, ,RJE BTZUN THAMS CAD MKHYEN PA'I GSUNG 'BUM THOR BU LAS CHOS RGYAL CHEN PO TSE RING MCHED LNGA RDO RJE GRAGS MO RGYAL RDO RJE G-YU SGRON MA 'PHYOS LHA KONG BTZUN DE MO 'O DE GUNG RGYAL SOGS KYI GSOL KHA BSTOD PA DANG BCAS PA RNAMS BZHUGS SO,,
, ,GU RU DUS GSUM SANGS RGYAS LA PHYAG 'TSAL LO, ,SPRUL PA'I CHOS RGYAL CHEN PO 'KHOR DANG BCAS PA LA MCHOD GTOR BYA BAR 'DOD PAS THOG MAR SLOB DPON CHEN PO LA DMIGS NAS GTOR MA PHYI NANG GI MCHOD PA, BKA' SRUNG CHEN PO'I MCHOD GTOR RNAMS KYANG LAS BYANG GI GZHUNG NAS 'BYUNG BA LTAR BZANG ZHING RGYA CHE LA BKOD PA PHUN SUM TSOGS PA GTZANG SBRAS THON PA DANG, SPYAN GZIGS RNAMS KYANG TSOGS PAR BYAS LA, RAm YAm KHAm GI YI GE RANG DPAL RTA MGRIN DU GSAL BA'I THUGS KA NAS SPROS PAS MCHOD GTOR MA DAG PA RNAMS MES BSREGS RLUNG GIS GTOR, CHUS BKRUS, RATNA TRE LO KYA BHR'Um ZHES BRJOD PAS, RIN PO CHE'I SNOD YANGS SHING RGYA CHE BA'I NANG DU SHA LNGA BDUD RTZI LNGA'I RANG BZHIN ZAG PA MED PA'I BDE BA KHYAD PAR CAN STER BA'I MCHOD GTOR 'DOD PA'I YON TAN LNGA DANG LDAN PAS SA DANG BAR SNANG NAM MKHA'I KHYON THAMS CAD GANG BAR BSAMS LA, AOm A'A: H'Um, LAN GSUM BRJOD, YANG NA BLA MA DANG CHOS SKYONG GI MCHOD
, ,GTOR RNAMS LA, AOm PADM'AN TA KRID KYIS BGEGS BSKRAD, AOm SVA BH'A WAS STONG PAR SBYANG, STONG PA'I NGANG LAS RANG RANG GI MING YIG DANG PO ZHU BA LAS BYUNG BA'I BLA MA DANG CHOS SKYONG CHEN PO 'KHOR DANG BCAS PA MNYES PAR BYED PA'I MCHOD GTOR, DAM RDZAS SPYAN GZIGS MCHOD PA'I BYE BRAG BSAM GYIS MI KHYAB PA ZHIG BLA MA DANG CHOS SKYONG CHEN PO 'KHOR DANG BCAS PA'I SPYAN LAM DU 'BYUNG ZHING RGYAS PAR GYUR CIG AOm SARBA BID, P'U RA P'U RA, SU RA SU RA, A'A WARTA YA, A'A WARTA YA HO: BADZRA SPHA RA nA KHAm SV'A H'A, ZHES NAM MKHA' MDZOD KYI SNGAGS DANG PHYAG RGYAS BYIN GYIS BRLABS SHING, SNGAGS DRUG DANG PHYAG RGYA DRUG GIS KYANG BYIN GYIS BRLABS LA, DE NAS ROL MO DBYANGS DANG BCAS PAS, DRI MED 'OD GSAL DAG PA'I ROL GNAS LAS, ,KUN KHYAB SGYU 'PHRUL DRA BA'I SNANG BRNYAN NI, ,RNAM DAG DGE SLONG RDO RJE 'DZIN PA'I TSUL, ,DUS GSUM RGYAL DBANG PADMA SAM BHA WA, ,G-YAS NA DPA' BO'I BRO BRDUNG KHRABS SE
KHRABS, ,G-YON NA DPA' MO'I GLU LEN SHA RA RA, ,BGRANG YAS RIG 'DZIN GRUB PA'I TSOGS KYIS BSKOR, ,DAM CAN SRUNG MA'I TSOGS RNAMS SPRIN LTAR GTIBS, ,MKHAR NYAL DBANG PO'I TSOGS RNAMS RJES 'BRANG ZHING, ,'CHI MED BU MO'I LAG PAD KYIS GTOR BA'I, ,MAN DHA RA YI PHRENG BAS MKHA' LAM KHYAB, ,TSAD MED THUGS RJE'I DBANG GIS GNAS 'DIR GSHEGS, ,MDUN GYI NAM MKHAR 'DAB MA STONG LDAN PA'I, ,CHU SKYES LTE BAR SENG KHRI NYI ZLA'I STENG, ,DRI MED 'OD ZER LNGA YI GUR KHYIM DBUS, ,DGYES PA'I 'DZUM CHAGS BRTAN PAR BZHUGS SU GSOL, ,GANG G'A'I RDUL GYI GRANGS MNYAM LUS SPRUL TE, ,YID SRUBS ZOL SKYES SPU LONG GOS LDAN ZHING, ,DAD PA'I THAL SBYAR ME TOG KHA 'BUS BCAS, ,ZHABS RDUL SPYI BOR BLANGS TE GUS PHYAG 'TSAL, ,GSER GYI 'DAB STONG 'KHRIGS PA'I SNOD YANGS SU, ,'CHI MED BDUD RTZI'I MCHOD YON MTSO LTAR BSKYIL, ,YID 'PHROG LHA DANG MI YI ME TOG RNAMS, ,TSIG MDA'I LAM KUN KHYAB PAR RAB 'KHRIGS SHING, ,'OD ZER BZHAD LDAN RIN CEN SNOD RNAMS SU, ,TZAN DAN SBRUL SNYING LHA RDZAS AA KA RU, ,BSREGS PA'I DUD SPRIN PHYOGS KYI 'KHOR LO 'GENGS, ,RAB 'BAR SGRON ME'I PHRENG BAS CHU MTHONGS 'GOG ,GA BUR TZAN DAN GYIS SBAGS GUR KUN GYI, ,DRI CHAB YID 'ONG ROL MTSO LTAR 'KHYIL ZHING, ,ZAG MED BDE STER RO BRGYA'I PHUN TSOGS CAN, ,LHA DANG MI YI ZHAL ZAS MA TSANG MED, ,GDANGS SNYAN SKAD KYI 'GYUR BA 'BUM PHRAG CAN, ,RGYUD MANGS GLING BU DUNG GI BYE BRAG SOGS, ,'JIG RTEN 'JIG RTEN 'DAS PA'I MCHOD PA'I
, ,TSOGS, ,MA LUS ZHING KUN KHYAB PAR BYAS TE 'BUL, ,RIN CEN LHUN PO GLING BZHI GLING PHRAN BRGYAD, ,NYI MA ZLA BA RGYAL SRID RIN CEN BDUN, ,LUS DANG LONGS SPYOD 'DOD DGU'I GTER CHEN PO, ,DUS GSUM DGE TSOGS DANG BCAS KHYOD LA 'BUL, ,RNYOG BRAL DAD PA'I CHU GTER LAS 'ONGS PA'I, ,KUN BZANG MCHOD SPRIN MKHA' NGOS MA LUS PA, ,YONGS SU KHYAB PA'ANG RGYAL SRAS MCHOG RNAMS KYIS, ,DUS GSUM RGYAL BA MCHOD BZHIN LEGS PAR MCHOD, ,STONG GSUM KHYON LTAR YANGS PA'I THOD PA'I NANG, ,SGRON MA LNGA DANG DE BZHIN LCAGS KYU LNGA, ,SBYANGS RTOGS SBAR BYAS ZAG MED YE SHES LNGA'I, ,RANG BZHIN BDUD RTZI RGYA MTSOR BSKYIL BAS MCHOD, ,BDAG NYID RJE BTZUN PADMA THOD PHRENG RTZAL, ,YID 'PHROG RANG SNANG SGYU MA'I PHYAG RGYA DANG, ,MNYAM PAR SBYAR BA AE MA'O BDE BA CHE, ,SMRA BSAM BRJOD 'DAS MCHOD PA'I MCHOG 'DI RMAD, ,SPROS PA'I MTSAN MA KUN BRAL GDOD MA'I GSHIS, ,SGRIB GNYIS 'CHING BA LAS GROL LHAN CIG SKYES, ,BRTAN G-YO KUN KHYAB KUN GYI RANG BZHIN MCHOG ,DMIGS MED CHOS SKU'I BDAG NYID KHYOD LA 'DUD, ,SRID PA'I 'KHOR LO MGYOGS 'GRO DBYINGS SU THIM, ,DVANGS MA LNGA 'DUS MTSAN DPE'I DRA BA CAN, ,RGYAL SRAS SAR GNAS DPA' BO'I MIG GI NI, ,BDUD RTZI LONGS SPYOD RDZOGS PA KHYOD LA 'DUD, ,YONGS DAG MKHA' LA SHAR BA'I RI BONG CAN, ,BRJOD 'DAS DVANGS PA'I CHU LA SNANG BRNYAN BZHIN, ,GDUL BYA'I KHAMS DANG BSAM PA'I KHYAD PAR LAS, ,CIR YANG 'CHAR BA SPRUL PA'I SKU LA BSTOD, ,AO dI YA NAR YID BZHIN RGYA
MTSO'I DBUS, ,MTSO SKYES LAS 'KHRUNGS NYES LTUNG PHRA MOS KYANG, ,MA GOS SDOM BRTZON DGE SLONG CHA LUGS CAN, ,MA LUS 'GRO BA'I SKYABS GCIG KHYOD LA 'DUD, ,GANGS RI'I PHRENG BAS YONGS BSKOR PHYOGS 'DIR YANG, ,ZHABS RDUL CUNG ZAD BKOD PA'I BKA' DRIN LAS, ,NAG PHYOGS BDUD DPUNG KUN ZHI RGYAL BA'I BSTAN, ,'GRO BA'I PHAN BDE RGYAS MDZAD KHYOD LA 'DUD, ,CHOS SKYONG CHEN PO SKU LNGA 'KHOR DANG BCAS, ,KHYOD KYI BKA' DANG DAM LAS MI 'DA' BAR, ,RGYAL BA'I BSTAN PA SRUNG ZHING SKYONG BA DANG, ,BDAG GI BCOL BA'I LAS KUN SGRUB PAR MDZOD, ,GDOD NAS RNAM DAG DON DAM MKHA' DBYINGS LAS, ,THUGS GSUNG SKU DANG YON TAN 'PHRIN LAS BCAS, ,SPRUL PA'I BKA' SRUNG RGYAL PO SKU LNGA PO, ,BSTAN PA BSRUNG PHYIR SNA TSOGS CHO 'PHRUL CAN, ,GSANG BA'I YUM MCHOG RNAMS DANG BLON PO'I TSOGS, ,LAS BYED BKA' NYAN SA DANG BAR SNANG KUN, ,YONGS GANG MTHU DANG RDZU 'PHRUL BSAM MI KHYAB, ,DBYAR DUS CHAR SPRIN TSOGS BZHIN DBYINGS NAS BZHENGS, ,RANG BZHIN LHUN GYIS GRUB PA'I GNAS MCHOG NAS, ,TING NGE 'DZIN GYIS BSKYED PA'I DKYIL 'KHOR 'DIR, ,SPYAN 'DREN GSHEGS SU GSOL BA'I CHOS SKYONG NI, ,GNOD SBYIN RGYAL PO SDE LNGA 'KHOR DANG BCAS, ,DAM TSIG GZHUNG BZHIN SRUNG BA'I SKYES MCHOG KHYOD, ,THUGS DAM RGYUD BSKUL GNAS 'DIR GSHEGS SU GSOL, ,THUGS KYI RGYAL PO BRGYA BYIN RGYAL PO DANG, ,YUM CHEN SHA TIM RO ZAN MTHU MO CHE, ,BLON PO SROG BDAG BKA' YI BYA RA BA, ,'KHOR DANG BCAS PA GNAS 'DIR GSHEGS SU GSOL,,
, ,'PHRIN LAS RGYAL PO ZHAL GSUM MI BO CHE, ,GSANG BA'I YUM CHEN BDUD GZA' SMIN DKAR MA, ,BKA' YI BLON PO PU TRA NAG PO STE, ,'KHOR DANG BCAS PA GNAS 'DIR GSHEGS SU GSOL, ,GSUNG GI RGYAL PO DGRA LHA SKYES GCIG PO,, GSANG BA'I YUM CHEN MDZES BYED PADMA SKYES, ,BKA' YI BLON PO RDO RJE GRAGS LDAN TE, ,'KHOR DANG BCAS PA GNAS 'DIR GSHEGS SU GSOL, ,YON TAN RGYAL PO GNOD SBYIN SHING BYA CAN, ,GSANG BA'I YUM CHEN GSER GYI SPU GRI MA, ,BKA' YI BLON PO BYA RGOD THANG NAG STE, ,'KHOR DANG BCAS PA GNAS 'DIR GSHEGS SU GSOL, ,SKU YI RGYAL PO MON BU PU TRA STE, ,GSANG BA'I YUM CHEN BDUD MO RO LANGS MA, ,BKA' YI BLON PO BYA KHRID MIG GCIG PO, ,'KHOR DANG BCAS PA GNAS 'DIR GSHEGS SU GSOL, ,DBUS PHYOGS MTHING NAG 'BAR BA'I GZHAL YAS SU, ,PADMA NYI MA DGRA BGEGS BSNOL BA'I STENG, ,THUGS KYI RGYAL PO AINDRA N'I LA'I MDOG ,PHYAG G-YAS BDUD ZHAGS G-YON PA SPU GRI 'DZIN, ,DOM GYI SLOG PA DAR NAG LHAB LHUB CAN, ,DBU LA DAR NAG 'THEBS ZHU MDZES PA GSOL, ,CHU 'DZIN G-YO 'DRA'I GNYIS 'THUNG SNA RING CHIBS, ,'KHOR DANG BCAS PA BRTAN PAR BZHUGS SU GSOL, ,SHAR PHYOGS RAB DKAR DUNG GI KHANG BZANG DU, ,SKU YI RGYAL PO PU TRA MIG SMAN MDOG ,GDONG LNGA LA CHIBS PHYAG G-YAS RDO RJE DANG, ,SHER SHING GSEG SHANG G-YON PA'I PHYAG GIS GSIL, ,'KHOR DANG BCAS PA BRTAN PAR BZHUGS SU GSOL, ,LHO PHYOGS GSER GYI GZHAL MED KHANG CHEN DU, ,YON TAN RGYAL PO MTHING NAG RNGAM
