Minor Works Including Epistles and Classical Poetry, from Assorted Writings found in the Collected Works of the Holy and Omniscient One

, ,RJE BTZUN THAMS CAD MKHYEN PA'I GSUNG 'BUM THOR BU LAS CHAB SHOG SNYAN NGAG GI SKOR RNAMS BZHUGS SO,,

, ,PHYOGS BCU'I RAB 'BYAMS RGYAL BA KUN GYIS DNGOS GRUB RTZA BA BLA MA ZHES, ,BSNGAGS GYUR DE NI SKYABS KYI MCHOG STE AE MA'O BSOD NAMS ZHING GI MCHOG ,GANG GI DRIN LAS SKU GSUM GO 'PHANG DE BZHIN 'DOD RGU'I 'BRAS KUN YANG, ,STZOL MDZAD KHYAB BDAG RDO RJE 'CHANG DBANG KHYOD ZHABS PAD MOR PHYAG BGYID DO, ,PHUL BYUNG MKHYEN RAB YID BZHIN RGYA MTSO'I GTING YANGS GZHAL BAR MI DPYOD CING, ,RIM GNYIS LAM GYI RTOGS PA MTHAR SON GRUB PA'I DBANG PHYUG KHYOD LTA BU'I, ,ZHABS RDUL RAL PA'I NAGS SU LHUNG GYUR DE YANG RDO RJE 'CHANG LTA BUR, ,BYANG CHUB SEMS KYI RDO RJES BSNGAGS MTHONG BDAG KYANG SKAL BA BZANG SNYAM BGYID,, MGON KHYOD ZUNG 'JUG RDO RJE'I SKU BRNYES KYANG, ,SRID MTHA'I BAR DU PHUNG PO'I ZA MA TOG ,DOR BAR MI 'TSAL ZHABS ZUNG THUB BSTAN GYI, ,SPYI BOR RDO RJE LTA BUR BRTAN PAR GSOL, ,RGYAL BA KUN LAS GANG GI BA SPU

, ,YANG, ,MCHOD PA DON CHEN BLA NA MED SHES NAS, ,RDO RJE'I LJAGS KYIS BDUD RTZI'I CHA SHAS TZAM, ,BZHES NAS BDAG GI SNYING LA SA MA DZA, ,ZHES ZI PO LER GRAGS PA ZHO GANG LA RGYA 'BYAR BA DANG BCAS TE GZHIS KA'I BYANG MA NAS PHUL BA'I ZHU YIG CES PA RJE MKHAS GRUB NOR BZANG RGYA MTSO LA PHUL BA'O,, ,, ` 'DI NA GANG LA 'DOD RGU'I 'BYUNG GNAS ZHES, ,GRAGS PA'I BA DAN DKAR BAS RNAM MDZES PA, ,YID BZHIN NOR DANG DPAG BSAM SHING SOGS KYIS, ,GANG GI BKA' DRIN MCHOG GI CHA SHAS LA'ANG, ,'GRAN PAR MI BZOD SKU GSUM GO 'PHANG YANG, ,SKAL BZANG 'GRO LA LAG RTZER SBYIN MDZAD PA, ,AE MA'O SKYABS KYI DAM PA MCHOD PA'I ZHING, ,KUN GYI MCHOG GANG RNYOG BRAL ZHABS PAD DRUNG, ,GANG GI YON TAN DRAN PA'I BSER BUS KYANG, ,LUS SKYES LJON SHING G-YO BA'I GAR BYED PA, ,YANGS PA'I SKYED TSAL BZHIN DU DPRAL BA'I NGOS, ,THAL SBYAR ME TOG DGOD PAS

MCHID 'DI ZHU, ,GTING YANGS MKHYEN PA'I CHU BDAG GLAL BA'I RLANGS, ,SHOG BU'I GO 'BYED YANGS PAR LEGS BSHAD KYI, ,CHU LDAN RTEN 'BYUNG SPRIN GYI RNGA SGRA CAN, ,PHYOGS 'DIR KUN DGA' MA LUS GZUGS CAN BZHIN, ,'DI NA BRTAN DANG G-YO BA'I DNGOS PO KUN, ,BKRA BAR 'GOD MKHAS RNAM RTOG RI MO MKHAN, ,MTHONG TSE BYED POR RLOM PA'I KHENGS PA NI, ,NYAMS BYAS MES PO BSAM GTAN ZOL LA BRTEN, ,BLO MIG PHYI NANG SHES BYA'I SPYOD YUL CAN, ,SA STENG MKHAS PA KUN LAS MGON PO KHYOD, ,RNAM PAR RGYAL BA'I SGRUB PA'I RGYAL MTSAN DE, ,SA GSUM NA MTHO GRAGS PA'I BA DAN DKAR, ,DBEN PA'I NAGS KLUNG YANGS PAR BSAM GTAN GYI, ,BDE BA'I RO LA SRED LDAN 'DI DAG KYANG, ,MGON KHYOD THOS PA RGYA MTSO'I GTING MTHA' NI,, LTA BAR MA BZOD DBEN PA'I ZOL LA BRTEN, ,DE SLAD 'DZAM GLING 'DI NA NOR 'DZIN MA, ,MDZES PAR BYED PA RGYAN DRUG MCHOG GNYIS ZHES, ,GRAGS KYANG DE DAG RNAMS KYIS NOR LDAN MA'I, ,COD PAN GCIG PU 'DI LA JI LTAR 'GRAN, ,ZHES DON LDAN DU BSNGAGS PA'I SGO NAS SKABS KYI ZHU LAN RANG GI GO TSOD LTA KHRID KYI RNAM PAR BYAS PA 'DI KHAR SANG DPYID RI BO DGE LDAN TSOR SDE SNOD 'DZIN PA DRUG CU LHAG PA LA LTA KHRID BSHAD PAS, ,'DI LTA BU'I 'KHRID TSUL YI GER BKOD PA ZHIG CIS KYANG DGOS ZHES BSKUL BA'I NGOR BKOD PA LAGS PAS DGONGS YUL 'BYOR DU RE 'PHRAL DU PHUL BA LAGS SHING, SLAD MA'ANG ZHU YIG RIM CAN DU 'BUL BA DANG, NGOS KYIS KYANG MYUR DU MJAL BA ZHIG GI BLO 'DUN MA DOR BAR YOD LAGS SHING, THUGS DAM

, ,ZAB MO'I SKYABS 'OG TU 'BRAL BA MED PA'ANG MKHYEN LAGS, DA LAM GSOL JA THUM BU RGYA LDAN DU 'BUL, SMIN DRUG ZLA BA'I TSES BCU LA PHUL BA'I ZHU YIG CES RJE NOR BZANG PA'I DRUNG DU ZHU LAN DU PHUL BA'O,, ` RAB 'BYAMS PHYOGS BCU'I RGYAL BA MA LUS PA'I, ,MKHYEN BRTZE PHRIN LAS MTHA' DAG GZUGS CAN BZHIN, ,NGUR SMRIG 'DZIN PA'I ZLOS GAR LHUR LEN PA, ,YAB RJE DAM PA'I ZHABS DRUNG PHYAG BGYID DO, ,MDANG NANG GDUL BYA DMAN PA RNAMS KYI BLO NGOR GSUNG GLO PHRAN TSEGS LA BRTEN PA'I CUNG ZAD BRO 'TSAL TSUL BSTAN PA SHIN TU YID MA BDE BA, SNYIGS DUS KYI BSTAN PA DANG, BDAG SOGS GDUL BYAR GTOGS PA'I SEMS CAN RNAMS KYI DON DU YUN RING DU ZHABS PAD MI 'GYUR RDO RJE'I GDAN LA BRTAN PAR BZHUGS SU GSOL, ZHES LAN BRGYA PHRAG TU THAL MO SBYAR NAS CHE THANG DU GSOL BA 'DEBS PAR BGYID PA LA THUGS RJE'I SPYAN RAS G-YO BA MKHYEN LAGS SHING, THEG PA MCHOG GI BSHES GNYEN CHES MTHONG BAR DKA' BA NAS ZHAL BZANG BLTA BAR RTZE GCIG TU YID LA SEMS PAR BGYID NA'ANG, DA LAN BKA' STZAL SPYI BOR MCHOD PA NYID BKA' BZHIN DU SGRUB PA'I MCHOD PAR BSAMS TE GSOL JA MTSON PA RGYA LDAN DU PHUL BA DGYES BZHIN DU BZHES NAS MYUR DU MJAL BA'I BKA' DRIN STZAL BAR CIS KYANG GNANG ZHING, TSE RABS THAMS CAD DU YE SHES KYI GZIGS PA 'BRAL BA MED PAR NYID KYIS THUGS RJES BZUNG DU GSOL ZHES GZHIS KA NAS PHUL BA'I ZHU YIG CES PA 'DI YANG CHOS KYI RJE NOR BZANG PA'I DRUNG DU PHUL BA'O,, ,, ` RGYAL BA KUN GYI YE SHES NGUR SMRIG GI ,SGYU

'PHRUL DRA BA'I GAR GYI RI MO NI, ,THUB BSTAN RGYAL MTSAN RTZE MOR 'DZEGS PA GANG, ,ZHABS SEN SPYI BOR MCHOD DE PHYAG BGYID DO, ,DBANG PHYUG BRGYAD KYI YID BZHIN RIN CEN YANG, ,SKAL BZANG GDUL BYA'I LAG RTZER SKAD CIG GIS, ,SBYIN MDZAD SRID PA GSUM GYIS MCHOD BYA'I GNAS, ,ZLA MED BLA MA'I ZHABS DRUNG MCHID 'DI ZHU, ,LHUN PO BAS KYANG KHYOD SKU DPAL GZI 'BAR, ,NAM MKHA' BAS KYANG 'PHRIN LAS RGYA CHE ZHING, ,ZLA BA'I 'OD PAS SNYAN GRAGS DKAR BA 'DI, ,BDUD RTZI BAS KYANG SNYING LA DGA' BA RGYAS, ,THUGS RJE 'O MA'I CHU GTER RLABS 'PHYUR BA, ,RAB 'THOR RJES BZUNG BKA' STZAL MU TIG GI ,'PHRENG BA DKAR 'JAM GLEGS BU LA BKOD PA, ,BSOD NAMS BZHIN DU BDAG GI SPYI BOR LHUNG, ,MGON KHYOD MCHOG TU DGYES PA'I SPYAN RAS KYI, ,'DAB BRGYAS BTZOS PA'I GNAS SKABS 'DI LTA BU, ,RMI LAM NYID DAM NGES PAR BDEN GYUR CES, ,BDAG YID THE TSOM KHYOGS LA 'PHYANG MO YUG ,SNYING LA DAD PA'I SA 'DZIN BRTZEGS MTHO BAR, ,SGRIB BRAL DAM PA'I BYIN RLABS NYI MA'I 'OD, ,'GROGS PA CHOS NYID CES BYA RDZUN KHO NA, ,SNYAM MOD BDEN PA'I TSIG TU BZOD KHUMS SO, ,BKA' STZAL COD PAN SPYI BOR RAB BKOD NAS, ,RANG NYID LEGS BYAS KYIS 'THOB CHOS KYI KHRI, ,DUS KYI RIM PAS 'ONGS PA'I PHUN TSOGS 'DI,, BDAG LTAS THEG PA MIN YANG 'OS PA LTA, ,'ON KYANG MTHA' 'KHOB MA RUNGS SKYE BO KUN, ,PHAN TSUN 'KHRUG LONG BZLOG DKA' LAS PHYIR PHYOGS, ,RIS MED SKYE BO'I 'JIGS SKYOBS MUN GLING DU, ,LHAG BSAM GYIS BSKRUN ME STAG PHRA MOS KYANG, ,MA

, ,'ONGS BSTAN PA'I SNANG BYED BGYID SNYAM SEMS, ,KHYOD GSUNG SPYI BOR MCHOD DE SGRUB PA LAS, ,BSOD NAMS RIN CEN BLA NA GA LA ZHIG ,'ON KYANG PHYOGS 'DIR BLO GROS 'CHEL BA LAS, ,JI BZHIN BSGRUB PAR DKA' BA'I GNAS 'DI LA,, BSHAD SBYANG GUS PA'I TSIG GIS SBYANG 'OS ZHES, ,NAN CHER BGYIS KYANG PHO NYA'I NAN TSIG LAS, ,DBYAR DUS SLAD NAS 'BYON PA'I PHO NYA LA, ,PHYOGS 'DIR THE TSOM BCAD NAS ZHU PHRIN NI, ,'BUL BAR THAG BCAD 'CHAR KHA'I PHUN TSOGS LA, ,'KHU LDAN WASTRA'I MCHOD PA DANG BCAS TE, ,MI PHYED DAD PA'I TSAL LAS ZHU YIG GI ,KHU BYUG MYOS PA'I GLU DBYANGS SGROG BZHIN DU, ,ZHABS SEN 'DAB PHRENG DGOD PA'I DRUNG DER SONG, ,'BRAL MED THUGS RJE'I SPYAN GYIS 'TSO BA DANG, ,SRID 'DIR ZHABS PAD RI DBANG LTAR BRTAN CING, ,NGOMS MED GSUNG GI BDUD BRTZI 'THUNG BAR SHOG ,RGYAL GYI ZLA BA'I PHYOGS DANG PO'I, ,DGA' BA GNYIS PA SHAR BA NA, ,SH'AKYA'I RIGS KYIS NYER BSTEN PA'I, ,LHA YI RI LAS 'PHUR TE SONG, ,ZHES PA 'DI NI PAn CHEN YE SHES RTZE MO BA LA PHUL BA'O,, ,, ` RJE THAMS CAD MKHYEN PA SMON LAM DPAL LEGS PA'I BLO GROS KYI DRUNG DU, DGE 'DUN RGYA MTSO DPAL BZANG POS ZHU BA, BSTAN PA RIN PO CHE'I DPAL DU ZHABS BRTAN PAR BZHUGS PA BKA' DRIN CHE, ,BDAG KYANG KHAMS SNYOMS PAR YOD LAGS, SLAR YANG GSOL BA, RGYAL BA KUN GYI MKHYEN BRTZE GCIG BSDUS PA, ,RGYAL SRAS 'JAM PA'I DBYANGS ZHES GRAGS PA DE, ,GANGS CAN KHROD 'DIR BSHES GNYEN TSUL 'DZIN PA, ,MTSUNGS MED CHOS RJE'I ZHABS LA

GSOL BA 'DEBS, ,BDAG KYANG MGON KHYOD ZHABS PAD GUS BSTEN CING, ,RJE BTZUN BLA MA'I DNGUL GDUNG MJAL BA LA, ,GNAS DER 'ONG BA'I SMON LAM GNANG BA DANG, ,SKU TSE'I RGYAL MTSAN BRTAN PA'I SMON LAM ZHU, ,ZHES ZHU YIG GZIGS PA'I RTEN MTSON PAR KA DAN DKAR DMAR GNYIS ZUNG SBREL DU 'BUL, ZHES PA RJE SMON LAM DPAL BA LA PHUL BA'O,, ,, ` RGYAL BA THAMS CAD KYI MKHYEN BRTZE GCIG TU BSDUS PA'I NGO BO MDO SNGAGS BSTAN PA'I BDAG PO'I DRUNG DU ZHU BA, SKAL BZANG BUNG BA THAMS CAD KYI NYER 'TSOR GYUR PA'I SKU'I NYIN BYED MUN CAN GYI GZA' LAS RNAM PAR RGYAL ZHING, LEGS PAR BSHAD PA'I GSUNG GI 'OD ZER GYIS BSTAN PA'I PAD TSAL RGYAS PAR MDZAD PA'I SNYAN GRAGS KYI ME TOG MKHAS PA KUN GYI SGRA 'DZIN GYI NGOS LA RNAM PAR 'GOD PA'I SBYOR BA LAS MA G-YOS PAR BZHUGS PA BKA' DRIN CHE, BDAG KYANG LUS KYI 'BYUNG BA CHA SNYOMS PA'I NGOS NAS MANG DU THOS PA 'TSOL BA'I LUGS SU YOD LAGS, ZHES BRJOD NAS SLAR YANG GSOL BA NI, MDO SNGAGS GZHUNG LUGS BYE BA'I CHU BUR CAN, ,KHYOD THUGS DBYAR SKYES ROL PA'I KHANG BZANG NAS, ,BKA' YIG SPRIN GYI RNGA SGRA BSGRAGS PA NA, ,YID KYI RMA BYA DGA' BA'I GAR BYED DO, ,BKRA SHIS RDUL BRTZEGS NGOS LA 'CHI MED RJE, ,'DREN BYED STONG DANG LDAN PA KHYOD KYIS NI, ,DPAL LDAN CHOS KYI DUNG CHEN BSGRAGS PA NI, ,CHOS MIN LHA MIN DMAG DPUNG PHAM PAR BYAS, ,BLO GROS LUS STOBS RAB RGYAS THUB BSTAN GYI, ,KHA BA'I RDUL BRTZEGS NGOS LA 'GYING BAG CAN, ,LOG SMRA'I MYOS BUM MA LUS 'JIG MDZAD PA, ,MKHAS MCHOG

, ,GDONG LNGA'I DBANG PO KHYOD PHYAG 'TSAL, ,THUB BSTAN CHU SKYES RGYAS PA'I GNYEN GCIG PU, ,SKU YI DKYIL 'KHOR RTA BDUN RGYAL PO NI, ,DUS KYI SGRA GCAN GNOD PAS MI SGRIB PAR, ,'KHOR BA MA STONGS BAR DU BRTAN GYUR CIG ,BDAG KYANG TSE RABS KUN TU MGON KHYOD KYI, ,ZHABS SKYES MCHOD PA NAM YANG MI GTONG ZHING, ,NGOMS MED GSUNG GI BDUD RTZI 'THUNGS PA LAS, ,THEG MCHOG 'KHOR LOS SGYUR BA THOB GYUR CIG ,CES BKRA SHIS LHUN PO DPAL GYI SDE CHEN PHYOGS THAMS CAD LAS RNAM PAR RGYAL BA'I GLING NAS PHUL BA'I ZHU YIG SKYES MTSON PAR SNAM BU BUBS GCIG LA RGYA 'BYAR 'BUL, ZHES PA 'DI RJE SMON LAM DPAL GYIS BKRA SHIS LHUN POR MANG SKOL DANG TSOGS DUNG GNANG BA'I ZHU LAN NO,, ,, ` RGYAL BA RNAMS KYI CHOS KYI SKU NI MKHA' LTAR SPROS PA'I MTSAN MA KUN LAS RNAM GROL YANG DAG BDE BA'I DNGOS GANG DPE DANG BRAL BA'I MNYAM GZHAG SO SO RANG GIS RIG BYA BA, ,DE LTA NA YANG MKHA' LA DBANG PO'I GZHU DANG CHU GTER CHE LAS RLABS KYI 'KHOR LO JI BZHIN MTHA' DAG GDUL BYA'I BSAM PA'I DBYE BAS GZUGS SKU'I 'CHAR BA CIR YANG STON PA NYID, ,LHA YI RNGA DANG BRAG CA'I DBYANGS LTAR RTOG PA MED BZHIN DE DAG RNAMS KYIS CHOS BSTAN PA YANG 'DI NA 'GRO BA RNAMS KYI PHAN DANG BDE BA'I LAM STEGS GCIG PUR NGES GYUR PA, ,BRTAN G-YO'I DNGOS PO KUN LA KHYAB CING KUN GYIS RANG BZHIN NYID DU RJES ZHUGS SHIN TU RTOGS PAR DKA' BA LHAN CIG SKYES PA'I ROL MO 'DI NI AE MA'O MCHOG TU NGO MTSAR TO, ,MDZES LDAN PHYOGS KUN YA MTSAN GYIS 'BRI BA, ,BEE d'UR

SA GZHI GTZANG MAR 'PHROG BYED GZUGS, ,MTHO RIS SGEG MO'I MIG GI BDUD RTZIR BZHIN, ,'CHAR BA STON BYED MDZAD PA'I ROL MO LAS, ,LHA CHEN ZUR PHUD LNGA PA'I LHA GNAS 'DABS, ,YID 'ONG CHOS KYI GRONG KHYER BKOD PA NI, ,MA PHAM CHOS KYI PHO BRANG DGA' LDAN BCAS, ,DUS KYIS 'DZIN MA'I GZHI LA 'ONGS PA BZHIN, ,SLAR YANG ZHABS SEN GSAR BA'I ZLA RIS NI, ,'CHI MED BDAG PO'I SPYI BOR GZHAG 'OS PA, ,BSOD NAMS BZHIN DU PHYOGS 'DIR SKYE 'GRO YI, ,GTZUG TU BKOD PAS PHYUGS BDAG GZHAN PA BZHIN, ,RAB MDZES ZLA BA NYA BA'I KHENGS 'PHROG ZHAL LA AUTPAL MTHING KHA'I SPYAN YANGS PA, ,THUN MTSAMS SPRIN CHAGS GSER GYI RI BO MKHA' LA 'GRO BA DAG TU 'KHRUL BYED LA, ,BGRANG YAS RDZU 'PHRUL GYIS 'BAR NYAN THOS TSOGS BCAS ZHABS KYI PADMO'I RDUL GYI PHRENG, ,LHA BRGYA'I RAL PA'I NAGS NA GZIMS KYANG DE NI 'GRO BA DMAN LA LHAG PAR BRTZE, ,NYI GZHON DMAR SER 'OD KYI ME TOG TSOGS, ,MKHA' LA 'THOR YANG SA LA SNYOMS PAR 'BAB, ,CHU LDAN 'BRUG SGRA DGOD PA'I CHAR ZIM BU, ,'DZIN MA'I THA GRU KUN TU SNYOMS PA NYID, ,DE PHYIR CHEN PO KUN GYIS GUS MCHOD KYANG, ,NYAM THAG 'GRO LA SNYING NAS THUGS BRTZE BA, ,BDAG NYID CHEN PO KUN GYI NGANG TSUL NI, ,SMOS PAR CI 'TSAL KUN LA RJES BRTZER MDZOD,, 'BYOR PAS KHENGS LDAN RNAMS KYI BSTOD DBYANGS LAS, ,BZOD DKA' SDUG BSNGAL DRAG PO DUS MTHA'I MES, ,SNYING LA KHOL BA 'DZIN PA'I SHUGS RING DE, ,MGON PO KHYOD KYI THUGS LA LCAGS KYUR MDZOD, ,'DI NA LEGS NYES DPYOD PA'I MIG BRAL

, ,ZHING, ,LUNG DANG RIGS PA'I MKHAR BA 'KHYOR BZHIN DU, ,RMONGS PA'I 'DAM DU 'GYEL KYANG CHAGS SDANG GIS, ,RANG PHYOGS GRUB MTHA'I RI BO 'DEGS PA DANG, ,DAM PA'I SKYES BU SMOD PA'I DRAG SNGAGS NYID, ,GZHAN PHYOGS 'GOG PA'I RIGS TSUL YIN SNYAM PA'I, ,SKYE BO DE DAG KHYED KYIS ZHI MDZAD NAS, ,RIS MED THUB BSTAN DKAR BA NYID DU MDZOD, ,GCAM BU'I TSIG GIS CI 'TSAL GDUL BYA YI, ,MOS DGE'I KHYAD PAR KUN LA THOGS MED PA'I, ,MKHYEN PA'I SPYAN GYIS 'DIR YANG GZIGS MDZOD LA, ,BRTZE BA'I BKA' DRIN BSNYEL BA MED PAR MDZOD, ,DUS MTHA' 'DIR YANG SKYE RGU'I LEGS BYAS LAS, ,MGON KHYOD RGYAL BA BZHIN DU 'DIR GSHEGS PA'I, ,CHOS KYI MDUN SAR SDEB LEGS CHOS KYI GTAM, ,SPOBS PA BDAG KYANG 'JAM DBYANGS GZHON NU BZHIN, ,CHU MTHONGS 'GOG BYED KUN BZANG MCHOD SPRIN NI, ,YID MTSO LAS 'ONGS NGES PAR 'KHRIGS SO ZHES, ,ZHUM PA DOR NAS MAR GAD MDZES PA NI, ,'PHROG BYED 'JO SGEG ZLOS GAR CI YANG BYED, ,MIG DMAR LO YI LANG TSO MA, ,GRO BZHIN CAN GYI PHYOGS DANG PO'I, ,DGA' BA'I TSAL NA RTZEN PA NA, ,RGYAL BA DGYES BYED GTAM 'DI BSGRAGS, ,ZHES PA 'DI NI ZHVA DMAR COD PAN 'DZIN PA BZHI PA LA PHUL BA'O,, ,, ` SPROS PA'I MTSAN MA KUN LAS NGES GROL RGYAL BA KUN GYI CHOS KYI SKU NI KUN KHYAB KUN GYI GDOD MA'I GSHIS, ,MTHA' DAG TSON DANG PHRAD PA'I SHEL BZHIN RNAM MANG 'GRO BA'I SKAD BZHIN NYER 'JUG LEGS 'DOMS DE NI LONGS SPYOD RDZOGS, ,GRANGS MED GDUL BYA'I SNOD KYI DBYE BAS CHU NANG

ZLA BA'I SNANG BRNYAN BZHIN 'CHAR RNAM PA SNA TSOGS SPRUL PA'I SKU, ,MA LUS RGYAL BA'I STONG NYID SNYING RJE GCIG TU 'DRES GYUR ROL MO 'DI NI AE MA'O MCHOG TU NGO MTSAR TO, ,GANG GI BKA' STZAL BDUD RTZI'I ZEGS MA NI, ,SNGON MED SHING RTA'I SROL 'BYED LEGS BSHAD DANG, ,LHAN CIG MIG DANG YID KYI BDUD RTZIR NI, ,THOB PAS SPRO DGA'I SNANG BA CI YANG RGYAS, ,RGYAL BA KUN GYI YE SHES ZLOS GAR LA, ,KARMA PA ZHES GRAGS PA'I BA DAN CAN, ,KEE LA SHAS MTSAN PHYOGS 'DIR RIM BZHIN DU, ,GANG BYON DE DAG 'GRO 'DI'I PHYAG GI GNAS, ,ROL GNAS MTHON POR SHAR BA'I 'OD STONG ZER, ,NOR 'DZIN DMA' BA'I SKYED TSAL LHUNG BA LAS, ,AUTPAL GZHON NU ZE'U 'BRU DGOD PA LA, ,BUNG BA'I TSOGS RNAMS SNYAN PA'I DAR DIR SGROG ,MKHA' LDING DBANG PO 'DAB MA'I SHUGS 'CHANG BA, ,BYA LAM YANGS PAR GEGS MED GSHEGS PA LA, ,NYAM CHUNG BYE'U 'ANG GSHOG RTZE BSKYOD PA YIS, ,'PHUR LDING RTZOM BZHIN DNGOS KYANG 'DI NA SPYOD, ,NYIN MO'I DBANG PHYUG PHYOGS DANG RIS MED PAR, ,RGYA MTSO'I GOS CAN MTHA' DAG SNANG BYED PA, ,DE BZHIN RIS MED BSTAN DANG 'GRO 'DI YI, ,PHAN BDE NYID KYI DRIN LAS RGYAS PAR MDZOD, ,KUN BZANG MCHOD SPRIN DRA BA YIS, ,NAM MKHA' KHYAB PAR 'KHRIGS SO ZHES, ,ZHUM PA DOR NAS DGOD PA YI, ,GSER GYI ME TOG GANG DE MTSAR, ,RNAM 'PHYANG LO YI LANG TSO MA, ,LUG GI KHYIM DU RTZEN PA NA, ,ZHU 'PHRIN NGANG PA'I BU MO KHYOD, ,ZHABS PAD BKOD PA'I MDUN SAR SONG, ,ZHES PHUL BA'I ZHU YIG GRANGS MED GDUL BYA'I DBYE BA LAS, ,DRANG NGES SNA TSOGS

, ,RGYAL BA'I BKA', ,'DOMS NA RGOL BA'I TSER MA NI, ,DE LA JI LTAR 'DZUGS LAGS GRANG, ,ZHES PA 'DI KARMA PA RABS BRGYAD PA CHOS RJE MI BSKYOD RDO RJE'I ZHU LAN DU PHUL BA'O,, ,, ` RNAM DAG CHOS SKU'I 'CHI MED LAM BZANG SKYED TSAL NYAMS DGAR TSAD MED THUGS RJE'I MGYOGS 'GROS DRANGS, ,MKHYEN BRTZE NUS PA'I 'OD DPUNG G-YO LDAN MTSAN DPE'I GZI 'BAR GZUGS SKU'I DKYIL 'KHOR RAB TU RGYAS, ,PHAN BDE'I DGA' TSAL BZHAD PA'I DPAL STER YID SKYES SNYING GI MUN PA MA LUS CIG CAR 'PHROG ,BCU PHRAG ZHABS SEN DMAR BA'I RDUL PHRENG MCHOD SBYIN BRGYA PA'I RAL PA'I GNAS NA CI YANG ROL, ,CHOS SKU MTHA' DBUS BRAL BA'I PHO BRANG NA, ,SNA TSOGS GZUGS SKU'I SNANG BRNYAN CI YANG 'CHAR, ,SA GSUM SKYE RGU'I BLO MUN BSAL MKHAS PA, ,GAR DBANG RDO RJE 'CHANG DBANG ZHABS PAD DRUNG, ,DAD PA'I SHEL BZANG RTZIG NGOS DAG PA LA, ,GZUGS BRNYAN GSUNG GI TSON RIS YONGS RDZOGS PAS, ,NYID KYI DRIN LAS NYIN NYER BDUD RTZI'I RGYUN, ,YID KYI BUM BZANG GANG DES MCHID 'DI ZHU, ,MDZES SKU'I BDUD RTZI'I RTZA LAG RGYAS PAS ZLA BA RI DVAGS PHAG TU YIB, ,MES PO SMRA BCAD BSAM GTAN ZOL LA RNA BA'I BCUD LEN GSUNG GIS BKOD, ,CHOS KUN DBANG SGYUR MKHYEN PA'I GSUNG GIS TSANGS PA'I YUL SA RTZE NAS GNON, ,SNYAN GRAGS LHA YI RNGA SGRA GSANG MTHO 'OG MIN GNAS NA'ANG CA COR GYUR, ,SDUG BSNGAL GSUM GYI KLONG ZAB G-YO BA CAN, ,SRID MTSOR NYEN PA'I 'GRO LA RGYAL BA KUN, ,'PHRAL DANG YUN DU PHAN BDE'I DPAL CHEN PO, ,SGRUB LA LHOD PA MED CES GSAL BAR

GRAGS, ,DE LTA MOD KYI CHES CHER SNYIGS MA'I DUS, ,BRGYA PHRAG 'CHING BAS BCINGS PA'I 'GRO BA LA, ,DNGOS SU BRTZE BA'I SPYAN RAS GYIS 'TSO BA, ,MGON PO KHYOD LAS GNYIS PA GZHAN NA GANG, ,SH'AKYA MU NE'I MDUN SAR 'DUS PA'I TSE, ,RAB MANG SKYE BO'I TSOGS DANG LHAN CIG PAR, ,SDANG BYED CHU 'DZIN 'KHRIGS PA'I RNGA SGRA CAN, ,MI BZAD GNOD PA'I ME CHAR DRAG PO NI, ,DUS KYI CHAD PA BZHIN DU 'BAB PA NA, ,MTHA' DAG MYA NGAN MUN PA'I KHUNG BUR ZHUGS, ,DE TSE STOBS BCU NYIN MO'I DBANG PHYUG GANG, ,SHUGS DRAG BRTZE BA'I RTA LJANG SHING RTAS DRANGS, ,THABS LA MKHAS PA'I BDE STONG RTZE DGA' YIS, ,PHAN BDE 'DAB BRGYA'I TSAL LA DPAL BYIN TO, ,GANG GIS BSTAN DANG 'GRO BA'I DON GYI SLAD, ,LAN BRGYAR SKU DANG SROG KYANG BTANG BAS NA, ,SKYENGS LDAN MA LUS CIG CAR NYID DU YANG, ,MCHOG TU ZHI BA'I DBYINGS SU MDZAD PA SNYAM, ,SLAD MA SNYING POR STON PA'I ZHU MCHID NI, ,RANG NYID GCES PAR 'DZIN PA'I LCAGS KYU YIS, ,LAN BRGYAR SNYING LA BZUNG BA'I SKYE BO 'DI, ,LEGS NYES 'BYED PA'I LTA BYED DANG BRAL YANG, ,RANG PHYOGS GRUB PA'I MTHA' LA MNGON ZHEN NAS, ,GZHAN GYIS CHOS DANG GANG ZAG SPONG BYED PA, ,CHAGS SDANG SNANG BA'I ME CHEN 'BAR BA 'DI, ,MGON KHYOD THUGS RJE'I PHYAG GIS BSAL BAR MDZOD, ,GRUB PA'I DBANG POS BSTEN PA'I BSTI GNAS MCHOG ,BKA' BRGYUD CHOS KYI 'BYUNG GNAS MA GA DHAR, ,BDAG KYANG MGON KHYOD ZHAL BZANG SNGON BLTA ZHING, ,NGOMS MED GSUNG GI BDUD RTZI 'THUNG BAR SMON, ,DE LTAR GUS PAS GSOL BA'I RI MO'I RTEN,,

, ,'OD LJANG G-YO BA BKRA SHIS RI MO CAN, ,RGYA YIS BTAB 'DI KUN BZANG MCHOD SPRIN LTAR, ,RGYAL BA'I SPYAN SNGAR RTAG TU GNAS GYUR CIG ,CES PA BTZUN PA DGE 'DUN RGYA MTSO DPAL BZANG POS DBEN GNAS RGYAL MTSAN RTZE NAS PHUL BA'I ZHU YIG 'DI YANG ZHVA DMAR COD PAN 'DZIN PA LA PHUL BA'O,, ,, ` MTHA' DAG CHOS RNAMS KUN GYI GDOD MA'I GSHIS, ,BRJOD PA KUN BRAL LHAN CIG SKYES PA'I DNGOS, ,SKU GSUM RGYAN GYI 'KHOR LO SNA TSOGS PAS, ,RNAM ROL DE DAG 'GRO 'DI'I PHYAG GI GNAS, ,GANG SNGON BRJOD DU MED PA'I BSKAL PA NAS, ,MTHA' DBUS KUN BRAL CHOS SKU'I ROL GNAS LA, ,SPYOD KYANG KHAMS DANG BSAM PA BAG LA NYAL, ,SNA TSOGS TSON GYI RI MO BKRA BA LA, ,GANG 'TSAM SKU YI BKOD PA SNA TSOGS PAS,, RTZIBS STONG CHOS KYI 'KHOR LO'I SHE MONG GIS, ,'KHOR BA'I RI BO LHUN STUG KUN 'JOMS SHING, ,BGRANG YAS MDZAD PA'I ZLOS GAR JI SNYED PA, ,DE DANG MTHUN PAR ROL 'DI AE MA'O MTSAR, ,DNGOS KYANG SGYU MA LUS KYI GRONG KHYER NI, ,RNAM SHES MDZA' BOS SNGON CHAD MA BOR ZHING, ,CHOS BRGYAD 'KHRI SHING DRA BA'I NAGS TSAL NA, ,SPYOD PA GZHAN LA PHAN PAR RLOM PA TZAM, ,DENG DUS LUGS GNYIS 'DZIN PAR RLOM PA RNAMS, ,PHAL CHER PHYOGS LHUNG 'KHYOG LAM RGYU BA'I TSE, ,NYID KYI DRIN LAS RIS MED THUB BSTAN GYI, ,PAD TSAL PHYOGS DUS KUN TU RGYAS PAR MDZOD, ,DBANG THOB RGYAL SRAS CHE RNAMS KYI, ,MCHOD SPRIN MKHA' KHYAB 'KHRIGS SO ZHES, ,BKRA SHIS RI MO BKRA BA LA, ,RGYA YI TSOM BU BKOD DE 'BUL, ,SNRON GYI ZLA BA'I YAR NGO YI,,

CHOS NYID TSES KYI LANG TSO NI, ,BDUN PA'I GLING LA NGOM PA'I TSE, ,DANG BA'I YID KYIS PHUL ZHU YIG ,CES PA 'DI KARMA PA RABS BRGYAD PA CHOS RJE MI BSKYOD RDO RJE LA PHUL BA'O,, ,, ` BSOD NAMS CHU GTER 'JING LAS LEGS THON MKHYEN BRTZE'I BANG RIM MNGON PAR MTHO, ,KHRIMS GNYIS NYI ZLA'I RNA RGYAN RAB 'PHYANG MNGA' 'BANGS GLING BZHI'I DBUS NA BRJID, ,RGYAL PHRAN GSER RI'I PHRENG BAS YONGS BSKOR LHA DBANG BRGYA BYIN DPAL GZI YANG, ,KUN NAS 'PHROG BYED LHA MI'I DBANG PHYUG ZHABS PAD DRUNG DU MCHID 'DI ZHU, ,CHAB SRID GTAN JUS MTHON PO'I RTZER, ,GSER GYI MYU GU BKRAM PA'I KHRIR, ,'GRO 'DI'I LEGS BYAS GZUGS CAN BZHIN, ,KHYOD SKU LHAM MER BZHUGS SO ZHES, ,SNYAN GRAGS GSAR PA'I AUTPAL PHRENG, ,PHYOGS KYI BU MO'I 'GRAM PAR 'PHYANG, ,DE TSE TZAN DAN BYUG PA YIS, ,BYUGS PA'I BDE BA'ANG GA SHED SONG, ,'DI NA'ANG LUS SEMS SGYU MA'I GRONG, ,LNGA PA'I DPUNG GIS MA BCOM ZHING, ,KHRIMS LDAN LUNG RIGS SMRA BA'I SDE, ,DBYAR GYI MTSO LTAR GANG STE MCHIS,, CHEN PO RNAMS KYI MDUN SAR NI, ,BDAG LTAS ZHU BAR CI ZHIG SPOBS, ,'ON KYANG CHAR SPRIN YID 'ONG PHYOGS, ,CHU SKYAR GLU DBYANGS 'DI SKAD SGROG ,SDE GSUM SGRUB BYED RGYAL SRID NI, ,SRUNG BA'I NOR BU RAL GRI'I GNYEN, ,GANG SKU RI DBANG LTAR BRTAN PA'I, ,THABS TSUL KUN GYIS SGRUB PAR 'OS, ,BYAMS BRTZE'I YAL GAS SRID PA'I KHYON KHEBS PA, ,GRIB BSIL LA BRTEN MNGA' 'BANGS SKYE BO 'DI, ,DUS KYI 'KHRUG PA'I TSA BAS MI GDUNG ZHING, ,RDZOGS LDAN GSAR DU 'ONGS BZHIN MNGON

, ,DGAR MDZOD, ,CES PA 'DI DPON SA GONG MA CHEN PO LA BKRA SHIS LHUN PO NAS PHUL BA'O,, ,, ` RGYAL PHRAN BYE BA'I COD PAN DANG 'GROGS PA'I, ,ZHABS SEN YID 'ONG MANDHA RA YI PHRENG, ,'DI NA LHA DANG BCAS PAS MCHOD 'OS PA, ,SRID 'DIR ZHABS PAD RING DU BRTAN GYUR CIG ,DON BZANG SBRANG RTZI'I BCUD KYIS RAB MYOS SHING, ,RAB GUS GSHOG RTZE SKYOD PA'I ZLOS GAR MKHAN, ,SNYAN NGAG MGRIN PA'I GLU LEN BUNG BA KHYOD, ,'DI NAS LHO YI PHYOGS SU GSHEGS PAR MDZOD, ,SH'AKYA MU NE'I ZHABS SEN 'OD CHAGS PA'I, ,'DZIN MA'I LJONGS 'DI 'DAS NAS RKANG 'THUNG GI ,SPU LONG GAR BYED KYIS BRTEN RI BO YOD, ,DE LA 'PHUR LDING BRTZON PAS RAB 'GONGS TSE, ,DAL 'BAB LO HI TA ZHES KUN GSAL MA, ,NYI MA'I 'OD KYIS ZHU BA 'BAB 'DRA YOD, ,DAR LCE BSKYOD PAS RAB MDZES GRU BO CHER, ,ZHUGS NAS YUD KYIS PHA ROL NGOGS SU SONG, ,CHU BO CHE DE'I RLABS KYI MU TIG TSOGS, ,RAB TU 'THOR BA THANG MAR BRDAL 'DRA BA'I, ,BYE MA'I THANG LAS DBANG PO'I PHYOGS SONG TSE, ,DPAL LDAN GRU 'DZIN DBANG PO'I NGOGS DAG NA, ,CHOS DANG SRID KYI 'BYOR PA GZUGS CAN BZHIN, ,RGYU SKAR THANG LA BABS 'DRA'I CHOS SDE YOD, ,DE NAS MA LA YAS MTSON PHYOGS KYI NI, ,LHUN PO'I SPO LA PHO BRANG LCANG LO CAN, ,DAL GYIS BABS 'DRA RIN CEN BA GAM TSOGS, ,'OD ZER GA BUR DGOD PA'I PHO BRANG YOD, ,DER NI SUM RTZEN GNAS KYI MKHAR NYAL TSOGS, ,RNAM PAR ROL BZHIN RIN CEN RGYAN PHRENG CAN, ,ZHABS 'BRING TSOGS KYI DBUS SU MA ZHUM PAR, ,DAD PA'I SHUGS DRAG GIS BSKYOD

'PHUR SONG TSE, ,SA SKYONG TSOGS KYIS PHYAG 'TSAL GYIS BSLANG BA'I, ,RDUL MANG CHU MTHONGS 'GOG PA'I MDUN SA CHER, ,RIN CEN DRA BA'I PHRA BKOD GSER GYI KHRI, ,GDONG LNGA RNAM PAR 'GYING BA LA BRTEN PAR, ,ZHABS SEN 'OD CHAGS MCHOD SBYIN BRGYA PA'I DPAL, ,LAN BRGYAR PHAM BYED LHA MI'I DBANG PHYUG BZHUGS, ,MTHONG MA THAG TU GUS PAS PHYAG BGYIS LA, ,RAB GUS DMA' BA'I PHYOGS NAS 'PHUR LDING GIS, ,ZHE SA BSKYED DE ZHU 'PHRIN 'DI SKAD 'BUL, ,MTHO RIS SKYED TSAL YANGS PAR 'GRO 'DI YI, ,LEGS BYAS BDUD RTZI'I CHAR ZIM GYIS BRAN PAS, ,LEGS BSKRUN SKYE RGU'I RE SKONG DPAG BSAM DBANG, ,DUS KYI 'TSUB MAS NAM YANG MI G-YO BAR, ,BYAMS PA'I 'KHRI SHING GZHON NUS RAB 'KHYUD PA'I, ,MKHYEN PA'I YAL 'DAB SHES BYA'I KHYON LA 'GRAN, ,YON TAN ME TOG PHON PO'I NU RGYAS CAN, ,THUGS RJE'I GRIB BSIL MNGA' 'BANGS KUN KHYAB PAS, ,RING NAS NYEN PA'I TSA GDUNG KUN BRAL TE, ,RDZOGS LDAN GSAR DU 'ONGS 'DI AE MA'O MTSAR, ,CHOS LDAN BKA' KHRIMS BZANG PO'I DRI BZHON NI, ,SNGON RABS CHOS RGYAL MDZAD PA'I DRI BZANG CAN, ,GRAGS SNYAN ME TOG TSOGS DANG LHAN CIG TU, ,PHYOGS KYI BU MO'I 'GRAM PAR NGAL GSO BSTEN, ,MGON KHYOD BYAMS PA'I GRIB BSIL YANGS PA LA, ,'DZAM GLING SKYE BO MTHA' DAG NGAL GSO YANG, ,LOG SGRUB DGRA SDE'I TSOGS RNAMS 'DAR BZHIN DU, ,SA 'DI BOR NAS LNGA PA'I MTHA' LA SNYEG ,'DI NA'ANG BKA' DRIN BDUD RTZIS NYER 'TSO BA'I, ,KHRIMS LDAN LUNG RIGS SMRA BA STONG PHRAG TSOGS, ,'JIG RTEN DBANG PHYUG RGYAL PO'I

, ,GAR MDZAD PA'I, ,YE SHES SGYU 'PHRUL DRA BA'I PHO BRANG DU, ,THA MAL MIG LA SKU GZUGS LTAR SNANG BA'I, ,SPRUL PA'I LHA TSOGS MDUN SAR RTZE GCIG TU, ,SKU TSE CHAB SRID MTHA'I BAR DU BRTAN, ,GNAS SKABS MTHAR THUG BZHED DON KUN 'GRUB PA'I, ,BDEN TSIG SMON LAM MCHOG TU GRUB PAR BGYIS, ,SLAD MA'ANG SRID GSUM SRUNG BA'I YID BZHIN NOR, ,MTHA' DAG BSOD NAMS ZONG GIS RNYED DKA' BA, ,KHYOD ZHABS YUN RING 'TSO ZHING GZHES PA'I SLAD, ,THABS TSUL STONG PHRAG GIS KYANG 'BAD PAR 'OS, ,DE YIS SKYABS NAS BDUD RTZI'I GRU CHAR DANG, ,NYI MA'I 'OD LTAR MTHO DMAN THAMS CAD DU, ,SNYOMS PAR 'BAB PA'I BYAMS BRTZE'I BKA' KHRIMS KYIS, ,SA STENG SKYE BO KUN LA BKA' DRIN MDZOD, ,GNAS DANG DUS KYIS BSKAL YANG KHYOD KYI SKU, ,SNYING LA DAD PA'I PIR GYIS LEGS BRIS TE, ,SKU TSE CHAB SRID RGYAS SHING BRTAN PA'I SLAD, ,RGYUN MI 'CHAD DU SMON PA BGYID PA LAGS, ,DBANG PO'I GZHU YI MDZES PA LA, ,'PHYA BA GSAL BYED KHA BTAGS NI, ,RGYA YI TSOM BU RAB BKOD PA, ,SPYAN ZUR AUTPAL REG PHYIR 'BUL, ,ZHES PA 'DI YANG DPON SA GONG MA CHEN PO LA DPAL LDAN 'BRAS SPUNGS NAS PHUL BA'O,, ,, ` TSOGS GNYIS RTA LJANG SHING RTAS LEGS DRANGS MKHYEN BRTZE'I DKYIL 'KHOR RAB TU RGYAS, ,RNAM DKAR MDZAD PA'I 'OD STONG DRA BAS NOR 'DZIN MA LUS CIG CAR KHYAB, ,MA LUS PHYOGS KYI NAM MKHA' LA GNAS SA SKYONG RGYU SKAR TSOGS RNAMS KYI, ,GZI BYIN KUN 'PHROG 'JIG RTEN GSUM GYI SNANG BYED GCIG PU GANG DE'I DRUNG, ,RING NA GNAS KYANG DANG BA'I DRI

BZHON GYIS, ,SNYING GI CHU SKYES YANG YANG BSKYOD PA LAS, ,SPRO DGA' GSAR PA'I ZLOS GAR LHUR LEN PA, ,ZHU PHRIN BUNG BA'I GLU DBYANGS 'DI LTAR SGROG ,LHUN PO BAS KYANG KHYOD SKU DPAL GZI 'BAR, ,LHA YI RNGA BAS KHYOD GSUNG RNA BAR SNYAN, ,NYI ZLA BAS KYANG KHYOD THUGS LHAG PAR GSAL, ,BDUD RTZI BAS KYANG MDZAD PA LHAG PAR DKAR, ,BU RAM SHING PA'I BSTAN DANG BSTAN 'DZIN KUN, ,DENG DUS NYID KYIS NYIN MOR MDZAD DO ZHES, ,DGYES LDAN RGYA BOD CHOS RGYAL CHE RNAMS KUN, ,ZHI BA'I DBYINGS SU GSHEGS NAS BTANG SNYOMS MDZAD, ,NYI MA'I 'OD ZER 'JIG RTEN KUN LA SNYOMS, ,CHAR SPRIN BDUD RTZI'I CHAR ZIM SNYOMS PAR 'BAB, ,KHYOD KYI THUGS RJES BOD KHAMS YONGS LA SNYOMS, ,DENG DUS SA 'DI MCHOG TU SKAL BA BZANG, ,ZHES DON DANG MTHUN PAR MDO TZAM DU GSOL NAS, SKABS KYI RGYU MTSAN, BSHUL RING LAM DU CUNG ZAD MI NGAL ZHING, ,GANG DANG GANG DU ZHABS SEN 'OD CHAGS PAS, ,BSTAN DANG 'GRO BA'I PHAN BDE RGYAS MDZAD NAS, ,MU TIG TSOGS 'BAR ZLA SHEL BA GAM CAN, ,DUS KYIS LCANG LO CAN GYI GRONG KHRER NI, ,NOR 'DZIN GZHI LA MNGON PAR 'ONGS PA LTA'I, ,PHO BRANG CHEN PO RNAM PAR BRGYAN MDZAD NAS, ,SLAR YANG BLO GSAL 'CHI MED BYE BA'I TSOGS, ,LUNG RIGS CHOS KYI ZLOS GAR RTZE BA'I THANG, ,YID BZANG GZHON NUS RNAM PAR RTZEN PA'I RTZER, ,ZAB MO'I NANG DON KHO NAR GZHOL ZHES THOS, ,BDAG KYANG BLO GSAL 'DUS PA RGYA MTSO LA, ,NYIN BZHIN LEGS BSHAD DGA' STON 'GYED PA DANG, ,LHA MI'I DBANG PHYUG SRID 'DIR ZHABS BRTAN SLAD, ,SRAS

, ,BCAS RGYAL BA KUN LA GSOL 'DEBS SHING, ,'DUS PA'I SDE DANG LHAN CIG SMON LAM BGYIS, ,SNYING PO'I ZHU MCHID, 'DI NA GZIMS KHANG THEBS MI 'DUG PA SOGS NAS MTHUN RKYEN BOGS MTSON CIG GNANG BA'I BKA' LUNG BZANG PO PHEBS 'DUG PA BZHIN GANG SPYI'I RGYU MTSAN THOGS CIG 'BUL BAR CHOS GRUB PA ZHABS DRUNG BTANG BA, SNGAR LUGS BZHIN BKA' DRIN TSAD MED PAS KHYAB PA MKHYEN LAGS SHING, GNAS TSUL RNAMS NGAG NAS 'BUL BA LTAR LAGS, ZHES PA'I ZHU MCHID SPYAN LAM DU 'BEBS RTEN TZAM DU, KUN GSAL BU MO'I MDZES PA LA 'KHU BA'I, ,AINDRA N'I LA'I MDANGS CHAGS RIN CHEN GYI, ,BKRA SHIS RDZAS KYI 'BYUNG GNAS ZA MA TOG ,RGYA YI LANG TSO GSAR PAS MDZES PA 'BUL, ,NOR 'DZIN BU MO DU GU LA'I, ,MYU GU GSAR PA'I STOD G-YOGS NI, ,'DZIN BYED DPYID RA'I PHYOGS GNYIS PA'I, ,RGYAL BA DANG PO SHAR TSE PHUL, ,CES PA 'DI YANG DPON SA GONG MA CHEN PO LA PHUL BA'O,, ,, ` BLO GSAL 'CHI MED TSOGS DANG LHAN CIG TU, ,BSHAD SGRUB CHOS KYI RTZED 'JOS ROL PA'I GNAS, ,MGON KHYOD THUGS RJE'I DPAG BSAM DBANG PO LAS, ,STZAL 'DI'I BKA' DRIN JI LTAR BSAB LAGS GRANG, ,GNAS 'DIR NYIN DANG MTSAN DU LHA KHYOD KYI, ,SKU TSE CHAB SRID BRTAN JUS BZHED PA'I DON, ,'GRUB SLAD 'KHOR LO GSUM GYI BYA BA LA, ,KHRIMS LDAN TSOGS RNAMS GCIG TU BRTZON PAR BGYID, ,'DI YANG DE NYID LA YIG CHUNG DU PHUL BA'O,, ,, AOm SVA STI, PHUN TSOGS SHEL GYI BA GAM MNGON MTHO ZLA BA BDUD RTZI'I SPU LONG GIS, ,RNAM BKRA LHA YI BA DAN STONG 'PHUR

NOR BU'I RANG BZHIN GZHAL MED KHANG, ,BDE SOGS BDAG PO'I GZHU YI GAR GYIS LEGS BRIS RAB MDZES KE LA SHA'I, ,MDZES PA LA 'GONG SUM RTZEN GNAS KYI DGA' BA MTHA' DAG GZUGS CAN BZHIN, ,'JAM SGROG BUNG BA 'KHYIL BAS KHYAB PA PADMO RAB TU RGYAS PA'I KHRI, ,MTHA' DAG RGYAL PHRAN BZHIN GYI MDZES PA SNOD DU BKRA BAR BYAS MTHONG NAS, ,RAB SKRAG GTZUG TOR YAL 'DAB LHUNG LA RNA RGYAN MU COR SGROG PA NA, ,ZHABS SEN GSAR PA'I ZLA RIS BZHAD PAS DBUGS 'BYIN MDZAD DE ZHABS BRTAN CIG ,NYIN BZHIN KHYOD GRAGS GSAR PA'I GUR KUM NI, ,PHYOGS KYI NA CHUNG 'GRAM PAR GRUB RIGS KYI, ,MDZES MA'I SMUG RTZI 'PHOS BZHIN MYA NGAN MED, ,KHENGS PA NYAMS BYED BIM PA'I 'BRAS KYANG NGO, ,NYI MA BRDAR BA'I 'KHOR LO BSOD NAMS SHUGS, ,GZHAN DANG MI MNYAM SER SKYA'I LTA BAS KYANG, ,NAG PHYOGS 'CHOL BA'I DPUNG RNAMS PHYE MA LEB, ,DUS MTHA'I SREG ZAS BZHIN DU CIS MI BGYID, ,ZHO 'THUNG RUS PA LAS BYUNG RNAM MANG MTSON, ,LHA MIN BZHIN DU KHYOD KYI DPUNG PAS KYANG, ,SRUNG BZOD LHAG MA CAN 'DI YID BZANG GI ,GNAS GZHAN LTA BUR PHAN BDE'I KHUR GYIS NGAL, ,BDAG KYANG PHO BRANG CHEN PO'I NYI 'OG GI ,DBEN PA'I RI NGOS MANG THOS SHEL BUM LAS, ,NYAMS LEN BDUD RTZI GSAR PAS NYIN BZHIN YANG, ,SNYING LA SKAL BZANG SNANG BA LAN BRGYAR STZAL, ,GANG GI GSHOG RTZE G-YO BA'I 'THOR RLUNG GIS, ,RI BO GRUGS BYED 'DAB BZANG DED DPON LA, ,BUNG BA GZHON NUS BSLAB BYA MI 'OS KYANG, ,'JIG RTEN RNAM 'DREN RGYAL BA SRAS BCAS LA'ANG,,

, ,LHAG BSAM DAG PAS GZHAN DON LA BSKUL BA, ,MKHAS PA'I RING LUGS NYID NA BDAG GI GTAM, ,BDUD RTZI'I SNYING PO CAN 'DI GSAN PA'I RIGS, ,PHYOGS 'DI'I BSTAN DANG SKYE RGU'I BDE SKYID NI, ,MI DBANG KHYED KYI MDZAD PA'I RJES SU 'JUG ,SNGON BYON CHOS RGYAL RNAMS KYI MDZAD PA'I SROL, ,KHO NAR CHOS BZHIN RGYAL SRID BSKYANG DU GSOL, ,RGYAL BA'I BSTAN PA LUNG RTOGS DAM CHOS TE, ,DE SRUNG BYED PA BSLAB GSUM LDAN PA'I TSOGS, ,TSUL KHRIMS RNAM DAG LUNG RIGS SMRA BA'I SDES, ,KHYOD KYI DRIN LAS PHYOGS KUN GANG BAR MDZOD, ,ZHI DUL SPYOD LAM PHUN TSOGS LUS KYI RGYAN, ,THOGS MED LUNG RIGS SMRA BA NGAG GI RGYAN, ,NYAMS LEN GNAD LA GZHOL BA SEMS KYI RGYAN, ,DE LTA'I MKHAS RNAMS KHYOD KYIS BKUR BAR MDZOD, ,NYI MA MTHO YANG 'OD ZER KUN LA SNYOMS, ,CHU 'DZIN DBANG PO'I CHAR RGYUN KUN LA SNYOMS, ,DE BZHIN MI DBANG KHYED KYI THUGS RJE YANG, ,MNGA' 'BANGS SKYE RGU KUN LA SNYOMS PAR MDZOD, ,BOD 'BANGS SKYE BO KUN GYI PHA DANG MA, ,SKYABS DANG DPUNG GNYEN THAMS CAD KHYOD LAGS TE, ,DE PHYIR DE DAG RNAMS LA'ANG MGON KHYOD KYIS, ,RANG GI SRAS LTAR RTAG TU DGONGS PAR MDZOD, ,SKU TSE RI DBANG LTA BUR BRTAN PA DANG, ,CHAB SRID S'A LA'I NAGS LTAR RGYAS PA DANG, ,SNYAN GRAGS LHA YI RNGA LTAR CHER GSAL BA'I, ,THABS TSUL KUN LA LHOD PA MED PAR MDZOD, ,DE LTAR LHAG BSAM DKAR BA'I CHU MTSO LAS, ,SDEB LEGS SNYAN NGAG CHU SKYES GSAR PA'I PHRENG, ,RO BRGYA 'BRAS BU'I SKYES KYI ZIL DNGAR CAN, ,MTHA' DAG 'DZIN MA'I

DBANG PHYUG ZHABS DRUNG DU, ,KHRO BO'I LO YI LANG TSO MA, ,RGYAL GYI NYA BA'I SKYED TSAL NA, ,RGYAL BA DANG PO PHYOGS GNYIS PA'I, ,RTZE DAGS RNAM PAR ROL TSE PHUL, ,CES DBEN PA'I BSTI GNAS NAS PHUL BA'I ZHU YIG CES PA 'DI YANG DPON SA GONG MA CHEN PO LA PHUL BA'O,, ,, ` SA SKYONG BYE BA'I GTZUG NOR 'OD ZER NI, ,ZHABS SEN NOR BU'I ME LONG MDZES PA'I RGYAN, ,MTHA' DAG SA YI DBANG PHYUG SRID MTHA'I BAR, ,RI DBANG BZHIN DU ZHABS PAD BRTAN GYUR CIG ,CES SHIS PA BRJOD PA'I NGAG SNGON DU 'GRO BAS, ZHABS DRUNG RIN PO CHER, MA LUS 'GRO 'DI'I LEGS BYAS RIN CEN NI, ,GCIG GYUR SKU YI DKYIL 'KHOR CUNG ZAD TZAM, ,SNYUN GYI CHU 'DZIN PHRENG BAS BSGRIBS PA LA, ,YID KYI MKHA' LAM GDUNG BA'I MUN PAS KHYAB, ,RING POR MI THOGS MCHOG GSUM RIN CEN GYI, ,THUGS RJE'I DRI YI BZHON PAS RAB BCOM STE, ,KHRIMS GNYIS 'OD ZER STONG GI DRA BA CAN, ,PHAN BDE SBRANG RTZI'I GNYEN GCIG MKHA' LA MDZES, ,DE TSE BKA' DRIN NYI 'OD KYIS 'TSO BA'I, ,BGRANG YAS RKANG DRUG LDAN PA'I TSOGS RNAMS KUN, ,SPRO DGA' SBRANG RTZIS MYOS PA'I GLU DBYANGS KYIS, ,SA 'DI SUM RTZEN DGA' TSAL BZHIN DU BYAS, ,LUGS GNYIS MDUN SA CHEN POR MNGON PHYOGS PA'I, ,NGOS KYANG ZHAL BZANG ZLA BA'I DKYIL 'KHOR NI, ,MIG GI BDUD RTZIR NAM ZHIG 'GYUR SNYAM PA'I, ,RE BA'I CHU GTER RAB TU GANG BA STZOL, ,ZHU MCHID AUTPAL SPYAN GYIS REG SLAD DU, ,BKRA SHIS KHA BTAGS RGYA YIS MDZES PAR 'BUL, ,GNYIS PA'I PHYOGS KYI DGA' BA GSUM PA LA, ,GRU 'DZIN RI BO'I NGOGS NAS

, ,PHUL ZHU YIG ,CES PA 'DI YANG DPON SA GONG MA CHEN PO LA PHUL BA'O,, ,, ` BGRANG YAS DREGS LDAN RGYAL PHRAN TSOGS RNAMS KYI, ,COD PAN RAB LHUNG PHYAG 'TSAL GYIS BSLANG BA'I, ,RDUL GYIS CHU MTHONGS 'GOG BYED SENG GE'I KHRIR,, ZHABS SEN 'OD CHAGS DRUNG DU MCHID 'DI ZHU, ,BRTZE BA'I THUGS KYI SKYED TSAL LAS 'ONGS PA'I, ,BKA' STZAL MANDHA RA YI PHRENG RGYAS PA, ,'JAM MNYEN 'CHAR KA'I 'OD KYIS RAB KLUBS GANG, ,YAN LAG MCHOG GI COD PAN GNAS LA REG ,DPAG YAS BSOD NAMS CHU GTER LAS 'KHRUNGS PA'I, ,SNGON MED SA 'DZIN DBANG PO 'DI MTHONG NAS, ,RAB SKRAG LHUN PO RGYA MTSO'I 'JING DU BROS, ,SLAR YANG LUS PHYED 'PHAGS NAS LTA BA SNYAM, ,PHYOGS KUN MDZES MA'I RNA BAR GAR BYED PA'I, ,SNYAN GRAGS AUTPAL CHU LDAN GDENGS KA LA, ,SRED LDAN YID KYI NA CHUNG SPRIN GYI GROGS, ,LAG SOR MDONGS RNAMS BTEG STE GAR BYED DO, ,NGOS KYANG NOR SBYIN GNAS PA'I 'DZIN MA'I PHYOGS, ,CHOS LDAN BGYI BA'I ROL GAR LHUR BLANGS NAS, ,SLAR YANG BDE SOGS RTZE DGA' GNAS PA'I CHA, ,RANG GI BSTI GNAS DAG TU CHAS PA LAGS, ,MKHYEN RAB SPYAN STONG MNGA' BA LUGS GNYIS KYI, ,LHUN PO'I SPO LA YUN RING GNAS BCAS NAS, ,NAG PHYOGS SBYIN MA'I BU RNAMS MTHAR MDZAD DE, ,'CHI MED RGYAL SRID DPAL DANG LDAN PAR MDZOD, ,MANG THOS DRANG SRONG RGAN PO'ANG SKABS SBYAR DUS, ,ZHAL BZANG ZLA BA'I DKYIL 'KHOR MNGON BLTA ZHING, ,CHOS DANG LDAN PA'I 'BEL BA'I BKA' MCHID KYI, ,SKYES KYI ME TOG 'THOR BAS MCHOD PAR SMON, ,ZHU

YIG SPYAN ZUR BUNG BA G-YO BA'I RTEN, ,BKRA SHIS KHA BTAGS RGYA YIS BTAB STE 'BUL, ,BZANG PO GSUM PA'I TSES LA PHUL ZHU YIG ,CES PA 'DI GONG DKAR DU DPON SA 'GRO MGON LA PHUL BA'O,, ,, ` GANG GI ZHABS SEN GSAR PA'I ZLA TSES NI, ,MTHA' DAG DBANG PHYUG COD PAN DANG 'GROGS PA, ,GDONG LNGA RNAM PAR RTZEN PA'I ZHABS STEGS KYI, ,'OD ZER BZHAD LDAN DRUNG DU MCHID 'DI ZHU, ,SNGON BSAGS BSOD NAMS CHU GTER LAS 'KHRUNGS PA'I, ,THUN MTSAMS SPRIN CHAGS LHA YI RI BO BZHIN,, GANG SKU NYER 'TSE'I BSER BUS MI BSKYOD CING, ,GLING BZHI'I DBUS NA KHRIMS GNYIS NYI ZLA YI, ,SNANG BAS RAB 'KHYUD LHAM MER BZHUGS SO ZHES, ,SNYAN GRAGS 'BRUG SGRA DAL GYIS DGOD PA NA, ,PHYOGS DER BLTA 'DOD MIG 'BUR RAB RGYAS PA'I,, SPRIN GROGS GTZUG PHUD GTEG STE GAR BGYID DO, ,NGOS KYANG BSOD NAMS BZHIN DU ZHAL BZANG NI, ,MIG GIS BCUD LEN DU THOB 'DIR SON TE, ,THOS DANG SPONG BA LHUR LEN 'DUS PA'I TSOGS, ,RGYUD SDE RGYA MTSO'I 'JUG NGOGS LAS 'ONGS PA'I,, LEGS BSHAD RIN CEN PHRENG BAS BRGYAN PAR BYAS, ,RIN CEN RDUL BRTZEGS MKHAR NYAL GRONG KHYER BCAS, ,DBYIG GI BLO GROS MA 'DIR RTZEN DE SRID, ,RIN CEN MYU GU BKRAM PA'I SENG GE'I KHRIR, ,KHYOD ZHABS G-YO BA MED PAR BRTAN BZHUGS NAS,, NYIN MO'I DBANG PHYUG 'OD STONG DUS KUN TU, ,RIS MED 'JIG RTEN SNANG BAR BYED PA DANG, ,CHU LDAN 'BRUG SGRA DGOD PA'I CHAR ZIM YANG, ,'DZIN MA'I THA GRU KUN TU SNYOMS PA LTAR, ,CHOS LDAN BKA' KHRIMS BZANG PO'I GRIB BSIL LA, ,NYER BRTEN

, ,GANGS RI'I PHRENG MDZES KHOR YUG CAN, ,'DZIN MA'I PHYOGS 'DIR RDZOGS LDAN DUS BZHIN DU, ,BDE SKYID DPAL LA RTAG TU SPYOD PA DANG, ,BSLAB PA GSUM LDAN SDE SNOD GSUM 'DZIN PA'I, ,MKHAS PA'I TSOGS KYIS MDUN SA RAB BRGYAN CING, ,PHAN BDE'I RIN CEN MA LUS 'BYUNG BA'I GNAS, ,THUB BSTAN CHU GTER RTAG TU GANG BAR MDZOD, ,LUS CAN KUN GYI PHAN BDE'I RTZA LAG MCHOG ,SKYE RGU'I GTZUG RGYAN KHU DBON ZHABS BRTAN CING, ,CHAB SRID MTSAN JUS YAR NGO'I ZLA SHEL LTAR, ,RGYAS PA'I SKU RIM SMON LAM SNYING LA 'GROGS, ,ZHU YIG AUTPAL GSAR PA'I PHRENG BA LA, ,SPYAN RAS BUNG BAS 'TSO SLAD BKRA SHIS KYI, ,RI MO RNAM BKRA KHA BTAGS LHAG BSAM LTAR, ,DKAR BA RGYA YI LANG TSO GSAL BA 'BUL, ,SGYUR BYED LO YI LANG TSO MA, ,GDONG LNGA'I KHYIM DU RTZEN PA'I TSE, ,GNYIS PA'I PHYOGS KYI BZANG PO NI, ,LAG PA'I TSES LA PHUL ZHU YIG ,CES PA 'DI YANG GONG DKAR DU DPON SA 'GRO MGON PA LA PHUL BA'O,, ,, ` PHUN TSOGS ZHABS SEN 'CHAR KHA'I RDUL PHRENG NI, SA SKYONG BYE BA'I ZUR PHUD DANG 'GROGS PA, ,LHA GZIGS RIGS KYI THIG LE PHYOGS KUN LAS, ,RNAM RGYAL GRAGS PA'I BA DAN CAN DE'I DRUNG, ,RING NA GNAS KYANG GANG SKU'I PHUN TSOGS NI, ,LHAG BSAM DAG PA'I SHEL GYI RTZIG NGOS LA, ,NOR BU'I ME LONG NYE BA'I SNANG BRNYAN BZHIN, ,LEGS PAR BKOD DE DANG BAS MCHID 'DI ZHU, ,TSOGS GNYIS ZLA BA'I MA MA BSRUBS PA LAS, ,LEGS PAR 'ONGS PA'I GANG SKU MTSAN MO'I MGON, ,CHA SHAS YONGS GANG MTSAN DPE RJES MTHUN GYI, ,RI MO RNAM PAR BKRA

BA 'DI MTHONG NAS, ,'GRAN PAR MA BZOD SUM RTZEN DBANG PO'I TSOGS, ,LHUN PO'I STENG DU NGES PAR BROS SAM SNYAM, ,RNAM MANG RIG GNAS TSON BRGYA'I RI MO NI, ,GANG THUGS CHU SHEL NGOS LA RTAG CHAGS SHING, ,LJAGS YANGS PAD MTSO'I RDUL PHRENG RE RE YANG, ,DBYANGS CAN NGANG MO 'BUM GYI 'PHUR LDING CAN, ,GANG GI MKHYEN BRTZE NGUR SMRIG ZOL LA NI, ,NYE BAR BRTEN BZHIN DBYAR DUS CHAR ZIM GYIS, ,REG PA LAS BYUNG PADMA R'A GA'I MDANGS, ,RAB CHAGS PANYTZA LI KA'I 'JAM MNYEN CAN, ,BSTZAL BAS SNYING LA SPRO DGA' BDUD RTZI'I RLABS, ,RAB 'PHYUR 'DOD PA'I BDE BA LAS 'DAS SHING, ,RAB DGA'I SA LA MNGON PAR REG PA BZHIN, ,BSAM GTAN BDE LA'ANG GUS PA LHOD PAR GYUR, ,MKHAS SHING GRUB PA'I DBANG PO MTHA' DAG GI ,COD PAN 'CHING BA LHA GZIGS RAS PA ZHES, ,SNYAN GRAGS AUTPAL PHYOGS KYI MDZES MA YI, ,RNA LUNG LA 'PHOS GANG DE'I RING LUGS NI, ,MGON KHYOD BDAG GIR MDZAD MOD DUS MTHA' 'DIR, ,CHES CHER RGYAS PA'I PHRIN LAS YONGS STZOL MDZOD, ,PHO BRANG CHEN PO'I 'JIGS MED SENG GE'I KHRIR, ,ZHABS SEN 'OD CHAGS CHOS RGYAL CHE RNAMS KYI, ,RING LUGS JI BZHIN PHYOGS 'DIR SA CHEN PO, ,SKYONG ZHING PHAN BDE'I DPAL GYIS GANG BAR MDZOD, ,'CHI MED RI BO GLING BZHI'I ZE'U 'BRUR NI, ,BRTAN PA DE SRID ZHABS PAD RTAG CING BRTAN, ,RDZOGS LDAN DUS BZHIN MDZAD PHRIN RGYAS PHYIR CES, ,NYIN DANG MTSAN DU SKU RIM LHUR LEN BGYID, ,'CHI MED BDUD RTZI'I PHUN TSOGS 'PHROG BYED PA, ,LO MA'I PHUR MA RGYA YI LANG TSO CAN,,

, ,CHA SHAS PHRA YANG KUN BZANG MCHOD SPRIN LTAR, ,LEGS PAR MOS NAS ZHU YIG SKYES SU 'BUL, ,SGYUR BYED LO YI LANG TSO MA, ,NAG PA'I ZLA BAR RNAM RTZEN PA'I, ,BZANG PO GNYIS PA'I TSES DAG LA, ,DGA' LDAN PHO BRANG NAS ZHU YIG ,CES PA 'DI SKYOR MO LUNG DU GDUNG RGYUD RIN PO CHE LA PHUL BA'O,, ,, ` 'DZAM GLING SA SKYONG BYE BA'I GTZUG NOR GYIS, ,GANG GI ZHABS SEN RDUL LA MCHOD 'OS PA, ,LHA GZIGS RIGS KYI THIG LE YON TAN DANG, ,GRAGS PA'I GTER GYUR ZHABS DRUNG MCHID 'DI ZHU; ;NYI MA'I BU YI MCHE BA'I PHRAG GNAS PA, ,'DI NA GANG LA RANG DBANG MA MCHIS KYANG, ,BSKAL PA'I BAR DU SA 'DIR GNAS BYOS ZHES, ,BKA' SHOG DON BZANG TSIG GI 'DAB PHRENG CAN, ,MKHAS PA'I YID 'PHROG PHYOGS KYI BU MO YI, ,RNA BA'I AUTPAL RGYAN DU 'OS PA DANG, ,BKRA SHIS RI MO BKRA BA'I GNANG SBYIN NI, ,BSOD NAMS BZHIN DU BDAG GIS BGO SKAL THOB, ,DE TSE YID LA SPRO DGA'I RLABS 'PHYUR BA, ,MAN DHA RA YI DBU BA BRTZEGS PA BZHIN, ,'JIG RTEN BDE BA KUN GYIS MI MTSON CING, ,'PHAGS PA'I BSAM GTAN MCHOG GI BDE BA LA'ANG, ,DE RING GUS PA CUNG ZAD LHOD PAR GYUR, ,MKHAS BYA'I RIG GNAS CHU GTER MA LUS PA, ,MKHYEN RAB YANGS PA'I ZHAL DU HUB GCIG GIS, ,LEGS DRANGS MI DBANG MCHOG KHYED SRID MTHA'I BAR, ,DBYIG GI BLO GROS MA 'DIR ZHABS BRTAN CING, ,LUGS GNYIS BKA' KHRIMS BZANG PO'I NYI 'OD KYIS, ,KHOR YUG RI BO'I BAR DU KHYAB GYUR NAS, ,THUB BSTAN PAD TSAL 'GRO 'DI'I PHAN BDE YI, ,LO TOG MCHOG DANG LHAN CIG

'PHEL 'GYUR ZHES, ,RNAM DAG SMON LAM SNYING LA RAB 'GROGS PAS, ,RO MNGAR PHUN SUM TSOGS PA'I SHEL BUM DANG, ,DGE MTSAN RI MO RNAM BKRA LHA RDZAS KYI, ,RIGS GYUR RGYA YI LANG TSO GSAL BA CAN, ,PHUL BAS JI LTAR SMON BZHIN 'GRUB GYUR CIG ,'DI YANG SKYOR MO LUNG DU GDUNG RGYUD RIN PO CHE LA PHUL BA'O,, ,, ` DPAL LDAN NGAG GI DBANG PHYUG PHYOGS KUN LAS, ,RNAM RGYAL BSOD NAMS GSER GYI RGYAL MTSAN NI, ,RNAM DKAR GRAGS PA'I BA DAN STONG 'PHUR BA, ,BSNGAGS 'OS GANG DE'I ZHABS DRUNG MCHID 'DI ZHU, ,GZHAL DU MED PA'I YON TAN RIN CEN GYIS, ,YONGS GANG 'CHI MED DBANG PO'I BANG MDZOD LAS, ,BKA' STZAL MAN DHA RA YI PHRENG RGYAS PA, ,MDA' YI GRANGS KYIS BCINGS PA'I NYER MKHO'I SKYES, ,BSOD NAMS BZHIN DU BDAG GI GAM DU LHAGS, ,DE TSE ZLA ZHAL MIG GI BDUD RTZIR NI, ,DNGOS SU GYUR BZHIN SPRO DGA' BDUD RTZI YI, ,SPU LONG NGO MTSAR GAR GYI RI MO BZHIN, ,SNYING GI ME LONG NGOS LA CI YANG CHAGS, ,MTHA' YAS SKYE RGU'I BSOD NAMS CHU GTER LAS,, LEGS PAR 'THON PA'I GANG SKU'I RI DBANG NI, ,NYER 'TSE'I BSER BUS BSKYOD PA DANG BRAL ZHING, ,MDZAD PA'I BANG RIM RNAM BKRA DE RMAD DO, ,NGOS KYANG SGYU MA LUS KYI KHANG BU NAS, ,'OD GSAL SEMS KYI MDZA' BA MA BTANG ZHING, ,KHRIMS LDAN LUNG RIGS SMRA BA'I 'DUS PA LA, ,NYIN BZHIN LEGS BSHAD BDUD RTZI 'GYED LA BRTZON, ,LHAG BSAM DKAR BA'I ZLA SHEL RTZIG NGOS LA, ,KUN RTOG PIR GYIS NYID SKU RAB BKOD DE, ,GNAS SKABS MTHAR THUG BZHED DON KUN 'GRUB PA'I, ,SMON LAM

, ,SKU RIM ME TOG TSOGS KYIS MCHOD, ,DGE MTSAN RI MO RNAM BKRA'I BKRA SHIS KYI, ,KHA BTAGS SPYAN ZUR AUTPAL REG PHYIR 'BUL, ,GSUM PA'I CHOS NYID TSES LA PHUL ZHU YIG ,CES PA 'DI YANG GDUNG RGYUD RIN PO CHE LA PHUL BA'O,, ,, ` MDZAM GLING SA SKYONG BYE BA'I COD PAN GYIS, ,ZHABS SEN CHU SKYES PHRENG BA MCHOD 'OS PA, ,DPAG YAS MKHYEN DANG BRTZE BA'I DBANG PHYUG GANG, ,ZHABS PAD DRUNG DU RING NAS MCHID 'DI ZHU, ,MTHA' YAS TSOGS GNYIS 'O MA'I RGYA MTSO LAS, ,LEGS 'KHRUNGS SKU YI LHUN PO GLING BZHI'I DBUS, ,NYER 'TSE'I BSER BUS NAM YANG MI G-YO ZHING, ,RNAM DKAR MDZAD PA'I GZI 'OD 'BUM PHRAG GIS, ,PHYOGS KYI 'KHOR LO 'GENGS PAR BZHUGS LAGS GRANG, ,NGOS KYANG SH'AKYA'I RGYAL PO'I MDUN SA LA,, NYER BRTEN PHYOGS 'DI'I 'DZIN MAR CHOS LDAN GYI, ,BGYI BAR 'OS PA'I BYA BA NYER SPYAD NAS, ,MTHA' 'KHOB RANG GI BSTI GNAS BGROD PAR RTZOM, ,DMIGS MED CHOS SKU'I BDAG NYID BSOD NAMS MTSAN, ,GRUB PA'I COD PAN LHA GZIGS RAS PA NYID, ,SLAR YANG BSTAN DANG 'GRO BA'I PHAN BDE RNAMS, ,RGYAS PHYIR MI DBANG GZUGS KYIS RNAM ROL BA, ,MGON KHYOD ZHING 'DIR SRID MTHA'I BAR DU YANG, ,ZHABS PAD BRTAN SLAD SKU YI 'TSO SKYONG DANG, ,ZAB MO'I THUGS DAM G-YEL BA MED PA 'TSAL, ,BDAG KYANG GZHI LAM BYES GSUM KUN TU YANG, ,SNYING LA KHYOD SKU'I SNANG BRNYAN MI 'BRAL BAR, ,'GAL RKYEN PHYI NANG GNOD PAS MI BRDZI ZHING, ,SKU TSE CHAB SRID RGYAS PA'I SMON LAM BGYID, ,'DI LTA'I GNAS TSUL ZHABS DRUNG 'BUL BA

DANG, ,RGYAL CHEN BZHI YIS LEGS BSTEN LHUN PO'I RTZE, ,CHOS KYI SPYAN STONG LDAN PA LHA DBANG GI ,GNAS SU BZHES PAS SDE SRID CHEN PO YI, ,RGYAN DU GYUR PA'I LEGS RNGA BRDA MTSON TZAM, ,ZHU BAR LUNG RIGS SMRA BA'I BYA MA RTA, ,DE RING ZHABS PAD DRUNG DU DONG BA LAGS, ,BZANG PO DANG PO'I TSES LA PHUL ZHU YIG ,CES PA 'DI YANG GDUNG RGYUD RIN PA CHE LA PHUL BA'O,, ,, ` RGYAL BA KUN GYI MKHYEN BRTZE'I CHU GTER PHA MTHA' KUN DANG BRAL BA LAS, ,TSOGS GNYIS DED DPON MCHOG GIS RAB BLANGS BLO BZANG BSAM 'PHEL YID BZHIN NOR, ,GRAGS PA'I BA DAN DKAR PO 'PHUR LDAN THUB BSTAN RGYAL MTSAN RTZER SON PA, ,SRAS DANG BCAS PA'I RTZA BRGYUD BLA MAS DNGOS GRUB CHAR CHEN DUS 'DIR PHOB, ,CHOS DBYINGS DAG PA'I GO 'BYED NGOS LA PHRIN LAS RNAM BZHI'I GLOG PHRENG 'KHYUG ,ZHI DANG RGYAS DANG CHAGS DANG MI BZAD DRAG PO'I RNAM 'GYUR SNA TSOGS PA'I, ,GAR GYIS RNAL ROL GSUNG DBYANGS 'BRUG SGRA GSANG MTHOR RGYA CHER BZHAD PA CAN, ,DPAL LDAN NOR LHA'I TSOGS DANG BCAS PA'I CHOS SKYONG SRUNG MA'I TSOGS RNAMS KYI, ,MTHU STOBS MI BZAD 'BAR BA'I GNAM LCAGS KYIS, ,NAG PHYOGS BDUD SDE'I BRAG RI PHYIR BSNYIL NAS, ,'DOD RGU'I CHAR CHEN PHAB PAS PHYOGS KUN TU, ,RE BA'I MTSO CHEN LHAG PAR GANG BAR MDZOD, ,CES PA 'DI THAM PHUD KYI TSIGS BCAD DO,, ,, ` RAB 'BYAMS RGYAL BA'I 'KHOR LO KUN LAS GANG GI BA SPU GCIG MCHOD PA'ANG, ,GZHAL DU MED PA'I BSOD NAMS GTER ZHES RDO RJE 'CHANG GIS RAB BSNGAGS PA, ,GANG YIN DE NI BSOD NAMS ZHING MCHOG

, ,AE MA'O ZLA MED SKYABS KYI MCHOG ,DPAL LDAN RTZA BA'I BLA MA DAM PA BRGYUD PAR BCAS PA DE RNAMS DANG, ,SKYABS GSUM RIN CEN DBANG GI RGYAL PO 'DOD RGU'I CHAR 'BEBS YI DAM LHA, ,DRAN PA YIS KYANG BAR CHAD KUN SEL MTHU LDAN YE SHES SRUNG MA'I TSOGS, ,SA STENG RIN CEN CHAR GYIS RNAM 'GENGS NOR SBYIN NOR LHA'I TSOGS RNAMS LA, ,KUN BZANG MCHOD PA'I SPRIN DANG LHAN CIG RNAM BKRA'I THAM PHUD 'DI PHUL BAS, ,'JIGS MED NGAG GI DBANG PHYUG PHYOGS KUN LAS, ,RNAM RGYAL BSOD NAMS GSER GYI RGYAL MTSAN MTHO, ,DPAL LDAN 'PHRIN LAS BZANG PO'I BKA' KHRIMS KYI, ,NYIN MO'I DBANG PHYUG 'OD ZER STONG 'BAR BAS, ,'DZAM GLING NOR 'DZIN KHYON KUN KHYAB GYUR TE, ,PHAN BDE'I 'BYUNG GNAS THUB BSTAN PAD MO'I TSAL, ,BGRANG YAS BSTAN 'DZIN BUNG BA'I TSOGS RNAMS DANG, ,LUS CAN KUN GYI PHAN BDE'I LO TOG RNAMS, ,PHAN TSUN 'GRAN PA BZHIN DU 'PHEL BAR SHOG ,CES PA 'DI SKYOR MO LUNG DU GDUNG RGYUD RIN PO CHE'I BKA' SHOG GI THAM PHUD DU GNANG BA'O,, ,, ` BLO BZANG KUN GSAL CHOS KYI SKU LAS G-YO BA MED PAR GRANGS MED GZUGS SKU'I CHU 'DZIN NI, ,MA LUS ZHING KUN CIG CAR KHYAB MDZAD GRAGS PA'I GUR KUN PHYOGS KYI BU MO'I 'GRAM PA LA, ,GSAL BAR BKOD PA'I ZHABS SEN ZLA TSES 'CHI MED DBANG PO'I RAL PA'I CHU LDAN KHROD NA GZIMS, ,DPAL LDAN 'PHRIN LAS BDUD RTZI'I CHAR ZIM MKHA' DANG MNYAM PAR RGYUN MI 'CHAD DU 'JUG GYUR CIG ,SRAS BCAS RGYAL BA'I DNGOS GYUR GANG DE'I DRUNG, ,BKRA SHIS BDUD RTZI'I ZER GYI SPU LONG NI, ,PHYAG

RGYA'I RI MO'I ZOL LA BRTEN PA GANG, ,KUN BZANG MCHOD PA'I SPRIN LA 'GRAN PA BZHIN, ,PHUL BAS BRTAN G-YO'I DNGOS KUN BDE STONG GI ,ROL MTSO'I RGYA DANG YANGS PA'I NOR 'DZIN KUN, ,PHAN BDE'I RGYA LAS NAM YANG MI 'DA' BA'I, ,CHOS KYI 'KHOR LOS SGYUR BA'I DPAL THOB SHOG ,CES PA 'DI YANG THAM PHUD PHUL BA'I SNYAN NGAG GO, ,, ` BYAMS PA'I NYI MA 'JIG RTEN GSUM DU SHAR, ,BLO BZANG BSTAN PA'I PAD TSAL PHYOGS BCUR RGYAS, ,MI DBANG GONG MA'I SKU TSE CHAB SRID BRTAN, ,'GRO KUN PHAN BDE'I DPAL LA ROL BAR SHOG ,MA PHAM RGYAL BA'I DBANG PO JI BZHIN DU, ,BDAG KYANG RAB 'BYAMS RGYAL BA'I PHRIN LAS KUN, ,PHYOGS DUS KUN TU SGRUB LA MI ZHUM ZHING, ,'GAL RKYEN KUN ZHI MTHUN RKYEN LHUN GRUB MDZOD, ,GANG GI MKHYEN BRTZE'I DKYIL 'KHOR LAS 'ONGS PA'I, ,RMAD BYUNG PHRIN LAS 'OD ZER 'BUM PHRAG GIS, ,'JIG RTEN GSUM PO CIG CAR KHYAB MDZAD PA, ,BSTAN PA'I NYI MA RING DU ZHABS BRTAN CIG ,LHA RI'I RKANG 'THUNG TSOGS KYIS NYER BSTEN PA'I, ,DPAL LDAN MA LA YA YI RI BO BZHIN, ,RGYANG RING BZHUGS KYANG SNYAN PA'I DRI BZANG GIS, ,LAN CIG MIN PAR SNYING GI GDUNG BA PHROGS, ,SNGON RABS DAM PA'I RNAM THAR RMAD DU BYUNG, ,KHYOD NYID GCIG PUS BDAG GIR MDZAD LAGS TE, ,THUB BSTAN SHING RTA'I KHUR CHEN 'DEGS PA LA, ,PHYOGS KYI GLANG PO KHYOD LAS GZHAN NA GANG, ,PHRIN LAS BDUD RTZI'I CHA SHAS YONGS GANG BA, ,'DZAM GLING MKHA' LA RTAG PAR RAB 'CHAR BAS, ,THUB BSTAN CHU GTER KUN TU 'PHEL BA DANG, ,GDUL BYA'I KU MUD ZE'U 'BRU DGOD

, ,PAR MDZOD, ,BDAG KYANG SNYOM LAS MAL STAN 'DZIN BZHIN DU, ,BAN BUN CHOS BRGYAD SNANG BA'I ROL RTZED LA, ,GZHAN PHAN BSTAN PA'I BYA BAR MNGON RLOM PAS, ,NYIN MTSAN BAR MTSAMS MED PAR 'DA' ZHING MCHIS, ,NYID SKU RI DBANG LTA BUR BRTAN PA DANG, ,BSHAD SGRUB MDZAD PA DBYAR GYI CHU BO LTAR, ,SRID MTHA'I BAR DU GNAS PA'I NGANG NYID NAS, ,ZLA ZHAL MIG GI BDUD RTZIR 'THUNG BAR SMON, ,ZHU YIG GZIGS PA'I RTEN MTSON PAR GOS CHEN KHA GANG RGYA LDAN DU 'BUL, HOR ZLA DANG PO'I TSES LNGA LA 'BRAS SPUNGS GZIMS KHANG NAS PHUL BA'I ZHU YIG KHRO PHUR RJE BTZUN DRUNG DU SNYAN DAR DAR CHEN KHA BRGYAD PA ZHIG PHUL YOD PA, SNGA SOR PHUL BA ZHIG YOD PA DANG PHAN TSUN DU SKU MDUN DU 'BYOR NGES SHIG BKA' DRIN SKYONG BA MKHYEN LAGS, ZHES PA 'DI NI GANGS CAN CHOS RJE LA GNANG BA'O,, ,, ` GSUNG RAB KUN GYI DGONGS DON NAM MKHA' LA, ,THOGS PA MED PA'I BLO GROS DKYIL 'KHOR CAN, ,THUB BSTAN 'DAB BRGYA BZHAD PA'I GNYEN GCIG PU, ,BSTAN PA'I NYI MA RING DU ZHABS BRTAN CIG ,MKHYEN YANGS YID BZHIN RGYA MTSO'I 'JUG NGOGS NAS, ,SDEB LEGS BKA' STZAL MU TIG GSAR PA'I PHRENG, ,RNAM MANG SKYES KYI RANG BZHIN DANG 'GROGS PA, ,PHO NYA'I DON MTHUN NGAG LAS GNAS 'DIR SON, ,DE TSE YID KYI NOR LDAN MA, ,DGA' SKYES LJON SHING SPU LONG CAN, ,DAD PA'I ME TOG DO SHAL GYIS, ,DPYID KYI DPAL MO'I KHENGS PA PHROGS, ,BDAG KYANG RKANG 'THUNG PHRENG BA CAN, ,MTHA' 'KHOB 'DZIN MAR RKANG MTHIL GYI, ,GUR KUM DOG PA BKOD BYAS NAS,,

SLAR YANG MTHO RIS GRONG KHYER LA, ,'KHU LDAN CHOS 'KHOR LHA SA ZHES, ,GRAGS PA'I BA DAN DKAR BA DER, ,SH'AKYA MU NI'I ZHAL BZANG GI ,ZLA SHEL LTA BAS NGOMS MA GYUR, ,BLO GSAL 'CHI MED BYE BA'I GNAS, ,BKRA SHIS LHUN PO'I BA GAM RTZER,, LEGS BSHAD GSAR PA'I ZLOS GAR DAG ,MCHOG TU BGYI SLAD CHAS PA LAGS, ,DAM PA'I SKYES BU KHYED LTA BU, ,ZHING 'DIR 'TSO ZHING GZHES PA NI, ,BSTAN PA'I RTZA LAG 'GRO 'DI YI, ,PHAN BDE'I GZHIR GYUR DE YI PHYIR, ,BAR CHAD BDUD SDE'I TSOGS RNAMS LAS, ,RNAM PAR RGYAL NAS BSKAL PA'I BAR, ,SKU TSE BRTAN PHYIR CHES ZAB PA'I, ,THUGS DAM RIM PA SPEL BAR MDZOD, ,DE LTA'I RNAM DKAR RTEN 'BREL GYI, ,BYED PO YUN RING BZHUGS PA'I STAN, ,'CHAR KA'I GOS DMAR GYIS KLUBS GANG,, RAB DKAR GZUGS KYI RI MO CAN, ,ZUNG 'BREL RGYA YIS BTAB STE 'BUL, ,SNRON GYI ZLA BA'I PHYOGS GNYIS PA'I, ,RGYAL BA DANG PO SHAR TSE PHUL, ,ZHES PA 'DI NI SE RA CHOS RJE DON YOD PA'I ZHU LAN DU LHA SA NAS GNANG BA'O,, ,, ` GANG GI ZHABS SEN NOR BU'I LAN TSAR NI, ,DREGS LDAN KUN GYI SPYI BOR NGAL GSO BA, ,MA LUS RGYAL BA'I GDUNG 'TSOB CHOS KYI RJE'I, ,ZHABS PAD DRUNG DU RING NAS MCHID 'DI ZHU, ,DPAG MED LEGS TSOGS STOBS KYIS BSKRUN PA'I SKU, ,NYER 'TSE'I RLUNG GIS G-YO BA MA MCHIS SHING, ,BYANG PHYOGS YANGS PA'I 'DZIN MAR ZHABS KYI RDUL, ,NYE BAR BKOD PAS SKAL BZANG SKYE BO KUN, ,MTHONG THOS DRAN PA DON LDAN DU MDZAD NAS, ,SLAR YANG GDAN SA CHEN PO'I SENG GE'I KHRIR, ,RNAM PAR ROL BA'I SNYAN PA SPRIN GYI DBYANGS,,

, ,THOS TSE SPRO DGA'I MDONGS LDAN GAR BYED DO, ,ZHES GSOL NAS, SNYING PO'I ZHU BA, DBUS GTZANG GI SKYE 'GRO SPYI MTHUN GYI LAS TSUL LA BRTEN DUS KYI 'TSUB MA MTHA' DBUS BYINGS LA LANGS PA'I SHUGS 'GROS KYIS STAG GZHIR GYI MI GCES MANG RAB CIG RKYEN LAM DU SONG BA LA, 'DI NAS NANG SO ZHAL NGO SOGS LA THUGS SKYON CHAGS PA'I TSAN DU YE MI 'DUG NA'ANG YUL CHOS NGAN PA'I STABS KYIS 'BROG PA RNAMS KYIS KHA SA PHAR MNGA' ZHABS KYI SNA TSE 'DRA LA THAGS THOGS YOD PA ZHIG BYUNG 'DUG PA, SNYIGS DUS KYIS SKYE BO NYON MONGS RAGS SHING, DE MTHUN GYI BYED PA CAN RNAMS DAM PA RNAMS KYI THUGS RJE'I YUL KHO NAR 'DUG PA DANG, 'DI TSO LA BRTEN PA'I ZLOS PA'I SGO BZHIN LANGS NA, DA LTA DBUS GTZANG BYINGS GTAN CHINGS 'GRIG PA'I SKABS 'DIR SKYE 'GRO RNAMS BDE BA LA GNAS PA'I GEGS SU'ANG SONG DOGS 'DUG PAS THUGS RJE CHEN POS NYE BAR DGONGS TE BZOD PA DAM PA'I PHA ROL TU PHYIN PA'I DMIGS MED CHOS SKU'I NGANG NAS THAMS CAD DU 'JAM DAR LA 'KHOD PA'I BKA' LUNG GIS KHYAB PA MKHYEN LAGS, ,DE MTHUN GZHIS KA TSOR YANG SNYAN SGRON PA'I NGOS NAS SNGAR 'KHYUD MCHOD YON DPON SLOB 'BREL TSUL GZHAN DANG MI 'DRA BA ZHIG YIN 'DUG PA'I RI MO RNYING PA GSER GYIS GSO BA LTA BU ZHIG GI SHES 'DOD YIN PAS DGONGS LEN DU SBREL PO GSUM RKANG BTZUGS SU ZHABS DRUNG BTANG BA LAGS, ZHES PA 'DI 'BRI GUNG CHOS RJE KUN DGA' RIN CEN PA LA GNANG BA'O,, ,, ` 'PHAGS PA SPYAN RAS GZIGS KYI SPRUL PA, 'OD GSAL LHA LAS BABS PA'I GDUNG RGYUD, RJE

MNGA' BDAG RGYAL PO'I DRUNG DU, BDAG SANGS RGYAS 'PHEL GYIS ZHU BA, BSTAN PA DAG LA PHAN PAR RAB TU SMON, ,SLAR YANG CHOS LA DKAR BAR MDZAD DU GSOL, ,DAR MDUD GSOL JA GNANG BA THUGS LA BTAGS, ,BDAG KYANG SEMS CAN KUN LA PHAN PAR SMON, ,CHOS SGRA SENG GE'I NGA RO YIS, ,SEMS CAN KUN YID TSIM PAR BYED, ,ZHU YIG GZIGS PA'I RTEN DU BDAG RANG GI 'THUNG DKAR MI NYAG GAN DKAR PHRU GU CHAG MED SMAN GYI RGYAL PO NAD THAMS CAD KUN TU 'JOMS PA ZHES BYA BAS GANG BA ZHIG 'BUL, ZHES PA 'DI GU GE BDAG PO'I ZHU LAN DU DGUNG LO BCU PA'I TSE RDO RJE GDAN NAS GNANG BA'O,, ,, ` LEGS BYAS GSER GYI RTZIBS STONG RAB 'BAR BGRANG YAS SA 'DZIN TSOGS RNAMS KYIS, ,NYE BAR BSTEN GYUR RBA RLABS ROL PA SH'AKYA'I RIGS KYI CHU GTER CHE'I, ,ZLA SHEL DRI MED YONGS 'DU'I SPUN GANG MKHYEN BRTZE BDUD RTZI'I SPU LONG CAN, ,RNAM MANG DBANG PHYUG RAL PA'I NAGS NA RAB MDZES GAR GYI RI MO BZHIN, ,DREGS LDAN LUGS SHES KUN GYI ZUR PHUD NI, ,DUD PAS PHYAG BYA'I GNAS GYUR RIG GNAS KYI, ,RO BRGYA'I BDUD RTZI ZHAL LA CHAGS PAS NA, ,MI DBANG DBYANGS CAN SRAS PO MCHOG DE'I DRUNG, ,TSANGS DBANG SRAS MO'I ZHAL GYI GUR KUM NI, ,DKAR 'JAM REG NA BDE BA'I GLEGS BU'I NGOS, ,YI GE'I ZOL LA NYER BRTEN DRI ZA YI, ,'PHANG 'GRO SNYAN PA'I SGRA BZHIN MCHID 'DI ZHU, ,KHOR YUG RI BOR BRTEN PA'I NOR 'DZIN NI, ,DPUNG PA'I KA BA'I 'DEGS BYED DU MA DANG, NYI MA'I GNYEN ZHES SRID NA SA GSUM GYI, ,SGRON ME YI GE'I GRAGS 'BAR GANG GI RGYUD,,

, ,GDUGS DKAR DBU BA'I 'DZUM GYIS MYA NGAN MED, ,NYER MTSON BSTAN LA MCHOD SBYIN BYED PA'I TSOGS, ,GRAGS PA'I BA DAN RAB DKAR YE SHES 'OD, ,KHU DPON BAR DU BOD YUL SA'I THIG LER, ,JI SNYED BYON GANG PHAN BDE'I RTZA LAG DANG, ,THUB BSTAN RIN CEN KUN GYI 'BYUNG GNAS NYID, ,DE LTA'I RIGS KYI DPAG BSAM RKANG 'THUNG DAG ,DENG DUS MDZES PAR BYED PA'I DGONGS PA CAN, ,YON TAN DRI BZANG PADMO'I GZHAL MED KHAG, ,PHYOGS KUN NOR LHA'I RNA BA'I BCUD LEN MKHAN, ,BDE 'BYUNG BZHIN DU MKHYEN YANGS RAL PA'I KLONG, ,SDIG LTA'I DRI MA 'KHRUD BYED GANG+G'A BZHIN, ,RNAM MANG RAB 'KHYIL BDUD RTZI'I CHU GTER CHE, ,MKHAS MANG DBANG PO'I NGANG MO'I KHYU 'KHRIGS PAS, ,THUB BSTAN SPYI DANG KHYAD PAR 'JAM PA'I DBYANGS, ,NGUR SMRIG ZLOS GAR SGYUR MDZAD TZONG KHA PA'I, ,BSTAN LA SRID ZHUR MDZAD LA YAB MES KYI, ,MDZAD PA'I SROL BZANG NYAMS PA MED PAR MDZOD, ,BKRA SHIS SLAD DU DKAR 'JAM GYI, ,SKYES KYI 'DAB GSHOG ROL PA CAN, ,BKRA SHIS LHUN PO'I RTZE LAS NI, ,LHA YI PHO BRANG 'PHUR TE SONG, ,ZHES PA 'DI YANG GU GE BDAG PO LA GNANG BA'O,, ,, ` BU RAM SHING PA'I RIGS KYI THIG LE MCHOG ,ZHABS SEN NOR BU'I LAN TSAR LHA RNAMS KYIS, ,BSTEN 'OS SA SKYONG KUN GYI ZUR PHUD LA, ,'GROGS PA'I RTZE DGA' NYAMS PA MED GYUR CIG ,MKHYEN YANGS SUM RTZEN SKYED TSAL GSAR PA LAS, ,SNA MA'I ME TOG DRI LA SRED LDAN PA'I, ,SDEB LEGS GRE 'GYUR LDAN PA'I BUNG BA'I PHRENG, ,DBYANGS CAN DPAL MO'I 'GRAN ZLAR 'ONGS SAM CI, ,YID SRUBS

DPUNG PA'I RJES MTHUN NOR SBYIN GYI, PHYOGS SU 'KHRIGS GYUR NAG PO'I CHU LDAN TSOGS, ,DKAR PHYOGS DRI YI BZHON PAS BCOM PA NI, ,RGYAL BA'I THUGS RJE GZUGS SU GYUR PA BZHIN, ,LHA YI RNGA BZHIN GRAGS SNYAN GA BUR GYI, ,THIG LE GSAR PAS SNYING LA BRAN PA NA, ,RING NAS MNAR BYED TSA GDUNG GA SHED SONG, ,DE RING BSAM GTAN DANG PO'I GNAS THOB SNYAM, ,BOD YUL MUN PA'I GLING 'DIR THUB BSTAN GYI, ,NYI MA 'CHAR BYED RTA LJANG SHING RTA'I RIGS, ,GANG GI PHAN BDE 'DAB BRGYA GSAR PA'I TSOGS, ,RAB 'BAR RDZOGS LDAN NYID DU SLAR YANG MDZOD, ,DUS MTHA' 'DIR YANG RGYAL BA'I MDZAD PA CAN, ,'JAM DPAL SNYING PO'I THUGS BCUD THUB BSTAN GYI, ,RTZER SON DU GU LA YI RAS BZANG POS, ,NOR 'DZIN BU MO YONGS SU KHYAB PAR MDZOD, ,CES PA 'DI YANG DE NYID LA GNANG BA'O,, ,, ` AOm SVA STI, BU RAM SHING BA'I RIGS KYI SHAR RI'I RTZER, ,MKHYEN BRTZE'I DKYIL 'KHOR CHA SHAS YONGS GANG BAS, ,SA SKYONG RGYU SKAR BYE BA'I TSOGS DBUS NA, ,LHAM MER GSAL BA'I ZHABS DRUNG MCHID 'DI ZHU, ,SNYAN GRAGS AUTPAL PHON PO'I GDENGS KA NI, ,PHYOGS KYI BU MO'I RNA BA'I RGYAN BYAS PA, ,NYID KYI GZI BYIN LTA BAR MA BZOD DE, ,MCHOD SBYIN BRGYA PA MTHO RIS BROS SAM SNYAM, ,RNAM DKAR MDZAD PA'I ZLA 'OD DU GU LAS, ,THUB BSTAN NOR 'DZIN BU MO KHEBS MDZAD DE, ,PHAN BDE'I KU MUD 'DZUM DKAR BDUD RTZI'I GTER, ,ZLA SHEL SA SKYONG GAR LA BRTEN PA BZHIN, ,SNANG BA'I GTER GYUR KUN GYI GZI BYIN NI, ,'PHROG BYED RTA BDUN DBANG PO DANG MTSUNGS TE, ,LUGS

, ,GNYIS SHES BYA'I DE NYID 'BYED PA NI, ,DA LTA PADMO'I GNYEN LA MA MCHIS SO, ,SNYING STOBS DPUNG PA'I KA BAS PHYOGS DE YI, ,THUB BSTAN NOR 'DZIN NGES PAR 'DZIN BYED DE, ,NYI MA'I GNYEN GYI RIGS 'KHRUNGS SNGON RABS KYI, ,CHOS KYI RGYAL PO KUN GYI NGANG TSUL LO, ,'DI NA'ANG 'JIG RTEN DBANG PO SRONG BTZAN GYI, ,SGYU MAS SPRUL PA'I PHO BRANG MDUN SA CHER, ,BLO GSAL 'CHI MED TSOGS KYIS YONGS GANG BA'I, ,DO RAR LEGS BSHAD ZLOS GAR BGYID LA BRTZON, ,SNYING PO'I ZHU MCHID ME TOG RGYAS PA'I THANG, ,MTHA' DAG SKYE BO'I 'JIGS SKYOB RGYAL ZHES PA'I, ,GTZUG LAG GSAR DU BSKRUN DER BSOD NAMS GTER, ,RMAD BYUNG RGYAL BA'I SKU GZUGS BZHENG PA LA, ,DPAG BSAM SHING LAS 'DOD RGU'I GTER BZHIN DU, ,BKA' STZAL NYI MA'I 'OD KYIS MNGA' RIS KYI, ,YANGS PA'I SA CHEN KUN TU KHYAB MDZAD DE, ,RE BA'I 'BRAS BZANG MCHOG TU SMIN PAR STZOL, ,BOD YUL LEGS BYAS RIN CEN JI SNYED PA'I, ,'BYUNG GNAS CHU GLANG BDAG PO GZHAN PA BZHIN, ,SNGON RABS SPRUL PA'I SNANG BRNYAN DE DAG RNAMS, ,DRAN TSE DAD PA'I SPU LONG GAR BYED PA, ,DE DAG GDUNG DANG MDZAD PA MA NYAMS PA'I, ,SROL CHEN GANG GI ZUR PHUD DANG 'GROGS PA, ,GANG GI SKU TSE CHAB SRID MNGA' THANG RNAMS, ,YAR NGO'I ZLA LTAR RTAG TU RGYAS PAR SMON,, RO BCUD PHUN SUM TSOGS PA LO MA'I SMAN, ,ZHU MCHID YI GE'I 'DAB PHRENG RGYAS PA LA, ,SPYAN RAS BUNG BA GZHON NU'I 'PHUR LDING DAG ,ZLOS GAR RNAM PAR ROL PA'I SKYES SU 'BUL, ,NAG PA ZLA BA'I 'KHOR LO 'DU BA'I TSES, ,SHAR TSE BLO GSAL 'CHI

MED TSOGS KYI GNAS, ,DPAL LDAN 'BRAS SPUNGS CHOS GRVA'I GZIMS KHANG NAS, ,ZHU YIG PHYOGS DUS KUN TU DGE LEGS STZOL, ,ZHES PA GU GE BDAG PO 'PHAGS PA LHA LA GNANG BA'O,, ,, ` SH'AKYA'I RIGS KYI BDUD RTZI'I CHU GTER NI, ,LEGS BYAS 'CHI MED RI BOS BSRUBS PA LAS, ,BSOD NAMS DKYIL 'KHOR MKHYEN BRTZE'I 'OD STONG CAN, ,NYIN MO'I DBANG PHYUG DRUNG DU MCHID 'DI GSOL, ,LJAGS YANGS PAD MTSOR DBYANGS CAN NGANG MO NI, ,NOR 'DZIN ZOL LA NYER BRTEN NYI MA YI, ,RIGS KYI THIG LE GANG GI GRAGS PA'I GTAM, ,'OG MIN GTZANG MA'I GNAS NA'ANG CA COR GYUR, ,THUB BSTAN NOR 'DZIN THUGS RJE'I ZLA ZER GYIS, ,LAN BRGYAR SNANG BYED CHOS RGYAL DE DAG GI ,BKA' DRIN DRAN TSE DAD PA'I SPU LONG DAG ,GAR BYED YID KYI PHO NYA NYIN BZHIN YANG, ,DE DAG CHO RIGS CHOS KYI SROL 'DZIN PA, ,NOR 'DZIN THIG LE YID BZHIN RIN CEN ZUNG, ,ZHAL BZANG BDUD RTZI 'THUNG BZHIN PHYOGS DER SNYEG ,'DI NA'ANG BLO GSAL RKANG 'THUNG 'KHRIGS PA'I NAGS, ,BSHAD SGRUB ME TOG RGYAS PA'I DGA' TSAL NA, ,NYAM CHUNG GZHAN PHAN GSHOG RTZE'I 'PHUR LDING DANG, ,LEGS BSHAD BUNG BA'I GLU DBYANGS LEN LA BRTZON, ,RNAM MANG SKYE BO'I 'JIGS SKYOB THUB BSTAN LA, ,RI MOR BGYID SLAD RGYAL GYI GTZUGS LAG KHANG, ,BSOD NAMS BRGYA PA'I SNANG BRNYAN GZI 'BAR BA, ,MDZES PA'I MTHUN RKYEN BKA' DRIN RAB TU STZOL, ,SNGON RABS CHOS KYI RGYAL PO DE DAG GI ,MDZAD PA'I ME TOG ZUR PHUD DANG 'GROGS PAS, ,SNYING STOBS RGYA MTSO'I RLABS 'PHYUR THUB BSTAN GYI, ,MU TIG DRA BAS

, ,NOR 'DZIN KHEBS PAR MDZOD, ,BCUD LDAN LO MA'I PHUR MA RGYAS BRES PA, ,SPYAN ZUR AUTPAL REG PA'I SKYES SU MTSON, ,NAG PA ZLA BA'I GNYIS PA'I PHYOGS DAG LA, ,DPAL LDAN 'BRAS SPUNGS CHOS KYI GRVA NAS 'BUL, ,ZHES PA GU GE BDAG PO SKU GZHON PA LA GNANG BA'O,, ,, ` SA BCU'I DBANG PHYUG MNGA' BDAG RJES, ,SA 'DIR KHYOD KYIS DBANG SGYUR ZHES, ,SA STENG NOR BUS BRGYAN PA YI, ,PHYAG DAM GNANG BA THUGS LA BTAGS, ,ZHES PA 'DI TZAN DAN DKAR PO'I THE'U TSE SA STENG NOR BU'I RI MOS MTSAN PA ZHIG PHUL BA'I ZHU LAN DU GU GE BDAG PO LA GNANG BA'O,, ,, ` GNYIS MED GSUNG BA SENG GE'I KHRIR BZHUGS YAN LAG BCU GNYIS 'CHING BA LAS GROL BDEN DON NYI MA CHOS KYI SKU, ,TSON BRGYA NYE BAS DAG PA'I SHEL BZHIN MTHA' YAS 'GRO BA'I SKAD LA NYER 'JUG LEGS 'DOMS DE NI LONGS SPYOD RDZOGS, ,SHES DANG SHES BYA DBYER MED GCIG GYUR 'PHO MED BDE BA'I SKAD CIG KUN RDZOGS DE NYID BCU DRUG YANG DAG RIG ,BYE BA PHRAG BRGYA'I ZHING RNAMS KUN TU SGYU 'PHRUL DRA BA'I ROL GAR STON MDZAD DANG PO'I SANGS RGYAS DER PHYAG 'TSAL, ,KEE LA SHA YI DUM BUR SENG GE'I KHRI, ,RNAM GNON RIGS LDAN GRAGS PA DUS KYI MTHAR, ,PHYOGS 'DIR MI DBANG GAR GYIS ROL BA BZHIN, ,BSNGAGS 'OS GANG DE'I DRUNG DU MCHID 'DI ZHU, ,CHAB SHOG DON BZANG LHA YI LANG TSO CAN, ,RGYAN MANG RIN CEN TSOGS KYI 'JO SGEG 'DZIN, ,'DZAM BU N'A DA'I SKYES DANG LHAN CIG PAR, ,MIG DANG RNA BA YID KYI DGA' STON GYUR, ,RNAM MANG RGYAL PHRAN GSER RI'I PHRENG BAS BSKOR, ,LUGS GNYIS DPAL 'BYOR

ROL MTSO 'KHYIL BA'I GNAS, ,MKHYEN BRTZE'I BANG RIM MTHO BAS 'CHI MED KYI, ,RI BO DENG DUS RI MO'I GNAS LA BKOD, ,NGOS KYANG THOS DANG SPONG BA LHUR LEN PA'I, ,'DUS PA'I TSOGS DANG LHAN CIG DBYAR GNAS NAS, ,DANG PO'I SANGS RGYAS MCHOG DANG BKA' GDAMS KYI, ,CHOS KYI RGYA MTSO'I DGA' BAS ROL BA LAGS, ,DPAL STUG ZHAL GYI TSANGS PA'I ROL GNAS LAS, ,LEGS 'ONGS BGRANG YAS MTHO RIS GANGG'A'I RDUL, ,DPAL MGRIN RAL PA'I ZUR PHUD DANG 'GROGS PA, ,KUN KYANG MDO DANG SNGAGS KYI CHU GLANG BDAG ,RNAM DPYOD KHYOR CHUR BYAS TE LONGS SPYOD CING, ,SRID NYON SBYIN MA'I BU DAG NYER 'JOMS PA, ,LHAG PA'I RIN CEN GSUM GYI COD PAN CAN, ,DE DAG RIS MED NYID DU BKUR BAR MDZOD, ,DE YI MTHU LAS THUB BSTAN RIN CEN DBANG, ,'GRO GSUM RGYAL MTSAN COD PAN DANG 'GROGS TE, ,'DOD RGU'I CHAR GYI DBYIG GI BLO GROS MA, ,RDO RJE'I KHOR YUG BAR DU KHYAB PAR 'TSAL, ,BAN DU DZI BA'I 'DAB STONG RAB 'KHRIGS PAS, ,NYI GZHON CHAR KHA'I PHUN TSOGS LA 'KHU BA, ,RGYA YI TSOM BUS NYE BAR MTSAN PA 'DI, ,SPYAN ZUR AUTPAL ROL PA'I SKYES SU 'BUL, ,KUN LDAN LO YI LANG TSO MA, ,BU MO'I KHYIM GYI MTHAR GNAS PA, ,THA SKAR CAN GYI PHYOGS DANG POR, ,CHOS 'KHOR RGYAL NAS PHUL ZHU YIG, ,, ` LEGS BYAS GSER GYI CHU SKYES MNGA' LAS 'KHRUNGS, ,LUGS GNYIS BYA BA KUN LA DBANG SGYUR ZHING, ,RGYAL PHRAN 'CHI MED TSOGS KYIS PHYAG BYAS PA, ,TSANGS DBANG DANG MTSUNGS DRUNG DU 'DI SKAD ZHU, ,SNGON BSAGS DGE TSOGS DU MAS NYER BSKRUN

, ,PA'I, ,NYID KYI PHUN TSOGS SUM RTZEN LA 'KHU BA, ,LHA MIN LAS RGYAL GRAGS PA'I BA DAN CAN, ,PHYOGS 'DIR RNA BA'I BCUD LEN RGYAS PAR THOB, ,'DI NA'ANG DBUS GTZANG CHOS KYI DGA' TSAL NA, ,LUNG RIGS CHOS KYI ROL MOS RNAM PAR RTZEN, ,SNYING PO'I ZHU MCHID THAMS CAD MKHYEN PA NAS, ,BZUNG STE DENG SANG BAR DU NYID CAG GI ,YAB MES CHOS RGYAL RNAMS DANG SA CHEN PO, ,SKYONG MDZAD MI YI DBANG PO KHYED KYI BAR, ,THAG RING GNAS KYIS BSKAL YANG NYI MA DANG, ,PADMO'I TSAL BZHIN RTEN 'BREL RMAD BYUNG GI ,GRAGS PA STON ZLA'I ZLA 'OD MCHOG TU DKAR, ,DE SLAD CHOS 'KHOR RGYAL GYI GTZUG LAG KHANG, ,RNAM MANG SKYE BO'I GSOS SU GYUR PA DER, ,MA PHAM RGYAL BA'I SKU GZUGS BZHENG BA LA, ,YID BZHIN NOR DANG DPAG BSAM RKANG 'THUNG LAS, ,'DOD RGU'I DPAL BZHIN YONGS SU STZAL BAR MDZOD, ,GNAS SKABS MTHAR THUG BZHED PA'I DON RNAMS KUN,, 'GRUB PA'I SMON LAM GTAN DU BGYID PA LAGS, ,ZHIB KYI GNAS TSUL SMON LAM SHES RAB PA, ,GROGS MCHED NGAG GI LAM NAS GSOL BA LAGS, ,ZHES PA'ANG MAR YUL SMAD PA LA GNANG BA'O,, ,, ` CHOS RNAMS KUN GYI GNAS LUGS GDOD MA'I GSHIS, ,LHAN SKYES SGYU 'PHRUL DRA BA'I ROL PA LAS, ,GANG 'DUL THABS KYIS DBANG PO'I GZHU BZHIN DU,, RNAL 'PHRUL SPRUL PA'I ZLOS GAR GANG DE'I DRUNG, ,RIS MED MKHAS DANG GRUB PA'I RING LUGS KYI, ,'JUG NGOGS NYER BSTEN SNYOM LAS 'DAM DU NI, ,BYING GYUR THE TSOM LAM DU BLO YI 'GROS, ,'KHYOR BA STER BYED GANG DES MCHID 'DI ZHU, ,MKHAR

NYAL GZHON NU'I LANG TSO LA 'KHU BA, ,MDZES SKU BDUD RTZI'I RTZA LAG RAB RGYAS SHING, ,'GRO BA'I DBUGS 'BYIN GSUNG DBYANGS GAnd'I'I SGRAS, ,MES PO SMRA BCAD BSAM GTAN GNAS LA BKOD, ,TING 'DZIN SGO BRGYA 'BYED PA'I THUGS DVANGS PA, ,JI SNYED SHES BYA'I GNAS LA SPYOD BZHIN DU, ,DON BZANG LANG TSO GSAR PA'I 'JO SGEG MKHAN, ,NYAMS BRGYA'I MIG ZUR G-YO BA'I RI DVAGS MIG ,'JAM GNYEN DPAG BSAM GOS KYI LHAB LHUB CAN, ,PHO NYA'I SUM RTZEN LAM LAS GNAS 'DIR 'ONGS,, GSAR PA'I BDUD RTZIS MA BRAN CING, ,TZAN DAN DAG GIS MA BYUGS KYANG, ,'JIG RTEN KUN GYI BDE BA LA, ,DE RING GUS PA DMAN PAR GYUR, ,ZLA 'OD GZHON NU'I PHRIN LAS KYI, ,RTZE DGAS GNAS PA'I NOR LDAN MAR, ,'JIGS SKYOB TZAM GYI DGON PA YANG, ,BSTAN LA SRID ZHUR BGYID SNYAM SEMS, ,MKHA' LTAR YANGS PA'I THUGS KYI KLONG, ,BRTZE BA'I 'OD CHAGS GSAR PA YI, ,NYI MA GZHAN BZHIN BKA' STZAL GYI, ,'CHAR BA PHYOGS 'DIR MI 'BRAL SHOG ,'PHROG BYED BLA GOS KYIS MTSON PA'I,, TSON BRGYA'I MDANGS KYIS 'KHYUD PA CAN, ,SPYAN RAS AUTPAL ZUR GYIS NI, ,'TSO BA'I SKAL BZANG NYID DU SMON, ,ZHES KHRUMS KYI ZLA BA'I PHYOGS DANG PO'I RGYAL BA GSUM PA LA LHA'I KHANG BZANG 'OL KHA STAG RTZE NAS PHUL BA'I ZHU YIG CES PA 'DI BYA PA KHRI DPON LA GNANG BA'O,, ,, ` BRTAN G-YO'I DNGOS PO KUN LA KHYAB GYUR KUN GYI RANG BZHIN BRJOD BRAL LHAN CIG SKYES PA DE NI CHOS KYI SKU, ,TSON BRGYA NYE BAR DAG PA'I SHEL BZHIN SAR GNAS DPA' BO'I MIG GI BDUD RTZIR GANG GYUR DE NI LONGS SPYOD RDZOGS, ,CHU NANG ZLA BA'I

, ,ROL RTZED GAR BZHIN CIR YANG 'CHAR BA SGYU 'PHRUL DRA BA'I ZLOS GAR DE NI SPRUL PA'I SKU, ,SKU GSUM MI ZAD RGYAN GYI 'KHOR LOS BYE BA PHRAG BRGYA'I ZHING KHAMS KUN TU RNAM PAR ROL DE BSNGAGS PAR 'OS, ,ZAB RGYAS GDAMS PA'I RIN CEN MA LUS DANG, ,LUGS GNYIS PHUN TSOGS NYAL 'GRO JI SNYED PA, ,GANG DU DOG PA MED PAR NGAL GSO'I GNAS, ,DPAL LDAN MA PHAM DBANG POR MCHID 'DI GSOL, ,LEGS SPYAD KHA BA'I RDUL MANG MTHOR BRTZEGS LHUN PO'I TOG GIS RAB TU MTSAN,, ZHABS SEN 'CHAR KHA'I PHUN TSOGS LA 'KHU GUR KUN THIG LE 'GRAM PAR BSGOS, ,RGYAN MANG NYAMS BRGYA'I 'OD RIS G-YO BA LEGS BSHAD SPRIN GYI RNA CHA CAN, ,DENG DUS KHA BA CAN GYI NOR 'DZIN KEE LA SHA YI DUM BUR MTSUNGS, ,MKHYEN PA'I SPYAN GYIS RIS MED CHOS KUN GZIGS, ,BRTZE BA'I PHYAG GIS RIS MED 'GRO BA 'DREN, ,PHUL BYUNG DAD PAS RIS MED BSTAN LA DGYES, ,GANG GI SNYAN PA RIS MED PHYOGS BCUR G-YO, ,DAD GUS 'O MTSO 'KHYIL BA'I 'JUG NGOGS SU, ,KHRIMS LDAN LUNG RIGS SMRA BA NGUR MO'I TSOGS, ,'BEL GTAM MGRIN PA'I RGYUD MANG ROL BA DER, ,NGANG PA'I DED DPON DAG KYANG RING ZHIG TU, ,SKABS DER CHOS KYI BDUD RTZI NYER MTSON BCUD, ,'GYUR MED GNYUG MA'I RANG BZHIN 'DZAM BU'I GSER, ,CHOS RNAMS KUN LA DBANG SGYUR NYER MTSON PAR, ,G-YO BA'I RLUNG SEMS MGYOGS 'GRO'I BZHON PAR BCAS, ,NYA RGYAS RGYU SKAR BDAG PO'I DPAL 'PHROG PA, ,KHYOD ZHAL GNAS KYI BSKAL BAS MA MTHONG YANG, ,PHYI ROL RDZAS KYIS NANG GI SEMS NYID LA,,

PHUL BYUNG GDAMS PA'I DON PO AE MA MTSAR, ,DON BZANG LANG TSO TSIG DON RGYAN PHRENG CAN, ,NYAMS BRGYA'I 'GYUR BAG GLU GAR LEN MKHAS MA, ,KHYOD GSUNG RI DVAGS MIG CAN 'JO SGEG GIS, ,BDAG GI YID KYI BRTAN PA LAN BRGYAR PHROGS, ,PHYOGS LHUNG SBRUL GDUG TSANG DU MA GYUR CING, ,MKHYEN SPYAN PADMA'I 'DAB MA LTAR YANGS PA, ,RNAMS DANG DNGOS SU MJAL NAS 'BEL BA'I GTAM, ,RGYA CHEN BGYID LA DPYOD LDAN SU MI SPRO, ,LHO PHYOGS NOR LDAN BU MO'I 'GRAM PA LA, ,NYER BRTEN BLO GSAL DGE 'DUN 'DUS PA'I SDE, ,KUN KYANG BKA' DRIN NYI MA'I 'OD STONG GIS, ,KHYAB PAR BSHAD SGRUB 'DAB BRGYA DGOD PAR MDZOD, ,GANG GI DRIN LAS LUNG RIGS SMRA BA'I TSOGS, ,'PHEL BAS MGON KHYOD MDUN SA CHER MDZES PA, ,LUNG GRVA (LUNG RVA) CHE ZHES GRAGS PA'I CHOS 'KHOR YANG, ,PHYOGS 'DIR NYAMS PA MED PA'I BDAG RKYEN STZOL, ,BDAG KYANG SNYING LA DAG SNANG NYI MA SHAR, ,PHYOGS LHUNG MUN PA'I RNYOG PA GA SHED SONG, ,CHOS LUGS KUN DANG DAM PA'I SKYES BU KUN, ,MI PHYED DAD PA'I RA BAR MCHOD PA LAGS, ,RAB DANG YID KYI SKYED TSAL LAS 'ONGS PA'I, ,ZHU PHRIN AUTPAL SPYAN ZUR 'PHROG SLAD DU, ,LO MA'I PHUR MA RO BRGYA'I PHUN TSOGS CAN, ,RDO RJE'I LJAGS KYIS NYE BAR BZHES SU GSOL, ,DBYANGS 'CHAR LUGS KYI DKAR PO'I PHYOGS, ,BZANG PO GSUM PA'I TSES KYI NYIN, ,GRUB PA'I GNAS GYUR NGANG RGYAL ZHES, ,GRAGS PA'I GNAS NAS ZHU YIG GO ,ZHES PA 'DI YANG BYA BA KHRI DPON PA LA GNANG BA'O,, ,, ` PHUL BYUNG SNYAN GRAGS 'OD MDZES GA BUR GYIS, ,CHES DKAR BGRANG

, ,YAS YON TAN MU TIG TSOGS, ,RAB 'BAR LEGS BSHAD RIN CEN BA GAM CAN, ,MKHYEN BRTZE'I RGYAL MTSAN MNGON MTHO RTAG PAR RGYAL, ,MKHYEN YANGS ZLA BA'I SRING MO'I GRE 'GYUR STONG, ,DBYANGS CAN 'PHANG 'GRO 'DOR BYED SDEB SBYOR GYIS, ,BRANG 'GRO RAL PA'I KLONG DU GNYID GYUR BDAG ,BSAM GTAN DANG PO'I GNAS LA REG GYUR SNYAM, ,BDE 'BYUNG RI SRAS LUS PHYED ZHUGS GYUR CING, ,'PHROG BYED BSHOL MED LTO BAR GNAS 'CHA' LA, ,RANG BYUNG MKHAR NYAL 'OD SKYES NA CHUNG GI ,DPAL GZI LA SRED GDONG BZHI SPRUL BYED NA, ,RNAM MANG RGYAL PHRAN COD PAN NOR BU'I 'OD, ,RAB 'GROGS GSER GYI MYU GU BKRAM PA'I KHRI, ,PHUN TSOGS 'KHOR LOS SGYUR BA'I LEGS BYAS KYANG, ,SBRUL GDUG CHAGS PA'I TSANG TSING LTAR DGONGS NAS, ,NYIN BZHIN SKAL BZANG RNAMS LA ZAB MO'I LAM, ,RGYA CHER 'DOMS DANG ZHI BAR MNGON DGYES PA, ,AE MA'O KEE LA SHA YI RIGS LDAN CHE, ,DUS KYIS KHA BA CAN DU 'ONGS SAM CI, ,SNGON DUS CHOS RGYAL MES DBON DE DAG KYANG, ,SKRAG LDAN ZHI BA'I NAGS SU BZHUGS LAGS GRANG, ,RANG BABS GNYIS SU MED PA'I YE SHES KYI, ,SGYU 'PHRUL DRA BA'I ZLOS GAR GSAR PA 'DI, ,RIS MED BSTAN PA'I PAD TSAL BZHAD PA DANG, ,SKYE RGU BUNG BA'I RE BA SKONG BAR MDZOD, ,'DZAM BU N'A DA'I 'OD CHAGS MAR KA TA'I, ,SPRIN GSAR PHANG PHUNG DANG 'GROGS ZHU 'PHRIN GYI, ,MDONGS LDAN YAR NGO'I DGA' BA GSUM PA LA, ,LHA YI BSTI GNAS DAG LAS 'PHUR TE SONG, ,ZHES PHUL BA'I ZHU YIG CES BYA PA KHRI DPON LA GNANG BA'O,, ,, ` TSOGS GNYIS

RIN CEN RANG BZHIN GZHAL MED KHANG, ,LUNG RTOGS 'OD ZER BA GAM DGOD PA CAN, ,BSHAD SGRUB BSTAN PA'I RGYAL MTSAN SGRENG MKHAS PA, ,'GRO BA'I BLA MA RING DU ZHABS BRTAN CIG ,'DI NA LNGA BRGYA'I GTZUG RGYAN THAMS CAD MKHYEN, ,SNYIGS DUS RGYAL BA GNYIS PA TZONG KHA PA'I, ,MI 'JIGS SENG GE'I KHRI LA RNAM ROL BA, ,MGON KHYOD LHA DANG BCAS PAS BSNGAGS PAR 'OS, ,DE PHYIR CHOS KYI RGYAL PO TZONG KHA PA'I, ,YONGS RDZOGS BSTAN PA'I BDAG TU KHYOD GYUR GYI, ,DUS MTHA' 'DIR YANG YAR NGO'I ZLA BA LTAR, ,CHES CHER RGYAS PO'I 'PHRIN LAS YONGS STZOL MDZOD, ,SH'AKYA'I RGYAL PO'I PHO BRANG BYA 'DAB TU, ,ZHABS RDUL GUR KUM THIG LE BKOD PA LA, ,DANG BAS MCHOD YON ZEGS MA CHA SHAS TZAM, ,RNAM DKAR RTEN 'BREL SLAD DU NYER MCHOD PHYIR, ,BSNGAGS PA'I PHO NYA SKU MDUN DONG BA LAGS, ,NYI MA'I LO YI LANG TSO PHYOGS GNYIS PA'I, ,BUG MIG PHYOGS KYI SKYED TSAL DU RTZEN TSE, ,DGA' LDAN PHO BRANG NAS PHUL ZHU YIG GO ,ZHES PA 'DI DGA' LDAN CHOS RJE RIN CEN 'OD ZER PA LHO NGOS SU PHEBS DUS GNANG BA'O,, ,, ` SNGON BSAGS LEGS BSHAD DU MA'I DPAL LDAN PAS, ,LUNG RTOGS CHOS KYI BANG MDZAD RAB BRNYES NAS, ,GDUL BYA'I 'DOD DON LHUN GYIS GRUB MDZAD PA, ,'GRO 'DI'I BLA NA RING DU GNAS GYUR CIG ,RTZIBS STONG CHOS KYI 'KHOR LO'I ZHING DAG TU, ,BSTAN PA RIN CEN RGYA CHER SPEL MDZAD NAS, ,SLAR YANG 'DI NA BYANG SEMS CHOS RJE ZHES, ,GRAGS PA'I BA DAN DKAR PO SA GSUM NA, ,RNAM PAR G-YO BA'I CHOS KYI GDAN KHRI LA, ,DBANG SGYUR 'GRO BA'I NYER 'TSOR LEGS

, ,GYUR CES, ,GRAGS PA 'BRUG GI RNGA SGRA DGOD PA NA, ,GTZUG PHUD CAN RNAMS DGA' BA'I GAR BYED DO, ,BDAG KYANG SNGON RABS SKYES CHEN DAM PA RNAMS, ,DON GNYIS MDZAD PAS RNAM PAR ROL BA'I GZHIR, ,RGYAL BA'I BSTAN DANG GZHAN PHAN KHUR KHYER BA'I, ,GZUGS BRNYAN TZAM GYI BYA BAS 'TSO ZHING MCHIS, ,SLAD MA SNYING POR GSOL BA'I MCHID, ,SKABS 'DIR BSNYAD PAR 'OS PA NI, ,BKRA SHIS DGE MTSAN DU MA CAN, ,CHOS 'KHOR RGYAL GYI GTZUG LAG KHANG, ,GSAR DU MNGON PAR BSGRUBS PA DER, ,BLO GSAL DGE 'DUN 'DUS PA'I SDE, ,BSHAD SGRUB 'PHEL BA'I MTHUN RKYEN DU, ,BSOD NAMS GTER GYUR RGYAL BA YI, ,SKU GZUGS LEGS PAR BZHENG 'DOD NAS, ,PHYOGS DER MKHAN CHEN DKA' BCU PA, ,DPON SLOB DAD 'BUL BSKUL BA'I SLAD, ,LEGS PAR BRDZANGS PA MGON KHYOD KYIS, ,THUGS RJE'I SPYAN RAS KYIS 'TSO ZHING, ,DPAG BSAM SHING LAS 'DOD RGU'I GTER, ,'BYUNG BA JI BZHIN RE BA YI, ,PAD MTSO YONGS SU GANG BAR MDZOD, ,CES PA 'DI YANG RAB 'BYAMS PA DPAL LDAN DON GRUB LA GNANG BA'I BKA' SHOG GO, ,, ` RGYUD SDE ZLA BA'I MA MA RO LDAN MA, ,RNAM DPYOD DRI YI BZHON PAS DBANG BYAS PA'I, ,RIM GNYIS NOR BU'I COD PAN MNGON DGA' BAS, ,CHU LDAN KHROD KYI ZLA SHEL KHENGS PA NI, ,'PHROG BYED RIG SNGAGS 'CHANG BA BRANG 'GRO YI, ,GTZUG RGYAN LAN BRGYAR RNAM GNON GANG DE RGYAL, ,GRU 'DZIN LHUN PO'I BDEN BRAL GYI, ,NOR GYI BLO GROS LTO BAR NI, ,DRI MED CHOS KYI 'DREN BYED STONG, ,RAB YANGS 'PHROG BYED GZHAN PA BZHIN, ,THUR BGROD

NYES PAS MI BRDZI ZHING, ,YID CAN YID KYI SNANG BA YI, ,MU KHYUD KHYAB 'JUG LAG PA LAS, ,GROL BA'I DPAL KUN NYER BRTEN PA'I, ,SNYAN PA PHYOGS KYI BDAG PO YI, ,RAL PA'I NAGS NA RTZE BA THOB, ,DON GNYER YID KYI SHING RTA NI, ,NYIN BZHIN LEGS BSHAD RIN CEN GYIS, ,'GENGS BYED CHU SRIN 'BYUNG GNAS KYI, ,RNA BA 'DZIN PA GANG DE YANG, ,DE DE BZHIN ZHES NAG PA CAN, ,GNYIS PA'I PHYOGS KYIS NYER RTZEN PA'I, ,RIG BYED SKYED TSAL BZANG PO NI, ,DANG PO'I ZHU MCHID DGE LEGS 'PHEL, ,ZHES RGYUD PA TSUL BZANG PA LA GNANG BA'O,, ,, ` BYA BRAL SH'ANTI PA YI PHRIN, ,PHYUG PO SANGS RGYAS 'PHEL LA 'PHROD, ,SGO GSUM GUS NA YIG RTEN BZANG, ,THE TSOM MED PAR GSOL BA THOB, ,CES PA 'DI DPON PO SH'ANTI PAS GU GER THEGS RTZIS BYAS DUS, LUS NGAG YID GSUM ZHU YIG RTEN DU 'BUL ZHES PA'I ZHU LAN DU GNANG BA'O,, ,, ` 'GRO 'DI'I LEGS BYAS DGE BA'I DPUNG TSOGS KYIS, ,TSOGS GNYIS BDUD RTZI'I CHU GTER BSRUBS PA LAS, ,NGAL DUB MED PAR BSKRUN PA'I DPAL MO NI, ,MTHO RIS MDZES MA'I GTZUG RGYAN GANG DE'I DRUNG, ,NYI GZHON DANG 'GROGS 'DAB BRGYA'I DRI BSUNG GIS, ,BOS PA'I BUNG BA GZHON NU'I GLU DBYANGS BZHIN, ,RING NA GNAS KYANG RNAM DKAR LHAG BSAM GYI, ,BLA GOS GSAR PA 'DZIN DES MCHID 'DI ZHU, ,NGO MTSAR LEGS BYAS MA LUS GZUGS CAN BZHIN, ,LHA MI'I PHUN TSOGS KUN LA MNGA' MDZAD KYANG, ,ZAB MO'I NANG DON KHO NAR THUGS GZHOL BA, ,MA LUS RGYAL BA'I SKYED YUM LAGS SAM SNYAM, ,BDAG KYANG DUS KYI BA MOS MA BCOM ZHING, ,LUNG

, ,RIGS DAR DIR SGROG PA'I BUNG BA'I TSOGS, ,'PHUR LDING GAR GYIS ROL PA'I DO RA 'DIR, ,LEGS BSHAD SBRANG RTZI'I DGA' STON 'GYED LA BRTZON, ,PHAN BDE'I GO SKABS 'BYED PA'I NAM MKHA' DANG, ,SKYE RGU'I LO TOG SKYED PA'I 'DZIN MA GNYIS, ,DUS KYI RLUNG GIS 'KHRUG PA MI SRID MOD, ,DENG DUS SKYE BO'I BRJOD TSUL CI YANG MTHONG, ,NYI ZLA ZUNG DU 'BREL BAS GLING BZHI YI, ,MUN PA SEL GYI GZHAN DU GA LA ZHIG ,DE SLAD MKHYEN DGONGS YANGS PAS DENG DUS KYI, ,SKYE BO SDIG PA'I LAS LAS PHYIR PHYOGS TE, ,BOD 'BANGS SKYE BO KUN GYI PHAN BDE'I GZHIR, ,SDE SRID RIN CEN NAG PO'I RTZA LAG GIS, ,MI BRDZI KHRIMS GNYIS GZI 'OD PHYOGS KUN TU, ,'BAR BA'I THABS MKHAS NYID KYI BKA' DRIN STZOL, ,LHA MI'I DBANG PHYUG YAB YUM SRAS DANG BCAS, ,DBYIG GI BLO GROS MA 'DIR LHUN PO NI, ,RTZEN PA DE SRID SKU TSE RAB BRTAN CING, ,CHAB SRID PHUN TSOGS PHYOGS BCUR RGYAS GYUR CIG ,CES PA BDAG MO LEGS MTSO RGYAL MO LA GNANG BA'O,, ,, ` MTHO RIS MDZES MA KUN GYI GTZUG GI RGYAN, ,DREGS LDAN SKYE BO KUN GYI PHYAG BYA'I GNAS, ,RNAM MANG YON TAN RIN CEN RGYAN PHRENG CAN, ,'CHI MED RI BO LTA BUR ZHABS BRTAN CIG ,DENG SANG SA GSUM GTZUG GI NOR BU ZUNG, ,'GRO 'DI'I RGYAL MTSAN RTZE MOR ZHABS BRTAN CING, ,SGOS SU LUGS GNYIS MDZAD PA'I NYI 'OD KYIS, ,NOR 'DZIN KHYON KUN SNYOMS PAR KHYAB PA'I NGANG, ,BRTZE BA'I SPYAN RAS KYIS 'TSO BKA' LUNG PHRENG, ,MTSAR ZAS KYIS GANG ZA MA TOG GSUM DANG, ,GZHAN YANG SKABS SU BAB PA'I NYER MKHO

RNAMS, ,BKA' THO SGRON ME'I 'OD KYIS GSAL BYAS PA, ,SNYING LA 'BAB PA'I BKA' NGAG ZHIB 'THEMS BCAS, ,YONGS 'DU MCHOG LAS 'DOD RGU'I CHAR BZHIN DU, ,PHYOGS 'DIR SON TSE RTZOD LDAN DUS 'DIR YANG, ,RDZOGS LDAN GSAR DU 'ONGS SNYAM SNYING GI NI, ,CHU GTER SPRO DGA'I RLABS KYIS KHYAB PAR GYUR, ,BDEN GNYIS SRUNG BA'I 'KHOR LO BAR MED PA'I, ,LTE BAR LHA MI'I GTZUG RGYAN YAB YUM NI, ,SRAS DANG BCAS PA LEGS PAR BKOD BYAS NAS, ,'GAL RKYEN MTSAN MAS NAM YANG MI BRDZI ZHING, ,MTHA' DAG BZHED DON YID BZHIN 'GRUB PA ZHES, ,YID LA BRNAGS PA'I SKU RIM KHOR YUG DANG, ,MI 'GYANG PHUN TSOGS ZLA ZHAL MIG GI NI, ,BDUD RTZIR GYUR NAS THEG MCHOG BDUD RTZI LA, ,MI PHAM MDUN SA BZHIN DU ROL BAR SMON, ,'DZAM BU N'A DA'I 'OD 'KHRIGS MANDHA RA, ,ZHO YI 'KHOR LO LONGS PA SKYES SU 'BUL, ,DAL 'BAB LO HI TA YI 'GRAM NYID NAS, ,ZHU THO NGANG PA'I BU MO ZHABS DRUNG SONG, ,ZHES PHUL BA'I ZHU YIG CES PA BDAG MO GONG DKAR MA BU KHRID RGYAL MO LA LUM PA NAS GNANG BA'O,, ,, ` DAD PA'I LANG TSO GTONG BA'I RGYAN PHRENG CAN, ,'JO SGEG KHREL YOD NGO TSA'I GOS KYIS KLUBS, ,BDE SOGS SLAR YANG PHYOGS 'DIR 'ONGS PA BZHIN, ,MTHO RIS BDAG MO RING DU ZHABS BRTAN CIG ,RMUGS 'DZIN LA 'GRAN 'BYOR PA'I BANG MDZOD NAS, ,MCHOG TU GTONG BA YANGS PA'I PHYAG BRKYANG STE, ,BSTAN DANG BSTAN 'DZIN TSOGS LA SRI ZHU DANG, ,PHONGS PA'I SKYE BO KUN GYI DBUGS 'BYIN CES, ,SNYAN PA'I ME TOG TSIG GI SRAD BU LA, ,RAB BKOD PHYOGS KYI BU MO'I RNA

, ,BAR 'PHYANG, ,'DI NA'ANG DBUS GTZANG DPAL LDAN CHOS KYI GRVAR, ,BLO GSAL DON MTHUN RE BA SKONG LA BRTZON, ,'TSAMS ZHUS NGO MTSAR RGYAL BA'I SKU GZUGS DAG ,RANG GZHAN BSOD NAMS SPEL SLAD BSGRUB PA'I PHYIR, ,SMON LAM SHES RAB GROGS MCHED DE PHYOGS SU, ,BRDZANGS LA RE BA 'BRAS BU LDAN PAR MDZOD, ,RIGS MTHOR 'KHRUNGS SHING DAL BA'I RTEN BZANG THOB, ,DAM PA'I BSHES LAS ZAB MO'I DAM PA'I CHOS, ,THOS TSE BLANG DOR PHUN TSOGS NYAMS LEN GYIS, ,GTAN GYI MDUN MA LHUN GYIS GRUB PAR MDZOD, ,RGYAL BA'I BSTAN PA GUS PAS MCHOD PA DANG, ,MNGA' 'BANGS BYANG SEMS SPYAN RAS KYIS 'TSO ZHING, ,ZAB DANG RGYA CHE'I LAM BZANG NYAMS LEN LA, ,RTAG TU G-YEL BA MED PAR GCES PA LAGS, ,THEG CHEN LAM GYI RTZA BA BYANG CHUB SEMS, ,SRID PA'I RTZA BA DRUNGS 'BYIN YANG DAG LTA, ,SKU GSUM MYUR DU 'GRUB BYED RIM PA GNYIS, ,'DI DAG LAM GYI SNYING POR LEGS MKHYEN MDZOD, ,CES PA 'DI GU GE BDAG MO DON GRUB RGYAL MO LA GNANG BA'O,, ,, ` RDO RJE RIN CEN DBANG GI RGYAL PO NI, ,GDUL BYA MOS PA'I RGYAL MTSAN RTZER MCHOD PAS, ,'GRO LA DNGOS GRUB 'DOD RGU'I CHAR 'BEBS PA, ,ZHING 'DIR SRID MTHA'I BAR DU ZHABS BRTAN CIG ,GANG SKU MTSAN DPE'I 'OD STONG DRA BA CAN, ,SMON LAM RTA LJANG SHING RTAS LEGS DRANGS TE, ,LHO PHYOGS BYA LAM YANGS PAR GSHEGS PA LAS, ,MTHA' 'KHOB RMONGS PA'I MUN PA GA SHED SONG, ,THUB BSTAN PAD TSAL PHYOGS BCUR RGYAS GYUR CING, ,DUS KYI 'TSUB MA'I TSOGS KUN RANG SAR ZHI, ,KHYAD PAR

'PHAGS PA'I YUL DANG KHAD NYE BA'I, ,MTHA' 'KHOB 'DZIN MAR ZHABS PAD LEGS BKOD DE, ,GAR LOG RGYAL PO'I COD PAN NOR BU YIS, ,NYID KYI ZHABS RDUL LEGS PAR MCHOD PA DANG, ,YUL CHOS NGAN PA'I MI BZAD SDIG PA LAS, ,BZLOG NAS RLABS CHEN DGE LA 'GOD PA SOGS, ,RGYAL BA'I MDZAD PA RGYA CHE'I SNYAN PA NI, ,LHA YI RNGA BO CHE LTAR PHYOGS KUN TU, ,BSGRAGS NAS GDAN SA CHEN POR PHYAGS PHEBS TE, ,DON DE GSAL BYED BKA' BSTZAL PADMO'I PHRENG, ,DAR SPANG DKAR PO'I LO 'DAB G-YO BA DAG ,THOS TSE YID LA SPRO DGA'I SNANG BA NI, ,DANG PO'I SA LA REG PA BZHIN DU GYUR, ,NGOS KYANG SKYID SHOD PHYOGS SU GZHAN PHAN NI, ,RGYA CHEN SPYAD NAS PHYOGS 'DIR BSTAN PA YI, ,SBYIN BDAG CHEN PO'I GAM DU LHAGS PA LAGS, ,ZHES GNAS RNYING CHOS RJE LA GNANG BA'O,, ,, ` DGE LEGS RIN CEN RDUL MANG BRTZEGS PA'I RTZER, ,TSOGS GNYIS RNAM PAR RGYAL BA'I KHANG BZANG NAS, ,CHOS KYI SPYAN STONG LDAN PA'I DBANG PO NI, ,'GRO 'DI'I DPAL DU YUN RING ZHABS BRTAN CIG ,MDZES SKU BDUD RTZI'I RTZA LAG RGYAS PAS ZLA BA RI BONG PHAG TU YIB, ,TSANGS PA SMRA BCAD BSAM GTAN ZOL LA RNAR SNYAN YID 'PHROG GSUNG GIS BKOD, ,ZAB YANGS MKHYEN PA'I GTING MTHA' YANGS PAR RGYA MTSO'ANG BA LANG RMIG RJES KYIS, ,NYE BAR MTSON CES SNYAN PA'I ME TOG PHYOGS KYI BU MO'I 'GRAM PAR 'PHYANG, ,DON DE GSAL BYED CHAB SHOG AUTPAL PHRENG, ,'DUS PA'I SDE LA BDUD RTZI'I MCHOD YON DANG, ,'JAM MNYEN REG NA BDE BA LHA YI DAR, ,THABS SHES ZUNG DU 'BREL BA'I SNOD BCUD DANG, ,'CHAR

