, ,RJE BTZUN THAMS CAD MKHYEN PA'I GSUNG 'BUM THOR BU LAS DON RGYAN SO LNGA'I DPER BRJOD RNAMS BZHUGS,,
, ,DON RGYAN LA SUM CU SO LNGA LAS, DANG PO RANG BZHIN BRJOD PA'I RGYAN LA MTSAN NYID DANG DBYE BA GNYIS LAS DANG PO NI, DNGOS PO RNAMS KYI RANG BZHIN DANG GNAS SKABS SGRO MA BTAGS PAR JI LTA BA BZHIN GSAL BAR BRJOD PA'I NGAG DE LA DBYE NA BZHI LAS, DANG PO RIGS BRJOD PA'I DPE NI, MTSAR SDUG SKABS PHYED GZHON SHA CHAGS, ,ZHAL RAS DKAR ZHING MDANGS GSAL LA, ,SPYAN GNYIS ZUR MIG G-YO BA CAN,, SKU YI CHA SHAS 'DI DAG MDZES, ,ZHES PA'O,, GNYIS PA BYA BA BRJOD PA NI, PAD ZLA'I STENG NA ROL SGEG MKHAN, ,ZHAL NAS DBYANGS GSAL GLU DBYANGS LEN, ,PHYAG GNYIS DRI ZA'I PI WANG SGYUR, ,DBYANGS CAN MA KHYOD BDAG GI LHA, ,ZHES DANG, GSUM PA YON TAN BRJOD PA NI, ,KHYOD SKU MTHONG BAS DANG BA G-YO, ,GSUNG SNYAN THOS PAS YID LA SIM, ,KHYOD THUGS DRAN PAS SNYAN NGAG LA, ,MKHAS PA'I DPAL 'DI DE RING THOB, ,CES
, ,DANG, BZHI PA RDZAS BRJOD PA NI, 'JIG RTEN DBANG PO'I TSEMS LAS 'KHRUNGS, ,SKU MDOG DKAR ZHING LANG TSO RGYAS, ,RAB MDZES ZLA BA'I COD PAN CAN, ,DBYANGS CAN LHA MO'I ZHABS LA 'DUD, ,CES PA'O,, ` GNYIS PA DPE'I RGYAN LA MTSAN NYID NI, DPE DANG DON THA DAD PA'I TSUL GYIS CHOS MTHUN SBYAR BA LAS DON DE RTOGS PAR BYED PA'I NGAG DPER NA, ZLA BA'I DKYIL 'KHOR JI BZHIN KHYOD KYI ZHAL, ,BDUD RTZI'I ZER PHRENG BZHIN DU LEGS BSHAD NI, ,KU MU DA YI TSAL BZHIN BDAG GIS 'THUNGS, ,ZE'U 'BRU'I PHRENG BA JI BZHIN BLO GROS RGYAS, ,ZHES PA LTA BU'O,, ` GSUM PA GZUGS CAN GYI RGYAN LA MTSAN NYID NI, DPE DANG DON THA DAD DU MA BYAS PAR DON DE NYID DPE'I GZUGS SU BKOD PA'I SGO NAS DON DE GSAL BAR BYED PA'I NGAG DPER NA, SNYAN NGAG GZHUNG LUGS SKYED TSAL YID BZHIN MTSOR, ,DON RGYAN KU MUD NGANG PA'I KHYU 'KHRIGS
SHING, ,SGRA RGYAN CHU SKYES NGUR MO'I PHANG PHUNG CHAGS, ,MNGON BRJOD GE SAR TSOGS KYI DBU BA 'DZUM, ,ZHES PA'O,, ` BZHI PA GSAL BYED KYI RGYAN LA MTSAN NYID NI, RIGS BYA BA YON TAN RDZAS RNAMS BRJOD PA'I TSIG THOG MTHA' BAR GSUM SOGS GANG NA GNAS PA DES TSIG THAMS CAD GSAL BAR BYED PA'I NGAG DE LA DBYE NA THOG MA'I GSAL BYED NAS SBYAR BA'I GSAL BYED KYI BAR MANG DU YOD PA LAS THOG MA'I GSAL BYED NI, MDZES SO NYI ZLA'I SNANG BAS LHA YI LAM, ,YONGS 'DU'I DPAG BSAM MCHOG GIS MTHO RIS GNAS, ,RIN CEN RI BO YIS NI RGYA MTSO'I 'JING, ,NOR 'DZIN KHYON 'DI MKHAS PA KHYOD KYIS SO, ,ZHES PA YIN LA, THA MA'I GSAL BYED KYANG 'DIS MTSON, BAR GYI GSAL BYED NI, DGE MTSAN BRGYAD LDAN PHUN TSOGS DAL BA'I RTEN, ,TSUL GNAS THOS BSAM SGOM PA'I RGYAN GYIS BRGYAN, ,'BYOR PA LDAN PA RNAMS LA GTONG BA DANG, ,YA RABS RNAMS NI NGO TSA KHREL YOD KYIS, ,ZHES PA'O,, PHRENG BA'I GSAL BYED NI, DUS MTHA' 'DIR YANG BLO BZANG PHRIN LAS KYIS, ,RGYAL BA'I BSTAN PA DE LAS BSTAN 'DZIN TSOGS, ,DE LAS MA NOR LAM BZANG DGA' STON DAG ,DE LAS 'GRO 'DI'I PHAN BDE LHAG PAR RGYAS, ,ZHES PA'O,, ` LNGA PA BSKOR BA'I RGYAN LA MTSAN NYID NI, THOG MTHA' BAR GSUM GYI GSAL BYED KYI GNAS RNAMS SU TSIG DON GANG RUNG DANG GNYIS KA BSKOR BA'I SGO NAS DON DE DAG GSAL BAR BYED PA'I NGAG DE LA DBYE NA GSUM LAS DON BSKOR NI, CHU GTER LAS NI CHU 'DZIN PHRENG, ,DE LAS G-YO BA'I GLOG PHRENG CAN, ,DE LAS
