, ,RJE BTZUN THAMS CAD MKHYEN PA'I GSUNG 'BUM THOR BU LAS DGE SLONG GI BSLAB BYA LAG LEN GSAL BA'I SGRON ME 'DUL BA BSDUS PA'I SNYING PO ZHES BYA BA BZHUGS SO,,
, ,DGE SLONG GI BSLAB BYA MDOR BSDUS PA LAG LEN GSAL BAR BYED PA'I SGRON ME ZHES BYA BA, THAMS CAD MKHYEN PA LA PHYAG 'TSAL LO, ,GANG GI ZHABS SEN YID 'ONG NOR BU'I RDUL, ,BGRANG YAS 'CHI MED DBANG PO'I TSOGS RNAMS KYI, ,GTZUG RGYAN DANG 'GROGS BU RAM SHING PA ZHES, ,SA GSUM 'GRO BA'I BLA MA DE LA 'DUD, ,'PHAGS MCHOG NYE BAR 'KHOR NAS LEGS BZUNG STE, ,BSTAN PA'I RTZA BA SO THAR BSLAB PA'I GNAS, ,GTZO BOR LEGS STON 'DUL BA'I SDE SNOD MCHOG ,GSAL MDZAD RGYA BOD 'DUL 'DZIN RNAMS LA 'DUD, ,DE LA 'DIR BDAG CAG GI STON PA SH'AKYA'I RGYAL PO ZHES SNYAN PA'I BA DAN DKAR PO SA GSUM NA G-YO BA DE NYID KYIS DMAN PA LA MOS PA RNAMS LA CHAGS BRAL GYI SPYOD PA, RGYA CHEN PO LA LHAG PAR MOS PA RNAMS LA SA DANG PHA ROL TU PHYIN PA'I SPYOD PA, ZAB MO LA LHAG PAR MOS PA RNAMS LA CHAGS BCAS KYI SPYOD PAS CHOS
, ,KYI 'KHOR LO MTHA' YAS PA ZHIG BSKOR BAR MDZAD LA, DE THAMS CAD KYANG LHAG PA TSUL KHRIMS KYI BSLAB PA BRJOD BYA'I GTZO BOR BYAS NAS GTAN LA 'BEBS PA 'DUL BA'I SDE SNOD, LHAG PA TING NGE 'DZIN GYI BSLAB PA BRJOD BYA'I GTZO BOR BYAS NAS GTAN LA 'BEBS PA MDO SDE'I SDE SNOD, LHAG PA SHES RAB KYI BSLAB PA BRJOD BYA'I GTZO BOR BYAS NAS GTAN LA 'BEBS PA MNGON PA'I SDE SNOD GSUM DU 'DU STE, SDE SNOD RIN PO CHE RNAM PA GSUM BRJOD BYA DANG BCAS PAR LUNG RTOGS KYI BSTAN PA THAMS CAD 'DU BAS THAR PA DANG THAMS CAD MKHYEN PA DON DU GNYER BA'I GDUL BYA RNAMS KYI NYAMS LEN YANG BSLAB PA GSUM GYI NYAMS LEN LAS GZHAN MED CING, DE YANG LHAG PA TSUL KHRIMS KYI BSLAB PA LA BRTEN NAS LHAG PA TING NGE 'DZIN GYI BSLAB PA DANG, DE LA BRTEN NAS LHAG PA SHES RAB KYI BSLAB PA NGES PAR 'BYUNG DGOS PA'I BSLAB PA GSUM LA RGYU 'BRAS
MED NA MI 'BYUNG GI 'BREL BA GRUB PAS THOG MAR LHAG PA TSUL KHRIMS KYI BSLAB PA NYAMS SU LEN DGOS SHING, DE LA SANGS RGYAS KYI BSTAN PA LA ZHUGS LA YONGS SU RDZOGS PA'I SDOM PA NI DGE SLONG GI SDOM PA NYID YIN PAS DE'I DBANG DU BYAS PA'I BSLAB BYA RAGS RIM ZHIG BRJOD PAR BYA'O,, 'DI LA GSUM, SDOM PA MA THOB PA THOB PAR BYED PA'I THABS, THOB PA MI NYAMS PAR SRUNG BA'I THABS, NYAMS NA PHYIR BCOS PA'I THABS SO,, DANG PO NI DA LTAR GYI CHO GA LA BRTEN NAS BSNYEN PAR RDZOGS PAR BYED PA NI, BSGRUB BYA SDOM PA SKYE BA'I 'GAL RKYEN DANG BRAL ZHING MTHUN RKYEN TSANG BA LA MKHAN PO DANG LAS KYI SLOB DPON DANG GSANG STE STON PA'I SLOB DPON MTSAN NYID DANG LDAN PA DANG, KHA SKONG BAR 'OS PA'I DGE SLONG DANG BCAS TE YUL DBUS SU MA MTHA' BCU'I TSOGS DANG, MTHA' 'KHOB TU LNGA'I TSOGS TE, GRANGS TSANG ZHING MI MTHUN PA GNYIS DANG BRAL BAS GSOL BZHI'I LAS MTSAN NYID DANG LDAN PA BYAS PA LA BRTEN NAS NYES MED PHUN TSOGS KYI BSNYEN RDZOGS KYI SDOM PA LEGS PAR THOB PAR 'GYUR BA YIN NO,, GNYIS PA LA LNGA, PHYI'I RKYEN DGE BA'I BSHES GNYEN LA BRTEN NAS SRUNG BA, MI MTHUN PHYOGS NGO SHES PA'I SGO NAS SRUNG BA, BSLAB PA YONGS SU SBYONG BA'I SGO NAS SRUNG BA, BDE BAR GNAS PA'I RKYEN BSTEN PA'I SGO NAS SRUNG BA, RANG GI BSAM SBYOR PHUN TSOGS LA BRTEN NAS SRUNG BA'O,, DANG PO NI GNAS KYI BLA MA MTSAN NYID DANG LDAN PA TSUL BZHIN DU BSTEN TE DE LA BYA BA RNAMS ZHUS NAS SRUNG BA YIN TE, DE LTAR BYAS PAS GNAS MED KYI NYES PA KHEGS PA, BYA BA RNAMS MA
, ,ZHUS PAR RANG DBANG DU BSGRUBS PA'I NYES PA MI 'BYUNG BA, BLANG DOR GYI GNAS TSUL BZHIN DU SHES PA, NGO TSA KHREL YOD SKYE SLA BA'I DGOS PA RNAMS YOD PA YIN NO,, DES NA 'DI LA LNGA, GNAS KYI BLA MA'I MTSAN NYID, GNAS PA SLOB MA'I MTSAN NYID, DES DE JI LTAR BSTEN PA'I TSUL, BYA BA RNAMS ZHU BA'I RIM PA, DE DAG DANG 'BREL BA'I BSLAB BYA BSHAD PA'O,, DANG PO NI BSNYEN PAR RDZOGS PA'I SDOM PA RNAM DAG DANG LDAN ZHING, BSNYEN PAR RDZOGS NAS SDOM RGYUN BAR MA CHAD DU LO BCU LON PA NI BTZUN PA BRTAN PA'I YAN LAG DANG, MKHAS PA'I YAN LAG TU 'DUL BA SHES PA, PHAN 'DOGS KYI YAN LAG TU SNYING RJE DANG BZOD PA DANG LDAN ZHING NANG 'KHOR DAG PA DANG CHOS ZANG ZING GI PHAN 'DOGS LA BRTZON PA, RANG DANG LTA BA DANG MTSAN MTHUN ZHING THA SNYAD GSUM DANG LDAN PA, LUS THA MAL DU GNAS SHING SA RANG BZHIN DU GNAS PA, SNGAR GNAS SU GRUB ZIN PA MA YIN PA ZHIG DGOS TE, SUM BRGYA PA LAS, TSUL KHRIMS LDAN ZHING 'DUL BA'I CHO GA SHES, ,NAD PA SNYING BRTZE 'KHOR NI DAG PA DANG, ,CHOS DANG ZANG ZING PHAN 'DOGS LA BRTZON PA, ,DUS SU 'DOMS PA DE DAG BLA MAR BSNGAGS, ,ZHES SO,, GNYIS PA NI BSNYEN RDZOGS KYI SDOM PA RNAM DAG DANG LDAN ZHING, BSNYEN PAR RDZOGS NAS LO BCU MA LON PA'AM, LON MA LON JI LTAR YIN YANG 'DUL BA MI SHES PA, BLA MA LA GUS SHING DGE BA LA BRTZON PA, DUL ZHING NGA RGYAL CHUNG LA BLA MA'I CHOS LDAN GYI BYA BA SGRUB PA LA BRTZON PA, BZOD PA DANG LDAN ZHING LUS THA MAL DU GNAS PA STE, SUM BRGYA PA LAS,
SLOB DPON LA GUS TSUL KHRIMS YONGS DAG DANG, ,BSAM GTAN DANG NI 'DON PA LA BRTZON PA, ,GRIMS SHING DUL LA BZOD DANG LDAN PA NI, ,SDOM BRTZON GNAS PA'I CHOS LDAN SHES PAR BYA, ,ZHES GSUNGS LA, DE NI GNAS PA SLOB MA GTZO BO'I DBANG DU BYAS PA STE, RAB BYUNG SDE LNGA GANG RUNG GI SDOM PA GSO RUNG YAN CHAD DANG LDAN PA GZHAN GYIS KYANG GNAS KYI BLA MA BSTEN DGOS SO,, GSUM PA NI SLOB MAS BLA MA DANG, BLA MAS KYANG SLOB MA MTSAN NYID DANG LDAN MI LDAN BRTAGS TE, LDAN PAR SHES NA GNAS BCA' BA'I TSUL NI BLA MA LA PHYAG BTZAL, ZHABS LA 'JUS TE, SNGAR CHOS 'BREL YOD NA SLOB DPON DANG, MED NA, BTZUN PA DGONGS SU GSOL, BDAG MING 'DI ZHES BGYI BA BTZUN PA'AM SLOB DPON LA GNAS BCA' BAR GSOL NA, BTZUN PA'AM SLOB DPON GYIS BDAG LA GNAS BCA' BA STZOL CIG ,BDAG SLOB DPON NAM BTZUN PA LA GNAS 'CHA' ZHING MCHI'O LAN GSUM DANG, SLOB DPON GYIS, THABS YIN NO DANG, SLOB MAS, LEGS SO ZHES BRJOD LA GNAS BCAS NAS SANG GI SKYA RENGS SHAR BA NA GNAS KYI BLA MAR 'GYUR RO, ,MTSAMS NANG DE NA RANG GI MKHAN PO MTSAN NYID DANG LDAN PA YOD NA DE LAS GZHAN LA GNAS BCAR MI RUNG ZHING, SNGAR MKHAN POR GSOL BA BTAB PA LAS GNAS BCA' BA'I CHO GA ZUR DU MI DGOS PAS BYA BA RNAMS DE NYID LA ZHU BA YIN NO,, BZHI PA NI BSHANG GCI 'DOR BA SOGS DMIGS BSAL GSUNGS PA RNAMS MA GTOGS BYA BAR RUNG BA DANG THE TSOM ZA BA RNAMS ZHU ZHING, MI RUNG BA RNAMS MI ZHU STE, ZHUS KYANG MI
, ,GNANG LA GNANG YANG BYAR MI RUNG BA'I PHYIR RO, ,KHA CIG BYA BA RNAMS RANG MING NAS SMOS NAS ZHU MI DGOS TE, KUN TU SPYAD PAR RUNG BA DAG BGYI 'TSAL ZHES SPYIR BTANG GI TSUL GYIS ZHU BAR 'OD LDAN LAS BSHAD PA'I PHYIR ZHES SMRA BA NI MI 'THAD DE, BYAR RUNG MI RUNG THE TSOM GYI GNAS RNAMS GTZO BOR ZHU DGOS PA YIN LA, DES THE TSOM GCOD MI NUS PA'I PHYIR, DES NA 'OD LDAN LAS GSUNGS PA DE NI BYAR RUNG BA DAG ZHU ZHES MTSAN GZHI BZUNG BA TZAM MO, ,SPYIR BTANG LA BYA BA ZHU BA'I YUL MKHAN PO DANG GNAS KYI BLA MAR NGES KYANG, DBYAR SNGA MA'I ZLA BA PHYI MA GNYIS DANG PHYI MA'I ZLA BA SNGA MA GNYIS LA NI GZHON NU'I NANG NAS CHES RGAN PA LA ZHU BA DANG, DGE SLONG 'DUL BA SHES PA GANG YANG RUNG BA LA ZHUS PAS CHOG PAR DMIGS BSAL DU BSHAD PAS RANG GI MKHAN PO DANG GNAS KYI BLA MA 'OS PA MED NA DGE SLONG 'DUL BA SHES PA GZHAN LA BYA BA RNAMS ZHUS PAS CHOG PA YIN NO,, LNGA PA LA GNAS KYI BLA MA'I BSLAB BYA, GNAS PA SLOB MA'I BSLAB BYA, THUN MONG BA'I BSLAB BYA GSUM LAS, DANG PO NI RANG NYID GNAS KYI BLA MA SOGS GSUM MI 'OS BZHIN DU BYAS PA DANG, 'OS NA'ANG SLOB MA BSTEN PAR MI 'OS PA BSTEN PA DANG, 'OS PA MA BSTEN PA DANG, BSTEN PA NA CHAD PAS GCAD PAR 'OS PA MA BCAD PA DANG, MI 'OS PA BCAD PA DANG, CHAD PAS BCAD PA NA SLOB MAS BZOD PAR GSOL NA BZOD GSOL LEN 'OS PA MA BLANGS PA DANG, MI 'OS PA BLANGS PA DANG, SLOB MA DGE BA'I BYA BA 'PHEL BA DANG BSLAB PA'I NAN TAN LA SBYAR BAR MA BYAS PA DANG, DGOS PA
DE'I PHYIR SLOB MA'I MING SOGS SHES PAR MA BYAS PA DANG, SLOB MA NYES SPYOD LA LDOG PA DANG, LTUNG BA GLENG BA'I GROGS DGOS PA TSUL BZHIN MA BYAS PA DANG, SLOB MA'I CHOS LDAN GYI BYA BA'I GROGS 'OS PA MA BYAS PA DANG, SLOB MA RANG GI SAR DGE BA MI 'PHEL NA BLA MA GZHAN LA MA SBYAR BA DANG, GNAS PA SLOB MA DGE TSUL GCIG LAS MANG BA BZHAG PA RNAMS LA NYES BYAS SO,, GNYIS PA SLOB MA'I BSLAB BYA NI, GNAS KYI BLA MA BSTEN DGOS PA MA BSTEN PA DANG, BLA MA DANG MTSAMS NANG GCIG TU GNAS PA'I TSE RANG GIS KHRUS SOGS BYAS NAS BLA MA LA CHU 'DAG RDZAS SO SHING SOGS PHUL NAS PHYAG DANG SNYUN GSOL MA BYAS PA DANG, BLA MA BSOD SNYOMS PA YIN NA LHUNG BZED 'KHAR GSIL SOGS BYI DOR BYAS TE 'BUL DGOS PA'I TSE MA PHUL BA DANG, MTSAMS NANG DE LAS GZHAN BLA MA NYE 'KHOR DU GNAS PA'I TSE MA MTHA' NYIN RE PHYAG 'TSAL BA DANG SNYUN GSOL BA LAN RE MA BYAS PA DANG, BLA MAS MA GNANG BAR DE'I PHYI BZHIN DU 'GRO BA DANG, DGOS PA KHYAD PAR CAN MED PAR BLA MA'I SNGON DU 'GRO BA SOGS BYAS PA DANG, GZHAN GYIS BSOD SNYOMS STOB PA'I TSE BLA MA LA 'OS PA 'BUL DU MA BCUG PA DANG, ZAS BZANG PO RNYED PA'I TSE DE LA MA PHUL BA DANG, ZAS KYI TSE SOGS LAG CHU BRIM PA SOGS RANG NYID KYIS BYA DGOS PA RNAMS MA BYAS PA DANG, KHA ZAS KYI MJUG TU LHUNG BZED DANG 'KHAR GSIL SOGS BYI DOR BYAS TE RANG GNAS SU 'JOG DGOS PA MA BZHAG PA DANG, DGOS MED DU BLA MA'I GRAL GONG DU 'DUG PA DANG MDUN DU 'GRENG BA SOGS DANG, BLA MA LA 'BUL BA BYUNG
, ,BA'I TSE LEN MKHAN GZHAN MED NA MA BLANGS PA DANG, BLA MA'I CHOS LDAN GYI GTAM GYI BAR CHAD BYAS PA DANG, BLA MA'I LEGS BSHAD LA, LEGS SO MA PHUL BA DANG, BLA MA NYES SPYOD LAS LDOG DGOS PA'I TSE MA LDOG PA DANG, LTUNG BA PHYIR 'CHOS PA SOGS KYI GROGS DGOS PA MA BYAS PA DANG, MKHAN PO DANG SLOB DPON LA DE LAS GZHAN PA'I SGRAS BRJOD PA DANG, DE GNYIS MA YIN PA LA MKHAN PO DANG SLOB DPON ZHES BRJOD PA DANG, MKHAN PO'I MTSAN NAS BRJOD PA'I TSE DON GYI SLAD DU MTSAN NAS SMOS TE ZHES MA SBYAR BA DANG, ZAS KYI TSE SOGS MA YIN PAR BLA MA LA LDANG BA MA BYAS PA DANG, DE SPO MGU SPYOD PA SOGS KYI TSE PHYAG BDAR BYED PA DANG, DE SRA BRKYANG GDING BAR BSKOS PA SOGS MA YIN PAR KHAB THOGS TE TSEM BU BYED PA NA RANG GIS SAM, GZHAN BYAR 'JUG 'OS PA MA BYAS PA DANG, KHRUS CHU RKANG STEGS SOGS 'BUL 'OS PA MA PHUL BA DANG, GZIMS PA'I TSE SHAM THABS BLANGS NAS SHAM THABS KYI GZAN 'BUL BA SOGS BYA DGOS PA'I TSE MA BYAS PA DANG, DE CHOS LDAN GYI BYA BA LA 'JUG PA NA GUS PA GROGS MA BYAS PA DANG, DE DAG GI TSE DGE BA 'TSOL BA'I NGANG TSUL CAN DU MA BYAS PA DANG, DE NYID KYI SAR DGE BA MI 'PHEL NA BLA MA GZHAN LA SBYAR BAR MA GSOL BA DANG, MKHAN SLOB LA STON PA'I 'DU SHES MA BZHAG PA SOGS LA NYES BYAS SO,, GSUM PA THUN MONG GI BSLAB BYA LA YANG BYI DOR SOGS DANG 'BREL BA DANG, 'GRO 'DUG SOGS DANG 'BREL BA DANG, SNOD SPYAD SOGS DANG 'BREL BA'I BSLAB BYA RNAMS LAS, DANG PO NI GSHE YANG SLAR MI
GSHE BA SOGS DGE SBYONG GI CHOS BZHI DANG 'GAL BAR BYAS PA DANG, DGOD PA DANG GLAL BA SOGS KYI TSE LAG PAS KHA MA BKAB PA DANG, SNGA DRO LANGS MA THAG TU KHRUS MA BYAS PAR PHYAG 'TSAL BA DANG BZA' BTUNG LA LONGS SPYOD PA SOGS DANG, KHRUS BYAS PA'I CHU SOGS DANG BSHANG GCI SOGS WA KHA DANG STOR KHUNG SOGS 'OS PA LAS GAR BAB TU PHO BA DANG, DE DAG 'DOR BA'I TSE SE GOL GYI SGRA MA BYAS PA DANG, DGON PA PAS SKRA DANG KHA SPU SOR GNYIS DANG, GRONG 'DABS PAS SOR PHYED GNYIS LAS LHAG PA BZHAG PA DANG, DE DAG BREG PA'I TSE DGOS MED DU STAN LA 'DUG PA DANG, NAD GSO BA SOGS KYI PHYIR MA YIN PAR BA LANG GI SPU LTAR CHAN PAS BREG PAR BYAS PA DANG, BREG ZIN PA'I 'OG TU KHRUS DANG BYI DOR TSUL BZHIN DU MA BYAS PA DANG, BREGS PA RNAMS DBEN GNAS SU DOR BAR MA BYAS PA DANG, GZAN LTA BU'I STOD G-YOGS MED PAR GOS GCIG PAS SHING GSHAG PA CHAG CHAG PHYAG BDAR BSHANG GCI 'DOR BA'I DRIL PHYI BKU MNYE SOGS BYAS PA DANG, BLA GOS DANG SNAM SBYAR GYON NAS DE DAG BYAS PA DANG, LHUNG BZED SREG PA SOGS ME'I LAS BYED PA'I TSE SROG CHAGS LA MI GNOD PA'I THABS LA MA 'BAD PA DANG, GTZUG LAG KHANG DANG GNAS KHANG SOGS NA 'DUG PA'I TSE PHYAG BDAR SOGS RANG NYID KYIS BYA DGOS PA NA MA BYAS PA DANG, DE DAG TSUL BZHIN DU BYED PA LA SPRO BA MA BSKYED PA DANG, RANG NYID GNAS GZHAN LA 'GRO BA'I TSE MAL SDUD PA SOGS BYI DOR GYI LAS BYA DGOS PA'I TSE NA MA BYAS PA RNAMS LA NYES BYAS SO,, GNYIS PA 'GRO 'DUG SOGS DANG 'BREL
, ,BA'I BSLAB BYA NI, SKAS LA 'BAB 'DZEG GI TSE SHAM THABS KYI MTHA' MDUD PA DANG 'GROL DGOS PA MA BYAS PA DANG, SGO LA 'GRO 'DUG GI TSE CHOS GOS LA MI GNOD PA'I THABS MA BYAS PA DANG, SGO GLEGS DRAG TU RDEB PA DANG, 'PHUL BA DANG, GZHAN LA BRDA SBYOR BA'I TSE SGO DRAG TU RDUNG BA DANG, YUN RING DU RDUNG BA DANG, KHYIM PA'I KHYIM DU 'DUG PA'I TSE MIG YENGS PAR LTA BA DANG, GTZUG LAG KHANG DU 'DUG PA'I TSE RANG GI SLOB MA DANG GSAR BU RNAMS LA GYANG GYING DANG DGOD BAG ZHI BA'I THABS LA MA SBYAR BA DANG, DE DAG THOS BSAM LA MA SBYAR BA DANG, KHYIM PA SOGS SBYIN BDAG BYUNG BA NA ZHAL TA BA SOGS 'TSO BA SBYOR DU MA BCUG PA DANG, DE DAG LA CHOS BSHAD PA SOGS BLO DANG MTHUN PAR MA BYAS PA DANG, PHYOGS GZHAN DU 'GRO BA'I TSE LAM RGYUS PA DANG NAD G-YOG SOGS NGES PA CAN MED PAR LAM DU ZHUGS PA DANG, GNAS NAS 'PHAGS NAS 'KHYER DGOS PA'I DNGOS PO CUNG ZAD LUS PA MED DAM ZHES GNAS BRTAN GYIS DRAN GSO MA BYAS PA DANG, LAM DU ZHUGS PA'I TSE GSAR BU RNAMS DGOD BAG SOGS SPYOD LAM MI MDZES PA BYED PA LA BRDA SBYAR TE 'CHOS PAR MA BYAS PA DANG, BRDA SBYAR KYANG MI BYED NA RANG GIS LAG BDAR TE MA BYAS PA DANG, 'GRO 'DUG GI TSE MI SMRA BA'AM, CHOS DANG LDAN PA'I GTAM LAS GZHAN GYIS 'GRO BA DANG, NGAL GSO BA DANG, CHU LEN PA DANG, 'JIG RTEN PA'I LHA DRAG PO'I GNAS SOGS SU MDO LAS 'BYUNG BA'I TSIGS BCAD BRJOD PA SOGS CHOS SBYIN MA BYAS PA DANG, KHYIM DU 'DUG PA'I TSE GSAR BU SOGS THAMS CAD
KYANG KHYIM PA MA DAD PA'I SPYOD PA LAS GNAS BRTAN GYIS MI LDOG PA DANG, PHYOGS GZHAN DU 'GRO BA'I TSE RANG GI BLA MA LA GNANG BA MA ZHUS PA DANG, MA GNANG BZHIN DU 'GRO BA DANG, DRI GTZANG KHANG DANG, MCHOD RTEN DANG, SKU GZUGS SOGS KYI GRIB MA LA 'GOM DGOS PA'I TSE BKA'I TSIGS BCAD MA BRJOD PA DANG, DE DAG GI SNGO SKYES PA SEL BA SOGS DGE TSUL BYED DU MA BCUG PA DANG, GRAL LA 'DUG PA'I TSE DGE 'DUN GYI GNAS BRTAN SOGS MIN NA BSLAB PA RGAN RIM NAS GRAL 'GOR 'JOG PA SOGS BSLAB GRAL MA BYAS PA DANG, DGE SKOS KYIS JI LTAR BSGO BA LAS BZLOG STE BYAS PA SOGS LA NYES BYAS SO,, GSUM PA SNOD SPYAD SOGS DANG 'BREL BA NI, LHUNG BZED CHUNG TSAD LAS CHUNG BA DANG, CHE TSAD LAS CHE BA DANG, KHA DOG DKAR PO BCANGS PA DANG, DBYAR GYI NANG DU LHUNG BZED MA BCANGS PA DANG, CHOM RKUN SOGS KYI 'JIGS PA MED PAR LHUNG BZED MED PAR LJONGS RGYU BA DANG, YOD PAR LHUNG BZED YOD PAR LJONGS RGYU BA DANG, 'GRENG BZHIN DU LHUNG BZED SNOD NAS DBYUNG 'JUG DANG SKEM PA BYAS PA DANG, LAG PA BKRUS PA SOGS KYI CHU DER BLUGS PA DANG, ZAS KYI LHAG MA SOGS SNOD GZHAN NA GNAS PA DE NYID KYIS DOR BA DANG, SA RTZUB MO SOGS KYIS BYI DOR BYAS PA DANG, GSHER BZHIN DU SNOD DU BCUG PA DANG, HA CANG SKEM PAR BYAS PA DANG, RDO'I STENG DANG KHYAMS DANG MI GTZANG BA'I PHYOGS SOGS GAR BAB TU LHUNG BZED BZHAG PA DANG, MKHAR LAS KYI TSE LHUNG BZED GZHAG PA'I CHED DU NGOS KHUNG MA BYAS PA DANG, GNAS KHANG GRUB ZIN NAS NGOS KHUNG
, ,GI PHYIR RKO BA SOGS BYAS PA DANG, YUL GZHAN DU 'GRO BA LA SOGS PA'I TSE SNOD DU BCUG STE MA KHUR BA DANG, DGOS MED DU LAG TU KHUR BA DANG, MCHAN KHUNG G-YON PAR MA BCANGS PA DANG, LHUNG BZED DANG, SKUD PA SOGS PAR BUR GZHUG PA'I SNOD GCIG TU BYAS PA DANG, DE GNYIS LUNG THAG SRID MNYAM PAR BTAGS PA DANG, LHUNG BZED GLAN PA DANG CHOS GOS BKRU BA SOGS MA BYAS PA DANG, DE DAG DBEN PAR MA BYAS PA DANG, LHUNG BZED SREG PA SOGS KYI TSE SROG CHAGS LA MI GNOD PA'I THABS SU CHAG CHAG DANG PHYAG BDAR SOGS MA BYAS PA DANG, 'DUG PA'I TSE NGOS KHUNG SOGS 'JOG SAR LHUNG BZED MA BZHAG PA DANG, MDOR NA LHUNG BZED MIG DANG CHOS GOS PAGS PA LTAR GCES SPRAS MA BYAS PA DANG, RANG GI MKHAN SLOB BSNYUNG BA'I TSE DE'I NAD G-YOG TSUL BZHIN DU BYA DGOS PA'I TSE MA BYAS PA DANG, MKHAN SLOB DU MA NA BA NA RANG GANG LA BYA BA ZHU BA'I BLA MA DE'I NAD G-YOG MA BYAS PA DANG, RAB TU 'BYUNG BA'I PHYIR 'ONGS PA NA BA NA DGE 'DUN GYIS DE YAL BAR DOR BA DANG, NAD PA LA NAD G-YOG MED PA NA DGE 'DUN MA ZAD KYI BAR DU NAD G-YOG JI SNYED DGOS PA DGE 'DUN GYIS MA BSKOS PA DANG, NAD PA'I CHOS LDAN GYI NGAG BCAG MI 'OS PA BCAG PA DANG, NAD PA DE LHAG PAR CHAGS PA'I LHUNG BZED SOGS STON ZER NA MA BSTAN PA DANG, DGE 'DUN LAS BYUNG BA'I NAD PA'I SMAN DE LAS GZHAN PAS LONGS SPYAD PA DANG, NAD SOS NAS SMAN SOGS DGE 'DUN GYI SMAN KHANG SOGS SO SO'I GNAS SU MA BSKYAL BA DANG, NAD G-YOG GIS NAD PA LA CHOS
DANG MTHUN PA'I GDAMS NGAG 'OS PA MA BYAS PA DANG, DE 'CHI BA'I THABS SGRUB PA SOGS MA BZLOG PA DANG, DE LA 'OS PA'I BSNYEN BKUR MA BYAS PA DANG, RANG NYID KYI NAD GSO BA'I PHYIR SANGS RGYAS DANG DGE 'DUN GYI RDZAS LONGS SPYAD NAS 'BYOR PA YOD NA SKYIN PA MA BSABS PA DANG, GRONG LA SOGS PAR DGE 'DUN GSHEGS PA'I TSE DE'I GNAS BRTAN GYIS MDUN DU MA PHYIN PA DANG, DGE SLONG MJUG NAS 'ONG BA DAG GNAS BRTAN GYIS MA BSGUGS PA DANG, GNAS BRTAN MA BYUNG BA'I TSE DGE 'DUN GYIS MA BSGUGS PA DANG, KHYIM DU SPYAN 'DREN PA 'ONGS SHING GNAS BRTAN MA BYUNG BA'I TSE, MA 'ONGS BAR DU SDOD CIG CES MA BSGO BA DANG, GRAL LA 'DUG NAS LAG CHU BRIMS PA'I TSE GUNG TSIGS YOL DOGS PA SOGS MED NA GNAS BRTAN MA 'ONGS KYI BAR THEN CIG CES MA BSGO BA DANG, GRAL GYI THOG MAR GNAS BRTAN GYI GDAN MA BSHAMS PA DANG, DGE 'DUN RANG GNAS NAS BYUNG BA NAS SBYIN BDAG GI KHYIM NAS RANG GNAS SU MA BYUNG BAR DU, CHOS GOS SOGS TSUL DANG MTHUN PAR BGOS MA BGOS GNAS BRTAN GYIS MA BRTAGS PA DANG, BRTAGS PA'I TSE STOD G-YOGS SKYON GNYIS BRAL YON TAN GNYIS LDAN DANG, SMAD G-YOGS SKYON DRUG BRAL DU MA BGOS PA RNAMS LA DE DAG TSUL BZHIN DU BGO BA'I BRDA MA BYAS PA DANG, BYAS KYANG MA RIG NA 'GRAM GYI DGE SLONG SOGS DE BYED DU MA BCUG PA DANG, BCUG KYANG MDZES PAR MA GYUR NA DGE 'DUN GYI GNAS BRTAN RANG NYID KYIS KYANG MA BYAS PA DANG, GSAR BU DANG KHYIM PA LA DGOS MED DU 'DU 'DZI'I GTAM BYAS PA DANG, DGOS
, ,MED DU LTUNG BA 'BYUNG BA'I SGO YOD PA'I KHYIM DU 'JUG PA DANG, BSOD SNYOMS DANG, KHYIM PA DANG LHAN CIG SMRA BA SOGS BYA BA THAMS CAD KYI TSE, GZHI 'DI LAS LTUNG BAR MI 'GYUR BAR BYA'O SNYAM DU DRAN PA NYER BAR MA BZHAG PA DANG, RAB TU BYUNG BA SOGS GLO BUR DU 'ONGS PA LA, LEGS SO ZHES SNGAR SNYAN PA MA BRJOD PA DANG, BZHIN GYI MDANGS GSAL BAR MA BYAS PA DANG, KHRO GNYER MED PA'I 'DZUM PA MA BYAS PA DANG, DGON PA PAS GLO BUR DU LHAGS PA LA CHU DANG STAN MA BSTABS PA DANG, PHYAG BDAR DANG, GNAS MAL DANG STAN SHOM PA, CHU LEN PA SOGS BSLAB PA GZHON RIM GYIS MA BYAS PA DANG, MTSAN MTHUN BSLAB PA MNYAM PA RNAMS GRAL LA 'KHOD PA NA PHYIS 'ONGS PA GRAL MTHAR 'DUG CING DE LA LAS SU BYA BA MA BSKOS PA DANG, GRAL GYI THOG MAR 'DUG PA LA RNYED PA DANG POR MA BYIN PA DANG, RANG GI 'KHOR 'JIG RTEN PA'I LHA DANG PO'I RTEN 'DZUGS PA SOGS RANG GZHAN GANG RUNG LA GNOD PAR 'GYUR BA BYED PA BZLOG STE CHOS LDAN GYI BYA BA LA MA SBYAR BA DANG, BYA BA DES YID SUN TE GNAS GZHAN DU 'PHO BA SOGS BYUNG BA NA SBYIN PA DANG SNYAN PAR SMRA BA LA SOGS PAS MA BSDUS PA DANG, BYA BA NGAN PA LAS BZLOG STE CHOS LDAN GYI BYA BA LA BKOD PA DE'I RKYEN GYIS BSDUS KYANG MI 'DU NA DE DANG LHAN CIG 'THAB CING RTZOD PA'I TSIG SMRA BA DANG, DGE 'DUN GYI KUN DGA' RA BA SOGS SU CHOM RKUN SOGS KYIS GNOD PAR BYED PA NA RGYAL PO SOGS LA BRDA SBYAR TE DE'I LUS SROG LA GNOD PA SOGS MI RIGS PA'I CHAD PAS GCOD PA DANG, BSNYEN RDZOGS KYI BSGRUB BYA SHING
SOGS LA 'DZEG TU 'JUG PA DANG, MTSAMS KYI PHYI ROL TU GTONG BA DANG, GSANG STON BSKO BA'I TSE BSGRUB BYA MIG GIS MTHONG ZHING LAS MI THOS PA'I NYE 'KHOR DU BKAR TE DGE 'DUN LA PHYOGS PAR 'GRENG ZHING THAL MO SBYAR BA'I SPYOD LAM GYIS MA BZHAG PA DANG, GOS PHYAG BDAR KHROD PA SOGS GNAS RNAMS KHYIM PA LA BRJOD PA DANG, BSNYEN PAR RDZOGS MA THAG PA LA MA BRJOD PA DANG, BAR CHAD DANG LDAN PA'I BSGRUB BYA RAB BYUNG BSNYEN RDZOGS BYAS PA DANG, RIGS DANG MDZES PA'I BAR CHAD CAN GZHAN GYIS RAB TU BYUNG BA RANG GI 'KHOR DU 'JOG PA SOGS DANG, BSGRUB BYA 'GAL RKYEN DANG BRAL ZHING MTHUN RKYEN TSANG BA'I TSE RAB BYUNG DANG BSNYEN PAR RDZOGS PAR MA BYAS PA RNAMS LA'ANG NYES BYAS SO,, GSUM PA MI MTHUN PHYOGS NGO SHES PA'I SGO NAS SRUNG BA LA GNYIS, DGE SLONG PHA'I RNAM 'BYED NAS BSHAD PA'I LTUNG BA SDE LNGA BSHAD PA, MA RNAMS (MA'I RNAM 'BYED) NAS 'BYUNG BA'I THUN MONG BA 'GA' ZHIG BSHAD PA'O,, DANG PO NI, RNAM 'BYED KYI DNGOS KYI BRJOD BYA PHAL CHE BA NI LTUNG BA SDE LNGA YIN TE, RGYA CHER 'GREL LAS, DA NI RNAM PAR 'BYED PAR GTOGS PA'I LTUNG BA RNAMS KYI MTSAN NYID BSHAD PAR BYA STE, ZHES SO, ,RAB TU BYUNG BA'I RTEN GYI LTUNG BA LA NGO BO'I SGO NAS DBYE NA MTHA' YAS PA ZHIG YOD NA YANG, SDE TSAN GYI SGO NAS DBYE NA LNGA STE, RGYA CHER 'GREL LAS, LTUNG BA SDE LNGA PO PHAM PAR 'GYUR BA'I SDE DANG, DGE 'DUN LHAG MA'I SDE DANG, LTUNG BYED KYI SDE DANG, SO SOR BSHAGS PA'I SDE DANG, BSLAB PA'I SDE ZHES DANG, BSDU BAR, LTUNG BA'I SDE TSAN RNAM LNGA
, ,STE; ;DE LA BSLAB BYA RNAM PA BZHI, ,ZHES SO,, DES NA LTUNG BA SDE LNGA BSHAD PA LA LNGA, PHAM PA'I SDE, LHAG MA'I SDE, LTUNG BYED KYI SDE, SOR BSHAGS KYI SDE, NYES BYAS KYI SDE BSHAD PA'O,, ` DANG PO LA BZHI, LTUNG BA NGOS GZUNG BA; DE LA SEMS SRUNG TSUL, BSRUNG BA'I PHAN YON, MA BSRUNGS PA'I NYES DMIGS SO,, DANG PO LA GNYIS, SPYI'I YAN LAG BSHAD PA DANG, THUN MONG MA YIN PA'I YAN LAG BSHAD PA'O,, DANG PO NI, LTUNG BA SDE LNGA RDZOGS PAR SKYED PA'I RTEN LA BSLAB PA'I YAN LAG BSAM PA'I YAN LAG LUS KYI YAN LAG MTSAN GYI YAN LAG DANG BZHI LAS, DANG PO BSNYEN PAR RDZOGS PA'I SDOM PA SKYES LA MA NYAMS PA'AM, NYAMS KYANG GSO RUNG YAN CHAG DANG LDAN PA, MED MI RUNG GI SBYOR BA BRTZAMS PA NAS MTHAR THUG RDZOGS KYI BAR BSLAB TSIGS GCIG CING SDOM RGYUN GCIG PA, BSLAB PA MA BCAS PA'I SKABS KYI LAS DANG PO BA MA YIN PA SDE BZHI DGOS LA, BSAM PA'I YAN LAG DE 'DRA BA'I SBYOR BA BRTZAMS NAS MTHAR THUG GRUB KYI BAR SHES PA SOR GNAS PA DANG, LUS KYI YAN LAG BAL 'KHUR BA SOGS 'GA' ZHIG MA GTOGS PA LA LUS THA MAL DU GNAS PA RNAMS DGOS PA YIN LA, MTSAN GYI YAN LAG DGE SLONG PHA MA GANG RUNG GI RTEN LA SBYOR BA BYAS NAS MTSAN 'GYUR BA'I RTEN DE LA MTHAR THUG GRUB NA DNGOS GZHI RDZOGS PAR SKYED LA, DGE SLONG PHA LTA BU'I RTEN LA SBYOR BA DANG DNGOS GZHI RDZOGS PAR GRUB NAS MTSAN 'GYUR NA YANG DGE SLONG MA'I RTEN LA SBYOR DNGOS KYI LTUNG BA SNGON JI LTA BA BZHIN GNAS PAR 'GYUR BAS MTSAN GANG GI RTEN
LA SBYOR BA RTZOM PA DE NYID LA MTHAR THUG GRUB PA DNGOS GZHI RDZOGS PA'I YAN LAG TU MI DGOS SO, ,YANG DGE SLONG PHA'I LTUNG BA THUN MONG MA YIN PA SUM CU RTZA BRGYAD NI DNGOS GZHI RDZOGS PAR SKYED PA LA RTEN DE NYID LA SBYOR BA DANG MTHAR THUG GNYIS KA GRUB DGOS SHING MA'I THUN MONG MA YIN PA BRGYA DANG LNGA BCU RTZA GCIG KYANG RTEN DE NYID LA SBYOR BA DANG MTHAR THUG GNYIS KA GRUB DGOS KYI, PHA'I RTEN LA SBYOR BA BRTZAMS NAS MA'I RTEN LA DNGOS GZHI GRUB, MA'I DE LAS BZLOG PA DAG LA MTSAN 'GYUR BA NA 'GA' ZHIG NA SMAD DANG 'GA' ZHIG LTUNG MED CI RIGS PAR 'GYUR RO,, GNYIS PA LA SDOM LAS, MI TSANGS SPYOD DANG RKU BA DANG, ,MI LA GSAD PAR MI BYA BA, ,RDZUN DU SMRA DANG BCAS PA YI, ,CHOS BZHI 'DIR NI GSUNGS PA YIN, ,ZHES BSHAD PA LTAR BZHI LAS, DANG PO MI TSANGS PAR SPYOD PA'I PHAM PA LA GNYIS, LTUNG BA RNAM GZHAG DANG, BSLAB BYA'O,, DANG PO LA, DNGOS GZHI'I LTUNG BA DANG, SBYOR BA'I LTUNG BA, SBYOR BA'I SBYOR LTUNG BA RNAM PAR GZHAG PA GSUM LAS, DANG PO LA GZHI, BSAM PA, SBYOR BA, MTHAR THUG GI YAN LAG BZHI LAS, GZHI'I YAN LAG LA GANG LA STZOL BA'I YUL NI KHA DANG, BSHANG LAM DANG, MO'I ZAG BYED DE RMA'I SGO GSUM GANG RUNG GI PHYOGS DANG PO YAN CHAD YIN PA, NAD LA SOGS PAS MA NYAMS PA, LUS TSANG BA'AM STOD SMAD GANG RUNG TSANG BA LA GNAS PA BSTEN DU RUNG BA'O, ,GANG GIS STZOL BA'I RTEN NI RANG GI NOR BU YIN PA, LAS SU RUNG BA, BDE BA RDZOGS PAR MYONG BA LA GNOD PA'I NAD SOGS DANG BRAL BA ZHIG DGOS LA, BSAM
, ,PA'I YAN LAG LA 'DU SHES DANG KUN SLONG GNYIS LAS, 'DU SHES 'KHRUL MA 'KHRUL 'DRA ZHING KUN SLONG LAM GSUM PO DE GANG RUNG DANG YAN LAG GI RNAM PA SPRAD PA LAS BDE BA MYONG BAR 'DOD PA, SBYOR BA MI TSANGS PAR SPYOD PAR RTZOM PA; MTHAR THUG PHAM PA SKYED NUS KYI RMA'I SGO GSUM GANG RUNG DANG RANG GI DE LTAR NUS PA'I PHO'I DBANG PO SPRAD PA LAS BCUG REG GI BDE BA LUS SHES KYIS MYONG ZHING YID SHES KYIS BDAG GIR BYAS PA'I TSE MI TSANGS SPYOD KYI PHAM PA RDZOGS PAR SKYED PA YIN NO,, GNYIS PA SBYOR BA'I LTUNG BA NI, MI TSANGS PAR SPYOD 'DOD KYI BSAM PAS BGROD BYA NOM NYUG PHYED PA NAS MTHAR THUG MA GRUB KYI BAR LA SBOM POR 'GYUR LA, 'KHRIG PA'I BSAM PAS RMA'I LAM GSUM GANG RUNG LAS GZHAN PA'I BU GA SOGS DANG, DE GSUM GANG RUNG DU BSAMS NAS LAM MA YIN PA DANG, YIN YANG NAD LA SOGS PAS NYAMS PA DANG, MGO BCAD PA'I KHA LTA BU STOD SMAD MA TSANG BA'I LAM DANG, TSANG YANG CHE CHUNG MI 'TSAM PAS SPRAD DU MI RUNG BA DANG, KHA'I SO DRUNG TSUN DANG, MI MA YIN GYI MTHUS SEMS CAN GYI GZUGS SU BYAS PA LA LAM GYI RNAM PA DOD PA TZAM DANG, MA NING MO SBUBS MED PA'I ZAG BYED DU STZOL BA DANG, SPRAD BYA SPROD BYED MA 'TSAM PAS MA CHUD PA DANG, CHUD PA'I PHYIR RMA NYED PA DANG, RMA'I SGO GSUM GANG RUNG GI PHYI ROL TU REG PA TZAM DANG, NOR BU NAD LA SOGS PAS NYAMS PA DANG LAS SU MI RUNG BA 'DZUD PA DANG, GOS LA SOGS PA G-YOGS TE 'DZUD PA SOGS LA GZHI'I YAN LAG GI SEL BA'O, ,GZHAN GYIS MTHUS STZOL BA NA
'KHRIG PA'I RO RDZOGS PAR MA MYONG BA DANG SKRAG PA DANG, NGO TSA BAS MA MYONG BA DANG, GZHAN LA 'KHRIG PA BSTEN PAR BSGOS PA SOGS LA SBOM PO STE MTHAR THUG GI SEL BA'O, ,SBYOR BA'I SBYOR BA'I LTUNG BA NI MI TSANGS PAR SPYOD 'DOD KYI KUN SLONG 'GYUS PA NAS LUS NGAG TU MA THON PA'I BAR LA BSDAM BYA DANG, LUS NGAG TU THON NAS MED MI RUNG GI SBYOR BA LA REG GI BAR LA BSHAGS BYA'I NYES BYAS SO,, GNYIS PA BSLAB BYA NI, CHAGS SEMS KYIS BUD MED LA MIG LTA BA DANG, CHAGS SEMS MED KYANG YANG YANG LTA BA DANG, SRUNG MA GSUM GANG RUNG GIS MA BSRUNGS PAR BDEN PAR NYIN MO GLOS PHAB STE GNYID LOG PA DANG, BUD MED KYIS 'DRID PA'I GNAS SU 'GRO BA DANG, MI MA YIN GYIS 'KHRIG PA STEN DU 'JUG PA LA SOGS PA'I SGO NAS SROG DANG TSANGS SPYOD LA GNOD PA'I GNAS SU 'GRO ZHING GNAS PA DANG, KHYI'I MDUN DU ZAG BYED PHYUNG STE GCI BA BYED PA DANG, LAN LAG GI RNAM PA 'DZIN PA'I SROG CHAGS KYI 'JIGS PA YOD PA'I CHU KLUNG LA SGREN MOR RGAL BA DANG, GRU DANG, BA LANG GI NANG DANG, KHRON PA BRTAG PA DANG, GRONG DU 'GRO BA SOGS KYI TSE, BUD MED KYIS REG PA SOGS KYI LTUNG BAS MA GOS PAR BYA'O SNYAM PA'I 'DU SHES MA BZHAG PA DANG, SKYES PA DANG BUD MED GANG YIN MA BRTAGS PAR RAB BYUNG BYAS PA DANG, GCIG PUR BLA GAB MED PAR MTSAN MO GLOS PHAB STE NYAL BA DANG, BSLAB PA'I GZHI THAMS CAD LA DES MTSON NAS SBYOR BA LHOD PAR BYAS PA RNAMS LA BSLAB BYA DANG 'GAL BA'I NYES BYAS SO, ,DES NA DE 'DRA BA'I LTUNG BA'I GNAS RNAMS KYIS MA GOS PAR BYA'O
, ,SNYAM DU DRAN SHES BZHIN BSTEN PA'I SGO NAS SEMS LEGS PAR BSRUNG BAR BYA'O,, GNYIS PA RKU BA DANG ZHES PA MA BYIN LEN GYI LTUNG BA BSHAD PA LA GNYIS, LTUNG BA RNAM GZHAG DANG, BSLAB BYA'O,, DANG PO LA GSUM, DNGOS GZHI'I LTUNG BA, SBYOR BA'I LTUNG BA, SBYOR BA'I SBYOR BA'I LTUNG BA BSHAD PA'O,, DANG PO LA GZHI, BSAM PA, SBYOR BA, MTHAR THUG GI YAN LAG RNAMS LAS, GZHI LA YUL NI MI'I 'GRO BA PA RANG LAS RDZAS THA DAD PA ZHIG DGOS LA, SPYIR RDZAS BDAG TZAM LA DBYE NA, BSAM PA DANG SBYOR BAS BDAG POR GYUR PA DANG, YUL CHOS KYIS BDAG POR GYUR PA DANG, RIGS RGYUD KYIS BDAG POR GYUR PA DANG, SANGS RGYAS KYIS BKA' STZAL BAS BDAG POR GYUR PA RNAMS SO,, DANG PO LA YANG GSUM STE, DGE SLONG GI CHOS GOS SOGS RKUN POS KHYER BA DE BLOS BTANG BA'I TSE RKUN PO BDAG POR SONG BA LTA BU DANG, MCHOD RTEN LA RDZAS DE BSAM PA THAG PAS PHUL BA NA MCHOD RTEN GYI SONG BA DANG, RI DVAGS RNGON PAS RGYA LA BZUNG BA NA SPYIR BDAG PO MED PA LA DE'I TSE RNGON PA BDAG POR SONG BA LTA BU RNAMS SO, ,YUL CHOS KYIS BDAG POR GYUR PA NI SHO GAM DANG GRU GLA SHO GAM PA DANG GNYAN PA DBANG BA LTA BU YIN LA, RIGS KYIS BDAG POR GYUR PA NI PHA NOR BU'I YIN PA LTA BU'O, ,SANGS RGYAS KYIS BKA' STZAL BAS BDAG POR GYUR PA LA GSUM STE, SKU GZUGS SOGS SANGS RGYAS NYID LA BSNGOS PA NI DE NYID BDAG PO YIN PAS NAD GSO BA SOGS LA 'GA' ZHIG GI TSE GNANG BA'I SKABS MA GTOGS, GZHAN GYIS LONGS SPYAD DU MI RUNG LA, CHOS LA GNYIS