, ,KHA'I PHUN TSOGS 'PHROG BYED BLA GOS DANG, ,PADMA R'A GA'I MDANGS CAN GDING BAR BCAS, ,MDOR NA LHA MI'I MCHOD RDZAS MTHA' YAS PA, ,KHYOD THUGS MKHYEN DGONGS YANGS PA'I RGYA MTSO NI, ,SHUGS DRAG DAD PA'I DRI BZHON GYIS BSKYOD PAS, ,PHYOGS 'DIR KUN TU BZANG PO'I MCHOD SPRIN LAS, ,PHUN TSOGS 'DOD RGU'I CHAR CHEN CI YANG PHAB, ,NYID SKU NOR 'DZIN KHYON 'DIR LHUN PO LTAR, ,BRTAN CING BZHED DON MA LUS MTHAR PHYIN PA'I, ,RNAM DKAR SMON LAM YID LA 'GROGS PAR BYAS, ,SLAD MA'ANG MYUR DU MJAL NAS CHOS KYI GTAM, ,DON DANG LDAN PAS LHAG PAR ROL BAR SMON, ,DA LAM ZHU YIG GZIGS PA'I RTEN MTSON PAR 'PHRAL BZHES NYANG STOD KYI PHRUG PO CHE'I ZLA GAM 'DI 'BUL BA SKU LA BZHES PA MKHYEN, ZHES PA 'DI THON PA CHOS RJE DGE LEGS PAS BKRA SHIS LHUN POR MANG SKOL BYUNG BA'I ZHU LAN DU GNANG BA'O,, ,, ` PHUL BYUNG MKHYEN RAB YANGS PA'I GO 'BYED NGOS, ,MDO DANG RGYUD SDE'I CHU LDAN GSAR PA'I PHRENG, ,LEGS BSHAD 'BRUG SGRA DAL GYIS DGOD PA CAN,, THAR 'DOD SNYING GI GDUNG SEL RTAG PAR RGYAL, ,GANG GI MKHYEN RAB YID BZHIN RGYA MTSO NAS, ,DON BZANG 'OD CHAGS SDEB LEGS MU TIG GI ,DO SHAL MKHAS PA'I MGRIN PAR 'OS PA DAG ,BYIN RLABS GZI 'OD STONG 'BAR CHOS SKU'I RTEN, ,GTZUG PHUD CAN GYI MDONGS MDZES MAR GAD KYI, ,BUM BZANG 'JAM MNYEN REG NA BDE BA'I STAN, ,ME YI GRANGS KYIS BCINGS PA'I RTEN DANG BCAS, ,ZUNG LDAN PHO NYA'I LAG RTZER SON MTHONG NAS, ,SNYING LA SPRO DGA'I BDUD RTZIS CI YANG BRAN, ,BYED POS

BSGRUBS PA MIN YANG LEGS BYAS KYIS, ,SGRA MKHAN MKHAR BSKRAD NOR LHA'I BU NYID KYANG, ,SKYENGS PA'I NAGS SU ZHUGS SHING PADMA'I STAN, ,SMRA BCAD LA 'GOD 'DI DAG RNAM DPYOD KYIS, ,MKHA' YANG LAG MTHIL NYID LA CIS MI 'GOD, ,SKABS SU BAB PAR NGES PAR MJAL BA DANG, ,CHOS LDAN GTAM GYIS ROL BA'I SMON LAM DANG, ,NGO MTSAR RTEN BZANG RING DU ZHABS BRTAN PA'I, ,THABS LA BRTZON PA LHOD PA MED PAR MDZOD, ,DAL BA'I LUS THOB PHRAD DKA'I BSTAN DANG MJAL, ,DAM PA'I MGON BCAS MANG DU THOS SHING SGRIN, ,GTAN GYI MDUN MA LAG PA'I RTZER SON PA, ,GNAS SKABS 'DI 'DRA YANG YANG RNYED DKA' BAS, ,SNYING PO MED PA'I TSE 'DI'I PHUN TSOGS LA, ,CHAGS PAR MA MDZAD CHOS BRGYAD SGROG SPANGS NAS, ,SKU GSUM GO 'PHANG SGRUB LA RTAG GZHOL MDZOD, ,CES PA'I ZHU MCHID DPAG BSAM GYI, ,RKANG 'THUNG SNGO LJANG LO 'DAB CAN, ,TSIG MDA'I LAM LAS NYID KYI DRUNG, ,'DOD RGU GZUGS CAN BZHIN DU SONG, ,ZHES PA 'DI LHO BRAG GRUB CHEN GYI DBON PO NAM MKHA' 'OD ZER LA GNANG BA'O,, ,, ` TSOGS GNYIS GSER GYI 'DZIN MA'I MNGAL LAS 'KHRUNGS, ,MKHYEN RAB RGYA MTSO'I KHYON LA DBANG SGYUR ZHING, ,PHUL BYUNG RTOGS PA'I BANG RIM MNGON PAR MTHO, ,GRUB MCHOG LHUN PO'I DBANG PO RGYAL GYUR CIG ,'KHOR 'DAS KUN GYI RANG BZHIN GDOD MA'I GSHIS, ,SPROS PA'I MTHA' BRAL BDE BA CHEN PO'I KLONG, ,NAM YANG MI G-YO RDO RJE'I THUGS MNGA' BA, ,MDA' BSNUN SLAR YANG PHYOGS 'DIR 'ONGS SAM CI, ,ZAB MO'I DBYINGS LAS G-YO BA DANG BRAL YANG, ,TSON

, ,BRGYA NYE BAS DAG PA'I SHEL BZHIN DU, ,GANG 'TSAM BGRANG YAS 'GRO BA'I KHAMS JI BZHIN, ,LHUN GRUB GZHAN DON ZLOS GAR AE MA MTSAR, ,BDAG KYANG SH'AKYA'I RGYAL PO'I MDUN SA CHE, ,DPAL LDAN 'BRAS SPUNGS ZHES BYA 'DUS PA'I SDER, ,DGUN CHOS DUS KYI LEGS BSHAD BSGRAG PA'I SLAD, ,BSHUL RING LAM DU RINGS PAR CHAS PA LAGS, ,NYID KYI THUGS DAM ZAB MO'I GZI BYIN LAS, ,GANGS CAN PHAN BDE'I RTZA BA SDE SRID CHE, ,YAR NGO'I ZLA LTAR GONG DU RAB 'PHEL ZHING,, THUB BSTAN RIN CEN PHYOGS BCUR RGYAS PAR MDZOD, ,YAN LAG BRGYAD LDAN GUS PA'I CHU GTER LAS, ,ZHU PHRIN NGANG MO BKRA SHIS KHA BTAGS KYI, ,'DAB GSHOG RAB DKAR BKRA SHIS SHAR GYI DOR, ,MKHAS GRUB DAM PA'I DRUNG DU 'PHUR TE SONG, ,ZHES CHOS RJE SHAR SMAD PA LA GNANG BA'O,, ,, ` MKHYEN YANGS GTING MTHA' GZHAL BAR MI DPYOD CING, ,LUNG RTOGS YID BZHIN RIN CEN TSOGS KYI GNAS, ,MTSO CHEN NGUR SMRIG ZOL LA BRTEN PA BZHIN, ,BSNGAGS 'OS DAM PA'I SKYES BU RING DU RGYAL,, MTHA' DAG RGYAL BA'I DGONGS ZAB MA LUS PA, ,SKYES BU GSUM GYI LAM DU SHAR BA LA, ,BKA' GDAMS ZHES SU GRAGS PA'I BA DAN CAN, ,GANG DE'I BDAG PO DENG DUS KHYOD LAGS PAS, ,MAR ME MDZAD DPAL CHOS KYI RGYAL SRID LA, ,CHOS KYI 'KHOR LOS SGYUR BA'I DPAL 'DZIN PA, ,MGON KHYOD ZHABS SEN YID 'ONG NOR BU'I 'OD, ,TSANGS DBANG ZUR PHUD DUD PAS BSTEN PAR 'OS, ,JI SNYED MKHAS PA'I TSOGS KYI COD PAN DANG, ,GRUB PA'I DBANG POR MTSAN MA CHES GSAL BA'I, ,GRAGS PA'I

GUR KUM PHYOGS KYI BU MO YI, ,'GRAM PA'I RGYAN DU BYED POS SPRUL LAM CI, ,BDAG KYANG CHOS BRGYAD SPROS PA'I ZLOS GAR LA, ,GZHAN PHAN ZHES SU MING BTAGS LHUR LEN CING, ,BLO GSAL YID BZANG TSOGS PA'I RTZE DGA'I GNAS, ,BKRA SHIS LHUN PO'I BA GAM GNAS SU 'DZEG ,PHAN BDE SBRANG RTZI'I GNYEN GCIG THUB BSTAN GYI, ,NYI MA NUB KYI RI RTZER MNGON PHYOGS TSE, ,BKA' GDAMS BDUD RTZI'I ZER STONG YONGS SPRO BAS, ,BOD YUL NOR 'DZIN GOS DKAR LDAN PAR MDZOD, ,MDZANGS PA'I MA LA BRTZE BA'I BU YIS BZHIN, ,BAG PHEBS ZHU YIG GSOL SLAD KHU BYUG GI ,MDANGS CHAGS CHU 'DZIN GSAR PA'I PHANG PHUNG CAN, ,CHU SHUL SKYED MOS TSAL NAS 'PHUR TE SONG, ,ZHES PA SNYUG LA BA'I CHOS RJE LA GNANG BA'O,, ,, ` GANG GI BSOD NAMS DPUNG PA'I GZI BYIN GYIS, ,LHAG MA NGAL BA NYER BSTEN 'CHI MED LAM, ,DOG POR BGYID MKHAS MKHYEN RAB YANGS PA'I SPYAN, ,DPAL LDAN MI YI KHYU MCHOG RTAG PAR RGYAL, ,NOR 'DZIN LHUN PO'I BYANG DU BSKRAD GYUR PA'I, ,BANG MDZOD RMUGS 'DZIN BKA' LA GNAS DE LAS, ,MA LA YA YI RLUNG BZHON LA 'PHYA BA, ,PHYOGS KYI GRANGS LDAN SKYES BZANG DANG 'GROGS PA'I, ,SDEB LEGS MU TIG DKAR PO'I DO SHAL DAG ,BRTZE BA'I SRAD BU RING PO LA BKOD PA, ,BSOD NAMS BZHIN DU LEGS THOB RNAM DPYOD KYI, ,MGRIN PAR BZUNG STE DGA' BA'I GAR BGYID DO, ,CHU SRIN BDAG POR MA LUS NYAL 'GRO BZHIN, ,GZHAN GYI PHUN TSOGS GO SKABS KUN PHROGS KYANG, ,GRAGS PA'I TSOGS 'DI KHOR YUG RI BO LAS, ,RING BAR BSKRAD CES RTAG TU MU

, ,COR GYUR, ,RNAM DPYOD GSHOG YANGS NGANG PA'I DED DPON DE'ANG, ,BKRA SHIS RDUL MANG BRTZEGS PA'I LHUN PO'I NGOS, ,RAB YANGS PAD MTSOR GNYIS SKYES TSOGS RNAMS LA, ,LUNG RIGS MGRIN PA'I RDZA RNGA SGROGS SHIG CES, ,BZLOG PAR BKA' BA RJE BTZUN BLA MA YI, ,BKA' STZAL KHUR GYIS SNYING LA NON NA YANG, ,SGRUB PAR DKA' BA'I GNAS LA BSHAD SBYANG NI, ,LHUR BLANGS BAS MTHA'I GNAS MAL BSTEN PA LAGS, ,ZHES PA 'PHYONGS RGYAS STAG RTZE BA LA GNANG BA'O,, ,, ` RAB 'BYAMS RGYAL BA'I BKA' KUN GDAMS NGAG TU, ,GSAL BAR STON PA'I LEGS BSHAD 'OD STONG CAN, ,BKA' YIG NAM MKHA'I NOR BUS YUD TZAM GYIS, ,GDUNG BA'I MUN BSAL KUN DGA'I SNANG BA RGYAS, ,KUN GSAL DBYINGS SU DBYAR SKYES GZHON NU'I SPRIN GYI ME TOG PHRENG BA DAG NI BKRAM PA DANG, ,LHAG LHAG GLOG PHRENG 'DU 'GOD DANG 'GROGS 'BRUG GI GLU DBYANGS PHYOGS BCUR DGOD PA'I GAD MO BZHIN, ,MYOS LDAN DPYID KYI DPAL MO'I LANG TSO CHU SKYES GSAR PA'I DU GU LA YIS MDZES PA NI,, RMA BYA GZHON NU'I MDONGS RNAMS RAB BRKYANG MJUG SGRO 'DEGS SHING RAB DGA'I GAR GYIS RTZEN MIN NAM, ,ZHES 'PHRAL DU PHEBS PA'I BKA' TSIG GI LAN DANG PO NYID BRJOD NAS, SNGA SOR SNYAN NGAG GI PHRENG BA DANG BCAS PA'I LAN DU 'DI SKAD CES,, ,, ` TSANGS PA'I BU MO BYANG PHYOGS NOR 'DZIN GZHIR, ,SA SKYONG GZUGS KYIS GSAL BAR 'ONGS PA 'AM, ,'ON TE DGE DANG ZLA BA'I DBANG PO SOGS, ,KUN GYI BLO GROS GCIG TU BSDUS SAM SNYAM, ,ZLA MED STON PA MCHOG GI RJES 'BRANGS NAS, ,SNYING NAS SKYABS

GSUM RIN CEN COD PAN DANG, ,PHYAG RGYA BZHI PA'I MGRIN PA'I GLU DBYANGS CAN, ,KUN KYANG THUB PA'I BSTAN LA ZHUGS PAR MTSUNGS, ,THUB PA'I BSTAN PA'ANG LUNG RTOGS DBYE BAS GNYIS, ,LUNG GI BSTAN PA SDE SNOD RIN CEN GSUM, ,DE PHYIR RTOGS PA'I BSTAN PA'ANG BSLAB PA GSUM, ,GANG 'DIR MA 'DUS DAM CHOS RIN CEN GANG, ,DE SLAD SDE SNOD GSUM GYI SKYED TSAL DU, ,BSLAB GSUM SBRANG RTZI SPYOD PA'I 'PHUR LDING MKHAN, ,GANG DE SH'AKYA'I SRAS PO 'DUS PA'I SDER, ,LEGS BSHAD BUNG BA'I DBYANGS SNYAN SGROG PAR 'OS, ,KHYAD PAR RGYUD SDE 'O MA'I RGYA MTSO NAS, ,ZOG CHOS DUG GI ZAS DANG MA 'DRES PAR, ,RIM GNYIS MAR GYI NYING KHU LEN MKHAS PA, ,RDO RJE 'DZIN ZHES KUN GYIS BSNGAGS PA'I GNAS, ,DE PHYIR MDO DANG RGYUD SDE RGYAL BA'I BKA', ,DE YI DGONGS 'GREL 'DZAM GLING MKHAS PA'I GZHUNG ,KUN DANG MI 'GAL DRI MED RIGS PA YIS, ,GSAL BAR PHYE BAS BSTAN PA'I GNAS MTHONG 'GYUR, ,GSUNG RAB DE NYID 'BYED PA'I MTHU MED KYANG, ,PHYOGS LHUNG GDON GYIS SNYING LA BZUNG BA'I MTHUS, ,GZHAN GYI CHOS DANG GANG ZAG SPONG BYED PA, ,GANG DE RAB 'BAR DMYAL BA'I BUD SHING LAGS, ,DE PHYIR DAG PA'I THUGS KYIS RIS MED PA'I, ,BSTAN LA SNYING NAS SRI ZHU LHUR LEN ZHES, ,KHYOD GSUNG LHA YI RNGA CHEN THOS TZAM GYIS, ,'DI NA RAB DGA'I SA LA 'DZEGS SAM SNYAM, ,RNAM DAG MDZAD PA'I ZLA TSES CHES DKAR YANG, ,DUS NGAN SKYE BO'I SPRIN GYIS SGRIB BYED NA, ,'DI NI CHA SHAS BDAG POS NONGS SO ZHES, ,SHES LDAN SU ZHIG LHAG PAR SGROG PAR BYED,,

, ,DE SLAD SNGAR LTAR PHYOGS DER 'DUS PA'I SDE, ,RNYED DANG BKUR STI'I ZHO SHAS 'TSO BA DANG, ,LUNG DANG RIGS PA'I RAL KHUR MTHON PO CAN, ,SMRA BA'I SENG GE RNAMS KYANG YID DGAR MDZOD, ,SKYON MED MDZAD PAS RGYAL SRID SKYONG BA DANG, ,DE LAS PHYOGS DE'I MDZES LDAN NOR 'DZIN LA, ,PHAN DANG BDE BA'I MNGAL KHUR GYIS LCI BAR, ,GYUR CES BDAG KYANG RTAG TU BSAM GTAN BGYID, ,NYID KYI GSUNG BZHIN RNAM DKAR MDZAD PA YI, ,G-YENG BA'I SRUBS LAS MNGON SUM MJAL BA DANG, ,BAG PHEBS KUN DGA'I ROL RTZED BGYID PA LA, ,'DIR YANG MCHOG TU SPRO PHYIR BKA' STZAL GSOL, ,'DI DAG GCAM BU'I TSIG GI G-YO SGYU YI, ,BLO BRID MA LAGS BSAM PA THAG PA YIS, ,BSIL PHYIR LHA YI SNYAN GYIS GSAN PA DANG,, MKHA' LTAR YANGS PA'I THUGS KYIS BRTAG PA'I RIGS, ,ZHES PA 'DI NI 'PHYONGS RGYAS STAG RTZE NAS NANG SO RIN CEN RGYAL MCHOG PAS SNGA SOR RING 'GAG GI RTEN DANG BCAS PA'I GSUNG SHOG DANG, PHYIS BKA' GDAMS GLEGS BAM GNANG BA'I GSUNG SHOG LAN DU PHUL BA'O, ,ZHES 'PHYONGS RGYAS STAG RTZE BA LA GNANG BA'O,, ,, ` GANG THUGS BDE BA CHEN PO'I RANG BZHIN SPROS PA'I 'CHING BA KUN LAS GROL, ,BDE SOGS BDAG PO'I GZHU LTAR DVANGS PA'I GZUGS SKU'I SNANG BA CI YANG 'CHAR, ,KUN LA KUN BRDAL KUN GYI NGO BO DANG PO'I SANGS RGYAS RIS MED PA, ,PHYAG DANG PHYAG YUL GDOD NAS STONG YANG DON DAM DBYINGS DER BDAG PHYAG 'TSAL, ,RIS MED GTZUG LAG KUN LA LTA BA'I MIG ,MTHA' DAG THUB BSTAN KUN GYI SBYIN BDAG CHE, ,MNGA' 'BANGS SKYE BO KUN GYI NYER 'TSO'I GZHI,,

SA SKYONG KUN GYI COD PAN RGYAL GYUR CIG ,PHA MTHA' BRAL BA'I LEGS SPYAD SA CHEN LAS, ,BSOD NAMS SVA LA'I LJON SHING RGYAS PA DE, ,'KHOR LOS SGYUR BA BZHIN DU ZHABS 'BRING LAS, ,LHO PHYOGS 'DZIN MA'I LTO BAR GSHEGS ZHES THOS, ,DE TSE NYID KYI LHAG BSAM ZLA ZER GYIS, ,MNGA' 'BANGS PHAN BDE'I GOS DKAR DANG LDAN ZHES, ,MTSON SLAD DKAR PHYOGS SKYONG BA'I LHA RNAMS KYIS, ,SPROS PA'I BKOD PAS KUN GSAL KHYAB PAR DKRIGS, ,KHA BA'I REG PAS SKU LA MI BRDZI ZHING, ,THAG RING LAM GYIS THUGS 'KHRUGS MA GYUR PAR, ,PHUN TSOGS BZHED DON KUN GYI RTZER SON TE, ,SLAR YANG PHO BRANG DBUS SU LHAGS PA NA, ,BKRA SHIS GLU GAR LDAN PAS BLTA NA SDUG ,SA LA BABS PA LTA BUR GYUR CES GRAGS, ,DA LTA DPAL LDAN RI BO BDE CHEN GYI, ,LHUN GRUB CHOS KYI GZHAL MED KHANG CHEN NA, ,NGUR SMRIG 'DZIN PA'I TSOGS KYI BSNYEN BKUR LA, ,MGON MED ZAS SBYIN GZHAN BZHIN GYUR TO ZHES, ,RIM PAS THOS LAS YID KYI CHU GTER CHE, ,KUN DGA'I RLABS PHRENG G-YO BAS KHYAB GYUR TE,, SNYAN DNGAGS BDUD RTZI'I ZEGS MA CI YANG 'THOR, ,SKYE BO 'JUNGS PA ZANG ZING NOR GYIS MGU ,MCHOG RNAMS LEGS BSHAD RO LA LHAG PAR DGYES, ,DE SLAD SKYES KYI DNGOS PO CHES DMAN YANG, ,SPYI BRTOL SKYED BYED MCHID 'DI GSOL BA LAGS, , ZHES CHO 'PHRUL CHEN PO'I DKAR TSES BCO LNGA LA PHUL BA'I ZHU YIG CES PA 'DI YANG STAG RTZER GNANG BA'O,, ,, ` MKHYEN PA'I DKYIL 'KHOR CHA SHAS YONGS RDZOGS SHING, ,RMAD BYUNG MDZAD PA'I 'OD DKAR DRA BA CAN, ,SA SKYONG RGYU SKAR BYE BA'I DBUS NYID

, ,NA, ,LHAM MER GSAL BA'I DRUNG DU MCHID 'DI ZHU, ,DON BZANG SBRANG RTZI'I BCUD KYIS RAB GTAMS PA'I, ,BKA' STZAL 'DAB RGYA'I PHRENG BA PHYOGS KUN TU, ,GUR KUM DOG PAS 'BRI BYED SKYES DANG BCAS, ,PHEBS PAS SNYING LA DGA' BA'I MYOS PA THOB, ,KHYAD PAR SNYIGS MA'I DUS 'DIR SKYE BO KUN, ,MI BSRUN SPYOD PAS SBRUL GDUG LTAR SPYOD KYANG, ,KUN KYANG RDZOGS LDAN DUS BZHIN BDE BA LA, ,'GOD PAR BZHED 'DI MKHAS PAS BSNGAGS PAR 'OS, ,'DI NA'ANG GLO BUR 'TSE BA MA MCHIS SHING, ,DGE 'DUN 'DUS PA'I SDE DANG LHAN CIG TU, ,PHAN BDE'I 'BYUNG GNAS SDE SRID RIN PO CHE, ,BLON 'BANGS DANG BCAS SKU RIM BRTZON PA LAGS, ,MAR GAD MDANGS CHAGS LHA RDZAS KYI, ,RI MO RNAM BKRA SKU GSUNG THUGS, ,YON TAN PHRIN LAS KHA 'BREL BA, ,RGYA YI TSOM BU BKOD DE 'BUL, ,ZHES HOR ZLA GNYIS PA'I DGA' BA DANG PO'I TSES LA PHUL BA'I ZHU YIG ,CES PA 'DI YANG 'PHYONGS RGYAS PA LA GNANG BA'O,, ,, ` GANG SKU GSER GYI RI DBANG LTAR MDZES ZHAL GYI DKYIL 'KHOR ZLA BA NYA BA'I KHENGS PA 'PHROG ,SPYAN GNYIS AUTPAL NAGS TSAL SPRO LDAN BIM PA'I 'BRAS LA 'KHU BA'I MCHU SGROS YAL 'DAB G-YO, ,BDAG SKYES RAL PA'I CHU LDAN KHROD NA ZHABS SEN ZLA BA'I DUM BU MNGON DGA' SRID PA GSUM GYIS MCHOD PA'I GNAS, ,THAMS CAD MKHYEN ZHES 'JIG RTEN GSUM NA SNYAN PAR RAB GRAGS BU RAM SHING PAR PHYAG BGYID DO, ,DAD PA 'DZIN MA'I GZHI BAS MCHOG TU BRTAN, ,MKHYEN DGONGS NAM MKHA'I KHYON LAS LHAG PAR YANGS, ,SNYING STOBS CHU GTER LAS KYANG GTING DPAG DKA',,

KUN LAS PHUL BYUNG DRUNG DU MCHID 'DI ZHU, ,DENG DUS NYID SKU RI DBANG LTAR BRTAN CING, ,RNAM DKAR MDZAD PA DBYAR GYI CHU BO BZHIN, ,GYUR CES SNYAN PA TSIG MDA'I NA CHUNG GIS, ,NYIN BZHIN RNA BAR CA CO BZHIN DU BSGRAGS, ,BDAG KYANG MTHAR BYED ZHAGS PAS MA BCINGS SHING, ,BDE GSHEGS BSTAN PA'I LAM LAS MA GOL BAR, ,SKAL LDAN GDUL BYA'I RE BA SKONG BA DANG, ,DRI MED BSTAN LA SRI ZHU BGYID CING MCHIS, ,PHUN TSOGS RNAM PAR RGYAL BA'I GO 'PHANG LA, ,SPYOD MDZAD CHOS BZHIN SA CHEN SKYONG BA NI, ,LNGA PAR GYUR PA'I GTAM GYIS BDAG YID KYANG, ,MYA NGAN ME YIS LHAG PAR BSREGS PAR GYUR, ,'ON KYANG SKYE RGA NA 'CHI RGUD PA 'DI, ,BZLOG TU MED PA RDO RJE'I THOG BZHIN DU, ,LAS KYIS 'KHOR BA'I NANG NA 'KHYAMS RNAMS LA,, THOG TU BAB NA DE LA CI BYAR YOD, ,GANG ZHIG GANG GIS GANG TSE SDUG BSNGAL BA, ,'KHRUL BLOS RI MOR BKOD PA MA GTOGS PA, ,NGO BO NYID KYIS RDUL TZAM MI DMIGS PAR, ,DBYER MED LHAN CIG SKYES PA BDE BA'I DNGOS, ,DPAL LDAN BDE STONG DBYER MED HE RU KA ,LHA YI LAM LAS DVANGS PA'I 'JA' TSON BZHIN, ,RTEN DANG BRTEN PA'I DKYIL 'KHOR RNAM PA CAN, ,BDE CHEN RDO RJE'I THUGS DANG RO GCIG LA, ,BDEN GNYIS ZUNG DU 'JUG PA'I HE RU KA ,GZHAL DU MED PA'I YID BZHIN RIN CEN LAS, ,BYED PO'I PIR GYIS BRIS BZHIN DENG DUS 'DIR, ,NYID KYI SNYING STOBS MCHOG GIS BSKRUN PA NA, ,PANYTZA LI KA'I RIGS GYUR LHA YI GOS, ,GRANGS MED NGOS LA MI PHAM MGON PO'I SKU, ,MTSAN DPE'I GZI 'OD 'BAR BA BKOD PA LAS, ,PHYOGS

, ,DER DGA' LDAN SA LA 'ONGS BZHIN GYUR, ,STOBS LDAN GANG GI DGE BA'I MTSO CHEN PO, ,'PHYUR BA'I RLABS PHRENG MKHA' LA SNYEG PA NA, ,'GRAN PAR MA BZOD SNGON GYIS CHOS RGYAL RNAMS, ,ZHI BA'I DBYINGS SU BROS PAR GDON MI ZA,, SLAR YANG CHOS BRGYAD 'CHING BAS MA BCINGS SHING, ,'KHOR BA'I BDE LA NAM YANG MA CHAGS PAR, ,BLA MED BYANG CHUB SEMS KYIS KUN BSLANGS NAS, ,RLABS CHEN TSOGS GNYIS GONG DU SPEL BAR 'TSAL, ,'DI NA CHOS KUN RANG GI GDAGS GZHI LA, ,RTOG PAS RI MOR BKOD PA MA GTOGS PA, ,NGO BOS GRUB PA CUNG ZAD MA MCHIS PAR, ,RTOGS PAS 'KHOR BA'I RTZA BA GCOD PAR MDZOD, ,THA MAL SKYE SHI BAR DO'I SNANG ZHEN KUN, ,YID NGOR SBYANGS NAS YID NGO'I SKU GSUM DU, ,SGYUR BYED BSKYED PA'I RIM PA'I NYAMS LEN GYIS, ,GANG SNANG LHA YI 'KHOR LOR 'CHAR BAR 'TSAL, ,NYI ZLA'I RGYU BA SGRA GCAN LAM ZHUGS PAS, ,MUN PA'I LAM NAS 'BAR BA'I TZAndA L'IS, ,HAm YIG RI BONG 'DZIN PA BZHU BA LAS, ,LHAN SKYES BDE BAS SNYING LA 'GROGS PAR MDZOD, ,'KHOR 'DAS CHOS RNAMS KUN GYI GNAS LUGS DANG, ,DBYER MED ZHUGS PA'I DPE YI LHAN SKYES LAS, ,SGYU 'PHRUL DRA BA'I SKU RU BYANG CHUB PAS, ,MA DAG SKYE 'CHI'I 'PHRANG LAS SGROL BAR MDZOD, ,DON GYI LHAN CIG SKYES PA'I 'OD STONG GIS, ,NYON MONGS MUN PA'I TSOGS KUN DRUNGS PHYUNG STE, ,SPRIN BRAL MKHA' LAS STON KA'I ZLA SHEL LTAR, ,MI 'GYUR RDO RJE'I SKU NYID THOB PAR MDZOD, ,SLAR YANG RDO RJE LTA BU'I TING 'DZIN GYIS, ,GNYIS SNANG 'KHRUL PA'I BAG CHAGS KUN BCOM STE,,

KHA SBYOR YAN LAG BDUN LDAN GO 'PHANG LA, ,BZHUGS NAS LAS CAN MA LUS SGROL BAR MDZOD, ,'DI NA KHYED THUGS DGYES PA SKYED NUS PA'I, ,ZANG ZING NOR GYI 'BUL BA MA MCHIS PAS, ,MDO SNGAGS LAM GYI SNYING PO KUN BSDUS PA, ,TSIG NYUNG DON MANG TSIG SBYOR RMAD DU BYUNG, ,DAM CHOS SKYES 'DI MCHOG TU DANG BAS 'BUL, ,MI DANG SKU TSE YUN DU BRTAN PA DANG, ,CHOS DANG SRID KYI 'BYOR PA RGYAS PA DANG, ,BDAG KYANG RGYAL BA'I BSTAN PA BSHAD SGRUB KYIS, ,'DZIN CING MYUR DU MJAL BA'I SMON LAM BGYID, ,CES ZHU YIG GZIGS PA'I RTEN MTSON PAR 'PHRAL BZHES KYI SKU SHAM ZHIG LA RTAGS 'DI 'BYAR BA 'BUL, RNGA CHEN GYI LO CHU STOD CAN GYI RGYAL BA DANG PO LA RGYAL MTSAN RTZE NAS PHUL BA'I ZHU YIG CES PA SNE'U RDZONG PA LA SKYOR MO LUNG DU GNANG BA'O,, ,, ` RGYU SKAR DBANG PHYUG KHENGS PA NYAMS BYED GSER GYI CHU SKYES RGYAS PA'I ZHAL, ,MTHONG NA DGA' BA MTHONG BA'I MOD LA LHA BRGYA'I COD PAN DUD PA YIS, ,NOR BU'I 'OD ZER RTZE DGA' LA CHAGS ZHABS SEN ZLA BA'I THIGS PA NI, ,LHUNG BA TZAM GYIS SRID ZHI'I 'JIGS 'PHROG BU RAM SHING PAR BDAG 'DUD DO, ,RIS MED THUB BSTAN GYEN DU 'DEGS PA'I SLAD, ,DUS MTHAR MTHA' DAG SKYE RGU'I LEGS BYAS NI, ,SA CHEN SKYONG BA'I GAR GYIS RNAM ROL BA, ,MI YI DBANG PO RING DU ZHABS BRTAN SHOG ,SKABS KYI ZHU BA, SKU'I RGYAL MTSAN NYER 'TSE'I RLUNG GIS MI G-YO ZHING, LUGS GNYIS KYI PHRIN LAS RNAM PAR DKAR BA'I BA DAN SRID PA GSUM NA 'PHUR LDING DU GYUR PA'I NGANG NAS, SKAD GNYIS SMRA BA'I DBANG PO SDE SNOD 'DZIN PA BZOD PA'I GO CHA CAN LA DKON COG GIS LUNG

, ,BSTAN PA LTAR CHOS GRVA CHEN PO'I LEGS BSHAD SGROG PA'I DGA' TSAL BRANG MO CHE'I BSHAD NYAN LA 'BYON DGOS PA'I BKA' STZAL PHRENG BA PHEBS PA SDE PA DANG GRVA SA LA GUS ZHEN SHIN TU CHE YANG, DE 'DRA'I KHUR THEG PA'I SA MED PAS BKA' LUNG SGRUB MI NUS GSUNG BAR 'DUG PA LA DRUNG PA NGED KYI NANG NA BZHUGS PA'I DON GYIS BSTAN PA RIN PO CHE'I ZHABS TOG LA DGONGS NAS THEGS DGOS PA'I RGYU MTSAN BDAG GIS KYANG SGO DU MA NAS NAN CHER BSNYAD DE ZHABS DRUNG DU THEGS PA LAGS PAS SGO THAMS CAD NAS BDAG RKYEN DU 'GYUR BA BKA' DRIN GYIS BSKYANG DU GSOL,, ,, ` 'DREN PA MNYAM MED ZAS GTZANG SRAS PO BSTAN DANG DE 'DZIN SLOB MAR BCAS, ,RDUL BRAL BKUR STI'I CHA SHAS KYIS BSTEN MI BDAG GZUGS CAN SNYING PO DANG, ,AU TRA YA NA GSAL RGYAL RAB SNANG DPAL LDAN MGON MED ZAS SBYIN SOGS, ,GCIG TU BSDUS NAS SLAR YANG SA SKYONG GZUGS KYIS ROL PAR BDAG RTOG GO ,DE SLAD PHAN BDE'I RIN CEN MA LUS PA, ,GANG LAS BYUNG BA THUB BSTAN YID BZHIN MTSO, ,NYID KYI RNAM DKAR MDZAD PA'I ZLA SHEL GYIS, ,RDZOGS LDAN BZHIN DU 'PHEL BA'I BKA' DRIN STZOL, ,SDE SNOD GSUM GYI 'CHI MED SKYED TSAL DU, ,BSLAB GSUM SBRANG RTZI'I GNAS LA MNGON DGA' BA, ,LEGS BSHAD BUNG BA'I GLU DBYANGS SNYAN SGROG PAS, ,MI DBANG MDUN SA RTAG TU BRGYAN PAR MDZOD, ,BSTAN DANG BSTAN 'DZIN GUS PAS MCHOD PA DANG, ,MNGA' 'BANGS BYAMS PA'I SPYAN GYIS 'TSO BA DANG, ,SDIG SPONG DGE BA SGRUB PA'I BLANG DOR GYIS, ,SA SKYONG SKU TSE DON DANG LDAN PAR

MDZOD, ,CES PA'I ZHU MCHID SPYAN LAM DU DBAB PA'I SKYES MTSON PAR GDENGS CAN DBANG PO'I GRANGS KYIS BCINGS PA'I GAN SPOS RGYA 'BYAR BA 'PHAGS PA'I LAM YAN LAG BRGYAD MYUR DU 'GRUB PA'I RTEN 'BREL DU 'BUL, ZHES RNGA CHEN GYI LO ME TOG LDAN PA'I DKAR PHYOGS KYI RGYAL BA DANG PO LA RGYAL MTSAN MTHON PO'I DBEN GNAS NAS PHUL BA'I ZHU YIG CES RGYAL MKHAR RTZER GNANG BA'O,, ,, ` DAL 'BAR LO HI TA YI G-YAS ROL GYI, ,SA CHEN KHA LO SGYUR BA MI YI DBANG, ,RNAM MANG RGYAL PHRAN COD PAN NGAL GSO'I GNAS, ,GANG DE'I DRUNG DU RING NAS MCHID 'DI ZHU; ;RIN CEN RIG GNAS BYE BAS YONGS GANG BA'I, ,CHU GTER GTING MTHA' GZHAL BAR MI DPYOD PA, ,RLABS PHRENG MU TIG 'THOR BA'I ZEGS MA DAG ,MKHAR NYAL RNGA YAB MNGAL LAS 'PHOS BZHIN 'ONGS, ,GDENGS KA'I KLONG DU GNYID GYUR GOS SER CAN, ,SAD PHYED DPAL MO'I GZHAL MED PHRA LDAN GLU, ,PHAM BYED SNYAN DNGAGS GRE 'GYUR 'BUM PHRAG CAN, ,PHYOGS 'DIR TSANGS DBANG SRAS MO 'ONGS SAM CI, ,NGAN 'GRO'I TSER MA 'GOG BYED ZLA SHEL LTAR, ,DKAR BA'I LAM BCU GZHAN BZHIN MCHIL LHAM ZUNG, ,PADMA RVA GA'I MDANGS CHAGS TSA SGO CAN, ,SA YI REG PA BSKYAB PHYIR SKYES SU BSTZAL, ,DE TSE YID LA SPRO DGA'I RLABS 'PHYUR BA, ,MANDDHA RA YI DBU BA BRTZEGS PA NI, ,DGA' SKYES SPU LONG GOS KYIS BSKYOR BA BZHIN, ,RAB DGA'I SA LA NGES PAR REG SNYAM SEMS, ,NGOS KYANG 'JIG RTEN DBANG PO SRONG BTZAN GYI, ,YE SHES SGYU 'PHRUL DRA BA'I GZHAL MED CHER, ,RGYAL BA KUN GYI MKHYEN BRTZE DUS MTHA' 'DIR, ,BU RAM SHING PA'I SNANG BRNYAN DU CHAGS PA'I, ,MDUN SAR

, ,KHRIMS LDAN LUNG RIGS SMRA BA'I TSOGS, ,STONG PHRAG DU MA'I GROGS DANG LHAN CIG PAR, ,KUN TU BZANG PO'I MDZAD PA'I RDUL PHRAN GYI, ,CHA SHAS KYIS KYANG BSTAN DANG 'GRO 'DI YI, ,PHAN BDE RDZOGS LDAN DUS BZHIN 'PHEL 'GYUR ZHING, ,SDE SRID CHE DANG MI DBANG YUM SRAS KYI, ,SKU TSE CHAB SRID 'GRAN BZHIN 'PHEL 'GYUR SEMS, ,BKUR 'OS RIN CEN YUM GYI COD PAN CAN, ,GANG SKU 'CHI MED RI BO'I DPAL 'PHROG CING, ,'CHAD RTZOM DPAL BRGYAS SKYE RGU'I DBUGS 'BYIN GSUNG, ,TING 'DZIN SGO BRGYA 'BYED PA'I THUGS DVANGS PA, ,RIM GNYIS SUM RTZEN TSAL NA SPYOD DE RMAD, ,SBRUL GDUG GZHAN BZHIN SDIG GROGS BSHES GNYEN GYI, ,DBUGS KYI PHRENG BAS MUN PAR MA BYAS SHING, ,RIS MED BSTAN LA MNGON DGYES DAG SNANG GI ,NYI 'OD DANG 'GROGS RGYAL BAS BSNGAGS PAR 'OS, ,SEMS KYI ZLA SHEL GTZANG MAR KHYOD SKU YI, ,RI BONG MTSAN MA NAM YANG MI 'BRAL BA, ,YID NI NYE BAR MTSAMS SBYOR PHO NYA YI, ,'DU 'GOD DAG LAS MYUR DU MJAL BAR SMON, ,RAB DKAR KHA BTAGS 'DAB GSHOG G-YO BA CAN, ,ZHU YIG NGANG PA'I BU MO SNYAN SGROG MA, ,RNAM 'PHYANG LO YI MDZES MA CHOS NYID NI, ,GSUM PA'I TSES LA PHYOGS DER 'PHUR TE SONG, ,ZHES SDE CHEN RTZE NAS PHUL BA'I ZHU YIG ,DENG DUS THAMS CAD GZIGS PA ZHES BYA'I MTSAN, ,GANG LA NGES PAR DON DANG BCAS GYUR PA, ,DE YI MDZAD PA MU TIG PHRENG BA DAG ,PHYOGS 'DIR RNA BA'I RGYAN DU STZAL BAR MDZOD, ,CES PA 'DI NI YAR RGYAB DPON CHEN PA'I ZHU LAN DU GNANG BA'O,, ,, ` LO HI TA YI CHU BO'I G-YAS ROL GYI,,

SA CHEN SKYONG MDZAD RIGS KYI THIG LE NI, ,BGRANG YAS YON TAN GRAGS PA'I GTER GYUR PA, ,GANG DE'I DRUNG DU RING NAS MCHID 'DI ZHU, ,RIG GNAS RIN CEN BYE BAS GANG GYUR PA'I, ,MKHYEN RAB 'O MA'I CHU GTER RLABS 'PHYUR BAS, ,RAB 'THOR BKA' STZAL SDEB LEGS MU TIG PHRENG, ,SKYES BZANG 'CHAR KA'I 'OD KYIS KLUBS PA PHEBS, ,BSOD NAMS ROL MTSO'I PHRENG BAS YONGS BSKOR BA'I, ,GANG SKU'I LHUN PO NYER 'TSE'I BSER BU YIS, ,NAM YANG MI G-YO KHRIMS GNYIS NYI ZLA YI, ,SNANG BAS LHAG PAR RTZEN PAR BZHUGS LAGS GRANG, ,NGOS KYANG 'JIG RTEN DBANG PHYUG SRONG BTZAN GYI, ,YE SHES SGYU MA SPRUL PA'I PHO BRANG DU, ,KHRIMS LDAN LUNG RIGS SMRA BA'I 'DUS PA DANG, ,LHAN CIG SMON LAM BDEN TSIG LEGS GRUB NAS, ,DA LTA 'DUS PA'I SDE 'DIR DPYID DUS KYI, ,CHOS KYI DGA' BA'I ROL PAS 'TSO ZHING MCHIS, ,RGYAL BA RGYAL SRAS MI DBANG ROL PAS NI, ,RNAM RTZEN RGYAL BLON SEMS DPA' CHE RNAMS DANG, ,KEE LA SHA YI CHOS RGYAL RIGS LDAN GYI, ,RNAM THAR TSUL LA DGYES BZHIN SPYOD KYANG 'TSAL, ,ZHU MCHID 'DAB BRGYA'I PHRENG BAR SPYAN ZUNG GI ,BUNG BA RNAM PAR ROL BA'I SKYES TZAM DU, ,GOS KHA BYIN ZA'I GRANGS KYIS BCINGS PA 'BUL, ,DGA' BA GSUM PA'I TSES LA PHUL ZHU YIG ,CES PA YANG YAR RGYAB DPON CHEN PA LA GNANG BA'O,, ,, ` DPON SA CHOS RJE RIN PO CHE'I DRUNG DU ZHU BA, BRTZE BA'I THUGS LAS 'KHRUNGS PA'I BKA' YIG GA ,PHRENG BA LAM RING BSKOR BA PHYOGS 'DIR 'ONGS, ,THOS BSAM GLING PA PHYOGS 'DIR YUN RING DU, ,THUGS NGANG THUNG NGUR GYUR

, ,PA CHES MANG YANG, ,BRTZE CHEN YAB DANG PHRAD BZHIN MGON KHYOD KYI, ,BRTZE BA'I SPYAN RAS KYIS 'TSO'I BKA' DRIN NI, ,JI LTAR BSAB CES 'DI NA MU COR GYUR, ,BDAG KYANG SPANG DKA' BREL BA KHYAD DU BSAD, ,NYIN MTSAN YID LA BDE DANG DAL BA SPANGS, ,DE LTA NA YANG RNAM MANG 'GAL RKYEN GYI, ,GZEB LAS JI LTAR GROL BA'I RNGO MA THOGS, ,DA SGOS RINGS PAR THEGS BGYI DE YI BAR, ,BCOL LO LTOS SO SNGAR BZHIN THUGS BRTZER MDZOD, ,ZHIB PAR NGAG GI LAM NAS 'BUL BA LAGS, ,TSES GNYIS LA RU GSEB NAS PHUL BA'I ZHU YIG CES 'OL KHA NAS NANG SO CHOS RJE LA GNANG BA'O,, ,, ` RNAM PAR RGYAL BA'I KHANG BZANG NAS, ,DPAL LDAN MIG STONG LDAN PA NI, ,DUS KYIS SA LA 'ONGS PA LTA'I, ,LHA SRAS SKU TSE BRTAN GYUR CIG, MTHA' YAS SKYE RGU'I BSOD NAMS KYI, ,'DZIN MAR LEGS 'KHRUNGS DPAG BSAM SHING, ,'DOD RGU'I 'BYUNG GNAS NYID KYI ZHAL, ,STON KA'I ZLA LTAR MDZES PA DE, ,MYUR DU LTA BAR BDAG 'TSAL LO, ,ZHES PA 'DI 'OL KHA NAS SA SKYONG AA MO GHA RDO RJE RNAM RGYAL DPAL BZANG PO LA GNANG BA'O,, ,, ` NA TSOD SHIN TU GZHON NU'I RKANG 'THUNG YANG, ,DPAG YAS YON TAN ME TOG PHON PO CAN, ,NGO MTSAR RI MO LTA BAS MI NGOMS PA, ,LHA SRAS MI YI GZUGS CAN RTAG PAR RGYAL, ,CHOS RNAMS THAMS CAD RNAM RTOG PIR GYIS NI, ,PHAR LA RI MOR BRIS PA KHO NA STE, ,YUL GYI STENG NA RDUL TZAM MA MCHIS PA'I, ,GNAS LUGS DON DE YANG YANG SGOM PAR MDZOD, ,'DI NA GZUGS NAS RNAM MKHYEN PAR GYI CHOS, ,RANG RANG GDAGS GZHI'I STENG DU 'DI DANG 'DI,,

ZHES BYAR RTOG PA'I DBANG GIS BZHAG PA STE, ,RANG GI NGOS NAS GRUB PA GTAN NAS MED, ,DE LTA NA YANG MING TZAM KHO NA DANG, ,RTOG PA'I RI MO TZAM LA 'KHOR 'DAS KYI, ,BYA BYED THA SNYAD THAMS CAD 'JOG PA'I PHYIR, ,CHAD LTAR GOL BA'I GNAS SKABS MA MCHIS LAGS, ,BYANG CHUB SEMS DANG MTHA' BRAL LTA BA DANG, ,SKU TSE BSRING BA'I THUGS DAM BZLAS BRJOD LA, ,G-YEL BA MED PAR BYAMS BRTZES MNGA' 'BANGS KUN, ,BU BZHIN DGONGS PAS CHOS LDAN RGYAL SRID MDZOD, ,CES PA YANG DE NYID LA GNANG BA'O,, ,, ` BOD KHAMS NOR 'DZIN SKYONG BA'I BKA' LUNG GIS, ,RIN CEN PHO BRANG MCHOG GI SENG GE'I KHRIR, ,MNGON PAR DBANG BSKUR BRGYA BYIN GNYIS PA BZHIN, ,BSNGAGS 'OS GANG DE'I DRUNG DU 'DI SKAD ZHU, ,ZHES PA YANG DE NYID LA GNANG BA'I BKA' SHOG GI STOD KYI TSIGS BCAD DO,, ,, ` NANG SO RIN PO CHE'I DRUNG DU ZHU BA, BSOD NAMS CHA SHAS YONGS GANG ZLA BA NI, ,ZHABS 'BRING RGYU SKAR TSOGS DANG LHAN CIG PAR, ,PHYOGS 'DI'I MKHA' LA MYUR DU 'BYON 'GYUR ZHES, ,SNYAN PA'I 'OD DKAR SNYING LA REG PA NA, ,SNYING LA GDUNG BA'I MUN PA GA SHED SONG, ,SPRO DGA'I KU MUD 'DZUM ZHAL PHYE BA LAS, ,MYUR DU MJAL BAR 'GYUR SNYAM SA DANG PO'I, ,DGA' BA'I KHYAD PAR MNGON PAR THOB BZHIN GYUR, ,BKRA SHIS KHA BTAGS DKAR PO'I ME TOG DANG, ,LHAN CIG CHOS 'KHOR RGYAL NAS PHUL ZHU YIG CES PA YANG DE NYID LA GNANG BA'O,, ,, ` 'BAD MED LHUN GYIS GRUB PA'I SKU BSOD DANG, ,NAM MKHA'I KHYON LTAR YANGS PA'I MKHYEN PA DANG, ,RIN CEN GSER LTAR BZANG BA'I

, ,DGONGS PA RNAMS, ,LHA SRAS DBANG PO KHYOD LA MNGA' BA LAGS, ,MI DBANG SKU TSE RAB TU BRTAN GYUR NA, ,LUGS GNYIS PHUN TSOGS NGANG GIS 'PHEL BAR 'GYUR, ,DE SLAD RGYAL BA'I YUM MCHOG RJE BTZUN MA, ,RING DU BSNYEN LAS SKU TSE 'PHEL BAR MDZOD, ,MNGA' 'BANGS KUN LA BYAMS BRTZES KHYAB PA DANG, ,MTHO DMAN BAR MA'I SKYE BO JI SNYED PA, ,RANG RANG BLO DANG 'TSAM PAR BSKYANGS PA LAS, ,KUN KYANG MI PHYED GUS DANG LDAN PAR MDZOD, ,SNGON BYON CHOS RGYAL GONG MA'I MDZAD PA RNAMS, ,LEGS PAR GSAN NAS RJES SU SLOB PA DANG, ,BLO BZANG RGYAL BA'I BSTAN PA MCHOD PA LA, ,MGON MED ZAS SPYIN DANG MTSUNGS KHYOD KYIS MDZOD, ,CES PA YANG DE NYID LA GNANG BA'O,, ,, ` DAD PA'I RTZA BA RAB TU BRTAN GYUR CING, MKHYEN RAB YAL GA SHES BYA'I KHYON LA 'GRAN, ,MDZAD PA'I ME TOG DKAR PO RAB RGYAS PA, ,MI DBANG DPAG BSAM LJON PA ZHABS BRTAN CIG ,BKA' STZAL YONGS 'DU'I LO MA'I PHUR MAR BCAS, ,GANG SKU DENG DUS CHU 'DZIN 'CHING BA LAS, ,LEGS GROL YAR NGO'I ZLA BA'I DREGS 'JOMS ZHES, ,DRI ZA'I 'PHANG 'GRO BAS KYANG CHES SNYAN PA, ,RNA BAR SON TSE DANG BO'I SA LA NI, ,REG BZHIN YID LA SPRO DAGS MYOS PA THOB, ,CES PA YANG DE NYID LA GNANG BA'O,, ,, ` DPAL LDAN MI YI DBANG POS LEGS BSTZAL BA'I, ,LO MA'I PHUR MA BDUD RTZI'I ZIL DNGAR CAN, ,DON BZANG 'CHI MED BDUD RTZI DANG 'GROGS PAS, ,YID DANG RO 'DZIN CI YANG SIM PA THOB, ,CES PA 'DI GONG GI BKA' SHOG GI YIG CHUNG DU GNANG BA'O,, ,, ` NAM MKHA'I KHYON LTAR

RAB TU YANGS GYUR CING, ,CHU GTER CHEN PO'I 'JING LTAR SHIN TU ZAB, ,RIN CEN RI BO LTA BUR BRTAN CING BRLING, ,NGO MTSAR GTER KHYED YUN RING ZHABS BRTAN CIG ,MI PHYED DAD PA'I THUGS KYI SKYED TSAL NAS, ,CHAB SHOG 'DAB BRGYA DAR GYI LO 'DAB CAN, ,PHEBS PA'I MOD LA MNGON SUM MJAL BA BZHIN, ,SNYING LA SPRO DGA'I RLABS PHRENG CI YANG G-YOS, ,DENG DUS KHYED SKU RAB MDZES ZLA SHEL NI, GLO BUR NYER 'TSE'I SPRIN GYIS MI SGRIB CING, ,PHRA YANG SNYING STOBS YAR NGO'I CHA SHAS NI,, 'PHEL BA'I SNYAN GRAGS BDUD RTZIS BDAG NGOMS SO, ,'DI NA'ANG MA PHAM RGYAL BA'I SKU GZUGS NI, ,BSOD NAMS BZHIN DU MNGON PAR MTHO BA DAG ,NYIN BZHIN RIN CEN GSER GYIS SPRAS PA LAS, ,'GRO KUN MIG GI BDUD RTZIR 'GYUR SLAD BRTZON,, BLA MA SRAS BCAS RGYAL BA'I BKA' DRIN LAS, ,PHYOGS 'DIR NYID SKU'I NYIN BYED RAB SHAR TE, ,KHRIMS GNYIS 'OD STONG DRA BA RAB 'GYED CING, ,SPRO DGA'I PAD TSAL MYUR DU RGYAS PAR SMON, ,BDEN GNYIS SRUNG BA'I 'KHOR LO RAB BRTAN CING, ,NYIN BZHIN LHA DANG BLA MAR GSOL BA DANG, ,CHOS SKYONG SRUNG MAR PHRIN LAS GNYER GTAD DE, ,NYID KYI SKU YI RIM 'GRO BGYID LA BRTZON, ,SNGAGS KYIS MANG BTAB SRUNG DAR SKYES SU 'BUL, ,NYER LNGA'I TSES LA CHOS 'KHOR RGYAL NAS PHUL, ,ZHES PA YANG DE NYID LA GNANG BA'O,, ,, ` RGYAL BA KUN GYI YUM GYUR RJE BTZUN MA, ,'JIGS PA BRGYAD SKYOB MA DANG 'DOD KHAMS KYI, ,DBANG PHYUG SRID GSUM BDAG MO RE MA TIS, ,BZHED PA'I DON KUN 'GRUB PA'I BKA' DRIN STZOL, ,ZHES PA YANG DE NYID LA GNANG BA'I

, ,BKA' SHOG GI STOD KYI TSIGS BCAD DO,, ,, ` RAB MTHO PHO BRANG BRTZEGS PA'I LHUN PO'I RTZER, ,SGRIB BRAL MKHYEN PA'I SPYAN STONG YANGS PA CAN, ,RGYAL PHRAN NYE DBANG TSOGS KYIS PHYAG BYA'I GNAS, ,SA YI BRGYA BYIN RING DU ZHABS BRTAN CIG ,CES PA YANG DE NYID LA GNANG BA'I BKA' SHOG GI STOD KYI TSIGS BCAD DO,, ,, ` SNGON BYON RGYAL BLON SEMS DPA' DE DAG GI ,MDZAD PA'I ME TOG GRAGS PA'I DRI BSUNG CAN, ,DENG DUS GANG GI ZUR PHUD DANG 'GROGS PA'I, ,DPAL LDAN MI YI DBANG PO ZHABS BRTAN CIG ,GANG GI BKA' STZAL BDUD RTZI'I PHUR MA DANG, ,DAR KHA ZUNG GI SKYES BCAS RIM PA GSUM, ,BKA' SRUNG MNYES BYED MCHOD RDZAS BZANG PO DANG, ,BCAS PA RIM PAR PHEBS PAS THUGS RJE BZUNG, ,NYID KYI DRIN LAS BSTAN PA'I SGOR ZHUGS NAS, ,GNAS 'DI MDZES PA'I RGYAN DU MNGON SPRUL BA, ,NGUR SMRIG 'DZIN PA'I GZHON NU'I TSOGS RNAMS KYIS, ,SA 'DI THUN MTSAMS GOS DANG LDAN PAR BYAS, ,SA YI BRGYA BYIN YUM SRAS MCHED DANG BCAS, ,PHUN PO GLING BZHI'I DBUS NA GNAS DE SRID, ,RGYA CHE BRTAN CING CHAB SRID RGYAS PA YI, ,SKU RIM SMON LAM 'BRAL MED SNYING LA 'GROGS, ,ZHIB PA'I GNAS TSUL MYUR LAM MJAL NAS 'BUL, ,SNGAGS KYIS BTAB PA'I SRUNG DAR SKYES SU MTSON, ,PANYTZA'I TSES LA CHOS 'KHOR RGYAL ZHES PA'I, ,GTZUG LAG KHANG NAS DGE BAR PHUL ZHU YIG ,CES PA YANG DE NYID LA GNANG BA'O,, ,, ` SKU MDUN RIN PO CHER, ,BKA' THO JA PHUD KYI GSOL JA BZANG PO'I STENG DU GAN SPOS, ,RGYAL BU KHA BTAGS, ,RIN PO CHE ZHO GANG GI GNANG

SBYIN RNAMS, NANG PA KHANG DPON PAS PHEBS LAGS, DENG SANG SKU RIN PO CHE MCHOG TU SNYOMS SHING, GANG CIR BKA' KHYAB TU BZHUGS PA BKA' DRIN BSKYANGS, 'DIR YANG KHROM CHOS KYIS 'GRO PHAN CHE BAR BYUNG LAGS, 'TSAMS (MTSAMS) ZHUS, RDZONG 'DI'I STENG NAS MI YI DBANG PO NYID, ,NAG PHYOGS DGRA SDE'I G-YUL LAS RNAM RGYAL ZHING, ,MTSAN JUS LEGS SHING BRTAN PA BRNYES PA'I PHYIR, ,G-YUL RGYAL LHUN PO ZHES BYAR MING BTAGS NAS, ,RGYAL BA SRAS BCAS CHOS SKYONG SRUNG MAR BCAS,, SPYAN DRANGS GZA' SKAR BZANG PO'I DUS TSOD LA, ,ME TOG CHAR PHAB SHIS PA BRJOD PA YI, ,BDEN TSIG GLU DBYANGS RGYA CHER BSGRAGS PA LAGS, ,ZHES DE 'PHRAL PHUL BA'I ZHU THO, ,ZHES PA YANG DE NYID LA GNANG BA'O,, ,, ` CHA SHAS YONGS RDZOGS MKHYEN PA'I DKYIL 'KHOR NI, ,PHUN TSOGS RIG GNAS BDUD RTZI'I 'OD CHAGS PHRENG BA NI, ,RTAG TU GANG GI COD PAN DU MDZAD CING, ,MNGA' MO'I MGON PO ZHABS BRTAN CIG ,BKUR 'OS BKA' LUNG 'DAB BGYA'I PHRENG BA NI, ,RTAG TU GANG GI COD PAN DU MDZAD CING, ,MNGA' 'BANGS BYAMS PA'I SPYAN RAS KYIS 'TSO BA, ,NYID KYI NGANG TSUL LAGS NA GSOL CI DGOS, ,MKHAS PAR BYA BA'I RIG GNAS BYA LAM DU, ,RNAM DPYOD BRTZON PA'I BGROD PA GNYIS LDAN ZHING, ,SNYAN GRAGS 'BRUG SGRA DAL GYIS DGOD PA YIS, ,PHYOGS KYI MDONGS LDAN MTHA' DAG YID DGAR MDZOD, ,DGE SBYOR SKYABS 'OG SNYING LA 'BRAL MED 'GROGS, ,RGYA DAR KHA 'BREL SKYES KYI TSUL DU 'BUL, ,DGA' BA GNYIS PA'I TSES LA PHUL ZHU YIG ,CES PA 'DI 'OL KHAR NANG SO SKU GZHON

, ,PA LA GNANG BA'O,, ,, ` TSOGS GNYIS BDUD RTZI'I CHU GTER BSRUBS PA LAS, ,LEGS PAR 'ONGS PA'I SA SKYONG 'OD DKAR CAN, ,MKHYEN BRTZE BDUD RTZI'I 'OD KYIS MDZES PA KHYED, ,RGYAL PHRAN RGYU SKAR DBUS NA ZHABS BRTAN CIG DENG DUS GANG SKU RI DBANG LTAR BRTAN CING, ,MKHAS PA 'JUG PA'I SGOR GYUR RIG GNAS KYI, ,LHA YI LAM DU RNAM DPYOD DKYIL 'KHOR NI, ,THOGS MED BGROD PA'I NGANG DU BZHUGS LAGS GRANG, ,NGOS KYANG LO HI TA YI BYANG 'GRAM NAS, ,MI DAL 'GROS KYIS MKHAS PA'I MDUN SA CHE, ,BLO GSAL NGUR MO STONG PHRAG 'DU BA'I GZHI, ,RANG GI BSTI GNAS MCHOG TU SON PA LAGS, ,SLAD MA'ANG SKU YI LJON PA DBYAR SOS KYI, ,NAM ZLA'I DUS BZHIN PHUN TSOGS LANG TSO DANG, ,RIG GNAS KUN LA 'JUG PA'I MKHYEN PA DANG, ,MNGA' 'BANGS BYAMS KYIS SKYONG BA'I THUGS RJE RNAMS, ,PHAN TSUN 'GRAN PA BZHIN DU 'PHEL BAR MDZOD, ,SKU RIM DGE SBYOR SKYABS 'OG SNYING LA 'GROGS, ,BKRA SHIS RI MO BKRA BA'I KHA BTAGS DANG, ,LO MA'I PHUR MA RGYA BRES SKYES SU 'BUL, ,BZANG PO DANG PO'I TSES LA PHUL ZHU YIG ,CES PA YANG DE NYID LA GNANG BA'O,, ,, ` STON DUS DAG PA'I MKHA' LA RGYU SKAR MGON, ,YID BZHIN RGYA MTSOR NGANG MO RTZEN PA BZHIN, ,TSANGS DBANG SRAS MOS KHYED LA DUS KUN TU, ,SDEB LEGS NGAG GI MCHOG SBYIN STZOL GYUR CIG ,CES PA DE NYID LA GNANG BA'I BKA' SHOG GI STOD KYI TSIGS BCAD DO,, ,, ` RNAM DPYOD BDUD RTZI'I CHA SHAS YONGS GANG ZHING, ,RIG GNAS RI DVAGS KUN GYIS RNAM PAR BKRA, ,SNYAN TSIG BDUD RTZI'I

'DZUM DKAR 'PHRO BA CAN, ,SA SKYONG RGYU SKAR MGON PO ZHABS BRTAN CIG ,PHO BRANG CHEN PO'I BANG MDZOD RNAMS 'DZIN PA'I, ,RGYAL SRID MDZAD PA'I RNAM G-YENG RGYA CHES PAS, ,MKHYEN SPYAN YANGS KYANG RIG GNAS LAM DU NI, ,JI LTAR GZHON SNYAM THE TSOM 'DZIN PA LA, ,SNYAN NGAG LAM NAS 'ONGS PA'I CHAB SHOG NI, ,SANGS RGYAS GNYIS PA'I BSTOD PA'I PAR PHUD DANG, ,KHA BTAGS SKYES BZANG DANG BCAS MTHONG BA LAS, ,YID MTSOR DGA' BA'I RLABS PHRENG CI YANG G-YOS, ,NGOS KYANG LUS KYI 'DU BA CHA SNYOMS SHING, ,RI KLUNGS DGE 'DUN TSOGS DANG LHAN CIG TU, ,DBYAR DAM BCAS NAS DAM CHOS 'PHEL BA DANG, ,DGE SBYOR G-YEL BA MED PA'I NGANG DU GNAS, ,BKUR 'OS GONG MA'I BKA' LUNG THOD BCINGS NAS, ,PHO BRANG BANG MDZOD YONGS SU 'GENGS PA DANG, ,MNGA' 'BANGS BYAMS BRTZE'I SPYAN GYIS 'TSO BA DANG, ,SKYABS GSUM RIN CEN MCHOD LA G-YEL MED PA'I, ,NGANG NAS RIGS RNAMS LA'ANG THUGS GZHOL 'TSAL, ,SNGAGS KYIS MANG BTAB SRUNG DAR SKYES SU 'BUL, ,DGE SBYOR SKYABS 'OG 'BRAL MED RGYUN DU BGYID, ,RGYAL BA DANG PO'I TSES LA PHUL ZHU YIG ,CES PA YANG DE NYID LA GNANG BA'O,, ,, ` RAB MTHO RIGS KYI SUM RTZEN GNAS SU 'KHRUNGS, ,RAB RGYAS MKHYEN RAB YAL GA'I KHYON YANGS PA, ,RAB MDZES RIG GNAS ME TOG MDANGS BKRA BA, ,RAB TU BSNGAGS 'OS DPAG BSAM ZHABS BRTAN CIG ,DON BZANG LUS MDZES TSIG GI 'GYUR BAG CAN, ,MKHAS PA'I YID 'PHROG CHAB SHOG 'DIR PHEBS TSE, ,MTHO RIS MAN NE KA DE 'DIR 'ONGS

, ,SAM, ,DBYANGS CAN 'PHANG 'GRO'I SGRA SNYAN 'PHYANG MO YUG ,PHO BRANG CHEN PO'I BANG MDZOD MCHOG RNAMS NI, ,'BRU YI TSOGS KYIS 'GENGS LA THUGS GZHOL BA'I, ,NGANG NAS MKHAR LAS PHRAN BU GRUB PA LA, ,LEGS PA'I DGA' STON GNANG SBYIN DANG BCAS PA, ,YUM SRAS BKA' BZHIN DPAL LDAN RGYAL PO YIS, ,LEGS PAR 'BYOR TSE YID KYI CHU GTER CHER, ,SPRO DGA'I RLABS PHRENG CI YANG G-YOS PAR GYUR, ,ZHIB PA'I GNAS TSUL MI 'GYANG NGES KYIS 'BUL, ,SKU RIM SRUNG 'KHOR NAM YANG G-YEL BA MED, ,KHA BTAGS 'DAB GSHOG RNAM BKRA NGANG MO NI, ,BZANG PO DANG PO'I TSES LA SKU MDUN DONG, ,ZHES PA 'DI YANG DE NYID LA GNANG BA'O,, ,, ` RAB MTHO RIGS KYI SUM RTZEN RVA BAR BSKRUN, ,RMAD BYUNG MKHYEN RAB YAL GA'I KHYON YANGS SHING, ,BYAMS BRTZE'I GRIB BSIL MNGA' 'BANGS KUN LA SNYOMS, ,NYI ZLA'I MCHED GYUR DRUNG DU MCHID 'DI ZHU, ,DGONGS ZAB DAD PA'I RGYA MTSO RLABS 'PHYUR BAS, ,RAB MTHOR CHAB SHOG GSAR PA'I MU TIG PHRENG, ,KHA BTAGS SKYES KYI LANG TSO DANG 'GROGS PAS, ,PHYOGS 'DIR SPRO DGA' DANG PO'I SA LA REG ,DENG DUS NYID SKU YAR NGO'I DPAL 'PHROG CING, ,RIG GNAS LHA YI LAM LA DUS KUN TU, ,NGAL BA SPANGS PA'I BGROD PA RAB RTZEN CING, ,BKUR 'OS ZHABS SEN COD PAN DU MDZAD NAS, ,SRI ZHU LHUR LEN GANG DE AE MA MTSAR, ,NGOS KYANG SMON LAM SNGA PHYI LEGS SGRUB NAS, ,DA LTA DPYID CHOS DANG PO ZUG PA'I SKABS, ,'DUS PA'I SDE RNAMS 'TSE BA MED PAR GNAS, ,SLAD MA'ANG SKYABS GSUM COD PAN DU

MDZAD NAS, ,SNGON RABS SA 'DZIN DBANG PO DE DAG GI ,MDZAD PA'I SROL BZANG JI LTA BU ZHIG CES, ,DGONGS SHING GNAS DER THUGS RTZOL LHUR LEN MDZOD, ,SKU RIM SRUNG 'KHOR 'BRAL BA MED PAR BGYID, ,BCUD LDAN LO MA'I PHUR MA SKYES SU 'BUL, ,DGA' BA GSUM PA'I TSES LA PHUL ZHU YIG ,CES PA YANG DE NYID LA GNANG BA'O,, ,, ` PHUN TSOGS ZA HOR RIGS KYI ZLA SHEL NI, ,YON TAN BDUD RTZI'I CHA SHAS YONGS RDZOGS PAS, ,SA SKYONG RGYU SKAR BYE BA'I DBUS NYID NA, ,RNAM MDZES GNYIS SKYES DBANG PO ZHABS BRTAN CIG ,GSHOG YANGS RAB DKAR NGANG PA'I DED DPON NI, ,ZAB YANGS MGRIN PA'I RDZA RNGA BRDUNG MKHAS PA, ,KLONG YANGS SNGON MED RIN CEN 'BYUNG GNAS SU, ,RAB YANGS 'JO SGEG 'PHUR LDING GAR GYIS ROL,, 'JAM MNYEN LHA RDZAS PANYTZA LI KA'I RIGS, ,ZAG MED CHOS KYI BDUD RTZI LTAR MNGAR BA, ,'GYUR MED STONG NYID SNYING RJE'I PHYAG RGYA CAN, ,BSTZAL BA 'DIS KYANG LHAG PAR BDAG NGOMS SO, ,BKUR 'OS MAN DHA RA YI PHRENG MDZES PA, ,ZUR PHUD DANG 'GROGS CHOS KYI SPYAN STONG NI, ,RAB TU GSAL BAS MCHOD SBYIN BRGYA PA YANG, ,SKRAG NAS LHUN PO'I STENG DU BROS SAM SNYAM, ,NGOS KYANG SGYU MA LUS KYI GRONG KHYER NI, ,RNAM SHES 'GRON POS DA LTA MA DOR ZHING, ,'KHOR BA'I NAGS NA CHOS BRGYAD 'KHRI SHING GI ,DRA BAS 'KHYUD PA GZHAN LA PHAN PAR RLOM, ,STONG PHRAG LEGS SPYAD CHU GTER BSRUBS PA LAS, ,'ONGS PA'I ZLA ZHAL MIG GI BDUD RTZI DANG, ,DON DANG CHOS LDAN 'BEL BA'I BKA' MCHID LA, ,SKABS DANG SBYAR BAR ROL BAR SMON PA DANG,,

, ,RIN CEN RDUL BRTZEGS MKHAR NYAL GRONG KHYER BCAS, ,NOR LDAN PHANG PAR JI SRID GNAS DE SRID, ,MI DBANG GZHON NU SKU TSE RTAG CING BRTAN, ,KHRIMS GNYIS MDZAD PA DGYES BZHIN SPYOD PAR SMON, ,BKRA SHIS KHA BTAGS 'DAB PHRENG G-YO BA CAN, ,'DZAM BU N'A DA'I ZE'U 'BRUS SPUNGS PA 'DI, ,ZHU MCHID CHU SKYES GSAR PA'I DGA' TSAL LA, ,SPYAN RAS BUNG BA ROL PA'I SKYES SU 'BUL, ,SGYUR BYED LO YI LANG TSO MA, ,SMIN DRUG CAN DANG 'GROGS PA'I TSE, ,YAR NGO'I TSES LA GRU 'DZIN GYI, ,RI BO'I NGOGS NAS PHUL ZHU YIG ,NGED KYI RTZOM PA THOR BU BA'I NANG NAS ZHU LAN CHAB SHOG GI SKOR DGOS PHEBS PA, 'DIR MA 'DUS PA MANG DU YOD CING, NA TSOD PHRA MO'I SKABS SU BRTZAMS PA SOGS LEGS NYES SNA TSOGS DANG, PAR DU BRKOS PA 'DI LA MA DAG PA YANG DU MA YOD SHAS 'DUG NA'ANG, BKA' LUNG PHEBS PAS PHUL YOD CING, MA THUS PA'I SNYAN DNGAGS LEGS PA'I TSAN BZHIN RTING SOR BSAGS NAS 'BUL BA BYED LAGS, ZHES PA 'DI 'PHYONGS RGYAS STAG RTZER SDE PA RGYAL BU LA GNANG BA'O,, ,, ` DUS GSUM RGYAL DBANG PADMA SAm BHA WAS, ,GANG LA RAB BSNGAGS MAN DHA RA 'THOR BA, ,ZA HOR RIGS KYI THIG LE RGYAL PHRAN TSOGS, ,COD PAN NGAL GSO'I GNAS DER MCHID 'DI ZHU, ,SHUGS DRAG DANG BA'I MA LA YA RLUNG GIS,, MKHYEN RAB AA MRA'I DPAG BSAM CHER BSKUL BAS, ,BKA' STZAL SDEB LEGS MA LA'I DRI BZANG CAN, ,SHEL DANG PADMA R'A GA'I MDANGS 'PHROG PA'I, ,SKYES BZANG LO 'DAB G-YO BA'I CHU SKYES LA, ,MIG GI RKANG DRUG RNAM PAR RTZEN PA NA, ,SPRO DGA'I SBRANG

RTZIS LHAG PAR MYOS PA LAS, ,RAB DGA'I 'PHANG 'GRO LA 'KHU MGRIN SNYAN GYI, ,DAR DIR PHYOGS KYI 'KHOR LO 'GENGS LA BRTZON, ,GZHAL DU MED PA'I BSOD NAMS CHU GTER NI, ,LEGS PAR BSRUBS LAS LEGS 'ONGS GANG SKU YI, ,ZLA SHEL YAR NGO'I ROL PAR RNAM RTZEN CING, ,MDZAD PA BDUD RTZI'I RTZA LAG RAB RGYAS PA, ,PHYOGS DE'I PHAN BDE'I KU MUD GNYEN DU GYUR, ,BDAG KYANG 'JIG RTEN DBANG PO SRONG BTZAN GYI, ,YE SHES SGYU MA SPRUL PA'I PHO BRANG DU, ,RNAM DAG DGE 'DUN SUM STONG LHAG DANG BCAS, ,SDE SRID CHEN PO'I SKU RIM SMON LAM NI, ,LEGS GRUB DA LTA DPYID CHOS 'PHEL BAR GNAS, ,ZHES 'PHYONGS RGYAS SU SDE PA RGYAL BU LA GNANG BA'O,, ,, ` GANG GI MKHYEN PA'I ME LONG NGOS LA BRTAN G-YO MTHA' DAG GSAL BAR BKOD TSE MA LUS SHES BYA'I TSOGS RNAMS KYANG, ,GDOD MA'I DBYINGS SU 'BROS PA LHUR LEN KUN GSAL MDZES MA KUN NAS SKYENGS GYUR GZUGS KYI GO SKABS RING DU SPANGS, ,RNO BA'I MTSON CAN 'JAM DBYANGS GZHON NU'ANG KHENGS PA RING DOR ZUR PHUD KYIS DUD AUTPAL SPYAN GYIS ZIM MER GZIGS, ,ZHABS STEGS NOR BU'I 'OD ZER DANG 'GROGS ZHABS SEN 'DAM SKYES NAGS TSAL YANGS PAR SA SKYONG BUNG BA'I DAR DIR SGROG ,LEGS YANGS PAD MTSO MTHO RIS SKYED TSAL DU, ,DBYANGS CAN NGANG MO DENG DUS ME NA K'A'I, ,ZLOS GAR LHUR LEN ZLA ZER SPU LONG GIS, ,NOR 'DZIN GSAL BYED DRUNG DU MCHID 'DI ZHU, ,GANG GI GRAGS SNYAN GUR KUM YI GE'I PHRENG, ,PHYOGS KYI RNA BA'I GLEGS BU LA BKOD PA, ,ZLA SHAR 'O MA'I RGYA MTSO 'PHYUR BA'I RLABS,,

, ,MANDHA RA YI DBU BA BRTZEGS PA BZHIN, ,MKHYEN PA'I SPYAN STONG YANGS PA'I 'CHI MED BDAG ,SGYU 'PHRUL SNA TSOGS GAR MKHAN 'KHOR LO'I LAG ,RIG BYED RIN CEN 'BYUNG GNAS CHU SKYES MNGAL, ,SNYAN TSIG BDUD RTZI'I CHU GTER RTA DBYANGS SO; ;BDAG KYANG 'JIG RTEN DBANG PO'I YE SHES KYI, ,SGYU MA SPRUL PA'I PHO BRANG LHA SA DER, ,RIS MED BSTAN DANG 'GRO BA'I PHAN BDE DAG ,RING DU 'PHEL PHYIR SMON LAM RNAM DAG BGYIS, ,THUB DBANG MKHYEN PA'I GANGS RI LAS 'ONGS RNAM MANG LEGS BSHAD NYAL 'GRO'I TSOGS, ,RAB 'KHYIL BLO GSAL NGANG MO'I KHYU 'KHRIGS MKHAS MANG KLU DBANG TSOGS KYIS BSTEN, ,BSHAD DANG SGRUB PA'I RLABS PHRENG CHER G-YO LHO PHYOGS NOR 'DZIN LA BRTEN PA, ,RIS MED MKHYEN BRTZE'I ZLA ZER REG PAS RDZOGS LDAN DUS BZHIN 'PHEL BAR MDZOD, ,PHYOGS 'DI'I GNAS TSUL SNYAN SHAL LA, ,'GROGS 'OS DAG BYED CHA SHAS TZAM, ,DNGOS GRUB RGYA MTSO'I MGRIN PA'I RLABS, ,'THOR BA'I ZEGS MA'I CHA SHAS SO, ,BANG MDZOD RMUGS 'DZIN DANG GCIG PA'I, ,SHAR PHYOGS RGYAL PO'I LEGS BYAS LAS, ,PHYOGS KYI GRANGS LDAN DRI BZANG DAG ,MCHOD PA'I SLAD DU BZHES SU GSOL, ,HOR GYI ZLA BA DANG PO YI, ,GNYIS PA'I PHYOGS KYI TSES BZANG PO, ,RGYAL BA GNYIS PA SHAR BA'I TSE, ,'BRAS SPUNGS CHOS GRVA'I GNAS NAS PHUL, ,ZHES PA 'DI BYA PA CHOS MDZAD LA GNANG BA'O,, ,, ` MKHYEN SPYAN DRI MED KUN TU YANGS PAS MIG STONG LDAN PA SKRAG PA LHUR LEN RINGS PAR MTHO RIS GNAS SU BROS, ,SNYAN NGAG RIG BYED BDUD RTZI'I CHU GTER RBA RLABS GYEN

'PHYUR NGES PAR SKYENGS GYUR RANG BYUNG BSAM GTAN BRDZU LA BRTEN, ,GANG GI 'BYOR PA'I BANG MDZOD LA SKRAG RMUGS 'DZIN DBANG PO'ANG LHUN PO'I BYANG DU GNAS BCAS BAG YOD RNAM PAR BSTEN, ,YAN LAG BZHI PA'I DPUNG GI RDUL TSUB BZOD PAR MA NUS LHA MIN TSOGS RNAMS RGYA MTSO'I 'JING DU ZHUGS SAM SNYAM, ,GANG GI SNYAN GRAGS ZLA ZER SPU LONG GIS, ,MTHA' DAG NOR 'DZIN GOS DKAR BLANGS PA BZHIN, ,RGYAL PHRAN DU MA'I COD PAN NOR BU'I 'OD, ,ZHABS SEN NYE BAR MDZES DER MCHID 'DI GSOL, ,GANG GI LJAGS YANGS PAD MTSO'I RDUL MANG RE RE'ANG DBYANGS CAN BYE BA YI, ,NGANG MO'I PHANG PHUNG ZLOS GAR LTA BUR SNYAN NGAG MGRIN PA'I RDZA RNGA CAN, ,RGYAN MANG NYAMS BRGYA'I 'JO SGEG MKHAN DES MKHAS PA'I DO RA BRGYAN MTHONG NAS, ,DGE BA'I DBANG ZHES GRAGS PA DKAR DE SRAS BCAS MTHO RIS SKAS LA GSHEGS, ,'DI NA GANG YANG YUNGS 'BRU'I TSAD KYANG RIN CEN RI BO LTA BUR NI, ,BSNGAGS PA'I SNYAN TSIG BDUD RTZI'I RO BRGYAS NYE BAR SIM PA'I DPAL THOB PA, ,MA LA YA YI RLUNG BZHON GYIS REG DGA' BA DE YANG GA SHED SONG, ,'PHAGS PA'I BSAM GTAN BDE BA MCHOG LA'ANG DE RING GUS PA LHOD PAR GYUR, ,NYID KYI DRIN LAS RAB YANGS RGYA MTSO'I GOS CAN NGOGS SU NYER BRTEN PA'I, ,GUR KUM DOG PA 'GOD PA JI BZHIN KHRIMS LDAN LUNG RIGS SMRA BA'I TSOGS, ,THUB BSTAN BYI DOR 'BEL BA'I GTAM GYI MOL MCHID RNAM PAR ROL BA YIS, ,MDUN SA BRGYAN LA NGAL BA LHUR BLANGS BDAG KYANG PHYOGS 'DIR LHAGS PA LAGS, ,PHAL CHER PHYOGS SU LHUNG LAS MUN

, ,PA YI, ,GTING ZAB KHRON PA'I MAL DU GNAS BCAS KYANG, ,DAG SNANG NYI 'OD STONG GI RTZE DGA' DANG, ,RAB 'GROGS KHYOD THUGS GO 'BYED NGOS 'DI MTSAR, ,SRID PA'I NAGS SU CHAGS DANG SDANG BA'I LCE, ,GLOG PHRENG ROL BA LTA BUR GDUG PA'I SPRUL, ,GYA GYU'I 'GROS LA BRTEN TSE THUB PA'I BSTAN, ,RIS MED BDUD RTZI'I GTER DE RGYA LAM NA, ,RGYAL RNAMS CHOS SKU'I MAL DU RTAG GZIMS SHING, ,'KHOR LOS SGYUR BA 'BYUNG BA'I DUS MIN YANG, ,AU DUM W'A RA'I ZE'U 'BRU BKOD PA LA; ;RKANG DRUG LDAN RNAMS SNYAN PA'I DAR DIR SGROG ,NYI MA'I GNYEN LA SKYABS SU RAB 'DZIN CING, ,SDE SNOD RIN CEN GSUM LA RAB BRTEN NAS, ,BSLAB PA GSUM LA SPYOD PAR MNGON DGA' BA, ,KUN LA RIS MED NYID DU DAD PA LAGS, ,ZHES PA 'DI YANG BYA PA CHOS MDZAD PA LA GNANG BA'O,, ,, ` SUM RTZEN GNAS NA YID BZANG GTZO BO CHE BAR MNGON RLOM COD PAN CAN, ,CHU SKYES MNGAL DANG DGRA STA'I DUM BU MDA' LNGA PAS KYANG NYE BAR BSTEN, ,'DZIN MA'I LTO BAR GRAGS PA'I DPAL NI KUN KHYAB NGOS LA GSAL BAR 'GOD, ,GCIG TU MNYAN 'OS BKA' YIG SPRING YIG 'BYUNG PO KUN GYIS SPYI BOR BSTEN, ,BDUD RTZI'I ZER GYI REG PAS RNAM 'PHEL TSOGS GNYIS PHA MTHA' BRAL BA'I DBYINGS, ,THABS TSUL RIN CEN BANG RIM RNAM BKRA 'CHI MED RI BOR NOR RGYAS KYI, ,STONG NYID LANG TSOS GSAL BAR 'KHYUD GANG BRTZON PA'I MGYOGS 'GROS BSRUBS PA LAS, ,LEGS PAR 'ONGS SO BLO BZANG GANG DE SA GSUM 'GRO BA'I SNANG BYED NYID, ,LUNG RTOGS MI ZAD CHOS KYI 'BYOR PA LA, ,'DOD

RGUR SPYOD PA'I DPAL MNGA' RGYAL BA'I SRAS, ,MI DMAN LHUN GYIS GRUB PA'I GO 'PHANG RTZER, ,'DZEG PA'I BZANG PO'I LTAS MANG 'DIR YANG MTHONG, ,SLAR YANG BKRA SHIS RDUL MANG MTHOR BRTZEGS PA'I, ,THUB BSTAN LHUN PO'I NGOS LA MGON KHYOD KYI,, 'PHRIN LAS 'OD STONG 'CHAR BA MI NYAMS SHING, ,PHAN BDE'I DGA' TSAL YUN DU RGYAS PAR MDZOD, ,BDAG KYANG MCHOG GSUM RIN CEN BKA' DRIN LAS, ,PHYOGS 'DIR RGYUN CHAD MED PA'I DGE LEGS LA, ,TSUL BZHIN SPYOD PA'ANG DAM PA KHYED CAG GI ;BKA' DRIN 'GRAN ZLA MED PAR BDAG GIS KHUMS, ,DES NA PHYOGS DE'I PHAN DANG BDE BA'I KHUR, ,DPA' BO KHYOD KYI THOD DU STEN CIG DANG, ,BDAG GIS PHYOGS 'DIR RGYAL BA'I BSTAN PA LA, ,RI MOR BGYI BA KHO NAR 'BAD PAR BYA, ,BLO BZANG RGYAL BA'I PHRIN LAS MA NYAMS SHING, ,SROG GI THA MA LNGA PAR MA GYUR NA, ,BDAG CAG PHYOGS DE'I PHRA MO'I PHUN TSOGS LA, ,RE BA MED PA'I TSUL DE GZHAN LA SGROGS, ,RTEN CING 'BREL PAR 'BYUNG BAS BDAG CAG GNYIS, ,ZAB MO'I DBYINGS SU RTZE DGAS ROL BAR BYA, ,ZHU MCHID DKAR BA'I SKYES SU SMON LAM GYIS, ,GSER GYI PHRENG BA NYAMS PA MED PA 'BUL, ,ZHES PA CHOS RJE CHOS 'BYOR PA LA GNANG BA'O,, ,, ` NA MO MANYDZU GHO sh'A YA, BSTAN PA'I MNGA' BDAG CHEN PO SHAR TZONG KHA PA BLO BZANG GRAGS PA LA PHYAG 'TSAL LO, ,DE NAS SNYAN SKUL RNAMS DRUNG DKA' BCU PA RDOR RGYAL BAS 'PHROD LAGS, KHYOD KYIS BSTAN PA 'DI 'DZIN PA GAL CHE ZER BA BYUNG NA YANG, BDAG RANG GIS MA BZUNG GI BAR KHYED RNAMS KYIS MI BSHIG PA GAL CHE, DENG

, ,SANG SKU KHAMS BZANG ZHING 'CHAD NYAN SMAR BAR YOD ZER BA THOS PAS BDAG KYANG SHIN TU SPRO LAGS, NGED RNAMS LA MGON SKYABS KHYED LAS BZANG BA MED ZER NA YANG GZHAN YOD MOD KYI, NGA LA YANG MCHOD GNAS KHYED LAS BZANG BA MED SNYAM NA YANG, NGA LA SKYABS KYI DAM PA SHAR TZONG KHA PA CHEN PO YOD, SBYIN BDAG KYANG KHYED RNAMS LAS BZANG BA MED ZER TE, RGYAL CHEN SDE BZHI LA SOGS PA YOD PAS DGONGS 'TSAL,, ,, ` SHIN TU RNYED DKA'I DAL 'BYOR 'DI 'DRA RNYED,, DUS GSUM RGYAL BA'I BSTAN PA 'DI DANG MJAL, ,PHYI NAS 'DI DANG MJAL BA DKA' BAS NA, ,RGYAL BA'I BSTAN LA BYA BA CHER GYIS SHIG ,DA NI MYUR DU 'CHI BA SLEB 'ONG BAS, ,SKYABS GNAS DKON COG GSUM DANG MI 'BRAL BAR, ,'CHI BA MI RTAG SEMS PA GAL CHE ZHING, ,SEMS CAN DON DU 'CHAD NYAN SMAR BA DANG, ,RANG GI DON DU DGE SBYOR BYED PA DANG, ,BLA MAR MOS GUS SKYED PA GAL CHE BAS, ,'DI RNAMS SNYAN SKUL GTAM GYI SHA TSA YIN, ,'DI LA 'PHROD LAN MYUR DU GNANG BA ZHU, ,ZHES PA 'DI YANG DE NYID LA DGUNG LO BCU GCIG PA'I DUS GNANG BA'O,, ,, ` SLOB DPON PA'I DRUNG DU ZHU BA, PHYAG RTAGS KYI LAN NYUNG BSDUS BYAS PA LA, DUS GSUM RGYAL BA MA LUS PA'I, ,MKHYEN BRTZE GCIG TU BSDUS PA'I BDAG, ,BSHES GNYEN BLO BZANG GRAGS PA ZHES, ,NYI ZLA LTA BUR GRAGS PA DE'I, ,ZHAL GYI BU GA LAS 'ONGS PA'I, ,GSUNG 'BUM DRI MA MED PA 'PHROD, ,MTSAN DANG DPE BYAD 'BAR BAS BRGYAN PA'I SKU, ,CHOS PHUNG MA LUS CIG CAR SGROG PA'I GSUNG, ,'GRO BA KUN LA BU LTAR BRTZE

BA'I THUGS, ,BDAG GI SKYABS GNAS BLO BZANG GRAGS PA RGYAL, ,THOS BSAM GLING NAS ZHAL TA LA, ,THUGS DAM SKYABS 'OG CHUD CE NA'ANG, ,BDAG LA NUS PA MA MCHIS PAS, ,DE BAS KHYED RANG THUGS DAM MDZOD, ,KHYOD KYIS BKA' 'BUM ZUNGS ZHE NA'ANG, ,BLUN PO SHES RAB CHUNG BA YIS, ,'DZIN PA CUNG ZAD MA BYUNG NA'ANG, ,BSGRAGS PA TZAM GYI DGE BAS KYANG, ,BLA MED BYANG CHUB MYUR THOB SHOG ,CES PA YANG DE NYID KYI ZHU LAN DU GNANG BA'O,, ,, ` ,RLABS CHEN SHES RAB GSER GYI GZHAL MED KHANG, ,LUNG RTOGS YON TAN BANG MDZOD RAB RGYAS SHING, ,BSHAD SGRUB BSTAN PA'I RGYAL MTSAN MNGON MTHO BA, ,BSHES GNYEN DAM PA GANG DER MCHID 'DI GSOL, ,MTHA' YAS GDUL BYA'I ROL MTSO 'KHYIL BA'I DBUS, ,NYID SKU MCHI MED RI BO LTAR BRTAN CING, ,PHRIN LAS RNAM BZHI'I BANG RIM GYIS MDZES LA, ,THUB BSTAN GLING BZHI'I RGYAN DU GYUR PA'I NGOS, ,PHYOGS 'DIR 'DUS PA STONG PHRAG DU MA LA, ,JA DKAR MCHOD YON DAR 'GYED DANG BCAS PA, ,NGED LA'ANG CHAB SHOG DON BZANG 'DAB PHRENG CAN, ,YID 'PHROG TSIG SBYOR SBRANG RTZI'I BCUD CHAGS PA, ,DNGUL DKAR LAS GRUB RIGS LNGA'I COD PAN DANG, ,RIGS GSUM MGON PO'I SKU YI MDANGS 'PHROG CING, ,RDO RJE GSUM MTSON GOS YUG BZANG PO GSUM, ,DING PHON YUG DANG RTEN KHEBS GAN DKAR DANG, ,GOS CHEN GSER MA DRE'U BZANG POR BCAS, ,GNANG BAS YID LA GDUNG BA'I MUN PA BSAL, ,SPRO DGA'I SNANG BA RGYA CHEN THOB PAR GYUR, ,'DI NA'ANG LUS PO DAD 'BUL GOS KYIS G-YOGS, ,PHO BA DAD ZAS

, ,KYIS BKANG SNYOM LAS KYIS, ,DUS 'DA' DA LTA SHI NA TZUG BYED SNYAM, ,SNYING LA SKRAG CING GZHAN PHAN SPYOD PAR RLOM, ,LUS SEMS NAM MKHA'I GLOG PHRENG LTAR G-YO YANG, ,BSTAN LA PHAN PHYIR YUN DU GNAS BYOS ZHES, ,BKA' STZAL SEMS KYI KHUR DU RAB LCI ZHING, ,GZHI MED SNYAN GRAGS BRAG CA'I SGRA TZAM LAS, ,GZHAN PHAN LAS LA SBYOR BA'I MTHU DMAN YANG, ,JI LTAR THUGS LA BZHED PA'I SMON LAM RNAMS, ,TSUL KHRIMS LDAN PAS SMON PA 'GRUB PA DANG, ,KHRIMS LDAN DGE 'DUN 'DU BA CHEN PO'I TSE, ,SANGS RGYAS SPRUL PA GNAS BRTAN BCU DRUG KYANG, ,'BYON PAR ZHAL BZHES 'BYON PAR NGES SNYAM NAS, ,BDEN TSIG SMON LAM 'DUS PA'I DBUS SU BSGRAGS, ,JO BO YAB SRAS DNGOS DANG KHYAD MED PA'I, ,GSUNG NGAG DRI MED GLEGS BAM RIN PO CHE'I, ,GNAD KUN BSDUS PA'I SMON LAM 'DI DAG KYANG, ,NYID KYI THUGS DAM SPEL PHYIR LEGS 'BUL ZHING, ,PADMA R'A GA'I MDANGS CHAGS SRAB CHEN GYI, ,BLA GOS RGYA YIS MDZES PA SKYES SU 'BUL, ,BZHED DON 'GRUB PA'I SMON LAM RGYUN DU BGYID, ,KUN LDAN LO YI SA GA ZLA BA LA, ,'BRAS SPUNGS ZHES GRAGS CHOS GRVA CHE NAS ZHUS, ,ZHES MDO SMAD AA GRO BLA MA LA GNANG BA'O,, ,, ` RMAD BYUNG RNAM DPYOD RTA LJANG GIS DRANGS TE, ,MTHA' MED SHES BYA'I GO 'BYED YANGS PA'I NGOS, ,RIG GNAS LNGA YI 'OD STONG DRA BA CAN, ,SNANG BA'I DBANG PHYUG GANG DE RING DU RGYAL, ,MKHYEN PA'I DKYIL 'KHOR CHA SHAS YONGS GANG BA'I, ,BDUD RTZI'I SPU LONG BRGYA PHRAG REG PA LAS, ,THUB BSTAN CHU SRIN 'BYUNG GNAS RLABS 'PHYUR BA,,

KHOR YUG SA 'DZIN DAG GIS BSTEN PA BZHIN, ,RING NAS STONG PHRAG NYI 'OD 'THUNGS PA YI, ,RAB SMIN CHU SKYES ZE'U 'BRU DGOD PA LA, ,DON GNYER RKANG DRUG LDAN PA'I TSOGS RNAMS KYIS, ,'PHUR LDING ZLOS GAR ROL BA DE RMAD DO, ,'DI NA SH'AKYA MU NE'I ZHABS SEN GYI, ,MANDHA RA 'THOR NOR 'DZIN LA BRTEN PA'I, ,PHUN TSOGS CHOS GRVA'I SKYED TSAL CHE RNAMS KYANG, ,'KHOR LO GSUM GYI ROL PAS RNAM PAR RTZEN, ,BSOD NAMS BRGYA PA'I MIG 'PHRUL GSER 'OD KYI, ,MYU GU BKRAM PA RGYAL BA'I SKU BRNYAN DAG ,SGRUB PA'I MTHUN RKYEN SLAD DU ZHUGS 'DI RNAMS, ,RMAD BYUNG DGONGS PA'I RGYA MTSOR 'TSO BAR MDZOD, ,'JAM MNYEN 'DAB MA BSKYOD PA'I 'PHUR LDING MKHAN, ,ZHU 'PHRIN NE TZO'I NA CHUNG SMRA MKHAS MA, ,'BRAS SPUNGS S'A LA'I RKANG 'THUNG 'KHRIGS PA NAS, ,BYAMS GLING MA LA YA YI NGOGS SU SONG, ,NAG PA CAN GYI PHYOGS GNYIS PA'I, ,RDZOGS LDAN MING GIS MTSAN PA'I TSES, ,SENG GE'I DUS SBYOR SHAR BA NA, ,PHUL BAS DGE LEGS RNAM PAR 'PHEL, ,ZHES PA GLO BO BYAMS GLING GI GDAN SA PA LA GNANG BA'O,, ,, ` GLO GROS DKYIL 'KHOR LEGS BSHAD 'OD STONG CAN, ,BLO GSAL GDUL BYA'I RE BA SKONG MDZAD PA, ,BLO BRTAN RGYAL BA'I SRAS PO GANG DE LA, ,BLO SEMS DANG BA'I YID KYIS MCHID 'DI GSOL, ,DENG DUS NYER 'TSE'I RNYOG PA DANG BRAL ZHING, ,PHUN TSOGS ROL PA'I MTSO CHEN YONGS GANG BA, ,GZHAN PHAN PADMO'I DRA BAS KHEBS PA NI, ,GDUL BYA RKANG DRUG LDAN PA'I NYER 'TSO LAGS, ,'DI NA'ANG NAD DANG 'CHI BAS MA BCOM ZHING, ,SNYOM LAS NGANG NAS BSTAN DANG 'GRO BA LA,,

, ,PHAN PA'I LHAG BSAM CHUNG DE SPYOD CING MCHIS, ,CHOS 'KHOR RGYAL ZHES BYA BA'I GTZUG LAG KHANG, ,MDZES BYED RGYAL BA'I SKU GZUGS BZHENG BA LA, ,JI LTAR 'OS PA'I MTHUN RKYEN SGRUB PA'I THABS, ,THABS MKHAS BSHES GNYEN DAM PAS MDZAD DU GSOL, ,ZHIB PA'I GNAS TSUL NGAG GI LAM NAS GSAL, ,'JAM MNYEN DAR GYI SKYES DANG LHAN CIG PAR, ,DPAL LDAN 'BRAS SPUNGS CHOS KYI GRVA NAS PHUL, ,ZHES PA DGE BA'I BSHEN GNYEN DBYIG GNYEN PA LA MNGA' RIS SU GNANG BA'O,, ,, ` THUB BSTAN RIN CEN RDUL MANG BRTZEGS PA'I RTZER, ,DPAL LDAN BSHES GNYEN LHA YI DBANG PO NI, ,CHOS KYI BLO GROS SPYAN STONG GSAL BA CAN, ,DA DUNG YUN RING BAR DU ZHABS BRTAN CIG ,GANG GI TSIG DON PHUN TSOGS CHAB SHOG NI, ,KUN GSAL BU MO'I MDANGS 'PHROG GOS YUG GI ,SKYES DANG BCAS PA PHYOGS 'DIR BSTZAL BA LAS, ,BSAM GTAN DANG PO'I GNAS LA REG BZHIN GYUR, ,GANG SKU SA LA'I LJON PAR RAB BRTAN PA'I, ,YAL 'DAB PHYOGS KUN KHYAB PA'I GRIB BSIL LA, ,PHYOGS DE'I SKYE RGU BGRANG YAS NGAL GSO ZHES, ,SNYAN PA BUNG BA'I DBYANGS KYIS RNA BAR SON, ,'DI NA'ANG GNAS SKABS LNGA PAR MA GYUR CING, ,YUL DBUS DAG DANG MTHA' 'KHOB LA BRTEN PA'I, ,'DUS PA'I SDE RNAMS LEGS PAR SKYONG BA SOGS, ,BSTAN DANG 'GRO LA GANG PHAN BGYID PAR BRTZON, ,RGYA CHEN MDO DANG SNGAGS KYI GSUNG RAB LA, ,LEGS PAR SBYANGS PA'I BSHES GNYEN DAM PA KHYED, ,DE DON GDAMS PAR SHAR BA'I NYAMS LEN LA, ,GCIG TU GZHOL BAS DAL 'BYOR DON LDAN MDZOD, ,SHAR

PHYOGS RGYA NAG CHA SHAS DANG 'BREL BA'I, ,'DZIN MA'I KHYON RNAMS LA GNAS 'GRO BA DANG, ,RGYAL BA'I BSTAN PA 'DZIN SKYONG SPEL BA LA, ,SNGAR BZHIN NAM YANG G-YEL BA MED PA 'TSAL, ,RANG GIS CUNG ZAD GYON PA'I PAn ZHVA ZHIG ,RGYA YI LANG TSO GSAL BA SKYES SU 'BUL, ,KUN LDAN LO YI SA GA ZLA BA YI, ,RGYAL BA DANG PO'I TSES LA DGE BAR ZHUS, ,ZHES PA MDO SMAD DU YOL PA RAB 'BYAMS PA LA GNANG BA'O,, ,, ` ZAB YANGS GZHUNG BRGYA'I MKHA' LA THOGS MED PA'I, ,BLO GROS DKYIL 'KHOR LEGS BSHAD 'OD STONG CAN, ,THUB BSTAN PAD TSAL RGYAS PA'I GNYEN GCIG PU, ,BSTAN PA'I NYI MA RING DU ZHABS BRTAN CIG ,DENG SANG NAG PHYOGS NYER 'TSE LAS RGYAL ZHING, ,PHUN TSOGS MDZAD PA'I GRU CHAR LEGS PHAB STE, ,SKYE RGU PHAN BDE'I LO TOG RGYAS PA DANG, ,SKAL BZANG RE BA'I MTSO CHEN YONGS GANG BA'I, ,SNYAN PA SPRIN GYI RNGA SGRA DUS KUN TU, ,THOS TSE DGA' BAS MYOS PA'I RMA BYA DAG ,SPRO DGA'I GTZUG PHUD BTEG STE GAR BYED DO, ,'DI NA'ANG SNYOM LAS NGANG NAS THUB BSTAN LA, ,RI MOR BGYI BA'I BSAM PA MA DOR ZHING, ,RGYAL BA'I RTEN BZHENG SOGS LA BRTZON PAR GNAS, ,SKABS KYI ZHU DON 'BUL DPON DPON SLOB LA, ,PHA MA BU LTAR BDAG RKYEN LEGS MDZAD DE, ,RTEN GYI RGYU SOGS GANG 'OS MTHUN PA'I RKYEN, ,LEGS PAR STZOL ZHES BKA' BZHES BZANG PO DAG ,GANG MDZAD DE NYID BKA' BCU RNAM GNYIS LA, ,'PHRAL DU STZOL BA'I BKA' DRIN MDZAD PA'I RIGS, ,ZHU MCHID SKYES SU DRI BZANG THUM BU 'BUL, ,CHO 'PHRUL CHEN PO'I DGA' BA DANG PO LA, ,DPAL LDAN 'BRAS SPUNGS

, ,CHOS KYI SDE NAS PHUL, ,ZHES PA 'DI KHAMS SU BLA MA BSTAN NYI BA LA GNANG BA'O,, ,, ` MTHON PO'I RIGS 'KHRUNGS MCHOG TU BLO GSAL ZHING, ,YON TAN DU MA'I RGYAN GYIS MDZES PA KHYOD, ,BSHUL RING LAM DU NYE ZHO MA MCHIS PAR, ,PHYOGS 'DIR DAR YUG GAN SPOS SKYES DANG BCAS, ,GSUNG BRIS 'BYOR BAS SEMS LA LHAG PAR SPRO, ,'DI NA'ANG NAD MED BSHAD SGRUB 'PHEL BAR GNAS, ,SLAD MA'ANG YON TAN KUN GYI GZHI RTEN MCHOG ,TSUL KHRIMS MIG 'BRAS LTA BUR GCES PAR SRUNG, ,SKYABS GSUM BLA MA 'BRAL MED SPYI BOR SGOMS, ,GDUNG SHUGS DRAG POS YANG YANG GSOL BA THOB, ,DRAN DANG SHES BZHIN BAG YOD LEGS GOMS PAS, ,SGO GSUM NYES PA'I LAM DU MA SONG BAR, ,CHOS DANG MTHUN PA'I DAL 'BYOR DON LDAN MDZOD, ,BZHED DON 'GRUB PA'I SMON LAM RGYUN DU BGYID, ,GSAR DU BYON PA'I DBON PO RNAMS LA YANG, ,LUGS GNYIS SGO NAS BDAG RKYEN BGYID PA YOD, ,ZHIB PA'I GNAS TSUL NGAG GI LAM NAS GSAL, ,SNGAGS KYIS BTAB PA'I GU GUL SKYES SU MTSON, ,CHU MO SBRUL LO SA GA ZLA BA YI, ,DUS CHEN TSES LA 'BRAS SPUNGS SDE NAS ZHUS, ,ZHES PA YANG KHAMS SU GNANG BA'O,, ,, ` BLO GROS YAR NGO'I ZLA SHEL LTAR 'PHEL BA'I, ,THUB PA'I BRTUL ZHUGS SPYOD PA'I DGE SLONG GI ,GSUNG BRIS 'JA' TSON LTA BUR CHES BKRA BA'I, ,DAR YUG RNAM GRANGS SKYES BCAS PHYOGS 'DIR SON, ,KHYED NYID SNGON CHAD NGED DANG MA MJAL YANG, ,MI PHYED DAD PA BRTAN PA SHIN TU LEGS, ,TSE RABS PHYI MAR DPON SLOB MJAL NAS KYANG, ,THEG MCHOG

CHOS KYI DGA' BAS ROL BAR SMON, ,DRAN PA YIS KYANG SRID ZHI'I 'JIGS 'PHROG PA'I, ,JO BO YAB SRAS RJE BTZUN TZONG KHA PA, ,BSLU MED DKON COG GSUM DANG BCAS PA LA,, SNYING NAS BLO GTAD GSOL BA 'DEBS PAR MDZOD, ,YID BZHIN NOR LTAR RNYED DKA' DON CHE BA'I, ,DAL BA'I RTEN 'DI BSLAB GSUM NYAMS LEN GYIS, ,NYIN RE ZHING YANG SNYING PO LEGS BLANGS NAS, ,GTAN GYI MDUN MA'I RTZA BA TSUGS PAR MDZOD, ,SNGAGS GUL PHYAG MDUD ZUNG 'BREL SKYES SU MTSON, ,CHU SBRUL SA GA ZLA BA'I BCO LNGA YI, ,DUS TSES NYID LA 'BRAS SPUNGS SDE NAS DGE ,ZHES PA 'DI YANG KHAMS SU GNANG BA'O,, ,, ` CHOS RJE MKHAN CHEN PA'I DRUNG DU ZHU BA, PHYAG RTAGS BUR SHING GI SNYING PO RAS DKAR YUG SOGS KYI RTEN DANG BCAS PA PHEBS, ,DENG SANG SKU LUS MCHOG TU SNYOMS SHING RGYAL SRAS KYI SPYOD PA RLABS PO CHE'I MDZAD PA'I GAR GYIS RNAM PAR ROL BA'I SNYAN PA RNA BA'I BCUD LEN DU LAN CIG MA YIN PAR THOS PAS SPRO BA LHAG PAR 'PHEL, NGED KYANG SNYOM LAS KYI NGANG NAS MKHAR LAS BZHIN CI 'GRUB LTA BA'I SKABS NA YOD LAGS, MTSAMS ZHU, DA LAN SKOR CIG PHEBS PA'I ZHAL TA BYUNG BAS SGUG SDOD DU YOD LAGS NA'ANG, GTZANG PO CHE DUS SOGS KYI DGAG BYA LA BRTEN SBYIN BDAG BU SLOB RNAMS KYIS BSHOL BAR 'DUG PA RTING SOR MJAL BA'I SMON LAM GNANG BAS 'THUS PAR 'DUG LAGS, GDAMS PA DGOS TSUL PHEBS PA MDO TZAM ZHIG TSIGS SU BCAD DE PHUL BA NI, LEGS TSOGS DNGOS GRUB KUN GYI 'BYUNG GNAS NI, ,MTSAN NYID KUN LDAN THEG MCHOG BSHES GNYEN TE, ,RAB 'BYAMS

, ,RGYAL BA'I NGO BOR YID CHES NAS, ,SNYING NAS BLO GTAD GSOL BA 'DEBS PAR MDZOD, ,THOG MED DUS NAS NGAN 'GRO'I 'PHRANG RING BRGYUD, ,DA LAN GCIG PU DAL 'BYOR THOB DUS 'DIR, ,DON MED G-YENG BAS KHYER BA NGO RE TSA, ,DA NI NGES PAR SNYING PO BLANG BAR MDZOD, ,DAL 'BYOR RTEN THOB RGYAL BA'I BSTAN DANG MJAL, ,NGES PAR 'CHI ZHING NAM MCHI'I NGES PA MED, ,GLOG PHRENG LTA BUR SKAD CIG GIS 'JIG CING, ,LANG TSO 'JA' TSON BZHIN DU MYUR DU YAL, ,TSE 'DI'I PHUN TSOGS STON KA'I SPRIN LTAR G-YO, ,'CHI TSE CHOS MIN GZHAN GYIS MI PHAN PAR, ,MTHONG BZHIN TSE 'DI'I CHOS BRGYAD LHUR LEN NA, ,DE LAS SNYING RUL GYUR PA SU ZHIG YOD, ,SHI NAS GAR SKYE RANG DBANG MA MCHIS SHING, ,BDAG CAG BAG MED MI DGE'I GZHAN DBANG GIS, ,KYE MA NGAN 'GRO'I G-YANG DU LHUNG GYUR NA, ,JI LTAR BZOD CES SNYING NAS BSAM PAR RIGS, ,MNGON MTHO NGES LEGS KUN LA MI BSLU ZHING, ,'KHOR BA NGAN 'GRO'I 'JIGS LAS SKYOB BYED PA'I, ,SKYABS GNAS DKON COG GSUM LA BLO GTAD NAS, ,SDIG SPONG DGE BA SGRUB LA BRTZON PAR 'TSAL, ,KHAMS GSUM 'KHOR BA'I KHRON PA GTING MED PAR, ,ZO CHUN BZHIN DU DBANG MED DU 'PHYAN ZHING, ,SDUG BSNGAL RANG BZHIN NYID LAS MA 'DAS PAR, ,MTHONG BA'I SKYO SHAS THAR 'DOD DRAG PO BSTEN, ,MU MED ZHING NA GRANGS MED SEMS CAN RNAMS, ,BZOD DKA'I SDUG BSNGAL BRGYA YIS MNAR BA LA, ,SNYING NAS PHA MAR SHES PA'I SNYING RJE YIS, ,KUN GYI SDUG BSNGAL RANG GIS LEN PA DANG, ,BDAG GI BDE DGE MA

LUS GZHAN LA BTANG, ,MU MED 'KHOR BAR 'KHYAMS PA'I DRIN CAN RNAMS, ,BLA MED BDE LA BDAG GIS DGOD BYA ZHES, ,SEMS NI BYANG CHUB DAM PAR BSKYED BYAS NAS, ,PHYIN DRUG SPYOD PAS NYIN MTSAN 'DA' BAR BYA, ,'KHOR 'DAS CHOS KUN BRTEN NAS BTAGS TZAM LAS, ,YUL GYI STENG NAS GRUB PA MA MCHIS SHING, ,MING TZAM NYID LA LAS 'BRAS MI BSLU BA'I, ,SNANG STONG ZUNG DU 'JUG PA'I NYAMS LEN BYA, ,GRANGS MED GSUM GYI DUS RING MA BRTEN PAR, ,TSE GCIG NYID LA SANGS RGYAS 'THOB PA NI, ,BLA MED RDO RJE'I THEG PA KHO NA STE, ,SKAL BZANG TSOGS RNAMS LAM DER 'JUG PAR RIGS, ,RNAM DAG DBANG BZHI'I CHU BOS SGRIB GNYIS KYI, ,DRI MA KUN BKRUS SKU BZHI'I SA BON BZHAG ,DAM TSIG SDOM PA TSUL BZHIN BSRUNGS PA LAS,, ZAB MO'I LAM BZANG SKYE BA'I SNOD DU BSGRUB, ,MA DAG SKYE SHI BAR DO'I SNANG ZHEN 'DI, ,YID NGOR SBYANGS NAS SKU GSUM LAM 'KHYER BA'I, ,SBYANG GZHI SBYONG BYED TSANG BA'I BSKYED RIM GYIS, ,RDZOGS RIM RTOGS PA 'DREN PA'I RGYUD SMIN BYAS, ,ZLA NYI'I LAM NAS DKYIL 'KHOR BCU YI RLUNG, ,SGRA GCAN LAM DU 'GOG PA'I THABS MKHAS KYIS, ,'OD GSAL PHYAG RGYA CHEN PO MTSON BYA ZHING, ,LHAN SKYES BDE CHEN NGANG DU GNAS PAR BYA, ,'CHI RIM JI LTA'I LAM GYI 'OD GSAL LAS, ,SPRIN RUM NAS 'THON GLOG GI ZLOS GAR BZHIN, ,SGYU 'PHRUL DRA BA'I SKU RU YONGS RDZOGS PAS, ,MA DAG SKYE 'CHI'I 'PHRANG LAS GROL BAR 'GYUR, ,DON GYI LHAN CIG SKYES PA'I YE SHES KYIS, ,NYON MONGS DRI MA'I SA BON KUN SPANGS SHING, ,ZUNG 'JUG RDO RJE'I SKU BRNYES

, ,GNYIS SNANG GI ,'KHRUL PA KUN SBYANGS YAN LAG BDUN LDAN SKU, ,MKHA' KHYAB GRANGS MED SPRUL PA'I SPRIN 'PHRO BAS, ,NAM MKHA' JI SRID 'GRO BA SGROL BAR MDZOD, ,RANG NYID GAR 'GRO GTOL MED GZHAN DAG LA, ,LAM RGYUS STON PA SHIN TU MI RIGS KYANG, ,KHYED GSUNG BCAG PAR DKA' BAS MDO SNGAGS KYI, ,LAM GYI GNAD KUN NYUNG NGU'I TSIG GIS BSHAD, ,RO BCUD PHUN TSOGS LO MA'I PHUR MA DANG, ,DBANG PO'I GZHU LTAR BKRA BA'I DAR DANG BCAS, ,GRO ZHUN CAN GYI MAR NGO'I PHYOGS KYI NI, ,DGA' BA GSUM PA'I TSE LA DGE LEGS 'PHEL, ,ZHES PA GRU MDA' MKHAN CHEN PA LA GNANG BA'O,, ,, ` LHUN GRUB CHOS SKU'I NAM MKHA' YANGS PA LA, ,GRANGS MED GZUGS SKU'I CHU 'DZIN RAB 'KHRIGS TE, ,DNGOS GRUB BDUD RTZI'I GRU CHAR 'BEBS MKHAS PA, ,SRAS BCAS RGYAL BAS KHYED LA DGE LEGS STZOL, ,DENG SANGS DE PHYOGS NA 'KHOR BCAS NYER 'TSE'I CHU 'DZIN GYIS MI SGRIB CING, ,DKAR PHYOGS KYI MDZAD PA BDUD RTZI'I ZER KUN TU 'PHRO BAS 'KHOR BA MUN PA'I SMAG RUM BCOM STE, GNAS SKABS DANG MTHAR THUG GI PHAN BDE'I KU MUD RGYAS PAR MDZAD PA'I NGANG DU BZHUGS LAGS SAM, 'DI PHYOGS NA'ANG NAD 'TSE MED CING, BSTAN PA DANG SEMS CAN LA GANG PHAN BGYI BA'I SKABS NA YOD LAGS, SKABS KYI ZHU BA, CHOS 'KHOR RGYAL GYI GTZUG LAG KHANG DU RJE BTZUN GYI SKU TSAD CUNG CHE BA ZHIG BZHENG 'DOD YIN PA NAS MNGA' RIS PHYOGS SU GROGS MCHED 'BUL SDUD LA BRDZANGS PA, RANG GZHAN GYI BSOD NAMS RGYA CHER SPEL BA'I SLAD DU SKU RGYU LA PHAN PA'I ZANGS GSER

'BUL BA BDAG RKYEN MTHIL PHYIN PA, YAR PHYIR LAM LA SGROL 'DON SOGS GANG SA NAS THUGS KHUR BZHES PA ZHU, 'DI PHYI'I BZHED DON 'GRUB PA'I SMON LAM RGYUN LDAN BGYID LAGS, DAD PA 'DZIN MA'I KHYON LAS LHAG PAR BRTAN, ,'BYOR PA CHU YI GTER BZHIN PHA MTHA' YAS, ,GTONG BA DPAG BSAM SHING LTAR 'DOD PA 'JO, ,DUS KYI MGON MED ZAS SBYIN SRAS MO NI, ,MA GA DHA BZANG SLAR YANG 'ONGS PA LTA'I, ,YUM SRAS DGE LA LHAG PAR THUGS GZHOL BAS, ,KHYED KYIS DENG 'DIR RE BA 'BRAS LDAN MDZOD, ,CES PA GLO BO DPON MO PADMA BZANG MO LA GNANG BA'O,, ,, ` LEGS SPYAD BDUD RTZI'I CHU GTER BSRUBS PA LAS, ,NGAL DUB MED PAR BSKRUN PA'I DPAL MO NI, ,BU RAM SHING PA'I 'KHOR LO'I LAG 'DZIN PA, ,GANG GI DRUNG DU RING NAS 'DI SKAD ZHU, ,SPRIN BRAL MDZES SKU YID 'ONG ZLA SHEL NI, ,PHUN TSOGS MDZAD PA'I 'OD DKAR KHOR YUG CAN, ,SNYAN GRAGS BDUD RTZI'I SPU LONG NOR LDAN MA, ,GOS DKAR DU GU LA YIS KHEBS LAGS GRANG, ,'DI NA'ANG SNYING GI ME LONG DVANGS PAR NI,, RAB SHAR THUB BSTAN GZUGS BRNYAN LA CHAGS TE, ,LUNG RIGS SMRA BA 'DUS PA'I SDE DANG BCAS, ,GYI NA'I BSHAD SGRUB BYA BAS 'TSO ZHING MCHIS, ,YAB RJE CHOS RGYAL GONG MA DE DAG GI ,GDUNG RABS 'DZIN BYED BKA' GDAMS BSTAN PA'I SROL,, LHA CHOS BDUN DANG LDAN PA PHYOGS KUN TU, ,RGYAS PA'I BDAG RKYEN G-YEL BA MED PAR MDZOD, ,CHOS 'KHOR RGYAL ZHES BYA BA'I GTZUG LAG KHANG, ,RIS MED SKYE BO'I TSOGS KYI 'JIGS SKYOB TU, ,RTEN BZHENG MTHUN RKYEN SGRUB BYED 'DI DAG LA, ,G-YEL

, ,MED THUGS RJE'I SPYAN RAS G-YO BAR MDZOD, ,GANG GI SKU TSE CHAB SRID LUGS GNYIS KYI, ,PHUN TSOGS YAR GYI NGO BZHIN 'PHEL BAR SMON, ,LHA RDZAS 'JAM MNYEN RGYAS PA'I DBYIBS 'CHANG BA, ,SPYAN ZUR AUTPAL DAG DANG 'GROGS PHYIR DBUL, ,ZHES PA MNGA' RIS RDZONG DKAR DPON MO DKON COG BZANG MO LA GNANG BA'O,, ,, ` YID KYI MKHA' LA 'CHAR BA'I NYI 'OD BZHIN, ,RAB DMAR MTSAN DPE'I 'OD RIS G-YO BA CAN, ,TSE DPAG MED MGON RGYAL BA'I DBANG PO DES, ,KHYED LA DGE LEGS G-YO BA MED GYUR CIG ,MTHON PO'I RIGS KYI SKYED TSAL LAS 'KHRUNGS PA'I, ,DAD PA'I RTZA BA RAB BRTAN MKHYEN RAB KYI, ,'DAB PHRENG GO 'PHANG MTHON PO'I RTZER SON PA,, LHA SRAS DPAG BSAM RKANG 'THUNG GANG DE RGYAL, ,RANG BYUNG LHAN CIG SKYES PA'I NYI 'OD KYIS, ,ZUNG 'JUG GO 'PHANG MTHON PO LA REG PA'I, ,GRUB RIGS LHA MI'I DBANG PHYUG GANG DE'I DRUNG, ,PHUL BYUNG RNAM DPYOD LANG TSO RAB RGYAS SHING, ,RNAM MANG YON TAN RIN CEN RGYAN PHRENG 'DZIN, ,LHAG BSAM 'DZUM DKAR GTONG BA'I SPYAN YANGS PA, ,RI SRAS KHENGS PA THUNG NGUR BYED PA BZHIN, ,BDAG KYANG PHUNG PO'I TSOGS PA MA GYES SHING, ,RNAM MANG SKYE BO'I RE 'DOD BSKANG BA'I SLAD, ,SHAR PHYOGS KONG YUL ZHES GRAGS LJON SHING GI ,DO RA 'KHRIGS PA'I PHYOGS SU 'JUG PAR BRTZON, ,SKU TSE'I RGYAL MTSAN RAB TU BRTAN PA DANG, ,MNGA' 'BANGS DBYAR GYI MTSO LTAR GANG BA DANG, ,MDZAD PA YAR NGO'I ZLA SHEL LTAR RGYAS PA'I, ,NGANG NAS MYUR DU MJAL BAR SMON PA LAGS, ,THA SKAR CAN GYI YAR GYI NGO, ,RGYAL

BA GSUM PA SHAR BA NA, ,'OL KHA STAG RTZE'I KHANG BZANG NAS, ,PHUL BA'I ZHU YIG DGE LEGS 'PHEL, ,ZHES PA 'DI 'BRI GUNG BYANG SEMS MA LA GNANG BA'O,, ,, ` DREGS LDAN MTHO RIS DPAL MO'I TSOGS RNAMS KYANG, ,GANG DU ZUR PHUD DUD PAS PHYAG BYA'I GNAS, ,YON TAN DPAG YAS RGYAN GYI 'JO SGEG CAN, ,NOR 'DZIN SKYONG MDZAD DRUNG DU MCHID 'DI ZHU, ,MKHYEN YANGS SUM RTZEN SKYED TSAL LAS 'ONGS PA'I, ,CHAB SHOG MAN DHA RA YI PHRENG RGYAS SHING, ,SKYES BZANG 'CHAR KHA'I 'OD DMAR GYIS KLUBS PA, ,RAB DGA'I BDUD RTZI BZHIN DU PHYOGS 'DIR 'ONGS, ,GANG SKU 'CHI MED RI BO'I DPAL 'PHROG CING, ,MNGA' 'BANGS DBUGS 'BYIN SNYAN ZHING 'JIBS PA'I GSUNG, ,LUGS GNYIS JI BZHIN GSAL BA'I THUGS DVANGS PA, ,ZAB RGYAS TING 'DZIN NGANG DU SPYOD CES THOS, ,SO GA DBYAR SKYES GSAR PA'I PHRENG BA NI, ,SNYAN PA'I 'BRUG SGRA DAL GYIS DGOD PA NA, ,GNAS DER DANG BA LHUR LEN SPRIN GYI GROGS, ,GTZUG PHUD MNGON PAR BTEG STE GAR BYED DO, ,'JIG RTEN DBANG POS SGYU MA BKOD PA'I GNAS, ,SH'AKYA'I RGYAL PO'I ZHABS SEN 'OD CHAGS PA, ,NOR 'DZIN LA BRTEN 'DUS PA'I SDE RNAMS KYANG, ,'KHOR LO GSUM GYI ROL PAS BRTZON PA LAGS, ,MKHYEN YANGS KUN KHYAB GNAS LA 'GRAN PA CAN, ,BSTAN DANG BSTAN 'DZIN GNAS LA GUS PA KHYED, ,RIS MED BSTAN LA SRI ZHU LHUR LEN MDZOD, ,RIN CEN RDUL BRTZEGS MKHAR NYAL GRONG KHYER BCAS, ,DBYIG GI BLO GROS MA 'DIR RAB GNAS PA, ,DE SRID YUM SRAS SKU TSE RTAG CING BRTAN, ,CHAB SRID RDZOGS LDAN BZHIN DU

, ,RGYAS PAR SMON, ,RO MNGAR PHUN TSOGS LO MA'I PHUR MA 'DI, ,ZHU MCHID SPYAN ZUR REG PA'I SKYES SU 'BUL, ,SBRANG RTZI 'DZIN PA'I ZLA BA'I PHYOGS GNYIS PA'I, ,BZANG PO DANG PO'I TSES LA PHUL ZHU YIG ,CES PA YAR RGYAB DPON MO LA GNANG BA'O,, ,, ` LHAG BSAM 'DZUM DKAR STON PA'I BZHIN RAS CAN, ,GTONG BA'I SPYAN YANGS BDE SOGS GNYIS PA DE'I, ,BDUD RTZI'I PHUR MA DANG 'GROGS BKA' YIG GI ,DBUGS DBYUNG BLA NA MED PA THUGS RJES BZUNG, ,RANG 'DOD RNYED BKUR ZHAGS PAS YID DRANGS PAS, ,'KHOR BA'I SKYON GYI CHA SHAS KYIS REG NA'ANG, ,DKON COG THUGS RJE'I MTHU DPAL RMAD MNGA' BAS, ,NYAM NGA ZUG RNGU'I G-YANG SAR MA LHUNG TZAM, ,DA DUNG SRAS BCAS RGYAL BA'I BKA' DRIN LAS, ,LUS SEMS TSOGS PA BDE BAR GNAS PA DANG, ,DE YI RKYEN DU 'OS PA'I THABS RNAMS LA'ANG, ,BKA' BZHIN BRTZON PA LHOD PA MED PAR BGYI, ZHES 'PHRAL DU PHUL BA'I ZHU THO, ZHES PA 'DI 'OL KHA BA'I DPON MO LA GNANG BA'O,, ,, ` SNGON BSAGS LEGS SPYAD TSOGS KYIS MDZES PA'I SKU, ,MNGA' 'BANGS BYAMS PAS DBUGS 'BYIN MDZAD PA'I GSUNG, ,MI PHYED DAD PA'I NOR GYIS GANG BA'I THUGS, ,NOR 'DZIN SKYONG MDZAD DPAL MO GANG DE YIS, ,MTHU LDAN SRUNG MA MCHOD PA'I DAM RDZAS TSOGS, ,MTSAR BA'I ZAS DANG PHUN TSOGS 'TSO BA'I RKYEN, ,GSAR PA'I LO TOG PHUD BCAS CHAB SHOG NI, ,PHEBS PAS SNYING LA BDUD RTZIS BRAN PA THOB, ,DAD PA MCHOG DANG PHUL BYUNG SHES RAB KYIS, ,NYIN BZHIN KHYOD THUGS DGE LA GOMS PA NI, ,YAR NGO'I ZLA BA DBYAR

GYI NAGS TSAL LAS, ,LHAG PAR 'PHEL 'DI MCHOG TU NGO MTSAR LAGS, ,TSE 'DI'I PHUN TSOGS RMI LAM THUN GCIG BZHIN, ,SHIN TU YUN THUNG MNOG CHUNG SNYING PO MED, ,DE PHYIR GTAN GYI BTZAN SA BZUNG BA'I PHYIR, ,RTAG TU DGE BA'I LAM LA GUS PAR MDZOD, ,GTAN GYI SKYABS GYUR BLA MA DKON COG GSUM, ,SPYI BOR 'BRAL MED GDUNG BAS GSOL 'DEBS SHING, ,BDAG BDE GZHAN LA GTONG ZHING SEMS CAN GYI, ,SDUG BSNGAL THAMS CAD BDAG LA BLANG BAR BYA, ,PHYI NANG SNOD BCUD 'KHOR 'DAS THAMS CAD KYANG, ,YUL GYI STENG NA CUNG ZAD YOD MA YIN, ,DE LTAR RTOGS PA'I NGES PA SHUGS DRAG GIS, ,DON DAM NAM MKHA' LTA BU'I STONG NYID BSGOM, ,'ON KYANG RTOG PAS BTAGS TZAM 'BA' ZHIG LA, ,THA SNYAD LAS 'BRAS BSLU BA MED PA'I PHYIR, ,RMI LAM SGYU MA LTA BU'I DRAN 'DUN GYI, ,NGANG NAS DGE SDIG BLANG DOR TSUL BZHIN MDZOD, ,CES CHOS 'KHOR RGYAL NAS PHUL BA'I ZHU YIG CES PA YANG DE NYID LA GNANG BA'O,, ,, ` MI PHYED DAD PA'I SKYED TSAL LAS 'KHRUNGS SHING, ,PHUL BYUNG MKHYEN PA'I 'DAB PHRENG RAB TU RGYAS, ,GTONG BA'I ZE'U 'BRU DGOD PA'I 'DZUM DKAR CAN, ,MTHO RIS DPAL MO'I DRUNG DU 'DI SKAD ZHU, ,LUGS GNYIS PHUN TSOGS KUN GYI RTZA BA NI, ,SKU TSE'I 'DU BYED BRTAN LA RAG LAS PAS, ,MI DBANG YUM SRAS SKU TSE BRTAN PA'I PHYIR, ,RTAG TU DKAR PHYOGS DGE LA 'BAD PAR MDZOD, ,RNAM MANG RGYUD SDE KUN GYI YANG RTZE NI, ,BLA MED RGYUD YIN DE YI RGYAL PO NI, ,DPAL LDAN GSANG BA 'DUS LAS GZHAN NA GANG, ,GANG DE'I LAM LA BSKYED RDZOGS GNYIS SU 'DUS,,

, ,BSKYED RIM TSOGS ZHING SRUNG 'KHOR SNGON 'GRO BAS, ,KHAMS DRUG LDAN PA'I MI RNAMS PHUNG KHAMS SOGS, ,RIM GYIS THIM NAS 'CHI BA'I RIM PA DANG, ,MTHUN PAR LHAG MOS 'OD GSAL DU 'JUG PA'I, ,BAR 'DI 'CHI BA CHOS SKU'I RNAL 'BYOR RO, ,'CHI BA 'OD GSAL NYID LAS LUGS LDOG TU, ,DBANG PO KUN TSANG BAR DO'I LUS GRUB PA, ,DE DANG MTHUN PAR MNGON BYANG LNGA LAS NI, ,DANG PO'I MGON PO LEGS PAR SKYED PA'I TSUL, ,'DI NI BAR DO LONGS SKU'I RNAL 'BYOR RO,, BAR DO'I LUS DE MA YI MNGAL DU NI, ,ZHUGS BZHIN DANG PO'I MGON PO MI BSKYOD PA'I, ,SKU LA ZHUGS PAS RDO RJE SEMS GYUR PA, ,DE LA LUS DKYIL BKOD CING SGO GSUM DAG ,BYIN GYIS BRLABS SHING SEMS DPA' SUM BRTZEGS SU, ,BYAS NAS RIG MA'I 'DOD YON RNAM ROL BA'I, ,BAR 'DI SKYE BA SPRUL SKU'I RNAL 'BYOR RO, ,DE LTAR RIM PA DANG PO MTHAR PHYIN NAS, ,GSANG BA'I SNA RTZER AA WA DH'U T'I'I NANG, ,THIG LE SNGON POR RANG SEMS DBYER MED DU, ,BZUNG BAS MNYAM GZHAG DGA' BZHI'I TING 'DZIN DANG, ,RJES THOB RIGS BRGYA RIGS LNGA RIGS GSUM SOGS, ,BDE STONG DBYER MED LHA YI RNAM ROL BSGOM, ,DE NAS NGAG DBEN SEMS DBEN RIM PA DANG, ,KUN RDZOB SGYU MA DON DAM 'OD GSAL DANG, ,BDEN GNYIS DBYER MED ZUNG 'JUG NYAMS LEN BYA, ,DE LTAR NYUNG NGU'I TSIG GIS RIM GNYIS LAM, ,NYE BAR MTSON 'DI CHOS KYI SKYES SU 'BUL, ,NYI MA GTZANG GI RGYAL KHAMS MYUR BSKOR NAS, ,MJAL BA'I ZAB RGYAS GDAMS NGAG 'BUL BAR SMON, ,GNAS TSUL ZHIB

PAR NGAG NAS 'BUL BA LAGS, ,ZHES NYER GCIG LA PHUL BA'I ZHU YIG CES PA YANG DE NYID LA GNANG BA'O,, ,, ` GANG GI ZHABS SEN SNYING LA DRAN PAS KYANG, ,'CHI MED TSE DANG YE SHES MCHOG STZOL BA, ,TSE DPAG MED MGON DE YIS DUS KUN TU, ,YUN DU ZHABS BRTAN DGE LEGS MDZAD GYUR CIG ,CES PA DE NYID LA GNANG BA'I BKA' SHOG GI STOD KYI TSIGS BCAD DO,, ,, ` 'CHI BA MED BZHIN SKYE BA GRUB PA YI, ,SIL SIL PHRENG BAS GZHAN YID G-YO BA SRID, ,NYIN MO'I DBANG PHYUG 'OD ZER STONG LDAN YANG,, SA 'OG MUN PA'I TSOGS LA CI BYAR YOD, ,CES PA BKA' SHOG GI YIG CHUNG DU GNANG BA'O,, ,, ` PHUL BYUNG DAD PA ZLA SHEL LTAR DKAR ZHING, ,BSTAN DANG BSTAN 'DZIN GUS PAS MCHOD PA LA, ,SKYO SUN MED PAR SBYIN PA'I PHYAG RKYONG BA, ,KHYED LA SRAS BCAS RGYAL BAS DGE LEGS MDZOD, ,DENG SANG MI DBANG YUM SRAS DBYAR DUS KYI, ,NAGS TSAL BZHIN DU PHUN TSOGS YAL 'DAB RGYAS, ,LUGS GNYIS MDZAD PA'I GAR GYIS RNAM ROL BA'I, ,NGANG DU RTAG TU BDE BAR SPYOD LAGS SAM, ,BDAG KYANG DBYAR GYI PHUN TSOGS BKRA BA BZHIN, ,REG NA BDE BA'I SMAN GYI SPANG LJONGS NAS, ,LAS DBANG BZHIN DU BAS MTHA'I GNAS MAL DU, ,CHAR ZIM KHROD NA MKHAR LAS BGYID PAR BRTZON, ,LANG TSO DBANG PO'I GZHU LTAR YAL 'GYUR ZHING, ,TSE 'DI'I DPAL 'BYOR STON KA'I SPRIN LTAR G-YO, ,GLOG PHRENG LTAR G-YO'I SROG NI RNYED GYUR NAS, ,RTAG TU CHOS LA BLO GROS GZHOL BAR RIGS, ,BDAG PAS GZHAN GCES BYANG CHUB SEMS SGOM ZHING, ,SNANG STONG ZUNG 'JUG LTA BA'I NYAMS LEN DANG,,

, ,RIM GNYIS NYAMS LEN GNAD LA 'BAD PAR MDZOD, ,CES PA'I RTEN DU GSUNG RDO RJER BSKYED CING, YUN RING DU BSNGAGS BZLAS PA'I PHRENG BA, SKU MDUN NYID NAS GNANG NAS DA BAR BCANGS PA'I MA NA HO'I MDUD 'DZIN DANG BCAS RGYAS MTSAN PA LAGS, ZHES TSES BCO LNGA LA PHUL BA'I ZHU YIG CES PA YANG DE NYID LA GNANG BA'O,, ,, ` RDO RJE 'CHANG DBANG SPYAN SNGAR ZHAL BZHES BZHIN, ,DAM TSIG LDAN PA'I BAR CHAD KUN SEL ZHING, ,DNGOS GRUB GNYIS KYI CHAR CHEN 'BEBS MKHAS PA,, CHOS SKYONG SRUNG MAS KHYED LA DGE LEGS MDZOD, ,NOR 'DZIN GZHI LAS GSAR DU LEGS 'KHRUNGS PA'I, ,'BRAS BZANG TSOGS DANG ZHIM DGUR SBYAR BA'I ZAS, ,PHYAG RGYA'I LANG TSO GSAL BA CHAB SHOG BCAS, ,MTHU LDAN SRUNG MA MCHOD PA'I MDUN SAR PHEBS, ,GSAR DU 'ONGS PA'I BANG MDZOD LONGS SPYOD KYI, ,PHUD KYIS MCHOD NAS 'GAL RKYEN SEL BA DANG, ,MTHUN RKYEN YID BZHIN 'GRUB PA'I PHRIN LAS KYANG, ,CHE THANG DU BGYIS DA DUNG BGYID PA LAGS, ,ZHES 'PHRAL DU PHUL BA'I ZHU THO, LHAR BSKYED SNGAGS KYIS BYIN BRLABS PA'I, ,SRUNG MDUD ZHU THO'I SKYES SU 'BUL, ,ZHES PA YANG DE NYID LA GNANG BA'O,, ,, ` DPAL LDAN MTHO RIS MDZES MA'I COD PAN GYIS, ,DPAL LDAN 'DOD KHAMS DBANG PHYUG MCHOD PA'I RDZAS, ,DPAL 'BYOR 'DOD RGU'I GNAS DE DENG 'DIR NI, ,DPAL LDAN CHOS 'KHOR RGYAL DU STZAL BA LAS, ,NYID KYI SKU TSE RI DBANG LTAR BRTAN CING, ,CHAB SRID 'BYOR PA'I MTSO CHEN GANG BA DANG, ,SKU TSE 'DI PHYI'I BZHED DON KUN 'GRUB PA'I, ,PHUL BYUNG PHRIN LAS RGYUN

DU GSOL BAR BGYID, ,SNGA SOR PHYAG DAM SNUM DANG BCAS PA DANG, ,DE RJES MDOS GTOR GYI CHAS DANG BCAS PA, DA LAN YUNGS KAR RGOD SGRO ZHIB YAR SGOG SOGS DANG BCAS TE RIM PAR PHEBS PA BKA' DRIN GZHAL DKA' BAR GYUR LAGS, MDANG SUM GNYID KYIS LOG PA'I RMI LAM NA, ,DGRA DANG GNYEN SOGS YUL SNANG GANG SHAR YANG, ,SAD TSE GRUB PA RDUL TZAM MA MCHIS PA, ,CHOS RNAMS THAMS CAD DE BZHIN NYAMS SU LONG, ,SGYU MA MKHAN GYIS SNA TSOGS GRONG KHYER NI, ,SPRUL YANG 'KHRUL BA'I SNANG BA KHO NA TE, ,DON LA GRUB PA CUNG ZAD YOD MA YIN, ,SNA TSOGS CHOS KUN DE BZHIN SHES PAR MDZOD, ,'DI NA CHOS DANG GANG ZAG MA LUS PA, ,RANG GI RNAM RTOG KHO NAS BTAGS PA STE, ,YUL GYI STENG NA CUNG ZAD MA MCHIS PA'I, ,DBU MA'I LAM 'DI RTAG TU BSGOM PAR MDZOD, ,CES PA'I ZHU YIG RTEN DU MAR GSAR RGYA LDAN DU 'BUL, TSES GSUM LA PHUL BA'I ZHU THO ZHES PA YANG DE NYID LA GNANG BA'O,, ,, ` MI PHYED DAD PA'I SKYED TSAL DU BSKRUN PA'I, ,CHAB SHOG DPAG BSAM RKANG 'THUNG RO BCUD NI,, PHUN TSOGS SKYES KYI 'BRAS BUS DUD PA DAG ,PHYOGS 'DIR SPRO DGA' GZUGS CAN JI BZHIN 'ONGS, ,DNGOS GRUB RTZA BA BLA MA MCHOD PA RU, ,LEGS DGONGS DAM PA'I PHYAG BZHES MA NYAMS PAS, ,DE YI MTHU LAS RGYAL BA'I CHOS TSUL KUN, ,RGYAL BA'I DGONGS PA JI BZHIN 'DZIN NUS SHING, ,DGA' LDAN GNAS SU MI PHAM CHOS RJE'I DRUNG, ,RGYAL SRAS RNAM THAR 'DOD RGUR SPYOD GYUR CIG ,GNAS SKABS SU YANG SKU TSE CHAB SRID DANG, ,SNYAN GRAGS DPAL 'BYOR BZHED DON KUN 'GRUB SHOG ,RIN

, ,CEN SKYES BCAS RGYAL BA DANG PO LA, ,PHUL BA'I ZHU THO DGE LEGS 'PHEL GYUR CIG ,CES PA YANG DE NYID LA GNANG BA'O,, ,, ` SNGON BSAGS LEGS SPYAD SHAR RI'I RTZE LAS 'ONGS, ,PHUL BYUNG DAD PA'I RI BONG MTSAN MAS MDZES, ,LHAG BSAM GTONG BA YANGS PA'I 'ONGS DKAR CAN, ,NOR 'DZIN BDAG MO GANG GI BANG MDZOD NAS, ,DPAL LDAN 'DOD PA'I KHAMS KYI DBANG PHYUG MA, ,DGYES PA SKYED BYED SGRO LDAN ME LONG GIS, ,NYER MDZES MAR GAD MDOG CAN COD PAN CAN, ,RO BRGYA'I ZAS DANG YAR SGOG LO YI PHUD, ,PHYAG RGYA'I LANG TSO GSAR PA MA NYAMS PA, ,PHO NYA'I LAM LAS GNAS 'DIR 'ONGS PA NA, ,SNYING LA SPRO DGA'I BDUD RTZIS BRAN PA THOB, ,BZHED DON 'GRUB SLAD MCHOD GTOR 'BUL BA DANG, ,THUGS DAM SKONG ZHING PHRIN LAS RGYA CHER GSOL, ,'JIG RTEN PHUN TSOGS KUN LA DBANG MDZAD KYANG, ,GTAN GYI BTZAN SA RNYED PAR MA GYUR NA, ,DBANG MED NYID DU 'DOR BA MTHONG BA'I TSE, ,SKYE BO SU ZHIG CHOS LA GZHOL MI BGYID, ,SNYIGS DUS GLOG PHRENG G-YO BA LTA BU'I SROG ,YID BRTAN MI RUNG YUD TZAM SNANG BA LA, ,BSOD NAMS YE SHES TSOGS GNYIS GOMS MDZAD NAS, ,DAL BA'I RTEN THOB DON DANG LDAN PAR MDZOD, ,PHEBS 'OS KYANG RIM PAR ZHU LAGS, TSES GSUM LA PHUL BA'I ZHU YIG CES PA YANG DE NYID LA GNANG BA'O,, ,, ` BDE SOGS DANG MTSUNGS MTHO RIS DPAL MO YIS, ,GANG 'OS MTHUN RKYEN YONGS 'DU'I DPAG BSAM BZHIN, ,NAM YANG G-YEL BA MED PA'I PHRIN LAS KYI, ,BKA' DRIN 'KHOR BA MED DO THUGS RJES BZUNG, ,AE MA DAL BA'I

RTEN 'DI RNYED PAR DKA', ,LONG MED TSE 'DI RMI LAM GLOG LTA BU, ,ZIN MED 'JIG RTEN BYA BAS MI G-YENG BAR, ,DA LTA NYID NAS SNYING PO BLANG BAR MDZOD, ,'GRO DRUG DRIN CAN PHA MAR SHES PA'I BLOS, ,SHUGS DRAG BYAMS DANG SNYING RJE RTAG PAR YANG,, BDAG BDE GZHAN LA BTANG ZHING 'GRO KUN GYI, ,SDUG BSNGAL MA LUS BDAG GIS BLANG BAR BYA, ,SNANG SRID CHOS KUN SGYU MA RMI LAM BZHIN, ,SNANG YANG NGO BOS GRUB PA RDUL TZAM YANG, ,MED PA'I TSUL 'DI RTAG TU GOMS PAR MDZOD, ,ZHIB PAR ZHAG 'GYANGS MED PAR MJAL NAS 'BUL, ,TSES BRGYAD LA PHUL BA'I ZHU THO, ZHES PA YANG DE NYID LA GNANG BA'O,, ,, ` GANG GI DPAL GYIS PADMO'I GZHAL MED KHANG, ,KHENGS PA NYAMS BYAS MTHO RIS BROS PA BZHIN, ,RMUGS 'DZIN LA 'GRAN 'BYOR PA'I BANG MDZOD LAS, ,PHUN TSOGS 'DOD RGU'I DPAL DE DENG 'DIR THOB, ,DAL BA'I RTEN THOB RGYAL BA'I BSTAN DANG MJAL, ,THEG MCHOG BSHES GNYEN MGON DANG BCAS DUS 'DIR, ,RTAG TU SKU TSE DON DANG LDAN PA'I THABS, ,RNAM DKAR DGE LA GOMS PA LHUR LEN MDZOD, ,'KHOR BA'I GNAS 'DI GANG DU BLTAS GYUR KYANG, ,SKYE RGA NA 'CHI DAR RGUD 'GYUR LDOG GI ,RANG BZHIN SDUG BSNGAL PHUNG PO MA GTOGS PA, ,BDE BA'I GO SKABS CHA TZAM MA MCHIS LAGS, ,MTHON PO'I GO 'PHANG GNAS LA SPYOD NA YANG, ,GTAN GYI BTZAN SA ZIN PAR MA GYUR NA, ,TSE 'DI'I PHUN TSOGS 'BYOR KYANG NGES PAR 'DOR, ,'JA' TSON LEGS KYANG 'PHRAL DU YAL BA BZHIN, ,RTAG TU YAN LAG BRGYAD LDAN TSUL KHRIMS SRUNGS, ,PHUN TSOGS ZHING LA RGYA CHEN SBYIN PA

, ,GTONG, ,MNGA' 'BANGS KUN LA BU GCIG LTAR DGONGS PA'I, ,BSTAN DANG BSTAN 'DZIN ZHABS TOG LHUR LEN MDZOD, ,THEG CHEN LAM GYI 'JUG SGO BYANG CHUB SEMS, ,BDAG GZHAN BRJE BA'I TSUL LA BLO SBYONG ZHING, ,'KHOR 'DAS CHOS KUN SGYU MA RMI LAM LTAR, ,RANG BZHIN STONG PA NYID DU GOMS PAR MDZOD, ,CHOS RNAM THAMS CAD RNAM RTOG PIR GYIS NI, ,PHAR BTAGS 'BA' ZHIG MA GTOGS RDUL TZAM MED, ,RMI LAM YUL DU DGRA DANG GNYEN LA SOGS, ,SNANG YANG SAD TSE GRUB PA MA MCHIS BZHIN, ,DE LTAR THABS SHES ZUNG DU 'BREL BA'I LAM, ,NYAMS SU LEN CING NYIN MTSAN MA YENGS PAR, ,SKYABS GSUM THUGS RJE'I GTER LA BLO GTAD NA, ,NYID KYI SKU TSE DON DANG LDAN PAR 'GYUR, ,RNAM MANG ZANG ZING SKYES KYIS CHA TZAM DU'ANG, ,MI MTSON MDOR BSDUS GDAMS PA'I RTEN DANG BCAS, ,PANYTZA'I TSES LA CHOS 'KHOR RGYAL GYI GNAS, ,ME TOG RNAM PAR BKRA BA'I THANG NAS PHUL, ,CES PA YANG DE NYID LA GNANG BA'O,, ,, ` RAB 'BYAMS RGYAL BA KUN GYI YE SHES NI, ,DUS MTHAR NGUR SMRIG GAR GYIS RNAM ROL PA, ,DPAL LDAN MAR ME MDZAD DPAL YAB SRAS KYI, ,MDZAD PAS KHYED LA RTAG TU SKYONG GYUR CIG ,RIN CEN RGYAN GYIS DUD PA'I 'JO SGEG MKHAN, ,SMIN LEGS YID SRUBS RKANG 'THUNG CHES MANG YANG,, YON TAN YAL GA'I KHYON YANGS NOR 'DZIN GYI, ,RGYAN GYUR YONGS 'DU'I DPAG BSAM SRID PA TZAM, ,LEGS SPYAD BDUD RTZI'I CHU GTER BSRUBS PA LAS, ,BSNGAGS 'OS ZLA BA'I SRING MO RNAM DPYOD KYI, ,SPYAN YANGS GTONG BA'I RIN CEN RGYAN PHRENG