, ,CHAR RGYUN DE YIS NI, ,CHU GTER RAB TU RGYAS PAR GYUR, ,CES PA DANG, YANG NA, MKHAS PA RNAMS LAS LEGS BSHAD TSOGS, ,LEGS BSHAD LAS KYANG LUNG RIGS KYI, ,SPOBS PA DE LAS BLO GSAL DANG, ,BLO GSAL RNAMS LAS MKHAS PA'I TSOGS, ,ZHES PA LTA BU'O,, TSIG BSKOR NI, NYI MA'I 'OD ZER DAG GIS NI, ,PADMA'I TSOGS RAB RGYAS PAR BYED, ,KHYOD KYI LEGS BSHAD BKA' DRIN GYIS, ,BDAG GI BLO GROS RGYAS PAR BYED, ,CES PA LTA BU'O,, TSIG DON GNYIS KA BSKOR BA NI, MKHAS PA KHYOD NI 'DZAM GLING 'DIR, ,BLO GSAL TSOGS LA LEGS BSHAD 'DOMS, ,MI PHAM MGON DE DGA' LDAN DU, ,LHA YI TSOGS LA LEGS BSHAD 'DOMS, ,ZHES PA'O,, ` DRUG PA 'GOG PA'I RGYAN LA MTSAN NYID DANG DBYE BA GNYIS LAS MTSAN NYID NI, DGAG BYA GANG YANG RUNG BA BKAG PA'I SGO NAS DON DE STON PAR BYED PA'I SNYAN NGAG DE LA DBYE NA DUS GSUM LA BLTOS PA'I DGAG BYA MTHA' YAS PA'I PHYIR DE 'GOG PA'I RNAM DBYE YANG MTHA' YAS LA, DPER BRJOD TZAM ZHIG SMOS NA, BYUNG BA'AM 'DAS PA 'GOG PA'I TSUL NI, CHU GLANG BDAG PO MA LUS RI BYI YI, ,KHYOR CHUR SONG ZHES SMRA BA NGES PAR BRDZUN, ,YANG NA RTEN CING 'BREL BAR 'BYUNG BA YI, ,RNAM BKRA'I RI MO SU YIS GZHAL BAR NUS, ,ZHES PA'O,, DA LTAR BA 'GOG PA NI, RIN CEN GZHAL DU MED PA'I RGYAN PHRENG GIS, ,'JAM DBYANGS GZHON NU'I SKU LA SPRAS 'DIS CI, ,BSOD NAMS BRGYA PA'I MTSAN DANG DPE BYAD KYIS, ,KHYOD SKU MDZES PA BLA NA MA MCHIS LAGS, ,ZHES PA'O,, 'BYUNG 'GYUR
'GOG PA NI, BCAS RANG KHA NA MA THO MTHA' DAG LA, ,'DZEMS MED KHYED CAG 'JUG LA BDAG SKRAG STE, ,MI BZAD NGAN 'GRO'I G-YANG DU LHUNG BA NA, ,DE LA CI DGAR SU YIS GROGS BGYIR YOD, ,CES PA LTA BU'O,, ` BDUN PA DON GZHAN BKOD PA'I RGYAN LA MTSAN NYID DBYE BA DE DAG GI DPER BRJOD DO, ,DANG PO NI, SNYAN NGAG MKHAN RANG NYID KYI 'DOD PA'I DON 'GA' ZHIG DAM BCA'I TSUL DU THOG MAR BKOD NAS SPYI LA KHYAB PA'I DON ZHIG DE'I SGRUB BYED NUS LDAN DU 'GOD PA'O, ,DBYE BA LA 'OS SHING MI 'OS PA DANG DE LAS BZLOG PA'I DON GZHAN BKOD PA'I BAR BRGYAD DU BSHAD PA LAS DANG PO'I DPER BRJOD NI, NYI MA'I GNYEN YANG GRONG KHYER RTZVA CAN DU, ,GZIMS MAL THA MA LA BRTEN MYA NGAN 'DAS, ,'DUS BYAS THAMS CAD SKAD CIG GIS 'JIG CES, ,GSUNGS PA'I NGES PA 'DI LA SU YIS 'GONG, ,ZHES PA'O,, GNYIS PA KHYAD PAR CAN GYI DON GZHAN BKOD PA NI, RTA GLANG SHING RTA RKANG THANG MA MCHIS PAR, ,RGYAL BAS BYANG CHUB SNYING POR BDUD KUN BCOM, ,GNYIS MED GSUNG PA RNAMS KYI RGYAL THABS LA, ,'JIG RTEN GSUM NA SU YIS 'GRAN PAR NUS, ,ZHES DANG, SGRA GCIG DON GCIG MA YIN PA LA SBYAR BA DANG 'BREL BA'I DON GZHAN BKOD PA NI, SGRA DON RGYAN GYIS SPRAS PA'I SNYAN NGAG GIS, ,MKHAS PA RNAMS KYI YID NI 'PHROG BYED DE, ,TSIG DON BZANG PO'I SROL LDAN MKHAS RNAMS KYI, ,LEGS BSHAD MTHA' DAG SKYE RGU'I GDUNG SEL BYED, ,CES SO,, DON DE BYA BAR MI 'OS PA BYA BA'I DON GZHAN BKOD PA'I DPE NI, 'KHRUL PA'I DRI MA KUN DANG BRAL GYUR PA, ,BLO
, ,BZANG GSUNG GI LEGS BSHAD PHRENG BAS KYANG, ,PHYOGS 'DIR SKAL NGAN 'GA' ZHIG GDUNG BYED DE, ,PHYOGS SU LHUNG BA RNAMS KYI SDIG 'DI 'DRA, ,ZHES PA'O,, ` BRGYAD PA BZLOG PA CAN GYI RGYAN LA MTSAN NYID NI, DON 'GA' ZHIG DPE 'GA' ZHIG DANG MTSUNGS CHOS 'GA' ZHIG GI SGO NAS DANG POR MTSUNGS PAR BSTAN NAS PHYIS MI MTSUNGS PA'I KHYAD PAR DAG STON PA'I SNYAN NGAG DPER BRJOD NI, JO BO YAB SRAS GNYIS DANG NYI ZLA ZUNG, ,'GRO BA'I MUN PA SEL BAR MTSUNGS PA STE; ;'ON KYANG NYI ZLA GNYIS NI MKHA' LA MTHONG, ,JO BO YAB SRAS 'DZAM GLING SA YI RGYAN, ,ZHES PA DANG, YANG, SHIN TU RNYED DKA' 'DOD RGU'I DPAL STER BA'I, ,YONGS 'DZIN DAM PA YID BZHIN RIN CHEN TE, ,RGYAL BA'I GO 'PHANG LAG RTZER STZOL BA 'DI, ,YID BZHIN NOR BU LA NI MA MCHIS SO, ,ZHES PA LTA BU'O,, ` DGU PA SRID PA