PA'I TSUL, ,PHYAG G-YAS DGRA STA G-YON PA BDUD ZHAGS 'DZIN, ,'JIGS RUNG CHO 'PHRUL DU MA'I ROL GAR CAN, ,'KHOR DANG BCAS PA BRTAN PAR BZHUGS SU GSOL, ,NUB PHYOGS RAB DMAR BYI RU'I GZHAL YAS SU, ,GSUNG GI RGYAL PO DGRA LHA SKYES GCIG NI, ,PADMA R'A GA'I MDANGS CAN BER DMAR CAN, ,TZAN DAN BER 'DZIN 'KHOR GYI TSOGS DANG BCAS, ,'KHOR DANG BCAS PA BRTAN PAR BZHUGS SU GSOL, ,BYANG PHYOGS RIN CEN G-YU YI KHANG BZANG DU, ,'PHRIN LAS RGYAL PO DKAR NAG DMAR BA'I ZHAL, ,PHYAG DRUG G-YAS KYI DANG PO LCAGS KYU DANG, ,GNYIS PA MDA' DANG GSUM PA RAL GRI 'DZIN, ,G-YON NA SPU GRI 'BAR BA LCAGS GZHU DANG, ,DBYUG PA RAB 'DZIN DAR NAG COD PAN CAN, ,DUR KHROD CHAS BRGYAD DAR GYI LHAB LHUB G-YO, ,SENG GE LA CHIBS BRTAN PAR BZHUGS SU GSOL, ,BKA' SRUNG CHOS KYI RGYAL PO SKU LNGA PO, ,PHUNG PO RNAM LNGA GDOD NAS RNAM DAG CING, ,DUG LNGA'I NYON MONGS DRI MA SBYANGS PA LAS, ,YE SHES LNGA YI NGO BOR MOS PHYAG 'TSAL, ,BDE CHEN SNANG BA MTHA' YAS CHOS KYI SKU, ,DPAL CHEN RTA MGRIN KHRAG 'THUNG LONGS SPYOD RDZOGS, ,MTSO LAS SKYES PA'I RDO RJE SPRUL PA'I SKU, ,SKU GSUM DBYER MED SPYAN SNGAR KHYOD KYIS NI, ,SROG GI SNYING PO PHUL NAS BSTAN PA DANG, ,GTZUG LAG KHANG DANG DGE 'DUN SDE DANG BCAS, ,BSRUNG ZHING DAM TSIG LDAN PA'I RNAL 'BYOR GYIS, ,BCOL BA'I 'PHRIN LAS BSGRUB PAR DAM BCAS BZHIN, ,SNGON GYI KHAS BLANGS DAM BCAS MA BSNYEL BAR, ,'PHRIN LAS RNAM BZHI LHUN GYIS GRUB PAR MDZOD, ,RNAL 'BYOR
, ,BDAG KYANG DAM TSIG LA GNAS PAS, ,CHOS SKYONG 'KHOR BCAS RTAG TU BSTEN CING MCHOD, ,SMAN SNA STONG LAS SBYAR BA'I SMAN PHUD NI, ,YE SHES LNGA YI NGO BOR BYIN BRLABS SHING, ,'DOD YON LNGA LDAN BDUD RTZI'I MTSOR BSKYIL NAS,, RGYAL PO SDE LNGA 'KHOR DANG BCAS LA 'BUL, ,BDE CHEN SPROS DANG BRAL BA'I MKHA' DBYINGS LAS, ,MTHA' DAG ZHING KUN KHYAB PA'I MCHOD PA'I SPRIN, ,ZAG MED YE SHES BDUD RTZI'I CHAR 'BEBS PA, ,BKA' SRUNG 'KHOR DANG BCAS LA 'BUL BA NI,, GZHA' TSON LTAR BKRA'I SHAM BU G-YO BA CAN, ,LHA RDZAS GOS KYI BLA RE LHA LAM KHYAB, ,AINDRA N'I LA'I TOG GIS RAB MDZES SHING, ,GSER GYI THUR MA STONG GI RTZIBS LDAN PA, ,RIN CEN MU TIG CHUN 'PHYANG MDZES PA CAN, ,RNAM MANG GDUGS MDZES TSOGS KYI GRIB BSIL DANG, ,LHA RDZAS DAR GYI BA DAN STONG 'PHUR CING, ,RAB TU MDZES PA'I RMA BYA'I RGYAL MTSAN DANG, ,SENG GE STAG DANG DOM DRED GZIG LA SOGS, ,SNA TSOGS GCAN GZAN PAGS PA'I RGYAL MTSAN TSOGS, ,MNYES PA'I RTEN RDZAS SPYAN GZIGS DAM PA 'DIS, ,CHOS SKYONG SDE LNGA 'KHOR BCAS THUGS DAM BSKANG, ,DMAR CHEN KHRAG GI MCHOD YON MTSO LTAR 'KHYIL, ,YID 'ONG ME TOG TSOGS KYI LDA LDI DANG, ,RIN CEN 'OD 'BAR SPOS SNOD SNA TSOGS SU, ,BSREGS PA'I DUD SPRIN DRI ZHIM NAM MKHA'I RGYAN, ,'OD ZER BZHAD LDAN GSER MCHOG SNOD RNAMS SU, ,RTZI MAR DRI ZHIM 'BRU MAR SNA TSOGS LAS, ,RAB 'BAR GSER GYI MCHOD SDONG PHRENG BA BZHIN, ,RAB MDZES SNANG GSAL TSOGS KYIS THUGS DAM BSKANG, ,PHYOGS KUN
CIG CAR 'GENGS PA'I DRI BZANG CAN, ,GA BUR THIGS PAS LEGS BRAN TZAN DAN DANG, ,GUR KUM LA SOGS SNA TSOGS SPOS KYI CHU, ,KUN KHYAB 'KHOR LO 'GENGS PA'I 'DZUM RLABS NI, ,DAL GYIS G-YO BA'I DRI CHAB RGYA MTSO DANG, ,RO BRGYA'I ZAS DANG 'CHI MED BDUD RTZI SOGS, ,LHA DANG MI YI ZAS LA MA TSANG MED, ,ZAG MED BDE STER ZHAL ZAS TSOGS RNAMS KYIS, ,CHOS SKYONG CHEN PO 'KHOR BCAS THUGS DAM BSKANG, ,RGYUD MANGS GLING BU RDZA RNGA RNGA BO CHE, ,ZANGS DUNG LA SOGS BGRANG YAS ROL MO'I TSOGS, ,BRJID CING RNA BA'I BCUD LEN RGYAS BYED PA, ,LHA RDZAS ROL MO'I TSOGS KYIS THUGS DAM BSKANG, ,PADMA R'A GA'I MDANGS CHAGS RGUN CHANG DANG, ,'BRAS CHANG BU RAM SBRANG RTZI'I CHANG RNAMS KYANG, ,RGYA MTSOR RAB BSKYIL GTZANG MA'I GSER SKYEMS 'DIS, ,CHOS SKYONG SDE LNGA 'KHOR BCAS THUGS DAM BSKANG, ,SHEL DANG BEEd'URYA DANG MAR GAD DANG, ,NAL SOGS KHA DOG MDZES PA'I SPU MDOG CAN, ,RDZU 'PHRUL BANG LDAN RIN CEN SGA SRAB NI, ,SNA TSOGS KYIS SPRAS CANG SHES TSOGS RNAMS DANG, ,CHAR SPRIN LTA BUR G-YO BA'I RNGA ZHOL CAN, ,DKAR DANG NAG PO ZAL ZHING KHAM PA SOGS, ,SNA TSOGS DAR GYI COD PAN 'PHUR LDING CAN, ,MDZES PA'I ZHOL G-YAG RNAMS KYIS THUGS DAM BSKANG, ,GZHAN YANG RA DANG LUG SOGS SPYAN GZIGS DANG, ,'BRU SNA SMAN SNA RIN CEN RNAM PA BDUN, ,DNGOS BSHAMS YID KYIS SPRUL PA'I MCHOD PA'I SPRIN, ,SA DANG BAR SNANG GANG BAS THUGS DAM BSKANG, ,GSER LDAN DGA' MA LTAR YANGS SNOD YANGS SU, ,GLING BZHI GLING PHRAN
, ,LHUN PO'I DBANG PO LTAR, ,BKOD LEGS RGYAN GYIS BRGYAN PA'I GTOR MA 'DI, ,ZAG MED BDUD RTZIR BYIN GYIS BRLABS TE 'BUL, ,CHOS SKYONG 'KHOR DANG BCAS PA'I LJAGS H'Um LAS SKYES PA'I RDO RJE RTZE GCIG PA 'OD KYI SBU GU CAN DU GYUR PAS GTOR MA'I BCUD THAMS CAD DRANGS TE GSOL BAR BSAMS LA, GTOR SNGAGS LAN GSUM MAM BDUN DU BRJOD PAS KYANG 'BUL, H'Um, CHOS DBYINGS RNAM PAR DAG PA'I PHO BRANG NAS, ,CHOS BZHIN SGRUB PA'I RNAL 'BYOR THAMS CAD KYI, ,CHOS LDAN 'PHRIN LAS MTHA' DAG SGRUB MDZAD PA'I, ,CHOS SKYONG CHEN PO KHYOD LA BDAG BSTOD DO, ,SNGON TSE RJE BTZUN PADMA THOD PHRENG GIS, ,GTZUG LAG KHANG GI SRUNG MAR BKA' BSGOS NAS, ,BSTAN DANG BSTAN 'DZIN SKYONG BAR ZHAL BZHES PA'I, ,BSTAN SRUNG CHEN PO KHYOD LA BDAG BSTOD DO, ,TSON BRGYA NYE BA'I DAG PA'I SHEL BZHIN DU, ,NGANG NYID CHOS KYI DBYINGS LAS MA G-YOS KYANG, ,SKU GSUNG THUGS DANG YON TAN 'PHRIN LAS KYI, ,SKU LNGA'I RNAM ROL CIR YANG 'CHAR LA BSTOD, ,ZHI DANG RGYAS DANG DBANG DANG MNGON SPYOD KYI, ,'PHRIN LAS MDZAD PHYIR KHRO CHAGS SGEG PA DANG, ,ZHI BA'I NYAMS KYIS RAB MDZES SKU MDOG CAN, ,SNA TSOGS PHYAG MTSAN 'DZIN MDZAD KHYOD LA BSTOD, ,SKU YI SPRUL PAS SA GSUM CIG CAR 'GENGS, ,GSUNG GI BZHAD SGRAS SA GSUM CHEM CHEM G-YO, ,RDZU 'PHRUL SHUGS KYIS STONG GSUM SKAD CIG GIS, ,BSKOR MDZAD DPA' BO KHYOD LA BDAG BSTOD DO, ,BDUD DANG GNOD SBYIN KLU DANG SRIN MO'I TSUL, ,KHRO CHAGS SGEG PA'I RNAM 'GYUR CIR YANG STON, ,RGYAL PO SDE LNGA'I SKU LA RAB
'KHRIL MA, ,GSANG BA'I YUM CHEN RNAMS LA BDAG BSTOD DO, ,RTAG TU CHOS SKYONG CHEN PO'I BKA' SGRUB CING, ,STOBS DANG MTHU LDAN RDZU 'PHRUL DPAG DKA' BA, ,BSTAN PA SKYONG ZHING BSTAN PA'I DGRA BO RNAMS, ,TSAR GCOD BLON PO RNAM LNGA LA BSTOD DO; ;CHOS SKYONG CHEN PO'I BKA' NYAN KUN GYI GTZO, ,DPAL LDAN GNOD SBYIN CHEN PO YANG LE BER, ,PADMA R'A GA'I LHUN PO LTAR BRJID CING, ,DRAG PO'I NYI 'OD 'BUM GYI GZI 'BAR BA, ,LHAG LHAG ME 'OD 'BAR BA'I BSE KHRAB DANG, ,TSER TSER 'OD ZER 'PHRO BA'I BSE RMOG CAN, ,LHAB LHAB BA DAN G-YO BA'I MDUNG DMAR G-YAS, ,KHYUG KHYUG DGRA BGEGS 'CHING BA'I ZHAGS PA G-YON, ,CHAR SPRIN LTAR MDZES RTA MCHOG SNGON PO CHIBS, ,BTZAN DMAR STONG DANG BDUD DANG SRIN PO'I TSOGS, ,'KHOR GYI DKYIL 'KHOR DANG BCAS SKAD CIG GIS, ,DGRA BGEGS MA LUS TSAR GCOD DE LA BSTOD, ,DGRA BCOM SNANG BRNYAN ZHI DUL NYAN THOS TSOGS, ,PHUR THOGS GAR 'CHAMS ROL BA'I SNGAGS PA'I TSOGS, ,GO MTSON THOGS PA STAG SHAR DPA' BO'I TSOGS, ,NAG MO RAL PA G-YENGS PA'I BUD MED TSOGS, ,RU 'DREN RNAMS DANG LHA SRIN SDE BRGYAD KYI, ,'KHOR TSOGS SA DANG BAR SNANG NAM MKHA'I KHAMS, ,YONGS SU GANG BA'I TSOGS LA BDAG BSTOD DO, ,RGYAL BA KUN DNGOS PADMA SAM BHA WAS,, KHRAG 'THUNG PADMA DBANG CHEN DKYIL 'KHOR DU, ,SPRUL PA'I CHOS SKYONG CHEN PO KHYOD BCUG NAS, ,DBANG BSKUR DAM TSIG RDO RJE SPYI BOR BZHAG ,DAM RDZAS BDUD RTZI ZHAL DU BLUD NAS KYANG, ,BSTAN DANG GTZUG LAG KHANG RNAMS KHYOD KYIS SKYONGS, ,RGYAL
, ,BA'I BSTAN PA GNYAN PO KHYOD KYIS SRUNGS, ,RNAL 'BYOR 'PHRIN LAS MTHA' DAG SGRUBS SHIG CES, ,DAM TSIG GNYER DU GTAD PA DGONGS MDZOD LA, ,RGYAL BA'I BSTAN PA DAR ZHING RGYAS PA DANG, ,BSTAN LA GNOD PA'I DGRA BGEGS MA LUS PA, ,SKAD CIG NYID LA THAL BAR BRLAG PAR MDZOD, ,LUGS GNYIS RNAM PAR RGYAL BA'I KHANG BZANG RTZER, ,BSOD NAMS GSER GYI RGYAL MTSAN MTHON PO CAN, ,DPAL LDAN 'PHRIN LAS BZANG PO'I BA DAN G-YO, ,SRID 'DIR RI DBANG LTA BUR ZHABS BRTAN MDZOD, ,GANG GI BKA' KHRIMS BZANG PO'I NYI 'OD KYIS, ,'DZAM GLING NOR 'DZIN MA LUS KHYAB GYUR NAS, ,BSTAN PA'I PAD TSAL CHES CHER RGYAS PA DANG, ,'GRO KUN PHAN BDE'I LO TOG 'PHEL BAR MDZOD, ,CES GRUB MCHOG PADMA 'BYUNG GNAS KYIS GTZUG LAG KHANG GI SRUNG MAR BKA' BSGOS PA SPRUL PA'I CHOS RGYAL CHEN PO LA MCHOD GTOR BYA BA'I TSUL 'DI NI, SA SKYONG THAMS CAD KYI GTZUG GI NOR BUS ZHABS KYI PADMOR PHYAG BYA BAR 'OS PA MI'I DBANG PO BSOD NAMS RGYAL MTSAN DPAL BZANG POS, 'DI LTA BU ZHIG GYIS SHIG CES BSKUL BA'I BKA' STZAL SPYI BOS MNOS TE BTZUN PA DGE 'DUN RGYA MTSO'I DPAL GYIS SBYAR BA'I YI GE PA NI CHOS KYI DPAL 'BYOR LEGS PAS BGYIS PA'O,, ,, ` AOm SVASTI, KA MA LA YI GE SAR LAS BYUNG MTSO LAS SKYES PA'I RDO RJE ZHES, ,KHA BA CAN 'DIR GRAGS PA'I GUR KUM PHYOGS KYI BU MO'I 'GRAM PAR BKOD, ,GA NA BZHUGS KYANG THUGS RJE'I NYI 'OD RGYA MTSO'I GOS CAN KUN TU KHYAB, ,NGA YI SNYING GI CHU SKYES LTE BAR RNAM PAR RTZEN PA'I GAR MDZOD CIG ,CA CO'I DBYANGS KYI NGA ROS 'BOD DO BA GAM MNGON MTHO'I PHO BRANG NAS, ,CHA
