG 'PHRAL RKYEN GYIS BSKUL TE, ,GLO BUR BDUD BZHI'I THIBS KYIS NON PAR GYUR,, BDE MED SDUG BSNGAL DRAG POS GZIR BA LAS, ,BCOM LDAN SH'AKYA'I GTZO LA SKYABS SONG BAS, ,DE TSE BCOM LDAN SH'AKYA THUB PA YI, ,'GRO BA KUN LA PHAN PHYIR TING 'DZIN GYIS, ,SPRUL PA'I DKYIL 'KHOR CHEN PO LEGS BSHAMS NAS, ,MCHOD SBYIN PHYAG RGYA MTHUN PA'I RDZAS BSAGS NAS, ,SKYE MCHED MU BZHI'I GNAS NAS BDUD BZHI RNAMS, ,THUGS RJE'I LCAGS KYUS BKUG NAS PHYAG SOR BZHIR, ,BKOD NAS BRGYA BZHI'I MCHOD SBYIN
BYIN PA YIN, ,BRGYA BYIN NAD DANG SDUG BSNGAL KUN LAS THAR, ,GNYIS PA SPYAN DRANGS PA NI, AOm SVA BHA WA SHUDDHO SARBA DHARM'A: SVA BHA WA SHUDDHO NYA HAm, DKYIL 'KHOR STONG PA NYID DU GYUR, STONG PA'I NGANG LAS PAm LAS PADMA 'DAB MA BRGYAD PA LTE BA GE SAR DANG BCAS PA'I STENG DU MCHOD SBYIN GYI PHYAG G-YAS PA GAN RKYAL DU GNAS PAR GYUR, RANG YI DAM GYI LHAR GSAL BA'I THUGS KA NAS 'OD ZER 'PHROS SKYE MCHED MU BZHI'I GNAS NAS BDUD BZHI 'KHOR DANG BCAS PA SPYAN DRANGS, KYE; NAM MKHA' MTHA' YAS LHA YI PHO BRANG NAS, ,MI GNAS MYANG 'DAS THOB LA BAR DU GCOD, ,PHUNG PO'I BDUD TSOGS 'KHOR DANG BCAS PA RNAMS, ,GNAS 'DIR SPYAN 'DREN MCHOD PHYIR GSHEGS SU GSOL, ,RNAM SHES MTHA' YAS LHA YI PHO BRANG NAS, ,GNAS LUGS MNGON SUM MTHONG LA BAR DU GCOD, ,NYON MONGS BDUD TSOGS 'KHOR DANG BCAS PA RNAMS, ,GNAS 'DIR SPYAN 'DREN MCHOD PHYIR GSHEGS SU GSOL, ,CI YANG MED PA'I LHA YI PHO BRANG NAS, ,'DOD PA'I LONGS SPYOD THOB LA BAR DU GCOD, ,LHA'I BU'I BDUD TSOGS 'KHOR DANG BCAS PA RNAMS, ,GNAS 'DIR SPYAN 'DREN MCHOD PHYIR GSHEGS SU GSOL, ,'DU SHES MED MIN LHA YI PHO BRANG NAS, ,TSE SROG MTHA' RU PHYIN LA BAR DU GCOD, ,'CHI BDAG BDUD TSOGS 'KHOR DANG BCAS PA RNAMS,, GNAS 'DIR SPYAN 'DREN MCHOD PHYIR GSHEGS SU GSOL, ,GSUM PA BZHUGS SU GSOL BA NI, KYE` PHUNG PO'I BDUD NI DKAR PO 'KHOR LO 'DZIN, ,NYON MONGS BDUD NI SER PO NOR BU 'DZIN, ,LHA'I BU'I BDUD NI DMAR PO PADMA 'DZIN, ,'CHI BDAG
, ,BDUD NI NAG PO RAL GRI 'DZIN, ,RANG RANG 'KHOR GYI TSOGS KYIS YONGS SU BSKOR, ,PHYAG SOR BZHI YI RTZE MOR BZHUGS SU GSOL, ,BZHI PA BRGYA BZHI'I MCHOD PA NI, RDZAS RNAMS SNGAGS DRUG DANG PHYAG RGYA DRUG GIS BYIN GYIS BRLABS LA, KYE; RIN CEN SNA LNGA'I RDUL TSON LAS BSGRUBS PA'I, ,RGYAL BA'I SKU GSUNG THUGS KYI NGO BO NYID, ,BSOD NAMS ZHING GI MCHOG GYUR CHOS SKU'I RTEN, ,RI RAB TSAR DU DNGAR BA'I MCHOD RTEN BRGYA, ,PHUNG PO'I BDUD TSOGS 'KHOR DANG BCAS LA 'BUL, ,ME LONG YE SHES RNAM DAG CHOS KYI SKU, ,BCOM