CAN GYI RGYAN GYI MTSAN NYID NI, DNGOS PO 'GA' ZHIG GI YONGS SU GRAGS PA'I RGYU BZLOG NAS MA GRAGS PA'I RGYU GZHAN NAM NGO BO NYID KYIS DNGOS PO DE GRUB PAR STON PA'I SNYAN NGAG DPER NA, LHA YI SKYED TSAL MA YIN ZHING, ,CHU YIS BRAN PAR MA BYAS PAR, ,'DOD RGU'I DPAL STER DPAG BSAM SHING, ,'DI NI BSOD NAMS KHO NAS RNYED, ,CES PA LTA BU'O,, ` BCU PA BSDUS PA BRJOD PA'I RGYAN LA MTSAN NYID DANG DPER BRJOD PA GNYIS LAS MTSAN NYID NI, SNYAN NGAG MKHAN RANG NYID BRJOD PAR 'DOD PA'I DON 'GA' ZHIG YID LA BSAMS NAS DNGOS SU DE DANG 'DRA BA'I CHOS 'GA' ZHIG BRJOD PA'I SGO NAS DON DE NYID STON PAR BYED PA'I SNYAN NGAG
GO ;DPER BRJOD NI, TZU TA RAB TU RGYAS PA'I 'KHRI SHING LAS, ,MA LLI GSAR PA'I DRI BZANG GIS BOS PA'I, ,BUNG BA G-YO BAS KHYAB PA 'DI RIGS MOD, ,BGRANG YAS GLANG MO'I CHANG 'THUNG 'DI CI ZHIG ,CES PA LTA BU DANG, 'OD ZER PHRENG BAS NOR 'DZIN KUN KHYAB CING, ,'CHAR NUB DANG BRAL SPRIN GYIS MI SGRIB LA, ,PADMA KU MUD MNYAM DU RGYAS BYED PA'I, ,SNANG BYED 'DI NI BDAG GI SKAL BAS RNYED, ,CES PA LTA BU'O,, ` BCU GCIG PA PHUL BYUNG GI RGYAN LA MTSAN NYID DANG DPER BRJOD GNYIS LAS MTSAN NYID NI, BSNGAGS PAR 'OS PA'I DON 'GA' ZHIG TSAD LAS BRGAL BA'I BSNGAGS PA BRJOD PA'I SGO NAS BSNGAGS PAR BYED PA STE, DPER BRJOD NI, AA TI SHA DANG RJE BTZUN TZONG KHA PA'I, ,RNAM DKAR PHRIN LAS SNYAN GRAGS PHUNG PO DAG ,DPAG NUS MIN YANG 'JIG RTEN 'DIR SHONG BA, ,AE MA SHES BYA'I KHYON 'DI SHIN TU YANGS, ,ZHES PA DANG, PADMA'I 'BYUNG GNAS MTHA' DAG GCIG BSDUS SHING, ,ZLA SHEL STONG PHRAG SNYING POR BYAS GYUR KYANG, ,DBYANGS CAN ZHAL GYI DKYIL 'KHOR MDZES PA YI, ,CHA YI RDUL LA'ANG BSGRUN DU CI ZHIG YOD, ,CES PA LTA BU'O,, ` BCU GNYIS PA RAB BTAGS KYI RGYAN LA MTSAN NYID DANG DPER BRJOD GNYIS LAS MTSAN NYID NI, SEMS DANG LDAN PA'AM SEMS MED PA GANG YANG RUNG BA DAG LA GNAS TSUL JI LTAR GNAS PA LAS SNYAN NGAG MKHAN GYIS RNAM PA GZHAN DU SGRO BTAGS NAS BRJOD PA'O, ,DPER BRJOD NI, 'DREN PA KHYOD KYIS DUG CAN NYON MONGS DANG, ,ME TOG MDA' CAN LHAN DU BCOM PA NA, ,'DI YIS BDAG GIR MDZAD
, ,SNYAM 'GRO RNAMS LA, ,DE DAG LHAG PAR 'TSE BA YIN NAM SNYAM, ,ZHES DANG, BU RAM SHING PA'I MDZAD PA'I 'OD KYIS NI, ,'JIG RTEN GSUM PO MA LUS BYUGS PA BZHIN, ,SA 'DI TSUL KHRIMS GOS KYIS G-YOGS PA BZHIN, ,BZOD PA'I YON TAN KUN LA SLOB PA BZHIN, ,ZHES PA LTA BU'O,, ` BCU GSUM PA RGYU YI RGYAN DANG BCU BZHI PA PHRA MO'I RGYAN DANG BCO LNGA PA CHA'I RGYAN RNAMS NI SNYAN NGAG GI LUS MDZES PAR BYED PA'I RGYAN RNAMS KYI MCHOG YIN LA, DANG PO RGYU'I RGYAN LA MTSAN NYID DANG DPER RJOD GNYIS LAS MTSAN NYID NI, 'BRAS BU'I GNAS SKABS 'GA' ZHIG BRJOD PAS SKYED BYED DAM SHES BYED KYI RGYU'I KHYAD PAR 'GA' ZHIG GSAL BAR BYED PA'O, ,DPER BRJOD NI, GZHAN LA PHAN PAR GZIGS NA RANG SROG KYANG,, BLTOS PA MED PAR LAN BRGYAR GTONG BYED PA, ,AE MA SEMS DPA' RNAMS KYI THUGS RGYUD KYI, ,BYANG CHUB SEMS KYI RNAM 'PHRUL 'DI NGO MTSAR, ,ZHES PA DANG, YID 'PHROG TSANGS DBANG SRAS MO'I ZUR MIG MDA', ,SGRUB LA DNGOS GRUB STZOL PHYIR 'PHANGS PA LAS, ,'GA' LA 'CHAD RTZOD RTZOM PA'I SHES RAB RGYAS, ,LA LA CHAGS PA'I ZUG RNGUS PHUG PAR GYUR, ,CES PA'O,, PHRA MO'I RGYAN GYI DPE NI, SOR GDUB PHRENG BAS MDZES PA'I BU MO YIS, ,LAG PA'I RTZE DGA'I PADMO ZUM BYAS PA, ,'DI NI DUS DAG GSAL BAR BYAS PAS TE, ,'DOD LDAN YID SKYES LUS CAN KHA CIG LA'O, ,ZHES PA LTA BU'O,, CHA'I RGYAN NI, NAM YANG NYAMS PA MED PA'I ZLA SHEL GYI, ,ZLA ZER RAL PA PHYOGS 'DIR BKOD PAS TE, ,MUN PA'I SMAG RUM 'DIR YANG KU MU