LAS 'GOG BDEN LA PHUL BA NI DE KHO NA DBANG BAS GANG ZAG GZHAN GYIS SPYAD DU MI RUNG, LAM BDEN LA PHUL BA NI DE RGYUD LDAN GYI DGE 'DUN DBANG ZHING, GLEGS BAM SOGS LUNG GI CHOS LA PHUL BA'I NA BZA' LTA BU NI DE NYID KHO NAR SPYAD KYI GZHAN GYIS SPYAD DU MI RUNG LA, LUNG GI CHOS LA SPYIR PHUL BA TZAM NI DE 'DZIN PA RNAMS DBANG NGO, ,DGE 'DUN GYI RNYED PA LA YANG DUS DANG, GLO BUR DANG, SHI BA'I YO BYAD LA BDAG POR GYUR PA'I TSUL RNAMS LAS, DANG PO NI DBYAR GYI RNYED PA DBYAR GNAS PAR KHAS BLANGS PA RNAMS DBANG BA DANG, SRA BRKYANG GI RNYED PA DE BTING BA LA GTOGS PA'I DGE 'DUN DBANG BA LTA BU'O, ,GLO BUR GYI RNYED PA LA YANG KHRIMS SU BCAS PA DANG, MTSAMS KYIS SGRUB PA DANG, SO SOR NGES PA DANG, MNGON DU GYUR PA DAG LAS, DANG PO NI YON BDAG GIS MCHOD GNAS 'DI TZAM ZHIG DBANG NGO ZHES BKAS BCAD NA JI LTAR BCAD PA LTAR DBANG BA DANG, MTSAMS KYIS SGRUB PA NI, MTSAMS NANG 'DIR GTOGS PA RNAMS LA DBUL LO ZHES BSNGOS PA NA DE NA DGE SLONG GCIG NYID LAS MED KYANG DE NYID DBANG BA LTA BU DANG, SO SOR NGES PA NI DGE SLONG 'DI DANG 'DI DAG LA DBUL LO ZHES PHUL BA NA DE DAG DBANG BA DANG, MNGON DU GYUR PA NI SBYIN BDAG GIS MGRON DU BOS NAS, 'DI DAG LA DBUL LO ZHES PHUL BA NA DE DAG DBANG BA LTA BU DANG, SHI BA'I YO BYAD KYI RNYED PA LA BDAG POR GYUR PA NI GOS GZHI'I SKABS NAS JI LTAR 'BYUNG BA LTAR RO, ,BRKU BYA'I RDZAS NI KHA ZAS SU BYAS PA MA YIN PA DANG, RIN THANG TSANG BA ZHIG DGOS LA, DE YANG RKU BA'I
, ,GNAS DER RIN THANG TSANG BA DANG, DE'I DUS SU RIN THANG TSANG BA DANG, BRKU BYA RKU BYED LA LTOS NAS RIN THANG TSANG BA DANG, SBYOR BA GCIG GI NANG DU RIN THANG TSANG BA'O,, BSAM PA LA GNYIS LAS, 'DU SHES MA 'KHRUL BA, KUN SLONG GZHAN GYI YIN TE MA GNANG YANG BDAG NYID KYI CHED DU BLANG SNYAM PA DANG SBYOR BA LUS NGAG TU GRUB CING, MA 'KHYOGS PAS RKU BAR RTZOM PA, MTHAR THUG LA, 'GA' ZHIG THOB BLO SKYES PA NA MA BYIN LEN GYI PHAM PAR 'GYUR BA DANG, 'GA' ZHIG GNAS NAS DPAGS PA LA BZHED PA DANG, 'GA' ZHIG ,GRUB BLOS KHYAD PAR DU BYAS PA'I GNAS DPAGS LA BZHED PA SOGS 'DUL BA 'DZIN PA RNAMS NI BZHED TSUL MI 'DRA BA MANG DU YOD KYANG, BRKU BYA'I RDZAS KYI BYE BRAG DANG, RANG GIS RKU BA'AM GZHAN RKUR BCUG PA SOGS KYIS MTHAR THUG GRUB MTSAMS DU MA ZHIG 'ONG BAR SEMS SO, ,MA BYIN LEN GYI PHAM PA SKYED PA'I BRKU BYA'I RDZAS LA RIN THANG TSANG DGOS NA DE'I TSAD JI TZAM ZHE NA, KHA CIG GSOD PA'I CHAD PA THOB PA YIN PAS RTA RGOD MA RE TZAM YIN ZHES DANG, KHA CIG ,CHU GTONG 'GOG GI SKABS SU DPER MDZAD PA'I PHYIR NAS KHAL BZHI TZAM LA 'DOD PA SOGS MANG DU BYUNG YANG, JI TZAM MA BYIN PAR BLANGS NA BRKUS PA'I THA SNYAD DANG, CHAD PAS BCAD RIGS PA YAN CHAD TZAM RIGS TE, LUNG DU, JI TZAM MA BYIN PAR BLANGS PA DE RGYAL PO'AM BLON PO CHEN POS BZUNG NAS DE LA 'DI SKAD CES, KYEE MI KHYOD NI RKUN MA'O, ,BYIS PA'O ZHES SOGS GSUNGS PA'I PHYIR RO, ,DES NA GSER SE BA GSUM TZAM LA DNGOS PO NGES PAR
TSANG STE, DON BRGYAD MAR, RGYA GAR GYI RIN THANG DANG SBYAR NA DNGUL ZHO GCIG TZAM BRKUS NA PHAS PHAM PAR RTZI'O ZHES DANG, SLOB PHAN DU NAS KHAL PHYED TZAM DANG, SHES RAB BYED PAR, DENG SANG GI DUS DANG SBYAR TE RGYA GAR GYI YUL GYI MA SHA LAS BOD KYI THANG DU BRTZIS NA DNGUL ZHO'I BRGYAD CHA GCIG YOD DE ZHES SOGS KYANG 'BYUNG BA'I PHYIR RO, ,'GA' ZHIG KARSHA PA nA'I BZHI CHA GCIG RIN THANG GI TSAD DU BSHAD LA, KARSHA PA nA DE YANG JI LTA BU ZHE NA, RGYU DNGUL LHAD MED BZANG PO LAS BYAS PA SNGAR GYI LHA SA'I BYES ZHO'I SE BA SUM CU SO DRUG GI TSAD DANG LDAN PA YIN TE, RGYA GAR SHAR NUB KYI KARSHA PA nA LA CHE CHUNG 'BYUNG BA MI RIGS LA, RGYA GAR NUB PHYOGS KHA CHE'I KARSHA PA nI'I TSAD DER NGES PA'I PHYIR RO ZHES ZER RO,, GNYIS PA SBYOR BA'I LTUNG BA NI, RDZAS LA NOM NYUG BYED PA NAS MTHAR THUG MA GRUB KYI BAR LA SBYOR BA'I SBOM PO YIN LA, DE YANG GDAMS TE BZANG PO RKU BAR 'DOD PAS NOM NYUG BYED PA NA DANG, ZAN LA SOGS PA'I CHAS KYIS 'BRID PAS RTA BKRI BA'AM, BZHON PA'AM, GRUR ZHUGS TE BRKU BAR BYA'O SNYAM PA DANG, 'DI LAS BRKU BYA'I RDZAS DE THOB PAR 'GYUR RO ZHES SPRO BAS LUS 'GYUR BA DANG, BRKU BA'I PHYIR 'JUG PA NA GOM PA'I SHED SKYUNG BA SOGS DANG, BDAG POS DNGOS PO BZHAG PA DE GNAS SPOS NAS DE MI MNGON PAR BYED PA DANG, G-YAR BA DANG BSKYIS PA RNAMS LA BSNYON PA DANG, DE DAG PHYIR MI SBYIN PAR SEMS PA DANG, GSHAGS KYIS RKU BA NI RGYAL PO DANG BLON PO'I GRVAR GSHAGS RGYAL BA NA PHA ROL POS SBYOR BA MA BTANG BA'I SKABS DANG, SHO RGYAN
, ,LA DOR BYAS TE RANG NYID RGYAL BAR MA GYUR TZAM DANG, GRANGS LA DOR BYAS TE NOR DU BCUG NAS LEN PAR RTZOM PA DANG, RANG GIS DNGOS SU MI BYED KYANG RKU SHAS THOB PA'I PHYIR RKUN PO LA GO BAR BYED PA DANG LAM SRUNG BA SOGS LA MTHAR THUG GI SEL BA'I SBOM PO'O, ,BDAG TU MA BZUNG BA'I GTER SOGS DANG, RANG DANG NOR GCIG PA'I NYE DU DANG DGE 'DUN GYI RDZAS DANG, MI MA YIN GYI RDZAS DANG, SANGS RGYAS MYA NGAN LAS 'DAS PA'I DKOR DANG, LHAG MED DU ZHUGS PA'I DGRA BCOM PA'I DKOR DANG, GZHAN LA BSKUR BA'I RDZAS BSKUR BA DES BDAG TU MA BZUNG BA DANG, SGRA MI SNYAN PA'I RDZAS SOGS RIN THANG TSANG BA RKU BA RNAMS LA BDAG PO'I SEL BA'I SBOM PO DANG, BRKU SEMS KYIS RDZAS LA 'GUGS SNGAGS BYAS TE 'BUL DU BCUG PA NI SBYOR BA'I SEL BA DANG, RANG DANG NOR MI GCIG BZHIN DU GCIG PAR 'DU SHES TE BRKUS PA DANG, RANG DANG NOR MI GCIG PA'I DON DU BRKUS PA DANG, BDAG GIR MA BYAS PAR GZHAN CHU LA SOGS PAR SBA BA DANG, 'BRAS BU'I TSAL SNGAGS KYIS SKEM PAR BYED PA DANG, LO THOG LA SER BA 'BEBS PA SOGS KYIS GZHAN GYI RDZAS CHUD GSAN PA DANG, G-YAR PO BSRI BA MED PAR LONGS SPYOD PA RNAMS LA NI KUN SLONG GI SEL BA DANG, RANG MI DBANG BAR 'DU SHES PA DANG BDAG PO MED KYANG YOD PAR 'DU SHES PA DANG, DUD 'GRO'I RDZAS BRKU BAR SEMS PA NA MI'I RDZAS LA DUD 'GRO'I RDZAS SU 'DU SHES TE RKU BA SOGS LA RIN THANG SOGS YAN LAG GZHAN RNAMS TSANG NA 'DU SHES KYI SEL BA DANG, RIN THANG MA GTOGS YAN LAG GZHAN
RNAMS TSANG NA MA SHA KA BZHI NAS TIL GYI PHUB MA TZAM BRKUS PA LA YANG DNGOS PO'I SEL BA'I SBOM PO'O,, GSUM PA SBYOR BA'I SBYOR BA NI BRKU SEMS SKYES NAS LUS NGAG TU MA THON PAR BSDAM BYA'I NYES BYAS DANG, LUS NGAG TU THON NAS SBYOR BA DANG KUN SLONG RGYUN GCIG LA SBYOR BA DNGOS LA MA THUG GI BAR NYES BYAS GCIG DANG, KUN SLONG LOG NA MTSAMS DE'I MTHAR NYES BYAS THA DAD PAR 'BYUNG ZHING, BRKU BA'I PHYIR GOM PA RE RE LA'ANG NYES BYAS DANG, BRKU BA'I BSAM PAS GRU PHUR PA LAS BKROL BA TZAM DANG, MCHOD PA'I DON DU SANGS RGYAS KYI SKU GDUNG SOGS BRKUS PA DANG, GRANGS DANG RTZIS LA DOR BYED PA DANG, ZHO KHAL GRANGS SOGS KYI MTSAN MA PHYIS PA DANG, BSNAN PA DANG, GNAS GZHAN DU BZHAG PA DANG, RANG MI DBANG BA'I MTSAMS GZHAN DU BGRANG BA DANG, SNGA PHYI'I MTSAMS GNYIS SU BGRANGS PA NA, YAS MAS SU SNON PA DANG, RANG MI DBANG BA LA DBANG BAR SGROG PA DANG, RDZAS BDAG GIS LONGS ZHES MI ZER YANG, LONGS SHIG ZER ZHES SMRA BA TZAM DANG, RANG DANG NOR MI GCIG PA LA GRU GLA SHO GAM SOGS DBRAL BAR BSGO BA DANG, SHO GAM SOGS MI 'BYUNG BA'I PHYIR LAM GZHAN STON PA DANG, RNGON PAS ZIN PA'I RI DVAGS SOGS BSGOMS BYUNG GI RDZU 'PHRUL GYIS MIN PAR SNYING RJE TZAM GYIS DBRAL 'DOD KYIS GTONG BA DANG, RDZAS CHUD GSAN PA DANG, GNAS KYI DON DU BRKUS PA SOGS KYI SBYOR BA DANG, MI MA YIN GYI RDZAS RIN THANG MA TSANG BA BRKUS PA DANG CHUD GSAN PA SOGS LA SBYOR BA'I SBYOR BA'I NYES BYAS SO, ,GZHAN YANG MA BYIN LEN GYI PHAM PA'I
, ,SKABS 'DIR 'BRU'I PHUNG PO LTA BU LAS RKU NA RKU THEBS RE RE BZHIN SBYOR BA DANG DNGOS GZHI THA DAD PA'I PHAM PA DANG SBOM PO DANG NYES BYAS SOGS SNA TSOGS PA ZHIG 'BYUNG LA, GANG LAS BRKU BAR BYA BA'I RDZAS BDAG NOR MI GCIG PA DU MA YIN NA NOR BDAG DE DAG GI GRANGS LA BRTEN PA'I SBYOR BA DANG DNGOS GZHI THA DAD PAR 'GYUR BAS NOR BDAG RE RE LAS RIN THANG TSANG NA PHAM PAR 'GYUR LA, MA TSANG NA NI DA SBAD DO (NA SMAD DO), ,RKUN PO RNAMS KYANG NOR MI GCIG PA DU MA YIN NA SO SO'I SKAL BA'I CHA BRKUS PA THA DAD PA'I PHYIR NOR MI GCIG PA'I RDZAS BDAG BRGYA LA RKUN MA BRGYAS BRKUS NA RIN THANG TSANG BA KHRI DGOS PA LTA BU DAG KYANG SHES PAR BYA'O,, GNYIS PA BSLAB BYA NI, GZHAN GYIS BRKUS PA LA 'DIS BRKUS SO ZHES LDAM PO BYAS PA DANG, 'DIS BDAG LAS DNGOS PO 'DI BLANGS NA DGA' BO SNYAM PA LTA BU'I YID GCUGS MED PA LA LEN PA DANG, CHOS GOS KYI LAS SOGS LA LAG POD DANG, BSOD NAMS KYI BLOS MA YIN PAR GLA RNGAN SOGS LA BLTAS NAS BYAS PA DANG, GZHAN GYI RDZAS BOR NAS RNYED PA YUN RING DU BSREL BA DANG, GZHAN GYIS BOR BA RNYED PA NA SU'I YIN MA SHES PA'I TSE DGE SKOS LA MA GTAD PA DANG, DGE SKOS KYIS KYANG DGE 'DUN GYIS YIN PAR DOGS NA DGE 'DUN LA MA BSTAN PA DANG, DE'I TSE BDAG PO MA BYUNG NA THAMS CAD KYIS MTHONG SAR MA BZHAG PA DANG, NAD PAS MA GNANG BAR DE'I SMAN BLANGS PA DANG, RANG GI DNGOS PO YIN YANG GZHAN GYIS BDAG GIR BZUNG BA DES MA GNANG BAR BDAG GIR BYAS PA DANG, RANG GI NOR
CHOM RKUN PAS KHYER BA LA CHOS BSHAD PA'AM RIN SBYIN PAR MI BYED PAR DBANG GIS 'GUGS PA DANG, RAB TU BYUNG BA MI 'DOD BZHIN DU NYE DUS 'KHRID PA LAS MA LDOG PA DANG, MA BOS PAR MGRON DU PHYIN NAS ZAS ZOS PA DANG, GZHAN GYIS BOR BA'I RDZAS LEN PA NA BDAG PO YOD MED MA BRTAGS PA DANG, BDAG PO MED PAR NGES KYANG SKYE BO MANG POS MTHONG BAR MA BLANGS PA DANG, BU LON DANG SKYIN PA SOGS GZHAN GYIS TSANG BAR MA BYUNG BA LA KHRO BAS LUS KYI RNAM 'GYUR STON PA DANG, GYA GYU'I BSAM PAS GNAD LA BSGRE BA DANG, BYA'I TSANG SOGS GTZUG LAG KHANG LA GNOD PA NA SGONG NGA MED PA MA GTOGS PAR TSANG BSHIG PA DANG, GNAS DER MI SDOD BZHIN DU DE'I RNYED PA BLANGS PA DANG, CHOM RKUN PAR MA GRAGS PA'I RKUN PO LAS RDZAS BLANGS PA DANG, CHOM RKUN PAR GRAGS PA LAS BLANGS KYANG GOS YIN NA KHA BSGYUR BA SOGS MA BYAS PA DANG, BYAS KYANG RDZAS DE'I BDAG POS BLANGS NA MI SBYIN PA DANG, GTZES PA'I RI DVAGS RANG GI GNAS KHANG DU SHI BA NA DE'I SHA RNGON PA DE NYID DAM DE 'DRA BA GZHAN LA MI SBYIN PA DANG, SHO GAM DANG GRU BTZAS SOGS GZHAL DGOS PA'I TSE MI SBYIN PAR SEMS PA SOGS LA NYES BYAS SO,, GSUM PA, MI LA GSAD PAR MI BYA BA, ,ZHES PA SROG GCOD KYI PHAM PA LA GNYIS, LTUNG BA RNAM GZHAG DANG, BSLAB BYA'O,, DANG PO LA DNGOS GZHI'I LTUNG BA, SBYOR BA'I LTUNG BA, SBYOR BA'I SBYOR BA'I LTUNG BA DANG GSUM LAS, DANG PO LA GSAD BYA NI DBANG PO DRUG 'DUS KYI MI'AM, LUS YID SROG GI DBANG PO STE DBANG PO GSUM 'DUS KYI MNGAL GYI
, ,MER MER PO'I GNAS SKABS LTA BU MIR CHAGS PA GANG YANG RUNG BA RANG LAS RGYUD THA DAD PA'O,, BSAM PA'I YAN LAG LA 'DU SHES DANG KUN SLONG GNYIS LAS, 'DU SHES SPYI DANG BYE BRAG LA MA 'KHRUL BA, KUN SLONG GSOD PAR 'DOD PA; SBYOR BA MTSON DUG NGAN SNGAGS SOGS DANG, GZHAN SGYU THABS KYIS 'CHI SAR GTONG BA, GSOD SEMS KYIS GSAD BYA STON PA, GZHAN GYIS GSOD PA'I GNANG BA ZHU NA STER BA SOGS RANG NGAM, GZHAN BSKOS TE LUS NGAG TU THON CING, MA 'KHYOGS PAR GSOD PAR RTZOM PA'O, ,MTHAR THUG GI YAN LAG NI RANG LAS RGYUD THA DAD PA'I MI'AM MIR CHAGS PA GSOD PA'I SBYOR BA DE LTA BU'I RKYEN GYIS DUS DE NYID KYI TSE'AM GZHAN GYI TSE RANG GI SNGA ROL TU SHI BA NA SROG GCOD PA'I PHAM PAR 'GYUR RO;; GNYIS PA SBYOR BA'I LTUNG BA NI, MI 'AM MIR CHAGS PA GSOD PA'I SBYOR BA BRTZAMS NAS SROG DANG MA BRAL GYI BAR LA SBOM PO DANG, DUD 'GRO LAS GZHAN PA'I MI MA YIN GZUGS GZHAN DU BSGYUR BA BSAD PA DANG, RANG NYID G-YANG LA MCHONG BA SOGS KYIS GSOD PAR RTZOM PA LA GZHI'I SEL BA'I SBOM PO DANG, MNGAL NA GNAS PA'AM, MNGAL DE DANG LDAN PA'I BUD MED GANG RUNG GSAD PAR 'DOD NAS SBYOR BA BRTZAMS PA LAS MA BSAMS (MA BSAD) PA SHI BA DANG, LHAS BYIN GSAD PAR 'DOD NAS GSOD BYED LA BSTAN PA NA MCHOD SBYIN BSAD PA LTA BU LA 'DU SHES KYI SEL BA DANG, GSOD PA'I SBYOR BA BRTZAMS KYANG MA SHI BA'I GONG DU 'DUN PA LOG PA LA NI KUN SLONG GI SEL BA DANG, GSOD SEMS MED PAR MI'I YAN LAG GCOD
PA DANG, MI YOD DAM MED SNYAM DOGS PA'I NAGS MES GTONG BA DANG, MI'I 'GRO BA PA 'TSONG BA DANG, CHOM RKUN SOGS RGYAL PO'I GRVAR 'BUL BA DANG, NAD PA DAG LUS SGUL BA NA, 'CHIR 'ONG ZHES SMRA BZHIN DU SGUL BA DANG, KHYOD SHI YANG SLA'O ZHES GNOD SEMS MED BZHIN DU SMRA ZHING G-YOG MI BYED PA DANG, MI'I 'GRO BA PA THAG PAS 'CHING BA DANG, SGO GLEGS KYIS 'TSIR BA DANG, DONG DU 'JUG PA SOGS LA KHRO SEMS YOD NA KUN SLONG GI NGO BO'I SEL BA'I SBOM PO DANG, RANG LA RAG MA LAS PAR MI GSOD PAR GNANG BA GSOL BA NA LUS NGAG GI RNAM 'GYUR DANG BCAS PAS DANG DU LEN NA SBOM PO'O,, GSUM PA SBYOR BA'I SBYOR BA NI, GNOD SEMS SKYES NAS LUS NGAG TU MA THON PA'I BAR BSDAM BYA DANG, LUS NGAG TU THON NAS SBOM PO SKYED PA'I SBYOR BA LA THUG GI BAR LA BSHAGS BYA'I NYES BYAS SO,, GNYIS PA BSLAB BYA LA NAD PA DANG 'BREL BA'I BSLAB BYA, LAG GI BLA DANG 'BREL BA'I BSLAB BYA, GROGS DANG 'BREL BA'I BSLAB BYA, NAD PA SOGS DANG 'BREL BA'I BSLAB BYA GZHAN BSTAN PA BZHI LAS, DANG PO NI NAD PA DANG NAD PA MA YIN PA DAG LA, KHYOD SHI YANG SLA'O ZHES PA LTA BU 'CHI BA DANG MTHUN PAR GTAM RANG DGAR SMRA BA DANG, NAD G-YOG SHES PA YOD BZHIN DU MI SHES PA BZHAG PA DANG, SHES PA MED NA MI SHES PA LA MI 'CHI BA'I THABS MA SMRAS PAR NAD G-YOG TU BZHAG PA DANG, NAD PA'I NYE 'KHOR DU MTSON SOGS 'CHI BA'I 'TSOG CHAS BZHAG PA DANG, MA BRTAGS PAR DE DAG SBYIN PA DANG, DE 'CHI BA'I THABS SGRUB PA NA NAD G-YOG GIS MA LDOG PA DANG, MA
, ,BRTAGS PAR SMAN GYA TSOM DU BYIN PA DANG, MI SHES BZHIN DU GTAR KHA SOGS DPYAD BYED PA DANG, NAD PA 'GRO MI NUS BZHIN DU KHRID PA LA NYES BYAS SO,, GNYIS PA LAG GI BLA DANG 'BREL BA'I BSLAB BYA NI DGE SLONG LAG GI BLA DANG ZHAL TA PA SOGS BYA BYED MANG BAS DE DAG LA DRAN SHES MA BSTEN PA DANG, SROG CHAGS LA GNOD MI GNOD SOGS MA BRTAGS PAR SHING SOGS SGRIL BA DANG, 'DEGS BYED NYUNG BA'I PHYOGS KYI KHUR LCI BA 'DEGS PA DANG, MKHAR LAS SOGS KYI TSE SA PHAG SOGS LAG MI BRGYUD PAR 'PHANG BA DANG, LAG BRGYUD PA'I TSE GAS PA SOGS MA BRJOD PAR SBYIN PA DANG, KHUR 'DEGS MI NUS PA'I GROGS BYED PA DANG, RDO BA CHEN PO SOGS 'DEGS 'JOG GI TSE SKAD SBYAR TE CIG CAR MA BYAS PA RNAMS LA NYES BYAS SO,, GSUM PA GROGS DANG 'BREL BA'I BSLAB BYA NI, LAM LA 'GRO BA'I TSE DGE SLONG PHA MA DANG DUD 'GRO LAS GZHAN PA'I NGAL BA DANG NGAL BA MA YIN PA RANG DGAR PHUL BA DANG, DE DAG NGAL GSOR MA BCUG PA DANG, SNOD SPYAD SOGS LEN 'OS PA MA BLANGS PA DANG, DGE SLONG SOGS NGAL BA SOGS KYIS MGYOGS SU 'GRO MI NUS PA LA DE'I LHUNG BZED SOGS BKRU BA DANG BYIN LEN DANG 'ONGS MA 'ONGS BRTAG PA SOGS MA BYAS PA DANG, DES ZAS LA SLEB MA NUS PA'I TSE ZAS SKOM KHYER TE BSU BAR MA BYAS PA DANG, RDZAS KYI PHYIR GZHAN 'CHI BAR 'DOD PA DANG, RANG BZHIN GYI KHA NA MA THO BA LA 'JUG PA LA RJES SU YI RANG BAR BYAS PA LA NYES BYAS SO, ,NAD PA SOGS DANG 'BREL BA'I BSLAB BYA GZHAN BSTAN PA NI, NAD PA MI 'DOD
BZHIN DU BSKYOD PA DANG, KHYOD MYUR DU SHI NA SLA'O ZHES NAD G-YOG MI BYED PA DANG, BZA' BTUNG SMAN SOGS MI 'PHROD PAR SHES BZHIN DU STER BA DANG, 'BRAS MA SMIN PAR GTOL (BRTOL) BA DANG, SGO GLEGS KYIS 'TSIR BA DANG 'CHING BA SOGS KYIS SDUG BSNGAL BAR BYED PA RNAMS KHONG KHRO MED BZHIN DU DANG, MI MA YIN SOGS LA SNGAGS KYI THAL LCAG DANG, ZAS MID PAR THOGS PA BSAL BA'I PHYIR KHU TSUR GYIS BSNUN PA SOGS DANG, SPYI BO TSUGS SU 'GRO BA DANG, MTSON LA SOGS PA 'PHONGS SHIG CES BSGO BA DANG, NGAN SEMS MED PAR SHES BZHIN MA YIN PAR GSAD BYA STON PA'I LUS NGAG GI RNAM 'GYUR SOGS BYAS PA RNAMS LA BSLAB BYA DANG 'GAL BA'I NYES BYAS SO,, BZHI PA, RDZUN DU SMRA DANG BCAS PA YI, ,ZHES PA RDZUN DU SMRA BA'I PHAM PA BSHAD PA LA GNYIS, LTUNG BA RNAM GZHAG DANG, BSLAB BYA'O,, DANG PO LA DNGOS GZHI'I LTUNG BA, SBYOR BA'I LTUNG BA, SBYOR BA'I SBYOR BA'I LTUNG BA RNAM PAR GZHAG PA DANG GSUM LAS, DANG PO LA GZHI, BSAM PA, SBYOR BA, MTHAR THUG GI YAN LAG BZHIR YOD PA LAS, GZHI'I LAN LAG GANG LA SMRA BA'I YUL MI SMRA SHES DON GO SHES PA RANG BZHIN DU GNAS PA, MA NING DANG MTSAN GNYIS PA MA YIN PA STE THA SNYAD LNGA DANG LDAN PA'O, ,GANG SMRA BA'I DNGOS PO MI'I CHOS BLA MA STE, 'DOD PA LAS 'DAS PA BSAM GTAN DANG PO'I NYER BSDOGS NAS SANGS RGYAS KYI SA'I BAR GYI YON TAN GANG RUNG STE, BSAM GTAN BZHI DANG, GZUGS MED BZHI DANG, TSAD MED BZHI DANG, RGYUN ZHUGS SOGS 'BRAS BU BZHI DANG, BSGOMS BYUNG GI MI RTAG
, ,PA'I 'DU SHES SOGS NYI SHU DANG, MNGON SHES DRUG LA SOGS PA'O, ,GANG GIS SMRA BA'I RTEN MI CHOS BLA MA DE DAG GANG YANG RUNG BA MA THOB BZHIN DU SMRA BA LA ZHUGS PA'I BCAS LDAN DGE SLONG DANG, BSAM PA LA 'DU SHES KUN SLONG GNYIS LAS, 'DU SHES SPYI BYE BRAG LA MA 'KHRUL BA, KUN SLONG 'DU SHES BSGYUR TE RANG NYID MI'I CHOS BLA MA DANG LDAN PAR SMRA 'DOD DAM, GZHAN GYI TSIG DANG DU LEN 'DOD RGYUN MA CHAD PA, SBYOR BA RANG GI YIN PA, NGAG YIN PA, BDAG NYID DANG 'BREL BA, MA NOR BA, GSAL BAR SMRA BA STE MTSAN NYID LNGA LDAN GYIS SMRA BA'I TSUL GSUM GANG YANG RUNG BA'I SGO NAS SMRAS PA'AM, GZHAN GYIS SMRAS PA'I TSIG DANG DU LEN PA'O, ,SMRA BA'I TSUL GSUM NI, LHA LA SOGS PA MA MTHONG BZHIN DU MTHONG NGO ZHES 'BRAS BU'I SGO NAS SMRA BA DANG, ZHI GNAS DANG LHAG MTHONG SOGS MA THOB BZHIN DU THOB BO ZHES NGO BO'I SGO NAS SMRA BA DANG, YON TAN 'DI LTA BU DANG LDAN NA LHA LA SOGS PAS 'DUD PAR BYED LA KHO BO LA YANG LHA RNAMS 'DUD PAR BYED DO ZHES PA LTA BU LDAN PA'I CHOS KYI SGO NAS SMRA BA RNAMS SO, ,MTHAR THUG GI YAN LAG NI BCAS LDAN DGE SLONG GIS 'DU SHES BSGYUR TE MI'I CHOS BLA MA DE DAG GANG RUNG MI LDAN BZHIN DU LDAN PAR SMRA 'DOD KYIS KUN NAS BSLANG STE, GONG DU BSHAD PA'I SMRA BA'I YUL MTSAN NYID DANG LDAN PA GZUGS GZHAN DU BSGYUR BA'AM MI SNANG BAR BYAS PA MA YIN PA LA SMRAS PA'AM, GZHAN GYIS KHYED MI'I CHOS BLA MA 'DI LTA BU DANG LDAN PA'O ZHES SMRA BA TSIG GIS DANG DU BLANGS PA NA DON GO BA'I TSE RDZUN DU SMRA BA'I PHAM PAR 'GYUR RO,, GNYIS
PA SBYOR BA'I LTUNG BA RNAM GZHAG NI 'DU SHES BSGYUR TE MI CHOS BLA MA'I RDZUN DE LTA BU SMRA BAR BRTZAMS NAS DNGOS GZHI LA MA THUG GI BAR SBYOR BA'I SBOM PO DANG, RDUL KHROD KYI SHA ZA MTHONG BAR SMRA BA DANG, 'DOD SEMS RTZE GCIG PA TZAM THOB CES SMRA NA GZHI'I YAN LAG GI NGO BO'I SEL BA'I SBOM PO DANG, GANG ZAG GZHAN GYIS RGYUN ZHUGS SOGS THOB PAR SMRA BA DANG, RANG NYID THOS BSAM SOGS BYED PA LA BSAMS TE, BDAG NI SLOB PA'O ZHES MI'I CHOS BLA MA DANG LDAN PAR GZHAN GYIS GOR RE NAS SMRA NA KUN SLONG GI SEL BA DANG, PHYIR MI 'ONG THOB PAR SMRA 'DOD NAS, PHYIR 'ONG THOB BO ZHES SMRAS PA DANG, KHO BO DANG 'DRA NA DGRA BCOM PA YIN NO ZHES PA LTA BU DANG, RANG NYID MI CHOS BLA MA DANG LDAN PAR GO BAR 'DOD PAS, 'DI NA YI DAM GYI LHA MTHONG BA DAG YOD DO ZHES PA LTA BU DANG, KHYOD BYANG CHUB SEMS DPA' YIN NO ZHES GZHAN GYIS SMRA BA LA CANG MI SMRA BAS DANG DU LEN PA DANG, KHYOD DE NYID YIN NA BSOD SNYOMS LONGS SHIG CES SMRA BA LA DE LTAR BYED PA DANG, YI GER BRIS PA SOGS KYI SGO NAS MI'I CHOS BLA MA DANG LDAN PAR SMRAS PA DANG, GZHAN SMRAR BCUG PA RNAMS LA SBYOR BA'I YAN LAG GI SEL BA'I SBOM PO'O, ,SBYOR BA'I SBYOR BA'I LTUNG BA RNAM PAR GZHAG PA NI, MI CHOS BLA MA'I RDZUN SMRA BAR RTZOM PA NAS LUS NGAG TU MA THON PA'I BAR BSDAM BYA'I NYES BYAS DANG, LUS NGAG TU THON NAS SBYOR BA DNGOS LA THUG GI BAR BSHAGS BYA'I NYES BYAS SO,, GNYIS PA BSLAB BYA NI, MNGON SHES DANG LDAN YANG MA BRTAGS PAR LUNG BSTAN PA SOGS LA NYES BYAS SU 'GYUR BA
, ,RNAMS SO,, ` GNYIS PA DGE 'DUN LHAG MA'I SDE BSHAD PA LA, KHU BA 'DZIN PA 'KHRIG TSIG BSNYEN BKUR SMYAN, ,KHANG PA KHANG CHEN DANG NI GZHI MED DANG, ,BAG TZAM DGE 'DUN DBYEN DANG DE RJES PHYOGS, ,KHYIM SUN 'BYIN DANG BKA' BLO MI BDE BA'O, ,ZHES PA'I SDOM GYI RIM PA LTAR BSHAD PAR BYA BA LA, DANG PO KHU BA ZHES PA 'BYIN PA'I DGE 'DUN LHAG MA LA LTUNG BA RNAM GZHAG DANG, BSLAB BYA GNYIS, DANG PO LA DNGOS GZHI, SBYOR BA, SBYOR BA'I SBYOR BA'I LTUNG BA RNAM GZHAG DANG GSUM LAS, DANG PO LA GZHI, BSAM PA, SBYOR BA, MTHAR THUG GI YAN LAG BZHIR YOD PA LAS, DBYUNG BYA'I DNGOS PO RANG GI KHU BA DANG PO'I GNAS LAS MA 'PHOS PA, RANG GI YAN LAG GI RNAM PA LAS PHAM PA SKYED PA'I RMA'I SGO GSUM LAS GZHAN PA'I GSON PO'AM, SHI BA'I LUS DNGOS SAM, DE'I DUM BU SOGS LA BSAM PA'I YAN LAG LAS KUN SLONG DANG 'DU SHES 'KHRUL MA 'KHRUL 'DRA ZHING, KUN SLONG 'BYIN 'DOD RGYUN MA CHAD PAS SBYOR BA REG CING STZAL BA DANG, MTHAR THUG DE'I RKYEN GYIS KHU BA PHYUNG BA NA 'BYIN PA'I LHAG MA'O, ,SBYOR BA'I LTUNG BA RNAM GZHAG NI, KHU BA DBYUNG BAR BRTZAMS PA NAS DNGOS GZHI LA THUG GI BAR LA SBYOR BA'I SBOM PO DANG, SPUBS SU 'ONGS PA DANG, GZHAN GYI KHU BA DANG YAN LAG GI RNAM PA LAS GZHAN PA'I LUS LA REG STE PHYUNG BA DANG, CHU'I RGYUN LAS BZLOG PHYOGS SU STZAL TE PHYUNG BA DANG, RDZI PHYOGS MA YIN PAR GTAD DE PHYUNG BA DANG, KHRI STAN SOGS LA REG STE PHYUNG BA DANG, YAN LAG GI RNAM PAR GNAS PA RNAMS SHA'I DUM BU TZAM
GYIS REG PAS PHYUNG BA LA NI GZHI'I SEL BA'I SBOM PO'O, ,CHAGS SEMS KYIS RANG GI YAN LAG GI RNAM PA LA REG PA DANG, NYED PA DANG, 'TSIR BA DANG, SEMS CAN DU BGRANG PA'I YAN LAG GI RNAM PA LA LAG PAS NOM PA DANG, YAN LAG GI RNAM PA'I BU GA 'TSIR BA RNAMS LA NI KUN SLONG GI RNAM PA'I SEL BA'I SBOM PO'O, ,GZHAN LA MA REG PAR NAM MKHA' LA BSKYOD PA SOGS KYIS PHYUNG BA DANG, BUD MED DANG SKYES PA PHRAD PA YID LA BYAS PAS PHYUNG BA DANG, DBYUNG 'DOD MED PAR RMI LAM DU PHYUNG BA'I RO MYANG BA DANG, SMAN GYIS PHYUNG BA DANG, DBYUNG BA'I PHYIR ZHUGS PA LAM DU PHYUNG BA DANG, TSUL MIN YID BYED TZAM DANG, YAN LAG GI RNAM PA LA REG PA TZAM GYIS PHYUNG BA LA NI SBYOR BA'I SEL BA DANG, DANG POR DBYUNG BAR BRTZAMS NAS SBYOR BA BTANG BA DANG, SBYOR BA DNGOS BRTZAMS NAS SBYOR BA BTANG BA LA NI MTHAR THUG GI SEL BA'I SBOM PO'O, ,SBYOR BA'I SBYOR BA NI KUN SLONG SKYES NAS LUS NGAG TU MA THON PA'I BAR BSDAM BYA DANG, LUS NGAG TU THON NAS SBYOR BA DNGOS LA REG GI BAR LA BSHAGS BYA'I NYES BYAS SO, ,GZHAN YANG, CHAGS SEMS TZAM GYIS RLUNG GI RDZI PHYOGS DANG, CHU BO'I RGYUN PHYOGS SU GTOD PA DANG, DE LA LTA BA DANG, YAN LAG GI RNAM PA LAS SU RUNG BA LA SOGS PAS REG PA DANG, GZHAN GYI YAN LAG GI RNAM PA LA REG PA DANG, REG PA MED PAR YANG YAN LAG GI RNAM PA BSKYOD PA TZAM GYIS 'BYIN PA RNAMS LA BSHAGS BYA'I NYES BYAS SO,, GNYIS PA, 'DZIN DANG, ZHES PA REG PA'I LHAG MA LA LTUNG BA RNAM GZHAG DANG, BSLAB BYA GNYIS LAS, DANG
, ,PO NI GZHI, BSAM PA, SBYOR BA, MTHAR THUG GI YAN LAG BZHI LAS, YUL NI MI'I BUD MED SHES PA RANG BZHIN DU GNAS PA, MTSAN DON BYED NUS PA, LUS BSTEN RUNG MA NYAMS PA'I RMA'I SGO GSUM LAS GZHAN PA LUS DNGOS SAM, SKRA'AM, DE DANG 'BREL BA'I GOS LA SOGS PA LA, REG BYED BCAS LDAN DGE SLONG GIS ZAG BYED LAS GZHAN PA MIG NAS PUS MO'I BAR GANG YANG RUNG BA, BSAM PA LA 'DU SHES SPYI DANG BYE BRAG LA MA 'KHRUL BA, KUN SLONG REG PA LAS BYUNG BA'I BDE BA MYONG 'DOD KYI 'DUN PAS, SBYOR BA REG PAR RTZOM PA, MTHAR THUG REG PA LAS BYUNG BA'I BDE BA MYONG BA NI REG PA'I LHAG MAR 'GYUR RO, ,SBYOR BA DANG SBYOR BA'I LTUNG BA RNAM GZHAG SNGA MA LA DPAGS TE SHES PAR BYA'O,, GNYIS PA BSLAB BYA NI, CHAGS SEMS MED KYANG MTSAN MI MTHUN PA LA DGOS MED DU REG PA DANG, RANG LA CHAGS SEMS MI SKYE NA BUD MED CHUS KHYER BA BSGRAL BA SOGS KYI PHYIR MI REG PA DANG, REG PA'I TSE MA DANG SRING MO SOGS KYI 'DU SHES KYIS SKRA'AM, LAG PA SOGS LA MA REG PA DANG, DE DAG GI TSE DRAN SHES TSUL BZHIN DU MA BSTEN PA DANG, LHAG PAR CHAGS PAR 'GYUR BA'I YUL LA LTA BA SOGS LA NYES BYAS SO,, GSUM PA 'KHRIG TSIG CES PA, 'KHRIG PA SMRA BA'I DGE 'DUN LHAG MA LA LTUNG BA RNAM GZHAG DANG, BSLAB BYA GNYIS, DANG PO LA GZHI'I YAN LAG SMRA BA'I YUL BUD MED MTSAN DON BYED NUS PA DANG LDAN PA, LUS THA MAL DU GNAS SHING BSTEN DU RUNG BA, RDZU 'PHRUL CAN MA YIN PA, MI'I 'GRO BA SMRA SHES DON GO BA, SHES PA RANG
BZHIN DU GNAS PA STE THA SNYAD BZHI DANG LDAN PA ZHIG LA, GANG BRJOD PA'I DNGOS PO YUL DUS DER 'KHRIG PA'I TSIG TU GSAL BAR GRAGS PA, BSAM PA 'DU SHES MA 'KHRUL BA, KUN SLONG 'KHRIG PA'I TSIG SMRAS PA LAS BDE BA MYONG BAR 'DOD PA'I 'DOD CHAGS KYIS RANG NYID KYIS SMRAS PA'AM, GZHAN GYIS SMRAS PA DANG DU LEN 'DOD RGYUN MA CHAD PA, SBYOR BA NGAG MTSAN NYID LNGA LDAN GYIS SMRA BAR RTZOM PA, MTHAR THUG 'KHRIG PA'I TSIG GSAL BAR SMRAS PA'AM, YUL GYIS SMRAS PA DANG DU BLANGS PA LAS 'KHRIG TSIG SMRAS PA'I DGE 'DUN LHAG MAR 'GYUR RO,, GNYIS PA BSLAB BYA NI, YUL THAMS CAD LA 'KHRIG TSIG SMRA BA'I SBYOR DNGOS KYI LTUNG BAS MA GOS PA LA BSLAB PAR BYA'O,, BZHI PA BSNYEN BKUR ZHES PA, BSNYEN BKUR BSNGAGS PA'I LHAG MA LA GZHI, BSAM PA, SBYOR BA, MTHAR THUG GI YAN LAG LAS, GZHI LA YUL SNGAR BSHAD PA'I BUD MED CHOS LNGA LDAN LA, GANG SMRA BA'I NGO BO, 'KHRIG PAS BDAG NYID LA BSNYEN BKUR BA NI MCHOG GO ZHES PA LTA BU, BSAM PA 'DU SHES MA 'KHRUL BA, KUN SLONG DE LTAR SMRAS PAS BDE BA MYONG 'DOD KYIS RANG NYID KYIS SMRAS PA'AM, GZHAN GYIS SMRAS PA TSIG GIS DANG DU LEN PAR 'DOD PA, SBYOR BA SMRA BAR RTZOM PA'AM, GZHAN GYIS SMRAS PA DANG DU LEN 'DOD KYIS, MTHAR THUG RANG GIS SMRAS PA'I GZHAN GYIS SMRAS PA'I TSIG DANG DU BLANGS PA PHA ROL POS DON GO BA NA DGE 'DUN LHAG MAR 'GYUR RO,, LNGA PA SMYAN ZHES PA, SMYAN BYED KYI DGE 'DUN LHAG MA LA GZHI, BSAM PA, SBYOR BA, MTHAR THUG GI YAN LAG LAS, GZHI LA SPRAD BYA'I GANG ZAG BUD
, ,MED DANG SKYES PA THA SNYAD BZHI DANG LDAN ZHING MTSAN DON BYED NUS PA, LUS BSTEN DU RUNG BA, RANG LAS RGYUD THA DAD PA, SNGAR MTHUN PA MA YIN PA'AM MTHUN YANG DE LAS NYAMS PA, LUS THA MAL DU GNAS SHING RDZU 'PHRUL CAN MA YIN PA; DE GNYIS KYANG RGYUD THA DAD PA STE CHOS BDUN LDAN LA, GANG LA PHRIN BYA BA'I YUL DE GNYIS SAM, DE GNYIS LAS GZHAN YIN YANG THA SNYAD LNGA DANG LDAN PA, LUS THA MAL DU GNAS PA, DE GNYIS KYI PHA MA SOGS LTA BU LA, BSAM PA 'DU SHES MA 'KHRUL ZHING, KUN SLONG DE GNYIS 'KHRIG PA SBYOR BA'I 'DUN PAS SMYAN BYED 'DOD RGYUN MA CHAD PA, SBYOR BA RANG NGAM, GZHAN THA SNYAD LNGA DANG LDAN NGAG MTSAN NYID LNGA LDAN GYIS BSKOS PA GANG YANG RUNG BAS PHRIN GSUM MAM, DE'I BYA BA ZHUGS PA'I SGO NAS SMYAN DU SBYOR BAR RTZOM PA, MTHAR THUG DE'I RKYEN GYIS DE GNYIS 'KHRIG PA BSTEN PA'I TSE DGE 'DUN LHAG MA'O,, DRUG PA KHANG PA ZHES PA KHANG PA'I LHAG MA LA SPYIR KHANG PA DANG KHANG CHEN GYI KHYAD PAR JI LTA BU ZHE NA, 'GA' ZHIG SANGS RGYAS DANG CHOS KYI CHED DU BYAS PA KHANG CHEN DANG, DGE 'DUN SOGS KYI CHED DU BYAS PA KHANG PAR BZHED LA, KHA CIG DKON MCHOG GSUM GYI CHED DU BYAS PA KHANG CHEN, GZHAN GYI CHED DU BYAS PA KHANG PAR 'DOD CING, 'GA' ZHIG TSOGS KYI DON DU BYAS PA KHANG CHEN, GCIG GI DON DU BYAS PA KHANG PAR BZHED, DE LA MTSO SNA PAS, SANGS RGYAS BZHUGS PA'I TSE DE'I DON DU BRTZIGS PA'I KHANG PA DE CHOS CAN, KHANG CHEN MA YIN PAR THAL, TSOGS KYI DON DU BRTZIGS PA MA YIN PA'I PHYIR, 'DOD NA, RNAM 'BYED