SHAS 'KHOR GYI DKYIL 'KHOR YONGS RDZOGS SPRUL PA'I CHOS RGYAL GNAS 'DIR SPYON, ,JA CHANG BTUNG BA RGYA MTSOR RAB 'KHYIL RBA RLABS G-YO BAS CHU MTHONGS 'GOG ,NYA SHA KHRAG ZHAG RGYA MTSOS RAB BRGYAN RI LTAR SPUNGS PA'I MCHOD GTOR BZHES, ,TA TH'A GA TA'I BSTAN LA GNOD BYED ME TOG MDA' CAN SDER GTOGS PA'I, ,THA BA LTA BUR MA RUNGS SEMS 'CHANG BSAM SBYOR NGAN PA'I DGRA DANG BGEGS, ,DA LTA NYID DU RINGS PAR SGROL LA SNYING KHRAG DRON MO HUB KYIS BZHES, ,NA TSA LA SOGS CHAD PA DRAG POS RKYEN DANG 'TSAM PAR TSAR CHOD CIG ,PA RA MI TA'I DGONGS PA JI BZHIN CHOS DBYINGS KUN GSAL MDZES PA'I NGANG, ,PHA MTHA' BRAL BA'I MKHYEN PA'I 'OD STONG 'GROGS PA'I RTZE DGA' LHUR LEN YANG, ,BA MO LTAR DKAR MCHE BA'I CHU 'DZIN LJAGS KYI GLOG PHRENG RNAM PAR G-YO, ,MA LUS SRID GSUM RAB TU GSOL BYED MTHAR BYED RTA BABS MNGON SUM BZHIN, ,RTZVA DANG LO MA'I GNAS MAL LA BRTEN KHYOD SKU TING 'DZIN PIR GYIS BRIS, ,TSA GRANG SDUG BSNGAL KHYAD DU BSAD NAS DRANG SRONG GZHAN BZHIN BZLAS BRJOD BRTZON, ,DZA ZHES DUS DRUG DAG TU BOS NA MA G-YEL MA G-YEL DA TSUR SPYON, ,WA SKYES LTA BU'I DGRA DANG BGEGS RNAMS DA LTA NYID DU GZHOM PAR MDZOD, ,ZHVA YI TOG LTAR SDE BRGYAD KUN GYIS ZHABS SEN 'DAB PHRENG SPYI BOS BSTEN,, ZA BYED DPA' BA 'JIG PA'I BSKAL PA NYE BAR STON PA'I ME LCE'I TSOGS, ,'A 'UR SGRA CHEN RGYUD MAR SGROG BYED DRAG PO'I RLUNG DANG 'DRES PA'I DBUS, ,YA MA LA SOGS SDE BRGYAD 'BYUNG PO'I 'KHOR GYIS YONGS BSKOR KHYOD LA BSTOD, ,RVA CHEN GDENGS
, ,PA'I 'BAR BA'I RDO RJE KA P'A LA YIS PHYAG ZUNG MDZES, ,LA LAR GDUG PA SNA TSOGS GDUL PHYIR DRAG PO'I PHYAG RGYA SNA TSOGS CAN, ,SHA ZA BYE BA'I 'KHOR GYIS YONGS BSKOR 'DOD DGU'I 'BRAS STER DPAG BSAM DBANG, ,SA CHEN SKYONG BA'I DBANG PO GANG 'DI SRID MTHAR ZHABS BRTAN DGE LEGS MDZOD, ,HA HA'I GAD RGYANGS DRAG TU BZHAD TSE SRID PA GSUM 'DI CHER SKRAG NAS, ,AA DON SKYE MED DBYINGS SU BROS SNYAM BDAG YID THE TSOM DPYANG THAG 'DZIN, ,HA LA'I DUG GIS MYUR DU KHYAB PAS DGRA BGEGS MA LUS RLAG PA DANG, ,AA LA LA ZHES DGA' BA'I GAR BYED DNGOS GRUB MA LUS YID BZHIN STZOL, ,DPAL LDAN 'KHOR LOS BSGYUR BA'I BKA', ,SPYI BO'I GZHI LA RAB BZUNG NAS, ,A'A LI K'A LI'I TSIGS SU BCAD, ,THOGS PA MED PAR DBYANGS SU BSGRAGS, ,ZHES PA 'DI YANG DPON SA GONG MA CHEN PO'I BKA' STZAL GYIS 'DI LTA BU ZHIG DGOS ZHES BSKUL BA LA BRTEN NAS RJE BTZUN THAMS CAD MKHYEN PAS MDZAD PA'O,, ,, ` DUS GSUM RGYAL BA KUN GYI MKHYEN BRTZE NI, ,GRUB PA'I DBANG PO'I GAR GYIS RNAM ROL BA, ,SRID GSUM BLA MA PADMA 'BYUNG GNAS KYIS, ,DNGOS GRUB KUN STZOL BGEGS KUN GZHOM PAR MDZOD, ,LHUN GRUB GDOD MA'I GSHIS LAS MA G-YOS KYANG, ,BSTAN PA BSRUNG PHYIR SNA TSOGS SPRUL PA'I GAR, ,CIR YANG 'CHAR BA SPRUL PA'I CHOS RGYAL CHE, ,'KHOR DANG BCAS PA GNAS 'DIR DA TSUR SPYON, ,SNA TSOGS RIN CEN LAS GRUB GZHAL YAS KHANG, ,MU TIG TSOGS 'BAR RIN CEN BA GAM CAN, ,TING 'DZIN PIR GYIS BRIS PA'I PHO BRANG DU, ,PADMA NYI ZLA'I GDAN LA BZHUGS
SU GSOL, ,DUS GSUM RGYAL DBANG PADMA THOD PHRENG GIS, ,DAM TSIG RDO RJE SPYI BOR BZHAG NAS KYANG, ,BSTAN PA SRUNG DANG DAM LDAN 'PHRIN LAS KUN, ,SGRUB PAR BKA' BSGOS DAM BCAS DRAN PAR MDZOD, ,DAM RDZAS RGYAN GYI GTOR MA RI LTAR SPUNGS, ,ZAG MED BDUD RTZI'I BTUNG BA MTSO LTAR BSKYIL, ,PHYI NANG SPYAN GZIGS SA DANG BAR SNANG KUN, ,RGYAS PAR BKANG STE 'KHOR DANG BCAS LA 'BUL, ,ZHI RGYAS DBANG DRAG 'PHRIN LAS BSGRUB PA DANG, ,BSTAN PA BSRUNG PHYIR KHRO CHAGS ZHI DANG SGEG ,NYAMS BRGYA'I ROL PAS RAB MDZES RNAM 'GYUR CAN, ,RGYAL PO SKU LNGA'I SKU LA BDAG BSTOD DO, ,KHYOD ZHAL NAM MKHAR MCHE BA'I CHU 'DZIN 'KHRIGS, ,LJAGS KYI GLOG PHRENG SRID GSUM ZA BA BZHIN, ,HA HA'I GAD RGYANGS H'Um H'Um 'BRUG SGRA CAN,, KHAMS GSUM DBANG SDUD KHYOD LA BDAG BSTOD DO, ,RANG BZHIN LHUN GRUB GDOD NAS SPROS DANG BRAL, ,MA BCOS RANG BYUNG LHAN CIG SKYES PA'I DNGOS, ,KUN KHYAB KUN GYI RANG BZHIN CIR YANG 'CHAR, ,GNAS LUGS DON GZIGS KHYOD LA BDAG BSTOD DO, ,RNAM MANG YON TAN TSOGS LA MNGA' BRNYES SHING, ,KHYOD LA MCHOD BSTOD BSNYEN CING BSGRUBS PA LAS, ,'JIG RTEN 'JIG RTEN 'DAS PA'I YON TAN KUN, ,PHYOGS BCUR RGYAS MDZAD KHYOD LA BDAG BSTOD DO, ,ZHI RGYAS DBANG DRAG RAB 'BYAMS 'PHRIN LAS KUN, ,DUS GSUM RGYAL BAS JI LTAR BKA' BSGOS BZHIN, ,THOGS PA MED PAR SGRUB MDZAD DAM TSIG CAN, ,CHOS SKYONG CHEN PO KHYOD LA BDAG BSTOD DO,, H'Um; ZAG MED YE SHES BDE CHEN GYI, ,RNAM ROL LAS BYUNG STONG GSUM
, ,KHYON, ,GANG BA'I MCHOD GTOR 'DI BZHES LA, ,DE RING BCOL BA'I 'PHRIN LAS MDZOD, ,SNGON GYI LAS DANG 'PHRAL RKYEN LAS, ,BYUNG BA'I MI 'DOD NYER 'TSE KUN, ZHI ZHING TSE DANG BSOD NAMS DANG, ,CHAB SRID PHUN TSOGS RGYAS PAR MDZOD, ,'JIG RTEN GSUM NA GNAS PA YI, ,ZAS NOR LONGS SPYOD THAMS CAD DANG, ,DREGS LDAN SKYE BO MA LUS PA, ,SKAD CIG NYID LA DBANG DU SDUS, ,LOG PAR SEMS PA'I DGRA DANG BGEGS, ,PHYOGS DANG MTSAMS NA GNAS PA KUN, ,RDUL PHRAN TZAM YANG MA LUS PAR, ,SKAD CIG NYID LA TSAR CHOD CIG ,DUS GSUM RGYAL BA'I BSTAN PA DANG, ,MI DBANG CHEN PO'I SKU TSE DANG, ,CHAB SRID MNGA' THANG MTSAN JUS RNAMS, ,PHYOGS BCUR RGYAS PA'I BKRA SHIS SHOG ,CES CHOS RGYAL CHEN PO LA MCHOD BSTOD 'PHRIN LAS DANG BCAS PA GONG MA CHOS RGYAL CHEN PO'I BKA' LUNG SPYI BOS MCHOD DE, CHOS SMRA BA DGE 'DUN RGYA MTSO'I DPAL GYIS SPRUL PA'I GTZUG LAG KHANG RA SA 'PHRUL SNANG DU SBYAR BA'O,, ,, ` DUS GSUM RGYAL BA KUN GYI MKHYEN BRTZE'I MDZOD, ,GANGS CAN BSTAN PA'I 'BYUNG GNAS ZHI BA 'TSO, ,RGYAL BA'I DBANG PO PADMA THOD PHRENG RTZAL, ,DNGOS GRUB GNYIS KYI BDUD RTZI'I CHAR 'BEBS MDZOD, ,MGON DE'I BDE BA CHEN PO'I CHOS KYI SKU, ,'GRO BA'I DON PHYIR SNA TSOGS RNAM ROL CAN, ,SGRUB PA BKA' BRGYAD LHA YI 'KHOR LO YANG, ,JA DKAR BDUD RTZI BTUNG BA'I PHUD KYIS MCHOD, ,KHYAD PAR DUS GSUM RGYAL BA'I BSTAN SRUNG MCHOG ,MTHU STOBS RDZU 'PHRUL DPAG PAR DKA' BA CAN, ,SPRUL PA'I CHOS RGYAL CHEN PO 'KHOR DANG BCAS, ,RO BRGYA'I DPAL 'DZIN JA DKAR
MCHOD PA BZHES, ,RTAG TU SANGS RGYAS BSTAN PA SRUNG BA DANG, ,DNGOS GRUB RNAM BZHI'I BDUD RTZI'I CHAR 'BEBS SHING, ,MA RUNGS DGRA BGEGS THAMS CAD TSAR BCAD NAS, ,RNAL 'BYOR BSAM DON THAMS CAD 'GRUB PAR MDZOD, ,CES PA 'DI SPEL DKAR MKHAN CHEN PAS BSKUL BA'I NGOR RJE NYID KYI GSUNG LAS BYUNG BA'O,, ,, ` BLA MA DANG LHAG PA'I LHA LA PHYAG 'TSAL LO, ,BSTAN SKYONG CHEN MO RDO RJE GRAGS MO RGYAL LA MCHOD GTOR 'BUL BA'I TSUL NI, MCHOD GTOR RNAMS GTZANG ZHING BZANG BA BKOD PA MDZES PAR BSHAMS, RANG YI DAM GYI NGA RGYAL LA GNAS PAS SNGAGS DRUG DANG PHYAG RGYA DRUG GIS BYIN GYIS BRLABS LA, ROL MO DBYANGS DANG BCAS PAS, AOm; LHUN GRUB BDE BA CHEN PO'I PHO BRANG NAS, ,DUS GSUM SANGS RGYAS PADMA THO PHRENG RTZAL, ,RIG 'DZIN DPA' BO MKHA' 'GRO'I TSOGS DANG BCAS, ,THOGS MED THUGS RJE'I DBANG GIS GSHEGS SU GSOL, ,MDUN GYI NAM MKHAR PAD SDONG YANGS PA'I STENG, ,SENG KHRI PADMA NYI ZLA'I GDAN KHRI LA, ,YID 'PHROG 'JA' TSON SNA LNGA'I GUR KHYIM DBUS, ,ZHABS SEN 'OD CHAGS BRTAN PAR BZHUGS SU GSOL, ,PHYI YI MCHOD PAS SA DANG BAR SNANG KHENGS, ,NANG GI MCHOD PA ZAG MED BDUD RTZI'I MTSO, ,GSANG BA BDE CHEN SMRA BSAM BRJOD LAS 'DAS, ,'GRO BA'I DON PHYIR DGYES BZHIN BZHES SU GSOL, ,RIG 'DZIN GRUB PA'I DBANG PHYUG PADMA 'BYUNG, ,LNGA BRGYA'I GTZUG RGYAN DPAL LDAN MAR ME MDZAD, ,RDO RJE 'CHANG DBANG BLO BZANG GRAGS PA'I DPAL, ,SNA TSOGS SPRUL PA'I GAR MDZAD DE LA 'DUD, ,DPAL LDAN BSTAN SKYONG CHEN MO 'KHOR BCAS RNAMS, ,KHYED KYI BKA' DANG DAM