CAN, ,MTHO RIS DPAL MO RING DU ZHABS BRTAN CIG ,DAD PA'I SPYAN YANGS GTONG BA'I RGYAN GYIS MDZES, ,RNAM MANG YON TAN TSOGS KYI GNAS GYUR PA, ,SRAS BCAS RGYAL BA KUN GYIS RTAG PAR YANG, ,'DOD RGU'I DNGOS GRUB DAM PA STZOL GYUR CIG ,GANG GI DAD PA'I BANG MDZOD NAS 'ONGS PA'I, ,CHAB SHOG DPAG BSAM SNYE MA'I PHRENG BA NI, ,RO BRGYA'I ZAS KYI 'BRAS BUS DUD PA DAG ,PHYOGS 'DIR DGA' BA GZUGS CAN BZHIN DU THOB, ,RNAM DKAR MTHO RIS SHEL GYI KHYAMS CHEN DU,, DAD SOGS YON TAN LANG TSO RAB RGYAS SHING, ,RNAM DKAR DGE BA'I GAR GYIS RNAM ROL BA, ,MTHO RIS DPAL MO RING DU ZHABS BRTAN CIG ,CES PA RNAMS DE NYID LA GNANG BA'I BKA' SHOG GI STOD KYI TSIGS BCAD DO,, ,, ` PHUL BYUNG LEGS BYAS SKYED TSAL DU 'KHRUNGS SHING, ,RNAM DPYOD YAL 'DAB GTONG BA'I 'BRAS BUS BRJID, ,MTHO RIS DPAG BSAM RKANG 'THUNG GANG DE LAS, ,PHUN TSOGS 'DOD RGU'I DPAL DE DE RING THOB, ,SNYING LA SPRO DGA'I BDUD RTZIS BRAN GYUR PA'I, ,('DIR TSIGS BCAD GCIG MA YIG TU MI GSAL) RO BRGYA'I ZAS DANG BDUD RTZI'I BTUNG BA YIS, ,'PHRAL DU TSIM ZHING MYOS PA THOB PAR GYUR, ,'JIG RTEN PHUN TSOGS KUN LA MNGA' MDZAD KYANG, ,STON DUS MDZES PA'I SPRIN DKAR PHUNG PO BZHIN, ,SKAD CIG MI RTAG 'JIG PA'I CHOS CAN DU, ,GZIGS NAS GTAN GYI BDE BA SGRUB PAR MDZOD, ,TSE 'DI'I LONGS SPYOD RMI LAM DGA' STON BZHIN, ,LANG TSO'I DPAL YANG 'JA' TSON LTA BU STE, ,TSE SROG MI RTAG GLOG GI ZLOS GAR BZHIN, ,DGONGS NAS KHYOD THUGS CHOS

, ,LA GZHOL BAR MDZOD, ,CHOS RNAMS THAMS CAD RMI LAM SNANG BA BZHIN, ,SNANG TZAM NYID LAS YUL GYI STENG NYID NAS, ,GRUB PA'I NGO BO RDUL TZAM MA MCHIS PA'I, ,GNAS LUGS ZAB MO RGYUN DU GOMS PAR MDZOD, ,BSTAN DANG BSTAN 'DZIN GUS PAS MCHOD PA DANG, ,MNGA' 'BANGS BYAMS PA'I SPYAN RAS KYIS 'TSO ZHING, ,LUGS GNYIS MDZAD PA'I RNAM DKAR MA NYAMS PAS, ,PHYOGS KUN SNYAN GRAGS DKAR BA NYID DU MDZOD, ,CES PA YANG DE NYID LA GNANG BA'O,, ,, ` MTHO RIS DPAL MO'I COD PAN GANG DE YI, ,ZHAL GYI BDUD RTZI RO BRGYA'I ZAS DANG BCAS, ,RDO RJE'I TSE SROG BRTAN PA'I PHO NYA BAS, ,PHEBS PAS SNYING LA DGA' BA CI YANG RGYAS, ,DAL BA'I RTEN THOB LHA YI DPAL LA SPYOD, ,BSTAN LA RAB GUS BSTAN 'DZIN SPYI BOS MCHOD, ,RTAG TU CHOS KYI LAM DU THUGS GZHOL BA, ,KHYED LA BSNGAGS SO SLAR YANG DE BZHIN MDZOD, ,CES PA YANG DE NYID LA GNANG BA'O,, ,, ` GANG GI 'BYOR PA'I KHANG BZANG NAS, ,GSAR PA'I LO TOG RNAMS KYI PHUD, ,RO BRGYA'I ZAS KYI KHYAD PAR BCAS, ,BKA' THO'I PHRENG BAS GSAL BYAS PA, ,BKA' DRIN 'KHOR MED LHAG PAR BSKYANGS, ,SNYING PO MED PA'I 'JIG RTEN GYI, ,PHUN TSOGS STON KA'I ME TOG BZHIN, ,MI RTAG GTAN GYI MDUN MA ZHIG ,NGES PAR DA LAN SGRUB PAR MDZOD, ,'GRO KUN PHA MAR SHES BYAS NAS, ,BYAMS DANG SNYING RJE'I RTZA BA CAN, ,BDAG PAS GZHAN GCES BYANG CHUB SEMS, ,RGYUN CHAD MED PAR BSGOM PAR MDZOD, ,CHOS RNAMS SGYU MA RMI LAM BZHIN, ,SNANG TZAM KHO NA MA GTOGS PA, ,YUL GYI STENG NA MA MCHIS

PA'I, ,GNAS LUGS ZAB MO BSGOM PAR MDZOD, ,BSNYEN GNAS YAN LAG BRGYAD SRUNG ZHING, ,'PHONGS LA SBYIN PA'I PHYAG BRKYANGS NAS, ,ZAB MO'I KHA TON RIM PA LA, ,BRTZON PA'ANG SHIN TU GCES PA LAGS, ,ZHES PA YANG DE NYID LA GNANG BA'O,, ,, ` RANG BABS GDOD MA'I GSHIS LA RTAG GZHOL YANG, ,PHRIN LAS RNAM BZHI'I RLABS KYI PHRENG BA CAN, ,RNAM MANG THOS PA'I CHU KLUNG NGAL GSO'I GNAS, ,RIN CEN 'BYUNG GNAS DE DRUNG MCHID 'DI ZHU, ,LJAGS YANGS PAD MTSOR DBYANGS CAN NGANG MO NI, ,RO 'DZIN ZOL GYIS RNAM PAR RTZEN PA LAS, ,RAB DGA'I PHANG 'GRO JI BZHIN BKA' STZAL NI, ,'CHAR KHA'I MDANGS 'PHROG REG BYA'I KHYAD PAR BCAS, ,RDUL PHRAN LA YANG 'CHI MED RI BO LTAR, ,BSNGAGS PA'I 'KHYOG TSIG NYAMS KYI 'GYUR BAG CAN, ,YID MTSOR SPRO DGA'I RLABS PHRENG CI YANG G-YOS, ,LEGS SPYAD BDUD RTZI'I CHU GTER BSRUBS PA LAS, ,LEGS 'ONGS SKU YI LHUN PO RAB BRTAN CING, ,DON GNYER DPYOD YANGS MKHAS PA GSER RI YI, ,PHRENG BA'I DBUS NA GDUL BYA'I SNOD JI BZHIN, ,NYI MA'I GNYEN GYIS BKA' STZAL CHOS PHUNG PO, ,BRGYAD KHRI BZHI STONG DAG LAS BYANG PHYOGS 'DIR, ,'JIG RTEN MIG GYUR LO PAn MCHOG RNAMS KYIS, ,LEGS PAR BSGYUR BA'I MDO RGYUD 'GYUR RO 'TSAL, ,NYIN BZHIN LHA YI RNGA BZHIN 'DOMS PA NI, ,AE MA'O LAN BRGYAR MKHAS PAS BSNGAGS PAR 'OS, ,NGOS KYANG BDE SOGS RTZE DGA' ROL BA'I GNAS, ,RANG GI BSTI GNAS DPAL DANG LDAN BYAS NAS, ,GRU 'DZIN RI BO'I NGOGS SU 'DUS PA'I TSOGS, ,THUGS KYI BZHED PA'I PAD

, ,MTSO YONGS BKANG STE, ,PHO BRANG CHEN POR MI 'JIGS GDONG LNGA'I KHRIR, ,ZHABS SEN 'OD CHAGS MI YI DBANG PO'I ZHAL, ,ZLA BA'I DKYIL 'KHOR LTA BUR RAB BRTAS SHING, ,DAD LDAN SBYIN BDAG TSOGS KYI BSNYEN BKUR GYI, ,SBRANG RTZI'I RO LA BUNG BA BZHIN ROL NAS, ,'JIG RTEN DBANG PO'I SGYU MA SPRUL PA'I GNAS, ,SH'AKYA'I RGYAL PO'I PHO BRANG DANG NYE BA'I, ,CHOS KYI GRVA 'DIR 'DUS PA RGYA MTSO LA, ,AA TI SHA DANG 'JAM DPAL SNYING PO YI, ,GSUNG GI GSANG BA NYIN BZHIN 'DOMS PAR BRTZON, ,DRI MA MED PA MDO RGYUD RGYAL BA'I BKA', ,TSUL BZHIN 'DOMS LA TSANGS DANG DBANG PO DANG, ,'JIG RTEN SKYONG BA RNAMS KYIS GROGS BGYID NA, ,BDAG LTA'I DGE SBYOR SKYABS 'OG LA CI LTOS, ,'ON KYANG STONG NYID SNYING RJE'I BDAG NYID CAN, ,BYANG CHUB SEMS KYI CHOS SBYIN MDZAD PA NI, ,BZHED PA JI BZHIN LEGS PAR 'GRUB GYUR CES, ,RNAM DAG SMON LAM SNYING LA 'GROGS PAR BYAS, ,DE LTAR ZHU MCHID AUTPAL PHRENG BA LA, ,SPYAN RAS BUNG BA ROL BA'I SKYES TZAM DU, ,GOS CHEN KHA 'BREL RGYA YIS SPRAS TE 'BUL, ,DGA' BA LNGA PA'I TSES LA PHUL ZHU YIG ,CES PA 'DI CHU SHUL MKHAN CHEN PA LA GNANG BA'O,, ,, ` DAL 'BAB LO HI TA YI BYANG PHYOGS KYI, ,NOR 'DZIN CHOS BZHIN SKYONG BA'I RGYAL PO NI, ,NOR SBYIN KHENGS PA THUNG NGUR BYED MKHAS PA, ,KHYED LA TSE DPAG MED PAS 'CHI MED STZOL, ,ZHES SHIS PA BRJOD NAS, SDE PA RIN PO CHE'I DRUNG DU ZHU BA, DENG SANG SKU'I DKYIL 'KHOR LEGS BYAS KYI GZI 'OD KUN NAS 'BAR ZHING NYER 'TSE'I SGRA GCAN GYIS MA SGRIB LA MDZAD PA'I 'OD

DKAR GYI PHRENG BA PHYOGS KUN TU 'PHRO BAS, SA SKYONG RGYU SKAR PHRENG BA'I DBUS NA LHAM MER BZHUGS PA GNANG LAGS SAM, NGOS KYANG LAM 'PHRANG SOGS LA MI NGAL ZHING NYE ZHO MED PAR DBYAR KHAS LEN LA 'DIR SLEB PA'I RI KLUNGS KYI DGE 'DUN TSOGS CHE ZHING CHOS 'PHEL BAR GNAS LAGS, MTSAMS ZHU, ZHAL NGO RNAMS SKU TSE CHAB SRID BRTAN PA'I 'TSO SKYONG, THUGS DAM SKU RIM SOGS LA LHOD PA MED PA'I NGANG NAS LUS CAN THAMS CAD KYI BDE SKYID RGYAL BA'I BSTAN PA DANG, DE YANG DGE 'DUN GYI SDE DANG BSTAN PA'I SPYIN BDAG LA RAG LAS PAR 'DUG PA BZHIN CHOS RGYAL GONG MA RNAMS KYI RNAM SROL LTAR BSTAN PA DANG BSTAN 'DZIN GYI ZHABS TOG MNGA' 'BANGS LA BYAMS BRTZE'I SPYAN GYIS 'TSO BA SOGS SNGAR LAS MA G-YOS PA MKHYEN LAGS, 'DIR YANG SKU RIM DGE SBYOR SKYABS 'OG LA DUS KUN TU G-YEL BA MED PA BGYID PA LAGS ,ZHU MCHID KYI PADMOR SPYAN ZUR GYI BUNG BA ROL BA'I SKYES TZAM DU 'DZAM BU N'A DA'I THUM BU ZHO'I 'KHOR LO LONGS PA LA RGYAS MDZES PAR 'BUL, BZANG PO GNYIS PA'I TSES LA CHOS 'KHOR RGYAL NAS PHUL BA'I ZHU YIG CES PA 'DI NANG SO DGA' LDAN PA LA GNANG BA'O,, ,, ` BYANG PHYOGS NOR 'DZIN GZHI LA NYER BRTEN PA'I, ,DREGS LDAN RNAMS KYI COD PAN NGAL GSO'I GNAS, ,LUGS GNYIS GZIGS PA'I 'DREN BYED STONG LDAN PA, ,SA YI BRGYA BYIN DRUNG DU MCHID 'DI ZHU, ,RNAM DAG DAD PA'I SKYED TSAL LAS 'ONGS PA'I, ,CHAB SHOG MANDHA RA YI PHRENG RGYAS PA, ,BKRA SHIS KHA BTAGS LO 'DAB G-YO BA CAN, ,SOR MO'I YAL 'DAB RTZE LA LDING ZHING CHAGS, ,DENG

, ,DUS LUGS GNYIS PHUN TSOGS JI SNYED PA, ,GO SA GZHAN DOR KHYOD ZHABS NYER BSTEN KYANG, ,SNYAN GRAGS MCHOG 'DI RING LAS RINGS PA RU, ,NYIN BZHIN BSKRAD 'DI AE MA'O CHES NGO MTSAR, ,'DI NA'ANG DUS KYI PHO NYAS MA BZUNG ZHING, ,'DUS PA'I TSOGS LA DBYAR CHOS 'PHEL BA NAS, ,DA LTA BSTAN DANG DE MCHOD LHUR LEN PA'I, ,SBYIN BDAG RNAMS KYI SKU RIM BGYID PAR BRTZON, ,RGYAL BA'I BSTAN LA GUS PAS MCHOD PA DANG, ,MNGA' 'BANGS BYAMS BRTZE'I SPYAN GYIS 'TSO BA NI, ,NYID KYI NGANG TSUL LAGS NA GSOL CI 'TSAL, ,SLAR YANG DE LAS G-YO BA MED PAR MDZOD, ,RGYAL DANG RGYAL SRAS MCHOG RNAMS BYANG PHYOGS 'DIR, ,MI DBANG GZUGS KYI ROL PAS GAR MDZAD PA, ,SNGON RABS RGYAL BLON DAM PA DE DAG GI, MDZAD PA'I RNAM SROL DAG LA BRTEN KYANG 'TSAL, ,DGE SBYOR SKYABS 'OG 'BRAL MED SNYING LA 'GROGS, ,'DOD KHAMS DBANG MO'I YE SHES PHYAG MTSAN GYI, ,RAL GRI'I GZUGS SU SHAR BA'I NA BZA' LA, ,RDO RJE'I MDUD PAS BCINGS SHING ZHAG MANG DU, ,SNGAGS KYIS BYIN GYIS BRLABS PA SKYES SU 'BUL, ,NYER GNYIS TSES LA LEGS PAR PHUL ZHU YIG ,CES PA 'DI YANG DE NYID LA GNANG BA'O,, ,, ` SNGON RABS RGYAL BLON SEMS DPA' DE DAG RNAMS, ,BSTAN DANG BSTAN 'DZIN GUS PAS MCHOD PA'I PHYIR, ,SLAR YANG BYANG GI PHYOGS 'DIR BYON PA LTA'I, ,MI DBANG YAB YUM DRUNG DU MCHID 'DI ZHU, ,BKA' DRIN RIN CEN GTER GYUR YUM MCHOG ZUNG, ,'CHI MED GZHON NU'I DPAL 'PHROG MCHED LCAM BCAS, ,GRUB MCHOG G-YU BRAG PA ZHES

SRID GSUM NA, ,GRAGS PA'I BA DAN DKAR PO 'PHUR LDING CAN, ,GANG DE'I GDAN SA BKRA SHIS DGA' TSAL DU, ,ZHAL 'DZOMS RDZOGS LDAN DUS BZHIN LONGS SPYOD KYIS,, LHA RNAMS 'BYOR PA RAB TU PHAM MDZAD CING, ,NYIN BZHIN SUM RTZEN TSOGS BZHIN SKYE BO'I TSOGS, ,MDZES PA'I CHAS BSTAR BKRA SHIS GLU GAR GYIS, ,RNAM PAR ROL BA'I SNYAN GRAGS LHA YI RNGA, ,PHYOGS KYI BU MO'I RNA BAR BSGRAGS PA LAS, ,YID MTSOR SPRO DGA'I RLABS PHRENG CI YANG G-YOS, ,NGOS KYANG GRU 'DZIN RI BO'I NGOGS DAG TU, ,'DUS PA RGYA MTSO'I RE BA YONGS BKANG ZHING, ,MI DBANG ZHAL GYI DKYIL 'KHOR MNGON BLTAS NAS, ,G-YOR PHYOGS GDUL BYA'I RE BA RDZOGS BYAS STE, ,DGA' BA DANG PO'I TSES LA 'DIR SON CING, ,'DUS PA'I TSOGS LA LEGS BSHAD 'DOMS PAR BRTZON, ,MTSAMS ZHU GANG CI'I GNAS TSUL 'BUL 'OS RNAMS, ,'BUL BAR BLO GROS 'OD ZER SKU MDUN DU, ,DONG BA PHEBS 'OS BKA' LUNG JI SNYED PA,, ZHAL GYI PADMO'I SGO LAS DENG 'DIR 'TSAL, ,SKU RIM DGE SBYOR SKYABS 'OG G-YEL MED BGYID, ,CHOS NYID GNYIS PA'I TSES LA PHUL ZHU YIG ,CES PA 'DI STAG RTZE NAS LCAM SRING SKYID SHOD DU THOG MA PHEBS ZHAL NGO ZHAL BRGYAS ZHAL 'DZOM DUS GNANG BA'O,, ,, ` RGYAL DBANG TSE DPAG MED PA'I BUM BZANG LAS, ,'CHI MED TSE YI BDUD RTZI'I RGYUN 'BAB CING, ,'PHAGS MA YID BZHIN NOR BU'I MCHOG SBYIN GYIS, ,KHYED LA 'CHI MED TSE YI MCHOG STZOL CIG ,MTHA' YAS SKYE 'GRO RNAMS KYI BSOD NAMS LAS, ,LEGS PAR 'KHRUNGS PA'I CHOS KYI RGYAL PO MCHOG ,SNGON RABS RGYAL BLON

, ,SEMS DPA'I MDZAD PA CAN, ,GANG DE'I DRUNG DU RING NAS MCHID 'DI ZHU, ,BDAG SMON LAM GYI SKABS NAS GRIB RKYEN LA BRTEN HA CANG NA BA MED NA'ANG, CUNG ZAD BRO 'TSAL BA RE ZHIG MTSAMS BCAD RGYA DAM PA ZHIG BYAS NA LEGS PAR MTHONG STE MTSAMS MAL DU GNAS PA LA, THUGS BRTZE BA CHEN POS, ,BSTAN PA DANG SEMS CAN GYI DON DU YUN RING DU TSE'I 'DU BYED GNAS PA'I 'DUN PA BYED DGOS PA'I PHYAG DAM SNYAN DNGAGS, BDEN TSIG NOR BU'I PHRENG BA, DER SHAR GYI RTEN 'BREL LEGS TSOGS SU BSGRIGS PA'I GNANG SBYIN RNAM GRANGS DANG BCAS PA, 'DUS PA RGYA MTSO LA RIM GRO LA DGONGS PA'I MANG JA NAS 'GYED BZANG PO DANG BCAS PA GNANG BA BKA' DRIN BLA NA MA MCHIS PAR BSKYANGS SHING, NANG SO SKU MCHED PAS, BKA' BKOD LAS MA G-YOS PAR SGRUB PA MDZAD, DGE 'DUN RNAMS KYANG SHIN TU DGYES PA BYUNG LAGS, SKU KHAMS RIN PO CHE SNYOMS PA'I MU CAN NAS, RE ZHIG DE KHAR SKU MTSAMS BCAD RGYA'I THUGS DAM MU MTHUD GNANG RGYUR 'DUG PA CIS KYANG BKA' DRIN CHE ZHING, DA LAM YANG ZHING GI CHA NAS SKU RIM DU YANG 'GYUR CHE BA 'ONG BA'I RIGS SU 'DUG LAGS PA DANG, 'DI TSOR YANG NYIN MTSAN DU SKU RIM LA G-YEL BA MED PAR YOD LAGS, ZHES PA'I ZHU YIG SPYAN LAM DBAB PA DANG, SKU TSE LHUN PO LTAR BRTAN PA'I RTEN 'BREL BSGRIG PHYIR BKRA SHIS KHA BTAGS SHIG DANG, BKRA SHIS PA'I RTAGS BRGYAD KYI TSOM BUS RNAM PAR BKRA BA'I BZHUGS GDAN ZHIG ZUNG DU 'BREL BAR RGYA'I MTSAN MAS MDZES PAR PHUL BA LAGS, TSES BCO LNGA LA PHUL BA'I ZHU YIG

CES PA 'DI RJE THAMS CAD MKHYEN PA SKU KHAMS MNYEL BA'I TSUL BSTAN DUS, NANG SO DGA' LDAN PAS 'BRAS SPUNGS SU SKU RIM BSGRUBS PA'I ZHU LAN DU GNANG BA'O,, ,, ` RNAM BKRA YON TAN TSOGS KYI ME TOG DANG, ,SKU GSUM 'BRAS BUS SNYE MAS G-YUR ZA BA, ,SA GSUM BLA MA DPAG BSAM RKANG 'THUNG DES, ,KHYED LA RTAG TU 'DOD RGU SBYIN GYUR CIG ,BRTAN PAS RI DBANG ZAB PA RGYA MTSO DANG, ,'DOD PA'I 'BRAS STER YID BZHIN NOR LTA BU, ,SA SKYONG MCHED DGU YAB YUM SRAS BCAS DRUNG, ,RANG SEMS MA BCOS GNYUG MA'I PHO BRANG NAS, ,BYA BRAL AA WA DHU T'IS 'DI SKAD ZHU, ,DENG SANG SKU LUS SNYOMS SHING, MDZAD PHRIN DAR RGYAS KYI NGOS NAS GSUNG SHOG NYI MA GZHON NU GUR KUN GYI MDOG CAN GYI RGYA MTSOR BZHUGS PA'I KHA DOG CAN GYI BLA GOS GRUB ZIN PA DANG, MTHANG GOS KYI RGYU, SGOG PA'I SMAN DANG BCAS SKYEL MI RKANG BTZUGS SU GNANG 'DUG NA'ANG NGED DPON SLOB RGYAL BA'I DBEN GNAS BYANG RVA SGRENG GI NGO MTSAR GYI RI MO BLTA BA'I SLAD DU THEGS ZIN PA DANG THUG BYUNG BA SNANG LAGS NA'ANG, RDZING PHYI GZIMS KHANG GI GNYER PAS PHYAG DAM MA NYAMS PAR 'BYOR BYUNG BAS THUGS RJES BZUNG, BDAG KYANG GNAS BSKOR GRUB NAS DA LTA RGYAL BA TZONG KHA PA CHEN PO'I DBEN GNAS LO'I BRAG GDONG NA NGAL GSO BA'I RNAM PA CAN DU GNAS LAGS SHING, CHU MI 'PHROD PA SOGS GLO BUR GYI BAR CHAD MA BYUNG NA DA DUNG YANG 'DI GAR RE ZHIG SDOD PA'I RTZIS LAGS, MTSAMS ZHU, GSUNG SHOG NANG NA GTZANG PHYOGS NAS GSER YIG PA THOGS CIG BYON PA 'DRA 'DUG PAS DON GANG GI CHED DU YIN SNYAM BLO THE TSOM

, ,DU GYUR PA DANG, 'PHROD LAN 'BUL BAR DGA' BA'I BSHES GNYEN RKANG TSUGS SU BTANG BA LAGS PAS GANG DANG CI'I GSAL CHA THUGS RJES 'DZIN PA DANG, GTOR SGRUB DANG ZLOG PA TSE SGRUB SOGS SKU RIM LE BAR MA SHOR BA GAL CHE ZHING, NGED KYIS KYANG RDZING PHYI'I RGYAL BA MA PHAM PA DANG RVA SGRENG GI RTEN KHYAD PAR CAN RNAMS KYI DRUNG DU 'DI PHYIR DGE BA'I SMON LAM YUN RING DU BGYIS PA'I KHONGS SU DUS RGYUN DU CHUD PAR BYAS YOD LAGS, ZHIB PAR NGAG NAS 'BUL, ZHU MCHID DKAR BA'I SKYES TZAM DU RIN PO CHE ZHO GANG ZHAL NGO RNAMS LA SRUNG MDUD DANG BCAS PA RGYA 'BYAR DU 'BUL BA LAGS, SMIN DRUG CAN GYI NYA LA LA MO'I BRAG GDONG NAS PHUL BA'I ZHU YIG CES PA 'DI 'PHYOS BYA 'DABS SU GNANG BA'O,, ,, ` PHUN TSOGS GTONG BA YANGS PA'I KHANG BZANG NAS, ,DRO 'JAM REG BYA'I KHYAD PAR DANG 'GROGS PA'I, ,CHAB SHOG NGANG PA'I BU MO SNYAN SGROG MKHAN, ,PHYOGS 'DIR KUN DGA' SKYED LA RINGS PA BZHIN, ,DENG DUS 'KHOR BCAS NYER 'TSE DANG BRAL ZHING, ,BOD YUL SA CHEN SKYONG BA'I BTZUN MO MCHOG ,MYUR DU PHEBS PA'I DGA' STON GSAR PA DAG ,MCHOG TU STER BAS MTHO RIS GRONG KHYER BZHIN, ,BDAG KYANG YUL GYI DBUS DER 'JUG 'DOD KYANG, ,SNGON CHAD YUL GRU MANG DU RNAM G-YENG GIS, ,DUS 'DAS DA LTA SBYIN BDAG RE BA'I MTSOR, ,LEGS BSHAD MGRIN PA'I SGRA DBYANGS SGROG CING MCHIS, ,SLAD MA'ANG RGYU BSHUL GSAL DBYANGS ZHES BYA BAR, ,ZHAG 'GAR CHOS KYI DGA' STON 'GYED PA SOGS, ,CHOS LDAN BREL BA RIM PAR BCAD NAS KYANG, ,DAL

'BYOR GTONG PHOD LDAN PA'I GZHI DER 'JUG ,DE LTAR ZHU MCHID DKAR BA'I SKYES, ,SA YI SNYING PO ZHO GANG LA, ,RGYA YI LANG TSO GSAL BA 'DI, ,NYID THUGS DGYES PA BSKYED SLAD DO, ,ZHES PA TSES BCO LNGA LA PHUL BA'I ZHU YIG CES PA 'DI YANG BYA 'DABS SU GNANG BA'O,, ,, ` LEGS SPYAD DPAG TU MED PA'I 'BRAS BU DANG, ,NYE BAR LONGS SPYOD 'KHOR DANG BCAS PA RNAMS, ,'JIG RTEN DBANG POS SPRUL PA'I GTZUG LAG DER, ,SRAS BCAS RGYAL BA DGYES PA'I MCHOD SPRIN DANG, ,DRI MED SMON LAM PHYAG DANG SKOR BA SOGS, ,DON LDAN BYA BAS NYIN MTSAN DUS 'DA' ZHING, ,MA BYON SANGS RGYAS BYON PA'I CHOS KYI SRID, ,SKYONG BA'I 'DUS PA'I SDE LA BSNYEN BKUR DANG, ,BOD KHAMS SA YI DBANG PHYUG ZHABS 'BRING LA, ,DENG DUS LHOD PA MED PAR BZHUGS LAGS SAM, ,'DI NA'ANG SNA TSOGS G-YENG BA KHYAD BSAD NAS, ,DBEN PA'I NGANG NAS RGYAL BAS BKA' BSGOS PA'I, ,CHOS SKYONG SRUNG MA'I TSOGS LA MCHOD GTOR SOGS, ,ZAB GSAL GNYIS MED NGANG NAS SGRUB CING MCHIS, ,SH'AKYA'I DGE TSUL DGA' BA'I BSHES GNYEN PA, ,PHO BRANG CHEN PO'I LO GSAR RNAM 'PHRUL RNAMS, ,SNGON CHAD MIG GI LAM DU MA GYUR PAS, ,BLTA BAR 'DOD ZER GNANG BA ZHUS NAS SONG, ,DE LA BLANG DOR BYA BA'I RI MO RNAMS, ,BKA' LUNG PIR GYIS BKRA BAR 'GOD PA DANG, ,'DIR YANG KHYOD GSUNG SPRING BAR 'OS PA RNAMS, ,YI GE'I LAM LAS RIM PAR PHEBS PAR 'OS, ,NYI MA ZLA BA'I PHYOGS GNYIS PA'I, ,PHYOGS KYI TSES LA ZHU YIG GO ,ZHES PA 'DI YANG NANG SO 'PHYOS PA LA KHRA 'BRUG TU GNANG BA'O,, ,, `

, ,CHAB SHOG PAD DKAR CHUN PO DANG 'GROGS PA'I, ,BLA GOS GUR KUM GSAR PA'I SKAL BZANG NI, ,NYI GZHON 'CHAR KHA'I MDANGS LA 'GRAN BYED CING, ,THUN MTSAMS SKYENGS PAR BYED BZHIN GNAS 'DIR 'ONGS, ,BDAG KYANG DA BAR PHYOGS 'DI'I DAD LDAN GYI, ,RE BA'I CHU GTER 'GENGS LA MNGON BRTZON GYUR, ,GZHES DUS ME TOG DO SHAL DGOD PA'I THANG, ,LEGS BSHAD SGROG PA'I TSAL DER MNGON PHYOGS 'GYUR, ,MTSAMS ZHU, DENG 'DI NAS GZHES THON RTZIS SU YOD LAGS PA; DVAGS PO'I CHOS 'KHOR ZLA BA DKAR 'PHRAL DU 'DZUGS PAR YOD PAS DE'I STENG DU PHEBS 'OS KYANG RTING SKUL ZHUS ZER BA MDZAD 'DUG PAS DGONGS DPYAD DANG, PHEBS 'OS KYANG RIM PAS MKHYEN LAGS, TSES NYI SHU LA PHUL BA'I ZHU THO, ZHES PA YANG BYA 'DABS SU GNANG BA'O,, ,, ` DAD PA YIS NI RI DBANG DANG, ,SNYAN PAR GRAGS PA LHA YI RNGA, ,'BYOR PAS GDENGS CAN DBANG LTA BU, ,RAL GRI'I GNYEN DE RGYAL GYUR CIG ,NYI GZHON GSAR PAR 'KHU LDAN ZHING, ,THUN MTSAMS BU MO SKYENGS PA'I GDONG, ,MOG POR BGYID PA'I BLA GOS NI, ,PHYAG RGYA'I LANG TSOS RTZEN PA DANG, ,'GROGS PA'I CHAB SHOG NGANG MO DKAR, ,DON BZANG MGRIN PA'I RDZA RNGA MKHAN, ,PHO NYA'I LAM LAS 'ONGS PA DAG ,SOR MO'I RTZE LA LDING ZHING CHAGS, ,DE TSE RAB DGA' BDUD RTZI'I RLABS, ,KUN GSAL SNYAN PAR SPRO BYED CING, ,'PHAGS PA'I BSAM GTAN BDE BA LA'ANG, ,GUS PA CUNG ZAD SMAN PA GYUR, ,CES BRJOD NAS MTSAMS ZHU, ,ZHU LAN SNGA 'GROS SU 'BUL RGYU YIN NA'ANG, ,RTA BRDABS LA BRTEN PA'I KHAMS

CUNG ZHIG MA BDE BAS 'GYANGS PA LAGS SHING, DPAL 'KHOR LO BDE MCHOG GI BSTOD PA'ANG CI MYUR DU BGYIS NAS 'BUL BA'I RTZIS SU YOD LAGS, SNGA SOR NANG SO GZHUNG NAS KYI DGUN CHAS KYI GOS SNAM DANG LHAN CIG PAR RING 'GAG GNANG BA 'PHROD NAS DA LTA RGYUN LDAN DU GYON GYIN YOD LAGS, DA LAN ZHU YIG RTEN STABS BDE BA ZHIG 'BUL RGYU MA BYUNG BA LA DGONGS KHREL MED PA MKHYEN CING, SKU RIM GANG LCOGS SGRUB PA YOD LAGS, NYER LNGA LA PHUL BA'I ZHU YIG CES PA BYA 'DABS SU NANG SO SKYA RGYAL PA LA GNANG BA'O,, ,, ` LUGS GNYIS RIM PAR SPYOD MKHAS LHA YI SRAS, ,STOBS CHEN DPUNG GIS BSLANG BA'I RDUL GYI TSOGS, ,PHYOGS SGOR CHU MTHONGS SGRIB PA LHUR BLANGS TE, ,LHO PHYOGS NOR 'DZIN YANGS PAR PHEBS LAGS SAM, ,DPAL LDAN RTZED THANG CHOS KYI YID BZHIN MTSOR, ,LEGS BSHAD MGRIN PA'I RDZA RNGA STONG BSGRAGS TE, ,CHU STOD ZLA BA'I YAR NGO'I TSES BCU LA, ,BYA 'DABS GZHIS KAR SLEB TSE CHAB SHOG GI ,BUNG BA LAG PA'I PADMOR NGAL GSO THOB, ,BLO BZANG RGYAL BA'I CHOS TSUL 'JUG NGOGS CHER, ,DAD DANG MOS DGE'I 'JUG PA PHYOGS GCIG PA, ,LHAG BSAM NGANG KHYU LDING BA'I CHU NGOGS DE, ,RNAM RGYAL PHAN BDE'I CHU YIS GANG BAR MDZOD, ,'DIR YANG RE ZHIG SNYOM LAS BDE BA'I MAL, ,DBEN PAR SPYOD PA'I TSUL LA RAB MOS TE, ,NYID KYI BZHED PA CHOS BZHIN 'GRUB PA DANG, ,'GAL RKYEN ZHI BA'I SMON LAM MCHOG TU BGYID, ,CES GNAM GANG LA BYA 'DABS NAS PHUL BA'I ZHU YIG CES PA YANG DE NYID LA GNANG BA'O,, ,, ` SNGON BSAGS LEGS PAR SPYAD PA'I BSOD NAMS

, ,LAS, ,PHUN TSOGS SRID KYI DPAL LA LONGS SPYOD CING, ,LUGS GNYIS MDZAD PA'I RNAM DKAR MA NYAMS PA, ,KHYED LA SRAS BCAS RGYAL BAS DGE LEGS MDZOD, ,BDAG KYANG DPAL LDAN GRU 'DZIN RI BO'I NGOGS, ,LUNG RIGS ZLOS GAR RTZE BA'I THANG CHEN POR, ,DAD LDAN SLOB BU RNAMS KYIS GUS MCHOD NAS, ,DKON COG THUGS RJE'I DPAL GZI MA NYAMS PAS, ,NAM MKHA' DRO 'JAM NYI MA'I 'OD KYIS KHYAB, ,TSA DUS DKAR 'JAM SPRIN GYI BLA RE BRES, ,RIN CEN BYE MA 'DREN PA'I CHU KLUNG YANG, ,GNOD PA SPANGS NAS NYIN RE BZHIN DU YANG, ,YID ZHUM GUS PA'I BKUR STI LHUR LEN CING, ,LHA CHEN RONG LHA DPUNG TSOGS DANG BCAS PAS, ,DOG MO'I 'PHRANG LA NYEN MED BSU BA BYAS, ,LHA DBANG GNAS DANG MTSUNGS PA'I GLING DAG TU, ,DGUNG ZHAG GNYIS SU NGAL GSO BSTEN BYAS NAS, ,SLAR YANG LHA YI PHO BRANG DAG TU PHYIN, ,DAD LDAN SBYIN BDAG RE BA 'BRAS LDAN GYUR, ,DA SGOS RING MIN NYID DU LUS 'TSO'I SLAD, ,RANG BYUNG TSA BA'I CHU LA KHRUS BGYID CING, ,DE NAS DON GNYER SKYE BO'I TSOGS RNAMS LA, ,THEG MCHOG CHOS KYI DGA' STON 'GYED PA LAGS, ,SLAD MA ZHU BAR 'OS PA'I SPRING YIG RNAMS, ,PHYOGS DER PHO NYA'I LAM LAS 'JUG 'GYUR ZHING, ,'DIR YANG MNYAN PAR 'OS PA'I SNYAN SPRING DAG ,LHA YI RNGA BZHIN SGROG PAS YID DGAR MDZOD, ,CES TSES BRGYAD PHYI MA LA RGYA RI'I LCOG DKAR NAS PHUL BA'I ZHU YIG CES PA YANG DE NYID LA GNANG BA'O,, ,, ` MNGON MTHO SHAR GYI RI BO'I GTZUG PHUD LA, ,LEGS SPYAD RTA LJANG SHING RTAS RNAM ROL BA, ,LUGS GNYIS PAD MO'I

GNYEN GYUR NYIN MO'I MGON, ,NAG PHYOGS MUN CAN GZA' LAS RGYAL GYUR CIG ,BLO CHUNG NGES 'GRO PHRA MO 'DAR BYED PA, ,SNYING STOBS SA SRUNG BU YI LUS STOBS KYIS, ,BLO BZANG BSTAN PA'I RIN CEN KHUR CHEN PO, ,PHYOGS DER 'KHYER LA NAM YANG MA ZHUM CIG ,LEGS BSHAD MGRIN PA'I RDZA RNGA SGROG MKHAS PA, ,RNAM DPYOD RAB DKAR G-YO BA'I ZLOS GAR MKHAN, ,NGANG PA'I DED DPON GANG DE'ANG GNYIS SKYES KYI, ,TSOGS DANG BCAS TE YID BZHIN MTSOR 'JUG GO ,BGEGS DPUNG MTHAR BYED DPAL LDAN KHRO BO'I GTZO, ,ZAB GSAL GNYIS SU MED PA'I TING 'DZIN GYIS, ,MDUD PA'I GNAS SU BSTIM PA'I COD PAN 'DI, ,NYID KYI MGUL BA'I RGYAN DU BZHES SHIG GO ,ZHES DBO'I ZLA BA'I TSES BZANG PO LA THANG PA RU BA'I KHROD NAS ZHUS PA DGE BAR GYUR CIG ,CES PA YANG DE NYID LA GNANG BA'O,, ,, ` TSOGS GNYIS YID BZHIN RGYA MTSO'I RBA KLONG LAS, ,MKHYEN DGONGS 'DOD RGU'I YID BZHIN RIN CEN GANG, ,LUGS GNYIS RGYAL MTSAN RTZER SON GRAGS SNYAN GYI, ,GA BUR 'DI NI NOR 'DZIN GOS SAM CI, ,BU RAM SHING PA'I RIGS 'KHRUNGS STON PA GANG, ,BSTAN PA'I SGRON ME ZHABS 'BRING BSTAN SRUNG BCAS, ,RI MO'I LAM DU BKOD PAS LHA KHYOD KYI, ,'DI PHYI'I PHAN BDE'I STEGS GYUR BLA NA MED, ,GANG ZHIG RAS LA DE BZHIN GSHEGS PA'I SKU, ,RI MO BKOD LA DANG BAS CHOS KYI MIG ,RDUL DANG BRAL BA AU tA YA NA DANG, ,MU TIG CAN SOGS DGE MTSAN 'DIR YANG MTSON, ,'DOD DANG 'JIGS DANG PHUNG KHROL KUN GYI RTZA, ,CHU SHING BZHIN DU SNYING PO MED PA'I NOR, ,DGE BA'I LAM DU SNYING POR

, ,BGYIS PA GANG, ,DE LA BSOD NAMS GZHAL DU MCHIS SO, ,SNGAR BYAS DGE LA 'GYOD DANG TSE 'DI YI, ,SNANG SHAS DBANG SOGS DGE BA SRAB PA'I RGYU, ,NGES PAR SPANGS NAS SEMS CAN DON PHYIR NI, ,DKAR PO'I LAS LA RTAG TU BRTZON PAR 'TSAL, ,BLA MA DKON COG GSUM DANG PHA MA SOGS, ,NAD PA LA SOGS YUL LA BSKRUN PA'I DGE ,'KHOR GSUM DMIGS SU MED PA'I PHYAG RGYA YIS, ,ZIN PA'I DGE DE RAB DANG PHUL ZHES BYA, ,'DOD PA CAN RNAMS NOR LA SROG BZHIN 'DZIN, ,DAM PA RNAMS NI CHOS KYI RO LA CHAGS, ,DE PHYIR NYID LA 'OS PA'I CHOS KYI GTAM, ,SNYAN DNGAGS LAM LAS SNYAN PAR 'DI BSNYAD DO, ,'DIR ZHABS TOG PHUN SUM TSOGS NA'ANG HA CANG GRANG NGAR CHES PAS DE PHYOGS SU 'ONG BA'I BLO 'DOD CHE BAR YOD NA'ANG, NANG SO YAB YUM GYI ZHAL TA RIM PA BZHIN NAN CHES STABS DKA' BAR BYUNG LAGS, NGED KYIS KYANG SKU RIM RGYUN LDAN DU BYED PA YOD LAGS, ,TSES GSUM LA RGYA RI RDZONG GI LCOG DKAR LHA'I PHO BRANG NAS ZHU YIG CES PA YANG DE NYID LA GNANG BA'O,, ,, ` SNGON BSAGS BDUD RTZI'I CHU GTER RLABS 'PHYUR BA, ,KHOR YUG RI BO'I PHYOGS LA BRTEN PA KHYOD, ,DAM PA'I ZHABS SKYES ZLA BA'I THIGS PA NI, ,KU MU DA BZHIN NGOMS MED SPYOD CES THOS, ,'DI NA'ANG NYI MA'I BU YI DBYUG THO YIS, ,MA PHOG MDA' LNGA'I TSOGS KYIS MA BCOM PAR, ,LEGS BSHAD MTHO RIS GANG G'A'I CHU KLUNG GIS, ,THAR 'DOD YID KYI CHU GTER NYIN BZHIN 'GENGS, ,GNYIS SKYES TSOGS KYIS GNYIS SKYES DANG, ,GDENGS CAN TSOGS KYIS GDENGS CAN DBANG, ,PAD MO

BZHIN DU DAM PA NI, ,BUNG BA'I TSOGS KYIS BZHIN DU MDZOD, ,CES KYANG ZHUS, ZHES PA YANG DE NYID LA GNANG BA'O,, ,, ` LEGS NYES 'BYED PA'I MKHYEN PA MKHA' LTAR YANGS, ,THUB BSTAN 'DEGS PA'I SNYING STOBS SA LTAR BRTAN, ,'BYOR PA'I BANG MDZOD GTONG BA'I SGO BRGYA CAN, ,GANG KHYOD ZHABS PAD RING DU BRTAN GYUR CIG ,DENG SANG 'KHOR BCAS SKU LUS RIN PO CHE SNYOMS SHING, RNAM DKAR DAR RGYAS KYI NGANG NAS PHYAG RTAGS GZAN DANG RING 'GAG GI GNANG SBYIN, TSOGS SU MANG JA DANG SKAM SANG GI GSOL THUG SHIN TU BZANG BA, ZHVA THUL SOGS KYI BSNGO RTEN, DGE 'DUN LA SKU 'GYED SOGS SPYI SGOS MTHA' DBUS MED DU BKA' DRIN GYIS KHYAB PA GNANG 'DUG PA SHIN TU SKABS SU BAB CING, SKU RIM DU DMIGS SU 'GRO BAR BYUNG BAS THUGS RJES BZUNG, NGED KYANG NAD MED NGOS CHOS 'PHEL BA DANG, DA SGOS KYI GLENG GZHI SOGS ZHIB PAR NANG SO MA CHEN GYI ZHU YIG TU PHUL BA LTAR DGONGS DPYOD MKHYEN LAGS, ZHU YIG RTEN MTSON PAR RIN PO CHE ZHO GANG RGYA LDAN DU PHUL BA LAGS SHING, ZHAL NGO THAMS CAD KYI SKU RIM SMON LAM 'DUN PA MA DOR BA BYED PA LAGS, PHEBS 'OS KYANG RIM PAS THUGS LA 'DOGS PA ZHU, ZHES HOR ZLA BCU GNYIS PA'I TSES GNYIS LA BKRA SHIS LHUN PO'I GZIMS KHANG NAS PHUL BA'I ZHU YIG CES PA'ANG DE NYID LA GNANG BA'O,, ,, ` RNAM THOS BU LTAR 'BYOR PA'I BANG MDZOD RGYAS, ,MGON MED ZAS SBYIN LTA BUR GTONG BA YANGS, ,KHYAB 'JUG BZHIN DU DGRA SDE 'JOMS MKHAS PA, ,BSNGAGS 'OS GANG DE RING DU SHIS GYUR CIG ,RI DBANG LTAR BUR BRTAN PA'I DAD PA DANG,,

, ,MKHA' LTAR RAB TU YANGS PA'I RNAM DPYOD DANG, ,DPAG BSAM SHING DANG MTSUNGS PA'I GTONG PHOD CAN, ,GANG KHYOD MI MTHUN PHYOGS LAS RGYAL GYUR CIG ,SNYING STOBS NAM MKHA'I KHYON LAS YANGS GYUR CING, ,BLO GROS RGYA MTSO BAS KYANG GTING ZAB LA, ,LHAG BSAM ZLA BA'I 'OD LTAR CHES DKAR BA, ,SA LA SPYOD PA'I DBANG PO GANG DE RGYAL, ,PHUL BYUNG DAD PA MCHOG DANG BSOD NAMS LAS, ,LEGS BYAS GZUGS CAN BZHIN DU MDZES PA'I SRAS, ,SGYU 'PHRUL CHE LAS DON GRUB JI BZHIN DU, ,LEGS 'KHRUNGS SA 'DI NOR BUS GANG BA SNYAM, ,ZHES PA'I SH'OO KA BZHI PO 'DI YANG DE NYID LA GNANG BA'I BKA' SHOG GI THOG MA'I TSIGS BCAD DO,, ,, ` GANG GI MKHYEN RAB KUN GSAL YANGS PA'I NGOS, ,LUGS GNYIS SHES BYA'I RGYU SKAR RNAM PAR BKRA, ,PHUN TSOGS KUN GYI GO SKABS 'BYED PA CAN, ,GANG GI PHYAG GI PADMO LAS 'ONGS PA'I, ,CHAB SHOG NOR 'DZIN BU MO'I NGOS DAG TU, ,DANG POR 'KHRUNGS PA'I SNYE MA'I PHON PO DANG, ,SHA SKAM DANG BCAS BSNGAGS PA'I PHO NYA BAS, ,LEGS PAR 'PHROD PAS MCHOG TU DGA' BA RGYAS, ,BDAG KYANG NGAL BA MED PAR SA 'DZIN CHE, ,RAB 'GONGS DPAL 'BYOR LDAN PA'I KHANG BZANG DU, ,BAG PHEBS BDE BA'I NGANG DU GNAS PA LAGS, ,ZHES NYER GSUM LA PHUL BA'I ZHU THO, ,ZHES PA 'DI YANG DE NYID LA GNANG BA'O,, ,, ` LEGS SPYAD SHAR GYI RI BO'I BA GAM RTZER, ,RNAM DPYOD DKYIL 'KHOR YONGS RDZOGS RI BONG CAN, ,PHUN TSOGS GTONG BA YANGS PA'I 'OD DKAR GYIS, ,THUB BSTAN 'DZIN MA'I BZHIN RAS GSAL MDZAD PA, ,GANG GI CHAB SHOG NGANG MO SNYAN SGROG

MKHAN, ,PHYOGS KYI GRANGS LDAN BZANG PO'I DRI BSUNG GIS, ,SHAR PHYOGS DVAGS PO'I NAGS TSAL 'GENGS PA BZHIN, ,PHO NYA'I LAG SOR RTZE LAS 'PHUR TE 'ONGS, ,BLO BZANG RING LUGS CHU GLANG BDAG PO CHE, ,SNYING PO BDUD RTZI'I BUM BZANG LA ROL PA'I SKAL BZANG MKHAR NYAL TSOGS LA RGYUD PA ZHES, ,TSIG MDA'I BU MOS RING ZHIG DBYANGS SU BYAS, ,NOR 'DZIN BU MO'I 'GRAM PAR GUR KUM GYI, ,RI MO 'GOD BYED KHRIMS LDAN TSOGS DE DAG ,MGYOGS 'GRO'I BDAG PO GNAS PA'I PHYOGS KYI GZHIR, ,GUS PAS MCHOD DE MGON MED ZAS SBYIN NO, ,ZHES MCHOG TU BSNGAGS NAS SKABS KYI ZHU BA, NGED DPON SLOB KYANG BRO 'TSAL BA MA MCHIS PA NAS BANG RIM DU PHAN CI THOGS BGYIS, ZHES PA YANG DE NYID LA GNANG BA'O,, ,, ` NA TSOD GZHON YANG BLO GROS KYI, ,LANG TSO YONGS SU RDZOGS PA CAN, ,NGO MTSAR RI MO BGRANG DKA' BA'I, ,LHA SRAS GZHON NU GANG DE YI, ,BKA' RTAGS SDEB LEGS AUTPAL PHRENG, ,BCU PHRAG ZUNG GI DRI BZANG CAN, ,PHO NYA'I NGANG MO ZUNG GI MCHUR, ,'PHYANG BA PHYOGS 'DIR PHEBS PA NA,, NYID DANG MNGON SUM MJAL BA LTA'I, ,DGA' BA'I BDUD RTZIS BRAN PA THOB, ,RTZA BRGYUD BLA MA'I BYIN RLABS DANG, ,SKYABS GSUM BSLU MED THUGS RJE YIS, ,NYID KYI SKU TSE RI DBANG LTAR, ,BRTAN CING RNAM DKAR MDZAD PA RNAMS, ,YAR NGO'I ZLA LTAR 'PHEL BAR SHOG ,CES PA'I RTEN DU SMAN TZE DAR KHA GANG RGYA LDAN DU 'BUL, TSES BCO BRGYAD LA ZHU YIG CES PA 'DI BYA 'DABS SU NANG SO RTA MGRIN MGON PO LA GNANG BA'O,, ,, ` DPAG BSAM LANG TSO GZHON NU'I GNAS SKABS NA'ANG, ,BLO GROS SNYING STOBS YAL GA'I KHYON

, ,YANGS SHING, ,GTONG PHOD ME TOG DKAR POS RAB MDZES PA, ,KHYED LA SRAS BCAS RGYAL BAS SHIS PA MDZOD, ,GANG GI DAD PA'I SKYED TSAL YANGS PA LAS, ,CHAB SHOG CHU SKYES DKAR PO'I PHRENG BA NI, ,SMAN BUR BZANG PO'I SBRANG RTZI'I BCUD CHAGS PA, ,PHYOGS 'DIR SON PAS SPRO BA CI YANG 'PHEL, ,BLO BZANG BSTAN PA'I SA CHEN 'DEGS PA LA, ,'JIGS BRAL SHES RAB SENG GE'I RING LUGS PA, ,'DUS PA'I SDE RNAMS PHYOGS DER MCHOD PA'I GTAM, ,THOS PAS SNYING LA NGO MTSAR CHU BO 'PHEL, ,NGOS KYANG DVAGS PHYOGS SKYE 'GRO'I RE BA DAG ,BKANG ZHING CHOS 'KHOR RGYAL GYI GTZUG LAG KHANG, ,SDOM LDAN LUNG RIGS SMRA BAS GANG BYAS NAS, ,LHA YUL 'OL KHA'I GNAS SU SLEB PA LAGS, ,ZHIB PA'I GNAS TSUL NGAG GI LAM LAS 'CHAR, ,SKU RIM SMON LAM RTAG TU SNYING LA 'GROGS, ,BZANG PO GNYIS PA'I TSES KYI LANG TSO LA, ,GZHIS KA 'OL KHA'I PHO BRANG NAS ZHU YIG ,CES PA YANG DE NYID LA GNANG BA'O,, ,, ` TSE DPAG MED PAS TSE YI DPAL SKYED CING, ,RNAM THOS SRAS KYIS 'BYOR PA'I MCHOG STZOL LA, ,PHYAG DRUG MGON POS BAR CHAD KUN SEL BA'I, ,PHRIN LAS KHYED LA G-YEL BA MED GYUR CIG ,CES SHIS PA BRJOD NAS, ,GZHON NU NYID NAS BLO GROS KYI DKYIL 'KHOR YONGS SU RDZOGS PA NANG SO DBON PO DRUNG PA'I DRUNG DU ZHU BA, DENG SANG SKU KHAMS SHIN TU SNYOMS SHING SKU SKYED CHE BA NAS, SHING RNAMS KYI LO MA NI YONGS SU RGYAS, ,ME TOG GI TSAL RNAMS NI KUN TU 'BAR, SA GZHI SNGO GZHON NUS KHEBS PAR GYUR PA'I GNAS RNAMS SU CHOS DANG MTHUN PA'I RTZED 'JOS

ROL BZHIN PAR BZHUGS LAGS SAM, NGED KYANG NAD MED CING SKU RIM LA BRTZON PAR YOD LAGS, DA LAM ZHU YIG BKRA SHIS PA'I DON DU KA RA RDOG PO BCU PA ZHIG LA RGYAS BTAB PA 'BUL ZHING SKU RIM SMON LAM RGYUN DU BGYID LAGS, ZHES TSES BZANG PO LA CHOS GRVA CHEN PO DPAL RTZED THANG NAS PHUL BA'I ZHU YIG CES PA YANG DE NYID LA GNANG BA'O,, ,, ` MGON PO GANG GI ZHABS SEN NOR BU'I PHRENG, ,DRAN PA YIS KYANG 'CHI MED MCHOG STZOL BA, ,TSE DPAG MED MGON BCOM LDAN RJE BTZUN MAS, ,KHYED KYI SKU TSE BSOD NAMS 'PHEL BAR MDZOD, ,RNAM DPYOD PAD MO'I ROL GNAS RAB YANGS PAR, ,DBYANGS CAN NGANG MO RTZEN PA'I 'JO SGEG LAS, ,DRI ZA'I PHANG 'GRO JI BZHIN SNYAN NGAG GI ,GRE 'GYUR 'BUM PHRAG RNA BA'I BCUD LEN DANG, ,'CHAR KHA'I MDANGS CHAGS REG BYA'I KHYAD PAR MCHOG ,KHYAD PAR CHOS SKYONG SRUNG MA MNYES BYED PA'I, ,DBYAR SKYES RNGA SGRA GSER GYI RI MO YIS, ,NYER MTSON MIG GI BDUD RTZI RIG BYED GRANGS, ,PHYOGS 'DIR SPRO DGA' GZUG CAN BZHIN DU 'ONGS, ,DE TSE SEMS LA BDE BA'I RLABS 'PHYUR BA, ,DGA' SKYED SPU LONG GOS KYIS SKYOR BA BZHIN, ,MANDHA RA YI DBU LA BRTZEGS PA NI, ,RAB GSAL MTHO RIS GANG G'A GYEN 'PHYUR BZHIN, ,'DI NA'ANG DA LTA 'BYUNG BA CHA SNYOMS SHING, ,THOS DANG SPONG BA LHUR LEN TSUL KHRIMS KYI, ,HA RI'I DAD LDAN 'DUS PA'I TSOGS RNAMS LA, ,NYIN BZHIN CHOS KYI DGA' BAS ROL PA DANG, ,YAB RJE RGYAL BA GNYIS PA TZONG KHA PA, ,DGA' LDAN GNAS NAS SLAR YANG GTZUG LAG 'DIR, ,BSAMS BZHIN PHEBS 'DRA'I SKU 'DRA

, ,RIN PO CHE, ,RAB TU GNAS PA GRUB PA'I SKABS NA MCHIS, ,SLAD MA SNYING POR STON PA'I ZHU MCHID NI, ,MKHYEN RAB ME LONG NGOS LA LUGS GNYIS KYI, ,SHES BYA'I GZUGS BRNYAN MI 'CHAR CI YANG MED, ,MDZAD PA RNAM DKAR BDUD RTZI'I 'OD CHAGS PA, ,SNYAN GRAGS BDUD RTZI'I ZER GYIS BDAG NGOMS SO, ,DA DUNG SKU TSE RING DU BRTAN PA'I PHYIR, ,THUGS DAM DKAR PHYOGS SKU RIM GONG 'PHEL DANG, ,MNGA' 'BANGS BYAMS BRTZE'I GRIB BSIL YANGS PA LA, ,NYER BRTEN PHAN DANG BDE BAS MNGON DGAR MDZOD, ,BDAG KYANG LUS KYI LJON SHING BRNYINGS GYUR CING, ,TSE LA RANG DBANG CUNG ZAD MA MCHIS KYANG, ,YUN RING BAR DU NGES PAR GNAS BYOS ZHES, ,GSUNG 'DI SEMS KYI YUL DU LHAG PAR LCI, ,DGE SBYOR SKYABS 'OG 'BRAL MED SNYING LA 'GROGS, ,SKABS DANG SBYAR BAR LEGS PAR MJAL BA DANG, ,BZHED DON 'GRUB PA'I RNAM DKAR SMON LAM 'TSAL, ,RIN CEN SRANG PHYED SKYES KYI TSUL DU 'BUL, ,SMIN DRUG CAN GYI MAR NGO SNGON 'GRO BA'I, ,DGA' BA GNYIS PA'I TSES LA PHUL ZHU YIG ,CES PA YANG BYA 'DABS SU NANG SO MGON PO TSE 'PHEL BA LA GNANG BA'O,, ,, ` GRAGS PA BDUD RTZI'I CHU GTER DGE BA'I DBANG, ,BSRUBS LAS ZLA DBANG ZHES GRAGS SNYAN NGAG MKHAN, ,PHYOGS 'DIR 'ONGS SO DPAL LDAN DBYANGS CAN SRAS, ,SRID 'DIR ZHABS BRTAN YUN RING SHIS GYUR CIG ,GANG GI RNAM DPYOD MTHA' MED CHU GLANG BDAG ,GLAL BA'I SNYAN NGAG MU TIG RLABS 'THOR BA, ,SNYING LA REG PAS SPRO DGA' MA BZOD NAS, ,SNYAN NGAG RGAN PO RTZOM PA'I 'GROS 'KHYOR

ZHING, ,SDEB SBYOR GLU DBYANGS GRE 'GYUR 'DAR LDAN YANG, ,MTHO RIS SUM RTZEN TSAL DU MAN NE KA'I, ,ZLOS GAR CUNG ZAD TZAM ZHIG BGYIS PA LA, ,GRO BZHIN SKYES KYI RIN CEN RNA RGYAN GYIS, ,CHA SHAS TZAM DU BSGRUN PA MA YIN ZHES, ,'KHYOG TSIG KARKA KRA MI'I MIG GI ZER, ,RNA BAR 'GROGS LDAN SNGON MED CHU GTER NI, ,'DZAM BU N'A DA'I CHU SKYES 'DZUM DKAR LAS, ,SBRANG RTZI ZLA BA'I SPUN ZLA'I 'BRAS BU LA, ,'KHU BA LHUR BLANGS AE MA'O NGO MTSAR ZHES, ,BSNGAGS PA'I SGRA DBYANGS SA STENG DGA' YANG THAG ,BDAG KYANG CHOS NYID TSES KYI LANG TSO'I MTHAR, ,SGUL BYED MA LA YA YI DON MTHUN GYIS, ,BSKYOD LAS LO HI TA YI RGYUD BSRANGS NAS, ,NOR SBYIN PHYOGS SU BGROD PA RTZOM PA LAGS, ,DUS MTHAR BRTAN PA'I PHO NYA MTSAN MO RGYU, ,RNAMS KYIS NAM YANG 'GONG BAR MI NUS PA'I, ,SKYABS GSUM THUGS RJE RVA BA BRTAN PA ZHES, ,LHAG BSAM DKAR BA'I RTZE GCIG SNYING LA 'GROGS, ,RGYAL BA'I LO YI LANG TSO MA, ,RGYAL GYI ZLA BAR RTZEN PA NA, ,BZANG PO DANG PO'I TSES KYI NYIN, ,ZHU MCHID BUNG BA'I GLU DBYANGS SO, ,ZHES PA YANG DE NYID LA GNANG BA'O,, ,, ` ZLA SHAR 'O MA'I RGYA MTSO RLABS 'PHYUR BA, ,BSIL ZER SPU LONG GOS LA BRTEN PA BZHIN, ,TSANGS DBANG SRAS MO'I SNYAN NGAG 'JO SGEG LA, ,CO 'DRI RIG BYED GTER DE ZHABS BRTAN CIG ,ZLA BA'I SRING MO'I SA 'DZIN GRE 'GYUR NI, ,BRANG 'GRO'I KLONG DU GNYID GYUR 'PHROG BYED GANG, ,GSAL BYED GZHAN BZHIN 'CHAR BA'I PHUN TSOGS LAS, ,'PHOS PAS SPRO DGA'I PAD TSAL CI YANG RGYAS, ,ZAB GSAL YE SHES RNAM MANG SGYU 'PHRUL NI,,

, ,RTEN DANG BRTEN PA'I RI MO TING 'DZIN GYI, ,ME LONG DVANGS PAR 'PHOS PA'I MCHOD SBYIN SOGS, ,MNYAN 'OS GA BUR 'THUL BA LHA YI RLUNG, ,GRAGS PA DRI ZA'I PHANG 'GRO'I RJES 'GRO BA, ,CHU SHEL YU BA MDZES PA'I RNGA YAB KYI, ,MNGAL LAS 'PHOS LTAR DGA' BA'I SHUGS KYIS BTAB, ,PHUL BYUNG YAB SRAS 'DZAD PA'I GUR KUM NI, ,BLO BZANG 'CHAR KHA'I ZOL LA BRTEN PA GANG, ,CHA SHAS KYIS REG PADMO'I NAGS TSAL NA, ,BUNG BA'I GRE 'GYUR ROL PAS 'DI NA RTZEN, ,DUS KYI BA MOS YANG YANG RNYING GYUR CING, ,DBUGS PHRENG MTHAR BYED MCHE BA'I PHRAG G-YO BA, ,GANG 'DI LHUN PO'I SPO LTAR BRTAN BYOS ZHES, ,SGRUB NUS MIN YANG BLO YI PHRAG PAR LCI, ,NOR SBYIN PHYOGS SU BGROD PA BSTEN PA NA, ,MJAL BAR SPRO YANG GZHAN DBANG RLUNG SHUGS CAN, ,SHING BAL ZLOS GAR GANG DU SPYOD 'GYUR SNYAM, ,'DI BGYI'I MTHA' GSAL 'BUL BAR RNGO MA THOGS, ,ZHIB PA'I GNAS TSUL BSNYAD 'OS BYA MA RTA'I, ,NGAG GI GLEGS BUR BKOD LAS 'BUL BA LAGS, ,'KHOR BCAS BDEN GNYIS SRUNG BA'I 'KHOR LOR NI, ,SNYING GI PAD MOR RTAG TU NGAL GSO BGYID, ,RTZI BCUD SNYING PO'I GONG BU SKYES SU 'BUL, ,DGA' BA DANG PO'I TSES LA DGE BAR ZHUS, ,ZHES PA YANG DE NYID LA GNANG BA'O,, ,, ` PHA ROL DGRA SDE 'JOMS LA RAL GRI'I GNYEN,, RANG PHYOGS TSUL BZHIN SKYONG LA DPAG BSAM SHING, ,SNYAN TSIG BDUD RTZI'I GTER GYUR DBYANGS CAN SRAS, ,BSNGAGS 'OS GANG DE RING DU ZHABS BRTAN CIG ,CHAB SHOG SNYAN NGAG CHU SKYES GSAR PA'I PHRENG, ,ZAR MA'I ME TOG ZUNG NYER MTSON PA YI,,

MCHOG TU DANG BA'I GZUGS CAN RDZING BU GNYIS, ,DPAL SKYED BUR SHING KHU BA BZANG PO'I SMAN, ,'TSO BYED MKHAS PA'I LAG LEN MA NYAMS PAR, ,LEGS PAR SBYAR BA'I SKYES BZANG DANG BCAS PA, ,PHYOGS 'DIR BSTZAL BAS SPRO DGA' CI YANG 'PHEL,, PHYOGS LAS RNAM PAR RGYAL BA'I BGROD PA LA, ,DPUNG GI SDE DANG BCAS PAS PHA ROL GYI, ,DGRA SDE ZIL GYIS MNAN NAS NYES MED PAR, ,PHYOGS DER DGYES DGUR ROL BA LHAG PAR SPRO, ,'DI NA'ANG DGE 'DUN 'DUS PA'I SDE DANG BCAS, ,SMON LAM RNAM PAR DAG PA'I THEM SKAS KYIS, ,'GRO RNAMS SKAL PA BZANG POR 'DREN BZHIN MCHIS, ,RGYUD LDAN DGE SBYOR SKYABS 'OG G-YEL MED BGYID, ,GSOL JA'I PHUR MA RGYA YI LANG TSO CAN, ,ZHU MCHID SPYAN ZUR 'GROGS PA'I SKYES SU 'BUL, ,NYI SHU GCIG GI TSES LA LEGS PAR ZHUS, ,ZHES PA YANG DE NYID LA GNANG BA'O,, ,, ` ZAB YANGS RNAM DPYOD CHU GTER NI, ,LEGS BSHAD RIN CEN PHYE BA'I GTER, ,SNYAN NGAG RBA RLABS G-YO BA CAN, ,SA SKYONG GZHON NU ZHABS BRTAN CIG ,STON KA'I ZLA BA'I PHUN TSOGS CAN, ,NYER 'TSE'I SPRIN DANG BRAL BZHIN DU, ,DAG LDAN SHAR GYI RI BO'I RTZER, ,DAD PA'I MGYOGS 'GROS LEGS DRANGS NAS, ,NOR 'DZIN GUR KUM DOG PA YIS, ,MDZES BYED DGE 'DUN 'DUS PA'I SDE, ,SNGAR SROL BZANG POS BSNYEN BKUR NAS, ,SLAR YANG DAL 'BAB CHU KLUNG 'GRAM, ,MTHO RIS GRONG KHYER BABS 'DRA DER, ,LEGS PAR PHEBS ZHES SNYAN PA'I GTAM, ,BUNG BA'I GLU DBYANGS BZHIN DU THOS, ,NGOS KYANG SPYAN RAS GZIGS DBANG GIS, ,SGYU MA SPRUL PA'I PHO

, ,BRANG DU, ,STONG PHRAG DU MA'I 'DUS PA DANG, ,LHAN CIG SMON LAM GRUB PA NAS, ,MU TIG PHYE MA BKRAM PA'I GNAS, ,CHOS KYI GRVA 'DIR SON PA LAGS, ,MTSAMS ZHU PHYOGS DE'I THUGS BREL RNAMS, ,LEGS PAR CHOD NAS PHYOGS 'DIR YANG, ,ZLA ZHAL GSAR PA RAB BLTA ZHING, ,'BEL BA'I GTAM GYIS ROL BAR BGYI, ,ZHIB PA NGAG GI LAM NAS 'BUL, ,DGE SBYOR SKYABS 'OG SNYING LA 'GROGS, ,SNGAGS KYIS BTAB PA'I SRUNG DAR DANG, ,LO MA'I PHUR MA SKYES SU 'BUL, ,MYOS BYED LO YI LANG TSO MA, ,MCHU YI ZLA BAR 'GROGS PA NA, ,NYER GSUM TSES KYI THOG MAR NI, ,THEG CHEN GLING NAS PHUL ZHU YIG ,CES PA YANG DE NYID LA GNANG BA'O,, ,, ` GANG GI RNAM DPYOD NOR BU'I ME LONG LA, ,MTHA' DAG RIG GNAS SNANG BRNYAN KUN 'CHAR ZHING, ,MGON MED ZAS SBYIN DANG MTSUNGS THUB BSTAN GYI, ,MCHOD SBYIN BDAG PO RING DU ZHABS BRTAN CIG ,GANG GI CHAB SHOG DON BZANG 'DAB BRGYA PA, ,SDEB LEGS TSIG GI DRI BSUNG 'PHRO BA CAN, ,RO BRGYA'I ZAS KYI SBRANG RTZIS YONGS GTAMS SHING, ,'CHAR BA'I MDANGS 'PHROG LO 'DAB KYIS KLUBS PA, ,PHO NYA'I LAM LAS GNAS 'DIR PHEBS PA DANG, ,SKU YI ZLA SHEL YAR NGO'I ROL PAS RTZEN, ,DKAR PHYOGS MDZAD PA BDUD RTZI'I 'OD CHAGS SHING, ,'DUS PA'I TSOGS RNAMS LEGS PAR DBYAR GNAS TE, ,RDUL BRAL BKUR STIS MCHOD CING BSTEN PA SOGS, ,SNYAN PA'I GTAM BZANG 'BRUG SGRA THOS PA LAS, ,YID KYI GTZUG PHUD CAN DAG GAR BYED DO, ,'DI NA'ANG DGE 'DUN 'DUS PA TSOGS CHE ZHING, ,'TSE BA

MED PAR DBYAR GNAS LEGS MDZAD DE, ,'KHOR LO GSUM GYI ROL PAS RTZEN PA LAGS, ,SNGON RABS RGYAL BLON SEMS DPA' DE DAG DANG, ,LUGS GNYIS SROL LA MKHAS SHING MDZANGS RNAMS KYI, ,MDZAD PA'I SROL BZANG RI MO JI SNYED PA, ,NYID KYI THUGS LA MI 'CHAR GANG YANG MED, ,DENG DUS SKYE BO NGAN PA'I LUGS SPANGS TE, ,DE DAG MDZAD PA'I SROL BZANG SPEL BAR 'TSAL, ,SKU RIM DGE SBYOR SKYABS 'OG 'BRAL MED BGYID, ,RIN CEN ZHO YI 'KHOR LO SKYES SU MTSON, ,GRO BZHIN ZLA BA'I RGYAL BA DANG PO LA, ,CHOS 'KHOR RGYAL GYI GNAS NAS PHUL ZHU YIG ,CES PA YANG DE NYID LA GNANG BA'O,, ,, ` RNAM DPYOD BDUD RTZI'I CHU GTER ROL GNAS CHE, ,RIG GNAS NGANG MO'I KHYU LDING SKAR TSOGS BKRA, ,DBYANGS CAN RDZA RNGA SGROG MKHAS ZLA SHEL NI; ;RAB RTZEN LHA YI SRAS PO ZHABS BRTAN CIG ,RNAM DPYOD LTA BUR LANG TSO'I DPAL RGYAS SHING, ,BLO GROS KHYON LTAR YANGS PA'I BANG MDZOD NI, ,YON TAN TSOGS BZHIN STON DUS GSAR PA'I DPAL, ,LHAG BSAM LTAR DKAR GRAGS PAS MDZES LAGS GRANG, ,'DI NA'ANG NYI MA'I BU YI MCHE BA'I PHRAG ,SNGON CHAD GYA GYU'I DBUGS PHRENG MA SONG ZHING, ,RKANG 'THUNG 'PHRENG BA 'KHRIGS PA'I LJONGS RNAMS SU, ,LHO PHYOGS RLUNG GI RJES MTHUN SPYOD LA ZHUGS, ,NOG DANG LKOG SHAL SPANGS PA'I MI RNAMS LA; ;MTHO RIS BYANG GROL LTA BA'I MIG BYIN NAS, ,DUS RING MIN PAR KEE LA SHAS MTSAN PA'I, ,MI PHAM MDUN SA'I NOR 'DZIN BGROD PA BSTEN, ,RNAM DPYOD NOR BU'I ME LONG YONGS DAG PAR, ,MI 'CHAR SPANGS PA'I LUGS GNYIS MDZAD PA NI,,

, ,SNGON RABS RGYAL BLON SEMS DPA' CHE RNAMS KYI, ,SHING RTA'I LAM SROL NGES PAR 'JUG PAR MDZOD, ,GNAS KYIS BSKAL YANG SEMS DKAR ZLA SHEL LA, ,RI BONG MTSAN MA BZHIN DU 'KHOR BCAS RNAMS, ,'BRAL BA SPANGS PA'I DGE SBYOR SKYABS 'OG NI, ,SNGON GOMS BAG CHAGS JI BZHIN SPYOD CING MDZES, ,DE LTAR GSOL SLAD SEMS BSKYED LTAR DKAR BA'I, ,KHA BTAGS RNAM DPYOD LTAR BKRA'I RI MOS MTSAN, ,THA SKAR CAN GYI DGA' BA GSUM PA LA; ;BKRA SHIS LHUN GYIS GRUB PA'I GNAS NAS ZHUS, ,ZHES PA YANG DE NYID LA GNANG BA'O,, ,, ` GANG GI RNAM DPYOD ZLA BA'I THIGS PHRENG GIS, ,MTHA' DAG DBANG PHYUG ZUR PHUD DANG 'GROGS SHING, ,LEGS BSHAD RI SRAS LANG TSO RAB ZHUGS PA, ,SNYAN TSIG RIN CEN 'BYUNG GNAS ZHABS BRTAN CIG ,RNAM DPYOD YANGS PA'I 'DAB PHRENG 'KHRIGS GYUR CING, ,DAD PA'I GE SAR MNGON PAR GSAL BA CAN, ,SNYING STOBS DRI BZANG YONGS SU RDZOGS PA DE'I, ,CHAB SHOG DRAG PO'I MIG GIS NYER MTSON PA'I, ,SKYES BZANG PHYAG RGYA'I LANG TSO GSAL BA CAN, ,MTHU LDAN SRUNG MA'I SPYAN SNGAR SPYAN GZIGS TSOGS, ,DNGAR BA'I DUS LA RTEN 'BREL 'GRIG PAR PHEBS, ,DENG SANG 'KHOR BCAS NYER 'TSE'I DGRA LAS RGYAL, ,NOR 'DZIN BU MO 'BRAS BU'I KHUR GYIS NGAL, ,RDZOGS LDAN DUS BZHIN BANG MDZOD YONGS 'GENGS ZHES, ,SNYAN PA'I GTAM 'DIS DANG PO'I SA LA REG ,'DI NA'ANG PHUN TSOGS 'DUS PA'I TSOGS MANG LA, ,DBYAR CHOS SHIN TU 'PHEL BA'I NGANG NYID NAS, ,ZHAG BAR RNAM G-YENG DRA BA RAB SPANGS TE, ,RTZE

GCIG DGE SBYOR GNAS LA MNGON PHYOGS GYUR, ,DGE SBYOR SKYABS 'OG 'BRAL MED SNYING LA 'GROGS, ,SKABS SU BAB PA'I ZHU 'PHROS RIM PAR 'BUL, ,RIN CEN ZHO YI 'KHOR LO'I SKYES DANG BCAS, ,DGA' BA GNYIS PA'I TSES LA PHUL ZHU YIG ,ZHES PA 'DI YANG DE NYID LA GNANG BA'O,, ,, ` TSANGS DBANG SRAS MO'I YE SHES CHA SHAS NI, ,SA SPYOD ZLOS GAR ZOL LA BRTEN PA BZHIN, ,THUB BSTAN NOR 'DZIN 'DEGS LA NOR LHA NYID, ,LHAG MA CAN BZHIN BSNGAGS 'OS ZHABS BRTAN CIG ,CHAB SHOG BAS MYOS PA'I SNYING LA MU COR GYUR, ,SRAS BCAS RGYAL BA'I ZUR MIG GIS, ,RI DVAGS MIG CAN GAR GYIS SRED LDAN BZHIN, ,DGA' BAS MYOS PA'I SNYING LA MU COR GYUR, ,SRAS BCAS RGYAL BA'I THUGS RJE'I NYI GZHON NI, ,'CHAR KHA R'A GA'I PAD MTSOR ZHUGS PA BZHIN, ,REG BYA'I KHYAD PAR LUS LA 'GROGS PA NA, ,DGUN DUS GRANG BA'I REG PA GA SHED SONG, ,BDAG KYANG RANG GI BSTI GNAS RJES 'BREL BA, ,RKANG 'THUNG SPU LONG G-YO BA'I NOR LDAN MAR, JI LTAR PHEBS BZHIN BGYI BA LHUR BLANGS NAS, ,DA LTA MI PHAM MDUN SA BSTEN PA LAGS, ,'KHOR BCAS SNYING GI ME LONG YONGS DAG PAR, ,ZLA SHEL RI DVAGS MTSAN MA RJES ZHUGS BZHIN, ,'BRAL BA SPANGS PA'I DGE SBYOR SKYABS 'OG NI, ,BGYID LA GZHAN GYIS BSKUL LA CI ZHIG LTOS, ,MNGA' 'OG BYAMS BRTZE'I SPYAN RAS KYIS 'TSO ZHING, ,BSTAN DANG DE 'DZIN GUS PAS MCHOD PA DANG, ,SNGON RABS RGYAL BLON SEMS DPA'I RNAM THAR BZHIN, ,MDZAD PA'I SKU TSE DON DANG LDAN PAR MDZOD, ,ZHU MCHID AUTPAL SPYAN ZUR

, ,'GROGS PA'I SLAD, ,RIN CEN ZHO YI 'KHOR LO RGYA LDAN 'BUL, ,DGUN ZLA RA BA'I DGA' BA GSUM PA'I TSES, ,SHAR TSE RDZING PHYI GZIMS KHANG NAS ZHU YIG ,CES PA YANG DE NYID LA GNANG BA'O,, ,, ` SNGON BSAGS LEGS SPYAD BDUD RTZI'I CHU GTER LAS, ,LEGS PAR 'ONGS PA'I RNAM DPYOD 'OD DKAR CAN, ,PHYI NANG SHES BYA'I MKHA' LA THOGS MED PA, ,SA SKYONG MTSAN MO'I MGON DE ZHABS BRTAN CIG ,GANG GI CHAB SHOG TSIG DON LANG TSO CAN, ,'CHAR KHA'I MDANGS 'PHROG 'JAM MNYEN LHAB LHUB KYIS, ,RNAM PAR MDZES PA PHO NYA'I LAG RTZE LAS, ,PHYOGS 'DIR SPRO DGA' GZUGS CAN BZHIN DU 'ONGS, ,BSOD NAMS BRGYA PA'I SKU GZUGS BSOD NAMS GTER, ,MIG GI BDUD RTZI MIG GI DGA' STON DU, ,LEGS PAR BZHENGS PA'I LEGS TSOGS MDZAD PA 'DIS, ,SNYING PO MED PA'I NOR RNAMS SNYING POR MDZAD, ,RLABS CHEN DGE TSOGS SGRUB PA'I SNYING STOBS LA, ,MCHOG TU YI RANG DGA' BA GZUGS SU NI, ,GRUB NA NAM MKHA'I KHAMS KUN 'GENGS PA DES, ,NGOS KYANG SRID 'DI DON YOD BYAS PA SNYAM, ,ZHES LHAG PAR BSNGAGS NAS, SKABS KYI ZHU BA, DENG SANG 'KHOR BCAS NYER 'TSE'I GNOD PA DANG BRAL ZHING RNAM DKAR GYI MDZAD PA RGYA CHE BA'I SNYAN PAS SEMS MCHOG TU BDE BAR GYUR, 'DIR YANG CHOS 'PHEL BAR GNAS LAGS, 'DI NAS RGYAL GYI 'GRO BZHUD DANG BSTUN PAR DE TSOR SLEB DGOS PA'I NAN SKYED CHE BAR 'DUG PA, DA LO RGYAL GYI 'DU KHANG LA SHING RTZI DANG MKHAR LAS 'PHRO MUS BYED DGOS SGRUB RTZIS KYIS ZLA BA DKAR 'PHRAL SKYID SHOD NAS GTEG

PA'I 'GRO BZHUD MYUR BA ZHIG BYED RTZIS YIN PA DANG, DE'I GOS SKU SOGS KYANG DE DUS GRUB PA ZHIG YOD SHAS CHUNG BAS BZO RIGS MANG PO SOGS KYIS THUGS G-YENG GI RGYU LAS MI 'ONG ZHING, NGED KYANG RGYAL TSOR SLEB MGYOGS PA DGOS PA SOGS NAS YUN RING SDOD LONG YANG MI 'ONG BA'I RIGS SU 'DUG PAS STON RGYAB TZAM SKYID SHOD KYI 'GRO BZHUD DANG BSTUN RTEN 'BREL BSGRIG NA GANG SA NAS LEGS PA 'ONG BA 'DUG PAS DGONGS YUL DU BZHUGS PA ZHU, SKU RIM DGE SBYOR SKYABS 'OG RGYUN LDAN DU G-YEL BA MED PAR BYED PA LAGS, ZHIB PAR ZHU NGAG NAS KYANG 'BUL, ZHU YIG GZIGS PA'I SKYES SU GOS CHEN LCAGS DMAR KHA GANG LA RGYAS MDZES PAR 'BUL, TSES BCU BDUN LA PHUL BA'I ZHU YIG ,CES PA YANG DE NYID LA GNANG BA'O,, ,, ` ZLA DBANG ZHES GRAGS SA 'DZIN SNYAN DNGAGS MKHAN, ,PHYOGS 'DI RIG BYED NOR GYIS DBUL MTHONG NAS, ,BSAMS BZHIN PHYOGS 'DIR 'ONGS ZHES BSNGAGS BYA'I GNAS, ,GANG DE ZHABS BRTAN PHUN TSOGS 'BAR GYUR CIG ,ZLA BRAL RNAM DPYOD MCHOG GI SNANG BRNYAN NI, ,SDEB LEGS 'OD CHAGS SNYAN DNGAGS MU TIG GI ,DO SHAL MGRIN PA'I RGYAN DU BYAS NAS KYANG, ,SPRO DGA' RAB TU MYOS PA'I GAR BYED DO, ,PHAN BDE'I GZHIR GYUR SKU GSUNG THUGS KYI RTEN, ,YE SHES SNANG BAS KHYAB BYED CHO GA'I PAR, ,MIG GI BDUD RTZI RAB TU BSKRUN PA 'DI, ,BYANG PHYOGS SNGAGS 'DZIN KUN GYI DGA' STON NYID, ,NGAL BSOS GZI BYIN LTA LA SRED LDAN PAS, ,RTA LJANG SHING RTA'I 'KHOR LO MNGON PHYOGS TSE, ,LCAGS KYI PHA BONG TSAL PAR 'GAS SO ZHES,,

, ,'JIG RTEN RGAN PO DAG GI KHA LAS SGROG ,LO MANG KHUR GYIS NON PAS NYAM CHUNG LUS, ,'JAM MNYEN REG BYA'I KHYAD PAR MCHOG THOB PAS, ,HA SA BADZRA GYIS REG TZAN dA L'I, ,PHYOGS 'DIR MNGON DU BYAS SNYAM SIM PA THOB, ,DENG DUS SKU YI ZLA SHEL NAG PHYOGS KYI, ,CHU 'DZIN LAS GROL DKAR PHYOGS MDZAD PA'I 'OD, ,BDUD RTZI'I ZER STONG MNGON PAR SPRO BA 'DI, ,SNYING LA SPRO DGA'I KU MUD BZHAD PA'I GNYEN, ,NGOS KYANG DBANG PO'I PHYOGS KYI GTZUG LAG KHANG, ,BSRUNG SLAD KHRO BO'I DBANG PO DUS KYI DGRA ,MTHU LDAN SRUNG MA'I 'KHOR DANG LHAN CIG TU, ,DNGOS SU BYON SNYAM MCHOG TU SEMS KHENGS NAS, ,PHYOGS 'DIR DA LTA SA SPYOD YUM SRAS LA, ,'CHI MED SGRUB LA NYIN BZHIN NGAL BA BSTEN, ,ZLA BA DKAR 'PHRAL CHOS KYI RGYA MTSO CHE; ;SKYID SHOD PHYOGS SU BGROD PA BSTEN PA LAGS, ,DRAN PA'I PIR GYIS YID KYI RTZIG NGOS LA, ,BRJED MED NYID SKU RI MOR BKOD NAS KYANG, ,BDEN GNYIS SRUNG BA'I 'KHOR LO BAR MED PAS, ,BDUD SDE'I G-YUL LAS RGYAL BA NYID DU SEMS,, RIN CEN ZHO YI 'KHOR LO LONGS PA LA, ,RGYA YIS MTSAN PA SKYES KYI TSUL DU 'BUL, ,DBYANGS 'CHAR LUGS KYI DKAR PHYOGS BZANG PO NI, ,DANG PO'I TSES LA PHUL BA'I ZHU YIG GO ,ZHES PA YANG DE NYID LA GNANG BA'O,, ,, ` GANG GI MTHU STOBS LAG NYAL DRAN PAS KYANG, ,GZHAN PHYOGS LHA MIN BU MO'I MNGAL LHUNG ZHING, ,RIG GNAS KUN GZIGS 'DREN BYED STONG YANGS PA, ,'PHROG BYED GNYIS PA'I DRUNG DU MCHID 'DI ZHU, ,RNAM DPYOD SUM RTZEN GNAS KYI MAN NE KA'I, ,ROL GAR 'DZAM BU NA

DA'I ZE'U 'BRU CAN, ,'JAM MNYEN 'CHAR KHA'I MDANGS 'PHROG CHU SKYES NI, ,'DZIN PA PHO NYA'I LAM LAS PHYOGS 'DIR 'ONGS, ,DON BZANG TSIG 'BRU BZANG PO SNGON MED PA'I, ,BCUD LDAN AA MRi TA YIS SNYING SIM PA, ,RAB DGA'I SA LA REG BZHIN SPRO DGA' YI, ,SPU LONG G-YO BAS LUS KUN KHYAB PAR GYUR, ,DPAL RTZAL ZLA BRAL YAN LAG GNYIS PA'I DPUNG, ,LHA RDZAS NOR SBYIN DBANG PO DANG 'GROGS PAS, ,PHA ROL LHA MIN DPUNG TSOGS ZIL MNAN PA'I, ,SGRA DBYANGS GTZANG MA'I GNAS NA'ANG CA COR GYUR, ,SBYIN MA'I DGRA YI RTZE DGA' DANG 'GROGS PA'I, ,RKANG 'THUNG SPU LONG G-YO BA'I NOR LDAN MAR, ,NGOS KYANG CHOS LDAN BGYI BA 'GA' SPYAD NAS, ,SLAR YANG RGYAL BAS LUNG BSTAN DBU RU'I PHYOGS, ,SRONG BTZAN YE SHES SNANG BA'I GZHAL MED CHER, ,KHRIMS LDAN STONG PHRAG TSOGS DANG LHAN CIG TU, ,DUS GSUM DGE BA'I SMON LAM LEGS GRUB NAS, ,MKHAS PA'I BSTI GNAS GANG 'DIR SLEB PA LAGS, ,BDEN GNYIS SRUNG BA'I 'KHOR LO'I LTE BAR NI, ,SNGON YANG NYID SKU'I SNANG BA MA BRAL ZHING, ,SLAD MA'ANG G-YEL BA MED PA'I SKU RIM GYI, ,TING 'DZIN SMON LAM YID LA 'GROGS PA LAGS, ,PHYOGS 'DIR MI 'GYANG MJAL BAR SMON LAGS SHING, ,DA LAN ZHU MCHID AUTPAL SPYAN ZUR GYIS, ,REG PA'I SKYES SU LO MA'I PHUR MA LA,, RGYA YI TSOM BU BKOD DE PHUL BA LAGS, ,ZHES NYER BRGYAD LA PHUL BA'I ZHU YIG ,CES PA YANG DE NYID LA GNANG BA'O,, ,, ` SA SKYONG DBYANGS CAN MGRIN PAR BYED PA CAN, ,'DI NI DGE BA'I DBANG PO'AM ZLA DBANG ZHES, ,SEMS LA THE TSOM DPYANG THAG

, ,'DZIN BYED PA, ,GANG DE'I DRUNG DU RING NAS MCHID 'DI ZHU, ,CHAB SHOG MKHAS PA DGA' BYED TSIG DON CAN, ,PADMA R'A GA'I MDANGS 'PHROG MTHANG GOS BCAS, ,PHYOGS 'DIR PHEBS PAS 'KHOR 'DAS DGA' SPRO KUN, ,SEMS LA CIG CAR SPUNGS PA BZHIN DU GYUR, ,LUGS GNYIS MDUN SA CHEN PO DANG NYE BA'I, ,MKHAR NYAL GRONG KHYER LA 'KHU BSTI GNAS NA, ,DUS DANG GNAS SKABS SBYAR BA'I MDZAD PA NI, ,STON ZLA LTA BUR DKAR BA DE RMAD DO, ,NGOS KYANG BDE CHEN RTZE ZHES RAB GRAGS PA'I, ,KHANG BZANG LCANG LO CAN DANG MTSUNGS PA NA, ,PHYOGS 'DI'I SA SKYONG YUM DANG BCAS PA LA, ,NYIN BZHIN BKA' CHOS RIM PA BGYID PAR BRTZON, ,MTSAMS ZHU, GSUNG RAB RGYA MTSO DVAGS PHYOGS SU BREL BA MGOS CHES PA'I DA BAR SLEB PA ZHIG MA BYUNG ZHING, DE DON GYIS NGED KYI 'GRUL BZHUD KYANG LHUS THINGS PA RANG ZHIG DA LTA MED PA DANG, DA LO DE PHYOGS SU SLEB PA'I SGO MI 'ONG BA 'DUG PAS DGONGS YUL BZHUGS PA ZHU ZHING, SKU RIM DGE SBYOR SKYABS 'OG NAM YANG G-YEL MED DU BGYID, ZHU YIG GZIGS PA'I SKYES TZAM DU BKRA SHIS KHA BTAGS SHIG LA RGYAS MDZES PA 'BUL, TSES BCU BZHI LA PHUL BA'I ZHU YIG GSUNG RAB RGYA MTSO CAN GYI BREL BA GCOD 'KHOS 'DI LTAR YOD KYI GNAS TSUL KHRA CHUNG DU BSKUR BYUNG BA'ANG NGO BSHUS BYAS PHUL BA LAGS, ZHES PA YANG DE NYID LA GNANG BA'O,, ,, ` MKHYEN RAB ZHAL BZANG LTA BAS MI NGOMS SHING, ,RNAM DPYOD ZLA BRAL ZUR MIG G-YO BA CAN, ,RTAG TU RIG GNAS BDUD RTZI ZHAL LA CHAGS, ,MKHAS PA'I YID 'PHROG GANG DER MCHID 'DI GSOL,,

SKU KHAMS GTZO MA'I GSER LTAR RAB BZANG ZHING, ,MDZAD PA STON KA'I ZLA SHEL STONG PHRAG LTAR, ,DKAR BA'I NGANG NAS DGE SLONG RGAN PO LA, ,YUN DU 'TSO SLAD GDING BA'I SKYES DANG BCAS, ,SNYAN DNGAGS DRI ZA'I RGYUD MANG BZHIN DU STZOL, ,BDAG KYANG DA LTA PHUNG PO'I GRONG KHYER NI, ,RNAM SHES 'GRON POS MDZA' BA MA BTANG ZHING, ,KHRIMS LDAN TSOGS LA SGRUB THABS RGYA MTSO ZHES, ,GRAGS PA'I LUNG DANG RJES GNANG 'DOMS PAR BRTZON, ,SRID 'DIR SKU TSE RI DBANG LTAR BRTAN CING, ,CHO RIS CHAB SRID MNGA' THANG 'PHEL BA DANG, ,BSTAN DANG BSTAN 'DZIN GUS PAS MCHOD PA LA, ,YAB MES BZANG PO'I RNAM SROL SKYONG YANG 'TSAL, ,'DIR YANG DE LTA'I SLAD DU SKU RIM DANG, ,DGE SBYOR SKYABS 'OG G-YEL BA MED PA BGYID, ,SNGAGS KYIS BYIN BRLABS SRUNG DAR SKYES SU 'BUL, ,RGYAL BA DANG PO'I TSES LA PHUL ZHU YIG CES PA YANG DE NYID LA GNANG BA'O,, ,, ` MKHYEN RAB 'O MA'I CHU GTER RLABS 'PHYUR BAS, ,RAB 'THOR SDEB LEGS 'OD CHAGS MU TIG PHRENG, ,LHA RDZAS RO DANG REG BYA'I KHYAD PAR BCAS, ,YONGS 'DU'I SHING LAS 'DOD DGU'I DPAL BZHIN PHEBS, ,SUM RTZEN GZHON NU'I KHENGS PA 'PHROG BYED PA'I, ,GANG SKU YAR NGO'I ROL PAS RNAM RTZEN ZHING, ,RDZOGS LDAN DUS BZHIN SMIN PA'I 'BRU RNAMS KYIS, ,ZLA SHEL BA GAM DGOD PA'I KHANG BZANG GI ,BANG MDZOD MCHOG RNAMS 'GENGS LA MNGON GZHOL BA'I, ,SNYAN PA MTHO RIS BU MO'I GLU DBYANGS LTAR, ,THOS PAS YID LA SPRO DAGS CI YANG TSIM, NGOS KYANG PHUNG PO SGYU MA'I GRONG KHYER NI, ,RNAM SHES 'GRON POS DA LTA

, ,MA DOR ZHING, ,THOS DANG SPONG BA LHUR LEN 'DUS PA LA, ,NYIN BZHIN ZAB MO'I GDAMS PA 'DOMS LA BRTZON, ,LUGS GNYIS SHES BYA'I SNANG BRNYAN JI SNYED PA, ,MKHYEN RAB ME LONG NGOS LA MI 'CHAR GANG, ,DE LTA NA YANG SNGON BYON RGYAL BLON NI, ,SEMS DPA' CHE RNAMS MDZAD PA RJES SGRUB MDZOD, ,DRAN PA'I PIR GYIS YID KYI RTZIG NGOS LA, ,YENGS PA MED PAR NYID SKU RAB BKOD DE, ,YUN DU 'TSO ZHING GZHES LA CHAB SRID NI, ,'PHEL PHYIR DGE SBYOR SKYABS 'OG G-YEL MED BGYID, ,DNGUL DKAR SRANG GANG SKYES KYI TSUL DU 'BUL, ,GNYIS PA'I PHYOGS KYI 'KHOR LO 'DU BA'I TSES, ,SHAR TSE CHOS 'KHOR RGYAL NAS PHUL ZHU YIG ,CES PA YANG DE NYID LA GNANG BA'O,, ,, ` SHES BYA'I DKYIL 'KHOR MTHA' DAG LA THOGS PA MED PA'I MKHYEN PA'I SNANG BA CAN NANG SO'I DRUNG DU, ZHU BA, PHYAG DAM PADMA R'A GA'I MDANGS CHAGS PA'I RING 'GAG GI GNANG SBYIN DANG BCAS PA PHEBS, DING SANG SKU MCHOG TU SNYOMS SHING, SA SPYOD RGYU SKAR GYI PHRENG BA'I DBUS NA MNGON PAR 'PHAGS PA'I MKHYEN PA'I DKYIL 'KHOR LAS DUS BAB KYI MDZAD PA'I BDUD RTZI'I ZER PHRENG PHYOGS KUN TU 'PHRO BA'I NGANG DU BZHUGS PA THUGS LA BTAGS, 'DI NA'ANG DPYID CHOS TSUGS PA'I CHOS 'PHEL BAR GNAS LAGS, SNANG BA'I DKYIL 'KHOR GZHAN DAG ZAD PA NA, ,ME KHYER NYIN MO'I DBANG PHYUG LTAR RLOM PA, ,GLOG PHRENG LTA BUR G-YO YANG TSE'I 'DU BYED, ,RTAG 'DZIN BLO YIS BRTAN PAR MOS PA LAGS, ,NYID SKU YID KYI ME LONG LA BKOD NAS, ,DGE SBYOR SKYABS 'OG NAM YANG G-YEL BA MED, ,GOS CHEN

KHA 'BREL SKYES KYI TSUL DU 'BUL, ,DGA' BA GSUM PA'I TSES LA PHUL ZHU YIG CES PA YANG DE NYID LA GNANG BA'O,, ,, ` NYI 'OD LAN BRGYAR 'THUNGS PA'I PAD MOS KYANG, ,MKHYEN PA'I SPYAN LA 'GRAN PAR MI NUS PA, ,LUGS GNYIS GNAS LA ZLA BRAL SA 'DZIN KHYED, ,SRID MTHA'I BAR DU SRID 'DIR ZHABS BRTAN CING, ,DON BZANG TSIG 'BRU BZANG PO'I AUTPAL PHRENG, ,'JAM MNYEN REG BYA MCHOG GI LO 'DAB DANG, ,RO BRGYA LA DU'I RJES MTHUN ZA MA TOG ,SBYIN MA'I BU YI MTSAL KHRAG GSAR PA'I SMAN, ,DANG BCAS PHYOGS 'DIR MNGAGS PA'I PHO NYA BAS, ,SMIN TSE YID LA SPRO DGA'I CHU BO NI, ,DBYAR DUS DAL 'BAB DAG LA 'GRAN BZHIN GYUR, ,DENG DUS SKU YI ZLA SHEL YAR NGO YI, ,PHUN TSOGS ROL PAS RNAM PAR RTZEN GYUR CING, ,MDZAD PA BDUD RTZI'I RTZA LAG RAB RGYAS PAS, ,LHO PHYOGS NOR 'DZIN GSAL PAR GYUR LAGS GRANG, ,NGOS KYANG DAM CHOS 'DUL BA'I PHYAG LEN BZHIN, ,RNAM DAG RI KLUNGS DGE 'DUN TSOGS RNAMS DANG, ,LHAN CIG DBYAR GNAS NGANG NAS 'DUS PA'I TSOGS,, NYIN BZHIN LEGS BSHAD BDUD RTZIS TSIM PAR BGYIS, ,SEMS KYI ME LONG NGOS LA GANG SKU YI, ,SNANG BRNYAN 'BRAL BA MED PAR RAB BKOD DE, ,GNAS SKABS MTHAR THUG 'GAL RKYEN KUN ZHI ZHING, ,BZHED DON 'GRUB PHYIR G-YO MED BSAM GTAN BGYID, ,GOS CHEN KHA GANG SKYES KYI TSUL DU 'BUL, ,GRO BZHIN CAN GYI GNYIS PA'I PHYOGS KYI NI, ,RGYAL BA DANG PO'I TSES LA PHUL ZHU YIG ,CES PA YANG DE NYID LA GNANG BA'O,, ,, ` RIG GNAS MTHA' DAG LA MKHYEN PA'I SPYAN NYIN MO'I DBANG PHYUG LTAR

, ,GSAL BA NANG SO'I DRUNG DU, ZHU BA, PHYAG DAM GZAN LEGS PA'I GNANG SBYIN DANG BCAS PA PHEBS SHING, DE MA THAG LUS LA GYON YOD LAGS, DENG SANG SKU'I DPAG BSAM MI MTHUN PA'I RLUNG GIS MI G-YO ZHING, SHIN TU RGYAS PA'I MKHYEN RAB KYI YAL GA MDZAD PA'I LO 'DAB GSAR PAS KLUBS TE, SNYAN GRAGS KYI DRI BSUNG THA GRU KUN TU KHYAB PAR BZHUGS PA THUGS LA BTAGS, NGOS KYANG BRO MI 'TSAL ZHING, DPYID CHOS GSUM PA ZUG PA'I CHOS 'PHEL BAR GNAS, ,MTSAMS ZHU; RJE BTZUN MA'I SBYIN SREG GI CHO GA RTZOM GDAN GNANG BA DE DANG BSTUN PA TZAM ZHIG DBANG GI LAS KHO NA'I DBANG DU BYAS NAS BRTZAMS YOD PA BKA' BCU PAS DO DAM BYAS 'BUL BA YOD CING, SKU RIM DGE SBYOR SKYABS 'OG KYANG GSENG MA SHOR BA'I G-YEL MED DU YOD LAGS, ZHU YIG GI SKYES MTSON PAR GOS CHEN KHA GANG LA RGYAS MDZES PA 'BUL, TSES BRGYAD LA PHUL BA'I ZHU YIG ,CES PA YANG DE NYID LA GNANG BA'O,, ,, ` SHES BYA MTHA' DAG LA MKHYEN PA'I SPYAN MCHOG TU YANGS PA NANG SO'I DRUNG DU, ZHU BA, PHYAG DAM SKAD CHA RNAM GRANGS KHRA CHUNG DU BKOD NAS GNANG BA DANG BCAS PA PHEBS, DENG SANG SKU MCHOG TU SNYOMS SHING, MTSAN JUS, PHYAG DPANGS MTHO BA'I NGANG DU BZHUGS PA THUGS RJES BZUNG, 'DIR YANG DBYAR CHOS KYI RING CHOS 'PHEL ZHING, MGON KHANG GI TSON RTZI BKRAG RTZI SOGS LEGS PAR GRUB PA'I, YI DAM CHOS SKYONG DNGOS SU BYON PA LTA BU LA RAB GNAS KYANG LEGS PAR GRUB PAR BYAS LAGS, MTSAMS ZHU, GZHIS KA RIN SPUNGS NAS KYI DPUNG CHEN GZHU SNYE PHYOGS LA

BTEG PA'I, STOD LUNG, 'PHAN YUL GANG RIGS LA 'GRO MAL GZIGS RGYUR YOD 'DUG PA, DE'I TSE NA, SDE SRID RIN PO CHE'I DPUNG CHEN YANG, KHO PA'I DPUNG GI KHA GNON 'ONG TZAM MA GTOGS, GTZO CHE BA SKYID SHOD PHYOGS LA THEG PA 'CHAR SHAS CHE BAS, LHO BYANG GANG DU GNANG BA SHAR KYANG, SNGAR LAS MA G-YOS PA'I, GZHAN PHYOGS LA NON DANG DPA' BRJID CHE ZHING RANG PHYOGS BRLING CHA DANG, THUGS CAG GIS THON PA CIS KYANG THUGS LA 'DOGS PA ZHU, DRUNG NAS DVAGS PO BA'I MNAL LTAS KYI CHA SOGS DE BZHIN YIN 'DUG PA, SKU RIM DGE SBYOR SKYABS 'OG SNGAR YANG GSANG SHOR MED PA'I G-YEL MED RANG DU YOD CING, DA DUNG CHED DU RTZOL BAS GANG THON BGYID PA LAGS, DA LAN SNGAGS MANG DU BTAB PA'I SRUNG DAR ZHIG 'GAL RKYEN THAMS CAD BZLOG PA DANG, NAG PHYOGS KYI G-YUL LAS RGYAL BA'I PHYIR PHUL BA MGUL DU BZHES PA ZHU, TSES BCU GSUM LA CHOS 'KHOR RGYAL NAS PHUL BA'I ZHU YIG CES PA YANG DE NYID LA GNANG BA'O,, ,, ` RGYA CHEN MKHYEN PA'I SPYAN LDAN NANG SO'I DRUNG DU, ZHU BA; PHYAG DAM SPEN TOG GI GNANG SBYIN DANG BCAS PA PHEBS, DING SANG SKU MCHOG TU SNYOMS SHING, DUS BAB KYI MDZAD PA LA G-YEL MED DU BZHUGS PA MCHOG TU SEMS SPRO, 'DIR YANG SMON LAM CHEN MO DGE 'DUN TSOGS CHE ZHING, SDE SRID RIN PO CHE'I SKU RIM LA BRTZON PA'I SKABS NA LAGS, MTSAMS ZHU, RGYUN LDAN DU SKU RIM G-YEL MED DU YOD LAGS NA'ANG, KHYAD PAR DGU GTOR CHEN MO DANG TSES GCIG GTOR MA SOGS KYI SKABS SU DMIGS PHUG PA'I NAN TAN CHE BAR BYAS LAGS SHING,

, ,DA LAN SMON LAM CHEN MO'I TSOGS PA LA STAR CHAGS KYI GSOL THUG ZHU BAR GNANG 'DUG PA, SKU RIM DU 'GYUR CHE ZHING, SMON LAM GYI RGYAS 'DEBS KYANG YANG DAG BYAS YOD LAGS, PAR MKHAN PA LA BKA' BKOD DE BZHIN GNANG 'DUG PA'ANG BKA' DRIN BSKYANGS, ZHU YIG GZIGS PA'I SKYES TZAM DU BKRA SHIS KHA BTAGS ZHIG LA RGYAS MDZES PA 'BUL, PHYOGS GNYIS PA'I DGA' BA DANG PO'I TSES LA CHOS 'KHOR LHA SA NAS PHUL BA'I ZHU YIG CES PA YANG DE NYID LA GNANG BA'O,, ,, ` MKHYEN SPYAN NAM MKHA' LTAR YANGS PA NANG SO'I DRUNG DU, ZHU BA, DENG SANG SKU GSUNG THUGS NYER 'TSE'I RNYOG PA DANG BRAL ZHING RNAM DKAR GYI MDZAD PA RGYA MTSO'I RLABS BZHIN DU DUS LAS MI 'DA' BAR 'JUG PA'I NGANG DU BZHUGS LAGS SAM, NGOS KYANG SKYID SHOD TSOR CHOS LDAN GYI BGYI BAR 'OS PA RNAMS RIM PAS BGYIS NAS RGYAL GYI DBYAR GNAS LA SLEB PA'I RTZIS KYIS LAM DU ZHUGS PA LAGS, GZHI LAM BYES KUN TU SKU RIM DGE SBYOR SKYABS 'OG G-YEL MED DU BGYID CING, ZHU 'PHROS 'BUL 'OS KYANG RIM PA'I 'BUL, GANG CI'I GNAS TSUL RNAMS NANG PA 'DZOM PA GLING NAS KYIS THUGS RGYUS THOG NAS KYANG 'BUL BA YOD LAGS, TSES DRUG LA BSGRAGS MDA' NAS PHUL BA'I ZHU YIG CES PA YANG DE NYID LA GNANG BA'O,, ,, ` LUGS GNYIS KYI SHES BYA LA THOGS PA MED PA'I MKHYEN PA'I SPYAN LDAN NANG SO'I DRUNG DU, ZHU BA, DENG SANG SKU'I DPAG BSAM NYER 'TSE'I BA MOS MA REG CING, MKHYEN RAB YAL GA'I KHYON YANGS MDZAD PA ME TOG DKAR PO'I PHRENG BAS MCHOG TU MDZES PA'I SNYAN GRAGS

KYI DRI BSUNG 'DZIN MA'I THA GRU KUN TU KHYAB PAR BZHUGS LAGS SAM, NGED KYANG DBYAR ZHAL BZHES LA 'DIR SLEB PA'I CHOS 'PHEL BAR GNAS LAGS, MTSAMS ZHU, SKU RIM DKAR PHYOGS LA G-YEL BA MED PA'I NGOS NAS DUS BAB KYI MDZAD PA GANG DANG CI LA SNGAR LAS MA G-YOS PA DANG, KHYAD PAR SKU TSE TSE SGRUB, DPAL LDAN LHA MO'I MCHOD GTOR SOGS LA THUGS DAM DANG, THUGS RTZOL YANG DAG ZHU, 'DIR YANG DUS DANG RNAM PA KUN TU SKU RIM DGE SBYOR SKYABS 'OG LA G-YEL BA MA MCHIS SHING, 'DI SKOR GYI GNAS TSUL SOGS ZHIB PAR BYAMS PA RAB RGYAS KYI NGAG NAS 'BUL, ZHU MCHID LA SPYAN RAS G-YO BA'I SKYES SU BKRA SHIS KHA BTAGS ZHIG LA RGYAS MDZES PA 'BUL, BZANG PO GNYIS PA'I TSES LA PHUL BA'I ZHU YIG CES PA YANG DE NYID LA GNANG BA'O,, ,, ` RIG GNAS MTHA' DAG LA MKHYEN SPYAN NAM MKHA'I KHYON LTAR YANGS PA NANG SO'I DRUNG DU, ZHU BA, PHYAG DAM, RING 'GAG LEGS PA, BZHES SPRO'I ZA MA TOG ZUNG DANG BCAS PA PHEBS, DENG SANG SKU'I DKYIL 'KHOR LA NYER 'TSE'I CHU 'DZIN GYI SGRIB G-YOGS MI MNGA' ZHING, DUS BAB KYI MDZAD PA'I 'OD ZER GYI PHRENG BAS MDZES PAR BZHUGS PA THUGS RJES BZUNG, NGOS KYANG RGYAL GYI DBYAR CHOS GROL RJES DVAGS PO TSOR YANG SKOR CIG PHYIN PA'I BSTAN PA DANG SEMS CAN LA GANG PHAN BGYIS, 'OL KHA TSOR THOGS 'GOR CHUNG BA BYAS PA'I NGOS 'BRAS SPUNGS KYI DGUN CHOS SGANG LA ZIN PAR BSAMS LAM DU ZHUGS PA LAGS, MTSAMS ZHU, SKU RIM DGE SBYOR SKYABS 'OG GZHI LAM BYES GSUM KUN TU'ANG G-YEL MED

, ,YOD CING, ZHIB PAR NGOS KYIS MI 'GYANG BAR 'BUL RTZIS LAGS, ZHU YIG GZIGS PA'I RTEN MTSON PAR RIN PO CHE ZHO GANG LA RGYAS MDZES PA 'BUL, TSES NYER GSUM LA BRAG KHA NAS PHUL BA'I ZHU YIG CES PA YANG DE NYID LA GNANG BA'O,, ,, ` 'CHI MED GZHON NU'I DPAL LA 'GRAN PA'I SKU, ,DRI ZA'I PHANG 'GRO JI BZHIN SNYAN PA'I GSUNG, ,RNAM DPYOD RI MO RNAM PAR BKRA BA'I THUGS, ,KHYED LA TSE DPAG MED PAS 'CHI MED STZOL, ,DENG DUS NYID SKU'I YONGS 'DU'I RKANG 'THUNG NI, ,NYER 'TSE'I BSIR BUS CUNG ZAD MI G-YO ZHING, ,MDZAD PA RNAM BKRA'I ME TOG RGYAS PA'I NGANG, ,SNYAN GRAGS DRI BSUNG DANG 'GROGS GSUNG SHOG GI ,CHU SKYES PHRENG BA YAR SGOG SMAN DANG BCAS, ,MIG GI BDUD RTZIR 'KHRUNGS TSE SNYING LA NI, ,SPRO DGA'I CHU BO CI YANG 'PHEL BAR GYUR, ,'DI NA'ANG DBYAR GNAS NGANG NAS NYIN RE BZHIN, ,'DUS PA'I TSOGS LA CHOS STON BGYID PAR BRTZON, ,'GAL RKYEN ZHI PHYIR DGE SBYOR SKYABS 'OG DANG, ,BZHED DON GRUB PA'I SMON LAM RTAG TU BGYID, ,RGYAS PA'I DBYIBS CHAGS GOS KHA SKYES SU MTSON, ,BCO BRGYAD TSES LA CHOS 'KHOR RGYAL NAS ZHUS, ZHES PA RAB BRTAN DU NANG SO TSE DBANG DPAL 'BYOR LA GNANG BA'O,, ,, ` LUGS GNYIS SHES BYA GSAL BYED NYI MA STE, ,DPUNG PA'I SHUGS LDAN RAB 'BAR RAL GRI'I GNYEN, ,YON TAN DRUG SHES SA SKYONG MDUN SA'I RGYAN, ,KHYED LA SRAS BCAS RGYAL BAS SHIS PA MDZOD, ,DENG DUS 'DI NA SPYI MTHUN LAS TSUL LAS, ,MI BZAD DUS KYI TSUB MA DPAG DKA' BA, ,'DI LTAS KHYOD THUGS DUB PAR MA GYUR CING, ,SKU YI

DKYIL 'KHOR GZI MDANGS RAB GSAL LA, ,SNYAN PA'I GSUNG GIS 'KHOR 'BANGS DBUGS 'BYIN CING, ,MKHYEN DGONGS YANGS PA'I SKYED TSAL LAS BSKRUN PA'I, ,MDZAD PA'I ME TOG SNYAN GRAGS DRI BZANG CAN, ,PHYOGS KYI BU MO'I 'GRAM PAR 'PHYANG BA MTHONG, ,BDAG KYANG SHAR PHYOGS 'DZIN MA'I NGOS DAG LAS, ,DAD LDAN SBYIN BDAG RNAMS KYI DPAL 'BYOR LA, ,SPYOD CING SH'AKYA MU NI'I MDUN SA YI, ,'DUS PA'I SDE RU BGROD SLAD CHAS PA LAGS, ,SLAD MA'ANG SKU KHAMS MCHOG GI 'TSO SKYONG DANG, ,RANG PHYOGS SRUNG DANG GZHAN PHYOGS ZIL GNON PA'I, ,SKABS DANG SKABS MIN BYA BA'I 'JUG LDOG LA, ,RAB TU GZO ZHING THABS MKHAS LDAN PAR MDZOD, ,'KHOR BCAS NYER 'TSE'I RNYOG PA DANG BRAL ZHING, ,BZHED DON RTZE MOR PHYIN SLAD DUS KUN TU, ,SKYABS GSUM BKA' SDOD BCAS LA GSOL 'DEBS SHING, ,RNAM DKAR SMON LAM SNYING LA 'GROGS PA LAGS, ,ZHU YIG RTEN MTSON PAR SNGAGS MANG DU BTAB PA'I SRUNG DAR GCIG PHUL BA LAGS, TSES NYI SHU LA NGO MTSAR BKOD PA NAS PHUL BA'I ZHU YIG CES PA 'DI 'PHYOS PA'I NANG SO SKYA RGYAL BA LA GNANG BA'O,, ,, ` GANG THUGS BDE BA CHEN PO'I CHU GTER LAS, ,RTEN DANG BRTEN PA'I 'KHOR LO'I CHU KLUNG 'BUM, ,SPRO DANG SDUD MDZAD DPAL LDAN BSNYEMS MA'I BDAG ,BYANG CHUB SEMS KYI RDO RJE DES SKYONGS SHIG ,SNGON BSAGS BSOD NAMS RTA LJANG GIS DRANGS MNGON MTHO SHAR RI'I RTZE LA 'DZEGS, ,LUGS GNYIS PAD TSAL BZHAD PA'I DPAL STER MKHYEN RAB 'OD STONG GSAL BAR 'PHRO, ,NAG PHYOGS MUN PA'I DGRA SDE 'JOMS

, ,MKHAS DPAL LDAN NAM MKHA'I NOR BU NI, ,SKYE 'GRO'I RE SKONG DBANG GI RGYAL PO SRID MTHA'I BAR DU RGYAL GYUR CIG ,SLAR YANG RGYAL BA'I BSTAN PA RIN PO CHE, ,RIS MED BSTAN 'DZIN TSOGS RNAMS RTAG MCHOD CING, ,MNGA' 'OG NOR 'DZIN PHAN BDE'I LO TOG GIS, ,YONGS SU GANG BA'I BKA' DRIN NYIN BZHIN STZOL, ,'DI NA'ANG BSHAD DANG SGRUB PA'I GZUGS BRNYAN GYIS, ,RGYAL BA'I BSTAN LA SRI ZHUR BGYID SKABS NAS, ,LHAG BSAM DAG PA NYID SKU'I MDUN SA CHER, ,RNAM PAR DKAR BA'I ZHU MCHID GSOL BA LAGS, ,ZHES SPYAN LAM DU DBAB PA'I SKYES MTSON PAR THER MA BUBS GCIG 'BUL, ,ZHES DPON DRUNG G-YUNG PA LA GNANG BA'O,, ,, ` DMIGS MED SNYING RJE'I GZHAN DBANG GYUR PA'I MTHUS, ,SKU GSUM LHUN GRUB SPANGS RTOGS MTHAR PHYIN KYANG, ,RTAG TU GZHAN GYI DON LAS MI G-YEL BA'I, ,SKYES CHEN KUN LA SPYI BOS PHYAG BGYI'O, ,PHYOGS LAS RNAM RGYAL SA YI DBANG PHYUG GI ,BKA' YI COD PAN GANG GI THOD DU BSTEN, ,LUGS GNYIS GNAS LA MKHYEN PA'I SPYAN YANGS PA, ,GRU 'DZIN BLON PO'I DBANG POR 'DI SKAD GSOL, ,DENG DUS KHYED SKU YAR NGO'I ZLA SHEL LTAR, ,CHES CHER BRTAS SHING RNAM DKAR MDZAD PHRIN NI, ,YONGS SU RGYAS PA'I GRAGS PA'I BSIL ZER DAG ,PHYOGS BCUR 'PHRO BA'I DGE MTSAN CI YANG MTHONG, ,DUS MTHAR NYON MONGS DRAG PO'I DBANG GYUR PAS, ,RANG NYID CHES CHER BSLUS PA'I SKYE BO DAG ,PHYI MA'I SDUG BSNGAL MI BZAD LTA CI SMOS, ,'DIR YANG NYAM THAG GNAS SU GYUR CES THOS, ,MNGON MTHO NGES LEGS PHUN TSOGS

KUN GYI GZHI, ,DKAR PO'I LAS LA CHES CHER DGYES PA KHYED, ,RMAD BYUNG SNYING RJE CHEN POS NYER DGONGS TE, ,MI BZAD DRAG PO'I PHRIN LAS BTANG SNYOMS SU, ,MDZAD NA 'DI DANG PHYI MAR BZHED PA'I DON, ,MA LUS BDE BLAG NYID DU 'GRUB PAR 'GYUR,, DE LTAR BRTZE BA'I MA LA BU BZHIN DU, ,MA 'DRES PAR YANG NAN GYIS GSOL BA NI, ,NYAM THAG SKYE BO'I SDUG BSNGAL MA BZOD CING, ,PHYOGS 'DI'I YUL GRU 'DZIN PA'I KHYIM BDAG RNAMS, ,'TSO BA SBYIN PA'I BDAG POR GYUR PA YIS, ,SPYI BRTOL BSKYED DE RINGS PAR GSOL BA LA, ,BRTZE BA'I THUGS KYIS DGYES BZHIN GNANG BAR MDZOD, ,RGYAL BA SRAS BCAS KUN GYI THUGS RJE DANG, ,RTZA BRGYUD BLA MA RNAMS KYI BYIN RLABS DANG, ,RTEN 'BREL BSLU BA MED PA'I BDEN PA LAS, ,JI LTAR 'DOD PA'I DON KUN 'GRUB GYUR CIG ,CES DBEN PA'I BSTI GNAS NAS PHUL BA'I ZHU YIG CES PA 'DI DPON DRUNG KHRA PA LA GNANG BA'O,, ,, ` RNAM DKAR DAD PA'I ME TOG DKAR PO YIS, ,THUGS KYI DPAG BSAM DBANG PO MDZES BYAS PA, ,GANG GI BKA' YIG BUNG BA'I SPRIN PHRENG NI, ,ME TOG DMAR PO BZUNG BA PHYOGS 'DIR PHEBS, ,CHOS KYI GNAS TSUL 'DRI BA'I DAD PA DANG, ,BDAG LA PHAN PAR SMRA BA'I DRAN SKUL GYI, ,YID LA KUN DGA' SBYIN PA'I GRE 'GYUR CAN, ,DRI ZA'I PI WANG GNYIS PA LTA BUR THOS,, RTAG TU GZHAN DBANG DRAG PO'I RLUNG BZHON GYIS, ,SEMS KYI DPAG BSAM G-YO BA'I SKAL BA CAN, ,BDAG KYANG LHA RGYAL GLING GI KHANG BZANG RTZER, ,NYIN ZHAG BDUN PHRAG GCIG GI LANG TSO LA, ,RIM GNYIS ZAB MO'I TSUL GYI BDE BA DANG, ,GZHAN PHAN

, ,BYA BA'I KHUR GYIS DUS 'DA' ZHING, ,'BAD MED BRTZE BA'I SEMS KYI MA MA LAS, ,RES 'GA' NGANG TSUL LDAN PA KHYED NYID SEMS, ,RING NA GNAS KYANG NYE BA'I BSAM PA CAN, ,PHAN TSUN SEMS KYI 'GRO 'ONG NYAMS MI 'GYUR, ,NYI MA NAM MKHAR GNAS KYANG NOR 'DZIN DU, ,AUTPAL PHRENG BA BZHAD PA'I TSUL LA GZIGS, ,RTAG TU PHAN PA'I 'OD KYI TSIG PHRENG DANG, ,'PHRAD 'DOD GDONG GI MIG CHU 'OD GSAL BAS, ,RING NAS SEMS PA'I BU LA PHAN PA'I GTAM, ,SEMS KYI NGAL GSO 'DI DAG CUNG ZHIG SPRO, ,BRGYA PHRAG BSOD NAMS ZONG GIS THOB PA'I SKU, ,DAL 'BYOR RIN CEN 'DI NI THOB PAR DKA', ,DON MED NGANG DU ZAD NA RANG NYID BSLUS, ,NYIN MTSAN DGE BA'I TSUL GYIS SNYING PO LONGS, ,NYAM CHUNG TSE 'DI NAM MKHA'I 'JA' DANG 'DRA, ,NAG PHYOGS 'BYUNG PO'I RLUNG DMAR STOBS DANG LDAN, ,MTHAR BYED PHO NYAS SLEB TSE 'GYOD KYANG 'PHYIS, ,SKU RIM DKAR PO'I PHYOGS LA 'BAD PAR 'TSAL, ,TSE 'DI'I PHUN TSOGS THAMS CAD GLOG PHRENG BZHIN, ,MI BRTAN 'GYUR BA KUN GYIS MTHONG BZHIN DU, ,ZHEN PAS SDIG LA SPYAD NA RANG NYID BSLUS, ,PHYI MA'I NOR DANG LONGS SPYOD BSAGS NA LEGS, ,RTAG TU BSLU BA MED PA'I DKON COG GSUM, ,SNYING NAS DAD PA'I SEMS KYIS BSTEN BYAS NA, ,TSE RABS KUN TU BDE BA'I LAM BZANG 'BYIN, ,G-YO MED THUGS KYI DKYIL DU STEN PAR MDZOD, ,PHONGS KYANG MI 'GYUR MDZA' BO DAM CHOS YIN, ,TSE RABS KUN TU MI 'BRAL GROGS KYI MCHOG ,SEMS LA YID BRTAN BDE BA THOB PA'I RGYU, ,RIM GNYIS RNAL 'BYOR TSUL LA

BRTZON PAR MDZOD, ,YID LA BSGOMS PAS BDE LEGS 'PHEL 'GYUR ZHING, ,BAR DO'I 'JIGS PA SEL BA'I BLA MA RNAMS, ,DAD PAS SPYI BO'I RGYAN DU STEN PAR MDZOD, ,'KHOR BA'I BYA BA MANG PO BSAMS PAS SLU, ,RANG 'DOD KHUR GYIS LCI BA'I LUS 'DZIN CING, ,G-YO SGYU'I SEMS KYIS PHAN PA'I TSUL 'CHOS STON, ,CUNG ZAD TZAM GYIS DGA' DANG MI DGA' BYED, ,DUS NGAN 'KHOR GYI TSIG LA GZAB PAR 'TSAL, ,RTAG TU LHA BZHIN GUS PAS BSTEN BYAS SHING, ,SNA TSOGS LONGS SPYOD RNAMS KYIS MCHOD NA YANG, ,BRDZUN TSIG RLUNG GIS SHING BAL LTAR G-YO BA'I, ,DA LTA'I DPON PO RNAMS LA BRTAG 'TSAL LO, ,RANG NYID 'BYOR PA RGYAS NA RJE BZHIN BSTEN, ,CUNG ZAD DMAN PAR GYUR NA RING DU 'DOR, ,PHAN PAR BSKYANGS PA'I DRIN LAN NGON GYIS 'JAL, ,DUS NGAN SNYIGS MA'I GROGS LA'ANG YID BRTAN DKA', ,MDOR NA 'DI PHYI KUN LA PHAN PA'I THABS, ,RNAM DAG DGE BA'I TSUL LA BRTZON PA DANG, ,SROG LA BAB KYANG LAS NGAN SDIG PA'I SEMS, ,RANG LA PHAN PAR DGONGS NAS SPONG BAR MDZOD, ,TSE 'DIR 'BAD PAS MCHOD KYANG PHAN PAR DKA', ,PHYI MAR RNAM SMIN KHUR PO RANG LA LUS, ,SDIG SEMS 'PHEL BA'I SDE SRID 'BAD KYANG SLU, ,SRID KYI BYA BA RNAMS LA'ANG PHAN PAR MDZOD, ,NYIN MO RNAM PAR G-YENG BAS DGE BA BRJED,, MTSAN MO GTI MUG GNYID KYI ZHAGS PAS BCINGS, ,YENGS MA NGANG LA 'CHI BDAG 'BYUNG SRID PAS, ,MA YENGS SEMS KYI BYA RA DRAN PAR MDZOD, ,DGA' MGUR 'GROGS PA'I GNYEN BSHES SO SOR 'BRAL, ,NGAL BAS BSGRUBS PA'I 'KHOR DANG

, ,LONGS SPYOD 'DOR, ,BDAG NYID SDIG PA'I GROGS DANG LHAN CIG 'KHYAM, ,SKYE BO KUN GYI GNAS TSUL 'DI LTAR LAGS, ,DENG SANG DBANG PO GSAL ZHING DGE SDIG SHES, ,DGE BCU SGRUB PA'I MTHUN RKYEN GRUB DUS 'DIR, ,RANG GIS RANG LA PHAN PA MA BSGRUBS NA, ,PHYI MA NGAN 'GROR LHUNG TSE 'GYOD KYANG 'PHYIS, ,SHES LDAN KHYOD LA MANG DU SMOS CI DGOS, ,MDOR NA TSE 'DI'I BYA BA KUN GYIS SLU, ,RTAG TU YID BRTAN THUB PA DAM PA'I CHOS, ,SNGON GYI CHOS RGYAL RNAMS KYIS TSUL BZHIN BSGRUBS, ,SEMS CAN KUN KYANG RANG GI PHA MA YIN, ,DE LA BYAMS PA SPANGS PA'I CHOS KYIS CI, ,RTAG TU GZHAN LA 'TSE BA'I SEMS SPANGS NAS, ,SKYE BO DMAN PA RNAMS LA THUGS RJES SKYONGS, ,RE ZHIG NYE BAR MJAL KYANG PHAN PA'I TSIG ,BDAG LA DE BAS SMRA RGYU GZHAN MED CING, ,TSE 'DI'I 'DU BYED BTANG NA'ANG KHA CHEMS KYI, ,THA MA DE BAS GLENG RGYU MA MCHIS SO, ,SNYING PO MED PA'I BYA BA SNA TSOGS LA, ,RNAM G-YENG SDIG PA'I KHUR GYI 'U LAG PA, ,DAL 'BYOR LUS 'DI CHUD ZOS MA MDZAD PAR,, SNYING NAS SMRAS PA'I YI GE GSAN PAR MDZOD, ,BDAG KYANG TSE 'DI'I SNANG BA MA NUB NA, ,PHAN TSUN MYUR DU MJAL BA'I DGA' STON DANG, ,CHOS MTHUN GTAM GYI GLENG MOS DUS 'DA' ZHING, ,PHAN TSUN MDZA' BA'I 'OD DKAR SPRO BAR BYED, ,DA LAM ZHU YIG NYAMS PA MED PA'I RTEN, ,STONG PHRAG SNGAGS KYIS BTAB PA'I SRUNG DAR ZHIG ,MI 'CHUG RGYA YIS BCINGS TE THAD 'DUL GYI, ,PHO BRANG BA GAM MDZES PA'I DPAL DER 'BUL, ,ZLA BA DKAR PO'I PHYOGS 'DZIN PA'I, ,BCU GNYIS DUS KYI SNGA DRO'I

TSE; ;RNAM PAR RGYAL BA'I PHO BRANG NAS, ,BDAG GIS DGA' BA'I SEMS KYIS 'BUL, ,ZHES PA 'DI BYING PA'I NANG SO LA GNANG BA'O,, ,, ` RGYA CHEN RNAM DKAR MDZAD PA'I 'OD CHAGS PA, ,NAG PHYOGS SGRA GCAN LAG PAS MI SGRIB CING, ,BZANG PO'I SKYES BCAS SNYAN SPRING BSIL ZER DAG ,'PHROD PAS SPRO DGA'I KU MUD CI YANG RGYAS, ,BDAG KYANG MA RUNGS SKYE BO'I TSOGS NANG NA, ,ZLA MED RI DVAGS NAGS NA GNAS PA BZHIN, ,'ON KYANG SKYABS GSUM RIN CEN COD PAN DAG ,DAD PAS SPYI BO'I RGYAN DU MA DOR TZAM, ,NYES MED NAGS KYI RI DVAGS BU MO DAG ,PHRAG DOG CAN MDA' YIS 'DZIN NO LO, ,RAB TU BYUNG BA'I SPYOD TSUL 'DI LTOS LA, ,KHYIM GYI BDAG PO BZANG POR NGA RLOMS SHIG ,NGO MTSAR RIN CEN BYE BAS GANG BA YI, ,YAN LAG BRGYAD DANG LDAN PA'I MA PHAM MTSO, ,MI GTZANG KHROD NA BTZOG CHUS 'TSO BA YI, ,KHVA TA'I TSOGS KYIS DUG LTAR RING DU SPANGS, ,SNGON DUS RIN CEN GLING NAS 'ONGS PA YI, ,BSAM 'PHEL DBANG GI RGYAL PO YIN NO LO, ,DENG DUS MCHING BU'I RDO BAS CI ZHIG BYA, ,PHYAG DAR KHROD DU 'DOR BAR RIGS ZHES SMRA, ,'OD ZER STONG LDAN RTA BDUN RGYAL PO YIS, ,GLING BZHI'I GRIB MA MA LUS SEL NUS MOD, ,RTAG PAR BYANG DU KHA BLTAS BRAG PHUG GI ,GRIB MA MA BSAL NYI MA'I SKYON CI ZHIG ,SPRIN BRAL LHA YI LAM BZANG NYAMS DGA' BAR, ,DKAR GSAL ZLA BA'I GZUGS DE CIS MI MDZES, ,RNYOG MAS GANG BA'I BA TSVA'I RDZING BU DER, ,MDZES PAR MA SHAR ZLA BA'I SKYON MA YIN, ,KYI HUD THUB PA'I BSTAN PA NYAMS DUS 'DIR, ,BSHAD SGRUB BSTAN PA'I

, ,BYA BA RGYANG BSRINGS NAS, ,BRDZUN DANG PHRAG DOG G-YO RGYU'I RANG BZHIN DAG ,BSTAN 'DZIN GZUGS SU RLOM PA MTHONG BAS SKYO, ,PHAN BDE'I 'BYUNG GNAS 'DI LA MI GNOD NA, ,BDAG 'DRA'I BYA BA JI LTAR BYAS KYANG SLA'I, ,BDEN RDZUN DRANG PO'I MIG GIS LEGS LTOS LA, ,GROGS DAG SNYING LA GDUNG BAR MA BYED CIG ,CES KHRA'I ZLA BA'I (KHRUMS ZLA'I) DKAR PHYOGS LA BKRA SHIS LHUN PO NAS DGE BAR GYUR CIG CES PA 'DI NI PHO BRANG RTZE PA'I DBON PO KLU DBANG PA'I ZHU LAN DU GNANG BA'O,, ,, ` RGYAL MTSAN MTHON PO'I DBEN GNAS NAS, ,RGYAL BAR GYUR CES SHIS BRJOD DE, ,RGYAL BA'I RING LUGS 'DZIN PA DES, ,RGYAL PO'I SRAS LA 'DI SKAD ZHU, ,DBYAR SOS BYANG KHAR THEGS RJES NAS, ,DBYAR GYI CHU BO CHES PA DANG, ,DBYAR MTSAMS DAM PAR GNAS PA NAS, ,DBYAR DUS ZHU 'PHROD 'BUL BA'ANG 'GYANGS, ,MI RIGS MANG PO TSOGS PA YI, ,MI YI DBANG PO'I MDUN SA DER, ,MI CHOS LHA CHOS MDZAD PA LA, ,MI LHOD BRTZON PAR BZHUGS LAGS SAM, ,LHO PHYOGS 'DZIN MAR GNAS PA BDAG ,LHO BRAG PHYOGS LA 'ONG DGOS ZHES, ,LHO YI RLUNG SHUGS LTAR BSKUL BAS, ,LHO LA MYUR DU 'GRO BAR RTZOM, ,GONG MA CHEN PO'I ZHABS DRUNG DER, ,GONG GI BKA' LAS MA G-YOS PAR, ,GONG NAS GONG DU RNAM DKAR NI, ,GONG NA MED PAR SPEL 'TSAL LO, ,CHOS 'DOD DON GNYER TSOGS RNAMS KYI, ,CHOS LDAN RE BA SKONG BA LA, ,CHOS TSUL BKA' GDAMS GLEGS BAM DE, ,CHOS MDZAD 'DI LA BSKUR BAR MDZOD, ,ZHIB TU BSNYAD PAR 'OS PA'I GTAM, ,ZHIB PAR NGAG GI LAM NAS

'BUL, ,KHRUMS KYI ZLA BA'I DKAR PHYOGS LA, ,PHUL BA LAGS SO DGE LEGS 'PHEL, ,CES DPON DRUG RDZONG DU GNANG BA'O,, ,, ` RGYA CHEN MANG DU THOS PA'I MTHAR SON ZHING, ,RTAG TU BYAMS DANG SNYING RJE'I GZHAN DBANG CAN, ,RGYAL SRAS GANG GIS 'DI NA RANG DBANG DANG, ,BRAL YANG YUN DU 'TSO BAR GYIS SHIG CES, ,SNYAN PA'I GSUNG SHOG RTEN 'BREL LEGS TSOGS KYI, ,SKYES DANG BCAS PA PHYOGS 'DIR LEGS PAR PHEBS, ,RING MO ZHIG NAS SH'AKYA'I RGYAL PO YIS, ,LAN MANG BSNGAGS PA BDE BA CAN ZHES PA'I, ,ZHING GI YON TAN LEGS PAR GZIGS PA LAS, ,GNAS DER 'KHRUNG BA'I SHUGS DRAG THUGS 'DUN DANG, ,DGE TSOGS SMON LAM CHU BO'I RGYUN LTA BU, ,SGRUB LA NAM YANG ZHUM PA MA MCHIS PAS, ,ZHING DER 'KHRUNG BA'I PHYI NANG RGYU TSOGS KUN, ,NYID KYIS TSANG BAR MDZAD NA BDAG LTA BUS, ,RNAM 'DREN BGYID LA BLTOS PA CI ZHIG 'TSAL, ,'ON KYANG 'JIG RTEN DBANG PO SRONG BTZAN GYI, ,YE SHES SGYU MA SPRUL PA'I GTZUG LAG TU, ,BDEN TSIG SMON LAM LA DBANG KHRIMS LDAN GYI; ;'DUS PA STONG PHRAG GSUM LHAG DANG BCAS NAS, ,'GRO BA KUN KYANG PADMO CAN GYI ZHING, ,SKYOB PA 'OD DPAG MED PA'I ZHABS DRUNG DU, ,SROG DBANG 'GAGS MA THAG TU SKYE GYUR CES, ,RNAM DAG SMON LAM NYIN BZHIN BGYID PA NA, ,LHAG PAR YANG YANG NYID DU DRAN PAR BYAS, ,NAM ZHIG GNAS SKABS LNGA PAR NYE BA'I TSE, ,THUGS DAM RIM PA 'DI BZHIN SPEL BAR 'TSAL, ,PADMA R'A GA'I LHUN PO LTAR BRJID CING, ,BSOD NAMS BRGYA PA'I MTSAN GYI GZI 'BAR BA, ,LHA MI'I STON PA MGON PO

, ,'OD DPAG MED, ,PAD DKAR 'DZIN PA MTHU CHEN THOB LA SOGS, ,RGYAL SRAS RGYA MTSO'I 'KHOR GYIS YONGS BSKOR NAS, ,MDUN GYI NAM MKHAR MNGON SUM DU BYON TE, ,BU BU BDE BA CAN DU MYUR SHOG CES, ,SNYAN PA'I GSUNG GIS LEGS PAR DBUGS DBYUNG ZHING, ,GLANG CHEN SNA LTAR BRKYANGS PA'I PHYAG G-YAS NI, ,SPYI BOR BZHAG NAS LEGS PAR BYIN BRLABS TE, ,BAR DO'I 'JIGS PA KUN LAS BSKYABS NAS KYANG, ,BDE BA CAN DU LAM SNA 'DREN PAR BSAM, ,DNGOS GRUB KUN GYI 'BYUNG GNAS PHAN BDE'I GTER, ,RTZA BRGYUD BLA MA RNAMS KYANG MKHA' LA BYON, ,RGYUD SDE BZHI DANG 'BREL BA'I YI DAM GYI, ,DKYIL 'KHOR LHA TSOGS RNAMS KYIS LHA LAM GANG, ,RANG LA BSKYED RDZOGS ZAB MO'I LAM STON CING, ,DNGOS GRUB 'DOD DGU'I CHAR CHEN 'BEBS PAR MDZAD, ,GNAS GSUM DPA' BO MKHA' 'GRO'I TSOGS RNAMS DANG, ,BAR CHAD KUN SEL CHOS SKYONG SRUNG MA RNAMS, ,RANG LA MNGON SUM NYID DU ZHAL BSTAN TE, ,GNAD GCOD NAD DANG SDUG BSNGAL KUN BSAL NAS, ,BAR DO'I 'PHRANG LA 'JIGS PA KUN BSKYABS TE, ,SKAR MDA' 'PHANGS PA BZHIN DU BDE BA CAN, ,DAG PA'I ZHING DU SKAD CIG LA BGROD DE, ,RIN CEN 'DAB MDZES PADMO DAM PA'I DBUS, ,SHIN TU RNO BA'I THEG CHEN RIGS MCHOG TU, ,SKYES MA THAG TU PADMO'I GE SAR LAS, ,'THON TE 'DREN PA 'OD DPAG MED PA'I ZHAL, ,MNGON DU GYUR NAS ZAB DANG RGYA CHE BA'I, ,DAM CHOS BDUD RTZI'I CHAR CHEN LEGS PHAB NAS, ,BRGYA PHRAG DKA' BA SPYAD LA MA BLTOS PAR, ,LAM LNGA SA BCU MYUR DU BGROD

NAS KYANG, ,SKU GSUM GO 'PHANG DAM PA MNGON 'GYUR BAR, ,BSAM ZHING DE YI SMON LAM YANG YANG BYA, ,ZHES CHOS RJE DBO TSANG PA LA GNANG BA'I BDE BA CAN GYI SMON LAM MO,, ,, ` BLO BZANG RGYAL BA'I THUGS RJE'I CHAR ZIM NI, ,GANG DU 'BAB PA BYANG SEMS CHOS KYI RJE'I, ,'PHRIN LAS CHU KLUNG MA LUS GANG DU NI, ,BSAGS PA DANG LDAN CHAB MDO ZHES BYAR GRAGS, ,GANG DE'I THUB BSTAN SHING RTA'I KHA LO PA, ,DAM CHOS SMRA BA RNAMS KYIS GTZO MDZAD NAS, ,PHUN TSOGS 'DUS PA RGYA MTSO'I SPYAN SNGAR NI; ;RING NAS DANG BA'I YID KYIS MCHID 'DI ZHU, ,DENG SANG BSLAB PA GSUM LDAN DGE 'DUN TSOGS, ,THUGS MTHUN 'KHOR LO GSUM GYI BYA BA LA, ,G-YEL BA MED PAS BYANG PHYOGS NOR 'DZIN GYI, ,RGYAN DU GYUR CES LAN CIG MIN PAR THOS,, DAD LDAN 'DAB BRGYA'I PHRENG BA RAB 'KHRIGS SHING, ,BLO GSAL NGANG MO BYE BAS NYER BSTEN PA'I, ,NGOGS DER NGANG PA'I DED DPON KHO BO YANG, ,LEGS BSHAD MGRIN PA'I RDZA RNGA SGROG 'DOD KYANG, ,PHYOGS 'DIR DGON GNAS GSAR PA'I GZHI BTING ZHING, ,RNYING PA DU MA'I BSHAD SGRUB BSTAN PA'I KHUR, ,MI NUS BZHIN DU NYE BAR 'DOGS PA SOGS, ,BYA BA GZHAN GYIS GO SKABS PHROGS PA LAGS, ,DA LAN SNYING POR 'OS PA'I ZHU MCHID NI, ,BLO GSAL TSOGS RNAMS LEGS BSHAD SGROG PA'I SA,, PHYOGS LAS RNAM RGYAL ME TOG BKRA BA'I THANG, ,DGE MTSAN RI MO BKRA BA'I DGON GNAS SU, ,RTEN BZHENG DGE 'DUN 'DU BA'I MTHUN RKYEN DU, ,PHYOGS DER BLA MA MKHAN CHEN DKA' BCU PA, ,DPON SLOB DAD 'BUL BSKUL PHYIR LHAGS PA LAS, ,CHOS

, ,SDE CHEN PO'I SPYI SGOS SO SO NAS, ,NYE BA'I THUGS KYIS GANG 'OS STONGS GROGS DANG, ,SNYAN PA'I GSUNG GI BSLAB BYAS DBUGS 'BYIN CING, ,SBYIN PA'I PHYAG RING BRKYANGS PAS TSIM PAR MDZOD, ,YOS BU LO YI KHRUMS KYI NI, ,ZLA BA'I GRAL TSES BZANG PO LA, ,CHOS 'KHOR RGYAL GYI GTZUG LAG KHANG, ,DAM CHOS 'PHEL BA'I GNAS NAS PHUL, ,CES PA CHAB MDO PA LA GNANG BA'O,, ,, ` GANG GI BLO GROS YANGS PA'I BANG MDZOD NI, ,GZHUNG MANG LEGS BSHAD RIN CEN NGAL GSO BA,, NGAG GI DBANG PHYUG BKRA SHIS TSE YI DBANG, ,PHUN TSOGS SRID MTHA'I BAR DU BRTAN GYUR CIG ,DENG SANG SNGON BSAGS LEGS SPYAD KYI CHU GTER BSRUBS PA LAS 'ONGS PA'I LANG TSO'I ZLA SHEL DUS KYI CHU 'DZIN GYIS MI SGRIB CING, DUS BAB KYI MDZAD PA BDUD RTZI'I 'OD KYIS MDZES PAR BZHUGS YOD 'DUG PA LEGS, 'DI NA'ANG GZHIS KA TSO NAS THUGS KHUR BZHES PA'I BOD 'BROG GI 'THUS BTZUN RNAMS KYI SPYIL BU GSAR PA PHYED NYIS BRGYAR NYE BA TZAM LEGS PAR GRUB, DGE 'DUN TSOGS CHE ZHING GSUNG CHOS 'PHEL BAR YOD, SKABS ZHUS, ,SLOB DPON TSUL DPAL BA BSNYUN YUN RING ZHING, 'TSO SKYONG SKU RIM SOGS CI YANG MDZAD 'DUG NA'ANG GNAS SKABS LNGA PAR GYUR PA ZHIG BYUNG 'DUG PA, SPYI SGOS THAMS CAD DU GCES SHING, KHYAD PAR RANG RE LA THUGS G-YENG CHEN PO YOD PA ZHIG BYUNG 'DUG NA'ANG LUS CAN THAMS CAD KYI NGANG TSUL DE NYID LAS MA 'DAS 'DUG PAS BYA THABS MA MCHIS SHING, SLAR YANG 'DI LTA BU'I GNAS TSUL LA GZIGS PA'I NGOS SKU KHAMS KYI 'TSO SKYONG LAS MI LHOD

CING, TSUL GNAS THOS BSAM SGOM GSUM LA LHOD PA MED PA MDZAD 'TSAL, 'DIR YANG SKU RIM DGE SBYOR SKYABS 'OG RGYUN LDAN DU BGYID PA YOD CING, MI 'GYANGS PAR MJAL BAR SMON, SKYES MTSON PAR KHA BTAGS DKAR PO ZHIG LA RGYAS MDZES PA 'BUL, TSES BCU GSUM LA CHOS 'KHOR RGYAL GYI DBEN GNAS NAS PHUL, CES PA 'DI DRUNG NAS RMOG THOG PA LA GNANG BA'O,, ,, ` GANG GI RNAM DPYOD PHA MTHA' NI, ,NAM MKHA'I LAM LA 'GRAN PA BZHIN, ,SNYAN NGAG DRI ZA'I RGYUD MANG DAG ,SGRENG BAS TSANGS DBANG SRAS MO YANG, ,SKYENGS PA'I NAGS SU 'JUG BYED PA, ,RNA BA'I BCUD LEN THOB PA LAS, ,SNYING LA DGA' BA'I CHU GTER RLABS, ,RAB 'PHYUR DBU PHRENG MU TIG GI ,DOG PAS NOR 'DZIN 'GENGS LA BRTZON, ,SNGON CHAD CUNG ZAD BRO 'TSAL BA; ;DENG DUS RGYU SKAR BDAG PO NI, ,SGRA GCAN LAM LAS GROL BA LTAR, ,DES PAR GYUR CES GTAM BZANG POS, ,DANG PO'I SA LA REG PA SNYAM, ,GRU 'DZIN RI BO'I NGOGS DAG TU, ,DAD LDAN SLOB BU'I TSOGS RNAMS DANG, ,MJAL NAS 'BEL BA'I BKA' MCHID DAG ,BGYID PAR SNYING LA RAB SPRO YANG, ,'DI NAS 'GRO BZHUD 'GYANGS NGES SHING, ,DBYAR DUS SPYI DANG SGOS DAG GI ,RGYAL GYI MKHAR LAS BGYID 'OS SOGS, ,G-YENG BAS DA LAM DE PHYOGS SU, ,MA SLEB PA LA THUGS KHREL DANG,, BAS PAR MI 'TSAL DGAG DGOS KYI, ,GNAS TSUL MKHYEN SPYAN YANGS PA YIS, ,GZIGS NAS DMIGS BSAL MDZAD 'TSAL LO, ,MI 'GYANG MYUR DU MJAL BAR SMON, ,RGYAL BA GSUM PA SHAR BA'I TSE, ,'BRAS SPUNGS SKYED MOS TSAL NAS ZHUS,,