LAS, KHANG CHEN LAS ZHES BYA BA NI, ,SBYIN PAR BYA BAS CHEN PO YIN GYI, ,TSAD CHE BA NI MA YIN NO, ,ZHES GSUNGS PA DANG 'GAL ZHES GSUNG, DES NA KHANG PA'I LHAG MA LA GZHI, BSAM PA, SBYOR BA, MTHAR THUG GI YAN LAG LAS, GZHI'I YAN LAG LA GANG DU BRTZIG PA'I GNAS SROG CHAGS SOGS MANG BAS GZHI MI RUNG BA DANG, RGYAL PO SOGS DANG RTZOD PA'I GNAS SU GYUR PA'AM, CHU KLUNG NGAM GROG SOGS MYUR DU 'JIG PA'I RKYEN DANG LDAN PAS BRTZAM DU MI RUNG BA STE, GZHI MA DAG PA GSUM DU RANG NGAM NGAG MTSAN NYID LNGA LDAN GYIS MNGON SUM DU BSKOS PA GANG RUNG GIS RANG LAS NOR THA DAD PA'I THA SNYAD LNGA LDAN LUS THA MAL DU GNAS PA LA, DGE 'DUN GYIS GNANG BA MA THOB BZHIN DU GZHI GONG DU BSHAD PA LTA BUR RTZIG PAR RTZOM PA'O, ,GANG GIS RTZIG PA'I YO BYAD NI RANG NGAM BSKOS PA'I GANG ZAG GIS YUL MTSAN NYID DANG LDAN PA LA NGAG MTSAN NYID LNGA LDAN GYIS BSLANGS PAS GANG BRTZIG PAR BYA BA'I DNGOS PO THOG PHAL CHER BKAB CING RTZIG PAS BSKOR BAS GNAS SU GRUB PA, TSAD SRID DU KHRU BCO BRGYAD ZHENG DU KHRU PHYED DANG BCU GCIG LAS KHRU PHYED YAN CHAD KYIS LHAG PA'AM, LUS 'GRENG DU RUNG ZHING SKYIL KRUNG BCAS TE 'DUG TU RUNG BA, RKANG LAG BRKYANG STE NYAL DU RUNG ZHING, GOM PA GSUM YAN CHAD DOR BA'I SGO NAS 'CHAG TU RUNG BA STE SPYOD LAM BZHI SHOM, SNGAR LTUNG BA SKYED PA'I TSAD LA GNOD PA'I KHANG PA MA BRTZAMS PAR BSAM PA 'DU SHES MA 'KHRUL BA DANG, KUN SLONG DKON MCHOG GI PHYIR MA YIN ZHING, RANG NGAM GZHAN KHYIM PA'AM RAB BYUNG GANG RUNG GCIG NYID KYI
, ,DON DU RTZIG 'DOD RGYUN MA CHAD PAS SBYOR BA RANG NGAM, NGAG MTSAN NYID LNGA LDAN GYIS THA SNYAD LNGA LDAN GYI GANG ZAG GZHAN BSKOS NAS RTZIG PAR RTZOM PA, MTHAR THUG DE 'DRA BA'I SBYOR BA BRTZAMS PA LA BRTEN NAS GZHI MA DAG PA GSUM PO DER SPYOD LAM BZHI SHOM NAS KHANG PA TSAD LAS LHAG PA'I BAR DU BRTZIGS TE, THOG PHAL CHER G-YOGS SHING RTZIG PA PHAL CHER BSKOR TE GNAS KYIS MTSAN NYID DU GRUB PAR BYAS PA'I TSE KHANG PA'I DGE 'DUN LHAG MAR 'GYUR RO,, BDUN PA KHANG CHEN ZHES PA, GTZUG LAG KHANG GI DGE 'DUN LHAG MA LA GZHI, BSAM PA, SBYOR BA, MTHAR THUG GI YAN LAG LAS GZHI LA GANG DU BRTZIGS PA'I GNAS, GZHI MA DAG PA GSUM CHAR DANG LDAN PAR, DGE 'DUN GYIS GNANG BA MA THOB BZHIN DU, YO BYAD BTZAL MA BTZAL GANG YANG RUNG BAS, TSAD SNGAR BZHIN LA, BSAM PA LA 'DU SHES MA 'KHRUL ZHING, KUN SLONG DKON MCHOG GSUM GANG RUNG GI PHYIR DNGOS KYI BDAG PO DGE SLONG BZHIR LONGS PA YAN CHAD KYI DON DU RTZIG 'DOD RGYUN MA CHAD PAS, SBYOR BA KHANG PA'I SKABS BZHIN LA, MTHAR THUG RANG GIS DNGOS SU BRTZIGS PA'AM, GZHAN THA SNYAD LNGA LDAN NGAG MTSAN NYID LNGA LDAN GYIS BSKOS PAS RTZIG PAR BRTZAMS PA LA BRTEN NAS GNAS KYI MTSAN NYID DU GRUB PAR BYAS PA'I TSE GTZUG LAG KHANG GI DGE 'DUN LHAG MA'O, ,DE GNYIS KYI BSLAB BYA NI, RTZIG PA'I TSE DGE 'DUN LA GNANG BA MA GSOL BA DANG, GSOL YANG, MI 'OS PA GSOL BA DANG, GSOL BA'I TSE DGE 'DUN GYIS MI 'OS PAR GNANG BA BYIN PA DANG, 'OS PA LA MA BYIN PA
SOGS LA NYES BYAS SO,, BRGYAD PA, GZHI MED DANG ZHES PA, GZHI MED SKUR 'DEBS KYI LHAG MA LA GZHI, BSAM PA, SBYOR BA, MTHAR THUG GI YAN LAG LAS, GZHI LA SKUR BA 'DEBS PA'I YUL RANG PHYOGS YIN NA RANG DANG LTA MTSAN MTHUN ZHING BSNYEN RDZOGS KYI SDOM PA GSO RUNG YAN CHAD DANG LDAN PA, GZHAN PHYOGS LTA MTSAN GANG RUNG MI MTHUN PA YIN NA PHAM PAS YE MA GOS PA, LUS THA MAL DU GNAS SHING RANG LAS RGYUD THA DAD DU GNAS PA, SMRA SHES DON GO SHES PA RANG BZHIN DU GNAS PA'I THA SNYAD GSUM LDAN LA, MTHONG THOS DOGS GSUM GYI GZHI MED PAR BSAM PA 'DU SHES MA 'KHRUL ZHING, KUN SLONG PHAM PAS SKUR BA 'DEBS 'DOD RGYUN MA CHAD PAS, SBYOR BA TSIG NGAG MTSAN NYID LNGA LDAN GYIS, DGE SLONG CHE GE MO 'DI ZHES BYA BAS MI TSANGS PAR SPYOD PA BYAS SO ZHES PA LTA BUS SKUR BA BTAB NA, GANG LA SMRA BA'I YUL THA SNYAD LNGA LDAN GZUGS GZHAN DU MA BSGYUR BA, MI SNANG BAR BYAS PA MA YIN PA, RANG LAS RGYUD THA DAD PA LA NGAG MTSAN NYID LNGA LDAN GYIS DE LTAR SKUR BA BTAB PAS PHA ROL POS DON GO BA NA GZHI MED SKUR 'DEBS KYI DGE 'DUN LHAG MA'O,, DGU PA, BAG TZAM ZHES PA, BAG TZAM MI GSAL BA'I LHAG MA LA GZHI, BSAM PA, SBYOR BA, MTHAR THUG GI YAN LAG LAS, DANG PO GNYIS SNGAR BZHIN LA, SBYOR BA GANG SKUR BA GDAB PAR BSAMS PA'I YUL DE NYID LA MTHONG THOS DOGS GSUM GANG YANG MED PAR, DGE SLONG 'DI ZHES BYA BA'ANG MTHONG, BUD MED CHE GE MO YANG MTHONG, MI TSANGS PAR SPYOD PA YANG MTHONG NGO ZHES BYED PA PO DANG BYA BAR MA SBYAR
, ,BAR SKUR BA BTAB PAS BAG TZAM MI GSAL BA'I LHAG MAR 'GYUR RO, ,KHYAD PAR GZHAN RNAMS SNGAR BZHIN NO,, BCU PA, DGE 'DUN DBYEN ZHES PA'I LHAG MA LA GZHI, BSAM PA, SBYOR BA, MTHAR THUG GI YAN LAG LAS, DANG PO LA GANG DU DBYE BA'I GNAS, NAM GYI TSE PHYE BA'I DUS, GANG GIS 'BYED PA'I RTEN, DNGOS PO GANG GIS DBYE BA, GANG DBYE BA'I YUL LO, ,DANG PO NI MTSAMS NANG GCIG YIN PA DANG, GNYIS PA NI BSTAN PA SKYON MED PA'I TSE'O, ,GSUM PA NI DGE SLONG KHA SKONG BAR 'OS PA, BZHI PA NI CHOS MA YIN PAR LTA BA'O, ,GANG DBYE BA'I YUL NI RANG MA GTOGS PA GRANGS BRGYAD YAN CHAD DU TSANG BA, THA SNYAD GSUM DANG LDAN PA, LUS THA MAL DU GNAS PA, BSNYEN RDZOGS KYI SDOM PA RNAM DAG DANG LDAN PA, LTA BA DANG MTSAN MTHUN PA STE CHOS DRUG LDAN NO, ,BSAM PA LA 'DU SHES MA 'KHRUL ZHING KUN SLONG DGE 'DUN GYI DBYEN BYED 'DOD KYIS ZHUGS PA LA, DGE 'DUN GYIS CHOS LDAN GYI ZLOG PA LNGAS BZLOG KYANG MI GTONG BA'I BSAM PAS, SBYOR BA DGE 'DUN GYIS LAS KYIS BZLOG KYANG, 'DU SHES BSGYUR TE MI GTONG BAR RTZOM PA, MTHAR THUG MTSAMS NANG DER KHA SKONG BAR 'OS PA'I DGE SLONG BRGYAD YAN CHAD DU LONGS PA THA SNYAD GSUM LDAN SOGS CHOS DRUG LDAN RANG NYID KYIS GTZO BYAS TE CHOS MA YIN GYIS LTA BAS 'DU SHES BSGYUR TE 'BYED PA LA DGE 'DUN GYIS BZLOG PA'I GSOL BZHI'I LAS BYAS PA NA BRJOD PA GSUM PA'I MTHA' LA MA BTANG BA'I TSE DGE 'DUN DBYEN GYI LHAG MAR 'GYUR RO, ,SBYOR BA'I LTUNG BA SOGS NI SNGAR GYIS MTSON NAS SHES
PAR BYA LA, GZHAN YANG DBYEN BYED 'DOD KYIS GZHAN GYI 'KHOR KHA 'DREN ZHING RANG PHYOGS SU 'JOG PA DANG, DAG GROL 'THOB PA'I BLOS DGOS MED DU MI SMRA BA'I YID DAM 'CHA' BA DANG, MTSAMS NANG DE NA KHA SKONG BAR RUNG BA'I DGE SLONG YOD PAR NGES PA'AM 'PHRIGS BZHIN DU, MA 'ONGS KYANG SLA'O SNYAM DU STE LAS BRGYA RTZA GCIG LAS GANG YANG RUNG BA BYAS PA DANG, THABS GZHAN GYIS 'TSO NUS BZHIN DU SMAN BSHANG LAM NAS BTANG BA DANG, GYA TSOM GYIS DPYAD BYED PA DANG, GZHANG 'BRUM MTSON LA SOGS PAS BCAD PA DANG, MI 'CHAGS PAR SHES BZHIN DU DBYEN DANG GNAS NAS DBYUNG BA'I LAS BYED PA SOGS DANG, DGE SLONG BSOD NAMS CHEN PO DANG 'KHOR MANG BA DANG SDE SNOD 'DZIN PA SOGS DGE 'DUN DBYE BAR NUS PA GNAS NAS PHYUNG BA DANG, SKRA LAS BYAS PA DANG, 'UG PA'I RGYAL MTSAN 'CHANG BA DANG, DAG GROL GYI BLOS SAM, YANG DAG PAR BLANG BA MNGON DU BTANG BA GANG RUNG GIS GCER BU DANG, SKRA 'THOG PA DANG, LO MA DANG SHING SHUN DANG RI DVAGS KYI PAGS PA'I GOS 'CHANG BA DANG, STOD SMAD KYI GOS SBUBS CAN DANG, GOS THAMS CAD KHA DOG SNGO BA DANG, GOS KYI KHA TSAR SBRUL GYI GDENGS KA LTA BU DANG, KHA TSAR MA BCAD PA DANG, LHAM YU RING DANG, SBU GU CAN GYI RNAM PA 'DRA PA'I GOS RAL KHA GYON PA DANG, DGOS MED DU GTZUG TOR DANG THOD LA SOGS PA 'CHANG BA DANG, RE BA DANG RNGA BAL LAS BYAS PA'I GOS GYON PA DANG, G-YANG LA MCHONG BA DANG, ME LNGA BSTEN PA SOGS MU STEGS KYI LTA BA 'CHANG BA DANG, DGE 'DUN GYI TSOGS KYI NANG DU 'DU SHES
, ,BSGYUR TE SHES BZHIN DU MYOS 'GYUR 'THUNG BA DANG, DUS MA YIN PA'I KHA ZAS SOGS RIGS PA MA YIN PA DANG BYA BA MA YIN PA MA RIGS PA DANG BYA 'OS PAR STON PA DANG, GSO SBYONG SOGS BYA MI 'OS PAR STON PA DANG, GZHAN GYIS CHAD PAS BCAD PA RANG GI 'KHOR DU BSTEN PA DANG, RANG PHYOGS DANG GZHAN PHYOGS GNYIS KA DGE 'DUN DU MA LONGS PA'I TSE RANG GIS KHA BKANG STE 'BYED PA DANG, MTSAN DANG LTA BA MI MTHUN PA GNYIS KA DGE 'DUN DU LONGS PA 'BYED PA RNAMS LA DGE 'DUN DBYEN GYI LHAG MA'I SDER GTOGS PA'I SBOM POR 'GYUR ZHING, SMAN DANG, RANG DGAR MI SHA ZA BA DANG, SHA DMAR PO RLON PA ZA BA LA YANG SBOM PO'O,, GCU GCIG PA, DE RJES PHYOGS ZHES PA'I LHAG MA LA GZHI, BSAM PA, SBYOR BA, MTHAR THUG GI YAN LAG LAS, GZHI LA BSNYEN RDZOGS KYI SDOM PA RNAM DAG DANG LDAN ZHING, 'BYED PA PO DANG LTA MTSAN MTHUN PA THA SNYAD GSUM LDAN LUS THA MAL DU GNAS PA 'BYED PA PO GTZO BO MA YIN ZHING DE'I GROGS LA ZHUGS PA, BSAM PA LA 'DU SHES DANG KUN SLONG GNYIS LAS, 'DU SHES MA 'KHRUL BA, KUN SLONG DGE 'DUN DBYEN GYI 'BYED PA PO'I GROGS BYED PA LA ZHUGS PA, CHOS LDAN GYI ZLOG PA LNGAS BZLOG KYANG 'DU SHES BSGYUR TE MI GTONG BA'I BSAM PAS, SBYOR BA LHAG MA SKYED NUS KYI DBYEN GYI GROGS LA ZHUGS PA LA DGE 'DUN GYIS BZHAMS SGO SOGS KYIS BZLOG PA NA BRJOD PA GSUM PA'I MTHA' LA MA BTANG BA'I TSE DE RJES PHYOGS KYI DGE 'DUN LHAG MAR 'GYUR RO, ,LHAG MA RNAMS SNGA MA LA DPAGS TE SHES PAR BYA'O,, BCU GNYIS
PA; KHYIM SUN 'BYIN ZHES PA KHYIM SUN 'BYIN GYI LHAG MA LA GZHI, BSAM PA, SBYOR BA, MTHAR THUG GI YAN LAG LAS, DANG PO NI, GANG SUN 'BYIN PA'I YUL RAB BYUNG GI RTAGS SDOM DANG MI LDAN PA'I KHYIM PA THA SNYAD LNGA LDAN LUS THA MAL DU GNAS PA LA, NGAG GI SUN 'BYIN PA'I DNGOS PO NI GLU LEN PA, BRO RDUNG BA, MYOS 'GYUR 'THUNG BA SOGS NYES PA BSGRAGS PAS GANG LA SKUR BA'I YUL DGE 'DUN DU LONGS PA, BSNYEN RDZOGS KYI SDOM PA RNAM DAG DANG LDAN PA LTA MTSAN MTHUN PA THA SNYAD GSUM LDAN LUS THA MAL DU GNAS PAS RANG LA BSKRAD PA NAN TUR GYI LAS CHOS LDAN DU BYAS PA'O, ,GANG LA NGAG SMRA BA'I YUL RDZUN SMRA'I PHAM PA SOGS DANG 'DRA, BSAM PA LA 'DU SHES MA 'KHRUL ZHING KUN SLONG RANG SKROD PA'I DGE 'DUN LA SKUR BA 'DEBS PA'I TSIG 'DU SHES BSGYUR TE SMRA BAR 'DOD PA BZHAMS SGO SOGS KYIS BZLOG KYANG MI GTONG BAR 'DOD PA'O, ,SBYOR BA, DGE 'DUN 'DI RNAMS 'DUN PAS 'GRO ZHES SDANG GIS 'GRO ZHES SOGS SKUR BA 'DEBS PA'I TSIG SMRAS PA BZLOG KYANG MI GTONG BAR RTZOM PA, MTHAR THUG SNGAR BSHAD PA'I KHYIM PA DE 'DRA BA'I MDUN DU GLU LEN PA SOGS TSUL KHRIMS DANG 'GAL BA'I GROGS KYI NYES PA BSGRAGS PA'I SGO NAS KHYIM PA SUN 'BYIN PAR BYAS PA LA DGE 'DUN CHOS DRUG LDAN GYIS BSKRAD PA NAN TUR CHOS BZHIN DU BYAS PA LA, DGE 'DUN 'DI DAG 'DUN PAS 'GRO ZHES SOGS SKUR BA BTAB PA LA ZLOG BSGO TSUL BZHIN DU BYAS PA'I BRJOD PA GSUM PA'I MTHAR MA BTANG BA NA MTHAR THUG RDZOGS PAR 'GYUR RO,, BCU GSUM PA, BKA' BLO MI BDE BA'O
, ,ZHES PA BKA' BLO MI BDE BA'I LHAG MA LA GZHI, BSAM PA, SBYOR BA, MTHAR THUG GI YAN LAG LAS, GZHI LA YUL RANG LA LTUNG BA GLENG DRAN BYED PA'I DGE 'DUN LTA MTSAN MTHUN ZHING THA SNYAD GSUM LDAN LUS THA MAL DU GNAS PA, RANG LA GLENG DRAN TSUL BZHIN DU BYED PA STE CHOS DRUG LDAN LA, RTEN RANG NYID GLENG DRAN BYA BA'I YUL YIN BZHIN DU, BSAM PA 'DU SHES MA 'KHRUL ZHING KUN SLONG RANG LA GLENG DRAN BYED PA 'GOG PA'I TSIG SMRA BA, ZLOG BSGO LNGAS BZLOG KYANG MI GTONG BA'I BSAM PAS, SBYOR BA DE LTAR ZLOG PA LA, KHYED CAG DGE YANG RUNG SDIG KYANG RUNG BDAG LA CI YANG MA SMRA ZHIG CES SMRA BA RTZOM PA, MTHAR THUG GLENG DRAN TSUL BZHIN DU BYAS PA LA BYAS PAR SHES BZHIN DU GONG GI TSIG DE LTA BUS ZLOG PA LA DGE 'DUN GYIS ZLOG BSGO TSUL BZHIN DU BYAS PA'I TSE BRJOD PA GSUM PA'I MTHA' LA MA BTANG NA DGE 'DUN LHAG MAR 'GYUR RO,, ` ,,GSUM PA LTUNG BYED KYI SDE BSHAD PA LA GNYIS, ZHAG GI CHAD LAS DANG 'BREL BA'I SPANG LTUNG BSHAD PA, LTUNG BYED 'BA' ZHIG PA BSHAD PA'O,, DANG PO LA BCU TSAN GSUM LAS, DANG PO'I SDOM NI, 'CHANG BA 'BRAL BA 'JOG PA DANG, ,'KHRUR 'JUG PA DANG LEN PA DANG, ,SLONG DANG STOD G-YOGS SMAD G-YOGS BCAS, ,RIN THANG SO SOR BSKUR BA'O, ,ZHES GSUNGS PA'I DANG PO, 'CHANG BA ZHES PA GOS ZHAG BCU 'CHANG SPANG BSHAD PA LA GZHI BSAM PA SBYOR BA MTHAR THUG GI YAN LAG RNAMS NI SNGAR BSHAD PA LAS MTSON TE SHES PAR BYA LA, LTUNG BA'I NGO BO NI, SRA BRKYANG MA BTING BA'I DGE SLONG GIS RANG NYID DBANG
BA'I GOS RUNG BA CHU ZHENG GNYIS KAR KHRU GANG LONGS PA, KHA SKONG GI RE BA LA LTOS PA DANG BCAS TE GZHAG TU MI RUNG BA'AM RUNG YANG RE BA MED PA, GNAS SKABS DBANG BYAR YOD PA, BYIN GYIS MA BRLABS PA'AM BRLABS KYANG SHAN RJES SU ZHUGS PA LA DER 'DU SHES PAS RANG DON DU ZHAG BCUR 'CHANG 'DOD KYIS RANG STOBS SAM SHAN STOBS GANG RUNG GIS ZHAG BCU 'DAS NAS BCU GCIG PA'I SKYA RENGS SHAR BA'I TSE MTHAR THUG RDZOGS PAR 'GYUR BA YIN NO, ,RA BAL DANG RNGA BAL SOGS RGYU MI RUNG BA LAS BYAS PA DANG, DPAG BSAM GYI SHING LAS BYUNG BA LTA BU RTZOL BAS MA BYAS PA DANG, KHRU GANG MA LONGS PA RNAMS LA DE DRA'I SKYA RENGS SHAR BA'I TSE NYES BYAS SO, ,SHAN STOBS KYIS SKYED TSUL NI, SHAN BRDEG BYA BYIN RLABS CAN YIN NA RDEG BYED DANG MNYAM DU RNYED PHYIN CHAD LA SHAN RDEG CING, RDEG BYED KYIS ZHAG BCU 'DAS NA BRDEG BYA LA SHAN STOBS KYI LTUNG BA 'BYUNG BAS BYIN RLABS KYANG 'JIG GO ,BRDEG BYA BYIN GYIS MA BRLAB PA YIN NA RDEG BYED ZHAG GCIG GIS SNGA ROL TU RNYED PAR DGOS TE, MNYAM DU RNYED NA ZHAG BCU 'DAS PA NA RANG STOBS KYIS 'CHANG SPANG 'BYUNG PA'I PHYIR, DES NA BYIN GYIS BRLABS PA ZHAG GCIG GIS SNGA ROL TU RNYED PA DANG, BYIN GYIS MA BRLABS PA SNGON NAM MNYAM DU RNYED PA LA SHAN MI 'BYUNG NGO,, GNYIS PA; 'BRAL BA ZHES 'BRAL BA'I SPANG LTUNG NI, SRA BRKYANG GTING LA CHAGS PA MA YIN PA, SNAM SBYAR DANG MI 'BRAL BA'I GNANG BA MA THOB PA'I DGE SLONG GIS RANG GI CHOS GOS GSUM GANG YANG RUNG BA BYIN RLABS CAN TSAD DANG LDAN PA, DGON PA
, ,PAS 'JIGS PA DANG BCAS PAS GNAS GZHAN DU BZHAG PA'I SNAM SBYAR LTA BU MA YIN PA LA DER 'DU SHES PAS RANG DGAR CHOS GOS KYI GNAS NYE 'KHOR DANG BCAS PA LAS PHYIR ROL TU MTSAN MO 'DAS PA NA SKYA RENGS SHAR BA'I TSE 'BRAL BA'I SPANG LTUNG NGO, ,CHOS GOS RGYU RUNG BA MA YIN PA DANG, TSAD DU MA LONGS PA DANG, RGYU'I BYIN RLABS CAN DANG BRAL BA LA NYES BYAS SO, ,GNAS KHANG PHAN TSUN KHYIM PA'I BDAG PO GCIG CING RTZIG PA SOGS KYIS 'BREL BA, MTSAMS GZHAN MA ZHUGS PA LA GCIG TU CHOS GOS BZHAG CING CIG SHOS SU DGE SLONG BSDAD NAS SKYA RENGS SHAR YANG LTUNG BA MI SKYED DE, KHYIM PA LA NOR GCIG PA GTZO BO YIN PA'I PHYIR, NOR THA DAD PA'I KHYIM RTZIG PA SOGS KYIS 'BREL YANG SNGAR BZHIN BSDAD NAS SKYA RENGS SHAR BA NA LTUNG BA SKYED LA, BSLAB PA DANG LTA MTSAN MTHUN PA'I RAB BYUNG GI GNAS LA NI RTZIG PA LA SOGS PAS 'BREL ZHING BAR SKABS SU MTSAMS GZHAN MA ZHUGS NA CHOS GOS DANG DE'I BDAG PO'I DGE SLONG RGYANG GRAGS GCIG TSUN CHAD KYIS BAR DU GCAD KYANG 'BRAL SPANG MI SKYED DE, RAB BYUNG LA LTA BA MTHUN PA GTZO BA'I PHYIR, LO MA DANG YAL GAS 'BREL BA'I NAGS KYANG RGYANG GRAGS GCIG TSUN CHAD DU 'DI DANG 'DRA BAR GNAS GCIG YIN LA, DE PHAN CHAD 'BREL YANG MTSAMS GZHAN DANG 'DRA BAR LTUNG BA SKYED DO, ,GRONG KHYER GYI SGO KHANG LTA BU GRONG KHYER BA DE RNAMS THUN MONG DU DBANG BA YIN NA SGO KHANG DU CHOS GOS BZHAG NAS DE DANG 'BREL BA'I KHYIM GZHAN DU DGE SLONG BSDAD KYANG LTUNG BA MI SKYED LA, LAM DU 'GRO BA'I TSE CHOS GOS
'KHYER MKHAN DANG DGE SLONG GNYIS LAM GCIG TU ZHUGS PA NA RANG DANG 'KHUR BA PO'I BAR DU GRONG DANG CHU LA SOGS PA MTSAMS GZHAN GYIS MA CHOD NA 'DOM BZHI BCU RTZA DGU TZAM GYI BAR YOD KYANG SKYA RENGS SHAR YANG LTUNG BA MI 'BYUNG ZHING MTSAMS GZHAN GYIS CHOD NA DRUG NA GNAS KYANG LTUNG BA SKYED DO, ,GTZUG LAG KHANG RTZIG PA DANG 'OBS KYIS BSKOR BA LA GANG GIS BSKOR BA'I MTHA' TSUN DANG, SPYIR BTANG DU 'DOM GANG KHOR YUG TSUN GNAS KYI NYE 'KHOR RO, ,SKABS 'DI'I BSLAB BYA NI, GDENG BA BZHAG STE NYIN GCIG LA 'KHOR BA'I BSAM PA MED PAR 'GRO BA DANG, BSAM PA YOD KYANG LOG MA NUS NA GDING BA MA G-YAR BA DANG, G-YAR YANG MA RNYED NA BLA GOS BZHI BLTAB BYAS TE STENG DU MA NYAL BA DANG, DE'I STENG DU YUN RING DU NYAL BA DANG, SBYIN BDAG SOGS KYI STAN LA 'DUG DGOS PAR SHES KYANG GDING BA MA KHYER BA RNAMS LA NYES BYAS SO, ,SNAM SBYAR DANG 'BREL BA'I BSLAB BYA NI, GZHAG PA'I GNAS DER BRLAG PA DANG CHUD ZA BA'I NYES PA MED CING, KHYER NA CHAR 'BAB PA SOGS KYIS CHUD ZA BA'I GNAS SU SNAM SBYAR KHYER BA DANG, GNYIS KAR NYES DMIGS YOD PA'I TSE MA KHYER BA DANG, SNAM SBYAR DANG 'BRAL BA'I GNANG BA MA THOB PAR MA KHYER BA DANG, NYI MA DE NYID LA PHYIR MI SLEB PA SHES BZHIN DU SNAM SBYAR RANG DGAR BZHAG PA DANG, SNAM SBYAR GYI GNAS SU LOG MA THUB PA'I TSE YID KYIS BYIN RLABS PHYUNG STE, RTEN LA BYIN RLABS MA BYAS PA DANG, CHOM RKUN SOGS YOD PA'I SAR SNAM SBYAR BYIN RLABS PHYUNG STE SNGAGS RTEN BYIN RLABS CAN MA KHYER BA DANG, ZHAG BCU'I
, ,NANG DU SNAM SBYAR GYI GNAS SU MI 'KHOR BA DANG, SNAM SBYAR LHAG PO LHAG PA'I YO BYAD DU BYIN GYIS MA BRLABS PA RNAMS LA NYES BYAS SO,, GSUM PA, 'JOG PA DANG ZHES PA ZLA 'JOG SPANG BA'I LTUNG BA NI, SRA BRKYANG MA BTING BA'I DGE SLONG CHOS GOS GSUM GANG YANG RUNG BA MED PAS, KHRU GANG YAN CHAD KYI GOS SU LONGS SHING, 'KHOR GSUM KHEBS PA LAS CHUNG BA, KHA SKONG GI GOS LA RE BA DANG BCAS SHING GZHAG TU RUNG BA, RANG DBANG BA BYIN GYIS MA BRLABS PA'AM BRLABS KYANG GZHAN GYI SHAN RJES SU ZHUGS PA LA DER 'DU SHES BZHIN DU RANG DON DU ZHAG SUM CUR BCANGS TE ZHAG DE 'DAS PA'I SO GCIG PA'I SKYA RENGS SHAR BA NA ZLA 'JOG GI SPANG LTUNG DU 'GYUR RO, ,KHRU GANG DU MA LONGS PA DANG, GZHAN DON DU RE BA DANG BCAS TE ZHAG DE TZAM DU BZHAG PA LA NYES BYAS SO, ,'DIR LTUNG BA SKYED TSUL LA, RIGS MI LDOG LA SHAN 'BYUNG BA DANG, RIGS KYANG MI LDOG LA SHAN YANG MI 'BYUNG BA DANG, RIGS KYANG LDOG LA SHAN YANG 'BYUNG BA DANG, RIGS LDOG LA SHAN MI 'BYUNG BA'I MU BZHIR BSHAD DO, ,SKABS 'DI'I BSLAB BYA NI, SPYIR BTANG DU RGYU GSAR PA LAS SNAM SBYAR DANG GDING BA NYIS RIM DANG, BLA GOS DANG MTHANG GOS CHIG RKYANG DU MA BYAS PA DANG, ZLA BA BZHI'I BAR DU LONGS SPYAD PA'I PHYAG DAR KHROD PA LAS BZO BYED PA'I TSE SNGAR BSHAD PA'I RIM PA DE DAG LAS NYIS 'GYUR DU MA BYAS PA DANG, JI SKAD BSHAD PA'I RIM PA LAS LHAG PAR BYAS PA DANG, DE DAG GI BYI DOR SOGS KYI TSE, 'DI NYID DU SBYAR BAR BYA'O SNYAM PA'I SEMS MA BSKYED PAR PHOG PA
DANG, SNAM SBYAR SNAM PHRAN DGU RU MA LONGS PA DANG, NYI SHU RTZA LNGA LAS LHAG PA DANG, SNAM PHRAN BCU PA SOGS ZUNG DU BYAS PA DANG, SNAM PHRAN DGU PA BCU GCIG PA BCU GSUM PA RNAMS LA GLEGS BU PHYED DANG GSUM PA DANG, BCO LNGA PA BCU BDUN PA BCU DGU PA RNAMS LA PHYED DANG BZHI PA DANG, NYER GCIG PA NYER GSUM PA NYER LNGA PA RNAMS LA GLEGS BU PHYED DANG LNGA PAR MA BYAS PA DANG, SNAM PHRAN GLEGS BU DANG BCAS PA'I CHOS GOS GSUM LA SRID DU KHRU LNGA DANG ZHENG DU GSUM LAS LHAG PA BYAS PA DANG, PHYED DANG LNGA DANG PHYED DANG GSUM LAS CHUNG BA DANG, SNAM PHRAN GLEGS BU MED PA'I BLA GOS LA SRID DU KHRU BCU GNYIS ZHENG DU GSUM LAS LHAG PA DANG, PHYED DANG LNGA DANG PHYED DANG GSUM LAS CHUNG BA DANG, SNAM PHRAN MED PA'I MTHANG GOS SRID DU KHRU BDUN ZHENG DU KHRU DO LAS LHAG PA DANG, 'KHOR GSUM KHEBS PA LAS CHUNG BA DANG, BLA GOS DANG MTHANG GOS SNAM PHRAN DANG GLEGS BU SBYAR BA NA, BLA GOS SNAM PHRAN BDUN MA DANG GLEGS BU PHYED DANG GSUM MA LAS GZHAN DANG, MTHANG GOS SNAM PHRAN LNGA PA DANG GLEGS BU PHYED DANG GNYIS PA LAS GZHAN DU BYAS PA DANG, KHRU LUS MI 'TSAM PA'I TSE LUS KYI SRID KYI CHA BDUN LAS CHA GNYIS LA KHRU GANG DU MA BYAS PA DANG, MTHANG GOS JI SKAD BSHAD PA'I TSAD KYIS LUS MI YOGS PA NA RAL KHA DPUNG BCAD MA BYAS PA DANG, MI DGOS GZHIN DU BYAS PA LA NYES BYAS SO,, BZHI PA, 'KHRUR 'JUG PA DANG ZHES PA 'KHRUR 'JUG GI SPANG BA NI, DGE SLONG MA CHOS BRGYAD LDAN ZHIG LA DER 'DU SHES PA'AM, THE TSOM ZA BA DANG, RANG DON DU GOS 'KHRU BA
, ,DANG, TSOS SU 'TSOD PA DANG, 'CHAG PA GANG RUNG BYED 'DOD KYIS KUN NAS BSLANG STE, DGE SLONG GIS RANG GI CHOS GOS GSUM DANG GDING BA GANG YANG RUNG BA TSIG NGAG MTSAN NYID LNGA LDAN GYIS 'KHRU BA SOGS BYED DU BCUG PA NA BYAS PA'I TSE 'KHRUR 'JUG GI SPANG BAR 'GYUR RO, ,NYE DU MA YIN PA'I PHYI ROL PA'I RAB BYUNG MA DANG, NANG PA'I DGE SLONG MA DANG, RANG BYUNG MA DANG, NYAMS PA DANG, MA CHAGS PA DANG, DUD 'GRO LAS GZHAN PA'I MI MA YIN PA'I RAB BYUNG MA LA CHOS GOS 'KHRUR 'JUG PA SOGS DANG, MI RUNG BA DANG, TSAD LAS CHUNG BA DANG, SNAM SBYAR SOGS DNGOS KYI BYIN RLABS DANG MI LDAN PA DANG, GZHAN GYI CHOS GOS DANG, 'KHRU BAR MI 'OS PA DANG, CHOS GOS GSUM DANG GDING BA LAS GZHAN PA'I GOS 'KHRUR 'JUG PA DANG, SPRING YIG GIS 'JUG PA SOGS LA NYES BYAS SO, ,KHYIM PA MO DANG, DUD 'GRO MO LA SOGS PA LA 'KHRUR 'JUG PA NA NYES BYAS PHRA MO'O,, LNGA PA, LEN PA DANG ZHES PA LEN PA'I SPANG BA NI, DGE SLONG MA CHOS BRGYAD LDAN GYI STENG DU DAD PA DANG SEMS YANGS CHE BA MA YIN PA STE CHOS DGU LDAN LAS NGAG MTSAN NYID LNGA LDAN GYIS GOS RUNG TSAD LDAN LEN PA LA ZHUGS TE THOB PA'I TSE SPANG LTUNG DU 'GYUR BA YIN TE, LTUNG BA GONG 'OG 'DI DAG DA LTA 'BYUNG RING BAR SNANG BAS ZHIB PAR MA BSHAD DO, ,DGE SLONG MA CHOS BRGYAD LDAN ZHES PA'I CHOS BRGYAD NI MTSAN MI MTHUN ZHING LTA BA MTHUN PA, LUS BSTEN DU RUNG BA, THA MAL DU GNAS PA, THA SNYAD GSUM DANG LDAN PA, NYE DU DANG RDZU 'PHRUL CAN MA YIN PA, BSNYEN RDZOGS KYI SDOM PA
RNAM DAG DANG LDAN PA RNAMS SO,, DRUG PA, SLONG DANG ZHES PA SLONG BA'I SPANG BA NI, YUL KHYIM PA MTSAN NYID DANG LDAN PA THA SNYAD LNGA LDAN LUS THA MAL DU GNAS PA, RANG LAS NOR THA DAD PA, NYE BA MA YIN PA, MA BSLANGS PA'I SNGA ROL TU CI BDER STER BA MA YIN PA STE CHOS DRUG LDAN LA DNGOS PO GOS RUNG BA TSAD LDAN, KHYIM PA DE NYID KYI YIN PA LA YIN PAR 'DU SHES PAS SRA BRKYANG MA GTING BA, RANG LA BSNGOS PAR MI SHES PAS GANG SLONG BA'I GOS DES MA PHONGS PA'I DGE SLONG GIS RANG DON DU SLONG BAR 'DOD PAS NGAG MTSAN NYID LNGA LDAN GYIS SLONG BA LA BRTEN NAS GANG SLONG BAR SEMS PA'I GOS DE SLONG BAR BYAS PA NA THOB PA'I TSE SLONG BA'I SPANG BAR 'GYUR RO, ,NYE DU MA YIN PA'I RAB BYUNG DANG, DUD 'GRO LAS GZHAN PA'I MI MA YIN LAS BSLANGS PA DANG, MI RUNG BA DANG, TSAD LAS CHUNG BA DANG, RGYU SPUN BAL SOGS SLONG BA DANG, CHOS LDAN GYI DGOS PA MED PAR GOS DANG LHUNG BZED DANG ZAS BZANG PO LAS GZHAN PA'I PHOR BU SOGS SNOD SPYAD DANG GNAS KHANG DANG 'BRU DANG BZA' BTUNG SOGS SLONG NA'ANG NYES BYAS SO,, BDUN PA, STOD G-YOGS SMAD G-YOGS BCAS ZHES PA SLONG BAR RIGS PA SLONG BA'I SPANG BA NI, KHYIM PA CHOS DRUG LDAN LA GOS RUNG BA ZUNG GCIG PA KHRU GANG YAN BCAD PA KHYIM PA DE NYID KYI YIN PA LA DER 'DU SHES PAS, SRA BRKYANG MA BTING BAR, RANG LA DGOS PA'I 'TSO BA'I YO BYAD KYI GOS GSUM MA TSANG BA'I DGE SLONG GIS RANG DON DU GOS ZUNG GCIG LAS LHAG PA SLONG BAR 'DOD PA'AM, LHAG PA THOB PA NA LHAG PA'I CHA MI STER BAR 'DOD PAS KUN
, ,NAS BSLANG STE NGAG MTSAN NYID LNGA LDAN GYIS BSLANGS PAS ZUNG GCIG LAS LHAG PA THOB PA DANG LHAG PA'I CHA MI STER BAR THAG BCAD PA'I TSE DNGOS GZHI RDZOGS PAR 'GYUR RO,, BRGYAD PA, RIN THANG ZHES PA SPAGS PA SLONG BA'I SPANG LTUNG NI, KHYIM PA CHOS DRUG LDAN RANG LA GOS GCIG TZAM STER BAR 'DOD PA LA, GOS RUNG BA TSAD LDAN SBYIN BDAG DE NYID KYI YIN PA RANG LA BSNGOS PA LA DER 'DU SHES PAS GOS DES MA PHONGS BZHIN DU DGE SLONG GIS MA PHUL BA'I GONG DU 'BUL LONG MED PAR NGAG MTSAN NYID LNGA LDAN GYIS BSLANGS PA LA BRTEN NAS THOB PA NA DNGOS GZHI RDZOGS PAR 'GYUR RO,, DGU PA, SO SO ZHES PA SO SO NAS SPAGS PA SLONG BA'I SPANG LTUNG NI, KHYIM PA CHOS DRUG LDAN RANG LA GOS GNYIS YAN CHAD BSNGOS PA LA DER 'DU SHES PAS DGE SLONG GIS 'BUL LONG MED PAR NGAG MTSAN NYID LNGA LDAN GYIS BSLANGS PAS DER 'GYUR RO, ,KHYAD PAR GZHAN RNAMS SNGA MA LA DPAGS TE SHES SO,, BCU PA, BSKUR BA'O ZHES PA BSKUR BA'I SPANG LTUNG NI, SBYIN BDAG ZHAL TA PA PHO NYA GSUM GA KHYIM PA MTSAN NYID PA THA SNYAD LNGA LDAN LUS THA MAL DU GNAS PA, RANG LAS NOR THA DAD YIN PA, ZHAL TA BAS SBYIN BDAG LA SMRAS NAS KHAS MA BLANGS PA LA SBYIN BDAG GIS RANG LA GOS KYI RIN DU BSKUR BA'I RIN PO CHE ZHO GANG YAN CHAD PHO NYA LA BSKUR ZHING, DES GOS SGRUB PA'I ZHAL TA BAR GTAD PA'I TSE, DER 'DU SHES PAS SKUL BSDAD LAN DRUG GIS MA GRUB PA NAS SBYIN BDAG LA SBRAN PA'I TSE ZHAL TA BAS KHAS MA BLANGS PA LA RANG DON DU LEN 'DOD KYIS KUN NAS BSLANG STE SKUL
BSDAD LAN DRUG LAS LHAG PA'AM SBYIN BDAG LA SBRAN PA'I 'OG TU SBYIN BDAG GIS KHAS MA BLANGS KYANG ZHAL TA PA LA GOS BSLANGS PA GANG RUNG GI RKYEN GYIS THOB PA'I TSE DNGOS GZHI RDZOGS PAR 'GYUR RO,, ` ,,BCU TSAN GNYIS PA LA, SDOM LAS, SRIN BAL 'BA' ZHIG CHA GNYIS DANG, ,DRUG DANG MTHO GANG LAM DANG NI, ,'KHRU BA DANG NI GSER DNGUL LEN, ,MNGON TSAN CAN DANG NYO TSONG NGO, ,ZHES PA LAS DANG PO SRIN BAL GYI SPANG BA NI, RGYU SRIN BAL SOGS YIN PA, RUNG BA, TSAD DANG LDAN PA, YUL DUS DER DKON ZHING RIN CHE BA, RANG NYID KYI YIN PA, NYAMS PA'AM, 'KHOB BAL SOGS NGAN PA MA 'DRES PA, SNGAR TSAD LA GNOD PA'I BZO'I RTZOM PA MA BYAS PA, MA NYAMS PA LA DER 'DU SHES PAS RANG DON DU GDAN BYED 'DOD KYIS RANG NGAM GZHAN THA SNYAD LNGA LDAN LA NGAG MTSAN NYID LNGA LDAN GYIS BSKOS PAS BZO'I RTZOM PA BYAS PA LA BRTEN NAS STAN GRUB PA NA DNGOS GZHI'O, ,SRIN BAL MOD CING RIN CHUNG BA NA STAN BYAS NA'ANG LTUNG BA MED LA, BAL DKAR PO DKON ZHING RIN CHE BA NA DE LAS LTUNG BAR 'GYUR RO, ,SHA NA'I RAS BAL SOGS SRIN BAL LA BSRES PA DANG, TSAD LAS CHUNG BA DANG GDAN LAS GZHAN GOS LA SOGS PA BYED PA DANG, RGYU RUNG BA MA YIN PA RNGA BAL SOGS DANG, DKON ZHING RIN CHE BA GZHAN GYIS BYAS ZIN PA'I 'PHRO BYED PA DANG GZHAN DON DU BYED NA NYES BYAS SO, ,BAL NAG PO 'BA' ZHIG GIS GDAN BYED PA LA YANG DKON MOD SOGS LAS CI RIGS PAR SBYAR RO, ,GDAN GYI TSAD SRID DU KHRU PHYED DANG LNGA CHE TSAD DANG, KHRU PHYED DANG GSUM CHUNG TSAD DANG, DE GNYIS
, ,KYI BAR 'BRING DANG, ZHENG TSAD KHRU DO DANG SOR DRUG GO, GNYIS PA, 'BA' ZHIG CES PA BAL NAG PO 'BA' ZHIG PA'I SPANG BA NI, LUGS NAG GI BAL NAG PO YIN PA, RUNG ZHING TSAD DANG LDAN PA, ZLA BA BZHIR LONGS SPYAD NAS NYAMS PA MA YIN PA, DKON ZHING RIN CHE BA, 'KHOB BAL SOGS DANG MA 'DRES PA, TSAD LDAN GYI BZO'I RTZOM PA MA BYAS PA LA, SNGAR BZHIN RANG GIS SAM BSKOS PAS GDAN GYI BZO BYED PAR BRTZAMS NAS GRUB PA NA DNGOS GZHI'O,, GSUM PA, CHA GNYIS ZHES PA LUG BAL DKAR PO DANG NAG PO BSRES NAS STAN BYED PA STE GANG DKON PA PHYED LAS LHAG PA ZHES PA MA GTOGS KHYAD PAR LHAG MA SNGA MA BZHIN NO,, BZHI PA, DRUG DANG ZHES PA LO DRUG GI NANG DU GDAN GNYIS PA BYED PA'I SPANG BA NI, RGYU RUNG BA TSAD LDAN RANG NYID KYI RDZAS MA NYAMS PA SNGAR TSAD LA GNOD PA'I BZO'I RTZOM PA MA BYAS PA LA DER 'DU SHES PAS, GDAN SNGA MA BYAS PAS LO DRUG MA LON ZHING, YOD BZHIN DU DGE 'DUN GYIS GNANG BA MA THOB PAR RANG DON DU GDAN BYED 'DOD KYIS, SNGAR BZHIN DU RANG NGAM BSKOS PAS BRTZAMS NAS BKRAM PA SOGS YONGS SU RDZOGS PA'I TSE DNGOS GZHI'O, ,BSLAB BYA NI, LO DRUG GI NANG DU GDAN BYED PA NA DGE 'DUN LA GNANG BA MA GSOL BA DANG, MI 'OS PAR GSOL BA DANG, DGE 'DUN GYIS KYANG MA BRTAGS PAR MI 'OS BZHIN DU GNANG BA BYIN PA DANG, DGE 'DUN GYIS LTA RTOG LA BSKOS PAS CHU ZHENG LAS LHAG PA MA BCAD PA DANG, GDAN SNGA MA PHYIR BCOS PA DANG PHYI MA BYED PA TSEGS CHE CHUNG MNYAM PA'I TSE LO DRUG GI GDAN GNYIS PA BYED
PA'I GNANG BA GSOL BA LA GNANG BA MA BYIN NA NYES BYAS SO,, LNGA PA, MTHO GANG ZHES PA MTHO GANG GI SPANG BA NI, RANG GI GDING BA TSAD LDAN ZLA BA BZHIR LONGS SPYAD PAS NYAMS PA MA YIN PA GSAR DU BYAS PA LA GDING BA RNYING PA NAS BDE BAR GSHEGS PA'I MTHO GANG STE TSAD LDAN GYI KHRU PHYED DANG DO CHU ZHENG DU YOD PAS MA GLAN PAR LONGS SPYOD 'DOD KYIS LONGS SPYAD NA SPYIR BTANG LA 'DUG THEBS RE LA LTUNG BA RE'O,, DRUG PA, LAM DANG NI ZHES PA BAL 'KHUR BA'I SPANG BA LA, RANG DBANG BA'I BAL KHYIM PA'I KHUR TSAD DU LONGS PA LA DER 'DU SHES PAS RANG DON DU 'KHUR 'DOD KYIS DGE TSUL SOGS 'KHUR BA PO GZHAN MA RNYED NA DPAG TSAD GSUM TSUN CHAD DU 'KHUR BA LA LTUNG BA MED LA, DE LAS 'DAS NAS RGYANG GRAGS GCIG TZAM MAM, 'KHUR BA PO GZHAN YOD BZHIN DU DGE SLONG GIS DANG PO NAS RGYANG GRAGS GCIG TU 'KHUR BA'I TSE LTUNG BA DNGOS GZHI 'BYUNG LA, DE PHYIN CHAD RGYANG GRAGS RE RE BZHIN GYI MTHAR SPANG LTUNG RE DANG, RGYANG GRAGS PHYED LA NYES BYAS DANG, 'KHUR MKHAN GZHAN YOD BZHIN DU 'KHUR BAR BRTZAMS PA LA YANG NYES BYAS SO, ,BSLAB BYA NI, DGE SLONG RANG NYID KYI CHOS LDAN GYI KHUR 'KHUR DGOS PA'I TSE KHYIM PA'I KHUR TSAD PHYED LAS LHAG PA KHUR BA DANG, PHRAG GDANG GIS KHUR BA DANG, GLO DANG RGYAB DANG SKED PA DANG MGO BOS KHUR BA RNAMS LA NYES BYAS SO,, BDUN PA, 'KHRU BA DANG NI ZHES PA BAL RMEL DU 'JUG PA'I SPANG BA LA, DGE SLONG MA CHOS BRGYAD LDAN LA DER 'DU SHES PA'AM THE TSOM ZA BAS RANG DBANG BA'I BAL RANG DON DU RMEL DU BCUG PA PHYOGS