LDAN RNAM PAR SNANG MDZAD SKU THOB NAS, ,'GRO KUN PHUNG PO'I BDUD LAS THAR GYUR CIG ,STONG GSUM TSAR DU DNGAR BA'I SNOD RNAMS SU, ,'BRU MAR RTZI MAR RGYA MTSOR 'KHYIL BA'I DBUS, ,RI RAB LTA BU'I MAR ME'I SDONG BU LA, ,NYI ZLA LTA BU'I 'OD 'BAR SNANG GSAL BRGYA, ,NYON MONGS BDUD TSOGS 'KHOR DANG BCAS LA 'BUL, ,MNYAM NYID YE SHES RNAM DAG CHOS KYI SKU, ,BCOM LDAN RIN CEN 'BYUNG LDAN SKU THOB NAS, ,'GRO KUN NYON MONGS BDUD LAS THAR GYUR CIG ,RAB YANGS NAM MKHA' LTA BU'I SNOD RNAMS SU, ,'CHI MED BDUD RTZI'I BTUNG BA MTSO LTAR BSKYIL, ,BZA' DANG BCA' BA RI RAB LTA BUR SPUNGS, ,BKOD MDZES SHA KHRAG BRGYAN PA'I GTOR MA BRGYA, ,LHA'I BU'I BDUD TSOGS 'KHOR DANG BCAS LA 'BUL, ,SOR RTOG YE SHES RNAM DAG CHOS KYI SKU, ,BCOM LDAN 'OD DPAG MED PA'I SKU THOB NAS, ,'GRO KUN LHA'I BU'I BDUD LAS RGYAL GYUR CIG ,'BRU ZAN RIN CEN RNAM PA LNGA LAS BYUNG, ,GZUGS MDZES DBYANGS SNYAN YID DANG
DBANG PO GSAL, ,MDZES PA GCIG TU BSDUS PA NOR MANG LDAN, ,YON TAN BRGYA PHRAG LDAN PA'I NGAR GLUD BRGYA, ,'CHI BDAG BDUD TSOGS 'KHOR DANG BCAS LA 'BUL, ,BYA SGRUB YE SHES RNAM DAG CHOS KYI SKU, ,BCOM LDAN DON YOD GRUB PA'I SKU THOB NAS, ,'GRO KUN 'CHI BDAG BDUD LAS THAR GYUR CIG ,RANG BZHIN RNAM DAG NGANG DU RO GCIG KYANG, ,SGYU MA LTA BU'I BDUD BZHI'I DMAG TSOGS LA, ,MIG 'PHRUL LTA BU'I BRGYA BZHI'I MCHOD PA 'DI, ,BRAG CA LTA BU'I DBYANGS KYIS MCHOD PAR BGYI,, SPRUL PA LTA BU'I MCHOD PA 'DI BZHES LA, ,CHOS DBYINGS RNAM PAR DAG PA CHOS KYI SKU, ,BCOM LDAN MI BSKYOD RDO RJE'I SKU THOB NAS, ,'GRO KUN BDUD BZHI'I DGRA LAS RGYAL GYUR CIG ,LNGA PA MCHOD PA GZHAN DBUL BA NI, KYE` RGYA MTSO LTA BUR 'KHYIL BA'I MCHOD YON DANG, ,GANGG'A'I RGYUN LTAR 'BAB PA'I ZHABS BSIL DANG, ,KHA DOG SNA TSOGS BKRA BA'I ME TOG DANG, ,DUD SPRIN NAM MKHA' GANG BA'I BDUG SPOS DANG, ,RAB 'BAR TSAR DU DNGAR BA'I MAR ME DANG, ,CIG CAR DRI BZANG 'GYED PA'I DRI CHAB DANG, ,RO NUS PHUN SUM TSOGS PA'I ZHAL ZAS DANG, ,RNAR SNYAN ROL MO'I BYE BRAG SNA TSOGS PA, ,BDUD BZHI 'KHOR DANG BCAS PA'I TSOGS LA 'BUL, ,MIG GI DGA' STON SPUNGS PA'I GZUGS MCHOG DANG, ,BRJOD BRAL RNA BAR SNYAN PA'I SGRA SNYAN DANG, ,DRI BSUNG PHYOGS BCUR 'PHRO BA'I DRI CHAB DANG, ,KHA DOG RO NUS LDAN PA'I ZHAL ZAS DANG, ,REG NA BDE BA SKYED PA'I GOS MCHOG KYANG, ,BDUD BZHI 'KHOR DANG BCAS PA'I TSOGS LA 'BUL, ,'KHOR LO NOR BU BTZUN MO BLON PO DANG,,