, ,TSIG LA GNAS PAS, ,'PHRIN LAS RNAM BZHI LHUN GYIS GRUB PA DANG, ,CHOS GRVA CHE 'DI DAR ZHING RGYAS PAR MDZOD,, AOm; GANGS RI'I PHRENG BAS YONGS BSKOR YUL GYI DBUS, ,DGE MTSAN BCU LDAN SKYID SHOD LUNG PA'I MTHIL, ,SPYAN RAS GZIGS DBANG GIS SPRUL GTZUG LAG KHANG, ,SH'AKYA'I RGYAL PO'I PHO BRANG LHA SA ZHES, ,PHYOGS BCU'I SKYE BO 'JIG RTEN PHUN TSOGS KUN, ,MA TSANG MED PAR 'DU BA'I RLUNG LHA'I PHYOGS, ,SNGON RABS DAM PA'I ZHABS SEN BKOD PA'I GNAS, ,DAN 'BAG CES BYA'I SA YI THIG LER NI, ,BGRANG YAS MKHAS PA'I SKYE BOS RAB BSTEN PA, ,BLO GSAL 'DUS PA RGYA MTSO'I BSTI GNAS MCHOG ,BSHAD SGRUB BSTAN PA'I 'BYUNG GNAS 'BRAS SPUNGS ZHES, ,GRAGS PA'I BA DAN DKAR PO PHYOGS BCUR G-YO,, CHOS GRVA CHEN PO'I BYANG RI'I LHUN PO NI, ,RTZA BA RAB BRTAN GSER GYI GZHI LA GNAS, ,RTZE MO MTHO BA MKHA' LA BSNYEGS PA BZHIN, ,MDZES SHING LHUN CHAGS RMA RI RAB 'BYAMS ZHES, ,MING DU CHAGS PA'I SPO LA RAB BRTEN PA'I, ,RIN CEN LNGA LAS GRUB PA'I GZHAL MED KHANG, ,MU TIG TSOGS 'BAR ZLA SHEL BA GAM CAN, ,DE NA BSTAN SRUNG CHEN MO 'KHOR BCAS BZHUGS, ,BHYO; SNGON TSE SLOB DPON CHEN PO'I SPYAN SNGA RU, ,RGYAL BA'I BSTAN DANG BSTAN 'DZIN SKYONG BA DANG, ,'PHRIN LAS RNAM BZHI BSGRUB PAR KHAS BLANGS BZHIN, ,THOGS MED RDZU 'PHRUL DANG BCAS DENG 'DIR GSHEGS, ,BKA' NYAN LAS BYED GTZO MO GSUM DANG BCAS, ,SMAN MO 'BUM SDE'I TSOGS RNAMS NYE RE RE, ,RIN CEN GSER G-YU'I RGYAN CHA SIL LI LI, ,'JAM MNYEN
DAR GYI NA BZA' LHUBS SE LHUBS, ,SIL SNYAN ROL MO SNA TSOGS KHROL LO LO, ,DRI ZHIM SPOS KYI DUD PA THUL LU LU, ,SNYAN PA'I GLU LEN MDZES PA'I GAR STABS KYIS, ,RNAM ROL DU MAS GNAS 'DIR GSHEGS SU GSOL, ,SNGON TSE SLOB DPON CHEN PO'I SPYAN SNGA RU, ,BSTAN DANG BSTAN 'DZIN SKYONG BAR KHAS BLANGS BZHIN, ,BOD KHAMS SKYONG MDZAD BSTAN MA BCU GNYIS PO, ,THAMS CAD 'KHOR TSOGS DANG BCAS GNAS 'DIR GSHEGS, ,RANG GI MDUN DU SGRUB PA'I MAndAL DBUS, ,TING 'DZIN PIR GYIS BRIS PA'I GZHAL YAS SU, ,DAR ZAB KYIS G-YOGS RIN CEN GDAN KHRI LA, ,BSTAN PA SKYONG MDZAD GANGS RI'I DBANG PO BZHIN, ,RAB MDZES PHYAG G-YAS ME LONG ZHAGS PA DANG, ,G-YON PA 'GUGS BYED LCAGS KYU DAR SNAS BRGYAN, ,SHVA BA LA CHIBS BRTAN PAR BZHUGS SU GSOL, ,KHYOD KYI SKU YI PHO NYA DUNG GHA BZA', ,PHYAG G-YAS LCAGS KYI BYA KHRAG DGRA LA 'GYED, ,G-YON PA ZOR BAS DAM NYAMS SROG RTZA GCOD, ,YU MO LA CHIBS G-YAS SU BZHUGS SU GSOL, ,GSUNG GI BKA' NYAN MA GHA BZA' ZHES PA, ,RE LDE GYON ZHING SRE LONG PHRENG BA G-YAS, ,G-YON PA DAR MDUNG DGRA BO'I SNYING LA 'DEBS, ,DRE'U RTA LA CHIBS G-YON DU BZHUGS SU GSOL, ,THUGS KYI PHO NYA SHEL BZA' SMAN GCIG MA, ,PHYAG G-YAS DNGUL GZHONG ZAS KYIS GANG BA DANG, ,G-YON PAS DAR GYI LHAB LHUB G-YOB BYED MA, ,'BRONG G-YAG LA CHIBS MDUN DU BZHUGS SU GSOL, ,GZHAN YANG MCHED MO BSTAN MA'I TSOGS RNAMS DANG, ,SMAN MO BDUD DANG BTZAN DMAR 'BUM SDE'I TSOGS, ,GNAS 'DIR BSHAD SGRUB
, ,BSTAN PA SPEL BA DANG, ,RNAL 'BYOR 'PHRIN LAS BSGRUB PHYIR BRTAN PAR BZHUGS, ,LHUN GRUB CHOS DBYINGS BDE BA CHEN PO'I DNGOS, ,RNAM PA RE BA SKONG BYED MTHUN PA'I RDZAS, ,DNGOS BSHAMS YID KYIS SPRUL PA'I MCHOD PA'I SPRIN,, NAM MKHA'I KHAMS KUN BKANG STE 'BUL BA NI, ,RIN CEN GSER DNGUL 'OD 'BAR SNOD YANGS SU, ,'BRAS CHANG RGUN CHANG NAS KYI CHANG PHUD SOGS, ,MTSO LTAR RAB BSKYIL GTZANG MA'I GSER SKYEMS 'DIS, ,BSTAN SKYONG CHEN MO 'KHOR DANG BCAS PA MCHOD, ,TZAN DAN SHUG PA AA KA RU LA SOGS, ,DRI ZHIM NGAD LDANG SPOS SNA BRGYA PHRAG TSOGS, ,BSREGS PA'I DUD SPRIN NAM MKHA'I KHAMS GANG BAS, ,DAM TSIG GZI LDAN 'BAR MA 'KHOR BCAS BSANGS, ,RIN CEN SGA SRAB MDZES PA'I DAR SNA CAN, ,SHVA BA DUNG GI RVA BCU ZENGS SE ZENGS, ,SPRIN DKAR G-YO 'DRA'I RTA MCHOG GLOG LTAR 'GYU, ,'JAM PA'I SPU LDAN SHEL LTAR 'TSER BA'I LUG ,'JA' TSON LTAR BKRA'I RGYAN LDAN RA SKYES TSOGS, ,G-YU BYA PHUG RON TSOGS RNAMS ZLOS GAR SGYUR,, KHU BYUG MYOS PA'I SGRA 'BYIN LING LING G-YO, ,BYA NAG SRIN BYA'I TSOGS RNAMS ZLOS GAR SGYUR, ,SKAD SNYAN BYE'U SNA TSOGS GLU DBYANGS LEN, ,MDZES PA'I SPYAN GZIGS RNAMS KYIS THUGS DAM BSKANG, ,JA CHANG PHUD SOGS BTUNG BA RGYA MTSOR BSKYIL,, RO BRGYA'I ZAS SOGS ZAS SNA SNA TSOGS DANG, ,'BRU SNA'I SPOD SOGS BCA' BA'I BYE BRAG DANG, ,DKAR GSUM MNGAR GSUM GTZANG MA'I PHUD KYIS MCHOD, ,LHA RDZAS ME TOG TSOGS KYIS BAR SNANG 'KHRIGS, ,RAB 'BAR SGRON ME'I PHRENG BA TSAR DU
DNGAR, ,GDANGS SNYAN SKAD KYI 'GYUR BA BRGYA PHRAG CAN, ,SIL SNYAN ROL MO'I BYE BRAG KUN KYANG 'BUL, ,STONG GSUM KHYON LTAR RIN CEN SNOD YANGS SU, ,RI RAB LTA BUR SPUNGS PA'I GTOR MA NI, ,AOm A'A: H'Um GIS BDUD RTZIR BYIN BRLABS NAS,, BSTAN SKYONG CHEN MO 'KHOR BCAS ZHAL DU 'BUL,, GTOR SNGAGS KYIS KYANG 'BUL LO, ,DE NAS, BSTAN PA SKYONG MDZAD DPAL LDAN YANG GHA BZA', ,GSANG MTSAN DAM TSIG GZI LDAN 'BAR MA STE, ,RMA RI RAB 'BYAMS RDO RJE GRAGS MO RGYAL, ,RGYAL BA'I BSTAN SRUNG CHEN MO KHYOD LA BSTOD, ,KHYOD SKU RAB DKAR SHEL GYI LJON PA BZHIN, ,LHAB LHUB DAR DANG RIN CEN RGYAN PHRENG G-YO, ,RIN CEN DBU RGYAN 'PHUR LDING COD PAN CAN, ,CHOS 'KHOR SKYONG MDZAD DPAL MO KHYOD LA BSTOD, ,SKU GSUNG THUGS KYI BKA' NYAN GTZO MO GSUM, ,DAM TSIG LDAN PA'I MCHED GYUR BSTAN MA'I TSOGS, ,LAS BYED SDE BRGYAD BDUD MO SMAN MO'I TSOGS, ,SA DANG BAR SNANG GANG BA RNAMS LA BSTOD, ,DAM TSIG GZI LDAN 'BAR MA 'KHOR BCAS KYIS, ,DAM RDZAS MCHOD GTOR RGYA MTSO 'DI BZHES LA, ,DAM TSIG LDAN PA'I RNAL 'BYOR BDAG CAG GI ,DAM LAS MA 'DA' BCOL BA'I 'PHRIN LAS MDZOD, ,DPAL LDAN 'BRAS SPUNGS CHOS KYI SDE CHEN PO, ,SRID MTHA'I BAR DU DAR ZHING RGYAS PA DANG, ,BLO GSAL MKHAS MANG RTAG TU 'DU BA DANG, ,BSHAD SGRUB YAR NGO'I ZLA LTAR 'PHEL BAR MDZOD, ,PHYOGS BCU'I DAD LDAN SKYE BO MA LUS DANG, ,PHUN TSOGS DPAL 'BYOR THAMS CAD DBANG DU SDUS, ,BDAG CAG DPON SLOB 'KHOR DANG BCAS RNAMS KYI, ,ZHI RGYAS DBANG DRAG
, ,'PHRIN LAS MA LUS SGRUBS, ,BDAG CAG DPON SLOB DGON GNAS BCAS PA LA, ,NYE BAR 'TSE BA'I SEMS 'CHANG DGRA DANG BGEGS, ,LTAS DANG CHO 'PHRUL TSOGS KYIS SPA BKONG LA, ,RKYEN DANG 'TSAM PAR MYUR DU TSAR CHOD CIG ,MDOR NA DPON SLOB PADMA 'BYUNG GNAS DANG, ,GNUBS CHEN SANGS RGYAS YE SHES NAS BZUNG STE, ,RTZA BRGYUD BLA MA'I SPYAN SNGAR KHAS BLANGS PA'I, ,DAM LAS MA 'DA' BCOL BA'I 'PHRIN LAS SGRUBS, ,ZHES RGYUN LDAN DU DE TZAM BYA ZHING GTOR MA SKYONG NA, GTOR MA G-YA' DANG GANGS MTHONG BA'I GTOR STEGS KHAR BSKYAL LA, AOm, BDAG NYID CHEN MO RDO RJE KUN GRAGS MA, ,ZHES SOGS BSTAN SKYONG GSOL KHA BYA'O, ,RDO RJE GRAGS MO RGYAL LA MCHOG GTOR BYA BA'I TSUL 'KHYER BDE BAR BKOD PA 'DI NI, DON GNYER CAN MANG POS BSKUL BA'I NGOR BTZUN PA DGE 'DUN RGYA MTSO'I DPAL GYIS DGA' LDAN PHO BRANG DU BKOD PA'I,, ,, ` BSTAN SKYONG CHEN MO RDO RJE GRAGS MO RGYAL LA MCHOD GTOR BYA BA'I RIM PA NI SNGAR TSIGS BCAD DU SGRIGS PA SNGA MA LTAR YIN LA, DE NAS GTOR MA RNAMS KYI PHUD DANG, GSER SKYEMS LA SOGS PA 'THOR BA'I TSE GSOL KHA BYA BA'I TSUL NI, MCHOD SBYIN GYI GTOR MA GZUGS SGRA DRI RO REG BYA 'DOD PA'I YON TAN LNGA DANG LDAN PA SA DANG BAR SNANG NAM MKHA'I KHYON THAMS CAD GANG BA 'DI DANG, DGYES PA'I SPYAN GZIGS DANG, MCHOD PA'I BYE BRAG BSAM GYIS MI KHYAB PA, GTZANG MA PHUD KYI GSER SKYEMS DAM PA DANG BCAS PA 'DI RNAMS RNAL 'BYOR YONGS KYI DGRA LHA, SANGS RGYAS BSTAN PA'I SRUNG MA, CHOS 'KHOR YONGS KYI SROG SHING, MTHU DANG STOBS KYI BDAG MO, BOD KHAMS SKYONG BA'I BSTAN MA, SNANG SRID KYI LHA MA SRIN SDE
BRGYAD BRAN DU 'KHOL BA, DAM CAN SGRUB PA PO BU BZHIN DU SKYONG BA, BSTAN PA LA GNOD PA'I DGRA DANG BGEGS THAMS CAD SKAD CIG GIS RLAG PAR BYED PA'I DRAG SHUL CAN RDO RJE GRAGS MO RGYAL, MTSAN GZHAN JO MO YANG GHA BZA', GSANG MTSAN RDO RJE DAM TSIG GZI LDAN 'BAR MA, SKU MDOG DKAR LA DMAR BA'I MDANGS CHAGS PA, DAR GYI NA BZA' DANG, RIN PO CHE'I RGYAN PHRENG GI LHAB LHUB CAN, PHYAG G-YAS 'PHRUL GYI ME LONG BSNAMS NAS SNANG SRID GSAL BAR STON CING ZHAGS PAS DAM NYAMS KYI MGUL NAS 'CHING BA, G-YON PA LCAGS KYU DAR SNA TSOGS KYIS BRGYAN PAS DGRA BGEGS RNAMS KYI SROG RTZA GCOD CING SNANG SRID DBANG DU SDUD PA, CHIBS SU SHVA BA RVA BCU LA CHIBS PA, RMA RI RAB 'BYAMS KYI RTZE LA BZHUGS NAS DPAL LDAN 'BRAS SPUNGS KYI DGON GNAS SKYONG ZHING BKA'I BYA RA MDZAD PA LA GSOL LO, ,MCHOD DO, ,MGRON NO, ,BSNGO'O, ,GZHAN YANG SKU'I G-YOG MO DUNG GHA BZA' MTSE'U'I RONG LA GNAS PA PHYAG G-YAS LCAGS KYI BYA KHRA BSNAMS NAS SPRUL PA PHYOGS BCUR 'GYED CING, G-YON LCAGS KYI ZOR BAS DAM NYAMS KYI SROG RTZA GCOD PA, SHVA BA YU MO LA CHIBS PA, BDUD MO'I TSOGS KYIS BSKOR BA LA GSOL LO, ,MCHOD DO, ,MGRON NO, ,BSNGO'O, ,GZHAN YANG PHAG TSANG GI RONG LA GNAS PA, GSUNG GI G-YOG MO MA GHA BZA' RE LDE NAG PO'I NA BZA' GYON PA, PHYAG G-YAS NA SRE LONG GI PHRENG BAS LEGS NYES RTZIS LA 'DEBS SHING G-YON DAR MDUNG DMAR PO DGRA LA 'PHYAR BA, DRE'U LA CHIBS SHING BTZAN DMAG 'BUM GYIS BSKOR BA DANG BCAS PA LA GSOL LO, ,MCHOD