, ,GCIG TZAM ZIN PA'I TSE DNGOS GZHI'O, ,'DI DANG 'KHRUR 'JUG GNYIS KA'I SKABS SU NYE DU MA YIN PA'I MTSAN MI MTHUN PA LA GOS 'KHRU BA DANG BZO DANG BAL RMEL BA DANG RNGOD 'THAG DANG, ZHING LAS SOGS RANG DON DU DGOS PA LHAG PO MED PAR RANG DGAR BCOL BA LA NYES BYAS SO,, RGYAD PA, GSER DNGUL LEN ZHES PA GSER DNGUL LEN PA'I SPANG BA NI, RANG DBANG BA'I GSER DNGUL SOGS RIN PO CHE NYO TSONG SOGS KYI THA SNYAD DU RUNG BA MNGON SUM DU GNAS PA NA NGO BO'I SGO NAS MI RUNG BA'I BLO MA BZHAG PA DANG, RUNG BA GSUM GANG DANG YANG MI LDAN PA CHUD ZA BA'I NYES PA MED PAR NOR GYI BLOS DE LA DER 'DU SHES PAS RANG NYID KYIS REG GAM REG TU 'JUG 'DOD KYIS RANG NGAM GZHAN SNGAR BZHIN BSKOS PAS REG PA NA DNGOS GZHI'O, ,RIN PO CHE YIN YANG CHAG PA SOGS KYIS RIN THANG NYAMS PA DANG NYO 'TSONG GI THA SNYAD MI RUNG BA LA NGO BO LA MI RUNG BA'I BLO MA BZHAG PAR NOR GYI BLOS BDAG GIR BYAS PA TZAM DANG, RIN PO CHE'I GZUGS BCOS PA DANG, RANG GI SNOD SPYAD SOGS LA RIN PO CHE'I RI MO BRIS PA DANG, RIN PO CHE'I THA SNYAD DU RUNG BA'I ZANGS SOGS LA REG GAM REG TU 'JUG NA NYES BYAS SO, ,DES NA CHOS GOS SOGS SGRUB PA'I RDZAS GZHAN MED PA NA GSER DNGUL SOGS LA NGO BO LA MI RUNG BA'I BLO BZHAG STE, 'DI BSGYUR BA LAS CHOS GOS SOGS CHOS LDAN GYI DGOS PA 'DI LTA BU BSGRUB SNYAM DU BLO SNGON DU BTANG STE RUNG BA GSUM GANG YANG RUNG BA BYAS LA BCANG NGO, ,BSLAB BYA NI, SMAN PHOR DANG KHAB RAL DANG RTAGS DANG KHA THUR SOGS STON
PAS GNANG YANG RIN PO CHE LAS BYAS PA BCANGS PA DANG, RIN PO CHE'I RI MO CAN DANG RGYAN CAN SOGS RANG DON DU 'CHANG BA DANG, RA GAN DANG ZANGS SOGS RGYU MI RUNG BA LAS BYAS PA'I LHUNG BZED BZUNG BA DANG, DGE TSUL GYI SKABS KYI DE 'DRA'I SMAN PHOR SOGS LA DE'I 'DU SHES MA BZHAG PA LA NYES BYAS SO,, DGU PA, MNGON TSAN CAN ZHES PA MNGON TSAN CAN GYI SPANG BA NI, KHYIM PA THA SNYAD LNGA LDAN LUS THA MAL DU GNAS PA, NYE DU MA YIN PA, NOR THA DAD PA STE CHOS LNGA LDAN LA RIN PO CHE DANG 'BRU LA SOGS PA GOS KHRU GANG YAN CHAD KYI TSAD DANG LDAN PA RANG DBANG BA DER 'DU SHES PAS CHOS LDAN GYI DGOS PA KHYAD PAR CAN MED PAR SKYED BED BYED DU BCUG PA LAS, RE BA BZHIN GYI SKYED THOB PA NA DNGOS GZHI'O, ,BSLAB BYA NI, DKON MCHOG GSUM GYI PHYIR SBYIN BDAG GIS PHUL BA SOGS KYI SKYED BLANG BAR BYA ZHING, BLANGS NAS DGE BSNYEN SOGS SKYED BED BYED DU BCUG LA, SKYED JI TZAM BYUNG BA DES DKON MCHOG MCHOD PA SOGS BYA ZHING, DGE SLONG DE DAG GIS RGYUS MED PA LA YANG 'DI LTA BU ZHES BSNYAD PAR BYA'O,, BCU PA, NYO TSONG ZHES PA NYO TSONG GI SPANG BA LA, DGOS PA KHYAD PAR CAN MED BZHIN DU KHYIM PA CHOS LNGA LDAN LA KHE SPOGS 'DOD PAS RANG DON DU RIN PO CHE SOGS MOD NYO DKON TSONG GI BSAM PAS NGAG MTSAN NYID LNGA LDAN GYIS BSGO BAS JI LTAR RE BA'I KHE SPOGS GRUB CING THOB BLO SKYES PA'I TSE SPANG LTUNG NGO, ,BSLAB BYA NI, DGE SLONG GIS KHYIM PA NYO TSONG BYED PA LA GTOGS 'DOD DANG BAR 'TSANGS BYAS PA DANG, RANG GI CHOS GOS SOGS NYO BA'I TSE DE BYED PA'I KHYIM
, ,PA YOD BZHIN DU RANG NYID KYIS BYAS PA DANG, MED NA RIN THANG 'TSAM PAR BYAS TE, 'DI TZAM BYIN CIG CES MA BRJOD PA DANG, DKON MCHOG GSUM LAS GZHAN PA'I DON DU RIN THANG CUNG ZAD LA RTZEG PA DANG, DGOS MED DU RIN THANG GCOD PA DANG, BAR ZHUGS BYAS PA DANG, DGE 'DUN GYI DON DU SKYED BTANG BA NA RGAN RIM LA MA ZHUS PAR BYAS PA DANG, DGE 'DUN GYI SKYED RDZAS RANG GI LAG TU BYUNG BA DANG GZHAN LA BTZONGS PA DANG RIN JI TZAM THOB DANG DGE 'DUN GYIS GANG DU LONGS SPYAD PA RNAMS YI GER MA BRIS PA DANG, SHA DANG 'BRU LA SOGS PA SROG CHAGS YOD PA BTZONGS PA DANG, MA BTZONGS KYANG SROG CHAGS DE DAG LA MI GNOD PAR MA BYAS PA SOGS LA NYES BYAS SO,, BCU TSAN THA MA NI, SDOM LAS, LHUNG BZED GNYIS DANG THA GA GNYIS, ,BYIN 'PHROG STON ZLA THA CHUNG DANG, ,DGON PA DANG RAS CHEN DANG, ,BSNGOS PA DANG NI GSOG 'JOG GO ,ZHES GSUNGS PA'I, LHUNG BZED GNYIS DANG ZHES PA LHUNG BZED 'CHANG BA DANG 'TSOL BA'I SPANG BA GNYIS LAS, DANG PO LHUNG BZED ZHAG BCU'I 'CHANG SPANG NI, RANG DBANG BA'I LHUNG BZED RUNG BA TSAD LDAN GNAS SKABS DBANG BYAR YOD PA BYIN GYIS MA BRLABS PA DANG, BRLABS KYANG GZHAN GYI SHAN RJES SU ZHUGS PA LA DER 'DU SHES PAS RANG DON DU BCANGS TE ZHAG BCU 'DAS PA'I BCU GCIG PA'I SKYA RENGS SHAR BA NA SPANG LTUNG NGO,, GNYIS PA 'TSOL BA'I SPANG BA NI, KHYIM PA CHOS DRUG LDAN LA RANG LA LHUNG BZED 'BREL MED MA YIN PA'I BYIN GYIS BRLAB TU RUNG BA YOD BZHIN DU SBYIN BDAG DE
NYID KYI YIN PA'I LHUNG BZED RUNG BA TSAD LDAN LA DER 'DU SHES PAS RANG DON DU RANG DGAR SLONG 'DOD KYIS NGAG MTSAN NYID LNGA LDAN GYIS BSLANGS TE THOB PA'I TSE DNGOS GZHI'I LTUNG BA'O, ,LHUNG BZED MED KYANG YOD PA'I BSAM PAS SLONG BA DANG, YOD BZHIN DU NYO BA DANG, DE'I RIN RANG LA YOD BZHIN DU GZHAN LA SLONG BA DANG, LHUNG BZED LA SOGS PA BZANG PO 'DOD PAS BRJE BA RNAMS LA NYES BYAS SO, ,LHUNG BZED LHAN PA LNGA GLAN ZIN PA'AM GLAN DGOS PA LA BYIN RLABS MI 'CHAGS SO, ,BSLAB BYA NI, GZHAN GYI YO BYAD DANG RANG GI LHUNG BZED SOGS LA HA CANG CHAGS PAR BYAS PA DANG, LHAG PAR CHAGS PA'I DNGOS PO BCANGS PA DANG, CHOS GOS DANG, LHUNG BZED SOGS DANG DE DAG NYO BA'I RIN YANG MED PA'I TSE GZHAN LA MA BSLANGS PA DANG, LHUNG BZED 'TSOL BA'I LTUNG BA PHYIR 'CHOS PA'I TSE LHUNG BZED LHAG PO DGE 'DUN LA MA SPANGS PA DANG, LHAG PO DU MA YOD PA'I TSE GZHAN RNAMS NANG PA'I RAB BYUNG GZHAN LA MA SPANGS PA LA NYES BYAS SO,, GSUM PA, THA GA GNYIS ZHES PA 'THAG TU 'JUG PA DANG 'THAG PA SKYED PA'I SPANG BA GNYIS LAS, 'THAG 'JUG GI SPANG BA NI, KHYIM PA CHOS LNGA LDAN THAGS GLA CIG BDER STER BA MA YIN PA LA RANG GI GOS KYI RGYU RUNG BA TSAD LDAN SNGAR TSAD LA GNOD PA'I 'THAG PA'I RTZOM PA MA BYAS PA LA DER 'DU SHES PAS BRKU SEMS DANG YID GCUGS LAS GZHAN RANG DGAR GLA MA BYIN PAR RANG DON DU 'THAG TU 'JUG 'DOD KYIS RANG NGAM KHYIM PA THA SNYAD LNGA LDAN LA DNGOS SU BSKOS TE 'THAG TU BCUG NAS GRUB PA NA LTUNG BA DNGOS GZHI'O, ,GZHAN
, ,YANG, BRKU SEMS DANG YID GCUGS KHYAD PAR CAN LAS GZHAN PA'I SEMS KYIS GLA RNGAN 'THOB BZHIN DU MA BYIN PA THAMS CAD LA NYES BYAS SO, ,GNYIS PA 'THAG PA SKYED PA'I SPANG BA NI, THA GA PA DANG SBYIN BDAG GNYIS KA CHOS LNGA LDAN GYI STENG DU, SBYIN BDAG GI NGOS NAS 'THAG PA SKYED PA DANG, THA GA PA'I NGOS NAS GLA RNGAN CI BDER STOB PA MA YIN PA LA RANG LA SBYIN BDAG GIS BSNGOS PA'I GOS RUNG BA TSAD LDAN SBYIN BDAG DE NYID KYI YIN PA SNGAR 'THAG PA SKYED PA'I RTZOM PA MA BYAS PA LA DER 'DU SHES PAS GLA RNGAN MA BYIN PA'AM 'THAG PA SKYED PAR SBYIN BDAG GIS MA GNANG BAR RANG DON DU 'THAG PA SKYED 'DOD KYIS RANG NGAM KHYIM PA THA SNYAD LNGA LDAN NGAG MTSAN NYID LNGA LDAN GYIS BSKOS TE 'THAG TU BCUG PA LAS SBYIN BDAG GIS SNGAR BSNGOS PA LAS KHRU GANG YAN CHAD KYIS LHAG PA GRUB NAS GLA RNGAN MI SBYIN PAR THAG BCAD PA'I TSE LTUNG BA DNGOS GZHI'O, ,GOS LAS GZHAN GNAS KHANG ZAS NOR SOGS SBYIN BDAG GIS RANG LA BSNGOS PA LAS, BRKU SEMS SAM YID GCUGS LAS GZHAN PAS DGOS MED DU LHAG PAR BSKYED PA NA NYES BYAS SO,, LNGA PA, BYIN 'PHROG CES PA 'PHROG PA'I SPANG BA NI, DGE SLONG GI SDOM PA RNAM DAG DANG LDAN PA, LTA MTSAN MTHUN ZHING LUS THA MAL DU GNAS PA, THA SNYAD GSUM DANG LDAN PA, RANG LAS RGYUD THA DAD PA STE CHOS BRGYAD LDAN GYI DGE SLONG LA GOS SAM LHUNG BZED RUNG BA TSAD LDAN RANG NGAM GZHAN GYIS BSAM PA THAG PA NAS BYIN PAS DE DBANG BA LA DER 'DU SHES PAS BRKU SEMS DANG YID GCUGS KHYAD PAR CAN LAS GZHAN PA'I SEMS KYIS RANG
NGAM GZHAN GYI DON DU 'PHROG 'DOD KYIS KUN NAS BSLANG STE RANG NGAM, THA SNYAD LNGA LDAN GZHAN NGAG MTSAN NYID LNGA LDAN GYIS BSKOS PAS 'PHROG PAR BRTZAMS PA LA BRTEN NAS, LUS DANG 'BREL NA LUS DANG BRAL BA'AM, MA 'BREL NA GNAS NAS SPAGS PA'I TSE DNGOS GZHI'I LTUNG BA'O, ,KU RE DANG BZHAD GAD DANG RGOD BAG SOGS KYI BSAM PAS RE ZHIG PHROGS TE PHYIS GTONG SNYAM PAS PHROGS PA LA YANG NYES BYAS SO,, DRUG PA, STON ZLA THA CHUNG ZHES PA GTAD PA LAS BYUNG BA'I SPANG BA LA, DBYAR RNYED BDAG GIR BYA BA SNGAS PA DANG, BGO SNGAS PA DANG, BZHAG 'PHYIS PA'I SPANG BA GSUM LAS, DANG PO NI, KHYIM PA THA SNYAD LNGA LDAN LUS THA MAL DU GNAS PA, RANG DANG NOR MI GCIG PA STE CHOS BZHI LDAN GYI SBYIN BDAG GIS DBANG MED DU BYED DU BCUG PA SOGS MA YIN PAR, DBYAR KHAS LEN GYI NANG DU RNYED PA RUNG BA TSAD LDAN ZAS KYI RNYED PA LAS GZHAN PA DGOS PA KHYAD PAR CAN MED BZHIN DU DBYAR KHAS BLANGS NAS DGAG DBYE MA BYAS PA LA DER 'DU SHES PAS RANG DGAR DBYAR GYI RNYED PA DE BDAG GIR BYED 'DOD KYIS DGAG DBYE'I SNGA LOGS SU DGE SLONG GIS BDAG GIR BYAS PA NA LTUNG BA DNGOS GZHI'O,, GNYIS PA BGO SNGAS PA'I SPANG BA NI, KHYIM PA CHOS BZHI LDAN GYIS DBANG MED DU BYED DU BCUG PA SOGS MA YIN PAR, GONG DU BSHAD PA LTAR DBYAR GYI RNYED PA DBYAR NANG DER BGOS PA LA DGOS PA KHYAD PAR CAN MED BZHIN DU DBYAR KHAS BLANGS SHING DGAG DBYE MA BYAS PA LA DER 'DU SHES PAS RANG DGAR BGO 'DOD KYI BSAM PAS BGOS PA LA BRTEN NAS SKAL BA THOB PA NA LTUNG BA DNGOS
, ,GZHI'O,, GSUM PA BZHAG 'PHYIS PA'I SPANG BA NI, GONG DU BSHAD PA'I SBYIN BDAG DE LTA BUS DBANG MED SOGS MA YIN PAR DBYAR RNYED GONG DU BSHAD PA DE LTA BU RANG GI YIN PA BZHAG PA LA DGOS PA LHAG PO MED CING DBYAR RNYED SBED PA MA BSKOS PA, SRA BRKYANG BDING BA'I DGAG DBYE'I PHYI DE NYIN NAM SRA BRKYANG PHYUNG BA'I PHYI DE NYIN LTA BU MA YIN PA LA DER 'DU SHES PAS RANG DGAR RNYED PA MA BGOS PA'AM, RNYED PA SBED PA LA MA GTAD PAR 'JOG 'DOD KYIS KUN NAS BSLANG STE 'JOG PAR BRTZAMS PA LAS DGAG DBYE'I PHYI DE NYIN NAM SRA BRKYANG PHYUNG BA'I PHYI DE NYIN GYI MTSAN MO'I MTHA' SKYA RENGS SHAR BA NA LTUNG BA DNGOS GZHI'O, BDUN PA, DGON PA PA DANG ZHES PA DGON PA PA'I 'BRAL SPANG NI, RANG NYID LA 'JIGS PA DANG BCAS PA'I DUS KYI SNAM SBYAR RUNG BA TSAD LDAN DNGOS KYI BYIN RLABS CAN 'JIGS PA'I DBANG GIS GNAS GZHAN DU BZHAG PA MA YIN PA, RANG GI GNAS DANG CHOS GOS BZHAG PA'I NYE 'KHOR LAS GNAS GZHAN PA, SNAM SBYAR 'BREL BA'I GNANG BA MA THOB CING BAR CHAD KYI RKYEN DANG MI LDAN PA, SRA BRKYANG MA BTING BA LA DER 'DU SHES PAS RANG DGAR ZHAG DRUG TU 'BRAL 'DOD KYIS RANG GI GNAS DANG SNAM SBYAR BZHAG PA'I GNAS LAS GZHAN DU ZHAG DRUG TU BSDAD DE ZHAG DE 'DAS SHING BDUN PA'I SKYA RENGS SHAR BA'I TSE DNGOS GZHI'I LTUNG BA'O,, BRGYAD PA, RAS CHEN DANG ZHES PA DBYAR GYI SPANG BA LA, BTZAL SNGAS PA DANG, BZHAG 'PHYIS PA'I SPANG BA GNYIS LAS DANG PO NI, KHYIM PA CHOS DRUG LDAN LA RAS CHEN RUNG BA TSAD LDAN ZLA BA BZHIR LONGS
SPYAD PAS BRNYINGS PA MA YIN PA, CHAR SKYOB PAR NUS PA, SBYIN BDAG DE NYID KYI YIN PA STE CHOS DRUG LDAN, RANG DBYAR SNGA PHYI GANG KHAS BLANGS PA LA LTOS PA'I ZLA BA GCIG GI SNGA ROL YIN PA LA DER 'DU SHES PAS RANG DON DU RANG GI DBYAR KHAS LEN LA LTOS PA'I ZLA BA GCIG GI GONG DU SLONG 'DOD KYIS NGAG MTSAN NYID LNGA LDAN GYIS BSLANGS PA LA BRTEN NAS DBYAR KHAS LEN GYI ZLA BA GCIG GI SNGA ROL TU GRUB PA NA LTUNG BA DNGOS GZHI'O, ,GNYIS PA BZHAG 'PHYIS PA'I SPANG BA NI, GONG DU BSHAD PA'I RAS CHEN DE LTA BU RANG GIS DBYAR SNGA PHYI GANG KHAS BLANGS PA LA LTOS PA'I DGAG DBYE BYAS PA'I PHYI DE NYIN NAS BRTZIS PA'I ZLA BA PHYED KYI DUS YIN PA LA DER 'DU SHES PAS RAS CHEN SBED PA LA GTAD PA SOGS MA BYAS PAR 'JOG 'DOD KYIS HOR ZLA DGU PA'AM BCU PA'I GNAM GANG GI MTSAN 'DAS PA'I TSE LTUNG BA DNGOS GZHI'O, ,BSLAB BYA NI, RANG NYID DBYAR SNGA PHYI GANG KHAS BLANGS PA DANG 'BREL BA'I BSLAB BYA RNAMS DE DANG RJES SU SU MTHUN PAR TSUL BZHIN DU MA BSGRUBS NA NYES BYAS SO,, DGU PA, BSNGOS PA ZHES PA BSNGOS BSGYUR GYI SPANG BA NI, SBYIN BDAG KHYIM PA THA SNYAD LNGA LDAN LUS THA MAL DU GNAS PA, RANG DANG BSNGOS PA'I YUL GNYIS KA LAS NOR THA DAD PAS YUL DE LA BSAM PA THAG PAS BSNGOS PA LA, DGE SLONG CHOS BRGYAD LDAN GYIS DGE 'DUN DU LONGS PA'AM MA LONGS KYANG SBYIN BDAG DES YUL DE LA BSAM PA THAG PAS BSNGOS ZIN PA LA DER 'DU SHES PAS BRKU SEMS LAS GZHAN PAS BDAG NYID LA SGYUR 'DOD KYIS KUN NAS BSLANG STE NGAG MTSAN NYID LNGA LDAN GYIS SGYUR BAR BRTZAMS
, ,PAS RANG NYID KYIS THOB PA NA LTUNG BA DNGOS GZHI'O, ,SBYIN BDAG GIS GZHAN LA BSNGOS PA'I RNYED PA RANG NYID LAS GZHAN GCIG GAM GNYIS SAM MANG PO'AM DGE 'DUN LA SGYUR BA DANG, DGE 'DUN LA BSNGOS PA GANG ZAG GZHAN LA SGYUR BA DANG, GTZUG LAG KHANG GI SHAR LA BSNGOS PA'I BA DAN NUB LA SGYUR BA SOGS DANG, DE BZHIN DU MCHOD RTEN DANG SKU GZUGS GCIG LA BSNGOS PA GZHAN LA SGYUR BA DANG, ZAS KYI LHAG MA GANG LA BSNGOS PA'I DUD 'GRO SOGS YUL DE LAS GZHAN LA SGYUR BA DANG, NYI SHU LA BSNGOS PA BCU LA SGYUR BA SOGS DANG, RANG GI YID KYIS GZHAN LA BSNGOS PA BSNGOS BZHIN DU RANG DGAR MI SBYIN PA DANG, DGE 'DUN GYI RNYED PA SHI BA'I YO BYAD SOGS MTSAMS KYI PHYI ROL TU BYIN GYIS RLOB PA DANG, BYIN GYIS MA BRLABS PAR BGO BA DANG, BYANG CHUB CHEN PO DANG CHOS 'PHRUL DANG CHOS KYI 'KHOR LO BSKOR BA DANG LHA BABS KYI MCHOD RTEN LA BSNGOS PA'I RNYED PA BZHI PO DE LA RKYEN DBANG GIS 'BUL MA THUB PA'I TSE DE LAS GZHAN LA SGYUR BA DANG, DE BZHI LAS GZHAN PA'I MCHOD RTEN LA BSNGOS PA'I RNYED PA DE BZHI LA 'BUL THUB BZHIN DU MCHOD RTEN GZHAN LA SGYUR BA RNAMS NYES BYAS SO, ,MCHOD RTEN BZHI PO DE GANG LA BSNGOS PA DE LA 'BUL MA THUB NA GZHAN GSUM GANG RUNG LA 'BUL RUNG ZHING DE BZHI LAS GZHAN LA BSNGOS PA'I RNYED PA GANG BSNGOS PA DE LA 'BUL MA THUB NA BZHI PO DE GANG RUNG LA PHUL BAS KYANG NYES PA MED DO, ,BAM PO LNGA BCU PA LAS NI, BSNGOS BSGYUR GYI LTUNG BA SKYED PA LA GOS KYI RNYED PA NYID DGOS PAR YANG GSUNGS SO, ,BSLAB BYA NI, DMAG
DANG CHOM RKUN SOGS KYIS DBANG MED MA YIN PAR GTZUG LAG KHANG RANG DGAR DOR BA DANG, RANG 'GRO BA NA DE SRUNG BA PO MA BSKOS PA DANG, SRUNG MA'I DGE SLONG MA RNYED PAR GZHAN DU 'GRO BA'I TSE GTZUG LAG KHANG DE'I YO BYAD RNAMS RANG GIS 'KHYER BA'AM, NYE 'KHOR GYI GTZUG LAG KHANG DU MA GTAMS PA DANG, GTAMS PA DE DAG GIS KYANG GTZUG LAG KHANG DER GNAS PA'I DGE SLONG SOGS LA PHYIR MA BYIN PA DANG, GZHAN GYIS RDZAS BCOL BA DE LAS GZHAN DU BYIN PA DANG, RANG GCIG PU GTZUG LAG KHANG DER GNAS PA'I TSE SBYIN BDAG GIS DE'I DGE 'DUN LA PHUL BA'I RNYED PA BYIN GYIS MA BRLABS PA RNAMS NYES BYAS SO, ,DE BYIN GYIS BRLAB PA'I CHO GA NI, BDAG GNAS 'DIR GCIG PUR GNAS TE, DGE 'DUN LA GOS KYI RNYED PA 'DI BYUNG BAS BDAG GIS GOS 'DI RNAMS BLANG NGO, ,DUS BYIN GYIS BRLAB BO, ,ZHES LAN GSUM BZLA'O,, BCU PA, GSOG 'JOG CES PA GSOG 'JOG GI SPANG BA NI, SMAN RNAM PA BZHI LAS GANG YANG RUNG BA YIN PA, LONGS SPYAD DU RUNG BA'I TSAD DANG LDAN PA, RNYOG CHU SOGS MA YIN PA, RANG NGAM RANG DANG 'DRA BAS BYIN LEN BYAS LA CHAGS PA, BDAG NYID KYI YIN PA, LHA'I BDUD RTZI LTA BU MA YIN PA STE CHOS BDUN LDAN DUS SU PHAN PA'I NAD CAN MA YIN PA LA DER 'DU SHES PAS, BYIN LEN BYAS NAS RANG LONGS SPYOD 'DOD KYIS GSOG 'JOG GI DUS LAS 'DAS TE, RANG RANG GI GSOG 'JOG GI DUS LAS 'DAS PA SPYI DUS SAM SMAN SO SO'I GSOG 'JOG GI DUS LAS 'DAS PA'I TSE LTUNG BA DNGOS GZHI'O, ,DES NA SNGA DRO BYIN LEN BYAS PA BYIN GYIS
, ,MA BRLABS NA GUNG TSIGS 'DAS MA THAG DANG, PHYI DRO BYIN LEN BYAS PA'I THUN TSOD DU RUNG BA'I SMAN SROD THUN DANG, ZHAG BDUN PA ZHAG DUN 'DAS NAS BRGYAD PA'I SKYA RENGS SHAR BA DANG, JI SRID 'TSO BCANG GI SMAN NAD SOS NAS KYANG BYIN LEN MA BSHIG PAR BZHAG NA GSOG 'JOG GI SPANG LTUNG SKYED DO, ,SKABS 'DI'I RGYA CHER 'GREL LAS, 'DI SKAD DU BSTAN TE, DUS SU RUNG BA DANG THUN TSOD DU RUNG BA DANG ZHAG BDUN PA DANG 'TSO BA'I BAR DU BCANG BA GSOG 'JOG BYAS PA DE DAG THAMS CAD NI JI LTAR ZOS NA, LTUNG BYED DU GRUB PA DE BZHIN DU 'CHANG BA NA YANG SPANG BA'I LTUNG BYED DU 'GYUR TE, NYIN MTSAN 'DAS PA LA NI SPANG BA'I LTUNG BYED DANG LTUNG BYED 'BA' ZHIG PA 'DRA BA'I PHYIR ZHES GSUNGS PA LA BRTEN NAS DUS RUNG GI SMAN RNAMS SNGA DRO BYIN LEN BYAS NAS GUNG TSIGS TSAR MA THAG BYIN LEN MA BSHIG NA GSOG 'JOG DANG, THUN TSOD DU RUNG BA PHYI DRO BYIN LEN BYAS NAS DE'I MTSAN 'DAS NAS SKYA RENGS SHAR BA DANG, ZHAG BDUN PA BRGYAD PA'I SKYA RENGS SHAR BA DANG, JI SRID 'TSO BCANG GI SMAN NAD SOS NAS ZHAG GCIG 'DAS PA'I SKYA RENGS SHAR BA NA GSOG 'JOG GI SPANG LTUNG SKYED PA BDAG GI BLA MA MKHAS GRUB CHEN PO BZHED DO,, GNYIS PA LTUNG BYED 'BA' ZHIG PA'I SDE BSHAD PA LA BCU TSAN DGU LAS DANG PO'I SDOM NI, RDZUN SKYON DGE SLONG PHRA MA DANG, ,SKYO SNGOGS BYED DANG STON PA DANG, ,'DON DANG GNAS NGAN LEN DANG CHOS, ,BSHES NGOR BYED DANG KHYAD DU GSOD, ,CES 'BYUNG BA LAS DANG PO RDZUN SMRA'I LTUNG BYED NI, GANG SMRA BA'I YUL MI SMRA SHES
DON GO SHES PA RANG BZHIN DU GNAS PA, MA NING DANG MTSAN GNYIS PA MA YIN PA STE CHOS LNGA LDAN LA PHAM LHAG SPOM PO SKUR 'DEBS KYI LTUNG BYED NYES BYAS SU 'GYUR BA'I RDZUN RNAMS LAS GZHAN PA'I RDZUN GANG YANG RUNG BA SMRA 'DOD KYIS KUN NAS BSLANG STE, DE LA DER 'DU SHES PAS 'DU SHES BSGYUR TE NGAG MTSAN NYID LNGA LDAN GYIS SMRAS PA LA BRTEN NAS PHA ROL POS DON GO BA NA LTUNG BYED DU 'GYUR RO, ,'DI'I SKABS KYI BSLAB BYA NI, DGOS MED DU MNA' 'DOR BA SOGS LA NYES BYAS SO,, GNYIS PA, SKYON ZHES PA SKYON SMRA'I LTUNG BYED NI, YUL DGE SLONG CHOS BRGYAD LDAN LA SKYON GDAGS 'DOD KYIS KUN NAS BSLANG STE, DE LA DER 'DU SHES PAS NGAG MTSAN NYID LNGA LDAN GYI YUL DES DER SKYON DU GRAGS PA'I SKYON SMRAS PAS PHA ROL POS DON GO BA NA DNGOS GZHI 'BYUNG BA YIN LA, BSLAB BYA NI, DGE SLONG LAS GZHAN PA'I DGE TSUL PHA MA SOGS 'GRO BA GANG LA YANG DGOS MED DU SKYON BRJOD PA LA NYES BYAS PA DANG, DE BZHIN DU NGAG 'KHYAL DANG, TSIG RTZUB DANG, GZHAN GYI BLO LA MI 'BAB PA'I TSIG SMRAS PA LA NYES BYAS SO,, GSUM PA, DGE SLONG PHRA MA ZHES PA PHRA MA BYED PA'I LTUNG BYED NI, DGE SLONG CHOS DGU LDAN RGYUD THA DAD SNGAR MA BYE BA LA 'BYED 'DOD KYIS NGAG MTSAN NYID LNGA LDAN GYIS SO SO'I MING NAS SMOS TE PHRA MA'I TSIG SMRAS PAS PHA ROL POS DON GO BA NA LTUNG BYED DU 'GYUR BA YIN LA, 'DU SHES BSGYUR NAS RDZUN DANG PHRA MA BYED PA LA NI RDZUN SMRA'I LTUNG BA YANG SKYED DO,, BZHI PA, SKYO SNGOGS BYED CES PA SKYO SNGOGS BYED PA'I LTUNG BYED NI, DGE SLONG CHOS BRGYAD LDAN GNYIS YAN
, ,CHAD RTZOD PA BZHI PO GANG RUNG BYED PA LA DGE 'DUN GYIS CHOS PHYOGS SU ZHI BAR MA BYAS PA LA, RTZOD PA ZHI BA'I RGYU SHES PA, 'DUN PA PHUL BA YAN CHAD KYI RTZOD PA ZHI BYED LA GTOGS PA'I DGE SLONG GIS YUL DGE SLONG CHOS BRGYAD LDAN RTZOD PA ZHI BYED LA GTOGS PA STE CHOS DGU LDAN LA DER 'DU SHES PAS BSAM PA THAG PA NAS SKYO SNGOGS BYED PA'I TSIG SMRA 'DOD KYIS NGAG MTSAN NYID LNGA LDAN GYIS SKYO SNGOGS BYED PA'I TSIG SMRAS PA LAS PHA ROL POS DON GO BA'I TSE LTUNG BYED DO, ,RANG RTZOD PA ZHI BYED LA MA GTOGS BZHIN DU SKYO SNGOGS BYED PA DANG, CHOS MA YIN GYI PHYOGS SU ZHI BAR BYAS PA LA BYED PA DANG, DE LA MI GTOGS PA'I MDUN DU BYED PA LA NYES BYAS SO,, LNGA PA, STON PA DANG ZHES PA KHYIM PA MO LA CHOS STON PA'I LTUNG BYED NI, BUD MED MTSAN DON BYED NUS PA DANG LDAN PA, LUS BSTEN DU RUNG BA, LUS THA MAL DU GNAS PA, RDZU 'PHRUL CAN MA YIN PA, KHYIM PA YIN PA LA GNAS GCIG TU NYIN ZHAG GCIG LA RANG GIS THOB PA'I KHAMS GONG GI YON TAN LTA BU 'DU SHES MA BSGYUR BAR SMRA 'DOD KYIS NGAG MTSAN NYID LNGA LDAN GYIS SMRAS PAS PHA ROL POS DON GO BA NA LTUNG BYED DO,, DRUG PA, 'DON DANG ZHES PA 'DON PA'I LTUNG BYED LA, YUL BSNYEN PAR MA RDZOGS PA THA SNYAD LNGA LDAN BSAM PA THAG PA NAS 'DON PAR 'DOD PA LA MDO SDE LA SOGS PA'I CHOS DANG KHA TON TSIG DRUG LAS LHAG PA DGOS PA KHYAD PAR CAN MED PAR CIG CAR RAM, BSNYEN PAR MA RDZOGS PAS BTON PA'I RJES SU DGOS PA KLAG PA RDZOGS PA'I PHYIR SNGAR SHES MA ZIN PA LA DER 'DU SHES PAS NGAG MTSAN
NYID LNGA LDAN GYIS 'DON PAR BSAMS TE BSTAN PAS DON GO BA'I TSE LTUNG BYED DO, ,SKYABS 'GRO GSOL 'DEBS KHA TON GYI RIM PA SOGS BSNYEN PAR MA RDZOGS PA DANG CIG CAR 'DON PA LA YANG, CHOS LDAN GYI DGOS PA 'DI LTA BU'I PHYIR BSNYEN PAR MA RDZOGS PA DANG CIG CAR RAM DE'I 'JUG THOGS SU 'DON PA RGYAL BAS GNANG SNYAM DU DUS DRAN PAS BYA'O,, BDUN PA, GNAS NGAN LEN DANG ZHES PA GNAS NGAN LEN BRJOD PA'I LTUNG BYED NI, YUL SMRA SHES DON GO SHES PA RANG BZHIN DU GNAS PA, BDEN PA MA MTHONG BA, LTUNG BA BYUNG BA DANG BCAS PA'I MTSAN NYID MI SHES PA LA DGE SLONG CHOS BRGYAD LDAN GYIS KHYIM PA DE NYID MA DAD PA BZLOG PA'I PHYIR GNAS NGAN LEN BRJOD PAR BSKOS PA MA YIN ZHING, GNAS NGAN LEN BRJOD PA'I PHYIR GSOL BA BYAS PA NA BDAG NYID DE'I KHONGS SU MA GTOGS PA'I DGE SLONG GIS DE LA DER 'DU SHES PAS BSNYEN PAR MA RDZOGS PA LA GNAS NGAN LEN BRJOD 'DOD KYIS KUN NAS BSLANG STE NGAG MTSAN NYID LNGA LDAN GYIS SMRAS PA DON GO BA NA LTUNG BYED DO,, BRGYAD PA; CHOS ZHES PA MI CHOS BLA MA BDEN SMRA'I LTUNG BYED NI, YUL THA SNYAD GSUM LDAN BDEN PA MA MTHONG BA LA RANG GIS THOB PA'I ZHI GNAS YAN CHAD KYI YON TAN RANG DGAR RANG DON DU SMRA 'DOD KYIS NGAG MTSAN NYID LNGA LDAN GYIS 'DU SHES MA BSGYUR BAR SMRAS PA DON GO BA NA LTUNG BYED DO,, DGU PA, BSHES NGOR BYED CES PA SKUR 'DEBS KYI LTUNG BYED NI, GANG LA SKUR BA 'DEBS PA'I YUL RANG DANG BSNGO BYA GNYIS KA NOR THA DAD PA SOGS CHOS BRGYAD DANG LDAN PA, LOG PAR SNGO BA PO MA YIN PA,
, ,GANG LA SMRA BA'I YUL RDZUN SMRA'I PHAM PA'I SKABS BZHIN LA GANG GIS SKUR BA BTAB PA'I DNGOS PO NI CHOS BRGYAD LDAN GYI DGE 'DUN GYI ZAS KYI RNYED PA LAS GZHAN YIN PA RUNG BA TSAD LDAN, GANG LA BSNGOS PA'I YUL NI THA SNYAD LNGA LDAN LUS THA MAL DU GNAS PA, RANG DANG SKUR BA GDAB BYA GNYIS KA LAS NOR GZHAN PA, DGE 'DUN DU MA LONGS PA, SKUR BA GDAB BYA'I BSHES YIN PA, GANG GIS SKUR BA 'DEBS PA'I RTEN NI, SNGAR RNYED PA YUL LA BSNGO BA DANG DAD PAS PHUL BA'I DGE SLONG GI DE LA DER 'DU SHES PAS 'DU SHES BSGYUR TE, DGE 'DUN GYI RNYED PA MI RIGS PA LA BSNGOS SO ZHES SKUR BA 'DEBS 'DOD KYIS NGAG MTSAN NYID LNGA LDAN GYIS SMRAS PA LA BRTEN NAS DON GO BA NA LTUNG BYED DO, ,DGE 'DUN GYI ZAS KYI RNYED PA DANG, GANG ZAG GI RNYED PA MI RIGS PAR GZHAN LA BSNGOS SO ZHES DANG, DGE 'DUN GYI ZAS LAS GZHAN PA'I RNYED PA DGE 'DUN LA MI RIGS BZHIN DU BSNGOS PAR SMRA BA DANG, RANG GI RNYED PA GANG ZAG NOR MI GCIG PA LA MI RIGS PAR BSNGOS PAR SMRA NA NYES BYAS SO,, BCU PA, KHYAD DU GSOD CES PA GZHAN KHYAD DU GSOD PA'I LTUNG BYED NI, DGE SLONG CHOS BRGYAD LDAN GSO SBYONG DER GTOGS PA LA GSO SBYONG GI DUS SU DER 'DU SHES BZHIN DU TSIG DON MED PAS KHYAD DU GSOD 'DOD KYIS KUN NAS BSLANG STE NGAG MTSAN NYID LNGA LDAN GYIS, 'DUL BA'I TSIG 'DI LTA BU BTON PAS CI ZHIG BYA ZHES PA LTA BU KHYAD GSOD KYI TSIG SMRAS TE YUL DES DON GO BA NA LTUNG BYED DO, ,'DUL BA'I BSLAB GZHI STON PA MA YIN PA'I MDO SDE DANG MNGON PA'I TSIG GANG RUNG SMRA
BA LA KHYAD DU GSOD NA NYES BYAS SO,, BCU TSAN GNYIS PA NI, SDOM LAS, SA BON 'PHYA BA BSGO BA DANG, ,KHRI DANG GDING DANG SKROD PA DANG, ,PHYIS GNON 'BYUNG BA 'DEBS PA DANG, ,RIM PA GNYIS SU RTZIG PA'O, ,ZHES GSUNGS PA LTAR LAS, DANG PO SA BON ZHES PA SA BON DANG SKYE BA 'JIG PA'I LTUNG BYED NI, SA BON LNGA GANG YANG RUNG BA'AM, MYU GU LA SOGS PA'I SKYE BA GANG YANG RUNG BA, RANG GI NGO BO RDZOGS SHING MA NYAMS PA, SA LAS GZHAN GYIS BRAL BAR MA BYAS PA, RTZVAS BCINGS PA LTA BU'I RKYEN DANG MI LDAN PAR DGE SLONG GIS DER 'DU SHES PA'AM YID GNYIS KYIS RANG DGAR SA BON LAS SKYE BA NYAMS 'DOD KYIS KUN NAS BSLANG STE, RDZU 'PHRUL GYIS MA YIN PAR RANG NGAM GZHAN THA SNYAD LNGA LDAN NGAG MTSAN NYID LNGA LDAN GYIS BSKOS PAS SA BON DANG SKYE BA JI SNYED YOD PA NYAMS PAR BYAS NA DE SNYED KYI GRANGS KYI LTUNG BYED DU 'GYUR RO, ,SA BON LNGA NI, RTZA BA'I SA BON GLA SGANG DANG BONG BA DKAR PO SOGS RTZA BA BTAB PAS DE NYID SKYE BA RTZA BA'I SA BON DANG, SHING LCANG SOGS SDONG PO BTAB PAS DE NYID SKYE BA SDONG PO'I SA BON DANG, 'DAM BU DANG BU RAM SHING SOGS DE NYID BTAB PAS DE NYID SKYE BA THO KHU'I SA BON DANG, AA TSA KA SOGS 'GAS PA BTAB PAS DE NYID SKYE BA 'GAS PA'I SA BON DANG, 'BRAS DANG NAS LA SOGS PA SA BON BTAB PAS DE NYID SKYE BA SA BON GYI SA BON RNAMS SO, ,DES NA NAS LA SOGS PA'I SA BON RANG GIS SAM GZHAN NYAMS PAR BYED DU BCUG PA'I SBYOR BA LA NYES BYAS DANG, DNGOS GZHI LA GRANGS JI SNYED NYAMS PAR BYAS PA DE SNYED KYI LTUNG BYED DU 'GYUR LA,
, ,SHING SDONG LTA RES GCOD PA LTA BU LA STA RES BSNUN THEBS RE LA NYES BYAS RE DANG, MTHAR BCAD ZIN PA NA DNGOS GZHI SKYED CING, SA 'BUS PA DANG, SHA MO SOGS DANG, ME TOG KHA BYE BA DANG, SHA BAL SOGS KYI RLAM RNAMS NI PHYED SKYES PA NYID DU GDAGS PAS NYAMS PAR BYAS NA NYES BYAS SO, ,DE BZHIN DU 'BRAS BU SMIN PA SDONG PO LAS BRAL BAR BYAS PA DANG, SKYE BA SOGS LKOG TU NYAMS SU BCUG PA DANG, SHING LJON PA DANG, RTZVA DANG, LO THOG SOGS BCAD NA LEGS SO ZHES SMRA NA YANG NYES BYAS SO, ,NYAM SPAR BYED PA'I 'DUN PA MED PAR RKANG PA 'CHAG PA SOGS KYI RKYEN GYIS RTZVA LA SOGS PA NYAMS PA LA NYES PA MED DO, ,SKABS 'DI'I BSLAB BYA NI, NYI MA PHYED YOL NAS SANG SKYA RENGS MA SHAR BAR JA SOGS THUN TSOD DU RUNG BA DANG, SBRANG BU RAM SOGS LONGS SPYAD DU RUNG BA RNAMS LA CHU GRANG GI RUNG CHU MA BTAB PAR LONGS SPYAD NA NYES BYAS RE 'BYUNG LA, DE BTAB PA'I DGOS PA NI SNGA DRO DANG PHYI DRO'I MTSAMS SHES NAS DE GDAB DGOS PA'I DUS SU DUS RUNG GI ZAS LA LONGS SPYAD DU MI RUNG BAR SHES PA'I CHED DO, ,RUNG CHU BYA DGOS PA'I SHES BYED NI, SHES RAB BYED PAR, BZA' BA'I TSE GZHAN CHU GRANG MO RDEG TU GZHUG GO ,MA BTAB PAR ZOS SAM BDAG GIS BTAB NA NYES BYAS SO ZHES SO, ,SPYIR RUNG BA'I DBYE BA NI, ME DANG, SEN MOS REG PA DANG, NE TZO DANG, MTSON LA SOGS PAS RMA PHYUNG BA DANG, RGUN 'BRUM SKAM PO SHIN TU RNYINGS PA DANG, LA PHUG LA SOGS PA RTZA BA NAS PHYUNG BA DANG, SRAN MA SOGS PHYED TSAL DU SKYES BU'I RTZOL BAS BKAS
PA DANG, LJON SHING SOGS BCAD PA DANG, GA GON SOGS SA BON GYI CHOS MED PA DANG BCU'O, ,NAS KYI PHUNG PO LTA BU LA RUNG BA BYED PA'I TSE PHYOGS GSUM MAM GNYIS NAS MES REG PAR BYAS PAS RUNG BAR 'GYUR GYI 'BRU RE RE NAS REG MI DGOS SHING, DE 'DRA'I RUNG BA RNAMS DANG RUNG CHU 'DEBS PA SOGS BSNYEN PAR MA RDZOGS PAS BYA DGOS SO, ,RUNG BA DE RNAMS KYANG PHYUNG BA DANG BCAD PA GNYIS SKYE BA'I RUNG BA DANG, GZHAN BRGYAD SA BON GYI RUNG BAR 'DU'O, ,RJEN GYI RUNG BA NI LO MA SNGON PO MDOG 'GYUR BA DANG, SHA SKAM SUM GNYIS BANGS PA DANG, 'O MA SOGS LAN GSUM KHOL BA DGOS SHING, SKYE BA'I RUNG BA LA SA BON GYI RUNG BA MI DGOS PA NI SA NAS BRNGAS PA'I NAS SOGS LTA BU YIN LA, SA BON GYI RUNG BA SONG BA LA RJEN GYI RUNG BA BYA DGOS TE, MA BYAS PAR RANG NGAM RANG 'DRA BA'I DGE SLONG GIS RJEN DANG MA BRAL BAS NAS RJEN PAR BTZOR MI RUNG BA'I PHYIR, RJEN GYI RUNG BA SONG BA LA SKYE BA DANG SA BON GYI RUNG BA MI DGOS SHING SHA SKAM DANG LO MA SNGON PO ZA BA LTA BU LA RJEN GYI RUNG BA MI DGOS LA, SHA DMAR PO LA NI HA CANG 'KHYAGS PA'AM BSREGS PA DANG, CUNG ZAD BTZOS PA SOGS KYIS KHA DOG 'GYUR BA DGOS SO, ,LHA KLU CHAGS PA'I LJON SHING SOGS DKON MCHOG DANG DGE 'DUN GYI DON SOGS CHOS LDAN GYI DGOS PA'I CHED DU GCOD DGOS PA NA ZHAG BDUN GYI BAR DU DE'I DRUNG DU GTOR MA SBYIN PA DANG, RGYUN CHAGS GSUM PA 'DON PA DANG, SBYIN PA'I PHAN YON SOGS CHOS BSHAD NAS GCOD DU GZHUG LA, DE LTAR BYAS KYANG MI GNANG BA'I RNAM