DA; ;RGYAS SHING RAB DKAR SNANG BAS KHYAB 'DI'O, ,ZHES PA LTA BU'O,, ` BCU DRUG PA RIM PA'I RGYAN LA MTSAN NYID DANG DPER BRJOD GNYIS LAS MTSAN NYID NI, DON DANG DPE 'GA' ZHIG GRANGS DANG GO RIM JI LTA BA BZHIN DU BYAS TE DPE DON DU SBYAR NAS GO BAR BYED PA'O, ,DPER BRJOD NI, 'JAM DBYANGS GZHON NU'I MCHOG TU MDZES PA'I SKU, ,SNYAN PA'I GSUNG DANG RAB YANGS MKHYEN PA RNAMS, ,'CHI MED RI BO PADMA'I STAN DANG NI, ,KUN KHYAB ROL GNAS 'DI YIS 'PHROG PAR NGES,, ZHES PA LTA BU'O,, ` (BCU BDUN PA DGA' BA'I RGYAN LA,) DGA' DANG NYAMS LDAN GZI BRJID CAN GYI RGYAN GSUM LA MTSAN NYID DANG DPER BRJOD GNYIS LAS DANG PO DGA' BA'I RGYAN GYI MTSAN NYID NI, SNGAR MA BYUNG BA'I DGA' BA KHYAD PAR CAN RANG RGYUD LA SKYES PAR STON PA STE, DPER BRJOD NI, 'JAM DBYANGS ZHAL GYI DKYIL 'KHOR MTHONG BA LAS, ,DGA' BA'I KHYAD PAR BDAG LA SKYES PA NI, ,'KHOR 'DAS DGA' BA GZHAN GYIS MI MTSON TE, ,SLAR YANG KHYED ZHAL MTHONG NA 'BYUNG BAR 'GYUR, ,ZHES PA LTA BU'O,, ` BCO BRGYAD PA NYAMS LDAN GYI RGYAN LA MTSAN NYID DANG DPER BRJOD GNYIS LAS MTSAN NYID NI, SGEG DRAG DPA' BRTZE SOGS NYAMS BRGYAD YID KYI STENG DU MNGON DU GYUR PA LUS NGAG GI RNAM 'GYUR LAS JI LTAR GYUR PA BZHIN BRJOD PA'O, ,NYAMS DE DAG BSDU BA'I TSIGS SU BCAD PA SLOB DPON RATNA SHR'IS MDZAD PA NI, DGA' DANG DGOD BRO MYA NGAN DANG, ,KHRO DANG SPRO BA DE BZHIN 'JIGS, ,SKYUG BRO NGO MTSAR ZHES PA RNAMS, ,GNAS BYED 'GYUR BAR RAB TU GRAGS,,
, ,SGEG DANG DGOD DANG SNYING RJE DANG, ,DRAG PO DPA' BA 'JIGS BYED DANG, ,MI SDUG RMAD BYUNG MING CAN ZHES, ,BRGYAD RNAMS GAR GYI NYAMS SU BSHAD, ,CES 'BYUNG BA LTAR RO, ,DPER NA, YID 'PHROG MA DANG BRAL LAS NOR BZANG NI; ;DBUGS PHRENG DUS KYI MCHE BA'I PHRAG GNAS LA, ,SOR GDUB KYIS 'BREL RTZE DGA'I GNAS THOB PA, ,DE YI SPRO DGA'I MTSAN NI SU YIS GZHAL, ,ZHES DANG, ,DPA' BA'I NYAMS NI, SKAD CIG NYID LA BDUD SDE THAMS CAD KYI, ,MGO BO 'BREG MDZAD ME LCE'I 'KHOR LO CAN, ,'DOD KHAMS DBANG PHYUG RAL GRI DRAN TZAM GYIS, ,SA GSUM DGRA BGEGS MA LUS CIS MI 'DAR, ,BRTZE BA'I NYAMS NI, RGYAL RIGS CHE ZHING MTHO BAR SKYES GYUR NAS, ,'DOD PA'I BDE BA KUN LA LONGS SPYAD DE,, MI BZAD SDIG PA'I DBANG GIS DMYAL BA'I MER, ,SREG CING 'TSOD 'DI KYI HUD SNYING RJE'I GNAS, ,ZHES PA'O,, ` BCU DGU PA GZI BRJID CHE BA'I RGYAN LA MTSAN NYID DANG DPER BRJOD GNYIS LAS MTSAN NYID NI, BRJOD PAR 'DOD PA'I DON DE NYID KHENGS SHING NGA RGYAL BA LTA BU'I TSIG GIS GZI BRJID DANG LDAN PAR STON PA'I NGAG DPE NI, GANG GI SDIGS MDZUB GCIG GIS LHUN PO'I TSOGS, ,BYE BA PHRAG BRGYA THAL BAR BYED NUS KYANG, ,NYI MA'I GNYEN GYI MKHYEN BRTZE'I GRIB BSIL LA, ,'GRO RNAMS SKRAG PAR MI 'OS SKYABS SU SONG, ,ZHES PA'O,, ` NYI SHU PA RNAM GRANGS BRJOD PA'I DPE NI, BDAG NI RE ZHIG G-YENG BA'I GNAS SPANGS TE, ,ZHI BA'I GNAS SU YANG DAG BSAM GTAN BGYI, ,DON GNYER KHYED CAG MKHAS PA'I MDUN SA