, ,DO, ,MGRON NO, ,BSNGO'O, ,THUGS KYI G-YOG MO SHEL BZA' SMAN GCIG SKU LA ZA 'OG GI NA BZAS BRGYAN CING CHU DAR SNGON PO'I LHAB LHUB CAN, DUNG GI COD PAN DANG BYU RU'I RGYAN GYIS BRGYAN PA, PHYAG G-YAS DNGUL SKYOGS ZAS KYIS GANG BA GTZO MO LA STOB CING G-YON PA DAR DKAR GYI LHAB LHUB BSNAMS PA, PHAG TSANG GI RONG LA BZHUGS SHING 'BRONG G-YAG ROG PO LA CHIBS NAS BKA'I BYA RA MDZAD PA, SMAN MO 'BUM SDE'I 'KHOR GYIS BSKOR BA LA GSOL LO, ,MCHOD DO, ,MGRON NO; ;BSNGO'O, ,ZHES PHUD RNAMS GTOR LA BSTAN SKYONG CHEN MO 'KHOR DANG BCAS PA RNAMS KYIS DAM RDZAS RGYAN DANG LDAN PA'I MCHOD GTOR 'DI BZHES LA, SNGON SLOB DPON CHEN PO PADMA 'BYUNG GNAS DANG GNUBS CHEN SANGS RGYAS YE SHES LA SOGS PA BLA MA GONG MA RNAMS KYIS BKA' DANG DAM LA BTAGS, RANG RANG GI SROG GI SNYING PO PHUL NAS SANGS RGYAS KYI BSTAN PA BSRUNG BA DANG, RNAL 'BYOR DAM TSIG CAN RNAMS KYIS JI LTAR BSGO BA'I 'PHRIN LAS BSGRUB PAR KHAS BLANGS DAM BCAS PA'I DAM TSIG RJES SU DRAN PAR GYIS LA SANGS RGYAS KYI BSTAN PA SRUNGS, DKON MCHOG GI DBU 'PHANG BSTOD, BSTAN 'DZIN GYI SKYES BU DAM PA RNAMS KYI SKU TSE SRINGS, 'PHRIN LAS SGRUBS, KHYAD PAR DU YANG BDAG CAG DPON SLOB DGON GNAS DGE 'DUN GYI SDE DANG BCAS PA LA NYIN GSUM GYI BYA RA, MTSAN GSUM GYI MEL TSE MA G-YEL BAR BSRUNG BA DANG BSKYAB PA DANG SBA BA DANG, SANGS RGYAS KYI BSTAN PA DGE 'DUN GYI SDE BSHAD SGRUB KYI BYA BA RNAMS YAR NGO'I ZLA BA LTAR DU RGYAS PAR MDZOD CIG ,KHAMS
GSUM GYI ZAS NOR LONGS SPYOD PHUN SUM TSOGS PA THAMS CAD DBANG DU SDUD SHIG ,BSTAN PA DANG BSTAN PA 'DZIN PA DANG DGON GNAS 'DI DAG LA GNOD CING 'TSE BA DANG, BSAM SBYOR NGAN PA'I DGRA BGEGS RNAMS KYI BSAM SBYOR NGAN PA THAMS CAD MYUR DU ZHI ZHING DBANG DU BSDU BAR MDZOD CIG, GAL TE ZHI BAS 'DUL BAR MA 'TSAL NA LTAS DANG CHO 'PHRUL SNA TSOGS PAS SPA BKONG LA SKAD CIG NYID LA GANG LA GANG 'TSAM PA'I DRAG PO'I CHAD PAS THAL BAR BRLAG PAR MDZOD CIG MDOR NA GANG DANG GANG BSGO BA'I ZHI RGYAS DBANG DRAG GI 'PHRIN LAS THAMS CAD THOGS PA MED PAR MYUR DU GRUB PAR MDZOD CIG CES 'PHRIN LAS 'CHOL LO, ,BSTAN SKYONG CHEN MO DRAG TU BSKUL BA'I TSUL NI, H'Um, NGA NI DPAL LDAN RDO RJE 'DZIN, ,SRID GSUM DGRA BGEGS KUN GYI GSHED, ,KHRO BO'I DBANG PO RTA MCHOG DPAL, ,DE RING BSTAN SKYONG TSOGS RNAMS LA, ,DAM TSIG 'PHRIN LAS GNYER DU GTOD, ,BSTAN SKYONG RDO RJE GRAGS MO RGYAL, ,SKU GSUNG THUGS KYI G-YOG MOR BCAS, ,BSAM YAS DPAL GYI MCHIMS PHU RU,, SLOB DPON PADMA 'BYUNG GNAS KYIS, ,RTA MGRIN KHRAG 'THUNG SKU 'KHOR DU, ,DBANG BSKUR BKA' DANG DAM LA BZHAG ,DE TSE GSANG BA'I MTSAN BTAGS PA, ,RDO RJE DAM TSIG GZI LDAN 'BAR, ,DE NAS SGRAGS KYI YANG RDZONG DU, ,GNUBS CHEN SANGS RGYAS YE SHES KYIS, ,GSHIN RJE'I GSHED KYI DKYIL 'KHOR DU, ,DBANG BSKUR BKA' DANG DAM LA BZHAG ,DE NAS DPAL GYI PHUG PA RU, ,SLOB DPON GNYAN CHEN DPAL DBYANGS KYIS, ,YANG DAG SGRUB PA'I DKYIL KHOR DU, ,DBANG BSKUR BSTAN PA
, ,SRUNG BA RU, ,BKA' BSGOS DAM TSIG GNYER DU GTAD, ,DE LTAR RTZA BRGYUD BLA MA YIS, ,BKA' BSGOS RANG GIS KHAS BLANGS PA'I, ,DAM TSIG GNYAN PO DRAN GYIS LA, ,NAM MKHA' GANG BA'I SPYAN GZIGS DANG, ,DAM RDZAS MCHOD GTOR 'DI BZHES LA, ,BCOL BA'I LAS 'DI MYUR DU SGRUBS, ,DPAL LDAN RDO RJE GRAGS MO RGYAL, ,GONG GSUM SKYONG BA'I SMAN GCIG MA, ,GSANG MTSAN RDO RJE GZI LDAN 'BAR, ,MTHU STOBS DBANG PHYUG YANG GHA BZA', ,KHYOD NYID DGRA LA KHROS PA'I TSE,, CHIBS SU GLOG PHRENG 'BAR BA CHIBS, ,KHA NAS BSKAL PA'I ME DPUNG 'PHRO, ,SHANGS NAS DUD SPRIN THUL LU LU, RJES SU ME DPUNG 'BAR BA KHRID, ,MKHA' LA GLO BUR CHU 'DZIN 'KHRIGS, ,'BRUG SGRA DRAG PO PHYOGS BCUR SGROG ,GNAM LCAGS SER CHEN DRAG TU 'BEBS, ,SA GZHI ME DANG CHU YIS 'GENGS, ,BDUD BYA SKYUNG KA LINGS SE LING, ,BYA NAG MCHU SER THIBS SE THIB, ,SMAN MO'I SHON SKROR KHRIGS SE KHRIGS, ,BDUD DMAG MANG PO NYER RE RE, ,BTZAN GYI RTA RGYUG SHA RA RA, ,DGA' NA RGYA MTSO MKHA' LA SKYEL, ,KHROS NA NYI ZLA THANG LA 'BEBS, ,BGAD NA RI RAB PHYE MAR 'THAG ,DE LTA'I MTHU RTZAL CHO 'PHRUL CAN, ,'KHOR DANG BCAS PA KHYED RNAMS KYIS, ,SANGS RGYAS BSTAN PA LA GNOD CING, ,DGE 'DUN SDE RNAMS DKRUG CING 'JOMS,, SKYE BO YONGS LA GNOD SEMS CAN, ,KHYAD PAR DGON GNAS 'DI NYID DANG, ,RNAL 'BYOR BDAG CAG 'KHOR BCAS LA, ,SDANG ZHING GDUG PA'I BSAM PA CAN, ,MI DANG MI MIN DGRA BGEGS RNAMS, ,LTAS DANG CHO 'PHRUL SNA TSOGS PAS, 'JIGS
SHING SKRAG NAS SPA BKONG LA, ,LO DANG ZLA BAR MA BZHAG PAR, ,SNYING KHRAG DRON MO MYUR DU 'THUNG, ,DA LTA NYID DU RLAG PAR GYIS, ,GDUG CAN DAM NYAMS DGRA BO 'DI, ,GNYEN 'KHOR PHUN TSOGS KUN DANG PHROL, ,SKYOB PA'I LHA DPON RNAMS DANG PHYE,, ZAS NOR LONGS SPYOD NYAMS SU CHUG ,BDUN RGYUD TSUN CHAD RLAG PAR GYIS, ,BCOL BA'I LAS 'DI MA BSGRUBS NA, ,SLOB DPON CHEN PO'I BKA' DANG 'GAL, RANG GI DAM TSIG KHAS BLANGS NYAMS, ,RNAL 'BYOR BDAG GI RE BA BCAD, ,DE BAS DAM TSIG MA BSNYEL BAR, ,BCOL BA'I 'PHRIN LAS MYUR DU SGRUBS, ,ZHES DRAG TU BSKUL ZHING GTOR MA DGRA PHYOGS SU SKYEL BA SOGS BYA'O, ,BSTAN SKYONG CHEN MO'I GSOL KHA DANG DRAG TU BSKUL BA 'DI DAG KYANG CHOS SMRA BA'I BTZUN PA DGE 'DUN RGYA MTSO'I DPAL GYIS DGA' LDAN PHO BRANG DU BKOD PA'O,, ,, ` BLA MA DANG MKHA' 'GRO'I TSOGS LA PHYAG 'TSAL LO, ,DPAL LDAN RDO RJE G-YU SGRON MA GTZO 'KHOR LA MCHOD GTOR BYA BA'I TSUL NI, NANG MCHOD MCHOD PA GTOR MA RNAMS PHYAG LEN BZHIN DU BSHAMS, PHYI NANG GSANG BA'I RTEN RNAMS KYANG TSOGS PAR BYAS LA BYIN GYIS BRLABS, ROL MO DBYANGS DANG BCAS PAS 'BUL BA NI, AOm LHUN GRUB BDE BA CHEN PO'I PHO BRANG NAS, ,ZHES SOGS SHLOO KA LNGA SNGON DU BTANG LA, BHYO, SNGON TSE KHYAB BDAG RDO RJE 'CHANG DBANG DANG, ,PADMA 'BYUNG GNAS SPYAN SNGAR ZHAL BZHES BZHIN, ,DPAL LDAN LHA MO RDO RJE G-YU SGRON MA, ,'KHOR BCAS BSTAN PA BSRUNG PHYIR GSHEGS SU GSOL, ,DANG PO'I BRTEN SA AU RGYAN GNAS MCHOG STE, ,BAR DU RDO RJE GDAN GYI SRUNG MA MDZAD, ,BAL BOD MTSAMS GNAS BOD KHAMS THAMS CAD DU, ,GTZUG LAG KHANG SKYONG SRUNG MA MTHU
, ,RTZAL CAN, ,DUS KYI MTHA' 'DIR KHYOD KYI BRTEN PA'I GNAS, ,LHA DANG BLA MA MKHA' 'GROS BYIN BRLABS SHING, ,DAM CAN SRUNG MA SPRIN BZHIN 'DU BA YI, ,BKRA SHIS LHUN GYIS GRUB PA'I GTZUG LAG KHANG, ,DA LTA CHOS 'KHOR RGYAL GYI SRUNG MA STE, ,GNAS 'DIR BSHAD SGRUB BSTAN PA SPEL BA DANG, ,DGE 'DUN SDE RNAMS DAR ZHING RGYAS PA'I PHYIR, ,'KHOR BCAS THOGS PA MED PAR GSHEGS SU GSOL, ,AOm, RANG GI MDUN DU PADMA ZLA BA'I STENG, ,'JA' 'OD GUR KHYIM 'KHRIGS PA'I PHO BRANG DU, ,LHA MO HE LA 'BAR MA GANGS RI'I MDOG ,PHYAG G-YAS MDA' DAR G-YON PA BUM PA BSNAMS, ,RMA BYA'I SGRO THUL DAR GYI LHAB LHUB DANG, ,RNAM MANG RIN CEN RGYAN GYIS MDZES PA CAN, ,ZHI KHRO CHAGS DANG SGEG PA'I RNAM 'GYUR NI,, SNA TSOGS STON MDZAD GNAS 'DIR BRTAN PAR BZHUGS, ,DE YI G-YAS SU RDO RJE CHOS SGRON MA, ,DKAR MO 'DZUM BCAS THOD PA'I RNGA CHUNG G-YAS, ,G-YON PA MDZES PA'I GAR STABS SGYUR MDZAD MA, ,DRE'U RTA LA CHIBS BRTAN PAR BZHUGS SU GSOL,, G-YON NA RDO RJE SNA YON MIG SMAN MDOG ,PHYAG G-YAS LCAGS KYUS DGRA BO'I SNYING 'BYIN CING, ,G-YON PA ZOR BAS DAM NYAMS SROG RTZA GCOD, ,GTUM DRAG SHVA BA LA CHIBS BRTAN PAR BZHUGS, ,'KHOR DU GNAS GSUM MKHA' 'GRO'I TSOGS RNAMS DANG, ,BOD KHAMS SKYONG MDZAD BSTAN MA 'KHOR DANG BCAS, ,DREGS PA SDE BRGYAD 'KHOR TSOGS RGYA MTSOR BCAS, ,GNAS 'DIR BSTAN PA SPEL PHYIR BZHUGS SU GSOL,, AOm, BDE STONG DBYER MED NAM MKHA'I KLONG YANGS LAS, ,BYUNG BA'I