, ,'GYUR STON BZHIN DU BCAD NA NYES BYAS SO,, GNYIS PA, 'PHYA BA DANG ZHES PA 'PHYA BA'I LTUNG BYED NI, DGE SLONG CHOS BRGYAD LDAN RANG NYID LA ZAS GOS DMAN PA CHED DU GNYER NAS STER BA MA YIN PA, DGE 'DUN CHOS BRGYAD DANG LDAN PA'I LAS KYIS BSKOS PA'I ZHAL TA BA SBYOR BA BAG YANGS SU BYAS PA DANG MA BYAS PA GANG YANG RUNG BA'AM, MA BSKOS PA'I BAG YANGS SU MA BYAS PA LA BDAG NYID DMAN PA'I GRANGS SU BGRANGS TE, DGE SLONG GIS DE LA DER 'DU SHES PAS RANG DON DU 'DU SHES BSGYUR TE 'PHYA 'DOD KYIS KUN NAS BSLANG STE NGAG MTSAN NYID LNGA LDAN GYIS RANG DANG 'BREL BAR YUL DES THOS PAR MING NAS GSAL POR BRJOD PA'AM, MA BRJOD KYANG KHA CIG BDAG LA 'DI 'DRA BA BYED DO ZHES 'PHYAS PA NA PHA ROL POS DON GO BA'I TSE LTUNG BYED DO,, GSUM PA, BSGO BA ZHES PA BSGO BA RNA LA GZON PA'I LTUNG BYED NI, DGE SLONG CHOS BRGYAD LDAN GYIS RANG LA CHOS LDAN GYI SGO NAS, BSAM PA THAG PA NAS TSUL KHRIMS SOGS LAS BRTZAMS TE GTAM 'DRI BA LA, RANG NYID NGAN PA'I GRANGS SU BCUG PA DANG, GZHAN GYI SROG BSKYAB PA SOGS DGOS PA DANG MI LDAN PAR DE LA DER 'DU SHES PAS, BSGO BA DANG DRI BA RNA LA GZON 'DOD KYIS NGAG MTSAN NYID LNGA LDAN GYI SGO NAS BSGO BA DANG DRI BA RNA LA GZON PA'I TSIG SMRAS TE YUL GYIS DON GO BA'I TSE LTUNG BYED DO, ,BSLAB BYA NI, 'DU SHES BSGYUR TE ZHAL TA BA LA NGOR 'PHYA BA SOGS DANG, BSGO BA DANG DRI BA TSIG GIS SAM, CANG MI SMRA BAS RNA LA GZON PA RNAMS DGE 'DUN GYIS MA SMAD PA DANG, DGOS MED DU 'THAB MO'I NANG DU
GNAS PA DANG, 'THAB RTZOD LAS BYOL DGOS PA'I TSE MA BYOL BA DANG, CHE BZHI BYA DGOS PA'I TSE, GSAD PA DANG BCING BA SOGS GZHAN LA GNOD PA'I SGO MA DPYAD PAR CHE BZHI BYAS PA LA NYES BYAS SO,, BZHI PA, KHRI DANG ZHES PA GNAS MAL GYI LTUNG BYED NI, DGE 'DUN CHOS BRGYAD LDAN GYI GNAS MAL RUNG BA TSAD LDAN RANG GZHAN GYIS LONGS SPYOD PA CHUD ZA BA'I RKYEN DANG LDAN PA LA, BAR CHAD KYI RKYEN DANG MI LDAN PA DANG GNAS MAL CHUD MI ZA BA'I SAR RANG GIS BSDUS SAM GZHAN SDUD DU BCUG PA MA YIN PA'I DGE SLONG GIS, DE LA DER 'DU SHES PAS GNAS MAL CHUD ZA BA'I GNAS SU BZHAG NAS DE NYID DU 'DUG GAM, GZHAN DU 'GRO 'DOD BZHIN DU DE NYID DU GNAS SAM, 'GRO BAR BRTZAMS PA LA BRTEN NAS GNAS MAL PHAN PHUN DU GYUR ZIN PA'AM, MA GYUR KYANG GNAS MAL GYI NYE 'KHOR 'DOM BZHI BCU RTZA DGU LAS 'DAS PAR PHYIN PA'I TSE LTUNG BYED DO, ,SKABS 'DI'I BSLAB BYA LA, 'GRO 'DUG DANG 'BREL BA NI DGE SLONG GIS GNAS MAL MA BSDUS PAR BSOD SNYOMS SOGS LA SONG BA'I TSE CHAR DANG RLUNG SOGS BYUNG BA NA GTZUG LAG KHANG NA GNAS PA RNAMS KYIS MA BSDUS PA DANG, GNAS MAL BDAG PO SOGS LA MA SPRAD PA DANG, DE'I STAN SOGS 'KHUR 'OS PA MA KHUR BA DANG, SPRUG PAR 'OS PA SPRUG PA SOGS BDAG RKYEN MA BYAS PA LA NYES BYAS DANG, DE LTAR SONG BA'I TSE RANG NYID KYIS LAM DU DRAN PA NA PHYIN CHAD MI BYA BA'I SEMS MA BSKYED PA SOGS DANG, DGE BA'I PHYOGS BRTZAMS PA DANG 'BREL BA NI RANG GI MKHAN PO DANG SLOB DPON PHYOGS GZHAN DU CHOS LDAN GYI PHYIR
, ,GSHEGS PA NA DE'I PHYIR MA 'BRENGS NA DGE BA MI 'PHEL BAR SHES BZHIN DU LHAN CIG TU MA PHYIN PA'AM, GZHAN DU 'GRO BA'I TSE PHYI BZHIN DU 'GRO BAR MA ZHUS PAR STAN KHUR BA SOGS NYES BYAS SO, ,NAD PA DANG 'BREL BA NI TSANGS PA MTSUNGS PAR SPYOD PA NA BA'I TSE MTSAMS DER GTOGS PA RNAMS KYIS MA BLTAS PA DANG, 'DUG STE NAD 'DRI SOGS MA BYAS PA DANG, DER STAN THOGS TE PHYIN PA DANG, STAN 'OS PA LA NAD G-YOG GIS MA BSHAMS PA RNAMS LA NYES BYAS SO,, LNGA PA, GDING DANG ZHES PA GDING BA'I LHUNG BYED NI, DGE SLONG CHOS BRGYAD LDAN GYIS SPYOD LAM BZHI SHOM YAN CHAD KYI DGE 'DUN GYI GNAS MTSAN NYID DANG LDAN PAR SROG CHAGS SKYE BAR 'GYUR BA SOGS GNAS MAL PHAN PHUN DU 'GRO BA'I NYES DMIGS YOD PAR RTZVA DANG LO MA SOGS GDING DU RUNG BA, TSAD MCHAN KHUNG GANG YAN CHAD DU LONGS PA, RANG NGAM BSKOS PAS LONGS SPYOD PA LA BAR CHAD KYI RKYEN DANG MI LDAN PA DANG, GNAS MAL CHUD MI ZA BA'I SAR RANG GIS BSDUS SAM, GZHAN SDUD DU GZHUG PA MA BYAS SHING DE LA DER 'DU SHES PAS, GNAS DE LTA BUR RTZVA DANG LO MA SOGS BTING NAS DE NYID DU 'DUG PA'I TSE PHAN PHUN DU 'GYUR BA RANG DGAR YAL BAR 'DOR BA'AM, GZHAN DU 'GRO 'DOD KYIS KUN NAS BSLANG STE 'DUG NAS YAL BAR 'DOR BA'AM, 'GRO BAR BRTZAMS PA LA BRTEN NAS PHAN PHUN DU GYUR ZIN PA'I GNAS MAL GYI GNAS LAS 'DOM BZHI BCU RTZA DGU PHAN CHAD 'DAS PA'I TSE LTUNG BYED DO, ,LTUNG BYED SNGA PHYI GNYIS PO 'DI LA NI RTZIG PAS BSKOR BA LA NI SGO KHANG NAS 'DOM BZHI BCU RTZA DGU
'DAS PA DGOS SO, ,SKABS 'DI'I BSLAB BYA NI, DBYE THANG KHA LA SOGS PAR RTZVA DANG LO MA BTING BA GZHAN DU 'DOR BA'AM, MGO MJUG BSGYUR BA TZAM MA BYAS PAR PHYIN PA DANG, GNAS GZHAN DU GDING BA KHYER BA'I TSE MA DOR BA DANG, KHYIM BDAG SOGS LA MA DRIS PAR DOR BA DANG, SROG CHAGS SKYE BA'I SA GZHIR RANG DGAR BZHAG PA DANG, 'CHAG SAR BTING BA DANG, GOS LA SOGS PA SKEM PA'I PHYIR BTING BA'I RTZVA DANG LO MA SOGS MA DOR BA LA NYES BYAS SO,, DRUG PA, SKROD PA DANG ZHES PA SKROD PA'I LTUNG BYED NI, DGE SLONG CHOS BRGYAD LDAN YIN PA, DE BSKRAD PAS 'DI PHYIR PHAN PA'I RKYEN DANG MI LDAN PAR, CHOS BRGYAD LDAN GYI DGE SLONG DGE 'DUN DU LONGS PA'I GNAS KYI MTSAN NYID MA MTHA' YAN CHAD GRUB PA SPYOD LAM BZHI SHOM PA LA DER 'DU SHES PAS RANG DGAR SKROD 'DOD KYIS KUN NAS BSLANG STE RANG NGAM GZHAN THA SNYAD LNGA LDAN NGAG MTSAN NYID LNGA LDAN GYIS DNGOS SU BSKOS PAS GNAS DE NAS SKROD PAR BRTZAMS TE RKYEN DE NYID KYIS GNAS NYE 'KHOR DANG BCAS PA LAS 'DAS PA'I TSE LTUNG BYED DO, ,DGE SLONG LAS GZHAN 'GRO BA GANG YANG RUNG BA DGOS PA KHYAD PAR CAN MED BZHIN DU RANG RANG GI GNAS NAS BSKRAD PA LA NYES BYAS SO,, BDUN PA, PHYIS GNON ZHES PA PHYIS GNON GYI LTUNG BYED NI, GNAS SNGA MA DANG 'DRA BAR DGE SLONG CHOS BRGYAD LDAN PHYIS GNON BYAS PAS PHAN PA'I RKYEN DANG MI LDAN PAR, RANG LAS GNAS DE NA SNGAR GNAS PA LA DER 'DU SHES PAS RANG DGAR PHYIS GNON BYED 'DOD KYIS KUN NAS BSLANG STE LUS NGAG GANG RUNG GIS SBYOR BA BRTZAMS
, ,PA LA BRTEN NAS LUS KYI PHYIS GNON YIN NA 'DUG PA SOGS BYA BA RDZOGS PA'AM NGAG GI YIN NA YUL GYIS DON GO BA'I TSE NA LTUNG BYED DO, ,DES MTSON NAS CHOS BRGYAD LDAN GYI DGE SLONG LA MTHO 'TSAM PA'I BSAM PAS MTHO 'TSAM GYI BYA BA BYED PA RNAMS LA YANG 'DIR GTOGS KYI LTUNG BYED RE 'BYUNG BA YIN NO,, BRGYAD PA, 'BYUNG BA ZHES PA RTZA BA 'BYUNG BA LA 'DUG PA'I LTUNG BYED NI, SKROD PA'I SKABS SU BSHAD PA'I GNAS DE LTA BU GANG YANG RUNG BA STENG GI THOG RDOL BA'I NYEN DANG BCAS PA'I STENG DU KHRI'AM KHRI'U RANG RANG GI TSAD DANG LDAN PA, RTZA BA PHUR BU LTA BU DKAN PA'AM RKANG RTEN BCUG PA MA YIN PA LA 'DUG 'DOD KYIS KUN NAS BSLANG STE 'DUG PA'AM NYAL BA'I BYA BA RDZOGS PA'I TSE LTUNG BYED DO,, DGU PA, 'DEBS PA ZHES PA 'DEBS PA'I LTUNG BYED NI, DUD 'GROR GTOGS PA'I SROG CHAGS THA MAL PA'I MIG LA SNANG DU RUNG BA, RTZVA DANG BCAS PA'I SA GZHI LA DER 'DU SHES PA'AM THE TSOM ZA BAS RANG DON MA YIN PAR SROG CHAGS LA GNOD PAR MTHONG YANG KHYAD DU GSAD DE RANG NGAM BSKOS PAS SPYOD PAR BRTZAMS PA LA BRTEN NAS SROG CHAGS JI SNYED CIG SHI BA DE SNYED KYI GRANGS KYI LTUNG BYED DO,, BCU PA, RIM PA GNYIS SU RTZIG PA'O, ,ZHES PA RIM PA LHAG PAR RTZIG PA'I LTUNG BYED NI, GANG BRTZIG PA'I GNAS DKON MCHOG GSUM GANG RUNG GI PHYIR DU BYAS PA'I GTZUG LAG KHANG GNAS KYI MTSAN NYID MA MTHA' YAN CHAD TSANG BA, SPYOD LAM BZHI SHOM PA, SNGAR TSAD LA GNOD PA'I RTZIG PA MA BYAS PAR, DES RTZIG RMANG 'DZUGS PA'I NYI MA DE NYID DAM, DE LAS
GZHAN PA'I DUS SU RMANG 'DZUGS PA SOGS BYAS NA MYUR DU 'JIG PA'I NYEN CAN YIN PA, DE DAG MA BYAS NA RDO LA SOGS PA SRA BA DANG, PHA GU SOGS SRA BA MA YIN PA GANG YANG RUNG BA SBYIN BDAG GIS DBANG MED BYAS PA YIN BZHIN DU RMANG 'JUG PA SOGS BYAS PA LA CHAR CHU SKYOB PA'I G-YOGS MA BYAS PA LA DER 'DU SHES PAS RANG DGAR RIM PA GSUM LAS LHAG PA RTZIG 'DOD KYIS KUN NAS BSLANG STE, RANG NGAM GZHAN THA SNYAD LNGA LDAN NGAG MTSAN NYID LNGA LDAN GYIS DNGOS SU BSKOS PAS RTZIG PAR BRTZAMS PA LA BRTEN NAS, RMANG 'DZUGS PA SOGS BZHI BYAS PA MA YIN NA NYID MA DE NYID LA RIM PA BZHIN 'KHOR BAR RTZIG PA DANG, RMANG MA BTZUGS PA DANG, CHU KHUNG MA GTOD PA DANG, 'JIM PA MED PA DANG, YA PHUB GZHUG PA SOGS MA BYAS PA BZHI GA'AM GANG YANG RUNG BA DANG BCAS PA LA GANG MA BYAS PA DE YAN CHAD NAS NYI MA DE NYID DAM DE LAS GZHAN LA RIM PA BZHIN 'KHOR BAR BRTZIGS PA'I TSE LTUNG BYED DO, ,RMANG 'DZUGS PA SOGS MA BYAS PA'I TSE CHAR SKYOB PA'I G-YOGS MA BYAS PA DANG, RDO LA SOGS PA SRA BA LAS BYAS PA YIN YANG MYUR DU 'JIG PA'I DGAG BYA CHE BA'I PHYIR RIM PA BZHIN 'KHOR BA NA DNGOS GZHI'O,, ` ,BCU TSAN GSUM PA'I SDOM NI, MA BSKOS NYI MA NUB PA DANG, ,ZAS DANG CHOS GOS GNYIS DAG DANG, ,DON MTHUN GRU DANG DBEN PA GNYIS, ,DGE SLONG MA YIS SBYOR BCUG PA'O, ,ZHES GSUNGS PA'I DANG PO MA BSKOS PAR STON PA'I LTUNG BYED NI, NYE DU MA YIN PA MA GTOGS DGE SLONG MA CHOS BDUN LDAN GYIS RANG MI CHOS BLA MA'I YON TAN DANG MI LDAN PAR CHOS STON
, ,PAR BOS PA LA RANG NYID DGE SLONG MA LA CHOS STON PAR DGE 'DUN GYIS MA BSKOS PA'AM BSKOS KYANG MTSAN NYID DANG MI LDAN PAR CHOS STON 'DOD KYIS NGAG MTSAN NYID LNGA LDAN GYIS SDE SNOD GSUM GANG RUNG DU GTOGS PA'I CHOS STON PAR BRTZAMS PA LA BRTEN NAS YUL GYIS DON GO BA'I TSE LTUNG BYED DO,, GNYIS PA, NYI MA NUB PA DANG ZHES PA'I LTUNG BYED NI, GONG DU BSHAD PA'I DGE SLONG MA DE LTA BU LA 'JIGS PA'I NYEN DANG BCAS PA'I GNAS SU, MTSAN THOG THAG TU CHOS STON PA'I DUS MA YIN PAR, NYI MA NUB NAS SKYA RENGS MA SHAR BA'I BAR LA CHOS STON 'DOD KYIS SNGAR BZHIN BSTAN PA NA LTUNG BYED DO,, GSUM PA, ZAS DANG ZHES PA, ZAS CUNG ZAD TZAM GYI PHYIR CHOS STON TO ZHES SKUR BA 'DEBS PA'I LTUNG BYED NI, DGE SLONG CHOS BRGYAD LDAN ZAS CUNG ZAD TZAM GYI PHYIR DGE SLONG MA LA CHOS STON PA MA YIN PA LA, MI SMRA SHES DON GO SHES PA RANG BZHIN DU GNAS PA MA NING DANG MTSAN GNYIS PA MA YIN PA'I MDUN DU, ZAS LA SOGS PA ZANG ZING CUNG ZAD TZAM GYI PHYIR CHOS STON TO ZHES SKUR BA 'DEBS 'DOD KYIS 'DU SHES BSGYUR TE SKUR BA BTAB PA PHA ROL POS DON GO BA NA LTUNG BYED DO,, BZHI PA, CHOS GOS GNYIS DAG DANG, ZHES PA LA GOS BYED PA DANG, SBYIN PA'I LTUNG BYED GNYIS LAS, DANG PO NI DGE SLONG MA CHOS BRGYAD DANG LDAN PA'I GOS RUNG BA TSAD LDAN SNGAR BZO'I RTZOM PA MA BYAS PA LA BZO BYED 'DOD KYIS SBYOR BA BRTZAMS PA LAS GRUB PA'I TSE LTUNG BYED DO, ,GOS LAS GZHAN SNOD SPYAD SOGS NYE DU MA YIN PA, MTSAN MI MTHUN PA'I BZO DGOS PA KHYAD
PAR CAN MED PAR BYAS PA THAMS CAD LA NYES BYAS SO,, LNGA PA, GOS SBYIN PA'I LTUNG BYED NI, CHOS BRGYAD LDAN GYI STENG DU DGE SLONG MA'I DGE 'DUN LA GOS 'BUL BA NA DE KHUNGS SU MA GTOGS SHING GOS DES PHONGS PA MA YIN PA, LEGS PAR SMRA BA DANG, BSNYEN RDZOGS BYED PA MIN PAS RANG LAS NOR THA DAD PA LA MDZA' NGO DANG BSHES NGO TZAM GYI PHYIR STER 'DOD KYIS KUN NAS BSLANG STE SBYOR BA BRTZAMS PAS YUL DE'I LAG TU THOB PA'I TSE LTUNG BYED DO, ,DGE SLONG MA LAS GZHAN MTSAN MI MTHUN PA LA CHOS LDAN GYI DGOS PA GZHAN MED PAR MDZA' BSHES TZAM GYI BLOS GOS DANG SNOD SPYAD DANG NOR LA SOGS PA STER NA NYES BYAS SO,, DRUG PA, DON MTHUN ZHES PA DGE SLONG MA DANG LHAN CIG TU 'GRO BA'I LTUNG BYED NI, DGE SLONG MA CHOS BDUN LDAN RANG NGAM DE NYID NA BA'I TSE PHAN GDAGS BYA 'DOGS BYED MA YIN PA DANG, 'JIGS NYEN MED BZHIN DU DE DANG LHAN CIG 'GRO 'DOD KYIS KUN NAS BSLANG STE PHYIN PA LA BRTEN NAS RGYANG GRAGS GCIG 'DAS PA NA LTUNG BYED DANG, RGYANG GRAGS DU MA 'DAS PA NA DE SNYED KYI LTUNG BYED DO,, BDUN PA, GRU DANG ZHES PA GONG DU BSHAD PA'I DGE SLONG MA CHOS DGU LDAN DANG DGAG DGOS KHYAD PAR CAN MED BZHIN DU GRU SOGS LA 'GRO 'DOD KYIS RGYUN PHYOGS SAM RGYUN LAS LDOG PA'I PHYOGS SU 'GRO BAR BRTZAMS TE RGYANG GRAGS 'DAS PA'I TSE LTUNG BYED DO,, BRGYAD PA, DBEN PA GNYIS ZHES PA BUD MED DANG LHAN CIG 'DUG PA DANG, DGE SLONG MA DANG LHAN CIG 'GRENG BA'I DANG PO NI BUD MED MTSAN DON BYED NUS PA SOGS BUD MED KYIS LTUNG BA SKYED
, ,PA'I THUN MONG GI CHOS SNGAR BSHAD PA LNGA DANG, NYE DU MA YIN PA DANG, GCIG PU YIN PA STE CHOS BDUN LDAN DANG SKYE BOS DBEN PA'I RTZIG PA DANG YOL BA DANG RIB MA DANG THIBS PO DANG MUN PA STE SKYABS LNGA PO GANG RUNG GIS BSKYABS PA'I GNAS SU DE DANG 'DOM GANG TSUN CHAD DU BAR CHAD KYI RKYEN DANG MI LDAN PA LA DER 'DU SHES PAS BUD MED DANG LHAN CIG 'DUG 'DOD KYIS KUN NAS BSLANG STE 'DUG PA NA LTUNG BYED DO, ,'DOM GANG LAS RING BA DANG, GCIG 'DUG CING GCIG 'GRENG BA DANG, GNYIS KA 'GRENG BA RNAMS LA NYES BYAS SO,, DGU PA, DGE SLONG MA DANG LHAN CIG BGRENG BA'I LTUNG BYED NI, DGE SLONG MA CHOS BRGYAD LDAN GROGS MED PA DANG RANG NYID GCIG PU BAR CHAD KYI RKYEN DANG MI LDAN PAR GONG DU BSHAD PA'I GNAS DE LTA BUR LHAN CIG 'GRENG 'DOD KYIS YUL RTEN GNYIS KA 'GRENG BA'I SPYOD LAM RDZOGS PA NA LTUNG BYED DO,, BCU PA, DGE SLONG MA YIS SBYOR BCUG PA'O, ,ZHES PA DGE SLONG MAS ZAS SBYOR DU BCUG PA'I LTUNG BYED NI, RANG DANG ZAS SBYOR BA'I DGE SLONG MA GNYIS KYI NYE DU MA YIN ZHING NOR MI GCIG PA'I KHYIM PA THA SNYAD LNGA LDAN LUS THA MAL DU GNAS PAS MGRON DU MA BOS PA'AM, BOS KYANG LHAG PA'I ZAS RUNG BA TSAD LDAN DGE SLONG MA DES RANG LA NGAG MTSAN NYID LNGA LDAN GYIS, LUNG RTOGS KYI YON TAN 'DI LTA BU DANG LDAN NO ZHES 'DU SHES BSGYUR TE RDZUN GYI SGO NAS SBYOR DU BCUG PA ZOS PA NA LTUNG BYED DO,, BCU TSAN BZHI PA'I SDOM NI, YANG YANG DANG NI 'DUG GNAS GCIG ,PHYE DANG BCA' DANG STOB PA DANG, ,'DUS DANG DUS MIN GSOG
'JOG DANG, ,KHA NAS MID DANG GSOD PA'O, ,ZHES GSUNGS PA'I, DANG PO YANG YANG GI LTUNG BYED NI, SBYIN BDAG SNGA PHYI GNYIS KA KHYIM PA MTSAN NYID PA, THA SNYAD LNGA LDAN, LUS THA MAL DU GNAS PA, NYE DU MA YIN ZHING RANG LAS NOR THA DAD PA, DE GNYIS KYANG NOR THA DAD PA, BSAM PA THA DAD PAS, BSAM PA THAG PA NAS DGE 'DUN DANG BCAS TE MGRON DU BOS PA'I TSE BDAG GI NGOR BOS PA, DUS RUNG GI ZAS RUNG BA TSAD LDAN SBYIN BDAG DE NYID KYI YIN PA, PHAN TSUN KHONGS SU GTOGS PA MA YIN PA, ZLA BA BZHIR NAR MA'I ZAS BSHAMS PA MA YIN PA, ZAS PHYI MA GNYIS PA LA GOS KHRU GANG MAN CHAD DAM, DE'I RIN GYI RNYED PA MED PA, BZA' BA LNGA'I KHONGS SU GTOGS PA, MU GE'I DUS MA YIN ZHING, NYI MA GCIG GI DUS SU DES PHAN PA'I NAD CAN MA YIN PA, DGE 'DUN DANG MCHOD RTEN GYI PHYIR PHYAG BDAR TZAM MA BYAS PA, NYI MA DE NYID LA RGYANG GRAGS BZHIR MA SONG BA, SRA BRKYANG MA BTING BA LA DER 'DU SHES PAS RANG DGAR MGRON DU BOS PA ZA 'DOD KYIS KUN NAS BSLANG STE ZAS LA LONGS SPYAD PA NA LTUNG BYED DO, ,BSLAB BYA NI, DGOS MED DU KHRO BA DANG, LE LO SOGS KYIS ZAS GCOD PA DANG, KHYIM DU BOS PA'I TSE SNGA TSOMS SU PHYIN PA DANG, RANG GI 'KHOR DANG BCAS TE MGRON DU BOS PA NA RANG GI 'KHOR LA MA BRTAGS PA DANG, GLO BUR DU 'ONGS PA LA DGE 'DUN GYI GNAS BRTAN GYIS MA BRTAGS PA RNAMS LA NYES BYAS SO,, GNYIS PA, 'DUG GNAS GCIG CES PA 'DUG GNAS GCIG TU ZA BA'I LTUNG BYED NI, MU STEGS CAN GYI GNAS MTSAN NYID DANG LDAN PAR MU
, ,STEGS CAN THA SNYAD LNGA LDAN DANG, DE'I SBYIN BDAG RANG DANG NOR MI GCIG CING NYE DU MA YIN PA, CHOS 'DI PA'I SBYIN BDAG MA YIN PA LAS, NAD LA PHAN PA SOGS DGOS PA KHYAD PAR CAN MED CING, RDZU 'PHRUL GYIS MA YIN PAR ZHAG TU MU STEGS CAN DANG LHAN CIG TU ZAS LA LONGS SPYAD PA NA LTUNG BYED DO,, GSUM PA, PHYE DANG ZHES PA LHUNG BZED DO GSUM LAS LHAG PA LEN PA'I LTUNG BYED NI, KHYIM PA CHOS LNGA LDAN, RANG LA ZAS STOB PA PO YIN PA, CI 'DOD STER BA MA YIN PAS, 'DI TZAM KHYER CIG CES TSAD 'DZIN PA MED PA LAS, DUS RUNG GI ZAS BRE PHYED DANG LNGA LAS PHYED YAN CHAD KYIS LHAG PA, SBYIN BDAG DE NYID KYI YIN PA, SHIN TU RNYED SLA BA MA YIN PA LA GONG GI ZAS BLANGS PA'I GNAS DE NYID LAS, 'DU SHES MA 'KHRUL BAS GNAS GZHAN DU ZA 'DOD KYIS NGAG MTSAN NYID LNGA LDAN GYIS BSLANGS TE LONGS SPYAD PA NA LTUNG BYED DO,, GZHI PA, BCA' DANG ZHES PA SPANGS PA ZA BA'I LTUNG BYED NI, DUS RUNG GI BZA' BA DANG BCA' BA GANG RUNG TSAD DANG LDAN PA, DKON ZAS MA YIN PA, MID PA GNYIS PA LA SGREGS PA DANG 'BREL BA'I ZAS MA YIN PA, RANG GIS SPANGS SHING, RANG DANG RANG 'DRA BAS LHAG POR MA BYAS PA, NYIN MTSAN GCIG GI DUS YIN PA, MU GE'I DUS MA YIN PA, DES PHAN PA'I NAD DANG BCAS PA MA YIN PA LA DER 'DU SHES PAS RANG DGAR ZA 'DOD KYIS KUN NAS BSLANG STE ZOS PA NA LTUNG BYED DO, ,DUS RUNG LAS GZHAN PA'I SMAN GSUM DANG, DUS RUNG YIN YANG SOR MO LNGA'I RJES MI MNGON PA'I THUG PA SOGS DUS RUNG GI LTUNG BA THAMS CAD
LA SPANGS ZA'I NYES PA MED DO, ,DUS RUNG GI BCA' BA TZAM SPANGS PAS BZA' BA RNAM PA LNGA SPANGS PAR MI 'GYUR BAS DE DAG SLAR ZA BA LA LHAG POR BYED MI DGOS LA, BZA' BA LNGA LAS GCIG SPANGS NA BZA' BA DANG BCA' BA THAMS CAD SPANGS PAR 'GYUR BAS SLAR ZA NA LHAG POR BYA DGOS TE, BZA' BA NI DUS RUNG GI GTZO BO YIN GYI, BCA' BA MA YIN PA'I PHYIR, ZAS SPANGS PA RDZOGS PA'I DON NI, MU GE'I DUS MA YIN ZHING DKON ZAS MA YIN PA, BYIN LEN BYED PA PO MTSAN NYID DANG LDAN PAS DUS RUNG GI ZAS GANG YANG RUNG BA BSTABS PA NA NYIN MTSAN DE LA ZAS DE LAS MI ZA BAR THAG BCAD NAS TSIG GIS SMRAS PA PHA ROL POS DON GO ZHING RANG GIS ZAS KYI STAN LAS LANGS PA'I TSE SKABS 'DI'I SPANGS PA RDZOGS PA YIN NO, ,LHAG POR BYA BA'I TSUL NI, DGE SLONG CHOS BRGYAD LDAN ZAS KYI GNAS MA BTANG BA LA, ZAS DUS RUNG GI BZA' BA DANG BCA' BA GANG YANG RUNG BA TSAD LDAN, BYIN LEN BYAS SHING DKON ZAS MA YIN PA, RTEN DGE SLONG GI SDOM PA GSO RUNG YAN CHAD DANG LDAN ZHING LUS THA MAL DU GNAS PA, GNAS DBYUNG MA BYAS PA, SNGAR BSHAD PA'I ZAS SPANGS PA RDZOGS PAS NYIN MTSAN DE NYID KYI DUS LA CHO GA NI, RANG GI LAG PA BKRUS TE BYIN LEN BYAS NAS, YUL GYI MDUN DU TZOG PUR 'DUG STE, BTZUN PA DGONGS SU GSOL, BDAG MING 'DI ZHES BGYI BA 'TSAL MA 'TSAL LAGS TE, SPANGS SHING 'TSAL BAR BGYIS PA LAS, BZA' BA DANG BCA' BA RNYED NAS 'TSAL BAR 'TSAL NA, BTZUN PAS LHAG POR BGYIS TE BDAG LA STZAL DU GSOL, ZHES LAN GCIG BRJOD
, ,PA'I RJES SU, YUL ZAS SPANGS PA YIN NA ZA MI DGOS, GZHAN DU NA BLANGS NAS KHAM GNYIS GSUM ZOS PA'I 'OG TU, KHYOD KYI GYUR GYI CI BDER LONGS SPYOD CIG CES SMRAS TE GTAD PAR BYA'O, ,BSLAB BYA NI, SMAN RNAM PA BZHI GANG RUNG GNAS DE NYID DU LONGS SPYAD PA'I PHYIR BYIN LEN BYAS PA LA, NAD PA DANG, MU GE'I DUS MA YIN PAR RANG DGAR LDANG 'DOD KYIS LANGS NA NYES BYAS SO,, LNGA PA, STOB PA DANG ZHES PA SPANGS PA STOB PA'I LTUNG BYED NI, DGE SLONG CHOS BRGYAD LDAN ZAS SPANGS PA RDZOGS PA LA DUS RUNG GI BZA' BA DANG BCA' BA GANG RUNG RANG NGAM, RANG 'DRA BAS LHAG POR MA BYAS PA, DKON ZAS MA YIN PA LA DER 'DU SHES PAS, RANG DGAR ZAS SPANGS PA STOB PAR 'DOD PA'I BSAM PAS, NGAG MTSAN NYID LNGA LDAN GYIS BSTABS PA PHA ROL POS DON GO BA'I TSE LTUNG BYED DO, ,DGE SLONG MYOS 'GYUR 'THUNG DU 'JUG PA DANG, DUS MA YIN PA'I ZAS ZAR 'JUG PA DANG, MDOR NA BCAS RANG GI KHA NA MA THO BA LA DGE SLONG SOGS SBYOR NA NYES BYAS SO,, DRUG PA, 'DUS DANG ZHES PA 'DUS SHING ZA BA'I LTUNG BYED NI, DGE SLONG CHOS BRGYAD LDAN DGE 'DUN DU LONGS PA'I MTSAMS KYI NANG YIN PA, DGE 'DUN GYI GNAS DANG GNAS GCIG MA YIN PAR, DUS RUNG GI ZAS RUNG BA TSAD LDAN YIN PA DANG, 'DUS PA CHEN PO'I ZAS DANG PHYI ROL PA'I ZAS MA YIN PA, PHAN TSUN GANG YANG RUNG BAS LAN TSVA YAN CHAD CUNG ZAD CIG BRIMS PAS ZAS GCIG PA MA YIN PA, LDUM BU SOGS SHIN TU MOD PA MA YIN PA, ZA BA'I GROGS DGE SLONG CHOS BRGYAD LDAN GSUM YAN
CHAD DU LONGS PA LHAN CIG ZA BA, SRA BRKYANG MA BTING ZHING, DES PHAN PA'I NAD CAN MA YIN PA, DKON MCHOG GI PHYIR PHYAG BDAR SOGS LAS BYAS PA MA YIN PA, NYIN DE LA DPAG TSAD PHYED DU SONG BA MA YI PA STE, DE LA DER 'DU SHES PAS RANG DGAR 'DUS SHING ZA 'DOD KYIS KUN NAS BSLANG STE ZOS PA NA LTUNG BYED DO, ,DGE 'DUN DU LONGS PA 'DUS ZA BYED MKHAN YOD MED MA DRIS PAR LONGS SPYOD PA DANG, 'DUS ZA BYED PA DAG GIS MA DRIS PA DANG, 'GRO BAR CHAS PA DANG, GLO BUR BA DANG, NAD PA NAD G-YOG SOGS DGE SKOS LAS GZHAN PA RNAMS KYIS JI SRID DU DGE SLONG SOGS GROGS GZHAN RNAMS KYIS ZA BAR MA BRTZAMS PAR, SNGA ROL TU RANG GI SKAL BA BLANGS TE ZOS PA RNAMS LA NYES BYAS SO,, BDUN PA, DUS MIN ZHES PA DUS MA YIN PAR ZA BA'I LTUNG BYED NI, DUS RUNG GI BZA' BA RNAMS DANG, RGUN 'BRUM SOGS SHING THOG GI RIGS DANG, BU RAM SHING SOGS BCA' BA DANG, ZHO 'O MA SKYO THUG SOGS DUS RUNG GI LDE GU'AM, BTUNG BA RUNG BA TSAD LDAN RANG GNAS PA'I GLING GI NYI MA PHYED YOL NAS, SKYA RENGS DANG PO MA SHAR TSUN DU NAD LA PHAN PHYIR DANG, MID PA GNYIS PA'I SGREGS PA'I ZAS SOGS MA YIN PA DE LA DER 'DU SHES PAS, ZA 'DOD KYIS KUN NAS BSLANG STE MGUL DU MID PA'I TSE KHAM MAM HUB RE LA LTUNG BYED DNGOS GZHI RE RE'O, ,DUS LA DUS SU 'DU SHES PA DANG, DUS MA YIN PA LA DUS SU 'DU SHES PA DANG, DUS LA DUS MA YIN PAR 'DU SHES PAS DUS RUNG GI ZAS LA LONGS SPYOD NA LTUNG BA SKYED MI SKYED CI RIGS PAR YOD DE, 'DI RNAMS
, ,LA 'DU SHES GTZO CHE BA YIN PA'I PHYIR RO,, BRGYAD PA, GSOG 'JOG CES PA LA DNGOS DANG, CHA LA BRTEN PA'I LTUNG BYED GNYIS LAS, DANG PO NI, SMAN RNAM PA BZHI GANG YANG RUNG BA RANG NGAM RANG 'DRA BAS GSOG 'JOG BYAS PA, MU GE'I DUS DANG, DES PHAN PA'I NAD CAN MA YIN PA LA DER 'DU SHES PAS RANG DGAR RANG NGAM, RANG 'DRA BAS GSOG 'JOG TU SONG ZHING MA ZHIG PA, LONGS SPYOD 'DOD KYIS KUN NAS BSLANG STE MGUL DU MID PA NA LTUNG BYED DNGOS GZHI SKYED DO, ,NGO BO MA RDZOGS PA TSVA CHU DANG, 'GYUR BYED KYI CHU DANG, BYAD BZHIN GYI GZUGS BRNYAN MI 'CHAR BA'I RNYOG CHU GSOG 'JOG TU SONG BA LONGS SPYOD PA DANG, PHOR BU DANG, DKAR YOL SOGS LA GOS PA DE BZHIN DU LONGS SPYOD NA NYES BYAS SO, ,DE'I CHA LA BRTEN PA LA BZHI LAS, DANG PO LAG NYAR BLANGS PA NGOS BZUNG BA NI, GANG LA REG PA'I DNGOS PO ZAS SAM SHING THOG SOGS RUNG BA TSAD LDAN RANG NGAM, RANG DANG ZAS KYI CHO GA GCIG PA DBANG BA, CHUD ZA BA'I RKYEN DANG MI LDAN PA, NGO BO RDZOGS PA; GZHI SA LTA BU BRTAN PA DANG MA 'BREL BA, BYIN LEN LEN PAR 'OS PA'I LUS SAM, DES BZUNG BA'I THAG PA SOGS DANG MA 'BREL BA, BYIN LEN MA BYAS PA, SMAN RNAM PA BZHI GANG YANG RUNG BA, DES PHAN PA'I NAD CAN MA YIN PA, MA NOR ZHING MA BRJED PA LA DER 'DU SHES PAS ZA 'DOD KYI BSAM PA LAS GZHAN REG 'DOD KYIS KUN NAS BSLANG STE LUS SAM, DE DANG 'BREL BAS REG PA'I TSE LAG NYAR 'GYUR RO, ,LONGS MI SPYOD PAR NGES PA LA LAG NYA MI 'BYUNG ZHING, BYIN LEN MA BYAS PAR
ZA BA'I BSAM PA TZAM GYIS REG PA LA YANG LAG NYAR MI 'GYUR TE, DE 'GYUR NA BYIN LEN MA BYAS PAR ZA BA'I LTUNG BYED 'BYUNG BA MI SRID PAR 'GYUR BA'I PHYIR TE, BYIN LEN MA BYAS PAR ZA BA NA MA REG PAR ZA BA MI SRID LA, REG NA LAG NYAR 'GYUR BA'I PHYIR DANG, BYIN LEN MA BYAS PAR ZA BA'I LTUNG BYED SKYED PA LA GZHI GZHAN GYI SGO NAS RUNG BA'I ZAS BYIN LEN MA BYAS PAR ZOS PA YAN LAG TU DGOS PA'I PHYIR RO,, GNYIS PA MTSAMS NANG DU BTZOS PA NGOS BZUNG BA NI, ZAS DANG, 'BRU LA SOGS PA ZAS LA NYE BA'I STA GON DU GNAS PA, RJEN PA YIN PA, RUNG BA TSAD LDAN RANG NGAM, RANG DANG ZAS KYI CHO GA GCIG PA DBANG BA, CHUD ZA BA'I RKYEN DANG MI LDAN PA, SMAN RNAM PA BZHI LAS GANG YANG RUNG BA ZHIG ,GNAS RANG NGAM RANG DANG 'DRA BA GNAS SKABS DBANG BA'I RANG BZHIN GYI MTSAMS DNGOS SAM, DE'I NYE 'KHOR GANG RUNG DU KHYIM PA MED CING RUNG KHANG BYIN RLABS CHAGS PA DANG MA 'BREL BA, DES PHAN PA'I NAD CAN MA YIN PA LA DER 'DU SHES PAS RANG NGAM RANG DANG 'DRA BAS LONGS SPYAD PA'I PHYIR BTZO 'DOD KYIS 'TSOD PAR BRTZAMS NAS ME LA SOGS PAS REG PA'I TSE MTSAMS BTZOS SU 'GYUR RO,, GSUM PA DGE SLONG GIS BTZOS PA NI, BTZO BYA'I DNGOS PO DANG RTEN 'DRA BA LA, GNAS RANG MI DBANG BA DANG, RUNG KHANG BLO MTHUN BYAS PA DANG MA BYAS PA'I GNAS GANG RUNG LA DER 'DU SHES PAS RANG NGAM, RANG DANG ZAS KYI CHO GA 'DRA BAS LONGS SPYAD PA'I DON DU BTZO BAR 'DOD PAS KUN NAS BSLANG STE, DGE SLONG RANG NYID DAM, BSKOS PA MTSAN NYID DANG LDAN
, ,PAS ME DNGOS SAM, DE DANG 'BREL BA'I RLANGS PA SOGS KYIS BTZOS PA'I TSE DGE SLONG GIS BTZOS PAR 'GYUR RO,, BZHI PA MTSAMS NANG DU ZHAG LON PA NI, GANG GZHAG PA'I GNAS DANG, GANG GIS 'JOG PA'I RTEN MTSAMS BTZOS BZHIN LA, GZHAG BYA'I DNGOS PO RJEN PA MA YIN PA ZHES PA TZAM MA GTOGS MTSAMS BTZOS DANG 'DRA BA LA, DER 'DU SHES PAS RANG DGAR ZHAG TU 'JOG 'DOD KYIS KUN NAS BSLANG STE 'JOG PAR BRTZAMS NAS, MTSAN MO'I THUN GYI SKAD CIG THA MA 'DAS PA'I TSE ZHAG LON DU 'GYUR RO, ,LAG NYA NAS ZHAG LON GYI BAR BZHI PO DE RNAMS LONGS SPYAD PA'I LTUNG BA NI SMAN RNAM PA BZHI DANG, DE'I STA GON DU GNAS PA GANG YANG RUNG BA LAS YIN LA, RANG NGAM RANG DANG CHO GA 'DRA BAS LAG NYA SOGS BZHIR SONG ZHING, MA RIG PA, MU GE'I DUS MA YIN PA, DES PHAN PA'I NAD CAN MA YIN PA LA DER 'DU SHES PAS ZA 'DOD KYIS MGUL DU MID PA NA NYES BYAS RE 'BYUNG BA YIN NO, ,RJEN PA YIN MIN GYI KHYAD PAR NI, 'BRU SKAM PO DANG, SHA SKAM PO SOGS SUM CHA BANGS PA DANG, SHA RLON PA DANG SHING THOG DANG LO MA SOGS SNYI BA RNAMS KHA DOG 'GYUR BA DANG, LO MA SOGS KYI KHU BA RNAMS LAN GNYIS KHOL BA'I TSE RJEN DANG BRAL BA YIN LA, DE'I SNGA ROL TU RJEN PA'O, ,RANG DANG ZAS KYI CHO GA MI GCIG PA'I DGE SLONG MA DANG, DGE SLONG PHA LAG NYA MTSAMS BTZOS SOGS LA LA SRUNG, LA LA MI SRUNG BA DANG, GTAN MI 'DZEM PA'I BSLAB PA LA G-YEL BA DANG, BSLAB BYIN DGE SLONG SOGS KYIS LAG NYA MTSAMS BTZOS SOGS BYAS PA NI DES GO
MI CHOD CING, BYIN LEN LA YANG DE DANG 'DRA'O,, DGU PA, KHA NAS MID DANG ZHES PA BYIN LEN MA BYAS PAR ZA BA'I LTUNG BYED NI, SMAN RNAM PA BZHI GANG YANG RUNG BA, RUNG BA TSAD LDAN, NGO BO RDZOGS PA, RANG NGAM RANG DANG 'DRA BAS BYIN LEN MA BYAS SHING, DES PHAN PA'I NAD CAN MA YIN PA, SGRA MI SNYAN MA GTOGS PA'I GNAS LA DER 'DU SHES PAS RANG DGAR ZA 'DOD KYIS ZA BAR BRTZAMS NAS LONGS SPYAD PA'I TSE LTUNG BYED DO, ,BYIN LEN BYA BA'I TSUL NI, BYIN LEN STOB PA PO BSLAB PA DANG MTSAN GYI SGO NAS BYIN LEN STOB PAR 'OS PA, BSAM PA THAG PA NAS STOB PA, GYEN DU 'DEGS PAR NUS PA ZHIG DGOS LA, GANG GIS LEN PA'I RTEN NI, BSNYEN RDZOGS KYI SDOM PA GSO RUNG YAN CHAD DANG LDAN PA, LUS THA MAL DU GNAS PA ZHIG DGOS LA, BLANG BYA'I RDZAS SMAN RNAM PA BZHI DNGOS SAM, DE'I STA GON DU GNAS PA, GNAS MDUN DRANG THAD NAS RAGS PA MTSAMS GZHAN SOGS KYIS MA CHOD PA, MTHO BA MIN PA'I PHYOGS NAS BYIN LEN BYAS PA LA, RANG NGAM RANG DANG 'DRA BAS BSAM PA THAG PA NAS LEN 'DOD KYIS LAG PA GNYIS BKAN PAS LUS SAM LUS DANG 'BREL BAS BYIN LEN BYAS PA'I TSE BYIN LEN RNAM DAG GO ,BYIN LEN 'JIG PA'I RGYU NI, PHROGS DANG 'GRIL DANG REG PA DANG, ,BSNGOS DANG DGE SLONG MIN GYUR DANG,, DNGOS PO GYUR DANG SKYE BA GYUR, ,DOR BAS KYANG NI BYIN LEN NYAMS, ,ZHES 'BYUNG BA LTAR RO, ,BYIN LEN PA 'OS PA MED NA DE 'DRA BA'I SA PHYOGS SU DGE SLONG GIS NYIN GCIG ZAN BCAD PAR BYAS NAS BZA' BAR BYA BA YIN LA, DE'I TSUL NI, NYI MA
, ,DANG PO LA RANG GI SPAR BA GANG BZA'O, ,NYI MA GNYIS PA LA DE BZHIN DU SPAR BA DO DANG, NYI MA GSUM PA PHAN CHAD NAS JI TZAM ZA BAR 'DOD PA DE NYID BZA' BAR BYA LA, SHING THOG RUNG BA MA BYAS PA DANG, BYIN LEN MA BYAS PA SOGS KYANG DE BZHIN DU BZA'O, ,BCU PA, BSOD PA NYID CES PA BSOD PA SLONG BA'I LTUNG BYED NI, YUL KHYIM PA CHOS DRUG LDAN LA, BSLANG BYA'I DNGOS PO SMAN RNAM PA BZHI LAS GANG YANG RUNG BA, KHYIM PA DE NYID KYI YIN PA, YUL DUS DER BSOD PA'AM BZANG POR GRAGS PA, DES PHAN PA'I NAD CAN MA YIN PA LA DER 'DU SHES PAS RANG DON DU SLONG 'DOD KYIS NGAG MTSAN NYID LNGA LDAN GYIS BSLANGS TE ZOS PA NA LTUNG BYED DO,, BCU TSAN LNGA PA'I SDOM NI, SROG CHAGS BCAS DANG NYAL SAR 'DUG, 'GRENG DANG GCER BU DMAG DANG NI, ,ZHAG GNYIS BSHAMS DKRUG 'GRO BA DANG, ,RDEG DANG GZAS DANG GNAS NGAN LEN ZHES PA LTAR LAS, DANG PO SROG CHAGS DANG BCAS PA LA SPYOD PA'I LTUNG BYED NI, DUD 'GRO'I SKYE GNAS SU GTOGS PA'I SROG CHAGS YIN PA, MIG LA SNANG DU RUNG BA, RTZVA LA SOGS PA'I GZHI DANG BCAS PA LA DER 'DU SHES PAS RANG DON DU SPYOD 'DOD KYIS RANG NGAM, BSKOS PAS SPYOD PAR BRTZAMS NAS SROG CHAGS SHI BA'I TSE LTUNG BYED DO, ,DE YANG SROG CHAGS LA GNOD PAR SHES BZHIN DU SROG CHAGS DANG BCAS PA'I CHU BKAG PA DANG, ZHING STENG SOGS SU BSGYUR BA DANG, SROG CHAGS DANG BCAS PA'I RTZVA SHING SOGS GCOD DU 'JUG PA DANG, DE 'DRA'I BUD SHING 'BUD DU 'JUG PA DANG, SA RKO BA SOGS LA BRTEN