, ,ZHES PA YANG DE NYID LA GNANG BA'O,, ,, ` LEGS SPYAD 'O MA'I CHU GTER BSRUBS PA LAS, ,LEGS PAR BSKRUN PA'I YONGS 'DU'I SRING MO NI, ,RTZIBS STONG LAG PA 'DZIN BYED GZHAN PA BZHIN, ,GANG DE'I DRUNG DU RING NAS MCHID 'DI ZHU; ;ZLA ZER REG PAS RNAM 'PHEL SPU LONG GIS, ,RAB 'THOR SDEB LEGS 'OD CHAGS MU TIG TSOGS, ,CHU SKYES TSOM BU BKOD PA'I GLEGS BU DANG, ,LHAN CIG 'DREN BYED BDUD RTZIR BSTZAL BA NA, ,SPRO DGA'I YID BZHIN RGYA MTSOR RLABS 'PHYUR BA,, DGA' SKYES SPU LONG GOS KYIS SKYOR BA BZHIN, ,YID SKYES BDE BA KUN GYIS MI MTSON CING, ,'PHAGS PA'I BSAM GTAN GNAS LA REG GAM SNYAM, ,BRTAN G-YO'I DNGOS KUN SGYU MA'I GRONG KHYER BZHIN, ,MED BZHIN SNANG BA'I ROL PAR THUGS CHUD NAS, ,LUGS GNYIS MDZAD PA MTHO RIS MAN NE KA'I, ,ROL MOS RNAM PAR DGYES 'DI AE MA MTSAR, ,'DI NA'ANG 'JIG RTEN DBANG PO'I YE SHES KYI, ,SGYU MA SPRUL PA'I PHO BRANG DANG NYE BAR, ,BLO GSAL SUM RTZEN TSOGS KYI BSTI GNAS NA, ,SNYING LA LEGS BSHAD BDUD RTZIS MYOS BZHIN DU, ,SNYOM LAS MAL STAN 'DZIN ZHING GNAS PA LAGS, ,LHUN STUG DBYAR SKYES PHRENG BA LAS 'ONGS PA'I, ,CHAR ZIM 'DZIN MA'I THA GRU KUN TU SNYOMS, ,BRTAN G-YO'I DNGOS PO KUN GYI RTEN BYED PA, ,'BYUNG PO 'DZIN BYED DE YI NGANG TSUL LO, ,ZHU MCHID AUTPAL SPYAN ZUR 'GROGS PA'I SLAD, ,BKRA SHIS RI MO BKRA BA'I KHA BTAGS NI, ,GZHA' BKRA'I SNANG BA 'DI KUN RANG BABS KYI, ,YE SHES RGYA YIS MTSAN BZHIN SPYAN SNGAR 'BUL, ,SGYUR BYED LO YI LANG TSO

MA; ;NYA YI KHYIM DU RNAM RTZEN PA'I, ,NAG PA CAN GYI DKAR PO'I PHYOGS, ,SHAR TSE 'BRAS SPUNGS SDE NAS ZHUS, ,ZHES SNYE MO GSER KHANG PA'I DPON MO LA GNANG BA'O,, ,, ` LHO PHYOGS SA CHEN SKYONG BA'I RIGS 'KHRUNGS SHING, ,DAD PA'I GZHI BRTAN GTONG BA'I PHYAG YANGS PA, ,MKHA' LTAR YANGS PA'I RNAM DPYOD 'DZUM DKAR CAN, ,DPAL MO LTA BUR BSNGAGS 'OS GANG DE YIS, ,MKHAS PA DGA' BYED SDEB LEGS PADMO'I PHRENG, ,MKHA' NGOS RGYU SKAR TSOGS LA 'KHU LDAN PA'I, ,DGUNG LO'I GRANGS BZHIN ZE'U 'BRU'I SO PHRENG CAN, ,PHO NYA'I LAG RTZER SON PA MTHONG BA NA, ,SNYING LA DGA' BA'I BDUD RTZIS BRAN PA BZHIN, ,KHYAD PAR 'KHOR BA'I PHUN TSOGS GDUG PA'I SBRUL, ,LCE RTZE G-YO BA'I GAR LTAR DGONGS SO ZHES, ,THOS TSE PHYOGS 'DIR MA GA DHA BZANG MO, ,'ONGS SAM SNYAM DU BDAG YID KHYOGS LA 'PHYANG, ,GANG ZHIG SRID LA LAN BRGYAR YID BRKAM PA, ,DE DAG RNAMS KYANG CHOS LA SBYAR 'OS NA, ,BLO GROS CHOS KYI LAM DU SONG BA DAG ,LDOG PA RMI LAM DU YANG JI LTAR DRAN, ,'ON KYANG LAS KYI MTHA' NI ZAB CING PHRA, ,YE SHES SPYAN LDAN RGYAL BA SRAS BCAS LA, ,LUNG BSTAN ZHUS NAS DE NYID KHYAD GSOD PA, ,DAD LDAN KHYOD LA BLO GROS JI LTAR SKYES, ,DES NA BDAG GI GTAM LA YID RTON NA, ,RE ZHIG THUGS NI CHOS LAS MA G-YOS PAR, ,RTZE GCIG DKON COG GSUM LA BLO GTAD DE, ,THUGS NGANG BSRINGS NA DON DE 'GRUB PAR SEMS, ,RKYEN NGAN BYANG CHUB LAM DU SGYUR BZOD NA, ,BZHUGS GNAS GANG DU BZHUGS KYANG KHYAD PAR CI, ,BLO NI PHYIN CI LOG GYUR NAGS NA YANG,,

, ,DBEN PA MIN TE NAGS KYI GCAN GZAN BZHIN, ,DE SLAD RE ZHIG THUGS NI PHOB MDZOD DANG, ,DE NAS BDAG GI NANG SO KHU DBON LA, ,JI LTAR BZHED PA'I THUGS DAM ZAB MO LA, ,RTZE GCIG GNAS SLAD SNYAN SKUL BGYID PA LAGS, , ZHES PA'I RTEN DU SNAM BU DMAR PO ZHIG LA RGYA 'DI 'BYAR 'BUL, NYER BDUN LA RGYAL MTSAN RTZE NAS ZHUS, ZHES PA 'DI LHA RGYA RI BA'I YUM DRUNG NAS LO MA BA LA GNANG BA'O,, ,, ` SNGON BSAGS LEGS SPYAD MTHO RIS SKYED TSAL DU, ,LEGS BSKRUN RNAM DPYOD YAL GA'I KHYON YANGS SHING, ,RNAM MANG YON TAN 'BRAS BU'I RGYAN PHRENG CAN, ,'CHI MED YONGS 'DU GNYIS PA ZHABS BRTAN CIG ,DPAL 'BYOR BGRANG YAS RIN CEN GYIS GANG BA'I, ,PHUL BYUNG DAD PA'I MTSO CHEN RLABS 'PHUR BAS, ,RAB 'THOR CHAB SHOR MU TIG PHRENG BA NI, ,NYI 'OG SHAR PHYOGS RGYAL PO'I LEGS SPYAD LAS, ,'O MA'I RDUM BZANG 'CHI MED BDUD RTZI YANG, ,SKYENGS BYED PHYAG RGYA'I LANG TSO GSAL BA CAN, ,SKYES KYI DPAL 'DZIN PHO NYA'I LAM LAS NI, ,PHYOGS 'DIR SPRO DGA' GZUGS CAN BZHIN DU 'ONGS, ,BYANG PHYOGS NOR 'DZIN SKYONG BA 'KHOR BCAS RNAMS, ,PHYI NANG NYER 'TSE'I GNOD PAS MI BRDZI ZHING, ,CHOS DANG SRID KYI DPAL 'BYOR 'GRAN PA BZHIN, ,BZHUGS ZHES SNYAN GRAGS DBYAR SKYES SPRIN GYI SGRA,, THOS PA'I SPRO DAGS MYOS PA'I MDONGS LDAN NI, ,GTZUG PHUD MNGON PAR BTEG STE GAR BYED DO, ,'DI NA'ANG CHOS KYI RGYAL PO TZONG KHA PA, ,DNGOS SU PHEBS 'DRA'I SKU BRNYAN LEGS PAR GRUB, ,SPONG DANG THOS PA LHUR LEN 'DUS PA LA, ,NYIN BZHIN

CHOS KYI DGA' STON STZOL BAR BRTZON, ,SLAR YANG SKABS SU BAB PA'I ZHU MCHID NI, ,KUN GYI LEGS BKUR MTHON PO'I RIGS SU 'KHRUNGS, ,NOR SBYIN LA 'GRAN 'BYOR PA'I BANG MDZOD CAN, ,BSTAN DANG BSTAN 'DZIN GUS PAS MCHOD PA LA, ,MGON MED ZAS SPYIN TSUL DANG MTSUNGS PAR MDZOD, ,ZLA LTAR BSIL ZHING NYI 'OD LTAR SNYOMS PA'I, ,RAB YANGS BKA' KHRIMS BZANG PO'I GRIB BSIL LA, ,MNGA' 'BANGS SKYE BO'I TSOGS RNAMS NGAL BSOS SHING, ,RTAG TU RDZOGS LDAN DUS BZHIN MNGON DGAR MDZOD, ,'DIR YANG BDEN GNYIS SRUNG BA'I 'KHOR LO NI, ,YAB YUM 'KHOR BCAS RTAG TU RAB RTZEN ZHING, ,GNAS SKABS MTHAR THUG BZHED DON 'GRUB PA YI, ,'BRAL MED SMON LAM SNYING LA 'GROGS PAR BGYID, ,ZHU MCHID AUTPAL GZHON NU'I LANG TSO LA, ,SPYAN RAS BUNG BA G-YO BAS ROL SLAD DU, ,RIN CEN ZHO YI 'KHOR LO LONGS PA 'BUL, ,RGYAL BA GSUM PA'I TSES LA PHUL ZHU YIG ,CES PA 'DI BYE RI STAG RTZE BA'I DPON MO LA GNANG BA'O,, ,, ` GANG SKU YID LA DRAN PA TZAM GYIS KYANG,, 'CHI MED TSE DANG 'DOD DGU'I DPAL STER BA, ,TSE DPAG MED MGON DE SRAS RGYAL YUM MAS, ,KHYOD LA SHIS PA LHAG PAR SKYONG GYUR CIG ,CES SHIS PA BRJOD PA SNGON DU 'GRO BAS, DPON SA NAS KYI DRUNG DU ZHU BA, SKU MDUN NYID KYIS THOG DRANGS RGYAL BU LCAM SRING DRUNG DANG BCAS, SKU'I DKYIL 'KHOR LA NYER 'TSE'I SPRIN GYIS MA SGRIB CING, DUS BAB KYI MDZAD PA BZANG PO'I 'OD KYI SNANG BAS PHYOGS DUS KUN TU KHYAB PAR BZHUGS LAGS SAM, NGOS KYANG RI KLUNGS KYI DGE 'DUN RNAM PAR DAG PA

, ,RNAMS DANG LHAN CIG DBYAR GNAS PA'I NGANG NAS CHOS 'PHEL BAR YOD LAGS, MTSAMS ZHU, SKU RIM DKAR PHYOGS LA BRTZON PA MI LHOD PA'I NGANG NAS, MNGA' 'BANGS LA BYAMS BRTZE'I SPYAN RAS KYIS 'TSO BA SOGS SNGAR 'KHYUD KYI MDZAD PA BZANG PO LAS MA G-YOS PA ZHU ZHING, 'DIR YANG ZHAL NGO YAN PHYIN BZHUGS PA RNAMS KYI SKU'I SNANG BRNYAN YID LA MI 'BRAL BA'I NGANG NAS SKU RIM DGE SBYOR SKYABS 'OG NAM YANG G-YEL MED DU YOD CING, 'DI SKOR GYI GNAS TSUL RNAMS GZIMS DPON PA'I NGAG NAS 'BUL BA LTAR LAGS, ZHU YIG GZIGS PA'I SKYES TZAM DU SNGAGS MANG DU BTAB PA'I SRUNG DAR BZHI RGYA LDAN DU PHUL BA LAGS, NYER GSUM LA CHOS 'KHOR RGYAL NAS PHUL BA'I ZHU YIG CES PA YANG DE NYID LA GNANG BA'O,, ,, ` MI PHYED DAD PA RI DBANG LTAR BRTAN CING, ,BSTAN DANG BSTAN 'DZIN MCHOD LA MA GA DHA, ,BZANG MO SLAR YANG PHYOGS 'DIR 'ONGS PA BZHIN, ,MTHO RIS DPAL MO'I DRUNG DU 'DI SKAD ZHU, ,SKU YI PHUN TSOGS YAR NGO'I ZLA SHEL GYI, ,ROL PAS RNAM RTZEN DKAR PHYOGS MDZAD PA YI, ,BDUD RTZI'I ZER PHRENG RGYAS PA'I NGANG NYID NAS, ,PHYAG DAM MU TIG DO SHAL LHA RDZAS KYI, ,'JAM MNYEN BKRA SHIS KHA BTAGS DANG 'GROGS PA, ,PHYOGS 'DIR SON TSE ZLA ZER GYIS REG PAS, ,'O MA'I RGYA MTSO JI BZHIN SNYING LA NI, ,SPRO DGA'I CHU BO CI YANG 'PHEL BAR GYUR, ,'DI NA'ANG DUS KYI PHO NYAS MA BZUNG ZHING, ,DBYAR CHOS SHIN TU 'PHEL BAR LEGS GRUB NAS, ,BSTAN DANG BSTAN 'DZIN BSTAN PA'I SBYIN BDAG RNAMS, ,RAB DVANGS YID KYI ME LONG LA

BKOD DE, ,'GAL RKYEN NYER 'TSES NAM YANG MI BRDZI ZHING, ,DAR RGYAS SLAD DU BKA' SRUNG MCHOD PA SOGS, ,CI NUS DGE SBYOR RIM PA'I NGANG DU GNAS, ,SLAR YANG SKU KHAMS GSER LTAR BZANG BA'I NGANG, ,GANG LA 'BAD NA 'DI PHYI THAMS CAD DU,, LEGS PAR DGE BA'I DKAR PHYOGS MDZAD PA LA, ,RTAG TU LHOD PA MED PA GCES PA LAGS, ,BDEN GNYIS SRUNG BA'I 'KHOR LOR 'KHOR BCAS RNAMS, ,RI MOR BRIS BZHIN SNYING LA MI 'BRAL ZHING, ,PHYAG MTSAN RAL GRI'I NA BZA'I SRUNG DAR LA,, YUN RING SNGAGS KYIS BTAB STE SKYES SU 'BUL, ,NYER GNYIS TSES LA DBEN GNAS CHOS 'KHOR RGYAL, ,BKRA SHIS LHUN GYIS GRUB PA'I GNAS NAS ZHUS, ,ZHES PA 'DI DGA' LDAN PA'I DPON MO LA GNANG BA'O,, ,, ` DAD PA'I RTZA BA RAB TU BRTAN GYUR CING,, LUGS GNYIS GNAS LA RNAM DPYOD YAL 'DAB RGYAS, ,YON TAN 'BRAS BU'I KHUR GYIS DUD PA CAN, ,DPAG BSAM RKANG 'THUNG SRID 'DIR ZHABS BRTAN CIG ,MI PHYED DAD PA'I NYI 'OD RAB 'THUNGS PA'I, ,CHAB SHOG AUTPAL GSAR PA'I PHRENG BA NI,, JA DKAR BZANG PO'I SBRANG RTZI'I BCUD CHAGS PAS, ,YID KYI RKANG DRUG SPRO DAGS MYOS PA THOB, ,YA RABS TSUL LA BRTEN PA'I GZHUNG BZANG DANG, ,DAD PA'I LANG TSO CHES CHER GSAL BA CAN, ,NYID KYIS JI LTAR GSOL BZHIN ZHAL NGO RNAMS, ,SKU TSE CHAB SRID BRTAN CING 'PHEL 'GYUR ZHES, ,RNAM DAG SMON LAM DRI MED SNYING LA 'GROGS, ,BKRA SHIS KHA BTAGS SKYES KYI TSUL DU 'BUL, ,RNAM RGYAL LO YI SBRANG ZLA'I PHYOGS GNYIS PA'I, ,'KHOR LO YONGS SU 'DU BA'I TSES LA 'BUL, ,ZHES PA YANG DE NYID

, ,LA GNANG BA'O,, ,, ` THUGS RJE'I SPYAN ZUR AUTPAL REG PAS KYANG, ,'GRO LA 'CHI MED TSE YI MCHOG STZOL BA, ,RGYAL BA KUN YUM YID BZHIN 'KHOR LO YIS, ,KHYED LA TSE DANG YE SHES MCHOG STZOL CIG ,CES LHAG PA'I LHA LA MCHOD PA DANG SHIS PA BRJOD PA'I NGAG SNGON DU BTANG NAS, DPON SA NAS KYI DRUNG DU ZHU BA, DENG SANG SDE PA'I DRUNG GIS THOG DRANGS YAN PHYIN NA BZHUGS PA'I ZHAL NGO BYINGS SKU GSUNG THUGS LA NYER 'TSE'I RNYOG PA SPANGS SHING, SNGA SOR DGONGS GTAD KYI SKU RIM RNAMS LEGS PAR GRUB PA SOGS DKAR PHYOGS KYI MDZAD PA BZANG PO GONG 'PHEL GYI NGANG NAS DUS DANG GNAS SKABS SBYAR BA'I THUGS BREL GYI RIM PA RNAMS LA KHYAB KHREMS SU BZHUGS LAGS SAM, NGOS KYANG LAM 'PHRANG LA MI NGAL ZHING NYE ZHO MED PAR 'DIR ZLA BA SNGA MA'I TSES BCU BZHI LA SLEB, RI KLUNGS KYI DGE 'DUN RNAM PAR DAG PA RNAMS DANG LHAN CIG DBYAR KHAS LEN GRUB PA'I CHOS 'PHEL BA DANG, TSES BCU DGU LA GZA' SKAR LEGS PA BYUNG BAS SKU RIM GTAD GTOR BRJE BA BYAS, ZHAL NGO RNAMS KYI SKU RIM LA G-YEL BA MED PAR GNAS LA, MTSAMS ZHU, GTZO BOR ZHAL NGO RNAMS ZHABS BRTAN PA'I THABS LAM ZAB MO RNAMS LA LHOD PA MED PA'I NGOS SNGON GYI MA GA DHA BZANG MO LTAR BSTAN PA DANG BSTAN 'DZIN GUS MCHOD LHUR LEN PA DANG, CHAB SRID KYI 'DZIN SKYONG SPEL GSUM LA'ANG SNGAR LAS MA G-YOS PA THUGS LA 'DOGS PA ZHU, 'DIR YANG SEMS KYI ME LONG LA ZHAL NGO RNAMS KYI SKU'I SNANG BRNYAN MI 'BRAL BA'I NGANG NAS SRUNG 'KHOR SKU RIM DGE SBYOR SKYABS 'OG TU DUS KUN

TU BGYID PA LAGS SHING, PHEBS 'OS KYANG RIM YOD DANG, DE MTHUN 'BUL 'OS KYANG RIM PAS 'BUL BA BYED LAGS, ZHU YIG GZIGS PA'I SKYES MTSON PAR SA'I SNYING PO ZHO GANG LA RGYAS MDZES PA 'BUL, BZANG PO GNYIS PA'I TSES LA CHOS 'KHOR RGYAL NAS PHUL BA'I ZHU YIG 'DI YANG DE NYID LA GNANG BA'O,, ,, ` DAD PA RAB TU BRTAN PAS RI DBANG DANG, ,RNAM DPYOD MCHOG TU YANGS PAS NAM MKHA' DANG, ,PHUN TSOGS GTONG PHOD LDAN PAS YONGS 'DU'I SHING, ,ZHES BYAR BSNGAGS 'OS DRUNG DU MCHID 'DI ZHU, ,YUM SRAS SKU KHAMS BTZO MA'I GSER LTAR BZANG, ,MDZAD PA STON KA'I ZLA 'OD LTAR DKAR BA'I, ,NGANG NAS DAD PA'I 'PHANG 'GRO'I SGRA DBYANGS NI, ,JA GSAR BZANG BA'I BSDUM BCAS PHYOGS 'DIR STZAL, ,DE TSE SNYING LA SPRO DGA'I RLABS 'PHYUR BA, ,DGA' SKYES SPU LONG TSOGS KYIS SKYOR BA BZHIN, ,'DIR YANG DA LTA SHIN TU CHOS 'PHEL ZHING, ,SKU RIM PO'I RIGS SU 'KHRUNGS, ,RMUGS 'DZIN DBANG PO'I 'BYOR PAS RNAM PO'I RIGS SU 'KHRUNGS, ,RMUGS 'DZIN DBANG PO'I 'BYOR PAS RNAM RTZEN NAS, ,BSTAN DANG BSTAN 'DZIN GUS MCHOD LHUR LEN PA, ,DON LDAN MDZAD PAS RTAG TU ROL BAR 'TSAL, ,'DOD KHAMS DBANG PHYUG PHYAG MTSAN GNAM LCAGS KYI, ,RAL GRI ME LCE'I 'KHOR LO'I NA BZA' LA, ,MDUD PA BCINGS SHING SNGAGS KYIS MANG BTAB NAS, ,BGEGS KUN RNAM PAR 'JOMS PA'I SLAD DU 'BUL, ,KHRUMS KYI ZLA BA'I YAR GYI NGO, ,RGYAL BA GSUM PA SHAR BA NA, ,BKA' GDAMS DBEN GNAS CHOS 'KHOR RGYAL, ,BKRA SHIS LHUN GRUB GLING NAS ZHUS, ,ZHES

, ,PA YANG DE NYID LA GNANG BA'O,, ,, ` BSTAN PA RIN PO CHE GUS PA MCHOD PA LA CHOS RGYAL MYA NGAN MED DANG MTSUNGS PA SDE PA RIN PO CHE YAB YUM DRUNG DU ZHU BA, 'DI PHYOGS SU LHA'I PHUN TSOGS NYE BAR 'ONGS PA LTA BU'I GUS ZHEN DANG LDAN PA DAG GI BKUR STI DANG, RI MOR BYA BA DAG MNGON PAR BZHES TE RIM PAS LHA'I PHO BRANG SDE CHEN RTZER PHYAGS PHEB STE ZHAL NGO RNAMS SKU MCHOG TU 'TSO ZHING GZHES PA'I NGANG NAS DPON SA LCAM DRUNG PA 'PHYONGS RGYAS TSOR THEGS PA GNANG BA'I RDZONG BKOD KYI RIM PA SOGS DUS BAB KYI MDZAD PA LA BKA' KHYAB TU BZHUGS PA BKA' DRIN BSKYANGS, 'DI NA'ANG DPYOD CHOS KYI CHOS 'PHEL BAR GNAS LAGS, MTSAMS ZHU, SDE PA PHAN TSUN ZHAL NGO CHAB SRID DAR ZHING RGYAS PA'I NGANG NAS DUS BAB KYI MDZAD PA BZANG PO 'DI LTA BU GNANG BA SMON GNAS YIN PAS GZHI BYES SU THEGS BZHUGS GNANG BA'I SGO LA THUGS BAG MI GRANG ZHING, MKHYEN DGONGS NAM MKHA' LTAR YANGS PA'I GNANG SKYONG BKA' DRIN CHE BA MKHYEN, 'DIR YANG GZHI BYES THAMS CAD DU DMIGS PA'I SKU RIM DGE SBYOR SKYABS 'OG G-YEL BA MED PAR BGYID PA LAGS, ZHES ZHU BA'I RTEN TZAM DU, BAR CHAD KUN SEL GYI SRUNG DAR THOGS CIG LA RGYAS BTAB STE PHUL BA ZHAL NGO RNAMS KYI MGUL DU BZHES PA ZHU, TSES BCU BDUN LA PHUL BA'I ZHU YIG CES PA 'DI NANG SO DGA' LDAN PA YAB YUM LA GNANG BA'O,, ,, ` BSLU BA MED PA'I SKYABS GNAS DKON COG GSUM, ,MTHU LDAN CHOS SKYONG SRUNG MA'I TSOGS RNAMS KYIS, ,MI DBANG YAB YUM SRAS DANG BCAS PA RNAMS, ,ZHABS PAD

YUN RING BRTAN PA'I BKA' DRIN STZOL, ,MKHYEN PA'I DKYIL 'KHOR CHA SHAS YONGS GANG ZHING, ,MDZAD PA RAB DKAR BDUD RTZI'I 'OD CHAGS PAS, ,SA SKYONG RGYUR SKAR KHROD NAS LHAM ME BA, ,BSNGAGS 'OS GANG DE'I DRUNG DU MCHID 'DI ZHU, ,GANG SKU 'CHI MED RI BO'I DPAL 'PHROG CING, ,SNYAN PA'I GSUNG GIS MNGA' 'BANGS DBUGS 'BYIN LA, ,NOR BU CHU SHEL LTA BUR THUGS DVANGS PA'I, ,NGANG NAS CHAB SHOG JA GSAR BZANG PO'I BSDUM, ,GNANG SBYIN DU BSTZAL PHYOGS 'DIR SON PA LAS, ,BSAM GTAN DANG PO'I GNAS LA REG SNYAM PA'I, ,SPRO DGA' BDUD RTZIS SNYING LA MYOS PA THOB, ,'DIR YANG DBYAR DAM BCAS PA LAS GROL NAS, ,DON GNYER 'GA' LA CHOS STON BGYID PAR BRTZON, ,'DI NA PADMO'I GNYEN DANG 'DAB BRGYA'I TSAL, ,RGYANG RING GNAS KYANG MDZA' BA MI NYAMS LTAR, ,YID LA KHYOD SKU'I SNANG BRNYAN MI 'BRAL BAR, ,BDEN GNYIS SRUNG BA'I 'KHOR LOR BRTZON PA LAGS, ,SRID GSUM BDAG MO 'DOD KHAMS DBANG PHYUG THUGS, ,PHYAG MTSAN RAL GRI'I GZUGS SU SHAR BA YI; ;NA BZA' RDO RJE'I MDUD PAS BCINGS PA LA, ,SNGAGS KYIS MANG BTAB ZHU YIG SKYES SU 'BUL, ,KHRUMS KYI ZLA BA'I RGYAL BA GSUM PA LA, ,CHOS 'KHOR RGYAL GYI GNAS NAS PHUL ZHU YIG ,CES PA 'DI YANG NANG SO DGA' LDAN PA LA GNANG BA'O,, ,, ` LEGS SPYAD RIN CEN 'BYUNG GNAS BSRUBS PA LAS, ,LEGS PAR 'ONGS PA'I MTHO RIS DPAL MO NI, ,YONGS 'DU'I SRING MO GNYIS PA LTAR GYUR PA, ,GANG DE'I DRUNG DU RING NAS MCHID 'DI ZHU, ,CHAB SHOG YID 'ONG PAD MA DKAR PO'I PHRENG, ,BKRA

, ,SHIS RI MO RNAM BKRA'I SKYES DANG BCAS, ,TSANGS DBANG SRAS MO'I PHANG 'GRO'I SGRA DBYANGS LTAR, ,RNA BA'I BCUD LEN YID KYI BDUD RTZIR GYUR, ,SUM RTZEN GTZO BO RNAMS KYI KHENGS 'PHROG PA'I, ,ZHABS 'BRING DANG BCAS GSER GYI SA 'DZIN LA, ,'GONGS SHING LO HI TA YI KLUNG BRGAL NAS, ,BSHUL RING LAM LA NGAL BA MA MCHIS PAR, ,LHUN PO'I BYANG NAS PHO BRANG LCANG LO CAN, ,SA LA 'ONGS BZHIN 'PHYONGS RGYAS STAG RTZER NI, ,MI YI DBANG PO KHU DBON MCHOG RNAMS KYI, ,MDUN SA RNAM BRGYAN 'CHI MED SKYED TSAL LTAR, ,GLU GAR ROL BAS NOR 'DZIN KHYAB LAGS GRANG, ,SLAR YANG DBYAR GYI DUS KYI CHAR SPRIN DANG, ,NYI MA'I 'OD LTAR MNGA' 'BANGS THAMS CAD LA, ,BYAMS BRTZE'I THUGS KYIS LEGS PAR KHYAB PA DANG, ,BSTAN DANG BSTAN 'DZIN GUS PAS MCHOD PA SOGS, ,MDZAD PA STON KA'I ZLA LTAR DKAR BA 'TSAL, ,DGE SBYOR SKYABS 'OG G-YEL MED SNYING LA 'GROGS, ,SNGAGS KYIS MANG DU BTAB PA'I SRUNG DAR DANG, ,BKRA SHIS KHA BTAGS SKYES KYI TSUL DU MTSON,, BZANG PO DANG PO'I TSES LA PHUL ZHU YIG ,CES PA 'DI 'PHYONGS RGYAS STAG RTZER LCAM TSE DBANG RGYAL MO LA GNANG BA'O,, ,, ` DRUNG BYANG SEMS MAS, BDAG GI THER MA 'DI NYID LA, ,THIG TSAD 'DI DANG BSTUN PA YI, ,MTHANG GOS DRAS SHING DRUBS PA RNAMS,, TSUL DANG MTHUN PAR MYUR DU NI, ,STZOL ZHES ZHUS NA DGONGS PA YI, ,GTING NAS KHREL BAR MI 'GYUR RAM, ,YA RABS DPON MO'I LUS THOB NAS, ,MA RABS BYA BA MA MDZAD PAR, ,BSTAN LA GUS SHING BSTAN 'DZIN GYI, ,ZHABS TOG TSUL BZHIN

SGRUB PA DANG, ,MNGA' 'OG BYAMS PAS SKYONG BA DANG, ,PHONGS RNAMS SBYIN PAS TSIM PAR MDZOD, ,DKON COG GSUM LA SKYABS 'GRO SOGS, ,DGE BA'I SBYOR BA LA 'BAD NA, ,'DIR SKYID PHYI MA BDE BAR 'GYUR, ,NYID KYIS BDAG CAG DPON SLOB LA,, ZHABS TOG TSUL BZHIN BSGRUBS PA YI, ,DGE BAS BZHED DON MA LUS PA, ,BDE BLAG NYID DU 'GRUB GYUR CIG ,CES 'PHYOS BYA 'DABS SU BYANG SEMS MA RGYAL MO BA LA GNANG BA'O,, ,, ` NGUR SMRIG 'CHANG BA'I NGAG GI RI MO BZHIN, ,NGUR SMRIG TSOGS RNAMS SGRUB MDZAD LHA YI SRAS, ,NGUR SMRIG 'DZIN PA'I MCHOG TU RTAG 'KHRUNGS SHING, ,NGUR SMRIG BGOS PA'I SDE KUN MCHOD PAR SHOG ,CHOS SKYONG TSOGS RNAMS BA LIm TAS, ,CHOS BZHIN BDAG GIS MCHOD BYAS NAS, ,CHOS MDZAD KUN GYI SBYIN BDAG GI, CHOS LDAN BZHED DON 'GRUB PAR BYA, ,ZHES PA DE NYID LA GNANG BA'O,, ,, ` GANG LA SMRAS MA THAG TU 'DOD PA'I DON, ,BDE BLAG STZOL BYED YONGS 'DUD SHING LTA BU, ,KHYOD THUGS DKON COG GSUM LA 'BRAL MED DU, ,GTOD CES TSIG 'DI BDEN NA AE MA'O MTSAR, ,'JIG RTEN PA RNAMS 'JIG RTEN G-YENG BA YI, ,DBANG DU 'GRO BA BDEN MOD 'JIG RTEN GYI, ,BYA BAS G-YENGS BZHIN PA LA LONG MED DU, ,GLO BUR 'CHI BA 'DI DAG DGONGS PAR MDZOD, ,KHYIM NA GNAS KYANG BSNYEN GNAS LA BRTZON ZHING, ,KUN LA BYAMS DANG SNYING RJE'I SEMS LDAN LA, ,GTONG PHOD YANGS PAS SBYIN PA LA SPRO BA, ,DE DAG DAL 'BYOR DON DANG LDAN PA LAGS, ,ZHES DA 'PHRAL ZHUS THO, ZHES PA YANG DE NYID LA GNANG BA'O,, ,, ` GANG GI ZHABS ZUNG SNYING LA

, ,DRAN PAS KYANG, ,DNGOS GRUB GNYIS KYI 'DOD DGU'I CHAR 'BEBS PA, ,SRAS BCAS RGYAL BA KUN GYI THUGS RJE YIS, ,KHYED LA GZIGS PA 'BRAL BA MED GYUR CIG ,YUM SRAS DRUNG SKU LUS MCHOG TU SNYOMS SHING, MDZAD PHRIN RNAM DKAR GYI NGANG NAS SKU RIM MANG JA DANG MTHUN PAR PHYAG THAM ZHVA SER GYI GNANG SBYIN DANG BCAS PA PHEBS PAS MJAL BA LTA BU'I DGA' SPRO TSAD MED PA SKYES LAGS, 'DI NA'ANG NAD MED NGOS DGE 'DUN THUGS MTHUN PA DANG CHOS 'PHEL BAR YOD LAGS, MTSAMS ZHU, MI 'GYANG BAR MJAL BAR SMON LAGS SHING, RGYUN DU SKU RIM YANG SGRUB PAR YOD LAGS, PHEBS 'OS KYANG RIM PAR THUGS LA 'DOGS PA ZHU, ZHU YIG RTEN DU JA SDER LEGS PA ZHIG PHUL BA LAGS, TSES GNYIS LA BKRA SHIS LHUN PO'I GZIMS KHANG NAS PHUL BA'I ZHU YIG CES PA DE NYID LA GNANG BA'O,, ,, ` NGA STONG NYID NAM MKHA'I RNAL 'BYOR PA, ,SGRA GRAG STONG GI GLU DBYANGS 'DI BZHIN 'THEN, ,'DIR GANG DGOS KYI YO BYAD MA LUS PA, ,NYID THUGS BSAM DKAR BA'I DPAG BSAM LAS, ,RANG 'DOD PA BZHIN DU THOB PAS TSIM, ,RIGS BTZUN ZHING 'BYOR PA LDAN PA RU, ,SNGON BSOD NAMS BSAGS PAS 'KHRUNGS PA YIN, ,DA 'DIR YANG SDIG PA SPONGS MDZOD LA, ,LAS DKAR PO DGE LA 'BAD PAR MDZOD, ,LAR 'KHOR BA'I KHYIM DU CHUD PA DANG, ,RTEN BUD MED KYI LUS SU GYUR PA LA, ,CHOS RNAM DAG 'BYUNG BA DKON NA YANG, ,RJE BLA MA RNAMS LA DAD PA DANG, ,CHOS ZAB MO SGRUB PA'I SNYING RUS CAN, ,MA LABS KYI SGRON MA LA SOGS PA'I, ,SNGON BYON PA'I SKYES

CHEN RNAM THAR LA, ,DUS RTAG TU BRTZON PA MDZAD 'TSAL LO, ,NYID JI LTAR THUGS LA SMON PA BZHIN, ,SKU SKYE BA PHYI MAR THEG CHEN GYI, ,CHOS RTZE GCIG SGRUB PA'I SMON LAM BGYID, ,DUS RTAG TU DAD PA BRTAN 'TSAL LO, ,DA LTA PHUL, LHO BRGYUD PA'I DPON G-YON RNAMS BKRA SHIS PA'I GDONG DU PHEBS PA DE SHIN TU LEGS, ZHES PA YANG DE NYID LA GNANG BA'O,, ,, ` KA BA DRUG GIS BTEGS PA'I KHANG BZANG NAS, ,KHA DOG GZUGS MDZES DAD LDAN DPAL MO YIS, ,GA BUR NGAD LDAN RENG BU ZUNG DANG BCAS, ,NGA LA GNANG BAS SPRO BA CI YANG 'PHEL, ,CA CO DAD PA'I GSOL 'DEBS DANG MTSUNGS PA, ,CHA TZAM SKU YI RIM GRO BGYID PA DANG, ,JA SOGS MTHUN RKYEN 'DZOM PA'I 'DZIN MA DER, ,NYA MO YID BZHIN RGYA MTSOR JI BZHIN 'JUG ,T'A RE LA SOGS LHA YI RIG SNGAGS KYIS, ,THA CHAD GDON BGEGS BSRUNG PHYIR RAB BSNGAGS PA, ,DA LAN MGUL PA'I RGYAN DU SRUNG MDUD 'DI, ,NA RGA 'CHI BA'I DGRA LAS RGYAL PHYIR 'BUL, ,PA SANGS LTAR DKAR GANGS RI'I MGUL PA NAS, ,PHA ROL BYA 'DABS ZHES BYA'I KHANG BZANG DU, ,BA MO'I MDANGS LTAR DKAR BA'I LHAG BSAM GYI, ,MA LTAR BRTZE BA'I SBYIN PA'I BDAG MOR 'BUL, ,ZHES PA YANG DE NYID LA GNANG BA'O,, ,, ` LAGS, NGED KYANG BKRA SHIS GDONG TSOR LONGS SPYOD KYI 'DU BA PHUN SUM TSOGS PA NAS 'DIR SLEB, LAM BSHAN PO YONG BAR 'DUG LAGS, RAB TU BRTAN PA'I DAD PA DANG LDAN ZHING, ,GTONG BA'I DPAL YANGS MTHO RIS DPAL MO KHYED, ,RING NA GNAS KYANG SNYING LA MA BRJED PAR, ,BZHED DON YID BZHIN 'GRUB

, ,PA'I SMON LAM BGYID, ,DAL BA'I RTEN 'DI SHIN TU RNYED DKA' ZHING, ,TSE 'DI MI RTAG GLOG GI 'DU 'GOD BZHIN, ,'JIG RTEN PHUN TSOGS MDZES KYANG 'JA' TSON LTAR, ,MYUR DU YAL ZHING SNYING PO MA MCHIS PAS, ,RTAG TU YAN LAG BRGYAD PA'I TSUL KHRIMS SRUNGS, ,SNYING NAS BSLU MED SKYABS GNAS DKON COG GSUM, ,'BRAL MED SPYI BOR SGOMS LA BLO PHUGS GTOD, ,NGAN SONG LHUNG NA SDUG BSNGAL BZOD GLAGS MED, ,THAR BAR DKA' ZHING MU MED 'KHYAM DGOS PAS, ,SDIG LA 'DZEM ZHING SDIG PA SBYONG BA DANG, ,DKAR PO'I DGE LA RTAG TU BRTZON PAR MDZOD, ,CES PHUL BA LAGS SHING, SKU RIM SMON LAM RGYUN LDAN DU BGYID, TSES BCU LA BAR THANG NAS ZHU THO, ZHES PA YANG DE NYID LA GNANG BA'O,, ,, ` DAD PA'I LANG TSO RAB TU RTAS GYUR CING, ,LEGS NYES DPYOD PA'I BLO GROS SPYAN YANGS PA, ,GTONG BA'I LAG RKYONG MTHO RIS DPAL MO KHYED, ,SRAS BCAS RGYAL BAS RTAG TU SKYONG GYUR CIG ,NANG SO MA CHEN DRUNG GIS THOG DRANGS BYINGS SKU LUS MCHOG TU SNYOMS SHING, DKAR PHYOGS LA THUGS RTZOL CHE BAR BZHUGS LAGS SAM, NGED KYANG LUNG RVA BZANG SHOMS CHE BA'I STENG DU, BSTAN PA DANG SEMS CAN LA GANG PHAN BGYIS TE, 'GYANGS MED DU RGYAL TSOR SLEB DGOS PA NAS LAM DU ZHUGS PA LAGS, ZHAL NGO THAMS CAD SKU TSE MDZAD PHRIN RGYAS PA'I SKU RIM SMON LAM RGYUN LDAN DU BGYID PA LAGS, NGED TSO'I GNAS TSUL ZHIB PAR AA BO PHYAG RDOR MGON PO'I NGAG NAS 'BUL BA LTAR LAGS, TSES BDUN LA RDZONG NAS ZHUS, ZHES PA YANG DE NYID LA GNANG BA'O,, ,, `

GANG GI RNAM PAR DPYOD PA'I MIG STONG MCHOG TU YANGS PAS 'PHROG BYED KHENGS PA THUNG NGUR BYED, ,MGYOGS 'GRO'I BZHON PA'I BGROD PAS RNAM ROL KHYAB 'JUG LA 'GRAN SRID SGRUB BZHIN DU 'PHONG MKHAS PA, ,SNA TSOGS GOS DANG RIN CEN RGYAN PHRENG RNAM PAR G-YO BAS DPAL MO LTA BUR MDZES BYAS NAS, ,MTHA' DAG SKYE BO'I MIG GI CHU SKYES LTAD MO'I DUS STON GSAR PA DAG GIS TSIM PAR MDZOD, ,AE MA'O, ,'DI NA GDOD NAS STONG PA'I NAM MKHA' LA, ,KUN RTOG PIR GYIS BKRA BAR BKOD PA LAS, ,BDEN MED BZHIN DU SNANG BA SGYU MA'I GAR, ,KHYED CAG 'JIG RTEN MKHAN PO'I LUGS 'DI MTSAR, ,RGYAL MTSAN MTHON PO'I DBEN GNAS NAS, ,SMRA BCAD NGANG GI SMRA BA 'DI, ,BDEN MED SGYU MA'I DGE SLONG GIS, ,BRAG CA'I GLU CHUNG BLANGS PA YIN, ,ZHES PA BYA 'DABS SU NANG SO SKYA RGYAL BA LA GNANG BA'O,, ,, ` KHYOD THUGS SGYU MA'I SKYES BU BA, ,SNGON SBYANGS MGYOGS 'GRO'I BZHON PA CAN, ,THOGS MED RNAM DPYOD RDO RJE'I MDA', ,SHES BYA'I 'BEN LA 'PHANGS PA NA, ,DE LA 'GRAN 'DOD GANG GI SKU, ,RTA MCHOG BZHON PAS LEGS BSKYOD DE, ,SGRO LDAN GSAR PA'I ROL RTZED KYIS, ,KUN GYI YID NI PHROGS SAM SNYAM, ,GANG NA RNAM DPYOD 'DAB BRGYA PA, ,DAD PA'I SBRANG RTZIS GTAMS PA DER, ,SRAS BCAS RGYAL BA'I THUGS RJE YI, ,NYI 'OD 'JUG PA CHOS NYID LAGS, ,SNYAN NGAG MKHAN GYI THA CHUNG BDAG ,BYANG GI PHYOGS 'DIR 'ONGS PA NA, ,TSANGS PA'I BU MO LHO PHYOGS KYI, ,RGYA MTSOR BROS PA MA YIN NAM, ,HE HE BZHAD GAD KHO NA LAGS, ,ZHES PA YANG DE NYID LA GNANG BA'O,, ,, ` 'DI

, ,NA LTO BA'I DKYIL 'KHOR DU, ,BZA' BTUNG ZHU BYED GTUM MO'I ME, ,SREG BYED NUS PA ZHAN TZAM DANG, ,ZHU RJES BRANG GI NGOS DAG TU, ,TSA SHAR CUNG ZAD BYED SNANG BAS, ,SE 'BRU BZHI PA'I SMAN GYI THUN, ,BYIN ZA'I GRANGS KYIS BCINGS PA STZOL, ,ZHES PA BYA 'DABS SU GNANG BA'O,, ,, ` LHAG BSAM SKYED TSAL DU BSKRUN CING, ,SKYES BZANG 'BRAS BU DUD PA YI, ,GSUNG PHRIN DPAG BSAM RKANG 'THUNG NI, ,MTHONG BA'I MOD LA BDAG NGOMS SO, ,SNGON CHAD NGAN 'GRO'I SKYE GNAS 'KHYAMS, ,MI LUS THOB PA DA LAN TZAM, ,CHOS BRGYAD GDON GYIS KHYER BA RNAMS, ,SKYE BA PHYI MAR MI 'GYOD DAM, ,SNYIGS DUS SKYE BO KHREL GZHUNG CHUNG, ,MGU BAR DKA' LA 'KHANG BA SLA, ,MI DANG 'GROGS PA'I MTHUN 'JUG LAS, ,GCIG PUR DBEN PA BSTEN PA LEGS, ,DA LTA GNYEN DANG NOR GYI PHYIR, ,'BAD RTZOL PHAN DU RE NA YANG, ,PHYI MA'I GTAD SO MA ZIN NA, ,SUS KYANG PHAN PA MA MCHIS SO, ,RLUNG GIS KHYER BA'I SBUR MA BZHIN, ,RANG NYID GAR 'GRO CHA MED PAS, ,GZHAN DON BYED PA AA RE 'KHRUL, ,SGRUB PA SNYING POR BYAS NA LEGS, PHYI ROL NGUR SMRIG GOS GYON YANG, ,KHYIM GYI BYA BA LHUR LEN NA, ,MI TSE STONG ZAD KHO NAR ZAD, ,CHED GDOD DAM PA'I CHOS LA 'BUNGS, ,BSLAB GSUM RGYUD LA RAB BSTEN CING, ,BLO PHUGS DKON COG LA GTAD NAS, ,THABS SHES ZUNG 'BREL NYAMS LEN GYIS, ,DA RES GTAN GYI BTZAN SA SGRUBS, ,RNAM G-YENG DRA BAR SNYOM LAS MKHAN, ,BDAG LTAS GZHAN LA GDAMS PA 'DI, ,PHAN PAR DKA' YANG DAD LDAN GYI, ,THUGS LA PHAN PHYIR

ZUR TZAM LAGS, ,ZHES PA TSA BA GRU PA'I AA NE LA GNANG BA'O,, ,, ` MTHON PO'I RIGS 'KHRUNGS PHUN TSOGS LEGS SPYAD LDAN, ,GSAR PA'I LANG TSO LDAN YANG MA DREGS PAR, ,ZHI DUL TSANGS SPYOD LHUR LEN BSNGAGS 'OS PA, ,GANG GI PHRIN YIG 'BRAS BZANG SKYES DANG BCAS, ,PHO NYA'I LAG RTZER SON PA MTHONG BA LAS, ,SNYING LA DGA' BA'I BDUD RTZIS MYOS PA THOB, ,MDO SNGAGS GSUNG RAB KUN GYI GNAD BSDUS PA'I, ,GDAMS PA'I SNYING PO BYANG CHUB LAM RIM LAS, ,GONG DU GYUR PA PHYOGS BCU'I RGYAL BAS KYANG, ,GZHAR YANG BSNYAD PA'I GO SKABS GA LA ZHIG ,DE NYID PHYIR NA MTSAN NYID KUN LDAN PA'I, ,RANG LA LAM BZANG 'DOMS PA'I BLA MA DE, ,MA LUS RAB 'BYAMS RGYAL BA'I NGO BO STE, ,SKYABS GZHAN SPANGS NAS DE LA RTZE GCIG TU, ,GSOL BA 'DEBS SHING BSAM SBYOR GNYIS KYIS NI, ,TSUL BZHIN BSTEN NA LEGS TSOGS MA LUS PA, ,'BYUNG BA'I SGO NI DE NYID GCIG PUR SEMS, ,DON GNYIS 'DOD DGU'I 'BYUNG GNAS YID BZHIN NOR, ,RNYED DKA' DON CHE SHES NAS SKAD CIG KYANG,, YENGS PA MED PAR SNYING PO MA BLANGS NA, ,NGES PAR 'CHI ZHING NAM MCHI'I NGES PA'ANG BRAL, ,SKYABS GSUM GTZUG TU LEGS BSTEN DGE SDIG GI, ,BLANG DOR ZHIB MO NYID LA MA 'BAD NA, ,RANG GIS RANG NYID BSLUS RNAMS RGYAL BAS KYANG, ,MTHU DANG LDAN YANG PHYAG GIS 'DON MI NUS, ,ME 'OBS LTA BUR 'BAR BA'I 'KHOR BA 'DI, ,SDUG BSNGAL BZOD DKAR SHES NAS THAR 'DOD NI, ,SHUGS DRAG SKYED PAR YANG YANG MA 'BAD NA, ,THEG PA GSUM GA'I LAM GYI RTZA BA STOR, ,THAR 'DOD RNAMS

, ,KYI 'JUG NGOGS BSLAB GSUM LAS, ,GZHAN NA MED DO SHES RAB SEMS KYI YANG, ,RTZA BA TSUL KHRIMS KHO NAR SHES BYAS NAS, ,SROG PAS RANG GI BSLAB PA GCES PAR SRUNGS, ,BDAG PAS GZHAN GCES BYANG CHUB SEMS KHO NA, ,THEG CHEN LAM GYI 'JUG SGOR SHES BYAS NAS, ,BDAG BDE GZHAN LA BTANG ZHING 'GRO KUN GYI, ,MI 'DOD SDUG BSNGAL BDAG GIS BLANG BAR BYA, ,PHYIN DRUG SPYOD PA'I KHUR NI MA BZUNG BAR, ,RDZOGS SANGS RGYAS SU SU ZHIG BGROD PAR 'GYUR, ,DE PHYIR BYANG CHUB MCHOG TU SEMS BSKYED NAS, ,RGYAL SRAS KUN GYI SPYOD LA BSLAB PAR BYA, ,NYES PA LNGA SPONG 'DU BYED YAN LAG BRGYAD, ,TSUL BZHIN BSTEN LAS DGE BA'I DMIGS PA LA, ,RTZE GCIG GNAS PA'I TING 'DZIN SGRUB PA NI, ,MDO SNGAGS GNYIS KA'I LAM GYI SROG TU MTHONG, ,'KHOR 'DAS CHOS KUN RTOG PAS PHAR BZHAG LAS, ,YUL GYI STENG NA CHA TZAM MED PA 'DI, ,KLU SGRUB YAB SRAS BZHED PA'I SNYING PO STE, ,'DI NYID RTOGS PHYIR RTAG TU 'BAD PAR RIGS, ,GRANGS MED BSKAL PAR 'BAD LA MI LTOS PAR, ,TSE GCIG NYID LA SANGS RGYAS THOB 'DOD NA, ,ZAB LAM RDO RJE THEG STE DE YI YANG, ,MTHAR THUG BLA MED LAM DU 'JUG PAR BYA, ,CHO GA'I TSIG RIS TZAM GYIS MI TSIM PAR, ,SKU BZHI'I SA BON RANG GI RGYUD STENG DU, ,THEBS NGES DBANG GIS SMIN BYAS DAM TSIG DANG, ,SDOM PA SROG BZHIN SRUNG BA GZHIR BYAS NAS, ,THA MAL SKYE SHI BAR DO'I SNANG ZHEN 'DI, ,SBYONG BYED SKU GSUM LAM KHYER GNAD TSANG BA'I, ,BSKYED PA'I RIM PAS SNOD BCUD SNANG BA KUN, ,GANG SHAR DKYIL

'KHOR 'KHOR LO'I RNAM ROL DANG, ,ZLA NYI'I RGYU BA SGRA GCAN LAM BKAG PAS, ,TZANdA L'I YIS SPYI BO'I RI BONG CAN, ,BZHUS PA'I DH'U T'I'I LAM NAS 'GRO LDOG GIS, ,LHAN SKYES PHYAG RGYA CHEN PO MTSON PAR BYA, ,'DI DANG BAR DOR MCHOG GI GO 'PHANG NI,, NGES PAR 'GRUB PA'I LAM BZANG MA RNYED NA, ,ZAB LAM 'PHO BA'I RNAL 'BYOR LA GOMS PAS, ,RNAM SHES MKHA' SPYOD SOGS SU 'PHO BAR BYA, ,NGES 'BYUNG BYANG CHUB SEMS DANG YANG DAG LTA, ,ZAB LAM MA NOR RIM GNYIS DANG BCAS PA, ,MDO DANG SNGAGS KYI CHOS TSUL JI SNYED PA, ,KUN GYI SROG GAM SNYING PO DE NYID DO, ,DE PHYIR THOG MAR BSAG SBYANG RIM PA LA, ,'BAD NAS NGES 'BYUNG BYANG CHUB SEMS DANG NI, ,MTHA' BRAL LTA BA GSUM GYI NYAMS LEN DANG, ,PHYI NAS RIM GNYIS LAM BZANG BSTEN PAR MDZOD, ,CES MDO SNGAGS KYI GNAD DRIL BA'I GDAMS PA ZHIG DGOS GSUNG PA MDZAD 'DUG PAS MDOR BSDUS TZAM ZHIG PHUL BA LAGS, ZHES PA YANG DE NYID LA GNANG BA'O,, ,, ` GANG GI MKHYEN PA'I SKYED TSAL LAS 'ONGS PA'I, ,SNYAN DNGAGS PHRENG BA 'DAB BRGYA'I ZOL LA NI, ,RAB BRTEN BRTAN BZHUGS SKYES DANG LHAN CIG PAR, ,SH'AKYA MU NI'I PHO BRANG GNAS SU SON, ,DENG DUS MI MTHUN BA MOS NYID SKU YI, ,AUTPAL MCHOG LA NAM YANG MI BRDZI ZHING, ,NOR 'DZIN SKYONG BA 'KHOR BCAS PHYOGS KUN LAS,, RNAM PAR RGYAL BA'I BGROD PA MTHAR PHYIN NAS, ,RANG GNAS PHEBS LA SPRO DGAS RAB MYOS PA'I, ,SKYE BO'I TSOGS KYIS DER BSKRUN GLU GAR NI, ,SUM RTZEN SKYED TSAL RNAMS SU 'CHI MED TSOGS, ,RTZE DGA'I ROL PA PHAM BYED NGANG BZHUGS GRANG, ,NGOS

, ,KYANG SH'AKYA'I RGYAL PO'I PHO BRANG DU, ,STONG PHRAG KHRIMS LDAN 'DUS PA'I TSOGS RNAMS DANG, ,LHAN CIG SMON LAM CHEN MO LEGS GRUB NAS, ,RANG GI BSTI GNAS SON PA'I SKABS NA LAGS, ,DGE SBYOR SKYABS 'OG 'BRAL MED SNYING LA 'GROGS, ,LO MA'I PHUR MA RGYA LDAN SKYES SU 'BUL, ,NYER BRGYAD TSES LA 'BRAS SPUNGS SDE NAS ZHUS, ,ZHES 'PHYOS PA'I AA NE BLO BZANG RGYAL MO LA GNANG BA'O,, ,, ` PHUN TSOGS RIGS KYI SKYED TSAL DU, ,NGUR SMRIG LO 'DAB KYIS MDZES PA, ,GANG DE'I CHAB SHOG GDING BA'I SKYES, ,DANG BCAS BDAG GI GAM DU LHAGS, ,SKU KHAMS YAR NGO LTAR BRTAS SHING, ,MDZAD PA'I ZLA 'OD DKAR BA'I DBUS, ,BZHUGS ZHES SNYAN PA BDUD RTZI'I THIGS, ,SNYING LA REG PAS CI YANG NGOMS, ,'DIR YANG RA SA 'PHRUL SNANG DU, ,SMON LAM CHEN MO LEGS GRUB NAS, ,THEG CHEN GLING GI CHOS KYI GRVAR, ,DA LTA GSUNG CHOS 'PHEL BAR GNAS, ,MI 'GYANG MJAL BAR SMON PA DANG, ,DGE SBYOR SKYABS 'OG SNYING LA 'GROGS, ,DAR CHEN KHA 'BREL SKYES SU MTSON,, DBO ZLA'I DKAR PHYOGS NYID LA ZHUS, ,ZHES PA YANG DE NYID LA GNANG BA'O,, ,, ` DAD PA'I SKYED TSAL RAB YANGS PA, ,RNAM DPYOD LO 'DAB GSAR PA NI, ,YON TAN ME TOG PHRENG BA CAN, ,GANG GI GSUNG BRIS SNYAN NGAG PHRENG, ,'CHAR KHA'I MDANGS 'PHROG GDING BA'I SKYES, ,LHAN CIG NYID DU PHYOGS 'DIR SON, ,DENG SANG YAR NGO'I ZLA SHEL LTAR, ,SKU YI LANG TSO RAB BRTAS SHING, ,MDZAD PA'I 'OD DKAR GYIS MDZES PAR, ,BZHUGS ZHES SNYAN GRAGS BDUD RTZI YIS, ,REG PAS SPRO DGA'I RGYA

MTSO 'PHEL, ,SH'AKYA'I RGYAL PO'I PHO BRANG DU, ,STONG PHRAG DU MA'I 'DUS PA DANG, ,LHAN CIG SMON LAM LEGS GRUB NAS, ,BDAG KYANG GNAS 'DIR SON PA LAGS, ,DAL BA'I RTEN BZANG RNYED DKA' ZHING, ,GTAN GYI MDUN MA SGRUB PA'I DUS, ,DA LAN KHO NAR ZAD PAS NA, ,CHOS KYI LAM DU THUGS GZHOL BAS, ,DAL 'BYOR DON LDAN MDZAD 'TSAL LO, ,DGE SBYOR SKYABS 'OG RGYUN DU BGYID, ,SNGAGS KYIS BTAB PA'I SRUNG DAR DANG, ,LO MA'I PHUR MA SKYES SU MTSON, ,DGA' BA DANG PO'I TSES LA PHUL,, ZHES PA YANG DE NYID LA GNANG BA'O,, ,, ` MTHON PO'I RIGS 'KHRUNGS BSNGAGS 'OS YON TAN CAN, ,RNAM SRAS DANG MTSUNGS GANG GI GSUNG YIG GI ,PHRENG BA YONGS 'DU'I 'BRAS BZANG DANG BCAS PA, ,PHYOGS 'DIR SPRO DGA' GZUGS CAN BZHIN DU 'ONGS, ,RAB 'BYAMS RGYAL BA'I GSUNG RAB THAMS CAD KYANG, ,'DI PHYI BAR DO'I NYAMS LEN GSUM DU 'DUS, ,DE YI SNYING PO DRIL NAS STON PA'I PHYIR, ,GDAMS NGAG 'DI NI SNYING PO'I DON GSUM YIN, ,MI RTAG 'CHI BA DRAN PAS TSE 'DI LAS,, BLO LOG 'KHOR BA'I NYES DMIGS BSAM PA YIS, ,THAR PA DON GNYER BYANG CHUB SEMS BSKYED DE, ,RANG GI SPYI BOR SHEL DKAR MCHOD RTEN NI, ,SGO STONG LDAN PA'I DBUS SU SPYAN RAS GZIGS, ,BSKAL BZANG SANGS RGYAS STONG NI SGO STONG LA, ,RIGS LNGA'I DE BZHIN GSHEGS PA'I RNAM PAR BSGOM, ,SNYING GAR PADMA 'DAB STONG LTE BA LA, ,SPYAN RAS GZIGS DANG RANG SEMS DBYER MED BSGOM, ,PAD 'DAB STONG LA A'A: YIG DKAR PO STONG, ,MU TIG PHRENG BA LTA BUR BSAM BYAS NAS, ,SPYI BO'I LHA

, ,TSOGS SKU YI 'OD ZER GYIS, ,SNYING GA'I LHA DANG YIG 'BRU LA REG PAS, ,BDUD RTZI'I RGYUN BABS LUS NGAG SDIG SGRIB DAG ,RANG LUS 'PHAGS PA'I SKU RU GYUR PAR BSGOM, ,SLAR YANG BDUD RTZI'I RGYUN RNAMS RANG NYID KYI, ,BA SPU'I BU GA DBANG PO'I SGO RNAMS NAS, ,PHYIR DON RIGS DRUG SEMS CAN THAMS CAD KYI, ,SGRIB PA KUN SBYANGS SNOD RNAMS DAG PA'I ZHING, ,BCUD KYI 'GRO KUN SPYAN RAS GZIGS SU BSGOM, ,DE NAS RANG DANG LHAN CIG SEMS CAN KUN, ,SPYAN RAS GZIGS GYUR YIG DRUG SGROG PAR NI, ,MOS NAS CI NUS BAR DU MA nI BZLA, ,SLAR YANG SNOD BCUD SNANG BA JI SNYED PA, ,KUN KYANG SGYU MA SMIG RGYU RMI LAM BZHIN, ,RANG SEMS NYID KYIS BTAGS TZAM MA GTOGS PAR, ,BDEN PAR GRUB PA RDUL TZAM MA MCHIS PAR, ,SGOM PA DE NI TSE 'DI'I NYAMS LEN YIN, ,SNYING PO MED CING NGES PAR 'DOR DGOS PA'I, ,LUS 'DI'I SHA KHRAG RUS PA'I TSOGS RNAMS KUN, ,STONG GSUM GANG BA'I BDUD RTZI'I RGYA MTSOR BSGOM, ,RGYAL BA SRAS BCAS KUN LA MCHOD PAR PHUL, ,GNOD BYED LAN CHAGS KUN LA CHAGS MED THONGS, ,RIGS DRUG SEMS CAN KUN LA SBYIN PAR BYIN, ,DE NAS LUS LA ZHEN PA MED PAR BYA, ,DE BZHIN GNYEN DANG 'KHOR DANG LONGS SPYOD KUN, ,'CHI TSE BZHAG NAS RANG NYID GCIG PUR NI,, 'GRO BAR BSAMS LA CHAGS ZHEN SPANG BYA ZHING, ,NOR RNAMS DGE BA'I PHYOGS SU BTANG BYAS TE, ,RANG SEMS SNYING GAR SPYAN RAS GZIGS GYUR PA, ,SPYI BO'I TSANGS BUG LAM NAS RGYANGS KYIS 'THON, ,'OD KYI SBU GU'I NANG NAS THOGS MED DU,,

DGA' LDAN GNAS NA MI PHAM MGON PO NI, ,GSER GYI LHUN PO LTA BUR BRJID BZHUGS PA, ,DE YI THUGS KAR SIB KYIS THIM PA LAS, ,RANG GI SEMS DANG RJE BTZUN BYAMS PA'I THUGS, ,DBYER MED BSAM PA 'CHI KHA'I NYAMS LEN LAGS, ,DA LTA'I YUL SNANG 'DI TSO BAR DO YI, ,'KHRUL PA'I SNANG BA NYID CES YANG YANG BSGOM, ,SNOD KYI 'JIG RTEN THAMS CAD DAG PA'I ZHING, ,BCUD KYI SEMS CAN THAMS CAD SPYAN RAS GZIGS, ,KUN KYANG SNANG TZAM MA GTOGS RANG BZHIN GYIS, ,STONG PA NYID DU DA LTA BSGOMS BYAS TE, ,SHI NAS BAR DOR SKYES TSE RNAL 'BYOR DE, ,DRAN PA'I NGANG NAS CHOS LA SPYOD PA'I RTEN, ,BSAM BZHIN 'DZIN PA BAR DO'I NYAMS LEN NO, ,THAG RING 'GRO 'DOD RNAM G-YENG DBANG GYUR PAS, ,ZHIB MO'I YI GE 'GOD PAR MA KHOM YANG, ,TSIG NYUNG DON GYI GNAD KUN TSANG BA YI, ,SROL 'DI KHO BO'I MIN NA GZHAN GYI CI, ,DON GSUM GDAMS PA MGO SKYES KYI, ,SKYES DANG LHAN CIG ZHU 'PHRIN NI, ,BUNG BA'I GLU DBYANGS SGROG BZHIN DU, ,BKRA SHIS SGANG DU 'PHUR TE SONG, ,ZHES TSA BA GRUB PA'I NANG PA RNAM SRAS PA LA GDAMS PA'O,, ,, ` MKHAS PAR BYA BA'I RIG PA'I GNAS KUN LA, ,DENG DUS LHA YI BLA MA DANG MTSUNGS PA, ,GANG GI SNGON MED LEGS BSHAD RNA RGYAN ZUNG, ,'JAM MNYEN GOS KYI LHAB LHUB DANG BCAS SMIN, ,DENG DUS SHRI YE DHA NA KA tE KAR, ,SKU YI 'TSO BA 'DZAM BU N'A DA LTAR, ,ZANG ZING RAB 'BYAMS GSUNG RAB NAGS KLUNG NA, ,RNAM DPYOD LAG LDAN 'GOG PA MED 'DI MTSAR, ,'DIR YANG MGAL ME LTA BU'I SEMS KYIS NI, ,PHUNG PO'I GRONG

, ,KHYER SNGON CHAD MA DOR ZHING, ,ZIN MED RNAM G-YENG 'KHRI SHING DRA BA YIS, ,'KHYUD KYANG CHOS LA MOS PA MA DOR TZAM, ,'DI NA THUN MONG RIG GNAS LA, ,SGRA MKHAN PHUR BU DANG MTSUNGS KYANG, ,DE YI PHA MTHA' 'TSOL BA'I SLAD, ,DBYANGS CAN SGRUB LA MNGON BRTZON TSE, ,GLOG GI ZLOS GAR G-YO BA LTA'I, ,TSE 'DI'I GO 'BYED PHA MTHA' LA, ,RAB 'GRAN THUN MONG RIG GNAS KYI, ,RGYA MTSO'I GTING MTHA' 'TSOL BA BAS, ,GNYIS MED GSUNG PA MTHA' DAG GI ,THUGS BCUD SNYING PO 'DI YIN ZHES, ,RGYAL YUM LHA MOS RANG NYID KYI, ,NGES DON SBRANG RTZI'I ZIL DNGAR CAN, ,RTEN 'BYUNG 'DAB BRGYA THUGS LA BSKRUN, ,BRTAN DANG G-YO BA'I CHOS RNAMS KUN, ,GDOD NAS NGO BO NYID KYIS MED, ,RTOG PA'I RI MO KHO NA STE, DE YANG MING TZAM PIR GYIS NI, ,BRIS PHYIR RI MO'ANG YOD MA YIN, ,SNA TSOGS MING YANG GLO BUR DU, ,BTAGS PHYIR RANG BZHIN NYID KYIS NI, ,DPYAD NA GANG DU'ANG MI GNAS PA'I,, SNANG BA GZHA' BKRA'I GNAS 'DI LA, ,'KHOR 'DAS BYA BYED AE MA'O MTSAR, ,'DI LTA'I RTEN 'BREL NYID KYI DON, ,STONG PA NYID DU LEGS RTOGS KYANG, ,BYAMS DANG SNYING RJE'I RTZA BA CAN, ,BYANG CHUB SEMS KYI BDUD RTZI'I GTER, ,SNYING GI BUM PAR MA BSTEN NA, ,THAMS CAD MKHYEN PA'I YE SHES CI, ,TSANGS DBANG SRAS MOS DE BSKYED PHYIR, ,LHAG BSAM LTAR DKAR SKRA DANG NI, ,GRANGS MANG SPYOD LTA'I GNYER MA CAN, ,NYID KYI MA DE MDUN DU NI, ,SNYING RJE CHEN PO'I DMIGS PAR BSKRUN, ,AE MA'O KHAMS GSUM 'KHOR BA NA, ,'DI LTA'I SEMS CAN GRANGS MANG ZHING, ,'DI

DAG MYUR DU SGROL BA'I KHUR, ,RGYAL SRAS DPA' BO'I PHRAG PAR LCI, ,RIM GNYIS LAM GYI THEM SKAS LA, ,TSE 'DIR RGYAL BA'I GNAS 'DZEGS TE, ,RANG GIS BRNYES PA'I GO 'PHANG LA, ,DE DAG MA LUS 'GOD KYANG 'TSAL, ,DGE SBYOR SKYABS 'OG 'BRAL MED BGYID, ,SKYES SU SA YI SNYING PO NI, ,ZHO PHYED RGYA YIS MTSAN PA 'BUL, ,DBYANGS 'CHAR LUGS KYI PHYOGS DANG PO'I, ,RGYAL BA DANG PO SHAR BA NA, ,CHOS 'KHOR RGYAL NAS DGE LEGS 'PHEL, ,ZHES PA 'DI NI RI MO MKHAN DPAL LDAN BLO GROS BZANG PO LA GNANG BA'O,, ,, ` RIG GNAS NYAL 'GRO MTHA' DAG 'DU BA'I GZHI, ,BLO GROS CHU GLANG BDAG PO'I DBA' RLABS KYIS, ,RAB 'THOR SDEB LEGS SNYAN NGAG MU TIG PHRENG, ,'CHAR KA'I MDANGS 'PHROG DAR YUG SKYES BCAS PHEBS, ,ZLA BRAL RNAM DPYOD LANG TSO CAN, ,GANG LA DBYANGS CAN RO 'DZIN GYI, ,GZUGS SU GNAS NA MES PO YIS, ,SRAS MO'I SKU BRNYAN BZHENGS PAS CI, ,MA LUS RGYAL BA KUN GYI YUM, ,SKU GZUGS BGYIS LAS BSOD NAMS DANG, ,YE SHES KHANG BZANG RTZE MOR NI, 'DZEG PAR BZHED NA RJES YI RANG, ,YID BZHIN RGYA MTSO'I 'JUG NGOGS NAS, ,TAM BU RA LA MDZA' BA BTANG, ,NYID KYI GAM DU LHAGS PA 'DIS, ,LHA RNAMS KHREL BAR MI 'GYUR GRANG, ,'CHI MED BZO BO LAS KUN PA, ,BRIS 'BUR MIG GI BDUD RTZI DAG, SPRUL BYED ZUNG DU ROL BA 'DI, ,BYANG PHYOGS 'DZIN MA'I RGYAN DU SEMS, ,RGYAL BA SRAS BCAS SKU BRNYAN LA, ,RANG RANG YE SHES 'KHOR LO DAG ,RANG DBANG NYID DU 'JUG BYED PA'I, ,MTHU NI DMAN PA BDAG LA CI, ,'ON KYANG 'KHOR LO 'DU BA'I

, ,TSES, ,DBYANGS CAN DRAG MO'I DUS GTOR LA, ,YE SHES PA NYID DNGOS SU NI, ,'DI LA THIM SNYAM YID LA SEMS, ,THON MIS BZUNG BA'I YUL LJONGS DANG, ,GZHAN YANG LAM GYI GNAS DAG TU, ,DAD RDZAS MCHOD YON ROL BZHIN LAS,, SKYID SHOD DAL 'BAB LA 'GONGS TE, ,RANG GI BSTI GNAS BGROD PAR RTZOM, MTHA' YAS YON TAN ZA MA TOG ,YID BZHIN NOR LTA'I RTEN BZANG NI, ,YUN DU GNAS PA'I 'TSO SKYONG LA, ,NAM YANG LHOD PA MED PAR MDZOD, ,RAB DVANGS SEMS KYI ME LONG LA, ,NYID KYI SNANG BRNYAN RAB BKOD NAS, ,'GAL RKYEN KUN ZHI BZHED DON KUN, ,'GRUB PA'I SMON LAM SNYING LA 'GROGS, ,PADMA R'A GA'I MDANGS CHAGS PA'I, ,GZAN GOS RGYAS BTAB SKYES SU MTSON, ,DRAG PO'I TSES LA YAR GSUM NI, ,LHUN PO'I RTZE NAS LEGS PAR PHUL, ,ZHES PA YANG DE NYID LA GNANG BA'O,, ,, ` GANG GI BLO GROS BANG MDZOD NI, ,TSANGS DBANG SRAS MO DANG GCIG PA, ,DE YI LEGS BSHAD RIN CEN GRANGS, ,SHES LDAN SU ZHIG 'TSOL BAR BYED, ,BGRANG YAS SDUG BSNGAL GNAS GYUR PA, ,'KHOR BA SGYU MA'I GRONG KHYER NA, ,'DI 'DRA'I GNAS LA KUN KYANG SPYOD, ,'ON KYANG SKYABS GSUM THUGS RJE'I NYI, ,SNYING GI PADMOR 'GROGS PA LAS, ,CHOS KUN GZHAR YANG YOD MIN YANG, ,RTEN 'BREL TZAM ZHES RNAL 'BYOR PA, ,DA LTA LUS SEMS BDE BAR 'TSO, ,GANG GI SOR MO'I RNAM ROL LAS, ,DPAL LDAN 'DOD KHAMS BDAG MO NI, ,BAR CHAD THAMS CAD NGAS BSRUNG ZHES, ,PHEBS TSE AA LA RANG GI SEMS, ,BDE BA'I SPU LONG G-YOS PAR GYUR, ,LO MA'I PHUR MA RIN CEN

ZUNG, ,RI MO GZIGS PA'I SKYES SU MTSON, ,DGE SBYOR SKYABS 'OG 'BRAL MED BGYID, ,MI 'GYANG MYUR DU MJAL BAR SMON, ,DE MA THAG TU YI GER PHUL, ZHES PA 'DI RJE BTZUN THAMS CAD MKHYEN PA'I ZHAL SNGA NAS ZHI BA'I DBYINGS SU GSHEGS KHAR SKU MTSAMS BCAD RGYA SHIN TU DAM PA'I 'OG NAS LHA BZO BA DE NYID LA ZHU LAN DU GNANG BA STE BKA' SHOG GI THA MA'O,, ,, ` GANG GI MGUR YANGS MCHOG GI PAD MTSOR NI, ,TSANGS DBANG SRAS MO'I NGANG MO 'PHUR LDING CAN, ,BI SHVA KARMA DUS KYI SA LA NI, ,'ONGS BZHIN BSNGAGS PAR 'OS DER MCHID 'DI GSOL, ,NGO MTSAR SNYAN NGAG RGYAN GYI RI MO KUN, ,GO SA GZHAN DOR PHYOGS GCIG 'DUS PA LTA'I, ,GSUNG SHOG 'KHYOG TSIG SDEB LEGS PHRENG BAR NI, ,SPEL GANG PHYOGS KYI BU MO'I RNA RGYAN GOS, ,GRIB DANG BGEGS KUN SEL BA'I DRI BZANG DANG, ,RO 'DZIN SIM BYED LO MA'I PHUR MA DANG, ,LHA RDZAS DAR YUG MCHOG GI SKYES RNAMS NI, ,SHIN TU NYE BAR MKHO BA'I SPYAD BYAR GYUR, ,NGOS KYANG KEE LA SHAS MTSAN AE PHYOGS KYI, ,RANG BYUNG TSA BA'I 'JUG NGOGS NYER BSTEN ZHING,, DAD LDAN SBYIN BDAG BU SLOB TSOGS RNAMS KYI, ,RNYED BKUR MCHOD YON BDAG GIR BYAS NAS KYANG, ,LHA YUL 'OL KHA'I NOR 'DZIN SKYONG RNAMS LA, ,DA LTA GDAMS PA'I BDUD RTZI 'DOMS LA BRTZON, ,RGYAL GYI ZLA BA DKAR BAR GYUR MA THAG ,PHYOGS DER BGROD PA'I LAM DU ZHUGS NAS KYANG, ,BLO GSAL BSTI GNAS 'BRAS SPUNGS CHOS KYI SDER, ,BSNYAD PAR BGYI BA NGOS KYIS BGYID PA LAGS, ,DGE SBYOR SKYABS 'OG 'BRAL MED SNYING LA 'GROGS, ,ZHO YI 'KHOR LO LONGS PA'I SU WARnA, ,RGYA YI

, ,TSOM BU BRIS PA SKYES SU MTSON, ,GNYIS PA'I PHYOGS KYI 'KHOR LO 'DU BA'I TSES, ,SHAR TSE 'OL KHA'I PHO BRANG NYID NAS PHUL, ,CES PA YANG DE NYID LA GNANG BA'O,, ,, ` BRJOD BRAL LHAN CIG SKYES PA'I MKHA' DBYINGS LAS, ,BGRANG YAS GZUGS SKU'I CHU 'DZIN RAB 'KHRIGS TE, ,DNGOS GRUB RNAM GNYIS 'DOD DGU'I CHAR 'BEBS PA, ,SRAS BCAS RGYAL BAS KHYED LA RTAG TU SKYONGS, ,RNAM MANG SKYE RGU RNAMS KYI MGON PO NI, ,BSNGAGS 'OS YON TAN TSOGS KYIS NYER MDZES PAS, ,SDEB LEGS DON BZANG CHAB SHOG AUTPAL NI, ,SKU GSUM NYER MTSON BGRANG 'PHRENG SKYES DANG BCAS, ,PHYOGS 'DIR SPRO DGA' GZUGS CAN BZHIN DU 'ONGS, ,DPAL LDAN LHA GZIGS RIGS KYI CHU GTER GYI, ,ZLA SHEL YAR NGO'I ROL PAS RTZEN PA'I DRUNG,, PA SANGS GZHAN BZHIN BSNGAGS 'OS MDUN SA'I RGYAN, ,SNYAN GRAGS 'OD KYI SNANG BAS RMONGS MUN BSAL, ,MCHOG TU DGA' BDE'I KU MUD RGYAS PAR GYUR, ,NGOS KYANG MI DBANG CHEN PO'I ZHAL BLTAS SHING, ,GRU 'DZIN RI BO'I NGOGS KYI CHOS KYI GRVAR,, DAD LDAN BU SLOB TSOGS KYI BZHED PA NI, ,LEGS PAR BSKANGS NAS GNAS 'DIR SON PA LAGS, ,MTSAMS ZHU, RJE BTZUN SGROL MA'I BSTOD PA ZHIG DGOS PHEBS PA, THAMS CAD MKHYEN PA DGE 'DUN GRUB KYIS MDZAD PA'I MKHAS PA'I GTZUG RGYAN DA LTA LEGS BRIS MAR GRAGS PA 'DI LAS LEGS SHING BYIN RLABS CHE BA MI 'ONG BAS DE NYID THUGS DAM DU MDZAD NA LEGS SHING, MDOR BSDUS TZAM ZHIG DGOS NA 'DI LTAR, ZHES PA 'DI LAGS SHING, ZHU MCHID DKAR BA'I SKYES SU BKRA SHIS KHA BTAGS

SHIG DANG, SNGAGS MANG DU BTAB PA'I SRUNG DAR ZHIG LA RGYA LDAN 'BUL, DGA' BA GSUM PA LA BKRA SHIS GDONG NAS ZHUS, ZHES PA BANG SO BA MGON PO BA LA GNANG BA'O,, ,, ` SHES RAB LHUN GYIS GRUB PA NYIN MO'I MGON, ,BSOD NAMS ZLA BA CHA SHAS YONGS SU RDZOGS, ,LUGS GNYIS NAM MKHA'I RGYAN GYUR ZUNG DE YI, ,MDZAD PA'I 'OD ZER RTAG TU 'BAR GYUR CIG ,MI PHYED DAD PA'I SO NAM LAS 'ONGS PA'I, ,CHAB SHOG AUTPAL GSAR PA'I PHRENG BA NI, ,SHAR PHYOGS 'KHOR LOS SGYUR BA'I LEGS BYAS LAS, ,'ONGS PA'I NGO MTSAR LO MA'I SPOB RTZE SOGS, ,SKYES BZANG PHO NYA'I LAM NAS LEGS 'ONGS PA, ,SKU RIM MANG JA BZANG PO'I MCHOD YON GYI, ,DUS SU 'DUS PA RGYA MTSO'I DBUS SU SMIN, ,DE TSE SEMS LA SPRO DGA'I SNANG BA NI, ,DANG PO'I SA LA REG PA BZHIN DU 'PHEL, ,NGOS KYANG PHUNG PO'I TSOGS PA MA GYES SHING, ,BSTAN DANG 'GRO LA GANG PHAN BGYID PAR BRTZON, ,SKABS KYI ZHU MCHID PHO BRANG CHEN PO NI, ,ZLA MED BSOD NAMS DPAL GYIS RAB MTHO BA'I, ,STOBS KYI 'KHOR LOS SGYUR BA'I MDUN SA CHER, ,'GAL RKYEN BAR CHAD KUN GYIS MI BRDZI ZHING, ,BZHED PA'I DON GYI GZHAL MED RIN CEN TSOGS, ,RE BA'I SHING RTA YONGS SU GANG GYUR NA, ,SLAR YANG BSTAN PA'I 'BYUNG GNAS DBUS GTZANG DU, ,MYUR DU PHEBS SLAD LHA DANG BLA

, ,MA LA, ,NYIN MTSAN G-YEL BA MED PAR GSOL 'DEBS SHING, ,CHOS SKYONG SRUNG MAR PHRIN LAS GNYER GTAD SOGS, ,DGE SBYOR SKYABS 'OG G-YEL BA MED PAR BGYID, ,SNGAGS KYIS MANG DU BTAB PA'I SRUNG DAR ZUNG, ,RANG GI MGO SKYES DANG BCAS SKYES SU 'BUL, ,RNAM 'PHYANG LO YI SNRON GYI ZLA BA YI, ,DANG PO'I PHYOGS LA SKYID SHOD ZHES GRAGS PA, ,SH'AKYA'I RGYAL PO'I MDUN SA CHE NAS PHUL, ,CES PA 'DI GU SHR'I DANG CHEN SHR'I RNAM GNYIS KYI ZHU LAN DU GNANG BA'O,, ,, ` LEGS NYES 'BYED PA'I BLO GROS 'OD ZER GYIS, ,LUGS GNYIS MTHA' YAS SHES BYA SNANG BYAS PA, ,GANG DE'I GSUNG BRIS 'JAM PHRUG DMAR POR BCAS, ,PHYOGS 'DIR SON PAS SPRO DGA' CI YANG 'PHEL, ,RNYED PAR DKA' ZHING 'JIG PAR SLA BA'I RTEN, ,DA LTA NYER 'TSE'I DRI MAS MA BSLAD CING, ,GNAS SKABS PHUN TSOGS YAR NGO LTAR 'PHEL BA'I, ,SNYAN PA THOS PAS SNYING LA DGA' BAS MYOS, ,'DI NA'ANG TSUL KHRIMS MCHOG GIS RGYUD BSDAMS SHING, ,RNAM DAG THOS BSAM SGRUB PA LHUR LEN PA'I, ,BRGYA PHRAG DU MA'I DGE 'DUN TSOGS DANG BCAS, ,CHOS DANG LDAN PA'I BYA BAS RNAM PAR ROL, ,SLAD MA SNYING POR STON PA'I SKABS KYI DON, ,PHUN TSOGS DAL BA'I RTEN BZANG RNYED DKA' ZHING, ,TSE 'DI'I PHUN TSOGS RMI LAM DGA' STON BZHIN, ,SNYING PO MED PA'I TSUL LA DGONGS MDZAD NAS, ,YID NI CHOS KYI LAM DU GZHOL BAR MDZOD, ,GANG LA SNYING NAS SKYABS SU 'GRO BA'I YUL, ,BSLU MED SKYABS DE DKON COG GSUM DU NGES, ,'BRAL MED SPYI GTZUG RGYAN DU LEGS BSTEN NAS, ,G-YEL BA MED PAR

GSOL BA 'DEBS KYANG 'TSAL, ,SHIN TU PHRA BA'I MI DGE'I LAS 'BRAS KYIS, ,BZOD DKA' NGAN 'GRO'I SDUG BSNGAL SKYED BYED PAS, ,SDIG PA'I LAS RNAMS DUG BZHIN YONGS SPANGS NAS, ,RTAG TU DGE BA'I LAS LA BRTZON PAR MDZOD, ,DUS DANG GNAS SKABS RTEN 'BREL 'DZOM PA LA, ,MJAL NAS CHOS KYI DGA' BAS ROL BAR SMON, ,DGE SBYOR SKYABS 'OG MI G-YEL RGYUN DU BYED, ,GOS CHEN KHA 'BREL SKYES KYI TSUL DU MTSON, ,BCU BZHI'I TSES LA CHOS 'KHOR RGYAL ZHES PA'I, ,CHU SKYES RNAM PAR BKRA BA'I TSAL NAS DGE ,ZHES 'BRI GUNG SLOB DPON 'OD ZER MTHA' YAS KYI ZHU LAN DU GNANG BA'O,, ,, ` DUS GSUM RGYAL BA KUN GYI MKHYEN BRTZE NI, ,AA TI SHA DANG 'BROM STON SPYAN RAS GZIGS, ,BLO BZANG RGYAL BA GNYIS PA'I PHRIN LAS KYI, ,NYIN MO'I SNANG BAS PHYOGS DER KHYAB GYUR CIG ,YUL GANGS CAN GYI LHO PHYOGS, 'BRU SNA SNA TSOGS PA SMIN PA SOGS DGE MTSAN DU MAS SPUD PA'I LHO RONG PHYOGS NA BZHUGS PA'I BSTAN 'DZIN DGE BA'I BSHES GNYEN RNAMS DANG, DAD LDAN SBYIN BDAG RNAMS KYIS SLAR YANG DGONGS RGYU LA DGE SLONG BRTZON 'GRUS PA CAN SNGA SOR DE PHYOGS SU BRDZANGS PA LA SO SO NAS DAD 'BUL YANG DAG MDZAD PA RNAMS 'DIR MA TSANG BA MED PAR 'BYOR NAS THOS PA DANG SPONG BA'I RGYAN GYIS MDZES PA'I 'DUS PA RGYA MTSO'I DBUS SU GNAS SKABS DANG MTHAR THUG GI BZHED DON MTHA' DAG 'GRUB PA'I SMON LAM GYI RGYAS 'DEBS YANG DAG BGYIS, SMON LAM CHEN MO'I SKABS SOGS SU'ANG DE BZHIN BGYID PAR YOD CING, SLAD KYIS KYANG RJE BTZUN GYI DBU THOG TU GU GE MNGA' BDAG

, ,RGYAL PO DPON BLON GYIS RGYU RKYEN GTZO BOR PHUL BA LA BRTEN, BSTAN PA RIN PO CHE PHYOGS DUS THAMS CAD DU RGYAS PA'I RTEN 'BREL LA BSAMS, GSER THOG CIG BGYID PA'I RTZIS YIN PA DANG, GRVA BU SLOB GUS ZHEN CHE BA 'GA' ZHIG DANG SLAR DE PHYOGS LA LDAB PA'I CHED DON YANG 'DUG PA NAS SNGAR GYI 'PHROD LAN RNAMS DANG SBRAGS DE PHYOGS LA DONG BA, DGA' LDAN DU RGYAL BA MA PHAM PA'I MDUN SAR CHOS KYI BDUD RTZI LA LONGS SPYOD PA DANG MA 'ONGS TSE LO BRGYAD KHRI PA'I DUS SU RJE BTZUN DANG MJAL NAS 'KHOR BA LAS GROL BA'I RTEN 'BREL LA DGONGS CHE 'BYOR CHUNG 'BYOR GYI SO SO'I DGE TSOGS SKRUN PA LA 'BAD 'TSAL, NGED KYIS KYANG DE MTHUN GYI SMON LAM RNAM PAR DAG PA'I RGYAS 'DEBS BGYID PA YIN, SA MO GLANG GI LO MGO'I ZLA BA'I TSES BCO LNGA LA CHOS 'KHOR RGYAL BKRA SHIS LHUN GYIS GRUB PA'I GNAS NAS DGE ZHES PA 'DI YANG LHO MON DU 'BUL SDUD PA GNANG DUS GNANG BA'I BKA' SHOG GO, ,, ` BLO GROS LEGS KYI YI GE ZHIB 'KHOD 'BYOR, DING SANG KHAMS LUS SNYOMS SHING SKYI 'PHAN GYI BREL BA RNAMS LA CA GAS THON PAR YOD 'DUG PA LEGS, 'DI NA'ANG DBYAR GNAS GROL NAS STON BZHUGS PA RNAMS LA CHOS 'PHEL BAR YOD, DNGOS GRUB KYI RTZA BA BLA MA DE, ,RAB 'BYAMS RGYAL BA'I NGO BO YIN, ,'BRAL MED SPYI BOR RAB BSGOMS NAS, ,GSOL BA THOB CIG BLO GROS LEGS, ,DAL 'BYOR LDAN PA'I MI LUS 'DI, ,RNYED DKA' NAM MKHA'I GLOG DANG 'DRA, ,SGO GSUM CHOS DANG MA 'GAL BAR, ,SNYING PO LONGS SHIG BLO GROS LEGS, ,PHYI MA NGAN SONG LHUNG GYUR NA, ,SDUG

BSNGAL BZOD GLAGS MA MCHIS PAS, ,DKON COG GSUM LA NYIN MTSAN DU, ,BLO PHUGS GTOD CIG BLO GROS LEGS, ,GNAS SKABS 'KHOR BA'I PHUN TSOGS 'DI, ,'JA' TSON BZHIN DU YAL BAR SLA, ,SNYING NAS THAR PA'I GO 'PHANG LA, ,DON GNYER SKYED CIG BLO GROS LEGS, ,GZHAN PHAN DON GNYER LHAG BSAM GYIS, ,RANG GI BDE DGE 'GRO LA BTANG, ,'GRO BA'I SDUG BSNGAL MA LUS PA, ,RANG LA LONG ZHIG BLO GROS LEGS, ,BRTAN G-YO'I CHOS RNAMS MA LUS PA, ,RTOG PAS BTAGS TZAM 'BA' ZHIG LAS, ,NGO BOS GRUB PA MA MCHIS PAR, ,YANG YANG SGOMS SHIG BLO GROS LEGS, ,TSE 'DI'I SNANG BA NUB MA THAG ,DGA' LDAN CHOS KYI PHO BRANG DU, ,MI PHAM ZHABS DRUNG SKYE BA YI, ,SMON LAM THOB CIG BLO GROS LEGS, ,GNAS SKABS 'GAL RKYEN ZHI BA DANG, ,BSAMS DON 'GRUB PHYIR 'DOD KHAMS GTZO, ,YANG YANG SGOM ZHING MCHOD GTOR LA, ,BRTZON PAR GYIS SHIG BLO GROS LEGS, DGE SBYOR SKYABS 'OG G-YEL MED BGYID, ,GNAS TSUL NGAG GI LAM NAS GSAL, ,BCU GSUM TSES LA RGYAL NAS DGE, ZHES CHOS MDZAD BLO GROS LEGS LA GNANG BA'O,, ,, ` BKRA SHIS DGE LEGS RDUL MANG MTHOR BRTZEGS PA'I, ,THUB BSTAN GANGS RI'I SPO LA RNAM PAR 'GYING, ,LUNG DANG RIGS PA'I GAD RGYANGS CHER SGROG PA, ,SMRA BA'I SENG GE RTAG TU RGYAL GYUR CIG ,BYANG PHYOGS KHA BA CAN GYI YUL GYI LJONGS, ,SHIN TU RGYA CHE MDO KHAMS ZHES GRAGS PA, ,NYID KYI RNAM DKAR PHRIN LAS NYI 'OD KYIS, ,CIG CAR NYID DU KHYAB PAR MDZAD DO ZHES, ,GRAGS PA'I ME TOG SNYAN PA'I DRI BZANG CAN, ,TSIG

, ,MDA'I SRAD BUR BRGYUS PA PHYOGS KUN GYI, ,MDZES MA'I RNA BA'I RGYAN DU BYAS 'DI MTSAR, ,'DI NA'ANG SNYOM LAS NGANG NYID NAS, ,YAB RJE BLA MA'I BSTAN PA LA, ,BSHAD DANG SGRUB PA'I BYI DOR DAG ,JI LTAR NUS BZHIN SPYOD CING MCHIS,, MTSAMS ZHU, ,'OL DVAGS NYANG GSUM KONG PO DANG BCAS PA'I MTSAMS, ,RGYAL ZHES BYA BA'I GNAS KHYAD PAR CAN DU SKYE 'GRO RNAMS KYI LAM GYI 'JIGS SKYOB DANG, BSTAN PA LA PHAN PAR BSAMS TE DGON PA'I GZHI GSAR DU BTING, DGE 'DUN GYI SDE SNGAGS MTSAN NYID KYI BSHAD GRVA DANG BCAS PA LEGS PO YONG DU RE BA YOD PA DE TSO'I MTHUN RKYEN DANG, ,RTEN BZHENG 'GOS CHE BA ZHIG SGRUB RTZIS KYI 'BUL SDUD LA BLA MA MKHAN CHEN DKA' BCU PA DPON SLOB DE PHYOGS SU THEGS PA DENG SANG DAM PA KHYED NYID MKHA' 'GRO CHOS SKYONG GIS PHRIN LAS BSGRUB PA LA BRTEN GZHAN PHAN PHRIN LAS NYI MA SHAR BA LTA BU YOD 'DUG PA GROGS DAN BDAG RKYEN GANG DGOS THUGS KHUR YANG DAG PANG DU BZHES PA'I NGOS GRVA BU SLOB SBYIN BDAG THAMS CAD LA BKA' LUNG GIS KHYAB PA'I 'BUL SKUL BDAG RKYEN CI NAS KYANG THUGS LA 'DOGS PA ZHU, SLAD MAR SKU TSE'I RGYAL MTSAN BRTAN PA'I NGOS BSTAN PA DANG SEMS CAN GYI DON RGYA CHEN PO SNGAR LAS MA G-YOS PA GNANG BA MKHYEN LAGS, ,YOS LO HOR ZLA BRGYAD PA'I TSES NYI SHU LNGA LA RGYAL LEGS BSHAD SGROG PA'I DGA' TSAL NAS PHUL BA'I ZHU YIG CES KHAMS SU GO BO RAB 'BYAMS PA BKRA SHIS SENG GE LA GNANG BA'O,, ,, ` PHUL BYUNG BLO GROS DKYIL 'KHOR RAB TU RGYAS, ,LUNG DANG RIGS PA'I 'OD ZER STONG LDAN ZHING, ,BLO

GSAL BLO YI PADMO KHA 'BYED PA, ,BSTAN PA'I NYI MA RING DU RGYAL GYUR CIG ,DENG SANG BLO GSAL 'DUS PA RGYA MTSO LA, ,NYIN BZHIN LEGS BSHAD 'DOMS PA'I PHRIN LAS KYIS, ,PHYOGS DER THUB BSTAN RGYA CHER 'PHEL GYUR CES, ,SNYAN PA BUNG BA'I DBYANGS BZHIN RNA BAR SON, ,NGED KYANG DBUS GTZANG 'DZIN MA'I CHA DAG LA, ,NYER BRTEN CHOS GRVA 'DAB BRGYA'I TSAL RNAMS SU, ,DAM CHOS NYI MA'I ZER GYI RTZE DGA' LAS, ,BLO GSAL RKANG DRUG DGA' STON 'GYED PAR BRTZON, ,SKABS KYI ZHU BA, 'OL DVAGS NYANG KONG SOGS KYI SA MTSAMS, ,RGYAL ZHES BYA BA'I SA'I THIG LE SKYE BO MTHA' DAG GI LAM GYI 'JIGS SKYOB DANG, ,BSTAN PA LA PHAN PA'I PHYIR DGON PA GSAR BTAB MTSAN NYID KYI BSHAD GRVA DANG BCAS PA TSUGS YOD PAS DGE 'DUN 'DU RKYEN DANG RTEN BZHENG 'GOS CHE BA ZHIG SGRUB PA'I RTZIS KYIS BLA MA MKHAN CHEN DKA' BCU PA KHAMS PHYOGS LA 'BUL SDUD LA BRDZANGS PAS 'BUL BA STOBS CHE BA 'ONG BA'I BDAG RKYEN YANG DAG ZHU, ZHES GUNG RUR DKA' BCU PA BSTAN PA'I NYI MA LA GNANG BA'O,, ,, ` DAM PA'I ZHABS SEN SPYI BOR RAB BKOD CING, ,MKHAS PA'I MDUN SAR LEGS PAR SBYANGS PA LAS, ,RMAD BYUNG YON TAN DU MA'I MDZOD GYUR PA, ,'GRO BA'I 'DREN MCHOG GRAGS PA'I MTSAN CAN RGYAL, ,DENG SANG NYID SKU'I 'DAB BRGYA NAG PHYOGS KYI; ;KHA BA'I REG PAS CUNG ZAD MA GOS SHING, ,LEGS BSHAD SBRANG RTZI'I 'BYUNG GNAS PHYOGS DE YI, ,BLO GSAL BUNG BA'I NYER 'TSOR GYUR CES THOS, ,BDAG KYANG BDUD KYI ZHAGS PAS MA BCINGS SHING, ,SNGON RABS DAM PA'I SKYE BO BGRANG YAS

, ,KYIS, ,DON GNYIS MDZAD PA SPEL BA'I NOR 'DZIN GZHIR, ,BSTAN LA PHAN PA CUNG ZAD SGRUB CING MCHIS, ,SKABS KYI ZHU BA MTHA' 'KHOB SA YI CHA, ,DGE MTSAN RNAM MANG RGYAL ZHES BYA BA NA, ,MTHA' DAG SKYE BO'I 'JIGS SKYOB THUB BSTAN LA, ,RI MOR BGYI SLAD DGON GNAS GSAR DU BGYIS, ,DER NI RTEN BZHENG DGE 'DUN MTHUN RKYEN DU, ,DAD 'BUL BSKUL PHYIR BLA MA DKA' BCU PA, ,DPON SLOB PHYOGS DE'I 'DZIN MAR LHAGS PA LA, ,RE BA'I MTSO CHEN YONGS SU GANG BA'I THABS, ,MKHYEN BRTZE'I CHU 'DZIN LHAG BSAM CHAR ZIM CAN, ,LEGS BSHAD SPRIN DBYANGS SGROG PA KHYOD KYIS MDZOD, ,CES DKA' BCU PA GRAGS PA LA GNANG BA'O,, ,, ` BYAMS PA'I 'DZIN MAR SNYING RJE'I SA BON LAS, ,RIN CEN BYANG CHUB SEMS KYI RKANG 'THUNG NI, ,RNAM MANG YON TAN 'BRAS BUS DUD PA CAN, ,BSHES GNYEN GANG DE YUN RING SHIS GYUR CIG ,DENG SANG BSHAD SGRUB BYA BAS RGYAL BA'I BSTAN, ,PHYOGS DER SPEL LA NYER 'TSE DANG BRAL ZHING, ,LEGS TSOGS RGYA CHE'I GTAM GYI DRI BZANG NI, ,LAN CIG MIN PAR YID KYI GDUNG BA PHROGS, ,'DI NA'ANG NYER 'TSE MED CING BSTAN PA DANG, ,GZHAN LA PHAN SLAD CUNG ZAD 'BAD BLOR MCHIS, ,CHOS 'KHOR RGYAL GYI GTZUG LAG KHANG GSAR PAR, ,RTEN BZHENG DGE 'DUN 'DU BA'I MTHUN RKYEN DU, ,PHYOGS DER BLA MA MKHAN CHEN DKA' BCU PA, ,DPON SLOB THEGS PA'I BZHED DON SMON PA BZHIN, ,'GRUB PA'I GROGS LA LHAG PAR 'BAD PAR MDZOD, ,NYID KYI BZHED DON PHUN TSOGS YAR NGO LTAR, ,GONG DU 'PHEL BA'I SMON LAM

LHAG PAR BGYI, ,SNGA 'GROS BKRA SHIS LHUN POR DGE BA'I TSOGS, ,BZHED PA BZHIN DU LEGS PAR 'GRUB PA DANG, ,PHYIS 'BYUNG BSNYAD PAR 'OS PA'I ZHU MCHID RNAMS, ,SDE SNOD 'DZIN PA'I NGAG GI LAM NAS GSAL, ,ZHES RAB 'BYAMS BYAMS PA RIN CEN LA GNANG BA'O,, ,, ` DUS GSUM RGYAL BA RNAMS KYI MKHYEN BRTZE RNAMS, ,AOO dI YA NA'I CHU SKYES GE SAR LAS, ,NGUR SMRIG 'DZIN PA'I GZUGS KYIS GAR MDZAD PA, ,PADMA 'BYUNG GNAS GANG DES DGE LEGS MDZOD, ,PADMA THOD PHRENG THUGS KYI NI,, DBEN GNAS DAM PA GANG DE NAS, ,PHYAG DAM 'CHAR KHA'I MDANGS 'PHROG PA'I, ,GZAN DANG LHAN CIG GNAS 'DIR SMIN, ,DENG SANG NYER 'TSES RAB DBEN ZHING, ,ZAB MO'I NYAMS LEN LA GZHOL BA'I, ,GTAM GYI 'BRUG SGRA THOS PA NA, ,YID KYI RMA BYA GAR BYED DO, ,'KHOR BA'I RTZA BA BDAG 'DZIN DANG, ,RANG NYID GCES PAR 'DZIN PA GNYIS, ,RTZA BA NYID NAS GCAD BYA STE, ,'KHOR BA THOG MTHA' MED PA'I PHYIR, ,'GRO KUN LAN GRANGS DU MAR NI, ,YANG YANG BSKYANGS PA'I PHA MA STE, ,BYAMS DANG SNYING RJES GZHI BZUNG NAS, ,DE DAG DON DU BYANG CHUB SEMS, ,RI DBANG RGYAL PO LTAR BRTAN DANG, ,CHOS KUN RANG RANG GDAGS GZHI LA, ,BRTEN NAS BTAGS PA MA GTOGS PA, ,NGO BOR RDUL TZAM MA GRUB PA'I, ,DAM PA'I DON GYI BYANG CHUB SEMS, ,ZUNG DU 'BREL BAR SGOM PA NI, ,GCOD KYI GDAMS PA'I SNYING PO LAGS, ,MI GTZANG LUS KYI PHUNG PO 'DI, ,ZAG MED BDUD RTZI'I RGYA MTSOR BSGYUR, ,RTZA BRGYUD BLA MA'I TSOGS RNAMS DANG, ,ZHI KHRO RAB 'BYAMS YI DAM LHA, ,NYAN RANG

, ,'PHAGS PA'I TSOGS RNAMS DANG, ,MKHA' 'GRO CHOS SKYONG THAMS CAD LA, ,'KHOR GSUM DAG PAS MCHOD PAR 'BUL, ,SNANG SRID LHA SRIN SDE BRGYAD SOGS, ,BAR DU LAN CHAGS MGRON RNAMS LA, ,BYANG CHUB SEMS KYIS KUN BSLANG NAS, ,LAN CHAGS BU LON DAG PHYIR BSNGO, ,KHAMS GSUM SEMS CAN THAMS CAD LA, ,DRIN CAN PHA MAR LEGS BSAMS NAS, ,THOG MED DUS NAS DRIN LAN DU, ,DMIGS TE RGYUN MI 'CHAD DU GTANG, ,CES PA'I RTEN TZAM DU RIN PO CHE ZHO GANG LA RGYA LDAN YOD, ,TSES NYI SHU GCIG LA PHUL, ,CES SHEL BRAG TU SGRUB PA MO CHOS NYID KLONG GSAL LA NYAMS LEN DU GNANG BA'O,, ,, ` MI DMAN KUN DGA'I ZLA BA NI, ,RNAM DAG TSUL KHRIMS BSIL ZER CAN, ,RIM GNYIS RI BONG MTSAN MAS MDZES, ,BSHES GNYEN MCHOG DE'I GSUNG BRIS NI, ,PAn ZHVA'I SKYES DANG BCAS PA DAG ,PHYOGS 'DIR PHO NYA'I LAM LAS 'ONGS, ,DE TSE YID KYI CHU GTER DU, ,SPRO DGA'I RLABS PHRENG G-YOS PAR GYUR, ,DING SANG DBEN PA'I GNAS MCHOG NA, ,SKU KHAMS BTZO MA'I GSER LTAR BZANG, ,THUGS DAM YAR NGO'I ZLA LTAR 'PHEL, ,'GRO DON DBYAR GYI CHU BO LTAR, ,BZHUGS PA MCHOG TU NGO MTSAR CHE, ,'DIR YANG SH'AKYA'I RGYAL PO'I DRUNG, ,SMON LAM CHEN MO LEGS PAR GRUB, ,DPYID CHOS ZUG PA'I SKABS NA GNAS,, SKYES BU GSUM GYI NYAMS LEN GYIS, ,RANG RGYUD YANG YANG SBYONG MDZAD CING, ,RIM PA GNYIS KYI NYAMS LEN GYIS, ,DAL 'BYOR DON DANG LDAN PAR 'TSAL, ,DGE SBYOR SKYABS 'OG G-YEL MED BGYID, ,LO MA'I PHUR MA SKYES SU MTSON, ,NYER LNGA'I

TSES LA DGE LEGS 'PHEL, ,ZHES DGON DMAR DU GNAS BRTAN KUN DGA' ZLA BA LA GNANG BA'O,, ,, ` LEGS SPYAD SHAR RI'I RTZE LA RAB 'DZEGS PA'I, ,KUN DGA'I ZLA BA ZAB GSAL 'OD DKAR CAN, ,GANG GI GSUNG BRIS PAn ZHVA'I SKYES DANG BCAS, ,STONG PHRAG GSUM LHAG 'DUS PA'I TSOGS RNAMS LA, ,ZHIB SKYO'I BSNYEN BKUR SLAD DU BRDZANGS RNAMS KYIS, ,SMIN PAS YID LA SPRO DGA' LHAG PAR 'PHEL, ,DENG SANG DBEN PA'I BSTI GNAS DAM PA NA, ,RNYED DKA' DAL BA'I RTEN 'DI DON LDAN DU, ,MDZAD SLAD ZAB MO'I THUGS DAM RIM PA LA, ,RTZE GCIG NYID DU BZHUGS ZHES LEGS PAR THOS, ,'DIR YANG 'JIG RTEN DBANG PO SRONG BTZAN GYIS ,YE SHES SGYU MAS SPRUL PA'I PHO BRANG NAS, ,RGYAL BA GNYIS PA'I MDZAD PA BSGRUB PA'I SLAD, ,SMON LAM CHEN MO LEGS TSOGS NYID DU GRUB, ,STOBS 'PHROG NAG PO CHEN PO'I YE SHES NI, ,'JIG RTEN PHO NYA'I TSUL DU LEGS SHAR BA'I, ,LUNG BSTAN NGO MTSAR RI MO BKRA BA LA, ,SHIN TU YID BRTAN RUNG SNYAM SNYING LA SEMS, ,DGE SBYOR SKYABS 'OG G-YEL MED DU BGYID CING, ,GOS CHEN KHA GANG SKYES KYI TSUL DU MTSON, ,BCO BRGYAD TSES LA LHA SA NYID NAS PHUL, ,CES PA YANG DE NYID LA GNANG BA'O,, ,, ` GRUB GNAS DGON DMAR ZHES BYA NAS, ,GRUB MCHOG ZLA BA'I MTSAN CAN GYIS, ,SEMS DKAR RI MOR BRIS 'DRA BA'I, ,'PHRIN YIG PAn ZHVA'I SKYES BCAS SON, ,YON TAN SNA TSOGS 'BRAS BU CAN, ,BSOD NAMS RA BAR MNGON MDZES PA'I, ,NYID SKU'I BRTAN PA MTHONG BA NA, ,LHA RNAMS KYI NI YONGS 'DU LA, ,DGA' BA CI STE LHOD MI 'GYUR, ,'DI

, ,NA'ANG JO BO RNAM GNYIS KYI, ,MDUN SAR MTHO RIS LAM SBYONG BA, ,SMON LAM LEGS PAR GRUB PA NAS, ,DA LTA CHOS SDER 'KHOD PA LAGS, ,SLAR YANG NYID LA GDAMS PA NI, ,G-YUNG DRUNG MCHOG GI GO 'PHANG NI, ,LEGS PA'I GZHI LA MA 'BAD NA, ,MTHONG DANG MA MTHONG 'DI DAG NI, ,CHU YI CHU BUR BZHIN DU G-YO, ,ZHES PA'I DON 'DIR THUGS GZHOL TE, ,RTAG TU DON LDAN MDZAD 'TSAL LO, ,DGE SBYOR SKYABS 'OG YANG DAG BGYID, ,JA DKAR PHUR MA SKYES SU MTSON, ,TSES GRANGS BZANG POR 'BRAS SPUNGS ZHES, ,GRAGS LDAN CHOS KYI SDE NAS PHUL, ,CES PA YANG DE NYID LA GNANG BA'O,, ,, ` DAD PA'I RTZA BA RAB TU BRTAN GYUR CING, ,BLO GROS YAL GA'I KHYON YANGS TSUL KHRIMS KYI, ,ME TOG MDANGS BKRA LHUN GRUB 'BRAS BZANG GIS, ,MDZES PA KHYED LA SRAS BCAS RGYAL BAS SKYONGS, ,GANG GI MI PHYED DAD PA'I BANG MDZOD NAS, ,GSUNG SHOG MAN DHA RA YI PHRENG RGYAS PA, ,'JAM GNYEN YID 'ONG REG BYA'I KHYAD PAR ZUNG, ,SKYO SDOR BZANG MANG DRI BZANG PHUR MA DANG, ,RAS DKAR YUG BCAS MNGAGS PA'I PHO NYAS SON, ,DE TSE DNGOS SU MJAL BZHIN SPRO DGA' YI, ,SNANG BAS YID KYI MUN PA MTHA' DAG BSAL, ,DENG DUS SKU KHAMS YAR NGO LTAR BRTAS SHING, ,BSTAN DANG BSTAN 'DZIN GUS PAS MCHOD PA SOGS, ,RNAM DKAR MDZAD PA BZANG PO'I SNYAN GRAGS NI, ,STON ZLA BAS KYANG LHAG PAR DKAR BA THOS, ,'DIR YANG 'DUS PA STONG PHRAG GSUM LHAG DANG, ,LHAN CIG SMON LAM CHEN MO LEGS GRUB NAS, ,DA LTA'I BAR DU DGE 'DUN THUGS MTHUN ZHING, ,'KHOR LO

GNYIS KYI BYA BA'I ROL PAS 'TSO, ,SLAD MA'ANG LHO PHYOGS NOR 'DZIN LA BRTEN PA'I, ,MNGA' 'BANGS SKYE BO BYAMS BRTZES SKYONG BA DANG, ,BSTAN DANG DE 'DZIN GUS PAS MCHOD PA SOGS, ,DON LDAN MDZAD PAS SKU TSE DON YOD MDZOD, ,DGE SBYOR SKYABS 'OG 'BRAL MED SNYING LA 'GROGS, ,SRUNG DAR LO MA'I PHUR MA SKYES SU MTSON, ,KUN LDAN LO YI NAG ZLA'I NYER BRGYAD LA, ,DPAL LDAN 'BRAS SPUNGS CHOS KYI GRVA NAS PHUL, ,CES SE GRONG GZHIS KAR DBON PO LHUN BZANG PA LA GNANG BA'O,, ,, ` GANG GI MTSAN TZAM YID LA DRAN PAS KYANG, ,SRID DANG ZHI BA'I PHUN TSOGS KUN STZOL BA, ,AA TI SHA DANG MNYAM MED TZONG KHA PAS, ,KHYED LA RTAG TU BU BZHIN DGONGS GYUR CIG ,GANG GI DAD PA'I SKYED TSAL LAS 'ONGS PA'I, ,GSUNG BRIS CHU SKYES GSAR PA'I PHRENG BA NI, ,GRANG BA'I REG BYA SKYOB BYED ZHVA THUL DANG, ,SKYO SDOR BZANG POS GANG BA'I SNOD DANG BCAS, ,PHYOGS 'DIR MNGAGS PA'I PHO NYAS SON PAR GYUR, ,DENG SANG SKU KHAMS YAR NGO LTAR BRTAS SHING, ,RTAG TU CHOS KYI LAM DU THUGS GZHOL BA'I, ,NGANG NAS SDE SRID NYID KYI GNANG CHEN POR, ,BZHUGS NAS MNGA' 'BANGS SKYA SER MTHA' DAG GI ,RE BA CHOS DANG LDAN PAR LEGS SKONG ZHES, ,SNYAN PA'I GTAM BZANG RNA BAR LHUNG BA LAS, ,YID LA SPRO DGA' CI YANG RGYAS PAR GYUR, ,'DI NA'ANG PHUNG PO'I TSOGS PA MA GYES SHING, ,SNYOM LAS NGANG NAS BSTAN DANG 'GRO BA LA, ,JI LTA BUR NA NGES PAR PHAN 'GYUR ZHES, ,LHAG BSAM MDZA' BOS DA LTA MA BOR TZAM, ,MNGON MTHO NGES LEGS MTHA' DAG SGRUB PA'I RTEN, ,DAL 'BYOR LUS

, ,'DI YUN DU 'TSO BA'I THABS, ,RGYAL BAS GSUNGS PA RNAMS LA 'BAD MDZAD NAS, ,MNGA' 'BANGS SKYE BO MTHA' DAG BYAMS BRTZE YI, ,SPYAN GYIS 'TSO ZHING BSTAN DANG BSTAN 'DZIN RNAMS, ,GUS PAS MCHOD SOGS RNAM DKAR MDZAD PA LA, ,NAM YANG LHOD PA MED PA SNGAR BZHIN 'TSAL, ,RGYAL SRID SHING RTA CHEN POR ZHUGS NA YANG, ,RANG GI TSUL KHRIMS YAL BAR MI 'DOR ZHING, ,DAL 'BYOR DON LDAN THUGS DAM RIM PA LA, ,RTAG TU BRTZON 'DI MKHAS PAS BSNGAGS PA'I GNAS, ,SLAR YANG DE LAS G-YO BA MED PAR MDZOD, ,MI 'GYANG SKABS DANG SBYAR BAR MJAL BAR SMON, ,GNAS SKABS MTHAR THUGS BZHED DON KUN 'GRUB CING, ,'GAL RKYEN BAR CHAD DBANG DU MI 'GRO BA'I, ,DGE SBYOR SKYABS 'OG G-YEL BA MED PA BGYID, ,MI PHYED DAD PA RI DBANG LTAR BRTAN CING, ,ZANG ZING RDZAS LA BLTOS PA MA MCHIS PAS, ,RANG GI SKRA BUBS NYAMS PA MED PA ZHIG ,RGYAS BTAB SKYES KYI TSUL DU PHUL BA LAGS, ,NAG PA ZLA BA'I DGA' BA GSUM PA LA, ,DPAL LDAN 'BRAS SPUNGS CHOS KYI SDE NAS PHUL, ,CES PA YANG DE NYID LA GNANG BA'O,, ,, ` SNGON BSAGS LAS DKAR SKYED TSAL DU, ,DAL DANG 'BYOR PA'I RKANG 'THUNG NI, ,YON TAN ME TOG DKAR POS MDZES, ,KHYED LA SRAS BCAS RGYAL BAS SKYONGS, ,KHYED THUGS LA BZHED PA CHEN PO MED BZHIN DU SDE PA'I BKA' MA KHYOG PAR DE'I GNYER THOG TU 'BYON DGOS SHIG BYUNG 'DUG PA SEMS LA SHIN TU GCAGS PA ZHIG BYUNG, ,DE TSOR PHEBS NAS SKU KHAMS BDE ZHING, ,LUGS GNYIS KYI MDZAD PA YAR NGO LTAR DKAR

BA'I SNYAN PA THOS, ,NGED KYANG RGYAL PHYOGS SU DGE 'DUN GYI SDE DANG BSHAD SGRUB KYI GRVA DAR RGYAS CHE BA BYUNG BA'I NGOS, ,SMON LAM CHEN MO 'DUS PA RGYA MTSO'I DBU LA SLEB PA BYAS PA'I SMON LAM LEGS TSOGS SU GRUB, ,'DI TSOR DA LTA CHOS 'PHEL BAR YOD, SKABS ZHU, ,DAL BA'I RTEN RNYED DKA' ZHING, ,BSTAN PA DANG MJAL BA RGYA MA DA LAN GYI SKABS TZAM YIN PAS RANG GI BSLAB PA LA GCES SPRAS SU MDZAD PA'I NGOS DE PHYOGS KYI BSTAN PA DANG DGE 'DUN GYI SDE RNAMS KYI ZHABS TOG TU GANG 'GYUR MDZAD NA DAL 'BYOR DON DANG LDAN ZHING SKABS DON MA 'PHYUGS PA 'ONG BA DGONGS 'TSAL, ,NGED RANG LA KHYED DAD PA GZHAN DANG MI 'DRA BAS DA LAN NYER MKHO'I 'BUL BA BSKUR BA RNAMS GSUNG RAB RGYA MTSOS DO DAM BYAS PA'I MIG LAM DU BAB PA BYUNG BA BZHIN BZHED DON 'GRUB PA'I SMON LAM DANG DGE SBYOR SKYABS 'OG RGYUN LDAN DU BGYID PA YOD, ,DA LAN SNGAGS MANG DU BTAB PA'I SRUNG DAR ZHIG RGYAS MDZES PAR 'BUL, ,TSES GSUM LA SE RA GZIMS KHANG NAS PHUL, ,CES PA YANG DE NYID LA GNANG BA'O,, ,, ` SNGON BSAGS LEGS SPYAD 'DZIN MA'I KHYON LAS 'KHRUNGS, ,YON TAN LHUN GYIS GRUB PA'I DPAG BSAM NI, ,MDZAD PA BZANG PO'I 'BRAS BUS MDZES PA CAN, ,KHYED LA SRAS BCAS RGYAL BAS RTAG TU SKYONGS, ,PHYAG RTAGS SPEN TOG BUBS GCIG NAM 'DANG GCIG RAS DKAR LEGS PA YUG GSUM GYI SKYES DANG BCAS PA PHEBS, DENG SANG SKU KHAMS MCHOG TU SNYOMS SHING, ,SDE PA ZHAL NGO'I DGONGS LEN G-YO MED NAS BSTAN PA DANG BSTAN 'DZIN MCHOD MCHOD PA LA G-YEL BA MED PA'I SNYAN PA NA RIM DU

, ,THOS PAS SEMS MCHOG TU SPRO, 'DI PHYOGS NA'ANG KHAMS LUS SNYOMS SHING, BSTAN PA DANG SEMS CAN LA GANG PHAN BGYID PA'I BLO 'DUN MA DOR TZAM NAS CHOS 'PHEL BAR MCHIS, SKABS ZHU, BLA MA SHAG BZANG BA 'DIR BYON, DGE 'DUN LA MANG JA ZHU BA DANG, NGED LA'ANG GRUB CHEN RIN PO CHE'I TSEMS KYIS THOG DRANGS 'BUL BA SOGS MDZAD PHYIR THEGS PA, KHONG LA'ANG SNGAR LAS MA G-YOS PA'I MGO 'DON BDAG RKYEN DU 'GYUR BA DANG, BSLAB PA GSUM GYI NYAMS LEN DANG, BSTAN PA'I ZHABS TOG LA SNGAR LAS MA G-YOS PA ZHU, DGE SBYOR SKYABS 'OG KYANG G-YEL BA MED PAR BYED PA YOD LAGS, ZHU MCHID DKAR BA'I SKYES SU LO MA'I PHUR MA MTSON PA RGYA LDAN DU 'BUL, DGA' BA DANG PO'I TSES LA 'BRAS SPUNGS GZIMS KHANG NAS PHUL, CES PA YANG DE NYID LA GNANG BA'O,, ,, ` DAD PA'I RTZA BA RAB TU BRTAN GYUR CING, ,LEGS NYES 'BYED PA'I BLO GROS YAL 'DAB NI, ,YON TAN ME TOG TSOGS KYIS RAB BKRA BA, ,KHYED LA SRAS BCAS RGYAL BAS RTAG TU SKYONGS, ,SKU KHAMS RIN CEN GSER LTAR RAB BZANG ZHING, ,MDZAD PA STON KA'I ZLA SHEL LTAR DKAR BA'I, ,NGANG NAS PHYOGS 'DIR BSAM SBYOR NGAN PA YIS, ,BRDZI BAR MA NUS SNYAN PAS YID DRANGS NAS, ,DAD DANG GTONG BA'I RLABS PHRENG G-YOS PA LAS, ,NYE BAR MKHO BA'I BZANG MANG 'BUL BA'I SKYES, MIG LAM BAB PAS SPRO DGA' CI YANG 'PHEL, ,PHYOGS 'DIR SH'AKYA MU NI'I MDUN SA CHER, ,STONG PHRAG 'DUS PA'I TSOGS DANG LHAN CIG TU, ,DUS GSUM DGE BA'I SMON LAM LEGS GRUB NAS, ,BDE CHEN

RTZES ZHES LHA YI PHO BRANG NA, ,SA SKYONG YAB YUM THUGS BZHED SKONG BZHIN GNAS, ,SLAD MA'ANG DAL BA'I RTEN BZANG RNYED DKA' ZHING, ,DAM PA'I MGON DANG MJAL BA DA LAN TZAM, ,DE PHYIR DON LDAN DKAR PHYOGS MDZAD PA LA, ,NAM YANG G-YEL BA MED PAR CIS KYANG 'TSAL, ,DGE SBYOR SKYABS 'OG 'BRAL MED SNYING LA 'GROGS, ,DBO YI ZLA BA'I GNYIS PA'I PHYOGS KYI NI, ,DGA' BA DANG PO SHAR TSE RIG SNGAGS KYIS, ,BYIN GYIS BRLABS PA'I SRUNG DAR DANG BCAS 'BUL, ,ZHES PA YANG DE NYID LA GNANG BA'O,, ,, ` DAD PA'I RTZA BA RAB BRTAN CING, ,BLO GROS YAL GA'I KHYON YANGS LA, ,YON TAN ME TOG MDANGS BKRA BA, ,KHYED LA SRAS BCAS RGYAL BAS SKYONGS, ,LCANG LO CAN GYI GRONG KHYER NI, ,DUS KYIS SA LA 'ONGS PA LTA'I, ,PHO BRANG MCHOG GI MDUN SA NI, ,SKU KHAMS BTZO MA'I GSER LTAR BZANG, ,MDZAD PA STON KA'I ZLA BAS DKAR, ,SNYAN GRAGS PAD MA'I DRI BSUNG LTAR, ,'PHRO BAS SNYING LA CI YANG SIM, ,LHA CHOS BDUN LDAN BKA' GDAMS KYI, ,BSTAN PA'I BA DAN PHYOGS KUN TU, SGRENG BA'I RTEN 'BREL MTSON PHYIR DU, ,BKA' GDAMS GNAS KYI THIG LE 'DIR, ,DUS GSUM RGYAL BA'I BSTAN SRUNG NI, ,RNAM MANG THOS SRAS SKUS MTSAN PA'I, ,DAR PO CHE DAG PHUL BA NI, ,DAM CHOS 'DUL BA'I PHYAG LEN BZHIN, ,RNAM DAG RI KLUNGS DGE 'DUN RNAMS, ,ZLA BA GSUM DU DBYAR GNAS PAR, ,ZHAL GYIS BZHES PA DANG MTSUNGS PAR, ,TSUGS PA SHIN TU NGO MTSAR CHE, ,DGE SBYOR SKYABS 'OG G-YEL MED BGYID, ,SRUNG DAR SNGAGS BTAB SKYES SU MTSON, ,CHU STOD ZLA BA'I

, ,PHYOGS GNYIS PA'I, ,RGYAL BA DANG PO'I TSES LA PHUL, ,CES PA 'DI 'PHYONGS RGYAS SU MGRON GNYER DPON LHA BSAM LA GNANG BA'O,, ,, ` DAD PA'I RTZA BA RAB TU BRTAN GYUR CING, ,RNAM DPYOD PHUL BYUNG YAL GA'I KHYON YANGS PA, ,LEGS BYAS ME TOG DKAR POS MDZES DE LA, ,SRAS BCAS RGYAL BAS RTAG TU SKYONG GYUR CIG ,RGYAL BA KUN GYI MKHYEN BRTZE MA LUS PA, ,DUS MTHAR NGUR SMRIG 'DZIN PA'I ZLOS GAR GYIS, ,RNAM ROL CHOS KYI RGYAL PO TZONG KHA PA, ,SRAS DANG BCAS PAR KHYED LA SKYONG GYUR CIG ,RNAM DAG BSTAN DANG BSTAN 'DZIN MCHOG RNAMS LA, ,MCHOG TU DKAR BA'I MI PHYED DAD PA CAN, ,YON TAN RNAM MANG RGYAN GYIS RAB MDZES PA, ,KHYED LA SRAS BCAS RGYAL BAS RTAG TU SKYONGS, ,ZHES PA YANG DE NYID LA GNANG BA'I BKA' SHOG GI STOD KYI TSIGS BCAD DO,, ,, ` PHO BRANG CHEN PO'I BYA 'DABS LUGS GNYIS KYI MDUN SA YAR 'ON GYI NOR 'DZIN GYI KHYON RNAMS NA BZHUGS PA'I BSTAN PA'I RTZA LAG BSTAN 'DZIN RNAMS DANG, BSTAN PA LA GUS PAS MCHOD PA'I SBYIN BDAG CHEN PO RNAMS KYI DRUNG DU, ZHU BA, DENG SANG RANG RANG GI BSTI GNAS DAM PA RNAMS NA SKU'I ZLA SHEL NYER 'TSE'I CHU 'DZIN GYIS MI SGRIB CING, DUS DANG GNAS SKABS KYI DBANG LAS RNAM DKAR GYI MDZAD PA'I 'OD ZER DKAR PO'I DRA BA PHYOGS KUN TU 'PHRO BAS MDZES PAR BZHUGS LAGS SAM, 'DI PHYOGS NA'ANG RI KLUNGS KYI DGE 'DUN RNAMS 'KHOR LO GSUM GYI BYA BAS 'TSO ZHING NYER 'TSE MED PAR GNAS, SKABS KYI ZHU MCHID GRVA TSANG NAS KYI GRVA PA SLOB GNYER BA 'DI RNAMS CHOS BAR GYI THEBS SOGS

BSTAN PA'I RGYUN LA BSAMS PA'I SPYI BSOD LA DONG BA, ZHAG SA'I GNAS MAL, 'PHRAL GYI MTHUN RKYEN, SBYIN PA'I PHYAG RKYEN, SDE'I BSOD SNYOMS KYI GNANG SBYIN STZOL BA SOGS GANG SA NAS BKA' DRIN BZANG POS KHYAB PA THUGS LA 'DOGS PA ZHU, 'DI TSOR YANG SKU RIM DANG, BZHED DON 'GRUB PA'I SMON LAM RGYUN LDAN DU BGYID LAGS, SA MO PHAG LO KHRUMS KYI ZLA BA'I DKAR PHYOGS LA CHOS 'KHOR RGYAL BKRA SHIS LHUN GYIS GRUB PA'I GTZUG LAG KHANG NAS, SNGON SBYANGS DKAR PO'I LAS 'PHRO SAD PA'I MTHUS, ,MDO RGYUD GZHUNG LA THOGS MED BLO LDAN ZHING, ,BSTAN PA GSAL MDZAD PHRIN LAS BZANG PO CAN, ,BSHES GNYEN GANG DE YUN DU ZHABS BRTAN CIG ,SNGA SOR GNAS BRTAN YON TAN 'BYUNG GNAS LA TSIG DON BZANG PO'I PHYAG RTAGS, DE NANG DU SHAR BA'I RTEN CHAS BZANG LA RNAM GRANGS MANG BA 'PHROD TSUL GYI YI GE TZAM ZHIG PHUL BA SMIN LAGS SAM, DE NA 'DUS PA'I DKYIL CHOG DBANG DON GSAL BYED LAS BRTZAMS PA'I DRI BA GNYIS 'DUG PA'I DANG PO, BDAG 'JUG GI TSE RANG GTZO BO LAS BYE STE, BLA MA DANG GTZO BO THA MI DAD DU BYA, ZHES GSUNGS PA'I BLA MA DE RANG GI BDAG 'JUG LEN PA'I DKYIL 'KHOR GYI GTZO BO DE YIN NAM, DE DANG THUGS RGYUD THA DAD PA GANG YIN, ZHES PA'I LAN NI, 'DUS PA MI BSKYOD PA'I DKYIL 'KHOR SGRUB TSUL 'DI BDAG MDUN THA MI DAD PA YIN PAS BDAG 'JUG GI TSE RANG GTZO BO'I NGA RGYAL LA GNAS PA LAS BYE STE DBANG LEN PA PO'I TSUL DANG, SNGAR GYI DKYIL 'KHOR GYI GTZO BO DE RANG GIS 'DUS PA'I DBANG GANG LAS THOB PA'I RTZA BA'I BLA MA DANG DBYER

, ,MED DU MOS NAS DES DBANG BSKUR BA'I BLA MA'I BYA BA RNAMS MDZAD, RANG NYID SLOB MA'I TSUL DU BYAS NAS SLOB MA'I BYA BA RNAMS BYAS TE DBANG LEN PA'I DON YIN, DRI BA GNYIS PA, YANG DER BSTAN PA'I DKYIL 'KHOR GYI DE NYID STON PA'I SKABS SU, SNGAR LUS DKYIL LA BKOD PA'I LHA RNAMS STON PA NI BRTEN PA NANG GI DKYIL 'KHOR RO, ,ZHES GSUNGS PA'I LUS DKYIL GYI LHA DE RNAMS GANG ZAG GI LUS LA CHO GA'I SKABS GANG DU BKOD, STON TSUL JI LTAR LAGS, ZHES PA'I LAN NI, THOG MAR SLOB MA LA PHYI DKYIL STON PA NI, YANG DAG PA'I YE SHES KYI SNANG BA 'BAR BA'I ME RI, ZHES SOGS KYIS RTEN GYI DKYIL 'KHOR DANG, DE NAS BRTEN PA'I DKYIL 'KHOR GYI DE NYID NI, DE NAS 'KHOR LO'I BDAG PO NAS, ,BRTZAMS TE GNOD MDZES MTHAR THUG LHA, ,DE BZHIN NYID DU GNAS PA RNAMS, ,RDO RJE CAN GYIS SLOB MA BSHAD, ,CES PA'I BAR LTAR DANG, DE NAS NANG GI DKYIL 'KHOR STON PA NI, PHUNG PO LNGA YI RANG BZHIN DU, ,SANGS RGYAS LNGA RNAMS RAB BSTAN BYA, ,ZHES PA NAS, LAG SOGS NGO BOR KHRO DBANG PO, ,GSHIN RJE DGRA SOGS BSTAN PAR BYA, ,ZHES PA'I BAR 'DI LAS GZHAN MA BYUNG ZHING, SNGAR SGRUB PA PO RANG NYID KYIS BDAG BSKYED BSGOMS PA'I SKABS SU, RANG SPRUL SKU RDOR SEMS SU BSGOMS PA'I LUS LA MI BSKYOD PA SOGS LHA RNAMS BKOD NAS RANG GI PHUNG SOGS DANG NGO BO DBYER MED DU BSGOMS PA LA THUGS RTZE GTAD NAS, SNGAR LUS DKYIL LA BKOD PA'I LHA RNAMS ZHES GSUNGS SHING, LHA NGO STON PA'I SKABS 'DIR BLA MA DANG DKYIL 'KHOR GYI GTZO BO

DBYER MED DU MOS PA DE'I LUS LA, RDO RJE SLOB DPON LUS 'DI LA, ,RGYAL BA'I SKU NI RIM BZHIN GNAS, ,ZHES GSUNGS PA LTAR LUS DKYIL BKOD NAS SLOB MA LA STON PA'AM, YANG NA BLA MA'I PHUNG PO LNGA NAS YAN LAG GI BAR RNAMS LHA DE DANG DE'I NGO BOR, PHUNG PO LNGA YI RANG BZHIN DU, ,ZHES SOGS LTAR SLOB MA LA MOS SU GZHUG PA'I DON DU MNGON LAGS,, ,, ` 'JAM DBYANGS GZHON NU NGUR SMIG ZOL GYIS SNYING RJES MYOS PA'I ZLOS GAR MKHAN, ,BLO BZANG ZHABS SEN DMAR BA'I RDUL PHRENG MCHOD SBYIN BRGYA PA'I GTZUG NA ROL, ,GRAGS PA'I DRIL CHEN GSANG MTHO'I RNGA DBYANGS SRID GSUM 'DI NA CI YANG SGROG ,'JAM DPAL SNYING PO'I PHRIN LAS 'OD STONG 'JIG RTEN GSUM NA GSAL GYUR CIG ,MDO RGYUD RAB 'BYAMS MKHA' LA THOGS MED RGYU,, SHES RAB DKYIL 'KHOR LEGS BSHAD 'OD STONG CAN, ,SKAL BZANG BUNG BA YONGS KYI GNYEN GCIG PU, ,THUB BSTAN NYIN MOR BYED PA'I ZHABS DRUNG DU, ,RING NA GNAS KYANG DANG BAS 'DI SKAD ZHU, ,NYID SKU RI DBANG LTA BUR RAB BRTAN CING, ,RNAM DKAR PHRIN LAS PHYOGS BCUR RGYAS PA DANG, ,BLO BZANG RGYAL BA'I DBANG PO'I BSTAN PA 'DI, ,MCHOG TU DAR ZHING RGYAS PAR MDZAD DU GSOL, ,CES ZHU BA'I RTEN DU BSTAN PA RIN PO CHE DKAR 'JAM DU 'GRO BA'I RTEN 'BREL MTSON BYED RGYA 'BYAR BA 'BUL, NANG SO 'PHYOS PA 'DI DGE LDAN PA'I SBYIN BDAG CHEN PO YIN PAS CHAB SRID BRTAN PA'I SMON LAM YANG MKHYEN CING, BSTAN PA'I THUGS KHUR SNGAR BAS KYANG CHE BA SKU DRIN SKYONG DGOS LAGS, TSES BZANG PO LA PHUL BA'I ZHU YIG , ,, `

, ,PHUL BYUNG BLO GROS DKYIL 'KHOR RAB TU RGYAS, ,PHRIN LAS BZANG PO'I RI BONG MTSAN MAS MDZES, ,GRAGS PA'I 'OD DKAR PHYOGS BCUR 'PHRO BA CAN, ,BSHES GNYEN RGYU SKAR BDAG PO'I ZHABS DRUNG DU, ,RING NAS DANG BA'I YID KYIS 'DI SKAD ZHU, ,PHAN BDE'I RIN CEN MA LUS 'BYUNG BA'I GNAS, ,BLO BZANG BSTAN PA'I YID BZHIN MTSO CHEN PO, ,BSHAD SGRUB 'DAB BRGYA'I PHRENG BAS MDZES PA DANG, ,BLO GSAL DANG MO'I RE BA 'BRAS LDAN MDZOD, ,CES ZHU BA'I RTEN DU BSTAN PA RIN PO CHE DKAR 'JAM DU 'GRO BA'I RTEN 'BREL MTSON BYED RGYA LDAN DU 'BUL, ,TSES BZANG PO LA ZHU YIG, ,, ` RNAM DPYOD ZLA SHEL DAG PA'I RTZIG NGOS LA, ,MTHA' DAG SHES BYA'I TSON RIS YONGS RDZOGS PA, ,RGYAL MTSAN MTHON PO'I RI NGOGS NYAMS LEN GYI, ,BDUD RTZI'I BCUD 'THUNG YID BZANG GZHON NU ZHIG ,DE YI RNAM DPYOD YANGS PA'I NAGS TSAL NAS, ,DON BZANG SDEB LEGS TSIG GI LBU PHRENG CAN, ,NAM YANG MI NYAMS YID GCUGS SBRANG RTZI YIS, ,KYE HO SNYING GI BUNG BA LAN BRGYAR TSIM, ,'DI NA TSE SROG RI NGOS THUR BGROD BZHIN, ,RINGS PAR 'JUG KYANG NYI MA'I BU'I DBYUG PA, ,MA DRAN DAD LDAN SKYE BO'I RE BA'I MTSOR, ,'DONG BA DANG PA'I RGYAL PO GZHAN PA BZHIN, ,'ON KYANG BDE 'BYUNG PHYOGS KYI NAGS KYI DPAL,, MA LA YI RI BO LA 'KHU BA, ,GRU 'DZIN MIN NAM ZLA NYI'I 'GROS DAG GI ,BYED PA 'GOG BYED RKYEN DE RI BONG RVA, ,DUS DER MDZA' BO'I BU MO TSUL BZANG MA, ,MGUL NAG ZLA BA'I COD PAN DANG 'GROGS PA, ,DAG BYED RGYUN GSUM LDAN PA'I BGROD PA

YIS, ,LHA MIN SDIG PA'I SREG ZA CIS MI 'JOMS, ,STOBS LDAN RIG BYED ZHAL GYI ZLA SHEL LAS, ,BDUD RTZE GSAR PA'I LUNG BSTAN THOB PA NA, ,SUM RTZEN LAM DU SKAR MDA' G-YO BA BZHIN, ,MDZES PA SKAL BZANG SNYING GI THIG LE NYID, ,CES PA'I RTEN DU JA THUM ZHIG LA RGYA 'BYAR PHUL BA RTZIS BZHES PA DANG, SNGAR YANG RIM GRO YANG DAG MDZAD 'DUG PA BZHIN DU MUS MTHUD ZHU ZHING, SNGAR GYI ZHAL 'PHROS LAS G-YO BA MED PA'ANG THUGS LA BTAGS, MYUR DU MJAL NA BSAM 'DI NA'ANG DUNGS PAR YOD CING, MYUR DU SLEB RTZIS KYANG LAGS, THUNG TZAM NGAG TU'ANG GSAL, TSES BCO BRGYAD LA LHA CHEN YAR LHA SHAM PO'I GANGS MGUL DBEN GNAS GSAL DBYANGS DGON PA NAS PHUL,, ,, ` GANG ZHIG BRJOD PA'I PHA MTHA' DANG BRAL RANG BZHIN RNAM DAG SRID PA'I MKHA' DBYINGS BYIS BLO BUNG BA'I ZLOS GAR ROL PAS JI BZHIN DPYAD PAR MI NUS SHING, ,GLO BUR DRI MA'I CHU LDAN GOS BRAL YE SHES CHEN PO'I NYI MA STONG GIS JI BZHIN RAB 'KHYUD JI SNYED SHES BYA'I RNAM PA MA LUS CIG CAR YANG, ,MNGON PAR BYANG CHUB DMIGS PA'I RDUL BRAL SNYING RJE'I ROL PA CIR YANG 'CHAR BA TSON BRGYA'I RI MO NYE BAS YONGS BSGYUR RNAM PAR DAG PA'I SHEL JI BZHIN, ,MTHA' DAG GZUGS BRNYAN ROL MO SNA TSOGS GANG G'A'I BYE SNYED ZHING RNAMS KUN TU DGYES DGUR ROL MDZAD GANG DE'I ZHABS DRUNG MCHOG TU GUS PAS MCHID 'DI GSOL, ,GANG THUGS YID BZHIN RGYA MTSOS 'GRO 'DI YI, ,PHAN BDE'I NOR 'DZIN 'DEGS PAS MI NGAL ZHING, ,PHRIN LAS RAB DKAR BDUD RTZI'I RLABS 'PHYUR BA,,

, ,KHOR YUG RI BO'I PHYOGS LA BRTEN CES THOS, ,KHYAD PAR NGO MTSAR STONG GI GZI 'BAR BA, ,RGYAL BA'I SKU GZUGS LHUN PO GZHAN PA BZHIN, ,DENG DUS THUB BSTAN 'DZIN MA'I LTO BA LA, ,BKOD PAS ZLA BA'I MA MA RING ZHIG 'DAR, ,BDAG KYANG NYI MA'I BU YIS MA BCOM ZHING, ,BLO MIG LDONGS KYANG GZHAN GYI DMIGS BU BZHIN, ,BSTAN LA SRI ZHU BGYI 'DOD DUS MTHA' YI, ,DRI BZHON NYE BA'I MAR ME'I GNAS MTSUNGS GYUR, ,'DI NA PHAL CHER LEGS NYES GNAS LA RMONGS, ,GZHAN DAG PHYOGS LHUNG GDUG PA'I SBRUL GYIS ZIN, ,GZUR GNAS BLO LDAN MKHAS RNAMS KHYAD BSAD NAS, ,BAG MED SPYOD PA'I PHYOGS RNAMS MNGON PAR MTHO, ,DE SLAD RI DBANG BSTAN PA'I SA CHEN PO, ,BLO GROS DPUNG PA'I KHYOGS LA BRTEN BZOD PA, ,MTHU CAN GZHAN NA MA MCHIS MGON PO KHYOD, ,GNAS 'DIR BTANG SNYOMS MA MDZAD MTHU STOBS SKYED, ,DON GNYIS LHUN GRUB RGYAL BA'I BSTAN PA YI, ,BYA LAM YANGS PAR RGYU SKAR RGYAL PO NI, ,PHUL BYUNG MDZAD PA BZANG PO'I 'OD DKAR CAN, ,BSHES GNYEN MCHOG KHYED YUN DU ZHABS BSTAN CIG, ,GANG GI BLO GROS YANGS PA'I CHU GTER NAS, ,TSIG DON 'OD CHAGS GSUNG SHOG MU TIG PHRENG, ,GSER 'OD CHU 'DZIN GYIS 'KHRIGS GOS ZLAM DANG, ,GSER GYI MYU GU 'KHRIGS PA'I COD PAN CAN, ,PHYOGS 'DIR PHO NYA'I LAM LAS RAB SON ZHING, ,DENG DUS NYID SKU RI DBANG LTA BUR BRTAN, ,DON GNYIS MDZAD PA STON ZLA LTAR DKAR BA'I, ,SNYAN GRAGS MA LA YA YI DRI BSUNG GIS, ,BDAG YID BUNG BA'I BRTAN PA CI YANG 'PHROG ,'DI NA'ANG PHUNG PO'I

TSOGS PA MA GYES SHING, ,BSTAN DANG 'GRO LA GANG PHAN BGYID PAR BRTZON, ,YID BZHIN NOR LTAR SHIN TU RNYED DKA' ZHING, ,GLOG PHRENG LTA BUR SKAD CIG GIS G-YO BA'I, ,NGANG TSUL RIG NAS DAL BA'I RTEN 'DI LA, ,NYIN MTSAN KUN TU SNYING PO BLANG BAR MDZOD, ,SHUGS DRAG MI DGE SDIG PA'I RLUNG SHUGS KYIS, ,'JIGS RUNG NGAN 'GRO'I G-YANG SAR LHUNG GYUR NA, ,SHIN TU THAR DKA' DA LTA DBANG YOD DUS, ,SNGON BSAGS SDIG LTUNG STOBS BZHIS SBYANG BA DANG, ,DGE TSOGS PHRA ZHING PHRA BA NAS SGRUB CING, ,YON TAN KUN GYIS GZHI RTEN TSUL KHRIMS LA, ,MIG GI 'BRAS BU LTA BUR GCES SPRAS 'TSAL, ,BLO PHUGS GTAD NA NAM YANG MI SLU BA'I, ,DKON COG GSUM LA 'BRAL MED SKYABS 'GRO ZHING, ,THEG CHEN LAM GYI 'JUG SGO BYANG CHUB SEMS, ,'BAD PA DU MAS RGYUD LA SKYED KYANG 'TSAL, ,'KHOR 'DAS CHOS KUN RTOG PA'I RI MO STE, ,YUL GYI STENG NAS GRUB PA RDUL TZAM MED, ,MING RKYANG TZAM GYI RTEN 'BREL MI SLU BA'I, ,SNANG STONG ZUNG DU 'JUG PA'I NYAMS LEN 'TSAL, ,RNAM DAG SMON LAM NOR BU'I THEM SKAS LAS, ,DGA' LDAN MA PHAM MDUN SAR RAB 'DZEGS TE, ,ZHAL BZANG BLTA ZHING GSUNG GI BDUD RTZI LA, ,SPYOD PA'I SHUGS DRAG MDUN MA YANG YANG 'TSAL, ,DGE SBYOR SKYABS 'OG 'BRAL MED SNYING LA 'GROGS, ,RANG NYID YUN RING LONGS SPYAD GZIMS ZHVA DANG, ,SNGAGS KYIS BTAB PA'I GU GUL SKYES SU MTSON, ,KUN LDAN LO YI SA GA ZLA BA LA, ,DPAL LDAN 'BRAS SPUNGS GZIMS KHANG DAG NAS PHUL, ,CES PA 'DI KHAMS PHYOGS SU GNANG BA'O,, ,, ` SKYABS GSUM

, ,RIN CHEN DBANG GI RGYAL PO DE, ,MOS DGE'I RGYAL MTSAN RTZE MOR LEGS MCHOD PAS, ,DNGOS GRUB GNYIS KYI 'DOD DGU'I CHAR CHEN GYIS, ,KHYED KYI PAD MTSO'I RE BA GANG BAR MDZOD, ,CES PA YANG KHAMS SU GNANG BA'I BKA' SHOG GI MGO'I MCHOD BRJOD DO,, ,, ` LEGS SPYAD GSER GYI YU BA MDZES PA CAN, ,GRAGS PA'I RNGA YAB PHYOGS KYI BU MO YIS, ,RAB BSKYOD RDO RJE'I CHU GTER 'PHYUR BA BZHIN, ,DPAL LDAN SA YI THIG LE RGYAL GYUR CIG ,BLO BZANG MKHAS PA KUN GYI RAL PA'I RGYAN,, GRAGS PA LHA YI RNGA DBYANGS CHER SGROG PA, ,GANG DE'I THUB BSTAN ME TOG PHON PO NI, ,NYID KYI ZUR PHUD RGYAN DU NGES PAR MDZOD, ,DAM PA'I SKYABS GNAS MCHOG GSUM RIN CEN LA, ,BSAM PA THAG PAS GSOL BA 'DEBS PA DANG, ,SKU TSE RING ZHING CHAB SRID RGYAS PA'I THABS, ,KUN LA BRTZON PA LHOD PA MED PAR MDZOD, ,CES PA'I RTEN DU SPUR LEN CIG LA RGYA 'BYAR 'BUL, TSES GRANGS BZANG PO LA BLA MA'I GNAS BRAG GDONG NAS ZHUS,, A,,MANGGALAm SHU BHAm,,