MCHOD SPRIN RGYA MTSO 'BUL BA NI, ,DRI ZHIM SPOS KYI DUD PAS NAM MKHA' GANG, ,RO BRGYA'I GSER SKYEMS BTUNG BA MTSO LTAR BSKYIL, ,SNA TSOGS ROL MO'I BYE BRAG MTHA' YAS PAS, ,BKA' SRUNG CHEN MO 'KHOR BCAS THUGS DAM BSKANG, ,SMAN SNA STONG LAS SBYAR BA'I SMAN PHUD DANG, ,'BRU SNA SNA TSOGS RIN CEN RNAM LNGA'I TSOGS, ,PHYE MAR SPOS DKAR SHA CHEN DUD SPRIN DANG, ,DMAR CHEN RAKTA'I TSOGS KYIS THUGS DAM BSKANG, ,RDZU THOD PA'I NANG, ,BKOD MDZES RI RAB LTA BU'I GTOR MA'I TSOGS, G-YO BA'I RTA MCHOG TSOGS, ,DAR GYI COD PAN 'PHUR LDING ZHOL G-YAG DANG, ,MDZES PA'I SPYAN GZIGS TSOGS KYIS THUGS DAM BSKANG, ,'JA' TSON LTAR BKRA'I RGYAN LDAN RA DANG LUG ,MDA' DAR ME LONG DUNG SHO DKAR POS BRGYAN, ,'DOD DGU'I DPAL STER BRJID PA'I RI RAB BCAS, ,RTEN RDZAS DAM PA RNAMS KYIS THUGS DAM BSKANG, ,SA CHEN KHYON LTAR YANGS PA'I THOD PA'I NANG, ,BKOD MDZES RI RAB LTA BU'I GTOR MA'I TSOGS, ,SNGAGS DANG PHYAG RGYAS BDUD RTZIR BYIN BRLABS NAS, ,BKA' SRUNG CHEN MO 'KHOR BCAS ZHAL DU 'BUL, ,BSTAN SRUNG CHEN MO 'KHOR DANG BCAS PA'I LJAGS H'Um LAS SKYES PA'I RDO RJE RTZE GCIG PA DMAR PO 'OD KYI SBU GU CAN DU GYUR, AOm AA KA RO MU KHAm, ZHES SOGS BDUN GYIS DBUL, AARGHAm SOGS KYIS MCHOD, BSTOD CING 'PHRIN LAS BCOL BA NI, BHYO, AU RGYAN YUL DU GNAS GSUM MKHA' 'GRO'I GTZO, ,RDO RJE GDAN DU GTZUG LAG KHANG SKYONG MA, ,BOD KHAMS SKYONG MDZAD BSTAN MA YONGS KYI GTZO, ,DPAL LDAN RDO RJE G-YU SGRON KHYOD LA BSTOD, ,RLUNG LTAR 'PHYO
, ,BA'I DRE'U SNGON MO'I STENG, ,RAB MDZES SGEG LDEM LHA MO'I SKUR STON CING, ,RES 'GA' RAB KHROS SRIN MO'I GZUGS KYIS KYANG, ,MA RUNGS DGRA BGEGS TSAR GCOD KHYOD LA BSTOD, ,RDO RJE CHOS KYI SGRON MA GANGS RI'I MDOG ,THOD PA'I RNGA CHUNG GAR STABS PHYAG RGYA CAN, ,RDO RJE SNA YON SRIN MO KHROS PA'I GZUGS, ,LAS BYED BKA' NYAN GTZO MO GNYIS LA BSTOD, ,DNGOS GRUB CHAR LTAR 'BEBS MDZAD MKHA' 'GRO'I TSOGS, ,RNAL 'BYOR BU BZHIN SKYONG MDZAD BSTAN MA DANG, ,DGRA BGEGS THAL BAR RLAG BYED SDE BRGYAD TSOGS, ,DAM CAN 'KHOR TSOGS RGYA MTSO'I TSOGS LA BSTOD, ,DPAL LDAN HE LA 'BAR MA DRAG SHUL CAN, ,MING PO KLU CHEN RDO RJE 'BAR BA DANG, ,BKA' NYAN GTZO MO GNYIS DANG 'KHOR TSOGS BCAS, ,DAM RDZAS RGYAN GYI GTOR MA 'DI BZHES LA, ,RDO RJE 'CHANG DANG PADMA THOD PHRENG GI ,SPYAN SNGAR KHAS BLANGS DAM TSIG RJES DGONGS TE, ,RGYAL BA'I BSTAN PA DAR ZHING RGYAS PA DANG, ,BSTAN LA GNOD PA'I DGRA BGEGS TSAR GCOD MDZOD, ,KHYAD PAR RNAL 'BYOR DPON SLOB 'KHOR BCAS DANG, ,DGON GNAS DGE 'DUN SDE DANG GTZUG LAG KHANG, ,NYE BAR MKHO BA'I NOR RDZAS LONGS SPYOD TSOGS, ,MA LUS SRUNG ZHING RGYAS PA'I GNYER MDZOD CIG ,NAD GDON BAR CHAD NYER 'TSE ZHI BA DANG, ,TSE DANG BSOD NAMS BSHAD SGRUB RGYAS PA DANG, ,SA 'OG SA STENG SA BLA'I SKYE 'GRO KUN, ,MA LUS DBANG DU BSDU BA'I 'PHRIN LAS MDZOD, ,DPON SLOB DGON GNAS 'DI NYID BCAS PA LA, ,GNOD PA'I SEMS 'CHANG DGRA DANG BGEGS RNAMS KUN, ,RKYEN DANG
'TSAM PAR MYUR DU TSAR CHOD LA, ,BSAM DON YID BZHIN 'GRUB PA'I 'PHRIN LAS MDZOD, ,CES BSTOD CING 'PHRIN LAS BCOL, H'Um, SNGON GYI BSKAL PA'I DANG PO LA, ,RGYA GAR YUL DU BYON PA'I TSE, ,AU RGYAN YUL GYI MKHA' 'GRO MA, ,MNGA' RIS STOD DU BYON PA'I TSE, ,'BUM GZAN LA RGYAL ZHES KYANG GRAGS, ,DKAR CHUNG SRUNG MAR GSHEGS PA'I TSE, ,PADMA GAR GYI DBANG PHYUG MA, ,HE LA 'BAR MA SHAM SNGON CAN, ,LAS MKHAN RDO RJE SNA YON MA, ,RDO RJE G-YU SGRON ZHES KYANG GRAGS, ,LHA KHANG SRUNG MAR GSHEGS PA'I TSE, ,MTSAN NI RDO RJE G-YU SGRON MA, ,MA GCIG JO MO DKOR BDAG MA, ,SKU MDOG DKAR DMAR 'BAR BA LA, ,DBU LA G-YU YI THOD CHINGS GSOL, ,SKU LA DAR DKAR NA BZA' GSOL, ,PHYAG NA GSER GYI BUM PA BSNAMS, ,RKED LA DNGUL DKAR ME LONG BTZUGS, ,CHIBS SU G-YU DRE SNGON MO CHIBS, ,G-YU YI SGA SRAB KHROL LO LO, ,MDZES PA'I GSUNG SNYAN 'TSER RE RE, ,'PHAGS PA BYANG CHUB TSUL KHRIMS KYIS, ,BKA' DANG DAM LA BTAGS PA BZHIN, ,SGRUB PA PO YI GROGS MDZOD LA, ,RGYU SBYOR 'KHOR BCAS BAR CHAD SOL, ,MCHOG DANG THUN MONG DNGOS GRUB STZOL, ,BCOL BA'I LAS RNAMS GRUB PAR MDZOD, ,CES 'PHAGS PA BYANG CHUB TSUL KHRIMS KYIS BSTAN SRUNG CHEN MO DNGOS SU DAM LA BTAGS PA'I DUS MDZAD PA 'DI YANG BYA'O, ,BKA' SRUNG CHEN MO RDO RJE G-YU SGRON MA LA MCHOD GTOR BYA BA'I TSUL 'DI YANG CHOS SMRA BA'I BTZUN PA DGE 'DUN RGYA MTSO'I DPAL GYIS CHOS 'KHOR RGYAL GYI GTZUG LAG KHANG DU THOGS MED DU SBYAR BA'I YI GE PA NI RNAM DPYOD CAN BSHES GNYEN BKRA SHIS SO,, ,, ` GU RU DUS GSUM SANGS RGYAS LA DUS
, ,THAMS CAD DU PHYAG 'TSAL LO, ,DE'I BKA' SRUNG KONG BTZUN DE MO RDO RJE BOD KHAMS SKYONG LA MCHOD GTOR BYA BA'I TSUL NI, PHYI NANG GSANG BA'I SGRUB TSUL GANG BYED PA'I SGO NAS DE DANG BSTUN PA'I RTEN RDZAS DANG DAM RDZAS RNAMS BSAGS, MCHOD GTOR RGYAS PAR SPRO NA DKYIL 'KHOR YANG RGYAS TSOD BZHIN BYAS LA, SNGAGS DRUG PHYAG RGYA DRUG GIS MCHOD GTOR RNAMS BYIN GYIS BRLABS, NANG MCHOD DANG MCHOD GTOR YANG BLA MED KYI DKYIL 'KHOR GANG RUNG GI LUGS LTAR BYIN GYIS BRLABS NAS, ROL MO SPOS DUD DBYANGS DANG BCAS PAS, H'Um, LHUN GRUB BDE BA CHEN PO'I PHO BRANG NAS, ,ZHES PA NAS, CHOS GRVA CHE 'DI DAR ZHING RGYAS PAR MDZOD, ,CES PA'I BAR RAM, LAS BYANG RGYAS PAR GRUB NA'ANG RUNG STE SNGON DU BTANG LA, AOm; SNGON TSE AO dI YA NA'I NOR 'DZIN BDAG ,RIGS LDAN RGYAL PO AINDRA BHU TI'I SRAS, ,DE NAS RGYA GAR CHOS KYI RGYAL PO'I SRAS, ,TI TI ZHANG GI SMAN GCIG CES SU GRAGS, ,DE NAS ZHANG ZHUNG YUL DU KHYOD 'KHRUNGS TE, ,'PHRUL TING SHAG GI SMAN GCIG CES BYA LA, ,DE NAS DGE MTSAN BCU LDAN KONG YUL GYI, ,LHA YI RJE RGYAL KHROM LA ZHES BYA DANG, ,YUM NI LHA LCAM SMAN RGYAL 'DUS PA'I SRAS, ,KONG BTZUN DE MO RDO RJE BOD KHAMS SKYONG, ,RANG GI MCHED MO BSTAN MA'I TSOGS RNAMS DANG, ,BKA' NYAN SDE BRGYAD 'KHOR TSOGS RGYA MTSOR BCAS, ,DUS GSUM SANGS RGYAS PADMA THOD PHRENG GI ,SPYAN SNGAR ZHAL BZHES DAM TSIG RJES DGONGS LA, ,SANGS RGYAS BSTAN PA DAR ZHING RGYAS PA DANG, ,RNAM DAG DGE 'DUN SDE RNAMS 'PHEL BA DANG, ,MING PO BDAG GI ZHI RGYAS DBANG DRAG GI ,LAS RNAMS BSGRUB PHYIR GNAS 'DIR GSHEGS SU GSOL, ,DPAL LDAN
BSTAN SKYONG CHEN MO KHYOD NYID KYI, ,PHYI NANG GSANG BA'I SGRUB TSUL RNAM GSUM LAS, ,PHYI SGRUB BDUD MO KHROS PA'I SKUR BSTAN PA, ,SGRUB PA'I MAndAL DKYIL 'KHOR CHEN PO'I DBUS, ,NAM MKHA'I MDOG CAN PHYAG G-YAS RAL GRI DANG, ,G-YON PA NAD RKYAL DAR ZAB NA BZA' DANG, ,GSER G-YU'I RGYAN PHRENG MCHOG GIS MDZES PA CAN, ,DRE'U RTA LA CHIBS BDUD MO 'BUM SDES BSKOR, ,NANG SGRUB GNOD SBYIN MO LTAR SGRUB PA'I TSE, ,SKU MDOG DKAR MO NYI MA'I 'OD DANG LDAN, ,PHYAG G-YAS BDUD RTZIS GANG BA'I BUM PA NI, ,NOR BUS MTSAN PAS SGRUB LA DNGOS GRUB STZOL, ,CHIBS SU KONG RTA GRO DKAR RDZU 'PHRUL CAN, ,LAS SGRUB GNOD SBYIN 'BUM GYI 'KHOR GYIS BSKOR, ,GSANG BA MKHA' 'GRO LTA BUR SGRUB PA'I TSE, ,MKHA' 'GRO CHEN MO RDO RJE DPAL 'BAR MA, ,PADMA R'A GA'I MDANGS CAN PHYAG G-YAS NA, ,SNANG SRID THAMS CAD GSAL BA'I ME LONG DANG, ,G-YON PA LCAGS KYUS KHAMS GSUM DBANG DU SDUD, ,MKHA' 'GRO 'BUM SDE'I TSOGS BCAS BRTAN PAR BZHUGS, ,BDE CHEN YE SHES ROL MTSO G-YO BA'I RLABS, ,RNAM PA RE BA SKONG BYED MCHOD PA'I RDZAS, ,SA DANG BAR SNANG NAM MKHA'I KHYON BKANG STE, ,DAM CAN 'KHOR DANG BCAS LA 'BUL BA NI, ,DRI 'DZIN TSIM BYED BZANG PO'I DRI BZANG CAN, ,RNAM MANG SPOS KYI DUD SPRIN MKHA' LA DKRIGS, ,RAB 'BAR 'OD CAN RIN CEN SNOD YANGS SU, ,PHUN TSOGS GSER SKYEMS MTSO LTAR BSKYIL BAS MCHOD, ,DRI MED DVANGS SHING BSIL BA'I MCHOD YON DANG, ,PADMA AUTPAL KU MU DA LA SOGS, ,YID 'ONG MDZES PA'I ME TOG SNA TSOGS
, ,DANG, ,DRI ZHIM NGAD LDAN TZAN DAN GUR KUM SOGS, ,SBYAR BA'I DRI CHAB RIN CEN SNOD DU GTAMS, ,RO BRGYA'I ZHAL ZAS TSOGS DANG LHA DANG MI'I, ,BZA' DANG BCA' BA'I KHYAD PAR RMAD BYUNG KUN, ,DRI ZA'I PI WANG LHA YI GLING BU SOGS,, RNA BAR SNYAN PA'I ROL MO'I BYE BRAG RNAMS, ,BSTAN PA SKYONG MDZAD 'KHOR DANG BCAS LA 'BUL, ,GSER G-YU MU TIG MU MEN LA SOGS PA, ,RNAM MANG RIN CEN TSOGS DANG 'BRU SNA'I TSOGS, ,DUNG DKAR PHRENG BA MDA' DAR ME LONG BCAS, ,RLUNG LTAR 'PHYO BA'I RTA MCHOG DRE'U'I TSOGS, ,'PHUR LDING GAR BYED MDZES PA'I BYA TSOGS DANG, ,'JA' TSON LTAR BKRA'I DAR GYI COD PAN CAN, ,'JAM PA'I SPU LDAN LUG DANG RA SKYES TSOGS, ,CHAR SPRIN LTA BUR MDZES PA'I RNGA ZHOL CAN, ,STOBS LDAN ZHOL G-YAG TSOGS KYIS THUGS DAM BSKANG, ,NOR 'DZIN KHYON LTAR YANGS PA'I RIN CEN GYI, ,SNOD DU 'CHI MED RI BO LTAR SPUNGS PA'I, ,DAM RDZAS RGYAN GYI GTOR MA DAM PA 'DI, ,ZAG MED BDUD RTZIR BYIN GYIS BRLABS TE 'BUL, ,BSTAN SKYONG 'KHOR DANG BCAS PA'I LJAGS RDO RJE RTZE GCIG PA 'OD KYI SBU GU CAN DU GYUR PAS GTOR MA'I BCUD THAMS CAD DRANGS TE GSOL BAR BSAMS NAS, AOm AA K'A RO MU KHAm, ZHES SOGS LAN BDUN NAM GSUM GYIS GTOR MA DBUL, AOm, SNGON TSE AU RGYAN YUL GYI MKHA' 'GRO'I GTZO, ,BAR DU 'PHAGS YUL CHOS KYI SRUNG MA MDZAD, ,THA MA'I DUS 'DIR BOD KHAMS SKYONG MDZAD PA'I, ,DPAL LDAN RDO RJE DPAL 'BAR KHYOD LA BSTOD, ,RES 'GA' DKAR ZHING BRJID PA LHA MO'I GZUGS, ,SKABS 'GAR MTHING NAG KHRO ZHING