'DIR, ,LEGS BSHAD RO LA CI BDER ROL BAR MDZOD, ,CES PA LTA BU'O,, ` NYI SHU RTZA GCIG PA KUN TU PHAN PA'I RGYAN GYI DPE NI, LHA BRGYA'I COD PAN GYIS BTUD THUB PA YI, ,ZHABS RDUL BDAG 'DRAS MCHOD LA CI ZHIG BLTOS, ,DE LTA NA YANG RANG LA SNYING NYE BAS, ,RANG LA PHAN PHYIR ZHABS RDUL SPYI BOS BLANG, ,ZHES PA LTA BU'O,, ` NYI SHU RTZA GNYIS PA RGYA CHE BA'I RGYAN NI, BSAM PA'AM 'BYOR PA SHIN TU RGYA CHE BAR STON PA'I TSIG STE DANG PO'I DPE NI, SRID NA BGRANG YAS LUS CAN MTHA' DAG GI ,PHAN BDE'I KHUR NI GANG GI ZUR PHUD LA, ,RAB 'GROGS 'JAM DBYANGS GZHON NU DA DUNG YANG, ,RGYAL SRAS TSUL BZUNG RGYAL BA'I BKA' SGRUB MTSAR, ,ZHES PA'O, ,GNYIS PA'I DPE NI, GANG GI BANG MDZOD RE RE'ANG GZHAL MED PA'I, ,LHA DANG MI YI RIN CEN GYIS GANG BA, ,RMUGS 'DZIN DBANG PO 'DI YI 'BYOR PA'I TSAD, ,BDAG GIS NAM YANG RTOGS PAR GA LA NUS, ,ZHES PA LTA BU'O,, ` NYER GSUM PA BSNYON DOR GYI RGYAN NI, NYI MA'I GNYEN GYIS BDAG NYID YAL BOR NAS, , 'GRO KUN GCES PAR BZUNG ZHES GRAGS 'DI BRDZUN, ,BDEN NA SKYON RNAMS 'KHOR BA 'DIR BZHAG NAS, ,YON TAN KUN GYIS BDAG NYID BRGYAN 'DI CI, ,ZHES PA LTA BU'O,, ` NYER BZHI PA SBYAR BA'I RGYAN GYI DPE NI, PHA MTHA' DANG BRAL ZAB YANGS YID BZHIN MTSOR, ,DPAL STUG BANG MDZOD KUN LA DBANG SGYUR ZHING, ,TSA ZER 'BAR BAS MUN NAG TSANG TSING 'JOMS, ,DPAL LDAN KLU YI DBANG POS 'GRO 'DI SRUNGS, ,ZHES PA LTA BU'O,, ` NYI SHU RTZA LNGA PA KHYAD PAR BRJOD PA'I RGYAN
, ,LA MTSAN NYID DANG DPER BRJOD GNYIS LAS MTSAN NYID NI, RIGS BYA BA RDZAS LA SOGS PA'I KHYAD CHOS SAM YON TAN YONGS SU GRAGS PA DAG BZLOG NAS, DE DAG GANG DANG YANG MI LDAN PAS BYA BA DE DAG BYED NUS PA'I RGYU'I KHYAD PAR BRJOD PA STE, DPER BRJOD NI, GCIG TU GZHAN PHAN DGONGS SHING GNOD SEMS BRAL, ,THUGS RJE CHEN POS RTAG TU 'KHYUD PA LAS, ,RGYAL BA RNAMS KYI BYAMS PA'I MTSON GYIS NI, ,BDUD KYI DKYIL 'KHOR MTHA' DAG 'JOMS 'DI MTSAR, ,ZHES PA LTA BU'O,, ` NYER DRUG PA MTSUNGS PA BRJOD PA'I RGYAN NI, BSTOD SMAD GANG YANG RUNG BA'I SGO NAS DNGOS PO 'GA' ZHIG MTSUNGS PAR STON PA STE, DPER NA, RTZOD PA'I DUS 'DIR ZAS GTZANG SRAS PO NYID, ,KHO NA 'GRO BA RNAMS KYI SKYABS MIN TE; ;PAD DKAR 'DZIN YANG BDAG CAG MTHA' 'KHOB KYI, ,SNYIGS DUS 'GRO BA'I SKYABS SU MTSUNGS PA NYID, ,CES PA LTA BU'O,, ` NYER BDUN PA 'GAL BA'I RGYAN NI, SHIN TU 'GAL BA'I CHOS GNYIS GZHI GCIG LA GNAS PAR STON PA LTA BU STE, DPER NA, CHAGS DANG BRAL YANG CHAGS PA'I NYAMS DANG LDAN, ,SPROS PAS DBEN YANG RGYAN RNAMS KUN GYIS MDZES, ,ZLA LTAR BSIL YANG BDUD KYI DKYIL 'KHOR SREG ,'JIG RTEN 'DAS KYANG 'JIG RTEN LHA MO'I TSUL, ,ZHES PA LTA BU'O,, ` NYER BRGYAD PA SKABS MIN BSTOD PA NI, GZHI 'GA' ZHIG GI SKYON MTHONG BA NA DE LA SMAD PAR 'DOD NAS DE'I BZLOG PHYOGS 'GA' ZHIG LA BSTOD PA LTA BU STE, DPER NA, 'KHOR BA'I GNAS 'DIR RNAM MANG LONGS SPYOD KYIS, ,DREGS SHING KHENGS PA'I
SKYE BO 'DI MTHONG TSE, ,ZHI BA'I NAGS SU TSE 'DI BLOS BTANG NAS, ,BLTOS MED SGRUB LA BRTZON RNAMS SNYING LA DRAN, ,ZHES PA LTA BU'O,, ` NYER DGU PA ZOL BSTOD KYI RGYAN NI, BSTOD PAR 'DOD PA'I DON DE LA SMAD PA LTA BUR BYAS NAS MCHOG TU BSTOD PA STE, DPER NA, GZHAN DON THUGS RJE BSKAL PAR GOMS GYUR PA, ,RGYAL BA RNAMS KYIS 'GRO SKYOB CI ZHIG MTSAR, ,SEMS DANG BRAL ZHING BRLAN PA'I SHING RNAMS KYI, ,GRIB MAS MGRON PO'I TSA GDUNG 'PHROG 'DI RMAD, ,CES PA LTA BU'O,, ` SUM CU PA NGES BSTAN GYI RGYAN NI, GROGS KHYAD PAR CAN NAM SKYABS KHYAD PAR CAN GYI MTHUS GZHAN RJES SU 'DZIN PAR STON PA STE, DPER NA, PHUN TSOGS LEGS BSHAD 'OD BRGYA'I SNANG BA CAN, ,'DI DAG BSTAN PA'I LO TOG 'PHEL BYED DE, ,'OD ZER STONG LDAN NYIN MO'I DBANG PHYUG GIS, ,CHU SKYES GZHON NU RNAMS LA RJES 'DZIN TO, ,ZHES PA LTA BU'O,, ` SO GCIG PA LHAN CIG BRJOD PA'I DPE NI, RGYAL BA RNAMS KYIS YID SRUBS BDAG PO'I DPUNG, ,DUG CAN NYON MONGS DPUNG DANG LHAN CIG BCOM, ,SPANGS RTOGS MTHAR PHYIN CHOS SKU'I BDE BA DANG, ,MTSAN DPES SPRAS PA'I GZUGS SKU LHAN CIG BRNYES, ,ZHES PA LTA BU'O,, ` SO GNYIS PA YONGS BRJES KYI DPE NI, KHYOD KYIS GRANGS MED BSKAL PAR LUS DANG NI, ,PHYI NANG BDOG PA'I DNGOS PO KUN BTANG NAS, ,DPAG DKA' GZHAL BAR MI NUS YON TAN TSOGS, ,MTHA' DAG BDAG GI DON BZHIN KHYOD KYIS BZHES, ,SNYAN NGAG RGAN PO'I 'OD ZER PHRENG BA'I TSOGS, ,LEGS BSHAD ZOL GYIS SLOB BU RNAMS LA SPROS, ,GZHON