, ,RJE BTZUN THAMS CAD MKHYEN PA'I GSUNG 'BUM THOR BU LAS CHAB SHOG SNYAN NGAG GI SKOR RNAMS BZHUGS SO,,

, ,PHYOGS BCU'I RAB 'BYAMS RGYAL BA KUN GYIS DNGOS GRUB RTZA BA BLA MA ZHES, ,BSNGAGS GYUR DE NI SKYABS KYI MCHOG STE AE MA'O BSOD NAMS ZHING GI MCHOG ,GANG GI DRIN LAS SKU GSUM GO 'PHANG DE BZHIN 'DOD RGU'I 'BRAS KUN YANG, ,STZOL MDZAD KHYAB BDAG RDO RJE 'CHANG DBANG KHYOD ZHABS PAD MOR PHYAG BGYID DO, ,PHUL BYUNG MKHYEN RAB YID BZHIN RGYA MTSO'I GTING YANGS GZHAL BAR MI DPYOD CING, ,RIM GNYIS LAM GYI RTOGS PA MTHAR SON GRUB PA'I DBANG PHYUG KHYOD LTA BU'I, ,ZHABS RDUL RAL PA'I NAGS SU LHUNG GYUR DE YANG RDO RJE 'CHANG LTA BUR, ,BYANG CHUB SEMS KYI RDO RJES BSNGAGS MTHONG BDAG KYANG SKAL BA BZANG SNYAM BGYID,, MGON KHYOD ZUNG 'JUG RDO RJE'I SKU BRNYES KYANG, ,SRID MTHA'I BAR DU PHUNG PO'I ZA MA TOG ,DOR BAR MI 'TSAL ZHABS ZUNG THUB BSTAN GYI, ,SPYI BOR RDO RJE LTA BUR BRTAN PAR GSOL, ,RGYAL BA KUN LAS GANG GI BA SPU

, ,YANG, ,MCHOD PA DON CHEN BLA NA MED SHES NAS, ,RDO RJE'I LJAGS KYIS BDUD RTZI'I CHA SHAS TZAM, ,BZHES NAS BDAG GI SNYING LA SA MA DZA, ,ZHES ZI PO LER GRAGS PA ZHO GANG LA RGYA 'BYAR BA DANG BCAS TE GZHIS KA'I BYANG MA NAS PHUL BA'I ZHU YIG CES PA RJE MKHAS GRUB NOR BZANG RGYA MTSO LA PHUL BA'O,, ,, ` 'DI NA GANG LA 'DOD RGU'I 'BYUNG GNAS ZHES, ,GRAGS PA'I BA DAN DKAR BAS RNAM MDZES PA, ,YID BZHIN NOR DANG DPAG BSAM SHING SOGS KYIS, ,GANG GI BKA' DRIN MCHOG GI CHA SHAS LA'ANG, ,'GRAN PAR MI BZOD SKU GSUM GO 'PHANG YANG, ,SKAL BZANG 'GRO LA LAG RTZER SBYIN MDZAD PA, ,AE MA'O SKYABS KYI DAM PA MCHOD PA'I ZHING, ,KUN GYI MCHOG GANG RNYOG BRAL ZHABS PAD DRUNG, ,GANG GI YON TAN DRAN PA'I BSER BUS KYANG, ,LUS SKYES LJON SHING G-YO BA'I GAR BYED PA, ,YANGS PA'I SKYED TSAL BZHIN DU DPRAL BA'I NGOS, ,THAL SBYAR ME TOG DGOD PAS

MCHID 'DI ZHU, ,GTING YANGS MKHYEN PA'I CHU BDAG GLAL BA'I RLANGS, ,SHOG BU'I GO 'BYED YANGS PAR LEGS BSHAD KYI, ,CHU LDAN RTEN 'BYUNG SPRIN GYI RNGA SGRA CAN, ,PHYOGS 'DIR KUN DGA' MA LUS GZUGS CAN BZHIN, ,'DI NA BRTAN DANG G-YO BA'I DNGOS PO KUN, ,BKRA BAR 'GOD MKHAS RNAM RTOG RI MO MKHAN, ,MTHONG TSE BYED POR RLOM PA'I KHENGS PA NI, ,NYAMS BYAS MES PO BSAM GTAN ZOL LA BRTEN, ,BLO MIG PHYI NANG SHES BYA'I SPYOD YUL CAN, ,SA STENG MKHAS PA KUN LAS MGON PO KHYOD, ,RNAM PAR RGYAL BA'I SGRUB PA'I RGYAL MTSAN DE, ,SA GSUM NA MTHO GRAGS PA'I BA DAN DKAR, ,DBEN PA'I NAGS KLUNG YANGS PAR BSAM GTAN GYI, ,BDE BA'I RO LA SRED LDAN 'DI DAG KYANG, ,MGON KHYOD THOS PA RGYA MTSO'I GTING MTHA' NI,, LTA BAR MA BZOD DBEN PA'I ZOL LA BRTEN, ,DE SLAD 'DZAM GLING 'DI NA NOR 'DZIN MA, ,MDZES PAR BYED PA RGYAN DRUG MCHOG GNYIS ZHES, ,GRAGS KYANG DE DAG RNAMS KYIS NOR LDAN MA'I, ,COD PAN GCIG PU 'DI LA JI LTAR 'GRAN, ,ZHES DON LDAN DU BSNGAGS PA'I SGO NAS SKABS KYI ZHU LAN RANG GI GO TSOD LTA KHRID KYI RNAM PAR BYAS PA 'DI KHAR SANG DPYID RI BO DGE LDAN TSOR SDE SNOD 'DZIN PA DRUG CU LHAG PA LA LTA KHRID BSHAD PAS, ,'DI LTA BU'I 'KHRID TSUL YI GER BKOD PA ZHIG CIS KYANG DGOS ZHES BSKUL BA'I NGOR BKOD PA LAGS PAS DGONGS YUL 'BYOR DU RE 'PHRAL DU PHUL BA LAGS SHING, SLAD MA'ANG ZHU YIG RIM CAN DU 'BUL BA DANG, NGOS KYIS KYANG MYUR DU MJAL BA ZHIG GI BLO 'DUN MA DOR BAR YOD LAGS SHING, THUGS DAM

, ,ZAB MO'I SKYABS 'OG TU 'BRAL BA MED PA'ANG MKHYEN LAGS, DA LAM GSOL JA THUM BU RGYA LDAN DU 'BUL, SMIN DRUG ZLA BA'I TSES BCU LA PHUL BA'I ZHU YIG CES RJE NOR BZANG PA'I DRUNG DU ZHU LAN DU PHUL BA'O,, ` RAB 'BYAMS PHYOGS BCU'I RGYAL BA MA LUS PA'I, ,MKHYEN BRTZE PHRIN LAS MTHA' DAG GZUGS CAN BZHIN, ,NGUR SMRIG 'DZIN PA'I ZLOS GAR LHUR LEN PA, ,YAB RJE DAM PA'I ZHABS DRUNG PHYAG BGYID DO, ,MDANG NANG GDUL BYA DMAN PA RNAMS KYI BLO NGOR GSUNG GLO PHRAN TSEGS LA BRTEN PA'I CUNG ZAD BRO 'TSAL TSUL BSTAN PA SHIN TU YID MA BDE BA, SNYIGS DUS KYI BSTAN PA DANG, BDAG SOGS GDUL BYAR GTOGS PA'I SEMS CAN RNAMS KYI DON DU YUN RING DU ZHABS PAD MI 'GYUR RDO RJE'I GDAN LA BRTAN PAR BZHUGS SU GSOL, ZHES LAN BRGYA PHRAG TU THAL MO SBYAR NAS CHE THANG DU GSOL BA 'DEBS PAR BGYID PA LA THUGS RJE'I SPYAN RAS G-YO BA MKHYEN LAGS SHING, THEG PA MCHOG GI BSHES GNYEN CHES MTHONG BAR DKA' BA NAS ZHAL BZANG BLTA BAR RTZE GCIG TU YID LA SEMS PAR BGYID NA'ANG, DA LAN BKA' STZAL SPYI BOR MCHOD PA NYID BKA' BZHIN DU SGRUB PA'I MCHOD PAR BSAMS TE GSOL JA MTSON PA RGYA LDAN DU PHUL BA DGYES BZHIN DU BZHES NAS MYUR DU MJAL BA'I BKA' DRIN STZAL BAR CIS KYANG GNANG ZHING, TSE RABS THAMS CAD DU YE SHES KYI GZIGS PA 'BRAL BA MED PAR NYID KYIS THUGS RJES BZUNG DU GSOL ZHES GZHIS KA NAS PHUL BA'I ZHU YIG CES PA 'DI YANG CHOS KYI RJE NOR BZANG PA'I DRUNG DU PHUL BA'O,, ,, ` RGYAL BA KUN GYI YE SHES NGUR SMRIG GI ,SGYU

'PHRUL DRA BA'I GAR GYI RI MO NI, ,THUB BSTAN RGYAL MTSAN RTZE MOR 'DZEGS PA GANG, ,ZHABS SEN SPYI BOR MCHOD DE PHYAG BGYID DO, ,DBANG PHYUG BRGYAD KYI YID BZHIN RIN CEN YANG, ,SKAL BZANG GDUL BYA'I LAG RTZER SKAD CIG GIS, ,SBYIN MDZAD SRID PA GSUM GYIS MCHOD BYA'I GNAS, ,ZLA MED BLA MA'I ZHABS DRUNG MCHID 'DI ZHU, ,LHUN PO BAS KYANG KHYOD SKU DPAL GZI 'BAR, ,NAM MKHA' BAS KYANG 'PHRIN LAS RGYA CHE ZHING, ,ZLA BA'I 'OD PAS SNYAN GRAGS DKAR BA 'DI, ,BDUD RTZI BAS KYANG SNYING LA DGA' BA RGYAS, ,THUGS RJE 'O MA'I CHU GTER RLABS 'PHYUR BA, ,RAB 'THOR RJES BZUNG BKA' STZAL MU TIG GI ,'PHRENG BA DKAR 'JAM GLEGS BU LA BKOD PA, ,BSOD NAMS BZHIN DU BDAG GI SPYI BOR LHUNG, ,MGON KHYOD MCHOG TU DGYES PA'I SPYAN RAS KYI, ,'DAB BRGYAS BTZOS PA'I GNAS SKABS 'DI LTA BU, ,RMI LAM NYID DAM NGES PAR BDEN GYUR CES, ,BDAG YID THE TSOM KHYOGS LA 'PHYANG MO YUG ,SNYING LA DAD PA'I SA 'DZIN BRTZEGS MTHO BAR, ,SGRIB BRAL DAM PA'I BYIN RLABS NYI MA'I 'OD, ,'GROGS PA CHOS NYID CES BYA RDZUN KHO NA, ,SNYAM MOD BDEN PA'I TSIG TU BZOD KHUMS SO, ,BKA' STZAL COD PAN SPYI BOR RAB BKOD NAS, ,RANG NYID LEGS BYAS KYIS 'THOB CHOS KYI KHRI, ,DUS KYI RIM PAS 'ONGS PA'I PHUN TSOGS 'DI,, BDAG LTAS THEG PA MIN YANG 'OS PA LTA, ,'ON KYANG MTHA' 'KHOB MA RUNGS SKYE BO KUN, ,PHAN TSUN 'KHRUG LONG BZLOG DKA' LAS PHYIR PHYOGS, ,RIS MED SKYE BO'I 'JIGS SKYOBS MUN GLING DU, ,LHAG BSAM GYIS BSKRUN ME STAG PHRA MOS KYANG, ,MA

, ,'ONGS BSTAN PA'I SNANG BYED BGYID SNYAM SEMS, ,KHYOD GSUNG SPYI BOR MCHOD DE SGRUB PA LAS, ,BSOD NAMS RIN CEN BLA NA GA LA ZHIG ,'ON KYANG PHYOGS 'DIR BLO GROS 'CHEL BA LAS, ,JI BZHIN BSGRUB PAR DKA' BA'I GNAS 'DI LA,, BSHAD SBYANG GUS PA'I TSIG GIS SBYANG 'OS ZHES, ,NAN CHER BGYIS KYANG PHO NYA'I NAN TSIG LAS, ,DBYAR DUS SLAD NAS 'BYON PA'I PHO NYA LA, ,PHYOGS 'DIR THE TSOM BCAD NAS ZHU PHRIN NI, ,'BUL BAR THAG BCAD 'CHAR KHA'I PHUN TSOGS LA, ,'KHU LDAN WASTRA'I MCHOD PA DANG BCAS TE, ,MI PHYED DAD PA'I TSAL LAS ZHU YIG GI ,KHU BYUG MYOS PA'I GLU DBYANGS SGROG BZHIN DU, ,ZHABS SEN 'DAB PHRENG DGOD PA'I DRUNG DER SONG, ,'BRAL MED THUGS RJE'I SPYAN GYIS 'TSO BA DANG, ,SRID 'DIR ZHABS PAD RI DBANG LTAR BRTAN CING, ,NGOMS MED GSUNG GI BDUD BRTZI 'THUNG BAR SHOG ,RGYAL GYI ZLA BA'I PHYOGS DANG PO'I, ,DGA' BA GNYIS PA SHAR BA NA, ,SH'AKYA'I RIGS KYIS NYER BSTEN PA'I, ,LHA YI RI LAS 'PHUR TE SONG, ,ZHES PA 'DI NI PAn CHEN YE SHES RTZE MO BA LA PHUL BA'O,, ,, ` RJE THAMS CAD MKHYEN PA SMON LAM DPAL LEGS PA'I BLO GROS KYI DRUNG DU, DGE 'DUN RGYA MTSO DPAL BZANG POS ZHU BA, BSTAN PA RIN PO CHE'I DPAL DU ZHABS BRTAN PAR BZHUGS PA BKA' DRIN CHE, ,BDAG KYANG KHAMS SNYOMS PAR YOD LAGS, SLAR YANG GSOL BA, RGYAL BA KUN GYI MKHYEN BRTZE GCIG BSDUS PA, ,RGYAL SRAS 'JAM PA'I DBYANGS ZHES GRAGS PA DE, ,GANGS CAN KHROD 'DIR BSHES GNYEN TSUL 'DZIN PA, ,MTSUNGS MED CHOS RJE'I ZHABS LA

GSOL BA 'DEBS, ,BDAG KYANG MGON KHYOD ZHABS PAD GUS BSTEN CING, ,RJE BTZUN BLA MA'I DNGUL GDUNG MJAL BA LA, ,GNAS DER 'ONG BA'I SMON LAM GNANG BA DANG, ,SKU TSE'I RGYAL MTSAN BRTAN PA'I SMON LAM ZHU, ,ZHES ZHU YIG GZIGS PA'I RTEN MTSON PAR KA DAN DKAR DMAR GNYIS ZUNG SBREL DU 'BUL, ZHES PA RJE SMON LAM DPAL BA LA PHUL BA'O,, ,, ` RGYAL BA THAMS CAD KYI MKHYEN BRTZE GCIG TU BSDUS PA'I NGO BO MDO SNGAGS BSTAN PA'I BDAG PO'I DRUNG DU ZHU BA, SKAL BZANG BUNG BA THAMS CAD KYI NYER 'TSOR GYUR PA'I SKU'I NYIN BYED MUN CAN GYI GZA' LAS RNAM PAR RGYAL ZHING, LEGS PAR BSHAD PA'I GSUNG GI 'OD ZER GYIS BSTAN PA'I PAD TSAL RGYAS PAR MDZAD PA'I SNYAN GRAGS KYI ME TOG MKHAS PA KUN GYI SGRA 'DZIN GYI NGOS LA RNAM PAR 'GOD PA'I SBYOR BA LAS MA G-YOS PAR BZHUGS PA BKA' DRIN CHE, BDAG KYANG LUS KYI 'BYUNG BA CHA SNYOMS PA'I NGOS NAS MANG DU THOS PA 'TSOL BA'I LUGS SU YOD LAGS, ZHES BRJOD NAS SLAR YANG GSOL BA NI, MDO SNGAGS GZHUNG LUGS BYE BA'I CHU BUR CAN, ,KHYOD THUGS DBYAR SKYES ROL PA'I KHANG BZANG NAS, ,BKA' YIG SPRIN GYI RNGA SGRA BSGRAGS PA NA, ,YID KYI RMA BYA DGA' BA'I GAR BYED DO, ,BKRA SHIS RDUL BRTZEGS NGOS LA 'CHI MED RJE, ,'DREN BYED STONG DANG LDAN PA KHYOD KYIS NI, ,DPAL LDAN CHOS KYI DUNG CHEN BSGRAGS PA NI, ,CHOS MIN LHA MIN DMAG DPUNG PHAM PAR BYAS, ,BLO GROS LUS STOBS RAB RGYAS THUB BSTAN GYI, ,KHA BA'I RDUL BRTZEGS NGOS LA 'GYING BAG CAN, ,LOG SMRA'I MYOS BUM MA LUS 'JIG MDZAD PA, ,MKHAS MCHOG

, ,GDONG LNGA'I DBANG PO KHYOD PHYAG 'TSAL, ,THUB BSTAN CHU SKYES RGYAS PA'I GNYEN GCIG PU, ,SKU YI DKYIL 'KHOR RTA BDUN RGYAL PO NI, ,DUS KYI SGRA GCAN GNOD PAS MI SGRIB PAR, ,'KHOR BA MA STONGS BAR DU BRTAN GYUR CIG ,BDAG KYANG TSE RABS KUN TU MGON KHYOD KYI, ,ZHABS SKYES MCHOD PA NAM YANG MI GTONG ZHING, ,NGOMS MED GSUNG GI BDUD RTZI 'THUNGS PA LAS, ,THEG MCHOG 'KHOR LOS SGYUR BA THOB GYUR CIG ,CES BKRA SHIS LHUN PO DPAL GYI SDE CHEN PHYOGS THAMS CAD LAS RNAM PAR RGYAL BA'I GLING NAS PHUL BA'I ZHU YIG SKYES MTSON PAR SNAM BU BUBS GCIG LA RGYA 'BYAR 'BUL, ZHES PA 'DI RJE SMON LAM DPAL GYIS BKRA SHIS LHUN POR MANG SKOL DANG TSOGS DUNG GNANG BA'I ZHU LAN NO,, ,, ` RGYAL BA RNAMS KYI CHOS KYI SKU NI MKHA' LTAR SPROS PA'I MTSAN MA KUN LAS RNAM GROL YANG DAG BDE BA'I DNGOS GANG DPE DANG BRAL BA'I MNYAM GZHAG SO SO RANG GIS RIG BYA BA, ,DE LTA NA YANG MKHA' LA DBANG PO'I GZHU DANG CHU GTER CHE LAS RLABS KYI 'KHOR LO JI BZHIN MTHA' DAG GDUL BYA'I BSAM PA'I DBYE BAS GZUGS SKU'I 'CHAR BA CIR YANG STON PA NYID, ,LHA YI RNGA DANG BRAG CA'I DBYANGS LTAR RTOG PA MED BZHIN DE DAG RNAMS KYIS CHOS BSTAN PA YANG 'DI NA 'GRO BA RNAMS KYI PHAN DANG BDE BA'I LAM STEGS GCIG PUR NGES GYUR PA, ,BRTAN G-YO'I DNGOS PO KUN LA KHYAB CING KUN GYIS RANG BZHIN NYID DU RJES ZHUGS SHIN TU RTOGS PAR DKA' BA LHAN CIG SKYES PA'I ROL MO 'DI NI AE MA'O MCHOG TU NGO MTSAR TO, ,MDZES LDAN PHYOGS KUN YA MTSAN GYIS 'BRI BA, ,BEE d'UR

SA GZHI GTZANG MAR 'PHROG BYED GZUGS, ,MTHO RIS SGEG MO'I MIG GI BDUD RTZIR BZHIN, ,'CHAR BA STON BYED MDZAD PA'I ROL MO LAS, ,LHA CHEN ZUR PHUD LNGA PA'I LHA GNAS 'DABS, ,YID 'ONG CHOS KYI GRONG KHYER BKOD PA NI, ,MA PHAM CHOS KYI PHO BRANG DGA' LDAN BCAS, ,DUS KYIS 'DZIN MA'I GZHI LA 'ONGS PA BZHIN, ,SLAR YANG ZHABS SEN GSAR BA'I ZLA RIS NI, ,'CHI MED BDAG PO'I SPYI BOR GZHAG 'OS PA, ,BSOD NAMS BZHIN DU PHYOGS 'DIR SKYE 'GRO YI, ,GTZUG TU BKOD PAS PHYUGS BDAG GZHAN PA BZHIN, ,RAB MDZES ZLA BA NYA BA'I KHENGS 'PHROG ZHAL LA AUTPAL MTHING KHA'I SPYAN YANGS PA, ,THUN MTSAMS SPRIN CHAGS GSER GYI RI BO MKHA' LA 'GRO BA DAG TU 'KHRUL BYED LA, ,BGRANG YAS RDZU 'PHRUL GYIS 'BAR NYAN THOS TSOGS BCAS ZHABS KYI PADMO'I RDUL GYI PHRENG, ,LHA BRGYA'I RAL PA'I NAGS NA GZIMS KYANG DE NI 'GRO BA DMAN LA LHAG PAR BRTZE, ,NYI GZHON DMAR SER 'OD KYI ME TOG TSOGS, ,MKHA' LA 'THOR YANG SA LA SNYOMS PAR 'BAB, ,CHU LDAN 'BRUG SGRA DGOD PA'I CHAR ZIM BU, ,'DZIN MA'I THA GRU KUN TU SNYOMS PA NYID, ,DE PHYIR CHEN PO KUN GYIS GUS MCHOD KYANG, ,NYAM THAG 'GRO LA SNYING NAS THUGS BRTZE BA, ,BDAG NYID CHEN PO KUN GYI NGANG TSUL NI, ,SMOS PAR CI 'TSAL KUN LA RJES BRTZER MDZOD,, 'BYOR PAS KHENGS LDAN RNAMS KYI BSTOD DBYANGS LAS, ,BZOD DKA' SDUG BSNGAL DRAG PO DUS MTHA'I MES, ,SNYING LA KHOL BA 'DZIN PA'I SHUGS RING DE, ,MGON PO KHYOD KYI THUGS LA LCAGS KYUR MDZOD, ,'DI NA LEGS NYES DPYOD PA'I MIG BRAL

, ,ZHING, ,LUNG DANG RIGS PA'I MKHAR BA 'KHYOR BZHIN DU, ,RMONGS PA'I 'DAM DU 'GYEL KYANG CHAGS SDANG GIS, ,RANG PHYOGS GRUB MTHA'I RI BO 'DEGS PA DANG, ,DAM PA'I SKYES BU SMOD PA'I DRAG SNGAGS NYID, ,GZHAN PHYOGS 'GOG PA'I RIGS TSUL YIN SNYAM PA'I, ,SKYE BO DE DAG KHYED KYIS ZHI MDZAD NAS, ,RIS MED THUB BSTAN DKAR BA NYID DU MDZOD, ,GCAM BU'I TSIG GIS CI 'TSAL GDUL BYA YI, ,MOS DGE'I KHYAD PAR KUN LA THOGS MED PA'I, ,MKHYEN PA'I SPYAN GYIS 'DIR YANG GZIGS MDZOD LA, ,BRTZE BA'I BKA' DRIN BSNYEL BA MED PAR MDZOD, ,DUS MTHA' 'DIR YANG SKYE RGU'I LEGS BYAS LAS, ,MGON KHYOD RGYAL BA BZHIN DU 'DIR GSHEGS PA'I, ,CHOS KYI MDUN SAR SDEB LEGS CHOS KYI GTAM, ,SPOBS PA BDAG KYANG 'JAM DBYANGS GZHON NU BZHIN, ,CHU MTHONGS 'GOG BYED KUN BZANG MCHOD SPRIN NI, ,YID MTSO LAS 'ONGS NGES PAR 'KHRIGS SO ZHES, ,ZHUM PA DOR NAS MAR GAD MDZES PA NI, ,'PHROG BYED 'JO SGEG ZLOS GAR CI YANG BYED, ,MIG DMAR LO YI LANG TSO MA, ,GRO BZHIN CAN GYI PHYOGS DANG PO'I, ,DGA' BA'I TSAL NA RTZEN PA NA, ,RGYAL BA DGYES BYED GTAM 'DI BSGRAGS, ,ZHES PA 'DI NI ZHVA DMAR COD PAN 'DZIN PA BZHI PA LA PHUL BA'O,, ,, ` SPROS PA'I MTSAN MA KUN LAS NGES GROL RGYAL BA KUN GYI CHOS KYI SKU NI KUN KHYAB KUN GYI GDOD MA'I GSHIS, ,MTHA' DAG TSON DANG PHRAD PA'I SHEL BZHIN RNAM MANG 'GRO BA'I SKAD BZHIN NYER 'JUG LEGS 'DOMS DE NI LONGS SPYOD RDZOGS, ,GRANGS MED GDUL BYA'I SNOD KYI DBYE BAS CHU NANG

ZLA BA'I SNANG BRNYAN BZHIN 'CHAR RNAM PA SNA TSOGS SPRUL PA'I SKU, ,MA LUS RGYAL BA'I STONG NYID SNYING RJE GCIG TU 'DRES GYUR ROL MO 'DI NI AE MA'O MCHOG TU NGO MTSAR TO, ,GANG GI BKA' STZAL BDUD RTZI'I ZEGS MA NI, ,SNGON MED SHING RTA'I SROL 'BYED LEGS BSHAD DANG, ,LHAN CIG MIG DANG YID KYI BDUD RTZIR NI, ,THOB PAS SPRO DGA'I SNANG BA CI YANG RGYAS, ,RGYAL BA KUN GYI YE SHES ZLOS GAR LA, ,KARMA PA ZHES GRAGS PA'I BA DAN CAN, ,KEE LA SHAS MTSAN PHYOGS 'DIR RIM BZHIN DU, ,GANG BYON DE DAG 'GRO 'DI'I PHYAG GI GNAS, ,ROL GNAS MTHON POR SHAR BA'I 'OD STONG ZER, ,NOR 'DZIN DMA' BA'I SKYED TSAL LHUNG BA LAS, ,AUTPAL GZHON NU ZE'U 'BRU DGOD PA LA, ,BUNG BA'I TSOGS RNAMS SNYAN PA'I DAR DIR SGROG ,MKHA' LDING DBANG PO 'DAB MA'I SHUGS 'CHANG BA, ,BYA LAM YANGS PAR GEGS MED GSHEGS PA LA, ,NYAM CHUNG BYE'U 'ANG GSHOG RTZE BSKYOD PA YIS, ,'PHUR LDING RTZOM BZHIN DNGOS KYANG 'DI NA SPYOD, ,NYIN MO'I DBANG PHYUG PHYOGS DANG RIS MED PAR, ,RGYA MTSO'I GOS CAN MTHA' DAG SNANG BYED PA, ,DE BZHIN RIS MED BSTAN DANG 'GRO 'DI YI, ,PHAN BDE NYID KYI DRIN LAS RGYAS PAR MDZOD, ,KUN BZANG MCHOD SPRIN DRA BA YIS, ,NAM MKHA' KHYAB PAR 'KHRIGS SO ZHES, ,ZHUM PA DOR NAS DGOD PA YI, ,GSER GYI ME TOG GANG DE MTSAR, ,RNAM 'PHYANG LO YI LANG TSO MA, ,LUG GI KHYIM DU RTZEN PA NA, ,ZHU 'PHRIN NGANG PA'I BU MO KHYOD, ,ZHABS PAD BKOD PA'I MDUN SAR SONG, ,ZHES PHUL BA'I ZHU YIG GRANGS MED GDUL BYA'I DBYE BA LAS, ,DRANG NGES SNA TSOGS

, ,RGYAL BA'I BKA', ,'DOMS NA RGOL BA'I TSER MA NI, ,DE LA JI LTAR 'DZUGS LAGS GRANG, ,ZHES PA 'DI KARMA PA RABS BRGYAD PA CHOS RJE MI BSKYOD RDO RJE'I ZHU LAN DU PHUL BA'O,, ,, ` RNAM DAG CHOS SKU'I 'CHI MED LAM BZANG SKYED TSAL NYAMS DGAR TSAD MED THUGS RJE'I MGYOGS 'GROS DRANGS, ,MKHYEN BRTZE NUS PA'I 'OD DPUNG G-YO LDAN MTSAN DPE'I GZI 'BAR GZUGS SKU'I DKYIL 'KHOR RAB TU RGYAS, ,PHAN BDE'I DGA' TSAL BZHAD PA'I DPAL STER YID SKYES SNYING GI MUN PA MA LUS CIG CAR 'PHROG ,BCU PHRAG ZHABS SEN DMAR BA'I RDUL PHRENG MCHOD SBYIN BRGYA PA'I RAL PA'I GNAS NA CI YANG ROL, ,CHOS SKU MTHA' DBUS BRAL BA'I PHO BRANG NA, ,SNA TSOGS GZUGS SKU'I SNANG BRNYAN CI YANG 'CHAR, ,SA GSUM SKYE RGU'I BLO MUN BSAL MKHAS PA, ,GAR DBANG RDO RJE 'CHANG DBANG ZHABS PAD DRUNG, ,DAD PA'I SHEL BZANG RTZIG NGOS DAG PA LA, ,GZUGS BRNYAN GSUNG GI TSON RIS YONGS RDZOGS PAS, ,NYID KYI DRIN LAS NYIN NYER BDUD RTZI'I RGYUN, ,YID KYI BUM BZANG GANG DES MCHID 'DI ZHU, ,MDZES SKU'I BDUD RTZI'I RTZA LAG RGYAS PAS ZLA BA RI DVAGS PHAG TU YIB, ,MES PO SMRA BCAD BSAM GTAN ZOL LA RNA BA'I BCUD LEN GSUNG GIS BKOD, ,CHOS KUN DBANG SGYUR MKHYEN PA'I GSUNG GIS TSANGS PA'I YUL SA RTZE NAS GNON, ,SNYAN GRAGS LHA YI RNGA SGRA GSANG MTHO 'OG MIN GNAS NA'ANG CA COR GYUR, ,SDUG BSNGAL GSUM GYI KLONG ZAB G-YO BA CAN, ,SRID MTSOR NYEN PA'I 'GRO LA RGYAL BA KUN, ,'PHRAL DANG YUN DU PHAN BDE'I DPAL CHEN PO, ,SGRUB LA LHOD PA MED CES GSAL BAR

GRAGS, ,DE LTA MOD KYI CHES CHER SNYIGS MA'I DUS, ,BRGYA PHRAG 'CHING BAS BCINGS PA'I 'GRO BA LA, ,DNGOS SU BRTZE BA'I SPYAN RAS GYIS 'TSO BA, ,MGON PO KHYOD LAS GNYIS PA GZHAN NA GANG, ,SH'AKYA MU NE'I MDUN SAR 'DUS PA'I TSE, ,RAB MANG SKYE BO'I TSOGS DANG LHAN CIG PAR, ,SDANG BYED CHU 'DZIN 'KHRIGS PA'I RNGA SGRA CAN, ,MI BZAD GNOD PA'I ME CHAR DRAG PO NI, ,DUS KYI CHAD PA BZHIN DU 'BAB PA NA, ,MTHA' DAG MYA NGAN MUN PA'I KHUNG BUR ZHUGS, ,DE TSE STOBS BCU NYIN MO'I DBANG PHYUG GANG, ,SHUGS DRAG BRTZE BA'I RTA LJANG SHING RTAS DRANGS, ,THABS LA MKHAS PA'I BDE STONG RTZE DGA' YIS, ,PHAN BDE 'DAB BRGYA'I TSAL LA DPAL BYIN TO, ,GANG GIS BSTAN DANG 'GRO BA'I DON GYI SLAD, ,LAN BRGYAR SKU DANG SROG KYANG BTANG BAS NA, ,SKYENGS LDAN MA LUS CIG CAR NYID DU YANG, ,MCHOG TU ZHI BA'I DBYINGS SU MDZAD PA SNYAM, ,SLAD MA SNYING POR STON PA'I ZHU MCHID NI, ,RANG NYID GCES PAR 'DZIN PA'I LCAGS KYU YIS, ,LAN BRGYAR SNYING LA BZUNG BA'I SKYE BO 'DI, ,LEGS NYES 'BYED PA'I LTA BYED DANG BRAL YANG, ,RANG PHYOGS GRUB PA'I MTHA' LA MNGON ZHEN NAS, ,GZHAN GYIS CHOS DANG GANG ZAG SPONG BYED PA, ,CHAGS SDANG SNANG BA'I ME CHEN 'BAR BA 'DI, ,MGON KHYOD THUGS RJE'I PHYAG GIS BSAL BAR MDZOD, ,GRUB PA'I DBANG POS BSTEN PA'I BSTI GNAS MCHOG ,BKA' BRGYUD CHOS KYI 'BYUNG GNAS MA GA DHAR, ,BDAG KYANG MGON KHYOD ZHAL BZANG SNGON BLTA ZHING, ,NGOMS MED GSUNG GI BDUD RTZI 'THUNG BAR SMON, ,DE LTAR GUS PAS GSOL BA'I RI MO'I RTEN,,

, ,'OD LJANG G-YO BA BKRA SHIS RI MO CAN, ,RGYA YIS BTAB 'DI KUN BZANG MCHOD SPRIN LTAR, ,RGYAL BA'I SPYAN SNGAR RTAG TU GNAS GYUR CIG ,CES PA BTZUN PA DGE 'DUN RGYA MTSO DPAL BZANG POS DBEN GNAS RGYAL MTSAN RTZE NAS PHUL BA'I ZHU YIG 'DI YANG ZHVA DMAR COD PAN 'DZIN PA LA PHUL BA'O,, ,, ` MTHA' DAG CHOS RNAMS KUN GYI GDOD MA'I GSHIS, ,BRJOD PA KUN BRAL LHAN CIG SKYES PA'I DNGOS, ,SKU GSUM RGYAN GYI 'KHOR LO SNA TSOGS PAS, ,RNAM ROL DE DAG 'GRO 'DI'I PHYAG GI GNAS, ,GANG SNGON BRJOD DU MED PA'I BSKAL PA NAS, ,MTHA' DBUS KUN BRAL CHOS SKU'I ROL GNAS LA, ,SPYOD KYANG KHAMS DANG BSAM PA BAG LA NYAL, ,SNA TSOGS TSON GYI RI MO BKRA BA LA, ,GANG 'TSAM SKU YI BKOD PA SNA TSOGS PAS,, RTZIBS STONG CHOS KYI 'KHOR LO'I SHE MONG GIS, ,'KHOR BA'I RI BO LHUN STUG KUN 'JOMS SHING, ,BGRANG YAS MDZAD PA'I ZLOS GAR JI SNYED PA, ,DE DANG MTHUN PAR ROL 'DI AE MA'O MTSAR, ,DNGOS KYANG SGYU MA LUS KYI GRONG KHYER NI, ,RNAM SHES MDZA' BOS SNGON CHAD MA BOR ZHING, ,CHOS BRGYAD 'KHRI SHING DRA BA'I NAGS TSAL NA, ,SPYOD PA GZHAN LA PHAN PAR RLOM PA TZAM, ,DENG DUS LUGS GNYIS 'DZIN PAR RLOM PA RNAMS, ,PHAL CHER PHYOGS LHUNG 'KHYOG LAM RGYU BA'I TSE, ,NYID KYI DRIN LAS RIS MED THUB BSTAN GYI, ,PAD TSAL PHYOGS DUS KUN TU RGYAS PAR MDZOD, ,DBANG THOB RGYAL SRAS CHE RNAMS KYI, ,MCHOD SPRIN MKHA' KHYAB 'KHRIGS SO ZHES, ,BKRA SHIS RI MO BKRA BA LA, ,RGYA YI TSOM BU BKOD DE 'BUL, ,SNRON GYI ZLA BA'I YAR NGO YI,,

CHOS NYID TSES KYI LANG TSO NI, ,BDUN PA'I GLING LA NGOM PA'I TSE, ,DANG BA'I YID KYIS PHUL ZHU YIG ,CES PA 'DI KARMA PA RABS BRGYAD PA CHOS RJE MI BSKYOD RDO RJE LA PHUL BA'O,, ,, ` BSOD NAMS CHU GTER 'JING LAS LEGS THON MKHYEN BRTZE'I BANG RIM MNGON PAR MTHO, ,KHRIMS GNYIS NYI ZLA'I RNA RGYAN RAB 'PHYANG MNGA' 'BANGS GLING BZHI'I DBUS NA BRJID, ,RGYAL PHRAN GSER RI'I PHRENG BAS YONGS BSKOR LHA DBANG BRGYA BYIN DPAL GZI YANG, ,KUN NAS 'PHROG BYED LHA MI'I DBANG PHYUG ZHABS PAD DRUNG DU MCHID 'DI ZHU, ,CHAB SRID GTAN JUS MTHON PO'I RTZER, ,GSER GYI MYU GU BKRAM PA'I KHRIR, ,'GRO 'DI'I LEGS BYAS GZUGS CAN BZHIN, ,KHYOD SKU LHAM MER BZHUGS SO ZHES, ,SNYAN GRAGS GSAR PA'I AUTPAL PHRENG, ,PHYOGS KYI BU MO'I 'GRAM PAR 'PHYANG, ,DE TSE TZAN DAN BYUG PA YIS, ,BYUGS PA'I BDE BA'ANG GA SHED SONG, ,'DI NA'ANG LUS SEMS SGYU MA'I GRONG, ,LNGA PA'I DPUNG GIS MA BCOM ZHING, ,KHRIMS LDAN LUNG RIGS SMRA BA'I SDE, ,DBYAR GYI MTSO LTAR GANG STE MCHIS,, CHEN PO RNAMS KYI MDUN SAR NI, ,BDAG LTAS ZHU BAR CI ZHIG SPOBS, ,'ON KYANG CHAR SPRIN YID 'ONG PHYOGS, ,CHU SKYAR GLU DBYANGS 'DI SKAD SGROG ,SDE GSUM SGRUB BYED RGYAL SRID NI, ,SRUNG BA'I NOR BU RAL GRI'I GNYEN, ,GANG SKU RI DBANG LTAR BRTAN PA'I, ,THABS TSUL KUN GYIS SGRUB PAR 'OS, ,BYAMS BRTZE'I YAL GAS SRID PA'I KHYON KHEBS PA, ,GRIB BSIL LA BRTEN MNGA' 'BANGS SKYE BO 'DI, ,DUS KYI 'KHRUG PA'I TSA BAS MI GDUNG ZHING, ,RDZOGS LDAN GSAR DU 'ONGS BZHIN MNGON

, ,DGAR MDZOD, ,CES PA 'DI DPON SA GONG MA CHEN PO LA BKRA SHIS LHUN PO NAS PHUL BA'O,, ,, ` RGYAL PHRAN BYE BA'I COD PAN DANG 'GROGS PA'I, ,ZHABS SEN YID 'ONG MANDHA RA YI PHRENG, ,'DI NA LHA DANG BCAS PAS MCHOD 'OS PA, ,SRID 'DIR ZHABS PAD RING DU BRTAN GYUR CIG ,DON BZANG SBRANG RTZI'I BCUD KYIS RAB MYOS SHING, ,RAB GUS GSHOG RTZE SKYOD PA'I ZLOS GAR MKHAN, ,SNYAN NGAG MGRIN PA'I GLU LEN BUNG BA KHYOD, ,'DI NAS LHO YI PHYOGS SU GSHEGS PAR MDZOD, ,SH'AKYA MU NE'I ZHABS SEN 'OD CHAGS PA'I, ,'DZIN MA'I LJONGS 'DI 'DAS NAS RKANG 'THUNG GI ,SPU LONG GAR BYED KYIS BRTEN RI BO YOD, ,DE LA 'PHUR LDING BRTZON PAS RAB 'GONGS TSE, ,DAL 'BAB LO HI TA ZHES KUN GSAL MA, ,NYI MA'I 'OD KYIS ZHU BA 'BAB 'DRA YOD, ,DAR LCE BSKYOD PAS RAB MDZES GRU BO CHER, ,ZHUGS NAS YUD KYIS PHA ROL NGOGS SU SONG, ,CHU BO CHE DE'I RLABS KYI MU TIG TSOGS, ,RAB TU 'THOR BA THANG MAR BRDAL 'DRA BA'I, ,BYE MA'I THANG LAS DBANG PO'I PHYOGS SONG TSE, ,DPAL LDAN GRU 'DZIN DBANG PO'I NGOGS DAG NA, ,CHOS DANG SRID KYI 'BYOR PA GZUGS CAN BZHIN, ,RGYU SKAR THANG LA BABS 'DRA'I CHOS SDE YOD, ,DE NAS MA LA YAS MTSON PHYOGS KYI NI, ,LHUN PO'I SPO LA PHO BRANG LCANG LO CAN, ,DAL GYIS BABS 'DRA RIN CEN BA GAM TSOGS, ,'OD ZER GA BUR DGOD PA'I PHO BRANG YOD, ,DER NI SUM RTZEN GNAS KYI MKHAR NYAL TSOGS, ,RNAM PAR ROL BZHIN RIN CEN RGYAN PHRENG CAN, ,ZHABS 'BRING TSOGS KYI DBUS SU MA ZHUM PAR, ,DAD PA'I SHUGS DRAG GIS BSKYOD

'PHUR SONG TSE, ,SA SKYONG TSOGS KYIS PHYAG 'TSAL GYIS BSLANG BA'I, ,RDUL MANG CHU MTHONGS 'GOG PA'I MDUN SA CHER, ,RIN CEN DRA BA'I PHRA BKOD GSER GYI KHRI, ,GDONG LNGA RNAM PAR 'GYING BA LA BRTEN PAR, ,ZHABS SEN 'OD CHAGS MCHOD SBYIN BRGYA PA'I DPAL, ,LAN BRGYAR PHAM BYED LHA MI'I DBANG PHYUG BZHUGS, ,MTHONG MA THAG TU GUS PAS PHYAG BGYIS LA, ,RAB GUS DMA' BA'I PHYOGS NAS 'PHUR LDING GIS, ,ZHE SA BSKYED DE ZHU 'PHRIN 'DI SKAD 'BUL, ,MTHO RIS SKYED TSAL YANGS PAR 'GRO 'DI YI, ,LEGS BYAS BDUD RTZI'I CHAR ZIM GYIS BRAN PAS, ,LEGS BSKRUN SKYE RGU'I RE SKONG DPAG BSAM DBANG, ,DUS KYI 'TSUB MAS NAM YANG MI G-YO BAR, ,BYAMS PA'I 'KHRI SHING GZHON NUS RAB 'KHYUD PA'I, ,MKHYEN PA'I YAL 'DAB SHES BYA'I KHYON LA 'GRAN, ,YON TAN ME TOG PHON PO'I NU RGYAS CAN, ,THUGS RJE'I GRIB BSIL MNGA' 'BANGS KUN KHYAB PAS, ,RING NAS NYEN PA'I TSA GDUNG KUN BRAL TE, ,RDZOGS LDAN GSAR DU 'ONGS 'DI AE MA'O MTSAR, ,CHOS LDAN BKA' KHRIMS BZANG PO'I DRI BZHON NI, ,SNGON RABS CHOS RGYAL MDZAD PA'I DRI BZANG CAN, ,GRAGS SNYAN ME TOG TSOGS DANG LHAN CIG TU, ,PHYOGS KYI BU MO'I 'GRAM PAR NGAL GSO BSTEN, ,MGON KHYOD BYAMS PA'I GRIB BSIL YANGS PA LA, ,'DZAM GLING SKYE BO MTHA' DAG NGAL GSO YANG, ,LOG SGRUB DGRA SDE'I TSOGS RNAMS 'DAR BZHIN DU, ,SA 'DI BOR NAS LNGA PA'I MTHA' LA SNYEG ,'DI NA'ANG BKA' DRIN BDUD RTZIS NYER 'TSO BA'I, ,KHRIMS LDAN LUNG RIGS SMRA BA STONG PHRAG TSOGS, ,'JIG RTEN DBANG PHYUG RGYAL PO'I

, ,GAR MDZAD PA'I, ,YE SHES SGYU 'PHRUL DRA BA'I PHO BRANG DU, ,THA MAL MIG LA SKU GZUGS LTAR SNANG BA'I, ,SPRUL PA'I LHA TSOGS MDUN SAR RTZE GCIG TU, ,SKU TSE CHAB SRID MTHA'I BAR DU BRTAN, ,GNAS SKABS MTHAR THUG BZHED DON KUN 'GRUB PA'I, ,BDEN TSIG SMON LAM MCHOG TU GRUB PAR BGYIS, ,SLAD MA'ANG SRID GSUM SRUNG BA'I YID BZHIN NOR, ,MTHA' DAG BSOD NAMS ZONG GIS RNYED DKA' BA, ,KHYOD ZHABS YUN RING 'TSO ZHING GZHES PA'I SLAD, ,THABS TSUL STONG PHRAG GIS KYANG 'BAD PAR 'OS, ,DE YIS SKYABS NAS BDUD RTZI'I GRU CHAR DANG, ,NYI MA'I 'OD LTAR MTHO DMAN THAMS CAD DU, ,SNYOMS PAR 'BAB PA'I BYAMS BRTZE'I BKA' KHRIMS KYIS, ,SA STENG SKYE BO KUN LA BKA' DRIN MDZOD, ,GNAS DANG DUS KYIS BSKAL YANG KHYOD KYI SKU, ,SNYING LA DAD PA'I PIR GYIS LEGS BRIS TE, ,SKU TSE CHAB SRID RGYAS SHING BRTAN PA'I SLAD, ,RGYUN MI 'CHAD DU SMON PA BGYID PA LAGS, ,DBANG PO'I GZHU YI MDZES PA LA, ,'PHYA BA GSAL BYED KHA BTAGS NI, ,RGYA YI TSOM BU RAB BKOD PA, ,SPYAN ZUR AUTPAL REG PHYIR 'BUL, ,ZHES PA 'DI YANG DPON SA GONG MA CHEN PO LA DPAL LDAN 'BRAS SPUNGS NAS PHUL BA'O,, ,, ` TSOGS GNYIS RTA LJANG SHING RTAS LEGS DRANGS MKHYEN BRTZE'I DKYIL 'KHOR RAB TU RGYAS, ,RNAM DKAR MDZAD PA'I 'OD STONG DRA BAS NOR 'DZIN MA LUS CIG CAR KHYAB, ,MA LUS PHYOGS KYI NAM MKHA' LA GNAS SA SKYONG RGYU SKAR TSOGS RNAMS KYI, ,GZI BYIN KUN 'PHROG 'JIG RTEN GSUM GYI SNANG BYED GCIG PU GANG DE'I DRUNG, ,RING NA GNAS KYANG DANG BA'I DRI

BZHON GYIS, ,SNYING GI CHU SKYES YANG YANG BSKYOD PA LAS, ,SPRO DGA' GSAR PA'I ZLOS GAR LHUR LEN PA, ,ZHU PHRIN BUNG BA'I GLU DBYANGS 'DI LTAR SGROG ,LHUN PO BAS KYANG KHYOD SKU DPAL GZI 'BAR, ,LHA YI RNGA BAS KHYOD GSUNG RNA BAR SNYAN, ,NYI ZLA BAS KYANG KHYOD THUGS LHAG PAR GSAL, ,BDUD RTZI BAS KYANG MDZAD PA LHAG PAR DKAR, ,BU RAM SHING PA'I BSTAN DANG BSTAN 'DZIN KUN, ,DENG DUS NYID KYIS NYIN MOR MDZAD DO ZHES, ,DGYES LDAN RGYA BOD CHOS RGYAL CHE RNAMS KUN, ,ZHI BA'I DBYINGS SU GSHEGS NAS BTANG SNYOMS MDZAD, ,NYI MA'I 'OD ZER 'JIG RTEN KUN LA SNYOMS, ,CHAR SPRIN BDUD RTZI'I CHAR ZIM SNYOMS PAR 'BAB, ,KHYOD KYI THUGS RJES BOD KHAMS YONGS LA SNYOMS, ,DENG DUS SA 'DI MCHOG TU SKAL BA BZANG, ,ZHES DON DANG MTHUN PAR MDO TZAM DU GSOL NAS, SKABS KYI RGYU MTSAN, BSHUL RING LAM DU CUNG ZAD MI NGAL ZHING, ,GANG DANG GANG DU ZHABS SEN 'OD CHAGS PAS, ,BSTAN DANG 'GRO BA'I PHAN BDE RGYAS MDZAD NAS, ,MU TIG TSOGS 'BAR ZLA SHEL BA GAM CAN, ,DUS KYIS LCANG LO CAN GYI GRONG KHRER NI, ,NOR 'DZIN GZHI LA MNGON PAR 'ONGS PA LTA'I, ,PHO BRANG CHEN PO RNAM PAR BRGYAN MDZAD NAS, ,SLAR YANG BLO GSAL 'CHI MED BYE BA'I TSOGS, ,LUNG RIGS CHOS KYI ZLOS GAR RTZE BA'I THANG, ,YID BZANG GZHON NUS RNAM PAR RTZEN PA'I RTZER, ,ZAB MO'I NANG DON KHO NAR GZHOL ZHES THOS, ,BDAG KYANG BLO GSAL 'DUS PA RGYA MTSO LA, ,NYIN BZHIN LEGS BSHAD DGA' STON 'GYED PA DANG, ,LHA MI'I DBANG PHYUG SRID 'DIR ZHABS BRTAN SLAD, ,SRAS

, ,BCAS RGYAL BA KUN LA GSOL 'DEBS SHING, ,'DUS PA'I SDE DANG LHAN CIG SMON LAM BGYIS, ,SNYING PO'I ZHU MCHID, 'DI NA GZIMS KHANG THEBS MI 'DUG PA SOGS NAS MTHUN RKYEN BOGS MTSON CIG GNANG BA'I BKA' LUNG BZANG PO PHEBS 'DUG PA BZHIN GANG SPYI'I RGYU MTSAN THOGS CIG 'BUL BAR CHOS GRUB PA ZHABS DRUNG BTANG BA, SNGAR LUGS BZHIN BKA' DRIN TSAD MED PAS KHYAB PA MKHYEN LAGS SHING, GNAS TSUL RNAMS NGAG NAS 'BUL BA LTAR LAGS, ZHES PA'I ZHU MCHID SPYAN LAM DU 'BEBS RTEN TZAM DU, KUN GSAL BU MO'I MDZES PA LA 'KHU BA'I, ,AINDRA N'I LA'I MDANGS CHAGS RIN CHEN GYI, ,BKRA SHIS RDZAS KYI 'BYUNG GNAS ZA MA TOG ,RGYA YI LANG TSO GSAR PAS MDZES PA 'BUL, ,NOR 'DZIN BU MO DU GU LA'I, ,MYU GU GSAR PA'I STOD G-YOGS NI, ,'DZIN BYED DPYID RA'I PHYOGS GNYIS PA'I, ,RGYAL BA DANG PO SHAR TSE PHUL, ,CES PA 'DI YANG DPON SA GONG MA CHEN PO LA PHUL BA'O,, ,, ` BLO GSAL 'CHI MED TSOGS DANG LHAN CIG TU, ,BSHAD SGRUB CHOS KYI RTZED 'JOS ROL PA'I GNAS, ,MGON KHYOD THUGS RJE'I DPAG BSAM DBANG PO LAS, ,STZAL 'DI'I BKA' DRIN JI LTAR BSAB LAGS GRANG, ,GNAS 'DIR NYIN DANG MTSAN DU LHA KHYOD KYI, ,SKU TSE CHAB SRID BRTAN JUS BZHED PA'I DON, ,'GRUB SLAD 'KHOR LO GSUM GYI BYA BA LA, ,KHRIMS LDAN TSOGS RNAMS GCIG TU BRTZON PAR BGYID, ,'DI YANG DE NYID LA YIG CHUNG DU PHUL BA'O,, ,, AOm SVA STI, PHUN TSOGS SHEL GYI BA GAM MNGON MTHO ZLA BA BDUD RTZI'I SPU LONG GIS, ,RNAM BKRA LHA YI BA DAN STONG 'PHUR

NOR BU'I RANG BZHIN GZHAL MED KHANG, ,BDE SOGS BDAG PO'I GZHU YI GAR GYIS LEGS BRIS RAB MDZES KE LA SHA'I, ,MDZES PA LA 'GONG SUM RTZEN GNAS KYI DGA' BA MTHA' DAG GZUGS CAN BZHIN, ,'JAM SGROG BUNG BA 'KHYIL BAS KHYAB PA PADMO RAB TU RGYAS PA'I KHRI, ,MTHA' DAG RGYAL PHRAN BZHIN GYI MDZES PA SNOD DU BKRA BAR BYAS MTHONG NAS, ,RAB SKRAG GTZUG TOR YAL 'DAB LHUNG LA RNA RGYAN MU COR SGROG PA NA, ,ZHABS SEN GSAR PA'I ZLA RIS BZHAD PAS DBUGS 'BYIN MDZAD DE ZHABS BRTAN CIG ,NYIN BZHIN KHYOD GRAGS GSAR PA'I GUR KUM NI, ,PHYOGS KYI NA CHUNG 'GRAM PAR GRUB RIGS KYI, ,MDZES MA'I SMUG RTZI 'PHOS BZHIN MYA NGAN MED, ,KHENGS PA NYAMS BYED BIM PA'I 'BRAS KYANG NGO, ,NYI MA BRDAR BA'I 'KHOR LO BSOD NAMS SHUGS, ,GZHAN DANG MI MNYAM SER SKYA'I LTA BAS KYANG, ,NAG PHYOGS 'CHOL BA'I DPUNG RNAMS PHYE MA LEB, ,DUS MTHA'I SREG ZAS BZHIN DU CIS MI BGYID, ,ZHO 'THUNG RUS PA LAS BYUNG RNAM MANG MTSON, ,LHA MIN BZHIN DU KHYOD KYI DPUNG PAS KYANG, ,SRUNG BZOD LHAG MA CAN 'DI YID BZANG GI ,GNAS GZHAN LTA BUR PHAN BDE'I KHUR GYIS NGAL, ,BDAG KYANG PHO BRANG CHEN PO'I NYI 'OG GI ,DBEN PA'I RI NGOS MANG THOS SHEL BUM LAS, ,NYAMS LEN BDUD RTZI GSAR PAS NYIN BZHIN YANG, ,SNYING LA SKAL BZANG SNANG BA LAN BRGYAR STZAL, ,GANG GI GSHOG RTZE G-YO BA'I 'THOR RLUNG GIS, ,RI BO GRUGS BYED 'DAB BZANG DED DPON LA, ,BUNG BA GZHON NUS BSLAB BYA MI 'OS KYANG, ,'JIG RTEN RNAM 'DREN RGYAL BA SRAS BCAS LA'ANG,,

, ,LHAG BSAM DAG PAS GZHAN DON LA BSKUL BA, ,MKHAS PA'I RING LUGS NYID NA BDAG GI GTAM, ,BDUD RTZI'I SNYING PO CAN 'DI GSAN PA'I RIGS, ,PHYOGS 'DI'I BSTAN DANG SKYE RGU'I BDE SKYID NI, ,MI DBANG KHYED KYI MDZAD PA'I RJES SU 'JUG ,SNGON BYON CHOS RGYAL RNAMS KYI MDZAD PA'I SROL, ,KHO NAR CHOS BZHIN RGYAL SRID BSKYANG DU GSOL, ,RGYAL BA'I BSTAN PA LUNG RTOGS DAM CHOS TE, ,DE SRUNG BYED PA BSLAB GSUM LDAN PA'I TSOGS, ,TSUL KHRIMS RNAM DAG LUNG RIGS SMRA BA'I SDES, ,KHYOD KYI DRIN LAS PHYOGS KUN GANG BAR MDZOD, ,ZHI DUL SPYOD LAM PHUN TSOGS LUS KYI RGYAN, ,THOGS MED LUNG RIGS SMRA BA NGAG GI RGYAN, ,NYAMS LEN GNAD LA GZHOL BA SEMS KYI RGYAN, ,DE LTA'I MKHAS RNAMS KHYOD KYIS BKUR BAR MDZOD, ,NYI MA MTHO YANG 'OD ZER KUN LA SNYOMS, ,CHU 'DZIN DBANG PO'I CHAR RGYUN KUN LA SNYOMS, ,DE BZHIN MI DBANG KHYED KYI THUGS RJE YANG, ,MNGA' 'BANGS SKYE RGU KUN LA SNYOMS PAR MDZOD, ,BOD 'BANGS SKYE BO KUN GYI PHA DANG MA, ,SKYABS DANG DPUNG GNYEN THAMS CAD KHYOD LAGS TE, ,DE PHYIR DE DAG RNAMS LA'ANG MGON KHYOD KYIS, ,RANG GI SRAS LTAR RTAG TU DGONGS PAR MDZOD, ,SKU TSE RI DBANG LTA BUR BRTAN PA DANG, ,CHAB SRID S'A LA'I NAGS LTAR RGYAS PA DANG, ,SNYAN GRAGS LHA YI RNGA LTAR CHER GSAL BA'I, ,THABS TSUL KUN LA LHOD PA MED PAR MDZOD, ,DE LTAR LHAG BSAM DKAR BA'I CHU MTSO LAS, ,SDEB LEGS SNYAN NGAG CHU SKYES GSAR PA'I PHRENG, ,RO BRGYA 'BRAS BU'I SKYES KYI ZIL DNGAR CAN, ,MTHA' DAG 'DZIN MA'I

DBANG PHYUG ZHABS DRUNG DU, ,KHRO BO'I LO YI LANG TSO MA, ,RGYAL GYI NYA BA'I SKYED TSAL NA, ,RGYAL BA DANG PO PHYOGS GNYIS PA'I, ,RTZE DAGS RNAM PAR ROL TSE PHUL, ,CES DBEN PA'I BSTI GNAS NAS PHUL BA'I ZHU YIG CES PA 'DI YANG DPON SA GONG MA CHEN PO LA PHUL BA'O,, ,, ` SA SKYONG BYE BA'I GTZUG NOR 'OD ZER NI, ,ZHABS SEN NOR BU'I ME LONG MDZES PA'I RGYAN, ,MTHA' DAG SA YI DBANG PHYUG SRID MTHA'I BAR, ,RI DBANG BZHIN DU ZHABS PAD BRTAN GYUR CIG ,CES SHIS PA BRJOD PA'I NGAG SNGON DU 'GRO BAS, ZHABS DRUNG RIN PO CHER, MA LUS 'GRO 'DI'I LEGS BYAS RIN CEN NI, ,GCIG GYUR SKU YI DKYIL 'KHOR CUNG ZAD TZAM, ,SNYUN GYI CHU 'DZIN PHRENG BAS BSGRIBS PA LA, ,YID KYI MKHA' LAM GDUNG BA'I MUN PAS KHYAB, ,RING POR MI THOGS MCHOG GSUM RIN CEN GYI, ,THUGS RJE'I DRI YI BZHON PAS RAB BCOM STE, ,KHRIMS GNYIS 'OD ZER STONG GI DRA BA CAN, ,PHAN BDE SBRANG RTZI'I GNYEN GCIG MKHA' LA MDZES, ,DE TSE BKA' DRIN NYI 'OD KYIS 'TSO BA'I, ,BGRANG YAS RKANG DRUG LDAN PA'I TSOGS RNAMS KUN, ,SPRO DGA' SBRANG RTZIS MYOS PA'I GLU DBYANGS KYIS, ,SA 'DI SUM RTZEN DGA' TSAL BZHIN DU BYAS, ,LUGS GNYIS MDUN SA CHEN POR MNGON PHYOGS PA'I, ,NGOS KYANG ZHAL BZANG ZLA BA'I DKYIL 'KHOR NI, ,MIG GI BDUD RTZIR NAM ZHIG 'GYUR SNYAM PA'I, ,RE BA'I CHU GTER RAB TU GANG BA STZOL, ,ZHU MCHID AUTPAL SPYAN GYIS REG SLAD DU, ,BKRA SHIS KHA BTAGS RGYA YIS MDZES PAR 'BUL, ,GNYIS PA'I PHYOGS KYI DGA' BA GSUM PA LA, ,GRU 'DZIN RI BO'I NGOGS NAS

, ,PHUL ZHU YIG ,CES PA 'DI YANG DPON SA GONG MA CHEN PO LA PHUL BA'O,, ,, ` BGRANG YAS DREGS LDAN RGYAL PHRAN TSOGS RNAMS KYI, ,COD PAN RAB LHUNG PHYAG 'TSAL GYIS BSLANG BA'I, ,RDUL GYIS CHU MTHONGS 'GOG BYED SENG GE'I KHRIR,, ZHABS SEN 'OD CHAGS DRUNG DU MCHID 'DI ZHU, ,BRTZE BA'I THUGS KYI SKYED TSAL LAS 'ONGS PA'I, ,BKA' STZAL MANDHA RA YI PHRENG RGYAS PA, ,'JAM MNYEN 'CHAR KA'I 'OD KYIS RAB KLUBS GANG, ,YAN LAG MCHOG GI COD PAN GNAS LA REG ,DPAG YAS BSOD NAMS CHU GTER LAS 'KHRUNGS PA'I, ,SNGON MED SA 'DZIN DBANG PO 'DI MTHONG NAS, ,RAB SKRAG LHUN PO RGYA MTSO'I 'JING DU BROS, ,SLAR YANG LUS PHYED 'PHAGS NAS LTA BA SNYAM, ,PHYOGS KUN MDZES MA'I RNA BAR GAR BYED PA'I, ,SNYAN GRAGS AUTPAL CHU LDAN GDENGS KA LA, ,SRED LDAN YID KYI NA CHUNG SPRIN GYI GROGS, ,LAG SOR MDONGS RNAMS BTEG STE GAR BYED DO, ,NGOS KYANG NOR SBYIN GNAS PA'I 'DZIN MA'I PHYOGS, ,CHOS LDAN BGYI BA'I ROL GAR LHUR BLANGS NAS, ,SLAR YANG BDE SOGS RTZE DGA' GNAS PA'I CHA, ,RANG GI BSTI GNAS DAG TU CHAS PA LAGS, ,MKHYEN RAB SPYAN STONG MNGA' BA LUGS GNYIS KYI, ,LHUN PO'I SPO LA YUN RING GNAS BCAS NAS, ,NAG PHYOGS SBYIN MA'I BU RNAMS MTHAR MDZAD DE, ,'CHI MED RGYAL SRID DPAL DANG LDAN PAR MDZOD, ,MANG THOS DRANG SRONG RGAN PO'ANG SKABS SBYAR DUS, ,ZHAL BZANG ZLA BA'I DKYIL 'KHOR MNGON BLTA ZHING, ,CHOS DANG LDAN PA'I 'BEL BA'I BKA' MCHID KYI, ,SKYES KYI ME TOG 'THOR BAS MCHOD PAR SMON, ,ZHU

YIG SPYAN ZUR BUNG BA G-YO BA'I RTEN, ,BKRA SHIS KHA BTAGS RGYA YIS BTAB STE 'BUL, ,BZANG PO GSUM PA'I TSES LA PHUL ZHU YIG ,CES PA 'DI GONG DKAR DU DPON SA 'GRO MGON LA PHUL BA'O,, ,, ` GANG GI ZHABS SEN GSAR PA'I ZLA TSES NI, ,MTHA' DAG DBANG PHYUG COD PAN DANG 'GROGS PA, ,GDONG LNGA RNAM PAR RTZEN PA'I ZHABS STEGS KYI, ,'OD ZER BZHAD LDAN DRUNG DU MCHID 'DI ZHU, ,SNGON BSAGS BSOD NAMS CHU GTER LAS 'KHRUNGS PA'I, ,THUN MTSAMS SPRIN CHAGS LHA YI RI BO BZHIN,, GANG SKU NYER 'TSE'I BSER BUS MI BSKYOD CING, ,GLING BZHI'I DBUS NA KHRIMS GNYIS NYI ZLA YI, ,SNANG BAS RAB 'KHYUD LHAM MER BZHUGS SO ZHES, ,SNYAN GRAGS 'BRUG SGRA DAL GYIS DGOD PA NA, ,PHYOGS DER BLTA 'DOD MIG 'BUR RAB RGYAS PA'I,, SPRIN GROGS GTZUG PHUD GTEG STE GAR BGYID DO, ,NGOS KYANG BSOD NAMS BZHIN DU ZHAL BZANG NI, ,MIG GIS BCUD LEN DU THOB 'DIR SON TE, ,THOS DANG SPONG BA LHUR LEN 'DUS PA'I TSOGS, ,RGYUD SDE RGYA MTSO'I 'JUG NGOGS LAS 'ONGS PA'I,, LEGS BSHAD RIN CEN PHRENG BAS BRGYAN PAR BYAS, ,RIN CEN RDUL BRTZEGS MKHAR NYAL GRONG KHYER BCAS, ,DBYIG GI BLO GROS MA 'DIR RTZEN DE SRID, ,RIN CEN MYU GU BKRAM PA'I SENG GE'I KHRIR, ,KHYOD ZHABS G-YO BA MED PAR BRTAN BZHUGS NAS,, NYIN MO'I DBANG PHYUG 'OD STONG DUS KUN TU, ,RIS MED 'JIG RTEN SNANG BAR BYED PA DANG, ,CHU LDAN 'BRUG SGRA DGOD PA'I CHAR ZIM YANG, ,'DZIN MA'I THA GRU KUN TU SNYOMS PA LTAR, ,CHOS LDAN BKA' KHRIMS BZANG PO'I GRIB BSIL LA, ,NYER BRTEN

, ,GANGS RI'I PHRENG MDZES KHOR YUG CAN, ,'DZIN MA'I PHYOGS 'DIR RDZOGS LDAN DUS BZHIN DU, ,BDE SKYID DPAL LA RTAG TU SPYOD PA DANG, ,BSLAB PA GSUM LDAN SDE SNOD GSUM 'DZIN PA'I, ,MKHAS PA'I TSOGS KYIS MDUN SA RAB BRGYAN CING, ,PHAN BDE'I RIN CEN MA LUS 'BYUNG BA'I GNAS, ,THUB BSTAN CHU GTER RTAG TU GANG BAR MDZOD, ,LUS CAN KUN GYI PHAN BDE'I RTZA LAG MCHOG ,SKYE RGU'I GTZUG RGYAN KHU DBON ZHABS BRTAN CING, ,CHAB SRID MTSAN JUS YAR NGO'I ZLA SHEL LTAR, ,RGYAS PA'I SKU RIM SMON LAM SNYING LA 'GROGS, ,ZHU YIG AUTPAL GSAR PA'I PHRENG BA LA, ,SPYAN RAS BUNG BAS 'TSO SLAD BKRA SHIS KYI, ,RI MO RNAM BKRA KHA BTAGS LHAG BSAM LTAR, ,DKAR BA RGYA YI LANG TSO GSAL BA 'BUL, ,SGYUR BYED LO YI LANG TSO MA, ,GDONG LNGA'I KHYIM DU RTZEN PA'I TSE, ,GNYIS PA'I PHYOGS KYI BZANG PO NI, ,LAG PA'I TSES LA PHUL ZHU YIG ,CES PA 'DI YANG GONG DKAR DU DPON SA 'GRO MGON PA LA PHUL BA'O,, ,, ` PHUN TSOGS ZHABS SEN 'CHAR KHA'I RDUL PHRENG NI, SA SKYONG BYE BA'I ZUR PHUD DANG 'GROGS PA, ,LHA GZIGS RIGS KYI THIG LE PHYOGS KUN LAS, ,RNAM RGYAL GRAGS PA'I BA DAN CAN DE'I DRUNG, ,RING NA GNAS KYANG GANG SKU'I PHUN TSOGS NI, ,LHAG BSAM DAG PA'I SHEL GYI RTZIG NGOS LA, ,NOR BU'I ME LONG NYE BA'I SNANG BRNYAN BZHIN, ,LEGS PAR BKOD DE DANG BAS MCHID 'DI ZHU, ,TSOGS GNYIS ZLA BA'I MA MA BSRUBS PA LAS, ,LEGS PAR 'ONGS PA'I GANG SKU MTSAN MO'I MGON, ,CHA SHAS YONGS GANG MTSAN DPE RJES MTHUN GYI, ,RI MO RNAM PAR BKRA

BA 'DI MTHONG NAS, ,'GRAN PAR MA BZOD SUM RTZEN DBANG PO'I TSOGS, ,LHUN PO'I STENG DU NGES PAR BROS SAM SNYAM, ,RNAM MANG RIG GNAS TSON BRGYA'I RI MO NI, ,GANG THUGS CHU SHEL NGOS LA RTAG CHAGS SHING, ,LJAGS YANGS PAD MTSO'I RDUL PHRENG RE RE YANG, ,DBYANGS CAN NGANG MO 'BUM GYI 'PHUR LDING CAN, ,GANG GI MKHYEN BRTZE NGUR SMRIG ZOL LA NI, ,NYE BAR BRTEN BZHIN DBYAR DUS CHAR ZIM GYIS, ,REG PA LAS BYUNG PADMA R'A GA'I MDANGS, ,RAB CHAGS PANYTZA LI KA'I 'JAM MNYEN CAN, ,BSTZAL BAS SNYING LA SPRO DGA' BDUD RTZI'I RLABS, ,RAB 'PHYUR 'DOD PA'I BDE BA LAS 'DAS SHING, ,RAB DGA'I SA LA MNGON PAR REG PA BZHIN, ,BSAM GTAN BDE LA'ANG GUS PA LHOD PAR GYUR, ,MKHAS SHING GRUB PA'I DBANG PO MTHA' DAG GI ,COD PAN 'CHING BA LHA GZIGS RAS PA ZHES, ,SNYAN GRAGS AUTPAL PHYOGS KYI MDZES MA YI, ,RNA LUNG LA 'PHOS GANG DE'I RING LUGS NI, ,MGON KHYOD BDAG GIR MDZAD MOD DUS MTHA' 'DIR, ,CHES CHER RGYAS PA'I PHRIN LAS YONGS STZOL MDZOD, ,PHO BRANG CHEN PO'I 'JIGS MED SENG GE'I KHRIR, ,ZHABS SEN 'OD CHAGS CHOS RGYAL CHE RNAMS KYI, ,RING LUGS JI BZHIN PHYOGS 'DIR SA CHEN PO, ,SKYONG ZHING PHAN BDE'I DPAL GYIS GANG BAR MDZOD, ,'CHI MED RI BO GLING BZHI'I ZE'U 'BRUR NI, ,BRTAN PA DE SRID ZHABS PAD RTAG CING BRTAN, ,RDZOGS LDAN DUS BZHIN MDZAD PHRIN RGYAS PHYIR CES, ,NYIN DANG MTSAN DU SKU RIM LHUR LEN BGYID, ,'CHI MED BDUD RTZI'I PHUN TSOGS 'PHROG BYED PA, ,LO MA'I PHUR MA RGYA YI LANG TSO CAN,,

, ,CHA SHAS PHRA YANG KUN BZANG MCHOD SPRIN LTAR, ,LEGS PAR MOS NAS ZHU YIG SKYES SU 'BUL, ,SGYUR BYED LO YI LANG TSO MA, ,NAG PA'I ZLA BAR RNAM RTZEN PA'I, ,BZANG PO GNYIS PA'I TSES DAG LA, ,DGA' LDAN PHO BRANG NAS ZHU YIG ,CES PA 'DI SKYOR MO LUNG DU GDUNG RGYUD RIN PO CHE LA PHUL BA'O,, ,, ` 'DZAM GLING SA SKYONG BYE BA'I GTZUG NOR GYIS, ,GANG GI ZHABS SEN RDUL LA MCHOD 'OS PA, ,LHA GZIGS RIGS KYI THIG LE YON TAN DANG, ,GRAGS PA'I GTER GYUR ZHABS DRUNG MCHID 'DI ZHU; ;NYI MA'I BU YI MCHE BA'I PHRAG GNAS PA, ,'DI NA GANG LA RANG DBANG MA MCHIS KYANG, ,BSKAL PA'I BAR DU SA 'DIR GNAS BYOS ZHES, ,BKA' SHOG DON BZANG TSIG GI 'DAB PHRENG CAN, ,MKHAS PA'I YID 'PHROG PHYOGS KYI BU MO YI, ,RNA BA'I AUTPAL RGYAN DU 'OS PA DANG, ,BKRA SHIS RI MO BKRA BA'I GNANG SBYIN NI, ,BSOD NAMS BZHIN DU BDAG GIS BGO SKAL THOB, ,DE TSE YID LA SPRO DGA'I RLABS 'PHYUR BA, ,MAN DHA RA YI DBU BA BRTZEGS PA BZHIN, ,'JIG RTEN BDE BA KUN GYIS MI MTSON CING, ,'PHAGS PA'I BSAM GTAN MCHOG GI BDE BA LA'ANG, ,DE RING GUS PA CUNG ZAD LHOD PAR GYUR, ,MKHAS BYA'I RIG GNAS CHU GTER MA LUS PA, ,MKHYEN RAB YANGS PA'I ZHAL DU HUB GCIG GIS, ,LEGS DRANGS MI DBANG MCHOG KHYED SRID MTHA'I BAR, ,DBYIG GI BLO GROS MA 'DIR ZHABS BRTAN CING, ,LUGS GNYIS BKA' KHRIMS BZANG PO'I NYI 'OD KYIS, ,KHOR YUG RI BO'I BAR DU KHYAB GYUR NAS, ,THUB BSTAN PAD TSAL 'GRO 'DI'I PHAN BDE YI, ,LO TOG MCHOG DANG LHAN CIG

'PHEL 'GYUR ZHES, ,RNAM DAG SMON LAM SNYING LA RAB 'GROGS PAS, ,RO MNGAR PHUN SUM TSOGS PA'I SHEL BUM DANG, ,DGE MTSAN RI MO RNAM BKRA LHA RDZAS KYI, ,RIGS GYUR RGYA YI LANG TSO GSAL BA CAN, ,PHUL BAS JI LTAR SMON BZHIN 'GRUB GYUR CIG ,'DI YANG SKYOR MO LUNG DU GDUNG RGYUD RIN PO CHE LA PHUL BA'O,, ,, ` DPAL LDAN NGAG GI DBANG PHYUG PHYOGS KUN LAS, ,RNAM RGYAL BSOD NAMS GSER GYI RGYAL MTSAN NI, ,RNAM DKAR GRAGS PA'I BA DAN STONG 'PHUR BA, ,BSNGAGS 'OS GANG DE'I ZHABS DRUNG MCHID 'DI ZHU, ,GZHAL DU MED PA'I YON TAN RIN CEN GYIS, ,YONGS GANG 'CHI MED DBANG PO'I BANG MDZOD LAS, ,BKA' STZAL MAN DHA RA YI PHRENG RGYAS PA, ,MDA' YI GRANGS KYIS BCINGS PA'I NYER MKHO'I SKYES, ,BSOD NAMS BZHIN DU BDAG GI GAM DU LHAGS, ,DE TSE ZLA ZHAL MIG GI BDUD RTZIR NI, ,DNGOS SU GYUR BZHIN SPRO DGA' BDUD RTZI YI, ,SPU LONG NGO MTSAR GAR GYI RI MO BZHIN, ,SNYING GI ME LONG NGOS LA CI YANG CHAGS, ,MTHA' YAS SKYE RGU'I BSOD NAMS CHU GTER LAS,, LEGS PAR 'THON PA'I GANG SKU'I RI DBANG NI, ,NYER 'TSE'I BSER BUS BSKYOD PA DANG BRAL ZHING, ,MDZAD PA'I BANG RIM RNAM BKRA DE RMAD DO, ,NGOS KYANG SGYU MA LUS KYI KHANG BU NAS, ,'OD GSAL SEMS KYI MDZA' BA MA BTANG ZHING, ,KHRIMS LDAN LUNG RIGS SMRA BA'I 'DUS PA LA, ,NYIN BZHIN LEGS BSHAD BDUD RTZI 'GYED LA BRTZON, ,LHAG BSAM DKAR BA'I ZLA SHEL RTZIG NGOS LA, ,KUN RTOG PIR GYIS NYID SKU RAB BKOD DE, ,GNAS SKABS MTHAR THUG BZHED DON KUN 'GRUB PA'I, ,SMON LAM

, ,SKU RIM ME TOG TSOGS KYIS MCHOD, ,DGE MTSAN RI MO RNAM BKRA'I BKRA SHIS KYI, ,KHA BTAGS SPYAN ZUR AUTPAL REG PHYIR 'BUL, ,GSUM PA'I CHOS NYID TSES LA PHUL ZHU YIG ,CES PA 'DI YANG GDUNG RGYUD RIN PO CHE LA PHUL BA'O,, ,, ` MDZAM GLING SA SKYONG BYE BA'I COD PAN GYIS, ,ZHABS SEN CHU SKYES PHRENG BA MCHOD 'OS PA, ,DPAG YAS MKHYEN DANG BRTZE BA'I DBANG PHYUG GANG, ,ZHABS PAD DRUNG DU RING NAS MCHID 'DI ZHU, ,MTHA' YAS TSOGS GNYIS 'O MA'I RGYA MTSO LAS, ,LEGS 'KHRUNGS SKU YI LHUN PO GLING BZHI'I DBUS, ,NYER 'TSE'I BSER BUS NAM YANG MI G-YO ZHING, ,RNAM DKAR MDZAD PA'I GZI 'OD 'BUM PHRAG GIS, ,PHYOGS KYI 'KHOR LO 'GENGS PAR BZHUGS LAGS GRANG, ,NGOS KYANG SH'AKYA'I RGYAL PO'I MDUN SA LA,, NYER BRTEN PHYOGS 'DI'I 'DZIN MAR CHOS LDAN GYI, ,BGYI BAR 'OS PA'I BYA BA NYER SPYAD NAS, ,MTHA' 'KHOB RANG GI BSTI GNAS BGROD PAR RTZOM, ,DMIGS MED CHOS SKU'I BDAG NYID BSOD NAMS MTSAN, ,GRUB PA'I COD PAN LHA GZIGS RAS PA NYID, ,SLAR YANG BSTAN DANG 'GRO BA'I PHAN BDE RNAMS, ,RGYAS PHYIR MI DBANG GZUGS KYIS RNAM ROL BA, ,MGON KHYOD ZHING 'DIR SRID MTHA'I BAR DU YANG, ,ZHABS PAD BRTAN SLAD SKU YI 'TSO SKYONG DANG, ,ZAB MO'I THUGS DAM G-YEL BA MED PA 'TSAL, ,BDAG KYANG GZHI LAM BYES GSUM KUN TU YANG, ,SNYING LA KHYOD SKU'I SNANG BRNYAN MI 'BRAL BAR, ,'GAL RKYEN PHYI NANG GNOD PAS MI BRDZI ZHING, ,SKU TSE CHAB SRID RGYAS PA'I SMON LAM BGYID, ,'DI LTA'I GNAS TSUL ZHABS DRUNG 'BUL BA

DANG, ,RGYAL CHEN BZHI YIS LEGS BSTEN LHUN PO'I RTZE, ,CHOS KYI SPYAN STONG LDAN PA LHA DBANG GI ,GNAS SU BZHES PAS SDE SRID CHEN PO YI, ,RGYAN DU GYUR PA'I LEGS RNGA BRDA MTSON TZAM, ,ZHU BAR LUNG RIGS SMRA BA'I BYA MA RTA, ,DE RING ZHABS PAD DRUNG DU DONG BA LAGS, ,BZANG PO DANG PO'I TSES LA PHUL ZHU YIG ,CES PA 'DI YANG GDUNG RGYUD RIN PA CHE LA PHUL BA'O,, ,, ` RGYAL BA KUN GYI MKHYEN BRTZE'I CHU GTER PHA MTHA' KUN DANG BRAL BA LAS, ,TSOGS GNYIS DED DPON MCHOG GIS RAB BLANGS BLO BZANG BSAM 'PHEL YID BZHIN NOR, ,GRAGS PA'I BA DAN DKAR PO 'PHUR LDAN THUB BSTAN RGYAL MTSAN RTZER SON PA, ,SRAS DANG BCAS PA'I RTZA BRGYUD BLA MAS DNGOS GRUB CHAR CHEN DUS 'DIR PHOB, ,CHOS DBYINGS DAG PA'I GO 'BYED NGOS LA PHRIN LAS RNAM BZHI'I GLOG PHRENG 'KHYUG ,ZHI DANG RGYAS DANG CHAGS DANG MI BZAD DRAG PO'I RNAM 'GYUR SNA TSOGS PA'I, ,GAR GYIS RNAL ROL GSUNG DBYANGS 'BRUG SGRA GSANG MTHOR RGYA CHER BZHAD PA CAN, ,DPAL LDAN NOR LHA'I TSOGS DANG BCAS PA'I CHOS SKYONG SRUNG MA'I TSOGS RNAMS KYI, ,MTHU STOBS MI BZAD 'BAR BA'I GNAM LCAGS KYIS, ,NAG PHYOGS BDUD SDE'I BRAG RI PHYIR BSNYIL NAS, ,'DOD RGU'I CHAR CHEN PHAB PAS PHYOGS KUN TU, ,RE BA'I MTSO CHEN LHAG PAR GANG BAR MDZOD, ,CES PA 'DI THAM PHUD KYI TSIGS BCAD DO,, ,, ` RAB 'BYAMS RGYAL BA'I 'KHOR LO KUN LAS GANG GI BA SPU GCIG MCHOD PA'ANG, ,GZHAL DU MED PA'I BSOD NAMS GTER ZHES RDO RJE 'CHANG GIS RAB BSNGAGS PA, ,GANG YIN DE NI BSOD NAMS ZHING MCHOG

, ,AE MA'O ZLA MED SKYABS KYI MCHOG ,DPAL LDAN RTZA BA'I BLA MA DAM PA BRGYUD PAR BCAS PA DE RNAMS DANG, ,SKYABS GSUM RIN CEN DBANG GI RGYAL PO 'DOD RGU'I CHAR 'BEBS YI DAM LHA, ,DRAN PA YIS KYANG BAR CHAD KUN SEL MTHU LDAN YE SHES SRUNG MA'I TSOGS, ,SA STENG RIN CEN CHAR GYIS RNAM 'GENGS NOR SBYIN NOR LHA'I TSOGS RNAMS LA, ,KUN BZANG MCHOD PA'I SPRIN DANG LHAN CIG RNAM BKRA'I THAM PHUD 'DI PHUL BAS, ,'JIGS MED NGAG GI DBANG PHYUG PHYOGS KUN LAS, ,RNAM RGYAL BSOD NAMS GSER GYI RGYAL MTSAN MTHO, ,DPAL LDAN 'PHRIN LAS BZANG PO'I BKA' KHRIMS KYI, ,NYIN MO'I DBANG PHYUG 'OD ZER STONG 'BAR BAS, ,'DZAM GLING NOR 'DZIN KHYON KUN KHYAB GYUR TE, ,PHAN BDE'I 'BYUNG GNAS THUB BSTAN PAD MO'I TSAL, ,BGRANG YAS BSTAN 'DZIN BUNG BA'I TSOGS RNAMS DANG, ,LUS CAN KUN GYI PHAN BDE'I LO TOG RNAMS, ,PHAN TSUN 'GRAN PA BZHIN DU 'PHEL BAR SHOG ,CES PA 'DI SKYOR MO LUNG DU GDUNG RGYUD RIN PO CHE'I BKA' SHOG GI THAM PHUD DU GNANG BA'O,, ,, ` BLO BZANG KUN GSAL CHOS KYI SKU LAS G-YO BA MED PAR GRANGS MED GZUGS SKU'I CHU 'DZIN NI, ,MA LUS ZHING KUN CIG CAR KHYAB MDZAD GRAGS PA'I GUR KUN PHYOGS KYI BU MO'I 'GRAM PA LA, ,GSAL BAR BKOD PA'I ZHABS SEN ZLA TSES 'CHI MED DBANG PO'I RAL PA'I CHU LDAN KHROD NA GZIMS, ,DPAL LDAN 'PHRIN LAS BDUD RTZI'I CHAR ZIM MKHA' DANG MNYAM PAR RGYUN MI 'CHAD DU 'JUG GYUR CIG ,SRAS BCAS RGYAL BA'I DNGOS GYUR GANG DE'I DRUNG, ,BKRA SHIS BDUD RTZI'I ZER GYI SPU LONG NI, ,PHYAG

RGYA'I RI MO'I ZOL LA BRTEN PA GANG, ,KUN BZANG MCHOD PA'I SPRIN LA 'GRAN PA BZHIN, ,PHUL BAS BRTAN G-YO'I DNGOS KUN BDE STONG GI ,ROL MTSO'I RGYA DANG YANGS PA'I NOR 'DZIN KUN, ,PHAN BDE'I RGYA LAS NAM YANG MI 'DA' BA'I, ,CHOS KYI 'KHOR LOS SGYUR BA'I DPAL THOB SHOG ,CES PA 'DI YANG THAM PHUD PHUL BA'I SNYAN NGAG GO, ,, ` BYAMS PA'I NYI MA 'JIG RTEN GSUM DU SHAR, ,BLO BZANG BSTAN PA'I PAD TSAL PHYOGS BCUR RGYAS, ,MI DBANG GONG MA'I SKU TSE CHAB SRID BRTAN, ,'GRO KUN PHAN BDE'I DPAL LA ROL BAR SHOG ,MA PHAM RGYAL BA'I DBANG PO JI BZHIN DU, ,BDAG KYANG RAB 'BYAMS RGYAL BA'I PHRIN LAS KUN, ,PHYOGS DUS KUN TU SGRUB LA MI ZHUM ZHING, ,'GAL RKYEN KUN ZHI MTHUN RKYEN LHUN GRUB MDZOD, ,GANG GI MKHYEN BRTZE'I DKYIL 'KHOR LAS 'ONGS PA'I, ,RMAD BYUNG PHRIN LAS 'OD ZER 'BUM PHRAG GIS, ,'JIG RTEN GSUM PO CIG CAR KHYAB MDZAD PA, ,BSTAN PA'I NYI MA RING DU ZHABS BRTAN CIG ,LHA RI'I RKANG 'THUNG TSOGS KYIS NYER BSTEN PA'I, ,DPAL LDAN MA LA YA YI RI BO BZHIN, ,RGYANG RING BZHUGS KYANG SNYAN PA'I DRI BZANG GIS, ,LAN CIG MIN PAR SNYING GI GDUNG BA PHROGS, ,SNGON RABS DAM PA'I RNAM THAR RMAD DU BYUNG, ,KHYOD NYID GCIG PUS BDAG GIR MDZAD LAGS TE, ,THUB BSTAN SHING RTA'I KHUR CHEN 'DEGS PA LA, ,PHYOGS KYI GLANG PO KHYOD LAS GZHAN NA GANG, ,PHRIN LAS BDUD RTZI'I CHA SHAS YONGS GANG BA, ,'DZAM GLING MKHA' LA RTAG PAR RAB 'CHAR BAS, ,THUB BSTAN CHU GTER KUN TU 'PHEL BA DANG, ,GDUL BYA'I KU MUD ZE'U 'BRU DGOD

, ,PAR MDZOD, ,BDAG KYANG SNYOM LAS MAL STAN 'DZIN BZHIN DU, ,BAN BUN CHOS BRGYAD SNANG BA'I ROL RTZED LA, ,GZHAN PHAN BSTAN PA'I BYA BAR MNGON RLOM PAS, ,NYIN MTSAN BAR MTSAMS MED PAR 'DA' ZHING MCHIS, ,NYID SKU RI DBANG LTA BUR BRTAN PA DANG, ,BSHAD SGRUB MDZAD PA DBYAR GYI CHU BO LTAR, ,SRID MTHA'I BAR DU GNAS PA'I NGANG NYID NAS, ,ZLA ZHAL MIG GI BDUD RTZIR 'THUNG BAR SMON, ,ZHU YIG GZIGS PA'I RTEN MTSON PAR GOS CHEN KHA GANG RGYA LDAN DU 'BUL, HOR ZLA DANG PO'I TSES LNGA LA 'BRAS SPUNGS GZIMS KHANG NAS PHUL BA'I ZHU YIG KHRO PHUR RJE BTZUN DRUNG DU SNYAN DAR DAR CHEN KHA BRGYAD PA ZHIG PHUL YOD PA, SNGA SOR PHUL BA ZHIG YOD PA DANG PHAN TSUN DU SKU MDUN DU 'BYOR NGES SHIG BKA' DRIN SKYONG BA MKHYEN LAGS, ZHES PA 'DI NI GANGS CAN CHOS RJE LA GNANG BA'O,, ,, ` GSUNG RAB KUN GYI DGONGS DON NAM MKHA' LA, ,THOGS PA MED PA'I BLO GROS DKYIL 'KHOR CAN, ,THUB BSTAN 'DAB BRGYA BZHAD PA'I GNYEN GCIG PU, ,BSTAN PA'I NYI MA RING DU ZHABS BRTAN CIG ,MKHYEN YANGS YID BZHIN RGYA MTSO'I 'JUG NGOGS NAS, ,SDEB LEGS BKA' STZAL MU TIG GSAR PA'I PHRENG, ,RNAM MANG SKYES KYI RANG BZHIN DANG 'GROGS PA, ,PHO NYA'I DON MTHUN NGAG LAS GNAS 'DIR SON, ,DE TSE YID KYI NOR LDAN MA, ,DGA' SKYES LJON SHING SPU LONG CAN, ,DAD PA'I ME TOG DO SHAL GYIS, ,DPYID KYI DPAL MO'I KHENGS PA PHROGS, ,BDAG KYANG RKANG 'THUNG PHRENG BA CAN, ,MTHA' 'KHOB 'DZIN MAR RKANG MTHIL GYI, ,GUR KUM DOG PA BKOD BYAS NAS,,

SLAR YANG MTHO RIS GRONG KHYER LA, ,'KHU LDAN CHOS 'KHOR LHA SA ZHES, ,GRAGS PA'I BA DAN DKAR BA DER, ,SH'AKYA MU NI'I ZHAL BZANG GI ,ZLA SHEL LTA BAS NGOMS MA GYUR, ,BLO GSAL 'CHI MED BYE BA'I GNAS, ,BKRA SHIS LHUN PO'I BA GAM RTZER,, LEGS BSHAD GSAR PA'I ZLOS GAR DAG ,MCHOG TU BGYI SLAD CHAS PA LAGS, ,DAM PA'I SKYES BU KHYED LTA BU, ,ZHING 'DIR 'TSO ZHING GZHES PA NI, ,BSTAN PA'I RTZA LAG 'GRO 'DI YI, ,PHAN BDE'I GZHIR GYUR DE YI PHYIR, ,BAR CHAD BDUD SDE'I TSOGS RNAMS LAS, ,RNAM PAR RGYAL NAS BSKAL PA'I BAR, ,SKU TSE BRTAN PHYIR CHES ZAB PA'I, ,THUGS DAM RIM PA SPEL BAR MDZOD, ,DE LTA'I RNAM DKAR RTEN 'BREL GYI, ,BYED PO YUN RING BZHUGS PA'I STAN, ,'CHAR KA'I GOS DMAR GYIS KLUBS GANG,, RAB DKAR GZUGS KYI RI MO CAN, ,ZUNG 'BREL RGYA YIS BTAB STE 'BUL, ,SNRON GYI ZLA BA'I PHYOGS GNYIS PA'I, ,RGYAL BA DANG PO SHAR TSE PHUL, ,ZHES PA 'DI NI SE RA CHOS RJE DON YOD PA'I ZHU LAN DU LHA SA NAS GNANG BA'O,, ,, ` GANG GI ZHABS SEN NOR BU'I LAN TSAR NI, ,DREGS LDAN KUN GYI SPYI BOR NGAL GSO BA, ,MA LUS RGYAL BA'I GDUNG 'TSOB CHOS KYI RJE'I, ,ZHABS PAD DRUNG DU RING NAS MCHID 'DI ZHU, ,DPAG MED LEGS TSOGS STOBS KYIS BSKRUN PA'I SKU, ,NYER 'TSE'I RLUNG GIS G-YO BA MA MCHIS SHING, ,BYANG PHYOGS YANGS PA'I 'DZIN MAR ZHABS KYI RDUL, ,NYE BAR BKOD PAS SKAL BZANG SKYE BO KUN, ,MTHONG THOS DRAN PA DON LDAN DU MDZAD NAS, ,SLAR YANG GDAN SA CHEN PO'I SENG GE'I KHRIR, ,RNAM PAR ROL BA'I SNYAN PA SPRIN GYI DBYANGS,,

, ,THOS TSE SPRO DGA'I MDONGS LDAN GAR BYED DO, ,ZHES GSOL NAS, SNYING PO'I ZHU BA, DBUS GTZANG GI SKYE 'GRO SPYI MTHUN GYI LAS TSUL LA BRTEN DUS KYI 'TSUB MA MTHA' DBUS BYINGS LA LANGS PA'I SHUGS 'GROS KYIS STAG GZHIR GYI MI GCES MANG RAB CIG RKYEN LAM DU SONG BA LA, 'DI NAS NANG SO ZHAL NGO SOGS LA THUGS SKYON CHAGS PA'I TSAN DU YE MI 'DUG NA'ANG YUL CHOS NGAN PA'I STABS KYIS 'BROG PA RNAMS KYIS KHA SA PHAR MNGA' ZHABS KYI SNA TSE 'DRA LA THAGS THOGS YOD PA ZHIG BYUNG 'DUG PA, SNYIGS DUS KYIS SKYE BO NYON MONGS RAGS SHING, DE MTHUN GYI BYED PA CAN RNAMS DAM PA RNAMS KYI THUGS RJE'I YUL KHO NAR 'DUG PA DANG, 'DI TSO LA BRTEN PA'I ZLOS PA'I SGO BZHIN LANGS NA, DA LTA DBUS GTZANG BYINGS GTAN CHINGS 'GRIG PA'I SKABS 'DIR SKYE 'GRO RNAMS BDE BA LA GNAS PA'I GEGS SU'ANG SONG DOGS 'DUG PAS THUGS RJE CHEN POS NYE BAR DGONGS TE BZOD PA DAM PA'I PHA ROL TU PHYIN PA'I DMIGS MED CHOS SKU'I NGANG NAS THAMS CAD DU 'JAM DAR LA 'KHOD PA'I BKA' LUNG GIS KHYAB PA MKHYEN LAGS, ,DE MTHUN GZHIS KA TSOR YANG SNYAN SGRON PA'I NGOS NAS SNGAR 'KHYUD MCHOD YON DPON SLOB 'BREL TSUL GZHAN DANG MI 'DRA BA ZHIG YIN 'DUG PA'I RI MO RNYING PA GSER GYIS GSO BA LTA BU ZHIG GI SHES 'DOD YIN PAS DGONGS LEN DU SBREL PO GSUM RKANG BTZUGS SU ZHABS DRUNG BTANG BA LAGS, ZHES PA 'DI 'BRI GUNG CHOS RJE KUN DGA' RIN CEN PA LA GNANG BA'O,, ,, ` 'PHAGS PA SPYAN RAS GZIGS KYI SPRUL PA, 'OD GSAL LHA LAS BABS PA'I GDUNG RGYUD, RJE

MNGA' BDAG RGYAL PO'I DRUNG DU, BDAG SANGS RGYAS 'PHEL GYIS ZHU BA, BSTAN PA DAG LA PHAN PAR RAB TU SMON, ,SLAR YANG CHOS LA DKAR BAR MDZAD DU GSOL, ,DAR MDUD GSOL JA GNANG BA THUGS LA BTAGS, ,BDAG KYANG SEMS CAN KUN LA PHAN PAR SMON, ,CHOS SGRA SENG GE'I NGA RO YIS, ,SEMS CAN KUN YID TSIM PAR BYED, ,ZHU YIG GZIGS PA'I RTEN DU BDAG RANG GI 'THUNG DKAR MI NYAG GAN DKAR PHRU GU CHAG MED SMAN GYI RGYAL PO NAD THAMS CAD KUN TU 'JOMS PA ZHES BYA BAS GANG BA ZHIG 'BUL, ZHES PA 'DI GU GE BDAG PO'I ZHU LAN DU DGUNG LO BCU PA'I TSE RDO RJE GDAN NAS GNANG BA'O,, ,, ` LEGS BYAS GSER GYI RTZIBS STONG RAB 'BAR BGRANG YAS SA 'DZIN TSOGS RNAMS KYIS, ,NYE BAR BSTEN GYUR RBA RLABS ROL PA SH'AKYA'I RIGS KYI CHU GTER CHE'I, ,ZLA SHEL DRI MED YONGS 'DU'I SPUN GANG MKHYEN BRTZE BDUD RTZI'I SPU LONG CAN, ,RNAM MANG DBANG PHYUG RAL PA'I NAGS NA RAB MDZES GAR GYI RI MO BZHIN, ,DREGS LDAN LUGS SHES KUN GYI ZUR PHUD NI, ,DUD PAS PHYAG BYA'I GNAS GYUR RIG GNAS KYI, ,RO BRGYA'I BDUD RTZI ZHAL LA CHAGS PAS NA, ,MI DBANG DBYANGS CAN SRAS PO MCHOG DE'I DRUNG, ,TSANGS DBANG SRAS MO'I ZHAL GYI GUR KUM NI, ,DKAR 'JAM REG NA BDE BA'I GLEGS BU'I NGOS, ,YI GE'I ZOL LA NYER BRTEN DRI ZA YI, ,'PHANG 'GRO SNYAN PA'I SGRA BZHIN MCHID 'DI ZHU, ,KHOR YUG RI BOR BRTEN PA'I NOR 'DZIN NI, ,DPUNG PA'I KA BA'I 'DEGS BYED DU MA DANG, NYI MA'I GNYEN ZHES SRID NA SA GSUM GYI, ,SGRON ME YI GE'I GRAGS 'BAR GANG GI RGYUD,,

, ,GDUGS DKAR DBU BA'I 'DZUM GYIS MYA NGAN MED, ,NYER MTSON BSTAN LA MCHOD SBYIN BYED PA'I TSOGS, ,GRAGS PA'I BA DAN RAB DKAR YE SHES 'OD, ,KHU DPON BAR DU BOD YUL SA'I THIG LER, ,JI SNYED BYON GANG PHAN BDE'I RTZA LAG DANG, ,THUB BSTAN RIN CEN KUN GYI 'BYUNG GNAS NYID, ,DE LTA'I RIGS KYI DPAG BSAM RKANG 'THUNG DAG ,DENG DUS MDZES PAR BYED PA'I DGONGS PA CAN, ,YON TAN DRI BZANG PADMO'I GZHAL MED KHAG, ,PHYOGS KUN NOR LHA'I RNA BA'I BCUD LEN MKHAN, ,BDE 'BYUNG BZHIN DU MKHYEN YANGS RAL PA'I KLONG, ,SDIG LTA'I DRI MA 'KHRUD BYED GANG+G'A BZHIN, ,RNAM MANG RAB 'KHYIL BDUD RTZI'I CHU GTER CHE, ,MKHAS MANG DBANG PO'I NGANG MO'I KHYU 'KHRIGS PAS, ,THUB BSTAN SPYI DANG KHYAD PAR 'JAM PA'I DBYANGS, ,NGUR SMRIG ZLOS GAR SGYUR MDZAD TZONG KHA PA'I, ,BSTAN LA SRID ZHUR MDZAD LA YAB MES KYI, ,MDZAD PA'I SROL BZANG NYAMS PA MED PAR MDZOD, ,BKRA SHIS SLAD DU DKAR 'JAM GYI, ,SKYES KYI 'DAB GSHOG ROL PA CAN, ,BKRA SHIS LHUN PO'I RTZE LAS NI, ,LHA YI PHO BRANG 'PHUR TE SONG, ,ZHES PA 'DI YANG GU GE BDAG PO LA GNANG BA'O,, ,, ` BU RAM SHING PA'I RIGS KYI THIG LE MCHOG ,ZHABS SEN NOR BU'I LAN TSAR LHA RNAMS KYIS, ,BSTEN 'OS SA SKYONG KUN GYI ZUR PHUD LA, ,'GROGS PA'I RTZE DGA' NYAMS PA MED GYUR CIG ,MKHYEN YANGS SUM RTZEN SKYED TSAL GSAR PA LAS, ,SNA MA'I ME TOG DRI LA SRED LDAN PA'I, ,SDEB LEGS GRE 'GYUR LDAN PA'I BUNG BA'I PHRENG, ,DBYANGS CAN DPAL MO'I 'GRAN ZLAR 'ONGS SAM CI, ,YID SRUBS

DPUNG PA'I RJES MTHUN NOR SBYIN GYI, PHYOGS SU 'KHRIGS GYUR NAG PO'I CHU LDAN TSOGS, ,DKAR PHYOGS DRI YI BZHON PAS BCOM PA NI, ,RGYAL BA'I THUGS RJE GZUGS SU GYUR PA BZHIN, ,LHA YI RNGA BZHIN GRAGS SNYAN GA BUR GYI, ,THIG LE GSAR PAS SNYING LA BRAN PA NA, ,RING NAS MNAR BYED TSA GDUNG GA SHED SONG, ,DE RING BSAM GTAN DANG PO'I GNAS THOB SNYAM, ,BOD YUL MUN PA'I GLING 'DIR THUB BSTAN GYI, ,NYI MA 'CHAR BYED RTA LJANG SHING RTA'I RIGS, ,GANG GI PHAN BDE 'DAB BRGYA GSAR PA'I TSOGS, ,RAB 'BAR RDZOGS LDAN NYID DU SLAR YANG MDZOD, ,DUS MTHA' 'DIR YANG RGYAL BA'I MDZAD PA CAN, ,'JAM DPAL SNYING PO'I THUGS BCUD THUB BSTAN GYI, ,RTZER SON DU GU LA YI RAS BZANG POS, ,NOR 'DZIN BU MO YONGS SU KHYAB PAR MDZOD, ,CES PA 'DI YANG DE NYID LA GNANG BA'O,, ,, ` AOm SVA STI, BU RAM SHING BA'I RIGS KYI SHAR RI'I RTZER, ,MKHYEN BRTZE'I DKYIL 'KHOR CHA SHAS YONGS GANG BAS, ,SA SKYONG RGYU SKAR BYE BA'I TSOGS DBUS NA, ,LHAM MER GSAL BA'I ZHABS DRUNG MCHID 'DI ZHU, ,SNYAN GRAGS AUTPAL PHON PO'I GDENGS KA NI, ,PHYOGS KYI BU MO'I RNA BA'I RGYAN BYAS PA, ,NYID KYI GZI BYIN LTA BAR MA BZOD DE, ,MCHOD SBYIN BRGYA PA MTHO RIS BROS SAM SNYAM, ,RNAM DKAR MDZAD PA'I ZLA 'OD DU GU LAS, ,THUB BSTAN NOR 'DZIN BU MO KHEBS MDZAD DE, ,PHAN BDE'I KU MUD 'DZUM DKAR BDUD RTZI'I GTER, ,ZLA SHEL SA SKYONG GAR LA BRTEN PA BZHIN, ,SNANG BA'I GTER GYUR KUN GYI GZI BYIN NI, ,'PHROG BYED RTA BDUN DBANG PO DANG MTSUNGS TE, ,LUGS

, ,GNYIS SHES BYA'I DE NYID 'BYED PA NI, ,DA LTA PADMO'I GNYEN LA MA MCHIS SO, ,SNYING STOBS DPUNG PA'I KA BAS PHYOGS DE YI, ,THUB BSTAN NOR 'DZIN NGES PAR 'DZIN BYED DE, ,NYI MA'I GNYEN GYI RIGS 'KHRUNGS SNGON RABS KYI, ,CHOS KYI RGYAL PO KUN GYI NGANG TSUL LO, ,'DI NA'ANG 'JIG RTEN DBANG PO SRONG BTZAN GYI, ,SGYU MAS SPRUL PA'I PHO BRANG MDUN SA CHER, ,BLO GSAL 'CHI MED TSOGS KYIS YONGS GANG BA'I, ,DO RAR LEGS BSHAD ZLOS GAR BGYID LA BRTZON, ,SNYING PO'I ZHU MCHID ME TOG RGYAS PA'I THANG, ,MTHA' DAG SKYE BO'I 'JIGS SKYOB RGYAL ZHES PA'I, ,GTZUG LAG GSAR DU BSKRUN DER BSOD NAMS GTER, ,RMAD BYUNG RGYAL BA'I SKU GZUGS BZHENG PA LA, ,DPAG BSAM SHING LAS 'DOD RGU'I GTER BZHIN DU, ,BKA' STZAL NYI MA'I 'OD KYIS MNGA' RIS KYI, ,YANGS PA'I SA CHEN KUN TU KHYAB MDZAD DE, ,RE BA'I 'BRAS BZANG MCHOG TU SMIN PAR STZOL, ,BOD YUL LEGS BYAS RIN CEN JI SNYED PA'I, ,'BYUNG GNAS CHU GLANG BDAG PO GZHAN PA BZHIN, ,SNGON RABS SPRUL PA'I SNANG BRNYAN DE DAG RNAMS, ,DRAN TSE DAD PA'I SPU LONG GAR BYED PA, ,DE DAG GDUNG DANG MDZAD PA MA NYAMS PA'I, ,SROL CHEN GANG GI ZUR PHUD DANG 'GROGS PA, ,GANG GI SKU TSE CHAB SRID MNGA' THANG RNAMS, ,YAR NGO'I ZLA LTAR RTAG TU RGYAS PAR SMON,, RO BCUD PHUN SUM TSOGS PA LO MA'I SMAN, ,ZHU MCHID YI GE'I 'DAB PHRENG RGYAS PA LA, ,SPYAN RAS BUNG BA GZHON NU'I 'PHUR LDING DAG ,ZLOS GAR RNAM PAR ROL PA'I SKYES SU 'BUL, ,NAG PA ZLA BA'I 'KHOR LO 'DU BA'I TSES, ,SHAR TSE BLO GSAL 'CHI

MED TSOGS KYI GNAS, ,DPAL LDAN 'BRAS SPUNGS CHOS GRVA'I GZIMS KHANG NAS, ,ZHU YIG PHYOGS DUS KUN TU DGE LEGS STZOL, ,ZHES PA GU GE BDAG PO 'PHAGS PA LHA LA GNANG BA'O,, ,, ` SH'AKYA'I RIGS KYI BDUD RTZI'I CHU GTER NI, ,LEGS BYAS 'CHI MED RI BOS BSRUBS PA LAS, ,BSOD NAMS DKYIL 'KHOR MKHYEN BRTZE'I 'OD STONG CAN, ,NYIN MO'I DBANG PHYUG DRUNG DU MCHID 'DI GSOL, ,LJAGS YANGS PAD MTSOR DBYANGS CAN NGANG MO NI, ,NOR 'DZIN ZOL LA NYER BRTEN NYI MA YI, ,RIGS KYI THIG LE GANG GI GRAGS PA'I GTAM, ,'OG MIN GTZANG MA'I GNAS NA'ANG CA COR GYUR, ,THUB BSTAN NOR 'DZIN THUGS RJE'I ZLA ZER GYIS, ,LAN BRGYAR SNANG BYED CHOS RGYAL DE DAG GI ,BKA' DRIN DRAN TSE DAD PA'I SPU LONG DAG ,GAR BYED YID KYI PHO NYA NYIN BZHIN YANG, ,DE DAG CHO RIGS CHOS KYI SROL 'DZIN PA, ,NOR 'DZIN THIG LE YID BZHIN RIN CEN ZUNG, ,ZHAL BZANG BDUD RTZI 'THUNG BZHIN PHYOGS DER SNYEG ,'DI NA'ANG BLO GSAL RKANG 'THUNG 'KHRIGS PA'I NAGS, ,BSHAD SGRUB ME TOG RGYAS PA'I DGA' TSAL NA, ,NYAM CHUNG GZHAN PHAN GSHOG RTZE'I 'PHUR LDING DANG, ,LEGS BSHAD BUNG BA'I GLU DBYANGS LEN LA BRTZON, ,RNAM MANG SKYE BO'I 'JIGS SKYOB THUB BSTAN LA, ,RI MOR BGYID SLAD RGYAL GYI GTZUGS LAG KHANG, ,BSOD NAMS BRGYA PA'I SNANG BRNYAN GZI 'BAR BA, ,MDZES PA'I MTHUN RKYEN BKA' DRIN RAB TU STZOL, ,SNGON RABS CHOS KYI RGYAL PO DE DAG GI ,MDZAD PA'I ME TOG ZUR PHUD DANG 'GROGS PAS, ,SNYING STOBS RGYA MTSO'I RLABS 'PHYUR THUB BSTAN GYI, ,MU TIG DRA BAS

, ,NOR 'DZIN KHEBS PAR MDZOD, ,BCUD LDAN LO MA'I PHUR MA RGYAS BRES PA, ,SPYAN ZUR AUTPAL REG PA'I SKYES SU MTSON, ,NAG PA ZLA BA'I GNYIS PA'I PHYOGS DAG LA, ,DPAL LDAN 'BRAS SPUNGS CHOS KYI GRVA NAS 'BUL, ,ZHES PA GU GE BDAG PO SKU GZHON PA LA GNANG BA'O,, ,, ` SA BCU'I DBANG PHYUG MNGA' BDAG RJES, ,SA 'DIR KHYOD KYIS DBANG SGYUR ZHES, ,SA STENG NOR BUS BRGYAN PA YI, ,PHYAG DAM GNANG BA THUGS LA BTAGS, ,ZHES PA 'DI TZAN DAN DKAR PO'I THE'U TSE SA STENG NOR BU'I RI MOS MTSAN PA ZHIG PHUL BA'I ZHU LAN DU GU GE BDAG PO LA GNANG BA'O,, ,, ` GNYIS MED GSUNG BA SENG GE'I KHRIR BZHUGS YAN LAG BCU GNYIS 'CHING BA LAS GROL BDEN DON NYI MA CHOS KYI SKU, ,TSON BRGYA NYE BAS DAG PA'I SHEL BZHIN MTHA' YAS 'GRO BA'I SKAD LA NYER 'JUG LEGS 'DOMS DE NI LONGS SPYOD RDZOGS, ,SHES DANG SHES BYA DBYER MED GCIG GYUR 'PHO MED BDE BA'I SKAD CIG KUN RDZOGS DE NYID BCU DRUG YANG DAG RIG ,BYE BA PHRAG BRGYA'I ZHING RNAMS KUN TU SGYU 'PHRUL DRA BA'I ROL GAR STON MDZAD DANG PO'I SANGS RGYAS DER PHYAG 'TSAL, ,KEE LA SHA YI DUM BUR SENG GE'I KHRI, ,RNAM GNON RIGS LDAN GRAGS PA DUS KYI MTHAR, ,PHYOGS 'DIR MI DBANG GAR GYIS ROL BA BZHIN, ,BSNGAGS 'OS GANG DE'I DRUNG DU MCHID 'DI ZHU, ,CHAB SHOG DON BZANG LHA YI LANG TSO CAN, ,RGYAN MANG RIN CEN TSOGS KYI 'JO SGEG 'DZIN, ,'DZAM BU N'A DA'I SKYES DANG LHAN CIG PAR, ,MIG DANG RNA BA YID KYI DGA' STON GYUR, ,RNAM MANG RGYAL PHRAN GSER RI'I PHRENG BAS BSKOR, ,LUGS GNYIS DPAL 'BYOR

ROL MTSO 'KHYIL BA'I GNAS, ,MKHYEN BRTZE'I BANG RIM MTHO BAS 'CHI MED KYI, ,RI BO DENG DUS RI MO'I GNAS LA BKOD, ,NGOS KYANG THOS DANG SPONG BA LHUR LEN PA'I, ,'DUS PA'I TSOGS DANG LHAN CIG DBYAR GNAS NAS, ,DANG PO'I SANGS RGYAS MCHOG DANG BKA' GDAMS KYI, ,CHOS KYI RGYA MTSO'I DGA' BAS ROL BA LAGS, ,DPAL STUG ZHAL GYI TSANGS PA'I ROL GNAS LAS, ,LEGS 'ONGS BGRANG YAS MTHO RIS GANGG'A'I RDUL, ,DPAL MGRIN RAL PA'I ZUR PHUD DANG 'GROGS PA, ,KUN KYANG MDO DANG SNGAGS KYI CHU GLANG BDAG ,RNAM DPYOD KHYOR CHUR BYAS TE LONGS SPYOD CING, ,SRID NYON SBYIN MA'I BU DAG NYER 'JOMS PA, ,LHAG PA'I RIN CEN GSUM GYI COD PAN CAN, ,DE DAG RIS MED NYID DU BKUR BAR MDZOD, ,DE YI MTHU LAS THUB BSTAN RIN CEN DBANG, ,'GRO GSUM RGYAL MTSAN COD PAN DANG 'GROGS TE, ,'DOD RGU'I CHAR GYI DBYIG GI BLO GROS MA, ,RDO RJE'I KHOR YUG BAR DU KHYAB PAR 'TSAL, ,BAN DU DZI BA'I 'DAB STONG RAB 'KHRIGS PAS, ,NYI GZHON CHAR KHA'I PHUN TSOGS LA 'KHU BA, ,RGYA YI TSOM BUS NYE BAR MTSAN PA 'DI, ,SPYAN ZUR AUTPAL ROL PA'I SKYES SU 'BUL, ,KUN LDAN LO YI LANG TSO MA, ,BU MO'I KHYIM GYI MTHAR GNAS PA, ,THA SKAR CAN GYI PHYOGS DANG POR, ,CHOS 'KHOR RGYAL NAS PHUL ZHU YIG, ,, ` LEGS BYAS GSER GYI CHU SKYES MNGA' LAS 'KHRUNGS, ,LUGS GNYIS BYA BA KUN LA DBANG SGYUR ZHING, ,RGYAL PHRAN 'CHI MED TSOGS KYIS PHYAG BYAS PA, ,TSANGS DBANG DANG MTSUNGS DRUNG DU 'DI SKAD ZHU, ,SNGON BSAGS DGE TSOGS DU MAS NYER BSKRUN

, ,PA'I, ,NYID KYI PHUN TSOGS SUM RTZEN LA 'KHU BA, ,LHA MIN LAS RGYAL GRAGS PA'I BA DAN CAN, ,PHYOGS 'DIR RNA BA'I BCUD LEN RGYAS PAR THOB, ,'DI NA'ANG DBUS GTZANG CHOS KYI DGA' TSAL NA, ,LUNG RIGS CHOS KYI ROL MOS RNAM PAR RTZEN, ,SNYING PO'I ZHU MCHID THAMS CAD MKHYEN PA NAS, ,BZUNG STE DENG SANG BAR DU NYID CAG GI ,YAB MES CHOS RGYAL RNAMS DANG SA CHEN PO, ,SKYONG MDZAD MI YI DBANG PO KHYED KYI BAR, ,THAG RING GNAS KYIS BSKAL YANG NYI MA DANG, ,PADMO'I TSAL BZHIN RTEN 'BREL RMAD BYUNG GI ,GRAGS PA STON ZLA'I ZLA 'OD MCHOG TU DKAR, ,DE SLAD CHOS 'KHOR RGYAL GYI GTZUG LAG KHANG, ,RNAM MANG SKYE BO'I GSOS SU GYUR PA DER, ,MA PHAM RGYAL BA'I SKU GZUGS BZHENG BA LA, ,YID BZHIN NOR DANG DPAG BSAM RKANG 'THUNG LAS, ,'DOD RGU'I DPAL BZHIN YONGS SU STZAL BAR MDZOD, ,GNAS SKABS MTHAR THUG BZHED PA'I DON RNAMS KUN,, 'GRUB PA'I SMON LAM GTAN DU BGYID PA LAGS, ,ZHIB KYI GNAS TSUL SMON LAM SHES RAB PA, ,GROGS MCHED NGAG GI LAM NAS GSOL BA LAGS, ,ZHES PA'ANG MAR YUL SMAD PA LA GNANG BA'O,, ,, ` CHOS RNAMS KUN GYI GNAS LUGS GDOD MA'I GSHIS, ,LHAN SKYES SGYU 'PHRUL DRA BA'I ROL PA LAS, ,GANG 'DUL THABS KYIS DBANG PO'I GZHU BZHIN DU,, RNAL 'PHRUL SPRUL PA'I ZLOS GAR GANG DE'I DRUNG, ,RIS MED MKHAS DANG GRUB PA'I RING LUGS KYI, ,'JUG NGOGS NYER BSTEN SNYOM LAS 'DAM DU NI, ,BYING GYUR THE TSOM LAM DU BLO YI 'GROS, ,'KHYOR BA STER BYED GANG DES MCHID 'DI ZHU, ,MKHAR

NYAL GZHON NU'I LANG TSO LA 'KHU BA, ,MDZES SKU BDUD RTZI'I RTZA LAG RAB RGYAS SHING, ,'GRO BA'I DBUGS 'BYIN GSUNG DBYANGS GAnd'I'I SGRAS, ,MES PO SMRA BCAD BSAM GTAN GNAS LA BKOD, ,TING 'DZIN SGO BRGYA 'BYED PA'I THUGS DVANGS PA, ,JI SNYED SHES BYA'I GNAS LA SPYOD BZHIN DU, ,DON BZANG LANG TSO GSAR PA'I 'JO SGEG MKHAN, ,NYAMS BRGYA'I MIG ZUR G-YO BA'I RI DVAGS MIG ,'JAM GNYEN DPAG BSAM GOS KYI LHAB LHUB CAN, ,PHO NYA'I SUM RTZEN LAM LAS GNAS 'DIR 'ONGS,, GSAR PA'I BDUD RTZIS MA BRAN CING, ,TZAN DAN DAG GIS MA BYUGS KYANG, ,'JIG RTEN KUN GYI BDE BA LA, ,DE RING GUS PA DMAN PAR GYUR, ,ZLA 'OD GZHON NU'I PHRIN LAS KYI, ,RTZE DGAS GNAS PA'I NOR LDAN MAR, ,'JIGS SKYOB TZAM GYI DGON PA YANG, ,BSTAN LA SRID ZHUR BGYID SNYAM SEMS, ,MKHA' LTAR YANGS PA'I THUGS KYI KLONG, ,BRTZE BA'I 'OD CHAGS GSAR PA YI, ,NYI MA GZHAN BZHIN BKA' STZAL GYI, ,'CHAR BA PHYOGS 'DIR MI 'BRAL SHOG ,'PHROG BYED BLA GOS KYIS MTSON PA'I,, TSON BRGYA'I MDANGS KYIS 'KHYUD PA CAN, ,SPYAN RAS AUTPAL ZUR GYIS NI, ,'TSO BA'I SKAL BZANG NYID DU SMON, ,ZHES KHRUMS KYI ZLA BA'I PHYOGS DANG PO'I RGYAL BA GSUM PA LA LHA'I KHANG BZANG 'OL KHA STAG RTZE NAS PHUL BA'I ZHU YIG CES PA 'DI BYA PA KHRI DPON LA GNANG BA'O,, ,, ` BRTAN G-YO'I DNGOS PO KUN LA KHYAB GYUR KUN GYI RANG BZHIN BRJOD BRAL LHAN CIG SKYES PA DE NI CHOS KYI SKU, ,TSON BRGYA NYE BAR DAG PA'I SHEL BZHIN SAR GNAS DPA' BO'I MIG GI BDUD RTZIR GANG GYUR DE NI LONGS SPYOD RDZOGS, ,CHU NANG ZLA BA'I

, ,ROL RTZED GAR BZHIN CIR YANG 'CHAR BA SGYU 'PHRUL DRA BA'I ZLOS GAR DE NI SPRUL PA'I SKU, ,SKU GSUM MI ZAD RGYAN GYI 'KHOR LOS BYE BA PHRAG BRGYA'I ZHING KHAMS KUN TU RNAM PAR ROL DE BSNGAGS PAR 'OS, ,ZAB RGYAS GDAMS PA'I RIN CEN MA LUS DANG, ,LUGS GNYIS PHUN TSOGS NYAL 'GRO JI SNYED PA, ,GANG DU DOG PA MED PAR NGAL GSO'I GNAS, ,DPAL LDAN MA PHAM DBANG POR MCHID 'DI GSOL, ,LEGS SPYAD KHA BA'I RDUL MANG MTHOR BRTZEGS LHUN PO'I TOG GIS RAB TU MTSAN,, ZHABS SEN 'CHAR KHA'I PHUN TSOGS LA 'KHU GUR KUN THIG LE 'GRAM PAR BSGOS, ,RGYAN MANG NYAMS BRGYA'I 'OD RIS G-YO BA LEGS BSHAD SPRIN GYI RNA CHA CAN, ,DENG DUS KHA BA CAN GYI NOR 'DZIN KEE LA SHA YI DUM BUR MTSUNGS, ,MKHYEN PA'I SPYAN GYIS RIS MED CHOS KUN GZIGS, ,BRTZE BA'I PHYAG GIS RIS MED 'GRO BA 'DREN, ,PHUL BYUNG DAD PAS RIS MED BSTAN LA DGYES, ,GANG GI SNYAN PA RIS MED PHYOGS BCUR G-YO, ,DAD GUS 'O MTSO 'KHYIL BA'I 'JUG NGOGS SU, ,KHRIMS LDAN LUNG RIGS SMRA BA NGUR MO'I TSOGS, ,'BEL GTAM MGRIN PA'I RGYUD MANG ROL BA DER, ,NGANG PA'I DED DPON DAG KYANG RING ZHIG TU, ,SKABS DER CHOS KYI BDUD RTZI NYER MTSON BCUD, ,'GYUR MED GNYUG MA'I RANG BZHIN 'DZAM BU'I GSER, ,CHOS RNAMS KUN LA DBANG SGYUR NYER MTSON PAR, ,G-YO BA'I RLUNG SEMS MGYOGS 'GRO'I BZHON PAR BCAS, ,NYA RGYAS RGYU SKAR BDAG PO'I DPAL 'PHROG PA, ,KHYOD ZHAL GNAS KYI BSKAL BAS MA MTHONG YANG, ,PHYI ROL RDZAS KYIS NANG GI SEMS NYID LA,,

PHUL BYUNG GDAMS PA'I DON PO AE MA MTSAR, ,DON BZANG LANG TSO TSIG DON RGYAN PHRENG CAN, ,NYAMS BRGYA'I 'GYUR BAG GLU GAR LEN MKHAS MA, ,KHYOD GSUNG RI DVAGS MIG CAN 'JO SGEG GIS, ,BDAG GI YID KYI BRTAN PA LAN BRGYAR PHROGS, ,PHYOGS LHUNG SBRUL GDUG TSANG DU MA GYUR CING, ,MKHYEN SPYAN PADMA'I 'DAB MA LTAR YANGS PA, ,RNAMS DANG DNGOS SU MJAL NAS 'BEL BA'I GTAM, ,RGYA CHEN BGYID LA DPYOD LDAN SU MI SPRO, ,LHO PHYOGS NOR LDAN BU MO'I 'GRAM PA LA, ,NYER BRTEN BLO GSAL DGE 'DUN 'DUS PA'I SDE, ,KUN KYANG BKA' DRIN NYI MA'I 'OD STONG GIS, ,KHYAB PAR BSHAD SGRUB 'DAB BRGYA DGOD PAR MDZOD, ,GANG GI DRIN LAS LUNG RIGS SMRA BA'I TSOGS, ,'PHEL BAS MGON KHYOD MDUN SA CHER MDZES PA, ,LUNG GRVA (LUNG RVA) CHE ZHES GRAGS PA'I CHOS 'KHOR YANG, ,PHYOGS 'DIR NYAMS PA MED PA'I BDAG RKYEN STZOL, ,BDAG KYANG SNYING LA DAG SNANG NYI MA SHAR, ,PHYOGS LHUNG MUN PA'I RNYOG PA GA SHED SONG, ,CHOS LUGS KUN DANG DAM PA'I SKYES BU KUN, ,MI PHYED DAD PA'I RA BAR MCHOD PA LAGS, ,RAB DANG YID KYI SKYED TSAL LAS 'ONGS PA'I, ,ZHU PHRIN AUTPAL SPYAN ZUR 'PHROG SLAD DU, ,LO MA'I PHUR MA RO BRGYA'I PHUN TSOGS CAN, ,RDO RJE'I LJAGS KYIS NYE BAR BZHES SU GSOL, ,DBYANGS 'CHAR LUGS KYI DKAR PO'I PHYOGS, ,BZANG PO GSUM PA'I TSES KYI NYIN, ,GRUB PA'I GNAS GYUR NGANG RGYAL ZHES, ,GRAGS PA'I GNAS NAS ZHU YIG GO ,ZHES PA 'DI YANG BYA BA KHRI DPON PA LA GNANG BA'O,, ,, ` PHUL BYUNG SNYAN GRAGS 'OD MDZES GA BUR GYIS, ,CHES DKAR BGRANG

, ,YAS YON TAN MU TIG TSOGS, ,RAB 'BAR LEGS BSHAD RIN CEN BA GAM CAN, ,MKHYEN BRTZE'I RGYAL MTSAN MNGON MTHO RTAG PAR RGYAL, ,MKHYEN YANGS ZLA BA'I SRING MO'I GRE 'GYUR STONG, ,DBYANGS CAN 'PHANG 'GRO 'DOR BYED SDEB SBYOR GYIS, ,BRANG 'GRO RAL PA'I KLONG DU GNYID GYUR BDAG ,BSAM GTAN DANG PO'I GNAS LA REG GYUR SNYAM, ,BDE 'BYUNG RI SRAS LUS PHYED ZHUGS GYUR CING, ,'PHROG BYED BSHOL MED LTO BAR GNAS 'CHA' LA, ,RANG BYUNG MKHAR NYAL 'OD SKYES NA CHUNG GI ,DPAL GZI LA SRED GDONG BZHI SPRUL BYED NA, ,RNAM MANG RGYAL PHRAN COD PAN NOR BU'I 'OD, ,RAB 'GROGS GSER GYI MYU GU BKRAM PA'I KHRI, ,PHUN TSOGS 'KHOR LOS SGYUR BA'I LEGS BYAS KYANG, ,SBRUL GDUG CHAGS PA'I TSANG TSING LTAR DGONGS NAS, ,NYIN BZHIN SKAL BZANG RNAMS LA ZAB MO'I LAM, ,RGYA CHER 'DOMS DANG ZHI BAR MNGON DGYES PA, ,AE MA'O KEE LA SHA YI RIGS LDAN CHE, ,DUS KYIS KHA BA CAN DU 'ONGS SAM CI, ,SNGON DUS CHOS RGYAL MES DBON DE DAG KYANG, ,SKRAG LDAN ZHI BA'I NAGS SU BZHUGS LAGS GRANG, ,RANG BABS GNYIS SU MED PA'I YE SHES KYI, ,SGYU 'PHRUL DRA BA'I ZLOS GAR GSAR PA 'DI, ,RIS MED BSTAN PA'I PAD TSAL BZHAD PA DANG, ,SKYE RGU BUNG BA'I RE BA SKONG BAR MDZOD, ,'DZAM BU N'A DA'I 'OD CHAGS MAR KA TA'I, ,SPRIN GSAR PHANG PHUNG DANG 'GROGS ZHU 'PHRIN GYI, ,MDONGS LDAN YAR NGO'I DGA' BA GSUM PA LA, ,LHA YI BSTI GNAS DAG LAS 'PHUR TE SONG, ,ZHES PHUL BA'I ZHU YIG CES BYA PA KHRI DPON LA GNANG BA'O,, ,, ` TSOGS GNYIS

RIN CEN RANG BZHIN GZHAL MED KHANG, ,LUNG RTOGS 'OD ZER BA GAM DGOD PA CAN, ,BSHAD SGRUB BSTAN PA'I RGYAL MTSAN SGRENG MKHAS PA, ,'GRO BA'I BLA MA RING DU ZHABS BRTAN CIG ,'DI NA LNGA BRGYA'I GTZUG RGYAN THAMS CAD MKHYEN, ,SNYIGS DUS RGYAL BA GNYIS PA TZONG KHA PA'I, ,MI 'JIGS SENG GE'I KHRI LA RNAM ROL BA, ,MGON KHYOD LHA DANG BCAS PAS BSNGAGS PAR 'OS, ,DE PHYIR CHOS KYI RGYAL PO TZONG KHA PA'I, ,YONGS RDZOGS BSTAN PA'I BDAG TU KHYOD GYUR GYI, ,DUS MTHA' 'DIR YANG YAR NGO'I ZLA BA LTAR, ,CHES CHER RGYAS PO'I 'PHRIN LAS YONGS STZOL MDZOD, ,SH'AKYA'I RGYAL PO'I PHO BRANG BYA 'DAB TU, ,ZHABS RDUL GUR KUM THIG LE BKOD PA LA, ,DANG BAS MCHOD YON ZEGS MA CHA SHAS TZAM, ,RNAM DKAR RTEN 'BREL SLAD DU NYER MCHOD PHYIR, ,BSNGAGS PA'I PHO NYA SKU MDUN DONG BA LAGS, ,NYI MA'I LO YI LANG TSO PHYOGS GNYIS PA'I, ,BUG MIG PHYOGS KYI SKYED TSAL DU RTZEN TSE, ,DGA' LDAN PHO BRANG NAS PHUL ZHU YIG GO ,ZHES PA 'DI DGA' LDAN CHOS RJE RIN CEN 'OD ZER PA LHO NGOS SU PHEBS DUS GNANG BA'O,, ,, ` SNGON BSAGS LEGS BSHAD DU MA'I DPAL LDAN PAS, ,LUNG RTOGS CHOS KYI BANG MDZAD RAB BRNYES NAS, ,GDUL BYA'I 'DOD DON LHUN GYIS GRUB MDZAD PA, ,'GRO 'DI'I BLA NA RING DU GNAS GYUR CIG ,RTZIBS STONG CHOS KYI 'KHOR LO'I ZHING DAG TU, ,BSTAN PA RIN CEN RGYA CHER SPEL MDZAD NAS, ,SLAR YANG 'DI NA BYANG SEMS CHOS RJE ZHES, ,GRAGS PA'I BA DAN DKAR PO SA GSUM NA, ,RNAM PAR G-YO BA'I CHOS KYI GDAN KHRI LA, ,DBANG SGYUR 'GRO BA'I NYER 'TSOR LEGS

, ,GYUR CES, ,GRAGS PA 'BRUG GI RNGA SGRA DGOD PA NA, ,GTZUG PHUD CAN RNAMS DGA' BA'I GAR BYED DO, ,BDAG KYANG SNGON RABS SKYES CHEN DAM PA RNAMS, ,DON GNYIS MDZAD PAS RNAM PAR ROL BA'I GZHIR, ,RGYAL BA'I BSTAN DANG GZHAN PHAN KHUR KHYER BA'I, ,GZUGS BRNYAN TZAM GYI BYA BAS 'TSO ZHING MCHIS, ,SLAD MA SNYING POR GSOL BA'I MCHID, ,SKABS 'DIR BSNYAD PAR 'OS PA NI, ,BKRA SHIS DGE MTSAN DU MA CAN, ,CHOS 'KHOR RGYAL GYI GTZUG LAG KHANG, ,GSAR DU MNGON PAR BSGRUBS PA DER, ,BLO GSAL DGE 'DUN 'DUS PA'I SDE, ,BSHAD SGRUB 'PHEL BA'I MTHUN RKYEN DU, ,BSOD NAMS GTER GYUR RGYAL BA YI, ,SKU GZUGS LEGS PAR BZHENG 'DOD NAS, ,PHYOGS DER MKHAN CHEN DKA' BCU PA, ,DPON SLOB DAD 'BUL BSKUL BA'I SLAD, ,LEGS PAR BRDZANGS PA MGON KHYOD KYIS, ,THUGS RJE'I SPYAN RAS KYIS 'TSO ZHING, ,DPAG BSAM SHING LAS 'DOD RGU'I GTER, ,'BYUNG BA JI BZHIN RE BA YI, ,PAD MTSO YONGS SU GANG BAR MDZOD, ,CES PA 'DI YANG RAB 'BYAMS PA DPAL LDAN DON GRUB LA GNANG BA'I BKA' SHOG GO, ,, ` RGYUD SDE ZLA BA'I MA MA RO LDAN MA, ,RNAM DPYOD DRI YI BZHON PAS DBANG BYAS PA'I, ,RIM GNYIS NOR BU'I COD PAN MNGON DGA' BAS, ,CHU LDAN KHROD KYI ZLA SHEL KHENGS PA NI, ,'PHROG BYED RIG SNGAGS 'CHANG BA BRANG 'GRO YI, ,GTZUG RGYAN LAN BRGYAR RNAM GNON GANG DE RGYAL, ,GRU 'DZIN LHUN PO'I BDEN BRAL GYI, ,NOR GYI BLO GROS LTO BAR NI, ,DRI MED CHOS KYI 'DREN BYED STONG, ,RAB YANGS 'PHROG BYED GZHAN PA BZHIN, ,THUR BGROD

NYES PAS MI BRDZI ZHING, ,YID CAN YID KYI SNANG BA YI, ,MU KHYUD KHYAB 'JUG LAG PA LAS, ,GROL BA'I DPAL KUN NYER BRTEN PA'I, ,SNYAN PA PHYOGS KYI BDAG PO YI, ,RAL PA'I NAGS NA RTZE BA THOB, ,DON GNYER YID KYI SHING RTA NI, ,NYIN BZHIN LEGS BSHAD RIN CEN GYIS, ,'GENGS BYED CHU SRIN 'BYUNG GNAS KYI, ,RNA BA 'DZIN PA GANG DE YANG, ,DE DE BZHIN ZHES NAG PA CAN, ,GNYIS PA'I PHYOGS KYIS NYER RTZEN PA'I, ,RIG BYED SKYED TSAL BZANG PO NI, ,DANG PO'I ZHU MCHID DGE LEGS 'PHEL, ,ZHES RGYUD PA TSUL BZANG PA LA GNANG BA'O,, ,, ` BYA BRAL SH'ANTI PA YI PHRIN, ,PHYUG PO SANGS RGYAS 'PHEL LA 'PHROD, ,SGO GSUM GUS NA YIG RTEN BZANG, ,THE TSOM MED PAR GSOL BA THOB, ,CES PA 'DI DPON PO SH'ANTI PAS GU GER THEGS RTZIS BYAS DUS, LUS NGAG YID GSUM ZHU YIG RTEN DU 'BUL ZHES PA'I ZHU LAN DU GNANG BA'O,, ,, ` 'GRO 'DI'I LEGS BYAS DGE BA'I DPUNG TSOGS KYIS, ,TSOGS GNYIS BDUD RTZI'I CHU GTER BSRUBS PA LAS, ,NGAL DUB MED PAR BSKRUN PA'I DPAL MO NI, ,MTHO RIS MDZES MA'I GTZUG RGYAN GANG DE'I DRUNG, ,NYI GZHON DANG 'GROGS 'DAB BRGYA'I DRI BSUNG GIS, ,BOS PA'I BUNG BA GZHON NU'I GLU DBYANGS BZHIN, ,RING NA GNAS KYANG RNAM DKAR LHAG BSAM GYI, ,BLA GOS GSAR PA 'DZIN DES MCHID 'DI ZHU, ,NGO MTSAR LEGS BYAS MA LUS GZUGS CAN BZHIN, ,LHA MI'I PHUN TSOGS KUN LA MNGA' MDZAD KYANG, ,ZAB MO'I NANG DON KHO NAR THUGS GZHOL BA, ,MA LUS RGYAL BA'I SKYED YUM LAGS SAM SNYAM, ,BDAG KYANG DUS KYI BA MOS MA BCOM ZHING, ,LUNG

, ,RIGS DAR DIR SGROG PA'I BUNG BA'I TSOGS, ,'PHUR LDING GAR GYIS ROL PA'I DO RA 'DIR, ,LEGS BSHAD SBRANG RTZI'I DGA' STON 'GYED LA BRTZON, ,PHAN BDE'I GO SKABS 'BYED PA'I NAM MKHA' DANG, ,SKYE RGU'I LO TOG SKYED PA'I 'DZIN MA GNYIS, ,DUS KYI RLUNG GIS 'KHRUG PA MI SRID MOD, ,DENG DUS SKYE BO'I BRJOD TSUL CI YANG MTHONG, ,NYI ZLA ZUNG DU 'BREL BAS GLING BZHI YI, ,MUN PA SEL GYI GZHAN DU GA LA ZHIG ,DE SLAD MKHYEN DGONGS YANGS PAS DENG DUS KYI, ,SKYE BO SDIG PA'I LAS LAS PHYIR PHYOGS TE, ,BOD 'BANGS SKYE BO KUN GYI PHAN BDE'I GZHIR, ,SDE SRID RIN CEN NAG PO'I RTZA LAG GIS, ,MI BRDZI KHRIMS GNYIS GZI 'OD PHYOGS KUN TU, ,'BAR BA'I THABS MKHAS NYID KYI BKA' DRIN STZOL, ,LHA MI'I DBANG PHYUG YAB YUM SRAS DANG BCAS, ,DBYIG GI BLO GROS MA 'DIR LHUN PO NI, ,RTZEN PA DE SRID SKU TSE RAB BRTAN CING, ,CHAB SRID PHUN TSOGS PHYOGS BCUR RGYAS GYUR CIG ,CES PA BDAG MO LEGS MTSO RGYAL MO LA GNANG BA'O,, ,, ` MTHO RIS MDZES MA KUN GYI GTZUG GI RGYAN, ,DREGS LDAN SKYE BO KUN GYI PHYAG BYA'I GNAS, ,RNAM MANG YON TAN RIN CEN RGYAN PHRENG CAN, ,'CHI MED RI BO LTA BUR ZHABS BRTAN CIG ,DENG SANG SA GSUM GTZUG GI NOR BU ZUNG, ,'GRO 'DI'I RGYAL MTSAN RTZE MOR ZHABS BRTAN CING, ,SGOS SU LUGS GNYIS MDZAD PA'I NYI 'OD KYIS, ,NOR 'DZIN KHYON KUN SNYOMS PAR KHYAB PA'I NGANG, ,BRTZE BA'I SPYAN RAS KYIS 'TSO BKA' LUNG PHRENG, ,MTSAR ZAS KYIS GANG ZA MA TOG GSUM DANG, ,GZHAN YANG SKABS SU BAB PA'I NYER MKHO

RNAMS, ,BKA' THO SGRON ME'I 'OD KYIS GSAL BYAS PA, ,SNYING LA 'BAB PA'I BKA' NGAG ZHIB 'THEMS BCAS, ,YONGS 'DU MCHOG LAS 'DOD RGU'I CHAR BZHIN DU, ,PHYOGS 'DIR SON TSE RTZOD LDAN DUS 'DIR YANG, ,RDZOGS LDAN GSAR DU 'ONGS SNYAM SNYING GI NI, ,CHU GTER SPRO DGA'I RLABS KYIS KHYAB PAR GYUR, ,BDEN GNYIS SRUNG BA'I 'KHOR LO BAR MED PA'I, ,LTE BAR LHA MI'I GTZUG RGYAN YAB YUM NI, ,SRAS DANG BCAS PA LEGS PAR BKOD BYAS NAS, ,'GAL RKYEN MTSAN MAS NAM YANG MI BRDZI ZHING, ,MTHA' DAG BZHED DON YID BZHIN 'GRUB PA ZHES, ,YID LA BRNAGS PA'I SKU RIM KHOR YUG DANG, ,MI 'GYANG PHUN TSOGS ZLA ZHAL MIG GI NI, ,BDUD RTZIR GYUR NAS THEG MCHOG BDUD RTZI LA, ,MI PHAM MDUN SA BZHIN DU ROL BAR SMON, ,'DZAM BU N'A DA'I 'OD 'KHRIGS MANDHA RA, ,ZHO YI 'KHOR LO LONGS PA SKYES SU 'BUL, ,DAL 'BAB LO HI TA YI 'GRAM NYID NAS, ,ZHU THO NGANG PA'I BU MO ZHABS DRUNG SONG, ,ZHES PHUL BA'I ZHU YIG CES PA BDAG MO GONG DKAR MA BU KHRID RGYAL MO LA LUM PA NAS GNANG BA'O,, ,, ` DAD PA'I LANG TSO GTONG BA'I RGYAN PHRENG CAN, ,'JO SGEG KHREL YOD NGO TSA'I GOS KYIS KLUBS, ,BDE SOGS SLAR YANG PHYOGS 'DIR 'ONGS PA BZHIN, ,MTHO RIS BDAG MO RING DU ZHABS BRTAN CIG ,RMUGS 'DZIN LA 'GRAN 'BYOR PA'I BANG MDZOD NAS, ,MCHOG TU GTONG BA YANGS PA'I PHYAG BRKYANG STE, ,BSTAN DANG BSTAN 'DZIN TSOGS LA SRI ZHU DANG, ,PHONGS PA'I SKYE BO KUN GYI DBUGS 'BYIN CES, ,SNYAN PA'I ME TOG TSIG GI SRAD BU LA, ,RAB BKOD PHYOGS KYI BU MO'I RNA

, ,BAR 'PHYANG, ,'DI NA'ANG DBUS GTZANG DPAL LDAN CHOS KYI GRVAR, ,BLO GSAL DON MTHUN RE BA SKONG LA BRTZON, ,'TSAMS ZHUS NGO MTSAR RGYAL BA'I SKU GZUGS DAG ,RANG GZHAN BSOD NAMS SPEL SLAD BSGRUB PA'I PHYIR, ,SMON LAM SHES RAB GROGS MCHED DE PHYOGS SU, ,BRDZANGS LA RE BA 'BRAS BU LDAN PAR MDZOD, ,RIGS MTHOR 'KHRUNGS SHING DAL BA'I RTEN BZANG THOB, ,DAM PA'I BSHES LAS ZAB MO'I DAM PA'I CHOS, ,THOS TSE BLANG DOR PHUN TSOGS NYAMS LEN GYIS, ,GTAN GYI MDUN MA LHUN GYIS GRUB PAR MDZOD, ,RGYAL BA'I BSTAN PA GUS PAS MCHOD PA DANG, ,MNGA' 'BANGS BYANG SEMS SPYAN RAS KYIS 'TSO ZHING, ,ZAB DANG RGYA CHE'I LAM BZANG NYAMS LEN LA, ,RTAG TU G-YEL BA MED PAR GCES PA LAGS, ,THEG CHEN LAM GYI RTZA BA BYANG CHUB SEMS, ,SRID PA'I RTZA BA DRUNGS 'BYIN YANG DAG LTA, ,SKU GSUM MYUR DU 'GRUB BYED RIM PA GNYIS, ,'DI DAG LAM GYI SNYING POR LEGS MKHYEN MDZOD, ,CES PA 'DI GU GE BDAG MO DON GRUB RGYAL MO LA GNANG BA'O,, ,, ` RDO RJE RIN CEN DBANG GI RGYAL PO NI, ,GDUL BYA MOS PA'I RGYAL MTSAN RTZER MCHOD PAS, ,'GRO LA DNGOS GRUB 'DOD RGU'I CHAR 'BEBS PA, ,ZHING 'DIR SRID MTHA'I BAR DU ZHABS BRTAN CIG ,GANG SKU MTSAN DPE'I 'OD STONG DRA BA CAN, ,SMON LAM RTA LJANG SHING RTAS LEGS DRANGS TE, ,LHO PHYOGS BYA LAM YANGS PAR GSHEGS PA LAS, ,MTHA' 'KHOB RMONGS PA'I MUN PA GA SHED SONG, ,THUB BSTAN PAD TSAL PHYOGS BCUR RGYAS GYUR CING, ,DUS KYI 'TSUB MA'I TSOGS KUN RANG SAR ZHI, ,KHYAD PAR

'PHAGS PA'I YUL DANG KHAD NYE BA'I, ,MTHA' 'KHOB 'DZIN MAR ZHABS PAD LEGS BKOD DE, ,GAR LOG RGYAL PO'I COD PAN NOR BU YIS, ,NYID KYI ZHABS RDUL LEGS PAR MCHOD PA DANG, ,YUL CHOS NGAN PA'I MI BZAD SDIG PA LAS, ,BZLOG NAS RLABS CHEN DGE LA 'GOD PA SOGS, ,RGYAL BA'I MDZAD PA RGYA CHE'I SNYAN PA NI, ,LHA YI RNGA BO CHE LTAR PHYOGS KUN TU, ,BSGRAGS NAS GDAN SA CHEN POR PHYAGS PHEBS TE, ,DON DE GSAL BYED BKA' BSTZAL PADMO'I PHRENG, ,DAR SPANG DKAR PO'I LO 'DAB G-YO BA DAG ,THOS TSE YID LA SPRO DGA'I SNANG BA NI, ,DANG PO'I SA LA REG PA BZHIN DU GYUR, ,NGOS KYANG SKYID SHOD PHYOGS SU GZHAN PHAN NI, ,RGYA CHEN SPYAD NAS PHYOGS 'DIR BSTAN PA YI, ,SBYIN BDAG CHEN PO'I GAM DU LHAGS PA LAGS, ,ZHES GNAS RNYING CHOS RJE LA GNANG BA'O,, ,, ` DGE LEGS RIN CEN RDUL MANG BRTZEGS PA'I RTZER, ,TSOGS GNYIS RNAM PAR RGYAL BA'I KHANG BZANG NAS, ,CHOS KYI SPYAN STONG LDAN PA'I DBANG PO NI, ,'GRO 'DI'I DPAL DU YUN RING ZHABS BRTAN CIG ,MDZES SKU BDUD RTZI'I RTZA LAG RGYAS PAS ZLA BA RI BONG PHAG TU YIB, ,TSANGS PA SMRA BCAD BSAM GTAN ZOL LA RNAR SNYAN YID 'PHROG GSUNG GIS BKOD, ,ZAB YANGS MKHYEN PA'I GTING MTHA' YANGS PAR RGYA MTSO'ANG BA LANG RMIG RJES KYIS, ,NYE BAR MTSON CES SNYAN PA'I ME TOG PHYOGS KYI BU MO'I 'GRAM PAR 'PHYANG, ,DON DE GSAL BYED CHAB SHOG AUTPAL PHRENG, ,'DUS PA'I SDE LA BDUD RTZI'I MCHOD YON DANG, ,'JAM MNYEN REG NA BDE BA LHA YI DAR, ,THABS SHES ZUNG DU 'BREL BA'I SNOD BCUD DANG, ,'CHAR