RNGAM PA'I TSUL, ,LA LAR MKHA' 'GRO DMAR MO CHAGS PA'I NYAMS, ,SKU YI RNAM 'GYUR CIR YANG STON LA BSTOD, ,LONGS SPYOD 'DOD DGU'I DPAL STER GNOD SBYIN TSOGS, ,DNGOS GRUB CHAR LTAR 'BEBS PA'I MKHA' 'GRO DANG, ,DGRA BGEGS RLAG BYED BDUD MO'I TSOGS LA SOGS, ,RNAM MNGA' 'KHOR TSOGS RGYA MTSOR BCAS LA BSTOD, ,BOD KHAMS SKYONG MDZAD BSTAN MA BCU GNYIS DANG, ,KHYAD PAR BSTAN PA SRUNG LA MTHU RTZAL CAN, ,KONG BTZUN DE MO RDO RJE BOD KHAMS SKYONG, ,LAS BYED 'KHOR TSOGS RGYA MTSOR BCAS RNAMS KYIS, ,DAM RDZAS BYIN GYIS BRLABS PA'I GTOR MA DANG, ,JA CHANG PHUD DANG SMAN R'AGA RGYA MTSOR 'KHYIL, ,MDZES PA'I SPYAN GZIGS DAM PA 'DI BZHES LA, ,SLOB DPON CHEN PO'I SPYAN SNGAR KHAS BLANGS PA'I,, ZHAL BZHES DAM TSIG GNYAN PO RJES DGONGS TE, ,RGYAL BA'I BSTAN PA DAR ZHING RGYAS PA DANG, ,DGE 'DUN SDE RNAMS 'PHEL ZHING BSHAD SGRUB KYI, ,BYA BA YAR NGO'I ZLA LTAR RGYAS PAR MDZOD, ,KHYAD PAR RNAL 'BYOR DPON SLOB 'KHOR BCAS KYI, ,MI MTHUN RKYEN DANG BAR CHAD ZHI BA DANG, ,TSE DANG BSOD NAMS DPAL 'BYOR RGYAS PA DANG, ,SNANG SRID THAMS CAD DBANG DU BSDU BAR MDZOD, ,RGYAL BA'I BSTAN DANG BSTAN 'DZIN LA 'KHU ZHING, ,RNAL 'BYOR BDAG LA SDANG BA'I DGRA BGEGS RNAMS,, RNAM MANG LTAS DANG CHO 'PHRUL BSTAN NAS KYANG, ,SKAD CIG NYID LA THAL BAR RLAG PAR MDZOD, ,SNGON TSE RJE BTZUN PADMA 'BYUNG GNAS KYI, ,SPYAN SNGAR BSTAN MA BCU GNYIS RANG RANG GI ,SROG GI SNYING PO PHUL NAS KHAS BLANGS PA'I, ,ZHAL BZHES DRAN
, ,DGONGS BCOL BA'I 'PHRIN LAS MDZOD, ,CES BSTAN SKYONG KONG BTZUN DE MO LA MCHOD GTOR BYA BA'I TSUL 'DI NI 'TSO BYED SMAN PA'I RGYAL PO BSOD NAMS BKRA SHIS KYIS YANG DANG YANG DU GSOL BA BTAB PA'I NGOR, SLOB DPON CHEN PO NYID KYIS GSUNGS PA'I SGRUB YIG LA GZHI BYAS DGE 'DUN RGYA MTSO'I DPAL GYIS SBYAR BA'I YI GE PA NI CHOS KYI DPAL 'BYOR LEGS SO,, ,, ` SVASTI, DPAL LDAN AU RGYAN YUL GYI MKHA' 'GRO MA, ,'PHAGS PA'I YUL DU BSTAN PA SRUNG MDZAD MA, ,KONG BTZUN DE MO RDO RJE BOD KHAMS SKYONG, ,'KHOR DANG BCAS PA GNAS 'DIR GSHEGS SU GSOL, ,MDUN GYI NAM MKHAR BSTAN SKYONG CHEN MO NI, ,ZHI RGYAS DBANG DRAG CHA LUGS SNA TSOGS CAN, ,RANG GI MCHED MO BSTAN MA'I TSOGS DANG BCAS, ,RNAL 'BYOR 'PHRIN LAS BSGRUB PHYIR BRTAN PAR BZHUGS,, MDZES PA'I SPYAN GZIGS NAM MKHA'I KHYON GANG ZHING, ,DAM RDZAS GTOR MA RI LTAR SPUNGS PA DANG, ,ZAG MED GSER SKYEMS BDUD RTZI MTSO LTAR BSKYIL, ,RGYAL BA'I BSTAN SRUNG CHEN MO KHYOD LA 'BUL, ,MDZES SHING YID 'PHROG SGEG LDAN LHA MO'I GZUGS, ,RES 'GA' SGEG CING BRJID PA'I NYAMS DANG LDAN, ,DGRA BGEGS GDUL PHYIR DRAG MO'I GZUGS SU NI, ,STON MDZAD 'KHOR TSOGS DANG BCAS KHYOD LA BSTOD, ,CHOS KYI GRVA 'DIR TSUL KHRIMS LA GNAS NAS, ,THOS BSAM LHUR LEN BDAG CAG GROGS MCHED RNAMS, ,'GAL RKYEN BAR CHAD NYER 'TSE LAS SRUNG ZHING, ,MTHUN RKYEN BZHED PA'I DON KUN 'GRUB PAR MDZOD, ,CES BSTAN SKYONG CHEN MO KONG BTZUN DE MO'I MCHOD GTOR 'BUL TSUL BSDUS PA 'BRAS SPUNGS SU KONG PO'I GRVA PA SLOB GNYER BA
RNAMS KYIS ZHUS NAS GNANG BA'O,, ,, ` RGYAL BA'I DBANG PO PADMA 'BYUNG GNAS KYIS, ,BKA' DANG DAM LA BTAGS PA'I MTHU RTZAL CAN, ,CHOS SKYONG CHEN PO 'KHOR DANG BCAS RNAMS KYIS, ,NAM MKHA' GANG BA'I MCHOD GTOR 'DI BZHES LA, ,SNGON TSE SLOB DPON CHEN PO'I SPYAN SNGA RU, ,JI LTAR ZHAL BZHES DAM TSIG RJES DGONGS TE, ,RNAL 'BYOR BDAG CAG 'KHOR DANG BCAS RNAMS KYI, ,PHYI NANG 'GAL RKYEN BAR CHAD THAMS CAD SOL, ,LOG PAR LTA BA'I DGRA DANG BGEGS RNAMS KUN, ,MTHU STOBS CHEN POS MYUR DU TSAR CHOD LA, ,CHAB SRID MTSAN JUS DPAL 'BYOR LONGS SPYOD RNAMS, ,RTAG TU 'PHEL ZHING RGYAS PA'I 'PHRIN LAS MDZOD, ,CES CHOS RGYAL CHEN PO LA 'PHRIN LAS BCOL BA 'DI 'OL KHA RDZING PHYIR GNANG BA'O,, ,, ` MA LUS RGYAL BA'I MKHYEN BRTZE GCIG BSDUS NAS, ,AOO dI YA NAR PADMA'I GE SAR LAS, ,LEGS 'KHRUNGS RGYAL DBANG PADMA SAM BHA WAS, ,GNAS 'DIR MNGA' THANG RIGS RGYUD 'PHEL BAR MDZOD, ,MGON DES BOD KHAMS PHAN BDE 'BYUNG BA'I GZHI, ,ZAN YANG MI 'GYUR LHUN GYIS GRUB LA SOGS, ,GTZUG LAG KHANG KUN SRUNG BAR MNGA' GSOL BA'I, ,CHOS SKYONG CHEN PO KHYOD LA BDAG BSTOD DO, ,MTHA' BRAL CHOS KYI DBYINGS LAS MA G-YOS KYANG, ,'PHRIN LAS RNAM BZHIS BSTAN PA BSRUNG BA'I PHYIR, ,SKU LNGA'I RNAM ROL SNA TSOGS STON MDZAD PA'I, ,BSTAN SRUNG CHEN PO KHYOD LA BDAG BSTOD DO, ,GANG LA MCHOD BSTOD BSNYEN SGRUB LHUR BLANGS NA, ,DPAG BSAM SHING DANG BUM BZANG NOR BU LTAR, ,'DOD DGU'I DNGOS GRUB CHAR BZHIN 'BEBS MDZAD PA'I,,
, ,BSAM 'PHEL DBANG GI RGYAL POR BDAG BSTOD DO, ,SPRUL PA'I CHOS RGYAL CHEN PO 'KHOR BCAS KYIS, ,SA DANG BAR SNANG GANG BA'I SPYAN GZIGS DANG, ,DAM RDZAS MCHOD GTOR RGYA MTSO LE YAR NGO'I ZLA BA LTAR, ,'PHEL BAS 'DZIN MA'I KHYON NI GANG BA'I 'PHRIN LAS MDZOD, ,MI YI DBANG PO MCHED GYUR YUM SRAS RNAMS, ,SRID 'DIR SKU TSE RAB TU BRTAN PA DANG, ,RIGS KYI THIG LE YAR NGO'I ZLA BA LTAR, ,'PHEL BAS 'DZIN MA'I KHYON NI GANG BAR MDZOD, ,GLING BZHI'I DPAL LA 'DOD DGUR DBANG SGYUR BA'I, ,GSER GYI 'KHOR LOS SGYUR RGYAL JI BZHIN DU, ,PHUN TSOGS YON TAN LDAN PA'I SRAS STONG DANG, ,LDAN PA'I MNGA' THANG CHAB SRID BRTAN PAR MDZOD, ,CES GNYOS KYI SNGAGS 'CHANG GONG RU GRAGS PA DPAL BZANG GIS BSKUL BA'I NGOR CHOS SMRA BA'I BTZUN PA DGE 'DUN RGYA MTSO'I DPAL GYIS SHAR PHYOGS 'OL KHA STAG RTZE'I PHO BRANG DU SBYAR BA'O,, ,, ` TSE RING MCHED LNGA BSTAN MA DANG BCAS PA LA GTOR MA 'BUL TSUL NI MCHOD GTOR RNAMS BYIN GYIS BRLABS LA, RANG GI THUGS KA'I H'Um SNGON PO'I 'OD ZER LCAGS KYU'I RNAM PA CAN GYIS JO MO BKRA SHIS TSE RING MCHED LNGA BOD KHAMS SKYONG BA'I BSTAN MA BCU GNYIS 'KHOR DANG BCAS PA SPYAN DRANGS, AOm, SNGON GYI KHAS BLANGS DAM BCA' MA BSNYEL BAR, ,TSE RING MCHED LNGA BSTAN MA BCU GNYIS BCAS, ,RNAM MANG 'KHOR TSOGS DANG BCAS GNAS 'DI RU, ,TSUR SPYON TSUR SPYON MYUR DU GSHEGS SU GSOL, ,AE A'A RA LI HR'Im, MA MA, ME ME, LA LA, LE LE, TA TA, TE TE, SRING 'GRO MA AA K'ARshA YA DZA: DAR DKAR GYI GUR 'JA' 'OD 'KHYIL BA'I DBUS SU BZHUGS PAR GYUR,
MGRON RNAMS KYI LJAGS H'Um LAS SKYES PA'I RDO RJE RTZE GCIG PA 'OD KYI SBU GU CAN DU GYUR PAS GTOR MA'I BCUD THAMS CAD DRANGS TE GSOL BAR GYUR, AOm BADZRA SA MA YA d'A KI NI MA MA PANYTZA SIDDHI DZNY'A NA SA MA YA AI DAm BA LIm TA KHA KHA, KH'A HI KH'A HI, ZHES LAN LNGAS TSE RING MCHED LNGA DANG, AA K'A ROS BSTAN MA LA BSNGOS, AARGHAm SOGS KYIS MCHOD DE, GSER SKYEMS SBRENG ZHING ROL MO DBYANGS DANG BCAS TE, AOm, DPAL LDAN BKRA SHIS TSE RING SKU MDOG DKAR, ,PHYAG G-YAS RDO RJE G-YON PA BUM PA 'DZIN, ,CHIBS SU SENG GE DKAR MO CHIBS NAS KYANG, ,TSE DANG SRID KYI DPAL 'BYOR RGYAS PAR MDZOD, ,SNANG GSAL PRA STON MTHING GI ZHAL BZANG MA, ,PHYAG G-YAS BA DAN G-YON PA ME LONG 'DZIN, ,MDZES BRJID SKU MDOG SNGON MO RKYANG LA CHIBS, ,RNAM MANG 'KHOR TSOGS DANG BCAS KHYOD LA BSTOD, ,ZAS KYI DPAL STER MI G-YO BLO BZANG MA, ,STAG LA CHIBS SHING LHAB LHUB DAR GYIS MDZES, ,SKU MDOG SER MO PHYAG G-YON NE'U LE DANG, ,G-YAS PAS ZAS KYI GZHONG PA 'DZIN LA BSTOD, ,NOR GYI MCHOG STER COD PAN MGRIN BZANG MA, ,PADMA R'A GA'I MDANGS CHAGS SHVA YU CHIBS, ,PHYAG G-YAS DGOS 'DOD 'BYUNG BA'I NOR BU DANG, ,G-YON PA GTER GYI SGROM BU 'DZIN LA BSTOD, ,RKANG BZHI PHYUGS KYI DNGOS GRUB KUN STZOL BA, ,GTAD DKAR 'GRO BZANG SNGO LJANG MAR GAD MDOG ,'BRUG LA CHIBS SHING PHYAG G-YAS DUR BA DANG, ,G-YON PA SPRUL GYI ZHAGS PA 'DZIN LA BSTOD, ,GNAM MTSO PHYUG MO LA GNAS GSANG BA'I MTSAN, ,BDAG NYID CHEN MO RDO RJE KUN GRAGS MA, ,SKU MDOG SNGON MO 'BRUG LA CHIBS PA