, ,NU DAG GI BLO YI SKYED TSAL DU, ,CHU SKYES GSAR BSKRUN LEGS BSHAD SKYES SU MTSON, ,ZHES PA LTA BU'O,, ` SO GSUM PA SHIS PA BRJOD PA'I DPE NI, RAB DKAR ZLA SHEL GSAR PA'I SPU LONG GIS, ,PHYOGS KUN NGO MTSAR GAR GYI RI MO BZHIN, ,NGAG DBANG LHA MOS SLOB BU 'DI DAG LA, ,'CHAD RTZOD RTZOM LA THOGS MED BKRA SHIS STZOL, ,ZHES PA'O,, SNYAN NGAG MKHAS DBANG KUN GYI GTZUG GI RGYAN, ,DPAL LDAN DAN dI'I ZHABS KYI GSUNG BZANG LAS, ,RGYAL BA'I SKU GZUGS BZHENG BA'I LAS DANG NI, ,SNYAN NGAG LA SOGS PHYI NANG RIG GNAS LA, ,DPYOD YANGS DPAL LDAN BLO GROS BZANG PO SOGS, ,SLOB BU 'GA' LA DON RGYAN SO LNGA PA'I, ,MTSAN NYID DPER BRJOD RAGS RIM SNYAN NGAG MKHAN, ,DBYANGS CAN BZHAD PA'I RDO RJES GSAL BYAS PA'I, ,YI GE PA NI GZHON NU SNYAN NGAG MKHAN, ,CHOS KYI DPAL 'BYOR LEGS PA ZHES BYAS SO,, ,, ` NGAG GI DBANG PHYUG DBYANGS CAN MA LA PHYAG 'TSAL LO, ,SNYAN NGAG GI LUS MDZES PAR BYED PA'I RGYAN GYI DON RGYAN SUM CU SO LNGA YOD PA LAS DANG PO RANG BZHIN BRJOD PA'I RGYAN LA MTSAN NYID NI, DNGOS PO RNAMS KYI RANG BZHIN DANG GNAS SKABS SGRO MA BTAGS PAR BRJOD PA'I NGAG DE LA DBYE NA RIGS BYA BA YON TAN RDZAS BRJOD PA DANG BZHI LAS DANG PO'I DPER BRJOD NI; BSLAB PA GSUM LDAN SDE SNOD MANG DU THOS, ,SMRA MKHAS GZHAN LA BSHAD PAS SKYO BA MED, ,DE NYID RTOGS SHING BRTZE LDAN GZHAN DON LA, ,BRTZON PA 'DI DAG THEG CHEN DGE BA'I BSHES, ,ZHES PA LTA BU'O,, ` RGYAN BZHI PA GSAL BYED KYI RGYAN
GYI NANG TSAN PHRENG BA'I GSAL BYED NI, SHAR PHYOGS RGYA NAG RGYAL PO'I LEGS BYAS LAS, ,LO MA'I MCHOG STE DE LAS JA DKAR GYI, ,BTUNG BA DES KYANG DKAR GANGS BZANG PO'I SNOD, ,DES KYANG MI DBANG PHYAG NI LEGS PAR MDZES, ,ZHES PA LTA BU'O,, ` RGYAN LNGA PA BSKOR BA CAN GYI RGYAN LA MTSAN NYID NI, THOG MTHA' BAR GSUM DU TSIG DON GANG RUNG NGAM GNYIS KAS BSKOR BA'I SGO NAS DON DE STON PAR BYED PA'I NGAG DPER NA, MI PHAM RGYAL BAS DGA' LDAN GYI, ,LHA RNAMS LA NI CHOS STON MDZAD, ,MKHAS PA KHYOD KYIS 'DZAM GLING 'DIR, ,MI RNAMS LA NI CHOS STON MDZAD, ,CES DANG, ` RGYAN DRUG PA 'GOG PA'I RGYAN NI, DUS GSUM LA BLTOS PA'I DGAG BYA GANG YANG RUNG BA 'GOG PAR STON PA'I NGAG DPER NA, MKHAS KHYOD SHES RAB MIG GIS SHES BYA KUN, ,JI BZHIN MTHONG ZHES SMRA BA BRDZUN NYID DE, ,YANG NA SKYES BU'I LEGS BYAS LAS 'ONGS PA'I, ,BLO GROS NUS PA SHIN TU RNAM PAR BKRA, ,ZHES PA LTA BU DANG, TSANGS DBANG SRAS MO'I MDZES SKU RNAM MANG GI ,RIN CEN PHRENG BAS LEGS PAR BRGYAN 'DI CI, ,BLTA BAS MI NGOMS MTSAN DPE'I CHA SHAS RNAMS, ,SGRIB PAR 'GYUR SNYAM NGES PAR BDAG DOGS SO, ,ZHES PA LTA BU, ` BDUN PA DON GZHAN BKOD PA'I RGYAN GYI NGO BO NI, SNYAN DNGAGS MKHAN NYID KYI 'DOD PA'I DON ZHIG BSGRUB BYA LTA BUR BKOD NAS SPYI LA KHYAB PA'I DON ZHIG DE'I SGRUB BYED NUS LDAN DU 'GOD PA STE, DPER NA, SNGON TSE BYAMS PA'I STOBS KYIS GNOD SBYIN RNAMS, ,RANG GI LUS KYI KHRAG GIS TSIM PAR MDZAD, ,GZHAN LA PHAN