, ,KHA'I PHUN TSOGS 'PHROG BYED BLA GOS DANG, ,PADMA R'A GA'I MDANGS CAN GDING BAR BCAS, ,MDOR NA LHA MI'I MCHOD RDZAS MTHA' YAS PA, ,KHYOD THUGS MKHYEN DGONGS YANGS PA'I RGYA MTSO NI, ,SHUGS DRAG DAD PA'I DRI BZHON GYIS BSKYOD PAS, ,PHYOGS 'DIR KUN TU BZANG PO'I MCHOD SPRIN LAS, ,PHUN TSOGS 'DOD RGU'I CHAR CHEN CI YANG PHAB, ,NYID SKU NOR 'DZIN KHYON 'DIR LHUN PO LTAR, ,BRTAN CING BZHED DON MA LUS MTHAR PHYIN PA'I, ,RNAM DKAR SMON LAM YID LA 'GROGS PAR BYAS, ,SLAD MA'ANG MYUR DU MJAL NAS CHOS KYI GTAM, ,DON DANG LDAN PAS LHAG PAR ROL BAR SMON, ,DA LAM ZHU YIG GZIGS PA'I RTEN MTSON PAR 'PHRAL BZHES NYANG STOD KYI PHRUG PO CHE'I ZLA GAM 'DI 'BUL BA SKU LA BZHES PA MKHYEN, ZHES PA 'DI THON PA CHOS RJE DGE LEGS PAS BKRA SHIS LHUN POR MANG SKOL BYUNG BA'I ZHU LAN DU GNANG BA'O,, ,, ` PHUL BYUNG MKHYEN RAB YANGS PA'I GO 'BYED NGOS, ,MDO DANG RGYUD SDE'I CHU LDAN GSAR PA'I PHRENG, ,LEGS BSHAD 'BRUG SGRA DAL GYIS DGOD PA CAN,, THAR 'DOD SNYING GI GDUNG SEL RTAG PAR RGYAL, ,GANG GI MKHYEN RAB YID BZHIN RGYA MTSO NAS, ,DON BZANG 'OD CHAGS SDEB LEGS MU TIG GI ,DO SHAL MKHAS PA'I MGRIN PAR 'OS PA DAG ,BYIN RLABS GZI 'OD STONG 'BAR CHOS SKU'I RTEN, ,GTZUG PHUD CAN GYI MDONGS MDZES MAR GAD KYI, ,BUM BZANG 'JAM MNYEN REG NA BDE BA'I STAN, ,ME YI GRANGS KYIS BCINGS PA'I RTEN DANG BCAS, ,ZUNG LDAN PHO NYA'I LAG RTZER SON MTHONG NAS, ,SNYING LA SPRO DGA'I BDUD RTZIS CI YANG BRAN, ,BYED POS

BSGRUBS PA MIN YANG LEGS BYAS KYIS, ,SGRA MKHAN MKHAR BSKRAD NOR LHA'I BU NYID KYANG, ,SKYENGS PA'I NAGS SU ZHUGS SHING PADMA'I STAN, ,SMRA BCAD LA 'GOD 'DI DAG RNAM DPYOD KYIS, ,MKHA' YANG LAG MTHIL NYID LA CIS MI 'GOD, ,SKABS SU BAB PAR NGES PAR MJAL BA DANG, ,CHOS LDAN GTAM GYIS ROL BA'I SMON LAM DANG, ,NGO MTSAR RTEN BZANG RING DU ZHABS BRTAN PA'I, ,THABS LA BRTZON PA LHOD PA MED PAR MDZOD, ,DAL BA'I LUS THOB PHRAD DKA'I BSTAN DANG MJAL, ,DAM PA'I MGON BCAS MANG DU THOS SHING SGRIN, ,GTAN GYI MDUN MA LAG PA'I RTZER SON PA, ,GNAS SKABS 'DI 'DRA YANG YANG RNYED DKA' BAS, ,SNYING PO MED PA'I TSE 'DI'I PHUN TSOGS LA, ,CHAGS PAR MA MDZAD CHOS BRGYAD SGROG SPANGS NAS, ,SKU GSUM GO 'PHANG SGRUB LA RTAG GZHOL MDZOD, ,CES PA'I ZHU MCHID DPAG BSAM GYI, ,RKANG 'THUNG SNGO LJANG LO 'DAB CAN, ,TSIG MDA'I LAM LAS NYID KYI DRUNG, ,'DOD RGU GZUGS CAN BZHIN DU SONG, ,ZHES PA 'DI LHO BRAG GRUB CHEN GYI DBON PO NAM MKHA' 'OD ZER LA GNANG BA'O,, ,, ` TSOGS GNYIS GSER GYI 'DZIN MA'I MNGAL LAS 'KHRUNGS, ,MKHYEN RAB RGYA MTSO'I KHYON LA DBANG SGYUR ZHING, ,PHUL BYUNG RTOGS PA'I BANG RIM MNGON PAR MTHO, ,GRUB MCHOG LHUN PO'I DBANG PO RGYAL GYUR CIG ,'KHOR 'DAS KUN GYI RANG BZHIN GDOD MA'I GSHIS, ,SPROS PA'I MTHA' BRAL BDE BA CHEN PO'I KLONG, ,NAM YANG MI G-YO RDO RJE'I THUGS MNGA' BA, ,MDA' BSNUN SLAR YANG PHYOGS 'DIR 'ONGS SAM CI, ,ZAB MO'I DBYINGS LAS G-YO BA DANG BRAL YANG, ,TSON

, ,BRGYA NYE BAS DAG PA'I SHEL BZHIN DU, ,GANG 'TSAM BGRANG YAS 'GRO BA'I KHAMS JI BZHIN, ,LHUN GRUB GZHAN DON ZLOS GAR AE MA MTSAR, ,BDAG KYANG SH'AKYA'I RGYAL PO'I MDUN SA CHE, ,DPAL LDAN 'BRAS SPUNGS ZHES BYA 'DUS PA'I SDER, ,DGUN CHOS DUS KYI LEGS BSHAD BSGRAG PA'I SLAD, ,BSHUL RING LAM DU RINGS PAR CHAS PA LAGS, ,NYID KYI THUGS DAM ZAB MO'I GZI BYIN LAS, ,GANGS CAN PHAN BDE'I RTZA BA SDE SRID CHE, ,YAR NGO'I ZLA LTAR GONG DU RAB 'PHEL ZHING,, THUB BSTAN RIN CEN PHYOGS BCUR RGYAS PAR MDZOD, ,YAN LAG BRGYAD LDAN GUS PA'I CHU GTER LAS, ,ZHU PHRIN NGANG MO BKRA SHIS KHA BTAGS KYI, ,'DAB GSHOG RAB DKAR BKRA SHIS SHAR GYI DOR, ,MKHAS GRUB DAM PA'I DRUNG DU 'PHUR TE SONG, ,ZHES CHOS RJE SHAR SMAD PA LA GNANG BA'O,, ,, ` MKHYEN YANGS GTING MTHA' GZHAL BAR MI DPYOD CING, ,LUNG RTOGS YID BZHIN RIN CEN TSOGS KYI GNAS, ,MTSO CHEN NGUR SMRIG ZOL LA BRTEN PA BZHIN, ,BSNGAGS 'OS DAM PA'I SKYES BU RING DU RGYAL,, MTHA' DAG RGYAL BA'I DGONGS ZAB MA LUS PA, ,SKYES BU GSUM GYI LAM DU SHAR BA LA, ,BKA' GDAMS ZHES SU GRAGS PA'I BA DAN CAN, ,GANG DE'I BDAG PO DENG DUS KHYOD LAGS PAS, ,MAR ME MDZAD DPAL CHOS KYI RGYAL SRID LA, ,CHOS KYI 'KHOR LOS SGYUR BA'I DPAL 'DZIN PA, ,MGON KHYOD ZHABS SEN YID 'ONG NOR BU'I 'OD, ,TSANGS DBANG ZUR PHUD DUD PAS BSTEN PAR 'OS, ,JI SNYED MKHAS PA'I TSOGS KYI COD PAN DANG, ,GRUB PA'I DBANG POR MTSAN MA CHES GSAL BA'I, ,GRAGS PA'I

GUR KUM PHYOGS KYI BU MO YI, ,'GRAM PA'I RGYAN DU BYED POS SPRUL LAM CI, ,BDAG KYANG CHOS BRGYAD SPROS PA'I ZLOS GAR LA, ,GZHAN PHAN ZHES SU MING BTAGS LHUR LEN CING, ,BLO GSAL YID BZANG TSOGS PA'I RTZE DGA'I GNAS, ,BKRA SHIS LHUN PO'I BA GAM GNAS SU 'DZEG ,PHAN BDE SBRANG RTZI'I GNYEN GCIG THUB BSTAN GYI, ,NYI MA NUB KYI RI RTZER MNGON PHYOGS TSE, ,BKA' GDAMS BDUD RTZI'I ZER STONG YONGS SPRO BAS, ,BOD YUL NOR 'DZIN GOS DKAR LDAN PAR MDZOD, ,MDZANGS PA'I MA LA BRTZE BA'I BU YIS BZHIN, ,BAG PHEBS ZHU YIG GSOL SLAD KHU BYUG GI ,MDANGS CHAGS CHU 'DZIN GSAR PA'I PHANG PHUNG CAN, ,CHU SHUL SKYED MOS TSAL NAS 'PHUR TE SONG, ,ZHES PA SNYUG LA BA'I CHOS RJE LA GNANG BA'O,, ,, ` GANG GI BSOD NAMS DPUNG PA'I GZI BYIN GYIS, ,LHAG MA NGAL BA NYER BSTEN 'CHI MED LAM, ,DOG POR BGYID MKHAS MKHYEN RAB YANGS PA'I SPYAN, ,DPAL LDAN MI YI KHYU MCHOG RTAG PAR RGYAL, ,NOR 'DZIN LHUN PO'I BYANG DU BSKRAD GYUR PA'I, ,BANG MDZOD RMUGS 'DZIN BKA' LA GNAS DE LAS, ,MA LA YA YI RLUNG BZHON LA 'PHYA BA, ,PHYOGS KYI GRANGS LDAN SKYES BZANG DANG 'GROGS PA'I, ,SDEB LEGS MU TIG DKAR PO'I DO SHAL DAG ,BRTZE BA'I SRAD BU RING PO LA BKOD PA, ,BSOD NAMS BZHIN DU LEGS THOB RNAM DPYOD KYI, ,MGRIN PAR BZUNG STE DGA' BA'I GAR BGYID DO, ,CHU SRIN BDAG POR MA LUS NYAL 'GRO BZHIN, ,GZHAN GYI PHUN TSOGS GO SKABS KUN PHROGS KYANG, ,GRAGS PA'I TSOGS 'DI KHOR YUG RI BO LAS, ,RING BAR BSKRAD CES RTAG TU MU

, ,COR GYUR, ,RNAM DPYOD GSHOG YANGS NGANG PA'I DED DPON DE'ANG, ,BKRA SHIS RDUL MANG BRTZEGS PA'I LHUN PO'I NGOS, ,RAB YANGS PAD MTSOR GNYIS SKYES TSOGS RNAMS LA, ,LUNG RIGS MGRIN PA'I RDZA RNGA SGROGS SHIG CES, ,BZLOG PAR BKA' BA RJE BTZUN BLA MA YI, ,BKA' STZAL KHUR GYIS SNYING LA NON NA YANG, ,SGRUB PAR DKA' BA'I GNAS LA BSHAD SBYANG NI, ,LHUR BLANGS BAS MTHA'I GNAS MAL BSTEN PA LAGS, ,ZHES PA 'PHYONGS RGYAS STAG RTZE BA LA GNANG BA'O,, ,, ` RAB 'BYAMS RGYAL BA'I BKA' KUN GDAMS NGAG TU, ,GSAL BAR STON PA'I LEGS BSHAD 'OD STONG CAN, ,BKA' YIG NAM MKHA'I NOR BUS YUD TZAM GYIS, ,GDUNG BA'I MUN BSAL KUN DGA'I SNANG BA RGYAS, ,KUN GSAL DBYINGS SU DBYAR SKYES GZHON NU'I SPRIN GYI ME TOG PHRENG BA DAG NI BKRAM PA DANG, ,LHAG LHAG GLOG PHRENG 'DU 'GOD DANG 'GROGS 'BRUG GI GLU DBYANGS PHYOGS BCUR DGOD PA'I GAD MO BZHIN, ,MYOS LDAN DPYID KYI DPAL MO'I LANG TSO CHU SKYES GSAR PA'I DU GU LA YIS MDZES PA NI,, RMA BYA GZHON NU'I MDONGS RNAMS RAB BRKYANG MJUG SGRO 'DEGS SHING RAB DGA'I GAR GYIS RTZEN MIN NAM, ,ZHES 'PHRAL DU PHEBS PA'I BKA' TSIG GI LAN DANG PO NYID BRJOD NAS, SNGA SOR SNYAN NGAG GI PHRENG BA DANG BCAS PA'I LAN DU 'DI SKAD CES,, ,, ` TSANGS PA'I BU MO BYANG PHYOGS NOR 'DZIN GZHIR, ,SA SKYONG GZUGS KYIS GSAL BAR 'ONGS PA 'AM, ,'ON TE DGE DANG ZLA BA'I DBANG PO SOGS, ,KUN GYI BLO GROS GCIG TU BSDUS SAM SNYAM, ,ZLA MED STON PA MCHOG GI RJES 'BRANGS NAS, ,SNYING NAS SKYABS

GSUM RIN CEN COD PAN DANG, ,PHYAG RGYA BZHI PA'I MGRIN PA'I GLU DBYANGS CAN, ,KUN KYANG THUB PA'I BSTAN LA ZHUGS PAR MTSUNGS, ,THUB PA'I BSTAN PA'ANG LUNG RTOGS DBYE BAS GNYIS, ,LUNG GI BSTAN PA SDE SNOD RIN CEN GSUM, ,DE PHYIR RTOGS PA'I BSTAN PA'ANG BSLAB PA GSUM, ,GANG 'DIR MA 'DUS DAM CHOS RIN CEN GANG, ,DE SLAD SDE SNOD GSUM GYI SKYED TSAL DU, ,BSLAB GSUM SBRANG RTZI SPYOD PA'I 'PHUR LDING MKHAN, ,GANG DE SH'AKYA'I SRAS PO 'DUS PA'I SDER, ,LEGS BSHAD BUNG BA'I DBYANGS SNYAN SGROG PAR 'OS, ,KHYAD PAR RGYUD SDE 'O MA'I RGYA MTSO NAS, ,ZOG CHOS DUG GI ZAS DANG MA 'DRES PAR, ,RIM GNYIS MAR GYI NYING KHU LEN MKHAS PA, ,RDO RJE 'DZIN ZHES KUN GYIS BSNGAGS PA'I GNAS, ,DE PHYIR MDO DANG RGYUD SDE RGYAL BA'I BKA', ,DE YI DGONGS 'GREL 'DZAM GLING MKHAS PA'I GZHUNG ,KUN DANG MI 'GAL DRI MED RIGS PA YIS, ,GSAL BAR PHYE BAS BSTAN PA'I GNAS MTHONG 'GYUR, ,GSUNG RAB DE NYID 'BYED PA'I MTHU MED KYANG, ,PHYOGS LHUNG GDON GYIS SNYING LA BZUNG BA'I MTHUS, ,GZHAN GYI CHOS DANG GANG ZAG SPONG BYED PA, ,GANG DE RAB 'BAR DMYAL BA'I BUD SHING LAGS, ,DE PHYIR DAG PA'I THUGS KYIS RIS MED PA'I, ,BSTAN LA SNYING NAS SRI ZHU LHUR LEN ZHES, ,KHYOD GSUNG LHA YI RNGA CHEN THOS TZAM GYIS, ,'DI NA RAB DGA'I SA LA 'DZEGS SAM SNYAM, ,RNAM DAG MDZAD PA'I ZLA TSES CHES DKAR YANG, ,DUS NGAN SKYE BO'I SPRIN GYIS SGRIB BYED NA, ,'DI NI CHA SHAS BDAG POS NONGS SO ZHES, ,SHES LDAN SU ZHIG LHAG PAR SGROG PAR BYED,,

, ,DE SLAD SNGAR LTAR PHYOGS DER 'DUS PA'I SDE, ,RNYED DANG BKUR STI'I ZHO SHAS 'TSO BA DANG, ,LUNG DANG RIGS PA'I RAL KHUR MTHON PO CAN, ,SMRA BA'I SENG GE RNAMS KYANG YID DGAR MDZOD, ,SKYON MED MDZAD PAS RGYAL SRID SKYONG BA DANG, ,DE LAS PHYOGS DE'I MDZES LDAN NOR 'DZIN LA, ,PHAN DANG BDE BA'I MNGAL KHUR GYIS LCI BAR, ,GYUR CES BDAG KYANG RTAG TU BSAM GTAN BGYID, ,NYID KYI GSUNG BZHIN RNAM DKAR MDZAD PA YI, ,G-YENG BA'I SRUBS LAS MNGON SUM MJAL BA DANG, ,BAG PHEBS KUN DGA'I ROL RTZED BGYID PA LA, ,'DIR YANG MCHOG TU SPRO PHYIR BKA' STZAL GSOL, ,'DI DAG GCAM BU'I TSIG GI G-YO SGYU YI, ,BLO BRID MA LAGS BSAM PA THAG PA YIS, ,BSIL PHYIR LHA YI SNYAN GYIS GSAN PA DANG,, MKHA' LTAR YANGS PA'I THUGS KYIS BRTAG PA'I RIGS, ,ZHES PA 'DI NI 'PHYONGS RGYAS STAG RTZE NAS NANG SO RIN CEN RGYAL MCHOG PAS SNGA SOR RING 'GAG GI RTEN DANG BCAS PA'I GSUNG SHOG DANG, PHYIS BKA' GDAMS GLEGS BAM GNANG BA'I GSUNG SHOG LAN DU PHUL BA'O, ,ZHES 'PHYONGS RGYAS STAG RTZE BA LA GNANG BA'O,, ,, ` GANG THUGS BDE BA CHEN PO'I RANG BZHIN SPROS PA'I 'CHING BA KUN LAS GROL, ,BDE SOGS BDAG PO'I GZHU LTAR DVANGS PA'I GZUGS SKU'I SNANG BA CI YANG 'CHAR, ,KUN LA KUN BRDAL KUN GYI NGO BO DANG PO'I SANGS RGYAS RIS MED PA, ,PHYAG DANG PHYAG YUL GDOD NAS STONG YANG DON DAM DBYINGS DER BDAG PHYAG 'TSAL, ,RIS MED GTZUG LAG KUN LA LTA BA'I MIG ,MTHA' DAG THUB BSTAN KUN GYI SBYIN BDAG CHE, ,MNGA' 'BANGS SKYE BO KUN GYI NYER 'TSO'I GZHI,,

SA SKYONG KUN GYI COD PAN RGYAL GYUR CIG ,PHA MTHA' BRAL BA'I LEGS SPYAD SA CHEN LAS, ,BSOD NAMS SVA LA'I LJON SHING RGYAS PA DE, ,'KHOR LOS SGYUR BA BZHIN DU ZHABS 'BRING LAS, ,LHO PHYOGS 'DZIN MA'I LTO BAR GSHEGS ZHES THOS, ,DE TSE NYID KYI LHAG BSAM ZLA ZER GYIS, ,MNGA' 'BANGS PHAN BDE'I GOS DKAR DANG LDAN ZHES, ,MTSON SLAD DKAR PHYOGS SKYONG BA'I LHA RNAMS KYIS, ,SPROS PA'I BKOD PAS KUN GSAL KHYAB PAR DKRIGS, ,KHA BA'I REG PAS SKU LA MI BRDZI ZHING, ,THAG RING LAM GYIS THUGS 'KHRUGS MA GYUR PAR, ,PHUN TSOGS BZHED DON KUN GYI RTZER SON TE, ,SLAR YANG PHO BRANG DBUS SU LHAGS PA NA, ,BKRA SHIS GLU GAR LDAN PAS BLTA NA SDUG ,SA LA BABS PA LTA BUR GYUR CES GRAGS, ,DA LTA DPAL LDAN RI BO BDE CHEN GYI, ,LHUN GRUB CHOS KYI GZHAL MED KHANG CHEN NA, ,NGUR SMRIG 'DZIN PA'I TSOGS KYI BSNYEN BKUR LA, ,MGON MED ZAS SBYIN GZHAN BZHIN GYUR TO ZHES, ,RIM PAS THOS LAS YID KYI CHU GTER CHE, ,KUN DGA'I RLABS PHRENG G-YO BAS KHYAB GYUR TE,, SNYAN DNGAGS BDUD RTZI'I ZEGS MA CI YANG 'THOR, ,SKYE BO 'JUNGS PA ZANG ZING NOR GYIS MGU ,MCHOG RNAMS LEGS BSHAD RO LA LHAG PAR DGYES, ,DE SLAD SKYES KYI DNGOS PO CHES DMAN YANG, ,SPYI BRTOL SKYED BYED MCHID 'DI GSOL BA LAGS, , ZHES CHO 'PHRUL CHEN PO'I DKAR TSES BCO LNGA LA PHUL BA'I ZHU YIG CES PA 'DI YANG STAG RTZER GNANG BA'O,, ,, ` MKHYEN PA'I DKYIL 'KHOR CHA SHAS YONGS RDZOGS SHING, ,RMAD BYUNG MDZAD PA'I 'OD DKAR DRA BA CAN, ,SA SKYONG RGYU SKAR BYE BA'I DBUS NYID

, ,NA, ,LHAM MER GSAL BA'I DRUNG DU MCHID 'DI ZHU, ,DON BZANG SBRANG RTZI'I BCUD KYIS RAB GTAMS PA'I, ,BKA' STZAL 'DAB RGYA'I PHRENG BA PHYOGS KUN TU, ,GUR KUM DOG PAS 'BRI BYED SKYES DANG BCAS, ,PHEBS PAS SNYING LA DGA' BA'I MYOS PA THOB, ,KHYAD PAR SNYIGS MA'I DUS 'DIR SKYE BO KUN, ,MI BSRUN SPYOD PAS SBRUL GDUG LTAR SPYOD KYANG, ,KUN KYANG RDZOGS LDAN DUS BZHIN BDE BA LA, ,'GOD PAR BZHED 'DI MKHAS PAS BSNGAGS PAR 'OS, ,'DI NA'ANG GLO BUR 'TSE BA MA MCHIS SHING, ,DGE 'DUN 'DUS PA'I SDE DANG LHAN CIG TU, ,PHAN BDE'I 'BYUNG GNAS SDE SRID RIN PO CHE, ,BLON 'BANGS DANG BCAS SKU RIM BRTZON PA LAGS, ,MAR GAD MDANGS CHAGS LHA RDZAS KYI, ,RI MO RNAM BKRA SKU GSUNG THUGS, ,YON TAN PHRIN LAS KHA 'BREL BA, ,RGYA YI TSOM BU BKOD DE 'BUL, ,ZHES HOR ZLA GNYIS PA'I DGA' BA DANG PO'I TSES LA PHUL BA'I ZHU YIG ,CES PA 'DI YANG 'PHYONGS RGYAS PA LA GNANG BA'O,, ,, ` GANG SKU GSER GYI RI DBANG LTAR MDZES ZHAL GYI DKYIL 'KHOR ZLA BA NYA BA'I KHENGS PA 'PHROG ,SPYAN GNYIS AUTPAL NAGS TSAL SPRO LDAN BIM PA'I 'BRAS LA 'KHU BA'I MCHU SGROS YAL 'DAB G-YO, ,BDAG SKYES RAL PA'I CHU LDAN KHROD NA ZHABS SEN ZLA BA'I DUM BU MNGON DGA' SRID PA GSUM GYIS MCHOD PA'I GNAS, ,THAMS CAD MKHYEN ZHES 'JIG RTEN GSUM NA SNYAN PAR RAB GRAGS BU RAM SHING PAR PHYAG BGYID DO, ,DAD PA 'DZIN MA'I GZHI BAS MCHOG TU BRTAN, ,MKHYEN DGONGS NAM MKHA'I KHYON LAS LHAG PAR YANGS, ,SNYING STOBS CHU GTER LAS KYANG GTING DPAG DKA',,

KUN LAS PHUL BYUNG DRUNG DU MCHID 'DI ZHU, ,DENG DUS NYID SKU RI DBANG LTAR BRTAN CING, ,RNAM DKAR MDZAD PA DBYAR GYI CHU BO BZHIN, ,GYUR CES SNYAN PA TSIG MDA'I NA CHUNG GIS, ,NYIN BZHIN RNA BAR CA CO BZHIN DU BSGRAGS, ,BDAG KYANG MTHAR BYED ZHAGS PAS MA BCINGS SHING, ,BDE GSHEGS BSTAN PA'I LAM LAS MA GOL BAR, ,SKAL LDAN GDUL BYA'I RE BA SKONG BA DANG, ,DRI MED BSTAN LA SRI ZHU BGYID CING MCHIS, ,PHUN TSOGS RNAM PAR RGYAL BA'I GO 'PHANG LA, ,SPYOD MDZAD CHOS BZHIN SA CHEN SKYONG BA NI, ,LNGA PAR GYUR PA'I GTAM GYIS BDAG YID KYANG, ,MYA NGAN ME YIS LHAG PAR BSREGS PAR GYUR, ,'ON KYANG SKYE RGA NA 'CHI RGUD PA 'DI, ,BZLOG TU MED PA RDO RJE'I THOG BZHIN DU, ,LAS KYIS 'KHOR BA'I NANG NA 'KHYAMS RNAMS LA,, THOG TU BAB NA DE LA CI BYAR YOD, ,GANG ZHIG GANG GIS GANG TSE SDUG BSNGAL BA, ,'KHRUL BLOS RI MOR BKOD PA MA GTOGS PA, ,NGO BO NYID KYIS RDUL TZAM MI DMIGS PAR, ,DBYER MED LHAN CIG SKYES PA BDE BA'I DNGOS, ,DPAL LDAN BDE STONG DBYER MED HE RU KA ,LHA YI LAM LAS DVANGS PA'I 'JA' TSON BZHIN, ,RTEN DANG BRTEN PA'I DKYIL 'KHOR RNAM PA CAN, ,BDE CHEN RDO RJE'I THUGS DANG RO GCIG LA, ,BDEN GNYIS ZUNG DU 'JUG PA'I HE RU KA ,GZHAL DU MED PA'I YID BZHIN RIN CEN LAS, ,BYED PO'I PIR GYIS BRIS BZHIN DENG DUS 'DIR, ,NYID KYI SNYING STOBS MCHOG GIS BSKRUN PA NA, ,PANYTZA LI KA'I RIGS GYUR LHA YI GOS, ,GRANGS MED NGOS LA MI PHAM MGON PO'I SKU, ,MTSAN DPE'I GZI 'OD 'BAR BA BKOD PA LAS, ,PHYOGS

, ,DER DGA' LDAN SA LA 'ONGS BZHIN GYUR, ,STOBS LDAN GANG GI DGE BA'I MTSO CHEN PO, ,'PHYUR BA'I RLABS PHRENG MKHA' LA SNYEG PA NA, ,'GRAN PAR MA BZOD SNGON GYIS CHOS RGYAL RNAMS, ,ZHI BA'I DBYINGS SU BROS PAR GDON MI ZA,, SLAR YANG CHOS BRGYAD 'CHING BAS MA BCINGS SHING, ,'KHOR BA'I BDE LA NAM YANG MA CHAGS PAR, ,BLA MED BYANG CHUB SEMS KYIS KUN BSLANGS NAS, ,RLABS CHEN TSOGS GNYIS GONG DU SPEL BAR 'TSAL, ,'DI NA CHOS KUN RANG GI GDAGS GZHI LA, ,RTOG PAS RI MOR BKOD PA MA GTOGS PA, ,NGO BOS GRUB PA CUNG ZAD MA MCHIS PAR, ,RTOGS PAS 'KHOR BA'I RTZA BA GCOD PAR MDZOD, ,THA MAL SKYE SHI BAR DO'I SNANG ZHEN KUN, ,YID NGOR SBYANGS NAS YID NGO'I SKU GSUM DU, ,SGYUR BYED BSKYED PA'I RIM PA'I NYAMS LEN GYIS, ,GANG SNANG LHA YI 'KHOR LOR 'CHAR BAR 'TSAL, ,NYI ZLA'I RGYU BA SGRA GCAN LAM ZHUGS PAS, ,MUN PA'I LAM NAS 'BAR BA'I TZAndA L'IS, ,HAm YIG RI BONG 'DZIN PA BZHU BA LAS, ,LHAN SKYES BDE BAS SNYING LA 'GROGS PAR MDZOD, ,'KHOR 'DAS CHOS RNAMS KUN GYI GNAS LUGS DANG, ,DBYER MED ZHUGS PA'I DPE YI LHAN SKYES LAS, ,SGYU 'PHRUL DRA BA'I SKU RU BYANG CHUB PAS, ,MA DAG SKYE 'CHI'I 'PHRANG LAS SGROL BAR MDZOD, ,DON GYI LHAN CIG SKYES PA'I 'OD STONG GIS, ,NYON MONGS MUN PA'I TSOGS KUN DRUNGS PHYUNG STE, ,SPRIN BRAL MKHA' LAS STON KA'I ZLA SHEL LTAR, ,MI 'GYUR RDO RJE'I SKU NYID THOB PAR MDZOD, ,SLAR YANG RDO RJE LTA BU'I TING 'DZIN GYIS, ,GNYIS SNANG 'KHRUL PA'I BAG CHAGS KUN BCOM STE,,

KHA SBYOR YAN LAG BDUN LDAN GO 'PHANG LA, ,BZHUGS NAS LAS CAN MA LUS SGROL BAR MDZOD, ,'DI NA KHYED THUGS DGYES PA SKYED NUS PA'I, ,ZANG ZING NOR GYI 'BUL BA MA MCHIS PAS, ,MDO SNGAGS LAM GYI SNYING PO KUN BSDUS PA, ,TSIG NYUNG DON MANG TSIG SBYOR RMAD DU BYUNG, ,DAM CHOS SKYES 'DI MCHOG TU DANG BAS 'BUL, ,MI DANG SKU TSE YUN DU BRTAN PA DANG, ,CHOS DANG SRID KYI 'BYOR PA RGYAS PA DANG, ,BDAG KYANG RGYAL BA'I BSTAN PA BSHAD SGRUB KYIS, ,'DZIN CING MYUR DU MJAL BA'I SMON LAM BGYID, ,CES ZHU YIG GZIGS PA'I RTEN MTSON PAR 'PHRAL BZHES KYI SKU SHAM ZHIG LA RTAGS 'DI 'BYAR BA 'BUL, RNGA CHEN GYI LO CHU STOD CAN GYI RGYAL BA DANG PO LA RGYAL MTSAN RTZE NAS PHUL BA'I ZHU YIG CES PA SNE'U RDZONG PA LA SKYOR MO LUNG DU GNANG BA'O,, ,, ` RGYU SKAR DBANG PHYUG KHENGS PA NYAMS BYED GSER GYI CHU SKYES RGYAS PA'I ZHAL, ,MTHONG NA DGA' BA MTHONG BA'I MOD LA LHA BRGYA'I COD PAN DUD PA YIS, ,NOR BU'I 'OD ZER RTZE DGA' LA CHAGS ZHABS SEN ZLA BA'I THIGS PA NI, ,LHUNG BA TZAM GYIS SRID ZHI'I 'JIGS 'PHROG BU RAM SHING PAR BDAG 'DUD DO, ,RIS MED THUB BSTAN GYEN DU 'DEGS PA'I SLAD, ,DUS MTHAR MTHA' DAG SKYE RGU'I LEGS BYAS NI, ,SA CHEN SKYONG BA'I GAR GYIS RNAM ROL BA, ,MI YI DBANG PO RING DU ZHABS BRTAN SHOG ,SKABS KYI ZHU BA, SKU'I RGYAL MTSAN NYER 'TSE'I RLUNG GIS MI G-YO ZHING, LUGS GNYIS KYI PHRIN LAS RNAM PAR DKAR BA'I BA DAN SRID PA GSUM NA 'PHUR LDING DU GYUR PA'I NGANG NAS, SKAD GNYIS SMRA BA'I DBANG PO SDE SNOD 'DZIN PA BZOD PA'I GO CHA CAN LA DKON COG GIS LUNG

, ,BSTAN PA LTAR CHOS GRVA CHEN PO'I LEGS BSHAD SGROG PA'I DGA' TSAL BRANG MO CHE'I BSHAD NYAN LA 'BYON DGOS PA'I BKA' STZAL PHRENG BA PHEBS PA SDE PA DANG GRVA SA LA GUS ZHEN SHIN TU CHE YANG, DE 'DRA'I KHUR THEG PA'I SA MED PAS BKA' LUNG SGRUB MI NUS GSUNG BAR 'DUG PA LA DRUNG PA NGED KYI NANG NA BZHUGS PA'I DON GYIS BSTAN PA RIN PO CHE'I ZHABS TOG LA DGONGS NAS THEGS DGOS PA'I RGYU MTSAN BDAG GIS KYANG SGO DU MA NAS NAN CHER BSNYAD DE ZHABS DRUNG DU THEGS PA LAGS PAS SGO THAMS CAD NAS BDAG RKYEN DU 'GYUR BA BKA' DRIN GYIS BSKYANG DU GSOL,, ,, ` 'DREN PA MNYAM MED ZAS GTZANG SRAS PO BSTAN DANG DE 'DZIN SLOB MAR BCAS, ,RDUL BRAL BKUR STI'I CHA SHAS KYIS BSTEN MI BDAG GZUGS CAN SNYING PO DANG, ,AU TRA YA NA GSAL RGYAL RAB SNANG DPAL LDAN MGON MED ZAS SBYIN SOGS, ,GCIG TU BSDUS NAS SLAR YANG SA SKYONG GZUGS KYIS ROL PAR BDAG RTOG GO ,DE SLAD PHAN BDE'I RIN CEN MA LUS PA, ,GANG LAS BYUNG BA THUB BSTAN YID BZHIN MTSO, ,NYID KYI RNAM DKAR MDZAD PA'I ZLA SHEL GYIS, ,RDZOGS LDAN BZHIN DU 'PHEL BA'I BKA' DRIN STZOL, ,SDE SNOD GSUM GYI 'CHI MED SKYED TSAL DU, ,BSLAB GSUM SBRANG RTZI'I GNAS LA MNGON DGA' BA, ,LEGS BSHAD BUNG BA'I GLU DBYANGS SNYAN SGROG PAS, ,MI DBANG MDUN SA RTAG TU BRGYAN PAR MDZOD, ,BSTAN DANG BSTAN 'DZIN GUS PAS MCHOD PA DANG, ,MNGA' 'BANGS BYAMS PA'I SPYAN GYIS 'TSO BA DANG, ,SDIG SPONG DGE BA SGRUB PA'I BLANG DOR GYIS, ,SA SKYONG SKU TSE DON DANG LDAN PAR

MDZOD, ,CES PA'I ZHU MCHID SPYAN LAM DU DBAB PA'I SKYES MTSON PAR GDENGS CAN DBANG PO'I GRANGS KYIS BCINGS PA'I GAN SPOS RGYA 'BYAR BA 'PHAGS PA'I LAM YAN LAG BRGYAD MYUR DU 'GRUB PA'I RTEN 'BREL DU 'BUL, ZHES RNGA CHEN GYI LO ME TOG LDAN PA'I DKAR PHYOGS KYI RGYAL BA DANG PO LA RGYAL MTSAN MTHON PO'I DBEN GNAS NAS PHUL BA'I ZHU YIG CES RGYAL MKHAR RTZER GNANG BA'O,, ,, ` DAL 'BAR LO HI TA YI G-YAS ROL GYI, ,SA CHEN KHA LO SGYUR BA MI YI DBANG, ,RNAM MANG RGYAL PHRAN COD PAN NGAL GSO'I GNAS, ,GANG DE'I DRUNG DU RING NAS MCHID 'DI ZHU; ;RIN CEN RIG GNAS BYE BAS YONGS GANG BA'I, ,CHU GTER GTING MTHA' GZHAL BAR MI DPYOD PA, ,RLABS PHRENG MU TIG 'THOR BA'I ZEGS MA DAG ,MKHAR NYAL RNGA YAB MNGAL LAS 'PHOS BZHIN 'ONGS, ,GDENGS KA'I KLONG DU GNYID GYUR GOS SER CAN, ,SAD PHYED DPAL MO'I GZHAL MED PHRA LDAN GLU, ,PHAM BYED SNYAN DNGAGS GRE 'GYUR 'BUM PHRAG CAN, ,PHYOGS 'DIR TSANGS DBANG SRAS MO 'ONGS SAM CI, ,NGAN 'GRO'I TSER MA 'GOG BYED ZLA SHEL LTAR, ,DKAR BA'I LAM BCU GZHAN BZHIN MCHIL LHAM ZUNG, ,PADMA RVA GA'I MDANGS CHAGS TSA SGO CAN, ,SA YI REG PA BSKYAB PHYIR SKYES SU BSTZAL, ,DE TSE YID LA SPRO DGA'I RLABS 'PHYUR BA, ,MANDDHA RA YI DBU BA BRTZEGS PA NI, ,DGA' SKYES SPU LONG GOS KYIS BSKYOR BA BZHIN, ,RAB DGA'I SA LA NGES PAR REG SNYAM SEMS, ,NGOS KYANG 'JIG RTEN DBANG PO SRONG BTZAN GYI, ,YE SHES SGYU 'PHRUL DRA BA'I GZHAL MED CHER, ,RGYAL BA KUN GYI MKHYEN BRTZE DUS MTHA' 'DIR, ,BU RAM SHING PA'I SNANG BRNYAN DU CHAGS PA'I, ,MDUN SAR

, ,KHRIMS LDAN LUNG RIGS SMRA BA'I TSOGS, ,STONG PHRAG DU MA'I GROGS DANG LHAN CIG PAR, ,KUN TU BZANG PO'I MDZAD PA'I RDUL PHRAN GYI, ,CHA SHAS KYIS KYANG BSTAN DANG 'GRO 'DI YI, ,PHAN BDE RDZOGS LDAN DUS BZHIN 'PHEL 'GYUR ZHING, ,SDE SRID CHE DANG MI DBANG YUM SRAS KYI, ,SKU TSE CHAB SRID 'GRAN BZHIN 'PHEL 'GYUR SEMS, ,BKUR 'OS RIN CEN YUM GYI COD PAN CAN, ,GANG SKU 'CHI MED RI BO'I DPAL 'PHROG CING, ,'CHAD RTZOM DPAL BRGYAS SKYE RGU'I DBUGS 'BYIN GSUNG, ,TING 'DZIN SGO BRGYA 'BYED PA'I THUGS DVANGS PA, ,RIM GNYIS SUM RTZEN TSAL NA SPYOD DE RMAD, ,SBRUL GDUG GZHAN BZHIN SDIG GROGS BSHES GNYEN GYI, ,DBUGS KYI PHRENG BAS MUN PAR MA BYAS SHING, ,RIS MED BSTAN LA MNGON DGYES DAG SNANG GI ,NYI 'OD DANG 'GROGS RGYAL BAS BSNGAGS PAR 'OS, ,SEMS KYI ZLA SHEL GTZANG MAR KHYOD SKU YI, ,RI BONG MTSAN MA NAM YANG MI 'BRAL BA, ,YID NI NYE BAR MTSAMS SBYOR PHO NYA YI, ,'DU 'GOD DAG LAS MYUR DU MJAL BAR SMON, ,RAB DKAR KHA BTAGS 'DAB GSHOG G-YO BA CAN, ,ZHU YIG NGANG PA'I BU MO SNYAN SGROG MA, ,RNAM 'PHYANG LO YI MDZES MA CHOS NYID NI, ,GSUM PA'I TSES LA PHYOGS DER 'PHUR TE SONG, ,ZHES SDE CHEN RTZE NAS PHUL BA'I ZHU YIG ,DENG DUS THAMS CAD GZIGS PA ZHES BYA'I MTSAN, ,GANG LA NGES PAR DON DANG BCAS GYUR PA, ,DE YI MDZAD PA MU TIG PHRENG BA DAG ,PHYOGS 'DIR RNA BA'I RGYAN DU STZAL BAR MDZOD, ,CES PA 'DI NI YAR RGYAB DPON CHEN PA'I ZHU LAN DU GNANG BA'O,, ,, ` LO HI TA YI CHU BO'I G-YAS ROL GYI,,

SA CHEN SKYONG MDZAD RIGS KYI THIG LE NI, ,BGRANG YAS YON TAN GRAGS PA'I GTER GYUR PA, ,GANG DE'I DRUNG DU RING NAS MCHID 'DI ZHU, ,RIG GNAS RIN CEN BYE BAS GANG GYUR PA'I, ,MKHYEN RAB 'O MA'I CHU GTER RLABS 'PHYUR BAS, ,RAB 'THOR BKA' STZAL SDEB LEGS MU TIG PHRENG, ,SKYES BZANG 'CHAR KA'I 'OD KYIS KLUBS PA PHEBS, ,BSOD NAMS ROL MTSO'I PHRENG BAS YONGS BSKOR BA'I, ,GANG SKU'I LHUN PO NYER 'TSE'I BSER BU YIS, ,NAM YANG MI G-YO KHRIMS GNYIS NYI ZLA YI, ,SNANG BAS LHAG PAR RTZEN PAR BZHUGS LAGS GRANG, ,NGOS KYANG 'JIG RTEN DBANG PHYUG SRONG BTZAN GYI, ,YE SHES SGYU MA SPRUL PA'I PHO BRANG DU, ,KHRIMS LDAN LUNG RIGS SMRA BA'I 'DUS PA DANG, ,LHAN CIG SMON LAM BDEN TSIG LEGS GRUB NAS, ,DA LTA 'DUS PA'I SDE 'DIR DPYID DUS KYI, ,CHOS KYI DGA' BA'I ROL PAS 'TSO ZHING MCHIS, ,RGYAL BA RGYAL SRAS MI DBANG ROL PAS NI, ,RNAM RTZEN RGYAL BLON SEMS DPA' CHE RNAMS DANG, ,KEE LA SHA YI CHOS RGYAL RIGS LDAN GYI, ,RNAM THAR TSUL LA DGYES BZHIN SPYOD KYANG 'TSAL, ,ZHU MCHID 'DAB BRGYA'I PHRENG BAR SPYAN ZUNG GI ,BUNG BA RNAM PAR ROL BA'I SKYES TZAM DU, ,GOS KHA BYIN ZA'I GRANGS KYIS BCINGS PA 'BUL, ,DGA' BA GSUM PA'I TSES LA PHUL ZHU YIG ,CES PA YANG YAR RGYAB DPON CHEN PA LA GNANG BA'O,, ,, ` DPON SA CHOS RJE RIN PO CHE'I DRUNG DU ZHU BA, BRTZE BA'I THUGS LAS 'KHRUNGS PA'I BKA' YIG GA ,PHRENG BA LAM RING BSKOR BA PHYOGS 'DIR 'ONGS, ,THOS BSAM GLING PA PHYOGS 'DIR YUN RING DU, ,THUGS NGANG THUNG NGUR GYUR

, ,PA CHES MANG YANG, ,BRTZE CHEN YAB DANG PHRAD BZHIN MGON KHYOD KYI, ,BRTZE BA'I SPYAN RAS KYIS 'TSO'I BKA' DRIN NI, ,JI LTAR BSAB CES 'DI NA MU COR GYUR, ,BDAG KYANG SPANG DKA' BREL BA KHYAD DU BSAD, ,NYIN MTSAN YID LA BDE DANG DAL BA SPANGS, ,DE LTA NA YANG RNAM MANG 'GAL RKYEN GYI, ,GZEB LAS JI LTAR GROL BA'I RNGO MA THOGS, ,DA SGOS RINGS PAR THEGS BGYI DE YI BAR, ,BCOL LO LTOS SO SNGAR BZHIN THUGS BRTZER MDZOD, ,ZHIB PAR NGAG GI LAM NAS 'BUL BA LAGS, ,TSES GNYIS LA RU GSEB NAS PHUL BA'I ZHU YIG CES 'OL KHA NAS NANG SO CHOS RJE LA GNANG BA'O,, ,, ` RNAM PAR RGYAL BA'I KHANG BZANG NAS, ,DPAL LDAN MIG STONG LDAN PA NI, ,DUS KYIS SA LA 'ONGS PA LTA'I, ,LHA SRAS SKU TSE BRTAN GYUR CIG, MTHA' YAS SKYE RGU'I BSOD NAMS KYI, ,'DZIN MAR LEGS 'KHRUNGS DPAG BSAM SHING, ,'DOD RGU'I 'BYUNG GNAS NYID KYI ZHAL, ,STON KA'I ZLA LTAR MDZES PA DE, ,MYUR DU LTA BAR BDAG 'TSAL LO, ,ZHES PA 'DI 'OL KHA NAS SA SKYONG AA MO GHA RDO RJE RNAM RGYAL DPAL BZANG PO LA GNANG BA'O,, ,, ` NA TSOD SHIN TU GZHON NU'I RKANG 'THUNG YANG, ,DPAG YAS YON TAN ME TOG PHON PO CAN, ,NGO MTSAR RI MO LTA BAS MI NGOMS PA, ,LHA SRAS MI YI GZUGS CAN RTAG PAR RGYAL, ,CHOS RNAMS THAMS CAD RNAM RTOG PIR GYIS NI, ,PHAR LA RI MOR BRIS PA KHO NA STE, ,YUL GYI STENG NA RDUL TZAM MA MCHIS PA'I, ,GNAS LUGS DON DE YANG YANG SGOM PAR MDZOD, ,'DI NA GZUGS NAS RNAM MKHYEN PAR GYI CHOS, ,RANG RANG GDAGS GZHI'I STENG DU 'DI DANG 'DI,,

ZHES BYAR RTOG PA'I DBANG GIS BZHAG PA STE, ,RANG GI NGOS NAS GRUB PA GTAN NAS MED, ,DE LTA NA YANG MING TZAM KHO NA DANG, ,RTOG PA'I RI MO TZAM LA 'KHOR 'DAS KYI, ,BYA BYED THA SNYAD THAMS CAD 'JOG PA'I PHYIR, ,CHAD LTAR GOL BA'I GNAS SKABS MA MCHIS LAGS, ,BYANG CHUB SEMS DANG MTHA' BRAL LTA BA DANG, ,SKU TSE BSRING BA'I THUGS DAM BZLAS BRJOD LA, ,G-YEL BA MED PAR BYAMS BRTZES MNGA' 'BANGS KUN, ,BU BZHIN DGONGS PAS CHOS LDAN RGYAL SRID MDZOD, ,CES PA YANG DE NYID LA GNANG BA'O,, ,, ` BOD KHAMS NOR 'DZIN SKYONG BA'I BKA' LUNG GIS, ,RIN CEN PHO BRANG MCHOG GI SENG GE'I KHRIR, ,MNGON PAR DBANG BSKUR BRGYA BYIN GNYIS PA BZHIN, ,BSNGAGS 'OS GANG DE'I DRUNG DU 'DI SKAD ZHU, ,ZHES PA YANG DE NYID LA GNANG BA'I BKA' SHOG GI STOD KYI TSIGS BCAD DO,, ,, ` NANG SO RIN PO CHE'I DRUNG DU ZHU BA, BSOD NAMS CHA SHAS YONGS GANG ZLA BA NI, ,ZHABS 'BRING RGYU SKAR TSOGS DANG LHAN CIG PAR, ,PHYOGS 'DI'I MKHA' LA MYUR DU 'BYON 'GYUR ZHES, ,SNYAN PA'I 'OD DKAR SNYING LA REG PA NA, ,SNYING LA GDUNG BA'I MUN PA GA SHED SONG, ,SPRO DGA'I KU MUD 'DZUM ZHAL PHYE BA LAS, ,MYUR DU MJAL BAR 'GYUR SNYAM SA DANG PO'I, ,DGA' BA'I KHYAD PAR MNGON PAR THOB BZHIN GYUR, ,BKRA SHIS KHA BTAGS DKAR PO'I ME TOG DANG, ,LHAN CIG CHOS 'KHOR RGYAL NAS PHUL ZHU YIG CES PA YANG DE NYID LA GNANG BA'O,, ,, ` 'BAD MED LHUN GYIS GRUB PA'I SKU BSOD DANG, ,NAM MKHA'I KHYON LTAR YANGS PA'I MKHYEN PA DANG, ,RIN CEN GSER LTAR BZANG BA'I

, ,DGONGS PA RNAMS, ,LHA SRAS DBANG PO KHYOD LA MNGA' BA LAGS, ,MI DBANG SKU TSE RAB TU BRTAN GYUR NA, ,LUGS GNYIS PHUN TSOGS NGANG GIS 'PHEL BAR 'GYUR, ,DE SLAD RGYAL BA'I YUM MCHOG RJE BTZUN MA, ,RING DU BSNYEN LAS SKU TSE 'PHEL BAR MDZOD, ,MNGA' 'BANGS KUN LA BYAMS BRTZES KHYAB PA DANG, ,MTHO DMAN BAR MA'I SKYE BO JI SNYED PA, ,RANG RANG BLO DANG 'TSAM PAR BSKYANGS PA LAS, ,KUN KYANG MI PHYED GUS DANG LDAN PAR MDZOD, ,SNGON BYON CHOS RGYAL GONG MA'I MDZAD PA RNAMS, ,LEGS PAR GSAN NAS RJES SU SLOB PA DANG, ,BLO BZANG RGYAL BA'I BSTAN PA MCHOD PA LA, ,MGON MED ZAS SPYIN DANG MTSUNGS KHYOD KYIS MDZOD, ,CES PA YANG DE NYID LA GNANG BA'O,, ,, ` DAD PA'I RTZA BA RAB TU BRTAN GYUR CING, MKHYEN RAB YAL GA SHES BYA'I KHYON LA 'GRAN, ,MDZAD PA'I ME TOG DKAR PO RAB RGYAS PA, ,MI DBANG DPAG BSAM LJON PA ZHABS BRTAN CIG ,BKA' STZAL YONGS 'DU'I LO MA'I PHUR MAR BCAS, ,GANG SKU DENG DUS CHU 'DZIN 'CHING BA LAS, ,LEGS GROL YAR NGO'I ZLA BA'I DREGS 'JOMS ZHES, ,DRI ZA'I 'PHANG 'GRO BAS KYANG CHES SNYAN PA, ,RNA BAR SON TSE DANG BO'I SA LA NI, ,REG BZHIN YID LA SPRO DAGS MYOS PA THOB, ,CES PA YANG DE NYID LA GNANG BA'O,, ,, ` DPAL LDAN MI YI DBANG POS LEGS BSTZAL BA'I, ,LO MA'I PHUR MA BDUD RTZI'I ZIL DNGAR CAN, ,DON BZANG 'CHI MED BDUD RTZI DANG 'GROGS PAS, ,YID DANG RO 'DZIN CI YANG SIM PA THOB, ,CES PA 'DI GONG GI BKA' SHOG GI YIG CHUNG DU GNANG BA'O,, ,, ` NAM MKHA'I KHYON LTAR

RAB TU YANGS GYUR CING, ,CHU GTER CHEN PO'I 'JING LTAR SHIN TU ZAB, ,RIN CEN RI BO LTA BUR BRTAN CING BRLING, ,NGO MTSAR GTER KHYED YUN RING ZHABS BRTAN CIG ,MI PHYED DAD PA'I THUGS KYI SKYED TSAL NAS, ,CHAB SHOG 'DAB BRGYA DAR GYI LO 'DAB CAN, ,PHEBS PA'I MOD LA MNGON SUM MJAL BA BZHIN, ,SNYING LA SPRO DGA'I RLABS PHRENG CI YANG G-YOS, ,DENG DUS KHYED SKU RAB MDZES ZLA SHEL NI, GLO BUR NYER 'TSE'I SPRIN GYIS MI SGRIB CING, ,PHRA YANG SNYING STOBS YAR NGO'I CHA SHAS NI,, 'PHEL BA'I SNYAN GRAGS BDUD RTZIS BDAG NGOMS SO, ,'DI NA'ANG MA PHAM RGYAL BA'I SKU GZUGS NI, ,BSOD NAMS BZHIN DU MNGON PAR MTHO BA DAG ,NYIN BZHIN RIN CEN GSER GYIS SPRAS PA LAS, ,'GRO KUN MIG GI BDUD RTZIR 'GYUR SLAD BRTZON,, BLA MA SRAS BCAS RGYAL BA'I BKA' DRIN LAS, ,PHYOGS 'DIR NYID SKU'I NYIN BYED RAB SHAR TE, ,KHRIMS GNYIS 'OD STONG DRA BA RAB 'GYED CING, ,SPRO DGA'I PAD TSAL MYUR DU RGYAS PAR SMON, ,BDEN GNYIS SRUNG BA'I 'KHOR LO RAB BRTAN CING, ,NYIN BZHIN LHA DANG BLA MAR GSOL BA DANG, ,CHOS SKYONG SRUNG MAR PHRIN LAS GNYER GTAD DE, ,NYID KYI SKU YI RIM 'GRO BGYID LA BRTZON, ,SNGAGS KYIS MANG BTAB SRUNG DAR SKYES SU 'BUL, ,NYER LNGA'I TSES LA CHOS 'KHOR RGYAL NAS PHUL, ,ZHES PA YANG DE NYID LA GNANG BA'O,, ,, ` RGYAL BA KUN GYI YUM GYUR RJE BTZUN MA, ,'JIGS PA BRGYAD SKYOB MA DANG 'DOD KHAMS KYI, ,DBANG PHYUG SRID GSUM BDAG MO RE MA TIS, ,BZHED PA'I DON KUN 'GRUB PA'I BKA' DRIN STZOL, ,ZHES PA YANG DE NYID LA GNANG BA'I

, ,BKA' SHOG GI STOD KYI TSIGS BCAD DO,, ,, ` RAB MTHO PHO BRANG BRTZEGS PA'I LHUN PO'I RTZER, ,SGRIB BRAL MKHYEN PA'I SPYAN STONG YANGS PA CAN, ,RGYAL PHRAN NYE DBANG TSOGS KYIS PHYAG BYA'I GNAS, ,SA YI BRGYA BYIN RING DU ZHABS BRTAN CIG ,CES PA YANG DE NYID LA GNANG BA'I BKA' SHOG GI STOD KYI TSIGS BCAD DO,, ,, ` SNGON BYON RGYAL BLON SEMS DPA' DE DAG GI ,MDZAD PA'I ME TOG GRAGS PA'I DRI BSUNG CAN, ,DENG DUS GANG GI ZUR PHUD DANG 'GROGS PA'I, ,DPAL LDAN MI YI DBANG PO ZHABS BRTAN CIG ,GANG GI BKA' STZAL BDUD RTZI'I PHUR MA DANG, ,DAR KHA ZUNG GI SKYES BCAS RIM PA GSUM, ,BKA' SRUNG MNYES BYED MCHOD RDZAS BZANG PO DANG, ,BCAS PA RIM PAR PHEBS PAS THUGS RJE BZUNG, ,NYID KYI DRIN LAS BSTAN PA'I SGOR ZHUGS NAS, ,GNAS 'DI MDZES PA'I RGYAN DU MNGON SPRUL BA, ,NGUR SMRIG 'DZIN PA'I GZHON NU'I TSOGS RNAMS KYIS, ,SA 'DI THUN MTSAMS GOS DANG LDAN PAR BYAS, ,SA YI BRGYA BYIN YUM SRAS MCHED DANG BCAS, ,PHUN PO GLING BZHI'I DBUS NA GNAS DE SRID, ,RGYA CHE BRTAN CING CHAB SRID RGYAS PA YI, ,SKU RIM SMON LAM 'BRAL MED SNYING LA 'GROGS, ,ZHIB PA'I GNAS TSUL MYUR LAM MJAL NAS 'BUL, ,SNGAGS KYIS BTAB PA'I SRUNG DAR SKYES SU MTSON, ,PANYTZA'I TSES LA CHOS 'KHOR RGYAL ZHES PA'I, ,GTZUG LAG KHANG NAS DGE BAR PHUL ZHU YIG ,CES PA YANG DE NYID LA GNANG BA'O,, ,, ` SKU MDUN RIN PO CHER, ,BKA' THO JA PHUD KYI GSOL JA BZANG PO'I STENG DU GAN SPOS, ,RGYAL BU KHA BTAGS, ,RIN PO CHE ZHO GANG GI GNANG

SBYIN RNAMS, NANG PA KHANG DPON PAS PHEBS LAGS, DENG SANG SKU RIN PO CHE MCHOG TU SNYOMS SHING, GANG CIR BKA' KHYAB TU BZHUGS PA BKA' DRIN BSKYANGS, 'DIR YANG KHROM CHOS KYIS 'GRO PHAN CHE BAR BYUNG LAGS, 'TSAMS (MTSAMS) ZHUS, RDZONG 'DI'I STENG NAS MI YI DBANG PO NYID, ,NAG PHYOGS DGRA SDE'I G-YUL LAS RNAM RGYAL ZHING, ,MTSAN JUS LEGS SHING BRTAN PA BRNYES PA'I PHYIR, ,G-YUL RGYAL LHUN PO ZHES BYAR MING BTAGS NAS, ,RGYAL BA SRAS BCAS CHOS SKYONG SRUNG MAR BCAS,, SPYAN DRANGS GZA' SKAR BZANG PO'I DUS TSOD LA, ,ME TOG CHAR PHAB SHIS PA BRJOD PA YI, ,BDEN TSIG GLU DBYANGS RGYA CHER BSGRAGS PA LAGS, ,ZHES DE 'PHRAL PHUL BA'I ZHU THO, ,ZHES PA YANG DE NYID LA GNANG BA'O,, ,, ` CHA SHAS YONGS RDZOGS MKHYEN PA'I DKYIL 'KHOR NI, ,PHUN TSOGS RIG GNAS BDUD RTZI'I 'OD CHAGS PHRENG BA NI, ,RTAG TU GANG GI COD PAN DU MDZAD CING, ,MNGA' MO'I MGON PO ZHABS BRTAN CIG ,BKUR 'OS BKA' LUNG 'DAB BGYA'I PHRENG BA NI, ,RTAG TU GANG GI COD PAN DU MDZAD CING, ,MNGA' 'BANGS BYAMS PA'I SPYAN RAS KYIS 'TSO BA, ,NYID KYI NGANG TSUL LAGS NA GSOL CI DGOS, ,MKHAS PAR BYA BA'I RIG GNAS BYA LAM DU, ,RNAM DPYOD BRTZON PA'I BGROD PA GNYIS LDAN ZHING, ,SNYAN GRAGS 'BRUG SGRA DAL GYIS DGOD PA YIS, ,PHYOGS KYI MDONGS LDAN MTHA' DAG YID DGAR MDZOD, ,DGE SBYOR SKYABS 'OG SNYING LA 'BRAL MED 'GROGS, ,RGYA DAR KHA 'BREL SKYES KYI TSUL DU 'BUL, ,DGA' BA GNYIS PA'I TSES LA PHUL ZHU YIG ,CES PA 'DI 'OL KHAR NANG SO SKU GZHON

, ,PA LA GNANG BA'O,, ,, ` TSOGS GNYIS BDUD RTZI'I CHU GTER BSRUBS PA LAS, ,LEGS PAR 'ONGS PA'I SA SKYONG 'OD DKAR CAN, ,MKHYEN BRTZE BDUD RTZI'I 'OD KYIS MDZES PA KHYED, ,RGYAL PHRAN RGYU SKAR DBUS NA ZHABS BRTAN CIG DENG DUS GANG SKU RI DBANG LTAR BRTAN CING, ,MKHAS PA 'JUG PA'I SGOR GYUR RIG GNAS KYI, ,LHA YI LAM DU RNAM DPYOD DKYIL 'KHOR NI, ,THOGS MED BGROD PA'I NGANG DU BZHUGS LAGS GRANG, ,NGOS KYANG LO HI TA YI BYANG 'GRAM NAS, ,MI DAL 'GROS KYIS MKHAS PA'I MDUN SA CHE, ,BLO GSAL NGUR MO STONG PHRAG 'DU BA'I GZHI, ,RANG GI BSTI GNAS MCHOG TU SON PA LAGS, ,SLAD MA'ANG SKU YI LJON PA DBYAR SOS KYI, ,NAM ZLA'I DUS BZHIN PHUN TSOGS LANG TSO DANG, ,RIG GNAS KUN LA 'JUG PA'I MKHYEN PA DANG, ,MNGA' 'BANGS BYAMS KYIS SKYONG BA'I THUGS RJE RNAMS, ,PHAN TSUN 'GRAN PA BZHIN DU 'PHEL BAR MDZOD, ,SKU RIM DGE SBYOR SKYABS 'OG SNYING LA 'GROGS, ,BKRA SHIS RI MO BKRA BA'I KHA BTAGS DANG, ,LO MA'I PHUR MA RGYA BRES SKYES SU 'BUL, ,BZANG PO DANG PO'I TSES LA PHUL ZHU YIG ,CES PA YANG DE NYID LA GNANG BA'O,, ,, ` STON DUS DAG PA'I MKHA' LA RGYU SKAR MGON, ,YID BZHIN RGYA MTSOR NGANG MO RTZEN PA BZHIN, ,TSANGS DBANG SRAS MOS KHYED LA DUS KUN TU, ,SDEB LEGS NGAG GI MCHOG SBYIN STZOL GYUR CIG ,CES PA DE NYID LA GNANG BA'I BKA' SHOG GI STOD KYI TSIGS BCAD DO,, ,, ` RNAM DPYOD BDUD RTZI'I CHA SHAS YONGS GANG ZHING, ,RIG GNAS RI DVAGS KUN GYIS RNAM PAR BKRA, ,SNYAN TSIG BDUD RTZI'I

'DZUM DKAR 'PHRO BA CAN, ,SA SKYONG RGYU SKAR MGON PO ZHABS BRTAN CIG ,PHO BRANG CHEN PO'I BANG MDZOD RNAMS 'DZIN PA'I, ,RGYAL SRID MDZAD PA'I RNAM G-YENG RGYA CHES PAS, ,MKHYEN SPYAN YANGS KYANG RIG GNAS LAM DU NI, ,JI LTAR GZHON SNYAM THE TSOM 'DZIN PA LA, ,SNYAN NGAG LAM NAS 'ONGS PA'I CHAB SHOG NI, ,SANGS RGYAS GNYIS PA'I BSTOD PA'I PAR PHUD DANG, ,KHA BTAGS SKYES BZANG DANG BCAS MTHONG BA LAS, ,YID MTSOR DGA' BA'I RLABS PHRENG CI YANG G-YOS, ,NGOS KYANG LUS KYI 'DU BA CHA SNYOMS SHING, ,RI KLUNGS DGE 'DUN TSOGS DANG LHAN CIG TU, ,DBYAR DAM BCAS NAS DAM CHOS 'PHEL BA DANG, ,DGE SBYOR G-YEL BA MED PA'I NGANG DU GNAS, ,BKUR 'OS GONG MA'I BKA' LUNG THOD BCINGS NAS, ,PHO BRANG BANG MDZOD YONGS SU 'GENGS PA DANG, ,MNGA' 'BANGS BYAMS BRTZE'I SPYAN GYIS 'TSO BA DANG, ,SKYABS GSUM RIN CEN MCHOD LA G-YEL MED PA'I, ,NGANG NAS RIGS RNAMS LA'ANG THUGS GZHOL 'TSAL, ,SNGAGS KYIS MANG BTAB SRUNG DAR SKYES SU 'BUL, ,DGE SBYOR SKYABS 'OG 'BRAL MED RGYUN DU BGYID, ,RGYAL BA DANG PO'I TSES LA PHUL ZHU YIG ,CES PA YANG DE NYID LA GNANG BA'O,, ,, ` RAB MTHO RIGS KYI SUM RTZEN GNAS SU 'KHRUNGS, ,RAB RGYAS MKHYEN RAB YAL GA'I KHYON YANGS PA, ,RAB MDZES RIG GNAS ME TOG MDANGS BKRA BA, ,RAB TU BSNGAGS 'OS DPAG BSAM ZHABS BRTAN CIG ,DON BZANG LUS MDZES TSIG GI 'GYUR BAG CAN, ,MKHAS PA'I YID 'PHROG CHAB SHOG 'DIR PHEBS TSE, ,MTHO RIS MAN NE KA DE 'DIR 'ONGS

, ,SAM, ,DBYANGS CAN 'PHANG 'GRO'I SGRA SNYAN 'PHYANG MO YUG ,PHO BRANG CHEN PO'I BANG MDZOD MCHOG RNAMS NI, ,'BRU YI TSOGS KYIS 'GENGS LA THUGS GZHOL BA'I, ,NGANG NAS MKHAR LAS PHRAN BU GRUB PA LA, ,LEGS PA'I DGA' STON GNANG SBYIN DANG BCAS PA, ,YUM SRAS BKA' BZHIN DPAL LDAN RGYAL PO YIS, ,LEGS PAR 'BYOR TSE YID KYI CHU GTER CHER, ,SPRO DGA'I RLABS PHRENG CI YANG G-YOS PAR GYUR, ,ZHIB PA'I GNAS TSUL MI 'GYANG NGES KYIS 'BUL, ,SKU RIM SRUNG 'KHOR NAM YANG G-YEL BA MED, ,KHA BTAGS 'DAB GSHOG RNAM BKRA NGANG MO NI, ,BZANG PO DANG PO'I TSES LA SKU MDUN DONG, ,ZHES PA 'DI YANG DE NYID LA GNANG BA'O,, ,, ` RAB MTHO RIGS KYI SUM RTZEN RVA BAR BSKRUN, ,RMAD BYUNG MKHYEN RAB YAL GA'I KHYON YANGS SHING, ,BYAMS BRTZE'I GRIB BSIL MNGA' 'BANGS KUN LA SNYOMS, ,NYI ZLA'I MCHED GYUR DRUNG DU MCHID 'DI ZHU, ,DGONGS ZAB DAD PA'I RGYA MTSO RLABS 'PHYUR BAS, ,RAB MTHOR CHAB SHOG GSAR PA'I MU TIG PHRENG, ,KHA BTAGS SKYES KYI LANG TSO DANG 'GROGS PAS, ,PHYOGS 'DIR SPRO DGA' DANG PO'I SA LA REG ,DENG DUS NYID SKU YAR NGO'I DPAL 'PHROG CING, ,RIG GNAS LHA YI LAM LA DUS KUN TU, ,NGAL BA SPANGS PA'I BGROD PA RAB RTZEN CING, ,BKUR 'OS ZHABS SEN COD PAN DU MDZAD NAS, ,SRI ZHU LHUR LEN GANG DE AE MA MTSAR, ,NGOS KYANG SMON LAM SNGA PHYI LEGS SGRUB NAS, ,DA LTA DPYID CHOS DANG PO ZUG PA'I SKABS, ,'DUS PA'I SDE RNAMS 'TSE BA MED PAR GNAS, ,SLAD MA'ANG SKYABS GSUM COD PAN DU

MDZAD NAS, ,SNGON RABS SA 'DZIN DBANG PO DE DAG GI ,MDZAD PA'I SROL BZANG JI LTA BU ZHIG CES, ,DGONGS SHING GNAS DER THUGS RTZOL LHUR LEN MDZOD, ,SKU RIM SRUNG 'KHOR 'BRAL BA MED PAR BGYID, ,BCUD LDAN LO MA'I PHUR MA SKYES SU 'BUL, ,DGA' BA GSUM PA'I TSES LA PHUL ZHU YIG ,CES PA YANG DE NYID LA GNANG BA'O,, ,, ` PHUN TSOGS ZA HOR RIGS KYI ZLA SHEL NI, ,YON TAN BDUD RTZI'I CHA SHAS YONGS RDZOGS PAS, ,SA SKYONG RGYU SKAR BYE BA'I DBUS NYID NA, ,RNAM MDZES GNYIS SKYES DBANG PO ZHABS BRTAN CIG ,GSHOG YANGS RAB DKAR NGANG PA'I DED DPON NI, ,ZAB YANGS MGRIN PA'I RDZA RNGA BRDUNG MKHAS PA, ,KLONG YANGS SNGON MED RIN CEN 'BYUNG GNAS SU, ,RAB YANGS 'JO SGEG 'PHUR LDING GAR GYIS ROL,, 'JAM MNYEN LHA RDZAS PANYTZA LI KA'I RIGS, ,ZAG MED CHOS KYI BDUD RTZI LTAR MNGAR BA, ,'GYUR MED STONG NYID SNYING RJE'I PHYAG RGYA CAN, ,BSTZAL BA 'DIS KYANG LHAG PAR BDAG NGOMS SO, ,BKUR 'OS MAN DHA RA YI PHRENG MDZES PA, ,ZUR PHUD DANG 'GROGS CHOS KYI SPYAN STONG NI, ,RAB TU GSAL BAS MCHOD SBYIN BRGYA PA YANG, ,SKRAG NAS LHUN PO'I STENG DU BROS SAM SNYAM, ,NGOS KYANG SGYU MA LUS KYI GRONG KHYER NI, ,RNAM SHES 'GRON POS DA LTA MA DOR ZHING, ,'KHOR BA'I NAGS NA CHOS BRGYAD 'KHRI SHING GI ,DRA BAS 'KHYUD PA GZHAN LA PHAN PAR RLOM, ,STONG PHRAG LEGS SPYAD CHU GTER BSRUBS PA LAS, ,'ONGS PA'I ZLA ZHAL MIG GI BDUD RTZI DANG, ,DON DANG CHOS LDAN 'BEL BA'I BKA' MCHID LA, ,SKABS DANG SBYAR BAR ROL BAR SMON PA DANG,,

, ,RIN CEN RDUL BRTZEGS MKHAR NYAL GRONG KHYER BCAS, ,NOR LDAN PHANG PAR JI SRID GNAS DE SRID, ,MI DBANG GZHON NU SKU TSE RTAG CING BRTAN, ,KHRIMS GNYIS MDZAD PA DGYES BZHIN SPYOD PAR SMON, ,BKRA SHIS KHA BTAGS 'DAB PHRENG G-YO BA CAN, ,'DZAM BU N'A DA'I ZE'U 'BRUS SPUNGS PA 'DI, ,ZHU MCHID CHU SKYES GSAR PA'I DGA' TSAL LA, ,SPYAN RAS BUNG BA ROL PA'I SKYES SU 'BUL, ,SGYUR BYED LO YI LANG TSO MA, ,SMIN DRUG CAN DANG 'GROGS PA'I TSE, ,YAR NGO'I TSES LA GRU 'DZIN GYI, ,RI BO'I NGOGS NAS PHUL ZHU YIG ,NGED KYI RTZOM PA THOR BU BA'I NANG NAS ZHU LAN CHAB SHOG GI SKOR DGOS PHEBS PA, 'DIR MA 'DUS PA MANG DU YOD CING, NA TSOD PHRA MO'I SKABS SU BRTZAMS PA SOGS LEGS NYES SNA TSOGS DANG, PAR DU BRKOS PA 'DI LA MA DAG PA YANG DU MA YOD SHAS 'DUG NA'ANG, BKA' LUNG PHEBS PAS PHUL YOD CING, MA THUS PA'I SNYAN DNGAGS LEGS PA'I TSAN BZHIN RTING SOR BSAGS NAS 'BUL BA BYED LAGS, ZHES PA 'DI 'PHYONGS RGYAS STAG RTZER SDE PA RGYAL BU LA GNANG BA'O,, ,, ` DUS GSUM RGYAL DBANG PADMA SAm BHA WAS, ,GANG LA RAB BSNGAGS MAN DHA RA 'THOR BA, ,ZA HOR RIGS KYI THIG LE RGYAL PHRAN TSOGS, ,COD PAN NGAL GSO'I GNAS DER MCHID 'DI ZHU, ,SHUGS DRAG DANG BA'I MA LA YA RLUNG GIS,, MKHYEN RAB AA MRA'I DPAG BSAM CHER BSKUL BAS, ,BKA' STZAL SDEB LEGS MA LA'I DRI BZANG CAN, ,SHEL DANG PADMA R'A GA'I MDANGS 'PHROG PA'I, ,SKYES BZANG LO 'DAB G-YO BA'I CHU SKYES LA, ,MIG GI RKANG DRUG RNAM PAR RTZEN PA NA, ,SPRO DGA'I SBRANG

RTZIS LHAG PAR MYOS PA LAS, ,RAB DGA'I 'PHANG 'GRO LA 'KHU MGRIN SNYAN GYI, ,DAR DIR PHYOGS KYI 'KHOR LO 'GENGS LA BRTZON, ,GZHAL DU MED PA'I BSOD NAMS CHU GTER NI, ,LEGS PAR BSRUBS LAS LEGS 'ONGS GANG SKU YI, ,ZLA SHEL YAR NGO'I ROL PAR RNAM RTZEN CING, ,MDZAD PA BDUD RTZI'I RTZA LAG RAB RGYAS PA, ,PHYOGS DE'I PHAN BDE'I KU MUD GNYEN DU GYUR, ,BDAG KYANG 'JIG RTEN DBANG PO SRONG BTZAN GYI, ,YE SHES SGYU MA SPRUL PA'I PHO BRANG DU, ,RNAM DAG DGE 'DUN SUM STONG LHAG DANG BCAS, ,SDE SRID CHEN PO'I SKU RIM SMON LAM NI, ,LEGS GRUB DA LTA DPYID CHOS 'PHEL BAR GNAS, ,ZHES 'PHYONGS RGYAS SU SDE PA RGYAL BU LA GNANG BA'O,, ,, ` GANG GI MKHYEN PA'I ME LONG NGOS LA BRTAN G-YO MTHA' DAG GSAL BAR BKOD TSE MA LUS SHES BYA'I TSOGS RNAMS KYANG, ,GDOD MA'I DBYINGS SU 'BROS PA LHUR LEN KUN GSAL MDZES MA KUN NAS SKYENGS GYUR GZUGS KYI GO SKABS RING DU SPANGS, ,RNO BA'I MTSON CAN 'JAM DBYANGS GZHON NU'ANG KHENGS PA RING DOR ZUR PHUD KYIS DUD AUTPAL SPYAN GYIS ZIM MER GZIGS, ,ZHABS STEGS NOR BU'I 'OD ZER DANG 'GROGS ZHABS SEN 'DAM SKYES NAGS TSAL YANGS PAR SA SKYONG BUNG BA'I DAR DIR SGROG ,LEGS YANGS PAD MTSO MTHO RIS SKYED TSAL DU, ,DBYANGS CAN NGANG MO DENG DUS ME NA K'A'I, ,ZLOS GAR LHUR LEN ZLA ZER SPU LONG GIS, ,NOR 'DZIN GSAL BYED DRUNG DU MCHID 'DI ZHU, ,GANG GI GRAGS SNYAN GUR KUM YI GE'I PHRENG, ,PHYOGS KYI RNA BA'I GLEGS BU LA BKOD PA, ,ZLA SHAR 'O MA'I RGYA MTSO 'PHYUR BA'I RLABS,,

, ,MANDHA RA YI DBU BA BRTZEGS PA BZHIN, ,MKHYEN PA'I SPYAN STONG YANGS PA'I 'CHI MED BDAG ,SGYU 'PHRUL SNA TSOGS GAR MKHAN 'KHOR LO'I LAG ,RIG BYED RIN CEN 'BYUNG GNAS CHU SKYES MNGAL, ,SNYAN TSIG BDUD RTZI'I CHU GTER RTA DBYANGS SO; ;BDAG KYANG 'JIG RTEN DBANG PO'I YE SHES KYI, ,SGYU MA SPRUL PA'I PHO BRANG LHA SA DER, ,RIS MED BSTAN DANG 'GRO BA'I PHAN BDE DAG ,RING DU 'PHEL PHYIR SMON LAM RNAM DAG BGYIS, ,THUB DBANG MKHYEN PA'I GANGS RI LAS 'ONGS RNAM MANG LEGS BSHAD NYAL 'GRO'I TSOGS, ,RAB 'KHYIL BLO GSAL NGANG MO'I KHYU 'KHRIGS MKHAS MANG KLU DBANG TSOGS KYIS BSTEN, ,BSHAD DANG SGRUB PA'I RLABS PHRENG CHER G-YO LHO PHYOGS NOR 'DZIN LA BRTEN PA, ,RIS MED MKHYEN BRTZE'I ZLA ZER REG PAS RDZOGS LDAN DUS BZHIN 'PHEL BAR MDZOD, ,PHYOGS 'DI'I GNAS TSUL SNYAN SHAL LA, ,'GROGS 'OS DAG BYED CHA SHAS TZAM, ,DNGOS GRUB RGYA MTSO'I MGRIN PA'I RLABS, ,'THOR BA'I ZEGS MA'I CHA SHAS SO, ,BANG MDZOD RMUGS 'DZIN DANG GCIG PA'I, ,SHAR PHYOGS RGYAL PO'I LEGS BYAS LAS, ,PHYOGS KYI GRANGS LDAN DRI BZANG DAG ,MCHOD PA'I SLAD DU BZHES SU GSOL, ,HOR GYI ZLA BA DANG PO YI, ,GNYIS PA'I PHYOGS KYI TSES BZANG PO, ,RGYAL BA GNYIS PA SHAR BA'I TSE, ,'BRAS SPUNGS CHOS GRVA'I GNAS NAS PHUL, ,ZHES PA 'DI BYA PA CHOS MDZAD LA GNANG BA'O,, ,, ` MKHYEN SPYAN DRI MED KUN TU YANGS PAS MIG STONG LDAN PA SKRAG PA LHUR LEN RINGS PAR MTHO RIS GNAS SU BROS, ,SNYAN NGAG RIG BYED BDUD RTZI'I CHU GTER RBA RLABS GYEN

'PHYUR NGES PAR SKYENGS GYUR RANG BYUNG BSAM GTAN BRDZU LA BRTEN, ,GANG GI 'BYOR PA'I BANG MDZOD LA SKRAG RMUGS 'DZIN DBANG PO'ANG LHUN PO'I BYANG DU GNAS BCAS BAG YOD RNAM PAR BSTEN, ,YAN LAG BZHI PA'I DPUNG GI RDUL TSUB BZOD PAR MA NUS LHA MIN TSOGS RNAMS RGYA MTSO'I 'JING DU ZHUGS SAM SNYAM, ,GANG GI SNYAN GRAGS ZLA ZER SPU LONG GIS, ,MTHA' DAG NOR 'DZIN GOS DKAR BLANGS PA BZHIN, ,RGYAL PHRAN DU MA'I COD PAN NOR BU'I 'OD, ,ZHABS SEN NYE BAR MDZES DER MCHID 'DI GSOL, ,GANG GI LJAGS YANGS PAD MTSO'I RDUL MANG RE RE'ANG DBYANGS CAN BYE BA YI, ,NGANG MO'I PHANG PHUNG ZLOS GAR LTA BUR SNYAN NGAG MGRIN PA'I RDZA RNGA CAN, ,RGYAN MANG NYAMS BRGYA'I 'JO SGEG MKHAN DES MKHAS PA'I DO RA BRGYAN MTHONG NAS, ,DGE BA'I DBANG ZHES GRAGS PA DKAR DE SRAS BCAS MTHO RIS SKAS LA GSHEGS, ,'DI NA GANG YANG YUNGS 'BRU'I TSAD KYANG RIN CEN RI BO LTA BUR NI, ,BSNGAGS PA'I SNYAN TSIG BDUD RTZI'I RO BRGYAS NYE BAR SIM PA'I DPAL THOB PA, ,MA LA YA YI RLUNG BZHON GYIS REG DGA' BA DE YANG GA SHED SONG, ,'PHAGS PA'I BSAM GTAN BDE BA MCHOG LA'ANG DE RING GUS PA LHOD PAR GYUR, ,NYID KYI DRIN LAS RAB YANGS RGYA MTSO'I GOS CAN NGOGS SU NYER BRTEN PA'I, ,GUR KUM DOG PA 'GOD PA JI BZHIN KHRIMS LDAN LUNG RIGS SMRA BA'I TSOGS, ,THUB BSTAN BYI DOR 'BEL BA'I GTAM GYI MOL MCHID RNAM PAR ROL BA YIS, ,MDUN SA BRGYAN LA NGAL BA LHUR BLANGS BDAG KYANG PHYOGS 'DIR LHAGS PA LAGS, ,PHAL CHER PHYOGS SU LHUNG LAS MUN

, ,PA YI, ,GTING ZAB KHRON PA'I MAL DU GNAS BCAS KYANG, ,DAG SNANG NYI 'OD STONG GI RTZE DGA' DANG, ,RAB 'GROGS KHYOD THUGS GO 'BYED NGOS 'DI MTSAR, ,SRID PA'I NAGS SU CHAGS DANG SDANG BA'I LCE, ,GLOG PHRENG ROL BA LTA BUR GDUG PA'I SPRUL, ,GYA GYU'I 'GROS LA BRTEN TSE THUB PA'I BSTAN, ,RIS MED BDUD RTZI'I GTER DE RGYA LAM NA, ,RGYAL RNAMS CHOS SKU'I MAL DU RTAG GZIMS SHING, ,'KHOR LOS SGYUR BA 'BYUNG BA'I DUS MIN YANG, ,AU DUM W'A RA'I ZE'U 'BRU BKOD PA LA; ;RKANG DRUG LDAN RNAMS SNYAN PA'I DAR DIR SGROG ,NYI MA'I GNYEN LA SKYABS SU RAB 'DZIN CING, ,SDE SNOD RIN CEN GSUM LA RAB BRTEN NAS, ,BSLAB PA GSUM LA SPYOD PAR MNGON DGA' BA, ,KUN LA RIS MED NYID DU DAD PA LAGS, ,ZHES PA 'DI YANG BYA PA CHOS MDZAD PA LA GNANG BA'O,, ,, ` SUM RTZEN GNAS NA YID BZANG GTZO BO CHE BAR MNGON RLOM COD PAN CAN, ,CHU SKYES MNGAL DANG DGRA STA'I DUM BU MDA' LNGA PAS KYANG NYE BAR BSTEN, ,'DZIN MA'I LTO BAR GRAGS PA'I DPAL NI KUN KHYAB NGOS LA GSAL BAR 'GOD, ,GCIG TU MNYAN 'OS BKA' YIG SPRING YIG 'BYUNG PO KUN GYIS SPYI BOR BSTEN, ,BDUD RTZI'I ZER GYI REG PAS RNAM 'PHEL TSOGS GNYIS PHA MTHA' BRAL BA'I DBYINGS, ,THABS TSUL RIN CEN BANG RIM RNAM BKRA 'CHI MED RI BOR NOR RGYAS KYI, ,STONG NYID LANG TSOS GSAL BAR 'KHYUD GANG BRTZON PA'I MGYOGS 'GROS BSRUBS PA LAS, ,LEGS PAR 'ONGS SO BLO BZANG GANG DE SA GSUM 'GRO BA'I SNANG BYED NYID, ,LUNG RTOGS MI ZAD CHOS KYI 'BYOR PA LA, ,'DOD

RGUR SPYOD PA'I DPAL MNGA' RGYAL BA'I SRAS, ,MI DMAN LHUN GYIS GRUB PA'I GO 'PHANG RTZER, ,'DZEG PA'I BZANG PO'I LTAS MANG 'DIR YANG MTHONG, ,SLAR YANG BKRA SHIS RDUL MANG MTHOR BRTZEGS PA'I, ,THUB BSTAN LHUN PO'I NGOS LA MGON KHYOD KYI,, 'PHRIN LAS 'OD STONG 'CHAR BA MI NYAMS SHING, ,PHAN BDE'I DGA' TSAL YUN DU RGYAS PAR MDZOD, ,BDAG KYANG MCHOG GSUM RIN CEN BKA' DRIN LAS, ,PHYOGS 'DIR RGYUN CHAD MED PA'I DGE LEGS LA, ,TSUL BZHIN SPYOD PA'ANG DAM PA KHYED CAG GI ;BKA' DRIN 'GRAN ZLA MED PAR BDAG GIS KHUMS, ,DES NA PHYOGS DE'I PHAN DANG BDE BA'I KHUR, ,DPA' BO KHYOD KYI THOD DU STEN CIG DANG, ,BDAG GIS PHYOGS 'DIR RGYAL BA'I BSTAN PA LA, ,RI MOR BGYI BA KHO NAR 'BAD PAR BYA, ,BLO BZANG RGYAL BA'I PHRIN LAS MA NYAMS SHING, ,SROG GI THA MA LNGA PAR MA GYUR NA, ,BDAG CAG PHYOGS DE'I PHRA MO'I PHUN TSOGS LA, ,RE BA MED PA'I TSUL DE GZHAN LA SGROGS, ,RTEN CING 'BREL PAR 'BYUNG BAS BDAG CAG GNYIS, ,ZAB MO'I DBYINGS SU RTZE DGAS ROL BAR BYA, ,ZHU MCHID DKAR BA'I SKYES SU SMON LAM GYIS, ,GSER GYI PHRENG BA NYAMS PA MED PA 'BUL, ,ZHES PA CHOS RJE CHOS 'BYOR PA LA GNANG BA'O,, ,, ` NA MO MANYDZU GHO sh'A YA, BSTAN PA'I MNGA' BDAG CHEN PO SHAR TZONG KHA PA BLO BZANG GRAGS PA LA PHYAG 'TSAL LO, ,DE NAS SNYAN SKUL RNAMS DRUNG DKA' BCU PA RDOR RGYAL BAS 'PHROD LAGS, KHYOD KYIS BSTAN PA 'DI 'DZIN PA GAL CHE ZER BA BYUNG NA YANG, BDAG RANG GIS MA BZUNG GI BAR KHYED RNAMS KYIS MI BSHIG PA GAL CHE, DENG

, ,SANG SKU KHAMS BZANG ZHING 'CHAD NYAN SMAR BAR YOD ZER BA THOS PAS BDAG KYANG SHIN TU SPRO LAGS, NGED RNAMS LA MGON SKYABS KHYED LAS BZANG BA MED ZER NA YANG GZHAN YOD MOD KYI, NGA LA YANG MCHOD GNAS KHYED LAS BZANG BA MED SNYAM NA YANG, NGA LA SKYABS KYI DAM PA SHAR TZONG KHA PA CHEN PO YOD, SBYIN BDAG KYANG KHYED RNAMS LAS BZANG BA MED ZER TE, RGYAL CHEN SDE BZHI LA SOGS PA YOD PAS DGONGS 'TSAL,, ,, ` SHIN TU RNYED DKA'I DAL 'BYOR 'DI 'DRA RNYED,, DUS GSUM RGYAL BA'I BSTAN PA 'DI DANG MJAL, ,PHYI NAS 'DI DANG MJAL BA DKA' BAS NA, ,RGYAL BA'I BSTAN LA BYA BA CHER GYIS SHIG ,DA NI MYUR DU 'CHI BA SLEB 'ONG BAS, ,SKYABS GNAS DKON COG GSUM DANG MI 'BRAL BAR, ,'CHI BA MI RTAG SEMS PA GAL CHE ZHING, ,SEMS CAN DON DU 'CHAD NYAN SMAR BA DANG, ,RANG GI DON DU DGE SBYOR BYED PA DANG, ,BLA MAR MOS GUS SKYED PA GAL CHE BAS, ,'DI RNAMS SNYAN SKUL GTAM GYI SHA TSA YIN, ,'DI LA 'PHROD LAN MYUR DU GNANG BA ZHU, ,ZHES PA 'DI YANG DE NYID LA DGUNG LO BCU GCIG PA'I DUS GNANG BA'O,, ,, ` SLOB DPON PA'I DRUNG DU ZHU BA, PHYAG RTAGS KYI LAN NYUNG BSDUS BYAS PA LA, DUS GSUM RGYAL BA MA LUS PA'I, ,MKHYEN BRTZE GCIG TU BSDUS PA'I BDAG, ,BSHES GNYEN BLO BZANG GRAGS PA ZHES, ,NYI ZLA LTA BUR GRAGS PA DE'I, ,ZHAL GYI BU GA LAS 'ONGS PA'I, ,GSUNG 'BUM DRI MA MED PA 'PHROD, ,MTSAN DANG DPE BYAD 'BAR BAS BRGYAN PA'I SKU, ,CHOS PHUNG MA LUS CIG CAR SGROG PA'I GSUNG, ,'GRO BA KUN LA BU LTAR BRTZE

BA'I THUGS, ,BDAG GI SKYABS GNAS BLO BZANG GRAGS PA RGYAL, ,THOS BSAM GLING NAS ZHAL TA LA, ,THUGS DAM SKYABS 'OG CHUD CE NA'ANG, ,BDAG LA NUS PA MA MCHIS PAS, ,DE BAS KHYED RANG THUGS DAM MDZOD, ,KHYOD KYIS BKA' 'BUM ZUNGS ZHE NA'ANG, ,BLUN PO SHES RAB CHUNG BA YIS, ,'DZIN PA CUNG ZAD MA BYUNG NA'ANG, ,BSGRAGS PA TZAM GYI DGE BAS KYANG, ,BLA MED BYANG CHUB MYUR THOB SHOG ,CES PA YANG DE NYID KYI ZHU LAN DU GNANG BA'O,, ,, ` ,RLABS CHEN SHES RAB GSER GYI GZHAL MED KHANG, ,LUNG RTOGS YON TAN BANG MDZOD RAB RGYAS SHING, ,BSHAD SGRUB BSTAN PA'I RGYAL MTSAN MNGON MTHO BA, ,BSHES GNYEN DAM PA GANG DER MCHID 'DI GSOL, ,MTHA' YAS GDUL BYA'I ROL MTSO 'KHYIL BA'I DBUS, ,NYID SKU MCHI MED RI BO LTAR BRTAN CING, ,PHRIN LAS RNAM BZHI'I BANG RIM GYIS MDZES LA, ,THUB BSTAN GLING BZHI'I RGYAN DU GYUR PA'I NGOS, ,PHYOGS 'DIR 'DUS PA STONG PHRAG DU MA LA, ,JA DKAR MCHOD YON DAR 'GYED DANG BCAS PA, ,NGED LA'ANG CHAB SHOG DON BZANG 'DAB PHRENG CAN, ,YID 'PHROG TSIG SBYOR SBRANG RTZI'I BCUD CHAGS PA, ,DNGUL DKAR LAS GRUB RIGS LNGA'I COD PAN DANG, ,RIGS GSUM MGON PO'I SKU YI MDANGS 'PHROG CING, ,RDO RJE GSUM MTSON GOS YUG BZANG PO GSUM, ,DING PHON YUG DANG RTEN KHEBS GAN DKAR DANG, ,GOS CHEN GSER MA DRE'U BZANG POR BCAS, ,GNANG BAS YID LA GDUNG BA'I MUN PA BSAL, ,SPRO DGA'I SNANG BA RGYA CHEN THOB PAR GYUR, ,'DI NA'ANG LUS PO DAD 'BUL GOS KYIS G-YOGS, ,PHO BA DAD ZAS

, ,KYIS BKANG SNYOM LAS KYIS, ,DUS 'DA' DA LTA SHI NA TZUG BYED SNYAM, ,SNYING LA SKRAG CING GZHAN PHAN SPYOD PAR RLOM, ,LUS SEMS NAM MKHA'I GLOG PHRENG LTAR G-YO YANG, ,BSTAN LA PHAN PHYIR YUN DU GNAS BYOS ZHES, ,BKA' STZAL SEMS KYI KHUR DU RAB LCI ZHING, ,GZHI MED SNYAN GRAGS BRAG CA'I SGRA TZAM LAS, ,GZHAN PHAN LAS LA SBYOR BA'I MTHU DMAN YANG, ,JI LTAR THUGS LA BZHED PA'I SMON LAM RNAMS, ,TSUL KHRIMS LDAN PAS SMON PA 'GRUB PA DANG, ,KHRIMS LDAN DGE 'DUN 'DU BA CHEN PO'I TSE, ,SANGS RGYAS SPRUL PA GNAS BRTAN BCU DRUG KYANG, ,'BYON PAR ZHAL BZHES 'BYON PAR NGES SNYAM NAS, ,BDEN TSIG SMON LAM 'DUS PA'I DBUS SU BSGRAGS, ,JO BO YAB SRAS DNGOS DANG KHYAD MED PA'I, ,GSUNG NGAG DRI MED GLEGS BAM RIN PO CHE'I, ,GNAD KUN BSDUS PA'I SMON LAM 'DI DAG KYANG, ,NYID KYI THUGS DAM SPEL PHYIR LEGS 'BUL ZHING, ,PADMA R'A GA'I MDANGS CHAGS SRAB CHEN GYI, ,BLA GOS RGYA YIS MDZES PA SKYES SU 'BUL, ,BZHED DON 'GRUB PA'I SMON LAM RGYUN DU BGYID, ,KUN LDAN LO YI SA GA ZLA BA LA, ,'BRAS SPUNGS ZHES GRAGS CHOS GRVA CHE NAS ZHUS, ,ZHES MDO SMAD AA GRO BLA MA LA GNANG BA'O,, ,, ` RMAD BYUNG RNAM DPYOD RTA LJANG GIS DRANGS TE, ,MTHA' MED SHES BYA'I GO 'BYED YANGS PA'I NGOS, ,RIG GNAS LNGA YI 'OD STONG DRA BA CAN, ,SNANG BA'I DBANG PHYUG GANG DE RING DU RGYAL, ,MKHYEN PA'I DKYIL 'KHOR CHA SHAS YONGS GANG BA'I, ,BDUD RTZI'I SPU LONG BRGYA PHRAG REG PA LAS, ,THUB BSTAN CHU SRIN 'BYUNG GNAS RLABS 'PHYUR BA,,

KHOR YUG SA 'DZIN DAG GIS BSTEN PA BZHIN, ,RING NAS STONG PHRAG NYI 'OD 'THUNGS PA YI, ,RAB SMIN CHU SKYES ZE'U 'BRU DGOD PA LA, ,DON GNYER RKANG DRUG LDAN PA'I TSOGS RNAMS KYIS, ,'PHUR LDING ZLOS GAR ROL BA DE RMAD DO, ,'DI NA SH'AKYA MU NE'I ZHABS SEN GYI, ,MANDHA RA 'THOR NOR 'DZIN LA BRTEN PA'I, ,PHUN TSOGS CHOS GRVA'I SKYED TSAL CHE RNAMS KYANG, ,'KHOR LO GSUM GYI ROL PAS RNAM PAR RTZEN, ,BSOD NAMS BRGYA PA'I MIG 'PHRUL GSER 'OD KYI, ,MYU GU BKRAM PA RGYAL BA'I SKU BRNYAN DAG ,SGRUB PA'I MTHUN RKYEN SLAD DU ZHUGS 'DI RNAMS, ,RMAD BYUNG DGONGS PA'I RGYA MTSOR 'TSO BAR MDZOD, ,'JAM MNYEN 'DAB MA BSKYOD PA'I 'PHUR LDING MKHAN, ,ZHU 'PHRIN NE TZO'I NA CHUNG SMRA MKHAS MA, ,'BRAS SPUNGS S'A LA'I RKANG 'THUNG 'KHRIGS PA NAS, ,BYAMS GLING MA LA YA YI NGOGS SU SONG, ,NAG PA CAN GYI PHYOGS GNYIS PA'I, ,RDZOGS LDAN MING GIS MTSAN PA'I TSES, ,SENG GE'I DUS SBYOR SHAR BA NA, ,PHUL BAS DGE LEGS RNAM PAR 'PHEL, ,ZHES PA GLO BO BYAMS GLING GI GDAN SA PA LA GNANG BA'O,, ,, ` GLO GROS DKYIL 'KHOR LEGS BSHAD 'OD STONG CAN, ,BLO GSAL GDUL BYA'I RE BA SKONG MDZAD PA, ,BLO BRTAN RGYAL BA'I SRAS PO GANG DE LA, ,BLO SEMS DANG BA'I YID KYIS MCHID 'DI GSOL, ,DENG DUS NYER 'TSE'I RNYOG PA DANG BRAL ZHING, ,PHUN TSOGS ROL PA'I MTSO CHEN YONGS GANG BA, ,GZHAN PHAN PADMO'I DRA BAS KHEBS PA NI, ,GDUL BYA RKANG DRUG LDAN PA'I NYER 'TSO LAGS, ,'DI NA'ANG NAD DANG 'CHI BAS MA BCOM ZHING, ,SNYOM LAS NGANG NAS BSTAN DANG 'GRO BA LA,,

, ,PHAN PA'I LHAG BSAM CHUNG DE SPYOD CING MCHIS, ,CHOS 'KHOR RGYAL ZHES BYA BA'I GTZUG LAG KHANG, ,MDZES BYED RGYAL BA'I SKU GZUGS BZHENG BA LA, ,JI LTAR 'OS PA'I MTHUN RKYEN SGRUB PA'I THABS, ,THABS MKHAS BSHES GNYEN DAM PAS MDZAD DU GSOL, ,ZHIB PA'I GNAS TSUL NGAG GI LAM NAS GSAL, ,'JAM MNYEN DAR GYI SKYES DANG LHAN CIG PAR, ,DPAL LDAN 'BRAS SPUNGS CHOS KYI GRVA NAS PHUL, ,ZHES PA DGE BA'I BSHEN GNYEN DBYIG GNYEN PA LA MNGA' RIS SU GNANG BA'O,, ,, ` THUB BSTAN RIN CEN RDUL MANG BRTZEGS PA'I RTZER, ,DPAL LDAN BSHES GNYEN LHA YI DBANG PO NI, ,CHOS KYI BLO GROS SPYAN STONG GSAL BA CAN, ,DA DUNG YUN RING BAR DU ZHABS BRTAN CIG ,GANG GI TSIG DON PHUN TSOGS CHAB SHOG NI, ,KUN GSAL BU MO'I MDANGS 'PHROG GOS YUG GI ,SKYES DANG BCAS PA PHYOGS 'DIR BSTZAL BA LAS, ,BSAM GTAN DANG PO'I GNAS LA REG BZHIN GYUR, ,GANG SKU SA LA'I LJON PAR RAB BRTAN PA'I, ,YAL 'DAB PHYOGS KUN KHYAB PA'I GRIB BSIL LA, ,PHYOGS DE'I SKYE RGU BGRANG YAS NGAL GSO ZHES, ,SNYAN PA BUNG BA'I DBYANGS KYIS RNA BAR SON, ,'DI NA'ANG GNAS SKABS LNGA PAR MA GYUR CING, ,YUL DBUS DAG DANG MTHA' 'KHOB LA BRTEN PA'I, ,'DUS PA'I SDE RNAMS LEGS PAR SKYONG BA SOGS, ,BSTAN DANG 'GRO LA GANG PHAN BGYID PAR BRTZON, ,RGYA CHEN MDO DANG SNGAGS KYI GSUNG RAB LA, ,LEGS PAR SBYANGS PA'I BSHES GNYEN DAM PA KHYED, ,DE DON GDAMS PAR SHAR BA'I NYAMS LEN LA, ,GCIG TU GZHOL BAS DAL 'BYOR DON LDAN MDZOD, ,SHAR

PHYOGS RGYA NAG CHA SHAS DANG 'BREL BA'I, ,'DZIN MA'I KHYON RNAMS LA GNAS 'GRO BA DANG, ,RGYAL BA'I BSTAN PA 'DZIN SKYONG SPEL BA LA, ,SNGAR BZHIN NAM YANG G-YEL BA MED PA 'TSAL, ,RANG GIS CUNG ZAD GYON PA'I PAn ZHVA ZHIG ,RGYA YI LANG TSO GSAL BA SKYES SU 'BUL, ,KUN LDAN LO YI SA GA ZLA BA YI, ,RGYAL BA DANG PO'I TSES LA DGE BAR ZHUS, ,ZHES PA MDO SMAD DU YOL PA RAB 'BYAMS PA LA GNANG BA'O,, ,, ` ZAB YANGS GZHUNG BRGYA'I MKHA' LA THOGS MED PA'I, ,BLO GROS DKYIL 'KHOR LEGS BSHAD 'OD STONG CAN, ,THUB BSTAN PAD TSAL RGYAS PA'I GNYEN GCIG PU, ,BSTAN PA'I NYI MA RING DU ZHABS BRTAN CIG ,DENG SANG NAG PHYOGS NYER 'TSE LAS RGYAL ZHING, ,PHUN TSOGS MDZAD PA'I GRU CHAR LEGS PHAB STE, ,SKYE RGU PHAN BDE'I LO TOG RGYAS PA DANG, ,SKAL BZANG RE BA'I MTSO CHEN YONGS GANG BA'I, ,SNYAN PA SPRIN GYI RNGA SGRA DUS KUN TU, ,THOS TSE DGA' BAS MYOS PA'I RMA BYA DAG ,SPRO DGA'I GTZUG PHUD BTEG STE GAR BYED DO, ,'DI NA'ANG SNYOM LAS NGANG NAS THUB BSTAN LA, ,RI MOR BGYI BA'I BSAM PA MA DOR ZHING, ,RGYAL BA'I RTEN BZHENG SOGS LA BRTZON PAR GNAS, ,SKABS KYI ZHU DON 'BUL DPON DPON SLOB LA, ,PHA MA BU LTAR BDAG RKYEN LEGS MDZAD DE, ,RTEN GYI RGYU SOGS GANG 'OS MTHUN PA'I RKYEN, ,LEGS PAR STZOL ZHES BKA' BZHES BZANG PO DAG ,GANG MDZAD DE NYID BKA' BCU RNAM GNYIS LA, ,'PHRAL DU STZOL BA'I BKA' DRIN MDZAD PA'I RIGS, ,ZHU MCHID SKYES SU DRI BZANG THUM BU 'BUL, ,CHO 'PHRUL CHEN PO'I DGA' BA DANG PO LA, ,DPAL LDAN 'BRAS SPUNGS

, ,CHOS KYI SDE NAS PHUL, ,ZHES PA 'DI KHAMS SU BLA MA BSTAN NYI BA LA GNANG BA'O,, ,, ` MTHON PO'I RIGS 'KHRUNGS MCHOG TU BLO GSAL ZHING, ,YON TAN DU MA'I RGYAN GYIS MDZES PA KHYOD, ,BSHUL RING LAM DU NYE ZHO MA MCHIS PAR, ,PHYOGS 'DIR DAR YUG GAN SPOS SKYES DANG BCAS, ,GSUNG BRIS 'BYOR BAS SEMS LA LHAG PAR SPRO, ,'DI NA'ANG NAD MED BSHAD SGRUB 'PHEL BAR GNAS, ,SLAD MA'ANG YON TAN KUN GYI GZHI RTEN MCHOG ,TSUL KHRIMS MIG 'BRAS LTA BUR GCES PAR SRUNG, ,SKYABS GSUM BLA MA 'BRAL MED SPYI BOR SGOMS, ,GDUNG SHUGS DRAG POS YANG YANG GSOL BA THOB, ,DRAN DANG SHES BZHIN BAG YOD LEGS GOMS PAS, ,SGO GSUM NYES PA'I LAM DU MA SONG BAR, ,CHOS DANG MTHUN PA'I DAL 'BYOR DON LDAN MDZOD, ,BZHED DON 'GRUB PA'I SMON LAM RGYUN DU BGYID, ,GSAR DU BYON PA'I DBON PO RNAMS LA YANG, ,LUGS GNYIS SGO NAS BDAG RKYEN BGYID PA YOD, ,ZHIB PA'I GNAS TSUL NGAG GI LAM NAS GSAL, ,SNGAGS KYIS BTAB PA'I GU GUL SKYES SU MTSON, ,CHU MO SBRUL LO SA GA ZLA BA YI, ,DUS CHEN TSES LA 'BRAS SPUNGS SDE NAS ZHUS, ,ZHES PA YANG KHAMS SU GNANG BA'O,, ,, ` BLO GROS YAR NGO'I ZLA SHEL LTAR 'PHEL BA'I, ,THUB PA'I BRTUL ZHUGS SPYOD PA'I DGE SLONG GI ,GSUNG BRIS 'JA' TSON LTA BUR CHES BKRA BA'I, ,DAR YUG RNAM GRANGS SKYES BCAS PHYOGS 'DIR SON, ,KHYED NYID SNGON CHAD NGED DANG MA MJAL YANG, ,MI PHYED DAD PA BRTAN PA SHIN TU LEGS, ,TSE RABS PHYI MAR DPON SLOB MJAL NAS KYANG, ,THEG MCHOG

CHOS KYI DGA' BAS ROL BAR SMON, ,DRAN PA YIS KYANG SRID ZHI'I 'JIGS 'PHROG PA'I, ,JO BO YAB SRAS RJE BTZUN TZONG KHA PA, ,BSLU MED DKON COG GSUM DANG BCAS PA LA,, SNYING NAS BLO GTAD GSOL BA 'DEBS PAR MDZOD, ,YID BZHIN NOR LTAR RNYED DKA' DON CHE BA'I, ,DAL BA'I RTEN 'DI BSLAB GSUM NYAMS LEN GYIS, ,NYIN RE ZHING YANG SNYING PO LEGS BLANGS NAS, ,GTAN GYI MDUN MA'I RTZA BA TSUGS PAR MDZOD, ,SNGAGS GUL PHYAG MDUD ZUNG 'BREL SKYES SU MTSON, ,CHU SBRUL SA GA ZLA BA'I BCO LNGA YI, ,DUS TSES NYID LA 'BRAS SPUNGS SDE NAS DGE ,ZHES PA 'DI YANG KHAMS SU GNANG BA'O,, ,, ` CHOS RJE MKHAN CHEN PA'I DRUNG DU ZHU BA, PHYAG RTAGS BUR SHING GI SNYING PO RAS DKAR YUG SOGS KYI RTEN DANG BCAS PA PHEBS, ,DENG SANG SKU LUS MCHOG TU SNYOMS SHING RGYAL SRAS KYI SPYOD PA RLABS PO CHE'I MDZAD PA'I GAR GYIS RNAM PAR ROL BA'I SNYAN PA RNA BA'I BCUD LEN DU LAN CIG MA YIN PAR THOS PAS SPRO BA LHAG PAR 'PHEL, NGED KYANG SNYOM LAS KYI NGANG NAS MKHAR LAS BZHIN CI 'GRUB LTA BA'I SKABS NA YOD LAGS, MTSAMS ZHU, DA LAN SKOR CIG PHEBS PA'I ZHAL TA BYUNG BAS SGUG SDOD DU YOD LAGS NA'ANG, GTZANG PO CHE DUS SOGS KYI DGAG BYA LA BRTEN SBYIN BDAG BU SLOB RNAMS KYIS BSHOL BAR 'DUG PA RTING SOR MJAL BA'I SMON LAM GNANG BAS 'THUS PAR 'DUG LAGS, GDAMS PA DGOS TSUL PHEBS PA MDO TZAM ZHIG TSIGS SU BCAD DE PHUL BA NI, LEGS TSOGS DNGOS GRUB KUN GYI 'BYUNG GNAS NI, ,MTSAN NYID KUN LDAN THEG MCHOG BSHES GNYEN TE, ,RAB 'BYAMS

, ,RGYAL BA'I NGO BOR YID CHES NAS, ,SNYING NAS BLO GTAD GSOL BA 'DEBS PAR MDZOD, ,THOG MED DUS NAS NGAN 'GRO'I 'PHRANG RING BRGYUD, ,DA LAN GCIG PU DAL 'BYOR THOB DUS 'DIR, ,DON MED G-YENG BAS KHYER BA NGO RE TSA, ,DA NI NGES PAR SNYING PO BLANG BAR MDZOD, ,DAL 'BYOR RTEN THOB RGYAL BA'I BSTAN DANG MJAL, ,NGES PAR 'CHI ZHING NAM MCHI'I NGES PA MED, ,GLOG PHRENG LTA BUR SKAD CIG GIS 'JIG CING, ,LANG TSO 'JA' TSON BZHIN DU MYUR DU YAL, ,TSE 'DI'I PHUN TSOGS STON KA'I SPRIN LTAR G-YO, ,'CHI TSE CHOS MIN GZHAN GYIS MI PHAN PAR, ,MTHONG BZHIN TSE 'DI'I CHOS BRGYAD LHUR LEN NA, ,DE LAS SNYING RUL GYUR PA SU ZHIG YOD, ,SHI NAS GAR SKYE RANG DBANG MA MCHIS SHING, ,BDAG CAG BAG MED MI DGE'I GZHAN DBANG GIS, ,KYE MA NGAN 'GRO'I G-YANG DU LHUNG GYUR NA, ,JI LTAR BZOD CES SNYING NAS BSAM PAR RIGS, ,MNGON MTHO NGES LEGS KUN LA MI BSLU ZHING, ,'KHOR BA NGAN 'GRO'I 'JIGS LAS SKYOB BYED PA'I, ,SKYABS GNAS DKON COG GSUM LA BLO GTAD NAS, ,SDIG SPONG DGE BA SGRUB LA BRTZON PAR 'TSAL, ,KHAMS GSUM 'KHOR BA'I KHRON PA GTING MED PAR, ,ZO CHUN BZHIN DU DBANG MED DU 'PHYAN ZHING, ,SDUG BSNGAL RANG BZHIN NYID LAS MA 'DAS PAR, ,MTHONG BA'I SKYO SHAS THAR 'DOD DRAG PO BSTEN, ,MU MED ZHING NA GRANGS MED SEMS CAN RNAMS, ,BZOD DKA'I SDUG BSNGAL BRGYA YIS MNAR BA LA, ,SNYING NAS PHA MAR SHES PA'I SNYING RJE YIS, ,KUN GYI SDUG BSNGAL RANG GIS LEN PA DANG, ,BDAG GI BDE DGE MA

LUS GZHAN LA BTANG, ,MU MED 'KHOR BAR 'KHYAMS PA'I DRIN CAN RNAMS, ,BLA MED BDE LA BDAG GIS DGOD BYA ZHES, ,SEMS NI BYANG CHUB DAM PAR BSKYED BYAS NAS, ,PHYIN DRUG SPYOD PAS NYIN MTSAN 'DA' BAR BYA, ,'KHOR 'DAS CHOS KUN BRTEN NAS BTAGS TZAM LAS, ,YUL GYI STENG NAS GRUB PA MA MCHIS SHING, ,MING TZAM NYID LA LAS 'BRAS MI BSLU BA'I, ,SNANG STONG ZUNG DU 'JUG PA'I NYAMS LEN BYA, ,GRANGS MED GSUM GYI DUS RING MA BRTEN PAR, ,TSE GCIG NYID LA SANGS RGYAS 'THOB PA NI, ,BLA MED RDO RJE'I THEG PA KHO NA STE, ,SKAL BZANG TSOGS RNAMS LAM DER 'JUG PAR RIGS, ,RNAM DAG DBANG BZHI'I CHU BOS SGRIB GNYIS KYI, ,DRI MA KUN BKRUS SKU BZHI'I SA BON BZHAG ,DAM TSIG SDOM PA TSUL BZHIN BSRUNGS PA LAS,, ZAB MO'I LAM BZANG SKYE BA'I SNOD DU BSGRUB, ,MA DAG SKYE SHI BAR DO'I SNANG ZHEN 'DI, ,YID NGOR SBYANGS NAS SKU GSUM LAM 'KHYER BA'I, ,SBYANG GZHI SBYONG BYED TSANG BA'I BSKYED RIM GYIS, ,RDZOGS RIM RTOGS PA 'DREN PA'I RGYUD SMIN BYAS, ,ZLA NYI'I LAM NAS DKYIL 'KHOR BCU YI RLUNG, ,SGRA GCAN LAM DU 'GOG PA'I THABS MKHAS KYIS, ,'OD GSAL PHYAG RGYA CHEN PO MTSON BYA ZHING, ,LHAN SKYES BDE CHEN NGANG DU GNAS PAR BYA, ,'CHI RIM JI LTA'I LAM GYI 'OD GSAL LAS, ,SPRIN RUM NAS 'THON GLOG GI ZLOS GAR BZHIN, ,SGYU 'PHRUL DRA BA'I SKU RU YONGS RDZOGS PAS, ,MA DAG SKYE 'CHI'I 'PHRANG LAS GROL BAR 'GYUR, ,DON GYI LHAN CIG SKYES PA'I YE SHES KYIS, ,NYON MONGS DRI MA'I SA BON KUN SPANGS SHING, ,ZUNG 'JUG RDO RJE'I SKU BRNYES

, ,GNYIS SNANG GI ,'KHRUL PA KUN SBYANGS YAN LAG BDUN LDAN SKU, ,MKHA' KHYAB GRANGS MED SPRUL PA'I SPRIN 'PHRO BAS, ,NAM MKHA' JI SRID 'GRO BA SGROL BAR MDZOD, ,RANG NYID GAR 'GRO GTOL MED GZHAN DAG LA, ,LAM RGYUS STON PA SHIN TU MI RIGS KYANG, ,KHYED GSUNG BCAG PAR DKA' BAS MDO SNGAGS KYI, ,LAM GYI GNAD KUN NYUNG NGU'I TSIG GIS BSHAD, ,RO BCUD PHUN TSOGS LO MA'I PHUR MA DANG, ,DBANG PO'I GZHU LTAR BKRA BA'I DAR DANG BCAS, ,GRO ZHUN CAN GYI MAR NGO'I PHYOGS KYI NI, ,DGA' BA GSUM PA'I TSE LA DGE LEGS 'PHEL, ,ZHES PA GRU MDA' MKHAN CHEN PA LA GNANG BA'O,, ,, ` LHUN GRUB CHOS SKU'I NAM MKHA' YANGS PA LA, ,GRANGS MED GZUGS SKU'I CHU 'DZIN RAB 'KHRIGS TE, ,DNGOS GRUB BDUD RTZI'I GRU CHAR 'BEBS MKHAS PA, ,SRAS BCAS RGYAL BAS KHYED LA DGE LEGS STZOL, ,DENG SANGS DE PHYOGS NA 'KHOR BCAS NYER 'TSE'I CHU 'DZIN GYIS MI SGRIB CING, ,DKAR PHYOGS KYI MDZAD PA BDUD RTZI'I ZER KUN TU 'PHRO BAS 'KHOR BA MUN PA'I SMAG RUM BCOM STE, GNAS SKABS DANG MTHAR THUG GI PHAN BDE'I KU MUD RGYAS PAR MDZAD PA'I NGANG DU BZHUGS LAGS SAM, 'DI PHYOGS NA'ANG NAD 'TSE MED CING, BSTAN PA DANG SEMS CAN LA GANG PHAN BGYI BA'I SKABS NA YOD LAGS, SKABS KYI ZHU BA, CHOS 'KHOR RGYAL GYI GTZUG LAG KHANG DU RJE BTZUN GYI SKU TSAD CUNG CHE BA ZHIG BZHENG 'DOD YIN PA NAS MNGA' RIS PHYOGS SU GROGS MCHED 'BUL SDUD LA BRDZANGS PA, RANG GZHAN GYI BSOD NAMS RGYA CHER SPEL BA'I SLAD DU SKU RGYU LA PHAN PA'I ZANGS GSER

'BUL BA BDAG RKYEN MTHIL PHYIN PA, YAR PHYIR LAM LA SGROL 'DON SOGS GANG SA NAS THUGS KHUR BZHES PA ZHU, 'DI PHYI'I BZHED DON 'GRUB PA'I SMON LAM RGYUN LDAN BGYID LAGS, DAD PA 'DZIN MA'I KHYON LAS LHAG PAR BRTAN, ,'BYOR PA CHU YI GTER BZHIN PHA MTHA' YAS, ,GTONG BA DPAG BSAM SHING LTAR 'DOD PA 'JO, ,DUS KYI MGON MED ZAS SBYIN SRAS MO NI, ,MA GA DHA BZANG SLAR YANG 'ONGS PA LTA'I, ,YUM SRAS DGE LA LHAG PAR THUGS GZHOL BAS, ,KHYED KYIS DENG 'DIR RE BA 'BRAS LDAN MDZOD, ,CES PA GLO BO DPON MO PADMA BZANG MO LA GNANG BA'O,, ,, ` LEGS SPYAD BDUD RTZI'I CHU GTER BSRUBS PA LAS, ,NGAL DUB MED PAR BSKRUN PA'I DPAL MO NI, ,BU RAM SHING PA'I 'KHOR LO'I LAG 'DZIN PA, ,GANG GI DRUNG DU RING NAS 'DI SKAD ZHU, ,SPRIN BRAL MDZES SKU YID 'ONG ZLA SHEL NI, ,PHUN TSOGS MDZAD PA'I 'OD DKAR KHOR YUG CAN, ,SNYAN GRAGS BDUD RTZI'I SPU LONG NOR LDAN MA, ,GOS DKAR DU GU LA YIS KHEBS LAGS GRANG, ,'DI NA'ANG SNYING GI ME LONG DVANGS PAR NI,, RAB SHAR THUB BSTAN GZUGS BRNYAN LA CHAGS TE, ,LUNG RIGS SMRA BA 'DUS PA'I SDE DANG BCAS, ,GYI NA'I BSHAD SGRUB BYA BAS 'TSO ZHING MCHIS, ,YAB RJE CHOS RGYAL GONG MA DE DAG GI ,GDUNG RABS 'DZIN BYED BKA' GDAMS BSTAN PA'I SROL,, LHA CHOS BDUN DANG LDAN PA PHYOGS KUN TU, ,RGYAS PA'I BDAG RKYEN G-YEL BA MED PAR MDZOD, ,CHOS 'KHOR RGYAL ZHES BYA BA'I GTZUG LAG KHANG, ,RIS MED SKYE BO'I TSOGS KYI 'JIGS SKYOB TU, ,RTEN BZHENG MTHUN RKYEN SGRUB BYED 'DI DAG LA, ,G-YEL

, ,MED THUGS RJE'I SPYAN RAS G-YO BAR MDZOD, ,GANG GI SKU TSE CHAB SRID LUGS GNYIS KYI, ,PHUN TSOGS YAR GYI NGO BZHIN 'PHEL BAR SMON, ,LHA RDZAS 'JAM MNYEN RGYAS PA'I DBYIBS 'CHANG BA, ,SPYAN ZUR AUTPAL DAG DANG 'GROGS PHYIR DBUL, ,ZHES PA MNGA' RIS RDZONG DKAR DPON MO DKON COG BZANG MO LA GNANG BA'O,, ,, ` YID KYI MKHA' LA 'CHAR BA'I NYI 'OD BZHIN, ,RAB DMAR MTSAN DPE'I 'OD RIS G-YO BA CAN, ,TSE DPAG MED MGON RGYAL BA'I DBANG PO DES, ,KHYED LA DGE LEGS G-YO BA MED GYUR CIG ,MTHON PO'I RIGS KYI SKYED TSAL LAS 'KHRUNGS PA'I, ,DAD PA'I RTZA BA RAB BRTAN MKHYEN RAB KYI, ,'DAB PHRENG GO 'PHANG MTHON PO'I RTZER SON PA,, LHA SRAS DPAG BSAM RKANG 'THUNG GANG DE RGYAL, ,RANG BYUNG LHAN CIG SKYES PA'I NYI 'OD KYIS, ,ZUNG 'JUG GO 'PHANG MTHON PO LA REG PA'I, ,GRUB RIGS LHA MI'I DBANG PHYUG GANG DE'I DRUNG, ,PHUL BYUNG RNAM DPYOD LANG TSO RAB RGYAS SHING, ,RNAM MANG YON TAN RIN CEN RGYAN PHRENG 'DZIN, ,LHAG BSAM 'DZUM DKAR GTONG BA'I SPYAN YANGS PA, ,RI SRAS KHENGS PA THUNG NGUR BYED PA BZHIN, ,BDAG KYANG PHUNG PO'I TSOGS PA MA GYES SHING, ,RNAM MANG SKYE BO'I RE 'DOD BSKANG BA'I SLAD, ,SHAR PHYOGS KONG YUL ZHES GRAGS LJON SHING GI ,DO RA 'KHRIGS PA'I PHYOGS SU 'JUG PAR BRTZON, ,SKU TSE'I RGYAL MTSAN RAB TU BRTAN PA DANG, ,MNGA' 'BANGS DBYAR GYI MTSO LTAR GANG BA DANG, ,MDZAD PA YAR NGO'I ZLA SHEL LTAR RGYAS PA'I, ,NGANG NAS MYUR DU MJAL BAR SMON PA LAGS, ,THA SKAR CAN GYI YAR GYI NGO, ,RGYAL

BA GSUM PA SHAR BA NA, ,'OL KHA STAG RTZE'I KHANG BZANG NAS, ,PHUL BA'I ZHU YIG DGE LEGS 'PHEL, ,ZHES PA 'DI 'BRI GUNG BYANG SEMS MA LA GNANG BA'O,, ,, ` DREGS LDAN MTHO RIS DPAL MO'I TSOGS RNAMS KYANG, ,GANG DU ZUR PHUD DUD PAS PHYAG BYA'I GNAS, ,YON TAN DPAG YAS RGYAN GYI 'JO SGEG CAN, ,NOR 'DZIN SKYONG MDZAD DRUNG DU MCHID 'DI ZHU, ,MKHYEN YANGS SUM RTZEN SKYED TSAL LAS 'ONGS PA'I, ,CHAB SHOG MAN DHA RA YI PHRENG RGYAS SHING, ,SKYES BZANG 'CHAR KHA'I 'OD DMAR GYIS KLUBS PA, ,RAB DGA'I BDUD RTZI BZHIN DU PHYOGS 'DIR 'ONGS, ,GANG SKU 'CHI MED RI BO'I DPAL 'PHROG CING, ,MNGA' 'BANGS DBUGS 'BYIN SNYAN ZHING 'JIBS PA'I GSUNG, ,LUGS GNYIS JI BZHIN GSAL BA'I THUGS DVANGS PA, ,ZAB RGYAS TING 'DZIN NGANG DU SPYOD CES THOS, ,SO GA DBYAR SKYES GSAR PA'I PHRENG BA NI, ,SNYAN PA'I 'BRUG SGRA DAL GYIS DGOD PA NA, ,GNAS DER DANG BA LHUR LEN SPRIN GYI GROGS, ,GTZUG PHUD MNGON PAR BTEG STE GAR BYED DO, ,'JIG RTEN DBANG POS SGYU MA BKOD PA'I GNAS, ,SH'AKYA'I RGYAL PO'I ZHABS SEN 'OD CHAGS PA, ,NOR 'DZIN LA BRTEN 'DUS PA'I SDE RNAMS KYANG, ,'KHOR LO GSUM GYI ROL PAS BRTZON PA LAGS, ,MKHYEN YANGS KUN KHYAB GNAS LA 'GRAN PA CAN, ,BSTAN DANG BSTAN 'DZIN GNAS LA GUS PA KHYED, ,RIS MED BSTAN LA SRI ZHU LHUR LEN MDZOD, ,RIN CEN RDUL BRTZEGS MKHAR NYAL GRONG KHYER BCAS, ,DBYIG GI BLO GROS MA 'DIR RAB GNAS PA, ,DE SRID YUM SRAS SKU TSE RTAG CING BRTAN, ,CHAB SRID RDZOGS LDAN BZHIN DU

, ,RGYAS PAR SMON, ,RO MNGAR PHUN TSOGS LO MA'I PHUR MA 'DI, ,ZHU MCHID SPYAN ZUR REG PA'I SKYES SU 'BUL, ,SBRANG RTZI 'DZIN PA'I ZLA BA'I PHYOGS GNYIS PA'I, ,BZANG PO DANG PO'I TSES LA PHUL ZHU YIG ,CES PA YAR RGYAB DPON MO LA GNANG BA'O,, ,, ` LHAG BSAM 'DZUM DKAR STON PA'I BZHIN RAS CAN, ,GTONG BA'I SPYAN YANGS BDE SOGS GNYIS PA DE'I, ,BDUD RTZI'I PHUR MA DANG 'GROGS BKA' YIG GI ,DBUGS DBYUNG BLA NA MED PA THUGS RJES BZUNG, ,RANG 'DOD RNYED BKUR ZHAGS PAS YID DRANGS PAS, ,'KHOR BA'I SKYON GYI CHA SHAS KYIS REG NA'ANG, ,DKON COG THUGS RJE'I MTHU DPAL RMAD MNGA' BAS, ,NYAM NGA ZUG RNGU'I G-YANG SAR MA LHUNG TZAM, ,DA DUNG SRAS BCAS RGYAL BA'I BKA' DRIN LAS, ,LUS SEMS TSOGS PA BDE BAR GNAS PA DANG, ,DE YI RKYEN DU 'OS PA'I THABS RNAMS LA'ANG, ,BKA' BZHIN BRTZON PA LHOD PA MED PAR BGYI, ZHES 'PHRAL DU PHUL BA'I ZHU THO, ZHES PA 'DI 'OL KHA BA'I DPON MO LA GNANG BA'O,, ,, ` SNGON BSAGS LEGS SPYAD TSOGS KYIS MDZES PA'I SKU, ,MNGA' 'BANGS BYAMS PAS DBUGS 'BYIN MDZAD PA'I GSUNG, ,MI PHYED DAD PA'I NOR GYIS GANG BA'I THUGS, ,NOR 'DZIN SKYONG MDZAD DPAL MO GANG DE YIS, ,MTHU LDAN SRUNG MA MCHOD PA'I DAM RDZAS TSOGS, ,MTSAR BA'I ZAS DANG PHUN TSOGS 'TSO BA'I RKYEN, ,GSAR PA'I LO TOG PHUD BCAS CHAB SHOG NI, ,PHEBS PAS SNYING LA BDUD RTZIS BRAN PA THOB, ,DAD PA MCHOG DANG PHUL BYUNG SHES RAB KYIS, ,NYIN BZHIN KHYOD THUGS DGE LA GOMS PA NI, ,YAR NGO'I ZLA BA DBYAR

GYI NAGS TSAL LAS, ,LHAG PAR 'PHEL 'DI MCHOG TU NGO MTSAR LAGS, ,TSE 'DI'I PHUN TSOGS RMI LAM THUN GCIG BZHIN, ,SHIN TU YUN THUNG MNOG CHUNG SNYING PO MED, ,DE PHYIR GTAN GYI BTZAN SA BZUNG BA'I PHYIR, ,RTAG TU DGE BA'I LAM LA GUS PAR MDZOD, ,GTAN GYI SKYABS GYUR BLA MA DKON COG GSUM, ,SPYI BOR 'BRAL MED GDUNG BAS GSOL 'DEBS SHING, ,BDAG BDE GZHAN LA GTONG ZHING SEMS CAN GYI, ,SDUG BSNGAL THAMS CAD BDAG LA BLANG BAR BYA, ,PHYI NANG SNOD BCUD 'KHOR 'DAS THAMS CAD KYANG, ,YUL GYI STENG NA CUNG ZAD YOD MA YIN, ,DE LTAR RTOGS PA'I NGES PA SHUGS DRAG GIS, ,DON DAM NAM MKHA' LTA BU'I STONG NYID BSGOM, ,'ON KYANG RTOG PAS BTAGS TZAM 'BA' ZHIG LA, ,THA SNYAD LAS 'BRAS BSLU BA MED PA'I PHYIR, ,RMI LAM SGYU MA LTA BU'I DRAN 'DUN GYI, ,NGANG NAS DGE SDIG BLANG DOR TSUL BZHIN MDZOD, ,CES CHOS 'KHOR RGYAL NAS PHUL BA'I ZHU YIG CES PA YANG DE NYID LA GNANG BA'O,, ,, ` MI PHYED DAD PA'I SKYED TSAL LAS 'KHRUNGS SHING, ,PHUL BYUNG MKHYEN PA'I 'DAB PHRENG RAB TU RGYAS, ,GTONG BA'I ZE'U 'BRU DGOD PA'I 'DZUM DKAR CAN, ,MTHO RIS DPAL MO'I DRUNG DU 'DI SKAD ZHU, ,LUGS GNYIS PHUN TSOGS KUN GYI RTZA BA NI, ,SKU TSE'I 'DU BYED BRTAN LA RAG LAS PAS, ,MI DBANG YUM SRAS SKU TSE BRTAN PA'I PHYIR, ,RTAG TU DKAR PHYOGS DGE LA 'BAD PAR MDZOD, ,RNAM MANG RGYUD SDE KUN GYI YANG RTZE NI, ,BLA MED RGYUD YIN DE YI RGYAL PO NI, ,DPAL LDAN GSANG BA 'DUS LAS GZHAN NA GANG, ,GANG DE'I LAM LA BSKYED RDZOGS GNYIS SU 'DUS,,

, ,BSKYED RIM TSOGS ZHING SRUNG 'KHOR SNGON 'GRO BAS, ,KHAMS DRUG LDAN PA'I MI RNAMS PHUNG KHAMS SOGS, ,RIM GYIS THIM NAS 'CHI BA'I RIM PA DANG, ,MTHUN PAR LHAG MOS 'OD GSAL DU 'JUG PA'I, ,BAR 'DI 'CHI BA CHOS SKU'I RNAL 'BYOR RO, ,'CHI BA 'OD GSAL NYID LAS LUGS LDOG TU, ,DBANG PO KUN TSANG BAR DO'I LUS GRUB PA, ,DE DANG MTHUN PAR MNGON BYANG LNGA LAS NI, ,DANG PO'I MGON PO LEGS PAR SKYED PA'I TSUL, ,'DI NI BAR DO LONGS SKU'I RNAL 'BYOR RO,, BAR DO'I LUS DE MA YI MNGAL DU NI, ,ZHUGS BZHIN DANG PO'I MGON PO MI BSKYOD PA'I, ,SKU LA ZHUGS PAS RDO RJE SEMS GYUR PA, ,DE LA LUS DKYIL BKOD CING SGO GSUM DAG ,BYIN GYIS BRLABS SHING SEMS DPA' SUM BRTZEGS SU, ,BYAS NAS RIG MA'I 'DOD YON RNAM ROL BA'I, ,BAR 'DI SKYE BA SPRUL SKU'I RNAL 'BYOR RO, ,DE LTAR RIM PA DANG PO MTHAR PHYIN NAS, ,GSANG BA'I SNA RTZER AA WA DH'U T'I'I NANG, ,THIG LE SNGON POR RANG SEMS DBYER MED DU, ,BZUNG BAS MNYAM GZHAG DGA' BZHI'I TING 'DZIN DANG, ,RJES THOB RIGS BRGYA RIGS LNGA RIGS GSUM SOGS, ,BDE STONG DBYER MED LHA YI RNAM ROL BSGOM, ,DE NAS NGAG DBEN SEMS DBEN RIM PA DANG, ,KUN RDZOB SGYU MA DON DAM 'OD GSAL DANG, ,BDEN GNYIS DBYER MED ZUNG 'JUG NYAMS LEN BYA, ,DE LTAR NYUNG NGU'I TSIG GIS RIM GNYIS LAM, ,NYE BAR MTSON 'DI CHOS KYI SKYES SU 'BUL, ,NYI MA GTZANG GI RGYAL KHAMS MYUR BSKOR NAS, ,MJAL BA'I ZAB RGYAS GDAMS NGAG 'BUL BAR SMON, ,GNAS TSUL ZHIB

PAR NGAG NAS 'BUL BA LAGS, ,ZHES NYER GCIG LA PHUL BA'I ZHU YIG CES PA YANG DE NYID LA GNANG BA'O,, ,, ` GANG GI ZHABS SEN SNYING LA DRAN PAS KYANG, ,'CHI MED TSE DANG YE SHES MCHOG STZOL BA, ,TSE DPAG MED MGON DE YIS DUS KUN TU, ,YUN DU ZHABS BRTAN DGE LEGS MDZAD GYUR CIG ,CES PA DE NYID LA GNANG BA'I BKA' SHOG GI STOD KYI TSIGS BCAD DO,, ,, ` 'CHI BA MED BZHIN SKYE BA GRUB PA YI, ,SIL SIL PHRENG BAS GZHAN YID G-YO BA SRID, ,NYIN MO'I DBANG PHYUG 'OD ZER STONG LDAN YANG,, SA 'OG MUN PA'I TSOGS LA CI BYAR YOD, ,CES PA BKA' SHOG GI YIG CHUNG DU GNANG BA'O,, ,, ` PHUL BYUNG DAD PA ZLA SHEL LTAR DKAR ZHING, ,BSTAN DANG BSTAN 'DZIN GUS PAS MCHOD PA LA, ,SKYO SUN MED PAR SBYIN PA'I PHYAG RKYONG BA, ,KHYED LA SRAS BCAS RGYAL BAS DGE LEGS MDZOD, ,DENG SANG MI DBANG YUM SRAS DBYAR DUS KYI, ,NAGS TSAL BZHIN DU PHUN TSOGS YAL 'DAB RGYAS, ,LUGS GNYIS MDZAD PA'I GAR GYIS RNAM ROL BA'I, ,NGANG DU RTAG TU BDE BAR SPYOD LAGS SAM, ,BDAG KYANG DBYAR GYI PHUN TSOGS BKRA BA BZHIN, ,REG NA BDE BA'I SMAN GYI SPANG LJONGS NAS, ,LAS DBANG BZHIN DU BAS MTHA'I GNAS MAL DU, ,CHAR ZIM KHROD NA MKHAR LAS BGYID PAR BRTZON, ,LANG TSO DBANG PO'I GZHU LTAR YAL 'GYUR ZHING, ,TSE 'DI'I DPAL 'BYOR STON KA'I SPRIN LTAR G-YO, ,GLOG PHRENG LTAR G-YO'I SROG NI RNYED GYUR NAS, ,RTAG TU CHOS LA BLO GROS GZHOL BAR RIGS, ,BDAG PAS GZHAN GCES BYANG CHUB SEMS SGOM ZHING, ,SNANG STONG ZUNG 'JUG LTA BA'I NYAMS LEN DANG,,

, ,RIM GNYIS NYAMS LEN GNAD LA 'BAD PAR MDZOD, ,CES PA'I RTEN DU GSUNG RDO RJER BSKYED CING, YUN RING DU BSNGAGS BZLAS PA'I PHRENG BA, SKU MDUN NYID NAS GNANG NAS DA BAR BCANGS PA'I MA NA HO'I MDUD 'DZIN DANG BCAS RGYAS MTSAN PA LAGS, ZHES TSES BCO LNGA LA PHUL BA'I ZHU YIG CES PA YANG DE NYID LA GNANG BA'O,, ,, ` RDO RJE 'CHANG DBANG SPYAN SNGAR ZHAL BZHES BZHIN, ,DAM TSIG LDAN PA'I BAR CHAD KUN SEL ZHING, ,DNGOS GRUB GNYIS KYI CHAR CHEN 'BEBS MKHAS PA,, CHOS SKYONG SRUNG MAS KHYED LA DGE LEGS MDZOD, ,NOR 'DZIN GZHI LAS GSAR DU LEGS 'KHRUNGS PA'I, ,'BRAS BZANG TSOGS DANG ZHIM DGUR SBYAR BA'I ZAS, ,PHYAG RGYA'I LANG TSO GSAL BA CHAB SHOG BCAS, ,MTHU LDAN SRUNG MA MCHOD PA'I MDUN SAR PHEBS, ,GSAR DU 'ONGS PA'I BANG MDZOD LONGS SPYOD KYI, ,PHUD KYIS MCHOD NAS 'GAL RKYEN SEL BA DANG, ,MTHUN RKYEN YID BZHIN 'GRUB PA'I PHRIN LAS KYANG, ,CHE THANG DU BGYIS DA DUNG BGYID PA LAGS, ,ZHES 'PHRAL DU PHUL BA'I ZHU THO, LHAR BSKYED SNGAGS KYIS BYIN BRLABS PA'I, ,SRUNG MDUD ZHU THO'I SKYES SU 'BUL, ,ZHES PA YANG DE NYID LA GNANG BA'O,, ,, ` DPAL LDAN MTHO RIS MDZES MA'I COD PAN GYIS, ,DPAL LDAN 'DOD KHAMS DBANG PHYUG MCHOD PA'I RDZAS, ,DPAL 'BYOR 'DOD RGU'I GNAS DE DENG 'DIR NI, ,DPAL LDAN CHOS 'KHOR RGYAL DU STZAL BA LAS, ,NYID KYI SKU TSE RI DBANG LTAR BRTAN CING, ,CHAB SRID 'BYOR PA'I MTSO CHEN GANG BA DANG, ,SKU TSE 'DI PHYI'I BZHED DON KUN 'GRUB PA'I, ,PHUL BYUNG PHRIN LAS RGYUN

DU GSOL BAR BGYID, ,SNGA SOR PHYAG DAM SNUM DANG BCAS PA DANG, ,DE RJES MDOS GTOR GYI CHAS DANG BCAS PA, DA LAN YUNGS KAR RGOD SGRO ZHIB YAR SGOG SOGS DANG BCAS TE RIM PAR PHEBS PA BKA' DRIN GZHAL DKA' BAR GYUR LAGS, MDANG SUM GNYID KYIS LOG PA'I RMI LAM NA, ,DGRA DANG GNYEN SOGS YUL SNANG GANG SHAR YANG, ,SAD TSE GRUB PA RDUL TZAM MA MCHIS PA, ,CHOS RNAMS THAMS CAD DE BZHIN NYAMS SU LONG, ,SGYU MA MKHAN GYIS SNA TSOGS GRONG KHYER NI, ,SPRUL YANG 'KHRUL BA'I SNANG BA KHO NA TE, ,DON LA GRUB PA CUNG ZAD YOD MA YIN, ,SNA TSOGS CHOS KUN DE BZHIN SHES PAR MDZOD, ,'DI NA CHOS DANG GANG ZAG MA LUS PA, ,RANG GI RNAM RTOG KHO NAS BTAGS PA STE, ,YUL GYI STENG NA CUNG ZAD MA MCHIS PA'I, ,DBU MA'I LAM 'DI RTAG TU BSGOM PAR MDZOD, ,CES PA'I ZHU YIG RTEN DU MAR GSAR RGYA LDAN DU 'BUL, TSES GSUM LA PHUL BA'I ZHU THO ZHES PA YANG DE NYID LA GNANG BA'O,, ,, ` MI PHYED DAD PA'I SKYED TSAL DU BSKRUN PA'I, ,CHAB SHOG DPAG BSAM RKANG 'THUNG RO BCUD NI,, PHUN TSOGS SKYES KYI 'BRAS BUS DUD PA DAG ,PHYOGS 'DIR SPRO DGA' GZUGS CAN JI BZHIN 'ONGS, ,DNGOS GRUB RTZA BA BLA MA MCHOD PA RU, ,LEGS DGONGS DAM PA'I PHYAG BZHES MA NYAMS PAS, ,DE YI MTHU LAS RGYAL BA'I CHOS TSUL KUN, ,RGYAL BA'I DGONGS PA JI BZHIN 'DZIN NUS SHING, ,DGA' LDAN GNAS SU MI PHAM CHOS RJE'I DRUNG, ,RGYAL SRAS RNAM THAR 'DOD RGUR SPYOD GYUR CIG ,GNAS SKABS SU YANG SKU TSE CHAB SRID DANG, ,SNYAN GRAGS DPAL 'BYOR BZHED DON KUN 'GRUB SHOG ,RIN

, ,CEN SKYES BCAS RGYAL BA DANG PO LA, ,PHUL BA'I ZHU THO DGE LEGS 'PHEL GYUR CIG ,CES PA YANG DE NYID LA GNANG BA'O,, ,, ` SNGON BSAGS LEGS SPYAD SHAR RI'I RTZE LAS 'ONGS, ,PHUL BYUNG DAD PA'I RI BONG MTSAN MAS MDZES, ,LHAG BSAM GTONG BA YANGS PA'I 'ONGS DKAR CAN, ,NOR 'DZIN BDAG MO GANG GI BANG MDZOD NAS, ,DPAL LDAN 'DOD PA'I KHAMS KYI DBANG PHYUG MA, ,DGYES PA SKYED BYED SGRO LDAN ME LONG GIS, ,NYER MDZES MAR GAD MDOG CAN COD PAN CAN, ,RO BRGYA'I ZAS DANG YAR SGOG LO YI PHUD, ,PHYAG RGYA'I LANG TSO GSAR PA MA NYAMS PA, ,PHO NYA'I LAM LAS GNAS 'DIR 'ONGS PA NA, ,SNYING LA SPRO DGA'I BDUD RTZIS BRAN PA THOB, ,BZHED DON 'GRUB SLAD MCHOD GTOR 'BUL BA DANG, ,THUGS DAM SKONG ZHING PHRIN LAS RGYA CHER GSOL, ,'JIG RTEN PHUN TSOGS KUN LA DBANG MDZAD KYANG, ,GTAN GYI BTZAN SA RNYED PAR MA GYUR NA, ,DBANG MED NYID DU 'DOR BA MTHONG BA'I TSE, ,SKYE BO SU ZHIG CHOS LA GZHOL MI BGYID, ,SNYIGS DUS GLOG PHRENG G-YO BA LTA BU'I SROG ,YID BRTAN MI RUNG YUD TZAM SNANG BA LA, ,BSOD NAMS YE SHES TSOGS GNYIS GOMS MDZAD NAS, ,DAL BA'I RTEN THOB DON DANG LDAN PAR MDZOD, ,PHEBS 'OS KYANG RIM PAR ZHU LAGS, TSES GSUM LA PHUL BA'I ZHU YIG CES PA YANG DE NYID LA GNANG BA'O,, ,, ` BDE SOGS DANG MTSUNGS MTHO RIS DPAL MO YIS, ,GANG 'OS MTHUN RKYEN YONGS 'DU'I DPAG BSAM BZHIN, ,NAM YANG G-YEL BA MED PA'I PHRIN LAS KYI, ,BKA' DRIN 'KHOR BA MED DO THUGS RJES BZUNG, ,AE MA DAL BA'I

RTEN 'DI RNYED PAR DKA', ,LONG MED TSE 'DI RMI LAM GLOG LTA BU, ,ZIN MED 'JIG RTEN BYA BAS MI G-YENG BAR, ,DA LTA NYID NAS SNYING PO BLANG BAR MDZOD, ,'GRO DRUG DRIN CAN PHA MAR SHES PA'I BLOS, ,SHUGS DRAG BYAMS DANG SNYING RJE RTAG PAR YANG,, BDAG BDE GZHAN LA BTANG ZHING 'GRO KUN GYI, ,SDUG BSNGAL MA LUS BDAG GIS BLANG BAR BYA, ,SNANG SRID CHOS KUN SGYU MA RMI LAM BZHIN, ,SNANG YANG NGO BOS GRUB PA RDUL TZAM YANG, ,MED PA'I TSUL 'DI RTAG TU GOMS PAR MDZOD, ,ZHIB PAR ZHAG 'GYANGS MED PAR MJAL NAS 'BUL, ,TSES BRGYAD LA PHUL BA'I ZHU THO, ZHES PA YANG DE NYID LA GNANG BA'O,, ,, ` GANG GI DPAL GYIS PADMO'I GZHAL MED KHANG, ,KHENGS PA NYAMS BYAS MTHO RIS BROS PA BZHIN, ,RMUGS 'DZIN LA 'GRAN 'BYOR PA'I BANG MDZOD LAS, ,PHUN TSOGS 'DOD RGU'I DPAL DE DENG 'DIR THOB, ,DAL BA'I RTEN THOB RGYAL BA'I BSTAN DANG MJAL, ,THEG MCHOG BSHES GNYEN MGON DANG BCAS DUS 'DIR, ,RTAG TU SKU TSE DON DANG LDAN PA'I THABS, ,RNAM DKAR DGE LA GOMS PA LHUR LEN MDZOD, ,'KHOR BA'I GNAS 'DI GANG DU BLTAS GYUR KYANG, ,SKYE RGA NA 'CHI DAR RGUD 'GYUR LDOG GI ,RANG BZHIN SDUG BSNGAL PHUNG PO MA GTOGS PA, ,BDE BA'I GO SKABS CHA TZAM MA MCHIS LAGS, ,MTHON PO'I GO 'PHANG GNAS LA SPYOD NA YANG, ,GTAN GYI BTZAN SA ZIN PAR MA GYUR NA, ,TSE 'DI'I PHUN TSOGS 'BYOR KYANG NGES PAR 'DOR, ,'JA' TSON LEGS KYANG 'PHRAL DU YAL BA BZHIN, ,RTAG TU YAN LAG BRGYAD LDAN TSUL KHRIMS SRUNGS, ,PHUN TSOGS ZHING LA RGYA CHEN SBYIN PA

, ,GTONG, ,MNGA' 'BANGS KUN LA BU GCIG LTAR DGONGS PA'I, ,BSTAN DANG BSTAN 'DZIN ZHABS TOG LHUR LEN MDZOD, ,THEG CHEN LAM GYI 'JUG SGO BYANG CHUB SEMS, ,BDAG GZHAN BRJE BA'I TSUL LA BLO SBYONG ZHING, ,'KHOR 'DAS CHOS KUN SGYU MA RMI LAM LTAR, ,RANG BZHIN STONG PA NYID DU GOMS PAR MDZOD, ,CHOS RNAM THAMS CAD RNAM RTOG PIR GYIS NI, ,PHAR BTAGS 'BA' ZHIG MA GTOGS RDUL TZAM MED, ,RMI LAM YUL DU DGRA DANG GNYEN LA SOGS, ,SNANG YANG SAD TSE GRUB PA MA MCHIS BZHIN, ,DE LTAR THABS SHES ZUNG DU 'BREL BA'I LAM, ,NYAMS SU LEN CING NYIN MTSAN MA YENGS PAR, ,SKYABS GSUM THUGS RJE'I GTER LA BLO GTAD NA, ,NYID KYI SKU TSE DON DANG LDAN PAR 'GYUR, ,RNAM MANG ZANG ZING SKYES KYIS CHA TZAM DU'ANG, ,MI MTSON MDOR BSDUS GDAMS PA'I RTEN DANG BCAS, ,PANYTZA'I TSES LA CHOS 'KHOR RGYAL GYI GNAS, ,ME TOG RNAM PAR BKRA BA'I THANG NAS PHUL, ,CES PA YANG DE NYID LA GNANG BA'O,, ,, ` RAB 'BYAMS RGYAL BA KUN GYI YE SHES NI, ,DUS MTHAR NGUR SMRIG GAR GYIS RNAM ROL PA, ,DPAL LDAN MAR ME MDZAD DPAL YAB SRAS KYI, ,MDZAD PAS KHYED LA RTAG TU SKYONG GYUR CIG ,RIN CEN RGYAN GYIS DUD PA'I 'JO SGEG MKHAN, ,SMIN LEGS YID SRUBS RKANG 'THUNG CHES MANG YANG,, YON TAN YAL GA'I KHYON YANGS NOR 'DZIN GYI, ,RGYAN GYUR YONGS 'DU'I DPAG BSAM SRID PA TZAM, ,LEGS SPYAD BDUD RTZI'I CHU GTER BSRUBS PA LAS, ,BSNGAGS 'OS ZLA BA'I SRING MO RNAM DPYOD KYI, ,SPYAN YANGS GTONG BA'I RIN CEN RGYAN PHRENG