NAS SROG CHAGS JI SNYED CIG SHI BA NA DE SNYED KYI GRANGS KYI LTUNG BYED 'BYUNG NGO, ,BSLAB BYA NI, CHU TSAGS MED PA DANG, RANG DANG ZHE 'GRAS PA DANG LHAN CIG LJONGS RGYUR PHYIN PA DANG, SROG LA SOGS PA'I BAR CHAD BSRUNG BA'I PHYIR DE 'DRA DANG LHAN CIG 'GRO BA'I TSE 'GRO BA'I GONG DU MTSAMS NANG DU BZOD PA MA GSOL BAR PHYIN PA DANG, RANG LA CHU TSAGS MED PA'I TSE GROGS CHU TSAGS YOD PA LA CHU TSAGS MA G-YAR BA DANG, G-YAR KYANG MA RNYED NA RGYANG GRAGS LNGA LAS LHAG PAR PHYIN PA DANG, CHU LA SROG CHAGS YOD MED MA BRTAGS PA DANG, CHU SROG CHAGS DANG BCAS PA CHU TSAGS LA BTZAGS PA'I 'OG TU CHU TSAGS MA BSHAL BA DANG, MAR ME'I NANG DU SROG CHAGS LHUNG DOGS PA LA 'OD KHANG MA BYAS PA DANG, CHU TSAGS DRI MA CAN MA BKRUS PA DANG, MI RUL BA'I PHYIR MA BSKAMS PA DANG, SROG CHAGS SHIN TU MANG BA'I CHU LA GOS LA SOGS PA BKRUS PA DANG, GOS LA SROG CHAGS DANG BCAS PA DE BZHIN DU BKRUS PA DANG, CHU SNOD KYI STENG DU KHA KHEBS MA BZHAG PA DANG, DGE 'DUN GYI KHRUS CHU'I SNOD SOGS STONG PAR MTHONG BA'I TSE CHU MA BLUG PA RNAMS LA NYES BYAS SO,, GNYIS PA, NYAL SAR 'DUG CES PA NYAL PO BYED PAR BSHAMS PA'I KHYIM NA 'DUG PA'I LTUNG BYED NI, SKYES PA DANG BUD MED MTSAN DON BYED NUS PA, LUS BSTEN RUNG THA MAL DU GNAS PA, THA SNYAD BZHI DANG LDAN PA, RDZU 'PHRUL CAN MA YIN PA 'KHRIG PA LA ZHUGS PA'I PHYOGS YIN PA, GNAS DGE SLONG GI GNAS LAS GZHAN PA, GEGS BYED MED PAS SPRAD DU RUNG BA, GNAS GCIG YIN PA, BAR 'DOM GANG TSUN CHAD
, ,MNGON SUM YIN PA, DE DAG DBANG BA, BAR CHAD KYI RKYEN DANG MI LDAN PA RNAMS LA DER 'DU SHES PAS DGE SLONG GIS 'DUG 'DOD KYIS KUN NAS BSLANG STE 'DUG PAR BRTZAMS NAS PHA ROL POS TSOR ZHING RIG PA NA LTUNG BYED DO,, GSUM PA; 'GRENG DANG ZHES PA KHYIM DE LTA BUR 'GRENG BA'I LTUNG BYED NI, YUL RTEN GNAS GSUM SNGAR BZHIN LA, DER 'DU SHES PAS 'GRENG BAR BRTZAMS TE PHA ROL POS TSOR ZHING RIG PA NA LTUNG BYED DO,, BZHI PA, GCER BU ZHES PA GCER BU PA LA SBYIN PA'I LTUNG BYED NI, MU STEGS CAN THA SNYAD LNGA LDAN LUS THA MAL DU GNAS PA LA CHOS LDAN GYI DGOS PA MED PAR DUS RUNG GI ZAS STER BAR BRTZAMS NAS BYIN PA NA LTUNG BYED DO,, LNGA PA, DMAG DANG ZHES PA DMAG LA LTA BA'I LTUNG BYED NI, YUL KHYIM PA THA SNYAD LNGA LDAN GRANGS BRGYAD YAN CHAD LUS THA MAL DU GNAS SHING, 'THAB PA'AM, DE'I STA GON DU GNAS PA LA, RANG GI GNAS LAS GZHAN DU 'PHAGS TE, RGYAL PO SOGS KYIS BOS PA MA YIN ZHING, BAR CHAD KYI RKYEN DANG MI LDAN PA LA DER 'DU SHES PAS, LTA 'DOD KYIS KUN NAS BSLANG STE BLTAS SHING MTHONG BA'I TSE LTUNG BYED DO,, DRUG PA, ZHAG GNYIS ZHES PA DMAG NANG DU GNAS PA'I LTUNG BYED NI, YUL RTEN SNGAR BZHIN LA, DGOS PA KHYAD PAR CAN DANG MI LDAN PAR DER NYIN MTSAN DU 'DUG 'DOD KYIS KUN NAS BSLANG STE, 'DUG PAR BRTZAMS NAS MTSAN MO 'DAS PA NA LTUNG BA DNGOS GZHI 'BYUNG BA YIN NO,, BDUN PA, BSHAMS DKRUG CES PA 'KHRUG PA NYAMS SU MYONG BA'I LTUNG BYED NI, YUL RTEN DMAG LA LTA BA'I SKABS BZHIN
LA; GNAS DMAG GI GNAS LAS GZHAN PA'AM, DE'I NYE 'KHOR DANG BCAS PA GANG RUNG YIN PA DMAG NANG NA 'DUG PA'I DUS YIN PA LA DER 'DU SHES PAS RANG DGAR DPUNG GI YAN LAG NYAMS SU MYONG BAR BYED 'DOD KYIS REG PA'AM, G-YUL BSHAMS PA DKRUG PA'AM, LTA 'DOD KYIS KUN NAS BSLANG STE BYA BA DE DAG RDZOGS PA'I TSE DNGOS GZHI'O, ,DMAG 'THAB PA'I STA GON MA BYAS PAR DGOS MED DU REG PA DANG, MI DANG, GLANG PO CHE DANG, RTA LA SOGS PA 'THAB TU 'JUG PA DANG, DE RNAMS 'THAB PA LA LTA NA NYES BYAS SO,, BRGYAD PA, RDEG DANG ZHES PA RDEG PA'I LTUNG BYED NI, YUL DGE SLONG CHOS BRGYAD LDAN LA DER 'DU SHES PAS KHROS PA'I SEMS KYIS RDEG 'DOD KYIS LUS DNGOS SAM, DE DANG 'BREL BAS RDEG PAR BRTZAMS TE, RDEG BYED JI SNYED KYIS PHA ROL PO'I LUS LA REG PA NA GRANGS DE SNYED KYI LTUNG BYED DO, ,RDEG BYED KYI DGE SLONG LA PHOG PA DANG, DGE SLONG LAS GZHAN PA'I SEMS CAN DANG, PHYI ROL GYI RDZAS DANG, RANG GI LUS LA KHROS NAS RDEG NA'ANG NYES BYAS SO,, DGU PA, GZAS DANG ZHES PA RDEG PAR GZAS PA'I LTUNG BYED NI, KHROS NAS DGE SLONG CHOS BRGYAD LDAN LA RDEG PAR GZAS PA RDZOGS PA'I TSE ZHES PA MA GTOGS YAN LAG RNAMS SNGA MA BZHIN NO,, BCU PA, GNAS NGAN ZHES PA GNAS NGAN LEN 'CHAB PA'I LTUNG BYED NI, DGE SLONG GI SDOM PA GSO RUNG YAN CHAD DANG LDAN PA'I CHOS BRGYAD LDAN LA PHAM LHAG GANG RUNG GI DNGOS GZHI NGO SHES SAM, YID GNYIS ZA BAS, BSHAGS YUL MTSAN NYID DANG LDAN PA YOD PA LA, DGE SBYONG GI TSUL DANG, SROG
, ,DANG, TSANGS SPYOD KYI BAR CHAD DANG, DGE 'DUN 'KHRUGS SU DOGS PA'I DBANG MA GTOGS PAR 'CHAB 'DOD KYIS 'CHAB PAR BRTZAMS NAS MTSAN MO 'DAS PA NA LTUNG BYED DO, ,RANG GZHAN GYI PHAM LHAG LAS GZHAN PA'I NYES PA RNAMS DGOS MED DU BCABS PA NYES BYAS SO,, BCU TSAN DRUG PA'I SDOM NI, BDE DANG ME DANG 'DUN PA DANG, ,BSNYEN PAR MA RDZOGS CHOS DANG SMRA, ,DGE TSUL KHA DOG BSGYUR BA DANG, ,RIN PO CHE DANG TSA BA'I DUS, ,ZHES GSUNGS PA'I DANG PO, BDE DANG ZHES PA ZAN GCOD DU 'JUG PA'I LTUNG BYED NI, SBYIN BDAG KHYIM PA THA SNYAD LNGA LDAN, LUS THA MAL DU GNAS PA, RANG DANG ZAS GCOD PA'I YUL GNYIS KA LAS NOR THA DAD PA, YUL DGE SLONG CHOS BRGYAD LDAN ZAN BCAD PAS NAD LA PHAN PA MA YIN PA LA SBYIN BDAG DES DUS RUNG GI ZAS BSAM PA THAG PA NAS BSNGOS TE STER BA LA DER 'DU SHES PAS, RANG DGAR DGOS MED DU ZAN GCOD DU 'JUG 'DOD KYIS NGAG MTSAN NYID LNGA LDAN GYIS ZAN GCOD PA'I TSIG SMRAS PA YUL GYIS DON GO BA NA LTUNG BYED DO; ;DUS RUNG LAS GZHAN PA'I SMAN RNAM PA GSUM DE LTAR GCOD DU 'JUG NA NYES BYAS SO,, GNYIS PA, ME DANG ZHES PA ME LA REG PA'I LTUNG BYED NI, REG BYA'I DNGOS PO BUD SHING MTSAN NYID PA LAS BYUNG BA'I ME, ME MA MUR DANG ME LCE GANG YANG MA YIN PA, RTEN DES PHAN PA'I NAD CAN MA YIN PA, CHOS LDAN GYI CHED DU DUS DRAN DANG MA 'BREL BAR DER 'DU SHES PAS RANG DGAR ME LA REG GAM, GZHAN NGAG MTSAN NYID LNGA LDAN GYIS BSKOS PAS REG PAR BRTZAMS NAS REG PA'I TSE LTUNG BYED
DO; ;GZHAN YANG RANG NGAM, GZHAN BSKOS PAS ME SBOR BA DANG, DES REG PA DANG, GSOD PA DANG, BUD SHING ME NANG DU 'DZUD PA DANG, ME DANG BCAS PA'I BUD SHING LA REG PA DANG, ME MDAG SPUNGS PA DANG, 'BRU MAR BYED PA DANG, ME MA MUR DANG, ME LCES BUD SHING SREG PA DANG, DE NAS 'BYIN PA RNAMS LA LTUNG BYED DO, ,ME MA MUR DANG ME TZAM LA REG PA DANG, SKRA DANG RUS PA DANG, MCHIL MA SOGS DANG, TIL SOGS 'BRU DANG, 'BRU MAR DANG, BU RAM DANG, MAR SOGS MER 'JUG PA DANG, PHYIR PHYUNG BA RNAMS DANG, MKHAN PO'I CHED DU REG DGOS PA LA SLOB DPON GYI CHED DU DUS DRAN BYAS TE REG PA SOGS LA NYES BYAS SO, ,DKON MCHOG MCHOD PA SOGS CHOS LDAN GYI PHYIR DUS BYIN GYIS BRLAB PA'I TSUL NI, GANG LA BYA BA'I GZHI SPYIR BKAG KYANG RKYEN LA LTOS TE GNANG BA'I YUL NI, AA MA PA RAN TA DAG TU KHRUS BYED PA LTA BU DANG, DUS NGES PA ZLA BA PHYED PHYED NA KHRUS BYED PA LTA BU DANG, PHYOGS NGES PA NANG RE BZHIN KHA LAG 'KHRU BA LTA BU DANG, DNGOS PO NGES PA RIN PO CHE'I KHRI BRLING BA MA BSDUS PAR 'DOM BZHI BCU ZHE DGU LAS 'DAS PAR PHYIN KYANG NYES PA MED PA LTA BU DANG, GANG ZAG NGES PA DES PHAN PA'I NAD CAN LA ME TOG SOGS GNANG BA LTA BU'I NGES PA LNGA DANG BRAL BA YIN PA, MYOS 'GYUR 'THUNG BA LTA BU LA DUS DRAN BYAR MI RUNG STE, DGAG DGOS LA LTOS TE GNANG BA GTAN MED PA'I PHYIR, SNGAR BSHAD PA'I NGES PA LNGA LA DUS DRAN MI DGOS TE, DUS DRAN NI GNANG MA GNANG GI MTSAMS 'DZIN PA YIN LA, YUL NGES PA SOGS LA DE MI DGOS PA'I
, ,PHYIR, DES NA CHANG DANG MI'I SHA MA GTOGS BCAS RKYANG PHAL CHER LA DGAG DGOS LA LTOS TE GNANG BA YOD PAS DE RNAMS KYI SKABS SU CI RIGS PAR DUS DRAN PAR BYA'O, ,DUS DRAN BYA BA'I RTEN NI RAB BYUNG SDE LNGA GANG RUNG GI SDOM PA GSO RUNG YAN CHAN DANG LDAN PA, SHES PA RANG BZHIN DU DANG, LUS THA MAL DU GNAS PA DANG, RKYEN LA LTOS TE GNANG BA'I RTEN CAN YIN PA'O, ,DUS NAM GYI TSE BYA BA NI, BYA BA DE LA MA ZHUGS SHING 'JUG PAR 'DOD PA'I TSE YIN TE, MI 'JUG NA DON MED LA, ZHUGS ZIN PA LA DUS DRAN BYAS KYANG LTUNG BA MI KHEGS PA'I PHYIR, DE YANG DPER NA, DKON MCHOG MCHOD PA'I PHYIR DBYANGS KYI NGA RO DANG, ME LA REG PA SOGS GNANG SNYAM DU DUS DRAN PAR BYAS TE BYA BA RNAMS LTA BU'O, ,RIN PO CHE LAS BSGRUBS PA'I SKU GZUGS LA SANGS RGYAS DNGOS KYI 'DU SHES KYIS REG PA DANG, BUD MED CHUS KHYER BA NA SROG SKYOB PA'I BSAM PAS DANG, BKRES TE SROG LA BAB PA NA LAG NYAR SONG BA DANG, DUS MA YIN PA'I KHA ZAS SOGS LA SGRA MI SNYAN PA'I 'DU SHES BZHAG STE LONGS SPYOD PA RNAMS LA DUS DRAN 'CHAGS SHING, DE BZHIN DU SBYIN BDAG GI BSOD NAMS SPEL BA'I PHYIR RIN PO CHE'I KHRI LA 'DUG PA DANG, MI RTAG PA'I 'DU SHES KYIS 'DUG PA SOGS LA DUS DRAN 'CHAGS SO, ,DUS DRAN 'JIG PA'I RGYU NI SDOM PA'I ZHING MA YIN PAR GYUR PA DANG, DUS DRAN BYAS PA'I NYIN MTSAN DE NYID 'DAS PA'O,, GSUM PA, 'DUN PA DANG ZHES PA 'DUN PA PHYIR SGYUR BA'I LTUNG BYED NI, YUL DGE 'DUN MTSAN NYID DANG LDAN PA'I CHOS LDAN GYI LAS DGE SLONG GI
CHED DU BYAS SHING, BYAS LA CHAGS PA LA, NGAG SMRA BA'I YUL NI, DGE SLONG CHOS BRGYAD LDAN LAS DE LA GTOGS PA ZHIG LA, DNGOS PO RANG GI YUL LA CHAGS PA'I 'DUN PA YIN PA RNAMS LA DER 'DU SHES PAS RANG DGAR 'DUN PA PHYIR SGYUR BA'I TSIG SMRA 'DOD KYIS NGAG MTSAN NYID LNGA LDAN GYIS SMRAS NAS YUL GYIS DON GO BA'I TSE LTUNG BYED DO, ,DGE SLONG GI CHED DU MA YIN PA'I LAS DANG, LAS LAS GZHAN PA'I CHOS LDAN GYI BYA BA KHYAD PAR CAN LA 'DUN PA PHUL NAS RANG DGAR PHYIR SGYUR BA LA NYES BYAS SO,, BZHI PA, BSNYEN PAR MA RDZOGS ZHES PA NUB LHAG NYAL GYI LHUNG BYED NI, YUL BSNYEN PAR MA RDZOGS PA THA SNYAD LNGA LDAN LUS THA MAL DU GNAS PA LUS BSTEN DU RUNG BA RDZU 'PHRUL CAN MA YIN PA DANG, GNAS DE'I MTSAN NYID KYIS GRUB PA; BAR 'DOM GANG GI NANG YIN PA, LAM PO CHE DANG RTZIG PA DANG THOG GZHAN GYIS BAR MA CHOD CING 'OG KHANG GI SGO DANG 'BREL BA'I RTZIG PA DANG, BAR KHRU PHYED DANG DGUS MA CHOD PAS RTZIG PA DANG DGE SLONG RANG NYID NYAL BA'I GNAS KHANG GI SGO DANG PHYOGS GZHAN NAS BAR MA CHAD PA'I NANG GCIG TU RTEN NAD PA DANG NAD G-YOG LTA BU MA YIN ZHING, DGE SLONG SDIG LTA CAN NYE BAR GNAS PA NA DBYAR SNGA MA'I ZLA BA PHYI MA GNYIS DANG PHYI MA'I SNGA MA GNYIS KYI DUS SU DBYAR GNAS PAR KHAS BLANGS PA'I DGE SLONG DGE TSUL GYI 'KHOR DANG LDAN PA MA YIN PA, LAM GYIS DUB PA SOGS MA YIN PA RNAMS LA DER 'DU SHES PAS BSNYEN PAR MA RDZOGS PA DNGOS SAM DE DANG 'DRA BA GANG YANG RUNG BA DANG LHAN CIG NYAL BA'I SPYOD LAM GYIS GNYID LOG 'DOD KYIS NUB
, ,GSUM DU NUB GZHAN GYIS BAR MA CHOD PAR GNYIS KA SPYOD LAM GCIG PAS GNYID LOG PAR BRTZAMS NAS NUB GSUM PA'I SKYA RENGS SHAR BA'I TSE LTUNG BYED DO, ,'DOM GANG GI PHYI ROL TU GYUR CING KHRU PHYED DANG DGUS BAR DU MA CHOD PAR GNYIS KA NYAL BA'I SPYOD LAM GYIS GNAS PA DANG, GCIG NYAL LA CIG SHOS TZOG PUS GNYID LOG PA LTA BU DANG, GNYIS KA NYAL YANG CIG SHOS KYIS GNYID MA LOG PA DANG, MTSAN MO'I SKAD CIG MA 'DAS PA RNAMS LA NYES BYAS SO, ,GNAS GCIG YIN YANG KHRU PHYED DANG DGUS BAR DU CHOD PA DANG, MA CHOD KYANG SPYOD LAM MI GCIG PAS GSUM PA'I MTHA' 'DAS PA LA LTUNG BA MED LA, MI MA YIN DANG DUD 'GRO SOGS DANG LHAN CIG NUB GSUM 'DAS PAR NYAL BA LA NYES BYAS DANG, BSNYEN PAR MA RDZOGS PA DANG LHAN CIG NYIN GSUM DU GNYID LOG PA DANG, BUD MED DANG LHAN CIG NYI MA GCIG NYAL BA LA YANG NYES BYAS SO, ,BSLAB BYA NI, NYI MA DANG ZLA BA'I SNANG BA MA GTOGS PA MAR ME DANG RIN PO CHE LA SOGS PA'I SNANG BA DANG BCAS PA'I GNAS SU CHOS LDAN GYI DGOS PA MED PAR NYAL BA LA NYES BYAS SO,, LNGA PA, CHOS DANG ZHES PA SDIG LTA MI GTONG BA'I LTUNG BYED NI, MYOS 'GYUR 'THUNGS PAS MNGON MTHO NGES LEGS LA BAR DU MI GCOD PAR LTA BA SOGS CHOS MA YIN PA LA CHOS SU SMRA 'DOD KYIS GO BYA'I YUL MTSAN NYID DANG LDAN PA LA DER 'DU SHES PAS SDIG LTA MI GTONG BA'I TSIG SMRA BA LA DGE 'DUN GYIS CHOS LDAN GYI LAS KYIS BZLOG KYANG MI GTONG BAR 'DOD PAS TSIG SMRA BAR BRTZAMS NAS BRJOD PA GSUM PA'I MTHA' LA MA BTANG
BA'I TSE LTUNG BYED DO,, DRUG PA, SMRA BA ZHES PA SMRA BA SPANGS PA'I RJES SU PHYOGS PA'I LTUNG BYED NI, GANG GI RJES SU PHYOGS PA'I YUL DGE SLONG LTA BA MTHUN PA MA GTOGS CHOS BRGYAD KYI LHAG MA BDUN DANG LDAN PA DANG, GNAS DBYUNG NAN TUR BYAS SHING BZOD PAR MA GSOL BA, NAD PA MA YIN ZHING 'DUL BA LA LTOS PA MA YIN PA STE CHOS BCU GCIG DANG LDAN PA DANG, GNAS SPYOD LAM BZHI SHOM YAN CHAD DU CHOS LDAN GYI DGOS PA KHYAD PAR CAN MED PAR LHAN CIG TU NYAL BA DANG, CHOS DANG ZANG ZING GI LONGS SPYOD LA LHAN CIG TU LONGS SPYAD NAS MTSAN MO 'DAS PA'I SKYA RENGS SHAR BA NA LTUNG BYED DO,, BDUN PA, DGE TSUL ZHES PA BSNYIL BA SDUD PA'I LTUNG BYED NI, YUL DGE TSUL GYI SDOM LDAN MTSAN MTHUN ZHING THA SNYAD GSUM DANG LDAN PA, LUS THA MAL DU GNAS PA, BSNYIL BA DANG 'BREL BA DANG, NAD PA MA YIN ZHING THABS DES 'DUL BA MA YIN PA, BZOD PA GSOL MA ZIN PA RNAMS LA DER 'DU SHES PAS SNGA MA BZHIN DU NYAL BA'AM, CHOS DANG ZANG ZING GI LONGS SPYOD LA LHAN CIG TU LONGS SPYOD PAS MTSAN 'DAS PAS LTUNG BYED DU 'GYUR RO,, BRGYAD PA, KHA DOG BSGYUR BA ZHES PA KHA MA BSGYUR BA'I GOS GYON PA'I LTUNG BYED NI, RANG GI GOS KHA DOG DKAR PO RUNG BA TSAD DANG LDAN PA, RANG DGAR KHA MA BSGYUR BAR GOS DKAR PO LA LONGS SPYOD CING GYON PA NA LTUNG BYED DO, ,BSLAB BYA NI TSON CAN BRGYAD PO GANG YANG RUNG BA DNGOS SAM DE DANG 'DRA BAS KHA BSGYUR BA'I GOS LA LONGS SPYAD PA DANG, CHU TSAGS KHA BSGYUR BA DANG, GOS DKAR PO MA BGOS NA SROG GI BAR CHAD DU
, ,'GYUR BA'I TSE GOS NGUR SMRIG GIS PHYI MA G-YOGS PA DANG, DKAR PO LAS GZHAN PA'I GOS TSON GYIS KHA MA BSGYUR BAR LONGS SPYOD PA SOGS LA NYES BYAS SO, ,TSON CHEN BRGYAD NI SUM BRGYA PA LAS, MTSAL DANG DE BZHIN RGYA SKYEGS BTZOD RNAMS DANG, ,GUR KUM DAG DANG MTHING SHING LI KHRI DANG, ,RMA SHING LE BRGAN RTZI RNAMS MI RUNG STE, ,BRGYAD PO TSON CHEN YIN PAS BKAG PHYIR RO, ,ZHES GSUNGS PA LTA RO, ,DE DAG RNYED DKA' BAS DE LTAR BSHAD KYANG BOD 'DIR NI BTZOD LTA BU RNYED SLA BAR SNANG BAS DES KHA BSGYUR NAS LONGS SPYAD PA LA NYES PA MED PAR SEMS SO,, DGU PA, RIN PO CHE DANG ZHES PA LONGS PA BZHIR GTOGS KYI LTUNG BYED NI, RANG MI DBANG BA'I GSER DNGUL G-YU SOGS RGYAN DU RUNG BA'I RIN PO CHE'AM, MTSON CHA DANG ROL MOR SPYAD PA SOGS RIN PO CHER SMOS PA, RANG GZHAN GANG RUNG DBANG BA, DGOS PA SGRUB NUS PA, CHUD ZA BA'I RKYEN CAN MA YIN PA, SBYIN BDAG GIS BSOD NAMS KYI PHYIR BSTABS PA MA YIN PA, MI MA YIN GYI GNAS SU DE DAG GI BSOD NAMS LAS GRUB PA MA YIN PA, REG TU RUNG BA NA GNAS PA LA DKON MCHOG MCHOD PA DANG CHOS NYAN DU GZHUG PA SOGS CHOS LDAN GYI PHYIR MA YIN PA RNAMS LA DER 'DU SHES PAS REG TU 'JUG 'DOD KYIS RANG NGAM, GZHAN THA SNYAD LNGA LDAN NGAG MTSAN NYID LNGA LDAN GYIS BSKOS TE REG TU BCUG NAS REG PA'I TSE LTUNG BYED DO, ,GSER DNGUL DANG MU TIG SOGS LAS BYAS PA'I DO SHAL DANG MGUL RGYAN SOGS RGYAN DNGOS SU MA GRUB PA DANG, DUNG DANG RNGA BO CHE SOGS SGRA MI 'BYIN PA DANG, PI
WANG SOGS RGYUD MED PA DANG, GZHU RGYUD MED PA DANG, MDA' MDE'U MED PA DANG, RAL GRI SOGS G-YUL GYI MTSON CHAR MI RUNG BA DANG, DE BZHIN GSHEGS PA'I GDUNG MED PA'I SKU GZUGS RIN PO CHE LAS BYAS PA DANG, GDUNG DANG BCAS PA RIN PO CHE LAS MA BYAS PA'I SKU GZUGS DANG, DE BZHIN GSHEGS PA'I RING BSREL GYI SNYING PO CAN GYI BYANG SEMS DANG NYAN RANG GI SKU GZUGS DANG, LHA'I RIN PO CHE LAS BYAS PA DANG, SA LAS BYAS PA'I NOR BU'I GZUGS SOGS DANG, GSER CHUS BYUGS PA'I SNOD SPYAD DANG, GSER GYI STEGS BU DANG, RIN PO CHE LAS BYAS PA'I SNOD SPYAD SOGS LA DGOS PA KHYAD PAR CAN MED PAR REG PA'AM REG TU BCUG NA NYES BYAS SO, ,DE BZHIN DU MCHOD PA'I DON LAS GZHAN DU RIN PO CHE LAS BYAS PA'I SKU GZUGS DANG, MCHOD RDZAS SOGS LA REG NA NYES BYAS SKYED CING, MCHOD PA'I DON DU NI STON PA'I 'DU SHES BZHAG NAS RIN PO CHE LAS BYAS PA'I SKU GZUGS SOGS LA REG PA LA NYES PA MED DO, ,BSLAB BYA LA RGYAGS PA DANG 'BREL BA NI, RNA RGYAN DANG, SOR GDUB DANG, SKUD RIS CAN DANG TSON RIS CAN LA SOGS PA'I RGYAN LUS LA BTAGS PA DANG, MI DGOS BZHIN DU RTA LA SOGS PA'I BZHON PA LA BRTEN PA DANG, GSER DANG DAR LA SOGS PAS BRGYAN PA'I BZHON PA LA BZHON PA DANG, SBYIN BDAG GI BSOD NAMS SPEL BA DANG CHOS 'CHAD PA'I PHYIR RIN PO CHE'I KHRI LA SOGS PA LA 'DUG PA NA MI RTAG PA'I 'DU SHES MA BZHAG PA DANG, SO MANG DANG PHAG ZE SOGS KYIS SKRA BSHAD PA DANG, RIN PO CHE'I RGYAN LA SOGS PA BCANGS PA
, ,DANG, DGOS MED DU CHU DANG ME LONGS SOGS LA BZHIN GYI GZUGS BRNYAN LTA BA DANG, DPRAL BAR SA DKAR DMAR GYI RI MO GSUM LA SOGS PA BYAS PA DANG, GUR KUM SOGS DRIS LUS LA BSKU BA DANG, CHOS LDAN GYI DGOS PA MED PAR SE RAL KHA DANG SNGAGS SKUD SOGS THOGS PA LA NYES BYAS SO, ,RGOD BAG DANG 'BREL BA'I BSLAB BYA NI, GLU GAR ROL MO PHEG RDOB PA SOGS DGOS MED DU BYAS PA DANG, BRO GAR SOGS BSLABS PA DANG, GZHAN DAG BYED PA'I LAD MO DGOS MED DU SPYAD PA DANG, DE DAG LA LTA BA DANG, GLU GAR SOGS LA BLTA BA'I PHYIR BYA DGA' BYIN PA DANG, STON PA'I BSTOD PA SOGS LA DBYANGS KYI NGA RO SLOB PA'I TSE DBEN PAR MA BSLABS PA DANG, GZHAN LA MTHO 'TSAM PAS CO 'DRI BA DANG, BAG MED DU MCHONG RGYUG DANG CA CO'I SGRA DANG, LUS SGYUR BA SOGS DANG, GLANG PO CHE DANG RTA DANG KHU BYUG SOGS KYI SKAD 'DON PA DANG, ME TOG GI RNA RGYAN 'DOGS PA SOGS LA NYES BYAS SO,, BCU PA, TSA BA'I DUS ZHES PA KHRUS BYED PA'I LTUNG BYED NI, GANG GI KHRUS BYA BA'I DNGOS PO 'JIG RTEN LA GRAGS PA'I CHU YIN PA, LTE BAR SLEB PA'I TSAD DANG LDAN PA, DUS DBYAR ZLA RA BA'I TSES GCIG NAS 'BRING PO'I TSES BCO LNGA'I BAR SO GA'I ZLA BA LHAG MA PHYED DANG GNYIS DANG, SHIN TU TSA BA'I YUL MA YIN PAR DKON MCHOG GI PHYIR PHYAG BDAR SOGS BYAS PA'AM, DES NAD LA PHAN PA MA YIN PA, NYI MA DE NYID LA DPAG TSAD PHYED KYI LAM DU SONG BA'AM, SKRA BREGS PA DANG, SGOG PA'I SMAN BSTEN PA'I RJES SU KHRUS BYED PA SOGS MA YIN PA RNAMS LA DER 'DU
SHES PAS KHRUS BYED 'DOD KYIS BYED PAR BRTZAMS NAS LUS KYI PHYED BKRUS ZIN PA'I TSE LTUNG BYED DNGOS GZHI'O, ,CHU MA YIN PA 'O MA SOGS KYIS BKRUS PA DANG, DUS MA YIN PAR LUS KYI PHYED DU MA LONGS PA LA KHRUS BYAS PA LA NYES BYAS SO, ,CHANG SOGS MA GTOGS PA'I BCAS RKYANG GNANG BA YOD PA RNAMS LA DUS DRAN BYA DGOS PA MA BYAS PA DANG, YUL MTHA' 'KHOB TU BSNYEN RDZOGS BYED PA LA BCU TSOGS YOD BZHIN DU LNGA TSOGS KYIS BYED PA LTA BU SPYIR BTANG GI CHO GA TZAM PO LA BRTEN PAS CHOG BZHIN DU DMIGS BSAL LA BRTEN PA DANG, BCAS RKYANG DANG RANG BZHIN GYI KHA NA MA THO BA NANG 'DOM PA NA BCAS RKYANG SRUNG BA DANG, DE BZHIN DU BCAS RKYANG NANG TSAN GYI DGAG BYA CHE ZHING DGOS PA CHUNG BA LA 'JUG PA DANG, ME DANG 'BRU LA SOGS PA LA BSNYEN PAR MA RDZOGS PA'I REG MKHAN YOD BZHIN DU RANG GIS REG PA SOGS LA NYES BYAS SO,, BCU TSAN BDUN PA'I SDOM NI, DUD 'GRO 'GYOD PA SOR MO DANG, ,RTZE DANG LHAN CIG SNGANGS BYED DANG, ,SBED DANG GDENG MED GZHI MED DANG,, SKYES PA MED PAR LAM 'GRO BA'O, ,ZHES GSUNGS PA'I DANG PO DUD 'GRO GSOD PA'I LTUNG BYED NI, DUD 'GRO'I SKYE GNAS SU GTOGS PA'I SROG CHAGS LA DER 'DU SHES PA'AM THE TSOM ZA BA LA GSOD 'DOD KYIS KUN NAS BSLANG STE RANG NGAM GZHAN BSKOS PAS SBYOR BA SNGAGS MTSON SOGS JI LTA BUS KYANG RUNG STE GSAD PAR BRTZAMS NAS RANG GI SNGA ROL TU SHI BA'I TSE DUD 'GRO'I GRANGS JI SNYED KYI LTUNG BYED DO, ,BSLAB BYA NI, GNOD SEMS MED PAR DUD 'GRO'I YAN LAG NYING LAG GCOD PA DANG, THAG
, ,PAS 'CHING BA DANG, SGO GLEGS KYIS 'TSIR BA DANG, LAM DU 'GRO MI NUS PA LAM DU 'KHRID PA DANG, LAM DU 'GRO BA RANG DGAR 'PHUL BA DANG, KHUR GYIS NGAL BA'I KHUR 'BOGS GROGS MA BYAS PA DANG, RKUN PO SOGS LA DMIGS PA'I RDO SOGS DUD 'GRO LA PHOG PAR 'PHEN PA DANG, RDZAS KYI PHYIR DUD 'GRO 'TSONG BAR 'DOD PA DANG, DUD 'GRO'I GZUGS RANG DGAR BSHIG PA SOGS LA NYES BYAS SO,, GNYIS PA, 'GYOD DANG ZHES PA 'GYOD PA SKYED PA'I LTUNG BYED NI, YUL DGE SLONG CHOS BRGYAD LDAN LA DGE SLONG MA YIN PA'I DON LA DER 'DU SHES PAS BZHAD GAD YAN CHAD KYIS 'GYOD PA SKYED 'DOD KYIS KUN NAS BSLANG STE, KHYOD LA DANG PO NAS BSNYEN RDZOGS KYI SDOM PA MA SKYES SO ZHES PA'AM NYAMS SO ZHES 'GYOD PA SKYED PA'I TSIG NGAG MTSAN NYID LNGA LDAN GYIS SMRAS NAS YUL GYIS DON GO BA'I TSE LTUNG BYED DO, ,DGE SLONG LA TSIG DE LTA BU LAS GZHAN LHAG MA SOGS KYI SGO NAS 'GYOD PA BSKYED PA DAG DGE SLONG LAS GZHAN MI NAS DUD 'GRO'I BAR GANG LA YANG NYES PA LAS BZLOG PA SOGS KYI PHYIR MA YIN PAR 'GYOD PA BSKYED NA NYES BYAS SAM NYES BYAS PHRA MO CI RIGS SU 'GYUR RO,, GSUM PA, SOR MO DANG ZHES PA GA GA TSIL BYED PA'I LTUNG BYED NI, YUL DGE SLONG CHOS BRGYAD LDAN LUS DNGOS MA NYAMS PA'I PHAM PA SKYED PA'I RMA'I SGO DANG ZAG BYED LAS GZHAN PAR DGE SLONG GI DER 'DU SHES PAS SKYI G-YA' BAR BYED 'DOD KYIS KUN NAS BSLANG STE REG PAR BRTZAMS NAS REG PA'I TSE LTUNG BYED DO,, BZHI PA, RTZE DANG ZHES PA CHU LA RTZE BA'I LTUNG BYED NI, LTE BA'I BAR DU
NUB PA'I CHU MTSAN NYID PA LA CHOS LDAN GYI DGOS PA GZHAN MED PAR RTZE 'DOD KYIS KUN NAS BSLANG STE RANG NGAM GZHAN THA SNYAD LNGA LDAN NGAG MTSAN NYID LNGA LDAN GYIS DNGOS SU BSKOS PAS RTZED MO BYAS PA NA LTUNG BYED DO,, LNGA PA, LHAN CIG CES PA BUD MED DANG LHAN CIG NYAL BA'I LTUNG BYED NI, YUL BUD MED MTSAN NYID PA NYE DU MA YIN PA DANG SRUNG MA DANG MI LDAN PAR SPYOD LAM BZHI SHONG YAN CHAD KYI GNAS MTSAN NYID PA, GNAS GCIG YIN PA, BAR 'DOM GANG TSUN CHAD DU DGE SLONG RANG NYID KHRIMS GROGS DANG MI LDAN PA DUS MTSAN MO YIN PA RNAMS LA DER 'DU SHES PAS GNYIS KA NYAL BA'I SPYOD LAM GYIS GNYID LOG PAR BRTZAMS NAS MTSAN MO 'DAS PA'I SKYA RENGS SHAR BA'I TSE LTUNG BYED DO, ,GNAS GCIG GI NANG YIN YANG 'DOM DGUS BAR DU CHOD NA NYES PA MED LA, 'DOM GANG LAS RING ZHING DGUR MA LONGS PA TSUN DU NYAL BA DANG, DUD 'GRO MO SOGS DANG LHAN CIG NYAL BA LA NYES BYAS SO,, DRUG PA, SNGANGS BYED CES PA SNGANGS PAR BYED PA'I LTUNG BYED NI, DGE SLONG CHOS BRGYAD LDAN LA SNGANGS PAR BYED 'DOD KYIS BZHAD GAD YAN CHAD KYIS 'JIGS PA'I RGYU NYE BAR SGRUB 'DOD KYIS KUN NAS BSLANG STE, RANG NGAM GZHAN THA SNYAD GSUM LDAN NGAG MTSAN NYID LNGA LDAN GYIS DNGOS SU BSKOS PA GANG RUNG GIS BSDIGS TE SNGANGS PAR BYAS PAS YUL GYIS DON GO BA'I TSE LTUNG BYED DO,, BDUN PA, SBED DANG ZHES PA SBED PA'I LTUNG BYED NI, YUL RAB BYUNG SDE LNGA GANG YANG RUNG BA'I SDOM PA RNAM DAG DANG LDAN PA, LTA BA MTHUN PA, THA SNYAD GSUM LDAN, RANG LAS RGYUD THA
, ,DAD PA, SBA BAR BYA BA'I DNGOS PO LHUNG BZED CHOS GOS SOGS 'TSO BA'I YO BYAD GANG YANG RUNG BA, RUNG BA TSAD LDAN, DGE SLONG DE NYID DBANG BA, CHUD ZA BA'I RKYEN DANG MI LDAN PA RNAMS LA DER 'DU SHES PAS PHAN 'DOD DANG BRKU SEMS DANG YID GCUGS LAS GZHAN PA'I SEMS KYIS SBED PAR 'DOD PAS KUN NAS BSLANG STE SNGAR BZHIN RANG NGAM GZHAN NGAG MTSAN NYID LNGA LDAN GYIS BSKOS PAS SBED PAR BRTZAMS NAS SBAS PA'I TSE LTUNG BYED DO,, BRGYAD PA, GDENG MED CES PA GDENG MED PAR LONGS SPYOD PA'I LTUNG BYED NI, DGE SLONG RANG NYID LAS NOR THA DAD PA'I DGE SLONG CHOS BRGYAD LDAN GYIS SNGAR RANG GIS BYIN CING DE NYID DBANG BA'I GOS LONGS SPYAD CHOG PA'I GNANG BA MA THOB PA RNAMS LA DER 'DU SHES PAS BRKU SEMS DANG YID GCUGS LAS GZHAN PAS LONGS SPYOD 'DOD KYIS LONGS SPYAD PAR BRTZAMS NAS LONGS SPYAD PA'I TSE LTUNG BYED DO, ,GOS LAS GZHAN PA'I YO BYAD DANG, SNGAR BSHAD PA'I DGE SLONG LAS GZHAN PA DGE SLONG NAS DUD 'GRO'I BAR LA GOS LA SOGS PA RANG GIS GTAN DU'AM RE ZHIG BYIN NAS GNANG BA MA THOB PAR LONGS SPYAD PA LA NYES BYAS PHRA RAGS CI RIGS SU 'GYUR RO,, DGU PA, GZHI MED CES PA SKUR PA 'DEBS PA'I LTUNG BYED NI, SKUR BA GDAB PA'I YUL DANG GANG LA NGAG SMRA BA'I YUL SKUR 'DEBS KYI LHAG MA'I SKABS BZHIN LA, SKUR BA GDAB PA'I DNGOS PO DGE 'DUN LHAG MA'I DNGOS GZHI YIN PA, RANG GIS MTHONG THOS DOGS GSUM GYI GZHI MED PA RNAMS LA DER 'DU SHES PAS 'DU SHES BSGYUR TE LHAG MA'I DNGOS GZHIS SKUR
BA 'DEBS 'DOD KYIS KUN NAS BSLANG STE, BYED PA PO DANG BYA BA SBYAR MA SBYAR GANG YANG RUNG BA'I SGO NAS SKUR BA 'DEBS PAR BRTZAMS TE YUL GYIS DON GO BA'I TSE LTUNG BYED DO,, BCU PA, SKYES PA MED PAR LAM 'GRO BA'O, ,ZHES PA BUD MED DANG LHAN CIG TU LAM DU 'GRO BA'I LTUNG BYED NI, YUL BUD MED MTSAN DON BYED NUS PA DANG LDAN PA, LUS RTEN RUNG THA MAL DU GNAS PA, RDZU 'PHRUL CAN MA YIN PA, NYE DU MA YIN PA, BDAG NYID LA NAD SEL BA SOGS PHAN 'DOGS PA MA YIN PA DANG, NYIN MTSAN GANG RUNG ZHIG LA RGYANG GRAGS GCIG TSUN GYI LAM DU KHRIMS GROGS MED PA LA DER 'DU SHES PAS DE 'DRA'I KHYIM PA MO DANG LHAN CIG 'GRO 'DOD KYIS LAM DU ZHUGS NAS RGYANG GRAGS GCIG 'DAS PA NA LTUNG BYED DANG, RGYANG GRAGS DU MA 'DAS NA DE'I GRANGS SNYED KYI LTUNG BYED DO,, BCU TSAN BRGYAD PA'I SDOM NI, RKU DANG NYI SHU MA LON DANG, ,RKO DANG MGRON DANG BSLAB PA DANG, ,'THAB DANG MI SMRA 'GRO BA DANG, ,MA GUS CHANG 'THUNG DUS MIN PA'O, ,ZHES PA'I RKU DANG ZHES PA RKUN MA DANG LHAN CIG LAM DU 'GRO BA'I LTUNG BYED NI, YUL CHOM RKUN MTSAN NYID PA, RTEN KHYIM PA THA SNYAD LNGA LDAN, LUS THA MAL DU GNAS PA, SKYES PA'I MTSAN DANG LDAN PA, CHOM RKUN GYI BYA BA MA SPANGS PA, NGO MA SPOS PA'AM, RANG GI NAD LA PHAN PAR BYED PA SOGS MA YIN PA RNAMS LA DER 'DU SHES PAS LHAN CIG LAM LA 'GRO 'DOD KYIS KUN NAS BSLANG STE RGYANG GRAGS GCIG 'DAS PA'I TSE LTUNG BYED DANG, RGYANG GRAGS DU MA 'DAS PA NA DE'I GRANGS KYI LTUNG BYED 'BYUNG ZHING, RKUN MA RAB BYUNG DANG, BUD MED
, ,G-YO SGYU'I THA SNYAD BYED PA'I ZOL PA DANG, RKU THABS SU RAB TU BYUNG BA RNAMS DANG LHAN CIG DGOS MED DU LAM DU 'GRO BA LA RGYANG GRAGS RE RER NYES BYAS SO,, GNYIS PA, NYI SHU MA LON ZHES PA LO NYI SHU MA LON PA LA BSNYEN RDZOGS BYED PA'I LTUNG BYED NI, YUL SNGAR BSNYEN PAR MA RDZOGS PA THA SNYAD LNGA LDAN LUS THA MAL DU GNAS PA MTSAN MTHUN BSAM PA THAG PA NAS BSNYEN PAR RDZOGS PAR 'DOD PA, SKYE BA'I BAR CHAD DANG MI LDAN PA, GROGS SLOB DPON DANG DGE 'DUN MTSAN NYID DANG LDAN ZHING GRANGS TSANG BA, CHOS LDAN GYI GSOL BZHI'I LAS KYIS BSNYEN PAR RDZOGS PA'I MKHAN PO BYED PA, BSGRUB BYA DES LO NYI SHU MA LON PA LA DER 'DU SHES PA'AM THE TSOM ZA BAS MKHAN PO BYED 'DOD KYIS KUN NAS BSLANG STE BYED PAR BRTZAMS NAS BYAS PA NA BRJOD PA GSUM PA'I MTHAR MKHAN PO LA LTUNG BYED DANG SLOB DPON DGE 'DUN DANG BCAS PA LA NYES BYAS SO, ,MNGA' BSHOL DANG BCAS TE LO NYI SHU LON PAR BSGRUB BYA RANG NYID KYIS 'DU SHES NAS BSNYEN PAR RDZOGS SHING BSNYEN PAR RDZOGS PA'I 'OG TU LO NYI SHU MA LON PAR SHES NA SNGAR GYI BSNYEN RDZOGS KYI SDOM PA GTONG LA, LO NYI SHU LON NAS DE LTAR 'DU SHES KYANG MI GTONG NGO,, GSUM PA, RKO DANG ZHES PA SA RKO BA'I LTUNG BYED NI, SRA ZHING 'THAS PA 'JIG RTEN NA SA'I THA SNYAD DU GRAGS PA 'OG GZHI DANG 'BREL BA LA DGE SLONG RANG NYID LAG GI BLA BYED PA SOGS GNANG BA'I RKYEN DANG MI LDAN PA LA DER 'DU SHES PAS RKO 'DOD KYIS KUN NAS BSLANG STE RANG NGAM GZHAN THA SNYAD LNGA LDAN NGAG MTSAN NYID LNGA LDAN GYIS BSKOS TE RKO BAR
BRTZAMS NAS SPAR BA GANG GI TSAD YAN CHAD BRKOS PA NA LTUNG BYED DO, ,CHOS LDAN GYI DGOS PA KHYAD PAR CAN GYI PHYIR DGE TSUL LTA BU RKOR 'JUG PA LA NYES PA MED CING, GZHIG PA'I BLO MED PAR 'CHAG PA SOGS KYI RKYEN GYIS ZHIG KYANG NYES PA MED DO,, BZHI PA MGRON ZHES PA MGRON GNYER RING 'DUG GI LTUNG BYED NI, SBYIN BDAG KHYIM PA CHOS LNGA LDAN MGRON DU 'BOD PA PO YIN PA, RTAG TU 'BOD PA SOGS MA YIN PA LA DUS RUNG GI ZAS TSAD LDAN SBYIN BDAG DE NYID KYI YIN PA, SNGAR BSHAMS PA'I 'PHRO CAN LDUM BU SOGS SHIN TU MOD PA MA YIN PA, DUS RUNG MGRON DU GNYER BA'I DUS RDZOGS PA'I RJES SU NANG LA PHAN PA SOGS KYI RKYEN DANG MI LDAN PA RNAMS LA DER 'DU SHES PAS RANG DGAR MGRON DU GNYER BA LAS RING DU 'DUG STE ZA 'DOD KYIS ZA BAR BRTZAMS NAS MGUL DU MID PA'I TSE LTUNG BYED DO, ,SNGAR MA BSHAMS PA'I ZAS BSOD PA BSLANGS TE ZOS PA LA BSOD PA SLONG BA'I LTUNG BYED DANG, DUS MA YIN PAR RUNG BA'I SMAN LA MGRON DU GNYER BA LAS RING DU 'DUG NAS LONGS SPYAD PA LA NYES BYAS SO, ,BSLAB BYA NI, GZHAN GYIS BSTABS KYANG DA DUNG SLONG BA DANG, MGRON DU BOS PA NA GUNG TSIGS SOGS YOL BAR DOGS PA'I TSE MA YOL BAR BRIMS SHIG CES MA BSGOS PA DANG, LAS BRGYA RTZA GCIG GI CHO GA DANG, GOS BYIN RLABS SOGS KYI CHO GA JI SKAD GSUNGS PA LAS GZHAN DU BSGYUR BA LA NYES BYAS SO,, LNGA PA, BSLAB PA DANG ZHES PA BSLAB PA LA NYE BAR 'JOG PA SPONG BA'I LTUNG BYED NI, YUL DGE SLONG CHOS BRGYAD LDAN RANG GI BSLAB PA LAS BRTZAMS TE TSUL BZHIN