, ,PHYIR LUS DANG LONGS SPYOD KUN, ,GTONG BA RGYAL SRAS RNAMS KYI NGANG TSUL NYID, ,CES PA LTA BU DANG, TSUL KHRIMS DRI BSRUNG LDAN PA'I SKYES BU RNAMS, ,DPYOD LDAN RNAMS KYI YID DU 'ONG BA STE, ,TZAN DAN NAGS TSAL LAS 'ONGS DRI BZHON YANG, ,'GRON PO'I TSA GDUNG 'PHROG BYED MA YIN NAM, ,ZHES DANG, BLO BZANG GSUNG GI LEGS BSHAD KYANG, ,DUG CHU LTA BUR MTHONG GYUR PA, ,MI DGE'I BSHES GNYEN DBANG SONG BA'I, ,SKYE BO RNAMS KYI SDIG 'DI 'ANG, ,ZHES PA LTA BU, ` DGU PA BZLOG PA CAN GYI RGYAN NI, MTSUNGS CHOS 'GA' ZHIG GI SGO NAS THOG MAR DON DE GNYIS MTSUNGS PAR BSTAN NAS PHYIS DE GNYIS KYI KHYAD PAR BSTAN PAS JI LTA BA BZHIN MI 'DRA BAR STON PA STE, DPER NA, NYIN MO'I DBANG PHYUG 'DI DANG MKHAS PA KHYOD, ,NOR 'DZIN GSAL BAR BYED LA MTSUNGS PA STE, ,THUB BSTAN PAD TSAL RGYAS PAR BYED PA NI, ,TSA ZER CAN LA NAM YANG MA MCHIS SO, ,ZHES PA LTA BU'O,, ` BCU PA SRID PA CAN GYI RGYAN NI, 'JIG RTEN NA YONGS SU GRAGS PA'I RGYU DAG BZLOG NAS GANG GI NGO BO DAG 'BYUNG SRID PAR STON PA'I TSIG DPER NA, SKYED MOS TSAL DU MA BSKRUN CING, ,CHU LA SOGS PA'ANG MA BRAN PAR, ,'DI NA 'DAM RDZAB MED PAR YANG, ,MKHAS PA'I PADMO 'DI NGO MTSAR, ,ZHES PA LTA BU, ` BCU GCIG PA BSDUS PA BRJOD PA'I RGYAN NI, SNYAN DNGAGS MKHAN GYIS BRJOD PAR 'DOD PA'I SKYES BU SOGS 'GA' ZHIG YID LA BSAMS NAS DNGOS SU DE MI BRJOD PAR DE DANG MTHUN PA'I DNGOS PO GZHAN ZHIG GSAL BAR BYED PA STE, DPER NA, GSHOG
RLABS RGYAS PA'I NGANG PA'I DED DPON RNAMS, ,RAB YANGS PAD MTSOR RNAM PAR ROL PA LAS, ,RES 'GA' RDZING BU DAG TU ZHEN PA YIS, ,ZHUGS NAS MGRIN PA'I RDZA RNGA SGROG PAR BYED, ,CES PA LTA BU, PHRA MO'I RGYAN NI, BRJOD 'DOD KYI DON DE NYID DNGOS SU MA BRJOD PAR ZUR DANG RNAM 'GYUR GYI SGO NAS GSAL BAR BYED PA STE, DPER NA, NYI MA'I 'OD ZER LAN BRGYAR 'THUNGS PA LAS, ,DRI BZANG RAB TU RGYAS PA'I PADMO NI, ,RKANG DRUG TSOGS LA DUS DAG BYE DPA STE, ,SBRANG RTZI DON GNYER SKAL BZANG RNAMS LA'O, ,ZHES DANG, SLAR YANG MA KHOL PHYOGS 'DIR 'ONGS PA STE, ,PAD RDZING PADMO'I RDUL PHRAN RE RE YANG, ,DRI ZA'I PHANG 'GRO 'BUM LAS NGANG MO YI, ,DBYANGS SNYAN RNAM PAR RTZEN PA 'DI NI CI, ,ZHES PA LTA BU, GZI BRJID KYI RGYAN NI, RGYAL BA RNAMS KYIS BDAG CAG 'JOMS 'GYUR ZHES, ,MA LUS BDUD KYI DKYIL 'KHOR SKRAG MI DGOS, ,KHYED CAG 'GRO BA RNAMS LA MI 'TSE NA, ,BRTZE LDAN RNAMS KYIS THUGS RJES KUN LA SNYOMS, ,ZHES PA DANG, SBYAR RGYAN GYI DPE NI, SA 'DZIN PHRENG BA'I DBUS NA MNGON PAR MTHO, ,GZI LDAN BANG RIM RNAMS KYIS RNAM PAR BKRA, ,SNANG BA'I MU KHYUD ZUNG GIS MUN PA SEL, ,SA 'DZIN DBANG PO MCHOG 'DI BSNGAGS PA'I GNAS,, SNYON DOR GYI DPE NI, MI MJED ZHING GI 'GRO BA MA LUS PA,, SH'AKYA'I RGYAL PO'I GDUL BYAR GYUR CES BRDZUN, ,BDEN NA KHA BA CAN GYI ZHING KHAMS 'DIR, ,SPYAN RAS GZIGS DBANG NGAL BA CI SLAD 'DZIN, ,ZHES DANG, ZOL BSTOD KYI RGYAN NI, BSKAL MANG THUGS RJE GOMS PA'I RGYAL RNAMS KYIS, ,THUGS RJES
, ,'GRO BA SKYOB LA MTSAR CI YOD, ,SEMS MED GYUR KYANG 'BYUNG BA 'DI DAG GIS, ,CHAR PHAB 'GRO BA'I GDUNG BA SEL 'DI MTSAR, ,SKABS MIN BSTOD PA'I RGYAN NI, DENG DUS SKYE BO'I NGANG TSUL 'DI MTHONG TSE, ,TSUL KHRIMS DAG CING THOS BSAM MTHAR SON TE, ,CHOS BRGYAD SPANGS NAS SGRUB PA LHUR LEN PA'I, ,BKA' GDAMS GONG MA'I RNAM THAR SNYING LA DRAN, ,YONGS BRJES KYI RGYAN NI, SNYAN DNGAGS RGAN PO'I BSHAD PA'I 'OD STONG RNAMS, ,KHYED LA SPROS SHING MI DBANG GZHON NU YI, ,MKHYEN PA'I SKYED TSAL LAS KYANG SNYAN DNGAGS KYI, ,ME TOG PHRENG BA BDAG GIS LEGS PAR BLANGS, ,SHIS BRJOD KYI RGYAN NI, STON DUS DAG PA'I MKHA' LA ZLA SHEL BZHIN, ,YID MTSOR