CAN, ,MTHO RIS DPAL MO RING DU ZHABS BRTAN CIG ,DAD PA'I SPYAN YANGS GTONG BA'I RGYAN GYIS MDZES, ,RNAM MANG YON TAN TSOGS KYI GNAS GYUR PA, ,SRAS BCAS RGYAL BA KUN GYIS RTAG PAR YANG, ,'DOD RGU'I DNGOS GRUB DAM PA STZOL GYUR CIG ,GANG GI DAD PA'I BANG MDZOD NAS 'ONGS PA'I, ,CHAB SHOG DPAG BSAM SNYE MA'I PHRENG BA NI, ,RO BRGYA'I ZAS KYI 'BRAS BUS DUD PA DAG ,PHYOGS 'DIR DGA' BA GZUGS CAN BZHIN DU THOB, ,RNAM DKAR MTHO RIS SHEL GYI KHYAMS CHEN DU,, DAD SOGS YON TAN LANG TSO RAB RGYAS SHING, ,RNAM DKAR DGE BA'I GAR GYIS RNAM ROL BA, ,MTHO RIS DPAL MO RING DU ZHABS BRTAN CIG ,CES PA RNAMS DE NYID LA GNANG BA'I BKA' SHOG GI STOD KYI TSIGS BCAD DO,, ,, ` PHUL BYUNG LEGS BYAS SKYED TSAL DU 'KHRUNGS SHING, ,RNAM DPYOD YAL 'DAB GTONG BA'I 'BRAS BUS BRJID, ,MTHO RIS DPAG BSAM RKANG 'THUNG GANG DE LAS, ,PHUN TSOGS 'DOD RGU'I DPAL DE DE RING THOB, ,SNYING LA SPRO DGA'I BDUD RTZIS BRAN GYUR PA'I, ,('DIR TSIGS BCAD GCIG MA YIG TU MI GSAL) RO BRGYA'I ZAS DANG BDUD RTZI'I BTUNG BA YIS, ,'PHRAL DU TSIM ZHING MYOS PA THOB PAR GYUR, ,'JIG RTEN PHUN TSOGS KUN LA MNGA' MDZAD KYANG, ,STON DUS MDZES PA'I SPRIN DKAR PHUNG PO BZHIN, ,SKAD CIG MI RTAG 'JIG PA'I CHOS CAN DU, ,GZIGS NAS GTAN GYI BDE BA SGRUB PAR MDZOD, ,TSE 'DI'I LONGS SPYOD RMI LAM DGA' STON BZHIN, ,LANG TSO'I DPAL YANG 'JA' TSON LTA BU STE, ,TSE SROG MI RTAG GLOG GI ZLOS GAR BZHIN, ,DGONGS NAS KHYOD THUGS CHOS

, ,LA GZHOL BAR MDZOD, ,CHOS RNAMS THAMS CAD RMI LAM SNANG BA BZHIN, ,SNANG TZAM NYID LAS YUL GYI STENG NYID NAS, ,GRUB PA'I NGO BO RDUL TZAM MA MCHIS PA'I, ,GNAS LUGS ZAB MO RGYUN DU GOMS PAR MDZOD, ,BSTAN DANG BSTAN 'DZIN GUS PAS MCHOD PA DANG, ,MNGA' 'BANGS BYAMS PA'I SPYAN RAS KYIS 'TSO ZHING, ,LUGS GNYIS MDZAD PA'I RNAM DKAR MA NYAMS PAS, ,PHYOGS KUN SNYAN GRAGS DKAR BA NYID DU MDZOD, ,CES PA YANG DE NYID LA GNANG BA'O,, ,, ` MTHO RIS DPAL MO'I COD PAN GANG DE YI, ,ZHAL GYI BDUD RTZI RO BRGYA'I ZAS DANG BCAS, ,RDO RJE'I TSE SROG BRTAN PA'I PHO NYA BAS, ,PHEBS PAS SNYING LA DGA' BA CI YANG RGYAS, ,DAL BA'I RTEN THOB LHA YI DPAL LA SPYOD, ,BSTAN LA RAB GUS BSTAN 'DZIN SPYI BOS MCHOD, ,RTAG TU CHOS KYI LAM DU THUGS GZHOL BA, ,KHYED LA BSNGAGS SO SLAR YANG DE BZHIN MDZOD, ,CES PA YANG DE NYID LA GNANG BA'O,, ,, ` GANG GI 'BYOR PA'I KHANG BZANG NAS, ,GSAR PA'I LO TOG RNAMS KYI PHUD, ,RO BRGYA'I ZAS KYI KHYAD PAR BCAS, ,BKA' THO'I PHRENG BAS GSAL BYAS PA, ,BKA' DRIN 'KHOR MED LHAG PAR BSKYANGS, ,SNYING PO MED PA'I 'JIG RTEN GYI, ,PHUN TSOGS STON KA'I ME TOG BZHIN, ,MI RTAG GTAN GYI MDUN MA ZHIG ,NGES PAR DA LAN SGRUB PAR MDZOD, ,'GRO KUN PHA MAR SHES BYAS NAS, ,BYAMS DANG SNYING RJE'I RTZA BA CAN, ,BDAG PAS GZHAN GCES BYANG CHUB SEMS, ,RGYUN CHAD MED PAR BSGOM PAR MDZOD, ,CHOS RNAMS SGYU MA RMI LAM BZHIN, ,SNANG TZAM KHO NA MA GTOGS PA, ,YUL GYI STENG NA MA MCHIS

PA'I, ,GNAS LUGS ZAB MO BSGOM PAR MDZOD, ,BSNYEN GNAS YAN LAG BRGYAD SRUNG ZHING, ,'PHONGS LA SBYIN PA'I PHYAG BRKYANGS NAS, ,ZAB MO'I KHA TON RIM PA LA, ,BRTZON PA'ANG SHIN TU GCES PA LAGS, ,ZHES PA YANG DE NYID LA GNANG BA'O,, ,, ` RANG BABS GDOD MA'I GSHIS LA RTAG GZHOL YANG, ,PHRIN LAS RNAM BZHI'I RLABS KYI PHRENG BA CAN, ,RNAM MANG THOS PA'I CHU KLUNG NGAL GSO'I GNAS, ,RIN CEN 'BYUNG GNAS DE DRUNG MCHID 'DI ZHU, ,LJAGS YANGS PAD MTSOR DBYANGS CAN NGANG MO NI, ,RO 'DZIN ZOL GYIS RNAM PAR RTZEN PA LAS, ,RAB DGA'I PHANG 'GRO JI BZHIN BKA' STZAL NI, ,'CHAR KHA'I MDANGS 'PHROG REG BYA'I KHYAD PAR BCAS, ,RDUL PHRAN LA YANG 'CHI MED RI BO LTAR, ,BSNGAGS PA'I 'KHYOG TSIG NYAMS KYI 'GYUR BAG CAN, ,YID MTSOR SPRO DGA'I RLABS PHRENG CI YANG G-YOS, ,LEGS SPYAD BDUD RTZI'I CHU GTER BSRUBS PA LAS, ,LEGS 'ONGS SKU YI LHUN PO RAB BRTAN CING, ,DON GNYER DPYOD YANGS MKHAS PA GSER RI YI, ,PHRENG BA'I DBUS NA GDUL BYA'I SNOD JI BZHIN, ,NYI MA'I GNYEN GYIS BKA' STZAL CHOS PHUNG PO, ,BRGYAD KHRI BZHI STONG DAG LAS BYANG PHYOGS 'DIR, ,'JIG RTEN MIG GYUR LO PAn MCHOG RNAMS KYIS, ,LEGS PAR BSGYUR BA'I MDO RGYUD 'GYUR RO 'TSAL, ,NYIN BZHIN LHA YI RNGA BZHIN 'DOMS PA NI, ,AE MA'O LAN BRGYAR MKHAS PAS BSNGAGS PAR 'OS, ,NGOS KYANG BDE SOGS RTZE DGA' ROL BA'I GNAS, ,RANG GI BSTI GNAS DPAL DANG LDAN BYAS NAS, ,GRU 'DZIN RI BO'I NGOGS SU 'DUS PA'I TSOGS, ,THUGS KYI BZHED PA'I PAD

, ,MTSO YONGS BKANG STE, ,PHO BRANG CHEN POR MI 'JIGS GDONG LNGA'I KHRIR, ,ZHABS SEN 'OD CHAGS MI YI DBANG PO'I ZHAL, ,ZLA BA'I DKYIL 'KHOR LTA BUR RAB BRTAS SHING, ,DAD LDAN SBYIN BDAG TSOGS KYI BSNYEN BKUR GYI, ,SBRANG RTZI'I RO LA BUNG BA BZHIN ROL NAS, ,'JIG RTEN DBANG PO'I SGYU MA SPRUL PA'I GNAS, ,SH'AKYA'I RGYAL PO'I PHO BRANG DANG NYE BA'I, ,CHOS KYI GRVA 'DIR 'DUS PA RGYA MTSO LA, ,AA TI SHA DANG 'JAM DPAL SNYING PO YI, ,GSUNG GI GSANG BA NYIN BZHIN 'DOMS PAR BRTZON, ,DRI MA MED PA MDO RGYUD RGYAL BA'I BKA', ,TSUL BZHIN 'DOMS LA TSANGS DANG DBANG PO DANG, ,'JIG RTEN SKYONG BA RNAMS KYIS GROGS BGYID NA, ,BDAG LTA'I DGE SBYOR SKYABS 'OG LA CI LTOS, ,'ON KYANG STONG NYID SNYING RJE'I BDAG NYID CAN, ,BYANG CHUB SEMS KYI CHOS SBYIN MDZAD PA NI, ,BZHED PA JI BZHIN LEGS PAR 'GRUB GYUR CES, ,RNAM DAG SMON LAM SNYING LA 'GROGS PAR BYAS, ,DE LTAR ZHU MCHID AUTPAL PHRENG BA LA, ,SPYAN RAS BUNG BA ROL BA'I SKYES TZAM DU, ,GOS CHEN KHA 'BREL RGYA YIS SPRAS TE 'BUL, ,DGA' BA LNGA PA'I TSES LA PHUL ZHU YIG ,CES PA 'DI CHU SHUL MKHAN CHEN PA LA GNANG BA'O,, ,, ` DAL 'BAB LO HI TA YI BYANG PHYOGS KYI, ,NOR 'DZIN CHOS BZHIN SKYONG BA'I RGYAL PO NI, ,NOR SBYIN KHENGS PA THUNG NGUR BYED MKHAS PA, ,KHYED LA TSE DPAG MED PAS 'CHI MED STZOL, ,ZHES SHIS PA BRJOD NAS, SDE PA RIN PO CHE'I DRUNG DU ZHU BA, DENG SANG SKU'I DKYIL 'KHOR LEGS BYAS KYI GZI 'OD KUN NAS 'BAR ZHING NYER 'TSE'I SGRA GCAN GYIS MA SGRIB LA MDZAD PA'I 'OD

DKAR GYI PHRENG BA PHYOGS KUN TU 'PHRO BAS, SA SKYONG RGYU SKAR PHRENG BA'I DBUS NA LHAM MER BZHUGS PA GNANG LAGS SAM, NGOS KYANG LAM 'PHRANG SOGS LA MI NGAL ZHING NYE ZHO MED PAR DBYAR KHAS LEN LA 'DIR SLEB PA'I RI KLUNGS KYI DGE 'DUN TSOGS CHE ZHING CHOS 'PHEL BAR GNAS LAGS, MTSAMS ZHU, ZHAL NGO RNAMS SKU TSE CHAB SRID BRTAN PA'I 'TSO SKYONG, THUGS DAM SKU RIM SOGS LA LHOD PA MED PA'I NGANG NAS LUS CAN THAMS CAD KYI BDE SKYID RGYAL BA'I BSTAN PA DANG, DE YANG DGE 'DUN GYI SDE DANG BSTAN PA'I SPYIN BDAG LA RAG LAS PAR 'DUG PA BZHIN CHOS RGYAL GONG MA RNAMS KYI RNAM SROL LTAR BSTAN PA DANG BSTAN 'DZIN GYI ZHABS TOG MNGA' 'BANGS LA BYAMS BRTZE'I SPYAN GYIS 'TSO BA SOGS SNGAR LAS MA G-YOS PA MKHYEN LAGS, 'DIR YANG SKU RIM DGE SBYOR SKYABS 'OG LA DUS KUN TU G-YEL BA MED PA BGYID PA LAGS ,ZHU MCHID KYI PADMOR SPYAN ZUR GYI BUNG BA ROL BA'I SKYES TZAM DU 'DZAM BU N'A DA'I THUM BU ZHO'I 'KHOR LO LONGS PA LA RGYAS MDZES PAR 'BUL, BZANG PO GNYIS PA'I TSES LA CHOS 'KHOR RGYAL NAS PHUL BA'I ZHU YIG CES PA 'DI NANG SO DGA' LDAN PA LA GNANG BA'O,, ,, ` BYANG PHYOGS NOR 'DZIN GZHI LA NYER BRTEN PA'I, ,DREGS LDAN RNAMS KYI COD PAN NGAL GSO'I GNAS, ,LUGS GNYIS GZIGS PA'I 'DREN BYED STONG LDAN PA, ,SA YI BRGYA BYIN DRUNG DU MCHID 'DI ZHU, ,RNAM DAG DAD PA'I SKYED TSAL LAS 'ONGS PA'I, ,CHAB SHOG MANDHA RA YI PHRENG RGYAS PA, ,BKRA SHIS KHA BTAGS LO 'DAB G-YO BA CAN, ,SOR MO'I YAL 'DAB RTZE LA LDING ZHING CHAGS, ,DENG

, ,DUS LUGS GNYIS PHUN TSOGS JI SNYED PA, ,GO SA GZHAN DOR KHYOD ZHABS NYER BSTEN KYANG, ,SNYAN GRAGS MCHOG 'DI RING LAS RINGS PA RU, ,NYIN BZHIN BSKRAD 'DI AE MA'O CHES NGO MTSAR, ,'DI NA'ANG DUS KYI PHO NYAS MA BZUNG ZHING, ,'DUS PA'I TSOGS LA DBYAR CHOS 'PHEL BA NAS, ,DA LTA BSTAN DANG DE MCHOD LHUR LEN PA'I, ,SBYIN BDAG RNAMS KYI SKU RIM BGYID PAR BRTZON, ,RGYAL BA'I BSTAN LA GUS PAS MCHOD PA DANG, ,MNGA' 'BANGS BYAMS BRTZE'I SPYAN GYIS 'TSO BA NI, ,NYID KYI NGANG TSUL LAGS NA GSOL CI 'TSAL, ,SLAR YANG DE LAS G-YO BA MED PAR MDZOD, ,RGYAL DANG RGYAL SRAS MCHOG RNAMS BYANG PHYOGS 'DIR, ,MI DBANG GZUGS KYI ROL PAS GAR MDZAD PA, ,SNGON RABS RGYAL BLON DAM PA DE DAG GI, MDZAD PA'I RNAM SROL DAG LA BRTEN KYANG 'TSAL, ,DGE SBYOR SKYABS 'OG 'BRAL MED SNYING LA 'GROGS, ,'DOD KHAMS DBANG MO'I YE SHES PHYAG MTSAN GYI, ,RAL GRI'I GZUGS SU SHAR BA'I NA BZA' LA, ,RDO RJE'I MDUD PAS BCINGS SHING ZHAG MANG DU, ,SNGAGS KYIS BYIN GYIS BRLABS PA SKYES SU 'BUL, ,NYER GNYIS TSES LA LEGS PAR PHUL ZHU YIG ,CES PA 'DI YANG DE NYID LA GNANG BA'O,, ,, ` SNGON RABS RGYAL BLON SEMS DPA' DE DAG RNAMS, ,BSTAN DANG BSTAN 'DZIN GUS PAS MCHOD PA'I PHYIR, ,SLAR YANG BYANG GI PHYOGS 'DIR BYON PA LTA'I, ,MI DBANG YAB YUM DRUNG DU MCHID 'DI ZHU, ,BKA' DRIN RIN CEN GTER GYUR YUM MCHOG ZUNG, ,'CHI MED GZHON NU'I DPAL 'PHROG MCHED LCAM BCAS, ,GRUB MCHOG G-YU BRAG PA ZHES

SRID GSUM NA, ,GRAGS PA'I BA DAN DKAR PO 'PHUR LDING CAN, ,GANG DE'I GDAN SA BKRA SHIS DGA' TSAL DU, ,ZHAL 'DZOMS RDZOGS LDAN DUS BZHIN LONGS SPYOD KYIS,, LHA RNAMS 'BYOR PA RAB TU PHAM MDZAD CING, ,NYIN BZHIN SUM RTZEN TSOGS BZHIN SKYE BO'I TSOGS, ,MDZES PA'I CHAS BSTAR BKRA SHIS GLU GAR GYIS, ,RNAM PAR ROL BA'I SNYAN GRAGS LHA YI RNGA, ,PHYOGS KYI BU MO'I RNA BAR BSGRAGS PA LAS, ,YID MTSOR SPRO DGA'I RLABS PHRENG CI YANG G-YOS, ,NGOS KYANG GRU 'DZIN RI BO'I NGOGS DAG TU, ,'DUS PA RGYA MTSO'I RE BA YONGS BKANG ZHING, ,MI DBANG ZHAL GYI DKYIL 'KHOR MNGON BLTAS NAS, ,G-YOR PHYOGS GDUL BYA'I RE BA RDZOGS BYAS STE, ,DGA' BA DANG PO'I TSES LA 'DIR SON CING, ,'DUS PA'I TSOGS LA LEGS BSHAD 'DOMS PAR BRTZON, ,MTSAMS ZHU GANG CI'I GNAS TSUL 'BUL 'OS RNAMS, ,'BUL BAR BLO GROS 'OD ZER SKU MDUN DU, ,DONG BA PHEBS 'OS BKA' LUNG JI SNYED PA,, ZHAL GYI PADMO'I SGO LAS DENG 'DIR 'TSAL, ,SKU RIM DGE SBYOR SKYABS 'OG G-YEL MED BGYID, ,CHOS NYID GNYIS PA'I TSES LA PHUL ZHU YIG ,CES PA 'DI STAG RTZE NAS LCAM SRING SKYID SHOD DU THOG MA PHEBS ZHAL NGO ZHAL BRGYAS ZHAL 'DZOM DUS GNANG BA'O,, ,, ` RGYAL DBANG TSE DPAG MED PA'I BUM BZANG LAS, ,'CHI MED TSE YI BDUD RTZI'I RGYUN 'BAB CING, ,'PHAGS MA YID BZHIN NOR BU'I MCHOG SBYIN GYIS, ,KHYED LA 'CHI MED TSE YI MCHOG STZOL CIG ,MTHA' YAS SKYE 'GRO RNAMS KYI BSOD NAMS LAS, ,LEGS PAR 'KHRUNGS PA'I CHOS KYI RGYAL PO MCHOG ,SNGON RABS RGYAL BLON

, ,SEMS DPA'I MDZAD PA CAN, ,GANG DE'I DRUNG DU RING NAS MCHID 'DI ZHU, ,BDAG SMON LAM GYI SKABS NAS GRIB RKYEN LA BRTEN HA CANG NA BA MED NA'ANG, CUNG ZAD BRO 'TSAL BA RE ZHIG MTSAMS BCAD RGYA DAM PA ZHIG BYAS NA LEGS PAR MTHONG STE MTSAMS MAL DU GNAS PA LA, THUGS BRTZE BA CHEN POS, ,BSTAN PA DANG SEMS CAN GYI DON DU YUN RING DU TSE'I 'DU BYED GNAS PA'I 'DUN PA BYED DGOS PA'I PHYAG DAM SNYAN DNGAGS, BDEN TSIG NOR BU'I PHRENG BA, DER SHAR GYI RTEN 'BREL LEGS TSOGS SU BSGRIGS PA'I GNANG SBYIN RNAM GRANGS DANG BCAS PA, 'DUS PA RGYA MTSO LA RIM GRO LA DGONGS PA'I MANG JA NAS 'GYED BZANG PO DANG BCAS PA GNANG BA BKA' DRIN BLA NA MA MCHIS PAR BSKYANGS SHING, NANG SO SKU MCHED PAS, BKA' BKOD LAS MA G-YOS PAR SGRUB PA MDZAD, DGE 'DUN RNAMS KYANG SHIN TU DGYES PA BYUNG LAGS, SKU KHAMS RIN PO CHE SNYOMS PA'I MU CAN NAS, RE ZHIG DE KHAR SKU MTSAMS BCAD RGYA'I THUGS DAM MU MTHUD GNANG RGYUR 'DUG PA CIS KYANG BKA' DRIN CHE ZHING, DA LAM YANG ZHING GI CHA NAS SKU RIM DU YANG 'GYUR CHE BA 'ONG BA'I RIGS SU 'DUG LAGS PA DANG, 'DI TSOR YANG NYIN MTSAN DU SKU RIM LA G-YEL BA MED PAR YOD LAGS, ZHES PA'I ZHU YIG SPYAN LAM DBAB PA DANG, SKU TSE LHUN PO LTAR BRTAN PA'I RTEN 'BREL BSGRIG PHYIR BKRA SHIS KHA BTAGS SHIG DANG, BKRA SHIS PA'I RTAGS BRGYAD KYI TSOM BUS RNAM PAR BKRA BA'I BZHUGS GDAN ZHIG ZUNG DU 'BREL BAR RGYA'I MTSAN MAS MDZES PAR PHUL BA LAGS, TSES BCO LNGA LA PHUL BA'I ZHU YIG

CES PA 'DI RJE THAMS CAD MKHYEN PA SKU KHAMS MNYEL BA'I TSUL BSTAN DUS, NANG SO DGA' LDAN PAS 'BRAS SPUNGS SU SKU RIM BSGRUBS PA'I ZHU LAN DU GNANG BA'O,, ,, ` RNAM BKRA YON TAN TSOGS KYI ME TOG DANG, ,SKU GSUM 'BRAS BUS SNYE MAS G-YUR ZA BA, ,SA GSUM BLA MA DPAG BSAM RKANG 'THUNG DES, ,KHYED LA RTAG TU 'DOD RGU SBYIN GYUR CIG ,BRTAN PAS RI DBANG ZAB PA RGYA MTSO DANG, ,'DOD PA'I 'BRAS STER YID BZHIN NOR LTA BU, ,SA SKYONG MCHED DGU YAB YUM SRAS BCAS DRUNG, ,RANG SEMS MA BCOS GNYUG MA'I PHO BRANG NAS, ,BYA BRAL AA WA DHU T'IS 'DI SKAD ZHU, ,DENG SANG SKU LUS SNYOMS SHING, MDZAD PHRIN DAR RGYAS KYI NGOS NAS GSUNG SHOG NYI MA GZHON NU GUR KUN GYI MDOG CAN GYI RGYA MTSOR BZHUGS PA'I KHA DOG CAN GYI BLA GOS GRUB ZIN PA DANG, MTHANG GOS KYI RGYU, SGOG PA'I SMAN DANG BCAS SKYEL MI RKANG BTZUGS SU GNANG 'DUG NA'ANG NGED DPON SLOB RGYAL BA'I DBEN GNAS BYANG RVA SGRENG GI NGO MTSAR GYI RI MO BLTA BA'I SLAD DU THEGS ZIN PA DANG THUG BYUNG BA SNANG LAGS NA'ANG, RDZING PHYI GZIMS KHANG GI GNYER PAS PHYAG DAM MA NYAMS PAR 'BYOR BYUNG BAS THUGS RJES BZUNG, BDAG KYANG GNAS BSKOR GRUB NAS DA LTA RGYAL BA TZONG KHA PA CHEN PO'I DBEN GNAS LO'I BRAG GDONG NA NGAL GSO BA'I RNAM PA CAN DU GNAS LAGS SHING, CHU MI 'PHROD PA SOGS GLO BUR GYI BAR CHAD MA BYUNG NA DA DUNG YANG 'DI GAR RE ZHIG SDOD PA'I RTZIS LAGS, MTSAMS ZHU, GSUNG SHOG NANG NA GTZANG PHYOGS NAS GSER YIG PA THOGS CIG BYON PA 'DRA 'DUG PAS DON GANG GI CHED DU YIN SNYAM BLO THE TSOM

, ,DU GYUR PA DANG, 'PHROD LAN 'BUL BAR DGA' BA'I BSHES GNYEN RKANG TSUGS SU BTANG BA LAGS PAS GANG DANG CI'I GSAL CHA THUGS RJES 'DZIN PA DANG, GTOR SGRUB DANG ZLOG PA TSE SGRUB SOGS SKU RIM LE BAR MA SHOR BA GAL CHE ZHING, NGED KYIS KYANG RDZING PHYI'I RGYAL BA MA PHAM PA DANG RVA SGRENG GI RTEN KHYAD PAR CAN RNAMS KYI DRUNG DU 'DI PHYIR DGE BA'I SMON LAM YUN RING DU BGYIS PA'I KHONGS SU DUS RGYUN DU CHUD PAR BYAS YOD LAGS, ZHIB PAR NGAG NAS 'BUL, ZHU MCHID DKAR BA'I SKYES TZAM DU RIN PO CHE ZHO GANG ZHAL NGO RNAMS LA SRUNG MDUD DANG BCAS PA RGYA 'BYAR DU 'BUL BA LAGS, SMIN DRUG CAN GYI NYA LA LA MO'I BRAG GDONG NAS PHUL BA'I ZHU YIG CES PA 'DI 'PHYOS BYA 'DABS SU GNANG BA'O,, ,, ` PHUN TSOGS GTONG BA YANGS PA'I KHANG BZANG NAS, ,DRO 'JAM REG BYA'I KHYAD PAR DANG 'GROGS PA'I, ,CHAB SHOG NGANG PA'I BU MO SNYAN SGROG MKHAN, ,PHYOGS 'DIR KUN DGA' SKYED LA RINGS PA BZHIN, ,DENG DUS 'KHOR BCAS NYER 'TSE DANG BRAL ZHING, ,BOD YUL SA CHEN SKYONG BA'I BTZUN MO MCHOG ,MYUR DU PHEBS PA'I DGA' STON GSAR PA DAG ,MCHOG TU STER BAS MTHO RIS GRONG KHYER BZHIN, ,BDAG KYANG YUL GYI DBUS DER 'JUG 'DOD KYANG, ,SNGON CHAD YUL GRU MANG DU RNAM G-YENG GIS, ,DUS 'DAS DA LTA SBYIN BDAG RE BA'I MTSOR, ,LEGS BSHAD MGRIN PA'I SGRA DBYANGS SGROG CING MCHIS, ,SLAD MA'ANG RGYU BSHUL GSAL DBYANGS ZHES BYA BAR, ,ZHAG 'GAR CHOS KYI DGA' STON 'GYED PA SOGS, ,CHOS LDAN BREL BA RIM PAR BCAD NAS KYANG, ,DAL

'BYOR GTONG PHOD LDAN PA'I GZHI DER 'JUG ,DE LTAR ZHU MCHID DKAR BA'I SKYES, ,SA YI SNYING PO ZHO GANG LA, ,RGYA YI LANG TSO GSAL BA 'DI, ,NYID THUGS DGYES PA BSKYED SLAD DO, ,ZHES PA TSES BCO LNGA LA PHUL BA'I ZHU YIG CES PA 'DI YANG BYA 'DABS SU GNANG BA'O,, ,, ` LEGS SPYAD DPAG TU MED PA'I 'BRAS BU DANG, ,NYE BAR LONGS SPYOD 'KHOR DANG BCAS PA RNAMS, ,'JIG RTEN DBANG POS SPRUL PA'I GTZUG LAG DER, ,SRAS BCAS RGYAL BA DGYES PA'I MCHOD SPRIN DANG, ,DRI MED SMON LAM PHYAG DANG SKOR BA SOGS, ,DON LDAN BYA BAS NYIN MTSAN DUS 'DA' ZHING, ,MA BYON SANGS RGYAS BYON PA'I CHOS KYI SRID, ,SKYONG BA'I 'DUS PA'I SDE LA BSNYEN BKUR DANG, ,BOD KHAMS SA YI DBANG PHYUG ZHABS 'BRING LA, ,DENG DUS LHOD PA MED PAR BZHUGS LAGS SAM, ,'DI NA'ANG SNA TSOGS G-YENG BA KHYAD BSAD NAS, ,DBEN PA'I NGANG NAS RGYAL BAS BKA' BSGOS PA'I, ,CHOS SKYONG SRUNG MA'I TSOGS LA MCHOD GTOR SOGS, ,ZAB GSAL GNYIS MED NGANG NAS SGRUB CING MCHIS, ,SH'AKYA'I DGE TSUL DGA' BA'I BSHES GNYEN PA, ,PHO BRANG CHEN PO'I LO GSAR RNAM 'PHRUL RNAMS, ,SNGON CHAD MIG GI LAM DU MA GYUR PAS, ,BLTA BAR 'DOD ZER GNANG BA ZHUS NAS SONG, ,DE LA BLANG DOR BYA BA'I RI MO RNAMS, ,BKA' LUNG PIR GYIS BKRA BAR 'GOD PA DANG, ,'DIR YANG KHYOD GSUNG SPRING BAR 'OS PA RNAMS, ,YI GE'I LAM LAS RIM PAR PHEBS PAR 'OS, ,NYI MA ZLA BA'I PHYOGS GNYIS PA'I, ,PHYOGS KYI TSES LA ZHU YIG GO ,ZHES PA 'DI YANG NANG SO 'PHYOS PA LA KHRA 'BRUG TU GNANG BA'O,, ,, `

, ,CHAB SHOG PAD DKAR CHUN PO DANG 'GROGS PA'I, ,BLA GOS GUR KUM GSAR PA'I SKAL BZANG NI, ,NYI GZHON 'CHAR KHA'I MDANGS LA 'GRAN BYED CING, ,THUN MTSAMS SKYENGS PAR BYED BZHIN GNAS 'DIR 'ONGS, ,BDAG KYANG DA BAR PHYOGS 'DI'I DAD LDAN GYI, ,RE BA'I CHU GTER 'GENGS LA MNGON BRTZON GYUR, ,GZHES DUS ME TOG DO SHAL DGOD PA'I THANG, ,LEGS BSHAD SGROG PA'I TSAL DER MNGON PHYOGS 'GYUR, ,MTSAMS ZHU, DENG 'DI NAS GZHES THON RTZIS SU YOD LAGS PA; DVAGS PO'I CHOS 'KHOR ZLA BA DKAR 'PHRAL DU 'DZUGS PAR YOD PAS DE'I STENG DU PHEBS 'OS KYANG RTING SKUL ZHUS ZER BA MDZAD 'DUG PAS DGONGS DPYAD DANG, PHEBS 'OS KYANG RIM PAS MKHYEN LAGS, TSES NYI SHU LA PHUL BA'I ZHU THO, ZHES PA YANG BYA 'DABS SU GNANG BA'O,, ,, ` DAD PA YIS NI RI DBANG DANG, ,SNYAN PAR GRAGS PA LHA YI RNGA, ,'BYOR PAS GDENGS CAN DBANG LTA BU, ,RAL GRI'I GNYEN DE RGYAL GYUR CIG ,NYI GZHON GSAR PAR 'KHU LDAN ZHING, ,THUN MTSAMS BU MO SKYENGS PA'I GDONG, ,MOG POR BGYID PA'I BLA GOS NI, ,PHYAG RGYA'I LANG TSOS RTZEN PA DANG, ,'GROGS PA'I CHAB SHOG NGANG MO DKAR, ,DON BZANG MGRIN PA'I RDZA RNGA MKHAN, ,PHO NYA'I LAM LAS 'ONGS PA DAG ,SOR MO'I RTZE LA LDING ZHING CHAGS, ,DE TSE RAB DGA' BDUD RTZI'I RLABS, ,KUN GSAL SNYAN PAR SPRO BYED CING, ,'PHAGS PA'I BSAM GTAN BDE BA LA'ANG, ,GUS PA CUNG ZAD SMAN PA GYUR, ,CES BRJOD NAS MTSAMS ZHU, ,ZHU LAN SNGA 'GROS SU 'BUL RGYU YIN NA'ANG, ,RTA BRDABS LA BRTEN PA'I KHAMS

CUNG ZHIG MA BDE BAS 'GYANGS PA LAGS SHING, DPAL 'KHOR LO BDE MCHOG GI BSTOD PA'ANG CI MYUR DU BGYIS NAS 'BUL BA'I RTZIS SU YOD LAGS, SNGA SOR NANG SO GZHUNG NAS KYI DGUN CHAS KYI GOS SNAM DANG LHAN CIG PAR RING 'GAG GNANG BA 'PHROD NAS DA LTA RGYUN LDAN DU GYON GYIN YOD LAGS, DA LAN ZHU YIG RTEN STABS BDE BA ZHIG 'BUL RGYU MA BYUNG BA LA DGONGS KHREL MED PA MKHYEN CING, SKU RIM GANG LCOGS SGRUB PA YOD LAGS, NYER LNGA LA PHUL BA'I ZHU YIG CES PA BYA 'DABS SU NANG SO SKYA RGYAL PA LA GNANG BA'O,, ,, ` LUGS GNYIS RIM PAR SPYOD MKHAS LHA YI SRAS, ,STOBS CHEN DPUNG GIS BSLANG BA'I RDUL GYI TSOGS, ,PHYOGS SGOR CHU MTHONGS SGRIB PA LHUR BLANGS TE, ,LHO PHYOGS NOR 'DZIN YANGS PAR PHEBS LAGS SAM, ,DPAL LDAN RTZED THANG CHOS KYI YID BZHIN MTSOR, ,LEGS BSHAD MGRIN PA'I RDZA RNGA STONG BSGRAGS TE, ,CHU STOD ZLA BA'I YAR NGO'I TSES BCU LA, ,BYA 'DABS GZHIS KAR SLEB TSE CHAB SHOG GI ,BUNG BA LAG PA'I PADMOR NGAL GSO THOB, ,BLO BZANG RGYAL BA'I CHOS TSUL 'JUG NGOGS CHER, ,DAD DANG MOS DGE'I 'JUG PA PHYOGS GCIG PA, ,LHAG BSAM NGANG KHYU LDING BA'I CHU NGOGS DE, ,RNAM RGYAL PHAN BDE'I CHU YIS GANG BAR MDZOD, ,'DIR YANG RE ZHIG SNYOM LAS BDE BA'I MAL, ,DBEN PAR SPYOD PA'I TSUL LA RAB MOS TE, ,NYID KYI BZHED PA CHOS BZHIN 'GRUB PA DANG, ,'GAL RKYEN ZHI BA'I SMON LAM MCHOG TU BGYID, ,CES GNAM GANG LA BYA 'DABS NAS PHUL BA'I ZHU YIG CES PA YANG DE NYID LA GNANG BA'O,, ,, ` SNGON BSAGS LEGS PAR SPYAD PA'I BSOD NAMS

, ,LAS, ,PHUN TSOGS SRID KYI DPAL LA LONGS SPYOD CING, ,LUGS GNYIS MDZAD PA'I RNAM DKAR MA NYAMS PA, ,KHYED LA SRAS BCAS RGYAL BAS DGE LEGS MDZOD, ,BDAG KYANG DPAL LDAN GRU 'DZIN RI BO'I NGOGS, ,LUNG RIGS ZLOS GAR RTZE BA'I THANG CHEN POR, ,DAD LDAN SLOB BU RNAMS KYIS GUS MCHOD NAS, ,DKON COG THUGS RJE'I DPAL GZI MA NYAMS PAS, ,NAM MKHA' DRO 'JAM NYI MA'I 'OD KYIS KHYAB, ,TSA DUS DKAR 'JAM SPRIN GYI BLA RE BRES, ,RIN CEN BYE MA 'DREN PA'I CHU KLUNG YANG, ,GNOD PA SPANGS NAS NYIN RE BZHIN DU YANG, ,YID ZHUM GUS PA'I BKUR STI LHUR LEN CING, ,LHA CHEN RONG LHA DPUNG TSOGS DANG BCAS PAS, ,DOG MO'I 'PHRANG LA NYEN MED BSU BA BYAS, ,LHA DBANG GNAS DANG MTSUNGS PA'I GLING DAG TU, ,DGUNG ZHAG GNYIS SU NGAL GSO BSTEN BYAS NAS, ,SLAR YANG LHA YI PHO BRANG DAG TU PHYIN, ,DAD LDAN SBYIN BDAG RE BA 'BRAS LDAN GYUR, ,DA SGOS RING MIN NYID DU LUS 'TSO'I SLAD, ,RANG BYUNG TSA BA'I CHU LA KHRUS BGYID CING, ,DE NAS DON GNYER SKYE BO'I TSOGS RNAMS LA, ,THEG MCHOG CHOS KYI DGA' STON 'GYED PA LAGS, ,SLAD MA ZHU BAR 'OS PA'I SPRING YIG RNAMS, ,PHYOGS DER PHO NYA'I LAM LAS 'JUG 'GYUR ZHING, ,'DIR YANG MNYAN PAR 'OS PA'I SNYAN SPRING DAG ,LHA YI RNGA BZHIN SGROG PAS YID DGAR MDZOD, ,CES TSES BRGYAD PHYI MA LA RGYA RI'I LCOG DKAR NAS PHUL BA'I ZHU YIG CES PA YANG DE NYID LA GNANG BA'O,, ,, ` MNGON MTHO SHAR GYI RI BO'I GTZUG PHUD LA, ,LEGS SPYAD RTA LJANG SHING RTAS RNAM ROL BA, ,LUGS GNYIS PAD MO'I

GNYEN GYUR NYIN MO'I MGON, ,NAG PHYOGS MUN CAN GZA' LAS RGYAL GYUR CIG ,BLO CHUNG NGES 'GRO PHRA MO 'DAR BYED PA, ,SNYING STOBS SA SRUNG BU YI LUS STOBS KYIS, ,BLO BZANG BSTAN PA'I RIN CEN KHUR CHEN PO, ,PHYOGS DER 'KHYER LA NAM YANG MA ZHUM CIG ,LEGS BSHAD MGRIN PA'I RDZA RNGA SGROG MKHAS PA, ,RNAM DPYOD RAB DKAR G-YO BA'I ZLOS GAR MKHAN, ,NGANG PA'I DED DPON GANG DE'ANG GNYIS SKYES KYI, ,TSOGS DANG BCAS TE YID BZHIN MTSOR 'JUG GO ,BGEGS DPUNG MTHAR BYED DPAL LDAN KHRO BO'I GTZO, ,ZAB GSAL GNYIS SU MED PA'I TING 'DZIN GYIS, ,MDUD PA'I GNAS SU BSTIM PA'I COD PAN 'DI, ,NYID KYI MGUL BA'I RGYAN DU BZHES SHIG GO ,ZHES DBO'I ZLA BA'I TSES BZANG PO LA THANG PA RU BA'I KHROD NAS ZHUS PA DGE BAR GYUR CIG ,CES PA YANG DE NYID LA GNANG BA'O,, ,, ` TSOGS GNYIS YID BZHIN RGYA MTSO'I RBA KLONG LAS, ,MKHYEN DGONGS 'DOD RGU'I YID BZHIN RIN CEN GANG, ,LUGS GNYIS RGYAL MTSAN RTZER SON GRAGS SNYAN GYI, ,GA BUR 'DI NI NOR 'DZIN GOS SAM CI, ,BU RAM SHING PA'I RIGS 'KHRUNGS STON PA GANG, ,BSTAN PA'I SGRON ME ZHABS 'BRING BSTAN SRUNG BCAS, ,RI MO'I LAM DU BKOD PAS LHA KHYOD KYI, ,'DI PHYI'I PHAN BDE'I STEGS GYUR BLA NA MED, ,GANG ZHIG RAS LA DE BZHIN GSHEGS PA'I SKU, ,RI MO BKOD LA DANG BAS CHOS KYI MIG ,RDUL DANG BRAL BA AU tA YA NA DANG, ,MU TIG CAN SOGS DGE MTSAN 'DIR YANG MTSON, ,'DOD DANG 'JIGS DANG PHUNG KHROL KUN GYI RTZA, ,CHU SHING BZHIN DU SNYING PO MED PA'I NOR, ,DGE BA'I LAM DU SNYING POR

, ,BGYIS PA GANG, ,DE LA BSOD NAMS GZHAL DU MCHIS SO, ,SNGAR BYAS DGE LA 'GYOD DANG TSE 'DI YI, ,SNANG SHAS DBANG SOGS DGE BA SRAB PA'I RGYU, ,NGES PAR SPANGS NAS SEMS CAN DON PHYIR NI, ,DKAR PO'I LAS LA RTAG TU BRTZON PAR 'TSAL, ,BLA MA DKON COG GSUM DANG PHA MA SOGS, ,NAD PA LA SOGS YUL LA BSKRUN PA'I DGE ,'KHOR GSUM DMIGS SU MED PA'I PHYAG RGYA YIS, ,ZIN PA'I DGE DE RAB DANG PHUL ZHES BYA, ,'DOD PA CAN RNAMS NOR LA SROG BZHIN 'DZIN, ,DAM PA RNAMS NI CHOS KYI RO LA CHAGS, ,DE PHYIR NYID LA 'OS PA'I CHOS KYI GTAM, ,SNYAN DNGAGS LAM LAS SNYAN PAR 'DI BSNYAD DO, ,'DIR ZHABS TOG PHUN SUM TSOGS NA'ANG HA CANG GRANG NGAR CHES PAS DE PHYOGS SU 'ONG BA'I BLO 'DOD CHE BAR YOD NA'ANG, NANG SO YAB YUM GYI ZHAL TA RIM PA BZHIN NAN CHES STABS DKA' BAR BYUNG LAGS, NGED KYIS KYANG SKU RIM RGYUN LDAN DU BYED PA YOD LAGS, ,TSES GSUM LA RGYA RI RDZONG GI LCOG DKAR LHA'I PHO BRANG NAS ZHU YIG CES PA YANG DE NYID LA GNANG BA'O,, ,, ` SNGON BSAGS BDUD RTZI'I CHU GTER RLABS 'PHYUR BA, ,KHOR YUG RI BO'I PHYOGS LA BRTEN PA KHYOD, ,DAM PA'I ZHABS SKYES ZLA BA'I THIGS PA NI, ,KU MU DA BZHIN NGOMS MED SPYOD CES THOS, ,'DI NA'ANG NYI MA'I BU YI DBYUG THO YIS, ,MA PHOG MDA' LNGA'I TSOGS KYIS MA BCOM PAR, ,LEGS BSHAD MTHO RIS GANG G'A'I CHU KLUNG GIS, ,THAR 'DOD YID KYI CHU GTER NYIN BZHIN 'GENGS, ,GNYIS SKYES TSOGS KYIS GNYIS SKYES DANG, ,GDENGS CAN TSOGS KYIS GDENGS CAN DBANG, ,PAD MO

BZHIN DU DAM PA NI, ,BUNG BA'I TSOGS KYIS BZHIN DU MDZOD, ,CES KYANG ZHUS, ZHES PA YANG DE NYID LA GNANG BA'O,, ,, ` LEGS NYES 'BYED PA'I MKHYEN PA MKHA' LTAR YANGS, ,THUB BSTAN 'DEGS PA'I SNYING STOBS SA LTAR BRTAN, ,'BYOR PA'I BANG MDZOD GTONG BA'I SGO BRGYA CAN, ,GANG KHYOD ZHABS PAD RING DU BRTAN GYUR CIG ,DENG SANG 'KHOR BCAS SKU LUS RIN PO CHE SNYOMS SHING, RNAM DKAR DAR RGYAS KYI NGANG NAS PHYAG RTAGS GZAN DANG RING 'GAG GI GNANG SBYIN, TSOGS SU MANG JA DANG SKAM SANG GI GSOL THUG SHIN TU BZANG BA, ZHVA THUL SOGS KYI BSNGO RTEN, DGE 'DUN LA SKU 'GYED SOGS SPYI SGOS MTHA' DBUS MED DU BKA' DRIN GYIS KHYAB PA GNANG 'DUG PA SHIN TU SKABS SU BAB CING, SKU RIM DU DMIGS SU 'GRO BAR BYUNG BAS THUGS RJES BZUNG, NGED KYANG NAD MED NGOS CHOS 'PHEL BA DANG, DA SGOS KYI GLENG GZHI SOGS ZHIB PAR NANG SO MA CHEN GYI ZHU YIG TU PHUL BA LTAR DGONGS DPYOD MKHYEN LAGS, ZHU YIG RTEN MTSON PAR RIN PO CHE ZHO GANG RGYA LDAN DU PHUL BA LAGS SHING, ZHAL NGO THAMS CAD KYI SKU RIM SMON LAM 'DUN PA MA DOR BA BYED PA LAGS, PHEBS 'OS KYANG RIM PAS THUGS LA 'DOGS PA ZHU, ZHES HOR ZLA BCU GNYIS PA'I TSES GNYIS LA BKRA SHIS LHUN PO'I GZIMS KHANG NAS PHUL BA'I ZHU YIG CES PA'ANG DE NYID LA GNANG BA'O,, ,, ` RNAM THOS BU LTAR 'BYOR PA'I BANG MDZOD RGYAS, ,MGON MED ZAS SBYIN LTA BUR GTONG BA YANGS, ,KHYAB 'JUG BZHIN DU DGRA SDE 'JOMS MKHAS PA, ,BSNGAGS 'OS GANG DE RING DU SHIS GYUR CIG ,RI DBANG LTAR BUR BRTAN PA'I DAD PA DANG,,

, ,MKHA' LTAR RAB TU YANGS PA'I RNAM DPYOD DANG, ,DPAG BSAM SHING DANG MTSUNGS PA'I GTONG PHOD CAN, ,GANG KHYOD MI MTHUN PHYOGS LAS RGYAL GYUR CIG ,SNYING STOBS NAM MKHA'I KHYON LAS YANGS GYUR CING, ,BLO GROS RGYA MTSO BAS KYANG GTING ZAB LA, ,LHAG BSAM ZLA BA'I 'OD LTAR CHES DKAR BA, ,SA LA SPYOD PA'I DBANG PO GANG DE RGYAL, ,PHUL BYUNG DAD PA MCHOG DANG BSOD NAMS LAS, ,LEGS BYAS GZUGS CAN BZHIN DU MDZES PA'I SRAS, ,SGYU 'PHRUL CHE LAS DON GRUB JI BZHIN DU, ,LEGS 'KHRUNGS SA 'DI NOR BUS GANG BA SNYAM, ,ZHES PA'I SH'OO KA BZHI PO 'DI YANG DE NYID LA GNANG BA'I BKA' SHOG GI THOG MA'I TSIGS BCAD DO,, ,, ` GANG GI MKHYEN RAB KUN GSAL YANGS PA'I NGOS, ,LUGS GNYIS SHES BYA'I RGYU SKAR RNAM PAR BKRA, ,PHUN TSOGS KUN GYI GO SKABS 'BYED PA CAN, ,GANG GI PHYAG GI PADMO LAS 'ONGS PA'I, ,CHAB SHOG NOR 'DZIN BU MO'I NGOS DAG TU, ,DANG POR 'KHRUNGS PA'I SNYE MA'I PHON PO DANG, ,SHA SKAM DANG BCAS BSNGAGS PA'I PHO NYA BAS, ,LEGS PAR 'PHROD PAS MCHOG TU DGA' BA RGYAS, ,BDAG KYANG NGAL BA MED PAR SA 'DZIN CHE, ,RAB 'GONGS DPAL 'BYOR LDAN PA'I KHANG BZANG DU, ,BAG PHEBS BDE BA'I NGANG DU GNAS PA LAGS, ,ZHES NYER GSUM LA PHUL BA'I ZHU THO, ,ZHES PA 'DI YANG DE NYID LA GNANG BA'O,, ,, ` LEGS SPYAD SHAR GYI RI BO'I BA GAM RTZER, ,RNAM DPYOD DKYIL 'KHOR YONGS RDZOGS RI BONG CAN, ,PHUN TSOGS GTONG BA YANGS PA'I 'OD DKAR GYIS, ,THUB BSTAN 'DZIN MA'I BZHIN RAS GSAL MDZAD PA, ,GANG GI CHAB SHOG NGANG MO SNYAN SGROG

MKHAN, ,PHYOGS KYI GRANGS LDAN BZANG PO'I DRI BSUNG GIS, ,SHAR PHYOGS DVAGS PO'I NAGS TSAL 'GENGS PA BZHIN, ,PHO NYA'I LAG SOR RTZE LAS 'PHUR TE 'ONGS, ,BLO BZANG RING LUGS CHU GLANG BDAG PO CHE, ,SNYING PO BDUD RTZI'I BUM BZANG LA ROL PA'I SKAL BZANG MKHAR NYAL TSOGS LA RGYUD PA ZHES, ,TSIG MDA'I BU MOS RING ZHIG DBYANGS SU BYAS, ,NOR 'DZIN BU MO'I 'GRAM PAR GUR KUM GYI, ,RI MO 'GOD BYED KHRIMS LDAN TSOGS DE DAG ,MGYOGS 'GRO'I BDAG PO GNAS PA'I PHYOGS KYI GZHIR, ,GUS PAS MCHOD DE MGON MED ZAS SBYIN NO, ,ZHES MCHOG TU BSNGAGS NAS SKABS KYI ZHU BA, NGED DPON SLOB KYANG BRO 'TSAL BA MA MCHIS PA NAS BANG RIM DU PHAN CI THOGS BGYIS, ZHES PA YANG DE NYID LA GNANG BA'O,, ,, ` NA TSOD GZHON YANG BLO GROS KYI, ,LANG TSO YONGS SU RDZOGS PA CAN, ,NGO MTSAR RI MO BGRANG DKA' BA'I, ,LHA SRAS GZHON NU GANG DE YI, ,BKA' RTAGS SDEB LEGS AUTPAL PHRENG, ,BCU PHRAG ZUNG GI DRI BZANG CAN, ,PHO NYA'I NGANG MO ZUNG GI MCHUR, ,'PHYANG BA PHYOGS 'DIR PHEBS PA NA,, NYID DANG MNGON SUM MJAL BA LTA'I, ,DGA' BA'I BDUD RTZIS BRAN PA THOB, ,RTZA BRGYUD BLA MA'I BYIN RLABS DANG, ,SKYABS GSUM BSLU MED THUGS RJE YIS, ,NYID KYI SKU TSE RI DBANG LTAR, ,BRTAN CING RNAM DKAR MDZAD PA RNAMS, ,YAR NGO'I ZLA LTAR 'PHEL BAR SHOG ,CES PA'I RTEN DU SMAN TZE DAR KHA GANG RGYA LDAN DU 'BUL, TSES BCO BRGYAD LA ZHU YIG CES PA 'DI BYA 'DABS SU NANG SO RTA MGRIN MGON PO LA GNANG BA'O,, ,, ` DPAG BSAM LANG TSO GZHON NU'I GNAS SKABS NA'ANG, ,BLO GROS SNYING STOBS YAL GA'I KHYON

, ,YANGS SHING, ,GTONG PHOD ME TOG DKAR POS RAB MDZES PA, ,KHYED LA SRAS BCAS RGYAL BAS SHIS PA MDZOD, ,GANG GI DAD PA'I SKYED TSAL YANGS PA LAS, ,CHAB SHOG CHU SKYES DKAR PO'I PHRENG BA NI, ,SMAN BUR BZANG PO'I SBRANG RTZI'I BCUD CHAGS PA, ,PHYOGS 'DIR SON PAS SPRO BA CI YANG 'PHEL, ,BLO BZANG BSTAN PA'I SA CHEN 'DEGS PA LA, ,'JIGS BRAL SHES RAB SENG GE'I RING LUGS PA, ,'DUS PA'I SDE RNAMS PHYOGS DER MCHOD PA'I GTAM, ,THOS PAS SNYING LA NGO MTSAR CHU BO 'PHEL, ,NGOS KYANG DVAGS PHYOGS SKYE 'GRO'I RE BA DAG ,BKANG ZHING CHOS 'KHOR RGYAL GYI GTZUG LAG KHANG, ,SDOM LDAN LUNG RIGS SMRA BAS GANG BYAS NAS, ,LHA YUL 'OL KHA'I GNAS SU SLEB PA LAGS, ,ZHIB PA'I GNAS TSUL NGAG GI LAM LAS 'CHAR, ,SKU RIM SMON LAM RTAG TU SNYING LA 'GROGS, ,BZANG PO GNYIS PA'I TSES KYI LANG TSO LA, ,GZHIS KA 'OL KHA'I PHO BRANG NAS ZHU YIG ,CES PA YANG DE NYID LA GNANG BA'O,, ,, ` TSE DPAG MED PAS TSE YI DPAL SKYED CING, ,RNAM THOS SRAS KYIS 'BYOR PA'I MCHOG STZOL LA, ,PHYAG DRUG MGON POS BAR CHAD KUN SEL BA'I, ,PHRIN LAS KHYED LA G-YEL BA MED GYUR CIG ,CES SHIS PA BRJOD NAS, ,GZHON NU NYID NAS BLO GROS KYI DKYIL 'KHOR YONGS SU RDZOGS PA NANG SO DBON PO DRUNG PA'I DRUNG DU ZHU BA, DENG SANG SKU KHAMS SHIN TU SNYOMS SHING SKU SKYED CHE BA NAS, SHING RNAMS KYI LO MA NI YONGS SU RGYAS, ,ME TOG GI TSAL RNAMS NI KUN TU 'BAR, SA GZHI SNGO GZHON NUS KHEBS PAR GYUR PA'I GNAS RNAMS SU CHOS DANG MTHUN PA'I RTZED 'JOS

ROL BZHIN PAR BZHUGS LAGS SAM, NGED KYANG NAD MED CING SKU RIM LA BRTZON PAR YOD LAGS, DA LAM ZHU YIG BKRA SHIS PA'I DON DU KA RA RDOG PO BCU PA ZHIG LA RGYAS BTAB PA 'BUL ZHING SKU RIM SMON LAM RGYUN DU BGYID LAGS, ZHES TSES BZANG PO LA CHOS GRVA CHEN PO DPAL RTZED THANG NAS PHUL BA'I ZHU YIG CES PA YANG DE NYID LA GNANG BA'O,, ,, ` MGON PO GANG GI ZHABS SEN NOR BU'I PHRENG, ,DRAN PA YIS KYANG 'CHI MED MCHOG STZOL BA, ,TSE DPAG MED MGON BCOM LDAN RJE BTZUN MAS, ,KHYED KYI SKU TSE BSOD NAMS 'PHEL BAR MDZOD, ,RNAM DPYOD PAD MO'I ROL GNAS RAB YANGS PAR, ,DBYANGS CAN NGANG MO RTZEN PA'I 'JO SGEG LAS, ,DRI ZA'I PHANG 'GRO JI BZHIN SNYAN NGAG GI ,GRE 'GYUR 'BUM PHRAG RNA BA'I BCUD LEN DANG, ,'CHAR KHA'I MDANGS CHAGS REG BYA'I KHYAD PAR MCHOG ,KHYAD PAR CHOS SKYONG SRUNG MA MNYES BYED PA'I, ,DBYAR SKYES RNGA SGRA GSER GYI RI MO YIS, ,NYER MTSON MIG GI BDUD RTZI RIG BYED GRANGS, ,PHYOGS 'DIR SPRO DGA' GZUG CAN BZHIN DU 'ONGS, ,DE TSE SEMS LA BDE BA'I RLABS 'PHYUR BA, ,DGA' SKYED SPU LONG GOS KYIS SKYOR BA BZHIN, ,MANDHA RA YI DBU LA BRTZEGS PA NI, ,RAB GSAL MTHO RIS GANG G'A GYEN 'PHYUR BZHIN, ,'DI NA'ANG DA LTA 'BYUNG BA CHA SNYOMS SHING, ,THOS DANG SPONG BA LHUR LEN TSUL KHRIMS KYI, ,HA RI'I DAD LDAN 'DUS PA'I TSOGS RNAMS LA, ,NYIN BZHIN CHOS KYI DGA' BAS ROL PA DANG, ,YAB RJE RGYAL BA GNYIS PA TZONG KHA PA, ,DGA' LDAN GNAS NAS SLAR YANG GTZUG LAG 'DIR, ,BSAMS BZHIN PHEBS 'DRA'I SKU 'DRA

, ,RIN PO CHE, ,RAB TU GNAS PA GRUB PA'I SKABS NA MCHIS, ,SLAD MA SNYING POR STON PA'I ZHU MCHID NI, ,MKHYEN RAB ME LONG NGOS LA LUGS GNYIS KYI, ,SHES BYA'I GZUGS BRNYAN MI 'CHAR CI YANG MED, ,MDZAD PA RNAM DKAR BDUD RTZI'I 'OD CHAGS PA, ,SNYAN GRAGS BDUD RTZI'I ZER GYIS BDAG NGOMS SO, ,DA DUNG SKU TSE RING DU BRTAN PA'I PHYIR, ,THUGS DAM DKAR PHYOGS SKU RIM GONG 'PHEL DANG, ,MNGA' 'BANGS BYAMS BRTZE'I GRIB BSIL YANGS PA LA, ,NYER BRTEN PHAN DANG BDE BAS MNGON DGAR MDZOD, ,BDAG KYANG LUS KYI LJON SHING BRNYINGS GYUR CING, ,TSE LA RANG DBANG CUNG ZAD MA MCHIS KYANG, ,YUN RING BAR DU NGES PAR GNAS BYOS ZHES, ,GSUNG 'DI SEMS KYI YUL DU LHAG PAR LCI, ,DGE SBYOR SKYABS 'OG 'BRAL MED SNYING LA 'GROGS, ,SKABS DANG SBYAR BAR LEGS PAR MJAL BA DANG, ,BZHED DON 'GRUB PA'I RNAM DKAR SMON LAM 'TSAL, ,RIN CEN SRANG PHYED SKYES KYI TSUL DU 'BUL, ,SMIN DRUG CAN GYI MAR NGO SNGON 'GRO BA'I, ,DGA' BA GNYIS PA'I TSES LA PHUL ZHU YIG ,CES PA YANG BYA 'DABS SU NANG SO MGON PO TSE 'PHEL BA LA GNANG BA'O,, ,, ` GRAGS PA BDUD RTZI'I CHU GTER DGE BA'I DBANG, ,BSRUBS LAS ZLA DBANG ZHES GRAGS SNYAN NGAG MKHAN, ,PHYOGS 'DIR 'ONGS SO DPAL LDAN DBYANGS CAN SRAS, ,SRID 'DIR ZHABS BRTAN YUN RING SHIS GYUR CIG ,GANG GI RNAM DPYOD MTHA' MED CHU GLANG BDAG ,GLAL BA'I SNYAN NGAG MU TIG RLABS 'THOR BA, ,SNYING LA REG PAS SPRO DGA' MA BZOD NAS, ,SNYAN NGAG RGAN PO RTZOM PA'I 'GROS 'KHYOR

ZHING, ,SDEB SBYOR GLU DBYANGS GRE 'GYUR 'DAR LDAN YANG, ,MTHO RIS SUM RTZEN TSAL DU MAN NE KA'I, ,ZLOS GAR CUNG ZAD TZAM ZHIG BGYIS PA LA, ,GRO BZHIN SKYES KYI RIN CEN RNA RGYAN GYIS, ,CHA SHAS TZAM DU BSGRUN PA MA YIN ZHES, ,'KHYOG TSIG KARKA KRA MI'I MIG GI ZER, ,RNA BAR 'GROGS LDAN SNGON MED CHU GTER NI, ,'DZAM BU N'A DA'I CHU SKYES 'DZUM DKAR LAS, ,SBRANG RTZI ZLA BA'I SPUN ZLA'I 'BRAS BU LA, ,'KHU BA LHUR BLANGS AE MA'O NGO MTSAR ZHES, ,BSNGAGS PA'I SGRA DBYANGS SA STENG DGA' YANG THAG ,BDAG KYANG CHOS NYID TSES KYI LANG TSO'I MTHAR, ,SGUL BYED MA LA YA YI DON MTHUN GYIS, ,BSKYOD LAS LO HI TA YI RGYUD BSRANGS NAS, ,NOR SBYIN PHYOGS SU BGROD PA RTZOM PA LAGS, ,DUS MTHAR BRTAN PA'I PHO NYA MTSAN MO RGYU, ,RNAMS KYIS NAM YANG 'GONG BAR MI NUS PA'I, ,SKYABS GSUM THUGS RJE RVA BA BRTAN PA ZHES, ,LHAG BSAM DKAR BA'I RTZE GCIG SNYING LA 'GROGS, ,RGYAL BA'I LO YI LANG TSO MA, ,RGYAL GYI ZLA BAR RTZEN PA NA, ,BZANG PO DANG PO'I TSES KYI NYIN, ,ZHU MCHID BUNG BA'I GLU DBYANGS SO, ,ZHES PA YANG DE NYID LA GNANG BA'O,, ,, ` ZLA SHAR 'O MA'I RGYA MTSO RLABS 'PHYUR BA, ,BSIL ZER SPU LONG GOS LA BRTEN PA BZHIN, ,TSANGS DBANG SRAS MO'I SNYAN NGAG 'JO SGEG LA, ,CO 'DRI RIG BYED GTER DE ZHABS BRTAN CIG ,ZLA BA'I SRING MO'I SA 'DZIN GRE 'GYUR NI, ,BRANG 'GRO'I KLONG DU GNYID GYUR 'PHROG BYED GANG, ,GSAL BYED GZHAN BZHIN 'CHAR BA'I PHUN TSOGS LAS, ,'PHOS PAS SPRO DGA'I PAD TSAL CI YANG RGYAS, ,ZAB GSAL YE SHES RNAM MANG SGYU 'PHRUL NI,,

, ,RTEN DANG BRTEN PA'I RI MO TING 'DZIN GYI, ,ME LONG DVANGS PAR 'PHOS PA'I MCHOD SBYIN SOGS, ,MNYAN 'OS GA BUR 'THUL BA LHA YI RLUNG, ,GRAGS PA DRI ZA'I PHANG 'GRO'I RJES 'GRO BA, ,CHU SHEL YU BA MDZES PA'I RNGA YAB KYI, ,MNGAL LAS 'PHOS LTAR DGA' BA'I SHUGS KYIS BTAB, ,PHUL BYUNG YAB SRAS 'DZAD PA'I GUR KUM NI, ,BLO BZANG 'CHAR KHA'I ZOL LA BRTEN PA GANG, ,CHA SHAS KYIS REG PADMO'I NAGS TSAL NA, ,BUNG BA'I GRE 'GYUR ROL PAS 'DI NA RTZEN, ,DUS KYI BA MOS YANG YANG RNYING GYUR CING, ,DBUGS PHRENG MTHAR BYED MCHE BA'I PHRAG G-YO BA, ,GANG 'DI LHUN PO'I SPO LTAR BRTAN BYOS ZHES, ,SGRUB NUS MIN YANG BLO YI PHRAG PAR LCI, ,NOR SBYIN PHYOGS SU BGROD PA BSTEN PA NA, ,MJAL BAR SPRO YANG GZHAN DBANG RLUNG SHUGS CAN, ,SHING BAL ZLOS GAR GANG DU SPYOD 'GYUR SNYAM, ,'DI BGYI'I MTHA' GSAL 'BUL BAR RNGO MA THOGS, ,ZHIB PA'I GNAS TSUL BSNYAD 'OS BYA MA RTA'I, ,NGAG GI GLEGS BUR BKOD LAS 'BUL BA LAGS, ,'KHOR BCAS BDEN GNYIS SRUNG BA'I 'KHOR LOR NI, ,SNYING GI PAD MOR RTAG TU NGAL GSO BGYID, ,RTZI BCUD SNYING PO'I GONG BU SKYES SU 'BUL, ,DGA' BA DANG PO'I TSES LA DGE BAR ZHUS, ,ZHES PA YANG DE NYID LA GNANG BA'O,, ,, ` PHA ROL DGRA SDE 'JOMS LA RAL GRI'I GNYEN,, RANG PHYOGS TSUL BZHIN SKYONG LA DPAG BSAM SHING, ,SNYAN TSIG BDUD RTZI'I GTER GYUR DBYANGS CAN SRAS, ,BSNGAGS 'OS GANG DE RING DU ZHABS BRTAN CIG ,CHAB SHOG SNYAN NGAG CHU SKYES GSAR PA'I PHRENG, ,ZAR MA'I ME TOG ZUNG NYER MTSON PA YI,,

MCHOG TU DANG BA'I GZUGS CAN RDZING BU GNYIS, ,DPAL SKYED BUR SHING KHU BA BZANG PO'I SMAN, ,'TSO BYED MKHAS PA'I LAG LEN MA NYAMS PAR, ,LEGS PAR SBYAR BA'I SKYES BZANG DANG BCAS PA, ,PHYOGS 'DIR BSTZAL BAS SPRO DGA' CI YANG 'PHEL,, PHYOGS LAS RNAM PAR RGYAL BA'I BGROD PA LA, ,DPUNG GI SDE DANG BCAS PAS PHA ROL GYI, ,DGRA SDE ZIL GYIS MNAN NAS NYES MED PAR, ,PHYOGS DER DGYES DGUR ROL BA LHAG PAR SPRO, ,'DI NA'ANG DGE 'DUN 'DUS PA'I SDE DANG BCAS, ,SMON LAM RNAM PAR DAG PA'I THEM SKAS KYIS, ,'GRO RNAMS SKAL PA BZANG POR 'DREN BZHIN MCHIS, ,RGYUD LDAN DGE SBYOR SKYABS 'OG G-YEL MED BGYID, ,GSOL JA'I PHUR MA RGYA YI LANG TSO CAN, ,ZHU MCHID SPYAN ZUR 'GROGS PA'I SKYES SU 'BUL, ,NYI SHU GCIG GI TSES LA LEGS PAR ZHUS, ,ZHES PA YANG DE NYID LA GNANG BA'O,, ,, ` ZAB YANGS RNAM DPYOD CHU GTER NI, ,LEGS BSHAD RIN CEN PHYE BA'I GTER, ,SNYAN NGAG RBA RLABS G-YO BA CAN, ,SA SKYONG GZHON NU ZHABS BRTAN CIG ,STON KA'I ZLA BA'I PHUN TSOGS CAN, ,NYER 'TSE'I SPRIN DANG BRAL BZHIN DU, ,DAG LDAN SHAR GYI RI BO'I RTZER, ,DAD PA'I MGYOGS 'GROS LEGS DRANGS NAS, ,NOR 'DZIN GUR KUM DOG PA YIS, ,MDZES BYED DGE 'DUN 'DUS PA'I SDE, ,SNGAR SROL BZANG POS BSNYEN BKUR NAS, ,SLAR YANG DAL 'BAB CHU KLUNG 'GRAM, ,MTHO RIS GRONG KHYER BABS 'DRA DER, ,LEGS PAR PHEBS ZHES SNYAN PA'I GTAM, ,BUNG BA'I GLU DBYANGS BZHIN DU THOS, ,NGOS KYANG SPYAN RAS GZIGS DBANG GIS, ,SGYU MA SPRUL PA'I PHO

, ,BRANG DU, ,STONG PHRAG DU MA'I 'DUS PA DANG, ,LHAN CIG SMON LAM GRUB PA NAS, ,MU TIG PHYE MA BKRAM PA'I GNAS, ,CHOS KYI GRVA 'DIR SON PA LAGS, ,MTSAMS ZHU PHYOGS DE'I THUGS BREL RNAMS, ,LEGS PAR CHOD NAS PHYOGS 'DIR YANG, ,ZLA ZHAL GSAR PA RAB BLTA ZHING, ,'BEL BA'I GTAM GYIS ROL BAR BGYI, ,ZHIB PA NGAG GI LAM NAS 'BUL, ,DGE SBYOR SKYABS 'OG SNYING LA 'GROGS, ,SNGAGS KYIS BTAB PA'I SRUNG DAR DANG, ,LO MA'I PHUR MA SKYES SU 'BUL, ,MYOS BYED LO YI LANG TSO MA, ,MCHU YI ZLA BAR 'GROGS PA NA, ,NYER GSUM TSES KYI THOG MAR NI, ,THEG CHEN GLING NAS PHUL ZHU YIG ,CES PA YANG DE NYID LA GNANG BA'O,, ,, ` GANG GI RNAM DPYOD NOR BU'I ME LONG LA, ,MTHA' DAG RIG GNAS SNANG BRNYAN KUN 'CHAR ZHING, ,MGON MED ZAS SBYIN DANG MTSUNGS THUB BSTAN GYI, ,MCHOD SBYIN BDAG PO RING DU ZHABS BRTAN CIG ,GANG GI CHAB SHOG DON BZANG 'DAB BRGYA PA, ,SDEB LEGS TSIG GI DRI BSUNG 'PHRO BA CAN, ,RO BRGYA'I ZAS KYI SBRANG RTZIS YONGS GTAMS SHING, ,'CHAR BA'I MDANGS 'PHROG LO 'DAB KYIS KLUBS PA, ,PHO NYA'I LAM LAS GNAS 'DIR PHEBS PA DANG, ,SKU YI ZLA SHEL YAR NGO'I ROL PAS RTZEN, ,DKAR PHYOGS MDZAD PA BDUD RTZI'I 'OD CHAGS SHING, ,'DUS PA'I TSOGS RNAMS LEGS PAR DBYAR GNAS TE, ,RDUL BRAL BKUR STIS MCHOD CING BSTEN PA SOGS, ,SNYAN PA'I GTAM BZANG 'BRUG SGRA THOS PA LAS, ,YID KYI GTZUG PHUD CAN DAG GAR BYED DO, ,'DI NA'ANG DGE 'DUN 'DUS PA TSOGS CHE ZHING, ,'TSE BA

MED PAR DBYAR GNAS LEGS MDZAD DE, ,'KHOR LO GSUM GYI ROL PAS RTZEN PA LAGS, ,SNGON RABS RGYAL BLON SEMS DPA' DE DAG DANG, ,LUGS GNYIS SROL LA MKHAS SHING MDZANGS RNAMS KYI, ,MDZAD PA'I SROL BZANG RI MO JI SNYED PA, ,NYID KYI THUGS LA MI 'CHAR GANG YANG MED, ,DENG DUS SKYE BO NGAN PA'I LUGS SPANGS TE, ,DE DAG MDZAD PA'I SROL BZANG SPEL BAR 'TSAL, ,SKU RIM DGE SBYOR SKYABS 'OG 'BRAL MED BGYID, ,RIN CEN ZHO YI 'KHOR LO SKYES SU MTSON, ,GRO BZHIN ZLA BA'I RGYAL BA DANG PO LA, ,CHOS 'KHOR RGYAL GYI GNAS NAS PHUL ZHU YIG ,CES PA YANG DE NYID LA GNANG BA'O,, ,, ` RNAM DPYOD BDUD RTZI'I CHU GTER ROL GNAS CHE, ,RIG GNAS NGANG MO'I KHYU LDING SKAR TSOGS BKRA, ,DBYANGS CAN RDZA RNGA SGROG MKHAS ZLA SHEL NI; ;RAB RTZEN LHA YI SRAS PO ZHABS BRTAN CIG ,RNAM DPYOD LTA BUR LANG TSO'I DPAL RGYAS SHING, ,BLO GROS KHYON LTAR YANGS PA'I BANG MDZOD NI, ,YON TAN TSOGS BZHIN STON DUS GSAR PA'I DPAL, ,LHAG BSAM LTAR DKAR GRAGS PAS MDZES LAGS GRANG, ,'DI NA'ANG NYI MA'I BU YI MCHE BA'I PHRAG ,SNGON CHAD GYA GYU'I DBUGS PHRENG MA SONG ZHING, ,RKANG 'THUNG 'PHRENG BA 'KHRIGS PA'I LJONGS RNAMS SU, ,LHO PHYOGS RLUNG GI RJES MTHUN SPYOD LA ZHUGS, ,NOG DANG LKOG SHAL SPANGS PA'I MI RNAMS LA; ;MTHO RIS BYANG GROL LTA BA'I MIG BYIN NAS, ,DUS RING MIN PAR KEE LA SHAS MTSAN PA'I, ,MI PHAM MDUN SA'I NOR 'DZIN BGROD PA BSTEN, ,RNAM DPYOD NOR BU'I ME LONG YONGS DAG PAR, ,MI 'CHAR SPANGS PA'I LUGS GNYIS MDZAD PA NI,,

, ,SNGON RABS RGYAL BLON SEMS DPA' CHE RNAMS KYI, ,SHING RTA'I LAM SROL NGES PAR 'JUG PAR MDZOD, ,GNAS KYIS BSKAL YANG SEMS DKAR ZLA SHEL LA, ,RI BONG MTSAN MA BZHIN DU 'KHOR BCAS RNAMS, ,'BRAL BA SPANGS PA'I DGE SBYOR SKYABS 'OG NI, ,SNGON GOMS BAG CHAGS JI BZHIN SPYOD CING MDZES, ,DE LTAR GSOL SLAD SEMS BSKYED LTAR DKAR BA'I, ,KHA BTAGS RNAM DPYOD LTAR BKRA'I RI MOS MTSAN, ,THA SKAR CAN GYI DGA' BA GSUM PA LA; ;BKRA SHIS LHUN GYIS GRUB PA'I GNAS NAS ZHUS, ,ZHES PA YANG DE NYID LA GNANG BA'O,, ,, ` GANG GI RNAM DPYOD ZLA BA'I THIGS PHRENG GIS, ,MTHA' DAG DBANG PHYUG ZUR PHUD DANG 'GROGS SHING, ,LEGS BSHAD RI SRAS LANG TSO RAB ZHUGS PA, ,SNYAN TSIG RIN CEN 'BYUNG GNAS ZHABS BRTAN CIG ,RNAM DPYOD YANGS PA'I 'DAB PHRENG 'KHRIGS GYUR CING, ,DAD PA'I GE SAR MNGON PAR GSAL BA CAN, ,SNYING STOBS DRI BZANG YONGS SU RDZOGS PA DE'I, ,CHAB SHOG DRAG PO'I MIG GIS NYER MTSON PA'I, ,SKYES BZANG PHYAG RGYA'I LANG TSO GSAL BA CAN, ,MTHU LDAN SRUNG MA'I SPYAN SNGAR SPYAN GZIGS TSOGS, ,DNGAR BA'I DUS LA RTEN 'BREL 'GRIG PAR PHEBS, ,DENG SANG 'KHOR BCAS NYER 'TSE'I DGRA LAS RGYAL, ,NOR 'DZIN BU MO 'BRAS BU'I KHUR GYIS NGAL, ,RDZOGS LDAN DUS BZHIN BANG MDZOD YONGS 'GENGS ZHES, ,SNYAN PA'I GTAM 'DIS DANG PO'I SA LA REG ,'DI NA'ANG PHUN TSOGS 'DUS PA'I TSOGS MANG LA, ,DBYAR CHOS SHIN TU 'PHEL BA'I NGANG NYID NAS, ,ZHAG BAR RNAM G-YENG DRA BA RAB SPANGS TE, ,RTZE

GCIG DGE SBYOR GNAS LA MNGON PHYOGS GYUR, ,DGE SBYOR SKYABS 'OG 'BRAL MED SNYING LA 'GROGS, ,SKABS SU BAB PA'I ZHU 'PHROS RIM PAR 'BUL, ,RIN CEN ZHO YI 'KHOR LO'I SKYES DANG BCAS, ,DGA' BA GNYIS PA'I TSES LA PHUL ZHU YIG ,ZHES PA 'DI YANG DE NYID LA GNANG BA'O,, ,, ` TSANGS DBANG SRAS MO'I YE SHES CHA SHAS NI, ,SA SPYOD ZLOS GAR ZOL LA BRTEN PA BZHIN, ,THUB BSTAN NOR 'DZIN 'DEGS LA NOR LHA NYID, ,LHAG MA CAN BZHIN BSNGAGS 'OS ZHABS BRTAN CIG ,CHAB SHOG BAS MYOS PA'I SNYING LA MU COR GYUR, ,SRAS BCAS RGYAL BA'I ZUR MIG GIS, ,RI DVAGS MIG CAN GAR GYIS SRED LDAN BZHIN, ,DGA' BAS MYOS PA'I SNYING LA MU COR GYUR, ,SRAS BCAS RGYAL BA'I THUGS RJE'I NYI GZHON NI, ,'CHAR KHA R'A GA'I PAD MTSOR ZHUGS PA BZHIN, ,REG BYA'I KHYAD PAR LUS LA 'GROGS PA NA, ,DGUN DUS GRANG BA'I REG PA GA SHED SONG, ,BDAG KYANG RANG GI BSTI GNAS RJES 'BREL BA, ,RKANG 'THUNG SPU LONG G-YO BA'I NOR LDAN MAR, JI LTAR PHEBS BZHIN BGYI BA LHUR BLANGS NAS, ,DA LTA MI PHAM MDUN SA BSTEN PA LAGS, ,'KHOR BCAS SNYING GI ME LONG YONGS DAG PAR, ,ZLA SHEL RI DVAGS MTSAN MA RJES ZHUGS BZHIN, ,'BRAL BA SPANGS PA'I DGE SBYOR SKYABS 'OG NI, ,BGYID LA GZHAN GYIS BSKUL LA CI ZHIG LTOS, ,MNGA' 'OG BYAMS BRTZE'I SPYAN RAS KYIS 'TSO ZHING, ,BSTAN DANG DE 'DZIN GUS PAS MCHOD PA DANG, ,SNGON RABS RGYAL BLON SEMS DPA'I RNAM THAR BZHIN, ,MDZAD PA'I SKU TSE DON DANG LDAN PAR MDZOD, ,ZHU MCHID AUTPAL SPYAN ZUR

, ,'GROGS PA'I SLAD, ,RIN CEN ZHO YI 'KHOR LO RGYA LDAN 'BUL, ,DGUN ZLA RA BA'I DGA' BA GSUM PA'I TSES, ,SHAR TSE RDZING PHYI GZIMS KHANG NAS ZHU YIG ,CES PA YANG DE NYID LA GNANG BA'O,, ,, ` SNGON BSAGS LEGS SPYAD BDUD RTZI'I CHU GTER LAS, ,LEGS PAR 'ONGS PA'I RNAM DPYOD 'OD DKAR CAN, ,PHYI NANG SHES BYA'I MKHA' LA THOGS MED PA, ,SA SKYONG MTSAN MO'I MGON DE ZHABS BRTAN CIG ,GANG GI CHAB SHOG TSIG DON LANG TSO CAN, ,'CHAR KHA'I MDANGS 'PHROG 'JAM MNYEN LHAB LHUB KYIS, ,RNAM PAR MDZES PA PHO NYA'I LAG RTZE LAS, ,PHYOGS 'DIR SPRO DGA' GZUGS CAN BZHIN DU 'ONGS, ,BSOD NAMS BRGYA PA'I SKU GZUGS BSOD NAMS GTER, ,MIG GI BDUD RTZI MIG GI DGA' STON DU, ,LEGS PAR BZHENGS PA'I LEGS TSOGS MDZAD PA 'DIS, ,SNYING PO MED PA'I NOR RNAMS SNYING POR MDZAD, ,RLABS CHEN DGE TSOGS SGRUB PA'I SNYING STOBS LA, ,MCHOG TU YI RANG DGA' BA GZUGS SU NI, ,GRUB NA NAM MKHA'I KHAMS KUN 'GENGS PA DES, ,NGOS KYANG SRID 'DI DON YOD BYAS PA SNYAM, ,ZHES LHAG PAR BSNGAGS NAS, SKABS KYI ZHU BA, DENG SANG 'KHOR BCAS NYER 'TSE'I GNOD PA DANG BRAL ZHING RNAM DKAR GYI MDZAD PA RGYA CHE BA'I SNYAN PAS SEMS MCHOG TU BDE BAR GYUR, 'DIR YANG CHOS 'PHEL BAR GNAS LAGS, 'DI NAS RGYAL GYI 'GRO BZHUD DANG BSTUN PAR DE TSOR SLEB DGOS PA'I NAN SKYED CHE BAR 'DUG PA, DA LO RGYAL GYI 'DU KHANG LA SHING RTZI DANG MKHAR LAS 'PHRO MUS BYED DGOS SGRUB RTZIS KYIS ZLA BA DKAR 'PHRAL SKYID SHOD NAS GTEG

PA'I 'GRO BZHUD MYUR BA ZHIG BYED RTZIS YIN PA DANG, DE'I GOS SKU SOGS KYANG DE DUS GRUB PA ZHIG YOD SHAS CHUNG BAS BZO RIGS MANG PO SOGS KYIS THUGS G-YENG GI RGYU LAS MI 'ONG ZHING, NGED KYANG RGYAL TSOR SLEB MGYOGS PA DGOS PA SOGS NAS YUN RING SDOD LONG YANG MI 'ONG BA'I RIGS SU 'DUG PAS STON RGYAB TZAM SKYID SHOD KYI 'GRO BZHUD DANG BSTUN RTEN 'BREL BSGRIG NA GANG SA NAS LEGS PA 'ONG BA 'DUG PAS DGONGS YUL DU BZHUGS PA ZHU, SKU RIM DGE SBYOR SKYABS 'OG RGYUN LDAN DU G-YEL BA MED PAR BYED PA LAGS, ZHIB PAR ZHU NGAG NAS KYANG 'BUL, ZHU YIG GZIGS PA'I SKYES SU GOS CHEN LCAGS DMAR KHA GANG LA RGYAS MDZES PAR 'BUL, TSES BCU BDUN LA PHUL BA'I ZHU YIG ,CES PA YANG DE NYID LA GNANG BA'O,, ,, ` ZLA DBANG ZHES GRAGS SA 'DZIN SNYAN DNGAGS MKHAN, ,PHYOGS 'DI RIG BYED NOR GYIS DBUL MTHONG NAS, ,BSAMS BZHIN PHYOGS 'DIR 'ONGS ZHES BSNGAGS BYA'I GNAS, ,GANG DE ZHABS BRTAN PHUN TSOGS 'BAR GYUR CIG ,ZLA BRAL RNAM DPYOD MCHOG GI SNANG BRNYAN NI, ,SDEB LEGS 'OD CHAGS SNYAN DNGAGS MU TIG GI ,DO SHAL MGRIN PA'I RGYAN DU BYAS NAS KYANG, ,SPRO DGA' RAB TU MYOS PA'I GAR BYED DO, ,PHAN BDE'I GZHIR GYUR SKU GSUNG THUGS KYI RTEN, ,YE SHES SNANG BAS KHYAB BYED CHO GA'I PAR, ,MIG GI BDUD RTZI RAB TU BSKRUN PA 'DI, ,BYANG PHYOGS SNGAGS 'DZIN KUN GYI DGA' STON NYID, ,NGAL BSOS GZI BYIN LTA LA SRED LDAN PAS, ,RTA LJANG SHING RTA'I 'KHOR LO MNGON PHYOGS TSE, ,LCAGS KYI PHA BONG TSAL PAR 'GAS SO ZHES,,

, ,'JIG RTEN RGAN PO DAG GI KHA LAS SGROG ,LO MANG KHUR GYIS NON PAS NYAM CHUNG LUS, ,'JAM MNYEN REG BYA'I KHYAD PAR MCHOG THOB PAS, ,HA SA BADZRA GYIS REG TZAN dA L'I, ,PHYOGS 'DIR MNGON DU BYAS SNYAM SIM PA THOB, ,DENG DUS SKU YI ZLA SHEL NAG PHYOGS KYI, ,CHU 'DZIN LAS GROL DKAR PHYOGS MDZAD PA'I 'OD, ,BDUD RTZI'I ZER STONG MNGON PAR SPRO BA 'DI, ,SNYING LA SPRO DGA'I KU MUD BZHAD PA'I GNYEN, ,NGOS KYANG DBANG PO'I PHYOGS KYI GTZUG LAG KHANG, ,BSRUNG SLAD KHRO BO'I DBANG PO DUS KYI DGRA ,MTHU LDAN SRUNG MA'I 'KHOR DANG LHAN CIG TU, ,DNGOS SU BYON SNYAM MCHOG TU SEMS KHENGS NAS, ,PHYOGS 'DIR DA LTA SA SPYOD YUM SRAS LA, ,'CHI MED SGRUB LA NYIN BZHIN NGAL BA BSTEN, ,ZLA BA DKAR 'PHRAL CHOS KYI RGYA MTSO CHE; ;SKYID SHOD PHYOGS SU BGROD PA BSTEN PA LAGS, ,DRAN PA'I PIR GYIS YID KYI RTZIG NGOS LA, ,BRJED MED NYID SKU RI MOR BKOD NAS KYANG, ,BDEN GNYIS SRUNG BA'I 'KHOR LO BAR MED PAS, ,BDUD SDE'I G-YUL LAS RGYAL BA NYID DU SEMS,, RIN CEN ZHO YI 'KHOR LO LONGS PA LA, ,RGYA YIS MTSAN PA SKYES KYI TSUL DU 'BUL, ,DBYANGS 'CHAR LUGS KYI DKAR PHYOGS BZANG PO NI, ,DANG PO'I TSES LA PHUL BA'I ZHU YIG GO ,ZHES PA YANG DE NYID LA GNANG BA'O,, ,, ` GANG GI MTHU STOBS LAG NYAL DRAN PAS KYANG, ,GZHAN PHYOGS LHA MIN BU MO'I MNGAL LHUNG ZHING, ,RIG GNAS KUN GZIGS 'DREN BYED STONG YANGS PA, ,'PHROG BYED GNYIS PA'I DRUNG DU MCHID 'DI ZHU, ,RNAM DPYOD SUM RTZEN GNAS KYI MAN NE KA'I, ,ROL GAR 'DZAM BU NA

DA'I ZE'U 'BRU CAN, ,'JAM MNYEN 'CHAR KHA'I MDANGS 'PHROG CHU SKYES NI, ,'DZIN PA PHO NYA'I LAM LAS PHYOGS 'DIR 'ONGS, ,DON BZANG TSIG 'BRU BZANG PO SNGON MED PA'I, ,BCUD LDAN AA MRi TA YIS SNYING SIM PA, ,RAB DGA'I SA LA REG BZHIN SPRO DGA' YI, ,SPU LONG G-YO BAS LUS KUN KHYAB PAR GYUR, ,DPAL RTZAL ZLA BRAL YAN LAG GNYIS PA'I DPUNG, ,LHA RDZAS NOR SBYIN DBANG PO DANG 'GROGS PAS, ,PHA ROL LHA MIN DPUNG TSOGS ZIL MNAN PA'I, ,SGRA DBYANGS GTZANG MA'I GNAS NA'ANG CA COR GYUR, ,SBYIN MA'I DGRA YI RTZE DGA' DANG 'GROGS PA'I, ,RKANG 'THUNG SPU LONG G-YO BA'I NOR LDAN MAR, ,NGOS KYANG CHOS LDAN BGYI BA 'GA' SPYAD NAS, ,SLAR YANG RGYAL BAS LUNG BSTAN DBU RU'I PHYOGS, ,SRONG BTZAN YE SHES SNANG BA'I GZHAL MED CHER, ,KHRIMS LDAN STONG PHRAG TSOGS DANG LHAN CIG TU, ,DUS GSUM DGE BA'I SMON LAM LEGS GRUB NAS, ,MKHAS PA'I BSTI GNAS GANG 'DIR SLEB PA LAGS, ,BDEN GNYIS SRUNG BA'I 'KHOR LO'I LTE BAR NI, ,SNGON YANG NYID SKU'I SNANG BA MA BRAL ZHING, ,SLAD MA'ANG G-YEL BA MED PA'I SKU RIM GYI, ,TING 'DZIN SMON LAM YID LA 'GROGS PA LAGS, ,PHYOGS 'DIR MI 'GYANG MJAL BAR SMON LAGS SHING, ,DA LAN ZHU MCHID AUTPAL SPYAN ZUR GYIS, ,REG PA'I SKYES SU LO MA'I PHUR MA LA,, RGYA YI TSOM BU BKOD DE PHUL BA LAGS, ,ZHES NYER BRGYAD LA PHUL BA'I ZHU YIG ,CES PA YANG DE NYID LA GNANG BA'O,, ,, ` SA SKYONG DBYANGS CAN MGRIN PAR BYED PA CAN, ,'DI NI DGE BA'I DBANG PO'AM ZLA DBANG ZHES, ,SEMS LA THE TSOM DPYANG THAG

, ,'DZIN BYED PA, ,GANG DE'I DRUNG DU RING NAS MCHID 'DI ZHU, ,CHAB SHOG MKHAS PA DGA' BYED TSIG DON CAN, ,PADMA R'A GA'I MDANGS 'PHROG MTHANG GOS BCAS, ,PHYOGS 'DIR PHEBS PAS 'KHOR 'DAS DGA' SPRO KUN, ,SEMS LA CIG CAR SPUNGS PA BZHIN DU GYUR, ,LUGS GNYIS MDUN SA CHEN PO DANG NYE BA'I, ,MKHAR NYAL GRONG KHYER LA 'KHU BSTI GNAS NA, ,DUS DANG GNAS SKABS SBYAR BA'I MDZAD PA NI, ,STON ZLA LTA BUR DKAR BA DE RMAD DO, ,NGOS KYANG BDE CHEN RTZE ZHES RAB GRAGS PA'I, ,KHANG BZANG LCANG LO CAN DANG MTSUNGS PA NA, ,PHYOGS 'DI'I SA SKYONG YUM DANG BCAS PA LA, ,NYIN BZHIN BKA' CHOS RIM PA BGYID PAR BRTZON, ,MTSAMS ZHU, GSUNG RAB RGYA MTSO DVAGS PHYOGS SU BREL BA MGOS CHES PA'I DA BAR SLEB PA ZHIG MA BYUNG ZHING, DE DON GYIS NGED KYI 'GRUL BZHUD KYANG LHUS THINGS PA RANG ZHIG DA LTA MED PA DANG, DA LO DE PHYOGS SU SLEB PA'I SGO MI 'ONG BA 'DUG PAS DGONGS YUL BZHUGS PA ZHU ZHING, SKU RIM DGE SBYOR SKYABS 'OG NAM YANG G-YEL MED DU BGYID, ZHU YIG GZIGS PA'I SKYES TZAM DU BKRA SHIS KHA BTAGS SHIG LA RGYAS MDZES PA 'BUL, TSES BCU BZHI LA PHUL BA'I ZHU YIG GSUNG RAB RGYA MTSO CAN GYI BREL BA GCOD 'KHOS 'DI LTAR YOD KYI GNAS TSUL KHRA CHUNG DU BSKUR BYUNG BA'ANG NGO BSHUS BYAS PHUL BA LAGS, ZHES PA YANG DE NYID LA GNANG BA'O,, ,, ` MKHYEN RAB ZHAL BZANG LTA BAS MI NGOMS SHING, ,RNAM DPYOD ZLA BRAL ZUR MIG G-YO BA CAN, ,RTAG TU RIG GNAS BDUD RTZI ZHAL LA CHAGS, ,MKHAS PA'I YID 'PHROG GANG DER MCHID 'DI GSOL,,

SKU KHAMS GTZO MA'I GSER LTAR RAB BZANG ZHING, ,MDZAD PA STON KA'I ZLA SHEL STONG PHRAG LTAR, ,DKAR BA'I NGANG NAS DGE SLONG RGAN PO LA, ,YUN DU 'TSO SLAD GDING BA'I SKYES DANG BCAS, ,SNYAN DNGAGS DRI ZA'I RGYUD MANG BZHIN DU STZOL, ,BDAG KYANG DA LTA PHUNG PO'I GRONG KHYER NI, ,RNAM SHES 'GRON POS MDZA' BA MA BTANG ZHING, ,KHRIMS LDAN TSOGS LA SGRUB THABS RGYA MTSO ZHES, ,GRAGS PA'I LUNG DANG RJES GNANG 'DOMS PAR BRTZON, ,SRID 'DIR SKU TSE RI DBANG LTAR BRTAN CING, ,CHO RIS CHAB SRID MNGA' THANG 'PHEL BA DANG, ,BSTAN DANG BSTAN 'DZIN GUS PAS MCHOD PA LA, ,YAB MES BZANG PO'I RNAM SROL SKYONG YANG 'TSAL, ,'DIR YANG DE LTA'I SLAD DU SKU RIM DANG, ,DGE SBYOR SKYABS 'OG G-YEL BA MED PA BGYID, ,SNGAGS KYIS BYIN BRLABS SRUNG DAR SKYES SU 'BUL, ,RGYAL BA DANG PO'I TSES LA PHUL ZHU YIG CES PA YANG DE NYID LA GNANG BA'O,, ,, ` MKHYEN RAB 'O MA'I CHU GTER RLABS 'PHYUR BAS, ,RAB 'THOR SDEB LEGS 'OD CHAGS MU TIG PHRENG, ,LHA RDZAS RO DANG REG BYA'I KHYAD PAR BCAS, ,YONGS 'DU'I SHING LAS 'DOD DGU'I DPAL BZHIN PHEBS, ,SUM RTZEN GZHON NU'I KHENGS PA 'PHROG BYED PA'I, ,GANG SKU YAR NGO'I ROL PAS RNAM RTZEN ZHING, ,RDZOGS LDAN DUS BZHIN SMIN PA'I 'BRU RNAMS KYIS, ,ZLA SHEL BA GAM DGOD PA'I KHANG BZANG GI ,BANG MDZOD MCHOG RNAMS 'GENGS LA MNGON GZHOL BA'I, ,SNYAN PA MTHO RIS BU MO'I GLU DBYANGS LTAR, ,THOS PAS YID LA SPRO DAGS CI YANG TSIM, NGOS KYANG PHUNG PO SGYU MA'I GRONG KHYER NI, ,RNAM SHES 'GRON POS DA LTA

, ,MA DOR ZHING, ,THOS DANG SPONG BA LHUR LEN 'DUS PA LA, ,NYIN BZHIN ZAB MO'I GDAMS PA 'DOMS LA BRTZON, ,LUGS GNYIS SHES BYA'I SNANG BRNYAN JI SNYED PA, ,MKHYEN RAB ME LONG NGOS LA MI 'CHAR GANG, ,DE LTA NA YANG SNGON BYON RGYAL BLON NI, ,SEMS DPA' CHE RNAMS MDZAD PA RJES SGRUB MDZOD, ,DRAN PA'I PIR GYIS YID KYI RTZIG NGOS LA, ,YENGS PA MED PAR NYID SKU RAB BKOD DE, ,YUN DU 'TSO ZHING GZHES LA CHAB SRID NI, ,'PHEL PHYIR DGE SBYOR SKYABS 'OG G-YEL MED BGYID, ,DNGUL DKAR SRANG GANG SKYES KYI TSUL DU 'BUL, ,GNYIS PA'I PHYOGS KYI 'KHOR LO 'DU BA'I TSES, ,SHAR TSE CHOS 'KHOR RGYAL NAS PHUL ZHU YIG ,CES PA YANG DE NYID LA GNANG BA'O,, ,, ` SHES BYA'I DKYIL 'KHOR MTHA' DAG LA THOGS PA MED PA'I MKHYEN PA'I SNANG BA CAN NANG SO'I DRUNG DU, ZHU BA, PHYAG DAM PADMA R'A GA'I MDANGS CHAGS PA'I RING 'GAG GI GNANG SBYIN DANG BCAS PA PHEBS, DING SANG SKU MCHOG TU SNYOMS SHING, SA SPYOD RGYU SKAR GYI PHRENG BA'I DBUS NA MNGON PAR 'PHAGS PA'I MKHYEN PA'I DKYIL 'KHOR LAS DUS BAB KYI MDZAD PA'I BDUD RTZI'I ZER PHRENG PHYOGS KUN TU 'PHRO BA'I NGANG DU BZHUGS PA THUGS LA BTAGS, 'DI NA'ANG DPYID CHOS TSUGS PA'I CHOS 'PHEL BAR GNAS LAGS, SNANG BA'I DKYIL 'KHOR GZHAN DAG ZAD PA NA, ,ME KHYER NYIN MO'I DBANG PHYUG LTAR RLOM PA, ,GLOG PHRENG LTA BUR G-YO YANG TSE'I 'DU BYED, ,RTAG 'DZIN BLO YIS BRTAN PAR MOS PA LAGS, ,NYID SKU YID KYI ME LONG LA BKOD NAS, ,DGE SBYOR SKYABS 'OG NAM YANG G-YEL BA MED, ,GOS CHEN

KHA 'BREL SKYES KYI TSUL DU 'BUL, ,DGA' BA GSUM PA'I TSES LA PHUL ZHU YIG CES PA YANG DE NYID LA GNANG BA'O,, ,, ` NYI 'OD LAN BRGYAR 'THUNGS PA'I PAD MOS KYANG, ,MKHYEN PA'I SPYAN LA 'GRAN PAR MI NUS PA, ,LUGS GNYIS GNAS LA ZLA BRAL SA 'DZIN KHYED, ,SRID MTHA'I BAR DU SRID 'DIR ZHABS BRTAN CING, ,DON BZANG TSIG 'BRU BZANG PO'I AUTPAL PHRENG, ,'JAM MNYEN REG BYA MCHOG GI LO 'DAB DANG, ,RO BRGYA LA DU'I RJES MTHUN ZA MA TOG ,SBYIN MA'I BU YI MTSAL KHRAG GSAR PA'I SMAN, ,DANG BCAS PHYOGS 'DIR MNGAGS PA'I PHO NYA BAS, ,SMIN TSE YID LA SPRO DGA'I CHU BO NI, ,DBYAR DUS DAL 'BAB DAG LA 'GRAN BZHIN GYUR, ,DENG DUS SKU YI ZLA SHEL YAR NGO YI, ,PHUN TSOGS ROL PAS RNAM PAR RTZEN GYUR CING, ,MDZAD PA BDUD RTZI'I RTZA LAG RAB RGYAS PAS, ,LHO PHYOGS NOR 'DZIN GSAL PAR GYUR LAGS GRANG, ,NGOS KYANG DAM CHOS 'DUL BA'I PHYAG LEN BZHIN, ,RNAM DAG RI KLUNGS DGE 'DUN TSOGS RNAMS DANG, ,LHAN CIG DBYAR GNAS NGANG NAS 'DUS PA'I TSOGS,, NYIN BZHIN LEGS BSHAD BDUD RTZIS TSIM PAR BGYIS, ,SEMS KYI ME LONG NGOS LA GANG SKU YI, ,SNANG BRNYAN 'BRAL BA MED PAR RAB BKOD DE, ,GNAS SKABS MTHAR THUG 'GAL RKYEN KUN ZHI ZHING, ,BZHED DON 'GRUB PHYIR G-YO MED BSAM GTAN BGYID, ,GOS CHEN KHA GANG SKYES KYI TSUL DU 'BUL, ,GRO BZHIN CAN GYI GNYIS PA'I PHYOGS KYI NI, ,RGYAL BA DANG PO'I TSES LA PHUL ZHU YIG ,CES PA YANG DE NYID LA GNANG BA'O,, ,, ` RIG GNAS MTHA' DAG LA MKHYEN PA'I SPYAN NYIN MO'I DBANG PHYUG LTAR

, ,GSAL BA NANG SO'I DRUNG DU, ZHU BA, PHYAG DAM GZAN LEGS PA'I GNANG SBYIN DANG BCAS PA PHEBS SHING, DE MA THAG LUS LA GYON YOD LAGS, DENG SANG SKU'I DPAG BSAM MI MTHUN PA'I RLUNG GIS MI G-YO ZHING, SHIN TU RGYAS PA'I MKHYEN RAB KYI YAL GA MDZAD PA'I LO 'DAB GSAR PAS KLUBS TE, SNYAN GRAGS KYI DRI BSUNG THA GRU KUN TU KHYAB PAR BZHUGS PA THUGS LA BTAGS, NGOS KYANG BRO MI 'TSAL ZHING, DPYID CHOS GSUM PA ZUG PA'I CHOS 'PHEL BAR GNAS, ,MTSAMS ZHU; RJE BTZUN MA'I SBYIN SREG GI CHO GA RTZOM GDAN GNANG BA DE DANG BSTUN PA TZAM ZHIG DBANG GI LAS KHO NA'I DBANG DU BYAS NAS BRTZAMS YOD PA BKA' BCU PAS DO DAM BYAS 'BUL BA YOD CING, SKU RIM DGE SBYOR SKYABS 'OG KYANG GSENG MA SHOR BA'I G-YEL MED DU YOD LAGS, ZHU YIG GI SKYES MTSON PAR GOS CHEN KHA GANG LA RGYAS MDZES PA 'BUL, TSES BRGYAD LA PHUL BA'I ZHU YIG ,CES PA YANG DE NYID LA GNANG BA'O,, ,, ` SHES BYA MTHA' DAG LA MKHYEN PA'I SPYAN MCHOG TU YANGS PA NANG SO'I DRUNG DU, ZHU BA, PHYAG DAM SKAD CHA RNAM GRANGS KHRA CHUNG DU BKOD NAS GNANG BA DANG BCAS PA PHEBS, DENG SANG SKU MCHOG TU SNYOMS SHING, MTSAN JUS, PHYAG DPANGS MTHO BA'I NGANG DU BZHUGS PA THUGS RJES BZUNG, 'DIR YANG DBYAR CHOS KYI RING CHOS 'PHEL ZHING, MGON KHANG GI TSON RTZI BKRAG RTZI SOGS LEGS PAR GRUB PA'I, YI DAM CHOS SKYONG DNGOS SU BYON PA LTA BU LA RAB GNAS KYANG LEGS PAR GRUB PAR BYAS LAGS, MTSAMS ZHU, GZHIS KA RIN SPUNGS NAS KYI DPUNG CHEN GZHU SNYE PHYOGS LA

BTEG PA'I, STOD LUNG, 'PHAN YUL GANG RIGS LA 'GRO MAL GZIGS RGYUR YOD 'DUG PA, DE'I TSE NA, SDE SRID RIN PO CHE'I DPUNG CHEN YANG, KHO PA'I DPUNG GI KHA GNON 'ONG TZAM MA GTOGS, GTZO CHE BA SKYID SHOD PHYOGS LA THEG PA 'CHAR SHAS CHE BAS, LHO BYANG GANG DU GNANG BA SHAR KYANG, SNGAR LAS MA G-YOS PA'I, GZHAN PHYOGS LA NON DANG DPA' BRJID CHE ZHING RANG PHYOGS BRLING CHA DANG, THUGS CAG GIS THON PA CIS KYANG THUGS LA 'DOGS PA ZHU, DRUNG NAS DVAGS PO BA'I MNAL LTAS KYI CHA SOGS DE BZHIN YIN 'DUG PA, SKU RIM DGE SBYOR SKYABS 'OG SNGAR YANG GSANG SHOR MED PA'I G-YEL MED RANG DU YOD CING, DA DUNG CHED DU RTZOL BAS GANG THON BGYID PA LAGS, DA LAN SNGAGS MANG DU BTAB PA'I SRUNG DAR ZHIG 'GAL RKYEN THAMS CAD BZLOG PA DANG, NAG PHYOGS KYI G-YUL LAS RGYAL BA'I PHYIR PHUL BA MGUL DU BZHES PA ZHU, TSES BCU GSUM LA CHOS 'KHOR RGYAL NAS PHUL BA'I ZHU YIG CES PA YANG DE NYID LA GNANG BA'O,, ,, ` RGYA CHEN MKHYEN PA'I SPYAN LDAN NANG SO'I DRUNG DU, ZHU BA; PHYAG DAM SPEN TOG GI GNANG SBYIN DANG BCAS PA PHEBS, DING SANG SKU MCHOG TU SNYOMS SHING, DUS BAB KYI MDZAD PA LA G-YEL MED DU BZHUGS PA MCHOG TU SEMS SPRO, 'DIR YANG SMON LAM CHEN MO DGE 'DUN TSOGS CHE ZHING, SDE SRID RIN PO CHE'I SKU RIM LA BRTZON PA'I SKABS NA LAGS, MTSAMS ZHU, RGYUN LDAN DU SKU RIM G-YEL MED DU YOD LAGS NA'ANG, KHYAD PAR DGU GTOR CHEN MO DANG TSES GCIG GTOR MA SOGS KYI SKABS SU DMIGS PHUG PA'I NAN TAN CHE BAR BYAS LAGS SHING,

, ,DA LAN SMON LAM CHEN MO'I TSOGS PA LA STAR CHAGS KYI GSOL THUG ZHU BAR GNANG 'DUG PA, SKU RIM DU 'GYUR CHE ZHING, SMON LAM GYI RGYAS 'DEBS KYANG YANG DAG BYAS YOD LAGS, PAR MKHAN PA LA BKA' BKOD DE BZHIN GNANG 'DUG PA'ANG BKA' DRIN BSKYANGS, ZHU YIG GZIGS PA'I SKYES TZAM DU BKRA SHIS KHA BTAGS ZHIG LA RGYAS MDZES PA 'BUL, PHYOGS GNYIS PA'I DGA' BA DANG PO'I TSES LA CHOS 'KHOR LHA SA NAS PHUL BA'I ZHU YIG CES PA YANG DE NYID LA GNANG BA'O,, ,, ` MKHYEN SPYAN NAM MKHA' LTAR YANGS PA NANG SO'I DRUNG DU, ZHU BA, DENG SANG SKU GSUNG THUGS NYER 'TSE'I RNYOG PA DANG BRAL ZHING RNAM DKAR GYI MDZAD PA RGYA MTSO'I RLABS BZHIN DU DUS LAS MI 'DA' BAR 'JUG PA'I NGANG DU BZHUGS LAGS SAM, NGOS KYANG SKYID SHOD TSOR CHOS LDAN GYI BGYI BAR 'OS PA RNAMS RIM PAS BGYIS NAS RGYAL GYI DBYAR GNAS LA SLEB PA'I RTZIS KYIS LAM DU ZHUGS PA LAGS, GZHI LAM BYES KUN TU SKU RIM DGE SBYOR SKYABS 'OG G-YEL MED DU BGYID CING, ZHU 'PHROS 'BUL 'OS KYANG RIM PA'I 'BUL, GANG CI'I GNAS TSUL RNAMS NANG PA 'DZOM PA GLING NAS KYIS THUGS RGYUS THOG NAS KYANG 'BUL BA YOD LAGS, TSES DRUG LA BSGRAGS MDA' NAS PHUL BA'I ZHU YIG CES PA YANG DE NYID LA GNANG BA'O,, ,, ` LUGS GNYIS KYI SHES BYA LA THOGS PA MED PA'I MKHYEN PA'I SPYAN LDAN NANG SO'I DRUNG DU, ZHU BA, DENG SANG SKU'I DPAG BSAM NYER 'TSE'I BA MOS MA REG CING, MKHYEN RAB YAL GA'I KHYON YANGS MDZAD PA ME TOG DKAR PO'I PHRENG BAS MCHOG TU MDZES PA'I SNYAN GRAGS

KYI DRI BSUNG 'DZIN MA'I THA GRU KUN TU KHYAB PAR BZHUGS LAGS SAM, NGED KYANG DBYAR ZHAL BZHES LA 'DIR SLEB PA'I CHOS 'PHEL BAR GNAS LAGS, MTSAMS ZHU, SKU RIM DKAR PHYOGS LA G-YEL BA MED PA'I NGOS NAS DUS BAB KYI MDZAD PA GANG DANG CI LA SNGAR LAS MA G-YOS PA DANG, KHYAD PAR SKU TSE TSE SGRUB, DPAL LDAN LHA MO'I MCHOD GTOR SOGS LA THUGS DAM DANG, THUGS RTZOL YANG DAG ZHU, 'DIR YANG DUS DANG RNAM PA KUN TU SKU RIM DGE SBYOR SKYABS 'OG LA G-YEL BA MA MCHIS SHING, 'DI SKOR GYI GNAS TSUL SOGS ZHIB PAR BYAMS PA RAB RGYAS KYI NGAG NAS 'BUL, ZHU MCHID LA SPYAN RAS G-YO BA'I SKYES SU BKRA SHIS KHA BTAGS ZHIG LA RGYAS MDZES PA 'BUL, BZANG PO GNYIS PA'I TSES LA PHUL BA'I ZHU YIG CES PA YANG DE NYID LA GNANG BA'O,, ,, ` RIG GNAS MTHA' DAG LA MKHYEN SPYAN NAM MKHA'I KHYON LTAR YANGS PA NANG SO'I DRUNG DU, ZHU BA, PHYAG DAM, RING 'GAG LEGS PA, BZHES SPRO'I ZA MA TOG ZUNG DANG BCAS PA PHEBS, DENG SANG SKU'I DKYIL 'KHOR LA NYER 'TSE'I CHU 'DZIN GYI SGRIB G-YOGS MI MNGA' ZHING, DUS BAB KYI MDZAD PA'I 'OD ZER GYI PHRENG BAS MDZES PAR BZHUGS PA THUGS RJES BZUNG, NGOS KYANG RGYAL GYI DBYAR CHOS GROL RJES DVAGS PO TSOR YANG SKOR CIG PHYIN PA'I BSTAN PA DANG SEMS CAN LA GANG PHAN BGYIS, 'OL KHA TSOR THOGS 'GOR CHUNG BA BYAS PA'I NGOS 'BRAS SPUNGS KYI DGUN CHOS SGANG LA ZIN PAR BSAMS LAM DU ZHUGS PA LAGS, MTSAMS ZHU, SKU RIM DGE SBYOR SKYABS 'OG GZHI LAM BYES GSUM KUN TU'ANG G-YEL MED

, ,YOD CING, ZHIB PAR NGOS KYIS MI 'GYANG BAR 'BUL RTZIS LAGS, ZHU YIG GZIGS PA'I RTEN MTSON PAR RIN PO CHE ZHO GANG LA RGYAS MDZES PA 'BUL, TSES NYER GSUM LA BRAG KHA NAS PHUL BA'I ZHU YIG CES PA YANG DE NYID LA GNANG BA'O,, ,, ` 'CHI MED GZHON NU'I DPAL LA 'GRAN PA'I SKU, ,DRI ZA'I PHANG 'GRO JI BZHIN SNYAN PA'I GSUNG, ,RNAM DPYOD RI MO RNAM PAR BKRA BA'I THUGS, ,KHYED LA TSE DPAG MED PAS 'CHI MED STZOL, ,DENG DUS NYID SKU'I YONGS 'DU'I RKANG 'THUNG NI, ,NYER 'TSE'I BSIR BUS CUNG ZAD MI G-YO ZHING, ,MDZAD PA RNAM BKRA'I ME TOG RGYAS PA'I NGANG, ,SNYAN GRAGS DRI BSUNG DANG 'GROGS GSUNG SHOG GI ,CHU SKYES PHRENG BA YAR SGOG SMAN DANG BCAS, ,MIG GI BDUD RTZIR 'KHRUNGS TSE SNYING LA NI, ,SPRO DGA'I CHU BO CI YANG 'PHEL BAR GYUR, ,'DI NA'ANG DBYAR GNAS NGANG NAS NYIN RE BZHIN, ,'DUS PA'I TSOGS LA CHOS STON BGYID PAR BRTZON, ,'GAL RKYEN ZHI PHYIR DGE SBYOR SKYABS 'OG DANG, ,BZHED DON GRUB PA'I SMON LAM RTAG TU BGYID, ,RGYAS PA'I DBYIBS CHAGS GOS KHA SKYES SU MTSON, ,BCO BRGYAD TSES LA CHOS 'KHOR RGYAL NAS ZHUS, ZHES PA RAB BRTAN DU NANG SO TSE DBANG DPAL 'BYOR LA GNANG BA'O,, ,, ` LUGS GNYIS SHES BYA GSAL BYED NYI MA STE, ,DPUNG PA'I SHUGS LDAN RAB 'BAR RAL GRI'I GNYEN, ,YON TAN DRUG SHES SA SKYONG MDUN SA'I RGYAN, ,KHYED LA SRAS BCAS RGYAL BAS SHIS PA MDZOD, ,DENG DUS 'DI NA SPYI MTHUN LAS TSUL LAS, ,MI BZAD DUS KYI TSUB MA DPAG DKA' BA, ,'DI LTAS KHYOD THUGS DUB PAR MA GYUR CING, ,SKU YI

DKYIL 'KHOR GZI MDANGS RAB GSAL LA, ,SNYAN PA'I GSUNG GIS 'KHOR 'BANGS DBUGS 'BYIN CING, ,MKHYEN DGONGS YANGS PA'I SKYED TSAL LAS BSKRUN PA'I, ,MDZAD PA'I ME TOG SNYAN GRAGS DRI BZANG CAN, ,PHYOGS KYI BU MO'I 'GRAM PAR 'PHYANG BA MTHONG, ,BDAG KYANG SHAR PHYOGS 'DZIN MA'I NGOS DAG LAS, ,DAD LDAN SBYIN BDAG RNAMS KYI DPAL 'BYOR LA, ,SPYOD CING SH'AKYA MU NI'I MDUN SA YI, ,'DUS PA'I SDE RU BGROD SLAD CHAS PA LAGS, ,SLAD MA'ANG SKU KHAMS MCHOG GI 'TSO SKYONG DANG, ,RANG PHYOGS SRUNG DANG GZHAN PHYOGS ZIL GNON PA'I, ,SKABS DANG SKABS MIN BYA BA'I 'JUG LDOG LA, ,RAB TU GZO ZHING THABS MKHAS LDAN PAR MDZOD, ,'KHOR BCAS NYER 'TSE'I RNYOG PA DANG BRAL ZHING, ,BZHED DON RTZE MOR PHYIN SLAD DUS KUN TU, ,SKYABS GSUM BKA' SDOD BCAS LA GSOL 'DEBS SHING, ,RNAM DKAR SMON LAM SNYING LA 'GROGS PA LAGS, ,ZHU YIG RTEN MTSON PAR SNGAGS MANG DU BTAB PA'I SRUNG DAR GCIG PHUL BA LAGS, TSES NYI SHU LA NGO MTSAR BKOD PA NAS PHUL BA'I ZHU YIG CES PA 'DI 'PHYOS PA'I NANG SO SKYA RGYAL BA LA GNANG BA'O,, ,, ` GANG THUGS BDE BA CHEN PO'I CHU GTER LAS, ,RTEN DANG BRTEN PA'I 'KHOR LO'I CHU KLUNG 'BUM, ,SPRO DANG SDUD MDZAD DPAL LDAN BSNYEMS MA'I BDAG ,BYANG CHUB SEMS KYI RDO RJE DES SKYONGS SHIG ,SNGON BSAGS BSOD NAMS RTA LJANG GIS DRANGS MNGON MTHO SHAR RI'I RTZE LA 'DZEGS, ,LUGS GNYIS PAD TSAL BZHAD PA'I DPAL STER MKHYEN RAB 'OD STONG GSAL BAR 'PHRO, ,NAG PHYOGS MUN PA'I DGRA SDE 'JOMS

, ,MKHAS DPAL LDAN NAM MKHA'I NOR BU NI, ,SKYE 'GRO'I RE SKONG DBANG GI RGYAL PO SRID MTHA'I BAR DU RGYAL GYUR CIG ,SLAR YANG RGYAL BA'I BSTAN PA RIN PO CHE, ,RIS MED BSTAN 'DZIN TSOGS RNAMS RTAG MCHOD CING, ,MNGA' 'OG NOR 'DZIN PHAN BDE'I LO TOG GIS, ,YONGS SU GANG BA'I BKA' DRIN NYIN BZHIN STZOL, ,'DI NA'ANG BSHAD DANG SGRUB PA'I GZUGS BRNYAN GYIS, ,RGYAL BA'I BSTAN LA SRI ZHUR BGYID SKABS NAS, ,LHAG BSAM DAG PA NYID SKU'I MDUN SA CHER, ,RNAM PAR DKAR BA'I ZHU MCHID GSOL BA LAGS, ,ZHES SPYAN LAM DU DBAB PA'I SKYES MTSON PAR THER MA BUBS GCIG 'BUL, ,ZHES DPON DRUNG G-YUNG PA LA GNANG BA'O,, ,, ` DMIGS MED SNYING RJE'I GZHAN DBANG GYUR PA'I MTHUS, ,SKU GSUM LHUN GRUB SPANGS RTOGS MTHAR PHYIN KYANG, ,RTAG TU GZHAN GYI DON LAS MI G-YEL BA'I, ,SKYES CHEN KUN LA SPYI BOS PHYAG BGYI'O, ,PHYOGS LAS RNAM RGYAL SA YI DBANG PHYUG GI ,BKA' YI COD PAN GANG GI THOD DU BSTEN, ,LUGS GNYIS GNAS LA MKHYEN PA'I SPYAN YANGS PA, ,GRU 'DZIN BLON PO'I DBANG POR 'DI SKAD GSOL, ,DENG DUS KHYED SKU YAR NGO'I ZLA SHEL LTAR, ,CHES CHER BRTAS SHING RNAM DKAR MDZAD PHRIN NI, ,YONGS SU RGYAS PA'I GRAGS PA'I BSIL ZER DAG ,PHYOGS BCUR 'PHRO BA'I DGE MTSAN CI YANG MTHONG, ,DUS MTHAR NYON MONGS DRAG PO'I DBANG GYUR PAS, ,RANG NYID CHES CHER BSLUS PA'I SKYE BO DAG ,PHYI MA'I SDUG BSNGAL MI BZAD LTA CI SMOS, ,'DIR YANG NYAM THAG GNAS SU GYUR CES THOS, ,MNGON MTHO NGES LEGS PHUN TSOGS

KUN GYI GZHI, ,DKAR PO'I LAS LA CHES CHER DGYES PA KHYED, ,RMAD BYUNG SNYING RJE CHEN POS NYER DGONGS TE, ,MI BZAD DRAG PO'I PHRIN LAS BTANG SNYOMS SU, ,MDZAD NA 'DI DANG PHYI MAR BZHED PA'I DON, ,MA LUS BDE BLAG NYID DU 'GRUB PAR 'GYUR,, DE LTAR BRTZE BA'I MA LA BU BZHIN DU, ,MA 'DRES PAR YANG NAN GYIS GSOL BA NI, ,NYAM THAG SKYE BO'I SDUG BSNGAL MA BZOD CING, ,PHYOGS 'DI'I YUL GRU 'DZIN PA'I KHYIM BDAG RNAMS, ,'TSO BA SBYIN PA'I BDAG POR GYUR PA YIS, ,SPYI BRTOL BSKYED DE RINGS PAR GSOL BA LA, ,BRTZE BA'I THUGS KYIS DGYES BZHIN GNANG BAR MDZOD, ,RGYAL BA SRAS BCAS KUN GYI THUGS RJE DANG, ,RTZA BRGYUD BLA MA RNAMS KYI BYIN RLABS DANG, ,RTEN 'BREL BSLU BA MED PA'I BDEN PA LAS, ,JI LTAR 'DOD PA'I DON KUN 'GRUB GYUR CIG ,CES DBEN PA'I BSTI GNAS NAS PHUL BA'I ZHU YIG CES PA 'DI DPON DRUNG KHRA PA LA GNANG BA'O,, ,, ` RNAM DKAR DAD PA'I ME TOG DKAR PO YIS, ,THUGS KYI DPAG BSAM DBANG PO MDZES BYAS PA, ,GANG GI BKA' YIG BUNG BA'I SPRIN PHRENG NI, ,ME TOG DMAR PO BZUNG BA PHYOGS 'DIR PHEBS, ,CHOS KYI GNAS TSUL 'DRI BA'I DAD PA DANG, ,BDAG LA PHAN PAR SMRA BA'I DRAN SKUL GYI, ,YID LA KUN DGA' SBYIN PA'I GRE 'GYUR CAN, ,DRI ZA'I PI WANG GNYIS PA LTA BUR THOS,, RTAG TU GZHAN DBANG DRAG PO'I RLUNG BZHON GYIS, ,SEMS KYI DPAG BSAM G-YO BA'I SKAL BA CAN, ,BDAG KYANG LHA RGYAL GLING GI KHANG BZANG RTZER, ,NYIN ZHAG BDUN PHRAG GCIG GI LANG TSO LA, ,RIM GNYIS ZAB MO'I TSUL GYI BDE BA DANG, ,GZHAN PHAN

, ,BYA BA'I KHUR GYIS DUS 'DA' ZHING, ,'BAD MED BRTZE BA'I SEMS KYI MA MA LAS, ,RES 'GA' NGANG TSUL LDAN PA KHYED NYID SEMS, ,RING NA GNAS KYANG NYE BA'I BSAM PA CAN, ,PHAN TSUN SEMS KYI 'GRO 'ONG NYAMS MI 'GYUR, ,NYI MA NAM MKHAR GNAS KYANG NOR 'DZIN DU, ,AUTPAL PHRENG BA BZHAD PA'I TSUL LA GZIGS, ,RTAG TU PHAN PA'I 'OD KYI TSIG PHRENG DANG, ,'PHRAD 'DOD GDONG GI MIG CHU 'OD GSAL BAS, ,RING NAS SEMS PA'I BU LA PHAN PA'I GTAM, ,SEMS KYI NGAL GSO 'DI DAG CUNG ZHIG SPRO, ,BRGYA PHRAG BSOD NAMS ZONG GIS THOB PA'I SKU, ,DAL 'BYOR RIN CEN 'DI NI THOB PAR DKA', ,DON MED NGANG DU ZAD NA RANG NYID BSLUS, ,NYIN MTSAN DGE BA'I TSUL GYIS SNYING PO LONGS, ,NYAM CHUNG TSE 'DI NAM MKHA'I 'JA' DANG 'DRA, ,NAG PHYOGS 'BYUNG PO'I RLUNG DMAR STOBS DANG LDAN, ,MTHAR BYED PHO NYAS SLEB TSE 'GYOD KYANG 'PHYIS, ,SKU RIM DKAR PO'I PHYOGS LA 'BAD PAR 'TSAL, ,TSE 'DI'I PHUN TSOGS THAMS CAD GLOG PHRENG BZHIN, ,MI BRTAN 'GYUR BA KUN GYIS MTHONG BZHIN DU, ,ZHEN PAS SDIG LA SPYAD NA RANG NYID BSLUS, ,PHYI MA'I NOR DANG LONGS SPYOD BSAGS NA LEGS, ,RTAG TU BSLU BA MED PA'I DKON COG GSUM, ,SNYING NAS DAD PA'I SEMS KYIS BSTEN BYAS NA, ,TSE RABS KUN TU BDE BA'I LAM BZANG 'BYIN, ,G-YO MED THUGS KYI DKYIL DU STEN PAR MDZOD, ,PHONGS KYANG MI 'GYUR MDZA' BO DAM CHOS YIN, ,TSE RABS KUN TU MI 'BRAL GROGS KYI MCHOG ,SEMS LA YID BRTAN BDE BA THOB PA'I RGYU, ,RIM GNYIS RNAL 'BYOR TSUL LA

BRTZON PAR MDZOD, ,YID LA BSGOMS PAS BDE LEGS 'PHEL 'GYUR ZHING, ,BAR DO'I 'JIGS PA SEL BA'I BLA MA RNAMS, ,DAD PAS SPYI BO'I RGYAN DU STEN PAR MDZOD, ,'KHOR BA'I BYA BA MANG PO BSAMS PAS SLU, ,RANG 'DOD KHUR GYIS LCI BA'I LUS 'DZIN CING, ,G-YO SGYU'I SEMS KYIS PHAN PA'I TSUL 'CHOS STON, ,CUNG ZAD TZAM GYIS DGA' DANG MI DGA' BYED, ,DUS NGAN 'KHOR GYI TSIG LA GZAB PAR 'TSAL, ,RTAG TU LHA BZHIN GUS PAS BSTEN BYAS SHING, ,SNA TSOGS LONGS SPYOD RNAMS KYIS MCHOD NA YANG, ,BRDZUN TSIG RLUNG GIS SHING BAL LTAR G-YO BA'I, ,DA LTA'I DPON PO RNAMS LA BRTAG 'TSAL LO, ,RANG NYID 'BYOR PA RGYAS NA RJE BZHIN BSTEN, ,CUNG ZAD DMAN PAR GYUR NA RING DU 'DOR, ,PHAN PAR BSKYANGS PA'I DRIN LAN NGON GYIS 'JAL, ,DUS NGAN SNYIGS MA'I GROGS LA'ANG YID BRTAN DKA', ,MDOR NA 'DI PHYI KUN LA PHAN PA'I THABS, ,RNAM DAG DGE BA'I TSUL LA BRTZON PA DANG, ,SROG LA BAB KYANG LAS NGAN SDIG PA'I SEMS, ,RANG LA PHAN PAR DGONGS NAS SPONG BAR MDZOD, ,TSE 'DIR 'BAD PAS MCHOD KYANG PHAN PAR DKA', ,PHYI MAR RNAM SMIN KHUR PO RANG LA LUS, ,SDIG SEMS 'PHEL BA'I SDE SRID 'BAD KYANG SLU, ,SRID KYI BYA BA RNAMS LA'ANG PHAN PAR MDZOD, ,NYIN MO RNAM PAR G-YENG BAS DGE BA BRJED,, MTSAN MO GTI MUG GNYID KYI ZHAGS PAS BCINGS, ,YENGS MA NGANG LA 'CHI BDAG 'BYUNG SRID PAS, ,MA YENGS SEMS KYI BYA RA DRAN PAR MDZOD, ,DGA' MGUR 'GROGS PA'I GNYEN BSHES SO SOR 'BRAL, ,NGAL BAS BSGRUBS PA'I 'KHOR DANG

, ,LONGS SPYOD 'DOR, ,BDAG NYID SDIG PA'I GROGS DANG LHAN CIG 'KHYAM, ,SKYE BO KUN GYI GNAS TSUL 'DI LTAR LAGS, ,DENG SANG DBANG PO GSAL ZHING DGE SDIG SHES, ,DGE BCU SGRUB PA'I MTHUN RKYEN GRUB DUS 'DIR, ,RANG GIS RANG LA PHAN PA MA BSGRUBS NA, ,PHYI MA NGAN 'GROR LHUNG TSE 'GYOD KYANG 'PHYIS, ,SHES LDAN KHYOD LA MANG DU SMOS CI DGOS, ,MDOR NA TSE 'DI'I BYA BA KUN GYIS SLU, ,RTAG TU YID BRTAN THUB PA DAM PA'I CHOS, ,SNGON GYI CHOS RGYAL RNAMS KYIS TSUL BZHIN BSGRUBS, ,SEMS CAN KUN KYANG RANG GI PHA MA YIN, ,DE LA BYAMS PA SPANGS PA'I CHOS KYIS CI, ,RTAG TU GZHAN LA 'TSE BA'I SEMS SPANGS NAS, ,SKYE BO DMAN PA RNAMS LA THUGS RJES SKYONGS, ,RE ZHIG NYE BAR MJAL KYANG PHAN PA'I TSIG ,BDAG LA DE BAS SMRA RGYU GZHAN MED CING, ,TSE 'DI'I 'DU BYED BTANG NA'ANG KHA CHEMS KYI, ,THA MA DE BAS GLENG RGYU MA MCHIS SO, ,SNYING PO MED PA'I BYA BA SNA TSOGS LA, ,RNAM G-YENG SDIG PA'I KHUR GYI 'U LAG PA, ,DAL 'BYOR LUS 'DI CHUD ZOS MA MDZAD PAR,, SNYING NAS SMRAS PA'I YI GE GSAN PAR MDZOD, ,BDAG KYANG TSE 'DI'I SNANG BA MA NUB NA, ,PHAN TSUN MYUR DU MJAL BA'I DGA' STON DANG, ,CHOS MTHUN GTAM GYI GLENG MOS DUS 'DA' ZHING, ,PHAN TSUN MDZA' BA'I 'OD DKAR SPRO BAR BYED, ,DA LAM ZHU YIG NYAMS PA MED PA'I RTEN, ,STONG PHRAG SNGAGS KYIS BTAB PA'I SRUNG DAR ZHIG ,MI 'CHUG RGYA YIS BCINGS TE THAD 'DUL GYI, ,PHO BRANG BA GAM MDZES PA'I DPAL DER 'BUL, ,ZLA BA DKAR PO'I PHYOGS 'DZIN PA'I, ,BCU GNYIS DUS KYI SNGA DRO'I

TSE; ;RNAM PAR RGYAL BA'I PHO BRANG NAS, ,BDAG GIS DGA' BA'I SEMS KYIS 'BUL, ,ZHES PA 'DI BYING PA'I NANG SO LA GNANG BA'O,, ,, ` RGYA CHEN RNAM DKAR MDZAD PA'I 'OD CHAGS PA, ,NAG PHYOGS SGRA GCAN LAG PAS MI SGRIB CING, ,BZANG PO'I SKYES BCAS SNYAN SPRING BSIL ZER DAG ,'PHROD PAS SPRO DGA'I KU MUD CI YANG RGYAS, ,BDAG KYANG MA RUNGS SKYE BO'I TSOGS NANG NA, ,ZLA MED RI DVAGS NAGS NA GNAS PA BZHIN, ,'ON KYANG SKYABS GSUM RIN CEN COD PAN DAG ,DAD PAS SPYI BO'I RGYAN DU MA DOR TZAM, ,NYES MED NAGS KYI RI DVAGS BU MO DAG ,PHRAG DOG CAN MDA' YIS 'DZIN NO LO, ,RAB TU BYUNG BA'I SPYOD TSUL 'DI LTOS LA, ,KHYIM GYI BDAG PO BZANG POR NGA RLOMS SHIG ,NGO MTSAR RIN CEN BYE BAS GANG BA YI, ,YAN LAG BRGYAD DANG LDAN PA'I MA PHAM MTSO, ,MI GTZANG KHROD NA BTZOG CHUS 'TSO BA YI, ,KHVA TA'I TSOGS KYIS DUG LTAR RING DU SPANGS, ,SNGON DUS RIN CEN GLING NAS 'ONGS PA YI, ,BSAM 'PHEL DBANG GI RGYAL PO YIN NO LO, ,DENG DUS MCHING BU'I RDO BAS CI ZHIG BYA, ,PHYAG DAR KHROD DU 'DOR BAR RIGS ZHES SMRA, ,'OD ZER STONG LDAN RTA BDUN RGYAL PO YIS, ,GLING BZHI'I GRIB MA MA LUS SEL NUS MOD, ,RTAG PAR BYANG DU KHA BLTAS BRAG PHUG GI ,GRIB MA MA BSAL NYI MA'I SKYON CI ZHIG ,SPRIN BRAL LHA YI LAM BZANG NYAMS DGA' BAR, ,DKAR GSAL ZLA BA'I GZUGS DE CIS MI MDZES, ,RNYOG MAS GANG BA'I BA TSVA'I RDZING BU DER, ,MDZES PAR MA SHAR ZLA BA'I SKYON MA YIN, ,KYI HUD THUB PA'I BSTAN PA NYAMS DUS 'DIR, ,BSHAD SGRUB BSTAN PA'I

, ,BYA BA RGYANG BSRINGS NAS, ,BRDZUN DANG PHRAG DOG G-YO RGYU'I RANG BZHIN DAG ,BSTAN 'DZIN GZUGS SU RLOM PA MTHONG BAS SKYO, ,PHAN BDE'I 'BYUNG GNAS 'DI LA MI GNOD NA, ,BDAG 'DRA'I BYA BA JI LTAR BYAS KYANG SLA'I, ,BDEN RDZUN DRANG PO'I MIG GIS LEGS LTOS LA, ,GROGS DAG SNYING LA GDUNG BAR MA BYED CIG ,CES KHRA'I ZLA BA'I (KHRUMS ZLA'I) DKAR PHYOGS LA BKRA SHIS LHUN PO NAS DGE BAR GYUR CIG CES PA 'DI NI PHO BRANG RTZE PA'I DBON PO KLU DBANG PA'I ZHU LAN DU GNANG BA'O,, ,, ` RGYAL MTSAN MTHON PO'I DBEN GNAS NAS, ,RGYAL BAR GYUR CES SHIS BRJOD DE, ,RGYAL BA'I RING LUGS 'DZIN PA DES, ,RGYAL PO'I SRAS LA 'DI SKAD ZHU, ,DBYAR SOS BYANG KHAR THEGS RJES NAS, ,DBYAR GYI CHU BO CHES PA DANG, ,DBYAR MTSAMS DAM PAR GNAS PA NAS, ,DBYAR DUS ZHU 'PHROD 'BUL BA'ANG 'GYANGS, ,MI RIGS MANG PO TSOGS PA YI, ,MI YI DBANG PO'I MDUN SA DER, ,MI CHOS LHA CHOS MDZAD PA LA, ,MI LHOD BRTZON PAR BZHUGS LAGS SAM, ,LHO PHYOGS 'DZIN MAR GNAS PA BDAG ,LHO BRAG PHYOGS LA 'ONG DGOS ZHES, ,LHO YI RLUNG SHUGS LTAR BSKUL BAS, ,LHO LA MYUR DU 'GRO BAR RTZOM, ,GONG MA CHEN PO'I ZHABS DRUNG DER, ,GONG GI BKA' LAS MA G-YOS PAR, ,GONG NAS GONG DU RNAM DKAR NI, ,GONG NA MED PAR SPEL 'TSAL LO, ,CHOS 'DOD DON GNYER TSOGS RNAMS KYI, ,CHOS LDAN RE BA SKONG BA LA, ,CHOS TSUL BKA' GDAMS GLEGS BAM DE, ,CHOS MDZAD 'DI LA BSKUR BAR MDZOD, ,ZHIB TU BSNYAD PAR 'OS PA'I GTAM, ,ZHIB PAR NGAG GI LAM NAS

'BUL, ,KHRUMS KYI ZLA BA'I DKAR PHYOGS LA, ,PHUL BA LAGS SO DGE LEGS 'PHEL, ,CES DPON DRUG RDZONG DU GNANG BA'O,, ,, ` RGYA CHEN MANG DU THOS PA'I MTHAR SON ZHING, ,RTAG TU BYAMS DANG SNYING RJE'I GZHAN DBANG CAN, ,RGYAL SRAS GANG GIS 'DI NA RANG DBANG DANG, ,BRAL YANG YUN DU 'TSO BAR GYIS SHIG CES, ,SNYAN PA'I GSUNG SHOG RTEN 'BREL LEGS TSOGS KYI, ,SKYES DANG BCAS PA PHYOGS 'DIR LEGS PAR PHEBS, ,RING MO ZHIG NAS SH'AKYA'I RGYAL PO YIS, ,LAN MANG BSNGAGS PA BDE BA CAN ZHES PA'I, ,ZHING GI YON TAN LEGS PAR GZIGS PA LAS, ,GNAS DER 'KHRUNG BA'I SHUGS DRAG THUGS 'DUN DANG, ,DGE TSOGS SMON LAM CHU BO'I RGYUN LTA BU, ,SGRUB LA NAM YANG ZHUM PA MA MCHIS PAS, ,ZHING DER 'KHRUNG BA'I PHYI NANG RGYU TSOGS KUN, ,NYID KYIS TSANG BAR MDZAD NA BDAG LTA BUS, ,RNAM 'DREN BGYID LA BLTOS PA CI ZHIG 'TSAL, ,'ON KYANG 'JIG RTEN DBANG PO SRONG BTZAN GYI, ,YE SHES SGYU MA SPRUL PA'I GTZUG LAG TU, ,BDEN TSIG SMON LAM LA DBANG KHRIMS LDAN GYI; ;'DUS PA STONG PHRAG GSUM LHAG DANG BCAS NAS, ,'GRO BA KUN KYANG PADMO CAN GYI ZHING, ,SKYOB PA 'OD DPAG MED PA'I ZHABS DRUNG DU, ,SROG DBANG 'GAGS MA THAG TU SKYE GYUR CES, ,RNAM DAG SMON LAM NYIN BZHIN BGYID PA NA, ,LHAG PAR YANG YANG NYID DU DRAN PAR BYAS, ,NAM ZHIG GNAS SKABS LNGA PAR NYE BA'I TSE, ,THUGS DAM RIM PA 'DI BZHIN SPEL BAR 'TSAL, ,PADMA R'A GA'I LHUN PO LTAR BRJID CING, ,BSOD NAMS BRGYA PA'I MTSAN GYI GZI 'BAR BA, ,LHA MI'I STON PA MGON PO

, ,'OD DPAG MED, ,PAD DKAR 'DZIN PA MTHU CHEN THOB LA SOGS, ,RGYAL SRAS RGYA MTSO'I 'KHOR GYIS YONGS BSKOR NAS, ,MDUN GYI NAM MKHAR MNGON SUM DU BYON TE, ,BU BU BDE BA CAN DU MYUR SHOG CES, ,SNYAN PA'I GSUNG GIS LEGS PAR DBUGS DBYUNG ZHING, ,GLANG CHEN SNA LTAR BRKYANGS PA'I PHYAG G-YAS NI, ,SPYI BOR BZHAG NAS LEGS PAR BYIN BRLABS TE, ,BAR DO'I 'JIGS PA KUN LAS BSKYABS NAS KYANG, ,BDE BA CAN DU LAM SNA 'DREN PAR BSAM, ,DNGOS GRUB KUN GYI 'BYUNG GNAS PHAN BDE'I GTER, ,RTZA BRGYUD BLA MA RNAMS KYANG MKHA' LA BYON, ,RGYUD SDE BZHI DANG 'BREL BA'I YI DAM GYI, ,DKYIL 'KHOR LHA TSOGS RNAMS KYIS LHA LAM GANG, ,RANG LA BSKYED RDZOGS ZAB MO'I LAM STON CING, ,DNGOS GRUB 'DOD DGU'I CHAR CHEN 'BEBS PAR MDZAD, ,GNAS GSUM DPA' BO MKHA' 'GRO'I TSOGS RNAMS DANG, ,BAR CHAD KUN SEL CHOS SKYONG SRUNG MA RNAMS, ,RANG LA MNGON SUM NYID DU ZHAL BSTAN TE, ,GNAD GCOD NAD DANG SDUG BSNGAL KUN BSAL NAS, ,BAR DO'I 'PHRANG LA 'JIGS PA KUN BSKYABS TE, ,SKAR MDA' 'PHANGS PA BZHIN DU BDE BA CAN, ,DAG PA'I ZHING DU SKAD CIG LA BGROD DE, ,RIN CEN 'DAB MDZES PADMO DAM PA'I DBUS, ,SHIN TU RNO BA'I THEG CHEN RIGS MCHOG TU, ,SKYES MA THAG TU PADMO'I GE SAR LAS, ,'THON TE 'DREN PA 'OD DPAG MED PA'I ZHAL, ,MNGON DU GYUR NAS ZAB DANG RGYA CHE BA'I, ,DAM CHOS BDUD RTZI'I CHAR CHEN LEGS PHAB NAS, ,BRGYA PHRAG DKA' BA SPYAD LA MA BLTOS PAR, ,LAM LNGA SA BCU MYUR DU BGROD

NAS KYANG, ,SKU GSUM GO 'PHANG DAM PA MNGON 'GYUR BAR, ,BSAM ZHING DE YI SMON LAM YANG YANG BYA, ,ZHES CHOS RJE DBO TSANG PA LA GNANG BA'I BDE BA CAN GYI SMON LAM MO,, ,, ` BLO BZANG RGYAL BA'I THUGS RJE'I CHAR ZIM NI, ,GANG DU 'BAB PA BYANG SEMS CHOS KYI RJE'I, ,'PHRIN LAS CHU KLUNG MA LUS GANG DU NI, ,BSAGS PA DANG LDAN CHAB MDO ZHES BYAR GRAGS, ,GANG DE'I THUB BSTAN SHING RTA'I KHA LO PA, ,DAM CHOS SMRA BA RNAMS KYIS GTZO MDZAD NAS, ,PHUN TSOGS 'DUS PA RGYA MTSO'I SPYAN SNGAR NI; ;RING NAS DANG BA'I YID KYIS MCHID 'DI ZHU, ,DENG SANG BSLAB PA GSUM LDAN DGE 'DUN TSOGS, ,THUGS MTHUN 'KHOR LO GSUM GYI BYA BA LA, ,G-YEL BA MED PAS BYANG PHYOGS NOR 'DZIN GYI, ,RGYAN DU GYUR CES LAN CIG MIN PAR THOS,, DAD LDAN 'DAB BRGYA'I PHRENG BA RAB 'KHRIGS SHING, ,BLO GSAL NGANG MO BYE BAS NYER BSTEN PA'I, ,NGOGS DER NGANG PA'I DED DPON KHO BO YANG, ,LEGS BSHAD MGRIN PA'I RDZA RNGA SGROG 'DOD KYANG, ,PHYOGS 'DIR DGON GNAS GSAR PA'I GZHI BTING ZHING, ,RNYING PA DU MA'I BSHAD SGRUB BSTAN PA'I KHUR, ,MI NUS BZHIN DU NYE BAR 'DOGS PA SOGS, ,BYA BA GZHAN GYIS GO SKABS PHROGS PA LAGS, ,DA LAN SNYING POR 'OS PA'I ZHU MCHID NI, ,BLO GSAL TSOGS RNAMS LEGS BSHAD SGROG PA'I SA,, PHYOGS LAS RNAM RGYAL ME TOG BKRA BA'I THANG, ,DGE MTSAN RI MO BKRA BA'I DGON GNAS SU, ,RTEN BZHENG DGE 'DUN 'DU BA'I MTHUN RKYEN DU, ,PHYOGS DER BLA MA MKHAN CHEN DKA' BCU PA, ,DPON SLOB DAD 'BUL BSKUL PHYIR LHAGS PA LAS, ,CHOS

, ,SDE CHEN PO'I SPYI SGOS SO SO NAS, ,NYE BA'I THUGS KYIS GANG 'OS STONGS GROGS DANG, ,SNYAN PA'I GSUNG GI BSLAB BYAS DBUGS 'BYIN CING, ,SBYIN PA'I PHYAG RING BRKYANGS PAS TSIM PAR MDZOD, ,YOS BU LO YI KHRUMS KYI NI, ,ZLA BA'I GRAL TSES BZANG PO LA, ,CHOS 'KHOR RGYAL GYI GTZUG LAG KHANG, ,DAM CHOS 'PHEL BA'I GNAS NAS PHUL, ,CES PA CHAB MDO PA LA GNANG BA'O,, ,, ` GANG GI BLO GROS YANGS PA'I BANG MDZOD NI, ,GZHUNG MANG LEGS BSHAD RIN CEN NGAL GSO BA,, NGAG GI DBANG PHYUG BKRA SHIS TSE YI DBANG, ,PHUN TSOGS SRID MTHA'I BAR DU BRTAN GYUR CIG ,DENG SANG SNGON BSAGS LEGS SPYAD KYI CHU GTER BSRUBS PA LAS 'ONGS PA'I LANG TSO'I ZLA SHEL DUS KYI CHU 'DZIN GYIS MI SGRIB CING, DUS BAB KYI MDZAD PA BDUD RTZI'I 'OD KYIS MDZES PAR BZHUGS YOD 'DUG PA LEGS, 'DI NA'ANG GZHIS KA TSO NAS THUGS KHUR BZHES PA'I BOD 'BROG GI 'THUS BTZUN RNAMS KYI SPYIL BU GSAR PA PHYED NYIS BRGYAR NYE BA TZAM LEGS PAR GRUB, DGE 'DUN TSOGS CHE ZHING GSUNG CHOS 'PHEL BAR YOD, SKABS ZHUS, ,SLOB DPON TSUL DPAL BA BSNYUN YUN RING ZHING, 'TSO SKYONG SKU RIM SOGS CI YANG MDZAD 'DUG NA'ANG GNAS SKABS LNGA PAR GYUR PA ZHIG BYUNG 'DUG PA, SPYI SGOS THAMS CAD DU GCES SHING, KHYAD PAR RANG RE LA THUGS G-YENG CHEN PO YOD PA ZHIG BYUNG 'DUG NA'ANG LUS CAN THAMS CAD KYI NGANG TSUL DE NYID LAS MA 'DAS 'DUG PAS BYA THABS MA MCHIS SHING, SLAR YANG 'DI LTA BU'I GNAS TSUL LA GZIGS PA'I NGOS SKU KHAMS KYI 'TSO SKYONG LAS MI LHOD

CING, TSUL GNAS THOS BSAM SGOM GSUM LA LHOD PA MED PA MDZAD 'TSAL, 'DIR YANG SKU RIM DGE SBYOR SKYABS 'OG RGYUN LDAN DU BGYID PA YOD CING, MI 'GYANGS PAR MJAL BAR SMON, SKYES MTSON PAR KHA BTAGS DKAR PO ZHIG LA RGYAS MDZES PA 'BUL, TSES BCU GSUM LA CHOS 'KHOR RGYAL GYI DBEN GNAS NAS PHUL, CES PA 'DI DRUNG NAS RMOG THOG PA LA GNANG BA'O,, ,, ` GANG GI RNAM DPYOD PHA MTHA' NI, ,NAM MKHA'I LAM LA 'GRAN PA BZHIN, ,SNYAN NGAG DRI ZA'I RGYUD MANG DAG ,SGRENG BAS TSANGS DBANG SRAS MO YANG, ,SKYENGS PA'I NAGS SU 'JUG BYED PA, ,RNA BA'I BCUD LEN THOB PA LAS, ,SNYING LA DGA' BA'I CHU GTER RLABS, ,RAB 'PHYUR DBU PHRENG MU TIG GI ,DOG PAS NOR 'DZIN 'GENGS LA BRTZON, ,SNGON CHAD CUNG ZAD BRO 'TSAL BA; ;DENG DUS RGYU SKAR BDAG PO NI, ,SGRA GCAN LAM LAS GROL BA LTAR, ,DES PAR GYUR CES GTAM BZANG POS, ,DANG PO'I SA LA REG PA SNYAM, ,GRU 'DZIN RI BO'I NGOGS DAG TU, ,DAD LDAN SLOB BU'I TSOGS RNAMS DANG, ,MJAL NAS 'BEL BA'I BKA' MCHID DAG ,BGYID PAR SNYING LA RAB SPRO YANG, ,'DI NAS 'GRO BZHUD 'GYANGS NGES SHING, ,DBYAR DUS SPYI DANG SGOS DAG GI ,RGYAL GYI MKHAR LAS BGYID 'OS SOGS, ,G-YENG BAS DA LAM DE PHYOGS SU, ,MA SLEB PA LA THUGS KHREL DANG,, BAS PAR MI 'TSAL DGAG DGOS KYI, ,GNAS TSUL MKHYEN SPYAN YANGS PA YIS, ,GZIGS NAS DMIGS BSAL MDZAD 'TSAL LO, ,MI 'GYANG MYUR DU MJAL BAR SMON, ,RGYAL BA GSUM PA SHAR BA'I TSE, ,'BRAS SPUNGS SKYED MOS TSAL NAS ZHUS,,