, ,GLANG PO RTA MCHOG DMAG DPON RIN CEN BDUN, ,BKRA SHIS GDUGS DANG RGYAL MTSAN G-YAS 'KHYIL DANG, ,GSER NYA DPAL BE'U BUM PA PADMA DKAR, ,NAM MKHA' GANG BA'I BKRA SHIS RTAGS DANG RDZAS, ,BDUD BZHI 'KHOR DANG BCAS PA'I TSOGS LA 'BUL, ,ZHES MCHOD DO, ,DE NAS SHA KHRAG GIS BRGYAN PA'I GTOR MA YOD NA BYIN GYIS BRLABS TE, BKOD MDZES RI RAB LTA BU'I GTOR MA 'DI, ,SHA DANG KHRAG GIS BRGYAN CING BYIN BRLABS TE, ,BDUD BZHI 'KHOR DANG BCAS PA'I TSOGS LA 'BUL,, BZHES LA PHYI NANG 'GAL RKYEN ZHI BAR MDZOD, ,KHA 'BAR MAS SNGAGS KYIS BSNGOS LA PHUD KYIS MCHOD, DRUG PA BSTOD PA BYA BA NI, KYE` NAM MKHA' MTHA' YAS SKYE MCHED LA GNAS SHING, ,'GRO BA KUN GYI GZUGS KYI PHUNG PO LA, ,DBANG SGYUR STOBS LDAN PHUNG PO'I BDUD TSOGS LA, ,PHYAG 'TSAL MCHOD CING BDAG GIS BSTOD PAR BGYI, ,RNAM SHES MTHA' YAS SKYE MCHED LA GNAS SHING, ,'GRO BA KUN GYI TSOR BA'I PHUNG PO LA, ,DBANG BSGYUR STOBS LDAN NYON MONGS BDUD TSOGS LA, ,PHYAG 'TSAL MCHOD CING BDAG GIS BSTOD PAR BGYI, ,CI YANG MED PA'I SKYE MCHED LA GNAS SHING, ,'GRO BA KUN GYI 'DU SHES PHUNG PO LA, ,DBANG SGYUR STOBS LDAN LHA'I BU'I BDUD TSOGS LA, ,PHYAG 'TSAL MCHOD CING BDAG GIS BSTOD PAR BGYI, ,YOD MIN MED MIN SKYE MCHED LA GNAS SHING, ,'GRO BA KUN GYI 'DU BYED PHUNG PO LA, ,DBANG SGYUR STOBS LDAN 'CHI BDAG BDUD TSOGS LA, ,PHYAG 'TSAL MCHOD CING BDAG GIS BSTOD PAR BGYI, ,BDUD BZHI'I 'KHOR DU GTOGS PA'I TSOGS RNAMS LA, ,MCHOD SBYIN
GTOR MA RGYA CHEN 'DI PHUL BAS, ,GNOD DANG GDUG PA'I 'TSE BA KUN ZHI NAS, ,BDUD BZHI'I DGRA LAS RTAG TU RGYAL GYUR CIG ,BDUN PA 'PHRIN LAS BCOL BA NI, KYE` BCOM LDAN 'DAS SH'AKYA THUB PA'I BYIN RLABS DANG, ,RTEN 'BREL BSLU BA MED PA'I BDEN PA DANG, ,MCHOD SBYIN RNAM PAR DAG PA'I MTHU STOBS KYIS, ,'GRO LA BDUD BZHI'I BAR CHAD MED GYUR CIG ,BDUD BZHI'I DMAG TSOGS 'KHOR BCAS RNAMS, ,MCHOD SBYIN GTOR MA 'DI BZHES LA, ,BDAG CAG 'KHOR DANG BCAS RNAMS LA, , BDUD KYI BAR CHAD MED PA DANG, ,NAD MED TSE DANG DBANG PHYUG DANG, ,DPAL DANG GRAGS DANG SKAL BA BZANG, ,LONGS SPYOD RGYA CHEN KUN THOB MDZOD, ,ZHI DANG RGYAS LA SOGS PA YI, ,LAS KYI DNGOS GRUB BDAG LA STZOL, ,RMI LAM NGAN DANG MTSAN MA NGAN, ,LO SKAG ZLA SKAG ZHAG SKAG DANG, ,BDUD BZHI'I DMAG TSOGS DGRA LA SGYUR, ,GZUGS SGRA DRI RO REG BYA LDAN PA'I RDZAS, ,DBANG PO DRUG LA RMAD BYUNG BDE CHEN SKYED, ,RO BRGYA LDAN PA'I TSOGS KYI MCHOD PA 'DI, ,BDUD BZHI BDUD KYI DMAG TSOGS RNAMS LA 'BUL, ,LUS SEMS TING 'DZIN ZAS KYIS TSIM GYUR NAS, ,ZAG MED TING 'DZIN ZAS LA SPYOD GYUR CIG ,GSUM PA MJUG GI BYA BA LA GNYIS, GLUD GTONG BA DANG, MJUG CHOG GO ,DANG PO NI, 'BRAS BZAN NAM, NGAR PHYE LAS GLUD SKYE MCHED DOD PA LA, GLUD RDZONGS RIN PO CHE DANG 'BRU SNA, ZAS SNA GOS SNA CHANG PHUD, GSER SKYEMS SOGS SNON NAS (BTON NAS CHAB) KYIS BRAN LA 'DI SKAD DO, ,KYE; RIN CEN MDZES PA'I NGAR GLUD RGYAN LDAN 'DI, ,'BRU BZAN RIN CEN SNA LNGA'I SNYING PO CAN, ,SKYE MCHED KHAMS DANG DBANG PO'I