DBYANGS CAN NGANG MOS RNAM RTZEN PAS, ,KHYED CAG MKHAS PA'I YID 'PHROG SNYAN DNGAGS KYI, ,'DOD RGU'I RDZA RNGA CI YANG SGROG GYUR CIG ,CES PA 'DI NI 'OL KHA NAS NANG SO SKU GZHON PA NGAG DBANG BSOD NAMS RGYA MTSO'I SDES SNYAN DNGAGS GSAN PAR BYON DUS KHA BA RI PA'I SNYAN DNGAGS MKHAN DBYANGS CAN BZHAD PA'I RDO RJES CHOS 'KHOR RGYAL GYI GTZUG LAG KHANG DU BGYIS PA'O,, ,, ` SNYAN NGAG GI DON RGYAN SO LNGA YOD PA'I RANG BZHIN BRJOD PA'I RGYAN GYI MTSAN NYID DNGOS PO RNAMS KYI RANG BZHIN SGRO MA BTAGS PAR JI LTA BA BZHIN BRJOD PA'I RGYAN, DBYE NA BZHI LAS RIGS BRJOD PA NI, ZHAL RAS MDZES SHING 'DZUM DKAR CAN, ,SPYAN DKYUS RING ZHING MKHUR TSOS DMAR, ,DBYANGS CAN SKU YI CHA 'DI DAG ,GANG NAS BLTAS KYANG YID DU 'ONG, ,ZHES PA LTA BU'O,, NGES PA'I DPE NI, MKHAS PA'I MCHOG KHYOD 'JAM DBYANGS KHO NA
DANG, ,MTSUNGS KYI GZHAN DANG NAM YANG MTSUNGS MA LAGS, ,ZHES PA'O,, NGES MED KYI DPE NI, BLO BZANG RGYAL BA GNYIS PA'I MDZAD PA NI, ,THUB PA'I DBANG PO NYID KYI MDZAD PA DANG, ,MTSUNGS MNYAM GZHAN YANG PHYOGS BCU'I ZHING RNAMS NA, , RGYAL BA DE 'DRA RNAMS DANG MTSUNGS PAR 'GYUR, ,ZHES PA'O, ,BSDUS PA'I DPE NI, MGON KHYOD MKHYEN RAB YANGS PA KHO NA YIS, ,'JAM PA'I DBYANGS DANG MTSUNGS PA NYID MIN TE, ,THUGS RJE'I DPAL DANG SPANGS RTOGS MDZAD PA SOGS, ,YON TAN KUN GYIS DE DANG MTSUNGS PA LAGS, ,KHYAD PAR GYI DPE NI, 'JAM PA'I DBYANGS DANG MKHAS PA'I DBANG PO KHYOD, ,MTHON MTHING RAL PA'I KHUR DANG RIN CEN GYI, ,RGYAN PHRENG KHO NAS THA DAD BYAS PA STE, ,GZHAN DU KHYAD PAR CUNG ZAD MA MCHIS SO;; RAB SNANG GI DPE NI, MGON KHYOD MKHYEN PA'I DPAL NI NGA NYID LA, ,YOD CES 'JAM DBYANGS GZHON NU SNYEMS MI DGOS, ,STOBS BCU MNGA' BA THUB PA'I DBANG PO SOGS, ,KUN KYANG KHYED DANG MKHYEN RAB MTSUNGS PHYIR RO, ,ZHES PA'O,, ` GNYIS PA GZUGS CAN NAM NGO BO CAN GYI RGYAN LA MTSAN NYID DANG DBYE BA'I DPER BRJOD GNYIS LAS, DANG PO NI, DPE DANG DON THA DAD DU MA BYAS PAR DON DE NYID DPE'I GZUGS SU BKOD NAS STON PA'I NGAG GZUGS CAN GYI RGYAN GYI MTSAN NYID, DBYE BA LA NYI SHU LAS DANG PO BSDUS PA'I GZUGS CAN NI, ZHAL RAS ZLA BA SMIN MA RI BONG GZUGS, ,'DZUM PA'I 'OD DKAR SNYING GI KU MUD GNYEN, ,ZHES PA'O, ,MA BSDUS PA'I GZUGS CAN NI, PHYAG GNYIS SHEL DKAR LCUG PHRAN MDZES
, ,PA LA, ,SOR MO'I YAL GA SEN MO'I ME TOG BKRA, ,ZHES PA'O, ,BSDUS PA DANG MA BSDUS PA GNYIS KA'I GZUGS CAN NI, KHYOD SKU ZLA MDZES MTSAN DPE'I 'OD DKAR CAN, ,'GRO BA'I MIG GI BDUD RTZI KHYOD LA 'DUD, ,CES PA'O,, MTHA' DAG GI GZUGS CAN NI, KHYOD THUGS SKYED TSAL MKHYEN RAB 'DAB STONG CAN, ,RNAM DPYOD ZE'U 'BRU LEGS BSHAD SBRANG RTZIS GTAMS, ,SKAL BZANG BUNG BA'I NYER 'TSO THUB BSTAN GYIS, ,DPYID KYI PADMO MDZES BYED GANG DE RGYAL, ,ZHES PA'O,, GSUM PA GSAL BYED KYI RGYAN NI, ,RIGS LA SOGS PA'I TSIG GCIG NYID THOG MTHA' BAR GSUM GANG RUNG DU GNAS PAS NGAG KUN GSAL BAR BYED PA STE THOG MA'I GSAL BYE3D NI, MDZES SO MIG STONG LDAN PAS MTHO RIS DANG, ,NYI ZLA'I SNANG BA ZUNG GIS LHA YI LAM, ,YID 'ONG 'DAB STONG LDAN PAS SKYED MOS TSAL, ,MI DBANG KHYOD KYIS RGYA MTSO'I GOS CAN NO,, BAR GYI NI, LO 'DAB RGYAS SHING 'BRAS BU G-YUR ZA BA'I, ,DPAG BSAM SHING GIS RIN CEN CHAR 'BEBS TE, ,'BRU DANG GOS DANG ZAS LA SOGS PA YI, ,SKYE RGU'I NYER MKHO YO BYAD GZHAN RNAMS KYANG, ,ZHES DPER BRJOD THOR BU PA 'DI NI 'OL KHA NAS SA SKYONG AA MO GHA RDO RJE RNAM RGYAL DPAL BZANG POS BSKUL BA'I NGOR GNANG BA'O,, ,,MANGGA LAm,,