, ,ZHES PA YANG DE NYID LA GNANG BA'O,, ,, ` LEGS SPYAD 'O MA'I CHU GTER BSRUBS PA LAS, ,LEGS PAR BSKRUN PA'I YONGS 'DU'I SRING MO NI, ,RTZIBS STONG LAG PA 'DZIN BYED GZHAN PA BZHIN, ,GANG DE'I DRUNG DU RING NAS MCHID 'DI ZHU; ;ZLA ZER REG PAS RNAM 'PHEL SPU LONG GIS, ,RAB 'THOR SDEB LEGS 'OD CHAGS MU TIG TSOGS, ,CHU SKYES TSOM BU BKOD PA'I GLEGS BU DANG, ,LHAN CIG 'DREN BYED BDUD RTZIR BSTZAL BA NA, ,SPRO DGA'I YID BZHIN RGYA MTSOR RLABS 'PHYUR BA,, DGA' SKYES SPU LONG GOS KYIS SKYOR BA BZHIN, ,YID SKYES BDE BA KUN GYIS MI MTSON CING, ,'PHAGS PA'I BSAM GTAN GNAS LA REG GAM SNYAM, ,BRTAN G-YO'I DNGOS KUN SGYU MA'I GRONG KHYER BZHIN, ,MED BZHIN SNANG BA'I ROL PAR THUGS CHUD NAS, ,LUGS GNYIS MDZAD PA MTHO RIS MAN NE KA'I, ,ROL MOS RNAM PAR DGYES 'DI AE MA MTSAR, ,'DI NA'ANG 'JIG RTEN DBANG PO'I YE SHES KYI, ,SGYU MA SPRUL PA'I PHO BRANG DANG NYE BAR, ,BLO GSAL SUM RTZEN TSOGS KYI BSTI GNAS NA, ,SNYING LA LEGS BSHAD BDUD RTZIS MYOS BZHIN DU, ,SNYOM LAS MAL STAN 'DZIN ZHING GNAS PA LAGS, ,LHUN STUG DBYAR SKYES PHRENG BA LAS 'ONGS PA'I, ,CHAR ZIM 'DZIN MA'I THA GRU KUN TU SNYOMS, ,BRTAN G-YO'I DNGOS PO KUN GYI RTEN BYED PA, ,'BYUNG PO 'DZIN BYED DE YI NGANG TSUL LO, ,ZHU MCHID AUTPAL SPYAN ZUR 'GROGS PA'I SLAD, ,BKRA SHIS RI MO BKRA BA'I KHA BTAGS NI, ,GZHA' BKRA'I SNANG BA 'DI KUN RANG BABS KYI, ,YE SHES RGYA YIS MTSAN BZHIN SPYAN SNGAR 'BUL, ,SGYUR BYED LO YI LANG TSO

MA; ;NYA YI KHYIM DU RNAM RTZEN PA'I, ,NAG PA CAN GYI DKAR PO'I PHYOGS, ,SHAR TSE 'BRAS SPUNGS SDE NAS ZHUS, ,ZHES SNYE MO GSER KHANG PA'I DPON MO LA GNANG BA'O,, ,, ` LHO PHYOGS SA CHEN SKYONG BA'I RIGS 'KHRUNGS SHING, ,DAD PA'I GZHI BRTAN GTONG BA'I PHYAG YANGS PA, ,MKHA' LTAR YANGS PA'I RNAM DPYOD 'DZUM DKAR CAN, ,DPAL MO LTA BUR BSNGAGS 'OS GANG DE YIS, ,MKHAS PA DGA' BYED SDEB LEGS PADMO'I PHRENG, ,MKHA' NGOS RGYU SKAR TSOGS LA 'KHU LDAN PA'I, ,DGUNG LO'I GRANGS BZHIN ZE'U 'BRU'I SO PHRENG CAN, ,PHO NYA'I LAG RTZER SON PA MTHONG BA NA, ,SNYING LA DGA' BA'I BDUD RTZIS BRAN PA BZHIN, ,KHYAD PAR 'KHOR BA'I PHUN TSOGS GDUG PA'I SBRUL, ,LCE RTZE G-YO BA'I GAR LTAR DGONGS SO ZHES, ,THOS TSE PHYOGS 'DIR MA GA DHA BZANG MO, ,'ONGS SAM SNYAM DU BDAG YID KHYOGS LA 'PHYANG, ,GANG ZHIG SRID LA LAN BRGYAR YID BRKAM PA, ,DE DAG RNAMS KYANG CHOS LA SBYAR 'OS NA, ,BLO GROS CHOS KYI LAM DU SONG BA DAG ,LDOG PA RMI LAM DU YANG JI LTAR DRAN, ,'ON KYANG LAS KYI MTHA' NI ZAB CING PHRA, ,YE SHES SPYAN LDAN RGYAL BA SRAS BCAS LA, ,LUNG BSTAN ZHUS NAS DE NYID KHYAD GSOD PA, ,DAD LDAN KHYOD LA BLO GROS JI LTAR SKYES, ,DES NA BDAG GI GTAM LA YID RTON NA, ,RE ZHIG THUGS NI CHOS LAS MA G-YOS PAR, ,RTZE GCIG DKON COG GSUM LA BLO GTAD DE, ,THUGS NGANG BSRINGS NA DON DE 'GRUB PAR SEMS, ,RKYEN NGAN BYANG CHUB LAM DU SGYUR BZOD NA, ,BZHUGS GNAS GANG DU BZHUGS KYANG KHYAD PAR CI, ,BLO NI PHYIN CI LOG GYUR NAGS NA YANG,,

, ,DBEN PA MIN TE NAGS KYI GCAN GZAN BZHIN, ,DE SLAD RE ZHIG THUGS NI PHOB MDZOD DANG, ,DE NAS BDAG GI NANG SO KHU DBON LA, ,JI LTAR BZHED PA'I THUGS DAM ZAB MO LA, ,RTZE GCIG GNAS SLAD SNYAN SKUL BGYID PA LAGS, , ZHES PA'I RTEN DU SNAM BU DMAR PO ZHIG LA RGYA 'DI 'BYAR 'BUL, NYER BDUN LA RGYAL MTSAN RTZE NAS ZHUS, ZHES PA 'DI LHA RGYA RI BA'I YUM DRUNG NAS LO MA BA LA GNANG BA'O,, ,, ` SNGON BSAGS LEGS SPYAD MTHO RIS SKYED TSAL DU, ,LEGS BSKRUN RNAM DPYOD YAL GA'I KHYON YANGS SHING, ,RNAM MANG YON TAN 'BRAS BU'I RGYAN PHRENG CAN, ,'CHI MED YONGS 'DU GNYIS PA ZHABS BRTAN CIG ,DPAL 'BYOR BGRANG YAS RIN CEN GYIS GANG BA'I, ,PHUL BYUNG DAD PA'I MTSO CHEN RLABS 'PHUR BAS, ,RAB 'THOR CHAB SHOR MU TIG PHRENG BA NI, ,NYI 'OG SHAR PHYOGS RGYAL PO'I LEGS SPYAD LAS, ,'O MA'I RDUM BZANG 'CHI MED BDUD RTZI YANG, ,SKYENGS BYED PHYAG RGYA'I LANG TSO GSAL BA CAN, ,SKYES KYI DPAL 'DZIN PHO NYA'I LAM LAS NI, ,PHYOGS 'DIR SPRO DGA' GZUGS CAN BZHIN DU 'ONGS, ,BYANG PHYOGS NOR 'DZIN SKYONG BA 'KHOR BCAS RNAMS, ,PHYI NANG NYER 'TSE'I GNOD PAS MI BRDZI ZHING, ,CHOS DANG SRID KYI DPAL 'BYOR 'GRAN PA BZHIN, ,BZHUGS ZHES SNYAN GRAGS DBYAR SKYES SPRIN GYI SGRA,, THOS PA'I SPRO DAGS MYOS PA'I MDONGS LDAN NI, ,GTZUG PHUD MNGON PAR BTEG STE GAR BYED DO, ,'DI NA'ANG CHOS KYI RGYAL PO TZONG KHA PA, ,DNGOS SU PHEBS 'DRA'I SKU BRNYAN LEGS PAR GRUB, ,SPONG DANG THOS PA LHUR LEN 'DUS PA LA, ,NYIN BZHIN

CHOS KYI DGA' STON STZOL BAR BRTZON, ,SLAR YANG SKABS SU BAB PA'I ZHU MCHID NI, ,KUN GYI LEGS BKUR MTHON PO'I RIGS SU 'KHRUNGS, ,NOR SBYIN LA 'GRAN 'BYOR PA'I BANG MDZOD CAN, ,BSTAN DANG BSTAN 'DZIN GUS PAS MCHOD PA LA, ,MGON MED ZAS SPYIN TSUL DANG MTSUNGS PAR MDZOD, ,ZLA LTAR BSIL ZHING NYI 'OD LTAR SNYOMS PA'I, ,RAB YANGS BKA' KHRIMS BZANG PO'I GRIB BSIL LA, ,MNGA' 'BANGS SKYE BO'I TSOGS RNAMS NGAL BSOS SHING, ,RTAG TU RDZOGS LDAN DUS BZHIN MNGON DGAR MDZOD, ,'DIR YANG BDEN GNYIS SRUNG BA'I 'KHOR LO NI, ,YAB YUM 'KHOR BCAS RTAG TU RAB RTZEN ZHING, ,GNAS SKABS MTHAR THUG BZHED DON 'GRUB PA YI, ,'BRAL MED SMON LAM SNYING LA 'GROGS PAR BGYID, ,ZHU MCHID AUTPAL GZHON NU'I LANG TSO LA, ,SPYAN RAS BUNG BA G-YO BAS ROL SLAD DU, ,RIN CEN ZHO YI 'KHOR LO LONGS PA 'BUL, ,RGYAL BA GSUM PA'I TSES LA PHUL ZHU YIG ,CES PA 'DI BYE RI STAG RTZE BA'I DPON MO LA GNANG BA'O,, ,, ` GANG SKU YID LA DRAN PA TZAM GYIS KYANG,, 'CHI MED TSE DANG 'DOD DGU'I DPAL STER BA, ,TSE DPAG MED MGON DE SRAS RGYAL YUM MAS, ,KHYOD LA SHIS PA LHAG PAR SKYONG GYUR CIG ,CES SHIS PA BRJOD PA SNGON DU 'GRO BAS, DPON SA NAS KYI DRUNG DU ZHU BA, SKU MDUN NYID KYIS THOG DRANGS RGYAL BU LCAM SRING DRUNG DANG BCAS, SKU'I DKYIL 'KHOR LA NYER 'TSE'I SPRIN GYIS MA SGRIB CING, DUS BAB KYI MDZAD PA BZANG PO'I 'OD KYI SNANG BAS PHYOGS DUS KUN TU KHYAB PAR BZHUGS LAGS SAM, NGOS KYANG RI KLUNGS KYI DGE 'DUN RNAM PAR DAG PA

, ,RNAMS DANG LHAN CIG DBYAR GNAS PA'I NGANG NAS CHOS 'PHEL BAR YOD LAGS, MTSAMS ZHU, SKU RIM DKAR PHYOGS LA BRTZON PA MI LHOD PA'I NGANG NAS, MNGA' 'BANGS LA BYAMS BRTZE'I SPYAN RAS KYIS 'TSO BA SOGS SNGAR 'KHYUD KYI MDZAD PA BZANG PO LAS MA G-YOS PA ZHU ZHING, 'DIR YANG ZHAL NGO YAN PHYIN BZHUGS PA RNAMS KYI SKU'I SNANG BRNYAN YID LA MI 'BRAL BA'I NGANG NAS SKU RIM DGE SBYOR SKYABS 'OG NAM YANG G-YEL MED DU YOD CING, 'DI SKOR GYI GNAS TSUL RNAMS GZIMS DPON PA'I NGAG NAS 'BUL BA LTAR LAGS, ZHU YIG GZIGS PA'I SKYES TZAM DU SNGAGS MANG DU BTAB PA'I SRUNG DAR BZHI RGYA LDAN DU PHUL BA LAGS, NYER GSUM LA CHOS 'KHOR RGYAL NAS PHUL BA'I ZHU YIG CES PA YANG DE NYID LA GNANG BA'O,, ,, ` MI PHYED DAD PA RI DBANG LTAR BRTAN CING, ,BSTAN DANG BSTAN 'DZIN MCHOD LA MA GA DHA, ,BZANG MO SLAR YANG PHYOGS 'DIR 'ONGS PA BZHIN, ,MTHO RIS DPAL MO'I DRUNG DU 'DI SKAD ZHU, ,SKU YI PHUN TSOGS YAR NGO'I ZLA SHEL GYI, ,ROL PAS RNAM RTZEN DKAR PHYOGS MDZAD PA YI, ,BDUD RTZI'I ZER PHRENG RGYAS PA'I NGANG NYID NAS, ,PHYAG DAM MU TIG DO SHAL LHA RDZAS KYI, ,'JAM MNYEN BKRA SHIS KHA BTAGS DANG 'GROGS PA, ,PHYOGS 'DIR SON TSE ZLA ZER GYIS REG PAS, ,'O MA'I RGYA MTSO JI BZHIN SNYING LA NI, ,SPRO DGA'I CHU BO CI YANG 'PHEL BAR GYUR, ,'DI NA'ANG DUS KYI PHO NYAS MA BZUNG ZHING, ,DBYAR CHOS SHIN TU 'PHEL BAR LEGS GRUB NAS, ,BSTAN DANG BSTAN 'DZIN BSTAN PA'I SBYIN BDAG RNAMS, ,RAB DVANGS YID KYI ME LONG LA

BKOD DE, ,'GAL RKYEN NYER 'TSES NAM YANG MI BRDZI ZHING, ,DAR RGYAS SLAD DU BKA' SRUNG MCHOD PA SOGS, ,CI NUS DGE SBYOR RIM PA'I NGANG DU GNAS, ,SLAR YANG SKU KHAMS GSER LTAR BZANG BA'I NGANG, ,GANG LA 'BAD NA 'DI PHYI THAMS CAD DU,, LEGS PAR DGE BA'I DKAR PHYOGS MDZAD PA LA, ,RTAG TU LHOD PA MED PA GCES PA LAGS, ,BDEN GNYIS SRUNG BA'I 'KHOR LOR 'KHOR BCAS RNAMS, ,RI MOR BRIS BZHIN SNYING LA MI 'BRAL ZHING, ,PHYAG MTSAN RAL GRI'I NA BZA'I SRUNG DAR LA,, YUN RING SNGAGS KYIS BTAB STE SKYES SU 'BUL, ,NYER GNYIS TSES LA DBEN GNAS CHOS 'KHOR RGYAL, ,BKRA SHIS LHUN GYIS GRUB PA'I GNAS NAS ZHUS, ,ZHES PA 'DI DGA' LDAN PA'I DPON MO LA GNANG BA'O,, ,, ` DAD PA'I RTZA BA RAB TU BRTAN GYUR CING,, LUGS GNYIS GNAS LA RNAM DPYOD YAL 'DAB RGYAS, ,YON TAN 'BRAS BU'I KHUR GYIS DUD PA CAN, ,DPAG BSAM RKANG 'THUNG SRID 'DIR ZHABS BRTAN CIG ,MI PHYED DAD PA'I NYI 'OD RAB 'THUNGS PA'I, ,CHAB SHOG AUTPAL GSAR PA'I PHRENG BA NI,, JA DKAR BZANG PO'I SBRANG RTZI'I BCUD CHAGS PAS, ,YID KYI RKANG DRUG SPRO DAGS MYOS PA THOB, ,YA RABS TSUL LA BRTEN PA'I GZHUNG BZANG DANG, ,DAD PA'I LANG TSO CHES CHER GSAL BA CAN, ,NYID KYIS JI LTAR GSOL BZHIN ZHAL NGO RNAMS, ,SKU TSE CHAB SRID BRTAN CING 'PHEL 'GYUR ZHES, ,RNAM DAG SMON LAM DRI MED SNYING LA 'GROGS, ,BKRA SHIS KHA BTAGS SKYES KYI TSUL DU 'BUL, ,RNAM RGYAL LO YI SBRANG ZLA'I PHYOGS GNYIS PA'I, ,'KHOR LO YONGS SU 'DU BA'I TSES LA 'BUL, ,ZHES PA YANG DE NYID

, ,LA GNANG BA'O,, ,, ` THUGS RJE'I SPYAN ZUR AUTPAL REG PAS KYANG, ,'GRO LA 'CHI MED TSE YI MCHOG STZOL BA, ,RGYAL BA KUN YUM YID BZHIN 'KHOR LO YIS, ,KHYED LA TSE DANG YE SHES MCHOG STZOL CIG ,CES LHAG PA'I LHA LA MCHOD PA DANG SHIS PA BRJOD PA'I NGAG SNGON DU BTANG NAS, DPON SA NAS KYI DRUNG DU ZHU BA, DENG SANG SDE PA'I DRUNG GIS THOG DRANGS YAN PHYIN NA BZHUGS PA'I ZHAL NGO BYINGS SKU GSUNG THUGS LA NYER 'TSE'I RNYOG PA SPANGS SHING, SNGA SOR DGONGS GTAD KYI SKU RIM RNAMS LEGS PAR GRUB PA SOGS DKAR PHYOGS KYI MDZAD PA BZANG PO GONG 'PHEL GYI NGANG NAS DUS DANG GNAS SKABS SBYAR BA'I THUGS BREL GYI RIM PA RNAMS LA KHYAB KHREMS SU BZHUGS LAGS SAM, NGOS KYANG LAM 'PHRANG LA MI NGAL ZHING NYE ZHO MED PAR 'DIR ZLA BA SNGA MA'I TSES BCU BZHI LA SLEB, RI KLUNGS KYI DGE 'DUN RNAM PAR DAG PA RNAMS DANG LHAN CIG DBYAR KHAS LEN GRUB PA'I CHOS 'PHEL BA DANG, TSES BCU DGU LA GZA' SKAR LEGS PA BYUNG BAS SKU RIM GTAD GTOR BRJE BA BYAS, ZHAL NGO RNAMS KYI SKU RIM LA G-YEL BA MED PAR GNAS LA, MTSAMS ZHU, GTZO BOR ZHAL NGO RNAMS ZHABS BRTAN PA'I THABS LAM ZAB MO RNAMS LA LHOD PA MED PA'I NGOS SNGON GYI MA GA DHA BZANG MO LTAR BSTAN PA DANG BSTAN 'DZIN GUS MCHOD LHUR LEN PA DANG, CHAB SRID KYI 'DZIN SKYONG SPEL GSUM LA'ANG SNGAR LAS MA G-YOS PA THUGS LA 'DOGS PA ZHU, 'DIR YANG SEMS KYI ME LONG LA ZHAL NGO RNAMS KYI SKU'I SNANG BRNYAN MI 'BRAL BA'I NGANG NAS SRUNG 'KHOR SKU RIM DGE SBYOR SKYABS 'OG TU DUS KUN

TU BGYID PA LAGS SHING, PHEBS 'OS KYANG RIM YOD DANG, DE MTHUN 'BUL 'OS KYANG RIM PAS 'BUL BA BYED LAGS, ZHU YIG GZIGS PA'I SKYES MTSON PAR SA'I SNYING PO ZHO GANG LA RGYAS MDZES PA 'BUL, BZANG PO GNYIS PA'I TSES LA CHOS 'KHOR RGYAL NAS PHUL BA'I ZHU YIG 'DI YANG DE NYID LA GNANG BA'O,, ,, ` DAD PA RAB TU BRTAN PAS RI DBANG DANG, ,RNAM DPYOD MCHOG TU YANGS PAS NAM MKHA' DANG, ,PHUN TSOGS GTONG PHOD LDAN PAS YONGS 'DU'I SHING, ,ZHES BYAR BSNGAGS 'OS DRUNG DU MCHID 'DI ZHU, ,YUM SRAS SKU KHAMS BTZO MA'I GSER LTAR BZANG, ,MDZAD PA STON KA'I ZLA 'OD LTAR DKAR BA'I, ,NGANG NAS DAD PA'I 'PHANG 'GRO'I SGRA DBYANGS NI, ,JA GSAR BZANG BA'I BSDUM BCAS PHYOGS 'DIR STZAL, ,DE TSE SNYING LA SPRO DGA'I RLABS 'PHYUR BA, ,DGA' SKYES SPU LONG TSOGS KYIS SKYOR BA BZHIN, ,'DIR YANG DA LTA SHIN TU CHOS 'PHEL ZHING, ,SKU RIM PO'I RIGS SU 'KHRUNGS, ,RMUGS 'DZIN DBANG PO'I 'BYOR PAS RNAM PO'I RIGS SU 'KHRUNGS, ,RMUGS 'DZIN DBANG PO'I 'BYOR PAS RNAM RTZEN NAS, ,BSTAN DANG BSTAN 'DZIN GUS MCHOD LHUR LEN PA, ,DON LDAN MDZAD PAS RTAG TU ROL BAR 'TSAL, ,'DOD KHAMS DBANG PHYUG PHYAG MTSAN GNAM LCAGS KYI, ,RAL GRI ME LCE'I 'KHOR LO'I NA BZA' LA, ,MDUD PA BCINGS SHING SNGAGS KYIS MANG BTAB NAS, ,BGEGS KUN RNAM PAR 'JOMS PA'I SLAD DU 'BUL, ,KHRUMS KYI ZLA BA'I YAR GYI NGO, ,RGYAL BA GSUM PA SHAR BA NA, ,BKA' GDAMS DBEN GNAS CHOS 'KHOR RGYAL, ,BKRA SHIS LHUN GRUB GLING NAS ZHUS, ,ZHES

, ,PA YANG DE NYID LA GNANG BA'O,, ,, ` BSTAN PA RIN PO CHE GUS PA MCHOD PA LA CHOS RGYAL MYA NGAN MED DANG MTSUNGS PA SDE PA RIN PO CHE YAB YUM DRUNG DU ZHU BA, 'DI PHYOGS SU LHA'I PHUN TSOGS NYE BAR 'ONGS PA LTA BU'I GUS ZHEN DANG LDAN PA DAG GI BKUR STI DANG, RI MOR BYA BA DAG MNGON PAR BZHES TE RIM PAS LHA'I PHO BRANG SDE CHEN RTZER PHYAGS PHEB STE ZHAL NGO RNAMS SKU MCHOG TU 'TSO ZHING GZHES PA'I NGANG NAS DPON SA LCAM DRUNG PA 'PHYONGS RGYAS TSOR THEGS PA GNANG BA'I RDZONG BKOD KYI RIM PA SOGS DUS BAB KYI MDZAD PA LA BKA' KHYAB TU BZHUGS PA BKA' DRIN BSKYANGS, 'DI NA'ANG DPYOD CHOS KYI CHOS 'PHEL BAR GNAS LAGS, MTSAMS ZHU, SDE PA PHAN TSUN ZHAL NGO CHAB SRID DAR ZHING RGYAS PA'I NGANG NAS DUS BAB KYI MDZAD PA BZANG PO 'DI LTA BU GNANG BA SMON GNAS YIN PAS GZHI BYES SU THEGS BZHUGS GNANG BA'I SGO LA THUGS BAG MI GRANG ZHING, MKHYEN DGONGS NAM MKHA' LTAR YANGS PA'I GNANG SKYONG BKA' DRIN CHE BA MKHYEN, 'DIR YANG GZHI BYES THAMS CAD DU DMIGS PA'I SKU RIM DGE SBYOR SKYABS 'OG G-YEL BA MED PAR BGYID PA LAGS, ZHES ZHU BA'I RTEN TZAM DU, BAR CHAD KUN SEL GYI SRUNG DAR THOGS CIG LA RGYAS BTAB STE PHUL BA ZHAL NGO RNAMS KYI MGUL DU BZHES PA ZHU, TSES BCU BDUN LA PHUL BA'I ZHU YIG CES PA 'DI NANG SO DGA' LDAN PA YAB YUM LA GNANG BA'O,, ,, ` BSLU BA MED PA'I SKYABS GNAS DKON COG GSUM, ,MTHU LDAN CHOS SKYONG SRUNG MA'I TSOGS RNAMS KYIS, ,MI DBANG YAB YUM SRAS DANG BCAS PA RNAMS, ,ZHABS PAD

YUN RING BRTAN PA'I BKA' DRIN STZOL, ,MKHYEN PA'I DKYIL 'KHOR CHA SHAS YONGS GANG ZHING, ,MDZAD PA RAB DKAR BDUD RTZI'I 'OD CHAGS PAS, ,SA SKYONG RGYUR SKAR KHROD NAS LHAM ME BA, ,BSNGAGS 'OS GANG DE'I DRUNG DU MCHID 'DI ZHU, ,GANG SKU 'CHI MED RI BO'I DPAL 'PHROG CING, ,SNYAN PA'I GSUNG GIS MNGA' 'BANGS DBUGS 'BYIN LA, ,NOR BU CHU SHEL LTA BUR THUGS DVANGS PA'I, ,NGANG NAS CHAB SHOG JA GSAR BZANG PO'I BSDUM, ,GNANG SBYIN DU BSTZAL PHYOGS 'DIR SON PA LAS, ,BSAM GTAN DANG PO'I GNAS LA REG SNYAM PA'I, ,SPRO DGA' BDUD RTZIS SNYING LA MYOS PA THOB, ,'DIR YANG DBYAR DAM BCAS PA LAS GROL NAS, ,DON GNYER 'GA' LA CHOS STON BGYID PAR BRTZON, ,'DI NA PADMO'I GNYEN DANG 'DAB BRGYA'I TSAL, ,RGYANG RING GNAS KYANG MDZA' BA MI NYAMS LTAR, ,YID LA KHYOD SKU'I SNANG BRNYAN MI 'BRAL BAR, ,BDEN GNYIS SRUNG BA'I 'KHOR LOR BRTZON PA LAGS, ,SRID GSUM BDAG MO 'DOD KHAMS DBANG PHYUG THUGS, ,PHYAG MTSAN RAL GRI'I GZUGS SU SHAR BA YI; ;NA BZA' RDO RJE'I MDUD PAS BCINGS PA LA, ,SNGAGS KYIS MANG BTAB ZHU YIG SKYES SU 'BUL, ,KHRUMS KYI ZLA BA'I RGYAL BA GSUM PA LA, ,CHOS 'KHOR RGYAL GYI GNAS NAS PHUL ZHU YIG ,CES PA 'DI YANG NANG SO DGA' LDAN PA LA GNANG BA'O,, ,, ` LEGS SPYAD RIN CEN 'BYUNG GNAS BSRUBS PA LAS, ,LEGS PAR 'ONGS PA'I MTHO RIS DPAL MO NI, ,YONGS 'DU'I SRING MO GNYIS PA LTAR GYUR PA, ,GANG DE'I DRUNG DU RING NAS MCHID 'DI ZHU, ,CHAB SHOG YID 'ONG PAD MA DKAR PO'I PHRENG, ,BKRA

, ,SHIS RI MO RNAM BKRA'I SKYES DANG BCAS, ,TSANGS DBANG SRAS MO'I PHANG 'GRO'I SGRA DBYANGS LTAR, ,RNA BA'I BCUD LEN YID KYI BDUD RTZIR GYUR, ,SUM RTZEN GTZO BO RNAMS KYI KHENGS 'PHROG PA'I, ,ZHABS 'BRING DANG BCAS GSER GYI SA 'DZIN LA, ,'GONGS SHING LO HI TA YI KLUNG BRGAL NAS, ,BSHUL RING LAM LA NGAL BA MA MCHIS PAR, ,LHUN PO'I BYANG NAS PHO BRANG LCANG LO CAN, ,SA LA 'ONGS BZHIN 'PHYONGS RGYAS STAG RTZER NI, ,MI YI DBANG PO KHU DBON MCHOG RNAMS KYI, ,MDUN SA RNAM BRGYAN 'CHI MED SKYED TSAL LTAR, ,GLU GAR ROL BAS NOR 'DZIN KHYAB LAGS GRANG, ,SLAR YANG DBYAR GYI DUS KYI CHAR SPRIN DANG, ,NYI MA'I 'OD LTAR MNGA' 'BANGS THAMS CAD LA, ,BYAMS BRTZE'I THUGS KYIS LEGS PAR KHYAB PA DANG, ,BSTAN DANG BSTAN 'DZIN GUS PAS MCHOD PA SOGS, ,MDZAD PA STON KA'I ZLA LTAR DKAR BA 'TSAL, ,DGE SBYOR SKYABS 'OG G-YEL MED SNYING LA 'GROGS, ,SNGAGS KYIS MANG DU BTAB PA'I SRUNG DAR DANG, ,BKRA SHIS KHA BTAGS SKYES KYI TSUL DU MTSON,, BZANG PO DANG PO'I TSES LA PHUL ZHU YIG ,CES PA 'DI 'PHYONGS RGYAS STAG RTZER LCAM TSE DBANG RGYAL MO LA GNANG BA'O,, ,, ` DRUNG BYANG SEMS MAS, BDAG GI THER MA 'DI NYID LA, ,THIG TSAD 'DI DANG BSTUN PA YI, ,MTHANG GOS DRAS SHING DRUBS PA RNAMS,, TSUL DANG MTHUN PAR MYUR DU NI, ,STZOL ZHES ZHUS NA DGONGS PA YI, ,GTING NAS KHREL BAR MI 'GYUR RAM, ,YA RABS DPON MO'I LUS THOB NAS, ,MA RABS BYA BA MA MDZAD PAR, ,BSTAN LA GUS SHING BSTAN 'DZIN GYI, ,ZHABS TOG TSUL BZHIN

SGRUB PA DANG, ,MNGA' 'OG BYAMS PAS SKYONG BA DANG, ,PHONGS RNAMS SBYIN PAS TSIM PAR MDZOD, ,DKON COG GSUM LA SKYABS 'GRO SOGS, ,DGE BA'I SBYOR BA LA 'BAD NA, ,'DIR SKYID PHYI MA BDE BAR 'GYUR, ,NYID KYIS BDAG CAG DPON SLOB LA,, ZHABS TOG TSUL BZHIN BSGRUBS PA YI, ,DGE BAS BZHED DON MA LUS PA, ,BDE BLAG NYID DU 'GRUB GYUR CIG ,CES 'PHYOS BYA 'DABS SU BYANG SEMS MA RGYAL MO BA LA GNANG BA'O,, ,, ` NGUR SMRIG 'CHANG BA'I NGAG GI RI MO BZHIN, ,NGUR SMRIG TSOGS RNAMS SGRUB MDZAD LHA YI SRAS, ,NGUR SMRIG 'DZIN PA'I MCHOG TU RTAG 'KHRUNGS SHING, ,NGUR SMRIG BGOS PA'I SDE KUN MCHOD PAR SHOG ,CHOS SKYONG TSOGS RNAMS BA LIm TAS, ,CHOS BZHIN BDAG GIS MCHOD BYAS NAS, ,CHOS MDZAD KUN GYI SBYIN BDAG GI, CHOS LDAN BZHED DON 'GRUB PAR BYA, ,ZHES PA DE NYID LA GNANG BA'O,, ,, ` GANG LA SMRAS MA THAG TU 'DOD PA'I DON, ,BDE BLAG STZOL BYED YONGS 'DUD SHING LTA BU, ,KHYOD THUGS DKON COG GSUM LA 'BRAL MED DU, ,GTOD CES TSIG 'DI BDEN NA AE MA'O MTSAR, ,'JIG RTEN PA RNAMS 'JIG RTEN G-YENG BA YI, ,DBANG DU 'GRO BA BDEN MOD 'JIG RTEN GYI, ,BYA BAS G-YENGS BZHIN PA LA LONG MED DU, ,GLO BUR 'CHI BA 'DI DAG DGONGS PAR MDZOD, ,KHYIM NA GNAS KYANG BSNYEN GNAS LA BRTZON ZHING, ,KUN LA BYAMS DANG SNYING RJE'I SEMS LDAN LA, ,GTONG PHOD YANGS PAS SBYIN PA LA SPRO BA, ,DE DAG DAL 'BYOR DON DANG LDAN PA LAGS, ,ZHES DA 'PHRAL ZHUS THO, ZHES PA YANG DE NYID LA GNANG BA'O,, ,, ` GANG GI ZHABS ZUNG SNYING LA

, ,DRAN PAS KYANG, ,DNGOS GRUB GNYIS KYI 'DOD DGU'I CHAR 'BEBS PA, ,SRAS BCAS RGYAL BA KUN GYI THUGS RJE YIS, ,KHYED LA GZIGS PA 'BRAL BA MED GYUR CIG ,YUM SRAS DRUNG SKU LUS MCHOG TU SNYOMS SHING, MDZAD PHRIN RNAM DKAR GYI NGANG NAS SKU RIM MANG JA DANG MTHUN PAR PHYAG THAM ZHVA SER GYI GNANG SBYIN DANG BCAS PA PHEBS PAS MJAL BA LTA BU'I DGA' SPRO TSAD MED PA SKYES LAGS, 'DI NA'ANG NAD MED NGOS DGE 'DUN THUGS MTHUN PA DANG CHOS 'PHEL BAR YOD LAGS, MTSAMS ZHU, MI 'GYANG BAR MJAL BAR SMON LAGS SHING, RGYUN DU SKU RIM YANG SGRUB PAR YOD LAGS, PHEBS 'OS KYANG RIM PAR THUGS LA 'DOGS PA ZHU, ZHU YIG RTEN DU JA SDER LEGS PA ZHIG PHUL BA LAGS, TSES GNYIS LA BKRA SHIS LHUN PO'I GZIMS KHANG NAS PHUL BA'I ZHU YIG CES PA DE NYID LA GNANG BA'O,, ,, ` NGA STONG NYID NAM MKHA'I RNAL 'BYOR PA, ,SGRA GRAG STONG GI GLU DBYANGS 'DI BZHIN 'THEN, ,'DIR GANG DGOS KYI YO BYAD MA LUS PA, ,NYID THUGS BSAM DKAR BA'I DPAG BSAM LAS, ,RANG 'DOD PA BZHIN DU THOB PAS TSIM, ,RIGS BTZUN ZHING 'BYOR PA LDAN PA RU, ,SNGON BSOD NAMS BSAGS PAS 'KHRUNGS PA YIN, ,DA 'DIR YANG SDIG PA SPONGS MDZOD LA, ,LAS DKAR PO DGE LA 'BAD PAR MDZOD, ,LAR 'KHOR BA'I KHYIM DU CHUD PA DANG, ,RTEN BUD MED KYI LUS SU GYUR PA LA, ,CHOS RNAM DAG 'BYUNG BA DKON NA YANG, ,RJE BLA MA RNAMS LA DAD PA DANG, ,CHOS ZAB MO SGRUB PA'I SNYING RUS CAN, ,MA LABS KYI SGRON MA LA SOGS PA'I, ,SNGON BYON PA'I SKYES

CHEN RNAM THAR LA, ,DUS RTAG TU BRTZON PA MDZAD 'TSAL LO, ,NYID JI LTAR THUGS LA SMON PA BZHIN, ,SKU SKYE BA PHYI MAR THEG CHEN GYI, ,CHOS RTZE GCIG SGRUB PA'I SMON LAM BGYID, ,DUS RTAG TU DAD PA BRTAN 'TSAL LO, ,DA LTA PHUL, LHO BRGYUD PA'I DPON G-YON RNAMS BKRA SHIS PA'I GDONG DU PHEBS PA DE SHIN TU LEGS, ZHES PA YANG DE NYID LA GNANG BA'O,, ,, ` KA BA DRUG GIS BTEGS PA'I KHANG BZANG NAS, ,KHA DOG GZUGS MDZES DAD LDAN DPAL MO YIS, ,GA BUR NGAD LDAN RENG BU ZUNG DANG BCAS, ,NGA LA GNANG BAS SPRO BA CI YANG 'PHEL, ,CA CO DAD PA'I GSOL 'DEBS DANG MTSUNGS PA, ,CHA TZAM SKU YI RIM GRO BGYID PA DANG, ,JA SOGS MTHUN RKYEN 'DZOM PA'I 'DZIN MA DER, ,NYA MO YID BZHIN RGYA MTSOR JI BZHIN 'JUG ,T'A RE LA SOGS LHA YI RIG SNGAGS KYIS, ,THA CHAD GDON BGEGS BSRUNG PHYIR RAB BSNGAGS PA, ,DA LAN MGUL PA'I RGYAN DU SRUNG MDUD 'DI, ,NA RGA 'CHI BA'I DGRA LAS RGYAL PHYIR 'BUL, ,PA SANGS LTAR DKAR GANGS RI'I MGUL PA NAS, ,PHA ROL BYA 'DABS ZHES BYA'I KHANG BZANG DU, ,BA MO'I MDANGS LTAR DKAR BA'I LHAG BSAM GYI, ,MA LTAR BRTZE BA'I SBYIN PA'I BDAG MOR 'BUL, ,ZHES PA YANG DE NYID LA GNANG BA'O,, ,, ` LAGS, NGED KYANG BKRA SHIS GDONG TSOR LONGS SPYOD KYI 'DU BA PHUN SUM TSOGS PA NAS 'DIR SLEB, LAM BSHAN PO YONG BAR 'DUG LAGS, RAB TU BRTAN PA'I DAD PA DANG LDAN ZHING, ,GTONG BA'I DPAL YANGS MTHO RIS DPAL MO KHYED, ,RING NA GNAS KYANG SNYING LA MA BRJED PAR, ,BZHED DON YID BZHIN 'GRUB

, ,PA'I SMON LAM BGYID, ,DAL BA'I RTEN 'DI SHIN TU RNYED DKA' ZHING, ,TSE 'DI MI RTAG GLOG GI 'DU 'GOD BZHIN, ,'JIG RTEN PHUN TSOGS MDZES KYANG 'JA' TSON LTAR, ,MYUR DU YAL ZHING SNYING PO MA MCHIS PAS, ,RTAG TU YAN LAG BRGYAD PA'I TSUL KHRIMS SRUNGS, ,SNYING NAS BSLU MED SKYABS GNAS DKON COG GSUM, ,'BRAL MED SPYI BOR SGOMS LA BLO PHUGS GTOD, ,NGAN SONG LHUNG NA SDUG BSNGAL BZOD GLAGS MED, ,THAR BAR DKA' ZHING MU MED 'KHYAM DGOS PAS, ,SDIG LA 'DZEM ZHING SDIG PA SBYONG BA DANG, ,DKAR PO'I DGE LA RTAG TU BRTZON PAR MDZOD, ,CES PHUL BA LAGS SHING, SKU RIM SMON LAM RGYUN LDAN DU BGYID, TSES BCU LA BAR THANG NAS ZHU THO, ZHES PA YANG DE NYID LA GNANG BA'O,, ,, ` DAD PA'I LANG TSO RAB TU RTAS GYUR CING, ,LEGS NYES DPYOD PA'I BLO GROS SPYAN YANGS PA, ,GTONG BA'I LAG RKYONG MTHO RIS DPAL MO KHYED, ,SRAS BCAS RGYAL BAS RTAG TU SKYONG GYUR CIG ,NANG SO MA CHEN DRUNG GIS THOG DRANGS BYINGS SKU LUS MCHOG TU SNYOMS SHING, DKAR PHYOGS LA THUGS RTZOL CHE BAR BZHUGS LAGS SAM, NGED KYANG LUNG RVA BZANG SHOMS CHE BA'I STENG DU, BSTAN PA DANG SEMS CAN LA GANG PHAN BGYIS TE, 'GYANGS MED DU RGYAL TSOR SLEB DGOS PA NAS LAM DU ZHUGS PA LAGS, ZHAL NGO THAMS CAD SKU TSE MDZAD PHRIN RGYAS PA'I SKU RIM SMON LAM RGYUN LDAN DU BGYID PA LAGS, NGED TSO'I GNAS TSUL ZHIB PAR AA BO PHYAG RDOR MGON PO'I NGAG NAS 'BUL BA LTAR LAGS, TSES BDUN LA RDZONG NAS ZHUS, ZHES PA YANG DE NYID LA GNANG BA'O,, ,, `

GANG GI RNAM PAR DPYOD PA'I MIG STONG MCHOG TU YANGS PAS 'PHROG BYED KHENGS PA THUNG NGUR BYED, ,MGYOGS 'GRO'I BZHON PA'I BGROD PAS RNAM ROL KHYAB 'JUG LA 'GRAN SRID SGRUB BZHIN DU 'PHONG MKHAS PA, ,SNA TSOGS GOS DANG RIN CEN RGYAN PHRENG RNAM PAR G-YO BAS DPAL MO LTA BUR MDZES BYAS NAS, ,MTHA' DAG SKYE BO'I MIG GI CHU SKYES LTAD MO'I DUS STON GSAR PA DAG GIS TSIM PAR MDZOD, ,AE MA'O, ,'DI NA GDOD NAS STONG PA'I NAM MKHA' LA, ,KUN RTOG PIR GYIS BKRA BAR BKOD PA LAS, ,BDEN MED BZHIN DU SNANG BA SGYU MA'I GAR, ,KHYED CAG 'JIG RTEN MKHAN PO'I LUGS 'DI MTSAR, ,RGYAL MTSAN MTHON PO'I DBEN GNAS NAS, ,SMRA BCAD NGANG GI SMRA BA 'DI, ,BDEN MED SGYU MA'I DGE SLONG GIS, ,BRAG CA'I GLU CHUNG BLANGS PA YIN, ,ZHES PA BYA 'DABS SU NANG SO SKYA RGYAL BA LA GNANG BA'O,, ,, ` KHYOD THUGS SGYU MA'I SKYES BU BA, ,SNGON SBYANGS MGYOGS 'GRO'I BZHON PA CAN, ,THOGS MED RNAM DPYOD RDO RJE'I MDA', ,SHES BYA'I 'BEN LA 'PHANGS PA NA, ,DE LA 'GRAN 'DOD GANG GI SKU, ,RTA MCHOG BZHON PAS LEGS BSKYOD DE, ,SGRO LDAN GSAR PA'I ROL RTZED KYIS, ,KUN GYI YID NI PHROGS SAM SNYAM, ,GANG NA RNAM DPYOD 'DAB BRGYA PA, ,DAD PA'I SBRANG RTZIS GTAMS PA DER, ,SRAS BCAS RGYAL BA'I THUGS RJE YI, ,NYI 'OD 'JUG PA CHOS NYID LAGS, ,SNYAN NGAG MKHAN GYI THA CHUNG BDAG ,BYANG GI PHYOGS 'DIR 'ONGS PA NA, ,TSANGS PA'I BU MO LHO PHYOGS KYI, ,RGYA MTSOR BROS PA MA YIN NAM, ,HE HE BZHAD GAD KHO NA LAGS, ,ZHES PA YANG DE NYID LA GNANG BA'O,, ,, ` 'DI

, ,NA LTO BA'I DKYIL 'KHOR DU, ,BZA' BTUNG ZHU BYED GTUM MO'I ME, ,SREG BYED NUS PA ZHAN TZAM DANG, ,ZHU RJES BRANG GI NGOS DAG TU, ,TSA SHAR CUNG ZAD BYED SNANG BAS, ,SE 'BRU BZHI PA'I SMAN GYI THUN, ,BYIN ZA'I GRANGS KYIS BCINGS PA STZOL, ,ZHES PA BYA 'DABS SU GNANG BA'O,, ,, ` LHAG BSAM SKYED TSAL DU BSKRUN CING, ,SKYES BZANG 'BRAS BU DUD PA YI, ,GSUNG PHRIN DPAG BSAM RKANG 'THUNG NI, ,MTHONG BA'I MOD LA BDAG NGOMS SO, ,SNGON CHAD NGAN 'GRO'I SKYE GNAS 'KHYAMS, ,MI LUS THOB PA DA LAN TZAM, ,CHOS BRGYAD GDON GYIS KHYER BA RNAMS, ,SKYE BA PHYI MAR MI 'GYOD DAM, ,SNYIGS DUS SKYE BO KHREL GZHUNG CHUNG, ,MGU BAR DKA' LA 'KHANG BA SLA, ,MI DANG 'GROGS PA'I MTHUN 'JUG LAS, ,GCIG PUR DBEN PA BSTEN PA LEGS, ,DA LTA GNYEN DANG NOR GYI PHYIR, ,'BAD RTZOL PHAN DU RE NA YANG, ,PHYI MA'I GTAD SO MA ZIN NA, ,SUS KYANG PHAN PA MA MCHIS SO, ,RLUNG GIS KHYER BA'I SBUR MA BZHIN, ,RANG NYID GAR 'GRO CHA MED PAS, ,GZHAN DON BYED PA AA RE 'KHRUL, ,SGRUB PA SNYING POR BYAS NA LEGS, PHYI ROL NGUR SMRIG GOS GYON YANG, ,KHYIM GYI BYA BA LHUR LEN NA, ,MI TSE STONG ZAD KHO NAR ZAD, ,CHED GDOD DAM PA'I CHOS LA 'BUNGS, ,BSLAB GSUM RGYUD LA RAB BSTEN CING, ,BLO PHUGS DKON COG LA GTAD NAS, ,THABS SHES ZUNG 'BREL NYAMS LEN GYIS, ,DA RES GTAN GYI BTZAN SA SGRUBS, ,RNAM G-YENG DRA BAR SNYOM LAS MKHAN, ,BDAG LTAS GZHAN LA GDAMS PA 'DI, ,PHAN PAR DKA' YANG DAD LDAN GYI, ,THUGS LA PHAN PHYIR

ZUR TZAM LAGS, ,ZHES PA TSA BA GRU PA'I AA NE LA GNANG BA'O,, ,, ` MTHON PO'I RIGS 'KHRUNGS PHUN TSOGS LEGS SPYAD LDAN, ,GSAR PA'I LANG TSO LDAN YANG MA DREGS PAR, ,ZHI DUL TSANGS SPYOD LHUR LEN BSNGAGS 'OS PA, ,GANG GI PHRIN YIG 'BRAS BZANG SKYES DANG BCAS, ,PHO NYA'I LAG RTZER SON PA MTHONG BA LAS, ,SNYING LA DGA' BA'I BDUD RTZIS MYOS PA THOB, ,MDO SNGAGS GSUNG RAB KUN GYI GNAD BSDUS PA'I, ,GDAMS PA'I SNYING PO BYANG CHUB LAM RIM LAS, ,GONG DU GYUR PA PHYOGS BCU'I RGYAL BAS KYANG, ,GZHAR YANG BSNYAD PA'I GO SKABS GA LA ZHIG ,DE NYID PHYIR NA MTSAN NYID KUN LDAN PA'I, ,RANG LA LAM BZANG 'DOMS PA'I BLA MA DE, ,MA LUS RAB 'BYAMS RGYAL BA'I NGO BO STE, ,SKYABS GZHAN SPANGS NAS DE LA RTZE GCIG TU, ,GSOL BA 'DEBS SHING BSAM SBYOR GNYIS KYIS NI, ,TSUL BZHIN BSTEN NA LEGS TSOGS MA LUS PA, ,'BYUNG BA'I SGO NI DE NYID GCIG PUR SEMS, ,DON GNYIS 'DOD DGU'I 'BYUNG GNAS YID BZHIN NOR, ,RNYED DKA' DON CHE SHES NAS SKAD CIG KYANG,, YENGS PA MED PAR SNYING PO MA BLANGS NA, ,NGES PAR 'CHI ZHING NAM MCHI'I NGES PA'ANG BRAL, ,SKYABS GSUM GTZUG TU LEGS BSTEN DGE SDIG GI, ,BLANG DOR ZHIB MO NYID LA MA 'BAD NA, ,RANG GIS RANG NYID BSLUS RNAMS RGYAL BAS KYANG, ,MTHU DANG LDAN YANG PHYAG GIS 'DON MI NUS, ,ME 'OBS LTA BUR 'BAR BA'I 'KHOR BA 'DI, ,SDUG BSNGAL BZOD DKAR SHES NAS THAR 'DOD NI, ,SHUGS DRAG SKYED PAR YANG YANG MA 'BAD NA, ,THEG PA GSUM GA'I LAM GYI RTZA BA STOR, ,THAR 'DOD RNAMS

, ,KYI 'JUG NGOGS BSLAB GSUM LAS, ,GZHAN NA MED DO SHES RAB SEMS KYI YANG, ,RTZA BA TSUL KHRIMS KHO NAR SHES BYAS NAS, ,SROG PAS RANG GI BSLAB PA GCES PAR SRUNGS, ,BDAG PAS GZHAN GCES BYANG CHUB SEMS KHO NA, ,THEG CHEN LAM GYI 'JUG SGOR SHES BYAS NAS, ,BDAG BDE GZHAN LA BTANG ZHING 'GRO KUN GYI, ,MI 'DOD SDUG BSNGAL BDAG GIS BLANG BAR BYA, ,PHYIN DRUG SPYOD PA'I KHUR NI MA BZUNG BAR, ,RDZOGS SANGS RGYAS SU SU ZHIG BGROD PAR 'GYUR, ,DE PHYIR BYANG CHUB MCHOG TU SEMS BSKYED NAS, ,RGYAL SRAS KUN GYI SPYOD LA BSLAB PAR BYA, ,NYES PA LNGA SPONG 'DU BYED YAN LAG BRGYAD, ,TSUL BZHIN BSTEN LAS DGE BA'I DMIGS PA LA, ,RTZE GCIG GNAS PA'I TING 'DZIN SGRUB PA NI, ,MDO SNGAGS GNYIS KA'I LAM GYI SROG TU MTHONG, ,'KHOR 'DAS CHOS KUN RTOG PAS PHAR BZHAG LAS, ,YUL GYI STENG NA CHA TZAM MED PA 'DI, ,KLU SGRUB YAB SRAS BZHED PA'I SNYING PO STE, ,'DI NYID RTOGS PHYIR RTAG TU 'BAD PAR RIGS, ,GRANGS MED BSKAL PAR 'BAD LA MI LTOS PAR, ,TSE GCIG NYID LA SANGS RGYAS THOB 'DOD NA, ,ZAB LAM RDO RJE THEG STE DE YI YANG, ,MTHAR THUG BLA MED LAM DU 'JUG PAR BYA, ,CHO GA'I TSIG RIS TZAM GYIS MI TSIM PAR, ,SKU BZHI'I SA BON RANG GI RGYUD STENG DU, ,THEBS NGES DBANG GIS SMIN BYAS DAM TSIG DANG, ,SDOM PA SROG BZHIN SRUNG BA GZHIR BYAS NAS, ,THA MAL SKYE SHI BAR DO'I SNANG ZHEN 'DI, ,SBYONG BYED SKU GSUM LAM KHYER GNAD TSANG BA'I, ,BSKYED PA'I RIM PAS SNOD BCUD SNANG BA KUN, ,GANG SHAR DKYIL

'KHOR 'KHOR LO'I RNAM ROL DANG, ,ZLA NYI'I RGYU BA SGRA GCAN LAM BKAG PAS, ,TZANdA L'I YIS SPYI BO'I RI BONG CAN, ,BZHUS PA'I DH'U T'I'I LAM NAS 'GRO LDOG GIS, ,LHAN SKYES PHYAG RGYA CHEN PO MTSON PAR BYA, ,'DI DANG BAR DOR MCHOG GI GO 'PHANG NI,, NGES PAR 'GRUB PA'I LAM BZANG MA RNYED NA, ,ZAB LAM 'PHO BA'I RNAL 'BYOR LA GOMS PAS, ,RNAM SHES MKHA' SPYOD SOGS SU 'PHO BAR BYA, ,NGES 'BYUNG BYANG CHUB SEMS DANG YANG DAG LTA, ,ZAB LAM MA NOR RIM GNYIS DANG BCAS PA, ,MDO DANG SNGAGS KYI CHOS TSUL JI SNYED PA, ,KUN GYI SROG GAM SNYING PO DE NYID DO, ,DE PHYIR THOG MAR BSAG SBYANG RIM PA LA, ,'BAD NAS NGES 'BYUNG BYANG CHUB SEMS DANG NI, ,MTHA' BRAL LTA BA GSUM GYI NYAMS LEN DANG, ,PHYI NAS RIM GNYIS LAM BZANG BSTEN PAR MDZOD, ,CES MDO SNGAGS KYI GNAD DRIL BA'I GDAMS PA ZHIG DGOS GSUNG PA MDZAD 'DUG PAS MDOR BSDUS TZAM ZHIG PHUL BA LAGS, ZHES PA YANG DE NYID LA GNANG BA'O,, ,, ` GANG GI MKHYEN PA'I SKYED TSAL LAS 'ONGS PA'I, ,SNYAN DNGAGS PHRENG BA 'DAB BRGYA'I ZOL LA NI, ,RAB BRTEN BRTAN BZHUGS SKYES DANG LHAN CIG PAR, ,SH'AKYA MU NI'I PHO BRANG GNAS SU SON, ,DENG DUS MI MTHUN BA MOS NYID SKU YI, ,AUTPAL MCHOG LA NAM YANG MI BRDZI ZHING, ,NOR 'DZIN SKYONG BA 'KHOR BCAS PHYOGS KUN LAS,, RNAM PAR RGYAL BA'I BGROD PA MTHAR PHYIN NAS, ,RANG GNAS PHEBS LA SPRO DGAS RAB MYOS PA'I, ,SKYE BO'I TSOGS KYIS DER BSKRUN GLU GAR NI, ,SUM RTZEN SKYED TSAL RNAMS SU 'CHI MED TSOGS, ,RTZE DGA'I ROL PA PHAM BYED NGANG BZHUGS GRANG, ,NGOS

, ,KYANG SH'AKYA'I RGYAL PO'I PHO BRANG DU, ,STONG PHRAG KHRIMS LDAN 'DUS PA'I TSOGS RNAMS DANG, ,LHAN CIG SMON LAM CHEN MO LEGS GRUB NAS, ,RANG GI BSTI GNAS SON PA'I SKABS NA LAGS, ,DGE SBYOR SKYABS 'OG 'BRAL MED SNYING LA 'GROGS, ,LO MA'I PHUR MA RGYA LDAN SKYES SU 'BUL, ,NYER BRGYAD TSES LA 'BRAS SPUNGS SDE NAS ZHUS, ,ZHES 'PHYOS PA'I AA NE BLO BZANG RGYAL MO LA GNANG BA'O,, ,, ` PHUN TSOGS RIGS KYI SKYED TSAL DU, ,NGUR SMRIG LO 'DAB KYIS MDZES PA, ,GANG DE'I CHAB SHOG GDING BA'I SKYES, ,DANG BCAS BDAG GI GAM DU LHAGS, ,SKU KHAMS YAR NGO LTAR BRTAS SHING, ,MDZAD PA'I ZLA 'OD DKAR BA'I DBUS, ,BZHUGS ZHES SNYAN PA BDUD RTZI'I THIGS, ,SNYING LA REG PAS CI YANG NGOMS, ,'DIR YANG RA SA 'PHRUL SNANG DU, ,SMON LAM CHEN MO LEGS GRUB NAS, ,THEG CHEN GLING GI CHOS KYI GRVAR, ,DA LTA GSUNG CHOS 'PHEL BAR GNAS, ,MI 'GYANG MJAL BAR SMON PA DANG, ,DGE SBYOR SKYABS 'OG SNYING LA 'GROGS, ,DAR CHEN KHA 'BREL SKYES SU MTSON,, DBO ZLA'I DKAR PHYOGS NYID LA ZHUS, ,ZHES PA YANG DE NYID LA GNANG BA'O,, ,, ` DAD PA'I SKYED TSAL RAB YANGS PA, ,RNAM DPYOD LO 'DAB GSAR PA NI, ,YON TAN ME TOG PHRENG BA CAN, ,GANG GI GSUNG BRIS SNYAN NGAG PHRENG, ,'CHAR KHA'I MDANGS 'PHROG GDING BA'I SKYES, ,LHAN CIG NYID DU PHYOGS 'DIR SON, ,DENG SANG YAR NGO'I ZLA SHEL LTAR, ,SKU YI LANG TSO RAB BRTAS SHING, ,MDZAD PA'I 'OD DKAR GYIS MDZES PAR, ,BZHUGS ZHES SNYAN GRAGS BDUD RTZI YIS, ,REG PAS SPRO DGA'I RGYA

MTSO 'PHEL, ,SH'AKYA'I RGYAL PO'I PHO BRANG DU, ,STONG PHRAG DU MA'I 'DUS PA DANG, ,LHAN CIG SMON LAM LEGS GRUB NAS, ,BDAG KYANG GNAS 'DIR SON PA LAGS, ,DAL BA'I RTEN BZANG RNYED DKA' ZHING, ,GTAN GYI MDUN MA SGRUB PA'I DUS, ,DA LAN KHO NAR ZAD PAS NA, ,CHOS KYI LAM DU THUGS GZHOL BAS, ,DAL 'BYOR DON LDAN MDZAD 'TSAL LO, ,DGE SBYOR SKYABS 'OG RGYUN DU BGYID, ,SNGAGS KYIS BTAB PA'I SRUNG DAR DANG, ,LO MA'I PHUR MA SKYES SU MTSON, ,DGA' BA DANG PO'I TSES LA PHUL,, ZHES PA YANG DE NYID LA GNANG BA'O,, ,, ` MTHON PO'I RIGS 'KHRUNGS BSNGAGS 'OS YON TAN CAN, ,RNAM SRAS DANG MTSUNGS GANG GI GSUNG YIG GI ,PHRENG BA YONGS 'DU'I 'BRAS BZANG DANG BCAS PA, ,PHYOGS 'DIR SPRO DGA' GZUGS CAN BZHIN DU 'ONGS, ,RAB 'BYAMS RGYAL BA'I GSUNG RAB THAMS CAD KYANG, ,'DI PHYI BAR DO'I NYAMS LEN GSUM DU 'DUS, ,DE YI SNYING PO DRIL NAS STON PA'I PHYIR, ,GDAMS NGAG 'DI NI SNYING PO'I DON GSUM YIN, ,MI RTAG 'CHI BA DRAN PAS TSE 'DI LAS,, BLO LOG 'KHOR BA'I NYES DMIGS BSAM PA YIS, ,THAR PA DON GNYER BYANG CHUB SEMS BSKYED DE, ,RANG GI SPYI BOR SHEL DKAR MCHOD RTEN NI, ,SGO STONG LDAN PA'I DBUS SU SPYAN RAS GZIGS, ,BSKAL BZANG SANGS RGYAS STONG NI SGO STONG LA, ,RIGS LNGA'I DE BZHIN GSHEGS PA'I RNAM PAR BSGOM, ,SNYING GAR PADMA 'DAB STONG LTE BA LA, ,SPYAN RAS GZIGS DANG RANG SEMS DBYER MED BSGOM, ,PAD 'DAB STONG LA A'A: YIG DKAR PO STONG, ,MU TIG PHRENG BA LTA BUR BSAM BYAS NAS, ,SPYI BO'I LHA

, ,TSOGS SKU YI 'OD ZER GYIS, ,SNYING GA'I LHA DANG YIG 'BRU LA REG PAS, ,BDUD RTZI'I RGYUN BABS LUS NGAG SDIG SGRIB DAG ,RANG LUS 'PHAGS PA'I SKU RU GYUR PAR BSGOM, ,SLAR YANG BDUD RTZI'I RGYUN RNAMS RANG NYID KYI, ,BA SPU'I BU GA DBANG PO'I SGO RNAMS NAS, ,PHYIR DON RIGS DRUG SEMS CAN THAMS CAD KYI, ,SGRIB PA KUN SBYANGS SNOD RNAMS DAG PA'I ZHING, ,BCUD KYI 'GRO KUN SPYAN RAS GZIGS SU BSGOM, ,DE NAS RANG DANG LHAN CIG SEMS CAN KUN, ,SPYAN RAS GZIGS GYUR YIG DRUG SGROG PAR NI, ,MOS NAS CI NUS BAR DU MA nI BZLA, ,SLAR YANG SNOD BCUD SNANG BA JI SNYED PA, ,KUN KYANG SGYU MA SMIG RGYU RMI LAM BZHIN, ,RANG SEMS NYID KYIS BTAGS TZAM MA GTOGS PAR, ,BDEN PAR GRUB PA RDUL TZAM MA MCHIS PAR, ,SGOM PA DE NI TSE 'DI'I NYAMS LEN YIN, ,SNYING PO MED CING NGES PAR 'DOR DGOS PA'I, ,LUS 'DI'I SHA KHRAG RUS PA'I TSOGS RNAMS KUN, ,STONG GSUM GANG BA'I BDUD RTZI'I RGYA MTSOR BSGOM, ,RGYAL BA SRAS BCAS KUN LA MCHOD PAR PHUL, ,GNOD BYED LAN CHAGS KUN LA CHAGS MED THONGS, ,RIGS DRUG SEMS CAN KUN LA SBYIN PAR BYIN, ,DE NAS LUS LA ZHEN PA MED PAR BYA, ,DE BZHIN GNYEN DANG 'KHOR DANG LONGS SPYOD KUN, ,'CHI TSE BZHAG NAS RANG NYID GCIG PUR NI,, 'GRO BAR BSAMS LA CHAGS ZHEN SPANG BYA ZHING, ,NOR RNAMS DGE BA'I PHYOGS SU BTANG BYAS TE, ,RANG SEMS SNYING GAR SPYAN RAS GZIGS GYUR PA, ,SPYI BO'I TSANGS BUG LAM NAS RGYANGS KYIS 'THON, ,'OD KYI SBU GU'I NANG NAS THOGS MED DU,,

DGA' LDAN GNAS NA MI PHAM MGON PO NI, ,GSER GYI LHUN PO LTA BUR BRJID BZHUGS PA, ,DE YI THUGS KAR SIB KYIS THIM PA LAS, ,RANG GI SEMS DANG RJE BTZUN BYAMS PA'I THUGS, ,DBYER MED BSAM PA 'CHI KHA'I NYAMS LEN LAGS, ,DA LTA'I YUL SNANG 'DI TSO BAR DO YI, ,'KHRUL PA'I SNANG BA NYID CES YANG YANG BSGOM, ,SNOD KYI 'JIG RTEN THAMS CAD DAG PA'I ZHING, ,BCUD KYI SEMS CAN THAMS CAD SPYAN RAS GZIGS, ,KUN KYANG SNANG TZAM MA GTOGS RANG BZHIN GYIS, ,STONG PA NYID DU DA LTA BSGOMS BYAS TE, ,SHI NAS BAR DOR SKYES TSE RNAL 'BYOR DE, ,DRAN PA'I NGANG NAS CHOS LA SPYOD PA'I RTEN, ,BSAM BZHIN 'DZIN PA BAR DO'I NYAMS LEN NO, ,THAG RING 'GRO 'DOD RNAM G-YENG DBANG GYUR PAS, ,ZHIB MO'I YI GE 'GOD PAR MA KHOM YANG, ,TSIG NYUNG DON GYI GNAD KUN TSANG BA YI, ,SROL 'DI KHO BO'I MIN NA GZHAN GYI CI, ,DON GSUM GDAMS PA MGO SKYES KYI, ,SKYES DANG LHAN CIG ZHU 'PHRIN NI, ,BUNG BA'I GLU DBYANGS SGROG BZHIN DU, ,BKRA SHIS SGANG DU 'PHUR TE SONG, ,ZHES TSA BA GRUB PA'I NANG PA RNAM SRAS PA LA GDAMS PA'O,, ,, ` MKHAS PAR BYA BA'I RIG PA'I GNAS KUN LA, ,DENG DUS LHA YI BLA MA DANG MTSUNGS PA, ,GANG GI SNGON MED LEGS BSHAD RNA RGYAN ZUNG, ,'JAM MNYEN GOS KYI LHAB LHUB DANG BCAS SMIN, ,DENG DUS SHRI YE DHA NA KA tE KAR, ,SKU YI 'TSO BA 'DZAM BU N'A DA LTAR, ,ZANG ZING RAB 'BYAMS GSUNG RAB NAGS KLUNG NA, ,RNAM DPYOD LAG LDAN 'GOG PA MED 'DI MTSAR, ,'DIR YANG MGAL ME LTA BU'I SEMS KYIS NI, ,PHUNG PO'I GRONG

, ,KHYER SNGON CHAD MA DOR ZHING, ,ZIN MED RNAM G-YENG 'KHRI SHING DRA BA YIS, ,'KHYUD KYANG CHOS LA MOS PA MA DOR TZAM, ,'DI NA THUN MONG RIG GNAS LA, ,SGRA MKHAN PHUR BU DANG MTSUNGS KYANG, ,DE YI PHA MTHA' 'TSOL BA'I SLAD, ,DBYANGS CAN SGRUB LA MNGON BRTZON TSE, ,GLOG GI ZLOS GAR G-YO BA LTA'I, ,TSE 'DI'I GO 'BYED PHA MTHA' LA, ,RAB 'GRAN THUN MONG RIG GNAS KYI, ,RGYA MTSO'I GTING MTHA' 'TSOL BA BAS, ,GNYIS MED GSUNG PA MTHA' DAG GI ,THUGS BCUD SNYING PO 'DI YIN ZHES, ,RGYAL YUM LHA MOS RANG NYID KYI, ,NGES DON SBRANG RTZI'I ZIL DNGAR CAN, ,RTEN 'BYUNG 'DAB BRGYA THUGS LA BSKRUN, ,BRTAN DANG G-YO BA'I CHOS RNAMS KUN, ,GDOD NAS NGO BO NYID KYIS MED, ,RTOG PA'I RI MO KHO NA STE, DE YANG MING TZAM PIR GYIS NI, ,BRIS PHYIR RI MO'ANG YOD MA YIN, ,SNA TSOGS MING YANG GLO BUR DU, ,BTAGS PHYIR RANG BZHIN NYID KYIS NI, ,DPYAD NA GANG DU'ANG MI GNAS PA'I,, SNANG BA GZHA' BKRA'I GNAS 'DI LA, ,'KHOR 'DAS BYA BYED AE MA'O MTSAR, ,'DI LTA'I RTEN 'BREL NYID KYI DON, ,STONG PA NYID DU LEGS RTOGS KYANG, ,BYAMS DANG SNYING RJE'I RTZA BA CAN, ,BYANG CHUB SEMS KYI BDUD RTZI'I GTER, ,SNYING GI BUM PAR MA BSTEN NA, ,THAMS CAD MKHYEN PA'I YE SHES CI, ,TSANGS DBANG SRAS MOS DE BSKYED PHYIR, ,LHAG BSAM LTAR DKAR SKRA DANG NI, ,GRANGS MANG SPYOD LTA'I GNYER MA CAN, ,NYID KYI MA DE MDUN DU NI, ,SNYING RJE CHEN PO'I DMIGS PAR BSKRUN, ,AE MA'O KHAMS GSUM 'KHOR BA NA, ,'DI LTA'I SEMS CAN GRANGS MANG ZHING, ,'DI

DAG MYUR DU SGROL BA'I KHUR, ,RGYAL SRAS DPA' BO'I PHRAG PAR LCI, ,RIM GNYIS LAM GYI THEM SKAS LA, ,TSE 'DIR RGYAL BA'I GNAS 'DZEGS TE, ,RANG GIS BRNYES PA'I GO 'PHANG LA, ,DE DAG MA LUS 'GOD KYANG 'TSAL, ,DGE SBYOR SKYABS 'OG 'BRAL MED BGYID, ,SKYES SU SA YI SNYING PO NI, ,ZHO PHYED RGYA YIS MTSAN PA 'BUL, ,DBYANGS 'CHAR LUGS KYI PHYOGS DANG PO'I, ,RGYAL BA DANG PO SHAR BA NA, ,CHOS 'KHOR RGYAL NAS DGE LEGS 'PHEL, ,ZHES PA 'DI NI RI MO MKHAN DPAL LDAN BLO GROS BZANG PO LA GNANG BA'O,, ,, ` RIG GNAS NYAL 'GRO MTHA' DAG 'DU BA'I GZHI, ,BLO GROS CHU GLANG BDAG PO'I DBA' RLABS KYIS, ,RAB 'THOR SDEB LEGS SNYAN NGAG MU TIG PHRENG, ,'CHAR KA'I MDANGS 'PHROG DAR YUG SKYES BCAS PHEBS, ,ZLA BRAL RNAM DPYOD LANG TSO CAN, ,GANG LA DBYANGS CAN RO 'DZIN GYI, ,GZUGS SU GNAS NA MES PO YIS, ,SRAS MO'I SKU BRNYAN BZHENGS PAS CI, ,MA LUS RGYAL BA KUN GYI YUM, ,SKU GZUGS BGYIS LAS BSOD NAMS DANG, ,YE SHES KHANG BZANG RTZE MOR NI, 'DZEG PAR BZHED NA RJES YI RANG, ,YID BZHIN RGYA MTSO'I 'JUG NGOGS NAS, ,TAM BU RA LA MDZA' BA BTANG, ,NYID KYI GAM DU LHAGS PA 'DIS, ,LHA RNAMS KHREL BAR MI 'GYUR GRANG, ,'CHI MED BZO BO LAS KUN PA, ,BRIS 'BUR MIG GI BDUD RTZI DAG, SPRUL BYED ZUNG DU ROL BA 'DI, ,BYANG PHYOGS 'DZIN MA'I RGYAN DU SEMS, ,RGYAL BA SRAS BCAS SKU BRNYAN LA, ,RANG RANG YE SHES 'KHOR LO DAG ,RANG DBANG NYID DU 'JUG BYED PA'I, ,MTHU NI DMAN PA BDAG LA CI, ,'ON KYANG 'KHOR LO 'DU BA'I

, ,TSES, ,DBYANGS CAN DRAG MO'I DUS GTOR LA, ,YE SHES PA NYID DNGOS SU NI, ,'DI LA THIM SNYAM YID LA SEMS, ,THON MIS BZUNG BA'I YUL LJONGS DANG, ,GZHAN YANG LAM GYI GNAS DAG TU, ,DAD RDZAS MCHOD YON ROL BZHIN LAS,, SKYID SHOD DAL 'BAB LA 'GONGS TE, ,RANG GI BSTI GNAS BGROD PAR RTZOM, MTHA' YAS YON TAN ZA MA TOG ,YID BZHIN NOR LTA'I RTEN BZANG NI, ,YUN DU GNAS PA'I 'TSO SKYONG LA, ,NAM YANG LHOD PA MED PAR MDZOD, ,RAB DVANGS SEMS KYI ME LONG LA, ,NYID KYI SNANG BRNYAN RAB BKOD NAS, ,'GAL RKYEN KUN ZHI BZHED DON KUN, ,'GRUB PA'I SMON LAM SNYING LA 'GROGS, ,PADMA R'A GA'I MDANGS CHAGS PA'I, ,GZAN GOS RGYAS BTAB SKYES SU MTSON, ,DRAG PO'I TSES LA YAR GSUM NI, ,LHUN PO'I RTZE NAS LEGS PAR PHUL, ,ZHES PA YANG DE NYID LA GNANG BA'O,, ,, ` GANG GI BLO GROS BANG MDZOD NI, ,TSANGS DBANG SRAS MO DANG GCIG PA, ,DE YI LEGS BSHAD RIN CEN GRANGS, ,SHES LDAN SU ZHIG 'TSOL BAR BYED, ,BGRANG YAS SDUG BSNGAL GNAS GYUR PA, ,'KHOR BA SGYU MA'I GRONG KHYER NA, ,'DI 'DRA'I GNAS LA KUN KYANG SPYOD, ,'ON KYANG SKYABS GSUM THUGS RJE'I NYI, ,SNYING GI PADMOR 'GROGS PA LAS, ,CHOS KUN GZHAR YANG YOD MIN YANG, ,RTEN 'BREL TZAM ZHES RNAL 'BYOR PA, ,DA LTA LUS SEMS BDE BAR 'TSO, ,GANG GI SOR MO'I RNAM ROL LAS, ,DPAL LDAN 'DOD KHAMS BDAG MO NI, ,BAR CHAD THAMS CAD NGAS BSRUNG ZHES, ,PHEBS TSE AA LA RANG GI SEMS, ,BDE BA'I SPU LONG G-YOS PAR GYUR, ,LO MA'I PHUR MA RIN CEN

ZUNG, ,RI MO GZIGS PA'I SKYES SU MTSON, ,DGE SBYOR SKYABS 'OG 'BRAL MED BGYID, ,MI 'GYANG MYUR DU MJAL BAR SMON, ,DE MA THAG TU YI GER PHUL, ZHES PA 'DI RJE BTZUN THAMS CAD MKHYEN PA'I ZHAL SNGA NAS ZHI BA'I DBYINGS SU GSHEGS KHAR SKU MTSAMS BCAD RGYA SHIN TU DAM PA'I 'OG NAS LHA BZO BA DE NYID LA ZHU LAN DU GNANG BA STE BKA' SHOG GI THA MA'O,, ,, ` GANG GI MGUR YANGS MCHOG GI PAD MTSOR NI, ,TSANGS DBANG SRAS MO'I NGANG MO 'PHUR LDING CAN, ,BI SHVA KARMA DUS KYI SA LA NI, ,'ONGS BZHIN BSNGAGS PAR 'OS DER MCHID 'DI GSOL, ,NGO MTSAR SNYAN NGAG RGYAN GYI RI MO KUN, ,GO SA GZHAN DOR PHYOGS GCIG 'DUS PA LTA'I, ,GSUNG SHOG 'KHYOG TSIG SDEB LEGS PHRENG BAR NI, ,SPEL GANG PHYOGS KYI BU MO'I RNA RGYAN GOS, ,GRIB DANG BGEGS KUN SEL BA'I DRI BZANG DANG, ,RO 'DZIN SIM BYED LO MA'I PHUR MA DANG, ,LHA RDZAS DAR YUG MCHOG GI SKYES RNAMS NI, ,SHIN TU NYE BAR MKHO BA'I SPYAD BYAR GYUR, ,NGOS KYANG KEE LA SHAS MTSAN AE PHYOGS KYI, ,RANG BYUNG TSA BA'I 'JUG NGOGS NYER BSTEN ZHING,, DAD LDAN SBYIN BDAG BU SLOB TSOGS RNAMS KYI, ,RNYED BKUR MCHOD YON BDAG GIR BYAS NAS KYANG, ,LHA YUL 'OL KHA'I NOR 'DZIN SKYONG RNAMS LA, ,DA LTA GDAMS PA'I BDUD RTZI 'DOMS LA BRTZON, ,RGYAL GYI ZLA BA DKAR BAR GYUR MA THAG ,PHYOGS DER BGROD PA'I LAM DU ZHUGS NAS KYANG, ,BLO GSAL BSTI GNAS 'BRAS SPUNGS CHOS KYI SDER, ,BSNYAD PAR BGYI BA NGOS KYIS BGYID PA LAGS, ,DGE SBYOR SKYABS 'OG 'BRAL MED SNYING LA 'GROGS, ,ZHO YI 'KHOR LO LONGS PA'I SU WARnA, ,RGYA YI

, ,TSOM BU BRIS PA SKYES SU MTSON, ,GNYIS PA'I PHYOGS KYI 'KHOR LO 'DU BA'I TSES, ,SHAR TSE 'OL KHA'I PHO BRANG NYID NAS PHUL, ,CES PA YANG DE NYID LA GNANG BA'O,, ,, ` BRJOD BRAL LHAN CIG SKYES PA'I MKHA' DBYINGS LAS, ,BGRANG YAS GZUGS SKU'I CHU 'DZIN RAB 'KHRIGS TE, ,DNGOS GRUB RNAM GNYIS 'DOD DGU'I CHAR 'BEBS PA, ,SRAS BCAS RGYAL BAS KHYED LA RTAG TU SKYONGS, ,RNAM MANG SKYE RGU RNAMS KYI MGON PO NI, ,BSNGAGS 'OS YON TAN TSOGS KYIS NYER MDZES PAS, ,SDEB LEGS DON BZANG CHAB SHOG AUTPAL NI, ,SKU GSUM NYER MTSON BGRANG 'PHRENG SKYES DANG BCAS, ,PHYOGS 'DIR SPRO DGA' GZUGS CAN BZHIN DU 'ONGS, ,DPAL LDAN LHA GZIGS RIGS KYI CHU GTER GYI, ,ZLA SHEL YAR NGO'I ROL PAS RTZEN PA'I DRUNG,, PA SANGS GZHAN BZHIN BSNGAGS 'OS MDUN SA'I RGYAN, ,SNYAN GRAGS 'OD KYI SNANG BAS RMONGS MUN BSAL, ,MCHOG TU DGA' BDE'I KU MUD RGYAS PAR GYUR, ,NGOS KYANG MI DBANG CHEN PO'I ZHAL BLTAS SHING, ,GRU 'DZIN RI BO'I NGOGS KYI CHOS KYI GRVAR,, DAD LDAN BU SLOB TSOGS KYI BZHED PA NI, ,LEGS PAR BSKANGS NAS GNAS 'DIR SON PA LAGS, ,MTSAMS ZHU, RJE BTZUN SGROL MA'I BSTOD PA ZHIG DGOS PHEBS PA, THAMS CAD MKHYEN PA DGE 'DUN GRUB KYIS MDZAD PA'I MKHAS PA'I GTZUG RGYAN DA LTA LEGS BRIS MAR GRAGS PA 'DI LAS LEGS SHING BYIN RLABS CHE BA MI 'ONG BAS DE NYID THUGS DAM DU MDZAD NA LEGS SHING, MDOR BSDUS TZAM ZHIG DGOS NA 'DI LTAR, ZHES PA 'DI LAGS SHING, ZHU MCHID DKAR BA'I SKYES SU BKRA SHIS KHA BTAGS

SHIG DANG, SNGAGS MANG DU BTAB PA'I SRUNG DAR ZHIG LA RGYA LDAN 'BUL, DGA' BA GSUM PA LA BKRA SHIS GDONG NAS ZHUS, ZHES PA BANG SO BA MGON PO BA LA GNANG BA'O,, ,, ` SHES RAB LHUN GYIS GRUB PA NYIN MO'I MGON, ,BSOD NAMS ZLA BA CHA SHAS YONGS SU RDZOGS, ,LUGS GNYIS NAM MKHA'I RGYAN GYUR ZUNG DE YI, ,MDZAD PA'I 'OD ZER RTAG TU 'BAR GYUR CIG ,MI PHYED DAD PA'I SO NAM LAS 'ONGS PA'I, ,CHAB SHOG AUTPAL GSAR PA'I PHRENG BA NI, ,SHAR PHYOGS 'KHOR LOS SGYUR BA'I LEGS BYAS LAS, ,'ONGS PA'I NGO MTSAR LO MA'I SPOB RTZE SOGS, ,SKYES BZANG PHO NYA'I LAM NAS LEGS 'ONGS PA, ,SKU RIM MANG JA BZANG PO'I MCHOD YON GYI, ,DUS SU 'DUS PA RGYA MTSO'I DBUS SU SMIN, ,DE TSE SEMS LA SPRO DGA'I SNANG BA NI, ,DANG PO'I SA LA REG PA BZHIN DU 'PHEL, ,NGOS KYANG PHUNG PO'I TSOGS PA MA GYES SHING, ,BSTAN DANG 'GRO LA GANG PHAN BGYID PAR BRTZON, ,SKABS KYI ZHU MCHID PHO BRANG CHEN PO NI, ,ZLA MED BSOD NAMS DPAL GYIS RAB MTHO BA'I, ,STOBS KYI 'KHOR LOS SGYUR BA'I MDUN SA CHER, ,'GAL RKYEN BAR CHAD KUN GYIS MI BRDZI ZHING, ,BZHED PA'I DON GYI GZHAL MED RIN CEN TSOGS, ,RE BA'I SHING RTA YONGS SU GANG GYUR NA, ,SLAR YANG BSTAN PA'I 'BYUNG GNAS DBUS GTZANG DU, ,MYUR DU PHEBS SLAD LHA DANG BLA

, ,MA LA, ,NYIN MTSAN G-YEL BA MED PAR GSOL 'DEBS SHING, ,CHOS SKYONG SRUNG MAR PHRIN LAS GNYER GTAD SOGS, ,DGE SBYOR SKYABS 'OG G-YEL BA MED PAR BGYID, ,SNGAGS KYIS MANG DU BTAB PA'I SRUNG DAR ZUNG, ,RANG GI MGO SKYES DANG BCAS SKYES SU 'BUL, ,RNAM 'PHYANG LO YI SNRON GYI ZLA BA YI, ,DANG PO'I PHYOGS LA SKYID SHOD ZHES GRAGS PA, ,SH'AKYA'I RGYAL PO'I MDUN SA CHE NAS PHUL, ,CES PA 'DI GU SHR'I DANG CHEN SHR'I RNAM GNYIS KYI ZHU LAN DU GNANG BA'O,, ,, ` LEGS NYES 'BYED PA'I BLO GROS 'OD ZER GYIS, ,LUGS GNYIS MTHA' YAS SHES BYA SNANG BYAS PA, ,GANG DE'I GSUNG BRIS 'JAM PHRUG DMAR POR BCAS, ,PHYOGS 'DIR SON PAS SPRO DGA' CI YANG 'PHEL, ,RNYED PAR DKA' ZHING 'JIG PAR SLA BA'I RTEN, ,DA LTA NYER 'TSE'I DRI MAS MA BSLAD CING, ,GNAS SKABS PHUN TSOGS YAR NGO LTAR 'PHEL BA'I, ,SNYAN PA THOS PAS SNYING LA DGA' BAS MYOS, ,'DI NA'ANG TSUL KHRIMS MCHOG GIS RGYUD BSDAMS SHING, ,RNAM DAG THOS BSAM SGRUB PA LHUR LEN PA'I, ,BRGYA PHRAG DU MA'I DGE 'DUN TSOGS DANG BCAS, ,CHOS DANG LDAN PA'I BYA BAS RNAM PAR ROL, ,SLAD MA SNYING POR STON PA'I SKABS KYI DON, ,PHUN TSOGS DAL BA'I RTEN BZANG RNYED DKA' ZHING, ,TSE 'DI'I PHUN TSOGS RMI LAM DGA' STON BZHIN, ,SNYING PO MED PA'I TSUL LA DGONGS MDZAD NAS, ,YID NI CHOS KYI LAM DU GZHOL BAR MDZOD, ,GANG LA SNYING NAS SKYABS SU 'GRO BA'I YUL, ,BSLU MED SKYABS DE DKON COG GSUM DU NGES, ,'BRAL MED SPYI GTZUG RGYAN DU LEGS BSTEN NAS, ,G-YEL BA MED PAR

GSOL BA 'DEBS KYANG 'TSAL, ,SHIN TU PHRA BA'I MI DGE'I LAS 'BRAS KYIS, ,BZOD DKA' NGAN 'GRO'I SDUG BSNGAL SKYED BYED PAS, ,SDIG PA'I LAS RNAMS DUG BZHIN YONGS SPANGS NAS, ,RTAG TU DGE BA'I LAS LA BRTZON PAR MDZOD, ,DUS DANG GNAS SKABS RTEN 'BREL 'DZOM PA LA, ,MJAL NAS CHOS KYI DGA' BAS ROL BAR SMON, ,DGE SBYOR SKYABS 'OG MI G-YEL RGYUN DU BYED, ,GOS CHEN KHA 'BREL SKYES KYI TSUL DU MTSON, ,BCU BZHI'I TSES LA CHOS 'KHOR RGYAL ZHES PA'I, ,CHU SKYES RNAM PAR BKRA BA'I TSAL NAS DGE ,ZHES 'BRI GUNG SLOB DPON 'OD ZER MTHA' YAS KYI ZHU LAN DU GNANG BA'O,, ,, ` DUS GSUM RGYAL BA KUN GYI MKHYEN BRTZE NI, ,AA TI SHA DANG 'BROM STON SPYAN RAS GZIGS, ,BLO BZANG RGYAL BA GNYIS PA'I PHRIN LAS KYI, ,NYIN MO'I SNANG BAS PHYOGS DER KHYAB GYUR CIG ,YUL GANGS CAN GYI LHO PHYOGS, 'BRU SNA SNA TSOGS PA SMIN PA SOGS DGE MTSAN DU MAS SPUD PA'I LHO RONG PHYOGS NA BZHUGS PA'I BSTAN 'DZIN DGE BA'I BSHES GNYEN RNAMS DANG, DAD LDAN SBYIN BDAG RNAMS KYIS SLAR YANG DGONGS RGYU LA DGE SLONG BRTZON 'GRUS PA CAN SNGA SOR DE PHYOGS SU BRDZANGS PA LA SO SO NAS DAD 'BUL YANG DAG MDZAD PA RNAMS 'DIR MA TSANG BA MED PAR 'BYOR NAS THOS PA DANG SPONG BA'I RGYAN GYIS MDZES PA'I 'DUS PA RGYA MTSO'I DBUS SU GNAS SKABS DANG MTHAR THUG GI BZHED DON MTHA' DAG 'GRUB PA'I SMON LAM GYI RGYAS 'DEBS YANG DAG BGYIS, SMON LAM CHEN MO'I SKABS SOGS SU'ANG DE BZHIN BGYID PAR YOD CING, SLAD KYIS KYANG RJE BTZUN GYI DBU THOG TU GU GE MNGA' BDAG

, ,RGYAL PO DPON BLON GYIS RGYU RKYEN GTZO BOR PHUL BA LA BRTEN, BSTAN PA RIN PO CHE PHYOGS DUS THAMS CAD DU RGYAS PA'I RTEN 'BREL LA BSAMS, GSER THOG CIG BGYID PA'I RTZIS YIN PA DANG, GRVA BU SLOB GUS ZHEN CHE BA 'GA' ZHIG DANG SLAR DE PHYOGS LA LDAB PA'I CHED DON YANG 'DUG PA NAS SNGAR GYI 'PHROD LAN RNAMS DANG SBRAGS DE PHYOGS LA DONG BA, DGA' LDAN DU RGYAL BA MA PHAM PA'I MDUN SAR CHOS KYI BDUD RTZI LA LONGS SPYOD PA DANG MA 'ONGS TSE LO BRGYAD KHRI PA'I DUS SU RJE BTZUN DANG MJAL NAS 'KHOR BA LAS GROL BA'I RTEN 'BREL LA DGONGS CHE 'BYOR CHUNG 'BYOR GYI SO SO'I DGE TSOGS SKRUN PA LA 'BAD 'TSAL, NGED KYIS KYANG DE MTHUN GYI SMON LAM RNAM PAR DAG PA'I RGYAS 'DEBS BGYID PA YIN, SA MO GLANG GI LO MGO'I ZLA BA'I TSES BCO LNGA LA CHOS 'KHOR RGYAL BKRA SHIS LHUN GYIS GRUB PA'I GNAS NAS DGE ZHES PA 'DI YANG LHO MON DU 'BUL SDUD PA GNANG DUS GNANG BA'I BKA' SHOG GO, ,, ` BLO GROS LEGS KYI YI GE ZHIB 'KHOD 'BYOR, DING SANG KHAMS LUS SNYOMS SHING SKYI 'PHAN GYI BREL BA RNAMS LA CA GAS THON PAR YOD 'DUG PA LEGS, 'DI NA'ANG DBYAR GNAS GROL NAS STON BZHUGS PA RNAMS LA CHOS 'PHEL BAR YOD, DNGOS GRUB KYI RTZA BA BLA MA DE, ,RAB 'BYAMS RGYAL BA'I NGO BO YIN, ,'BRAL MED SPYI BOR RAB BSGOMS NAS, ,GSOL BA THOB CIG BLO GROS LEGS, ,DAL 'BYOR LDAN PA'I MI LUS 'DI, ,RNYED DKA' NAM MKHA'I GLOG DANG 'DRA, ,SGO GSUM CHOS DANG MA 'GAL BAR, ,SNYING PO LONGS SHIG BLO GROS LEGS, ,PHYI MA NGAN SONG LHUNG GYUR NA, ,SDUG

BSNGAL BZOD GLAGS MA MCHIS PAS, ,DKON COG GSUM LA NYIN MTSAN DU, ,BLO PHUGS GTOD CIG BLO GROS LEGS, ,GNAS SKABS 'KHOR BA'I PHUN TSOGS 'DI, ,'JA' TSON BZHIN DU YAL BAR SLA, ,SNYING NAS THAR PA'I GO 'PHANG LA, ,DON GNYER SKYED CIG BLO GROS LEGS, ,GZHAN PHAN DON GNYER LHAG BSAM GYIS, ,RANG GI BDE DGE 'GRO LA BTANG, ,'GRO BA'I SDUG BSNGAL MA LUS PA, ,RANG LA LONG ZHIG BLO GROS LEGS, ,BRTAN G-YO'I CHOS RNAMS MA LUS PA, ,RTOG PAS BTAGS TZAM 'BA' ZHIG LAS, ,NGO BOS GRUB PA MA MCHIS PAR, ,YANG YANG SGOMS SHIG BLO GROS LEGS, ,TSE 'DI'I SNANG BA NUB MA THAG ,DGA' LDAN CHOS KYI PHO BRANG DU, ,MI PHAM ZHABS DRUNG SKYE BA YI, ,SMON LAM THOB CIG BLO GROS LEGS, ,GNAS SKABS 'GAL RKYEN ZHI BA DANG, ,BSAMS DON 'GRUB PHYIR 'DOD KHAMS GTZO, ,YANG YANG SGOM ZHING MCHOD GTOR LA, ,BRTZON PAR GYIS SHIG BLO GROS LEGS, DGE SBYOR SKYABS 'OG G-YEL MED BGYID, ,GNAS TSUL NGAG GI LAM NAS GSAL, ,BCU GSUM TSES LA RGYAL NAS DGE, ZHES CHOS MDZAD BLO GROS LEGS LA GNANG BA'O,, ,, ` BKRA SHIS DGE LEGS RDUL MANG MTHOR BRTZEGS PA'I, ,THUB BSTAN GANGS RI'I SPO LA RNAM PAR 'GYING, ,LUNG DANG RIGS PA'I GAD RGYANGS CHER SGROG PA, ,SMRA BA'I SENG GE RTAG TU RGYAL GYUR CIG ,BYANG PHYOGS KHA BA CAN GYI YUL GYI LJONGS, ,SHIN TU RGYA CHE MDO KHAMS ZHES GRAGS PA, ,NYID KYI RNAM DKAR PHRIN LAS NYI 'OD KYIS, ,CIG CAR NYID DU KHYAB PAR MDZAD DO ZHES, ,GRAGS PA'I ME TOG SNYAN PA'I DRI BZANG CAN, ,TSIG

, ,MDA'I SRAD BUR BRGYUS PA PHYOGS KUN GYI, ,MDZES MA'I RNA BA'I RGYAN DU BYAS 'DI MTSAR, ,'DI NA'ANG SNYOM LAS NGANG NYID NAS, ,YAB RJE BLA MA'I BSTAN PA LA, ,BSHAD DANG SGRUB PA'I BYI DOR DAG ,JI LTAR NUS BZHIN SPYOD CING MCHIS,, MTSAMS ZHU, ,'OL DVAGS NYANG GSUM KONG PO DANG BCAS PA'I MTSAMS, ,RGYAL ZHES BYA BA'I GNAS KHYAD PAR CAN DU SKYE 'GRO RNAMS KYI LAM GYI 'JIGS SKYOB DANG, BSTAN PA LA PHAN PAR BSAMS TE DGON PA'I GZHI GSAR DU BTING, DGE 'DUN GYI SDE SNGAGS MTSAN NYID KYI BSHAD GRVA DANG BCAS PA LEGS PO YONG DU RE BA YOD PA DE TSO'I MTHUN RKYEN DANG, ,RTEN BZHENG 'GOS CHE BA ZHIG SGRUB RTZIS KYI 'BUL SDUD LA BLA MA MKHAN CHEN DKA' BCU PA DPON SLOB DE PHYOGS SU THEGS PA DENG SANG DAM PA KHYED NYID MKHA' 'GRO CHOS SKYONG GIS PHRIN LAS BSGRUB PA LA BRTEN GZHAN PHAN PHRIN LAS NYI MA SHAR BA LTA BU YOD 'DUG PA GROGS DAN BDAG RKYEN GANG DGOS THUGS KHUR YANG DAG PANG DU BZHES PA'I NGOS GRVA BU SLOB SBYIN BDAG THAMS CAD LA BKA' LUNG GIS KHYAB PA'I 'BUL SKUL BDAG RKYEN CI NAS KYANG THUGS LA 'DOGS PA ZHU, SLAD MAR SKU TSE'I RGYAL MTSAN BRTAN PA'I NGOS BSTAN PA DANG SEMS CAN GYI DON RGYA CHEN PO SNGAR LAS MA G-YOS PA GNANG BA MKHYEN LAGS, ,YOS LO HOR ZLA BRGYAD PA'I TSES NYI SHU LNGA LA RGYAL LEGS BSHAD SGROG PA'I DGA' TSAL NAS PHUL BA'I ZHU YIG CES KHAMS SU GO BO RAB 'BYAMS PA BKRA SHIS SENG GE LA GNANG BA'O,, ,, ` PHUL BYUNG BLO GROS DKYIL 'KHOR RAB TU RGYAS, ,LUNG DANG RIGS PA'I 'OD ZER STONG LDAN ZHING, ,BLO

GSAL BLO YI PADMO KHA 'BYED PA, ,BSTAN PA'I NYI MA RING DU RGYAL GYUR CIG ,DENG SANG BLO GSAL 'DUS PA RGYA MTSO LA, ,NYIN BZHIN LEGS BSHAD 'DOMS PA'I PHRIN LAS KYIS, ,PHYOGS DER THUB BSTAN RGYA CHER 'PHEL GYUR CES, ,SNYAN PA BUNG BA'I DBYANGS BZHIN RNA BAR SON, ,NGED KYANG DBUS GTZANG 'DZIN MA'I CHA DAG LA, ,NYER BRTEN CHOS GRVA 'DAB BRGYA'I TSAL RNAMS SU, ,DAM CHOS NYI MA'I ZER GYI RTZE DGA' LAS, ,BLO GSAL RKANG DRUG DGA' STON 'GYED PAR BRTZON, ,SKABS KYI ZHU BA, 'OL DVAGS NYANG KONG SOGS KYI SA MTSAMS, ,RGYAL ZHES BYA BA'I SA'I THIG LE SKYE BO MTHA' DAG GI LAM GYI 'JIGS SKYOB DANG, ,BSTAN PA LA PHAN PA'I PHYIR DGON PA GSAR BTAB MTSAN NYID KYI BSHAD GRVA DANG BCAS PA TSUGS YOD PAS DGE 'DUN 'DU RKYEN DANG RTEN BZHENG 'GOS CHE BA ZHIG SGRUB PA'I RTZIS KYIS BLA MA MKHAN CHEN DKA' BCU PA KHAMS PHYOGS LA 'BUL SDUD LA BRDZANGS PAS 'BUL BA STOBS CHE BA 'ONG BA'I BDAG RKYEN YANG DAG ZHU, ZHES GUNG RUR DKA' BCU PA BSTAN PA'I NYI MA LA GNANG BA'O,, ,, ` DAM PA'I ZHABS SEN SPYI BOR RAB BKOD CING, ,MKHAS PA'I MDUN SAR LEGS PAR SBYANGS PA LAS, ,RMAD BYUNG YON TAN DU MA'I MDZOD GYUR PA, ,'GRO BA'I 'DREN MCHOG GRAGS PA'I MTSAN CAN RGYAL, ,DENG SANG NYID SKU'I 'DAB BRGYA NAG PHYOGS KYI; ;KHA BA'I REG PAS CUNG ZAD MA GOS SHING, ,LEGS BSHAD SBRANG RTZI'I 'BYUNG GNAS PHYOGS DE YI, ,BLO GSAL BUNG BA'I NYER 'TSOR GYUR CES THOS, ,BDAG KYANG BDUD KYI ZHAGS PAS MA BCINGS SHING, ,SNGON RABS DAM PA'I SKYE BO BGRANG YAS

, ,KYIS, ,DON GNYIS MDZAD PA SPEL BA'I NOR 'DZIN GZHIR, ,BSTAN LA PHAN PA CUNG ZAD SGRUB CING MCHIS, ,SKABS KYI ZHU BA MTHA' 'KHOB SA YI CHA, ,DGE MTSAN RNAM MANG RGYAL ZHES BYA BA NA, ,MTHA' DAG SKYE BO'I 'JIGS SKYOB THUB BSTAN LA, ,RI MOR BGYI SLAD DGON GNAS GSAR DU BGYIS, ,DER NI RTEN BZHENG DGE 'DUN MTHUN RKYEN DU, ,DAD 'BUL BSKUL PHYIR BLA MA DKA' BCU PA, ,DPON SLOB PHYOGS DE'I 'DZIN MAR LHAGS PA LA, ,RE BA'I MTSO CHEN YONGS SU GANG BA'I THABS, ,MKHYEN BRTZE'I CHU 'DZIN LHAG BSAM CHAR ZIM CAN, ,LEGS BSHAD SPRIN DBYANGS SGROG PA KHYOD KYIS MDZOD, ,CES DKA' BCU PA GRAGS PA LA GNANG BA'O,, ,, ` BYAMS PA'I 'DZIN MAR SNYING RJE'I SA BON LAS, ,RIN CEN BYANG CHUB SEMS KYI RKANG 'THUNG NI, ,RNAM MANG YON TAN 'BRAS BUS DUD PA CAN, ,BSHES GNYEN GANG DE YUN RING SHIS GYUR CIG ,DENG SANG BSHAD SGRUB BYA BAS RGYAL BA'I BSTAN, ,PHYOGS DER SPEL LA NYER 'TSE DANG BRAL ZHING, ,LEGS TSOGS RGYA CHE'I GTAM GYI DRI BZANG NI, ,LAN CIG MIN PAR YID KYI GDUNG BA PHROGS, ,'DI NA'ANG NYER 'TSE MED CING BSTAN PA DANG, ,GZHAN LA PHAN SLAD CUNG ZAD 'BAD BLOR MCHIS, ,CHOS 'KHOR RGYAL GYI GTZUG LAG KHANG GSAR PAR, ,RTEN BZHENG DGE 'DUN 'DU BA'I MTHUN RKYEN DU, ,PHYOGS DER BLA MA MKHAN CHEN DKA' BCU PA, ,DPON SLOB THEGS PA'I BZHED DON SMON PA BZHIN, ,'GRUB PA'I GROGS LA LHAG PAR 'BAD PAR MDZOD, ,NYID KYI BZHED DON PHUN TSOGS YAR NGO LTAR, ,GONG DU 'PHEL BA'I SMON LAM

LHAG PAR BGYI, ,SNGA 'GROS BKRA SHIS LHUN POR DGE BA'I TSOGS, ,BZHED PA BZHIN DU LEGS PAR 'GRUB PA DANG, ,PHYIS 'BYUNG BSNYAD PAR 'OS PA'I ZHU MCHID RNAMS, ,SDE SNOD 'DZIN PA'I NGAG GI LAM NAS GSAL, ,ZHES RAB 'BYAMS BYAMS PA RIN CEN LA GNANG BA'O,, ,, ` DUS GSUM RGYAL BA RNAMS KYI MKHYEN BRTZE RNAMS, ,AOO dI YA NA'I CHU SKYES GE SAR LAS, ,NGUR SMRIG 'DZIN PA'I GZUGS KYIS GAR MDZAD PA, ,PADMA 'BYUNG GNAS GANG DES DGE LEGS MDZOD, ,PADMA THOD PHRENG THUGS KYI NI,, DBEN GNAS DAM PA GANG DE NAS, ,PHYAG DAM 'CHAR KHA'I MDANGS 'PHROG PA'I, ,GZAN DANG LHAN CIG GNAS 'DIR SMIN, ,DENG SANG NYER 'TSES RAB DBEN ZHING, ,ZAB MO'I NYAMS LEN LA GZHOL BA'I, ,GTAM GYI 'BRUG SGRA THOS PA NA, ,YID KYI RMA BYA GAR BYED DO, ,'KHOR BA'I RTZA BA BDAG 'DZIN DANG, ,RANG NYID GCES PAR 'DZIN PA GNYIS, ,RTZA BA NYID NAS GCAD BYA STE, ,'KHOR BA THOG MTHA' MED PA'I PHYIR, ,'GRO KUN LAN GRANGS DU MAR NI, ,YANG YANG BSKYANGS PA'I PHA MA STE, ,BYAMS DANG SNYING RJES GZHI BZUNG NAS, ,DE DAG DON DU BYANG CHUB SEMS, ,RI DBANG RGYAL PO LTAR BRTAN DANG, ,CHOS KUN RANG RANG GDAGS GZHI LA, ,BRTEN NAS BTAGS PA MA GTOGS PA, ,NGO BOR RDUL TZAM MA GRUB PA'I, ,DAM PA'I DON GYI BYANG CHUB SEMS, ,ZUNG DU 'BREL BAR SGOM PA NI, ,GCOD KYI GDAMS PA'I SNYING PO LAGS, ,MI GTZANG LUS KYI PHUNG PO 'DI, ,ZAG MED BDUD RTZI'I RGYA MTSOR BSGYUR, ,RTZA BRGYUD BLA MA'I TSOGS RNAMS DANG, ,ZHI KHRO RAB 'BYAMS YI DAM LHA, ,NYAN RANG

, ,'PHAGS PA'I TSOGS RNAMS DANG, ,MKHA' 'GRO CHOS SKYONG THAMS CAD LA, ,'KHOR GSUM DAG PAS MCHOD PAR 'BUL, ,SNANG SRID LHA SRIN SDE BRGYAD SOGS, ,BAR DU LAN CHAGS MGRON RNAMS LA, ,BYANG CHUB SEMS KYIS KUN BSLANG NAS, ,LAN CHAGS BU LON DAG PHYIR BSNGO, ,KHAMS GSUM SEMS CAN THAMS CAD LA, ,DRIN CAN PHA MAR LEGS BSAMS NAS, ,THOG MED DUS NAS DRIN LAN DU, ,DMIGS TE RGYUN MI 'CHAD DU GTANG, ,CES PA'I RTEN TZAM DU RIN PO CHE ZHO GANG LA RGYA LDAN YOD, ,TSES NYI SHU GCIG LA PHUL, ,CES SHEL BRAG TU SGRUB PA MO CHOS NYID KLONG GSAL LA NYAMS LEN DU GNANG BA'O,, ,, ` MI DMAN KUN DGA'I ZLA BA NI, ,RNAM DAG TSUL KHRIMS BSIL ZER CAN, ,RIM GNYIS RI BONG MTSAN MAS MDZES, ,BSHES GNYEN MCHOG DE'I GSUNG BRIS NI, ,PAn ZHVA'I SKYES DANG BCAS PA DAG ,PHYOGS 'DIR PHO NYA'I LAM LAS 'ONGS, ,DE TSE YID KYI CHU GTER DU, ,SPRO DGA'I RLABS PHRENG G-YOS PAR GYUR, ,DING SANG DBEN PA'I GNAS MCHOG NA, ,SKU KHAMS BTZO MA'I GSER LTAR BZANG, ,THUGS DAM YAR NGO'I ZLA LTAR 'PHEL, ,'GRO DON DBYAR GYI CHU BO LTAR, ,BZHUGS PA MCHOG TU NGO MTSAR CHE, ,'DIR YANG SH'AKYA'I RGYAL PO'I DRUNG, ,SMON LAM CHEN MO LEGS PAR GRUB, ,DPYID CHOS ZUG PA'I SKABS NA GNAS,, SKYES BU GSUM GYI NYAMS LEN GYIS, ,RANG RGYUD YANG YANG SBYONG MDZAD CING, ,RIM PA GNYIS KYI NYAMS LEN GYIS, ,DAL 'BYOR DON DANG LDAN PAR 'TSAL, ,DGE SBYOR SKYABS 'OG G-YEL MED BGYID, ,LO MA'I PHUR MA SKYES SU MTSON, ,NYER LNGA'I

TSES LA DGE LEGS 'PHEL, ,ZHES DGON DMAR DU GNAS BRTAN KUN DGA' ZLA BA LA GNANG BA'O,, ,, ` LEGS SPYAD SHAR RI'I RTZE LA RAB 'DZEGS PA'I, ,KUN DGA'I ZLA BA ZAB GSAL 'OD DKAR CAN, ,GANG GI GSUNG BRIS PAn ZHVA'I SKYES DANG BCAS, ,STONG PHRAG GSUM LHAG 'DUS PA'I TSOGS RNAMS LA, ,ZHIB SKYO'I BSNYEN BKUR SLAD DU BRDZANGS RNAMS KYIS, ,SMIN PAS YID LA SPRO DGA' LHAG PAR 'PHEL, ,DENG SANG DBEN PA'I BSTI GNAS DAM PA NA, ,RNYED DKA' DAL BA'I RTEN 'DI DON LDAN DU, ,MDZAD SLAD ZAB MO'I THUGS DAM RIM PA LA, ,RTZE GCIG NYID DU BZHUGS ZHES LEGS PAR THOS, ,'DIR YANG 'JIG RTEN DBANG PO SRONG BTZAN GYIS ,YE SHES SGYU MAS SPRUL PA'I PHO BRANG NAS, ,RGYAL BA GNYIS PA'I MDZAD PA BSGRUB PA'I SLAD, ,SMON LAM CHEN MO LEGS TSOGS NYID DU GRUB, ,STOBS 'PHROG NAG PO CHEN PO'I YE SHES NI, ,'JIG RTEN PHO NYA'I TSUL DU LEGS SHAR BA'I, ,LUNG BSTAN NGO MTSAR RI MO BKRA BA LA, ,SHIN TU YID BRTAN RUNG SNYAM SNYING LA SEMS, ,DGE SBYOR SKYABS 'OG G-YEL MED DU BGYID CING, ,GOS CHEN KHA GANG SKYES KYI TSUL DU MTSON, ,BCO BRGYAD TSES LA LHA SA NYID NAS PHUL, ,CES PA YANG DE NYID LA GNANG BA'O,, ,, ` GRUB GNAS DGON DMAR ZHES BYA NAS, ,GRUB MCHOG ZLA BA'I MTSAN CAN GYIS, ,SEMS DKAR RI MOR BRIS 'DRA BA'I, ,'PHRIN YIG PAn ZHVA'I SKYES BCAS SON, ,YON TAN SNA TSOGS 'BRAS BU CAN, ,BSOD NAMS RA BAR MNGON MDZES PA'I, ,NYID SKU'I BRTAN PA MTHONG BA NA, ,LHA RNAMS KYI NI YONGS 'DU LA, ,DGA' BA CI STE LHOD MI 'GYUR, ,'DI

, ,NA'ANG JO BO RNAM GNYIS KYI, ,MDUN SAR MTHO RIS LAM SBYONG BA, ,SMON LAM LEGS PAR GRUB PA NAS, ,DA LTA CHOS SDER 'KHOD PA LAGS, ,SLAR YANG NYID LA GDAMS PA NI, ,G-YUNG DRUNG MCHOG GI GO 'PHANG NI, ,LEGS PA'I GZHI LA MA 'BAD NA, ,MTHONG DANG MA MTHONG 'DI DAG NI, ,CHU YI CHU BUR BZHIN DU G-YO, ,ZHES PA'I DON 'DIR THUGS GZHOL TE, ,RTAG TU DON LDAN MDZAD 'TSAL LO, ,DGE SBYOR SKYABS 'OG YANG DAG BGYID, ,JA DKAR PHUR MA SKYES SU MTSON, ,TSES GRANGS BZANG POR 'BRAS SPUNGS ZHES, ,GRAGS LDAN CHOS KYI SDE NAS PHUL, ,CES PA YANG DE NYID LA GNANG BA'O,, ,, ` DAD PA'I RTZA BA RAB TU BRTAN GYUR CING, ,BLO GROS YAL GA'I KHYON YANGS TSUL KHRIMS KYI, ,ME TOG MDANGS BKRA LHUN GRUB 'BRAS BZANG GIS, ,MDZES PA KHYED LA SRAS BCAS RGYAL BAS SKYONGS, ,GANG GI MI PHYED DAD PA'I BANG MDZOD NAS, ,GSUNG SHOG MAN DHA RA YI PHRENG RGYAS PA, ,'JAM GNYEN YID 'ONG REG BYA'I KHYAD PAR ZUNG, ,SKYO SDOR BZANG MANG DRI BZANG PHUR MA DANG, ,RAS DKAR YUG BCAS MNGAGS PA'I PHO NYAS SON, ,DE TSE DNGOS SU MJAL BZHIN SPRO DGA' YI, ,SNANG BAS YID KYI MUN PA MTHA' DAG BSAL, ,DENG DUS SKU KHAMS YAR NGO LTAR BRTAS SHING, ,BSTAN DANG BSTAN 'DZIN GUS PAS MCHOD PA SOGS, ,RNAM DKAR MDZAD PA BZANG PO'I SNYAN GRAGS NI, ,STON ZLA BAS KYANG LHAG PAR DKAR BA THOS, ,'DIR YANG 'DUS PA STONG PHRAG GSUM LHAG DANG, ,LHAN CIG SMON LAM CHEN MO LEGS GRUB NAS, ,DA LTA'I BAR DU DGE 'DUN THUGS MTHUN ZHING, ,'KHOR LO

GNYIS KYI BYA BA'I ROL PAS 'TSO, ,SLAD MA'ANG LHO PHYOGS NOR 'DZIN LA BRTEN PA'I, ,MNGA' 'BANGS SKYE BO BYAMS BRTZES SKYONG BA DANG, ,BSTAN DANG DE 'DZIN GUS PAS MCHOD PA SOGS, ,DON LDAN MDZAD PAS SKU TSE DON YOD MDZOD, ,DGE SBYOR SKYABS 'OG 'BRAL MED SNYING LA 'GROGS, ,SRUNG DAR LO MA'I PHUR MA SKYES SU MTSON, ,KUN LDAN LO YI NAG ZLA'I NYER BRGYAD LA, ,DPAL LDAN 'BRAS SPUNGS CHOS KYI GRVA NAS PHUL, ,CES SE GRONG GZHIS KAR DBON PO LHUN BZANG PA LA GNANG BA'O,, ,, ` GANG GI MTSAN TZAM YID LA DRAN PAS KYANG, ,SRID DANG ZHI BA'I PHUN TSOGS KUN STZOL BA, ,AA TI SHA DANG MNYAM MED TZONG KHA PAS, ,KHYED LA RTAG TU BU BZHIN DGONGS GYUR CIG ,GANG GI DAD PA'I SKYED TSAL LAS 'ONGS PA'I, ,GSUNG BRIS CHU SKYES GSAR PA'I PHRENG BA NI, ,GRANG BA'I REG BYA SKYOB BYED ZHVA THUL DANG, ,SKYO SDOR BZANG POS GANG BA'I SNOD DANG BCAS, ,PHYOGS 'DIR MNGAGS PA'I PHO NYAS SON PAR GYUR, ,DENG SANG SKU KHAMS YAR NGO LTAR BRTAS SHING, ,RTAG TU CHOS KYI LAM DU THUGS GZHOL BA'I, ,NGANG NAS SDE SRID NYID KYI GNANG CHEN POR, ,BZHUGS NAS MNGA' 'BANGS SKYA SER MTHA' DAG GI ,RE BA CHOS DANG LDAN PAR LEGS SKONG ZHES, ,SNYAN PA'I GTAM BZANG RNA BAR LHUNG BA LAS, ,YID LA SPRO DGA' CI YANG RGYAS PAR GYUR, ,'DI NA'ANG PHUNG PO'I TSOGS PA MA GYES SHING, ,SNYOM LAS NGANG NAS BSTAN DANG 'GRO BA LA, ,JI LTA BUR NA NGES PAR PHAN 'GYUR ZHES, ,LHAG BSAM MDZA' BOS DA LTA MA BOR TZAM, ,MNGON MTHO NGES LEGS MTHA' DAG SGRUB PA'I RTEN, ,DAL 'BYOR LUS

, ,'DI YUN DU 'TSO BA'I THABS, ,RGYAL BAS GSUNGS PA RNAMS LA 'BAD MDZAD NAS, ,MNGA' 'BANGS SKYE BO MTHA' DAG BYAMS BRTZE YI, ,SPYAN GYIS 'TSO ZHING BSTAN DANG BSTAN 'DZIN RNAMS, ,GUS PAS MCHOD SOGS RNAM DKAR MDZAD PA LA, ,NAM YANG LHOD PA MED PA SNGAR BZHIN 'TSAL, ,RGYAL SRID SHING RTA CHEN POR ZHUGS NA YANG, ,RANG GI TSUL KHRIMS YAL BAR MI 'DOR ZHING, ,DAL 'BYOR DON LDAN THUGS DAM RIM PA LA, ,RTAG TU BRTZON 'DI MKHAS PAS BSNGAGS PA'I GNAS, ,SLAR YANG DE LAS G-YO BA MED PAR MDZOD, ,MI 'GYANG SKABS DANG SBYAR BAR MJAL BAR SMON, ,GNAS SKABS MTHAR THUGS BZHED DON KUN 'GRUB CING, ,'GAL RKYEN BAR CHAD DBANG DU MI 'GRO BA'I, ,DGE SBYOR SKYABS 'OG G-YEL BA MED PA BGYID, ,MI PHYED DAD PA RI DBANG LTAR BRTAN CING, ,ZANG ZING RDZAS LA BLTOS PA MA MCHIS PAS, ,RANG GI SKRA BUBS NYAMS PA MED PA ZHIG ,RGYAS BTAB SKYES KYI TSUL DU PHUL BA LAGS, ,NAG PA ZLA BA'I DGA' BA GSUM PA LA, ,DPAL LDAN 'BRAS SPUNGS CHOS KYI SDE NAS PHUL, ,CES PA YANG DE NYID LA GNANG BA'O,, ,, ` SNGON BSAGS LAS DKAR SKYED TSAL DU, ,DAL DANG 'BYOR PA'I RKANG 'THUNG NI, ,YON TAN ME TOG DKAR POS MDZES, ,KHYED LA SRAS BCAS RGYAL BAS SKYONGS, ,KHYED THUGS LA BZHED PA CHEN PO MED BZHIN DU SDE PA'I BKA' MA KHYOG PAR DE'I GNYER THOG TU 'BYON DGOS SHIG BYUNG 'DUG PA SEMS LA SHIN TU GCAGS PA ZHIG BYUNG, ,DE TSOR PHEBS NAS SKU KHAMS BDE ZHING, ,LUGS GNYIS KYI MDZAD PA YAR NGO LTAR DKAR

BA'I SNYAN PA THOS, ,NGED KYANG RGYAL PHYOGS SU DGE 'DUN GYI SDE DANG BSHAD SGRUB KYI GRVA DAR RGYAS CHE BA BYUNG BA'I NGOS, ,SMON LAM CHEN MO 'DUS PA RGYA MTSO'I DBU LA SLEB PA BYAS PA'I SMON LAM LEGS TSOGS SU GRUB, ,'DI TSOR DA LTA CHOS 'PHEL BAR YOD, SKABS ZHU, ,DAL BA'I RTEN RNYED DKA' ZHING, ,BSTAN PA DANG MJAL BA RGYA MA DA LAN GYI SKABS TZAM YIN PAS RANG GI BSLAB PA LA GCES SPRAS SU MDZAD PA'I NGOS DE PHYOGS KYI BSTAN PA DANG DGE 'DUN GYI SDE RNAMS KYI ZHABS TOG TU GANG 'GYUR MDZAD NA DAL 'BYOR DON DANG LDAN ZHING SKABS DON MA 'PHYUGS PA 'ONG BA DGONGS 'TSAL, ,NGED RANG LA KHYED DAD PA GZHAN DANG MI 'DRA BAS DA LAN NYER MKHO'I 'BUL BA BSKUR BA RNAMS GSUNG RAB RGYA MTSOS DO DAM BYAS PA'I MIG LAM DU BAB PA BYUNG BA BZHIN BZHED DON 'GRUB PA'I SMON LAM DANG DGE SBYOR SKYABS 'OG RGYUN LDAN DU BGYID PA YOD, ,DA LAN SNGAGS MANG DU BTAB PA'I SRUNG DAR ZHIG RGYAS MDZES PAR 'BUL, ,TSES GSUM LA SE RA GZIMS KHANG NAS PHUL, ,CES PA YANG DE NYID LA GNANG BA'O,, ,, ` SNGON BSAGS LEGS SPYAD 'DZIN MA'I KHYON LAS 'KHRUNGS, ,YON TAN LHUN GYIS GRUB PA'I DPAG BSAM NI, ,MDZAD PA BZANG PO'I 'BRAS BUS MDZES PA CAN, ,KHYED LA SRAS BCAS RGYAL BAS RTAG TU SKYONGS, ,PHYAG RTAGS SPEN TOG BUBS GCIG NAM 'DANG GCIG RAS DKAR LEGS PA YUG GSUM GYI SKYES DANG BCAS PA PHEBS, DENG SANG SKU KHAMS MCHOG TU SNYOMS SHING, ,SDE PA ZHAL NGO'I DGONGS LEN G-YO MED NAS BSTAN PA DANG BSTAN 'DZIN MCHOD MCHOD PA LA G-YEL BA MED PA'I SNYAN PA NA RIM DU

, ,THOS PAS SEMS MCHOG TU SPRO, 'DI PHYOGS NA'ANG KHAMS LUS SNYOMS SHING, BSTAN PA DANG SEMS CAN LA GANG PHAN BGYID PA'I BLO 'DUN MA DOR TZAM NAS CHOS 'PHEL BAR MCHIS, SKABS ZHU, BLA MA SHAG BZANG BA 'DIR BYON, DGE 'DUN LA MANG JA ZHU BA DANG, NGED LA'ANG GRUB CHEN RIN PO CHE'I TSEMS KYIS THOG DRANGS 'BUL BA SOGS MDZAD PHYIR THEGS PA, KHONG LA'ANG SNGAR LAS MA G-YOS PA'I MGO 'DON BDAG RKYEN DU 'GYUR BA DANG, BSLAB PA GSUM GYI NYAMS LEN DANG, BSTAN PA'I ZHABS TOG LA SNGAR LAS MA G-YOS PA ZHU, DGE SBYOR SKYABS 'OG KYANG G-YEL BA MED PAR BYED PA YOD LAGS, ZHU MCHID DKAR BA'I SKYES SU LO MA'I PHUR MA MTSON PA RGYA LDAN DU 'BUL, DGA' BA DANG PO'I TSES LA 'BRAS SPUNGS GZIMS KHANG NAS PHUL, CES PA YANG DE NYID LA GNANG BA'O,, ,, ` DAD PA'I RTZA BA RAB TU BRTAN GYUR CING, ,LEGS NYES 'BYED PA'I BLO GROS YAL 'DAB NI, ,YON TAN ME TOG TSOGS KYIS RAB BKRA BA, ,KHYED LA SRAS BCAS RGYAL BAS RTAG TU SKYONGS, ,SKU KHAMS RIN CEN GSER LTAR RAB BZANG ZHING, ,MDZAD PA STON KA'I ZLA SHEL LTAR DKAR BA'I, ,NGANG NAS PHYOGS 'DIR BSAM SBYOR NGAN PA YIS, ,BRDZI BAR MA NUS SNYAN PAS YID DRANGS NAS, ,DAD DANG GTONG BA'I RLABS PHRENG G-YOS PA LAS, ,NYE BAR MKHO BA'I BZANG MANG 'BUL BA'I SKYES, MIG LAM BAB PAS SPRO DGA' CI YANG 'PHEL, ,PHYOGS 'DIR SH'AKYA MU NI'I MDUN SA CHER, ,STONG PHRAG 'DUS PA'I TSOGS DANG LHAN CIG TU, ,DUS GSUM DGE BA'I SMON LAM LEGS GRUB NAS, ,BDE CHEN

RTZES ZHES LHA YI PHO BRANG NA, ,SA SKYONG YAB YUM THUGS BZHED SKONG BZHIN GNAS, ,SLAD MA'ANG DAL BA'I RTEN BZANG RNYED DKA' ZHING, ,DAM PA'I MGON DANG MJAL BA DA LAN TZAM, ,DE PHYIR DON LDAN DKAR PHYOGS MDZAD PA LA, ,NAM YANG G-YEL BA MED PAR CIS KYANG 'TSAL, ,DGE SBYOR SKYABS 'OG 'BRAL MED SNYING LA 'GROGS, ,DBO YI ZLA BA'I GNYIS PA'I PHYOGS KYI NI, ,DGA' BA DANG PO SHAR TSE RIG SNGAGS KYIS, ,BYIN GYIS BRLABS PA'I SRUNG DAR DANG BCAS 'BUL, ,ZHES PA YANG DE NYID LA GNANG BA'O,, ,, ` DAD PA'I RTZA BA RAB BRTAN CING, ,BLO GROS YAL GA'I KHYON YANGS LA, ,YON TAN ME TOG MDANGS BKRA BA, ,KHYED LA SRAS BCAS RGYAL BAS SKYONGS, ,LCANG LO CAN GYI GRONG KHYER NI, ,DUS KYIS SA LA 'ONGS PA LTA'I, ,PHO BRANG MCHOG GI MDUN SA NI, ,SKU KHAMS BTZO MA'I GSER LTAR BZANG, ,MDZAD PA STON KA'I ZLA BAS DKAR, ,SNYAN GRAGS PAD MA'I DRI BSUNG LTAR, ,'PHRO BAS SNYING LA CI YANG SIM, ,LHA CHOS BDUN LDAN BKA' GDAMS KYI, ,BSTAN PA'I BA DAN PHYOGS KUN TU, SGRENG BA'I RTEN 'BREL MTSON PHYIR DU, ,BKA' GDAMS GNAS KYI THIG LE 'DIR, ,DUS GSUM RGYAL BA'I BSTAN SRUNG NI, ,RNAM MANG THOS SRAS SKUS MTSAN PA'I, ,DAR PO CHE DAG PHUL BA NI, ,DAM CHOS 'DUL BA'I PHYAG LEN BZHIN, ,RNAM DAG RI KLUNGS DGE 'DUN RNAMS, ,ZLA BA GSUM DU DBYAR GNAS PAR, ,ZHAL GYIS BZHES PA DANG MTSUNGS PAR, ,TSUGS PA SHIN TU NGO MTSAR CHE, ,DGE SBYOR SKYABS 'OG G-YEL MED BGYID, ,SRUNG DAR SNGAGS BTAB SKYES SU MTSON, ,CHU STOD ZLA BA'I

, ,PHYOGS GNYIS PA'I, ,RGYAL BA DANG PO'I TSES LA PHUL, ,CES PA 'DI 'PHYONGS RGYAS SU MGRON GNYER DPON LHA BSAM LA GNANG BA'O,, ,, ` DAD PA'I RTZA BA RAB TU BRTAN GYUR CING, ,RNAM DPYOD PHUL BYUNG YAL GA'I KHYON YANGS PA, ,LEGS BYAS ME TOG DKAR POS MDZES DE LA, ,SRAS BCAS RGYAL BAS RTAG TU SKYONG GYUR CIG ,RGYAL BA KUN GYI MKHYEN BRTZE MA LUS PA, ,DUS MTHAR NGUR SMRIG 'DZIN PA'I ZLOS GAR GYIS, ,RNAM ROL CHOS KYI RGYAL PO TZONG KHA PA, ,SRAS DANG BCAS PAR KHYED LA SKYONG GYUR CIG ,RNAM DAG BSTAN DANG BSTAN 'DZIN MCHOG RNAMS LA, ,MCHOG TU DKAR BA'I MI PHYED DAD PA CAN, ,YON TAN RNAM MANG RGYAN GYIS RAB MDZES PA, ,KHYED LA SRAS BCAS RGYAL BAS RTAG TU SKYONGS, ,ZHES PA YANG DE NYID LA GNANG BA'I BKA' SHOG GI STOD KYI TSIGS BCAD DO,, ,, ` PHO BRANG CHEN PO'I BYA 'DABS LUGS GNYIS KYI MDUN SA YAR 'ON GYI NOR 'DZIN GYI KHYON RNAMS NA BZHUGS PA'I BSTAN PA'I RTZA LAG BSTAN 'DZIN RNAMS DANG, BSTAN PA LA GUS PAS MCHOD PA'I SBYIN BDAG CHEN PO RNAMS KYI DRUNG DU, ZHU BA, DENG SANG RANG RANG GI BSTI GNAS DAM PA RNAMS NA SKU'I ZLA SHEL NYER 'TSE'I CHU 'DZIN GYIS MI SGRIB CING, DUS DANG GNAS SKABS KYI DBANG LAS RNAM DKAR GYI MDZAD PA'I 'OD ZER DKAR PO'I DRA BA PHYOGS KUN TU 'PHRO BAS MDZES PAR BZHUGS LAGS SAM, 'DI PHYOGS NA'ANG RI KLUNGS KYI DGE 'DUN RNAMS 'KHOR LO GSUM GYI BYA BAS 'TSO ZHING NYER 'TSE MED PAR GNAS, SKABS KYI ZHU MCHID GRVA TSANG NAS KYI GRVA PA SLOB GNYER BA 'DI RNAMS CHOS BAR GYI THEBS SOGS

BSTAN PA'I RGYUN LA BSAMS PA'I SPYI BSOD LA DONG BA, ZHAG SA'I GNAS MAL, 'PHRAL GYI MTHUN RKYEN, SBYIN PA'I PHYAG RKYEN, SDE'I BSOD SNYOMS KYI GNANG SBYIN STZOL BA SOGS GANG SA NAS BKA' DRIN BZANG POS KHYAB PA THUGS LA 'DOGS PA ZHU, 'DI TSOR YANG SKU RIM DANG, BZHED DON 'GRUB PA'I SMON LAM RGYUN LDAN DU BGYID LAGS, SA MO PHAG LO KHRUMS KYI ZLA BA'I DKAR PHYOGS LA CHOS 'KHOR RGYAL BKRA SHIS LHUN GYIS GRUB PA'I GTZUG LAG KHANG NAS, SNGON SBYANGS DKAR PO'I LAS 'PHRO SAD PA'I MTHUS, ,MDO RGYUD GZHUNG LA THOGS MED BLO LDAN ZHING, ,BSTAN PA GSAL MDZAD PHRIN LAS BZANG PO CAN, ,BSHES GNYEN GANG DE YUN DU ZHABS BRTAN CIG ,SNGA SOR GNAS BRTAN YON TAN 'BYUNG GNAS LA TSIG DON BZANG PO'I PHYAG RTAGS, DE NANG DU SHAR BA'I RTEN CHAS BZANG LA RNAM GRANGS MANG BA 'PHROD TSUL GYI YI GE TZAM ZHIG PHUL BA SMIN LAGS SAM, DE NA 'DUS PA'I DKYIL CHOG DBANG DON GSAL BYED LAS BRTZAMS PA'I DRI BA GNYIS 'DUG PA'I DANG PO, BDAG 'JUG GI TSE RANG GTZO BO LAS BYE STE, BLA MA DANG GTZO BO THA MI DAD DU BYA, ZHES GSUNGS PA'I BLA MA DE RANG GI BDAG 'JUG LEN PA'I DKYIL 'KHOR GYI GTZO BO DE YIN NAM, DE DANG THUGS RGYUD THA DAD PA GANG YIN, ZHES PA'I LAN NI, 'DUS PA MI BSKYOD PA'I DKYIL 'KHOR SGRUB TSUL 'DI BDAG MDUN THA MI DAD PA YIN PAS BDAG 'JUG GI TSE RANG GTZO BO'I NGA RGYAL LA GNAS PA LAS BYE STE DBANG LEN PA PO'I TSUL DANG, SNGAR GYI DKYIL 'KHOR GYI GTZO BO DE RANG GIS 'DUS PA'I DBANG GANG LAS THOB PA'I RTZA BA'I BLA MA DANG DBYER

, ,MED DU MOS NAS DES DBANG BSKUR BA'I BLA MA'I BYA BA RNAMS MDZAD, RANG NYID SLOB MA'I TSUL DU BYAS NAS SLOB MA'I BYA BA RNAMS BYAS TE DBANG LEN PA'I DON YIN, DRI BA GNYIS PA, YANG DER BSTAN PA'I DKYIL 'KHOR GYI DE NYID STON PA'I SKABS SU, SNGAR LUS DKYIL LA BKOD PA'I LHA RNAMS STON PA NI BRTEN PA NANG GI DKYIL 'KHOR RO, ,ZHES GSUNGS PA'I LUS DKYIL GYI LHA DE RNAMS GANG ZAG GI LUS LA CHO GA'I SKABS GANG DU BKOD, STON TSUL JI LTAR LAGS, ZHES PA'I LAN NI, THOG MAR SLOB MA LA PHYI DKYIL STON PA NI, YANG DAG PA'I YE SHES KYI SNANG BA 'BAR BA'I ME RI, ZHES SOGS KYIS RTEN GYI DKYIL 'KHOR DANG, DE NAS BRTEN PA'I DKYIL 'KHOR GYI DE NYID NI, DE NAS 'KHOR LO'I BDAG PO NAS, ,BRTZAMS TE GNOD MDZES MTHAR THUG LHA, ,DE BZHIN NYID DU GNAS PA RNAMS, ,RDO RJE CAN GYIS SLOB MA BSHAD, ,CES PA'I BAR LTAR DANG, DE NAS NANG GI DKYIL 'KHOR STON PA NI, PHUNG PO LNGA YI RANG BZHIN DU, ,SANGS RGYAS LNGA RNAMS RAB BSTAN BYA, ,ZHES PA NAS, LAG SOGS NGO BOR KHRO DBANG PO, ,GSHIN RJE DGRA SOGS BSTAN PAR BYA, ,ZHES PA'I BAR 'DI LAS GZHAN MA BYUNG ZHING, SNGAR SGRUB PA PO RANG NYID KYIS BDAG BSKYED BSGOMS PA'I SKABS SU, RANG SPRUL SKU RDOR SEMS SU BSGOMS PA'I LUS LA MI BSKYOD PA SOGS LHA RNAMS BKOD NAS RANG GI PHUNG SOGS DANG NGO BO DBYER MED DU BSGOMS PA LA THUGS RTZE GTAD NAS, SNGAR LUS DKYIL LA BKOD PA'I LHA RNAMS ZHES GSUNGS SHING, LHA NGO STON PA'I SKABS 'DIR BLA MA DANG DKYIL 'KHOR GYI GTZO BO

DBYER MED DU MOS PA DE'I LUS LA, RDO RJE SLOB DPON LUS 'DI LA, ,RGYAL BA'I SKU NI RIM BZHIN GNAS, ,ZHES GSUNGS PA LTAR LUS DKYIL BKOD NAS SLOB MA LA STON PA'AM, YANG NA BLA MA'I PHUNG PO LNGA NAS YAN LAG GI BAR RNAMS LHA DE DANG DE'I NGO BOR, PHUNG PO LNGA YI RANG BZHIN DU, ,ZHES SOGS LTAR SLOB MA LA MOS SU GZHUG PA'I DON DU MNGON LAGS,, ,, ` 'JAM DBYANGS GZHON NU NGUR SMIG ZOL GYIS SNYING RJES MYOS PA'I ZLOS GAR MKHAN, ,BLO BZANG ZHABS SEN DMAR BA'I RDUL PHRENG MCHOD SBYIN BRGYA PA'I GTZUG NA ROL, ,GRAGS PA'I DRIL CHEN GSANG MTHO'I RNGA DBYANGS SRID GSUM 'DI NA CI YANG SGROG ,'JAM DPAL SNYING PO'I PHRIN LAS 'OD STONG 'JIG RTEN GSUM NA GSAL GYUR CIG ,MDO RGYUD RAB 'BYAMS MKHA' LA THOGS MED RGYU,, SHES RAB DKYIL 'KHOR LEGS BSHAD 'OD STONG CAN, ,SKAL BZANG BUNG BA YONGS KYI GNYEN GCIG PU, ,THUB BSTAN NYIN MOR BYED PA'I ZHABS DRUNG DU, ,RING NA GNAS KYANG DANG BAS 'DI SKAD ZHU, ,NYID SKU RI DBANG LTA BUR RAB BRTAN CING, ,RNAM DKAR PHRIN LAS PHYOGS BCUR RGYAS PA DANG, ,BLO BZANG RGYAL BA'I DBANG PO'I BSTAN PA 'DI, ,MCHOG TU DAR ZHING RGYAS PAR MDZAD DU GSOL, ,CES ZHU BA'I RTEN DU BSTAN PA RIN PO CHE DKAR 'JAM DU 'GRO BA'I RTEN 'BREL MTSON BYED RGYA 'BYAR BA 'BUL, NANG SO 'PHYOS PA 'DI DGE LDAN PA'I SBYIN BDAG CHEN PO YIN PAS CHAB SRID BRTAN PA'I SMON LAM YANG MKHYEN CING, BSTAN PA'I THUGS KHUR SNGAR BAS KYANG CHE BA SKU DRIN SKYONG DGOS LAGS, TSES BZANG PO LA PHUL BA'I ZHU YIG , ,, `

, ,PHUL BYUNG BLO GROS DKYIL 'KHOR RAB TU RGYAS, ,PHRIN LAS BZANG PO'I RI BONG MTSAN MAS MDZES, ,GRAGS PA'I 'OD DKAR PHYOGS BCUR 'PHRO BA CAN, ,BSHES GNYEN RGYU SKAR BDAG PO'I ZHABS DRUNG DU, ,RING NAS DANG BA'I YID KYIS 'DI SKAD ZHU, ,PHAN BDE'I RIN CEN MA LUS 'BYUNG BA'I GNAS, ,BLO BZANG BSTAN PA'I YID BZHIN MTSO CHEN PO, ,BSHAD SGRUB 'DAB BRGYA'I PHRENG BAS MDZES PA DANG, ,BLO GSAL DANG MO'I RE BA 'BRAS LDAN MDZOD, ,CES ZHU BA'I RTEN DU BSTAN PA RIN PO CHE DKAR 'JAM DU 'GRO BA'I RTEN 'BREL MTSON BYED RGYA LDAN DU 'BUL, ,TSES BZANG PO LA ZHU YIG, ,, ` RNAM DPYOD ZLA SHEL DAG PA'I RTZIG NGOS LA, ,MTHA' DAG SHES BYA'I TSON RIS YONGS RDZOGS PA, ,RGYAL MTSAN MTHON PO'I RI NGOGS NYAMS LEN GYI, ,BDUD RTZI'I BCUD 'THUNG YID BZANG GZHON NU ZHIG ,DE YI RNAM DPYOD YANGS PA'I NAGS TSAL NAS, ,DON BZANG SDEB LEGS TSIG GI LBU PHRENG CAN, ,NAM YANG MI NYAMS YID GCUGS SBRANG RTZI YIS, ,KYE HO SNYING GI BUNG BA LAN BRGYAR TSIM, ,'DI NA TSE SROG RI NGOS THUR BGROD BZHIN, ,RINGS PAR 'JUG KYANG NYI MA'I BU'I DBYUG PA, ,MA DRAN DAD LDAN SKYE BO'I RE BA'I MTSOR, ,'DONG BA DANG PA'I RGYAL PO GZHAN PA BZHIN, ,'ON KYANG BDE 'BYUNG PHYOGS KYI NAGS KYI DPAL,, MA LA YI RI BO LA 'KHU BA, ,GRU 'DZIN MIN NAM ZLA NYI'I 'GROS DAG GI ,BYED PA 'GOG BYED RKYEN DE RI BONG RVA, ,DUS DER MDZA' BO'I BU MO TSUL BZANG MA, ,MGUL NAG ZLA BA'I COD PAN DANG 'GROGS PA, ,DAG BYED RGYUN GSUM LDAN PA'I BGROD PA

YIS, ,LHA MIN SDIG PA'I SREG ZA CIS MI 'JOMS, ,STOBS LDAN RIG BYED ZHAL GYI ZLA SHEL LAS, ,BDUD RTZE GSAR PA'I LUNG BSTAN THOB PA NA, ,SUM RTZEN LAM DU SKAR MDA' G-YO BA BZHIN, ,MDZES PA SKAL BZANG SNYING GI THIG LE NYID, ,CES PA'I RTEN DU JA THUM ZHIG LA RGYA 'BYAR PHUL BA RTZIS BZHES PA DANG, SNGAR YANG RIM GRO YANG DAG MDZAD 'DUG PA BZHIN DU MUS MTHUD ZHU ZHING, SNGAR GYI ZHAL 'PHROS LAS G-YO BA MED PA'ANG THUGS LA BTAGS, MYUR DU MJAL NA BSAM 'DI NA'ANG DUNGS PAR YOD CING, MYUR DU SLEB RTZIS KYANG LAGS, THUNG TZAM NGAG TU'ANG GSAL, TSES BCO BRGYAD LA LHA CHEN YAR LHA SHAM PO'I GANGS MGUL DBEN GNAS GSAL DBYANGS DGON PA NAS PHUL,, ,, ` GANG ZHIG BRJOD PA'I PHA MTHA' DANG BRAL RANG BZHIN RNAM DAG SRID PA'I MKHA' DBYINGS BYIS BLO BUNG BA'I ZLOS GAR ROL PAS JI BZHIN DPYAD PAR MI NUS SHING, ,GLO BUR DRI MA'I CHU LDAN GOS BRAL YE SHES CHEN PO'I NYI MA STONG GIS JI BZHIN RAB 'KHYUD JI SNYED SHES BYA'I RNAM PA MA LUS CIG CAR YANG, ,MNGON PAR BYANG CHUB DMIGS PA'I RDUL BRAL SNYING RJE'I ROL PA CIR YANG 'CHAR BA TSON BRGYA'I RI MO NYE BAS YONGS BSGYUR RNAM PAR DAG PA'I SHEL JI BZHIN, ,MTHA' DAG GZUGS BRNYAN ROL MO SNA TSOGS GANG G'A'I BYE SNYED ZHING RNAMS KUN TU DGYES DGUR ROL MDZAD GANG DE'I ZHABS DRUNG MCHOG TU GUS PAS MCHID 'DI GSOL, ,GANG THUGS YID BZHIN RGYA MTSOS 'GRO 'DI YI, ,PHAN BDE'I NOR 'DZIN 'DEGS PAS MI NGAL ZHING, ,PHRIN LAS RAB DKAR BDUD RTZI'I RLABS 'PHYUR BA,,

, ,KHOR YUG RI BO'I PHYOGS LA BRTEN CES THOS, ,KHYAD PAR NGO MTSAR STONG GI GZI 'BAR BA, ,RGYAL BA'I SKU GZUGS LHUN PO GZHAN PA BZHIN, ,DENG DUS THUB BSTAN 'DZIN MA'I LTO BA LA, ,BKOD PAS ZLA BA'I MA MA RING ZHIG 'DAR, ,BDAG KYANG NYI MA'I BU YIS MA BCOM ZHING, ,BLO MIG LDONGS KYANG GZHAN GYI DMIGS BU BZHIN, ,BSTAN LA SRI ZHU BGYI 'DOD DUS MTHA' YI, ,DRI BZHON NYE BA'I MAR ME'I GNAS MTSUNGS GYUR, ,'DI NA PHAL CHER LEGS NYES GNAS LA RMONGS, ,GZHAN DAG PHYOGS LHUNG GDUG PA'I SBRUL GYIS ZIN, ,GZUR GNAS BLO LDAN MKHAS RNAMS KHYAD BSAD NAS, ,BAG MED SPYOD PA'I PHYOGS RNAMS MNGON PAR MTHO, ,DE SLAD RI DBANG BSTAN PA'I SA CHEN PO, ,BLO GROS DPUNG PA'I KHYOGS LA BRTEN BZOD PA, ,MTHU CAN GZHAN NA MA MCHIS MGON PO KHYOD, ,GNAS 'DIR BTANG SNYOMS MA MDZAD MTHU STOBS SKYED, ,DON GNYIS LHUN GRUB RGYAL BA'I BSTAN PA YI, ,BYA LAM YANGS PAR RGYU SKAR RGYAL PO NI, ,PHUL BYUNG MDZAD PA BZANG PO'I 'OD DKAR CAN, ,BSHES GNYEN MCHOG KHYED YUN DU ZHABS BSTAN CIG, ,GANG GI BLO GROS YANGS PA'I CHU GTER NAS, ,TSIG DON 'OD CHAGS GSUNG SHOG MU TIG PHRENG, ,GSER 'OD CHU 'DZIN GYIS 'KHRIGS GOS ZLAM DANG, ,GSER GYI MYU GU 'KHRIGS PA'I COD PAN CAN, ,PHYOGS 'DIR PHO NYA'I LAM LAS RAB SON ZHING, ,DENG DUS NYID SKU RI DBANG LTA BUR BRTAN, ,DON GNYIS MDZAD PA STON ZLA LTAR DKAR BA'I, ,SNYAN GRAGS MA LA YA YI DRI BSUNG GIS, ,BDAG YID BUNG BA'I BRTAN PA CI YANG 'PHROG ,'DI NA'ANG PHUNG PO'I

TSOGS PA MA GYES SHING, ,BSTAN DANG 'GRO LA GANG PHAN BGYID PAR BRTZON, ,YID BZHIN NOR LTAR SHIN TU RNYED DKA' ZHING, ,GLOG PHRENG LTA BUR SKAD CIG GIS G-YO BA'I, ,NGANG TSUL RIG NAS DAL BA'I RTEN 'DI LA, ,NYIN MTSAN KUN TU SNYING PO BLANG BAR MDZOD, ,SHUGS DRAG MI DGE SDIG PA'I RLUNG SHUGS KYIS, ,'JIGS RUNG NGAN 'GRO'I G-YANG SAR LHUNG GYUR NA, ,SHIN TU THAR DKA' DA LTA DBANG YOD DUS, ,SNGON BSAGS SDIG LTUNG STOBS BZHIS SBYANG BA DANG, ,DGE TSOGS PHRA ZHING PHRA BA NAS SGRUB CING, ,YON TAN KUN GYIS GZHI RTEN TSUL KHRIMS LA, ,MIG GI 'BRAS BU LTA BUR GCES SPRAS 'TSAL, ,BLO PHUGS GTAD NA NAM YANG MI SLU BA'I, ,DKON COG GSUM LA 'BRAL MED SKYABS 'GRO ZHING, ,THEG CHEN LAM GYI 'JUG SGO BYANG CHUB SEMS, ,'BAD PA DU MAS RGYUD LA SKYED KYANG 'TSAL, ,'KHOR 'DAS CHOS KUN RTOG PA'I RI MO STE, ,YUL GYI STENG NAS GRUB PA RDUL TZAM MED, ,MING RKYANG TZAM GYI RTEN 'BREL MI SLU BA'I, ,SNANG STONG ZUNG DU 'JUG PA'I NYAMS LEN 'TSAL, ,RNAM DAG SMON LAM NOR BU'I THEM SKAS LAS, ,DGA' LDAN MA PHAM MDUN SAR RAB 'DZEGS TE, ,ZHAL BZANG BLTA ZHING GSUNG GI BDUD RTZI LA, ,SPYOD PA'I SHUGS DRAG MDUN MA YANG YANG 'TSAL, ,DGE SBYOR SKYABS 'OG 'BRAL MED SNYING LA 'GROGS, ,RANG NYID YUN RING LONGS SPYAD GZIMS ZHVA DANG, ,SNGAGS KYIS BTAB PA'I GU GUL SKYES SU MTSON, ,KUN LDAN LO YI SA GA ZLA BA LA, ,DPAL LDAN 'BRAS SPUNGS GZIMS KHANG DAG NAS PHUL, ,CES PA 'DI KHAMS PHYOGS SU GNANG BA'O,, ,, ` SKYABS GSUM

, ,RIN CHEN DBANG GI RGYAL PO DE, ,MOS DGE'I RGYAL MTSAN RTZE MOR LEGS MCHOD PAS, ,DNGOS GRUB GNYIS KYI 'DOD DGU'I CHAR CHEN GYIS, ,KHYED KYI PAD MTSO'I RE BA GANG BAR MDZOD, ,CES PA YANG KHAMS SU GNANG BA'I BKA' SHOG GI MGO'I MCHOD BRJOD DO,, ,, ` LEGS SPYAD GSER GYI YU BA MDZES PA CAN, ,GRAGS PA'I RNGA YAB PHYOGS KYI BU MO YIS, ,RAB BSKYOD RDO RJE'I CHU GTER 'PHYUR BA BZHIN, ,DPAL LDAN SA YI THIG LE RGYAL GYUR CIG ,BLO BZANG MKHAS PA KUN GYI RAL PA'I RGYAN,, GRAGS PA LHA YI RNGA DBYANGS CHER SGROG PA, ,GANG DE'I THUB BSTAN ME TOG PHON PO NI, ,NYID KYI ZUR PHUD RGYAN DU NGES PAR MDZOD, ,DAM PA'I SKYABS GNAS MCHOG GSUM RIN CEN LA, ,BSAM PA THAG PAS GSOL BA 'DEBS PA DANG, ,SKU TSE RING ZHING CHAB SRID RGYAS PA'I THABS, ,KUN LA BRTZON PA LHOD PA MED PAR MDZOD, ,CES PA'I RTEN DU SPUR LEN CIG LA RGYA 'BYAR 'BUL, TSES GRANGS BZANG PO LA BLA MA'I GNAS BRAG GDONG NAS ZHUS,, A,,MANGGALAm SHU BHAm,,