, ,YON TAN LDAN, ,SNA TSOGS RGYAN GYIS SPRAS PA'I NGAR GLUD 'DI, ,SNGAGS DANG TING 'DZIN PHYAG RGYA'I TSOGS RNAMS KYIS, ,NAM MKHA'I KHAMS KUN GANG BAR BYIN BRLABS NAS, ,BDAG CAG RGYU SBYOR SBYIN BDAG 'KHOR BCAS KYI, ,GLUD DU BDUD BZHI'I DMAG TSOGS RNAMS LA 'BUL, ,NOR LDAN MDZES PA'I NGAR GLUD 'DI BZHES SHIG ,MTSAR SDUG LDAN PA'I NGAR GLUD 'DI BZHES SHIG ,LTA NA SDUG PA'I NGAR GLUD 'DI BZHES SHIG ,YON TAN BRGYA PHRAG LDAN PA 'DI BZHES SHIG , KYE` RIN CEN MDZES PA'I NGAR GLUD RGYAN LDAN 'DI, ,RNAM THOS BU LA 'GRAN ZHING NOR MANG LDAN, SKABS GSUM DBANG PO'I PHUN TSOGS LA 'KHU ZHING, ,NAG PO'I SDE LAS RGYAL BAR BYED PA 'DI, ,RIG 'DZIN GSANG SNGAGS 'CHANG BA BDAG CAG DANG, ,RGYU SBYOR YON GYI BDAG PO'I GLUD DU 'BUL, ,MI LAS GLUD DGA' MDZES PA'I GLUD BZHES LA, ,BDUD BZHI'I DMAG TSOGS SDANG BA'I DGRA LA SGYUR, ,BZUNG BA YOD NA DA LTA NYID DU THONGS, ,BCINGS PA YOD NA SKAD CIG NYID LA KHROL, ,BDUD KYI KHRAM LA BTAB NA KHRAM KHA PHYIS, ,BTZAN GYI SHO RDE BKYE NA SHO RDE SKYUNGS, ,KLU YI BYAD DU TSUD NA BYAD THAG CHOD, ,RGYAL PO'I SMYO 'BOG GTONG BA DGRA LA SGYUR, ,THE'U RANG SRI LA RKU NA DGRA LA SGYUR, ,BGEGS RIGS STONG PHRAG BRGYAD CU DGRA LA SGYUR, ,GDON RIGS SUM BRGYA DRUG CU DGRA LA SGYUR, ,LO DANG ZLA BA'I SKAG RNAMS DGRA LA SGYUR, ,ZHAG DANG ZA MA'I SKAG RNAMS DGRA LA SGYUR, ,RMI LAM MTSAN MA NGAN PA DGRA LA SGYUR, ,BDUD KYI DMAG TSOGS THAMS CAD DGRA LA SGYUR, ,'BYUNG PO'I DAL YAMS
THAMS CAD DGRA LA SGYUR, ,ZHES BZLOG CING BDUD BZHI'I GZUGS DANG GLUD RNAMS ROL MO DANG BCAS PHYOGS BZHIR BSKYAL LO, ,GNYIS PA MJUG CHOG BYA BA LA, MCHOD BSTOD RGYAS BSDUS GANG RUNG BYAS NONGS PA BZOD PAR GSOL, LHAG CHAD KYI NYES PA ZHI BA'I DON DU BADZRA SATVA H'Um, BSNGO BA SMON LAM BTAB, BDUD BZHI SKYE MCHED MU BZHI'I GNAS SU GSHEGS, DAM TSIG PA RANG LA BSDU, SHIS BRJOD BYA'O, ,ZHES PA 'DI NI CHOS SMRA BA'I BTZUN PA DGE 'DUN RGYA MTSO'I DPAL GYIS SMRAS PA'O,, ,,YE DHARM'A HE TU PRA BHA W'A HE TUNTE sh'ANTA TH'A GA TO HYA BA DAT'A, TE sh'ANYTZA YO NI RO DHA AE WAm B'A D'I MA H'A SHRA MA nA:,, SARBA MANGGA LAm,, ,,