, ,STE; ;CHU SRIN RGYAL MTSAN ME LONG 'DZIN LA BSTOD, ,LHO BOD MTSAMS NA BZHUGS PA GSANG BA'I MTSAN, ,DPAL LDAN LHA RI RDO RJE G-YA' MA SKYONG, ,GSER GYI MDOG CAN RKYANG LA CHIBS MDZAD MA, ,SHANG LANG DANG NI ZHAGS PA 'DZIN LA BSTOD, ,LA PHYI'I GANGS LA BZHUGS PA GSANG BA'I MTSAN, ,GANGS KYI YUM CHEN RDO RJE KUN TU BZANG, ,SKU MDOG DMAR MO CHIBS SU SENG GE CHIBS, ,RDO RJE DANG NI BUM PA 'DZIN LA BSTOD, ,YAR 'BROG MTSO CHEN LA GNAS GSANG BA'I MTSAN,, 'BROG CHEN 'KHOR 'DUL RDO RJE BGEGS KYI GTZO, ,SKU MDOG SNGON MO DRE'U CHIBS NAS KYANG, ,RU MTSON RTZE LNGA ZHAGS PA 'DZIN LA BSTOD, ,LHA PHU GANGS LA GNAS PA GSANG BA'I MTSAN, ,GANGS DKAR SHA MED RDO RJE SPYAN GCIG MA, ,SKU MDOG DKAR MO CHIBS SU SHVA BA CHIBS, ,GSER GYI ZOR BA BUM PA 'DZIN LA BSTOD, ,RU MTSAMS JO MO KHA RAG GSANG BA'I MTSAN, ,KHA RAG KHYUNG BTZUN RDO RJE DPAL GYI YUM, ,SKU MDOG SER MO MKHA' LDING DBANG PO CHIBS, ,d'A MA RU DANG ME LONG 'DZIN LA BSTOD, ,BYANG STONG DONG DMAR MTSO BDAG GSANG BA'I MTSAN, ,GSER CHEN MKHA' LA LDING BA RDO RJE'I GLU, ,SKU MDOG DMAR MO GYI LING RTA LA CHIBS, ,PAR BU DANG NI SBRUL ZHAGS 'DZIN LA BSTOD, ,RMA CHEN SPOM RA'I DRUNG GNAS GSANG BA'I MTSAN,, RMA RI RAB 'BYAMS RDO RJE GRAGS MO RGYAL, ,SKU MDOG LJANG GU CHIBS SU 'PHAR BA CHIBS, ,BE CON DANG NI MKHAR GZHON 'DZIN LA BSTOD, ,KONG YUL DRE SNA GDONG GNAS GSANG BA'I MTSAN, ,KONG BTZUN DE MO RDO RJE BOD KHAMS SKYONG, ,SPRIN GSEB
RLUNG BSKYOD RES DGA' RTA LA CHIBS, ,DKAR MO MDA' DAR SGROM BU 'DZIN LA BSTOD, ,AA GNYAL LO RO'I GNAS BDAG GSANG BA'I MTSAN, ,BTZAN LA LO RO RDO RJE SMAN GCIG MA, ,SKU MDOG SER MO MDZO MO CHIBS SU CHIBS, ,LHAB LHUB DAR DANG 'BRANG RGYAS 'DZIN LA BSTOD, ,GTZANG STOD JO MO NAGS RGYAL GSANG BA'I MTSAN, ,SMAN BTZUN AUG CHOS RDO RJE G-YAR MO SIL, ,SKU MDOG DMAR MO SHVA BA YU MO CHIBS, ,RIN CEN 'BAR BA TING SHAG 'DZIN LA BSTOD, ,JO MO G-YU RI LA GNAS GSANG BA'I MTSAN, ,G-YU YI RDO RJE DRIL BU GZUGS LEGS MA, ,SKU MDOG SNGON MO STAG LA CHIBS PA STE, ,PADMA DANG NI DRIL BU 'DZIN LA BSTOD, ,TSE RING MCHED LNGA BSTAN MA BCU GNYIS BCAS, ,SNGON GYI KHAS BLANGS DAM BCAS MA BSNYEL BAR,, DAM RDZAS RGYAN GYI MCHOD GTOR 'DI BZHES LA, ,SANGS RGYAS BSTAN PA GNYAN PO SRUNG BA DANG, ,RNAL 'BYOR BDAG CAG 'KHOR DANG BCAS RNAMS KYI, ,RKYEN DANG BAR CHAD THAMS CAD ZHI BA DANG, ,CHOS DANG SRID KYI 'BYOR BA MA LUS PA, ,RTAG TU PHYOGS BCUR RGYAS PA'I 'PHRIN LAS MDZOD, ,CES TSE RING MA MCHED LNGA BSTAN MA BCU GNYIS DANG BCAS PA'I GTOR 'BUL BYED TSUL MI DBANG CHOS RGYAL CHEN PO 'JAM DPAL TSE RING RGYAL PO'I BKAS BSKUL NAS DGE 'DUN RGYA MTSO'I DPAL GYIS CHOS 'KHOR LHA SAR BRIS PA'O,, ,, ` AOm SVASTI, DPAL LDAN RDO RJE GDAN GYI BYANG GI PHYOGS, ,BOD YUL SA YI THIG LE YAR KLUNGS KYI, ,DGE MTSAN BCU DANG LDAN PA YUL GYI GRU, ,LHA YI 'JIG RTEN DANG MTSUNGS 'PHYOS LUNG GI ,BYANG RI RAB BRTAN LHUN PO BRTZEGS PA'I RTZER, ,MU TIG
, ,TSOGS 'BAR RIN CEN BA GAM CAN, ,GSER GYI KHANG BRTZEGS PHO BRANG DAM PA NAS, ,SANGS RGYAS BSTAN PA SRUNG BA'I BSTAN SRUNG MCHOG ,CHOS MDZAD BU BZHIN SKYONG BA'I DAM TSIG CAN, ,NAG PHYOGS PHYE MAR 'THAG PA'I MTHU RTZAL CAN,, DPAL LDAN 'PHYOS LHA 'KHOR BCAS GNAS 'DIR GSHEGS, ,MDUN GYI NAM MKHAR 'JA' TSON GUR KHYIM DBUS, ,TING 'DZIN PIR GYIS BRIS PA'I GZHAL YAS SU, ,MCHOG TU DGYES PA'I GZI MDANGS 'DZUM DANG BCAS, ,GRANGS MED 'KHOR TSOGS DANG BCAS BZHUGS SU GSOL, ,STONG GSUM KHYON LTAR RIN CEN SNOD YANGS SU, ,RI LTAR SPUNGS PA'I DAM RDZAS GTOR MA 'DI, ,AOm A'A: H'Um GIS BDUD RTZIR BYIN BRLABS NAS, ,DGRA LHA GNYAN PO 'KHOR DANG BCAS LA 'BUL, ,GZHAN YANG DNGOS SU BSHAMS DANG YID KYIS SPRUL, ,DGYES PA'I MCHOD SPRIN SPYAN GZIGS NAM MKHA'I KHAMS, ,YONGS SU GANG BA SNGAGS DANG PHYAG RGYA YIS, ,BYIN GYIS BRLABS NAS DGYES PA BSKYED PHYIR 'BUL, ,GSER GYI 'OD RIS 'KHRIGS PA'I SNOD MCHOG TU,, LEGS PAR GTAMS PA'I GSER SKYEMS DAM PA DANG, ,RO BRGYA'I DPAL 'DZIN JA DKAR BTUNG BA SOGS, ,YID 'ONG MCHOD PA'I SPRIN GYIS KHYOD LA MCHOD, ,RLUNG LTAR MGYOGS PA'I CANG SHES CHIBS SU CHIBS, ,GANGS RI LTAR DKAR DPA' ZHING RAB TU BRJID, ,DRAN PA TZAM GYIS ZHI RGYAS DBANG DRAG GI ,PHRIN LAS TSUL BZHIN SGRUB MDZAD KHYOD LA BSTOD, ,LHA CHEN 'KHOR DANG BCAS PA KHYED RNAMS KYIS, ,DGYES PA'I MCHOD GTOR DAM RDZAS 'DI BZHES LA, ,YUL GYI PHYOGS 'DIR NAD RIGS
BZHI BRGYA SOGS, ,NYE BAR 'TSE BA THAMS CAD MED PAR MDZOD, ,RTAG TU LO LEGS CHAR CHU DUS SU 'BAB, ,MI PHYUGS RAB 'PHEL BDE SKYID PHUN TSOGS KUN, ,YUL GYI PHYOGS 'DIR RTAG TU RGYAS PA DANG, ,PHUN TSOGS THAMS CAD DBANG DU BSDU BAR MDZOD, ,LOG PAR 'KHU BA'I SEMS LDAN DGRA DANG BGEGS, ,YUL PHYOGS GANG NA GNAS PA THAMS CAD KYANG, ,LTAS DANG CHO 'PHRUL SOGS KYIS SPA BKONG LA, ,SKAD CIG NYID LA BRLAG PA'I 'PHRIN LAS MDZOD, ,MDOR NA SNGON TSE SLOB DPON CHEN PO YIS, ,JI LTAR BKA' BSGOS DAM LA BZHAG PA BZHIN, ,BCOL BA'I 'PHRIN LAS THAMS CAD SGRUB PA LA, ,NAM YANG G-YEL BA MED PA'I GNYER MDZOD CIG ,CES PA 'DI NANG SO RTA MGRIN MGON PO BA'I GSUNG GIS BSKUL BA'I NGOR DGE 'DUN RGYA MTSO'I DPAL GYIS SMRAS PA'I YI GE PA NI GZHON NU RNAM DPYOD LDAN PA MGON PO ZHES PAS BRIS PA'O,, ,, ` BDE CHEN RGYAL BA KUN GYI CHOS KYI SKU, ,YID 'ONG MDZES PA'I CHU SKYES SDONG PO LAS, ,LEGS 'KHRUNGS RGYAL DBANG PADMA 'BYUNG GNAS ZHES, ,'GRO LA GRAGS PA'I BA DANG CHES DKAR BA, ,SRID GSUM 'BYUNG PO KUN LA MNGA' MDZAD CING, ,KHYAD PAR BOD KYI LHA SRIN MA LUS PA, ,KHYOD KYI BKA' LA GNAS SO YUD TZAM GYIS, ,MGON KHYOD BDAG GI SNYING LA SA MA DZA:, ,LHUN PO'I LHO PHYOGS DPAL LDAN 'DZAM BU'I GLING,, RGYAL BA STONG GIS CHOS 'KHOR BSKOR BA'I GNAS, ,GANG DE'I BYANG PHYOGS KHA BA'I SA 'DZIN GYIS, ,YONGS SU BSKOR BA BOD YUL ZHES BYA BA'I, ,SA YI THIG LE LTA BU YAR KLUNGS ZHES, ,MTHO RIS GRONG GI MDZES PA LAS RGYAL BA, ,GANG DE'I CHA SHAS
, ,'PHYOS LUNG 'DZIN MA'I PHYOGS, ,CHOS DANG SRID KYI PHUN TSOGS JI SNYED PA, ,GANG LA BRTEN PAS SA GZHI LA GNAS KYANG, ,'CHI MED DBANG PO'I GNAS SU BRTAG BYA BA, ,GANG DE CHOS BZHIN SKYONG BA'I MTHU BO CHE, ,SANGS RGYAS BSTAN PA SRUNG BA'I DAM TSIG CAN, ,NAG PHYOGS PHYE MAR 'THAG PA'I MTHU RTZAL CAN, ,'PHRIN LAS GZUGS SU STON PA 'PHYOS LHA ZHES, ,GRAGS PA'I PHO NYA SRID RTZE'I MTHAR 'GRO BA, ,LHA KHYOD SPYAN 'DREN DA LTA GNAS 'DIR GSHEGS, ,RAB BRTAN PHUN TSOGS LHA YI RI BO'I NGOS, ,RIN CEN KHANG BZANG SHEL GYI BA GAM CAN, ,NYAMS DGA' 'JA' 'OD 'KHYIL BA'I PHO BRANG NAS, ,'KHOR DANG BCAS PA DA LTA GNAS 'DIR SPYON, ,NAM MKHA' ME YI 'OD KYIS 'GENGS PA BZHIN, ,BAR SNANG GLOG GI PHRENG BA 'KHRIGS PA BZHIN, ,NAG PHYOGS PHYE MAR 'THAG LA GNAM LCAGS BZHIN, ,RINGS PAR TSUR SPYON GNAS 'DIR BRTAN PAR BZHUGS, ,HA RI TZAN DAN GA BUR DZ'A TI SOGS, ,DRI ZHIM SPOS KYI DUD SPRIN MKHA' LAM KHYAB, ,YID 'ONG LHA YI GOS KYI BLA RE BRES,, MDZES PA'I BA DAN DAR 'PHAN 'JA' TSON LTAR, ,CHES CHER BKRA BAS BAR SNANG KHYAB PAR DKRIGS, ,PHYOGS KUN DAL GYIS DGOD PA'I 'BRUG SGRA BZHIN, ,SNYAN BRJID ROL MO'I SGRA YIS SA CHEN G-YO, ,RIN CEN SNOD DU LEGS GTAMS RO BRGYA PA'I,, MYOS BYED BDUD RTZI'I BTUNG BA MTSO LTAR BSKYIL, ,'CHI MED BDUD RTZI'I CHUS BRAN ZHAL ZAS KYI, ,BSHOS BU DKAR DMAR RI RAB BAS KYANG MTHO, ,RIN CEN TSOGS DANG GO KHRAB BZHON PA SOGS, ,MDZES PA'I SPYAN GZIGS SA DANG BAR SNANG GANG,,
TING 'DZIN SNGAGS DANG PHYAG RGYAS BYIN BRLABS PA'I, ,DGYES PA'I MCHOD GTOR RAB 'BYAMS ZHING GI KHYON, ,YONGS SU GANG BA DGRA LHA 'KHOR BCAS LA, ,GSOL LO MCHOD DO DGYES BZHIN BZHES SU GSOL, ,KHYOD SKU RAB DKAR GANGS KYI RI BO BZHIN, ,STONG PHRAG NYI MA'I 'OD ZER RNAM PAR 'PHRO, ,MKHA' LA SPRIN DKAR G-YO BA'I RNAM PA CAN, ,CANG SHES BZHON PAS RNAM ROL KHYOD LA BSTOD, ,RIN CEN RGYAN PHRENG G-YO BA'I MDZES SDUG CAN, ,DAR DKAR NA BZA' GSAR PA'I LHAB LHUB DANG,, GSER GYI SKA RAGS NOR BU'I LAN TSAR CAN, ,RNAM THOS BU YI MDZES 'PHROG KHYOD LA BSTOD, ,DRAG TU KHROS TSE NOR BU'I GO KHRAB CAN, ,LHAB LHUB BA DAN G-YO BA'I MDUNG RNON GYIS, ,DGRA BGEGS PHYE MAR 'THAG PA'I DRAG SHUL CAN, ,DPA' BA'I DPUNG TSOGS DANG BCAS KHYOD LA BSTOD, ,DAM CAN SRUNG MA 'KHOR BCAS KHYED RNAMS KYIS, ,DGYES PA'I MCHOD GTOR RGYA MTSO 'DI BZHES LA, ,YUL GYI PHYOGS 'DIR RDZOGS LDAN DUS BZHIN DU, ,CHOS DANG SRID KYI 'BYOR PA RGYAS PAR MDZOD, ,KHYAD PAR BDAG CAG MI NOR 'KHOR DANG BCAS, ,LHA MCHOG KHYOD LA DENG NAS GNYER ZHING GTAD, ,NYIN GSUM BYA RA NAM YANG MA G-YEL CIG ,MTSAN GSUM MEL TSE NAM YANG MA G-YEL CIG ,NAG PHYOGS DGRA BGEGS THAMS CAD TSAR CHOD LA, ,TSE DANG BSOD NAMS DPAL DANG 'BYOR PA DANG, ,RIGS RGYUD MNGA' 'BANGS SNYAN PA'I GRAGS PA SOGS, ,JI LTAR 'DOD PA'I DON KUN YID BZHIN SGRUBS, ,ZHES JO BO 'PHYOS LHA DKON PA LA MCHOD BSTOD KYI RIM PA 'DI NI NANG SO SKYA RGYAL DBANG PO'I GSUNG GIS BSKUL
, ,BA'I NGOR DBYANGS CAN BZHAD PA'I RDO RJES NGO MTSAR BKOD PAR SBYAR BA'O,, ,,SHU BHAm,,