, ,BSGO BA 'DUL BA SHES PAS DNGOS PO 'DUL BAR GTOGS PA'I BSLAB PA YIN PA LA DER 'DU SHES PAS 'DU SHES BSGYUR TE MI SLOB PA'I TSIG SMRA 'DOD KYIS KUN NAS BSLANG STE TSIG KHYOD KYIS MI SHES PAS 'DUL BA SHES PA LA MA DRIS PAR 'DI LA MI SLOB BO ZHES PA LTA BU GANG ZAG LA MI SHES PA DANG BSLAB PA LA MI SLOB PA'I TSIG NGAG MTSAN NYID LNGA LDAN GYIS SMRAS TE PHA ROL POS DON GO BA NA LTUNG BYED DO, ,MDO SDE LAS GSUNGS PA'I BSLAB PA LA 'JOG PA SPONG BA DANG, GANG ZAG GZHAN BSLAB PA LA 'JOG PA SPONG NA NYES BYAS SO, ,'DI'I BSLAB BYA NI, DGE SLONG KUN SHES PAR 'DOD PAS KYANG BSLAB PA DE LA BSLAB PAR BYA'O, ,MDO SDE 'DZIN PA DANG, 'DUL BA 'DZIN PA DANG, MA MO 'DZIN PA RNAMS LA YANG DRI BAR BYA'O ZHES SO,, DRUG PA, 'THAB DANG ZHES PA NYAN RNA BYED PA'I LTUNG BYED NI, YUL DGE SLONG CHOS BRGYAD LAS LTA BA MTHUN PA MA GTOGS PA'I CHOS BDUN DANG LDAN PA, RANG GI RTZOD ZLAR GYUR PA GNYIS YAN CHAD GROS BYED PA LA MNYAN BYA RTZOD PA BZHI LAS GANG YANG RUNG BA, GNAS DBEN PA SKYABS YOD YIN PA RNAMS LA DER 'DU SHES PAS RTZOD PA'I PHYIR NYAN 'DOD KYIS KUN NAS BSLANG STE RNA BA GTAD NAS NYAN PAS DON GO BA'I TSE LTUNG BYED DO, ,BSLAB BYA NI, GZHAN GYI 'THAB MO SPEL BA DANG, 'THAB PA LA NYAN PA DANG, 'THAB PA'I SAR 'DUG PA DANG, RTZOD PA NYE BAR ZHI BAR BYED PA'I MTHU YOD BZHIN DU MA BYAS NA NYES BYAS SO, ,RTZOD PA ZHI BA'I PHYIR NYAN RNA BYAS PA LA NYES PA MED DO,, BDUN PA, MI SMRA 'GRO ZHES PA LAS KYI GNAS NAS MI SMRA BAR 'GRO BA'I LTUNG BYED NI,
DGE 'DUN GRANGS TSANG BA, KHA SKONG BAR 'OS PA, CHOS LDAN GYI LAS BYED PA'I GNAS YIN PA, BDAG NYID LA MI MTHUN PA'I LAS BYED PA MA YIN PA, DUS NI GSOL BA TZAM YANG MA BYAS PA, GANG DU 'GRO BA'I GNAS DE'I MTSAMS NANG DU GTOGS SHING LAS KYI SGRA MI THOS PA, RTEN RANG NYID KHA SKONG BAR 'OS SHING 'DUN PA MA PHUL BAR DGE SLONG DER 'KHOD PA RNAMS LA DER 'DU SHES PAS CI YANG MA SMRAS PAR 'GRO 'DOD KYIS KUN NAS BSLANG STE 'GRO BAR BRTZAMS NAS THOS PA'I NYE 'KHOR LAS 'DAS PA'I MTSAMS KYI NANG DU PHYIN PA'I TSE LTUNG BYED DO, ,LAS MTSAMS KYI PHYI ROL TU PHYIN PA TZAM LA NYES BYAS TZAM LAS MI SKYED DE, LAS LA MA 'DUS PA'I MI 'DUN PAR MI 'GYUR BAS SO, ,DGE 'DUN LAS BYED PA RNAMS LA SMRAS KYANG DGOS PA MED PA DANG, MA RIG PA'I TSUL GYIS 'GRO BA DANG, GSOL BZHI'I LAS SOGS LA GSOL BA BYAS ZIN NAS BRJOD PA'I DUS DANG, CHOS MI LDAN GYI LAS RNAMS LA MA SMRAS PAR THOS PA'I NYE 'KHOR LAS 'DAS PAR 'GRO BA RNAMS NYES BYAS SO,, BRGYAD PA, MA GUS ZHES PA MA GUS PA'I LTUNG BYED NI, YUL SANGS RGYAS KYI BKA' 'AM DGE SLONG CHOS BRGYAD LDAN BZHI YAN CHAD DU LONGS PA'AM, DE 'DRA'I DGE 'DUN GYI ZHAL TA LA DGE SLONG CHOS BRGYAD LDAN GYIS RANG LA BSGO BA RANG GIS SGRUB NUS PA LA MA GUS PAS CHOS BRGYAD LDAN GYIS BSHAD SBYANG MI BYED PA RNAMS LA DER 'DU SHES PAS, MA SMRA ZHIG CES PA'AM, 'GAL BAR BYED 'DOD KYIS KUN NAS BSLANG STE 'GAL BAR BYAS PA'I TSE LTUNG BYED DO, ,SANGS RGYAS KYI BKA' LA MA GUS PAS DE'I BCAS MTSAMS
, ,LAS 'DA' BAR BYED NA LTUNG BYED DNGOS DANG, BSLAB PA TZAM LA MA GUS PA SKYED NA NYES BYAS SO, ,DE BZHIN DU MKHAN PO DANG SLOB DPON GYI CHOS LDAN GYI NGAG DANG, RGYAL PO DANG DGE 'DUN GYI GNAS BRTAN GYI CHOS LDAN GYI NGAG LAS 'GAL BAR BYAS PA RNAMS NYES BYAS SO,, DGU PA, CHANG 'THUNG ZHES PA CHANG 'THUNG BA'I LTUNG BYED NI, CHANG DNGOS SAM, DE'I SBANG MA'AM, RGUN CHANG LA SOGS PA PHABS MA BTAB PA'I BCOS MA'I CHANG DANG, DE'I TSIGS MA SOGS 'THUNGS NA MYOS PAR 'GYUR BA'I RIGS YIN PA LA DER 'DU SHES PAS CHANG 'THUNG BAR 'DOD DAM, SBANG MA ZA 'DOD SOGS KYIS KUN NAS BSLANG STE LONGS SPYOD PAR BRTZAMS NAS MGUL DU MID THEBS RE LA LTUNG BYED RE'O, ,CHANG GI DRI RO BRO BA'I THUG PA DANG, RTZABS MO MYOS PAR MI BYED PA DANG, ME TOG DANG 'BRAS BU DANG BLDAG PA SOGS MYOS 'GYUR GYI RIGS ZA BA DANG, RANG DGAR CHANG LUS LA BSKUS PA SOGS LA NYES BYAS SO, ,RTZABS MO NYES PA MED PAR GSUNGS PA NI PHABS SOGS MA BTAB PA'I MYOS PAR MI 'GYUR BA DANG, NAS LA SOGS PA'I 'BRU BTZOS PA'I KHU BA MYOS PAR MI BYED PA BTUNG BA LA DGONGS SHING, DE BZHIN DU CHANG SKOL BA LA NYES PA MED PAR GSUNGS PA YANG LHAG PAR SKOL BAS MYOS PA'I NUS PA GTAN MED PAR BYAS PA LA DGONGS SO,, BCU PA, DUS MIN PA'O ZHES PA DUS MA YIN PAR 'GRO BA'I LTUNG BYED NI, RANG NYID KHYIM PA CHOS BRGYAD LDAN GYI GNAS MTSAN NYID TSANG BA GRONG PA'I CHOS SPYOD PA'I GNAS SU RAB BYUNG SDE LNGA GANG RUNG GI SDOM PA RNAM DAG DANG LDAN ZHING
LTA BA MTHUN PA, THA SNYAD GSUM DANG LDAN PA, LUS THA MAL DU GNAS PA, MTSAMS KYI NANG NA GNAS SHING GNAS NAS M PHYUNG BA, BYE NAS GZHAN GYI PHYOGS SU MA SONG BA, CHOS 'DI PA'I RAB BYUNG RANG LAS GZHAN YOD PA'I GNAS SU GLING 'DI'I NYI MA PHYED YOL NAS SKYA RENGS MA SHAR BA'I DUS SU BAR CHAD KYI RKYEN DANG MI LDAN ZHING, GZHAN GDUL BA'I PHYIR DANG BSGOMS BYUNG GI RDZU 'PHRUL GYIS MA YIN PA RNAMS LA DER 'DU SHES PA'AM THE TSOM ZA BAS DER YOD PA RNAMS LA MA SMRAS PAR GRONG DU 'GRO 'DOD KYIS KUN NAS BSLANG STE 'GRO BAR BRTZAMS NAS GNAS KHANG GI NYE 'KHOR LAS 'DAS PA NA LTUNG BYED DNGOS GZHI'O,, BCU TSAN DGU PA'I SDOM NI, ZAS BCAS SKYA RENGS DA GDOD DANG, ,KHAB RAL DANG NI KHRI RKANG DANG, ,GDAL DANG GDING DANG G-YAN PA DANG, ,RAS CHEN BDE GSHEGS CHOS GOS SO, ,ZHES GSUNGS PA'I ZAS BCAS ZHES PA LA SNGA DRO GRONG DU RGYU BA DANG PHYI DRO RGYU BA GNYIS LAS DANG PO NI, GANG DU 'GRO BA'I GNAS KHYIM PA MTSAN NYID PA'I GNAS YIN PA, GNAS KYI MTSAN NYID TSANG BA, DUS SNGA DRO'I DUS YIN PA, RANG GI TSIG GIS DGE SLONG CHOS BRGYAD LDAN DGE 'DUN DU LONGS PA ZAS LA SPYAN DRANGS PA'I DUS YIN PA, SBYIN BDAG CHOS BZHI LDAN GYIS DUS RUNG GI ZAS RUNG BA TSAD LDAN, DUS LAS MA YOL BAR BRIMS SHIG CES MA BSGOS PA DANG, BAR CHAD KYI RKYEN DANG MI LDAN PA RNAMS LA DER 'DU SHES PAS RANG DGAR KHYIM GSUM YAN CHAD DU 'GRO 'DOD KYIS KUN NAS BSLANG STE 'GRO BAR BRTZAMS NAS KHYIM GSUM PA'I BSKOR MA BSKOR GANG RIGS KYI NYE 'KHOR
, ,'DAS PA'I TSE LTUNG BYED DU 'GYUR RO,, GNYIS PA PHYI DRO GRONG DU RGYU BA NI, GNAS DANG DUS SNGAR BZHIN LA, KHYIM BZHI YAN CHAD YIN PA, RTEN CHOS 'DI PA'I RAB BYUNG 'KHOD PA LA MA SMRAS PA, BAR CHAD KYI RKYEN DANG MI LDAN PA, GDUL BYA GZHAN GDUL BA'I DGOS PA YOD PA SOGS MA YIN BZHIN DU, DUS MA YIN PAR KHYIM BZHI YAN CHAD DU 'GRO 'DOD KYIS KUN NAS BSLANG STE 'GRO BAR BRTZAMS NAS KHYIM BZHI PA'I SGO'I THEM PA'AM NYE 'KHOR SOGS 'DAS PA'I TSE SNGAR BZHIN LTUNG BYED DO,, GNYIS PA, SKYA RENGS ZHES PA RGYAL PO'I KHAB TU NUB MO 'GRO BA'I LTUNG BYED NI, GNAS RGYAL PO'I KHAB BTZUN MO MTSAN NYID PA YOD PA'I GNAS SU DUS NYI MA NUB PA'I MTHAR 'OD DMAR PO CHAGS PA 'DAS PA NAS SKYA RENGS MA SHAR GYI BAR GYI DUS SU RKYEN BAR CHAD KYI CHOS DANG MI LDAN PA, RGYAL PO SOGS KYIS DGOS PA KHYAD PAR CAN GYI PHYIR BOS PA DANG, GDUL BYA GDUL BA'I PHYIR MA YIN PA RNAMS LA DER 'DU SHES PA'AM YID GNYIS ZA BAS RGYAL PO'I BTZUN MO'I GNAS SU RANG DGAR 'GRO 'DOD KYIS KUN NAS BSLANG STE 'GRO BAR BRTZAMS PAS PHO BRANG GI NYE 'KHOR RAM THEM PA 'DAS PA CI RIGS PA NA LTUNG BYED DO, ,BSLAB BYA NI, PHO BRANG DU 'JUG PA'I TSE, BDAG 'ONGS SO ZHES BRDA SPRAD NAS RGYAL PO SOGS KYIS, SHOG CIG CES MA BYUNG BAR PHO BRANG DU 'JUG NA NYES BYAS SO,, GSUM PA, DA GDOD CES PA BSLAB GZHI KHYAD DU GSOD PA'I LTUNG BYED NI, YUL DGE SLONG CHOS BRGYAD LDAN GSO SBYONG DE LA GTOGS PA, 'DUL BAR GTOGS PA'I BSLAB PA'I GNAS GSO SBYONG GI DUS
SU SO THAR GYI MDO LAN GNYIS YAN CHAD THOS SHING, MDO DE'I DON LA DE LTAR YOD PAR SHES BZHIN DU DE LA DER 'DU SHES PAS BZHAD GAD YAN CHAD KYIS KHYAD DU GSOD 'DOD KYIS KUN NAS BSLANG STE NGAG MTSAN NYID LNGA LDAN GYIS KHYAD DU GSOD PA'I TSIG SMRAS TE PHA ROL POS DON GO BA'I TSE 'DI'I LTUNG BYED YIN LA, ZHE SDANG GIS SAM 'DU SHES BSGYUR TE KHYAD DU BSAD NA MA GUS PA'I TSUL GYI LTUNG BYED DANG, RDZUN DU SMRA BA'I LTUNG BYED DU YANG 'GYUR RO,, BZHI PA, KHAB RAL ZHES PA KHAB RAL 'CHOS PA'I LTUNG BYED NI, BA SO DANG RA GAN SOGS KHAB RAL GYI RGYU RUNG BA TSAD LDAN YUL DUS DER DKON ZHING RIN CHE BA, RANG DBANG BA, SNGAR BZO'I RTZOM PA MA BYAS PA LA DER 'DU SHES PAS RANG DON DU RANG NGAM BZHAN THA SNYAD LNGA LDAN DNGOS SU BSKOS PAS KHAB RAL GYI BZO BYED PAR BRTZAMS NAS BZO RDZOGS PA NA LTUNG BYED DO,, LNGA PA, KHRI RKANG ZHES PA KHRI RKANG 'CHOS PA'I LTUNG BYED NI, CHOS BRGYAD LDAN GYI DGE 'DUN DBANG BA'I KHRI'AM KHRI'U'I RKANG PA YIN PA, RGYA KHYON RANG RANG GI TSAD DANG LDAN PA, RUNG BA BU GAR GZHUG PA'I PHYOGS MA GTOGS PA KHRI RKANG KHRU GANG GI TSAD LAS LHAG PA, SNGAR TSAD LA GNOD PA'I BZO'I RTZOM PA MA BYAS PA LA DER 'DU SHES PAS TSAD LAS LHAG PA BYED 'DOD KYIS RANG NGAM GZHAN THA SNYAD LNGA LDAN DNGOS SU BSKOS PAS BRTZAMS TE BZO YONGS SU RDZOGS PA'I TSE LTUNG BYED DO, ,SKABS 'DI'I BSLAB BYA NI, KHRI STAN KHRU GANG LAS MTHO BA DANG, GSER DNGUL DANG BA SO SOGS KYIS SPRAS PA'I KHRI STAN CHEN PO LA CHOS LDAN GYI DGOS PA KHYAD PAR CAN MED PAR 'DUG PA'AM
, ,NYAL BAR BYED NA NYES BYAS SO,, DRUG PA, GDAL DANG ZHES PA SHING BAL GYIS GOS PAR BYED PA'I LTUNG BYED NI, GOS PAR BYA BA'I GNAS DGE 'DUN CHOS BRGYAD LDAN GYI GNAS MAL RUNG BA TSAD LDAN LA GOS PAR BYA BA'I DNGOS PO SHING BAL SOGS SPAR BA GANG GI TSAD DU LONGS PAS GOS PAR BYED 'DOD KYIS KUN NAS BSLANG STE RANG NGAM GZHAN THA SNYAD LNGA LDAN DNGOS SU BSKOS PAS GOS PAR BYAS PA'I TSE LTUNG BYED DO,, BDUN PA, GDING DANG ZHES PA GDING BA'I LTUNG BYED NI, RANG NYID KYI GDING BA'I RGYU RUNG BA TSAD LDAN SNGAR TSAD LA GNOD PA'I BZO'I RTZOM PA MA BYAS PA LA DER 'DU SHES PAS RANG DGAR RANG DON DU TSAD LAS LHAG PA BYED 'DOD KYIS KUN NAS BSLANG STE RANG NGAM GZHAN THA SNYAD LNGA LDAN BYED DU BCUG STE BZO RDZOGS PA'I TSE LTUNG BYED DO, ,GDING BA'I TSAD NI SRID DU KHRU GSUM DANG, ZHENG DU KHRU DO DANG SOR DRUG GO, BRGYAD PA, G-YAN PA ZHES PA G-YAN PA DGAB PA'I LTUNG BYED NI, RANG GI G-YAN PA DGAB PA'I RGYU RUNG BA TSAD LDAN SNGAR BZO'I RTZOM PA MA BYAS PA LA RANG DON DU TSAD LAS LHAG PA SNGAR GDING BA'I SKABS BZHIN BYAS PA NA LTUNG BYED DU 'GYUR LA, G-YAN PA DGAB PA'I TSAD NI SRID DU KHRU DRUG DANG, ZHENG DU KHRU GSUM MO,, DGU PA, RAS CHEN ZHES PA RAS CHEN LAS GYUR PA'I LTUNG BYED NI, RANG NYID KYI RAS CHEN GYI RGYU RUNG BA TSAD LDAN SNGAR BZO'I RTZOM PA MA BYAS PA LA DER 'DU SHES PAS SNGAR BZHIN DU BCUG NAS GRUB PA NA LTUNG BYED DU 'GYUR ZHING, DBYAR GYI RAS CHEN GYI TSAD NI SRID DU KHRU DGU DANG, ZHENG DU KHRU GSUM DANG SOR BCO BRGYAD DO,,
BCU PA, BDE GSHEGS CHOS GOS ZHES PA BDE BAR GSHEGS PA'I CHOS GOS KYI TSAD LAS GYUR PA'I LTUNG BYED NI, DGE SLONG RANG NYID KYI CHOS GOS GSUM GANG YANG RUNG BA'I RGYU RUNG BA SNGAR BZO'I RTZOM PA MA BYAS PA LA BDE BAR GSHEGS PA'I CHOS GOS KYI TSAD DAM DE LAS LHAG PA BYED 'DOD KYIS RANG LA DE'I SKU GZUGS KYI TSAD TZAM MED BZHIN DU BDE GSHEGS CHOS GOS KYI TSAD DANG DE LAS LHAG PA BYED PAR BRTZAMS TE BZO YONGS SU RDZOGS PA NA LTUNG BYED DO, ,DE BZHIN GSHEGS PA'I CHOS GOS KYI TSAD NI SRID DU STON PA RANG GI KHRU LNGA, ZHENG DU KHRU GSUM MO,, ` ,,BZHI PA SO SOR BSHAGS PA LA SDOM NI, GRONG DANG KHYIM GZHAN NYID DANG NI, ,BSLAB PA RNAMS DANG DGON PA NI, ,SANGS RGYAS PHAN PA GSUNG PA YIS, ,SO SOR BSHAGS PAR BYA BAR GSUNGS, ,ZHES GSUNGS PA LTAR BZHI LAS DANG PO DGE SLONG MA NYE DU MA YIN PA LAS ZAS LEN PA'I SO SOR BSHAGS PAR BYA BA NI RANG GI NYE DU MA YIN PA'I DGE SLONG MA CHOS BRGYAD LDAN RANG NYID BZA' BA'I PHYIR BSGRUBS PA'I DUS RUNG GI ZAS RUNG BA TSAD LDAN NAD LA PHAN PA'I PHYIR SOGS MA YIN PAR RANG DGAR BSLANGS TE ZA 'DOD KYIS NGAG MTSAN NYID LNGA LDAN GYIS BSLANGS TE ZA BAR BRTZAMS NAS MID PA NA LTUNG BAR 'GYUR ZHING, DGE SLONG MA LAS GZHAN NYE DU MA YIN PA'I RAB BYUNG MA LAS RANG DGAR ZAS BSLANGS PA THAMS CAD LA NYES BYAS SO,, GNYIS PA, KHYIM GZHAN NYID DANG ZHES PA GRAL RIM DU 'BRIM DU 'JUG PA MA BZLOG PAR ZA BA'I SOR BSHAGS NI, SBYIN BDAG KHYIM PA THA SNYAD LNGA LDAN LUS THA MAL DU GNAS PA, RANG DANG
, ,DGE SLONG MA GANG DANG YANG NOR MI GCIG PA, GNYIS KA'I NYE DU MA YIN PA, MGRON DU 'BOD PA PO YIN PA, ZAS ZA BA'I GROGS DGE SLONG MA CHOS BRGYAD LDAN GNYIS YAN CHAD, DNGOS PO DUS RUNG GI ZAS RUNG BA TSAD LDAN, DGE SLONG MA CHOS BRGYAD LDAN GYIS PHYIN CI LOG GI NGO MGRON BYED PA'I BSKO BSHAM BYAS PA YIN PA, RTEN DGE SLONG MA DE'I TSIG GIS MGRON DU BOS PA MA YIN PA, RANG DANG LHAN CIG MI ZA ZHING ZAS GCIG PA SNGAR ZOS ZIN CING GRAL LA 'KHOD PA'AM, RANG DANG CIG CAR ZA BA GANG YANG RUNG BA MA BZLOG PA, SBYIN BDAG DE NYID DAM, DES MNGAGS PA'I G-YOG LA SOGS PA ZAN SBYOR BA PO'I MNGON SUM YIN PA, BSKO BSHAM BYED PA MA BZLOG PA LA DER 'DU SHES PA'AM THE TSOM ZA BAS BSKO BSHAM BYED PA MA BZLOG PAR ZA 'DOD KYIS RANG LA THOD RGAL DU BRIMS PA'AM RIM PA BZHIN BRIMS PA MA BZLOG PAR ZA BAR BRTZAMS NAS ZOS PA NA LTUNG BA 'DIR 'GYUR RO,, GSUM PA, BSLAB PA RNAMS DANG ZHES PA BSLAB PA DRAL TE KHYIM DU 'JUG PA'I SO SOR BSHAGS PA NI, SBYIN BDAG SNGAR BZHIN LA RANG LAS NOR THA DAD PA, DE LAS ZAS MI BLANG BA'I KHYIM GYI BSLAB PAS BSNGAMS PA DANG 'BREL BA, ZAS DUS RUNG RUNG BA TSAD LDAN SBYIN BDAG DE NYID KYI YIN PA, SHIN TU MOD PA MA YIN PA, RTEN KHRIMS SU BYA BA LA GTOGS PA, KHRIMS MA BCAS PA'I TSE BOS SHING, ZAS MA BYIN PA'I BAR DU KHRIMS BCAS PA MA YIN PA'I DGE SLONG GIS DE LA DER 'DU SHES PAS DE LAS ZAS BSLANGS TE ZA 'DOD KYIS ZA BAR BRTZAMS NAS DE MGUL DU MID PA'I TSE LTUNG BA 'DIR 'GYUR
RO;; BZHI PA, DGON PA NI ZHES PA, NAGS LAS GYUR PA'I SO SOR BSHAGS PA NI, SBYIN BDAG KHYIM PA CHOS BZHI LDAN LA DUS RUNG GI ZAS RUNG BA TSAD LDAN SBYIN BDAG DE NYID KYI YIN PA GNAS GRONG LAS RGYANG GRAGS GCIG YAN CHAD 'PHAGS PA KUN DGA' RA BA'I PHYI ROL 'JIGS PA DANG BCAS PA'I GNAS SU RTEN NAGS MYUL BAR BSKOS SHING MA MYUL BA'I DGE SLONG GIS DE LA DER 'DU SHES PAS NAGS MA MYUL BAR RANG DGAR ZA 'DOD KYIS KUN NAS BSLANG STE ZOS PA NA LHUNG BA 'DIR 'GYUR RO,, LNGA PA NYES BYAS KYI SDE TSAN LA DGU LAS, DANG PO GOS BGO BA LAS GYUR PA'I SDOM NI, SHAM THABS LA NI RNAM PA BDUN, ,ZHES PA LA SHAM THABS KYI MA MTHA'I KHA MNYAM PAR BYAS NAS MA BGOS PA DANG, PUS MO'I GONG DU SLEB PA'I HA CANG BRTZENGS PA DANG, LONG BU'I TSIGS LA REG PA'I HA CANG 'JOL BA DANG, PHYOGS GCIG SAR GLANG PO CHE'I SNA LTAR NAR BA DANG, LTE BA'I GONG DU SHAM THABS KYI MGO LTEBS PA DANG, 'OG TU SBRUL MGO'I GDENGS KA LTAR BYAS PA DANG, BAR NAS 'BRU'I PHUR MA'AM THUM BU LTAR 'DUG PA RNAMS LA NYES BYAS SO, ,STOD G-YOGS LA NI RNAM GSUM DANG, ,ZHES PA SNAM SBYAR DANG BLA GOS HA CANG BRTZENGS PA DANG, HA CANG 'JOL BA DANG, MA MTHA'I KHA MNYAM POR 'DUG PA'I ZLUM POR MA BGOS PA RNAMS LA NYES BYAS SO;; GNYIS PA KHYIM DU 'GRO BA'I SDE TSAN LA, SHIN TU BSDAMS LA SOGS PA LNGA, ,ZHES PA NI KHYIM PA'I KHYIM DU 'GRO BA'I TSE RKANG LAG RKYONG BA SOGS LA DRAN SHES MA BSTEN PAR MA BSDAMS PAR 'JUG PA DANG, BLA GOS DANG MTHANG GOS ZLUM POR
, ,BGOS TE TSUL BZHIN DU MA PHYIN PA DANG, CA CO'I SGRA MA BSKYUNGS PA DANG, MIG BAG YANGS SU LTA BA DANG, DGOS MED DU MNYA' SHING GANG LAS 'DAS PAR LTA ZHING PHYIN PA RNAMS LA NYES BYAS SO, ,MGO G-YOGS LA SOGS RNAM PA LNGA,, ZHES PA NI, RAS LA SOGS PAS MGO G-YOGS PA DANG, CHAR LA SOGS PA BYUNG YANG CHOS GOS MA BRDZES PAR 'GRO BA DANG, CHOS GOS PHRAG PA'I PHYOGS GNYIS KAR GZAR BA DANG, LAG PA GNYIS BRKYANG STE LTAG PAR SOR MO RNAMS BSNOL TE 'GRO BA RNAMS LA NYES BYAS SO, ,DE BZHIN DU, MCHONG LA SOGS PA RNAM PA LNGA, ,ZHES PA MCHONG ZHING 'GRO BA DANG, SGYID PA BRKYANG BSKUM BYED CING 'GRO BA DANG, TZOG PUS 'GRO BA DANG, RKANG PA'I RTING PA BTEG STE 'GRO BA DANG, GRU MO GNYIS RGYANGS TE 'GRO BA RNAMS LA NYES BYAS SO, ,LUS LA SOGS PA RNAM PA LNGA, ,ZHES PA LUS SGYUR ZHING 'GRO BA DANG, DE BZHIN DU MGO SGYUR BA DANG, GZHAN DAG DANG PHRAG PA GNYIS SBREL BA DANG, LAG PA SBREL TE 'GRO BA RNAMS LA NYES BYAS SO,, DGU PA KHYIM DU 'DUG PA'I SDE TSAN LA, (GSUM PA KHYIM DU 'DUG PA'I SDE TSAN DGU NI), 'DUG PAR BYA BA DGU DAG DANG, ,ZHES PA NI SBYIN BDAG GIS KHYIM DU 'DUG CIG CES MA BSGO BAR 'DUG PA DANG, SROG CHAGS YOD MED MA BRTAGS PA DANG, LUS THAMS CAD KYI LCID KYIS PHAB STE 'DUG PA DANG, RKANG PA'I STENG DU RKANG PA BZHAG PA DANG, BRLA'I STENG DU BRLA BZHAG PA DANG, LONG BU'I STENG DU LONG BU BZHAG PA DANG, RKANG PA KHRI LA SOGS PA'I 'OG TU BCUG CING 'DUG PA DANG, RKANG PA GNYIS KYI BAR THAG RING DU SO
SOR PHRAL TE 'DUG PA DANG, 'DOMS SNANG BAR 'DUG PA RNAMS LA NYES BYAS SO,, BZHI PA ZAS BLANG BA'I SDE TSAN LA, BYIN LEN BYA BA RNAM PA BRGYAD, ,CES PA NI GNAS THAMS CAD DU 'DUL BA DANG MI 'GAL BAR ZAS LEGS PAR MA BLANGS PA DANG, SNOD DANG KHA DA CHAD DU BLANGS PA DANG, TSOD MA STE BYA NA DANG ZAN PHYE SOGS MNYAM PAR BLANGS PA DANG, BSLAB GRAL MA BYAS PAR 'DUG PA'I TSE GRAL RIM BZHIN MTHAR CHAGS SU MA BLANGS PA DANG, LHUNG BZED LA YID GTAD DE MA BLANGS PA DANG, BZA' BA DANG BCA' BA SOGS MA BYUNG BA NAS LHUNG BZED BZED PA DANG, LHAG PO 'DOD PAS BYA NA DANG PHYE SOGS GCIG GIS GCIG 'GEBS PA DANG, ZAS KYI STENG DU ZAS ZA BA'I SNOD LHUNG BZED SOGS BZUNG BA RNAMS LA NYES BYAS SO,, LNGA PA ZAS ZA BA'I SDE TSAN LA, ZAS LA LEGS PAR BYA BA DRUG ,CES PA NI, THAMS CAD DU 'DUL BA DANG MI 'GAL BAR ZAS LEGS PAR MA ZOS PA DANG, KHAM HA CANG CHE BA DANG, CHUNG BA DANG, RANG DANG 'JIG RTEN DANG MTHUN PAR KHAM RAN PAR MA ZOS PA DANG, ZAS MA SLEB PAR ZAS LA KHA GDANGS PA DANG, KHAM GYIS KHA BKANG STE SMRA BA RNAMS LA NYES BYAS SO, ,TZUG TZUG LA SOGS RNAM PA LNGA, ,ZHES PA NI, ZAS ZA BA'I SGRA TZUG TZUG ZER BA DANG, CAG CAG DANG, HU HU DANG, PHU PHU ZER ZHING ZA BA DANG, LCE PHYIR PHYUNG ZHING ZA BA RNAMS LA NYES BYAS SO, ,'BRU NAS THA DAD BYED PA LNGA, ,ZHES PA NI, SROG CHAGS BRTAG PA'I PHYIR SOGS MA YIN PAR 'BRU RE RE NAS ZA BA DANG, ZAS LA 'PHYA SMOD BYED PA DANG, MKHUR BA GNYIS G-YAS G-YON SPO ZHING
, ,ZA BA DANG, RKAN SGRA TOG CING ZA BA DANG, KHAM 'PHRO BCAD CING ZA BA RNAMS LA NYES BYAS SO, ,LAG PA BLDAG LA SOGS PA LNGA, ,ZHES PA NI, LAG PA LA ZAS CHAGS PA LA BLDAG PA DANG, ZAS KYI SNOD LA SOR MO DANG LCES 'BYOG PA DANG, LAG PA LA ZAS CHAGS PA SPRUG PA DANG, ZAS DANG BCAS PA'I SNOD SKYOM PA DANG, LHUNG BZED SOGS SU ZAS BLUG PA LCI YANG BLTA BA'I PHYIR SRANG LA 'DEGS PA DANG, MCHOD RTEN GYI DBYIBS 'DRA BA BYAS TE ZA BA RNAMS LA NYES BYAS SO,, DRUG PA LHUNG BZED LA SPYAD PA'I SDE TSAN LA, 'PHYA BA LA SOGS RNAM PA BZHI, ,ZHES PA NI, GZHAN GYI LHUNG BZED LA 'PHYA BA'I PHYIR LTA BA DANG, LAG PA ZAS KYIS SBAGS PAS CHU SNOD LA BZUNG BA DANG, ZAS DANG SBAGS PA'I CHU DGE SLONG SOGS LA GTOR BA DANG, SBYIN BDAG GI KHYIM DU DE LA MA DRIS PAR KHRUD CHU 'BO BA RNAMS LA NYES BYAS SO, ,LHUNG BZED LA NI RNAM PA BCU, ,ZHES PA NI, SNOD GZHAN GYI ZAS KYI LHAG MA LHUNG BZED DU BLUG STE DOR BA DANG, LHUNG BZED SA RJEN PA DANG, GROG G-YANG GI KHA DANG, BYIN GYIS GZHOL BA DANG, BANG RIM GZHOL BA'I 'GRIL SAR BZHAG PA DANG, 'GRENG BZHIN DU LHUNG BZED BKRU BA DANG, GAD KHA DANG G-YANG SAR BKRU BA DANG, 'BAB CHU DRAG PO'I RGYUN LAS BZLOG STE LHUNG BZED KYIS CHU BCU PA RNAMS LA NYES BYAS SO,, BDUN PA CHOS BSTAN PA'I SDE LA, 'GRENG BAR BYED PA LA SOGS LNGA, ,ZHES PA, CHOS NYAN PA PO NAD PA MIN PA 'DUG PA LA CHOS 'CHAD PA POS 'GRENG STE CHOS BSHAD PA DANG, DE BZHIN DU 'DUG STE NYAL BA LA DANG, STAN DANG SA PHYOGS
MTHON PO DANG STAN BZANG PO LA NYAN PA PO 'DUG PA LA DMA' BA DANG STAN NGAN PA LA 'DUG STE BSHAD PA DANG, MDUN DU 'GRO BA LA PHYI NAS 'GRO ZHING BSHAD PA DANG, LAM NAS 'GRO BA LA LAM GYI 'GRAM NAS 'GRO ZHING BSHAD PA RNAMS LA NYES BYAS SO,, MGO G-YOGS LA SOGS RNAM PA LNGA, ,ZHES PA NI, MI NA BAR MGO BO G-YOGS PA DANG, GOS BRDZES PA DANG, CHOS GOS PHRAG PA GNYIS KAR GZAR BA DANG, LAG PA LTAG GONG DU BSNOL BA RNAMS LA BSHAD PA RNAMS LA NYES BYAS SO, ,DO KER CAN LA SOGS PA LNGA, ,ZHES PA NI, MI NA BAR DO KER CAN TE THOR COG CAN DANG, MGO LA ZHVA GYON PA DANG, DAR LA SOGS PA'I COD PAN BCINGS PA DANG, ME TOG LA SOGS PA'I PHRENG BA BCINGS PA DANG, THOD DKRIS PA RNAMS LA BSHAD PA LA NYES BYAS SO,, GLANG CHEN LA SOGS BZHON PA LNGA, ,ZHES PA NI, MI NA BAR GLANG PO CHE LA ZHON PA DANG, RTA LA ZHON PA DANG, DE GNYIS LAS GZHAN PA'I BZHON PA'I STENG DU 'DUG PA DANG, MDO LI SOGS KHYOGS LA BTEG PA DANG, MCHIL LHAM GYON PA LA BSHAD PA RNAMS LA NYES BYAS SO, ,LAG NA DBYIG PA LA SOGS DRUG ,CES PA NI, MI NA BAR LAG NA MKHAR BA THOGS PA DANG, DE BZHIN DU GDUGS DANG, MTSON CHA DANG, RAL GRI DANG, DGRA CHA THOGS PA DANG, KHRAB SOGS GO GYON PA LA CHOS BSHAD PA LA NYES BYAS SO,, BRGYAD PA SGRUB PA'I SDE LA, NA BA RNAM PA BZHI RNAMS SO, ,ZHES PA NI, MI NA BAR 'GRENG STE BSHANG GCI BYAS PA DANG, CHU'I NANG 'BA' ZHIG TU GNAS PA'I TSE MA GTOGS CHU NANG DU BSHANG GCI DANG, SNABS DANG, SKYUGS PA DANG,
, ,MCHIL MA SOGS DOR BA DANG, RTZA SNGON POS GO SKABS MED PAR GNAS PA'I GZHI MA GTOGS PAR RTZA SNGON PO YOD PA'I SA PHYOGS SU BSHANG GCI DANG MCHIL MA SOGS DOR BA LA NYES BYAS SO,, DGU PA, RGYU BA NI STAG LA SOGS PA'I GNOD PA BYUNG BA MA GTOGS PAR MI GANG TZAM LAS MTHO BAR SHING LA 'DZEGS NA NYES BYAS SO,, GNYIS PA NI, DGE SLONG MA'I RNAM 'BYED LAS GSUNGS PA DANG RTEN PHA MA GNYIS KA LA NYES BYAS SU 'GYUR BA YANG DU MA ZHIG YOD DE, MNGAS SU DOGS PAS MA BKOD DO, ,DE DAG NI MI MTHUN PHYOGS NGO SHES PA'I SGO NAS SRUNG BA'I TSUL GTZO BOR BSHAD PA YIN LA, SRUNG THABS PHYI MA GSUM NI GZHI BCU BDUN GYI DGE SLONG GIS BSLAB PAR BYA BA'I GNAS THAMS CAD KYANG STON PAS DE DAG GI RNAM GZHAG RTOGS PA LAS KHONG DU CHUD PAR BYA BA YIN TE, GZHI BCU BDUN PO DE DAG KYANG LUNG GZHIR, RAB BYUNG GSO SBYONG GZHI DANG NI, ,DGAG DBYE DBYAR DANG KO LPAGS DANG, ,SMAN DANG GOS DANG SRA BRKYANG DANG, ,KOO SHAMB'I DANG LAS KYI GZHI, ,DMAR SER CAN DANG GANG ZAG DANG, ,SPO DANG GSO SBYONG GZHAG PA DANG, ,GNAS MAL DANG NI RTZOD PA DANG, ,DGE 'DUN DBYEN RNAMS BSDUS PA YIN, ,ZHES GSUNGS LA, GZHUNG DAM PAR GZHI BCO BRGYAD DU YANG GSUNGS TE, RNAM PAR 'BYED PA'I GZHI ZHES 'DREN PA'AM, YANG NA PHYIR BCOS LA LTUNG BA DANG, RTZOD PA PHYIR BCOS GNYIS SU MDZAD PA'O, ,BCU BDUN PO DE DAG LA GZHI ZHES BYA STE, 'DI DAG GI BRJOD BYA TSUL KHRIMS YIN LA, DES SEMS DANG SHES RAB KYI BSLAB PA'I RTEN BYED PAS GZHI YIN
LA; DE 'DIS BRJOD BYAR BYED PA'I PHYIR, THAR PA DON GNYER GYIS NYAMS SU BLANG BAR BYA BA MTHA' DAG KYANG GZHI BCU BDUN PO 'DIS BSDUS PA YIN TE, 'KHOR BA LAS DNGOS SU GROL BAR BYED PA LA DE KHO NA NYID MNGON SUM DU RTOGS PA'I LHAG PA SHES RAB KYI BSLAB PA RGYUD LA SKYE DGOS SHING, DE LHAG PA TING 'DZIN GYI BSLAB PA LA RAG LAS, DE YANG LHAG PA TSUL KHRIMS KYI BSLAB PA LA RAG LAS SHING, BSLAB PA GSUM LA BSLAB PA'I RIM PA MTHA' DAG GZHI BCU BDUN PO 'DIS TSANG BAR BSTAN PA'I PHYIR RO, ,DES NA THAR PA DON GNYER RNAMS KYIS THAR PA DANG THAMS CAD MKHYEN PA GANG DON DU GNYER YANG DE'I GZHIR LHAG PA TSUL KHRIMS KYI BSLAB PA DGOS SHING, DE YANG MA THOB PA THOB PAR BYED PA DANG, THOB PA MI NYAMS PAR SRUNG BA DANG, NYAMS NA PHYIR BCOS PA'I TSUL GSUM DU 'DU BA LAS DANG PO RAB BYUNG GI GZHIS BSTAN, GNYIS PA SRUNG THABS YAN LAG LNGA LAS GANG ZAG GZHAN LA BRTEN NAS SRUNG BA'I TSUL DANG RANG GI BSAM PA PHUN TSOGS LA BRTEN NAS SRUNG BA'I TSUL GNYIS, GNAS PAS GNAS LA MA ZHUS PAR BYA BA MI BYA'O ZHES SOGS RAB BYUNG GI GZHI LA SOGS PA'I ZHAR LA BSTAN, GSUM PA MI MTHUN PHYOGS NGO SHES PA'I SGO NAS SRUNG BA'I TSUL RNAM 'BYED GNYIS SPYIR BSTAN DANG BCAS PAS BSTAN, BZHI PA BSLAB PA YONGS SU SBYONG BA'I SGO NAS SRUNG TSUL GSO SBYONG SOGS GZHI GSUM GYIS BSTAN, LNGA PA BDE BAR GNAS PA'I RKYEN BSTEN PA'I SGO NAS SRUNG BA'I TSUL GOS DANG SMAN DANG GNAS MAL TE GZHI LNGAS BSTAN, GSUM PA NYAMS NA PHYIR BCOS PA'I THABS NI LTUNG RTZOD PHYIR
, ,BCOS KYI GZHI SOGS KYIS BSTAN, DE THAMS CAD LAS DGOS PAS LAS BYA TSUL NI LAS GZHIS BSTAN TO, ,GZHI BCU BDUN GYI GO RIM NI PHAL CHER LUNG GI GO RIM DANG, DBYAR DGAG GNYIS RGYU 'BRAS KYI RIM PA DANG, GOS DANG SMAN NI GOS YO BYAD KYI GTZO BO YIN PAS SNGAR BSTAN LA, SMAN YO BYAD KYI GTZO BO MA YIN PAS PHYIS BSTAN TO, ,GOS GZHI GSUM YANG SRA BRKYANG RGYU LTA BU DANG, DGAG BYED DANG DUS 'BREL BA'I PHYIR DANG POR BSTAN LA, GOS DANG KO LPAGS GNYIS SPYIR BTANG DMIGS BSAL GYI RIM PA DANG, LAS GZHI NI THAMS CAD LA DGOS PAS DBUS SU BSTAN CING, RTZOD PA'I GZHI GSUM BRJOD BYA MTHUN PAS PHYOGS GCIG TU DANG, 'KHOR LO BYE BA BRJOD BYA NYUNG BAS RTZOD GZHI'I GONG DU BSTAN LA, GNAS MAL DE DAG THAMS CAD BYA BA'I RTEN YIN PAS THA MAR BSTAN TO, ,DE LTAR GO RIM NGES SHING LHAG PA TSUL KHRIMS KYI BSLAB PA LA SLOB TSUL TSANG BAR STON PA LA GZHI BCU BDUN PO 'DI NGES PAR DGOS LA 'DI BAS MANG BA MI DGOS PAS GRANGS KYANG NGES SO, ,LHAG PA TING NGE 'DZIN GYI BSLAB PA LA SLOB TSUL NI GTZO BO ZHI GNAS KYI GSO SBYONG GI SKABS NAS BSTAN CING, ZHI GNAS NI SEMS DMIGS PA LA RTZE GCIG TU GNAS PA'I 'JOG SGOM BYAS PA'I STOBS KYIS LUS SEMS SHIN SBYANGS KYI BDE BA SKYES PA YIN LA, LHAG MTHONG NI ZHI GNAS GRUB STE DE'I NGANG NAS DPYAD SGOM BYAS PA'I STOBS KYIS LUS SEMS SHING SBYANGS KYI BDE BA SKYES PA STE, DKON MCHOG SPRIN LAS, ZHI GNAS NI SEMS RTZE GCIG PA'O, ,LHAG MTHONG NI SO SOR RTOGS PA'O ZHES DANG,
RJE BTZUN BYAMS PAS, CHOS KYI MING NI SDOM PA'ANG 'DI, ,ZHIG GNAS LAM DU SHES PAR BYA, ,LHAG MTHONG LAM NI DE DON RNAMS, ,RNAM PAR DPYOD PAR SHES PAR BYA, ,ZHES DANG, SGOM RIM PAR PA LAS, PHYI ROL GYI YUL LA RNAM PAR G-YENG BA ZHI NAS NANG DU DMIGS PA LA RGYUN DU RANG GI NGANG GIS 'JUG PA LA DGA' BA DANG SHIN TU SBYANGS PA DANG LDAN PA'I SEMS NYID LA GNAS PA NI ZHI GNAS ZHES BYA'O, ,ZHI GNAS DE NYID LA GNAS PA'I TSE DE KHO NA NYID LA RNAM PAR DPYOD PA GANG YIN PA DE NI LHAG MTHONG YIN TE ZHES SO, ,DE GNYIS KYI GO RIM YANG THOG MAR ZHI GNAS BSGRUBS TE, DE LA BRTEN NAS DE KHO NA NYID KYI DON PHYIN CI MA LOG PAR RTOGS PA'I LHAG MTHONG BSGRUBS TE DE 'DRA'I ZHI LHAG ZUNG 'BREL GYI LAM GYIS NYON MONGS PA SA BON DANG BCAS PA SPANGS NAS THAR PA DANG THAMS CAD MKHYEN PA THOB PAR BYED DGOS PA YIN TE, SPYOD 'JUG LAS, ZHI GNAS RAB TU LDAN PA'I LHAG MTHONG GIS, ,NYON MONGS RNAM PAR 'JOMS PAR SHES BYAS NAS, ,THOG MAR ZHI GNAS BTZAL BYA, ZHES GSUNGS PA LTAR YIN PA'I PHYIR, DES NA THAR PA DANG THAMS CAD MKHYEN PA 'THOB PA'I THABS THAMS CAD KYANG BSLAB PA GSUM LA 'DUS SHING DE LA BSLAB TSUL GZHI BCU BDUN GYIS TSANG BAR STON PA YIN NO,, DES NA ZHI GNAS KYI GSO SBYONG NI ZHI LHAG GI LAM SGOM PA'I TSUL DE NYID YIN LA, MTHUN PA'I GSO SBYONG BYA BA'I TSUL NI, SA PHYOGS GTZANG ZHING YID DU 'ONG BAR KHRI LA SOGS PA'I STENG DU STON PA'I SKU GZUGS MCHOD PA DANG BCAS PA DANG DKAR GTOR CHA BZHI DANG GNAS MAL RNAMS BSHAMS
, ,LA DGE 'DUN BSDU BA'I PHYIR GAnd'I BRDUNG BAR BYA'O, ,GAnd'I'I RGYU NI, TZAN DAN BIL BA PA LA SHA, AA SH'AD THA DANG TZAN DAN DMAR, ,SHING SHA PA DANG TA MA LA AA MRA TAR BU KYU RU RAM, ,STIN TI SA RA AA KAM SOGS, ,'DI DAG THAMS CAD MED NA YANG, ,'O SE LA NI 'BAD DE BYA, ,ZHES PA LTAR LA, TSAD NI CHUNG TSAD SOR BRGYAD CU RTZA BZHI DANG ZHENG DU SOR DRUG DPANGS SU SOR GNYIS, RTZE GNYIS SBAL BA'I MGO CAN BYAS LA, RDUNG BYED KYANG, DE NAS RDUNG BAR BYED PA YANG, ,SHING DE NYID LAS 'BAD DE BYA, ,SOR BCU GNYIS KYI TSAD DAG LA, ,ZLUM ZHING RTZE GNYIS NE'U LE MGO ,ZHES PA LTAR DANG, GZHAG PA'I GNAS SGO KHANG GI STENG SOGS MTHO SAR GZHAG ,RDUNG BA PO DGE BSNYEN YAN CHAD KYI SDOM LDAN GYIS RDUNG BA'I TSUL NI KHANG STENG SOGS MTHO SAR DKON MCHOG LA PHYAG BYAS, SHANG TSA LAN GSUM BYAS NAS RGYUD GSUM DANG RTOG SGRA CHEN PO GSUM BYA BA'AM, YANG NA RGYUD GSUM RTOG GNYIS RGYUD RE RE LA SUM CU RTZA LNGA LNGA STE BRGYA RTZA BRGYAD KYI BAR DU ZLA BA NYA BA LTAR BYA'O, ,CI'I PHYIR GAnd'I BRDUNG ZHE NA, GSO SBYONG GI PHYIR ZHES BRDA SPRAD, DGE 'DUN RNAMS KYIS KYANG LAS LA 'DU BA'I SNGA ROL TU RANG RGYUD LA BRTAGS NAS LTUNG BA BSHAGS PAR 'OS PA RNAMS BSHAGS, BSDAM PAR 'OS PA RNAMS BSDAMS, BYIN GYIS BRLAB PAR 'OS PA RNAMS BYIN GYIS BRLABS LA 'DU, LAS GRAL DU LTUNG BA DRAN NAM YID GNYIS ZA NA DRUNG NA 'DUG PA'I DGE SLONG LA DRUNG NA MO'I BYIN RLABS BYA, LAS BYED PA POS LTUNG BA DRAN NA YID KYIS BYIN RLABS BYA, DE NAS RGYUN CHAGS GSUM PA BYA BA'I
PHYIR MDO SKUL BA POS, ,DGUNG ZLA YAR GYI NGO'I GRAL TSES BCO LNGA PA'AM, MAR GYI NGO'I BCU BZHI PA'AM BCO LNGA PA MNGON DU GYUR PA LAGS TE ZHES SOGS SKABS DANG SBYAR NAS MDO BSKUL BA'I RJES SU DGE 'DUN RNAMS BZHENGS TE SHES RAB SNYING PO LTA BU BTON PA'I RJES SU, SKAR MA RAB RIB MAR ME DANG, ,ZHES SOGS KYI TSIGS BCAD GDON NO, ,DE NAS MDO SKUL BA POS 'GRENG STE, BSTAN PA RIN PO CHE'I GSAL BYED DAM PA GYUR PA CHE GE MOS GTZO MDZAD DGE 'DUN BTZUN PA RNAMS THUGS DAM GYI RIM PA LA MNYEL BA MI MNGA' BA'I NGANG NAS, DGUNG NGAM, GDUGS KYI RIM PA LA SKU KHAMS BDE BAR BZHUGS LAGS SAM, GTOR MA CHA BZHI BYIN RLABS MDZAD PAR ZHU, ZHES BRJOD, DE NAS THAMS CAD 'DUG LA BYIN GYIS BRLABS TE, DKON MCHOG CHOS SKYONG, RIGS DRUG GZHI BDAG RNAMS LA RIM PA BZHIN BSNGO, DE NAS SKUL BA POS MDO 'DON PA PO LA, THUGS BRTZE BA CAN THUGS BRTZE BAS NYE BAR DGONGS TE, BDAG CAG 'DIR 'TSOGS ZHING 'DIR 'DUS PA RNAMS LA DUS BZANG PO LA SO SO THAR PA'I MDO DANG, CHOS SGRAG PA'I MDO RE BKAS GNANG BA ZHU, ZHES GSOL BA'I RJES LA, MDO 'DON PA POS, THOG MAR STON PA LA PHYAG MDZAD PAR ZHU, ZHES BRJOD LA, DKON MCHOG GSUM LA PHYAG BYAS PA'I RJES SU THAMS CAD SA LA 'DUG PA LA MDO 'DON PA POS, GSO SBYONG GI SBYOR BA'I CHO GA LA CHOS BSHAD PA DANG NYAN PA NYAMS SU MYONG BA'I PHYAG LEN DU CHOS SGRAG PA'I MDO RE 'DON PAR GDA' BAS GSAN PAR ZHU, ZHES BRJOD LA, GANG ZHIG GSER MCHOG RANG BZHIN RI
, ,RAB LA GNAS MANDHA RA DANG LHAR BCAS GNOD SBYIN DANG, ,ZHES PA NAS, BCOM LDAN 'DAS KYIS GSUNGS PA LA MNGON PAR BSTOD DO, ,ZHES PA'I BAR GDON NO, ,BSOD NAMS 'DI YIS THAMS CAD GZIGS PA YIN, ,ZHES SOGS KYI SMON LAM BYA, DE NAS, LTUNG BA SPYI BSHAGS LA THUGS GTAD PAR ZHU, ZHES BRJOD LA, AU HU LAGS, BLA MA RDO RJE 'DZIN PA CHEN PO, ZHES SOGS KYI SPYI BSHAGS LAN GSUM BYAS LA GNAS BRTAN GYIS MTHONG SDOM LAN GSUM DRI ZHING, 'JUG TU THABS LEGS BRJOD, DGE SLONG GZHAN ZHIG GIS DE BZHIN DU GNAS BRTAN LA'ANG 'THONG SDOM DRI, DE NAS DGE TSUL RNAMS DGE SLONG SO SO'I MDUN DU GSO SBYONG BYAS RJES PHYIR BKAR NAS MDO 'DON PA POS, LAS THAMS CAD KYI SNGON DU 'GRO BA'I LTUNG MTHUN BYIN RLABS KYI GSOL BA'I LAS DANG, GNAS LA BLO MTHUN GYI GSOL GNYIS KYI LAS BYA, GNAS LA BLO MTHUN CHAGS LA MA NYAMS PA LA DE BYA MI DGOS, DE NAS DNGOS GZHI LA, SO SO THAR PA LA STON PA'I 'DU SHES DANG, RANG NYID LA BSLAB PA LA GCES SPRAS SU BYED PA'I 'DU SHES DANG, TSUL 'DI LTA BU LA BRTEN NAS RGYAL BA'I BSTAN PA YUN RING DU GNAS PA'I 'DU SHES GSUM GSAL BTAB NAS GSAN PAR ZHU, RGYA GAR SKAD DU, PRA TI MOKshA S'U TRA, ZHES SOGS KYI SO THAR GYI MDO'I GLENG GZHI LTA BU GSOL BA'I LAS KYIS BTON LA, DE MAN CHAD THOS SGROG BYA, SO SO THAR PA BTON PA YIS, ,ZHES SOGS KYIS SKABS DANG BSTUN PA'I BSNGO BA SMON LAM DANG, KLU'I RGYAL PO DGA' BO DANG NYE DGA' GNYIS KYI MING NAS SMOS PA'I BSNGO BA
SMON LAM YANG BYA'O, ,GSO SBYONG 'CHAGS PA'I DGE 'DUN DU LONGS PA MED PA'I TSE NA GSO SBYONG BYIN RLABS BYA LA, DGE 'DUN GSO SBYONG MDZAD KYANG RANG MTSAMS NANG DE NA GNAS NAS NA BA SOGS KYIS 'GRO MA NUS NA 'DUN PA PHUL BAS GSO SBYONG MA BYAS PA'I NYES PA KHEGS SO, ,BSLAB BYA NI, SNGAR GSO SBYONG LA JI LTAR BYA BAR BSHAD PA DE RNAMS SGRUB NUS BZHIN DU MA BYAS NA DGE 'DUN GYI GNAS BRTAN DANG DGE 'DUN RNAMS LA CI RIGS PAR NYES BYAS SO, ,GSO SBYONG LA BKRA SHIS KYI GSO SBYONG DANG, GNOD PA ZHI BYED KYI GSO SBYONG SOGS MANG DU YOD KYANG, MTHUN PA'I GSO SBYONG LA BCU BZHI PA DANG BCO LNGA PA GNYIS SU NGES SHING, DE DAG BYA BA'I TSUL CUNG ZAD BRJOD PA STE, CHO GA RNAMS NI GZHI GSUM GYI CHO GA LAS SHES PAR BYA'O,, ` ,,GNYIS PA DBYAR GYI SGO NAS BSLAB PA YONGS SU SBYONG BA LA, RAB BYUNG SDE LNGAS DBYAR GZHI GCIG TU GNAS PAR CHO GA SNGON DU BTANG BAS KHAS BLANG BAR BYA STE, GNAS RAL BA DANG GRUMS PA 'CHOS PA DANG, RANG BZHIN GYI LUS SROG LA GNOD PA SPANG BA DANG, DON DANG BYA BA MANG BA SPANG BA DANG, BSAM GTAN DANG KLOG PA 'PHEL BAR BYA BA DANG, DGAG DBYE DANG SRA BRKYANG 'BYUNG BA SOGS DGOS PA KHYAD PAR CAN YOD PAS SO, ,'O NA DBYAR KHAS BLANGS BA'I DUS DE JI LTA BU ZHE NA, 'DI NGOS BZUNG BA LA GSUM, THOG MAR LO 'GO NGOS BZUNG BA, LO GCIG LA DUS TSIGS BZHIR BYED PA'I TSUL, DON GYI GTZO BO DBYAR KHAS LEN PA'I DUS LA DOGS PA GCAD PA'O, ,DANG PO LA MAR NGO SNGON 'GRO'I DBANG DU BYAS PA DANG, YAR NGO SNGON 'GRO'I
, ,DBANG DU BYAS PA GNYIS LAS, DANG PO NI MDO NYI MA'I SNYING PO LAS, BDAG GIS RGYU SKAR SMIN DRUG BRJOD, ,ZLA BA NYA TSE ZLA RANGS 'GYUR, ,STON ZLA THA CHUNG ZHES BYA BAR, ,YONGS SU GRAGS PA BRJOD PA YIN, ,ZHES GSUNGS PA LTAR SMIN DRUG GIS ZLA BA NYA BA'I TSE SMIN DRUG GI ZLA BA DANG STON ZLA THA CHUNG RDZOGS SHING, DE'I PHYIR DE NYID MAR NGO SNGON 'GRO'I LO 'GO DANG, DGUN ZLA DANG PO'I 'GO YIN PAS, SANGS RGYAS PA RNAMS KYIS DUS KYI DBANG PO NI DGUN NO ZHES PA DANG YANG MTHUN NO, ,MGO'I ZLA BA'I TSES GCIG NAS YAR NGO SNGON 'GRO'I LO 'GO 'DZIN PA YIN TE, TSES BCU DRUG LA'O, ,DBYAR ZLA 'BRING BO'I NYA'I PHYI DE NYIN PAR GYI'O, ,ZHES GSUNGS PA LTAR DBYAR 'BRING NAS YAR BGRANGS PA'I TSE, MGO ZLA BA'I TSES GCIG NAS YAR NGO SNGON 'GRO'I DGUN ZLA RA BA'I TSES GCIG LA PHOG PA'I PHYIR RO,, GNYIS PA LO GCIG LA DUS TSIGS KYI DBYE BA BZHIR BYA BA'I TSUL LA DUS TSIGS GSUM DU DBYE BA, LNGAR DBYE BA, DRUG TU DBYE BA, BZHIR DBYE BA RNAMS LAS, DANG PO NI ZLA BA BZHI BZHI LA DUS RER BYAS NAS DGUN DPYID DBYAR GSUM DU BZHAG PA NI PHYAG DAR KHROD PA LA BOR BA PHYAG DAR KHROD PA DANG DMAN PA PHYAG DAR KHROD PA GNYIS LAS DMAN PA PHYAG DAR KHROD PA NGOS BZUNG BA'I PHYIR YIN LA, LNGAR BYAS PA NI DBYAR THUNG NGU SHI BA DANG 'DRA BA NGOS BZUNG BA'I PHYIR DANG, DRUG TU BYAS PA NI DUS RE LA MAR NGO SNGON 'GRO'I ZLA BA GNYIS GNYIS TE 'DI NI GSO SBYONG BCU BZHI PA NGOS BZUNG BA'I PHYIR YIN TE, DUS TSIGS RNAMS KYI ZLA BA PHYED LUS PA NYID LA'O ZHES PA LTAR RO, ,DUS
TSIGS BZHIR BYAS PA NI 'JIG RTEN DANG SGO BSTUN NAS YIN TE, DGUN ZLA RA BA 'BRING THA MA GSUM NAS, STON ZLA RA BA 'BRING THA MA GSUM GYI BAR DU, YAR NGO SNGON DU 'GRO BAS 'JIG RTEN DANG SGO BSTUN NAS BZHAG PA'I PHYIR RO,, GSUM PA DBYAR KHAS LEN PA'I DUS LA DOGS PA GCAD PA NI, 'DUL 'DZIN KHA CIG ,DBYAR SNGA MA KHAS LEN HOR ZLA DRUG PA'I TSES BCU DRUG LA MDZAD PAR BZHED LA, SMAD 'DUL BA'I 'DUL 'DZIN KHA CIG DANG, PAn CHEN SH'AKYA SHR'I'I RJES 'BRANG TSOGS PA SDE BZHI SOGS NI HOR ZLA LNGA PA SNRON GYI ZLA BA'I TSES BCU DRUG LA MDZAD CING, RJE TZONG KHA PA'I BZHED PA DANG, STOD 'DUL BA'I 'DUL 'DZIN RNAMS HOR ZLA DRUG PA CHU STOD ZLA BA'I TSES BCU DRUG MAR NGO SNGON 'GRO'I GRO ZHUN ZLA BA'I TSES GCIG LA DBYAR KHAS LEN MDZAD PAR BZHED DE, DE NI MDO RTZA LAS, DBYAR GNAS PAR KHAS BLANGS BAR BYA'O, ,ZLA BA GSUM DU'O, ,TSES BCU DRUG LA'O, ,DBYAR ZLA 'BRING PO'I NYA'I PHYI DE NYIN BAR GYI'O, ,ZHES PA'I GZHUNG DANG, TSIG LER, GRO ZHUN CAN GYI TSES GCIG NI, ,SNGA MA'I DBYAR TE GTZO BO YIN, ,DE BZHIN KHRUMS STOD ZLA BA YI, ,TSES GCIG CES NI PHYI MAR GRAGS, ,ZHES DBYAR SNGA PHYI GNYIS KHAS LEN PA'I DUS NGOS BZUNG BA DANG, LO DRIR, DBYAR PHYI MA KHAS LEN GYI DUS STON PA NA, STON ZLA RA BA'I TSES GCIG GI NYIN ZHAG GCIG GO ,ZHES GSUNGS PA RNAMS DANG MTHUN PA YIN NO,, 'O NA DBYAR KHAS LEN GYI DUS DE LTAR BSHAD NA, DBYAR KHAS LEN PA'I TSUL JI LTA BU ZHE NA, 'DI LA SBYOR BA DANG, DNGOS GZHI GNYIS LAS, DANG PO LA GSUM, GNAS BYI
, ,DOR BYA BA'I TSUL, GNAS MAL STA GON BYA BA'I TSUL, BYED PA PO BSKO ZHING DES JI LTAR BYA BA'O,, DANG PO NI, ZHAG BCU'AM, ZLA BA PHYED NA DBYAR KHAS LEN PA'I TSE GTZUG LAG KHANG RAL BA DANG RI MO GSO BA DANG, RGYAN LA SOGS PA GDAGS PAS BYI DOR BYA BAR BSHAD CING, KHA CIG ZHAG BDUN NAM BRGYAD NA BYI DOR BYA BAR BZHED DO,, GNYIS PA NI, DBYAR KHAS BLANG BA'I NYI MA SNGA MA TSES BCU BZHI LA GNAS KHANG DANG KHRI DANG STAN SOGS GNAS MAL RNAMS STA GON BYA'O, ,GSUM PA LA SBYOR BA DANG, DNGOS GZHI DANG, MJUG GI TSUL GSUM LAS, DANG PO NI GNAS MAL STOB PA PO SPRO BAR BYAS NAS, GSOL GNYIS KYI LAS KYIS BSKOS LA, BSKOS PA'I DGE SLONG DES TSUL SHING SRID DU KHRU GANG BA, YA YO DANG KHYAG KHYOG DANG CAS CUS MED CING, KHA DOG NGAN PA MIN PA, TZAN DAN DANG GUR KUN LA SOGS PA'I DRIS BGOS LA, GZEB KYI SPROG MAR RAS DKAR PO BTING BAS RGAN PA'I MTHAR BZHAG LA, RANG NYID 'GRENG STE, DGE 'DUN BTZUN PA RNAMS GSAN DU GSOL, BKRA SHIS KYI GTZUG LAG KHANG CHE GE MO ZHES BYA BA 'DI NA, ZHES SOGS KYIS DGE 'DUN RNAMS LA KHRIMS SU BYA BA GO BAR BYA'O, ,DE NAS DE LAS GZHAN PA'I DGE SLONG DGE 'DUN GYI GNAS BRTAN LTA BU ZHIG GIS, TSUL SHING BLANG BA DANG, GNAS PAR KHAS BLANG BA'I PHYIR GSOL BA 'BA' ZHIG PA'I LAS BYA'O, ,DE NAS TSUL SHING 'BRIM PA POS DANG POR STON PA'I TSUL SHING GCIG BLANGS TE, DE NAS DGE 'DUN GYI GNAS BRTAN SOGS DGE SLONG RNAMS RANG RANG GI STAN LAS PHYED 'PHAGS PA PUS MO BTZUGS
PA'I SPYOD LAM GYIS TSUL SHING BLANG BAR BYA'O, ,DGE SLONG RNAMS LA TSUL SHING BRIMS PA'I MJUG TU DGE TSUL RNAMS KYI TSUL SHING NI RANG RANG GI MKHAN PO DANG SLOB DPON DAG GI BLANG ZHING, MJUG TU GTZUG LAG KHANG GI SRUNG MA DANG, GZHI BDAG DANG, LHA MO CHEN MO 'PHROG MA LA SOGS PA'I TSUL SHING YANG BRIMS LA, TSUL SHING SDUD PA NA THAMS CAD KYIS DAL BUS GZHAG PAR BYA'O, ,BSDUS PA'I 'OG TU 'BRIM PA POS 'GRENG NAS THAL MO SBYAR TE, DGE 'DUN BTZUN PA RNAMS GSAN DU GSOL, BKRA SHIS KYI GTZUG LAG KHANG CHE GE MO ZHES BYA BA 'DIR DBYAR GNAS PAR ZHAL GYIS BZHES PA'I DGE SLONG 'DI SNYED KYIS TSUL SHING BZHES SO, ,DGE TSUL YANG 'DI SNYED KYIS TSUL SHING BZHES SO ZHES GO BAR BYA'O, ,DE NAS GRAL NA GNAS PA THAMS CAD KYIS, LEGS PAR BZHES SO, ,SHIN TU BZHES SO, ,ZHES BRJOD DO,, GNYIS PA DNGOS GZHI LA GNAS KHANG DE DAG SO SO'AM GTZUG LAG KHANG GI LCAGS DANG LDE MIG BLANGS PAS DGE 'DUN GYI GNAS BRTAN NAS BZUNG STE DGE SLONG RE RE BZHIN GYI MDUN DU 'DUG NAS, DBYAR TSUL DANG MTHUN PAR GTZUG LAG KHANG 'DI LA LONGS SPYOD CIG CES GNAS KHANG BSTAB, DE'I 'OG TU GDAN CHA BSTABS LA, DBYAR GDAN CHA 'DI LA TSUL DANG MTHUN PAR LONGS SPYOD CIG CES BRJOD DO,, GSUM PA MJUG GI CHO GA NI, GNAS MAL STOB PA POS, KHYED CAG LAS SUS KYANG GNAS MAL LA GDING BA MED PAR LONGS SPYAD PAR MI BYA, GDING BA RUNG BA MA YIN PAS LONGS SPYAD PAR MI BYA, GDING BA DRI MA CAN GYIS LONGS SPYAD PAR MI BYA, ZHES
, ,BRJOD NAS, DE'I RJES SU, DGE 'DUN, SBYIN BDAG CHE GE MO DANG, ZHAL TA BA CHE GE MO DANG, SPYOD YUL GYI GRONG CHE GE MO DANG, NAD G-YOG PA CHE GE MOS SANG DBYAR GNAS PAR ZHAL GYIS BZHES PAR 'GYUR RO, ,ZHES BRJOD, DNGOS GZHI NI, TSES BCU DRUG GI THOG MAR STENG G-YOGS PA'I GNAS SU, YUL DGE SLONG GI MDUN DU, GNAS BRTAN NAM TSE DANG LDAN PA DGONGS SU GSOL, BDAG MING 'DI ZHES BGYI BA MTSAMS KYI NANG DANG BCAS PA'I GNAS 'DIR ZHES SOGS SNGAGS TSIG LAN GSUM BRJOD PAS KHAS BLANG BAR BYA'O, ,'DI'I SKABS KYI BSLAB BYA NI, DBYAR ZLA 'BRING PO'I BCO LNGA'AM, DBYAR ZLA THA CHUNG GI BCO LNGA GANG RUNG GI NYIN GSO SBYONG BYAS TE, DBYAR GNAS PA'I SBYOR BA'I CHO GA GNAS MAL STOB PA SOGS TSUL BZHIN MA BYAS PAR DE'I TSES BCU DRUG GI NANG PAR DGE SLONG GI MDUN DU DBYAR GNAS PA'I CHO GAS KHAS BLANGS PA DANG, GANG NA DGE SLONG DANG SGO GLEGS GNYIS KA'AM GANG RUNG MED PAR KHAS BLANGS PA DANG, DBYAR GNAS PAR KHAS BLANGS NAS MTSAMS KYI PHYI ROL TU 'GRO BA NA DBYAR BYIN GYIS MA BRLABS PAR PHYIN PA DANG, ZAS DANG SMAN LA SOGS PA MED PAS 'TSO MI NUS PA DANG SROG GI BAR CHAD DANG LDAN PA DANG DER GNAS NA DGE 'DUN BYE BAR 'GYUR BA SOGS SU KHAS BLANGS PA DANG, MDO SDE 'DZIN PA SOGS BSHES GNYEN KHYAD PAR CAN YOD PA'I GNAS SU KHAS BLANG DU YOD BZHIN DU GZHAN DU KHAS BLANGS PA DANG, SDIG GROGS YOD PA'I GNAS SU KHAS BLANGS PA DANG, DBYAR GNAS GCIG TU GNAS PAR DAM BCAS NAS CHOS LDAN GYI DGOS
PA LHAG PO MED PAR DE LAS GZHAN DU KHAS BLANGS PA RNAMS LA NYES BYAS SO,, GSUM PA DGAG DBYE'I SGO NAS BSLAB PA YONGS SU SBYONG BA'I TSUL LA THOG MAR SBYOR BA NI, GTZUG LAG KHANG BRGYAN PA, MCHOD RTEN RAL BA DANG GRUM PA GSO BA SOGS DBYAR KHAS LEN GYI SKABS BZHIN BYAS LA, TSES BCU BZHI LA SENG GE'I KHRI BSHAMS SHING, DGE SLONG MDO SDE DANG 'DUL BA DANG MA MO 'DZIN PA DAG GIS DGE 'DUN TSOGS PA LA CHOS DANG LDAN PA'I GTAM GTAN LA DBAB PAS MTSAN 'DA' BAR BYA'O,, DNGOS GZHI LA DE'I SANG BCO LNGA'I NYIN SNGA BAR DGAG DBYE BYED PA SPRO BAR BYAS NAS, GSOL GNYIS KYI LAS KYIS BSKO ZHING, DGE 'DUN MANGS PAS GCIG GIS MI NUS NA DGAG DBYE BYED PA DU MA CIG CAR BSKO'O, ,DE NAS DGAG DBYE BYA BA'I PHYIR DGE 'DUN GYI GNAS BRTAN LTA BUS DGE 'DUN THUGS BSTUN PA GSOL BA'I LAS BYAS LA, DE NAS DGAG DBYE BYED PAS DGE SLONG RNAMS LA RTZVA DAR SBA NA'I 'JAG MA BRIM PAR BYA'O, ,DE NAS DGAG DBYE BYED PA DE DAG GI MDUN DU DGE 'DUN RNAMS KYIS, TSE DANG LDAN PA DGONGS SU GSOL, DENG DGE 'DUN GYI DGAG DBYE BCO LNGA PA LAGS TE ZHES SOGS SNGAGS TSIG LAN GSUM BZLAS PAS DGAG DBYE BYA ZHING, DE NAS THABS LEGS BYA'O, MJUG JI LTAR BYA BA NI, DGAG DBYE BYAS ZIN PA LA DGAG DBYE BYED PA POS KHAS LEN GYI SKABS BZHIN, DGE SLONG DANG, DGE TSUL 'DI SNYED KYIS DGAG DBYE MDZAD DO, ,ZHES GO BAR BYA ZHING DGE 'DUN THAMS CAD KYIS KYANG, LEGS PAR DGAG DBYE MDZAD DO, ,SHIN TU DGAG DBYE MDZAD DO, ,ZHES
, ,BRJOD, DE NAS DGAG DBYE BYED PA POS RANG GI RDZAS KHAB YAN CHAD KYIS RDZAS KYI DGAG DBYE BRTZAM PAR BYA ZHING, DE NAS GZHAN MA RNAMS KYI DBYAR RNYED KYANG BSDUS LA RDZAS KYI DGAG DBYE BYA'O, ,DGAG DBYE'I SKABS KYI BSLAB BYA MDOR BSDUS NI, DBYAR GNAS PAR KHAS BLANGS PA RAL MA RAL GANG YIN YANG DGAG DBYE MA BYAS PA DANG, DGAG DBYE LA ZLA BA PHYED DANG, ZHAG BDUN LAS MA LUS PA NAS BRTZAMS TE, DGAG DBYE LA 'DUS PA TSUN CHOD DU DGE SLONG NANG ZHE 'GRAS PA DAG PHAN TSUN BZOD GSOL MA BYAS PAR DGAG DBYE BYAS PA DANG, DE'I TSE ZHE 'GRAS PA DANG BCAS PA LA BZOD PA GSOL BA DANG, DGE 'DUN THAMS CAD PHAN TSUN PHYAG LA SOGS PAS DGA' BAR MA BYAS PA DANG, DGAG DBYE DANG, GZHAN GYIS TSE NA'ANG 'KHON 'DZIN MA SPANGS PA DANG, SNYING THAG PA NAS BZOD PA MA GSOL BA DANG, BZOD PA GSOL BA'I TSE THOG MAR BZOD PA LEN PA'I BSHAD SBYANGS BYED DU MA BCUG PAR GYA TSOM DU BZOD PA GSOL BA SOGS LA NYES BYAS SO, ,'DIR BKOD PA'I DBYAR KHAS LEN DANG DGAG DBYE BYA BA'I TSUL SOGS NI DBYAR SNGA PHYI GANG YIN YANG ZLA BA GSUM RDZOGS PA GZHIR BZHAG TU BYAS PA YIN ZHING, CHOS LDAN GYI DGOS PA KHYAD PAR CAN LA BRTEN NAS GSO SBYONG GSUM NGO MTHONG DU DBYAR KHAS BLANGS TE GRO ZHUN ZLA BA'I MAR NGO'I GSO SBYONG DANG BSTUN NAS DGAG DBYE BCU BZHI PA MDZAD PA DANG, DBYAR PHYI MA KHAS BLANGS TE KHRUMS ZLA'I MAR NGO'I GSO SBYONG BCO LNGA PA DANG BSTUN NAS DGAG DBYE MDZAD PA DA LTA PHYAG BZHES LA YOD CING, GZHI GSUM
GA'I CHO GA'I SPROS PA SOGS NI KARMA SHA TAm DANG, DE'I t'IKKA BU STON THAMS CAD MKHYEN PAS MDZAD PA DANG, DE'I DGONGS 'GREL 'DUL 'DZIN GRAGS PA RGYAL MTSAN GYIS MDZAD PA'I GZHI GSUM GYI CHO GA SOGS LAS SHES DGOS SO, ,GZHAN YANG GOS GZHI'I SKABS NAS 'BYUNG BA'I BSLAB BYA SKA RAGS SOGS KYI KHA TSAR MA BCAD PA DANG, CHOS GOS GSUM BYIN RLABS 'CHAGS PA YOD CING, GZHAN MED PA'I TSE DE NYID BYIN GYIS MA BRLABS PAR BZHAG STE ZHAG 'DAS PA DANG, KHYIM PA'I GNAS MAL PHAL CHER NYAMS PA DANG, DGE 'DUN GYI RTZVA'I STAN MA GTOGS PA'I GNAS MAL LA GDING BA'AM GOS KYIS MA BSKYABS PAR LONGS SPYAD PA DANG, DBYAR GNAS PA LAS GYUR PA DANG CHOS KYI RNYED PA SOGS MI DBANG BZHIN DU BLANGS PA DANG, SBYIN BDAG GI BSOD NAMS SPEL BA'I PHYIR DRI GTZANG KHANG DU DANG POR 'JUG PA SOGS KYI TSE BKA' NAS 'BYUNG BA'I TSIGS BCAD MA BRJOD PA DANG, RANG LA SBYIN BDAG DAD PA CAN GYIS DAD PA'I DBANG GIS YANG YANG 'BUL BA'I TSE DE'I DAD PA SPEL BA'I PHYIR DU MA BLANGS PA DANG, DKON MCHOG GI DON DU BLANG DGOS PA'I TSE MA BLANGS PA LA NYES BYAS SU 'GYUR BA SOGS DU MA ZHIG DANG, KO LPAGS KYI GZHI LAS GSUNGS PA'I MTHA' 'KHOB TU RKANG PA BSKYAB PA DANG, GNAS MAL BSKYAB PA'I PHYIR MCHIL LHAM BCANG DGOS PA MA BCANGS PA DANG, GSER DNGUL GYIS SPRAS PA SOGS KHA DOG DANG DBYIBS MI RUNG BA DANG, KROG KROG ZER BA DANG, YU BA RIL KO LPAGS LAS BYAS PA DANG, STAG DANG GUNG SOGS SDER MO CAN DANG MCHE BA CAN GYI KO LPAGS KYI
, ,GOS DANG, MIG LA PHAN PA'I PHYIR SOGS MA YIN PAR DOM LPAGS 'CHANG BA SOGS LA NYES BYAS SO, ,SMAN GZHI'I SKABS LAS GSUNGS PA NI, SMAN RNAM PA BZHI BSTEN DGOS PA'I TSE MA BSTEN PA DANG, PHYI MA GSUM BYIN GYIS BRLAB DGOS PA'I TSE MA BRLABS PA DANG, RANG GI NAD SOS NAS GZHAN PA LA STER DGOS PA'I TSE MA BYIN PA DANG, SLONG BA PO MED NA DGE 'DUN GYI SMAN KHANG DU MA BZHAG PA DANG, SHA'I SMAN GZHAN LA SLONG DGOS PA'I TSE DGE BSNYEN DAD PA CAN SOGS BSHAN PA'I LAG NAS LEN DU MA BCUG PA DANG, GZHANG 'BRUM SOGS RANG DANG ZHE 'GRAS PA'I SMAN PA LA DPYAD BYED DU BCUG PA DANG, SBYIN BDAG SOGS KYI RANG GI PHYIR BSNGOS SHA BYAS PAR MTHONG THOS DOGS GSUM GANG RUNG GI SGO NAS SHES PA SOGS DANG, RMIG PA GCIG PA DANG BYA MI SHA ZA BA'I SHA DANG, KHYI DANG SBRUL DANG BYI BA LA SOGS PA'I SHA NGO BO'I SGO NAS MI RUNG BA NAD LA PHAN PA'I PHYIR SOGS MA YIN PAR ZOS PA DANG, SHA'I BYIN LEN STOB PA NA, BCAD PA LAS BYUNG BA MA YIN NAM ZHES MA BRJOD PA DANG, SMAN GYI PHYIR SGOG PA BSTEN PA NA SGOG SKYA ZHAG BDUN, KUN DONG ZHAG GSUM, KE'U ZHAG GCIG TU SGOG MTSAMS MA BYAS PAR DGE 'DUN GYI NANG DANG DKON MCHOG GI PHO BRANG SOGS SU ZHUGS PA RNAMS LA NYES BYAS SO, ,DE BZHIN DU NAD PA MA YIN PAS MCHIL LHAM GYON BZHIN DU BZA' BTUNG LA LONGS SPYAD PA DANG, DES MTSON NAS DES PHAN PA'I NAD CAN MA YIN PAR SGREN MO DANG, BLA GOS DANG MTHANG GOS GNYIS KA MA BGOS PAR BZA' BTUNG BA LA LONGS SPYAD PA DANG, NAD PAS KYANG
NUS BZHIN DU SHAM THABS DANG CHOS GOS STENG MA MA BGOS PAR BZA' BTUNG LA LONGS SPYAD PA DANG, BZA' BTUNG GIS BSKRES SKOM GYI NAD SEL BA'I PHYIR RANG LA NAD PA DANG BZA' BTUNG LA SMAN GYI 'DU SHES MA BZHAG PA DANG, DE BZHIN DU ZAS LA LONGS SPYOD PA'I TSE GNYEN POR GSUNGS PA'I 'DU SHES BCU MA BZHAG PAR ZAS LA LONGS SPYAD PA DANG, CAG SGRA DANG, HUB SGRA SOGS DANG BCAS TE LONGS SPYAD PA DANG, ZAS KYI MTHAR BSNGO BA DANG YON BSHAD BYED PA NA KLU'I RGYAL PO DGA' BO DANG NYE DGA' GNYIS KYI MING NAS SMOS TE BSNGO BA MA BYAS PA DANG, SKYE BO MANG PO 'DU ZHING 'GRIM PA'I GNAS MAL DANG LJON SHING SOGS KYI DRUNG DU BSHANG GCI SOGS BYAS PA DANG, KHRUD CHU SOGS PHO BA DANG, BSHANG GCI'I GNAS SU BSHANG GCI DANG LUD PA SOGS 'DOR BA'I TSE SE GOL GYI SGRA MA BYAS PA DANG, DE'I TSE GOS RDZE BA SOGS LA DRAN SHES MA BSTEN PA SOGS BSHANG GCI 'DOR BA'I TSUL GYI BSLAB BYA RNAMS DANG 'GAL BA DANG, BSHANG GCI'I GNAS NGES PA CAN YOD BZHIN DU GNAS KHANG LA SOGS PA'I PHYOGS SU DE DAG BYAS PA RNAMS LA NYES BYAS SO, ,LAS GZHI'I SKABS KYI BSLAB BYA NI, NGAL GSO BA SOGS KYI GNAS SU RANG DANG ZHE 'KHON PA DANG LHAN CIG 'DUG 'GRENG BYED PA DANG, BCOM LDAN 'DAS KYIS MNGON MTHO NGES LEGS KYI GEGS SU GSUNGS PA LA GEGS MA YIN PAR SMRA BA DANG, GEGS MA YIN PA LAM DNGOS DANG MTHUN RKYEN DU GSUNGS PA LA GEGS SU SMRA BA DANG, CHOS DANG 'DUL BA'I SKABS SU CHOS DANG 'DUL BA MA YIN PA DAG SGROG PA DANG, SKUR BA 'DEBS PA'I BKRA MI
, ,SHIS PA DANG, DGE 'DUN MI BDE BA DANG, YAMS DANG, SER BA DANG, CHOM RKUN DANG, DMAG DANG, RLUNG LA SOGS PA PHYI ROL GYI BKRA MI SHES PA DAG BYUNG BA MTHONG BA NA, DE DAG ZHI BA'I PHYIR BKRA SHIS KYI GSO SBYONG DANG, RIMS NYIN BZHI PA SOGS RIMS DANG YAMS LA SOGS PA'I GNOD PA BZLOG PA'I PHYIR GSO SBYONG MA BYAS PA RNAMS LA NYES BYAS SO, ,GNAS MAL GYI GZHI'I SKABS KYI BSLAB BYA MDOR BSDUS NI, DMIGS GSAL GSUNGS PA MA GTOGS RANG DANG BSLAB PA DANG MTSAN MTHUN PA RNAMS LA BSLAB GRAL DANG BSLAB PHYAG SOGS MA BYAS PA DANG, PHAM PA 'CHAB BCAS KYIS NYAMS PA DANG, MTSAMS MED BYAS PA SOGS DANG, RANG CHOS PHYOGS SU GNAS PA'I TSE CHOS MA YIN PA'I PHYOGS SU SONG BA RNAMS DANG LHAN CIG NYAL BA DANG, GCER BU DANG, GOS GCIG PA DANG, RANG DANG ZHES 'GRAS PA DANG, MUN KHROD NA GNAS PA RNAMS DNGOS SU PHYAG BYAS PA DANG, MUN KHROD NA GNAS PA'I MKHAN SLOB SOGS PHYAG BYA BAR 'OS PA LA, PHYAG 'TSAL LO ZHES MA BRJOD PA DANG, RANG SBAGS PA DANG, GCER BU DANG, GOS GCIG PAS GZHAN LA PHYAG BYAS PA DANG, GZHAN GYI PHYAG BDAG GIR BYAS PA DANG, PHYAG BTZAL BA DANG DU BLANG BAR 'OS PAS RANG LA PHYAG BSTABS PA NA AA ROG ZHES MA BRJOD PA DANG, RANG DANG RANG GI BLA MA SOGS LA SBRID PA BYUNG BA'I TSE, PHYAG 'TSAL LO ZHES MA BRJOD PA SOGS DANG, STON PA SANGS RGYAS LA, BDAG CAG GI STON PA ZHES PA LTA BU'I NYE TSIG DANG BRAL BAR DE'I MTSAN NAS BRJOD PA DANG, RANG LAS BSLAB PA RGAN PA
LA; GNAS BRTAN DANG, GZHON PA LA, TSE DANG LDAN PA SOGS BRJOD 'OS PA MA BRJOD PA DANG, GTZUG LAG KHANG NA GNAS PA NA DE BCOS DGOS PA'I TSE YAL BAR DOR BA DANG, DE NAS GZHAN DU 'GRO BA'I TSE SGO GCAD DGOS PA MA BCAD PA DANG, SRUNG MA GZHAG DGOS PA'I TSE MA BZHAG PA DANG, DE LA ZAS MED PA'I TSE MA BYIN PA DANG, MCHOD RTEN DANG SKU GSUNG THUGS KYI RTEN BZO MA RDZOGS SHING 'PHRO BRTZAMS PA BSKYUD PA'I PHYIR BSHIG PA DANG, SKYES RABS SOGS KYI RI MO DANG, BKA' DANG DE'I DGONGS 'GREL GYI BSTAN BCOS KYI YI GE SOGS RNYING PA BRJE BA NA SNGA MA LAS GZHAN 'BRI BA DANG, RI MO DANG BCAS PA'I GTZUG LAG KHANG DU ME DU BA DANG BCAS PA BTANG BA DANG, GZHI ZHAL BA SOGS KYIS 'JAM POR BYAS PA LA ME 'BUD PA SOGS KYIS MA RUNG BAR BYAS PA DANG, PHYAG BDAR SOGS BYAS PA'I RJES SU KHRUS MA BYAS PA DANG, STAN GZHAN LOD CING SHIN TU DOG PA SOGS KYI DGAG BYA MED NA BSNYEN PAR MA RDZOGS PA DANG, KHYIM PA DANG, MA NING SOGS DANG, BSLAB PA BYIN PA DANG, THA DAD DU GNAS PA RNAMS DANG STAN GCIG LA 'DUG PA DANG, MKHAN SLOB DANG STAN GCIG TU 'DUG PA'I TSE GUS PA DANG BCAS PA'I SEMS NYE BAR MA BZHAG PA DANG, MCHOD RTEN LA 'PHRENG BA DANG BA DAN SOGS 'BUL BA'I TSE RKANG PA BKRU BA DANG, DRIS BYUG PA DANG, RAS LA SOGS PAS MA DKRIS PAR 'DZEGS PA DANG, 'DZEG PA NA YANG STON PA'I 'DU SHES DANG, DGOS DON KHYAD PAR CAN DRAN PA'I SGO NAS 'DZEG PA DANG 'DZEG TU MA BCUG PA DANG, SANGS RGYAS MCHOD PA SOGS LA GLU DBYANGS DANG
, ,ROL MO'I SGRA LA SOGS PA DUS MA DRAN PAR BYED DU BCUG PA SOGS LA NYES BYAS SO, ,'O NA SANGS RGYAS MCHOD PA SOGS LA ROL MO'I SGRA SOGS BYED DU 'JUG PA JI LTAR BRJOD PAR BYA ZHE NA, SUM BRGYA PA LAS, MCHOD PA'I DON DU'ANG ROL MO'I SGRA DANG NI, ,GLU BYOS ZHES NI MI BRJOD 'ON KYANG NI, ,LHA DANG LHA MIN DBANG POS ZHABS RDUL GTUGS, ,SANGS RGYAS LA NI MCHOD PA BYOS ZHES BRJOD, ,CES PA LTA BUS SO, ,DE LTAR SNGAR BSHAD PA'I BSLAB PA'I GZHI RNAMS LTUNG MED DU 'GYUR TSUL LA BZHI LAS, DNGOS GZHI LA DGONGS NAS LTUNG MED TU GSUNGS PA NI LUNG LAS, NYUNG NGU NYUNG NGU NAS BRKUS NA LTUNG MED DU GSUNGS PA LTA BU STE, RIN THANG MA TSANG BAS PHAM PA'I DNGOS GZHI MI SKYED PA LA DGONGS SO, ,LTUNG BA RNAM GZHAG LA DGONGS NAS LTUNG MED DU GSUNGS PA NI, GOS SLONG BA'I SKABS SU KHA DOG DANG, RIN DANG, KHRU TSAD SOGS GANG BSLANGS PA LA RANG GIS SLONG BAR BRTZAMS PA DE LAS MA BSAMS PA GZHAN THOB PA LA LTUNG MED DU GSUNGS PA LTA BU'O, ,SKABS DER GTOGS KYI LTUNG BA MED PA LA DGONGS NAS LTUNG MED DU GSUNGS PA NI, GZHI MI RUNG BA RTZOD PA DANG BCAS PA SOGS KYI STENG DU SPYOD LAM BZHI SHONG BA TZAM GYI KHANG PA DANG KHANG CHEN RTZIG PA LA LTUNG MED DU GSUNGS PA LTA BU'O, ,LTUNG BA GTAN MED LA DGONGS NAS LTUNG MED DU GSUNGS PA LA RANG BZHIN DANG BCAS PA MTHA' DAG GI LTUNG BA MED PA DANG, BCAS PA 'BA' ZHIG GI LTUNG MED GNYIS LAS, DANG PO NI, BSLAB PA MA BCAS PA'I SKABS KYI DGE SLONG SOGS LA LTUNG MED DU GSUNGS PA
DANG, SMYO BA SOGS SHES PA RANG BZHIN DU MI GNAS PA RNAMS LA SHES PA RANG BZHIN DU GNAS PA YAN LAG TU DGOS PA'I BCAS PA RNAMS LAS 'DAS KYANG LTUNG MED DU GSUNGS PA LTA BU'O, ,BCAS PA 'BA' ZHIG GI LTUNG MED NI SROG GI BAR CHAD DANG LDAN PA LTA BU'I TSE CHANG DANG MI'I SHA MA GTOGS PA'I BCAS RKYANG MTHA' DAG SROG GI BAR CHAD SPANG BA'I PHYIR, NAD PA NI BCAS PA MTHA' DAG GIS BSKYANG NGO ZHES GSUNGS PA LTA BU'O, ,'DI DAG NI CHE LONG TZAM ZHIG BRJOD PA STE, ZHIB PAR MDO RTZA BA RTZA 'GROL SOGS LAS SHES PAR BYA'O,, GSUM PA NYAMS NA PHYIR BCOS PA'I THABS NI, PHAM PA 'CHAB BCAS BYUNG NA TSE 'DIR BCOS SU MI RUNG LA, 'CHAB MED YIN NA TSE DE LA PHYIR MI 'ONG GI 'BRAS BU THOB KYANG DGRA BCOM PA MA THOB NA DGE 'DUN LAS BSLAB PA SPYOD PA'I CHO GA MNOS NAS PHAM PAS MA GOS PA'I DGE SLONG KUN GYI GRAL MJUG TU JI SRID 'TSO'I BAR DU GNAS DGOS SO, ,SPANG LTUNG YAN CHAD KYI LTUNG BA RNAMS DANG, PHAM LHAG GI CHAR GTOGS PA'I SBOM PO DANG, NYES BYAS BCABS PA RNAMS LA THOG MAR BCABS NYES PHYIR BCOS NAS DE RJES DNGOS GZHI PHYIR BCOS BYED PA YIN ZHING, SPANG LTUNG RNAMS NI GANG LTUNG BA BYUNG BA'I DNGOS PO DE YUL DGE SLONG CHOS BCU LDAN LA ZHAG GCIG TU SPANGS PA'I RJES SU DNGOS GZHI PHYIR BCOS BYED LA, BYIN PHROGS DANG LHUNG BZED 'TSOL BA'I PHYOGS GCIG NI GTAN DU SPANG ZHING, 'BA' ZHIG PA RNAMS DANG, NYES BYAS RNAMS NI LTUNG BA DE DANG DES MA GOS PA'I DGE SLONG GI MDUN DU BSHAGS PA DANG, BSDAM BYA RNAMS LA SDOM SEMS
, ,DRAG PO BYA STE, ZHIB PAR 'DUL BA'I SDE SNOD LAS KHONG DU CHUD PAR BYA'O,, BU RAM SHING PA'I GANGS RI LAS 'ONGS 'BUM PHRAG CHU KLUNG KUN NAS 'KHYIL BA SDE BZHI'I LUNG GI YID BZHIN MTSO, ,DGAG BSGRUB BSLAB PA'I RLABS KYIS RAB 'KHRIGS TSUL 'CHAL RNYOG PA'I DRI MA DAG BYED YAN LAG BRGYAD LDAN BDUD RTZI'I GTER, ,PHAN DANG BDE BA'I RIN CHEN GYIS GANG THAR 'DOD NGUR MO KUN GYI 'JUG NGOGS MKHAS GRUB KLU DBANG TSOGS KYIS BSTEN, ,SNGON RABS 'DUL 'DZIN DED DPON GYIS BZUNG MKHAS RLOM TSOGS KYIS BRGAL BAR DKA' BA 'DOD DGUR DBANG BYED GZHAN NA GANG, ,RGYAL BA'I LUNG GI BSTAN PA SDE SNOD GSUM, ,DE PHYIR RTOGS PA'I BSTAN PA'ANG BSLAB PA GSUM, ,SDE SNOD GSUM 'DZIN BSLAB PA GSUM SPYOD PA,, DE DANG DRANG SRONG CHEN PO'I RJES SU ZHUGS, ,YON TAN LO THOG MA LUS SKYED PA'I GZHI, ,RNAM DAG TSUL KHRIMS ZHING SA YAL BOR NAS, ,SKU GSUM 'BRAS BU'I PHUN TSOGS DON GNYER BA, ,DE DAG CHU 'DOD SMIG RGYU'I RJES SNYEG BZHIN, ,GANGS RI'I PHRENG BAS YONGS BSKOR 'DZIN MA'I GZHI, ,BSLAB GSUM 'OD KYIS CIG CAR KHYAB MDZAD PA, ,JO BO YAB SRAS MDZAD PA'I RJES ZHUGS NAS, ,TSUL KHRIMS BSLAB PA'I NYAMS LEN GSAL BAR BYAS, ,DE LAS DUNG DANG ZLA 'OD KUN DA LTAR, ,DKAR BA'I DGE BA GANG ZHIG BSAGS PA DES, ,'GRO BA KUN KYANG NYE BAR 'KHOR LTA BUR, ,RNAM DAG BSLAB PA'I GNAS LA SPYOD GYUR CIG ,DE LAS ZAB DANG RGYA CHE'I TING 'DZIN DANG, ,RLABS CHEN THABS DANG ZUNG DU 'BREL BA YI, ,SHES RAB KYIS BSDUS
RGYAL SRAS SPYOD PA'I GNAS, ,MYUR DU MTHAR PHYIN THAMS CAD MKHYEN THOB SHOG, ,,DGE SLONG GI BSLAB BYA GO SLA BAR BRJOD PA LAG LEN GSAL BA'I SGRON ME ZHES BYA BA 'DI NI SKU RAB NAS MI'I DBANG PO KUN SPANGS PA CHEN PO TSE DBANG BSTAN PA'I RGYAL MTSAN GYIS, DGE SLONG GI BSLAB BYA GO SLA ZHING GZHI GSUM GYI PHYAG LEN BYED TSUL SOGS GSAL BAR BKOD PA ZHIG GYIS SHIG CES BKAS BSKUL BA LA BRTEN NAS BKA' GDAMS KYI BTZUN PA DGE 'DUN RGYA MTSO'I DPAL GYIS MGO'I ZLA BA'I BZANG PO DANG PO'I TSES LA CHOS 'KHOR RGYAL BKRA SHIS LHUN GYIS GRUB PA'I GTZUG LAG KHANG DU GRUB PAR BGYIS PA'I YI GE PA NI GZHON NU CHOS KYI DPAL 'BYOR LEGS KYIS BGYIS PA 'DIS KYANG RGYAL BA'I BSTAN PA DAR ZHING RGYAS LA YUN RING DU GNAS PAR GYUR CIG, ,,SHU BHAm, MANGGA LAm,, ,,